کتب خانہGranth 20 (Urdu)

۱۸ مگھّر شہنشاہی سمت ۲ درشن سِنگھ رجِندر سِنگھ پیارے لال دے گرِہ پِنڈ دُسانجھ خُرد

بھگت جھُگی کہے میری بدل دے ریکھا، رِکھیاں مُنیاں دا ناتا دیواں تجائیا۔ تیرا میِت مُرارا اِکو ویکھاں، جِس اندر تیرا نوُر نظری آئیا۔ رہے نہ کوئی بُھلیکھا، بھانڈا بھرم بھنائیا۔ تُوں مالک نر نریشا، نر نرائن تیری سرنائیا۔ کُچھ لہنا دینا چُکا دس دسمیشا، گوبِند منگ منگائیا۔ سچ پیار دی قبوُل کر بھیٹا، بِھٹڑ ہو نہ مُکھ بھوائیا۔ مَیں تیرا اگمّی نوُر نِرالا دیکھاں، بِن اکّھاں اکّھ کُھلائیا۔ ناتا تُٹ جائے مُلّا شیخاں، دستگیِر اِکو نظری آئیا۔ جوتی جوت سروُپ ہرِ، آپ اپنی کِرپا کر، بھگت سُہیلا دے مِلائیا۔ بھگتاں نال جوڑ ناتا، ناتواں ہو کے دیاں

دُہائیا۔ دیِن دُنی وٹے )پاسا(، سنگی جان تجائیا۔ تیرا کھیل ویکھاں پُرکھ ابناشا، ابناشی کرتے پڑدا دینا اُٹھائیا۔ گُر اوتار پَیغمبر شبد اگمّی کرن باتاں، بھیو ابھیدا رہیا کُھلائیا۔ کلجُگ رَین اندھیری راتا، نوُری چند نہ کوئے چمکائیا ۔ انت اَخیِری پوُریاں کر آسا، آہستہ آہستہ ویلا گیا آئیا۔ دیِن دَیال تیرے اُتے بھرواسا، پُرکھ اکال دے وڈیائیا۔ تیرا گرِہ مندر ویکھاں ساچا، جِس گھر وجےّ اِک ودھائیا۔ جوتی جوت سروُپ ہرِ، آپ اپنی کِرپا کر، ساچا میلا دینا مِلائیا۔ ساچا میل مِلاؤنا آپ، اپنی دَیا کمائیا۔ کوٹ جنم دے میٹ کے پاپ، دُرمت مَیل دھوائیا۔ درس دِکھاؤنا ساکھیات پڑدا اوہلا نہ کوئے رکھائیا۔ امرت بوُند پیاؤنا سوانت، رس رسئیے دینا چکھائیا۔ نام نِدھان وجاؤنا ناد، انراگی راگ الاہیِا۔ نِرمل جوت کر پرکاش، کوُڑ اندھیرا دینا مِٹائیا۔ بینتی تیرے چرن کوَل پاس، دھوَل اُپر منگ منگائیا۔ لبھیاں ہتّھ نہ آویں کِسے پربھاس، ٹِلّے پربت دین دُہائیا۔ جُگ چؤکڑی جگت دی پیَندی ویکھی راس، گوپی کاہن ناچ دئیں نچائیا۔ سیِتا رام کٹدے ویکھے بن باس، بالمیک صِفتاں کردا رہیا قلم نال شاہیِا۔ بِن تیری کِرپا پوُری ہوئی نہ آس، سانتک سَت نہ کوئے کرائیا۔ انت اَخیِر بےنظیِر شاہ حقیِر در ٹھانڈے درگاہ ساچی میری اِک ارداس، عرض بینتی دِتی سُنائیا۔ مِہربان محبوُب مُحبّت وِچ دَیاکرنی آپ، جگت سُنیہڑے دی لوڑ نہ کوئے رکھائیا۔ تیرا ناؤں پُرکھ ابناش، گھٹ گھٹ رکھیں واس، ویکھنہارا سواس سواس، ساہ ساہ اپنی کھیل کرائیا۔ جوتی جوت سروُپ ہرِ، آپ اپنی کِرپا کر، میرا میلا لَینا مِلائیا۔ میل وِچ دسّ مُحبّت پیار، پیارے پریِتم اپنا رنگ رنگائیا۔ تیری سُناں اگمّ گُفتار، گُفت شنید دینا جنائیا۔ پڑدا اوہلا دے اُتار، اُتّر پوُرب پچھّم دکھّن ہوئے رُشنائیا۔ جُگاں دے وِچھڑے یار، مِہر نظر اِک اُٹھائیا۔ مَینوُں تیرے اُتے اِک اِعتبار، بےاعتبارا بن کے تُوں آپے پھیرا پائیا۔ دُکھاں وِچ تیرا اِظہار، سُکھاں وِچ تیری پُکار، منُکھاں وِچ دیاں سُنائیا۔ کِرپا کر پروردِگار، لوکمات دے اَدھار، ادنے اعلے ویکھ وکھائیا۔ بھگت سُہیلے سنت سجّن گُرمُکھ گُرسِکھ صوُفی کر خبردار، بےخبراں خبر سُنائیا۔ تیری منزل ویکھن اُچ منار، جِتھے نِرگُن نوُر جوت اُجیار، دیِا باتی کملاپاتی تیرا اپنا آپ سوبھا پائیا۔ منزل رہے نہ کوئے دُشوار، سطح انتر کر ہموار، بِن اکّھاں دے دیِدار، سنمُکھ ہو کے سوبھا پائیا۔ جوتی جوت سروُپ ہرِ، آپ اپنی کِرپا کر، ہرجن اپنا رنگ رنگائیا۔ جھُگی کہے بھاگ لگا جن بھگت کایا گڑھ، گڑھی چمکؤر یاد کرائیا۔ جیہڑی منگ منگی گوبِند دکھّن دِشا کھڑ، بِن آواز دِتی سُنائیا۔ اوہ پاتی پترکا بِن اکھّراں والی پڑھ، جِس دا حرف حروُف نہ کوئے

جنائیا۔ مِہربان ہو کے کِرپا کر، کِرپال تیری اِک سرنائیا۔ بھگت سُہیلے میل اپنے در، درگاہ ساچی دے وڈیائیا۔ کوُڑی کِریا جائے جھڑ، ہنگتا گڑھ دے تُڑائیا۔ نام چِلّا شبدی تیِر کمان اگمّا پھڑ، جِس نوُں ویکھے کوئے نہ جگت لوکائیا۔ آر پار آپے کر، بجر کپاٹی دے چِرائیا۔ تیرا نِشانہ نرائن نر، دو جہان نہ کوئے کھپائیا۔ پڑدے وِچوں وکھا اپنا گھر، گھرانے کوُڑے دے چُھڈائیا۔ چار کُنٹ دہ دِشا آوے ڈر، سِر ہتّھ نہ کوئے ٹِکائیا۔ جوتی جوت سروُپ ہرِ، آپ اپنی کِرپا کر، ہرجن ساچے لئے مِلائیا۔ گڑھی کہے مَیں کی دسّاں حالت چمکؤر، چمّ درِشٹی سمجھ کِسے نہ آئیا۔ گوبِند تکّیا نال غؤر، پُرکھ اکال اکّھ مِلائیا۔ تیرا کھیل اگمّا ہور، اوَر کا اؤر دِتا وکھائیا۔ تیرے ہتّھ اِنھاں دی ڈور، جِنہاں بھیٹا رہیا چڑھائیا۔ لگّی پریِتی نِبھاؤنی توڑ، ٹُٹی گنڈھ پوائیا۔ پُرکھ اکال تیری لوڑ، لوڑیندے سجّن آس رکھائیا۔ جوتی جوت سروُپ ہرِ، آپ اپنی کِرپا کر، اپنا بھیو دینا کُھلائیا۔ گڑھی چمکؤر کہے مَیں کی دسّاں حال، حالت وِچلی دیاں جنائیا۔ اَگوں سندیشہ دِتا پُرکھ اکال، اکل کل دھاری دِتا جنائیا۔ گوبِند میرے لال، تیرے لال اپنی گود اُٹھائیا۔ اِنھاں نال کھیل کراں کمال، کلجُگ انتم ویکھ وکھائیا۔ جِس ویلے بن کے آواں دیِن دَیال، جوتی جاتا ویس وٹائیا۔ تیری شبدی دھار رکھاں نال، جگ نیتر نظر کِسے نہ آئیا۔ سچ بنا سچّی دھرم سال، کھتری براہمن شوُدر وَیش اِکو رنگ رنگائیا۔ دے کے نام سُکھال، تُوں میرا مَیں تیرا پڑدا اوہلا اندروں دیاں چُکائیا۔ جوتی جلوہ دے جلال، نوُرو نوُر کراں رُشنائیا۔ جوتی جوت سروُپ ہرِ، آپ اپنی کِرپا کر، سِر اپنا ہتّھ ٹِکائیا۔ گڑھی کہے گوبِند دسّیا پھیر، شبد اگمّی اگمّ سُنائیا۔ کِس بِدھ کریں اپنی مِہر، محبوُب دینا جنائیا۔ کِتنی لاویں دیر، ویلا وقت کوَن اکھوائیا۔ کِس بِدھ گیڑیں گیڑ، چکّر پِھرے لوکائیا۔ لہنا دینا دئیں نبیڑ، دُھر دا حُکم ورتائیا۔ پُرکھ اکال کِہا گوبِند ہُن تَینوُں جانا پئے ندیڑ، ناتا پِچھلا دینا چُکائیا۔ کلجُگ انتم پھیر لیاواں گھیر، شبدی جوت گنڈھ پوائیا۔ گرِہ مندر گھر رکھاں نیڑ، دوُجا دھام نہ کوئے وڈیائیا۔ جوتی جوت سروُپ ہرِ، آپ اپنی کِرپا کر، بھیو ابھیدا رہیا کُھلائیا۔ گڑھی کہے گوبِند خوشی نال پیا ہسّ، واہوا تیری بےپرواہیِا۔ مَیں سب کُچھ کر کے تیرے وسّ، اپنا پلّوُ لیا چُھڈائیا۔ اَگے ندیڑ جاواں نسّ، پِچھلا پندھ چُکائیا۔ اوتھے خاک کر کے اپنی بھسّ، بھسم قسم نال بدلائیا۔ تُوں میرا مَیں تیرا گا کے جس، تیرے وِچ سمائیا۔ کِرپا کر پُرکھ سمرتھ، کی تیری بےپرواہیِا۔ کُجھ اگلا بھیو دسّ، تھوڑا سماں بہُتی منگ منگائیا۔ جوتی جوت سروُپ ہرِ، آپ اپنی کِرپا کر، لیکھا اگلا دے دِرڑائیا۔ پُرکھ اکال کِہا سُن

