کتب خانہGranth 20 (Urdu)

۳ ماگھ شہنشاہی سمت ۳ بلاکا سِنگھ دے گرِہ بابوُ پُر ضِلع گُرداسپُر

نؤ چھٹانک گُڑ دی پوُرب دِسے شرینی، شرینی سب دی سانجھی بنائیا۔ جِس ویلے سیِتا دی راون نے پکڑی وینی، بانہہ ہتّھ نال پھڑائیا۔ اوہ ہو کے اکّھوں نیویں، نیِر دِتا وہائیا۔ مَیں رام دی پرِیا تیویں، میرے رام دُہائیا۔ راون بنا نہ لوَے بیوی، خاوَند روُپ بدلائیا۔ تیری

زِندگی نال جیوی، جیِون تیری بھیٹ کرائیا۔ جوتی جوت سروُپ ہرِ، آپ اپنی کِرپا کر، اپنے گھر دئے وڈیائیا۔ شرینی کہے میرا وزن نؤ چھٹانک، سچ سچ سُنائیا۔ مَینوُں کوئی نہ سکے بانٹ، حِصّے ونڈ نہ کوئے کرائیا۔ میرا روُپ دِسے ٹانک، جِست دا انک نہ کوئے گِنائیا۔ جِس ویلے سیِتا دی نِکلی چانگ، اُچی کوُک سُنائیا۔ اوس ویلے دِنے مُرگے نے دِتی بانگ، دُھر دا راگ جنائیا۔ تیرے مِلن دی اِک تانگھ، دوُجی اوٹ نہ کوئے وکھائیا۔ پریم پریِتی والی مانگ، مانگت ہو کے جھولی ڈاہیِا۔ جوتی جوت سروُپ ہرِ، آپ اپنی کِرپا کر، اپنا پڑدا لاہیِا۔ نؤ چھٹانک کہے میری پِچھلی ایہہ اِچھیا، نِراِچھت دیاں جنائیا۔ جیہڑی سیِتا نے راون نوُں پائی بِھچھِیا، میرا وزن وِچ رکھائیا۔ ایہہ پوُرب دا حِصّیا، لہنا رہیا مُکائیا۔ جِس نے موہ وِکار نہ جِتیا، ہنکار وِچ لڑائیا۔ جوتی جوت سروُپ ہرِ، آپ اپنی کِرپا کر، اپنا رنگ چڑھائیا۔ نؤ چھٹانک کہے مَیں اوہو گُڑ، جو سیِتا راون جھولی پائیا۔ بِھچھِیا لےَ گیا نہ مُڑ، سَتونتی کندھ اُٹھائیا۔ ویکھ اندھیرا گھور، اندھ اندھیرا چھائیا۔ شاستر ویتا بنیا چور، ٹھگّی رام نال کمائیا۔ تکّیا نال غؤر، کھوجی ہو کے کھوج کھوجائیا۔ جِس دے سِر تے جھُلدے چؤر، سو بھیکھادھاری بھیکھ وٹائیا۔ دھوکھا کر کے گیا دؤڑ، بھجّیا واہو داہیِا۔ جوتی جوت سروُپ ہرِ، آپ اپنی کِرپا کر، اگلا لیکھ سُنائیا۔ نؤ چھٹانک گُڑ کہے میرے اندر مِٹھا رس، رسیِا اِک اکھوائیا۔ لیکھا پِچھلا دیواں دسّ، دہ دِشا سُنائیا۔ جِس ویلے جٹایو نے راون ویکھیا اکّھ، غُصّے وِچ لڑائیا۔ راون نے بِھچھِیا دِتی رکھ، جو سیِتا جھولی پائیا۔ جٹاؤ اُس وِچوں بھورا لیا چکّھ، چکّھدیاں چکھشوُ کُھلیا نیَن ہووے رُشنائیا۔ پِھر کِہا جیِون دا ہویا بّس، اَگے لوڑ رہی نہ رائیا۔ اوس دوارے جاواں وس، جِتھے رام دے رام نام دی دُہائیا۔ چھیتی جاواں نَٹھ، جگت پندھ مُکائیا۔ اینے چِر نوُں راون سِر وِچ ماری سٹّ، ہنکل اِک لگائیا۔ موُدا ہو گیا لگّا پھٹّ، گھاؤ نظری آئیا۔ ایہہ کھیل پُرکھ سمرتھ، جُگ جُگ آپ کرائیا۔ جوتی جوت سروُپ ہرِ، آپ اپنی کِرپا کر، مِہر نظر نال ترائیا۔ گُڑ کہے مَینوُں جِس ویلے جٹاؤ کھادھا، جٹا جوُٹ اُٹھے کُرلائیا۔ اوس ویلے اوس نے کِہا جِس ویلے پرگٹ ہووے پُرکھ اکال دادا، گُر گُر شبدی بوُجھ بُجھائیا۔ کلجُگ کوُڑی کِریا میٹے واد وِوادا، ممتا موہ وِکار گوائیا۔ لیکھا مُکائے سیِتا رام کرِشنا رادھا، رادھے شام اِکو اِک سمجھائیا۔ نام پرگٹا کے بودھ اگادھا، بُدھی توں پرے کرے پڑھائیا۔ ایکا شبد سُنائے انادا، اگمّی راگ الائیا۔ شاہو بھوُپ بن کے راجا، لکّھ چؤراسی رعیت ویکھ وکھائیا۔ جن بھگتاں رچے کاجا، ساچا سنگ اُپجائیا۔ راتی

سُتّیاں مارے آوازاں، جاگدیاں اکّھ کُھلائیا۔ دھرم دی دھار کرے وادھا، واحد اِک اکھوائیا۔ لیکھا جانے مادھوَ مادھا، مدھ سوُدن پڑدا لاہیِا۔ سَت ستار وجائے ربابا، ربّی اپنا حُکم سُنائیا۔ مجلس محبوُب وکھائے کعبہ، مُقّدس نوُر رُشنائیا۔ امرت دیوے حیات آبا، ابّا بن کے ویکھ وکھائیا۔ بھاگ لگاوے دُھر محرابا، محبوُب وڈ وڈیائیا۔ بھگت دوارے آوے بھاجا، اپنا پندھ مُکائیا۔ لیکھا جانے سنتن سادھا، صِدق صبوُری پھول پھولائیا۔ جوتی جوت سروُپ ہرِ، آپ اپنی کِرپا کر، ساچی کرنی ویکھ وکھائیا۔ گُڑ کہے مَینوُں جٹاؤ دے کے گیا لارا، رسنا نال چکّھ کے اپنی خوشی بنائیا۔ تُوں سچّا پریِتم پیارا، اِکو اِک لَینا منائیا۔ جِس نوُں ساریاں کہنا چؤویواں اوتارا، نِرگُن نوُر کر رُشنائیا۔ جن بھگتاں نال لگائے اَکھاڑا، اکل کل دھاری ویس وٹائیا۔ پریِتی چاڑھے رنگ گاڑھا، پِھر اُتر کدے نہ جائیا۔ سانجھا ہووے یارا، رحمت وِچ سمائیا۔ دُھر دا بول جَیکارا، نعرہ اِک سُنائیا۔ دیِن مذہب دا توڑ کے دائرہ، دعوے اپنے نال کرائیا۔ غریِب نِمانیاں بخشنہارا، بخشش رحمت جھولی پائیا۔ رس مِٹھا کر بنے ورتارا، ورتمان کھوج کھوجائیا۔ ساچی سخیاں بن بِھکھارا، کنت کنتوُہل سیج ہنڈھائیا۔ اِک سُہائے بھگت دوارا، دُتیا بھاؤ رہے نہ رائیا۔ جاگرت جوت کر اُجیارا، نوُر اُجالا ڈگمگائیا۔ کرے کھیل اگمّ اپارا، الکھ اگوچر پڑدا لاہیِا۔ آسا منسا پوُری کر بخشے چرن دوارا، دوارکا واسی جِتھے سیِس نِوائیا۔ شاہو بھوُپ بن سِکدارا، حُکم اِکو اِک چلائیا۔ جوتی جوت سروُپ ہرِ، آپ اپنی کِرپا کر، لیکھا جانے دُھردرگاہیِا۔ گُڑ کہے میری نؤ چھٹانک شرینی، شرینی والے دِتی ورتائیا۔ ایہہ لیکھا ہویا جن بھگت گھر بینی، جِس دی بُھکھ نہ کوئے مِٹائیا۔ جیہڑا دھوُڑ منگے رینی، خاکی خاک وِچ چُھہائیا۔ پربھ دا درشن لوڑے نیَنیں، سنمُکھ ہو کے درشن پائیا۔ اوس دی مُحبّت والی کہنی، کہہ کے گیا جنائیا۔ جِس ویلے پربھ نے چھڈ دِتی گنگا گوداوری جمنا سُرستی تر بَینی، تِنّاں لوکاں پندھ مُکائیا۔ جامہ دھار نر نرائنی، نِرگُن نوُر کرے رُشنائیا۔ ساچی سِکھیا دیوے بینی، حُکم اِک ورتائیا۔ چار ورن ناتا جوڑے بھائی بھَینی، پِتا پُرکھ اکال دَیا کمائیا۔ جوتی جوت سروُپ ہرِ، آپ اپنی کِرپا کر، ساچا کھیل وکھائیا۔ بینی کہے میرے گھر وڈّا ہویا بھنڈارا، نؤ چھٹانک گُڑ گیا آئیا۔ مَیں شُکر کیِتا وار ہزارا، پربھ دے اَگے سیِس نِوائیا۔ ساڈھے سیَنتیاں سالاں وِچ چکّھ کے اِک وار لیا نظارہ، ایہہ خوشی خوشی وِچوں پرگٹائیا۔ بُھکھیاں رہ کے کیِتا گُزارا، پیٹ بھر نہ کوئے رجائیا۔ گُڑ کھا کے کیِتی نِمسکارا، پربھ نوُں سیِس جھُکائیا۔ پُرکھ اکال کہے تیرا میرا اِک اَدھارا، تیرا پرساد پرساد روُپ بدلائیا۔ جِس

