کتب خانہGranth 20 (Urdu)

۲۷ پوہ شہنشاہی سمت ۳ ہرِ بھگت دوار جیٹھوُوال سرب دھرم سمیلن

سَت دھرم کہے سارے بنو فریِد، منسا من بدلائیا۔ تُہاڈی خوشیاں والی عیِد، جگت جہان ملِے وڈیائیا۔ انتر نِرنتر کرو دیِد، جو مالک دُھردرگاہیِا۔ کایا کعبہ ویکھو حق مسیِت، مندر اِکو نظری آئیا۔ ویکھیو کِتے بھگتاں والی چھڈ نہ جائیو ریِت، پِچھلی پِچھے والی بُھلائیا۔ اِس بارش نال باہروں تن ہووے سیِت، انتر انتر نِرنتر آتم جھِرنا دئے جھِرائیا۔ سچ دھرم دا کھیل سدا انڈیِٹھ، اؤکھی گھڑی سب دے اُتے آئیا۔ جے ٹائم توں پہلوں دے کے جاؤ پیِٹھ، دھرم سمیلن کہن کوئے نہ پائیا۔ سارا وقت تن وجےّ دا ٹھیِک، ایہہ ٹھاکر دی بےپرواہیِا۔ جو سب دی پرکھن والا نیِت، سنت سماگم وِچ اپنی کل ورتائیا۔ جِنہاں نوُں اِک دے نال پریِت، ہِردے وِچ وِشواش رہے رکھائیا۔ اوہ اپنی بدل دیؤ نیِت، نیِتیوان رنگ چڑھائیا۔ جوتی جوت سروُپ ہرِ، آپ اپنی کِرپا کر، بھیو ابھیدا دئے کُھلائیا۔ مینہہ برسے ہویا کی، اجّ دی قیِمت کہن کوئے

نہ پائیا۔ اُٹھ کے گئے تے لیا کی، آیا گیا کمّ کِسے نہ آئیا۔ جھگڑا ہویا جگت پُتر دھی، مایا ممتا وجّی ودھائیا۔ جن بھگت بن کے سنت بن کے صوُفی فقیِر بن کے پِچھلی چھڈ گئے لیِہ، دُکھ وِچ سُکھ سُکھ وِچ دُکھ اِک رنگ نہ لئے بنائیا۔ جِس دا اجّ سب نے اِکٹّھیاں ہو کے بیِجنا بی، اُس دا پھل اُپجے چائیں چائنیا۔ جوتی جوت سروُپ ہرِ، آپ اپنی کِرپا کر، مِہر نظر اِک اُٹھائیا۔ اِس بارش دا کوئی نہ چلے چارا، چاروں کُنٹ اِک دُہائیا۔ ایہہ سنتاں دا اَکھاڑا، غَیر نظر کوئے نہ آئیا۔ جِنہاں دا پرم پُرکھ حق خُدا اِکو لاڑا، مالک دو جہان اکھوائیا۔ جو سب دے کایا مندر اندر شبد سروُپی پھیردا آپے تاراں، تُریا توں پرے اپنا راگ سُنائیا۔ ایہہ کوئی تُہاڈا مندر نہیں اِٹّاں گارا، جو مینہہ نال کُھر کے مِٹّی وِچ سمائیا۔ ایہہ سب توں اُتم دِہاڑا، اِندر خوشیاں نال اپنی چھہبر لائیا۔ تُسیں بَیٹھے اوس دوارا، جِس دوارے سنت صوُفی فقیِر اپنا رنگ رنگائیا۔ اگلا تکیو ہور نظارہ، بوُندا باندی رہن کوئے نہ پائیا۔ سارے بن جاؤ میِت مُرارا، سجّن سب دا اِک گوسائیا۔ جِس دا روُپ نہ کوئی پُرکھ نہ کوئی نارا، نعرہ حق حق سُنائیا۔ جوتی جوت سروُپ ہرِ، آپ اپنی کِرپا کر، مِہر نظر اِک اُٹھائیا۔ مِہر نظر کہے مینہہ ہو جائے بند، بندگی وِچ دھیان لگائیا۔ جِس کارن مار کے آئے پندھ، بھجےّ واہو داہیِا۔ اُس دا لَینا انند، سُکھ آتم وِچ ٹِکائیا۔ توڑ کے دوَیت دے پھند، ناتا باہمی لَینا جُڑائیا۔ تُہاڈا آتم روُپ سنگ، سو پُرکھ نِرنجن ویکھ وکھائیا۔ جِس دے دوارے نہیں بُھکھ ننگ، بُھکھیاں دئے رجائیا۔ اوتھے بَیٹھیاں کوئی نہ ہوئیو تنگ، تنگ دستی اندروں دینی کڈھائیا۔ ایہہ سنت سجّن سنگ، دُرمت مَیل اندروں لیَنی دھوائیا۔ او گُرمُکھو تُہاڈے اندر اوہ پرمانند، جِس نوُں جگت دی ممتا پوہ سکے نہ رائیا۔ سارے مِل کے دُھر دی پاؤ گنڈھ، جو لوکمات گُر اوتار پَیغمبر گئے پوائیا۔ سنت سماگم کوئی کر نہ سکے بھنگ، بھنگنا وِچ نہ آئیا۔ ایہہ نام دا مردنگ، ڈنکا دُھر دا کرے شنوائیا۔ جوتی جوت سروُپ ہرِ، آپ اپنی کِرپا کر، پڑدا اوہلا رہیا اُٹھائیا۔ برکھا کہے مَیں سب دی داس، نِیوں نِیوں سیِس نِوائیا۔ جِنہاں دا پرم پُرکھ اُتے وِشواش، اوہ وِشا سمجھ کے گھر نوُں جائیا۔ سب دی اِکٹّھی سانجھی منڈل والی راس، آتم پرماتم مِل کے گوپی کاہن کھیل کھِلائیا۔ ایہہ سمجھن والی بات، جو صوُفیاں دِتی سُنائیا۔ ایہہ حُکم بودھ اگادھ، جو بُدھی توں پرے کرے پڑھائیا۔ ایہہ جگت بِھکھاری نہ سمجھِیو سادھ، آتم اَدھاری نظری آئیا۔ جے آئے تے اپنی کھول کے جائیو جاگ، نِج نیتر لوچن نیَن کُھلائیا۔ تُہاڈی اوس دے ہتّھ واگ، جیہڑا نِرگُن سرگُن سرگُن نِرگُن آد جُگاد جُگ چؤکڑی اپنا نوُر کرے

رُشنائیا۔ اوس دا نوُر ویکھو مہتاب، جو خالق خلقت وِچ ٹِکائیا۔ جوتی جوت سروُپ ہرِ، آپ اپنی کِرپا کر، دُھر دا حُکم سُنائیا۔ دُھر دا حُکم آیا چھیتی، جِس دا دھیان لگائیا۔ جو سنت محرم بن کے بنیا اوس دا بھیتی، پڑدے وِچوں پڑدا پرے ہٹائیا۔ اوس دی یاد رکھِیو نیکی، جو تُہانوُں سَت دا رستہ رہیا وکھائیا۔ جوتی جوت سروُپ ہرِ، آپ اپنی کِرپا کر، دیونہارا ساچا ور، ساچا حُکم اِک ورتائیا۔ گھڑیِاں نوُں ویکھو کِتے ہو تے نہیں گئے مِنٹ دس، جے تُسیں اپنے من نوُں کر لؤ وس، اوتھے گھڑی گھڑیال دی لوڑ رہے نہ رائیا۔ پھیر کوئی نہ جاوے نسّ، پلّوُ اپنا آپ چُھڈائیا۔ سب نوُں اِک مارگ دینا دسّ، جو وِشیاں وِچوں باہر کڈھائیا۔ کھول کے جانا اکّھ، دوئے لوچن کمّ کِسے نہ آئیا۔ ایہہ دھرم دوار دا ہٹّ، جگت ونجارے بن کے سؤدا لَینا چائیں چائنیا۔ ہِندوُ مُسلم سِکھ عیِسائی پارسی بودھی جَینی آتما دا کرنا اِکٹّھ، تن دی ونڈ نہ کوئے ونڈائیا۔ ساچے سنتاں اجے تُہاڈے اُتے ہور مارنی سٹّ، سوئی سُرتی دینی اُٹھائیا۔ تُسیں اجے تکّ سُنیا اکھّراں وِچ پڑھیا شبد اناد انحد، بِن سَتگُر پوُرے دُھن آتمک راگ نہ کوئے پرگٹائیا۔ ایہہ سماں سُہاونا مِلیا اجّ، جو عزل توں دئے بچائیا۔ ویکھیو کِتے مینہہ توں ڈردے نہ جائیو بھجّ، بھجّن والیو بھجن بندگی کمّ کِسے نہ آئیا۔ ایہہ سبھا رہی سج، اُچی بولن زور نال گجّ، مذہباں دا جھیڑا دینا مُکائیا۔ جگت وِکار نوُں تھلّے دینا دبّ، سِر سکے نہ کوئے اُٹھائیا۔ سب دے اندر اِکو نوُر اِکو ربّ، جو عالمیِن اکھوائیا۔ واحد کلمہ کائنات دا ایہہ بنن لگّا نال سبب، سارے مِل کے اپنا رنگ چڑھائیا۔ جے سُننا تے سُنیو ند، جو بِن ڈنکے ڈؤروُ وجےّ چائیں چائنیا۔ اَگے کھیل ہونا جگ، جگ جیِون داتا آپ کرائیا۔ کُچھ اگلے سال لگّن والی اگّ، جگت پردھان سکے نہ کوئے بچائیا۔ جوتی جوت سروُپ ہرِ، آپ اپنی کِرپا کر، کرے کھیل ساچا ہرِ، بھیو ابھیدا رہیا کُھلائیا۔ مینہہ کہے میری بوُندا باندی، سیوا سچ کمائیا۔ فریِد کہے اوہ جھکھڑ جھانگی، میرا من نہ سکے بدلائیا۔ جو اُپدیش دسّیا جگت دوارے گاندھی، تند تند جُڑائیا۔ ہُن سارے مذہباں والے اِکٹّھے مِل کے بن جاؤ آنڈھی گوانڈھی، ہمسائے ہو کے اپنا جھٹ لنگھائیا۔ ہور سُنیو بِنا پُرکھ اکال دیِن دَیال سب دی پت جاندی، دوُجا ہوئے نہ کوئے سہائیا۔ تُہاڈی کایا پریم والی ساچی ہانڈی، سچ دھرم دی بھٹّھی اِکو لیَنی چڑھائیا۔ ویکھیو کوئی لالچ نہ کرِیو سونا چاندی، من ترِپت کر کے ترِشنا اپنی لیَنی بُجھائیا۔ جوتی جوت سروُپ ہرِ، آپ اپنی کِرپا کر، دیونہارا ساچا ور، آیاں سجّناں پریمی مِتراں ساچے سنتاں صوُفی فقیِراں شاہ حقیِراں انتر آتم ایکا دیوے شبد کلمہ نام، مُحبّت والی

ودھائیا۔ اُتوں ہور آئی کلام، کلمہ دُھردرگاہیِا۔ سندیشہ دئے امام، نوُر نوُرانہ نوُر اِلاہیِا۔ سُنو سرب عوام، عمل اِک دِرڑائیا۔ جو پیِر پَیغمبر حضرت گُر اوتار دے کے گئے پَیغام، اکھّراں وِچ لِکھائیا۔ اوس نوُں پڑھ کے سُن کے ایس ویلے دُنیا دا بدل گیا نِظام، انتظام کرن والا نظر کوئے نہ آئیا۔ مندر مسجد شِودوالے مٹھ گُروُدوار ہوئے بدنام، دھرم دا نیتا سِر سکے نہ کوئے اُٹھائیا۔ من واسنا وِچ جگت کامنا وِچ سارے ہوئے غُلام، غُربت اندروں نہ کوئے کڈھائیا۔ ایسے کارن سنت سجّن صوُفی فقیِر اِکٹّھے ہوئے آن، مجلس محبوُب والی لگائیا۔ سب نے کرنی پروان، پروانے بن کے اینہاں شمع اُتے جل کے اپنا آپ دینا تجائیا۔ تُہاڈے کول سَت دھرم دا نِشان، صِدق صبوُری دا اِیمان، آمد وِچ گھر گھر وجےّ ودھائیا۔ اِکٹّھے جاؤ تمام، طمع دا جھگڑا دینا مُکائیا۔ کِسے دے انگوُٹھے لاؤن والا رکھیا نہیں اشٹام، شہادت دی لوڑ نہ کوئے بنائیا۔ سارے سانجھا پیار مُحبّت دا اِکو سمجھو اِسلام، جِس دا اِسم اعظم عظیِمُلشان، محوان مُحبّت دا محبوُب رہیا جنائیا۔ جوتی جوت سروُپ ہرِ، آپ اپنی کِرپا کر، کرے کھیل ساچا ہرِ، سچ سندیشے وِچ سنت ساجن مُنی صوُفی فقیِر جِنہاں دا سندیشہ بےنظیِر، نظر توں پرے کھول کے درے، وڑ کے کایا مندر گھرے، توڑ کے بجر کپاٹی کڑے، بنا کے سَت دھرم دے دھڑے، دھڑا کلجُگ کوُڑی کِریا دین مِٹائیا۔ - - - - - - - - - پوُرن میلا ہویا پوُرن سنت، سوہنی بنت بنائیا۔ جِؤں نار سُہاگن مِلی کنت، دوہاں مِل کے وجّی ودھائیا۔ پیار مُحبّت دی بنی بنت، سانجھا رنگ چڑھائیا۔ مُحبّت وِچ سنت کِرپال سِنگھ اُٹھ کے گیا انت، انتشکرن ویکھ وکھائیا۔ ساچی سِکھیا لےَ کے جانا جگت جنت، جاگرت جوت کرے رُشنائیا۔ سب دے اندر اِک بھگوَنت، بھگوَن اپنی کل ورتائیا۔ جِس دی مہما سدا اگنت، جُگ چؤکڑی شاستر سِمرت وید پُران گیِتا گیان انجیل قُرآن کھانی بانی رہی گائیا۔ اوس دا کدے نہ ہویا انت، سنتاں دے ہِردے وس کے پڑدا اندروں دئے چُکائیا۔ ایہہ بودھ اگادھا پنڈت، جو بُدھی توں پرے کرے پڑھائیا۔ جِنہاں نے تُہاڈا لیکھا مُکاؤنا جیرج انڈج، اُتبُھج سیتج چار کھانی وِچ مُڑ کے پھیر کوئے نہ آئیا۔ جوتی جوت سروُپ ہرِ، آپ اپنی کِرپا کر، کرے کھیل ساچا ہرِ، سنت جناں دا ہاردک پیار ہِردیاں وِچوں پِھردیاں تُردیاں اپنے وِچ رکھائیا۔ بھگت بھگوان دا شُروُع ہووے یُدھ، یُدھشٹر دے کے گیا گواہیِا۔ سارے نِرمل کر لؤ بُدھ، کوُڑی کِریا باہر کڈھائیا۔ ہِردا ہو جائے سُدھ، دُرمت مَیل رہے نہ رائیا۔ اِک نوُں لؤ بُجھ، جو مالک دُھردرگاہیِا۔ اوسے دی مُحبّت وِچ جاوو رُجھ، پریم پریِتی اِک بنائیا۔ ساچی منزل چڑھو

کُد، جِتھے سکے نہ کوئے اٹکائیا۔ ساچے نام دا لاہا لؤ لُٹ، امرت جام پیِؤ تھاؤں تھائنیا۔ اِک دوُجے نوُں جپھّی پاؤ گھُٹ، ناتا باہمی لَینا جُڑائیا۔ ویکھیو کِتے تُہاتھوں پلّوُ نہ جاوے چُھٹ، پکّی گنڈھ نہ کوئے کُھلائیا۔ ہِمّت کر کے سارے پؤ اُٹھ، سوئی سُرتی آپ اُٹھائیا۔ پُرکھ اکالا دیِن دَیالا پروردِگار سانجھا یار پتپرمیشور بےپرواہ جائے تُٹھ، مِہر نظر اپنی اِک اُٹھائیا۔ سب دے انتر آتم دیوے اگمّا سُکھ، شانتی شانتی شانتی چاروں کُنٹ سوبھا پائیا۔ مرن دا ہووے کِسے نہ دُکھ، جو جیِوندیاں جی جگ جیِون داتے بھیٹ کرائیا۔ سارے تاء دیؤ مُچھ، ساڈا آپا نہیں کُچھ، سب کُچھ اوسے دی جھولی پائیا۔ سچ خُدا دے سارے پُت، پِتا پُرکھ اکال منائیا۔ جِس دے نال سُہنجنی ہووے رُت، گُل گُلشن چمکائیا ۔ جوتی جوت سروُپ ہرِ، آپ اپنی کِرپا کر، ساچا حُکم اِک پرگٹائیا۔ بھگت بھگوان ویکھیو پھڑے کوئی نہ کھنڈا، کھڑگ ہتّھ نہ کوئے اُٹھائیا۔ پریم پیار دا وِوہار کرے وِچ برہمنڈاں، زِمیں اسماناں رنگ رنگائیا۔ جھگڑا چُکاوے جیرج انڈا، اُتبُھج سیتج پڑدا لاہیِا۔ سچکھنڈ دھرم دوار وکھاوے اِکو کنڈھا، جِس دا تٹ کنارہ ونڈ نہ کوئے وکھائیا۔ جِس نوُں کہِندے چوُنکہ چُناچہ البّتہ، عالم گیِر عِلم وِچ لا عِلم دی دین صفائیا۔ اوہ سب دا مالک سکا، وَیری میِت نہ ونڈ ونڈائیا۔ مانَو اوسے دا بچّہ، جو مِہربان محبوُب مُحبّت وِچ گود اُٹھائیا۔ ویکھیو کِتے اجّ دا بچن نہ سمجھیو کچّا، سارے سنت فقیِر اِکٹّھے ہو کے سچ سندیش سُنائیا۔ ایہہ کوئی جگت سنتاں والا نہیں لیکھا پتہ، پٹنے والا اِکو کرے اگوائیا۔ دیِن مذہب دا سب دُئی دوَیت دا میٹو رٹّا، اَگے رِٹن کرن دی لوڑ رہے نہ رائیا۔ اپنی قیِمت نہ کوئی پوائیو مایا ممتا وِچ ٹکا، ہنکار وِکار دینا تجائیا۔ ویکھیو کِتے زبان نال بتّی دند نال من واسنا نال کوئی نہ کِہو اچھا، بِبیک بُدھی نال سب نے ہاں وِچ ہاں لیَنی مِلائیا۔ جِس نے وِشوَ دا پیار دا کرنا اِکٹّھا، وِچھڑیاں لَینا مِلائیا۔ جوتی جوت سروُپ ہرِ، آپ اپنی کِرپا کر، اگنی دا تپن نہ دیوے بھٹّھا، امرت میگھ اِک برسائیا۔ بھگت بھگوان دا سانجھا ہووے رتھ، ارجن کرِشن دئے وڈیائیا۔ ایہو پریم پیار دی وتھ، جگت لبھیاں نظر نہ آئیا۔ سدا اوس دا گاوو جس، جو صِفتاں نال صلاحیِا۔ ذرا نیتر کھول کے ویکھو اندروں اکّھ، جو سنت کرپال سِنگھ سب نوُں رہیا سمجھائیا۔ نِجھر جھِرنے دا امرت ویکھو چٹ، جو چیٹک کوُڑا دئے مُکائیا۔ گرِہ مندر ویکھو اپنا ہٹّ، جِس وِچ سؤدا بےپرواہیِا۔ دوَیت بھاونا کڈھو وٹّ، جھگڑا اوَر رہے نہ رائیا۔ جن بھگتو جے مارو )تے مارو( نام شبد دی سٹّ، دوُجی چوٹ نہ کوئے لگائیا۔ جے بھجّو تے پندھ مُکاؤ نَٹھ، جِتھے سنت ساجن

نظری آئیا۔ جے خوشی بناؤ تے خوشیاں وِچ پیئو ہسّ، ہستی تکّو بےپرواہیِا۔ کلجُگ رَین اندھیری میٹو مس، ساچا چند نوُر کرے رُشنائیا۔ جوتی جوت سروُپ ہرِ، آپ اپنی کِرپا کر، مِہر نظر اِک اُٹھائیا۔ بھگت بھگوان مِتر ویکھو درونا چارج، جو گُروُ کؤرو پانڈو نظری آئیا۔ جِتھے سب دا لیکھا ہووے خارج، قلم شاہی دی لوڑ رہے نہ رائیا۔ اوس دھام دا اِکو اِک اِنچارج، جو حُکمے وِچ حُکم بدلائیا۔ جِس دی کوئی )رکھیا( والی نہیں گارد، ڈیفینس وِچ ونڈ نہ کوئے ونڈائیا۔ اوہ سدا پرگٹ ہووے وِچ بھارت، آد دی ریِتی چلی آئیا۔ حضرت عیسیٰ موُسیٰ محمد لِکھ کے گئے عبارت، الف یے وِچ گئے دِرڑائیا۔ اوس نوُں کِسے دی لوڑ نہیں سفارش، اِک اِکلّا سب کُچھ لئے کرائیا۔ اِک دوُجے دا کر لؤ سارے تُعارف، تُوں میرا مَیں تیرا دوُجا نظر کوئے نہ آئیا۔ گُرمُکھو ایہہ سنتاں دی وزارت، جِس نوُں توڑ کے ونڈ نہ کوئے ونڈائیا۔ جوتی جوت سروُپ ہرِ، آپ اپنی کِرپا کر، اگلا لیکھا دئے سمجھائیا۔ ایہہ دھرم دا پریم دا یُدھ ہتّھ پھڑے نہ کوئے تلوار، شستر استر نہ کوئے وکھائیا۔ جے سارے سانجھا کر لؤ پیار، کھنڈا کھڑگ نہ کوئے وڈیائیا۔ تُہاڈی منزل نہ رہے دُشوار، دوُتی دُشمن سیِس نِوائیا۔ اُچی کوُک بولو پُکار، تُوں میرا مَیں تیرا آتم پرماتم مِل کے وجےّ ودھائیا۔ وِچوں نِکلو ڈوُنگھی غار، کایا بھوَری پار کرائیا۔ سچ شبد سُنو دُھنکار، انحد نادی ناد سُنائیا۔ امرت پیِوو ٹھنڈا ٹھار، بوُند سوانتی اِک ٹپکائیا۔ نِرمل جوت کرو اُجیار، اندھ اندھیر رہے نہ رائیا۔ دواپر دا لیکھا جِس نے سُنایا نال وار، وارتا نال جُڑائیا۔ سارے ہو جاؤ خبردار، بےخبراں خبر سُنائیا۔ جِس دے ہتّھ سرب سنسار، اوہ رتھواہی دُھردرگاہیِا۔ واگاں موڑ کے آوے سنتاں دے دربار، در دروازہ اِک سُہائیا۔ جِس دے نال محمد سنگ یار چار، چار کُنٹ دی اکّھ دئے کُھلائیا۔ غفلت وِچوں ہووو بےدار، نابیِنا رہن کوئے نہ پائیا۔ اُچ محل تکّو منار، محبوُب تکّو نوُر اِلاہیِا۔ جوتی جوت سروُپ ہرِ، آپ اپنی کِرپا کر، ساچا کھیل اِک وکھائیا۔ جن بھگتو تُہاڈے اندر اِک رتھواہی، جو دِوس رَین کایا رتھ چلائیا۔ جِس دی شاستر سِمرت وید پُران گیِتا گیان انجیل قُرآن کھانی بانی دئے گواہی، شہادت وِچ گُر اوتار پَیغمبر دئے بُھگتائیا۔ اوہ آد جُگاد جُگ چؤکڑی نِت نوِت نِرگُن ہو کے بھجےّ واہو داہی، دو جہاناں نؤجوانا مرد مردانہ اپنا پندھ مُکائیا۔ اوہ کدے رہن نہ دیوے کوُڑی شہنشاہی، شہنشاہ ہو کے ساچا دھرم دئے پرگٹائیا۔ تُسیں آد توں اِک اِکو تُہاڈی اِکائی، ایکا روُپ نظری آئیا۔ صِفرے والی ودھے نہ کوئے دہائی، دہائی دا سینکڑا سینکڑے دا اؤنکڑ اِکو لَینا بنائیا۔ جیہڑی سِکھیا اٹھاراں

دھیائے گیِتا رہی سمجھائی، ارجن دا ناتا بِدھاتے نال جُڑائیا۔ جوتی جوت سروُپ ہرِ، آپ اپنی کِرپا کر، سب دا میلا میل مِلائیا۔ کرِشن کہے ارجن سُنّ اگمّی بات، تَینوُں دیاں سمجھائیا۔ کلجُگ انتم مار جھات، بِن اکّھاں اکّھ اُٹھائیا۔ جِس ویلے سَت دھرم نے پاؤنی وفات، مُردا ہوئے لوکائیا۔ بھائی بھائی وِچ نہیں رہنا اِتفاق، گھر گھر وِچ ایہو ہوئے لڑائیا۔ کوئی سنت فقیِر وِرلا جاوے جاگ، جِس دے اندر رحمت آپ کمائیا۔ بھجےّ پِھرن پُتلے خاک، دہ دِشا پئے دُہائیا۔ بِنا پاربرہم پتپرمیشور سانجھا کرے نہ کوئے اِتفاق، انتر آتم میل نہ کوئے مِلائیا۔ دُنیا رووے اِندریاں دے گھاٹ، منزل مکُے نہ کِسے واٹ، سیجا سوہے کوئی نہ کھاٹ، جگت نٹوُآ ہووے ناٹ، سوانگی دا سوانگ سمجھ کوئے نہ پائیا۔ ایہہ کھیل ہونا تماش، دیِن مذہب کرن پسچاتاپ، حقیِقی کلمہ بُھلے جاپ، نوَ نؤ چار ودھے پاپ، ونڈ پےَ جائے بُت خاک االلہ واہِگُروُ رام نام رادھے کرِشن دی آپس وِچ پئے لڑائیا۔ جوتی جوت سروُپ ہرِ، آپ اپنی کِرپا کر، دُھر دا حُکم اِک سُنائیا۔ ارجن کہے دیِناں ناتھ کی جھگڑا پئے نام بھگوان، کُچھ مَینوُں دے جنائیا۔ بھگوَن کہے نہ ہو حَیران، بِن اکّھاں دیاں وکھائیا۔ جِناں چِر کلجُگ وِچ ساری سرِشٹی دی درِشٹی اِک بھگوَنت نوُں نہ سمجھے اپنا کاہن، اوناں چِر جیِو جنت سُکھ کوئے نہ پائیا۔ اوہ سب دے اندر وسیا رام، جو دیوے حق پَیغام، جِس دا پَیغمبر نوُر نِشان، نِشانیاں دے نِشانے دئے بدلائیا۔ اوسے نوُں کہنا مہِندی امام، اوسے نوُں کہنا نِہکلنک بلوان، اوسے نوُں کہنا کلکی اوتار نؤجوان، جِس نوُں جنمے کوئی نہ مائیا۔ اوس دا کھیل ہونا مہان، جِس نے دیِن دُنی دا بدل دینا وِدھان، برہمنڈ کھنڈ پُری لوء آکاش پاتال اوسے نوُں سیِس نِوائیا۔ اوس نے سب دا سانجھا کرنا اِک مَیدان، مُدت دے وِچھڑے لَینے مِلائیا۔ سارے سنت بھگت اجّ اوسے اکال پُرکھ دا کر دیؤ اعلان، جو علامت کوُڑ دی دئے گوائیا۔ ایہہ دین آئے فرمان، مُنی جی پَیدل چل کے پندھ مُکائیا۔ سنت کِرپال سِنگھ جی بڑے جودھے بلوان، جِنہاں نے سوُربیِرتا وِچ اپنا قدم لیا اُٹھائیا۔ کی ایدھر آچاریہ شاستری جی ویکھن کھیل مہان، دواپر دا لیکھا رہے سمجھائیا۔ اَگے کوئی نہ بنِیو نادان، نیترہیِن نہ کوئے اکھوائیا۔ سارے سوُربیِر ہو کے جودھے ہو کے آؤ وِچ مَیدان، دھرم دی چنڈی اپنے ہتّھ اُٹھائیا۔ ساڈا ساریاں دا ساچا اِک اِسلام، کادیاں دا ہنُے سندیشہ دے کے گیا پَیغام، پرگنا بٹالا اِک دِرڑائیا۔ ویکھیو کِتے گُر اوتار پَیغمبراں نوُں کر نہ دیؤ بدنام، منمت دا راہ چلائیا۔ ایہہ سنت سجّن جگت دی میٹن اندھیری شام، شمع دیِپ کرن رُشنائیا۔ آؤ مِل کے سارے پیِؤ حقیِقی جام، جِس دا رس نشہ اُتر

کدے نہ جائیا۔ ایس یُدھ وِچ سنت کوئی کرن نہیں آئے قتل عام، قاتل مقتوُل روُپ نہ کوئے وٹائیا۔ سارے سُکھ نال آتما پرماتما دا سانجھا کرو گیان، جِس نوُں سوہنگ کہہ کے آد جُگاد جُگ چؤکڑی رہے گائیا۔ کِسے در ہوئیو نہ کدے غُلام، ایکا پرم پُرکھ پِتا پتپرمیشور نظری آئیا۔ جوتی جوت سروُپ ہرِ، آپ اپنی کِرپا کر، لیکھا جانے دُھردرگاہیِا۔ یُدھشٹر کہے دسّ کرِشن بھگوَنت، تریلوکی ناتھ تیری سرنائیا۔ کی اگلا ہووے منت، پڑدا دے چُکائیا۔ کرِشن کہے سُن پربھوُ دے سنت، تَینوُں دیاں سمجھائیا۔ ہُن دواپر ہویا انت، کلجُگ اَگے اکّھ کُھلائیا۔ صدی چؤدھویں کوُڑا وجّنا ڈنک، بیِسویں نال مِلائیا۔ بودھ اگادھا رہے کوئی نہ پنڈت، بُدھ بِبیک نہ کوئے کرائیا۔ گڑھ ہووے ہؤمے ہنگت، ہنگ برہم بھیو نہ کوئے کُھلائیا۔ بِن اکھّراں توں میری ایہہ سند، جیہڑی ہتّھ نہ کِسے پھڑائیا۔ جوتی جوت سروُپ ہرِ، آپ اپنی کِرپا کر، بھیو ابھیدا رہیا کُھلائیا۔ یُدھشٹر کہے کرِشن لِکھ دے تحریر، اکھّراں نال بنت بنائیا۔ کی کھیل ہووے بےنظیِر، مَینوُں دے سمجھائیا۔ کرِشن کِہا ایہہ بِنا مُصوّر توں کھچن والی تصویِر، جِس دا نقش سکے نہ کوئے بنائیا۔ جِس دی مریادا اوسے نے کلجُگ کرنا تعمیِر، طمع وِچ جگت دینا بدلائیا۔ من پاتشاہ تے خواہش بنا وزیر، پنجاں تتّاں اُتے حکوُمت دینی چلائیا۔ ہنگتا دی پرگٹ کر شمشیِر، گھر گھر جھگڑا دینا پائیا۔ حضرت موُسیٰ دُھر دے کلمے دی دسّنی تدبیِر، طریقہ نبیاں والا جنائیا۔ سارے منّ لؤ اِکو پیِر، پَیغمبراں دا پَیغمبر نظری آئیا۔ کی کھیل ہونا اَخیِر نانک گوبِند دے کے گئے گواہیِا۔ جے یُدھشٹرا چِٹے اُتے کالی پا دیاں لکیِر، اوس نوُں سکے نہ کوئے مِٹائیا۔ سدا رمزاں والے ہُندے فقیِر، فِقرے پڑھے کمّ کِسے نہ آئیا۔ ایہہ دھرم دا یُدھ کوئی نہ ہوئیو دِلگیِر، حؤصلے اپنے لؤ ودھائیا۔ ہتّھ وِچ کوُڑی رہے نہ کوئے زنجِیر، شرع دے سنگل دینے تُڑائیا۔ اِک روُپ ہو جاؤ شہنشاہ پاتشاہ مُفلس تے فقیِر، امیِری غریِبی کِسے نال نہ جائے پرنائیا۔ سانڈھوُاں والی رکھِیو نہ کوئے تقدیِر، ناتا اِکو نال گنڈھائیا۔ جے اوہ مِل جائے پھیر منزل ملِے اَخیِر، راہ وِچ نہ کوئے اٹکائیا۔ کایا دے اندر من دے نفر سارے دِسن حقیِر، حِکمت چلے نہ کوئے چتُرائیا۔ جوتی جوت سروُپ ہرِ، آپ اپنی کِرپا کر، اگلا پڑدا رہیا اُٹھائیا۔ ارجن کہے کلجُگ وِچ کوَن بنے رتھواہی، جن بھگتاں رتھ چلائیا۔ ترلوکی ناتھ کہے جو کاہناں دا کاہن بےپرواہی، جِس دا روُپ رنگ ریکھ نظر کِسے نہ آئیا۔ سدا سَتجُگ تریتا دواپر جِس نے بدل دِتی شاہی، اوہ انتم کلجُگ ویکھ وکھائیا۔ نہ اوہدا پِتا نہ کوئی مائی، جننی گود نہ کوئے اُٹھائیا۔ اوہ کھیلے کھیل دُھردرگاہی، جلوہ گر نوُر

