کتب خانہGranth 20 (Urdu)

۲۶ پوہ شہنشاہی سمت ۲ ہرِ بھگت دوار پِنڈ جیٹھوُوال امرتسر

چھّبی پوہ کہے میرا پوُرا ہویا سوال، نؤ سؤ چُرانوے چؤکڑی جُگ دا سوالی خوشی منائیا۔ گُر اوتار پَیغمبر کہن ہوئے اسیں خوشحال، خوشیاں وِچ مِل کے دُھر دا ڈھولا گائیا۔ پُرکھ اکال کہے مَیں ویکھے اپنے لال، بھگت سُہیلے سوہنے سوبھا پائیا۔ پاربرہم پتپرمیشور ہو کے پُچھیا حال، آتم برہم لیکھا دِتا چُکائیا۔ سَتجُگ تریتا دواپر کلجُگ جو گھالدے رہے گھال، سرگُن ہو کے نِرگُن سیو کمائیا۔ سو سنت سُہیلے لوکمات ویکھے آن، بےپہچان پھیرا پائیا۔ جِنہاں دا درِشٹ اِشٹ سرِشٹ وِچ ایکا مالک سِری سُلطان، شاہ پاتشاہ شہنشاہ نظری آئیا۔ جوتی جوت سروُپ ہرِ، آپ اپنی کِرپا کر، سچکھنڈ دیوے مان وڈیائیا۔ گُر اوتار پَیغمبر کہن خوشیاں ویکھیا دِہاڑا، برہمنڈ کھنڈ پُری لوء آکاش پاتال اپنا تال وجائیا۔ جُگ چؤکڑی ساڈا پوُرا ہویا ہاڑا، نِرگُن نِروَیر نِراکار نِرنکار اَگے جو رہے واسطہ پائیا۔ پُرکھ اگمّا بِن ماٹی چمّا دیِن دَیال سمرتھ سوامی سانجھا یار ویکھیا اوہ لاڑا، جِس دا تن وجوُد تت کلبوُت سمجھ کِسے نہ آئیا۔ سَتجُگ تریتا دواپر کلجُگ جِس دا دیندے گئے

لارا، کل کلکی اپنی کل انت ورتائیا۔ بھگت سُہیلا لکّھ چؤراسی وِچوں آپ ویکھے اپنا لاڑا، دوُلھا دوُلھو اپنے نال مِلائیا۔ تُوں میرا مَیں تیرا دسّ کے اِک پیارا، دیِن مذہب ورن برن وِچوں باہر دِتا کڈھائیا۔ جوتی جوت سروُپ ہرِ، آپ اپنی کِرپا کر، کرے کھیل ساچا ہرِ، سَت سَتوادی برہم برہمادی شبد انادی اپنا حُکم ورتائیا۔ گُر اوتار پَیغمبر کہن اسیں لےَ کے آئے اوہ بھتّا، جِس وِچ بھرم رہے نہ رائیا۔ جُگ چؤکڑی کِسے نہ ڈِٹھا، جگ نیتر نظر کوئے نہ پائیا۔ رس کوئے نہ جانے پھکا مِٹھا، جِہوا چلے نہ کوئے چتُرائیا۔ جن بھگتاں خاطر گوبِند دے کے گیا چِٹھا، ماچھوُواڑے سچ سمجھائیا۔ میرا پرم پُرکھ پرماتم آوے اِکو پِتا، دُھر دا مالک بےپرواہیِا۔ جِس دا روُپ نہ وڈّا نہ نِکاّ، جوت سروُپی سوبھا پائیا۔ شبدی دھار ایکنکار کرے کھیل ہرِ سمرتھا، شاہ پاتشاہ شہنشاہ اپنے ہتّھ رکھے وڈیائیا۔ جوتی جوت سروُپ ہرِ، آپ اپنی کِرپا کر، دُھر دی کرنی کار کمائیا۔ گُر اوتار پَیغمبر کہن اسیں ویکھی ساری کھیل، ہرِ خالق خلق کھِلائیا۔ آتم پرماتم کردا جائے میل، پاربرہم برہم میلا سہج سُبھائیا۔ شبدی سَتگُر چاڑھدا جائے تیل، سچ سوامی انترجامی اپنا رنگ رنگائیا۔ لکّھ چؤراسی آون جاون پتت پاون کٹدا جائے جیل، رائے دھرم نہ دئے سزائیا۔ جِس دا سوہنا وقت ہویا سُہیل، سُہنجنے دئے وڈیائیا۔ جوتی جوت سروُپ ہرِ، آپ اپنی کِرپا کر، مِہر نظر اِک اُٹھائیا۔ گُر اوتار پَیغمبر کہن اسیں لےَ کے آئے کھانا، دُھردرگاہوں دُھردرگاہی دِتا پُچائیا۔ جن بھگتاں رل مِل ساچا کھانا، دوُجا نظر کوئے نہ آئیا۔ اَگے منّنا پئے سب نوُں بھانا، کتک دُھر دی دئے گواہیِا۔ جھگڑا پَینا راجا رانا، شاہ سُلطاناں دئے ہِلائیا۔ لیکھا کوئے نہ جانے جیِو جہانا، شاستر سِمرت وید پُران انجیل قُرآن کھانی بانی کہن کوئے نہ پائیا۔ حُکمے اندر گُر اوتار پَیغمبر صوُفی سنت فقیِر منّ دے گئے بھانا، سِر سکے نہ کوئے اُٹھائیا۔ سو صاحب سوامی انترجامی پروردِگار سانجھا یار پاربرہم پتپرمیشور چھّبی دِوس کرے سُہانا، رُتڑی سُہنجنی آپ سُہائیا۔ جوت سروُپ شاہو بھوُپ نِرگُن دھار ایکنکار اکل کل دھاری پہر کے اپنا بانا، نِہکلنک راؤ رنک ڈنکا اِک وجائیا۔ جوتی جوت سروُپ ہرِ، آپ اپنی کِرپا کر، دُھر دا کھیل ویکھ وکھائیا۔ گُر اوتار پَیغمبر کہن شاباس، گُرمُکھ وڈ وڈیائیا۔ سب دی پوُری پنی آس، بچیا رہن کوئے نہ پائیا۔ پُرکھ اکال دا وِہار خاص، چار جُگ نہ کوئے سمجھائیا۔ لیکھا لِکھے نہ نال کوئی قلم دوات، کاتب چلے نہ کوئے وڈیائیا۔ جِس دا کھیل اوسے دے ساتھ، سو سوامی آپ کھِلائیا۔ جوتی جوت سروُپ ہرِ، آپ اپنی کِرپا کر، مِہر نظر اِک اُٹھائیا۔ جن بھگتو تُہاڈا ویکھیا اگمّی یار، گُر اوتار

پَیغمبر خوشی منائیا۔ جَیکاریاں وِچ سارے اُپر کھڑے کر دیؤ اپنے ہتھیار، ہتّھو ہتّھ ملِے وڈیائیا۔ اِک اِکلّا مِلیا میِت مُرار، پتپرمیشور بےپرواہیِا۔ دُرگا چرن کوَل جِس دے کرے نِمسکار، در ٹھانڈے سیِس جھُکائیا۔ بن کے جھاڑوُ بردار، دِوس رَین سیو کمائیا۔ گُر اوتار پَیغمبر سُنے نہ کوئے گُفتار، چؤداں لوک چؤداں طبق نہ کوئے شنوائیا۔ اَگے ایکا حُکم چلے نِرنکار، دوُجا نظر کوئے نہ آئیا۔ چار ورن اٹھاراں برن نؤ کھنڈ پرِتھمی ستّ دیِپ سوہنگ شبد ہونا جَیکار، جےَ جَیکار کرے لوکائیا۔ اُچی کوُک جن بھگت بانہہ دیؤ ہُلار، جو دُھر دا مالک بےپرواہیِا۔ پیِر پَیغمبر جِس دے خِدمتگار، خادم ہو کے سیو کمائیا۔ سو کھیل کرن آیا وِچ سنسار، سنساری بھنڈاری سارے بَیٹھے سیِس جھُکائیا۔ سوہنا ویلا وقت لیا وِچار، سمت شہنشاہی دو وجےّ ودھائیا۔ گُر اوتار پَیغمبر کہن اسیں بھتےّ کر کے لیائے تیار، جگ نیتر نظر کوئے نہ آئیا۔ گُرمُکھو سوا اٹھ نوُں سب نے ہونا تیار، کھانا اِکو وار کھوائیا۔ غفلت وِچ رہے کوئی نہ باہر، حُکم وِچ حُکم نہ کوئے بدلائیا۔ کھان توں پہلوں اِکّی لؤو جَیکار، پنج پیارے مُکھ باہر رکھائیا۔ ننگی کڈھ لیَنی تلوار، طوبیٰ طوبیٰ خلق دئے دُہائیا۔ سمبھل سکے نہ پَیر کوئی سرکار، جگت سیاست دئے دُہائیا۔ ایہہ کھیل کرے کرتار، قُدرت دا مالک اپنا کھیل کرائیا۔ گُر اوتار پَیغمبر کہن اسیں ویکھیا سب دا اکھّیں حال، حالات پربھ نے دِتا جنائیا۔ جِنہاں نوُں لکّھ چؤراسی وِچوں لیا بھال، سرِشٹی نالوں وکھّرے دتے بنائیا۔ جھگڑا مُکا کے شاہ کنگال، اوُچ نیِچ دا ڈیرہ ڈھائیا۔ االلہ واہِگُروُ نام سَت رام دا اِکو دسّ جَیکار، آتم پرماتم دِتا سمجھائیا۔ جِس وِچ دیِن مذہب دا نہیں کوئی وِچار، دُتیا ونڈ نہ کوئے ونڈائیا۔ گُر اوتار پَیغمبر کہن اسیں نِیوں نِیوں کریئے نمسکار، در ٹھانڈے سیِس نِوائیا۔ جن بھگتو تُہاڈا بھگتاں دا دربار، بِنا سِری بھگوان خالی نظر کدے نہ آئیا۔ جِنہاں ''سوہنگ مہاراج شیر سِنگھ وِشنوُں بھگوان'' بولیا پنج وار، لوکمات جنم وِچ نہ آئیا۔ جھگڑا مُکا کے تیِرتھ تٹ کِنار، آتم سروور دِتا نُہائیا۔ کایا مندر دسّ کے سچّا گُردوار، کعبہ اِکو دِتا دِرڑائیا۔ جِتھے اٹّھے پہر ہووے شبد دُھنکار، دِوس رَین اگمّی ناد سُنائیا۔ امرت آتم ملِے ٹھنڈا ٹھار، انڈِٹھڑا جام پیائیا۔ نِرگُن دیِا باتی کملاپاتی جوت کرے اُجیار، باہر ویکھن دی لوڑ رہے نہ رائیا۔ کایا مندر ساچے اندر سوال، ساچے اندر ڈیرہ لائیا۔ سوئی سُرتی لئے اُٹھال، سَتگُر داتا بےپرواہیِا۔ گُرمُکھو تُہاڈے نیڑ نہیں آؤنا کال، مہاکال نہ اکّھ وکھائیا۔ تُہاڈا دوارا اِکو سچکھنڈ سچّی دھرم سال، جِتھے دوُجا رہن کوئے نہ پائیا۔ جُگ چؤکڑی سارے کردے آئے اِظہار، صِفتاں نال صلاحیِا۔

