کتب خانہGranth 20 (Urdu)

۳ ماگھ شہنشاہی سمت ۳ کِشن سِنگھ دے گرِہ الّڑ پِنڈی ضِلع گُرداسپُر

جن بھگتاں آتم وکھائے قسم، قِسم ونڈ نہ کوئے ونڈائیا۔ پُرکھ اکال میرا خصم، سُنجی سیج نہ کوئے وکھائیا۔ جِس دی کدے نہ ہووے بھسم، مڑھی گور نہ کوئے دبائیا۔ اِکو سچ اُس دی رسم، جو رِواج دئے بدلائیا۔ جلوہ نوُر دیوے چشم، جوتی جوت ڈگمگائیا۔ ساچا نام سُنائے

نظم، ڈھولا بےپرواہیِا۔ جگت وِدھان دیوے بدل، بدلہ دئے چُکائیا۔ اِنصاف کرے عدل، دُھر دا حُکم سُنائیا۔ چؤراسی کرے وزن، تولے تھاؤں تھائنیا۔ چاچا رہے کوئی نہ کزن، نِرگُن نِروَیر اِکو نظری آئیا۔ ساچی رچنا آیا رچن، رچ رچ ویکھے تھاؤں تھائنیا۔ ساچے نام دا دیوے بچن، بچّے گُرمُکھ آپ پڑھائیا۔ لیایا اُس پتن، جِس راوی کنڈھے ارجن اپنا آپ تجائیا۔ دھرم بنا کے وطن، بےوطناں پڑدا لاہیِا۔ پت آوے رکھن، سِر اپنا ہتّھ ٹِکائیا۔ لکّھ چؤراسی وِرول مکھّن، بھگت سُہیلے باہر کڈھائیا۔ سچ دوارا وکھا کے ہٹّن، ونجارے رہیا بنائیا۔ کوُڑی کِریا جڑ آیا پٹّن، پٹنے دا مالک پھیرا پائیا۔ جھگڑا رہن نہ دیوے بدن، تن وجوُد نہ کوئے لڑائیا۔ صاحب سوامی بن کے سجّن، دُھر دا سنگ رکھائیا۔ سچ نگارے سچ دوارے وجّن، وجہ سمجھ کِسے نہ آئیا۔ سنت سُہیلے دُھر دے دگن، جوت نوُر جوت رُشنائیا۔ نام نِدھانا پا کے ہتّھیں کنگن، سگن ساچا آپ منائیا۔ کوُڑی کِریا کر کے دمن، دامنگیِر آپ اکھوائیا۔ بھگت پُھلواڑی سوہنا چمن، گُلدستے پھوُل مہکائیا۔ سچ دوارا دسّ کے امن، اَمانت گُرمُکھ ویکھ وکھائیا۔ لیکھا جانے برہما کوَل، کوَل نیَن دُھردرگاہیِا۔ جِس نوُں نانک کِہا اِلاہی اَول، عالمیِن شہنشاہیِا۔ جِس نوُں کاہنا کہِندے سول، مُکٹ بَین حُکم ورتائیا۔ سو لیکھا جانے دھرنی دھوَل، دھؤل پڑدا لاہیِا۔ جِس نوُں سمجھے کوئے نہ پنڈت پاندھا رَول، حِساب کِتاب نہ کوئے رکھائیا۔ اُس دا لیکھا جانے کوَن، گہر گمبھیِر وڈ وڈیائیا۔ جِس دے حُکم اندر پانی پوَن، سرِشٹی درِشٹی پھول پھولائیا۔ سو امرت میگھ برسے سون، گھٹا گھنگھور اِک پرگٹائیا۔ ساچے دھرم دا کر کے ہون، بھبوُتی سمگری پریم پریِتی وِچ رکھائیا۔ زِندگی دا دے کے جَون، جوالا جوت نیَن شرمائیا۔ لیکھا چُکا کے باوَن بَون، بل پڑدا آپ اُٹھائیا۔ جوتی جوت سروُپ ہرِ، آپ اپنی کِرپا کر، ساچی کرنی کار کمائیا۔ تِنّ ماگھ کہے جن بھگتاں کھانی پئے سؤگند، سُگندھی اِکو نظری آئیا۔ ہونا پئے پابند، بندھن کوُڑ تُڑائیا۔ پاؤنی پئے گنڈھ، ناتا اِکو نال رکھائیا۔ جِس نوُں راتی لگّی ٹھنڈ، اُس دا نؤ دِن دا دُکھ دِتا گوائیا۔ سچ پریِت دا گاؤنا پئے چھند، ڈھولا بےپرواہیِا۔ پرم پُرکھ دا لَینا پئے انند، انند انند وِچوں پرگٹائیا۔ بھگت سُہیلا بننا پئے چند، چند چاندنی نوُر رُشنائیا۔ پُرکھ اکال وسے سنگ، سگلا سنگ بنائیا۔ کِسے دا کاغذ کورا نہ ہووے برنگ، مُہر اپنا نام لگائیا۔ لکّھ چؤراسی پاوے ڈنڈ، ڈنڈاوت سمجھ کِسے نہ آئیا۔ سب دی سُرتی ہوئی رنڈ، کنت کنتوُہل نہ کوئے ہنڈھائیا۔ لیکھا چُکے نہ جیرج انڈ، اُتبُھج سیتج لہنا نہ کوئے مُکائیا۔ وِشٹا کھا کھا تھکے گند، گہر گمبھیِر نہ ملِے گوسائنیا۔ کُچھ لیکھا مُکن

والا سی نرائن سِنگھ کنگ، اوسے دے کارن اُس دا جنم دِتا بدلائیا۔ راتی سُتّیاں سب توں کس اگمّی تنگ، گلی کوُچے محلے ویکھ وکھائیا۔ نام بھنڈارا اِکو ونڈ، جن بھگتاں دِتی وڈیائیا۔ جوتی جوت سروُپ ہرِ، آپ اپنی کِرپا کر، مِہر نظر اِک اُٹھائیا۔ تِنّ ماگھ کہے سب نے کھانی سؤنہ، سؤہرا پیئیا نظر کوئے نہ آئیا۔ اِکو جپنا ناؤں، نر نِرنکارا ڈھولا گائیا۔ ایکا منّنا پِتا ماؤں، دوُجی گود نہ کوئے سُہائیا۔ ایکا چلنا راہو، رہبر اِک اکھوائیا۔ جن بھگتو اِکو تُہاڈا گاؤں، جِتھے گہر گمبھیِر ڈیرہ لائیا۔ گُر اوتار پَیغمبر کردے واہو واہو، واہوا تیری وڈیائیا۔ سچ عدالت کرے نِیاؤں، نیاں کار اِک اکھوائیا۔ جُگ جنم دے وِچھڑے میلے پھڑ کے باہوں، پلّوُ اپنی گنڈھ بندھائیا۔ ہنس بُدھی رہے کوئے نہ کاؤں، وِشٹا کوُڑ نہ کوئے پھولائیا۔ سِر رکھے دے کر ٹھنڈی چھاؤں، شہنشاہ اپنی دَیا کمائیا۔ سچ پریِتی اِک کماؤ، کملیاں کوجھیاں پار لنگھائیا۔ کُچھ لیکھا دسےّ پار لنگھ کے دریاؤں، راوی دی بھاوی کی سُنائیا۔ جوتی جوت سروُپ ہرِ، آپ اپنی کِرپا کر، اپنا کھیل کھِلائیا۔ تِنّ ماگھ کہے مَینوُں وجّا اگمّی دبکا، حُکم نال ڈرائیا۔ تُوں وی پڑھ لا دُھر دا سبقا، سنتھیا اِک سُنائیا۔ دُہائی مچی چؤداں طبقاں، تبھک تبھک کُرلائیا۔ کِسے نوُں پتہ نہیں اب کا، اَگے کی کی کھیل کرائیا۔ ایہہ کھیل انوکھے ربّ دا، جِس نوُں ربےّ عالمیِن کہہ کے گائیا۔ لبھیاں نہیں لبھدا، کھوجیاں ہتّھ کِسے نہ آئیا۔ ایہہ میلا ہویا سبب دا، کر کِرپا میل مِلائیا۔ کھیل بنایا اپنی ید دا، یدپ اپنی کار کمائیا۔ کُچھ لہنا دینا اجّ دا، وید ویاسا گیا لِکھائیا۔ اوہ مسلہ اوہ صفحہ بِن اکھّراں والا کڈھدا، جِس دا نقش نگِار نظر کوئے نہ آئیا۔ جوتی جوت سروُپ ہرِ، آپ اپنی کِرپا کر، اپنی کھیل وکھائیا۔ تِنّ ماگھ کہے مَینوُں پِچھوں وجےّ دھکاّ، ہائے ہائے سُنائیا۔ بہُڑی کوئی نہیں دِسدا سکا، سجّن پلّوُ گئے چُھڈائیا۔ اُجڑدا دِسدا مکّہ، مدیِنہ دئے گواہیِا۔ کھیل ہونا بوُرا کّکا، کّکیاں والے روون مارن دھاہیِا۔ سب نوُں لنگھاؤنا وِچوں سوُئی نکاّ، نِکاّ وڈّا بچیا رہن کوئے نہ پائیا۔ کلجُگ انتم سب نوُں دیوے پھکاّ، گُرمُکھ ساچے ویکھ وکھائیا۔ جِس کارن جن بھگتاں نال لائیاں اکّھاں، اکّھ اکّھ نال مِلائیا۔ اُتے بٹھا کے ککھّاں، ککھّاں دی کُلیّ ویکھ وکھائیا۔ اوہناں دی پت رکھاں، جِس پتن تے ملاح بیڑا اِکو اِک ٹِکائیا۔ اپنی کرنی کرن توں کدے نہ ہٹاں، ہٹّا کٹّا ہو کے ساچی سیو کمائیا۔ ایسے کر کے آیا وِچ جٹّاں، جٹا جوُٹ دِتے تجائیا۔ سب دے گلوں لاہ کے شرع دا پٹا، پٹنے والے دا میلا لیا مِلائیا۔ کِسے دے کرم دا کاغذ رہے نہ پھٹا، صاف حِساب دِتا کرائیا۔ چاروں کُنٹ پَینا رٹّا، رِٹن کر نہ کوئے سمجھائیا۔ کوُڑی کِریا لگّے وٹّا، واٹ

