کتب خانہGranth 20 (Urdu)

۳ پوہ شہنشاہی سمت ۳ مُنی سُشیل کُمار نال منڈی احمد گڑھ ضِلع لُدھیانہ

سچ سُہاونا سماں ہویا احمد گڑھ، ہر ہِردے انتر وجّی ودھائیا۔ مُنی سُشیل پریم مُحبّت دھار لےَ کے آیا چڑھ، دِلیِؤں چلیا واہو داہیِا۔ کوُڑی کِریا سب دے اندروں لئے پھڑ، شبد ڈوری تند بندھائیا۔ ساچے پیار وِچ مارگ دسےّ ناری نر، نر نرائن بھیو کُھلائیا۔ سَت دھرم دی کرنی لؤ کر، کوُڑی کِریا کمّ کِسے نہ آئیا۔ سُرتی شبد لؤ پھڑ، شبد سُرت وِچ سمائیا۔ جیِوت جیِو جگت واسنا وِچوں جاوو مر، مر جیِوت روُپ وٹائیا۔ جوتی جوت سروُپ ہرِ، آپ اپنی کِرپا کر، سچ سندیشہ اِک دِرڑائیا۔ احمد گڑھ آ کے ویکھی منڈی، منڈل سوہنا

نظری آئیا۔ مُنی جی سِدھی کرن آ گئے سب دی ڈنڈی، ہِردے اندر کرے صفائیا۔ دُئی دوَیتی ڈھاہوے ٹیڈھی ڈنڈی، ورن برن رستہ رہبر ہو کے اِک وکھائیا۔ دیِن مذہب دی رہے نہ کوئے پابندی، جو آتم پرماتم جان کے خوشی منائیا۔ تُوں میرا مَیں تیرا چار ورن اٹھاراں برن گاون ساچا چھندی، ڈھولا اِکو اِک دُھردرگاہیِا۔ سچ دوارے ملِے اِک انندی، نِج آتم وجےّ ودھائیا۔ سب توں ویکھی پریمیاں والی سبھا چنگی، اِک دوُجے نوُں مِل کے خوشی منائیا۔ جن بھگتاں نِج نیتر اکّھ رہے کِسے نہ اندھی، لوئن اپنا نیَن کُھلائیا۔ من واسنا ممتا موہ وِکار ہنکار وِبھچار کوُڑی کِریا کڈھنی دُرگندھی، نام سُگندھی اِک ٹِکائیا۔ جوتی جوت سروُپ ہرِ، آپ اپنی کِرپا کر، ویکھنہارا کایا ماٹی پنج تت وجوُد گھر گرِہ پڑدا آپ اُٹھائیا۔ احمد گڑھ وقت سُہانا، سوہنا سماں وکھائیا۔ پریم پریِتی رنگ رنگانا، رنگت اِکو اِک رنگائیا۔ سب نے مِل کے اِکو دھام سُہانا، دھرنی دھرت دھوَل وجےّ ودھائیا۔ جوتی جاتا پُرکھ بِدھاتا دیوے مان وڈیائی سِری بھگوانا، ہرِ کرتا بےپرواہیِا۔ جیِوو جنتو جاگرت جوت وِچ ویکھو مُنی، مُنیاں دا اِک نِشانہ، نِشانے کوُڑے رہیا بدلائیا۔ کایا مندر اندر چڑھ کے ویکھو منزل مہانا، جِتھے ملِے بےپرواہیِا۔ دُھن آتمک انحد شبد سُنو گانا، تُریا توں پرے پڑدا دئے اُٹھائیا۔ وقت سُہنجنا سوہنا سماں پریمیاں پیار وِچ مِل کے گانا، گا گا خوشی منائیا۔ ایہہ اُدگھاٹن ایہہ واٹن کھولے کپاٹن بھیت دسےّ باطن، ظاہر بَیٹھا نظری آئیا۔ جوتی جوت سروُپ ہرِ، آپ اپنی کِرپا کر، کرے کھیل ساچا ہرِ، ہرِ کرتا بےپرواہیِا۔ مُنی جی آئے دوُروں چل، اپنا پندھ مُکائیا۔ کِسے دے اندر رہن نہ دیندے ول چھل، کپٹ وِکار رہے مُکائیا۔ کام کرودھ لوبھ موہ ہنکار اندر رہے نہ کوُڑ دل، دلِدر دین چُکائیا۔ دھام وکھاوَن اِک اٹل، نِہچل جِس نوُں کہہ کے گائیا۔ جِتھے دِیپک جوتی اِکو دَیا رہیا بل، نِرگُن نوُر جوت رُشنائیا۔ سو میٹنہارا سب دے دُئی دوَیتی سلّ، نام نِدھان تیِر انیالا اِک چلائیا۔ سب دے ساہمنے سچ سِنگھاسن پُرکھ ابناشن نِرگُن دھار سرگُن اُجیار ہو کے بَیٹھا ملّ، پیکھ کے ویکھ کے دیکھ کے سندیش وِچ نریش نر اِکو اِک نظری آئیا۔

۱۲ پوہ شہنشاہی سمت ۳ ہرِ بھگت دوار جیٹھوُوال

بینتی کرے براہمن سِنگھ تارا، بِن سیِس سیِس جھُکائیا۔ پُرکھ اکال تیرا اِشارہ، شبدی دھار رہیا اُٹھائیا۔ تیرا حُکم اگمّ اپارا، سُن کے وجّی ودھائیا۔ مَیں ویکھیا وِچ سنسارا، تیری قُدرت دھیان لگائیا۔ چاروں کُنٹ دُھندُوکارا، ساچا چند نہ کوئے چمکائیا ۔ جوتی جوت سروُپ