گوبِند، شبدی سُت دیاں جنائیا۔ پِھر مات پِتا دی ہوویں کدے نہ بِند، تت وجوُد نہ کوئے وکھائیا۔ تیرا مالک اِک مرگِند، محبوُب نوُر خُدائیا۔ جیہڑا مالک نہیں اِک ہِند، برہمنڈاں کھنڈاں دا داتا نظری آئیا۔ تیری میٹے چِند، سگلا سُکھ وکھائیا۔ بھاگ لگا کے جیِؤ پِنڈ، سمبل نگری دئے وڈیائیا۔ جوتی جوت سروُپ ہرِ، آپ اپنی کِرپا کر، سِر اپنا ہتّھ رکھائیا۔ پُرکھ اکال کِہا سُنّ اگمّی راز، بِن اکھّراں دیاں سُنائیا۔ تیرے نال مِل کے بدل دیواں سماج، کلجُگ کوُڑی کِریا ڈیرہ ڈھائیا۔ سَتجُگ سچ رِواج، رعیت اپنے نام رنگ رنگائیا۔ کِسے سیِس رہن نہ دیواں تاج، راج راجان دین دُہائیا۔ دیِن مذہب کراں لاجواب، شرع سِر نہ کوئے اُٹھائیا۔ جگت ملِے نہ کِسے حیاتِ آب، آبروُ سب دی خاک مِلائیا۔ سَت سَتوادی برہم برہمادی ہو کے کھولاں اِکو تاک، دو جہان سِری بھگوان پڑدا دیاں اُٹھائیا۔ اجّ دا پوُرا کراں واک، کوئی رہن نہ دیواں گُستاخ، بِنا بھگتاں ہوئے نہ کوئے معاف، سزا سب نوُں دیاں بُھگتائیا۔ جو کُچھ کہنا سو ہُن آکھ، گوبِند کِہا مَیں تیرے چرن کوَل داس، تُوں مالک خالق پرِتپالک آپ، پاربرہم تیرے ہتّھ وڈّی وڈیائیا۔ جوتی جوت سروُپ ہرِ، آپ اپنی کِرپا کر، دیونہارا ساچا ور، صاحب سوامی انترجامی بھگت سُہیلا اِک اَکیلا ایکنکار ہرِ نِرنکار کرنی دا کرتا قُدرت دا مالک اپنا کھیل کھِلائیا۔ گڑھی کہے مَیں کیِتی آپ نِمسکار، نِیوں کے سیِس جھُکائیا۔ واہوا تیرا ہویا دیِدار، دیِد ہوئی رُشنائیا۔ رو کے کِہا پُکار، اُچی کوُک سُنائیا۔ کُچھ بھیو دسّ سانجھے یار، در ٹھانڈے منگ منگائیا۔ جیہڑے جھوُجے نال تلوار، پھٹّ گھاؤ کھا کے خوشی منائیا۔ کِس بِدھ اِنھاں نال کریں پیار، مُحبّت کوَن جنائیا۔ گوبِند کِہا ذرا کر خیال، تَینوُں دیاں سمجھائیا۔ سدا بن دلال، وِچولا ہو کے سیو کمائیا۔ میلاں نال پُرکھ اکال، عقلاں توں پرے جِس دی پڑھائیا۔ سچکھنڈ بہاواں سچّی دھرم سال، دھرم دوارا اِکو دیاں وکھائیا۔ جِس ویلے پتپرمیشور بدلے اپنی چال، نِرگُن ہو کے ویس وٹائیا۔ اوس ویلے اِنھاں لیاواں نال، مانُکھ جنم دوائیا۔ انتر دے کے شبد گیان، برہم وِدیا اِک پڑھائیا۔ چرن پریِتی سچ دھیان، نِگاہ نِگاہ وِچوں بدلائیا۔ ناؤں رکھا کے بھگت میلاں وِچ جگت سِری بھگوان، بھاگ اگلا دیاں سُنائیا۔ جوتی جوت سروُپ ہرِ، آپ اپنی جوت دھر، نِہکلنک نرائن نر، مہاراج شیر سِنگھ وِشنوُں بھگوان، انتم لہنا دینا مُکاوے آن، پوُرب لیکھا سب دا لیکھے پائیا۔

۱۸ مگھّر شہنشاہی سمت ۲ ہربھجن سِنگھ دے گرِہ پِنڈ ڈاڈیاں ضِلع ہوشیار پُر

گڑھی چمکؤر کِہا مَیں انت سُنیا سندیش، جو پُرکھ اکال گوبِند دِتا سُنائیا۔ جِس دا لِکھیا کِسے نہ لیکھ، کاتب قلم نہ کوئے اُٹھائیا۔ بھیو پا نہ سکے برہما وِشن مہیش، شنکر سار کوئے نہ آئیا۔ سُن سکے نہ دیس پردیش، برہمنڈ کھنڈ سمجھ کِسے نہ آئیا۔ ابناشی کرتے دَیاوان ہو کے کِہا مَیں کھیل کراں سدا ہمیش، سَتجُگ تریتا دواپر کلجُگ اپنا حُکم ورتائیا۔ سچکھنڈ نِواسی پُرکھ ابناشی ہو نریش، درگاہ ساچی سوبھا پائیا۔ گُر اوتار پَیغمبراں دیواں بھیج، حُکمے اندر حُکم منائیا۔ جوتی جلوہ دے کے تیج، کایا ماٹی کراں رُشنائیا۔ نِرگُن ہو کے لَواں ویکھ، بِن اکّھاں اکّھ کُھلائیا۔ تیری سیوا دس دسمیش، دو جہاناں پوُر کرائیا۔ جِس ویلے کلجُگ انتم جوتی جاتا دھر کے آواں بھیس، کل کلکی ناؤں دھرائیا۔ سمبل وساں اگمّے دیس، جِس دی بنت سمجھ کِسے نہ آئیا۔ شبدی جوتی دھار کھیلاں کھیڈ، نِروَیر نِراکار نِرنکار ہو کے اپنی کار کمائیا۔ لبھ سکن نہ چارے وید، شاستر سِمرت نہ کوئے سمجھائیا۔ انجیل قُرآن نہ پاوے بھید، چارے بانی پڑدا نہ کوئے اُٹھائیا۔ جوتی جوت سروُپ ہرِ، آپ اپنی کِرپا کر، ساچی کرنی کار کمائیا۔ دُھر سندیشہ دے نِرنکار، نِرگُن دھار دِتا جنائیا۔ جوتی جاتا ہو اُجیار، پُرکھ بِدھاتا ہو کے کھیل کھِلائیا۔ مَیں ویکھیا تُوں وارے سُت چار، چار یاری جھوُٹھے جُگ دی جڑ پُٹائیا۔ انتم لہنا دینا دیواں نِوار، کیِتی گھال لیکھے لائیا۔ پرگٹ ہو وِچ سنسار، سنسا اگلا پِچھلا دیاں مِٹائیا۔ تیرا شبدی کر جَیکار، جوتی جلوہ کراں رُشنائیا۔ محل اٹل اُچ منار، سچ دوار دیاں سُہائیا۔ دُھر سندیشہ دے کے ایکا وار، اگمّ اتھاہ کراں پڑھائیا۔ کلجُگ انتم کر خوَار، کوُڑی کِریا دیواں ڈھائیا۔ سَتجُگ ساچا کر پیار، سَت سَتوادی حُکم سُنائیا۔ دھرنی دھرت دھوَل اُپر کر پیار، مِہربان ہو کے دیاں رکھائیا۔ چار ورن اٹھاراں برن اِک سُنا کے نام جَیکار، تُوں میرا مَیں تیرا آتم پرماتم کراں پڑھائیا۔ منزل رہے نہ کوئے دُشوار، اؤکھی گھاٹی پار کرائیا۔ صدی چؤدھویں میٹ اندھیار، نِرگُن نوُر کراں رُشنائیا۔ عیسیٰ موُسیٰ محمد جو کر کے گئے گُفتار، گُفت شنید دیاں جنائیا۔ ساچا مارگ اگمّ اپار، اپرمپر ہو کے دیاں دِرڑائیا۔ کھتری براہمن شوُدر وَیش دسّ کے اِک منار، دُھر دا مندر دیاں وکھائیا۔ جوتی جوت سروُپ ہرِ، آپ اپنی کِرپا کر، سِر تیرے ہتّھ رکھائیا۔ گوبِند کِہا میری ویکھ اگمّی گڑھی، گُرمُکھ سوہنے نظری آئیا۔ جِنہاں تیرے پریم دی پٹّی پڑھی، جگت وِدیا نہ کوئے پڑھائیا۔ سیِس قدماں اُتے ویکھے دھری،