مکُے نہ جگت لوکائیا۔ جِنہاں نوُں جگت جہان کردا ٹھٹھا، ٹھاکر اوہناں دا ہوئے سہائیا۔ گُرمُکھ اوس صاحب دا پٹّھا، جِس دا پاٹھ کر کے سارے شُکر منائیا۔ سو صاحب پِھرے نَٹھا، بھجےّ واہو داہیِا۔ جِس کارن بھگتاں دا کیِتا اِکٹّھا، بدو بدی میل مِلائیا۔ ایہہ ہنونت دا رام دے چرناں وِچ پہلا ٹپّا، جو زِمیں اُتے دِتا لگائیا۔ رام مُکھوں کہہ کے اچّھا، اچّھی طرح سمجھائیا۔ اوہ پُرکھ اکال ویکھ سچّا، نِرگُن داتا نوُر اِلاہیِا۔ جِس دا مَیں وی اِک بچّہ، تن وجوُد سوبھا پائیا۔ اُس دی آد جُگادی سَتا، سَت سَت وِچ سمائیا۔ کلجُگ کھیل ویکھ رتا، راتیں سُتّیاں دیاں وکھائیا۔ رام سُنائی اِک کتھا، ہنونت دِتا جنائیا۔ رکھ کے تیِر کمان بھتّھا، ہتّھ متھے اُتے ٹِکائیا۔ ہنونت ویکھ بھگتاں دا جتّھا، اکّھ وِچوں اکّھ اُٹھائیا۔ ہنونت ویکھ کے ہسّا، کچّھاں مار کے خوشی بنائیا۔ پربھوُ کی کھیل پُرکھ سمرتھا، کی اچرج رچن رچائیا۔ نِرگُن جوت ویکھیا پِھرے نَٹھا، بھجےّ واہو داہیِا۔ رام کِہا اپنا نیتر ویکھ پٹا، پلک اُنگلاں نال چُکائیا۔ ہنوُونت تکّیا دھرتی دا اوہ اِک حِصّہ، جِتھے رِشی بالمیک بہہ کے اپنا جھٹ لنگھائیا۔ ایہو دِن تے ایہو تِھتا، نچھتر ایہو نظری آئیا۔ جوتی جوت سروُپ ہرِ، آپ اپنی کِرپا کر، سچ کرنی کار کمائیا۔ تِنّ ماگھ کِہا مَیں ڈردا رہیا بول، بولی بول سُنائیا۔ ہؤں واری صدقےگھول، گھولی گھول گھُمائیا۔ سُنیا نام بچن انمول، انمُلڑا دِتا جنائیا۔ ہبھ کِچھ وست میرے کول، دیندیاں توٹ رہے نہ رائیا۔ ڈنکا شبد وجا ڈھول، ڈؤروُ اِک اُٹھائیا۔ سچ دوارا دیواں کھول، دروازہ بند نہ کوئے کرائیا۔ لکّھ چؤراسی وِچوں پھول، وست امولک اِک ٹِکائیا۔ بھاگ لگا کے دھرنی دھؤل، دھرم دوار سوبھا پائیا۔ جن بھگت رہے نہ کوئی انبھول، سُتّیاں لَواں اُٹھائیا۔ ماگھ کہے میرے دِل نوُں پیَندا ہؤل، کی ہؤلی ہؤلی کار کمائیا۔ مَینوُں یاد آ گیا کی سیِتا نال رام نے کیِتا قؤل، اِقرار اپنا آپ بنائیا۔ جِس ویلے سَت دھرم دا پیا رؤل، رؤلے وِچ لوکائیا۔ جوتی جوت سروُپ ہرِ، آپ اپنی کِرپا کر، ساچی کرنی کار کمائیا۔ تِنّ ماگھ کہے مَیں کی ویکھیا سیِتا سُتّی، بنباس ڈیرہ لائیا۔ اوہدی آہ نِکلی اُچی، ہوکا دے سُنائیا۔ اپنی ہِک تے مار کے مُکیّ، دِتی کوُک دُہائیا۔ اّبھڑواہی اُٹھی، نیَناں نیِر وہائیا۔ ہو کے پِٹھ بھار پُٹھی، نیتر نیَن اکّھ کُھلائیا۔ اے پربھوُ مَیں کلجُگ ویکھیا تیرے نالوں سب دی دھار ٹُٹی، ساچا سنگ نہ کوئے نِبھائیا۔ گانا رہیا کوئے نہ گُٹیں، مؤلی تند نہ کوئے وڈیائیا۔ سچ دواریوں سب نوُں مِلی چُھٹی، مکتب پڑھن کوئے نہ آئیا۔ تیری آتما تَیتھوں رُسی، رُسی سکے نہ کوئے منائیا۔ جوتی جوت سروُپ ہرِ، آپ اپنی کِرپا کر، اپنا بھیو دینا کُھلائیا۔ تِنّ ماگھ کہے سیِتا نوُں پھیر آ گئی نیِند،

اکّھاں وِچ سمائیا۔ کی تکّے کوُڑ کُڑیار چڑھی پیِنگھ، ہُلارا اِکو اِک وکھائیا۔ اونے چِر نوُں اِک گدھا گیا ہیِنگ، اپنی آواز لگائیا۔ جوتی جوت سروُپ ہرِ، آپ اپنی کِرپا کر، اپنی کھیل وکھائیا۔ تِنّ ماگھ کہے سیِتا نوُں تیِجی وار پھیر آ گیا آلس، مُکھ لپیٹ اپنی اکّھ چُھپائیا۔ کی تکّیا سُفنے دا روُپ اوہ خالص، خالص نوُر اِلاہیِا۔ جاں سمجھیا سب دا اوہ ثالث، ثالثی رہیا کمائیا۔ سیِتا دی لاہ کے آلس، ہؤلی جِہی سُنائیا۔ اوہ ویکھ کلجُگ جیِو ہوئے راکش، رکشا کرن والا نظر کوئے نہ آئیا۔ سیِتا تکّے چاروں کُنٹ سازش، شرع وِچ لڑائیا۔ بِنا باناں توں لگّی آتش، اگنی اگّ نہ کوئے بُجھائیا۔ حَیران ہو کے کِہا اے میرے مالک، رام دے رام تیری دُہائیا۔ پُرکھ اکال جھٹ بن کے نِکاّ جِہا بالک، اُنگلی اِشارے نال وکھائیا۔ اؤہ ویکھ سچّی میری عدالت، جِتھے بہہ کے حُکم ورتائیا۔ لکّھ چؤراسی بن پرِتپالک، سیوک ہو کے سیو کمائیا۔ سچ دھرم دا بن سنچالک، جُگ جُگ ویکھاں چائیں چائنیا۔ اپنیاں بھگتاں دا سدا ٹِکاّ لاہواں کالکھ، کِلوِکھ پاپ گوائیا۔ کوُڑی رہے نہ کوئے جہالت، ممتا موہ مِٹائیا۔ بِنا پَیسیاں دے ضمانت، جوتی جوت سروُپ ہرِ، آپ اپنی کِرپا کر، ساچا بھیو کُھلائیا۔ تِنّ ماگھ کہے سیِتا ویکھیا عجب نظارہ، انتر دھیان لگائیا۔ پِھر رام نوُں کر نِمسکارا، سجےّ چرن دا انگوُٹھا پھڑ کے دِتا ہِلائیا۔ نیتر نیِر وہا کے دھارا، چھہبر اِک وکھائیا۔ اُٹھ رام میرے پیارا، کوُک دِتی دُہائیا۔ رام اُٹھ ویکھیا کِیوں کریں گِریہ زارا، اپنا آپ گوائیا۔ سیِتا کِہا مَیں ویکھیا کھیل اپارا، اپرمپر سوامی دیاں جنائیا۔ سُتّی نوُں ہویا اِشارہ، تن وار وکھائیا۔ کلجُگ دا دِسیا کنارہ، چارے کُنٹ کوُڑ کُڑیار نظری آئیا۔ سب نوُں وِسریا کرتارا، اکِرت گھن دِسے لوکائیا۔ اے پربھوُ مَیتھوں تیرا وِچھوڑا نہ جائے سہارا، جنگل وِچ منگل تیرے نال نظری آئیا۔ کی پھیر وی آویں دوبارہ، دُکھیاں دا درد گوائیا۔ رام کِہا سیِتا، اوہ رام میرا نیارا، جو ہر گھٹ وسیا لکّھ چؤراسی وِچ سمائیا۔ مَیں کہِندا اُس نے اپنا آپ دھارنا اوتارا، جو دو چار دا لیکھا دئے مُکائیا۔ بھگتاں دا بنے سہارا، ساچا سنگ بنائیا۔ جیہڑا چار جُگ گُر اوتاراں پَیغمبراں دے کے جانا لارا، اوہناں دا لہنا اوہو مُکائیا۔ رام کِہا پھیر کر اِشارہ، پِچھا دِتا وکھائیا۔ جوتی جوت سروُپ ہرِ، آپ اپنی کِرپا کر، ساچی کرنی کار کمائیا۔ تِنّ ماگھ کہے مَینوُں دِسے پُران سکند، دھیائے تیرواں نظری آئیا۔ جِس وِچ سوہنگ لِکھ کے چھند، جےَ اَگے دِتی لگائیا۔ درمیان وِچ کھڑی کر کے کندھ، اوہلا دِتا وکھائیا۔ وِشنوُں پُران کِہا جِس ویلے آوے سوُرا سربنگ، صاحب دُھردرگاہیِا۔ جن بھگتاں پائے ٹھنڈ، ٹھنڈک اِک ورتائیا۔ دُشٹاں دیوے ڈنڈ، ڈنڈا نام ہتّھ

اُٹھائیا۔ اوہناں لوَے گنڈھ، جِنہاں اپنا جوڑ جُڑائیا۔ جوتی جوت سروُپ ہرِ، آپ اپنی کِرپا کر، مِہر نظر اِک اُٹھائیا۔ تِنّ ماگھ کہے پربھ لاؤندا جائے پابندی، اپنا حُکم ورتائیا۔ جن بھگتاں نال کردا جائے سندھی، لِکھت بھوِکھت ویکھ وکھائیا۔ کوُڑی کِریا میٹدا جائے گندی، مایا ممتا موہ مِٹائیا۔ تِنّ ماگھ کہے مَینوُں اِکو گلّ لگّی چنگی، چنگی طرح دیاں دِرڑائیا۔ جوتی جوت سروُپ ہرِ، آپ اپنی کِرپا کر، اپنا کھیل رہیا وکھائیا۔ تِنّ ماگھ اوہ چنگی کیہڑی بات، پڑدا دے اُٹھائیا۔ کھول کے دسّ راز، بھیو رہے نہ رائیا۔ تِنّ ماگھ کہے جِس ویلے محمد نے پہلی وار ونڈی نیاز، مُریِداں دِتی وکھائیا۔ اوس نوُں آئی اِک آواز، حُکم دُھردرگاہیِا۔ محمد کھول جاگ، آلس نِندرا گوائیا۔ سب دا کر تیاگ، اِکو دھیان رکھائیا۔ دو جہان میرا باغ، لکّھ چؤراسی گُلشن اِک مہکائیا۔ تُوں میرا نِکاّ جِہا چراغ، دیِا دِتا ٹِکائیا۔ سُننا حُکم آج، تَینوُں دیاں سُنائیا۔ شاہ پاتشاہ شہنشاہ جِس دا آد جُگادی راج، رعیت سب نوُں رہیا بنائیا۔ محمدا تکّ جِس دے سیِس اُتے تاج، تخت تاج دئے اُلٹائیا۔ اُس نے بدل دینا رِواج، رحمت وِچ اپنا حُکم سُنائیا۔ تُہانوُں ہونا پئے مُحتاج، منگنا پئے چائیں چائنیا۔ محمد کِہا اے خُدا کی دِتی آواز، مَینوُں دے سمجھائیا۔ پروردِگار کِہا پہلوں کر آداب، سجدہ سیِس نِوائیا۔ آہ ویکھ میرا حِساب، لیکھا وکّھو وکّھ بنائیا۔ پُٹھی سِدھی کر کِتاب، چاروں کُنٹ پڑھائیا۔ محمد ہو گیا لاجواب، نِیوں کے سیِس نِوائیا۔ پُرکھ اکال مُخاطب ہو کے دِتا خطاب، حُکم حُکم اِک سُنائیا۔ اؤہ ویکھ نانک دی رباب، جو تُوں ہی تُوں ہی گائیا۔ محمدا نیازاں دا کی سواد، جِناں چِر سب دا مالک نظر نہ آئیا۔ ایہہ اِشارہ دِتا وِچ بغداد، بغلیاں والے پِھرن بھجّن واہو داہیِا۔ کرے نہ کوئی اِمداد، اِمدادی نظر کوئے نہ آئیا۔ جِدھر ویکھے اُدھر برباد، بربادی چاروں کُنٹ چھائیا۔ پروردِگار اپنا وجا کے اِک ناد، محمد پڑدا ہور چُکائیا۔ جاں ویکھیا صدی چؤدھویں نہ کوئی سنت نہ کوئی سادھ، صوُفی سُفنے وِچ درس کوئے نہ پائیا۔ محمدکوَل چرن کر آداب، سیِس دِتا جھُکائیا۔ صاحب تیرے ہتّھ واگ، جِؤں بھاوے لیَنی بھوائیا۔ اوہ وی دِن سی تِنّ ماگھ، جِس دی تِھت نہ کِسے لِکھائیا۔ سِری بھگوان کِہا محمد اؤہ ویکھ ہنس وِچ کاگ، گُرمُکھ نظری آئیا۔ اوہناں دا دھونا داغ، دُرمت مَیل کر صفائیا۔ جوتی جوت سروُپ ہرِ، آپ اپنی کِرپا کر، مِہر نظر اُٹھائیا۔ تِنّ ماگھ کہے محمد کی رہیا دیکھ، دیکھیا وِچ لوکائیا۔ پربھ دا نِرالا بھیس، بھیکھا دھاری رُڑھائیا۔ وس کے اپنے دیس، دِشا رہیا بدلائیا۔ جو رہے سدا ہمیش، نِرگُن نوُر اِلاہیِا۔ سچ در دا بن نریش، نر نرائن اکھوائیا۔ گُر اوتار پَیغمبراں لےَ کے

