کتب خانہGranth 20 (Urdu)

۱۶ ہاڑھ شہنشاہی سمت ۳ ہرِ بھگت دوار جیٹھوُوال

گُر اوتار پَیغمبر کہن درشن سِنگھ لِکھے لِکھاری، گُرداس گَویِد گُوِد گائد راہ تکائیا۔ جو حُکم مِلیا دُھر نِرنکاری، نِراَدھاری دِتا دِرڑائیا۔ اسیں ویکھ کے آئے سرِشٹی درِشٹی ساری، کھوجی بودھی ویکھی جگت لوکائیا۔ دھرم دا رہیا نہ کوئے آچاری، وِبھچاری کِریا کرم کمائیا۔ جگت دُہاگن دِسے ناری، سُہاگی کنت نہ کوئے ہنڈھائیا۔ دھرم دوار نہ کوئے جَیکاری، ہاہاکار خلق خُدائیا۔ پَیج رہیا نہ کوئے سواری، چرن دھیان نہ کوئے ٹِکائیا۔ سِل پوُجس ویکھی خواری، دھرم استھان سِری بھگوان نہ کوئے منائیا۔ جوتی جوت سروُپ ہرِ، آپ اپنی کِرپا کر، مِہر نظر اِک اُٹھائیا۔ گُر اوتار پَیغمبر کہن اسیں پِھردے پِھردے تھکے، بن کے پاندھی راہیا۔ حُکمے اندر ہو کے پکّے، پاربرہم در بَیٹھے سیِس نِوائیا۔ جو بچن کریئے سچّے، سَت نال سُنائیا۔ اسیں برہمنڈ کھنڈ سارے کچھّے، بِن قدماں قدم اُٹھائیا۔ چار کُنٹاں پِھرے نسّے، رستہ ویکھیا جگت لوکائیا۔ وِکار ہنکار وِچ من واسنا اندر پھسے، فَیصلہ حق نہ کوئے سُنائیا۔ ممتا موہ وِچ گرسے، گرِہستی وِبھچار روُپ وٹائیا۔ رسنا جِہوا کھاندے ویکھے وچھّے کٹّے، چُھریاں روُپ بغل قصائیا۔ سب دے چیِتھڑ پُرانے پھٹے، اوڈھن سیِس نہ کوئے ٹِکائیا۔ ساڈے نام دی قیِمت پاؤندے ٹکے، ہٹّو ہٹّ وِکائیا۔ دیِن مذہب اِک دوُجے نوُں کردے ٹّھٹھے، ٹھوکراں نال ٹُھکرائیا۔ ساڈی مان وڈیائی کوئی نہ رکھے، سچ پریم نہ کوئے بنائیا۔ اسیں ویکھ کے آئے نِرگُن اکّھے، سرگُن سارے بَیٹھے بُھلائیا۔ پربھوُ کِیوں دھوکھے وِچ رکھیں، سچ دئیے سُنائیا۔ ساڈے پوُرے ہوئے لوکمات دے پٹے، پٹنے والا کرے اگوائیا۔ مان رہیا نہ تیِرتھ اٹھسٹھے، سٹّھ سال دی آیوُ سب دی دئے دُہائیا۔ جوتی جوت سروُپ ہرِ، آپ اپنی کِرپا کر، ساچی کرنی کار کمائیا۔ گُر اوتار پَیغمبر کہن گُرداس دسّ کی کُچھ لِکھت، گُردیو کول سمجھائیا۔ گُرداس کہے تُہاڈی اوس کول فہرِست، جو فَیصلہ حق سُنائیا۔ گُر اوتار پَیغمبر تُسیں بھوگن والے گرِہست، تتّاں نال وڈیائیا۔ کِیوں کلجُگ انتم سارے رہے خِسک، پلّوُ اپنا رہے چُھڈائیا۔ کُچھ یاد کرو جگ آباد کرو اپنے مسّتک لگّا ویکھو تِلک، منکے والی اُنگلی پھیر نہ کوئے گھسائیا۔ تُہاڈا لہنا دینا نہیں ٹانک نہیں جِست، اِک دو نہ ونڈ ونڈائیا۔ تُسیں وڑے نہیں کِسے بہِشت، سوَرگاں وِچ سنّھ نہ کوئے لگائیا۔ ذرا تکّو اگمّی اِشٹ، اشٹابکر دئے گواہیِا۔ کُچھ لیکھا یاد کرو جِس ویلے مات لوک دے مِلدے رہے ٹِکٹ، راہ دھرم دا اِک جنائیا۔ چوٹیاں اُتے پَیکٹ وِچ بند ہو کے سُہاؤندے رہے

