کتب خانہGranth 21 (Urdu)

۲۷ مگھّر شہنشاہی سمت ۴ کرم سِنگھ دے گرِہ پِنڈ احمدپُر ضِلع کپوُرتھلا

صدی چؤدھویں کہے نبی لےَ کے آئے ٹوپی سیلیا، سِلسلے وار وکھائیا۔ سُن پُرکھ اکال دُھر البیلیا، بے پرواہ تیری وڈیائیا۔ تیرا کھیل رنگ نویلیا، بےعیب تیرے ہتّھ ساڈی چتُرائیا۔ اسیں رہنا نہیں اکیلیاں، اکل کل دھاری تیرے وِچ سمائیا۔ تُوں مُرشد اسیں تیریاں چیلیاں، چِلہ کٹن دی لوڑ رہے نہ رائیا۔ جگت جہانوں ہوئیاں وِہلیاں، ناتا لیا تُڑائیا۔ چؤداں طبقاں باجیاں پیلیاں، اپنی کھیل کھِلائیا۔ انت پسیِنے وِچ آئیاں تریلیِاں، اگنی تت رہی جلائیا۔ ساڈی اُمت سانوُں کڈھدی ڈیلیاں، بھےَ سِر نہ کوئے منائیا۔ جھگڑا پیا ذاتاں پاتاں ڈوُم مراسی نائی تیلیِاں، دُھر دی طُلبیاں کرے نہ کوئے پڑھائیا۔ جگت ڈرایا من ممتا جھمیلیاں، کوُڑ کُڑیار نال مِلائیا۔ آہار بنایا بکرے چھیلیاں، گئوُ ماس جگت قصائیا۔ جوتی جوت سروُپ ہرِ، آپ اپنی کِرپا کر، ایکا دینا ساچا ور، داتے تیری بےپرواہیِا۔ صدی چؤدھویں کہے نبی جھُک جھُک کرن سلام، صحیح سلامت دھیان لگائیا۔ ساڈا وِگڑ گیا نِظام، ناظم ویکھ جگت لوکائیا۔ بردا رہیا نہ کوئے غُلام، کوٹ غُربت بھری لوکائیا۔ ساچا رہیا نہ کوئے انتظام، بھے ڈر نہ کوئے منائیا۔ تارا چند رووے نِشان، نِشانہ نوُر نہ کوئے چمکائیا۔ جہالت ودھی جیو جہان، عدالت سچ نہ کوئے کمائیا۔ چُھری شرع ہوئی شیَطان، شریِعت گھر گھر کرے لڑائیا۔ پَیغمبر کہن چھڈ آئے مَیدان، دھرنی دھرت دھوَل پندھ مُکائیا۔ اگلا سُنن آئے فرمان، کی سندیسہ نوُر الاہیِا۔ چؤداں طبقاں لُٹی جانی دُکان، وست انمُل نہ کوئے ورتائیا۔ کِرپا کر ہرِ مِہربان، محبوُب منگ منگائیا۔ کی تیرا حُکم ڈھنڈورا ہووے شرعِ عام، کی تیرا حُکم سُنن کوئے نہ پائیا۔ جوتی جوت سروُپ ہرِ، آپ اپنی کِرپا کر، ایکا دینا دُھر دا ور، دیونہار اِک اکھوائیا۔ صدی چؤدھویں کہے نبی دھوُڑی لاؤندے چھار، شہنشاہ خاک رمائیا۔ اسیں تیرے برخوردار، خُدی تکّبر دِتا گوائیا۔ منگدے درس دیِدار، نوُر چشم رُشنائیا۔ درگاہ ساچی دے بنا حقدار، گھر گھرانے دے وڈیائیا۔ ساڈی مت ہوئی غدار، بھےَ ڈر نہ کوئے وکھائیا۔ اسیں چھڈ دِتا

سنسار، ناتا لیا تُڑائیا۔ کلمیاں والا رکھیا نہ کوئے بازار، ہوکا کوُک نہ کوئے سُنائیا۔ اَگے سب کُچھ تیرے اختیار، مختیارنامے تیری جھولی بھرائیا۔ تُوں صاحِب سچّا سِکدار، تیرا حُکم رضائیا۔ کرے کراویں کرنیہار، قُدرت قادر تیری نظری آئیا۔ سچکھنڈ سچّا تیرا دربار، درگاہ ساچی وجےّ ودھائیا۔ نبی کہن اسیں تیرے برخوردار، برخورداری وِچ سیو کمائیا۔ جوتی جوت سروُپ ہرِ، آپ اپنی کِرپا کر، ایکا دینا ساچا ور، نِہکلنک نرائن نر، مہاراج شیرسِنگھ وِشنوُں بھگوان، تیرے حُکم دا اِنتظار ، اِنتظاری وِچ بَیٹھے راہ تکائیا۔

گُرمُکھ سِنگھ دُھر دا گُرمُکھ، گُرمُکھ گُرمُکھ روُپ وٹائیا۔ تیغ بہادر نال ڈھائی سال مانیا سُکھ، بکالے دُآلے سیو کمائیا۔ نؤ وار سَتگُر نوُں کندھیاں اُتے چُک، باہروں اندر تے اندروں باہر دِتا ٹِکائیا۔ جِس ویلے تیغ بہادر نوُں ترتالیویں سال پیٹ وِچ ہُندا سی دُکھ، درد درد نال ستائیا۔ جوتی جوت سروُپ ہرِ، آپ اپنی کِرپا کر، بھیوَ ابھیدا دئے کُھلائیا۔ ناویں وار جِس دِن چُکیا، بابل سوہنا نظری آئیا۔ کندھے سہارے نال اُٹھیا، تیغ بہادر لئی انگڑائیا۔ گُرمُکھ سِنگھ نے پُچھیا، سَتگُر تیری وڈ وڈیائیا۔ ہِردیوں اندر جھُکیا، نِمرتا وِچ سیِس نِوائیا۔ تیرا میَنوُں لگّ جائے دُکھیا، تُوں سَتگُر سوہنا سوبھا پائیا۔ تیغ بہادر اوسے ویلے نَواں نروآ ہو کے اُٹھیا، اپنی لئی انگڑائیا۔ چھاتی نال لگایا تے کِہا میرے پُتیا، بچّیا دیاں سمجھائیا۔ جیہڑا پُرکھ اکال جُگ چؤکڑی رہیا لُکیا، تیرا میلا میلاں سہج سُبھائیا۔ سوہنی سُہاوے رُتیا، لوک مات مہک مہکائیا۔ جوتی جوت سروُپ ہرِ، آپ اپنی کِرپا کر، سد اپنا گھر وسائیا۔ گُرمُکھ کِہا صاحِب سَتگُر تیری لوڑ، میَں سیوک نظری آئیا۔ تیغ بہادر کِہا میَں گُروُ تَینوُں پُرکھ اکال نال دیواں جوڑ، ایہہ میری سیوا بن آئیا۔ گُرمُکھ کِہا میری تُٹے نہ تیرے نالوں ڈور، پریِتی تیرے نال رکھائیا۔ تیغ بہادر کِہا میَں تَینوُں اوس دے نال دیواں تور، جو تیرا میرا لیکھا سب دا ویکھ وکھائیا۔ جِس ویلے کلجُگ اندھیرا ہویا گھور، چاروں کُنٹ اندھیرا چھائیا۔ امرت ویلا سرگھی رہے نہ بھور، بھوری درس نہ کوئے کرائیا۔ سادھ سنت بن جاون ٹھگ چور، سَت وِچ نہ کوئے سمائیا۔ اوس ویلے پُرکھ اکالا دیِن دَیالا اپنیاں واگاں آوے موڑ، نِرگُن ہو کے اپنا نوُر لئے چمکائیا۔ ساری دُنیا سرِشٹی پاوے شور، کوُکے حال دُہائیا۔ جوتی جوت سروُپ ہرِ، آپ اپنی کِرپا کر، ساچا میلا لئے مِلائیا۔ گُرمُکھ سِنگھ کِہا کہ میری پھیر کیہڑی ہووے ذاتی، پھیر سَتگُر دے سمجھائیا۔ تیغ بہادر کِہا تُوں ہُن وی

گُرمُکھ پھیر وی گُرمُکھ ایہہ میری دین والی داتی، گُرمُکھ نوُں گُرمُکھ وِچوں پرگٹائیا۔ نال پریم نال لایا اُتے چھاتی، تِنّ وار پانی اُتے دِتا دھرائیا۔ پھیر کِہا گُرمُکھ سِنگھ ایہہ میری رکھنی یادی، یادداشت پِچھلی تیرے وِچ لُکائیا۔ جِس ویلے پریم پیار اُتشاہ نال اِشنان کراوینگا پھیر تیری بدل دیواں حیاتی، جیِون اپنے لیکھے پائیا۔ پر یاد رکھیں نؤ مہینےِ اٹھاراں دِن تَینوُں کرنی پؤُ فریادی، مات گربھ دا اَگے لیکھا رہے نہ رائیا۔ گُرمُکھ سِنگھ کِہا پربھوُ سَتگُر میَں ضرور منّاں تیری آکھی، اندر وڑ کے میَنوُں دینا سمجھائیا۔ جوتی جوت سروُپ ہرِ، آپ اپنی کِرپا کر، سد اپنا کھیل وکھائیا۔ گُرمُکھ سِنگھ نوُں پِچھلا سی گیان، اندرے اندر رہیا ہِلائیا۔ تیغ بہادر دی دھار کہے اوس پربھوُ دا کرا اِشنان، جِتھے دُرمت مَیل رہے نہ رائیا۔ اوہ کایا ورگا مکان، پتّھراں اِٹّاں نال وڈیائیا۔ سَتگُروُ دا امرت اُپروں آوے اسمان، گُرمُکھ نے امرت دھرتی وِچوں لیا کڈھائیا۔ کِسے دے گھروں منگن گیا نہیں دان، گھڑا کُنبھ موڈھیاں اُتے نہ کوئے رکھائیا۔ سَتگُروُ دا حُکم منّیا تے منّیا ہویا پروان، پروانا آ گیا دُھردرگاہیِا۔ جنے چِر وِچ کرایا اِشنان، اونے چِر توں پہلوں لیکھا دِتا مُکائیا۔ دیِن دُنی دا دُکھ درد روگ نہ ویکھیا وِچ جہان، ہسدّا ہسدّا وسدا وسدا اپنے گھر گیا چائیں چائنیا۔ گُرمُکھ سِنگھ دا گُرمُکھ گُرمُکھ سِنگھ پھیر بنیا آن، جِس دے گھر دا دھرم نِشان بنس سربنس نوُں پربھوُ دیوے مان، وڈّے نِکے بِردھ بال سارے پار کرائیا۔ جوتی جوت سروُپ ہرِ، آپ اپنی جوت دھر، نِہکلنک نرائن نر، مہاراج شیرسِنگھ وِشنوُں بھگوان، تُہاڈے سِر کوئی کرن نہیں آؤندا اِحسان، پوُرب دا لیکھا سمیں انُسار سب دی جھولی پائیا۔