بھیٹ، سانتک سَت نہ اپنا آپ کرائیا۔ سب نوُں کرنا پئے اوس دا ویٹ، انتظاری وِچ دُہائیا۔ جِس دا دھرم دا ہونا گیٹ، جِس وِچ گیَٹ آؤٹ کرے کوُڑ لوکائیا۔ روُپ ہونا ایکا ایک، ایکنکار نوُر رُشنائیا۔ سانوُں سب نوُں اُس دے اَگے ہونا پَینا پیش، پیشوا بن کے سیِس نِوائیا۔ جھگڑا رہے نہ مُلّا شیخ، شیخی سب دی دئے گوائیا۔ جوتی جوت سروُپ ہرِ، آپ اپنی کِرپا کر، اِکو گھر وسائیا۔ تِنّ ماگھ کہے میرا نہیں کوئی چارا، چاروں کُنٹ دُہائیا۔ ایہہ کھیل ہرِ نِرنکارا، نِرگُن آپ کرائیا۔ کلجُگ دا انت کنارہ، جگت نئیا ڈِکا ڈولے کھائیا۔ ساچا دِسے نہ کوئے گُروُدوارا، مندر مسجد شِودوالے مٹھ دین دُہائیا۔ ہرِ کنت ملِے نہ میِت مُرارا، آتم سیج نہ کوئے سُہائیا۔ چاروں کُنٹ دھوُاں دھارا، اندھ اندھیرا نظری آئیا۔ گُر اوتار پَیغمبر دے کے گئے لارا، جُگ چؤکڑی حُکم سُنائیا۔ کلجُگ انتم نِرگُن دھار لئے اوتارا، نِہکلنک ویکھ وکھائیا۔ جن بھگتاں لئے سہارا، سگلا سنگ بنائیا۔ پوُرب لہنا چُکائے اُدھارا، مِہر نظر اِک اُٹھائیا۔ آوے اوس تٹ کنارہ، جِس دا پتن نشٹ نہ کوئے کرائیا۔ اوہ بھگتاں دا دوارا، جِتھے بھگوَن بہہ کے خوشی منائیا۔ سچ دا اَکھاڑا، گُرمُکھ مِل کے وجےّ ودھائیا۔ بھاگ لگّے جنگل وِچ اُجاڑا، اُجڑی بستی دئے وسائیا۔ زِمیں اسماناں میٹ کے پاڑا، پڑدا اندروں دئے کُھلائیا۔ گُر اوتار پَیغمبراں دا تخت نِواسی اِکو لاڑا، لکّھ چؤراسی لاڑی آپ پرنائیا۔ نِرگُن جوت آوے دوبارہ، دوہرا کھیل کھِلائیا۔ جِس نوُں سمجھے نہ کوئے وِچ سنسارا، پڑدا سکے نہ کوئے چُکائیا۔ کاغذ قلم نہ لِکھنہارا، جوتی جوت سروُپ ہرِ، آپ اپنی کِرپا کر، اپنا گھر وسائیا۔ تِنّ ماگھ کہے سرِشٹی دی تِنّ دِن مُنیاد، حُکم حُکم وِچ منائیا۔ جِس وِچ اُجڑ کے پھیر ہوئے آباد، بُہتے تھوڑے سمجھ کِسے نہ آئیا۔ سَت دھرم دا کرے راج، رعیت اِک وکھائیا۔ ایہہ انڈِٹھڑا کاج، جگ نیتر نظر کوئے نہ آئیا۔ جن بھگتو کھول کے جاگ، جگ جیِون داتا ہوئے سہائیا۔ ایہہ دھرنی دا بھاگ، حِصّہ ونڈ جھولی پائیا۔ فریِد نؤ دِن ایتھے جگا کے گیا چراغ، چراگاہاں وِچ اپنا ڈیرہ لائیا۔ انت جھؤنپڑی نوُں لا کے آگ، خاک گیا بنائیا۔ دے کے اُچی بانگ، نعرہ اِک سُنائیا۔ جِس ویلے ورتے سوانگ، سوانگی ہو کے پھیرا پائیا۔ مَیں وی تیری رکھنی تانگھ، آسا آسا نال مِلائیا۔ رو کے نِکلی چانگ، بہُڑی بہُڑی دُہائیا۔ جھٹ نِرگُن سرگُن نظر آیا ہتّھ وِچ پھڑ کے ڈانگ، اپنا روُپ بدلائیا۔ پھیر جھٹ اپنی دو ہتّھاں اُتے چُک کے ٹانگ، درس دِتا دِکھائیا۔ بن شؤدائیاں وانگ، گھٹّے اُتے آسن لائیا۔ کنّاں وِچ اُنگلاں پا کے دِتی بانگ، ہتّھ سیِنے اُتے ٹِکائیا۔ اونے چِر نوُں نِکل کے آ گیا ناگ، کالا اپنی فن

پھَیلائیا۔ اوہدے گلّ وِچ سی اِک داغ، جو لال چمکے نوُر رُشنائیا۔ اُدھروں بھجّا آ گیا باگھ، اپنی بھبک لگائیا۔ پربھوُ نوُں پھیر آ گیا وَیراگ، فریِد دے اَگے ہو کے اپنے اتھروُ دِتے وہائیا۔ فریِدہ کُچھ منگ لےَ اِمداد، دین والا تیرے در تے آئیا۔ فریِد کِہا پربھوُ جے کِرپا کرنی تے کدے بناویں بھگتاں دا سماج، ایہو میری منسا دئے دُہائیا۔ مَیں تیرے پِچھے روٹی کھادھی کاٹھ، پُٹھا اپنا آپ لٹکائیا۔ میرے نیتر ٹھوُنگ گئے کاگ، نیَن نہ کوئے چمکائیا ۔ مَیں چاہُندا تیرے بھگتاں دا بیڑا بھرے جہاز، پتن اِکو سوبھا پائیا۔ اونے چِر نوُں اُڈ کے آ گیا اِک باز، اپنے پنکھ ہِلائیا۔ اُدھروں ننگا آ گیا سادھ، نعرہ الکّھ الکّھ سُنائیا۔ مستانہ ہو کے کہے جے تُوں ربّ کوُڑ دا میٹیں راج، کوُڑی راجا پرجا رہن کوئے نہ پائیا۔ پربھوُ اوسے ویلے اوہدے کول ہؤلی ہؤلی گیا بھاج، سادھوُ نوُں پھڑ کے دِتا ہِلائیا۔ بچّوُ مَیں تَینوُں دسّاں اِک جاچ، سہج نال سمجھائیا۔ پھیر وی تیرا تن بناؤنا ماٹی کاچ، تتّاں نال وڈیائیا۔ تُوں اُس ویلے پھیر میری کریں یاد، آسا اِک رکھائیا۔ ایہو دھرتی پھیر کراں آباد، ایہہ میری بےپرواہیِا۔ ہُن تُسیں اِک دو پھیر باغیچہ ہووے باغ، گُرمُکھ سوہنے نظری آئیا۔ اونے چِر نوُں اِک کبابی بھُنّ کے اِک لےَ آیا کباب، سیِکھاں اُتے ٹِکائیا۔ نالے کردا آوے حِساب، لیکھا اُنگلاں اُتے بنائیا۔ نیڑے آ کے ماری آواز، سؤدا جگت ہٹّ وِکائیا۔ ایس دا ویکھو سواد، رس رسنا نال چکھائیا۔ ایہہ وست تُہانوُں دِتی نہیں تُہاڈے مائی باپ، جیہڑی تُہانوُں دِتی کھوائیا۔ فریِد کِہا اے خُداوَند پاک، ایہہ کؤن ایتھے آئیا۔ کی کوئی پُتلا ماٹی خاک، جو سانوُں رہیا ڈرائیا۔ سِری بھگوان کِہا ایہہ کھیل ہویا نال اِتفاق، اِتفاقیا کار کمائیا۔ جِس ویلے کلجُگ ہووے اندھیری رات، ساچا چند نہ کوئے چمکائیا ۔ ایہہ کوُڑیاں سادھاں سنتاں دی جاچ، جو کباب بھنّ کے بھجےّ واہو داہیِا۔ اِنھاں دا ممتا دا پاٹھ، لوبھ دی پڑھائیا۔ فریِد کِہا پربھوُ تیری کیہڑی کِتاب، مَینوُں دے وکھائیا۔ سِری بھگوَن کِہا اوہ جگت توں وکھّری لُغات، جِس دا اکھّر اکھّر نہ کوئے پرگٹائیا۔ جِس ویلے مَیں تے میرے بھگتاں دی سانجھی ہوئی جات، اوس ویلے ورقہ دیاں اُلٹائیا۔ تُوں میرا مَیں تیرا ایہہ سب توں نِکّی تے سب توں وڈّی میری بات، چار جُگ نہ کِسے سمجھائیا۔ فریِدا سب نے پاؤنی وفات، بچیا رہن کوئے نہ پائیا۔ جوتی جوت سروُپ ہرِ، آپ اپنی کِرپا کر، ساچا رنگ آپ رنگائیا۔ تِنّ ماگھ کہے مَیں ویکھیا کھیل عجیب، نِرالا نظری آئیا۔ جو جُگ چؤکڑی دئے ترتیِب، سِلسلے وار چلائیا۔ اوہ صاحب بن غریِب، جن بھگتاں ڈیرہ لائیا۔ ایہہ وی لیکھا لِکھیا محمد نے وِچ قُرآن مجیِد، مجبوُری نال سُنائیا۔ اُس دی کرو