اپنی پِکٹ، دوار دھرم ناؤں رکھائیا۔ جوتی جوت سروُپ ہرِ، آپ اپنی کِرپا کر، ساچا حُکم اِک درسائیا۔ گُر اوتار پَیغمبر کہن ہُن دسّیا بنیا سچ، سچ سچ دِرڑائیا۔ پڑدا رہے نہ کایا کچّ، اوہلا دینا مِٹائیا۔ پربھ دا حُکم منّنا پکّ، جِس پُختہ دِتا سُنائیا۔ حقیِقت لبھی کِتوں نہ حق، حُکم سُنے نہ کوئے دُھردرگاہیِا۔ سب دے اُتے پےَ گیا شکّ، سنسا بھرم نہ کوئے مِٹائیا۔ جاں اندر ویکھیا تکّ، تقدیِر سکے نہ کوئے بدلائیا۔ جوتی جوت سروُپ ہرِ، آپ اپنی کِرپا کر، تیرا حُکم دُھردرگاہیِا۔ گُر اوتار پَیغمبر کہن اسیں پِھرے چھیتی چھیتی، چھتردھاری کھوج کھوجائیا۔ تیرے حُکمے اندر دیِن دُنی دے ہوئے بھیتی، بھوراں وِچ چرن ٹِکائیا۔ پربھوُ ساڈی کِسے یاد رہی نہ نیکی، نِکے وڈے سارے رہے بُھلائیا۔ من واسنا جگت دوار دی بیٹی، کلجُگ جیِواں گئی پرنائیا۔ مندر مسجد شِودوالے مٹھاں وِچ ویکھی، سوہنا ناچ نچائیا۔ سادھ سنت بن بہُہ بھیکھی، بھگوَن بھٹکنا وِچ بھوائیا۔ تیرے دواریوں سارے ہوئے پردیسی، کارن نظر کوئے نہ آئیا۔ جوتی جوت سروُپ ہرِ، آپ اپنی کِرپا کر، اپنا لہنا پوُر کرائیا۔ گُر اوتار پَیغمبر کہن ویکھی چار کُنٹ دی کوُٹ، کُٹیا نظر کوئے نہ آئیا۔ دہ دِشا سب دے اندر جھوُٹھ، سَت سچ نہ کوئے سمجھائیا۔ تیرا نظر نہ آیا کوئی پوُت، پِتا پُرکھ اکال نہ کوئے منائیا۔ اسیں کر کے آئے کوُچ، کوُچا گلی کھوج کھوجائیا۔ سب دے انتر دِسے دوُج، دُتیا بھاؤ نہ کوئے مِٹائیا۔ تیرے حُکمے اندر سب کُچھ لیا بوُجھ، من مت بُدھ اندر ویکھ وکھائیا۔ خالی دِسے کایا پنج تت بھوُت، بھانڈا بھرم نہ کوئے بھنائیا۔ جوتی جوت سروُپ ہرِ، آپ اپنی کِرپا کر، ساچا کھیل دینا وکھائیا۔ گُر اوتار پَیغمبر کہن گُرداس کی دینا لِکھ، لِکھت پِچھلی دئے گواہیِا۔ بِنا گوبِند توں گوبِند دا رہے کوئی نہ سِکھ، سِکھیا جگت نہ کوئے وڈیائیا۔ بِنا بھگت توں بھگت رہے نہ رِکھ، مُنی مون نہ کوئے سرنائیا۔ ساچا منّے اِشٹ کوئی نہ اِک، جِس وِچ انیک گئے سمائیا۔ من دی سُرتی اندر سارے رہے ٹِک، ٹِکاّ مستک دھوُڑی خاک نہ کوئے رمائیا۔ گوبِند کہے میرے کول پِچھلی تیری چِٹّ، چِٹھی رہیا وکھائیا۔ اپنا کھیل آپے نجِٹھ، ایہہ تیرے ہتّھ وڈیائیا۔ گُر اوتار سارے رہے پٹّ، کوُک کوُک سُنائیا۔ اَگے حال دسّیئے کِس، قِسمت سکے نہ کوئے بدلائیا۔ اسیں کؤڈیاں اُتوں گئے وکّ، قیِمت مُل رہیا نہ رائیا۔ برہم پیار کرے کوئی نہ ہِت، ہِتکاری روُپ نہ کوئے وکھائیا۔ صدی چؤدھویں سارے دے گئے پٹھّ، کروٹ وِچ کروٹ آپ بدلائیا۔ ہُن پُچھیئے کِس کِس، قِسم سمجھ کوئے نہ آئیا۔ جوتی جوت سروُپ ہرِ، آپ اپنی کِرپا کر، سِر اپنا ہتّھ رکھائیا۔ گُر اوتار پَیغمبر کہن کی اسیں لگّے لِکھاوَن، لیکھا قلم بنائیا۔

گُرداس کِہا کی مَینوُں آوو سُناوَن، سُنیہڑا دھام دُھردرگاہیِا۔ پُرکھ اکال کہے ایہہ اپنی کرنی آئے کراون، بدلی آپ کرائیا۔ ہُن ایہہ میری دھار وِچ آنا چاہون، ناتا چھڈن جگت لوکائیا۔ اگلا سماں میری جوت وِچ سماوَن، سِر سکے نہ کوئے اُٹھائیا۔ لہنا اوَر نہ جانے گُن اَوگُن، گُن اوَر نہ کوئے وکھائیا۔ جوتی جوت سروُپ ہرِ، آپ اپنی کِرپا کر، اپنا حُکم اِک سُنائیا۔ گُر اوتار پَیغمبرو تُہاڈی کی رِپورٹ، سچ دیؤ سُنائیا۔ سارے کہن اسیں ویکھے قِلعے کوٹ، بنک دوارے پھول پھولائیا۔ ساچا نوُر نہ مِلیا جوت، پرکاش اندھ نہ کوئے مِٹائیا۔ ساڈے اندر پےَ گئی سوچ، سمجھ نال نہ کوئے سمجھائیا۔ ایہہ پربھوُ تیرا اگمّی چوج، نِرالے پریِتم دِتا کرائیا۔ سانوُں لائے سرِشٹی دی وِچ کھوج، آپ بَیٹھا حُکم سُنائیا۔ کلجُگ انتم ساڈے وس دا نہیں روگ، روگی کیِتی سرب لوکائیا۔ پِھر کے ویکھے چؤداں لوک، لُکیا رہن کوئے نہ پائیا۔ بِن تیریاں بھگتاں تیرا گائے نہ کوئے سلوک، سوہلا سچ نہ کوئے سُنائیا۔ پُرکھ اکالے دیِن دَیالے اسیں اوس دوارے گئے پہنچ، نِرگُن دھار پندھ مُکائیا۔ ساڈی منسا رہی کوئی نہ لوچ، لوچن اکّھ نہ کوئے وڈیائیا۔ اساں سماں ویکھیا بہُت، جُگ چؤکڑی پندھ مُکائیا۔ انتم ہو کے تیری گوت، تیرے وِچ سمائیا۔ تُوں داتا نِرمل جوت، نِرگُن نوُر ڈگمگائیا۔ جوتی جوت سروُپ ہرِ، آپ اپنی کِرپا کر، اپنا لیکھا اپنے ہتّھ رکھائیا۔ گُر اوتار پَیغمبر کہن دیِن دُنی سب جھاکی، پڑدا رہیا نہ رائیا۔ ویکھیا تن وجوُد خاکی ، جِسماں اِسماں پھول پھولائیا۔ کِسے گرِہ مِلیا نہ کملاپاتی، پتپرمیشور سوبھا پائیا۔ چاروں کُنٹ اندھیری راتی، ساچا چند نہ کوئے چمکائیا ۔ مایا کارن بن گئے پاٹھی، پوُجا ٹکیاں نال کمائیا۔ مُلّا شیخ کوُڑے قاضی، قسماں جھوُٹھیاں رہے کھائیا۔ حقیِقت دا نظر نہ آیا کوئی نمازی، روزہ رکھ کے وقت گوائیا۔ کعبےچڑھیا کوئی نہ حاجی، حضرت سیِس نہ کوئے جھُکائیا۔ دیِن دُنی ہوئی داغی، دغے وِچ لوکائیا۔ سب دی ہاردی دِسے بازی، بازاں والا حال رہیا سُنائیا۔ سچ دوار رہیا کوئے نہ راگی، ڈھڈاں کوُڑیِاں رہے کھڑکائیا۔ پُرکھ اکال اِکو بن جائے سب دا گاڈی، گارڈیئناں دا لیکھا دئے مُکائیا۔ کوُڑ کُڑیاراں دی ودھ گئی آبادی، سَت سچ بَیٹھا سیِس جھُکائیا۔ اسیں کِسے دے رہے نہ اِمدادی، سگلا سنگ نہ کوئے بنائیا۔ ایَویں پِھرکے آئے بن کے پاندھی، پھیرا جگت لوکائیا۔ بِن تیری کِرپا سرب جیِاں پت جاندی، ہووے نہ کوئے سہائیا۔ چاروں کُنٹ اندھیرا دِسے آندھی، چند نوُر نہ کوئے چمکائیا ۔ من واسنا ہوئی پھاندی، بندھن سارے رہی پائیا۔ کوٹاں وِچوں گُرمُکھ تیرا باندی، جو بندنا تیری سیِس نِوائیا۔ تیرا کھیل اَولّڑا سوانگی، سوانگ اپنا دے وکھائیا۔ ساڈی آسا تھکی ماندی،