ویلے نِرگُن جوت بِن ورن گوت آواں دوبارہ، روُپ انوُپ وٹائیا۔ تیرا لیکھا جاناں وِچ سنسارا، سنساری بھنڈاری نال رلائیا۔ قرضہ رہن نہ دیواں اُدھارا، لیکھا سب دی جھولی پائیا۔ جوتی جوت سروُپ ہرِ، آپ اپنی کِرپا کر، سب دی آسا پوُر کرائیا۔ گُڑ کہے جِس ویلے بینی مَینوُں تکّیا، چکّھ کے خوشی منائیا۔ مَینوُں سچ دوارے رکھیا، جِتھے رچھّیا کرے گوسائیا۔ میرے انتر آ گئی سَتیا، سَت وِچ مِل کے وجّی ودھائیا۔ مَینوُں دُکھ بُھل گیا مَیں کِس طرح کڑاہے دے وِچ تپیا، اگنی اگّ بُجھائیا۔ گُڑ کہے مَینوُں اُس ویلے بینی نے کِہا تُوں سوہنگ پڑھ ٹپِّیا، جِس اکھّر نے میرا ستھر دِتا سُہائیا۔ جِس ویلے گُڑ کہے مَیں جپیا، اکّھ کُھل گئی پڑدا رہیا نہ رائیا۔ مَینوُں نظری آیا اِکو پپیّا، پپّا پوُرن پرمیشور پوُرن وِچ سمائیا۔ مَیں کوُک کوُک کے بکیا، بکتا ہو کے دِتا گائیا۔ میرا وِشواش ہو گیا پکّیا، پکاّ لیا کرائیا۔ مَیں کھِڑ کھِڑا کے ہسّیا، تالی دِتی وجائیا۔ کِرپا کیِتی پُرکھ سمرتھیا، میرا اگلا پڑدا لاہیِا۔ جِس ویلے ہووے کلجُگ اندھیری مسّیا، ساچا چند نہ کوئے چمکائیا ۔ اُس ویلے دیِن دَیال آوے نسّیا، نِرگُن داتا دُھردرگاہیِا۔ جھگڑا مُکائے پتّھر وٹّیا، اِشٹ درِشٹ اِک سمجھائیا۔ جوتی جوت سروُپ ہرِ، آپ اپنی کِرپا کر، کوُڑی کِریا میٹے رٹّیا، رٹن اِکو نام سمجھائیا۔ گُڑ کہے مَینوُں یاد آئی، آشا وِچ پرگٹائیا۔ اِکو تیرا نام دُہائی، جِس دوہری چال چلائیا۔ میل وِچھوڑا کرے جُدائی، وِچ اپنی بےپرواہیِا۔ سچ بینتی سُن گوسائیں، گہر گمبھیِر دَیا کمائیا۔ جِس ویلے آویں بن کے دُھر دا ماہی، نِرگُن نوُر کر رُشنائیا۔ پِھر وی میلا لئیں مِلائی، اپنا جوڑ جُڑائیا۔ اینے چِر نوُں اوتھے آ گیا اِک گھائی، گھسیرا رمبا ہتّھ وِچ اُٹھائیا۔ اودھروں چل کے آ گیا اِک نائی، گُچھی گل وِچ لٹکائیا۔ اودھروں آ گیا اِک بھرائی، ڈھول رہیا کھڑکائیا۔ اودھروں آ گیا سؤہرے نال اِک جوائی، کنیا بھیٹ جِس کرائیا۔ اودھروں اِک جٹّ آ گیا کردا واہی، سانگھا کندھے اُتے رکھائیا۔ اودھروں آ گیا اِک شؤدائی، اُچی کوُک کوُک جنائیا۔ اودھروں آ گیا اِک بھائی، جو بھائی نال کرے لڑائیا۔ اودھروں بُھلا آ گیا راہی، نیَن ہیِن اکھوائیا۔ اودھروں ہنیرا گیا چھائی، سوُرج اپنا آپ مِٹائیا۔ اودھروں چند کری رُشنائی، سیِتل دھار وہائیا۔ اودھروں بینی اکّھ کُھلائی، پربھ دا راہ تکائیا۔ جے گُڑ کھان نوُں آ جائے میرا ماہی، اُس دا مِٹھا مُنہ دیاں کرائیا۔ پھیر کہواں مَیں پریِتی تیرے نال لائی، یاری تُوں وی توڑ نِبھائیا۔ اونے چِر نوُں اوتھے آ گئی اِک دائی، جو بالکاں نوُں جنم رہی دوائیا۔ اونے چِر نوُں آ گئی بُڈھڑی مائی، بِردھ اوستھا ڈنگوری ہتّھ اُٹھائیا۔ اونے چِر نوُں آ گئی کِسے کھتری بیٹے دی جھائی، جو امی کہہ سُنائیا۔

اونے چِر نوُں آ گئی اِک وَیراگن جو پربھ دے پیار وِچ شؤدائی، نیتر نیَناں نیِر وہائیا۔ جاں کوُکے تے ماہی ماہی، بہُڑی بہُڑی کر سُنائیا۔ نیڑے آ کے اپنے سیِنے دُہتّھڑ اِک لگائی، زور نال پٹّاں اُتے چُھہائیا۔ اونے چِر نوُں پِھردا آ گیا اِک گدائی، گداگر پندھ مُکائیا۔ اونے چِر نوُں آ گیا اِک قصائی، چُھریاں بغلاں وِچ لُکائیا۔ اونے چِر نوُں آ گیا اِک رہنُمائی، جو رحمت رہیا کرائیا۔ اونے چِر نوُں اِک آ گیا جِس دِتی وست پرائی، ٹھگّی چوری کر کے جھٹ لنگھائیا۔ اونے چِر نوُں بینی کہے مَینوُں پربھ دی یاد رہی سَتائی، ستّیا وِچوں دِتی سوائیا۔ اونے چِر نوُں اِک حکیِم لےَ کے آیا دوائی، شیشیِاں نؤ ہتّھ رکھائیا۔ اُچی کوُک کے رؤلی پائی، سب نوُں رہیا سُنائیا۔ اونے چِر نوُں آ گئی گؤرجاں مائی، دُدھ کٹورا ہتّھ ٹِکائیا۔ اونے چِر نوُں شدؤن پؤن پکّھا رہی جھُلائی، اپنی سیو کمائیا۔ اونے چِر نوُں رؤن آسا نیتر نیَناں نیِر وہائی، ہنجھوُاں ہار بنائیا۔ اونے چِر نوُں اِک راکھے نے نیڑے آ کے اپنی گھُمانی ایں بھوائی، گھُنم گھُنما کے دِتی وکھائیا۔ اونے چِر نوُں مُسافر آیا جِس دے گل وِچ پھسی گراہی، پانی ہتّھ نہ کوئے پھڑائیا۔ جوتی جوت سروُپ ہرِ، آپ اپنی کِرپا کر، سب دا میلا رہیا مِلائیا۔ گُڑ کہے مَینوُں بینی کِہا چنگا، بڑا مِٹھا نظری آئیا۔ اوتھے بھّجی آ گئی گنگا، اپنا پندھ مُکائیا۔ جمنا دا پِنڈا ننگا، تن اوڈھن نہ سیِس ٹِکائیا۔ سُرستی چھڈ کے کنڈھا، اپنا پندھ چُکائیا۔ سچ دا مان انندا، سُکھ سُکھ وِچوں اُپجائیا۔ اونے چِر نوُں پربھوُ روُپ دھر کے آ گیا بندہ، بندگی اِک سُنائیا۔ ویکھیو ایتھے رہے کوئی نہ گندہ، گندگی والے باہر کڈھائیا۔ اودھروں کر کے ننگا کھنڈا، سب نوُں رہیا ڈرائیا۔ گنگا گوداوری سُرستی جمنا کہے ساڈیاں تھک گئیاں ٹنگاں، بھجّیاں واہو داہیِا۔ سُج گئیاں جنگھاں، تیرا نام دُہائیا۔ حُکم ہویا کُچھ منگ لؤ منگاں، اپنی جھولی ڈاہیِا۔ اوہ کہن ساڈے مُکھ وِچ نہیں کوئی دندا، گلّ کہن کوئے نہ پائیا۔ اونے چِر نوُں بول پیا اُتوں چندا، سہج نال سُنائیا۔ نی کملیِؤ تُہاڈا کِتھے آ پانی ٹھنڈا، ایس نوُں دیؤ پیائیا۔ ایہہ نہیں کوئی خاکی بندہ، جِس دی بندگی کردے اوہو نظری آئیا۔ اونے چِر نوُں گنگا اپنے سیِس وِچ واہُن لگّی کنگھا، پٹّی ہتّھ نال سُہائیا۔ جوتی جوت سروُپ ہرِ، آپ اپنی کِرپا کر، اپنا کھیل وکھائیا۔ وے چند ایہہ بندہ کہ بندگی والا، سچ دے سمجھائیا۔ چند کہے ایہہ سب دا رکھوالا، دُھر دا مالک اِک اکھوائیا۔ سچکھنڈ دوار جِس دی سچّی دھرم سالا، در اِکو سوبھا پائیا۔ سب دا ویکھے حالا، حالت کھوج کھوجائیا۔ جُگ چؤکڑی بدلے چالا، چال نِرالی اِک سمجھائیا۔ پہلوں اپنی پٹّی واہ لا، ہار شِنگار لگائیا۔ جوتی