دھرتی نالوں کرن جُدائیا۔ تُوں سچکھنڈ دوارے اِنھاں کھڑیں، درگاہ ساچی سوبھا پائیا۔ پرماتم ہو کے اِنھاں آتم وریں، وِچولا ہو کے دیاں جنائیا۔ مُحبّت وِچ پریم دی لاؤنی جھڑھی، اگنی اگّ نہ کوئے تپائیا۔ منزل حق محبوُب کھڑیں، پروردِگار دُھر درگاہیِا۔ آون جاون لکّھ چؤراسی وِچوں کرنا بری، جم کی پھاسی رہن نہ پائیا۔ میرے کولوں اینی سیوا تیری سِری ، سرہند شہادت دئے گواہیِا۔ پُرکھ اکال کِہا تیری گھال چار جُگ نالوں بڑی، گُر اوتار پَیغمبر بَیٹھے سیِس نِوائیا۔ مِہربان ہو کے مَیں بھاگ لگاواں تیرے گُرمُکھاں گھریں، گرِہ گرِہ ویکھ وکھائیا۔ جوتی جوت سروُپ ہرِ، آپ اپنی کِرپا کر، سچ کرنی کار کمائیا۔ گوبِند کِہا مَینوُں نہیں کِچھ لوڑ، خالی ہتّھ دِتے وکھائیا۔ میری پریِتی نِبھے توڑ، اپنا رنگ رنگائیا۔ گُرمُکھ ساچے لَینے جوڑ، جوڑے دُھر دے دینے وکھائیا۔ باہر کڈھنے وِچوں مڑھی گور، گہر گمبھیِر اپنے گھر وسائیا۔ تُوں کُچھ ہور نہیں مَیں کُجھ نہیں ہور، تُوں میرا مَیں تیرا تیرا نوُر میری جوت رُشنائیا۔ مَیں تیرے حُکمے اندر رہیا دؤڑ، مات لوک بھجّاں واہو داہیِا۔ تُوں صاحب سوامی انترجامی پُرکھ اکال دیِن دَیال میرے گُرمُکھاں جائیں بہُڑ، پھڑ باہوں گلے لگائیا۔ جوتی جوت سروُپ ہرِ، آپ اپنی کِرپا کر، ایکا دینا ساچا ور، نِہکلنک نرائن نر، مہاراج شیر سِنگھ وِشنوُں بھگوان، آد جُگاد جُگ چؤکڑی نِت نوِت نِرگُن سرگُن سرگُن نِرگُن تیرے ہتّھ اگمّی ڈور، شبدی تار تند نال بندھائیا۔

۱۸ مگھّر شہنشاہی سمت ۲ سنسار سِنگھ دے گرِہ پِنڈ ڈوِڈا ضِلع ہوشیار پُر

جھُگی کہے جن بھگتاں کر سنجوگ، دُھر سنجوگی دے وڈیائیا۔ وِچھوڑا جنم نہ رہے روگ، کرم دا ڈیرہ ڈھائیا۔ دے درس اِک اموگھ، سوَچّھ سروُپ نظری آئیا۔ جنم جنم دا پوُرا کر جوگ، جُگ چؤکڑی تیری آس رکھائیا۔ ساچے نام دی بخش مؤج، خوشی کایا مندر پرگٹائیا۔ آتم رس رسئیے دے بھوگ، کوُڑی واسنا باہر کڈھائیا۔ کر پرکاش نِرمل جوت، جوتی نوُر ڈگمگائیا۔ بند کِواڑی کُھلے سوت، سوئی سُرتی لےَ اُٹھائیا۔ بھاگ لگا کایا کوٹ، کنچن گڑھ سُہائیا۔ پُرکھ اکال دیِن دَیال جن بھگتاں تیری اوٹ، تیرے ہو کے تیری آس رکھائیا۔ ناتا تُٹا دیِن دُنی لوک، سرِشٹی نہ کوئے وڈیائیا۔ تُوں میرا مَیں تیرا گاون سچ سلوک، نام نِدھانا اِک دِھیائیا۔ سوامی انترجامی ہو کے کر چوج، کایا

چولی اندر بھاگ لگائیا۔ لکّھ چؤراسی وِچوں کر کے کھوج، گُرمُکھ اپنے گھر بہائیا۔ جوتی جوت سروُپ ہرِ، آپ اپنی کِرپا کر، مِہر نظر اِک اُٹھائیا۔ مِہر نظر تیری بھگوان، بھاگ سب دا دئے بدلائیا۔ گُرمُکھاں اُپر ہو مِہربان، اپنی دَیا کمائیا۔ کوُڑی کِریا میٹ جہان، جہالت اندروں دے کڈھائیا۔ اٹّھے پہر دِوس رَین تیرا نام گان، گا گا شُکر منائیا۔ نِج نیتر لوچن درشن پان، وجےّ سچ ودھائیا۔ کایا کعبہ وکھا سچ مکان، مندر اِکو نظری آئیا۔ جوتی جوت سروُپ ہرِ، آپ اپنی کِرپا کر، ساچا کھیڑا دینا وسائیا۔ ساچا کھیڑا وسے کایا بنک، گرِہ وجےّ نام ودھائیا۔ گھر سوامی ملِے کنت، ٹھاکر اپنا پھیرا پائیا۔ چولی چاڑھے رنگ بسنت، دُرمت مَیل دھوائیا۔ نام جنائے بن کے پنڈت، بودھ اگادھ سمجھائیا۔ گڑھ توڑے ہؤمے ہنگت، چرن پریِتی اِک بندھائیا۔ در ٹھانڈے تیرے مِنّت، نِیوں نِیوں سیِس جھُکائیا۔ جھگڑا تُڑا نالوں نِندک، گُرمُکھ سجّن لےَ مِلائیا۔ جوتی جوت سروُپ ہرِ، آپ اپنی کِرپا کر، سِر اپنا ہتّھ ٹِکائیا۔ سِر ہتّھ رکھ سوامی، ہرجن ساچی منگ منگائیندا۔ پاربرہم پربھ انترجامی، اِک تیری اوٹ رکھائیندا۔ تُوں میرا مَیں تیرا دسّ اگمّی بانی، سوہلا ڈھولا وِچولا اِک رکھائیندا۔ امرت رس نِجھر جھِرنا سانتک سَت دے پانی، کلجُگ کوُڑی کِریا اگن بُجھائیندا۔ سُرتی شبدی میل مِلا دُھر دا ہانی، چارے کھانی تیرا راہ تکائیندا۔ ساچی منزل دسّ آسانی، اَگے ہو نہ کوئے اٹکائیندا۔ تُوں پرم پُرکھ شاہ سُلطانی، شہنشاہ در تیرے الکھ جگائیندا۔ ہرجن ساچے در ٹھانڈے کر پروانی، پرم پُرکھ پرماتم تُدھ بِن نظر کوئے نہ آئیندا۔ مانَس جنم بِن تیری کِرپا قیِمت نہ کوئے دوانی، ماٹی خاک جگت رُلائیندا۔ جوتی جوت سروُپ ہرِ، آپ اپنی کِرپا کر، نِہکلنک نرائن نر، مہاراج شیر سِنگھ وِشنوُں بھگوان، جن بھگتاں ساچی منزل دے روُحانی، در ٹھانڈا اپنا آپ وکھائیندا۔