دھرم پُن نہ کوئے شنوائیا۔ جوتی جوت سروُپ ہرِ، آپ اپنی کِرپا کر، ساچا حُکم اِک اُپجائیا۔ گُر اوتار پَیغمبر کہن کی دسّیئے جگت عادت، عمل چھڈیا جگت لوکائیا۔ بِن تیری کِرپا سب تے آئے قیامت، قیامگاہ نظر کوئے نہ آئیا۔ کوٹاں وِچوں بھگت تیرے اَمانت، صحیح سلامت سوبھا پائیا۔ اسیں صِرف ایہناں دی دینی ضمانت، جیہڑے چرن تیری سرنائیا۔ ساچا بخش نام نیامت، رس اپنا دے چکھائیا۔ جوتی جوت سروُپ ہرِ، آپ اپنی کِرپا کر، مِہر نظر اِک اُٹھائیا۔ پُرکھ اکال کہے مَینوُں لِکھتی دیؤ بیان، لیکھا بِن قلم شاہیا۔ تیئی اوتار کہن ساڈے بھگوان، سِری سر تَینوُں سیِس جھُکائیا۔ نؤ کھنڈ پرِتھمی وِچوں سانوُں تیئیاں اِکاسیاں اُتے تھوڑا جِہا مان، جو ساڈا دھیان لگائیا۔ جِنھاں وِچوں تِن تَینوُں پروان، بھائی گُرداس دئے گواہیِا۔ باقی دا صاف دِسے نِشان، نِشانے گئے بُھلائیا۔ حضرت موُسیٰ عیسیٰ محمد کہے بتّیاں دا ثابت اِیمان، بتّی دند نال وڈیائیا۔ اِک تیری کرے کلیان، کلمہ اِکو تیرا گائیا۔ اِس نے روزہ رکھیا نہیں وِچ رمضان، نماز وِچ نہ سیِس جھُکائیا۔ کدی بولیا نہیں نال زبان، مُکھ راگ نہ کوئے الائیا۔ سد تیرا سُندا رہے پَیغام، کلام نوُر الاہیِا۔ تیرا کھیل وڈّا امام، محض تَینوُں دِتا دِرڑائیا۔ جوتی جوت سروُپ ہرِ، آپ اپنی کِرپا کر، اپنا کھیل رہیا وکھائیا۔ گُروُ دس کہن کی دسّیئے پاربرہم، پربھوُ تیری وڈیائیا۔ اِک سؤ پنج دا ثابت دِسے دھرم، جِنہاں نوُں دھرم مِلی وڈیائیا۔ اِکانویاں دا گوبِند نال جنم، چؤداں نانک سنگ نِبھائیا۔ باقی سب دے اندر بھرم، بھانڈا بھرم نہ کوئے بھنائیا۔ ساڈے نیتر آوے شرم، نیَن اکّھ شرمائیا۔ تیرا حُکم کلجُگ کوُڑی کِریا بدل دِتا کرم، دھیِرج دھیِر نہ کوئے دھرائیا۔ اسیں میٹ کے آئے ورن برن، ورناں برناں لگّی جگت لڑائیا۔ گوبِند لیکھا دسّ کے آیا تیرے چرن، اپنی پوُجا نہ کوئی کرائیا۔ سچ دا دسّیا پڑھن، دیِن مذہب نہ ونڈ ونڈائیا۔ جو تیرا درشن کرن، اوہنا جنمے کدے نہ مائیا۔ جوتی جوت سروُپ ہرِ، آپ اپنی کِرپا کر، سب دا لیکھا ویکھ وکھائیا۔ گُر اوتار پَیغمبر سارے کہن رل کے، رلا وِچ رہن نہ پائیا۔ اِکو دِیپک جوتی جل کے، تیرا نوُر کرے رُشنائیا۔ اسیں کھیل ویکھیئے جل تھل کے، دو جہاناں پھول پھولائیا۔ گُرمُکھ سنت سُہیلے تکّے جو تیری سرنی پلدے، پلک نہ جھلن جُدائیا۔ جِنھاں دے لہنے دینے کلجُگ کل دے، کل کلکی تیری اوٹ تکائیا۔ اسیں تیرا حُکم سندیشے رہے گھلدے، جُگ جگت سُنائیا۔ انتم تیرے وِچ رلدے، ناتا توڑ خلق خُدائیا۔ ہُن مسلے نہیں حل دے، حالت رہے جنائیا۔ تیرا بھانا رہے جھلّدے، سِر سکیا نہ کوئے اُٹھائیا۔ جوتی جوت سروُپ ہرِ، آپ اپنی کِرپا کر، اپنا بھیو دینا کُھلائیا۔ گُر

