کتب خانہGranth 20 (Urdu)

۲۶ پوہ شہنشاہی سمت ۳ ہرِ بھگت دوار جیٹھوُوال

سو پُرکھ نِرنجن نِرگُن دھارا، نِروَیر نِراکار نِرنکار وڈ وڈیائیا۔ ہرِ پُرکھ نِرنجن کھیل اگمّ اپارا، الکھ اگوچر اپنی کار کمائیا۔ ایکنکارا ہو اُجیارا، آد نِرنجن نِرگُن نوُر جوت کرے رُشنائیا۔ ابناشی کرتا شاہو بھوُپ وڈ سِکدارا، سِری بھگوانا مرد مردانہ نؤجوانا اِک اکھوائیا۔ پاربرہم پتپرمیشور روُپ رنگ ریکھ توں وسے باہرا، اکل کل دھاری اپنی کل ورتائیا۔ سچکھنڈ واسی گھٹ نِواسی جوتی جاتا پُرکھ بِدھاتا کھیلے کھیل وِچ سنسارا، ترےَگُن اتیِتا ٹھانڈا سیِتا، پنچم اپنا رنگ رنگائیا۔ جوتی جوت سروُپ ہرِ، آپ اپنی کِرپا کر، کرے کھیل ساچا ہرِ، سَت سَتوادی اپنی دھار پرگٹائیا۔ سو پُرکھ نِرنجن وڈ الاہ، واحد اِکو اِک اکھوائیندا۔ جِس دی جُگ چؤکڑی صِفت صلاح، مہما بودھ اگادھ وڈیائیندا۔ نِرگُن نوُر جوت کرے رُشنا، ظہوُر اپنا آپ پرگٹائیندا۔ بِن تت وجوُد توں آد جُگادی اِک خُدا، مِہربان محبوُب اپنی کل وکھائیندا۔

سچ سندیشہ دُھر پَیغام دیوے اِک صدا، نر نریشا ایکا راگ الائیندا۔ جوتی جوت سروُپ ہرِ، آپ اپنی کِرپا کر، کرے کھیل ساچا ہرِ، سچ دوارا اِک سُہائیندا۔ سچ دوارا دُھر دا گھر، گرِہ مندر اِک وکھائیا۔ جِتھے وسے نرائن نر، ہرِ وڈّا وڈ وڈیائیا۔ نہ جنمے نہ جائے مر، مر جیِوت روُپ نہ کوئے وکھائیا۔ سچ دوار نِرگُن دھار ایکنکار آپے کھڑ، سَت سَتوادی اپنی کل پرگٹائیا۔ جِتھے جھگڑا رہے نہ چوٹی جڑ، جوتی جوت سروُپ ہرِ، آپ اپنی کِرپا کر، کرے کھیل دُھر دا ہرِ، ہرِ وڈّا وڈ وڈیائیا۔ ہرِ وڈّا واحد لاشریِک، پروردِگار نوُر اِلاہیِا۔ جِس وِچ حق اِک تؤفیِق، تُحفہ سب نوُں دئے پُچائیا۔ آسا منسا پوُری کرے اُمیِد، آمد وِچ اپنا بھیو دئے کُھلائیا۔ دُھر دے نغمے نال کرے تاکید، کلمہ کائنات سمجھائیا۔ حضرت دے کے اِک حدیِث، حاضر حضوُر کرے پڑھائیا۔ دوُر دُراڈا دِسے نزدیِک، نیرن نیرا پندھ چُکائیا۔ جوتی جوت سروُپ ہرِ، آپ اپنی کِرپا کر، کرے کھیل دُھر دا ہرِ، نوُر نوُرانہ نوُر اِلاہیِا۔ سو پُرکھ نِرنجن ٹھانڈا میِتا، ہرِ پُرکھ نِرنجن بےپرواہیِا۔ پروردِگار ٹھانڈا سیِتا، اگنی تت تت بُجھائیا۔ کرے کھیل سدا انڈیِٹھا، جگ نیتر نظر کِسے نہ آئیا۔ اپنا بھانا وکھائے میِٹھا، جُگ چؤکڑی ویس وٹائیا۔ لکّھ چؤراسی پرکھے نیِتا، کھانی بانی پھول پھولائیا۔ جوتی جوت سروُپ ہرِ، آپ اپنی کِرپا کر، کرے کھیل ساچا ہرِ، سچ کرنی کار کمائیا۔ ساچی کار کرے کرتار، ہرِ کرتا وڈ وڈیائیا۔ درگاہ ساچی ہو کے خبردار، بےخبراں خبر سُنائیا۔ چؤداں طبق ہو بےدار، چؤداں لوک اکّھ رُشنائیا۔ گُر اوتار پَیغمبر نوُری دھار کرو وِچار، تن وجوُد نظر کوئے نہ آئیا۔ چار کُنٹ دہ دِشا پاوو سار، نؤ کھنڈ پرِتھمی ستّ دیِپ دھیان لگائیا۔ اُتّر پچھّم پوُرب دکھّن ہاہاکار، سانتک سَت نہ کوئے کرائیا۔ شاستر سِمرت وید پُران گیِتا، گیان انجیل قُرآن کھانی بانی رسنا جِہوا بتّی دند سارے رہے وِچار، ہِردے ہرِ نہ کوئے وسائیا۔ گُفت شُنید سُنے نہ کوئے گُفتار، گُفت گوُ وِچ جگت لوکائیا۔ حق منزل دِسے دُشوار، قدم قدم نہ کوئے ٹِکائیا۔ ملِے محبوُب نہ دُھر دا یار، امرت جام نہ کوئے پیائیا۔ نِج نیتر نوُر نہ کوئے اُجیار، اندھ اندھیر نہ کوئے مِٹائیا۔ ساچی سخیاں ہوئے نہ منگلاچار، گیِت گوبِند نہ کوئے الائیا۔ چار ورن اٹھاراں برن کھتری براہمن شوُدر وَیش چار کُنٹ کرن وِبھچار، سَت دھرم نہ کوئے وڈیائیا۔ تیرا کھیل پروردِگار، پاربرہم پتپرمیشور تیرا بھیو کوئے نہ آئیا۔ جوتی جوت سروُپ ہرِ، آپ اپنی کِرپا کر، کرے کھیل ساچا ہرِ، دُھر دا حُکم اِک سُنائیا۔ گُر اوتار پَیغمبر لَوو تکّ، دھرنی دھرت دھوَل دھؤل دھیان لگائیا۔ حقیِقت نظر نہ آئے حق، سَت وِچ نہ کوئے سمائیا۔ پڑھ پڑھ رسنا

جِہوا گئی تھک، سنسا من نہ کوئے مِٹائیا۔ سَت دھرم دا نظر نہ آوے ہٹّ، کوُڑی کِریا جگت ونج وکھائیا۔ جھگڑا پیا تیِرتھ تٹ، اٹھسٹھ پندھ نہ کوئے مُکائیا۔ مندر مسجد شِودوالے مٹھ، گُروُدوار سچ پریم دی اُبلے کوئی نہ رتّ، رتّی رتّ نہ کوئے وکھائیا۔ سب نوُں بُھلی برہم مت، پاربرہم میل مِلن کوئے نہ جائیا۔ سب دا ٹُٹا دھیِرج یت، سَت سنتوکھ نہ کوئے رکھائیا۔ جگت جگیاسوُآں من دیاں سنتاں اندروں بدلی نہ انتر والی اکّھ، نِرنتر درس کوئے نہ پائیا۔ جوتی جوت سروُپ ہرِ، آپ اپنی کِرپا کر، دُھر دا حُکم اِک دِرڑائیا۔ پُرکھ اکال کہے نیتر کھولو تیئی اوتار، ہرِ کرتا آپ دِرڑائیا۔ ساچا اِشٹ رہیا نہ کوئے سنسار، سنساری بھنڈاری سنگھاری نال مِلائیا۔ گرِہ سوامی ملِے کِسے نہ آن، ٹھاکر ٹھوکر نہ کوئے لگائیا۔ کوُڑی کِریا ہوئی پردھان، چاروں کُنٹ بھجےّ واہو داہیِا۔ ثابت رہیا نہ کوئے اِیمان، صِدق صبوُری نہ کوئے نِبھائیا۔ تیِس بتیِس پڑھ کے حدیِث قُرآن، کایا کعبہ حق محبوُب ملِے نہ ماہیِا۔ سرِشٹی دی درِشٹی ہوئی اَنجان، بُدھی بِبیک نہ کوئے کرائیا۔ من ممتا گھر گھر شرع وڑی شیَطان، جگت شریعت وِچ لڑائیا۔ سُنجا دِسے پنج تت مکان، دیِا باتی نہ کوئے رُشنائیا۔ جوتی جوت سروُپ ہرِ، آپ اپنی کِرپا کر، کرے کھیل ساچا ہرِ، ساچا حُکم اِک سُنائیا۔ ساچا حُکم دیوے کرتار، ہرِ کرتا وڈ وڈیائیا۔ جُگ چؤکڑی پاوے سار، نِت نوِت ویکھ وکھائیا۔ کلجُگ لہنا دینا جانے دُھر دی دھار، پڑدا اوہلا رہے نہ رائیا۔ صدی چؤدھویں پاوے سار، پڑدا پڑدیاں وِچوں اُٹھائیا۔ جِس دا لیکھا کاغذ قلم نہ لِکھنہار، کاتب چلے نہ کوئے چتُرائیا۔ جِتھے الف یے دا نہیں کوئی تکرار، جھگڑا ونڈ نہ کوئے ونڈائیا۔ دُھر دا کلمہ دیوے آپ اپار، رمز رمز وِچوں شنوائیا۔ جوتی جوت سروُپ ہرِ، آپ اپنی کِرپا کر، دُھر فرمانا اِک سُنائیا۔ دُھر فرمانا سُنو اگمّا اجّ، وجےّ حق ودھائیا۔ پروردِگار سانجھا یار دُھر دا ڈھولا سُناوے سدّ، نام نِدھانا اِک الائیا۔ نؤ کھنڈ پرِتھمی ویکھو جگ، چار کُنٹ دھیان لگائیا۔ ترےَگُن مایا لگّی اگّ، امرت میگھ نہ کوئے برسائیا۔ سَت دھرم دی سمجھے کوئی نہ حد، دیِناں مذہباں ونڈ ونڈائیا۔ گُر اوتار پَیغمبر جو نِشانہ آئے گّڈ، نِشانیوں اُکّی خلق خُدائیا۔ آتم پرماتم نالوں سمجھ کے اڈّ، جھگڑا تن وجوُد رکھائیا۔ ساچی منزل چڑھے کوئی نہ بھجّ، ملِے محبوُب نہ دُھر دا ماہیِا۔ جام پیالہ حقیِقی ملِے کوئی نہ مد، آبِ حیات رس نہ کوئے چکھائیا۔ اپنے نالوں آپا کر الگ، دُھر دا جوڑ نہ کوئے جُڑائیا۔ جوتی جوت سروُپ ہرِ، آپ اپنی کِرپا کر، دُھر دا حُکم اِک اُپجائیا۔ دُھر دا حُکم سُنو وار تِھت چھّبی پوہ، ودی سُدی نہ ونڈ ونڈائیا۔ جِس نوُں پرم پُرکھ کہِندے سو، سو صاحب سوامی

