کتب خانہGranth 21 (Urdu)

۲۰ چیت شہنشاہی سمت ۴ جموں چیلا سِنگھ دے گرِہ

ویہہ چیت کہے دوُئے نال ویکھو زیِرو ، زیر زبر دی لوڑ رہے نہ رائیا۔ چار جُگ دے گُر اوتار پَیغمبر پیِرو، پرا پسنتی مدھم بَیکھری پرے دھیان لگائیا۔ اٹھسٹھ تیِرتھ تٹ کنارے چھڈ نیرو، نِروَیر نِراکار نِرنکار ویکھو کھیل خلق خُدائیا۔ پُرکھ اکالا دیِن دَیالا صاحِب سُلطانا والی دو جہاناں تکّو اِک ہیِرو، جو آد جُگاد جُگ چؤکڑی اپنا حُکم ورتائیا۔ مایا ممتا موہ وِکار ہنکار کوُڑی کِریا چھڈو صوُفی سنت فقیِرو، فِقرہ اِکو ایکنکار لہنا پرنائیا۔ جوتی جوت سروُپ ہرِ، آپ اپنی کِرپا کر، دُھر فرمانا رہیا دِرڑائیا۔ بیِس کہے میَں دوُآ زیِرو صِفرا، صِفتی صِفت دیاں صالاحیِا۔ ساچے نام دا دسّاں اِکو فِقرہ، فِکراں وِچوں باہر کڈھائیا۔ جِس دا جُگ چؤکڑی کردے آئے ذِکرا، ڈھولیاں سوہلیاں وِچ سُنائیا۔ سو سوامی انترجامی نِرگُن دھار جوت وِچوں آپے نِکلا، جمّن والی دِسے کوئی نہ مائیا۔ جِس

نے چار ورن اٹھاراں برن اِکٹّھا کیِتا وِچھڑا، جن بھگت سُہیلے بِچھرت آپ مِلائیا۔ غریِب نِمانیاں کوجھیاں کملیاں دوُر کرنا دُکھڑا، دردوند ہو کے دردیِاں درد ونڈائیا۔ سنت سُہیلا رہن نہیں دینا کوئی لُکیا وِچ نُکرا، چار کُنٹ دہ دِشا پھول پُھلائیا۔ جوتی جوت سروُپ ہرِ، آپ اپنی کِرپا کر، کرے کھیل ساچا ہرِ، دُھر دا حُکم اِک ورتائیا۔ بیِس کہے میَنوُں سارے کہندے بیِس بیِسا، سرگُن زیِرو روُپ سمائیا۔ لیکھا جانے نہ کوئے ہرِ جگدیِشا، جگدیِشر اپنی کی کی کار کمائیا۔ جو دو جہاناں مرد مردانہ دیوے اِک حدیِثا، حضرتاں دا حضوُر ہو کے کرے پڑھائیا۔ لہنا دینا چُکاوے ہست کیِٹا، اوُچاں نیِچاں پڑدا لاہیِا۔ اگلا مارگ دسےّ اِک انڈیٹِھا، جِس نوُں جگت نیَن نہ کوئے تکائیا۔ لہنا دینا پوُر کرائے گوبِند والا انگیِٹھا، بھیوَ ابھیدا اچھل اچھیدا آپ چُکائیا۔ جوتی جوت سروُپ ہرِ، آپ اپنی کِرپا کر، سَت دھرم چلا کے اگمّی ریِتا، ریِتیوان ایکا حُکم دئے سُنائیا۔ بیِس کہے میَں ویکھاں ہو کے وِسماد، بِسمِل کی کی کار کمائیا۔ جِس رچنا رچی آد، جُگ چؤکڑی کھیل کھِلائیا۔ جو گُر اوتار پَیغمبراں دیوے داد، وست امولک جھولی پائیا۔ جِس نوُں وِشن برہما شِو رہے ارادھ، نِیوں نِیوں لاگن پائنیا۔ جِس نوُں بھگت سُہیلے جُگ چؤکڑی کرن یاد، سوہلے ڈھولیاں وِچ گائیا۔ اوہ کھیلے کھیل تماش، کرنی دا کرتا بےپرواہیِا۔ نِرمل نوُر جوت کر پرکاش، اندھ اندھیرا دئے چُکائیا۔ جن بھگتاں دیوے دُھر دا ساتھ، سگلا سنگ نِبھائیا۔ جو نِرگُن سرگُن دھار گُر اوتار گئے آکھ، آخر سب دا لہنا جھولی پائیا۔ دُھر دا حُکم کوئی نہ سکے واچ، واچک گیانی وجہ نہ کوئے سمجھائیا۔ جِدھر تکاّں اودھر نِفاق، اِتفاق ونڈ نہ کوئے ونڈائیا۔ سب دی اُڈدی دِسے خاک، خالص رنگ نہ کوئے رنگائیا۔ جوتی جوت سروُپ ہرِ، آپ اپنی کِرپا کر، پڑدا اوہلا دئے چُکائیا۔ بیِس چیت کہے میَں کہاں تیئی اوتار، حُکم اِک سُنائیا۔ موُسیٰ عیسیٰ محمد کراں خبردار، بےخبراں خبر جنائیا۔ نانک نِرگُن گوبِند شبدی دھار اُٹھال، جوتی جوت جوت رُشنائیا۔ وِشن برہما شِو جناواں نال، بچیا رہن کوئے نہ پائیا۔ جھگڑا ویکھو شاہ کنگال، دیِن دُنی دئے دُہائیا۔ وِشنوُں کر نہ سکے پرِتپال، برہما برہم پڑدا نہ کوئے اُٹھائیا۔ شنکر لیکھے لا نہ سکے گھال، کوُڑ چنڈال نہ میٹ مِٹائیا۔ گُر اوتار پَیغمبر چؤراسی وِچوں کرے نہ کوئے بحال، جم کی پھاسی نہ کوئے تُڑائیا۔ ساچا دیوے نہ کوئے دھن مال، وست امولک نام نہ کوئے وکھائیا۔ چار کُنٹ سب دے سِر تے کوُکے کال، کوُڑ نگارہ رہیا وجائیا۔ زمانہ بدلے کوئی نہ حال، ماضی دا لیکھا سرب سُنائیا۔ شاستراں دی دین مشال، مسلا اگلا نہ کوئے پڑھائیا۔ بیِس کہے میَں چار کُنٹ ویکھیا کوُڑا

وجدا تال، ساچی سچ کرے نہ کوئے پڑھائیا۔ جوتی جوت سروُپ ہرِ، آپ اپنی کِرپا کر، ایکا دینا دُھر دا ور، در ٹھانڈے الکھ جگائیا۔ بیِس کہے میَں وار تِھت نہیں کوئی چیت، چیتن سب نوُں دیاں کرائیا۔ جن بھگتو پاربرہم پت پرمیشور تکّو نیِت، نِج نیتر لوچن نیَن اکھّ کُھلائیا۔ جو وسے تُہاڈے دیس، کایا مندر سوبھا پائیا۔ آتما پرماتما کرے ہیت، ہِتکاری ہو کے دَیا کمائیا۔ جنم کرم دی بدل دیوے ریکھ، لیکھا اپنے نال مِلائیا۔ مِہر کرے دُھر دا نریش، نر نرائن وڈّی وڈیائیا۔ تُسیں آد انت دے ایک، وِچھوڑا رہن کوئے نہ پائیا۔ سَتگُر شبد ساچی ٹیک، ٹِکّے مستک دھوُڑی خاک رمائیا۔ اندر وڑ کے تُہاڈی بُدھی کرے بِبیک، دُرمت مَیل دھوائیا۔ ترےَگُن مایا نہ لائے سیک، اگنی اگّ نہ کوئے جلائیا۔ صاحِب سمرتھ سد رکھے اپنی چھایا ہیٹھ، مِہربان محبوُب مُحبّت وِچ سمائیا۔ جوتی جوت سروُپ ہرِ، آپ اپنی کِرپا کر، دیونہارا ساچا ور، ساچا رنگ اِک رنگائیا۔ بیِس کہے ایکا ویکھو بے پرواہ، بے پرواہی وِچ سمائیا۔ جِس نوُں کہندے جلوہ گر خُدا، خُدی تکّبر دئے مِٹائیا۔ جِس دا لیکھا لہنا دینا دو جہاں، پُری لوء برہمنڈ کھنڈ کھوج کھوجائیا۔ سو شاہ پاتشاہ، داتا دُھردرگاہیِا۔ کلجُگ انتم لیکھا دئے مُکا، مُکمل اپنا حُکم ورتائیا۔ گُر اوتار پَیغمبر رکھ گواہ، شہادت سب دی دئے بُھگتائیا۔ پوُرب لہنا دینا جھولی پا، پِچھلا لیکھا رہے نہ رائیا۔ اَگے سَتجُگ ساچا مارگ اِک لگا، لگ ماتر دا کھہڑا دئے چُھڈائیا۔ تخت نِواسی اِکو حُکم دئے چلا، چار کُنٹ چار ورن چارے کھانی چارے بانی سیِس نِوائیا۔ اِکو دسےّ سلام دُعا، سجدہ اِکو اِک سرنائیا۔ اِکو ڈنڈاوت بندنا دئے دِرڑا، نمو نمو اِک سمجھائیا۔ اِکو وِدیا دئے پڑھا، تُوں میرا میَں تیرا ڈھولا گائیا۔ ساچی منزل دئے چڑھا، انتر آتم ویکھ وکھائیا۔ سِر اپنا ہتّھ دئے ٹِکا، ٹِکّے مستک دھوُڑی نام لگائیا۔ رحمت وِچ رحم دئے کما، مِہربان مِہر نظر نظرئیے وِچوں بدلائیا۔ سنت سُہیلے لئے مِلا، مِلنی ہرِ جگدیِش کرائیا۔ در دروازہ لئے کُھلا، مندر اِکو وجےّ ودھائیا۔ نِرمل نوُر جوت کر رُشنا، اندھ اندھیرا دئے گوائیا۔ انحد نادی دُھن سُنا، سُنّ اگمّ جھگڑا دئے چُکائیا۔ امرت آتم رس دئے پیا، جام حقیِقی اِک وکھائیا۔ آون جاون لکھّ چؤراسی گیڑا دئے کٹا، کٹاکش اپنا نام لگائیا۔ جوتی جوت سروُپ ہرِ، آپ اپنی کِرپا کر، کرے کھیل ساچا ہرِ، آد جُگاد جُگ چؤکڑی سدا مِہربان، سنت سُہیلے گُروُ گُر چیلے میلا میلے سہج سُبھائیا۔ بیِس کہے میَں دسّنی اِکو بستی، دوُجا نگر نظر کوئے نہ آئیا۔ جِس گرِہ وسے پرم پُرکھ دی ہستی، ہست کیِٹاں اپنی گود اُٹھائیا۔ نام خُماری دیوے مستی، دُرمت مَیل اندروں دئے