۲۷ مگھّر شہنشاہی سمت ۴ کرتار سِنگھ دے گرِہ کپوُرتھلا

صدی چؤدھویں کہے میَنوُں دِسدا اپنا انت اَخیِر، آخر دُھر کرتا رہیا وکھائیا۔ دیوے حُکم شاہ پاتشاہ شہنشاہ بے نظیِر، پاربرہم پت پرمیشور بےپرواہیِا۔ جو لیکھا جاننہارا شاہ حقیِر، لکھّ چؤراسی جیِو جنت سادھ سنت ویکھ وکھائیا۔ چار کُنٹ دہ دِشا بدلن والا تقدیِر، تدبیِر نام نِدھان اپنی اِک اُپجائیا۔ شرع شریِعت کٹن والا زنجِیر، لاشریِک اپنا کھیل کھِلائیا۔ سرب سوامی انترجامی آتم

پرماتم بنن والا دستگیِر، پاربرہم برہم ویکھے تھاؤں تھائنیا۔ دیِن مذہب ذات پات اوُچ نیِچ حدوُد ونڈ رہن نہ دیوے لکیِر، جوتی جوت سروُپ ہرِ، آپ اپنی کِرپا کر، کرے کھیل ساچا ہرِ، سَت ستواد اپنا کھیل کھِلائیا۔ صدی چؤدھویں کہے میرا انت اَخیِر آیا نیڑے، نیرن نیر ہو کے دیاں جنائیا۔ چار کُنٹ دہ دِشا چِھڑن والے جھیڑے، اُتّر پوُرب پچھّم دکھّن بچیا رہن کوئے نہ پائیا۔ پروردِگار سانجھا یار دیِن دُنی دیوے گیڑے، چار کُنٹ دہ دِشا نِرگُن سرگُن لٹھ بھوائیا۔ تن وجوُد کایا ماٹی ویکھے کھیڑے، بند کواڑی کھِڑکی پڑدا اندروں دئے اُٹھائیا۔ سنت سُہیلے گُرمُکھ صوُفی فقیِر جیہڑے، ورناں برناں وِچوں باہر کڈھائیا۔ بھیوَ کُھلائے آتم پرماتم پرماتم آتم تُوں میرا میَں تیرے، انبھوَ اپنا رنگ رنگائیا۔ جوتی جوت سروُپ ہرِ، آپ اپنی کِرپا کر، کرے کھیل ساچا ہرِ، دیونہارا دُھر دا ور، سچکھنڈ نِواسی اپنا حُکم ورتائیا۔ صدی چؤدھویں کہے میرا انت اَخیِری چکّر، چکرورتی رہن کوئے نہ پائیا۔ صوُفی سُرتی والا دِسے کوئی نہ فقّر، فِقرے الف یے ڈھولے ساری سرِشٹی رہی گائیا۔ نام نِدھان تُلے کوئی نہ تکّڑ، جگت وِدیا ترازو کمّ کِسے نہ آئیا۔ عالم عُلما دیِن مذہب دی لاؤندے ٹکّر، ذات پات وِچ دُہائیا۔ سچ دوار دُھردربار درگاہ ساچی مقامے حق کوئی نہ سکے اپّڑ، نِرگُن دھار نِروَیر نِرنکار نِرمل جوت نہ کوئے مِلائیا۔ من واسنا کوُڑی کِریا جگت جہان کیِتا پھٹّڑ، دُھر دی پٹّی نام نہ کوئے بندھائیا۔ جوتی جوت سروُپ ہرِ، آپ اپنی کِرپا کر، کرے کھیل ساچا ہرِ، بھیوَ ابھیدا دئے کُھلائیا۔ صدی چؤدھویں کہے میَں ویکھاں کھیل دو جہاناں، جہالت بھری جگت لوکائیا۔ سندیسہ دیواں دُھر فرمانا، پُرکھ اکالا رہیا دِرڑائیا۔ جگت بُدھی پڑھ پڑھ تھکی شاستر سِمرت وید پُراناں، اِنجیِل قرآن رسنا جِہوا نال گائیا۔ ساچی منزل چڑھے نہ کوئے نؤجوانا، نؤ دوارے کایا مندر اندر پندھ مُکائیا۔ دیِا باتی کملاپاتی جگائے نہ کوئی جوتی نوُر مہانا، امرت بوُند سوانتی ٹھانڈی ٹھار نِجھر جھِرنا نہ کوئے جھِرائیا۔ آتم برہم سَت سروُپ نہ کِسے پہچانا، بھیوَ ابھیدا بھیوَ نہ کوئے کُھلائیا۔ رسنا جِہوا بتّی دند صِفت صالاحی االلہ واہِگُروُ رام گاڈ ستنام سارے گاؤندے گانا، اجپا جاپ وِچ اپنا آپ نہ کوئے مِلائیا۔ جوتی جوت سروُپ ہرِ، آپ اپنی کِرپا کر، دیونہارا ساچا ور، سچ سوامی انترجامی گھٹ نِواسی پُرکھ ابناشی کرنی دا کرتا اپنی کار کمائیا۔ صدی چؤدھویں کہے مُلّا شیخ مسائک پنڈت پاندھے پڑھ پڑھ تھکے، تھکاوٹ وِچ ویکھی لوکائیا۔ حق حقیِقت ملِے نہ مدیِنے مکّے، کعبے اندر پئی دُہائیا۔ حُجرہ حق کوئی نہ دسےّ، محراب احباب رباب نہ کوئے سُنائیا۔ من کلپنا سارے پِھردے نَٹھے، کلمہ ناد دُھن کرے نہ کوئے

شنوائیا۔ بُدھی وِچار بن گئے سچّے، عقل وِدیا نال وڈیائیا۔ منزل مِلی کِسے نہ حقے، حقلُیقیِن نہ کوئے رکھائیا۔ میَں چار ورن اٹھاراں برن تکّے، کھتری برہمن شوُدر وَیش پھول پُھلائیا۔ دِوس رَین شاستر سِمرت وید پُراناں لائے رٹےّ، مالا منکیاں والی بُھوائیا۔ امرت رس نِجھر دھار بوُند سوانتی کوئی نہ چٹّے، چاترک ترِکھا نہ کوئے بُجھائیا۔ تُوں میرا میَں تیرا آتم پرماتم بِن رسنا جِہوا جاپ کوئی نہ جپے، سُرتی شبد وِچ سمائیا۔ جوتی جوت سروُپ ہرِ، آپ اپنی کِرپا کر، دیونہارا دُھر دا ور، کوٹاں وِچوں سنت سُہیلے اپنے پریم پیار وِچ رکھے، رکھک ہو کے ویکھے چائیں چائنیا۔ صدی چؤدھویں کہے میَں ویکھیا گُردر مندر مسیِت، شِودوالے مٹھاں پھول پُھلائیا۔ دیِناں مذہباں والی ریِت، مانَو مانَو حِصّیاں وِچ ونڈ ونڈائیا۔ ترےَگُن توں باہر نظر آیا نہ کوئے اتیِت، ترےَبھوَن وِچ نہ کوئے سمائیا۔ ساچا چھتر جھُلے کِسے نہ سیِس، سَتگُر سَت نہ کوئے ورتائیا۔ جھگڑا پیا چاروں کُنٹ ہست کیِٹ، آتم برہم پڑدا نہ کوئے اُٹھائیا۔ میَں سب دی اندر وڑ کے ویکھی نیِت، نؤ دوارے بھجّن چائیں چائنیا۔ تن وجوُد خاکی ماٹی ترےَگُن اگنی وِچوں کِسے نہ ہوئی سیت، سانتک سَت نہ کوئے کرائیا۔ پرم پُرکھ دا گائے کوئے نہ گیِت، گُر اوتار پَیغمبراں دے ڈھولے رہے گائیا۔ ابناشی کرتا گھٹ نِواسی پروردِگار سانجھا یار وسیا کِسے نہ چیت، من چِت ٹھگؤری چاروں کُنٹ نظری آئیا۔ سچ سندیسہ دُھر دا کلمہ اگمّی دھار سمجھے نہ کوئے حدیِث، جوتی جوت سروُپ ہرِ، آپ اپنی کِرپا کر، کرے کھیل ساچا ہرِ، سچ دوار ایکنکار اِک اِکلّا اِکو اِک درسائیا۔ صدی چؤدھویں کہے میَں ویکھیا مکّہ کعبہ، کایا اُمت پھول پُھلائیا۔ رس ملِے نہ کوئے دوآبہ، آبِ حیات نہ کوئے پیائیا۔ جھِرنا جھِرے کوئی نہ نابھا، کولی کول نہ کوئے وڈیائیا۔ سجدہ سیِس نہ کوئے آدابا، قدم بوسی دھوُڑ نہ کوئے رمائیا۔ چاروں کُنٹ اندھیری راتا، ساچا چند نہ کوئے چمکائیا۔ نبی رسوُلاں ٹُٹا ناتا، پَیغمبر گنڈھ نہ کوئے پوائیا۔ سب دا پھول کے ویکھیا کھاتہ، پڑدا اوہلا آپ چُکائیا۔ کی اَگے کھیل کرے جوتی جاتا، پاربرہم پربھ دُھردرگاہیِا۔ جِس دی گُر اوتار پَیغمبر بھوِکھتاں وِچ بول کے گئے اگمّی بھاشا، صِفتاں وِچ صِفت صالاحیِا۔ سو ویکھنہارا دیِن دُنی تماشا، لوک پرلوک سلوک اپنا حُکم سُنائیا۔ جوتی جوت سروُپ ہرِ، آپ اپنی کِرپا کر، کرے کھیل ساچا ہرِ، سچ فرمانا اِک دِرڑائیا۔ صدی چؤدھویں کہے میَں ویکھ ویکھ ہوئی حَیران، ہر ہِردا پھول پُھلائیا۔ گھر گھر شرع پِھری شیَطان، چُھری ممتا کرد اُٹھائیا۔ ثابت رہیا نہ کِسے اِیمان، سچ عمل نہ کوئے جنائیا۔ نیتر روندی ویکھی قرآن، مسلیاں وِچ دُہائیا۔ جلوہ نوُر کرے نہ کوئے پہچان، نیتر اکھّ نہ کوئے