رُشنائیا۔ اِک اِکلّا بن کے پاندھی راہی، لوک پرلوک طبقاں سبق اِک سمجھائیا۔ ایہو جِہا پِچھے کوئی نہیں ہویا رتھواہی، جو کایا مندر اندر وڑ کے پنجاں تتّاں دا رتھ دئے چلائیا۔ ترےَگُن مایا اَگے بھجےّ آپے واہو داہی، نیتر نیَن اکّھ شرمائیا۔ جیہڑی منزل کِسے ہتّھ نہ آئی، اوہ پربھوُ کِرپا کر کے بھگتاں دئے وکھائیا۔ پِھر سارے کہن حق خُدا تیرا نام دُہائی، تیرا ڈھولا اِکو گائیا۔ ویکھیو کِتے ہو نہ جائے جُدائی، جُدا دا خُدا مالک نظری آئیا۔ تُہاڈے اندر پریِتی ہووے اَگے نالوں دوُن سوائی، جِس دا انکڑا سمجھ کوئے نہ پائیا۔ سنت سُہیلے سارے کہِندے اسیں بھائی بھائی، جے اندروں ہؤمے دا بوُٹا پُٹ دیؤ باہر کڈھ دیؤ ہَینکڑائی، رحمت آپے دئے کمائیا۔ کِیونکہ سب دا اِکو سانجھا ماہی، جو مُحبّت محبوُب اپنے نال رکھائیا۔ جوتی جوت سروُپ ہرِ، آپ اپنی کِرپا کر، ساچا سمیلن ساچی سبِھتا دئے وڈیائیا۔ رتھ کہے مَینوُں کؤن چلاؤندا، واگاں گھوڑیاں ہتّھ رکھائیا۔ چار کُنٹ دے وِچ بھواؤندا، گیڑا نظر کِسے نہ آئیا۔ استر شستراں توں بچاؤندا، تیِر پوہ نہ سکے رائیا۔ بھگتاں دی پریِتی دے ڈھولے گاؤندا، مُکٹ بَین کول نیَن بن بِندرا نِواسی متھرا دا ساتھی سوبھا پائیا۔ جِس دی کلا کِسے نہ جاتی، دریودھن ورگے بن گئے گھاتی، اوہناں سمجھی نہیں بنباس والی پاتی، پترکا دا پڑدا نہ کوئے اُٹھائیا۔ ایہو کھیل پُرکھ ابناشی، جیہڑی جُگ چؤکڑی سمجھ کِسے نہ آئیا۔ ارجن اوس ویلے جیہڑا منوُں سچّے سَتگُر دی آکھی، سو خوشیاں وِچ اپنا جھٹ لنگھائیا۔ باقی سب نوُں دِسے رَین اندھیری راتی، نِرگُن نوُر نہ کوئے رُشنائیا۔ ساریاں لبھنا کِتھے پیالہ دیون والا ساقی، جو نام صراہی دئے اُلٹائیا۔ جن بھگت کہن جے کِرپا کرے اپنا میل کرے اِتفاقی، اِتفاقیا اپنے نال مِلائیا۔ دیِن مذہب ذات پات اوُچ نیِچ راؤ رنک شاہ سُلطان راج راجان کھتری براہمن شوُدر وَیش، چارے کھانی انڈج جیرج اُتبُھج سیتج چارے بانی پرا پسنتی مدھم بَیکھری، چارے وید اوسے دا بھید، انجیل قُرآن اوسے دا نِشان، جِس دا نِشانہ سارے تکّن تھاؤں تھائنیا۔ اِک سندیشہ سُنو سِری بھگوان، جو سب نوُں رہیا سُنائیا۔ ویکھیو کِتے اندروں رِہو نہ کوئی بےاِیمان، من شیَطان اپنا داؤ نہ سکے لگائیا۔ ساچے سنتاں دا کرو چرن دھیان، جِتھے ملِے نام نِدھان، منزل حقیِقی پہنچو آن، جِتھے لاشریِک سوبھا پائیا۔ نہ اوتھے چِلّہ نہ تیِر تے نہ کمان، نہ کوئی جودھا سوُربیِر بلوان، نہ کوئی کھڑگ کھنڈا چمکے وِچ مَیدان، آتم پرماتم پرماتم آتم اِکو ساچا نام، دوُجا نظر کوئے نہ آئیا۔ جِنہاں سنتاں دے چرناں دے تھلّے جھُکدے زِمیں اسمان، اوتھے پیَنڈے مُکدے جگت جہان، جہالت رہن کوئے نہ پائیا۔ سارے اپنا اِک بناؤ سانجھا وِدھان، جِس دی

ترمیِم اَگے نہ کوئے کرائیا۔ اپنے نِسچے نال ساچی بُدھی نال انبھوَتا نال اُس نوُں کرو پروان، من دی وِچار اَگے نہ کوئے رکھائیا۔ پھیر سفل ہووے تے سفلتا وِچ بنو بلوان، بل اپنا لَینا پرگٹائیا۔ جے رتھ توں اُتر کے ارجن اپنا نہیں کیِتا دان، دان دا مالک اپنا کھیل آپ کھِلائیا۔ سارے اِکٹّھے ہوئے آن، اِکّترتا وِچ مِترتا وِچ ساچا ساتھی بَیٹھے بنائیا۔ وِشیش وِدیا سرِیشٹ بُدھی من کلپنا دوَیش بھاونا اجّ اوہ سانجھا ہووے گھمسان، جودھے سوُربیِر اندرے اندر لڑدے نظری آئیا۔ جِنہاں نوُں اِک اُتے وِشواش، جِس دا نوُر سرب پرکاش، آد جُگاد سدا ابناش، جنم مرن وِچ نہ آئیا۔ اوس پربھوُ دی ایکتا واسطے جِنہاں نوُں منظوُر ایہہ وِدھان، اوہ ہتّھ کھڑے کرو نؤجوان، پرستاو پاس کر کے رِشیاں مُنیاں دے اَگے دیؤ ٹِکائیا۔ جوتی جوت سروُپ ہرِ، آپ اپنی کِرپا کر، کرے کھیل ساچا ہرِ، شاستری جی تُہاڈے رتھ دا ویکھ رستہ، بھگوان بھگت مِلن دا مارگ سستا، ٹکیاں والی بھیٹ نہ کوئے چڑھائیا۔ اندر وِچار پَیدا کر لؤ پربھوُ دے ساچے جس دا، نیتر لوچن دیِدار کر لؤ اوس دوار نیتر اکّھ دا، جِس وِچ پرتکھ ملِے بےپرواہیِا۔ جیہڑا خوشیاں وِچ ہسّدا، پریمیاں کولوں کدے نہیں نسّدا، جد ویکھو کایا مندر اندر وسدا، آتم دی سیجا رہیا ہنڈھائیا۔ جِس دا محل اٹل اُچ منارا کدے نہ ڈھٹّھدا، چھپّر چھنّ نہ کوئے بدلائیا۔ اوتھے اِکو دِیپک جگدا، جگمگ جوت کرے رُشنائیا۔ اوتھے کی کروُگا شاستری جی بھامبڑ اگّ دا، جِتھے امرت دی برکھا رہیا لائیا۔ تُسیں نظارہ ویکھو اجّ دا، گھنگھور گھٹا چاروں کُنٹ چھائیا۔ ایتھے سنت فقیِر مُنی مالک محبوُب جِنہاں دے ہِردے اندر وسّدا، بَیٹھے سوبھا پائیا۔ نظارہ لےَ لؤ اوس رس دا، جِس رستے وِچ جاندیاں اَگے ہو نہ کوئے اٹکائیا۔ گُرمُکھو دُکھ ونڈو ٹہنی نالوں سُکے ککّھ دا، درد ویکھو وِچھوڑا تکّو آتما دا پرماتما نالوں رہنا وکّھ دا، وکھّری ونڈ نہ کوئے ونڈائیا۔ اَگے ہُن وقت بناؤ سچ دا، بھانڈا پُھٹ جائے کایا ماٹی کچّ دا، منوُآ دہ دِشا نہ پِھرے نچّدا، سَت دا رستہ لَینا اپنائیا۔ ایہہ سمیلن سَت دھرم یگّ دا، جو پیَنڈا مُکاوے اُپر شاہ رگ دا، جِتھے امرت سوما وگدا، سُکھمن ٹیڈھی بنک راہ وِچ نہ کوئے اٹکائیا۔ ویکھیو کِتے ایتھوں جا کے گھر روُپ نہ بن جائیو کگّ دا، ہنساں دے ہنس نظری آئیا۔ ایہہ کوئی کھیل نہیں الپگ دا، سوُرا سربگ سب نوُں دئے وڈیائیا۔ تُساں فَیصلہ کرنا اساں جھگڑا چھڈنا مذہباں والی حد دا، حدوُد وِچ رہ کے اپنا آپ بند نہ کوئے کرائیا۔ اوس انامی دھام دے مالک ند دا، جو ناد کایا مندر اندر رہیا سُنائیا۔ آد جُگاد جُگ چؤکڑی سَتجُگ تریتا دواپر کلجُگ نِرگُن سرگُن نِراکار ساکار پریم پیار پریِتی مُحبّت

وِچ اپنے آپ نوُں آتما دے روُپ وِچ پرماتما ہو کے لبھدا، اپنا آپ اپنے نال مِلائیا۔ جوتی جوت سروُپ ہرِ، آپ اپنی کِرپا کر، کرے کھیل ساچا ہرِ، جِس دے ہتّھ وڈّی وڈیائیا۔ رتھ کہے مَیں بڑا بھجّ بھجّ نَٹھا نَٹھیا دؤڑ، اِدھر اُدھر چکّر لائیا۔ رستہ مارگ رہیا نہ کوئی سؤڑ، کِیوں میرا رتھواہی رتھاں دا مالک نظری آئیا۔ جِدھر ویکھاں اُدھر جائے بہُڑ، بِنا رتھ توں اپنا رتھ وکھّرا لئے چلائیا۔ اوہ کوئی کؤروکُشیتر والا نہیں جؤہڑ، پانی والا تالاب نظر کوئے نہ آئیا۔ اوہ دُھر دا کاہن نؤجوان نِرگُن داتا پُرکھ بِدھاتا تُہاڈے کایا مندر اندر جاوے بہُڑ، جِتھے پنج تت دا جھگڑا سکے نہ کوئے مُکائیا۔ ذرا تکّ کے ویکھو نال غؤر، کؤن تُہاڈے مندر پاوے شور، اندھیرا گھور کوَن کرائیا۔ جے بھگتو تُسیں سمجھو اسیں ہور تے پرماتما ہور، ایہہ بات پُرکھ اکال کدے نہ بھائیا۔ سنت سجّن میِت مُرارے سب نوُں دیون آئے سوغات، لیکھے لا لؤ اجّ دی رات، اَگے خوشیاں والی ہوئے پربھات، پربھاتی دی سوغاتی تُہاڈی جھولی پائیا۔ ساریاں دی سانجھی اِک بات، طُلبے بن کے ہتّھ پھڑو قلم دوات، سانجھے نام دی پٹّی لِکھو ساکھیات، اساں دُئی دوَیت کرنا ناس، اِکو نوُر ویکھنا پرکاش، جو ایتھے اوتھے دو جہان دیوے ساتھ، آتما دا رتھواہی پربھوُ رگھُناتھ، جِس نوُں بھگت راجا رام گیا سمجھائیا۔ ہُن اَگے رہن نہیں دینا کوئی اِختلاف، سنت ساجن پِچھلیاں کیِتیاں دی پربھ نوُں مِل کے سب دی خطا کرن معاف، بُھل اَگے نہ کوئے کرائیا۔ سارے پربھ دے پیارے بن کے دسّ دیؤ اسیں وی سارے سادھ، سادھاں دی سادھنا نال متا آپ لیا بنائیا۔ اِک نوُں لؤ ارادھ، جِس نوُں رادھے سوامی کہہ کے رادھے کرِشن کہہ سارے رہے منائیا۔ اوہ آتما پرماتما جِس دا سدا جُڑیا رہے نات، آتما نالوں ہوئے )نہ کدے جُدائیا(۔ جے اندر وڑ جاؤ مندر چڑھ جاؤ نِرکھر اکھّر پڑھ جاؤ پھیر تُہاڈی سمجھ وِچ آئے کہ ساڈی کدے نہ ہوئے وفات، آتما مرن جمن وِچ نہ آئیا۔ تُہاڈا خُدا پاک، تُسیں وی ہو جاؤ پاک، منّ لؤ اِکو باپ، جِس وِچ مزہ سچ چکھائیا۔ جوتی جوت سروُپ ہرِ، آپ اپنی کِرپا کر، ویکھنہارا سب دا رتھ، جو لّتاں پَیراں نال رہیا نَٹھ، نیتر اِشاریاں نال اپنی کروٹ لئے وٹ، راساں من دے ہتّھ پھڑائیا۔ ہُن سنتاں مہاتما کیِتا اِکٹّھ، مُنی سُشیل کُمار کِہا اپنے بھاشن وِچ اوہ سَت دا سروُپ اِکو جٹّ، جو سِدھا سادہ نظری آئیا۔ سب دے اَگے جائے ڈٹ، سوُربیِر آپ اکھوائیا۔ سنت مہاتما نوُں اندر وڑ کے دیوے دسّ، سہج نال سمجھائیا۔ اِنھاں ساریاں نوُں کر لؤ وسّ، واسطہ اِکو نال جُڑائیا۔ پھیر کہیئے شاستری جی سِری بھگوان ضرور بھگتاں دا چلا ئے رتھ، رتھواہی ہو کے بھگتاں دا بیڑا پار کرائیا۔ بھگتو تُسیں وی

جاؤ اَگے ڈٹ، آکڑ نال پربھ نوُں دیؤ سُنائیا۔ جے اسیں تیرے تے تُوں ساڈا کِیوں ساتھوں رہیا نَٹھ، نیتر اکّھ نیَن شرمائیا۔ اسیں تَینوُں گائیے بن کے بھٹّ، تُوں کروٹ نہ سکیں وٹّ، بِرہو دا لا کے پھٹّ، وِچھوڑے وِچ تڑپھائیا۔ جوتی جوت سروُپ ہرِ، آپ اپنی کِرپا کر، ساچے رتھ دا مالک اِک بنائیا۔ رتھ کہے میرا مالک کؤن، کوَن رہیا چلائیا۔ جِس دا لیکھا پانی پوَن پؤن، پاربرہم بےپرواہیِا۔ جو دُشٹ سنگھاری بنیا رام رؤن، نِرگُن سرگُن کھیل کھِلائیا۔ جِس دی مُچھ داہڑی تن وِچ نہ کوئی دھؤن، دھرم دوارے بَیٹھا ڈیرہ لائیا۔ جُگ جُگ اُجڑیاں آئے وساؤن، وِچھڑیاں میل مِلائیا۔ سوئیاں سُرتیِاں آئے جگاؤن، نام ہلوُنے نال اُٹھائیا۔ سچ دوارے آئے بہاؤن، مندر اِکو اِک وکھائیا۔ کوُڑی کِریا آئے ڈھاہُن، ہنکاری بُرج رہن کوئے نہ پائیا۔ ساچا نام آوے جپاؤن، سندیشہ اِک سُنائیا۔ روندیاں آئے ہساؤن، جِس طرح مُنی سُشیل کُمار جی ہسّ ہسّ کے سب دی خوشی بنائیا۔ جوتی جوت سروُپ ہرِ، آپ اپنی کِرپا کر، رتھ ویکھے تھاؤں تھائنیا۔ سِری بھگوان کہے مَیں کلجُگ ویکھاں رتھ کیہڑا کیہڑا، چاروں کُنٹ )چاروں( اوَر دھیان لگائیا۔ جِدھر تکاّں اُدھر مندر مسجد شِودوالے مٹھ دِسے جھیڑا، جھگڑا ربّ دے نال رکھائیا۔ دہ دِشا ہووے میرا میرا، تیرا راگ نہ کوئے الائیا۔ مایا ممتا پایا گھیرا، گھِرنا وِچ لوکائیا۔ چار کُنٹ دہ دِشا تکّیا منزل منزل پایا پھیرا، بن پاندھی پندھ مُکائیا۔ بہُتیاں وِچوں تھوڑیاں سنتاں نے مُنیاں نے رِشیاں نے صوُفیاں کیِتا جیرا، آپ اپنا بَل پرگٹائیا۔ دھرتی دا کُھلا کرنا ویہڑا، وِچوں حد بنّے دینے باہر کڈھائیا۔ پھیر آپے رحمت دا مالک کرے مِہرا، مِہر دی برکھا دئے لگائیا۔ اوہ سب دا مالک اِک جو بھے دین والا روُپ سِنگھ شیرا، شرع دا لیکھا دئے مُکائیا۔ جِس دے ہتّھ حقیِقی نبیڑا، ویکھنہارا تھاؤں تھائنیا۔ مالوے والیو ذرا کھیل ویکھیو کیراں، کِرت کرم دے وِچھڑے لئے مِلائیا۔ جوتی جوت سروُپ ہرِ، آپ اپنی کِرپا کر، رتھ دا رتھواہی داتا دُھردرگاہی نوُر اِلاہی مُحبّتاں وِچ محبوُب، وسنہارا عرش عروُج، عالیشان بےپرواہیِا۔ رتھ کہے مَیں جانا کِتھے، رستہ نظر کوئے نہ آئیا۔ کلجُگ جیِو پَیراں ہیٹھاں دبےّ، مایا ممتا موہ بھار ٹِکائیا۔ بڑے بڑے موٹے دوُجیاں دی رت پی پی پِھٹے، اپنے آپ نوُں بلوان رہے بنائیا۔ لڑدے پِھردے اُپروں پتّھر اِٹے، مندر مسجد شِودوالے مٹھ اِنھاں پِچھے ہوئے لڑائیا۔ ویکھیو پرم پُرکھ سنت ساجن سارے مِل کے ہُن دیِن دُنی دے کڈھ دین سِٹے، سٹیبازی رہن کوئے نہ پائیا۔ سب دے لیکھے ہونے چِٹے، کوُڑی کِریا ہوئے صفائیا۔ مارگ لگّنا سِدھے، اَگے ہو نہ کوئے اٹکائیا۔ خوشیاں وِچ دو ہتّھاں دے تالیاں نال

پاؤ گدھے، گیِدی نظر کوئے نہ آئیا۔ سنت کِرپال سِنگھ نے جِنہاں دے انتر تیِر نال وِدھے، مُنی نِشانہ پریم والا لگائیا۔ پربھ مِلن دی دسّی بِدھے، بِدھنا دا لیکھا دِتا گوائیا۔ اوہ بھاگاں والے کِڈے، وڈے سوُربیِر بنائیا۔ جوتی جوت سروُپ ہرِ، آپ اپنی کِرپا کر، ساچا رنگ دئے وکھائیا۔ شاستری جی آپ نے بھگت بھگوان دا کیِتا بیان، پوِتر رسنا نال صلاحیِا۔ ایہہ جٹّ دا وِدھان، واحد نظری آئیا۔ جِس دے منّیاں ملِے کلیان، کائنات کلمیاں دی کلام وِچوں پڑدا دئے اُٹھائیا۔ وکھاوے اوہ نِشان، جِس نوُں بےنشان کہہ کے سارے رہے سُنائیا۔ سنت مہاتما مُنی اِک پریم دا لےَ کے آئے طوفان، کوُڑی کِریا نوُں دین رُڑھائیا۔ سوُربیِر بہادر بنو نؤجوان، نام دا کھنڈا ہتّھ اُٹھائیا۔ تُہاڈے اندر رہ نہ سکے کوئی شیَطان، شیَطان تے رحمان اِک تھاں ٹِکن کدے نہ پائیا۔ تُسیں ہُن تلواراں مَیں سب دا سانجھا اِک میان، میاں بیوی ونڈ نہ کوئے ونڈائیا۔ دھرم سیاست سِیاسَت دھرم دھرم دا روُپ دھرم نِشان، دھرم دی دھار دھرمیاں وِچوں نظری آئیا۔ جوتی جوت سروُپ ہرِ، آپ اپنی کِرپا کر، ساچا لیکھا رہیا جنائیا۔ رتھ کہے میرا بھاؤندا ویکھو پہیِا، چکّر دھرت والا لگائیا۔ کرِشن کہے ارجن صدی ویہویں ویکھ کلجُگ ڈولدی دِسے نئیا، نؤکا پار نہ کوئے کرائیا۔ سارے لبھن سچّا سئیا، بھجّن تھاؤں تھائنیا۔ بِن سنت سَتگُر کوئی نہ پھڑے بہیِا، انگ نال انگ نہ کوئے جُڑائیا۔ جِدھر تکّن دھرم رائے کڈھی بَیٹھا وہئیا، چِتر گُپت سب دا لیکھا رہیا سُنائیا۔ ارجن کہے بھگوَن کیہڑی گلّ کہیا، کہہ کے دِتی سُنائیا۔ اوس ویلے کی تُوں وی لُک جائینگا گوسئنیا، اپنی بنسری نام چُھپائیا۔ کرِشن کِہا ارجن مَینوُں اوہ سخیاں وِسر گئیا، جیہڑیاں وِشیاں وِچ ہلکائیا۔ جوتی جوت سروُپ ہرِ، آپ اپنی کِرپا کر، پوُرب لیکھا رہیا سُنائیا۔ رتھ کہے مَیں کھادھے کئی چکّر، چکرورتی دتے کھپائیا۔ میرا لیکھا لِکھیا نہیں کِسے سطر، اِک لکّھ ستاراں ہزار سلوک سوبھا نہ کوئے سُنائیا۔ مَیں رہیا خالی پھکّڑ، پھوکڑ روُپ بنائیا۔ جودھیِاں نال جودھیِاں دی کرائی ٹکّر، گھمسان والی لڑائیا۔ کرِشن دوارے گیا اپّڑ، اپنا پندھ مُکائیا۔ جو کوئی مَیتھوں بُھل ہوئی کاہن میرے سِر اُتے مار تھپّڑ، ہتھیلی پریم والی لگائیا۔ میرے اُتے ہووے تیری مِہر دا اثر، اسُر روُپ رہن نہ پائیا۔ سوہنا جیِون ہووے بسر، زِندگی وِچ وڈیائیا۔ کرِشن کِہا او رتھا تیرے وِچ اجے تھوڑی کسر، کسر اعشاریئے نال مِلائیا۔ جِس ویلے کلجُگ صدی چؤدھویں دُنیا دا خُدا نوُں بُھل کے ہون لگّا حشر، ہستی جگت مستی وِچ بُھلائیا۔ پھیر اوہ آپے لوَے پکڑ، ڈوری اپنے ہتّھ رکھائیا۔ جِس نے ترازوُ وِچ نانک بن کے تولنا تکّڑ، سرگُن

جوڑ جُڑائیا۔ گوبِند دھار بنے رکھک، رکھشا کرے چائیں چائنیا۔ جِس ویلے آیا اوس دا وقت، اپنا نوُر کرے رُشنائیا۔ ساچا سندیشہ دیوے جگت، جاگو جاگو جاگو سویا رہن کوئے نہ پائیا۔ اِک دے کول اِک دی شکت، اِک شکت دے سارے بھگت، بھگتاں وِچ ہوئے ویکت، ویکتی گت برہممت پاربرہم دی دھار پرگٹائیا۔ ارجن کِہا بھگوان میرے نال لا شرط، کی پھیر وی آویں پرت، پھیرا پاویں اُتے دھرت، بھگتاں منظوُر کریں عرض، کرِشن کِہا ارجن ایہہ اُس کاہن دا فرض، جو کاہناں دا کاہن نظری آئیا۔ اوہ سب دی ونڈے درد، چُھری چلن نہ دیوے کرد، کِسے دا ہون نہ دیوے حرج، دُکھیاں دی میٹے مرض، مریضاں دا ڈاکٹر اِکو نظری آئیا۔ ارجن کِہا پھیر کی ہووے فرق، کرِشن کِہا اوہ دیِن مذہب دیوے ترک، سب دے کایا مندر اندر وڑ کے لوَے پرکھ، پارکھوُ اِکو نظری آئیا۔ ساچے سنتاں بھگتاں جوتی جاتا پُرکھ بِدھاتا پروردِگار سانجھا یار ہو کے دیوے درس، درسی اپنا درس کرائیا۔ کھیلے کھیل عرش فرش، زِمیں اسماناں اپنی کار کمائیا۔ سب دی میٹنہارا حرص، ہوَس کوُڑی دئے مِٹائیا۔ پوُرب دا لیکھا کِسے دا رہن نہ دیوے قرض، مقروُض ہو کے سب دی جھولی دئے بھرائیا۔ ایہہ کھیل ہونا اسچرج، اوہ پرماتما نہ ناری تے نہ مرد، نہ میاں تے نہ بیوی سدا آد جُگاد بےانت، مہما اکتھ کتھ نہ کوئے جنائیا۔ جِس دے نوُر اُجالے ساچے سنت، جِنہاں دا نِشانہ اِک بھگوَنت، دوُجا راہ نہ کوئے سمجھائیا۔ ارجن کِہا بھگوَن اوہ کیہڑا ہووے سمت، سماں دے سُنائیا۔ بھگوَن کِہا ارجن جِس ویلے گُروُآں دے چیلے ہون حرام نمک، سَتگُر دا بچن نہ کوئے کمائیا۔ سرِشٹی دی بُدھی ہووے احمق، بھاویں کِسے دی دھوتی ہووے بھاویں ہووے تہمت، بھاویں ہووے بودی بھاویں منگ کے کھاوے روزی، بھاویں داہڑی کُھلی چھڈ کے کہے مَیں پربھ بڑا مؤجی، پربھ جِناں چِر اندروں نہ دیوے سوجھی، بُدھی کمّ کِسے نہ آئیا۔ ارجن دُنیا ہونی ہؤمے دی روگی، ترِشنا ہونی بھوگی، کوئی وِرلا دِسے جوگی، جو مُنہ اُتے پٹّی بنّھ کے پٹیداری دا لیکھا دئے مُکائیا۔ کِسے نے بنھنی تیڑ لنگوٹی، کِسے نے چڑھنا اُپر چوٹی، کِسے نے ہتّھ وِچ پھڑنی سوٹی، کِسے نے دسّنا وکھاواں نِرمل جوتی، کِسے نہ کہنا مَیں مالک سارے لوک پرلوکی، کِسے نے پڑھ سُناؤنی پوتھی، کرِشن کِہا ارجن جِس نے اِک سَت دی وِچار سوچی، سو سنت ملِے بھگوَنت جِس دا سنجم اِکو نظری آئیا۔ کئی ہوئے جوگی، کئی ہوئے سنجوگی، کئی ہوئے وِجوگی، کئی ہوئے بھوگی، کئیاں چلاؤنے خانے مودی، کئی اکھواؤنے بیدی سوڈھی، جِناں چِر اندروں کوَل دی کھِلے نہ ڈوڈی، امرت بوُند سوات نہ پہنچی سو جگت

واسنا دا شؤقی، اوہ شؤقینی کمّ کِسے نہ آئیا۔ جوتی جوت سروُپ ہرِ، آپ اپنی کِرپا کر، کرے کھیل ساچا ہرِ، ساچی کرنی کار کمائیا۔ پہیِا کہے مَیں پِھردا پِھردا گیا گھِس، میری کھلّ دِتی لُہائیا۔ کرِشن کی تُوں مَینوُں بھگوان رہیا دِس، پڑدا دے اُٹھائیا۔ ترلوکی ناتھ کر کے اپنی پِٹھّ، پِچھا لیا بدلائیا۔ ہتّھ دی وکھا کے گِٹھ، سوا دِتی ودھائیا۔ جے اِک بچن رکھیں چِت، چِت ٹھگؤری کوئے نہ پائیا۔ اوئے رتھا بِنا بھگوَن توں پکاّ سمجھیں کوئی نہ مِت، ارجن ورگے پلّوُ گئے چُھڈائیا۔ جے کرنا سِکھنا تے سِکھو اِک دا ہِت، جو ہِتکاری آپ اکھوائیا۔ جیہڑا پرگٹ ہووے نِت نوِت، جُگ جُگ ویس وٹائیا۔ راتی سُتّیاں دِنے جاگدیاں، جاگرت جوت کرے رُشنائیا۔ اپنے نام دی مارے کِھچّ، باہروں ڈنک نہ کوئے وجائیا۔ رتھ کہِندا بھگوَن اپنے پیار دی دے اِک چِٹ، چِٹھی میرے ہتّھ پھڑائیا۔ کرِشن کِہا ویکھیں کِتے بُھل کے نہ دیویں سٹّ، مِٹّی خاک وِچ رلائیا۔ جوتی جوت سروُپ ہرِ، آپ اپنی کِرپا کر، بھیو ابھیدا رہیا کُھلائیا۔ پہیِا کہے مَیں رہیا بھؤندا، اپنا پندھ مُکائیا۔ تُوں ہی تُوں ہی رہیا گاؤندا، اِکو راگ سُنائیا۔ چرن دھوُڑی رہیا نہاؤندا، دُرمت مَیل دھوائیا۔ جِس ویلے ویلا وقت آیا میرے گؤں دا، مَیں کہہ کے دِتا سُنائیا۔ اے کرِشن کی بُھلیکھا پاویں اپنے ناؤں دا، نام صِفت والا بدلائیا۔ کی جھگڑا مکُے تن وجوُد گراؤں دا، تن ماٹی والا سنگ نہ کوئے رکھائیا۔ جوتی جوت سروُپ ہرِ، آپ اپنی کِرپا کر، دیونہارا ساچا ور، سچ سندیشہ اِک سُنائیا۔ او رتھ، بھگوَن دُھر دا سدا عدلی، عدل اِنصاف اِک کرائیا۔ جُگ چؤکڑی پوُری کرے مزلی، منزل سب دی ویکھ وکھائیا۔ دیِن دُنی دی کرے بدلی، بدلہ اپنے ہتّھ جنائیا۔ جِس ویلے کلجُگ مایا ممتا موہ ودّھ گئی، کوُڑی کِریا ہوئے ہلکائیا۔ پھیر اوہ پرم پُرکھ پرماتما نِرگُن روُپ آوے جگ لئی، جِس وِچ جاگرت جوت بِن ورن گوت سنت فقیِر کرن رُشنائیا۔ ابناشی کرتا جد آوے تے بُجھاؤن اگّ لئی، اگلا مارگ اِک پرگٹائیا۔ جوتی جوت سروُپ ہرِ، آپ اپنی کِرپا کر، ساچا راہ اِک سمجھائیا۔ پہیِا کہے میرا اپنا آپ ہویا چوُر، ساڑ کے چوُرما دِتا بنائیا۔ یُدھ دی اگّ نے کیِتا منوُر، منُکھاں نے منُکھتا دِتی مِٹائیا۔ دریودھن دے ہنکار مچایا فتوُر، فتویٰ کرِشن نے دِتا لائیا۔ ایہہ یُدھ ہویا ضرور، ضرورت سب دی ویکھ وکھائیا۔ رتھ کہے پربھوُ میرا کی قصوُر، بھگت بھگوان نوُں چُک مَیں بھجّیا واہو داہیِا۔ کرِشن کِہا رتھا جِنہاں دا مَیں ساتھی اُنحاں دا ڈوب دِتا پوُر، اپنا بھیو نہ کِسے کُھلائیا۔ بھانے اندر حُکم اندر سب نوُں ہونا پئے مجبوُر، سِر سکے نہ کوئے اُٹھائیا۔ سماں بدلنا پربھ دا ایہہ دستوُر، سدا سد اپنی کار کمائیا۔ اوئے

