کتب خانہGranth 21 (Urdu)

۱۴ پھگّن شہنشاہی سمت ۴ چرن سِنگھ دے گرِہ نَواں پِنڈ

راوی کہے میرے تٹ کنارے ویکھ سُتھرے، سوہنے صاف نظری آئیا۔ صوُفی فقیِر لاؤندے مُجرے، ہوکے حق حق سُنائیا۔ بیِتے یاد کردے دِن گُزرے، ماضی ویکھ وکھائیا۔ بِن پربھ مانَس جنم کِسے نہ سُدھرے، سادھک سِدھ نہ کوئے کرائیا۔ بِن پاربرہم پار کوئی نہ اُترے، سچ کِنار نہ کوئے لگائیا۔ جیہڑے حرف حروُف قلم شاہی نال اُکرے، منتراں کلمیاں وِچ جنائیا۔ اوس کرنیؤں کدے نہ مُکرے، جو بھوِکھت گیا دِرڑائیا۔ جوتی دھاروں آپے اُترے، جنم دیوے کوئی نہ مائیا۔ بھگت ہون نہ دیوے نہ شُکرے، شُکریہ سب توں رہیا کرائیا۔ جیہڑے ایس دواریوں اُکھڑے، دو جہان نہ کوئے وڈیائیا۔ میرے کنارے جن بھگتاں دے دھوون آئے مُکھڑے، امرت اپنا نام لیائیا۔ اُلٹے گربھ نہ ہوون رُکھڑے، رُخصت لکھّ چؤراسی وِچوں پائیا۔ جنم مرن دے میٹ کے دُکھڑے، دُکھیاں دردیِاں درد ونڈائیا۔ سوہنی سُہنجنی کرے رُتڑے، پریم مہک مہکائیا۔ ایہہ کھیل ابناشی اچُتڑے، چیتن ہو کے دئے سمجھائیا۔ جوتی جوت سروُپ ہرِ، آپ اپنی کِرپا کر، سد اپنا میل مِلائیا۔ راوی کہے میرے تٹ کنارے ویکھے نہ ٹیڈے وِنگے، سِدھا اپنا دھیان لگائیا۔

جیہڑی کہندے دھؤل چُکی دھوَل سِنگے، دھرتی بھار اُٹھائیا۔ راوی کہے اوہ کھیل پربھوُ دا نِجے، میَں سہج دیاں جنائیا۔ جِس دی نیِہہ کوئی نہ چِنے، اوہ دھرنی سوبھا پائیا۔ جِس نے کوٹ برہمنڈ کھنڈ پتہ نہیں بنائے کِنے، گُر اوتار پَیغمبر سمجھ کِسے نہ آئیا۔ جو آیا سو کردا گیا بِنے، بیننتیِاں وِچ جنائیا۔ لیکھا لِکھ کے گئے تریَلوکی دھار تِنّے، دیِن دُنی ونڈ ونڈائیا۔ جِس دھرتی وِچوں پانی اگمّا سِنمے، اُس دا وہن نہ کوئے جنائیا۔ جِس دی کُکھ وِچوں نِنمے، اوہ پربھوُ جنیندی اِس دی مائیا۔ جِس نے بنائے رات دِنے، سوُریہ چند کر رُشنائیا۔ اوہ لیکھا اِس دا آپے مِنے، اوڑک اوڑک کہن دی لوڑ رہے نہ رائیا۔ جوتی جوت سروُپ ہرِ، آپ اپنی کِرپا کر، دُھر دا کھیل آپ ورتائیا۔ راوی کہے دھؤل چُکے کوئی نہ بھار، اپنا بَل نہ کوئے رکھائیا۔ ایہہ کھیل سچّی سرکار، جِس نے اپنی چرن دھوُڑ نال دھرتی دِتی بنائیا۔ کِھچی رکھے نال پیار، سہارا اوَر نہ کوئے رکھائیا۔ امرت دے کے رس دھار، چرنودک اِس دے وِچ ٹِکائیا۔ جِس دی پا سکیا نہ کوئے سار، انت کہن کوئے نہ پائیا۔ ستّ زِمیں ستّ اسماناں کہہ کے گئے اُچار، ایہہ نِکی جِہی وڈیائیا۔ لکھّ پاتال آکاشاں نانک دِتے وکھال، اوہ ایہو کہہ کے شُکر منائیا۔ اِس توں پرے ویکھ کِسے نہیں پائی سار، سمجھ وِچ سمجھ نہ کوئے جنائیا۔ صاحِب میرا سب دا مالک اِک مختیار، اگنت اننت نظری آئیا۔ میَں اوہدے چرن چرنودک دی اوہ انوکھی دھار، جِس دی بوُند بوُند اپنے وِچ مِلائیا۔ جوتی جوت سروُپ ہرِ، آپ اپنی کِرپا کر، کرے کھیل ساچا ہرِ، نِہکلنک نرائن نر، مہاراج شیرسِنگھ وِشنوُں بھگوان، شاہ پاتشاہ سچّی سرکار، میرا سُہائے تٹ کِنار، جِتھے گُر اوتار پَیغمبراں دا لگّنا دربار، درباری ہو کے ویکھ وکھائیا۔

۱۴ پھگّن شہنشاہی سمت ۴ دُرگی دے گرِہ نَواں پِنڈ

راوی کہے اِک دِن آئے سپت رکھی، بستر تن نہ کوئے رکھائیا۔ اوہناں اُنگلاں نال اِک پٹّی آپ لِکھی، لِکھ کے خوشی بنائیا۔ میَں غؤر نال تکّیا میَنوُں موُل نہ دِسی، روُپ رنگ ریکھ نہ کوئے جنائیا۔ میَں غُصّے وِچ آ کے کِھجھی، زور نال دِتا جنائیا۔ ایہہ کی دھار باریِک نِکی، میَنوُں دیؤ سمجھائیا۔ اتری نے چپیڑ ماری میری وِچ گِچی، مُنہ دے بھار سُٹائیا۔ کملیئے آہ ویکھ صدی چؤدھویں دی

انتم مِتی، تَینوُں دیاں وکھائیا۔ جیہڑی پربھ دے چرناں وِچ ٹِکی، دوُجا استھان نہ کوئے وڈیائیا۔ میرے مستک نوُں لگّ گئی مِٹی، دھوُڑی خاک رمائیا۔ دھار نظر آئی چِٹی، اپنا رنگ بدلائیا۔ میَنوُں ہاہے اُتے دِسی ٹِپی، ہنگ برہم نوُر الاہیِا۔ ایہہ پربھوُ دی سِکھی، جو تن وجوُد ناتا دئے تُڑائیا۔ جوتی جوت سروُپ ہرِ، آپ اپنی کِرپا کر، مِہر نظر اِک اُٹھائیا۔ راوی کہے اوہناں میری پھیر اِک لکیِر، لہندے چڑھدے لائن لگائیا۔ میرا جِگر دِتا چیِر، انگ پیِڑ پیِڑ کرائیا۔ میری ٹُٹ گئی ہڈّی ریِڑھ، دُکھ وِچ دُہائیا۔ اوہناں ہسّ کے کِہا آہ ویکھ جگت شرع زنجِیر، جو گُر اوتار پَیغمبراں دِتے بنائیا۔ پھیر وکھائی اگلی تصویِر، نوُر نوُر رُشنائیا۔ پھیر نظری آیا کبیِر، بِنا جنم توں سوبھا پائیا۔ پھیر کھنڈا دِسیا گوبِند والی شمشیِر، دوویں دھار چمکائیا۔ پِھر روندے ویکھے شاہ حقیِر، دھیِرج دھیِر نہ کوئے دھرائیا۔ پھیر تکّیا بے نظیِر، نوُر نوُرانہ نوُر الاہیِا۔ پھیر سہج نال دسّی تدبیِر، طریقہ اِک دِرڑائیا۔ جِس نے بدلنی تیری تقدیِر، اوہ ساڈا مالک دُھردرگاہیِا۔ ایہہ کھیل کرے کلجُگ انت اَخیِر، صدی چؤدھویں نال مِلائیا۔ جوتی جوت سروُپ ہرِ، آپ اپنی کِرپا کر، کرے کھیل ساچا ہرِ، نِہکلنک نرائن نر، مہاراج شیرسِنگھ وِشنوُں بھگوان، سب دی بدل دیوے ضمیِر، ضامن اِکو اِک رکھائیا۔

۱۴ پھگّن شہنشاہی سمت ۴ شہنشاہ جی دے نال پِنڈ کلیچ پُر ضِلع گُرداس پُر

پوُرب جنم دا لہنا تیرا، تیرا ہو کے دئے چُکائیا۔ تُوں راتیں درشن کیِتا میرا، تَینوُں لبھن واسطے اپنا پندھ مُکائیا۔ ایدھر اودھر مار کے گیڑا، پھڑ لیا اپنی باہیِنا۔ تیرا انتم کر کے جانا نبیڑا، مانَس جنم لیکھے لائیا۔ چؤراسی چُکا کے جانا گیڑا، جنم مرن وِچ نہ پھیر آئیا۔ جوتی جوت سروُپ ہرِ، آپ اپنی کِرپا کر، کرے کھیل ساچا ہرِ، مِہربان مِہربان مِہربان سِر تیرے ہتّھ ٹِکائیا۔