کڈھائیا۔ سوُجھ بوُجھ دیوے اپنے گھر دی، گرِہ مندر اندر کُنڈا دئے کُھلائیا۔ آتما پرماتما ہووے وردی، نار کنت میلا میلے سہج سُبھائیا۔ تُوں میرا میَں تیرا ڈھولا ہووے پڑھدی، تُونہی تُونہی راگ الائیا۔ جوتی جوت سروُپ ہرِ، آپ اپنی کِرپا کر، ساچی کرنی کار کمائیا۔ بیِس چیت کہے سُنو صدا ہؤ صدقے واری، وارتا دیاں جنائیا۔ کھیل ویکھن پَیغمبر گُر اوتاری، اوتر اپنا پھیرا پائیا۔ کل نوُں اِکّی اوس چیت دی واری، جِس نے لاج رکھی گوبِند داڑھی، مؤت لاڑی گُرمُکھاں پرناؤن کدے نہ آئیا۔ بھید کھولنا کِس بِدھ بھگتاں دی بھگوان نال لگدی یاری، آتما مات نہ ہوئے کواری، دوُجے گھر نہ ہووے خواری، میلا ملِے جوت نِرنکاری، نِراکار اپنے وِچ سمائیا۔ لیکھا سوہنا لِکھے لِکھاری، گُر اوتار پَیغمبرو تُہانوُں دسّنی تابعداری، دیِن مذہب دی رہے نہ کوئے سِکداری، سِکدار نِرنکار اِکو اِک سوبھا پائیا۔ جیہڑے کلجُگ کوُڑ کُڑیارے ہوئے اِشتہاری، اوہناں دے شبدی ورنٹ کڈھے حُکم نال کرے جاری، جرائم والا رہن کوئے نہ پائیا۔ دو جہاناں ویکھے مار اُڈاری، چؤداں طبقاں پڑدا رہیا اُتاری، چؤداں لوک ایکا نوُر کر اُجیاری، اُجالا گوپالا دَیالا نِرگُن نِروَیر نِراکار کھیل کھِلائیا۔ جوتی جوت سروُپ ہرِ، آپ اپنی کِرپا کر، کرے کھیل ساچا ہرِ، بھیوَ ابھیدا آپ دِرڑائیا۔ ویہہ چیت کہے میَں دسّ دسّ تھکا، تھکاوٹ میرے وِچ آئیا۔ میَں حُکم سُناواں حقا، حقیِقت دُھردرگاہیِا۔ جھگڑا پَین لگّا مدیِنہ مکّہ، کعبے کربلیاں والے اکھّ اُٹھائیا۔ ناتے تُٹن محمدموُسیٰ رہے نہ سکا، مِتر پیارا انگ نہ کوئے لگائیا۔ کرے کھیل پُرکھ سمرتھا، شاہ پاتشاہ سچّا شہنشاہیِا۔ لہنا دینا سب دا مُکاوے ہتّھو ہتّھا، جُگ چؤکڑی پوُرب لیکھا ویکھ وکھائیا۔ صدی چؤدھویں سب نے چکھنا مزہ، مذاق کوُڑا دینا مِٹائیا۔ جوتی جوت سروُپ ہرِ، آپ اپنی کِرپا کر، کرے کھیل ساچا ہرِ، ساچا مارگ اِک پرگٹائیا۔ بیِس کہے میَں کی دسّاں بول، انبولت اپنا حُکم ورتائیا۔ جِس دا ناد اگمّ اگمّا ڈھول، شبدی دُھن کرے شنوائیا۔ سچ دوارا دیوے کھول، خالق خلق پڑدا اِک اُٹھائیا۔ بھنڈارا رکھ وست نام انتول، انمُلڑی آپ ٹِکائیا۔ گُر اوتار پَیغمبراں بھوِکھ کہہ کے بول، قؤل پِچھلا توڑ نِبھائیا۔ جوتی جوت سروُپ ہرِ، آپ اپنی کِرپا کر، مِہر نظر اِک اُٹھائیا۔ ویہہ چیت کہے گُرسکھو تُہانوُں دسّاں اِک اگمّی بات، باطن دیاں دِرڑائیا۔ جِس ویلے آوے اِکّی چیت دی رات، راتی رُتی سوبھا پائیا۔ تُساں سب نے کھانی بھات، انّ رسن نہ کوئے لگائیا۔ ساڈھے باراں وجے تک جانا جاگ، نیتر اکھّ نہ کوئے بدلائیا۔ سب دی جیب وِچ اِک اِک کاغذ دا ہونا کاٹ، کاغذ رف ونڈ ونڈائیا۔ اِک جل دی بھر کے

رکھنی پرات، پراتاکال ویکھ وکھائیا۔ اِک اکھّراں والی کول رکھنی لُغات، جِس دی ترمیم نہ کوئے سمجھائیا۔ نال رَوداس نے لِکھنی درخواست، واسطہ پربھ دے اَگے پائیا۔ بیننتی کرنی پربھ جن بھگت رہے نہ کوئے بدمعاش، بدی سب دے اندروں دینی کڈھائیا۔ بجر کپاٹی کھول دے تاک، پڑدا اوہلا رہے نہ رائیا۔ ہرِجن سویا جائے جاگ، جاگرت جوت کر رُشنائیا۔ مُحبّت وِچ دے اِک وَیراگ، وَیری اندروں باہر کڈھائیا۔ ہنس بُدھی نہ رہے کاگ، کاگ ہنس دئے بنائیا۔ دُرمت مَیل دھو کے داغ، پتت پُنیِت کر وکھائیا۔ تیری جوت دا جگے سچ چراغ، چراگاہاں وِچوں لبھن دی لوڑ رہے نہ رائیا۔ تیرے نام دی سُنن اِک آواز، ڈھولا دُھردرگاہیِا۔ سب نے ہِردے اندر تُوں میرا میَں تیرا کرنا جاپ، رسنا جِہوا بتّی دند بولن رہے نہ رائیا۔ جوتی جوت سروُپ ہرِ، آپ اپنی کِرپا کر، کرے کھیل ساچا ہرِ، نِہکلنک نرائن نر، مہاراج شیرسِنگھ وِشنوُں بھگوان، جن بھگتاں بن کے دُھر دا سُہیلا ساتھ، ساقی ہو کے اپنا نام جام پیائیا۔

۲۱ چیت شہنشاہی سمت ۴ جموں چیلا سِنگھ دے گرِہ

پُرکھ اکال کہے سَتگُر شبد کی ویکھی دیِن دُنی، دُنیادار دھیان لگائیا۔ کوَن تکّیا رِکھی مُنی، مانَو پڑدا دینا اُٹھائیا۔ کِس کِس دی پُکار سُنی، سہج سہج دینا دِرڑائیا۔ کِس دے اندر اگمّی دُھنی، نادی دُھن ہووے شنوائیا۔ کوَن سَت دھرم دا گُنی، گہر گمبھیِر وِچ وڈیائیا۔ جوتی جوت سروُپ ہرِ، آپ اپنی کِرپا کر، ایکا دینا دُھر دا ور، مِہر نظر اِک اُٹھائیا۔ سَتگُر شبد کہے میرے صاحِب سوامی میَں رہیا پِھردا، دِوس رَین بھجّیا واہو داہیِا۔ میَں لیکھا ویکھیا نؤ سؤ چُرانوے چؤکڑی چِر دا، وید شاستراں باہر دھیان لگائیا۔ نظارہ تکّیا تیرا نِر دا، نِروَیر نِراکار نِرنکار تیری وڈ وڈیائیا۔ بھیوَ ویکھیا اگمّی پِر دا، پت پرمیشور جو دِتا وکھائیا۔ چؤراسی وِچوں جن بھگت سُہیلا رکھے صاف ہِردا، جو ہِردے وِچ ہرِ ہرِ رہیا وسائیا۔ باقی سب دے اندر اِشٹ درِشٹ دا گیڑا گِڑدا، وشِشٹ روُپ نہ کوئے وٹائیا۔ آتما پرماتما تکّیا نہیں مِلدا، سُرت شبد نہ کوئے کُڑمائیا۔ من کلپنا انتر جگت جہان ہِلدا، دِوس رَین بھجےّ واہو داہیِا۔ بِن گُرمُکھاں امرت جھِرنا کِتے نہ جھِردا، بوُند سوانتی میگھ نہ کوئے ٹپکائیا۔ جگت جہان جو کلپنا وِچ ویکھیا پِھردا،