بدلائیا۔ االلہہوُ اکبر سارے گان، نعرے ہُجریاں وِچ سُنائیا۔ دُھر دا سُنے نہ کوئے فرمان، پروردِگار کی سمجھائیا۔ صدی چؤدھویں کہے محمد دی مِٹن لگّی شان، شہنشاہ اپنا کھیل کھِلائیا۔ انت اَخیِر ہونا وَیران، وَیری گھر گھر نظری آئیا۔ پربھ اُتے کِسے دا رہیا نہ اِطمینان، تسلّی تصّور نہ کوئے کرائیا۔ دیِن دُنی ہوئی نادان، بُدھی چلے نہ کوئے چتُرائیا۔ جوتی جوت سروُپ ہرِ، آپ اپنی کِرپا کر، کرے کھیل مرد مردان، نؤجوان اپنی کار کمائیا۔ صدی چؤدھویں کہے پربھ دا کلمہ اگمّ اتھاہ، اکھّراں وِچ نہ ونڈ ونڈائیا۔ جیہڑا جپیا جائے بِنا ساہ، پوَن سواس نہ کوئے وڈیائیا۔ نام نِدھان نِرگُن دھار جائے سما، سرگُن ویکھن کوئے نہ پائیا۔ ناد دُھن دُھن ناد وِچوں اُپجا، ناد انادی آپے گائیا۔ جوتی نوُر کر رُشنا، اندھ اندھیرا دئے مِٹائیا۔ جوتی جوت سروُپ ہرِ، آپ اپنی کِرپا کر، دیونہارا دُھر دا ور، وڈ داتا اِک اکھوائیا۔ صدی چؤدھویں کہے میَں چار کُنٹ تکّیا پاپ، پتت پُنیِت نہ کوئے کرائیا۔ بِنا بھگت توں کوئی جپ سکے نہ اجپا جاپ، جگت وِدیا نہ کوئے چتُرائیا۔ جِتھے جھگڑا نہیں ترےَگُن تاپ، رجو طمو ستو نہ کوئے وڈیائیا۔ روُح بُت ہووے پاک، ماٹی خاک نوُر جوت چمکائیا۔ اکھّراں والی رہی نہ گاتھ، نِراکھّر وِچ سمائیا۔ جِتھے ملِے پرم پُرکھ پربھ آپ، آپ اپنا جوڑ جُڑائیا۔ آتم بنا کے سچّا ساک، سجّن ہو کے ویکھ وکھائیا۔ سدا کُھلا رکھے تاک، بجر کپاٹی کمّ کِسے نہ آئیا۔ ساچی پاؤندا دِسے راس، بِن گوپی کاہن نچائیا۔ ساچا نوُر کر پرکاش، بِن تیل باتی ڈگمگائیا۔ کِرپا کرے پُرکھ ابناش، مِہربان محبوُب اپنے رنگ رنگائیا۔ اوہناں پوُرب پوُری کرے آس، جنم جنم دا لیکھا لیکھے وِچ لگائیا۔ جوتی جوت سروُپ ہرِ، آپ اپنی کِرپا کر، دیونہارا دُھر دا ور، درگاہ ساچی اِک سُہائیا۔ صدی چؤدھویں کہے اجپا جاپ اوہ گُرمُکھ جپدا، جِس نوُں جگ جیِون داتا دئے وڈیائیا۔ جگت دوارے منزل ٹپدا، سُکھمن ٹیڈھی بنک اِیڑا پِنگل پَیراں ہیٹھ دبائیا۔ پیار چھڈکے نِج امرت رس دا، کوَل نابھی مُکھ بھوائیا۔ سُن آواز اگمّے ند دا، شبدی دُھن دُھن وڈیائیا۔ دے پرکاش نوُری سَت دا، سَت سَت وِچ سمائیا۔ ناتا توڑ کے پنج تت دا، سُرتی اکال موُرتی اپنے رنگ رنگائیا۔ جِؤں بھاوے تِؤں رکھدا، بے پرواہ اپنی دَیا کمائیا۔ اوتھے اِشارہ نہیں کوئی اکھّ دا، نیتر اکھّ نہ کوئے اُٹھائیا۔ جوتی جوت سروُپ ہرِ، آپ اپنی کِرپا کر، دیونہارا دُھر دا ور، سچ دوارا اِکو اِک سُہائیا۔ صدی چؤدھویں کہے اجپا جاپ جگت دھار نِرالا، نِروَیر آپ جنائیا۔ منکیاں والی پھیرنی پئے نہ مالا، من کا منکا دئے بھوائیا۔ ترےَگُن مایا توڑ جنجالا، جاگرت جوت کرے رُشنائیا۔ کایا مندر بنا کے سچّی

دھرمسالہ، گھر وِچ گھر پڑدا دئے اُٹھائیا۔ دیِا باتی کر اُجالا، کملاپاتی ویکھ وکھائیا۔ جھگڑا مُکا کے کال مہاکالا، آون جاون گیڑ چُکائیا۔ ساچا مارگ دسّ سُکھالا، سُکھ آسن وِچ بھرائیا۔ جوتی جوت سروُپ ہرِ، آپ اپنی کِرپا کر، دیونہارا ساچا ور، سچ دوارا اِکو اِک سُہائیا۔ اجپا جاپ جپائے کایا مندر، منسا من رہن نہ پائیا۔ بھاگ لگا کے ڈوُنگھی کَندر، اندھ اندھیرا دئے مِٹائیا۔ بجر کپاٹی توڑ کے جِندر، ترےَگُن لیکھا دئے مُکائیا۔ منسا وِچ پِھرے نہ من بندر، شبد ڈوری تند بندھائیا۔ کر پرکاش اندھیرا کھنڈر، نوُری جوت ڈگمگائیا۔ بودھ اگادھا بن پنڈت، ساچی سِکھیا اِک سمجھائیا۔ جھگڑا مُکا کے جیرج انڈج، اُتبُھج سیتج ڈیرہ ڈھاہیِا۔ جوتی جوت سروُپ ہرِ، آپ اپنی کِرپا کر، دیونہارا ساچا ور، سچ سوامی انترجامی گھٹ نِواسی پُرکھ ابناشی پروردِگار سانجھا یار جلوہ گر اپنا رنگ رنگائیا۔ صدی چؤدھویں کہے اجپا جاپ نہیں کوئی اؤکھا، ایہہ سَتگُر ہتّھ وڈیائیا۔ پڑھنا پئے کوئے نہ پوتھا، پُستک لوڑ رہے نہ رائیا۔ وڑنا پئے کِسے نہ کوٹھا، مندراں وِچ نہ پھیرا پائیا۔ دینا پئے کِسے نہ روٹا، پُنّ دان نہ کوئے سمجھائیا۔ پانی وِچ مارنا پئے نہ غوطہ، اٹھسٹھ نہ پندھ مُکائیا۔ من کلپنا کرنی پئے نہ لوچا، جگ نیتر نیَن نہ کوئے اُٹھائیا۔ بُدھی کرنی پئے نہ سوچا، عقل وِچ نہ کوئے چتُرائیا۔ کرنا پئے کوئی نہ دھوکھا، جگت فریب نہ کوئے جنائیا۔ جِنہاں نوُں صاحِب سَتگُر پُرکھ اکالا دیِن دَیالا اپنے مِلن دا دیوے مؤقع، جنم جنم دا پوُرب لیکھ ویکھ وکھائیا۔ اوہ اجپا جاپ جپدے نال شؤقا، رسنا جِہوا بتّی دند آتم پرماتم پرماتم آتم ڈھولا گائیا۔ اوہناں دا کایا مندر دیِن دَیالا سدا صاف رکھے چؤنکا، پتت پُنیِت آپ بنائیا۔ جوتی جوت سروُپ ہرِ، آپ اپنی کِرپا کر، دیونہارا دُھر دا ور، گرِہ مندر اِک وکھائیا۔ اجپا جاپ جپدا جِس نوُں دُھر دی لوڑ، لوڑیندا سجّن ویکھ وکھائیا۔ سَتگُر شبد آپے لئے جوڑ، انتر نِرنتر میل مِلائیا۔ بھٹکنا پئے نہ وِچ کایا گور، منسا من نہ کوئے ہلکائیا۔ ٹھگّی کرے نہ کوئی پنج چور، ترِسنا ترِکھا نہ کوئے ودھائیا۔ سَتگُر سجّن سوامی انتر جائے بہُڑ، بہُڑ اپنا میل مِلائیا۔ سچ دوار دا لا کے پؤڑ، منزل حقیِقی اِک وکھائیا۔ جِس نوُر نوُں آتم تکدا نال غؤر، گہر گمبھیِر دئے وکھائیا۔ اُس دا فُرنا پُھردا پھور، پِچھلا فُرنا رہن کوئے نہ پائیا۔ اجپا جاپ آتم پرماتم توں بِنا نہیں کوئی ہور، ہوری ونڈ نہ کوئے ونڈائیا۔ جوتی جوت سروُپ ہرِ، آپ اپنی کِرپا کر، وکھاوَنہارا دُھر دا گھر، گھر پڑدا آپ چُکائیا۔ اجپا جاپ وِچ جِس ہویا واسا، وصل ملِے نوُر الاہیِا۔ آتم پرماتم پرماتم آتم اِک بھرواسا، دوُجا نظر کوئے نہ آئیا۔ چنچل من کرے کوئی نہ ہاسا، بُدھی بھرم نہ کوئے بُھلائیا۔ سمرتھ

پُرکھ اِکو جاتا، جوتی جاتا دُھردرگاہیِا۔ جِس نے چار جُگ اکھّراں والے شبد بنائی گاتھا، گُر اوتار پَیغمبراں ونڈ ونڈائیا۔ سو ویکھنہارا کھیل تماشا، پرِتھمی آکاش کھوج کھوجائیا۔ جِس نوُں جھُکدے تریَلوکی ناتھا، رام وشِشٹ سیِس نِوائیا۔ تیئی اوتار ٹیکن ماتھا، عیسیٰ موُسیٰ محمد سجدیاں وِچ دھوُڑی خاک رمائیا۔ نانک گوبِند منّیا پِتا ماتا، پُرکھ اکال بےپرواہیِا۔ سو صاحِب سوامی آد جُگادی سَتگُر ساچا، ہرِ سجّن اِک اکھوائیا۔ جِنہاں بھگتاں دے اندر لوُں لوُں اندر راچا، ساڈھے تِنّ کروڑ دئے گواہیِا۔ اوہ گُرسِکھ اجپا جاپ جپدے بِنا پوَن سواسا، ساہ توں بِنا صاحِب تُرت شبد وِچ مِلائیا۔ جوتی جوت سروُپ ہرِ، آپ اپنی کِرپا کر، کرے کھیل ساچا ہرِ، نِہکلنک نرائن نر، مہاراج شیرسِنگھ وِشنوُں بھگوان، نِرگُن دھار نوُر جوت پرکاشا، ویکھنہارا تھاؤں تھائنیا۔

