کتب خانہGranth 21 (Urdu)

۷ اَسوُ شہنشاہی سمت ۴ ہرِ بھگت دوار جیٹھوُوال

گُرمُکھ ساچا نام کرن گرِہن، گرِہن سوُریہ نہ کوئے وڈیائیا۔ مِٹے اندروں اندھیری رَین، چند اندھیر نہ کوئے وکھائیا۔ نیتر پیکھن اپنے نیَن، نِج نیتر اکھّ کُھلائیا۔ درشن ہووے نر نرائن، نِہکرمی پردہ لاہیِا۔ بھرم رہے نہ کوئے ہِندوَین، ہِندوُ ہِندسا اِک جنائیا۔ بالمیک اِشارہ کیِتا وِچ رمائن، راما راہ تکائیا۔ کرِشن ارجن لگّا کہن، نام سندیسہ اِک دِرڑائیا۔ جو پرم پُرکھ توں ہوئے طرفَین، ناتا بھگوَن نالوں تُڑائیا۔ اوہناں امرت رس ملِے نہ کوئے کامدھین، ایراپت نہ کوئے چتُرائیا۔ بھیوَ کُھلے نہ کوئے عَین، رسائن ہتّھ کِسے نہ آئیا۔ جوتی جوت سروُپ ہرِ، آپ اپنی کِرپا کر، مِہر نظر اِک اُٹھائیا۔ گرِہن سوُریہ اُپر چھایا، سائیبان اُپر فلک نظری آئیا۔ ایہہ کھیل بےپرواہیِا، پاربرہم آپ کرائیا۔ جِنہاں توڑے ناتا ترےَگُن مایا، ممتا موہ چُکائیا۔ ساچا نام دئے سُنایا، سُنّ سمادھی وِچوں باہر کڈھائیا۔ اپنا گرِہ دئے وکھایا، گھر مندر وجےّ ودھائیا۔ جِتھے سوُریہ چند نظر کوئے نہ آیا، نچھتر ونڈ نہ کوئے ونڈائیا۔ منڈل منڈپ پندھ مُکایا، گگن گگننتر لیکھا آپ مُکائیا۔ جِس گرِہ گُرمُکھ رہیا وسایا، وست اپنی اِک جنائیا۔ اوتھے گرِہن گرہیا وِچ کدے نہ آیا، نیتر اکھّ نہ کوئے درسائیا۔ جگت وِدیا لیکھا دِسے پرایا، پاربرہم پربھ اپنا پڑدا لاہیِا۔ جوتی جوت سروُپ ہرِ، آپ اپنی کِرپا کر، کرے کھیل ساچا ہرِ، پکھّاں جگت ونڈ ونڈائیا۔ سچ گرِہن جو گرِہن کرے ہردیو، ہرِ کرتا نظری آئیا۔ ایہہ دھرنی دی سیو، دھوَل وِچ دُہائیا۔ برہما دی کتھنی جِہو، ویداں وِچ وڈیائیا۔ پُرکھ اکال لیکھا سدا نِہکیو، نِہچل آسن اِک وکھائیا۔ جِس نوُں گا نہ سکے رسنا

جِہو، بتّی دند نہ صِفت صالاحیِا۔ جوتی جوت سروُپ ہرِ، آپ اپنی کِرپا کر، مِہر نظر اِک اُٹھائیا۔ سچ گرِہن جگت دی دُھج، دُھرا دھرم نہ کوئے وڈیائیا۔ جگت وِدیا کھیل جُگ، جُگ چؤکڑی مات چلی آئیا۔ جِس دھاروں سارے رہے اُگ، اُگن آتھن وجےّ ودھائیا۔ اُس دی سمجھ دسےّ نہ کوئی کُجھ، پڑدا بھیوَ نہ کوئے کُھلائیا۔ نؤ وار گرِہن ویکھ کے رویا بُدھ، نیتر نیَناں نیِر وہائیا۔ میرے انتر لگّا دُکھ، درد دئے دُہائیا۔ پُرکھ اکال مَیتھوں پُچھ، سچ دیاں سُنائیا۔ کیوں جگت کلنک نوُں سارے رہے جھُک، تَینوُں سیِس نہ کوئے نِوائیا۔ کِسے کول نہیں کُچھ، سوُریہ نیتر رو کے مارے دھاہیِا۔ چندر چند نہ سکے اُٹھ، پڑدا پرے نہ کوئے ہٹائیا۔ تیری دھارا کھیل اُلٹ، سِدھی سادھ نہ کوئے وڈیائیا۔ تیرا کھیل قدیِمی مُڈھ، بھیوَ سکیا کوئے نہ پائیا۔ جگت نِگاہ اسماناں وِچ رہی اُڈ، انتر نِرنتر تیرا درس کوئے نہ پائیا۔ مسیح گرِہن ویکھ کے کِہا گُڈ، گاڈ گولڈن تیری اِک سرنائیا۔ جیہڑے سڑدے نال وُڈ، وِڈو دِسے جگت لوکائیا۔ بیِتے پِچھے جُگ، جھگڑیاں وِچ دُہائیا۔ کردے رہے یُدھ، یُدِھشٹر گیا سُنائیا۔ کرِشن اُپر کر کے مُکھ، رسنا دِتا سُنائیا۔ ایہہ کھیل کارن ٹُک، بُدھیِواناں ونڈ ونڈائیا۔ ٹُک دے بدلے جِنہاں پَینی کُٹ، کایا کُٹیاں ملِے سزائیا۔ خالی بھانڈے ویکھنے ٹُھٹھ، ٹھاکر ٹھوُٹھے پھول پُھلائیا۔ جِس دی صِفت کردے بتّی دند بُلاں نال بُٹ، مہما وڈ وڈیائیا۔ جوتی جوت سروُپ ہرِ، آپ اپنی کِرپا کر، ساچا کھیل آپ کرائیا۔ جگت وِچار گرِہن وسیع، دھرم دھرم وِچ دُہائیا۔ کُچھ دھیان کر کے گیا موُسیٰ مُسلسل اِک وسیع، واسطہ پربھ دے نال رکھائیا۔ اے نوُر اِلاہی ربّی، ربیؤل اِمام تیری وڈیائیا۔ کیوں سوُریہ چند رہیا دبّی، بھار نِرالا اُپر پائیا۔ کیوں کھیل تیرا کایا ماٹی ہڈّی، ناڑی ماس جنائیا۔ اِک زِمیں تے مار کے اڈّی، واسطہ دِتا پائیا۔ سچ خُدا کیوں تیری سب توں چُھٹی گدّی، گداگر دِسے لوکائیا۔ تُوں آویں کدی کدی، قدیِم دے مالک دُھردرگاہیِا۔ کیوں پانی پوُجا ہُندی ندی، وہناں وِچ وہائیا۔ میَنوُں دِسدا تیرا لیکھا ویہویں صدی، صدمہ سب نوُں رہیا وکھائیا۔ کِسے نوُں پتہ نہیں کیہڑی کیِتی بدی، بدلا ویکھے لوکائیا۔ جوتی جوت سروُپ ہرِ، آپ اپنی کِرپا کر، ساچا بھیوَ دئے کُھلائیا۔ جگت گرِہن جگت اندھیرا، اندھلا اندھ وکھائیا۔ محمد بِن کعبیوں لا کے ڈیرہ، صفہ صوُفیاں والی وِچھائیا۔ چؤداں طبقاں کیہڑا گیڑا، صدی چؤدھویں دئے دُہائیا۔ پِچھے بھرم رہیا بتھیرا، بُھلیکھیاں وِچ لوکائیا۔ پربھوُ کِسے اِشٹ نہ منّیا تیرا، دیوی دیوتیاں سیِس نِوائیا۔ سوُریہ چند کرے نہ کوئے نبیڑا، منزل حق نہ کوئے پُچائیا۔ صاحِب سوامی کر حق نِبیڑا، نِروَیر تیری

وڈیائیا۔ جوتی جوت سروُپ ہرِ، آپ اپنی کِرپا کر، ساچا رنگ دینا رنگائیا۔ جگت گرِہن جگت جگیاَسوُ، جُگیِشر دِتی وڈیائیا۔ نالے پوُجا کردے نالے پیِندے تمباکوُ، رام کام دوویں کمّ کِسے نہ آئیا۔ جگت وِدیا بن کے ڈاکوُ، ڈاوانڈول کیِتی لوکائیا۔ لیکھا لِکھیا مُنیِشر باَسوُ، واسدیو حُکم سُنائیا۔ سَتجُگ تریتا دواپرکلجُگ جگت بھرم گرِہن سب دا ساکوُ، سجّن رِشیاں نظری آئیا۔ جوتی جوت سروُپ ہرِ، آپ اپنی کِرپا کر، پڑدا اوہلا دئے اُٹھائیا۔ جگت گرِہن گرِہستی دھار، رِشیاں وڈ وڈیائیا۔ سوُریہ چند کرن پُکار، دھرنی دھرت دھوَل ویکھ وکھائیا۔ ساچا ہوئے سُدھار، سُدی ودی نہ ونڈ ونڈائیا۔ کِرپا کرے کرتار، قُدرت دا مالک دَیا کمائیا۔ جِس دے حُکم اندر جُگ چار، منزل منزل اپنا پندھ مُکائیا۔ سو کھیل کرے کرتار، کرنی دا کرتا آپ ہو جائیا۔ جگت گرِہن جگ وِچار، وِچر کے گئے سُنائیا۔ گُرمُکھ گُرسِکھ سنت سُہیلے گرِہن ارتھ توں سدا باہر، ارتھات اتھوا جِس نوُں اِکو دِتا جنائیا۔ جِتھے سچکھنڈ دربار جوت جگے ایکنکار، دیِا باتی نہ کوئے اُجیار، گُر پَیغمبر نہ کوئے اوتار، سوُریہ چند نہ کوئے چمتکار، دھرنی دھرت دھوَل نہ کوئے آکار، دانی منگتا نہ کوئے بِھکھار، رسنا بولے نہ کوئے اُچار، جِہوا کرے نہ کوئے گُفتار، دِنے ہوئے نہ کوئے گرِفتار، پڑدا سکے نہ کوئی ڈار، پنڈت پاندھا پاوے کوئی نہ سار، شاستر سِمرت وید پُران جاننہار، جِس در بَیٹھے آپ سچّی سرکار، سروور سراسر جن بھگتاں نال رکھائیا۔ جوتی جوت سروُپ ہرِ، آپ اپنی جوت دھر، نِہکلنک نرائن نر، مہاراج شیرسِنگھ وِشنوُں بھگوان، کرے کھیل آپ کرتار، کرنی دا کرتا ایکا ایک اکھوائیا۔

