کتب خانہGranth 20 (Urdu)

۵ ماگھ شہنشاہی سمت ۳ اُجاگر سِنگھ دے گرِہ راج پُر چیبےضِلع گُرداسپُر

راوی کہے ترنتِے دی گلّ، سچّی دیاں سُنائیا۔ ایتھے وڈّا ہُندا سی جھلّ، بوُٹے کنڈیاں والے سمجھائیا۔ اِک وَیراگیاں دا دل، نؤ تیراں گنت گنائیا۔ سِدھ آسن بَیٹھے ملّ، ماٹی پوچ پُچائیا۔ پوِتر لےَ کے جل، کُنبھ وِچ رکھائیا۔ پاہن پا کے گل، ٹھاکر چُّم کے خوشی بنائیا۔ ریت دا ویکھ کے تھل، خاک سیِس وِچ سُٹائیا۔ پریِتی وِچ رل، دھیان پربھ دے ولّ ٹِکائیا۔ مِرگ وچھا کے کھلّ، بہہ کے سوبھا پائیا۔ کول ڈوُنگھی وہن ڈل، ستّ ہتّھ ناپ مِنائیا۔ اَگے مِٹّی والی ٹّھل، وہِندا وہن دئے اٹکائیا۔ اُپر سنیاسی بَیٹھا سِنگھاسن ملّ، اِکو شنکر راگ الائیا۔ جوتی جوت سروُپ ہرِ، آپ اپنی کِرپا کر، اپنی دھار چلائیا۔ راوی کہے بہُبھاری ہُندے سی درخت، ٹہنیاں پتّیاں نال لہرائیا۔ اِک دِن تِن دا سی وقت، دِوس اپنا جوبن رہیا وکھائیا۔ رام دا آ گیا بھگت، مستانی بِرتی وِچ شؤدائیا ۔ رکھ کے بہہ گیا ورت، انّ دانہ نہ مُکھ چُھہائیا۔ پربھ نال لا کے شرط، سواسیاں وِچ سُنائیا۔ جِناں چِر نہ دیویں درس، اپنا آپ پرگٹائیا۔ میری بُجھے موُل نہ حرص، ہوَس نہ کوئے گوائیا۔ مِہربان کیِتا ترس، ترےَگُن اتیِتے دِتا سُنائیا۔ جِس ویلے نِرگُن دھار آواں اُتے فرش، جوتی جامہ ویس وٹائیا۔ اِک دِن سُفنے وِچ ایہہ کھیل ویکھیا بھرت، کَیکئی بیٹا اکّھ کُھلائیا۔ سرِشٹی ہُندی دِسی غرق، دھیِرج دھیِر نہ کوئے دھرائیا۔ جھگڑا پیا نار مرد، گھر گھر ہوئے لڑائیا۔ دُکھیاں کوئی نہ ونڈے

درد، دیِناں اناتھاں نہ کوئے سہائیا۔ بھرت نے رو کے کیِتی عرض، رام تیرا نام دُہائیا۔ شبد اگمّی آئی گرج، بول کے دِتا سُنائیا۔ ایہہ کھیل ہونا اسچرج، جِس نوُں سمجھے کوئے نہ رائیا۔ جِس ویلے آیا جودھا سوُربیِر مردانہ مرد، پاربرہم پتپرمیشور اپنا ویس وٹائیا۔ جن بھگتاں سِدھی کرے نرد، دیِن دُنی دا پاسا دئے اُلٹائیا۔ شرع قصائی رہے نہ کرد، قاتل مقتوُل کرے صفائیا۔ پِچھلی پھول کے ویکھے فرد، فَیصلہ حقو حق سُنائیا۔ سِدھا چل کے آوے نِدھڑک، اپنا پندھ مُکائیا۔ راہ کھہڑا کوئی نہیں ہونی سڑک، پگڈنڈی بھجےّ واہو داہیِا۔ نوُر نوُرانی ہووے مٹک، جوبن جوانی ویس وٹائیا۔ راہ وِچ نہ جاوے اٹک، اٹکاں پِچھلیاں دئے کڈھائیا۔ نال ہرِ سنگت ہووے کٹک، دل لشکر شاہی نظری آئیا۔ جِس دا حُکم ہووے سخت، نہ کوئی میٹے میٹ مِٹائیا۔ بھرت ویکھیا اُپر عرش، اکّھاں اکّھ اُٹھائیا۔ جوتی جوت سروُپ ہرِ، آپ اپنی کِرپا کر، ساچے در دئے وڈیائیا۔ بھرت دے اندر آئی خوشی، بَیٹھا دھیان لگائیا۔ اودھروں آ گیا اِک جوشی، جوتش نال سمجھائیا۔ اُس دے نال سی اوہدی دوہتی، بالی نڈھی سوبھا پائیا۔ اوہدے اندر جگے جوتی، نوُر نوُر رُشنائیا۔ اوس ہتّھ وِچ پھڑ کے سوٹی، اِشارہ اَگے دِتا کرائیا۔ جِس ویلے سَت دی رہی کوئی نہ روزی، نام بھنڈارا نہ کوئے ورتائیا۔ دھرم دا رہیا کوئی نہ جوگی، جوگیِشر سَت نہ کوئے سمائیا۔ وِویک دا رہیا کوئی نہ بودھی، من ممتا ہوئے ہلکائیا۔ سرِشٹی انتر ہووے روگی، ہؤمے روگ نہ کوئے چُکائیا۔ واسنا کِسے جاوے نہ سودھی، سُدھ روُپ نہ کوئے پرگٹائیا۔ جھگڑا پےَ جائے جنجّوُ بودی، مُچھ داہڑی نال دُہائیا۔ اُس ویلے کھیل ہونی اِک چھّبی پوہ دی، بالی نڈھّی دِتا سُنائیا۔ پرکاش ہونا سچ لو دی، لوآں پُریِاں کرے رُشنائیا۔ کھیل چلنی اِک نِرموہ دی، جو مِہر مُحبّت وِچ سمائیا۔ دھار ویکھنی اِک گروہ دی، جو بھگتاں نال وڈیائیا۔ ایہہ واٹ لمی ہونی ساڈھے تِنّ کوہ دی، اوگرے توں ممیاں دِتا مِنائیا۔ آواز آئی ہو ہو دی، ہوکا دِتا سُنائیا۔ اَگے دھار اَدھے کوہ دی، جِتھے جوگ جُگیِشر سوبھا پائیا۔ اوتھے کھیل ہونی لُٹ کھوہ دی، خالی ہتّھ دُہائیا۔ جوتی جوت سروُپ ہرِ، آپ اپنی کِرپا کر، ایکا بندھن پائیا۔ راوی کہے مَیں اِک ویراں روئی، چار جُگ دھیان لگائیا۔ اِک ویراں کیِتی دروہی، بہُڑی بہُڑی کر سُنائیا۔ اِک ویراں سِر توں لاہی لوئی، نپڑد ہو کے دِتا وکھائیا۔ اِک وار کری عرضوئی، پربھ اَگے واسطہ پائیا۔ اِک وار ہوئی نِرموہی، مُحبّت دِتی تُڑائیا۔ اِک وار ارجن دے چرناں نال چھوہی، مُڑ کے نظر کِتے نہ آئیا۔ مَینوُں سندیشہ دیوے کوئی، حُکم نال سمجھائیا۔ پردیسن نوُں ملِے کِتے نہ ڈھوئی، بھجّیاں راہ

نہ کوئے اٹکائیا۔ جوتی جوت سروُپ ہرِ، آپ اپنی کِرپا کر، اپنی کار کمائیا۔ بھرت کہے مَیں سُفنے وِچ تکّ ہویا حَیران، حَیرانی اندر نظری آئیا۔ جِتھے بیابان، جنگل جوُہ وکھائیا۔ اوتھے ویکھیا کی نِشان، جو نِشانہ سوبھا پائیا۔ پرم پُرکھ بھگوان، نِرگُن جوتی جاتا نوُر رُشنائیا۔ بھوُمکا سُہائے استھان، دھرنی دھرت دھوَل دئے وڈیائیا۔ جن بھگتاں ہو کے مِہربان، مِہر نظر اِک اُٹھائیا۔ نِرگُن سرگُن کرا پہچان، پڑدا دُئی رہیا چُکائیا۔ ایہہ سہجے گلّ آن کے دسّی رام، نِیوں کے لاگا پائیا۔ رام کِہا ایہہ پربھوُ دا کام، جُگ جُگ کھیل کھِلائیا۔ جِس ویلے کلجُگ انت سرِشٹی دا وِگڑے انتظام، نِظام نظر کوئے نہ آئیا۔ منُکھتا مذہباں دی ہوئے غُلام، ذاتاں پاتاں پئے لڑائیا۔ اوس ویلے آوے اِک امام، ہرِ کرتا دُھردرگاہیِا۔ جِس دی کرے نہ کوئے پہچان، جگ نیتر نظر کِسے نہ آئیا۔ تُوں میرا مَیں تیرا گاوے گان، ساچا ڈھولا اِک سُنائیا۔ سارے وِچھڑے میلے آن، راوی کنڈھے وجےّ ودھائیا۔ رام کہے بھرت سُن لا کے کان، سوجھی سچ رکھائیا۔ جوتی جوت سروُپ ہرِ، آپ اپنی کِرپا کر، کرے کھیل ساچا ہرِ، نِہکلنک نرائن نر، مہاراج شیر سِنگھ وِشنوُں بھگوان، پوُرب لیکھا سب دا آیا چُکان، چار جُگ دے پردیسی، جو نِرگُن دھار رہے ویکھی، اوہناں لیکھا پوُر کرائیا۔

۵ ماگھ شہنشاہی سمت ۳ اُجاگر سِنگھ دے گرِہ پِنڈ ممیاں ضِلع گُرداسپُر

دھرنی کہے ایہہ کشپ مُن دی آسا، مون وِچ بہہ کے دھیان لگائیا۔ سَتجُگ تریتا دواپر کلجُگ بدلدا ویکھنا پاسا، پاسا دیِن دُنی کھوج کھوجائیا۔ نوُر تکنا نِروَیر پُرکھ ابناشا، اکال اکل کل دھاری ویکھ وکھائیا۔ دھرم دوارا ویکھنا ساچا، جِتھے کھتری براہمن شوُدر وَیش کرے نہ کوئے لڑائیا۔ جیؤ پِنڈ ویکھنا کاچا، پنج تت کایا مندر اندر ایکا نِرگُن نوُر جوت ہوئے رُشنائیا۔ پوَنی پوَن ویکھنا سواسا، جو دِوس رَین پربھ دا نام دِھیائیا۔ سچ دوارے ویکھنی راسا، بِن گوپی کاہن آتم پرماتم وجےّ ودھائیا۔ سَت گوّئیا ویکھنا بھاٹا، جو دُھن انادی آتمک راگ سُنائیا۔ دُھر دا ویکھنا پوُجا پاٹھا، جو نِرگُن نِرگُن میلا لئے مِلائیا۔ سچ دوار دا کُھلا ویکھنا تاکا، جِتھے گُر اوتار پَیغمبر مذہب ونڈ نہ کوئے ونڈائیا۔ بھگت بھگوان سوہن ساکھیاتا، جوتی جاتا مِل کے وجےّ ودھائیا۔ سچ دوارے جائے نہ کوئے نِراسا، نِراِچھت سب دی آسا پوُر کرائیا۔ جنگل جوُہ اُجاڑ

