کتب خانہGranth 21 (Urdu)

۷ چیت شہنشاہی سمت ۵ سردارا سِنگھ دے گرِہ پکھّووال

نارد کہے میَں تکّیا تیرا پربھوُ سچ دوارا، درگاہ ساچی سچکھنڈ نظری آئیا۔ جِتھے جھُکے گُروُ اوتارا، پَیغمبر سیِس نِوائیا۔ در درویش بن بِھکھارا، مانگت ہو کے جھولی ڈاہیِا۔ ساچا دے نام ادھارا، اندر باہر وجےّ ودھائیا۔ نِرگُن نوُر کر اُجیارا، جوتی جوت جوت رُشنائیا۔ شبد ڈنکا وجےّ اپارا، ناد دُھن کر شنوائیا۔ امرت رس ملِے ٹھنڈا ٹھارا، بوُند سوانتی اِک پیائیا۔ لوک مات ویکھو جگت سنسارا، نِرگُن سرگُن پھول پُھلائیا۔ جوتی جوت سروُپ ہرِ، آپ اپنی کِرپا کر، ایکا دینا دُھر دا ور، در تیرے آس رکھائیا۔ نارد کہے پربھوُ تُوں سب نوُں دِتی دات، کلمہ نام جھولی پائیا۔ بخشی اگمّ سوغات، سرگُن جھولی دِتی بھرائیا۔ سِکھیا دے کے ساکھیات، بُدھی توں پرے کیِتی پڑھائیا۔ لیکھ لِکھا کے نال قلم دوات، دیِن دُنی ونڈ ونڈائیا۔ دیِن مذہب دسّ کے جماعت، جھگڑا مانَو دِتا وکھائیا۔ تیرا کھیل اگمّ تماش، سمجھے کوئے نہ رائیا۔ ہُن کِرپا کر آپ، پربھ تیری بےپرواہیِا۔ دیِن دُنی دا میٹ سنتاپ، جھگڑا کوُڑ رہن نہ پائیا۔ درِشٹی اندر دے کے اِک جاپ، ایکا نام دُھر دا سچ سُنائیا۔ کلجُگ مِٹے اندھیری رات، سَتجُگ ساچا چند چمکائیا۔ تُوں میرا میَں تیرا آتم پرماتم سب دی ہووے گاتھ، گہر گمبھیِر تیرا دھیان لگائیا۔ تُوں جُگ چؤکڑی چلاویں راتھ، سَتجُگ سَت دے وڈیائیا۔ جو بھوِکھتاں وِچ گُر اوتار پَیغمبر گئے آکھ، آخر پوُرا کر وکھائیا۔ نارد کہے میَں تیرا بچّہ اِک گُستاخ، غُصّے والی گلّ جنائیا۔ جیہڑی تیری دیِناں مذہباں والی شاخ، شرع زنجِیر دے کٹائیا۔ اِس نے سب نوُں کر دِتا راکھ، بچیا رہن کوئے نہ پائیا۔ ایسے کر کے پربھوُ تیرا ودھیا نہیں پرتاپ، بھگت بن کے تیرا نام نہ کوئے دِھیائیا۔ ہِندوُ مُسلم سِکھ عیِسائی اپنے آپ نوُں سارے رہے آکھ، آتم تیرے حوالے نہ کوئے کرائیا۔ چار جُگ دے بُھکھے ہُن تے دیِناں مذہباں دا رس تُوں لیا چاکھ، بِنا زبان توں ذِبح سارے دِتے کرائیا۔ جھگڑا پا کے ذات پات، دیِن دُنی دِتی لڑائیا۔ کِسے دے اندر ہون نہیں دِتا پرکاش، اندھ اگیان وِچ دُہائیا۔ کِرپا کر سرب گُنتاس، گُنونتے تیری اوٹ تکائیا۔ جوتی جوت سروُپ ہرِ، آپ اپنی کِرپا کر، ایکا دینا دُھر دا ور، در ٹھانڈے منگ منگائیا۔ نارد کہے میَں ویکھیا جگت جہان اکھّیں، آخر پربھ جی دیاں سُنائیا۔ تیرے پریم پیار والی رہی کوئی نہ سکھی، ساجن میِت سنگ نہ کوئے رکھائیا۔ ایکا اوٹ رکھے نہ کوئے کملاپتی، پت پرمیشور مِلن کوئے نہ آئیا۔ دیِناں مذہباں شاستر سِمرت وید پُران اِنجیِل قرآن کھانی بانی چلائی اپنی

ہٹّی، ونجارے جیِو جنت کلجُگ جیو لئے بنائیا۔ ایسے کارن سچ نام دی کھٹّی کِسے نہ کھٹّی، کھٹکا اِک اندر آئیا۔ صدی چؤدھویں سب نے بھرنی چٹّی، چیٹک ویکھیا کوُڑ لوکائیا۔ تُوں لہنا دینا چُکاویں ہتّھو ہتّھی، ہرِ صاحِب تیری سرنائیا۔ جوتی جوت سروُپ ہرِ، آپ اپنی کِرپا کر، ایکا دینا دُھر دا ور، نِہکلنک نرائن نر، مہاراج شیرسِنگھ وِشنوُں بھگوان، آد جُگاد تیری کتھا کہانی سچّی، سچ دے مالک تیری بےپرواہیِا۔

۷ چیت شہنشاہی سمت ۵ اجیِت سِنگھ دے گرِہ پِنڈ آنڈلوُ

نارد کہے پربھوُ میَں تیری ویکھی اگمّی عادت، دُھر دے عدلی دیاں جنائیا۔ بندگی وِچ جنائیں عبادت، اپنا حُکم منائیا۔ نال شرع دی رکھ شرارت، جھگڑیاں وِچ دُہائیا۔ کِسے دی رہن نہ دیویں لیاقت ، بُدھی بِبیک نہ کوئے جنائیا۔ تیری سمجھے نہ کوئے شرافت، شُرفا بَیٹھے دھیان لگائیا۔ تیرا اِشارہ اگمّی واستک، واہ واہ پردہ دئے اُٹھائیا۔ دیِن دُنی ویکھ ناستک، آستک لکھّ چؤراسی پھول پُھلائیا۔ سُکھاسن بَیٹھا نہ رہیں وِشنوُں بن کے سیجا باسک، تشکا پَینڈا دینا مُکائیا۔ ویکھ مہیِنہ آیا چیت ماسک، مستی دے مستانے لےَ انگڑائیا۔ نؤ کھنڈ پرِتھمی ستّ دیِپ برہمنڈ کھنڈ تیری ریاست، شاہ پاتشاہ اِکو سوبھا پائیا۔ وکھری وکھری رہن نہ دیویں کوئی زیارت، اِکو گھر دینا جنائیا۔ جوتی جوت سروُپ ہرِ، آپ اپنی کِرپا کر، ایکا دینا دُھر دا ور، در تیرے وجدی رہے ودھائیا۔ نارد کہے پربھوُ میَنوُں تیرے اُتے یقیِن، یک دیاں جنائیا۔ پر تُوں کیوں ہوئیوں دوُجیاں دے اَدھیِن، میَنوُں دے جنائیا۔ روُپ دھر کے نراں نال مدیِن، پرماتم آتم اپنا کھیل کرائیا۔ تیرا مارگ سدا مہیِن، جگ نیتر نظر کوئے نہ پائیا۔ تُوں سدا رہیں قدیِم، ہمساجن اِک اکھوائیا۔ کلجُگ انت کوُڑی کِریا کر ترمیِم، سَتجُگ سچّا راہ وکھائیا۔ تَینوُں سارے کہن عالمیِن، یامُبیِن تیری وڈیائیا۔ جھگڑا مُکا اُتے زمیِن، مانَو خاکی دے سمجھائیا۔ ہِندوُ مُسلم سِکھ عیِسائی اِکو کر تعلیِم، طُلبے سارے لےَ بنائیا۔ جوتی جوت سروُپ ہرِ، آپ اپنی کِرپا کر، ایکا دینا دُھر دا ور، در ٹھانڈے منگ منگائیا۔ نارد کہے پربھوُ سب دے اندر دے بھروسہ، بھروسے یوگ نظر کوئے نہ آئیا۔ پِچھلا چار جُگ دا میٹ دے روسا، رُسے گُرمُکھ لےَ منائیا۔ نام خُماری دے مدہوشا، سُرتی شبد نال جُڑائیا۔ کر پرکاش چؤداں

لوکا، چؤداں طبقاں ڈگمگائیا۔ تیرے نام دا اِکو ہووے ہوکا، حُکم دُھر دا دینا سُنائیا۔ سچ پیار دا سچ سلوکا، سَت سَت آپ پرگٹائیا۔ کِسے نال نہ ہووے دھوکھا، کوُڑ کُڑیارا ڈیرہ ڈھاہیِا۔ جن بھگتاں مِلن دا آپے دِتا مؤقع، مِہربان ہو کے ویکھ وکھائیا۔ جوتی جوت سروُپ ہرِ، آپ اپنی کِرپا کر، ایکا دینا دُھر دا ور، نِہکلنک نرائن نر، مہاراج شیرسِنگھ وِشنوُں بھگوان، تیرا سندیسہ لوک پرلوکا، دو جہاناں اِکو حُکم ورتائیا۔