اوتار پَیغمبر کہن دیِن دُنیا ویکھی خالی، خالی کیِتی خلق خُدائیا۔ بِن تیرے اَگے رہے کوئی نہ مالی، غُنچہ گُل نہ کوئے کھِلائیا۔ چار جُگ اساں گھال گھالی، بہُہ تیری سیو کمائیا۔ تیرے نام دی کردے رہے دلالی، جگ ونجارے روُپ بدلائیا۔ انتم در تے کھڑے سوالی، اپنا حال سُنائیا۔ ویلا وقت ویکھ حالی، ماضی اپنی نِگاہ ٹِکائیا۔ تیری مُحبّت ملِے نہ بھالی، ساچا سنگ نہ کوئے بنائیا۔ کلجُگ رَین اندھیری کالی، کلمیاں والے دِتے بُھلائیا۔ پتّ رہے کِسے نہ ڈالی، سِنمل رُکھ دین دُہائیا۔ تیری چال پربھوُ نِرالی، جُگ چؤکڑی بدلدی آئیا۔ جوتی جوت سروُپ ہرِ، آپ اپنی کِرپا کر، اپنا رنگ دے وکھائیا۔ گُر اوتار پَیغمبر کہن اسیں اپنے دِتے بتا، بہُتیاں وِچوں تھوڑے نظری آئیا۔ جیہڈے منّن ساڈی رضا، راہ تیرا رہے تکائیا۔ تُوں واحد اِک خُدا، خود خبر دے پُچائیا۔ تیرے نام دی گاؤن صدا، ڈھولا دُھردرگاہیِا۔ اَگے چلا اپنی رضا، رازق رحیِم ہو سہائیا۔ تیرا نام وڈ الاہ، االلہ اپنی کار کمائیا۔ ساچا مارگ دسّ راہ، رہبر اِکو بن گوسائنیا۔ ساچے بھگتاں لےَ جگا، جاگرت جوت کر رُشنائیا۔ اگلا مارگ دے لگا، حُکم اپنا اِک دِرڑائیا۔ جوتی جوت سروُپ ہرِ، آپ اپنی کِرپا کر، ساچی کرنی کار کمائیا۔ گُر اوتار پَیغمبر کہن اساں دسّیا حال حقیِقی، حق دِتا جنائیا۔ پربھوُ تھوڑیاں دی ویکھی پریِتی، اِک سَت نال سمجھائیا۔ اَگے بھگتاں دی رکھنی ریِتی، جو مندر مسیِتی رہے تجائیا۔ تیری کھیل سدا انڈِٹھی، جُگ چؤکڑی چلی آئیا۔ لہنا دینا پوُرا کر دے چِیونٹی، گُرمُکھ گُر گُر رنگ رنگائیا۔ جوتی جوت سروُپ ہرِ، آپ اپنی کِرپا کر، ساچا حُکم دینا سُنائیا۔ گُر اوتار پَیغمبر کہن گُر گوبِند، تیرے نال وڈیائیا۔ تیرا لیکھا گہر گمبھیِر ساگر سِندھ، قلم شاہی نہ کوئی سمجھائیا۔ تُوں مالک گُنی گہِند، گہر گمبھیِر اکھوائیا۔ سب دی مِٹا دے چِند، چِنتا دے چُکائیا۔ تیرا روُپ دھار سِنگھ، جِس دی ونڈ نہ کِسے ونڈائیا۔ جوتی جوت سروُپ ہرِ، آپ اپنی کِرپا کر، ساچا حُکم اِک سُنائیا۔ گوبِند کہے مَیں کراں پُکار، پُنہ پُنہ سیِس نِوائیا۔ پربھوُ تیرا کھیل اپار، جُگ چؤکڑی ویکھ وکھائیا۔ اسیں سارے ویکھ کے آئے تیرا سنسار، بن کے پاندھی راہیا۔ ساچے پریمی لئے بھال، لیکھے وِچ دِتے جنائیا۔ اَگے آپ کر سنبھال، ہتّھ تیرے وڈیائیا۔ لیکھا جان شاہ کنگال، اوُچاں نیِچاں ڈیرہ ڈھائیا۔ دُھر بینتی اِک محبان، سوال جواب نہ کوئے وکھائیا۔ اَگوں بول کِہا بھگوان، شبد سچ شنوائیا۔ گُر اوتار پَیغمبر بول بِنا زبان، سیِس نِوا کے سیِس جھُکائیا۔ کِیوں ساڈا اِشٹ اِک اِیمان، مالک نوُر خُدائیا۔ دیِن مذہب شرع نہ رہے شیَطان، شریعت ونڈ نہ کوئے ونڈائیا۔ سب دا سانجھا اِک استھان،