پہاڑ ویکھے پربھاسا، ٹِلّے پربت چوٹی کھوج کھوجائیا۔ چار ورناں اٹھاراں برناں جُگ چؤکڑی پھولے کھاتہ، پُرکھ ابناشی پھول پھولائیا۔ جوتی جوت سروُپ ہرِ، آپ اپنی کِرپا کر، گرِہ ساچا رنگ رنگائیا۔ کشپ مُن کہے میری آشا انت اَخیِر، آخر دیاں دِرڑائیا۔ مَیں پَیدل لنگھیا مُکیا پندھ کشمیر، کچّھ مچّھ دوویں دین گواہیِا۔ جھگڑا ویکھیا شاہ حقیِر، اوُچ نیِچ دین دُہائیا۔ سب دی بدلی ویکھی ضمیِر، سچ سُچ نہ کوئے ورتائیا۔ سَت دھرم دی سمجھے نہ کوئے لکیِر، مذہب دیِن نال لڑائیا۔ کُچھ اِشارہ دِتا واسطے کبیِر، بِن حُکمے حُکم بنائیا۔ جِس ویلے سَتجُگ کلجُگ وِچ ہووے تعمیِر، سَت سَتوادی راہ چلائیا۔ کرے کھیل پربھ گہر گمبھیِر، نِرگُن اپنی دَیا کمائیا۔ لیکھا جانے بےنظیِر، نظر سب دی دئے بدلائیا۔ گُر اوتار پَیغمبر ہون دِلگیِر، درگاہ ساچی سیِس نِوائیا۔ شرع کٹے نہ کوئے زنجِیر، کڑی کڑی نہ کوئے تُڑائیا۔ جوتی جوت سروُپ ہرِ، آپ اپنی کِرپا کر، پوُرب لیکھا ویکھ وکھائیا۔ دھرتی کہے میرا دھام نِرالا، جُگ جُگ ونڈ ونڈائیا۔ کشپ رِکھی وِچھا کے دوشالہ، مِرگ چھالا سوبھا پائیا۔ راتی سُتّیاں لگّا پالا، کروٹ کروٹ وِچوں بدلائیا۔ کرے بینتی اَگے ہرِ گوپالا، دیِنن ہو کے سیِس نِوائیا۔ تُوں سمرتھ صاحب آد جُگاد سدا رکھوالا، رکھیا کریں تھاؤں تھائنیا۔ ہؤں بالک تیرا لالا، ننھا بچّہ نظری آئیا۔ صاحب سوامی انترجامی گھٹ نِواسی پُرکھ ابناشی شاہو بھوُپ بھوُپ سُلطانا، راج راجانا آپ جنائیا۔ کلجُگ انتم ویکھ مار دھیانا، بیِس بیِسا راہ تکائیا۔ پرگٹ ہووے جودھا سوُربیِر بلی نؤجوانا، مرد مردانہ اِک اکھوائیا۔ نِرگُن دھار نِروَیر نِرنکار جوتی پہنے جامہ، کرِشنا راما سارے سیِس نِوائیا۔ پیِر پَیغمبر کرن سلاماں، سجدیاں وِچ سر نہ کوئے اُٹھائیا۔ سو صاحب سَتگُر دسےّ اگمّی اِک کلاما، کائنات کرے پڑھائیا۔ نام ڈنک وجائے دمامہ، دماں والے سارے لئے جگائیا۔ سَت دھرم دا لےَ کے سچ نِشانہ، بھجےّ چائیں چائنیا۔ ضرور پہنچے ایس استھانا، جِتھے بہہ کے اپنی کار کمائیا۔ محمد یاد کرایا وِچ قُرآنا، تیِس بتیِس صِفت صلاحیِا۔ جو مُرشد مُریِداں کرے دیوانہ، محرم ہو کے ویکھ وکھائیا۔ اوہ بھگتاں سمجھے نہ کدے بیگانہ، ہرجن اپنے رنگ رنگائیا۔ لہنا دینا چُکاوے دو جہاناں، لکّھ چؤراسی جیِو جنت سادھ سنت پھول پھولائیا۔ سو بینتی منظوُر کرے پروانا، پروانگی اپنے ہتّھ رکھائیا۔ جوتی جوت سروُپ ہرِ، آپ اپنی کِرپا کر، کرے کھیل ساچا ہرِ، نِہکلنک نرائن نر، مہاراج شیر سِنگھ وِشنوُں بھگوان، کرے کھیل دو جہاناں، دوہری اپنی دھار وکھائیا۔

۵ ماگھ شہنشاہی سمت ۳ سردوُل سِنگھ وزیر پُر جٹّاں ملاح دے نال راوی کنارے ضِلع گُرداسپُر

بیڑی کہے میری نِمسکار، گُر گوبِند تیری اِک سرنائیا۔ دُھر ملاح بےعیب پروردِگار، شہنشاہ تیری سرنائیا۔ بھوَجل ساگر گُرمُکھ ڈُبے نہ منجھدھار، چپوُ نام مُہانا اِک لگائیا۔ گُر ارجن لِکھ کے گیا اپنی دھار، راوی کنڈھا ویکھ وکھائیا۔ جِس ویلے آوے کل کلکی اوتار، نِرگُن داتا دُھردرگاہیِا۔ بیڑی پِچھے بیڑا پروار دا جائے تار، وڈّا چھوٹا جنم مرن وِچ کوئے نہ آئیا۔ سچکھنڈ پُجے سچ سچّے دربار، جِتھے پُرکھ اکال سوبھا پائیا۔ جوتی جوت سروُپ ہرِ، آپ اپنی کِرپا کر، اپنے گھر وسائیا۔ راوی کہے میرا جل ٹھنڈا، ونجھاں ناپ نپائیا۔ پُرکھ اکال سچ پریمیاں دُھر دربارے دیوے گنڈھاں، ٹُٹیاں گنڈھ وکھائیا۔ جِس پریم نوُں لبھدی جمنا سُرستی گنگا، نِت نوِت دھیان لگائیا۔ اُس توں اُتم سرِیشٹ ہویا ایہہ کنڈھا، جِس پتن تے مِلیا بےپرواہیِا۔ باہروں بندہ اندروں بخشندا، بخشش وِچ رحمت آپ کمائیا۔ سچ پریم دا دیوے اِک انندا، انند دُھر دا اِک درسائیا۔ جوتی جوت سروُپ ہرِ، آپ اپنی کِرپا کر، سچ دوارے دیوے مان وڈیائیا۔ پار اُتارے جگت ملاح، بھگتاں نال وڈیائیا۔ پُرکھ ابناشی بےپرواہ، لہنا دینا سب دا دئے چُکائیا۔ ڈوُنگر پار کرائے جل تھل اسگاہ، ٹِلّے پربت چوٹی راہ وِچ نہ کوئے اٹکائیا۔ سچ دوارے دیوے اگمّی تھاں، جِتھے گُر اوتار پَیغمبر بَیٹھے آسن لائیا۔ دھرم دوار دا دھرم نیاں، لہنا دینا پِچھلا جھولی پا، پوُرب ویکھ وکھائیا۔ دادوُ دے دیہُرے ایہہ صوُفی جِس نے بخشائے گُناہ، گوبِند اَگے سیِس نِوائیا۔ چرن کوَل منگ پناہ، سِر قدماں اُتے ٹِکائیا۔ گوبِند پِٹھ اُتے ہتّھ دِتا ٹِکا، تھاپی پُشت پناہ لگائیا۔ جِس ویلے مالک خالق پرِتپالک آوے بےپرواہ، اِک نہیں تیرا بیڑا سب دا پار کرائیا۔ چھوٹے وڈے نڈھے بچّے اِستری پُرش ساک سجّن اَدھ وِچ رہے کوئی نہ، دھرم رائے دی دئے نہ کوئے سزائیا۔ چھیاسیاں پِچھے چھ گُناں تیرا کُٹمب دئے ترا، چھ شاستر چھ گھر چھ گُر چھ اُپدیش نال مِلائیا۔ کِیوں، جگت مایا توں کیِتی نانہ، گُرمُکھاں دی پریم نال پکڑی بانہہ، بیڑی کاٹھ اُتے دِتا تھاں، ایسے کارن جنم جنم دے بخشے گئے گُناہ، روُح بُت دوویں پاک کرائیا۔ جوتی جوت سروُپ ہرِ، آپ اپنی کِرپا کر، کرے کھیل ساچا ہرِ، نِہکلنک نرائن نر، مہاراج شیر سِنگھ وِشنوُں بھگوان، جِنہاں نوُں کرکے جائے ہاں، ہرِ گھاٹ ہرِ مندر درگاہ ساچی سچکھنڈ دوار دئے پُچائیا۔