۷ چیت شہنشاہی سمت ۵ بھاگ سِنگھ بسراواں والے دے گرِہ پِنڈ پکھّووال

نارد کہے پربھ تیری اچرج مایا، مایا ممتا موہ وِکار جگت ہلکائیا۔ چاروں کُنٹ اندھیرا چھایا، اُتّر پوُرب پچھّم دکھّن کرے نہ کوئے رُشنائیا۔ جوُٹھ جھوُٹھ پاپ اپرادھ ودھایا، ساچا سنگی سنگ نہ کوئے رکھائیا۔ ہر ہِردیوں تیرا نام بُھلایا، پاربرہم پت پرمیشور تیری یاد نہ کوئے رکھائیا۔ دیِن دُنی اپنے رنگ رنگایا، رنگت چار ورن چڑھائیا۔ آتم برہم بھیوَ کِسے نہ آیا، انتر نِرنتر پردہ نہ کوئے اُٹھائیا۔ نِج نیتر لوچن نیَن تیرا درس کِسے نہ پایا، شبد انادی ناد نہ کوئے سُنائیا۔ جِدھر تکاّں ہاہاکار کرے لوکایا، بہُڑی بہُڑی کر کُرلائیا۔ گُر اوتار پَیغمبراں جو راہ چلایا، سَتجُگ تریتا دواپر کلجُگ ونڈ ونڈائیا۔ دیِناں مذہباں ونڈ ونڈایا، ذات پاتی کھیل کھِلائیا۔ تِس دا لیکھا انت تُدھ بِن کوَن سکے چُکایا، چؤتھے جُگ ویکھ وکھائیا۔ جوتی جوت سروُپ ہرِ، آپ اپنی کِرپا کر، ایکا دینا ساچا ور، سد تیری آس رکھائیا۔ نارد کہے پربھ تیری دُنیا تکّی جگ، لوک مات دھیان لگائیا۔ صدی چؤدھویں گھر گھر لگی اگّ، امرت میگھ نہ کوئے برسائیا۔ منزل حقیِقی چڑھے نہ کوئے اُپر شاہ رگ، شہنشاہ تیرا نوُر جوت نہ کوئے رُشنائیا۔ ساچے کعبے کرے کوئی نہ حج، مقامے حق مِلن کوئے نہ آئیا۔ چار کُنٹ دہ دِشا وِبھچار کُکرم گیا ودھ، کام کرودھ لوبھ موہ ہنکار ہلکائیا۔ آتم پرماتم ناتا سارے گئے چھڈ، سگلا سنگ نہ کوئے رکھائیا۔ بِن ہرِ نامے خالی ہو گئے ہڈّ، ہِردے ہرِ نہ کوئے ٹِکائیا۔ تیری سرِشٹی تیری درِشٹی تیرا آتم تیرے نالوں ہویا الگ، پرماتم تیرا میل نہ کوئے مِلائیا۔ رسنا جِہوا بتّی دند صِفت صالاحی سارے رہے جپ، جگ جیِون داتے تیرا سَت سروُپ سوبھا کوئے نہ پائیا۔ کلجُگ انت سِری بھگوَنت ترےَگُن مایا میٹ تپ، تپی تپیِشر سارے دین دُہائیا۔ دیِن دُنی دی انتر نِرنتر سانجھی کر مت، دُئی دوَیت

لیکھا دے مُکائیا۔ من کلپنا شبد ڈوری اگمّی دھار پا نتھ، نٹوُآ اُٹھ نہ دہ دِش دھائیا۔ سچ دوار ایکنکار کھتری براہمن شوُدر وَیش ہِندوُ مُسلم سِکھ عیِسائی کھول اپنا ہٹّ، دھرم ونجارے اپنا ونج دے کرائیا۔ پُرکھ اکالے دیِن دَیالے پروردِگار سانجھے یار سب دا بن کے کملاپت، پت پرمیشور اپنا رنگ دینا رنگائیا۔ جوتی جوت سروُپ ہرِ، آپ اپنی کِرپا کر، ایکا دینا دُھر دا ور، نِہکلنک نرائن نر، مہاراج شیرسِنگھ وِشنوُں بھگوان، آد جُگاد جُگ چؤکڑی ایتھے اوتھے دو جہاناں سب کُچھ تیرے ہتّھ، تُدھ بِن اوَر نظر کوئے نہ آئیا۔

۷ چیت شہنشاہی سمت ۵ بھگوان کؤر دے گرِہ پِنڈ پکھّووال

نارد کہے پربھ میَں ویکھیا تیرا سوَرگ بہِشت، سُکھاسن پھول پُھلائیا۔ بِنا تیرے توں پوُرا ہویا کِسے نہ عِشق، مُحبّت سچ نہ کوئے کمائیا۔ سارے آون جاون انت چھڈ کے جان خِسک، تِھر رہن کوئے نہ پائیا۔ منزل چڑھدے چڑھدے جان تِلک، سمبھل قدم نہ کوئے ٹِکائیا۔ سچ دھار دِسے کوئی نہ مِلّت، سَت جوت نہ کوئے سمائیا۔ میَنوُں ایَں جاپیا ایہہ وی تیری عِلّت، لالچ وِچ لیا بھرمائیا۔ سوَرگاں توں اَگے جان دی کرے کوئی نہ ہِمّت، بُہتے ایتھے بہہ کے جھٹ لنگھائیا۔ اَگے تیرے نام دی دِسے قِلت، انمُلی وست ہتّھ کِسے نہ آئیا۔ جوتی جوت سروُپ ہرِ، آپ اپنی کِرپا کر، ایکا دینا دُھر دا ور، تُدھ بِن دوُجا اوَر نہ کوئے دسائیا۔ نارد کہے تیرے بہِشت سوَرگ دا تکّیا لارا، لائیناں وِچ بَیٹھے دھیان لگائیا۔ جِتھے رس انڈِٹھا سارا، بِن رسنا رس چکھائیا۔ تیری جوت دا مدھم جِہا ہووے اُجیارا، نوُر نوُر رُشنائیا۔ شبد دا تھوڑا سُنے نگارہ، آہستہ آہستہ راگ الائیا۔ جِس نوُں سُن کے مستی وِچ کہن جے پھیر جنم ہووے دوبارہ، مات لوک پھیرا پائیا۔ ایسے طرح جا کے لائیے جگت اَکھاڑا، مدُھر دُھناں وِچ گائیا۔ ایہہ تیرا جُگ چؤکڑی نام دا بنیا رہیا وپارا، ونج وِچ سارے دِتے پھسائیا۔ آپ سب توں کر کے کنارہ، سچکھنڈ بَیٹھا سوبھا پائیا۔ بِنا بھگت توں کوئی پُجیا نہیں چرن دوارا، درگاہ ساچی مِلن کوئے نہ آئیا۔ جوتی جوت سروُپ ہرِ، آپ اپنی کِرپا کر، ایکا دینا دُھر دا ور، در ساچے آس رکھائیا۔ نارد کہے جیہڑے سوَرگ بہِشت رہے لوڑ، لوڑیِندے ساجن تیرا سنگ نہ کوئے رکھائیا۔ میَں سب نوُں کہاں ہتّھ جوڑ، بیننتی اِک دِرڑائیا۔ جن بھگتو

سوَرگ بہِشت دی پکڑیو کدی نہ ڈور، منزل اگلا پندھ مُکائیا۔ بہِشتاں وِچوں نِکل کے پھیر بننا پَیندا چور، مات لوک لوک مات جنم بھوائیا۔ جے صاحِب سَتگُر پُرکھ اکال نال پریِتی نِبھاؤ توڑ، اوڑک اپنے وِچ سمائیا۔ جِتھے نہ مڑھی نہ گور، تن وجوُد ماٹی پھیر کوئے نہ پائیا۔ جد ویکھو اپنے آپ نوُں نَواں نکور، جوتی جوت جوت رُشنائیا۔ جوتی جوت سروُپ ہرِ، آپ اپنی کِرپا کر، دیونہارا ساچا ور، نِہکلنک نرائن نر، مہاراج شیرسِنگھ وِشنوُں بھگوان، جن بھگتاں کرے بھاگ متھور، مِتھیا دسےّ کوُڑ لوکائیا۔