۱۳ اَسوُ شہنشاہی سمت ۴ سُرجیِت سِنگھ دے گرِہ پِنڈ فَیج پُر بٹالا ضِلع گُرداس پُر

سَتگُر شبد چؤدھویں چندا، صدی صدی دئے گواہیِا۔ نوُری اِسم دِسے کوئی نہ بندہ، بندگی وِچ بندھن نہ کوئے تُڑائیا۔ مانَو رہیا کوئی نہ چنگا، مانُکھ رنگ نہ کوئے رنگائیا۔ محمد دھار اَخیِری کنڈھا، ویلا وقت وجےّ ودھائیا۔ بِن پُرکھ اکال کوُڑا دھندا، دھرم دی دھار سمجھ کِسے نہ آئیا۔ کلجُگ جیو جگت جہان ننگا، اوڈھن نام سیِس نہ کوئے ٹِکائیا۔ گوبِند گھر نہ آئے کوئی کھنڈا، کھڑگ ہتّھ نہ کوئے اُٹھائیا۔ ساچی منزل چڑھے کوئی نہ ڈنڈا، ڈنڈاوت وِچ سیِس نہ کوئے جھُکائیا۔ برہم وِدیا رہیا کوئی نہ پنڈا، شاستر سِمرت وید

پُران رہے کُرلائیا۔ امرت دھار وہے نہ گنگا، جل تھل مہیئل نیتر رووے مارے دھاہیِا۔ آتم پرماتم بنیا کوئی نہ سنگا، سَتگُر میل نہ کوئے مِلائیا۔ پردہ چُکیا نہ ہنگ برہما، پاربرہم پت پرمیشور رنگ نہ کوئے رنگائیا۔ سرِشٹ سبائی گاؤندی رسنا جِہوا دندا، جوتی جوت سروُپ ہرِ، آپ اپنی کِرپا کر، ایکا دینا دُھر دا ور، در تیرے منگ منگائیا۔ صدی چؤدھویں کہے سَتگُر شبد اگمّی میِتا، مِتر پیارا نظری آئیا۔ جو جُگ چؤکڑی بدلے ریِتا، سَتجُگ تریتا دواپرکلجُگ ویس وٹائیا۔ جو بھیوَ جانے لکھّ چؤراسی جیِو جی کا، چار ورن اٹھاراں برن کھوج کھوجائیا۔ دُھر دا کلمہ دئے حدیِثا، حضرتاں کرے پڑھائیا۔ لہنا دینا جانے بیِس بیِسا، صدی بیِسویں نال مِلائیا۔ جو قؤل اِقرار پُرکھ اکال گوبِند نال کیتا، بِن اکھّراں اکھّر بنائیا۔ جگ نیتر نیَناں کِسے نہ ڈیِٹھا، لوچن ویکھن کوئے نہ آئیا۔ اوہ کرنی کرے ہرِ جگدیِشا، جاگرت جوت کر رُشنائیا۔ جیہڑا پِچھلا لیکھا بیِتا، باطن پڑدا دئے چُکائیا۔ ساچی کرے نہ کوئے پریِتا، پریِتم مِلن کوئے نہ آئیا۔ جھگڑا رہیا ہست کیِٹا، اوُچاں نیِچاں من کلپنا رہی لڑائیا۔ جوتی جوت سروُپ ہرِ، آپ اپنی کِرپا کر، ساچا بھیوَ رہیا کُھلائیا۔ صدی چؤدھویں کہے میَں صدقے گھولی واری، سَتگُر شبد ملِے وڈیائیا۔ ساچی دِسے نہ کوئے سرداری، سیِس تاج نہ کوئے ٹِکائیا۔ گُروُآں اوتاراں پَیغمبراں نال جگت کرے غداری، دھرم دی دھار نظر کوئے نہ آئیا۔ ساچی رہی کوئی نہ یاری، یارانہ توڑ نہ کوئے نِبھائیا۔ سب دی بازی انتم ہاری، بازاں والا ویکھ وکھائیا۔ جِس دا نام کھنڈا تیز کٹاری، کھڑگ شبد نام چمکائیا۔ دو جہاناں پاوے ساری، برہمنڈاں کھنڈاں ویکھ وکھائیا۔ نؤ سؤ چُرانوے چؤکڑی جُگ پِچھوں آئی جِس دی واری، وارتا سب دی ویکھ وکھائیا۔ کوُڑی کِریا مایا ممتا موہ وِکار ہنکار کرے کاری، وِبھچار ڈیرہ ڈھاہیِا۔ گُر اوتار پَیغمبر جِس دی منّدے گئے تابعداری، نِیوں نِیوں سجدہ سیِس جھُکائیا۔ کھیل کرے وڈ سنساری، سنساری بھنڈاری سارے لئے اُٹھائیا۔ جوتی جوت سروُپ ہرِ، آپ اپنی کِرپا کر، کرے کھیل ساچا ہرِ، وڈ داتا بےپرواہیِا۔ صدی چؤدھویں کہے میرا سارے کردے سودا، بٹوارے بَیٹھے ہٹّ کُھلائیا۔ جھگڑا پایا پربھ دے ناؤں دا، االلہ واہِگُروُ رام کہہ کے مانَو رہے لڑائیا۔ کھیل ویکھیا بھےَ بھؤ کا، بھانڈا بھرم نہ کوئے بھنّائیا۔ ذاتی پاتی بازی ویکھی جگت داؤ کا، در تیرے وِچوں باہر نہ کوئے کڈھائیا۔ جوتی جوت سروُپ ہرِ، آپ اپنی کِرپا کر، کرے کھیل ساچا ہرِ، وڈ داتا بےپرواہیِا۔ صدی چؤدھویں کہے میَں روندے ویکھے سادھ سنت، فقیِر صوُفی مارن دھاہیِا۔ ساچا مِلیا کِسے نہ کنت، دُھر دا میل نہ کوئے مِلائیا۔ ہویا

وِچھوڑا جگت بھگوَنت، بھگوَن بھاگ نہ کوئے لگائیا۔ گڑھ بنیا ہؤمے ہنگت، ہنگ برہم نظر کِسے نہ آئیا۔ بودھ اگادھا بنے کوئے نہ پنڈت، اکھّراں دی سارے کرن پڑھائیا۔ چار ورن اٹھاراں برن ساچی بنے کوئی نہ سنگت، نانک گوبِند لیکھا گئے بدلائیا۔ شاہ سُلطان راج راجان سنت بِھکھاری ہو کے منگن، در در الکھ جگائیا۔ ساچے نام دا ہتّھ دِسے کِسے نہ کنگن، دیِن دَیال گانا حق نہ کوئے جنائیا۔ دھرم دوار کرے نہ کوئی بندن، بندیاں نوُں بندنا کر کے اپنا جھٹ لنگھائیا۔ سب دی آشا ہوئی نگن، ممتا موہ پِھرے ہلکائیا۔ جھگڑا پیا وِکار بھجن، سچ میلا نہ کوئے مِلائیا۔ نظری آئے نہ داتا درد دُکھ بھےَ بھنجن، بھوَ ساگر رُڑھدی دِسے لوکائیا۔ نیتر نام پائے کوئی نہ انجن، اندھ اندھیر نہ کوئے چُکائیا۔ بِن سَتگُر شبد ساچا رہیا کوئی نہ سجّن، ٹھگ چور یار چاروں کُنٹ بَیٹھے دھوُنیاں لائیا۔ آتم پرماتم دیوے نہ کوئی انندن، پرمانند نہ کوئے سمائیا۔ سَتگُر دھوُڑی ٹِکاّ مستک لائے کوئی نہ چندن، سوُریہ چند نِیوں نِیوں سیِس جھُکائیا۔ جوتی جوت سروُپ ہرِ، آپ اپنی کِرپا کر، ایکا دینا ساچا ور، ویکھ کھیل وِچ وربھنڈن، برہمنڈ پڑدا آپ اُٹھائیا۔ صدی چؤدھویں کہے میرا دُھردرگاہ ہوکا، حقیِقت حق دیاں دِرڑائیا۔ پِھری دُہائی چؤداں لوکا، چؤداں طبق رہے کُرلائیا۔ ساچا گائے نہ کوئے سلوکا، سوہلا راگ نہ کوئے وڈیائیا۔ پربھ مِلن دا ملِے کِسے نہ مؤقع، جگت جگیاَسوُ نیتر نیَناں درس کوئے نہ پائیا۔ بھاگ نہ لگّے کایا ماٹی کھوکھا، ساڈھے تِنّ ہتّھ نہ وجےّ ودھائیا۔ پرکاش دِسے نہ نِرمل جوتا، جاگرت جوت نہ کرے رُشنائیا۔ مایا ممتا وِچ سارے مارن غوطہ، پھڑ باہوں باہر نہ کوئے کڈھائیا۔ من بُدھی دا لیکھا ہویا تھوتھا، تِھر گھر بَیٹھا سچ سوامی نظر کِسے نہ آئیا۔ صدی چؤدھویں کہے میَں لیکھے لاؤنی نہیں کِسے دی لوتھا، مِٹی خاک دینی مِلائیا۔ جوتی جوت سروُپ ہرِ، آپ اپنی کِرپا کر، ایکا دینا ساچا ور، واہ واہ تیری وجدی رہے ودھائیا۔ صدی چؤدھویں کہے آ بیِس بیِسے، سچ دیاں سمجھائیا۔ پِچھلے چار جُگ لوک مات بیِتے، شاستر سِمرت وید پُران کھانی بانی دئے گواہیِا۔ اُس توں پِچھلا لیکھ لِکھے نہ کوئے حدیِثِ، حضرت سمجھ کِسے نہ آئیا۔ انتم سب دے خالی کھِیسے، نام بھنڈارا ہتّھ نہ کوئے رکھائیا۔ بھیوَ کُھلے نہ جیو جی کے، جاگرت جوت نہ کوئے جگائیا۔ جو گُر اوتار پَیغمبراں لوک مات کرنی کرم کیتے، کاڈاں وِچ ونڈ ونڈائیا۔ ہرِ ہرِ ناؤں رسنا جِہوا بتّی دند گایا گیتےِ، گہر گمبھیِر پڑدا دِتا اُٹھائیا۔ جوتی جوت سروُپ ہرِ، آپ اپنی کِرپا کر، کرے کھیل ساچا ہرِ، دُھر دا ساچا سنگ نِبھائیا۔ صدی چؤدھویں کہے میرا چاروں کُنٹ پھیرا، پِھر پِھر ویکھاں جگت لوکائیا۔ پُرکھ ابناشی گھٹ نِواسی