راوی کہے لہِندیوں آیا چڑھدے، لہِندا چڑھدا دکھّن پہاڑ ویکھ وکھائیا۔ کُچھ بھیو دسّ اپنے گھر دے، کی چوری چوری کھیل کھِلائیا۔ گُر اوتار پَیغمبر تَیتھوں رہے ڈردے، سِر سکیا نہ کوئے اُٹھائیا۔ جھگڑے پائے تن وجوُد جڑ دے، چیتن رنگ نہ کوئے رنگائیا۔ بِرہوں وِچھوڑے وِچ سارے رہے مردے، ہؤکیاں وِچ تڑپھائیا۔ اَنک پرکار تیرا نام کلمہ رہے پڑھدے، صِفتاں وِچ صلاحیِا۔ سیِس جگدیِس بھانا رہے جردے، دُکھ سُکھ وِچ بدلائیا۔ کوُڑ وِکار رہے ٹھلدے، اپنا بَل پرگٹائیا۔ جگت جوانیؤں رہے ڈھلدے، بُڑھیپا سِر تے چھائیا۔ انتم رہے سارے مردے، ہُندی رہی کِیوں جُدائیا۔ راوی کہے میری عرضے، آرزوُ دِتی سُنائیا۔ جوتی جوت سروُپ ہرِ، آپ اپنی کِرپا کر، ساچا کھیل آپ وکھائیا۔ راوی میرا نہ لہِندا نہ چڑھدا، دکھّن پہاڑ ونڈ نہ کوئے ونڈائیا۔ چار کُنٹ دہ دِشا ہر گھٹ اندر بہِندا، گھر گھر ڈیرہ لائیا۔ دُھر سندیشہ سدا سدا جگ کہِندا، کہہ کہہ آکھ سُنائیا۔ تیرے نالوں تِکھا میرا پریم جل وہِندا، جو گُرمُکھاں دا کوُڑا کرکٹ دئے رُڑھائیا۔ جِتھے وہن گہن کوئی نہیں پیَندا، راہ اِکو جِہا درسائیا۔ ویکھ ہُلارا میری کانگ نیَں دا، گھُنمن گھیر دھیان لگائیا۔ جِتھے جھگڑا نہیں مَیں تیں دا، تُوں مَیں ونڈ نہ کوئے ونڈائیا۔ جوتی جوت سروُپ ہرِ، آپ اپنی کِرپا کر، اپنا بھیو کُھلائیا۔ راوی کہے مَیں نہیں منّدی، تیری بےپرواہیِا۔ مَیں گلّاں سُن دی کل دی، کی کی گُرمُکھ رہے سُنائیا۔ کوئی کہے مَیں ویکھی نہیں دھار جل دی، پِچھے مُڑ کے پِچھا آیا بھوائیا۔ راوی کہے پربھوُ کِسے نوُں خبر کیہڑی گھڑی پل دی، بُدھی کی چتُرائیا۔ مَیں اِکو آکھا تیرا منّدی، نِیوں کے سیِس نِوائیا۔ کُجھ حالت دسّ ارجن چنّ دی، جو میرے وِچ آپا بھیٹ کرائیا۔ پُرکھ اکال کِہا ایہہ گلّ سُننی نہیں کِسے کنّ دی، انبولت بول جنائیا۔ جیہڑی دھار گُر اوتار پَیغمبر گھلدی، حُکمے وِچ بھوائیا۔ ایہہ کھیل اوسے اچھل اچھلّ دی، جِس نوُں ولیِا چھلیِا کہہ کے سارے گائیا۔ راوی کہے کِیوں فؤج چڑھائی دل دی، بھگتاں نال مِلائیا۔ پُرکھ اکال کِہا کملیئے تُوں اِنھاں دے نال پھلدی، اِکلی کمّ کِسے نہ آئیا۔ جوتی جوت سروُپ ہرِ، آپ اپنی کِرپا کر، سچ سندیشہ اِک سُنائیا۔ راوی کہے لہِندا چڑھدا تیرا کوئی نہیں پتن، مَینوُں دے سمجھائیا۔ پُرکھ اکال کِہا ہاں جِتھے بھگت سُہیلے وسن، اوہ تٹ کنارے سوبھا پائیا۔ راوی کھِڑ کے لگّی ہسّن، دو ٹُٹے دند وکھائیا۔ پُرکھ اکال کِہا مَیں اُنحاں دی پَیج آیا رکھن، جو چار جُگ دھیان لگائیا۔ راوی کہے مَیں سُنیا کاہن جمنا اُتے کھاندا رہیا مکھّن، گوپیِاں کھیل رچائیا۔ ہُن تُوں سواد کی آئیوں چکّھن، مَینوُں دے دِرڑائیا۔ پُرکھ اکال کہے مَیں بھگتاں دے پڑدے آیا

ڈھکن، کھان پیِن دی لوڑ نہ کوئے رکھائیا۔ کلجُگ کوُڑی جڑ آیا پٹّن، پٹنے والا نال مِلائیا۔ راوی کہے مَینوُں یاد آ گئی گُر ارجن نے وِچلے دو کھولے سی بٹن، سیِنہ تَینوُں دِتا وکھائیا۔ مَیں خوشیاں وِچ لگّی ٹپّن، واہوا تیری بےپرواہیِا۔ اِدھر اُدھر لگّی نسّن، بھجی چائیں چائنیا۔ جاں ریت پیَندی ویکھی مَینوُں پےَ گئی غشن، مَیں کیِتی حال دُہائیا۔ جاں تکّ کے ویکھیا ولّ پچھّم، اپنی اکّھ اُٹھائیا۔ سندیشے وِچ سُنیا اِک بچن، کِسے اگمّڑے دِتا سُنائیا۔ جوتی جوت سروُپ ہرِ، آپ اپنی کِرپا کر، اپنی کار کمائیا۔ راوی کہے پربھوُ تُوں بڑا ڈاڈھا، ڈاہڈھیا کی تیری وڈیائیا۔ پُرکھ اکال کہے مَیں کراں کھیل ناڑی ماس ہاڈا، نِرگُن نوُر اِک چمکائیا ۔ کُچھ بچن کر یادا، پِچھلی یاد وکھائیا۔ جِس ویلے بالمیک بن کے آیا سی سادہ، تیڑ لنگوٹی اِک چُھہائیا۔ اپنے بدن تے لا کے پنج داغا، نِشان لئے بنائیا۔ پِھر سُنائی اِک آوازا، کوُک کوُک الائیا۔ جے کِتے ہیَں تے پربھوُ آجا، جنگل وِچ آسا پوُر کرائیا۔ سِری بھگوان کِہا مَیں رام نہیں رام دا راجا، رام راجے دا ڈھولا گائیا۔ بالمیک کِہا تیرا کِہو جِہا سماجا، مَینوُں دے وکھائیا۔ پُرکھ اکال کِہا اؤہ ویکھ اسوَ گھوڑا تازہ، جِس دی ہڈّ ماس ناڑی نظر کوئے نہ آئیا۔ ایہہ تِکھا بڑا چلاکا، دو جہاناں پِھر کے اپنا پہلا قدم ٹِکائیا۔ اِک ہور ویکھ تماشا، تَینوُں دیاں وکھائیا۔ کلجُگ انت اَخیِر سَت دھرم ہوئے وِناشا، ابناشی نظر کِسے نہ آئیا۔ پِتا پُتر کرے گھاتا، گھر گھر پئے لڑائیا۔ چاروں کُنٹ ہوئے اندھیری راتا، ساچا چند نہ کوئے چمکائیا ۔ چیلا گُروُ نہ منّے آکھا، گُروُ چیلیاں اَگے جھولیاں ڈاہیِا۔ نیتر رووے ذات پاتا، پتن نظر کوئے نہ آئیا۔ بالمیک کِہا پربھوُ ایہہ بڑیاں لمیاں باتاں، ترنتِے پِچھوں دواپر دواپر پِچھوں کلجُگ کلجُگ دا انت سماں بہُتا نظری آئیا۔ پُرکھ اکال کِہا ذرا تکّ اُپر آکاشا، بِن اکّھاں اکّھ اُٹھائیا۔ جاں ویکھیا تے اونوُں کلجُگ دا نظر آ گیا تماشا، سب کُچھ دِتا وکھائیا۔ بالمیک ٹیک کے ماتھا، سیِس دِتا جھُکائیا۔ پربھوُ تُوں اپنا جانیں آپے ساکہ، تیری کہانی کتھن کوئے نہ آئیا۔ جوتی جوت سروُپ ہرِ، آپ اپنی کِرپا کر، کرے کھیل کھیل پربھ ساچا، سچ دا مالک اِک ہو جائیا۔ راوی کہے پربھوُ چڑھدے نوُں ہور تُر، اگلا پندھ مُکائیا۔ اَگوں مِلن آئے اوتار گُر، آسا اِک رکھائیا۔ جیہڑا لِکھیا انند پُر، اوہ بُھلیکھا دے کڈھائیا۔ جیہڑی گُرمُکھاں توں رہ گئی تُھڑ، اوہ وی پوُری کر وکھائیا۔ ہور ویکھ پربھوُ آ گئے دیوت سُر، پھوُلن برکھا لائیا۔ وِشن برہما شِو آئے مُڑ، اپنا مُکھ بھوائیا۔ سارے کہن اسیں سمجھدے پُرکھ اکال سدا وسے سچکھنڈ دی کُڑ، جِس نوُں ویکھن کوئے نہ جائیا۔ جوتی جوت سروُپ ہرِ، آپ اپنی کِرپا کر، اپنی کھیل وکھائیا۔ گُر اوتار پَیغمبر

کہن باپوُ آ گئے راوی دے کنڈھے، در تیرے سیِس نِوائیا۔ دسّ کیہڑی وست سانوُں ونڈیں، پِچھلیاں ونڈاں دے مُکائیا۔ اسیں چھڈے مذہباں والے ڈنڈے، ڈنڈاوت اِکو دے سمجھائیا۔ سارے آئے پَیریں ننگے، خوشیاں پندھ مُکائیا۔ ٹھنڈے پانی وِچوں لنگھے، جوڑا چرن نہ کوئے چُھہائیا۔ جوتی جوت سروُپ ہرِ، آپ اپنی کِرپا کر، سچ کرنی کار کمائیا۔ دیوت سُر کہن ہُن تے کھول دے سُرتی، سُتّیاں لےَ جگائیا۔ درس کرا اپنی موُرتی، موُرت اکال تیری وڈیائیا۔ آواز سُنا اپنے تُور دی، تُرت کر شنوائیا۔ کی آگیا حضوُر دی، سانوُں دے سمجھائیا۔ اسیں خوشی ویکھن آئے ایسے بیڑے پوُر دی، جو پُری انند دی دین گواہیِا۔ جھلک تکّن آئے کوہ طوُر دی، جوموُسیٰ کرے رُشنائیا۔ سارے کہن پربھوُ ہُن لنگھن نہیں دینا دوُر دی، اَگے ہو کے جھولی ڈاہیِا۔ مزدوُری دے جا پِچھلے مزدوُر دی، جُگ چؤکڑی تیری سیو کمائیا۔ اَگے سزا نہ دیویں کِسے قصوُر دی، ایہو منگ منگائیا۔ اِکو لوڑ چرن دھوُڑ دی، ٹکے اِکو نام وکھائیا۔ بُدھی پوِتر ہووے موُڑھ دی، موُرکھاں ملِے سرنائیا۔ جوتی جوت سروُپ ہرِ، آپ اپنی کِرپا کر، مِہر نظر اِک اُٹھائیا۔ وِشن کہے آ اوئے شِو برہما، براہمنا دیاں جنائیا۔ کِیوں جھگڑا پیا کایا چمّا، تتّاں والی ونڈ ونڈائیا۔ کِیوں بنیا رِہوں نِکّما، بلہیِن ہو جائیا۔ برہما کہے میرے ہتّھ نہیں رہیا سماں، جُگ جُگ ہرِ کرتا اپنی کار کمائیا۔ پربھ نوُں لالچ نِت نِت اپنا نام چلاؤندا رہیا نَواں، بدلی وِچ اپنی بدلی آپ کرائیا۔ مَیں نیتر روواں چھم چھماں، نیَناں نیِر وہائیا۔ جوتی جوت سروُپ ہرِ، آپ اپنی کِرپا کر، اپنی کل آپ ورتائیا۔ گُر اوتار پَیغمبر کہن پربھ پکڑ سب دا بازوُ، اپنے نال مِلائیا۔ تیرے ہتّھ تکّڑ ترازوُ، اگلا تول دینا سمجھائیا۔ بِن تیری کِرپا کوئی نہ جا گوُ، بِن کِرپا اکّھ نہ کوئے کُھلائیا۔ سَت دا رہے کوئے نہ سادھوُ، سادھنا سچ نہ کوئے کمائیا۔ جُگ چؤکڑی تیرے بنے رہے آ گوُ، آگیا وِچ سیِس نِوائیا۔ ہُن سب دی بیِتی آیوُ، عمُر رہن کوئے نہ پائیا۔ جوتی جوت سروُپ ہرِ، آپ اپنی کِرپا کر، اپنا رنگ چڑھائیا۔ گُر اوتار پَیغمبرو اِس دا لیکھا دسّانگا اجّ دی رات، چھیتی نال سمجھائیا۔ ہُن تھوڑے سمے واسطے تُسیں اپنی کر لؤ گلّ بات، مشورے اِک دوُجے نال مِلائیا۔ میرا لیکھا حِساب نال قلم دوات، پکّی گنڈھ رکھائیا۔ سارے کرو ارداس، نِیوں کے سیِس جھُکائیا۔ چڑھو اُپر اوس آکاش، جِس دھاروں چل کے ایتھے آئیا۔ سچکھنڈ کرو نِواس، آسن اِک جمائیا۔ نؤ وجے آؤنا پھیر میرے پاس، بھجّنا چائیں چائنیا۔ اپنی پوُنجی نال لِیاؤنی راس، سمگری دینی وکھائیا۔ پِھر مَیں ویکھانگا کہ تُہانوُں کِس ویلے دیواں شاباس، سِر اپنا ہتّھ ٹِکائیا۔ سارے

