پہلی چیت شہنشاہی سمت ۶ ہرِ بھگت دوار جیٹھوال
حضرت عیسیٰ موُسیٰ محمد جھُکے، نانک گوبِند نال مِلائیا۔ ساڈے سب دے پَینڈے مکُے، مُکمل دئیے جنائیا۔ ویکھنا کھیل ابناشی اچُتے، پاربرہم دھیان لگائیا۔ جِس دی دو جہان سُہنجنی ہونی رُتے، رُتڑی اپنے نال مہکائیا۔ سنت سُہیلے اُٹھائے سُتے، جن بھگت لئے جگائیا۔ دیس دیسانتر انتر پُچھے، دوُر نیڑا ونڈ نہ کوئے ونڈائیا۔ ساچے مارگ کرکے سُچے، انتر درِشٹی دئے کُھلائیا۔ پھڑ بانہوں گودی چُکے، مِہربان محبوُب اپنا رنگ رنگائیا۔ چار ورناں انتر نِرنتر کوئے نہ دُکھے، دردیِاں درد ونڈائیا۔ جو چار جُگ دے بُھکھے، تِنہاں ترِسنا دئے مِٹائیا۔ جوتی جوت سروُپ ہرِ، آپ اپنی کِرپا کر، سد اپنا حُکم سُنائیا۔ حضرت عیسیٰ موُسیٰ محمد ویکھن لا کے نِگاہ، نانک گوبِند سنگ رکھائیا۔ دھرنی دھرت دھوَل دھؤل اُتے کوَن سُہنجنی جگہ، انت ملِے مان وڈیائیا۔ پاربرہم پت پرمیشور پروردِگار سانجھا یار ہووے اُگھا، گاڈ گائیڈ روُپ درسائیا۔ جو سندیسہ دے کے گیا رام کرِشن وید ویاسا بُدھّا،
بھوِکھتاں وِچ اپنا راگ الائیا۔ اُس دا کھیل ویکھنا جِس دا آد انت توں کِسے سمجھ نہ آیا مُدّعا، مُدّتاں توں سارے راہ تکائیا۔ اوہ پرگٹ ہووے گہر گمبھیِر بے نظیِر اُتے بسُدھا، دھرنی دھرت دھوَل دھؤل کرے رُشنائیا۔ سچ دوار ایکنکار کھول کے اُچا، اوُچ نیِچ دا جھگڑا دئے مُکائیا۔ جوتی جوت سروُپ ہرِ، آپ اپنی کِرپا کر، کرے کھیل ساچا ہرِ، سچ کرنی کار کمائیا۔ حضرت عیسیٰ موُسیٰ محمد کہے پروردِگار اِکو گائیڈ، دو جہاناں سوبھا پائیا۔ جِس دا مارگ رستہ وائیڈ، نَیرو روُپ نہ کوئے جنائیا۔ دیِن مذہب دی پکڑے کوئے نہ سائیڈ، سِدھا اِکو راہ چلائیا۔ اوہلے رہے نہ کدے بیہائینڈ، سنمُکھ ہو کے سوبھا پائیا۔ جِس نے یوُرپ ایشیا ویکھنی لَیڈ، لَیڈ مارک کھوج کھوجائیا۔ شبد سندیسہ حُکم کرے سینڈ، چار کُنٹ کُنٹ جنائیا۔ صدی چؤدھویں کرکے اَینڈ، اڈَیکس ویکھے تھاؤں تھائنیا۔ جوتی جوت سروُپ ہرِ، آپ اپنی کِرپا کر، کرے کھیل ساچا ہرِ، سچ دا حُکم اِک سُنائیا۔ حضرت عیسیٰ موُسیٰ محمد کہے میرے وِلزُزجا، لاؤل زملازور نوُر اِلاہیِا۔ کائزیکملی یکے اُستُو تانزی مُنزبیتے چشمے چا زختو زو اعلیٰ نوُر خُدائیا۔ مُفتابی نوُرے ربی اعلیٰ طبی، جمانیشبی خزونے نبی، نظرے نیاز محمدے رضا، موزُنوی زکیزوا محمدے رضا، پَیغمبرے صدا آدابے االلہ، عالمیِن نوُر خُدائیا۔ جوتی جوت سروُپ ہرِ، آپ اپنی کِرپا کر، کرے کھیل ساچا ہرِ، ہرِ وڈّا وڈ وڈیائیا۔ محمد کہے نانکُ نِمسکار، گوبِند ڈنک وجائیا۔ عیسیٰ کہے نوُرے اِظہار، ظاہر ظہوُر رُشنائیا۔ عیسیٰ کہے زکھنیبلُ تاجختیزلُ بخشے روُح، رحمتے رحمان اِمام بےپرواہیِا۔ گوبِندے گزی، نانکے وجیہ شہنشاہ ازیں زکلو جموُ شہرائے ہزو، شریعتے تزو، تالبے، تزِبوُ عالمے عالم اعلیٰ ادنیٰ ویکھ وکھائیا۔ جوتی جوت سروُپ ہرِ، آپ اپنی کِرپا کر، کرے کھیل ساچا ہرِ، سچ سندیسہ اِک سُنائیا۔ اوتار پَیغمبر گُروُ گُردیو کردے سجدہ، صاحِب سُلطان سیِس نِوائیا۔ مِہربان محبوُب لیکھا ویکھ سب دا، پوُرب پھول پھولائیا۔ چار جُگ تیرا نام کلمہ سرگُن ہو کے رہیا رٹدا، رسنا جِہوا ڈھولا گائیا۔ تَینوُں مالک بنایا گھٹ گھٹ دا، شاستر سِمرت وید پُران اِنجیِل قرآن گیِتا گیان کھانی بانی دئے گواہیِا۔ تیرا کھیل ویکھیا دیِن مذہب دی حد دا، چار کُنٹ دہ دِشا دیِن دُنی کُرلائیا۔ تیرا نوُر تکیا اُپر شاہ رگ دا، جِتھے دیِپک اگمّی جگدا، دُھن انادی شبد وجّدا، انراگی راگ الائیا۔ بھگت سُہیلے سنت ساجن سدّ دا، گُرمُکھاں گُر گُر جوڑ جُڑائیا۔ تیرا اِک جَیکارا سُننا حق الکھّ دا، لکھّ پاتالاں آکاش تیرا دھیان لگائیا۔ بِن تیری کِرپا برہمنڈ کھنڈ پُری لوء آکاش پاتال
کوئے نہ وسدا، وسنیِک نظر کوئے نہ آئیا۔ تیرا بھیوَ نِج نیتر لوچن نیَن اکھّ دا، پرتکھ اپنا پڑدا لاہیِا۔ جگت ونجارا کردے پُرکھ اکال اپنے ہٹّ دا، ہٹوانے سارے دین دُہائیا۔ جوتی جوت سروُپ ہرِ، آپ اپنی کِرپا کر، ایکا دینا دُھر دا ور، سد اپنی کار کمائیا۔ گُر اوتار پَیغمبر کہن اوہ آ گیا نوُر الاہ، عالمیِن وڈیائیا۔ جلوہ گر نوُر خُدا، خُدی تکّبر ویکھ خلق خُدائیا۔ تیرے تیرے نالوں ہوئے جُدا، آتم پرماتم میل نہ کوئے کرائیا۔ من کلپنا کوُڑی کِریا ہؤمے ہنگتا ودھی وبا، دُرمت میَل نہ کوئے دھوائیا۔ تیرے نام دی سارے لاؤندے سدا، رسنا جِہوا ڈھولے گائیا۔ دروہی تیرا در کِسے نہ لدھّا، گرِہ مندر محبوُب مِلن کوئے نہ جائیا۔ صدی چؤدھویں کِسے سمجھ نہ آوے کی کھیل تیرا کی وجہ، وجوُہات نہ کوئے دِرڑائیا۔ کیوں جگت جگیاَسوُآں اندروں بدلی طبع، طبیب رنگ نہ کوئے رنگائیا۔ تُوں مالک خالق پاربرہم سب دا اِک ابّا، امی اپنا روُپ درسائیا۔ تیرا سچکھنڈ دوارا مُقامے حق اِکو اگمّی جگہ، دوُجا در نہ کوئے سُہائیا۔ جوتی جوت سروُپ ہرِ، آپ اپنی کِرپا کر، کرے کھیل ساچا ہرِ، سچ پردہ آپ اُٹھائیا۔ گُر اوتار پَیغمبر کہن اپنی دھار دھار پربھ بھیجی، بھجن بندگی لوڑ رہے نہ رائیا۔ شاستر سِمرت وید پُران اِنجیِل قرآن کھانی بانی جگت رسنا بُدھی وِچ پنجابی ہِندی کی کرے انگریزی، لیَنگوُایج کمّ کِسے نہ آئیا۔ بِن تیری کِرپا کوئی نہ سویں اپنی سیجی، سِنگھاسن سچ نہ کوئے سُہائیا۔ بِن تیرے سارے ہوئے پردیسی، دیس نظر کِسے نہ آئیا۔ کلجُگ انت کوُڑی کِریا بدل دے ریکھی، رِکھیاں مُنیاں دیئو سمجھائیا۔ اپنے دوارے سب دی منظور کر لےَ پیشی، پیشوا سارے رہے سُنائیا۔ نِرگُن دھار جوت نِرنکار نؤ کھنڈ پرِتھمی ستّ دیِپ ویکھی، وکھیان کرن دی لوڑ رہے نہ رائیا۔ جوتی جوت سروُپ ہرِ، آپ اپنی کِرپا کر، سد اپنی کار کمائیا۔ گُر اوتار پَیغمبر کہن آ گیا وقت سُہنجنا، سوبھاوَنت سُہائے۔ کی کھیل کرے درد دُکھ بھےَ بھنجنا، پربھ داتا بےپرواہے۔ جِس نوُں نؤ کھنڈ پرِتھمی لبھنا، بُدھی اندر ویکھن تھاؤں تھایں۔ اُس نے در در گھر گھر آپے ونجھنا، وَنجھ مُہانا نہ کوئے رکھائے۔ آتم پرماتم پرماتم ہو کے سدّنا، سندیسہ شبد نام دِرڑائے۔ اِک اِک دی چاڑھے رنگنا، دُتیا بھاؤ مِٹائے۔ اِکو دسّ ڈنڈاوت بندنا، سجدہ سیِس جگدیِش اِک جھُکائے۔ اِکو نام نِدھان پا کے انجنا، نِج نیتر اکھّ کُھلائے۔ اِکو سوامی لاوے انگنا، کنت سُہاگ نوُر الاہے۔ جھگڑا میٹ کے کایا ماٹی بدنا، تتو تت برہم دِرڑائے۔ سچ نگارہ اِکو وجّنا، ڈنکا شبدی شبد سُنائے۔ جن بھگت سُہیلے جگت ساگر لنگھنا، دیِن مذہب نہ کوئے اٹکائے۔ ایہہ
کھیل سوُرے سربنگنا، ہرِ کرتا آپ جنائے۔ جوتی جوت سروُپ ہرِ، آپ اپنی کِرپا کر، سد اپنا کھیل وکھائے۔ گُر اوتار پَیغمبر کہن اسیں بولیئے حق حقیِقت، سچ سچ رہے سُنائے۔ تیری ملِے نہ کِتے اصلیّت، اصل وصل نہ کوئے جنائے۔ نام کلمے دی رہی نہ کوئے اہمیِت، دیِن دُنی ہوئی ہلکائے۔ کِرپا نِدھان مِہربان آتم پرماتم اِکو دسّ ولدیّت، دوُجا نظر کوئے نہ آئے۔ تیرا نوُر تیری شخصیّت، شرع زنجِیر دینا کٹائے۔ جوتی جوت سروُپ ہرِ، آپ اپنی کِرپا کر، سچ دا مارگ اِک کُھلائے۔ گُر اوتار پَیغمبر کہن پربھوُ ویکھ لےَ اپنی کائنات، ورلڈ کھوج کھوجائیا۔ بِن اکھّاں مار جھات، بِن قدماں قدم اُٹھائیا۔ اندروں کُھلیا کِسے نہ تاک، چار جُگ دے شاستر سارے رہے واچ، اکھّراں صِفت صالاحیِا۔ روُح بُت کِسے نہ ہویا پاک، پتت پُنیِت نہ کوئے جنائیا۔ صدی چؤدھویں اندھیری رات، نوُری چند نہ کوئے رُشنائیا۔ ساچی دسّ اپنی گاتھ، کلمہ اگمّ اتھاہیِا۔ تُوں صاحِب پُرکھ سمراتھ، تیرے ہتّھ وڈیائیا۔ ہؤں سیوک تیرے ناتھ، شہنشاہ سرنائیا۔ جوتی جوت سروُپ ہرِ، آپ اپنی کِرپا کر، سد اپنا حُکم ورتائیا۔ گُر اوتار پَیغمبر کہن اوہ ویکھو کلجُگ پِھرے بھجّا، بھجےّ واہو داہیِا۔ ہتّھ اُٹھاوے سجّا، سب نوُں رہیا جنائیا۔ مُریِداں مُرشداں کولوں کرایا اِک دوُجے نال دغا، گُروُ چیلے دِتے لڑائیا۔ میَں پربھ دے حُکم دا بدھّا، بدی وِچ دُنیا دِتی پھسائیا۔ کوٹاں وِچوں میَنوُں بھگت سنت کوئے نہ لبھا، جو پربھ دے وِچ سمائیا۔ دُہتّھڑ مار کے کِہا اُف خُدا ہائے ربّا، خُدی وِچ تکّی جگت لوکائیا۔ جِدھر جاواں اودھر کوُڑ کُڑیارا اڈّا، دھرم دی دھار نہ کوئے وکھائیا۔ میَں سب نوُں دیواں سدّا، کوُک کوُک جنائیا۔ گُر اوتار پَیغمبرو تُہاڈے نام کلمے دا کھڑکدا سُنے کوئے نہ ڈبّا، کلجُگ ڈؤروُ اپنا رہیا کھڑکائیا۔ جوتی جوت سروُپ ہرِ، آپ اپنی کِرپا کر، کرے کھیل ساچا ہرِ، سچ کرنی کار کمائیا۔ کلجُگ کہے گُر اوتار پَیغمبرو میَں ہتّھ ماراں اُتے چھاتی، للکار کے دیاں جنائیا۔ کوُڑ کِریا دی لا چواتی، دیِن دُنی دِتی جلائیا۔ تُہاڈی منّے کوئے نہ آکھی، چیلے مُریِد گئے مُکھ بھوائیا۔ تُہاڈی اکھّراں والی پاتی، سُن کے مِلن کوئے نہ آئیا۔ سب توں اؤکھی منزل میری گھاٹی، انت چڑھن کوئے نہ پائیا۔ اُٹھو ویکھو اندھیری راتی، ساچا چند نہ کوئے چمکائیا۔ محمدا نِگاہ مار لےَ تُوں میرا اِک جماعتی، جمُلہ اکھّر دیاں سُنائیا۔ چؤداں صدیاں جیہڑی اُمت دی کردا رہیا آبپاشی، آبِ حیات مِہر مِہر برسائیا۔ اوتار دیندے رہے امرت بوُند سوانتی، جھِرنا نِجھر نِجھر پرگٹائیا۔ گُروُ گُردیو سُناؤندے رہے اگمّی گاتھی، صِفتاں وِچ صِفت صالاحیِا۔ انت انتشکرن دی دھار
کِسے نہ بھاکھی، بھاکھیا بھیوَ نہ کِسے کُھلائیا۔ مات لوک وِچ آئے انت سچکھنڈ دے واسی، واسطہ جگت نالوں تُڑائیا۔ چار کُنٹ گُر اوتار پَیغمبر کرے کوئے نہ راکھی، رکھک نظر کوئے نہ آئیا۔ کلجُگ کہے ایہہ ضرور میری گُستاخی، غُصّہ گِلہ نہ کوئے جنائیا۔ میَں سب دی اُلٹ دِتی بازی، بازاں والا دئے گواہیِا۔ کیوں میرا پُرکھ اکال پروردِگار میرے تے راضی، رازق رحیِم دَیا کمائیا۔ میَں بن کے جودھا سوُربیِر وڈّا غازی، غضب دی اپنی کار کمائیا۔ جگت سنیاسی بَیراگی تیاگی، اپنا آپ سکے کوئے نہ سادھی، سادھنا وِچ نہ کوئے صفائیا۔ بے شک رسنا جِہوا بتّی دند دیِن مذہب نام کلمے رہے ارادھی، ہِردے ہرِ نہ کوئے وسائیا۔ دروہی بِنا بھگتاں توں پُرکھ اکال نال ہووے نہ کِسے شادی، شادیِانے نہ کوئے وجائیا۔ کلجُگ کہے میرا انت اَخیِر گُر اوتار پَیغمبرو کوئی لبھ لؤ اپنا اِمدادی، جِس دی آمد وِچ بَیٹھے راہ تکائیا۔ میَں پیار مُحبّت دا ناتا رہن نہیں دِتا حقیِقی تے مجازی، پوُرب جھگڑا دِتا چُکائیا۔ بے شک دُنیا دی بہُتی ودھی آبادی، انِگنت ہوئی لوکائیا۔ کِسے دا میِت بنیا نہ دُھر دا ڈھاڈی، سوئی سُرت نہ کوئے جگائیا۔ جوتی جوت سروُپ ہرِ، آپ اپنی کِرپا کر، کرے کھیل ساچا ہرِ، سچ کرنی کار کمائیا۔ گُر اوتار پَیغمبر کہن، کلجُگ مُکھوں بچن کہہ نہ منّدا، سَت سَت دِرڑائیا۔ سانوُں سمجھیں موُل نہ بندہ، بندگی والا روُپ درسائیا۔ اسیں اوس نوُر دا چندا، جو چند نوُر کرے رُشنائیا۔ کلجُگ اَگوں کڈھ کے اپنے دنداں، ہسّ کے دِتا وکھائیا۔ میَنوُں اِک ڈر جِس ویلے گوبِند دا ویکھدا کھنڈا، بھےَ وِچ سیِس نِوائیا۔ پھیر پُچھو میَں سب توں اُتم سریشٹ چنگا، چار کُنٹ وڈیائیا۔ میَں پنڈت پاندھے بُھلائے اُتے گنگا، گوداوری جمنا سُرستی وہن وہائیا۔ سنتاں اندر رہن نہیں دِتا انندا، پرمانند وِچ نہ کوئے سمائیا۔ ساچی منزل درگاہ سچ کوئے نہ لنگھا، عیسیٰ موُسیٰ محمد دیؤ گواہیِا۔ گوبِند نے سیِس توں کڈھ کے کنگھا، نؤ وار گوداوری وِچ بھوائیا۔ میرے ڈھئیے توں بعد جگت جہان ہو جانا رنڈا، سُہاگی کنت نہ کوئے ہنڈھائیا۔ انتر آتم کِسے نہیں ہونا ٹھنڈا، اگنی تت تپائیا۔ جوتی جوت سروُپ ہرِ، آپ اپنی کِرپا کر، کرے کھیل ساچا ہرِ، سچ دا مالک بےپرواہیِا۔ گُر اوتار پَیغمبر کہن کلجُگ ویکھ زِمیں اسمان، اُپر نیِچے دھیان لگائیا۔ کلجُگ کہے میَں چھڈے سیِتا رام، رادھا کرِشن نہ ویکھ وکھائیا۔ پَیغمبرو تُہاڈا سُناں نہ کدے کلام، اُنگلاں کنّاں وِچ پائیا۔ نانک گوبِند تُہاڈا ویکھ لیا انتظام، چاروں کُنٹ کھوج کھوجائیا۔ کِسے وِچ نہ رہیا ستنام، سَت دی دھار نہ کوئے دِرڑائیا۔ حقیِقی سُنے نہ کوئے پَیغام، پرا پسنتی مدھم بَیکھری
توں پرے کرے نہ کوئے پڑھائیا۔ میَنوُں اَیں جاپدا تُسیں سارے میرے ورگے اُس پربھوُ دے غُلام، جو کائنات دا دُنیا دا سرِشٹی دا درِشٹی دا ورلڈ دا مالک اِک اکھوائیا۔ تُہاڈے ہُندیاں ویکھو میَں کیِتی اندھیری شام، شمع نوُر نہ کوئے رُشنائیا۔ جوتی جوت سروُپ ہرِ، آپ اپنی کِرپا کر، کرے کھیل ساچا ہرِ، پردہ پردے وِچوں اُٹھائیا۔ گُر اوتار پَیغمبر کہن کلجُگ کہندا کی، کی رہیا جنائیا۔ سارے آکھن ہُن سمت آ گیا ویہہ، حضرت عیسیٰ دئے گواہیِا۔ محمد کہے صدی چؤدھویں جِس دی میَں آ گیا رکھ کے نیہہ، لوک مات مات لگائیا۔ جِس خُدا دی حقیِقت وِچ کر کے آیا تشریح، نبیاں نبیاں وِچ سُنائیا۔ اُس دا کھیل ہونا وسیع، مذہب پَیمانے وِچ ناپ نہ کوئے کرائیا۔ جِس دی دھار نہ خریف نہ ربی، سد اِکو رنگ رنگائیا۔ جوتی جوت سروُپ ہرِ، آپ اپنی کِرپا کر، کرے کھیل ساچا ہرِ، سچ دا حُکم اِک سُنائیا۔ کلجُگ خوشیاں نال دوُروں کھلو کے ماری تالی، خُدا تُعالا کی جنائیا۔ ویکھو کھیل ماضی حالی، نیتر کھولوں چائیں چائنیا۔ تُہاڈے کلمے دیِپک جوت کِسے اندر نہیں بالی، بالا مردانہ دئے گواہیِا۔ نانک بغداد وِچ دسّ کے آیا نِکی جیہی بات سُکھالی، سہج نال دِرڑائیا۔ جِس ویلے صدی چؤدھویں رَین اندھیری ہووے کالی، نوُری چند نہ کوئے چمکائیا۔ اُس ویلے پرگٹ ہونا اِک سمرتھا تے اِک جوت اکالی، واحد واحد نظری آئیا۔ میَں سُنیا مجھّیاں دا پالی، اُس دیِن دُنی دے مالک نے نؤ کھنڈ پرِتھمی مانَو ذاتی اپنے اَگے لیَنی چلائیا۔ کوئی ہِردا رہن نہیں دینا خالی، جِس انتر نِرنتر نِرگُن جوت نہ کرے رُشنائیا۔ کِسے دی رہن نہیں دینی دلالی، وِچولا نظر کوئے نہ آئیا۔ جھگڑا میٹ زِمیں اسمانی، دُئی دوَیتی ڈیرہ ڈھاہیِا۔ جاں تکیا سب دا ناتا جوڑے باہمی، اِکو رنگ رنگائیا۔ شبد تیِر مار کے کانی، کائنات لئے اُٹھائیا۔ جوتی جوت سروُپ ہرِ، آپ اپنی کِرپا کر، سد اپنی کھیل کھِلائیا۔ گُر اوتار پَیغمبر کہن کلجُگ نہ کر اپنا زور، جوروُ زر دُہائیا۔ کلجُگ کہے اوتار پَیغمبرو تُہاڈے سِکھاں مُریِداں کھادھے پشوُ تے ڈھور، تتاں کھلّ لُہائیا۔ آتم پرماتم ناتا سکے کوئے نہ جوڑ، جوڑی دُھر نہ کوئے بنائیا۔ ایس ویلے اِس دی سب نوُں لوڑ، اِک دا اِک نوُر رُشنائیا۔ جیہڑا شبد ڈنڈے نال سب دے اندروں کڈھ دئے کھور، جھگڑا دُئی رہن نہ پائیا۔ جوتی جوت سروُپ ہرِ، آپ اپنی کِرپا کر، کرے کھیل ساچا ہرِ، سچ دا حُکم اِک ورتائیا۔ گُر اوتار پَیغمبراں کلجُگ دی سُن کے ساکھی، سچکھنڈ نِواسی دھیان لگائیا۔ جوتی دھار جامہ بدل نوُر جوت پوشاکی، بے پہچان پھیرا پائیا۔ خبردار سارے سُن لؤ اِکو باتی، باطن دیاں جنائیا۔