در دوار اِکو سوبھا پائیا۔ مالک نؤجوان، سوُربیِر اکھوائیا۔ جیہڑا کلجُگ انتم آوے وِچ مَیدان، مدد منگ نہ کوئے منگائیا۔ جھگڑا مُکا زِمیں اسمان، دو جہاناں کھیل وکھائیا۔ ساچے نام دا بنا وِدھان، حُکم اپنا اِک چلائیا۔ ساچے بھگتاں کر پروان، پروانے دُھر دے دئے پھڑائیا۔ سُرتی شبدی میلا میلے ہانی ہان، جوتی دُھر دی جوڑ جُڑائیا۔ ساچا بن اگمّی کاہن، گوپی بِنا گوالیاں لئے پرنائیا۔ ساچا ہو کے سچ امام، عملاں دے عمل رہیا بدلائیا۔ دے کے دُھر فرمان، سندیشہ اِک سُنائیا۔ گُر اوتار پَیغمبرو ساچے بھگتاں نال تُہاڈا نِشان، بِنا نِشانے نِشانہ سکے نہ کوئے بدلائیا۔ جوتی جوت سروُپ ہرِ، آپ اپنی کِرپا کر، ساچی کرنی کار کمائیا۔ گُر اوتار پَیغمبر کہن پربھوُ کی تیرا نِشانہ، نِشانیاں والے دے جنائیا۔ پُرکھ اکال کہے میرا بھگت کدے نہ ہووے بیگانہ، دوُجا روُپ نہ کوئے وٹائیا۔ اوہدا کھیل جگت جہانا، جِسم ضمیِر نہ کوئے بدلائیا۔ انتر باہر گاوے میرا گانا، ساچا ڈھولا اِک صلاحیِا۔ دُھر درگاہے دیوے مانا، ماہی ہو کے مُحبّت وِچ کھوج کھوجائیا۔ ویلا وقت کراں سُہانا، سوہنا رنگ رنگائیا۔ پرگٹ ہو کے وِچ جہانا، جہالت کوُڑی دیاں مِٹائیا۔ انتم آواں وِچ مَیدانا، ڈنکا اِکو اِک وجائیا۔ کرے کھیل آپ مہانا، مہما اکتھ اکتھ سُنائیا۔ گُر اوتار پَیغمبرو تُساں سولاں ہاڑھ پھیر ہونا روانہ، لوکمات راہ تکائیا۔ اپنے اپنے نام دا لےَ کے جائیو نال پیَمانہ، پَیمائش اگلی دئے سمجھائیا۔ جِس نَواں بناؤنا بھگتاں دا خانہ، خانگاہ نظر کوئے نہ آئیا۔ ایکا ڈنک وجاؤنا دمامہ، دماں دا لہنا دینا مُکائیا۔ تُساں اُترنا اُتوں اسماناں، زِمیں اُتے، اپنا آپ ٹِکائیا۔ مَیں پہر کے جوتی جامہ، شبدی گوبِند نال اُٹھائیا۔ ساچا مارگ دسّنا آسانا، اصل دینا جنائیا۔ آو تکّو لکّھ چؤراسی دا دھرم دا کاہنا، جِس دی گوپی انگ نہ کوئی لگائیا۔ جِس دا بھگتی نال بھریا نہ کدے خزانہ، جُگ جُگ بھگتاں سد آپ ورتائیا۔ اوس نے بدل دینا زمانہ، حُکمے اندر حُکم سُنائیا۔ جوتی جوت سروُپ ہرِ، آپ اپنی کِرپا کر، ساچے حُکم نال اُٹھائیا۔ گُر اوتار پَیغمبر کہن چلو چلیئے جگ، پربھوُ ریِتی ویکھ وکھائیا۔ سچ دوارا ویکھیئے سج، جِتھے سجّن دُھردرگاہیِا۔ گُرداس کِہا راہ وِچ ویکھو لگّی اگّ، چؤداں طبق رہے کُرلائیا۔ میری قلم نے رستہ بند کیِتا شاہ رگ، رَوداس چمیارا نال گواہیِا۔ کلجُگ ہنس بُدھی ہوئی کگّ، ساچا رنگ نہ کوئی رنگائیا۔ اَگے کھیل سوُرا سربگ ہرِ کرتا آپ دِرڑائیا۔ جِس نے بھگت سُہیلے سدّ، سدّا شبد حُکم سُنائیا۔ پریم پریِتی اندر لئے بدھّ، بندنا اِکو دِتی جنائیا۔ دیِن دُنی نالوں کر الگ، اگمّ کتھا رہیا سُنائیا۔ آؤ اِکو کرو حج، بِن کعبےکعبہ رہیا پرگٹائیا۔ پُرکھ اکال لؤ لبھ، گوبِند ملِے