ایکنکار مار اپنا پھیرا، پاربرہم پت پرمیشور اپنا ویس وٹائیا۔ جھگڑا پیا مندر مسجد شِودوالے مٹھ گُروُدوار دیہرا، ساچا رنگ تیرا ناؤں نہ کوئے چڑھائیا۔ سادھ سنت جیِو جنت من بُدھی پایا جھیڑا، کلپنا کوُڑ ہوئی ہلکائیا۔ چار ورن اٹھاراں برن دے دے گیڑا، کھتری براہمن شوُدر وَیش پڑدا دے اُٹھائیا۔ تیری یاد وِچ سماں بیِتیا بتھیرا، گُر اوتار پَیغمبر بَیٹھے دھیان لگائیا۔ بھیوَ کُھلا گُروُ گُر چیرا، چیلا گُر اپنا ناؤں جنائیا۔ صاحِب سوامی انترجامی گھٹ نِواسی تیرا ویلا، واہ واہ تیرے نام دی وجےّ ودھائیا۔ جوتی جوت سروُپ ہرِ، آپ اپنی کِرپا کر، ایکا دینا ساچا ور، پُرکھ اکال دیِن دَیال دَیانِدھ تیری بےپرواہیِا۔ صدی چؤدھویں کہے اُٹھ ویکھ مار جھاکی، پردہ دو جہان اُٹھائیا۔ ساچا جام پیاوے نہ کوئی ساقی، امرت رس نہ کوئے چکھائیا۔ لہنا دینا پوُرا کر جو گوبِند رکھیا باقی، پاربرہم پت پرمیشور اپنی دَیا کمائیا۔ کلجُگ کوُڑی کِریا میٹ اندھیری راتی، سَت دھرم سَتجُگ ساچا چند چمکائیا۔ تُوں آتم نوُر سرب دا ذاتی، جوتی جاتا اِک اکھوائیا۔ تیری سب توں وکھری نِرالی گاتھی، تُوں میرا میَں تیرا آتم پرماتم ڈھولا دے جنائیا۔ دِوس رَین اٹّھے پہر تیرے پریم دی ہووے پربھاتی، گھڑی پل حِصّہ نہ ونڈ ونڈائیا۔ جھگڑا مُکا کاغذاتی، قلم شاہی لہنا پوُر کرائیا۔ مانَو مانَو دیِن مذہب وِچوں چار کُنٹ لےَ آزادی، جھگڑا اوَر رہے نہ رائیا۔ پاربرہم برہم آتم پرماتم کر شادی، شادیانہ کایا مندر اندر دے وجائیا۔ تَینوُں نِرگُن دھار سرگُن رہے ارادھی، رادھا کرِشن رام سیِتا االلہ واہِگُروُ گؤڈ تیری صِفت صالاحیِا۔ بِن تیری کِرپا کایا مندر اندر سُرت کِسے نہ جاگی، جاگرت جوت نہ کوئے رُشنائیا۔ گوبِند دھار بنیا کوئے نہ ساتھی، ساچا سِکھ روُپ نہ کوئے وٹائیا۔ پنچم میِتے منّے کوئے نہ آکھی، آخر لیکھا ویکھ وکھائیا۔ جگت وِدیا دے سارے بنے پاٹھی، رسنا جِہوا ڈھولا گائیا۔ سُنے شبد نہ کوئے انادی، نادی دُھن نہ کوئے اُپجائیا۔ صدی چؤدھویں کہے میرے وِچ ہونی بربادی، چاروں کُنٹ نیتر رووے مارے دھاہیِا۔ میَنوُں دُکھ ہویا پُرکھ اکال تیرے گوبِند پنتھ دا دِسے کوئی نہ واگی، واگ نوُں ہتّھ نہ کِسے پھڑائیا۔ جگت واراں گاؤندے ڈھاڈھی، ڈھولک چَھینے رہے کھڑکائیا۔ سَت دھرم دی دِسے نہ کوئے آبادی، آبروُ سارے گئے گوائیا۔ تُوں صاحِب سوامی ہر گھٹ وِسمادی، بِسمِل اپنی کھیل کھِلائیا۔ حُکمے اندر سارے کر کے باغی، بغلگیِر نظر کوئے نہ آئیا۔ سچ دوار دا رہے نہ کوئے دِماغی، دماں وِچ دم مِلا کے دامن سب نوُں رہے پھڑائیا۔ جوتی جوت سروُپ ہرِ، آپ اپنی کِرپا کر، ایکا دینا دُھر دا ور، در تیرے آس رکھائیا۔ صدی چؤدھویں کہے میَں چاروں کُنٹ نسّاں، بھجّاں واہو داہیِا۔ میَں

تکاّں تیریِاں اکھّاں، بِن اکھّاں اکھّ اُٹھائیا۔ میَں ویکھاں اَرباں پدماں کروڑاں لکھّاں، کوٹن کوٹ کھوج کھوجائیا۔ پُرکھ ابناشی سچ سچ تَینوُں دسّاں، دست بدست سیِس جھُکائیا۔ نؤ کھنڈ پرِتھمی ستّ دیِپ وِچوں میَں تیرا پیار ویکھیا اوہناں جٹّاں، جِنہاں نوُں جٹا جوُٹ سمجھ وِچ نہ کوئے رکھائیا۔ میَں پِھری بھجیّ وِچ پتّھراں اِٹّاں ، ٹِلّے پربت واہو داہیِا۔ تیرے دوارے دُہتّھڑ مار کے پٹاں، نیتر نیَناں نیِر وہائیا۔ جے تُوں پُرکھ اکال سب دا پِتا، پت پرمیشور نظری آئیا۔ کلجُگ انت ویکھ وڈّا نِکاّ، چاروں کُنٹ ویکھ وکھائیا۔ تیرا نوُر کِتے نہ دِسا، دہ دِشا اندھیرا چھائیا۔ غریِب نِمانا جگت جگیاَسوُ ہو کے پِسا، پھڑ باہوں گلے نہ کوئے لگائیا۔ کیوں سب نوُں دِتا پِچھا، اُتّر پوُرب پچھّم دکھّن کروٹ لےَ بدلائیا۔ تیرا صاحِب سَتگُر شبد گُروُ اِکو ٹِکا، جو دُھر دا نظری آئیا۔ جِس نے گوبِند دِتا چِٹھا، شبد اگمّا اِک سمجھائیا۔ اوس دا انت اَخیِری کڈھ سِٹا، سِٹیبازی میٹ کوُڑ لوکائیا۔ جوتی جوت سروُپ ہرِ، آپ اپنی کِرپا کر، ایکا دینا ساچا ور، در تیرے آس رکھائیا۔ صدی چؤدھویں کہے میَں ویکھاں چار کُنٹ فرق، فِرقے والے نظری آئیا۔ سچ دوارا کر گئے ترک، تُرت تیرا ناؤں بُھلائیا۔ مدھ مایا وِچ ہوئے غرق، کنارہ پار نہ کوئے دِسائیا۔ مانَو مانَو خوش ہووے نہ کوئے کر کے درس، دیِد عیِد نہ کوئے منائیا۔ تُوں بَیٹھا اُتے عرش، فرش رہیا کُرلائیا۔ پُرکھ اکال ویکھ پرت، پاربرہم تیری سرنائیا۔ نیتر رووے دھرنی دھرت، دھوَل دئے گواہیِا۔ تیری گوبِند نال شرط، کلجُگ شرع دے بدلائیا۔ جھگڑا مِٹا مندر مسجد چرچ، چرچا کوُڑ رہے نہ رائیا۔ غریِب نِمانیاں اُتے کر ترس، رحمت آپ کرائیا۔ سب دی میٹ حرص، ہوَس دے بُجھائیا۔ جوتی جوت سروُپ ہرِ، آپ اپنی کِرپا کر، ایکا دینا ساچا ور، در تیرے اوٹ رکھائیا۔ صدی چؤدھویں کہے سَتگُر شبد کدے نہ بُڈھا، نڈھّا نؤجوان نظری آئیا۔ لوک مات گُرمُکھاں کدے نہ دیوے دغا، دغے فریب وِچوں باہر کڈھائیا۔ بِنا گوبِند دے گوبِند دا ودھے کدے نہ اَگا، ایہہ پُرکھ اکال تیرے ہتّھ وڈیائیا۔ کلجُگ جیو ہنس ہوئے کگّا، بُدھی کاگ وانگ کُرلائیا۔ باہروں بن کے بگڑا بپّا، انتر وِکھ رہے لُکائیا۔ تیرے دھرم دا رہیا کوئے نہ سکا، ساجن سنگ نہ کوئے بنائیا۔ مایا ممتا اندر وڑ گئی دے کے دھکاّ، جوروُ زر زور رہیا وکھائیا۔ تیرا امرت رس سچ پریم کِسے نہ چھکا، شاکر ہو کے سیِس نہ کوئے نِوائیا۔ سَت دھرم دا پہنیا کِسے نہ کچّھا، دھیِرج ونڈ نہ کوئے ونڈائیا۔ مُچھ داہڑی کیس سب نے رکھا، رکھک تیرا مِل کے درس کوئے نہ پائیا۔ کِرپا کر پُرکھ سمرتھا، صاحِب تیری اوٹ تکائیا۔ جوتی جوت سروُپ ہرِ، آپ اپنی کِرپا

کر، ایکا دینا دُھر دا ور، واہ واہ تیری وجدی رہے ودھائیا۔ صدی چؤدھویں کہے میَں آ ڈِگی در، پروردِگار الکھ جگائیا۔ کِرپا کر اگمّی ہرِ، ہر ہِردا ویکھ وکھائیا۔ سچ نُہا اِک سر، سروور امرت اِک پرگٹائیا۔ جِتھے بہے نرائن نر، مندر اِکو دے سمجھائیا۔ جھگڑا مِٹے چوٹی جڑ، چیتن تیری وجےّ ودھائیا۔ سچ دوارے آپے کھڑ، کایا کھِڑکی پردہ دے اُٹھائیا۔ سنت سُہیلے گُرمُکھ لےَ پھڑ، پھڑ باہوں جوڑ جُڑائیا۔ مِہربان محبوُب مُحبّت وِچ کِرپا کر، کِرپا نِدھان تیری سرنائیا۔ عرض بندنا بندگی در درویش ہو کے رہے کر، کرنی دے کرتے قادر دینی مان وڈیائیا۔ جوتی جوت سروُپ ہرِ، آپ اپنی جوت دھر، نِہکلنک نرائن نر، مہاراج شیرسِنگھ وِشنوُں بھگوان، تیرا کھیل زِمیں اسمان، لیکھا آد جُگادی دو جہان، گُر اوتار پَیغمبراں دیویں دان، نِرگُن سرگُن کھیلیں کھیل وِچ جہان، جاگرت جوت بِن ورن گوت کوٹن کوٹ اپنا روُپ انوُپ بدلائیا۔

۱۳ اَسوُ شہنشاہی سمت ۴ بٹالا مؤلانا خلیِل اُل رحمان لُدھیانوی، جامہ مسجد پھگواڑاکوُچا رحمان
چاندنی چؤک مکان نمبر ۰ ۵۲۹۶