ویکھو اپنی اپنی بھوِکھتاں دی پِچھلی پاتی، بِنا اکھّراں کھوج کھوجائیا۔ صدی بیِسویں کِسے دا رہنا نہیں کوئی ساتھی، سگلا سنگ نہ کوئے بنائیا۔ صدی چؤدھویں منّنی نہیں کِسے دی آکھی، آخر محمد گیا دِرڑائیا۔ نانک نِرگُن سرگُن بول کے بچن ستنام دی ساتی، سَت سَت وِچوں پرگٹائیا۔ گوبِند چھڈ کے قلم دواتی، دُھر سندیسہ اِک دِرڑائیا۔ پُرکھ اکالا دیِن دَیالا کلجُگ انتم آوے جِس نے میٹنی سب دی واٹی، اگلا پندھ مُکائیا۔ آتم پرماتم جوڑ کے ناتی، نر نرائن ویکھ وکھائیا۔ سچ جَیکارا بول الاکھی، الکھ الکھّنا دئے دِرڑائیا۔ جوتی جوت سروُپ ہرِ، آپ اپنی کِرپا کر، کرے کھیل دُھر دا ہرِ، نِرگُن دھار نوُر رُشنائیا۔ گُر اوتار پَیغمبر کہن سمت چڑھ گیا چھ، شہنشاہ وڈیائیا۔ سمت پنج کہے میرا ویکھو امرت برسے مینہ، میگھلا سیو کمائیا۔ جِس نوُں خُدا گاڈ االلہ واہِگُروُ رام کرِشن کہندے دیؤ دیوَ، دیوَ دیوتے سیِس نِوائیا۔ اوہ اِک اِکلّا آد انت جُگا جُگنت سدا رہے، رہبر اِکو اِک اکھوائیا۔ جد تکّو بھگتاں دے کایا مندر بہے، باہروں نظر کِسے نہ آئیا۔ جِس نے کلجُگ دی کِریا کرنی لےَ، لائن پِچھلی دئے مِٹائیا۔ چاروں کُنٹ دے کے بھےَ، بھےَ بھنجن ویکھ وکھائیا۔ جوتی جوت سروُپ ہرِ، آپ اپنی کِرپا کر، سد اپنا کھیل وکھائیا۔ پُرکھ اکال کہے تیئی اوتار ہووو سوُربیِر، اپنا بل پرگٹائیا۔ کیوں تُہاڈے منّن والے نہیں دھردے دھیِر، دھیِرج دھار نہ کوئے جنائیا۔ رام جی کِتھے گیا تیرا دھنُش تے تیِر، سیِتا سُرتی نہ سنگ رکھائیا۔ کرِشنا کِتھے گیا کؤرو پانڈو والا وہیِر، اٹھائی کشوُنیِاں ونڈ نہ کوئے ونڈائیا۔ موُسیٰ عیسیٰ محمد کِدھر گئی کلمے والی تقریر، بے نظیِر نہ کوئے مِلائیا۔ نانک گوبِند کیوں نہیں پؤڑی چڑھدے اَخیِر، جو ستنام واہِگُروُ دا ڈھولا گائیا۔ سچ دسّو کیہڑا پَیغمبر تے کیہڑا گُروُ کیہڑا اوتار تے کیہڑا پیِر، کِس نوُں سیِس جھُکائیا۔ کیہڑا اِشٹ کیہڑی تصویِر، کیہڑا روُپ رہے سمجھائیا۔ کیہڑا شہنشاہ کیہڑا وزیر، حکوُمت حُکم کوَن جنائیا۔ کیہڑا کھنڈا کیہڑا شستر کیہڑا شمع نوُر کرے رُشنائیا۔ سارے کہن اسیں ہوئے پربھوُ دِلگیِر، سچ سچ سمجھائیا۔ جیہڑی ساڈی دیِناں مذہباں والی لکیِر، فقیِر ثابت نظر کوئے نہ آئیا۔ کلجُگ کہے میَں سب دی بدل دِتی ضمیِر، اندر وڑ کے کوُڑی کِریا دِتی بھرائیا۔ تُسیں کِسے دی بدل نہیں سکدے تقدیِر، تحریر وِچ اپنا حُکم لِکھائیا۔ جھٹ آواز مار لئی نیڑے آ کبیِر، قبراں دا جھگڑا دے مُکائیا۔ کیوں غریِب نِمانیاں ہُندی پیِڑ، بِرہوں روگ ستائیا۔ اُس دھیان دھریا چؤداں سؤ تیہہ پنّا تے کِسے سار نہ پائی گُروُ ارجن والی بیِڑ، بیڑا دھرم نہ کوئے اُٹھائیا۔ پربھ دا بھیوَ کِسے نہ جانیا گہر
گمبھیِر، گُجری دا لال کرے شنوائیا۔ بِنا شبد گُروُ توں کِسے دا بجر سکے کوئے نہ چیِر، چیِرے سارے سیِس تے بَیٹھے ٹِکائیا۔ بِنا سَتگُر توں امرت بخشے کوئے نہ نیِر، اٹھسٹھ دین دُہائیا۔ کیوں محمد نے شرع وِچ رکھے خنجیر، کرِشن بھگوان گئوُاں دا پالی ہو کے بناں وِچ پِھریا چائیں چائنیا۔ جوتی جوت سروُپ ہرِ، آپ اپنی کِرپا کر، سد اپنا حُکم سُنائیا۔ سارے کہن سمت سوہنا چڑھیا، مہیِنہ چیت ۔ اِکو کلمہ پڑھیا، نام ابناشی اچُت۔ جو سچ دوارے کھڑیا، پِچھلا پَینڈا گیا مُک۔ جو دیِن مذہب نال لڑیا، اوہ بَیٹھا ڈُھک۔ جیہڑا نہ جنمے نہ مریا، نہ ہرکھ سوگ دُکھ۔ جِس گُر اوتار پَیغمبر گھاڑن گھڑیا، عرش توں فرش اُتے دِتا سُٹ۔ انتر دھار ہو کے نِرنتر وریا، بنا کے اپنا سُت۔ پھیر شرع زنجِیر وِچ جڑیا، نہ کوئے پڑدا نہ کوئے اوہلا لُک۔ وکھّو وکھّرا کلمہ سب دے اَگے دھریا، تے صِفتاں والی سُنائی تُک۔ ایسے کارن جگت جہان وِچ پُرکھ اکال اجے تکّ اپنا روُپ ساکھیات کدے نہ دھریا، دھرنی دھرت دھوَل رو رو رہی سُنائیا۔ جوتی جوت سروُپ ہرِ، آپ اپنی کِرپا کر، کرے کھیل ساچا ہرِ، بھیوَ ابھیدا آپ کُھلائیا۔ سمت چھے کہے میَں ویکھے چھ گھر، گھرانے کھوج کھوجائیا۔ کھولنے اوہ در، جِتھے دربان نظر کوئے نہ پائیا۔ ویکھنے اوہ سر، جِس سروور کوئے نہ نہائیا۔ ویکھنے اوہ گرِہ اوہ مندر اوہ در، جِس نوُں ورن کوئے نہ آئیا۔ جاں نِگاہ ماری نِرگُن سرگُن سرگُن نِرگُن اِک دوُجے دے اندر گئے وڑ، روُپ انوُپ نظر کوئے نہ آئیا۔ کِس نوُں چھڈاں تے کِس نوُں لَواں پھڑ، گلوَکڑی کِس دے نال پائیا۔ کِس دے نال رہواں تے کِس دے نال جاواں مر، ناتا دیِن دُنی تُڑائیا۔ جاں نِگاہ ہوئی نر نرائن تکیا نوُری جوت نر ہرِ، جِس نوُں جنمے کوئے نہ مائیا۔ میَں درشن کیِتا گیا تر، تُرت اپنا پندھ مُکائیا۔ پھیر تکیا مات لوک وِچ دیِن دُنی نام کلمہ رہی پڑھ، اکھّراں پتّھراں نال جنائیا۔ ترےَگُن مایا وِچ رہی سڑ، اگنی تت نہ کوئے بُجھائیا۔ حالت ویکھ کے ڈِگا دڑ، بہُڑی بہُڑی دُہائیا۔ بھجّیاں نَٹھیاں کِسے بنّھائے کوئے نہ لڑ، پلّوُ گنڈھ نہ کوئے رکھائیا۔ پھیر گیا ڈر، واسطہ پربھ دے اَگے پائیا۔ کِرپال اپنی کِرپا کر، تیری اِک سرنائیا۔ اُس شبد سندیسہ دِتا دسّیا نال اِشار، سیَنت نال سمجھائیا۔ سارے ویکھو سمبل میرا گھر، جِس نوُں سارے آئے سمجھائیا۔ جوتی جوت سروُپ ہرِ، آپ اپنی کِرپا کر، کرے کھیل ساچا ہرِ، سچ دا مالک ساچی کار کمائیا۔ سمت کہے میَں کی دسّاں اپنی ریِت گت مِت، مِت گت پربھ دی دیاں جنائیا۔ اوس نے کھیل ویکھنا پنج تت، تتو تت کھوج کھوجائیا۔ پھیر نِگاہ پےَ گئی اُس نوُں
تکاّں اوہ ویکھو جیہڑا بَیٹھا ستھر گھت، گوبِند بےپرواہیِا۔ اِک یارڑے ولّ اکھّ، نِگاہ لئی ٹِکائیا۔ پھیر ہسّ کے کِہا جِؤں بھاوے تِؤں لیَنا رکھ، تیری بےپرواہیِا۔ میرے خالی ہتّھ، پُرکھ اکال تیری دُہائیا۔ ابناشی کرتے کِہا جھٹ، شبدی حُکم جنائیا۔ گوبِند تیری دھار ہوواں پرگٹ، دو جہان کراں رُشنائیا۔ سوُربیِر بن کے جٹّ، ڈنڈا ستّ رنگ اُٹھائیا۔ دیِن مذہب دی ڈوری دیواں کٹ، ایہہ میری بےپرواہیِا۔ جھگڑا میٹاں ذات پات، اوُچ نیِچ ایکا رنگ رنگائیا۔ اِک دا اِک دسّاں سَت، سَت ستوادی بھیوَ کُھلائیا۔ جِس ویلے پھیر آواں وتّ، وطن نواں لَواں بنائیا۔ گوبِند پیا ہسّ، چھاتی اُتے ہتّھ ٹِکائیا۔ او میرے وِچ وس، ہووے نہ کدے جُدائیا۔ میری لگّی رہے اکھّ، پرتکھ تیرا نوُر نظری آئیا۔ میَں گاواں تیرا جس، صِفتاں صِفت صالاحیِا۔ پُرکھ اکال جوتی دھار آیا نَٹھ، بھجّیا واہو داہیِا۔ تیرا میرا سد اِکٹّھ، نہ کوئے توڑے توڑ تُڑائیا۔ میَں سدا شبد گُروُ دا دیواں ساتھ، تتاں والے ناتے دیاں تُڑائیا۔ گوبِند کِہا سَت سچ دسّ، میرے دُھر دے ماہیِا۔ کی دھار دیویں رس، امرت کی چکھائیا۔ پُرکھ اکال کِہا عیسیٰ موُسیٰ محمد تیئی اوتار دس گُروُ ایہہ آد میرے نوُر دی رتّ، رتی رتّ وِچ سمائیا۔ انت کنت بھگوَنت ہو کے سب دی رکھاں پت، پت پرمیشور ہو کے ویس وٹائیا۔ پِچھلا لیکھا سب دا دیواں ٹھپ، ٹھپّا اپنا نام لگائیا۔ وساں گھٹ گھٹ، چؤراسی اندر ڈیرہ لائیا۔ نویِں دھار وِچ دھرم دا کھول کے ہٹّ، سچ بھنڈارا دیاں ورتائیا۔ اِکو سب دا کملاپت، پت پرمیشور نوُر اِلاہیِا۔ جوتی جوت سروُپ ہرِ، آپ اپنی کِرپا کر، کرے کھیل ساچا ہرِ، بھیوَ ابھیدا دئے کُھلائیا۔ کلجُگ کہے سمت چھے تُوں مارنا اُچا نعرہ، کوُک کوُک سُنائیا۔ یاد کر لےَ میرا اجے باراں سال ہور پہرا، چاروں کُنٹ پِھرنا چائیں چائنیا۔ کلجُگ جیو پِھرن آوارہ، دھرم دی دھار نہ کوئے رکھائیا۔ بھاویں کِناں کڈھو ہاڑا، منّن وِچ کدے نہ آئیا۔ سب نوُں چباواں اپنیِاں داڑھاں، داڑھاں ہیٹھ رکھائیا۔ ایہہ میری دُھر دی سرکارا، ہرِ کرتے سیوا دِتی لگائیا۔ جھگڑا پا کے پُرکھ نارا، نار کنت دِتے لڑائیا۔ ناتا توڑ کے یار یاراں، پِتا پوُت بناؤنے قصائیا۔ میریِاں پھیر سب نے گاؤنیاں واراں، وارتا دینی سُنائیا۔ اُس ویلے دُنیا وِچ بھاویں کِنیاں ہون اخبارا، سَت دی خبر نہ کوئے جنائیا۔ کلجُگ کِہا جنا چِر آوے نہ دُھر دا لاڑا، ہرِ کرتا بےپرواہیِا۔ سچ در دِسے نہ کِسے اَکھاڑا، درگاہ سچ نہ کوئے سُہائیا۔ جِس نے کِرپا کر کے نؤ کھنڈ پرِتھمی ستّ دیِپ بناؤنا بھائی چارا، ہِندوُ مُسلم سِکھ عیِسائی پارسی بودھی لینےَ منائیا۔ پھیر اپنے حُکم
