کتب خانہGranth 21 (Urdu)

۲۴ پھگّن شہنشاہی سمت ۴ دیِدار سِنگھ دے گرِہ پِنڈ بابوُپُر

راوی کہے گنگا گوداوری جمنا سُرستی اجّ خوشیاں وِچ ہسّیئے، ہست ہستاں نال مِلائیا۔ نچّیئے کُدیئے ٹپّیئے، بھجّیئے چائیں چائنیا۔ گُر اوتار پَیغمبراں دسّیئے، سچ سچ سُنائیا۔ اَگے سارے مِل کے بھگتاں سنگ وسیئے، اِکو گھر ملِے وڈیائیا۔ مُحبّت وِچ اِک دوُجے اندر رچیئے، رچ رچ اپنا رنگ رنگائیا۔ جگت ڈور توڑیئے کچّیئے، بندھن دُھر دا اِک بندھائیا۔ جگت مایا وِچ نہ مچّیئے، اگنی اگّ گوائیا۔ جوتی جوت سروُپ ہرِ، آپ اپنی کِرپا کر، سچ دوارے دئے وڈیائیا۔ راوی کہے تُسیں خوشیاں وِچ گاؤ گیِت، گا گا دیؤ سُنائیا۔ جِس دی رام کرِشن نے کیِتی پریِت، وید ویاسا ڈھولے گیا گائیا۔ جِس دے موُسیٰ عیسیٰ محمد ہوئے نزدیِک، لاشریِک اپنا بھیوَ کُھلائیا۔ جِس دی نانک گوبِند مُحبّت وِچ کیِتی ریجھ، ساچی سیو کمائیا۔ اوہ صاحِب سوامی انترجامی ساڈے نال گیا پتیِج، پت پرمیشور دَیا کمائیا۔ جِس نے سچ دوارے دی ساچی دسّی سیِدھ، سِدھا راہ اِک پرگٹائیا۔ ساڈی آسا منسا پوُری کر اُمیِد، درشن دِتا چائیں چائنیا۔ گُر اوتار پَیغمبر بن گئے عزیز، پیارے لاڈلے سوبھا پائیا۔ ساڈی سانجھی ہووے تمیِز، سِکھیا اِک سمجھائیا۔ پِچھلی کیِتی تے پھیری لیِک، اگلا حُکم اِک ورتائیا۔ جھگڑا مِٹا کے ہست کیِٹ، اوُچاں نیِچاں دئے وڈیائیا۔ نیں کرے کھیل اِک انڈیٹِھ، جِس دی سمجھ نہ کوئے آئیا۔ دیِن دُنی نوُں دے کے پیِٹھ، پتہ نہیں کیوں بھگتاں ولّ اپنا مُکھ رکھائیا۔ اؤہ ویکھ صدی چؤدھویں رہی بیِت، اپنا پندھ مُکائیا۔ اؤہ ویکھ لیکھے مُکنے مندر مسیِت، کعبیاں کیِتی صفائیا۔ اؤہ ویکھ سب دے وسنا اِکو چیِت، چیتن سُرتی دئے کرائیا۔ اوہ صاحِب آ گیا پتت پُنیِت، پاپیِاں دئے ترائیا۔ اؤہ ویکھ سانجھی کرے نصیِحت، دُھر فرمانا اِک دِرڑائیا۔ اؤہ ویکھ جِس دی صِفت سُن دے سدا اوہ لبھ گئی اصلیّت، اصل دا مالک سوبھا پائیا۔ جِس سانوُں اپنے در تے دِتی اہمیِت، احمقاں نوُں رحمت نال ترائیا۔

ساڈے ساریاں دی اِک ولدیّت، واحد اِکو پِتا مائیا۔ ہُن وکھری وکھری رہے نہ کوئے طبیعت، طبع اندروں لیَنی بدلائیا۔ جوتی جوت سروُپ ہرِ، آپ اپنی کِرپا کر، سد اپنا رنگ رنگائیا۔ راوی کہے میَں خوشیاں وِچ رنگی، رنگ رنگیلے دِتا رنگائیا۔ ہسّ کے کہِندی گنگا گنگی، گیِت دُھر دا اِک سُنائیا۔ جمنا کہے میَں ایہو منگ منگی، وے کاہنا، میَنوُں اپنا کاہن دینا مِلائیا۔ سُرستی کہے میَں بتھیرا چِر کٹی تنگی، وِچھوڑے وِچ اپنا جھٹ لنگھائیا۔ گوداوری کہے میَنوُں پتہ سی گوبِند دے نال آؤنا پُرکھ اکال اوہدا سنگی، اپنا سنگ بنائیا۔ نارد آ گیا ویکھیا جے کِڈا ڈھنگی، کی اپنا ڈھنگ چلائیا۔ تُسیں مؤجاں ماندیِاں لہراں شہراں وِچ ایس تُہانوُں رول دِتا کانیاں کاہیِاں والی وِچ جھنگی، راہ نظر کوئے نہ آئیا۔ جے ذرا کُ بُھل جاؤ چلدیاں چلدیاں ڈنڈی، تے اَگوں محمدی گھیرا لیَن پائیا۔ تُہاڈے اُتے لا دِتی کِڈی پابندی، جِدھر ویکھو اُدھر بھگت سُہیلے نظری آئیا۔ ہُن دسّو کلجُگ جیِواں دی کِتھوں لبھوگیِاں واسنا گندی، وِکاراں ولّ دھیان لگائیا۔ کیہڑا دان منگوگیِاں ججماناں کولوں اُتے کنڈھی، پروہت وِچولے وِچ بنائیا۔ ہُن اپنیاں پِچھلی کمائی دیِاں بنّھ لؤ پنڈی، سِر اپنے بھار اُٹھائیا۔ نہیں تے ویکھ لؤ پوُرے سَتگُر دی پوُرن دھار چمکی چنڈی، چاروں کُنٹ وکھائیا۔ تُہاڈے سِکھ مِلنے نہیں انندی، انند رس نہ کوئے چکھائیا۔ اِکو گلّ چنگی، پربھ دی سرن سچّی سرنائیا۔ جوتی جوت سروُپ ہرِ، آپ اپنی کِرپا کر، کرے کھیل ساچا ہرِ، مِہر نظر اِک اُٹھائیا۔ راوی کہے اجّ ہوئیے تیار، تیاری طرح طرح کرائیا۔ بیِت گئے دِن گیار، یارویں دِن خوشی منائیا۔ مِلیئے اُس محمدی یار، جو محبوُب اِک اکھوائیا۔ چرن کوَل کریئے نِمسکار، مستک دھوُڑ اِک رمائیا۔ نارد کہے نی اوہ ہےَ کِتھے تے لبھو کیہڑی اُجاڑ، جوُہ بیگانی نظری آئیا۔ راوی کہے میَں ویکھیا صاحِب داتار، دیِن دَیال نظری آئیا۔ ساڈے گھراں مندراں مسیِتاں مٹھاں نالوں اوہدا چنگا اوہدیاں بھگتاں دا دربار، جِتھے دوارکاواسی رام بنواسی، عیسیٰ موُسیٰ محمد چڑھن والا پھاسی، نانک گوبِند بن کے سارے ساتھی، آون چائیں چائنیا۔ جوتی جوت سروُپ ہرِ، آپ اپنی کِرپا کر، کرے کھیل ساچا ہرِ، سچ کرنی کار کمائیا۔ گنگا گوداوری جمنا سُرستی، متا لیا پکائیا۔ چلیئے ضرور تکّیئے اگمّی ہستی، جو ہست کیِٹ رہیا سمجھائیا۔ کیہڑی تھاں بھاگاں والی دھرتی، جِتھے بَیٹھا آسن لائیا۔ اوہ آیا کیوں وِچ اینی سردی، اپنا پندھ مُکائیا۔ نارد کہے اُس دا بھگتاں نال قؤل اِقرار شرطی، اپنی شرع نہ کدے بدلائیا۔ تُسیں دھرتی اُتے رہندیِاں اوہ مالک پریِتم عرشی، عرشا ں دا مالک فرشاں اُتے سوبھا پائیا۔ پِھر

کڈھ کے نِکی جیہی پرچی، پراچیِن دا لیکھا رہیا وکھائیا۔ جِس ویلے گُر اوتار پَیغمبر نام دی دے نہ سکے خرچی، دھرم خزانہ نظر کوئے نہ آئیا۔ پِھری دروہی مندر مسجد شِودوالے مٹھ گُروُدوار چرچی، گِرجیاں وِچ گرج نہ کوئے سُنائیا۔ جگت سوانیِاں چھڈ دین مدھانیاں چلاؤنی بُھل جان چرخی، اپنا آپ جان بدلائیا۔ گُروُآں اوتاراں پَیغمبراں دی جگہ گھر گھر اپنے بچّیاں دی مناؤن ڈہِ پَین برسی، سادھ سنت اوہناں دے گھر جا جا کے پکوان لیَن کھائیا۔ ایدوُں وڈّی ہور کی ہونی غرقی، گُروُآں دی جگہ مل موُتر والے بچّے گھر وِچ اپنے گُروُ لیَن بنائیا۔ ایہہ کھیل کلجُگ دی تے کلجُگ دی کلا ہونی چڑھدی، وِدواناں دے اندر ایہہ من مت دینی ٹِکائیا۔ جوتی جوت سروُپ ہرِ، آپ اپنی کِرپا کر، کرے کھیل ساچا ہرِ، نِہکلنک نرائن نر، مہاراج شیرسِنگھ وِشنوُں بھگوان، کھیل جانے چوٹی جڑ دی، چیتن دا مالک چیتنتا سب دی ویکھ وکھائیا۔

۲۴ پھگّن شہنشاہی سمت ۴ جمعدار کِشن سِنگھ دے گرِہ پِنڈ اَلھڑ پِنڈی ضِلع گُرداس پُر