۲۷ مگھّر شہنشاہی سمت ۴ منجیِت کؤر دے گرِہ پِنڈ منگوُپُر

صدی چؤدھویں کہے کی حال ہونا اتل، اِطلاع محمد دے جنائیا۔ کی کھیل ویکھنا مِتل، مِتر پیارے پڑدا دے اُٹھائیا۔ کی رنگ رنگاؤنا سِتل، صاحِب سوامی دَیا کمائیا۔ تیرا کلمہ جائے کِتل، کاتب کوَن کرے لِکھائیا۔ دھاتُو روُپ وٹائے پِتل، قیِمت کرم نہ کوئے جنائیا۔ جوتی جوت سروُپ ہرِ، آپ اپنی کِرپا کر، دیونہارا دُھر دا ور، مِہربان مِہر نظر اِک اُٹھائیا۔ صدی چؤدھویں کہے کی ہونا چؤداں طبق، سچ طبیعت نال دے جنائیا۔ کی پڑھنا سب نے سبق، سِکھیا کوَن سُنائیا۔ کی نوُر الاہی دینی جھلک، جلوہ گر ڈگمگائیا۔ کی سندیسہ دسّنا حمد، لاشریِک پڑھائیا۔ کی اِشارہ مار رمز، رحمت حق کمائیا۔ کی انت اَخیِر کرے غضب، مِہربان محبوُب دُھردرگاہیِا۔ کِس دا اَگے ہووے ادب، سجدیاں وِچ سیِس جھُکائیا۔ کی سب دا سانجھا ہووے مذہب، پڑدا اوہلا دے اُٹھائیا۔ میَں حَیران ہوئی تعجُب، پریشانی وِچ کُرلائیا۔ منارا دِسے کوئی نہ مسجد، حُجرہ حق نہ کوئے سُہائیا۔ مان دِسے نہ مُریِد مُرشد، سِر سر نہ کوئے نِوائیا۔ دھرم دی دھار رہی نہ اُلفت، کلمہ کلام نہ کوئے وڈیائیا۔ جوتی جوت سروُپ ہرِ، آپ اپنی کِرپا کر، کرے کھیل ساچا ہرِ، ہرِ کرتا دُھردرگاہیِا۔ صدی چؤدھویں کہے محمد دسّ اگمّی راز، بھیوَ ابھید کُھلائیا۔ پھیر پڑھے کوَن نماز،

سجدیاں وِچ سیِس جھُکائیا۔ کی اُمت مِلنا اِعزاز، کوَن دیوے وڈیائیا۔ کی پڑدا کھولے آغاز، سہج دینا سمجھائیا۔ نِگاہ مار اُپر آکاش، بِن اکھّاں اکھّ اُٹھائیا۔ کوَن نوُر کرے پرکاش، چند چاندنی ڈیرہ ڈھاہیِا۔ میَں انتم ہوئی اُداس، حَیرانی میرے اندر چھائیا۔ ساچا دیوے کوئی نہ ساتھ، سنگی سنگ گئے تجائیا۔ منزل ملِے کوئی نہ گھاٹ، اَدھواٹے بَیٹھی ڈیرہ لائیا۔ مُحبّت جُڑے کوئی نہ نات، ناتواں ہو کے دیاں دُہائیا۔ پَیغمبراں دی پِھردی ویکھی جماعت، جمُلہ اکھّر نہ کوئے سمجھائیا۔ بغلے رہی نہ کوئی کِتاب، کُتب خانیاں ہوئی صفائیا۔ پُرکھ اکال دا سمجھے کوَن مجاز، پڑدا اوہلا دئے چُکائیا۔ صدی چؤدھویں کہے میَں پُچھن لگّی آج، عاجز ہو کے سیِس نِوائیا۔ سَت دھرم دا کیہڑا ہووے سماج، مانَو مانَو ایکا گھر وسائیا۔ جھگڑا رہے نہ کِسے ذات، جوروُ زر نہ کوئے لڑائیا۔ نام اُپجے اِکو ساچ، سَت سَت ملِے وڈیائیا۔ بھاگ لگّے کایا ماٹی کاچ، کنچن گڑھ سوبھا پائیا۔ کلجُگ مِٹے اندھیری رات، سَتجُگ ساچا چند چمکائیا۔ پُرکھ اکالا دیوے دات، دانی ہو کے آپ ورتائیا۔ کوُڑی کِریا پائے وفات، مڑھی گور وِچ دبائیا۔ مذہباں کولوں ملِے نِجات، بندی خانہ توڑ تُڑائیا۔ سب دے اندروں تُونہی تُونہی دی نِکلے آواز، دوُجا راگ نہ کوئے سُنائیا۔ سرِشٹی دی درِشٹی جاوے جاگ، آلس نِندرا میٹ مِٹائیا۔ ہِردے اُپجے حق وَیراگ، وَیری اندروں دینے کڈھائیا۔ کوُڑ کِریا ہووے تیاگ، دھرم دی دھار اِک اُپجائیا۔ سچ سوامی ملِے سُہاگ، جگت رنڈیپا ڈیرہ ڈھاہیِا۔ گُرمُکھ ہنس بنن کاگ، سوہنگ مانک موتی چوگ چُگائیا۔ جوتی جوت سروُپ ہرِ، آپ اپنی کِرپا کر، ایکا دینا دُھر دا ور، در تیرے آس رکھائیا۔ صدی چؤدھویں کہے محمد کُچھ پردہ کھول باطن، بے وطن دیاں جنائیا۔ کی کھیل ہووے ماتن، ماتر بھوُمی ویکھ وکھائیا۔ چاروں کُنٹ اندھیری راتن، رُتی نوُر نہ کوئے رُشنائیا۔ باہروں مانَو تتاں والے جاپن، انتر کرے نہ کوئے صفائیا۔ بُت ہویا کِسے نہ پاکن، پلیِت ویکھی جگت لوکائیا۔ دھوُڑی ملِے نہ کِسے خاکن، مِٹّی مستک نہ کوئے رمائیا۔ پڑدا لتّھے کِسے نہ تاکن، تقویٰ حق نہ کوئے جنائیا۔ حق بندگی وِچ موُل نہ جاگن، سوئی سُرت نہ کوئے اُٹھائیا۔ موُرکھ موُڑھ ہوئے کاگن، ہنس روُپ نہ کوئے بنائیا۔ مایا ڈسے ڈسنی ناگن، گھر گھر اپنا ڈنگ لگائیا۔ جوتی جوت سروُپ ہرِ، آپ اپنی کِرپا کر، کی کرے کھیل دُھر دا ہرِ، دُھر دی دھار دینی دِرڑائیا۔ صدی چؤدھویں کہے محمد کُچھ تے آکھ، بِن اکھّراں دے سمجھائیا۔ کلمہ اگمّی اِشارہ دے بھاکھ، پڑدا اندروں آپ چُکائیا۔ کی اُمت نال کھیل ہونا مہینےِ وِچ وِساکھ، وساہ کے کی کرتا کار کمائیا۔ پڑدا کھول اگلی بات، باطن بھیوَ رہے نہ

رائیا۔ کیوں بدلن لگّا جاپ، جگ جیِون داتا اپنی کار کمائیا۔ جوتی جوت سروُپ ہرِ، آپ اپنی کِرپا کر، کرے کھیل ساچا ہرِ، اپنے مِلن دا دئے آپ اِتفاق، بے وفائی دوُر کرائیا۔ محمد کہے سُن چؤدھویں صدی میری ساتھن، سچ دیاں دِرڑائیا۔ میَں سُنیہڑا آیا آکھن، بِن اکھّراں راگ الائیا۔ سب دے کرم آیا واچن، جنم پھول پُھلائیا۔ گھاٹ آیا پاتن، تٹاں ویکھ وکھائیا۔ سب دی ویکھاں آسن، گھر گھر پھول پُھلائیا۔ روُح بُت رہیا کوئی نہ پاکن، پتت پُنیِت نہ کوئے جنائیا۔ میرا سب نالوں تُٹا ناتن، سنگی سنگ نہ کوئے نِبھائیا۔ پروردِگار ویکھے کھیل تماشن، نِرگُن سرگُن سرگُن نِرگُن اپنا حُکم ورتائیا۔ جوتی جوت سروُپ ہرِ، آپ اپنی کِرپا کر، دیونہارا دُھر دا ور، دُھر دا دھرم اِک اُپجائیا۔ صدی چؤدھویں کہے کی پربھ دی اَگے منسا، منصوُر توں پُچھ کے دے سمجھائیا۔ کِتھے بھگت بھگوان دا وسدا بنسا، بنسی والے جِتھے سیِس نِوائیا۔ میرا انتم میٹ دے سنسا، بھرم رہے نہ رائیا۔ کیہڑی دھار بنے پربھ ساچے دی انسا، نِرگُن نوُر جوت رُشنائیا۔ من ہنکاری رہے نہ کنسا، کوُڑی کِریا ڈیرہ ڈھاہیِا۔ گُرمُکھ روُپ دھرے جگ ہنسا، ہنگ برہم بھیوَ کُھلائیا۔ سَت دھرم دی ساچی ہووے بنتا، گھڑن بھنّنہار دینا دِرڑائیا۔ پُرکھ ابناشی اِکو ہووے کنتا، قدیِم دا مالک خصم گوسائنیا۔ جھگڑا مُکاوے بہِشت جنّتا، سچ دوارے دئے اِک سرنائیا۔ کلمیاں وِچ ناماں وِچ اکھّراں وِچ پتّھراں وِچ ستھراں وِچ کڈھاوے کوئی نہ مِنّتا، اگنی تت نہ کوئے تپائیا۔ اندر وڑ کے مندر چڑھ کے اپنے مِلن دی دیوے ساچی ہِمّتا، حوصلہ اِک ودھائیا۔ نظری آوے چار کُنٹ دہ دِشا ساچی سِمتا، سِمرن پوُجا پاٹھ جوگ ابھیاس دا لیکھا دئے چُکائیا۔ جنم مرن دی کرم کانڈ دی رہن نہ دیوے عِلّتا، کوُڑی کِریا ڈیرہ ڈھاہیِا۔ سچ پوشاک تن ماٹی خاک دیوے خِلعتا، خالق خلق دَیا کمائیا۔ کرنی پئے کوئی نہ سُنّتا، سیِس مُنڈاؤنا پئے کوئی نہ مُنتا، لباں کٹاؤن دی لوڑ رہے نہ رائیا۔ ایکا نام نِدھان دیوے شبد اگمّی دُھن دا، دُھن آتمک راگ سُنائیا۔ مالک خالق پرِتپالک صاحِب سوامی بنے کُل دا، مذہباں ونڈ نہ کوئے ونڈائیا۔ دھوُڑی ٹِکاّلاوے سب نوُں اپنی دھوُل دا، دھرم دی دھار اِک جنائیا۔ حُکم سندیسہ دیوے دُھر معقوُل دا، مُکمل کر پڑھائیا۔ مارگ دسّ آتم پرماتم پرماتم آتم سچ اصوُل دا، اصلیّت وِچوں اپنا اصل سمجھائیا۔ ناتا جوڑ کے پاربرہم برہم کنت کنتُوہل دا، میلا میلے سہج سُبھائیا۔ صدی چؤدھویں کہے محمد کوَن لہنے دینے لیکھے سرب وصوُلدا، حِساب منگے تھاؤں تھائنیا۔ جِس کول تھاں ٹِکانا نہیں کوئی پوُل دا، عارضی کھیل نہ کوئے وکھائیا۔ اُس دا حُکم سندیسہ اِکو شبد اگمّی مضموُن دا،