دا شبد دا نام دا کلمے دا چار کُنٹ دے کے پاہرا، پاربرہم پت پرمیشور اپنی کار کمائیا۔ مانَو مانَس مانُش ہووے کوئے نہ باہرا، دوُر دُراڈا نظر کوئے نہ پائیا۔ کُچھ یاد کر لؤ ہُن جھگڑا پَینا وِچ قاہرہ، محمد موُسیٰ نال کرے صالاحیِا۔ کیوں ایہہ کھیل ہونا دوبارہ، دُھر دی دھار جنائیا۔ کلجُگ کہے اوئے سمت چھے بس کر یارا، اگلی گلّ نہ اجےّ سُنائیا۔ جوتی جوت سروُپ ہرِ، آپ اپنی کِرپا کر، کرے کھیل ساچا ہرِ، سچ دا مالک بےپرواہیِا۔ سمت چھے کہے میَں آیا لوک مات، ماتر بھوُمی ویکھ وکھائیا۔ حُکم سندیسہ دینا آج، اجّ دی رات راتی رُتڑی آپ سُہائیا۔ دیِن دُنی دے سنگیِو بن جاؤ اِک جماعت، اِکو رنگ سمائیا۔ سب دا مالک اِک ابناش، کرتا دُھردرگاہیِا۔ جِس دے پِچھے سیِتا رام کٹیا بنواس، گوپی کاہن راس رچائیا۔ موُسیٰ مُنہ دے بھار ڈِگا صاف، کوہ طوُر دئے گواہیِا۔ حضرت عیسیٰ جِس گل وِچ پائے پھاس، اپنا آپ لٹکائیا۔ محمد پی کے آبِ حیات، ڈھائی گھُٹاں جھٹ لنگھائیا۔ نانک نِرگُن سرگُن ویکھ کے کھیل تماش، بےانت کہہ کے گیا گائیا۔ گوبِند کرکے اِک ارداس، فتح ڈنکا دِتا سُنائیا۔ جِس ویلے میرا پُرکھ اکالا آوے آپ، آپ اپنا پھیرا پائیا۔ شبد گُروُ تے سب دا بنے باپ، آتم پرماتم نوُر اِلاہیِا۔ سرِشٹی دی درِشٹی اندروں کڈھے پاپ، پتت پُنیِت دئے کرائیا۔ تُوں میرا میَں تیرا دسّ کے جاپ، سوہنگ ڈھولا اِک سُنائیا۔ ایہو کھیل ویکھنا خاص، گُر اوتار پَیغمبر رہے دِرڑائیا۔ بِنا پربھوُ دی کِرپا توں اُس ویلے کوئی نہیں ہونا پاس، پاس آؤٹ نہ کوئے کرائیا۔ بھاویں کوئی یوُرپین لیٹے اُپر گریِن گراس، سوہنا رنگ رنگائیا۔ بِنا بھگتاں توں مِلنی نہیں کِسے شاباش، سِر ہتّھ نہ کوئے ٹِکائیا۔ ایہہ لیکھا پِچھے نہیں سی تے ہُن لِکھیا جاندا نال قلم دوات، شاہی کانی دئے گواہیِا۔ کِسے نوُں کِسے نے کرنا نہیں مُعاف، لیکھا دینا تھاؤں تھائنیا۔ جوتی جوت سروُپ ہرِ، آپ اپنی کِرپا کر، کرے کھیل ساچا ہرِ، سچ دا مالک اِک اکھوائیا۔ سمت کہے او وِشن برہما شِو دیوَ گُروُ گُردیو، دیوتیاں سُنائیا۔ تُہاڈی کِتھے گئی سیو، کی پوُجا ونڈ ونڈائیا۔ کی آسا مہا دیوَ، میَنوُں دیؤ دِرڑائیا۔ کی کھیل ہونا نِہکیو، نِہچل کی جنائیا۔ کی گُجھا رکھیا بھیوَ، پڑدا دیؤ اُٹھائیا۔ کی رس چکھنا میو، بِن رسنا دئے چکھائیا۔ جوتی جوت سروُپ ہرِ، آپ اپنی کِرپا کر، بھیوَ ابھیدا اپنے ہتّھ رکھائیا۔ سوادھان ہووو سوُریہ چند، ہرِ چند چند جنائیا۔ کی کھیل دسّیا گوبِند انت پُری انند، شبدی شبد دھار دِرڑائیا۔ جِس ویلے میرے ڈھئیے دا مُکیا پندھ، اگلا برس برس اُپجائیا۔ میرے مالک دا میرے صاحِب دا اِکو ہونا چھند، اِکو رنگ رنگائیا۔
جو سب دی ٹُٹی لئے گنڈھ، اپنے نال مِلائیا۔ خوشی کر کے بند بند، بندنا اِک سمجھائیا۔ لوآں پُریاں برہمنڈاں کھنڈاں آکاشاں پاتالاں جائے لنگھ، اَگے ہو نہ کوئے اٹکائیا۔ چار کُنٹ دہ دِشا چھڈ کے اِک دوارے اِک سیج تے اِک پلنگ، دوُجا آسن سِنگھاسن نہ کوئے وڈیائیا۔ شبد اگمّا بول جنائے اگمّے دند، بتّی دند نہ صِفت صالاحیِا۔ جِس نے دُئی دوَیتی ڈھاہُنی کندھ، کنڈھی بَیٹھا ڈیرہ لائیا۔ کوُڑی کِریا کر کے کھنڈ کھنڈ، کھنڈا نام دینا کھڑکائیا۔ ساچا پریم دینا ونڈ، ہر ہِردے آپ ٹِکائیا۔ جوتی جوت سروُپ ہرِ، آپ اپنی کِرپا کر، بھیوَ ابھیدا اپنے وِچ چُھپائیا۔ سمت چھے کہے میَں آیا سوہنا، سب نوُں دیاں جنائیا۔ جگت جہان پَینا رونا، نیَناں نیِر وہائیا۔ دُرمت داغ کِسے نہیں دھونا، پاپیاں پُنیِت نہ کوئے کرائیا۔ نیتر کُھلے کِسے نہ لوئنا، نِج اکھّ نہ کوئے کُھلائیا۔ آتم سیج کِسے نہ سونا، سُہنجنی رُت نہ کوئے وڈیائیا۔ آتم پرماتم ڈھولا کِسے نہ گاؤنا، من بُدھی کرے نہ کوئے چتُرائیا۔ ساچا کایا کھیڑا نگر کِسے نہ وساؤنا، ساڈھے تِنّ ہتّھ رنگ رنگائیا۔ بِنا بھگتاں پربھ دا درس کِسے نہ پاؤنا، پؤن پانی دین دُہائیا۔ ساچے گھر نہ کِسے بہاؤنا، در دوار نہ کوئے بنائیا۔ جوتی جوت سروُپ ہرِ، آپ اپنی کِرپا کر، کرے کھیل دُھر دا ہرِ، پردہ پردے وِچوں چُکائیا۔ سمت چھے کہے آؤ گُر اوتار پَیغمبر سارے کریئے صلاح، متا اِک پکائیا۔ کلجُگ کہے میَنوُں بناؤ گواہ، شہادت دیاں بُھگتائیا۔ وِشن برہما شِو کہن نہ نہ، اِشارے رہے وکھائیا۔ تیتیس کروڑ کہے بہُڑی ساری دُنیا بھری گُناہ، انتر نِرنتر نہ کوئے صفائیا۔ شاستر سِمرت وید پُران اِنجیِل قرآن کھانی بانی کلمہ کہے سانوُں کِسے نہ وسایا وِچ دماں، دامنگیِر نہ کوئے اکھوائیا۔ سانوُں جپدے رہے کایا ماٹی بن کے چمّا، چمّ درِشٹی وِچ پربھ دا اِشٹ نہ کوئے منائیا۔ ہُن سانوُں اَیں جاپدا پُرکھ اکال دیِن دَیال پروردِگار سانجھے یار نے بدل دینا سماں، نواں اپنا رنگ رنگائیا۔ کِسے دا لوبھ لالچ کوُڑی کِریا دا رہن نہیں دینا طمع، تامس اندروں دینی کڈھائیا۔ جوتی جوت سروُپ ہرِ، آپ اپنی کِرپا کر، کرے کھیل ساچا ہرِ، سچ دا مالک اِک اکھوائیا۔ سمت کہے آو بَیٹھو اِک دوار، مجلس اِک لگائیا۔ کریئے سچ پُکار، نِیوں نِیوں سیِس نِوائیا۔ اسیں خادم تیرے خِدمتگار، سیوک سیوا وِچ سمائیا۔ کردے رہے اِنتظار ، جُگ چؤکڑی دھیان لگائیا۔ کل کلکی لےَ اوتار، اِمام اِماما ویس وٹائیا۔ نوُری جوت کر اُجیار، اندھ اندھیر رہے نہ رائیا۔ سو ویلا وقت ویکھ لیا وِچار، وِچر کے دئیے سُنائیا۔ کِرپا کر آپ کرتار، قُدرت قادر ویکھ وکھائیا۔ سرِشٹی درِشٹی دُنیا کر خبردار، بےخبراں خبر پہنچائیا۔ جوتی جوت
سروُپ ہرِ، آپ اپنی کِرپا کر، دُھر دا حُکم اِک سُنائیا۔ دُھر دا حُکم سُنو سُنائے صاحِب سَت میِت، مِتر پیارا دِرڑائیا۔ سب نے رکھنا چیِت، چِت وِت ٹھگؤری نہ کوئے جنائیا۔ پُرکھ اکال بدلنی ریِت، ریِتیوان پڑدا لاہیِا۔ جھگڑا مُکا کے مندر مسیِت، کایا کعبہ اِک جنائیا۔ جِتھے بَیٹھا رہے اتیِت، ترےَگُن ڈیرہ ڈھاہیِا۔ بھیوَ رکھے نہ اوُچ نیِچ، ذات پات نہ کوئے وکھائیا۔ اِکو آد انت دا گیِت، آتم پرماتم دئے پڑھائیا۔ کایا کر کے ٹھانڈی سیِت، اگنی تت بُجھائیا۔ ساچا کلمہ حق حدیِث، حضرتاں توں پرے کرے پڑھائیا۔ چار جُگ دی میٹ کے لیِک، لائن اگلی دئے وکھائیا۔ گُر اوتار پَیغمبراں کرنی تصدیِق، شہادت اِک بُھگتائیا۔ پُرکھ اکال تیرے اُتے اُمیِد، آسا اِک جنائیا۔ ساڈے کول دیِن مذہب دے پٹے والی رسیِد، ہتّھو ہتّھ ویکھ وکھائیا۔ تیرے حُکم نال تیرے نام دی کیِتی تمہیِد، صِفتاں وِچ صالاحیِا۔ تیری بخشش وِچوں کیِتی بخشیِش، رحمت نام وڈیائیا۔ جوتی جوت سروُپ ہرِ، آپ اپنی کِرپا کر، ایکا دینا دُھر دا ور، در ٹھانڈے الکھ جگائیا۔ پُرکھ اکال کہے سُنو حُکم دُھر فرمانا، فُرنیاں توں باہر جنائیا۔ سب نوُں منّنا پَینا بھانا، نہ کوئے میٹے میٹ مِٹائیا۔ تخت نِواسی رہے کوئے نہ رانا، راؤ رنک کھوج کھوجائیا۔ کھیل ہونا وِچ جہانا، نوَ ستّ پڑدا لاہیِا۔ شبدی دھار حُکم مِہربانا، محبوُب اِک سُنائیا۔ سمت چھے وِچ روُسا چیِنا نِگاہ تیرے وِچ ٹِکانا، اکھّ اکھّ نہ کوئے مِلائیا۔ عیِسائی مُسلم سانجھا رہے نہ کھانا، محمد عیسیٰ کھوج کھوجائیا۔ جھگڑا پئے وِچ پٹھاناں، پُٹھی لہر آپ وہائیا۔ بھارت کھنڈ کھیل مہانا، بھاگ دسواں دئے ہِلائیا۔ جو لیکھ لِکھیا وِچ سکند پُرانا، اُس دا لہنا پوُر کرائیا۔ شبدی شبد اُڈا بِبانا، دو جہاناں ویکھے چائیں چائنیا۔ جوتی جوت سروُپ ہرِ، آپ اپنی کِرپا کر، کرے کھیل ساچا ہرِ، سچ اپنا حُکم ورتائیا۔ سمت کہے کھیل ویکھنا وِچ عریب، عرب دیاں جنائیا۔ کوُڑ دا ہونا فریب، جھگڑے وِچ لوکائیا۔ محمد دی بھوِکھت والی کتیب، بِن الف یے رہی سمجھائیا۔ کلمہ کلمے اُتوں دینا ویچ، قیِمت سکے نہ کوئے چُکائیا۔ حق خُدا نے مارنا پیچ، پیشیِنگوئی وِچ دُہائیا۔ اوتھے نبی رسوُلاں پَیغمبراں مُلّا شیخاں چلنی نہیں کوئی پیش، پیشوا ہوئے نہ کوئے سہائیا۔ ایہہ کھیل ورتنا دیش بدیش، بدیشاں دئے جنائیا۔ شنکر گل وِچ ہلائے ناگ شیش، باسک رہیا اُٹھائیا۔ روُپ بدلیا جِس گنیش، سو پردہ رہیا چُکائیا۔ جِس رام کرِشن بنائے در درویش، پَیغمبر سجدیاں وِچ سیِس جھُکائیا۔ گُروُ گُردیو کرن آدیس، نمو نمو وِچ وڈیائیا۔ سو دھار کے آوے بھیکھ، جوتی جاتا پھیرا پائیا۔ جِس دا مُچھ داہڑی نہ کوئے کیس، نہ کوئے