راوی کہے میرا پوُرا ہویا وقت، سُہنجنی گھڑی خوشی منائیا۔ میَنوُں انت سندیسہ دِتا فقط، جاگرت جوت کر رُشنائیا۔ پُرکھ اکالا دیِن دَیالا تیرا لہنا دینا مُکائے فقط، فِقرہ دُھر دا اِک سمجھائیا۔ گُر اوتار پَیغمبراں پوُری کرے شرط، شرع دیِن دُنی وکھائیا۔ سچکھنڈ نِواسی آوے اُتوں عرش، نِرگُن نوُر نوُر رُشنائیا۔ بھاگ لگاوے دھرنی دھؤل دھرت، دھوَل دیوے مان وڈیائیا۔ سب دی آسا منسا پوُری کرے حرص، ہوَس اگلی ویکھ وکھائیا۔ دیِن دَیال دیِناں اناتھاں اُتے کرے ترس، رحمت حق کمائیا۔ جو پربھ دی یاد وِچ رہے بھٹک، تِنہاں بھگتاں لئے مِلائیا۔ چار ورناں اٹھاراں برناں سِدھی کر کے سڑک، دیِناں مذہباں پندھ مُکائیا۔ مایا ممتا من کلپنا رہے کوئی نہ اٹک، بُدھ بِبیک دئے کرائیا۔ جودھا سوُربیِر بن مردانہ مرد، بے پرواہ اپنی کار کمائیا۔ غریِب نِمانیاں ونڈے درد، کوجھیاں کملیاں گلے لگائیا۔ گُر ارجن کہے میری بیننتی اِکو عرض، آرزو دِتی سمجھائیا۔ راوی تُوں وی اپنا پوُرا کرنا فرض، سیِس جگدیِش اِک جھُکائیا۔ جِس نے پُٹھی سِدھی کرنی نرد، کلجُگ کوُڑی کِریا پندھ مُکائیا۔ صدی چؤدھویں کرے کھیل اسچرج، جِس نوُں سمجھے

کوئے نہ رائیا۔ جیہڑا مذہب اِسلام دھرم چُھری قصائی بنیا کرد، قتل گاہ ویکھ وکھائیا۔ جوتی جوت سروُپ ہرِ، آپ اپنی کِرپا کر، کرے کھیل ساچا ہرِ، مِہر نظر اِک اُٹھائیا۔ راوی کہے سُن سَتگُر ارجن، میَنوُں دے جنائیا۔ میرے اندر لگّی بھٹکن، ترِسنا ترِپت نہ کوئے کرائیا۔ میرا دِل لگّا دھڑکن، بہُڑی بہُڑی دُہائیا۔ جوتی جوت سروُپ ہرِ، آپ اپنی کِرپا کر، سد اپنا حُکم ورتائیا۔ راوی کہے سَتگُروُ کیوں بَیٹھا تتی لوح، تَویاں تن تپائیا۔ گُر ارجن کِہا ایہہ پربھوُ میرے دا موہ، مُحبّت اپنی اِک سمجھائیا۔ سچ پرکاش دے کے لو، میرے اندر کرے رُشنائیا۔ اسیں آد جُگاد اِک کوئی نہ سمجھے دو، دوُآ نظر کوئے نہ آئیا۔ جو کُچھ کرنا سو آپے رہیا ہو، ہوکا دے کے رہیا دِرڑائیا۔ پربھ دا بھیوَ نہ جانے کو، شاستر سِمرت وید پُران اِنجیِل قرآن پردہ سکے نہ کوئے اُٹھائیا۔ جوتی جوت سروُپ ہرِ، آپ اپنی کِرپا کر، مِہر نظر نظر اُٹھائیا۔ راوی کہے کیوں بَیٹھا لوح تتی، اگنی تت تپائیا۔ جے تیرا مالک کملاپتی، پت پرمیشور بےپرواہیِا۔ میَنوُں بھیوَ کُھلا دے رتی، پردہ دے چُکائیا۔ خبر سُنا سچّی، سُچ سنجم اِک جنائیا۔ گُر ارجن کِہا کملیئے کھول کے ویکھ اکھّیں، تَینوُں دیاں وکھائیا۔ کلجُگ دی آیوُ لِکھ کے گئے چار لکھّ ہزار بتّی، بہُتا سماں نظری آئیا۔ کدی تُوں پڑھی آ ایہہ وی پٹّی، اُنگلاں اکھّراں اُتے ٹِکائیا۔ کوُڑ کِریا دی کِتنی دیر چلے ہٹّی، مایا ممتا موہ وست وکھائیا۔ راوی کہے میَں جوڑ کے دوویں ہتّھی، سیِس دِتا نِوائیا۔ گُر ارجن کِہا ایہہ کھیل پُرکھ سمرتھی، پت پرمیشور رہیا سمجھائیا۔ جِس ویلے صدی چؤدھویں انت اَخیِر دھرم دھار رہی نہ رتی، کلمے والے سرب کُرلائیا۔ ترےَگُن مایا پِھرنی نَٹھی، مایا ممتا موہ ہلکائیا۔ مان رہنا نہیں تیِرتھ تٹیں، گنگا گودوری جمنا سُرستی رووے مارے دھاہیِا۔ گُردر مندر مسجد شِودوالے مٹھ پریم رہے کوئی نہ رتی، گُرمُکھ رتن امولک ہیِرا نظر کوئے نہ آئیا۔ سادھاں سنتاں اندر نِرگُن نوُر جگے کوئی نہ بتّی، وِدیا پڑھ کے جگت جیو لیَن بھرمائیا۔ جوتی جوت سروُپ ہرِ، آپ اپنی کِرپا کر، دُھر دا حُکم اِک ورتائیا۔ گُر ارجن کہے جے میری دھار لوح نہ بہِندی، سچ سِنگھاسن آسن لائیا۔ پھیر راوی تیری ونڈ کِویں ہُندی دِشا لہِندی، لہنا کوَن چُکائیا۔ چار جُگ اوتار پَیغمبراں دی انتر آسا کہِندی، کلجُگ انت کوُک دُہائیا۔ صدی چؤدھویں اُمت نبی رسوُلاں والی کِس بِدھ ڈھہِندی، ڈھئیا گوبِند والا کوَن وڈیائیا۔ تیری دھار وہن اِک پانی والے نَیں دی، چلے واہو داہیِا۔ جوتی جوت سروُپ ہرِ، آپ اپنی کِرپا کر، دیونہارا دُھر دا ور، بھیوَ ابھیدا دئے کُھلائیا۔ گُر ارجن کہے میرا لوح تتی تے آسن، اصل دیاں جنائیا۔ کلجُگ انتم کھیل کرنا

پُرکھ ابناشن، نِرگُن نوُر جوت رُشنائیا۔ لہنا دینا میٹے پرِتھمی آکاشن، دو جہاناں ویکھ وکھائیا۔ گنگا گوداوری جمنا سُرستی تیرا دیون ساتھن، در گھر ساچے سنگ بنائیا۔ سچ سندیسہ نر نریشا شبدی دھار گُروُ گُر اِکو آوے آکھن، بودھ اگادھ دئے دِرڑائیا۔ تیرا کنارہ سوہے گھاٹن، تٹ وجےّ ودھائیا۔ پربھوُ بھیوَ کھولے باطن، پردہ دئے چُکائیا۔ کلجُگ ہوئے اندھیری راتن، ساچا چند نہ کوئے چمکائیا۔ منزل چڑھے کوئی نہ گھاٹن، پربھ نوُں مِلن کوئے نہ پائیا۔ سرِشٹ سبائی چیِتھڑ ہوون پاٹن، اوڈھن نام نہ کوئے ٹِکائیا۔ چار ورناں دِسے کوئی نہ پاتن ہوکا حق نہ کوئے سُنائیا۔ من کلپنا سارے ناچن، کلجُگ نٹوُآ اپنا سانگ ورتائیا۔ جوتی جوت سروُپ ہرِ، آپ اپنی کِرپا کر، دیونہارا دُھر دا ور، دھرم دی دھار اِک اُپجائیا۔ گُر ارجن کہے میری لوح دا ودھے پیار، پربھ پریمی پریم کمائیا۔ جِس ویلے کل کلکی لئے اوتار، نِرگُن نوُر جوت رُشنائیا۔ شبد گوبِند گُر ہووے نال، دوُجا سنگ نہ کوئے نِبھائیا۔ کلجُگ کوُڑی کِریا میٹے جنجال، سَتجُگ ساچا راہ چلائیا۔ اِکٹّھے کر کے شاہ کنگال، اوُچاں نیِچاں ڈیرہ ڈھاہیِا۔ سانجھا لنگر کر کے بے مثال، کھتری براہمن شوُدر وَیش ہِندوُ مُسلم سِکھ عیِسائی اِکو گھر دئے بہائیا۔ جِس دا لکھّ چؤراسی جیِو جنت نِکا اَنجان بال، انڈج جیرج اُتبُھج سیتج سارے ویکھ وکھائیا۔ کلجُگ وِچ سَتجُگ کرنا آپ بحال، مِہربان پربھ مِہر نظر اُٹھائیا۔ اوس ویلے دیِن دَیال پروردِگار سانجھے یار چلنی اولّڑی چال، نِرالی اِکو اِک پرگٹائیا۔ جِس دی گُر اوتار پَیغمبر دیندے گئے مثال، اوہ مِسل اپنی لئے بنائیا۔ سنت سُہیلے گُرمُکھ صوُفی لئے بھال، کائنات دیِن دُنی سرِشٹی درِشٹی وِچوں کھوج کھوجائیا۔ ساچی سِکھیا دئے سِکھال، کایا مندر اندر سچّی دھرمسال، کعبہ اِکو دئے دِرڑائیا۔ جوتی جوت سروُپ ہرِ، آپ اپنی کِرپا کر، سد اپنا رنگ رنگائیا۔ گُر ارجن کہے ایہہ لوح نے کھٹّیا پاپ، کلجُگ پتت پاپی ترائیا۔ کِرپا کرے صاحِب پربھ آپ، مِہر نظر نظر اُٹھائیا۔ ترےَگُن مایا میٹ کے تاپ، اگنی تت گوائیا۔ تُوں میرا میَں تیرا دسّ کے جاپ، پاربرہم برہم میلا لئے مِلائیا۔ کوُڑی کِریا رہے نہ کوئی سنتاپ، ہؤمے گڑھ تُڑائیا۔ چار ورناں اِکو نات، ناتا دُھر دا دئے سمجھائیا۔ درشن دے کے ساکھیات، ساکھی اگمّی دئے سمجھائیا۔ جھگڑا پیا دیِناں مذہباں پربھ دے نام کائنات، کلمہ اِکو دئے سمجھائیا۔ تن وجوُد محبوُب ستار وجائے اگمّی رباب، رحمت رحیِم آپ کمائیا۔ ساچا سجدہ دسےّ آداب، نمو نمو اِک دِرڑائیا۔ اوہ کھیل کراؤنا پرم پُرکھ پرماتم پنجاں دریاواں والے وِچ پنجاب، پنجابی رنگ رنگائیا۔ جِس دی شہادت نانک دے کے گیا وِچ بغداد،