۱۸ مگھّر شہنشاہی سمت ۲ اجیِت سِنگھ دے گرِہ پِنڈ رہیانا کلاں ضِلع ہوشیار پُر

جن بھگت کہے مَیں تیرا بردا، بندی خانہ دے تُڑائیا۔ بھیو کُھلا اپنے گھر دا، پڑدا اوہلا دے چُکائیا۔ امرت جام پیا اگمّی سر دا، رس رسئیے دے چوائیا۔ نِت نوِت تیری آسا کردا، بھرواسا بخش سچ سرنائیا۔ سِر چرن کوَلاں دھردا، نیتر نیَناں نیِر وہائیا۔ بِرہوں وِچھوڑے اندر مردا، جیِون تیری جھولی پائیا۔ چار کُنٹ دہ دِشا تیرا سَت سروُپ لبھدا، جوتی جوت سروُپ ہرِ، آپ اپنی کِرپا کر، ایکا دینا ساچا ور،

صاحب سَتگُر سِر میرے ہتّھ رکھائیا۔ جن بھگت کہے پربھ تیری اِکو آس، دوُجا نظر کوئے نہ آئیا۔ جنم جنم دی ترِشنا بُجھا پیاس، اگنی اگّ دے بُجھائیا۔ آتم ہو کے پرماتم ہو کے نِرگُن نِرگُن دے ساتھ، سگلا سنگ آپ ہو جائیا۔ جگ جیِون داتے پُرکھ بِدھاتے ساچی منزل دسّ اپنا گھاٹ، تٹ کِنار ایکنکار اِکو دینا وکھائیا۔ جِتھے گُر اوتار پَیغمبر کھڑے جوڑ کے ہاتھ، سچ دوارے خالی جھولی اپنی ڈاہیِا۔ اوہ منڈل تیرا نِرنکار ویکھنا خاص، جِتھے خالص گُرمُکھ سوبھا پائیا۔ نہ کوئی گوپیِاں والی راس، نہ کوئی کاہن ناچ نچائیا۔ نہ کوئی سیِتا رام والا بنباس، جنگل جوُہ اُجاڑ نہ کوئے بھوائیا۔ نہ کوئی سنساری وِدیا والی تلاش، اکھّر ونڈ نہ کوئے ونڈائیا۔ نہ کوئی پربت دِسے کَیلاش، سِنگھاسن روُپ نہ کوئے بدلائیا۔ اِکو تیرا منگاں نوُر جوت پرکاش، جِس وِچ مِل کے اپنا آپ چُھپائیا۔ سچکھنڈ دوار ایکنکار پُرکھ اکال دیِن دَیال گھر ٹھانڈا دینا آپ، دوُجے در دی لوڑ رہے نہ رائیا۔ تُوں میرا مَیں تیرا جن بھگت کہے من چاؤ گھنیرا مَیں سوہنگ جپیا جاپ، کوٹ جنم دے اُترےَ پاپ، پاربرہم پتپرمیشور نظری آیا اِکو باپ، پِتا پوُت گود لَینا اُٹھائیا۔ جِؤں بھاوے تِؤں لَینا راکھ، تیرا درس کراں ساکھیات، سَت سَتوادی اپنا پڑدا دینا اُٹھائیا۔ جوتی جوت سروُپ ہرِ، آپ اپنی کِرپا کر، ایکا دینا ساچا ور، ہرجن ساچا در ٹھانڈے منگ منگائیا۔ ہرِ بھگت کہے میری ارداس، پربھ بینتی اِک جنائیا۔ سد سیوک رکھنا داس، گڑھ ہنکار دینا تُڑائیا۔ دِوس رَین وسنا پاس، جاگت سووت ہونا سہائیا۔ شبد اگمّی دسّنی بات، نام نِدھانا اِک دِرڑائیا۔ کلجُگ کوُڑی کِریا میٹ اندھیری رات، ساچا چند نوُر کر رُشنائیا۔ سمرتھ سوامی صاحب سَتگُر مَیں تیرے نام دی گا کے گاتھ، چڑھیا اوس راتھ، جِس دا رتھواہی بےپرواہیِا۔ کلجُگ ڈوُنگھا وہن سرِشٹی کِسے نہ آویں ہاتھ، بھاگ ویکھے نہ کوئے ماتھ، ناتھ تریلوکی بَیٹھے مُکھ چُھپائیا۔ کلجُگ انت سِری بھگوَنت پاربرہم پتپرمیشور کر کِرپا آپ، دُرمت مَیل کاٹ، قیِمت پا اپنے ہاٹ، جگت ونجارے لوڑ رہے نہ رائیا۔ جوتی جوت سروُپ ہرِ، آپ اپنی کِرپا کر، نِہکلنک نرائن نر، مہاراج شیر سِنگھ وِشنوُں بھگوان، سب کُچھ تیرے ہاتھ، ہر ہِردے وس کے دھام اگمّا دسّ کے، گھر ٹھانڈا دینا وکھائیا۔

۱۸ مگھّر شہنشاہی سمت ۲ پیارا سِنگھ دے گرِہ پُرانی ڈرولی

بیاس کہے میرے سُلطان، سو پُرکھ نِرنجن تیری بےپرواہیِا۔ ہرِ پُرکھ نِرنجن ہو مِہربان، مِحبان بیِدوتیری اوٹ تکائیا۔ ایکنکارے دے دان، داتے دانی تیری آس رکھائیا۔ آد نِرنجن ہو پردھان، جوتی جاتے جلوہ نوُر کر رُشنائیا۔ ابناشی کرتے دُھر دے کاہن، لکّھ چؤراسی گوپی لےَ پرنائیا۔ سِری بھگوان سچ جھُلا اِک نِشان، دو جہاناں اپنا آپ پرگٹائیا۔ پاربرہم برہم میلا میل آن، نِروَیر نِراکار اپنی کار کمائیا۔ سچکھنڈ نِواسی ہو پردھان، پڑدا اوہلا آپ اُٹھائیا۔ سَتجُگ تریتا دواپر کلجُگ تیرا دے کے گئے بیان، لیکھ الیکھے نال دِرڑائیا۔ گُر اوتار پَیغمبر گا گا تھکے گان، رسنا جِہوا بتّی دند صِفت صلاحیِا۔ تُوں بےانت بےپرواہ کِرپا کر والی دو جہان، جہالت کوُڑی کِریا دے کڈھائیا۔ ورن برن دیِن دُنی ہوئی حَیران، ہر ہِردے نظر کِسے نہ آئیا۔ کوُڑی کِریا شرع پِھرے شیَطان، چار کُنٹ دہ دِشا بھجےّ واہو داہیِا۔ جوتی جوت سروُپ ہرِ، آپ اپنی کِرپا کر، ایکا دینا ساچا ور، صاحب سُلطان ہو مِہربان، در ٹھانڈا اِک وکھائیا۔ بیاس کہے کِرپا کر میرے بھگوَنت، بھگوَن تیری اوٹ رکھائیا۔ کلجُگ بُھلے جیِو جنت سادھ سنت، پاربرہم پتپرمیشور تیرا بھیو کوئے نہ آئیا۔ ترےَگُن مایا کوُڑی کِریا گڑھ بنیا ہؤمے ہنگت، ہنگ برہم بھیو ابھیدا سکے نہ کوئے دِرڑائیا۔ بودھ اگادھا دِسے کوئے نہ پنڈت، چارے کھانی چارے بانی نیتر رووے مارے دھاہیِا۔ گُر اوتار پَیغمبر بِھکھیا منگ کے گئے انت، انتشکرن سب دا ویکھ وکھائیا۔ تُدھ بِن صدی چؤدھویں بنائے کوئی نہ بنت، سچ سوامی انترجامی ساچا راہ نہ کوئے جنائیا۔ سچ دوار ایکنکار ملِے کوئی نہ سنگت، دُئی دوَیتی شرع شریتی ڈیرہ کوئے نہ ڈھاہیِا۔ در درویش تیرے در کرن مِنّت، مِہربان محبوُب مِہر نظر لیَنی اُٹھائیا۔ جُگ چؤکڑی میٹنی چِنت، جگت غم نہ کوئے ستائیا۔ جوتی جوت سروُپ ہرِ، آپ اپنی کِرپا کر، ایکا دینا ساچا ور، سِر اپنا ہتّھ ٹِکائیا۔ بیاس کہے میرے پتپرمیشور میِت، سچکھنڈ نِواسی اپنی دَیا کمائیا۔ کلجُگ کوُڑی کِریا بدل دے ریِت، سَتجُگ ساچا دے پرگٹائیا۔ جھگڑا رہے نہ شِودوالا مٹھ مندر مسیِت، گُروُدوارا اِکو دے دِرڑائیا۔ جِتھے جھگڑا رہے نہ اوُچ نیِچ، راؤ رنک ونڈ وِچ وربھنڈ برہمنڈ دے دِرڑائیا۔ کایا ماٹی مانَو ذاتی سب دی کر ٹھانڈی سیِت، اگنی تت دے بُجھائیا۔ سَت سَتوادی برہم برہمادی شبد انادی دسّ اپنا گیِت، اگمّ اتھاہ بےپرواہ ساچا منتر دے دِرڑائیا۔ تیرا کھیل ویکھیئے انڈیِٹھ، کروٹ بدل اپنی پِٹھ، سنمُکھ ہو کے نظری