موُنڈے موُنڈ مُنڈائیا۔ آد جُگاد سدا رہے ہمیش، سَتجُگ تریتا دواپرکلجُگ اپنی کار کمائیا۔ جوتی جوت سروُپ ہرِ، آپ اپنی کِرپا کر، کرے کھیل دُھر دا ہرِ، ہرِ وڈّا وڈ وڈیائیا۔ سمت چھے کہے میرا صاحِب سوامی، مِتر پیارا نظری آئیا۔ آد انت دا انترجامی، انتشکرن ویکھے تھاؤں تھائنیا۔ جِس دی صِفتاں والی سرگُن دھار اکھّراں وِچ بانی، سطراں وِچ لِکھائیا۔ اوہ مالک خالق پرِتپالک جیو پرانی، پُران اٹھاراں توں باہر کرے پڑھائیا۔ جِس دی اِنجیِل قرآن نِشانی، پَیغمبر گئے دِکھائیا۔ جِس دا نانک بنیا بانی، گوبِند کری اگوائیا۔ اوہ انت سب دی لئے قُربانی، کربلا لیکھ چُکائیا۔ مِہربان ہو کے کرے اپنی مِہربانی، محبوُب ہو کے کھوج کھوجائیا۔ سب دا مستک ویکھے پیشانی، پردہ پردے وِچوں چُکائیا۔ منزل تکے روُحانی، روُح بُت دا پڑدا لاہیِا۔ شبدی دھار دئے جوانی، جوبن ونت اکھوائیا۔ پرگٹ دھار نوُر اسمانی، جِسمانی نوُر دئے چمکائیا۔ جوتی جوت سروُپ ہرِ، آپ اپنی کِرپا کر، سد اپنا حُکم ورتائیا۔ سمت چھے کہے میرا شبد دھار مُظاہرا، مُشکل حل کرائیا۔ ویکھے چار کُنٹ دا لہرا، لہر لہر نال ٹکرائیا۔ سرِشٹی وِچوں نؤ اُجڑنے وڈے شہرا، اُتّر پوُرب پچھّم دکھّن کھوج کھوجائیا۔ کلجُگ وِدوان ہونا بہرہ، دُھر دا نام سُنن کوئے نہ پائیا۔ جو مذہباں والا دیناں والا اِسلاماں والا نِکاّ نِکاّ دائرہ، حِصّیاں ونڈ ونڈائیا۔ جوتی جوت سروُپ ہرِ، آپ اپنی کِرپا کر، کرے کھیل اگمّا ہرِ، ہرِ ہِردا ویکھ وکھائیا۔ سمت چھے کہے میَں ویکھنا چڑھدا لہندا، اُتّر پوُرب پچھّم دکھّن پھول پھولائیا۔ کِس کوُٹے کلجُگ وہندا، کی اپنی کار کمائیا۔ کلجُگ کہے میَں عیسیٰ موُسیٰ محمد ویکھنا کھیَہندا، کھار کھار وِچ دُہائیا۔ جگت منارا ویکھنا ڈھیَہندا، سِر سکے نہ کوئے اُٹھائیا۔ سب نوُں ایہہ سمت پَینا مہِنگا، کؤڈی قیِمت نہ کوئے چُکائیا۔ اَگے مکُے کِسے نہ پَینڈا، پاندھی پندھ وِچ کُرلائیا۔ جِس کارن بھیٹا چڑھاؤندے رہے گیَڈا، بُدھی توں پرے سمجھائیا۔ کھیل ویکھدے رہے جل دھار والی نَی دا، وہناں وِچ وہائیا۔ مان ودھیا میَں دا، ہؤمے وِچ لڑائیا۔ ڈر رہیا نہ سَتگُر بھےَ دا، سیِس سکے نہ کوئے جھُکائیا۔ ہُن وقت آ گیا لےَ دا، لہنا مُکنا تھاؤں تھائنیا۔ جوتی جوت سروُپ ہرِ، آپ اپنی کِرپا کر، کرے کھیل دُھر دا ہرِ، حُکم سندیسہ اِک سُنائیا۔ حُکم سندیسہ اگمّ اپار، اپرمپر رہیا جنائیا۔ کی جگت کھیل ہونا سنسار، سنساری بھنڈاری سنگھاری ویکھے تھاؤں تھائنیا۔ جگت جُگت وِچ ہاہاکار، بھگتی بُھگت نہ کوئے چتُرائیا۔ میِت رہے نہ کوئے غم خوار، سجّن سنگ نہ کوئے نِبھائیا۔ پِتا پوُت کرے خوَار، بھَین بھائی بھائی
لڑائیا۔ چاروں کُنٹ ہاہاکار، دھیِرج دھیِر نہ کوئے رکھائیا۔ ایہہ کھیل سچّی سرکار، ہرِ کرتا رہیا سمجھائیا۔ محمد نوُں چھڈنے پَینے چار یار، میِت اِکو اِک منائیا۔ جِس دا سچکھنڈ دوار، دھرنی دھرت دھوَل دھؤل عرش فرش اِکو رنگ رنگائیا۔ سو پرگٹ ہو کے بولے اِک جَیکار، دُھر دا نام الائیا۔ جِس نوُں سکے کوئی نہ مار، مر جیِوت نہ روُپ مِٹائیا۔ جوتی جوت سروُپ ہرِ، آپ اپنی کِرپا کر، دیونہارا دُھر دا ور، سِر اپنا ہتّھ رکھائیا۔ سمت چھے کہے گُر اوتار پَیغمبر کرو عدلا، عدل اِنصاف جنائیا۔ کلجُگ کوُڑی کِریا چُکا دے بدلا، بدی دوُر کرائیا۔ سب دی سانجھی اِکو ہووے منزلا، منزل اِک درسائیا۔ اِکو ڈھولا گیِت نام ہووے غزلا، اِکو راگ الائیا۔ اِکو محل اٹل ساڈھے تِنّ ہتّھ دا بنگلا، باغی من رہے نہ رائیا۔ پربھوُ مِتر بن جائے رنگلا، رنگ رتڑا دُھر دا ماہیِا۔ شرع زنجِیر مِٹا دئے سنگلا، چُھری کرد نہ کوئے اُٹھائیا۔ بھیوَ کھول دیوے اگلا، کی سَتجُگ دھار سمجھائیا۔ پوِتر کرکے کوُڑا کاگ بغلا، ہنس روُپ جنائیا۔ پِھر پِھرنا پئے نہ جنگلا، ٹِلّے پربت نہ ویکھ وکھائیا۔ کایا مندر اندر کرے چار منگلا، انادی دُھن اُپجائیا۔ ساچی اُس نوُں کرے بندنا، ڈنڈاوت سجدہ سیِس نِوائیا۔ جِس چھڈیا پُری انندنا، انند انند وِچ سمائیا۔ اُس سمبل دوارے لنگھنا، جِتھے سکے نہ کوئے اٹکائیا۔ جِس دا سَت دھرم دا کنگنا، کندھی ویکھ وکھائیا۔ کلجُگ میٹ کے پندھنا، پاندھی سَتجُگ لئے جگائیا۔ سندیسہ دیندیا موُل نہ سنگنا، حُکم اِک دِرڑائیا۔ سب نے اِکو دوارا منگنا، جِتھے وسے بےپرواہیِا۔ لیکھے لاؤنا تت پنجنا، اپ تیج وائے پرِتھمی آکاش سوبھا پائیا۔ جوتی جوت سروُپ ہرِ، آپ اپنی کِرپا کر، سد اپنا حُکم سُنائیا۔ سمت چھے کہے ویکھو حضرت عیسیٰ دا کلاک، ٹک ٹک آواز لگائیا۔ جِس نے حُکم وِچ حُکم کیِتا لاک، تالا دِتا لگائیا۔ پھیر پھڑ کے مِٹّی خاک، ہتّھاں وِچ اُڈائیا۔ اوہ مہیِنہ سی وِساکھ، نؤ دِن دین گواہیِا۔ پھیر تکّ کے اُپر رات، چند تارے رہیا سمجھائیا۔ سُنو میری اِک بات، تُہانوُں دیاں دِرڑائیا۔ بِنا بُدھی توں لیَنا واچ، واچ کلاک دئے درسائیا۔ جِس ویلے پروردِگار ظاہر ظہوُر آوے آپ، آپ اپنا پھیرا پائیا۔ میَں اُس نوُں کہاں باپ، اوسے نوُں سیِس جھُکائیا۔ تُسیں نِکی نِکی شاخ، ٹہنی ٹہنی نال درسائیا۔ اوہ داتا الکھنا الاکھ، اگوچر اگمّ اتھاہیِا۔ جوتی جوت سروُپ ہرِ، آپ اپنی کِرپا کر، کرے کھیل ساچا ہرِ، سچ دوارا اِک سرنائیا۔ حضرت عیسیٰ کِہا میرا حق حقوق، محمد کِہا یک یک یک اکھوائیا۔ موُسیٰ کِہا تلزنے زے زبا زے زمہ زم ترائیا۔ خُدا کِہا میرا نوُرہوُبہوُ، روُبروُ سب دے
کرے رُشنائیا۔ میرا کلمہ دھار گُروُ، شبد شبد دِرڑائیا۔ جِس ویلے شہنشاہی سمت چھے ہونا شُروُع، شرع دی شریِعت دیاں بدلائیا۔ اِک نَواں مارگ تُروُ، تُرت دیاں دِرڑائیا۔ دوُر دُراڈیاں پُرانیاں ساتھیاں پِھرن والیاں دے اندر فُرنا پُھروُ، فُرنے وِچ وڈیائیا۔ دُھر دا حُکم کدے نہ مُڑوُ، نہ کوئے میٹے میٹ مِٹائیا۔ کوُڑی کِریا بیڑا رُڑھوُ، کلجُگ شؤہ دریا رُڑھائیا۔ جِس اُتے کِرپا کیِتی اوہ دوُر نیڑے وسن والا آپے جُڑوُ، کِسے نوُں جوڑن دی لوڑ رہے نہ رائیا۔ جوتی جوت سروُپ ہرِ، آپ اپنی کِرپا کر، کرے کھیل دُھر دا ہرِ، ہرِ دیوے مان وڈیائیا۔ سمت چھے کہے میَں دیواں سچ سندیسہ، سد واری جنائیا۔ جِس دا کِسے نہیں لِکھیا لیکھا، قلم شاہی نہ کوئے چتُرائیا۔ اوہ سب دا کڈھے بھرم بُھلیکھا، بھانڈا بھرم بھؤ بھنّائیا۔ پڑدا رہنا نہیں وِچ بدیشا، یوُرپ ایشیا اِکو رنگ وکھائیا۔ بھگت تارنا جِس دا پیشہ، پیشتر سب نوُں گیا سمجھائیا۔ اوس دی سارے کردے ویٹا، اِنتظار ی وِچ راہ تکائیا۔ جِس دی سیوا وِچ گوبِند بچّے چاڑھ کے گیا بھیٹا، کھیوٹ کھیٹا اپنا رنگ رنگائیا۔ اوس کول کلجُگ انت دا گُر اوتار پَیغمبر دِتا ٹھیکا، بولی سکے نہ کوئے ودھائیا۔ جِس نے سب دا کرنا ایکا، اِکو رنگ دینا وکھائیا۔ دو جہاناں بن کے نیتا، نِج نیتر پھول پھولائیا۔ سَتجُگ ساچی وست دے کے ویتا، وِتکرا کوُڑا دینا گوائیا۔ دیِناں مذہباں میٹ کے بھیدا، بھانڈا بھرم دینا بھنّائیا۔ بھاویں جٹّ ہووے ہل واہے وِچ کھیتاں، موُسیٰ دے کے گیا عیسیٰ نال دُہائیا۔ اوس نے مارنا اپنے نام دا پیچا، کلمہ کائنات بندھائیا۔ دیِن دُنی وِچ کھیڈے کھیڈاں، کھِلاڑی ہو کے پھیرا پائیا۔ اوہ کوئی یالی نہیں کوئی پالی نہیں چارے گئوُاں اتے بھیڈاں، کہ ہاکاں سوُریاں تائیں لگائیا۔ اُس نے سب نوُں مارنا ٹھیڈا، دھکّے نال دینا ہٹائیا۔ بھگت کر کے اپنے جیڈا، درگاہ دینی وڈیائیا۔ کِسے دی چاڑھنی پئے نہ دیگا، بھیٹا وِچ نہ سیِس نِوائیا۔ سب دا سانجھا کر کے لیکھا، اگلی لِکھت دینی جنائیا۔ جوتی جوت سروُپ ہرِ، آپ اپنی کِرپا کر، کرے کھیل دُھر دا ہرِ، ہرِ وڈّا وڈ وڈیائیا۔ کلجُگ کہے میرے رہندے دِن باقی، سمتا تَینوُں دیاں سُنائیا۔ میَں لڑاؤنے بندے خاکی، خالصہ خالص رہن کوئے نہ پائیا۔ میَں انت تے اَخیِری اؤکھی گھاٹی، منزل چڑھن کوئے نہ پائیا۔ میری دھار بڑی ڈاڈھی، پربھ ڈاڈھے دِتی سمجھائیا۔ جِس ویلے امرداس ڈِگا سی وِچ کھاڈی، ہتّھ کُھڈیاں وِچ ٹِکائیا۔ گوڈیاں بھار ہو کے کیِتا یادی، اکھّاں میٹ واسطہ پائیا۔ میَں سَتگُروُ دا پاندھی، اپنا پندھ مُکائیا۔ نہ کوئی کرِشن تے نہ کوئی رادھی، سیِتا رام نہ کوئے چتُرائیا۔ میری دھار