دُھردرگاہیِا۔ رام دوارے بہو سج، کاہنا بنسری دئے سُنائیا۔ ساچی منزل کرو حج، محبوُب تکّو نوُر خُدائیا۔ جگت وِہار دیؤ چھڈ، چُھٹے کوُڑ لوکائیا۔ جن بھگتو نعرہ لاؤ اڈّ، وکھّرا رہن کوئی نہ پائیا۔ سَتگُر مالک اِک سربگ، الپگاں لئے ترائیا۔ کوئی رہے نہ بگڑا بپ، کوُڑ ویس نظر نہ آئیا۔ سب دا لہنا میٹے ہبھ، ہرِ کرتا دُھردرگاہیِا۔ جوتی جوت سروُپ ہرِ، آپ اپنی کِرپا کر، ساچا حُکم آپ پرگٹائیا۔ سچ حُکم آپ پرگٹاوانگا۔ گُر اوتار پَیغمبراں سرب وکھاوانگا۔ جگت ریِتی نیِتی آپ بدلاوانگا۔ وِشن برہما شِو گنڈھ جو گئی پیِچی، جن بھگتاں کولوں کُھلاوانگا۔ سوہنی پُھلواڑی لا باغیچی، گوبِند اپنا پھیرا پاوانگا۔ جیہڑا خوُن کڈّھیا وِچوں چیِچی، چمّ درِشٹیاں وِچوں بدلاوانگا۔ تُسیں اگلا سال کڈھنا وٹّ کسیِسی، کچیِچی سب دی آپ کُھلاوانگا۔ تُہاڈی تُٹن نہ دیوے پریِتی، پتریاں دے اُتوں لیکھا سرب مُکاوانگا۔ جوتی جوت سروُپ ہرِ، آپ اپنی کِرپا کر، ساچی کرنی کر وکھاوانگا۔ گُر اوتار پَیغمبر نال لیاوانگا۔ نِرگُن دھار نوُر چمکاوانگا۔ شبد ناد دُھن سُناوانگا۔ جن بھگتو تُہاڈے بنا کے اگلے گُن، پِچھلا لیکھا صاف کراوانگا۔ اگلا لہنا مُکا کے ہُن، ہاں ہوُں پندھ مُکاوانگا۔ جے لکّھ چؤراسی وِچوں لئے چُن، اَگے اپنے رنگ رنگاوانگا۔ ہور رہے نہ کوئی رِکھ مُن، سب دا مان بھگتاں آپ دواوانگا۔ سَتجُگ ساچی چلے کُل، مالک ہو کے پار لگاوانگا۔ گُرمُکھ کوئی نہ جائے رُل، جِس دے مالا ہتّھ پھڑاوانگا۔ گُر اوتار پَیغمبر تُہاڈا تول نہ سکن تول، تولا اِکو نظری آوانگا۔ تُساں گاؤنا سوہنگ بول، اندر وڑ کے آپ بدلاوانگا۔ دو جہاناں وجےّ ڈھول، ڈنکا اِکو ہتّھ اُٹھاوانگا۔ جِدھر تکّو وساں کول، نیڑا دوُر پندھ مُکاوانگا۔ سچ دوار تُہاڈا کھول، جن بھگتو دو جہان آپ پرگٹاوانگا۔ تُساں بَیٹھے رہنا اڈول، نؤ کھنڈ اپنی کار کماوانگا۔ ہر ہِردے اندر مؤل، مؤلی تند گنڈھ پواوانگا۔ جوتی جوت سروُپ ہرِ، آپ اپنی کِرپا کر، ساچے رنگ سچ رنگاوانگا۔ ساچا رنگ اِک رنگاوانگا۔ لکّھ چؤراسی وِچوں پرگٹاوانگا۔ گُر اوتار پَیغمبراں سوہنے )سنگ(، بھگت بھگتی روُپ وکھاوانگا۔ جیہڑے کِسے دے کولوں نہیں کُچھ منگدے )منگ(، اوہناں دی جھولی آپ بھراوانگا۔ تُہاڈی سُرتی نال جاوے ہنڈھ، پِچھلیاں تُٹیاں اَگے نال جُڑاوانگا۔ وِشن برہما شِو دی کھول کے گنڈھ، جن بھگتو گنڈھ تُہاڈی جوڑ جُڑاوانگا۔ سچ پیار دی دے کے گنڈھ، پلّوُ اپنے نال جُڑاوانگا۔ جن بھگتو ویلا یاد رکھنا ساڈھے پنج، پنجاں دے پنجے آپ لگاوانگا۔ اِکیاں اِکیاں دا ہووے سنگ، گوبِند دی اِکّی سرب وکھاوانگا۔ اِستری پُرش اِکو روُپ نوُر چند، بِردھ بال نہ ونڈ ونڈاوانگا۔

جیہڑا مار کے آیا پندھ، پاندھی ہو کے پار لنگھاوانگا۔ تُساں سوہنگ گاؤنا چھند، تُہاڈے من کا منکا آپ بھواوانگا۔ اِکّی قدم جانا لنگھ، اِکّی اِک ونڈ ونڈاوانگا۔ چھوٹیاں بالیاں اندر دے کے انند، بِنا منکے توں ممتا موہ چُکاوانگا۔ اوہناں دی آتم سیج سُہا پلنگ، ساڈھے تِنّ سال توں اندر چھوٹیاں سب دے اندر ڈیرہ لاوانگا۔ جِنہاں بِردھاں نوُں چلدیاں چلدیاں آ جائے کھنگھ، اوہناں دے سواسے آپ چلاوانگا۔ جِنہاں نے کرنا وِچ پکھنڈ، اوہناں نوُں سٹّھ دِن توں بہُتی عمُر نہ ہور بُھگتاوانگا۔ ایہہ ویکھن والا اِکو انند، بھیکھیِاں بھیکھادھاریاں بھیکھ گواوانگا۔ اوہ جن بھگتو کِسے نوُں جھوُٹھ دا کھان دینا نہیں اِک ڈنگ، ڈنڈا اپنے ہتّھ اُٹھاوانگا۔ اوس دوارے دیواں ٹنگ، جِتھوں جُگ چؤکڑی جوُنیاں وِچ بھواوانگا۔ جِس کارن مارن آیا پندھ، سو گُر اوتار پَیغمبراں کھیل وکھاوانگا۔ اَگے کر کے اپنے وِچ بند، بندیاں توں بندے اپنے پھیر بناوانگا۔ کِسے نے ستاراں ہاڑھ نوُں کرنی نہیں کوئی سنگ، سوہنگ ڈھولا سب دی رسنا وِچوں کڈھاوانگا۔ جیہڑا دھوکھے نال ہِلاوے دند، اوہدے دنداں توں پِچھے ساہ رکھاوانگا۔ جو لیکھا گیا سمجھا کے پُری انند، انند پُری دا واسی ہو کے انند پُری پھیر وساوانگا۔ جِتھے گُرمُکھ چمکے چند، اوتھے گوبِند نظری آوانگا۔ تُسیں میرے تے مَیں تُہاڈا انگ، انگیکار آپ ہو جاوانگا۔ بھگت اُدھارنا پربھ دا وکھّرا ڈھنگ، ڈھاڈیِاں کولوں راگ نہ کوئی الاوانگا۔ تُہاڈا لیکھا رہے نہ کریِر جنڈ، جیرج انڈ وِچوں باہر کڈھاوانگا۔ تُساں اِکو گاؤنا چھند، چھِندے بچّے آپ بناوانگا۔ مہاراج شیر سِنگھ وِشنوُں بھگوان، آد جُگاد جُگ چؤکڑی سدا بخشند، بخشش رحمت آپ کماوانگا۔ گُر اوتار پَیغمبر کہن کِویں چلے دھار، دھرنی اُپر دے سمجھائیا۔ پُرکھ اکال کہے ساچی ویکھنی نِگاہ مار، نِگاہبان نال رلائیا۔ اِکیاں دا سِکدار، اِکو اِک نظری آئیا۔ جموں والیاں کر خبردار، سب توں اَگے دئے لگائیا۔ ماجھے والیاں سُرت سنبھال، پلّوُ دھرم دی گنڈھ پوائیا۔ دِلّی اِٹارسی پوُنہ کان پُر مہوُ پَیج سوار، جوڑی دُھر دی جوڑ جُڑائیا۔ دوآبےوالیاں پُچھ کے حال، پسچاتاپ دئے مُکائیا۔ مالوے والیاں کر خیال، پِچھوں دھکاّ آپ لگائیا۔ ایہہ کھیل کرے کرتار، اپنی کار کمائیا۔ گوبِند پھیر کرے سوال، شبدی حُکم سمجھائیا۔ پربھ اگلا لیکھا دے وکھال، کِس بِدھ بدلیں جگت لوکائیا۔ ابناشی کرتا دئے احوال، حوالہ اگلا اِک جنائیا۔ جوتی جوت سروُپ ہرِ، آپ اپنی کِرپا کر، کرے کھیل ساچا ہرِ، نِہکلنک نرائن نر، مہاراج شیر سِنگھ وِشنوُں بھگوان، کرنہار سدا پرِتپال، پرِتپالک پالکی اپنی اِک بدلائیا۔