چار کُنٹ دُہائیا۔ ساچے سنتاں نابھی کوَل پُھل ویکھیا کھِڑدا، کھِڑکی تاک کُنڈا اندروں دِتا کُھلائیا۔ کلجُگ کوُڑ کُڑیارا اُلٹا گیڑا ویکھیا گِڑدا، اَگے ہو نہ کوئے بچائیا۔ جوتی جوت سروُپ ہرِ، آپ اپنی کِرپا کر، دیونہارا دُھر دا ور، دھرم دوارا ویکھ وکھائیا۔ پُرکھ اکال کہے سُن شبد دُلارے سُت، سَتگُر دُھر دے دیاں جنائیا۔ اُٹھ میرے لاڈلے پُت، پِتا پوُت ویس وٹائیا۔ بھیوَ کُھلا ابناشی اچُت، چیتن سب نوُں دے کرائیا۔ ساچی صدی دی مؤلے رُت، سدّے گھر گھر آپ دِرڑائیا۔ پُرکھ اکالا رہیا پُچھ، دُھر فرمانا اِک سُنائیا۔ گُر اوتار پَیغمبر سچ دوارے آئے پُج، اپنا پندھ مُکائیا۔ لیکھا نال لےَ کے آئے سب کُجھ، پِچھے ونڈ نہ کوئے ونڈائیا۔ جِس دے وِچ رکھیا بھیوَ گُجھ، اکھّراں وِچ نہ صِفت صالاحیِا۔ دیِن دُنی دا دسّیا دُکھ، درداں وِچ دُہائیا۔ جِس وِچ پربھ دا کھیل باہر مانَو منُکھ، نِرگُن اپنی کار کمائیا۔ نظری دِسے نہ سُپھل کِسے کُکھ، جننی جنے نہ جنیندی مائیا۔ جو جُگ چؤکڑی رہیا چُپ، خاموشی وِچ سمائیا۔ سو کلجُگ اندھیرا ویکھ کے گھُپ، پڑدا اوہلا سب توں رہیا اُٹھائیا۔ مایا ممتا ویکھ کے لُٹ، سوُربیِر لئے انگڑائیا۔ سرِشٹی درِشٹی آتم پرماتم نالوں رہی تُٹ، ٹُٹی گنڈھ نہ کوئے پوائیا۔ دھرم بھنڈارا رہیا نِکُھٹ، جگت ونجارا نہ کوئے ورتائیا۔ جوتی جوت سروُپ ہرِ، آپ اپنی کِرپا کر، دیونہارا دُھر دا ور، سچ فرمانا اِک سُنائیا۔ سَتگُر شبد دُھر دے دُلارے، دوُلھے تَینوُں دیاں وڈیائیا۔ ویکھ کھیل سچ سچّے دربارے، در گھر وجےّ اِک ودھائیا۔ وِشن برہما شِو لیا پنہارے، پنگھٹ ڈیرہ اِک دِرڑائیا۔ اِکٹّھے ہوون گُر اوتارے، پَیغمبراں میل مِلائیا۔ سِر جھُکاؤن جُگ چارے، سَتجُگ تریتا دواپرکلجُگ اکھّ نہ کوئے کُھلائیا۔ ترےَگُن مایا پنج تت نِیوں نِیوں کڈھن ہاڑے، ہؤکیاں وِچ دُہائیا۔ شاستر سِمرت وید پُران اِنجیِل قرآن گیِتا گیان کھانی بانی اپنی کرے ہاہاکارے، ہؤکیاں وِچ سُنائیا۔ چارے بانی نیَن رووے زارو زارے، ظاہر ظہوُر اکھّ نہ کوئے کُھلائیا۔ چارے کھانی دھاہاں مارے، دروہی تیرا نام خُدائیا۔ چارے ورن منگن دوارے، در ٹھانڈے الکھ جگائیا۔ ایہہ کھیل ویکھے ایکا ایک ایکنکارے، اِک اِکلّا رہیا سُنائیا۔ جوتی جوت سروُپ ہرِ، آپ اپنی کِرپا کر، ساچا حُکم اِک سُنائیا۔ سَتگُر شبد چار جُگ دے اِکٹّھے کر سرِشٹی کِردار، قُدرت دا مالک قادر آپ جنائیا۔ کی کھیل ہووے وِچ سنسار، سنساری بھنڈاری سنگھاری دیؤ جنائیا۔ کی حُکم ورتے گُر اوتار، پَیغمبر پڑدا دیؤ اُٹھائیا۔ کوَن حُکم سندیسہ دیوے وارو وار، دُھر فرمانا شبد جنائیا۔ گُر اوتار پَیغمبر کر نِمسکار، نِیوں نِیوں سیِس جھُکائیا۔ تیرا کھیل اگمّ اپار، الکھ اگوچر کہن کوئے نہ

پائیا۔ تُوں صاحِب سوامی انترجامی گھٹ نِواسی پُرکھ ابناشی کل کلکی اوتار، اوتر تیری دھار سمجھ کِسے نہ آئیا۔ جُگ چؤکڑی نیتر روندے زارو زار، ظاہرا ظہوُر تیرے ہتّھ وڈی وڈیائیا۔ سمجھے نہ کوئے گُفتار، گُفت شُنیِد پڑدا دینا اُٹھائیا۔ جگت وِدیا وِچوں دیِن دُنی نوُں کڈھ دے باہر، آتم برہم پاربرہم بھیوَ کُھلائیا۔ ایتھے بُدھی دا نہیں وِستھار، من دا نہیں وِچار، سُرتی شبد اگمّی دھار، دھرنی دھرت دھوَل اُپر کر رُشنائیا۔ جوتی جوت سروُپ ہرِ، آپ اپنی کِرپا کر، کرے کھیل ساچا ہرِ، سچ سندیسہ اِک سُنائیا۔ سَتگُر شبد کر وڈ دلیری، دِلبر ہو کے دیاں دِرڑائیا۔ صدی چؤدھویں اِک پُرکھ اکال دی اگمّی پھیری، پِھرت پِھرت ویکھے جگت لوکائیا۔ جُگ چؤکڑی دیر کیِتی بتھیری، سماں سمیں وِچ لنگھائیا۔ گُر اوتار پَیغمبر چلاؤندے رہے جگت دی بیڑی، ملاح نئیا نؤکا والے نظری آئیا۔ کلجُگ انت سِری بھگوَنت لکھّ چؤراسی جیِو جنت سادھ سنت اُلٹی لٹّھ گیڑی، گیڑا سکے نہ کوئے بدلائیا۔ جوتی جوت سروُپ ہرِ، آپ اپنی کِرپا کر، کرے کھیل ساچا ہرِ، ساچی رنگن رہیا رنگائیا۔ سَتگُر شبد کہے گُر اوتار پَیغمبر وِشن برہما شِو دیوت سُر حاضر حضوُر، صاحِب سُلطان سِری بھگوان تیری اِک سرنائیا۔ نِرگُن نِروَیر نِراکار نِرنکار نِرگُن دھار ویکھ ضرور، ظاہر ظہوُر اپنا جلوہ نوُر کر رُشنائیا۔ سَت سوامی انترجامی گھٹ نِواسی تیرا بیڑا بھریا پوُر، پاربرہم پت پرمیشور لہنا دینا دینا تھاؤں تھائنیا۔ تیرے نوُر دا چمکے اِکو نوُر، جوتی جوت جوت ہووے رُشنائیا۔ کلجُگ کوُڑی کِریا میٹ کوُڑ، کرماں دا ڈیرہ دے ڈھاہیِا۔ ساچی بخش اگمّی دھوُڑ، چرن چرنودک دے پیائیا۔ چتُر سُگھڑ بنا موُرکھ موُڑھ، سِر اپنا ہتّھ ٹِکائیا۔ منسا رہے نہ کوئے غروُر، غُربت اندروں دے کڈھائیا۔ ساڈی بیننتی کر منظور، آرزوُ اِکو اِک سُنائیا۔ بخشنہار قصوُر، کسر اِشاریئے نال سب دی کرے صفائیا۔ بھگت اُدھارنا تیرا دستُور، دست بدست در تیرے منگ منگائیا۔ مِہربان محبان کر منظور، جوتی جوت سروُپ ہرِ، آپ اپنی کِرپا کر، کرے کھیل ساچا ہرِ، سچ سندیسہ اِک سُنائیا۔ سِری بھگوان کہے سُن شبد دُلارے میرے، مِہربان ہو کے دیاں سُنائیا۔ جُگ چؤکڑی ویکھے بتھیرے، کوٹن کوٹ کال لنگھائیا۔ گُر اوتار پَیغمبر کردے گئے جھیڑے، جھیڑا جگت وِچ لوکائیا۔ وسدے اُجڑدے رہے کھیڑے، جُگ جُگ اپنی کار کمائیا۔ اُڈیِکدیاں اُڈیِکدیاں سماں کلجُگ انتم آ گیا نیڑے، دوُر دُراڈا پندھ مُکائیا۔ جن بھگتاں دے انتر نِرنتر ویکھے جیرے، صبر صبوُری کھوج کھوجائیا۔ جِنہاں نے ڈھولے گائے تیرے میرے، آتم پارماتم راگ الائیا۔ اوہناں چاڑھ کے اپنے بیڑے، پتن

دُھر دا اِک وکھائیا۔ جِتھے دیِن مذہب دے نہیں جھیڑے، ذات پات نہ ونڈ ونڈائیا۔ جگت جگیاَسوُآں نہیں ڈیرے، ڈنڈاوت والا اِکو نظری آئیا۔ جو آد انت جُگا جُگنت حقیِقت حق کرے نبیڑے، عدل اِنصاف آپ کمائیا۔ جوتی جوت سروُپ ہرِ، آپ اپنی کِرپا کر، دُھر فرمانا اِک سُنائیا۔ سَتگُر شبد کہے میرے صاحِب سچّے سُلطان، ہرِ کرتے وڈ وڈیائیا۔ گُر اوتار پَیغمبر تیرے دربان، در بردے سیِس نِوائیا۔ وِشن برہما شِو سیِس جھُکان، نِیوں نِیوں لاگن پائیا۔ چرن چمُّدے زِمیں اسمان، برہمنڈ کھنڈ دھوُڑی خاک رمائیا۔ چار جُگ تیرے غُلام، سِر سکے نہ کوئے اُٹھائیا۔ شاستر سِمرت تیری مہما گان، صِفت صِفت وِچ صالاحیِا۔ تیرا لیکھا نؤجوان، مرد مردان نہ کوئے دِرڑائیا۔ میَں ویکھ کے ہویا حَیران، حَیرانی میرے انتر چھائیا۔ گُر اوتار پَیغمبر رہیا نہ کوئے نؤجوان، نؤبت ڈنک نہ کوئے سُنائیا۔ بیننتی کراں سِری بھگوان، نمو نمو سرنائیا۔ اُٹھ ویکھ پربھوُ مِہربان، محبوُب تیری وڈیائیا۔ ہرِجن تیرا راہ تکان، ویکھن تھاؤں تھائنیا۔ جوتی جوت سروُپ ہرِ، آپ اپنی کِرپا کر، بھیوَ ابھیدا دے کُھلائیا۔ بھیوَ ابھیدا کھول دے آپ، آپ اپنی دَیا کمائیا۔ تیرا میلا ہووے نال اِتفاق، اِطمینان دے دھرائیا۔ ہرِجن رہے نہ کوئے گُستاخ، غُصّہ اندروں دے کڈھائیا۔ جنم کرم دا قصوُر کر معاف، رحمت وِچ کر صفائیا۔ تُوں دُھر دا مائی باپ، پِتا پُرکھ اکال تیری سرنائیا۔ جو گُر اوتار پَیغمبر گئے آکھ، بھوِکھتاں وِچ سُنائیا۔ اُس دا لہنا دینا دے حِساب، لیکھا اوَر رہے نہ رائیا۔ بِن اکھّراں والی کھول کِتاب، جیہڑی کُتب خانے وِچوں ہتّھ کِسے نہ آئیا۔ تیرا ویکھیئے کھیل تماش، دو جہان وجےّ ودھائیا۔ جوتی جوت سروُپ ہرِ، آپ اپنی کِرپا کر، بھیوَ ابھیدا دے کُھلائیا۔ بھیوَ ابھیدا کھول سوامی، سماں سُہنجنا دئے گواہیِا۔ تُوں آد جُگادی انترجامی، گھٹ بھیِتر رہیا سمائیا۔ تیری بودھ اگادھ شبدی بانی، بان انیالا تیِر دے لگائیا۔ جھگڑا مُکا دے چارے کھانی، چاروں کُنٹ کر صفائیا۔ گُر اوتار پَیغمبر وِشن برہما شِو دیوت سُر تیرے چرن کوَل وِٹہو قُربانی، نِیوں نِیوں سیِس جھُکائیا۔ تیرے نام دی نر نِرنکار منگن اِک نِشانی، نِشانے دو جہان دینے بدلائیا۔ اپنی منزل دسّنی اِک آسانی، اصل پڑدا دینا اُٹھائیا۔ ساچی رنگت نام نِدھان دے جوانی، جوبن ونتے اپنی اکھّ اُٹھائیا۔ سوُربیِر شاہو بھوُپ کلجُگ لیکھا ویکھ وِچ مَیدانی، مدد اپنی آپ بُلائیا۔ جوتی جوت سروُپ ہرِ، آپ اپنی کِرپا کر، ایکا دینا دُھر دا ور، در ٹھانڈے سیِس نِوائیا۔ سَتگُر شبد کہے پربھ تیرا در ٹھنڈا، اگنی تت ونڈ نہ کوئے ونڈائیا۔ جِس نوُں سمجھے کوئی نہ بندہ، بندگی والے بَیٹھے مُکھ چُھپائیا۔ کلجُگ کوُڑی کِریا چاروں کُنٹ

