۱۷ ہاڑ شہنشاہی سمت ۶ ہرِ بھگت دوار جیٹھوُوال رات نوُں
دھرم دھار دی لکشمی سنکھ وِچ اُٹھ کے مارے پھوُک، آواز اگمّ سُنائیا۔ شنکر بھولے ناتھ کول آ کے مار کوُک، اُچی کوُک کوُک سُنائیا۔ خبر ہو جائے چارے کوُٹ، خالی کُٹیا رہن کوئے نہ پائیا۔ نِرگُن دھار اُٹھو دوُت، سَت سروُپی آپ جگائیا۔ لکھّ چؤراسی ویکھو کایا بھوُت، پنج تت پھول پھولائیا۔ جوتی جوت سروُپ ہرِ، آپ اپنی کِرپا کر، سچ حُکم اِک سُنائیا۔ سُن شنکر بھولے ناتھا، کیوں نہیں لئی انگڑائیا۔ چرن کوَل پہلوں ٹیک ماتھا، دھوُڑی خاک رمائیا۔ پھیر ماجھے والیاں دا وکھا دے بستر پاٹا، ڈھائی گز لمبائی چؤڑائیا۔ دوآبے والیاں دا ویکھ لےَ آٹا، سَوا سیر انّ تکائیا۔ کِتھے مالوے والا باٹا، پِٹھ دے بدلائیا۔ کیہڑا جموں والیاں دِتا چھاتا، چھتردھاری دے اُتے دے لگائیا۔ پھیر ویکھ پرِتھمی آکاشا، اُپر نیِچے دھیان لگائیا۔ اؤہ ویکھ گُر اوتار پَیغمبراں
دیاں آسا، آہستہ نال اکھّ کُھلائیا۔ جیہڑے کلجُگ کردے ہاسا، دندیاں دند وکھائیا۔ حُکم سُن ستاراں ہاڑ دی راتا، جٹا جوُٹ دے ہِلائیا۔ بھولیا مُکیاں پِچھلیِاں واٹاں، اگلا حُکم سُنائیا۔ جوتی جوت سروُپ ہرِ، آپ اپنی کِرپا کر، کرے کھیل ساچا ہرِ، سچ دا حُکم اِک سُنائیا۔ بھولے ناتھ گل تیرے وِچ سیلی، سب نوُں دے سُنائیا۔ سدّ لےَ وِشنوُں برہما بیلی، اُچی آواز اِک لگائیا۔ کیوں نہیں دھرتی ہوئی ویہلی، منُمکھاں نال لدائیا۔ کیوں نہیں وِشنوُں کھیل کھیلی، اپنا چھل پرگٹائیا۔ برہما کِتھے تیری دھار نویلی، آتم نظر کِسے نہ پائیا۔ جوتی جوت سروُپ ہرِ، آپ اپنی کِرپا کر، اچرج کھیل آپ کرائیا۔ اوہ تَینوُں کہندے جگت شنگھاری، ... ... ... ...۔ ... ... ... ... ... گھر گھر رِزق پہنچائیا۔ کِتھے برہما تیری جوت اُجیاری، جوتی جاتا پُچھ پُچھائیا۔ تِنّے رل کے کرو نِمسکاری، سنمُکھ ہو کے سوبھا پائیا۔ کِدھروں آ گئی تیری ستاراں ہاڑی، باہاں چُک کے کہو بہُڑی تیری دُہائیا۔ اؤہ ویکھ گُر اوتار پَیغمبر بن کے لاڑی، سوہنا روُپ چڑھائیا۔ پھیر تکیا تیری بھگتاں نال یاری، یارانہ مات لوک رکھائیا۔ جاں ویکھیا تیری دھار اپنی آپ کواری، کنت بھگوَنت نہ کوئے ہنڈھائیا۔ جوتی جوت سروُپ ہرِ، آپ اپنی کِرپا کر، سد اپنا حُکم سُنائیا۔ شنکرا کِتھے تیری تِرسوُل، چھیتی دے سمجھائیا۔ کی بچن گِیوں بھوُل، بھبوُت خاک رمائیا۔ پربھ دا عرض نہ جانیں طوُل، قیِمت بازی ونڈ ونڈائیا۔ جُگ جُگ بدلن والا اصوُل، اصل اپنے ہتّھ رکھائیا۔ کی وِشنوُں تَینوُں ہویا وصوُل، چؤتھے جُگ دے دِرڑائیا۔ جوتی جوت سروُپ ہرِ، آپ اپنی کِرپا کر، اپنا حُکم آپ سُنائیا۔ او برہمے کیہڑے تیرے چار مُکھ، چاروں کُنٹ دے وکھائیا۔ ایہہ سرِشٹی بھری ساری دُکھ، آتم برہم نہ کوئے سمجھائیا۔ سُپھل ہوئی کِسے نہ کُکھ، ملِے مان نہ جنیندی مائیا۔ کلجُگ ویکھ اندھیری رُت، نوُری چند نہ کوئے چمکائیا۔ اِنہاں بھگتاں کولوں پُچھ، تیئیاں کیوں نہیں دیِپک لئے جگائیا۔ ایہہ لیکھا موُل نہیں جانا چُھٹ، جو لِکھاریِاں کولوں دِتا لِکھائیا۔ بھاویں کِنّے بہو لُک، لُکیا رہن کوئے نہ پائیا۔ تُسیں پنجاں تتاں والے بُت، پربھ داتا نوُر اِلاہیِا۔ جوتی جوت سروُپ ہرِ، آپ اپنی کِرپا کر، سد اپنا گھر وکھائیا۔ او شنکرا کِتھے تیرا باسک تشک ناگ، تن ڈنگ لگائیا۔ تیرے ہتّھ سرِشٹی پھڑائی واگ، کیوں سنگھاری دِتی بُھلائیا۔ جیہڑے پربھ نوُں بُھل کے ہو گئے کاگ، کیوں نہیں پھڑ پھڑ دئیں سزائیا۔ اؤہ ویکھ گوبِند دا اُڈدا باز، بازاں والا ویکھ وکھائیا۔ برہما چار وید توں پرے دا سُن لےَ راگ، مُکھ چاروں کُنٹ بھوائیا۔
آہ ویکھ جِس پاتشاہ پہنیا تاج، مالک دو جہان اکھوائیا۔ وِشنوُں کی ورتاوے پرساد، گھر گھر رِزق سبائیا۔ کِس دا حُکم تے کِس دا راج، رعیت کوَن روُپ درسائیا۔ کِس دی دھار تے کِس دی اؤلاد، مات پِت کوَن اکھوائیا۔ کِس دا شبد حُکم سُنو آواز، کوَن راہ درسائیا۔ کِس دا لکھ چؤراسی بغیچہ باغ، مالک کوَن روُپ وٹائیا۔ کیوں نہیں تیئی بیِبیِاں جگائے چراغ، اُٹھ کے بُھل لؤ بخشائیا۔ ایہہ کوئی کلجُگ دا نہیں رِواج، سَتجُگ دھار راہ بنائیا۔ اِس وِچ پربھ دا نہیں کوئی مُفاد، بھگتاں دئے مان وڈیائیا۔ جِنہاں پوہ نہ سکے کلجُگ ترےَگُن اگنی آگ، ممتا موہ نہ کوئے ہلکائیا۔ انتم سب دی مُکی مُنیاد، مُنادی برہما وِشن شِو رہے کرائیا۔ جوتی جوت سروُپ ہرِ، آپ اپنی کِرپا کر، سد اپنی دھار پرگٹائیا۔ تِنّے کٹّھے ہو گئے بن گئے سچّے یاچک، یاد پھیر کرائیا۔ کیوں سرِشٹی ہوئی ناستک، مُکھوں بچن دیؤ الائیا۔ کی حُکم سُننا واستک، واسطہ اِکے نال پائیا۔ کیوں نہیں من کلپنا ہوئی سانتک، سَت سَت وِچ سمائیا۔ دیِن دُنی کام واشنا ہوئی عاشق، پربھ پریم نہ کوئے پرگٹائیا۔ بِنا بھگتاں توں دِسے نہ کوئے اُپاشک، سیِس جگدیِش نہ کوئے نِوائیا۔ جوتی جوت سروُپ ہرِ، آپ اپنی کِرپا کر، ساچا رنگ اِک وکھائیا۔ پُرکھ اکال کہے شنکر کی تیرے انتر شنکا، شرع توں باہر جنائیا۔ بھےَ بھیانک دا وجا دے ڈنکا، ڈؤروُ ہتّھ پھڑائیا۔ اوہ تُہانوُں اِک دِتا اِناں جِہا تِنکا، اوم روُپ پرگٹائیا۔ نِشان وکھایا جوتی چِنھ کا، چِتر نہ کوئے درسائیا۔ ہُن کھیل نہیں کوئی دِن کا، رَین اندھیری کلجُگ آئیا۔ جوتی جوت سروُپ ہرِ، آپ اپنی کِرپا کر، بھیوَ ابھیدا رہیا کُھلائیا۔ برہما تُوں وی دسّ دے بھیدا، بھیوَ بھاؤ کُھلائیا۔ کِتھے گئے چارے ویدا، وِدیا شاستر نہ کوئے چتُرائیا۔ رستہ ملِے نہ کِسے سیدھا، مارگ اِک نہ کوئے درسائیا۔ کیوں دیِن دُنی دا بدلیا میدھا، آتم برہم نہ کوئے رُشنائیا۔ جوتی جوت سروُپ ہرِ، آپ اپنی کِرپا کر، سد اپنا بھیوَ چُکائیا۔ کِتھے گیا آتم برہم، برہم ونتے کی چتُرائیا۔ کیہڑی نیِتی کیہڑا کرم، کی کلجُگ جیو رہے کرائیا۔ کیہڑا دھرنی اُتے دھرم، سچ سچ دے سمجھائیا۔ تیرے برہم دے کیوں بن گئے جگت ورن، تتاں والی ونڈ ونڈائیا۔ اِک دی کیوں نہیں پےَ گئے سرن، اِک اِشٹ نہ کوئے سمجھائیا۔ جوتی جوت سروُپ ہرِ، آپ اپنی کِرپا کر، پردہ اوہلا دے چُکائیا۔ کیوں وِشنوُں بنیا نہیں دردی، دیِن دُنی ویکھ وکھائیا۔ چاروں طرف سرِشٹی مردی، بُھکھ دُکھ نال کُرلائیا۔ کیوں نہیں کھیل دسّی میَنوُں کلجُگ کل دی، کد رہیا ورتائیا۔ دھی ماں نوُں ویکھ چھل دی، پِتا پوُت نال لڑائیا۔ گُروُ سِکھ دی پریِتی نِبھے نہ گھڑی پل دی،
وِچھوڑا ہویا تھاؤں تھائنیا۔ کیوں نہیں شنکرا تیری گڑوی بھری جل دی، اُونی کیوں رکھائیا۔ برہما تیری دھارا کیوں نہیں پھل دی، وِکار ہنکار باہر کڈھائیا۔ سرِشٹی دی آتم پرماتم نال کیوں نہیں رلدی، کی تیرا بھے گئی مِٹائیا۔ کِتھے تیری کھیل گئی ول چھل دی، اچھل چھل نہ کوئے کمائیا۔ جوتی جوت سروُپ ہرِ، آپ اپنی کِرپا کر، دیونہارا ساچا ور، سد اپنی کار کمائیا۔ وِشن برہما شِو کھڑے تِنّے، تِنّ لوک سیو کمائیا۔ دسّو کِنّے بیِتے جُگ تے تُساں ویکھے کِنے، کی کی کار کمائیا۔ نہیں تے نِیوں کے کر دیؤ بِنَے، سیِس جگدیِش جھُکائیا۔ پربھوُ اسیں تے ایہو جاندے تیری جوت دا چِھن اے، چھوٹا روُپ اپنائیا۔ پریم پیار وِچ اپنا آپ بَیٹھے وِنھے، آر پار تیری دھار رکھائیا۔ جوتی جوت سروُپ ہرِ، آپ اپنی کِرپا کر، سد اپنا رنگ رنگائیا۔ شنکر اوہ کیہڑی بدھّی تیڑ کُشا، کُشا دیِپ ویکھ وکھائیا۔ پربھ توں کیہڑا بھیوَ چُھپا، کیوں چُھپ چُھپ جھٹ لنگھائیا۔ او وِشنوُں کی تیرا بھنڈارا مُکا، بُھکھیاں نہ سکے رجائیا۔ او تَینوُں پتہ نہیں کہ پربھ دا نام دو تُکا، چار مُکھ والے چارے اکھّراں دا ویلا رہن نہ پائیا۔ بچّوُ کرِیو کوئے نہ غُصّہ، جُگ چؤکڑی تُہاڈی سیو دیاں بدلائیا۔ کِسے نوُں دھپھا مار کِسے نوُں مُکا، او برہما کِسے نوُں کہاں میریا پُتا، سرِشٹی دینی چلائیا۔ خوشی وِچ چرن دھوُڑی دی سُٹ کے تُہاڈے سِر توں مُٹھا، مُٹھی بھر سرِشٹی چؤراسی لکھّ جوُن تُہاڈے ہتّھ پھڑائیا۔ آپ پھیر لُک جاواں اپنی اُس گُٹھا، جِتھوں میری کِرپا بِنا تُسیں ویکھن کوئے نہ پائیا۔ تُہانوُں پتہ نہیں میرے بھگت تے کھاوَن ٹُکر سُکا، کِتھے بھنڈارے رکھے چُھپائیا۔ ایسے دُکھ وِچ اوہناں دی اِک اِک ہیٹھاں ہو گئی مُچھا، کیوں بُھکھے رہ کے جھٹ لنگھائیا۔ ہُن یاد کر لےَ پنجاں پیاریاں نے گانا بنّھ دِتا نال گُٹا، ستّ رنگ دا سَت دیاں وکھائیا۔ ہُن کوئی راکش نہیں جیہڑے لال کرنگے بُل تے بُٹاں، گُرمُکھاں نوُں پریم وِچ دِتا رنگائیا۔ جوتی جوت سروُپ ہرِ، آپ اپنی کِرپا کر، مِہر نظر اِک اُٹھائیا۔ برہمے کی کہندا تیرا وید اتھربن، کیوں رو کے اتّھروُ رہیا وہائیا۔ کی سندیسہ دے کے گیا کرِشنا ارجن، ویلے انت سُنائیا۔ میرے کاہن نے کوئی چُکنا نہیں اُنگلی اُتے گوَردھن، جگت وِچ نہ کوئے چتُرائیا۔ اوہ جد آوے دو جہاناں کرے مردن، سویا رہن کوئے نہ پائیا۔ غریِب نِمانیاں ونڈے دردن، دُکھیاں اپنے گلے لگائیا۔ اپنا پوُرا کرے فرضن، نؤ سؤ چُرانوے چؤکڑی جُگ پِچھوں کل کلکی ویس وٹائیا۔ ایسے کرکے اوتار پَیغمبراں گُروُآں لائی شرطن، شرع توں باہر گئے سمجھائیا۔ جیہڑے دوآبے والیاں پریم وِچ بھیٹا کرنے برتن، اوہناں نوُں خریدن دی
لوڑ رہے نہ رائیا۔ جوتی جوت سروُپ ہرِ، آپ اپنی کِرپا کر، سد اپنا رنگ وکھائیا۔ برہمے کی کہندا اتھربن دا اَیڑا، اُوڑے توں پرے سُنائیا۔ او وِشنوُں، کِس طرح سرِشٹی توں چُھٹے کھہڑا، کھیڑا وسدا نظر کوئے نہ آئیا۔ شنکرا تَینوُں سارے کہندے بھَیڑا، کیوں شاہ سُلطاناں دی کریں صفائیا۔ پُرکھ ابناشی تُہاڈیِاں کرنیِاں دیِاں دو جہان ویکھے پَیڑاں، بِنا کُھرے توں کھوج کھوجائیا۔ جوتی جوت سروُپ ہرِ، آپ اپنی کِرپا کر، کرے کھیل ساچا ہرِ، سد اپنا پڑدا لاہیِا۔ بھولے سوادھان ہو کے اُٹھ، آکاش دے اُتے لےَ انگڑائیا۔ کلجُگ ویکھ سب دے بُت، بُتخانے کھوج کھوجائیا۔ ہُن رہن نہیں دینا چُپ، چُپ چپیتےِ تاڑی دینی کُھلائیا۔ اؤہ کیوں ہو گیا اندھیرا گھُپ، کنّ وِچ مُندراں پائیاں دین دُہائیا۔ جگت وِکار پائی لُٹ، لُٹیرا بنیا کلجُگ بھجےّ واہو داہیِا۔ کی تَینوُں نہیں آیا دُکھ، منُمکھاں کریں صفائیا۔ اجّ ویلا ای جھُک کے لےَ پُچھ، کوُڑ کُڑیار رہن کوئے نہ پائیا۔ جے نہیں کول تے ہور منگ لےَ کُچھ، خالی جھولی دیاں بھرائیا۔ جوتی جوت سروُپ ہرِ، آپ اپنی کِرپا کر، حُکم حُکم وِچوں سُنائیا۔ برہما کہے پربھوُ تُوں بڑا دَیال، دَیالوُ سدا اکھوائیا۔ پر بہُڑی تیری سمجھ نہیں آؤندی چال، جُگ چؤکڑی اولّڑی چال چلائیا۔ میَں وی اپنا آپ نہ سکاں سنبھال، کیوں، جاں تکیا تے سمبل بَیٹھا دُھردرگاہیِا۔ جِس دا جوتی جلوہ نوُر جلال، دو جہان کرے رُشنائیا۔ جِس نے میٹ دینا جھٹکا حلال، ہر ہِردے کرے صفائیا۔ اپنے ہتّھ وِچ پھڑ کے کال مہاکال، چاروں کُنٹ سیوا دینی لگائیا۔ اِس طرح جُگ جُگ وجائے تال، تلواڑا اپنا نام کھڑکائیا۔ جے مِہر کرے پاپیِاں اپرادھیِاں جاوے تار، مِہر نظر اِک اُٹھائیا۔ ہُن کوٹاں وِچوں بھگتاں دی آ گئی وار، وارث اپنے رہیا بنائیا۔ سچ دا کر پیار، پریم پریِتی اِک بنائیا۔ راتی سُتیاں اندر کر گُفتار، گُفت شُنیِد کرے شنوائیا۔ اَگے ویکھیو تُہاڈے صاحِب دی کِس طرح چلدی تیز رفتار، رفتہ رفتہ سارے دئے اُٹھائیا۔ حُکمے اندر سارے کر گرِفتار، پابندی نام والی وکھائیا۔ گُر اوتار پَیغمبر بن جاوے اِکو وار اِسدی نار، نر نرائن لئے پرنائیا۔ جِتھے اِکو اِک ایکنکار، دوُجا نظر کوئے نہ آئیا۔ آپے جوان تے آپے مُٹیار، بُڈھاپا ویس نہ کوئے وکھائیا۔ آپے اندر تے آپے باہر، آپے بھجےّ چائیں چائنیا۔ آپے سہیلی آپے اکیلی آپے بھَین بھائی تے آپے ساک سجّن کرے پیار، آپے کھیل اپنے رنگ وکھائیا۔ جوتی جوت سروُپ ہرِ، آپ اپنی کِرپا کر، سوہنی اپنی بنت بنائیا۔ شنکر اؤہ ویکھ پربھوُ دی شان، شہانہ روُپ درسائیا۔ بن کے آؤندا سکھیِاں دا کاہن، جِنہاں دا تن وجوُد ویکھن کوئے نہ پائیا۔ اوہ خوشیاں