آپ نے پریم پیار مُحبّت دی بڑی کیِتی تشریح، تفصیل دلیِل نال جنائیا۔ جِس خُداوَند کریِم دا صحن وڈّا وسیع، پَیمانیاں وِچ ناپ نہ کوئے وکھائیا۔ اوہ اوتاراں پَیغمبراں گُروُآں سدا دیوے ترجیح، ترتیب وار سِلسلا دُھر دا دئے سمجھائیا۔ جلوہ نوُر دے کے ربّی، عالمیِن عُلما کرے پڑھائیا۔ کائنات مانَو اندر ویکھے نیکی بدی، نوُری ہو کے نوُر کھوج کھوجائیا۔ جہالت ہوئی چؤدھویں صدی، صدمہ گھر گھر ویکھو خلق خُدائیا۔ جو فرمان دُھر کلمہ سندیس دے کے گئے نبی، اِنسان محبان پڑدا اُٹھائیا۔ اوس دا کھیل ہونا جدّی، شاہ پاتشاہ شہنشاہ حضرتے حضران دُھردرگاہیِا۔ کوُڑ کُڑیار جوُٹھ جھوُٹھ جگت نِفاق دی جِس میٹنی گدّی، گداگار کرے لوکائیا۔ سو نوُرے االلہ خود خُدا بے پرواہ سرِشٹ سبائی دیوے پناہ، مِہربان محبان بیِدو بی خَیریا االلہ عالمیِن ہوئے سہائیا۔ آپ نے بڑی کیِتی صِفت صالاح، رسنا زبان کلام سچ جنائیا۔ کھیل ویکھے خالق خلق بے پرواہ، خود خُدا نوُر الاہیِا۔ جو رہبر ہو کے ساچا دسےّ

راہ، راستا براستا اپنا حُکم جنائیا۔ سجدیاں وِچ کلمیاں وِچ کرنی دسےّ دُعا، عبارت وِچ عادت دئے بدلائیا۔ لیکھا جانے روُحے رواں، بے نظیِر لاشریِک شِرکت اندروں باہر کڈھائیا۔ جِس نے ہِندوُ مُسلم سِکھ عیِسائی سب دا سانجھا مارگ دسّنا نَواں، چار ورن اٹھاراں برن بھَین بھائی بھائیا۔ سو صاحِب سُلطان نؤجوان مرد مردان لیکھا جانے سب دے پوَن سواس دماں، دامنگیِر بے نظیِر مِہر نظر آپ اُٹھائیا۔ دیِن دُنی جھگڑا مِٹاوے کایا ماٹی چماّ، جلوہ نوُر ظہوُر روُحے بُت خاکی، پاکی پاک آپ جنائیا۔ صدی چؤدھویں چار کُنٹ ویکھی اندھیری راتی، نوُر نوُرانہ نوُری چند آپ چمکائیا۔ گُر اوتار پَیغمبر ساچے نام کلمے دے سدا اِک جماعتی، طُلبیاں والی ونڈ نہ کوئے ونڈائیا۔ جِنہاں پڑھیا عِلم صفاتی، اوہناں بدل گئی حیاتی، حضرت حضوُر حاضر اِکو نظری آئیا۔ جِس دا لیکھا الف یے لِکھ نہ سکے قلم دواتی، کاتب بھیوَ نہ کوئے کُھلائیا۔ جوتی جوت سروُپ ہرِ، آپ اپنی کِرپا کر، لیکھا جانے دُھردرگاہیِا۔ آپ نے صِفت کیِتی جِہوا نال کلام، لفظ بلفظ الفاظ سوہنے جوڑ جُڑائیا۔ سب دا سانجھا اِک اِمام، عمل ویکھے خلق خُدائیا۔ جِس دے ہتّھ چؤداں طبقاں نِظام، دیِن دُنی اپنا حُکم منائیا۔ سو واحد لاشریِک حق دا دئے پَیغام، حقیِقت دیوے تھاؤں تھائنیا۔ سب دا بدل دیوے نِظام، جوُٹھ جھوُٹھ کوُڑ کُڑیار دئے مُکائیا۔ پیار مُحبّت مِلّت کرے وِچ عوام، امن دا ضامن اِک وچائنیا۔ چار کُنٹ دہ دِشا اُتّر پوُرب پچھّم دکھّن اِک اِکلّا کرے انتظام، سچ محلا سرِشٹی دئے وکھائیا۔ جِس دا نوُر اِکو جِہا صُبح شام، دِوس رَین ونڈ نہ کوئے ونڈائیا۔ سو میٹنہارا بدی خُدی حرام، ہر ہِردے کرے صفائیا۔ سچ پَیغام بِنا رسنا سُنائے بنائے کانے اِلہام، عِلم توں باہر جنائیا۔ کایا کعبے سچ محبوُب مُحبّت وِچ کرے کام، قیامت دا پڑدا آپ اُٹھائیا۔ میل مِلائے اِنساناں نال اِنسان، ساچے کلمے نام دے صوُفی فقیِر سنت بنائے کِسان، اِسم جِسم اندر اپنا اِک سمجھائیا۔ سو صاحِب ہوئے مِہربان، جو والی دو جہان، جِس دا کھیل جگت تمام، دامنگیِر شاہ حقیِر اپنے رنگ رنگائیا۔ جوتی جوت سروُپ ہرِ، آپ اپنی کِرپا کر، مِہربان محبوُب مُحبّت وِچ ناتا سب دا لئے جُڑائیا۔ ضرورت سب دُنیا نوُں کافی، قافیہ قاف سمجھ کِسے نہ آئیا۔ من شیَطان شرع کرے گُستاخی، غُصّہ کایا اندر تن وجوُد گھر گھر رہیا ٹِکائیا۔ پَیغمبراں گُروُآں اوتاراں دی منّے کوئی نہ آکھی، پڑھ پڑھ جگت وقت لنگھائیا۔ ساچی منزل چڑھے کوئی نہ گھاٹی، اندر بند نہ کھولے تاکی، تقویٰ اِک نہ کوئی رکھائیا۔ درگاہ ساچی بنے کوئے نہ ساتھی، مقامے حق ڈیرہ کوئے نہ لائیا۔ جگت وِوہار کار کھیل بازی گر ناٹی، ساچا مارگ سارے گئے

بُھلائیا۔ شمع نوُر سچ خُدا جگے کِسے نہ راتی، سرگھی پربھاتی نوُرے آفتاب تطوح رُشنا نظر کِسے نہ آئیا۔ جِدھر ویکھو دیِناں مذہباں اِختلافی، نِفاق اندروں نہ کوئے کڈھائیا۔ جب تک اِنسان اِنسان دا پریم مُحبّت دا بنیا نہ ساقی، ساکہ سکے نہ کوئے بدلائیا۔ جوتی جوت سروُپ ہرِ، آپ اپنی کِرپا کر، لیکھا جانے دُھر دا ہرِ، جِس درگاہ وِچ دردوند نوُری خُدا اِکو نظری آئیا۔

۱۴ اَسوُ شہنشاہی سمت ۴ سُرجیِت سِنگھ دے گرِہ فَیج پُر بٹالا ضِلع گُرداس پُر

صدی چؤدھویں کہے دیِن دُنی ویکھ چلاکی، چار کُنٹ دھیان لگائیا۔ شرع شیَطان ہوئی جِسم خاکی، خاک پاک روُپ نہ کوئے بدلائیا۔ جِدھر تکاّں اندھیری راتی، نِرگُن چند نہ کوئے چمکائیا۔ صوُفی سنت فقیِر دِسے نہ کوئے جماعتی، ساچا اکھّر وِدیا نہ کوئے جنائیا۔ تیرا کھیل انوکھا کملاپاتی، پت پرمیشور سمجھ نہ کوئے سمجھائیا۔ چمکے نوُر نہ کوئے باتی، دیِپک دَیا نہ کوئے رُشنائیا۔ اندر وڑ کے سب دے مار جھاتی، پردہ نشیں پردہ آپ اُٹھائیا۔ بند کواڑا کُھلی کِسے نہ تاکی، سادھ سنت روون مارن دھائینا۔ من منوُآ ہر گھٹ بنیا عاقی، عقل بُدھ دی چلے نہ کوئے چتُرائیا۔ تیری دھار نہ کِسے پچھاتی، اُتّر پوُرب پچھّم دکھّن بھیوَ کوئے نہ پائیا۔ سچ ناؤں نِرنکار دسّ اگمّی گاتھی، گا گا اپنا راگ الائیا۔ تُوں صاحِب سوامی پُرکھ سمراتھی، گُنونتا دُھردرگاہیِا۔ تیری کھیل اگمّی ڈاڈھی، ڈنڈاوت بندنا جیِو جنت دے سمجھائیا۔ تیری مہما گا سکے کوئی نہ ڈھاڈی، ڈھولک چَھیناں نہ کوئے کھڑکائیا۔ بِن تیری کِرپا سُرتی نِرنتر کِسے نہ جاگی، انتر اکھّ نہ کوئے کُھلائیا۔ مُحبّت وِچ بنیا نہ کوئے وَیراگی، وَیری اندروں نہ باہر کرائیا۔ دُھن سُنے نہ کوئے انادی، انحد ناد نہ کوئے شنوائیا۔ سرِشٹی پھسی وِچ عِشق حقیِقی مجازی، دوہاں توں پرے تیرا نوُر نہ کوئے چمکائیا۔ لہنا دینا پوُرا کر نانک والا بغدادی، قؤل اِقرار پوُرا آپ کرائیا۔ کھیل ویکھ اُچ دے پیِر پَیغمبر حاجی، حضرت اپنا دھیان لگائیا۔ شرع توں پرے دسّ نمازی، نوازش وِچ حُکم اِک سُنائیا۔ صدی چؤدھویں کوُڑی کِریا ویکھ بازی، بازاں والے تیری بےپرواہیِا۔ ہرِجن جن بھگتاں بن اِمدادی، مدد تیری منگ منگائیا۔ اچھل اچھل پِچھلی چھڈ وادی، وعدہ گُر اوتار پَیغمبراں پوُرا دے کرائیا۔ سنت سُہیلا تیرا رہے کوئی نہ داغی، دغا ویکھ جگت لوکائیا۔