ودھیا دھندا، دھرنی دھرت دھوَل دھؤل دئے دُہائیا۔ من کلپنا مانَو ہویا گندہ، سچ سوگندھ نہ کوئے پرگٹائیا۔ دوئے نیَن ہویا اندھا، نِج نیَن نہ کوئے رُشنائیا۔ سَت دھرم رہیا کوئی نہ چنگا، چار کُنٹ کُرلائیا۔ مندر مسجد شِودوالے مٹھ ویکھ دنگا، کرم کُکرم کرے لڑائیا۔ ساچی منزل پؤڑی چڑھے کوئی نہ ڈنڈا، ڈنڈاوت اپنی دے سمجھائیا۔ سچ پیار مُحبّت بخش اگمّی انندا، انند انند وِچوں پرگٹائیا۔ تیرا نوُر تکّنا ظہوُر والا چندا، چند چاندنی اِک رُشنائیا۔ جوتی جوت سروُپ ہرِ، آپ اپنی کِرپا کر، کرے کھیل ساچا ہرِ، سچ کرنی کار کمائیا۔ سَتگُر شبد کہے میرے گہر گمبھیِر، گوَر تیری اِک سرنائیا۔ کِرپا کر شاہ سُلطان شرع کٹ زنجِیر، شریِعت رہن کوئے نہ پائیا۔ سَتجُگ ساچی سَت ستوادی دسّ تدبیِر، طریقہ نیِکن نیِکا اِک جنائیا۔ صدی چؤدھویں انت اَخیِر، جھگڑا رہے نہ پَیغمبر پیِر، بے نظیِر حُکم ورتائیا۔ جوتی جوت سروُپ ہرِ، آپ اپنی کِرپا کر، ایکا دینا دُھر دا ور، در ٹھانڈے سیِس نِوائیا۔ سَتگُر شبد کہے میری عرضوئی، بیننتی دیاں جنائیا۔ تیرا نام دروہی، طوبیٰ طوب دُہائیا۔ تیرا بھگت پربھ کوئی کوئی، چؤراسی وِچوں نظری آئیا۔ باقی سب نے پتِ کھوئی، پت پرمیشور درس کوئے نہ پائیا۔ درگاہ ساچی ملِے کِسے نہ ڈھوئی، در ٹھانڈا نہ کوئے وکھائیا۔ سب دی آسا انتر رہی روئی، رُدن وِچ دئے دُہائیا۔ جوتی جوت سروُپ ہرِ، آپ اپنی کِرپا کر، مِہر نظر اِک اُٹھائیا۔ سَتگُر شبد کہے پربھ تیرا حُکم الاہی ایک، ایکا ایک وڈیائیا۔ سب نے دسّی تیری ٹیک، ٹِکّے مستک لائیا۔ بھاگ لگا دے اپنے دیس، دیس دیسنتر کھوج کھوجائیا۔ تیرا جوت سروُپی ویس، جگ نیتر نیَن نظر کِسے نہ آئیا۔ تیرا شبدی دھار دسمیش، بھجےّ واہو داہیِا۔ تیرا سمبل دھام ایک، ساڈھے تِنّ ہتّھ وجدی رہے ودھائیا۔ تیرا بودھ اگادھا لیکھ، اکھّراں والی نہ کوئے پڑھائیا۔ تُوں سدا رہیں ہمیش، نِرگُن نوُر جوت رُشنائیا۔ کلجُگ کوُڑی کِریا ویکھ کلیش، راما کرِشنا رہے سمجھائیا۔ سارے دوارے تیرے ہوئے پیش، پیشیِن گوئیاں ہتّھاں وِچ اُٹھائیا۔ جوتی جوت سروُپ ہرِ، آپ اپنی کِرپا کر، دُھر دا کھیل ویکھ وکھائیا۔ سَتگُر شبد کہے اوہ ویکھ گوئی پیشیِن، پیشتر دھیان لگائیا۔ حِکمت رہے نہ کِسے مدیِن، مُدّعا سب نوُں رہیا دِرڑائیا۔ جھگڑا ویکھے جگت زمیِن، ضامن نظر کوئے نہ آئیا۔ پُرکھ اکال تیری سمجھے نہ کوئے تعلیِم، طالب عِلم نہ کوئے وڈیائیا۔ سرِشٹی درِشٹی ہوئی غم گین، غمی غم خوار نہ کوئے بدلائیا۔ تیرا لیکھا وڈ رحیِم ، رحمت وِچ نہ کوئے جنائیا۔ تیرا حُکم آد قدیِم، دُھر دا سوبھا پائیا۔ جوتی جوت سروُپ ہرِ، آپ اپنی کِرپا کر، بھیوَ ابھیدا دینا کُھلائیا۔

سَتگُر بھیوَ ابھیدا کھول کے دسّ، دہ دِشا دے سمجھائیا۔ کی لہنا ہتّھو ہتّھ، جُگ چؤکڑی ویکھ وکھائیا۔ کی مہما شبد اکتھ، بودھ اگادھ پڑھائیا۔ کی کلجُگ چلے رتھ، اپنا پندھ مُکائیا۔ کی شبد اگمّی وجےّ سٹّ، سُتیاں دئے اُٹھائیا۔ کی نام نِدھانا کھولیا ہٹّ، ونجارا دُھردرگاہیِا۔ جوتی جوت سروُپ ہرِ، آپ اپنی کِرپا کر، دُھر دا حُکم اِک سُنائیا۔ سِری بھگوان کہے سُن شبد اگمّے آدی، عدل نال جنائیا۔ گُر اوتار پَیغمبراں لوک مات ودھائی آبادی، بہُہ گِنتی وِچ وڈیائیا۔ تن وجوُد کراؤندے رہے شادی، شادیانیاں وِچ خوشی منائیا۔ کلجُگ انتم ایسے کارن ہُندی بربادی، کام کرودھ لوبھ موہ ہنکار ہلکائیا۔ دھرم دا دُھر سندیسہ دیوے کوئی نہ راگی، انراگی راگ سُنائیا۔ سوئی سُرت کِسے نہ جاگی، جاگرت روُپ نہ کوئے وٹائیا۔ مانَو بنے نہ کوئے تیاگی، ممتا موہ چُکائیا۔ چاروں کُنٹ اندھیری راتی، ساچا چند نہ کوئے چمکائیا۔ امرت ویلا نہ کِسے پربھاتی، پربھ مِلن کوئے نہ آئیا۔ نِرگُن جوت جگے نہ باتی، کملاپاتی نہ کوئے وڈیائیا۔ ساچی منّے کوئے نہ آکھی، آخر پربھ نوُں گئے بُھلائیا۔ جِس دا کھیل سدا بہُہ بھاتی، بھاوَنا ویکھے تھاؤں تھائنیا۔ بھگت اُدھارنا جِس دی وادی، وعدے نال ہوئے سہائیا۔ اوس دی کلا اگمّی ڈاڈھی، ڈنڈاوت سب نوُں دئے سمجھائیا۔ جِس دا راگ گاوے کوئی نہ ڈھاڈی، تالاں وِچ نہ کوئے سُنائیا۔ اوہ سب دا بن کے باڈی، بنت دُھر دی اِک دِرڑائیا۔ منوُآ رہن نہ دیوے باغی، گڑھ ہنکار تُڑائیا۔ جن بھگتاں آتم جاوے سادھی، سادھنا اِک سمجھائیا۔ جوتی جوت سروُپ ہرِ، آپ اپنی کِرپا کر، سچ کرنی کار کمائیا۔ شبد گُروُ کہے پربھ تیرا اِکو دعوا، لیکھا میرے نال جنائیا۔ جن بھگتاں آتم سیج راواں، کنت کنتُوہل ہو کے سوبھا پائیا۔ سچ اگمّی دے کے ناواں، ناؤں نِرنکارا اِک دِرڑائیا۔ گُرمُکھ رہن نہ دیواں کوئی نِتھاواں، دوارا اِکو اِک سُہائیا۔ غریِب نِمانیاں پکڑ کے باہواں، پھڑ باہوں گود اُٹھائیا۔ دُھر دے نام دی دے کے چھاواں، اگنی تت گوائیا۔ جھگڑا مُکا کے دُھر گراواں، درگاہ ساچی گھر سُہائیا۔ جِتھے بھگت بھگوان دا تول ہووے ساواں، وزن اِکو اِک بنائیا۔ جوتی جوت سروُپ ہرِ، آپ اپنی کِرپا کر، مِہر نظر اِک اُٹھائیا۔ سَتگُر شبد کہے پربھ تیرا اِک سہارا، اوٹ اوٹ تکائیا۔ لیکھا مُکیا گُروُ اوتارا، پَیغمبر پندھ مُکائیا۔ تیرا بھگت منگے تیرا چرن دوارا، دوُجی اوٹ نہ کوئے رکھائیا۔ گُر اوتار پَیغمبر تیرا کردے گئے اِشارہ، جُگ چؤکڑی دھیان لگائیا۔ تُوں گوبِند دھار سرگُن توں نِرگُن ہو کے آئیوں دوبارا، ایکنکارا نال مِلائیا۔ تیرا دُھر دا اِک جَیکارا، ایکا شبد شنوائیا۔ رَوداس دا منّ لےَ ہاڑا، دیوے سچ دُہائیا۔ تُوں پُرکھ اکالا دیِن دَیالا