سارے اُمیِد، جو عمل امن دا مالک اِک اکھوائیا۔ جیہڑی باہواں توں بِنا قمیِض، الفی ناؤں دھرائیا۔ اُس نے بھگتاں نوُں دینی تمیِز، مرن توں پہلوں اپنا پربھ لَینا منائیا۔ بےشک ایہہ دھار بڑی باریِک، جگ نیتر ویکھن کوئے نہ پائیا۔ جِنہاں دے اندر دئے تؤفیِق، سِر اپنا ہتّھ دئے ٹِکائیا۔ اوہ موُرکھ مُگدھ سمجھن ٹھیِک، ٹھاکر اِکو نظری آئیا۔ جِنہاں دی آپ کر کے جائے تصدیِق، دوُجی شہادت دی لوڑ رہے نہ رائیا۔ جن بھگتاں بھگتی والی پریِت، بھگوَن وِچ سمائیا۔ گُرمُکھو دھنّ بھاگ تُساں مَینوُں اِتھے داخل کیِتا بِنا فیِس، جُرمانہ شرع نہ کوئے لگائیا۔ مَیں تُہانوُں دین آیا اسیِس، شُکر کر کے خوشی منائیا۔ یاد کرِیو بِن تُہاڈے دُنیا وِچ آؤنی نہیں پیِس، پیِس پیِس مرے لوکائیا۔ تُسیں میرا خزانہ تے مَیں تُہاڈا کھیِس، خالی بھنڈارے دیاں بھرائیا۔ تُہاڈی کوئی نہ کرے ریِس، رستے دیاں بدلائیا۔ ذرا تھوڑی جِہی وٹّ لؤ چیِس، چشمے پریم دے دیاں بہائیا۔ جھگڑا رہے نہ ہست کیِٹ، کوُڑ کُٹمب دیاں کھپائیا۔ سب دی صاف کر کے نیِت، نیِتیوان اِک ہو جائیا۔ جوتی جوت سروُپ ہرِ، آپ اپنی کِرپا کر، اپنا گھر وکھائیا۔ تِنّ ماگھ کہے سارے کرن گوبِندا گوبِندا، گوبِند تیری سرنائیا۔ نہا دھو کے صاف کردے پِنڈا، شنکر دی پِنڈی اَگے سیِس نِوائیا۔ ہری اوم تت سَت بولدے وانگ بِنڈا، کوُک کوُک سُنائیا۔ صاف سُتھریاں کر کے ٹِنڈاں، ہتّھ سیِس اُتے ٹِکائیا۔ سُکھالیِاں کر کے جِنداں، جگت مایا موہ وِچ ہلکائیا۔ جِناں چِر گُرمُکھو پربھ دی بنے کوئی نہ بِندا، بِندرابن والا ہوئے نہ کوئے سہائیا۔ ویکھو روندا سُرپت اِندا، نیتر نیَناں چھہبر لائیا۔ وِشن برہما شِو کہِندا، کوُک کوُک سُنائیا۔ بِن پربھوُ میٹے نہ کوئی چِندا، چِنتا دُکھ نہ کوئے گوائیا۔ جو گُر اوتار پَیغمبراں بھنڈارا دیندا، اوہ بھگتاں آپ ورتائیا۔ جن بھگتو تِنّ ماگھ کہے مَیں تُہانوُں دین آیا نیندا، پہلی پھگّن نہیں پھگّن دی دوُجی نال مِلائیا۔ جو جُگ چؤکڑی رہیا وینہدا، بِن اکّھاں اکّھ اُٹھائیا۔ ہُن تُہاڈا مُکاؤن لگّا پیَنڈا، دُکھیِاں درد رہے نہ رائیا۔ جوتی جوت سروُپ ہرِ، آپ اپنی کِرپا کر، اپنے گھر وسائیا۔ تِنّ ماگھ کہے اِک وکھائی پُستک، پربھ دِتی وڈیائیا۔ جِس دے وِچ بھگتاں دی اُستت، جِس اُستت وِچوں گوبِند نے اکال اُستت دِتی لِکھائیا۔ اوتھے سب دا سانجھا اِکو مُرشد، پیِراں دا پیِر نظری آئیا۔ جِس دی سارے کردے اُلفت، مہما وِچ وڈیائیا۔ اوس نوُں دُنیا نال مِلن دی کدے نہیں مِلدی فُرصت، بھگتاں وِچوں ویہلا ہو کے رہن کدے نہ پائیا۔ جوتی جوت سروُپ ہرِ، آپ اپنی کِرپا کر، آپ اپنا بھیو کُھلائیا۔ تِنّ ماگھ کہے بھگتو میرے اُتے ہو نہ جائیو غُصّے، بینتی دیاں سُنائیا۔ کِیوں میرے وِہار کارن پربھ آیا بِنا

سدّے پُچھے، اپنا پھیرا پائیا۔ گھر دے کمّ کاج بدلے کوئی نہ رُسے، تُہاڈا حرج نہ کوئے کرائیا۔ جیہڑے پُھل ٹاہنیاں نالوں ٹُٹے، اوہ اپنی جھولی پائیا۔ آو میرے لاڈلے پُتے، بچّیو گودی وِچ اُٹھائیا۔ تُسیں ایتھے اوتھے سدا سُچے، دُرمت مَیل کراں صفائیا۔ تُہاڈے جنم جنم دے پیَنڈے مکُے، کرم دا گیڑ چُکائیا۔ مات گربھ نہ ہونا اُلٹے رُکھے، دس دس ماس نہ اگن تپائیا۔ تُسیں اوس دی سیجے سُتے، جِتھوں سُتّیاں نہ کوئے اُٹھائیا۔ ہُن رہن نہیں دینا لُکے، پڑدے سرب چُکائیا۔ شام نوُں چار وجے جان لگّیاں پَیریں پاؤنے کِسے نہیں جُتے، ننگی پَیریں پندھ مُکائیا۔ پھیر سارے اِکٹّھے رکھِیو اِکو گُٹھے، ایہہ وی چمیار گیا لِکھائیا۔ نؤ جوڑے وِچوں کر دیؤ پُٹھے، ہتّھاں دی سیو کمائیا۔ جِس دے بُلھے شاہ نے پریم نظارے لُٹے، اوہ اپنی کار کمائیا۔ جوتی جوت سروُپ ہرِ، آپ اپنی کِرپا کر، اٹّھ وجے رات نوُں سب نے چِٹے تند بنھنے نال گُٹے، گانا سگن والا وکھائیا۔ جوتی جوت سروُپ ہرِ، آپ اپنی کِرپا کر، اپنا رنگ رنگائیا۔ تِنّ ماگھ کہے کی راتیں سُتے سارے اپنے کایا مندر، آسن خوُب سجائیا۔ سچ دسّنا جِس نوُں حُکم مِلیا شبد وِچ اجّ کِس دے گھر ہونا لنگر، اُٹھ کے دینا سمجھائیا۔ بھاگ لگائے اوس اندر، جِس گھر کرے رُشنائیا۔ پیارا سِنگھ تیرا نؤ چھٹانک گُڑ آوے ونڈن، اپنی کھیل کھِلائیا۔ جوتی جوت سروُپ ہرِ، آپ اپنی کِرپا کر، نِرگُن دھار لئے انگڑائیا۔ تِنّ ماگھ کہے پربھوُ ہُن دے دے چُھٹی، اپنی دَیا کمائیا۔ کِتے سنگت نہ ہووے بُھکھی، دھیان روٹی ول رکھائیا۔ مَیں ویکھاں اوہناں مککھیں، جو تیرا ڈھولا گائیا۔ سدا رہن سُکھی، میری آسا منگ منگائیا۔ اندر وڑ کے پُچھیں، سُتّیاں آپ جگائیا۔ جن بھگتو تُہاڈی آتما رہے نہ رُسی، رستے جاندیاں کُچھ ہور لیکھا دینا بنائیا۔ ڈھائی گز دی اِک مُنج دی نال رکھنی رسّی، دیِدار سِنگھ لےَ کے آئیا۔ رات دے نؤ وجے اِک ویراں جانا پَینا اُتے دُھسی، ویکھیو ٹھنڈ توں ڈردیاں کِسے پلّا نہ لَینا چُھڈائیا۔ اوتھے سب نے اپنیِاں بند کرنیاں دوویں مُٹھی، پھیر کنّاں اُتے ٹِکائیا۔ باہروں زور نال لَینا گھُٹی، اندر پربھ دا دھیان لگائیا۔ تُہاڈا سَتگُر پَیریں پا نال نہ جاوے جُتی، ننگی پَیریں تُہاڈی سیو کمائیا۔ گُرمُکھ سوانی کوئی نہ ہووے دُکھی، دُکھیِاں درد ونڈائیا۔ جیہڑا تھک گیا اوس گُرمُکھ نوُں ہتّھاں اُتے جاوے چُکی، اپنی خوشی بنائیا۔ پھیر گُرسِکھو گُرمُکھو ساچے سنتو ساچے بھگتو تُساں ضرور وڈّے چھوٹے پربھ دی پِٹھ اُتے مارنی اِک اِک مُکی، زور نال لگائیا۔ پھیر مَیں کہواں اجّ مَینوُں ہوئی خوشی، گوبِند دا لیکھ چُکائیا۔ کھیل کرنا ویلے اُسی، دھوُڑی ٹِکّے مستک سب نے لَینے لگائیا۔ جوتی جوت سروُپ ہرِ، آپ