جِس ویلے کلجُگ انت سِری بھگوَنت جوتی جاتا پُرکھ بِدھاتا اِک اِکلّا آوے ایکنکار، پروردِگار سانجھا یار اماماں دا امام نوُر خُدائیا۔ سب دا لہنا دینا پوُرب جنم دا لئے وِچار، لکّھ چؤراسی وِچوں سنت سُہیلے گُرمُکھ آپ اُٹھائیا۔ سو ویلا وقت سُہنجنا سوہنا لیا سنبھال، سبھا سوہنی نظری آئیا۔ جوتی جوت سروُپ ہرِ، آپ اپنی کِرپا کر، سِر اپنا ہتّھ ٹِکائیا۔ گُر اوتار پَیغمبر کہن گوبِند رنگ اپار، اپرمپر سوامی دِتا وکھائیا۔ ماچھوُواڑے والی دھار، دھرنی دھرت دھوَل سوبھا پائیا۔ جِس پُری انند دِتا اُجاڑ، اُجڑیاں دئے وسائیا۔ سب دی اندروں اکّھ اُگھاڑ، پڑدہ دئے چُکائیا۔ ساچی منزل چاڑھ، سچ دوارے دئے ٹِکائیا۔ میلا کر کے ایکا ایکنکار، ناتا جگت دیوے تُڑائیا۔ جن بھگتو تُساں خوشیاں نال کھانا اجّ آہار، جو تُہاڈا امرت روُپ نظری آئیا۔ چار جُگ دا سانبھ کے رکھیا جو پیار، مُحبّت وِچ تُہاڈی انتر آتم دئے ٹِکائیا۔ جوتی جوت سروُپ ہرِ، آپ اپنی کِرپا کر، سِر اپنا ہتّھ رکھائیا۔ گُر اوتار پَیغمبر کہن جن بھگتو تُہاڈی اوہ اگمّی روٹی، جیہڑی چار جُگ ہتّھ کِسے نہ آئیا۔ سرِشٹی کھا کھا تھکی جگت بوٹی، آتم رس نہ کوئے چکھائیا۔ باہروں جگدی وینہدے جوتی، اندر نوُر نہ کوئے رُشنائیا۔ اکّھاں نال اکھّراں والی پڑھدے پوتھی، نِراکھّر ویکھن کوئے نہ پائیا۔ چار کُنٹ دہ دِشا نؤ کھنڈ ستّ دیِپ سنکھیا ودھی کوٹن کوٹی، بہُہ گِنتی نظری آئیا۔ جن بھگتو تُہاڈے بِنا چڑھیا منزل کوئی نہیں چوٹی، سارے اَدھ وِچکار بَیٹھے ڈیرے لائیا۔ کِرپا کر کے جے کِسے نوُں تھوڑا جِہا دسّیا دسم دواری کوٹی، اِشارے نال سمجھائیا۔ اوہ ہؤمے دا ہو گیا روگی، ہنگتا وِچ اپنا آپ مِٹائیا۔ گُرمُکھو تُہاڈے اندروں نِرنتر ہو کے کڈھے دُرمت مَیل واسنا کھوٹی، کھوٹیاں توں کھرے لئے بنائیا۔ تُہاڈے منُشا جنم واسطے اجّ دی اِکو دِہاڑی بہُتی، بہُتی بھگتی دی لوڑ رہے نہ رائیا۔ جوتی جوت سروُپ ہرِ، آپ اپنی کِرپا کر، مِہر نظر نال پار کرائیا۔ گُر اوتار پَیغمبر کہن تُسیں سوہنے دِسے جوان، جوبنونتے نظری آئیا۔ جِنہاں دا اِکو اِک اِیمان، دوُجا اِشٹ نہ کوئے منائیا۔ ناتا جوڑ سِری بھگوان، گھر ساچے سوبھا پائیا۔ مِلیا گرِہ جِتھے دِیپک جوت جگے مہان، دوُسر اوَر نہ کوئے رُشنائیا۔ جن بھگتو تُسیں سارے اجّ گُر اوتاراں پَیغمبراں پاربرہم پتپرمیشور دے بنے مہمان، مہمانی کھا کے خوشی بنائیا۔ انت بولو جَیکارا سوہنگ مہاراج شیر سِنگھ وِشنوُں بھگوان، جو وِشیاں وِچوں باہر کڈھائیا۔ سارے پریم نال اپنا سانبھ لؤ سامان، سمے اندر سب کُچھ پوُر کرائیا۔ جوتی جوت سروُپ ہرِ، آپ اپنی کِرپا کر، پرم پُرکھ ہویا مِہربان، مِہربان ہو کے مِہر نظر اِک اُٹھائیا۔ گُر اوتار پَیغمبر کہن کِرپا کری

سِری بھگوان، پاربرہم پربھ اپنی دَیا کمائیا۔ سچکھنڈ نِواسی پُرکھ ابناشی ساڈی بینتی کری پروان، عرض عرضوئی جُگ چؤکڑی لیکھے لائیا۔ ساڈا لیکھے لایا در پکوان، جو دُھر درگاہ توں لےَ کے آئیا۔ جیہڑا جنم توں پہلوں سچکھنڈ اندر دیندا دان، مات لوک ہتّھ نہ کِسے پھڑائیا۔ سَتجُگ تریتا دواپر کلجُگ اساں اوس دا کیِتا نہیں بیان، شاستر سِمرت وید پُران انجیل قُرآن کھانی بانی سکے نہ کوئے سمجھائیا۔ نوَ ستّ چار کُنٹ دہ دِشا نہ دِسے کوئی نِشان، سَت سروُپ نہ کوئے وکھائیا۔ صدی چؤدھویں اسیں ہو گئے حَیران، حَیرانی ساڈے اندر آئیا۔ کریا حُکم شاہ سُلطان، دُھر فرمانا اِک دِرڑائیا۔ چار جُگ دے پِچھلے اُٹھو میرے بال نادان، ننھے بچّے لَواں جگائیا۔ پریم اندر ہووو سوادھان، حُکم وِچوں حُکم سُنائیا۔ دھرتی اُتے ویکھو مار دھیان، بِن اکّھاں اکّھ کُھلائیا۔ کلجُگ جیِو سرب کُرلان، دھیِرج دھیِر نہ کوئے دھرائیا۔ تُہاڈے نام دی لُٹی گئی دُکان، االلہ رام واہِگُروُ اوم کرِشن بھےَ نہ کوئے رکھائیا۔ گُر در مندر مسجد شِودوالے مٹھ ہوئے بدنام، بدی کر کر سارے شُکر منائیا۔ تیِرتھ تٹ سچ نہ کوئے اِشنان، گنگا گوداوری جمنا سُرستی رہی کُرلائیا۔ تُہاڈا رہیا نہ کوئی غُلام، سیوا سچ نہ کوئے کمائیا۔ انتر جپے کوئی نہ نام، رسنا سارے کرن پڑھائیا۔ منوُآ شرع وِچ ہو شیَطان، چار کُنٹ رہیا ستائیا۔ حقیِقی سُنے نہ کوئے پَیغام، پَیغمبراں سیِس نہ کوئے نِوائیا۔ جھگڑا پیا پیِن کھان، بُھکھیاں بُھکھ نہ کوئے مِٹائیا۔ سَت دھرم نہ رہیا نِشان، نِشانے سارے گئے گوائیا۔ گُر اوتار پَیغمبر کہن اساں حُکم سُنیا بِنا کان، ابناشی کرتے دِتا دِرڑائیا۔ چھڈو وسیرا اُپر اسمان، چلو زِمیں اُتے خوشی منائیا۔ تُہانوُں سانجھا دسّاں کلام، تُوں میرا مَیں تیرا راگ الائیا۔ جو بھوِکھتاں وِچ دے کے آئے پَیغام، سندیشے مات سُنائیا۔ اُس دا وقت پہنچیا آن، بےخبراں خبر جگائیا۔ ذرا ویکھو مار دھیان، نیتر لوچن نیَن اکّھ کُھلائیا۔ ساچے چڑھے نہ کوئے بِبان، کوُڑی کِریا رہی کُرلائیا۔ کرے کھیل سِری بھگوان، بِنا سمجھ سہج سمجھائیا۔ جوتی جوت سروُپ ہرِ، آپ اپنی کِرپا کر، مِہر نظر اِک اُٹھائیا۔ گُر اوتار پَیغمبر کہن سانوُں حُکم دِتا اگمّی، شبدی دھار جنائیا۔ سرِشٹ سبائی ہوئی نِکمی، نِکرمن روُپ بدلائیا۔ من واسنا پِھرے بھنّی، بھجےّ واہو داہیِا۔ جھگڑا پیا غریِب دھنی، سانجھا گھر نہ کوئے دسائیا۔ سنسار اکّھ ہوئی انّھی، پُرکھ اکال درس کوئے نہ پائیا۔ اکھّر پڑھدے صفیاں اُتے پنّیں، پنجاں دا مالک ویکھ نہ خوشی منائیا۔ دیِن مذہب پئی بنّی، حد حدوُد نہ کوئے تُڑائیا۔ چِکڑ بھری دِسے کنّی، پتت پُنیِت روُپ نہ کوئے وکھائیا۔ ساچی کھیل کِسے نہ منّی، منسا موہ وِچ ودھائیا۔ دُھر دا راگ سُنے کوئی نہ