پروردِگارا سانجھا یارا، شاہ پاتشاہ سچّا شہنشاہیِا۔ جوتی جوت سروُپ ہرِ، آپ اپنی کِرپا کر، مِہر نظر اِک اُٹھائیا۔ شبد گُروُ کہے اوہ ویکھ بھگت دی درخواست، درداں وِچ دُہائیا۔ کوُڑی کِریا کر برخاست، برخوردار اپنے لےَ بنائیا۔ گُرمُکھ رہے نہ کوئے ناستک، کوُڑی کِریا ڈیرہ ڈھاہیِا۔ سچ دوارے بنا آستک، آتم پرماتم جوڑ جُڑائیا۔ تیرا نوُر اگمّی واستک، وعدہ اپنے گھر سمجھائیا۔ جھگڑا رہے نہ کِسے شاستر، شرع زنجِیر دینا کٹائیا۔ جوتی جوت سروُپ ہرِ، آپ اپنی کِرپا کر، دُھر دا میلا لیَنا مِلائیا۔ سَتگُر شبد کہے پربھ ویکھ کھیل ہالا، حالات دیاں جنائیا۔ باقی نِکلیا انت دوالا، حِساب بے باق نہ کوئے جنائیا۔ سادھاں سنتاں اندر لا دے تالا، بِن تیری کِرپا کُنجی ہتّھ کِسے نہ آئیا۔ دُرمت مَیل دھو کے داغ کالا، پتت پُنیِت نہ کوئے کرائیا۔ سَت دھرم رہے نہ کِسے دھرمسالہ، چاروں کُنٹ دُہائیا۔ پھل پُھل رہے نہ ڈالا، پتّ ڈالی دئے دُہائیا۔ جو اِشارہ کیِتا نانک بالا، بالی بُدھ وکھائیا۔ جِس دا اوتاراں دِتا احوالا، پَیغمبر صِفت صالاحیِا۔ جِس نوُں جھُکی جوت جوالا، اشٹبُھج سرنائیا۔ جِس دا نوُر نوُر اُجالا، نِرگُن سرگُن ڈگمگائیا۔ سو کھیلے کھیل کمالا، کامل مُرشد دُھردرگاہیِا۔ کھوجیاں ہتّھ نہ آوے بھالا، برہمنڈ کھنڈ روون مارن دھائیا۔ جوتی جوت سروُپ ہرِ، آپ اپنی کِرپا کر، ساچی کرنی کار کمائیا۔ سَتگُر شبد کہے تیری کرنی دِسے شدید، شدت وِچ لوکائیا۔ سب دی آسا منسا پوُری کر اُمیِد، آمد اپنی دے دِرڑائیا۔ میَں سدا کراں تائید، تاکید تیری نظری آئیا۔ سنت سہیلے ویکھ عزیز، عالی جاہ کھوج کھوجائیا۔ جِنہاں تیرے مِلن دی ریجھ، جگ بَیٹھے دھیان لگائیا۔ جگ نیتر کرن اُڈیِک، اکھّ پرتکھ تکّن اِک گوسائنیا۔ تُوں اوس دوارے بن وسنیِک، جِتھے وصل اصل دیوے یار خُدائیا۔ جن بھگتاں بدل دے طبیعت، طبع کوُڑ رہن نہ پائیا۔ اپنے گھر وکھا اصلیّت، پڑدا اوہلا دے چُکائیا۔ جوتی جوت سروُپ ہرِ، آپ اپنی کِرپا کر، مِہر نظر اِک اُٹھائیا۔ رَوداس کہے میَں تیری کِرپا نال لِکھدا، شبد گُروُ سمجھائیا۔ پُرکھ اکال سب نوُں روُپ دے دے ساچے سِکھ دا، سِکھیا اِک سمجھائیا۔ لہنا چُکا دے گوبِند والی چِٹ دا، جِس دا اکھّر ونڈ نہ کوئے ونڈائیا۔ بھاگ پوُرا کر دے رَوداس والی اِٹّ دا، اِٹّاں پتّھراں دی لوڑ رہے نہ رائیا۔ جھگڑا مُکا دے کوُڑ کُڑیار نِت دا، نوِت اپنا پھیرا پائیا۔ تُوں صاحِب سُلطان اِکو دِسدا، دو جہان سوبھا پائیا۔ تیری حکوُمت کوئی نہ جِتدا، وَیری شتروُ میِت نِیوں نِیوں سیِس نِوائیا۔ تُوں لہنے دینے آد جُگاد نجِٹھدا، تیرے ہتّھ وڈیائیا۔ بھیوَ کھول دے اپنے نوُر الاہی اِک دا، ایکنکار تیری سرنائیا۔ جوتی جوت سروُپ

ہرِ، آپ اپنی کِرپا کر، ایکا دینا دُھر دا ور، سِر اپنا ہتّھ رکھائیا۔ سَتگُر شبد کہے عرضی اُتے کی تحریر، تقریِر نال سُنائیا۔ پربھ کلجُگ انتم واٹ اَخیِر، آخر دھیان لگائیا۔ جن بھگتاں بدل دے تقدیِر، کرماں دا گیڑ آپ کٹائیا۔ شرع دا رہے نہ کوئے زنجِیر، شریِعت لیکھا دینا مُکائیا۔ بھرم رہے نہ غریِب امیِر، اوُچ نیِچ نہ کوئے جنائیا۔ سب دی بدل دے تدبیِر، تقدیِر توں پرے تعلیم اپنی اِک سمجھائیا۔ دُھر دی پھیردے آپ لکیِر، لائن نرائن ہو کے آپ لگائیا۔ جوتی جوت سروُپ ہرِ، آپ اپنی کِرپا کر، مِہر نظر اِک اُٹھائیا۔ سَتگُر شبد کہے پربھ میَنوُں آئی یاد، کتھا پِچھلی دیاں سُنائیا۔ جِس ویلے چؤتھے جُگ توں جگت ہووے آزاد، آزادی اندر دیِن دُنی وڈیائیا۔ جگت کلپنا دا رہے کوئی نہ سادھ، وِدیا والی نہ کوئے چتُرائیا۔ سنکھاں والا وجےّ کوئے نہ ناد، دُھن دھار نہ کوئے وڈیائیا۔ االلہ واہِگُروُ ستنام اوم ونڈ ہووے کوئی نہ گاڈ، نعرہ اِکو اِک جنائیا۔ بُدھی رہے نہ کوئی ڈاگ، کاگ وانگ کُرلائیا۔ شبد ڈنڈا اگمّی راڈ، دُھر فرمانا اِک سمجھائیا۔ جوتی جوت سروُپ ہرِ، آپ اپنی کِرپا کر، بھیوَ ابھیدا سچ دئے کُھلائیا۔ سَتگُر شبد کہے سُن بیننتی اِک، آرزو وڈ وڈیائیا۔ پُرکھ ابناشی کر ہِت، ہِتکاری ہو کے دَیا کمائیا۔ تیرے بھگت سُہیلے سدا نِت، جُگ چؤکڑی سیو کمائیا۔ کلجُگ انتم لا کِھچّ، اندرے اندر میل مِلائیا۔ دھام وکھا اِک انڈِٹھ، انڈِٹھڑی کار کمائیا۔ یاد کر لےَ پرہلاد والی چِٹ، جو بِن چِٹھی رسیَن دِتی پُچائیا۔ جوتی جوت سروُپ ہرِ، آپ اپنی کِرپا کر، مِہر نظر اِک اُٹھائیا۔ سَتگُر شبد کہے پرہلاد نال کیِتا اِقرار، سچ سچ سمجھائیا۔ دے شبد دُھنکار، اگمّ آواز لگائیا۔ بول اِک جَیکار، سوہلا دِتا سُنائیا۔ تُوں میرا میَں تیرا دوہاں دی اِکو دھار، دوُجا نظر کوئے نہ آئیا۔ پربھ کِرپا کر میرے نِرنکار، نِروَیر تیری سرنائیا۔ جے بھگتاں دا تیرے وِچ پیار، پریمی ہو کے توڑ نِبھائیا۔ میرے وانگ نہ کریں خوار، گیڑا گیڑے وِچ وکھائیا۔ آپ بوہروُپیا ہو کے آویں وِچ سنسار، نر سِنگھ نر نرائن ہو کے دیہہ تجائیا۔ تُوں شہنشاہ سِکدار، والی دو جہان اکھوائیا۔ جد آویں تے آویں جوتی جامہ دھار، نوُر نوُر رُشنائیا۔ ساچیاں بھگتاں لئیں اُٹھال، اندر وڑ کے آپ جگائیا۔ تیری ایہو سچّی دھرمسال، سچ دوارے وجّی ودھائیا۔ اَگوں ہسّ کے کِہا پُرکھ اکال، اِشارے نال دِرڑائیا۔ پرہلاد کلجُگ انتم مار دھیان، بِن اکھّاں اکھّ اُٹھائیا۔ جاں تکّیا تے ہویا حَیران، سرِشٹی درِشٹی اندر سچ پریم نہ کوئے کمائیا۔ جوتی جوت سروُپ ہرِ، آپ اپنی کِرپا کر، ساچا بھیوَ دِتا چُکائیا۔ پرہلاد کہے پربھ وکھایا کی، سچ دے دِرڑائیا۔ نِرمل ویکھیا کوئے نہ جی، کوُڑ کِریا رہی کُرلائیا۔ امرت رس کوئی