دُھردرگاہیِا۔ ہنگ برہم آپے ہو، نِرگُن نوُر نوُر رُشنائیا۔ کدے اِک نہ ہووے دو، دوُآ ایکے وِچ مِلائیا۔ سب دے اندر کرے لو، لوچن لوئن اِک کُھلائیا۔ مایا ممتا کڈھ گروہ، غُربت کوُڑی دینی کڈھائیا۔ جوتی جوت سروُپ ہرِ، آپ اپنی کِرپا کر، ساچی کرنی کار کمائیا۔ ساچی کرنی کرے پربھ آپ، اپنے ہتّھ رکھے وڈیائیا۔ جِس دا آد جُگادی اِکو جاپ، کلمہ نبی رسوُل دِرڑائیا۔ بھاگ لگا کے ماٹی خاک، پنج تت کرے رُشنائیا۔ ہوئے سہائی اناتھاں ناتھ، ہرِ کرتا دُھردرگاہیِا۔ جوتی جوت سروُپ ہرِ، آپ اپنی کِرپا کر، ہرِ کرتا دُھردرگاہیِا۔ دُھر دا حُکم اِک ورتنت، نہ کوئی میٹے میٹ مِٹائیا۔ پُرکھ ابناشی اِکو بھگوَنت، پروردِگار نوُر خُدائیا۔ جِس دا سندیشہ دیندے سنت، صوُفی اَناالحق دا نعرہ لائیا۔ دو جہاناں بن کے کنت، آتم پرماتم سیج ہنڈھائیا۔ سو بناوے ساچی بنت، گھڑن بھنّنہار بےپرواہیِا۔ ہرکھ سوگ رہن نہ دیوے چِنت، غمی غمخوار باہر کڈھائیا۔ جوتی جوت سروُپ ہرِ، آپ اپنی کِرپا کر، سب دا لیکھا ویکھ وکھائیا۔ گُر اوتار پَیغمبرو تکّو اپنی بِن دید، جگت ویکھ وکھائیا۔ جو کرکے آئے تاکید، حُکماں وِچ سُنائیا۔ سچ مقام دی دسّ کے آئے عیِد، نمازاں وِچ رُشنائیا۔ دُھر دی کر تبلیغ، کلمہ سچ سُنائیا۔ دسّ کے اِک رفیق، فرقے کوُڑ مِٹائیا۔ سو سب نوُں بُھلی نصیِحت، اصلیّت سمجھ کوئے نہ پائیا۔ جے کوئی سمجھے سچ خُدا ساڈی ولدیّت، دوُجا نظر کوئے نہ آئیا۔ دیِن دُنی مذہب مانَو نہیں تیری ملکیت، مالک اِکو اِک اکھوائیا۔ جِس دی سدا نوَ نوعیت، نِرگُن نوُر نوُر رُشنائیا۔ جوتی جوت سروُپ ہرِ، آپ اپنی کِرپا کر، دُھر فرمانا اِک دِرڑائیا۔ دُھر فرمانا سُنو اگمّی، اگمّڑا آپ جنائیا۔ نؤ جنوری دھار بدلنی نَویِں، نوَ نؤ چار وجےّ ودھائیا۔ پوَن سواس اِکو نام ہووے دمی، دامنگیِر اِک بنائیا۔ جھگڑا رہے نہ کایا ماٹی چمّی، چمّ درِشٹی لیَنی اُلٹائیا۔ دُھر سندیشہ سُننا اوس کنّی، جو انتر نِرنتر دئے پُچائیا۔ جِنہاں ربّ رضائے منّی، رحمت وِچ سیِس جھُکائیا۔ جوتی جوت سروُپ ہرِ، آپ اپنی کِرپا کر، دُھر دا حُکم اِک پرگٹائیا۔ دُھر دا حُکم اِک فرمانا، فُرنیاں وِچ وڈیائیا۔ دیونہارا برہم گیانا، نام سندیشہ اِک سمجھائیا۔ لیکھا جانے دو جہاناں، برہمنڈ کھنڈ پھول پھولائیا۔ درگاہ ساچی اِک ٹِکانا، منزل ملِے اِک الاہیِا۔ جِس دا نوُر اوسے پہچانا، دوُجا نظر کوئے نہ آئیا۔ جِس نوُں سجدیاں وِچ سارے کرن سلاما، سیِس جگدیِس جھُکائیا۔ اوہ شاہو بھوُپ وڈ اماما، جِس دی صِفت حضرت محبوُب بنا کے اِکو گائیا۔ حضرت کِہا سُنو کلمہ حقیِقی، حق حق سُنائیا۔ جِس دے وِچ اِک تؤفیِقی، مالک دُھردرگاہیِا۔ اُس دی قبوُل کرو عزیزی، سِر

سکے نہ کوئے اُٹھائیا۔ جِس دی تعلیِم سدا تمزیِبی، تہذیِبی کرے اِک پڑھائیا۔ اوس دی گُلشن جگت باغیچی، کائنات مہکائیا۔ جے مارو دھیان ویکھو صدی چؤدھویں بیِتی، جِس دا انت اگلا نظری آئیا۔ جوتی جوت سروُپ ہرِ، آپ اپنی کِرپا کر، دیونہارا ساچا ور، درگاہ ساچی بھیو کُھلائیا۔ درگاہ ساچی سُناوے شبد اِک انوکھا، بِن رسنا جِہوا بتّی دند الائیا۔ جِس دے وِچ نہیں کوئی دھوکھا، جھگڑا کوُڑ نہ کوئے لوکائیا۔ لوکمات دیوے اپنا مؤقع، مُکمل اپنا حُکم سُنائیا۔ اُنحاں دا قبوُل کرے روزع، جو رجوُہ رُچی اُس دے نال لگائیا۔ پریم پریِتی دا دے کے مُعجّزہ، مُعجّز اپنے لئے بنائیا۔ جِس دی بھال کردے کھوجا، ویکھن تھاؤں تھائنیا۔ جوتی جوت سروُپ ہرِ، آپ اپنی کِرپا کر، ساچی کرنی آپ کمائیا۔ سچ کہے خُداوَند کریِم، االلہ اِلاہی آپ دِرڑائیندا۔ طُلبیاں دسّو اِک تعلیِم، جِس دا نُقطہ نہ کوئے بدلائیندا۔ ملِے گھر اِک عظیِم، عالیشان آپ وڈیائیندا۔ جِس دی کرے نہ کوئے تقسیِم، دوُجا حِصّہ نہ کوئے پائیندا۔ خُدا دا مارگ آد توں سدا قدیِم، قُدرت دا قادر آپ چلائیندا۔ جوتی جوت سروُپ ہرِ، آپ اپنی کِرپا کر، ساچا فرمانا آپ پرگٹائیندا۔ سچ فرمانا دیوے دُھر دا اِک سندیشہ، دھرم دی دھار پرگٹائیا۔ گُر اوتار پَیغمبرو درگاہ ساچی کر لؤ ایکا، اِک آواز اُٹھائیا۔ تُسیں میرا نوُر اگمّی بیٹا، جِس نوُں جنمے کوئی نہ مائیا۔ اوتار پَیغمبر گُروُ میرا جُگ چؤکڑی بھیکھا، نِرگُن سرگُن وجےّ ودھائیا۔ پِچھلا سارے کر لؤ چیتا، جو پیشیِنگوئی آئے سُنائیا۔ صدی چؤدھویں پروردِگار دُھر دربار سچکھنڈ دوارے بہہ کے سب دی بدل دینی ریکھا، رِکھیاں مُنیاں اندر وڑ کے آپ سمجھائیا۔ جِس دی نہ کوئی داہڑی مُچھ کیسا، نہ کوئی موُنڈ مُنڈائیا۔ جو آد انت سدا رہے ہمیشہ، سدا سد اپنے وِچ سمائیا۔ جُگ بدلنا اوس دا ویسا، جوتی جوت سروُپ ہرِ، آپ اپنی کِرپا کر، دُھر دی ساچی کار دِرڑائیا۔ گُر اوتار پَیغمبر دیؤ جواب، ہرِ کرتا آپ سُنائیا۔ پوُرب دے ویکھو نواب، خالق خلق پڑدا رہیا اُٹھائیا۔ جِس نوُں سجدیاں وِچ کرو آداب، نمستیاں ڈنڈاوت وِچ نِیوں نِیوں لاگے پائیا۔ اُس دی منزل ویکھو محراب، پڑدا اِک چُکائیا۔ اوس دی بِنا اکھّراں توں کِتاب، بِنا صفحیاں توں انک بدلائیا۔ جِس دا سمجھے نہ کوئے حِساب، انکڑے ونڈ نہ کوئے ونڈائیا۔ سو کھیل ہونا پنجاب، پنچ وجےّ ودھائیا۔ سب دے نیَناں کھولے جاگ، سویا رہن کوئے نہ پائیا۔ سب دا سانجھا کرنا سماج، سمگری اپنا نام ٹِکائیا۔ تُوں میرا مَیں تیرا سب دے اندروں اِکو نِکلے آواز، ہوُ ہوُ نعرہ لائیا۔ لیکھے لاوے اوہ نماز، پنچم وقت پنچم کر رُشنائیا۔ جوتی جوت سروُپ ہرِ، آپ اپنی کِرپا کر، سب دا میلا