۷ چیت شہنشاہی سمت ۵ منگل سِنگھ دے گرِہ پِنڈ پکھّووال

نارد کہے میَں نانک دا پنجہ ویکھیا اُتے پہاڑ، غؤر نال دھیان لگائیا۔ اوہدے وِچ ریکھ بنی جِس وِچ لیکھا لِکھیا ستاراں ہاڑ، سمت پنج نال وڈیائیا۔ ہور تکّیا پرکاش ہویا ناڑ ناڑ، نوُر دِتا چمکائیا۔ پِچھے ویکھیا پَیغمبر پِھردے وِچ اُجاڑ، بھجّن واہو داہیِا۔ ہور سمجھیا نظری آئی اگمّی کار، کرنی کرتا رہیا کمائیا۔ پاسا پرتیا صدی چؤدھویں رو پئی زارو زار، نیتر نیَناں نیِر وہائیا۔ میَں ہسّ کے کِہا کیوں ہوئی بے زار، میَنوُں دے سُنائیا۔ اوس کِہا کھیل کرے میرا پروردِگار، بے پرواہ اپنا حُکم ورتائیا۔ میَں تاں روندی سچ دا رہیا نہ کوئی خِدمتگار، دُھر دا خادم نظر کوئے نہ آئیا۔ کِسے دا رہیا نہیں کوئی اِعتبار، وِشواس وِچ وِشا نہ کوئے بنائیا۔ جِدھر تکاّں اودھر آئی ہار، ہرِ جوُ کی اپنی کھیل وکھائیا۔ جوتی جوت سروُپ ہرِ، آپ اپنی کِرپا کر، کرے کھیل ساچا ہرِ، ساچا حُکم اِک ورتائیا۔ نارد کہے میَں پنجے اندر ویکھیا پانجا زیِرو والا پنجاہ، جگت رنگ رنگائیا۔ میری نِکل گئی آہ، ہؤکے وِچ دِتی دُہائیا۔ جھٹ خبر دِتی سُنا، اگمّا راگ الائیا۔ جاں ویکھیا نوُری جلوہ گر خُدا، خود اپنا ویس وٹائیا۔ میری ویکھ کے بدل گئی طبع، طبیعت اپنا آپ بدلائیا۔ جِس نے ملیچھ اُٹھاؤنی سبھا، چار کُنٹ کرے صفائیا۔ پَیغمبراں دا بن کے ابّا، آدم حوّا دا پِتا مائیا۔ سچ دا دے کے سدّا، سندیسہ رہیا سُنائیا۔ نارد کہے میَں چکّر لایا چڑھ کے اُپر گدھا، عرباں وِچ عربی ہو کے ویکھ وکھائیا۔ پربھ دی سرنی کوئی نہ دِسیا لگّا، لگ ماتر نظر کوئے نہ آئیا۔ جِدھر ویکھاں اُمت نبیِاں نال کرے دغا، فریباں وِچ کُرلائیا۔ چؤپایاں کردے ذِبح، چُھری کرد ہتّھ اُٹھائیا۔ میرے مُکھوں نِکلیا ہائے میریا ربّا، تیرا نام دُہائیا۔ اگمّی آواز سُنی ناردا میَں چکھاؤن والا سرب نوُں مزہ، مذاق اُڑاواں کوُڑ لوکائیا۔

حُکم اِکو مِلنا بے نظیِر قضا، جو قاضی مُلّا سارے لئے کھائیا۔ لکھّ چؤراسی جِس دی غِذا، جُگ چؤکڑی کھا کے اپنا جھٹ لنگھائیا۔ اپنے ہتّھ رکھائے بِدھا، بِدھنا دا لیکھا دیاں مُکائیا۔ سَت دھرم دا مارگ کر کے سِدھا، رستہ اِکو دیاں وکھائیا۔ جوتی جوت سروُپ ہرِ، آپ اپنی کِرپا کر، کرے کھیل ساچا ہرِ، نِہکلنک نرائن نر، مہاراج شیرسِنگھ وِشنوُں بھگوان، جِس دی جُگ چؤکڑی کردے نِندا، بِن بھگتاں بھگوَن نظر کِسے نہ آئیا۔

۷ چیت شہنساہی سمت ۵ ناظر سِنگھ دے گرِہ پِنڈ پکھّووال

نارد کہے میَں سُنے چھتّی راگ، چھتّی جُگ صِفت صالاحیِا۔ کوئی نہ سکیا جاگ، سُنن والے اکھّ نہ کوئے کُھلائیا۔ جِناں چِر پربھوُ آپ نہ دئیں وَیراگ، وَیری اندروں باہر کڈھائیا۔ اوناں چِر نہیں ہُندا تیاگ، مایا ممتا موہ مِٹائیا۔ صِفت بُجھا نہ سکی آگ، ترِسنا ترِپت نہ کوئے کرائیا۔ صِرف سروناں دا سواد، من دے سروتے سُن کے خوشی بنائیا۔ جِناں چِر تیرا شبد نہ ہوئے اِہلاد، اہلے نوُر نظر نہ آئیا۔ اوناں چِر کھیڑا نہیں ہُندا آباد، اُجڑی نگری نہ کوئے وسائیا۔ جُگ چؤکڑی تَینوُں دے سکیا نہ کوئے جواب، سارے بھےَ وِچ سیِس گئے نِوائیا۔ سجدیاں وِچ کر آداب، ادب نال تیری لِکھی وڈیائیا۔ میَں ہر مذہب دی پڑھی کِتاب، حرف حروُف کھوج کھوجائیا۔ تَینوُں کہندے رہے بڑا وڈّا جناب، جناب عِالی تیری اُلفت گئے سُنائیا۔ میَنوُں اِک تھاں توں مِلیا جِتھے انکڑا نہیں حِساب، ہِندسہ روُپ نہ کوئے بنائیا۔ ساریاں اوتاراں پَیغمبراں گُروُآں پنجے لا کے کِہا پنجاں دا مالک کلجُگ انتم آوے وِچ پنجاب، پرپنچ دھار دئے گوائیا۔ جِس دا اِکو حُجرہ اِکو ہووے محراب، مندر اِکو اِک سُہائیا۔ اگلا بھیوَ کھولے راز، پردہ دئے اُٹھائیا۔ پوُجا پاٹھ سِمرن نہ کلمہ پڑھے نماز، نِمسکار وِچ سیِس نہ کوئے جھُکائیا۔ جو کِچھ کرے کرائے سو آپے آپ، دوُجی اوٹ نہ کوئے وکھائیا۔ اوسے دا اِقبال اوسے دا ہونا پرتاپ، جو پرتکے اپنا پھیرا پائیا۔ جِس نوُں ساریاں منّنا باپ، پِتا پُرکھ اکال کہہ کے شُکر منائیا۔ ساری سرِشٹی نوُں دسّ کے اگمّا جاپ، آتم پرماتم دینا دِرڑائیا۔ گُر اوتار پَیغمبراں بھوِکھت واک، پوُرا کرے چائیں چائنیا۔ جن بھگتاں بن کے سجّن ساک، سگلا سنگ نِبھائیا۔ اگلا دسّ کے مہا واک، واقِفکار کرے لوکائیا۔ چار ورناں دے کے اِک خطاب، خطا سب دی معاف کرائیا۔ جوتی

جوت سروُپ ہرِ، آپ اپنی کِرپا کر، کرے کھیل ساچا ہرِ، نِہکلنک نرائن نر، مہاراج شیرسِنگھ وِشنوُں بھگوان، جن بھگتاں دیوے شبدی شاباش، جو شرع وِچوں نِکل کے شہنشاہ اِک منائیا۔

۷ چیت شہنشاہی سمت ۵ دھنّا سِنگھ دے گرِہ پِنڈ ڈھےَ پئی ضِلع لُدھیانہ

نارد کہے میَں نانک دا پنجے وِچوں تکّیا انگوُٹھا، پتّھراں ستھراں پھول پُھلائیا۔ صدی چؤدھویں جِس نے خالی کیِتا سب دا ٹھوُٹھا، کایا بھانڈا بھرپوُر نظر کوئے نہ آئیا۔ آتم پرماتم نالوں ویکھیا روُٹھا، پاربرہم برہم میل نہ کوئے مِلائیا۔ جگت جیو جہان دیکھیا جھوُٹھا، سچ سُچ نہ کوئے سمائیا۔ سِنمل وانگ خالی ویکھیا بوُٹا، پُھل پتّ نہ کوئے مہکائیا۔ نِگاہ ماری چارے کوُٹا، دہ دِشا دھیان لگائیا۔ مایا ممتا سَت دھرم کیِتا موُدھا، کروٹ سکے نہ کوئے بدلائیا۔ جگت کارن کردے پوُجا، ہِردے ہرِ نہ کوئے وسائیا۔ سب دے انتر دُتیا بھاؤ دوُجا، ایکنکارا اِکو رنگ نہ کوئے رنگائیا۔ بھیوَ کھولے کوئی نہ گوُجھا، پڑھدا نِرنتر نہ کوئے اُٹھائیا۔ سچ دوار کِسے نہ سوُجھا، درگاہ ساچی چڑھن کوئے نہ پائیا۔ ہتّھ کِسے آوے نہ مِشری کوُزہ، رسنا رس نہ کوئے وکھائیا۔ جوتی جوت سروُپ ہرِ، آپ اپنی کِرپا کر، سد اپنا بھیوَ دِرڑائیا۔ نارد کہے میَں پنجے دی ویکھی ریکھا، رِکھی مُنی رہے کُرلائیا۔ دیِن دُنی دا بدلیا پیشہ، پیشیِنگوئی سمجھ کِسے نہ آئیا۔ کلجُگ کوُڑی کِریا کیِتا ویسا، نٹوُآ اپنا سوانگ ورتائیا۔ سچ سُنے نہ کوئے سندیسہ، دُھر دا ناد نہ کوئے شنوائیا۔ صدی چؤدھویں سمجھے کوئی نہ لیکھا، بھیوَ ابھید نہ کوئے کُھلائیا۔ مایا ممتا پایا بُھلیکھا، پردہ سکے نہ کوئے اُٹھائیا۔ پُرکھ اکالا نظر نہ آوے نیتا، نِج نیتر نہ کوئے رُشنائیا۔ پوُرب پِچھلا بُھلیا چیتا، چیتن سُرتی نہ کوئے کرائیا۔ آتم پرماتم کرے کوئی نہ ہیتا، جوتی جوت سروُپ ہرِ، آپ اپنی کِرپا کر، کرے کھیل ساچا ہرِ، سچ سندیسہ اِک سُنائیا۔ نارد کہے میَں نانک پنجے دی تکّی تلی، طلب سب دی ویکھ وکھائیا۔ دیِن مذہب دُنیا دی نِکی گلی، کوُچا کوُچا سوبھا پائیا۔ کریا کھیل پربھ ولی چھلی، اچھل چھل اپنی کار کمائیا۔ یودھا سوُربیِر بن کے بلی، بلدھاری حُکم دِرڑائیا۔ جِس ویلے کلجُگ جوانی ڈھلی، انت اپنا آپ رہے بدلائیا۔ ساری سرِشٹی جانی دلی، دل دلاں نال ٹکرائیا۔ ساچی