جِس نوُں پڑھے کوئے نہ وِچ لوکائیا۔ اُس دا مارگ دھرم دوار قانوُن دا، قاعدے وِچ ترمیم نہ کوئے کرائیا۔ جوتی جوت سروُپ ہرِ، آپ اپنی جوت دھر، کرے کھیل ساچا ہرِ، نِہکلنک نرائن نر، مہاراج شیرسِنگھ وِشنوُں بھگوان، آد جُگاد جُگ چؤکڑی گُر اوتار پَیغمبراں لیکھا کدے نہ بھوُلدا، ابُھل ہو کے لیکھے سب دے لیکھے لائیا۔

۲۸ مگھّر شہنشاہی سمت ۴ فقیِر سِنگھ مجیِد پُر مہِندر سِنگھ ہرنام پُر

صدی چؤدھویں کہے راتیں نانک الف نال مِلایا اُوڑا، دوویں اکھّاں دوہاں اُتے ٹِکائیا۔ تکّیا رنگ گوُڑھا، سوہنا سوبھا پائیا۔ انتر کہے کِس نوُں کہاں کوُڑا، کوُڑا نظر کوئے نہ آئیا۔ جاں دھرنی ویکھے جگت جہان ہو گیا موُڑھا، بُدھ بِبیک نہ کوئے بنائیا۔ مستک لگّے کِسے نہ دھوُڑا، ٹِکّے خاک نہ کوئے رمائیا۔ پھیر تکّیا یے دا وقت ہویا پوُرا، ڑاڑا ڑاڑ رہیا مِٹائیا۔ پُرکھ اکال دا سچ دستُورا، جُگ چؤکڑی اپنا حُکم ورتائیا۔ جو بھوِکھت دسّیا حُکم وِچ حضوُرا، حضوُریئے ہو کے جگت سُنائیا۔ سو وقت رہیا نہ دوُرا، نیرن نیرا پَینڈا گیا مُکائیا۔ جوتی جوت سروُپ ہرِ، آپ اپنی کِرپا کر، ایکا دیوے دُھر دا ور، ہرِ داتا شہنشاہیِا۔ نانک کہے میَں ویکھی پیار نال الف، الفی نظر کوئے نہ آئیا۔ جِس نے اِکو چُکیا حلف، حلفیہ بیان اپنے وِچ چُھپائیا۔ میَں سدا رہنا یک طرف، دو طرف نہ ونڈ ونڈائیا۔ میَں خُدا نوُں کہنا شرف، مُشّرف کہہ کے سیِس نِوائیا۔ میَں تکنا اُتے عرش، عرشی پریِتم دھیان لگائیا۔ میَں ویکھنا اُتے فرش، جلوہ گر نوُر نوُر رُشنائیا۔ میَں نِرگُن کرنا درس، درس پیاسی تِہائیا۔ میَں اپنی بُجھاؤنی حرص، ہوَس رہے نہ رائیا۔ امرت دیوے برس، رحمت وِچ وڈیائیا۔ میری منظور کرے عرض، بیننتی دیاں سُنائیا۔ اپنا کھیل ویکھ اسچرج، الف یے دی چلے نہ کوئے چتُرائیا۔ تیرے کلمے دی رہی نہ کوئے غرض، غُربت اندر بھری لوکائیا۔ چاروں کُنٹ اندھیرا گرد، گردش وِچ پئی دُہائیا۔ دُکھیِاں ونڈے کوئے نہ درد، دیِناں گود نہ کوئے ٹِکائیا۔ تیری شرع قصائی ہوئی کرد، قتل گاہ ویکھی لوکائیا۔ ہؤمے دی میٹے کوئی نہ مرض، مریض گھر گھر روون مارن دھائینا۔ ساچا پلّے نہیں کِسے خرچ، دامن دامنگیِر نہ کوئے پھڑائیا۔ نفع ویکھیا نہ کِسے چرچ، مسجد خالی جھولی رہی

وکھائیا۔ جوتی جوت سروُپ ہرِ، آپ اپنی کِرپا کر، کرے کھیل ساچا ہرِ، دُھر دا اپنا حُکم ورتائیا۔ اوُڑا کہے میَں ویکھیا اُٹھ، چاروں کُنٹ دھیان لگائیا۔ وست دِسی کوئے نہ مُٹھ، نام نِدھان نہ کوئے ورتائیا۔ سب نوُں خالی دِسے ٹُھٹھ، پیالے ٹھوُٹھے موُدھے ہوئی صفائیا۔ جگت وِکار پائی لُٹ، گھر گھر دِسے لڑائیا۔ دیِن دُنی اپنے اندروں دھرم دا بوُٹا دِتا پُٹ، بِن ہتّھاں باہر سُٹائیا۔ سارے بن گئے اپرادھی پُت، سُت دُلارا رہن کوئے نہ پائیا۔ مایا ممتا رہے چُک، لڑ لاون چائیں چائنیا۔ ہؤمے ہنگتا وِچ خوش، خوشی اپنی رہے پرگٹائیا۔ جگت وِکار سُہائی رُت، بھوگ بِلاس وِچ لوکائیا۔ سَت سچ گیا چُھپ، کلجُگ رَین اندھیرا چھائیا۔ نانک دی سارے بُھل گئے تُک، سوہنگ ڈھولا کوئے نہ گائیا۔ اوُڑا کہے میَنوُں ہویا بڑا دُکھ، دُکھی ہو کے دیاں سُنائیا۔ امرت ملِے کِسے نہ گھُٹ، جام حقیِقی نہ کوئے پیائیا۔ خالی دِسن بُت، تت اگنی رہیا تپائیا۔ جوتی جوت سروُپ ہرِ، آپ اپنی کِرپا کر، ایکا دینا ساچا ور، سچ کرنی کار کمائیا۔ صدی چؤدھویں کہے الف اووڑا اَگے پِچھے پِچھے اَگے، پاسا رہے بدلائیا۔ اکھّراں والے رہن نہ دئیے حِصّے، حِصّیاں والی ونڈ نہ کوئے ونڈائیا۔ ساڈے اندر اِکو نوُر دِسے، دوُجی چمک نہ کوئے چمکائیا۔ اسیں اِکے چڑھیئے چِکھے، جِتھے اگنی اگّ نہ کوئے تپائیا۔ اِکو منّیئے پِتے، جو پت پرمیشور نوُر خُدائیا۔ ہُن چھڈ دئیے دیِناں مذہباں دے قطعے، کِتے ساڈی وی ہوئے صفائیا۔ جِس نے سانوُں بھنڈارے دِتے، اکھّراں والا روُپ پرگٹائیا۔ مات لوک چلائے سِکے، حُکمران دِتا جنائیا۔ انت ڈوری پِچھے نہ کھِچے، ساڈی کرے صفائیا۔ اسیں کالے اُتے پھیر ہوئیے چِٹے، جِنہاں چِٹے توں کالے دِتے بنائیا۔ انت اَخیِری نِکلن لگّے سِٹے، قیِمت کرتا سب دی دئے چُکائیا۔ جوتی جوت سروُپ ہرِ، آپ اپنی کِرپا کر، کرے کھیل ساچا ہرِ، مِہربان مِہر نظر اُٹھائیا۔ الف کہے سُن اوڑے ویِر، ویِرنا دیاں جنائیا۔ ساڈی سانجھی ہووے تقدیِر، تکّبر وِچ رہے نہ رائیا۔ بندھن تُٹے زنجِیر، حد دینی گوائیا۔ منّیئے اِکو پیِر، جِس نوُں واہِگُروُ کہہ کے گائیا۔ تکّیئے اوہ تصویِر، جِس نوُں مصوّر نہ کوئے کھِچائیا۔ بدلیئے اوہ ضمیِر، جِتھے ضامن رہے نہ رائیا۔ چڑھیئے چوٹی اَخیِر، جِتھے ساڈے اکھّراں دی مکُے پڑھائیا۔ دوَیتی والا رہے نہ کوئے خمیِر، خُماری سب نوُں اِک رکھائیا۔ منزل دا پَینڈا رہیا چیِر، چِری وِچھنے جوڑ جُڑائیا۔ الف کہے جھگڑا مِٹائیے شاہ امیِر، جوتی جوت سروُپ ہرِ، آپ اپنی کِرپا کر، کرے کھیل ساچا ہرِ، دُھر سندیسہ اِک سُنائیا۔ اوُڑا کہے سُن الف میری ہم شیرہ، حمد وِچ سُنائیا۔ دوویں تکّیئے بےنظیِرا، جو نظراں توں اوہلے ڈیرہ لائیا۔

پیار مُحبّت دا چُکیئے بیِڑا، دھرم دھار دی گنڈھ پوائیا۔ میَنوُں دے دے اپنا لیِڑا، میرا بستر تیرے حِصّے آئیا۔ جیہڑیِاں گرنتھاں دیِاں بنّھیِاں بیِڑاں، صِفتاں وِچ صالاحیِا۔ اُس دا کھیل ویکھ اَخیِرا، جو آخر رہیا کرائیا۔ جوتی جوت سروُپ ہرِ، آپ اپنی کِرپا کر، کرے کھیل ساچا ہرِ، ہرِ داتا دُھردرگاہیِا۔ الف کہے اوُڑا تیری ویکھنی لِکھی ہوئی پَنیتی، پَینتیس اکھّراں وِچ وڈیائیا۔ گُرمُکھ دے ہتّھ وِچ ہونی قیَنچی، شرع زنجِیر کٹائیا۔ میَں ڈھولا گاواں بَیتی، بَیتُل مُقدّس میری دُہائیا۔ جوتی جوت سروُپ ہرِ، آپ اپنی کِرپا کر، ایکا دینا دُھر دا ور، دُھر مستک ویکھ وکھائیا۔ اوُڑا کہے سُن الف بھَین اے، ایکا دیاں جنائیا۔ جے میری پیَنتی تے تیرا وی لیکھ لِکھیا جائے نال یہ، ہِندسے وِچلے اکھّر نال مِلائیا۔ پر سچ جانی دھرم دوارے دوہاں دا لگّنا نینہ، بھگتاں وِچ سوبھا پائیا۔ پُرکھ اکالا برکھے مینہ، امرت دھار وہائیا۔ دیِن دُنی ماٹی ہونی کھیہہ، خاک خاک نال اُڈائیا۔ ساڈی پوِتر ہووے دیہہ، اکھّر اکھّر سوبھا پائیا۔ ہنکار رہے کوئی نہ میَں، میَں ممتا دینی مِٹائیا۔ جوتی جوت سروُپ ہرِ، آپ اپنی کِرپا کر، اپنا پڑدا دینا اُٹھائیا۔ الف کہے میَنوُں کیہڑا لِکھے کاتب، قلم شاہی نال وڈیائیا۔ میرے ساہمنے ہووے مُخاطب، پڑدا رہے نہ رائیا۔ میَں جاواں اوس دی جانب، رستہ راہ تکائیا۔ اوہ میرا کرے تعاقب، ویکھے چائیں چائنیا۔ میری بدل جاوے عادت، حِصّہ ونڈ نہ کوئے ونڈائیا۔ میَں وی کہاں سانجھی ہووے اِک عبادت، مالک اِک اکھوائیا۔ ملِے اگمّ نیامت، وست دُھردرگاہیِا۔ رہیئے صحیح سلامت، دُکھ نہ لاگے رائیا۔ تُوں میری میَں تیری دیواں ضمانت، ضامن اوَر نہ کوئے جنائیا۔ الف کہے میَنوُں دِسدا ضرور آوے قیامت، کامل مُرشد حُکم منائیا۔ اوُڑا کہے ایسے کر کے پنجاں نے کرا کے آؤنا حجامت، چوٹی سب دی دئے مُنائیا۔ جوتی جوت سروُپ ہرِ، آپ اپنی کِرپا کر، کرے کھیل ساچا ہرِ، سد اپنا پڑدا لاہیِا۔ الف کہے سُن بھئیا اوُڑا، اوُڑی دے کول دُہائیا۔ پنجاں بیِبیِاں گِچی توں تھلّے چار اُنگل کرنا جوُڑا، ودّھ گھٹّ نہ کوئے بنائیا۔ متھے لگّی ہووے دھوُڑا، چھار چھار شنکر والی چُھہائیا۔ بُلّاں نوُں نیِلا رنگ چڑھیا ہووے گوُڑھا، دوُسر رنگ نہ کوئے بدلائیا۔ اُچی اُچی ماردیِاں آؤن کھنگوُرا، خبردار ہو کے اکھّ لؤ کُھلائیا۔ ہتّھ وِچ پھڑیا ہووے اِک اِک موُڑھا، کدی کدی سِر اُتے لیَن ٹِکائیا۔ پاؤندیاں آؤن فتُورا، ڈھولا زور زور سُنائیا۔ پُرکھ اکال کرن مشہوُرا، نِہکلنک تیری سرنائیا۔ جوتی جوت سروُپ ہرِ، آپ اپنی جوت دھر،