کنّیں، صِفتاں والے ڈھولے پڑھ پڑھ وقت لنگھائیا۔ جوتی جوت سروُپ ہرِ، آپ اپنی کِرپا کر، ساچا کھیل رہیا سمجھائیا۔ گُر اوتار پَیغمبر کہن سانوُں حُکم دِتا اتھاہ، بھوَری اپنی وِچ بھوائیا۔ اُٹھ کے تکّو بےپرواہ، جو بےپرواہی وِچ سمائیا۔ جِس نوُں جُگ چؤکڑی آئے دھیا، االلہ واہِگُروُ رام کہہ کے ڈھولے گائیا۔ سو کھیل کرے خُدا، خود اپنی کار کمائیا۔ جن بھگتاں میل کرے سِدھا، دوُجا سنگ نہ کوئے رکھائیا۔ اِکو رنگ رنگائے وڈّا نِکاّ، بِردھ بال نہ کوئے جنائیا۔ جن بھگتاں بن کے دُھر دا پِتا، گُرمُکھ ساچے گود اُٹھائیا۔ نِرگُن ہو کے کرے اِچھا، سرگُن اپنے گھر وسائیا۔ جوتی جوت سروُپ ہرِ، آپ اپنی کِرپا کر، مِہر نظر اِک اُٹھائیا۔ گُر اوتار پَیغمبر کہن اسیں حُکمے اندر آئے بھجےّ، چلے واہو داہیِا۔ ساڈے پڑدے اوہو کجے، جو آد جُگادی دُھردرگاہیِا۔ سدا رہے سجےّ کھبّے، اَگے پِچھے ہوئے سہائیا۔ اُس دے چرناں وِچ سارے سجے، سوہنا در وڈیائیا۔ پریم پریِتی اندر مدھے، مدھر دُھن اگمّی گائیا۔ لوکمات آ کے اُس دے بھگت سُہیلے لبھے، جو بَیٹھے دھیان لگائیا۔ جوتی جوت سروُپ ہرِ، آپ اپنی کِرپا کر، ساچا حُکم رہیا سُنائیا۔ گُر اوتار پَیغمبر کہن سانوُں حُکم دِتا جلدی، چھیتی دِتا اُٹھائیا۔ لوکمات ویکھو اگّ بلدی، کلجُگ انت نہ کوئے بُجھائیا۔ ساری کھیل دِسے چھل دی، کپٹ وِکار وِچ لوکائیا۔ پربھ دی دھار نِہچل دھام اٹل دی، دُھر سندیشہ آپ سُنائیا۔ جوتی جوت سروُپ ہرِ، آپ اپنی کِرپا کر، دُھر دا بھیو آپ کُھلائیا۔ گُر اوتار پَیغمبر کہن سانوُں حُکم دِتا نِرنکار، نِرگُن آپ جنائیا۔ امرت بھتّا لےَ کے جاؤ وِچ سنسار، بھجّو واہو داہیِا۔ وقت سُہنجنا ہووے چار، چھّبی پوہ ملِے وڈیائیا۔ تُہاڈا لہنا دینا دیواں قرض اُتار، آد شکت بھوَانی باقی رہن کوئے نہ پائیا۔ اشٹبُھج دُرگا تیرا لیکھا تیری جھولی دیواں ڈار، پوُرب موُل چُکائیا۔ سارے ہو جاؤ خبردار، سچ دوار لؤ انگڑائیا۔ نِرگُن جوت ہو اُجیار، جگت روُپ نہ کوئے وکھائیا۔ سچ دوارے پہنچنا آن، بےپہچان حُکم ورتائیا۔ جوتی جوت سروُپ ہرِ، آپ اپنی کِرپا کر، دُھر فرمانا اِک دِرڑائیا۔ گُر اوتار کہن سانوُں حُکم دِتا بھتّا چُکو اوہ، جیہڑا جنم توں پہلوں دیاں کھوائیا۔ جِس نوُں کھا کے میری دھار جاوو ہو، نِرگُن سرگُن روُپ بدلائیا۔ آتم ہو کے پرماتم جاؤ چھوہ، پرماتم چھوہ کے گُر گُر شبد جنائیا۔ جُگ چؤکڑی جو منگدے رہے موہ، مُحبّت دیاں سمجھائیا۔ سارے نیتر کھول کے تکّو اگمّی جوت دی لو، لوآں پُریِاں برہمنڈاں کھنڈاں توں باہر دیاں سمجھائیا۔ غؤر نال ویکھو جِتھے بھگت بھگوان اِک نہیں دو، دوہاں دی دھار اِکو نظری آئیا۔ دِہاڑا ہووے سُہنجنا سمت شہنشاہی چھّبی پوہ،

ودی سُدی ونڈ نہ کوئے ونڈائیا۔ سب دی وست اگمّی پِچھلی کھوہ، امرت رس روُپ دیاں بدلائیا۔ ساچے بھگتاں اندر دیواں چو، سیوا تُہاڈے کولوں کرائیا۔ جوتی جوت سروُپ ہرِ، آپ اپنی کِرپا کر، سِر اپنا ہتّھ رکھائیا۔ گُر اوتار پَیغمبر کہن سانوُں حُکم آوے ہوکا، اگمّی آواز جنائیا۔ جھگڑا چھڈ دیؤ چؤداں لوکا، چؤداں طبقاں ڈیرہ ڈھاہیِا۔ کوئی واچے نہ پِچھلا پوتھا، پُستک سب دے ہتّھ پھڑائیا۔ سارے میرا نام سُن لؤ سؤکھا، جیہڑا چار جُگ نہ کِسے جنائیا۔ گُر اوتار پَیغمبرو میرے بھگتاں نال سب نوُں ملِے مؤقع، پہلوں دِتی نہ کِسے وڈیائیا۔ دُھر دا حُکم کِسے نہ روکا، نہ کوئی میٹے میٹ مِٹائیا۔ پربھ دی سوچ کوئی نہ سوچا، سمجھ وِچ سمجھ نہ کوئے بدلائیا۔ آو اُٹھو سب دی پوُری کراں لوچا، لوچن نیَناں دیاں درسائیا۔ جِنہاں دی خاطر تُہاڈا وقت بیِتیا چوکھا، چارے جُگ لنگھائیا۔ سب نال کردا رہیا دھوکھا، اپنا بھیو نہ کِسے کُھلائیا۔ صِفتی نام دا لَواؤندا رہیا گھوٹا، سہج سہج سمجھائیا۔ اپنے آپ دا کردا رہیا ٹوٹا، االلہ توں واہِگُروُ ونڈ ونڈائیا۔ کدی بندا رہیا چھوٹا، رام دو اکھّراں وِچ جُڑائیا۔ جوتی جوت سروُپ ہرِ، آپ اپنی کِرپا کر، دُھر دا بھیو آپ کُھلائیا۔ گُر اوتار پَیغمبر کہن سانوُں حُکم دِتا نال زور، خوشی نال اُٹھائیا۔ حُکمے اندر تور، تُرت دِتا دِرڑائیا۔ دُھر دا بھتّا لےَ جانا کول، کُل بھگتاں دِتی وکھائیا۔ رہنا سدا اڈول، ڈُل کوئے نہ جائیا۔ رہے نہ کوئی انبھول، بُھلیاں رہیا سمجھائیا۔ تولے کوئی نہ تول، اتُل دئے وڈیائیا۔ جوتی جوت سروُپ ہرِ، آپ اپنی کِرپا کر، ساچا حُکم اِک سُنائیا۔ گُر اوتار پَیغمبر کہن سانوُں حُکم آیا شتابی، شرع وِچوں سب نوُں باہر دِتا کڈھائیا۔ میرے نام دی لےَ جاؤ ساچی بھاجی، بھجن بندگی اِکو دِتی سمجھائیا۔ مَیں نَویِں ساجنا ساجی، ہرجن بھگت لئے اُٹھائیا۔ ویکھیو گُر اوتار پَیغمبرو کوئی ڈھولا جا کے گایؤ نہ اپنا ماضی، پِچھلا راگ نہ کوئے الائیا۔ میرا نام سچّا چار جُگ دا تازی، جِس دی تحریری تقریر نہ کوئے بدلائیا۔ جِس دی سمجھے نہ کوئے آوازی، دُھناں وِچ نہ کوئے شنوائیا۔ وسے نہ کِسے محرابی، بند نہ کوئے کرائیا۔ چکّھے نہ کوئے سوادی، رس نہ کوئے دِرڑائیا۔ گِنتی والی نہ ہووے آبادی، اکھّراں ونڈ نہ کوئے ونڈائیا۔ گاوے کوئی نہ ڈھاڈھی، رباب سُر نہ کوئے سُنائیا۔ جانے کوئی نہ گاڈی، گُر اوتار پَیغمبر رہے کُرلائیا۔ اِکو دھار میری آدی، آد پُرکھ رہیا سمجھائیا۔ جِس ویلے نؤ سؤ چُرانوے چؤکڑی جُگ دی کرنی ہووے بربادی، بدلہ سب دا دیواں چُکائیا۔ میری کھیل اگمّی ڈاڈھی، ڈنڈؤت کرن والا سمجھ کوئے نہ پائیا۔ مَیں سب توں وکھّرا باڈھی، گھڑن بھنّنہار ہو جائیا۔ سب توں وکھّرا سوانگی، میری سمجھ کِسے

نہ آئیا۔ شبد سندیشیاں وِچ تُہاڈی ودھاؤندا رہیا تانگھی، آشا بھوِکھ وِچ بدلائیا۔ تُہاڈی دھار میری باندی، بندھن پریم وِچ رکھائیا۔ جوتی جوت سروُپ ہرِ، آپ اپنی کِرپا کر، ساچی کرنی کار کمائیا۔ گُر اوتار پَیغمبر کہن سانوُں اِکو دِتا دھکاّ، خوشیاں نال ہِلائیا۔ سارے ناتا باہمی جوڑو سکا، دوُجی ونڈ نہ کوئے ونڈائیا۔ جو سچ پکوان پکاّ، سچکھنڈ دواریوں لؤ اُٹھائیا۔ ویکھیو کوئی لےَ کے جائیو نہ مدیِنہ مکّہ، مندراں مٹھاں وِچ ٹِکائیا۔ کوئی گُردوارے پِھرے نہ نَٹھا، بھجےّ واہو داہیِا۔ پُرکھ اکال کہے مَیں دسّاں بچن سچّا، حُکم اِک دِرڑائیا۔ جِنہاں بھگتاں نوُں جگت جہان کرے ٹّھٹھا، کوُڑ کہہ سمجھائیا۔ اوہ میرا دُھر دا بچّہ، جو سوہنگ ڈھولا گائیا۔ مَیں لوُں لوُں اندر رچا، رچنا اپنی دِتی وکھائیا۔ جیہڑا پریِتی اندر کچّا، چرن کوَل نہ لاگے رائیا۔ جو جُگ جنم دا اچّھا، تُہاڈا وِچھڑیا اپنے نال مِلائیا۔ جے تُہانوُں نہیں اگلا پتہ، آؤ اِکو وار سمجھائیا۔ بِن اکّھاں ویکھو بھگت دوار اِکو سجا، سجّن بَیٹھا دُھر درگاہیِا۔ جِس دے پرگٹ ہون دی جانے کوئی نہ وجہ، نہ معلوُم سارے رہے سُنائیا۔ کوئی جَیکارا لاوے فتح، کوئی االلہ کہہ کے رہیا گائیا۔ کوئی رام کہے ساڈا سکا، کوئی اوم کہہ کے جھٹ لنگھائیا۔ کوئی کرِشن ٹیکے متھا، دھوُڑی خاک رمائیا۔ کوئی دُرگا اشٹبُھج سیوا کرے ہتّھاں، اپنی سیو لگائیا۔ پُرکھ اکال کہے مَیں اِکو حُکم دسّاں، انت اَخیِری آپ جنائیا۔ مَیں اوہناں دے اندر وساں، جیہڑے میرا دھیان لگائیا۔ لوکمات پت رکھاں، رکھیا کراں تھاؤں تھائنیا۔ وسیرا ویکھاں وِچ ککھّاں، کُلیّاں وِچوں لَواں اُٹھائیا۔ گُر اوتار پَیغمبرو اوہناں لئی لےَ کے جانا بھتّا، بھرم دینا گوائیا۔ جوتی جوت سروُپ ہرِ، آپ اپنی کِرپا کر، کرے کھیل ہرِ رگھُرائیا۔ گُر اوتار پَیغمبر کہن اسیں بھتّا لےَ کے گئے آ، پہنچے چائیں چائنیا۔ ویکھیا کھیل بےپرواہ، شاہ پاتشاہ شہنشاہ دِتا دِرڑائیا۔ خوشیاں اندر ڈھولا لیا گا، بھگتاں نال وجّی ودھائیا۔ پِچھلا بولا لیا بدلا، وِچولا اِکو نظری آئیا۔ جِس نے چولا لیا بدلا، جوتی نوُر کرے رُشنائیا۔ پڑدا اوہلا لیا رکھا، نظر کِسے نہ آئیا۔ ویلا وقت رہیا سُہا، سُہنجنی رُت وجےّ ودھائیا۔ سو ویلا گیا آ، جِس دا جُگ چؤکڑی راہ تکائیا۔ گُر اوتار پَیغمبر کہن دُھر دا بھتّا بھگت دوارے لیا ٹِکا، ٹکیاں والی قیِمت کوئے نہ پائیا۔ پُرکھ اکال دے حُکمے اندر دِتا ورتا، گُرمُکھ ساچے کھاوَن چائیں چائنیا۔ جِس دا بھیو جانے کوئی نہ، پڑدا سکے نہ کوئے اُٹھائیا۔ سارے کرن والے ہاں وِچ ہاں، دُھر فرمان نہ کوئے بدلائیا۔ جوتی جوت سروُپ ہرِ، آپ اپنی کِرپا کر، دیِن دَیال اپنی دَیا کمائیا۔ گُر اوتار پَیغمبر کہن گُرمُکھاں خوشیاں نال چھکے پرشادے، پرشاد