کہن پربھوُ اسیں جپدے آواں گے سارے سوہنگ جاپ، پِھر کِس طرح اکّھ لئیں بدلائیا۔ تُوں ساڈا اسیں تیرے تے اسیں بھگتاں نال بناؤنا ساک، ناتا تیرے گھر جُڑائیا۔ ساڈا پِچھلا بھوِکھت واک، شہادت دئے گواہیِا۔ سب دی پوُری کرنی آس، نِراسا رہن کوئے نہ پائیا۔ ہُن پرگٹ ہوئیوں آپ، اپنا پھیرا پائیا۔ رل مِل سارے کہیئے تَینوُں باپ، پتپرمیشور بےپرواہیِا۔ جوتی جوت سروُپ ہرِ، آپ اپنی کِرپا کر، کرے کھیل ساچا ہرِ، نِہکلنک نرائن نر، مہاراج شیر سِنگھ وِشنوُں بھگوان، تیرا ویکھیا اِکو گھاٹ، جِتھے پتن پاتن نظر کوئے نہ آئیا۔

۵ ماگھ شہنشاہی سمت ۳ اوگرا ہرِ سنگت ضِلع گُرداس پُر

گُر اوتار پَیغمبر کہن آ کے پُجے، پوُجنیک سیِس نِوائیا۔ جیہڑا رمز اِشارے سب دے بُجھے، بُجھے دِیپک رہیا جگائیا۔ اپنے حِساب کِتاب نال لیائے گُجھے، جو اپنے وِچ چُھپائیا۔ صدی چؤدھویں کُچھ نہ سُجھے، پڑدا اوہلا نہ کوئے اُٹھائیا۔ لیکھے رہن موُل نہ لُکے، کرے کھیل بےپرواہیِا۔ کِیوں چلائی ریِتی پیتے حُقے، مُچھاں لئیاں کٹائیا۔ کِیوں دیِن مذہب دے لائے بوُٹے، وکّھ وکّھ راہ چلائیا۔ کِیوں پِھردے رہے اپنی کوُٹے، چاروں کُنٹ نہ ڈنک وجائیا۔ بھاؤ رکھائے دوُجے، ہِندوُ مُسلم سِکھ عیِسائی دتے بنائیا۔ کھوائے مُرغی چوُزے، چُھری گل چلائیا۔ جوتی جوت سروُپ ہرِ، آپ اپنی کِرپا کر، اپنا حُکم ورتائیا۔ گُر اوتار پَیغمبر کہن لےَ کے آئے حِساب، اپنا پندھ مُکائیا۔ دھرم گرنتھ دی کھولن سرب کِتاب، ورقہ ورقہ اُلٹائیا۔ اُچی کوُک سُناوَن آواز، دیِن دُنی شنوائیا۔ سارے کھولو جاگ، نِندرا دوُر کرائیا۔ ساچا سِکھو تیاگ، تیغا دھاری دئے دُہائیا۔ کی لیکھا مُکنا آج، بھانڈا بھرم بھنائیا۔ سَتجُگ تریتا دواپر کلجُگ اسیں چلاؤندے گئے جہاز، بیڑا پتن اپنا اپنا وکھائیا۔ رچاؤندے گئے کاج، االلہ واہِگُروُ نام سَت رام کرِشن جوڑ جُڑائیا۔ جوتی جوت سروُپ ہرِ، آپ اپنی کِرپا کر، اپنا حُکم ورتائیا۔ گُر اوتار پَیغمبر کہن اسیں آئے لیکھا چُک، چُکی پیِڑ پرائیا۔ پربھ ساتھوں رہیا پُچھ، حُکمی حُکم سُنائیا۔ سانوُں لگّا دُکھ، دیِن دُنی دُہائیا۔ ساچا ملِے کِسے نہ سُکھ، سانتک سَت نہ کوئے کرائیا۔ اُجل کرے کوئے نہ مُکھ، دُرمت مَیل دھوائیا۔ شاہ سُلطاناں ورتی بُھکھ، ترِسنا ترِپت نہ کوئے وکھائیا۔ اسیں سارے بَیٹھے لُک، سِر ہتّھ نہ کوئے رکھائیا۔ ہُن نیڑے جاؤ ڈُھک، جواب طلبی وِچ سیِس نِوائیا۔ سارے کہن کی ساڈا پیَنڈا گیا مُک،

منزل رہی نہ رائیا۔ جوتی جوت سروُپ ہرِ، آپ اپنی کِرپا کر، ساچا حُکم اِک سُنائیا۔ گُر اوتار پَیغمبر کہن کی کھولیئے اپنا بستہ، وسیا نظر کوئے نہ آئیا۔ گوبِند سب دے پِچھے ہسّدا، اپنی لےَ انگڑائیا۔ دسّو کیہڑا حق رکھدا، جو سب نوُں رہیا مِلائیا۔ کیہڑا نام جپدا، جو جیِون داتا نظری آئیا۔ کیہڑا مارگ دسّیا سَت دا، صُلح کُل منائیا۔ کِیوں بیڑا بھریا پپّ دا، کلجُگ کوُڑ دُہائیا۔ کِیوں نہ پڑدا کُھلا اپّ دا، اپنا نوُر چمکائیا ۔ کِیوں نہ اِشارہ ہویا اکّھ دا، نِج نیتر نیَن لوچن شرمائیا۔ محمد کہے مَیں بچن دسّاں سچ دا، سہج نال سمجھائیا۔ مَیں چؤہ یاراں دسّیا جِس ویلے جھگڑا پیا نوُہ سسّ دا، سؤہرے پیکے رس نہ کوئے بنائیا۔ پھیر کھیل ہونا پُرکھ سمرتھ دا، جو اپنی کار کمائیا۔ اوس نے ساتھوں لیکھا منگنا شاستر سِمرت وید پُران انجیل قُرآن گیِتا بانی ہتّھ دا، جو ہتّھاں نال لِکھائیا۔ جوتی جوت سروُپ ہرِ، آپ اپنی کِرپا کر، دُھر دا حُکم اِک سُنائیا۔ گُر اوتار پَیغمبر کہن ساڈا مُقرر ہو گیا رینٹ، کِرائیدار اکھوائیا۔ محمد کہے کیہڑے وسیئے ٹینٹ، مسجد سوبھا کوئے نہ پائیا۔ موُسیٰ عیسیٰ کہے کی کریئے جِدھر ویکھیئے گھڑی کلاک ہیَٹ پینٹ، گِرجا گرِہا نہ کوئے کُھلائیا۔ رام کرِشن کہن سب نے لایا سینٹ، گُلشن رہے مہکائیا۔ نانک گوبِند کہے دھرم پُجاری بن گئے اجینٹ، اپنا روُپ بدلائیا۔ مندر مسجد شِودوالے مٹھ بن گئے کَینٹ، دھرم دوارا نظر کوئے نہ آئیا۔ جوتی جوت سروُپ ہرِ، آپ اپنی کِرپا کر، اپنا بھیو کُھلائیا۔ عیسیٰ کہے مَیں لےَ کے آیا کلاک، جو ویلا وقت سمجھائیا۔ موُسیٰ کہے مَیں سب دی سُن کے آیا ٹاک، کی پوپ رہے سُنائیا۔ اوتار پَیغمبر کہن اسیں پھول کے آئے ڈاک، لیکھا کھوج کھوجائیا۔ جوتی جوت سروُپ ہرِ، آپ اپنی کِرپا کر، کرے کھیل ساچا ہرِ، سب دے حِصّے ویکھے بلاک، چاروں کُنٹ دھیان لگائیا۔ گُر اوتار پَیغمبر کہن اسیں بھجےّ آئے ڈائرَیکٹ، راہ وِچ نہ کوئے اٹکائیا۔ دیِن دُنی وِچوں کردے آئے سِلَیکٹ، گُرمُکھ ہرجن سجّن ویکھ وکھائیا۔ دیِن مذہب دے بھنّدے آئے برَیکٹ، بندھن بندھ نہ کوئے رکھائیا۔ سچکھنڈ دواریوں چلے نؤ وجےّ کُرَیکٹ، بیِس مِنٹ رستے وِچ لگائیا۔ تھوڑا دھرم رائے کول پیا ڈیفَیکٹ، اُس نوُں دِتا سمجھائیا۔ جوتی جوت سروُپ ہرِ، آپ اپنی کِرپا کر، اپنا حُکم ورتائیا۔ موُسیٰ کہے عیسیٰ ویکھ لائن ڈِون، ڈیوائیڈ نہ کوئے کرائیا۔ پروردِگار کُچھ لیکھا دیوے گِون، گو گاڈ دَیا کمائیا۔ جیہڑی وست پائی وِچ ٹِفن، لاک تاک نال کرائیا۔ اوہ جواب منگے رِٹن، قلم شاہی جوڑ جُڑائیا۔ جوتی جوت سروُپ ہرِ، آپ اپنی کِرپا کر، اپنا حُکم ورتائیا۔ موُسیٰ کہے ویکھو اِک اگمّا گیٹ، گائیڈ نظر کوئے نہ آئیا۔ کوئی ہو نہ جائیو لیٹ،