اپنی کِرپا کر، جِس کارن آیا اوہ کر کے دئے وکھائیا۔ تِنّ ماگھ کہے جن بھگتو نال پانی دا رکھِیو گلاس، تیج بھان ہتّھ پھڑائیا۔ اندروں پوُرا رکھِیو وِشواس، بھرم رہے نہ رائیا۔ ویلا ہونا رات، روشن چند چمکائیا ۔ گُرمُکھ لیکھا لِکھنا قلم دوات، شہادت دینی بُھگتائیا۔ جِس ویلے وجےّ سچ آواز، پریم نال سُنائیا۔ پھیر جَیکارا لاؤنا سب نے تُوں ہی ساڈا باپ، تُوں ہی پِتا مائیا۔ تُوں ہی رسوُل پاک، تُوں ہی نوُر خُدائیا۔ جوتی جوت سروُپ ہرِ، آپ اپنی کِرپا کر، مِہر نظر اِک اُٹھائیا۔ پانی دا گلاس ٹھنڈا ہووے سیِت، ٹھریا نظری آئیا۔ بھگتو پھیر منّاں تُہاڈی میرے نال پریِت، میرے سِر وِچ دینا اُلٹائیا۔ ایہہ وکھّری چلاؤنی ریِت، اَگے توں بھگتاں نوُں بھگتی کرن وِچ دُکھ وِچ مارنی نہ پئے چیِک، ہاہاکار نہ کوئے سُنائیا۔ تُوں میرا مَیں تیرا گا کے گیِت، اپنا پیَنڈا لیَن مُکائیا۔ جوتی جوت سروُپ ہرِ، آپ اپنی کِرپا کر، سد اپنا رنگ رنگائیا۔ تِنّ ماگھ کہے مَیں وی آواں اوس ویلے چُپ، اپنا آپ چُھپائیا۔ کھیل ویکھاں لُک، نیتر اکّھ اُٹھائیا۔ کی کردے پربھ دے سُت، در ساچے وجےّ ودھائیا۔ کرنی دا کرتا ہووے خوش، اپنی بنت بنائیا۔ جوتی جوت سروُپ ہرِ، آپ اپنی کِرپا کر، کرے کھیل ساچا ہرِ، نِہکلنک نرائن نر، مہاراج شیر سِنگھ وِشنوُں بھگوان، اپنی دھاروں آپے اُٹھ، اپنی کرنی کار کمائیا۔

ایہہ دؤرا نہیں بھگتاں دا دائرہ، دارومدار اپنے اُتے رکھائیا۔ پربھوُ پریم پریِتی دی کرن آیا سیَرا، سیَرگاہ گُرمُکھ نظری آئیا۔ جیہڑا گوبِند نوُں اِشنان کراؤندا سی مہرا، اوہ جوگِندر سِنگھ ٹاٹیوں پکڑ منگائیا۔ جِس نے سب دی ویکھنی لہرا، لہر اپنی اِک اُٹھائیا۔ جِس نے مان دِتا بابوُپُر اِک شہرا، اوہ گلیاں دے ککھّاں دئے ترائیا۔ جِس نے بھگوَن نال کیِتا قہرا، اوہ بدھّک گلے لگائیا۔ جِس نے بھگتاں دا دینا پہرہ، سیوک ہو کے سیو کمائیا۔ اوہ پربھوُ گمبھیِر گہرا، گوَر اِک وڈیائیا۔ سو ہون لگّا ظاہرا، پڑدا آپ اُٹھائیا۔ جوتی جوت سروُپ ہرِ، آپ اپنی کِرپا کر، اپنا رنگ رنگائیا۔ جن بھگتو ایس نوُں سمجھنا نہیں کوئی خرچ، حِساب وِچ نہ کوئے لگائیا۔ مَیں تُہاڈا درشن کر کے جاواں پرچ، کھان پیِن دی لوڑ رہے نہ رائیا۔ گُرمُکھ سِنگھ رات نوُں بَیٹھنا اُتے فرش، تھلے چِٹائی نہ کوئے رکھائیا۔ سُرجیِت سِنگھ نے رکھنا رات نوُں ورت، چھوٹا بچّہ نال مِلائیا۔ جِس کارن آیا پرت، پتپرمیشور پھیرا پائیا۔ جے تُہاڈا میرا رہ گیا فرق، فِرقے کؤن گوائیا۔ جیہڑی گوبِند دی شرط،

شرطیہ پوُر کرائیا۔ پربھوُ بن مردانہ مرد، مدد وِچ ہوئے سہائیا۔ بھاویں ہُن تے میلا سِنگھ تُساں نہیں کیِتی عرض، پِچھلا لیکھا پہاڑی والا بُھل کدے نہ جائیا۔ تُہاڈے نالوں مَینوُں بہُتی غرض، جو غریِب نِمانا بن کے لیکھا گھر گھر رہیا مُکائیا۔ سب دی سِدھی کر کے نرد، پاسا دینا بدلائیا۔ نام پریم دی دے کے ضرب، انکڑے دینے ودھائیا۔ جوتی جوت سروُپ ہرِ، آپ اپنی کِرپا کر، اپنا رنگ چڑھائیا۔ جن بھگتو کِتے چِنتا نہ کر لِؤ دِتا بھاڑا، راجا رانا رہن کوئے نہ پائیا۔ چار جُگ دا پِچھلا میرا ایہہ وِہارا، جِس دا لیکھا رہیا مُکائیا۔ غریِب ہو کے منگاں تُہاڈا واڑا، جھولی اپنی اَگے ڈاہیِا۔ بےشک مَیں دُھر دا لاڑا، تُہاڈے اَگے چلے نہ کوئے چتُرائیا۔ جے میرے ساتھ نہ ہُندا میرا رَوداس چمارا، تُہاڈی لِکھت نہ کوئے بنائیا۔ مَیں کوئی پِھردا نہیں آوارہ، بِنا کارج توں قدم نہ کوئے اُٹھائیا۔ گُرمُکھو راوی اُتے اِک ویراں پِھر جانا پؤُ دوبارا، جیہڑا نہ چل سکے اُس نوُں کندھیِاں اُتے ٹِکائیا۔ ویکھیو دُکھ نہ منّو چِکڑ گارا، غریِباں دا ہوئے سہائیا۔ جوتی جوت سروُپ ہرِ، آپ اپنی کِرپا کر، اپنا رنگ رنگائیا۔ اوتھے عرض کرن دی کیہڑی لوڑ، جو گل وکڑی رہیا پائیا۔ بچّیو وِچھڑیاں نوُں رہیا جوڑ، ڈُبدیاں پار لنگھائیا۔ جے تُسیں نہ نِبھا سکو تے مَیں نِبھاواں توڑ، سد اپنے نال لگائیا۔ تُہاڈا پریم مَیں کھاواں بھور بھور، اپنا صِدق بنائیا۔ تُسیں کُچھ ہور نہیں تے مَیں نہیں کوئی ہور، ہرِ کا روُپ نظری آئیا۔ بےشک مَیں سرِشٹی دا چور، شاہ سُلطان پھڑ سکے کوئے نہ رائیا۔ پر تُہاڈی اپنے ہتّھ وِچ رکھ کے ڈور، ہُلارا اپنا نام لگائیا۔ جے اجّ حُکم نال دیؤ موڑ، پِھر وی مُڑ نہ واپس جائیا۔ جوتی جوت سروُپ ہرِ، آپ اپنی کِرپا کر، اپنا رنگ رنگائیا۔ پربھوُ اَگے کِیوں بینتیاں کرن ارداسے، گل وِچ پلّوُ پائیا۔ جِنہاں اپنے بھیٹ کر دتے سواسے، سوارتھ جگت نہ کوئے رکھائیا۔ اوہناں دی سدا پوُری کر کے آسے، آہستہ آہستہ ویکھ وکھائیا۔ اجے تے گُرمُکھو تُہاڈے ہتّھاں وِچ پھیر پھڑاؤنے گنڈاسے، جیہڑے اپنے بدن اُتے لگوائیا۔ اپنے کپڑے رکھنے پاٹے، تُہانوُں چِٹے دینے پہنائیا۔ اپنیاں پَیراں ہیٹھاں وچھا کے کانٹے، تُہانوُں ہتّھاں اُتے تُرائیا۔ تُساں سؤنا اُپر کھاٹے، آپ فرش اُتے ڈیرہ لائیا۔ تُساں چھکنا وِچ باٹے، آپ ہتّھاں اُتے کھائیا۔ کِیوں تُسیں میرے نِکے جِہے کاکے، پالنا پوسنا میرے ذِمے وِچ آئیا۔ کِسے نوُں کُچھڑ تے کِسے نوُں چُکاں ڈھاکے، کِسے نوُں کندھیِاں اُتے ٹِکائیا۔ کِسے نوُں اُنگل لا کے چلاں ساتھے، کِسے نوُں گود وِچ بہائیا۔ کِسے دے اندر کرکے واسے، کِسے دے مستک نوُر کراں رُشنائیا۔ پھیر کہواں سارے آو میرے پاسے، لڑی لڑی نال جُڑائیا ایہو جِہے گُرمُکھ ہونے تھوڑے بُہتے نہیں

خاصے، خالص اپنے رنگ رنگائیا۔ گُرمُکھو سب دے وِچھڑ جاندے ماپے، پِتا پُرکھ اکال وِسر کدے نہ جائیا۔ جوتی جوت سروُپ ہرِ، آپ اپنی کِرپا کر، اپنا گھر وسائیا۔ گُرمُکھو سب نوُں گھر دی گھِرنا، گھر گھر رہی ستائیا۔ ایَویں سَتگُر نال کاہنوُں پِھرنا، اپنا کمّ گوائیا۔ ایس دا اگلے سال کرنا نِرنا، نِروَیر ہو کے دینا جنائیا۔ امرت میگھ برساؤنا کِرنا، بوُند سوانتی اِک چوائیا۔ جگت پِھرنا وانگ ہِرنا، سُگندھی ہتّھ کِسے نہ آئیا۔ کوٹاں وِچوں جن بھگت وِرلے مِلنا، جِس دا میلا آپ مِلائیا۔ جوتی جوت سروُپ ہرِ، آپ اپنی کِرپا کر، کرے کھیل ساچا ہرِ، نِہکلنک نرائن نر، مہاراج شیر سِنگھ وِشنوُں بھگوان، کوئی پتّھر پاہن سِل نہ، سَت سروُپ نِرگُن جوت نظری آئیا۔

۳ ماگھ شہنشاہی سمت ۳ بابوُ پُر باہر ضِلع گُرداسپُر

ویکھو آیا بھگتاں دا قَیدی، ہتھکڑی ہتّھ لگائیا۔ جیہڑی کیِتی کھیل بابر نانک نال ویدی، وید شاستر دیوے نہ کوئے گواہیِا۔ ابناشی کرتا سب دا بن کے بھیدی، بھیو اپنا رہیا کُھلائیا۔ جیہڑی کھیل اٹھائی پوہ کھیڈی، ہرِ سنگت وِچ سُنائیا۔ اوہدا بُھگتان کیِتا نال تیِجی، بہُتی دیر نہ کوئے لگائیا۔ جِس دا اوَر نہ کوئے لیکھی، لیکھا لِکھ نہ کوئے سمجھائیا۔ جن بھگتو تُہاڈا بدھّا ہُن نہ ہووے پردیسی، سدا تُہاڈے وِچ مُلزم دی رہی نہ کوئی شیخی، شناخت اپنی سب نوُں رہیا کرائیا۔ ایہہ یاد رکھیو پریم والی نیکی، اپنا آپ دِتا مِٹائیا۔ تُہانوُں لاڑی مؤت نہ ویاہوے دھرم رائے دی بیٹی، پربھ دا بیٹا ہرِ شبد لئے پرنائیا۔ اجّ سب نے رات نوُں گھر گھر بِسترے نویں کڈھنے جیہڑے بند کیتےِ وِچ پیٹی، سوہنے گُرمُکھاں ہیٹھ وِچھائیا۔ جوتی جوت سروُپ ہرِ، آپ اپنی کِرپا کر، اپنی کار بُھگتائیا۔ گُرمُکھو ویکھو آیا بدھّا، ڈوری بھگتاں ہتّھ پھڑائیا۔ کِسے نوُں دِتا نہیں کوئی سدّا، سدّ کے اپنی کھیل کھِلائیا۔ کِسے تے بھار نہیں کوئی دبّا، بوجھ اپنے سِر اُٹھائیا۔ پھیر نہ کِہو کِیوں دھوکھا دینا ربّا، دھوکھے والا جھگڑا دِتا گوائیا۔ کُچھ قؤل اِقرار ہرِ گوبِند نال سُلکھنی چبّا، چنگی طرح دِرڑائیا۔ جِس نوُں صاحب سَتگُر لبھا، بھائی گُرداس دِتا سمجھائیا۔ جوتی جوت سروُپ ہرِ، آپ اپنی کِرپا کر، اپنی کھیل کھِلائیا۔ اٹھائی پوہ کہے مُلزم دا چلے نہ کوئے زور، ہتّھیں بدھّا نظری آئیا۔ جِدھر مرضی لؤ تور، اپنا حُکم سُنائیا۔ بھاویں اندھیرے رکھو گھور، ڈوُنگھی ڈلّ سُٹائیا۔ بھاویں چاڑھو اُپر گھوڑ، آسن سچ سجائیا۔ بھاویں بنّھو نال بوہڑ، راتی دیؤ سزائیا۔ ایہہ نؤ سؤ چُرانوے چؤکڑی جُگ دا چور، بِنا بھگتاں ہتّھ کِسے نہ آئیا۔ جے تُہاڈا کارج