گوبِند ماچھوُواڑے دِتا سُنائیا۔ پُرکھ اکال دا سانجھا ہونا سماج، دیِن مذہب نہ ونڈ ونڈائیا۔ اِک اِکلّا سب دا دِسے باپ، ولدیّت اِکو اِک درسائیا۔ نؤ کھنڈ پرِتھمی ستّ دیِپ دھرم دی دھار چلے راج، رعیت راؤ رنک وڈیائیا۔ گُر اوتار پَیغمبراں لیکھے لاوے خِدمات، خادم اگلے لئے بنائیا۔ اندر باہر گُپت ظاہر سب دے ویکھے جذبات، پردیاں وِچوں پڑدا آپ اُٹھائیا۔ جوتی جوت سروُپ ہرِ، آپ اپنی کِرپا کر، سچ میلا لئے مِلائیا۔ لوح کہے جِس ویلے ساں میَں تپدی، اگنی نال تپائیا۔ تُونہی تُونہی نام ساں جپدی، دوُجی اوَر نہ کوئے پڑھائیا۔ میَں نِشانی تکّی ارجن والی اکھّ دی، جو پرتکھ پربھ دا درشن پائیا۔ بِنا بولیاں سب کُچھ دسّدی، میرے اندر اندر کرے پڑھائیا۔ میَں لال لالی ویکھی اوہدی رتّ دی، جو رنگ رتّڑے اپنے رنگ رنگائیا۔ کھیل ویکھی پربھوُ پرمیشور پت دی، پت پتونتا سوبھا پائیا۔ میَں خوشیاں دے وِچ نَٹھدی، بھجّاں چائیں چائنیا۔ بِن رسنا توں پِھراں رٹدی، تیری بےپرواہیِا۔ کِتے میری چؤراسی کٹ دئیں، کٹاکش نام لگائیا۔ لوح کہے گُر ارجن بولیا کِتے ویکھیں ہٹّھ نہ چھڈ دئیں، بلہیِن اکھوائیا۔ تیرا کھیل ہونا انتم جگ لئی، جگ جیِون داتا دئے وڈیائیا۔ اوس آسا رکھی چؤوی پھگّن اجّ لئی، سندیسہ دُھردرگاہیِا۔ جِس کارن بھگت سُہیلے سنگت سدّ لئی، سدّا نام شبد شنوائیا۔ پُرکھ اکال دی پریِتی اندر جِنہاں دی اندروں نیِتی بجھّ گئی، ناتا توڑ کوُڑ لوکائیا۔ اوہ کدی نہ جاون کعبے دے حج لئی، محبوُب سچ عروُج انتر اپنے درشن پائیا۔ جن بھگتو تُساں سیوا کرنی گُر ارجن دے پیار والی اگّ لئی، اگنی اگّ دینی لگائیا۔ جوتی جوت سروُپ ہرِ، آپ اپنی کِرپا کر، سد اپنا حُکم ورتائیا۔ اگنی کہے میَں بلدی نال ماچس، ککھّاں نال وڈیائیا۔ میَنوُں سارے کہندے آتش، تتاں رہی تپائیا۔ میری لبھی کِسے نہ سازش، کی کی کل ورتائیا۔ جن بھگتو تُسیں بناؤ اپنی عادت، انتر نِرنتر پردہ لؤ اُٹھائیا۔ جِس دی سَتگُر ارجن کری عبادت، بندگی نام دِھیائیا۔ اوہ تُہاڈا سب دا دِسے مالک، جو ہِندوُ مُسلم سِکھ عیِسائی ونڈ نہ کوئے ونڈائیا۔ آد جُگاد جُگ چؤکڑی سب دا بنے پرِتپالک، خالق نوُر الاہیِا جوتی جوت سروُپ ہرِ، آپ اپنی کِرپا کر، سد اپنا رنگ وکھائیا۔ لوح کہے میرے تھلّے اگّ دیؤ بال، بالی بُدھ ملِے وڈیائیا۔ کلجُگ وِچوں سَتجُگ ہونا بحال، پُرکھ اکال دَیا کمائیا۔ لالو دا لیکھے لگّنا نانک والا تھال، غریِبی وِچ عجیبی کھیل وکھائیا۔ بل دوارے دے اُٹھ کھلووو نؤجوان، اپنی لؤ انگڑائیا۔ سانجھا کرنا پیِن کھان، دُتیا ونڈ نہ کوئے ونڈائیا۔ پریم پیار نال رِنھوں دال، اپنی سیو کمائیا۔ وِچ کھؤنچا مارنا سنبھال، جِس کھؤنچے نے تتی ریت گُر

ارجن سیِس پوائیا۔ ایہدا پِچھلا کُچھ احوال، جِس نوُں بیِت گئے کئی کال، بھیوَ ابھید نہ کوئے کُھلائیا۔ جوتی جوت سروُپ ہرِ، آپ اپنی کِرپا کر، سد اپنا حُکم ورتائیا۔ کھؤنچا کہے جے میَں ریت نہ چُکدا، گُر ارجن سیِس پوائیا۔ پِھر کلجُگ پَینڈا کدی نہیں سی مُکدا، مُکاؤن والا نظر کوئے نہ آئیا۔ میَں ونجارا اِکو تُک دا ، جو پاربرہم برہم کرے سچ پڑھائیا۔ جِس نوُں اوتار پَیغمبر گُروُ جھُکدا، وِشن برہما شِو دیوت سُر سیِس نِوائیا۔ اُس دا کھیل سدا سُکھ دا، دُکھاں والی نہ ونڈ ونڈائیا۔ سَتگُر کدی سمجھیو نہ جامہ مانَس مانُکھ دا، تتاں والا روُپ دھرائیا۔ اوہدے اندر نوُر پرکاش جوت ابناشی اچُت دا، جو چیتن سب نوُں دئے کرائیا۔ سو ویلا وقت سُہاوا ڈُھکدا، دھرم دی دھار دئے وڈیائیا۔ راوی کنڈھے جِس دا لیکھا اوہ سب نوُں پُچھدا، پوُرب پھول پُھلائیا۔ کھیل ویکھنا پُرکھ اکال گوبِند دھار پِتا پُت دا، پت پرمیشور آپ کرائیا۔ جوتی جوت سروُپ ہرِ، آپ اپنی کِرپا کر، سد اپنا رنگ رنگائیا۔ راوی کہے گُر ارجن چرن چُھہایا، انتر میرے ٹِکائیا۔ میَں چرنیں ہتّھ لگایا، نِیوں نِیوں لاگی پائنیا۔ لکھّ لکھّ شُکر منایا، تیری بےپرواہیِا۔ اُس کِرپا کر کے میرے سیِس ہتّھ ٹِکایا، جگدیِش دِتا وکھائیا۔ جِس ویلے کلجُگ انت اندھیرا چھایا، صدی چؤدھویں دئے دُہائیا۔ چاروں کُنٹ ترےَگُن مایا، پنج تت کرے ہلکائیا۔ انتم ہوئے نہ کوئے سہایا، پلّوُ سارے جان چُھڈائیا۔ اوہ کھیل بےپرواہیِا، جو اپنا حُکم ورتائیا۔ جِس نے کلجُگ مات لگایا، اوہ انتم ویکھ وکھائیا۔ جِس نوُں بھوِکھتاں وِچ گایا، گُر اوتار پَیغمبر دھیان لگائیا۔ اوہ جوتی جوت کرے رُشنایا، نوُر نوُرانہ ڈگمگائیا۔ تیرا لیکھا دئے مُکایا، مُکمل اپنی کار کمائیا۔ راوی کہے میَں ہتّھ جوڑ کے واسطہ پایا، نیتر نیَناں نیِر وہائیا۔ جوتی جوت سروُپ ہرِ، آپ اپنی کِرپا کر، مِہر نظر اِک اُٹھائیا۔ راوی کہے میَں کیِتی اِک ارداس، بیننتی دِتی جنائیا۔ کِرپا کر سرب گُن تاس، گُنونتے تیری سرنائیا۔ تُوں آئیوں میرے پاس، تتی لوح تجائیا۔ میری سیوا خاص، پردہ دئے اُٹھائیا۔ گُر ارجن ہسّ کے کیِتا بلاس، شبد اگمّ سُنائیا۔ اُٹھ ویکھ مار جھات، نیتر نیَن کُھلائیا۔ ساچا دِسے نہ کوئی سجّن ساک، پِتا پوُت نہ کوئے وڈیائیا۔ چاروں کُنٹ اُڈدی خاک، گرد و غُبار دِسے لوکائیا۔ اندروں کُھلے کِسے نہ تاک، پردہ سکے نہ کوئے تُڑائیا۔ اوتار پَیغمبراں پوُرا کرنا واک، جو بھوِکھتاں وِچ گائیا۔ انت پَینی نہیں کوئی راس، گوپی کاہن نہ کوئے وڈیائیا۔ دیِناں مذہباں کرناں گھات، ذات پات کرے لڑائیا۔ من دی پوُری ہووے نہ خواہش، ممتا وِچ دُہائیا۔ پُرکھ اکال سب نے کرنا تلاش، جگدیِشر نظر کِسے نہ آئیا۔ اوہ کھیل کرے ابناش، کرنی دا

