کتب خانہGranth 20 (Urdu)

۱۸ ہاڑھ شہنشاہی سمت ۳ ہرِ بھگت دوار پِنڈ جیٹھوُوال ضِلع امرتسر

مالا کہے مَیں سچ دوارا بَیٹھی ملّی، نہ معلوُم دیاں جنائیا۔ بِرہوں وَیراگن ہو کے جھلّی، جھلک تکّی بےپرواہیِا۔ جُگ چؤکڑی کوٹاں دی لَیندی رہی بلی، تن ماٹی خاک دِتے سُکائیا۔ کِسے نوُں لبھن نہیں دِتی یار والی گلی، گل وکڑی گل نہ کوئے پائیا۔ تسبیح پھڑ کے ہؤکا بھریا اعلی، االلہ اَگے سیِس نِوائیا۔ تیری کھیل ہووے بھلی، بھرم گڑھ تُڑائیا۔ مَیں جھگڑا ویکھیا دلی، دلِدراں سنگ رکھائیا۔ صوُفی سیِس رکھے کوئی نہ تلی، تلوار خنجر رہی ڈرائیا۔ پروردِگار مِہربان نہیں چھلی، اچھل چھل دھاری اپنا ویس وٹائیا۔ جیہڑی وست امولک سچ پیار والی گھلّی، گھر گھر دِتی ورتائیا۔ اوہ مایا ممتا موہ وِچ رلی، رستہ پِچھلا گئی بُھلائیا۔ بھاگ لگّے کِسے نہ کایا ماٹی کّھلّی، خلق خالق دئے دُہائیا۔ جوتی جوت سروُپ ہرِ، آپ اپنی کِرپا کر، ساچا رنگ اِک چڑھائیا۔ مالا کہے میری جُگ جنم دی آسا پُنی، پایا پرم پُرکھ کرتار۔ جِس نے دُھر دربار پُکار سُنی، سُن پُکار لیا اوتار۔ لکّھ چؤراسی وِچوں ہرِ سنگت ساچی چُنی، چار ورناں دئے اَدھار۔ نام نِدھان دی لا کے دُھنی، جگت میٹے دھوُاں دھار۔ لہنا دینا ویکھے جگت جگیاسوُ سُنی، سوبھاوَنت ہرِ سِکدار۔ بھاگ لگاوے اپنی کُلیّ، کلمے دا کرم کرے نہ کوئے وِہار۔ جوتی جوت سروُپ ہرِ، آپ اپنی کِرپا کر، بخشنہارا اِک دوار۔ مالا کہے مَیں ویکھیا آد جُگادی مالک، ملک ملک کھیل کھِلائیا۔ دھار بناؤندا رہیا خلق، خالق خلق وِچ سمائیا۔ واسا رکھ کے اُپر فلک، فرمانا دُھر دا دئے فرمائیا۔ کلجُگ انتم پوُری کر کے شرط، شرع رہیا بدلائیا۔ نِرگُن دھار آیا پرت، پتپرمیشور ویس وٹائیا۔ سب دی آسا منسا پوُری کرے غرض، غریِب نِمانے گود اُٹھائیا۔ تُوں میرا مَیں تیرا راگ دسّ کے اگمّی طرز، ناد اِکو دِتا وجائیا۔ مَیں ویکھ کے حَیران ہوئی اسچرج، اچرج لیِلا کی ورتائیا۔ جوتی جوت سروُپ ہرِ، آپ اپنی کِرپا کر، ساچی کرنی کار کمائیا۔ مالا کہے مَیں ویکھیا شہنشاہ ملوُک، مالک دُھر درگاہیِا۔ سچ پریِتی بخش سلوُک، صُلحکُل نظری آئیا۔ بھیو چُکا کے چارے کوُٹ، دہ دِشا کرے شنوائیا۔ جن بھگتاں اندر رہن نہ دیوے جوُٹھ جھوُٹھ، در پڑدا دئے اُٹھائیا۔ اِکو رنگ رنگائے تانا پیٹا سوُت، سوُتردھاری ہوئے سہائیا۔ سچ دوار بخشے رسوُخ، رُخصت جگت ولوں دوائیا۔ پِچھلا حُکم کر منسوُخ، اگلا ڈنکا دئے وجائیا۔ جوتی جوت سروُپ ہرِ، آپ اپنی کِرپا کر، اپنا پڑدا رہیا اُٹھائیا۔ مالا کہے مَیں ویکھ ہوئی خوشحال، خوشیاں وِچ راگ الائیا۔ پربھ پایا دیِن دَیال، دیِناں

دَیا کمائیا۔ بھگت سُہیلے تکّے لال، لالن اپنے رنگ رنگائیا۔ دھرم دوار سچّی دھرم سال، گھر ٹھانڈا اِک سُہائیا۔ جِتھے پوہ نہ سکے کال، اگنی تت نہ کوئے تپائیا۔ سب دی پوُری کرے گھال، تپسوی تپ نہ کوئے بنائیا۔ جگت ریِتی بدل کے چال، آتم پرماتم جوڑ جُڑائیا۔ دے کے نام شبد وِشال، وِشیا دا لہنا دئے گوائیا۔ جوتی جوت سروُپ ہرِ، آپ اپنی کِرپا کر، ساچا رنگ رنگائیا۔ مالا کہے مَیں ویکھیا بھگت بھگوان دا مِلاپ، مِلن والا نظر کوئے نہ آئیا۔ دوہاں دا سانجھا تکّیا جاپ، جگت دی لوڑ رہی نہ رائیا۔ اِکو چنگی لگّی بات، جو باطن پڑدا رہی اُٹھائیا۔ سُہنجنی ہوئی رات، بِھنڑی رَین خوشی منائیا۔ گُرمُکھاں دِتی دات، داتے دانی آپ ورتائیا۔ سِکھیا دِتی ساکھیات، سہج دِتا سمجھائیا۔ ہرِ بھگت بنیو نار نہ کوئی کمّ ذات، بِنا کنت کنتوُہل ساچی سیج نہ کوئے سُہائیا۔ کلجُگ کوُڑی کِریا پاؤنی وفات، فاتحہ پڑھے سرب لوکائیا۔ لیکھا جانے طلوُع آفتاب، خالق خلق اُپر کرے رُشنائیا۔ مالا کہے میرا اُس دے چرن اِک آداب، جو ادب نال بھگتاں دئے وڈیائیا۔ اَگے رہے نہ کوئے عذاب، عجب دا لیکھا دئے چُکائیا۔ سَتجُگ نَویِں ساجنا ساج، ساجن گُرمُکھ جوڑ جُڑائیا۔ کھیلے کھیل ایکنکارا اِکو واحد، واہوا جِس دی وجدی رہے ودھائیا۔ جوتی جوت سروُپ ہرِ، آپ اپنی کِرپا کر، میرا پڑدا رہیا اُٹھائیا۔ مالا کہے مَیں دوویں ہتّھ ملدی، اپنی خوشی بنائیا۔ کھیل ویکھ پِچھلے کل دی، کلمے کلام گئی بُھلائیا۔ جِس ویلے ہرِ سنگت چلدی، چال چلن سوہنا نظری آئیا۔ اندروں دھار نِکلے کپٹ چھل دی، وِشیاں دا وِشا دئے بدلائیا۔ وست ملِے اگمّے پھل دی، پُھل پُھلواڑی آپ مہکائیا۔ آشا پوُری ہوئی بل دی، باوَن دئے گواہیِا۔ گوبِند دھار رہے چلدی، چلت ویکھے لوکائیا۔ جو آتم پرماتم وِچ رلدی، راہ اِکو اِک تکائیا۔ اُس دے اندر جوتی بلدی، جوتی جاتا کرے رُشنائیا۔ جوتی جوت سروُپ ہرِ، آپ اپنی کِرپا کر، دیونہارا ساچا ور، ساچا رنگ رہیا چڑھائیا۔ مالا کہے میرا لہنا دینا مُکایا بھگتاں، بھگتی پوُری دِتی کرائیا۔ دُھر دا حُکم سُنایا نال ارتھاں، ارتھی دی لوڑ رہی نہ رائیا۔ نِرگُن دھار ویکھی ہر تھاں، تھان تھننتر سوبھا پائیا۔ اِکو رنگ چڑھایا ناری مرداں، مدد لےَ کے دُھر درگاہیِا۔ سَتجُگ ساچا لاہیِا پڑدا، اوہلا دِتا اُٹھائیا۔ راہ دسایا دُھر دے گھر دا، جِتھے ملِے دُھر درگاہیِا۔ جو سوہنگ ڈھولا پڑھدا،مالا کہے مَیں اُس دے چرناں سیِس جھُکائیا۔ جو گُرمُکھ اِک وار مَینوُں پھڑدا، مُڑ کے پھڑن دی لوڑ رہے نہ رائیا۔ صاحب سُلطان جِس

نوُں نِرگُن ہو کے وردا، سو سرگُن ہو کے اپنا کنت ہنڈھائیا۔ جوتی جوت سروُپ ہرِ، آپ اپنی کِرپا کر، کرے کھیل ساچا ہرِ، نِہکلنک نرائن نر، مہاراج شیر سِنگھ وِشنوُں بھگوان، بھیو کُھلائے اگلے در دا، در درویشاں لئے بُلائیا۔

۱۸ ہاڑھ شہنشاہی سمت ۳ رات دے سمے

سو پُرکھ نِرنجن شاہ سُلطان، سچ سَت تیری شہنشاہیِا۔ ہرِ پُرکھ نِرنجن حُکمران، حُکم تیرا دُھردرگاہیِا۔ ایکنکارے نؤجوان، تیرا روُپ انوُپ اِلاہیِا۔ آد نِرنجن وڈ بلوان، سوُربیِر تیری وڈیائیا۔ ابناشی کرتے کھیل مہان، نِروَیر اپنی کار کمائیا۔ سِری بھگوان وڈ بلوان، سچ پردھانگی آپ کمائیا۔ پاربرہم سَت نِشان، سَت سَتوادی آپ جھُلائیا۔ سچکھنڈ دوارا کھول مہان، مِہر اپنی اِک کمائیا۔ تِھر گھر بخش اگمّا مان، نِگاہبان ویکھ وکھائیا۔ شبدی دھار نؤجوان، سچ دوارا اِک سُہائیا۔ جوتی جوت سروُپ ہرِ، آپ اپنی کِرپا کر، ساچا روُپ آپ پرگٹائیا۔ سو پُرکھ نِرنجن گہر گمبھیِر، گُر اپنی کھیل کھِلائیا۔ ہرِ پُرکھ نِرنجن بےنظیِر، نظر توں پرے کرے رُشنائیا۔ ایکنکارا لیکھ جان شاہ حقیِر، حُکم اپنا اِک ورتائیا۔ آد نِرنجن دُھر دا پیِر، پرا پسنتی مدھم بَیکھری کرے پڑھائیا۔ سِری بھگوان بخشنہارا دھیِر، دھیِرج دھرم دھار پرگٹائیا۔ ابناشی کرتا چوٹی منزل چڑھ بَیٹھا اَخیِر، اکل کل دھاری اپنی کار کمائیا۔ پاربرہم پربھ بن کے دستگیِر، دست دست نال مِلائیا۔ جوتی جوت سروُپ ہرِ، آپ اپنی کِرپا کر، ساچا کھیل آپ پرگٹائیا۔ ساچا کھیل کرے ہرِ میِتا، سچ کرنی کار کمائیا۔ سَتگُر شبد سہج انڈیِٹھا، دُھر فرمانا اِک سُنائیا۔ دو جہاناں بدلنی ریِتا، گُر اوتار پَیغمبر نال رلائیا۔ سچ دوار وکھاؤنا ٹھانڈا سیِتا، اگنی تت نہ کوئے تپائیا۔ جھگڑا مِٹاؤنا اوُچا نیِچا، آتم برہم اِک سمجھائیا۔ ساچا کلمہ دسےّ حدیِثا، حضرت ہو کے کرے پڑھائیا۔ پرگٹ ہو کے جگت جگدیِشا، جگدیِشر اپنا راہ چلائیا۔ لہنا دینا پوُرا کرے محمدموُسیٰ عیسیٰ، اصل دا اصل نوُر خُدائیا۔ گُر اوتار پَیغمبراں جھولی پائے پِچھلا کیِتا، کرنی کرتا آپ کمائیا۔ روُپ دھار کے نیِکن نیِکا، وڈ وڈّا دئے وڈیائیا۔ کوُڑی کِریا بدلے نام نال طریقہ، شرع ڈھنگ نظر کِسے نہ آئیا۔ حُکم رہے نہ رام سیِتا، رادھا کرِشن نہ کوئے شنوائیا۔ لیکھا رہے نہ مندر مسیِتا، مسلہ حق دئے دِرڑائیا۔ دُھر دا کلمہ دئے حدیِثا، حاضر ہو کے کرے پڑھائیا۔ پندھ مُکائے بیِس بیِسا، بِستر سب دے پھول پھولائیا۔ جوتی جوت سروُپ ہرِ، آپ اپنی کِرپا کر، ساچا کھیل اِک وکھائیا۔ ساچا کھیل کرے

کرتار، کرنی کرتا آپ دِرڑائیا۔ جِس نوُں لبھدے رہے جُگ چار، سَتجُگ تریتا دواپر کلجُگ اکّھ کُھلائیا۔ )بندنا( کردے آئے وِچ سنسار، نِمسکار سجدیاں وِچ سیِس جھُکائیا۔ شاستر سِمرت وید پُران بانی بول کردی آئی اِظہار، سو ظاہر ظہوُر کرے رُشنائیا۔ جِس دے سب کُچھ اختیار، اِخلاق کوُڑا دئے مِٹائیا۔ دھرم دا نام بول جَیکار، االلہ واہِگُروُ نام اِکو بول سمجھائیا۔ ساچا مندر اِک وکھال، در دوارا اِک سُہائیا۔ جِتھے وسن شاہ کنگال، اوُچ نیِچ دا جھگڑا رہے نہ رائیا۔ دِیپک جوتی جگے بےمثال، دیِا باتی کملاپاتی اِکو ڈگمگائیا۔ جن بھگتاں پوُری کرے گھال حل ہوئے سوال، سمے دا لیکھا دئے مُکائیا۔ دیِناں بندھپ ہوئے دَیال، در درویشاں کرے پرِتپال، پرِتپالک خالق ثالث ہو کے اپنی کار کمائیا۔ آپے ویکھے مُریِداں حال، مُرشد بن کے دیِن دَیال، دیانِدھ ٹھاکر سوامی اِکو ہوئے سہائیا۔ کلجُگ انتم بدل دیوے چال، سَتجُگ ساچی سُہائے دھرم سال، دھرم دوارا ایکنکارا اِکو اِک پرگٹائیا۔ جوتی جوت سروُپ ہرِ، آپ اپنی کِرپا کر، دیونہارا ساچا ور، سچ محلا ہرِ کرتار اِک وکھائیا۔ ہرِ کرتا دُھر کرتار، مِہربان محبوُب اِک وکھائیندا۔ نِرگُن نوُر جوت اُجیار، جوتی جاتا ڈگمگائیندا۔ شبدی دُھن ناد جَیکار، دو جہاناں آپ سُنائیندا۔ وِشن برہما شِو کر خبردار، دیوت سُر سرب اُٹھائیندا۔ لہنا دینا موُل چُکا گُروُ اوتار، پَیغمبر قدماں اُپر آپ سُٹائیندا۔ اُٹھو ویکھو نیتر کھولو وِچ سنسار، سنساری بھنڈاری بچیا رہن کوئے نہ پائیندا۔ کلجُگ انت سِری بھگوَنت لئے اوتار، جوتی جاتا پُرکھ بِدھاتا اپنی کل آپ ورتائیندا۔ جوتی جوت سروُپ ہرِ، آپ اپنی کِرپا کر، کرے کھیل ساچا ہرِ، سچ محلا اِکو اِک سُہائیندا۔ سچ محل سُہائے آپ، آپ اپنی دَیا کمائیا۔ تُوں میرا مَیں تیرا دسّ کے جاپ، جگ جیِون داتا ہوئے سہائیا۔ دوُجا نظر نہ آئے پوُجا پاٹھ، سِمرن جوگ ابھیاس نہ کوئے وکھائیا۔ روُح بُت کر کے پاک، پتت پُنیِت دئے بنائیا۔ بند کِواڑی کایا مندر اندر کھول کے تاک، نوُر نوُر کرے رُشنائیا۔ تُوں میرا مَیں تیرا آتم پرماتم بنائے اِکو سجّن ساک، ساک سیَن ہوئے اِکو سہائیا۔ بھگت بھگوان، اِک دوُجے دے ہوون داس، داستان اگلی دئے دِرڑائیا۔ سچ دوار ایکنکار نِراکار کرے واس، پرکاش اپنا اِک پرگٹائیا۔ جوتی جوت سروُپ ہرِ، آپ اپنی کِرپا کر، کرے کھیل ساچا ہرِ، ساچا در اِک کُھلائیا۔ سچ کہے میرا کُھلیا دروازہ، درویش ملِے وڈیائیا۔ کِرپا کرے غریِب نوازا، ہرِ کرتا شہنشاہیِا۔ جِس نے آد جُگاد جُگ چؤکڑی جیِو جنت سادھ سنت گُر اوتار پَیغمبر لکّھ چؤراسی ساجن ساجا، وِشن برہما شِو حُکمے اندر سیوا لائیا۔ سو سوامی انترجامی نِرگُن لوآں پُریِاں کھنڈاں