ہرِ، آپ اپنی کِرپا کر، سچ بخشنی اِک سرنائیا۔ تیرا سُن اگمّی راگ، انتر وجّی ودھائیا۔ سچ دوارے کُھلی جاگ، نیَن اکّھ نہ کوئے بدلائیا۔ بینتی کراں آج، در تیرے سیِس نِوائیا۔ سوہنا تیرا کاج، جو بھگتاں نال رکھائیا۔ جوتی جوت سروُپ ہرِ، آپ اپنی کِرپا کر، میرا لیکھا ویکھ وکھائیا۔ تارا کہے مَیں دسّاں نال ترتیب، طرح طرح سمجھائیا۔ چھِن وِچ حُکم مِلیا عجیب، بِن ہلکاریاں دِتا پُچائیا۔ مسّا سِنگھ جو سِنگھ غریِب، چھّبی پوہ گھٹّے وِچ لِٹائیا۔ اوس دا ستاراں پوہ نوُں وڈّا رہنا نہیں عزیِز، ناتا پُتر جائے تُڑائیا۔ ایہہ کھیل تیری کوئی نہ سمجھے بدنصیِب، نِسبت کہن کوئے نہ پائیا۔ جوتی جوت سروُپ ہرِ، آپ اپنی کِرپا کر، اپنا لیکھا دینا وکھائیا۔ کی لیکھا تیرا بھگوان، بھگوَن دے جنائیا۔ کِیوں وِچھوڑا کریں جہان، دیِن دُنی دُہائیا۔ مَیں سُن کے اگمّ فرمان، بھجّیا واہو داہیِا۔ چھڈ برہمنڈ اسمان، دھرنی دھوَل ویکھ وکھائیا۔ چرنی ڈِگا آن، بینتی اِک جنائیا۔ کر کِرپا مِہربان، مِہر نظر اِک اُٹھائیا۔ بھگتاں دا بھگتاں نال نِشان، پِتا پوُت وجےّ ودھائیا۔ جوتی جوت سروُپ ہرِ، آپ اپنی کِرپا کر، سِر اپنا ہتّھ رکھائیا۔ اپنا ہتّھ رکھ میرے بھگوَنت، بھگوَن دیاں دِرڑائیا۔ جن بھگت کھیل نہیں چؤراسی جنت، جیِو اِیش تیری سرنائیا۔ تُوں آتما دا کنت، پرماتما بےپرواہیِا۔ تت بنائیں بنت، گھاڑت عجب گھڑائیا۔ تیرا کھیل سدا اننت، کہن کوئے نہ پائیا۔ جوتی جوت سروُپ ہرِ، آپ اپنی کِرپا کر، لیکھا اگلا دے دِرڑائیا۔ تارا سِنگھ کہے مَیں آیا چل، چلت تیرا ویکھ وکھائیا۔ امرت برکھے جل، بھگت وجےّ ودھائیا۔ پُتر ہووے سلّ، مات پِت جُدائیا۔ لہنا اجّ کہ کل، کال نگارہ رہیا ڈرائیا۔ جو تیری دھار جائے رل، سو تیرے وِچ سمائیا۔ انوکھا وکھّرا سب توں پھل، پریم ٹہنی نال لٹکائیا۔ جوتی جوت سروُپ ہرِ، آپ اپنی کِرپا کر، ایکا دینا ساچا ور، در ٹھانڈے الکھ جگائیا۔ تارہ سِنگھ کہے مَیں آیا اُپر دھؤل، شبدی دھار پھیرا پائیا۔ مسّا سِنگھ سمجھنا نہیں مخؤل، مسخرہ روُپ نہ کوئے بدلائیا۔ میرا تیرے نال اِک قؤل، ہسدیاں دِتا جنائیا۔ بھاویں مَیں پنڈت پاندھا باہمن نہیں رؤل، پِھر وی ویلے سِر کدی تیرے کمّ آئیا۔ اجّ حُکم وجا کے کہواں ڈھول، مردنگ اِک سُنائیا۔ اپنا پڑدا رہیا کھول، بُھل رہے نہ رائیا۔ نؤ جنم ماردا رہیا رول، رؤلا پا کے جگت دُہائیا۔ انت چھک اگمّی پاہُل، امرت رس بِن رسنا رس لائیا۔ ہُن آ کے تیرے کول، سہج دِتا دِرڑائیا۔ جوتی جوت سروُپ ہرِ، آپ اپنی کِرپا کر، کرے کھیل ساچا ہرِ، جِس دا بھیو کوئے نہ پائیا۔ سُن شبد اگمّی بات، باطن دیاں جنائیا۔ تھوڑے سمے وِچ مَینوُں دسّی بات، چھِن وِچ حُکم منائیا۔ بخشیِش کراں اجّ دی

رات، مِہر نظر اُٹھائیا۔ اَگے ہور نہ کوئے جواب، سوال کہن کوئے نہ پائیا۔ چِتر گُپت توں باہر کِتاب، لیکھا اپنے ہتّھ وکھائیا۔ بھگتاں دا حِساب، پُرکھ اکال گِنتی گنت نہ کوئے گنائیا۔ جوتی جوت سروُپ ہرِ، آپ اپنی کِرپا کر، کرے کھیل ساچا ہرِ، نِہکلنک نرائن نر، مہاراج شیر سِنگھ وِشنوُں بھگوان، سدا کراں سد سد آداب، سیِس سیِس سیِس جھُکائیا۔