مہکنی نہیں کوئی کلی، گُلشن رنگ نہ کوئے رنگائیا۔ نیتر رو کے گیا علی، محمد تائیں سُنائیا۔ اُمت کول تیل رہنا نہیں پلی، پلک وِچ وِہاؤنی سرب لوکائیا۔ صدی چؤدھویں جیہڑی وست گھلی، گِری کھوپرے نال وڈیائیا۔ جوتی جوت سروُپ ہرِ، آپ اپنی کِرپا کر، کرے کھیل ساچا ہرِ، سچ سوامی نوُر الاہیِا۔ نارد کہے میَں پنجے اندر تکّی لکیِر، لائق نظر کوئے نہ آئیا۔ جھگڑا دِسے شاہ حقیِر، دھیِرج دھیِر نہ کوئے دھرائیا۔ منزل چڑھے نہ کوئے فقیِر، فِقرہ حق نہ کوئے سُنائیا۔ بدل سکے نہ کوئے تقدیِر، تدبیِر اگمّ نہ کوئے دِرڑائیا۔ شرع کٹے نہ کوئے زنجِیر، شریِعت وِچ دُہائیا۔ کھیل کرے بے نظیِر، انتم اپنا حُکم ورتائیا۔ جِس دی نظر نہ آوے کِسے تصویِر، تصّور اپنا آپ دئے سمجھائیا۔ شبدی کھنڈا لےَ شمشیِر، شمشان بھوُمی کرے لوکائیا۔ شاہ سُلطاناں کر دِلگیِر، جوتی جوت سروُپ ہرِ، آپ اپنی کِرپا کر، کرے کھیل دُھر دا ہرِ، ہرِ کرتا وڈ وڈیائیا۔ پنجہ کہے میَں ویکھی سچ پنچ آیت، پنچم دیاں دِرڑائیا۔ صدی چؤدھویں ساچی وست کرے نہ کوئے عنایت، گِری چُھہارے بادام میو پَیغمبراں بھیٹ نہ کوئے کرائیا۔ منگیاں کِسے نہ ملِے خیَرایت، اوڈھن سیِس نہ کوئے ٹِکائیا۔ عالم رہیا نہ کوئے مسائک، مُلّا شیخ رہے کُرلائیا۔ ہر ہِردیوں وِسری کائنات، کلمہ کائنات نہ کوئے وڈیائیا۔ شریِعت وِچ بدلی جرائت، جمُلہ اکھّر نہ کوئے سمجھائیا۔ انتم اَخیِر کرے کؤن کفایت، محمد پلّوُ رہیا چُھڈائیا۔ نظر نہ آوے اِکو واحد، واہ واہ اپنی کار کمائیا۔ جِس نے جُگ جُگ کیتے علیحد، انتم اپنے وِچ مِلائیا۔ چار جُگ سمجھیا نہ کوئے مُفاد، مسلہ حل نہ کوئے کرائیا۔ جوتی جوت سروُپ ہرِ، آپ اپنی کِرپا کر، کرے کھیل ساچا ہرِ، سچ سندیسہ اِک سُنائیا۔ نارد کہے میَں نانک پنجہ تکّیا ربّی، ربیؤلثانی دئے گواہیِا۔ لیکھا ویکھیا چؤدھویں صدی، صدمے سب نوُں رہیا پہنچائیا۔ چار جُگ رہنی نہیں کوئی گدّی، گداگر ہوئے لوکائیا۔ سرِشٹی درِشٹی حُکمے اندر جانی بدھّی، بدلا چُکائے تھاؤں تھائنیا۔ نبیِاں وکھاوے نوُح ندی، نر نرائن پردہ لاہیِا۔ جوتی جوت سروُپ ہرِ، آپ اپنی کِرپا کر، کرے کھیل ساچا ہرِ، سچ مارگ اِک پرگٹائیا۔ پنجہ کہے میرے انتر گول چکّر، چکرورتی دینے مِٹائیا۔ سیِس رہے نہ کِسے چھتر، شتّروُ شتّروُ دینے لڑائیا۔ چاروں کُنٹ دِسے ستھر، گوبِند ستھر رہیا وکھائیا۔ جیہڑی وِدیا بنی نال اکھّر، انت اکھّراں وِچ سمائیا۔ کِسے کمّ نہیں آؤنا سِل پتّھر، پاہن نہ کوئے چتُرائیا۔ برہوں وَیراگی نیتر وِرولے نہ کوئے اتھر، انتر دھیان نہ کوئے لگائیا۔ جوتی جوت سروُپ ہرِ، آپ اپنی کِرپا کر، دیونہارا دُھر دا ور، سچ سندیسہ اِک سُنائیا۔ پنجہ کہے میَنوُں لایا اگمّ اتھاہ، اگمّڑی کار کمائیا۔

جِس دا لیکھا کوئی جانے نہ، بھیوَ ابھیدا نہ کوئے کُھلائیا۔ جن بھگتاں دیوے اگمّا ناں، ناؤں نِرنکارا اِک دِرڑائیا۔ جنم جنم دے میٹ کے کوٹ گُناہ، پتت پُنیِت لئے کرائیا۔ درگاہ ساچی دیوے سچّا تھاں، تھننتر اِک سُہائیا۔ صدی چؤدھویں پَیغمبراں شگن دیویں پا، پوَن پانی توں باہر تیری چتُرائیا۔ رس مِٹھے پِھکے دینے کھوا، خواجہ خِضر نال مِلائیا۔ شبدی گُر دینا گواہ، شہادت اِک بُھگتائیا۔ اگلا ساہ لیَنا سُدھا، وار تِھت اپنی لیَنی بنائیا۔ انت اَخیِر جِس دھاروں اُتری اوسے وِچ جانا سما، دوُجا در نظر کوئے نہ آئیا۔ تیری اُمت اِکو وار ہونا نِکاح، فاتحہ سب دا دئے پڑھائیا۔ ویکھیں تُوں وی ہوویں نہ بے وفا، وفاداری وِچ سیو کمائیا۔ جوتی جوت سروُپ ہرِ، آپ اپنی کِرپا کر، کرے کھیل ساچا ہرِ، نِہکلنک نرائن نر، مہاراج شیرسِنگھ وِشنوُں بھگوان، نِرگُن نوُر جوتی جاتا اگمّ خُدا، خودغرضی جگت مرضی دیِن دُنی دی دئے مِٹائیا۔

۸ چیت شہنشاہی سمت ۵ ہری سِنگھ دے گرِہ پِنڈ مہما سِنگھ والا

نارد کہے پنجاں تتاں والا پنجہ لگدا رہیا جگ، پنجاں اُنگلاں نال وڈیائیا۔ انت اوہ پنجہ سڑدا رہیا وِچ اگّ، نِشان اپنا آپ مِٹائیا۔ جُگاں جُگاں دی دسّدا رہیا حد، چؤکڑی راہ وکھائیا۔ اِس توں اَگے نہ سکیا ودھ، بھیوَ ابھید نہ کوئے دِرڑائیا۔ انتم ہو کے الگّ، ناتا سب دے نالوں تُڑائیا۔ میَں حَیران ہویا کی کھیل سوُرے سربگ، لوک مات دِتا کھِلائیا۔ جوتی جوت سروُپ ہرِ، آپ اپنی کِرپا کر، کرے کھیل ساچا ہرِ، سچ کرنی کار کمائیا۔ نارد کہے میَں پنجے نوُں لیا پُچھ، کیوں نانک تَینوُں گیا لگائیا۔ اوہ میرے نال گیا رُس، کروٹ لئی بدلائیا۔ میَنوُں پتہ نہیں کُچھ، میَں کی دیاں دِرڑائیا۔ جِس دی بابت گُر اوتار پَیغمبر سکے کُجھ نہ سُجھ، انت کہن کوئے نہ آئیا۔ میری نہ وڈیائی نہ بُدھ، عقل چتُرائیاں نہ کوئے رکھائیا۔ اپنا آپ کر نہ سکاں شُدھ، ودھی سُدی نہ پندھ مُکائیا۔ میَنوُں ایَں دِسدا جِس ویلے کلجُگ انت دیِناں مذہباں دا ہونا یُدھ، گُر اوتار پَیغمبر ساتھی نظر کوئے نہ آئیا۔ سب نے لُکنا سچکھنڈ دوارے دی کُھڈ، درگاہ ساچی مُکھ چُھپائیا۔ بِنا شبد گُروُ توں کِسے نہیں سکنا اُڈ، تتاں والا گُروُ کمّ کوئے نہ آئیا۔ اوس ویلے پُرکھ اکال نے کِسے پَیغمبر نوُں کہنا نہیں گُڈ، گاڈ گائیڈ نہ کوئے رکھائیا۔ جیہڑے سڑ گئے لکّڑی نال وُڈ، اگنی اگّ اپنا بھیٹ کرائیا۔ اوہ بھیوَ کی دسّن