۱۴ پھگّن شہنشاہی سمت ۴ بلدیو راج دے گرِہ پِنڈ کوٹھی بھیِم پُر

راوی کہے میَں اپنے تٹ کنارے پوچاں، صاف سُتھرے رہی بنائیا۔ اٹّھے پہر اپنے اندر سوچاں، سوچ سمجھ نہ کوئے چتُرائیا۔ پُرکھ ابناشی درشن لوچاں، لوچن نیَناں راہ تکائیا۔ اُچی کوُک سُناواں ہوکا، حُکم بےپرواہیِا۔ سنیہڑے دیواں پرلوکا، چؤداں طبقاں کراں جنائیا۔ میَنوُں مِلنا ساچا مؤقع، مُکمل میلا لئے مِلائیا۔ جِس دے وِچ ارجن لایا غوطہ، اگنی تت بُجھائیا۔ میرا بھاگ اُٹھایا سوتا، سُتی اکھّ کُھلائیا۔ نام جنا دے نؤکا، بیڑا گیا بنّھائیا۔ مان گوا کے ہؤں کا، ہنگ برہم سمجھائیا۔ کھیل ویکھنا پربھ دے ناؤں کا، جو آتم پرماتم رنگ رنگائیا۔ جوتی جوت سروُپ ہرِ، آپ اپنی کِرپا کر، مِہر نظر نال ترائیا۔ راوی کہے میَں تٹ کنارے کیتے پدّھرے، اِکو رنگ رنگائیا۔ میری آسا منسا سدّھرے، ملِے میل بےپرواہیِا۔ میَنوُں لبھنا نہ پئے کدھرے، ٹِلّے پربت کھوج کھوجائیا۔ اپنی دھاروں آپے نِکلے، نِروَیر روُپ بدلائیا۔ مِہربان ہو کے آوے مِترے، مِتر پیارا آپ اکھوائیا۔ میرے دوُر کراوے خطرے، خاطرحواہ نہ کوئے رکھائیا۔ جِس ارجن نے چؤداں سؤ تیہہ انک لِکھے پتّرے، اوہ پتن بہہ کے گیا سمجھائیا۔ جِس دی دھار بھگت بہتّرے، ستّراں رنگ وکھائیا۔ اوہ کھیل کھیلے اُتّر پوُرب پچھّم دکھّنے، چارے کُنٹ ویکھ وکھائیا۔ تیرے بھانڈے بھرے سکھنے، امرت دھار وہائیا۔ دیوے وڈیائی الکھ الکھّنے، الکھ اگوچر دَیا کمائیا۔ چل کے آئے تیرے گھاٹ پتنے، تٹ کنارے سوبھا پائیا۔ تُوں اپنے دُکھڑے اوس دے اَگے رکھنے، رو رو دینا جنائیا۔ جِس نے تیرے پیار وِچ سُکے منڈے چھکنے، جن بھگتاں نال مِلائیا۔ جوتی جوت سروُپ ہرِ، آپ اپنی کِرپا کر، کرے کھیل ساچا ہرِ، ساچی کرنی کار کمائیا۔ راوی کہے میرے تٹ کنارے رنگیلے، رنگت گئے بدلائیا۔ میری منظور ہوئی اپِیلے، پربھ دِتی مان وڈیائیا۔ آوے کِسے بہانے حیلے، آپ اپنا پندھ مُکائیا۔ جِس دے بستر سوُہے چِٹے لال کالے پِیلے، نِیلے رنگ وکھائیا۔ اُس دا راہ تکّن جل ہوڑے مینے، مچّھ کچّھ دھیان لگائیا۔ جِس نے میرے بوُند رس پینے، پریم پریِتی نال رکھائیا۔ پھیر کھیل کرنا مکّے مدیِنے، چرن چرن وِچوں بدلائیا۔ پَیغمبر جِس دے ہونے ادھینےِ، سِر سکے نہ کوئے اُٹھائیا۔ پِھر بھگتاں دے چرن رکھنا اُپر سیِنے، سانتک سَت سَت کرائیا۔ ایہہ کھیل ہونا پھلگُن مہینےِ، رُتڑی دس اٹّھ مہکائیا۔ لیکھے مُکنے مرنے جینے، جیِون جُگتی دئے جنائیا۔ جوتی جوت سروُپ ہرِ، آپ اپنی کِرپا کر، کرے کھیل ساچا ہرِ، سد اپنا حُکم ورتائیا۔ راوی کہے میرے کنڈھے ویکھنے

اُچے، اوُچ اگمّ دِتی وڈیائیا۔ جِتھے بھگت پہنچنے سُچے، سوہنا پریم ودھائیا۔ بھاگ لگّنا کایا جُسے، جِسم ضمیِر بدلائیا۔ سُہنجنی ہونی رُتے، خوشی مات مہکائیا۔ میَں وی واہُنی اپنی گُتے، مینڈھی سیِس گُندائیا۔ گولی میرے وِچوں بھرے پنج بُکے، بُکل اپنی وِچ ٹِکائیا۔ پنج مکئی دیاں چھلیاں دے ہونے تُکے، پوُرے صاف نظری آئیا۔ جوتی جوت سروُپ ہرِ، آپ اپنی کِرپا کر، کرے کھیل ساچا ہرِ، نِہکلنک نرائن نر، مہاراج شیرسِنگھ وِشنوُں بھگوان، گُر اوتار پَیغمبراں سب دے کولوں لیکھے پُچھے، پِچھے رہن کوئے نہ پائیا۔

۱۴ پھگّن شہنشاہی سمت ۴ لال سِنگھ دے گرِہ پِنڈ گُجرات

نی گنگا نی سُرستی آہ لؤ پاتی، گوداوری ہسّ کے رہی سُنائیا۔ بھَینے کِہدی چِٹھی کِس نے واچی، پڑھ کے دے سُنائیا۔ اڑیو راوی نے گھلی میرے کنڈھے آؤنا کملاپاتی، پت پرمیشور پھیرا پائیا۔ تُسیں آؤ بدل لؤ اپنی حیاتی، جیِون جُگت اُلٹائیا۔ اَگے صِفت سُنی تُسیں کاغذاتی، ہُن درشن لؤ پائیا۔ پندھ مُکاؤنا واٹی، بھجّنا چائیں چائنیا۔ جوتی جوت سروُپ ہرِ، آپ اپنی کِرپا کر، سچ حُکم رہیا سُنائیا۔ سُن کے گنگا پےَ گئی سوچیں، ہتّھ متھے اُتے ٹِکائیا۔ جمنا ہلوُن کے کِہا، بھَینے تیرا تے اوتھے مِتر پیارا رَوداس چمارا موچی، پِچھلا نظری آئیا۔ سُرستی کہے اوہ کلّا نہیں اوہدے نال پریِتم چوجی، سوہنا سنگ بنائیا۔ گوداوری کہے کملیو اوہدے کول اوہدے بھگت بَیٹھے وِچ گودی، میَں گوداوری رو کے دیاں دُہائیا۔ نی ساڈا چؤہاں دا پانی نہ ہویا نِرمل اوہ گُرمُکھاں دا بن گیا دھوبی، دُرمت مَیل دھوائیا۔ چار جُگ دے گُر اوتار پَیغمبر سنت بھگت جوگی، جُگتی نال سارے سیِس نِوائیا۔ اِکو نِگاہ تکّے دھوتی ٹِکاّ جنجوُ بودی، بودیاں والے ویکھ وکھائیا۔ جمنا کہے گنگی ضرور نال لےَ کے جاویں رَوداس والی کؤڈی، کسیِرا اپنے ہتّھ اُٹھائیا۔ نِمسکار کریِں جا کے ہتّھ لاویِں گوڈیِں، سُرستی کہے بھَینے نوَیِں بولی بولیِں، گُڈ مارنِنگ کہہ کے دینا سُنائیا۔ ایہہ تے گلّ ساڈی پُرانی گھروگی، کیوں کہ وِچولا رَوداس نظری آئیا۔ جوتی جوت سروُپ ہرِ، آپ اپنی کِرپا کر، سچ کرنی کار کمائیا۔ سُرستی کہے نی گنگا تَینوُں سچ کہندے گنگا ماتا، تے ماں آکھن والیاں نوُں کدی پِیو وی دئیں وکھائیا۔ اَگے اَیویں کہی گئے اوہ پُرکھ بِدھاتا، پُرکھوتم اِک اکھوائیا۔

بھگتاں جوڑے ناتا، دُھر دا میل مِلائیا۔ شبدی دسّدا آیا گاتھا، جُگ جُگ کر پڑھائیا۔ گُر اوتار پَیغمبراں مناؤندا رہیا آکھا، حُکمی حُکم سمجھائیا۔ سچکھنڈ دوارے بنیا رہیا راکھا، جگت جہان نظر نہ آئیا۔ اوہدا درشن پاؤنا ساکھیاتا، ساکھی پِچھلی دینی بُھلائیا۔ چرن چُمّ کے بنا لےَ اپنا ناتا، اگلا جوڑ جُڑائیا۔ جوتی جوت سروُپ ہرِ، آپ اپنی کِرپا کر، سد اپنا حُکم ورتائیا۔ گنگا کہے میَں جگت دی ماتا تے اوس دی گنگی، چرناں وِچ رکھائیا۔ دھوُڑی نال رہیا رنگی، اپنا رنگ رنگائیا۔ مان وڈیائی دے کے چنگی، چند وانگ چمکائیا۔ حُکم دی لا پابندی، وہناں وِچ وہائیا۔ میَنوُں لِکھ کے دِتی اِک سندی، سند میرے وِچ چُھپائیا۔ جِس ویلے کلجُگ انتم آیا کنڈھی، کنڈا خار چُبھے لوکائیا۔ میَں آواں وِچ وربھنڈی، اپنا پھیرا پائیا۔ میَنوُں سرِشٹی کہے پاکھنڈی، بھیوَ نہ کِسے جنائیا۔ اپنی کھیل کرے بہُہ رنگی، اَنک کل دھاری اپنی کل پرگٹائیا۔ پوَن دیوے ٹھنڈی، اگنی تت بُجھائیا۔ میری اکھّ رہے نہ اندھی، نیتر دئے کُھلائیا۔ جوتی جوت سروُپ ہرِ، آپ اپنی کِرپا کر، سد اپنا رنگ رنگائیا۔ گنگا کہے تُوں کیوں ہسّی سُرستی، انگی تن نہ کوئے چُھپائیا۔ بھَینے میَنوُں پریم والی آ گئی مستی، میَں بُڈھی نڈھی اپنا روُپ بدلائیا۔ میَنوُں خوشی ہوئی میَں تکّنا پریِتم عرشی، مالک دُھردرگاہیِا۔ میَں جُگ چؤکڑی خصم نہیں کیِتا کوئی فرضی، جو جمّیا تے مر جائیا۔ اِکو بیننتی تے اِکو عرضی، اِکو دوارے دِتی ٹِکائیا۔ جِس ویلے آویں بن کے بھگتاں دا دردی، نِرگُن اپنا پھیرا پائیا۔ میَنوُں وی سیوا بخشیں اپنے گھر دی، چاکر ہو کے سیو کمائیا۔ سچ پُچھو میَں جُگ چؤکڑی تُوں میرا میَں تیرا ڈھولا رہی پڑھدی، ایسے مستی وِچ گُر اوتار پَیغمبراں نال اکھّ نہ کوئے مِلائیا۔ ویکھدی رہی پوُرب پچھّم دکھّن دِشا چڑھدی، چاروں کُنٹ دھیان لگائیا۔ وہناں وِچ رہی ہڑھدی، بھجیّ واہو داہیِا۔ میَنوُں یاد ستاؤندی رہی نرائن نر دی، دِوس رَین چَین نہ آئیا۔ بِرہوں وِچھوڑے وِچ رہی مردی، مر جیِوت اپنا روُپ پرگٹائیا۔ جوتی جوت سروُپ ہرِ، آپ اپنی کِرپا کر، کی کرتا کار کمائیا۔ گنگا کہے تگڑی ہو بھَین جمنا، جمّن والا ویکھ دُھر دا ماہیِا۔ سُرستی کہے گنگا ایہہ وِچاری ڈرپوک اوس نوُں ویکھ کے ایس نے کمبنا، ددوڑکے وِچ دنداں لئے ہِلائیا۔ پِھر چار چُپھیرے ویکھے کِتھے رَوداس چمیار جو گنڈھے تندنا، چاروں کُنٹ دھیان لگائیا۔ جمنا کہے تُسیں سچ دسّو کی ساریاں اِکو پربھوُ منّنا، کہ ہور وی کوئی گوسائنیا۔ گوداوری کہے میَں تے پہلوں تکاّں گوبِند چنّنا، جو چند نوُر رُشنائیا۔ جِس نے جگت جہان دا بننا تھمنا، پرِتھمی آکاش حُکم نال بندھائیا۔ اوسے دا حُکم