بِھنڑی رَین کہے میری عرضوئی، عرض آرزوُ اِک جنائیا۔ پروردِگار تیرا نام دروہی، دروہی طوبیٰ نوُر خُدائیا۔ تیرا بھید ابھیوَ نہ جانے کوئی، پڑدا سکے نہ کوئے اُٹھائیا۔ پِچھلا لیکھا کبیِر نال لوئی، لوئن لوچن اکّھ کُھلائیا۔ اُس دی سُرت اُٹھائی سوئی، سُتّی آپ جگائیا۔ جوتی جوت سروُپ ہرِ، آپ اپنی کِرپا کر، ساچا لیکھا دینا جنائیا۔ بِھنڑی رَین کہے میری ارداس، بینتی اِک سُنائیا۔ سُن صاحب پُرکھ ابناش، ابناشی کرتے دیاں دُہائیا۔ ایہہ پِچھلا کھیل تماش، پوُرب پڑدا دینا اُٹھائیا۔ وقت سُہیلا نال رَوداس، براہمن لیکھا دُھردرگاہیِا۔ نِرگُن دھار جوت جوتی شاخ، شناخت تیرے ہتّھ وڈیائیا۔ سب دی پوُری کریں آس، پڑدا اوہلا آپ چُکائیا۔ جوتی جوت سروُپ ہرِ، آپ اپنی کِرپا کر، ساچا رنگ دینا رنگائیا۔ بِھنڑی رَین کہے سُنّ اگمّی بات سو، ہرِ کرتے دیاں دِرڑائیا۔ نیتر ہنجھوُاں نال رو، نیَناں چھہبر دیاں وکھائیا۔ اِک ٹھگّاں والا گروہ، پنج ستّ ونڈ ونڈائیا۔ اوہناں وِچوں دو، سنگی ساتھی سوبھا پائیا۔ رُتڑی سی باراں پوہ، ودی سُدی نہ ونڈ ونڈائیا۔ جِس دا بھیو نہ جانے کو، کتھنی کتھ نہ کوئے سُنائیا۔ امرت ویلا ہُندی لو، نوُر جگت نال چمکائیا ۔ براہمن دی گٹھڑی لئی کھوہ، مُنہ دے بھار سُٹائیا۔ جوتی جوت سروُپ ہرِ، آپ اپنی کِرپا کر، بھیو ابھید دینا جنائیا۔ بِھنڑی رَین کہے مَیں منگاں منگ، آسا ترِشنا تیری جھولی پائیا۔ کھیل دسّ گنگوتری گنگ، گنگا مئیا نال مِلائیا۔ سُن حَیران ہوواں دنگ، دنگا فساد ویکھ وکھائیا۔ جو براہمن کول ڈھنگ، طریقہ سمجھ کوئے نہ آئیا۔ کنڈھے سُتّا دے کر کنڈ، کروٹ نہ کوئے بدلائیا۔ ایہدی چالی ویہہ دی کُھل گئی گنڈھ، ویہہ سؤ ویہہ بِکرمی دئے گواہیِا۔ اودھروں گاؤندا آ گیا اِک چھند، پربھ تیری بےپرواہیِا۔ جے رُپئیے مِل جان پنج، میری ترِشنا بُھکھ مِٹائیا۔ مَیں بھوجن چھکاں نال انند، خوشیاں وِچ تیرا دھیان لگائیا۔ صِفتاں گاواں نال دند، بتیِسا راگ الائیا۔ مَینوُں موُل نہ لگّے ٹھنڈ، سیِتل دھار نہ کوئے ٹھرائیا۔ اَگے دینا پئے نہ

کوئی ڈنڈ، سزا وِچ نہ کوئے بُھگتائیا۔ اودھروں چمکیا پِچھلی رات دا چند، نوُر نوُر وِچوں پرگٹائیا۔ جوتی جوت سروُپ ہرِ، آپ اپنی کِرپا کر، ساچا کھیل رہیا وکھائیا۔ بِھنڑی رَین کہے پربھ میری ایہو اِچھا، نِراِچھت پوُر کرائیا۔ سچ دواریوں منگاں بِھچھا، بِھکھک ہو کے جھولی ڈاہیِا۔ تیرا پیار اِکو دِسا، دہ دِشا نظری آئیا۔ براہمن کولوں ونڈایا حِصّہ، پنج چُک کے جھولی پائیا۔ جِس دی ذات کمیِنی نام سی نِکاّ، نِکوُ کہہ کے جگت بُلائیا۔ اودھروں براہمن نوُں آ گئی چِھکا، چِھکن نال اکّھ کُھلائیا۔ گنڈھ کُھلی ویکھ کے پےَ گیا پھکا، غمی اندرے اندر ستائیا۔ جوتی جوت سروُپ ہرِ، آپ اپنی کِرپا کر، ساچا لیکھا رہیا مُکائیا۔ بِھنڑی رَین کہے جِس رُپیئے چُکے پنج، پنجہ مُنہ دے وِچ پائیا۔ اوہدے اندر آیا رنج، دُکھ غم والا ستائیا۔ ہِردا ہویا تنگ، ممتا موہ مِٹائیا۔ چنگا بُھکھا رہ لَواں اِک ڈنگ، دوُجے دی گنڈھ کاہنوُں چُرائیا۔ موڑ کے دیواں ونڈ، اپنا سیِس نِوائیا۔ جوتی جوت سروُپ ہرِ، آپ اپنی کِرپا کر، سد بخشنہار سرنائیا۔ بِھنڑی رَین کہے نِکوُ آیا مُڑ، اپنا مُکھ بھوائیا۔ انتر دھیان گیا جُڑ، گنگا ماتا نیَن اُٹھائیا۔ میرا بیڑا نہ جائے رُڑھ، وہِندے وہن نہ کوئے وہائیا۔ مَیں پریم پریِتی اندر آیا تُر، تُرت اپنا پندھ مُکائیا۔ کِیوں فُرنا گیا پُھر، براہمن گنڈھ چُرائیا۔ جوتی جوت سروُپ ہرِ، آپ اپنی کِرپا کر، ساچا رنگ رہیا وکھائیا۔ بِھنڑی رَین کہے نِکوُ انتر آئی وِچار، وِچر کے دِتا سُنائیا۔ سُن میرے نِرنکار، تیری بےپرواہیِا۔ تیری وَیہندی ویکھ کے گنگا دھار، میرے نیَناں چھہبر لائیا۔ کِیوں ہویا موُرکھ گوار، من مت بدلائیا۔ مَینوُں بخشیں بخشنہار، تیری اوٹ تکائیا۔ تُوں صاحب سچّی سرکار، شہنشاہ اکھوائیا۔ حُکم آیا دُھر دی دھار، اندرے اندر آواز لگائیا۔ تیرا لیکھا اوسے دے نال، جِس دی گنڈھ دِتی کُھلائیا۔ اوہ براہمن نہیں کنگال، ٹھگّی پربھ دے نال کمائیا۔ جا کے اوس نوُں دسّ اپنا حال، لیکھا اوسے دی جھولی پائیا۔ اوہ اَگے کرے خیال، پڑدا دئے کُھلائیا۔ اُس جا کے چھوٹے لال، سیِس دِتا نِوائیا۔ کھول کے گنڈھ رومال، پنجے اَگے ٹِکائیا۔ میری کر سنبھال، بُھل کے اپنا آپ گوائیا۔ جوتی جوت سروُپ ہرِ، آپ اپنی کِرپا کر، ساچی کرنی کار کمائیا۔ بِھنڑی رَین کہے براہمن پیا ہسّ، تالی ہتّھاں والی لائیا۔ بچّوُ اِک چوری کر کے گیاں تھک، مُڑ کے بھجّیا واہو داہیِا۔ بِنا براہمناں توں پوُجا دا مال کوئی نہ سکے چھک، بھےَ سب دے اندر رکھائیا۔ گنگا ماتا اُتے ساڈا حق، بَیع خرید اپنا ونج وکھائیا۔ آہ ویکھ ایہدے شکنگن نتھ، بلاکاں نال سوبھا پائیا۔ مَیں کر کے اپنے وسّ، پڑدیاں وِچ چُھپائیا۔ رَویداس کولوں لنگھنا بچ، اکّھ نال اکّھ نہ کوئے رلائیا۔