کرتا نوُر الاہیِا۔ جِس دی صِفت کر نہ سکے کاغذ قلم شاہی دوات، کائنات نہ کوئے وڈیائیا۔ گُر اوتار پَیغمبر اوسے دے داس، سیوک ہو کے سیو کمائیا۔ اوہ صاحِب سُلطانا نؤجوانا مرد مردانہ نِرگُن نوُر کرے پرکاش، جوتی جاتا بےپرواہیِا۔ تیرا لہنا دینا لیکھا مُکاوے حِساب، باقی رہن کوئے نہ پائیا۔ مِتر پیارا بن احباب، دوارا اِک سُہائیا۔ تُوں اُس نوُں تکّنا ساکھیات، اِماماں دا اِمام نظری آئیا۔ جو سب دے حُجرے ویکھے محراب، محبوُب جلوہ گر نوُر خُدائیا۔ جِس نوُں پَیغمبر کرن آداب، سجدیاں وِچ سیِس جھُکائیا۔ اُس نے اگمّی مارنی آواز، شبدی دھار اُٹھائیا۔ سب دی رکھنی لاج، جو بَیٹھے دھیان لگائیا۔ جوتی جوت سروُپ ہرِ، آپ اپنی کِرپا کر، دیونہارا دُھر دا ور، دُھر دا حُکم اِک ورتائیا۔ گُر ارجن کِہا تیرا نِرمل کرم اُجاگر، مِہر نظر نال ترائیا۔ تیرا ونج وپارا کرے اگمّ سؤداگر، وست انمول وکھائیا۔ کِرپا کرے کریِم قادر، قُدرت دا مالک نوُر الاہیِا۔ سچ دوارے دیوے آدر، آدرش اِک وکھائیا۔ نؤجوان بن بہادر، سوُربیِر پھیرا پائیا۔ جوتی جوت سروُپ ہرِ، آپ اپنی کِرپا کر، تیرا لہنا جھولی پائیا۔ راوی کہے میرے نیَناں لائی چھہبر، نیِر نیِر وہائیا۔ اوہ کیہو جیہا ہووےگا رہبر، میَنوُں دے دِرڑائیا۔ کی اوہ نعرہ بولے علی حیَدر، کہ االلہہوُہوُ سُنائیا۔ کی اوہ آویگا کِسے درّہ خَیبر، اپنی کر چڑھائیا۔ کی نام کلمہ ہووے اُس دی وحدت، واحد دے جنائیا۔ کی سِکھیا دیوے عبادت، عدل اِنصاف کی کمائیا۔ کی دیِن دُنی پاوے بغاوت، مذہب مذہباں نال ٹکرائیا۔ کی بھگتاں دیوے ضمانت، صوُفیاں لئے بچائیا۔ کی کلمہ دئے اَمانت، وست اگمّ ورتائیا۔ گُر ارجن کِہا آد جُگادی صحیح سلامت، جنم مرن وِچ نہ آئیا۔ تتاں والی نہ بناوے بناوٹ، اپ تیج وائے پرِتھمی آکاش ونڈ نہ کوئے ونڈائیا۔ جو گُر اوتار پَیغمبراں بخشے نام سخاوت، بھنڈارے خالی سرب بھرائیا۔ جوتی جوت سروُپ ہرِ، آپ اپنی کِرپا کر، دیونہارا دُھر دا ور، دُھر دا مالک نوُر الاہیِا۔ راوی کہے میَں چرنودک لیا کر کے چرن کوَل پیار، اپنا پریم ودھائیا۔ گُر ارجن ہسّ کے کِہا ایس نوُں رکھیں سنبھال، اپنے وِچ چُھپائیا۔ جِس ویلے آوے دیِن دَیال، دَیانِدھ دَیا کمائیا۔ تیرے وِچوں لئے نِکال، مِہر نظر اِک اُٹھائیا۔ جِس نوُں پیِون شاہ کنگال، امیِر غریِباں ونڈ نہ کوئے ونڈائیا۔ ایہہ کھیل اگمّ کمال، دیِن دَیال دئے جنائیا۔ جوتی جوت سروُپ ہرِ، آپ اپنی کِرپا کر، کرے کھیل دُھر دا ہرِ، دو جہاناں اپنا حُکم ورتائیا۔ راوی کہے اوہ امرت جل میرا، مِہر نال وڈیائیا۔ جِتھے گنگا گوداوری جمنا سُرستی لایا ڈیرہ، آسن اِک سُہائیا۔ گُر اوتار پَیغمبراں پایا پھیرا، اپنا ویس وٹائیا۔ کلجُگ انتم آیا دے کے گیا

گیڑا، صدی چؤدھویں راہ تکائیا۔ کوُڑی کِریا اُجڑنا کھیڑا، چار کُنٹ نہ کوئے بھوائیا۔ بِن پُرکھ اکال بنّھے کوئی نہ بیڑا، مُہانا کندھ نہ کوئے اُٹھائیا۔ جھگڑا پیا گُروُ گُر چیرا، چیرا گُر نہ کوئے وڈیائیا۔ چاروں کُنٹ دِسے اندھیرا، ساچا چند نہ کوئے چمکائیا۔ جوتی جوت سروُپ ہرِ، آپ اپنی کِرپا کر، کرے کھیل ساچا ہرِ، سچ دیوے مان وڈیائیا۔ راوی کہے امرت جل گُر ارجن دھار رس، رسیِا دیاں وکھائیا۔ جو مارگ گیا دسّ، میَں اوسے تے چلی بن کے راہیِا۔ کھول کے وینہدی رہی اگمّی اکھّ، کوَن ویلا ملِے ماہیِا۔ انت ویکھیا نوُر پرتکھ، مِہربان محبوُب گوسائنیا۔ قؤل اِقرار ہویا سچ، وجّی سچ ودھائیا۔ بھاویں میرا تن وجوُد نہیں کوئی کچّ، جگ نیتر نظر کِسے نہ آئیا۔ میَں سب کُچھ رہی دسّ، شبد گُروُ گُر سمجھائیا۔ جِس دے کارن سب کُچھ رکھیا چھڈ، اپنے وِچ ٹِکائیا۔ پردیاں وِچ لیا ڈھک، جگ نیتر نہ کوئے درسائیا۔ اوہدا لہنا مُکنا اجّ، جوتی جوت سروُپ ہرِ، آپ اپنی کِرپا کر، میرا لیکھا ویکھ وکھائیا۔ راوی کہے میرا پانی جل مُحبّت والا نیِر، ساگر وِچ وڈیائیا۔ جِس دی مہما کر کے گیا کبیِر، صِفتاں وِچ صِفت صالاحیِا۔ جِتھے شرع دا ٹُٹے زنجِیر، شریِعت رہن کوئے نہ پائیا۔ ملِے میل بے نظیِر، نظریہ دئے بدلائیا۔ جن بھگتاں مِٹے ہؤمے پیِڑ، ہنگتا روگ گوائیا۔ امرت ملِے سیِر، بِن رسنا رس چکھائیا۔ سانتک ہووے سریِر، دھیِرج دھیِر وکھائیا۔ جھگڑا مکُے شاہ حقیِر، اِکو رنگ سوبھا پائیا۔ جوتی جوت سروُپ ہرِ، آپ اپنی کِرپا کر، دیونہارا دُھر دا ور، سد اپنا حُکم ورتائیا۔ گنگا پانی کہے میَنوُں ورتو سبزی دال، انّ وِچ رلائیا۔ میَں سب کُچھ ویکھیا حال، حالت دیِن دُنی تکائیا۔ پھل دِسیا نہ کِسے ڈال، پتّ ٹہنی نہ کوئے لہرائیا۔ بِن ہرِ نامے سارے ہوئے کنگال، وست اگمّ نہ کوئے ورتائیا۔ اِکو ایک پُرکھ اکالا سب دے وسے نال، وِچھوڑا نظر کوئے نہ آئیا۔ کایا مندر اندر لیَنا بھال، باہروں لبھن دی لوڑ رہے نہ رائیا۔ ہِندوُ مُسلم سِکھ عیِسائی پارسی بودھی سارے اوسے دے لال، آتم دھار اوہو نظری آئیا۔ جوتی جوت سروُپ ہرِ، آپ اپنی کِرپا کر، سد اپنا بھیوَ کُھلائیا۔ پانی کہے میَنوُں ورتنا نال چاء، چاؤ گھنیرا اِک دِرڑائیا۔ پُرکھ اکالا سب دا اِکو ملاح، کھیوٹ کھیٹا سوبھا پائیا۔ گُر اوتار پَیغمبر اوسے دی مہما گئے سُنا، صِفتاں وِچ وڈیائیا۔ اوسے دے راگ ناد ڈھولے گئے گا، کاغذ قلم شاہی جوڑ جُڑائیا۔ اوسے دے انتر آتم گئے سما، جوتی جوت جوت مِلائیا۔ سو خالق مالک پرِتپالک ویکھنہارا دو جہاں، کلجُگ انتم اپنی دَیا کمائیا۔ راوی کہے جِس ورتائی بھاوی اوہ کرے سچ نیاں، نیانکار اِک اکھوائیا۔ میرے کنڈھے ونڈ ونڈا، حِصّے گئے پائیا۔ جِنہاں نے