جوتی جوت سروُپ ہرِ، آپ اپنی کِرپا کر، تُوں صاحِب سُلطان دُھر دا آدی، آد پُرکھ تیری بےپرواہیِا۔ صدی چؤدھویں کہے نِگاہ مار چار کُنٹ، کُٹُنب اپنا ویکھ وکھائیا۔ سوادھان ہو نِواسی بَیکُنٹھ، سوَرگ بہِشت چرناں ہیٹھ دبائیا۔ جھگڑا پیا جنجوُ بودی سنت، مُچھ داہڑی کیس کرے لڑائیا۔ پِھری دروہی وِچ اُمت، عالم عِلم نہ کوئے سمجھائیا۔ سَت دھرم وِچ رہی کوئی نہ ہِمّت، حوصلہ سارے بَیٹھے ڈھاہیِا۔ کلجُگ کوُڑا کرے عِلّت، جگت شرع رہیا لڑائیا۔ شاہ سُلطاناں ہووے ذِلّت، خواری گھر گھر ویکھ وکھائیا۔ پُرکھ اکال تیرے اَگے مِنّت، سیِس جگدیِش اِک جھُکائیا۔ دھرنی کہے میرے اُتے رہے کوئی نہ نِندک، دھؤل وجےّ اِک ودھائیا۔ میری سگلی میٹ چنت، چِنتا چِکھا نہ کوئے جلائیا۔ جوتی جوت سروُپ ہرِ، آپ اپنی کِرپا کر، ایکا دینا دُھر دا ور، در ٹھانڈے منگ منگائیا۔ صدی چؤدھویں کہے میرے پُرکھ اکالے پروردِگار، پرا پسنتی مدھم بَیکھری تیری صِفت صالاحیِا۔ دیِن دُنی دے آد جُگادی سانجھے یار، یارڑے ستھر ویکھ جو گوبِند لیا وِچھائیا۔ سندیسہ دِتا تیری دھار، دھرم دی دھار اِک پرگٹائیا۔ تُوں میرا میَں تیرا دوُجا اوَر نہ کوئے پیار، پییا پریِتم اِک منائیا۔ بیِس بیِسا کھول کواڑ، بند تاکی آپ کُھلائیا۔ چاروں کُنٹ دِسے اُجاڑ، دھوُاں دھار دِسے لوکائیا۔ اندھیرا دِسے ڈوُنگھی غار، نِرگُن نوُر نہ کوئے رُشنائیا۔ چار کُنٹ تیرے اختیار، دو جہاناں ویکھ وکھائیا۔ گُر اوتار پَیغمبر رہے نہ کوئے مختیار، مُکھیئے اپنے وِچ مِلائیا۔ تیرا حُکم ہووے گُفتار، گُفتگوُ ویکھے جگت لوکائیا۔ تیرے کلمے دا اِظہار، تیرا نام صِفت صالاحیِا۔ تُوں کل کلکی اوتار، نِہکلنکا ناؤں پرگٹائیا۔ اِمام اِماماں دا سِکدار، حضرت حق کرے پڑھائیا۔ صدی چؤدھویں کہے میری تیرے چرن کوَل نِمسکار، قدماں وِچ اپنا سیِس جھُکائیا۔ تُوں قُدرت دا قادر کرنی دا کرنیہار، کریِم عظیِم نظری آئیا۔ شاستر سِمرت وید پُران اِنجیِل قرآن کھانی بانی گئی ہار، ہِردے ہرِ نہ کوئے وسائیا۔ جوتی جوت سروُپ ہرِ، آپ اپنی جوت دھر، نِہکلنک نرئن نر، مہاراج شیرسِنگھ وِشنوُں بھگوان، تیرا کھیل اگمّ اپار، الکھ اگوچر تیری بےپرواہیِا۔

۱۴ اَسوُ شہنشاہی سمت ۴ اجیِت سِنگھ دے گرِہ بٹالا

صدی کہے میرے واسطے رو کے گیا سدھنا، صدمیاں وِچ کُرلائیا۔ اوس جھگڑا تکّیا اعلیٰ ادنیٰ، عدل اِنصاف نہ کوئے کمائیا۔ جھگڑا جانیا ماٹی بدنا، تن وجوُد دِسے لڑائیا۔ سرِشٹ سبائی ہوئی بے وطنا، گھر سچ نہ کوئے مِلائیا۔ دھرم نئیا چڑھے کوئی نہ پتنا، جگت نام ونجھ مُہانے کمّ کِسے نہ آئیا۔ ساچا گُرمُکھ ہیِرا دِسے کوئی نہ رتنا، امولک اپنا روُپ وٹائیا۔ جگت لباس دِسے سوانگی نٹنا، نٹوُآ کلجُگ نال رلائیا۔ روُپ دھارے واسی پٹنا، پٹا اپنا ویکھ وکھائیا۔ جِس نے جگت وِہار کار ٹھپنا، ٹھپّا پربھ دا نام لگائیا۔ سادھ سنت کرے سکھّنا، سکھی سُلطان نہ کوئے وڈیائیا۔ ہبھ کِچھ ویکھے اپنی اکھّنا، نیتر نیَن اُٹھائیا۔ سَت سروُپ ہو پرتکھنا، پاربرہم پربھ پڑدا لاہیِا۔ کِسے دا چلے کوئی نہ یتنا، یتھارتھ اپنی کار کمائیا۔ گُرمُکھ وِرلا اوس نے رکھنا، رکھک ہو کے ہوئے سہائیا۔ سچ دوارا اِکو وسنا، جِتھے وصل ملِے نوُر خُدائیا۔ جوتی جوت سروُپ ہرِ، آپ اپنی کِرپا کر، کرے کھیل ساچا ہرِ، نِہکلنک نرائن نر، مہاراج شیرسِنگھ وِشنوُں بھگوان، سنت سُہیلا سَت دھرم دا سدّنا، صدا اپنا نام سُنائیا۔

۱۴ اَسوُ شہنشاہی سمت ۴ سرب ہِند اکالی کانفرنس بٹالا

پنتھ خالصہ کوئی نہیں تَینوُں خطرہ، پُرکھ اکال اِک سرنائیا۔ اپنے کایا مندر اندر اپنا اُلٹ دے پتّرا، جو پاتی گُر گوبِند گیا جنائیا۔ جِس نے ماچھوُواڑے تُہاڈے پِچھے ہنڈھائی سیج ستھرا، یارڑا اِک دھیان لگائیا۔ اوہ گوبِند تُہاتھوں کدے رہے نہ وکھّرا، ہر ہِردے ہوئے سہائیا۔ تُسیں آ گئے ہُن اوس کنارے پتّنا، جِس پتن دا مالک بےپرواہیِا۔ بھاویں دوُتی دُشمن کِنّا کرن یتنا، پنتھ خالصہ تُہانوُں ملِے وڈیائیا۔ اجّ خوشیاں نال سانجھا لا کے جائیووٹنا، پریِت پیار رنگ چڑھائیا۔ جیہڑا پہلوں پرگٹ ہویا وِچ پٹنا، ہُن نِرگُن جوت سروُپ کرے رُشنائیا۔ گُرسِکھ گوبِند پیار نالوں کوئی رِہو نہ سکھّنا، خالی جھولی سب نے لیَنی بھرائیا۔ اِک دو مِنٹ وِچ ایناں کُچھ پیا دسّنا۔

۱۴ اَسوُ شہنشاہی سمت ۴ یگّیادتّ ایم ۰ پی ۰ نال بٹالا

یّگیادّت جی دھرم کشیتر دا سچّا یگّ، جُگاں توں رِشیاں مُنیاں ریِتی چلی آئیا۔ جِس نال ملِے سوُرا سربگ، شاہ پاتشاہ سچّا شہنشاہیِا۔ درشن دیوے اُپر شاہ رگ، نِرگُن نِروَیر نوُر جوت کر رُشنائیا۔ صدی چؤدھویں کلجُگ کوُڑی میٹے اگنی اگّ، جو سرِشٹی درِشٹی رہی تپائیا۔ مانَو مانُکھ ہویا کگّ، مانک موتی ہنس چوگ نہ کوئے چُگائیا۔ کوُڑ وِکار ہنکار وِبھچار کُکرم اندھیر رہیا وگ، ہُلارا دیوے تھاؤں تھائنیا۔ جگت سیاست سَت دھرم توں سب دے خالی کیتے ہڈّ، ناڑی ماس دئے دُہائیا۔ دھرم مریادا گئے چھڈ، گُر اوتار پَیغمبراں دا رستہ گئے بُھلائیا۔ کِسے نوُں سمجھ نہیں کی کھیل ہونا کد، قدیِم دا قادر قُدرت دا مالک دئے کرائیا۔ جِس دی چار ورن اٹھاراں برن کھتری براہمن شوُدر وَیش ساری جدّ، آتم پرماتم اپنا رنگ وکھائیا۔ دیِن مذہب ذات پات اوُچ نیِچ راؤ رنک دی میٹ کے حد، گھر سانجھا اِک وکھائیا۔ مایا ممتا موہ وِکار دیوے متھ، مدُھر دُھن نام خُماری اِک سُنائیا۔ جو جگت وپار وِچ ہوئے وڈّ، وکھرا وکھرا راہ چلائیا۔ اوہناں ساریاں نوُں سچ پریمی لیَن سدّ، سدّا مُحبّت والا سمجھائیا۔ جوتی جوت سروُپ ہرِ، آپ اپنی کِرپا کر، ہر ہِردے کرے صفائیا۔ یگّیادتّ جی یاد کرو اپنا بیان، جو رسنا جِہوا آئے سُنائیا۔ جِس نوُں بولیا نال زبان، اکھّراں وِچ صِفت صالاحیِا۔ منّیا اِک بھگوان، پت پرمیشور نوُر خُدائیا۔ سب دی کرے کلیان، کائنات کھوج کھوجائیا۔ جیِون وِچ زِندگی دا بدل دئے وِدھان، واہ واہ کرے حق پڑھائیا۔ اوہ لیکھا جانے دو جہان، پُری لوء برہمنڈ کھنڈ کھوج کھوجائیا۔ جِس نوُں جھُکدے زِمیں اسمان، لوک پرلوک راہ تکائیا۔ جوتی جوت سروُپ ہرِ، آپ اپنی کِرپا کر، کرے کھیل دُھر دا ہرِ، سمے دا مالک اِک اکھوائیا۔ رسنا جِہوا بتّی دند سارے کہندے، کہہ کہہ رہے جنائیا۔ سانجھی سٹیج اُتے مِل مِل بہندے، کندھا کندھے نال مِلائیا۔ بُہتے جگت ممتا دے وہن وہندے، مایا وِچ ہلکائیا۔ تھوڑے دھرم دے رستے پیَندے، جِنہاں چھڈی کوُڑ لوکائیا۔ اوہ حُکم دُھر دا سہندے، سیِس جگدیِش جھُکائیا۔ اوہ ویکھن چڑھدے لہندے، دکھّن پہاڑ اکھّ اُٹھائیا۔ پِٹھ لا کدی نہ ڈھہندے، جو سوُربیِر اپنا بَل پرگٹائیا۔ جوتی جوت سروُپ ہرِ، آپ اپنی کِرپا کر، سد اپنا رنگ وکھائیا۔ جگت سیاست رہی ہار، سؤدے بازی نظری آئیا۔ سارے کردے ٹکیاں دا وپار، مایا ممتا نال وڈیائیا۔ باہروں بن کے مِتر یار، اندروں دغا رہے کمائیا۔ جے لیڈر ہو جان سمجھدار، سمجھ سمجھ