نِہکلنک نرائن نر، مہاراج شیرسِنگھ وِشنوُں بھگوان، جھگڑا مُکاوے بہِشتاں والیِاں حوُراں، پَیغمبراں دے حُجریاں وِچوں کرے صفائیا۔

۲۸ مگھّر شہنشاہی سمت ۴ جاگیِر سِنگھ دے گرِہ پِنڈ شِکار پُر ضِلع کپوُرتھلا

صدی چؤدھویں کہے میَں دسّاں نال اِیمان، عمل دیِن دُنی جنائیا۔ تیِس بتیِسا بھیوَ کُھلے نہ کوئی قُرآن، کایا کعبہ نہ کوئے وڈیائیا۔ تن وجوُد دِسے شیَطان، شرع شریِعت وِچ دُہائیا۔ سجدہ حق کرے نہ کوئے سلام، سیِس جگدیِش نہ کوئے جھُکائیا۔ ہُجریاں اندر دِسے حرام، مایا ممتا موہ ہلکائیا۔ خُدی تکّبر کیِتا غُلام، غُربت کرے نہ کوئے صفائیا۔ چاروں کُنٹ وِگڑیا نِظام، نؤبت حق نہ کوئے وجائیا۔ جوُٹھ جھوُٹھ دِسے نِشان، سَت سچ نہ کوئے وکھائیا۔ کی کھیل کرے اِمام، ہرِ داتا بےپرواہیِا۔ جوتی جوت سروُپ ہرِ، آپ اپنی کِرپا کر، ویکھنہارا گھر گھر، سرِشٹی درِشٹی کھوج کھوجائیا۔ صدی چؤدھویں کہے چاروں کُنٹ تکّیا اندھیارا، نیتر نیَن نہ کوئے رُشنائیا۔ مُحبّت کرے نہ کوئے پیارا، پریم پریِتی نہ کوئے جنائیا۔ جیِو جنت ہویا گوارا، سادھ سنت رہیا کُرلائیا۔ صوُفی منزل چڑھے نہ کوئی چُبارا، جلوہ نوُر نہ کوئے رُشنائیا۔ محمد ہو گیا بے اعتبارا، سگلا سنگ نہ کوئے نِبھائیا۔ چار یاری ہوئے خوارا، خالص بھیوَ نہ کوئے کھُلائیا۔ االلہہوُ رہیا نہ نعرہ، تُوں ہی تُوں ہی نہ راگ الائیا۔ من منوُآ ہویا غدارا، کلپنا وِچ رہیا کُرلائیا۔ شرع چُھری بنی کٹارا، قتل گاہ دیِن دُنی ویکھ وکھائیا۔ سجدہ جھُکے نہ پروردِگارا، سَت سنتوکھ نہ کوئے وکھائیا۔ نیتر رووے چند ستارا، چؤدس نوُر نہ کوئے چمکائیا۔ چؤداں طبق ہاہاکارا، ہِردے ہرِ نہ کوئے وسائیا۔ جوتی جوت سروُپ ہرِ، آپ اپنی کِرپا کر، کرے کھیل ساچا ہرِ، ہرِ داتا دُھردرگاہیِا۔ صدی چؤدھویں کہے میَں تکّے کھیل انوکھے، انت دیاں دِرڑائیا۔ مُریِد مُرشداں کردے دھوکھے، مُرشد مُریِداں رہے بھرمائیا۔ وِدیا پڑھ پڑھ تھکے اکےّ پوتھے، منزل حق قدم نہ کوئے ٹِکائیا۔ کایا تکّیا کِسے نہ گوشے، کایا کُرہ نہ پھول پُھلائیا۔ اگلی دھار کوئی نہ سوچے، پِچھلی کردے سرب پڑھائیا۔ نیتر اکھّ کُھلی نہ لوچے، دوئے لوچن کمّ کِسے نہ آئیا۔ بُھکھے مر کے رکھے روزے، رازق رِزق رحیِم نہ کوئے وڈیائیا۔ نیِلی دھار پہنے چوغے، ہریا ویس وٹائیا۔ سیِس کٹائے بودے، لباں کیِتی صفائیا۔ بھیوَ کُھلے کِسے نہ گوجھے، پڑدا انتر نہ

کوئے چُکائیا۔ جوتی جوت سروُپ ہرِ، آپ اپنی کِرپا کر، وکھاوَنہارا دُھر دا در، در دروازہ اِک کُھلائیا۔ صدی چؤدھویں کہے میَں تکّیا حق حقیِقی نوُر، نوُرانہ نظری آئیا۔ جِس دا سَت سچ دستُور، نہ کوئی میٹے میٹ مِٹائیا۔ میرا لہنا دینا لیکھے لائے ضرور، گُر اوتار پَیغمبراں نال مِلائیا۔ سرِشٹی درِشٹی اندر وکھائے حضوُر، حضرتاں توں پرے کر پڑھائیا۔ دُھر دا حُکم سب نوُں کرے مجبوُر، مجبوُری پِچھلی دئے گوائیا۔ جنم جنم دا میٹ قصوُر، کُشلتا اپنی اِک دِرڑائیا۔ نام بھنڈارا کر بھرپوُر، کلمہ کائنات سُنائیا۔ جوتی جوت سروُپ ہرِ، آپ اپنی کِرپا کر، کرے کھیل ساچا ہرِ، کرنہار اِک اکھوائیا۔ پَیغمبر کہن اَگے کیہڑا کلمہ لئیے رٹ، رِٹن نظر کوئے نہ آئیا۔ عیسیٰ کہے میرا کلاک کرے ٹک ٹک، ویہویں صدی وقت سمجھائیا۔ موُسیٰ کہے پِچھلا سارا چھڈیئے ہٹّھ، اَگے اوَر نہ کوئے ودھائیا۔ سیِس نِوائیے پروردِگار جھٹ، نِیوں نِیوں لاگے پائنیا۔ دیِن مذہب دی ڈوری دیوے کٹ، نام کٹاکش اِک لگائیا۔ سچ دوار دا کھول کے ہٹّ، دُھر دی وست دئے ورتائیا۔ پَیغمبر اوتاراں نال کریئے اِکٹّھ، اوتار پَیغمبراں نال مِلائیا۔ دیِن مذہب دے جھگڑے دینے چھڈ، چھڈیئے کوُڑ لوکائیا۔ پَیغمبر کہن جے اسیں ہڈّیاں آئے دبّ، قبراں وِچ ٹِکائیا۔ انت اوس دی پوُری ہووے حد، لیکھا اوَر رہے نہ رائیا۔ سارے مِل کے اِکو کلمہ اِکو نام اِکو گائیے چھد، چھند اِکو اِک جنائیا۔ سچ دوار ایکنکار ویکھیئے لوک مات جگ، جاگرت جوت ہووے رُشنائیا۔ بِن مکّے کعبیوں کایا اندر کرائے حج، حُجرہ حق حق سُہائیا۔ بِن مندر شِودوالے مٹھ، پڑدا اوہلا دئے اُٹھائیا۔ سچ سروور وکھائے اگمّی تٹ، کنارہ رہن کوئے نہ پائیا۔ امرت آتم دیوے رس، رسنا جِہوا نہ ہوئے ہلکائیا۔ نام انیالا تیِر مارے کس، دُئی دوَیتی اندروں باہر کڈھائیا۔ تُوں میرا میَں تیرا دو جہان گاون جس، صِفتاں وِچ صاحِب صالاحیِا۔ کلجُگ مِٹے اندھیری مسّ، سَتجُگ ساچا چند نوُر ہووے رُشنائیا۔ جگت وِکارا بُرج جاوے ڈھٹّھ، ہنکار گڑھ رہن نہ پائیا۔ کِرپا کرے اُپر تت اٹّھ، نؤ دوارے ہوئے سہائیا۔ دسم دواری ملِے حق، وست امولک جھولی پائیا۔ ناڑ ناڑ نہ اُبلے رتّ، لوُں لوُں اندر نِرگُن نوُر کرے رُشنائیا۔ بُدھ بِبیک اُجل ہووے مت، من کا منکا دئے بھوائیا۔ چار ورن اِکو دھار بنے جگت، جگ جیِون داتا دئے وڈیائیا۔ صدی چؤدھویں کہے جِدھر تکاّں صوُفی سنت فقیِر بھگت، جو بھگوَن ڈھولا گائیا۔ پُرکھ اکالا دیِن دَیالا وکھاوے دُھر دا وقت، مِہر نظر اِک اُٹھائیا۔ جو گُر اوتار پَیغمبراں لہنا پوُرا کرے فقط، فِقرہ اپنا اِک سُنائیا۔ نِرگُن دھار دیوے درس، ترِسنا ترِکھا گوائیا۔ عرشا ں توں آوے اُپر فرش، زمیِن