جوت سروُپ ہرِ، آپ اپنی کِرپا کر، اپنا بھیو کُھلائیا۔ گنگا کہے نی جمنا مَینوُں واہ دے کنگھی، سُرستی میری پٹّی دے سُہائیا۔ نی سخِیو مَینوُں دیؤ انگی، مَیں تن لا کے خوشی بنائیا۔ میری ہڈّی پسلی رہے کوئی نہ ننگی، پڑدا اوڈھن اِک ٹِکائیا۔ نی اؤہ آ گیا جِس دے کول شستر جنگی، جنگجوُ اکھوائیا۔ پےَ گیا ٹیڈھی ڈنڈی، اؤجھڑ راہ دُہائیا۔ بھگتاں دی میٹنی تنگی، دُکھیاں دُکھ ہٹائیا۔ اونے چِر نوُں آ گئی ہوا ٹھنڈی، سیِتل دھار وہائیا۔ جمنا کہے نی بھَینوں کِتے دُنیا کر نہ جاوے رنڈی، بِنا کنت ہوئے دُہائیا۔ جوتی جوت سروُپ ہرِ، آپ اپنی کِرپا کر، ساچی کھیل رہیا وکھائیا۔ گنگا کہے میرا چھیتی گُند دیؤ سیِس، سوہنا روُپ بنائیا۔ نی مَیں موہ لَواں جگدیِس، مُحبّت وِچ پھسائیا۔ جِس نوُں کہِندے بیِس بیِس، سرگُن زیِرو لئے اُپجائیا۔ بیِس دا بن اِکیس، ویہہ اِکّی گُرداس دی اِک پڑھائیا۔ مَیں ساچی کراں پریِت، پریِتم لَواں منائیا۔ وِچھوڑے وِچ جُگ گئے بیِت، یاد وِچ تڑپھائیا۔ مَیں پُچھدی رہی مَینوُں اپنا دسّ دے گیِت، کِس بِدھ ڈھولا گائیا۔ کروٹ لےَ کے روندا رہیا میری نِکلدی رہی چیِک، اُچی کوُک سُنائیا۔ گُر اوتار پَیغمبر دسّ کے گئے ٹھیِک، نِت نِت سندیش سُنائیا۔ نی سخِیو کلجُگ انتم رکھِیو اِک اُڈیِک، ویلا وقت اِکو نظری آئیا۔ جِس نے بدل دینی تواریخ، تاریخ اپنی آپ بنائیا۔ اوس ویلے منگیو بِھیکھ، بِھکھک ہو کے جھولی ڈاہیِا۔ جوتی جوت سروُپ ہرِ، آپ اپنی کِرپا کر، اپنی کل ورتائیا۔ گنگا کہے نی جمنا سُرستی، مَینوُں چوُڑا دیؤ چڑھائیا۔ بِندیَ ٹپی نال مَینوُں آوے مستی، سُرخی بُلاں نال چُھہائیا۔ چاواں نال پِھراں نسدی، پَیر پنجیباں نال چھنکائیا۔ پِھر ویکھو میری کجّل دھار اکّھ دی، چِٹا کالا رنگ بدلائیا۔ میرے دنداں رنگن ویکھو گوُڑھے سّک دی، جو اپنی کل ورتائیا۔ میری جوانی ویکھو اگمّی رتّ دی، جو لال گُلالا رنگ چڑھائیا۔ مَیں سچ تُہانوُں دسّدی، بُھل کوئے نہ پائیا۔ سدا اوسے دا نام جپدی، اوسے دی آس رکھائیا۔ چاروں کُنٹ لبھدی، بھجّاں واہو داہیِا۔ مَینوُں قسم اوسے ربّ دی، جو کر کے بَیٹھا جُدائیا۔ بِنا چرناں توں مَیں چرن اوہدے دبّدی، خالی ہتّھیں سیو کمائیا۔ میری مُحبّت اندرے اندر ودھدی، اجے درشن پایا نہیں دُھر دے ماہیِا۔ جوتی جوت سروُپ ہرِ، آپ اپنی کِرپا کر، اپنی کھیل کھِلائیا۔ جمنا کہے نی گنگی جُگ چؤکڑی دیندا آیا لارے، اچھل اچھلّ اکھوائیا۔ بیِتے جُگ چارے، چاروں کُنٹ دُہائیا۔ جِس گُر اوتار پَیغمبر رکھے کوارے، حُکمے وِچ پِھرائیا۔ پتہ نہیں اوس نے کدوں چڑھنا آپ کھارے، کوُڑیِاں چپنیِاں بھنّ وکھائیا۔ سُرستی کہے نی بھَینو اوہ سرگُن توں نِرگُن ہو کے پھیر آوے

دُبارے، دوہرا ویس وٹائیا۔ شاید ترس کر کے تَینوُں لےَ جائے اوس چُبارے، جِس دا دروازہ نہ کوئے کُھلائیا۔ گنگا کہے جِس ویلے مَیں گُر اوتار پَیغمبر ویکھے لاڑے، دُنیا وِچ تت وجوُد ہنڈھائیا۔ اوس ویلے مَینوُں کوئی اندروں دیندا رہیا اِشارے، ہؤلی ہؤلی سمجھائیا۔ تُوں سدا رہنا کوارے، کواری کنیا روُپ وٹائیا۔ انت بھگوَنت آپے دیوے سچ نظارے، نظر تیرے اُتے ٹِکائیا۔ جمنا کہے نی تُوں ونڈیں گِری بادام چُھہارے، سوہنی خوشی بنائیا۔ بینی کِہا او کوجھیِو کملیِو پربھوُ جدوں آئے تے آئے بھگتاں دے واڑے، تُہاڈی سُرخی بِندی کمّ کِسے نہ آئیا۔ اندر وڑ کے سیِنہ پاڑے، نام انیالا تیِر چلائیا۔ کھیل کرے ہاڑے سردی وِچ جاڑے، اوہدی بےپرواہیِا۔ گنگا کہے او بینی ویکھ مَیں وی نار مُٹیارے، جوبن ونتی سوبھا پائیا۔ جِس نے دوویں نیَن شِنگارے، برہما شنکر ورگے دِتے ہِلائیا۔ اوہ میری سچّی سرکارے، شہنشاہ دُھردرگاہیِا۔ جِس ویلے مَیں منگ منگی دوارے، اپنی جھولی ڈاہیِا۔ جوتی جوت سروُپ ہرِ، آپ اپنی کِرپا کر، اپنا کھیل وکھائیا۔ سُرستی کہے نی گنگا جے پربھوُ آئے اچانک، کی کی بھیٹ چڑھائیا۔ جمنا کہے کی اوہ سماں ہووے بھیانک، چاروں کُنٹ اندھیرا چھائیا۔ گنگا کہے مَیں اوسے دی اَمانت، اپنا آپ اَگے ٹِکائیا۔ بینی کہے تُہاڈی کیہڑا دیوے ضمانت، مَینوُں دیؤ سمجھائیا۔ جیہڑی وست پربھ دے کول نیامت، پہلوں بھگتاں جھولی پائیا۔ اوہناں نوُں کر کے صحیح سلامت، اپنا رنگ رنگائیا۔ جوتی جوت سروُپ ہرِ، آپ اپنی کِرپا کر، سِر اپنا ہتّھ رکھائیا۔ جمنا کہے گنگا نی پہلوں اپنے کیس دھو، دھوتی ساڑھی پھیر لگائیا۔ ساڈے نالوں ہو نِرموہ، موہ مُحبّت پیِا وِچ رکھائیا۔ اوس بِن اوَر نہ کو، اِکو اوٹ تکائیا۔ جے تیرے نال جاوے چھوہ، شہنشاہ اپنی دَیا کمائیا۔ پِھر تیرے جوگا جائے ہو، ہوکا اِکو نام سُنائیا۔ سچ پرکاش دی کرے لو، بِن لوئناں ڈگمگائیا۔ پِھر اِک رہے نہ دو، دوُآ ایکے وِچ سمائیا۔ جوتی جوت سروُپ ہرِ، آپ اپنی کِرپا کر، اپنا کھیل وکھائیا۔ جمنا سُرستی کہے گنگیئے رکھیئے آس، آسا اِک ودھائیا۔ جے اوہ بھگتاں دا داس، بھگتاں خوشی بنائیا۔ دیوے نوُر پرکاش، جوت ڈگمگائیا۔ کدی ساڈی بُجھاوے پیاس، ترِشنا دوُر کرائیا۔ جمنا تکّ کے اُتے آکاش، ہتّھ جوڑ کے واسطہ پائیا۔ تیری کِتھے کریئے تلاش، سانوُں دے سمجھائیا۔ آواز آئی جِتھے میرے بھگت نے میرے سِر وِچ پاؤنا جل گلاس، گل وکڑی گل وِچ پائیا۔ اوہ دِشا لیَنی بھاکھ، پڑدا دِتا اُٹھائیا۔ جِس ویلے گُرمُکھاں دھوُڑی مستک لاؤنی راکھ، ٹِکے جگت وکھائیا۔ اوس ویلے مَیں اُپر ہونا نہیں آکاش، دھرتی اُتے سوبھا پائیا۔ جے تُہانوُں ہویا وِشواس، پھیر

بھگتاں نال رلائیا۔ دھرم بنا کے ساتھ، سگلا جوڑ جُڑائیا۔ گُرمُکھ میری چڑھنے برات، سنگی سوبھا پائیا۔ جوتی جوت سروُپ ہرِ، آپ اپنی کِرپا کر، اپنا بھیو کُھلائیا۔ گنگا کہے میری مینڈھی کُھلی کُھلی دِسے گُت، سَت شنگار نہ کوئے بنائیا۔ خالی نظری آئے بُت، بُتخانے پئی دُہائیا۔ مَیں سب نوُں رہی پُچھ، بھجّاں واہو داہیِا۔ مَینوُں دسّو کُچھ، سندیشہ اِک سُنائیا۔ میرا ماہی گیا رُس، رُسیاں کِویں منائیا۔ ایہہ وڈّا ڈاڈھا دُکھ، درد نہ کوئے چُکائیا۔ جن بھگت کِہا نہ رو کر چُپ، چُپ چُپیتا بھیو کُھلائیا۔ اوہ سب دے اندر بَیٹھا چُھپ، اپنا پڑدا پائیا۔ ذرا پیار دی اکّھ پُٹ، نیتر نیَن کُھلائیا۔ تیری دھاروں پئے پُھٹ، گھر ساچے وجےّ ودھائیا۔ تیری مَیل جائے دُھپ، جو کلجُگ جیِواں دِتی چڑھائیا۔ تیرے سِر وِچ ہرِ سنگت پائے دہی دا پُھٹ، ساچا سگن بنائیا۔ پنج ٹکّ لا کے جگہ لیَن پُٹ، کہی دے نال وحی نظری آئیا۔ جِس وِچ پُرانا لیکھ لگا کے لئیں چُک، ہتّھ نہ کِسے پھڑائیا۔ تیری گنڈھی جائے نہ ٹُٹ، ٹُٹیاں رہیا جُڑائیا۔ سُرستی کہے نی گنگا اَگے رکھیں ایسے دی اوٹ، لکّھ لکّھ شُکر منائیا۔ سُرستی مخؤل نال کہِندی جمنا اجّ دے رِواج دا ایہنوُں وی پوا دے کوٹ، کلجُگ ویس بنائیا۔ سِر تے چُھہا دے ٹوپ، پٹے دے بنائیا۔ جن بھگت کہن کملیئے تکّ لےَ اِکو جوت، جو جوت جوت رُشنائیا۔ عقل بُدھی دی نہیں سوچ، سمجھ توں پرے پڑھائیا۔ ایہہ گُرمُکھ شؤقین بہُت، صاف سُتھرے سوہنے نظری آئیا۔ ایہہ کوئی کپڑے نہیں دھوندے روز، اندروں مَیل دِتی دھوائیا۔ ایہہ کوئی سِر تے پاؤندے نہیں سگّی چاؤنک، شِنگار پٹّی نہ کوئے چُھہائیا۔ ایہہ کوئی ہنڈھاؤندے نہیں مرن والا کھؤنت، جو سیج سُنجی دئے کرائیا۔ ایہہ جاندے نہیں کدے اؤنت، اؤترےَ نہ جگ اکھوائیا۔ ایہناں دی اوتھے پہُنچ، جِتھے پہُنچ کے ملِے بےپرواہیِا۔ جوتی جوت سروُپ ہرِ، آپ اپنی کِرپا کر، اپنا رنگ رنگائیا۔ گنگا گوداوری جمنا سُرستی چارے اِکٹّھیاں ہوئیاں تھاں انڈِٹھے، جگہ سمجھ کوئے نہ پائیا۔ اجّ پربھوُ نال بچن کریئے مِٹھے، ہؤلی ہؤلی سُنائیا۔ بستر پائیے چِٹے، سوہنا روُپ وکھائیا۔ بھوُشن دے پؤنچے کسے جان اُتوں گِٹے، تنی کِھچّ کِھچّ بندھائیا۔ نالے ویکھیئے پوُرب دے چِٹھے، کی لیکھا دِتا وکھائیا۔ کِیوں ساڈے تٹاں اُتے سانوُں پیَندے پتّھر وٹےّ، ٹھگ چور کرن لڑائیا۔ براہمناں پا لئے حِصّے، پنڈت بغلیاں وِچ ٹِکائیا۔ ساڈے بن گئے قِطے، صاحب نظر کوئے نہ آئیا۔ جیہڑا سب دی ڈوری کھِچے، اندرے اندر ہِلائیا۔ جوتی جوت سروُپ ہرِ، آپ اپنی کِرپا کر، پڑدا اوہلا آپ چُکائیا۔ گنگا کہے کی ہویا وقت ویلا، گھڑی گھڑی دیؤ جنائیا۔ ہُن صاحب سَتگُر سب نالوں