آئیا۔ تُوں میرا مَیں تیرا دو جہاناں سانجھا تیرا گیِت، گہر گمبھیِر بےنظیِر تیرا راگ الاہیِا۔ اِکو چھتر جھُلے تیرے سیِس، جگدیِس دو جہان تیری شہنشاہیِا۔ گُر اوتار پَیغمبر تیرا نِشانہ دے کے گئے ٹھیِک، واک بھوِکھتاں وِچ دِرڑائیا۔ سو آسا منسا پوُری کر اُمیِد، نِرگُن ہو کے ہو سہائیا۔ جوتی جوت سروُپ ہرِ، آپ اپنی کِرپا کر، ایکا دینا ساچا ور، در ٹھانڈے سیِس نِوائیا۔ بیاس کہے کِرپا کر گُن نِدھان، گُنونتے تیرے ہتّھ وڈیائیا۔ سچ جھُلا اِک نِشان، نِشانے جگت دے گوائیا۔ اِکو تیرا ناؤں گاوے رسنا جِہوا زبان، بتّی دند صِفت صلاحیِا۔ لکّھ چؤراسی نظری آ دُھر دا کاہن، مِہربان اپنا پڑدا دے اُٹھائیا۔ ہر گھٹ وسیا نظری آ رام، سچکھنڈ نِواسی اپنا پھیرا پائیا۔ عیسیٰ موُسیٰ محمد جِس دا سُندے رہے پَیغام، کلمہ نغمیاں وِچ سُنائیا۔ سو مالک خالق پرِتپالک جلوہ گر وڈ امام، نوُر ظہوُر دے چمکائیا ۔ نانک گوبِند جِس نوُں کردے گئے پرنام، منتر دِرڑاؤندے گئے سَت نام، واہِگُروُ کہہ کے واہوا تال وجائیا۔ سو دیِن دُنی دا بدل دے نِظام، جھگڑا رہے نہ وِچ عوام، اِکو گاون تیرا نام، ناؤں نِرنکار اِک سمجھائیا۔ شرع دا رہے نہ کوئے غُلام، نِرگُن ہو کے ویکھ مار دھیان، پُری لوء برہمنڈ کھنڈ پڑدا اوہلا آپ چُکائیا۔ جُگ بدلنا تیرا حُکم آسان، نہ کوئی میٹے وِچ جہان، گُر اوتار پَیغمبر سیِس جھُکان، سِر سکے نہ کوئے اُٹھائیا۔ جوتی جوت سروُپ ہرِ، آپ اپنی کِرپا کر، ایکا دینا ساچا ور، سچکھنڈ نِواسی پُرکھ ابناشی گھٹ نِواسی تیری آس رکھائیا۔ بیاس کہے کِرپا کر پروردِگار، جلوہ گر تیری وڈیائیا۔ کوُک سُن محمد یار، چار یاری دئے دُہائیا۔ اُمت اُمتی ہاہاکار، نمازاں روزیاں وِچ دُہائیا۔ مُحبّت ملِے نہ کِسے دوار، در دربار نہ کوئے وڈیائیا۔ خالی دِسے بھنڈار، حقیِقت حق نہ کوئے ورتائیا۔ کائنات ہوئی گوار، عقل عقل مند نہ کوئے بنائیا۔ گُپت سُنے نہ کوئے گُفتار، باطن درس کوئے نہ پائیا۔ باہروں ویکھدے جگت مزار، نِرگُن میِاں نظر کِسے نہ آئیا۔ مُخاطب کرے نہ کوئے سنسار، تعاقب حق نہ کوئے جنائیا۔ چؤداں طبق روون زارو زار، ساچا سبق نہ کوئے پڑھائیا۔ چؤداں صدیاں دا اِظہار، کھیل ویکھ دُکھیاں دے دِلدار، بےدردی اپنی دَیا کمائیا۔ ویلا وقت وِچار، کوُڑی کِریا ویکھ سنسار، ساچا چند نہ کوئے اُجیار، نوُرانہ نوُر نہ کوئے چمکائیا ۔ تیرے چرن کوَل نِمسکار، بیاس کہے مَیں روواں زارو زار، گوبِند دِسے کِسے نہ دھار، گُرمُکھ تھوڑے پاون سار، لکّھ چؤراسی گوُڑھی نیِند سوائیا۔ جوتی جوت سروُپ ہرِ، آپ اپنی کِرپا کر، نِہکلنک نرائن نر، مہاراج شیر سِنگھ وِشنوُں بھگوان، تُدھ بِن لائے کوئی نہ پار، پاربرہم پتپرمیشور پریم پریِتی اندر پیِا پریِتم ہو کے اپنے رنگ رنگائیا۔

۱۹ مگھّر شہنشاہی سمت ۲ ہربھجن سِنگھ دے گرِہ آدم پُر

بیاس کہے کِرپا کر سوُرے سربنگ، ہرِ کرتے تیرے ہتّھ وڈیائیا۔ سرِشٹی درِشٹی اندر چاڑھ اگمّا رنگ، مِہربان مِہر نظر اُٹھائیا۔ نام نِدھان وجا مردنگ، کایا مندر اندر گرِہ گرِہ کر شنوائیا۔ بھیو کُھلا ہنگ برہم، پاربرہم پربھ پڑدا دے چُکائیا۔ دیِن دُنی دا اِکو دسّ دھرم، ورن برن رہے نہ کوئے لڑائیا۔ ساچی پوُجا تیرا چرن، اِشٹدیو سوامی دُھر دا نظری آئیا۔ آد جُگادی کرنی دا کرن، کرتا پُرکھ ناؤں دھرائیا۔ گُر اوتار پَیغمبر تیرے نام دا ڈھولا پڑھن، تیرا دھیان لگائیا۔ کلجُگ جیِو جگت واسنا وِچ لڑن، دھیِرج دھیِر نہ کوئے دھرائیا۔ انتر نیتر کھول ہرن پھرن، ساچے لوئن کر رُشنائیا۔ جوتی جوت سروُپ ہرِ، آپ اپنی کِرپا کر، دیِن دُنی دی دھارا دے بدلائیا۔ نیتر لوچن نیَن کھول پربھ اکّھ، درِشٹی سرِشٹی دے بدلائیا۔ سارے گاون تیرا نام جس، دِوس رَین دھیان لگائیا۔ کوُڑی کِریا میٹ اندھیری مس، سَتجُگ ساچا چند چمکائیا ۔ سب کُچھ تیرے ہتّھ، پرم پُرکھ تُوں دیونہار گوسائنیا۔ دُرمت مَیل کٹ، پتت پُنیِت دے بنائیا۔ چار ورن اٹھاراں برن اِکو دسّ کے اپنا ہٹّ، نام نِدھان سِری بھگوان دے ورتائیا۔ جھگڑا رہے نہ اٹھسٹھ، مندر مسجد شِودوالے مٹھ نہ کوئے لڑائیا۔ تُوں مالک خالق پرِتپالک پُرکھ سمرتھ، صاحب سوامی انترجامی گھٹ گھٹ نظری آئیا۔ گُر اوتار پَیغمبر تیرا لیکھا گئے دسّ، دہ دِشا کر جنائیا۔ نِرگُن دھار ہو پرگٹ، جوتی جاتے پھیرا پائیا۔ سَت دھرم سَتجُگ لگا سَت، کلجُگ کوُڑ کُڑیار جڑ اُکھڑائیا۔ نؤ کھنڈ پرِتھمی ستّ دیِپ دے برہم مت، دُئی دوَیتی ڈیرہ ڈھاہیِا۔ جوتی جوت سروُپ ہرِ، آپ اپنی کِرپا کر، ایکا دینا ساچا ور، ہرِ سَتگُر تیرے ہتّھ وڈیائیا۔ تیرے ہتّھ وڈیائی دُھر نِرنکار، سچکھنڈ نِواسی تیری بےپرواہیِا۔ صدی چؤدھویں سارے ہوئے خوَار، دھیِرج دھیِر نہ کوئے دھرائیا۔ عیسیٰ موُسیٰ محمد کرے پُکار، درگاہ ساچی کوُک کوُک سُنائیا۔ کِرپا کر پروردِگار، بےپرواہ اپنا پڑدا دینا اُٹھائیا۔ لوکمات بن سِکدار، حُکم اپنا اِک چلائیا۔ نِرگُن نوُر کر اُجیار، جوتی جاتا ڈگمگائیا۔ ہؤں بالک خِدمتگار، تیری سیوا آئے کمائیا۔ سب نوُں دسّ کے تیرا اِک انتظار، لیکھا لِکھتاں وِچ لِکھائیا۔ اماماں دے امام دیِن دُنی دے سِکدار، خوشی غمی دے بدلائیا۔ چؤداں طبق ہاہاکار، چؤداں وِدیا دئے دُہائیا۔ ساچا اِسم نظر نہ آوے حقیِقی یار، شریکت وِچ دِسے لوکائیا۔ مِہربان محبوُب اپنا کھیل کر اپار، کرنی دے کرتے قُدرت دے مالک قادر قدیِم دے تیری اوٹ رکھائیا۔ جوتی جوت سروُپ ہرِ، آپ