اپنا وقت گوائیا۔ پِچھے کرِیو نہ کوئی ویٹ، انتظار نہ کوئے رکھائیا۔ پِچھلی یاد کر لِؤ ڈیٹ، حُکم حُکم اِک سُنائیا۔ تُہاڈی قیِمت مُقّرر ہو گئی ریٹ، دیِن دُنی رہی چُکائیا۔ ہُن اکھّر لِکھنے نہیں نال سلیٹ، پتّھراں اُتے گھسائیا۔ پِچھلی بُھل جاؤ پریٹ، پٹنے والا کرے اگوائیا۔ جوتی جوت سروُپ ہرِ، آپ اپنی کِرپا کر، اپنی کھیل کھِلائیا۔ موُسیٰ کہے مَیں ویکھیا اگمّ گاڈ، نوُر نوُرانا نظری آئیا۔ جِس دے ہتّھ وِچ شبدی راڈ، اِشارے نال سمجھائیا۔ نانک کِہا اوس دا لیکھا آد، انت وِچ وڈیائیا۔ جوتی جوت سروُپ ہرِ، آپ اپنی کِرپا کر، اپنا حُکم ورتائیا۔ گُر اوتار پَیغمبر کہن آئے پہنچے در، در دوار سُہائیا۔ نِمسکار کر، سیِس جگدیِس جھُکائیا۔ مِہربان ہرِ، سچ تیری سرنائیا۔ تیرا اکھّر لیا پڑھ، جو حُکم وِچ سُنائیا۔ جوتی جوت سروُپ ہرِ، آپ اپنی کِرپا کر، اپنا رنگ وکھائیا۔ موُسیٰ کہے عیسیٰ ہو جا اِک سائیڈ، طرف طرف بدلائیا۔ شاہ سوَارا بن رائیڈ، اپنا بَل دھرائیا۔ دیِن دُنی مارگ کر وائیڈ، نیَرو رہن کوئے نہ پائیا۔ پڑدا اوہلا چُکا بیہائینڈ، سنمُکھ ہو کے سوبھا پائیا۔ تیری کھیل کوئی نہ جانے کائینڈ، اکھّراں وِچ نہ صِفت صلاحیِا۔ سب نوُں مائینس کردے مائینڈ، مُحبّت تیری بےپرواہیِا۔ تیرا اِکو ہو جائے سائینڈ، بِن قلم شاہی شاہ بنائیا۔ جوتی جوت سروُپ ہرِ، آپ اپنی کِرپا کر، اپنا رنگ چڑھائیا۔ موُسیٰ کہے عیسیٰ ویکھ نائیٹ، بلیَک کالی نظری آئیا۔ گوبِند کہے نِرگُن دھار تکّ وائیٹ، سَت سفَیدی سوبھا پائیا۔ نانک کہے کوائیٹ، جو گوبِند دِتا سُنائیا۔ محمد سِر ہِلا کے کہے رائیٹ، ایہو پربھ دی بےپرواہیِا۔ سارے کہن ویکھو کِس بِدھ سب دے نال کرے فائیٹ، فِٹ اپنا آپ کرائیا۔ پوئٹری وِچ لِکھ سکے نہ کوئے پوائنٹ، ہِنٹ دے نہ کوئے جنائیا۔ جوتی جوت سروُپ ہرِ، آپ اپنی کِرپا کر، اپنا پڑدا آپ اُٹھائیا۔ عیسیٰ کہے میری مار نِنگ گُڈ، ایو نِنگ نوُِن نظر کوئے نہ آئیا۔ موُسیٰ کہے سرِشٹ سبائی دِسے وُڈ، فائر اگنی تت جلائیا۔ جِس دا لیکھا شرع دا شُڈ، بھیو ابھید کُھلائیا۔ جوتی جوت سروُپ ہرِ، آپ اپنی کِرپا کر، حُکمے اندر سرب بھوائیا۔ گُر اوتار پَیغمبر کہن دوُروں آئے بھجےّ، اپنا پندھ مُکائیا۔ ویکھیئے سجےّ کھبّے، کوَن گرِہ ہووے رُشنائیا۔ نانک کِہا جِتھے بھگت سہیلے سجے، ساجن مِل کے خوشی بنائیا۔ اوتھے پُجو پَیریں ننگے، اپنا پندھ مُکائیا۔ گُر اوتار پَیغمبر کہن ایہہ تھاں نہیں چنگے، صاف سُتھرے نہ کوئے بنائیا۔ گوبِند کہے خبردار جِتھے وسے سوُرا سربنگے، پوِتر اوہو نظری آئیا۔ تُہانوُں مندر مسجد شِودوالے مٹھ ونڈے، حِصّے گُردواریاں والے پائیا۔ جِتھے مُلّا شیخ مسائک پنڈت گرنتھی بَیٹھے گندے، اٹّھے پہر کُکرم کمائیا۔ پریم

پریِتی ہوئے رنڈے، رنڈی ویسوا جگت ہنڈھائیا۔ ایہہ بھگت سُہیلے سب دے نالوں چنگے، جو پربھ نوُں مِل کے اپنا جھٹ لنگھائیا۔ کی قؤل اِقرار کیِتا راوی کنڈھے، اوہ لیکھا ویکھ وکھائیا۔ جوتی جوت سروُپ ہرِ، آپ اپنی کِرپا کر، اپنا حُکم اِک سُنائیا۔ سُنو حُکم اگمّی دھار، دھرم دوار جنائیا۔ ساچے بھگتاں دا کرو دیِدار، دعوہ پِچھلا دینا مُکائیا۔ دیِن مذہب دی حد پار، آر پار کنارہ اِکو نظری آئیا۔ سب نے سانجھا منّنا یار، پروردِگار اِکو نظری آئیا۔ نیتر نیَن ہوون شرمسار، اَگے ونڈ نہ کوئے ونڈائیا۔ سرِشٹی بنن نہیں دینی غدار، ہنکار وِکار دینا مِٹائیا۔ سب دا پوُرا کر اِقرار، قؤل اپنا دینا نِبھائیا۔ اَگے کرِیو نہ کوئے تکرار، جھگڑا اوَر رہے نہ رائیا۔ سب دا اِک ہونا سِکدار، شاہ پاتشاہ سچّا شہنشاہیِا۔ جِس نے منزل کرنی ہموار، اِکو رنگ رنگائیا۔ بھگتاں نال مِل کے کرو دیِدار، نوُر نوُرانہ درشن پائیا۔ کرے کھیل سچّی سرکار، ہرِ کرتا دُھردرگاہیِا۔ جوتی جوت سروُپ ہرِ، آپ اپنی کِرپا کر، کرے کھیل ساچا ہرِ، نِہکلنک نرائن نر، مہاراج شیر سِنگھ وِشنوُں بھگوان، گُر اوتار پَیغمبراں بھگتاں نال سانجھا کرے بِوہار، وکھّرا نظر کوئے نہ آئیا۔

عیسیٰ کہے پربھوُ اِک ہور نِکّی جِہی فائل، فَیصلے والی وکھائیا۔ جِس دے وِچ لیکھا فَیملی رائل، جارجاں والی ونڈ ونڈائیا۔ نال ماچس تے نال آئل، سانجھا جوڑ جُڑائیا۔ تیرے حُکم اندر سب نوُں کرکے مُبائل، چاروں کُنٹ وکھائیا۔ جوتی جوت سروُپ ہرِ، آپ اپنی کِرپا کر، سِر اپنا ہتّھ رکھائیا۔ عیسیٰ کہے پربھوُ مَیں دسّیا رام کرِشن، سہج نال سُنائیا۔ موُسیٰ کہے مَیں اِنھاں دا بدلیا مِشن، حُکم دُھر دا اِک سُنائیا۔ میرا کیس گیا نہیں کِسے وِچ سیَشن، ہائی کورٹ سُپریم کورٹ نظر کوئے نہ آئیا۔ جوتی جوت سروُپ ہرِ، آپ اپنی کِرپا کر، ایکا دینا ساچا ور، صاحب سَتگُر تیری اِک سرنائیا۔ عیسیٰ کہے گُر اوتار پَیغمبرو جِس ویلے جن بھگت چڑھے وِچ بوٹ، اپنا چرن ٹِکائیا۔ اُس ویلے صاحب نے ہتّھ ماریا اُتے جیب دی کوٹ، اُنگلاں تِنّ پنج چُھہائیا۔ محمد کہے مَینوُں لگّی چوٹ، سُتّا لیا اُٹھائیا۔ نانک کہے مَیں وی تکّی اوٹ، اِکو آس رکھائیا۔ گوبِند کہے مَیں ویکھے پرلوک لوک، پرتکھ اکّھ کُھلائیا۔ جن بھگتاں جِس ویلے گایا سچ سلوک، سوہنگ راگ الائیا۔ ایہہ سب توں وکھّری مؤج، ملاحاں دا ملاح اپنی کھیل کرائیا۔ محمد ہسّ کے کہِندا گوبِند بھگت کہ بھگتاں دی فؤج، موُسیٰ کہِندا فؤجدار اِکو نال