ہو جائے وِہلا، اپنی کار کمائیا۔ نؤ چھٹانک گُڑ دا لےَ آؤ ڈھیلا، شرینی والا سگن بنائیا۔ بھگتاں والا میلا، مِلنی آپ کرائیا۔ جوتی جوت سروُپ ہرِ، آپ اپنی کِرپا کر، کرے کھیل ساچا ہرِ، نِہکلنک نرائن نر، مہاراج شیر سِنگھ وِشنوُں بھگوان، سخِیو سب دا سجّن سُہیلا، اکّھِیو نیَن جوت البیلا، مُحبّت پیار وِچ سدا وِہلا، کمّ کاج نظر کوئے نہ آئیا۔

گنگا کہے دُرگا دی چنڈی، چنڈالاں دئے کھپائیا۔ سِدھی کر کے ڈنڈی، مارگ اِک لگائیا۔ جِس دا مالک سوُرا سربنگی، اِکو اِک اکھوائیا۔ جِس نے چلنا پَیریں ننگی، اپنی سیو بنائیا۔ پربھ دی دھار سدا سچ، سچ سچ سچ کھیل کھِلائیندا۔ جُگ چؤکڑی بھاگ لگاوے کایا کچّ، کنچن گڑھ سُہائیندا۔ بھگتاں لوُں لوُں اندر جائے رچ، رچنا اپنی آپ وکھائیندا۔ بھیو کھُلا کے برہم مت، تتو تت پڑدا اُٹھائیندا۔ سب دی جانے مِت گت، لکّھ چؤراسی کھوج کھوجائیندا۔ جوتی جوت سروُپ ہرِ، آپ اپنی کِرپا کر، سچ کرنی کار کمائیندا۔ ویکھو کھیل گنگا گوداوری جمنا سُرستی، نیتر اکّھ کُھلائیا۔ پربھ دی اِکو ہستی، جو ہر گھٹ رہیا سمائیا۔ نام خُماری دے کے مستی، مست مستانے دئے بنائیا۔ مالک بن کے عرشی، فرش دئے وڈیائیا۔ غریِباں بن کے دردی، دُکھیاں دُکھ گوائیا۔ سَت دا بن کے درزی، وِچھڑے جوڑ جُڑائیا۔ سب دی منظوُر کر کے عرضی، لیکھا لیکھے وِچوں بنائیا۔ بن کے دُھر دا غرضی، اپنا پھیرا پائیا۔ اَگے چلے نہ کِسے دی مرضی، شاہ سُلطان سیِس جھُکائیا۔ گُروُ رہے کوئے نہ فرضی، پُرکھ اکال اِکو نظری آئیا۔ کلجُگ میٹے اندھیر گردی، ساچا چند دئے چمکائیا ۔ جوتی جوت سروُپ ہرِ، آپ اپنی کِرپا کر، کھیل ویکھو اچھل اچھلّ دی، جو چھل دھاری دئے سمجھائیا۔ چھل دھاری مارے جھٹکا، ہلوُنا اِک لگائیا۔ سیِس رہے کِسے نہ پٹکا، اوڈھن اُپر نہ کوئے وکھائیا۔ سب دے اندر پےَ جائے کھٹکا، سانتک سَت نہ کوئے ورتائیا۔ ایہہ کھیل پُرکھ سمرتھ کا، سچ سوامی آپ ورتائیا۔ کلجُگ کوُڑا رتھ اگن کا، چاروں کُنٹ دُہائیا۔ جن بھگتاں ویلا مِلن کا، جوت نوُر چمکائیا ۔ لہنا پوُرا ہونا سگن کا، ترِشنا دئے بُجھائیا۔ ناتا تُٹے کوُڑ بدن کا، آتم پرماتم وجےّ ودھائیا۔ بِرتھا کھیل جگت یتن کا، بِن پربھ ہوئے نہ کوئے سہائیا۔ لیکھا چُکنا وطن کا، بےوطناں وطن پُچائیا۔ ایہہ گھاٹ اوسے پتن کا، جِس دی پتّرےَ دے نہ سکن صفائیا۔ جوتی جوت سروُپ ہرِ، آپ اپنی کِرپا کر، اپنا رنگ

چڑھائیا۔ چارے کہن ساڈا ہویا پکّ، پکّی طرح سُنائیا۔ ناتا جُڑیا سچ، سچ وِچ سمائیا۔ کِشن سِنگھ لا دے پنج ٹکّ، کہی ہتّھ وِچ اُٹھائیا۔ آسا سِنگھ دہی سُٹے جھٹ، کٹورا موُدھا دینا کرائیا۔ گُرمُکھاں مُٹھاں میٹنیاں جھٹ، کنّاں اُتوں دبائیا۔ پھیر وارو واری مارنیِاں ٹھپّ ٹھپّ، اپنا بل پرگٹائیا۔ تیج بھان جل گلاس دینا اُلٹ، سیوا سچ کمائیا۔ جوتی جوت سروُپ ہرِ، آپ اپنی کِرپا کر، اپنا کھیل وکھائیا۔ تیج بھان پانی پاوے سیِس، خوشی نال اُلٹائیا۔ ایہہ کھیل خوشی جگدیِش، اپنا رنگ چڑھائیا۔ دھرم دی اِک پریِت، پریِتم رہیا وکھائیا۔ گُرمُکھاں کر کے سیِت، اگنی تت گوائیا۔ جوتی جوت سروُپ ہرِ، آپ اپنی کِرپا کر، سِر اپنا ہتّھ ٹِکائیا۔ سارے مارو نال مُکّی، پہلے گُرمُکھ آپ لگائیا۔ پِھر نِشانیوں کوئی نہ جاوے اُکّی، سارے وارو وار واری لیَن بُھگتائیا۔ جو مارن سو ہوون سُکھی، مِہر نظر اُٹھائیا۔ جِس نے پَیریں پائی نہیں جُتی، چرن دھوُڑ دین دی خاطر اپنی سیو کمائیا۔ جوتی جوت سروُپ ہرِ، آپ اپنی کِرپا کر، اپنا رنگ رنگائیا۔ چھیتی چھیتی مارو نال زور، اپنی خوشی بنائیا۔ جِس دے ہتّھ تُہاڈی ڈور، کھیل رہیا وکھائیا۔ سب دی سانجھی کرے لوڑ، ناتا اِک جُڑائیا۔ بھانڈا ویکھو ٹھکور، ٹھٹھیار بن کے اپنا ہتّھ لگائیا۔ جوتی جوت سروُپ ہرِ، آپ اپنی کِرپا کر، اپنی کھیل بُھگتائیا۔ اجّ مارو خوُب، غُصّے وِچ چوٹ لگائیا۔ پھیر بنیا رہے محبوُب، مُحبّت وِچ سرنائیا۔ جِدھر تکّو اُدھر مؤجوُد، ہر گھٹ ڈیرہ لائیا۔ پانی دے بدلے دیوے دوُدھ، امرت رس چکھائیا۔ جوتی جوت سروُپ ہرِ، آپ اپنی کِرپا کر، اپنا گھر بنائیا۔ جنی زور دی ماروگے سٹّ، اپنا بَل ودھائیا۔ اونی چھیتی ہووےگا پرگٹ، پڑدا جگت اُٹھائیا۔ سب دی لیکھے لاوے رت، رتن امولک کھوج کھوجائیا۔ جِنہاں سوہنگ نام لیا جپ، مانک موتی گل لٹکائیا۔ ایتھے اوتھے رکھے پتّ، پتپرمیشور ہو سہائیا۔ سانجھا ناتا جوڑے پکّ، اَگے ہو نہ کوئے تُڑائیا۔ جوتی جوت سروُپ ہرِ، آپ اپنی کِرپا کر، ایکا گھر بہائیا۔ مار مار کے سب نوُں ہووے خوشی، خوشی لیَنی بنائیا۔ انتر ہووے رُچی، پریم وِچ سمائیا۔ کایا ہووے سُچی، دُرمت مَیل دھوائیا۔ گُرمُکھ آتم رہے کوئے نہ رُٹھی، رُسی لیَنی منائیا۔ جوتی جوت سروُپ ہرِ، آپ اپنی کِرپا کر، دیونہار سچّی سرنائیا۔ مُکّیاں مارو چھیتی چھیتی، اپنی سیو کمائیا۔ اپنے اندر دے ہو جاؤ بھیتی، پڑدا رہے نہ رائیا۔ لوکمات بنے پردیسی، دیس اپنا لَینا وسائیا۔ جوتی جوت سروُپ ہرِ، آپ اپنی کِرپا کر، اپنا کھیل کھِلائیا۔ کھیل کھیلن نوُں آیا جگ، جگ جیِون داتا بےپرواہیِا۔ جِس کارن لئے سدّ، ہوکا نام