تَینوُں دسّاں سچ، بھیو ابھید کُھلائیا۔ جِس ویلے کھیل ہووے پُرکھ سمرتھ، پاربرہم پربھ اپنا ویس وٹائیا۔ سَت دھرم دا کھولے ہٹّ، وست امولک اِک ورتائیا۔ جوتی جوت سروُپ ہرِ، آپ اپنی کِرپا کر، ساچا مارگ اِک سمجھائیا۔ بِھنڑی رَین کہے پنڈت دیوے اِک صلاح، پریم نال سمجھائیا۔ اِس جیِون دا نہیں وساہ، زِندگی سمجھ کِسے نہ آئیا۔ مَیں سب کُچھ لَواں چُرا، چوری کر کے پربھ دی سیو کمائیا۔ دِوس رَین جپاں ناں، تُوں ہی تُوں ہی راگ الائیا۔ انت ویکھاں انوکھا تھاں، جِس تھننتر وجےّ ودھائیا۔ سؤنہہ کھا کے کہاں گاں، مات گٔو ضامن وِچ ٹِکائیا۔ اؤکھی ویلے پکڑاں بانہہ، براہمن ہو کے سیو کمائیا۔ جِس ویلے تیرا وِچھوڑا ہووے نالوں پِتا ماں، تُٹے خلق خُدائیا۔ اوس ویلے سندیشہ دیواں آ، فرمانا اِک سُنائیا۔ تُوں نِکاّ نِکے توں وڈے ہون دا چا، چاؤ سمجھ کوئے نہ پائیا۔ جوتی جوت سروُپ ہرِ، آپ اپنی کِرپا کر، ساچا کھیل اِک پرگٹائیا۔ براہمن کہے سُن ننھے ننھے بچّے، تَینوُں دیاں دِرڑائیا۔ میرے بہُتیاں وِچوں تھوڑے بچن ہُندے سچّے، جِس ویلے گنگا مئیا میرے اندروں کرے صفائیا۔ مَینوُں رَویداس نے کُچھ بول انوکھے دسےّ، سمجھ سمجھ وِچ بدلائیا۔ سب دے ناتے ٹُٹنے بھانڈے کچّے، تت وجوُد رہن نہ پائیا۔ جُگ چؤکڑی جانے نسّے، کلجُگ اپنا پندھ مُکائیا۔ کلجُگ رَین اندھیری ہونی مسّے، مسّیا وِچ مسّا سِنگھ تیرا پِتا سمجھائیا۔ جِس دے سِر ہتّھ رکھے پُرکھ سمرتھے، ہرِ کرتا دُھردرگاہیِا۔ جنم جنم دا لہنا دینا کٹے، کرم کانڈ دا پندھ مُکائیا۔ انت ویلے مَینوُں سدّے، حُکم سندیشہ اِک جنائیا۔ ایہہ لیکھا کدے کدے، جُگ چؤکڑی ہتّھ کِسے نہ آئیا۔ جوتی جوت سروُپ ہرِ، آپ اپنی کِرپا کر، دھرم دوارے کھیل وکھائیا۔ بِھنڑی رَین کہے میرے انتر آئی حَیرانی، چاروں کُنٹ دھیان لگائیا۔ کِدھروں مِلی ایہہ نِشانی، جُگ جنم دا لیکھا رہیا مُکائیا۔ دو جہاناں بن کے بانی، بان انیالا تیِر چلائیا۔ سرِشٹی درِشٹی دسّ کے فانی، اِشٹی اپنا نوُر کرے رُشنائیا۔ لیکھا مُکا کے جگت جہانی، کوُڑی کِریا ڈیرہ ڈھاہیِا۔ سندیشہ دے کے دُھر فرمانی، فرمانبردار لیا اُٹھائیا۔ پِچھلی یاد رکھی کہانی، ابُھل بُھل وِچ کدے نہ جائیا۔ امرت دی چھہبر مُحبّت دا پانی، امرت رس چکھائیا۔ جوتی جوت سروُپ ہرِ، آپ اپنی کِرپا کر، در دروازہ اِک کُھلائیا۔ بِھنڑی رَین کہے مَیں ویکھاں چارے کوُٹ، بِن اکّھاں اکّھ اُٹھائیا۔ جِس دا ناتا ٹُٹنا سی کلبوُت، پنج تت جگت جُدائیا۔ اُس دا تارا سِنگھ دئے ثبوُت، شہادت اِکو اِک بُھگتائیا۔ بھگتاں سچ دوارے ہو مؤجوُد، بینتی دِتی سُنائیا۔ جگت واسنا میٹ حدوُد، گھر تیرے وجےّ ودھائیا۔ بھگت سُہیلا رکھ