نظری آئیا۔ اُس دی کِسے نال نہیں ادؤت، کھنڈا کھڑگ نہ ہتّھ اُٹھائیا۔ عیسیٰ کہے مَیں ویکھیا بھگتاں دے چرن چُمّے مؤت، نِیوں نِیوں لاگے پائنیا۔ محمد کہے بھراوا اوہ کرے کی جِنہاں دا مالک اِک خؤنت، خصم ڈاڈھا نظری آئیا۔ نانک کہے اوتھے چِڑی نہ سکے چؤنک، گُر اوتار پَیغمبرو ساڈی چلے نہ کوئے چتُرائیا۔ موُسیٰ کہے یار کِڈی وکھّری چلائی رؤنس، اِکو راہ بنائیا۔ جوتی جوت سروُپ ہرِ، آپ اپنی کِرپا کر، اپنا بھیو کُھلائیا۔ موُسیٰ کہے عیسیٰ مَیں کھیل ویکھیا اُتے واٹر، لہر وِچوں لہر ویکھ وکھائیا۔ عیسیٰ کہےموُسیٰ مَیں سمجھیا بیڑی نہیں کوئی بھگتاں دا کواٹر، فَیملی بن کے بَیٹھے سوبھا پائیا۔ اوس ویلے تِن بیِبیاں نے اپنے ہتّھ لایا سوَیٹر، تِنّے پِچھلے جنم دیاں عیسیٰ دی چھار نظری آئیا۔ محمد کہے تُساں ہور نہیں سُنیا کی دِتا آڈر، اپنا حُکم سُنائیا۔ نانک کہِندا مَیں جانیا گُر اوتار پَیغمبر پربھ نے کِہا دیِناں مذہباں دا مصنوُعی باڈر، انت رہن کوئے نہ پائیا۔ جوتی جوت سروُپ ہرِ، آپ اپنی کِرپا کر، اپنا حُکم اِک سُنائیا۔ عیسیٰ کہے او موُسیٰ جِس ویلے مُکھ کیِتا سی وَیسٹ، بِن سائیز آئیز ویکھ وکھائیا۔ اوس ویلے سانوُں سب نوُں کر لیا ارَیسٹ، حُکم وِچ بندھائیا۔ ہُن لیَن لگّا ٹیَسٹ، چار جُگ دی پڑھائی بُکس ورقے رہیا کُھلائیا۔ اسیں سمجھدے رہے مات لوک اسیں پربھوُ دے گیَسٹ، کھا پی اپنی خوشی بنائیا۔ نِرگُن دھار جوتی دے ایلَکٹ، نوُر نال چمکائیا ۔ جوتی جوت سروُپ ہرِ، آپ اپنی کِرپا کر، دُھر دا حُکم اِک سُنائیا۔ گُر اوتار پَیغمبرو اپنا اپنا دسّو اڈرَیس، مقام دیؤ جنائیا۔ اَگوں ہسّ کے کِہا کرائیس، قسم نال سُنائیا۔ رام کرِشن کی ایتھے کھاندے جے کُچھ رائیس، برَیڈ ہتّھ وِچ پھڑ کے دِتی ہِلائیا۔ جوتی جوت سروُپ ہرِ، آپ اپنی کِرپا کر، اپنی دھار چلائیا۔ موُسیٰ کہے عیسیٰ ہوُز، ہیَز ہوُ نظر کوئے نہ آئیا۔ موُسیٰ کہے اسیں سارے اوس پربھوُ دے شوُز، جو چرناں وِچ ٹِکائیا۔ نہ یسوُ نہ جِؤز، جذبہ رہن کوئے نہ پائیا۔ جوتی جوت سروُپ ہرِ، آپ اپنی کِرپا کر، اپنا حُکم ورتائیا۔ عیسیٰ کہےموُسیٰ کی کُچھ کیِتا ایٹ، پیار نال سمجھائیا۔ موُسیٰ کہے پربھ دھوُڑی مِلی فیٹ، فِٹ اپنا آپ کرائیا۔ جِس دا وزن نہ کوئی لیٹ، اؤنس پاؤنڈ نہ کوئے وکھائیا۔ محمد کہے مِترو مَیں اِکو ویکھی سٹریِٹ، سِدھا راہ وکھائیا۔ اُس دے وِچ نہیں کوئی کنکریٹ، کانٹا نظر کوئے نہ آئیا۔ جوتی جوت سروُپ ہرِ، آپ اپنی کِرپا کر، مِہربان مِہر نظر اُٹھائیا۔ عیسیٰ کہے میری سچّی آس، آشا مِلی وڈیائیا۔ سارے کرو وِشواس، وِشا اِکو لؤ اپنائیا۔ مالک پُرکھ ابناش، حق سچ خُدائیا۔ جو بھگتاں دا دیوے ساتھ، سگلا سنگ بنائیا۔ اِک ہووے جماعت، اِکو نام پڑھائیا۔ جوتی

جوت سروُپ ہرِ، آپ اپنی کِرپا کر، مِہر نظر اِک اُٹھائیا۔ گوبِند کہے پربھ دا کھیل ویکھو ڈیِپ، بِنا پَیمانے ناپ نپائیا۔ نانک کہے مَیں سِدھا دسّاں ستّ دیِپ، بھاشا پنجابی وِچ سُنائیا۔ سانوُں سب نوُں کرنی پئے اِک پریِت، اِکو دھیان لگائیا۔ ''سوہنگ مہاراج شیر سِنگھ وِشنوُں بھگوان دی جےَ'' گاؤنا پئے گیِت، پِچھلی چُھٹے پڑھائیا۔ جھگڑا میٹنا پئے مندر مسیِت، گُروُدوار مٹھ شِودوالے نہ کوئے لڑائیا۔ بھگت دوارا ویکھنا پئے ٹھیِک، جِتھے بھگوَن ڈیرہ لائیا۔ سارے مِل کے اُس دے بن جائیے عزیِز، سیِس مُحبّت وِچ جھُکائیا۔ جوتی جوت سروُپ ہرِ، آپ اپنی کِرپا کر، کرے کھیل ساچا ہرِ، نِہکلنک نرائن نر، مہاراج شیر سِنگھ وِشنوُں بھگوان، سرِشٹ سبائی بخشے اِک تمیِز، تمنّا اِکو اِک جنائیا۔

موُسا کہے او عیسیٰ ویکھ اپنی پاکٹ، ہتّھ جیب وِچ ٹِکائیا۔ عیسیٰ کہے میرے گل ہےَ نہیں جاکٹ، پتہ نہیں کؤن گیا اُٹھائیا۔ محمد کہے اوہ بُدھی دے چور جیہڑے بناؤندے راکٹ، اگنی اگّ تپائیا۔ اوہناں دا جوڑ رہیا نہ نال ساکٹ، جو میلا لئے مِلائیا۔ نانک کہے کُجھ کھیل ویکھو اوشن اٹلانٹک، لائیٹ نظر کوئے نہ آئیا۔ جوتی جوت سروُپ ہرِ، آپ اپنی کِرپا کر، کھیلے کھیل بےپرواہیِا۔ عیسیٰ کہےموُسیٰ ویکھ اپنا شرٹ، شارٹ حرفاں وِچ جنائیا۔ محمد کہے اُلٹا گیڑن لگّا ہلٹ، پربھ اپنی کار کمائیا۔ جِس نے سب دی کایا دینی پلٹ، مارگ اِک وکھائیا۔ سمجھا دینے پسوُ پنکھی برڈ، مِہر نظر اُٹھائیا۔ ایہہ حُکم چلنا سرِشٹ سبائی ورلڈ، واحد گاڈ اِکو اِک سُنائیا۔ جِس دے گُر اوتار پَیغمبر چِلڈرن چائیلڈ، نِکے بالے نظری آئیا۔ جوتی جوت سروُپ ہرِ، آپ اپنی کِرپا کر، کرے کھیل ساچا ہرِ، ساچا رنگ رہیا رنگائیا۔ عیسیٰ کہے مَیں وَیسٹ ولّ ہُندا ویکھیا فیس، اپنا رُخ بدلائیا۔ عیسیٰ کہے مَیں یوروشلم تکّی پلیس، پولٹیکل دھیان لگائیا۔ نالے پربھ دی دؤڑ ویکھی ریِس، بھجّیا واہو داہیِا۔ اُس نے خاکہ کر ٹریس، لینڈ مارک دِتا لگائیا۔ جوتی جوت سروُپ ہرِ، آپ اپنی کِرپا کر، اپنا رنگ چڑھائیا۔ عیسیٰ کہے او محمدا ویکھ سٹِک، سِٹیزن دا مالک رہیا اُٹھائیا۔ موُسیٰ کہے اِس دا اِشارہ ولّ گرِک، گریکاں رہیا اُٹھائیا۔ کِسے نوُں کوئی نہ کہے سِٹ، سٹینڈاَپ سب نوُں دئے کرائیا۔ صدی چؤدھویں سب دے اُتے کرن لگّی رِٹ، اپنی صلاح بنائیا۔ جوتی جوت سروُپ ہرِ، آپ اپنی کِرپا کر، بھیو ابھیدا رہیا کُھلائیا۔

۹ ماگھ شہنشاہی سمت ۳ اوگرا ہرِ سنگت ضِلع گُرداسپُر

پربھ تیرا کھیل تیری قُدرت، قادر اِکو نظری آئیا۔ دو جہاناں ڈاڈھا مُرشد، مُریِد مرحوُم نہ کوئے رکھائیا۔ دھرم دوار دی دے کے اُلفت، بخشش رحمت آپ کمائیا۔ دو جہاناں لےَ کے فُرصت، فرمانبرداراں ویکھ وکھائیا۔ جوتی جوت سروُپ ہرِ، آپ اپنی کِرپا کر، گھر ٹھانڈے کھیل کھِلائیا۔ گھر ٹھانڈا تیرا سیِت، سَت سچ نظری آئیا۔ دُھردرگاہی اِک پریِت، پریِتم پریم بنائیا۔ سَتجُگ ساچی دسّ ریِت، رہبر رستہ اِک وکھائیا۔ رنگ چڑھے ہست کیِٹ، اوُچ نیِچ ڈیرہ ڈھاہیِا۔ جھگڑا مُک جائے مسیِت، گھر اِکو دینا وکھائیا۔ جِتھے سانجھا ہووے گیِت، اِکو نام دِھیائیا۔ جوتی جوت سروُپ ہرِ، آپ اپنی کِرپا کر، پِچھلا لیکھا دینا مُکائیا۔ پِچھلا لیکھا جائے مُک، مُکمل حُکم جنائیا۔ کرنی جاوے چُھٹ، چُھٹے کوُڑ لوکائیا۔ ہوئیے اِک مُٹھ، آپا جوڑ جُڑائیا۔ صاحب جانا تُٹھ، تیری بےپرواہیِا۔ کل ویکھ اندھیرا گھُپ، کوُڑ کُڑیارا رہیا کُرلائیا۔ سَت سوامی دے سُکھ، جوتی جوت سروُپ ہرِ، آپ اپنی کِرپا کر، ایکا دینا ساچا ور، در تیرا منگ منگائیا۔ در تیرا منگن جوگی، جوگیِشر دھیان لگائیا۔ در تیرا منگن بھوگی، راتی سُتّیاں اکّھ کُھلائیا۔ در تیرا منگن سنجوگی، ساچا ناتا لَینا جُڑائیا۔ در تیرا منگن وجوگی، وِچھڑ حال دُہائیا۔ در تیرا منگن روگی، دُکھ درداں ڈیرہ ڈھاہیِا۔ در تیرا منگن لوک پرلوکی، برہمنڈ کھنڈ دھیان لگائیا۔ در تیرا منگن شاستر سِمرت وید پُران سلوکی، نِیوں نِیوں لاگن پائیا۔ در تیرا منگن پُستک پوتھی، اکھّراں وِچ سرنائیا۔ در تیرا منگن دھرم دوار دے کھوجی، سادھ سنت نیَن تکائیا۔ در تیرا منگن جو سیِس اُٹھاؤندے بوجھی، کندھے بھار ٹِکائیا۔ در تیرا منگن جِنہاں نوُں آئی سوجھی، سُکھمن ٹیڈھی بنک پار کرائیا۔ در تیرا منگن جِنہاں بِستر دوشال کوئی نہیں اوڈھی، اوڈھن سیِس نہ کوئے ٹِکائیا۔ در تیرا منگن جِنہاں گردن کیِتی روڈی، موُنڈ مُنڈائے ویکھ وکھائیا۔ در تیرا منگن جِنہاں دی قیِمت نہیں کؤڈی، ہٹّو ہٹّ پِھرائیا۔ در تیرا منگن جو پریم وِچ مؤجی، مجلس تیرے نال رکھائیا۔ در تیرا منگن ویدی سوڈھی، نِج نیتر راہ تکائیا۔ در تیرا منگن گُلشن والی ڈوڈی، سُگندھی مہک وِچ مہکائیا۔ در تیرا منگن ناتھ ترلوکی، نِیوں نِیوں لاگن پائیا۔ در تیرا منگن جِنہاں دی آیوُ ہو گئی بہُتی، جُگ چؤکڑی سیو کمائیا۔ در تیرا منگن جیہڑے سچ پاؤندے آہوُتی، گھِرت نال سُہائیا۔ در تیرا منگن جیہڑے تن چُھہاؤندے بھبوُتی، بھسم خاک رمائیا۔ در تیرا منگن جیہڑے دھاری سوُتی، سوُتر