سُنائیا۔ اوسے دا لہنا اجّ، پِچھلا موُل چُکائیا۔ بھگتاں بنا کے یدّ، یدپِ اپنی سیو کمائیا۔ جوتی جوت سروُپ ہرِ، آپ اپنی کِرپا کر، درگاہ ساچی اِک وکھائیا۔ درگاہ ساچی دا ویکھو نظارہ، ہرجن آپ وکھائیندا۔ دھرم دا اِک دوارا، دھرنی دھرت دھوَل سُہائیندا۔ سب نے بولنا سچ جَیکارا، تُوں ہی ساڈا باپ تُوں ہی پِتا مائیا۔ تُوں ہی پاک رسوُل )پروردِگارا(، تُوں ہی نوُر خُدائیا۔ جوتی جوت سروُپ ہرِ، آپ اپنی کِرپا کر، ہر گھٹ اپنا ڈیرہ لائیندا۔ ہر گھٹ ڈیرہ لاون آیا، اپنی دَیا کمائیا۔ اُجڑے گھر وساوَن آیا، مِہر نظر ٹِکائیا۔ امرت میگھ برساوَن آیا، ترِشنا ترِکھا بُجھائیا۔ بُجھے دیِپ جگاوَن آیا، نِرگُن نوُر جوت کرے رُشنائیا۔ ساچا مندر سُہاوَن آیا، سچ سِنگھاسن سوبھا پائیا۔ امرت میگھ برساوَن آیا، بوُند سوانتی مُکھ چوائیا۔ تُوں میرا مَیں تیرا نام جپاوَن آیا، جگ جیِون داتا وڈ وڈیائیا۔ کوُڑی کِریا ڈیرہ ڈھایا، ساچا راہ اِک وکھائیا۔ جوتی جوت سروُپ ہرِ، آپ اپنی کِرپا کر، سِر اپنا ہتّھ رکھائیا۔ پیِر پَیغمبر کہن تُوں آیا ٹھاکر، اپنا پھیرا پائیا۔ کلجُگ ویکھے ڈوُنگھا ساگر، بھوَری پھول پھولائیا۔ غریِب نِمانیاں دیوے آدر، دیِن دَیال ہوئے سہائیا۔ جو لہنا دینا بقایا تیغ بہادر، سب دی جھولی پائیا۔ گُروُ گوبِند سوُرا اِک بہادر، سوُربیِر اِک اکھوائیا۔ جِس دا مالک اِکو قادر، کرنی دا کرتا اِک اکھوائیا۔ نِرمل نوُر کرے اُجاگر، جوتی جوت ڈگمگائیا۔ جوتی جوت سروُپ ہرِ، آپ اپنی کِرپا کر، اپنا کھیل رہیا وکھائیا۔ کھیل کھیلن نوُں آیا خلق، خالق پھیرا پائیا۔ لیکھا جانے اُپر فلک، عرشی پریِتم دُھردرگاہیِا۔ کی لہنا دینا بناواں بھگت، پڑدا سکے نہ کوئے اُٹھائیا۔ نِرگُن دھار نوُرانی جھلک، جھلّے سب نوُں دئے بنائیا۔ جن بھگتاں مستک لا کے تِلک، تِلکن بازی توں لئے بچائیا۔ جِس وہی دے اُتے جِلد، وہئیاں دا لیکھ مُکائیا۔ منوُآ کرے کوئی نہ عِلّت، عالماں توں پرے کرے پڑھائیا۔ جن بھگتو تُہاڈی اِکو سِمت، اِکو راہ وکھائیا۔ مُحبّت وِچ کرو ہِمّت، حوصلہ حق وڈیائیا۔ تُہاڈے وِچوں کوئی نہ بنِیو کِسے دا نِندک، نِندیا کمّ کِسے نہ آئیا۔ جوتی جوت سروُپ ہرِ، آپ اپنی کِرپا کر، ساچا میل مِلائیا۔ ساچا میلا میلن آیا، اپنی دَیاکمائیندا۔ مارگ اِکو اِک سمجھایا، دوُجی ونڈ نہ کوئے ونڈائیندا۔ صاحب سَتگُر پھیرا پایا، نِرگُن کار کمائیندا۔ ویلا وقت یاد کرایا، پوُرب پڑدا لاہِندا۔ جِس کنارے ڈیرہ لایا، ایہہ کنارہ پِچھلا سوبھا پائیندا۔ بالمیک ایتھے دیِپ جگایا، نؤ دِن نوُر چمکائیندا۔ انتم آسا اِک رکھایا، نیتر نیَناں نیِر وہائیندا۔ جِس ویلے کلجُگ اندھیرا چھایا، ساچا چند نہ کوئے چمکائیندا۔ پرگٹ ہووے بےپرواہیِا، پاربرہم پربھ اپنا ویس وٹائیندا۔ بھگت سُہیلا بن کے آیا، گُر

چیلا رنگ چڑھائیندا۔ میرا لہنا دینا لیکھا پوُرا دئے کرایا، آسا وِچ نِراسا رہن کوئے نہ پائیندا۔ واہ واہ اچرج کھیل رچایا، اپنی رچنا آپ رچائیندا۔ جوتی جوت سروُپ ہرِ، آپ اپنی کِرپا کر، کرے کھیل ساچا ہرِ، سَت دی ساچی کار کمائیندا۔ رات کہے مَیں رَین بِھنّی، بِھنڑی نظری آئیا۔ مَیں کھیل ویکھی وڈّی کِنّی، کِنّی دیاں سمجھائیا۔ لہنا مُکنا دِنیں تِنّیں، ترےَگُن ڈیرہ ڈھائیا۔ جیہڑی نیہہ پربھوُ نے چِنی، انت پوُری دئے کرائیا۔ جوتی جوت سروُپ ہرِ، آپ اپنی کِرپا کر، اپنا کھیل وکھائیا۔ رَین کہے مَیں خوشیاں والی رات، لوکمات وجّی ودھائیا۔ اِکٹّھی ہوئی بھگتاں برات، گُرمُکھ سوہنے سوبھا پائیا۔ سَت دھرم دی اِک جماعت، چار ورن جوڑ جُڑائیا۔ پربھوُ دی کر تلاش، نِرگُن نوُر ویکھ وکھائیا۔ جھگڑا رہے نہ پرِتھمی آکاش، گگن گگننتر وجےّ ودھائیا۔ جِنہاں دا اندر بنیا وِشواش، وِشیاں وِچوں باہر کڈھائیا۔ مالک اِک پُرکھ ابناش، ابناشی کرتا دُھردرگاہیِا۔ تُوں میرا مَیں تیرا دسّ کے جاپ، در دیوے مان وڈیائیا۔ روُح بُت کرکے پاک، دُرمت مَیل دھوائیا۔ پِچھلا اؤگُن کرکے معاف، اَگے ہوئے سہائیا۔ جوتی جوت سروُپ ہرِ، آپ اپنی جوت دھر، نِہکلنک نرائن نر، مہاراج شیر سِنگھ وِشنوُں بھگوان، جن بھگتاں رکھے سچّا ساک، سنگی بہُرنگی انمنگی دات آپے جھولی پائیا۔

۴ ماگھ شہنشاہی سمت ۳ دلیِپ سِنگھ دے گرِہ پِنڈ بابوُ پُر ضِلع گُرداسپُر

سچکھنڈ دوارے کھیل اپار، ہرِ اپرمپر آپ کرائیا۔ بھجےّ پِھرن گُروُ اوتار، پَیغمبر واہو داہیِا۔ اِکٹّھے ہو کے ایکا وار، سنگت اِک بنائیا۔ کُچھ دسّ ارجن یار، پِچھلا بھیو کُھلائیا۔ کی لہنا وِچ سنسار، باقی نظری آئیا۔ جِس دا ہویا نہیں اِظہار، قلم شاہی نہ رنگ چڑھائیا۔ گُفت شُنید گُفتار، خُفیا کھیل کھِلائیا۔ جوتی جوت سروُپ ہرِ، آپ اپنی کِرپا کر، ایکا پڑدا رہیا چُکائیا۔ گُر اوتار پَیغمبر اِکٹّھے ہو کے رہے ہسّ، بِن ہتّھاں تالی لگائیا۔ ارجن کُچھ سانوُں دسّ، دہ دِشا دھیان لگائیا۔ ارجن سہج نال پُٹ کے اکّھ، آخر رہیا سُنائیا۔ گُر اوتار پَیغمبرو جِس دا نام دسّ کے وکّھ وکّھ، صِفتاں وِچ صلاحیِا۔ اوہ ہر گھٹ اندر رہیا وس، تُہاڈی کلام دئے گواہیِا۔ میرا اوس دے نال پکّ، قؤل اِقرار اپنا اِک جنائیا۔ جِس ویلے سرِشٹی سَت دھرم توں جائے نَٹھ، ساچا کرم نہ کوئے کمائیا۔ سب دا کھیڑا ہوئے بھٹّھ، بھٹھیالا اگنی تت تپائیا۔ ہرِ کا نام

لئے کوئی نہ رٹ، منکا من کا نہ کوئے بھوائیا۔ جگت پیالے پیِن گٹ گٹ، رس جام نہ کوئے چھکائیا۔ کھتری براہمن شوُدر وَیش ہون بےبس، ساچا سنگ نہ کوئے رکھائیا۔ اُس ویلے ہووے اِک پرگٹ، جو سب دا پِتا مائیا۔ دھرم دوارا کھولے ہٹّ، وست امولک اِک ورتائیا۔ بھاگ لگائے راوی تٹ، کنارہ اِک سُہائیا۔ جِتھے بالمیک اپنے سجےّ چرن دی ڈولھ کے گیا رتّ، بوُنداں پنج ستّ چوائیا۔ پھیر ویکھ کے اُپر گگن دی چھتّ، واسطہ دِتا پائیا۔ ہے میرے پرمیشور پتِ، سوامی تیری اِک سرنائیا۔ جِؤں بھاوے تِؤں لَینا رکھ، ڈوری تیرے ہتّھ پھڑائیا۔ کلجُگ مندر رہیا ڈھٹّھ، کوُڑی کِریا نیہہ رہی اُکھڑائیا۔ جوتی جوت سروُپ ہرِ، آپ اپنی کِرپا کر، مِہر نظر اِک تکائیا۔ اوتار پَیغمبر ویکھن نال غؤر، نانک نال وڈیائیا۔ ارجن تیرا لیکھا وِچ لاہؤر، جِتھے مِلی سزائیا۔ ارجن نے ننگے کر کے مؤر، اپنا پِنڈا دِتا وکھائیا۔ اجے ہوئی نہیں بھؤر، بھوَری وِچ لوکائیا۔ میرے پُرکھ اکال دا اِکو جؤہر، جؤہری اِک اکھوائیا۔ اُس ویلے اِک مست رہندا سی کلانؤر، کلا اندرلی اِک وکھائیا۔ سؤندا سی وِچ رؤڑ، جگت مکان نہ ڈیرہ لائیا۔ اوتھے اجے وی اِک جؤہڑ، تالاب چھوٹا سوبھا پائیا۔ اوہدے پنج ستّ پؤڑ، پؤڑی پؤڑی دئے دُہائیا۔ اوس نے کِہا جیہڑا ارجن نوُں رہیا بہُڑ، تتّی توی ہوئے سہائیا۔ اوہ ہونا براہمن گؤڑ، جِس نوُں جنمے کوئی نہ مائیا۔ جِس دے سیِس جھُلدا چؤر، چاروں کُنٹ ویکھ وکھائیا۔ اِک دُکھیا رہندا سی وِچ کتھلؤر، نیتر رو رو حال سُنائیا۔ جوتی جوت سروُپ ہرِ، آپ اپنی کِرپا کر، اپنا کھیل وکھائیا۔ گُر اوتار پَیغمبر کہن کُچھ ارجن دے صلاح، مشورہ سچ بنائیا۔ تیرا کیہڑا اُس ویلے دا گواہ، جو صحیح دئے کرائیا۔ ارجن کِہا واہ واہ، ایہہ کی پُچھ پُچھائیا۔ میرا صاحب کدے نہ ہووے جُدا، جُگ چؤکڑی سنگ نِبھائیا۔ بھگت اُدھارنے جِس دی ادا، عدل اِنصاف کمائیا۔ جِس ویلے مَیں کری انتر دُعا، سیِس جگدیِش جھُکائیا۔ اُس نے مَینوُں سہجے لیا اُٹھا، اگنی تت پوہ نہ سکے رائیا۔ گودی چُک کے مَینوُں ایہہ کنارہ دِتا وکھا، جِس دا بھیو نہ کِسے سمجھائیا۔ اِکّی برس سپت رِکھی ایتھے گئے بِتا، دُنیا وِچوں لُک کے جھٹ لنگھائیا۔ جوتی جوت سروُپ ہرِ، آپ اپنی کِرپا کر، ساچا ویلا دئے سُہائیا۔ گُر اوتار پَیغمبر کہن اجّ جائیے کیہڑے کنڈھے، کوَن گھاٹ وڈیائیا۔ دیِن دُنی دے حِصّے ونڈے، سانجھا در نہ کوئے سُہائیا۔ مندر مسجد شِودوالے مٹھ ویکھے چنگے، گُروُدوارا سوبھا پائیا۔ اوتھے وسّن والے مندے، من واسنا نہ پرے ہٹائیا۔ جاں ویکھیئے کنارے تٹ گنگے، نیتر لوچن نیَن کُھلائیا۔ اوتھے وی پِھردے پنڈے، جو ٹھگّی چوری یاری رہے کمائیا۔ چاروں