خاکی سوبھا پائیا۔ آبِ حیات امرت میگھ دیوے برس، بوُند سوانتی اِک ٹپکائیا۔ چِنتا سوگ مِٹاوے ہرکھ، ہؤمے گڑھ تُڑائیا۔ چؤراسی لَوے پرکھ، چارے کھانی پھول پُھلائیا۔ سب دی پوُری کرے شرط، شرع زنجِیر دئے کٹائیا۔ کلجُگ کوُڑی کِریا کر کے غرق، گہر گمبھیِر ویکھ وکھائیا۔ پِچھلا لہنا کر کے ترک، تُرت اگلا حُکم سمجھائیا۔ مانَو مانَو وِچ رہے نہ فرق، ہِندوُ مُسلم سِکھ عیِسائی اِکو رنگ رنگائیا۔ صدی چؤدھویں کہے بہُڑی میرے رہندے باراں برس، بہُتی دیر لاگے نہ رائیا۔ سب دا لہنا دینا پوُرا کرے قرض، مقروُض لیکھا دئے چُکائیا۔ انتم کھیل ہونا اسچرج، اچرج لیِلا آپ ورتائیا۔ پرگٹ ہووے سوُربیِر مردانہ مرد، نِرگُن نوُر جوت ہووے رُشنائیا۔ سب دی لیکھے لائے عرض، عاجز اپنی گود اُٹھائیا۔ جوتی جوت سروُپ ہرِ، آپ اپنی کِرپا کر، کرے کھیل ساچا ہرِ، سَت ستوادی بھیوَ کُھلائیا۔ صدی چؤدھویں کہے میَں ویکھیا اوہ محبوُب، جو محو مُحبّت وِچ سمائیا۔ دیِن دُنی وِچوں کڈھے دوُج، دُتیا بھاؤ دئے مِٹائیا۔ سچ دھرم دی بخشے سوُجھ، ممتا موہ رہے نہ رائیا۔ نظری آوے چارے کوُٹ، دہ دِشا کرے رُشنائیا۔ سرِشٹی درِشٹی اندروں کڈھے جوُٹھ جھوُٹھ، سَت سچ اِک سمجھائیا۔ بھگت سُہیلے اُٹھائے پوُت، پت پرمیشور ویکھ وکھائیا۔ بھاگ لگا کے کایا ماٹی پنج بھوُت، پنچم ناد دُھن کرے شنوائیا۔ سچ سُہنجنی ہووے رُت، رُتڑی اپنے نال مہکائیا۔ انت اَخیِر پَینڈا رہیا مُک، سفری لیکھے سفر لگائیا۔ نؤ کھنڈ پرِتھمی ستّ دیِپ لکھّ چؤراسی جیِو جنت گائیے اِکو تُک، تُخم تاشیرا دئے بدلائیا۔ سَت دھرم سَت ستواد سَتجُگ سچ ملِے سُکھ، پت پرمیشور اپنا رنگ رنگائیا۔ اِشٹ دیوَ سوامی اِکو منّن جگت جہان منُکھ، چار ورن اٹھاراں برن دوُجا راہ نہ کوئے تکائیا۔ صدی چؤدھویں کہے میَں پروردِگار کولوں لیَنا پُچھ، نِمرتا وِچ سیِس جھُکائیا۔ کی اَگے کرنا کُچھ، کُشلتا نال دے سمجھائیا۔ کِس بِدھ پَیغمبراں میٹیں دُکھ، دردیِاں درد ونڈائیا۔ پوِتر ہووے دھرت دھرنی دی کُکھ، دھؤلی دھؤل سوبھا پائیا۔ جوتی جوت سروُپ ہرِ، آپ اپنی کِرپا کر، ایکا دینا دُھر دا ور، نِہکلنک نرائن نر، مہاراج شیرسِنگھ وِشنوُں بھگوان، تیرا کھیل ابناشی اچُت، چیتن سُرتی سب دی دے کرائیا۔

۲۹ مگھّر شہنشاہی سمت ۴ گیان سِنگھ دے گرِہ پِنڈ سُرکھ پُر ضِلع کپوُرتھلا

صدی چؤدھویں کہے میَں بول سُناواں سبّا، صاحِب سُلطان دیاں دِرڑائیا۔ میَنوُں گوبِند ماریا دبّا، بھےَ وِچ رہیا سمجھائیا۔ کملیئے اُٹھ ویکھ پُرکھ اکال دُھر دا ابّا، پت پرمیشور نوُر الاہیِا۔ جِس دا دیِپک اگمّی جگا، جگہ جگہ کرے رُشنائیا۔ کِسے نال کرے نہ دغا، فریب کوُڑا دئے مِٹائیا۔ سَت دھرم دا ساچالاوے اَگا، آگمن اپنے ہتّھ رکھائیا۔ نام خُماری دیوے مدھا، مدُھر دُھن اِک سُنائیا۔ ساچے سنتاں دیوے سدّا، حُکم سنیہُڑا اِک پرگٹائیا۔ کلجُگ کوُڑی کِریا میٹے دھبّا، مایا ممتا موہ چُکائیا۔ کرے کھیل سوُرا سربگا، شاہ پاتشاہ سچّا شہنشاہیِا۔ کوُڑ کُڑیارلاوے دھکاّ، لکھّ چؤراسی کھوج کھوجائیا۔ جھگڑا مکُے کعبہ مکّہ، کایا کعبہ دئے دِرڑائیا۔ چار ورن بھَین بھائی بنائے سکا، ناتا دُھر دا آپ وکھائیا۔ لیکھا مکُے بوُرا ککاّ، کامل مرشد ہوئے سہائیا۔ کلجُگ انت اَخیِر ویکھ تھکا، تھکاوٹ وِچ دُہائیا۔ بِنا گُرمُکھاں کِسے دی قیِمت پَینی نہیں ٹکا، ٹکیاں والا کمّ کِسے نہ آئیا۔ چار کُنٹ پَینا رٹّا، رٹّا سکے نہ کوئے مِٹائیا۔ محمد دا چؤدھویں صدی دا پوُرا ہونا پٹا، پٹنے والا کرے صفائیا۔ موُسیٰ عیسیٰ محمد پِھرے نَٹھا، بھجےّ واہو داہیِا۔ سب دا لیکھا مُکنا اِکٹّھا، ہرِ کرتا آپ چُکائیا۔ جھگڑا رہے نہ چوُنکہ چُناچہ البّتہ، جوتی جوت سروُپ ہرِ، آپ اپنی کِرپا کر، کرے کھیل ساچا ہرِ، ہرِ سچّا بےپرواہیِا۔ صدی چؤدھویں کہے میَنوُں گوبِند کِہا نال زور، بھےَ وِچ ڈرائیا۔ تکنا نال غؤر، گہر گمبھیِر دیاں وکھائیا۔ جِس دے سِر تے چھتر اگمّی جھُلے چؤر، چار جُگ دا مالک نظری آئیا۔ جو ہر تھاں جاوے بہُڑ، نِرگُن سرگُن ویس وٹائیا۔ برہمنڈاں کھنڈاں پُریاں لوآں رہیا دؤڑ، دھرنی دھرت دھوَل کھوجے تھاؤں تھائنیا۔ لکھّ چؤراسی پھل ویکھے مِٹھا کؤڑ، جوُن اجوُنی پھول پُھلائیا۔ دو جہاناں لا اگمّی پؤڑ، شبدی ڈنڈے آپ چڑھائیا۔ کلجُگ کوُڑ کلپنا میٹے شور، شرع دا جھگڑا دئے گوائیا۔ کرے پرکاش اندھ گھور، نِرگُن نوُر جوت رُشنائیا۔ میٹ مِٹائے پنج چور، کایا مندر اندر کرے صفائیا۔ جوتی جوت سروُپ ہرِ، آپ اپنی کِرپا کر، دیونہارا ساچا ور، ہرِ ساچا بےپرواہیِا۔ صدی چؤدھویں کہے میَنوُں گوبِند دِتا جام، رس انوکھا دِتا چکھائیا۔ شبدی دے پَیغام، سنیہُڑا حق سُنائیا۔ سندیسہ دے اِسلام، اِسم اعظم اِک جنائیا۔ کھیلے کھیل دُھر اِمام، عمل ویکھے خلق خُدائیا۔ خاکی پردے ویکھے اِنسان، تن وجوُد پھول پُھلائیا۔ کوَن درگاہ ساچی ہویا غُلام، نفس ہوَس وِچ مِٹائیا۔ کھیل ویکھے شرع شیَطان، شریِعت پڑدا آپ چُکائیا۔ ثابت

تکے اُمت اِیمان، جوتی جوت سروُپ ہرِ، آپ اپنی کِرپا کر، کرے کھیل دُھر دا ہرِ، ہرِ داتا دُھردرگاہیِا۔ صدی چؤدھویں کہے میَنوُں گوبِند دِتا سندیس، حق حقیِقت دِتی دِرڑائیا۔ دھرنی دھرت دھوَل دھؤل اُتے ویکھ، مکّہ کعبہ پھول پُھلائیا۔ کی کردے مُلّا شیخ، شخصیّت نظر کوئے نہ آئیا۔ چاروں کُنٹ کوُڑا بھیکھ، مایا ممتا وِچ دُنی ہلکائیا۔ ساچی کرے نہ کوئی ہدایت، ممتا موہ نہ کوئے چُکائیا۔ کلمہ ملِے نہ کِسے عنایت، وست اگمّ نہ کوئے وکھائیا۔ جِدھر ویکھاں سارے ہوئے نا لایق، بُدھیِوان نہ کوئے وڈیائیا۔ جوتی جوت سروُپ ہرِ، آپ اپنی کِرپا کر، پوُرا کرے اپنا حق فرائض، فرض ویکھے خلق خُدائیا۔ صدی چؤدھویں کہے میرے گوبِند رکھیا ہتّھ سیِس، سِر دِتا جھُکائیا۔ سجدہ کر اِک جگدیِش، جگدیِشر دُھردرگاہیِا۔ جِس نے لیکھا مُکاؤنا موُسیٰ دا بیِس، عیسیٰ نال وجےّ ودھائیا۔ پرگٹ ہووے اوتار چؤبیس، کل کلکی سوبھا پائیا۔ دُھر دا کلمہ دئے حدیِث، حضرتاں کرے پڑھائیا۔ جھگڑا مُکائے اوُچ نیِچ، ذات پات ڈیرہ ڈھاہیِا۔ لیکھا رہے نہ مندر مسیِت، کایا کعبے کرے رُشنائیا۔ جِس دی سارے کردے اُڈیِک، پیشیِن گوئیاں وِچ سُنائیا۔ سو آسا منسا پوُری کرے سرب اُمیِد، نِرگُن داتا دُھردرگاہیِا۔ جوتی جوت سروُپ ہرِ، آپ اپنی کِرپا کر، کرے کھیل ساچا ہرِ، نِرگُن نوُر نوُر ظہوُر آپ وکھائیا۔ صدی چؤدھویں کہے میَں گوبِند ویکھیا کھنڈا، شبد دھار جنائیا۔ جو پِھرے وِچ برہمنڈا، برہماد رہیا گھُمائیا۔ وکھاوے اگمّ انندا، نِجانند وِچوں پرگٹائیا۔ چڑھاوے اوہ ڈنڈا، جِتھے منزل رہے نہ رائیا۔ سُناوے اوہ چھندا، تُوں میرا میَں تیرا ڈھولا گائیا۔ لگاوے اوس کنڈھا، جِتھے نئیا نؤکا نظر کوئے نہ آئیا۔ جوتی جوت سروُپ ہرِ، آپ اپنی کِرپا کر، دیونہارا دُھر دا ور، مِہربان محبوُب بےپرواہیِا۔ صدی چؤدھویں کہے میَں بھےَ وِچ کیِتی سلام، علیکم کہہ کے سیِس نِوائیا۔ میَں سندیسہ دیواں تمام، تمنّا اپنی نال رلائیا۔ کلجُگ تیرا وِگڑ جانا انتظام، بندوبست نہ کوئے کرائیا۔ چاروں کُنٹ ہووے قتلِ عام، قاتل مقتُول سمجھ کوئے نہ پائیا۔ پَیغمبر نبی ہون بدنام، اِسم اعظم نہ کوئے وڈیائیا۔ چاروں کُنٹ دِسے اندھیری شام، شمع نوُر نہ کوئے رُشنائیا۔ حُجریاں وِچ ہوئے حرام، مکّہ کعبہ دئے دُہائیا۔ لیکھا جانے نہ کوئے پِسر پِسران، جوتی جوت سروُپ ہرِ، آپ اپنی کِرپا کر، کرے کھیل ساچا ہرِ، نِرگُن دھار نوُر رُشنائیا۔ صدی چؤدھویں کہے گوبِند کیِتی میرے اُتے رحمت، رحم رحیِم دِتا وکھائیا۔ میَں نِیوں کے چرناں اُتے ڈھیَہہ کے ہوئی سہمت، سہم اندروں دِتا چُکائیا۔ میری لیکھے لگّی محنت، میرے اندر وجّی ودھائیا۔ پِھر شبد اِشارے کیِتی سیَنت، بِن اکھّاں اکھّاں نال