رتھا، اَگے ہور اجے اوس پرماتما دا ناں ہوئے مشہوُر، اونوُں االلہ کہہ کے سارے ملاح لیَن بنائیا۔ نانک نِرگُن سرگُن ہونا نوُر، سَتنام دئے دِرڑائیا۔ گوبِند سَت دھرم وِچ بھرپوُر، فتح ڈنکا دئے سُنائیا۔ پھیر کلجُگ وِچ ودھنا کوُڑ، موُرکھ موُڑھ بنے لوکائیا۔ اُس ویلے حقیِقت دے مالک نوُں اپنی سرِشٹی دی درِشٹی نوُں اِشٹی بن کے ویکھنا پئے ضرور، پوُرب لہنا دئے چُکائیا۔ ساچے سنتو بھگتو گُرمُکھو پریمیو پیاریو تُہاڈے اندر اِکو اُس دا نوُر، جِس نوُر نال ایس تن وِچ ہووے رُشنائیا۔ اجّ دا پیار مُحبّت وِچ سارے کرو منظوُر، منظوُری وِچ وجےّ ودھائیا۔ سنت مہاتما رِشی مُنی صوُفی آچاریئے جو اِکٹّھے ہوئے پیَنڈا مار کے آئے دوُر، دوُر دُراڈا پندھ مُکائیا۔ ایہہ اوسے دی دھوُڑ، جو دھوُڑی ٹکے سب نوُں دئے لگائیا۔ ویکھیو کوئی بنے رِہو نہ موُرکھ موُڑھ، اندھ اگیان اندروں دینا کڈھائیا۔ پھیر ساریاں دے بخشے جان قصوُر، پُرکھ ابناشی گھٹ نِواسی پروردِگار سانجھا یار ولی االلہ الاہی نوُر یا مُبین کہہ کے سب دا شُکر منائیا۔

۲۸ پوہ شہنشاہی سمت ۳ ہرِ بھگت دوار جیٹھوُوال

دیِن دُنی دا ناتا ہووے اِک، ایکا مِل کے وجےّ ودھائیا۔ گُر اوتار پیِر پَیغمبر لِکھ کے گئے بھوِکھ، پیشیِنگوئی وِچ سُنائیا۔ سب دا سانجھا یار ہرِ کرتار پئے دِس، دہ دِشا کرے رُشنائیا۔ میل مِلائے ہِندوُ مُسلم سِکھ عیِسائی من دی واسنا جِتّ، کلپنا کوُڑ دئے مِٹائیا۔ چار ورناں اٹھاراں برناں سب دا لہنا دینا لئے نجِٹھ، بچیا کوئے رہن نہ پائیا۔ جوتی جوت سروُپ ہرِ، آپ اپنی کِرپا کر، اگلا لیکھا آپ رہیا سُنائیا۔ سانجھا ناتا ہووے جگ، جگ جیِون داتا آپ کرائیا۔ اوُچ نیِچ سارے سدّ، شاہ سُلطان نال مِلائیا۔ تن دیِاں ونڈاں والا رہے نہ کوئے اڈّ، وجوُد دا جھگڑا دئے گوائیا۔ دیِن مذہب دی توڑ کے حد، گھر اِکو رنگ وکھائیا۔ جِس گھر آتم پرماتم دوویں رہے وس، مندر ساچا سوبھا پائیا۔ اوتھے ویکھن والی وی اِکو اکّھ، دو نیَناں راہ نہ کوئے تکائیا۔ پریم پیار دا ہووے جس، سوہلا اِکو دُھر درگاہیِا۔ جوتی جوت سروُپ ہرِ، آپ اپنی کِرپا کر، سَت دھرم دا ساچا راہ چلائیا۔ سَت دھرم دی ساچی شادی، نام شادیانے وِچ کرائیا۔ پریم پیار دا سب دے اندر بَیٹھا راگی، انُراگی اپنا تال وجائیا۔ جِنہاں دی اندروں سُرتی جاگی، مایا ممتا موہ گئے مِٹائیا۔ اوہ بنیا پریم وَیراگی، وَیری کوُڑے باہر کڈھائیا۔ دُرمت مَیل دھو کے داغی، پتت پُنیِت اکھوائیا۔ آتما آتما جے اِک دوُجے دا بنے سماجی، پھیر جھگڑا تت رہے نہ رائیا۔ نؤ کھنڈ پرِتھمی ستّ دیِپ

سارے کرنے آنڈھی گوانڈھی، ہمسائے کر کے دینے وسائیا۔ سب دے کایا مندر اندر نام نِدھان واڑ کے ڈھاڈی، ڈھولک پریم دینی کھڑکائیا۔ رسم رِواج اندر ویکھو اِنھاں نال کوئی نہیں جاننجی، بندھوُ سنگ نہ کوئے نِبھائیا۔ دروپتی کِہا میری کرِشن بِنا پت جاندی، پنجے پانڈو ہوئے نہ کوئے سہائیا۔ جِنہاں دی انتر آتما اِکو اوٹ تکاندی، دوُجا راہ نہ کوئے وکھائیا۔ سو مُحبّت وِچ سچ پریِتی وِچ ہووے باندی، بندنا کر کے سیِس نِوائیا۔ رُت سُہنجنی ہووے ٹھانڈی، اگنی تت نہ کوئے جلائیا۔ تُوں میرا مَیں تیرا جگت وِہار وِچ جے پتنی ہووے گاندی، پتی وی اوہو راگ الائیا۔ ایہو کھیل دُھراں دی، جو آتم پرماتم مِل کے وجےّ ودھائیا۔ جوتی جوت سروُپ ہرِ، آپ اپنی کِرپا کر، سَت دھرم دا سانجھا راہ چلائیا۔ اِکٹّھے ہو جاؤ کھتری براہمن شوُدر وَیش، ذات پات دا جھگڑا رہے نہ رائیا۔ عیِسائی مُسلم منّو کلمے والی ہدایت، جو حضرتاں کری پڑھائیا۔ جے مُرشد مُریِد اُتے کرے عنایت، رحمت اِک کمائیا۔ دھرم دی کرے ازمائش، پرچہ نام رکھائیا۔ سانجھی بناوے رِہائش، مندر مسجد شِودوالے مٹھ جگت ونڈ نہ کوئے ونڈائیا۔ پھیر کِرپا کرے نہائت، مِہربان اپنا رنگ رنگائیا۔ جن بھگتو اَگے سچ دی اُپجے پَیدائش، موُرکھ موُڑھ جنم نہ کوئے پائیا۔ جوتی جوت سروُپ ہرِ، آپ اپنی کِرپا کر، ساچا راہ اِک پرگٹائیا۔ ویکھو اِکٹّھے ہو کے نیِچ اوُچ، ذات پات بھیو بھاوَ دینا مِٹائیا۔ ساچے پریم دی سمجھو سوُچ، جو سنجم دئے پرگٹائیا۔ دھرم وکھاؤ چارے کوُٹ، اُتّر پوُرب پچھّم دکھّن ڈنک وجائیا۔ سب نے اپنے اندروں کڈھنا جھوُٹھ، ممتا موہ دینا گوائیا۔ سَت دے سچ دے بن جاؤ سپوُت، پِتا پُرکھ اکال اِکو لَینا منائیا۔ اپنے آپ نوُں لؤ بوُجھ، جو بُجھا دِیپک دئے جگائیا۔ کوئی بھیو نہ رہے گوُجھ، پڑدا بجر کپاٹ اُٹھائیا۔ سَتگُر کول اِکو شبد جو دو جہاناں دوُت، دُتیا بھاؤ دئے گوائیا۔ تُہاڈی اِکو منزل اِکو مقصوُد، اِکو محفل سوبھا پائیا۔ بےشک تُہاڈا وکّھ وکّھ تن وجوُد، اندر اِکو نوُر رُشنائیا۔ سارے اوسے دی بخشش دا سمجھو کلبوُت، جو پنج تت دئے وڈیائیا۔ سماج وِچ راج وِچ رِواج وِچ جن بھگتو تُہاڈا دینا اوس ثبوُت، جِس نوُں ثابت کر کے دئے وکھائیا۔ سب دی توڑ کے حد حدوُد، بِنا گرنتھ بِنا پنتھ بِنا ویدی بِنا منتر بِنا پُران بِنا انجیل کر تعمیِل، تعمیِر نَویِں رہیا بنائیا۔ جِس دی کھیل کوٹن کوٹ اگنت سہنس، سنسا سب دا دئے مُکائیا۔ کھتری براہمن شوُدر وَیش وِشوَ بن جاؤ اِک سربنس، کُنبہ کائنات اِک اکھوائیا۔ گُرمُکھ گُرسِکھ ہو جاؤ ساچے ہنس، بُدھی کاگ دینی گوائیا۔ اِک سمجھ لؤ انک، کایا ویکھو دوارا بنک، جِتھے بَیٹھا نِرلیپ اٹنک، وجائے سچ نام دا ڈنک، کرے کھیل

بار اَنک، انک کل دھاری اپنی کار کمائیا۔ جِس نوُں لبھدے پِھرن اننت، کھوجدے پِھرن سادھ سنت، رسنا جِہوا گاؤندے پِھردے منت، سو سوامی صاحب بےانت، بےپرواہ اِک اکھوائیا۔ سب نے دھرم پُجاری بن کے بُدھی دے بننا پنڈت، من دی کرے نہ کوئے پڑھائیا۔ گڑھ توڑ دیؤ ہؤمے ہنگت، بن جاؤ ساچی سنگت، جِس سنگت وِچ اکّھ نال اکّھ نہ کوئے رلائیا۔ اِک دی کرو مِنّت، جو سب نوُں دیوے ہِمّت، تُہاڈی وسیع ہو جائے سِمت، سیما وِچ تُہانوُں بند نہ کوئے کرائیا۔ ویکھیو کِسے دے کدے نہ بنیو نِندک، من دی کلپنا وِچ کوئی نہ کریو چِنت، چِنتا غم نیڑ کوئے نہ آئیا۔ وِکار وِچ شرع وِچ شریعت وِچ اصلیّت وِچ نَوعیت وِچ ولدیّت وِچ اقلیت وِچ کدے نہ کریو عِلّت، عالما وِچ فاضلاں وِچ وِدواناں وِچ وِگیاناں وِچ گیاناں وِچ دھیاناں وِچ مِہرباناں وِچ شاہ سُلطاناں وِچ نِمرتا وِچ اپنا جھٹ لنگھائیا۔ منُکھ منُش مانَو سمجھو نہ کوئی بیگانہ، سب دے اندر اِکو وسے بھگوانا، جو سب دا مالک اکھوائیا۔ تُہاڈے ہتّھ پھڑاواں دھرم دا نِشانہ، جو جھوُلے وِچ جہاناں، جِس نوُں دیِن مذہب کرن سلاما، اَگے سماں ہونا ہور روانہ، مستی وِچ بھگت ہوئے دیوانہ، دیوانی دا لالچ رہن نہ کوئے پائیا۔ سُنو سچ دا سچ فرمانا، تُہاڈا بھگتاں والا وِدھانا، وحدت وِچ عبادت وِچ صداقت وِچ رفاقت وِچ لیاقت وِچ مزاہمت کوُڑی دینی کڈھائیا۔ جوتی جوت سروُپ ہرِ، آپ اپنی کِرپا کر، سَت دھرم دینا اِک جنائیا۔ سَت دھرم دا اپنا لؤ رستہ، رہبر اِکو اِک منائیا۔ پِچھلیاں ریِتاں دا بنّھ دیؤ بستہ، سارے مِل کے اَگے ودھو چائیں چائنیا۔ پربھوُ دا پیار بڑا جے سستا، پَیسے ٹکے دی لوڑ رہے نہ رائیا۔ جیہڑا تُہاڈے اندر سدا وسدا، اوسے نوُں اندر لَینا مِلائیا۔ پھیر نظارہ لؤ اُس اکّھ دا، جو اکھّراں توں پرے کرے پڑھائیا۔ جِس گھر محبوُب تُہاڈا وسدا، پاربرہم پتپرمیشور نوُر نوُرانہ نوُر کرے رُشنائیا۔ اوتھے جھگڑا نہیں کوئی رہنا الگ دا، وکھّرا گڑھ نہ کوئے سُہائیا۔ اِکو دِیپک جوتی جگدا، سوُرج چند نہ کوئے رُشنائیا۔ سو مالک تُہاڈے نال سدا پھبدا، جگت نیَن ویکھن کوئے نہ پائیا۔ اوہدا نوُر نوُرانہ جوتی جوت جگدا، جاگرت جوت سب دے کرے رُشنائیا۔ اُس دے کول سچ مُحبّت پریم دا رنگن رنگدا، للاری اِکو اِک اکھوائیا۔ اوہ اِشنان کرائے آتم سروور جمنا سُرستی گوداوری اگمّی گنگ دا، جِتھے تیِرتھ تٹاں دی ونڈ نہ کوئے ونڈائیا۔ پھیر سُکھ لؤ اوس انند دا، جو نِجانند نِج آتم وِچوں پرگٹائیا۔ جن بھگتو تُہاڈا باہروں جوڑا دو تن دا، جگت گرِہستی جوڑ جُڑائیا۔ جو پریم پریِتی اندر ہنڈھدا، دھرم دا مارگ اِک رکھائیا۔ جوتی جوت سروُپ ہرِ، آپ اپنی کِرپا کر، سِر اپنا

ہتّھ رکھائیا۔ سَت دھرم کہے پربھوُ سُن لےَ میری گلّ، نِیوں کے سیِس نِوائیا۔ تُوں جُگ جُگ کریں ول چھل، اچھل اچھلّ تیری بےپرواہیِا۔ تیرا کھیل جل تھل، ہر گھٹ رہیا سمائیا۔ تیرا سندیشہ گھڑی پل، دو جہاناں حُکم الائیا۔ تُوں ساری دُنیا اندر فتوُر پوا دِتا کولوں من، منسا دِتی ودھائیا۔ دوَیش دوَیت دُئی فرقہ پرستی سُنا کے وِچ کنّ، کائنات دا رُخ دِتا بدلائیا۔ اکّھاں والیاں نوُں کر کے نیتر انّھ، اپنا نوُر نہ کِسے دِکھائیا۔ اگر تُوں ہیَں ہنگ برہم، پاربرہم ہو کے کِیوں نہ برہم دا پڑدا لاہیِا۔ میٹ دے ترِشنا تم، تت اپنا دے سمجھائیا۔ پوَن سواسی لیکھے لا دم، دامن پلّوُ اپنے دے پھڑائیا۔ چار ورناں بیڑا بنّھ، چار کُنٹ ایکا راہ چلائیا۔ سچ پدارتھ نام دا دے دھن، جِس نوُں ٹھگ چور یار لُٹ کدے نہ جائیا۔ سب دا وجوُد ہڈّ ماس ناڑی کھلّ، خلق دے مالک کِیوں پلک دے پِچھے بہہ کے اپنا آپ چُھپائیا۔ سچ مُحبّت وِچ سب دا سینہ سلّ، تیِر نِرالا اِک چلائیا۔ ویکھ کوُڑی کِریا کلجُگ کل، کل کاتی ہوئی لوکائیا۔ سچ سِنگھاسن اپنا ملّ، بےدردا دردیِاں نال درد ونڈائیا۔ مذہباں دی ویکھ ڈوُنگھی ڈل، مُنہ دے بھار ڈِگے بِن تیری کِرپا باہر نہ کوئے کڈھائیا۔ سرِشٹی دی درِشٹی بن گئی جنگل جوُہ اُجاڑ وَیرانی جھلّ، تیری جھلک نظر کِسے نہ آئیا۔ جے ساچے سنتاں نال مِل کے ساریاں دا سانجھا سوال ہو جائے حل، پھیر نمبریاں دے نمبر دین دی لوڑ رہے نہ رائیا۔ تیرے پریم دا دِیپک جائے بل، آکاش پرکاش زِمیں اسمان گگن گگننتر برہمنڈ کھنڈ پُری لوء تیری ہووے رُشنائیا۔ جوتی جوت سروُپ ہرِ، آپ اپنی کِرپا کر، ایکا دینا ساچا ور، سَت دا رستہ لَینا اپنائیا۔ سَت دھرم کہے پربھ کِس بِدھ دیویں سہیوگ، جُگتی دے دِرڑائیا۔ پُرکھ اکال کہے مَیں ساچے سنتاں دسّ کے اپنا جوگ، جوگیِشراں لَواں اُٹھائیا۔ جو میرے پریم دا آتم پرماتم بھوگدے بھوگ، رس رسئیے دُھر درگاہیِا۔ اوہ سندیشہ دیون لوک، لوکمات شنوائیا۔ سب دا سانجھا اِک سلوک، سوہلا دُھر درگاہیِا۔ ساچے مندر جاوو پہنچ، جِتھے منزل رہے نہ رائیا۔ دیِن دَیالا ملِے خؤنت، خصم اِکو اِک وڈیائیا۔ سَت دھرم چلاوے راؤنس، چار ورناں گنڈھ پوائیا۔ گلوں شرع دا لاہ کے تؤک، تکّبر کوُڑا دئے مُکائیا۔ منسا موہ کڈھ کے کھوٹ، کھوٹے کھرے آپ بنائیا۔ دُھر دے نام دی لا کے چوٹ، چوٹی چڑھ کے ویکھ وکھائیا۔ جن بھگتو ویکھیو کِتے پھسِیو نہ ورن گوت، سچ دی گوت گؤتم بُدّھ گیا سمجھائیا۔ جِن تخت تاج چھڈ کے پراپت کیِتی اِک نِرمل جوت، جیہڑی جوت سب دے وِچ سمائیا۔ اُس نال مِل کے سدا مانَو اپنی مؤج، مجلس پریمیاں نال بنائیا۔ نہ پرماتما نہ آتما

دوویں ہوون کدے نہ فؤت، تن وجوُد ناتا کوُڑ خُدائیا۔ مُچھ داہڑی کیس جنّجو بودی دھوتی ٹِکاّ تہمت سنت ویکھ نہ کرِیو ادؤت، عداوت وِچ کدے نہ آئیا۔ جوتی جوت سروُپ ہرِ، آپ اپنی کِرپا کر، دُھر فرمانا اِک سُنائیا۔ سَت دھرم کہے پربھ تیرا کیہو جِہا چلے رِواج، رواداری کہن کوئے نہ پائیا۔ ابناشی کرتا کہے سب نوُں اِک دے کراں مُحتاج، لوڑ وند اِک اکھوائیا۔ پہلوں سچ دا پرگٹ کر کے راج، راجے رانیاں تختوں لاہیِا۔ محبوُب دا مُحبّت والا تاج، مِہر نظر اِک ٹِکائیا۔ نام دا سچ تیار کر جہاز، لوکمات دیاں ٹِکائیا۔ تُوں میرا مَیں تیرا مار کے اِک آواز، آتم پرماتم جوڑ جُڑائیا۔ پھیر کھول کے اپنا آغاز، راز پوشیدہ دیاں جنائیا۔ جِنہاں دی لیکھے لگّے نماز، نوازش وِچ اپنا رنگ رنگائیا۔ جِنہاں دا پوُرا ہویا پوُجا پاٹھ، پِٹھ اُنحاں دی ہتّھ ٹِکائیا۔ جِنہاں دا لیکھے لگّے جوگ ابھیاس، ابھیاسی میل مِلائیا۔ جِنہاں دے انتر سچ وَیراگ، وَیری دُشمن لَواں اپنائیا۔ جِنہاں سب کُچھ دِتا تیاگ، ننگی پَیریں بھجّا واہو داہیِا۔ اوہ سب دا سجّن ساک، کرتا اِک اکھوائیا۔ جِس دی نہ کوئی دِوس نہ کوئی رات، گھڑی پل نہ ونڈ ونڈائیا۔ سب دی سانجھی کر جماعت، نام اکھّر اِک سُنائیا۔ دھرم دی دے سوغات، کایا جھولی آپ بھرائیا۔ باہمی جوڑ کے نات، سگلا سنگ وکھائیا۔ کھتری براہمن شوُدر وَیش اِکو ہو جائے سماج، سمجھ وِچوں سمجھ لئے بدلائیا۔ جوتی جوت سروُپ ہرِ، آپ اپنی کِرپا کر، ساچے رنگ وِچ رنگائیا۔ سَت دھرم کہے اے پربھوُ کِیوں تن وجوُد ناتا جُڑدا، بھیو دینا کُھلائیا۔ کی کھیل سچّے سَتگُر دا، سَت سَت نال مِلائیا۔ پُرکھ اکال کہے ایہہ لیکھا دُھر دا، دُھر مستک ویکھ وکھائیا۔ جو پریم وِچ پیار وِچ تن وجوُد وِچ جُڑدا، جوڑی جگت والی بنائیا۔ اوہدے اندر راگ اُپجے اوس سُر دا، جو سُرتی ناد شبد نال وجےّ ودھائیا۔ اوتھے گھاٹا نہیں کوئی تُھڑ دا، بُھکھا ننگا نہ کوئے وکھائیا۔ ایہو کھیل دیوت سُر دا، مانَس گُرمُکھ رنگ رنگائیا۔ جوتی جوت سروُپ ہرِ، آپ اپنی کِرپا کر، سچ پریم وِچ نیم اپنا دئے بنائیا۔ سچ دھرم دا کیہڑا نیم، نِمرتا وِچ جنائیا۔ پُرکھ اکال کہے دُشٹ دمن نے کیِتا اُپر ہیم، ہِمّت اِک جنائیا۔ اوہ گوبِند وِچ پریم، جو شبدی روُپ دئے سمجھائیا۔ جے کوئی اُس دا کرے دھین، دھیان وِچ رکھائیا۔ ماٹی ہو کے رین، نِمرتا وِچ سمائیا۔ درس دِکھائے مُکٹ بَین، کول نیَن ہوئے رُشنائیا۔ سب دا سوامی نر نرائن، نِراکار اِک اکھوائیا۔ جِس دے کول نام پارس بناؤن والی رسائن، لوہا کنچن دئے بدلائیا۔ اوہدا نُقطہ نہیں کوئی غَین، عین اپنی کل ورتائیا۔ الف یے نہیں طرفَین، دو طرفی کار نہ کوئے کمائیا۔ جو بالمیک لِکھیا وِچ رمائن، رام راما جوڑ جُڑائیا۔ جو

کرِشن ارجن وکھایا نیَن، وِراٹ اپنا آپ بنائیا۔ جوتی جوت سروُپ ہرِ، آپ اپنی کِرپا کر، مِہر نظر اِک اُٹھائیا۔ سَت دھرم کہے میرے نِرنکار، تیری بےپرواہیِا۔ تیرے در سنک سنندن سناتن ویکھے سنت کُمار، چارے بَیٹھے سیِس نِوائیا۔ براہ بن در بِھکھار، یگے پُرش دھیان لگائیا۔ ہاو گریو کرے نِمسکار، نر نرائن تیری سرنائیا۔ کپل مُن ہو اُجیار، دتّا ترےَ جھولی ڈاہیِا۔ رِکھو دیوَ پاوے سار، پرِتھوُ آسا اِک جنائیا۔ متس دِسے تیری دھار، جلدھارا سوبھا پائیا۔ کچّھپ نوُر تیرا اُجیار، دھننتر تیری دئے گواہیِا۔ باوَن تیرا کھیل اپار، ہری گز لئے ترائیا۔ نر سِنگھ ہو اُجیار، بھگت سُہیلا گود اُٹھائیا۔ ہنس ہو بولے جَیکار، مانک موتی سوبھا پائیا۔ تیرا کھیل اپر اپار، شاستر سِمرت وید پُران ڈھولا گائیا۔ پرس رام بنا کے دھار، براہمن برہم اِک جنائیا۔ رام راما لےَ اوتار، تریتا جُگ اپنی کل ورتائیا۔ جنک سپُتری کر پیار، سیِتا سَت دی لئی اُپجائیا۔ وید ویاسا کر کے خبردار، کوار کنیا بھاگ لگائیا۔ سب دا ویتا بن لِکھار، پُران اٹھاراں گیا دِرڑائیا۔ کاہنا کرِشنا پاوے سار، مہاسارتھی ویس وٹائیا۔ بھگتاں دئے آدھار، بِدر سُداما پار کرائیا۔ دروپتی لج رکھے وِچ سبھا داتار، مِہر اپنی نِگاہ اُٹھائیا۔ بُدھی بودھ دے آدھار، گؤتم بڑھ دے نال پرگٹائیا۔ موُسیٰ کوہ طوُر کر اُجیار، نوُرو نوُر نوُر چمکائیا ۔ عیسیٰ اِسم دے اگمّ اپار، سُت اِکلؤتا جگت سُنائیا۔ محمد حمد وِچ کر اُجیار، کلمہ نبیِاں اِک پڑھائیا۔ گُفت شُنید کر گُفتار، جُست جوُ اِکو دئے سمجھائیا۔ نانک نِرگُن سرگُن ہو تیار، ترےَگُن اتیِتا پھیرا پائیا۔ ایکا جوت نوُر اُجیار، گوبِند ڈنکا ڈنک سُنائیا۔ بھگت اٹھاراں ہو مِہربان، محبوُب اپنا رنگ چڑھائیا۔ جوتی جوت سروُپ ہرِ، آپ اپنی کِرپا کر، ایکا دینا ساچا ور، سَت سَتوادی برہم برہمادی شبد انادی تیرا بھیو کوئے نہ آئیا۔ سَت دھرم کہے کی دیویں دات، پربھ ساچے دے جنائیا۔ کی ہُن وی کوئی ہووے بھگت پرہلاد، بچّہ دھروُہ وانگ پرگٹائیا۔ کی جنک والا ہووے سماج، امریک درباشا کھیل کھِلائیا۔ کی بِدر سُداما ہووے ساتھ، ہری ہرِ پڑدا دینا اُٹھائیا۔ کی ہری چند ورگا کرے کوئی ساچا راج، تاج چھڈ کے گھر نیِچاں سیو کمائیا۔ کی جےَدیو ورگا کرے کوئی پاٹھ، جو پاتر پاتر وِنھ وکھائیا۔ کی نامدیو ورگا ہووے کوئی ساک، جو بہتر وار درشن کر کے خوشی منائیا۔ کی سیَن نائی ورگا ہووے کوئی داس، آپ داس بن کے راجے در تے جائیا۔ کی رَویداس ہووے تیرے پاس، جو پانہا گنڈھ کے جھٹ لنگھائیا۔ کی کبیِر اپنی بھیٹا تیرے اَگے کرے لاش، تن وجوُد کرے صفائیا۔ کی پاپن گنکا دھووے داغ، دُرمت مَیل مِٹائیا۔ کی بدھّک پیار کرے ساچ، جو تیِر

نِشانہ چرن لگائیا۔ کی پوُتنا کریں گھات، جو موہن مُنمے کاہن پائیا۔ کی پار اُتاریں اجامل بدمعاش، ناؤں نرائن اِک دِرڑائیا۔ کی صوُفیاں پوُری کریں خواہش، جو اَناالحق نعرہ گئے لگائیا۔ جِنہاں تن اُتوں تُڑایا ماس، مستی تیری وِچ سُنائیا۔ سو سارے تیرے داس، نِیوں نِیوں لاگن پائیا۔ سَت دھرم کہے پربھ اِک میری ارداس، بینتی دیاں سُنائیا۔ پہلوں کلجُگ کوُڑی کِریا کر ناس، کھنڈا کھڑگ نام اُٹھائیا۔ پھیر ساچے بھگتاں کر پرکاش، ساچے سنت لےَ اُٹھائیا۔ سارے اِکٹّھے ہو کے تیرے نام دی پاون راس، گوپی کاہن آتم پرماتم بنائیا۔ سب دا اِک ہووے وِشواس، وِشا دوُجا نہ کوئے جنائیا۔ تَینوُں تیرے کرن تلاش، کایا مندر کھوج کھوجائیا۔ تیرا نوُر ہووے پرکاش، اندھ اندھیر مِٹائیا۔ وجےّ اگمّی ناد، سوئی سُرت جگائیا۔ نظر آئے برہماد، برہمانڈ پڑدا دے کُھلائیا۔ اَگے ساجنا ساچی ساج، سجّن بن کے ہو سہائیا۔ جے سَت دھرم دا شُروُع کرنا رِواج، راجا پرجا اِکو جوڑ جُڑائیا۔ تیری پُھلواڑی تے تیرا باغ، باغیچے دے مالک باغبان ہو کے سب دی سیو کمائیا۔ ساچی جوتی دا جگا چراغ، چراگاہاں وِچ ہوئے رُشنائیا۔ تیری سرِشٹی تیری درِشٹی تیری دُنیا رِکھیاں مُنیاں دا بنا سماج، سمے وِچوں سماں دے بدلائیا۔ سب دا روُح بُت ہووے پاک، پاِکیزہ نظری آئیا۔ جوتی جوت سروُپ ہرِ، آپ اپنی کِرپا کر، تیرے ہتّھ سب دی واگ، رتھواہی بن کے جِدھر چاہیں اُدھر لئیں بھوائیا۔ بھگوان کہے اوہ سَت دھرم، کی مَیں رتھواہی، رتھ چؤراسی لکّھ چلائیا۔ سَت کہے پربھ تُوں بےپرواہی، تیرا بھیو کوئے نہ پائیا۔ تَینوُں سارے منّدے ساچا ماہی، مالک اِک اکھوائیا۔ کدے مِلیں تے کدے کریں جُدائی، مِلنا وِچھڑنا اپنی ریِت بنائیا۔ کدے بودھ گیانی کدے بنیں شؤدائی، امیِری غریِبی دوویں راہ چلائیا۔ کدے راجا شہنشاہ تے کدے بنیں نائی، دُہائی اپنے نام کرائیا۔ کدے جٹّ بن کے کریں واہی، دھنےّ رنگ چڑھائیا۔ کدے گوبِند بن کے بوُٹا پُٹیں کاہی، کدے سیِتا بناں وِچ گھُمائیا۔ کدے رُکمنّی کھوہ کے بَل وکھائی، ایہہ وی اچرج کھیل بنائیا۔ کدے مُنہ دے بھار ڈِگّ کے دئیں دُہائی، کدے صلیِب پھاسی گل دے وِچ لٹکائیا۔ کدے نبی بن کے کریں لڑائی، چار یاراں جوڑ جُڑائیا۔ کدے پِھریں واہو داہی، بھجّیں دو جہاناں چائیں چائنیا۔ کلجُگ انتم کھیل جِس نوُں سمجھے کوئے ناہیں، بُدھی وِچ نہ کوئے لیائیا۔ جوتی جوت سروُپ ہرِ، آپ اپنی کِرپا کر، اپنا کھیل کھِلائیا۔ سَت دھرم کہے مَینوُں ویلا یاد آیا ارجن، عرض دیاں سُنائیا۔ جِس ویلے چؤتھا جُگ شُروُع ہونا سی وید اتھربن، اتھروُ نیَناں وِچوں وہائیا۔ گھاؤ ہویا اربن کھربن، گِنتی گنت نہ کوئے گِنائیا۔