میل مِلائیا۔ گُر اوتار پَیغمبرو ویکھو اپنا دیِن دُنی، جگت دھیان لگائیا۔ سچ آواز کِسے نہ سُنی، انتر پڑدا نہ کوئے اُٹھائیا۔ وِدیا دے بن کے گُنی، وحدت وِچ کرن پڑھائیا۔ بِنا سچ نام کلمے توں بندا کوئے نہ دُھر دا مُنی، مُنیِشر اِکو نظری آئیا۔ جِس دے اندر امرت آتم دیوے اوہ چُلی، جو چار ورن دا جھگڑا دئے مُکائیا۔ جوتی جوت سروُپ ہرِ، آپ اپنی کِرپا کر، دُھر دا کلمہ اِک سُنائیا۔ دُھر دا کلمہ اِک محدوُد، واحد آپ پرگٹائیا۔ خالق پرِتپالک ویکھو والی عرش عروُج، شاہ پاتشاہ سچّا شہنشاہیِا۔ جِس دی صِفت کرے ہزارا دروُد، مہما بودھ اگادھ وڈیائیا۔ جِدھر تکّو اودھر مؤجوُد، ہر گھٹ وسیا بَیٹھا ڈیرہ لائیا۔ کدے ہووے نہ نیست و نابوُد، جڑ سکے نہ کوئے اُکھڑائیا۔ جے کوئی رمز اِشارہ لوَے بوُجھ، صوُفی ہو کے صحبت وِچ ڈھولے گائیا۔ جوتی جوت سروُپ ہرِ، آپ اپنی کِرپا کر، ساچا حُکم اِک دِرڑائیا۔ ساچا حُکم اِک سندیشہ، دُھر دا اِک سُنائیا۔ ویکھیو خُدا نوُں منّو نہ کوئی ویکھی ویکھا، اندر وڑ کے اپنا من لَینا سمجھائیا۔ مذہب دا کوئی نہ چُکیو ٹھیکا، ٹھیکیداری کمّ کِسے نہ آئیا۔ سادھ سنت صوُفی فقیِر مُنی کرن آئے ایکا، اِکو گھر دینا وکھائیا۔ اپنے من دی کلپنا ایتھے کر دیؤ سارے بھیٹا، ہنکار رہن کوئے نہ پائیا۔ او پیشوا بدل لؤ اپنا پیشہ، پیشیِنگوئی دُھر دی رہیا سُنائیا۔ اِکو حُکم مُلّا شیخا، مسائکاں کرے شنوائیا۔ پنڈت پاندھیِاں دیوے نیوتا، نیتر ہیِناں اکّھ کُھلائیا۔ شبد سندیشہ دے دھاری کیسا، قِسمت سب دی دئے بدلائیا۔ جو پریم پریِتی دسّ کے گیا دس دسمیشا، دہ دِشا ڈنک دینا وجائیا۔ جوتی جوت سروُپ ہرِ، آپ اپنی کِرپا کر، ایکا سب دی سیو کمائیا۔ سُنو حُکم اگمّ اتھاہ، بےپرواہ آپ جنائیندا۔ منّو اِک ربّ رضا، جو رحمت وِچ سمائیندا۔ سب دا مالک اِک خُدا، خُدی تکّبر میٹ مِٹائیندا۔ کِیوں اُس توں ہوئے جُدا، جُز ونڈ نہ کوئے ونڈائیندا۔ سب نوُں دسےّ سِدھا راہ، پھڑ باہوں منزل حق آپ چڑھائیندا۔ اُس دا ڈھولا گاؤنا ناں، ناؤں نِرنکارا اِک جنائیندا۔ سو کرے سدا نیاں، عدالت اِکو اِک جنائیندا۔ غریِب نِمانیاں کوجھیاں کملیاں مُفلِساں پھڑے بانہہ، پھڑ باہوں آپ اُٹھائیندا۔ جِنہاں نوُں پربھ مِلن دا چا، انتر آتم بنے ملاح، نئیا نؤکا اِک وکھائیندا۔ جِس کارن مُنی سنت فقیِر صوُفی آچاریئے اِکٹّھے ہوئے آ، عالم عِلم اِک سمجھائیندا۔ جوتی جوت سروُپ ہرِ، آپ اپنی کِرپا کر، ساچا کھیل اِک سمجھائیندا۔ چھّبی پوہ کہے مَیں آیا جگ، نؤ جنوری وڈّی وڈیائیا۔ سب نے جھگڑا دیِن مذہب دا دینا تج، اندر دوَیش رہے نہ رائیا۔ منزل اِکو ویکھنی بھجّ، جِتھے بھجن بندگی نوُر خُدائیا۔ سب نے حِصّہ لَینا اَگے ودھ، وعدہ پِچھلا یاد کرائیا۔ تُسیں

سارے پرم پُرکھ دی ید، جو سب دا پِتا مائیا۔ کلجُگ اگنی ویکھو اگّ، بِن ککھّاں رہی جلائیا۔ بِن مکّے کعبیوں کعبےحقیِقی دا کرو حج، جِتھے ملِے آپ خُدائیا۔ اِک آواز نال راز کھول کے نؤ ستّ، بانگ ازاں اِکو اِک سُنائیا۔ بِن بھگتاں سب دے خالی دِسن ہڈّ، تن وجوُد کمّ کِسے نہ آئیا۔ انتم ماٹی خاک دینا دبّ، اگنی اگّ وِچ جلائیا۔ جوتی جوت سروُپ ہرِ، آپ اپنی کِرپا کر، دُھر فرمانا اِک اُپجائیا۔ سُنو حُکم دُھر دا سُندر، سچ پَیغمبر اِکو اِک جنائیا۔ سب نے رچنا حق سوّمبر، جِس دی وجےّ چار کُنٹ ودھائیا۔ کوُڑی کِریا سب نے میٹنا اڈّمبر، جھگڑا موہ رہے نہ رائیا۔ ہرِ سوامی سرب بھرتمبر، گھٹ گھٹ رہیا سمائیا۔ ذرا منزل چڑھ کے ویکھو اندر، باہر لبھن دی لوڑ رہے نہ رائیا۔ بجر کپاٹی توڑو جِندر، نِج لوئن ہوئے رُشنائیا۔ پھیر کِسے دوارے کی جانا منگن، گھر بَیٹھیاں ملِے ماہیِا۔ ایہو دُھر دا ساچا مندر، مسجد ایسے نام الائیا۔ کرو پرکاش اندھیرے کندر، کایا کُٹیا پھول پھولائیا۔ من واسنا بنّھ لؤ بندر، بندگی اِکو لؤ اپنائیا۔ بودھ اگادھے بن جاؤ پنڈت، سِکھیا سچ سچ سمجھائیا۔ تُہاڈے دوار دا دوارا بہِشت جنّت، سوَرگاں توں پرے نِرگُن ہرے، جوتی جاتا ڈگمگائیا۔ جو سب دی آتم ورے، جوتی جوت سروُپ ہرِ، آپ اپنی کِرپا کر، سچ کرنی کار کمائیا۔ گُر اوتار پَیغمبر ویکھ کے ہوئے حَیران، حَیرانی سب دے انتر آئیا۔ کی کھیل ہووے جہان، جہالت وِچ لوکائیا۔ ثابت رہیا نہ کوئے اِیمان، عمل بُھلیا دُھردرگاہیِا۔ سمت سمتی بدلیا نِظام، نؤبت حق نہ کوئے وجائیا۔ جِدھر ویکھو تکّو ہوئے حرام، سانتک سَت نہ کوئے ورتائیا۔ من دی کلپنا سب نوُں کیِتا غُلام، غُربت اندروں نہ کوئے کڈھائیا۔ جگت اندھیرا ہویا شام، ساچا چند نہ کوئے چمکائیا ۔ جوتی جوت سروُپ ہرِ، آپ اپنی کِرپا کر، سچ دوار ایکنکار ایکا پڑدا رہیا اُٹھائیا۔ اوتار پَیغمبر کہن گُر، تیری بےپرواہیِا۔ تیرا حُکم سدا دُھر، لوکمات وجےّ ودھائیا۔ اسیں جا کے آئے مُڑ، تیرے تیرے وِچ سمائیا۔ صدی چؤدھویں تیری لوڑ، مِہربان اپنا پڑدا لےَ اُٹھائیا۔ سچ پریِتی نِبھا توڑ، ٹُٹی گنڈھ پوائیا۔ جیہڑے تیرا کلمہ گئے چھوڑ، تیرے نام توں کری جُدائیا۔ اوہناں دے کایا مندر اندر وڑ کے موڑ، ڈنڈا شبد ہتّھ اُٹھائیا۔ سب نوُں سانجھے مارگ تور، تُریا توں اگلا رستہ دے جنائیا۔ جِتھے نہ کوئی تور مور، موُرت اکال نظری آئیا۔ دوُجا پاوے کوئی نہ شور، رسنا جِہوا نہ ڈھولا گائیا۔ ساچے تند نال بنّھ دے ڈور، بندھن اپنا آپ رکھائیا۔ تیرا منتر فُرنا پُھرے پھور، سُرت نِرت وجےّ ودھائیا۔ کر پرکاش اندھیر گھور، اندھ اندھیر دے گوائیا۔ جگت دُنی ہوئی ٹھگ چور، مایا ممتا وِچ ہلکائیا۔ جوتی جوت سروُپ