محفوُظ، مِہر نظر اِک ٹِکائیا۔ تیرے در نہ دِسے دوُج، دُتیا بھاؤ نہ کوئے جنائیا۔ جوتی جوت سروُپ ہرِ، آپ اپنی کِرپا کر، آسا منسا ویکھ وکھائیا۔ بِھنڑی رَین کہے مَیں ویکھاں چُک کے اکّھ، اکھّراں توں پرے کراں پڑھائیا۔ تیرا کھیل پُرکھ سمرتھ، دو جہاناں وجّی ودھائیا۔ نام بول جَیکار الکّھ، تُوں ہی تُوں ہی راگ الائیِا۔ تیرا اِشارہ دُھر دا سچ، بھگت سُہیلا رہیا دِرڑائیا۔ جِس دا ناتا ٹُٹنا کایا ماٹی کچّ، پوَن سواس ساہ مُکائیا۔ کِرپا کر کے لوُں لوُں اندر رچ، رچنا تیری نظری آئیا۔ جنیندی ماں بنیں یچ، یاچک اپنی گود رکھائیا۔ تیرا حُکم لیَن وّچ، واچک اندروں دے سمجھائیا۔ بِن تیری کِرپا کوئی نہ سکے بچ، بچن سب دا اپنے وِچ رکھائیا۔ جوتی جوت سروُپ ہرِ، آپ اپنی کِرپا کر، ساچے گھر دینی وڈیائیا۔ بِھنڑی رَین کہے تُوں آد جُگادی دردوند، دیِناں اناتھاں دَیا کمائیا۔ پتپرمیشور دُھر دا خاوَند، پاربرہم تیری سرنائیا۔ حُکمے اندر سرب پابند، سِر سکے نہ کوئے اُٹھائیا۔ تیری کِرپا دے سکے کوئی نہ ڈنڈ، ڈنڈاوت اپنی اِک سمجھائیا۔ تیرا کھیل برہمنڈ کھنڈ، سوُریہ چند تیری رُشنائیا۔ دیِن دَیال بن بخشند، بخشش رحمت آپ ورتائیا۔ جوتی جوت سروُپ ہرِ، آپ اپنی کِرپا کر، ایکا دینا ساچا ور، سچ دوارے وجےّ ودھائیا۔ بِھنڑی رَین کہے میری بینتی اَخیِر، اَخیِر دے مالک دیاں جنائیا۔ تیرا کھیل بےنظیِر، جگت نیتر نظر کِسے نہ آئیا۔ تُوں بدلنہار تقدیِر، تدبیِراپنی دِتی دِرڑائیا۔ بھگت سُہیلا کہے کبیِر، لوئی دے لوئناں توں باہر رُشنائیا۔ رَوداس تکّ کے تیری تصویِر، تسبیح مالا توں پرے دِتا جنائیا۔ پنڈت دی بدل کے ضمیِر، ضامن ہو کے دِتا سمجھائیا۔ جِس دا وقت پہنچیا اَخیِر، آخر ہو سہائیا۔ جھگڑا رہے نہ شاہ حقیِر، فقیِراں فِقرہ اِک پڑھائیا۔ جوتی جوت سروُپ ہرِ، آپ اپنی کِرپا کر، ایکا دینا ساچا ور، سَت سچ تیری سرنائیا۔ بِھنڑی رَین کہے مَینوُں رَوداس کرے اِشارہ، بِن اکّھاں اکّھ مِلائیا۔ ویکھ پربھوُ دا اِک دوارا، درگاہ ساچی سوبھا پائیا۔ جِس دا سمجھے نہ کوئے کنارہ، کونا کونا ویکھے جگت لوکائیا۔ اوہ شاہو بھوُپ سِکدارا، والی دو جہان بےپرواہیِا۔ جِس دے حُکمے اندر پِھردے گُر اوتارا، پَیغمبر سجدیاں وِچ سیِس نِوائیا۔ کلمیاں وِچ گاؤندے وارا، راگاں ناداں وِچ جنائیا۔ سو سوامی انترجامی ویکھنہار سرب سنسارا، سرِشٹی درِشٹی اندر پھول پھولائیا۔ بھگتاں دَیاکما کے بھگت دوارا، ہرِ بھگتی وِچ لگائیا۔ رَوداس دی چرن دھوُڑ چھارا، ٹِکے پِچھلے رہیا چمکائیا ۔ جوتی جوت سروُپ ہرِ، آپ اپنی کِرپا کر، ساچا در اِک وکھائیا۔ بِھنڑی رَین کہے پربھ ایکا دردی، دردوند تیری سرنائیا۔ سچ دوارے قبوُل کر عرضی، آرزوُ اِکو اِک رکھائیا۔ دوُسر چلے