برہمنڈاں پِھرے بھاجا، جوتی جاتا سب نوُں ویکھ وکھائیا۔ کلجُگ انت انتشکرن سب دا رچیا کاجا، کرنی دا کرتا اپنی کار کمائیا۔ چار ورن اٹھاراں برن دہ دِشا نوَ ستّ مِٹے اندھیری راتا، سَتجُگ ساچا چند چمکائیا ۔ گُرمُکھ ساچے سنت جناں پوُرب جنم دیِاں پوُریاں کرے آساں، اصل وِچ اپنا نوُر درسائیا۔ گھر گھر مندر اندر گوپی کاہن وکھاوے ساچی راسا، منڈل منڈپ وجےّ اِک ودھائیا۔ جھگڑا مُکائے دیِناں مذہباں ذاتاں پاتاں، پتن اِک وکھائیا۔ جوتی جوت سروُپ ہرِ، آپ اپنی کِرپا کر، ساچا میلا لئے مِلائیا۔ ساچا میلا کرے آپ، اپنی دَیاآپ کمائیندا۔ نِرگُن دھار وڈ پرتاپ، پرم پُرکھ ویس وٹائیندا۔ ساچی دُھر دی لےَ سوغات، نام انمُلا آپ ورتائیندا۔ تُوں میرا مَیں تیرا دسّ کے گاتھ، گہر گمبھیِر بھیو کُھلائیندا۔ سچ دھرم چلاوے راتھ، کلجُگ کوُڑی کِریا ڈیرہ ڈھائیندا۔ جن بھگتاں پوُری کر کے آس، آسن اِکو اِک وکھائیندا۔ کِسے لبھنا پئے نہ وِچ پربھاس، جنگل جوُہ نہ کوئے پِھرائیندا۔ کِرپا کرے سرب گُنتاس، گُنونتا ویکھ وکھائیندا۔ ساچی منزل دے کے گھاٹ، گھاٹا پوُرب جنم کرم دا جھولی پائیندا۔ آون جاون لکّھ چؤراسی میٹ کے واٹ، وٹنا اپنا نام لگائیندا۔ جوتی جوت سروُپ ہرِ، آپ اپنی کِرپا کر، ساچا حُکم اِک سُنائیندا۔ ساچا حُکم دیوے فرمان، فُرنا اندروں بند کرائیا۔ بھگتاں میل سِری بھگوان، بھگوَن اپنی کار کمائیا۔ کھنڈا کھڑگ نہ کوئے کِرپان، کِرپانِدھ ہوئے سہائیا۔ جودھا سوُربیِر نؤجوان، نؤبت اپنا نام جنائیا۔ گُر اوتار پَیغمبر کرے سوادھان، سُتّیاں لئے اُٹھائیا۔ لیکھا جانے دو جہان، دو جہاناں والی آپ وکھائیا۔ چار جُگ جو گاؤندے آئے گان، رسنا جِہوا ڈھولے صِفت صلاحیِا۔ سارے اوس دی لاؤ میزان، گِن گِن دیؤ سمجھائیا۔ کِس دا قایم رہیا دھیان، کوَن اصل روُپ وٹائیا۔ کوَن کردا رہیا پچھان، بِن اکھّراں کر پڑھائیا۔ کیہڑا دیندا رہیا گیان، اگیانیاں اندھ اگیان مِٹائیا۔ جوتی جوت سروُپ ہرِ، آپ اپنی کِرپا کر، کرے کھیل ساچا ہرِ، سچ دوارے حُکم سُنائیا۔ سچ دوارے حُکم دیوے ایک، ایکنکار آپ سُنائیا۔ کلجُگ انت چار کُنٹ کِیوں ودھیا بھیکھ، بھیکھادھاری ڈیرہ لائیا۔ ترےَگُن کِیوں لائے سیک، پنج تت رہی جلائیا۔ گُر اوتار پَیغمبر اندر وڑ کے دسّو ہیت، پڑدا اوہلا دینا اُٹھائیا۔ جِس کارن ارجن سیِس وِچ پوائی ریت، تتّی توی وجّی ودھائیا۔ جوتی جوت سروُپ ہرِ، آپ اپنی کِرپا کر، کرے کھیل ساچا ہرِ، ساچی کرنی کار کمائیا۔ کرنی کہے سُن میری عرض، آرزوُ دیاں دِرڑائیا۔ بھگت اُدھارنا تیرا فرض، فرمانبردار لَینے بنائیا۔ سب دی پوُری کرنی آسا منسا غرض، غریِب نِمانے گود اُٹھائیا۔ اپنی کھیل دسّنی

اسچرج، اچرج لیِلا آپ وکھائیا۔ تُوں جودھا سوُربیِر مردانہ مرد، مُدّتاں دے وِچھڑے لَینے مِلائیا۔ شرع چُھری پوہے کِسے نہ کرد، قاتل مقتوُل دوہاں ہونا سہائیا۔ نوَ نؤ چار دی ویکھ لا فرد، بِنا اکھّراں کر پڑھائیا۔ جوتی جوت سروُپ ہرِ، آپ اپنی کِرپا کر، ساچا حُکم اِک سُنائیا۔ حُکم کہے میرا حُکم سچّا، سچ دیاں دِرڑائیا۔ کلجُگ انتم ویکھ کایا ماٹی بھانڈا کچّا، کوُڑی کِریا پھول پھولائیا۔ کوَن دوارے دھرم دی دِسے ستّا، ستّ دیِپ پڑدا دینا لاہیِا۔ کوَن نام رنگن اپنا چولا کر کے بَیٹھا رتّا، رتن امولک تیرا سوبھا پائیا۔ کوَن مُحبّت اندر پِھرے نَٹھا، دِوس رَین بھجےّ واہو داہیِا۔ کوَن سیوا کرے ہتّھاں، چاکر خاک روُپ بدلائیا۔ کوَن درشن پائے اکّھاں، نیتر لوچن نیَن آپ کُھلائیا۔ کوَن راگ گائے وانگ بھٹّاں، بھٹناگر اپنا تال وجائیا۔ جوتی جوت سروُپ ہرِ، آپ اپنی کِرپا کر، دُھر فرمانا اِک سُنائیا۔ دُھر فرمان کہے تیئی اوتار آؤ اَگے، اگلا بھیو کُھلائیا۔ پِچھلے چار جُگ دے ویکھو مزے، مذہباں ولّ دھیان لگائیا۔ جِس کارن سارے نسّے، شبد حُکم دِرڑائیا۔ ساچی دھاروں آئے بھجےّ، اپنا پندھ مُکائیا۔ نِرگُن دھار سنگ سجے، ساجن اِکو جوڑ جُڑائیا۔ ذرا تکّو کیہڑا سنت بِن میری کِرپا چڑھیا اُپر شاہ رگے، نؤ دوارے پندھ مُکائیا۔ کوَن تُہاڈے پیار اندر اپنی سُرتی بدھےّ، بندنا اِکو سیِس نِوائیا۔ کیہڑی کارے لائے دھندے، دھرم دینا سمجھائیا۔ کِیوں تُہاڈے ہُندیاں اِشٹاں والے ہوئے گندے، من ممتا وِچ ہلکائیا۔ اکّھاں نال وکھاوو چنگے، جیہڑے پربھ نوُں سیِس جھُکائیا۔ پریم دھار ہوون ٹھنڈے، اگنی تت نہ کوئے تپائیا۔ منزل پؤڑی چڑھن ڈنڈے، حق حقیِقت کھوج کھوجائیا۔ جِتھے پرکاش نہیں سوُریہ چندے، نِرگُن نوُر جوت رُشنائیا۔ دیِن مذہب نہ کوئی پابندے، رام کرِشن سیِس نہ کوئے جھُکائیا۔ پتّھراں والا مندر کوئی نہ لنگھے، مٹھاں متھا نہ کوئے گھسائیا۔ جوتی جوت سروُپ ہرِ، آپ اپنی کِرپا کر، دُھر دا حُکم اِک سُنائیا۔ دُھر دا حُکم سُنو نال سختی، ساکھیات دیاں دِرڑائیا۔ اپنا کھوجو جگت وِیکتی، ویکھو تھائیں تھائنیا۔ بِنا پربھ دے کِس دی پوُری ہوئی بھگتی، بھگوَن مِل کے خوشی منائیا۔ نِرگُن جوت لےَ کے شکتی، شرع دا بندھن گیا کٹائیا۔ مِل کے پریِتم عرشی، عرشاں توں پرے ڈیرہ لائیا۔ منظوُر کرائے عرضی، آرزوُ اپنی رہیا وکھائیا۔ سار پا کے ساچے گھر دی، پڑدا اوہلا رہیا چُکائیا۔ دھار ویکھ نرائن نر دی، نِرنکار نوُر رُشنائیا۔ جوتی جوت سروُپ ہرِ، آپ اپنی کِرپا کر، دُھر دا لیکھا منگ منگائیا۔ تیئی اوتار کرو جلدی، اپنا لیکھا دیؤ دِرڑائیا۔ چاروں کُنٹ اگنی بلدی، کِیوں نہ مات سکے بُجھائیا۔ ایہہ کھیل نہیں کوٹی کوٹ کل دی، کپٹ وِچ ویکھو

لوکائیا۔ سار پاؤ جل تھل دی، مہیئل پڑدا دیؤ اُٹھائیا۔ کھیل ویکھو گھڑی گھڑی پل پل دی، پلک دے پِچھے کی رُشنائیا۔ جوتی جوت سروُپ ہرِ، آپ اپنی کِرپا کر، سچ سندیشہ رہیا سُنائیا۔ گُر اوتار پَیغمبر سُنو سندیشہ اپنی ویکھو سندھی، سند سب دی رہیا جنائیا۔ کِیوں من واسنا کوُڑی کِریا ہوئی گندی، کرم کانڈ وِچ ہلکائیا۔ کِیوں شرع دی پا پابندی، پاربرہم نہ میل مِلائیا۔ کِیوں نہ تند ستار وجےّ تندی، تلواڑا دِسے دُھردرگاہیِا۔ کِیوں آتم ہوئی رنڈی، ہرِ کنت نہ کوئے ہنڈھائیا۔ ذرا اپنی اپنی پِھر کے ویکھو لوکمات ڈنڈی، ڈنڈاوت تُہاڈی گئے بُھلائیا۔ چار کُنٹ دِسے پاکھنڈی، جوُٹھ جھوُٹھ وجّی ودھائیا۔ سیِس بھار چُکیا نہ اپنی کندھیں، ہتّھ خالی رہے کرائیا۔ سیِتا سُرتی واہ کے بَیٹھی رہی کنگھی، نیتر نیَناں کلجُگ کجّل دھار سُہائیا۔ تن شِنگار )بن دی( رہی چنگی، چاروں کُنٹ ویکھ وکھائیا۔ کِسے نہ مِلیا دُھر دا سنگی، سگلا سنگ نہ کوئے بنائیا۔ منوُآ من بن فرنگی، گھر گھر کرے لڑائیا۔ کِیوں نام دی ہوئی تنگی، تنگدست لوکائیا۔ کِتھے گئی بھوانی چنڈی، چنڈالاں کرے نہ کوئے صفائیا۔ کِیوں نیتر اکّھ ہوئی انّھی، نیَن نہ کوئے رُشنائیا۔ چؤراسی کٹے کوئے نہ پھندی، پھاسی گلوں نہ کوئے لاہیِا۔ جوتی جوت سروُپ ہرِ، آپ اپنی کِرپا کر، ساچا حُکم اِک سُنائیا۔ تیئی اوتار کہن پربھ سانوُں لیَن دے جھاک، جھاکی چار کُنٹ وکھائیا۔ اپنا کھول لیَن دے تاک، پڑدا پڑدے وِچوں اُٹھائیا۔ جِدھر ویکھیئے دِسے کوئی نہ ساک، سجّن سنگ نہ کوئے نِبھائیا۔ سَت دھرم ہویا ناس، جگت برہم مت نہ کوئے دِرڑائیا۔ نِرگُن نوُر نہ کوئے پرکاش، اندھ اندھیرا گیا چھائیا۔ لیکھے لگّے کِسے نہ پوَن سواس، ساہ ساہ نہ کوئے سمائیا۔ کوُڑی جگت پیَندی ویکھی راس، گوپی کاہن بن کے تیرا سانگ ورتائیا۔ سیِتا رام بن کے پِھرن وِچ پربھاس، بھانڈا بھرم نہ کوئے بھنائیا۔ تیئی اوتار کہن اسیں تیرے داس، داستان سارے رہے سُنائیا۔ جے ویکھیئے اُپر تیرا پرکاش، آکاشاں توں پرے تیرا دھیان لگائیا۔ جوتی جوت سروُپ ہرِ، آپ اپنی کِرپا کر، ساچی کرنی کار کمائیا۔ اوتار کہن کی دِسے اُپر دھرت، دھن دی لوڑ رہی نہ رائیا۔ ساڈی پوُری ہوئی شرط، شرع دا لیکھا دے مُکائیا۔ ساڈی اِکو اِک عرض، بینتی رہے سُنائیا۔ تیرے کول سب دی فرد، پِچھلا پڑدا لئے چُکائیا۔ غریِب نِمانیاں ونڈ درد، دُکھیِاں اناتھاں ہو سہائیا۔ جوتی جوت سروُپ ہرِ، آپ اپنی کِرپا کر، ساچی کرنی کار کمائیا۔ سِری بھگوان کہے ویکھو محمدموُسیٰ عیسیٰ، عمل دیاں دِرڑائیا۔ کلمیاں والی کھوج حدیِثا، حضرت توں پڑدے آپ چُکائیا۔ کی کہے قُرآن مجیدا، تیِس بتیِسا کرے پڑھائیا۔ کی لہنا دینا ایہدا، عدم