ہرِ، آپ اپنی کِرپا کر، اپنا حُکم اِک بدلائیا۔ پُرکھ اکال کہے گُر اوتار پَیغمبر ویکھو اگمّا کھیل، ہرِ کرتا آپ کرائیا۔ دُھر دے حُکم نال اندرے اندر سب دا کراں میل، دوَیش دُئی رہن کوئے نہ پائیا۔ کر پرکاش بِن باتی تیل، نِرگُن نوُر ڈگمگائیا۔ ورن برن بنا کے سجّن سُہیل، ہِندوُ مُسلم سِکھ عیِسائی پارسی بودھی جَینی جوڑ جُڑائیا۔ ساچے نام دے کنڈے تولاں تول، اتُل اِک اکھوائیا۔ جیہڑی دُنیا سرِشٹی کائنات سُتّی انبھول، سب دا نیتر نیَن دیاں کُھلائیا۔ جگت دی نئیا رہی ڈول، پتن پار نہ کوئے کرائیا۔ جو پَیغمبراں کیتےِ قؤل، اوتاراں بول نِبھائیا۔ جِس نوُں سمجھے کوئی نہ پنڈت پاندھا رؤل، حِساب وِچ نہ انک بنائیا۔ اوہ دوارا دینا کھول، جِس نوُں خلق نِیوں نِیوں سیِس نِوائیا۔ پربھ نے کِسے نال نہیں مارنا رول، رؤلے وِچ مؤلا دئے وکھائیا۔ صوُفی سنت بَیٹھے رہن اڈول، سانتک سَت سَت سمائیا۔ جوتی جوت سروُپ ہرِ، آپ اپنی کِرپا کر، اپنا حُکم آپ ورتائیا۔ گُر اوتار پَیغمبر کہن سچ خُدا کریں کی، کرتے دے دِرڑائیا۔ کِس بِدھ جگت سمجھاویں جی، جیِو جنت بھیو مِٹائیا۔ جو پِچھے چار جُگ دی لیِہ، کِویں رستہ دئیں بدلائیا۔ جو لوکمات بیِج آئے بی، پتّ ڈالی پُھل نال مہکائیا۔ جوتی جوت سروُپ ہرِ، آپ اپنی کِرپا کر، اپنا بھیو دے کُھلائیا۔ پروردِگار کہے سُنیو میرے میِت، مِترو دیاں جنائیا۔ جُگ چؤکڑی بدلاں ریِت، دُھر دی دھار آپ سمجھائیا۔ جدوں بدلیا مَیں اپنا نام کلمہ رسنا نال دسّ کے گیِت، رام توں شام شام توں االلہ االلہ توں سَتنام واہِگُروُ اپنے وِچ سمائیا۔ سب نوُں کر کے بھےَ بھیِت، آپ اپنا پڑدا دیاں اُٹھائیا۔ ساچے مُنیاں دے وس کے اندر چیِت، چِت ٹھگؤری باہر کڈھائیا۔ جِتھے جھگڑا رہے نہ اوُچ نیِچ، ذات پات نہ ونڈ ونڈائیا۔ سب دی کراں آپ تصدیِق، شہادت اوَر نہ کوئے بُھگتائیا۔ مارگ دسّ اِک باریِک، منزل دُھر دی دیاں چڑھائیا۔ جِس نوُں سمجھدے دوُر اوہ سدا اندر نزدیِک، ہمساجن بَیٹھا نظری آئیا۔ اکّھاں دے پِچھے ویکھو قریب، قُدرت دا قادر نوُر رُشنائیا۔ سارے اِکٹّھے اوس دے بن جاؤ عزیِز، نِیوں نِیوں سیِس جھُکائیا۔ سَت دھرم دی پریِت، ہر پریِتم دئے پرگٹائیا۔ دوُجا رہے نہ کوئے بیِچ، جے وِچوں من لَوو بدلائیا۔ اجّ دی یاد رکھِیو تاریخ، جِس کارن سنت مہاتما اِکٹّھے ہو کے بَیٹھے ڈنک وجائیا۔ اندھیرا رہن نہیں دینا تاریِک، ایکا نوُر ہوئے رُشنائیا۔ سچ پریم وِچ بِرہوں وِچھوڑے وِچ پرم پُرکھ دی یاد وِچ اوس خُدا دی آد وِچ سب دے اندروں نِکلے سوہنگ چیِک، چیِک چِہاڑا کوُڑا رہن کوئے نہ پائیا۔ اپنے اندر تکّو نیِکن نیِک، جو نِکّیوں وڈے دئے بنائیا۔ جِس دی گُر اوتار پَیغمبر کر کے گئے تاکید، حُکماں وِچ سُنائیا۔ جوتی

جوت سروُپ ہرِ، آپ اپنی کِرپا کر، ساچی کرنی آپ سمجھائیا۔ گُر اوتار پَیغمبر دُھر دا گُل دستہ، پُھل اگمّی نظری آئیا۔ جِتھے امرت میگھ دُھر دا جھِرنا جھِردا، آبِ حیات نوُر اِلاہیِا۔ جو بِنا غُنچیوں آد جُگاد کھِلدا، بِنا پتّ ڈالی رہیا مہکائیا۔ جے راز سمجھو اپنے جانی دِلبر دِل دا، دلیِل دا جھگڑا رہے نہ رائیا۔ ایہہ کھیل ماتر چھِن دا، پڑدیاں وِچوں پڑدا دئے اُٹھائیا۔ نظارہ تکّ لؤ اپنے تِل دا، جو ترےَگُن ڈیرہ ڈھاہیِا۔ بِنا کایا کعبےتوں ہور کِتے نہیں مِلدا، بن کھنڈ ہتّھ کِسے نہ آئیا۔ جِس نے پڑدا لاہیِا اپنی سِل دا، سلل ہو کے وِچ سمائیا۔ ایہہ کھیل کوئی نہیں رات دِن دا، اٹّھے پہر وجےّ ودھائیا۔ جوتی جوت سروُپ ہرِ، آپ اپنی کِرپا کر، سدی صدیوی کھوج کھوجائیا۔ صدی کہے مَینوُں ہویا صدمہ، دُکھاں نال کُرلائیا۔ قدم بوسی کراں محمد قدماں، نِیوں نِیوں سیِس جھُکائیا۔ جِس نے سب دا چُکاؤنا بدلہ، بدلی کرے خلق خُدائیا۔ حق دوارے اِکو عدلا، اِنصاف دئے گواہیِا۔ ویکھنہارا سب دیاں مزلاں، منزل پھول پھولائیا۔ جو ترانیاں وِچ گاؤندے غزلاں، گہر گمبھیِر صِفت صلاحیِا۔ اوہناں دے مُڑ نہ آوے عزلا، اِزرائیل جبرائیل میکائیل اسرفیل کرے صفائیا۔ اوتھے نہ کوئی مقتوُل نہ کوئے قاتل نہ کوئی کرے قتلا، قتل گاہ نہ کوئے وکھائیا۔ جِتھے رحمت ہو جائے فضلا، خَیر بندگی دیوے پائیا۔ جوتی جوت سروُپ ہرِ، آپ اپنی کِرپا کر، گُر اوتار پَیغمبراں دیِن دُنی رہیا وکھائیا۔ گُر اوتار پَیغمبرو اپنا ویکھو سنسار، دیِن مذہب نِدھان لگائیا۔ کوَن حقیِقی کرے پیار، ساچی کِرت کمائیا۔ کوَن ہویا خِدمتگار، خادم ہو کے سیِس جھُکائیا۔ کوَن دھوُڑی منگے چھار، مستک خاک رمائیا۔ کوَن درس لوچے یار، پڑدا اکّھ اُٹھائیا۔ کؤن ملِے میل پروردِگار، پاربرہم برہم برہم وِچ سمائیا۔ اپنا لیکھا دسّو وارو وار، کتھنی کتھ نہ کوئے جنائیا۔ جوتی جوت سروُپ ہرِ، آپ اپنی کِرپا کر، انت اَخیِری ویکھ وکھائیا۔ گُر اوتار پَیغمبر کہن چھّبی پوہ دی آئی رُت، رُتڑی مات مہکائیا۔ سارے تیری دھاروں اُٹھ، نِرگُن نوُر جوت رُشنائیا۔ دہ دِشا ویکھیئے چار کُنٹ، بِن اکّھاں اکّھ کُھلائیا۔ سَت دھرم دا دِسے کوئی نہ سُت، اپرادھی بَیٹھے مُکھ بھوائیا۔ اُجل کرے کوئی نہ مُکھ، دُرمت مَیل نہ کوئے دھوائیا۔ دُنیا دِسے کوئی نہ سُکھ، شاہ سُلطان رہے کُرلائیا۔ جے کِرپا کریں ساچے سنتاں لَویں پُچھ، انتر وڑ کے آپ اُٹھائیا۔ کُچھ بھیو دسّو مُجھ، سہج نال سُنائیا۔ کِس دھندے جانا رُجھ، کیہڑی کرنی کِرت کمائیا۔ بھیو کھولنا گُجھ، پڑدا اوہلا رہے نہ رائیا۔ جوتی جوت سروُپ ہرِ، آپ اپنی کِرپا کر، ساچا حُکم اِک سُنائیا۔ گُر اوتار پَیغمبر کہن ساڈے چار جُگ دے پٹے، صدی صدی ویکھ