بھگتاں دِتا ورتائیا۔ لہنے دینے چُکائے گوبِند پُرکھ اکال والے دادے، دعوہ پِچھلا پوُر کرائیا۔ اگلے کھیل اپنے سنگ گانڈھے، دوُجی گنڈھ نہ کوئے پوائیا۔ جوتی جوت سروُپ ہرِ، آپ اپنی کِرپا کر، ساڈی سیوا دِتی لگائیا۔ گُر اوتار پَیغمبر کہن سیوا کیِتی نال پریِت، پریِتم ویکھ خوشی منائیا۔ بھگتاں دی سوہنی ویکھی ریِت، چار ورن اِکو در تے سوبھا پائیا۔ جھگڑا چھڈ مندر مسیِت، کایا کعبےخوشی بنائیا۔ تُوں میرا مَیں تیرا گاون گیِت، ڈھولا دُھردرگاہیِا۔ سارے اندروں دِسے سیِت، باہروں اگن نہ کوئے تپائیا۔ من واسنا آئے جیِت، یتی جگت لوکائیا۔ پریم دا ڈھولا گاون گیِت، گوبِند تُوں ہی پِتا مائیا۔ بَیٹھ کے اِک اتیِت، ترےَگُن لیکھا لیا مُکائیا۔ سِری بھگوان کر بخشیِش، رحمت دِتی کمائیا۔ خوشیاں نال دِتی اسیِس، اشیرواد اِک دِرڑائیا۔ جوتی جوت سروُپ ہرِ، آپ اپنی کِرپا کر، ساڈا لیکھا پوُر کرائیا۔ گُر اوتار پَیغمبر کہن پربھوُ ساڈی اِک ارداس، عرضوئی سچ سُنائیا۔ اسیں تیرے بھگت ویکھنے خاص، سانوُں سارے دے وکھائیا۔ نؤ سؤ چُرانوے چؤکڑی جُگ پِچھوں آئی ایہہ رات، رُتڑی وڈ وڈیائیا۔ تیری ورتائی اگمّی دات، داتے تیرے ہتّھ وڈیائیا۔ اسیں تیری نِکّی جیہی شاخ، چھوٹے بالے نڈھے نظری آئیا۔ تیرا لیکھا لِکھدے آئے قلم دوات، کاغذ نال شاہیِا۔ اِشاریاں نال دسّدے آئے جگت جماعت، دیِناں مذہباں وِچ پڑھائیا۔ کھا کے آئے رسنا جِہوا بھات، بھوجن جگت وڈیائیا۔ کردے آئے پاٹھ، سِمرن وِچ سِمرن تیرا نام بنائیا۔ کھولدے آئے ہاٹ، وست ورتائی دُھردرگاہیِا۔ پُرکھ اکال تیری سمجھی اِک نہ بات، پڑدا اندروں نہ کوئے چُکائیا۔ جُگ چؤکڑی بدلدا رِہوں رِواج، سَتجُگ تریتا دواپر کلجُگ تیری سیو کمائیا۔ جوتی جوت سروُپ ہرِ، آپ اپنی کِرپا کر، مِہر نظر دینی اُٹھائیا۔ گُر اوتار پَیغمبر کہن اسیں ویکھنے بھگت دُلارے، دوُلھے دُھر دے نظری آئیا۔ جِنہاں دے پِچھے ساڈے پوُرے کیتےِ لارے، جُگ چؤکڑی لیکھ چُکائیا۔ سوہنے سُچّجے دِسن لاڑے، ناری پُرش روُپ نہ کوئے بدلائیا۔ جِنہاں دا کھیل ویکھیا دِن دِہاڑے، درگاہ ساچی وجّی اِک ودھائیا۔ اوہناں دا مانَس جنم لگّا کارے، کرتے قیِمت آپے پائیا۔ ساڈے پوُرے ہوئے ہاڑے، ہؤکے دتے مِٹائیا۔ خوشیاں نال بیِتے جُگ چارے، اَگے سمجھ کِسے نہ آئیا۔ ساڈے ڈھڈاں دے اُترےَ اپھارے، اندرلا دُکھ دِتا گوائیا۔ جوتی جوت سروُپ ہرِ، آپ اپنی کِرپا کر، مِہر نظر نال ترائیا۔ گُر اوتار پَیغمبر کہن پربھوُ دسّ، کیہڑے چنگے کیہڑے مندے، سانوُں دے دسائیا۔ کیہڑے وسدے تیرے سنگے، کیہڑے بَیٹھے مُکھ بھوائیا۔ کیہڑے مانُش تے کیہڑے بندے، کیہڑی اِستری روُپ بدلائیا۔ کیہڑے سچکھنڈ

دوارے ٹنگے، کیہڑے جوُنیاں وِچ رکھائیا۔ کیہڑے تیرا دوار لنگھے، چرن بہہ کے سوبھا پائیا۔ پُرکھ اکال کِہا گُر اوتار پَیغمبرو جیہڑے چڑھ گئے میرے نام دے ڈنڈے، ڈنڈؤت بندنا توں کھہڑے دتے چُھڈائیا۔ اوہ ایتھے اوتھے دو جہان سارے چنگے، بُڈھے نڈھے اِکو رنگ رنگائیا۔ سچّے گھر وِچ پُرکھ اکال ونڈ کوئے نہ ونڈے، شاہ حقیِراں اِکو گھر بہائیا۔ جوتی جوت سروُپ ہرِ، آپ اپنی کِرپا کر، مِہر نظر نال ترائیا۔ گُر اوتار پَیغمبر کہن پربھوُ سانوُں پیا کُچھ شکّ، شک دے مُکائیا۔ اسیں کِدھر لئیے تکّ، کوَن اکّھ کُھلائیا۔ پُرکھ اکال کِہا پہلوں چرن جاؤ ڈھٹّھ، پھیر دیاں دِرڑائیا۔ پِچھلا لیکھا چھڈو مندر مٹھ، شِودوالے دھیان نہ کوئے لگائیا۔ پِھر میریاں بھگتاں دا ویکھو اِکٹّھ، جو چاروں کُنٹ سوبھا پائیا۔ ایہہ ساریاں توں اُتم تے سرِیشٹ جِنہاں دے اندر میرے نام دا سچ، دوُجی کرن نہ کوئے پڑھائیا۔ اِکو تُوں ہی تُوں ہی رہے جپ، آپ اپنا بھیٹ کرائیا۔ گُر اوتار پَیغمبر کہن سانوُں ویکھ لیَن دے اینہاں دے مستک متھ، تیرے اندر وڑ کے ویکھ وکھائیا۔ تیئی اوتار کہن ایہہ بَیٹھے اُتے ککّھ، ککّھاں اُتے بَیٹھے لکّھاں دا ڈیرہ گئے ڈھاہیِا۔ پیِر پَیغمبر کہن ایہہ سب توں ہوئے وکّھ، کلمیاں کلاماں توں پلّوُ گئے چُھڈائیا۔ گُروُ گُردیو کہن اِنھاں دے اندر وڑ گیا سچ، جھوُٹھی کِریا گئے تجائیا۔ پُرکھ اکال نوُں منّ کے باپ، پوُت سپوُتے بن کے سوبھا پائیا۔ جھگڑا رہیا نہ کِسے پاپ، دُرمت مَیل دھوائیا۔ جوتی جوت سروُپ ہرِ، آپ اپنی کِرپا کر، سِر سب دے ہتّھ رکھائیا۔ گُر اوتار پَیغمبر کہن سانوُں چڑھدی جائے مستی، گُرمُکھ نظری دُھر دے آئیا۔ نؤ کھنڈ وِچوں بھگت دوارا جگت نوُں دِسے چھوٹی بستی، اَگا سکے نہ کوئے سمجھائیا۔ اسیں کتھا کہانی دسّیئے سچ دی، سارے رہے دِرڑائیا۔ جِتھے پُرکھ اکال دی اِکو جوت جگدی، دوُجی ہووے نہ کوئے رُشنائیا۔ اوتھے قیِمت کوئے نہ لگدی، درشن کیِتیاں پار لنگھائیا۔ ایہہ کوئی دھار نہیں کھتری براہمن شوُدر وَیش نائی کمینےِ جٹّ دی، شہنشاہ اپنا حُکم ورتائیا۔ ایہہ کوئی کھیل نہیں نٹوُے بھٹّ دی، جگت سوانگی ویس نہ کوئے بدلائیا۔ ایہہ کوئی نظر نہیں بَیروُنی اکّھ دی، پرتکھ کھیل وکھائیا۔ گُر اوتار پَیغمبرو بھگتاں دے اندر پربھ دی دھار ویکھو نچّدی، جو نچےّ کُدے چائیں چائنیا۔ اِنھاں نوُں لوڑ نہیں کِسے سیج والے کھٹّ دی، پٹنے دا مالک اِکو نظری آئیا۔ جِس نوُں مدد پُرکھ سمرتھ دی، دوُجے آس نہ کوئے تکائیا۔ اوہ جانے گھٹ گھٹ دی، گھاٹے سب دے پوُر کرائیا۔ گُرمُکھو سنسار سرِشٹی وِچ دُکھاں دی اگّ مچّ دی، تُہاڈا دُکھ اپنی جھولی پائیا۔ جوتی جوت سروُپ ہرِ، آپ اپنی کِرپا کر، سِر اپنا ہتّھ رکھائیا۔