گُجھ، جو سہارے نال لوک مات وقت لنگھائیا۔ نارد کہے میَں خوشی نال پیا کُد، اپنی چھال دِتی لگائیا۔ جوتی جوت سروُپ ہرِ، آپ اپنی کِرپا کر، کرے کھیل ساچا ہرِ، سچ کرنی کار کمائیا۔ پنجہ کہے میَں لگدّا مِٹی گھٹّے اُپر اِٹّ پتّھر، نِشان جگت والا جنائیا۔ ساچے پنجے دا بھیوَ جانے جِنھ سوُلاں بنایا ستھر، یارڑا سیج ہنڈھائیا۔ جِس دی مہما لِکھ سکے نہ اکھّر، وِدیا وِچ نہ کوئے وڈیائیا۔ مہما والا سمجھے کوئی نہ پتّر، پاتر پترکا وِچ لیکھ نہ کوئے بنائیا۔ پردے وِچ رکھے کوئی نہ سطر، اوہلیاں وِچ نہ کوئے چُھپائیا۔ زبان نال نہ کرے نشر، تحریر وِچ نہ کوئے وکھائیا۔ جِس نے کلجُگ انت ویکھنا دیِن دُنی دا حشر، نِرگُن نوُر جوت کر رُشنائیا۔ جوتی جوت سروُپ ہرِ، آپ اپنی کِرپا کر، کرے کھیل ساچا ہرِ، سچ دا میلا لئے مِلائیا۔ پنجہ کہے میرے صاحِب دا وکھّرا پنجہ، جو گُر اوتار پَیغمبراں پُشت پناہ ٹِکائیا۔ جِس دا نوُر ظہوُر دو جہاناں نالوں چنگا، جگت نیتر نظر کوئے نہ پائیا۔ جِس دے نال لکھّ چؤراسی جیِوت ہوئے بندہ، بندگی والا راہ وکھائیا۔ جِس نال نیتر نیَن ہیِن ہووے نہ اندھا، لوچن نیَن کرے رُشنائیا۔ جِس نال امرت دھار تکّے جمنا سُرستی گوداوری گنگا، اٹھسٹھ لیکھا رہے نہ رائیا۔ جِس نال گُر اوتار پَیغمبر رہے نہ کوئے مچھندا، مُچھندگی اوَر رہے نہ رائیا۔ جِس نال آتم پرماتم ملِے انندا، انند انند وِچوں پرگٹائیا۔ جِس نال تُوں میرا میَں تیرا گاوے چھندا، آتم پرماتم مِل کے وجےّ ودھائیا۔ جِس نال جنم کرم دا پاپی رہے نہ کوئی گندہ، پتت پُنیِت ترائیا۔ پنجہ کہے اوہ میرا صاحِب سدا بخشندا، بخشنہار اِک اکھوائیا۔ جیہڑا گُر اوتار پَیغمبراں نوُں دان دِندا، نام وست امولک جھولی پائیا۔ اُس نے برہمنڈاں کھنڈاں، پُریاں لوآں کھوج کھوجائیا۔ شبد اگمّی پھڑ کے ڈنڈا، ڈنڈاوت سب نوُں دینی سمجھائیا۔ ہر ہِردے اندر پھیرنا رندا، کوُڑی کِریا دُرمت مَیل باہر کڈھائیا۔ جن بھگتاں دینا سنگا، سگلا سنگ بنائیا۔ جوتی جوت سروُپ ہرِ، آپ اپنی کِرپا کر، کرے کھیل ساچا ہرِ، سچ دا مارگ اِک وکھائیا۔ پنجہ کہے پُرکھ اکال دا میرا نِشان، نِشانی گُر اوتار رہے جنائیا۔ جِس پنجے تھلّے آد جُگاد جُگ چؤکڑی سارے آن، لکھّ چؤراسی بَیٹھی سیِس نِوائیا۔ جِس پنجے تھلّے راما کرِشناں کاہن، نِیوں نِیوں سیِس نِوائیا۔ سو پنجہ وڈّ بلوان، جِس نے موُسیٰ عیسیٰ محمد اپنا حُکم دِتا دِرڑائیا۔ سو پنجہ وکھایا سِری گُروُ نانک سِری بھگوان، مِہربان مِہر نظر اُٹھائیا۔ نانک نے چرن چُمّ کے منگیا دان، خالی اَگے جھولی ڈاہیِا۔ اُجاڑاں وِچ بیِاباناں وِچ پہاڑاں وِچ مِلیوں آن، مِہربان اپنی دَیا کمائیا۔ کُچھ دے اپنا نِشان، تیرے در ہووے پروان، پروانگی اپنے نال

رکھائیا۔ کِرپا کیِتی نؤجوان پت پرمیشور مِہربان، نانک نوُں اپنا ہتّھ پھڑایا تے پنجہ لایا آپ کِرپا کیِتی مہان، مِہربان مِہر نظر اُٹھائیا۔ شبد ناد دِتا دھنکان، سندیسہ اِک سُنائیا۔ کلجُگ کوُڑی کِریا ہونی پردھان، چار کُنٹ اندھیرا چھائیا۔ اوس ویلے پرگٹ ہوواں وِچ جہان، نِرگُن نِروَیر نِراکار اپنا روُپ دھرائیا۔ سب دا لیکھا ویکھاں آن، بچیا رہن کوئے نہ پائیا۔ یودھا سوُربیِر بن بلی بلوان، بلدھاری ویس وٹائیا۔ اوتھے شرع ہونی شیَطان، شریِعت وِچ کُرلائیا۔ جوتی جوت سروُپ ہرِ، آپ اپنی کِرپا کر، نِہکلنک نرائن نر، مہاراج شیرسِنگھ وِشنوُں بھگوان، آد انت مدھ دا لیکھا جُگ جُگ اپنے ہتّھ رکھائیا۔

۸ چیت شہنشاہی سمت ۵ نچھتر سِنگھ دے گرِہ دوراہا

سَتگُر شبد اگمّی نگارے لائی چوٹ، چوٹی چڑھ کے دو جہاناں رہیا سُنائیا۔ خبردار کرے برہمنڈ کھنڈ پُری لوء آکاش پاتال کوٹی کوٹ، کوٹن کوٹ کوٹ اُٹھائیا۔ اُٹھو ویکھو پُرکھ اکالا نِرمل جوت، جوتی جاتا ڈگمگائیا۔ جِس دی آد جُگاد جُگ چؤکڑی نِرگُن نِروَیر نِراکار اگمّی جوت، دوُجا نظر کوئے نہ آئیا۔ گُر اوتار پَیغمبر جِس دی دسدے آئے سوچ، نام کلمیاں وِچ صِفت صالاحیِا۔ سو سچ سوامی انترجامی گھٹ نِواسی پُرکھ ابناشی سچکھنڈ نِواسی درگاہ ساچی مانے مؤج، سچکھنڈ ساچے سوبھا پائیا۔ حُکمے اندر سب نے جانا پہنچ، آون جاون پتت پاوَن ایکا گھر دئے وڈیائیا۔ بھیوَ ابھیدا اچھل اچھیدا کھولے لوک پرلوک، پردہ اوَر رہے نہ رائیا۔ اوتار پَیغمبراں پِھر کے چؤداں طبقاں چؤداں لوک، نِرگُن نِرگُن اپنا پھیرا پائیا۔ جوتی جوت سروُپ ہرِ، آپ اپنی کِرپا کر، کرے کھیل ساچا ہرِ، سچ سوامی انترجامی گھٹ نِواسی پُرکھ ابناشی پاربرہم پت پرمیشور پروردِگار سانجھا یار اپنا حُکم اِک ورتائیا۔ سَتگُر شبد کہے چوٹ لگّے اِک نگارہ، نؤبت حق نام وجائیا۔ دو جہاناں کرے خبردارا، بےخبراں خبر سُنائیا۔ اوتار پَیغمبر لؤ ہُلارا، آلس نِندرا دینی تجائیا۔ پرگٹ ہوئے چؤویواں اوتارا، جوتی جاتا نوُر الاہیِا۔ جِس دا کھیل اگمّ اپارا، الکھ اگوچر اپنی کار کمائیا۔ آد جُگادی بن سِکدارا، حُکم اِکو اِک دِرڑائیا۔ جِس نوُں سجدے کردے آئے نِمسکارا، ڈنڈاوت بندنا وِچ وڈیائیا۔ جوتی جوت سروُپ ہرِ، آپ اپنی کِرپا کر، کرے کھیل ساچا ہرِ، سچ سندیسہ نر نریشا اِکو اِک سُنائیا۔ سَتگُر شبد کہے ڈنکا وجےّ اگمّ اپار، الکھ اگوچر آپ