وِچوں اُلٹائیا۔ پِھر جھگڑا رہے نہ وِچ سنسار، دیِن مذہب کرے نہ کوئے لڑائیا۔ ایہہ پردھاناں دا اختیار، اِختلاف اندروں دین تجائیا۔ سارے پربھوُ دے بن جان برخوردار، بچّے ہو کے سیو کمائیا۔ رام کرِشن اوم االلہ واہِگُروُ گاڈ اوسے نوُں کہہ کے کرن نِمسکار، سجدہ سیِس جگدیِش جھُکائیا۔ اوسے دی رعیت تے اوسے دی سرکار، اوسے دا حُکم اوسے دا پرچار، دیِن دُنی اوسے دی نظری آئیا۔ جے اندروں نِکل جاوے ہنکار، کوُڑی کِریا رہے نہ وِبھچار، دُراچار کرم نہ کوئے کمائیا۔ ہِندوُ مُسلم سِکھ عیِسائی دھرم دا اِک پیار، مذہب دا جھگڑا دین گوائیا۔ جے سنت سُہیلے اُٹھن پنج ستّ دو چار، اپنا بَل دھرائیا۔ بھےَ رکھن نہ شرع دی کوئی کٹار، نِروَیر ہو کے اپنی سیو کمائیا۔ اوہناں نوُں کوئی کر نہ سکے گرِفتار، وارنٹ سکے نہ کوئے کڈھائیا۔ جِنہاں دا دھرم دا بول سچ دا جَیکار، مُحبّت دا پیار محنت وِچ جنتا دی سیو کمائیا۔ جوتی جوت سروُپ ہرِ، آپ اپنی کِرپا کر، کرے کھیل ساچا ہرِ، آتما پرماتما پرماتما آتما اِکو نوُر خلق خُدائیا۔ یگّیادتّ جی جے ساریاں لیڈراں نوُں مِل جائے سچّی دات، اندر مِل کے وجےّ ودھائیا۔ باہروں مِٹ جائے اندھیری رات، دھرم دا چند کرے رُشنائیا۔ باہروں صوُفیاں والی گُفتار، اندر موُرکھ مت رکھائیا۔ بُہتے سٹیج توں اُتر کے جِس ویلے ہُندے باہر، پھیر اپنے من دا ڈنکا دیندے وجائیا۔ جے ہر ہِردے وِچ آ جائے سَت دی وِچار، دھرم دے نیِتے بن کے سب دی کرن اگوائیا۔ پھیر سُکھاں وِچ سُکھ روُپ بن جائے سنسار، دُکھاں دا دُکھ دین گوائیا۔ ایہہ اجے تھوڑی تھوڑی آؤن لگّی وِچار، جو وِچر کے لیڈر رہے سُنائیا۔ جِس ویلے کِرپا کری آپ نِرنکار، ہر ہِردے کرے صفائیا۔ جِس نوُں شاستر سِمرت وید پُران اِنجیِل قرآن کھانی بانی گیِتا گیان رہی پُکار، بھوِکھتاں وِچ گُروُ اوتار پَیغمبر راہ تکائیا۔ اوہ کھیل کرے دُھردرگاہی پروردِگار سانجھا یار، حق حقیِقت ویکھ وکھائیا۔ جِس دا سچکھنڈ سچّا دربار، صدی چؤدھویں پوُرا کرے قؤل اِقرار، کل کلکی اِک اوتار، اِماماں دا اِمام چؤداں طبقاں دا سِکدار، ساچی سِکھیا پا کے بِھچھیا، پوُرب مستک دا دیوے لیکھ لِکھیا، بھوِکھت دا عِشق پریم وِچ بدلائیا۔ یگّیادتّ جی سٹیج اُتے بولنا یتھارتھ، جدّی جدّی سرب سمجھائیا۔ جِناں چِر اپنا نہ چھڈے سوارتھ، بھاوَنا سیوا والی پرگٹائیا۔ اوناں چِر دھرم دی بن نہ سکے کدے وزارت، عدل اِنصاف نہ کوئے کمائیا۔ بُہتے وِچوں من دی رکھدے شرارت، تھوڑے صاف ہِردے والے نظری آئیا۔ سٹیج اُتے سنتاں دی تھوڑی جیہی صاف عبارت، باقی من دی ممتا وِچ ہلکائیا۔ دھرم جُدھ وِچ دھرم دھرم دی کرے سفارش، دوُجی آس نہ کوئے

رکھائیا۔ جوتی جوت سروُپ ہرِ، آپ اپنی کِرپا کر، سد اپنی کھیل کھِلائیا۔ تُہاڈی سوہنی سُنی تقریر، لفظ بلفظ دیاں دوہرائیا۔ نانک گوبِند بھاویں چھڈ کے گئے سریِر، تتاں والا ناتا جگت تُڑائیا۔ رام کرِشن دی اوہو تصویِر، چارے وید اوہو کرن پڑھائیا۔ پُران شاستر دسّن سچ تدبیِر، گیِتا گیان اِک جنائیا۔ جِتھے ایکتا دی پیار مُحبّت دی پھڑی جائے شمشیِر، اوہ شمع سب دی گُل کرائیا۔ جھگڑا مُکاوے شاہ حقیِر، اوُچ نیِچ ڈیرہ ڈھاہیِا۔ بِنا سچّیاں پُرشاں توں دیِن دُنی دی کوئی بدل نہ سکے تقدیِر، دردیِاں درد نہ کوئے ونڈائیا۔ سارے کٹّھے ہو قریب، نیرن نیر ہو کے دُئی دوَیت باہر کڈھائیا۔ سجّن میِت بنو رقیب، دوست دست دست نال مِلائیا۔ ساریِاں پارٹیِاں دی سانجھی ہووے ترتیب، طریقہ اِک اِک سمجھائیا۔ ہِندوُ سِکھ پیار مُحبّت وِچ بھائی بھائی اِک دوُجے دے عزیز، تمیِز اندروں دین جنائیا۔ جِنہاں دے پِچھے گوبِند دُلارے کیتے شہید، شہادت پِتا والی بُھگتائیا۔ تُساں بڑی سوہنی کیِتی تمہیِد، نانک دی نگری دا ڈھولا گائیا۔ جوتی جوت سروُپ ہرِ، آپ اپنی کِرپا کر، کرے کھیل ساچا ہرِ، سَت دھرم دا ساچا ایکا، بِن نیتر لوچن نیَن اکھّاں رہیا وکھا، ہر ہِردے اندر نِرنتر ہو کے ویکھ وکھائیا۔ تُہاڈی رسنا کِہا واہ، واہ واہ وجےّ ودھائیا۔ جے سانجھے فرنٹ دا سِدھا کر دیؤ راہ، رہبر ہو کے کرو اگوائیا۔ ایہہ سارے تُہاڈے گواہ، شہادت اِک بُھگتائیا۔ تُہاڈی منظور ہووے دُعا، دُھر دا رام جھولی دئے بھرائیا۔ کوُڑی کِریا میٹو وبا، دُکھ دلِدر جگت اندروں دینا کڈھائیا۔ سب دا اِکو اِک خُدا، خُدی تکّبر دا ڈیرہ ڈھاہیِا۔ جو مِل کے آوے مزہ، اوہ رس دینا چکھائیا۔ دُئی دوَیت دی رہے کوئی نہ عادی، ملک اُلمؤت کولوں سب نوُں بری دینا کرائیا۔ سب دا مان کرو جگہ جگہ، ابِھمان اندروں دینا تجائیا۔ آپے اِکٹّھے ہو جان سارے وِچھڑن دی رہے کوئی نہ وجہ، وجوُہات اگلا دینا سمجھائیا۔ جوتی جوت سروُپ ہرِ، آپ اپنی کِرپا کر، واہ واہ وِچ واہ واہ آپے لبھا جو لباں توں نِکلے ہونٹاں دے بچن ہِردے دی وِچار نال مِلائیا۔ پوُربلا جنم بڑا دوُر، بل نال نظری آئیا۔ ایہہ سیوادار مزدوُر، پہریدار ہو کے اپنی سیو کمائیا۔ جِس ویلے باوَن آیا حضوُر، دوُر دُراڈا پندھ مُکائیا۔ این بندنا کیِتی نال دستُور، سیِس دِتا جھُکائیا۔ اوس خوشی نال کِہا تیرا مانَس جنم ہویا منظور، منظوری دُھر دے گھر بنائیا۔ رام کرِشن نال تیرا چلدا رہے پوُر، تریتا دواپروجدی رہے ودھائیا۔ جِس ویلے کلجُگ صدی چؤدھویں لوک مات ودھیا کوُڑ، چاروں کُنٹ اندھیرا چھائیا۔ سرِشٹی دی درِشٹی ہوئی موُرکھ موُڑھ، ہؤمے ہنگتا وِچ کُرلائیا۔ اوس ویلے

تیری جوت دا چمکے پھیر نوُر، پنجاں تتاں سوبھا پائیا۔ تَینوُں مُحبّت دا بناؤنا مزدوُر، جنتا دی سیو لگائیا۔ پھیر ملِے حاضر حضوُر، ہرِ کرتا شہنشاہیِا۔ جوتی جوت سروُپ ہرِ، آپ اپنی کِرپا کر، آسا منسا سب دی رہیا پوُر، پوُرن برہم دئے دِرڑائیا۔ پِچھلا رِشتہ نال نِرنکار، باوَن دئے گواہیِا۔ رام نال رہیا دِن چار، پنچوٹی مِلی وڈیائیا۔ کرِشن نال گئوُاں لئیاں چار، ساڈھے تِنّ سال نال بھجّیا واہو داہیِا۔ کلجُگ مِلیا اِک آدھار، جنم جنم وِچوں بدلائیا۔ لِکھیا لیکھ نہ میٹے کوئی سنسار، بِدھنا بِدھ اپنی آپ سمجھائیا۔ جیہڑی ڈھائی سطراں دی قطار، جِس دے اکھّر دو پنج ستّ چار، چار جُگ دا لیکھا رہے سمجھائیا۔ اوسے کارن جنم لیا دھار، تت وجوُد مِلی وڈیائیا۔ ہِردے اندر وس کے آپ کرتار، کایا قِصع کھوج کھوجائیا۔ جِتھے آتما پرماتما برہم پاربرہم دی دھار، شِو شکتی اپنا کھیل کھِلائیا۔ اشٹبُھج دا ادھار، راما کرِشنا نوُر اُجیار، وید ویاسا دئے ادھار، پاربرہم اپنا کھیل کھِلائیا۔ جوتی جوت سروُپ ہرِ، آپ اپنی کِرپا کر، سب دا پِچھلا قرضہ دئے اُتار، جو مِلیا تِس مِل کے مِلّت وِچ من دی عِلّت دئے گوائیا۔