وکھائیا۔ دیِناں مذہباں پےَ گئے رٹےّ، جھگڑا کرے جھگڑے وِچ لوکائیا۔ تیری منزل کوئی نہ دسےّ، اپنیِاں اُنگلیاں رہے لگائیا۔ مایا ممتا وِچ پھسے، جگت سنیاسی سمجھ کِسے نہ آئیا۔ کوئی نہ ویکھے سب نوُں اِک اکّھے، دوئے نیَن دین دُہائیا۔ جگت سادھوُآں قیِمت پا لئی اپنی ٹکے، مایا اُتوں گھر گھر پھیریاں پائیا۔ جے کوئی مُنی ورگے ہوون پھٹے، ننگی پَیریں بھجّن واہو داہیِا۔ ضیاالحق وانگ آون نَٹھے، عتیِقُل رحمان وانگ کرن دھائیا۔ پھیر سمجھو سادھوُ سچّے، جِنھاں دے درد پریم دی نظری آئیا۔ بِن پریِتوں سارے یاری دے کچّے، ٹُٹی گنڈھ نہ کوئے وکھائیا۔ ایتھے سب نے قؤل اِقرار کرنے پکّے، وعدہ اپنا اپنے نال رکھائیا۔ بھاویں کوئی مدیِنے بھاویں کوئی سِر جھُکاوے مکّے، مالک اِکو نظری آئیا۔ بھاویں کوئی مندر جاوے تیِرتھ اٹھسٹھے، گنگا گوداوری جمنا سُرستی نہا نہا خوشی منائیا۔ بھاویں کوئی گُردوار سِر مستک رولے گھٹّے، متھا خاک چُھہائیا۔ جِناں چِر اندروں من دوَیت دے مِٹن نہ رٹےّ، رام نظر کِسے نہ آئیا۔ ایس ویلے ویکھیئے تھوڑے سادھوُ سنت فقیِر بچے، جو بچن دُھر دا پوُر کرائیا۔ جِنہاں دے اندر نہیں منمتے، ممتا موہ بَیٹھے گوائیا۔ ویکھو بودھی بَیٹھے بن کے بھائی سکے، آچاریئے مِل کے وجےّ ودھائیا۔ جِنہاں دے لوُں لوُں اندر ہرِ پربھوُ پیارا رچے، رچنا اپنی رہیا سمجھائیا۔ اوہ خوشیاں دے وِچ ہسّے، ہسّ ہسّ ڈھولا رہے گائیا۔ جوتی جوت سروُپ ہرِ، آپ اپنی کِرپا کر، اپنا حُکم آپ اُپجائیا۔ گُر اوتار پَیغمبر کہن پربھ جگت رہے نہ کوئی تکرار، جھگڑا دِسے نہ کوئے لوکائیا۔ ساڈا پوُرا ہویا اِقرار، قؤل پِچھلا دینا نِبھائیا۔ انتم تیری آئی وار، وارتا اپنی دے سمجھائیا۔ نِرگُن بن جا سانجھا یار، عرشاں دے مالک فرشاں اُتے وجےّ ودھائیا۔ سارے تیرے ہوون خِدمتگار، خادم غُلام ہو کے نفراں وانگ سیِس جھُکائیا۔ عبادت وِچ صداقت وِچ تیرا کرن دیِدار، نیامت وِچ اپنی رحمت جھولی پائیا۔ ایہہ اجّ دا وِوہار، مریادا جگت سنسار، مُنی سُشیل دا اوہ لِکھیا جانا اِشتہار، جو اِشتہاری مُلزم سارے پھڑ لیائیا۔ کِرپا کرنی آپ کرتار، پچپن مُلکاں سندیشہ دینا اجّ دی رات پہلی وار، دُھر دا حُکم اِک سُنائیا۔ جوتی جوت سروُپ ہرِ، آپ اپنی کِرپا کر، کرنی کرتا کار کمائیا۔ گُر اوتار پَیغمبر کہن صاحب سَتگُر واہ واہ، واہوا تیری وڈ وڈیائیا۔ جے سب دا سانجھا کریں راہ، رہبر ہو کے آپ سُنائیا۔ تیری چلن سرب رضا، سِر سکے نہ کوئے اُٹھائیا۔ واحد اِکو ہوویں خُدا، پتپرمیشور نوُر اِلاہیِا۔ دُھر دی عبادت اِکو دے سِکھا، ساکھیات کر پڑھائیا۔ جیہڑا کلمہ کِسے نہیں لِکھا، اوہ عالماں عِلم دینا جنائیا۔ جِس دا چھپیا نہیں کوئی چِٹھا، حرفاں ونڈ نہ کوئے ونڈائیا۔ سچ

دوار رکھیا سدا انڈِٹھا، آپ اپنے وِچ ٹِکائیا۔ جوتی جوت سروُپ ہرِ، آپ اپنی کِرپا کر، دُھر دا حُکم دینا ورتائیا۔ دُھر دا حُکم دسّ اِک قانوُن، قاعدہ باقاعدہ دے چلائیا۔ سارے تیرے ہون ممنوُن، سیِس جگدیِس نِوائیا۔ جھگڑا مُکا کوُڑ مزلوُم، مُلزم رہن کوئے نہ پائیا۔ ساری سرِشٹی تیرے در تے آوے بن ہجوُم، حُجرہ اِکو دینا پرگٹائیا۔ تیرا کھیل نہ معلوُم، بِن تیری کِرپا سمجھ کوئے نہ پائیا۔ جوتی جوت سروُپ ہرِ، آپ اپنی کِرپا کر، پڑدا اوہلا دینا اُٹھائیا۔ پروردِگار کہے میری انوکھی سِکھیا، سِخر چوٹی چڑھ کے دیاں جنائیا۔ جگت جہان جانو مِتھیا، تِھر رہن کوئے نہ پائیا۔ پیِر پَیغمبر کوئی نہ ٹِکیا، پنج تت وجوُد ہوئی جُدائیا۔ جِنھاں شاستر سِمرت وید پُران انجیل قُرآن کھانی بانی مُحبّت پیار وِچ لِکھیا، حرف بحرف جوڑ جُڑائیا۔ تِنھا بےنظیِر شاہ حقیِر اِکو روُپ ویکھیا، تکّیا دُھردرگاہیِا۔ سو صاحب سوامی انترجامی گھٹ نِواسی پُرکھ ابناشی پاربرہم پتپرمیشور کھیل کرے اپنے ویسیا، اکل کل دھاری اپنی کل ورتائیا۔ جوتی جوت سروُپ ہرِ، آپ اپنی کِرپا کر، مِہر نظر اِک اُٹھائیا۔ جو چھّبی پوہ دی کرن آئے صدارت، صدمے جگت مِٹائیا۔ اوہناں دے انتر اوس دی اِک سفارش، جو شفا کر کے دئے وکھائیا۔ جِس دی مُحبّت والی عبارت، تعلیِم دُھردرگاہیِا۔ سب نے اِکٹّھیاں ہو کے دیِن دُنی دی جھگڑیاں والی بدل دینی عادت، ساچا راہ سچ نال چلائیا۔ ایہہ پاربرہم پتپرمیشور حق خُدا نے دِتی اِجازت، ایسے کر کے اِکٹّھے ہو کے سچ سگنٹھن رہے بنائیا۔ جن بھگتو اندروں کڈھ دیؤ کوُڑی آتش، سازش من رہے نہ رائیا۔ ساچے نام دی لا لؤ ماچس، جو سب دی کرے صفائیا۔ پربھ دا نوُر بن جاؤ خالص، خواہ مخواہ نہ جنم گوائیا۔ ویکھیو نفرت وِچ کوئی سؤں نہ جائیو بن کے آلس، نِندرا باہر کڈھائیا۔ انتر من رہے نہ تامس، ترِشنا کوُڑ مِٹائیا۔ موُرکھ مُگدھ نہ رہنا اَنجانت، بُدھ بِبیک کرائیا۔ سدا جینا صحیح سلامت، اَمانت پربھ دی بھیٹ کرائیا۔ جوتی جوت سروُپ ہرِ، آپ اپنی کِرپا کر، ساچا کھیل آپ ورتائیا۔ گُر اوتار پَیغمبر کہن ویکھ اپنی کائنات، نِروَیر دھیان لگائیا۔ اپنا پڑدا کھول تاک، تقویٰ سب دا دے بنائیا۔ بِن تیرے کرے نہ کوئے اِتفاق، نِفاق سکے نہ کوئے کڈھائیا۔ تیری رحمت ہووے دات، بخشش نام جھولی پائیا۔ پھیر سب دی لیکھے لگّ جائے اجّ دی رات، رَین سُہنجنی وجےّ ودھائیا۔ اَگے سَت دھرم دی اُپجے پربھات، سَت سچ دی وجےّ ودھائیا۔ سُکھ نال دُکھ وِچوں ہووو اِکانت، جھگڑا موہ مِٹائیا۔ اندروں کڈھ دیؤ بُھلیکھا بھرانت، بھرم رہے نہ رائیا۔ ایہہ سنتاں کولوں سمجھن والی بات، جیہڑی جگت وِدیا وِچوں ہتّھ کِسے نہ آئیا۔ ویکھیو

کوئی نہ بنِیو گُستاخ، غُصّہ گِلہ نہ کوئے جنائیا۔ تُہاڈے انتر نِرنتر اُپجے اوہ وَیراگ، جو وَیری اندروں دئے کڈھائیا۔ پریم دی جوتی دا جگا کے جانا چراغ، چُغلی نِندیا اندروں دینی سُٹائیا۔ اِک دے ہتّھ پھڑاؤنی اپنی واگ، گھر گھر در در اپنا سیِس نہ کوئے جھُکائیا۔ جِتھے نہیں سوال تے نہیں جواب، حُکم وِچ حُکم دئے بدلائیا۔ سو سب دی کِریا کوُڑ کرے برباد، سَت سچ حق اُپجائیا۔ جوتی جوت سروُپ ہرِ، آپ اپنی کِرپا کر، قُدرت قادر ویکھ وکھائیا۔ گُر اوتار پَیغمبر کہن کر سلام جھُک، نمستے سیِس نِوائیا۔ سب دا پیَنڈا رہیا مُک، مُکمل دئیے جنائیا۔ جے مالک خالق پرِتپالک صاحب سوامی انترجامی اپنے نام دی دسّیں اِکو تُک، دُھر دی سِکھیا اِک جنائیا۔ گڑھ ہنکار دا بوُٹا اندروں دیویں پُٹ، انتر رہن کوئے نہ پائیا۔ بھاگ لگّے کایا ماٹی بُت، تن وجوُد ہوئے رُشنائیا۔ پڑدا رہے نہ اوہلا لُک، لُقمہ کوُڑ نہ کوئے کھائیا۔ سچ محلے وِچوں اُٹھ، آپ اپنی لےَ انگڑائیا۔ دیِناں ناتھا آپے تُٹھ، مِہر نظر ٹِکائیا۔ تیرا کھیل ابناشی اچُت، چار کُنٹ رُشنائیا۔ دیِن دُنی بھری نال دُکھ، گھر گھر رہی کُرلائیا۔ کیہڑی گلّوں سب دے مالک گِیوں رُس، پلّوُ اپنا آپ چُھڈائیا۔ جوتی جوت سروُپ ہرِ، آپ اپنی کِرپا کر، ویلا وقت دے سُہائیا۔ ویلا وقت ویکھ آ کے نیڑے، دوُر دُراڈا پندھ مُکائیا۔ دیِن دُنی دے ودھ گئے جھیڑے، جھگڑا مذہب کرے لڑائیا۔ تیرے چڑھے کوئی نہ بیڑے، نئیا نؤکا پار نہ کوئے کرائیا۔ کوٹن کوٹ سَتگُروُ بنے بتھیرے، سَت سَت رہے سُنائیا۔ انِگنتاں وِچوں کوٹاں وِچوں تھوڑے تیرے چیرے، جو تیرے نال مِل کے تیری ریِت رہے چلائیا۔ سوُربیِر بن کے جودھے وڈ دلیرے، اپنی طاقت رہے وکھائیا۔ سارے نِکل جاؤ وِچوں دیِن مذہب دے گھیرے، گھِرنا اندروں دیؤ کڈھائیا۔ دھرنی دھرت دے کُھلے ویہڑے، چار کُنٹ مانَس مانُکھ مانَو نظری آئیا۔ جوتی جوت سروُپ ہرِ، آپ اپنی کِرپا کر، ویکھنہارا چائیں چائنیا۔ پروردِگار کہے کی دسّی گلّ، بِن اکّھاں دھیان لگائیا۔ کی دُنیا اندر وڑیا چھل، دھوکھے وِچ دُہائیا۔ زبانوں بدلن گھڑی گھڑی پل پل، وِشواس رہن کوئے نہ پائیا۔ سب دا اندر گیا ہلّ، ہلکے ہو کے بھجّن واہو داہیِا۔ کوُڑی کِریا سب نوُں چنگا لگّے پھل، کلجُگ پھلیبھوُت رہیا کرائیا۔ سب دا نِربل ہویا بَل، بلدھاری اپنی بہیا نہ کوئے اُٹھائیا۔ سنت سماجی حق اِمدادی سیاست وِچ جاوے کوئی نہ رل، وِراثت ہرِ کا نام جنائیا۔ جو ایتھے آئے چل، وہِندی دھار لنگھ کے جل، ڈوُنگھی پار کر کے ڈلّ، اپنا پندھ مُکائیا۔ سب دا میٹنا دوَیت دا سلّ، جوتی جوت سروُپ ہرِ، آپ اپنی کِرپا کر، دُھر دا سنگ اِک بنائیا۔ پروردِگار کہے سارے بن جاؤ