نہ کوئی مرضی، مزہ اپنا دینا چکھائیا۔ تُوں صاحب سُلطان بھگتاں دا غرضی، دوُجی اوٹ نہ کوئے جنائیا۔ ایہہ کھیل تیرے گھر دی، جُگ چؤکڑی چلی آئیا۔ جیہڑی آتما پرماتما تَینوُں ور دی، اوہدی ایتھے اوتھے نہ ہوئے جُدائیا۔ کتھا کہانی یاد رکھ پر دی، پِچھلی بیِتی دیاں سُنائیا۔ چھّبی پوہ سی ڈاڈھی سردی، مسّا سِنگھ خاک وِچ لیٹ کے تیرا شُکر منائیا۔ اوس دی کلا کر چڑھدی، ڈُبدے بیڑے پار لنگھائیا۔ سیِس تیرے چرناں دھردی، بِھنڑی رَین نِیوں نِیوں لاگاں پائیا۔ ایہہ کھیل نرائن نر دی، دوُسر نظر کوئے نہ آئیا۔ تارا سِنگھ آ گیا جلدی، پیَنڈا پِچھلا پندھ مُکائیا۔ کھیل ورتن نہیں دینی کلجُگ کل دی، کل دھاری تیری اِک سرنائیا۔ جوتی جوت سروُپ ہرِ، آپ اپنی کِرپا کر، ایکا دینا ساچا ور، در گھر ساچا سوبھا پائیا۔ بِھنڑی رَین کہے پُرکھ اکال تیری کِرپا، کِرپن دیویں مان وڈیائیا۔ بخشیِش وِچ بخشش گُرمُکھ سِر پا، سِروپا تیری بھیٹ چڑھائیا۔ آد جُگادی کھیل اگمّی پِر دا، پیِا پریِتم دے وڈیائیا۔ ایہہ لیکھا پِچھلا چِر دا، رَوداس براہمن مِل کے دین گواہیِا۔ اَگے جھیڑا ہور چھِڑدا، جِس دا پڑدا نہ کوئے اُٹھائیا۔ جوتی جوت سروُپ ہرِ، آپ اپنی کِرپا کر، ایکا دینا ساچا ور، در تیرے الکھ جگائیا۔

گُر اوتار پَیغمبر کہن پربھوُ کیہڑی جگائیے الکھ، الکھ اگوچر دے سمجھائیا۔ تیری دھار وِچ نہیں وکّھ، جوت سروُپ جوت وِچ سمائیا۔ ویکھن والی نہیں کوئی اکّھ، بِن تیری کِرپا نیَن نہ کوئے اُٹھائیا۔ تیرے انتر رہے وس، نِرنتر بھیو نہ کوئے جنائیا۔ کیہڑا کریئے جس، صِفتاں وِچ صلاحیِا۔ کلجُگ کھیڑا ہُندا دِسے بھٹّھ، بھٹھیالا اگن رہیا تپائیا۔ سڑدے دِسدے تت اٹھ، نؤ دوار در دُہائیا۔ دسویں ہووے نہ کِسے اِکٹّھ، آتما پرماتما جوڑ نہ کوئے جُڑائیا۔ من واسنا سارے رہے نَٹھ، سادھ سنت جگت کُرلائیا۔ رسنا والا نام رہے رٹ، منِکیاں اُنگلاں نال بھوائیا۔ حقیِقی منزل کوئے نہ سکیا ٹپّ، ٹپّے پڑھ پڑھ وقت لنگھائیا۔ سب دا لیکھا دے ٹھپ، ٹّھپا اپنا نام پرگٹائیا۔ دیِن مذہب دی رہے کوئی نہ وٹّ، وٹنا مل کے سارے لےَ پرنائیا۔ دوَیتی رہے کوئی نہ پھٹّ، پٹّی اپنا نام بندھائیا۔ سویا رہے نہ کوئی اُتے کھٹّ، کھٹیا سب دی دے ہِلائیا۔ موُسیٰ دی گھڑی کرے ٹک ٹک، آواز عیسیٰ رہی سُنائیا۔ محمد اُٹھے جھٹ، چؤداں طبق کوُڑ دُہائیا۔ گُردیو کرن اِکٹّھ، بھجّن واہو داہیِا۔ کوَن گیڑن لگّا لٹّھ، چار کُنٹ بھوائیا۔ لیکھا مُکن لگّا اٹھسٹھ، گنگا گوداوری جمنا سُرستی نیتر نیَناں رو رو نیِر وہائیا۔ جھگڑا مُکن لگّا مندر مسجد شِودوالا مٹھ، دھرم دوارا اِکو سوبھا پائیا۔ جوتی جوت سروُپ ہرِ، آپ اپنی کِرپا کر، ساچا حُکم اِک سُنائیا۔ باراں پوہ کہے پربھوُ یاد