منّنا، اوسے دی اِک سرنائیا۔ گنگا کہے نی اوہو پُرکھ اکال جِس روُپ وٹایا انّھنا، انھیاں کرے رُشنائیا۔ بھگتاں بیڑا بنّھنا، باندی نال وڈیائیا۔ جوتی جوت سروُپ ہرِ، آپ اپنی کِرپا کر، سد اپنا حُکم ورتائیا۔ گوداوری کہے نی دسّو جائیے کدوں، کی صلاح پکائیا۔ گنگا جمنا سُرستی کہن پہلوں سانوُں دسّ اسیں جمّیِاں کیہڑی جدّوں، تے کیہڑا ساڈا پِتا مائیا۔ گوداوری کہے پہلوں لنگھو اپنی حدوں، جگت والا پندھ مُکائیا۔ پِچھلی کیِتی ساری ردّو، مان ابِھمان گوائیا۔ راوی کنڈے جا کے اوس دی سرنی لگّو، تُہانوُں آپے دئے سمجھائیا۔ پِھر بھاویں بُجھو تے بھاویں جگو، ایہہ تُہاڈے ہتّھ وڈیائیا۔ میَنوُں تے چاء بھجّ چلیئے اجّو، پِچھے آس نہ کوئے رکھائیا۔ گنگا کہے نی آہ چار جُگ دیاں مُردیاں دیاں ہڈّیاں پہلوں میریِاں دبّو، میَنوُں صاف دیؤ کرائیا۔ سُرستی ہسّ کے کہے اسیں کوئی بھار چُکن والیاں نہیں گدھو، پِٹھاں اُتے لئیے ٹِکائیا۔ جمنا وِچوں بولی مدھوں، مدُھر دُھن سُنائیا۔ نی جے تُساں نہیں بننا ہنس کگّوں، اپنا روُپ لیَنا وٹائیا۔ جوتی جوت سروُپ ہرِ، آپ اپنی کِرپا کر، سد اپنا حُکم سمجھائیا۔ گنگا کہے ویکھو بھَینو میرے وِچ ہڈّیاں والے بولن مُردے، سارے دین دُہائیا۔ اسیں سارے پِھردے تُردے، لکھّ چؤراسی جوتی روُپ بدلائیا۔ سانوُں درس نہیں ہوئے سچّے سَتگُر دے، جو بیڑے لئے چڑھائیا۔ جُگ جُگ وہناں وِچ رہے رُڑھدے، پار کِنار نہ کوئے لگائیا۔ ساڈے اندر فُرنے رہے پُھردے، چار جُگ دھیان لگائیا۔ کِس بِدھ بھگت سُہیلے پار اُتردے، گنگا سانوُں دسّ دے جگت مائیا۔ کِتھوں پیار مِلدے سچّے پِتر دے، پِتا اپنی گود اُٹھائیا۔ گُر اوتار پَیغمبر سارے گئے مُکردے، دعوے نال پار نہ کوئے لنگھائیا۔ پوُجا پاٹھ وِچ لگا کے آپ لُک گئے، سِر ہتّھ نہ کوئے ٹِکائیا۔ کِس بِدھ پَینڈے انتم مُکدے، پندھ رہے نہ رائیا۔ گوداوری کہے نی گنگا اِنہاں نوُں دسّ دے جے کملیو ڈھولے گا لؤ اِک تُک دے، تُرت لیکھا دئے مُکائیا۔ جوتی جوت سروُپ ہرِ، آپ اپنی کِرپا کر، سد اپنا کھیل وکھائیا۔ جمنا کہے سکھیو کیہڑا پاؤنا لباس، سوہنا روُپ بنائیا۔ سُرستی چھوٹی تے مخؤلن کہے نیتر کجّل نہ پائیو کِتے شِوجی بھجّ کے نہ آ جاوے اُتوں کَیلاش، موہ مُحبّت والا ودھائیا۔ گوداوری کہے شاباش، سوہنی گلّ دِتی سمجھائیا۔ گنگا کہے نی اوہ تے بھولا ناتھ، کام واسنا نہ کوئے ہلکائیا۔ جمنا کہے موہنی پِچھے اوس دا گیا وِشواس، وِشے وِچ اپنا لِنگ ودھائیا۔ جمنا کہے گوداوری سُرستی نی سانوُں کاہدا ڈر، ہُن تے ساڈے کول آ گیا ساڈا باپ، جِس دے بھےَ وِچ وِشن برہما شِو سارے سیِس نِوائیا۔ چوری نہ کریؤ سچ دسّ دیؤ بھَینو جے کوئی کیِتا پاپ، اکھّ گُناہ والی نہ لیَنی

چُھپائیا۔ پہلوں ہی جا کے گوداوری کہے راوی نوُں دئیے آکھ، کنّاں وِچ سُنائیا۔ راوی کہے میَں دوُر دُراڈی سُن دی تُہاڈی بات، رمز اِشارہ میرے اندر آئیا۔ کیوں گُروُ ارجن میَنوُں بیننتی کرن دی دسّ گیا جاچ، جِس ویلے میرے وِچ وڑ کے پُرکھ اکال دے چرن دھیان لگائیا۔ اوس ویلے اوہدا سریِر رہیا نہیں سی ماٹی کاچ، پانی وِچ پانی جل وِچ جل جوت وِچ جوت مِل کے ارداس دِتی سُنائیا۔ خبر پُجی اُتے آکاش، جھٹ پُرکھ اکالا پہنچیا پاس، راوی کہے میرا اُکھڑ گیا سواس، تھر تھر کمبی نیتر روئی تیری دروہی تیرے ورگا اَگے نظر کوئے نہ آئیا۔ اوہ کر کے ہاس بِلاس، میرے متھے تے رکھ کے ہاتھ، چرناں اُتے ٹِکا کے ماتھ، کہہ کے گیا خاص، جِس ویلے آواں بن کے پُرکھ ابناش، جن بھگتاں ہووے ساتھ، کلجُگ میٹاں اندھیری رات، تیری بدل دیواں ذات، ذات اپنی نال مِلائیا۔ راوی کہے بھَینو جیہڑے مرضی پاؤ کپڑے، اپنے تن شِنگار بنائیا۔ ویکھیو کِتے باہروں نہ بن جائیوبغلے بپڑے، اندروں کرنی صفائیا۔ جیہڑے پربھ دے کول اپّڑے، اوہناں دے رَویداس وانگوُں پاٹے چیِتھڑے سوہنے نظری آئیا۔ اوہناں دے سوہنے لگدّے چھپّرے، کُلیّ ککھّاں ملِے وڈیائیا۔ تُہاڈے کِناریاں اُتے براہمناں بڑے پھرولے پتّرے، گائتری منتر پڑھ پڑھ کے ہوم یّگ کرائیا۔ بڑیاں نے بھیٹا لئیاں بکرے چھترے، چھتردھاری راجے گئے پھیریاں پائیا۔ اَگے ویکھو جِدھر جاندے اودھر وجّدے لّپھڑے، رائے دھرم دئے سزائیا۔ چؤراسی وِچ جکڑے، بندھن سکے نہ کوئے تُڑائیا۔ ساریاں کہن ہائے ایہہ بچن ہکڑے بکڑے، ہؤکیاں وِچ دُہائیا۔ راوی کہے ایسے کر کے تُہانوُں چل کے آؤنا پَینا جنگل کلّر رکڑے، کانیاں کاہیِاں وِچ اپنا پندھ مُکائیا۔ گنگا کہے راہ وِچ سُنیا بڑے خطرے، ٹھگّ چور یار بَیٹھے ڈیرہ لائیا۔ راوی کہے اَیویں نہ کرو نخرے، کی میَنوُں رہیِاں سُنائیا۔ گوبِند وانگوُں اپنے یار دے وِچھا دیؤ ستھرے، بھےَ بھؤ دوویں دئے چُکائیا۔ پھیر پڑھنے پَین نہ کوئی منترے، نِمنترن دین کوئے نہ آئیا۔ گوداوری کہے بھَینو میرے کول گوبِند دی پُرانی شرینی یاد ڈھائی سنترے، جو مات لوک چھڈن توں پہلوں میرے وِچ گیا رکھائیا۔ میری آسا روندی انترے، میرا انتشکرن رہیا کُرلائیا۔ اوہ نارد آ گیا نی کُڑیو میَنوُں کُچھ پڑھ لیَن دیؤ منترے، اوانگے جل پانی، گنگا جل جانی، اِند اِندراسن سِنگھ سِنگھاسن مُنی جن جانی، بِسن بِسن بِس ہرے، باسک تشک تیری بانی، ویکھیو کُڑیو مُٹیارو کِتے وِشنوُں دی جا کے بن نہ جائیوسوانی، اوہ بڑا چلاک جِس ویلے چاہے سب دا بن جائے ہانی، جھٹ پٹ اپنا روُپ بدلائیا۔ نی اوہ ہور ویکھو اوہ جُلاہا کبیِر موڈھے تے چُکی آؤندا تانی، بھار سَوا من