ایتماد دیاں دِرڑائیا۔ کی تُہاڈے نال قؤل کیِتا پوشیدہ، سہجے دینا سمجھائیا۔ کی لےَ کے حق رسیدہ، رستہ آئے دِرڑائیا۔ کِیوں سِدھا نہیں کردے دیدہ، دائرہ ویکھو دیِن مذہب گوسائنیا۔ کِیوں راز ہویا پیچیدہ، پڑدا اوہلا دیؤ اُٹھائیا۔ ویکھو تُہاڈے اُتے رہیا نہ کِسے دا عقیدہ، عقل دی جگت چلے چتُرائیا۔ نظر آئے نہ کوئی میِتا، نسل تُہاڈی گئی نس بدلائیا۔ تُہاڈے کول جیہڑی وصیّتا، وصل دے یار خُدائیا۔ جِس نے سب دیاں بدل دینیِاں طبیعتاں، طبھا دِتی بدلائیا۔ لیکھا مُکائے کعبےوالیاں مسیِتا، مسلہ اپنا دینا سمجھائیا۔ سب دا خالی کر کے کھیِسا، خصم نے پڑدا دینا لاہیِا۔ جوتی جوت سروُپ ہرِ، آپ اپنی کِرپا کر، مِہر نظر اِک اُٹھائیا۔ سَتگُر دسّو جگ حالت، نِرگُن نِروَیر منگ منگائیا۔ کِیوں دھرم دے اندر ہوئی جہالت، نانک گوبِند دیؤ سمجھائیا۔ تُسیں دسّ کے آئے اِک نِرنکار صحیح سلامت، پُرکھ اکال سب دا پِتا مائیا۔ دھرم دی دھار جگت اَمانت، عملاں وِچ خلق خُدائیا۔ صدی چؤدھویں سارے کرے خیانت، کرنی کار نہ کوئے کمائیا۔ بانی پڑھ پڑھ کِیوں منوُآ کرے بغاوت، تن وجوُد کرے لڑائیا۔ کِتھے گئی نام والی سخاوت، جو سخیاں دے کاہن دئے مِلائیا۔ دسّو کِس دی دینی ضمانت، انتم لؤ چُھڈائیا۔ فرضی کھیل نہیں بناوٹ، دُھر دا مالک آپ جنائیا۔ تن وجوُد نہیں سجاوٹ، کپڑا اوڈھن نہ کوئے رکھائیا۔ جوتی جوت سروُپ ہرِ، آپ اپنی کِرپا کر، دُھر دی دھار آپ سُنائیا۔ گُر اوتار پَیغمبر سارے ہوئے اِکٹّھے، اکّھ اِکو وار اُٹھائیا۔ جِس کارن لوکمات گئے نَٹھے، جُگ جُگ اپنا ویس وٹائیا۔ میرے نام دے دے کے آئے پتے، پتپرمیشور اِک سمجھائیا۔ جو ہر گھٹ اندر وسے، سب توں نِرالا جوت اکالا سچکھنڈ نِواسی دُھردرگاہیِا۔ سو کِس بِدھ کلجُگ انت میٹے رَین اندھیری مسّے، مسلہ سب دا حل کرائیا۔ کنت بھگوَنت نِرگُن سرگُن پتِ رکھے، پتپرمیشور دئے وڈیائیا۔ جوتی جوت سروُپ ہرِ، آپ اپنی کِرپا کر، ساچا حُکم آپ پرگٹائیا۔ گُر اوتار پَیغمبر کہن آؤ ہوئیے سرب بھرا، بھرم ویکھیئے سرب لوکائیا۔ جو شرع آئے سمجھا، دھرم آئے دِرڑائیا۔ جو نام آئے جپا، اکھّراں وِچ لِکھائیا۔ جو مارگ آئے لگا، مانَس مانَس ونڈ ونڈائیا۔ جو ڈنکے آئے وجا، ڈھولے ناد شنوائیا۔ جو دوارے آئے اُپجا، مندر مسجد شِودوالے مٹھ ناؤں دھرائیا۔ جو دسّ کے آئے نام جُدا جُدا، حِصّے اکھّراں والے پائیا۔ اجّ اوسے توں سارے ہوئیے فِدا، قُربانی دی لوڑ رہے نہ رائیا۔ حق مالک اوہ خالق پرِتپالک اوہ داتا بےپرواہ، پروردِگار اِک اکھوائیا۔ جلوہ گر خُدا، خُدی دا ڈیرہ ڈھاہیِا۔ سارے چلیئے اوہدی وِچ رضا، رمز نال رمز لئے مِلائیا۔ جِس نے ساری سرِشٹی دینی

پڑھا، اندر وڑ کے کرے پڑھائیا۔ ساچا بیڑا دینا چلا، نؤکا اپنا ناؤں رکھائیا۔ اِکو رباب دینی وجا، تند ستار دئے ہِلائیا۔ جو روَیا سواس ساہ ساہ، صاحب دُھردرگاہیِا۔ اوسے نوُں کِہا االلہ االلہ، عالمیِن نوُر خُدائیا۔ سجدیاں وِچ آئے سیِس جھُکا، مکتباں وِچ کر پڑھائیا۔ جوتی جوت سروُپ ہرِ، آپ اپنی کِرپا کر، ساچی کرنی کار کمائیا۔ ساچی کرنی کہے کی کرنا، کرم کانڈ دیؤ دِرڑائیا۔ کیہڑا پلّوُ پھڑنا، پلک پلک وِچ رُشنائیا۔ کیہڑا اکھّر پڑھنا، نِراکھّر کھوج کھوجائیا۔ کیہڑے گرِہ وڑنا، در ساچے وجےّ ودھائیا۔ کوَن ملِے سرنا، سرنگت کوَن اکھوائیا۔ گُر اوتار پَیغمبر کہن پُرکھ اکال دے اِکو چرناں، دوُجا اِشٹ نہ کوئے منائیا۔ تُوں میرا مَیں تیرا سب نے مِل کے ڈھولا پڑھنا، نِرگُن دی نِرگُن کرے پڑھائیا۔ جوتی جوت سروُپ ہرِ، آپ اپنی کِرپا کر، ساچا حُکم اِک سمجھائیا۔ گُر اوتار پَیغمبر کہن ہُن سُنیئے اگلا ناؤں، نر نِرنکار رہیا دِرڑائیا۔ وسیئے اوس گاؤں، جِتھے بھگت سُہیلے سوبھا پائیا۔ تکّیئے اِکو پِتا ماؤں، پاربرہم نوُر خُدائیا۔ مانیئے ٹھنڈی چھاؤں، اگنی تت نہ کوئے تپائیا۔ اوس دا ویکھیئے اِکو راہو، جو رہبراں دئے وکھائیا۔ خُدی دا مالک اِک خُداؤ، خادم ہو کے سیِس نِوائیا۔ جے اوس نے سانوُں بھیجیا دُھردرگاہوں، دُھری اپنی اُتے بھوائیا۔ پِھر لےَ گیا پھڑ کے باہوں، تتّاں نالوں کر جُدائیا۔ جوتی جوت سروُپ ہرِ، آپ اپنی کِرپا کر، ساچا کھیل رہیا وکھائیا۔ گُر اوتار پَیغمبر کہن کریئے اِک صلاح، مشورہ اپنے نال مِلائیا۔ سارے منّیئے اِک رضا، سِر صاحب اِک جھُکائیا۔ خوشی ہوئیے جے پُرکھ اکال بنیا اِک ملاح، بیڑا اپنے کندھ ٹِکائیا۔ اسیں ایہناں دی شہادت دئیے بُھگتا، جو بھگت سہیلے پربھ دا نام دِھیائیا۔ اپنا پلّوُ لئیے چُھڈا، لوکمات نہ راہ تکائیا۔ جِس نے جگت جہان لیا اُپجا، اوسے دی جھولی پائیا۔ اوہ چلاوے جِویں رضا، اپنا حُکم ورتائیا۔ اسیں ویکھیئے تھاؤں تھاں، کِس بِدھ نؤ کھنڈ پرِتھمی ستّ دیِپ لئے سمجھائیا۔ ویکھ کے کہیئے واہو وا، واہوا تیری بےپرواہیِا۔ ایسے کر کے تَینوُں کِہا الاہ، جوتی جوت سروُپ ہرِ، آپ اپنی کِرپا کر، ساچا بھیو آپ کُھلائیا۔ گُر اوتار پَیغمبر کہن ہُن کریئے منظوُر، حُکم منّیئے دُھردرگاہیِا۔ کلجُگ کوُڑی کِریا پربھ میٹے اَگے فتوُر، ساڈا زِمہ رہے نہ رائیا۔ مایا ممتا بھریا پوُر، نئیا آپے دئے ڈُبائیا۔ اسیں بینتی کریئے ضرور، ضرورت اپنی پوُر کرائیا۔ پربھوُ جن بھگتاں دے بخشیں سرب قصوُر، دُکھیاں درد گوائیا۔ اوہ تیرے تیرا دِسے نوُر، نوُر نوُر رُشنائیا۔ تیرے نام دی سُندے تُور، تُریا توں پرے کھوج کھوجائیا۔ در بردے بن مزدوُر، سیوک ہو کے سیو کمائیا۔ تُوں سرب کلا بھرپوُر، شہنشاہ وڈیائیا۔ ہونا سہائی نیڑے دوُر، دوُر

دُراڈا پندھ مُکائیا۔ جو چڑھ کے گئے تیرے پوُر، بیڑا پار لنگھائیا۔ جِنہاں دا راہ تکّے منصوُر، اَناالحق ڈھولا گائیا۔ شنکر سُٹ کے اپنی ترِسوُل، منکا ہتّھ رہیا پھڑائیا۔ برہما قؤل نہ گیا بھوُل، وِشنوُں وِشوَ سیو کمائیا۔ ایہناں دا لہنا دینا دینا موُل، لیکھا پِچھلا جھولی پائیا۔ عدل عدالت کرنی تیرا اصوُل، جوتی جوت سروُپ ہرِ، آپ اپنی کِرپا کر، ساچا راہ اِک وکھائیا۔ گُر اوتار پَیغمبر کہن اساں جھگڑا چھڈیا قدیِم، قُدرت دے مالک تیری سرنائیا۔ کلجُگ انتم کر دے ترمیِم، طریقہ اپنا اِک دِرڑائیا۔ تیرا مارگ سدا مہیِن، جگ نیتر نظر نہ آئیا۔ اسیں سارے کریئے یقیِن، یکے بعد دیِگرے سیِس جھُکائیا۔ سب توں اُتم سوہنگ تیری تعلیِم، جو جنم توں پہلوں سب نوُں دئیں سمجھائیا۔ تیریاں بھگتاں کہیئے آفریِن، خوشیاں نال سُنائیا۔ جوتی جوت سروُپ ہرِ، آپ اپنی کِرپا کر، سِر اپنا ہتّھ ٹِکائیا۔ گُر اوتار پَیغمبر کہن ساڈی کر منظوُر دُعا، دوہری دھار جنائیا۔ کلجُگ کوُڑی کِریا میٹ وبا، آدم حوّا سار رہی نہ آئیا۔ ساچا نام کر رواں، حُکم حُکم وِچ سُنائیا۔ تیرا جگ ویکھیئے نَواں، تیرے نام وجےّ ودھائیا۔ سب دا بدل دے سماں، سماپت ہوئے لوکائیا۔ منوُآ کوُڑ رہے نہ پمّا، گوبِند دھوکھا رہن کوئی نہ پائیا۔ اِشٹ رہے کوئی نہ چمّا، چمن گُلشن اپنا دے مہکائیا۔ دیِن مذہب رہے نہ بنّا، حد حدوُد نہ کوئے ونڈائیا۔ جن بھگتاں نوُں کہے پربھوُ آ میریا چنّاں، پِتا ہو کے پوُت گود اُٹھائیا۔ اپنا نام سُنا بِنا کنّا، سروتے اندروں لےَ بنائیا۔ ممتا دی رہے کوئی نہ طمع، تامس دینی کڈھائیا۔ پوَن سواس ویکھو دماں، دامن اپنا نام پھڑائیا۔ ہرکھ سوگ رہے نہ غما، چِنتا چِکھا نہ کوئے جلائیا۔ جوتی جوت سروُپ ہرِ، آپ اپنی کِرپا کر، سب دا لہنا جھولی پائیا۔ پُرکھ اکال کہے سُنو گُر پَیغمبر اوتار، سندیشہ دُھردرگاہیِا۔ جِس کارن آیا وِچ سنسار، نِرگُن ہو کے ویس وٹائیا۔ سو لیکھا دسّاں اگمّ اپار، الکھ اگوچر بھیو کُھلائیا۔ پوُرب جنم دے وِچھڑے لئے بھال، لکّھ چؤراسی وِچوں کھوج کھوجائیا۔ بھگت سُہیلے بنا کے اپنے لال، لالن لال رنگ رنگائیا۔ مُرشد ہو کے پُچھیا حال، مُریِداں اپنا جوڑ جُڑائیا۔ سب دی لیکھے لا کے پوُرب گھال، جنم کرم دا لہنا جھولی پائیا۔ امرت سُہا کے تال، جگت ترِسنا بُھکھ مِٹائیا۔ در مندر اِک وکھال، بھگت دوارا سوبھا پائیا۔ جِتھے وسن شاہ کنگال، اِکو رنگ رہیا رنگائیا۔ اِس توں پرے نہیں کوئی دھرم سال، دھرم دوارا نظر کوئے نہ آئیا۔ جِس گرِہ پرگٹ ہووے دیِن دَیال، غریِب نِمانے گلے لگائیا۔ ایتھے اوتھے دو جہان کرے پرِتپال، پرِتپالک ہو کے سیو کمائیا۔ سب توں وکھّری نِرالی دسّ کے چال، چاروں کُنٹ کرے پڑھائیا۔

جوتی جوت سروُپ ہرِ، اپنی کِرپا کر، جن بھگتاں دئے وڈیائیا۔ گُر اوتار پَیغمبرو میرے ویکھو سجّن میِت، بھگتی وِچ وڈیائیا۔ جِنھاں دے اندر وسیا اِکو گیِت، سوہنگ ڈھولا دِتا سمجھائیا۔ اوہ ناتا چھڈ گئے مندر مسیِت، کایا کعبہ خوشی منائیا۔ جگت واسنا ہو اتیِت، ترےَگُن اتیِتا ویکھ وکھائیا۔ آتم پرماتم لا کے پریِت، پریِتم اِکو رہے منائیا۔ پِچھلا لیکھا سب دا گیا بیِت، اگلا مارگ اِک دِرڑائیا۔ سب دی گنڈھ گئی پیِچ، برہما شِو دئے گواہیِا۔ اجّ توں بھگت کوئی نہ رہے نیِچ، نیِچاں توں اوُچ دِتے بنائیا۔ نہ کوئی ہست رہیا نہ کیِٹ، کیِٹاں دے کیِٹ دِتے ترائیا۔ سو مانَس جنم گئے جیِت، جِنہاں مِلیا دُھردرگاہیِا۔ جوتی جوت سروُپ ہرِ، اپنی کِرپا کر، سِر اپنا ہتّھ رکھائیا۔ گُر اوتار پَیغمبرو ویکھیو میرا کھیل اگمّ کا، اگمّڑی کار کمائیا۔ جِس بھگت نے پھیریا منکا من کا، من کا روُپ بدلائیا۔ مَیں ذِمیوار ہویا اِنھاں دے تن کا، آتم اندروں کھوج کھوجائیا۔ روُپ بناواں ساچے جن کا، جن جننی دیواں وڈیائیا۔ جھگڑا رہن نہ دیواں من کا، ممتا موہ مِٹائیا۔ لیکھا مُک جائے شرع غم دا، غمی وِچ خوشی دیاں بدلائیا۔ بھیو کُھلا کے نِرنتر برہم دا، پاربرہم مِلائیا۔ جوتی جوت سروُپ ہرِ، اپنی کِرپا کر، سِر اپنا ہتّھ ٹِکائیا۔ گُر اوتار پَیغمبر ویکھو جِنہاں پہنیا چھلا، شالا دِتی وڈیائیا۔ اوہناں دی سیوا کرے تُہاڈا االلہ، علیٰحدہ رہن کوئے نہ پائیا۔ پربھ دا بھگت کدے نہ ہووے اِکلّا، نِرگُن سدا سنگ نِبھائیا۔ جِس آتم پھڑایا اپنا پلّا، پلّوُ گنڈھ نہ کوئے کُھلائیا۔ سرِشٹی نال کر کے ول چھلا، اچھل چھل اپنی دھار چلائیا۔ جوتی جوت سروُپ ہرِ، اپنی کِرپا کر، سچ دوارا اِک سُہائیا۔ گُر اوتار پَیغمبرو جِنہاں نے پھڑی اِکیاں منِکیاں والی مالا، مالک دُھر دا دئے وڈیائیا۔ اوہ کوئی رہیا نہ ادنیٰ اعلیٰ، اِکو رنگ دِتے رنگائیا۔ جِس نوُں تُسیں کہِندے خُدا تعالیٰ، اوہ اِنھاں دے تالے اندروں دئے کُھلائیا۔ آپ بنا کے اپنے بالا، گودی دُھر دی دئے ٹِکائیا۔ چار جُگ توں وکھّری چلا کے چالا، چال نِرالی اِک پرگٹائیا۔ ساچا منتر اِک سُکھالا، سو پُرکھ نِرنجن دِتا سمجھائیا۔ کلجُگ کوُڑی کِریا داغ رہے نہ کالا، دُرمت مَیل آپ دھوائیا۔ سچ دوار سچ سچّی دھرم سالا، در اِکو اِک کُھلائیا۔ جوتی جوت سروُپ ہرِ، اپنی کِرپا کر، ساچی کرنی آپ کمائیا۔ گُر اوتار پَیغمبرو جِنہاں مالا لئی پھڑ، دوہاں ہتّھاں وِچ لٹکائیا۔ اوہ منزل پربھ دی گئے چڑھ، راہ وِچ نہ کوئے اٹکائیا۔ توڑ کے کوُڑا گڑھ، گھر ساچے سوبھا پائیا۔ بِن اکھّراں توں تُوں میرا مَیں تیرا آتم پرماتم ڈھولا پڑھ، برہم پاربرہم مِل کے وجےّ ودھائیا۔ بِنا سروور نہاوَن ساچے سر، جِتھے سُرستی جمنا گنگا گوداوری نظر کوئے نہ آئیا۔ نہ کوئی