کُنٹ ہُندے دنگے، دغے فریب وِچ دُہائیا۔ سب دے حال ہوئے مندے، مند واسنا نہ کوئے کڈھائیا۔ ارجن کِہا سُنو حُکم سوُرے سربنگے، سَت سچ دیاں سُنائیا۔ جِتھے مِلنا اجّ انندے، سُکھ سُکھ وِچوں پرگٹائیا۔ اوتھے پربھوُ دے بھگت تے بندگی والے ہونے بندے، دوُجا نظر کوئے نہ آئیا۔ جیہڑے لیکھ میرے بھوِکھت اوس دوارے ٹنگے، آپے لئے کڈھائیا۔ پنجاں سِکھاں نے پنج ہتّھ وِچ رکھنے ساڈھے تِنّ ہتّھ دے ڈنڈے، موٹا پتلا ونڈ نہ کوئے ونڈائیا۔ جوتی جوت سروُپ ہرِ، آپ اپنی جوت دھر، نِہکلنک نرائن نر، مہاراج شیر سِنگھ وِشنوُں بھگوان، سدا سُہیلا ہووے سنگے، ساچا سنگ بنائیا۔

۴ ماگھ شہنشاہی سمت ۳ مکھّن سِنگھ دے گرِہ بابوُ پُرا ضِلع گُرداسپُر

گُر ارجن کہے گُر اوتارو ایتھے فریِد نے بدھّا اِک دِن سنگل، تن اپنے نال بندھائیا۔ بڑا گھنا ہُندا سی جنگل، دھوُنی پریم تپائیا۔ خوشیاں وِچ گا کے بنایا منگل، سوہنا راگ سُنائیا۔ ایتھے رہندا سی اِک ہور بھنگڑ، پوستی سوبھا پائیا۔ اُتے لیَن نوُں رکھدا سی اِک تنگڑ، گھُرے چار چار اُنگلاں ونڈ ونڈائیا۔ اُس دا اِک ساتھی چاردا سی ڈنگر، مجھّاں گائیاں وِچ رلائیا۔ اِک شِواں دا ہُندا سی مندر، موُرتی پاربتی والی سُہائیا۔ اُس دے پِچھے رہندا سی اِک بندر، جیہڑا روز دا پرشاد کھا کے اپنا جھٹ لنگھائیا۔ اِک بُڈھا جِہا پنڈت جِس دا نام چندر، چند نِشان متھے اُتے سُہائیا۔ اِک پِتل دا لگّا ہُندا سی جِندر، جِس دی کُنجی پیچاں تِنّاں نال وڈیائیا۔ لاگے دھوُاں ہُندا سی ایندھن، لکڑی وِچ نہ کوئے رکھائیا۔ جوتی جوت سروُپ ہرِ، آپ اپنی کِرپا کر، اپنا بھیو کُھلائیا۔ گُر ارجن کہے سُنو سرب اوتاری، اوتر دیاں جنائیا۔ اِکّی فُٹ دی ہُندی سی اِک اٹاری، سوہنی بنت بنائیا۔ اُس وِچ وسے کنیا کواری، عمُر اِکّی سال وکھائیا۔ اُس دے تن دے اندر بیماری، سدا پربھ دی یاد ستائیا۔ میری اوس نال لگّے یاری، جو یارنا توڑ نِبھائیا۔ جگت سیج نہ جائے شِنگاری، تت کنت نہ کوئے ہنڈھائیا۔ مَینوُں بخشے اِک خُماری، امرت جام پیائیا۔ سویرے اُٹھ کے دئے بہاری، صاف سُتھرا تھاں کرائیا۔ محنت کرے جگت دِہاڑی، اپنا بھار ونڈائیا۔ اِک دِن سوہنی بن کے لاڑی، ہار شنگار خوُب سجائیا۔ اکھّیں میٹ دھیان دھر راہ تکّے جوت نِرنکاری، نِراکار ویکھ وکھائیا۔ مَیں صدقے تَیتھوں واری، گھولی گھول گھُمائیا۔ جے مِل جاویں اِک واری، گل وکڑی لَواں پائیا۔ بھاویں دُشمن بن جاوے سرِشٹی ساری، تیری نہ ہووے جُدائیا۔

ہؤکا لےَ کے آہ ماری، بہُڑی بہُڑی کر سُنائیا۔ مَیں اپنے سیِس پٹّی سواری، مینڈھی سُہاگ بنائیا۔ بِنا کنت توں کمّ کِسے نہ آوے ناری، جگت دُہاگن کہے لوکائیا۔ پربھوُ تیرے مِلن دی کری تیاری، ترےَگُن ڈیرہ ڈھاہیِا۔ میری آشا دی سِکداری، سدّھراں وِچ دُہائیا۔ اونے چِر نوُں آ گیا اِک مداری، ڈؤروُ رہیا کھڑکائیا۔ اِک لکّڑہارے دے ہتّھ کُہاڑی، بھجّیا واہو داہیِا۔ اِک بُڈھے دی رتّی داہڑی، آیوُ ستّر سال پرگٹائیا۔ اِک بُڈھی لنگڑی ماڑی، نیتر نیَناں نیِر وہائیا۔ اِک جوبن ونتی سِر تے چُک کے کھاری، پھوُلن برکھا لائیا۔ اِک روندا آ گیا پہاڑی، مہیؤں تُہیؤں کہہ کے گائیا۔ اِک بھڑپوُنجے نے ہتّھ اُٹھائی اِک چنگیاڑی، چاروں کُنٹ بھوائیا۔ اِک پردیسن آ گئی ذات دی چمیاری، ٹُٹی جُتی گنڈھ پوائیا۔ اودھروں اِندر نے چھہبر لا دِتی بھاری، میگھ رہیا برسائیا۔ ایہہ کھیل عجب نیاری، نِراکار کرائیا۔ گُر ارجن کہے اوتار پَیغمبرو اوس ویلے سب دی آہ پُکاری، کوُک کوُک سُنائیا۔ جے پربھوُ ایس کنیا نال سب نوُں درشن دیویں اِک واری، سارے در تیرے سیِس جھُکائیا۔ پِھر آتما رہے نہ کِسے دی کواری، گواری روُپ نہ کوئے وکھائیا۔ پُرکھ اکال کِہا بچّیو تُہانوُں جنم دیواں پھیر دُباری، دوہری کھیل کھِلائیا۔ نِرگُن جوت آواں کر اُجیاری، نوُر نوُرانہ ڈگمگائیا۔ تُساں پھیر ساریاں اِک دے ہونا پُجاری، مندراں دا مالک سوبھا پائیا۔ جوتی جوت سروُپ ہرِ، آپ اپنی کِرپا کر، نِہکلنک نرائن نر، مہاراج شیر سِنگھ وِشنوُں بھگوان، سو لہنا رہیا مُکائیا۔

۴ ماگھ شہنشاہی سمت ۳ مکھّن سِنگھ دے گرِہ بابوُ پُر ضِلع گُرداسپُر

اوتار پَیغمبرو اوتھے رہندا سی اِک فقّر، چرن جوڑا نہ کدے چُھہائیا۔ رَین وسیرا کرے وِچ چھپّر، کُلیّ ککّھ وڈیائیا۔ بنائی سی نال پتّر، ایکا دوُآ جوڑ جُڑائیا۔ اُس دے حِصّے سی بہتر، چھوٹے چھوٹے ونڈ ونڈائیا۔ سُگھڑ سیانا بن کے چتُر، چتربُھج دا راہ تکائیا۔ اِک کنّی اپنی کتر، اَدھ وِچکار دِتی لٹکائیا۔ نیتر رو کے اتّھر، سہجے دِتا وگائیا۔ مُحبّت دا پا کے ستھر، آسن ڈیرہ لائیا۔ مُکھوں لگّا کتھن، تیری بےپرواہیِا۔ جے آویں میرے پتن، اپنا پھیرا پائیا۔ پِھر پوُرا ہووے یتن، یتھارتھ مِل کے وجےّ ودھائیا۔ اوسے تھاں دو مینڈک لگّے وسن، جل کنڈے ڈیرہ لائیا۔ جِس ویلے کنڈھا لگّا ڈھٹّھن، دوہاں دِتی دُہائیا۔ جوتی جوت سروُپ ہرِ، آپ اپنی کِرپا کر، مِہر نظر اِک اُٹھائیا۔ ارجن کہے فقیِر کُلیّ وِچ پڑھے کلام، االلہ االلہ ڈھولا گائیا۔ اوتھے آیا مسجد دا امام، کالی کفنی تن چُھہائیا۔ سَت چُھہارے نؤ بادام، دانہ پِستا پنج جوڑ