اِک اکشوُہنی دا لیکھا اٹھائی لکّھ انِگنتی دا وزن، تولا تول نہ کوئے بنائیا۔ بھائی بھائیاں نالوں کر کے وکّھ، دوویں دھِراں دِتے لڑائیا۔ نہ شستر پھڑیا ہتّھ، راساں نال سب نوُں لیا گھُنمائیا۔ جِس ویلے ارجن رتھ توں اُتر کے چرناں گیا ڈھٹّھ، نِیوں کے لاگا پائیا۔ کرِشن اپنا ہتّھ رکھ کے اُتے پٹّ، دوہرا تال دِتا وجائیا۔ کیِتا کھیل اپنا نٹوُآ نٹ، سوانگ سمجھ کِسے نہ آئیا۔ کرے کھیل پُرکھ سمرتھ، ہرِ داتا دُھر درگاہیِا۔ جوتی جوت سروُپ ہرِ، آپ اپنی کِرپا کر، بھیو ابھیدا دئے کُھلائیا۔ سُن ارجن، ارجن کہے نہیں، بینتی اِک جنائیا۔ کُچھ لیکھا دسّ اپنے حِساب کھاتے وِچوں وہی، جِتھے قلم دوات لِکھے کوئے نہ شاہیِا۔ بھگوان کِہا ارجن اوہدی رسم چلنی نَویِں، نَواں راہ پرگٹائیا۔ تیرے پیار دی پا کے صحیح، سچ دیاں جنائیا۔ اودوں کِسے نے پنڈتاں نوُں کھواؤنی نہیں تسمئی، کھیِراں دا پیِر نہ کوئے منائیا۔ کُچھ یاد آ گیا جیہڑی کتھا بھرت نوُں دسّی کَیکئی، اندر وڑ سمجھائیا۔ بچّیو مَیں رام دی ماں مِتریئی، کُکھ دا جمّیا اِکو نظری آئیا۔ مَیں دسرتھ نال گلّ پکّی اِک کر لئی، جِہنوُں موڑ نہ سکے رائیا۔ آہ ویکھ لےَ میری بہی، جو پہیِا رتھ چلائیا۔ جوتی جوت سروُپ ہرِ، آپ اپنی کِرپا کر، پوُرب لیکھا ویکھ وکھائیا۔ ارجن کہے پربھوُ مَیں سُن لئی تیری اندروں گیِتا، اٹّھ دس وجےّ ودھائیا۔ کُچھ حُکم دیوے سیِتا، رام دئے دُہائیا۔ اکّھاں چُک کے ارجن تکّ لےَ نال نیجھاں، کلجُگ ویکھ وکھائیا۔ اُس ویلے پربھ نالوں ٹُٹنیاں سب دیاں مات پریِتاں، پریِتم سچ نہ کوئے مِلائیا۔ جھگڑا پَینا مندر مسیِتاں، شِودوالے مٹھ گُروُدوار گِرجے ونڈ ونڈائیا۔ سب دیاں اندروں بدلنیِاں نیِتاں، سَت سچ نہ کوئے کمائیا۔ گُر اوتار پَیغمبراں وارو واری سب نوُں مِل جانیاں تواریِخاں، بھوِکھتاں وِچ سمجھائیا۔ انت دی کرِیو اِک اُڈیِکا، جوبن اپنے اُپر نہ کوئے رکھائیا۔ کِسے دوارے منگن نہ جاوے بھیِکھا، بھیشم پِتاما گیا سُنائیا۔ کِرپاچارج تِنّ مار کے لیکاں، دروناچارج نال مِل کے کری صلاحیِا۔ درباشا جنگل وِچ کھیل کر کے انڈیِٹھا، جھگڑا کرِشن نال جنائیا۔ بھگوَن کِہا اوس ویلے ارجن بھگتی بھاوَ توں سب دا خالی ہونا کھیِسا، خالص نظر کوئے نہ آئیا۔ ارجن کہے ایہہ کوَن وقت، بھگوَن کہے اوہ بیِس بیِسا، ویہویں صدی ویکھ وکھائیا۔ سب نوُں بُھلنا راگ چھتیِسا، چھتردھاری دھرم وِچ دھرم نہ کوئے بنائیا۔ ناما کہے اوہ کھیل میرے بیِٹھلو بیِٹھا، جو میری چھپّر چھنّ چُھہائیا۔ اوس نے سب دا بدل دینا طریقہ، حُکم دُھر دا اِک سُنائیا۔ وصیّت کرے بِن وسیقہ، لِکھن پڑھن دی لوڑ رہے نہ رائیا۔ جِس ویلے دھرم دواریاں وِچ سیاست نے ماریِاں چیِکاں، سارے روون مارن دھاہیِا۔ اوس ویلے پُرکھ اکال کرے سچ

پریِتا، پریِتم ہو کے ہوئے سہائیا۔ جوتی جوت سروُپ ہرِ، آپ اپنی کِرپا کر، اپنا بھیو کُھلائیا۔ ارجن کہے جے مندر مسیِت گُروُدوار مٹھ پےَ گیا جھگڑا، کی کروُ لوکائیا۔ ہے بھگوَن تِرلوکی ناتھ دسّ بھیو اگلا، اَگے دے جنائیا۔ جِس طرح مُنی شُشیل نے کِہا دوُجے نمبر دیاں نوُں جگ کہے پغلا، اوہ پغلے تیرا نام دِھیائیا۔ تے جیہڑے باہروں بنے رہن بغلا، میرے وانگ چِٹے بستر پائیا۔ جوتی جوت سروُپ ہرِ، آپ اپنی کِرپا کر، کی اپنی کار کمائیا۔ بھگت کہے اے میرے بھگوان، ارجن آسا پوُر کرائیا۔ کُچھ بخش کے دان، کلجُگ جیِواں جھولی پائیا۔ کرِشن نے اندر اُپر پرے توں پرے کر دھیان، پاربرہم دا لیکھا برہم دِتا سُنائیا۔ اُس ویلے سارے ہون حَیران، حَیرانی ہر گھٹ اندر آئیا۔ مذہبی دوارے بن جان جگت دی دُکان، مُلّا شیخ مسائک پنڈت پاندھے گرنتھی پنتھی اپنا ہٹّ چلائیا۔ پھیر کِرپا کرے آپ مِہربان، مِہر نظر اکّھ اُٹھائیا۔ سَت دھرم کر پروان، ساچا راہ اِک بنائیا۔ بھگت دوارا پرگٹ کر کے وِچ جہان، جُگ دے وِچھڑیاں لئے مِلائیا۔ جِتھے نہ کوئی ہِندوُ سِکھ عیِسائی نہ کوئی مُسلمان، پارسی بودھی جَینی دِسن بھائی بھائیا۔ سَت دھرم دا اوتھے مُنیاں نے کر دینا فرمان، فرمانبردار ہو کے سارے پربھ دی سیو کمائیا۔ ایہہ بن جائے اوہ وِدھان، جِس دی ترمیِم وِچ قلم سکے نہ کوئے اُٹھائیا۔ تقسیِم رہے نہ کوئے شیَطان، زیر زبر ساری دین گوائیا۔ واحد اِک سمجھ رمز بُدھی وِچ آوے اِنسان، اِنسان اِنسانیت سب دے اندر ٹِکائیا۔ ایہہ کرِشن دا بیان، ارجن دا دھیان، دوُجا دسّن والا نظر کوئے نہ آئیا۔ جوتی جوت سروُپ ہرِ، آپ اپنی کِرپا کر، ہرِ کرتا کھیل کھِلائیا۔ ارجن کہے کِیوں میرا چلاؤندا رِہوں رتھ، میری سیو کمائیا۔ کرِشن گھاہ دے اُتے بہہ کے جھٹ، سہج نال سُنائیا۔ رکھ کے پِٹھ ہتّھ، اندروں اکّھ دِتی کُھلائیا۔ ارجن بھگت بھگوان نہیں وکّھ، دوہاں دا اِکو گھر سوبھا پائیا۔ مَیں ہُن مارگ رہیا دسّ، کلجُگ وِچ بھگتاں دے اندر وڑ کے اُنحاں دا رتھ چلائیا۔ تُسیں میرا گاؤندے جس، پھیر مَیں بھگتاں دا ڈھولا گائیا۔ نِرگُن نوُر جوت کر پرتکھ، پرشناں دا لیکھا دینا مُکائیا۔ اِکو نام نِدھانا نؤجوانا کر پرگٹ، جگت دے پرگنے دینے مُکائیا۔ سچ دا کھول کے ہٹّ، دھرم دی دات اِک ورتائیا۔ جو آوے سو لاہا جاوے کھٹّ، منکھٹوُ رہن کوئے نہ پائیا۔ کِیوں مُنی نے کِہا پربھوُ سِدھا سادہ جٹّ، ساڈے اندر وڑ کے روزی رِزق رحیِم ہو کے دیوے چائیں چائنیا۔ کُچھ لیکھا رام نے جانیا جیہڑا بیٹا دسرتھ، پنچوٹی وِچ لچھمن دِتا سُنائیا۔ اِک سُکی ٹہنی کٹ، کٹاکش دِتا لگائیا۔ سیِتا بول پئی جھٹ، سوامی ایہہ کی کھیل ورتائیا۔ رام کِہا سیِتا آہ ویکھ میرا ہتّھ، درد نال

بھریا نظری آئیا۔ کلجُگ وِچ میرا پیار میریاں جانا چھڈ، مندر وِچ سیِتا رام کہہ کے مایا ممتا وِچ ہون ہلکائیا۔ پر مَیں رام، ہر گھٹ وسیا رام، سب توں نیارا رام ہو کے دینا دسّ، ظُلم اپرادھ وِبھچار دُراچار بھرِشٹاچار وِکار ہنکار موہے کدے نہ بھائیا۔ اوس ویلے پربھ دی کھیل ورتے وِچ سنسار، کلمہ ویکھے تھاؤں تھائنیا۔ پِھر رام دے نام نال کٹ دینی کوُڑی دھار، دھرنی دھرت دھوَل دھؤل اُتے سَت دھرم دینا لگائیا۔ جیہڑے میرے ہون پیارے سُگریو دے بھتیجے انگد ورگے دُلارے، اوہ مُنیاں دا روُپ وٹائیا۔ دھرتی نوُں دین ہُلارے، کُکرماں نوُں دین پِچھاڑے، بھاگ لاؤن وِچ اُجاڑے، اُجڑیاں دین وسائیا۔ جوتی جوت سروُپ ہرِ، آپ اپنی کِرپا کر، ساچا لیکھا دئے مُکائیا۔ سیِتا کہے میرے رگھُپت، رگھونسی رگھُناتھ مَینوُں دے جنائیا۔ رام کِہا سیِتا کِسے وِچ دِسدا نہیں سَت، سَتیا نظر کوئے نہ آئیا۔ سب نوُں بُھلنی برہم مت، برہم ویتا برہم نہ کوئے جنائیا۔ جگت وِکار نے اندر پاؤنی نتھ، سکے نہ کوئے بچائیا۔ وِدواناں نے کتھا کرنی رسنا نال کتھ، اُچی کوُک کوُک سُنائیا۔ تھوڑے سمے بعد اوہ وی جان چھڈ، روٹیاں کارن پیٹ وجائیا۔ جِدھر مایا ملِے اُدھر سادھوُ وی جان نَٹھ، چیلیاں دے پِچھے مِنّتاں کر کر کے اپنا جوڑ جُڑائیا۔ سیِتا کہے مہاراج کی ایہہ سماں آوے وت، بےوطن ہوئے لوکائیا۔ رام جی ہتّھ اُتے ہتّھ مار کے پئے ہسّ، جِس سیِتا تَینوُں تے مَینوُں بناں وِچ دِتا بھوائیا۔ اوہ رام سدا سمرتھ، جو تتّاں والے گُر اوتار پَیغمبر مات پرگٹائیا۔ اوس ویلے کِسے دا چلنا نہیں کوئی وسّ، سمے دا چکّر سب تے دینا لگائیا۔ جوتی جوت سروُپ ہرِ، آپ اپنی کِرپا کر، اپنا رنگ وکھائیا۔ لچھمن سب کُچھ رہیا سُندا، پِھر کروٹ لئے بدلائیا۔ اے پربھوُ کؤن ایس نوُں چھان دا پُن دا، جو دھرم ادھرم ویکھ وکھائیا۔ مَیں تے جگت ویکھدا کھیل نِرگُن سرگُن دا، دوُجا نظر کوئے نہ آئیا۔ رام کِہا بھئیا لکشمن ایہہ کوئی سؤدا نہیں مُلّ دا، قیِمت والا ونج نہ کوئے کرائیا۔ ایہہ کھیل اوس مالک کُل دا، جو کُل عالم وِچ بالم بن کے کھیل کھِلائیا۔ جِس دا سَت دھرم نِشانہ جھُلدا، وِشن برہما شِو دیوت سُر جِس دے نِشان تھلّے سیو کمائیا۔ اوہدا کھیل اِک برہمے والے نابھی کوَل پُھل دا، جِس دے وِچ جھِرنا رہیا جھِرائیا۔ اوہدا بوُٹا کدے نہ ہُلدا، رام کہے لچھمن جو بھگت لئے اُپجائیا۔ جے کوئی سُکھ لےَ لئے اوس دی چرن دھوُل دا، دُکھ دا لیکھا دئے مُکائیا۔ سُکھ مان لئے اوس کنت کنتوُہل دا، جو سیِتا سب دی سیِتا سُرتی رہیا پرنائیا۔ اوس دا کھیل سدا اصوُل دا، نِیم وِچ قاعدے وِچ مریادا وِچ مریادا پُرشوتم ہو کے اپنی کار کمائیا۔ اوہ کِسے توں پَیسے ٹکے نہیں وصوُلدا، سیِتا کہے رام

کی کردا، رام کہے بھگتاں اَگے پریم دی جھولی ڈاہیِا۔ پربھوُ کوئی مالک نہیں چُنگی والے محصوُل دا، چُنگی خانے سارے دئے مِٹائیا۔ ایہہ کوئی لیکھا نہیں کِسے مضموُن دا، دُھر دے رام دی رام دُہائیا۔ جوتی جوت سروُپ ہرِ، آپ اپنی کِرپا کر، پوُرب لیکھا رہیا سُنائیا۔ سیِتا کہے پربھوُ کِیوں پِھریئے وِچ بنباس، بُھکھے رہ کے جھٹ لنگھائیا۔ رام کِہا آ جا میرے پاس، کُچھ تَینوُں دیاں وکھائیا۔ تھوڑی جِہی میٹ آنکھ، سِر سیِس اُتے ٹِکائیا۔ پہلوں دِتا اوہ پرکاش، جِس پرکاش وِچ پرکاش سوبھا پائیا۔ پھیر ہور کیِتا وِکاس، دواپر ڈگمگائیا۔ کرِشن ہو کے بھگتاں دا رتھ چلاوے آپ، راساں اپنے ہتّھ اُٹھائیا۔ سیِتا دے اندر تھوڑا آیا پسچاتاپ، ایہہ کی کار کمائیا۔ رام نے پھیر کِہا کُچھ ہور اَگے جھاک، تَینوُں دیاں وکھائیا۔ سیِتا دا کھول کے تاک، پڑدا دِتا اُٹھائیا۔ کلجُگ دی چؤدھویں صدی وِچ دِسے نہ کوئے اِنصاف، دروہی دروہی خلق خُدائیا۔ نہ کوئی مائی تے نہ کوئی باپ، پِتا پوُت کرے لڑائیا۔ بھَین بھائی تے بھائی بھَین ولّ لیَن جھاک، ایہو جِہا سین دِتا وکھائیا۔ اِستری کوئی نظر نہ آوے سیِتا جیہڑی تیرے وانگ پِھرے وِچ بنباس، پتی برتا نظر کوئے نہ آئیا۔ ساری دُنیا اُترےَ اِندریاں دے گھاٹ، کوئی وِرلا سادھوُ بچ کے اپنا جھٹ لنگھائیا۔ بتھیرے مالا منکے پھیر کے جےَ سیِتا رام دا کرن پاٹھ، سیِتا سُرتی میرے نال نہ کوئے پرنائیا۔ سیِتا کہے مہاراج کی ایہہ تُہاڈا سچ ہووے واک، بھگوَن کِہا سچ دی کتھا سُنائیا۔ سیِتا کِسے دا نہیں رہنا اِتفاق، مُحبّت وِچ نظر کوئے نہ آئیا۔ دھرم دا رہنا نہیں کوئی راج، راجے شتروُ روُپ وٹائیا۔ لچھمن اَگوں کہے کی پھیر ہووے مہاراج، پڑدا دینا کُھلائیا۔ رام ہؤلی جِہی دسّیا وِچ آواز، سہج نال سمجھائیا۔ اوس ویلے کِرپا کرے آپ، جیہڑا جگت اکّھاں نال نظر کِسے نہ آئیا۔ سرِشٹی دا میٹ دیوے پاپ، پتت پُنیِت بنائیا۔ اوہ سچّیاں سنتاں دا بنا کے ساتھ، چاروں کُنٹ کرے شنوائیا۔ اوہ تھالاں وِچ دیِوے پا کے جگت آرتی دی پاوے کوئی نہ راس، گھِرت نال نہ کوئے وڈیائیا۔ اندر وڑ کے کھولے تاک، پڑدا دئے چُکائیا۔ جِتھے سدا ڈگمگاہٹ، اٹّھے پہر ہووے رُشنائیا۔ منزل میٹ کے واٹ، پاندھیِاں پندھ دوُر کرائیا۔ سیِتا اِک پانی دا دے گِلاس، سِری رام جی منگ منگائیا۔ لچھمن کر کے جھٹ تلاش، جل ٹھنڈا لےَ کے آئیا۔ رام دوہاں نوُں کِہا اِکٹّھے ہو کے ہتّھ جوڑ کے نِمسکار کر کے پوُرا کرو وِشواس، واسطہ رام نال جُڑائیا۔ تُہانوُں دُکھ کوئی نہ رہے بنباس، مَیں سدا تُہاڈے پاس، مَیتھوں پرے نہیں کوئی خاص، ہُن مَیں تتّاں والا باہروں تے اندروں پُرکھ ابناش، ابناشی دا روُپ وٹائیا۔ لچھمن مَیں نہیں ہونا باش، ایہہ تن ماتا پِتا دا دھرتی توں

لیا تے دھرنی اُتے دینا جلائیا۔ میرا اوس تھاں نِواس، دوُجا نظر کوئے نہ آئیا۔ پھیر مُڑ کے آ جاواں آپ، بن کے رتھ رتھواہیا۔ ارجن دا ہووے ساتھ، بِنا جوڑی توں رام رہن کدے نہ پائیا۔ ایہہ کھیل کراں ساکھیات، دواپر ویکھ وکھائیا۔ کلجُگ انتم نِرگُن نوُر جوت کراں پرکاش، وید ویاس رہیا سمجھائیا۔ جوتی جوت سروُپ ہرِ، آپ اپنی کِرپا کر، اپنا پڑدا رہیا اُٹھائیا۔ ارجن کہے پربھوُ تُوں میرے ویکھے تیِر کمان، چِلّے زور نال چڑھائیا۔ بھگوَن کہے واہ میرے بلوان، ایہہ تیرے وِچ وڈیائیا۔ اوئے ارجن جے اِستری ناری وِدھوا رنڈی ہو جائے وِچ جہان، اوس نوُں اُنگلاں والی تکّے لوکائیا۔ ارجن ہو گیا حَیران، حَیرانی اندر ڈیرہ لائیا۔ جاں ویکھیا ساڈھے تِنّ کروڑ رچیا نظری آیا کاہن، بِنا کاہن توں ارجن دا تن وجوُد کمّ کِسے نہ آئیا۔ نِیوں کہ نِمسکار کیِتی مَیں بال نادان، بچّہ نڈھّا تیرا اکھوائیا۔ کرِشن کِہا ایہہ تیری میری پہچان، دوویں مِل کے سانجھا جھٹ لنگھائیا۔ نہ مَیں رتھواہی نہ رتھوان، مَیں مالک کُل جہان تُہاڈا رستہ کیِتا آسان، سیوادار ہو کے تُہاڈی سیو کمائیا۔ ایہہ رستہ دسّنا نِمرتا وِچ غریِبی وِچ حلیمی وِچ رہو وِچ جہان، وڈیائی کمّ کِسے نہ آئیا۔ جے اکّھ نال تکّنا تے تکّو سِری بھگوان، جے من نال نسّنا تے پُجو دھرم استھان، جے تن کوٹھے وِچ وسنا ممتا شرع نہ رہے بےاِیمان، پھیر ارجن تُوں میرا مَیں تیرا ساچا سجّنا، خوشی پیار دا دیواں دھوُڑی مجنا، نام نیتر گیان پاواں کجلا، نِج نیَن چکشوُ شِو نیتر اِکو دیاں کُھلائیا۔ جوتی جوت سروُپ ہرِ، آپ اپنی کِرپا کر، اپنا رنگ رنگائیا۔ ارجن کہے کی کلجُگ ورتے کل، کل دے مالک دے سمجھائیا۔ کرِشن کِہا ایہہ میرا ول چھل، دُھر دی بان چلی آئیا۔ جِس ویلے ویلا وقت آوے اوسے ویلے کراں گلّ، پہلوں اپنا آپ آؤٹ نہ کوئے کرائیا۔ ارجن کرماں دا سب نوُں دینا پھل، نِہکرمی ہو کے ویکھ وکھائیا۔ بھگتاں دا میٹنا دوَیت والا سلّ، دُئی دا ڈیرہ ڈھاہیِا۔ جوتی جاتا ہو کے اندر جاواں رل، رل مِل اپنا جھٹ لنگھائیا۔ جیہڑا لہنا دینا پوُرب لیکھا راجے بل، اوہ سمگری کلجُگ وِچ گُرمُکھاں کولوں ورتائیا۔ نام سندیشہ دھرم دوارے دا گھلّ، گھائل قائل کراں سرِشٹ سبائیا۔ جے کوئی سچ دے مارگ جائے چل، چلدیاں چلدیاں راہ وِچ نہ کوئے اٹکائیا۔ سیِتا پھڑ کے گلاس جل، بھگوَن دے چرناں اُتے دِتا ٹِکائیا۔ بھگوَن نے اَگوں ہتّھاں نال لیا ٹھلا، ہتّھ ہتّھ اُتے رکھائیا۔ جوتی جوت سروُپ ہرِ، آپ اپنی کِرپا کر، مِہربان پڑدا آپ چُکائیا۔ جل کہے کِیوں مَینوُں پربھوُ چُکیا، بھیو دینا کُھلائیا۔ نِمرتا وِچ پُچھیا، نِیوں نِیوں سیِس جھُکائیا۔ بھگوَن کِہا کلجُگ انت سرِشٹی دا بوُٹا دِسے سُکیا، بِن رام دے پانی ہرا نہ کوئے

کرائیا۔ اوس ویلے بڑیِاں صِفتاں نال راگاں نال سازاں نال سب نے پڑھنیِاں گرنتھاں والیاں تُکیا، اُچی بول بول سُنائیا۔ جِس ویلے پربھ نے اوہناں نوُں پُچھیا، اپنا آپ سکے نہ کوئے بچائیا۔ جل کہے اے پربھوُ کی کوئی تیرے نالوں وی رُٹھیاں، رام نے تھوڑا دِتا ہِلائیا۔ گلاس دے وِچ رکھ کے گوُٹھیا، پھیر باقی چارے اُنگلاں دِتیاں چُھہائیا۔ او پانی اؤہ ویکھ چار وید دا گیاتا میرے نالوں رُسیاں، راون دئے دُہائیا۔ جل کہے پربھوُ تَینوُں کِیوں نہیں آؤندا غُصّیا، گُستاخی اندروں دے مُکائیا۔ رام کہے ایہہ دُھر دا ور جِس دے کارن مَیں لوکمات وِچ اُٹھیا، رام دا روُپ وٹائیا۔ جل ایہہ سب دا بوُٹا جانا پُٹیا، بِنا رام توں رام دی پئے دُہائیا۔ سیِتا ویکھ کلجُگ سب دا دِسے کایا خالی ٹھوُٹھیا، امرت جل نظر کِسے نہ آئیا۔ ساریاں نے مایا ممتا نال ہؤمے ہنگتا نال وِشیاں وِچ رنگ ماننا نال جھوُٹیا، کام کرودھ لوبھ موہ ہنکار ہلکائیا۔ اوس ویلے رام دا رام نوُر نوُرانہ اپنی دھار وِچوں آپے آوے پُھٹیا، جِس نوُں جنمے کوئے نہ مائیا۔ اوہ میل لوَے جیہڑے کرم کر کے ٹُٹیا، ٹُٹیاں گنڈھ پوائیا۔ اونے چِر نوُں اِک گڈریا اُتھوں سیِتا پھل دا لےَ کے آ گیا گُچھیا، پنج پنج نال مِلائیا۔ جوتی جوت سروُپ ہرِ، آپ اپنی کِرپا کر، بھیو ابھیدا رہیا کُھلائیا۔ سیِتاپھل کہے مَیں ہویا پھلی بھوُت، پنج بھوُت ملِے وڈیائیا۔ میرا تانا پیٹا اِکو سوُت، سوُتردھاری دَیا کمائیا۔ مَیں کر کے آیا کوُچ، کوُچا گلی پھیرا پائیا۔ ویکھ مَینوُں ایہہ پُرانا دُکھ، دُکھ درد نہ کوئے مِٹائیا۔ دھنّ بھاگ جے مَینوُں کِسے لَیندا چُک، رام دی بھیٹ چڑھائیا۔ مَیں تکّ کے ایس دا مُکھ، اپنا جنم لیا بدلائیا۔ ایسے کارن گُروُ گوبِند نوُں پرگٹاؤنے پئے پنج سُت، جِنہاں نوُں پنج پیارے کہہ کے سارے گائیا۔ سیِتا کہے پربھوُ دسّ ہور کُچھ، بھیو ابھید کُھلائیا۔ رام کِہا مَیں اوس ویلے تت وجوُد نہیں رکھنا، سریِر نہیں رکھنا، اپنیاں سنتاں بھگتاں دے کایا مندر اندر وِچ لُکنا اوس گُٹھ، جِتھوں جگت اکّھاں والا ویکھن کوئے نہ پائیا۔ اندرے اندر لَواں پُچھ، شبد شبدی دھار مِلائیا۔ سچ دی دے کے سُچ، سَت دے نال کراں کُڑمائیا۔ بن کے ابناشی اچُت، چیتن سُرتی دیاں کرائیا۔ سیِتا جُگ چؤکڑی رام دی منزل گئی کدی نہیں مُک، پاندھی دا پندھ نہ کوئے مُکائیا۔ جوتی جوت سروُپ ہرِ، آپ اپنی کِرپا کر، بھیو ابھیدا آپ کُھلائیا۔ سیِتا کہے پربھوُ کی پھیر آؤگے۔ اپنی دَیاکماؤگے۔ سَت دا ڈنک وجاؤگے۔ برہم مت دا سبق پڑھاؤگے۔ نِج نیتر اکّھ دا پڑدا لاہوگے۔ اُجڑی دُنیا پھیر وساؤگے۔ جنگل بیلیاں وِچ پِھر کے جھٹ لنگھاؤگے۔ کی سیِتا اپنی نال لِیاؤگے۔ جوتی جوت سروُپ ہرِ، آپ اپنی کِرپا کر، ایکا دینا دُھر دا ور، کی اگلی راس رچاؤگے۔ رام کہے مَیں