قِلعہ کوٹ دِسے گڑھ، بنک دوار نہ کوئے وکھائیا۔ جوتی جوت سروُپ ہرِ، اپنی کِرپا کر، ساچا بھیو رہیا کُھلائیا۔ گُر اوتار پَیغمبرو آو ویکھو بھگتاں جوتی، جوت اِکو نظری آئیا۔ پرم پُرکھ دے مانک موتی، اِکے سِپّ وِچوں باہر کڈھائیا۔ دھرم دے بن گئے گوتی، گؤتم نیَناں نیِر وہائیا۔ رَوداس چمارا موچی، مُشکل سب دی حل کرائیا۔ بٹوارا کڈھ کے واسنا کھوٹی، کھوٹے کھرے نال رلائیا۔ رَوداس چڑھ کے منزل چوٹی، چوٹ شبد کرے شنوائیا۔ بِدر سُدامے لوڑ رہی نہ دھوتی بودی، بودھ اگادھ کری پڑھائیا۔ سب دا ٹھاکر اِکو مؤجی، پربھ مِلیا دُھردرگاہیِا۔ جِس نے وکھّری کھوج کھوجی، سنت سُہیلے لئے اُٹھائیا۔ اپنے نام دی دے کے روزی، بُھکھیاں دِتا رجائیا۔ او گُرمُکھو تُہاتھوں وڈّا نہیں کوئی جوگی، جُگتی پربھ نے دِتی سمجھائیا۔ تُہاتھوں وڈّا نہیں کوئی وِجوگی، جِنہاں نے بھَین بھرا دِتے تجائیا۔ تُہاڈے توں وڈّا نہیں کوئی بیدی سوڈھی، جو اِکو پُرکھ اکال دھیان لگائیا۔ تُہاڈے توں وڈّا بِرہوں دا دِسے نہ کوئی روگی، جو وِچھوڑے اندر راہ تکائیا۔ جِنہاں نوُں پربھ نے دِتی سوجھی، سُتّیاں لیا اُٹھائیا۔ اَگے خوشیاں نال بَیٹھِیو وِچ گودی، گوداوری کنڈھے گوبِند دے کے گیا گواہیِا۔ تُہاڈی خاطر نِرگُن دھار نِرگُن نانک کولوں چلایا خانہ مودی، مُدّتاں دا لیکھا رہیا مُکائیا۔ جوتی جوت سروُپ ہرِ، اپنی کِرپا کر، مِہر نظر نال ترائیا۔ گُر اوتار پَیغمبرو آو ویکھو مالا کی کُچھ کہِندی، کہہ کہہ رہی سُنائیا۔ جاں تکّیا تے بھگتاں چرناں ڈھہِندی، ڈھیَہہ ڈھیَہہ سیِس نِوائیا۔ نیویں ہو ہو بہِندی، نیتر نیَن اکّھ شرمائیا۔ جیہڑی دھار جُگ جُگ بھانا سہِندی، سد بھانے وِچ سمائیا۔ اِنھاں دے چرن دھوُڑ مالا کہے مَینوُں لگّے مہِندی، رنگ رنگیِلا رنگ رنگائیا۔ جِنہاں دا راہ جُگ چؤکڑی رہی وینہدی، بِن نیَناں نیَن اُٹھائیا۔ جوتی جوت سروُپ ہرِ، آپ اپنی کِرپا کر، ساچا بھیو دئے کُھلائیا۔ مالا کہے میری پوُری ہوئی مُنیاد، مُنیاں رِکھیاں توں کھہڑا لیا چُھڈائیا۔ میرے وڈے ہوئے بھاگ، بھگتاں ہتّھ وِچ لئی ٹِکائیا۔ مَیں اندروں گئی جاگ، سوئی سُتّی نے اکّھ کُھلائیا۔ آیا اِک وَیراگ، وَیراگن ہو کے دیاں دُہائیا۔ جِنہاں نوُں مِلیا کنت سُہاگ، پربھ داتا بےپرواہیِا۔ اِنھاں دا بدل دِتا سماج، اندر وڑ کے آپ سمجھائیا۔ سُنائی اگمّی آواز، ڈھولا دُھردرگاہیِا۔ کِسے نوُں پڑھنی پئے نہ کوئی نماز، مصلّا ہیٹھ نہ کوئے وِچھائیا۔ اِکو بخش کے اپنی دات، داتے دانی دِتا سمجھائیا۔ تُوں میرا مَیں تیرا سب نے گاؤنی گاتھ، گہر گمبھیِر ہووے سہائیا۔ جوتی جوت سروُپ ہرِ، آپ اپنی کِرپا کر، اپنا گرِہ آپ وکھائیا۔ مالا کہے میرے انتر آئی خوشحالی، خوشیاں وِچ جنائیا۔ میرے تن

وجوُد چڑھی لالی، لال رنگ دِتا رنگائیا۔ جن بھگتاں پوُری ہوئی گھال گھالی، گھالنا وِچ پئے لوکائیا۔ گُرمُکھو مَینوُں پھیرنا پئے نہ وار باہلی، بہُتا حِصّہ نہ ونڈ ونڈائیا۔ جوتی جوت سروُپ ہرِ، آپ اپنی کِرپا کر، سب دا لیکھا پوُر کرائیا۔ مالا کہے جن بھگتو تُہاڈا ہریا ہویا وِوہار، وِوہاری دِتا کرائیا۔ پھیر مالا پھیرنی پئے نہ وِچ سنسار، سنساری بھنڈاری توں پرے دِتا پہنچائیا۔ جنم لَینا پئے نہ دوُجی وار، مات گربھ نہ اگن تپائیا۔ کِسے نوُں کرنی پئے نہ نِمسکار، چرن دھوُڑ نہ کوئے رمائیا۔ تُہاڈا بھانڈا گھڑنا نہیں کِسے گھُمیار، ٹھٹھیار چکّ نہ کوئے بھوائیا۔ کایا مندر وِچوں کڈھ کے سچکھنڈ مندر لَینا بہال، دوارا اِکو اِک سُہائیا۔ تُہاڈی خوشیاں دی وجّنی چھال، برہمنڈاں دا پندھ مُکائیا۔ جِس گرِہ وسے سِنگھ پال، پاربرہم وِچ سمائیا۔ جگدیِشا منجیِتا وسے نال، سوَرن سوَرن روُپ درسائیا۔ پنجواں مِل کے نال گُردَیال، نانک لیکھا پوُر کرائیا۔ پنچ پروان ہوئے پردھان، پنچے درگاہ سوہن پائیا۔ پنجاں دا جھُلدا اِک نِشان، پنچم گُروُ دئے گواہیِا۔ پنجاں دے پِچھے جانے پِچھلے لال، جو گُرمُکھ سوہنے نظری آئیا۔ ہاڑھ ستاراں لئے بھال، سمت شہنشاہی تِنّ دئے گوائیا۔ تُہاڈی پوُری کیِتی گھال، کلمیاں دی لوڑ رہے نہ رائیا۔ انتم گودی لئے سوال، جِتھے سُتّیاں نہ کوئے اُٹھائیا۔ گُرمُکھو ہور بنائیو نہ کوئی دلال، ٹکیاں والا گُروُ کمّ کِسے نہ آئیا۔ جوتی جوت سروُپ ہرِ، آپ اپنی کِرپا کر، ساچا گھر دئے وسائیا۔ مالا کہے مَیں ہتّھ رہ گئی ملدی، پسچاتاپ وِچ پچھتائیا۔ مَینوُں سمجھ نہ آئی کل دی، کی کلجُگ وِچ کھیل کھِلائیا۔ مَیں دھار نہ سمجھی اِک گلّ دی، کِیوں گل وکڑی بھگتاں نال پائیا۔ مَینوُں رمز نہ دِسی پِچھلی بل دی، باوَن کی کی حُکم سُنائیا۔ جوتی جوت سروُپ ہرِ، آپ اپنی کِرپا کر، دُھر دی کرنی آپ دِرڑائیا۔ مالا کہے میری رون لگّی اکّھی، ہنجھوُاں ہار بنائیا۔ جِس ویلے میرے بھگتاں میری دھار دسّی، سوہنگ اکھّر دِتے لِکھائیا۔ مَیں مُنہ دے بھار ڈھٹّھی، اپنا آپ مِٹائیا۔ ویکھی جُگ جنم دی سنگت ہوئی کٹّھی، اِکٹّھیاں اِکو رنگ چڑھائیا۔ جیہڑی چار جُگ کِسے نہیں پڑھائی پٹّی، پربھ پٹنے والے نال مِل کے دِتی سمجھائیا۔ ایہو کھیل لگّی اچھّی، اچھّی طرح ویکھ وکھائیا۔ مَینوُں کتھا کہانی یاد آئی جِس ویلے پربھ سرگُن روُپ دھریا مچّھی، مچّھ اپنا نام پرگٹائیا۔ اوس ویلے لےَ کے اِک رسّی، رسم اگلی دِتی بُھگتائیا۔ مَیں ایسے کارن آئی نسّی، بھّجی واہو داہیِا۔ بھگتاں نال مِل کے پربھ ویکھاں کملاپتی، پتپرمیشور بےپرواہیِا۔ اوس دے چرناں ہوواں سَتی، سَت اپنا اِک دِرڑائیا۔ گُرمُکھ پھیر بھرے کوئی نہ چٹّی، سزا کُجھ نہ کوئے بُھگتائیا۔ جوتی جوت سروُپ ہرِ، آپ

اپنی کِرپا کر، میری کرنی لیکھے پائیا۔ مالا کہے میری پوُری ہو گئی منسا، آسا رہی نہ رائیا۔ گُرمُکھ ویکھیا ہنسا، جو سوہنگ ڈھولا گائیا۔ بھگت بھگوان دا بنیا بنسا، بنسری والے سیو کمائیا۔ میرے اندر رہیا کوئی نہیں سنسا، شکّ وِچ نہ کوئے جنائیا۔ دُئی دوَیت رہی نہ ہِنسا، رنگ اِکو دِتا رنگائیا۔ جن بھگتاں اُتے کر کے پوُرا نِسچا، اِعتبار اپنا لیا جمائیا۔ ساچا روُپ ویکھیا دُھر دے سِکھ دا، کُھلے داڑھے خوشی منائیا۔ جِس ویلے لِکھاری لیکھ لِکھدا، گُر اوتار پَیغمبر سیِس نِوائیا۔ جھگڑا رہیا نہ مندر اِٹّ دا، پتّھراں ونڈ نہ کوئے ونڈائیا۔ لہنا مُکیا گوبِند چِٹ دا، جو برہما شِو گیا پھڑائیا۔ مالا کہے جن بھگتو جو پربھ دے چرنی ٹِکدا، دھوُڑی ٹِکاّ خاک رمائیا۔ اوہ پیارا ہو جاوے اِک دا، ایکنکار ہوئے سہائیا۔ آون جاون جھگڑا مُک جائے نِت دا، لکّھ چؤراسی رہے نہ رائیا۔ اوہ بچّہ بن جائے اوسے پِت دا، جِس نوُں پتپرمیشور کہہ کے سارے گائیا۔ اوہلا رہے نہ کِسے پِٹھ دا، کروٹ اَگے نہ کوئے بدلائیا۔ سچ دوارے ساچے ٹِکدا، منزل ملِے دُھردرگاہیِا۔ لکّھ چؤراسی وِچوں لہنا دینا کِس کِس دا، مالا کہے کؤن قِسمت لئے بدلائیا۔ گُر اوتار پَیغمبر کہن جو بھگت بھگت دوارے وسدا، دِشا دے دیش گئے مُکائیا۔ جوتی جوت سروُپ ہرِ، آپ اپنی کِرپا کر، گھر ساچے دئے وسائیا۔ مالا کہے مَیں خوشیاں نال ہسّنا، ہسّ ہسّ دیاں جنائیا۔ جن بھگتو تُساں سِری بھگوان نال وسنا، دوہاں دی سوہنی لگّے کُڑمائیا۔ سانجھی کرنی اکّھنا، اکّھ اکّھ نال جُڑائیا۔ کوئی گرِہ رہے نہ سکھّنا، ہرِ جوُ ہر گھٹ ڈیرہ لائیا۔ پِچھا دے موُل نہیں نسّنا، اپنا مُکھ بھوائیا۔ مد ماس نہیں رسنا چکھنا، چاہ چرم دئے بدلائیا۔ جیہڑا کِسے نوُں لبھنا نہیں پاؤنٹے پٹنا، اوہ تُہاڈے اندر ڈیرہ لائیا۔ مانَس جنم دا لاہا کھٹّنا، کھوٹے کھرے لئے بنائیا۔ سوہنگ ڈھولا اِکو رٹنا، رٹےّ کوُڑے دئے مِٹائیا۔ سچکھنڈ دوارے وسنا، درگاہ ساچی سوبھا پائیا۔ جوتی جوت سروُپ ہرِ، آپ اپنی کِرپا کر، سِر اپنا ہتّھ رکھائیا۔ مالا کہے چھڈِیو جھگڑے جگت کعبے، جگت دِشا نہ کوئے وکھائیا۔ جیہڑے چل کے آئے وِچوں دوآبے، مالوے نال مِل کے وجّی ودھائیا۔ گُرمُکھ پرگٹ ہوئے ماجھے، جموں دا ضامن دُھردرگاہیِا۔ دِلّی اِٹارسی جِس نے سادھے، کان پُر کاہن کرے رُشنائیا۔ مہوُ محبوُب دے کے آب، آب حِیات دئے پیائیا۔ گُڑگاؤں گُر کے شبد سادھے، سَتگُر دیوے مان وڈیائیا۔ پرِتپالک ہو کے لکّھ چؤراسی وِچوں کاڈھے، پھڑ باہوں پار کرائیا۔ جِنہاں نے سوا سیر دے بھوجن کھادھے، بھجن بندگی لوڑ رہی نہ رائیا۔ اِس دا لیکھا انگد نوُں اِک دِن دسّیا نانک بابے، بابل دی دِتی گواہیِا۔ جِس ویلے گُر اوتار