ٹِکائیا۔ گنگا کہِندی نارد جی تُہاڈے پِچھے کؤن، جھٹ ویکھ کے کہندا ایہہ برہما دی مِشرانی، سُرستی مستی وِچ بھجیّ آئیا۔ نارد کرے ایہہ وڈّے گھر دی تے ایہدی جُتی پُرانی، ویکھو نظری آئیا۔ اُس رو کے کِہا میَں اِک عرض سُنانی، سچ سچ جنائیا۔ وے ناردا پکھنڈیا مُشٹنڈیا کُچھ سُنیا ای، نہیں بھابو، وے پربھوُ نے کانے دی مدھانی نال رِڑکنا پانی، ہائے ہائے ایہہ کی کھیل کرائیا۔ وے کِتھے جاوُ وِشنوُں دی لکشمی شنکر دی پاربتی برہمے دی سوانی، ساریاں دی کرن لگّا صفائیا۔ نارد کہے نی دسّاں، نانک تیِر مار کے گیا شبد کانی، نِکی ننھی بچّی نوُں دِتا نام دان بن کے دانی، اوہ اوس پربھوُ دی بن گئی گولی، جِس دا رَویداس چمارا ہانی، بے پہچانی اپنی کار کمائیا۔ سُرستی تیرے تھاں اوس دی جُتی ہووے نوَیں تے پَیروں لاہے پُرانی، پران ادھاری دئے وڈیائیا۔ سُرستی کہے جاہ وے جاہ کی مات لوک دی پڑھدا بانی، میَں اپنے برہمے نوُں کہن آئی جِس سرِشٹی دِتی رچائیا۔ نارد کہے او کملیئے اوہ شہنشاہ سُلطانی تخت نِواسی حُکمرانی، وِشن برہما شِو جِس دی نِکی جِہی نِشانی، جِس ویلے چاہے اوسے ویلے کرے صفائیا۔ جوتی جوت سروُپ ہرِ، آپ اپنی کِرپا کر، سد اپنا حُکم ورتائیا۔ اودھروں گنگا کہے جمنا تُوں لائی دھوتی تے میَں لاواں ساڑھی، سلّوار سُرستی ونڈے آئیا۔ گوداوری کہے تُسیں تِنّے شؤقیِنناں روندیاں رہو تے میَں بن جاواں اوس پربھوُ دی لاڑی، جیہڑا غریِب نِمانیاں گلے لگائیا۔ جمنا کہے نی اوہ مُچھاں والا کہ موُنڈ مُنڈایا کہ کیسا دھاری کہ لمبی رکھے داڑھی، سُرستی کہے نی نہیں اوہ نوُر نوُرانہ نوُر جوت رُشنائیا۔ نی اوس نوُں گھوڑی کؤن چاڑھی پانی کؤن واری، تن کرے کؤن شِنگاری، کیہڑا پِتا تے کیہڑی اوہدی ماتا پیاری، گوداوری کہے نہیں نی اوہ تے سب دا پِتا مائیا۔ جوتی جوت سروُپ ہرِ، آپ اپنی کِرپا کر، کرے کھیل ساچا ہرِ، سچ کرنی کار کمائیا۔ راوی کہے آؤن لگّیاں چار جُگ دے لِیاؤ بُھگے، جو بھیٹا جھولیاں وِچ پائیا۔ پوُج کے آئیو اپنے گُگے، جو دُدھاں سیِراں مُکھ لگائیا۔ چھڈ کے آئیو اپنے ہُدے، مان نہ کوئے وڈیائیا۔ چل کے آؤنا اُتے بسُدھے، اپنا پندھ مُکائیا۔ میرے کنارے پہنچنا جِس ویلے اٹھاراں پھگّن سوُرج اُگھے، گھڑی پل فرق رہے نہ رائیا۔ جوتی جوت سروُپ ہرِ، آپ اپنی کِرپا کر، سد اپنا میل مِلائیا۔ راوی کہے ویکھیو کِتے میری نہ کرائیو تؤہیِن، پہلوں دیاں جنائیا۔ جے بننا تُساں شؤقین، تن شِنگار بنائیا۔ ایہہ مارگ بڑا مہیِن، جگ نیتر نظر کِسے نہ آئیا۔ بھگتاں وانگ کرِیو یقیِن، بھروسہ اِک رکھائیا۔ سِکھیو سچ تعلیِم، اِکو اِک پڑھائیا۔ مالک اِک عظیِم، عالیشان نوُر الاہیِا۔ جِس نے سب دی کرنی

تنظیم، اپنا حُکم ورتائیا۔ کملیو کُچھ بھنڈارا لےَ کے آئیو نال نمکین، سَوا پا سوبھا پائیا۔ کِسے دی بُدھی اندروں نہ ہووے ملیِن، ممتا موہ باہر رکھائیا۔ اِکو شبد لیَنا چیِن، سوہنگ ڈھولا دُھردرگاہیِا۔ مُکھوں کہنا اسیں مسکیِن، نِمرتا وِچ سیِس نِوائیا۔ ایہہ کھیل ہونا اُتے زمیِن، دھرنی دھرت دھوَل دئے گواہیِا۔ جوتی جوت سروُپ ہرِ، آپ اپنی کِرپا کر، سد اپنا حُکم ورتائیا۔ نارد پِھر آ گیا نی نڈھّیو میَنوُں بنا لؤ لاگی، بِنا براہمناں کارج راس نہ کوئے کرائیا۔ گنگا تُوں گِٹے کولوں داغی، ویکھ لےَ اکھّ اُٹھائیا۔ جمنا تیری نکّ دی لمی ہاڈی، بہُتا اُچا کمّ کِسے نہ آئیا۔ سُرستی تیری نِکی جیہی باڈی، بہُتی نِکی نوُں پسند نہ کوئے رکھائیا۔ گوداوری تُوں بڑی لاڈلی لاڈی، لاڈو کہہ کے تَینوُں دیاں سُنائیا۔ گوبِند آیا تُوں اوس ویلے نہیں جاگی، اپنا وقت لیا گوائیا۔ نارد کہے جے تُسیں میَنوُں براہمن نہیں بناؤنا تے مزدوُر بنا کے چُکا لؤ بھاجی، پر میَں بھاجی بھجن بندگی والی موڈھے ٹِکائیا۔ پھیر جھٹ روُپ بدل لیا پا کے گل وِچ مالا منکے کہے نی میَں بن گیا حاجی، چلو تُہانوُں اُڈا کے مکّے مدیِنے دیاں پُچائیا۔ گنگا بول کے کِہا جھٹ جوابی، ایہہ کی دِتا سُنائیا۔ نارد ہسّ کے کہندا جاہ نی شؤقیِننے تیرے پَیر کیہڑی گُرگابی، سِر تے انابی لیِڑا محمد والا نظر کوئے نہ آئیا۔ جمنا کِہا نارد جی ایہہ تے ساڈی بھَین مہتابی، تیرے ورگے پنڈت ویکھ کے لوٹ پوٹ ہو جائیا۔ سُرستی کہے ہائے اوہ آ گیا شہنشاہ جِس نوُں کہندے سِنگھ پنجابی، پنجہ اپنا رہیا اُٹھائیا۔ نارد گل وِچ پلّوُ پا کے کہے میَں کوئی نہیں کردا خرابی، میَں تے پربھوُ دی خبر آیا سُنائیا۔ کڈھ کے کِتاب کہے نی بیِبیو میَں بڑا حِسابی، کُنڈلیاں تِنّاں دیاں ویکھ وکھائیا۔ تے کلجُگ دا موُل میَں وڈّا قاضی، شرع دے فتوے ساریاں اُتے لائیا۔ جوتی جوت سروُپ ہرِ، آپ اپنی کِرپا کر، سوہنا رنگ چڑھائیا۔ راوی کہے بھَینو میرے گھر آؤنے بھگت پراؤہنُے، سوہنا پریم لیائیا۔ تُساں سوہنے گیِت گاؤنے، گوبِند گُروُ تے گوبِند ماہیِا۔ میَں سوہنی ریت اُتے بہاؤنے، جو ارجن دے سیِس تے بہہ کے تے پُرکھ اکال دے چرناں ہیٹھاں آئیا۔ پھیر بچن کرنے من بھاؤنے، آساں پِچھلیاں اَگے رکھائیا۔ جِس نے بستر لال پاؤنے، اوہ گولی دُھر دی سیو کمائیا۔ رَوداس دے لیکھے اگلے سال لِکھاؤنے، اِکّی ہزار دئے گواہیِا۔ اوس اِٹّ دے مُل پاؤنے، جِس نوُں بابوُپُر مِلی وڈیائیا۔ راوی کہے میَں اجے ہور بتھیرے کھیل کھلاؤنے، ہؤلی ہؤلی دیاں سُنائیا۔ جن بھگتو تُسیں اپنے ہتّھ آپے پا لِؤ اپنی دھؤنے، ہلوُنا آپے لِؤ لگائیا۔

جوتی جوت سروُپ ہرِ، آپ اپنی کِرپا کر، کرے کھیل ساچا ہرِ، نِہکلنک نرائن نر، مہاراج شیرسِنگھ وِشنوُں بھگوان، اپنا حُکم ورتائیا۔