جُڑائیا۔ نال تھوڑا جِہا پکوان، نیِلی ٹاکی گنڈھ رکھائیا۔ اِک کردا آئے دھیان، تیری بےپرواہیِا۔ جوتی جوت سروُپ ہرِ، آپ اپنی کِرپا کر، اپنا کھیل کرائیا۔ ارجن کہے اوتھے بوُٹا اِک سروُر، نیزے نؤ لمبا نظری آئیا۔ کُلیّ توں ستّ قدم سی دوُر، سوہنا سُتھرا روُپ بدلائیا۔ ڈھائی گز اُتے پرے کھجوُر، اپنا پؤدا رہیا سُہائیا۔ اوتھے تِن کمّ کرن مزدوُر، مِٹی گھٹّے والی اُڈائیا۔ اُدھروں ہوا نے پایا فتوُر، اپنا زور جنائیا۔ ٹھنڈی پوَن کرے چوُر چوُر، دُکھ درد دئے ستائیا۔ اونے چِر نوُں آکاش چوں چمکیا نوُر، نوُر وِچ رُشنائیا۔ سب نے بینتی کیِتی کِڈا سوہنا راوی دے کنڈے بنیا پوُر، پوُرن آسا اِک کرائیا۔ جے کوئی پار کنارے لےَ جائے دوُر، بِنا پتن پندھ مُکائیا۔ فقّر نے کِہا اوہ اِکو مالک جو منسا پوُری کرے ضرور، ضرورت سب دی ویکھ وکھائیا۔ اُتوں آئی اگمّی تُور، تُرت دِتا سُنائیا۔ تُہاڈا سب دا سانجھا کٹّھا کر کے پوُر، پُری انند دا لیکھا نال مِلائیا۔ حاضر ہو کے حضوُر، سب نوُں پار کرائیا۔ جوتی جوت سروُپ ہرِ، آپ اپنی کِرپا کر، کرے کھیل ساچا ہرِ، ساچا رنگ اِک رنگائیا۔ ۴ ماگھ شہنشاہی سمت ۳ کرتار کؤر دے گرِہ بابوُ پُر گُرداسپُر

ارجن کہے سارے ویکھو نال قیاسا، پَیغمبر دھیان لگائیا۔ جِتھے بھرِنگوُ دا سی واسا، نؤ سال چُھپ کے جھٹ لنگھائیا۔ کُنڈلیاں دا کھاتہ، بہُتا ایتھے دِتا لِکھائیا۔ اپنی نِشانی رکھدا سی گّڈ کے اِک چھاپا، جنگل وِچ دوُروں نظری آئیا۔ اِک دِن اُس نوُں چڑھیا زور دا تاپا، بدن اگّ وانگ تپائیا۔ دوُجا کول نہیں سی ساتھا، سنگی سنگ نہ کوئے وکھائیا۔ نیتر رو کے یاد کیِتا تُوں ہی پِتا تُوں ہی ماتا، دوُجا دِسے نہ کوئے سہائیا۔ کِرپا کری پُرکھ ابناشا، سچ سندیشہ اِک سُنائیا۔ تیری پوُری کراں آشا، منسا منسا وِچ مِلائیا۔ کلجُگ انتم تکّ بنیا رہواں راکھا، سِر اپنا ہتّھ ٹِکائیا۔ جِس ویلے دیِن دُنی دا ویکھن آواں تماشا، نِرگُن ویس وٹائیا۔ اُس ویلے تیرا پوُرا کراں گھاٹا، چِنتا غم چُکائیا۔ بھرِنگوُ نِیوں کے ٹیکیا ماتھا، ڈنڈاوت وِچ سیِس نِوائیا۔ پُرکھ اکال کِہا اِک یاد رکھیں پاٹھا، تُوں میرا مَیں تیرا ڈھولا گائیا۔ پِھر دوُر دیِاں نیڑے ہون واٹاں، اگلا پندھ مُکائیا۔ گُر اوتار پَیغمبرو ایہہ اگمّی باتاں، لِکھن والا نظر کوئے نہ آئیا۔ جِس نوُں لِکھیا جوتی دا جاتا، جاگرت جوت اِک اکھوائیا۔ جوتی جوت سروُپ ہرِ، آپ اپنی کِرپا کر، کرے کھیل ساچا ہرِ، نِہکلنک نرائن نر، مہاراج شیر سِنگھ وِشنوُں بھگوان، سب دا پوُرا کرے بھرواسا، بھرمدا رہن کوئے نہ پائیا۔

۴ ماگھ شہنشاہی سمت ۳ سنت سِنگھ دے گرِہ بابوُ پُر ضِلع گُرداسپُر

اوتار پَیغمبرو اوتھے رہندا سی گُردیو، جو شنکر نوُں گُروُ منائیا۔ پاہن دی کردا سی سیو، پتّھراں سندھوُر چُھہائیا۔ ٹھاکر ٹھاکر کہِندا سی جِہو، رسنا نال صلاحیِا۔ کُچھ اپنا دسّ بھیو، کی تیری بےپرواہیِا۔ بھوگ چڑھاؤندا سی روز میو، ہری سؤگی ہتّھ اُٹھائیا۔ جوتی جوت سروُپ ہرِ، آپ اپنی کِرپا کر، اپنا رنگ رنگائیا۔ اِک دِن گُردیو سی سُتّا، اکّھاں میٹ دھیان لگائیا۔ اوہدا مُکھ چٹّ گیا کُتا، زبان بُلاں اُتے پِھرائیا۔ اُس نوُں جھٹ آ گیا غُصّہ، ڈنڈا دِتا لگائیا۔ جاں پِھر تکّیا تے نوُری دِسیا جُسا، تیج جوت رُشنائیا۔ پھیر ویکھیا وڈّیِاں وڈّیِاں داہڑی مُچھاں، وال لمیاں نال سُہائیا۔ پھیر ویکھیا ہو گیا گُچھا مُچھا، لتّاں باہواں نظر کوئے نہ آئیا۔ پھیر ویکھیا گھونا مونا کُچا، داہڑی مُچھ کٹائیا۔ پھیر ویکھیا پَیریں ہےَ نہیں جُتّا، ننگی پَیریں سوبھا پائیا۔ پھیر ویکھیا اُس دا لوُں لوُں پھٹّڑ ہویا دُکھا، گھاؤ گھاؤ اُتے چُھہائیا۔ پھیر ویکھیا نِکاّ نِکا ٹُکا، ٹُکڑے ٹُکڑے سوبھا پائیا۔ پھیر ویکھیا کالا رنگ ہویا بُٹاں، ساچی چمک نہ کوئے چمکائیا ۔ پھیر ویکھیا اَدھ وِچکاروں ٹُٹا، آتم پرماتم ونڈ ونڈائیا۔ پھیر ویکھیا تے اپنی دھاروں پُھٹا، سوہنا روُپ وکھائیا۔ پھیر ویکھیا تے وڈّا لماں اُچا، جِس دا انت نہ کوئے جنائیا۔ پھیر ویکھیا بن گیا پریم پریِتی دا گُچھا، گُنجھل سکے نہ کوئے کُھلائیا۔ پھیر ویکھیا سب دے اندر لُکا، جگ نیتر ویکھن کوئے نہ پائیا۔ پھیر ویکھیا چار مُکھا، برہمے رہیا پڑھائیا۔ پھیر ویکھیا چار بُھجاں نہ لِنگ نہ تُچا، بھجن بندگی باہر ڈیرہ لائیا۔ پھیر ویکھیا اُتے اوڑھ کے دُھسا، بَیٹھا سوبھا پائیا۔ پھیر ویکھیا بھگتاں گودی رہیا چُکا، اپنی جھولی رہیا بھرائیا۔ پھیر ویکھیا اُتوں گُرمُکھ مارن مُکاّ، ایہہ ارجن گُر اوتار پَیغمبراں دِتا وکھائیا۔ پھیر ویکھیا غریِباں اُپر تُٹھا، رحمت سچ کمائیا۔ پھیر ویکھیا چِٹا تاگا بنّھے گُٹا، اپنی کار کمائیا۔ پھیر ویکھیا پریم پیار دیاں دیوے لُٹاں، انمُلڑی دات ورتائیا۔ پھیر ویکھیا سب نوُں کہے آو میرے پُتا، پوُت سپوُتے اپنے نال مِلائیا۔ جوتی جوت سروُپ ہرِ، آپ اپنی کِرپا کر، کرے کھیل ساچا ہرِ، ساچا رنگ رہیا چڑھائیا۔

۴ ماگھ شہنشاہی سمت ۳ بھاگ سِنگھ دے گرِہ بابوُ پُر ضِلع گُرداسپُر

ارجن کِہا اوتھے رہندا سی اِک ڈھاڈی، ڈھولک ڈھڈّ دی سدا وجائیا۔ اوہدی پریِت پربھوُ نال ڈاڈھی، ڈاڈھے اَگے سیِس جھُکائیا۔ نال رکھے بُڈھی دادی، مُحبّت وِچ مُحبّت آپ بنائیا۔ اوتھے روز آؤندے جاندے پاندھی، پِھرن چائیں چائنیا۔ اِک آ گیا دیور بھابی، جھگڑا کر کر رہے سُنائیا۔ اِک آ گیا بُڈھا نڈھّا باڈھی، ہتّھ پِچھے رکھائیا۔ اِک آ گیا وجاؤندا نادی، دُھن اُچی ساری سُنائیا۔ اِک پیلدا آ گیا بازی، نٹوُآ نٹ وکھائیا۔ اِک بغل قُرآن لےَ کے آ گیا قاضی، فتویٰ شرع والا سُنائیا۔ اِک سوُربیِر آ گیا غازی، بھےَ نال ڈرائیا۔ اِک گھوڑا آ گیا تازی، واگ راس نہ کوئے رکھائیا۔ اِک فقیِر آ گیا نمازی، سجدیاں وِچ سیِس جھُکائیا۔ سارے کہن جے بن جائیے اِک جماعتی، مِل کے وجےّ ودھائیا۔ سندیشے وِچ مِلی پاتی، حُکم دِتا سُنائیا۔ سب دی پوُری ہووے آسی، منسا پوُر کرائیا۔ ایہہ کھیل پُرکھ ابناشی، جُگ چؤکڑی رہیا کرائیا۔ جِس ویلے نِرگُن جوت ہووے پرکاشی، نِرگُن نوُر رُشنائیا۔ پروردِگار اوہ ویکھے آ کے پتن گھاٹی، تٹ کنارے سوبھا پائیا۔ لہنا دینا سب دا چُکائے باقی، پِچھلا جھولی پائیا۔ اَگے کھول کے اِکو تاکی، تقویٰ اِک درسائیا۔ رحمت وِچ بن کے ساقی، جام پیالہ دئے پیائیا۔ سب دی لیکھے لائے حیاتی، حضرتاں دا حضرت ہوئے سہائیا۔ جوتی جوت سروُپ ہرِ، آپ اپنی کِرپا کر، کرے کھیل ساچا ہرِ، نِہکلنک نرائن نر، مہاراج شیر سِنگھ وِشنوُں بھگوان، وست امولک دیوے راسی، رستے وِچ ہور وی نال مِلائیا۔