پَیغمبراں دے نام سرِشٹی دے ہِردے وِچوں گواچے، لبھیاں ہتّھ کوئے نہ آئیا۔ اوس ویلے مَیں آتما دے بدل دینے سارے چاچے، چاچوُ رہن کوئے نہ پائیا۔ آپ اپنی سادھنا سادھے، سَتگُر داتا دُھردرگاہیِا۔ نِرگُن نوُر جوت جگا کے، جاگرت جوت کرے رُشنائیا۔ تُوں میرا مَیں تیرا ڈھولا گا کے، بھگت سُہیلے لئے اُٹھائیا۔ اِکو دِن مالا ہتّھ پھڑا کے، جنم دا لیکھا دئے مُکائیا۔ پِچھوں سرِشٹی نے گاؤنے ساکے، گائیاں ہتّھ کُچھ نہ آئیا۔ جو آئے گئے درشن پا کے، پاک پوِتر دِتے بنائیا۔ جیہڑے گُرمُکھ گھر بَیٹھے دھیان لگا کے، اگلے پیَنڈے دِتے چُکائیا۔ جو چرن دھوُڑ سروور گئے نہا کے، دُرمت مَیل دھوائیا۔ جو ٹھگّی چوری گئے کما کے، لکّھ چؤراسی وِچ بھوائیا۔ کِیوں مالوے والیاں نوُں اِکٹّھا کیِتا آواز لگا کے، اِنھاں وِچوں اِکیاں دی مؤت اگلے مہینےِ نظری آئیا۔ سیوا نال جگت بچا کے، بچّیاں دے بچّے نال رلائیا۔ ساچا کھیل آپ کھلا کے، خوشیاں وِچ دئے وڈیائیا۔ جن بھگتو جانا شُکر منا کے، چِنتا غم نہ کوئے رکھائیا۔ جِس نے تُہانوُں درشن دِتا آ کے، عقلاں والیاں ہتّھ کِسے نہ آئیا۔ جگت ولّوں تُساں پایا اپنا آپ گوا کے، طعنے دیوے کوُڑ لوکائیا۔ پُرکھ اکال ویلا جائے سُہا کے، سوہنی ساچی بنت بنائیا۔ بھگت سُہیلے بھگتی وِچ سما کے، سمرتھ ہوئے سہائیا۔ سوہنگ مہاراج شیر سِنگھ وِشنوُں بھگوان دی جےَ دا نام جپا کے، جاپاں توں دِتا چُھڈائیا۔ ساچی منزل اِک چڑھا کے، درگاہ ساچی دِتا ٹِکائیا۔ انتم جوتی جوت مِلا کے، جوت جوت وِچ سمائیا۔ جوتی جوت سروُپ ہرِ، آپ اپنی کِرپا کر، مالا منکے سب دے ہتّھوں سُٹا کے، اَگے سُتّیاں آپ جگائیا۔ چرن پریِتی اِک درسا کے، درس دیِدار دئے ورتائیا۔ جوتی جوت سروُپ ہرِ، آپ اپنی کِرپا کر، نِہکلنک نرائن نر، مہاراج شیر سِنگھ وِشنوُں بھگوان، ہاڑھ ستاراں سب دا وقت سُہا کے، سُہنجنے گُرمُکھ لئے بنائیا۔

پہلی ساوَن شہنشاہی سمت ۳ ہرِ بھگت دوار جیٹھوُوال

گُر اوتار پَیغمبر کہن لیکھ رہیا نہ باقی، بکتا روُپ نہ کوئے پرگٹائیا۔ تن وجوُد پنج تت رہیا نہ ماٹی خاکی ، خاک ویکھی جگت لوکائیا۔ گھوڑا شبد نام رہیا نہ راکی، اسوَ شاہ سوار نہ کوئے دؤڑائیا۔ سیوک جن نظر نہ آئے داسی، داستان نہ کوئے دُہرائیا۔ منزل محبوُب ملِے نہ کوئے گھاٹی، دروازہ در نہ کوئے کُھلائیا۔ نِرگُن دھار دِسے کوئی نہ ساتھی، سرگُن سنگ نہ کوئے نِبھائیا۔ شبدی سَتگُر منّی کوئی نہ آکھی، آخر پیَنڈا گئے مُکائیا۔ جگت واسنا ویکھ گُستاخی، غُصّہ غم جگت دُہائیا۔ کٹے کوئے نہ جم کی پھاسی، فَیصلہ حق نہ کوئے سُنائیا۔ من وِکار ممتا مدرا ماسی،

مسلہ حل نہ کوئے کرائیا۔ تیرا نوُر نظر آئے نہ جوت پرکاشی، پرکاش تکّے نہ خلق خُدائیا۔ نیترہیِن ہوئے آکاشی، آکاش پاتالاں پندھ نہ کوئے چُکائیا۔ جُگ چؤکڑی تیری گا گا تھکے ساکھی، ساکھیات نظر کوئے نہ پائیا۔ سَتجُگ تریتا دواپر کلجُگ تیری شرع دی منّی آکھی، آخر لیکھا رہے مُکائیا۔ نِراکھّر دھار ویکھیئے تیری پاتی، پتپرمیشور بےپرواہیِا۔ کتھنی کتھ نہ سکے باتیں، باطن بھیو نہ کوئے کُھلائیا۔ جیِون جُگت نہ رہیا حیاتی، جگت جوگ نہ کوئے وڈیائیا۔ پنڈت رہیا نہ دھرم دا کاشی، کعبہ قِبل نہ کوئے کُھلائیا۔ منڈل دِسے کوئی نہ راسی، گوپی کاہن نہ ناچ نچائیا۔ تیری دھار کِسے نہ واچی، واچک کرے نہ کوئے پڑھائیا۔ ڈھولا گاوے کوئی نہ باڈی، بکتا وِچ سارے دین دُہائیا۔ تیرا کھیل پُرکھ ابناشی، اکل کل دھاری سمجھ کوئے نہ آئیا۔ نمسکار دوئے جوڑ کے مستک ماتھی، دھوُڑی بِن دھرتی دھرن دھوَل سُہائیا۔ اگمّ اتھاہ سُنکے گاتھی، گہر گمبھیِر کھوج کھوجائیا۔ سُرتی شبد کِسے نہ جاگی، جاگرت جوت نہ کوئے رُشنائیا۔ جگت سادھ بنیا نہ کوئے وَیراگی، وَیری اندروں باہر نہ کوئے کڈھائیا۔ اِشٹ کرے کوئی نہ راکھی، سِر ہتّھ نہ کوئے ٹِکائیا۔ چاروں کُنٹ دِسے اُداسی، مُسکراہٹ وِچ مُشکل حل نہ کوئے کرائیا۔ بھیو چُکے نہ آن باٹی، پڑدا انتر نہ کوئے لاہیِا۔ کِرپا کر کملاپاتی، پتن بَیٹھے سیِس نِوائیا۔ لیکھ ویکھ اگمّی راتی، رُتڑی اپنے نال مِلائیا۔ جھگڑا رہے نہ کاغذاتی، قلم شاہی کر صفائیا۔ حُکم رہے نہ حُکم والی گاتھی، رسنا جِہوا نہ کوئے چتُرائیا۔ تیری کھیل ویکھیئے ڈاڈھی، ڈنڈاؤت اِکو دینی دِرڑائیا۔ دروہی تیرا سوہلا گا سکیا کوئی نہ ڈھاڈی، گُر اوتار پَیغمبر ڈّھڈاں تن گئے وجائیا۔ تیرے روُپ دا نظر آیا کوئے نہ باڈھی، باڈی گاڈ تیرے سارے سیو کمائیا۔ انت ویکھے اوسے کھاڈی، جِس دی خندق نہ کِسے خُدائیا۔ تیرا نوُر اگمّی آدی، انت کہن کوئے نہ پائیا۔ تیرا حُکم اِک شہزادی، شاہزادہ اِکو رہیا سُنائیا۔ جِس دی وِشن برہما شِو آبادی، آباد کاری دُھر دی ونڈ ونڈائیا۔ بِن لیکھے یاد رکھے یادی، یدپ اپنی کار سمجھائیا۔ نِرگُن دھار وڈ سوانگی، سگلی اپنی کار کمائیا۔ تیری کھیل سدا دوآبی، محرابی محبوُب نوُر خُدائیا۔ تیرا حُکم طلب جوابی، طالب عِلم سارے سیِس نِوائیا۔ لیکھا دے سکے نہ کوئے حِسابی، گِنتی وِچ گنت نہ کوئے گِنائیا۔ پاربرہم پتپرمیشور دِسے نہ کوئے اِمدادی، کامل نظر کوئے نہ آئیا۔ تیرا شبد سدا اِتہادی، اِتادک جوڑ جُڑائیا۔ تیرا نوُر سدا انادی، ناداں رہیا وجائیا۔ تیری رحمت منسا اندر کھادھی، ترِسنا ترِکھا بُجھائیا۔ کلجُگ انتم ماری آوازی، سندیشہ نام سُنائیا۔ گُر اوتار پَیغمبرو سب دی منسوُخ ہوئی آراضی، عرض آرزوُ اَگے رہے نہ رائیا۔ حُکم

بدل دینا ماضی، مزہ اگلا آپ چکھائیا۔ تُسیں خوشی رہو ہُن راضی، رضامندی وِچ سیِس جھُکائیا۔ اِکو در دے بنو حاجی، نمازی نمو سیِس جھُکائیا۔ جیہڑی اپنے نام دی میرے در توں دِتی بھاجی، بھجن بندگی وِچ سمجھائیا۔ اوہ وی چرن کوَل وِچ آ گئی، آگیا وِچ سیِس نِوائیا۔ لیکھا رہیا نہ چھتّی راگی، رگ سب دی صاف کرائیا۔ نام دا رہن دینا کوئی نہیں باغی، بانگ ازاں نہ کوئے وڈیائیا۔ لیکھک بنِیو نہ کوئے دِماغی، دماں دا لیکھا دِتا مُکائیا۔ مالک بن کے دُھر دا گاڈی، گارڈیئن سارے دِتے مِٹائیا۔ جوتی جوت سروُپ ہرِ، آپ اپنی کِرپا کر، ساچا حُکم اِک سُنائیا۔ گُر اوتار پَیغمبر کِسے چلے نہ کوئے اِستقراریا حق، مالک نظر کوئے نہ آئیا۔ بِنا قلم شاہی توں سب دا لیکھا ہوئے فّک، رہن بَیع نہ کوئے وڈیائیا۔ اِکو حُکم اندر دِتا دسّ، دہ دِشا کر پڑھائیا۔ اَگے نِرگُن دھار جاوو وس، واسطہ جگت نالوں تُڑائیا۔ ناؤں نِرنکارا لؤ جپ، اکھّراں والی صِفت نہ کوئے صلاحیِا۔ ناتا توڑ پریِتم نوَ ستّ، گھٹ اپنے رہیا وکھائیا۔ تت وجوُد رہیا نہ اٹّھ، رَکت بوُند نہ جوڑ جُڑائیا۔ کھیل ویکھو اِک الکّھ، جِس دا لیکھ نہ کوئے لِکھائیا۔ پرگٹ ہو پُرکھ سمرتھ، سب دی کرے صفائیا۔ نِمسکار کرو جھٹ، جھٹکا حلالی کِسے دی دیوے نہ کوئے گواہیِا۔ دیِناں مذہباں والا میٹنا پھٹّ، پٹّی اِکو نام بندھائیا۔ دھرم دوار ویکھو ہٹّ، ہٹوانے صفحہ لؤ اُٹھائیا۔ اِکو کلمہ لَینا رٹ، اِکو ڈھولا نام صلاحیِا۔ اِکو کھیل ویکھنا سچ، سَت سَتوادی آپ سمجھائیا۔ جوتی جوت سروُپ ہرِ، آپ اپنی کِرپا کر، دُھر دا حُکم اِک سُنائیا۔ گُر اوتار پَیغمبر سَت دھار دی ویکھو پکّی، پُختہ سب نوُں رہیا بنائیا۔ دُھر دا مالک کملاپتی، پتپرمیشور جوت نوُر رُشنائیا۔ اِکو درشن کرو اکّھی، نیتر لوچن اکّھ کُھلائیا۔ اِکو کاہن دی بن کے سخی، سخاوت وِچ جھولی ڈاہیِا۔ جِس نے کتھا کہانی دسّی، جُگ چؤکڑی کری پڑھائیا۔ صِفتاں والے نام پڑھا کے پٹّی، پٹنے پٹا گیا لِکھائیا۔ صدی چؤدھویں سب دا لیکھا پَینا نٹی، نٹوُآ اپنا سانگ ورتائیا۔ جِس دا بھیو پائے کوئی نہ رتی، رتّ سب دی دئے سُکائیا۔ اَگے توں گُر اوتار پَیغمبر کرے نہ کوئے کِسے دی گتی، سِر ہتّھ نہ کوئے ٹِکائیا۔ پُرکھ اکال دا لیکھا کتھا کہانی دو جہاناں سچّی، مرد مردانہ آپ دِرڑائیا۔ سنسار دھار نِرگُن آپے رہیا کٹی، کٹاکش اپنا نام لگائیا۔ جوتی جوت سروُپ ہرِ، آپ اپنی کِرپا کر، دُھر دا حُکم اِک سُنائیا۔ گُر اوتار پَیغمبر اپنا پوُرا ویکھو عہد، عدالت اِکو اِک جنائیا۔ ویلا پھیر ملِے نہ شاید، شاہ سُلطان رہیا جنائیا۔ دُھر دا حُکم ہونا رائج، رعیت نام دئے بدلائیا۔ سب دا شبدی حُکم کڈھ نتائج، لیکھا وکّھو وکّھ وکھائیا۔ جو بخشش نام کیِتا عنایت، رحمت وِچ

ورتائیا۔ تُسیں اوس دی کردے آئے حمایت، ہمساجن ہو کے سنگ بنائیا۔ کلجُگ انتم کوئی نہ کرے روایت، روادار نہ کوئے بنائیا۔ جوتی جوت سروُپ ہرِ، آپ اپنی کِرپا کر، دُھر دا حُکم اِک سُنائیا۔ گُر اوتار پَیغمبر ویکھو کرو دھیان، سچکھنڈ نِواسی پُرکھ ابناشی آپ جنائیا۔ جُگ چؤکڑی اکھّراں والا گیان، سطراں وِچ سطح دِتی سمجھائیا۔ مارگ دسّ جیِو جہان، رستہ رہبر اِک دِرڑائیا۔ حُکم دے کے حُکمران، حُکمے اندر سرب بھوائیا۔ سَتجُگ تریتا دواپر کلجُگ بدلدا آیا نِظام، نؤبت جُگو جُگ سُنائیا۔ کِسے دا مان رہے نہ ابِھمان، کلام کلمیاں پڑدا اُٹھائیا۔ سرب بنا اپنے غُلام، دُھر سندیشہ دِتا سُنائیا۔ مالک بن کے حق امام، آمد اپنی دِتی سمجھائیا۔ لیکھا دسّ کے شمع توں دوُر رہن والا شام، اندھ اندھیر پرے کرے رُشنائیا۔ جِس دا لیکھا سمجھے نہ کوئے اِنسان، بُدھی ونڈ نہ کوئے ونڈائیا۔ جوتی جوت سروُپ ہرِ، آپ اپنی کِرپا کر، ساچی کرنی کار کمائیا۔ گُر اوتار پَیغمبر ویکھو اپنا پِچھلا لیکھا، لِکھت بھوِکھت دئے گواہیِا۔ جو وسے درگاہ ساچی سچکھنڈ دیسا، بِنا دیہہ توں دیہہ بدلائیا۔ روُپ رنگ سمجھے کوئی نہ ریکھا، رِکھی مُنی رہے کُرلائیا۔ موُنڈ مُنڈائے نہ دھاری کیسا، چوٹی سیِس نہ کوئے کٹائیا۔ جِس نوُں پوُجے وِشن برہما شِو دیوت سُر گنپت گنیشا، در ٹھانڈے سیِس نِوائیا۔ گُر اوتار پَیغمبراں دے کے نام سندیشہ، سدّے دیِن دُنی جنائیا۔ چار ورن دا دے کے ٹھیکا، ٹھاکر ہو کے دِتا سمجھائیا۔ انتم ویکھو سارے کر کے ایکا، ایکنکار سب دا پِتا مائیا۔ سَتجُگ تریتا دواپر کر لؤ چیتا، چیتن سب نوُں رہیا کرائیا۔ تُہانوُں گھلّیا اگیتا پچھیتا، اُتّر پوُرب پچھّم دکھّن حُکم سُنائیا۔ اِکو شبد اگمّی گوبِند دھار پُرکھ اکال دا بیٹا، جِس نوُں جنمے نہ کوئے مائیا۔ اوہ آد جُگادی دُھر دا کھیوٹ کھیٹا، کھٹیا اُتے سؤن کدے نہ آئیا۔ پلنگ دوشالے اُتے کدے نہ لیٹا، تکیہ سیِس نہ کوئے رکھائیا۔ گُر اوتار پَیغمبرو جد تکّو تے سب دا نیتا، نیتراں توں پرے ڈیرہ لائیا۔ جِس دے کولوں اکھّراں والا پُچھدے آئے لیکھا، بھوَجل پار دا راہ تکائیا۔ چرن کوَل در دوار جِس دِتا سچکھنڈ دیسا، اپنا مُکھ نہ کِسے وکھائیا۔ نہ پرگٹ کرن والا دسّیا پیٹا، جِس پیٹ وِچوں گُر اوتار پَیغمبر لئے پرگٹائیا۔ سب نوُں تھوڑا تھوڑا دے کے حِصّہ، ہستی جگت والی بنائیا۔ پِھر اپنے حُکم اندر کھِچا، خَیرخواہ بنی نہ کوئے لوکائیا۔ آو کھیل ویکھو اِک انڈِٹھا، انڈِٹھڑا دیاں دِرڑائیا۔ جیہڑی جگت جہان دے کے آئے سِکھا، سِکھاں دے اندروں کر نہ سکی صفائیا۔ مُرشدو تیِر ماریا جو مُردیاں اندر تِکھا، بِنا تیِر تلوار لڑائیا۔ جِس دا نوُر دھار اگمّی نِکاّ، نِرگُن نِروَیر دئے سمجھائیا۔ جوتی جوت سروُپ ہرِ،