راوی کہے گُر ارجن دے چرناں نال میرے وِچ آ گئی اِک کیِڑی، چرن چُمّ چُمّ خوشی منائیا۔ میَنوُں کہے راوی تیرے گھر آئی تے میَنوُں ڈاہ دے پیِڑھی، کُچھ دے مان وڈیائیا۔ راوی کہے میَں تے بھری نیِری، پانی دے وہن وہائیا۔ کیِڑی کِہا کملیئے ایہدے کولوں منگ لےَ جیہڑا مالک میِری پیِری، دَیا دئے کمائیا۔ راوی کہے میَں چرن چھوُہ کے کِہا ارجن جے تُوں مِلیا ایسے طرح میرا صاحِب ملِے تقدیِری، میری تقدیِر دئے بدلائیا۔ آسا ایہو اَخیِری، آخر دئے جنائیا۔ جوتی جوت سروُپ ہرِ، آپ اپنی کِرپا کر، سِر اپنا ہتّھ ٹِکائیا۔ راوی کہے میری اندروں دلیِل گِڑی، چکّر دِتا لگائیا۔ میَں گوڈیاں بھار رِڑھی، لمی پےَ کے سیِس نِوائیا۔ اونے چِر نوُں اوتھے آ گئی بودی والی چِڑی، چُنج بھر کے بودی دِتی ہِلائیا۔ اِشارے نال کہہ گئی نی راوی ارجن مات لوک دی سیِڑھی، جے ایہدے اُتے چڑھ جائیں سچکھنڈ پُرکھ اکال کول تَینوُں دئے پُچائیا۔ جوتی جوت سروُپ ہرِ، آپ اپنی کِرپا کر، سد اپنا کھیل وکھائیا۔ راوی کِہا نی تیرا بھلا، بھلے گھر دیِئے میَنوُں دِتا سمجھائیا۔ اوہ اُڈدی اُڈدی کہہ گئی ہلا، اپنی آواز وِچ ڈھولا گائیا۔ راوی یاد رکھیں اوہ صاحِب نہیں آؤنا کلّا، بھگتاں نال لیائیا۔ اوہدے نال ہونا ڈلّا، جے اوہ ڈلّا چنگا ہووے میَنوُں وی پھڑ کے تیری بھیٹ کرائیا۔ پِھر میَں دسّانگی ایس دا کی پھلا، وقت نال سُنائیا۔ جوتی جوت سروُپ ہرِ، آپ اپنی کِرپا کر، کرے کھیل ساچا ہرِ، جو کرنا سو کر کے دئے وکھائیا۔ راوی کہے میرے وِچ کئی ترے تے کئی ڈُبے، گِنتی گنت نہ کوئے گِنائیا۔ کئی مرے تے کئی اُگے، اپنا اپنا پھل جھولی پائیا۔ ایسے طرح کئی بیِت گئے جُگے، چؤکڑیاں پندھ مُکائیا۔ میرے پار کوئی نہ پُجے، اُرار سارے تاریاں لائیا۔ میَں اِک گلّ پُچھنی جن بھگتو پربھوُ دا وِہار چنگا کہ گھر دے جھُگے، جھُگیاں والیو دینا سمجھائیا۔ جیہڑا تُہاڈے پِچھے تُہاڈی منزل پُجے، پوُجنیِک ہو کے در در پھیرا پائیا۔ تُسیں اوہناں دھندیاں وِچ رُجھے، جیہڑے کمّ کِسے نہ آئیا۔ مِہر کر کے تُہانوُں بنائی جاندا اُچے، سِر اپنا ہتّھ ٹِکائیا۔ سرن آئے نہیں وینہدا کوجھے کملے نہ بدمعاش لُچے، پھڑ باہوں پار کرائیا۔ جِنہاں ول تک لیا کوٹ جنم دے پاپی ہو جان سُچے، مانک موتی ہیِرے لئے بنائیا۔ جن

بھگتو راوی کہے تُہاڈا صاحِب تے میرا سَتگُروُ آد جُگاد جُگ چؤکڑی بھگتاں نال کدے نہ ہووے غُصّے، جے کوئی بھگت رُس جائے تے اوہدے چرناں اُتے اپنا آپ ٹِکائیا۔ جو کوئی مَیتھوں میرے صاحِب دا پیار پُچھے، میری رسنا کہن کوئے نہ پائیا۔ راوی کہے ایہہ رس کِسے نہیں لُٹے، لُٹیریو لُٹ لؤ لُٹن دا ویلا گیا آئیا۔ جوتی جوت سروُپ ہرِ، آپ اپنی کِرپا کر، دیونہارا ساچا ور، سچ سچ نال مِلائیا۔ اؤہ ویکھو بھجیّ آؤندی چؤدھویں صدی، ننگی پَیریں واہو داہیِا۔ راوی میَں نہیں سمجھیا تُوں کوئی وگن والی ندی، وہن پانی والے وہائیا۔ میَنوُں اچانک خبر ہوئی نی اوس سانبھ لیَنا جو دو جہاناں مالک گدّی، شاہ پاتشاہ سچّا شہنشاہیِا۔ ہُن گنگا گوداوری جمنا سُرستی سدائیاں اجّی پّجیں، پتّر پترکا اِک گھلائیا۔ صدی چؤدھویں کہے میَں کیہڑی کچّی، بُدھ ہیِن اکھوائیا۔ میَں وی مالک منّیا اِکو نوُر ربّی، دوُجے اکھّ نہ کدے مِلائیا۔ میَں ساری سرِشٹی چھڈی، دیِن دُنی تجائیا۔ ایسے دی چرنی لگّی، جو دیونہار سرنائیا۔ ویکھیں راوی میرے نال نہ کریں ٹھگّی، چوری چوری کنت نہ لئیں منائیا۔ میَں وی پؤنٹے پا کے نچّی مار کے اڈّی، بھگت گواہ دینے بُھگتائیا۔ پربھ نے آد توں لےَ کے اجّ تک جیہڑی بھگت آتما وری اوہ پھیر کدی نہیں چھڈی، ہڈّیاں مساناں وِچ آتما بِبانا وِچ اپنے گھر لےَ جائیا۔ پر ایہہ سماں مِلدا کدی کدی، جُگ چؤکڑی ہتّھ کِسے نہ آئیا۔ بھاویں کوٹن ہو جان رسوُل نبی، پَیغمبر پھیرا پائیا۔ ایہہ مؤج ایہہ بہار ایہہ خوشی بھگتاں نوُں کدے نہیں لبھی، کہ پربھوُ آپ لبھ لبھ کے اپنے گلے لگائیا۔ اُف، راوی کہے میری پیِڑ ہوئی بکھّی کھبّی، خبرے کی دِتا سُنائیا۔ گنگا کہے نی ایہہ بڑی شرارتن جمنا رانی کبّی، تَینوُں ہُج مار کے سٹّ دِتی لگائیا۔ سُرستی مخؤل نال چُک لیائی منجی، جے بہُتا دُکھ تے ایہدے اُتے دیاں لِٹائیا۔ جھٹ جوت اگمّی جگی، اِکے وار ہوئی رُشنائیا۔ نہ کوئی پسلی رہ گئی تے نہ کوئی ہڈّی، نہ کوئی جمنا سُرستی گوداوری گنگی، نہ کوئی تن بستر بھوُشن پہنے نہ کوئی دِسے ننگی، نہ کوئی ساتھن نہ کوئی مجاجن نہ کوئی سنگی، جِدھر تکاّں اُدھر آپ اپنی کھیل کرے بہُہ رنگی، سوُرا سربنگی اپنی دَیا کمائیا۔ راوی کہے بھَینو جے آؤ ویس کر کے آئیو دِہاتی، پِنڈاں نگراں والا دیاں جنائیا۔ جے شہرناں بن کے آئیاں ساریاں سادھوُآں دی کُھل جاؤ سمادھی، اکھّاں میِٹ سمادھی لاؤن والے اکھّاں تُہاڈے ولّ ٹِکائیا۔ جِنہاں دے مُکھ وِچ ہووے سیِتا رام کرِشنا رادھی، اوہ تُہاڈی صوُرت ویکھ کے کہن ایہہ کِتھوں آوے ساڈی بھابی، بھجڑا پِٹی پندھ مُکائیا۔ مُرشداں دے مُریِد کہن مسیِتاں وِچ بَیٹھے ایہہ کوئی مہتابی، کِسے محرم دا راہ تکائیا۔ چرچاں وِچ بَیٹھے پوپ کہن ایہہ کوئی

پُھل گُلابی، خوشبوُ دین واسطے آیا چائیں چائنیا۔ مندراں وِچ بَیٹھے کہن ایہہ ساتھن پُرانی ساڈی، وِچھڑی مِلی چائیں چائنیا۔ گُروُدواریاں وِچ بَیٹھے کہن بھراوو میرے بن جاؤ جاننجی، اِنہاں لئیے پرنائیا۔ راوی کہے کِتے ویکھیو میری نہ کرِیو ہانی، سچ دیاں سُنائیا۔ اِک وار سب تے آؤندی جوانی، جوبن آیا انت ڈھل جائیا۔ تُساں بھگتاں دے کول آؤناں اوہناں دی کھانی مہمانی، بھگتاں وانگوُ سِدھے سادے کپڑے لینےَ پائیا۔ رل کے وِچ بہنا بنِیو نہ کوئی بیگانی، بیگماں والا روُپ وٹائیا۔ تُہانوُں وی نِمک والی سُکی روٹی پَینی کھانی، دنداں نال چبائیا۔ گنگا گوداوری جمنا سُرستی کہن جے اوہ سنگھ وِچ پھس گئی کِتھوں پیِواں گیِاں پانی، سانوُں دے سمجھائیا۔ راوی کِہا نی اوہ جیِو آدھار پرانی، امرت رس اپنا مُکھ چوائیا۔ گوداوری اکھّاں چُکیاں، راوی کِتے اوس دے نال اوہ تے نہیں جیہڑا بچّیاں دی دے کے گیا قُربانی، گوبِند سوُرا سنگ رکھائیا۔ راوی کِہا گوبِند بِنا پربھوُ دی کوئی نہ دسےّ نِشانی، بھگتاں اُتے کوئی نہ کرے مِہربانی، مِہربان ہو کے مِہر نظر نہ کوئے ٹِکائیا۔ جوتی جوت سروُپ ہرِ، آپ اپنی کِرپا کر، کرے کھیل دُھر دا ہرِ، در گھر ساچا اِک سُہائیا۔