سُنائیا۔ سوادھان ہووو تیئی اوتار، ترےَگُن اتیِتا آپ سُنائیا۔ عیسیٰ موُسیٰ محمد نیتر لوچن نیَن لؤ اُگھاڑ، صدی چؤدھویں بَیٹھی پندھ مُکائیا۔ نانک گوبِند لائی اِک جَیکار، تُونہی تُونہی راگ الائیا۔ شاستر سِمرت وید پُران اِنجیِل قرآن گا گا گئی ہار، تھکاوٹ وِچ لوکائیا۔ سرِشٹی درِشٹی پاوے کوئی نہ سار، سُرتی شبد نہ کوئے مِلائیا۔ چاروں کُنٹ ہاہاکار، کوُڑی کِریا دئے دُہائیا۔ دیِا باتی ہوئے نہ کوئے اُجیار، کایا بنک نہ کوئے وڈیائیا۔ جِدھر تکّو کام کرودھ لوبھ موہ ہنکار، آسا منسا مِل کے وجےّ ودھائیا۔ انادی دُھن وجےّ نہ کوئے دُھنکار، انحد نادی ناد نہ کوئے شنوائیا۔ امرت رس کِسے ملِے نہ ٹھنڈا ٹھار، کلجُگ اگنی تت تپائیا۔ جِدھر ویکھو دھوُاں دھار، نِرگُن نوُر جوت نہ کوئے رُشنائیا۔ جوتی جوت سروُپ ہرِ، آپ اپنی کِرپا کر، کرے کھیل ساچا ہرِ، دُھر فرمانا اِک سُنائیا۔ سَتگُر شبد کہے ڈنکا وجےّ اگمّ اتھاہ، راؤ رنکاں دئے جنائیا۔ کرے کھیل بے پرواہ، بے پرواہ اپنا حُکم ورتائیا۔ کلجُگ کوُڑی کِریا میٹے نِشاں، نِشانے پِچھلے دئے چُکائیا۔ سَتجُگ ساچا دئے جگا، جاگرت جوت کر رُشنائیا۔ نام کلمہ دئے پڑھا، سِکھیا اِکو نوُر الاہیِا۔ سچ دوارا اِک سُہا، سوبھاوَنت دئے وڈیائیا۔ چار ورن اٹھاراں برن بہا کے اِک تھاں، تھاننتر دیونہار وڈیائیا۔ ہنس بُدھی بنائے کاں، کاگ ہنس روُپ بدلائیا۔ مِہربان محبوُب مُحبّت وِچ دیوے ٹھنڈی چھاں، اگنی تت نہ لاگے رائیا۔ انتم کرے سچ نیاں، عدل اِنصاف آپ کمائیا۔ لیکھا جانے دو جہاں، نِرگُن سرگُن سرگُن نِرگُن اپنا حُکم ورتائیا۔ جوتی جوت سروُپ ہرِ، آپ اپنی کِرپا کر، کرے کھیل ساچا ہرِ، سچ دا مالک اِکو اِک اکھوائیا۔ سَتگُر شبد کہے میَں کرنی خبرداری، نِرگُن سرگُن دیاں دِڑرائیا۔ چار کُنٹ دہ دِشا سرِشٹی درِشٹی ہوئے اُجیاری، اِشٹی اِکو سوبھا پائیا۔ محل اٹل اُچ مناری، درگاہ ساچی گرِہ دینا سُہائیا۔ جِتھے جگے جوت نِرنکاری، نوُر ظہوُر اپنا آپ پرگٹائیا۔ کلجُگ انت انت اوسے دی واری، وارتا پِچھلی ویکھ وکھائیا۔ گُر اوتار پَیغمبر جِس دی کردے اِنتظاری، بِن نیَناں نیَن اُٹھائیا۔ پرگٹ ہوئے جودھا سوُربیِر وڈ بلکاری، پاربرہم پت پرمیشور پروردِگار اپنا نوُر نوُر نوُر رُشنائیا۔ جوتی جوت سروُپ ہرِ، آپ اپنی کِرپا کر، کرے کھیل ساچا ہرِ، سچ دوار ایکنکار اِک اِکلّا اپنی کار کمائیا۔ سَتگُر شبد کہے میرا صاحِب سُلطانا، پُرکھ اکالا اِک اکھوائیا۔ جودھا سوُربیِر مرد مردانہ، ایکنکارا وڈ وڈیائیا۔ جو گُر اوتار پَیغمبراں جُگ چؤکڑی دیوے دانا، نام کلمہ جھولی پائیا۔ سو انت سِری بھگوَنت نِرگُن نوُر جوتی پہن کے جامہ، شبدی شبد دھار پرگٹائیا۔ جِس دا وجّنا اِک دمامہ، دیِن دُنی دئے ہِلائیا۔ دھرم جھُلائے

سچ نِشانہ، نوَ نؤ چار وجےّ ودھائیا۔ لکھّ چؤراسی آتم دا بن کے کاہنا، سُرتی سب دی لئے پرنائیا۔ جنگل جوُہ ساڈھے تِنّ ہتّھ بیِابان ویکھے راما، سیِتا سوانی رنگ رنگائیا۔ عیسیٰ موُسیٰ محمد دیونہارا کلاما، کلمہ حقیِقی اِک جنائیا۔ نانک گوبِند جِس دا دین پَیغاما، پرا پسنتی مدھم بَیکھری توں پرے کر پڑھائیا۔ سو خالق خلق پرِتپالک پاربرہم پت پرمیشور آد جُگادی کھیلے کھیل وِچ جہانا، جہالت دیِن دُنی ویکھ وکھائیا۔ جوتی جوت سروُپ ہرِ، آپ اپنی جوت دھر، کرے کھیل ساچا ہرِ، سچ دوارا اِکو اِک پرگٹائیا۔ سَتگُر شبد کہے میرا کھیل ہونا انوکھا، وکھری دھار سمجھائیا۔ کِسے نال نہیں کرنا دھوکھا، صدی چؤدھویں انت حُکم ورتائیا۔ جو گُر اوتار پَیغمبراں بھوِکھت جنایا پوتھا، پُستک سب دی ویکھ وکھائیا۔ نِرگُن نوُر پرکاش کر کے جوتا، جوتی جاتا ہو کے ویکھ وکھائیا۔ کلجُگ جیو کوئی ماریا نہ جائے بےدوشا، گھٹ گھٹ انتر نِرنتر ہو کے پردہ دئے اُٹھائیا۔ عقل بُدھی دی چلنی نہیں کِسے سوچا، سمجھ والی نہ کوئے چتُرائیا۔ جھگڑا پَینا چار کُنٹ دہ دِشا چؤداں لوکا، چؤداں طبق رہے کُرلائیا۔ پُرکھ اکال دیِن دَیال دا اِکو انت اَخیِر ہووے مؤقع، مُکمل اپنا حُکم ورتائیا۔ جوتی جوت سروُپ ہرِ، آپ اپنی کِرپا کر، کرے کھیل ساچا ہرِ، سچ دا بھیوَ اپنے ہتّھ رکھائیا۔ سَتگُر شبد کہے میرا کھیل سب توں نِرالا، نِروَیر نِراکار نِرنکار رہیا کرائیا۔ ویکھنہارا دیِن دَیالا، دَیانِدھ ٹھاکر سوامی بےپرواہیِا۔ جِس دے حُکم اندر کال مہاکالا، دِوس رَین بھجّن واہو داہیِا۔ اوہ ویکھنہارا دو جہاناں سچّی دھرمسالہ، در دوارے پھول پُھلائیا۔ جاں تکّیا چاروں کُنٹ بےحالا، بِہبل ہو کے رووے سرب لوکائیا۔ کِسے تن وجوُد ماٹی خاک نِرگُن دیِا جوتی جوت نہ بالا، بالی بُدھ نہ کوئے وڈیائیا۔ بجر کپاٹی لگّا تالا، تُریا توں پرے جلوہ نوُر نہ کوئے رُشنائیا۔ پربھ کھیل ویکھدا حالا، ماضی جھگڑا رہیا گوائیا۔ جوتی جوت سروُپ ہرِ، آپ اپنی کِرپا کر، کرے کھیل ساچا ہرِ، نِہکلنک نرائن نر، مہاراج شیرسِنگھ وِشنوُں بھگوان، آد انت جُگا جُگنت نِرگُن سرگُن سب دا حل کرے سوالا، سوالی خالی در رہن کوئے نہ پائیا۔