سِدھی سادی، سادھنا تیرے اُتے ٹِکائیا۔ اِک آئی اگمّی آوازی، شبد دِتا سُنائیا۔ تُوں سدا رہ راضی، رازق رِزق رحیِم تیری جھولی دئے بھرائیا۔ پر پھیر ویکھیں مُلّا قاضی، تیری دھار نوُں دین سزائیا۔ پھیر امرداس دی سُرتی جاگی، انتر لئی انگڑائیا۔ چاروں کُنٹھ اُٹھ کے بھاگی، ویکھیا تھاؤں تھائنیا۔ جاں نِگاہ ماری پربھ دے نالوں سب دی آتما باغی، منزل چڑھن کوئے نہ پائیا۔ جِدھر ویکھے اُدھر ناراضی، مُحبّت وِچ نہ کوئے سمائیا۔ پھیر تکیا کعبے دا بنیا کوئے نہ حاجی، حُجرہ حق نہ کوئے وکھائیا۔ کلجُگ دی ویکھی آبادی، پرِتھمی اُتے دیِن دُنی درسائیا۔ جوتی جوت سروُپ ہرِ، آپ اپنی کِرپا کر، سد اپنا پڑدا لاہیِا۔ سمت چھے کہے پربھوُ کِس بِدھ ہووے امن، میَنوُں دے جنائیا۔ کلجُگ کہے میرا کوُڑ کُڑیار دا سوہنا مجن، چاروں کُنٹ نظری آئیا۔ جِناں چِر پربھوُ گُر اوتار پَیغمبراں شبد گُروُ نہ کڈھے سمن، پھیر پرگٹ ہوئے گوبِند دھار آوے نہ دُشٹ دمن، دماں توں باہر کرے پڑھائیا۔ کلجُگ نوُں میٹے کوَن، کِس وِچ چتُرائیا۔ روندی پِھردی ہوا پوَن، اٹھسٹھ پانی دئے دُہائیا۔ کی لیکھا لِکھ کے گیا بل دوارے باوَن، شہادت اِک بُھگتائیا۔ بھگت بنا کے ضامن، سمجھ گیا سمجھائیا۔ پربھ دا کھیل ویکھنا آہمنوں ساہمن، سوہنا رنگ رنگائیا۔ اوس ویلے پتّری واچ سکے کوئی نہ باہمن، برہم وِدیا نہ کوئے چتُرائیا۔ سرِشٹی تے ہوئے طمع طامن، طمع نہ کوئے گوائیا۔ کوُڑی کِریا ہووے کامن، کام واسنا کوُڑ ہلکائیا۔ جوتی جوت سروُپ ہرِ، آپ اپنی کِرپا کر، ایکا دیوے دُھر دا ور، دُھر دا مالک دَیا کمائیا۔ کلجُگ کہے میَں بڑا لمبا چؤڑا، سوُربیِر اکھوائیا۔ میرے واسطے منگاں منگدے گئے آؤنا براہمن گؤڑا، جِس نوُں جنمے کوئے نہ مائیا۔ پَیغمبر لاؤندے گئے پؤڑا، چؤداں طبقاں ونڈ ونڈائیا۔ گُروُ گُردیو ویکھدے گئے نال غؤرا، نِگاہ نِگاہ وِچوں اُٹھائیا۔ پر کمّ کِسے دا موُل نہ سؤرا، سؤہرے پئیے رہے کُرلائیا۔ جاں کھیل تکیا اوَر کا اؤرا، عؤرت مرد رنگ نہ کوئے رنگائیا۔ جو آیا سو نام دا بنیا بؤرا، کلمے وِچ کُرلائیا۔ سَت دوارے بن کے بھؤرا، گوُنج اپنی گیا سُنائیا۔ کلجُگ انت سُنے کوئے نہ شورا، شؤہر بانکا نظر کوئے نہ آئیا۔ سارے کہن پُرکھ اکال دیِن دَیال نِرگُن دھار چڑھ کے آؤنا اُپر گھوڑا، راساں اپنے ہتّھ اُٹھائیا۔ سچ پُچھو کِسے نوُں خبر نہیں جے بھورا، بھوَری بھوَری ونڈ کے سارے حِصّے گئے ونڈائیا۔ جوتی جوت سروُپ ہرِ، آپ اپنی کِرپا کر، دُھر دا حُکم اِک اُپجائیا۔ سمت چھے کہے میرا داتا، گہر گمبھیِر اکھوائیا۔ جو سرب کلا کل گیاتا، گُنونت وڈیائیا۔ سب دا پِتا ماتا، سب دا بھَین بھائیا۔ سب دا بنے
راکھا، نِت نوِت سہائیا۔ گُر اوتار پَیغمبراں دسّ کے جاچاں، نِکے نِکے حِصّے ونڈ ونڈائیا۔ جھگڑا پا کے کایا ماٹی کاچا، تت تت نال ٹُھکرائیا۔ سب دا ڈوُنگھا رکھ کے کھاتہ، اپنے وِچ چُھپائیا۔ نام کلمے دیِاں نِکیاں نِکیاں دسّ کے باتاں، بے وطن کر کے دِتا سمجھائیا۔ دیِن دُنی دا کھیل سار پاشا، نرد پُٹھی سِدھی وکھائیا۔ آپ سچکھنڈ بَیٹھ کے سب دا ویکھدا رہیا تماشا، نِگاہ نِگاہ وِچوں بدلائیا۔ سندیسہ دیندا رہیا خاصہ، حُکم حُکم پرگٹائیا۔ کلجُگ انتم پرگٹ کرے آپا، اپنے وِچوں پرگٹائیا۔ جوتی جوت سروُپ ہرِ، آپ اپنی کِرپا کر، مِہر نظر نال ترائیا۔ پُرکھ اکال کہے کڈھو اپنے پوتھے، پوُرب کھوج کھوجائیا۔ تیئی اوتار دسّو پربھ دا بھانا کؤن روکے، اَگے ہو کوَن اٹکائیا۔ پَیغمبر بولو کی تُہاڈے انتر آئی سوچے، سمجھ نال سمجھائیا۔ گُروُ گُردیو دسّو کی آسا منسا لوچے، لوچن توں پرے کی رُشنائیا۔ شبد گُروُ دسّو کِس بِدھ سب دے ہِردے سودھے، سُدی ودی نہ ونڈ ونڈائیا۔ ساریاں ہسّ کے کِہا پربھوُ اسیں تیرے سرگُن روُپ جودھے، اوتار پَیغمبر گُروُ نام پرگٹائیا۔ تیرا نام اگادھ بودھے، بُدھی توں پرے آپ سمجھائیا۔ انتم ہو گئے تیرے جوگے، جُگتی نال دِرڑائیا۔ پِچھلے چار جُگ بھوگے، بھوگی بن کے اپنا آپ درسائیا۔ ہُن سب دے خالی ویکھ لےَ بوجھے، پاکٹ جیب نام کلمہ نظر کوئے نہ آئیا۔ بھاویں موُنڈ مُنڈائے سیِس رکھائے کیس بودے، مُچھ داہڑی نال چتُرائیا۔ ہُن تیری کِرپا سارے ہو گئے گوجھے، عقل چلے نہ کوئے چتُرائیا۔ اوتار پَیغمبر گُروُ سب بھار ڈِگ پئے گوڈے، واسطہ پربھ دے اَگے پائیا۔ اُنگلی رکھ کے اُتے ٹھوڈے، سوچاں وِچ سوچ سمائیا۔ کایا بھانڈے کوئی نہ پوچے، اندروں کرے نہ کوئے صفائیا۔ بِن تیرے پوُری کرے کوئی نہ لوچے، لوچن نیَن اکھّ نہ کوئے کُھلائیا۔ بھاگ لگا دے کایا کوٹھے، کُٹیا کر صفائیا۔ تیرے پِچھے گوبِند نے بھیٹا چڑھائے جِگر دے ٹوٹے، گُرمُکھ ٹُٹیاں لئے جُڑائیا۔ ویکھیں لیکھے کدی نہ اُتے پوٹے، گِنتی گنت گنائیا۔ ساتھوں اپنے آپ جان نہ سودھے، پوِتر روُپ نہ کوئے بنائیا۔ جوتی جوت سروُپ ہرِ، آپ اپنی کِرپا کر، سد اپنا کھیل کھِلائیا۔ سمت چھے کہے مہِندرو بیِبی جنڈیالے والی لیا دے نریل، جو شبد وِچ سمجھائیا۔ کِشن سِنگھ چُنّیاں پھڑا دے لاویں نہ دیر، ویلا وقت سمجھائیا۔ کِرپا کرے سِنگھ شیر، بھبک نال بھبک اِک لگائیا۔ پِچھلا لہنا دئے نبیڑ، لیکھا جھولی پائیا۔ جوتی جوت سروُپ ہرِ، آپ اپنی کِرپا کر، کرے کھیل ساچا ہرِ، سد اپنا کھیل کھِلائیا۔ کِشن سِنگھ شبدی دھار سیِس لیَن دے چُنّیاں، اپنا آپ جنائیا۔ جیہڑیاں آساں رکھیِاں رِکھیاں مُنیاں، سُنیہڑا رہیا
سُنائیا۔ بھاویں طعنے دیوے دُنیا، ہاہاکار کرے لوکائیا۔ پربھ داتا گُن گُنیا، دیونہار سرنائیا۔ ایہہ لیکھا سمت اُنیاں، اُنیسا ونڈ ونڈائیا۔ جِس فریاداں دُھر دیِاں سُنیاں، سُننہار دَیا کمائیا۔ جِس نوُں یاد کردیِاں بُلیاں، رسنا مُکھ وِچ ہِلائیا۔ جِس دی بھیٹا چاڑھدے پُھلیِاں، پتاسیِاں بھوگ لگائیا۔ سو وسے کایا کُلیّاں، کعبیاں ڈیرہ ڈھاہیِا۔ پربھوُ دے در آئیاں روُحاں کدے نہ رُلیاں، آپ اپنے وِچ سمائیا۔ پھل دار کدے نہ حُلیِاں، پتجھڑ نہ کدے جنائیا۔ کِسے دیِاں چُکنیاں پَین نہ جُلیِاں، سَتگُر اوڈھن سیِس ٹِکائیا۔ جِنہاں دا مالک اِک اوہ، اوہ کدے نہ ڈُلیاں، ڈُلاوَن والا روُپ نہ کدے درسائیا۔ جوتی جوت سروُپ ہرِ، آپ اپنی کِرپا کر، دیونہارا دُھر دا ور، سِر اپنا ہتّھ ٹِکائیا۔ چُنّی کہے میَں دھرم دھار دا لیڑا، سَتجُگ تریتا دواپرکلجُگ راہ تکائیا۔ میرے مالک حُکم دِتا پیِرن پیِرا، سندیسہ اِک سُنائیا۔ سچ دھار دا کر ورتیِرا، حق حق وکھائیا۔ جِنہاں بہنا نہیں کِسے رنگلے پیِڑھا، کنت جگت نہ کوئے چتُرائیا۔ نیتر وہاؤنا نہیں نیِرا، وِچھوڑے وِچ نہ آہ لگائیا۔ سَت سچ دا چُک کے بیِڑا، بیڑا اپنا لیَنا ترائیا۔ بے شک دُنیا دا راہ بھیِڑا، گُرمُکھاں تتی واء نہ لاگے رائیا۔ ایہہ وقت انت اَخیِرا، آخر دیاں دِرڑائیا۔ جِس صاحِب دے سِر تے چیِرا، چیِرے والا دُھر دا ماہیِا۔ جِس دے ہتّھ نام شمشیِرا، کھنڈا رہیا کھڑکائیا۔ اوہ دیونہارا دھیِرا، دھرم دھار درسائیا۔ کِشن سِنگھ بن گیا ویِرا، سِر کپڑ دِتا ٹِکائیا۔ ترِپت جُگِندر دا پہلا در تیرا، وِتکرے وِچوں باہر کڈھائیا۔ بھاویں رہنا پئے وانگ فقیِرا، بُھکھی رہ کے جھٹ لنگھائیا۔ سِر سب توں رکھنا نیِواں، اوُچا اوُچ نہ کوئے اکھوائیا۔ سچ پُچھو گُرمُکھاں واسطے ستّ رنگ منُمکھاں واسطے ساڈھے تِنّ ہتّھ دی سیواں، باقی دھنّ دؤلت کمّ کِسے نہ آئیا۔ پُتر دھیِاں نال کِسے دا بنیا نہیں جیِنا، کنت نال بھگوَنت مِلن کوئے نہ پائیا۔ جوتی جوت سروُپ ہرِ، آپ اپنی کِرپا کر، سد اپنا حُکم ورتائیا۔ سمت چھے کہے حُکم دینا یوُرپ، یُکتی نال دِرڑائیا۔ ہرِ آسا منسا سب دی پوُرت، پوُرن وِچ سمائیا۔ جد سؤوونگے حاضر حضوُرت، مالک دُھردرگاہیِا۔ جلوہ وکھا کے نوُرو نوُرت، اندر کرے رُشنائیا۔ ناتا توڑ کے کوُڑو کوُڑت، دھرم دی دھار اِک پرگٹائیا۔ چتُر سُگھڑ بنا موُرکھ موُڑھت، کوجھیاں کملیاں گلے لگائیا۔ سرب کلا بھرپوُرت، ویکھے تھاؤں تھائنیا۔ جِس نوُں کہندے ربّ دی صوُرت، اوہ رسوُلاں دا رسوُل سب دا ماہیِا۔ جِس نے مِسٹر بَیرن کرنا مشہوُرت، مشورے نال دِرڑائیا۔ جوتی جوت سروُپ ہرِ، آپ اپنی کِرپا کر، پردہ پردیاں وِچوں چُکائیا۔ گُر اوتار پَیغمبر کہن اسیں ہوئیے
سارے مگن، اِک دھیان لگائیا۔ جے پربھوُ پیاریاں نوُں دیوے سگن، گُرمُکھاں جھولی پائیا۔ اندروں لائے اپنے نال لگن، لگ ماتر دا ڈیرہ ڈھاہیِا۔ راتی سُتیاں دِنے جاگدیاں اوہ دیِپک وانگ جگن، اندھ اندھیر رہے نہ رائیا۔ جے یوُرپ وِچوں بَیرن آیا سدّن، صدا نام دا دئے سُنائیا۔ جوتی جوت سروُپ ہرِ، آپ اپنی کِرپا کر، بھیوَ ابھیدا دئے کُھلائیا۔ نریل کہے میری مست مست جوانی، جوبن ونت اکھوائیا۔ ہربنس کؤر جو لےَ کے آئی قلم دی کانی، کلسیِاں والی دئے پھڑائیا۔ ایہہ اُس پربھوُ دی نِشانی، جو نِشانے سب دے دئے بدلائیا۔ جِس نے بخشنی منزل اِک روُحانی، روُح بُت کرے صفائیا۔ امرت دھار بخش کے پانی، سر سروور دینا نُہائیا۔ ہُن پِچھے توں اگلی بدل دینی بانی، بان انیالا تیِر چلائیا۔ جھگڑا مُکاؤنا چارے کھانی، انڈج جیرج اُتبُھج سیتج ویکھ وکھائیا۔ جوتی جوت سروُپ ہرِ، آپ اپنی کِرپا کر، سد اپنی کار کمائیا۔ کانا کہے میری قلم ہُندی سی پُرانی، پُراناں ویداں وِچ لِکھائیا۔ کلجُگ انتم میَنوُں انتم آئی ہانی، ہانی سنگ نہ کوئے رکھائیا۔ میری سار کِسے نہ جانی، پردہ سکے نہ کوئے اُٹھائیا۔ میرے اندر آئی حَیرانی، میَں رو کے دِتا سُنائیا۔ او پربھوُ بِن تیرے میرے اُتے کرے نہ کوئے مِہربانی، سِر ہتّھ نہ کوئے ٹِکائیا۔ جوتی جوت سروُپ ہرِ، آپ اپنی کِرپا کر، سد اپنا رنگ رنگائیا۔ کانی کہے میَں دسّاں سچ وِچار، وِچر کے دیاں جنائیا۔ میَنوُں گھڑنا نال پیار، رات اجّ دی خوشیاں نال سُنائیا۔ میرا دو چیت نوُں کرنا وِہار، واسطہ رہی پائیا۔ میرا لیکھا لِکھنا دوُجی وار، صفحہ صفحے وِچوں بدلائیا۔ ایہہ حُکم سچّی سرکار، نہ کوئی میٹے میٹ مِٹائیا۔ جِتنی لِکھت ہربنس کؤر نے لِکھی سی اوہ دوبارا جُگِندر کؤر نے لیَنی اُتار، کاغذ قلم اُتے چلائیا۔ جوتی جوت سروُپ ہرِ، آپ اپنی کِرپا کر، سد اپنا کھیل وکھائیا۔ قلم کہے میَنوُں گھڑ دیوے رَوداس، گُرمُکھ ہتّھ پھڑائیا۔ میرے نال صِرف پنج ویراں ''سوہنگ مہاراج شیرسِنگھ وِشنوُں بھگوان دی جےَ'' لِکھنا خاص، اَگے اکھّر نہ کوئے بنائیا۔ میَں سادی میری جنگلاں وِچ آبادی تے گُرمُکھاں دے لیکھے لاؤنے سواس، ساہ ساہ نال ترائیا۔ میَں بھجّنا نہیں آکاش، میَں جانا نہیں کَیلاش، میَں ویکھنا نہیں پربھاس، میَں لبھنی نہیں دوات، میَں تکنے نہیں کاغذات، میَں چاہُندی میَں ویکھاں بھگتاں دی اِک جماعت، جو ذات پات دا جھگڑا گئے مُکائیا۔ ایسے کرکے شبد گُروُ نے میَنوُں کیِتا ساکھیات، پوُرن سِنگھ نے کیِتی نہیں کوئی بات، راتیں سُتیاں دِتی دات، دِنے جاگدیاں دئے وکھائیا۔ گُرمُکھو تُہاڈی منزل تے تُہاڈا پوُرا کرنا گھاٹ، چؤراسی دی رہے
اَگے نہ واٹ، ملِے میل کملاپات، جو پت پرمیشور تُہاڈا دُھر دا ماہیِا۔ آؤ سارے اِکٹّھے مِل کے اِکٹّھا بنائیے سماج، دیِن دُنی دا بدل دئیے رِواج، اِکو نام دے چڑھیئے جہاز، جِس نوُں چلاؤن والا دُھردرگاہیِا۔ اِکو منّیئے باپ، اِکو بنیئے ذات، اِکو رکھیئے آس، اِکو بنیئے پرکاش، دوُجا نظر کوئے نہ آئیا۔ جوتی جوت سروُپ ہرِ، آپ اپنی کِرپا کر، دیونہارا دُھر دا ور، بھانڈا بھرم بھؤ بھنّائیا۔ قلم کہے میرے نال لِکھنا نال زور، سجیّ اُنگلی نال دبائیا۔ کھبّا ہتّھ کنّ وِچ پا اندر ویکھنا نال غؤر، گہر گمبھیِر دھیان لگائیا۔ مُکھوں کہنا سَتگُروُ تیرے اُتے ڈور، دوُجا نظر کوئے نہ آئیا۔ میرے اندر رہن نہ پنج چور، کوُڑی کِریا ڈیرہ ڈھاہیِا۔ جوتی جوت سروُپ ہرِ، آپ اپنی کِرپا کر، سِر اپنا ہتّھ رکھائیا۔ ناریئل کہے میَں ویکھنا پُرکھ نارا، نر نرائن سمجھائیا۔ میَں ویکھنا جگت شِنگارہ، تتاں نال وڈیائیا۔ میَں ویکھنا دیِن دُنی دیِاں دھاراں، دھرنی دھرت کھوج کھوجائیا۔ میَں ویکھنا سجّن میِت یاراں، سُہیلے رنگ رنگائیا۔ میَں ویکھنیاں ورلڈ دیاں اخباراں، سجےّ کھبےّ دھیان لگائیا۔ پھیر لگاؤنا حق دا نعرہ، اُچی کوُک کوُک سُنائیا۔ خبردار ہو جاؤ سوادھان ہو جاؤ اٹیَنشن ہو جاؤ اؤہ آیا اؤہ آیا اؤہ آیا جو سب دا یارا، یاری یاراں نال نِبھائیا۔ اؤہ آیا اؤہ آیا اؤہ آیا دوبارہ، سرگُن توں نِرگُن روُپ وٹائیا۔ اؤہ آیا اؤہ آیا اؤہ آیا جِس دا بھگتاں اُتے پہرہ، پہریدار ہو کے ہوکا دیوے چار جُگ دا راکھا لکھّ چؤراسی وِچوں باہر کڈھائیا۔ اؤہ آ گیا جِس نے آتما پرماتما دا دِتا اِشارہ، اِشارے نال پار کنارہ، دئے کرائیا۔ اؤہ آیا، اؤہ آیا، اؤہ آیا جِس دا آد توں انت گُر اوتار پَیغمبراں تکیا نظارہ، سجدیاں وِچ ڈنڈاوت بندنا وِچ سیِس نِوائیا۔ جوتی جوت سروُپ ہرِ، آپ اپنی کِرپا کر، کرے کھیل ساچا ہرِ، سچ دا حُکم اِک سُنائیا۔ گُر اوتار پَیغمبر کہن واہ واہ حق خُدا، خودغرض ویکھی تیری خُدائیا۔ خُدا کہے کیوں ہوئے میرے نالوں جُدا، جُز اپنا ونڈ ونڈائیا۔ پَیغمبر کہن تیرے اُتوں ہوئے فِدا، اپنا آپ مِٹائیا۔ خُدا کِہا میرا مارگ اِکو سِدھا، لائن عین دِتی لگائیا۔ تُسیں کیوں اوتاراں نال کیِتیاں ضِداں، جھگڑے آئے پائیا۔ جوتی جوت سروُپ ہرِ، آپ اپنی کِرپا کر، سد اپنا کھیل وکھائیا۔ اوتار پَیغمبر آکھن پربھوُ تُوں بڑا جھگڑالوُ، سانوُں جھگڑیاں وِچ رکھائیا۔ کلجُگ کہے، نہیں، میرا صاحِب بڑا دَیالوُ، جو میری پُشت پناہ ہتّھ ٹِکائیا۔ بہُڑی ڈراؤندا، کیوں نانک جمّیا گھر کالوُ، جِس کؤڈے ورگیاں دِتا بدلائیا۔ پھیر دسّ کے اِکو پُرکھ اکال انت سب نوُں سمبھالوُ، جو گوبِند دھار سمبل ڈیرہ لائیا۔ اُس دا حُکم سندیسہ شبد ہونا چالوُ، چال نِرالی اِک