گُر اوتار پَیغمبر کہن آہ کُجھ بَیٹھے دِسن اندھیرے، کِیوں اکّھاں بند کرائیا۔ پُرکھ اکال کہے اینہاں دے رام چندر توں پہلاں دے ڈیرے، راما دئے گواہیِا۔ کرِشن کہے ایتھے میرے دوارے کھیڑے، کھِڑکی کُنڈا دیاں کُھلائیا۔ موُسیٰ کہے اِکیاں دے اندر میرے جھیڑے، جو مَینوُں نظری آئیا۔ عیسیٰ کہے اینہاں وِچوں تھوڑے بتھیرے، جو گِنتی وِچ ستّ سوبھا پائیا۔ محمد کہے بتّیاں دے میرے نال رہے جھیڑے، کدی منّن تے کدی مُکھ جان بھوائیا۔ جوتی جوت سروُپ ہرِ، آپ اپنی کِرپا کر، کرے کھیل بےپرواہیِا۔ گُروُ نانک کہے ایہناں وِچوں دِسدے سؤدےباز، کھوٹے کھرے اپنا کھیل وکھائیا۔ گوبِند کِہا ایہناں وِچوں دِسدے چوُری کھواؤندے میرے باز، چوری چوری مَیتھوں آپ چُھپائیا۔ کُچھ ایتھوں دساں دی کُھلی جاگ، جِنہاں نوُں انندپُری توں باہر اپنا میل کرائیا۔ پُرکھ اکال کہے مَیں سب دی ساجن لئی ساز، سجّن سارے لئے بنائیا۔ نؤ سؤ چُرانوے چؤکڑی جُگ پِچھوں چلا کے اپنا رِواج، رواداری ساری دِتی مِٹائیا۔ کِشن سِنگھا کی کھاج دا آیا سواد، سچ دینا سجھائیا۔ گُر اوتار پَیغمبر کہن پربھوُ تیرا کِڈا چنگا سماج، جو سمے وِچوں اپنا سماں بَیٹھے بدلائیا۔ ساڈے ہوئے دھنّ بھاگ، بھگوان تیرے نال چل کے تیریاں دا درشن پائیا۔ سانوُں اَیں دِسدا اینہاں دے اندر اوہ سواد، جیہڑا سمیاں توں ہتّھ کِسے نہ آئیا۔ اِنھاں دا خوشیاں والا مجاز، مذاق وِچ ہسّے جگت لوکائیا۔ گُر اوتار پَیغمبر کہن پربھوُ اینھاں دا ویکھ کے جھگڑا فساد، اجّ دا ویلا سانوُں رہیا بتلائیا۔ سرِشٹی دی کِسے نہیں کرنی اِمداد، دِماغ سارے فیل کرائیا۔ چلدے ڈُبنے جہاز، بیڑے دینے رُڑھائیا۔ جوتی جوت سروُپ ہرِ، آپ اپنی کِرپا کر، جن بھگتاں دی رکھنی لاج، لاجاوَنت اپنے ہتّھ رکھے وڈیائیا۔ گُر اوتار پَیغمبر کہن اسیں ویکھنے وڈّے چھوٹے، سارے اِکو رنگ نظری آئیا۔ سب نے سوُربیِراں والے کسے لنگوٹے، جگت بھےَ بَیٹھے چُکائیا۔ اندرو اندر سب نے اپنے نام پربھوُ والے سوچے، ماتا پِتا والے نام سارے گئے بُھلائیا۔ اوس دوار پہنچے، جِتھے پُجیاں کِسے پوُجا پاٹھ دی لوڑ رہی نہ رائیا۔ گُرمُکھو ویکھیو کِتے بھا نہ وِک جائیو دوُجے، کھتری براہمن شوُدر وَیش ونڈ وِچ رکھائیا۔ کِتے بند نہ ہو جائیو دیِن مذہب والے نِکے جیہے کُجے، برہمنڈ کھنڈ تُہاڈے چرناں ہیٹھاں دبائیا۔ تُہاڈی رمز کوئی نہ بُجھے، پربھوُ دا دوار کوئی نہ سُجھے، بِن بھگوان توں بھگتاں نوُں کرے کوئی نہ اُگھے، گُنگے دِسی سرب لوکائیا۔ جوتی جوت سروُپ ہرِ، آپ اپنی کِرپا کر، کرے کھیل ساچا ہرِ، صاحب سوامی دُھر دا اِکو نظری آئیا۔ گُر اوتار پَیغمبر کہن گُرمُکھو ایَویں اَگے کردے نہ رِہو ارداسے، متھا خاک

نال رگڑائیا۔ سارے ڈر گئے تُہاڈے ہتّھاں وِچ ویکھ کے تِکھے گنڈاسے، دھار دھار گئے بدلائیا۔ سانوُں خوشی ابناشی کرتے ساڈے بچن کیتےِ ساچے، سچّیاں سانوُں جگت وِچ دِتا بنائیا۔ جے رَوداس دے بستر نہ ہُندے پاٹے، غریِباں نوُں کدے نہ گل لگائیا۔ گُرمُکھاں دے کدی کُھلے نہ کردا جھاٹے، جنگلاں وِچ پِھرن دی لوڑ رہی نہ رائیا۔ تُسیں سُتے تُہاڈا پُرکھ اکال اِکو جاگے، گھر گھر وِچوں پھڑ کے اپنے کول لیائیا۔ تُساں کِیوں پھڑے دو سوُتاں والے سانگھے، دونہ راہاں اُتے پَیر نہ کوئے ٹِکائیا۔ تُہاڈے لمے لمے کوئی ویکھن والے نہیں سی ڈھانگے، دیِناں مذہباں دے ڈھنگیاں توں دِتا چُھڈائیا۔ تُسیں جُگ جنم دے تھکے ماندے، بھجن بندگیاں کر کر اپنا آپ لیا سُکائیا۔ جوتی جوت سروُپ ہرِ، آپ اپنی کِرپا کر، دُھر دا لیکھا رہیا مُکائیا۔ گُر اوتار پَیغمبر کہن پربھوُ تیری کِڈی وڈّی تڑپ، مُردیاں دئیں تڑپائیا۔ پُرکھ اکال کہے مَیں تُہاڈے پِچھے آیا پرت، پتپرمیشور ہو کے خوشی منائیا۔ میری کوئی بچّیاں والی نہیں شرط، شرع دے اصوُل دیاں بدلائیا۔ بِنا بھگتاں کدے کِسے نوُں مِلن نہیں آیا اُتے دھرت، دھرنی اُتے پھیرا نہ پائیا۔ کدی نہ لبھا کِسے نوُں وِچوں چرچ، چرکھیاں والیِاں دین گواہیِا۔ گُرمُکھو تُہاڈے جنم دا میرے کول خرچ، کھاؤ کھٹّو تے خوشیاں نال اپنا جھٹ لنگھائیا۔ جِدھر ویکھوگے اودھر ونڈاں درد، دُکھیاں دا مالک نظری آئیا۔ بھگت اُدھارنا پربھوُ دا فرض، گُرمُکھ اپنے گھر وسائیا۔ جوتی جوت سروُپ ہرِ، آپ اپنی کِرپا کر، ساچی کرنی آپ کمائیا۔ گُر اوتار پَیغمبر کہن پربھوُ ویکھیا تیرا عجب طریقہ، تکّیا کھیل بےپرواہیِا۔ سِری بھگوان کہے جن بھگتاں سِکھیِاں میرے کولوں پریِتا، پریِتم اِکو رہے منائیا۔ جِنہاں دا اندر ہویا ٹھانڈا سیِتا، سیِتا رام اوہناں دے گھر وِچ سوبھا پائیا۔ بھگتی دا بھنڈارا بھر دِتا اوہناں دی جیب وِچ کھیِسہ، بیِسا دئے گواہیِا۔ جِس دوارے تے چرن دھوُڑی منگےموُسیٰ عیسیٰ، اِچھیا اپنی رہے ودھائیا۔ جوتی جوت سروُپ ہرِ، آپ اپنی کِرپا کر، ساچی کھیل رہیا وکھائیا۔ گُر اوتار پَیغمبر کہن پربھوُ تیرے بھگت رجےّ کہ بُھکھے، اندروں ویکھیئے دھیان لگائیا۔ سُکھی کہ دُکھے، دُکھی ہو کے رہے کُرلائیا۔ پُرکھ اکال کہے گُر اوتار پَیغمبرو مَیں تُہاڈے لاریاں دے پِچھے اپنی گودی چُکے، کوارے اپنے نال پرنائیا۔ تُسیں ہُن ہو جاؤ پرے سِنگھاسن دی گُٹھے، مَیں چاروں کُنٹ سب نوُں گودی لَواں ٹِکائیا۔ جِس میرا نام جپیا اوہنوُں دھرم رائے کدی نہ ٹنگے پُٹھے، جنماں وِچ نہ کوئے بھوائیا۔ جگت مایا کوئی نہ لُٹے، لُٹیرے سارے اندروں دِتے کڈھائیا۔ اوہناں دی پریِتی پتپرمیشور نالوں کدے نہ ٹُٹے، جِنہاں دی ٹُٹی لئی گنڈھائیا۔ اٹّھے پہر اِکو نام

جُٹے، جوٹیاں گُرمُکھاں نال رکھائیا۔ او گُرسِکھو تُہانوُں وی نہیں رہن دیندا سُکے، سارے اِکو گھر وسائیا۔ بِنا میری کِرپا گُر اوتار پَیغمبر کوئی نہ کِسے نوُں پُچھے، پِچھا پرت کے ویکھن کوئے نہ آئیا۔ جِنہاں نے اجّ تاء دتے اُتے مُچھے، اکّھاں لال کڈھ ڈرائیا۔ جِنہاں دے تُٹے جُتے، اوہناں نے اپنی منزل لئی مُکائیا۔ ساریاں نوُں در آیاں نوُں اِکو جِہا پُچھے، فرق وِچ نہ کوئے جُدائیا۔ اجے وی اِک سؤ اؤنانوے اِنھاں وِچوں رُسے، جے ناں لَواں تے روون مارن دھاہیِا۔ بِن پربھ دی کِرپا کِسے کمّ نہیں آؤندا پنج تت دا بُتے، مِٹی خاک نہ کوئے وڈیائیا۔ اَگے گیاں کوئی نہ پُچھے، سچ دوار نہ کوئے بہائیا۔ جوتی جوت سروُپ ہرِ، آپ اپنی کِرپا کر، ساچے رنگ نال رنگائیا۔ گُر اوتار پَیغمبر کہن جن بھگتو روٹی کھادھی کہ دال، سارے دیؤ سُنائیا۔ غمی خوشی دا دسّو حال، پڑدا دینا چُکائیا۔ پُرکھ اکال کہے جِنہاں دے مَیں وساں سدا نال، انتر ہو کے نِرنتر روُپ درسائیا۔ اوہناں اُتے کوئی نہ کرے سوال، جواب طلبی نہ کوئے کرائیا۔ اوہ میرا تکّ کے جمال، جنم مرن دا لیکھا گئے چُکائیا۔ سدا کراں اوہناں دی پرِتپال، پرِتپالک ہو کے ویکھ وکھائیا۔ جیہڑے تُہاڈے اوہ تُہاڈے چلے گئے نال، بھگت بھگوان نال اپنا جھٹ لنگھائیا۔ ایہہ اَولّڑی جِہی چال، بھگتاں نوُں پتہ نہیں آپے اوہناں دی سُرت رہیا سنبھال، ماں پِیو نوُں پتہ نہیں تے آپے رہیا اُٹھال، پِیو پُت نوُں رمز نہیں آپے بنائے اپنے لال، جوتی جوت سروُپ ہرِ، آپ اپنی کِرپا کر، دُھر دا مالک بےپرواہیِا۔ گُر اوتار پَیغمبر کہن کیہڑے بَیٹھے نال پاوے، کھبّا سجّا دے سمجھائیا۔ گوبِند کِہا پہلوں مَینوُں میٹ لیَن دیؤ جِنہاں دِتے بےدعوے، بدلی دیاں کرائیا۔ پُرکھ اکال کولوں سارے کرا دیواں سانوے، کُنڈے اِکے دیاں تُلائیا۔ جنم جنم دے بدل کے ناویں، نَواں جنم دیاں وکھائیا۔ جو سوہنگ ڈھولا گاوے، گا گا خوشی بنائیا۔ اوہ پُرکھ اکال پتپرمیشور اِکو راوے، دوُجی سیج نہ کوئے ہنڈھائیا۔ گوبِند کہے پربھوُ اوئے تیرے بھگت کوئی کٹّے وچھّے نہیں لاویں، جمن والی ہور نہ کوئی مائیا۔ تیرے بِنا اِنھاں دی آتما نہ کوئی بناوے، پرماتما بِنا تن وجوُد کمّ کِسے نہ آئیا۔ بِن تیری کِرپا پت سرب گواوے، چلے نہ کِسے چتُرائیا۔ مُردے مرد نہ کوئے جِواوے، جیِون جُگت نہ کوئے بدلائیا۔ جوتی جوت سروُپ ہرِ، آپ اپنی کِرپا کر، سِر میرے ہتّھ رکھائیا۔ گُر اوتار پَیغمبر کہن اسیں کھڑھیئے کِس دروازے، دربان ہو کے خوشی بنائیا۔ کیہڑے وقت سُہنجنے جاگے، آلس نِندرا نہ کوئے بنائیا۔ پُرکھ اکال کہے پہلوں میرے بھگتاں نوُں مارو اِک آوازے، واجا ڈھولک نہ کوئے کھڑکائیا۔ اوہناں دے صاف کرو اِرادے، پوِتر لؤ کرائیا۔ گُر اوتار پَیغمبر کہن اسیں مات لوک