آپ اپنی کِرپا کر، ساچی کرنی کار کمائیا۔ گُر اوتار پَیغمبرو ویکھو اپنا دیس، اِکو دیاں دِرڑائیا۔ ورقیاں والا میرے اَگے رکھ دیؤ اُپدیش، جو اکھّراں وِچ جُگو جُگ بدلائیا۔ مالک تکّو اِک نریش، نِراکار اکھوائیا۔ جِس دا آد جُگاد ہیت، پریم وِچ وڈیائیا۔ شبد اگمّی دسےّ بھیت، بھیو ابھید کُھلائیا۔ سچکھنڈ دوارے دھرم دوارے بن جاؤ ایک، جھگڑا دیِن مذہب تجائیا۔ شرع دا رہن دینا نہیں کوئی ریٹ، رِٹ وِچ مُنیاد نہ کوئے ودھائیا۔ سب نوُں اِکو منّنی پئے ٹیک، ٹِکّے مستک اُتوں لَینے لاہیِا۔ اپنا آپ آپے کر دیؤ بھیٹ، بھیٹا اَگے لیَن کوئے نہ جائیا۔ اِکو دُھر دا مالک رہے سیٹھ، جو داتا دُھردرگاہیِا۔ ہُن اِنتظار کرنا پئے کِسے نہ ویٹ، ویٹو وِچ اپنا حُکم سُنائیا۔ کِسے نے کھان نوُں لبھنے نہیں جگت مِٹھائیاں والے کیک، کِلک سب دی اِک سُنائیا۔ جوتی جوت سروُپ ہرِ، آپ اپنی کِرپا کر، دُھر دا حُکم اِک سمجھائیا۔ گُر اوتار پَیغمبرو کرو کدم بوسی، لہنا قدیِم چُکائیا۔ جِس دی چار جُگ تکّدے آئے خموشی، شبدی شبد نہ کوئے الائیا۔ جِس دی صِفتاں والی پڑھدے آئے پوتھی، چار جُگ جنائیا۔ جِس دے نام دی پھڑدے آئے سوٹی، راہ جگت وِچ پرگٹائیا۔ جِس دی جگدے آئے جوتی، پنج تت رُشنائیا۔ جِس دی سِر تے رکھدے آئے بودی، دھوتی جّنجو نال وڈیائیا۔ جِس دی منزل دسّدے آئے اؤکھی، رہبر ہو کے سیِس نِوائیا۔ جوتی جوت سروُپ ہرِ، آپ اپنی کِرپا کر، کرنی دا کرتا بھیو کُھلائیا۔ گُر اوتار پَیغمبرو ویکھو حُکم اِک اِشتہاری، اِشارے نال سمجھائیا۔ جِس نوُں منسوُخ کرے نہ کوئے سرکاری، اعلیٰ ادنیٰ نہ کوئے وڈیائیا۔ جِس دی اِکو اداکاری، عدل اِنصاف وِچ لئے نہ کوئے گواہیِا۔ جو سب دا جوت آدھاری، جوتی جاتا دُھردرگاہیِا۔ جِس دے چار جُگ بنے رہے وگاری، واگاں اوسے ہتّھ پھڑائیا۔ کردے رہے تابعیاداری، نِیوں نِیوں سیِس جھُکائیا۔ کاغذاں والے بن لِکھاری، اکھّراں والی کری پڑھائیا۔ دسّ کے آئے جوت نِرنکاری، نِراکار نوُر اِلاہیِا۔ جِس نے تُہاڈے نال لگائی یاری، نِبھا کے انتم دِتی وکھائیا۔ تُہاڈی بھوِکھتاں دی اُدھاری، سہجے رہیا چُکائیا۔ جوتی جوت سروُپ ہرِ، آپ اپنی کِرپا کر، کرے کھیل دُھردرگاہیِا۔ گُر اوتار پَیغمبر کہن کِویں چھڈیئے قبضہ، حُکم کوَن بدلائیا۔ بڑی مُشکل نال بنائے مذہبا، تن وجوُد کر لڑائیا۔ پُرکھ اکال کریں کِیوں غضبا، دُھر دی دھار حُکم سُنائیا۔ تیرا کھیل عجیب اجبا، نِراکار نظری آئیا۔ سانوُں بڑا لگّا صدمہ، سدّ کے دِتا سُنائیا۔ اسیں جھُکدے تیرے قدماں، قُدرت دے مالک ہو سہائیا۔ تیریاں گاؤندے آئے نظماں، صِفتاں وِچ صلاحیِا۔ دسّدے آئے رمزاں، اِشاریاں وِچ پرگٹائیا۔ کِیوں ساڈیاں بند کیِتیاں

نبضاں، نبی رسوُل رہن کوئے نہ پائیا۔ جوتی جوت سروُپ ہرِ، آپ اپنی کِرپا کر، اگلا لیکھا دے سمجھائیا۔ گُر اوتار پَیغمبر کہن کِیوں حُکم دیویں سخت، سختی نال دِرڑائیا۔ کی اوہو آ گیا وقت، جِس دی پیشیِنگوئی آئے سُنائیا۔ ساڈا لیکھا مُکن لگّا جگت، ناتا تُٹے لوکائیا۔ گوبِند کِہا گُر اوتار پَیغمبرو پربھ نے پرگٹ کرنے اپنے بھگت، بھگوَن دَیا کمائیا۔ ساڈی سب دی پوُری ہو گئی شرط، شرع دا لیکھا رہیا مُکائیا۔ چلو ہُن اِکٹّھے ہوئیے اُتے عرش، فرش دا جھگڑا رہیا چُھڈائیا۔ دیِن مذہب کریئے ترک، تُرت اوسے دا ڈھولا گائیا۔ جِس دا کھیل سدا اسچرج، اچرج لیِلا رہیا ورتائیا۔ غؤر نال تکّو نہ اوہ زنانی نہ اوہ مرد، مرد مردانہ اِکو نظری آئیا۔ جِس دا پیار بھگتاں دا درد، گُرمُکھاں گود ٹِکائیا۔ کِسے دا ہون نہ دیوے حرج، حرجانے سب دے جھولی پائیا۔ ساڈی پوُری کرکے غرض، غریِباں ہوئے سہائیا۔ جیہڑے نام دے ڈھولے گائے نال طرز، طرح طرح نال سمجھائیا۔ جو بینتی کردے آئے عرض، نمستیاں وِچ سیِس نِوائیا۔ اوسے کارن آیا پرت، پتپرمیشور دُھردرگاہیِا۔ جوتی جوت سروُپ ہرِ، آپ اپنی کِرپا کر، ساچا رنگ رہیا رنگائیا۔ گُر اوتار پَیغمبرو ویکھو پِچھلی اپنی ہدایت، ہرِ کرتا آپ دِرڑائیا۔ جو بخشش کیِتی عنایت، رحمت جھولی پائیا۔ اُس دی کر اشاعت، اِشارے نال دِرڑائیا۔ اپنے دیِناں مذہباں دی کرو پَیمائش، ویکھو خلق خُدائیا۔ کوَن مقامے حق کرے رِہیائش، سچکھنڈ دوارے ڈیرہ لائیا۔ اپنی کرنی دی کرو ازمائش، پڑدا اپنا آپ چُکائیا۔ صدی چؤدھویں سب دی ویکھ لئی نُمائش، نموُنہ پسند نہ کوئے کرائیا۔ لیکھا لِکھیا نال قلم دوائت، دعویدار دینے مِٹائیا۔ ہُن سارے بننا پئے اِک جماعت، اِکو حُکم دینا سُنائیا۔ جوتی جوت سروُپ ہرِ، آپ اپنی کِرپا کر، اپنا کھیل رہیا وکھائیا۔ گُر اوتار پَیغمبر بِن اکھّراں بولن بولی، انبولت راگ الائیا۔ کی کھیل اُپر دھؤلی، دھرنی دھرت دھوَل وکھائیا۔ کِس دی رُت اگمّی مؤلی، مؤلا ہو کے دئے وڈیائیا۔ محمد کِہا میری رُپئیے وِچوں رہ گئی پاؤلی، پاؤلی اوہ وی لئے گوائیا۔ موُسیٰ کِہا مَیتھوں پھیر نہیں پیَندی رؤلی، ہوکا دے نہ کوئے جنائیا۔ ایسے کِہا میری گنڈھ اجے نہ کھولی، صلیِب صاف نہ کوئے کرائیا۔ نانک کِہا سب دی خالی ہوئی تؤلی، جِس دی طلب نہ کوئے دِرڑائیا۔ گوبِند کِہا جیہڑی دھار پربھوُ نے ڈولھی، بنت اگلی لئی بنائیا۔ مَینوُں لوڑ رہی نہ دین دی پاہُلی، رسنا رس نہ کوئے چکھائیا۔ نام پیالہ پیایا بِنا کؤلی، کوَل نابھ دِتا اُلٹائیا۔ جِس دی صوُرت کالی گوری کدے سؤلی، سُندر شام کوٹن دئے بنائیا۔ اُس دی سمجھ کے اِکو بولی، بُلارے سارے گئے بُھلائیا۔ گُر اوتار پَیغمبرو تُہاڈے نام دی دھارا چار

جُگ دی پراؤہنی، رَین کٹ کے اپنا پندھ مُکائیا۔ سَتجُگ تریتا دواپر کلجُگ سب دی ہاڑھی ساؤنی، رُت سمے نال بدلائیا۔ اَگے مُنیاد نہ کِسے ودھاؤنی، وادھا وِچ نہ کوئے کرائیا۔ پُرکھ اکال نے اپنی کھیل وکھاؤنی، کلاَدھار لئے انگڑائیا۔ آتم پرماتم اپنے رنگ رنگاؤنی، رنگت اِک وکھائیا۔ کرماں دی رہے نہ کوئے اڑاؤنی، مِہر نظر نال پار کرائیا۔ سادھاں دی ہونی نہیں کوئی چھاؤنی، چھہبر اپنا نام لگائیا۔ جن بھگتاں دی پوُری کر کے بھاؤنی، بھاوَ بھیو دئے سمجھائیا۔ گُرمُکھاں دی رُسی آتما آپ مناؤنی، اپنی گود اُٹھائیا۔ ایہہ کوئی کھیل نہیں کاں تے کاؤنی، جو کلجُگ وِچ کھنبھ جائے ہِلائیا۔ جِنہاں دی کرنی اوہناں دی جھولی پاؤنی، بِنا بھجن بندگی پار لنگھائیا۔ کوئی کِتاب حِساب وِچ نہیں پڑھاؤنی، اکھّراں والی نہ کوئے لڑائیا۔ پِچھلی کتھا نہیں کوئی دُہراؤنی، سطراں اُتے اُنگلاں نہ کوئے پھرائیا۔ در آئی درویشاں والی سنگت پار لنگھاؤنی، اَگے ہو نہ کوئے اٹکائیا۔ امرت رس دی دھار چُنگھاؤنی، بِنا ماتا دے سیِر دئے پیائیا۔ جُگ جنم دی وِچھڑی گُرسِکھ آسا آپ پرچاؤنی، پرچہ نام والا جنائیا۔ جوتی جوت سروُپ ہرِ، آپ اپنی کِرپا کر، ساچی رُتڑی رُت سُہاؤنی، مِہربان مِہر نظر اُٹھائیا۔ گُر اوتار پَیغمبر کہن کی ساڈی مُک جاوے حدیِثا، حد جلدی گئی آئیا۔ گوبِند شبد کہے سب دا خالی ہویا کھیِسا، مات لوک وِچوں خِسکو چائیں چائنیا۔ جیہڑا پِچھلا وقت بیِتا، اوسے دی خوشی لؤ منائیا۔ اَگے لِہاظ نہ ہوناموُسیٰ عیسیٰ، محمدا تیری چلے نہ کوئے صفائیا۔ رام کرِشن جی اپنی میری جھولی پا دیؤ ریِتا، سیِتا سُرتی دین نہ آئِیو ودھائیا۔ نانک گوبِند اِکو امرت رس پیِتا، پیِت پیتمبر لَینا سُہائیا۔ جو مرضی سو پُرکھ اکال نے کیِتا، کرتب تُہاڈے ویکھے تھاؤں تھائنیا۔ تُہاڈیِاں منسا پوُریاں کر اُڈیِکاں، اوڑک اپنے وِچ مِلائیا۔ گُر اوتار پَیغمبرو چار جُگ وِچ تُسیں میرے نام دا کر نہ سکے ٹیکا، دُھر دا حُکم نہ کوئے سمجھائیا۔ کی ہویا جے بھیو دسّدے رہے جی کا، جیِو توں باہر میری رُشنائیا۔ لمیِاں لمیِاں دسّ دے آئے تاریخاں، طریقے نال دِرڑائیا۔ شاستر سِمرت وید پُران انجیل قُرآن گیِتا گیان گُروُ گرنتھ بنا کے مات لوک وسنیِقہ، گواہی شہادت والی جنائیا۔ جوتی جوت سروُپ ہرِ، آپ اپنی کِرپا کر، مِہر مِہر مِہربان ویکھ وکھائیا۔ سَتگُر شبد کہے گُر اوتار پَیغمبرو تُسیں پربھ دے نام دے رہے فروش، فروخت کر کے آئے وِچ لوکائیا۔ نام دے اندر تُہانوُں چڑھدا رہیا جوش، جوش وِچ جھگڑا کیِتا لوکائیا۔ دیِن مذہب دا لا کے دوش، دوشی دوشیاں وِچوں پرگٹائیا۔ آپ بَیٹھ کے اڈول خاموش، خواہ مخواہ سب نوُں دِتا پھسائیا۔ آپ ہو کے روُپوش، سب دی پُشت پناہ دِتی ٹُھکرائیا۔ کِسے نوُں