۱۷ ہاڑھ شہنشاہی سمت ۳ جلوُس چلن دے سمیے لِکھت

ستاراں ہاڑھ دُھر درگاہوں آئے اوتار پَیغمبر گُر، گوبِند شبدی دھار روُپ پرگٹائیا۔ وِشن برہما شِو ویکھن دیوت سُر، مُن جن بِن
اکّھاں اکّھ کُھلائیا۔ کلجُگ کوُڑی کِریا میٹنی ٹھگ چور، مایا ممتا موہ وِکار مِٹائیا۔ من واسنا رہن نہ دینا شور، شرع دی شرم دینی بدلائیا۔
ساچے مارگ چار ورن اٹھاراں برن دینا تور، تُریا توں پرے اگلا امراپد سمجھائیا۔ تُسیں آتم پرماتم نہیں کوئی ہور، جوتی نوُر نوُر رُشنائیا۔ سو
سوامی انترجامی پُرکھ بِدھاتا شبد اگمّی بنّھے ڈور، دو جہان سِری بھگوان نِرگُن دھار ویکھ وکھائیا۔ جوتی جوت سروُپ ہرِ، آپ اپنی کِرپا
کر، دیونہارا ساچا ور، سچ سندیشہ نر نریشا نِرگُن نِروَیر نِراکار سانجھا یار سچکھنڈ دوارا اِک دِرڑائیا۔ گُر اوتار پَیغمبر کہن اسیں ویکھیئے
کھیل مہانا، نِرگُن نوُر جوت رُشنائیا۔ جِس دا سَتجُگ تریتا دواپر کلجُگ اکھّراں والا گاؤندے آئے گانا، صِفتاں والے ڈھولے جگت سُنائیا۔
سو پُرکھ ابناشی گھٹ نِواسی پاربرہم پتپرمیشور نِرگُن جوت پہر کے بانا، نِروَیر ہو کے اپنی کھیل کھِلائیا۔ صدی چؤدھویں انت اَخیِر، بےنظیِر
شبد اگمّی دُھر دا بن اماما، دُھر فرمانا اِک جنائیا۔ جگت جہان میٹے راجا رانا، نام کھنڈا وِچ پُریِاں لوآں آپ چمکائیا ۔ چار کُنٹ دہ دِشا نؤ
کھنڈ پرِتھمی ستّ دیِپ سب نوُں منّنا پئے بھانا، سیِس جگدیِس اَگے سکے نہ کوئے اُٹھائیا۔ جوتی جوت سروُپ ہرِ، آپ اپنی کِرپا کر، کرے
کھیل ساچا ہرِ، سچ دوار ایکنکار شبد انادی برہم برہمادی اپنا حُکم ورتائیا۔ گُر اوتار پَیغمبر کہن نؤ سؤ چُرانوے چؤکڑی جُگ کردے رہے
اُڈیِک، بِن اکّھاں اکّھ اُٹھائیا۔ دھرم دوارے منگدے رہے بخشیِش، چرن کوَل دھیان لگائیا۔ نِرگُن دھار چلائی اپنی ریِت، آتم پرماتم اپنا بھیو
کُھلائیا۔ سَتجُگ ساچے جھگڑا رہے نہ مندر مسیِت، شِودوالا ونڈ نہ کوئے ونڈائیا۔ تُوں میرا مَیں تیرا سارے گاون گیِت، مانَو ذاتی مندر تن
وجوُد دینا وکھائیا۔ جھگڑا رہے نہ اوُچ نیِچ، راؤ رنک ایکا رنگ وکھائیا۔ سَت سَتوادی تیرے در تے منگدے آئے بِھیکھ، بُھکھیاں بِھچھِیا
جھولی دینی پائیا۔ کلجُگ انت سِری بھگوَنت دُھر دے کنت، آتم کرنی ٹھانڈی سیِت، ترےَگُن مایا پنج تت پنج وِکار نہ کوئے جلائیا۔ ساچا
کلمہ دُھر دا نام شبد اگمّی دسّنی اِک حدیِث، شاستر سِمرت وید پُران انجیل قُرآن کھانی بانی پڑھن دی لوڑ رہے نہ رائیا۔ گھٹ انتر نِرنتر
کروٹ بدل اپنی پیِٹھ، سنمُکھ ہو کے نوُر نوُر کر رُشنائیا۔ سچ دوارا ٹھانڈے دربار پروردِگار سانجھے یار رحمت وِچ کر بخشیِش، مِہر نظر