وِچوں ڈردے بھاجے، پلّوُ آئے چُھڈائیا۔ سانوُں پتہ لگّا تُوں پرگٹ ہویا دیس ماجھے، جو گوبِند آیا دِرڑائیا۔ رچیا اگمّی کاجے، کھیل نوُر خُدائیا۔ اوہ کڈھ لئے جیہڑے وِچ دوآبے، دغا کِسے نال نہیں کمائیا۔ کُچھ لیکھا لِکھیا نانک بابے، ہتّھ چھاتی اُتے ٹِکائیا۔ کُچھ گوبِند ہتّھ اُتے رکھ کے بازے، واج دِتی لگائیا۔ میرے غریِب نوازے، تیرے اَگے دُہائیا۔ پُرکھ اکال کِہا جِس ویلے میرے سیِس اُتے ہووے تاجے، تاجاں والے دیاں مِٹائیا۔ بھگتاں نال چلے اِک رِواجے، رضا وِچ سارے لَواں چلائیا۔ گُر اوتار پَیغمبر کہن کِس بِدھ کراویں حاجے، حضرت دے دِرڑائیا۔ پُرکھ اکال کِہا جو بھگتاں دی رل جائے جماعتے، جماں توں دیاں چُھڈائیا۔ جو پکوان کھا لئے میریاں بھگتاں دیِاں سِر تے چُکیاں ہوئیاں پراتے، پتناں توں پار دیاں لنگھائیا۔ جِس طرح وڈّیوں چھوٹا چیِر کے کردا داتے، اصل دا روُپ دئے بدلائیا۔ ایسے طرح گُرمُکھو تُہاڈے پوُرے کردا گھاٹے، گھٹّیاں وِچ رُلدیاں سچکھنڈ دوار دیاں بہائیا۔ تُہاڈے کھا کے پریم والے باٹے، امرت رس دیاں چکھائیا۔ جوتی جوت سروُپ ہرِ، آپ اپنی کِرپا کر، لیکھا اپنے ہتّھ وکھائیا۔ گُر اوتار پَیغمبر کہن پربھوُ تیرے بھگت کیہڑے، اوہناں دی قِسم دے وکھائیا۔ پُرکھ اکال کِہا جیہڑے میرے بھگت دوار دے آ گئے وِچ ویہڑے، سارے اِکو جِہے دیاں بنائیا۔ جنم جنم دے چُکے جھیڑے، جھگڑا رہے نہ رائیا۔ آوو تکّو ہو کے اَگے نیڑے، نِیوں نِیوں دیاں وکھائیا۔ جیہڑے میرے حُکم دے آ گئے گھیرے، گھریاں توں باہر ٹپائیا۔ اوہ سجّن بن گئے میرے، مَیں اوہناں دا پِتا مائیا۔ جِنہاں دے جُگ چؤکڑی وڈے جیرے، صدی چؤدھویں راہ تکائیا۔ پھڑ کے باہوں ماں پِیو وِچوں نِکھیڑے، بھَیناں بھائیاں ناتے دِتے تُڑائیا۔ دے کے اپنے گیڑے، ناریاں نال کنت دِتے لڑائیا۔ اوہ آ گئے ایس ویہڑے، جِنہاں نوُں بُرا کہے لوکائیا۔ پُرکھ اکال اوہناں پِچھے بُڈھا نڈھا ہو کے مارے پھیرے، اپنا جوبن اپنے وِچوں پرگٹائیا۔ جوتی جوت سروُپ ہرِ، آپ اپنی کِرپا کر، سِر اپنا ہتّھ رکھائیا۔ گُر اوتار پَیغمبر کہن تیرے سِنگھاسن دی کیہڑی چوُل، پربھ سہجے دے سمجھائیا۔ کِتھے بہیں کنت کنتوُہل، کنت دُھر درگاہیِا۔ پُرکھ اکال کہے میرے رہن دا میرے بہن دا بھگتاں دے اندر موُل، جِتھے ویکھن کوئے نہ جائیا۔ اوتھے وڑاں اوتھے چڑھاں جِتھے مَینوُں کوئی نہ جائے بھوُل، بُھلیاں نوُں اپنے نال رلائیا۔ آد جُگاد بھگت اُدھارنا بنیا اِک اصوُل، اصل نال وصل یار کرائیا۔ حُکم اِک معقوُل، نہ کوئی میٹے میٹ مِٹائیا۔ مَیں کدے نہ جاواں بھوُل، بُھلیاں اپنے رنگ رنگائیا۔ جوتی جوت سروُپ ہرِ، آپ اپنی کِرپا کر، لیکھا بِن لیکھ نہ کِسے وکھائیا۔ گُر اوتار پَیغمبر کہن پربھوُ تیری

کِتھے اوہ لِکھت، جیہڑی بِن اکھّراں دئیں پڑھائیا۔ سانوُں سندیشے دتے نال بھوِکھت، جِس نوُں سمجھے کوئے نہ رائیا۔ پُرکھ اکال کہے جے پُچھنا پہلوں اپنیِاں دیِناں مذہباں نوُں میرا دسّو اِشٹ، پھیر نیویں ہو کے سیِس نِوائیا۔ مَیں کوئی گُروُ نہیں جو بھوگاں جگت گرِہست، گرِہستیاں دا مالک خلق دا خالق پرِتپالک سب دا پِتا مائیا۔ گُر اوتار پَیغمبر کہن پرماتما اسیں ایسے کر کے منگدے آئے وقت، بےوقت منگ نہ کوئے منگائیا۔ پُرکھ اکال کہے ہُن ویکھ لؤ سُہنجنا میرا بھگت، جو بِن بھگتی دِتا بنائیا۔ جِنہاں دے کارن آیا فقط، فِقرہ اپنا نام سُنائیا۔ گُر اوتار پَیغمبرو جیہڑی تُساں لیاندی وست، پریم نال ورتائیا۔ جوتی جوت سروُپ ہرِ، آپ اپنی کِرپا کر، ساچا حُکم اِک رکھائیا۔ گُر اوتار پَیغمبر کہن بھگتو سِری بھگوان جُگ جُگ ڈاڈھا، ڈنڈؤت بندنا سجدہ سب نوُں دئے سمجھائیا۔ پُرکھ اکال کہے نہیں مَیں پریم پیار مُحبّت وِچ سب نالوں ٹھانڈا، بُھلیاں نوُں اگنی وِچ تپائیا۔ مَیں دو جہاناں سانجھا، ونڈ وِچ حِصّہ نہ کوئے جنائیا۔ گُر اوتار پَیغمبر کہن پربھوُ تُوں کی پیِندا کھاندا، کی وست تیری بھیٹ چڑھائیا۔ ابناشی کرتا کہے جیہڑا میرا نام گاندا، مَیں اوسے نوُں اپنا آپ ترِپت وکھائیا۔ مَیں کوئی پنڈت نہیں مُلّا نہیں گرنتھی نہیں نہ جگت والا پاندھا، نہ کوئی حِساب کِتاب سمجھائیا۔ مَیں کوئی منگدا نہیں گٔو ڈھانڈا، سیرا منڈا کھا کے خوشی نہ کوئے بنائیا۔ مَیں کوئی جل پانی نال نہیں نہاندا، اپنا آپ پوِتر دھوتی کچھہرے نال نہ کوئے رکھائیا۔ مَیں کوئی پہن دا نہیں تیڑ سلوار پجاما، چیِتھڑ گل نہ کوئے رکھائیا۔ مَیں کِسے دا تایا چاچا تے پُھپھڑ نہیں ماما، جگت سجّن ساک نہ کوئے اکھوائیا۔ مَیں کوئی مجھّیاں گائیاں چارن والا نہیں کاما، بیلیاں وِچ اپنا پھیرا پائیا۔ مَیں کوئی ڈھولک کھڑکاؤن والا رکھیا نہیں دمامہ، دماں توں باہر اپنا ڈیرہ لائیا۔ مَیں کوئی دیِناں مذہباں والا رکھیا نہیں وِدھانا، وِدیا نال اپنا جھٹ نہ کوئے لنگھائیا۔ جد آواں تے وکھّرا پہر کے جامہ، جُگ چؤکڑی اپنا حُکم ورتائیا۔ جیہڑا بُھلیا اوہ بیگانہ، گُر اوتار بُڈھے اُف لّک دھوُہ دھوُہ آہ آہ بھار سِہا نہ جاندا، دیِن مذہب کندھ نہ کوئے اُٹھائیا۔ گُرمُکھو کِتے سمجھ نہ لِؤ ڈراما، دُھر دا نِشانہ رہیا جنائیا۔ کِتے جان نہ لِؤ ایہہ پنجاں تتّاں والا اِنسانا، پوُرن سِنگھ کہہ کے سارے رہے گائیا۔ جے سمجھو تے ایہہ وِشنوُں بھگوانا، تُہاڈا پِتا مائیا۔ تُہاتھوں کوئی کھان نوُں منگدا نہیں بدانا، بداماں نال اپنا بَل نہ کوئے ودھائیا۔ نہ ایہہ گوپیِاں والا شاما، نہ بناں والا راما، نہ پڑھن والا کلاما، نہ سلاماں وِچ سیِس جھُکائیا۔ جے ویکھو شہنشاہاں دا شہنشاہ شاہاں دا سُلطانا، سُتّیاں نوُں رہیا جگائیا۔ اجّ گُر اوتار پَیغمبرو اُٹھو مَیں