مِلائیا۔ چاروں کُنٹ حَیرانی ہووے ہیَبت، بھےَ وِچ لوکائیا۔ جوتی جوت سروُپ ہرِ، آپ اپنی کِرپا کر، دیونہارا دُھر دا ور، بھیوَ ابھیدا دئے کُھلائیا۔ صدی چؤدھویں کہے گوبِند دسّیا کھول خلاصا، شبدی دھار جنائیا۔ پُرکھ اکال دا رکھ بھرواسا، بھانڈا بھرم بھؤ بھنّائیا۔ جِس نے چؤداں طبق چؤدھویں صدی ویکھنا تماشا، تماشبین نظر کِسے نہ آئیا۔ دیِن دُنی دا اُلٹاؤنا پاسا، کروٹ بدل سکے کوئے نہ رائیا۔ کوُڑ کُڑیار کرنا ناسا، موہ وِکار ڈیرہ ڈھاہیِا۔ سچ دھرم دا جوڑنا ناتا، سَتجُگ سچ لئے پرگٹائیا۔ آتم پرماتم دسّنی گاتھا، تُوں میرا میَں تیرا پڑدا دئے چُکائیا۔ بھاگ لگائے کایا ماٹی کاچا، کنچن گڑھ دئے سُہائیا۔ منوُآ دہ دِشا نہ اُٹھ اُٹھ ناچا، نؤ دوار ڈیرہ ڈھاہیِا۔ کرے پرکاش اندھیری راتا، سَتجُگ ساچا چند چڑھائیا۔ سَتگُر شبد جِنہاں جن ہو کے واچا، واسطہ دُھر دے نال مِلائیا۔ جوتی جوت سروُپ ہرِ، آپ اپنی کِرپا کر، کرے کھیل سرب کلا سمراتھا، سمرتھ سوامی انترجامی اپنا حُکم ورتائیا۔ صدی چؤدھویں کہے گوبِند میَنوُں وکھایا مُکا، مُکمل دِتا جنائیا۔ اؤہ ویکھ پَیغمبر اوتار جھُکا، سِر سکے نہ کوئے اُٹھائیا۔ پَینڈا سب دا انتم مُکا، اَگے اوَر نہ کوئے ودھائیا۔ پُرکھ اکالا دیِن دَیالا دیِن مذہب دا بھنّن والا حُقہ، حُکم اپنا اِک پرگٹائیا۔ دھرنی دی سپھلی کرے کُکھا، دوُتاں دُشٹاں ڈیرہ ڈھاہیِا۔ بھگتاں اُجل کرائے مُکھا، دُرمت مَیل دھوائیا۔ چار ورن کرائے سُکھا، ایکا رنگ رنگائیا۔ دیوے وڈیائی مانَس مانُکھا، مانَو اپنے گھر وسائیا۔ جوتی جوت سروُپ ہرِ، آپ اپنی کِرپا کر، کرے کھیل اُپر بسُدھا، بُدھی سب دی پھول پُھلائیا۔ صدی چؤدھویں کہے شبدی گوبِند آکھیا نال پریِت، پریِتم دیاں مِلائیا۔ جیہڑا وسے باہر مندر مسیِت، اندر وڑ نہ مُکھ چُھپائیا۔ جِس دی جُگ جُگ وکھری ریِت، ریِتیوان دُھردرگاہیِا۔ کایا ماٹی کرے ٹھانڈی سیِت، اگنی تت بُجھائیا۔ جھگڑا مُکائے اوُچ نیِچ، ذات پات ڈیرہ ڈھاہیِا۔ نِرگُن دھار وسے سب دے بیِچ، ساڈھے تِنّ ہتّھ سوبھا پائیا۔ آد جُگاد رہے اتیِت، ترےَگُن وِچ کدے نہ آئیا۔ جن بھگتاں امرت بخشے ٹھانڈا سیِت، میگھ میگھلا اِک برسائیا۔ ساچے نام دی پاوے بھیِکھ، بِھکھکاں جھولی دئے بھرائیا۔ صدی چؤدھویں تیرے انت اَخیِر بے نظیِر چار جُگ دی بدل دیوے تواریخ، تاریخ اپنی دئے جنائیا۔ جوتی جوت سروُپ ہرِ، آپ اپنی کِرپا کر، کرے کھیل ساچا ہرِ، نِرگُن نِروَیر نِراکار اپنا کھیل وکھائیا۔ صدی چؤدھویں کہے میَنوُں گوبِند وکھایا چِلیا، ترکش ویکھ دُہائیا۔ میرے مُکھوں نِکلیا اِلللا، لا اِلا کہہ کے دِتا سُنائیا۔ سیِس جھُکا کے کِہا بِسمِلا، بِسمِل تیری دھار نظری آئیا۔ چؤداں طبق ویکھیا ہِلا، دھیِرج دھیِر نہ کوئے

دھرائیا۔ پھیر اَمبر تکّیا نیِلا، نیتر نیَن اُٹھائیا۔ چاروں کُنٹ نہ کوئے وسیِلہ، وصل یار نہ کوئے کرائیا۔ محمد دا وِچھڑیا دِسے قبیِلہ، کعبہ رہیا کُرلائیا۔ نعرہ سُنیا کوئے نہ حق آمیِنا، نِیوں نِیوں سیِس نہ کوئے نِوائیا۔ انتم مُکن لگّی تعلیما، الف یے نہ کوئے وڈیائیا۔ جھگڑا رہے نہ شرع تقسیِما، یکطرف کرے صفائیا۔ کرے کھیل ہرِ عظیِما، عالیشان نوُر الاہیِا۔ جِس دی اِکو منزل تے اِکو زینہ، اِکو ڈنڈے دئے چڑھائیا۔ جھگڑا مُکا کے نر مدیِنا، آتم برہم دئے سمجھائیا۔ کلجُگ کوُڑی کِریا میٹ کمیِنہ، کامل مُرشد ہوئے سہائیا۔ سرِشٹی دی درِشٹی کرے ادھیِنا، من کا منکا آپ بھوائیا۔ جوتی جوت سروُپ ہرِ، آپ اپنی کِرپا کر، دیونہارا دُھر دا ور، ہرِ وڈّا بےپرواہیِا۔ صدی چؤدھویں کہے میَنوُں گوبِند پریم نال لایا ہتّھ، ہتّھ پُشت پناہ ٹِکائیا۔ میَں چرناں گئی ڈھٹّھ، نِیوں نِیوں سیِس نِوائیا۔ پھیر ویکھیا جھٹ، اپنی اکھّ کُھلائیا۔ اوتار پَیغمبراں کیِتا اِکٹّھ، بَیٹھے راہ تکائیا۔ ساڈا پوُرا ہویا ہٹھ، صدی چؤدھویں تیرے نال وڈیائیا۔ ہُن کِدھر جائیے نَٹھ، چاروں کُنٹ دُہائیا۔ دیِن مذہب گئے چھڈ، ساڈا سنگ نہ کوئے بنائیا۔ کلمیوں ہوئے اڈّ، کائنات رہی کُرلائیا۔ مقبریاں وِچ رہیا کوئی نہ ہڈّ، مِٹی خاک خاک سمائیا۔ پروردِگار لئیے سدّ، سدّا ہوکا اِک جنائیا۔ کِرپا کر اپنے جگ، جاگرت جوت کر رُشنائیا۔ دیِن دُنی بُجھا اگّ، آبِ حیات مُکھ چوائیا۔ ہنس ہوئے کگ، کاگوں ہنس دے اُپجائیا۔ کِرپا کر اُپر شاہ رگ، نؤ دوارے ڈیرہ ڈھاہیِا۔ من کلپنا جائے بجھّ، دہ دِشا نہ اُٹھ اُٹھ دھائیا۔ دیِن مذہب دی میٹ دے حد، شرع کرے نہ کوئے لڑائیا۔ سرِشٹ سبائی تیرا گاوے چھّد، تُوں میرا میَں تیرا راگ الائیا۔ نام خُماری پیاوے مد، مدھر دُھن اِک سُنائیا۔ تیرا آتم تَیتھوں رہے نہ کوئے الگ، وِچھڑیاں جوڑ لیَنا جڑائیا۔ تُوں صاحِب سرب کلا سمرتھ، تیرے ہتّھ وڈیائیا۔ گُر اوتار پَیغمبر تیرا گاؤندے جس، صِفتاں وِچ صالاحیِا۔ کلجُگ انتر سَتجُگ لاؤنا تیرے وسّ، واسطہ تیرے اَگے پائیا۔ صدی چؤدھویں کہے میَں چرناں پئی ڈھٹّھ، ڈھیَہہ پئی سرنائیا۔ جِؤں بھاوے تِؤں لیَنا رکھ، رکھک ہو کے ویکھ وکھائیا۔ کلجُگ میٹ رَین اندھیری مسّ، نوُری چند کر رُشنائیا۔ میَں نِردھن ہو کے جوڑاں ہتّھ، صاحِب سوامی تیری وڈیائیا۔ جوتی جوت سروُپ ہرِ، آپ اپنی کِرپا کر، ایکا دینا دُھر دا ور، نِہکلنک نرائن نر، مہاراج شیرسِنگھ وِشنوُں بھگوان، تیرا سچ دھرم دا ویکھاں اِکو ہٹّ، جگت ہٹوانا رہن کوئے نہ پائیا۔