سوُر کھادھا جِنہاں نے کھادھی گاں، حد بےحد دِتی بنائیا۔ اگلا لیکھا کِسے نوُں پتہ نہ، بھیوَ سکے نہ کوئے کُھلائیا۔ صدی چؤدھویں انت اَخیِر ملِے نہ کوئے پناہ، سہارا نظر کوئے نہ آئیا۔ سب دے ویکھنے پُرکھ اکال گُناہ، گھٹ گھٹ اندر پھول پُھلائیا۔ جوتی جوت سروُپ ہرِ، آپ اپنی کِرپا کر، سد اپنا بھیوَ کُھلائیا۔ راوی کہے ویکھو ککھّاں والا تُلہا، سوہنا نظری آئیا۔ بے شک دُنیا پربھ دا ناں گاؤندی نال بُلّاں، ہِردے ہرِ نہ کوئے وسائیا۔ کِسے نے موُنڈ مُنڈایا کِسے نے پگڑی رکھی کِسے نے رکھیا کُلّا، کُل عالم بھیوَ کوئے نہ پائیا۔ مایا ممتا وِچ جگت جہان رُلا، رستہ نظر کوئے نہ آئیا۔ امرت آتم سب دا رس ڈُلھا، نِجھر جھِرنا نہ کوئے جھِرائیا۔ ہنکاری وِکاری دُشٹ دُراچاری پھلیا پُھلا، جوُٹھ جھوُٹھ اپنا رنگ رنگائیا۔ ملِے میل نہ کِسے صُلح کُلا، بھانڈا بھرم نہ کوئے بھنّائیا۔ جوتی جوت سروُپ ہرِ، آپ اپنی کِرپا کر، سد اپنا رنگ رنگائیا۔ راوی کہے میَں کی دسّاں رستہ، رہبر کؤن اکھوائیا۔ گُر اوتار پَیغمبر کہن اسیں بنّھیا اپنا بستہ، اَگے اوَر نہ کوئے پڑھائیا۔ پُرکھ اکال کہے میَں نام دسّنا سستا، جِس دی دام قیِمت نہ کوئے پائیا۔ جیہڑا لیکھ مُکاوے عرشا فرشا، زِمیں زماں ہوئے صفائیا۔ ہرِجن بنائے بردا، بندی خانہ دئے تُڑائیا۔ نوُر چمکاوے نرائن نر دا، جوتی جوت کرے رُشنائیا۔ انادی دُھن انحد ہووے وجدا، انراگی راگ سُنائیا۔ امرت جھِرنا ایہو رس ہووے جھِردا، بوُند سوانتی اِک ٹپکائیا۔ نظارہ دیواں میَں اپنی مِہر دا، مِہر نظر اِک اُٹھائیا۔ جھگڑا مُکاواں چؤراسی گیڑ دا، جن بھگتاں دَیا کمائیا۔ جوتی جوت سروُپ ہرِ، آپ اپنی کِرپا کر، سد اپنی کھیل وکھائیا۔ راوی ایہہ کُچھ رہی دسّ، اپنا حال جنائیا۔ اودھروں نارد آ کے پیا ہسّ، رؤلی دِتی پائیا۔ اَگے کر جا بس، کی رہی سُنائیا۔ سرِشٹی دی درِشٹی ویکھ اپنی اکھّ، اکھّراں والی چھڈ پڑھائیا۔ جو گُر اوتار پَیغمبر کھول کے گئے ہٹّ، اُتھوں سؤدا لیَن کوئے نہ پائیا۔ دھرم مریادا گئے چھڈ، اِیمان بے اِیمان دِتا بنائیا۔ پیار رہیا نہ دیِن دُنی جگ، قیِمت سچ نہ کوئے مُکائیا۔ نارد کہے اوہ ویکھ جِس طرح لوح تھلّے تپدی اگّ، دیِن دُنی کلجُگ مایا اگنی ایسے طرح تپائیا۔ جِس طرح دال وِچ کھؤنچا رہیا وجّ، ایسے طرح کام کرودھ سب نوُں رہیا ہِلائیا۔ راوی ایس دُنیا دا کھہڑا چھڈ، جِس نے گُر اوتار پَیغمبراں نوُں دِتی سزائیا۔ چل ایہنوُں چھڈ کے ہوئیے اڈّ، پَینڈا لئیے مُکائیا۔ جوتی جوت سروُپ ہرِ، آپ اپنی کِرپا کر، مِہر نظر نال ترائیا۔ راوی کہے نارد جی میرے نال گوداوری سُرستی جمنا گنگا، بَیٹھیِاں میل مِلائیا۔ اوہناں دیاں تیِرتھاں تٹاں کِناریاں اُتے پنڈت پاندھیاں کیِتا دنگا، مایا ممتا وِچ لڑائیا۔ نارد جھٹ کھڑا ہو گیا اِک ٹنگا، رام

رام کہہ کے دِتی دُہائیا۔ نی راوی تُوں ایہناں دا کاہنوُں کیِتا سنگا، ایہہ تے چار جُگ دیاں مُردے کھانیِاں، کھا کھا کے اپنا ڈِھڈ نہ اجے بھرائیا۔ کِتھوں گنڈھ لئیاں ایہناں نال گنڈھاں، میَنوُں دے سمجھائیا۔ راوی کہے میَں سُنیا اِنہاں دا کُچھ لہنا دینا چنگا، چنگی طرح نظری آئیا۔ نارد کہے ایہہ کلجُگ جیِواں وانگوُ اِنہاں دا باہروں نہ ویکھ پِنڈا صاف سُتھرا ننگا، اندروں کوُڑی کِریا سب نوُں دِتا رُلائیا۔ نارد کہے میَں واسطہ پاواں صاحِب اَگے سوُرا سربنگا، جو سب دا پِتا مائیا۔ پربھوُ کلجُگ انت سِری بھگوَنت سب دا لیکھا مُکا دے تے اپنے در دا اِک دیدے انندا، انند اپنے وِچوں پرگٹائیا۔ جِتنے مارگ تے اُتنے رستے تیرے نام دا لیَندے چندہ، چندوُ دی واردات گُروُ ارجن دے ارتھات سب نوُں دئے گواہیِا۔ جوتی جوت سروُپ ہرِ، آپ اپنی کِرپا کر، سد اپنا میل مِلائیا۔ نارد کہے راوی ایدھر کر دھیان، تَینوُں دیاں سمجھائیا۔ سِکھ لےَ کُچھ گیان، انبھوَ درسائیا۔ گنگا گوداوری جمنا سُرستی بال اَنجان، کی اِنہاں وڈیائیا۔ ایہہ تے چاہُندیِاں پیِن کھان، اپنا رس وکھائیا۔ میَں تے ایہہ جان دا سب توں چنگا اوہ بھگت جیہڑا مِلیا ہووے بھگوان، بھاگ اپنا اگلا لئے بنائیا۔ گنگا گوداوری جمنا سُرستی اٹھسٹھ تیِرتھاں نالوں میَنوُں پوِتر دِسدی کِشن سِنگھ دی ران، میرا جی کردا اِس دے پٹّ تے بہہ کے سمرتھ نال مِل کے اپنا رنگ رنگائیا۔ جوتی جوت سروُپ ہرِ، آپ اپنی کِرپا کر، سد اپنی کھیل وکھائیا۔ نارد کہے گُرمُکھ دا مہابلی والا پٹّ، کیوں پٹنے والا دئے وڈیائیا۔ باقی سب دے اندر کلجُگ نے ترےَکُٹی توں اُپر دسم دواری وِچ لا دِتے ڈٹّ، باہر سکے نہ کوئے کڈھائیا۔ جِس نوُں ویکھو سادھ سنت فقیِر سارا وِک گیا کامنا دے ہٹّ، جگت ترِسنا وِچ ہلکائیا۔ راوی، جِناں چِر جگت پیار نہ جائے چھڈ، درِشٹی وِچوں نہ ہووے اڈّ، اِشٹی ملِے نہ پُرکھ سمرتھ، مہما دسےّ نہ اپنی اکتھ، شبد رتھ چڑھن کوئے نہ پائیا۔ گُر ارجن کہہ کے گیا سچ، گُروُ گرنتھ دی بانی کوئی نہ سکے واچ، واچک گیانی پربھ دا دھیان نہ کوئے دھرائیا۔ جوتی جوت سروُپ ہرِ، آپ اپنی کِرپا کر، کرے کھیل ساچا ہرِ، در گھر ساچے دیوے مان وڈیائیا۔ نارد کہے سُن راوی رنگ رتّڑی، تَینوُں دیاں جنائیا۔ اپنے من رہیں نہ متڑی، ممتا وِچ وڈیائیا۔ جِس نے ونڈ ونڈائی وَیش شوُدر براہمن کھتری، چھتردھاریاں دِتی وڈیائیا۔ جِس دا لہنا دینا حِساب آوے کِسے نہ پتّری، گُر اوتار پَیغمبر بےانت کہہ کے گئے سُنائیا۔ نظر نہ آئے کِسے گرِہ نچھتری، برہما وِشن شِو نہ کوئے چتُرائیا۔ اوہ کھیل کرے کل وکھری، بے پرواہ اپنی کار کمائیا۔ جِس نوُں لبھدے وِچوں پتّھریں، سِلاں پوُج پُجائیا۔ جِس نوُں کھوجن مندر مسجد

شِودوالے مٹھڑیں، بھجّن واہو داہیِا۔ جِس دے پریم وِچ پیار وِچ ستکار وِچ نِرگُن نانک سرگُن تولی تکّڑی، ترازو اِک اُٹھائیا۔ جوتی جوت سروُپ ہرِ، آپ اپنی کِرپا کر، کرے کھیل دُھر دا ہرِ، دُھر دی دھار اِک وکھائیا۔ نارد کہے گنگا گوداوری جمنا سُرستی، راوی روادار نظر کوئے نہ آئیا۔ اوہ مالک خالق پرِتپالک پت پرمیشور عرشی، عرشی پریِتم نوُر الاہیِا۔ چار جُگ نام اُس دے فرضی، سَتجُگ تریتا دواپرکلجُگ گُر اوتار پَیغمبراں کولوں دِتے بدلائیا۔ انت اَخیِر بے نظیِر لیَندا رہیا عرضی، درخواست سب دی اپنے کول رکھائیا۔ صدی چؤدھویں انت اَخیِر کدے نہ ہوئے بے غرضی، غرض سب دی ویکھ وکھائیا۔ جِس نے تن وجوُد ماٹی خاک پنج تت ہاڈی ماس ناڑی چمڑے دی پہنائی وردی، من مت بُدھ نال مِلائیا۔ اوہ کھیل جانے ایتھے اوتھے دو جہان اپنے گھر دی، گرِہ مندر پھول پُھلائیا۔ جوتی جوت سروُپ ہرِ، آپ اپنی کِرپا کر، کرے کھیل ساچا ہرِ، نِہکلنک نرائن نر، مہاراج شیرسِنگھ وِشنوُں بھگوان، دیِن دُنی دی دھار ویکھے وِکار ہنکار وِچ لڑدی، پیار مُحبّت نظر کوئے نہ آئیا۔