بھگتاں نوُں دین آیا اِنعامہ، نام ونڈ کے ہتّھ رکھ کے کنڈ، کنڈیاں توں باہر لنگھائیا۔ کوئی نہ دیوے دنڈ، کوئی نہ کرے بھیکھ پکھنڈ، دوُتی دُشٹ دینے کھپائیا۔ ایہہ گُرمُکھ میرے چند، چندرما سوُریہ جِنہاں دا درشن پائیا۔ درشن سِنگھ پھیرکے ویکھ کنڈ، ایہہ کوئی بھیکھ نہیں پکھنڈ، اِنھاں دا مالک اِک بخشند، دُھر دا صاحب اِک گوسائنیا۔ کی آکھوگے بُڈھا، کی آکھوگے نڈھّا، کی آکھوگے ڈُڈا، سُتّا کہ جاگدا، سب دے ساہمنے نظری آئیا۔ گُر اوتار پَیغمبر کہن ہائے اُف صدی چؤدھویں کوئی نہ ملِے ڈھوئی، ڈھوآ لےَ کے مِلن کوئے نہ آئیا۔ ساڈا رہیا نہ کوئی، کوٹی کوُک کوُک کُرلائیا۔ پتہ نہیں ایس بھگتاں دی آتما کِس طرح موہی، مُحبّت وِچ لئے پھسائیا۔ کیہڑی دھار اندر بوئی، بیِج دُھر دا لیا پرگٹائیا۔ جو ایہدے ورگی ہوئی، سوہنگ ڈھولا رہے گائیا۔ سِری بھگوان کہے میرے بھگتاں دی آتما سدا نَویِں نروئی، نِرگُن نظری آئیا۔ کِیوں میرا بھیت جانے کوئی، سب کُچھ کول ہُندیاں سارے دِتے بُھلائیا۔ جوتی جوت سروُپ ہرِ، آپ اپنی کِرپا کر، سب نوُں نہ دے ڈر، ڈردیاں نوُں ہور نہ دے ڈرائیا۔ گُر اوتار پَیغمبر کہن پربھوُ پِچھے وی تَیتھوں آئے ڈردے، چار جُگ دھیان لگائیا۔ تیرا نام آئے پڑھدے، پڑدیاں وِچوں باہر کڈھائیا۔ بنے رہے بردے، سیوا جگت کمائیا۔ دُنیا نال آئے لڑدے، ڈانگاں سوٹے کُہاڑیاں برچھے دِتے وکھائیا۔ ایہہ تیرے کھیل سی پِچھلے سال پر دے، تھوڑے اَگے دتے کرائیا۔ ہُن ویکھیو گھرانے گھرانیاں نال سارے لڑدے، لڑدیاں نہ کوئے چُھڈائیا۔ جن بھگتاں کاج ایسے طرح سردے، جگت شرع وِچوں پار کرائیا۔ جوتی جوت سروُپ ہرِ، آپ اپنی کِرپا کر، سِر اپنا ہتّھ رکھائیا۔ گُر اوتار پَیغمبر کہن پربھ ساڈا دُھر دا آیا لنگر، تیرے حُکم نال لیائیا۔ کِسے رکھیا نہیں مندر، مٹھاں مسیِتاں نہ کوئے پُچائیا۔ سِدھا رکھیا بھگتاں دے اندر، سہجے دِتا ٹِکائیا۔ اَگے ہُن تُوں کھول دے اوہناں دا جِندر، تیری واری آئیا۔ پُرکھ اکال کہے مَیں بھگت نہیں اوہناں دے تار دینے پشوُ ڈنگر، جیہڑے میرے گُرمُکھاں دا درشن پائیا۔ مَیں ہُن نہیں آیا کِسے کولوں سنگن، جگت والا شرم حیا سارا دِتا گوائیا۔ ضرور توڑانگا بھگتو تُہاڈے بندھن، بندگی توں بِنا اپنے بندے بنائیا۔ گُر اوتار پَیغمبر کہن جے پربھوُ کِرپا کرے اسیں وی اِک دات آئے گُرمُکھاں کولوں منگن، بن کے پاندھی راہیِا۔ جوتی جوت سروُپ ہرِ، آپ اپنی کِرپا کر، ساڈی بینتی دینی کروائیا۔ پُرکھ اکال کہے گُر اوتار پَیغمبرو اپنی دسّو خواہش، سارے بھگت دھیان لگائیا۔ سارے کہن پربھوُ چار جُگ دی ساچی آس، تیرے اَگے رکھائیا۔ جِنہاں نے پیِتا اِک اِک گلاس، اوہناں گوبِند دی نؤ نؤ سال

سیو کمائیا۔ جِنہاں کھوتیاں اُتے مارے پلاک، اوہ محمد دے یار دین گواہیِا۔ عرب وِچوں ہویا اِتفاق، اِتھے لہنے دا بنیا ساتھ، ساتھی جھوٹیاں والے نانک دے ویلے دے قصائی، جِنہاں انتم نانک دے نام دی پائی دُہائی، ہتّھوں چُھری کڈھ پرے رکھائی، آس اِکو رہے تکائیا۔ شبد اگمّی آواز آئی، ہُن ہونی پئے جُدائی، جِس ویلے آوے دُھر دا ماہی، تُہاڈا بیڑا دئے ترائیا۔ لال رنگ دئے چڑھائی، ہتّھ واگاں دئے پھڑائی، جِنہاں نوُں ماردے رہے بن قصائی، قسم تُہاڈی پِچھلی دئے گوائیا۔ گُر اوتار پَیغمبر کہن پربھوُ کِیوں موڈھیاں اُتے رکھائے بھوُرے، کِیوں ہتّھاں وِچ پھڑائے کتوُرے، کِیوں لال چڑھائے چوُڑے، کِیوں ویس وٹائے موُڑھے، کِیوں مستک لائے دھوُڑے، کِیوں رنگ چڑھائے گوُڑھے، کِیوں اِک دوُجے نال جوُڑے، سانوُں دے درسائیا۔ پُرکھ اکال کہے ایہہ سرسے دے سنگی، گوبِند نوُں چھڈ گئے وِچ تنگی، اَدھ وِچ جا کے منگ اِک منگی، اندھیری رات جِس ویلے بُھلی ڈنڈی، اندروں واسنا نِکلی مندی، دُہائی دے کے کِہا اسیں پھیر بنیئے تیرے سنگی، شبد گوبِند کِہا تُہاڈی بات چنگی، گوبِند دے دوارے کوئی ڈنگراں والی نہیں منڈی، سؤدا ہتّھو ہتّھ نہ کوئے وِکائیا۔ جِس ویلے آوے میرا سوُرا سربنگی، مَیں اوس دا ہوواں بُھینگی، اوہ وی تُہاڈے نال رلاواں جِنہاں دے مُنہ وِچ نہیں دندی، اوہ وی ساتھی جِنہاں نے چرخے تند نہ پائی تندی، سب دا لہنا دیاں مُکائیا۔ گُر اوتار کہن پربھ دسّ اگمّی بات، بھیو دے کُھلائیا۔ جِنہاں فاقہ کٹیا دِوس رات، تیرا دھیان لگائیا۔ پُرکھ اکال کِہا ایہہ ساتھی تِرلوکی ناتھ، دواپر دئے گواہیِا۔ اوس ویلے جنگل وِچ آئی اِک رات، بنواس وِچ جھٹ لنگھائیا۔ اگلے دِن گھنئیا شام ویلے مِلیا آپ، اپنے بھنڈارے وِچوں اُنحاں نوُں دِتا کھوائیا۔ نالے کِہا شاباس، تُہاڈا اگلا لیکھا دیاں دِرڑائیا۔ جِس ویلے آیا شاماں دا شام آپ، تُہاڈا بنے باپ، بھگتاں دا ودھائے پرتاپ، سوہنگ جپائے جاپ، سب نوُں کرے پاک، اندروں کھولے تاک، شبد سُنیہڑا دیوے بِنا ڈاک، سب دا پوُرا کرے بھوِکھت واک، جگت کلاک سب نوُں دئے گواہیِا۔ گُر اوتار پَیغمبر کہن جِنہاں ہتھیار پہنے جنگی، جنگجوُ لئے بنائیا۔ دُرگا کہے مَیں اوہناں دے بھیٹ کیِتی اپنی ڈنڈی، کنّاں دا بُندا نال رلائیا۔ جِس ویلے کلجُگ انت آوے سربنگی، بِنا سُراں تالاں توں اپنا نام دئے جپائیا۔ جیہڑا اوس دی حد گیا لنگھی، لنگھدیاں پار کرائیا۔ جِتھے دیِن مذہب ذات پات اوُچ نیِچ رہے نہ کوئے پابندی، پابند بِنا رسنا جِہوا بتّی دند آتما پرماتما دا دئے کرائیا۔ جِس دے نال جُگ چؤکڑی ہنڈھی، گُر اوتاراں دھار گنڈھی، جوتی جوت سروُپ ہرِ، آپ اپنی کِرپا کر، سِر اپنا ہتّھ رکھائیا۔ گُر