۹ چیت شہنشاہی سمت ۵ گجّن سِنگھ دے گرِہ پِنڈ دوراہا

دس چیت کہے شبدی دھار گوبِند دسم، دسم دوار توں پرے دئے وڈیائیا۔ جِس نے پُرکھ اکال نال مِل کے کھادھی قسم، سوگندھ اپنے نال پوائیا۔ آد جُگادی منّنا اِکو خصم، دوُجا کنت نہ کوئے ہنڈھائیا۔ جِس دا لہنا دینا تن وجوُد ضمیِر جِسم، تت ویکھے تھاؤں تھائنیا۔ سو کلجُگ انتم سَتجُگ چلائے اپنی رسم، راہ اِکو اِک دِرڑائیا۔ مرن توں بعد کمّ نہ آوے بھسم، ہاڈی رنگ نہ کوئے رنگائیا۔ جیِوندیاں گُرمُکھ سَتگُر سنگ وسن، آتم پرماتم مِل کے وجےّ ودھائیا۔ سَتجُگ دھار مارگ آیا دسّن، دہ دِشا پردہ لاہیِا۔ بھگتاں انتر آیا وسن، نِرگُن ہو کے سوبھا پائیا۔ نِج نیتر کھول کے اکھّن، سوَچّھ سروُپی درس دِکھائیا۔ پردہ لاہ کے اپنے وطن، بےوطناں دئے سمجھائیا۔ بِنا سَتگُروُ توں کِسے کمّ نہ آوے کیِتا یتن، یتھارتھ رنگ نہ کوئے رنگائیا۔ دیِن دُنی دے بھانڈے ویکھو سکھّن، وست نام نہ کوئے بھرائیا۔ جن بھگتو چؤراسی وِچوں تھوڑے تُسیں ورولے مکھّن، پرم پُرکھ اپنی دَیا کمائیا۔ انتم پُجنا اوسے پتن، جِتھے کھیوٹ کھیٹا اِکو نظری آئیا۔ جوتی جوت سروُپ ہرِ، آپ اپنی کِرپا کر، کرے کھیل ساچا ہرِ، سد اپنا حُکم ورتائیا۔ دس چیت کہے میَں دسّن آیا حال، حالت سب دی دیاں جنائیا۔ اِکو منّنا پُرکھ اکال، دوُجی اوٹ نہ کوئے تکائیا۔ باقی سب تے آئے زوال، بچیا رہن کوئے نہ پائیا۔ جھگڑا مُکنا کایا ماٹی کھال، چمّ درِشٹی ڈیرہ ڈھاہیِا۔ نِرگُن نوُر دیِپک جوتی دیوے بال، بال اَنجانے لئے اُٹھائیا۔ پوُرب جنم دی لیکھے لاوے گھال، جو جُگ چؤکڑی نام سیو کمائیا۔ مِہربان ہو کے محبوُب کرے پرِتپال، سِر اپنا ہتّھ ٹِکائیا۔ کلجُگ وِچ سَتجُگ بدل کے چال، رستہ اِکو رہیا سمجھائیا۔ جِدھر ویکھو اندر باہر گُپت ظاہر چلے نال، وِچھوڑا وِچ نہ کوئے بنائیا۔ صدی چؤدھویں کرے انت سنبھال، سمبل بَیٹھا سوبھا پائیا۔ جِس دا گُر اوتار پَیغمبر دے کے گئے احوال، بھوِکھتاں وِچ گواہیِا۔ سو صاحِب سوامی انترجامی پُجیا آن، اَنک کل دھاری اپنی کل دھرائیا۔ سنت سُہیلے گُرمُکھ گُر گُر لبھے آن، مِہربان مِہر نظر اُٹھائیا۔ ساچا دے کے اِک گیان، برہم وِدیا دِتی پڑھائیا۔ جھگڑا چھڈنا دیِن مذہب ہِندوُ سِکھ عیِسائی مُسلمان، مُسلسل اِکو گھر جنائیا۔ جِتھے وسے شاہ سُلطان، نِرگُن نِروَیر سوبھا پائیا۔ جوتی دھار تکّو مہان، مہما اکتھ اکتھ سُنائیا۔ جِس دوارے ملِے آن، ممتا موہ وِکار ہنکار لیکھا رہے نہ رائیا۔ سو مالک خالق پرِتپالک ایکنکار سِری بھگوان، پروردِگار نوُر الاہیِا۔ جگت بُدھی وِچ کرے نہ کوئے پہچان، نیتر نیَناں درس کوئے نہ پائیا۔

جوتی جوت سروُپ ہرِ، آپ اپنی کِرپا کر، کرے کھیل ساچا ہرِ، سچ دوارا اِک سمجھائیا۔ دس چیت کہے میَں دہ دِشا ویکھیا تک، تقویٰ اِک رکھائیا۔ حقیِقت ملِے نہ کِتوں حق، لاشریِک پردہ نہ کوئے اُٹھائیا۔ شاستر سِمرت وید پُران گئے تھک، کھانی بانی دئے دُہائیا۔ دھرم رہیا مات نہ سچّ، سنجم ونڈ نہ کوئے ونڈائیا۔ اگنی لگّی کایا ماٹی کچ، کنچن گڑھ نہ کوئے سُہائیا۔ امرت نام ملِے نہ رس، انرس ہتّھ کِسے نہ آئیا۔ سرِشٹی درِشٹی من کلپنا اندر رہی نسّ، بھجےّ واہو داہیِا۔ آتم پرماتم مِل کے گاوے کوئی نہ جس، وید پُراناں پڑھ پڑھ اپنا جھٹ لنگھائیا۔ ساچا مارگ دیِن دُنی گئی چھڈ، پگڈنڈی چل کے بنے پاندھی راہیِا۔ سچ منزل دی مُکی کِسے نہ حد، محبوُب مِل کے درس کوئے نہ پائیا۔ جِدھر ویکھاں سارے ہوئے الگ، ساچا سنگ نہ کوئے بنائیا۔ کلجُگ جیو بنے کگّ، ہنس روُپ نہ کوئے وٹائیا۔ ساچی سُنے کوئے نہ سدّ، چھند کہن کوئے نہ پائیا۔ جوتی جوت سروُپ ہرِ، آپ اپنی کِرپا کر، کرے کھیل ساچا ہرِ، سچ دوارا اِک سُہائیا۔ دس چیت کہے میَں سب نوُں دسّدا، دہ دِشا دھیان لگائیا۔ جن بھگتو نظارہ تکّو اپنی اکھّ دا، نِج نیتر نوُر ہووے رُشنائیا۔ ڈھولا گاوو آتم پرماتم پربھوُ دے جس دا، دوُسر اوَر نہ کوئے پڑھائیا۔ جو ایتھے اوتھے دو جہاناں پَیج رکھدا، پنچ دا مالک پرپنچ دئے گوائیا۔ ہر گھٹ اندر نوُری دھار ہو کے وسدا، واسطہ اپنے نال رکھائیا۔ جھگڑا مُکائے اُبلن والی رتّ دا، اگنی تت نہ کوئے تپائیا۔ نِت نوِت جن بھگت سُہیلے سدّدا، شبد سندیسہ اِک سُنائیا۔ لہنا دینا دیوے حقیِقت حق دا، حاکم ہو کے جھولی پائیا۔ بھانڈا بھرم بھنّ دیؤ شکّ دا، شِکوہ شکوُک رہے نہ رائیا۔ ویکھیو کھیل پُرکھ سمرتھ دا، جو سماں سب دا دئے بدلائیا۔ جیہڑا تُوں میرا میَں تیرا نام رٹدا، رٹّا آون جاون دئے مُکائیا۔ سو لاہا ساچا کھٹّدا، جِس دی قیِمت نہ کوئے رکھائیا۔ دو جہاناں منزل ٹپّدا، پُریاں لوآں برہمنڈاں کھنڈاں چرناں ہیٹھ دبائیا۔ سچکھنڈ دوار پربھ جوتی وِچ وسدا، جوتی جوت جوت سمائیا۔ دس چیت کہے جن بھگتو میَں وی درشن کر کے رجّدا، اپنی آسا پوُر کرائیا۔ جلوہ تک نوُر الاہی ربّ دا، میرے انتر وجےّ ودھائیا۔ جو مالک دِسے سب دا، صحیح سلامت نظری آئیا۔ جوتی جوت سروُپ ہرِ، آپ اپنی کِرپا کر، کرے کھیل ساچا ہرِ، نِہکلنک نرائن نر، مہاراج شیرسِنگھ وِشنوُں بھگوان، جھگڑا مُکاوے کلجُگ کلپنا والی حد دا، حدوُد اپنی اِک وکھائیا۔