۲۵ پھگّن شہنشاہی سمت ۴ آسا سِنگھ دے گرِہ پِنڈ اَلھڑ پِنڈی

راوی کہے میَں پریمن سچّے پربھ دی، پربھوُ مِل کے وجےّ ودھائیا۔ میَں جُگ جُگ رہی وگدی، وہناں وِچ وڈیائیا۔ میَں نِت نوِت رہی لبھدی، بِن اکھّاں اکھّ اُٹھائیا۔ سماں اُڈیِکدی رہی اپنی حد دی، حدوُد انتم ویکھ وکھائیا۔ جُگ چؤکڑی ایسے طرح لنگھ گئی، وقت اپنا مات لنگھائیا۔ میَں آسا منسا منگ لئی، ترِسنا اِک رکھائیا۔ اُڈیِک رکھاں تیرے انگ لئی، انگیکار آپ کرائیا۔ نیَن اُٹھاواں اوس چند لئی، جو نوُر جوت رُشنائیا۔ جِس نے لکھّ چؤراسی جیِو جنت ونڈ لئی، برہمنڈ کھوج کھوجائیا۔ جو کھیل کھِلاوے جیرج انڈ لئی، اُتبُھج سیتج ویکھ وکھائیا۔ جو پرگٹ ہووے ڈھاؤن دیِن مذہباں دی کندھ لئی، کنڈھی میرے سوبھا پائیا۔ سدّھر رکھی اوس بخشند لئی، جو بخشش مِہر کرائیا۔ جِس انت میری درد ونڈ لئی، در تیرے پھیرا پائیا۔ پندھ ماریا بھاگ ہیِن مند لئی، کُکرمن لئی ترائیا۔ جوتی جوت سروُپ ہرِ، آپ اپنی کِرپا کر، سد اپنا بھیوَ کُھلائیا۔ راوی کہے میَں آد جُگاد دی بھاگی،

بھاگوَنت اکھوائیا۔ سدا رہی وَیراگی، وَیراگن ہو کے دیاں دُہائیا۔ سوئی انتم جاگی، جگاوَن والے لیا جگائیا۔ میری کُھل گئی پِچھلی سمادھی، سماں سمیں وِچوں بدلائیا۔ میَں دھار تک لئی آدی، جو آد انت اکھوائیا۔ میَں کھیل ویکھیا برہمادی، برہمنڈ دِتا جنائیا۔ میَں ناد سُنیا اہلادی، سندیسہ دُھردرگاہیِا۔ میَں ہنس ہوئی کاگی، کاگ ہنس روُپ بدلائیا۔ میری پِچھلی بدل گئی وادی، وعدہ اپنا پوُر کرائیا۔ میَنوُں نظر آ گئی اجیِت جُجھار دی بُڈھڑی دادی، دعوے نال ویکھ وکھائیا۔ میَں خوشیاں وِچ رہی ارادھی، ارادھنا اِک جنائیا۔ سرن سرنائی لاگی، چرن کوَل وڈیائیا۔ میَں مِل کے موہن مادھی، مادھوَ اپنا بھیوَ کُھلائیا۔ جھگڑا چھڈیا سنت سادھی، سادھنا اپنی لئی کرائیا۔ چیتا بُھل گیا کرِشن رادھی، سیِتا رام نہ کوئے سہائیا۔ جوتی جوت سروُپ ہرِ، آپ اپنی کِرپا کر، سچ میرا رنگ رنگائیا۔ راوی کہے گنگا گوداوری جمنا سُرستی ایہہ ساریِاں میریِاں بھَیناں، بھنوئیا نظر کوئے نہ آئیا۔ اساں اِکو دوارے رہنا، دوُجا کنت نہ کوئے ہنڈھائیا۔ سچ سرنائی اِکو ڈھہنا، دوُجا اِشٹ نہ کوئے منائیا۔ پریم پریِتی پانا گہنا، بھوُشن رنگلا سوبھا پائیا۔ محل اٹل اِکو بہنا، چھپّر چھنّ نہ کوئے رُشنائیا۔ نِرمل نوُر اِک رُشنانا، دیِا باتی نہ کوئے رکھائیا۔ آد جُگادی بھانا سہنا، سِر سکے نہ کوئے اُٹھائیا۔ جن بھگتو تُہانوُں اِکو سندیسہ کہنا، میَں سچ دیاں سُنائیا۔ جاں تکّو پربھ دا درشن نیَناں، بِنا ویکھیاں سانت کوئے نہ آئیا۔ نہ کوئی ساک نہ کوئی سیَناں، سجّن سنگ نہ کوئے نِبھائیا۔ مات پِت بھائی نہیں کوئی رہنا، پُتر دھی سنگ نہ کوئے رکھائیا۔ بِن صاحِب سَتگُر چُکائے نہ کوئی لہنا دینا، حِساب بے باق نہ کوئے کرائیا۔ جدوں وی پُرکھ ابناشی چرنی ڈھہنا، دوُسر سیِس نہ کوئے نِوائیا۔ کلجُگ انت سادھ سنت جگت چمکن والا ٹٹانا، انتر نوُر ظہوُر نہ کوئے رُشنائیا۔ جوتی جوت سروُپ ہرِ، آپ اپنی کِرپا کر، مِہر نظر اِک اُٹھائیا۔ راوی کہے جن بھگتو میرے وانگ رکھو آسا، نِراسا رہن کوئے نہ پائیا۔ نؤ سؤ چُرانوے چؤکڑی جُگ کر کے رہی بھرواسا، اپنا من نہ کدے بدلائیا۔ جمنا کہے میرے اُتے کاہن پا کے گیا راسا، گوپیِاں والا کھیل کھِلائیا۔ گنگا کہے میرے اُتے ڈیرے لائے انیِکاں سادھاں، رِشیاں مُنیاں آسن جمائیا۔ سُرستی کہے میرا پلّا نال کِسے نہیں لاگا، میَں گنگا جمنا وِچ مِل کے اپنا جھٹ لنگھائیا۔ گوداوری کہے میَں لگّن نہیں دِتا داغا، کوُڑ کِریا نہ کوئے وکھائیا۔ میری اِکو آسا جد ملِے تے ملِے پربھوُ کنت سُہاگا، جو جنم مرن وِچ کدے نہ آئیا۔ کیوں میَنوُں گوبِند تھوڑا جِہا رس دے کے گیا سوادا، چرنامت میرے مُکھ چوائیا۔ میَں اودوں دی دِوس رَین نہ سُتی نہ جاگی سد ماردی رہی

واجاں، آ مِل میرے پربھ گوسائنیا۔ میَں وڈیاؤندی رہی تُوں شاہ پاتشاہ شہنشاہ دیِن دُنی دا راجا، پروردِگار تیری سرنائیا۔ جن بھگتو میری آسا پُنی تُہاڈے ساہمنے آ کے میری رکھی لاجا، مِہربان ہو کے اپنا درس دِکھائیا۔ جوتی جوت سروُپ ہرِ، آپ اپنی کِرپا کر، کرے کھیل ساچا ہرِ، نِہکلنک نرائن نر، مہاراج شیرسِنگھ وِشنوُں بھگوان، سب دیِاں پوُریاں کرے آساں، آہستہ آہستہ آہستہ لیکھا سب دا پوُر کرائیا۔

۲۵ پھگّن شہنشاہی سمت ۴ دارا سِنگھ دے گرِہ پِنڈ اَلھڑ پِنڈی ضِلع گُرداس پُر

راوی کہے جن بھگتو پربھ دی وکھری تعلیِم، وکھ وکھ دیاں جنائیا۔ میَں جُگ جُگ ویکھدی رہی قدیِم، قُدرت دا مالک کی کی کار کمائیا۔ جو وسنہارا سچکھنڈ دوارے گھر عظیِم، عالیشان سوبھا پائیا۔ دیِناں مذہباں وِچ کردا رہیا تقسیِم، گُر اوتار پَیغمبراں سیو لگائیا۔ بنا کے چھوٹے چھوٹے یتیم، حِصّیاں والی ونڈ سمجھائیا۔ پوُجا کرائی نراں دے نال مدیِن، جوڑی جگت وِچ وکھائیا۔ اپنا آپ بِنا بھگتاں توں کِسے نوُں ہون نہیں دِتا تسلیِم، چار جُگ دے شاستر دین گواہیِا۔ کلجُگ انت سب دی بُدھی کیِتی ملیِن، پوِتر نظر کوئے نہ آئیا۔ من ممتا دے ہو ادھیِن، کلپنا وِچ رہے کُرلائیا۔ جن بھگتو میَں تُہانوُں ایسے کارن سدّیا میرے اُتے کرو یقیِن، ارجن دا دسّیا انتم پوُرا دِتا کرائیا۔ گنگا گوداوری جمنا سُرستی نوُں کہو آفریِن، جو چل کے آئیاں اپنا پندھ مُکائیا۔ ایدھروں نارد آ گیا راوی میرا نہیں دسّیا کڈا راہ مہیِن، جِتھوں دی چلیا واہو داہیِا۔ تُہاڈے وِچ اِک وڈیائی دُنیا کہے جل بِنا جِیوندی نہیں مین، جل میِن توں بِنا تُہاڈی گتّ نہ کِسے دِرڑائیا۔ میَں ویکھو بڑا شؤقین، ہویا نہیں کِسے دے ادھیِن، اعلیٰ ادنیٰ سارے ویکھ وکھائیا۔ میَں جد تکاّں تکاّں پرم پُرکھ جوتی دا سیِن، بِنا جوت توں دوُجا اِشٹ نہ کوئے منائیا۔ میَنوُں کرِشن کہندا رہیا میَں تریَلوکی ناتھ مالک لوک تیِن، میَں مُنہ دی وجا کے بیِن، اوہنوُں مسخریاں والا پارٹ دِتا وکھائیا۔ کُچھ گا کے نال زبیِن، زبان مُکھ دنداں وِچ ہِلائیا۔ جوتی جوت سروُپ ہرِ، آپ اپنی کِرپا کر، کرے کھیل ساچا ہرِ، سچ دا مالک اِک اکھوائیا۔ نارد کہے جن بھگتو آکڑ نہ جائیواسیں چڑھ گئے اُتلے ڈنڈے، چوٹی آسن لائیا۔ اجے تے تُسیں صِرف آئے راوی دے کنڈھے، کنڈھے کنڈھے اپنا قدم ٹِکائیا۔ مِسّیِاں روٹیِاں تے نال کھادھے