اپنی کِرپا کر، مِہربان دُھر دا حُکم اِک ورتائیا۔ دُھر دا حُکم دے دے پُرکھ سمرتھ، شبدی شبد فرمان جنائیا۔ کلجُگ کوُڑی کِریا لوکمات وِچوں جاوے نسّ، دھرنی دھرت دھوَل رہن کوئے نہ پائیا۔ تُوں میرا مَیں تیرا آتم پرماتم سرِشٹی درِشٹی اندر دسّ، آتم اپنا رنگ رنگائیا۔ تیرا نام نِدھان سِری بھگوان سچ جَیکار لگّے الکّھ، الکھ اگوچر پڑدا اوہلا بن وِچولا دے اُٹھائیا۔ ہر ہِردے اندر پرگٹ کر سچ، ہر گھٹ اندر نِرگُن نوُر کر رُشنائیا۔ دُرمت مَیل چار ورناں اندر کٹ، گھٹ گھٹ اپنا رنگ رنگائیا۔ سب کُچھ تیرے ہتّھ، کرن کراونہار تیری وڈیائیا۔ جوڑ کے دوویں ہتّھ، نمستے کہہ کے سیِس جھُکائیا۔ جوتی جوت سروُپ ہرِ، آپ اپنی کِرپا کر، نِہکلنک نرائن نر، مہاراج شیر سِنگھ وِشنوُں بھگوان، سچ دوار ایکنکار نوَ نؤ چار وکھا ایکو ہٹّ، دوُجا در نظر کوئے نہ آئیا۔

۱۹ مگھّر شہنشاہی سمت ۲ تاروُ سِنگھ دے گرِہ پِنڈ جنڈیرے

سَت کہے کلجُگ کوُڑی کِریا لگّا دُکھ، چار ورن اٹھاراں برن رہے کُرلائیا۔ انتر آتم ملِے نہ کِسے سُکھ، سانتک سَت نہ کوئے کرائیا۔ پِھری دروہی مانَس دیہی مانُکھ، اگنی تت نہ کوئے بُجھائیا۔ من واسنا کوُڑی کِریا اندروں کڈھے کوئے نہ پُٹ، ہنگتا گڑھ نہ کوئے تُڑائیا۔ سجّن میِت رہے لُٹ، پریم مُحبّت ناتا گئے تُڑائیا۔ سرِشٹی درِشٹی اندر آئی پُھٹ، اِشٹ ہرِ نہ کوئے منائیا۔ ترِشنا موہ وِکار لگّی بُھکھ، آسا ممتا وِچ ہلکائیا۔ پڑدا اوہلا کایا مندر کِسے نہ چُکے لُک، سَت جوت نہ کوئے رُشنائیا۔ جوتی جوت سروُپ ہرِ، آپ اپنی کِرپا کر، ایکا دینا ساچا ور، کلجُگ کوُڑا لیکھا دینا مُکائیا۔ کلجُگ کوُڑی کِریا کیِتا اندھ، نِج نیتر لوچن نیَن نہ کوئے رُشنائیا۔ من واسنا مکُے کِسے نہ پندھ، دیِن دُنی بھجےّ واہو داہیِا۔ آتم سیجا سُہائے نہ کوئے پلنگ، سچ سِنگھاسن بَیٹھ خوشی نہ کوئے منائیا۔ دُھن انادی سُنے نہ کوئے مردنگ، شبد اگمّی آواز نہ کوئے جنائیا۔ جوتی نوُر چمکے کوئے نہ چند، بھیو ابھید نہ کوئے کُھلائیا۔ سچ سماوے نہ کوئے پرمانند، نِجانند نہ کوئے رسائیا۔ رسنا جِہوا بتّی دند گا گا تھکے چھند، ڈھولے راگاں ناداں وِچ الائیا۔ جوتی جوت سروُپ ہرِ، آپ اپنی کِرپا کر، انتر پڑدا دے اُٹھائیا۔ کلجُگ کوُڑی کِریا ویکھ پرم پُرکھ سمرتھ، صاحب سوامی انترجامی تیری آس رکھائیا۔ سچ وست رہی کِسے نہ ہتّھ، چار کُنٹ دہ دِشا خالی دِسے لوکائیا۔ گُر اوتار پَیغمبر جو

مارگ گئے دسّ، سَتجُگ تریتا دواپر کلجُگ سیو کمائیا۔ شاستر سِمرت وید پُران انجیل قُرآن کھانی بانی پڑھ پڑھ گئے تھک، تھکاوٹ وِچ بَیٹھے ڈھیریاں ڈھاہیِا۔ من واسنا کِسے نہ ہووے وسّ، منسا موہ نہ کوئے مِٹائیا۔ حقیِقت وِچوں ملِے کِسے نہ حق، شاہ حقیِر پڑدا نہ کِسے اُٹھائیا۔ نِرگُن نوُر جوت ہووے پرگٹ، کایا ماٹی ہٹّ بھاگ نہ کوئے لگائیا۔ شبد اگمّی وجےّ کوئے نہ سٹّ، سوئی سُرتی نہ کوئے اُٹھائیا۔ دُرمت مَیل دیوے کوئی نہ کٹ، پتت پُنیِت نہ کوئے بنائیا۔ دیِناں مذہباں ذاتاں پاتاں ورناں برناں کڈھے کوئے نہ وٹّ، آتم انتر نِرنتر رنگ نہ کوئے رنگائیا۔ جگت نِشان ملِے نہ سُچ سچ، جوُٹھ جھوُٹھ گھر گھر ڈیرہ لائیا۔ کنچن روُپ دِسے نہ کایا ماٹی کچ، ساڈھے تِنّ ہتّھ وجےّ نہ سچ ودھائیا۔ جوتی جوت سروُپ ہرِ، آپ اپنی کِرپا کر، ایکا دینا ساچا ور، مِہربان محبوُب مُحبّت وِچ اپنا پریم دے ودھائیا۔ کلجُگ کوُڑی کِریا میٹ جگ، جگ جیِون داتے تیری اوٹ تکائیا۔ ترِشنا لگّی میٹ اگّ، امرت میگھ نام برسائیا۔ ہنس بُدھی رہے کوئی نہ کگّ، مانک موتی دُھر دا نام دے چُگائیا۔ اپنے مِلن دی گیان نیتر کھول اکّھ، پرتکھ ہو گوسانئیا۔ چار ورن اٹھاراں برن اِکو تیرا نام جَیکار بولن الکّھ، تُوں ہی تُوں ہی راگ الائیا۔ آتم پرماتم دھار رہے کوئی نہ وکّھ، پاربرہم برہم میلا لَینا مِلائیا۔ تیرا مارگ آد جُگاد جُگ چؤکڑی نِت نوِت سدا سچ، سَت سَتوادی برہم برہمادی شبد انادی دے جنائیا۔ گُر اوتار پَیغمبر تیرا بھیو گئے دسّ، ڈھولیاں گیِتاں کلمیاں نغمیاں وِچ گائیا۔ تیری مہما سدا اکتھ، بُدھی سمجھ سکے نہ رائیا۔ جیِواں جنتاں سادھاں سنتاں حقیِقت وِچوں دِسے حقیِقی حق، لاشریِک پروردِگار سانجھے یار در ٹھانڈے منگ منگائیا۔ نِجھر دھار امرت بوُند سوانتی دے رس، رستہ وابستہ ہو کے اپنا دے وکھائیا۔ جوتی جوت سروُپ ہرِ، آپ اپنی کِرپا کر، ایکا دینا ساچا ور، کلجُگ انت سِری بھگوَنت، آتم پرماتم میلا کرنا نار کنت، تیرا میرا میرا تیرا بھیو رہے نہ رائیا۔ کلجُگ کوُڑی کِریا رہے نہ لوکمات، ماتر بھوُمی کر صفائیا۔ سَت دھرم دی بخش دات، سَتجُگ ساچا راہ چلائیا۔ ہر ہِردے اندر کر پرکاش، پڑدا دُئی دوَیتی لاہیِا۔ امرت رس دے آب، حیاتی وِچوں حیاتی دے بدلائیا۔ مانَو ذاتی اِکو کرے آداب، سجدہ حق دے دِرڑائیا۔ سچ مندر اگمّ وکھا محراب، محبوُب اپنا پڑدا لاہیِا۔ جُگ چؤکڑی سَتجُگ تریتا دواپر گُر اوتار پَیغمبر تیرا دسّ دے گئے حِساب، لیکھا لِکھ کے قلم شاہیِا۔ جوتی جوت سروُپ ہرِ، آپ اپنی کِرپا کر، ایکا دینا ساچا ور، کوُڑی کِریا دینی مِٹائیا۔ کلجُگ کوُڑی کِریا ویکھ جہان، جہالت وِچ دِسے جگت لوکائیا۔ دھرم