۱۴ اَسوُ شہنشاہی سمت ۴ مسّا سِنگھ دے گرِہ پِنڈ بل ضِلع گُرداس پُر

صدی چؤدھویں کہے میَں پِھراں نَٹھی، چؤداں طبق ویکھاں چائیں چائنیا۔ چار کُنٹ تپن والی بھٹّھی، اگنی اگّ اپنا شُعلہ رہی اُٹھائیا۔ اُمت نبی رسوُلاں دی حد ٹپّی، اِسلام اِمام نہ کوئے بنائیا۔ جیہڑی عبارت دسّی پٹّی، لِکھت لیکھ وِچ سمجھائیا۔ اوس توں کھٹّی کِسے نہ کھٹّی، کھٹکے اندر دیاں دُہائیا۔ سب نوُں بھرنی پَینی چٹّی، بچیا رہن کوئے نہ پائیا۔ میری لُٹی جانی ہٹّی، ونجارے بَیٹھے مُکھ چُھپائیا۔ میری ترِسنا جانی پھٹّی، پاٹے چیِتھڑ رہی کُرلائیا۔ میری پھوڑ دِتی مٹّی، جوتی جوت سروُپ ہرِ، آپ اپنی کِرپا کر، ایکا دینا ساچا ور، در تیرے آس رکھائیا۔ صدی چؤدھویں کہے میَں پِھری بھجیّ، بھجن بندگی ویکھاں تھاؤں تھائنیا۔ من واسنا دیِن دُنی نچّی، کوُڑ کلپنا وِچ کُرلائیا۔ کتھا کہانی دسےّ کوئے نہ سچّی، سچ سنجم سارے بَیٹھے تجائیا۔ مایا ممتا موہ وِکار اگنی مچّی، امرت میگھ نہ کوئے برسائیا۔ سَت دھرم دی پت کِسے نہ رکھی، کلمہ کائنات نہ کوئے وڈیائیا۔ میَں سب نوُں ویکھ کے آئی اکھّیں، آخر رو رو

رہی جنائیا۔ دُھر دا رہیا کوئی نہ پکھّی، پربھ دا میلا سچ دوار نہ کوئے مِلائیا۔ جوتی جوت سروُپ ہرِ، آپ اپنی کِرپا کر، ایکا دینا دُھر دا ور، در ٹھانڈے منگ منگائیا۔ صدی چؤدھویں کہے میَں بھجیّ دؤڑی، بن بن پاندھی راہیِا۔ سرِشٹی دی درِشٹی ویکھی کؤڑی، کلپنا کوُڑ وِچ ہلکائیا۔ ساچی منزل ملِے کوئی نہ پؤڑھی، ڈنڈا ڈنڈؤت والا ہتّھ نہ کوئے پھڑائیا۔ جیِو جنت سادھ سنت ہوئے کھوری، ہنکار وِکار کرے لڑائیا۔ مُلّا شیخ مسائک کرن چوری، پنڈت پاندھا لُٹے چائیں چائنیا۔ بِن پروردِگار سانجھے یار میری پھڑے کوئے نہ ڈوری، ڈاواں ڈول دیاں دُہائیا۔ جوتی جوت سروُپ ہرِ، آپ اپنی کِرپا کر، ایکا دینا دُھر دا ور، در ٹھانڈے منگ منگائیا۔ صدی چؤدھویں کہے میَں بھجّ بھجّ تھکی، تھکاوٹ میرے اندر آئیا۔ مِلیا نہ کوئی سخاوت والا سکھی، وست امولک جھولی کوئے نہ پائیا۔ میَں دیِن دُنی ویکھی تکّی، طاقت سارے بَیٹھے گوائیا۔ ساچے کلمے دی گائے کوئے نہ گاتھی، نعرہ حق نہ کوئے سُنائیا۔ میَں ویکھ کے اپنی صدی، صدمے وِچ رہی کُرلائیا۔ حُکمے اندر بدھّی، بندنا کر کے سیِس جھُکائیا۔ پرم پُرکھ پرماتم پروردِگار ساچی دِسے کوئی نہ گدّی، گداگار ہوئی لوکائیا۔ تیری ویکھاں نوُح دی ندی، لہر لہر وِچوں پرگٹائیا۔ اپنا حُکم دے دے جدّی، جوتی جوت سروُپ ہرِ، آپ اپنی کِرپا کر، مِہربان محبوُب مُحبّت وِچ منگ منگائیا۔ صدی چؤدھویں کہے میَں دیواں سچ اِطلاع، بےخبراں خبر سُنائیا۔ میرے گُر اوتار پَیغمبر بنن گواہ، شہادت دُھر دی دین بُھگتائیا۔ میری کلمے والی صلاح، نغمہ نام کراں شنوائیا۔ دیِن دُنی دا ویکھو لیکھا نال قتل گاہ، قیامت سب دے سِر تے چھائیا۔ نیتر رو کے بابا آدم کہے حوّا، حواس حواس حِرص نہ کوئے مِٹائیا۔ سچ پَیغام دیوے آپ خُدا، خُدی تکّبر ویکھے تھاؤں تھائنیا۔ حضرتاں دی منظور کرے دُعا، جو طوبیٰ طوبیٰ کر کے سیِس نِوائیا۔ وائدت وِچ واحد کلمہ دئے پڑھا، جوتی جوت سروُپ ہرِ، آپ اپنی کِرپا کر، دُھر فرمانا سِری بھگوانا اِک جنائیا۔ صدی چؤدھویں کہے میری انت ویکھو لکیِر، لائن دِتی لگائیا۔ حقیِقت دا رہیا نہ کوئے فقیِر، فِقرہ حق نہ کوئے سُنائیا۔ شرع دا توڑے نہ کوئے زنجِیر، شریِعت وِچ دین دُہائیا۔ ساچی پڑھے نہ کوئے تکبیر، تدبیِر سکے نہ کوئے جنائیا۔ بدلی کرے نہ کوئے ضمیِر، ضامن ہو کے مُرشد دیوے نہ کوئے گواہیِا۔ دوُر دراڈا منزل چڑھیا ویکھے کبیِر، قبراں اندر پھول پُھلائیا۔ مُحبّت والا ہویا نہ کوئے بغلگیِر، دستگیِر دست نہ کوئے مِلائیا۔ لیکھا دسّ انت اَخیِر، آخر اِک جنائیا۔ جِس دے ہتّھ نِرگُن کھنڈا اوہ شمشیِر، جِس دی دھار سکے نہ کوئے وکھائیا۔ جوتی جوت سروُپ ہرِ،

آپ اپنی کِرپا کر، ایکا دینا دُھر دا ور، در تیرے وجدی رہے ودھائیا۔ صدی چؤدھویں کہے میَں کھول کے دیواں بیان، کوُک کوُک سُنائیا۔ سَت دا دِسے نہ کوئے نِشان، نِشانہ دھرم نہ کوئے جھُلائیا۔ ثابت رہیا نہ کوئے اِیمان، عمل چھڈیا خلق خُدائیا۔ سرِشٹی ہوئی بے اِیمان، بیوہ اپنا روُپ وٹائیا۔ میَں سندیسہ دیواں پَیغام، پَیغمبراں توں پرے کراں شنوائیا۔ پُرکھ اکال سَتجُگ کرن والا اِنتظام، اِنتقام اپنے ہتّھ رکھائیا۔ میَں چار کُنٹ ہوئی بدنام، بدی میری جھولی سب نے دِتی پائیا۔ لڑائی کرے شرع شیَطان، شریِعت رہی کُرلائیا۔ میَں منگی منگ اَگے مِہربان، محبوُب کول واسطہ پائیا۔ کِرپا کر میرے بھگوان، بھگوَن ہو کے ویکھ وکھائیا۔ میَں بالی بُدھ اَنجان، میری چلے نہ کوئے چتُرائیا۔ بِن تیری کِرپا میرا لیکھا مکُے نہ وِچ جہان، جہالت سکے نہ کوئے کڈھائیا۔ نِرگُن نِروَیر نِراکار نِرنکار داتے دانی دے دان، دؤلتمند میری جھولی دے بھرائیا۔ جوتی جوت سروُپ ہرِ، آپ اپنی کِرپا کر، ایکا دینا دُھر دا ور، نِہکلنک نرائن نر، مہاراج شیرسِنگھ وِشنوُں بھگوان، آد جُگادی نؤجوان، سوُربیِر سچ سُلطان، مِہربان ہو کے مِہر نظر اِک اُٹھائیا۔

دیِن دَیال دَیانِدھ ساگر، گہر گمبھیِر اِک اکھوائیندا۔ بھاگ لگا کے کایا گاگر، ساڈھے تِنّ ہتّھ آپ سُہائیندا۔ نِرمل کرم کر اُجاگر، جُگتی جوگ جُگت دِرڑائیندا۔ سچ دوارے دیوے آدر، آدرش اِکو اِک سمجھائیندا۔ صاحِب کریِم ہو کے قادر، قُدرت دا مالک ویکھ وکھائیندا۔ جگت سانجھ سچّی کرے ثابت، ثبوُت کلبوُت وِچ جنائیندا۔ جوتی جوت سروُپ ہرِ، آپ اپنی کِرپا کر، کرے کھیل ساچا ہرِ، سچ وست اگمّی دات جگت جُگ سُت ابناشی اچُت جھولی پائیندا۔

۱۵ اَسوُ شہنشاہی سمت ۴ امراؤ سِنگھ دے گرِہ پِنڈ بل ضِلع گُرداس پُر

پنتھ خالصہ گوبِند دھار، دھرم روُپ وڈیائیا۔ چار ورن اِک پیار، کھتری براہمن شوُدر وَیش ونڈ نہ کوئے ونڈائیا۔ نِجھر امرت رس دیوے ٹھار، بوُند سوانتی اِک چوائیا۔ انتر کھولے اِک کِواڑ، بجر کپاٹی پردہ لاہیِا۔ مایا ممتا موہ میٹ کے دھوُاں دھار، اندھ اندھیرا دئے چُکائیا۔ دیِا باتی کملاپاتی نِرگُن نوُر جوت کر اُجیار، نوُرو نوُر کرے رُشنائیا۔ ساچا مندر دُھر دا اِک وکھال، بِن اکھّاں اکھّ