گنڈھے، کھا کے شُکر منائیا۔ جِس ویلے پربھ نے دیِن دُنی مگر لائے اگمّی دھار ڈنڈے، ڈاں ڈاں ڈاں کرے لوکائیا۔ ڈردا اُچی کوئی نہ کھنگھے، ساہ ساہ وِچ دُہائیا۔ پھیر تُساں اُنگلیاں پاؤنیِاں مُنہ پنجے، سہم وِچ سوچ وِچ اپنا آپ چُھپائیا۔ پھیر پربھوُ نے لبھنے کیہڑے چنگے کیہڑے مندے، ویکھے تھاؤں تھائنیا۔ ہُن تُسیں بڑے شؤق نال سؤندے اُتے منجے، آسناں اُتے آسن لائیا۔ سچ پُچھو میَں گیاراں دِن پاوے دے ہیٹھاں پےَ پےَ کڈھے، سچ دیاں سُنائیا۔ جے تُسیں ویکھو تے میری پِٹھ تے پےَ گئے کھڈّے، بھار چُک چُک کے اپنا وقت لنگھائیا۔ میرے نال بڑی سختی نال ہنڈھے، جُگ جُگ بھےَ وکھائیا۔ تُہانوُں تے اجّ چاء نال لاڈ نال کہی جاندا آو میرے ڈڈّے، بچّیو گودی وِچ ٹِکائیا۔ جِس ویلے پھیر حِساب کڈھے، لیکھا ویکھ وکھائیا۔ پتہ نہیں وِچوں سارے رہن کہ اَدھے، کہ دُگنے لئے بنائیا۔ تُسیں وی اَیویں ڈردے چرن نہ جائیودبےّ، کہو اسیں بڑی سیو کمائیا۔ میری سیوا لائی کھوتے تے چڑھنا کھڑکاؤندے جانا ڈبےّ، ہُن میری ڈبّا کھڑکؤن دی واری آئیا۔ جِس پیار کرنا سو ہِردیوں سرنائی لگّے، نہیں تے پِچھانہ اپنے گھر نوُں جاؤ بھجےّ، میَں ڈگےّ نال سب نوُں دیاں بھجائیا۔ جے بننا تُسیں چنگے، میرے وانگ جُگ چؤکڑی منگدے لنگھے، پھیر بھاویں تُہاڈے کول موہنی روُپ بنا کے جمنا سُرستی گوداوری آ جائے گنگے، تُساں اکھّ نہ لیَنی بدلائیا۔ جوتی جوت سروُپ ہرِ، آپ اپنی کِرپا کر، کرے کھیل ساچا ہرِ، نِہکلنک نرائن نر، مہاراج شیرسِنگھ وِشنوُں بھگوان، بِنا بندگیؤں بنائے بندے، جِنہاں نوُں بندنا اِک سمجھائیا۔

۲۵ پھگّن شہنشاہی سمت ۴ سروُپ سِنگھ دے گرِہ پِنڈ اَلھڑ پِنڈی

نارد کہے جن بھگتو میرا ڈبّا کردا ڈِب ڈِب ڈِب، ڈؤروُ رہیا وجائیا۔ اجّ توں سِکھیا سُن لؤ جو سَتگُر سرن آئے بیِبیِاں بچّیاں دے مُنہ توں لاہ کے آیا کرو گڈّ، بِنا مُکھ دھوتیاں چرن سیِس نہ کوئے نِوائیا۔ ویکھیو پرسادِ کھا کے نہ جائیوٹبھّ، آپو اپنا راہ تکائیا۔ میرے نال وعدہ کرِیو سانوُں بھروسہ ہویا اِک، دوُجا اوَر نہ پِتا مائیا۔ جیہڑا میری گلّ توں ہووے جچّ، اوہ میَنوُں دیوے سُنائیا۔ کیوں میَں چار جُگ دا پُرانا سِکھ، حُکم منّن دی عادت میَنوُں بڑی آئیا۔ وِچھوڑے وِچ جے نہ ملِے تے میَں روواں پِٹّ پِٹّ، کوُک کوُک سُنائیا۔ آہ

ویکھ لؤ میرے کول پٹنے والے دی اِک چِٹّ، گوبِند جاندا جاندا گیا پھڑائیا۔ ناردا جِس ویلے دُنیا دی سُرتی جاوے نہ ٹِک، انتر شانت کوئے نہ آئیا۔ اوس ویلے پُرکھ اکال نے بھگت دوارے لاؤنی اِٹّ، اِٹّاں پتّھراں توں کھہڑا دئے چُھڈائیا۔ تُسیں جدوں تکّو میَں جُگ جُگ لائی ٹِک، ٹِک ٹِکی وِچ ویکھ وکھائیا۔ ویکھیو میرے بچن نوُں اَدھ وِچ جاندے کلّر وِچ نہ جائیوسِٹّ، ہِردے اندر لیَنا ٹِکائیا۔ پربھ دا امرت دُھر دا بھگت کلجُگ مایا نال نہ جاوے بھِٹّ، دُدھ دا دُدھ نظری آئیا۔ جوتی جوت سروُپ ہرِ، آپ اپنی کِرپا کر، دیونہارا دُھر دا ور، در اِکو اِک سمجھائیا۔ نارد کہے میرا ڈبّا کردا ڈاں ڈاں ڈاں، ڈاواں ڈول ویکھے لوکائیا۔ جن بھگتو تُساں پُرکھ اکال نوُں سمجھنا پِتا ماں، آد جُگادی ایہو جنیندی مائیا۔ تُوں میرا میَں تیرا خوشیاں نال جپنا ناں، ناؤں نِرنکارا آپ سمجھائیا۔ ویکھیو کلجُگ وِچ رل کے ہنس نہ بنِیو کاں، کاگوں ہنس تُہانوُں دِتا بنائیا۔ بھاویں میَں کھوتے تے چڑھیا تُہانوُں ویکھ کے میَنوُں چڑھیا چاء، چاؤ گھنیرا دیاں جنائیا۔ تُہاڈے سیِس اُتے جگدیِش دا ہتّھ تے ٹھنڈی چھاں، اگنی تت نہ کوئے تپائیا۔ جِدھر جاؤ تُہاڈی پھڑی پِھردا بانہہ، سہارا اپنا اِک بنائیا۔ میَں دِنے رات کردا واہ واہ، واہ واہ تیری بےپرواہیِا۔ جوتی جوت سروُپ ہرِ، آپ اپنی کِرپا کر، دیونہارا دُھر دا ور، بھیوَ ابھیدا دئے کُھلائیا۔ نارد کہے میرا ڈبّا کرے کھڑ کھڑ کھڑ، کھِڑکی کُنڈے سب دے رہیا ہِلائیا۔ جن بھگتو راہ وِچ نہ جائیو اڑ، اڑِکے دِسے جگت لوکائیا۔ پھل لگدے بڑے بُہتے جاندے وِچوں جھڑ، پکّن والا کوئی نظری آئیا۔ وِدیا سارے جاندے پڑھ، منزل کوئی جاوے چڑھ، پربھ دا درشن کوئی وِرلا بھگت پائیا۔ گنگا گوداوری جمنا سُرستی دا وہندا ہڑ، شبد ڈور نال لیاندیاں پھڑ، ساریِاں بَیٹھیِاں سیِس نِوائیا۔ تُسیں تے اودن دے سؤندے اپنے گھر، گنگا گوداوری جمنا سُرستی سنے میرے اسیں باہر بَیٹھے رہے وِچ اَلھڑ پِنڈی تے بابوُپُرے دی رڑ، تُساں پربھ اَگے بیننتی کر کے سانوُں مہمانی نہ کِسے کھوائیا۔ اسیں غُصّے وِچ گئے سڑ، جی کردا کہ ساریاں نال پئیے لڑ، لڑاکے ہو کے دئیے وکھائیا۔ پر جاں پِھر نِگاہ ماریئے جِس ویلے تُسیں پربھ دے چرناں اُتے ڈِگ پَیندے دڑ، ایہہ ویکھ کے ساڈی ہِمّت رہے نہ رائیا۔ اِیوں کہندے جیِؤندے جائیے مر، لوک لجّیا رہے نہ ڈر، شرع حیا نیڑ کوئے نہ آئیا۔ تُسیں نہاؤندے دِوس رَین چرن دھوُڑی والے سر، سروور اِکو سوبھا پائیا۔ میَں اینی گلّ دِتی کر، اگلا لیکھا پھیر دیاں جنائیا۔ نارد کہے میرے کھوتیا ہُن اگلے گھر چل، اوتھے اِک گلاس منگ لئیں جل، میَنوُں پیاسے نوُں دینا پیائیا۔ جوتی جوت سروُپ ہرِ، آپ اپنی کِرپا کر، کرے

کھیل ساچا ہرِ، نِہکلنک نرائن نر، مہاراج شیرسِنگھ وِشنوُں بھگوان، آد جُگاد جُگ چؤکڑی سب دے مسلے کرے حل، مِہر نظر اِک اُٹھائیا۔