رہیا نہ پی، اگنی اگّ نہ کوئے بُجھائیا۔ سنسار کلپنا پُتر دھی، مایا ممتا وِچ ہلکائیا۔ رَوداس تکّیا جِس آس رکھائی ساڈھے تِنّ ہتّھ سیں، جگت واسنا ڈیرہ ڈھاہیِا۔ جوتی جوت سروُپ ہرِ، آپ اپنی کِرپا کر، مِہر نظر لیَنی اُٹھائیا۔ پرہلاد کہے میَں کلجُگ ویکھیا کوُڑا، پربھوُ کاہنوُں دِتا وکھائیا۔ میَں منگن والا تیری چرن دھوُڑا، بِن تیرے درس کوئے نہ پائیا۔ تُوں میَنوُں وکھا دِتا لوکی منّدے اَیڑا اوُڑا، اکھّراں پتّھراں سیِس نِوائیا۔ پُرکھ اکال تَینوُں بنا کے چوُڑھا، گھر وِچوں سب نے دِتا کڈھائیا۔ تیرا تکّ کے خوش نہیں کوئی نوُرا، پڑھ پڑھ وِدیا ڈھولے جگت سُنائیا۔ اِک رَوداس ویکھیا جو بَیٹھا اُپر ٹُٹی پھوُڑھا، پانہا گنڈھ کے خوشی منائیا۔ پرہلاد کہے میَں جاں تکیا مایا رانی گھر گھر پا کے رنگلا چوُڑا، جوبن ونتی بھجےّ واہو داہیِا۔ سادھ سنت جِس دا ہویا ویکھیا مشکوُرا، شُکریا کر کر سیِس نِوائیا۔ ساچا رنگ چڑھے کِسے نہ گوُڑھا، دُرمت مَیل نہ کوئے دھوائیا۔ من کلپنا جھوُٹدے سارے پنگھوُڑا، آتم سیج نہ کوئے سُہائیا۔ جوتی جوت سروُپ ہرِ، آپ اپنی کِرپا کر، ایکا دینا دُھر دا ور، در تیرے منگ منگائیا۔ پرہلاد کہے میرے انتر آئی حَیرانی، حَیرت وِچ سُنائیا۔ سچ دھرم دی دِسی نہ کوئے نِشانی، نِشانے سارے گئے بُھلائیا۔ روندی ویکھی چارے کھانی، خانے وِچوں باہر نہ کوئے کڈھائیا۔ جھگڑا ویکھیا چارے بانی، بان نِرالا تیِر نہ کوئے لگائیا۔ رس رہیا نہ کِسے پانی، سروور سر نہ کوئے وڈیائیا۔ پُرکھ اکال کر مِہربانی، مِہر نظر اُٹھائیا۔ جوتی جوت سروُپ ہرِ، آپ اپنی کِرپا کر، کل کرنی ویکھ وکھائیا۔ سِری بھگوان کہے سُن میرے دُلارے پرہلاد، پرم پُرکھ ہو کے دیاں جنائیا۔ تُوں ہرناکش دی اؤلاد، بھگتاں وِچوں بھگت دِتی وڈیائیا۔ جِس ویلے کلجُگ انت کل دھارا گئی جاگ، لوک مات لئے انگڑائیا۔ اوس ویلے ساچا رہنا نہیں کوئی سادھ، سادھنا سچ نہ کوئے کمائیا۔ سُرتی جائے کوئی نہ جاگ، شبدی میل نہ کوئے مِلائیا۔ من کلپنا ہووے راج، بُدھی بلہیِن ہو جائیا۔ کام کرودھ لوبھ موہ ہنکار بن کے داماد، در در ڈیرہ لائیا۔ ساچی سُنے نہ کوئے آواز، جوُٹھ جھوُٹھ کُرلائیا۔ دھرم دی دیوے نہ کوئے آواز، کرم کانڈ لڑائیا۔ جوتی جوت سروُپ ہرِ، آپ اپنی کِرپا کر، کرے کھیل ساچا ہرِ، سچ کرنی کار کمائیا۔ پُرکھ اکال کہے جِس ویلے کلجُگ سرِشٹی دِسی فانی، فَیصلہ حق نہ کوئے سُنائیا۔ منزل رہے نہ کوئے روُحانی، رحمت رام نہ کوئے کمائیا۔ دیِن دُنی ہوئے بیگانی، سِر ہتّھ نہ کوئے ٹِکائیا۔ سَت دھرم دی دِسے نہ کوئے نِشانی، نِشانہ حق نہ کوئے جھُلائیا۔ چار کُنٹ ہوئے بے اِیمانی، بیوہ ہووے خلق خُدائیا۔ منزل رہے نہ کوئے روُحانی، نوُر نوُر نہ کوئے رُشنائیا۔ ساچی

قلم رہے نہ کانی، کاتب کرے نہ کوئے وڈیائیا۔ اوس ویلے پربھ جن بھگتاں دوارے کھاوَن آوے مہمانی، نِرگُن نوُر جوت رُشنائیا۔ وست امولک دیوے بن کے دانی، دُھر دی دات آپ ورتائیا۔ جوتی جوت سروُپ ہرِ، آپ اپنی کِرپا کر، ساچا رنگ دئے رنگائیا۔ پرہلاد کہے کی دیویں دات، صاحِب دے سمجھائیا۔ پُرکھ اکال کِہا میَں درشن دیواں آپ، اپنا بھیوَ چُکائیا۔ پرہلاد کِہا کی دسّیں جاپ، وِدیا کوَن پڑھائیا۔ پُرکھ اکال کِہا میَں آتم پرماتم بنا کے ساک، سجّن ہو کے ویکھ وکھائیا۔ پرہلاد کِہا کی کھولیں تاک، پڑدا کوَن چُکائیا۔ پُرکھ اکال کِہا میَں نِرگُن نوُر جوت کر پرکاش، اندھ اندھیرا دیاں مِٹائیا۔ پرہلاد کِہا کی بچن دیویں صاف، ولیئے چھلیئے دے دِرڑائیا۔ پُرکھ اکال کِہا میَں جنم جنم دے کرم کرم دے قصوُر کر کے معاف، صاف سُتھرے دیاں بنائیا۔ پرہلاد ہسّ کے کِہا پربھوُ لِکھ دے نال قلم دوات، پریم پریِتی جوڑ جُڑائیا۔ سِری بھگوان کِہا اپنا اَگے رکھ دے پریم بھگتی دا کاٹ، جِس نوُں لِکھاں بِن قلم شاہیِا۔ پرہلاد کِہا ایہہ پُرانا چولا خریدیا نہیں آج، نَواں نکور نظری آئیا۔ جوتی جوت سروُپ ہرِ، آپ اپنی کِرپا کر، ساچا کھیل رہیا دِرڑائیا۔ پرہلاد کِہا میَنوُں لِکھ دے لیکھ، تیرا لیکھا بےپرواہیِا۔ جِس ویلے کلجُگ انتم دھاریں بھیکھ، بھیکھادھاری بھیکھ وٹائیا۔ جن بھگتاں جاویں دیس، اپنا پندھ مُکائیا۔ اوہناں لویں ویکھ، بِن اکھّاں اکھّ اُٹھائیا۔ اوس ویلے جنم کرم دی بدل دیویں ریکھ، میری لِکھت وِچ گواہیِا۔ پُرکھ اکال کِہا میَں نہیں ایہہ لہنا ہتّھ دس دسمیش، گوبِند وڈ وڈیائیا۔ جِس نے بھگت سُہیلے میرے کرنے پیش، پیشتر اپنا حُکم سُنائیا۔ نِرگُن دھار کراں پِھر ہیت، ہِتکاری ہو کے میل مِلائیا۔ اوہ ایہو مہیِنہ تے ایہو دِوس اِکّی چیت، چیتن سرب کرائیا۔ جوتی جوت سروُپ ہرِ، آپ اپنی کِرپا کر، مِہر نظر اِک اُٹھائیا۔ پرہلاد کہے پربھوُ میری نِشانی کاٹ، جِس نوُں کارڈ کہے لوکائیا۔ جن بھگتاں دی اگلی میٹ دے واٹ، پِچھلا لیکھ رہے نہ رائیا۔ قیِمت پا لےَ اپنے ہاٹ، دوُجا در نہ کوئے وکھائیا۔ تیرا لہنا دینا بِنا قلم دوات، بِن اکھّراں بنت بنائیا۔ جوتی جوت سروُپ ہرِ، آپ اپنی کِرپا کر، مِہر نظر اِک اُٹھائیا۔ مِہر نظر اُٹھا دے ابھی، ابچل واسی دَیا کمائیا۔ تیری پرتکے آئی صدی، صدقے واری گھول گھُمائیا۔ بھگتاں دا کاٹ سُٹیں وِچ کدے نہ ردّی، ردّیخانے نہ کوئے وڈیائیا۔ اِس دے اُتے تُہانوُں سچکھنڈ دی دِتی گدّی، گداگر رہن کوئے نہ پائیا۔ تُہاڈی آتما پرماتما اپنے نال بدھّی، بدیاں توں لئے بچائیا۔ تُہاڈی لیکھے لا کے جنم والی صدی، صدیاں دے وِچھڑے جوڑ جُڑائیا۔ تُہاڈی جوبن والی جوانی مستانی نِرمانتا وِچ نڈھّی، نر نِرنکارا ویکھ وکھائیا۔