۱۵ پھگّن شہنشاہی سمت ۴ کنس راج گرِہ پِنڈ گُجرات ضِلع گُرداس پُر

نارد کہے گنگا گوداوری جمنا سُرستی جے راوی کنڈھے جانا کرو دھیان، انتر انتر اپنی لِو لائیا۔ سچ دواریوں منگو دان، نِمانیِاں ہو کے جھولی ڈاہیِا۔ کِرپا کر سِری بھگوان، مِہر نظر اُٹھائیا۔ سانوُں تُر کے آؤنا بڑا مہان، پندھ دوُر دُراڈا نظری آئیا۔ بن جاؤ بال اَنجان، بچّیاں وانگ شور مچائیا۔ نیتر ہنجھوُ وہن وہان، اتھراں دھار بنائیا۔ پِھر آپے تُہانوُں شبدی بھیج دئے بِبان، دوُجی لوڑ رہے نہ رائیا۔ تُہاڈا پُجنا ہووے آسان، مُشکل حل کرائیا۔ چھڈ جاؤ زِمیں آسمان، مدھ اپنی کار کمائیا۔ جوتی جوت سروُپ ہرِ، آپ اپنی کِرپا کر، کرے کھیل ساچا ہرِ، نِہکلنک نرائن نر، مہاراج شیرسِنگھ وِشنوُں بھگوان، تُہاڈا ہووے آپ سہائیا۔

۱۵ پھگّن شہنشاہی سمت ۴ درشن لال دے گرِہ پِنڈ گُجرات

پربھ دا شبد اگمّی بِبانا، آد جُگاد اِک اکھوائیا۔ جِس اُتے چڑھے نہ کوئی راجا رانا، پاتشاہاں ہتّھ کِسے نہ آئیا۔ جِس ویلے ہووے آپ مِہربانا، مِہر نظر اُٹھائیا۔ اپنے بھگتاں کرے پروانا، اپنے رنگ رنگائیا۔ پھیر بخشش کرے اوہ وِچ جہانا، جِس دی باڈی جگت نہ کوئے سمجھائیا۔ ہرِجن پیارے بنا پردھانا، سہج نال وِچ ٹِکائیا۔ حُکمے اندر ہووے رَوانہ، آوے جاوے چائیں چائنیا۔ ایہو کھیل سِری بھگوانا، جو ہرِ کرتا آپ کرائیا۔ نارد کہے اوس نوُں نِیوں نِیوں کرو پرناما، سیِس جگدیِش جھُکائیا۔ پھیر سُنو اگمّی کلاما، سوہنگ ڈھولا بےپرواہیِا۔ تکّو دُھر دا اِماما، نِرگُن نوُر الاہیِا۔ جِس نے بھیجے کرِشنا کاہنا، رام سیِتا دَیا کمائیا۔ جِس تُہاڈا بنایا نِشانہ، لوک مات وجّی ودھائیا۔ سو صاحِب سچّا سُلطانا، ہرِ کرتا اِک اکھوائیا۔ جوتی جوت سروُپ ہرِ، آپ اپنی کِرپا کر، کرے کھیل ساچا ہرِ، نِہکلنک نرائن نر، مہاراج شیرسِنگھ وِشنوُں بھگوان، اپنے رنگ رنگائیا۔

۱۵ پھگّن شہنشاہی سمت ۴ چرن سِنگھ دے گرِہ پِنڈ انتور ضِلع گُرداس پُر

راوی کہے گُر ارجن دے کے گیا پاتی، بِن اکھّراں اگمّ لِکھائیا۔ جِس ویلے پرگٹ ہووے کملاپاتی، پت پرمیشور بےپرواہیِا۔ جن بھگت سُہیلے بنائے ساتھی، سگلا سنگ اُپجائیا۔ گُر اوتار پَیغمبراں پوُری کرے آکھی، آخر بھیوَ چُکائیا۔ لہنا دینا ویکھے تریَلوکی ناتھی، کاہنا اِک وڈیائیا۔ جو سیِتا رام دسّی باتی، باطن پردہ دئے کُھلائیا۔ جِس پَیغمبراں دِتی حیاتی، جیِون جُگت سمجھائیا۔ اوہ کھیل کرے پُرکھ ابناشی، ہرِ کرتا دُھردرگاہیِا۔ جِس دی کتھا کہانی ساچی، شبد بودھ سمجھائیا۔ بُدھی وِچ کِسے نہ واچی، نیتر نیَن نہ کوئے وکھائیا۔ اوہ لہنا دینا ویکھے چار جُگ دا باقی، سَتجُگ تریتا دواپرکلجُگ ویکھ وکھائیا۔ جوتی جوت سروُپ ہرِ، آپ اپنی کِرپا کر، مِہر نظر اِک اُٹھائیا۔ راوی کہے چِٹھی دا اگمّ مضموُن، میَں سمجھ سکی نہ رائیا۔ نِمرتا وِچ ہو ممنوُن، نمستے کہہ کے سیِس جھُکائیا۔ کی اِس دے وِچ قانوُں، دھارا کوَن وڈیائیا۔ ارجن کِہا اوسے نوُنمعلوُم، جو حُکم سندیسے رہیا دِرڑائیا۔ میَں وی بال اَنجانا معصوُم، ننّا نظری آئیا۔ جیہڑا سریِر توں محروُم، جوتی جوت وِچ سمائیا۔ اوہ دسےّ اپنا آپے سچ اصوُل، اصلیّت اِک جنائیا۔ جِس

دا حُکم ورتے معقوُل، نہ کوئی میٹے میٹ مِٹائیا۔ راوی تَینوُں دیوے چرناں دی دھوُل، دھوُڑی بھگتاں خاک رمائیا۔ آوے در ضرور، آوے حضوُر نوُر الاہیِا۔ دیِن دُنی دا ویکھے قصوُر، لکھّ چؤراسی پھول پُھلائیا۔ اسیں بردے اوہدے مزدوُر، تتاں والی سیو کمائیا۔ جوتی جوت سروُپ ہرِ، آپ اپنی کِرپا کر، کرے کھیل ساچا ہرِ، سچ سندیسہ اِک سُنائیا۔ راوی کہے دسّ سَتگُر کی لیکھا لِکھیا، بِن قلم شاہیِا۔ میَنوُں نیتر نال نہ دِسیا، رو کے دیاں دُہائیا۔ میرا انتر انتر پِٹیا، بہُڑی بہُڑی کر جنائیا۔ کی اِس وِچ لیکھا پایا نال حِصّیا، کوَن ونڈ ونڈائیا۔ جوتی جوت سروُپ ہرِ، آپ اپنی کِرپا کر، ساچا بھیوَ دئے جنائیا۔ ارجن کہے ایہدا بھیوَ اکھّراں توں باہر، وِدیا ونڈ نہ کوئے ونڈائیا۔ راوی تیرے کنڈھے آ کے آپے کرے ظاہر، تیرے پڑھن دی لوڑ رہے نہ رائیا۔ جِس ویلے دُنیا ساری ہوئی کائر، کرم کانڈ وِچ کُرلائیا۔ سچ دواریوں ہوئی غَیر، گہر گمبھیِر نہ کوئے مِلائیا۔ جگ ساگر سکے کوئی نہ تَیر، تیِرتھ تٹ گنگا گوداوری جمنا سُرستی رووے مارے دھائیا۔ اوس ویلے کرے پربھ اپنی مِہر، مِہر نظر اِک اُٹھائیا۔ جیہڑا شاہ سُلطان سوُربیِر وڈّا کیہر، بھبک سبق نال پرگٹائیا۔ جوتی جوت سروُپ ہرِ، آپ اپنی کِرپا کر، مِہر نظر اِک اُٹھائیا۔ راوی کہے میرا سِر گیا دُکھ، نِمرتا وِچ دُہائیا۔ ارجن اِک دسّ دے تُک، بہُتا نہ سمجھائیا۔ گُر ارجن کِہا ہُن نہ مَیتھوں پُچھ، پُچھن دی لوڑ رہے نہ رائیا۔ جِس ویلے صاحِب سوامی گیا پُج، نِرگُن اپنا پندھ مُکائیا۔ سب کُچھ جائے سُجھ، مِہربان مِہربان مِہربان مِہر نظر اُٹھائیا۔ جوتی جوت سروُپ ہرِ، آپ اپنی کِرپا کر، سد اپنا پردہ لاہیِا۔ راوی کہے اوہ کیہڑا ہونا تِیوہار، سچ دے سمجھائیا۔ تیرے چرن کوَل نِمسکار، نِیوں نِیوں لاگاں پائنیا۔ گُر ارجن کِہا سولاں پھگّن سُہنجنی ہوئے بہار، سمت شہنشاہی چار نال وڈیائیا۔ تیرا لیکھا دسےّ اگمّ اپار، الکھ اگوچر پردہ لاہیِا۔ چِٹھی دا مضموُن سہج دئے سِکھال، اؤکھا راہ نہ کوئے جنائیا۔ جِس نوُں جھُکدے شاہ کنگال، اوہ سہج ہووے سُکھدائیا۔ جوتی جوت سروُپ ہرِ، آپ اپنی کِرپا کر، سد میلا لئے مِلائیا۔ راوی کہے کی گوبِند شبد گُروُ کہ ارجن دھار، کی رام کرِشن عیسیٰ محمد موُسیٰ کی وڈیائیا۔ کھیل دسّ کر پیار، اپرمپر دینا جنائیا۔ میَنوُں وہِندی نوُں بیِت گئے جُگ کوٹن کئی ہزار، میری آسا پوُر نہ کوئے کرائیا۔ آ آ چلے گئے مات تت اوتار، پَیغمبر گُروُ پھیریاں پائیا۔ پِھردے گئے تٹ کِنار، کنڈھیاں اُتے ڈیرہ لائیا۔ میرا اصل کِسے نہ کیِتا اِظہار، صِفتاں وِچ نہ کوئے صالاحیِا۔ سنمُکھ ہو کے کری نہ کِسے گُفتار، گُفت و شُنیِد نہ ڈھولا گائیا۔ میَں چاہُندی ضرور جِس ویلے آئے کل کلکی اوتار، اِمام