جاوے سؤر، اپنی اِچھا پوُری لیَنی کرائیا۔ ذرا ویکھو نال تکّ کے غؤر، ایہہ اوہو شہنشاہ جِس نوُں سچّے پاتشاہ کہہ کے سیِس نِوائیا۔ کی لبھو اوہو براہمن گؤڑ، جِس نوُں جنمے کوئی نہ مائیا۔ جِس دے چڑھے کوئی نہ پؤڑ، محل اٹل نظر نہ آئیا۔ جوتی جوت سروُپ ہرِ، آپ اپنی کِرپا کر، اپنا کھیل وکھائیا۔ جن بھگتو جِس دے اُتے مُقدمہ ہویا دعوہ، دعویدار اکھوائیا۔ اوہدیِاں بدھّیِاں ویکھو بانہواں، بھگت دا لیکھ نہ کدے بدلائیا۔ اُس نوُں اوسے ویلے چُک کے گودی وانگ ماواں، جنم کرم دا لیکھا دِتا بدلائیا۔ اپنا پوُرا کرن واسطے نانَواں، بھگت دواریوں باہر آ کے تُہاڈے در تے منگ منگائیا۔ اپنا کیس بُھگتا کے جاواں، جِس دی اِکو دسمیس دئے گواہیِا۔ جوتی جوت سروُپ ہرِ، آپ اپنی کِرپا کر، اپنی کرنی کار کمائیا۔ گُرمُکھو ویکھو لگّی ہتھکڑی، رسّی گھُٹ کے دِتی بندھائیا۔ کِتے کہہ نہ دیؤ ایس نوُں اینی سزا بڑی، رات نوُں مُکیاں نال کُٹ کے اپنا غُصّہ لَینا مِٹائیا۔ ہتھّیں بدھّا کرے کوئی نہ اڑی، چُپ چاپ ہو کے اپنی خوشی بنائیا۔ تھلّے وِچھاؤنی نہیں کوئی دری، سِنگھاسن نظر کوئے نہ آئیا۔ جیہڑا خُدا جُگ چؤکڑی بن دا رہیا شرعی، شرع وِچ دُنیا دِتی لڑائیا۔ اُس دی تُساں پاؤنی صحیح، صحیح سچ دینی جنائیا۔ اِک نال رات نوُں رکھِیو کہی، موڈھے اُتے ٹِکائیا۔ کُچھ ہور نال لےَ جائیو دہی، کٹورا ہتّھ اُٹھائیا۔ اِک لِکھن والی نال لےَ جائیو وہی، جِس دا کھاتہ نہ کوئے بدلائیا۔ جوتی جوت سروُپ ہرِ، آپ اپنی کِرپا کر، اپنی کار بُھگتائیا۔ جن بھگت کہن ایس نوُں لبھدے رہے ایہہ بنیا رہیا نوُری، ہتّھ کِسے نہ آئیا۔ اجّ ایس دی سزا کرو پوُری، اَگے بُھل کدے نہ جائیا۔ سارے غُصّے وِچ وٹّو گھوُری، اکّھاں لال کڈھ ڈرائیا۔ کِیوں نہ سانوُں رنگن چاڑھی گوُڑھی، جُگ جُگ تیری سیو کمائیا۔ بنے رہے موُرکھ موُڑھی، بُدھی بِبیک نہ کوئے بنائیا۔ کِیوں نہیں دِتی چرن دھوُڑی، اپنا آپ جنائیا۔ اجّ ویکھیں رات نوُں تیری کِس طرح ٹھاردے جوُڑی، اسیں وی جٹا جوُٹ پِچھلے نظری آئیا۔ تیری لاہ دینی غروُری، مان رہے نہ کوئے وڈیائیا۔ منا کے چھڈانگے اَگے بھگتاں دی کر مشہوُری، جن بھگتاں دا ڈھولا گائیا۔ اپنی منزل نہ رکھ دوُری، نیڑ نیڑا درس دِکھائیا۔ بتھیری گوپیِاں توں کھادھی چوُری ، کرِشن بن کے اپنی راس رچائیا۔ بھوگ لاؤندا رِہوں کھیِر پوُڑی، بھلیاں نال مِٹھیائیا۔ جن بھگت کہن اجّ ایہنوُں بنّھو جِس اندر ہووے تُوڑی، کھان پیِن نوُں ہتّھ کُچھ نہ آئیا۔ پِھر آپے چُھڈائے ساڈی کِریا کوُڑی، کُکرماں باہر کڈھائیا۔ جوتی جوت سروُپ ہرِ، آپ اپنی کِرپا کر، ساچا رنگ رہیا رنگائیا۔ رسّی کہے ویکھو نی مَیں بدھّا سخی سُلطان، جو سوُربیِر اکھوائیا۔ جو کہِندا سیِتا دا

رام، سُرتی سَت پرنائیا۔ جو بن دا رہیا گھنئیا کاہن، مُکند منوہر لکھمی نرائن اپنا ویس وٹائیا۔ جوموُسیٰ عیسیٰ محمد سُناؤندا رہیا گان، کلمہ اِک اُپجائیا۔ جو نانک گوبِند دیندا رہیا فرمان، سچ سندیشہ نام دِرڑائیا۔ آپ لُکیا رہیا سِری بھگوان، پڑدے وِچ اپنا آپ چُھپائیا۔ کلجُگ انت بنن لگّا پردھان، بھیو ابھید کُھلائیا۔ بھگت اُٹھائے آن، سُرتی سُرت کُھلائیا۔ جودھے سوُربیِراں کیِتا دھیان، اپنی اکّھ پلٹائیا۔ جِناں چِر سانجھا نہ کرے گیان، آتم پرماتم راگ الاہیِا۔ اوناں چِر ایہنوُں پرگٹ ہون نہ دیؤ وِچ مَیدان، اِک اکلا اپنا ڈھولا نہ کوئے سُنائیا۔ سارے گھیرے وِچ لےَ لؤ درمیان، در دروازہ نظر کوئے نہ آئیا۔ پِچھلیاں بھگتاں کِہا سُنو لا کر کان، کبیِرا ڈنک وجائیا۔ گُرمُکھو پربھوُ بڑا شیَطان، شرع وِچ سب نوُں رہیا بھوائیا۔ جُگ چؤکڑی آوے وِچ جہان، نِت نوِت ویس وٹائیا۔ جے میرا بچن جاؤ مان، سب نوُں دیاں سُنائیا۔ جوتی جوت سروُپ ہرِ، آپ اپنی کِرپا کر، اپنا رنگ رنگائیا۔ کبیِر کِہا بھگتو اوہ بڑا ضِدی، ترس نہ کدے کمائیا۔ مَیتھوں سِکھ لؤ بِدھی، سہجے دیاں سمجھائیا۔ کِتے بنے نہ رِہو گیِدی، سِر گوڈیاں وِچ لُکائیا۔ پربھ نوُں مِلِیو سِدھے دیِدیِں، اکّھ اکّھ نال رلائیا۔ جوتی جوت سروُپ ہرِ، آپ اپنی کِرپا کر، اپنا کھیل وکھائیا۔ جن بھگتو ہور سُنو طریقہ، تُہانوُں دیاں جنائیا۔ جِس دا کھیل نیِکن نیِکا، جگ نیتر نظر کوئے نہ پائیا۔ اُس دا بن جائیو آپ وسیقہ، لِکھنہار آپ ہو جائیا۔ جیہڑا پِچھے ویلا بیِتا، بیِتی کہانی دینی سُنائیا۔ تیریِاں رکھدے رہے اُڈیِکاں، نِج نیتر اکّھ کُھلائیا۔ پِچھے چار جُگ دُکھ دیندا رِہوں وانگ شریکاں، اگنی جل وِچ ڈُبائیا۔ ہُن بن جا سِدھا میِتا، مِتر اِک اکھوائیا۔ نہیں تے بُھگتنا پیوُ اپنا کیِتا، گُرمُکھاں اپنی ہتھکڑی لئی لگائیا۔ اَگے لُک گیاں گوبِند نال لےَ کے وِچ انگیِٹھا، ہُن لُکن دی لوڑ رہے نہ رائیا۔ تُوں مالک ہر گھٹ جی کا، جیِون جُگت تیری وڈیائیا۔ تیرا جھگڑا نہیں کوئی ساڈھے تِنّ ہتّھ سیں کا، رَویداس چمارا دئے گواہیِا۔ گُر اوتار پَیغمبر مددی نہیں کوئی بھتیِجا، تیرا ساک سجّن نظر کوئے نہ آئیا۔ جیہڑے میریاں کردے ریجھاں، اجّ اوہناں ہتھکڑی لئی لگائیا۔ کی پکاّ کھاویں سیِدھا، کہ رُکھی کھا کے جھٹ لنگھائیا۔ جوتی جوت سروُپ ہرِ، آپ اپنی کِرپا کر، اپنا بھیو کُھلائیا۔ جن بھگت کہن تھوڑا ایہنوُں اندر کھِچو، اَگے لؤ لنگھائیا۔ جِناں چِر اپنا بھیت نہ دسےّ وِچوں، ہتھکڑی نہ کوئے کُھلائیا۔ سوہنا سچّا لیکھ لِکھو، لِکھت والی گواہیِا۔ گُرمُکھو نالے مریادا سِکھو، بُھلیاں سب نوُں ملِے سزائیا۔ جوتی جوت سروُپ ہرِ، آپ اپنی کِرپا کر، ایکا گھر دئے وڈیائیا۔ جن بھگت کہن ایہنوُں اندر لوو واڑ،