آیا سمت پندراں، پِچھلا لہنا نظری آئیا۔ نؤ گُرمُکھ ویکھے نؤ دوارے اندراں، جوڑی جوڑے نال بنائیا۔ اگلا کھیل ہونا سرِشٹی درِشٹی وانگ بندراں، بُدھی بُدھ نال لڑائیا۔ گھر گھر وجّنا ہنکاری جِندرا، کُنجی نام نہ کوئے لگائیا۔ جن بھگتاں اِک دوار لنگھنا، جِتھے پربھ نوُں مِل کے وجےّ ودھائیا۔ سب نوُں لائے اپنے انگنا، انگیکار اِک ہو جائیا۔ دوُجا در پئے نہ منگنا، وست امولک کایا گولک جھولی پائیا۔ جوتی جوت سروُپ ہرِ، آپ اپنی کِرپا کر، ساچا حُکم اِک ورتائیا۔ بِھنڑی رَین کہے میری خوشیاں وِچ نِکلے ہاسی، ہستی ویکھاں بےپرواہیِا۔ کُچھ جھگڑا پَینا وِچ کاشی، کشمیِر کِشمش وانگ ہِلائیا۔ اُچی کوُک پُکارے منڈی والے راجے دی ماسی، جو صابن گاُچی گوبِند بھیٹ چڑھائیا۔ نیتر رو کے کہے رام چند دی داسی، جو ایُدھیا وِچ رنتے نال کرے کُڑمائیا۔ کُچھ لہنا دینا کرِشن سُدامے نال باقی، تت خاکی کھوج کھوجائیا۔ پوُرب دا اِکو آد جُگادی ساتھی، جُگ چؤکڑی سگلا سنگ بنائیا۔ جوتی جوت سروُپ ہرِ، آپ اپنی کِرپا کر، ساچا پڑدا رہیا چُکائیا۔ بِھنڑی رَین کہے مَیں چُک کے ویکھیا گھُنگٹ، نیتر نیَن اکّھ مٹکائیا۔ ہِلدی ویکھی نبی اُمت، بِن عملاں دئے دُہائیا۔ کِسے کمّ نہ آئی کیِتی سُنّت، پربھ دیوے سرب سزائیا۔ پُھلواڑی ہوئی نہ کوئی پرپُھلت، بہار خِزاں روُپ بدلائیا۔ جوتی جوت سروُپ ہرِ، آپ اپنی کِرپا کر، ساچا حُکم اِک سُنائیا۔ بِھنڑی رَین کہے مَیں کدے نہ سوئی جاگی، آلس نِندرا وِچ نہ آئیا۔ مَیں ویکھاں اوہ وَیراگی، جو بِرہوں وِچ کُٹھے مارن دھائنیا۔ جِنہاں دی دھار جُگاد آدی، جُگ چؤکڑی چلی آئیا۔ اوہ پربھ دے سدا سماجی، دوُسر ونڈ نہ کوئے ونڈائیا۔ جھگڑا نہیں کوئی پنڈت قاضی، سوُر گاں نہ کوئے چتُرائیا۔ اِکو رضا وِچ راضی، رحمت وِچ سیِس نِوائیا۔ کُچھ محمد دا لیکھا ماضی، پِچھلا پھول پھولائیا۔ کلجُگ دی کوُڑی کِریا غازی، غضب اپنا رہی وکھائیا۔ کُچھ ہسّ کے کِہا گوبِند دُلاریاں دی دادی، بُرج وِچ بہہ کے دھیان لگائیا۔ پُرکھ اکال تیری کھیل ڈاڈھی، سب نوُں دئیں سزائیا۔ جوتی جوت سروُپ ہرِ، آپ اپنی کِرپا کر، ساچا حُکم اِک ورتائیا۔ بِھنڑی رَین کہے پربھوُ تیئی اوتار کی کُچھ دسّدے، دوُر دُراڈے رہے جنائیا۔ کیہڑی کرنیؤں پِچھے نسدّے، اَگے ہو نہ بل رکھائیا۔ کی ایہہ پیاسے نہیں تیرے رس دے، پریم پریِتی وِچ سمائیا۔ کی ایہہ بُھکھے اپنے جس دے، سرِشٹی وِچ صِفتی نام کرن وڈیائیا۔ پُرکھ اکال کِہا ایسے کر کے میری اوٹ رکھدے، جُگ چؤکڑی دھیان لگائیا۔ چرن کوَلاں ہیٹھاں وسدے، سِر سکے نہ کوئے اُٹھائیا۔ شبدی راگ میرا رٹدے، رسنا نال جگت پڑھائیا۔ ایہہ ونجارے اوس ہٹّ دے، جِتھے سؤدا