۴ ماگھ شہنشاہی سمت ۳ دیِدار سِنگھ دے گرِہ باؤ پُر ضِلع گُرداسپُر

مندر کول بوُٹا سی اِک ضامن، پھلی بھوُت سوبھا پائیا۔ اُس دی سیوا کرے بِردھ براہمن، پانی سِنچ ہرا کرائیا۔ اوہ سدا سدا کہے پربھوُ پتت پاون، پتت پُنیِت بنائیا۔ جِس دا پھڑے دامن، دامنگیِر آپ ہو جائیا۔ اِک دِن اوتھے کُنچر آیا نہاوَن، گج سوبھا پائیا۔ اندھیرا رَین شامن، سندھیا وقت چُکائیا۔ آرتی اِکو دی سارے گاون، تُوں ہی تُوں ہی راگ الائیا۔ پنکھا چؤر ہِلاوَن، ساچی سیو کمائیا۔ جوتی جوت سروُپ ہرِ، آپ اپنی کِرپا کر، دُھر دا رنگ وکھائیا۔ ارجن کہے اوتھے لگّی اِک اِٹّ، پتّھر اُتے ٹِکائیا۔ جِس دے نال بدھّی چِٹ، چِٹھی اکھّراں

نال سُہائیا۔ اوہ لمی سَوا گِٹھّ، اِنچ ونڈ نہ کوئے ونڈائیا۔ اوہدی اِکو جِہی پٹِھ، صاف سُتھری سوبھا پائیا۔ نیتر رو کے رہی پِٹ، کوُک کوُک سُنائیا۔ میرا لہنا دینا دے نجِٹھ، پِچھلا موُل چُکائیا۔ مَینوُں نامدیو ایتھے گیا سِٹّ، سہج نال ٹِکائیا۔ مَیں ویکھاں بِٹ بِٹ، کِدھروں آوے میرا ماہیِا۔ وَیراگن ہو کے رہی پِٹ، پٹنے والے رہی سُنائیا۔ مَیں ہاری تُوں گیا جِتّ، تیری بےپرواہیِا۔ مَیں لوڑاں درشن ہووے نِت، نِت دی خواری دے گوائیا۔ اِکو اُپجے تیرا ہِت، پریم پریِتی سیو کمائیا۔ سدا سُہیلے وسیں چِت، ٹھگؤری اوَر رہے نہ رائیا۔ ایہو میری آسا ایہو میری اِچھّ، چِراں وِچُھنی دیاں دُہائیا۔ ایتھے وسدا سی اِک رِچھّ، کالا رنگ سوبھا پائیا۔ اِک زہر والا بِچھ، بِسیئر ڈنگ چلائیا۔ جِس دی اُترےَ کدے نہ وِس، وِس انگ انگ تڑپھائیا۔ جوتی جوت سروُپ ہرِ، آپ اپنی کِرپا کر، اپنا میلا لئے مِلائیا۔ ارجن کہے ایتھے رہندا سی اِک پنچھی، کھنبھ چھوٹے نظری آئیا۔ اُس دے اندر آوے ہنسی، خوشیاں نال سُنائیا۔ جیہڑی کرِشن وجائی بنسی، اوہ بنسری ایسے بن وِچوں گئی، بِندرابن سوبھا پائیا۔ جیہڑی موہن دے پیار وِچ پھنسی، مُحبّت وِچ مٹکائیا۔ جِس چؤکی اُتے اِشنان کردا سی ہنکاری کنسی، اوہ کنس دی لکڑی ایتھوں تکّڑیاں نال تُل کے گئیا۔ جیہڑی مریادا چلی سوُریہ بنسی، چندر بنسی ایسے تھاں توں دھوُڑ لےَ کے مستک ٹِکّے لائیا۔ ایہہ دوارا وِشنوُں ونسی، وِشنوُں پوُربلا پھیرا پائیا۔ جِتھے ہُن کوئی جانور نہیں پنکھی، نِشانہ سمجھ کِسے نہ آئیا۔ اِک دِن گُروُ ارجن دا ایتھے آیا سی اِک گرنتھی، جِس نوُں گُپت حُکم سُنائیا۔ اون پڑی سی آ کے پنگتی، سُنیہڑا شبد اِلاہیِا۔ جیہڑا ہتّھ نہ آوے پنڈتی، کھوجیاں کھوج نہ کوئے کھوجائیا۔ جو سُکھ وکھائے سوَرگ بہِشتی، بہِشتاں توں پرے پڑدا لاہیِا۔ اوہ سب آتما دا گرِہستی، پرماتما بےپرواہیِا۔ مالک دُھر دا عرشی، فرش ویکھ وکھائیا۔ ایہہ کھیل اگمّے گھر دی، جو گھرانے رہیا بنائیا۔ غریِباں بنے دردی، دردیِاں ہوئے سہائیا۔ ایہہ کھیل کلجُگ کل دی، کلکاتی ہون قصائیا۔ کُچھ آسا اوس جل دی، جو وہنا وِچ اپنا آپ مِٹائیا۔ کُچھ مُحبّت اوس تھل دی، جو کِنکا کِنکا اپنا آپ کٹائیا۔ جوتی جوت سروُپ ہرِ، آپ اپنی کِرپا کر، کرے کھیل ساچا ہرِ، سب دے لیکھے ویکھ وکھائیا۔ ارجن کہے اوتھے رہندا سی اِک سوُم، شاہوُکار نظری آئیا۔ اُس دے گھر منگن آ گیا ڈوم، مراسی پھیرا پائیا۔ چاروں کُنٹ گھوُم، ہوکا دِتا سُنائیا۔ مَیں غریِب معصوُم، میری جھولی دے بھرائیا۔ شاہ نے کِہا کملیا میرے پَیر دا جوُتا چوُم، جِس پِچھے لّچھمی بھجےّ واہو داہیِا۔ اونے چِر نوُں ڈاکوُآں دا اِک آ گیا ہجوُم،

رؤلا اُچی اُچی پائیا۔ ڈھول نال مچائی دھوُم، دھوَل دِتی سُہائیا۔ اونے چِر نوُں براہمن آ گیا لاؤن والا نجُوم، پتّری کڈھ وکھائیا۔ جوتی جوت سروُپ ہرِ، آپ اپنی کِرپا کر، اپنا کھیل وکھائیا۔ پتّری کہے میری ویکھو پتّری، پترکا کی جنائیا۔ ایہہ دسےّ اِکو مالک شوُدر براہمن وَیش کھتری، جو شرع توں باہر سمائیا۔ جِس دی عمُر کدے نہ ہووے ستّری بہتری، بِردھ بال نہ روُپ وٹائیا۔ بند ہووے نہ گرِہ نچھتری، حِصّہ سکے نہ کوئے وکھائیا۔ پڑھیا جائے نہ جگت اکھّری، اکھّراں وِچ نہ کدے سمائیا۔ اُس دی دھار سدا وکھّری، اڈّرا راہ چلائیا۔ اونے چِر نوُں اِک آ گئی بکری، اپنا پندھ مُکائیا۔ اونے چِر نوُں مُسافر سِر اُتے چُک کے آ گیا پٹڑی، پھٹّا ساڈھے تِنّ ہتّھ وکھائیا۔ اونے چِر نوُں اِک لےَ کے آ گیا تکّڑی، چھابےدوویں رہیا ہِلائیا۔ اونے چِر نوُں آرن دل آ گیا مکّڑی، اندھیرا چاروں کُنٹ چھائیا۔ جوتی جوت سروُپ ہرِ، آپ اپنی کِرپا کر، پوُرب لیکھا ویکھ وکھائیا۔

۴ ماگھ شہنشاہی سمت ۳ وِرشا سِنگھ دے گرِہ بابوُ پُر ضِلع گُرداسپُر

اک دِن اوتھے ویاہی لاڑی دی بھاجی آ گئی لّڈو، پریم نال بنائیا۔ سارے جل دے بُھڑکن لگّ پئے ڈّڈو، اپنی خوشی وکھائیا۔ اِک وڈّا مینڈک جِس دا ناں رکھیا جّگوُ، چھوٹے وڈے اوسے نوُں سیِس نِوائیا۔ سانوُں سچ دسّ کِس ویلے پربھ نِشانہ گڈّو، ایتھے آ کے دَیا کمائیا۔ اُس ہسّ کے کِہا جِس ویلے کلجُگ کوُڑ نگارہ وجّوُ، چاروں کُنٹ دُہائیا۔ بھگت چُبارے رہے کوئی نہ چھجّوُ، چشمع نیِر نہ کوئے وہائیا۔ سارے روُپ ہوون بدّوُ، بدکاری وِچ لوکائیا۔ اُس ویلے پُرکھ اکال اپنے بھگت سدّوُ، سدّا نام کر شنوائیا۔ کلجُگ کوُڑی کِریا جڑ وڈھوُ، کٹاکش اپنا نام لگائیا۔ کُچھ لیکھا لِکھیا راجے رّگھوُ، سندیشہ سوہنا جِہا سُنائیا۔ پُرکھ اکال کلجُگ انت سب نوُں دبّوُ، دبدبا اپنا اِک جمائیا۔ جوتی جوت سروُپ ہرِ، آپ اپنی کِرپا کر، لیکھا اگلا پِچھلا کڈھوُ، وہی کھاتہ پھول پھولائیا۔ ارجن کہے گُر اوتار پَیغمبرو نہیں خواب، سَت سچ سمجھائیا۔ پُرکھ اکالا آوے آپ، اپنا پھیرا پائیا۔ تُوں میرا مَیں تیرا دسّ کے جاپ، جگ دی ریِتی دئے بدلائیا۔ چاروں کُنٹ کمبےپاپ، دُشٹ

دین دُہائیا۔ ایہہ ویکھے کھیل تماش، نِرگُن نوُر جوت رُشنائیا۔ سب دی پوُری کرے آس، آسا منسا وِچ سمائیا۔ جوتی جوت سروُپ ہرِ، آپ اپنی کِرپا کر، دیونہارا ساچا ور، سنت سُہیلے کر تلاش، پنج تت خاکی ماٹی ویکھے لاش، لاش وِچ اپنا پرکاش دئے کرائیا۔