آوانگا۔ نِرگُن سرگُن کھیل کھِلاوانگا۔ کاہنا کرِشنا روُپ وٹاوانگا۔ سیِس تاج اِک ٹِکاوانگا۔ مُکند منوہر لکھمی نرائن آپ اکھواوانگا۔ بھگت سُہیلا بن کے سوبھا پاوانگا۔ غریِب نِمانے گود اُٹھاوانگا۔ ہنکاریاں گڑھ تُڑاوانگا۔ کنیا دی لاج رکھاوانگا۔ جمنا تے سوبھا پاوانگا۔ گوپیِاں دی راس رچاوانگا۔ نِج نیتر لوچن نیَن اکّھ کُھلاوانگا۔ مُکٹ بَین سوبھا پاوانگا۔ تخت تاج سرب اُلٹاوانگا۔ دھرم جَیکار اِک جناوانگا۔ بھگتاں دا رتھواہی بن کے رتھ چلاوانگا۔ گیِتا دا گیان اٹّھ دس، اٹھاراں ونڈ ونڈاوانگا۔ امرت دے کے رس، نِجھر جھِرنا اِک جھِراوانگا۔ انتم سب کُچھ کر کے بھٹّھ، شاہ سُلطاناں خاک مِلاوانگا۔ جوتی جوت سروُپ ہرِ، آپ اپنی کِرپا کر، دُھر دی کرنی کار کماوانگا۔ رام کہے مَیں جُگ جُگ ویس وٹاؤندا ہاں۔ جُگ چؤکڑی کھیل کھِلاؤندا ہاں۔ بودھ روُپ آپ دھراؤندا ہاں۔ عیسیٰ موُسیٰ محمد کل ورتاؤندا ہاں۔ نانک گوبِند ڈنک سُناؤندا ہاں۔ پِھر اپنا آپ جناؤندا ہاں۔ جوتی جوت سروُپ ہرِ، آپ اپنی کِرپا کر، کرے کھیل ساچا ہرِ، ساچی دھار اِک سُناؤندا ہاں۔ سیِتا، مَیں تیئی اوتار عیسیٰ موُسیٰ محمد نانک گوبِند کھیل کھِلا کے جاواں چُھپ، جگت نیتر نظر کِسے نہ آئیا۔ سرِشٹی وِچ ہو جائے اندھیر گھُپ، شاستر سِمرت وید پُران گیِتا گیان انجیل قُرآن کھانی بانی پڑھ کے کوئی ہؤمے دا مِٹا سکے نہ دُکھ، کِیوں وِشواش گھاتی ہوئے لوکائیا۔ دھرم دوارے رہے نہ کوئی سُچ، ٹھگ چور یار دھیِاں بھَیناں لیَن تکائیا۔ جگت سادھاں سنتاں دے بھیکھاں والے پِھرنے وگّ، اوہناں دا واگی نظر کوئے نہ آئیا۔ جِدھر ویکھو چار کُنٹ لگّی اگّ، اگنی اگّ نہ کوئے بُجھائیا۔ سیِتا کہے مہاراج، کی پاپ دی وی کوئی حد، ایہہ وی بھیو کُھلائیا۔ رام کِہا سُن لےَ میرا ند، جو شبد والا سُنائیا۔ جِناں چِر ایہہ کھیل نہ ہووے وِچ جگ، اوہناں چِر رام نوُں آؤن دا کل وِچ کوئی مؤقع دیوے نہ رائیا۔ پھیر سارے دُکھاں وِچ لیَن سدّ، او دُھر دے رام، او دُھر دے کاہن، او دُھر دے امام، او دُھر دے بھگوان، دُھر دا دے دان، تیرا دھرم جھُلے نِشان، نِشانے سارے دے مِٹائیا۔ تُوں داتا مِہربان، کِیوں وِچ واڑیا سب دے شیَطان، شرع کیِتی بےاِیمان، ثابت رہیا نہ کِسے دا اِیمان، ایہہ سارے تیرے اِنسان، کِیوں اِنسانیت دِتی گوائیا۔ سیِتا اوس ویلے پھیر مَینوُں اپنے بھگتاں دی ضرور کرنی پئے پہچان، جوتی جاتا ہو کے پِھراں وِچ جہان، کایا دے مندر ویکھاں چھڈ دیواں جگت مکان، مندر مسجد شِودوالے مٹھ گُروُدوار کدے نہ جائیا۔ میرا جدوں بنیا سُہنجنا بھگتاں دے نال وِدھان، کرِشن تے ارجن میری دے کے جان گواہیِا۔ کاغذ قلم نال لیکھا لِکھنا مہان، کاتب چلے

نہ کوئے چتُرائیا۔ ایہہ اگمّی فرمان، جیہڑا اجّ تک نہیں آیا کِسے دے وِچ دھیان، اکھّراں وِچ بند نہ کوئے کرائیا۔ جوتی جوت سروُپ ہرِ، آپ اپنی کِرپا کر، رتھ دا رتھواہی اپنی کھیل کھِلائیا۔ ارجن کہے کی بھگوَن تیرا کھیل، پڑدا دے چُکائیا۔ کِس بِدھ لَویں میل، آپا جوڑ جُڑائیا۔ بھگوَن کِہا میرا پرکاش بِن باتی بِن تیل، گھر گھر کراں رُشنائیا۔ مَینوُں بھگتاں نوُں مِلن دا سدا وِہل، ہور کمّ کمّ کِسے نہ آئیا۔ جیہڑا مَینوُں بُھلے رام کہے اوہ مَیں دھکّ دیواں دھرم رائے دی جیل، چتر گُپت لیکھا سُنا کے چؤراسی وِچ سُٹائیا۔ جے منّے سیِتا ہُن تکّ سب توں نَویل، وکھّرے گھر ڈیرہ لائیا۔ جِتھے پُہنچن وِچ سارے ہو جان فیل، جے مَیں اپنی کِرپا کراں مات لوک وِچ نِرگُن لَواں منائیا۔ ایسے کر کے مَینوُں عیسیٰ موُسیٰ محمد سارے کہِندے باپ، پِتا پُرکھ اکال کہہ کے گوبِند گیا گائیا۔ جے کوئی میرا مضموُن میرا قانوُن لئے واچ، وِچار دی لوڑ رہے نہ رائیا۔ میرا سب توں وکھّرا باب، جِتھے چار جُگ دا حِساب، بِنا اکھّراں توں کِتاب، رکھی حق محراب، جِتھے نواب شہنشاہ اِکو نظری آئیا۔ اوس دے اَگے سارے ہو جان لا جواب، جِس ویلے جواب طلبی وِچ گُر اوتار پَیغمبراں پُچھ پُچھائیا۔ سیِتا کُچھ ہور دِسدا کوئی نانک دا کھیل ہونا وِچ بغداد، بغلگیِر ہِندوُ مُسلم لئے کرائیا۔ گوبِند دی پُرکھ اکال نے کرنی اِمداد، ماچھوُواڑے سیج سُہائیا۔ پھیر صدی چؤدھویں اپنیاں بھگتاں دی کھولنی جاگ، صوُفیاں سنتاں لئے اُٹھائیا۔ اندر دے کے وَیراگ، وَیری دی وَیریاں نال سُلع دینی کرائیا۔ جوتی جوت سروُپ ہرِ، آپ اپنی کِرپا کر، مِہر نظر اِک اُٹھائیا۔ ارجن کہے میری آرزوُ اِک خواہش، بینتی دیاں سُنائیا۔ کی پربھوُ تَینوُں بھگت کرن تلاش، بن کھنڈ کھوجن جائیا۔ کرِشن نے کِہا ارجن مَیں جدوں مِلاں تے بھگتاں نوُں مِلاں آپ، لبھیاں ہتّھ کِسے نہ آئیا۔ اِکو دسّاں جاپ، تُوں میرا مَیں تیرا سوہنگ ڈھولا گائیا۔ جِتھے نہ کوئے پُنّ نہ کوئی پاپ، اوتھے بھگت بھگوان رہ کے اپنا جھٹ لنگھائیا۔ ایہہ جِنہاں نوُں پوُرا دیواں وِشواس، وِشیاں وِچوں باہر کڈھائیا۔ اوہ سدا وسن میرے پاس، ایتھے اوتھے ہووے نہ کدے جُدائیا۔ کِیوں رام سرب گُنا گُنتاس، بھرپوُر رہیا سرب ٹھائنیا۔ جُگ جُگ جن بھگتاں دی پوُری کرے آس، صوُفی سنت فقیِراں اپنے راہ چلائیا۔ ارجن کہے پربھوُ مَیں حَیران کِتھوں سِکھی جاچ، دروناچارج کول پڑھن کدے نہ جائیا۔ کِرپا چارج تیرے ہتّھ وِچ کدی نہیں پھڑائی راس، گوپیِاں نال کھیل کے اپنا جھٹ لنگھائیا۔ ساریاں نالوں کر کے بائیکاٹ، کِیوں ارجن دی سیو کمائیا۔ بھگوان ہسّ کے کِہا ارجن آہ ویکھ میرا مستک ماتھ، ارجن نیتر نیَن اُٹھائیا۔ جاں ویکھیا اوہدے وِچ دوہاں دی

اِک جات، دوُجا نظر کوئے نہ آئیا۔ کرِشن کہے اؤہ تکّ ارجن کلجُگ دی اندھیری رات، ساچا چند نہ کوئے چمکائیا ۔ اوس ویلے بھگت بھگوان دا جِناں چِر نہ بنیا سماج، اوہناں چِر سرِشٹی دی درِشٹی سُکھ وِچ نہ کوئے سمائیا۔ جوتی جوت سروُپ ہرِ، آپ اپنی کِرپا کر، دُھر دا لیکھا لیکھ کرائیا۔ سیِتا زور نال کمبی، نیتر نیَناں نیِر وہائیا۔ جاں ویکھیا کِسے دی دھوتی کِسے دی تمبی، کوئی تہمت والا نظری آئیا۔ سب دے اُتے مذہباں دی پابندی، شرع وِچ ڈر کے پربھ نوُں گئے بُھلائیا۔ کوئی کہے میری رام کرِشن عیسیٰ موُسیٰ محمد نال پئی گنڈھی، کوئی نانک گوبِند اوٹ تکائیا۔ کوئی کہے ساڈی رسم رِواج چنگی، مُچھ داہڑی کیساں نال سُہائیا۔ سیِتا کہے، ہائے رام مَینوُں سب دی آتما اوس رام نالوں وِچھڑی دِسے رنڈی، کنت سُہاگ نظر کوئے نہ آئیا۔ بھاویں کوئی تیِرتھ نہاوے گوداوری جمنا سُرستی گنگی، جِناں چِر میرے پریم دی چڑھے نہ اندر رنگی، دُرمت مَیل نہ کوئے دھوائیا۔ بھاویں نہا دھو مُکھ سوار جگت وَیراگن مینڈھی سیِس واہوے کنگھی، بِندی تِلک سندھوُر لگائیا۔ اوہ وی بھاگاں مندی، جِنہاں نوُں مِلیا نہ رام بےپرواہیِا۔ بھاویں کوئی روز سیوا کمائے پِنڈی، اشٹبُھج جوت جوالا سِنگھ سوار شستردھاری کِرچ کٹار کرے ننگی، لال بھوُشن سوبھا پائیا۔ جِناں چِر پربھوُ دے نام دی اندروں نہ آئے سُگندھی، اوناں چِر پابندی نہ کوئے کٹائیا۔ سیِتا کہے پربھوُ مَیں کی دسّاں مَینوُں کلجُگ دے وِچ بڑے بڑے بڑے جگت سادھ دِسدے پکھنڈی، جو پکھنڈ وِچ لوکاں دیِاں دھیِاں بھَیناں لےَ کے نَٹھ جائیا۔ لچھمن کِہا او سیِتا مَیں بڑا سوُربیِر جنگی، جگت دا مالک اِک اکھوائیا۔ جِس ویلے میرے رام دے پیاریاں ولّ اکّھ کیِتی ننگی، مَیں سِر دھڑ اڈّ )دیاں( کرائیا۔ پربھوُ دے پیاریاں نوُں سدا پوَن آوے ٹھنڈی، اگنی تت نہ کوئے تپائیا۔ تُسیں سب نے ویکھیا مُنی سُشیل کُمار کِس طرح پِھردا سی پَیریں ننگی، اِس توں وڈّی ہور سیِتا کیہڑی نظری آئیا۔ ایہہ کِسے دواریوں منگ نہیں مِلدی منگی، اپنی کمائی اپنی سُرتی آپ پرنائیا۔ آپے دھی آپے جوائی، سؤہرا پیئیا آپے آپ اکھوائیا۔ ایہے خوشی جِس دی سدا وجدی رہے )شہنائی(، ڈھول ڈھمکّیاں وِچ جگت دی ہووے کُڑمائیا۔ بھگتاں وِچ بھگوَن پریم دی دھار چلائی، شادیاں والیو سُن لؤ کنّ لائی، اِک دوُجے نالوں کدی نہیں کرنی جُدائی، نار کنت سانجھا مِل کے جھٹ لنگھائیا۔ سیوا وِچ رہے نہ کوئے اوُنتائی، پتی برت ہو کے ساچا مارگ دینا وکھائیا۔ پتی نے کدی نہیں بننا قصائی، بِنا سوچے سمجھے اپنی ناری نوُں دئے ستائیا۔ دوہاں دا سانجھا پیار تے اِکو واگ رکھائی، دھرم دی دھار جنم دی گنڈھ ناتا جوڑ جُڑائیا۔ سب

سنگت پریمی پیاریاں گُرمُکھاں دے اندر رہے ٹھنڈ، کِیوں رِشی مُنی سنت مہاتما فقیِر فقّر مِل کے سوہنا کاج رچائیا۔ دھرم سمیلن جے سدا دھرم دے رہنا پابند، اِکٹّھے ہو کے اپنا راہ اپنائیا۔ جِدھر جاؤ چار کُنٹ دہ دِشا اُچی کوُک بولو تُوں میرا مَیں تیرا چھند، سنسا روگ رہے نہ رائیا۔ آتما پرماتما سدا چِت انند، انند دا انند انند وِچ سمائیا۔ جوتی جوت سروُپ ہرِ، آپ اپنی جوت دھر، نِہکلنک نرائن نر، کرے کھیل ساچا ہرِ، مہاراج شیر سِنگھ وِشنوُں بھگوان، آتم پرماتم پرماتم آتم دوہاں دا سچ نِشان، سَت دھرم دا اِکو اِک وکھائیا۔

۲۸ پوہ شہنشاہی سمت ۳ سرب دھرم سمیلن ہرِ بھگت دوار جیٹھوُوال

سب نوُں اِکٹّھے ہون دا مِلیا اِتفاق، سَت دھرم دا جوڑ جُڑائیا۔ آئی سنگت پہلوں اپنے اندر دا کھولو راز، پڑدا دُئی والا ہٹائیا۔ پھیر مِٹے کلجُگ اندھیری رات، ساچا چند ہووے رُشنائیا۔ آتما پرماتما دی ویکھو راس، جو نِرگُن نِرگُن نال وکھائیا۔ ایہہ کوئی جلسیاں جلوُساں والا نہیں ادا کیِتا وِہار، وِشوَ دھرم دا ڈنکا دِتا وجائیا۔ اِس نوُں جھُکنے پرِتھمی آکاش، برہمنڈ کھنڈ خوشیاں وِچ تالی رہے وجائیا۔ سنت سَتگُر اِکو دینا ساتھ، پلّا سکے نہ کوئے چُھڈائیا۔ دھرم دی بنے جماعت، طُلبےگُرمُکھ نظری آئیا۔ واحد دا واحد کلمے نال سرِشٹی وِچ دُنیا وِچ کائنات وِچ کر دیؤ اِنقلاب، نعرہ حق حق لگائیا۔ تُہاڈے نوُر دا چمکے آفتاب، جو چُھپن وِچ کدے نہ آئیا۔ اِک مالک نوُں تُسیں سارے کرن والے آداب، جو ہر گھٹ اندر بَیٹھا ڈیرہ لائیا۔ جوتی جوت سروُپ ہرِ، آپ اپنی کِرپا کر، دھرم سمیلن دا دھرم سندیشہ اِک سُنائیا۔ آؤن والیو سارے بن جاؤ سچ دے منُکھ، مانَوتا لؤ اپنائیا۔ دوَیت دا کڈھ کے جانا دُکھ، دُئی رہن کوئے نہ پائیا۔ اِک انتر آتما دا اُپجاؤنا سُکھ، اِندریاں توں پرے ڈیرہ لائیا۔ امرت دا جام لَینا گھُٹ، جو سنت سُہیلے رہے ورتائیا۔ اوس منزل جانا پُج، جِس نوُں حقیِقی کہہ کے شاستر سِمرت وید پُران رہے سُنائیا۔ جس منزل تے پیَنڈا جائے مُک، دیِن مذہب رہے نہ کوئے لڑائیا۔ اوتھے کوئی بولن والی نہیں زبان، سُنن والا نہیں کان، ویکھن والا نہیں کوئی اکّھ دا نِشان، اِکو نوُر اِلاہیِا۔ کی ہویا جے ونڈ پئی کایا بنک آ کے، مُچھ داہڑی کیس منڈا کے، دھوتی ٹِکاّ مستک لا کے، تہمت نال لکّ سُہا کے ریِتی جگت وکھائیا۔ جے ویکھو اپنے اندروں مُکھ نقاب لاہ کے، درشن دیوے اِکو آ کے، جِس نے گُر اوتار پَیغمبر گھلّے سمجھا کے، نام شبد کلمہ لوکمات وِچ دِرڑائیا۔ جوتی جوت سروُپ ہرِ، آپ اپنی کِرپا کر، ساچا سندیشہ اِک پرگٹائیا۔ آؤن

والیو اجّ دا یاد رکھنا دِہاڑا، جِس دی سَتجُگ دئے گواہیِا۔ ایہہ مُنیاں دا اَکھاڑا، پرم پُرکھ رِشیاں دا لاڑا، سب دے پرکاش کرے اندر بہتر ناڑا، دُھن راگ دا وجدا رہے تاڑا، اٹّھے پہر دِوس رَین گھڑی پل ایکا نام دی شبد ہوئے شنوائیا۔ سچ پرماتما نوُں لبھن نہ جائیو کِتے وِچ اُجاڑاں، اُس دے اَگے پریم پریِتی دا کڈھو ہاڑا، تُوں میرا مَیں تیرا دا لائیو نعرہ، آپے آوے بھجّا واہو داہیِا۔ کِیوں اُس دا آتما نال پیارا، پرماتما دا کھیل نیارا سچ دا جَیکارا، شبد دا اِشارہ، نوُر دا اُجیارا، سب دا کنت کنتوُہل ہو کے اپنا رنگ رنگائیا۔ جوتی جوت سروُپ ہرِ، آپ اپنی کِرپا کر، گھڑی گھڑی گھڑی ویکھ وکھائیا۔ گھڑی کہے مَینوُں حضرت عیسیٰ نے کِہا تُوں میرا گھڑیال، گھنٹہ دو جہان کھڑکائیا۔ جِس ویلے دُنیا دے اُتے آوے زوال، چار کُنٹ پئے دُہائیا۔ کائنات دا بُرا ہووے حال، حالت سمجھ کوئے نہ پائیا۔ اوس ویلے اِک توں دو دو توں تِن تِنّاں دا بدل جاوے کال، وِشن برہما شِو جِس نوُں کہِندے بھگتاں دا بھگوان، اِکو نوُر کرے رُشنائیا۔ جوتی جوت سروُپ ہرِ، آپ اپنی کِرپا کر، دُھر فرمانا اِک سُنائیا۔ گھڑی کہے میرا وقت کدے نہ مُکدا، مُکن وِچ کدے نہ آئیا۔ جِس دا حضرت محمد بیڑا چُکدا، چؤداں طبق چؤداں صدیاں دا راہ وکھائیا۔ اوہ اوُچاں نیِچاں والی دو جہان نِرگُن دھار نِرگُن جوت نِرگُن نوُر ہو کے ساڈے اندر ہو کے پُچھدا، پوشیدہ ہو کے کھوجے تھاؤں تھائنیا۔ جے سارے پیار کر لؤ اِک پرم پُرکھ ابناشی اچُت دا، چیتن سُرتی سب دی دئے کرائیا۔ اوتھے جھگڑا نہیں کایا بُت دا، سچ دوار پروردِگار سانجھا یار نوُر نوُرانہ شاہ سُلطانا نؤجوانا مرد مردانہ بےپرواہ حق خُدا ظاہر ظہوُر اِکو اِک ڈیرہ لائیا۔ جوتی جوت سروُپ ہرِ، آپ اپنی کِرپا کر، اپنا کھیل وکھائیا۔ گھڑی کہے مَیتھوں نانک نے کدی نہیں پُچھیا ٹائم، میرا وقت نہ کوئے جنائیا۔ جد کِہا او گھڑیئے پرماتما سب دا ساک سجّن سیَن، ونڈاں وِچ کدے نہ آئیا۔ کِیوں اوہ نراں دا نر نرائن، نِراکار نِرنکار نوُر اِلاہیِا۔ اوسے دی مہما صِفت کرے رامائن، گیِتا دا گیان اوسے دی صِفت صلاحیِا۔ انجیل قُرآن دسّیا نہیں طرفَین، تیِس بتیِسا ڈھولا گائیا۔ نِرگُن سرگُن اوسے دا دین، جو اُتّر پوُرب پچھّم دکھّن اپنی کھیل کرائیا۔ ساری سرِشٹی درِشٹی نار مرد مرد و زن، آتما پرماتما دا ناتا اِک دوُجی ونڈ نہ کوئے ونڈائیا۔ جوتی جوت سروُپ ہرِ، آپ اپنی کِرپا کر، سب نوُں رہیا اِکو اِک سُنائیا۔ آؤن والیو تُہاڈے اندر آوے اوہ خوشی، پھیر خوشامد کرن دی لوڑ رہے نہ رائیا۔ تُہاڈی صاحب سَتگُر نال لگّ جاوے رُچی، جو رِشیاں مُنیاں دے اندر اپنا نِرگُن نوُر دھر کے بَیٹھا ڈیرہ لائیا۔ اوس دی جڑ کدے نہ جاوے پُٹی،

دو جہاناں توں پرے اُس دی سمجھ کِسے نہ آئیا۔ ہُن لُکیا نہیں رہنا کِسے گُٹھی، اُچی ڈنک دینا وجائیا۔ دُنیا موُل رہے نہ سُتّی، سُتّیاں دینا اُٹھائیا۔ اُٹھو ویکھو سنتاں نے دُرمت مَیل لاہُن دی نام دی اپنی کایا دے وِچوں کڈھ لئی گُچھی، سب دی اندروں کرن صفائیا۔ سچ دھرم دی سُہاؤنی اَگے رُتی، رُتڑی پریم نال مہکائیا۔ کِیوں رَوداس غریِب چمیارے نے گنڈھ کے ٹُٹی جُتی، اپنا جھٹ لیا لنگھائیا۔ ایس ویلے اوہدے نالوں وی دُنیا دُکھی، پربھ توں وِچھڑ کے سارے دین دُہائیا۔ تُہاڈا دھرم سمیلن نہیں ایہہ دھرم دی دھار اُچی، دھرم دا دوارا سب دا اِکو نظری آئیا۔ تُساں گھر جا کے وسنا چا نال سُکھی، سُکھ وِچ اپنا جھٹ لنگھائیا۔ ویکھیو کِتے بُھل نہ جائیو پیار وِچ پُتیں، سنتاں دا بچن مُڑ کے ہتّھ کدے نہ آئیا۔ ایہہ جیہڑی مؤج پیار والی لُٹی، اِس نوُں اپنے اندر لؤ ٹِکائیا۔ تُہاڈے اندر آپے پوہ جاوے پُھٹی، دِوس رَین کرے رُشنائیا۔ جیہڑی سجّن سہیلی ایتھے آ کے بِرہو نال گئی کُٹھی، پریم وِچ اپنا آپ جلائیا۔ اوہ سمجھیو آتما سدا سُچی، سوان کُتے وانگ جگت دے شیِش محل وِچ وڑ کے ٹھوکر کدے نہ کھائیا۔ جوتی جوت سروُپ ہرِ، آپ اپنی کِرپا کر، آؤن والیو ساچے سنتاں ولّوں سب نوُں دئے ودھائیا۔ آئے مِترو ویکھو ساچا مِتر، جو مِتر دُھردرگاہیِا۔ تُہاڈے کایا مندر اندروں آوے نِکل، باہر لبھن دی لوڑ رہے نہ رائیا۔ جے بچن سُن کے ہو جاؤ سِتھل، اپنا من ٹِکائیا۔ پھیر بھجّنا نہ پئے اُدھر اِدھر، ملِے مان اِکو گھر وڈیائیا۔ اوہ نِرمل داتا پُرکھ بِدھاتا سچ دواریوں آوے نِکل، نِراکار ساکار اپنا رنگ وکھائیا۔ جوتی جوت سروُپ ہرِ، آپ اپنی کِرپا کر، بھیو ابھیدا اِک کُھلائیا۔ آؤن والے بڑے چنگے، گُرمُکھ نظری آئیا۔ بترے کِہا سُرستی جمنا دھار گنگے، سنت ساجن سوہنا تٹ بنائیا۔ اکّھاں والیو اکّھاں کھول کے جائیو کِتے بن نہ جائیو اندھے، اگیان دا ڈیرہ سنت دین ڈھاہیِا۔ سدا ٹُٹیاں دی پاؤندے گنڈھے، گنڈھیاں توڑ چڑھائیا۔ جِتھے تُوں میرا مَیں تیرا اِکو چھندے، سوہنگ ڈھولا وجےّ، دوُجی اوَر نہ کوئے شنوائیا۔ سنتاں نال مِل کے مندے ہو جان چنگے، دُرمت مَیل رہے گوائیا۔ جگت سُکھ تُہاڈے گھراں وِچ رہ جان ٹنگے، ٹنگن والیاں ملِے وڈیائیا۔ بندگی وِچ پریم وِچ مُحبّت وِچ بن جاؤ اوس پربھوُ دے بندے، جو بندیخانے وِچوں دئے چُھڈائیا۔ جوتی جوت سروُپ ہرِ، آپ اپنی کِرپا کر، کرے کھیل ساچا ہرِ، ہرِ کرتا وڈ وڈیائیا۔ آؤن والے نر ناری، بُڈھے نڈھے بچّے خوشی منائیا۔ ہرجن سنگت بنی پیاری، مِل سنتاں خوشی منائیا۔ ویکھیو بِنا نام توں بِنا سَتگُر توں کِسے دی سُرتی نہ رہے کواری، کواری کنّیا نوُں سارے لوکیں طعنے نال

ستائیا۔ جے اپنی آتما لؤ شنگاری، سَتگُر چرن جاؤ بلہاری، اوہ مِہر کرے اِک واری، دُھن ناد دیوے دُھنکاری، نِرمل جوت کرے اُجیاری، پھیر اوتھے نہ کوئی چنگی نہ کوئی ماڑی، گُرمُکھو تُہاڈی آتما اوس پربھوُ دی لاڑی، جیہڑا لاڑا کدے نہ کرے جُدائیا۔ ایہہ نہ سمجھیو سمیلن اجّ دی دِہاڑی، اجّ توں تُہاڈا مارگ دِتا بنائیا۔ اِس سمیلن نوُں یاد رکھے دُنیا ساری، کِیوں سنت مُنی مہاتما صوُفی فقیِر سارے اِکٹّھے بَیٹھے آئیا۔ ایہہ کوئی تجارت نہیں تے تُسیں نہیں کوئی وپاری، جگت والے انکڑے نہ کوئے گنائیا۔ جے لےَ کے جاؤ ساچے نام دی خُماری، جیہڑی خودغرضی اندروں دئے کڈھائیا۔ اِک دوُجے اُتے کرو اِعتباری، بےاعتبارا رہن کوئے نہ پائیا۔ کادیِاں والے نے اُچی بول کِہا للکاری، لایق بن کے اوس خُدا دے بچےّ دیؤ وکھائیا۔ جو سب دا پران آدھاری، پرانپت کہہ کے اُس نوُں سیِس جھُکائیا۔ ایہہ تھوڑیاں مِنٹاں دی واری، تُہاڈا آیاں دا سَت دا سَت بنے سَتکاری، رِشیاں مُنیاں مہاتما مہاپُرشاں صوُفی فقیِراں دی سدا چال جگت نیاری، نیاں کار اِکو نظری آئیا۔ ایہہ منچ ویکھو سبھا ویکھو سٹیج ویکھو جِس دے اُتے مہکی اوہ پُھلواڑی، جِس دا گُلدستہ بنیا نال اوس پھوُل، جو پھوُل کانٹیاں وِچ کدے نہ آئیا۔ سب دا سانجھا پیار مُحبّت دا ہووے اِک رستہ، رستے وِچ سارے بھجّو چائیں چائنیا۔ جے کِتے اِشارہ ویکھ لؤ اوس اکّھ دا، جِتھے پرتکھ ملِے گوسائنیا۔ پھیر تُہاڈا من وِکاراں ولّوں آپے ہٹدا، دہ دِشا نہ اُٹھ اُٹھ دھائیا۔ گُرمُکھو بڑا سوہنا سُہاونا سماں تے ویلا ایہہ اِکٹّھ دا، اِکٹّھے کر کے گل وکڑی لیَنی پائیا۔ جوتی جوت سروُپ ہرِ، آپ اپنی کِرپا کر، آد جُگاد جُگ چؤکڑی سب توں وکھّرا سدا کھیل کرے مُنی دے بچن سِدھے جیہے جٹّ دا، جٹا جوُٹاں وِچ اپنا حِصّہ لوَے پائیا۔ اودھروں گھڑی نے آواز دے دِتا ٹک ٹک دا، ٹِک ٹِکی توں ڈری بھجےّ واہو داہیِا۔ اِک ہور آواز آوے پھٹ پھٹ دا، جو مِنٹ وِچ پوُرا چکّر لئے لگائیا۔ کِیونکہ ایہہ اَکھاڑا سچ دا، دھرم دوارا سچ دا، مُحبّت دا پیارا سچ دا، ایس کر کے دوُر ٹائم نہ کوئے لگائیا۔ مُنی دا بچن برہم مت اِشارہ اگمّی اکّھ دا، جِتھے پریِتم پیارا وسدا، اُس دی کیِتی نہ کوئے اُلٹائیا۔ جوتی جوت سروُپ ہرِ، آپ اپنی کِرپا کر، دیونہارا ساچا ور، آئے گُرمُکھاں گُر گُر سَتگُر سَتگُر گُر گُر گُر چیلا اِکو رنگ وکھائیا۔

جے سچ سُناواں سمیلن دا سِٹا، سِٹیداری اَگے رہے نہ رائیا۔ پھیر نہ کِہو ایہہ جٹّ اینویں پِھٹا، سب نوُں رہیا ڈرائیا۔ پربھ نے داؤ لاؤنا سب نوُں پھڑ کے گِٹا، نِکال کڈھ کے لَینے ڈھاہیِا۔ کوٹاں وِچوں وِرلے دے مستک لاؤنا ٹِکاّ، جوت نوُر کر رُشنائیا۔ پِچھلے جُگ دا

ویکھ کے چِٹھا، بھیو ابھید کُھلائیا۔ دھرم دوار دا بن کے پِتا، پتپرمیشور دَیا کمائیا۔ جِنہاں پیالہ پیِن دی رکھی اِچھا، کایا کاسہ اَگے ڈاہیِا۔ پہلوں جام دیوے نِکاّ، جِس نوُں پی کے دُرمت مَیل دھوائیا۔ پھیر پیاؤن واسطے کدے نہ چھڈے پِچھا، ہؤلی ہؤلی ہور ودھائیا۔ جوتی جوت سروُپ ہرِ، آپ اپنی کِرپا کر، ساچا رنگ اِک چڑھائیا۔ سمیلن ہُن اَگے نہ ہووے سِٹ، بَیٹھن وِچ کدے نہ آئیا۔ جِس نے کھڑکاؤنی اِٹّ دے نال اِٹّ، پتّھر پتّھراں نال لڑائیا۔ سب نے گھر گھر لَینا پِٹ، چاروں کُنٹ دُہائیا۔ پربھ دا کھیل سدا انڈِٹھ، جگ نیتر ویکھن کوئے نہ پائیا۔ جو گُر اوتار پَیغمبر بھوِکھتاں وِچ گئے لِکھ، سو پوُرا دینا کرائیا۔ دھرم وِچ کرم وِچ کوئی وِرلا پوُرا رہے سِکھ، باقی ڈولے سرب لوکائیا۔ سب دے اندر وڑ گئی وِس، وِشیاں وِچ پھسائیا۔ گُرمُکھو سچ سمجھو آتما نوُں کوئی نہ سکے بِھٹ، بِھٹے جان والے کمّ کِسے نہ آئیا۔ جوتی جوت سروُپ ہرِ، آپ اپنی کِرپا کر، گھر ساچے خوشی بنائیا۔ سمیلن دا سِٹا وڈّا لمبا، بیِج اگلا دِتا بجائیا۔ پانی دینا نال اوس بنبا، جِس دا کُنیکشن دوُجا نہ سکے جُڑائیا۔ جھگڑا مُکاؤنا ٹِکاّ بودی تمبا، سیِس دھڑ نہ کوئے وڈیائیا۔ جٹّ دے کول وٹّاں بنّے کھوترن والا نام دا ہتّھ وِچ آ گیا رمبا، اُچے ٹیڈے سارے کرے صفائیا۔ بھاویں پِھرنا پئے پَیریں ننگا، در بھگتاں جا جا سُتّیاں سیو کمائیا۔ جیہڑے رِند منگدے اِک بوُند، اُنحاں دے اندر وہا دیوے گنگا، گہر گمبھیِر گوسائنیا۔ جن بھگت نیترہیِن رہے کوئی نہ اندھا، لوچن اِکو اِک کُھلائیا۔ گُرمُکھاں وِچ دِسے کوئی نہ گندہ، گندگی کوُڑی دینی مِٹائیا۔ بھگت بھگوان اِکو روُپ تے اِکو چندا، جِس دا چند اندھیر وِچ نہ رُت بدلائیا۔ گُرمُکھو تُساں کیہڑی گھوٹ کے پینی بھنگا، نشیاں راہ تکائیا۔ اِکو جام دیوے ان موُنہوں منگا، جِس دا رس اُتر کدے نہ جائیا۔ اوہ پیِتا نہیں جاندا نال کدے دنداں، بُلاں نال کھِچ نہ اندر لنگھائیا۔ زبان والی نہیں کوئی ونڈا، جگت گلاس نہ کوئے وکھائیا۔ جِس ویلے دیوے مِہر وِچ محبوُب بِنا بندگیؤں بنا دئے بندہ، بندھن سارے دئے تُڑائیا۔ جوتی جوت سروُپ ہرِ، آپ اپنی کِرپا کر، رنگ اِکو اِک وکھائیا۔ جام کہے مَیں پھسیا وِچ صراہی، رستہ نظر کوئے نہ آئیا۔ صراہی کہے صراہی نہیں اوہ دُھردرگاہی، جِس دا پاسا نہ کوئے بدلائیا۔ اُس نے موری کوئی گھُمیاراں ٹھٹھیاراں والی نہیں رکھائی، جیہڑا کوئی آوے پلٹ کے پاوے پی کے اپنا جھٹ لنگھائیا۔ پہلوں پریم پریِتی دے لیکھے کرے سانویں، پِچھلے کرم دے دھووے ناویں، پھیر اَگے کرے دعوے، دائر اِکو گھر کرائیا۔ جِتھے وکیِل کوئی نہ جاوے، جج کِتاب نہ کوئے پھولاوے، چوبدار واج نہ کوئے سُناوے، نفر غُلام نظر کوئے نہ آئیا۔