دُھردرگاہیِا۔ جوتی جوت سروُپ ہرِ، آپ اپنی کِرپا کر، ساچا کھیل اِک پرگٹائیا۔ بِھنڑی رَین کہے کِیوں بَیٹھے وِشن شِو برہما، سنکادک سیِس نِوائیا۔ کی دسّیں اِنھاں دھرما، بھیو ابھید کُھلائیا۔ کِیوں ڈِگے اُپر چرناں، نیتر نیَناں نیِر وہائیا۔ پُرکھ اکال کہے جھگڑا میٹ نہ سکیا کوئی ورناں برناں، برہم پڑدا نہ کوئے اُٹھائیا۔ حُکمے اندر سب نوُں پھڑنا، شبد ڈوری نال بندھائیا۔ نِرگُن دھار ہو کے سب دے اندر وڑنا، بچیا رہن کوئے نہ پائیا۔ دُھر دا حُکم کدے نہ ٹلنا، نہ کوئی میٹے میٹ مِٹائیا۔ جگت سادھوُآں نوُں چھل دے نال چھلنا، اچھل اچھل اپنی کار کمائیا۔ جوتی جوت سروُپ ہرِ، آپ اپنی کِرپا کر، حُکم اِکو اِک ورتائیا۔ بِھنڑی رَین کہے کی حُکم تیرا کرتار، کرنی دے کرتے دے سمجھائیا۔ کی کھیل تیرا سنسار، مہاسارتھی کی کی رچن رچائیا۔ اُچی کوُک کہاں پُکار، تیرا نام دُہائیا۔ بِنا گوبِند تیرا ستھر ویکھیا نہ کِسے یار، یارڑا سیج نہ کوئے ہنڈھائیا۔ تُوں دُکھیاں دا دُکھیار، دیِناں اناتھاں دَیا کمائیا۔ کل کلکی تیرا اِک اوتار، کلا اوَر رہے نہ رائیا۔ تَینوُں جنمے نہ کوئی مائی وِچ سنسار، نِرگُن نوُر جوت تیرا رُشنائیا۔ معصوُماں کر پیار، مزلوُماں کر خوَار، حُکمے اندر حُکم سزائیا۔ غفلت وِچوں کر بےدار، جوتی جوت سروُپ ہرِ، آپ اپنی کِرپا کر، ساچا حُکم اِک ورتائیا۔ بِھنڑی رَین کہے مَیں آ گئی بھّجی نَٹھی، اپنا پندھ مُکائیا۔ ہرِ سنگت ویکھی اِکٹّھی، دھرم دوارا سوبھا پائیا۔ مسّا سِنگھ بھرے نہ چٹّی، دُکھ سُت رہے نہ رائیا۔ رَوداس دے چرناں سوَیں سِر سٹّی، نیتر اکّھ نہ کوئے کُھلائیا۔ جوتی جوت سروُپ ہرِ، آپ اپنی کِرپا کر، ویکھنہار بےپرواہیِا۔ بِھنڑی رَین کہے رَوداس سؤنا کول سِنگھاسن، کھبّی دِشا سوبھا پائیا۔ جل کول رکھنا اِک گلاسن، امرت امر روُپ وکھائیا۔ بِھنڑی ہوئے بسنتی راتن، ہرِ بھگت دوارے وجےّ ودھائیا۔ سنگت ساچی ہووے ساتھن، سوہنا سنگ جنائیا۔ جوتی جوت سروُپ ہرِ، آپ اپنی کِرپا کر، مِہر نظر اِک اُٹھائیا۔ بِھنڑی رَین کہے مَیں ویکھاں اجّ دی رُتی، رُتڑی رُت سُہائیا۔ اگلی کھیل دسّاں سُچی، سچ نال وڈیائیا۔ پِچھلے سال جو کٹی بُتی، پیَنڈا لیا چُکائیا۔ اُس دی اؤدھ اجے نہیں مُکی، باقی نظری آئیا۔ آتما سِنگھ کول کرنی خوشی، لنگر سنگت والا ورتائیا۔ آسا ترِشنا میٹنی بُھکھی، مِہربان اپنا رنگ چڑھائیا۔ بخش کے آؤنی نِشان والی جُتی، رَوداس ونڈ ونڈائیا۔ لال رنگ دی اِک گُچھی، سوُتر تاگے نال سُہائیا۔ پریِتم سِنگھ نے جانا چُکی، ہتّھ چار ویراں بدلائیا۔ رات دِیپک جگاؤنا پنج مُکھی، گھِرت دیِپ وِچ سُہائیا۔ ڈھولا گاؤنا پربھ دا تُکی، سچ تیری سرنائیا۔ سب نے روٹی کھانی رُکھی، گھِیو نال نہ کوئے

چُپڑائیا۔ جوتی جوت سروُپ ہرِ، آپ اپنی کِرپا کر، اپنا رنگ دئے رنگائیا۔ بِھنڑی رَین کہے اِکّی پوہ دی رکھاں آس، آسن پربھ دا ویکھ وکھائیا۔ رَوداس دا جل گلاس، نؤ دِن بَیٹھے راہ تکائیا۔ کھیل عجیب تماش، پڑدا رہے نہ رائیا۔ جوتی جوت سروُپ ہرِ، آپ اپنی کِرپا کر، دُھر فرمانا اِک سُنائیا۔ اِکّی پوہ کہے میری پاوے ضرور اِکّی، اِکّی پِچھلی نال رلائیا۔ کِس بِدھ اگلی چلے سِکھی، سَت دھرم دئے دِرڑائیا۔ جِس دی دھار ہونی تِکھی، انیالا تیِر چلائیا۔ ساچی بِدھی جانی لِکھی، جِس نوُں سُن کے ڈرے لوکائیا۔ نال سمجھاؤنی گوبِند دی چِٹھی، جیہڑی بِن پتریاں رکھی چُھپائیا۔ جوتی جوت سروُپ ہرِ، آپ اپنی کِرپا کر، در گھر ساچے دیوے مان وڈیائیا۔ بِھنڑی رَین کہے جن بھگتو سؤنا وِچ اندھیرا، جگت اندھیرا دئے وکھائیا۔ پُرکھ اکال نؤ کھنڈ پرِتھمی پاؤنا پھیرا، نؤ نؤ سکِنٹ اِک اِک کھنڈ ونڈ ونڈائیا۔ برہمنڈاں دینا گیڑا، بِن قدماں قدم ٹِکائیا۔ روَ سس وکھاؤنا سنجھ سویرا، پڑدا اوہلا آپ چُکائیا۔ دیِن دُنی دا تکّنا جھیڑا، چارے کُنٹاں کھوج کھوجائیا۔ جن بھگتاں وسدا ویکھنا کھیڑا، کایا مندر پھول پھولائیا۔ پربھ دا سمجھے نہ کوئی رَین بسیرا، آون جاون پندھ نہ کوئے مُکائیا۔ نِرگُن دھار کرے مِہرا، مِہر نظر اکّھ اُٹھائیا۔ جوتی جوت سروُپ ہرِ، آپ اپنی کِرپا کر، کرے کھیل ساچا ہرِ، نِہکلنک نرائن نر، مہاراج شیر سِنگھ وِشنوُں بھگوان، بِھنڑی رَین تیرے وِچ ویکھے کیہڑا کیہڑا، جیہڑا پربھ دی اوٹ تکائیا۔