اوتار پَیغمبر کہن بھگتو کُچھ آیا صبر، کہ بُھکھے بَیٹھے ایَویں پربھوُ دِھیائیا۔ جن بھگت کہن اسیں اوسے دا ٹّبر، جِؤں بھاوے تِؤں اپنے نال لئے چلائیا۔ گُر اوتار پَیغمبرو مَیں شیر ببّر، بُھکھیاں نوُں سدا رجائیا۔ کِیوں بھگتاں دے پِھراں سدا مگر، تکڑا ہو کے پاسے مار کے اندروں توڑ کے جِندر، من بنّھ کے بندر، مِٹّی دا سُہا کے مندر، داہڑی کھول کے اپنا روُپ نہ کوئے وکھائیا۔ مَیں کوئی لاؤندا نہیں متھے نوُں چندن، کِسے دی کردا نہیں بندن، جے آواں تے بھگتاں نوُں سچکھنڈ دوارے ٹنگن، اَدھ وِچکار نہ کدے رکھائیا۔ جِنہاں نے کھبّےتوں سجےّ کیتےِ کنگن، اوہناں دا مانَس جنم اگلا بدل گیا بدن، جامہ باقی دِتا مُکائیا۔ جوتی جوت سروُپ ہرِ، آپ اپنی کِرپا کر، اپنا کھیل رہیا وکھائیا۔ گُر اوتار پَیغمبر کہن کِیوں گُرمُکھ لڑدے ویکھے وانگ شریکاں، دھکاّ اِک دوُجے نوُں رہے لگائیا۔ پُرکھ اکال کہے گُر اوتار پَیغمبرو اوہ ایَں لڑدے ہُن اسیں دیِناں مذہباں دیاں بُھگتنیاں نہیں تریکاں، کِسے عدالت وِچ جا کے سلام دُعا نہ کِسے جنائیا۔ اسیں رہنا نہیں وِچ اوُچاں نیِچاں، اِکو پربھ دے رنگ سمائیا۔ جے لگّن تے اوس دے نال پریِتاں، جو پریِتم ہو کے توڑ نِبھائیا۔ جِس دا بھگت پُھلواڑی غُنچیاں توں باہر گُلشن والا باغیچہ، سوہنا نظری آئیا۔ جوتی جوت سروُپ ہرِ، آپ اپنی کِرپا کر، ساچی کرنی کار کمائیا۔ گُر اوتار پَیغمبر کہن سانوُں پتہ لگّا لِکھاری نے پھڑ لئے تِن گتّے، ونڈ حُکم والی ونڈائیا۔ پُرکھ اکال کہے تُہاڈے تِنّاں لوکاں دے پاڑ دِتے پٹے، پٹیداری رہن کوئی نہ پائیا۔ سب نوُں سوا کے اُتے پھٹّے، گُرمُکھاں دے کولوں سچکھنڈ ٹِکائیا۔ جیہڑے اُتوں لال نے سُٹے ٹکے، ٹکیاں دی قیِمت سَتگُر نام دئے چُکائیا۔ جِس نے مارے وٹےّ، وٹنا دُھر دا دئے چڑھائیا۔ جِس نے سوُئی تاگا پایا نکّے، جگت چؤراسی وِچوں باہر رکھائیا۔ جِس نے تند کٹیا نال ہتّھے، پِچھلے جنم دا لہنا دینا چُکائیا۔ جِنہاں نے پھڑے خالی بّتے، نؤ جنم دے وِچھڑے لئے مِلائیا۔ جِنہاں نے پُٹے ڈکےّ، ایہہ گوبِند دے باہروں دُشمن تے اندروں پریم ودھائیا۔ ایہہ سارے مُسلمان چاچے تایاں دے بھرا سکے، ملیر کوٹلے وِچ سوبھا پائیا۔ جِنہاں دا اندر سوہنگ دھار جپے، اوہ رَوداس دے گوانڈھی سوبھا پائیا۔ بُھکھے ننگے جِس نے کر لئے پکّے، کچےّ تند دے گانڈھے نہ کوئے تُڑائیا۔ جِنہاں نے تُوں ہی ساڈا مائی باپ ڈھولے جپے، سُتّیاں لئے جگائیا۔ جِنہاں دے ہتّھ وِچ رسےّ، رستیوں گھُتھے پھڑ کے بنّھ کے راہے لئے پائیا۔ جِنہاں دے دستارے سِر اُتے پُٹھے، مات گربھ دے وِچ پُٹھا سِر نہ کدے لٹکائیا۔ جِنہاں دے سِراں اُتے رومال چِٹے، چِٹی دھاروں پار لنگھائیا۔ جِنہاں پربھ مِلن دی سِکے، تِنہاں ہار گل

چُھہائیا۔ جن بھگتو ایہہ ویلا مِلدا کدی تے کِتے، قیِمت وِچ ہتّھ کدی نہ آئیا۔ پربھوُ نوُں کدی نہ بھاؤندے دغے، دغیاں والیو اندروں دغے لَینے کڈھائیا۔ جِنہاں دے ہتّھ پھڑائی چِٹے، چیٹک اگلا لئے لگائیا۔ جِس دے تاگا بدھّا کالا گٹے، اوہ گوبِند دے تیراں سال چرن گھُٹ کے جھٹ لنگھائیا۔ جیہڑے ساچے دوارے آئے سِدھے، مُکھ اکّھاں دھیان لگائیا۔ جِنہاں دے موڈھیاں اُتے برچھے تِکھے، سوُلی اُپر نہ کوئے ٹنگائیا۔ جِس نے سِر تے رکھے چھے کھکھےّ، چھیاں شاستراں توں وِدیا باہر دِتی سمجھائیا۔ ایہہ سب کُچھ ویکھ کے جگت لوکائی دی باہرلی دھار پِٹے، ہائے ہائے کر سُنائیا۔ مایا ممتا موہ کہے اسیں جائیے کِتھے، کوَن گھر سوبھا پائیا۔ گُر اوتار پَیغمبر کہن ساڈے ہُن نہ لگّو پِچھے، پِچھا لیا چُھڈائیا۔ جیہڑا پُرکھ اکال سب دی کرے رچھے، آد دا بُڈھا مدھ دا ڈُڈا، انت دا جوبنونتا سوبھا پائیا۔ اوئے گُرمُکھو کوئی منّوگے گُگا، کِسے کولوں لَووگے بُھگا، یاد رکھو میرا شبد سروُپی چُگھا، جُگاں دا لیکھا رہیا مُکائیا۔ تُہاڈا نام شبد نال بنّھاں گُڈا، جیہڑا دو جہاناں اُڈا، اُچا ہو کے تُہاڈے اندر وڑ کے کُدا، جِس دی یاد کر کے گیا بُدھا، گوتم بڑ دے تھلّے سیِس نِوائیا۔ پُرکھ اکال نے اوس دا سوُار دِتا پنج تت دا جھُگا، نام بھنڈارا دے کے سُدھا، سِدھیِاں توں پرے دِتا وکھائیا۔ گُر اوتار پَیغمبر کہن پربھوُ تُوں کیہڑے کمّے رُجھا، کُجھ سانوُں بھیت دسّ گُجھا، پُرکھ اکال کہے اوئے گُر اوتار پَیغمبرو میرا کھیل کدے نہ مُکا، مَیں سب نوُں رکھاں سُکا، بڑا خوش ہوواں تے بھگتاں نال تُہانوُں بھنڈارا کھواواں رُکھا، کھان پیِن والا گُروُ میرے در تے کدے نہ پائیا۔ میرا نوُر اِکو پُھٹا، جِس دا جوبن کدے نہ ٹُٹا، جگت جہان جائے نہ لُٹا، پُھٹاں جگت وِچوں دئے کڈھائیا۔ جِنہاں نے اُتوں کیِتیاں سُٹاں، اوہناں دے اندر ہو کے پُچھاں، رُسیاں نال کدی نہ رُساں، وِچھڑیاں لَواں منائیا۔ جوتی جوت سروُپ ہرِ، آپ اپنی کِرپا کر، اچرج کرنی رہیا کرائیا۔ گُر اوتار پَیغمبر کہن گُرمُکھو اسیں سارے اِکو اکال دی جوتی، جوتاں والی دئے دُہائیا۔ سویرے سانجھی کریئے سارے روٹی، کھانا بھگت مَینوُں دین کھوائیا۔ ریِت چلے نہ سادھاں دی جیندیاں دین والی موچھی، موچھیاں دی لوڑ رہے نہ رائیا۔ تُہاڈے اِک ڈنگ دی پریِتی بہُتی، جُگاں دا گیڑ گوائیا۔ ایہہ کوئی دینی نہیں آہوُتی، پاؤنی نہیں بھبوُتی، ایہہ کھیل سب توں کسوُتی، جِس دی قِسم نہ کِسے سمجھائیا۔ گُر اوتار پَیغمبر کہن سانوُں دِتی سوُچنا سوُچی، ساڈی اندروں بدل گئی رُچی، اسیں ویکھن آئے کِس بِدھ بھاگ لگّا ہرِ بھگت دوارے پربھ دے پُتیں، پتن بَیٹھے سارے پار کرائیا۔ جوتی جوت سروُپ ہرِ، آپ اپنی کِرپا کر، کرماں دا لیکھا رہیا مُکائیا۔ گُر

اوتار پَیغمبرو کی ہُندا کرم، ذرا بھگتاں دیؤ سُنائیا۔ بھگت کہن ساڈی آتما دا پرماتما دے وِچوں ہویا جنم، نِہکرمی وِچ سمائیا۔ تتّاں والا سریِر ماتا پِتا دا بھرم، رَکت بوُند جوڑ جُڑائیا۔ پُرکھ اکال کہے بھگتو میرا تُہاڈے نال پرن، پاربرہم ہو کے برہم اپنے وِچ سمائیا۔ تُسیں اِکے دی لگّے سرن، جو چُکاوے مرن ڈرن، ترنی ترن داتا بےپرواہیِا۔ گُرمُکھ کہن پربھوُ اسیں تیرا ڈھولا لگّے پڑھن، دوُجے دوارے کدی نہیں لگّے وڑن، رستہ اوَر نہ کوئے رکھائیا۔ جوتی جوت سروُپ ہرِ، آپ اپنی کِرپا کر، ساچا حُکم اِک ورتائیا۔ گُر اوتار پَیغمبر کہن پربھوُ کی تیرے بھگت، ساڈا سنگ بناؤن گے۔ پُرکھ اکال کِہا ایہہ میرا اگمّی وقت، اوہ سوہنا وقت سُہاؤن گے۔ جے تُسیں نِرگُن دھار آئے جگت، تُہاڈی جوت رنگ رنگاؤن گے۔ شہنشاہی دا دوُجا سمت، سمے دا وقت سُہاؤن گے۔ رہے نہ کوئی فرق، فرقہ اندروں سرب تجاؤن گے۔ اِک دوُجے دا کر کے درس، ترِشنا ترِپت کراؤن گے۔ جوتی جوت سروُپ ہرِ، آپ اپنی کِرپا کر، دیونہارا ساچا ور، ساچی کرنی کر کے اِک وکھاؤن گے۔ جن بھگت ساچا میل مِلاؤن گے۔ تُسیں آئے اُتوں عرش، جوت دھار اپنا کھیل کھِلاؤن گے۔ اوہ ویکھن اُپر دھرت، بھگت دوارے سوبھا پاؤن گے۔ ایہہ کھیل ہووے اسچرج، اچرج لیِلا اِک دِرڑاؤن گے۔ جوتی جوت سروُپ ہرِ، آپ اپنی کِرپا کر، کرے کھیل ساچا ہرِ، ساچے در سوبھا پاؤن گے۔ گُر اوتار پَیغمبرو تُہاڈا سانجھا ہووے بھوجن، گھر اِکو وجےّ ودھائیا۔ ہنگتا دا رہے کوئی نہ روگن، کوُڑ گڑھ دینا تُڑائیا۔ من واسنا کٹ کلجوگن، کلمہ دُھر دا دینا سمجھائیا۔ نام دسّ اگادھ بودھن، بُدھی بِبیک دینی کرائیا۔ سُنا کے سچ سلوکن، سوہلا حق اپنا نام درسائیا۔ جوتی جوت سروُپ ہرِ، آپ اپنی کِرپا کر، دُھر دا حُکم اِک دِرڑائیا۔ دُھر دا حُکم کہے سارے بھگت گُرمُکھ گُرسِکھ خوشیاں نال سویرے تیار کرن پرشادا، سیوا سچ سچ کمائیا۔ پوُرا ہووے گُر اوتار پَیغمبراں اِرادہ، حرص ہوَس رہے نہ رائیا۔ کھان پیِن دا لیکھا ہووے سادہ، جگت والی نہ کوئے وڈیائیا۔ لیکھا جانے شاہو بھوُپ راجن راجا، دُھر درگاہ دا پِتا مائیا۔ جوتی جوت سروُپ ہرِ، آپ اپنی کِرپا کر، نِہکلنک نرائن نر، مہاراج شیر سِنگھ وِشنوُں بھگوان، گُر اوتار پَیغمبراں بھگتاں سنگ کھواوے پکوان، پکوان توں بعد دیوے داد اندر اِمداد، سوئی سُرتی جائے جاگ، ملِے محبوُب اِک واحد، جِس دا سب دے نال پوُرا ہووے عہد، مُعاہدہ اگلا نہ کِسے سمجھائیا۔