اوتھے رسنا ڈھولا کوئی نہ گاوے، اکّھاں نال نہ کوئی تکاوے، بانہواں بَل نہ کوئے وکھاوے، چارپائی اُتے سؤں کے جھٹ نہ کوئی لنگھاوے، اکھّراں والا کاغذ نہ اَگے ڈاہوے، پانی نال کدے نہ نہاوے، بستر اوڈھ نہ جھٹ لنگھاوے، سؤہرے پیکے کدے نہ جاوے، اِستری سیج نہ کوئے ہنڈھاوے، پِتا پوُت نہ گود ٹِکاوے، چارے کوُٹ نہ بھرے ہاوے، پریِتی اِکو نام لاوے، اوہ بھر کے جام لیاوے، بِن پیالیوں اندر ٹِکاوے، ٹکا قیِمت لیَن کوئے نہ پائیا۔ کی سوَرن اجےّ نہیں پیتی، بُلاں نال نہ کدے لگائیا۔ بھگت بھگوان دی سمجھی نہیں ریِتی، اجے تکّ ویکھو ویکھی چل کے آئیا۔ کی اجے گنڈھ نہیں پیِچی، ڈِھلی رکھ کے جھٹ لنگھائیا۔ بدلی نہیں نیِتی، منسا من ہلکائیا۔ جِنہاں دی سچّی لگّ گئی پریِتی، اوہناں نوُں جام دی لوڑ رہی نہ رائیا۔ شمس تبریز دے نال ایہہ بیِتی، جِس نے کھّل دِتی لُہائیا۔ اَناالحق نے مُنہ وِچ پا کے چیِچی، نعرہ اِکو دِتا سُنائیا۔ جوتی جوت سروُپ ہرِ، آپ اپنی کِرپا کر، سچ پیالہ ہتّھ اُٹھائیا۔ مےَ پیالہ کدے نہ مُکدا، خالی نہ کوئے کرائیا۔ مَیخانہ کِسے نہ دِسدا، جِتھے مجلس ہرِ اُپجائیا۔ جِتھے بھنڈارا نہیں وِکھ دا، امرت اِک ورتائیا۔ جے گھر مِل جائے مالک پِت دا، پڑدا دئے اُٹھائیا۔ جوتی جوت سروُپ ہرِ، آپ اپنی کِرپا کر، اپنا رنگ رنگائیا۔ صراہی کہے مَیں کِیوں ہوواں اُلٹی، اُلٹا راہ چلائیا۔ مَیں سیوکن اُس کُل دی، جو کُل بھگت بھگوان اُپجائیا۔ میری قیِمت نہیں کِسے مُلّ دی، مُلّا شیخ نہ کوئے ورتائیا۔ مَیں پیاسی نہیں پیار دے بُل دی، ہونٹاں نال مِل کے خوشی نہ کوئے منائیا۔ مَیں ونجارن صُلح کُل دی، جو کُل مالک اکھوائیا۔ بِن اُس دی کِرپا صراہی مَیخانیاں وِچ رُلدی، اَگے ہو ہتّھ نہ کوئے لگائیا۔ جِس نوُں چھار مِل گئی چرن دھوُل دی، سچ خُماری دئے چڑھائیا۔ سدا کھیل پربھوُ دی اصوُل دی، اصل وِچوں اصلیّت دئے پرگٹائیا۔ ایہہ صوُفیاں دی آواز جِنہاں نوُں رحمت منگنی اجے منظوُر دی، منظوُری ولّ دھیان لگائیا۔ جِتھے رحمت حق مشکوُر دی، مُشکل اگلی دئے مِٹائیا۔ اوہ صراہی پیالیاں نوُں سدا گھوُردی، گھُرکی نال ڈرائیا۔ اوہ پیالے پیِن والیاں دی منزل اَگے ہور دوُر دی، کِیوں سریِر وِچ تھوڑا رس لےَ کے اپنی خوشی بنائیا۔ جِنہاں مستی دے دئے اپنے نام سروُر دی، جگ سُتّیاں لئے اُٹھائیا۔ دُنیا وکھاوے کوُڑ دی، کوُڑ کُٹمب وِچوں بچائیا۔ منسا میٹے موُرکھ موُڑھ دی، چتُر سُگھڑ سُجان جنائیا۔ ساچی بخشے دات اپنے نوُر دی، نوُر نوُرانہ نظری آئیا۔ جوتی جوت سروُپ ہرِ، آپ اپنی کِرپا کر، ساچے گھر ویکھ وکھائیا۔ پیالہ کہے پیِن والیاں کیہڑا لبھیا ساقی، ساکھیات نظر نہ آئیا۔ جِس بنایا بُت خاکی ، تن وجوُد وڈیائیا۔ اوہ مسخرہ

نہیں نہ کرے ہاسی، جیہڑا ہستیاں وِچوں ہستی دئے بدلائیا۔ تیرے جگت اکھّراں دی پاتی، الف یے دے اندر بند کرائیا۔ جِس پیالے پیتیاں بدل جائے حیاتی، زِندگی وِچوں زِندگی نظری آئیا۔ اوہ مجلس سدا اِخلاقی، سِری بھگوان اِک وکھائیا۔ جِتھے بھگت بھگوان اِک دوُجے دے داس داسی، سیوا وِچ دوویں سیو کمائیا۔ سچکھنڈ گھر دے واسی، سچ دوارے وجےّ ودھائیا۔ پہلوں پیِن دی سِکھنی جاُچی، یاچک اپنا آپ بنائیا۔ پھیر بخشش کرے ساقی، صراہی دئے اُلٹائیا۔ بھگتاں کولوں کدے نہیں راکھی ڈھاکی، جے ڈھکی ہُندی بِن پیِتیاں ایتھے چل کوئے نہ آئیا۔ اوہ صراہی پربھ نے بھگتاں اندر رکھی، جِس ویلے سؤندے بھار وکّھی، اوہناں دی راتیں سُتّیاں سُتّیاں کُھل جاندی اکّھی، ایتھے میرا درشن پائیا۔ مَیں کراں پرکاش بِن موم بتّی، درس دِکھاواں بن کے کملاپتی، نام دا بھورا جام دیواں اوہ رتی، جِس رتی اُتوں کوٹن کوٹ صراحیِاں اپنی قیِمت دین مِٹائیا۔ پربھوُ کوئی چراؤندا نہیں پِھردا گاں وچّھی، کوئی روُپ نہیں جل ہوڑا مچّھی، کوئی تن وجوُد نہیں بدھّا نال رسّی، جِس نے سار پاؤنی چار لکّھ تے اّسی، اُس نے صراہی سانبھ کے اوتھے رکھی، جِتھے جھلّے کوئی نہ پکّھی، جِس ویلے بھگت بھگوان دی ہو جائے پکّی، آپے اوہناں دے اندر دئے اُلٹائیا۔ ویکھیو لالچ وِچ پربھوُ دی کوئی نہ بھرِیو چٹّی، مُحبّت وِچ پیار وِچ گُرمُکھ سخی جائے پھٹی، بِن پیتیاں آوے نَٹھی، جے پیالہ نہ ہُندا جام نہ ہُندا ساقی نہ ہُندا اوہ کِس طرح جاندی اُلٹی، گھٹ گھٹ اپنی دھار وہائیا۔ بِنا پیِتیاں توں ایہہ سنگت نہیں ہوئی اِکٹّھی، نِکے نِکے بچّے جِنہاں جگت دی واسنا چھڈی، ایہہ گلّ نہیں کوئی وڈّی، چھوٹیاں بالیاں اپنے ماتا پِتا نوُں سِکھیا دسّی، جے چاء چھڈو تے چاہ تُہاڈی چاہاں نالوں چنگی دئے بنائیا۔ ویکھ گُرمُکھ سخیاں پِھردیاں اُچی اڈّی، اِنھاں دے اندر سِری بھگوان کھیلے کبّڈی، جٹّ لَیندا نہیں کِسے توں وڈھی، کِسے دے گھروں کھاندا نہیں مچّھی ڈڈّی، اندر وڑ کے صاف کردا سب دی ناڑی ہڈّی، پھیر چڑھا کے نام اپنے دی گڈّی، گائیڈ ہو کے واحد ہو کے اپنا راہ وکھائیا۔ جِنہاں نوُں بھرم اوہناں جوگی اِنھاں گُرمُکھاں نہیں چھڈی، مَیتھوں پی گئے بدو بدی، لوکی سُتے اینہاں دی رات اجےّ نہیں ہوئی اَدھی، پر ایہہ لوکمات وِچ آؤندے کدی کدی، چؤراسی وِچ گیڑ نہ کوئے رکھائیا۔ ایہہ کوئی اوہ شِواں والی نہیں گدّی، جِس نوُں بنیئے سویرے لا کے، دھوُپ دُھکھا کے، تکڑی اُٹھا کے، ساریاں دی چوٹی مُنّ کے، پَیسے ٹکے اُنگلاں اُتے گِن کے، اپنے خزانے وِچ لیَن ٹِکائیا۔ جِنہاں نے درشن کیتےِ اِک چنّ دے، اوہ کدی پَیمانے نہیں مِندے، ایہہ کوئی کھیل رات دے نہیں اندھیرے

دے نہیں جدوں کراں تے دِن دے، سب دے ساہمنے آکھ سُنائیا۔ جِس دی گاتھا گُر اوتار پَیغمبر چؤہ جُگاں وِچ رہے گِندے، گِن گِن جھٹ لنگھائیا۔ اُس دے اِشارے چھِن دے، صراہی اُلٹیاں چِر لگّے، پیالہ پھڑیاں چِر لگّے، بُل نال چُھہایاں چِر لگّے، گھُٹ گھُٹ لنگھایاں چِر لگّے، چِراں دا وِچھُنّا اِکو وار دئے پیائیا۔ جوتی جوت سروُپ ہرِ، آپ اپنی کِرپا کر، ساچا رنگ اِک رنگائیا۔ صراہی کہے مَینوُں بڑا کیِتا گُروُآں اُلٹی سِدھی، گاٹیوں پھڑ بھوائیا۔ اِک دِن مَیں محمد دے ہتّھوں ڈگی، اوہدے پّٹاں اُتے وج کے اُچھالہ لیا چائیں چائنیا۔ مَیں بن گئی اوتھے ضِدی، اپنی کتھا کہانی دِتی سُنائیا۔ مَیں چھوٹی بالی نِکّی، میرا روُپ نظر کِسے نہ آئیا۔ جگ نیتر کِسے نہ دِسی، لبھ کے سکے نہ کوئے چُرائیا۔ محمد کِہا او صراحیئے پروردِگار دی کھیل انڈِٹھی، انڈِٹھڑی کار کمائیا۔ مَینوُں ایں جاپدا جِس ویلے سِری بھگوان نے آتما پرماتما بناؤنی سخی، اوس ویلے تیری لوڑ رہے نہ رائیا۔ کِیوں تیری امرت دھار اَگے مِلدی رہی تھوڑی تھوڑی جِنہاں نوُں دیندا رہیا چِٹھی، چِٹھی رسائن تیرا رنگ رنگائیا۔ اَگے اُس دی کلا ہو گئی سِدھی، سِدھا اپنا پڑدا لاہیِا۔ جن بھگتاں نوُں تُوں میرا مَیں تیرا اپنے مِلن دی دسّ کے بِدھی، بدلہ دِتا چُکائیا۔ اوہ دھار پِچھے رہ گئی جیہڑی ساقی توں پیالہ پیِن گِجھی، مُڑ مُڑ کے منگ منگائیا۔ ہُن وست امولک اوہ دِتی، جِتھے دوُجے پیالے دی آس نہ کوئے رکھائیا۔ صراہی کہے مَیں صراہی تے میری مت کدے نہ ہووے پِچھے گِچی، گِچی دھؤنوں پھڑ کے گُرمُکھ دیاں منائیا۔ مَیں اوہناں دے دوارے بِن قیِمتوں وِکی، اپنی قیِمت نہ کوئے رکھائیا۔ جوتی جوت سروُپ ہرِ، آپ اپنی کِرپا کر، ساچا جام اِک پِلائیا۔ صراہی کہے مَیں ڈردی میرا کیہڑا کھولے ڈٹّا، کاگ باہر کڈھائیا۔ کِیوں جٹّ ہٹّا کٹّا، چَھیل چھبیلا جوبن ونتا نظری آئیا۔ جِس دیِاں لال گہریاں اکّھاں، بھےَ رہیا وکھائیا۔ مَیں بھجڑیاں پٹی کِہنوُں جا کے دسّاں، کِتھے دیاں دُہائیا۔ صراہی کہے مَینوُں یاد آئی مَیں بھگتاں دی پریِتی اندر وساں، دوُجا تھاں نہ کوئے وڈیائیا۔ نالے روواں نالے ہسّاں، اکّھاں مل مل جھٹ لنگھائیا۔ اوہناں پیالیاں کولوں بچاں، جِس پیالے وِچ پی پی پربھ دا راہ تکائیا۔ گلّ کہنوں موُل نہ جھکاں، سچ سچ دیاں سُنائیا۔ جِنہاں پربھوُ دا درشن پا لیا اکّھاں، اوہناں نوُں جام پیالہ صراہی دی لوڑ رہی نہ رائیا۔ تے جے کوئی کہے مَیں وی ایہو جِہی پی کے تے ایہو جِہا بن کے دسّاں، ایہہ وتھ ہتّھ کِسے نہ آئیا۔ جوتی جوت سروُپ ہرِ، آپ اپنی کِرپا کر، اپنا کھیل وکھائیا۔ کی تُہانوُں پیِتی ایہہ لگّدی نہیں چنگی، کہ نشہ سمجھ نہ آئیا۔ جے گوبِند وانگوُں کھنڈے دی دھار ہُندی

ننگی، چاروں کُنٹ دُہائیا۔ بھجےّ پِھردے نہ راہ لبھدا نہ ڈنڈی، ٹھیڈے کھاندیاں ڈنڈاوت کر کے سیِس نِوائیا۔ پربھوُ دوارے پیِن والیاں دی کدی نہ لگّی منڈی، اپنی دَیانال بھگتاں سدا پیائیا۔ بھاویں کوٹن کوٹ حسیِناں پٹّی واہون کنگھی، ٹھوڈی رکھن ننگی، بِنا بھگتاں ہرِ جوُ اکّھ نہ کِتے ٹِکائیا۔ جے کوئی مست پیالہ پی کے بن جائے پکھنڈی، آکھے مَیں اوس رنگن وِچ گئی رنگی، رنگ جگت والا وکھائیا۔ جوتی جوت سروُپ ہرِ، آپ اپنی کِرپا کر، ساچا بھیو آپ کُھلائیا۔ جے پیاؤن دا ہُندا نہ چاؤ، صراہی نہ بند کُھلائیا۔ پھیر کاہنوُں پھڑدا باہوں، سُتّیاں کِیوں جگائیا۔ پرم پُرکھ دا سدا سچّا نِیاؤں، عدالت اِکو اِک وکھائیا۔ فَیصلہ کرے دعویدار دا بِنا گواہوں، شہادت جگت نہ کوئے بُھگتائیا۔ قلم شاہی دا کی وساہو، جِس ویلے چاہو تے اوسے ویلے بدلاؤ، اِک جج دا فَیصلہ دوُجا جّج دئے بدلائیا۔ جے دعوہ دائر حقیِقی اِک کراؤ، وسیقے اوس کولوں لِکھاؤ، جِتھے قلم شاہی دی لوڑ رہے نہ رائیا۔ پھیر اپنی حالت جناؤ، پڑدا کوئی رکھو ناہوں، بھیو ابھیدا دینا کُھلائیا۔ جوتی جوت سروُپ ہرِ، آپ اپنی کِرپا کر، مِہر نظر اِک اُٹھائیا۔ پربھ دے اَگے کیہڑا زور، جِؤں بھاوے تِؤں چلائیا۔ تے جے اوہ صراہی دیوے پھوڑ، پھیر پیِن والے مستانے پیاس وِچ مر مر اپنا آپ گوائیا۔ جے مستاں نوُں نام دی مستی نال لوَے جوڑ، وِچھڑیاں میل مِلائیا۔ جنم کرم دا میٹ کے کوہڑ، دُھر دا رنگ رنگائیا۔ ذرا تکّو نال غؤر، گہر گمبھیِر اِک سُنائیا۔ بِنا پیِتیاں ''سوہنگ مہاراج شیر سِنگھ وِشنوُں بھگوان دی جےَ'' دا پاوے کوئی نہ شور، جِنہاں نہیں پیِتی اوہ ساہمنے بہہ کے مِلن کوئی نہ آئیا۔ جِس پرکاش کیِتا اندھیرے گھور، تُہاڈی اندروں کِھچی ڈور، دیِناں مذہباں وِچوں ہوڑ، آتما پرماتما نال لئی جوڑ، جگت جُگت وِچوں باہر کڈھائیا۔ منتر دسّیا پھور، فُرنا پِچھلا بند کرائیا۔ جوتی جوت سروُپ ہرِ، آپ اپنی کِرپا کر، ساچا جام اِک وکھائیا۔ جِس دِتا جام حقیِقت، پیالہ حق اُٹھائیا۔ اندروں کڈھ شریِکت، لاشریِک دَیا کمائیا۔ سچ دھار دی دسّ اصلیّت، اصل وصل دِتا وکھائیا۔ جِنہاں نوُں پربھ دے مِلن دی نہیں سی قابلیّت، اوہناں دے اندر وڑ کے پڑدا دِتا اُٹھائیا۔ ذرا پُچھو بھگتاں توں تُہاڈی کِن بدلائی طبیعت، بِنا پیتیاں توں نشہ کِویں چڑھ کے آئیا۔ ایہناں دے وِچ بڑی اُچی زہنیّت، جیہڑی زیر زبر دا لیکھا گئی مُکائیا۔ پریم پیار مُحبّت دی دے کے اِنسانیت، نیِتی دِتی اُلٹائیا۔ سچ دوارے دی بن کے رعیت، پاتشاہ اِکو رہے منائیا۔ جے نہ پیتِی ہُندی اُنحاں دی گُر اوتار پَیغمبر ہُندی ولدیئت، ایہہ وی ہِندوُ مُسلم سِکھ عیِسائی بن کے آپس وِچ کردے لڑائیا۔ ایہہ کھیل نَویِں

نوعیت، نَواں راہ دسائیا۔ جوتی جوت سروُپ ہرِ، آپ اپنی کِرپا کر، مِہر نظر اُٹھائیا۔ کِشن سِنگھا کی تَینوُں نہیں چڑھی خُماری، ذرا اُٹھ کے دے سمجھائیا۔ کِسے ہور پیالے دی ہےَ واری، مُکھ توں دے سُنائیا۔ جِنہاں دی کچّی اندروں یاری، اوہ رو کے دین دُہائیا۔ جیہڑے سانبھ نہ سکن اپنی ناری، اوہ نار بن کے کِس طرح کنت دی سیو کمائیا۔ تیرے من دی خواری، اِک ویراں مُچھ توں ہتّھ پھیر تے نالے اُتوں داہڑی، اجّ دی رات جے تیرے اندر خُماری نہ واڑی، پھیر بھاویں آویں نہ اُتے ستاراں ہاڑی، پلّا لَینا چُھڈائیا۔ ساچیاں بھگتاں دی آتما رہن نہیں دِتی کواری، راتی سُتّیاں گھر جا کے پیار کرے وارو واری، گل وکڑی اپنے نال پائیا۔ صراہی مَیں لُکا کے رکھی نہیں کِسے وِچ بُکھاری، اوس تالے نوُں کھولن والی کُنجی نظر کوئے نہ آئیا۔ لوہار ترکھان دی عقل اوتھے کرے کوئی نہ کاری، کاریگری باڈھی بنت نہ کوئے بنائیا۔ پربھوُ ہےَ بڑا کنجوُس ایَویں اپنا نام دھن نہیں جاندا اُجاڑی، ٹھگّاں چوراں دی جھولی کدے نہ پائیا۔ ویکھو کِنے لبھدے اُتے پہاڑی، رُلدے پِھرن اُجاڑی، دھوُنیاں نال تن رہے ساڑی، جل وِچ اپنا آپ ٹھاری، در در گھر گھر منگدے پِھرن واڑی، اُنحاں دی قِسمت ماڑی، پیالہ دین والا ہتّھ کِسے نہ آئیا۔ جِنہاں دا پوُرب جنم کرکے آ گئی واری، اُنحاں دے اندر صاف کرے نال بہاری، گُرمُکھ بنائے اپنی پیاری، پریم پیار مُحبّت وِچ رکھائیا۔ جوتی جوت سروُپ ہرِ، آپ اپنی کِرپا کر، جام پیالہ اِک پِلائیا۔ جام پیالہ پیِن نوُں سارے لبریز، بُلاں اُتے زبان پِھرائیا۔ سارے کہِندے اندرے اندر سانوُں وی مِل جائے جوتی دا تیج، اسیں وی آکڑ کے بہہ کے اپنی خوشی بنائیا۔ بُہتے کہِندے جے پوُرن دے تھاں سانوُں دیندا بھیج، سانوُں وی بھجن بندگی دی لوڑ رہندی نہ رائیا۔ پتہ نہیں پوُرن دی پوُرن کِس طرح ماندا سیج، پوُرن پوُرن وِچ سمائیا۔ جے پوُرن نہ ہُندا پوُرن کھؤرے صراہی پیالے نوُں لُٹ کے سارے آؤندے ویچ، قیِمت ٹّکیا والی پائیا۔ پر ایہو دُکھ جیہڑا اندر وڑ کے مارے پیچ، پیچے وِچ آیا نِکل کوئے نہ جائیا۔ بجر کپاٹی وِچ کرکے چھیک، صراہی اندروں دئے اُلٹائیا۔ جِس دا ہؤلی ہؤلی سارے سریِر وِچ چڑھ جائے ریج، ناڑی ناڑی وِچ سمائیا۔ پربھوُ دا پَیمانہ کوئی ناپن والی نہیں لُہاراں والی گیج، اِک دو تن چار پنج نمبر نہ کوئے لگائیا۔ اوہ صراہی کوئی دال والی نہیں دیگ، جِہدی مرضی کڑچھا بھر کے بھجےّ واہو داہیِا۔ جِناں چِر اِک دی نہ ہووے ٹیک، بُدھی نہ ہووے بِبیک، کوُڑا نہ رہے بھیکھ، وسے نہ اوس دیس، جِتھے مالک اِک نریش، نراں دا نرائن نظری آئیا۔ بھاویں کوئی بُکل مارے بھوُرے دی بھاویں کوئی اُتے تانے کھیس، ویروا کرے نہ

کوئی شبد گُروُ دس دسمیش، جو آد جُگاد رہے ہمیش، ہمساجن ہو کے جھٹ لنگھائیا۔ جے پیالے نوُں پیِن واسطے ہوئے پیش، پیشتر پیِن توں پیِنا دئے سِکھائیا۔ سدا مُحبّت وِچ رہو ہمیش، پریِتی پریِتم نال ودھائیا۔ جوتی جوت سروُپ ہرِ، آپ اپنی کِرپا کر، مِہر نظر اِک اُٹھائیا۔ کی پین والا ہور وی کوئی ساقی، اِشارہ اُنگلی نال کرائیا۔ ایہہ ساری اِنھاں گلّ آکھی، جیہڑے پلّوُ رہے چُھڈائیا۔ آپو اپنی صاف کرکے وکھاوو باٹی، پِھر سہجے دیاں اُلٹائیا۔ جے باٹی نہیں اِکو منّو آکھی، پیالہ پیِن دی لوڑ رہے نہ رائیا۔ تُہاڈا کوئی بُھلن والا نہیں ساقی، کہ سوَرن دا پیالہ دوُجے دے مُنہ نوُں لائیا۔ ایہہ کھیل پُرکھ ابناشی، ہرِ کرتا آپ کرائیا۔ تُہاڈے انتر آتما دا واسی، پرکاش نوُر الاہیِا۔ جن بھگتو پیِن دی لوڑ رہے نہ باقی، اِک دو تِنّاں سالاں وِچ سارے دئے رجائیا۔ جے بہتے رجا دِتے تُساں اپنی بُھل جانی مائی تے تائی تے چاچی، ناری کنت تے کنت ناری اِک دوُجے نوُں تج کے گل وکڑی میرے نال پائیا۔ تھوڑے سمے نوُں درشن کرکے ترنے پاپی، جو در آیا جوت جگا کے گھر نوُں جائیا۔ اِس دا لیکھا لِکھا دیوانگا ایسے وِساکھی، وساہ کے سب نوُں لَینا ڈھائیا۔ اِک پنڈت روندا وِچ کاشی، دو کشمیر وِچ کُرلائیا۔ سرِشٹ سبائی وِرولنی کوُڑی کِریا چھاچھی، مکھّن ہرجن باہر کڈھائیا۔ پربھ دی مُہر جن بھگتو دوُجے ہور کِسے نہیں چھاپی، گُر اوتار پَیغمبراں ہتّھ نہ کدے پھڑائیا۔ سدا سچکھنڈ دوارے رہے ڈھانپی، ڈھانچیا وِچ بند نہ کدے کرائیا۔ جوتی جوت سروُپ ہرِ، آپ اپنی کِرپا کر، سچ خُماری دئے چڑھائیا۔ خُماری چڑھ گئی تُساں ہاکر مارنی ہوُں، ہوکیاں وِچ انگڑائیا۔ کیہڑا میرے ساہمنے اڑے گُروُ، گُردے والا مَیں اِکو نظری آئیا۔ جن بھگتو تُہاڈی پدوی اٹل وانگ دھروُ، دُھر دی بنت دِتی بنائیا۔ تُہاڈی منزل اُتھوں ہُندی شُروُع، جِتھوں جگت ابھیاسی اپنی منزل مُکائیا۔ اَینوے نہ کرو ڈروُں ڈروُں، ڈرپوک رہن کوئے نہ پائیا۔ مَیں تُہاڈے کایا دے مَیخانے اندر وڑوُں، اندر وڑ کے پڑدا لاہیِا۔ منزل اوس حقیِقی چڑھوں، جِتھے تخت نِواسی سوبھا پائیا۔ ویکھ کے سڑ کے ایَویں نہ کرنا کڑوُں نکڑوں، ایہہ وست بِنا پوُرن دے ہتّھ کِسے نہ آئیا۔ اِک شبد سندیشہ سب نوُں اِکو وار گھلّوُن، گھائل کرکے پھٹّڑ سارے دینے کرائیا۔ اِکو رات وِچ تُہاڈی ذات بن کے تُہاڈے وِچ رلوُں، پھیر رؤلا پاؤن دی لوڑ رہے نہ رائیا۔ تُہانوُں بناکے اپنے بچّے بلّوُ، لاڈلے گود اُٹھائیا۔ تُہانوُں کھڑکاؤنا نہ پئے ٹلّوُ، ورقیاں والی کرنی نہ پئے پڑھائیا۔ مِہر نِگاہ نال اوس ٹِکانے گھلّوُں، جِتھے گھر دا مالک سوبھا پائیا۔ جوتی جوت سروُپ ہرِ، آپ اپنی کِرپا کر، گرِہ مندر ویکھ وکھائیا۔ مستو کی منگو بن