اِماما ہوئے سِکدار، سندیسہ دیوے اپنی دھار، وارتا پِچھلی دئے سمجھائیا۔ سو وقت سُہنجنا سولاں پھگّن ساڈھے تِنّ میرا سوہے کِنار، وجےّ سچ ودھائیا۔ جوتی جوت سروُپ ہرِ، آپ اپنی کِرپا کر، کرے کھیل ساچا ہرِ، نِہکلنک نرائن نر، مہاراج شیرسِنگھ وِشنوُں بھگوان، لہنا دینا لیکھا جان سرب سنسار، سرِشٹی دی درِشٹی اپنے ہتّھ رکھائیا۔

۱۶ پھگّن شہنشاہی سمت ۴ چرن سِنگھ دے گرِہ پِنڈ انتور

نارد کِہا گنگا چِٹھی دا پاسا پرت، پرتکے ویکھ وکھائیا۔ لیکھا لِکھیا پُرکھ ابناشی آؤنا اُپر دھرت، دھرنی دھرت سوبھا پائیا۔ گُر اوتار پَیغمبراں پوُری کرنی شرط، شرع دئے بدلائیا۔ سب دی آسا پوُری کرے منّے عرض، آرزو ویکھ وکھائیا۔ سّپت رِکھیاں جیہڑی غرض، غرضے کہ ساری پوُر کرائیا۔ چار جُگ دی پھول کے فرد، لیکھے حق دئے دِرڑائیا۔ جودھا سوُربیِر مردانہ بن کے مرد، ہر تن حُکم ورتائیا۔ جوتی جوت سروُپ ہرِ، آپ اپنی کِرپا کر، سد اپنا حُکم ورتائیا۔ گنگا پڑھیِاں تِنّ تِنّ قطاراں، سطراں ویکھ وکھائیا۔ میَں گھولی تَیتھوں واراں، آپا بھیٹ کرائیا۔ جمنا ویکھ کے پےَ گئی وِچ وِچاراں، آپ اپنے وِچ ڈُبائیا۔ سُرستی بن وِچوں ہوشیارا، چلاکی نال سمجھائیا۔ نی گوداوری آہ ویکھ کھیل نیارا، تَینوُں دیاں سمجھائیا۔ چِٹھی وِچ لیکھا پربھوُ آد انت دا کوارا، سُہاگ اپنا نہ کوئے وکھائیا۔ وِشن برہما شِو گُر اوتار پَیغمبراں نوُں دیندا گیا لارا، جُگ چؤکڑی حُکم سُنائیا۔ ارجن نے کڈّھیا ہاڑا، مِنّتاں وِچ دُہائیا۔ پُرکھ اکال اِک وار آ وِچ سنسارا، اپنا پھیرا پائیا۔ بن دُھر دا لاڑا، نِرگُن نوُر کر رُشنائیا۔ نی اوہ آؤنا اپنی دھارا، نر نِرنکارا ویس وٹائیا۔ چِٹھی اُتے لیکھ لِکھیا اوہنوُں کہنا کل کلکی اوتارا، کل کلیش دئے گوائیا۔ سانجھا بنے میِت پیارا، مِتر پیارا اِک اکھوائیا۔ سُہائے اِک دوارا، دربارا اِک وڈیائیا۔ اوہنوُں ویکھنا اسیں ساریاں راوی کنارہ، کنڈھا اِکو اِک سوبھا پائیا۔ جوتی جوت سروُپ ہرِ، آپ اپنی کِرپا کر، سد اپنا حُکم ورتائیا۔ گنگا پڑھدی پڑھدی ہو گئی چُپ، اُنگلی مُکھ وِچ رکھائیا۔ جمنا پئی اُٹھ، اِشارہ سُرستی ولّ کرائیا۔ گوداوری دا پھڑ کے گُٹ، ہلوُنا دِتا لگائیا۔ تِنّے گنگا نوُں رہیِاں پُچھے، کی سوچاں وِچ اپنا آپ ڈُبائیا۔ گنگا کہے میَں حَیران ہو گئی جِس دا اِکو گوبِند سوُرا پُت، شبدی شبد روُپ وٹائیا۔ اوہ وس کے ساڈھے تِنّ ہتّھ کایا بُت، سمبل بَیٹھا سوبھا پائیا۔ جوت جگائے

ابناشی اچُت، نِرگُن نوُر ڈگمگائیا۔ میَنوُں ایَں دِسدا سب دا پَینڈا رہیا مُک، اَگے حُکم نہ کوئے چلائیا۔ سب دا پاٹھ ہونا اِکو تُک، تُوں میرا میَں تیرا ڈھولا گائیا۔ جوتی جوت سروُپ ہرِ، آپ اپنی کِرپا کر، سد اپنا حُکم ورتائیا۔ اُنے چِر نوُں نارد آ گیا پھیردا ہتّھ بودی، ہسّ ہسّ رہیا سُنائیا۔ نی میَں ہور تکّیا گوبِند اِکو سوہے پربھ دی گودی، گوداوری تَینوُں لارے دین والا نظری آئیا۔ تُوں بنی رہی کملی کوجھی، چرن چھوہ سار نہ پائیا۔ سُرستی کہے ایہنوُں بُھلیکھا لگّا کہ شاید ایہہ کوئی جوگی، جوگیاں والا ویس وٹائیا۔ جمنا کہے ایہنوُں شکّ پےَ گیا کھؤرے ایہہ کوئی سنساری بھوگی، واسنا وِچ بھجّا واہو داہیِا۔ گنگا کہے نہیں نی آہ ویکھ چِٹھی تھلّے لِکھیا ویدیِاں توں بن کے سوڈھی، اپنا روُپ وٹائیا۔ گُرمُکھاں چُکی پِھرے موڈھیں، مُڈھلا اپنا رنگ چڑھائیا۔ جوتی جوت سروُپ ہرِ، آپ اپنی کِرپا کر، بھیوَ ابھیدا دئے کُھلائیا۔ نارد کہے گنگا ذرا ویکھ ستّویں سطر، سولاں اکھّراں والی نظری آئیا۔ پھیر ویکھ اگلا انک جِس دا ہِندسہ ستّ دو بہتّر، بھگتاں دئے وڈیائیا۔ پھیر ویکھ بِنا لیکھ توں پتّر، جِس دی سمجھ نہ کوئے سمجھائیا۔ پھیر تکّ، جاں گنگا تکّن لگّی اکھّاں وِچوں وہِ گیا اتھر، نیتر نیِر وہائیا۔ نارد نے ہلوُن کے کِہا رو نہ اؤہ ویکھ گوبِند سُتا وِچھا کے ستھر، سوہنی سیج بنائیا۔ نی تُوں ٹکّراں ماردی رہی نال پتّھر، بھجیّ واہو داہیِا۔ ہُن رہن نہیں دینا کِسے دا مکر، فریباں ڈیرہ ڈھاہیِا۔ دُنیا دا اُلٹا کرنا چکّر، چکّرورتی دینے کھپائیا۔ کِسے براہمن نوُں ویکھن نہیں دینا گرِہ نچھتر، کُنڈلی راس نہ کوئے سمجھائیا۔ جوتی جوت سروُپ ہرِ، آپ اپنی کِرپا کر، سد اپنا حُکم ورتائیا۔ گنگا کہے اِس چِٹھی دا اِک ہور تیجا صفا، جو صفا پِچھلی رہیا اُٹھائیا۔ اُس وِچوں بھگتاں ہونا نفع، گھاٹے وِچ لوکائیا۔ نارد کِہا کُچھ میَنوُں دے دے گپّھا، جے تیرے وِچ وڈیائیا۔ جمنا ہؤلی جیہی نارد دے سِر تے ماردی دّھپھا، ہاسے وِچ سُنائیا۔ سُرستی پِچھوں مار کے جّپھا، مُنہ دے بھار سُٹائیا۔ مُنی ہون لگّا خفا، تِنّاں نے تالی دِتی وجائیا۔ گوداوری بھجّ کے آئی، رِشی جی، کیہڑا جاپ جپا، میَنوُں دے دِرڑائیا۔ پھیر غُصّے وِچ ہور تپا، اکھّ لال کرائیا۔ چؤہاں مِل کے کِہا آہ ویکھ لےَ پپا، جو پوُرن برہم نظری آئیا۔ ساڈا اوس دے نال قؤل اِقرار پکاّ، جو لیکھے سب دے ویکھ وکھائیا۔ سانوُں راوی دا آ گیا صدّا، جانا چائیں چائنیا۔ نارد جی ساڈے واسطے کوئی لیائیو گھوڑا ٹٹوُّ یّکا، یک حُکم سُنائیا۔ تُسیں جگت دے پروہت اُتے چڑھن نوُں لبھ لِؤ گدھا، دو جہاناں وِچ رلن کوئے نہ پائیا۔ گلوں لاہ لِؤ جھگّا، جنجوُ لؤ لٹکائیا۔ ہتّھ وِچ پھڑ لِؤ ڈبّا، راہ جاندے جانا کھڑکائیا۔