بےنظیِر اپنی اِک اُٹھائیا۔ گُر اوتار پَیغمبر کہن ہاڑھ ستاراں اسیں پہنچے ٹھیِک، ٹھاکر پِچھلا لیکھا موُل مُکائیا۔ جوتی جوت سروُپ ہرِ، آپ اپنی کِرپا کر، مِہر نظر اِک اُٹھائیا۔ گُر اوتار پَیغمبر کہن اسیں آ گئے تیرے سدّے، شبدی نوُر جوت رُشنائیا۔ تیرے حُکمے اندر بدھےّ، در ٹھانڈے سیِس جھُکائیا۔ اساں مارگ تیرے پِچھلے بدلدے ویکھنے اَگے، اگلا راہ اِک سمجھائیا۔ کِس بِدھ بھگتاں در درس دیویں اُپر شاہ رگے، نؤ دوارے ڈیرہ ڈھائیا۔ تیرے نام دا ڈنکا ہر گھٹ ہِردے اندر وجےّ، انحد نادی ناد کرے شنوائیا۔ امرت نام بھنڈارا دیوے دھرم دی دھار مدھے، مدُھر خُماری اِک چڑھائیا۔ سَت پرکاش ویکھنے چار کُنٹ وِچ جگے، جاگرت جوت ہووے رُشنائیا۔ بِن تیری کِرپا تیرا دوار کِسے نہ لبھے، کھوج کھوج تھکی لوکائیا۔ صدی چؤدھویں ہوئے سارے ہکےّ بکےّ، بیِس بیِسا دئے گواہیِا۔ کوٹاں وِچوں سنت سُہیلے تیرے سنگ تھوڑے ہوئے اِکٹّھے، جِنہاں دے آتم پرماتم وجےّ ودھائیا۔ دیِناں مذہباں دے میٹ کے رٹےّ، رٹن تیری اِک لگائیا۔ سماج جگت وِہار پِچھلے چھڈے، چھڈی کوُڑ لوکائیا۔ منزل اِک حقیِقی لنگھے، جِتھے مِلدا بےپرواہیِا۔ آتم سیج سُہاویں پلنگے، در دروازہ اِک کُھلائیا۔ جِتھے لوڑ رہے نہ کِسے پنڈے، بودھ اگادھ کر پڑھائیا۔ تیرا بھگت تیرا پریم اِکو منگے، من کا منکا دینا بھوائیا۔ آسا منسا پوُری کرا جمنا سُرستی گوداوری گنگے، تیِرتھ تٹ دین دُہائیا۔ کلجُگ جیِو بِن سَتگُر شبد ہوئے اندھے، نِج نیتر لوچن نیَن اکّھ نہ کوئے کُھلائیا۔ جوتی جوت سروُپ ہرِ، آپ اپنی کِرپا کر، دُھر دا حُکم اِک سمجھائیا۔ گُر اوتار پَیغمبر کہن ساڈی پوُری ہووے منسا، ممتا جگت رہے نہ رائیا۔ تیرا بھگت سُہیلا ہنسا، نام مانک موتی چوگ چُگائیا۔ من ہنکاری رہن نہیں دینا کنسا، کاہن اپنا ڈنک دینا سُنائیا۔ رام رگھُوَنس سُہاؤنا بنسا، سیِتا سُرتی جوڑ جُڑائیا۔ حضرت عیسیٰ موُسیٰ محمد سجدہ کرے وار اگنتا، دھوُڑی خاکی خاک رمائیا۔ نانک گوبِند دوار بن کے ساچی سنگتا، سنگ مِلیا دُھردرگاہیِا۔ کلجُگ انت اَخیِر سماں جائے لنگھدا، جگت وِدیا سمجھ کوئے نہ آئیا۔ جن بھگتاں بھیو کھولنا ہنگ برہم دا، پاربرہم اپنا نوُر چمکائیا ۔ پرکاش کرنا نوُری چند دا، سوُریہ چند نہ کوئے وڈیائیا۔ گُر اوتار پَیغمبر کہے جن بھگتو تُہاڈے پِچھے سَتجُگ تریتا دواپر آیا منگدا، در ٹھانڈے الکھ جگائیا۔ سو مالک خالق پرِتپالک پریِتی تُہاڈی کایا اندر باہر منگدا، رمز اِکو اِک لگائیا۔ اِک اِک منکا وارث بنیا اگلے پندھ دا، راہ وِچ نہ کوئے اٹکائیا۔ آدی لیکھا برہما شِو دھار گنڈھدا، جِسدا بھیو نہ کوئے سمجھائیا۔ تُساں رس لَینا پُرکھ اکال انند دا، پرمانند وِچ سمائیا۔ جوتی جوت سروُپ ہرِ،

آپ اپنی کِرپا کر، ساچا مارگ جگت وکھائیا۔ گُر اوتار پَیغمبر کہن اسیں ویکھن آئے کھیل مہان، مہما اکتھ نہ کوئے سُنائیا۔ جِس نوُں سمجھے نہ وِدیا دا گیان، اکھّراں وِچ لیکھ نہ کوئے پرگٹائیا۔ کاتب دئے نہ کوئے نِشان، قلم شاہی نہ کوئے چتُرائیا۔ شاستر سِمرت ہوئے حَیران، وید پُران اکّھ

شرمائیا۔ ایکا حُکم دیوے حُکمران، جو نِرگُن داتا دُھردرگاہیِا۔ جِس دی سارے کردے آئے کلیان، نام کلمہ ڈھولے گائیا۔ در تے منگدے آئے دان، بِھکھاری ہو کے جھولی ڈاہیِا۔ بھوِکھتاں وِچ دیندے آئے بیان، لِکھتاں وِچ اِک سندیش سُنائیا۔ سو کھیل کھیلے والی دو جہان، جِس نوُں جنمے کوئے نہ مائیا۔ اسیں اُس دا سُنن آئے فرمان، جو بھگتاں کرے پڑھائیا۔ جن بھگتو آتم پرماتم دُھر دا ناتا گوپی کاہن، تتّاں توں پرے

سنگ نِبھائیا۔ سو سوامی انترجامی ہنگ برہم دیوے مان، سِری بھگوان اپنا روُپ سمجھائیا۔ خوشیاں وِچ گُر اوتار پَیغمبر ہاڑھ ستاراں
دُھر دا ڈھولا اِکو گان، جن بھگتاں مِل کے وجےّ ودھائیا۔ جوتی جوت سروُپ ہرِ، آپ اپنی جوت دھر، نِہکلنک نرائن نر، مہاراج شیر
سِنگھ وِشنوُں بھگوان، سَتجُگ ساچا مارگ دے وِچ جہان، جگت بدلی سمجھ سکے نہ کوئے اِنسان، مِہربان دُھر دی کرنی کرتا آپ کمائیا۔