کُھلائیا۔ دیِناں بندھپ ہو کے دیِن دَیال، دَیانِدھ اپنی دَیا کمائیا۔ اِکو رنگ رنگا کے شاہ کنگال، اوُچاں نیِچاں ڈیرہ ڈھاہیِا۔ گُرمُکھ بنا کے دُھر دے لال، لالن اپنا رنگ چڑھائیا۔ وست امولک دے کے مال، دھن دؤلت نام خزانہ جھولی پائیا۔ پرگٹ ہو کے ویکھے مُریِداں حال، مُرشد بن کے نوُر خُدائیا۔ ترےَگُن مایا توڑ جنجال، جاگرت جوت کرے رُشنائیا۔ جِنہاں پوہ نہ سکے کال، رائے دھرم نہ دئے سزائیا۔ دِوس رَین کرے پرِتپال، سِر اپنا ہتّھ ٹِکائیا۔ سو گُرمُکھ ساچے بال، بال اَنجانے گود ٹِکائیا۔ جوتی جوت سروُپ ہرِ، آپ اپنی کِرپا کر، ہرِجن ساچے میل مِلائیا۔ گوبِند دا خالصہ آد جُگادی خالص، دھرم دوارا ملِے وڈیائیا۔ مایا ممتا نہیں کوئی لالس، کلپنا وِچ نہ کوئے کُرلائیا۔ غفلت نِندرا نہیں کوئی آلس، منوُآ من نہ کوئے بُھوائیا۔ پریم پریِتی دا بن کے بالک، سیِس جگدیِش اِک جھُکائیا۔ پربھ مِلن دی سچّی ہووے عادت، انتر انتر دھیان رکھائیا۔ تُوں میرا میَں تیرا گاوے عبادت، ڈھولا اِکو اِک سُنائیا۔ سب توں اُتم سریشٹ ہووے نازک، ملوُک سوہنا نظری آئیا۔ کوُڑ مارے کوئی نہ سازش، ہر ہِردے اندر ہوئے صفائیا۔ اگنی تت نہ تپائے آتش، ممتا موہ نہ کوئے ہلکائیا۔ جوتی جوت سروُپ ہرِ، آپ اپنی کِرپا کر، ساچا رنگ اِک رنگائیا۔ گوبِند خالصہ اگمّی پنتھ، جِنہاں سِکھیا دُھردرگاہیِا۔ جِس دی سیوک گُر اوتار پَیغمبر اسنکھ، گِنتی گِنت نہ کوئے گِنائیا۔ جِس دی مہما صِفت کردا گُروُ گرنتھ، اکاوَن باوَن اپنا راہ چلائیا۔ سو دیِن دَیالا ہرِجن بنا اپنے ہنس، بُدھی کاگ دئے بدلائیا۔ میل مِلا کے کوٹاں وِچوں سہنس، ہرِجن اپنا جوڑ جُڑائیا۔ سَت دھرم بنا کے بنت، گھڑن بھنّنہار ویکھ وکھائیا۔ سو گُرمُکھ سچّا سنت، جو سَتگُر وِچ سمائیا۔ گڑھ تُٹے اندروں ہؤمے ہنگت، ہنگ برہم دئے سمجھائیا۔ گوبِند سوُرا بودھ اگادھا بن کے پنڈت، نِرگُن وِدیا اِک پڑھائیا۔ جھگڑا مُکاوے سوَرگ بہِشت جنّت، چرن کوَل اِک سرنائیا۔ نیڑے رہن نہ دیوے کوئی نِندک، دُشٹ دُراچار وِکار ہنکار کرے صفائیا۔ منوُآ من ویکھے کوئی نہ عِلّت، عِلم عالماں اِک جنائیا۔ سچ پریم دی دے کے ہِمّت، حؤصلے دُھر دے دئے ودھائیا۔ گوبِند خالصہ چار کُنٹ ہونا ساچی سِمت، حِصّہ ونڈ نہ کوئے ونڈائیا۔ سرگُن نِرگُن دھار دوہاں دی مِلّت، مِلاپ آپ جاپ وِچوں پرگٹائیا۔ جوتی جوت سروُپ ہرِ، آپ اپنی کِرپا کر، ساچا لیکھا دئے دِرڑائیا۔ گوبِند خالصہ سَت نِرالا، نِراکار دئے وڈیائیا۔ جِس نوُں اوٹ اِک اکالا، دوُجا اِشٹ نہ کوئے منائیا۔ سَت سچ دی گھالے گھالا، سیوک ہو کے سیو کمائیا۔ تِس دا ہووے آپ رکھوالا، مِہربان مِہر نظر اُٹھائیا۔ پھل لگا کے اپنے ڈالا، پتّ ڈالی آپ

مہکائیا۔ ساچا سب دا حل کرے سوالا، پوُرب لیکھا پھول پُھلائیا۔ جھگڑا مُکا کے کال مہاکالا، مِہروان محبوُب اپنی مُحبّت وِچ رنگائیا۔ جوتی جوت سروُپ ہرِ، آپ اپنی کِرپا کر، گُرمُکھ ساچے آپ پرگٹائیا۔ ساچا گُرمُکھ مت ہووے نہ تھوتھی، کوُڑی کِریا نہ کوئے رکھائیا۔ جِس گوبِند نام دی پڑھی اگمّی پوتھی، پُستکاں توں پلّوُ جائے چُھڈائیا۔ اوس نے منزل اِکو سوچی، جِتھے ملِے بےپرواہیِا۔ جِتھے پُج گئے رَوداس چمارے ورگے موچی، کبیِر جُلاہا ڈیرہ لائیا۔ رُکھی سُکھی کھا کے روٹی، پریم پریِتی وِچ جھٹ لنگھائیا۔ چڑھ کے اگمّی چوٹی، چوٹ تن نگارے اِک سُنائیا۔ اندروں کڈھکے واسنا کھوٹی، پریم پریِتی وِچ پرم پُرکھ اِک منائیا۔ پرماتما دا بن کے گوتی، آتما اپنا سنگ جنائیا۔ جِتھے جگے بِن تیل باتی جوتی، نِراکار کرے رُشنائیا۔ جوتی جوت سروُپ ہرِ، آپ اپنی کِرپا کر، مِہربان دئے وڈیائیا۔ گوبِند خالصہ پیِوے امرت نیر، رس اِکو اِک جنائیا۔ جِس نال بدل جاوے تقدیِر، جیِون جیِون وِچوں وٹائیا۔ پرکاش ہووے کایا ماٹی تت سریِر، تن وجوُد وجےّ ودھائیا۔ جھگڑا رہے نہ شاہ حقیِر، امیِر غریِب نہ کوئے وکھائیا۔ ساچے دھرم دی سمجھ تدبیِر، طریقہ اِکو لیَن اپنائیا۔ کوُڑی کِریا جگت چھڈ لکیِر، رستہ اپنا لیَنا بدلائیا۔ ساچے سنت بن فقیِر، ڈھولے صوُفیاں والے گائیا۔ ویکھ کھیل بے نظیِر، نظر اپنی اِک اُٹھائیا۔ جِتھے شرع دی نہیں کوئی شمشیِر، کٹاکش تیِر نہ کوئے لگائیا۔ جوتی جوت سروُپ ہرِ، آپ اپنی کِرپا کر، جِنہاں اندروں بدلے ضمیِر، ظاہر ظہوُر کرے رُشنائیا۔ گوبِند خالصہ تکّے وِچ خلقت، خالق مخلوُق کھوج کھوجائیا۔ جِنہاں دے انتر نِرنتر نِرگُن نِراکار کرے حرکت، نوُر نوُرانہ اپنی کار کمائیا۔ مایا ممتا موہ وِکار میٹے حسرت، حسد اندروں دئے کڈھائیا۔ ناتا توڑ کے عیش و عِشرت، آسا منسا اپنے نال مِلائیا۔ ظاہرا درس دِکھائے اگمّا حضرت، حضوُر نوُر کرے رُشنائیا۔ جِس دے نالوں گُرسِکھ کوئی نہ جائے وِچھڑت، بِچھرت سب نوُں لئے مِلائیا۔ جوتی جوت سروُپ ہرِ، آپ اپنی کِرپا کر، گھر میلا میلے سہج سُبھائیا۔ گوبِند خالصہ آتم برہم چنگا، تن وجوُد کرے صفائیا۔ نہاوَن جائے کدے نہ گنگا، جمنا سُرستی گوداوری راہ نہ کوئے تکائیا۔ لبھن جائے کوئے نہ پنڈا، جگت وِدیا نہ کوئے وڈیائیا۔ اِکو مانے سچ انندا، نِجانند وِچ رسائیا۔ شبدی پؤڑی چڑھ کے ڈنڈا، ڈنڈاوت وِچ سیِس جھُکائیا۔ جِتھے پہنچیا نہیں کوئی بندہ، بندی خانہ نظر کوئے نہ آئیا۔ اوتھے روُپ اِک اگمّا، جوتی جوت نوُر رُشنائیا۔ پُرکھ اکال دی دھاروں گوبِند ذریعے پنتھ خالصہ جمّا، جِس دی جمّن والی اِکو مائیا۔ جِس دے اندر ہوئے کوئی نہ طمع، لالچ کوُڑ نہ کوئے جنائیا۔ ہرکھ سوگ نہ ہووے

غما، چِنتا چِکھا نہ کوئے تپائیا۔ پُرکھ اکال دھیاوے دم دما، دامنگیِر اِکو لئے بنائیا۔ جھگڑا چھڈ کے کایا ماٹی چما، چمّ درِشٹی اندروں لئے بدلائیا۔ سو پرگٹ ہووے نال سماں، سماپت پِچھلیاں دئے کرائیا۔ ایہہ کھیل انوکھا نَواں، نر نرائن آپ کرائیا۔ جوتی جوت سروُپ ہرِ، آپ اپنی کِرپا کر، دیونہارا دُھر دا ور، وڈ وڈّا وڈ وڈیائیا۔ گوبِند خالصہ سوہنا ہووے روُپ، انوُپ دئے وڈیائیا۔ شبدی دھار اُپجے پوُت، پِتا پُرکھ اکال منائیا۔ تانا پیٹا اِکو ہووے سوُت، سوُتردھاری کھوج کھوجائیا۔ پِھرے دروہی چارے کوُٹ، ڈنکا وجےّ تھاؤں تھائنیا۔ لیکھا میٹے جوُٹھ جھوُٹھ، سچ سُچ لئے پرگٹائیا۔ کوُڑ کُڑیارا رہن نہ دیوے کپوُت، کُلکھّنی رہے نہ جمّن والی مائیا۔ شبد اگمّا بھیج کے دوُت، دُتیا بھاؤ دئے کڈھائیا۔ جوتی جوت سروُپ ہرِ، آپ اپنی کِرپا کر، کرے کھیل ساچا ہرِ، سَت سچ دا رنگ چڑھائیا۔ گوبِند خالصہ چار ورن دی دھار، دھرنی دھرت دھوَل وجےّ ودھائیا۔ سانجھا بولے اِک جَیکار، دُھر دا ڈھولا اگمّ اتھاہیِا۔ اِکو اِشٹ منّے نِرنکار، دوُسر اوٹ نہ کوئے تکائیا۔ اِکو مندر ویکھ دوار، اِکو آسن سِنگھاسن سوبھا پائیا۔ اِکو پیاؤنا امرت ٹھنڈا ٹھار، اگنی اگّ تت بُجھائیا۔ سو خالصہ گوبِند گوبِند کرے تیار، گوبِند گوبِند وِچوں پرگٹائیا۔ جو جوُاے جنم نہ جائے ہار، مانَس مانَو مانُکھ اپنا رنگ رنگائیا۔ ساچا مارگ دسےّ سنسار، سنساری بھنڈاری سنگھاری ویکھن چائیں چائنیا۔ سو خالصہ جِس خالص کرے آپ کرتار، کرنی دا کرتا دَیا کمائیا۔ جوتی جوت سروُپ ہرِ، آپ اپنی جوت دھر، نِہکلنک نرائن نر، مہاراج شیرسِنگھ وِشنوُں بھگوان، آد جُگاد جُگ چؤکڑی شاہ پاتشاہ شہنشاہ سچّی سرکار، رستہ مارگ پنتھ راہ جُگ جُگ آپ جنائیا۔