سردل پار کرائیا۔ پھڑیا وِچوں اُجاڑ، آوارہ پِھردا نظری آئیا۔ رات نوُں مُکیاں مارو جھاڑ جھاڑ، زور نال لگائیا۔ جِس نے گُر اوتار پَیغمبراں دا لیکھا مُکایا ستاراں ہاڑھ، بچیا رہن کوئے نہ پائیا۔ اجّ ایس دی کُٹو ناڑ ناڑ، اپنی خوشی بنائیا۔ نال ویکھو ایہدا یار، رَوداس بُھکھا نظری آئیا۔ ایہہ سدا بُھکھیاں نال کرے پیار، ایہدی عادت دینی بدلائیا۔ اپنا کارج لَوو سوار، بھےَ وِچ دیؤ ڈرائیا۔ پربھوُ اَگے خالی بانجھ رہے کوئی نہ نار، دُکھی کُکھی بھاگ لگائیا۔ جِناں چِر دے کے نہ جائیں اپنا اِعتبار، ہتھکڑی نہ کوئے کُھلائیا۔ کِتھے تیرا سچکھنڈ دوار، دوُر دُراڈا نظری آئیا۔ ایہہ بھگتاں دا گھربار، ہرجن بَیٹھے سوبھا پائیا۔ کدی تَینوُں کہِندے ساں سچّی سرکار، اجّ مُلزم ہو کے اپنا آپ بندھائیا۔ ایہہ دسّ کی وِہار، کِیوں ایہہ رچن رچائیا۔ جوتی جوت سروُپ ہرِ، آپ اپنی کِرپا کر، اپنا پڑدا لاہیِا۔ جن بھگت کہن پربھوُ ویکھ لا بدھّی رسّی ڈوری، دوہری موڑ مُڑائیا۔ کی بھگتاں نال پھیر کرینگا چوری، لُک لُک اپنا مُکھ بھوائیا۔ اجّ منّ کے جا تُسیں میرے تے مَیں تُہاڈا جوڑی، جوڑی دُھر دی اِک بنائیا۔ بھاویں کِسے دی بھگتی بہُتی تے بھاویں تھوڑی، سب نوُں اِکو رنگ رنگائیا۔ دُنیا نے سرِشٹی نے خوشیاں وِچ ونڈی لوہڑی، اسیں لوہڑا پاؤن والا بنّھ کے لیا بہائیا۔ ساچی دسّ دے اپنی پؤڑھی، منزل دے وکھائیا۔ اسیں نہاؤنا نہیں کِسے تالاب جؤہڑیں، تیِرتھ تٹ نہ پھیرا پائیا۔ جوتی جوت سروُپ ہرِ، آپ اپنی کِرپا کر، اپنا کھیل کرائیا۔ رسّی کہے بنّھو چھیتی گھُٹ، ہتّھ ہتّھ نال جکڑائیا۔ کِتے چوری جائے نہ چُھٹ، اپنا آپ بچائیا۔ جِس نے دیِناں مذہباں دی جڑ دِتی پُٹ، کلمہ دِتا بدلائیا۔ بھگت بنا کے سُت، سُتّیاں رہیا اُٹھائیا۔ مؤلے اِکو رُت، رُتڑی اپنے نال مہکائیا۔ اِک ہور گلّ لوو پُچھ، سہج نال سُنائیا۔ کی پھیر وی رکھینگا اندھیرا گھُپ، بھگتاں نالوں جُدائیا۔ کی ونڈینگا دُکھ، دردیِاں ہو سہائیا۔ جوتی جوت سروُپ ہرِ، آپ اپنی کِرپا کر، گھر اپنے سوبھا پائیا۔ رسّی کہے مَینوُں جاؤ گھُٹی، زور نال بندھائیا۔ جِنی گھُٹوگے آوناں تُہاڈے اُتے جائے تُٹھی، مِہر نظر اُٹھائیا۔ پریم دا لاہا جاؤ لُٹی، نیتر نیَناں اکّھ ڈرائیا۔ اپنی آتما کرو سُچی، نِرمل نوُر رُشنائیا۔ کوئی سوانی رہے نہ گھُتھی، سچ رہیا سُنائیا۔ جوتی جوت سروُپ ہرِ، آپ اپنی کِرپا کر، اپنا کھیل پرگٹائیا۔ جن بھگت کہن ایہنوُں لےَ جاؤ ہور اَگے، پِچھا نہ کوئے سمجھائیا۔ جِناں چِر بھیو نہ کھولے جگے، جاگرت جوت کر رُشنائیا۔ آوناں چِر ایہدے ہتّھ رہن بدھےّ، گنڈھ نہ کوئے کُھلائیا۔ اسیں وی دھرم نِشانے گڈّے، جن بھگت رہے سُنائیا۔ اسیں بند رہنا نہیں وِچ ڈبےّ، ساڈا پڑدا دینا چُکائیا۔ جیہڑے چؤراسی

وِچوں کڈھے، اپنے نال مِلائیا۔ کِناں چِر ہو گیا تیری چرنی لگّے، تیری آس تکائیا۔ اَگے جد درشن دیویں تے چڑھ کے گھوڑے بگّے، شاہ سوارا نظری آئیا۔ تیرا بھگت تیرا درشن کر کے رجےّ، ترِشنا ترِکھا دینی بُجھائیا۔ نال تیرا جَیکارا گجےّ، ناد دُھن شبد شنوائیا۔ گُرمُکھ سوہنگ ڈھولا جپے، اِکو ملِے سرنائیا۔ اجّ توں قؤل اِقرار کر جا پکّے، نہیں تے بندھن نہ کوئے تُڑائیا۔ جُگ جُگ سُندے رہے تیرے صِفتاں والے ٹپّے، ٹاپوُآں وِچ اپنا پھیرا پائیا۔ حِساب دسّدا رِہوں مائینس وِچ بٹے، جمع ضرب جوڑ جُڑائیا۔ اپنی قیِمت رکھاؤندا رِہوں دھیلے ٹکے، ہٹّاں وِچ وِکائیا۔ گُر اوتار پَیغمبر کراؤندے رہے تَینوُں ٹّھٹھے، جُگ جُگ تیرا نام بدلائیا۔ ہُن سارے ہوئے اِکٹّھے، گھر اِکو سوبھا پائیا۔ پِچھلے رہن نہ دینے پٹیداری دے پٹے، پٹنے والا نال مِلائیا۔ جگت کوُڑ رہن نہ رٹےّ، رٹّا دینا گوائیا۔ جوتی جوت سروُپ ہرِ، آپ اپنی کِرپا کر، اپنا پندھ مُکائیا۔ رسّی کہے اِک ہور دیؤ لپیٹ، اُنگلاں اُنگلاں نال جُڑائیا۔ منا کے چھڈو بھگتاں دی سہایتا کرنی وِچ ماتا پیٹ، گربھ ہونا سہائیا۔ تیری پوُجا دا رہے کوئے نہ ریٹ، قیِمت جگت نہ کوئے لگائیا۔ او پربھوُ جِنہاں بھگتاں نے اپنا آپ تَینوُں کیِتا بھیٹ، ہور تیری کی سیو کمائیا۔ جے رُخ نہ بدلیا ایس پہلی چیت، پھیر تَینوُں چیتن کہہ کے کوئے نہ گائیا۔ ایسے طرح بنّھ کے منڈی وِچ آواں گے ویچ، پلّا اپنا آپ چُھڈائیا۔ سِری بھگوان کہے بھگتو جِس کارن تُہانوُں دِتا بھیج، بھجن بندگی توں باہر کڈھائیا۔ ضرور دیواں جوتی دا تیج، تپسوی دُھر دے دیاں بنائیا۔ دھرم پُجاری بنا کے نیک، نِکّیاں وڈّیاں رنگ رنگائیا۔ تُسیں ساچی رکھو ٹیک، ٹِکّے مستک دھوُڑی آپ چُھہائیا۔ ہُن اگلے اندر دیؤ بھیج، مانگت ہو کے منگ منگائیا۔ اجّ نہیں منگدا کوئی سوہنی سیج، بُھنجے بہہ کے جھٹ لنگھائیا۔ اپنے کھان لئی بنا لؤ دیگ، مَینوُں رس نہ کوئے چکھائیا۔ اِک وِہار ویلے کول لیا کے رکھنی تیغ، میان وِچوں باہر کڈھائیا۔ پھیر اگلا دسّوُں لیکھ، کی کھیل کرے بےپرواہیِا۔ آو چلیئے اگلے دیس، پِچھلا پندھ مُکائیا۔ جن بھگتو تلاشی لےَ لؤ پھول کے ویکھ لؤ جیب، تُہاڈی وستوُ نہ کوئے چُرائیا۔ پِچھے چار جُگ ضرور کردا رہیا فریب، چھِن وِچ درشن دے کے پھیر اپنا آپ چُھپائیا۔ جِس ویلے تیغ بہادر نے سدّے انگریز، ایسے طرح ہتّھ بنّھ کے دھیان لگائیا۔ جوتی جوت سروُپ ہرِ، آپ اپنی کِرپا کر، پڑدا آپ اُٹھائیا۔ جن بھگتو میری خوُب لؤ تلاشی، ناڑی ناڑی پھول پھولائیا۔ تُہاڈی پوُنجی چُکی نہیں کوئی راسی، صِرف آ کے رستہ رہیا وکھائیا۔ میرا کھیل پرِتھمی آکاشی، گگن گگننتراں ہوئے رُشنائیا۔ چار جُگ دے شاستر کہن ابناشی، جنم