اکھّراں والا دسّ کے کوش، صِفتاں وِچ صفحے دِتے اُلٹائیا۔ کِسے نوُں دسّ کے درد والا نِردوش، دوشیاں دئے سمجھائیا۔ سَتگُر شبد کہے گُر اوتار پَیغمبرو تُہاڈا ماٹی چمّ دا بدل کے پوش، پوشیدہ ہو کے اپنا حُکم ورتائیا۔ ویکھیو ہُن کریو نہ کوئی روس، روسے دینے گوائیا۔ جھگڑا رکھِیو نہ چؤداں لوک، چؤداں طبق ونڈ نہ کوئے ونڈائیا۔ جیہڑا وقت بھوگ لیا بہُت، شُکر کر کے سیِس نِوائیا۔ اَگے سارے گایؤ اِک سلوک، سوہلا دُھردرگاہیِا۔ جِس نوُں جانے کوئی نہ پنڈت کوک، کوُک کوُک نہ کوئے سُنائیا۔ جِس دا سؤدا سدا روک، اُدھار دا لہنا رہیا مُکائیا۔ گِرجیاں وِچ لبھیؤ کوئی نہ پوپ، پُترو تُہانوُں دِتا سمجھائیا۔ حُکم دُھر دا دِتا ٹھوک، ٹھاکر پتّھر نظر کوئے نہ آئیا۔ کِسے لبھیؤ نہ قِلعے کوٹ، مندر مٹھ نہ نیَن اُٹھائیا۔ اَگے ہونی نہیں کوئی چھوٹ، چُھٹی دین والا نظر کوئے نہ آئیا۔ جوتی جوت سروُپ ہرِ، آپ اپنی کِرپا کر، ساچا حُکم اِک سُنائیا۔ گُر اوتار پَیغمبر کہن کی پربھوُ تُوں سب دا اِکو ابّا، مالک نظری آئیا۔ کی تیرا کھیل آد انت مدھا، جُگ چؤکڑی ویس وٹائیا۔ تیرا سچ سُنیہڑا سدّا، کی حُکمے اندر سُنائیا۔ پُرکھ اکال کِہا اِکو شبدی میرا بچّہ، جِس دا بچپن اپنی جھولی پائیا۔ گُر اوتار پَیغمبرو تُسیں اُس دا نوُر بھانڈا کچّا، جو تن وجوُد وِچ ٹِکائیا۔ اپنے پریم دا دے کے رسا، رسنا وِچوں کیِتی پڑھائیا۔ حُکمے اندر مَینوُں کہہ کے اچھا، جگت لیکھ آئے لِکھائیا۔ مَیں تُہاڈے اندر وسا، وس کے دِتا وکھائیا۔ جِس ویلے وِچوں نسّا، تُہاڈا سنگ رہیا نہ رائیا۔ تُہاڈا تن مِٹّی گھٹّا، خاک جگت اُڈائیا۔ دیِن مذہب دا پوا کے رٹّا، راہ وکھّرا دِتا درسائیا۔ اپنے نام دا دے کے اِک اِک ٹکا، ٹکّر دِتی وکھائیا۔ کِسے نوُں سوُر کھوایا کِسے نوُں کھوایا کٹّا، کٹک سب دے اُتے چڑھائیا۔ سب دا پھوڑ کے ماٹی مٹّا، مٹک رہن دِتی نہ رائیا۔ گُر اوتار پَیغمبر کوئی سوُرما ہتّھ مار کے دسّو اُپر پٹّا، بِنا پٹنے والے توں جوڑ نہ کوئے جُڑائیا۔ جِس دے اُتے مَیں اپنا لایا ٹھپّا، تُوں میرا مَیں تیرا دِتا لِکھائیا۔ اِکو نام پرگٹ کر کے سوہنگ ٹپّا، ٹاپوُآں دا جھگڑا دِتا چُکائیا۔ نہ کوئی سِل پوُجے نہ وٹّا، نہ کوئی مندراں لبھے مٹھاں، نہ کوئی اکھّراں کرے کٹّھا، نہ کوئی تیِرتھاں پِھرے نَٹھا، نہ کوئی راگ گاوے مِل کے بھٹّاں، نہ کوئی کِسے توں لیَن جاوے متاں، نہ کوئی اگن تپاوے تتّاں، نہ کوئی کِسے دوارے جھاڑوُ دیوے ہتّھاں، جن بھگتاں اِکو بچن دسّاں سچّا، سچ سچ سمجھائیا۔ جوتی جوت سروُپ ہرِ، آپ اپنی کِرپا کر، دُھر دا کھیل اِک وکھائیا۔ گُر اوتار پَیغمبر کہن کی ساڈا رہیا نہ زور، جوروُ زر بدلائیا۔ پُرکھ اکال کہے اپنا ویکھو اندھیرا گھور، گھور کلجُگ پھول پھولائیا۔ تُہاڈے مُریِد تُہاڈے چیلے ہوئے چور، چوری تُہاڈے نال کمائیا۔

اندروں پریِتی سکے کوئی نہ جوڑ، باہروں سارے سیِس جھُکائیا۔ جِس مارگ تُسیں آئے تور، تُریا پد دی کر پڑھائیا۔ اوس منزل چڑھیا کوئی نہ توڑ، تُٹی گنڈھ نہ کوئے پوائیا۔ ایسے کارن سب نوُں پُرکھ اکال دی پئی لوڑ، لوہڑے وِچ لوکائیا۔ ذرا تکّ کے ویکھو نال غؤر، مندر مسیِت دئے دُہائیا۔ کِسے نہ منتر پُھرے فُرنا پھور، فُرنا من نہ کوئے بندھائیا۔ کلجُگ کایا اندروں ہور تے باہروں ہور، ہور دا ہور روُپ بدلائیا۔ جھوُٹھ ماردے سنت کہن سانوُں اندر شبد ہووے گھنگھور، سنکھ دُھن شبدی ناد سُنائیا۔ جوتی جوت سروُپ ہرِ، آپ اپنی کِرپا کر، بھیو ابھیدا رہیا کُھلائیا۔ گُر اوتار پَیغمبر اپنا ویکھو اِک سماج، سمجھ جگت پھول پھولائیا۔ جو دسّ کے آئے رِواج، روایت وِچ دِرڑائیا۔ کر کے آئے کاج، ناتا سچ مِلائیا۔ اُس دا رہیا نہ کوئے مُحتاج، جھگڑا پیا کوُڑ لوکائیا۔ ثابت رہیا نہ کوئی سادھ، سادھنا سِدھ نہ کوئے بنائیا۔ ساڈھے تِنّ ہتّھ تن وجوُد دی وکھالے والی بنا کے سمادھ، باہروں نیتر بند کرائیا۔ سُرتی گھُنمے وِچ دِماغ، دِماغ من دے نال لڑائیا۔ من دا سمجھے نہ کوئے حِساب، چاروں کُنٹ رہیا بھوائیا۔ گُر اوتار پَیغمبرو تُسیں دسّو کیہڑا ساچے اسوَ گھوڑے چڑھ کے گیا چرن دے کے وِچ رکاب، رُقہ حُکم نام سُنائیا۔ کِس سِکھ نے تُہانوُں کیِتا آداب، بِنا سجدیوں سیِس جھُکائیا۔ جوتی جوت سروُپ ہرِ، آپ اپنی کِرپا کر، کرے کھیل ساچا ہرِ، سَت سَتوادی رہیا سمجھائیا۔ گُروُ اوتار پَیغمبر کہن تَینوُں دسّیئے کی حِساب، کُتبخانہ نظر کوئے نہ آئیا۔ حقیِقی دِسے نہ کوئے محراب، محبوُب وصل نہ کوئے وکھائیا۔ سجدہ نظر نہ آئے کوئی آداب، عدل اِنصاف نہ کوئے کمائیا۔ مِتر پیارا نظر آئے نہ کوئے احباب، رباب ستار نہ کوئے ہِلائیا۔ بِنا رسنا توں بند ہویا جواب، کائنات کلمہ کلام نہ کوئے اُپجائیا۔ جوتی جوت سروُپ ہرِ، آپ اپنی کِرپا کر، ایکا دینا ساچا ور، صاحب سُلطان تیری سرنائیا۔ پُرکھ اکال کہے پَیغمبرو کیہڑی پڑھی الف، مُتبرک مَینوُں دیؤ جنائیا۔ جِس دا لیکھا یکطرف، دِشا ونڈ نہ کوئے ونڈائیا۔ جو سب دے نال ہو جائے صرف، صفحے پنےّ نہ گنت گنائیا۔ نوُری نوُر رہے نہ فرق، فِقرہ دئے جنائیا۔ پوُری کرے شرط، شرع شرع پرگٹائیا۔ دھام وکھائے اُپر عرش، عالیشان اِک بنائیا۔ رحمت کرے ترس، نِگاہ نِگاہبان نال مِلائیا۔ اوس الف دا کیہڑا فرض، فرمانبردار دیؤ دِرڑائیا۔ کی خُدا نوُں پئی غرض، غرض اُس دی دینی جنائیا۔ جوتی جوت سروُپ ہرِ، آپ اپنی کِرپا کر، ساچا لیکھ دینا سُنائیا۔ پَیغمبر کہن اساں الف پڑھی عالمیِن، عِلم نظر کوئے نہ آئیا۔ جِس دے وِچ تیری تعلیِم، طالب عِلماں نہ کوئے سمجھائیا۔ اوہ وسے گھر عظیِم، عالیشان روُپ درسائیا۔ جیہڑی آد توں

سدا قدیِم، قُدرت دے مالک تیری دھار نظری آئیا۔ اوسے اُتے کر یقیِن، لوکمات تیری دئیے گواہیِا۔ جیہڑی بدل نہ سکے کدے قدیِم، قاعدہ اپنا اِک پرگٹائیا۔ اوسے دے ہو ادھیِن، اعلیٰ ادنیٰ سیِس نِوائیا۔ تُوں کرتا اِک کریِم، قادر نوُر خُدائیا۔ تیری درگاہ کریئے تسلیِم، تسبیح مالا نہ کوئے لٹکائیا۔ جِس دا سب توں وکھّرا سیِن، نظارہ نظریہ دئے بدلائیا۔ جوتی جوت سروُپ ہرِ، آپ اپنی کِرپا کر، اگلا لیکھا دے سمجھائیا۔ پَیغمبر کہن تیرے الف دا کی اِرادہ، دُھر دے مالک دینا سمجھائیا۔ پُرکھ اکال کِہا اِس دے نال کرو وعدہ، واحد ہو کے بھیو کُھلائیا۔ جُگ بدلنا جِس دا قاعدہ، قواعد قانوُن رہیا دِرڑائیا۔ سب توں وکھّرا ہو علیحدہ، علیٰحدگی وِچ پڑدا دئے چُکائیا۔ شبدی دھار کر مُعاہدہ، مُعزز عاجز لئے پرگٹائیا۔ ایکو شبدی دھار بنا نُمائیندا، شب و روز ویکھ وکھائیا۔ جوتی جوت سروُپ ہرِ، آپ اپنی کِرپا کر، ساچا حُکم اِک سُنائیا۔ پَیغمبرو سُنو حُکم عالی جاہ، االلہ عالمیِن دِرڑائیا۔ جِس نوُں کہِندے واحد خُدا، خالق خلق نوُر خُدائیا۔ اُس دا حُکم اِکو سدا، سدا سد دئے سُنائیا۔ چاروں کُنٹ رہے گداگر گدا، فقیِر فِقرہ ڈھولا گائیا۔ صدی چؤدھویں دیوے مزہ، مذاق دیِن دُنی اُڈائیا۔ تُساں چلنا اوس دی رضا، رحمت وِچ حُکم سُنائیا۔ چؤداں طبق ویکھو قضا، قیامت اپنا ویس بدلائیا۔ جِس دی سمجھے کوئی نہ وجہ، وجوُہات نہ کوئے دِرڑائیا۔ جوتی جوت سروُپ ہرِ، آپ اپنی کِرپا کر، کرے کھیل ساچا ہرِ، ہرِ کرتا بےپرواہیِا۔ پَیغمبر کہن ساڈی اِکو اِک آشا، عرشی پریِتم دھیان لگائیا۔ محمد خوشیاں نال کیِتا ہاسا ، ہستی ویکھ خوشی بنائیا۔ چؤداں طبق کھول خلاصہ، کُھلی نِگاہ دِتی ودھائیا۔ اِک کلمہ اگمّی آکھا، آخر دِتا دِرڑائیا۔ جِس دا لیکھ کِسے نہ بھاکھا، پڑدا سکیا نہ کوئے اُٹھائیا۔ سندیشہ دے کے دُھر جنایا آپا، اپنا حُکم سُنائیا۔ کلجُگ انتم ویکھاں کھیل تماشا، نِرگُن نوُر جوت رُشنائیا۔ تیرا پوُرا کراں خوابا، حُکم حُکم وِچ بدلائیا۔ دُھر دا مالک ہو کے آقا، اِکو اِک نوُر رُشنائیا۔ صوُفیاں صاف کھول کے تاکا، تقدیِر تدبیِرنال بدلائیا۔ منزل چڑھ کے ویکھاں واٹا، وارث ہو کے کھوج کھوجائیا۔ اِکو نوُر کراں پرکاشا، دو جہاناں چند چمکائیا ۔ تُوں میرا مَیں تیرا آتم پرماتم بن کے ساتھا، سگلا سنگ نِبھائیا۔ نہ کلمہ رہے نہ گاتھا، نہ پوُجا پاٹھ سرنائیا۔ نہ سیِس جھُکے نہ ماتھا، نہ وُضوُ وِچ چتُرائیا۔ محمدا جِس نے منّ لیا میرا آکھا، آخر منزل دیاں پُچائیا۔ جِتھے مذہب نہیں کوئی ذاتا، شرع دی کرے نہ کوئے لڑائیا۔ نہ کوئی دِوس نہ کوئی راتا، سوُرج چند نہ کوئے رُشنائیا۔ نہ کوئی پِتا نہ کوئی ماتا، نار کنت نہ سیج سُہائیا۔ نہ کوئی کلمہ نہ کوئی پوُجا نہ کوئی پاٹھا، نہ

کوئی مندر مسجد مٹھ راہ تکائیا۔ تُوں میرا مَیں تیرا دوہاں دا اِکو ساکا، سجّن سیَن نہ کوئے بنائیا۔ اِکو میل کملاپاتا، پتپرمیشور نظری آئیا۔ جو آد جُگاد جُگ چؤکڑی سرب کلا سمراتھا، بھنڈار اتوٹ اتُٹ ورتائیا۔ اوس ویلے سب دیِاں پوُریاں کراں آشا، آہستہ آہستہ ویکھ وکھائیا۔ گوپیِاں والیِاں رہن نہ دیواں راساں، جھوُٹھا کاہن نہ کوئے نچائیا۔ تیِرتھاں اُتے مارنیِاں پَین نہ واٹاں، گنگا گوداوری جمنا سُرستی کایا اندر دیواں وہائیا۔ کا کھا دیِاں پڑھنیِاں نہ پَین جماعتاں، سوہنگ اکھّر اِک سمجھائیا۔ دھرم دوار دا کھول دے کھاتہ، خطرے وِچوں باہر کڈھائیا۔ گُر اوتار پَیغمبراں سب دا باہمی جوڑ کے ناتا، ناتواں سارے لَواں اُٹھائیا۔ لکّھ چؤراسی اندر وڑ کے جھاکاں، جھاکی بھگتاں آپ جنائیا۔ جوتی جوت سروُپ ہرِ، آپ اپنی کِرپا کر، کرے کھیل ساچا ہرِ، نِہکلنک نرائن نر، مہاراج شیر سِنگھ وِشنوُں بھگوان، سب دیِاں پوُریاں کرے آساں، خواہشاں خاص اپنے وِچ مِلائیا۔