جوتی جوت سروُپ ہرِ، آپ اپنی کِرپا کر، دُھر دا رنگ اِک رنگائیا۔ کاٹ کہے میرے اُتے پا شہادت، شہنشاہ تیری وڈیائیا۔ جِنہاں تیری کیِتی عبادت، عملاں توں رہت کرائیا۔ اوہناں دی کرے نہ کوئی مزاحمت، جھگڑے وِچ نہ کوئے لوکائیا۔ ساچے نام دی بخش نیامت، وست اگمّ اِک ورتائیا۔ جِنہاں نے مُحبّت وِچ کیِتی تیری دعوت، مہمانی دِتی کھوائیا۔ اوہناں دی کوُڑی کِریا میٹ علامت، عالماں توں اَگے کر پڑھائیا۔ ایتھے اوتھے رکھ صحیح سلامت، سوال جواب نہ کوئے کرائیا۔ جوتی جوت سروُپ ہرِ، آپ اپنی کِرپا کر، مِہر نظر اِک اُٹھائیا۔ مِہر نظر کہے میَں رہی جھاک، جھاکی دو جہان لگائیا۔ میَنوُں سُہنجنی دِسے اجّ دی رات، بھگت بھگوان وجےّ ودھائیا۔ جِنہاں دا لیکھا بنیا بِن قلم دوات، کلمیاں توں باہر پڑھائیا۔ مِلی اگمّ سوغات، وست دُھردرگاہیِا۔ اودھر اوہ نیتر رو کے کہے پرات، جلدھارا وِچ دُہائیا۔ میرا کھیل اگمّ تماش، سچ دینا دِرڑائیا۔ جِس دِن گوبِند نے ہتّھ اُتے بہایا سی باز، بازاں والا ناؤں رکھائیا۔ اپنے اندر سَت بنایا راج، رعیت سچ پرگٹائیا۔ اوس ویلے بھر کے پانی دے اِکّی گلاس، اِک پرات وِچ ٹِکائیا۔ جوتی جوت سروُپ ہرِ، آپ اپنی کِرپا کر، لیکھا جانے دُھردرگاہیِا۔ پرات کہے جِس ویلے میَنوُں بھریا، مِلی مان وڈیائیا۔ گوبِند دا باز خوشی نال میرے وِچ تریا، قدم تِنّ تِن اُٹھائیا۔ میَں ہسّ کے کِہا اڑیا، کی تیری وڈیائیا۔ میَنوُں سچ دسّ کی گوبِند کولوں اکھّر پڑھیا، جیہڑا وِدیا دئے بدلائیا۔ اُس رو کے کِہا میَں تے اِکو چرن کوَل سیِس دھریا، دوُجی منگ نہ کوئے منگائیا۔ میَں اوسے لئی جیِندا مریا، اپنی ونڈ نہ کوئے ونڈائیا۔ پھڑ کے اِکو پلّوُ منزل چڑھیا، اپنا پندھ مُکائیا۔ جوتی جوت سروُپ ہرِ، آپ اپنی کِرپا کر، مِہر نظر اِک اُٹھائیا۔ باز کہے سُن جل والی پراتے، پراتاکال دیاں جنائیا۔ تُوں کملیئے ویکھیں صُبح پربھاتے، سرگھی ویلے سمجھائیا۔ اِک حُکم دینا دُھر دے داتے، درگاہ وِچوں سُنائیا۔ سچ سندیسہ اگمّی آکھے، دھرم دی دھار پڑھائیا۔ جِس ویلے کلجُگ دی انتم آوے راتے، چاروں کُنٹ اندھیرا چھائیا۔ گُر اوتاراں پَیغمبراں چُھٹنے ناتے، ساچا جوڑ نہ کوئے جُڑائیا۔ وست رہنی نہ کِسے ہاٹے، ونجارا ونج نہ کوئے کرائیا۔ سب دے چیِتھڑ ہونے پاٹے، اوڈھن سیِس نہ کوئے ٹِکائیا۔ پربھ دی جاگ کوئی نہ جاگے، آلس نِندرا وِچ لوکائیا۔ جھگڑا پئے مذہب سماجے، دیِن دُنی لڑائیا۔ کرے کھیل پُرکھ ابناشے، اپنا ویس وٹائیا۔ باز کِہا کملیئے اوس آؤنا دیس ماجھے، مجلس بھگتاں نال رکھائیا۔ اوس نے پانی پیِنا بھگتاں دی ڈھابے، سمُند ساگر نظر کوئے نہ آئیا۔ جوتی جوت سروُپ ہرِ، آپ اپنی کِرپا کر، بھیوَ ابھیدا رہیا کُھلائیا۔ پرات

کہے وے میَں پانی بھری، سوہنی نظری آئیا۔ باز کِہا تُوں اوس پربھوُ توں ڈریں، جو صاحِب دُھردرگاہیِا۔ پرات کِہا میَں سیوا کرنی بڑی، اپنا بل ودھائیا۔ باز کِہا ہنکار وِچ کریں نہ اڑی، ہنگتا کمّ کِسے نہ آئیا۔ پرات کِہا میَں وِچھوڑے وِچ مری، اپنا آپ تجائیا۔ باز کِہا اُٹھ نِگاہ مار ذری، ذرّے ذرّے وِچ سمائیا۔ اِک خبر دیواں جو سب نوُں کرے بری، بریِخانہ اِک درسائیا۔ جاں ویلا آوے تُوں میرا میَں تیرا ڈھولا پڑھیں، دوُجی اوَر نہ کوئے پڑھائیا۔ جوتی جوت سروُپ ہرِ، آپ اپنی کِرپا کر، ساچا میل لئے مِلائیا۔ پرات کہے جن بھگتو میَں پڑھدی اگمّی تُک، سوہنگ ڈھولا گائیا۔ سجدہ کراں جھُک، نِیوں نِیوں لاگاں پائنیا۔ جے تُسیں لہنا چاہُندے اوس دا سُکھ، سُکھمن ٹیڈھی بنک ڈیرہ ڈھاہیِا۔ سِدھے بن جاؤ اوس دے پُت، پِتا پُرکھ اکال منائیا۔ آپے میٹے اندھیرا گھُپ، تُہاڈے اندر کرے رُشنائیا۔ جگت وِچھڑیاں لئے پُچھ، پھڑ باہوں گود بہائیا۔ ابناشی کرتا کدے نہ جاوے رُس، رُسیِاں لئے جُڑائیا۔ تُہاڈا ویلا وقت گیا ڈُھک، اِکّی چیت دئے گواہیِا۔ پڑدا اوہلا رہے نہ لُک، بھیوَ ابھیدا دئے کُھلائیا۔ جوتی جوت سروُپ ہرِ، آپ اپنی کِرپا کر، ساچا رنگ اِک چڑھائیا۔ ساچا رنگ چاڑھے اگمّا، ہرِ کرتا آپ رنگائیا۔ ناتا توڑ کے کایا ماٹی چما، چمّ درِشٹی دئے بدلائیا۔ لیکھے لا کے پوَن سواس دماں، دامنگیِر آپ ہو جائیا۔ جن بھگتو تُہاڈا مارگ جگت وِچ نَواں، سرِشٹ سبائی کہے لوکائیا۔ اَگے بدل دینا سماں، سمجھ سمجھ وِچوں سمجھائیا۔ جوتی جوت سروُپ ہرِ، آپ اپنی کِرپا کر، مِہر نظر اِک اُٹھائیا۔ اِکّی چیت کہے اِکّی سِکھاں دی ارداس، دو اِک وجےّ ودھائیا۔ بھگت سُہیلا جن بھگتاں وسے پاس، پاسا سکے نہ کوئے بدلائیا۔ چرن پریِتی دے دھرواس، من بدمعاش ڈیرہ ڈھاہیِا۔ تُوں میرا میَں تیرا دسّ کے گاتھ، دُھر سندیسہ اِک سُنائیا۔ کھتری براہمن شوُدر وَیش بنا جماعت، سِکھیا دُھر دی اِک پڑھائیا۔ دیِناں مذہباں وِچوں کر آزاد، آتم پرماتم جوڑ جُڑائیا۔ پریم پریِتی اندر کر وِسماد، کوُڑی کِریا دئے مِٹائیا۔ بھیوَ کُھلا کے بودھ اگادھ، بُدھی توں پرے کرے پڑھائیا۔ گُرمُکھو جِس کارن اجّ دی رات گئے جاگ، جاگرت جوت گھر گھر درس دِکھائیا۔ ہنس روُپ بنائے کاگ، سوہنگ مانک موتی چوگ چُگائیا۔ تُہاڈا سچ دا اِک سماج، گھر سمگری بےپرواہیِا۔ جو بیننتی کیِتی پرہلاد، آد انادی منگ منگائیا۔ اُس دا لہنا دینا پوُرا کر حِساب، حاصِل ضرب ونڈ نہ کوئے ونڈائیا۔ جوتی جوت سروُپ ہرِ، آپ اپنی کِرپا کر، کرے کھیل ساچا ہرِ، مہاراج شیرسِنگھ وِشنوُں بھگوان، جن بھگتاں لوک مات کر کے آباد، مِہربان محبوُب مُحبّت وِچ سِر اپنا ہتّھ ٹِکائیا۔

۲۲ چیت شہنشاہی سمت ۴ گاندھی نگر جموں ہرسجن سِنگھ دے گرِہ

بخشش کرے سَتگُر شبد اگمّی میِتا، تِھر گھر واسی دَیا کمائیا۔ جِس دا مالک پُرکھ اکال سچکھنڈ نِواسی ٹھانڈا سیِتا، دو جہان ویکھ وکھائیا۔ سو صاحِب سمرتھ ساچا دیوے نام انڈیٹِھا، نِرگُن نِروَیر نِرنکار نِراکار اپنا رنگ رنگائیا۔ پاربرہم پت پرمیشور ہو کے وسے کایا مندر اندر چیِتا، من چنچل چِت ٹھگؤری رہن کوئے نہ پائیا۔ جگت واسنا کوُڑی کِریا بدل دیوے نیِتا، ترےَگُن اتیِتا، سِر اپنا ہتّھ رکھائیا۔ دوُر دُراڈا جوتی جاتا وسے کایا مندر اندر نزدیِکا، ایتھے اوتھے دو جہاناں پندھ مُکائیا۔ جُگ چؤکڑی نِت نوِت گُرمُکھ سنت سُہیلے ہرِجن اپنا ویکھے لوک مات بغیچہ، پُھل پُھلواڑی پتّ ٹہنی ایکا ایک مہکائیا۔ لہنا دینا لکھّ چؤراسی جیِو جنت جانے جی کا، جاگرت جوت بِن ورن گوت بھیوَ ابھیدا آپ کُھلائیا۔ جوتی جوت سروُپ ہرِ، آپ اپنی کِرپا کر، مِہر نظر آپ اُٹھائیا۔ بخشش کرے دیِن دَیال، دَیانِدھ وڈّی وڈیائیا۔ بھاگ لگائے کایا ماٹی سچّی دھرمسال، ساڈھے تِنّ ہتّھ دیوے مان وڈیائیا۔ جنم کرم دا پوُرب لیکھا کرے بحال، رحمت وِچ اپنا ترس کمائیا۔ جگت منگ بخشے لال، لالن اپنا رنگ رنگائیا۔ وست امولک دیوے نام سچّا دھن مال، اگمّ اتھاہ بےپرواہیِا۔ پڑدا اوہلا دئے چُکا، جوتی جوت سروُپ ہرِ، آپ اپنی کِرپا کر، کرے کھیل ساچا ہرِ، سَت ستوادی ویکھ وکھائیا۔ بخشش کرے صاحِب سمرتھ، ہرِ وڈّا وڈ وڈیائیا۔ جو دیونہارا دُھر دی وتھ، ناد انادی دَیا کمائیا۔ مِہربان مُحبّت وِچ محبوُب لہنا دینا چُکائے ہتّھو ہتّھ، دست بدست لیکھا دئے چُکائیا۔ سچ پریم نِج نیتر نیَن کھول کے اکھّ، پرتکھ اپنا درس کرائیا۔ حقیِقت وِچوں دیونہارا حق، لاشریِک شِرکت جگت دئے مِٹائیا۔ شتروُ دُشمن مِتر کر کے وسّ، واسطہ سچ نال جُڑائیا۔ جیِون وِچ جگت پتِ لئے رکھ، پت پرمیشور بےپرواہیِا۔ دھیِرج دیوے سنتوکھ دُھر دا ہٹّھ، اگنی تت نہ کوئے تپائیا۔ جگت جنجالا دیوے کٹّ، کٹاکش اپنا نام جنائیا۔ جوتی جوت سروُپ ہرِ، آپ اپنی کِرپا کر، کرے کھیل ساچا ہرِ، ہرِ وڈّا وڈ وڈیائیا۔ بخشش کرے پاربرہم پربھ انترجامی، انتشکرن ویکھ وکھائیا۔ جو لکھّ چؤراسی جیِو جنت ہر گھٹ جان جانی، گھٹ نِواسی انترجامی بھیوَ ابھیدا آپ کُھلائیا۔ جِس دا نام نِدھان اگمّی بانی، جُگ چؤکڑی گُر اوتار پَیغمبر صِفتاں وِچ صالاحیِا۔ سو انتر نِرنتر آتم پرماتم منزل جناوے روُحانی، روُح بُت ابناشی اچُت ویکھ وکھائیا۔ کلجُگ جھگڑا کوُڑ میٹے جِسمانی، جِسم اِسم ضمیِر ظاہر کرے رُشنائیا۔ جوتی جوت سروُپ ہرِ، آپ