مرن نہ کھیل کھِلائیا۔ پرماتما آتما آتما پرماتما دی ذاتی، جوتی جاتا اِک اکھوائیا۔ کُچھ یاد آ گئی گوبِند والی باتی، جو پُری انند دِتی سُنائیا۔ جِس ویلے انند پُر نوُں چھڈنا تے گوبِند پُرکھ اکال دی بنیا داسی، ایسے طرح ہتّھ جوڑ کے سیِس دِتا نِوائیا۔ اِک بینتی دُھر دی آکھی، بِنا اکھّراں دِتی سُنائیا۔ جوتی جوت سروُپ ہرِ، آپ اپنی کِرپا کر، پڑدا اوہلا رہیا اُٹھائیا۔ گوبِند اوس ویلے اپنے ہتّھ بدھےّ نال رسّی، دوُجا نظر کوئے نہ آئیا۔ پربھوُ تیرے حُکم نال ایہہ بستی بسی، تیرے حُکم نال اُجاڑا دِتا پائیا۔ اگلا مارگ سوہنا دسّیں، مَیں ساچی سیو کمائیا۔ تیرا کھیل ویکھاں اکھّیں، آخر اوٹ تکائیا۔ پِھر لیٹ کے بھار وکّھی، دوویں ہتّھ کنّ اُتے ٹِکائیا۔ ہتّھاں دی بنا کے پٹّی، گوبِند نیَن لئے چُھپائیا۔ پھیر مُچھاں نوُں چاڑھ کے وٹّی، بَل اپنا لیا پرگٹائیا۔ پُرکھ اکال تیری پڑھ کے اِکو پٹّی، دوُجی وِدیا دِتی بُھلائیا۔ پُرکھ اکال کِہا گوبِند بن جا وڈّا ہٹھی، تَینوُں دیاں سُنائیا۔ اجے تے کلجُگ دی ہور تپنی بھٹّھی، اوس ویلے امرت پیاؤن والا نظر کوئے نہ آئیا۔ جوتی جوت سروُپ ہرِ، آپ اپنی کِرپا کر، اپنا حُکم ورتائیا۔ قَیدی کہے بھائی کیہڑا قَیدخانہ، بھگتو دیؤ جنائیا۔ جے اِس توں اَگے اودھر نوُں ہوواں روانہ، پِچھلا پندھ مُکائیا۔ مَینوُں ہتھکڑی تے تُسیں بنھنا گانا، ایہو بےپرواہیِا۔ تُسیں میرے تے مَیں ویکھو بیگانہ، ہمیشہ بیگانیاں نوُں ملِے سزائیا۔ اَگے دیؤ کوئی نہ طعنہ، میہنا رہن کوئے نہ پائیا۔ اپنی کھیل کھیلے سِری بھگوانا، جِس دی سمجھ کِسے نہ آئیا۔ جوتی جوت سروُپ ہرِ، آپ اپنی کِرپا کر، نِرگُن دھار بن نِمانا، نِمانیاں پار کرائیا۔ رسّی کہے اَگے ہور جگہ، پِچھلے اندر بند کرائیا۔ کِتے پھیر وی نہ نِکل جاوے دے کے دغا، دھوکھیاں وِچ پھسائیا۔ رسّی کہے اِس نوُں بنّھو میرے نال اُتوں رگاں، رگھُپت اکھوا کے سیِتا نوُں گیا ستائیا۔ بڑی مُشکل نال بھگت دواریوں لبھا، ہور ہتّھ کِتوں نہ آئیا۔ گرنتھاں وِچوں سُنیا بڑا کبّا، کعبےوالیاں دئے سزائیا۔ اجّ چکھاؤ ایہنوُں اپنی سزا دا مزہ، مذاق پھیر کرن نہ پائیا۔ جِناں چِر جن بھگت نہ چلاوے اپنی رضا، اپنے رنگ رنگائیا۔ اوناں چِر رہن دیؤ بدھّا، پہریدار لؤ اُٹھائیا۔ ویکھانگے کِڈا وڈّا ، بَل ساڈے نالوں ودھائیا۔ جوتی جوت سروُپ ہرِ، آپ اپنی کِرپا کر، اپنا کھیل وکھائیا۔ جن بھگت کہن چنگا آ گیا گھیرے، گھیرا لؤ پائیا۔ اجّ ایہنوُں رکھو اندھیرے، دِیپک نہ کوئے رُشنائیا۔ جِناں چِر نہ چاڑھے اپنے بیڑے، ڈُبدیاں نہ پار کرائیا۔ اوناں چِر نِکل نہ جائے وِچوں ایس کھیڑے، خبرداری گھر گھر دیؤ کرائیا۔ کِیوں آ گیا چھڑیاں دے ویہڑے، ترس کرن والا نظر کوئے نہ آئیا۔ اجّ ایہنوُں کُٹ کُٹ کے کر دیؤ ڈھیرے، اپنا بل ودھائیا۔ جِناں چِر

ساڈے بنّھ کے نہ جائے بیڑے، سانجھ جگت وِچ رکھائیا۔ جوتی جوت سروُپ ہرِ، آپ اپنی کِرپا کر، اپنی کار کمائیا۔ رسّی کہے ایہہ دوویں ہتّھ لےَ جاؤ اُتے گچی، گردن دیؤ جھُکائیا۔ ایہنوُں پُچھو کِس طرح پالنی سِکھی، سانوُں دے سمجھائیا۔ جِس دی دھار تِکھی، اُتے پَیر نہ کوئے ٹِکائیا۔ تُوں لارا دیندا ساں ویہہ اِکّی کِیوں بَیٹھا مُکھ بھوائیا۔ اجّ کھان نوُں نہیں دینی تَینوُں ٹِکی، بُھکھا رہ کے جھٹ لنگھائیا۔ جے سانوُں غُصّہ آ گیا بھگت کہن تیرے مُنہ اُتے دے دیئیے چِھکی، سزا ہور ہور بُھگتائیا۔ اپنی وار ویکھ لا تِھتی، پِچھلی نظری آئیا۔ جیہڑی گوبِند نوُں دِتی چِٹھی، ماچھوُواڑے سمجھائیا۔ جو تیری ہاہے اُتے لگّی ٹپی، سسّے ہوڑے نال وڈیائیا۔ جوتی جوت سروُپ ہرِ، آپ اپنی کِرپا کر، دُھر دا حُکم اِک سُنائیا۔ جن بھگت کہن ایہنوُں پُٹھا پا دیؤ لماں، حُکم اِک سُنائیا۔ پربھوُ پھیر نہ بنیں نِکما، نِکرمناں لَینا ترائیا۔ ساڈی کوُڑی میٹ دے طمع، لالچ دینا گوائیا۔ اجّ سب نوُں دے کے جا جنم نَواں، نَواں رنگ چڑھائیا۔ ہرکھ رہے نہ غماں، چِنتا سوگ مِٹائیا۔ تیرے پریم دا ویکھیئے سماں، بھاویں سماپت ہوئے لوکائیا۔ جن بھگتو اَگے کدے نہ کِہو کی بھروسہ دماں، جِس نوُں چاہے اوسے نوُں لئے بچائیا۔ سب دا لیکھا میرے کول جمع، وِشن برہما شِو ہتّھ نہ کوئے پھڑائیا۔ مِہربان ہو کے بیڑا بنّھاں، بنھنہار آپ ہو جائیا۔ جوتی جوت سروُپ ہرِ، آپ اپنی کِرپا کر، اپنی کار بُھگتائیا۔ جن بھگت کہن غُصّے وِچ سُٹو بھار وکّھی، زور نال دبائیا۔ پھیر ویکھو اپنی اکّھی، کِس بِدھ ملِے سزائیا۔ جو پریم دی ساچی سخی، سو سوہنگ ڈھولا گائیا۔ منّ کے اِکو پتی، پتپرمیشور دھیان لگائیا۔ مُحبّت پیار کوُڑ وِچ نہ پھسی، پھاسی گلوں لئی کٹائیا۔ ایسے کر کے بدھّی رسّی، رستے بُھل کے گُرمُکھ اؤجھڑ راہ کوئے نہ جائیا۔ جوتی جوت سروُپ ہرِ، آپ اپنی کِرپا کر، سِر اپنا ہتّھ رکھائیا۔ جن بھگت کہن ایہدا رگڑو نک، زور نال دبائیا۔ جِناں چِر ساڈا نہ دیوے حق، حقیِقت دئے سمجھائیا۔ اجے تک سانوُں شکّ، پتہ نہیں پُرکھ اکال کہ دھوکھے وِچ رکھائیا۔ جوتی جوت سروُپ ہرِ، آپ اپنی کِرپا کر، کرے کھیل ساچا ہرِ، ساچا بھیو آپ کُھلائیا۔ جن بھگت کہن ایہدی ہلوُنو گردن، گردو غُبار دئے گوائیا۔ سُرتی سُتّی اُٹھا کے کرے مردن، مرد مردانہ دَیا کمائیا۔ کی ہویا جے کرِشن چیچی پہاڑ اُٹھایا گووردھن، برہمنڈ کھنڈ بِنا اُنگلیاں توں رہیا ٹِکائیا۔ کی ہویا جے گیِتا گیان سُنایا ارجن، اٹھاراں دھیائے پڑھائیا۔ جن بھگتو تُہاڈا سدا لئی سچ دوارے دا نیِندا آیا ورجن، نام مہمانی اِک کھوائیا۔ جیہڑے آئے دوارے پِچھے موُل نہ پرتن، چؤراسی وِچ نہ کوئے پِھرائیا۔ تُہاڈے کایا بھانڈے ہُن آپ صاف

کرے برتن، اندر وڑ کے مَیل دھوائیا۔ جوتی جوت سروُپ ہرِ، آپ اپنی کِرپا کر، در ٹھانڈے دئے وڈیائیا۔ رسّی کہے مَینوُں گھُٹ کے دیؤ گنڈھ، اپنا زور لگائیا۔ پِھر بھگتاں پئے ٹھنڈ، اگنی تت گوائیا۔ جِتھے اجّ دا کھانا ڈنگ، سو گرِہ دئے وسائیا۔ تعمیِل اندر ہو پابند، حُکم حُکم وِچ بنائیا۔ گُرمُکھو تُہاڈے نال نہ کوئی جھگڑا تے نہ کوئی جنگ، ہتّھیں بدھّا سیو کمائیا۔ سب نے اٹّھ وجے چِٹے تاگے دا بنھنا تند، تندوُاے دی پُکار گج دا اُدھار لیکھا پِچھلا پوُر کرائیا۔ ہرِ بھگت سدا بخشند، جِنہاں دا مالک سوُرا سربنگ، اِک انیک نظری آئیا۔ جوتی جوت سروُپ ہرِ، آپ اپنی کِرپا کر، دُھر مستک ویکھ وکھائیا۔ جن بھگتو ایہہ تُہاڈے ہتّھ اصوُل، نیم تُہاڈے نال رکھائیا۔ جے چھڈنا کرو قبوُل، ہتھکڑی دیؤ کُھلائیا۔ جے کِسے دا لہنا نہیں ہویا وصوُل، اوہ وی دیؤ سمجھائیا۔ پتہ نہیں تُسیں بُھلے کہ پربھ نے کیِتی بھوُل، بُھلیاں پربھوُ دئے سزائیا۔ سب نوُں بخش کے پریم پیار دی دھوُل، ٹِکے دئے لگائیا۔ تُسیں اصل تے تُسیں موُل، سوُد تے کُلزر کُل مالک نظری آئیا۔ دُھردرگاہی دا اِکو روُل، جِس دا نمبر نہ کوئے بدلائیا۔ جوتی جوت سروُپ ہرِ، آپ اپنی کِرپا کر، ساچی کرنی کر وکھائیا۔ رسّی کہے مَینوُں دے دیؤ رستہ، باہر دینی کڈھائیا۔ جن بھگتو تُہاڈا دوارا رہے وسدا، بستی سوہنی نظری آئیا۔ پربھوُ مالک رہے ہسّدا، ہستی ہستی وِچوں پرگٹائیا۔ تُہاڈا لیکھا سانجھے جس دا، تُوں میرا مَیں تیرا ڈھولا گائیا۔ پیار لؤ اوس اکّھ دا، جیہڑی اکّھ نہ کدے شرمائیا۔ تُہاڈا پریِتم تُہاڈے اندروں کدے نہ نسّدا، گھر مندر ڈیرہ لائیا۔ منزل جگت والی ٹپدا، کوُڑی کِریا پندھ چُکائیا۔ ہرِ بھگتاں وِچ پھبدا، سوہنا جوڑ جُڑائیا۔ دھنّ سو ویلا ہویا اجّ دا، تُہاڈا لہنا دِتا مُکائیا۔ مَیں اُڈیِکدا ساں کد دا، جُگ چؤکڑی ویکھ وکھائیا۔ جِس ویلے لیکھا مُکیا گُر اوتار پَیغمبراں دی حد دا، حاضر ہو کے دِتا سمجھائیا۔ مہاراج شیر سِنگھ وِشنوُں بھگوان، سنت سُہیلے سدا لبھدا، سَت دا مالک سدا سَت وِچ مِلائیا۔