رہیا نہ کوئے نِشان، کُکرم وِچ وڈیائیا۔ ورن برن ہوئے حَیران، دھیِرج دھیِر نہ کوئے دھرائیا۔ مندر مسجد شِودوالے مٹھ کُرلان، بہُڑی بہُڑی کر سُنائیا۔ تیِرتھ تٹ نیتر نیَناں نیِر وہان، گنگا گوداوری جمنا سُرستی دھیِر نہ کوئے دھرائیا۔ اُتّر پوُرب پچھّم دکھّن بھرمے بُھلا سرب اِنسان، حقیِقت حق نہ کوئے جنائیا۔ تیرا منتر نِرنتر فُرنیاں توں پرے دسےّ نہ کوئی بِنا کان، دُھن آتمک راگ نہ کوئے سُنائیا۔ مایا ممتا سب نوُں کیِتا بےاِیمان، بیوہ دِسی جگت لوکائیا۔ سچ پریِتی دُھر دی نیِتی نِرگُن ملِے کوئے نہ آن، سرگُن رنگ نہ کوئے رنگائیا۔ جوتی جوت سروُپ ہرِ، آپ اپنی کِرپا کر، ایکا دینا ساچا ور، پُرکھ اکال دیِن دَیال صاحب سمرتھ پروردِگار سانجھے یار، جوتی جاتے ویکھ وکھائیا۔ کلجُگ کوُڑی کِریا چار کُنٹ دِسے سنسار، سنساری سِر نہ کوئے اُٹھائیا۔ انتر دِسے نہ کِسے پیار، پریِتی پریم نہ کوئے ودھائیا۔ منزل ملِے نہ کِسے حق نظر آئے نہ حقیِقی یار، شرع زنجِیر نہ کوئے کٹائیا۔ نِرمل جوت نہ کوئے اُجیار، بِنا تیل باتی نوُر ڈگ نہ کوئے مگائیا۔ دُکھاں وِچ دُکھی ہوئے دُکھیار، دردیِاں درد نہ کوئے ونڈائیا۔ جوتی جوت سروُپ ہرِ، آپ اپنی کِرپا کر، ایکا دینا ساچا ور، در ٹھانڈے آس رکھائیا۔ کلجُگ کوُڑی کِریا رہے نہ دھرت، دھرنی دھوَل دھؤل ملِے وڈیائیا۔ چِنتا سوگ مِٹا ہرکھ، سانتک سَت دے ورتائیا۔ مِہربان کر ترس، غریِب نِمانے دین دُہائیا۔ تُوں مالک والی اعلا عرش، پریِتم نوُر خُدائیا۔ نِرگُن دھار ویکھ پرت، پتپرمشیور بےپرواہیِا۔ جوُٹھ جھوُٹھ من واسنا کوُڑ کِریا سب نوُں کرے غرق، گہر گمبھیِر بےنظیِر تیرا بھے نہ کوئے رکھائیا۔ گُر اوتاراں دی سِکھیا ساریاں کیِتی ترک، پَیغمبراں سیِس نہ کوئے جھُکائیا۔ دیِن مذہب پےَ گیا فرق، ذات پات کرے لڑائیا۔ سرِشٹی وِچ درِشٹی وِچ اگلا سال دِسے بڑا سخت، دُکھاں وِچ رووے لوکائیا۔ راج راجان شاہ سُلطان پَینا بخت، سِر ہتّھ نہ کوئے ٹِکائیا۔ اُتّر پوُرب چڑھنا کٹک، پچھّم ہاہاکار رکھائیا۔ کُچھ لہنا دینا فریِدی کھٹک، مسوُدی نال مِلائیا۔ گُر اوتار پَیغمبر ویکھن اُپر عرش، جو بھوِکھت گئے لِکھائیا۔ کھیل ہونا اُتے فرش، دھرتی خاکی دئے دُہائیا۔ مِہربان کر ترس، رحمت تیری بےپرواہیِا۔ چُھری چلے جگت موُل نہ کرد، قتل گاہ نہ کوئے بنائیا۔ پرگٹ ہو مردانے مرد، مدد تیری منگ منگائیا۔ سچ بینتی نمستے وِچ عرض، آرزوُ دِتی سُنائیا۔ بِنا بھگتاں ساچے سنتاں صوُفی سنت فقیِراں تیری کِسے نہیں غرض، بےغرضی وِچ لوکائیا۔ تیرا کھیل ہونا اسچرج، جگت بُدھی سمجھ کوئے نہ پائیا۔ جوتی جوت سروُپ ہرِ، آپ اپنی کِرپا کر، ایکا دینا ساچا ور، نِہکلنک نرائن نر، مہاراج شیر سِنگھ وِشنوُں بھگوان، آد جُگاد جُگ چؤکڑی نِت

نوِت لکّھ چؤراسی جیِو جنت آتم پرماتم دھار تیرے کول فرد، فرد ظُلم شبدی دھار حُکمے اندر برہمنڈ کھنڈ پُری لوء آکاش پاتال گگن گگننتر مایا تت تن وجوُد کر پیار، وِچ سنسار سانجھے یار دینا سُنائیا۔

۲۰ مگھّر شہنشاہی سمت ۲ مِرزئیاں نال پِنڈ کادیاں ضِلع گُرداسپُر

گوشے نہ جُدا، سجدہ خُدا رحمتے اِلاہیِا۔ مِٹے کائناتے وٹا ملِے حیاتے ابا، آبِ حیات تیری رحمت نظری آئیا۔ مُحبتے غِذا صحبتے سدا، ظمیرے زماں کر رُشنائیا۔ اّولے ازاں بےخبرے نَواں، محبوُبےمُحبّت جلوہ گر تیری رُشنائیا۔ نوُرے نِزا ظہوُرے جہاں عظیِمے اشاں، عالیشان درے دربار سوبھا پائیا۔ مِرزائے محبوُب مُحبتے عروُج منزلے مقصوُد، درگاہ ساچی پڑدا دئے اُٹھائیا۔ لیکھے لگّے تن وجوُد، خاکی کلبوُت تیرا جلوہ ثبوُت، غمے غم دے مِٹائیا۔ نوُرے سبی، رازق رِزق رحیِم اکھوائیا۔ مِٹائے صدی گوائے خُدی وبائے ردی، جلوہ نوُر کرے رُشنائیا۔ چؤدھویں صدی محبوُبےمَیہدی مِرزائے مالکان واحدے والی دو جہان، سبق اِلہام، چؤداں طبقے کلام، کائنات ایکا رنگ وکھائیا۔ تن خاکی ماٹی وجوُدے غُلام، مُحبتے اِسلام، حضرتے پَیغام، وصیتےّ مَیدان، سلام اِکو نوُر خُدائیا۔ بُت پرستی حرام، واحدے امام، دیِن دُنی دا مالک اِکو نظری آئیا۔ دؤلت خانہ دُعا گھر، ڈاک خانہ رحمت بےپرواہیِا۔ تحصیل ضِلع اوسے دی بِنا پر، جِس روُح بُت وِچ ٹِکائیا۔ اوس نوُں مُلکو مذہب مائی باپ پِسر پِدر واحد خُدا کر، خود اپنا آپ اوسے دی جھولی پائیا۔ جِس جُدا کر کے کیِتا گداگر، کائنات سرِشٹی دُنیا جگت واسنا گلی گلی دِتا پِھرائیا۔ انت اوسے اُتوں اپنا آپ فِدا کر، واحد اَگے دُعا کر، مُفلساں رضا کر، نماز تیرے در قبوُلے قُدرت قادر کادیاں نوُر نظری آئیا۔ کادیاں قُدرت نوُرے مِرزا، مزار ویکھے جگت لوکائیا۔ سنسار والی نہ مسجد نہ گِرجا، گرِہ بَیٹھا نوُرے خُدائیا۔ جِس دی چار جُگ گُر اوتار پَیغمبر کردے گئے چرچا، چرچاں وِچوں ہتّھ کِسے نہ آئیا۔ جِنہاں نوُں سچ کلام دا سچ نام دا سچ پَیغام دا سچ امام دا دُھردرگاہی مِل گیا خرچہ، کائنات وِچوں قایم نظری آئیا۔ جیِون وِچ زِندگی وِچ محبوُب مِلن دا صدقہ، پنج تت خاکی وجوُد تن مِلی بُت وڈیائیا۔ جِس نوُں اُڈیِکدا سنسار کد دا، قدیِم دا راہ تکائیا۔ اوہ وقت سُہاونا کرے اجّ دا، اجل توں اِک غزل نال سارے لئے بچائیا۔ نبیاں نال میلا مُرشداں