دیوانے، دعوہ دیوانی دائر کرائیا۔ کِیوں لال اکّھاں کڈھو آنے، غُصّیاں وِچ ڈرائیا۔ پربھوُ دے سدا اِکو جِہے پَیمانے، پَیمائش وِچ بدلی نہ کوئے وکھائیا۔ بھگتاں نوُں کدے نہ سمجھے بیگانے، آپ اپنے گلے لگائیا۔ بھاویں کِنے اِکٹّھے ہو کے دیؤ طعنے، بِنا ویلے توں اپنا کھیل نہ کوئے وکھائیا۔ بھاوے پھڑ کے ہنُے دے آؤ ٹھانے، ٹھاکر ٹھوکر وِچ کدے نہ آئیا۔ بھاویں تُسیں کِڈے بڑے سیانے، عقل مند اکھوائیا۔ جِس ویلے پربھوُ تکّے تُسیں نِکے بال اَنجانے، ننھے نظری آئیا۔ اجے بُہتے بھٹّھیاں توں بھنا کے چبّدے دانے، ریِتی پِیو دادے والی چلی آئیا۔ کئی اکّھاں توں کانے، ٹیڈھی اکّھ تکائیا۔ پتہ نہیں ایہہ پوُرن کہ وِشنوُں بھگوانے، لارے لپّیا وِچ جھٹ لنگھائیا۔ ویہہ دا چؤوی بتھیرے نظماں وِچ گائے ترانے، پر ترانے گاؤندیاں گھر دی مُکی نہ اجےّ لڑائیا۔ چلو جے ہور کُچھ نہیں غُصّہ سارا پاؤ پربھ دے خانے، آپ کھا پی کے جھٹ لنگھائیا۔ دو چار بول کے گانے، پلّا لؤ چُھڈائیا۔ ایہہ گلّ ضرور دسّی اجیِت سِنگھ ورگے سیانے، جو صلاح کار پِچھلا نظری آئیا۔ ہُن بھاویں کِڈے بناوو بہانے، اصل گلّ سب نوُں سمجھ پائیا۔ جوتی جوت سروُپ ہرِ، آپ اپنی کِرپا کر، اپنا کھیل وکھائیا۔ کیہڑی قلم نال لِکھیا مُقدمہ، کِس دے اَگے رکھائیا۔ اوہ گُرمُکھو تُہاڈے مُقدّمے دا ضرور مَینوُں صدمہ، تُہاڈی تحریر بےنظیِر جِس دی نثر نہ کوئے وکھائیا۔ نالے جھُکنا اُتے قدماں، سیِس جگدیِس نِوائیا۔ گاؤنیاں بےمنظوُر نظماں، جِس دی نغمہ کرے نہ کوئے شنوائیا۔ بُدھی دا لےَ کے تغما، خوشی اِک بنائیا۔ خوشی وِچ لا کے فتویٰ، مُقدمہ دائر دِتا کرائیا۔ ایہدا ارتھ دسّو کی اتھوا، ارتھات دیؤ جنائیا۔ جوتی جوت سروُپ ہرِ، آپ اپنی کِرپا کر، اپنا بھیو کُھلائیا۔ کِس دی کچہری تے کیہڑا شَیشن، رجسٹر کرن والا کیہڑا نظری آئیا۔ اوتھے پرواہ نہیں کِسے شنکر برہما وِشن، قلم شاہی لیَن چلائیا۔ گُر اوتار پَیغمبر نِمانے دِسن، بَیٹھے سیِس جھُکائیا۔ جِنہاں ساریاں نوُں اِکو وار دینی پَینشن، پِچھلا لیکھا دینا مُکائیا۔ اوہناں سلام کرنا ہو کے اٹیَنشن، سلوُٹ بِنا کلبوُت دینا لگائیا۔ سوَرن جی اُنحاں توں کوئی لیَن تے نہیں لگّا کمیشن، حِصّہ ونڈ ونڈائیا۔ کُچھ یاد کر ایہہ کھیل رام دا کُجھ ارجن نوُں دسّیا کرِشن، کشمکش وِچ لوکائیا۔ ارجن جیہڑے بھگت بھگوان اُتوں وِکن، آپا اوسے دی جھولی پائیا۔ اُنحاں نوُں پربھ مِلدا )پرتھم(، پرِتھمی اُتے پھیرا پائیا۔ سرِشٹی دسےّ مِتھن، مِتھیا کوُڑ لوکائیا۔ گُرمُکھاں کولوں جاچ سِکھن، جو سِکھیا وِچ اپنا آپ گئے مِٹائیا۔ پربھ دے مُقدّمے نوُں کیہڑا آوے لِکھن، کیہدی جُرّت اشٹام اُتے مُہر دیوے لگائیا۔ کیہڑا آوے جِتّن، گُر اوتار پَیغمبر شہادت سکے نہ کوئے بُھگتائیا۔

جوتی جوت سروُپ ہرِ، آپ اپنی کِرپا کر، ساچا رنگ رنگائیا۔ ایہہ مُقدمہ نہیں کوئی کہ چھابڑی وِچوں چُرا لئے کچالوُ، ٹکے دے سیر جگت وِکائیا۔ بھگتو پربھوُ سدا سدا دَیالوُ، دَیالتا وِچ سمائیا۔ آد جُگاد کِرپالوُ، کِرپانِدھ اکھوائیا۔ سب نوُں پرورش کرکے پالوُ، سیوک ہو کے سیو کمائیا۔ تُہاڈے دُکھ دی گھالنا گھالوُ، دُکھ سُکھ اِکو رنگ وکھائیا۔ اجے تے سمیلن وِچ پربھ دا حُکم ہون لگّا چالوُ، پِچھے دئے کلجُگ دا لیکھا مُکائیا۔ پھیر جام پیالے پی کے وڈے موٹے بن جاؤ گاہلوُ، آکڑ آکڑ کے چلِیو واہو داہیِا۔ جوتی جوت سروُپ ہرِ، آپ اپنی کِرپا کر، سب دے سِر تے دیوے نام سالوُ، سالم اپنا رنگ چڑھائیا۔ صراہی وِچوں جام پی پی کئی تھکے، چُھٹی جگت لوکائیا۔ جِس ویلے محمد مدیِنیوں گیا مکّے، ہوئی دُہائی دُہائیا۔ اوہ پَیمانے ول تکّے، اپنی اکّھ اُٹھائیا۔ اودھروں حُکم آیا حقے، حقیِقت وِچ سمائیا۔ محمدا ایہہ پیالہ بھگت دا بھگوان بھگوان دا بھگت پھیر چھکے، شکایت والیاں دا شِکوہ دئے گوائیا۔ جِس کارن ایہہ جام لُکا کے رکھے، اِس دی سمجھ نہ کوئے سمجھائیا۔ ایہہ اوس ویلے پیاؤنے جِس ویلے ساری دُنیا ہووے ہکّے بکےّ، حَیرانی وِچ دُہائیا۔ پربھوُ وی اوہ ویلا خوشیاں والا تکّے، ہؤلی ہؤلی پندھ مُکائیا۔ اجےّ کُچھ ہور ہون والے نال اِکٹّھے، اُنحاں نوُں رہیا مِلائیا۔ جِس ویلے پوُرے ہو گئے بچّے، اِکو وار رس دئے چکھائیا۔ باقی رہنے بھانڈے کچّے، نام دی بھٹّھی نہ کوئے تپائیا۔ جِس دے گُر اوتار پَیغمبر دے کے گئے پتے، پتپرمیشور بےپرواہیِا۔ اوہ نِرگُن دھار آوے وتے، بےوطناں ویکھ وکھائیا۔ جوتی جوت سروُپ ہرِ، آپ اپنی کِرپا کر، دُھر دا سنگ اِک نِبھائیا۔ کی پی کے ہووو مخموُر، اپنی سُدھ بُھلائیا۔ ہُن سمجھیں برکت پُرے توں پیَنڈا دوُر، گھر دا دھندا دو دِن نہ چُھڈائیا۔ جے اندر چڑھ جائے سروُر، کی دھیِاں پُت دیویں تجائیا۔ چرن بن کے مزدوُر، سیوا سچ کمائیا۔ کی اٹّھے پہر رہیں گا حضوُر، نیتر نیَناں نیِر وہائیا۔ پربھ دا ایہہ دستوُر، آہستہ آہستہ سب نوُں لئے اُٹھائیا۔ جوتی جوت سروُپ ہرِ، آپ اپنی کِرپا کر، اپنا راہ چلائیا۔ کی نام خُماری نال ہو جائیں موٹا، پی پیالہ خوشی منائیا۔ تُوں اجے اُنحاں نوُں نہیں چھڈدا جیہڑے تیرے کولوں ہتّھ نال گِڑاؤندے ٹوکا، غُصّے ہو کے پھیر ڈرائیا۔ جے جام پیِن دا لَینا مؤقع، مُکمل پربھ دی سیو کمائیا۔ جے اجے لّج نال بدھّا تے کھوُہ وِچ لمکیا بوکا، بھاؤنی دے گیڑ لَینے گِڑائیا۔ جے سچ مُحبّت دا اندر ہوکا، ہردم دھیان رکھائیا۔ پِھر سَتگُر ساچا پہنچا، جام اِکو دئے پِلائیا۔ اوئے جام پی کے پھیر کِتے ہانڈی وِچ نہ پھیریں کھاؤنچا، اِستریِاں والی سیو کمائیا۔ چھڈنا پئوُ گھر دا چُلھا چؤنکا، چؤنہ کنّا دا جوڑ

رہے نہ رائیا۔ جوتی جوت سروُپ ہرِ، آپ اپنی کِرپا کر، مِہر نظر اِک اُٹھائیا۔ سارے کہِندے پینی پینی، پی پی خوشی منائیا۔ جے پی کے پھیر گھر دیاں دی پھڑنی وینی، پیِتی کمّ کِسے نہ آئیا۔ بدل جاوے جینی، زِندگی دئے اُلٹائیا۔ مت رکھنی نہ پئے ہیِنی، ہنکار گڑھ تُڑائیا۔ جوتی جوت سروُپ ہرِ، آپ اپنی کِرپا کر، مِہر نظر اُٹھائیا۔ جام کہے پربھوُ مَینوُں چھیتی دے پیا، پیاسے پیاس مِٹائیا۔ صراہی کہے پیالیا اوہدے گھر دے روون مار کے دھاہ، کِیوں پلّوُ گیا چُھڈائیا۔ ساڈا پیار چھڈ کے اوس دی سیوا رہیا کما، جو کمائی کردیاں نوُں گھروں اُٹھا کے اپنے نال مِلائیا۔ پھیر پنج ستّ اِکٹّھے ہو کے جاون آ، سوَرن دی دین صفائیا۔ اجے تے ایس نے نَواں کرایا ویاہ، کِیوں پلّوُ دِتا چُھڈائیا۔ پر ایتھے لڑن نوُں دوہاں نوُں نہیں تھاں، اوہ کِدھرے تے ایہہ کِدھرے اکّھ نال اکّھ نہ کوئے مِلائیا۔ جے چاہیں تے ہنُے دیاں پیا، مستانہ کر کے دیاں وکھائیا۔ دوُجیاں مستاں نوُں اَینویں نہ نال پھسا، اوہناں اجے نہیں چھڈنے بھَین بھائیا۔ کھوَرے آہ وی تِنّ دِن اوہ اپنے بچّے آئے روا، اَدھی سُرتی ایتھے اَدھی پِچھے ولّ تکائیا۔ بُہتے پلّوُ گئے چُھڈا، بھجےّ واہو داہیِا۔ ایسے کر کے جام رکھیا لُکا، اپنے وِچ چُھپائیا۔ اوس ویلے دیواں پیا، جِس ویلے چار کُنٹ ڈؤروُ ڈنکا وجےّ بہُڑی بہُڑی کرے لوکائیا۔ پھیر سارے کہن بھجّو اوئے نَٹھو اوئے اوہو پِتا تے اوہو ماں، ایہہ نار کمّ کِسے نہ آئیا۔ گُرمُکھو جے پہلوں پیاواں تے میری وی پت دیؤ گوا، کِیوں تُہاڈا اندر اجے گھر دی جھلّ نہ سکے جُدائیا۔ تے جے شؤق ہووے ویکھو ساڈے ورگا بن گیا خُدا، بندہ خُدی وِچ اکھوائیا۔ نہیں، آتما پرماتما کدے نہ ہُندے جُدا، جو جُڑ گئے اوہ جگت ولوں مُڑ گئے، اوس دی منزل تُر گئے، جو بِن منزل سوبھا پائیا۔ جیہڑے پیالے سانبھ کے رکھے انندپُر دے اوہ کِسے ہتّھ نہیں آئے دیوت سُر دے، رسنا نال نہ کوئے چُھہائیا۔ ایہو کھیل سچّے سَتگُر دے، پؤڑی پؤڑی منزل منزل ڈنڈے ڈنڈے اپنے گھر پُچائیا۔ جوتی جوت سروُپ ہرِ، آپ اپنی کِرپا کر، اپنا حُکم ورتائیا۔ مُقدمہ کِویں ہووے خارج، فَیصلہ نظر کوئے نہ آئیا۔ کِیوں بھگت نے بھگوان اُتے لایا چارج، ڈِسچارج نہ کوئے کرائیا۔ جیہڑا سب دا مالک جارج، اوسے نوُں مُلزم دِتا بنائیا۔ جے پربھوُ مُلزم ہو گیا کیہڑا سواروُ کارج، کاغذاتاں دی کرے کوَن صفائیا۔ گُرمُکھو ہُن ایس دے اُتے لاوو گارد، ہتّھ بنّھ کے ہتھکڑی لَوو لگائیا۔ ایہہ کوئی کھیل نہیں نارد، ول چھل وِچ جھٹ لنگھائیا۔ جِس بناؤنے کنچن پارس، پاتشاہ بےپرواہیِا۔ اندرے اندر کرے تُعارف، طرفداری نہ کوئے رکھائیا۔ جیہڑا سبناں دا وارث، غُلام سبناں دا نظری آئیا۔ پربھوُ دی ہُن کیہڑا کروُ سفارش، چھڈاؤن والا

دوُجا نہ کوئے بنائیا۔ کِس توں لوَے کوئی اِجازت، منظوُر حُکم نہ کوئے کرائیا۔ جِس دی کیِتی عبادت، اوسے نوُں بندھنا وِچ پھسائیا۔ جن بھگت پربھوُ دے نال کدے نہیں کردے بغاوت، دُھر دی ریِتی چلی آئیا۔ اَگے رہے نہ کوئی عداوت، عدل اِنصاف اِک کمائیا۔ ایہہ کوئی کھیل نہیں بناوٹ، بنؤٹی نہ روُپ پرگٹائیا۔ کوئی گج ہاتھی چلاؤن والا نہیں مہاوت، بن جنگلاں وِچ پِھرائیا۔ جدوں کرے پریم مُحبّت دی سخاوت، سخا سخا نظری آئیا۔ جے پربھوُ دے اُتے لگّ گئی علامت، کرے نہ کوئے صفائیا۔ اوئے اُٹھ کے میری دیؤ ضمانت، مُجرم نوُں لؤ چُھڈائیا۔ تُہاڈا بدھّا سب دے اُتے لیا دیوے قیامت، پھیر تُساں وی رونا مار کے دھائنیا۔ لیَنی کول کِسے نوُں مِلن دی نہیں اِجازت، جیل اندر لُک کے اپنا جھٹ لنگھائیا۔ جوتی جوت سروُپ ہرِ، آپ اپنی کِرپا کر، اپنا حُکم ورتائیا۔ اگلی دسّو کیہڑی پَینی تاریخ، اپنے جّج نوُں پُچھ کے دینا سُنائیا۔ مَیں اوسے دِن دی رکھاں اُڈیِک، عدالت وِچ بُھگتاں چائیں چائنیا۔ نَویِں بدل دینی تاریخ، دُھر دا کھیل پرگٹائیا۔ ہُن مَینوُں تکیو وِچوں سیِخ، سیکھاں دے وِچ اپنا آپ بند لَینا کرائیا۔ جوتی جوت سروُپ ہرِ، آپ اپنی کِرپا کر، بھگتاں دا فتویٰ ضرور دئے بُھگتائیا۔ تُہاڈے فتوے دی کراں قدر، قدردان اکھوائیا۔ حُکم دا مچا کے غدر، کھیل دیاں وکھائیا۔ اِک وار بھگتاں دی ضرور پوُری کراں سدّھر، جے پوُری نہ کراں بھگوان دی دھار نہ کوئے پرگٹائیا۔ ایہو میرا عدل، جُگ جُگ سیو کمائیا۔ نِرگُن جوت کدی نہ ہووے قتل، گوُڑھی نیِند نہ کوئے سوائیا۔ بھاویں کوئی کِنّا کرے یتن، یتھارتھ اپنی کار کمائیا۔ جوتی جوت سروُپ ہرِ، آپ اپنی کِرپا کر، دُھر دی کرنی آپ جنائیا۔ جے تاریخ اُتے ہویا نہ جائے حاضر، حاضری نہ کوئے لگائیا۔ پھیر کی کرے ناظر، نادر حُکم سُنائیا۔ کڈھ کے اشٹام ورگے کاغذ، مُہراں دئے لگائیا۔ جِس نے کیِتی بھگتاں نال سازش، اوہنوُں لبھو تھاؤں تھائنیا۔ جوتی جوت سروُپ ہرِ، آپ اپنی کِرپا کر، اپنا بھیو چُکائیا۔ سوَرن سِنگھ پھیر عدالت وِچوں کڈھائیں اِک اِشتہار، اِشتہاری دئیں بنائیا۔ ایہہ پروانہ لےَ کے پِھریں وِچ سنسار، بھجّیں واہو داہیِا۔ چلو پوُرن دے پوُرن نوُں کریئے گرِفتار، پھڑ کے جھٹ لیائیا۔ کِسے دی بُدھی نہ کرے وِچار، سمجھ سمجھ نہ کوئے سمجھائیا۔ جوتی جوت سروُپ ہرِ، آپ اپنی کِرپا کر، پڑدا آپ چُکائیا۔ اِشتہار نال نہ گیا آ، لبھیاں ہتّھ نہ آئیا۔ پھیر گرِفتاری ورنٹ دینے کڈھا، مُہر اشٹام اُتے لگائیا۔ ہُن لبھ لےَ کیہڑا بناؤنا گواہ، جیہڑا عدالت وِچ جا کے مُکر کدے نہ جائیا۔ اوہنوُں لالچ رہے نہ را، ممتا نہ موہ وکھائیا۔ آپے تریِکاں بُھگتدا پِھرے خُدا، خود مالک جو اکھوائیا۔

تُسیں ذرا مُقدمہ کر کے ویکھو رواں، جج اپنے نوُں لَوو سمجھائیا۔ پھیر کرنا کھیل نَواں، نَویں دا نَواں نَویں رنگ بدلائیا۔ ایہہ چھیتی کر لؤ بھروسہ نہیں دماں، پتہ نہیں اجّ کل رہن کوئے نہ پائیا۔ جے پَیسے کول نہیں ہرِ سنگت توں اِکٹّھے کر لؤ جمع، خرچن وِچ تُھڑ رہے نہ رائیا۔ جوتی جوت سروُپ ہرِ، آپ اپنی کِرپا کر، فتوے وِچ اپنا آپ رکھائیا۔ دعوہ دائر ہوئے اوہنوُں کیہڑا پھیر کرے بےدخل، بےدخلی سب دی دئے کرائیا۔ ولیِا چھلیِا سارے پربھ نوُں آکھن، بِنا بھگتاں توں بھروسہ نہ کوئے رکھائیا۔ دُھر دا کھیل پُرکھ ابناشن، ابناشی کرتا کار کمائیا۔ جوتی جوت سروُپ ہرِ، آپ اپنی کِرپا کر، در ٹھانڈے ویکھ وکھائیا۔ وکیِل نوُں کہنا کوئی ویکھیں دفعہ چنگی، تاجیراتِ ہِند پھول پھولائیا۔ کِیوں پربھ بنیا ڈھنگی، پیچے وِچ کدے نہ آئیا۔ نالے بنیا رہیا جنگی، چنگی کرے لڑائیا۔ ایہنوُں جیل وِچ دے کے خوُب دینی تنگی، ایہو منسا من وِچ رکھائیا۔ جیہڑی صراہی اجے نہیں ونڈی، پھیر آپے دئے پیائیا۔ صراہی کہے جے پہلوں ای بُھل گئے تیری ڈنڈی، اؤجھڑ راہ نَٹھے واہو داہیِا۔ تَینوُں سمجھ پکھنڈی، جھوُٹھا اِقراراں والا بنائیا۔ کڈھ کے کاغذاں والی سندھی، پڑھ کے دِتا سُنائیا۔ تیرے اُتے لا کے پابندی، حُکم سنگت وِچ سُنائیا۔ صراہی کہے مَینوُں ایہناں نوُں نہ ونڈیں، جیہڑے تیرے مِتر نہ نظری آئیا۔ مَیں چنگی اِنھاں نالوں رنڈی، اِکلّی بہہ کے جھٹ لنگھائیا۔ مَیں کٹ لؤنگی تنگی، اپنا مُکھ چُھپائیا۔ جیہڑے تیرے ہو گئے سنگی، اُنحاں نال مِل کے تیری خوشی بنائیا۔ جوتی جوت سروُپ ہرِ، آپ اپنی کِرپا کر، ساچا بھیو چُکائیا۔ جِس اُتے دعوہ ہو جائے دائر، دائرے وِچ بند کرائیا۔ اوہ مِتر نہیں کوئی غَیر، بِنا دُشمناں توں دعوہ اُتے نہ کِسے کرائیا۔ سَویرے پُچھ لَینا جا کے کِسے کولوں )شہر(، جو شرع دا واقف کار نظری آئیا۔ اوہنوُں کہو جیہڑی پوُرن نوُں آ گئی لہر، اوہ لہر کِیوں نہ ساڈے وِچ سمائیا۔ ساڈا اِس گلّوں ویَر، حقیِقی جام ساڈے نہ بُل چُھہائیا۔ ایسے کر کے اوہ گُرمُکھو ہرِ سنگت وِچوں کڈھ کے بٹھایا نِکھیڑ، فتویٰ دین والا سنگت وِچ بہہ سکے نہ رائیا۔ اندر وڑ کے چھیڑ دِتی چھیڑ، سہجے لیا اُٹھائیا۔ ایسے کر کے ناں رکھایا سِنگھ شیر، بھےَ وِچ کدے نہ آئیا۔ جوتی جوت سروُپ ہرِ، آپ اپنی کِرپا کر، اپنے رنگ رنگائیا۔ بڑی خوشی جے فتویٰ لگّا جگ، گُرمُکھ دِتا لگائیا۔ ایسے کارن سرِشٹی نوُں لگّنی اگّ، چار کُنٹ دُہائیا۔ اجے وی باقی جائیو بچ، بچن اِکو اِک سُنائیا۔ بھری سبھا وِچ بولنا سچ، سَت نال سُنائیا۔ ہُن تُہاڈے مُقدّمے وِچ گیا پھس، اِکٹّھے ہو کے دیؤ گواہیِا۔ مُکھوں کہنا ایہہ ایَویں بنیا ربّ، سانوُں ممتا وِچ پھسائیا۔ لاؤندا رہیا

پج، لاریاں وِچ وقت لنگھائیا۔ مَیں خوشی ہوواں گد گد، اپنی خوشی بنائیا۔ نالے سمجھ آوے بھگت بھگوان دی کیہڑی حد، سیِما کیہڑی ونڈ ونڈائیا۔ جوتی جوت سروُپ ہرِ، آپ اپنی کِرپا کر، ساچا کھیل کرائیا۔ ایہہ جگت اکھّراں دی چلاکی، اَگے پِچھے جوڑ کے ڈھولے دِتے گائیا۔ اکھّراں والا بدن خاکی ، انت خاک وِچ سمائیا۔ جو صاحب سَتگُر بھاکھی، سو بھاکھیا وِچ لوکائیا۔ گُرمُکھ وِرلا منّے آکھی، آخر چوٹی چڑھ کے خوشی منائیا۔ جوتی جوت سروُپ ہرِ، آپ اپنی کِرپا کر، دُھر دی کرنی کار کمائیا۔ جن بھگتو ٹھہرایا قصوُروار، اُچی کوُک دِتا سُنائیا۔ سَتگُر بچن توں گیا ہار، لِکھ کے دِتا وکھائیا۔ جے بُدھی پا لئے سار، پھیر پربھ دی کی چتُرائیا۔ جِس نوُں سمجھ نہ سکے گُروُ اوتار، پَیغمبر دھیان لگائیا۔ اوہدا سب توں وکھّرا وِہار، وِوہاری آپ ہو جائیا۔ سدا کھیل کرے کرتار، قُدرت دا مالک دُھردرگاہیِا۔ اوہ کوئی نَویں نہیں بناؤندا یار، جُگ وِچھڑے میل مِلائیا۔ سویرے لیکھ دے دیؤ وِچ اخبار، خبر کرو تھائیں تھائنیا۔ ساڈا ایہو جِہا پیار، پیار دی شہادت دیؤ بُھگتائیا۔ ایہہ بُدھی دا وِستھار، جِس نوُں وِکاس کہے لوکائیا۔ اِس دے نالوں چنگا جرنیلا جٹّ گوار، خوشی وِچ پربھ دے ڈھولے گائیا۔ سب نوُں کہے ونگار، اِکو داتا بےپرواہیِا۔ جِس دی منزل سدا دُشوار، بِن کِرپا چڑھن کوئے نہ پائیا۔ جوتی جوت سروُپ ہرِ، آپ اپنی کِرپا کر، مہاراج شیر سِنگھ وِشنوُں بھگوان، لیکھا جانے دو جہان، آد جُگادی نؤجوان مرد مردانہ مِہربان، محبوُب مُحبّت دا مالک خلق دا خالق اِک اکھوائیا۔ اپنا مُقدمہ کر لےَ وِدڈرا، ڈرافٹ اَگے نہ کوئے بنائیا۔ سارے گواہ لےَ ہٹا، جگت شہادت نہ کوئے بُھگتائیا۔ وکیِل توں پلّوُ لےَ چُھڈا، اپنی گنڈھ کٹائیا۔ جج نوُں دے سُنا، اُچی کوُک سُنائیا۔ میرا جھگڑا رہیا نہ را، راضی ناویں وِچ جن بھگت دین صفائیا۔ اسیں آپے لئیے مُکا، جوتی جوت سروُپ ہرِ، آپ اپنی کِرپا کر، اپنی کرنی کار کمائیا۔ جج کہے اپنے کر کے دے دستخط، حلفیہ بیان نال رلائیا۔ مُڑ کے پھیر نہ کراں وت، دوبارہ درج کرائیا۔ میرا مَینوُں مِل گیا حق، دُکھ رہیا نہ رائیا۔ بول کے دسّاں سچ، سچ نال سُنائیا۔ مَیں ماٹی بھانڈا کچّ، بھجّن لگّیاں دیر لگّے نہ رائیا۔ پتہ نہیں ایس مُقدّمے دی کِنی لمبی حد، اونے چِر میرا پُت پوِترا خبرے رہن کوئے نہ پائیا۔ کیونکہ مُلزم کِسے نہیں پَینا لبھ، کھوجیاں ہتّھ کِسے نہ آئیا۔ بھاویں پِھرو وِچ جگ، چارے کُنٹاں پھول پھولائیا۔ اوہ سب توں وسے اڈّ، اڈّرا گھر بنائیا۔ جوتی جوت سروُپ ہرِ، آپ اپنی کِرپا کر، دُھر دا سنگ وکھائیا۔ جّج کہے مَینوُں منظوُر، منظوُری دِتی پائیا۔ جا کے صُلح کرو ضرور، ضروری گلّ

سمجھائیا۔ پھیر اِک دوُجے توں نہیں رہنا دوُر، نیرن نیرا ہو کے جھٹ لنگھائیا۔ جے تُوں اوس تے لایا فتویٰ اوہ تیرا جنم دا بخش دیوے قصوُر، کسر اَگے رہے نہ رائیا۔ نام خُماری نال کرے مخموُر، خُدی دئے مِٹائیا۔ اوس دے کول بھنڈارا بھرپوُر، دیندیاں توٹ رہے نہ رائیا۔ جوتی جوت سروُپ ہرِ، آپ اپنی کِرپا کر، سد اپنی ونڈ ونڈائیا۔ جج کہے کِس طرح کرو راضی ناواں، کر کے دیؤ وکھائیا۔ اِک دوُجے دیِاں پکڑو باہواں، گل وکڑی گل وِچ پائیا۔ مُدّعی کہے مَیں اپنی بُھل بخشاواں، منکا من بھوائیا۔ مُلزم دا مُلزم ہو کے واسطہ اَگے پاواں، دروہی تیرا نام خُدائیا۔ تیری رحمت وِچ ٹھنڈیاں چھاواں، اگنی تت دینا بُجھائیا۔ تیری صِفتاں دا ڈھولا گاواں، سدا سدا تیری یاد اپنے وِچ سمائیا۔ پِھر آپے چُکے جِویں پُتر گود اُٹھاؤندیاں ماواں، سِر اپنا ہتّھ ٹِکائیا۔ آپے خارج ہو جاوے دعوہ، دعوے دائر دا لیکھا دئے مُکائیا۔ پھیر بھگتاں وِچ لا کے ناواں، گُرمُکھ اوسے رنگ رنگائیا۔ ہرِ سنگت وِچ بٹھا کے نال چاواں، سوہنی بنت بنائیا۔ ایس دوارے تے آ کے کوئی نہ رہے نِتھاواں، نِتھاویاں مان رکھائیا۔ بھگت بھگوان دا پلّوُ ہو جاوے سانواں، اوُنتا نظر کوئے نہ آئیا۔ جوتی جوت سروُپ ہرِ، آپ اپنی کِرپا کر، اپنی کل وکھائیا۔ راضی ناواں لِکھو بِنا قلم دوات، کاغذ نظر کوئے نہ آئیا۔ بھگت بھگوان سجّن ساک، دُھر دا سنگ رکھائیا۔ ہرِ سنگت ساری رہی آکھ، اندرے اندر سُنائیا۔ پربھوُ و، بچّے سدا ہُندے گُستاخ، پِتا پوُت گود وِچ اُٹھائیا۔ کِیوں تُوں آتما دا باپ، پرماتما اِک اکھوائیا۔ تَینوُں بُھل کے وی پِھر وی تیرا کرنا جاپ، جگ جیِون داتے تیری اِک سرنائیا۔ روُح بُت کر دے صاف، پتت پُنیِت بنائیا۔ بُھل کیِتی ہو جائے معاف، پر جگت دا جھگڑا نہ کوئے مُکائیا۔ جوتی جوت سروُپ ہرِ، آپ اپنی کِرپا کر، آپ اپنا حُکم ورتائیا۔ مُقّدمے دے کاغذ داخل دی تھاں دیؤ پاڑ، قطرہ قطرہ ونڈ ونڈائیا۔ اِک ویراں پھیر بینتی کرنی پئے ستاراں ہاڑ، کِیوں ستاراں ہاڑ دا لیکھا دِتا لِکھائیا۔ اگنی تپے نہ تن ناڑ، سانتک سَت سَت ورتائیا۔ سوَرن سِنگھا تیرا ستّاں دِناں نوُں سریِر چُھٹنا سی وِچ سنسار، ایسے کر کے بنت بنائیا۔ تیری روندی پِھرنی سی نار، پربھ دا وِگڑ کُچھ نہ جائیا۔ جے بچّوُ تیرے نال نہ ہُندا پیار، پڑدے وِچ چُھپائیا۔ تُوں تے دعوہ کیِتا دائر، مَیں تیرے جنم جنم دے دعوے خارج دِتے کرائیا۔ ایہو جِہا کِتے نہیں لبھنا یار، جو بِنا صراحِؤں جام پیائیا۔ جے آکھیں تے ساری رات مَیں اندر سُتّا رہاں تیرے نال، جے ہتّھ ماریں بِسترے اُتے نظر کوئے نہ آئیا۔ جیہڑی گھالی پِچھلے جنم دی گھال، اُس دا لیکھا رہیا مُکائیا۔ جوتی جوت سروُپ ہرِ، آپ اپنی کِرپا کر، جِس