سنگی ساتھی، سگلا سنگ بنائیا۔ اِک اِکلّا جگت محلا سب دی کرے راکھی، رکھک ہو کے ویکھ وکھائیا۔ سب دا لہنا دینا دیواں باقی، تن خاکی پھول پھولائیا۔ ساچی منزل چڑھ جاؤ گھاٹی، جِس دا پندھ جگت سکے نہ کوئے سمجھائیا۔ ساچے سنتو تُہاڈے کول اوہ اگمّی راشی، جو ونڈیاں مُک کدے نہ جائیا۔ جگت جہان دی شرع زنجِیر دی کٹ دیؤ پھاسی، فَیصلہ اپنے نال کرائیا۔ ایہہ سُنیہڑا دُھر دی پاتی، پترکا اِک پرگٹائیا۔ جیِون وِچوں جیِون حیاتی وِچوں حیاتی کھول کے جانی تاکی، لیکھے لگّ جائے چھّبی پوہ دی راتی، رتن امولک ہیِرے نظری آئیا۔ جوتی جوت سروُپ ہرِ، آپ اپنی کِرپا کر، پڑدا اوہلا رہیا اُٹھائیا۔ پڑدا اوہلا دیواں کھول، اندروں گنڈھ کُھلائیا۔ سَت دھرم دا جَیکارا سارے دیوو بول، بولی سب دے نال مِلائیا۔ من واسنا نال کرناگھول، اندرے اندر لَینا ڈھاہیا۔ آپے نظر آ جائے نوُر اوہ سوہل، جو سوَیم سب دے وِچ سمائیا۔ ایہہ سنت سماگم کوئی نہیں مخؤل، شاہ سُلطاناں دے سِر دئے جھُکائیا۔ ویکھیو کی کھیل ہونا اُتے دھؤل، دھرنی دھرت دھوَل نیتر نیَناں نیِر وہائیا۔ سب دا نِکل جانا پول، جھوُٹھا پوپ رہن کوئے نہ پائیا۔ جوتی جوت سروُپ ہرِ، آپ اپنی کِرپا کر، دیونہارا ساچا ور، ساچا ناتا رہیا جُڑائیا۔ گُر اوتار پَیغمبر کہن پربھ ساچی کر دے جوڑی، آتم پرماتم میل مِلائیا۔ االلہ ہوُ تیری کھیل دوہری، ایکا دوُآ دوُآ ایکا ایکا ایکے وِچ مِلائیا۔ جن بھگتاں نال کریں کدی نہ چوری، صوُفیاں سنتاں اندر مِل کے اپنا رنگ رنگائیا۔ تیری مِل جائے بِنا ڈنڈے توں چڑھن والی پؤڑی، منزل اِکو وار مُکائیا۔ جوتی جوت سروُپ ہرِ، آپ اپنی کِرپا کر، اگلا پڑدا دینا اُٹھائیا۔ اگلا پڑدا سُنو بھیو، دُھر دا مالک آپ سمجھائیا۔ جِس نوُں منّدے دیوی دیو، دیوت سُر مُن جن سیِس جھُکائیا۔ جو آد جُگاد داتا الکھ ابھیوَ، اگوچر کہن کوئے نہ پائیا۔ سچ دوار وسے سدا نِہکیو، نِہچل دھام ڈیرہ لائیا۔ گا نہ سکے رسنا جِہو، کتھنی کتھ نہ کوئے سمجھائیا۔ جوتی جوت سروُپ ہرِ، آپ اپنی کِرپا کر، ساچا رنگ رہیا چڑھائیا۔ ساچا رنگ چڑھاوے ایک، ایکا ایک دئے وڈیائیا۔ سارے اِک دی رکھو ٹیک، جو ٹِکّے مستک نام سب دے متھے آپ لگائیا۔ آتم پرماتم مِل کے رہے کوئی نہ بھیت، نوُر نوُرانہ نوُر الاہیِا۔ کُچھ کھیل ہونا ایس مہینےِ جیٹھ، جو بھجّیا آوے واہو داہیِا۔ راج راجاناں پیڑ پَینی وِچ پیٹ، پٹّی بنھن والا نظر کوئے نہ آئیا۔ لہِندی دِشا لَینا ویکھ، بِن اکّھاں اکّھ کُھلائیا۔ جھگڑا ہونا اوس دیش، جِس دا عیسیٰ موُسیٰ حضرت محمد لیکھا گئے جنائیا۔ جِس نوُں سمجھے کوئی نہ مُلّا شیخ، بُدھی وِچ رمز نہ کوئے جنائیا۔ جوتی جوت سروُپ ہرِ، آپ

اپنی کِرپا کر، کرے کھیل ساچا ہرِ، ساچا پڑدا آپ اُٹھائیا۔ گُر اوتار پَیغمبر کہن سُنیا سچ حال، حالت ویکھے جگت لوکائیا۔ چاروں کُنٹ کوُکے کال، کلا اپنی رہیا پرگٹائیا۔ دھرم دوار دھرم نہ رہیا کوئی دھرم سال، سچ سَت نظر کوئے نہ آئیا۔ جِدھر ویکھو بِن ہرِ نامے سارے ہوئے کنگال، کفنی اوڈھن کمّ کِسے نہ آئیا۔ اَگے توں اِک پربھوُ نوُں بناؤ دلال، جو سب دی آسا منسا پوُرا کرے سوال، سوالی مُڑ کوئے نہ جائیا۔ جنم کرم دا لیکھا نام عبادت لیکھے لاوے گھال، قیِمت کرتا آپ چُکائیا۔ اوہ سجّن میِت مُرارا سانجھا یارا اپنے اندروں لَینا بھال، بھالیاں ہتّھ کِسے نہ آئیا۔ ویکھو کھیل اجّ کمال، سنت ساجن بَیٹھے اِک دوُجے نال، جِنہاں بدلنی جگت اَولّڑی چال، جگت جنجال دینا تُڑائیا۔ پریم دا دِیپک دینا بال، جوتی جوت سروُپ ہرِ، آپ اپنی کِرپا کر، مِہر نظر اِک اُٹھائیا۔ گُر اوتار پَیغمبر کہن اسیں ویکھنا دِیپک بلدا، تن خاکی دھیان لگائیا۔ کِس بِدھ سنت سماج چلدا، کوُڑا چلت مِٹے لوکائیا۔ ہِندوُ مُسلم سِکھ عیِسائی کِویں مِلدا، مِل مِل وجےّ ودھائیا۔ جھگڑا مکُے کایا بھوَری بِل دا، ڈوُنگھی بھوَری نہ کوئے پِھرائیا۔ جِس دا روُپ اگمّی نیل دا، بسن بنواری اِک اکھوائیا۔ اوہدا کھیل نہیں ہُن ڈِھل دا، اِکو ڈنکا رہیا سُنائیا۔ اَگے لہنا دینا لیکھا کِس کِن دا، کوَن دیوے چائیں چائنیا۔ جِنہاں نوُر جاتا اِکو چِنھ دا، چشم دیِد کرن رُشنائیا۔ جوتی جوت سروُپ ہرِ، آپ اپنی کِرپا کر، ساچا راہ اِک سُنائیا۔ چھّبی پوہ کہے مَیں ہو وڈبھاگا، بھاگاں والیاں دیاں جنائیا۔ لوکمات جگن لگّا اوہ چراغا، جِس دا نوُر بُجھ کدے نہ جائیا۔ سب دا دُھپن لگّا دُرمت والا داغا، دغیباز رہن کوئے نہ پائیا۔ جِس کارن کھیل ہویا دیس ماجھا، گُر اوتار پیِر پَیغمبر ایتھے نِشانہ گئے سُنائیا۔ جِنہاں پڑھیا کا کھا گا گھا، گھائل ہوئے وِچ لوکائیا۔ ویکھیو کوئی ویکھن نہ آئیو جگت تماشا، ایہہ سنتاں دا سچ دوار، دھرم دا پرچار، جیِو دا اُدھار، کوئی ٹھہر نہ سکے گوار، ہنکاری نظر کوئے نہ آئیا۔ سارے بولو ساڈا اِک دے نال پیار، جو سب دا پِتا مائیا۔ ساچے سنتاں اُتے کرو اِعتبار، جو کلمہ دُھر دا دین سمجھائیا۔ جگت وِچ نہیں ہونا خوَار، مَیل اندروں دینی کڈھائیا۔ پُرکھ اکال دا اِک دیِدار، سچ خُدا سیِس نِوائیا۔ اسیں اوس دے برخوردار، جِنھ ساڈی بنت بنائیا۔ جو سبناں دا سانجھا یار، ہِندوُ مُسلم سِکھ عیِسائی میل مِلائیا۔ مُحبّت دا غمخوار، غمی اندروں دئے کڈھائیا۔ سب دا میِت اِکو جِس دا سچ سچّا دربار، درگاہ ساچی سوبھا پائیا۔ جِس نوُں جھُکدے گُروُ اوتار، پَیغمبر سجدیاں وِچ نِیوں نِیوں سیِس نِوائیا۔ جوتی جوت سروُپ ہرِ، آپ اپنی کِرپا کر، ہرِ اپنی کار کرائیا۔ ویکھو کھیل