دھاری سیِس نِوائیا۔ در تیرا منگن برہما وِشن شِو دوُتی، بھجّن واہو داہیِا۔ در تیرا منگن دہ دِشا چار کوُٹی، اُتّر پوُرب پچھّم دکھّن راہ تکائیا۔ در تیرا منگن جنگل جوُہ اُجاڑ پہاڑ ٹِلّے پربت بوُٹی، وڈے چھوٹے سیِس نِوائیا۔ در تیرا منگن جِنہاں دے ہتّھ وِچ خالی ٹھوُٹھی، کاسہ تیرے اَگے ڈاہیِا۔ در تیرا منگن جِنہاں دی آتما جنم جنم دی روُٹھی، لکّھ چؤراسی گیڑے پائیا۔ در تیرا منگن جِنہاں دی دھار تیرے نالوں ٹُٹی، نیتر رو رو دین دُہائیا۔ در تیرا منگن جِنہاں دی چوگ جگت نِکُھٹی، وست نظر کوئے نہ آئیا۔ در تیرا منگن جِنہاں لبھے نہ کھان نوُں روٹی، بُھکھے ننگے تیری اوٹ تکائیا۔ در تیرا منگن جیہڑے چڑھ گئے منزل چوٹی، سچ دوارے بہہ کے خوشی بنائیا۔ در تیرا منگن کوٹن کوٹی، کایا کُٹیا کھوج کھوجائیا۔ در تیرا منگن جِنہاں بُدھی والی سوچ سوچی، من مت نال وڈیائیا۔ در تیرا منگن رَوداس چمارے ورگے موچی، پاہنا گنڈھ جھٹ لنگھائیا۔ در تیرا منگن گیانوان وڈ بودھی، بُدھی توں پرے ویکھ وکھائیا۔ در تیرا منگن لوبھ موہ وِکار ہنکار کرودھی، جِنہاں اگنی تت جلائیا۔ در تیرا منگن جِنہاں نوُں آ گئی تیری سوجھی، آپ آپا گئے مِٹائیا۔ پربھوُ بِن تیری کِرپا منزل ملِے کِسے نہ سؤکھی، درشن کرن کوئے نہ پائیا۔ جوتی جوت سروُپ ہرِ، آپ اپنی کِرپا کر، کرے کھیل ساچا ہرِ، نِہکلنک نرائن نر، مہاراج شیر سِنگھ وِشنوُں بھگوان، جن بھگتاں مت رہن نہ دیوے ہوچھی، ہوشیاری وِچ یاری اپنے نال رکھائیا۔

۹ ماگھ شہنشاہی سمت ۳ مہِندر سِنگھ گڑھی لانگری والا ہرِ بھگت دوار جیٹھوُوال

آتما کہے مَیں کدے نہ مردا، مرن جنم پربھ دی کھیل نظری آئیا۔ تن وجوُد وسیرا میرے گھر دا، ساڈھے تِنّ ہتّھ سوبھا پائیا۔ آد جُگاد جُگ چؤکڑی بھانا زردا، حُکمے اندر سیِس نِوائیا۔ جو صاحب سُلطان حُکم کردا، دُھر سندیشہ اِک سُنائیا۔ اوس توں سدا رہندا ڈردا، سِر اَگے نہ کوئے اُٹھائیا۔ نِت نوِت یاد اوسے دی کردا، جِس میری بنت بنائیا۔ سرِشٹی توں پا کے پڑدا، اوہلے اپنا ڈیرہ لائیا۔ منزل حقیِقی چڑھدا، سچ دوارے مِل کے وجےّ ودھائیا۔ ویکھاں کھیل نر ہرِ دا، نر نرائن آپ وکھائیا۔ کُچھ لیکھا میرا کل دا، کل کاتی وِچ سمجھائیا۔ رس ویکھیا پربھ ساگر جل دا، جل تھل مہیئل کھوج کھوجائیا۔ پربھ دا حُکم پربھ دی کِرپا نال ٹلدا، دوُجا میٹ نہ کوئے مِٹائیا۔ مہِندر سِنگھ دا دِیپک

جوت رہے بلدا، صاحب سَتگُر سِر اپنا ہتّھ رکھائیا۔ جوتی جوت سروُپ ہرِ، آپ اپنی کِرپا کر، کرے کھیل ساچا ہرِ، نِہکلنک نرائن نر، مہاراج شیر سِنگھ وِشنوُں بھگوان، سچ پریِتی اندر رلدا، رلا رہن کوئے نہ پائیا۔

۹ ماگھ شہنشاہی سمت ۳ ہرِ بھگت دوار جیٹھوُوال

سچ سُکھ صاحب سَت اوٹ، اوڑک اِک دھیان لگائیا۔ سچ پریِت لگاوے چوٹ، چوٹی چڑھ کے لئے اُٹھائیا۔ نِرگُن دھار دسّ کے گوت، آتم پرماتم میل مِلائیا۔ کر پرکاش اگمّی جوت، اندھ اندھیارا دئے گوائیا۔ من منسا توں پرے دسےّ سوچ، سمجھ اپنے نال مِلائیا۔ دھرم دوار دی دے کے مؤج، دیِناں اناتھاں ویکھ وکھائیا۔ باہر کھوجنی نہ پئے کھوج، گرِہ مندر جوڑ جُڑائیا۔ جگت کرنا پئے نہ جوگ، سچ جوگیِشر دئے بنائیا۔ اندروں کٹ ہؤمے روگ، ہنگتا گڑھ تُڑائیا۔ آتم پرماتم جوڑ سنجوگ، ساچا لیکھا ویکھ وکھائیا۔ جوتی جوت سروُپ ہرِ، آپ اپنی کِرپا کر، سچ اپنی کار کمائیا۔ سچ سُکھ صاحب گُر درس، درس ملِے وڈیائیا۔ جنم جنم دی مِٹے حرص، ترِشنا کوُڑ بُجھائیا۔ مِہربان ہو کے کرے ترس، دُکھیاں درد ونڈائیا۔ لیکھا جان عرش فرش، دو جہاناں کھوج کھوجائیا۔ بھگت پریِتی رکھ کے غرض، نِرگُن سرگُن ویکھ وکھائیا۔ سچ بینتی سُن کے عرض، عاجزاں پڑدا لاہیِا۔ نِمانیاں ونڈے درد، دُکھیاں گود اُٹھائیا۔ سدا کھیل کرے اسچرج، جُگ چؤکڑی ویس وٹائیا۔ جودھا سوُربیِر مردانہ مرد، مُدّتاں دے وِچھڑے لئے مِلائیا۔ جنم کرم دی ویکھ کے فرد، فَیصلہ دسےّ تھاؤں تھائنیا۔ وِچھوڑے وِچ جو رہے تڑپ، نِرگُن ہو کے جوڑ جُڑائیا۔ جوتی جوت سروُپ ہرِ، آپ اپنی کِرپا کر، کرے کھیل ساچا ہرِ، نِہکلنک نرائن نر، مہاراج شیر سِنگھ وِشنوُں بھگوان، جُگ چؤکڑی جنم کرم دی پوُری سب دی کرے شرط، شریعت وِچ اصلیّت بُھل کدے نہ جائیا۔

۱۵ ماگھ شہنشاہی سمت ۳ ہرِ بھگت دوار جیٹھوُوال

راوی کہے دس دِن رہی روندی، نیَناں نیِر وہائیا۔ سِر دے وال رہی کھوہندی، پٹّی سیِس پُٹائیا۔ اَگا پِچھا رہی ٹوندی، بِن ہتّھاں ہتّھ ہِلائیا۔ یاد آؤندی رہی ارجن والی سؤنہہ دی، جو قسم کھا کے گیا سُنائیا۔ جوتی جوت سروُپ ہرِ، آپ اپنی کِرپا کر، اپنی دَیا کمائیا۔ راوی کہے مَیں روندی بُھبیں، نیَناں نیِر وہائیا۔ چکڑ گارے وِچ کُھبھی، بلہیِن دُہائیا۔ پربھوُ جاں تَینوُں ویکھیا بدھّا نال سُبی، صُبح امرت ویلا دھیان لگائیا۔ مَیں سمجھیا میری اؤدھ پُگی، پیَنڈا لیا مُکائیا۔ مَینوُں کِسے نے اندر رمز ماری گُجھی، سہجے دِتا سُنائیا۔ کملیئے پوِت کر بُدھی، بُدھّ دئے دُہائیا۔ جِس نے سیَن بن کے سیو کمائی رُگیں، اپنا پھیرا پائیا۔ اوہ سرگُن نِرگُن روُپ دھرے وار دوُجی، دو جہاناں ویکھ وکھائیا۔ لیکھا باقی رَوداس جھُگی، جوتی جوت سروُپ ہرِ، آپ اپنی کِرپا کر، اپنی کھیل وکھائیا۔ راوی کہے میرے ویکھ ڈِگدے نیتر ہنجھوُ، چھہبر اِکو نظری آئیا۔ تَینوُں منّیا دیِناں بندھوُ، بندھن دے تُڑائیا۔ تُوں گہر گمبھیِر ساگر سِندھوُ، صاحب سُلطان اکھوائیا۔ تیری کرنی کیہڑا نِندوُ، نِندک دین دُہائیا۔ میری من واسنا میٹ دے چِندوُ، چِنتا غم دوُر کرائیا۔ راوی کہے میری پوُجا پہلے کردے ہِندوُ، پانی دیوتیاں چڑھائیا۔ جوتی جوت سروُپ ہرِ، آپ اپنی کِرپا کر، اپنا بھیو کُھلائیا۔ راوی کہے مَیں رو رو تھکی، تھکاوٹ وِچ دُہائیا۔ کِرپا کر پُرکھ سمرتھی، صاحب تیری سرنائیا۔ چاروں کُنٹ پِھراں نسّی، بھجّاں واہو داہیِا۔ کوُک سُناواں سچّی، گل وِچ پلّوُ پائیا۔ بِرہوں وَیراگن ہو کے نچّی، مُکھ گھُنگٹ لیا اُٹھائیا۔ سچ کہانی کِسے نہ دسّی، دہ دِشا ویکھ وکھائیا۔ جِس ویلے تَینوُں بدھّا ویکھیا نال رسّی، رستہ بُھلی کوُڑ لوکائیا۔ جوتی جوت سروُپ ہرِ، آپ اپنی کِرپا کر، آپ اپنا رنگ چڑھائیا۔ راوی کہے تَینوُں رواؤن دی کی وادی، پِچھلا وعدہ پوُر کرائیا۔ ویکھی جگت تیری آبادی، عبادت وِچ نہ کوئے لوکائیا۔ مَیں تیری وَیراگن سِدھی سادی، کوُڑا رنگ نہ کوئے چڑھائیا۔ مَیں بھال کراں تیرے راہ دی، ویکھاں تھاؤں تھائنیا۔ مَینوُں یاد آئی ارجن والی صلاح دی، جو سَت گیا سُنائیا۔ کملیئے اِک اوٹ رکھیں اوس ملاح دی، جو بیڑے ڈُبدے پار لنگھائیا۔ میرے اندروں آہ نِکلی اُچی دھاہ دی، دھوَل دِتی ہِلائیا۔ کِس بِدھ کھیل ویکھاں بےپرواہ دی، جو پاربرہم اکھوائیا۔ شبد اگمّی آواز آئی واہ واہ دی، ڈھولا سُنیا چائیں چائنیا۔ ایہہ کھیل انوکھے شاہ دی، جو شہنشاہ وڈ وڈیائیا۔ ایہہ دھار نہیں وہن دریا دی، جل پانی نہ روُپ