رکھائیا۔ بھاویں تپدی ہووے ریت بالوُ، اگنی اگّ اگّ روُپ بدلائیا۔ اوہ گُرمُکھاں دے اُتے دے کے لال سالوُ، سؤہرے پئیے اِکو رنگ وکھائیا۔ اوہنوُں اوہدی کِرپا توں بغَیر کوئی نہ پا لوُ، بھاویں پالن چڑھے لوکائیا۔ جے کِرپا کرے بَیرن ورگیاں نوُں کھوا کے کچّے آلوُ، اندروں پڑدا دئے کُھلائیا۔ جوتی جوت سروُپ ہرِ، آپ اپنی کِرپا کر، کرے کھیل ساچا ہرِ، سچ دا رنگ اِک رنگائیا۔ قلم کہے میَں بڑی چھیتی چھیتی تُردی، چار جُگ دا پندھ مُکائیا۔ پر بہُڑی میَں سار نہیں پائی اُس سچّے سَتگُر دی، جو شبد گُروُ اکھوائیا۔ میَنوُں جِدھر چاہے لِکھاری میَں اوسے طرف مُڑدی، بھجّاں واہو داہیِا۔ میَں کاغذ دے نال جُڑدی، اپنا میل مِلائیا۔ پر جے سچ پُچھو تے میَں پانی دے وہناں وِچ رُڑھدی، تے رُڑھدی نوُں پار نہ کوئے لنگھائیا۔ چار جُگ کِسے اوتار پَیغمبر گُروُ میَنوُں جیِوت نہیں کیِتا تے میَں رہی مُردی، مُردیاں وِچ رہ کے اپنا جھٹ لنگھائیا۔ میرے اندر اِک آسا رہی پُھردی، فُرنیاں وِچ سُنائیا۔ میَنوُں خواہش اِک نوُر دی، جو نوُر نوُرانہ ڈگمگائیا۔ جِس دی آواز شبد اگمّی اِک تُور دی، تُریا تو پرے کرے پڑھائیا۔ جو جیِون زِندگی لیکھےلاوے گُرمُکھاں موُڑھ دی، غریِباں ہوئے سہائیا۔ قلم کہے میَں پیاسی رہی اُس دے چرن دھوُڑ دی، جو دھوُڑی ٹِکّے خاک رمائیا۔ جوتی جوت سروُپ ہرِ، آپ اپنی کِرپا کر، سد اپنا کھیل وکھائیا۔ سمت کہے میرا چڑھیا مہیِنہ چیتر، چتُربُھج اگوائیا۔ میرا پہلا ہونا پیپر، سچ دیاں سُنائیا۔ میَں جانا عرب دیش دے کھیتر، سوہنی ونڈ ونڈائیا۔ پہلا حِصّہ ونڈاؤنا اُنی سؤ ایکڑ، جِتھے متا لیَنا پکائیا۔ پھیر اُنی سؤ میل وِچ کرکے چھیکڑ، چھکّے سب دے دینے چُھڈائیا۔ پھیر کرکے وڈی حیَنکڑ، ہتّھ ہِک اُتے ٹِکائیا۔ پھیر کھول کے اپنا نیتر، دیِن دُنی ویکھ وکھائیا۔ جوتی جوت سروُپ ہرِ، آپ اپنی کِرپا کر، سد اپنی کار کمائیا۔ چیتر کہے میَں چڑھ گیا مہیِنہ، اپنا روُپ بدلائیا۔ سب نوُں آؤن لگّا پسیِنہ، تھر تھر اپنا آپ رہے کمبائیا۔ کُچھ مسلہ بنن لگّا چیِنا، چیِن کے سکے نہ کوئے سمجھائیا۔ جھگڑا پَینا نر مدیِنا، ایہدا بھیوَ نہ کوئے کُھلائیا۔ جِس کارن پاکھر پائی اَسو زینہ، زینہ پؤڑی سیِڑھی ویکھے حق خُدائیا۔ پھیر لیکھ ویکھنا مُلک تیِنا، ترےَگُن رنگ رنگائیا۔ جِتھے وجےّ ہنکاری بیِنا، بِنَے کر سیِس نہ کوئے نِوائیا۔ جل ملِے نہ پانی میِنا، سانتک سَت نہ کوئے وکھائیا۔ جوتی جوت سروُپ ہرِ، آپ اپنی کِرپا کر، سد اپنا رنگ وکھائیا۔ قلم کہے میَں بڑی کاہلی، او گُرمُکھ کاہلیو دیاں جنائیا۔ میَں بڑی گھالنا گھالی، چار جُگ دے شاستر لِکھے چائیں چائنیا۔ میَنوُں کِسے نے نہ بنایا سالی، ناتا
گیا نہ کوئے جُڑائیا۔ میَں پِھر پِھر تھکی چار کُنٹ بھالی، چار جُگ ویکھ وکھائیا۔ میَنوُں اِک دِن اچانک سُپنا آیا، قلم کہے نی کملیئے اؤہ ویکھ جٹّ ہالی، جو حالت سب دی رہیا بدلائیا۔ کوئی نہیں منگدا وِچ دلالی، وِچولا اوَر نہ کوئے رکھائیا۔ جو آئی سو در توں کدے نہ جائے خالی، خالی جھولی دئے بھرائیا۔ جِس نوُں کہندے جگت دا والی، اوہ وارث ہو کے پھیرا پائیا۔ کانی کہے جاں میَں اَگے ہوئی نیڑے ہو کے تکیا کنّاں نال سُنیا بُہتے اُس نوُں کڈھدے گالی، گاہک وِرلا ویکھ وکھائیا۔ نی کملیئے میَں خوشی وِچ کھلو کے اسماناں ولّ دو ہتّھاں دی ماری تالی، خُدا تعالا تیری بےپرواہیِا۔ اِک سوال اِک جواب پھیر ویکھیا گُر اوتار پَیغمبر اوسے دے سوالی، سوالاں وِچ اپنی آسا رہے پرگٹائیا۔ پھیر تکیا چوٹی ہِمالی، ہِمالیا دے پِچھے دِوالیا سب دا رہیا کڈھائیا۔ جوتی جوت سروُپ ہرِ، آپ اپنی کِرپا کر، کرے کھیل ساچا ہرِ، ... ... ... ...۔ قلم کہے میَں بھنّی دؤڑی، اپنا پندھ مُکائیا۔ میَں ویکھی دیِن مذہب دی پؤڑی، ڈنڈے ڈنڈے ہتّھ اُٹھائیا۔ اسیں اندر وڑ کے ویکھیا کیہڑی دھار مِٹھی کؤڑی، رس کوَن چکھائیا۔ جاں تکیا سب دے اندر پربھ دی آس تھوڑی، بہُڑی بہُڑی کرے لوکائیا۔ میری آسا کہے نہ دؤڑیں، اَگے ہو نہ کوئے اٹکائیا۔ جوتی جوت سروُپ ہرِ، آپ اپنی کِرپا کر، سد اپنا حُکم ورتائیا۔ قلم کہے پربھوُ میرا کر دے حِساب، انکڑے ویکھ وکھائیا۔ پُرکھ اکال کہے او کملیئے میرے کول اکھّراں والی نہیں کِتاب، اے بی سی ڈی الف یے اُوڑا اَیڑا ونڈ نہ کوئے ونڈائیا۔ میرا اِکو حِصّہ اِکو باب، بِنا پنّیاں توں میری صِفت صالاحیِا۔ اِکو وار کر دے آداب، بِنا سجدیاں سیِس جھُکائیا۔ مِہربان ہو کے دیواں مات خطاب، سِر اپنا ہتّھ ٹِکائیا۔ اوتھے نہ کوئے سوال نہ کوئے جواب، جواب طلبی وِچ سارے بَیٹھے سیِس جھُکائیا۔ جوتی جوت سروُپ ہرِ، آپ اپنی کِرپا کر، کرے کھیل ساچا ہرِ، سد اپنا رنگ رنگائیا۔ چیتر کہے میَں آیا چاترک، ترِکھا پیاسا جگ۔ ملِے میَنوُں سَت سانتک، اُتے شاہ رگ۔ پربھوُ دا بناں یاچک، ناتا تُٹے کوُڑا جگ۔ سدا ہوواں آستک، رہاں نہ بغلا بپ۔ پریِتی کراں اِکو واستک، جو صاحِب سوُرا سربگ۔ جوتی جوت سروُپ ہرِ، آپ اپنی کِرپا کر، ایکا دینا دُھر دا ور، شبد اگمّی وجا ند۔ قلم کہے میَں لِکھ لِکھ بھرے کُتب خانے، میری وڈ وڈیائیا۔ میَں جدوں آئی تے آئی ہتّھ بیگانے، میری سیوا ہوئی پرائیا۔ میَں گُروُآں دی مہما کیِتی تے شبد گُروُ دے لِکھے گانے، اکھّراں نال صلاحیِا۔ سیوا کیِتی پربھ دی نال بہانے، جُگ جُگ اپنی کار کمائیا۔ کلجُگ انتم میرے لیکھ لیکھ نوُں
دیون طعنے، دیِن مذہب مذہب نال ٹکرائیا۔ میرے جھوُٹھے دِسن یرانے، کوُڑ نال سمجھائیا۔ میَں رو کے کِہا پربھوُ میرے لیکھ ہوئے پُرانے، پرانی نِیوں نِیوں نہ سیِس نِوائیا۔ جھٹ حُکم دِتا سِری بھگوانے، بھگوَن دِتا دِرڑائیا۔ تُوں سوادھان ہو لوک مات وِچ جہانے، جہالت کوُڑی دینی گوائیا۔ لیکھ لِکھ مہاراج شیرسِنگھ وِشنوُں بھگوانے، جِس توں اَگے ہور نہ کوئے پڑھائیا۔ اوتھے ٹُٹ جاندے پَیغمبراں والے یرانے، گُروُ گود نہ کوئے اُٹھائیا۔ مُک جاندے جگت جیِون دے دانے، ترِسنا ترِکھا مِٹائیا۔ رس نہ رہندے پینے کھانے، نوَ نؤ چار ڈیرہ ڈھاہیِا۔ صِرف مِلدا کی کملیئے بھگت بھگوان دا میل جِتھے سدا اِکو رنگ اِکو جوبن جوانی مانے، بُڑھیپا نظر کوئے نہ آئیا۔ نہ کوئی طعنہ نہ کوئی میہنا نہ کوئی دئے اُلانمبھے، ٹھوکر جگت نہ کوئے لگائیا۔ قلم ہسّ پئی پربھوُ ولّ نسّ پئی، پربھوُ جو تُوں کِہا سو میَں ویکھیا گُر اوتار پَیغمبر تیرے جُگ جُگ )نِکے نِکے بال اَنجانے(، حُکم وِچ سیوک سیو کمائیا۔ تن وجوُد دے بدل کے آؤندے بانے، بانی نام کلمہ تیرا سُنائیا۔ پھیر ویکھاں سارے تیرے وِچ سماننے، وکھّرا رہن کوئے نہ پائیا۔ جوتی جوت سروُپ ہرِ، آپ اپنی کِرپا کر، سد اپنا حُکم ورتائیا۔ قلم کہے میَں لِکھنا لیکھ نہیں اُتے تختی، تخت نِواسی رہیا جنائیا۔ جِس نے کرنی سب دے اُتے سختی، سخت حُکم دِرڑائیا۔ کلجُگ کوُڑی کِریا آئی کمبختی، مایا ممتا رہی کُرلائیا۔ کیوں میرا مالک آیا عرشی، فرشی سوبھا پائیا۔ جو سدا سدا آتم درسی، پاربرہم برہم میلا میلے سہج سُبھائیا۔ اوس نے بھگتاں دی چھیویں گھر منائی برسی، سوہنا رنگ رنگائیا۔ جیِون داتا بن کے دردی، دُکھیاں دُکھ مِٹائیا۔ گُر اوتار پَیغمبر کہن اسیں لِکھ کے دئیے عرضی، درخواست پربھ دے اَگے ٹِکائیا۔ ساڈے مالک خالق جو چاہیں سو اَگے کر اپنی مرضی، سارے اِکو وار سیِس جھُکائیا۔ اسیں نام کلمہ دے کے آئے فرضی، جو جُگ جُگ گئے بدلائیا۔ تُوں پُٹھی سِدھی کر نردی، دیِن دُنی تیرے ہتّھ پھڑائیا۔ جوتی جوت سروُپ ہرِ، آپ اپنی کِرپا کر، مِہر نظر اِک اُٹھائیا۔ مِہر نظر کر دے دُھر دے سوامی، سارے رہے جنائیا۔ تُوں آد جُگ جُگاد دا دانی، داتا اِک اکھوائیا۔ ساچی منزل دے اسانی، رہبر ہو کے ویکھ وکھائیا۔ بے شک تیرا لیکھ لِکھدی قلم کانی، کائنات وِچ صِفت صالاحیِا۔ جِس دی قیِمت پَیسا دھیلا نہیں کوئی دَوانی، دیِوانی دا مُقدمہ چار جُگ دا میرا چلیا آئیا۔ تیرے اوتار پَیغمبر گُروُ سارے ہو گئے فانی، اوہناں دا تت نہ کوئے وکھائیا۔ میرے لیکھ دی اجے تکّ رہی نِشانی، شاستر سِمرت وید پُران اِنجیِل قرآن کھانی بانی دئے گواہیِا۔ میَں
چاہُندی ہُن اِکو وار اپنیاں بھگتاں اُتے کر دے مِہربانی، گھر گھر منگن دی لوڑ رہے نہ رائیا۔ کیوں کلجُگ کوُڑی کِریا دی چڑھی طُغیانی، دیِناں مذہباں رہی رُڑھائیا۔ سمت چھے کہے میری عرض جگدیِش اِک مانیں، سوارتھ میرا پوُر کرائیا۔ تیریاں بھگتاں آئے کِتے نہ ہانی، سِر اپنا ہتّھ ٹِکائیا۔ جوتی جوت سروُپ ہرِ، آپ اپنی کِرپا کر، ایکا دینا دُھر دا ور، نِہکلنک نرائن نر، مہاراج شیرسِنگھ وِشنوُں بھگوان، کلجُگ میٹ اندھیری شامی، شمع نوُر جوت تیری رُشنائیا۔