خالق خلق، مخلوُق اِک جنائیا۔ نوُر نوُرانہ ویکھو فلک، پلک پِچھے کرے رُشنائیا۔ جِس دا تاب جھلّے نہ کوئی جھلک، موُسیٰ کوہ طوُر ڈگمگائیا۔ جو والی اُپر عرش، سو ویکھنہارا فرش، سب اُتے رحمت کرے ترس، امرت میگھ دیوے برس، نِج آتم دے کے درس، جگت واسنا میٹ کے حرص، پوُرب لیکھا چُکا کے قرض، آون جاون میٹ کے مرض، سچ دوارے کر کے درج، فرض اپنا پوُر کرائیا۔ کلجُگ ویکھو اندھیرا گرد، سب دی پُٹھی ہونی نرد، جودھا سوُربیِر بہادر دِسے کوئی نہ مرد، مدد وِچ شاہ سُلطان بَیٹھے پِٹھ وکھائیا۔ گُر اوتار پَیغمبراں درگاہ ساچی منظوُر ہووے عرض، جگت نام کلمے دی بن جاوے کرد، تعلیِم عظیِم اِکو اِک سمجھائیا۔ جوتی جوت سروُپ ہرِ، آپ اپنی کِرپا کر، دیونہارا ساچا ور، منزلے مقصوُد، جو حد وِچ کدے نہ ہویا محدوُد، بندھن سارے دئے تُڑائیا۔ گُر اوتار پَیغمبر کہن، دُنیا والیو سُن لؤ ساڈی اِک صلاح، مشورے نال جنائیا۔ اَگے سارے منّ لؤ اِک ملاح، جو گُر اوتار پیِر پَیغمبراں لوکمات پرگٹائیا۔ جِس دا نام کلمہ خوشیاں نال گئے سُنا، لِکھ لِکھ لیکھ وڈیائیا۔ اوہ داتا بےپرواہ، بےپرواہی وِچ سمائیا۔ جِؤں بھاوے تِؤں لئے چلا، رازق رِزق رحیِم اِک اکھوائیا۔ جِس نے کوُڑی کِریا جگت میٹنی وبا، شفا سب دے اندر ٹِکائیا۔ ساچے نام دی دئے غذا، ترِشنا کوُڑ بُھکھ مِٹائیا۔ دُھر دے خادم لئے بنا، نِمرتا نمو نمو جنائیا۔ عبادت سانجھی سانجھا سب دا اِک خُدا، خودغرص رہن کوئے نہ پائیا۔ سارے کہو اسیں پِچھلی چھڈی ادا، اَگے توں عادت لیَنی بدلائیا۔ ہِندوُ مُسلم سِکھ عیِسائی بن گئے بھرا بھرا، ونڈ نظر کوئے نہ آئیا۔ ساڈا باہمی ناتا جُڑیا آ، عالم وِچ دُہائیا۔ چلنا اِک دی رضا، جو اپنے پریم دا رسا دئے چکھائیا۔ اوہناں نوُں دوزخ کدے نہ ملِے سزا، نرکاں وِچ نہ کوئے پِھرائیا۔ گداگر ہو کے منگن نہ کوئے گدا، رنگ رنگ وِچ رنگائیا۔ جوتی جوت سروُپ ہرِ، آپ اپنی کِرپا کر، مِہر نظر اِک اُٹھائیا۔ گُر اوتار پَیغمبر کہن ایس ویلے اُٹھن صوُفی سنت فقیِر، مُنی مون لیَن کُھلائیا۔ سرِشٹی دی بدل دین تقدیِر، تدبیِردُھر دی نال رلائیا۔ جھگڑا رہے نہ امیِر غریِب، اوُچ نیِچ نہ کوئے وکھائیا۔ جو مذہباں دی دِتی ترتیب، پربھ نوُں مِلنا چائیں چائنیا۔ کلجُگ انتم سارے ہو گئے فریِق، فِرقیاں وِچ لڑائیا۔ اَگے سانجھی کرو پریِت، پریِتم اِکو ویکھ وکھائیا۔ سب نے اپنی گنڈھ مُحبّت وِچ جانی پیِچ، جِس نوُں دوَیت والا کھول نہ کوئے وکھائیا۔ جوتی جوت سروُپ ہرِ، آپ اپنی کِرپا کر، ساچا رنگ دئے رنگائیا۔ ہرِ رنگے رنگ اَولّڑا، مالک دُھر درگاہ۔ جو سدا اِک اِکلّڑا، نوُری نوُر خُدا۔ بھگتاں سنتاں پھڑاوے پلڑا، صوُفیاں لئے جگا۔ آتم پرماتم

رلڑا، کدے نہ ہووے جُدا۔ اندر تکّو سچ دوارے کھلڑا، جلوہ گر ہو رُشنا۔ جوتی جوت سروُپ ہرِ، آپ اپنی کِرپا کر، اپنا رنگ چڑھائیا۔ گُر اوتار پَیغمبر کہن ہؤں صدقے واری گھولی ، تیرے چرنانگھول گھُمائیا۔ پروردِگار پُرکھ اکال اپنے نام دی سانجھی کردے بولی، آتم پرماتم دے جنائیا۔ جھگڑا کوئی رہے نہ رؤلی، رؤنق اِکو گھر پرگٹائیا۔ جِس دی جگت کہاوت سنت صوُفی فقیِر مُنی کرن آئے بہُنی، چھّبی پوہ رُت سُہائیا۔ اجّ سب نے کرنی راؤنی، پانی پریم والا پائیا۔ پِچھلی پکّ گئی ساؤنی، اگلی ہاڑھی لیَنی جنائیا۔ پھیر چار کُنٹ چڑھنی تؤنی، توا پرات دئے دُہائیا۔ دُئی دوَیتی کندھ ڈھاہُنی، بھانڈا بھرم بھؤ بھنائیا۔ سچ جماعت اِک وکھاؤنی، جمُلہ اکھّر اِک سمجھائیا۔ بُھلی دُنیا نیتراں وِچ رواؤنی، آنسوُ ہنجھوُاں نال وڈیائیا۔ گُرمُکھو تُہاڈی اکّھ نہ کدے شرماؤنی، سانجھے ہو کے گلوکڑی لیَنی پائیا۔ جگت سیاست چار دِن دی پراہُنی، اِنھاں سنتاں مہنتاں فقیِراں دُنیا دے کایا مندر گھر وِچوں باہر دینی کڈھائیا۔ اِکو تُک اِکو مُکھ جو مِل کے دُکھ اُپاوے سُکھ تُوں میرا مَیں تیرا سب نے مِل کے گاؤنی، گا گا خوشی منائیا۔ اَگوں توں سَت دھرم دی مجلس جگت لگاؤنی، دوُجا جلسہ کوئے نہ بھائیا۔ جوتی جوت سروُپ ہرِ، آپ اپنی کِرپا کر، جگت دھار اِک وکھائیا۔ جگت دھار کہے مَینوُں آؤندا ہؤکا، دروہی تیرا نام خُدائیا۔ میری ڈُبن لگّی نئیا نؤکا، سنت ساجن نَواں راہ چلائیا۔ سب نوُں اِکٹّھے ہوون دا مِلن لگّا مؤقع، دوَیت نظر لئے بدلائیا۔ پریمیاں اندر پریم من چاؤ کا، خوشیاں وِچ ڈھولے گائیا۔ جوتی جوت سروُپ ہرِ، آپ اپنی کِرپا کر، ہر گھٹ ویکھے تھاؤں تھائنیا۔ ہر گھٹ کہے پربھ کی پڑھیئے تھان تھاننتر، انتر دے جنائیا۔ کی ساچا تیرا منتر ، جو منتوَ سب دا حل کرائیا۔ کِس بِدھ بناویں بنتر، چار کُنٹ وجےّ ودھائیا۔ سرِشٹی دی درِشٹی ہوئے سُتنتر، من کلپنا میٹ مِٹائیا۔ پرم پُرکھ کہے مَیں سب دے وِچ وساں نِرنتر، گھٹ گھٹ آپ سمائیا۔ میرا کھیل گگن گگننتر، زِمیں اسماناں پڑدا لاہیِا۔ جوتی جوت سروُپ ہرِ، آپ اپنی کِرپا کر، دیونہارا ساچا ور، آد پُرکھ ابناشی کرتا قُدرت دا قادر قدیِم دا مالک خالق پرِتپالک اِکو نظری آئیا۔ اِکو تیری نظر اِکو تیرا نوُر، نوُر نوُرانے تیری وڈیائیا۔ اِکو تیرا نام اِکو تیرا شبد اِکو تیرا ناد اِکو تیرا تُور، تُریا توں اَگے تیرا راگ نہ کوئے الائیا۔ اِکو تیرا بیڑا اِکو تیرا پوُر، اِکو وَنجھ مُہانا منزل نہ نیڑے نہ دوُر، دوُر دُراڈے اپنی دَیا کمائیا۔ جگت کوُڑی کِریا میٹ دے فتوُر، فتویٰ سب دے اُتے لائیا۔ جو کردے رہے قصوُر، اوہناں دے سزائیا۔ جو سوُلی چڑھ گئے وانگ منصوُر، مسلہ اوہناں دا حل کرائیا۔ دُنیا دی دشا ویکھ کے ضیاالحق