دھرائیا۔ کھیل نہیں تھل اسگاہ دی، مہیئل ونڈ ونڈائیا۔ جوتی جوت سروُپ ہرِ، آپ اپنی کِرپا کر، اپنا حُکم سُنائیا۔ راوی کہے مَیں رو رو ہاری، ہائے ہائے سُنائیا۔ تیری ویکھی انوکھی یاری، دردیا درد نہ کوئے ونڈائیا۔ چاروں کُنٹ دِسے خواری، دھیِرج دھیِر نہ کوئے دھرائیا۔ مایا ممتا موہ بیماری، گھر گھر نظری آئیا۔ دھرم دا دِسے نہ کوئے کھِلاڑی، چؤپٹ سار کوُڑ لوکائیا۔ گُر ارجن نے میرے وِچ پنج وار دھو کے ہِلائی داہڑی، تیرے چرناں دِتی ٹِکائیا۔ اوسے ویلے رَوداس چمار آیا اَگاڑی، رمبی آر ہتّھ اُٹھائیا۔ جوتی جوت سروُپ ہرِ، آپ اپنی کِرپا کر، اپنا پڑدا دے چُکائیا۔ راوی کہے میرے روندے نیَن، نیَنن نیَن بےحالیا۔ مَیں ویکھے وگدے وہن، پُرکھ اکال اکالیا۔ کوئی نہ سجّن سیَن، جھوُٹھا جگت متوالیا۔ مُکاوے پوُرب لہن، دیونہار اِک منا لیا۔ سَت نہ آوے چَین، جوتی جوت سروُپ ہرِ، آپ اپنی کِرپا کر، اپنی کھیل وکھا لیا۔ راوی کہے مَیں ویکھی رَوداس دی آر رمبی، تِکھی دھار جنائیا۔ مَیں ڈردی ڈردی کمبی، نیتر اکّھ شرمائیا۔ مَیں اپنے پَیر دی اڈّی دبّی، بھار دھرت اُتے ٹِکائیا۔ نظری آئی جوت ربّی، نوُر نوُرانہ نوُر کرے رُشنائیا۔ ایہہ کھیل ہُندا کدے کدی، قدیِم دی عادت پربھ دی چلی آئیا۔ جِس ویلے ہووے پربھ دی اپنی صدی، صدمے سارے دئے مِٹائیا۔ راوی کہے مَیں کھلو گئی ہتّھ بدھّی، بندنا سیِس جھُکائیا۔ جوتی جوت سروُپ ہرِ، آپ اپنی کِرپا کر، سِر اپنا ہتّھ رکھائیا۔ راوی کہے مَیں رو رو آکھاں، آخر دیاں سُنائیا۔ مَینوُں یاد پِچھلا ساکہ، ساکھی بےپرواہیِا۔ اوس نوُں ٹیکاں ماتھا، جو مِتھیا دسےّ لوکائیا۔ سندیشہ دیوے ساچا، سچ سچ دِرڑائیا۔ جوتی جوت سروُپ ہرِ، آپ اپنی کِرپا کر، اپنا حُکم ورتائیا۔ راوی کہے دس دِن گئے لنگھ، بہُڑی بہُڑی کر سُنائیا۔ میرا سُنجا ہویا پلنگ، لیف تلائی نہ کوئے وڈیائیا۔ کسُنبھڑا ہو گیا رنگ، لالن لال نہ کوئے چمکائیا ۔ آساں ڈھیَہہ گئی کندھ، محل نہ کوئے سُہائیا۔ بُھلیا رس انند، سچ نہ کوئے سمائیا۔ لُکیا نوُری چند، نوُر نہ کوئے رُشنائیا۔ مَیں دوویں ہتّھ بندھ، بندنا سیِس جھُکائیا۔ کِرپا کر سوُرے سربنگ، تیری اوٹ تکائیا۔ جوتی جوت سروُپ ہرِ، آپ اپنی کِرپا کر، سد اپنے نال رکھائیا۔ سِری بھگوان کہے سُن راوی رمتی، رمتا رمتا دیاں جنائیا۔ میرا لیکھا سمت سمتی، سمے وِچ وڈیائیا۔ کھیل اتھاہ اگمّ دی، اگمّڑی کار کمائیا۔ دھار چھڈی ماٹی چمّ دی، ناتا تت وجوُد تُڑائیا۔ کھیل مُکی ہرکھ سوگ غم دی، چِنتا دِتی چُکائیا۔ چھہبر ویکھی تیری چھمّ چھمّ دی، نیَناں نیِر وہائیا۔ جوتی جوت سروُپ ہرِ، آپ اپنی کِرپا کر، سد دیونہار سرنائیا۔ راوی نڈھّی بچّی اُٹھ کے جھاک، تیری

اکّھ کُھلائیا۔ اِکّی ماگھ دی ویکھ رات، پِچھلا راہ تکائیا۔ رَوداس دی ملِے جات، پربھات وجےّ ودھائیا۔ سچ ملِے سوغات، سوہنا رنگ چڑھائیا۔ شنکر ویکھے کَیلاش، بھجّا واہو داہیِا۔ برہما ہووے ساتھ، سیِس جگدیِس نِوائیا۔ وِشنوُں سُنائے آکھ، تیری بےپرواہیِا۔ ایہہ دھرم مہیِنہ ماگھ، مجن دھوُڑ کرائیا۔ تیرے سُخن دا اوتھے ملِے جواب، جِتھے گُرمُکھ سوبھا پائیا۔ نانک لےَ کے آئے رباب، مردانہ ویس نہ کوئے وٹائیا۔ کُچھ لیکھا دسّنا بغداد، بغلی کالی لیَنی سوائیا۔ نال لےَ کے جانا نقاب، رنگ گوُڑھا دینا چڑھائیا۔ ساڈھے تِنّاں صفحیاں والی ہووے کِتاب، پنج ستّ اِنچ لمبائی چؤڑائیا۔ چولا چِٹا ہووے بِنا داغ، بےداغ ویکھ وکھائیا۔ اِک تِنّاں مُکھاں والا ہووے چراغ، مِٹّی کچّی نال سُہائیا۔ سَوا سیر دُدھ نوُں لگّی ہووے جاگ، کٹورا درشن ہتّھ پھڑائیا۔ نال مریا ہویا ہووے کاگ، پال سِنگھ ڈاکٹر اُنگلاں وِچ پھسائیا۔ نؤ گاؤندے ہون راگ، سوہنگ ڈھولا سہج سُبھائیا۔ ساڈھے تِنّ ہتّھ لکڑی ہووے کاٹھ، وِنگی ٹیڈھی سوبھا پائیا۔ مہِندر سِنگھ سِر توں ننگا جِس دا پِنڈ باٹھ، دُھر دی سیو کمائیا۔ ساڈھے اٹّھ دا وقت ہووے رات، راتی رُتی وجےّ ودھائیا۔ تِنّ گُرمُکھ جِنہاں دی رامگڑھیا ہووے ذات، پانی کٹورے نال رلائیا۔ پھیر راوی کراں تیرے نال بات، تیرے نیَناں کراں صفائیا۔ جوتی جوت سروُپ ہرِ، آپ اپنی کِرپا کر، لیکھا سب دا ویکھ وکھائیا۔ راوی کہے کی کِہا نال ہؤلی، سچ دے سمجھائیا۔ مَیں کنّاں ہوئی بولی، سمجھ کُچھ نہ آئیا۔ پُرکھ اکال کہے میرا گُرمُکھ دُھر دا ڈھولی، ڈگّا نام دئے لگائیا۔ تُوں پڑدا اپنا کھولیں، جھروکھا بند نہ کوئے کرائیا۔ نال لےَ کے آویں مؤلی، جیہڑا مؤلا تند محمد دِتا بنّھائیا۔ شور نال پاویں رؤلی، اُچی کوُک کوُک سُنائیا۔ نال نِکّی ہووے کؤلی، کوَل پُھل وِچ ٹِکائیا۔ رَوداس دا اوہ تھاں جِتھے پُرانی اِک بؤلی، نِشانہ سمجھ کوئے نہ پائیا۔ جوتی جوت سروُپ ہرِ، آپ اپنی کِرپا کر، ساچی کرنی آپ کمائیا۔ راوی کہے مَیں سُنیا اگمّ نادا، وجّی سچ ودھائیا۔ پُرکھ اکال کِہا ایہہ حُکم میرا سادہ، سادگی وِچ سمجھائیا۔ اَگے کھیل ورتنا ڈاڈھا، ڈوروُ ڈنک وجائیا۔ جن بھگتاں اِک نال اَدھا کھانا پرشادا، پرشاد سنگت دا دینا ورتائیا۔ ایہہ نَواں کھیل وِچ دیس ماجھا، پردیس پڑدا لاہیِا۔ مہاراج شیر سِنگھ وِشنوُں بھگوان، کرے حُکم اپنے رِواجا، دوُجا حُکم نہ کوئے منائیا۔