۶ ساوَن شہنشاہی سمت ۳ کپوُر سِنگھ دے گرِہ موگا ضِلع فِروزپُر

پُرکھ اکال کہے سُن سَتگُر سچّے، شبدی دھار تیری وڈیائیا۔ سَتجُگ دُلارے اُٹھ اگمّی بچّے، پاربرہم پتپرمیشور رہیا اُٹھائیا۔ بھگت سُہیلے ویکھ جو دیِن دُنی راہ رہے تکّے، تقدیِر تدبیِرپربھ دے ہتّھ پھڑائیا۔ سچ پریِتی اندر پِھردے نسّے، چار کُنٹ دہ دِشا پندھ مُکائیا۔ مِہر مُحبّت وِچ ہنس مُکھ ہو کے ہسّے، ہستی ہستی وِچوں بدلائیا۔ نِج نیتر لوچن راہ تکّن اکّھے، آخر اپنی اکّھ کُھلائیا۔ سچ دوار ایکنکار بَیٹھے دھرم دوار پتن پتے، پرا پسنتی مدھم بَیکھری ڈیرہ ڈھاہیِا۔ امرت دھار اگمّ اپار ایکا دسےّ رسے، رستہ وابستہ ہو کے دینا دِرڑائیا۔ جوتی جوت سروُپ ہرِ، آپ اپنی کِرپا کر، کرے کھیل ساچا ہرِ، سچ سندیشہ اِک اُپجائیا۔ سَتجُگ ساچے اُٹھ دُلارے، شبدی دوُلھا نال مِلائیا۔ لوکمات ویکھ وِچ سنسارے، مہاسارتھی دیوے مان وڈیائیا۔ پاربرہم پتپرمیشور کِرپا دھارے، نر نرائن نر ہرِ اپنی دَیا کمائیا۔ کھیل کرائے بھگت وچھل گِرور گِردھارے، گہر گمبھیِر بےنظیِر انتر نِرنتر پڑدا دئے اُٹھائیا۔ صدی چؤدھویں ہاہاکارے، بیِس بیِسا نیتر نیَناں نیِر وہائیا۔ ساچی منزل چڑھے نہ کوئے دوارے، تن نگارے چوٹ نہ کوئے لگائیا۔ نِرمل جوت نہ جوت جوتی جگت اُجیارے، اجل غزل نہ کوئے بدلائیا۔ گاوت گا گا دماں والے جیِو ہارے، دُھن آتمک راگ نہ کوئے سُنائیا۔ جوتی جوت سروُپ ہرِ، آپ اپنی کِرپا کر، کرے کھیل ساچا ہرِ، دُھر سندیشہ

اِک سمجھائیا۔ سَتجُگ ساچے اُٹھ ہو تیار، ترےَگُن اتیِتا رہیا جنائیا۔ جن بھگتاں جا کے کر نِمسکار، بِن سیِس سیِس جھُکائیا۔ در درویشا بن بِھکھار، بِھکھک ہو کے اپنی جھولی ڈاہیِا۔ اُچی کوُک کوُک پُکار، سوہلا ڈھولا دُھردرگاہیِا۔ لہنا دینا موُل ویکھ سنسار، سنساری بھنڈاری تیری دین گواہیِا۔ شنکر ہویا خبردار، ترِسوُل طرح طرح اُٹھائیا۔ کرنی دا کرتا کھیل کرے کرتار، قُدرت دا مالک اپنی کار کمائیا۔ چار کُنٹ دہ دِشا اُتّر پوُرب پچھّم دکھّن دینا اُتار، مِہربان محبوُب مُحبّت وِچ سمجھائیا۔ گُرمُکھاں منزل رہے نہ کوئے دُشوار، دوُتی دُشمن اندروں دینے کڈھائیا۔ اِکو سَتگُر شبد ہووے پیار، پیِا پریِتم ملِے دُھردرگاہیِا۔ جِس دی وِدیا وِچ وِدت پا سکے نہ کوئی سار، اکھّراں وِچ اکّھ نہ کوئے کُھلائیا۔ سو سوامی انترجامی تَینوُں کرے خبردار، بےخبراں خبر پُچائیا۔ گُر اوتار پَیغمبر کر کے گئے پُکار، پُنہ پُنہ سیِس جگدیِش نِوائیا۔ جوتی جوت سروُپ ہرِ، آپ اپنی کِرپا کر، کرے کھیل ساچا ہرِ، سچ سندیشہ نر نریشا ایکنکارا اِکو اِک سُنائیا۔ سَتجُگ ساچے اُٹھ ہو سوادھان، ہرِ سَتگُر آپ اُٹھائیا۔ لکّھ چؤراسی آتم پرماتم میل اگمّا کاہن، سُرتی میلا ہووے سہج سُبھائیا۔ تُوں میرا مَیں تیرا آتم پرماتم دسّ گان، جگت وِدیا اوَر نہ کوئے پڑھائیا۔ کایا مندر نظری آئے حقیِقت والا مکان، لاشریِک شِرکت وِچوں باہر دینا سمجھائیا۔ سچ سندیشہ دینا اِک امام، کامل مُرشد دسّنا دُھردرگاہیِا۔ دو جہان سُناؤنا دُھر پَیغام، پَیغمبراں کر پڑھائیا۔ سَت دھرم دا جھُلاؤنا اِک نِشان، سَت سَتوادی رہیا وکھائیا۔ جوتی جوت سروُپ ہرِ، آپ اپنی کِرپا کر، کرے کھیل ساچا ہرِ، دُھر سندیشہ اِک اُپجائیا۔ سَتجُگ ساچے اُٹھ کر دلیری، دَیاوان دَیا کمائیا۔ چار کُنٹ دہ دِشا پا پھیری، فرمانبردار ہو کے سیو کمائیا۔ من واسنا اپنی کر چیری، چِراں دے وِچھڑے لَینے مِلائیا۔ بھگت بھگوان جگت جہان نہ لاون ڈیری، ڈنڈاوت بندنا اِکو دینی دِرڑائیا۔ سَت دھرم دی سچ ملاح چلاوے بیڑی، نئیا نؤکا اِکو اِک پرگٹائیا۔ کوٹاں وِچوں گُرمُکھ سخی چڑھے کیہڑی کیہڑی، کوُڑ کُٹمب دا ناتا مات تُڑائیا۔ گُرمُکھاں بستر رنگنے پئے نہ نال گیری، گٔو غریِب نِمانیاں ہوئے آپ سہائیا۔ نِرگُن دھار نِروَیر ہو کے پائی پھیری، نِراکار ہو کے کرے رُشنائیا۔ جن بھگتاں اِکو رنگ وکھائے سنجھ سویری، سندھیا روُپ نہ کوئے بدلائیا۔ جوتی جوت سروُپ ہرِ، آپ اپنی کِرپا کر، کرے کھیل ساچا ہرِ، سچ سندیشہ نر نریشا اِکو اِک سُنائیا۔ سَتجُگ ساچے سچ دوار بن کاما، کرماں توں رہت رہیا دِرڑائیا۔ دُھر سندیشہ دے پَیغاما، چارے بانی توں باہر دینا سمجھائیا۔ جِس کارن نِرگُن دھار پہریا بانا، باوَن

لہنا دینا لیکھا جھولی پائیا۔ سَت سروُپی ہو کے راما، سیِتا سُرتی سَت رہیا پرنائیا۔ شبدی دھار بن کے کاہنا، گوپی گُر گُر انگ لگائیا۔ نوُر نوُرانہ بن اماماں، عملاں توں رہت ویکھے خلق خُدائیا۔ کلجُگ رَین اندھیری میٹے شاما، شمع گُل ہووے تھاؤں تھائنیا۔ جودھا سوُربیِر مرد مردانہ، مُدّعا سب دا پھول پھولائیا۔ نؤ کھنڈ پرِتھمی ستّ دیِپ کرے وَیرانہ، وَیری گرِہ گرِہ کرے لڑائیا۔ صدی چؤدھویں بدل دیوے زمانہ، نام ضمانت سب دی ضبط کرائیا۔ دیِن مذہب نہ رہے اِسلاما، اِسم اعظم اِکو دئے سمجھائیا۔ چار ورن اٹھاراں برن دِسے نہ کوئے بیگانہ، آتم برہم پڑدا اوہلا آپ اُٹھائیا۔ تُوں میرا مَیں تیرا سب نے گاؤنا گانا، گا گا اپنا رنگ رنگائیا۔ سَت سَتوادی برہم برہمادی شبد انادی اُپجائے ترانہ، تریِا تریِمت کوُڑی دھار دئے کھپائیا۔ جن بھگت سُہیلا ہووے مستی وِچ دیوانہ، دیِا باتی کملاپاتی اِکو اِک کرے رُشنائیا۔ مُحبّت وِچ محبوُب ہووے مِہربانا، مالک خالق پرِتپالک اِک گوسائنیا۔ ساچے جام دا کھول کے مَیخانہ، آبے حیات دُھر دا جام دئے پِلائیا۔ ساچا مارگ دسّ آسانا، اِنساناں ہِنسا وِچوں باہر کڈھائیا۔ جوتی جوت سروُپ ہرِ، آپ اپنی کِرپا کر، کرے کھیل ساچا ہرِ، ساچی کرنی کار کمائیا۔ سَتجُگ ساچے لوکمات اُٹھ تکّ، تکوا اِکو اِک رکھائیا۔ تیری جھولی پاوے تیرا حق، حقیِقت اگلی دئے سمجھائیا۔ مِہربان پُرکھ سمرتھ، سماں سمے وِچوں بدلائیا۔ دُھر دا حُکم مہما اکتھ، کتھنی کتھ نہ سکے رائیا۔ سَت سچ چلاؤنا رتھ، رتھواہی ہو کے دیوے مان وڈیائیا۔ جن بھگتاں اندروں کھولنی اکّھ، آخر اِکو نوُر نظری آئیا۔ تُوں میرا مَیں تیرا سارے گاؤندے ہوون جس، صِفت سالاہاں وِچ وڈیائیا۔ کلجُگ کوُڑی کِریا مایا ممتا موہ وِکار کھیڑا کرنا بھٹّھ، اگنی تت جگت وِکار دینا تپائیا۔ گُرمُکھاں دے کے برہم مت، میلا سہجے دینا کرائیا۔ گھر ملِے کملاپتِ، پتپرمیشور دُھردرگاہیِا۔ ایتھے اوتھے دو جہاناں نِرگُن سرگُن پت لئے رکھ، رکھک ہو کے رچھّیا کرے تھاؤں تھائنیا۔ جوتی جوت سروُپ ہرِ، آپ اپنی کِرپا کر، کرے کھیل ساچا ہرِ، نِہکلنک نرائن نر، مہاراج شیر سِنگھ وِشنوُں بھگوان، بھگتاں کولوں کدے نہ ہووے وکّھ، وکھّری اکھّراں توں پرے کرے پڑھائیا۔ ۷ ساوَن شہنشاہی سمت ۳ سُرَین سِنگھ دے گرِہ نِدھاں والی

سَت کہے جن بھگتاں پوُری کراں منسا، ممتا موہ وِکار مِٹائیا۔ سوہنگ جاپ جپاواں ہنسا، بُدھی کاگ دیاں بدلائیا۔ بھگت بھگوان بناواں بنسا، گرِہ مندر اندر اِکو وجےّ ودھائیا۔ من ہنکار رہے نہ کنسا، کوُڑی کِریا ڈیرہ ڈھاہیِا۔ کر پرکاش وِچوں سہنسا، سہج گُن دیاں

سمجھائیا۔ گڑھ توڑ ہؤمے ہنگتا، ہنگ برہم بھیو کُھلائیا۔ جھگڑا مُکا کے جگت وِکاری من کا، مندر سوہنا اِک سُہائیا۔ لہنا چُکاواں ساڈھے تِنّ ہتّھ کایا تن کا، تتو تت بھیو کُھلائیا۔ پرکاش ہووے آتم برہم کا، پاربرہم پڑدا اِک اُٹھائیا۔ لیکھا مکُے آون جاون لکّھ چؤراسی جنم کا، بھانڈا بھرم بھؤ بھنائیا۔ پھل ملِے پربھ سرنائی سرن کا، سرنگت اِکو اِک وکھائیا۔ نیتر کھول ہرن پھرن کا، فرمانبردار ویکھ وکھائیا۔ مارگ دسّاں اگمّی منزل چڑھن کا، پؤڑی ڈنڈا اِکو اِک پرگٹائیا۔ وقت سُہیلا ہووے تُوں میرا مَیں تیرا ڈھولا سوہلا پڑھن کا، جگت وِدیا نہ کوئے چتُرائیا۔ مارگ دسّ چار ورن ایکا دھرم کا، درہم برہم کوُڑی کِریا دیاں کرائیا۔ سماں وکھاواں سچ دوارے کھڑن کا، بند کِواڑی کُنڈا آپ کُھلائیا۔ جوتی جوت سروُپ ہرِ، آپ اپنی کِرپا کر، ایکا دینا ساچا ور، سِر اپنا ہتّھ رکھائیا۔ سَت کہے مَیں دیواں سچ ثبوُت، صِدق صبوُری صابر اِک جنائیا۔ بھاگ لگا کے کایا ماٹی پنج تت کلبوُت، پڑدا اوہلا بن وِچولا، اندروں دیاں اُٹھائیا۔ نِرگُن جوت نِراکار میل محبوُب، مُحبّت وِچ محِو اپنا گھر وکھائیا۔ جِس دا عالیشان اُچ عروُج، عرش فرش سمجھ کِسے نہ آئیا۔ حقیِقی دسّ منزل مقصوُد، مقامے حق ہوئے رُشنائیا۔ پڑھنا پئے نہ ہزارا دروُد، حضرتاں دا لیکھا دیاں چُکائیا۔ بھاگ لگا کے کایا ماٹی تن وجوُد، وجد وِچ وصل اِکو دیاں کرائیا۔ جگت واسنا کوُڑی کِریا رہے نہ کوئے حدوُد، در دروازہ غریِب نوازا ایکنکارا اِک کُھلائیا۔ جوتی جوت سروُپ ہرِ، آپ اپنی کِرپا کر، کرے کھیل ساچا ہرِ، کوُڑی کِریا کر نیست و نابوُد، سَت سچ لئے پرگٹائیا۔ سَت کہے مَیں دیواں ساتھ سگلا، سنگی ساتھی اِکو دیاں مِلائیا۔ بھیو کُھلاواں پاربرہم برہم دھار اگلا، پڑدا اوہلا کایا مندر اندر رہن کوئے نہ پائیا۔ کھوجنا پئے نہ کِسے ٹِلّے پربت چوٹی جنگلا، کایا مندر اندر اِکو وجےّ ودھائیا۔ نام بھنڈارا بن بِھکھارا پئے نہ منگنا، انمُلی دات انڈِٹھی جھولی پائیا۔ سچ پریِتی چاڑھ اگمّی رنگنا، رنگت وِچ ہؤمے ہنگتا گڑھ تُڑائیا۔ سچ دوارا سچ سوامی اِکو پئے لنگھنا، چار کُنٹ دہ دِشا نہ کوئے بھرمائیا۔ سچ پریِتی چرن دھوُڑی مستک ٹِکاّ لاوے چندنا، دُرمت مَیل اندر باہر کرے صفائیا۔ ویلا وقت ایتھے اوتھے دو جہاناں ہوئے سُہنجنا، سوبھاوَنت سِری بھگوَنت دُھر دا کنت دیوے مان وڈیائیا۔ جوتی جوت سروُپ ہرِ، آپ اپنی کِرپا کر، دیونہارا ساچا ور، سِر اپنا ہتّھ ٹِکائیا۔ سَت کہے مَیں آد جُگادی میِتا، مِتر پیارا ایکنکارا اِکو دیاں وکھائیا۔ جُگ چؤکڑی بدلنا جِس دی ریِتا، رہبر ہو کے راہ زناں کرے صفائیا۔ لکّھ چؤراسی جیِو جنت سادھ سنت ترےَگُن مایا پنج تت ویکھے انگیِٹھا، کایا مندر

اندر بھیو ابھیدا آپ کُھلائیا۔ نِت نوِت جُگ چؤکڑی ویکھنہارا نیِچن نیِچا، اوُچو اوُچ اگمّ اتھاہ اپنا ویس وٹائیا۔ پوُرب لہنا لیکھ چُکائے گھٹ نِواسی بنباسی رام سیِتا، سخی کاہن اپنی کار کمائیا۔ جھگڑا رہن نہ دیوے کوئی مندر مسجد شِودوالے مٹھ مسیِتا، مسلہ اصلا اِکو اِک پرگٹائیا۔ جن بھگتاں یاد آؤن نہ دیوے پِچھلا وقت بیِتا، باطن وِچ بَیتُل مُقدّس دھام اِک سُہائیا۔ مِہربان محبوُب مُحبّت وِچ کر کے ٹھانڈا سیِتا، اگنی تت کایا کچّ دئے بُجھائیا۔ جوتی جوت سروُپ ہرِ، آپ اپنی جوت دھر، نِہکلنک نرائن نر، مہاراج شیر سِنگھ وِشنوُں بھگوان، سَت دھرم سچ کرے بخشیِشا، بخشش رحمت سہمت سہمت ہو کے سماں اپنے نال رکھائیا۔