کارن کِشن سِنگھ لیا اُٹھال، اوہ وی دیاں سمجھائیا۔ کِشن سِنگھ لالو پِچھلا ترکھان، نانک دا پیارا نظری آئیا۔ اِک دِن پِھردا سی وِچ بیابان، لکڑی لبھے تھاؤں تھائنیا۔ تُوں اوس ویلے بچّہ سیں نؤ سال دی عمُر نادان، گھر نیِچاں نظری آئیا۔ تیرا جنم سی مُسلمان، االلہ کہہ کے ڈھولا گائیا۔ لالو نوُں کِہا میرے مِہربان، کِیوں پِھرے چائیں چائنیا۔ لالو کہے میرے گھر آؤنا گُن نِدھان، نانک دُھردرگاہیِا۔ بچّے کِہا مَینوُں دے وکھال، اپنا سنگ بنائیا۔ لالو کِہا چل میرے نال، اگلا پندھ مُکائیا۔ اون ہور کیِتا سوال، مَینوُں دے سمجھائیا۔ جو نانک دا رکھوال، اوہ کِتھے ڈیرہ لائیا۔ مَیں سُنیا االلہ میاں سب دا بھگوان، درگاہ ساچی سوبھا پائیا۔ جِس دی محمد سُنائی قُرآن، حدیِثاں وِچ صلاحیِا۔ اوہ کِتھے ملِے مِہربان، پڑدا دے چُکائیا۔ اگمّی آواز آئی، شبد دی ناد آئی، سُن دُھر فرمان سُنائیا۔ سُن بالے نڈھے اَنجان، تَینوُں دیاں سمجھائیا۔ کلجُگ انت صدی چؤدھویں پُرکھ اکال دیِن دَیال کھیل کرے مہان، اَولّڑی چال چلائیا۔ جوتی جامہ پہنے نؤجوان، ناری پُرش نہ روُپ دھرائیا۔ آپے میل مِلائے آن، اپنا جوڑ جُڑائیا۔ لالو کِہا جاہ بچّوُ جے اوہ تیرا تے تیری آپے کروُ پہچان، نانک دوُروں سب کُچھ ویکھ وکھائیا۔ سوئی وقت پہنچیا آن، پِچھلا لیکھا پوُر کرائیا۔ تَینوُں سب وِچوں باہر کڈھ کے بٹھایا بنایا وکھّرا نِشان، نِشانہ تیرے اُتے ٹِکائیا۔ لالو کولوں کرائی پہچان، پِچھلا موُل مُکائیا۔ اگلا سُن دُھر فرمان، دھرم دوارے اِک سُنائیا۔ تیرے ماپیاں دے گھر آؤن نہیں دِتی مُکان، مرن توں لیا بچائیا۔ اَگے پھیر نہ سمجھیں اِنسان، فتوے والا قدم نہ کوئے اُٹھائیا۔ ایہہ بُدھی دا گُمان، سَتگُر ساچے کدے نہ بھائیا۔ اوہ بھگتاں نوُں دیوے سدا آرام، امرت آتم رس چکھائیا۔ بینتی کر پروان، کاغذ پِچھلے دئے دبائیا۔ جوتی جوت سروُپ ہرِ، آپ اپنی کِرپا کر، کرے کھیل ساچا ہرِ، نِہکلنک نرائن نر، مہاراج شیر سِنگھ وِشنوُں بھگوان، بِدھی نال جنم دی سِدھی دیوے کرائیا۔

۳۰ پوہ شہنشاہی سمت ۳ ہرِ بھگت دوار جیٹھوُوال

سجّن صاحب لوڑندڑا، لوئن وِچ دیِدار۔ ہر گھٹ اندر وسندڑا، پرم پُرکھ کرتار۔ نِرگُن جوت جگندڑا، دیِا باتی کر اُجیار۔ ناد دُھن اُپجندڑا، شبد سچّی دُھنکار۔ امرت رس چَوندڑا، بوُند سوانتی ٹھار۔ لوچن اکّھ کُھلندڑا، نِج نیتر دیِدار۔ بجر کپاٹ تُڑندڑا، اندھ اندھیر نِوار۔ تر بَینی کھیل کھلندڑا، سُکھمن بھیو نیار۔ جگت دوارا پندھ مُکندڑا، نوَ نؤ دے آدھار۔ ساچا رنگ رگندڑا، اُترےَ نہ وِچ سنسار۔ آتم سیج

سُہندڑا، ویکھ سخی سچّی سرکار۔ ساچا جوڑ جُڑندڑا، جُگ جُگ میلنہار۔ کلجُگ ویکھ وکھندڑا، ویکھے وِگسے پاوے سار۔ دیِن دَیال بن بخشندڑا، بخشش رحمت کرے اپار۔ جوتی جوت سروُپ ہرِ، آپ اپنی جوت دھر، کرے کھیل ساچا ہرِ، نِہکلنک نرائن نر، مہاراج شیر سِنگھ وِشنوُں بھگوان، سرب جیِاں سچ دیوے اِک پیار۔

پہلی ماگھ شہنشاہی سمت ۳ جَین مندر بٹالا

گُرمُکھ سجّن جانا جاگ، جاگرت جوت کر رُشنائیا۔ خوشیاں والا دِن مہیِنہ ماگھ، مجن دھوُڑ اِشنان اِک وڈیائیا۔ دُرمت مَیل دھونا داغ، کوُڑی کِریا باہر کڈھائیا۔ من انتر اُپجاؤنا اِک وَیراگ، وَیری اندروں باہر کڈھائیا۔ دِیپک جوت جگاؤنا چراغ، نِج آتم ہوئے رُشنائیا۔ تُوں میرا مَیں تیرا بناؤنا سچّا ساک، ناتا اوَر نہ کوئے رکھائیا۔ بھاگ لاؤنا کایا پنج تت ماٹی خاک، وجوُد محبوُب مِل کے خوشی بنائیا۔ ساچا میلا سچ دوار ساچے سنت سادھ، جو سادھنا وِچ ساچا راہ وکھائیا۔ بُدھی توں پرے گیان دین بودھ اگادھ، انبھوَ پڑدا آپ اُٹھائیا۔ ہنس بن جاؤ سارے رِہو کوئی نہ کاگ، وِکار نظر کوئے نہ آئیا۔ ممتا موہ نہ رہے وِواد، وِکھ امرت روُپ وٹائیا۔ رسنا دا چھڈ جاؤ سواد، امرت رس لےَ کے اپنی خوشی اُپجائیا۔ دُھن آتمک سُنو اِلاہی ناد، جِس دی راگ صِفت رہے گائیا۔ کھیل ویکھو وِچ برہماد، برہمانڈ وجےّ ودھائیا۔ ساچی منزل حقیِقی چڑھو بھاج، جِتھے لاشریِک ملِے نوُر اِلاہیِا۔ اوس نوُں سجدہ کرو آداب، جو کائنات نوُں کلمہ اِک سمجھائیا۔ حقیِقی دئے محراب، مُحبّت خانہ اِک وکھائیا۔ جوتی جوت سروُپ ہرِ، آپ اپنی کِرپا کر، گرِہ مندر پڑدا دئے اُٹھائیا۔ بٹالا نِواسی اجّ دا دِوس سمجھو چنگا، چنگی مِلی وڈیائیا۔ من کلپنا سارے چھڈ دیؤ دنگا، کوُڑی کِریا نہ کوئے لڑائیا۔ پریم پائیو ایکا سندا، جو صاحب سوامی دُھر دا نظری آئیا۔ جِس تن وجوُد خاکی بنایا بندہ، بندگی اِکو اِک دِرڑائیا۔ ہؤمے ہنگتا وِچ رِہو کوئی نہ گندہ، دُرمت مَیل اندروں کرو صفائیا۔ تُسیں اوس پربھوُ دا اگمّی اوہ چندا، جو نوُر جوت رُشنائیا۔ منزل چڑھو حقیِقی ڈنڈا، ڈنڈؤت اِکو کر کے سیِس نِوائیا۔ ہِندوُ مُسلم سِکھ عیِسائی پارسی بودھی جَینی پاؤ پریم پیار دیِاں گنڈھاں، ناتا سکے نہ کوئے تُڑائیا۔ سب دا مالک خالق پرِتپالک والی دو جہان سوُرا سربنگا، شاہ پاتشاہ شہنشاہ جلوہ گر نوُر اِلاہیِا۔ جو آتم پرماتم نِجانند نِج سوامی گھر محبوُب دیوے اِک انندا، جِس نوُں رسنا رس سمجھ کوئے نہ پائیا۔ بودھ اگادھ شبد اناد آپ

سُنائے بن کے دھرم دا پنڈا، جگت وِدیا لیکھا دئے مُکائیا۔ جوتی جوت سروُپ ہرِ، آپ اپنی کِرپا کر، انتر آتم بھیو کُھلائیا۔ ہرجن ساچے ویکھ مہیِنہ ماگھ آیا، سچ سندیشہ جگت سُنائیا۔ کوُڑی کِریا تیاگو ممتا موہ مایا، ہنگتا گڑھ رہن نہ پائیا۔ ایکا سمجھو دائی دایا، جِس نے مانَس جنم دوائیا۔ سچکھنڈ مقامے حق لاشریِک جِس نے ڈیرہ لایا، سچ تؤفیِق ہرِ رفیق اِکو اِک درسائیا۔ بےعیب پروردِگار ساچی کرنی کھیل کھِلایا، خالق خلق ویکھ وکھائیا۔ نِرگُن سرگُن سرگُن نِرگُن اپنا رنگ رنگایا، دوُجا نظر کوئے نہ آئیا۔ آتم پرماتم جوڑ جُڑایا، جاگرت جوت ڈگمگائیا۔ جِس دے پریم پیار مُحبّت وِچ مُنی سُشیل کُمار بھجےّ چاروں کُنٹ واہو داہیِا، واہ وا کرکے ڈھولا رہیا گائیا۔ جوتی جوت سروُپ ہرِ، آپ اپنی کِرپا کر، ساچا رنگ اِک وکھائیا۔ بٹالے والیو کرو سچ پیار، پریمی آپ جنائیا۔ منزل رہے نہ کوئے دُشوار، جو اندروں جھگڑا دئے مُکائیا۔ ساچی منزل اِک دوار، گھر اِکو وجےّ ودھائیا۔ ویکھو مِرزا صاحب دے پیارے چل کے آئے حال، بَیٹھے سوبھا پائیا۔ جِتھے جواب نہ کوئے سوال، اِکو رنگ اِکو مردنگ اپنا ناد سُنائیا۔ ترےَگُن مایا کوُڑی کِریا توڑو جگت جنجال، جگ جیِون داتا سب نوُں دئے وڈیائیا۔ ساچی درگاہ مقامے حق لیَنی بھال، جِتھے اوُچ نیِچ راؤ رنک راج راجان ونڈ نہ کوئے ونڈائیا۔ کایا اندر اپنے مندر اپنے آپ دی کرو پہچان نِج آتم لَوو بھال، پرماتم اِکو نوُر رُشنائیا۔ جوتی جوت سروُپ ہرِ، آپ اپنی کِرپا کر، سچ دوارا اِک وکھائیا۔ سچ دربار سچّا دربارا، درگاہ ساچی سوبھا پائیا۔ جِس گھر وسے ایکا ایکنکارا، اکل کل دھاری وڈ وڈیائیا۔ سو سوامی انترجامی گھٹ نِواسی پُرکھ ابناشی ہر گھٹ اندر نِرگُن نوُر جوت کرے اُجیارا، دیِا باتی کملاپاتی اِکو اِک ڈگمگائیا۔ خالق خلق مخلوُق دیوے کلمہ واحد جِس دا دُھن ڈھول ڈھمکاّ سمجھے نہ کوئے ڈپھارا، باہرلے ساز نہ کوئے کھڑکائیا۔ اندر وڑ کے مندر چڑھ کے تکّو اوہ نظارہ، جو صوُفی سنت فقیِر جلوہ تکّ کے خوشی منائیا۔ ویکھیو من کلپنا وِچ پِھرِیو نہ جگت آوارہ، مالک دینا بُھلائیا۔ صاحب سَتگُر پرم پُرکھ پرماتم آتم دا سدا پیارا، تن وجوُد جھگڑا رہے نہ رائیا۔ جوتی جوت سروُپ ہرِ، آپ اپنی کِرپا کر، وسنہارا ساچے گھر، سچکھنڈ دوار ایکنکار درگاہ ساچی اِکو گھر سُہائیا۔ ہرجن ساچے سارے بن جاؤ بھگت، بھاوَنی اِک پرگٹائیا۔ لیکھا ویکھو وِچ جگت، جیِون جُگت بدلائیا۔ پریم پیار دا سُہنجنا ہووے وقت، سوہنی رُت سُہائیا۔ جو مالک وسے اُتے عرش، سو فرش ہوئے سہائیا۔ سب دے اُتے کرے ترس، وَیری میِت ونڈ نہ کوئے ونڈائیا۔ نِرمانتا حلیمی غریِبی وِچ سجدے وِچ بندنا وِچ ڈنڈاوت وِچ

اُس دے چرن کرو عرض، آرزوُ اپنی اِک سُنائیا۔ پربھوُ اسیں تیرے تے سانوُں تیری غرض، تُدھ بِن رہن کوئے نہ پائیا۔ اوہ بےپرواہ نوُر االلہ آپے ونڈے سب دی درد، دیِناں اناتھاں دُکھیاں لئے اُٹھائیا۔ ظُلم دی شرع دی کدی چلن نہ دیوے کرد، قتل گاہ نہ کوئے بنائیا۔ جودھا سوُربیِر مردانہ بن کے مرد، مدد سب دی کرے تھاؤں تھائنیا۔ پُرکھ اکال حق خُدا ایک نہیں کوئی گِنتی وِچ بُہتے عدد، حِصّیاں والا نظر کوئے نہ آئیا۔ جُگ جُگ لوکمات دیِن دُنی میٹے تشّدد، جھگڑا کوُڑ چُکائیا۔ جوتی جوت سروُپ ہرِ، آپ اپنی کِرپا کر، مِہر نظر اِک اُٹھائیا۔ مِہر نظر کرے اُپر مخلوُق، خالق خلق وڈّی وڈیائیا۔ سب دا سانجھا کرے سلوُک، شِرکت اندروں دئے کڈھائیا۔ محل اٹل وکھائے عرش عروُج، علی جاہ بےپرواہیِا۔ جِس نوُں گُر اوتار پَیغمبر منّیاں حق محبوُب، امام اماما نوُر اِلاہیِا۔ نہ کوئی ماٹی خاک تن وجوُد، جلوہ جوت ڈگمگائیا۔ حقیِقی دسےّ منزل مقصوُد، گرِہ ساچے وجےّ ودھائیا۔ جِس دی صِفت ہزارا دروُد، اِسم اعظم اِک سمجھائیا۔ جِدھر تکّو اودھر مؤجوُد، چاروں کُنٹ ویکھ وکھائیا۔ جے کوئی اوس دا حُکم اِشارہ رمز لئے بوُجھ، نام نِدھان شنوائیا۔ پھیر بھیو رہے نہ گوُجھ، پڑدا اندروں دئے اُٹھائیا۔ کؤل نابھ جو ہویا موُدھ، سِدھا کر کے نِجھر جھِرنا دئے جھِرائیا۔ من کلپنا نہ کوُکے وانگ کوُنج، اِکو ہوُ ہوُ نعرہ لائیا۔ جوتی جوت سروُپ ہرِ، آپ اپنی کِرپا کر، ہرجن ویکھے نِرمل دوُدھ دا دوُدھ، دوُجا رلا نہ کوئے وکھائیا۔ بٹالے والیو تُہانوُں کدے لگّ نہ جاوے وٹّا، دوَیت اندروں دینی کڈھائیا۔ جِس کارن مُنی سُشیل آیا نَٹھا، بن کے پاندھی راہیا۔ میل مِلیا نال سِدھے سادے جٹّاں، جِنہاں نوُں گوار کہے لوکائیا۔ جِن جھگڑا رہن نہیں دینا پتّھر اِٹّاں ، پرم پُرکھ دا اِشٹ دینا منائیا۔ سب دے اندر وڑ کے مندر چڑھ کے سُرتی نوُں شبد دی مارنی سٹّا، نام ہلوُنے نال اُٹھائیا۔ کِسے نوُں مد پیِن نہیں دینی رسنا بُلاں نال گٹ گٹا، امرت دا جام دینا چکھائیا۔ آبِ حیات من کلپنا دا میٹے رٹّا، رٹن اِکو نام کرائیا۔ بِنا پُرکھ اکال دیِن دَیال پروردِگار سانجھے یار دے باقی چھاننا گھٹّا، لال ہتّھ کِسے نہ آئیا۔ اَگے واسطے نیِتی توں پرے لالچ چھڈ دیؤ پَیسا ٹکا، ٹکیاں والی ٹکسال کمّ کِسے نہ آئیا۔ سارے اِکٹّھے ہو کے سنتاں صوُفی فقیِراں دی مجلس وِچ کر لؤ ایہہ متا، مطلب والا سِکھ نظر کوئے نہ آئیا۔ جے بننا تے بنِیو اندروں سچّا، باہروں لارا دین دی لوڑ رہے نہ رائیا۔ تُہانوُں سب نوُں پتہ ایہہ ماٹی بھانڈا کچّا، انت لوکمات نظر نہ آئیا۔ جے کوئی اوس پربھوُ دا بن جائے بچّہ، اوسے نوُں بھگت کر کے ساری سرِشٹی رہی گائیا۔ ویکھیو کِتے من دی واسنا وِچ نہ کِہو اچھا، ہِردے وِچوں ہرِ

دی آواز لیَنی اُٹھائیا۔ جو لوُں لوُں اندر ساڈھے تِنّ کروڑ رچا، اِندریاں دے گھاٹ توں پرے اپنا آسن لائیا۔ جوتی جوت سروُپ ہرِ، آپ اپنی کِرپا کر، کرے کھیل ساچا ہرِ، ساچا میلا رہیا مِلائیا۔ بٹالے والیو ذرا دسِّؤ حال اپنے دِل دا، کی اندر آواز رکھائیا۔ کِس طریقے ڈھنگ بِدھی نال پرم پُرکھ مِلدا، وِچھڑیاں جوڑ جُڑائیا۔ کِس طریقے نال پڑدا ہٹاوے بجر کپاٹی سِل دا، سالم اپنا رنگ رنگائیا۔ کِس بِدھ لیکھا جناوے اگمّی تِل دا، ترِکُٹی توں اگلا پڑدا دئے اُٹھائیا۔ کِس بِدھ کول نابھی پُھل کھِلدا، پنکھڑیاں پنکھڑیاں پنکھڑیاں اِکو روُپ نظری آئیا۔ کِس بِدھ لہنا دینا مکُے سُکھمن ٹیڈھی بِل دا، ایِڑا پِنگل بھیو رہن نہ پائیا۔ کِس طرح نظارہ تکّے اوس گہر گمبھیِر نِل دا، جو نیِلے والا اِک اکھوائیا۔ جِس دے حُکم اندر برہمنڈ کھنڈ پُری لوء آکاش پاتال گگن گگننتر زِمیں اسمان روَ سس سوُرج چند ہِلدا، چار کُنٹ دہ دِشا بھجےّ واہو داہیِا۔ جُگ چؤکڑی نِت نوِت نِرگُن سرگُن دھار ہو کے جو پِھردا، لکّھ چؤراسی جیِو جنت سادھ سنت ویکھ وکھائیا۔ لہنا دینا مُکاوے جو وِچھڑیا چِر دا، چِری وِچھُنے جوڑ جُڑائیا۔ چؤداں طبق چؤداں لوک سچ سلوک جِس دا نام سندیشہ سو سَتگُر اِکو گھلدا، گھائل کرے جگت لوکائیا۔ جوتی جوت سروُپ ہرِ، آپ اپنی کِرپا کر، کرے کھیل ساچا ہرِ، سچ دا رنگ اِک وکھائیا۔ بٹالے والیو چاڑھِیو انوکھا رنگ، نیَن نیتراں درشن پائیا۔ بَیٹھے ہو نہ جائیو تنگ، پِچھلے گھر دے دھندیاں ولّ دھیان رکھائیا۔ لےَ کے جانا آتما دا انند، جیہڑا باہروں ہتّھ کِتے نہ آئیا۔ گھر جمنا گنگا سُرستی گوداوری دیوے سنگ، تِنّ توں چار مِل کے وجےّ ودھائیا۔ ایس جیِون دا زِندگی دا میٹنا پندھ، اَگے جھگڑا رہے نہ رائیا۔ سچ مُحبّت دی دے کے جانا گنڈھ، جیہڑی آتم پرماتم مِل کے اپنا پریم بنائیا۔ تُسیں اوس پربھوُ دے چند، جِس دا نوُر نوُر جوت جوت رُشنائیا۔ ہنگتا دی ڈھاہ کے کندھ، ہنگ برہم دا پڑدا لَینا چُکائیا۔ تُہاڈا تن سریِر ماتا پِتا دی راہیں پیا جم، آتما نوُں پرماتما تُہاڈے وِچ ٹِکائیا۔ ایس ویلے ساری سرِشٹی دی درِشٹی دا ہِل گیا تھم، بِنا ساچے سنتاں سہارا نظر کوئے نہ آئیا۔ راج راجان شاہ سُلطان سیاست وِراثت والیاں پیا غم، غمیاں غم نہ کوئے مِٹائیا۔ ویکھیو کِتے جھگڑا رکھِیو نہ کایا ماٹی چمّ، ہر ہِردے اندر وسے اِکو نوُر الاہیِا۔ جِس دی یاد کرنی پؤن وسنا دم دم، جو دامنگیِر اِک اکھوائیا۔ اُس دے ہتّھ سارا انتظام، گُر اوتار پَیغمبر اوسے دی سیوا وِچ اپنی سیو لگائیا۔ جوتی جوت سروُپ ہرِ، آپ اپنی کِرپا کر، بھیو ابھیدا دئے کُھلائیا۔ بٹالے والیو ویکھ لؤ اپنی گھڑی والے مِنٹ، اِک پنج نال مِل کے

کی سُنائیا۔ سب دا نِشانہ اِکو ہِنٹ، ہیَٹ ٹوپی پگڑی والا اِکو روُپ نظری آئیا۔ بھاویں پہنے کوئی پجامہ کوئی پینٹ، دھوتی تہمت والی ونڈ نہ کوئے ونڈائیا۔ سب دا مالک خالق پرِتپالک اِکو اینڈ، جِس دا اِنڈَیکس بنا کے سکے نہ کوئے سمجھائیا۔ اوس دی یاد وِچ پیار وِچ سارے کھڑے کر دیؤ ہیِنڈ، سنسار ولّوں ہینڈز اپ ہو کے نعرہ دینا لگائیا۔ جوتی جوت سروُپ ہرِ، آپ اپنی کِرپا کر، اِک حُکم سندیشہ دُھردرگاہ سرِشٹ سبائی کرے سینڈ، رسیِور تُہاڈے اندر دِتا لگائیا۔ جوتی جوت سروُپ ہرِ، آپ اپنی کِرپا کر، کرے کھیل ساچا ہرِ، دُھر دی نیِتی اِک سمجھائیا۔ دُھر دی نیِتی اِک اپار، اپرمپر آپ جنائیندا۔ دُنیا والیو ہونا خبردار، بےخبراں خبر سُنائیندا۔ چار کُنٹ دہ دِشا ہوئے ہاہاکار، دھیِرج دھیِر نہ کوئے رکھائیندا۔ مایا ممتا موہ ودھیا وِکار، کام کرودھ لوبھ موہ ہلکائیندا۔ مندر مسجد شِودوالے مٹھ گُروُدوار سیاست بنی اَکھاڑ، دھرم دوارا پار نہ کوئے جنائیندا۔ کادیِاں والے اِکٹّھے ہوئے یار، جِنہاں دا یار یارانہ اِکو سچ خُدائے نال بھائیندا۔ دو طرفی چلے نہ کوئے دھار، صوُفی اِکٹّھے منزل اُتے بَیٹھن اِکو وار، دوُجا رنگ نہ کوئے بدلائیندا۔ ساچیاں سنتاں دا ہر ہِردے اندر اِشتہار، کندھاں اُتے پوسٹر کوئے نہ لائیندا۔ جِنہاں دی ریِتی پِچھے چلی آئی جُگ چار، شاستر سِمرت وید پُران گیِتا گیان انجیل قُرآن سارے اوسے دے ڈھولے گائیندا۔ جو سب دا سانجھا یار، آد جُگاد سدا مُخطیار، مُختارنامے گُر اوتار پَیغمبراں دیِناں مذہباں دے آپ پھڑائیندا۔ سو انت کنت بھگوَنت صدی چؤدویں سب نوُں ویکھنہار، انڈِٹھ اپنی کھیل کھِلائیندا۔ بٹالا پرگنا ایہہ پروردِگار دی دھار، جِس دا بھیو نہ کِسے آئیندا۔ کادیِاں قُدرت دی بہار، جِتھے اُلفت دے نگار، جِس نوُں ویکھے اِکو شاہ سوَار، شہنشاہ دو جہاناں اِک اکھوائیندا۔ سارے رل مِل کے اوس دے نال کرو پیار، جو مُحبّت دا سردار، صاحب سُلطان محبوُب اِک اکھوائیندا۔ ایہہ مُنیاں دا دربار، اِکٹّھے کیتےِ مُحبّت وِچ آن، سارے پوُجو اِک بھگوان، جِس دا جھُلے دھرم دا اِک نِشان، کلمہ سُناوے بِنا کان، اِلاہی بانگ سچ صدا، جِس دی اِک دُعا، دوُجا نظر کوئے نہ آئیا۔ اُس نوُں کہِندے آد انادی اوم، اوسے دے یگ تے اوسے دے ہوم، اوسے دے مذہب اوسے دی قؤم، اوسے دے وجوُد اوسے دے روم، کِسے نے ودھا لئے کِسے نے کٹا لئے، کِسے نے مُنا لئے، آتما دا روُپ نہ کوئے بدلائیا۔ جوتی جوت سروُپ ہرِ، آپ اپنی کِرپا کر، کرے کھیل ساچا ہرِ، اپنا پڑدا آپ اُٹھائیا۔ کی تُسیں وی پڑدا آئے لاہُن، سارے دیؤ سُنائیا۔ اپنے من نوُں آئے بدلاؤن، کلپنا وِچوں باہر کڈھائیا۔ سچ نوُں ہِردے آئے وساؤن، دھرم دی جڑ لگائیا۔ کی

امرت مُکھ آئے چواؤن، نِج نیتر درشن پائیا۔ کی ساچی منزل چڑھکے خوشی آئے بناؤن، اپنا پندھ مُکائیا۔ سچ دسّنا سانجھے پیار وِچ سچ مُحبّت وِچ سانجھیوال کؤن کؤن، ہتّھ اُپر دینے کرائیا۔ جوتی جوت سروُپ ہرِ، آپ اپنی کِرپا کر، کرے کھیل ساچا ہرِ، ساچے سنتاں ساچے مُنیاں سنسار وِچ بھیجے اُجڑے وساؤن، غریِب نِمانیاں اناتھاں سنگ سگلا ساتھ بنائیا۔ سنت سَتگُر کدے نہ ہُندا وِدا، ہر گھٹ اندر ڈیرہ لائیا۔ پریم پریِتی دا مارگ دسےّ سِدھا، سِدھ آسن اِک وکھائیا۔ آتم پرماتم مِلن دی بِدھا، جُگتی جگت وِچ سمجھائیا۔ پریم پریِتی دسّ کے اِکا، ایکنکار نال جُڑائیا۔ نِرمانتا وِچ نِکاّ، بِبیکی وِچ وڈّا وڈّا نظری آئیا۔ جِس دا لیکھ ترنتے جُگ وِچ لِکھا، بالی دا سُت انگد سوبھا پائیا۔ ایہہ پوُرب دا لہنا پِچھا، جُگ چؤکڑی بھیو کُھلائیا۔ سَت دھار دی اِچھا، نِراِچھت سیو کمائیا۔ کوئی جگت کہانی نہیں قِصّہ، قِسمت قِسمت رہیا بدلائیا۔ جوتی جوت سروُپ ہرِ، آپ اپنی کِرپا کر، ساچا رنگ اِک چمکائیا۔ سنت سَتگُر کدے نہ جاوے دوُر، وِچھوڑا رہن کوئے نہ پائیا۔ سدا وسے ہادر ہدوُر، ہر ہِردے ڈیرہ لائیا۔ جوتی دے کے اگمّا نوُر، اندھ اندھیر دئے مِٹائیا۔ منزل مارنی اَگے کوئی نہیں مجبوُر، مجبوُری وِچوں پریم نظری آئیا۔ کوئی ناتا سجّن نہیں کوُڑ، کوُڑی کِریا دینی تجائیا۔ سنتاں دی سانجھی اِکو دھوُڑ، دھوُڑی مستک خاک رمائیا۔ کوئی رہے نہ من موُرکھ موُڑھ، چتُر سُجان بُدھی بِبیک لیَنی کرائیا۔ سَت دھرم دا سَت اَگے ہووے مشہوُر، مشورہ پربھ دے نال رلائیا۔ ہر اِک دے اندر نام دی مستی پریم دا چڑھے سروُر، سُرتی شبد نال مِلائیا۔ ہنگتا گڑھ ہؤمے توڑنا غروُر، غُربت اندروں دینی کڈھائیا۔ سچ دوارے دے چاکر بننا مزدوُر، غُلام ہو کے سیو کمائیا۔ ویکھیو پربھ دواریوں کوئی نہ ہوئیو مفروُر، کایا جوُہ وِچ لُک کے جھٹ نہ کوئے لنگھائیا۔ اَگے سدا دا میلا بنیا رہے ضرور، مُنی وِچھوڑا دے کے پِٹھ نہ کدے بھوائیا۔ جوتی جوت سروُپ ہرِ، آپ اپنی کِرپا کر، ساچا رنگ رنگائیا۔ سچ سمیلن ہویا جیٹھوُوال، دھرنی دھرت دھوَل وجّی ودھائیا۔ جِس وِچ اِکٹّھے بَیٹھے شاہ کنگال، اوُچ نیِچ ونڈ نہ کوئے ونڈائیا۔ ہرِ بھگت دوار دھرم دی سچّی دھرم سال، مندر مسجد شِودوالے مٹھ گُروُدوار، ہِندوُ مُسلم سِکھ عیِسائی جِس دا ایکا روُپ نظری آئیا۔ جِتھے سوہن ورن چار، کھتری براہمن شوُدر وَیش اِکو رنگ رنگائیا۔ جِتھے سَت دھرم دا پرچار، دوُجی اوَر نہ کوئے پڑھائیا۔ جِتھے ایکا میلا جوت نِرنکار، نِراکار ساکار مِل کے وجےّ ودھائیا۔ جِتھے اِکو جِہا آہار، کھان پیِن فرق رہے نہ رائیا۔ جِتھے اِکو جِہا سُدھار، آتما پرماتما اِکو گھر بہ کے ڈھولا گائیا۔ مُنی

سُشیل چل کے آیا پریم دی اندر دھار، جگت پندھ نہ کوئے بنائیا۔ تِس دا لیکھا بہُہ وڈّا وِستھار، جِس نوُں لِکھے نہ کوئے قلم شاہیِا۔ پرگٹ ہونا وِچ سنسار، مہاسارتھی اِک اکھوائیا۔ جِس نوُں تیئی اوتار حضرت عیسیٰ موُسیٰ محمد نانک گوبِند بھوِکھتاں وِچ کرکے گئے اِظہار، پیشیِنگوئی وِچ سُنائیا۔ ایہہ کھیل کرے نِرنکار، جو قُدرت دا قادر اِک اکھوائیا۔ جِس نوُں کہِندے اماماں دا امام نِہکلنک کلکی اوتار، کلادھار اپنی کل ورتائیا۔ نام ڈنکا شبد دمامہ ایتھے اوتھے وجےّ دو جہان، جہالت کوُڑی کِریا سنسار وِچوں باہر کڈھائیا۔ سب دا سانجھا باہمی ہووے پیار، صِدق بھروسہ ہووے ایتماد، تسلّی وِچ اپنا روُپ پرگٹائیا۔ پرم پُرکھ پرماتم آتم پاربرہم برہم دا ساچا یار، یارانہ دُھر دا توڑ نِبھائیا۔ اجّ دا وِہار، کھیل کرتار، جو قُدرت دا مالک، خلق دا خالق، سرب دا پرِتپالک، پریم پیار مُحبّت وِچ ساچا رنگ رہیا رنگائیا۔