نے کِہا مَیں ہو گیا مجبوُر، مجبوُری میرے اندر آئیا۔ مُنی کِہا مَیں دُکھ نال ہو گیا چکناچوُر، کِیوں بُھلی جگت لوکائیا۔ کِیوں نہیں لَیندے نام صراہی دا سروُر، جو اندروں سُرتی لئے بدلائیا۔ ملِے مالک اوہ غفوُر، جو غفلت وِچوں باہر کڈھائیا۔ جِس دا سنت بھگت تارنا دستوُر، دست دست بدست میل مِلائیا۔ جوتی جوت سروُپ ہرِ، آپ اپنی کِرپا کر، دُھر دا سندیشہ سند نال لِکھائیا۔ چھّبی پوہ کہے میری رَین ہووے وڈ وڈبھاگ، بھاگاں بھری سب نوُں سیِس نِوائیا۔ اندروں دھو لؤ اپنا داغ، دُرمت مَیل اندروں کرو صفائیا۔ ساچے پریم دا اندروں جگاؤ چراغ، تیل بتّی دی لوڑ رہے نہ رائیا۔ سانجھا کرو سماج، کوُڑا بندھن دیؤ تُڑائیا۔ جِس کارن سمیلن ہویا آج، عاجز ہو کے پربھ اَگے جھولی دیوو ڈاہیِا۔ سَت دھرم دی ساجنا دے ساز، سازش کرن والا رہن کوئے نہ پائیا۔ جِنہاں تیرے حُجرے گُزاری نماز، اوہناں اپنے نوُر مِلائیا۔ اگلا بھیو کھول آغاز، پردہ نشیِن پڑدا آپ اُٹھائیا۔ جِس نوُں سمجھے نہ کوئے دِماغ، بُدھی وِچ نہ کوئے وڈیائیا۔ اوہ منزل دسّ آپ، جِتھے روُح بُت دوویں ہون پاک، پتت پُنیِت نظری آئیا۔ تیرا مِلن دا ہووے اِتفاق، پِچھلا لہنا ہووے بےباق، اَگے کھاتہ رہے نہ رائیا۔ جوتی جوت سروُپ ہرِ، آپ اپنی کِرپا کر، مِہر نظر اِک اُٹھائیا۔ پُرکھ اکال کہے مَیں سب نوُں سچ دِرڑاوانگا۔ جو اِک دوُجے دے نال رہے، تِنہاں اپنا میل مِلاوانگا۔ جو سانجھا بن کے اِکٹّھا بہے، باہوں پھڑ کے گلے لگاوانگا۔ جو اندروں کڈھے ہؤمے، ممتا موہ چُکاوانگا۔ جو سچ سرنائی ڈھئے، نیتر لوچن نیَن اکّھ کُھلاوانگا۔ جو تُوں میرا مَیں تیرا نام کہے، کاغذ قلم دا حِساب مُکاوانگا۔ جوتی جوت سروُپ ہرِ، آپ اپنی کِرپا کر، ساچا کھیل اِک وکھاوانگا۔ ساچا کھیل کراں اگمّا، ہرِ کرتا آپ دِرڑائیا۔ دیِن مذہب دا توڑ کے بنّا، بندگی اِکو اِک سمجھائیا۔ مکُتا رہے کوئی نہ کنّا، کامل مُرشد بھیو کُھلائیا۔ نیترہیِن رہے نہ انّھا، اندھ اگیان کرے صفائیا۔ کر پرکاش کایا تنا، نوُر ڈگمگائیا۔ جوتی جوت سروُپ ہرِ، آپ اپنی کِرپا کر، ساچی دھار آپ پرگٹائیا۔ ساچی دھار دا مالک ایکا ایکنکار، اکل کل دھاری اِک اکھوائیا۔ جِس نوُں کہِندے پروردِگار، پالنہارا دُھردرگاہیِا۔ وڈ اماما بن سِکدار، دُھر فرمانا آپ جنائیا۔ کلجُگ کوُڑی کِریا کر خوَار، خواری میٹے تھاؤں تھائنیا۔ مُحبّت وِچ بن کے یار، یارانہ اگلا دئے نِبھائیا۔ سانجھا دسےّ سرب پیار، سرب دھرم ملِے وڈیائیا۔ سارے اِکٹّھے کر لؤ اِک اِقرار، اِقرارنامہ پریم پریِتی وِچ لِکھائیا۔ جوتی جوت سروُپ ہرِ، آپ اپنی کِرپا کر، در گھر ساچے وجےّ ودھائیا۔ در گھر وجےّ ودھائی سچ، سچ ملِے وڈیائیا۔ پریم پریِتی اندر جاوے

رچ، لوُں لوُں خوشی بنائیا۔ خوشیاں وِچ خوشی پئے ہسّ، ہستیاں وِچ ہستی نظری آئیا۔ اِک دوُجے دے بِنا دُئی توں ہو جاؤ وس، واسطہ اِکو نال پائیا۔ انتر کھولو اپنی اکّھ، جِس اکّھ وِچوں پرتکھ ملِے گوسائیا۔ سمیلن دا سَت دھرم دا اِکٹّھ، اِکٹّھیاں دا )گٹّھا( دینا بندھائیا۔ سنت بھگت صوُفی فقیِر مُنی رکھیِشر جُگیِشر تپیِشر کدے پِٹھّ دے نہ جاوے ڈھٹّھ، ڈھٹّھیاں لئے اُٹھائیا۔ جوڑ جُڑیا نَٹھ نَٹھ، پَیدل چل کے بَیٹھا پندھ مُکائیا۔ سب نے سچ پریم دا لاہا جانا کھٹّ، ایہو کھٹّی دھرم دی نظری آئیا۔ اندر وَیر دی دیِن مذہب رہے کوئی نہ حد، بنّہ کوُڑا دینا مِٹائیا۔ وڈیائی اوس نوُں ملِے جگ، جو جیِوندیاں جیِون مرن وِچ بدلائیا۔ مرن دے پِچھوں کی ہویا جے سڑ جائے وِچ اگّ، ہڈّ ماس ناڑی کمّ کِسے نہ آئیا۔ بِنا دیِد کیِتیاں جے مِٹّی ہیٹھاں جاؤ دبّ، ملِے میل نہ ربّ گوسائیا۔ ایہہ جھگڑے من کلپنا سریِر دی حد، ونڈ وِچ لڑائیا۔ جے اندروں کایا مندروں ڈوُنگھی کندروں اپنے آپ نوُں اپنے باپ نوُں اپنے جاپ نوُں لوو لبھ، لوبھ موہ ہنکار رہن کوئے نہ پائیا۔ جِس کارن تُہانوُں لیا سدّ، فقیِر بَیٹھے سج، دوہاں دا ناتا گیا بجھّ، سارے کہو اُچی گجّ، پلّوُ سکے نہ کوئے چُھڈائیا۔ جوتی جوت سروُپ ہرِ، آپ اپنی کِرپا کر، رنگت وِچوں رنگت دئے چمکائیا ۔ اوہ رنگت کیہڑا چاڑھے رنگ، رنگے نوُر اِلاہیِا۔ جِس دے لبھن خاطر نچّدے پِھرن ملنگ، متہرے موڈھیاں اُتے ٹِکائیا۔ دیِن مذہب اِسلام دا کردے دِسن جنگ، فتویاں وِچ لڑائیا۔ مندر مسجد شِودوالے مٹھ شاستر سِمرت وید پُران انجیل قُرآن جِسدے مِلن دا دسےّ ڈھنگ، طریقہ نیِکن نیِکا اِک درسائیا۔ اوہ سب دے نال رہیا ہنڈھ، اندر بَیٹھا بِن نِج نیتر نظر کِسے نہ آئیا۔ جِس دا تارا تے چند، اوہ سب دا خوشی کرے بند بند، بندگی وِچ مُچھندگی اِک جنائیا۔ نیتر نیَنہیِن رہن نہ دیوے اندھ، دُئی دوَیتی ڈھاہ کے کندھ، بھانڈا بھرم بھؤ بھنائیا۔ اوہ وسے وِچ برہمنڈ، ویکھنہارا سدا نَو کھنڈ، نِرگُن سرگُن سرگُن نِرگُن اپنا کھیل کھِلائیا۔ ساچے سنتو دھرم فقیِرو تُہاڈا پریم والا جنگ، جگت شستر ہتّھ نہ کوئے اُٹھائیا۔ کوُڑی کِریا کر دیؤ کھنڈ کھنڈ، کھنڈا کھڑگ نام چمکائیا ۔ کوئی حَیران نہ ہووے دنگ، دنگا فساد ہونا وِچ لوکائیا۔ بِنا ساچے سنتاں توں صاحب سَتگُر توں دُھر دے مُرشد توں کوئی میٹ نہ سکے گند، گندگی کوُڑ نہ کوئے ہٹائیا۔ سارے اِکٹّھے ہو جاؤ اِکو ڈوری بجھّو تند، جِس تند نوُں سکے نہ کوئے تُڑائیا۔ پھیر مُنی وانگ لؤ اوہ انند، جِس انند وِچوں انند نِکل کے انند وِچ سمائیا۔ تُوں میرا مَیں تیرا آتما پرماتما آد دا سانجھا چھند، سوہنگ روُپ سمجھائیا۔ مہاراج سوُرا سربنگ، شاہ پاتشاہ دُھردرگاہیِا۔

شیر سِنگھ طاقت وِچ بُلند، بھےَ بھؤ سب نوُں رہیا جنائیا۔ وِشنوُں پریم پریِتی دا ہو پابند، پالنا وِچ پالک ہو کے سیو کمائیا۔ بھگوان اوہ جیہڑا کدے نہ ہووے بھنگ، گھڑن بھنّن نہ روُپ بنائیا۔ جےَ وِچ کوئی نہ ہووے تنگ، تنگ دستی رہن کوئے نہ پائیا۔ اگلے جُگ دی اگلی ونڈ، ابناشی کرتے آپ سُنائیا۔ صوُفی سنت فقیِر مُنی جن چمکن سِتارے اوہ چند، جِس چند دی سیِتلتا وِچ سَت سَت سچ نظری آئیا۔ سانجھا کر لؤ سارے انگ، انگ انگ نال مِلائیا۔ دس جنوری سَتائی پوہ سمیلن دا اِک نَواں شُروُع ہونا ڈھنگ، جو انتر انتر سب نوُں لئے جگائیا۔ جوتی جوت سروُپ ہرِ، آپ اپنی کِرپا کر، کرے کھیل ساچا ہرِ، نِہکلنک نرائن نر، مہاراج شیر سِنگھ وِشنوُں بھگوان، آد جُگاد جُگ چؤکڑی نِت نوِت، نِرگُن سرگُن سَت سَتواد برہم برہماد، آتم پرماتم ناتا لئے گنڈھ، ٹُٹی گنڈھنہار گوپال دیِن دَیال ٹھاکر سوامی ایکنکارا پروردِگارا سانجھا یارا درگاہ ساچی حق مقام ویکھنہارا دُھر نِظام، انت اَخیِری کرے سچ انتظام، بندوبست وِچ دست دست صوُفی سنت فقیِراں نال مِلائیا۔ جوتی جوت سروُپ ہرِ، آپ اپنی کِرپا کر، کرے کھیل ساچا ہرِ، سَت دا راہ اگمّ اتھاہ، گہر گمبھیِر بےنظیِر لاشریِک شرکت وِچوں تفرقہ بِنا تفریق لیکھا باہر دیوے کڈھائیا۔