مُرشداں نال مُریِداں جوڑ ہُندا سبب دا، صدیاں دے وِچھڑے مِہر نِگاہ پار کرائیا۔ جو مُحبّت وِچ پیارا اپنا محبوُب کایا کعبےاندر سدّ دا، اُس دے اندر اگمّی عرشی اوہ رباب وجّدا، جِس نوُں تند ستار نہ کوئے ہِلائیا۔ مالک اوہناں پیاریاں سدّ دا، جِنہاں دا وجوُد وجد وِچ دئے وکھائیا۔ سو صوُفی اوس دی مُحبّت خوشی وِچ نچّدا، ملنگ ہو کے اندر رنگ چڑھائیا۔ سب دا لیکھا پوُرا ہونا حج دا، حاضر ہو کے مِرزے دا محبوُب مِرزے راہیں سب نوُں درس وکھائیا۔ جو ہر اِک اندر وسدا، سریِر اندر بےنظیِر بَیٹھا اپنا نوُر کرے رُشنائیا۔ بِنا مُرشد توں تلاش کیِتیاں کھوجیاں لبھیاں کِسے نہیں لبھدا، رحمت نال سہمت ہو کے احمق پار کرائیا۔ دُئی دوَیتی شرع شریتی جھگڑا مُکا کے جگ دا، پیاریاں پھیر حقیِقت والے دوارے سدّ دا، لاشریِک ہو کے حُکم اگمّی اِک سُنائیا۔ ایسے کارن سچیائی دا سچ سدا ودھدا، سدا سدا مِلدی رہے وڈیائیا۔

مِرزے دے مزار اُتے

مرزا صاحب حق زیارت، ضعیف جواں ایکا نظری آئیا۔ جِس دی صِفت کرے نہ کوئے عبارت، جگت تعلیِم نہ کوئے وڈیائیا۔ سب توں پاک کایا عِمارت، جِس وِچ محبوُب مِل کے مُحبّت لئی نِبھائیا۔ لبھنی پئی نہ کوئے سفارش، وِچولا وِچ نہ کوئے رکھائیا۔ جوتی جلوے ہویا تُعارف، نوُر نوُر نظری آئیا۔ جوتی جوت سروُپ ہرِ، آپ اپنی جوت دھر، کھیل کھیل وِچوں سمجھائیا۔ حق زیارت مقامے حق، مُحبّت دا مالک نظری آئیا۔ جگت آشا رہے کوئے نہ شک، شِکوہ من نہ کوئے چتُرائیا۔ مِل کے واحد ایک یک، یکطرف ہو کے خوشی منائیا۔ ویکھ انوکھی اکّھ، پرتکھ بےپرواہیِا۔ قہقہہ لگا کے اندر گیا ہسّ، باہروں مُسکراہٹ نظر کِسے نہ آئیا۔ پیار مُحبّت وِچ ہویا بےوسّ، واسطہ اِکے نال جُڑائیا۔ آبِ حیات مِلیا اگمّا رس، رستے وِچوں رستہ دِتا نوُر خُدائیا۔ جوتی جوت سروُپ ہرِ، آپ اپنی کِرپا کر، نظر نظر نال مِلائیا۔ مِرزا تن ماٹی خاکی نہیں مزار، جگت رنگ نہ کوئے وڈیائیا۔ مِل کے حقیِقی یار، حِکمت دیِن دُنی گیا سمجھائیا۔ پَیغمبراں دا سردار، مقامے حق حق بَیٹھا ڈیرہ لائیا۔ جِس دا سارے کردے گئے انتظار، شاستر سِمرت وید پُران انجیل قُرآناں وِچ اِظہار، سندیشے دیندے گئے گُر اوتار، پَیغمبر پَیغام وِچ سُنائیا۔ سو نوُری نوُر نِراکار، ساڈھے تِنّ ہتّھ کرے اُجیار، محل اٹل سُہائے اِک منار، محبوُب ہو کے مُحبّت وِچ رکھائیا۔

بِن اکّھاں کر دیِدار، قدم بوسی دُھر پیار، خاموشی وِچ اپنا حال سُنائیا۔ انت چھڈنا پئے سنسار، روُح بُت سدا نہ رہے پیار، تیرا نوُر تیرے اِختیار، اِختلاف وِچ رہن کدے نہ پائیا۔ تیرا برخوردار تیرے کلمے دا آدھار، جوتی جوت سروُپ ہرِ، آپ اپنی کِرپا کر، نوُرے نوُراں والی دو جہان، اِسم ازاں مِہربان عالیشان شہنشاہ آپ اپنے رنگ رنگائیا۔ اَچھا سو جو اَچھی طرح جائے جان، عقل توں اَگے دھیان لگائیا۔ جِتھے وسے نِگاہبان، محبوُب بےپرواہیِا۔ پَیغمبر جِس دا جگت نِشان، کلمے کائنات پڑھائیا۔ رسوُلاں دا امام، سدا بدلنہار انتظام، نِظام اپنے ہتّھ رکھائیا۔ صدی چؤدھویں ویکھے مار دھیان، اگمّی کلمے دا دئے کلام، کائنات سِکھیا اِک عوام اُتّر پوُرب پچھّم دکھّن اِکو حُکم ورتائیا۔ مِرزا مِرزے کرے پرنام، جِس دا نِواس حق مقام، کھیل زِمیں اسمان، اعلیٰ ادنیٰ ویکھ وکھائیا۔ سو اچّھا جِس مُرشد مُریِد بنا کے دیِد وِچ دِتا اِک نِشان، عیِد وِچ اعلے مِلیا آن، وِچھوڑا رہن کوئے نہ پائیا۔ ایہنوُں سدا لِکھیئے خوشخط، خطوُط خطا وِچ نہ کوئے لیائیا۔ اندر کھاتے اپنے رکھ، عالماں فاضلاں اَگے ٹِکائیا۔ جو مُحبّت جانن حق، حقیِقت دا راہ تکائیا۔ اوہناں نوُں دیئیے ہتّھ، جِنہاں نوُں وصل ملِے یار خُدائیا۔ دیِن مذہب توں ہو کے وکّھ، شرع زنجِیر تُڑائیا۔ خُداوَند کریِم رحیِم رحمتاں دا مالک سمجھ کے سچ، اِکو اوٹ رکھائیا۔ جِس دے سب کُچھ ہتّھ، وسّ خلق خُدائیا۔ نبی رسوُل پَیغمبر گُر اوتار صوُفی اوسے دا بھیو رہے دسّ، پڑدا رہے اُٹھائیا۔ رل مِل کے مِرزے دے محبوُب دا مزار اُتے گائیے جس، جو حاضر ہو کے حضوُر دُھر دا نوُر نوُر نوُرانہ کرے رُشنائیا۔ شُکریئے وِچ سدا نوازش، نوازش وِچوں شُکریہ شُکر منائیا۔ اندر من کرے کوئی نہ سازش، جگت واسنا نہ کوئے لڑائیا۔ بُجھے لگّی آتش، سانتک سَت وکھائیا۔ پیار مُحبّت ہووے خالص، اِکو رنگ رنگائیا۔ کُچھ تھوڑا لیکھا مِرزا صاحب آیوُ بالک، چؤداں ورکھ تن ماس نال ونڈائیا۔ پَیغام دِتا خلق خالق، خود حُکم حُکم وِچوں جنائیا۔ جِس نوُں سمجھ نہ سکے کوئی اَنجانت، جگت اکھّراں نہ کوئے لِکھائیا۔ قلم شاہی اُٹھی نہ کِسے کاتب، کُتبخانے دین دُہائیا۔ جِس ویلے خُدا نے مِرزے دا کیِتا آپ تُعاقب، پِچھے ہو کے پُشت پناہ ہتّھ ٹِکائیا۔ بھیو کھول اپنی معرفت، معاف کر کے گُستاخ غُصّہ تن رہیا نہ رائیا۔ اپنے کلمے دی دے کے نیامت، اگلا بھیو کُھلا کے قیامت، مِتر دوست مُریِد خُدا دی دسّ کے اَمانت، جھولی سہجے دِتے ٹِکائیا۔ نال کِہا مِرزا تیرے نال محبوُب مِل

کے دیوے اِنھاں دی ضمانت، بری گھریں گھریں کرائیا۔ اینہاں کرے نہ کوئے ممانت، جِنہاں دا اندر صحیح سلامت، ثابت مُرشد جِنہاں نوُں نظری آئیا۔ جگت واسنا کوُڑی کِریا مذہب پرستی رہے نہ کوئے علامت، سچ نال سچ دا میل مِلائیا۔