جے تھک گئے کِسے ڈگّ پِیو وِچ کھڈّا، ڈوُنگھی ڈل ڈیرہ لائیا۔ نارد کِہا ایہدی کی وجہ، میَنوُں دیؤ سمجھائیا۔ گنگا کِہا پُرکھ اکال نے بھیکھ پاکھنڈ نوُں دینی سزا، دھوکھے والا رہن کوئے نہ پائیا۔ جن بھگت بنائے جو چلن اُس دی رضا، رضا اپنی وِچ چلائیا۔ دیوے نام امرت دا رسا، رس اِکو اِک چکھائیا۔ نارد کہے جے رس دیوے تے میَں زور نال بھجّاں، تُہاڈے نالوں پہلوں پندھ مُکائیا۔ سُرستی کِہا اَیویں نہ مار کچّھاں، بودی نہ ہِلائیا۔ جے تُوں پہلوں گیا تَینوُں بھگتاں نے بنّھ لیَنا نال نؤ ہتّھ رسّا، پھیر سکے نہ کوئے چُھڈائیا۔ کنّاں نوُں ہتّھ لا لا اَگے توں ساڈے کول آؤن لگّیاں لاہُنا نہیں کدے جھگّا، خالی دھوتی نہ کوئے وکھائیا۔ جوتی جوت سروُپ ہرِ، آپ اپنی کِرپا کر، سد اپنا حُکم ورتائیا۔ گنگا کہے چِٹھی وِچ لِکھیا کوئی وِچ آ نہ جائے اوپرا، دوُجا نظر کوئے نہ آئیا۔ جمنا کہے نارد تُوں کِتھوں آیا سِر کڈّھیا وانگ گِری کھوپرا، دھڑ سِر جُٹ بنائیا۔ نارد مخؤل وِچ کہے میَں پربھوُ دا نالے پُت تے نالے پوترا، تُہانوُں پتہ نہیں اجے مِلی نہیں وڈیائیا۔ گنگا دھکاّ ماریا جا کِتھے بنّھی پِھریں لنگوٹڑا، جنگلاں وِچ مُنہ بھوائیا۔ ہتّھ وِچ ڈِنگا ٹیڈا پھڑ لےَ سوٹڑا، چارے کُنٹاں اپنی الکھ جگائیا۔ جوتی جوت سروُپ ہرِ، آپ اپنی کِرپا کر، سد اپنا حُکم ورتائیا۔ نارد کہندا نی وڈّیاو چلاکو، کی میَنوُں رہیِاں جنائیا۔ اپنا آپ سامبھو، کُھلی مینڈھی سیِس گُندائیا۔ اَگا پِچھا اپنا ناپو، لمبائی کی چؤڑائیا۔ کروٹ وِچ کروٹ اپنی سادھو، صِدق نال اُٹھائیا۔ کی لیکھا دسّ کے گیا تُہانوُں کرِشن بنس یادوَ، یادوَ کی چتُرائیا۔ کیوں پانی پیِندا رہیا وِچوں ڈھابو، کرِشن نے اُنگلی چھوُہ تُہاڈے نال مُکھ نہ کدے لگائیا۔ جوتی جوت سروُپ ہرِ، آپ اپنی کِرپا کر، سد اپنا حُکم ورتائیا۔ نارد کہے کِتے بن نہ جائیوچلاک، اپنی آپ کرو وڈیائیا۔ ذرا ایدھر لِؤ جھاک، تُہانوُں دیاں وکھائیا۔ ناویِں سطر جیہڑی خالی لئی راکھ، اُس نوُں ویکھو نِگاہ ٹِکائیا۔ ساریِاں منّیاں واک، بَیٹھیاں نِگاہ اُٹھائیا۔ جاں ویکھیا تاں پربھوُ دی اِکو ذات، دوُجا نظر کوئے نہ آئیا۔ نی تُساں اِس نوُں ویکھنا ساکھیات، چھمی نمی اپنا روُپ بدلائیا۔ تُہانوُں پھیر آوے وِشواس، جِس ویلے وِشوَ دا بھیوَ کُھلائیا۔ نارد چھیتی نال جمنا سُرستی دے کنّ پھڑ کے کِہا نی تکّوگیِاں اُتے آکاش، اپنی اکھّ اُٹھائیا۔ گوداوری سُرستی کِتھے ویکھوگیِاں پرکاش، میَنوُں دیؤ جنائیا۔ چارے ہو گئیاں اُداس، حَیرانی اندر آئیا۔ نارد کِہا اوہ ویکھو مار جھاک، راوی کنڈھا سوبھا پائیا۔ جِس دے چرن چُمّے دھرتی مات، جِس نوُں نِیوں نِیوں سارے سیِس نِوائیا۔ نال بھگتاں دی جماعت، سوہنا رنگ رنگائیا۔ چارے کہن مُنی جی، رِشی جی، مہاتما جی، پنڈت جی،

کُچھ شیَطانی دا کھوائیو سانوُں پرساد، تیری شیَطانی وِچ نوُرانی نظری آئیا۔ نارد کِہا سُنو میری آواز، میَں کھول دے دسّاں راز، جِس کؤڈے قندھاری دی نانک رکھی لاج، اوہ رس لیاوے چُک کماد، مُکھ سب دا مِٹھا دئے کرائیا۔ جوتی جوت سروُپ ہرِ، آپ اپنی کِرپا کر، کرے کھیل ساچا ہرِ، سد دیونہار وڈیائیا۔ نارد کہے نی چھوکریو، شک وِچ نہ کوئے وڈیائیا۔ پربھوُ دیِو پوتریو، کی برہما تُہاڈا پِتا مائیا۔ جگ وِچ سوتڑیو، کی وِشنوُں تُہاڈی اکھّ کُھلائیا۔ نیَناں وِچ روتڑیو، شنکر ترسوُل نال ڈرائیا۔ کیہڑی بند ہوئیو کوٹھڑیو، کِس گرِہ ڈیرہ لائیا۔ جوتی جوت سروُپ ہرِ، آپ اپنی کِرپا کر، سد اپنا حُکم ورتائیا۔ گنگا کہے پڑھدی پڑھدی نے ویکھیا اِک ہور چؤتھا انک، چار جُگ دا لیکھ سمجھائیا۔ راوی کنڈھے کُچھ آسا رکھ کے گیا جنک، جِس دی سیِتا سپُتری رام نال پرنائیا۔ جِس لکّڑی دا بنیا سی دھنُش، اوہ لکّڑی ایسے راوی دے کنڈھے توں گئی اپنا پندھ مُکائیا۔ جیہڑی یادو سی بنسی، جیوُ بنس دا پہلا جِس دا نام نیِدوُ، اوہدی ماتا اِس راوی کنڈھے دے رہن والی نظری آئیا۔ نؤ پہر تپسیا کیِتی سی تٹ کنارے بھرِنگوُ، بِنا سواس توں دھیان لگائیا۔ تِنّ وار شنکر نے راوی وِچ دھوتا سی اپنا لِنگوُ، نپڑد ہو کے اپنی کار کمائیا۔ جوتی جوت سروُپ ہرِ، آپ اپنی کِرپا کر، سد اپنی کار کمائیا۔ سُرستی کہے مُنی جی تُسیں مُنیِشر کہ مُشٹنڈے، میَنوُں دیؤ جنائیا۔ نارد کھلو کے اِک ٹنگے، کنّ ہتّھاں اُتے رکھائیا۔ اکھّاں میِٹ کے کہے ویکھو میَں چڑھ گیا اُپرلے ڈنڈے، جِتھے پربھوُ ڈیرہ لائیا۔ جمنا نے ہسدی ہسدی نے اوہدیاں ناساں وِچ نِکے نِکے دے دِتے گنڈھے، زور نال دبائیا۔ ساہ بند ہویا تے زور نال کھنگھے، تے باہر دِتے کڈھائیا۔ غُصّے وِچ کِہا تُسیں کمّ نہیں کیتے چنگے، ہاسی میرے نال اُڈائیا۔ اونے چِر نوُں سِری بھگوان آ گیا پا کے کپڑے گندے، غریِباں والا ویس وٹائیا۔ ہتّھ وِچ پھڑے ہوئے سُکے منڈے، مُکھوں کہے کوئی بِھچھیا دیؤ پائیا۔ نارد نے اوہو پھڑ کے گنڈھے، جھولی دِتے ٹِکائیا۔ سِری بھگوان نے جھولی چوں کڈھ کے گوداوری گنگا نوُں ونڈے، آہ پھڑ کے لؤ کھائیا۔ اوہناں دند پیِہ کے اپنے دند بھنےّ، ایہہ بُڈھا کی کرے شؤدائیا۔ اِنہاں وِچ کی انندے، جیہڑا سانوُں رہیا چکھائیا۔ جاہ اوہناں نوُں دے جیہڑے تیرے ورگے بُھکھے ننگے، اسیں گنگا گوداوری جمنا سُرستی سانوُں تے لوک کہندے ایہہ ساڈیِاں مائیا۔ پُرکھ اکال اِک دم اپنا روُپ بنایا سوُرے سربنگے، شاہ پاتشاہ شہنشاہ اپنی کل دھرائیا۔ یاد رکھِیو ایہو گنڈھے تے ایہو سُکے منڈے، جِس ویلے آواں وِچ برہمنڈے، بھاگ لگاواں ارجن دی دھار تے راوی کنڈھے، تُہانوُں بھجا

کے لیاواں نال شبد ڈنڈے، بھجّو واہو داہیِا۔ اوتھے میرے بھگت ہونگے سنگے، جیہڑے سب توں اُتم سریشٹ تے ساریاں نالوں ہوون گے چنگے، تُساں دندیاں پیِسیِاں اوہ کھاوَنگے نال دندے، تُساں رو رو کے کہنا بھورا ساڈی جھولی دیؤ پائیا۔ میَں ککھّاں دی سیج اُتے لیٹانگا راوی کنڈھے، اپنا آسن سُہائیا۔ جوتی جوت سروُپ ہرِ، آپ اپنی کِرپا کر، دُھر دا حُکم اِک جنائیا۔ چارے حَیران ہوئیاں کِتھوں آ گیا اچھل اچّھل، اپنا ویس وٹائیا۔ پرگٹ ہویا کیہڑے پل، آؤندا جاندا راہ نہ کوئے تکائیا۔ پربھوُ پھیر وڑ گیا کایا والی جھل، نیتر نیَن نہ کوئے وڈیائیا۔ پھیر کھلو کے وِچ جل، جل رہیا چھڑکائیا۔ پھیر ہؤلی ہؤلی پیا چل، بھجےّ واہو داہیِا۔ پھیر آ کے اُپر تھل، گھُٹنے لئے ٹِکائیا۔ پھیر ساریاں نوُں کِہا دھیان رکھِیو جِس ویلے میَں اپنا سوال کیِتا حل، گیڑا سب نوُں دیاں دوائیا۔ تُہانوُں ضرور آؤنا پئے چل، حُکمے اندر پندھ مُکائیا۔ سارا لیکھا کُچھ اجّ کُجھ سمجھا دینا کل، کیوں کہ کل توں اگلے کل جھولیاں دینیِاں بھرائیا۔