اپنی کِرپا کر، کرے کھیل دُھر دا ہرِ، ہرِ وڈّا وڈ وڈیائیا۔ بخشش کرے دیِنا بندھپ دیِناناتھ، دَیانِدھ دَیا کمائیا۔ گُرمُکھاں وسے سدا ساتھ، ہرِجن ساچا سنگ نِبھائیا۔ بھاگ لگا کے کایا ماٹی کاچ، پنج تت دیوے مان وڈیائیا۔ ترےَگُن مایا پوہ نہ سکے آنچ، امرت میگھ اِک برسائیا۔ مِہربان ہو کے لَوے راکھ، سیِس جگدیِش اپنا ہتّھ ٹِکائیا۔ جنم کرم دا پوُرا کرے واک، واقِفکار پِچھلا پڑدا دئے اُٹھائیا۔ کُچھ لہنا دینا گُجری چند گوبِند ساتھ، گڑھی چمکؤر دئے گواہیِا۔ جوتی جوت سروُپ ہرِ، آپ اپنی کِرپا کر، پوُرب لیکھا ویکھ وکھائیا۔ بخشش کرے گوبِند گُردیو، گوبِند وڈ وڈیائیا۔ جِس دی تریسٹھ دِن کیِتی سیو، سیوک ہو کے سیو کمائیا۔ چؤداں ہزار دفعہ روز رسنا گاؤندی جِہو، گُنونت گُن نِدھان دھیان لگائیا۔ ایہہ اگمّا بھید، جگت بُدھی نہ کوئے سمجھائیا۔ جِس دا لہنا دینا نِہچل دھام نال نِہکیو، نِہکرمی اپنا رنگ رنگائیا۔ جوتی جوت سروُپ ہرِ، آپ اپنی کِرپا کر، سِر اپنا ہتّھ ٹِکائیا۔ بخشش کرے داتا سوُربیِر، صاحِب سُلطان سچّی سرنائیا۔ سیوا وِچ چُکدا رہیا گوبِند دے تیِر، بھتّھا ہتّھاں وِچ اُٹھائیا۔ خوشی نال پیاؤندا رہیا سیِر، سُرت سَتگُر چرن ٹِکائیا۔ آسا رکھی انت اَخیِر، بیننتی اِک دِرڑائیا۔ جوتی جوت سروُپ ہرِ، آپ اپنی کِرپا کر، ویکھنہارا تھاؤں تھائنیا۔ سچ بیننتی کیِتی ارداس، بخشش وِچ منگ منگائیا۔ گوبِند پُرکھ اکال تکنا تیرا باپ، جِس نوُں جنمے کوئے نہ مائیا۔ اوہ آد جُگاد جُگ چؤکڑی نِرگُن سرگُن ساتھ، سگلا سنگ بنائیا۔ شاستر سِمرت وید پُران گیِتا گیان اِنجیِل قرآن کھانی بانی جِس دی گاؤندی گاتھ، اکھّراں وِچ ونڈ ونڈائیا۔ جِس نے گُر اوتار پَیغمبر بھیجے تریَلوکی ناتھ، لوک پرلوک اپنا حُکم ورتائیا۔ میَں ویکھنا اوس دا کھیل تماش، جو خالق خلق وِچ سمائیا۔ گوبِند ہسّ کے پُشت پناہ لائی تھاپ، تھپکی اِک تھپکائیا۔ جِس ویلے نِرگُن نوُر جوت ہووے پرکاش، پاربرہم پت پرمیشور ویس وٹائیا۔ میَں شبدی یودھا سدا ہوواں ساتھ، وِچھوڑا رہن کوئے نہ پائیا۔ تیرا لہنا دینا لیکھا لِکھاں بِن اکھّراں والی کِتاب، جِس کاغذ دا پنّا نظر کِسے نہ آئیا۔ کلجُگ انت صدی چؤدھویں دے خِطاب، مُخاطب ہو کے آپ دِرڑائیا۔ اِشارے نال دِتا آکھ، آخر اِکو حُکم سُنائیا۔ جوتی جوت سروُپ ہرِ، آپ اپنی کِرپا کر، دیونہار وڈّی وڈیائیا۔ بخشش کیِتی دات، دؤلت دُھر دی جھولی پائیا۔ جِس ویلے کل ہووے اندھیری رات، ساچا چند نہ کوئے رُشنائیا۔ جوُٹھ جھوُٹھ ودھے پرتاپ، سچ سُچ بَیٹھے مُکھ چُھپائیا۔ اوس ویلے گُرمُکھ تیری کھولاں جاگ، جاگرت جوت کر رُشنائیا۔ دُرمت مَیل دھو داغ، پتت پُنیِت دیاں کرائیا۔ کایا مندر

اندر شبد سُرتی دے آواز، آلس نِندرا دیاں مِٹائیا۔ ایہہ کھیل گوبِند دی دھار شبدی سَتگُر کرے آپ، اپنا رنگ وکھائیا۔ بخشش وِچ رحمت وِچ دیِن دَیالا اندر باہر گُپت ظاہر دیوے ساتھ، سگلا سنگ رکھائیا۔ تُوں میرا میَں تیرا آتم پرماتم پاربرہم برہم سُرت شبد اِکو ذات، دوُجا نظر کوئے نہ آئیا۔ جوتی جوت سروُپ ہرِ، آپ اپنی کِرپا کر، کرے کھیل ساچا ہرِ، بخشش وِچ بخشیِش، جگدیِش سچ پریِتی جھولی پائیا۔

۲۲ چیت شہنشاہی سمت ۴ چھمب جموں گُردِت سِنگھ دے گھر

چیت کہے سُن میرے دُھر دے بابل، پِتا پُرکھ اکال دیاں جنائیا۔ چؤراسی وِچوں سنت سُہیلے ویکھنے قابل، ولدیعت وِچوں اصلیت لیَنی پرگٹائیا۔ سچکھنڈ نِواسی پُرکھ ابناشی کرنا اِکو عادل، اِنصاف وِچ گُستاخ رہن کوئے نہ پائیا۔ کوُڑی کِریا جگت اندھیر دوُر کرنا بادل، نوُر نوُرانے شاہ سُلطانے ایکا جوت کر رُشنائیا۔ شرع چُھری نہ رہے کوئے مقتُول قاتل، قتل گاہ ونڈ نہ کوئے ونڈائیا۔ بھیوَ ابھیدا کھولنا باطن، پڑدا پڑدیاں وِچوں چُکائیا۔ سندیسہ دے کے دُھر ابناشن، ابناشی کرتے اپنا حُکم ورتائیا۔ گُر اوتار پَیغمبر تیرے داسی داسن، در ٹھانڈے سیِس جھُکائیا۔ سیوا وِچ پرتھوی آکاشن، کوٹن برہمنڈ کھنڈ بھجّن واہو داہیِا۔ گُر اوتار پَیغمبر تیرے نام دا کلمہ ڈھولا سوہلا واچن، پڑھ پڑھ اپنی خوشی منائیا۔ جوتی جوت سروُپ ہرِ، آپ اپنی کِرپا کر، ایکا دینا دُھر دا ور، در ٹھانڈا اِک سُہائیا۔ چیت کہے پربھ ویکھ اپنی کھیل نِرالی، نِراکار دھیان لگائیا۔ تیرا نِرگُن نوُر جوت اکالی، اکل کل دھاری تیری بےپرواہیِا۔ تیرے در تے کھڑے انک سوالی، جھولی اپنی رہے ڈاہیِا۔ بِن تیری کِرپا تیری کرے نہ کوئے دلالی، وِچولا وِچر نہ کوئے سمجھائیا۔ مِہربان محبوُب مُحبّت وِچ بھر دے بھنڈارے خالی، خالق خلق دے مان وڈیائیا۔ تیرے دوارے دُھنکار وجےّ ساچی تالی، تابعداری سب نوُں دے دِرڑائیا۔ لہنا دینا حقیِقت ویکھ حالی، ہر گھٹ وسن والے دُھردرگاہیِا۔ تیرا جلوہ تکّیئے نوُر جمالی، ظاہر ظہوُر نظری آئیا۔ جوتی جوت سروُپ ہرِ، آپ اپنی کِرپا کر، ایکا دینا دُھر دا ور، در ٹھانڈے سوبھا پائیا۔ چیت کہے صاحِب سُلطان تیرا در

ٹھنڈا، ٹھنڈک دوُجی نظر کوئے نہ آئیا۔ تیرا آد جُگادی نوُری چندا، چند چاندنی کرے رُشنائیا۔ تیرا لیکھا گہر گمبھیِر جوتی شبدی دھار سندا، سند سب دی ویکھ وکھائیا۔ صدی چؤدھویں تکّ اَخیِری کنڈھا، کنڈھی والے اپنا رنگ رنگائیا۔ جِس دی مہما ہو نہ سکے نال دندا، رسنا وِچ رس نہ کوئے چکھائیا۔ سو صاحِب سَتگُر دیونہارا اِک انندا، انند انند وِچو پرگٹائیا۔ منزل پؤڑی چڑھا کے اپنا ڈنڈا، ڈنڈاوت اِکو دئے سمجھائیا۔ سِری بھگوان تُوں صاحِب سوامی سدا بخشندا، بخشش رحمت تیرے وِچ نظری آئیا۔ ہرِ سنت سُہیلے لگا اپنے انگا، انگیکار اِک اکھوائیا۔ جوتی جوت سروُپ ہرِ، آپ اپنی کِرپا کر، ایکا دینا دُھر دا ور، نِہکلنک نرائن نر، مہاراج شیرسِنگھ وِشنوُں بھگوان، دیِن دُنی کوُڑ کُڑیار میٹ دے دنگا، دغےبازی وِچ دغا نہ کوئے کمائیا۔