۲۵ پھگّن شہنشاہی سمت ۴ ہزارا سِنگھ دے گرِہ پِنڈ اَلھڑ پِنڈی

نارد کہے میرا ڈبّا وجےّ ڈگا ڈگ، ڈُگڈُگی سب نوُں رہیا سُنائیا۔ جن بھگتو چار کُنٹ ویکھو لگّی اگّ، ترےَگُن سب نوُں رہی جلائیا۔ چار دِن دی زِندگی جیِون جگ، انت رہن نہ پائیا۔ بھاویں تیِرتھ تٹ جاؤ سروور اٹھسٹھ نہاؤ کعبے کرو حج، بِنا حضوُر توں پار نہ کوئے لنگھائیا۔ بھاویں کوُک پُکارو بھاویں رسنا گاوو سد، بِنا شہنشاہ شہر دُھر نہ کوئے ٹِکائیا۔ میَں سچ دسّاں جِناں چِر دیِن دُنی نہ دیؤ چھڈ، ناتا کوُڑ جگت تجائیا۔ اوناں چِر سمجھیو اسیں ڈِگے ڈوُنگھی کھڈّ، باہر سکے نہ کوئے کڈھائیا۔ اسیں اُس پربھوُ دی جدّ، جو یکے بعد دیگرے بھگتاں سدا ترائیا۔ میَں دسّن آیا تب، جِس ویلے طبیعت وِگڑی جگت لوکائیا۔ بُہتے کہندے ہےَ نہیں ربّ، قُدرت وِچ چتُرائیا۔ جوتی جوت سروُپ ہرِ، آپ اپنی کِرپا کر، سد اپنا حُکم ورتائیا۔ نارد کہے میرا ڈبّا منگے گلاس پانی، زور زور سُنائیا۔ انگڑائی لؤ گنگا گوداوری جمنا سُرستی سوانی، تُہانوُں دیاں سمجھائیا۔ تُساں پِچھلا گھر لیَنا پچھانی، جِتھے گنگا ساگر گنگا جل لےَ کے آئیاں چائیں چائنیا۔ خوشیاں نال سُن کے گئیاں دُھر دی بانی، پِچھلا چیتا دیاں کرائیا۔ میَں تے پہلی وار آیا بن اَنجانی، رستہ نظر کوئے نہ آئیا۔ میَں ایسے کر کے سندیسہ دیواں جو حُکم دیوے جان جانی، جاننہار دَیا کمائیا۔ جوتی جوت سروُپ ہرِ، آپ اپنی کِرپا کر، کرے کھیل ساچا ہرِ، سچ اپنا رنگ وکھائیا۔ نارد کہے میرا ڈبّا کہے کیوں چڑھیوں بوہڑ دی چوٹی، میَنوُں دے سمجھائیا۔ میَں ہسّ کے کِہا میَں اُچا چڑھ کے ویکھاں کِتھے پکّنی میری روٹی، کؤن میَنوُں کھوائیا۔ ایہہ تے سارے بن گئے اپنے اپنے گوتی، میری پردیسی دی سار کِسے نہ پائیا۔ میَں وی اوس پربھوُ دی جوتی، جو گھر گھر جوت کرے رُشنائیا۔ بھاویں میَنوُں چڑھن نوُں مِلی کھوتی، خطا نظر کوئے نہ آئیا۔ گنگا گوداوری جمنا سُرستی تُسیں سوار لؤ اپنی ساڑھی دھوتی، بستر تن سُہائیا۔ انتر انتر لؤ سودھی، دُرمت مَیل رہے نہ رائیا۔ میری ہِلدی ویکھو بودی، اِشارے رہی کرائیا۔ جِس نوُں یاد کردے گئے ویدی سوڈھی، اوہ آیا دُھر دا ماہیِا۔ بھگت سُہیلا بن

کے مؤجی، مجلس اپنی اِک بنائیا۔ جِہنوُں لبھ سکے کوئی نہ جوگی، جُگیِشراں ہتّھ کِسے نہ آئیا۔ آد جُگادی بن سنجوگی، آتم پرماتم جوڑ جُڑائیا۔ تُساں ساریاں اوس دے چرن چمُّنے بھگتاں دے ہتّھ لگاؤنا گوڈیں، نوَیں بولی گنگا گُڈ مارنِنگ کہہ کے دینا سُنائیا۔ پِھر اِک اِک بِندی میری لائیو ٹھوڈی، نال راوی لیَنی مِلائیا۔ میَں کھولاں اپنی پوتھی، پُستک دیاں وکھائیا۔ جِس وِچ سَتگُر نانک لانو بولی سی چؤتھی، پربھ ابناشی مِل کے وجےّ ودھائیا۔ باقی سرِشٹی دِسدی تھوتھی، جیِون کمّ کِسے نہ آئیا۔ جے جن بھگت ورج کے سانوُں کھوا دین روٹی، پھیر پرتکے جائیے چائیں چائنیا۔ اسیں دّچھنا وِچ گاں مّجھ نہیں منگنی جھوٹی، بستر بھوُشن نہ منگ منگائیا۔ کیوں سانوُں صاحِب دی دِسدی اوہ سوٹی، جیہڑی سُتیاں رہی جگائیا۔ جے سانوُں دینا جن بھگتو اپنیاں اکھّاں دے ہنجھوُ پریم پیار دے موتی، جھولی دینی بھرائیا۔ ایہو گلّ میَں چنگی سوچی، سچ دِتا سُنائیا۔ جے گُرمُکھ کِرپا کر دیوے رَویداس چمارا موچی، ساڈی مُشکل حل کرائیا۔ جن بھگتو اَگے واسطے تُہاڈی ساڈی سانجھی بنی رہے روزی، رازق رِزق رحیِم رحمت آپ کمائیا۔

۲۵ پھگّن شہنشاہی سمت ۴ اَچھّر سِنگھ دے گرِہ پِنڈ اَلھڑپِنڈی

نارد کہے صاحِب سَتگُر میرے دوویں ہتّھ جوڑے، جوڑیاں والیا سیِس نِوائیا۔ ہُن پےَ گئے وِچ روڑے، کر کِرپا پار کرائیا۔ تیرے اَگے نہیں کوئی زورے، طاقتور تیری سرنائیا۔ آپ تے چڑھیں اُتے گھوڑے، شاہ اَسوارا ناؤں دھرائیا۔ جن بھگتاں نوُں خوشیاں نال کھوائیں پکؤڑے، پکوان طرح طرح بنائیا۔ کی میرے مُنہ وِچ کوئی نِکلے سی پھوڑے، صُلح مارن والا نظر کوئے نہ آئیا۔ میَں وی گیاراں دِن بَیٹھا رہیا رکھ کے ڈورے، اپنی آس ودھائیا۔ کدی تے میری غریِب دی پوَیگی لوڑے، آپے لئے بُلائیا۔ میَں بتھیرا روواں دیواں ہنھورے، گلّاں باتاں وِچ سُنائیا۔ جوتی جوت سروُپ ہرِ، آپ اپنی کِرپا کر، ایکا دینا دُھر دا ور، صاحِب تیری وڈیائیا۔ نارد کہے میرا ڈبّا کہے جاگو جاگو جاگو، جاگن ویلا آیا۔ اُٹھو اُٹھو اُٹھو بھاگو بھاگو بھاگو، بھگوَن میلا رہیا مِلایا۔ سادھو سادھو

سادھو اپنا آپ سادھو، سمبل بَیٹھا سوبھا پایا۔ ارادھو ارادھو ارادھو، جِس نے رادھا کرِشن مان دوایا۔ لابھو لابھو لابھو، جِس نے سیِتا رام بناں وِچ پِھرایا۔ جوتی جوت سروُپ ہرِ، آپ اپنی کِرپا کر، ایکا دینا دُھر دا ور، تُدھ بِن دوُجا نظر کوئے نہ آیا۔ نارد کہے میرا ڈبّا کہے آیا آیا آیا، آیا بے پرواہی۔ جِس نوُں گُر اوتار پَیغمبراں گایا، گا گا گئے سُنائی۔ جِس نے جُگ جُگ کلمہ نام چلایا، شاستر سِمرت وید پُران اِنجیِل قرآن کھانی بانی کرے پڑھائی۔ جِس نے دیِن مذہب ونڈ ونڈایا، ہِندوُ مُسلم سِکھ عیِسائی دِتے بنائی۔ جِس نے کھتری براہمن شوُدر وَیش رنگ رنگایا، چارے ورناں کر کُڑمائی۔ جِس نے دھرنی دھرت سُہایا، چاروں کوُٹاں سوبھا پائی۔ جِس نے سوُریہ چند رُشنایا، منڈل منڈپ ڈگمگائی۔ جِس نے سَتجُگ تریتا دواپر کلجُگ کھیل کھِلایا، خلق دا خالق نوُر الاہی۔ اوہ دیس اوہ پردیس اوہ ویس اوہ نریش اوہ مہیش اوہ دسمیش اپنا ویس وٹایا، جگ نیتر نظر کِسے نہ آئی۔ جوتی جوت سروُپ ہرِ، آپ اپنی کِرپا کر، ایکا دینا دُھر دا ور، دُھر دا حُکم اِک سُنائی۔ نارد کہے میرا ڈبّا کہے ویکھو دُھر دا سجّن، میِتا اِک اکھوائیا۔ کرو اگمّا بھجن، بھےَ بھنجن رہیا دِرڑائیا۔ کرو ساچا مجن، دُرمت مَیل دھوائیا۔ پاؤ اگمّا کجّل، کجلا دھار بنائیا۔ چڑھے اگمّی رنگن، اندر باہر کرے صفائیا۔ کِسے دوارے جانا پئے نہ منگن، گھر گھر وِچ دئے وڈیائیا۔ پوِتر کرو بدن، چرن دھوُڑی خاک رمائیا۔ جوتی جوت سروُپ ہرِ، آپ اپنی کِرپا کر، کرے کھیل ساچا ہرِ، نِہکلنک نرائن نر، مہاراج شیرسِنگھ وِشنوُں بھگوان، دیونہارا دُھر انندن، انند انند وِچوں پرگٹائیا۔