۹ چیت شہنشاہی سمت ۵ جسونت کؤر دے گرِہ دوراہا منڈی

دس چیت کہے میَں دسّاں سچّی داستان، داس داسی ہو کے سیو کمائیا۔ گُر اوتار پَیغمبر دے کے گئے بیان، رسنا جِہوا راگ ناد ڈھولے گائیا۔ جِس ویلے کلجُگ کوُڑی کِریا ودھی جہان، چار کُنٹ دہ دِشا ہوئے ہلکائیا۔ جھگڑا پئے تت اِنسان، اِنسانیت رہن کوئے نہ پائیا۔ سَت دھرم نہ دِسے نِشان، چاروں کُنٹ اندھیرا چھائیا۔ کوُڑ کُڑیار ہوئے پردھان، بھجےّ واہو داہیِا۔ شرع دِسے شیَطان، شریِعت کرے لڑائیا۔ ثابت رہے نہ کوئے اِیمان، عملاں وِچ نہ کوئے لوکائیا۔ دیِن دُنی ہوئے بے اِیمان، سَت دھرم نہ کوئے رکھائیا۔ اوس ویلے کِرپا کرے سِری بھگوان، ہرِ کرتا شہنشاہیِا۔ جوتی جوت سروُپ ہرِ، آپ اپنی کِرپا کر، کرے کھیل ساچا ہرِ، سچ دا حُکم اِک ورتائیا۔ دس چیت کہے میَں پڑھ پڑھ ویکھے جگت کتیب، اکھّر اکھّر پھول پُھلائیا۔ میٹ سکیا نہ کوئے دُنیا دا فریب، مایا ممتا موہ وِکار ہنکار نہ کوئے گوائیا۔ کوُکدے ویکھے چار وید، سِمرت شاستر دین گواہیِا۔ اگمّ اتھاہ کھولیا کِسے نہ بھید، الکھ اگوچر کہن کوئے نہ پائیا۔ سب نے آسا رکھی اُمیِد، آمد وِچ راہ تکائیا۔ کِرپا کرے وڈ دیوی دیوَ، دیوَ آتما دا مالک نوُر الاہیِا۔ جِس دی جُگ چؤکڑی کردے رہے سیو، سیوک ہو کے سیو کمائیا۔ جوتی جوت سروُپ ہرِ، آپ اپنی کِرپا کر، کرے کھیل ساچا ہرِ، سچ دا حُکم اِک ورتائیا۔ دس چیت کہے میَں دسّاں سچ سندیسہ، صدیاں دے وِچھڑیاں دیاں سُنائیا۔ انت پُرکھ اکال دے ہتّھ لیکھا، لِکھی تقدیِر نہ کوئے مِٹائیا۔ پار کرے نہ کوئے مُلّا شیخا، مسائک پنڈت نہ کوئے وڈیائیا۔ قبوُل ہووے نہ کِسے آدیسا، سجدہ سیِس نہ کوئے وڈیائیا۔ نظری آئے کوئی نہ نیتا، نِج نیتر لوچن نیَن اکھّ نہ کوئے کُھلائیا۔ آتم پرماتم کرے کوئی نہ ہیتا، پاربرہم برہم میل نہ کوئے مِلائیا۔ پِھرے دروہی دیس پردیسا، دو جہان رہے کُرلائیا۔ گُر اوتار پَیغمبراں پوُرا ہویا ٹھیکا، ٹھاکر سوامی انترجامی مِلن کوئے نہ پائیا۔ چار ورن اٹھاراں برن سچ دھار دی سمجھے کوئی نہ بھیٹا، مایا ممتا موہ وِکار ہلکائیا۔ پُرکھ اکالا دیِن دَیالا ایکنکار اِک اِکلّا صدی چؤدھویں سب دا کھیوٹ کھیٹا، جگت ملاح بے پرواہ اِکو نظری آئیا۔ جوتی جوت سروُپ ہرِ، آپ اپنی کِرپا کر، کرے کھیل ساچا ہرِ، سچ سوامی انترجامی گھٹ نِواسی پُرکھ ابناشی پاربرہم پت پرمیشور ، نِہکلنک نرائن نر، مہاراج شیرسِنگھ وِشنوُں بھگوان، آد انت دا آپے جانے لیکھا، دوُسر بھیوَ نہ کِسے سمجھائیا۔

۹ چیت شہنشاہی سمت ۵ گُرنام کؤر دے گرِہ دوراہا منڈی

دس چیت کہے میَں ویکھیا دہ دِشا، بِن نیتر نیَناں اکھّ کُھلائیا۔ ساچی کرے کوئی نہ کِسے رچّھا، رچھک نظر کوئے نہ آئیا۔ نام بھنڈارا دیوے کوئی نہ بِھچھا، بِھکھک خالی جھولی نہ کوئے بھرائیا۔ میَں چار جُگ دا لیکھ ویکھیا لِکھا، شاستر سِمرت وید پُران گیِتا گیان اِنجیِل قرآن کھانی بانی پھول پُھلائیا۔ میَنوُں نِراکھّر دھار اِکو دِسا، جِس دی وِدیا سمجھ کِسے نہ پائیا۔ سَتگُر شبد اگمّی ونڈ کے حِصّہ، دیِن دُنی گیا سمجھائیا۔ ہرِجن دھرم دھار دے بن جاؤ دُھر دے سِکھا، سِکھیا سچ اِک دِرڑائیا۔ پاہن پوُجنا نہ پتّھر اِٹّا، نِرگُن نوُر جوت تت کر رُشنائیا۔ جِس تیری جیِون جگت دھار دا سِٹّا، انت اَخیِر نظری آئیا۔ کوُڑ نِشانہ جائے مِٹا، سَت سچ ہووے رُشنائیا۔ امرت رس برکھے چِھٹا، جوتی جوت سروُپ ہرِ، آپ اپنی کِرپا کر، کرے کھیل ساچا ہرِ، سچ دا حُکم اِک ورتائیا۔ دس چیت کہے میَں دیِن دُنی دے اندر وڑیا، لکھّ چؤراسی پھول پُھلائیا۔ مانَو مانَو پؤڑے چڑھیا، کایا مندر اندر اپنا پندھ مُکائیا۔ بھے بھیانک وِچ نِرنتر ہو کے ڈریا، بھؤ اِکو نظری آئیا۔ جِنہاں نے پرم پُرکھ دا نام کدی نہیں پڑھیا، پاربرہم نظر کوئے نہ آئیا۔ ترےَگُن اگنی وِچ سڑیا، سانتک سَت نہ کوئے کرائیا۔ میَں اوس دوارے کھڑھیا، جوتی جوت سروُپ ہرِ، آپ اپنی کِرپا کر، کرے کھیل ساچا ہرِ، سچ سوامی اپنا بھیوَ آپ کُھلائیا۔ دس چیت کہے میَں دیِن دُنی اندر بھجّا، بھجن بندگی ویکھ وکھائیا۔ سچ سِنگھاسن مِلیا کوئی نہ سجا، سچ سوامی سوبھا کوئے نہ پائیا۔ درشن کرے نہ کوئی اُپر شاہ رگا، شہنشاہ مِلن کوئے نہ آئیا۔ جِس دی سمجھا سکے کوئی نہ وجہ، وجوُہات نہ کوئے دِرڑائیا۔ پربھ دی چلے کوئی نہ رضا، بھانے وِچ نہ کوئے سمائیا۔ سادھ سنت کردے دغا، جگت فقیِر کوُڑ ہلکائیا۔ مندر حق کِسے نہ لبھا، محبوُب درس کوئے نہ پائیا۔ ساچا ناد نہ سُنے ندا، انراگی راگ نہ کوئے جنائیا۔ پنچ وِکارا جگت بدھّا، کایا کام کرودھ لوبھ موہ ہنکار ہلکائیا۔ آتم پرماتم دیوے کوئی نہ سدّا، سچ سندیس نہ کوئے دِرڑائیا۔ قبوُل ہوئے کدے نہ حجا، کایا کعبہ بھیوَ نہ کوئے کُھلائیا۔ بھگتی دھار ودھے کِسے نہ اَگا، بھگوَن مِلن کوئے نہ آئیا۔ جوتی جوت سروُپ ہرِ، آپ اپنی کِرپا کر، کرے کھیل ساچا ہرِ، سچ کرنی کار کمائیا۔ دس چیت کہے میَں دیِن دُنیا کھوجی، کھوجت کھوجت وِچ لوکائیا۔ مایا ممتا کِیتے سارے روگی، ہؤمے گڑھ نہ کوئے تُڑائیا۔ آتم پرماتم بنے نہ کوئے سنجوگی، دُھر دا جوڑ نہ کوئے جُڑائیا۔ انتر واسنا کِسے نہ سودھی، سُدھ بُدھ نہ کوئے وکھائیا۔ من منسا ہوئی کملی

کوجھی، دُرمت مَیل نال وڈیائیا۔ پاربرہم دی دِتی کِسے نہ سوجھی، سمجھ وِچوں سمجھ نہ کوئے بدلائیا۔ سچ دوارے دا دِسیا کوئے نہ مؤجی، مجلس پربھ دے نال رکھائیا۔ جوتی جوت سروُپ ہرِ، آپ اپنی کِرپا کر، کرے کھیل ساچا ہرِ، سچ کرنی کار کمائیا۔ دس چیت کہے میرے انتر آیا دُکھ، دُکھی ہو کے دِتی دُہائیا۔ کیوں بھرم بُھلائے مانَس منُکھ، مایا ممتا وِچ کُرلائیا۔ آتم ملِے کِسے نہ سُکھ، کوُڑ کلپنا وِچ کُرلائیا۔ اُلٹا مات گربھ دا رُخ، نؤ اٹھاراں اگن تپائیا۔ سجدہ سیِس کرے کوئی نہ جھُک، ڈنڈاوت بندنا نہ کوئے وڈیائیا۔ صدی چؤدھویں سارے گئے رُٹھ، رُٹھیاں پھیر نہ کوئے منائیا۔ خالی بھانڈے دِسے ٹُھٹھ، نام وست نہ کوئے ٹِکائیا۔ سب دی مینڈھی کُھلی گُت، کنت سُہاگ نہ کوئے ہنڈھائیا۔ مِلیا میل نہ ابناشی اچُت، چیتن سُرتی نہ کوئے جنائیا۔ سچ سوامی انترجامی ہر گھٹ اندر بَیٹھا لُک، نِج نیتر درس کوئے نہ پائیا۔ کلجُگ جیو اپرادھی ہوئے سُت، سَت سوامی سیِس نہ کوئے نِوائیا۔ پنج تت پُتلے دِسدے بُت، بُتخانے رہے کُرلائیا۔ انتم ویلا رہیا ڈُھک، گھڑی پل دئے گواہیِا۔ پُرکھ اکال نے بدلنا اپنا رُخ، رُخصت گُر اوتاراں دئے کرائیا۔ پَیغمبراں کولوں لیا پُچھ، سب دا لیکھا دِتا دِرڑائیا۔ صدی چؤدھویں انت لہنا دینا سب دا رہیا مُک، مُکمل دِتا سُنائیا۔ گُر اوتار پَیغمبر وِشن برہما شِو دیوت سُر لکھّ چؤراسی جیِو جنت نؤ کھنڈ پرِتھمی ستّ دیِپ مانَس ذاتی پڑھنی اِکو تُک، تُوں میرا میَں تیرا آتم پرماتم پرماتم آتم ڈھولا گائیا۔