وِچ اوسے دا گیِت گان، جِس نوُں سارے آئے گائیا۔ اوسے دا درشن کرکے اپنا من رِجھان، جِتھے من دی اوستھا نظر کوئے نہ آئیا۔ بچّیو تُہانوُں اوسے دی نہیں پہچان، جو تُہاڈا پِتا مائیا۔ پُچھے کی تُہاڈی جگت وِچ آن، کی بھےَ رہے دِرڑائیا۔ کیوں شرع بن گئی شیَطان، گھر گھر کرے لڑائیا۔ کیوں مانَو ذاتی ہوئے وَیران، وَیری پنج بَیٹھے اندر ڈیرہ لائیا۔ کِدھر گئے تُہاڈے نِشانے والے بان، کی انیالے تیِر چلائیا۔ جوتی جوت سروُپ ہرِ، آپ اپنی کِرپا کر، سد اپنا حُکم ورتائیا۔ وِشن برہما شِو کہن پربھوُ اسیں تیرے پُجاری، پوُجا وِچ سمائیا۔ تیری ویکھی کھیل نیاری، نِرگُن دھار تیری رُشنائیا۔ تیری کِرپا نال نِگاہ سچکھنڈ ماری، اوتھے ماروُ راگ نہ کوئے سُنائیا۔ جِدھر ویکھیئے تیرے چرناں توں جان بلہاری، بل بل سیِس نِوائیا۔ کِسے ہِردے اندر نہیں غداری، گداگر نہ کوئے درسائیا۔ جِدھر تکیئے اُدھر تیرا نوُر تیرا ظہوُر تیرا روُپ شنگاری، اِکو رنگ وکھائیا۔ جوتی جوت سروُپ ہرِ، آپ اپنی کِرپا کر، ایکا دینا ساچا ور، سچ دا رنگ اِک رنگائیا۔ وِشن برہما شِو کہن پربھ سانوُں پِھر لیَن دے وِچ وِواہ، سیوا کریئے نَٹھیئے بَھجیئے چائیں چائنیا۔ نالے ویکھیئے پَیغمبراں دا کِس طرح ہُندا نِکاح، بِنا نقاب توں نقاب والا لئے پرنائیا۔ اُس دے کیہڑے بنن گواہ، شہادت دین بُھگتائیا۔ جِس دے سِنگھاسن دے پہریدار تے سیوادار اوہ جِنہاں مُکھ نوُں ملی سواہ، سوُتردھاری اپنا کھیل وکھائیا۔ جِس نے سب دا سانجھا بناؤنا راہ، رہبر ہو کے سِر اپنا ہتّھ ٹِکائیا۔ نالے اوسے نوُں کِہا خُدا، خود مالک اپنا جوت نوُر کرے رُشنائیا۔ جِس نے مذہب دی میٹنی وبا، ادا پِچھلی دئے گوائیا۔ اِک نام دی کرکے سطح، سدّا گھر گھر دینا جنائیا۔ اپنا فرض کرکے ادا، جن بھگت سچکھنڈ دئے بہائیا۔ جوتی جوت سروُپ ہرِ، آپ اپنی کِرپا کر، کرے کھیل ساچا ہرِ، سچ اپنا میل مِلائیا۔ اوتار کہن وِشن برہما شِو چھیتی کرو چھیتی، چاروں کُنٹ ویکھو نیَن اُٹھائیا۔ ویکھو جیہڑا پربھوُ مات لوک وِچ بن گیا پردیسی، کی پردیسک خبراں رہیا سُنائیا۔ وِشن برہما شِو کہن ساڈے کنّ پھڑی اؤہ بہُڑی اوہ آد جُگاد دا بھیتی، دوُر دُراڈا ویکھے تھاؤں تھائنیا۔ ہُن اوہ ویکھن گیا دیِناں مذہباں والی نیکی، کی نِکے وڈّے کار کمائیا۔ سانوُں اِکو پتہ اوہ اِکو آپ تے اِکو اوہدا پُت شبد پلیٹھی، دوُجا جمّن والا نظر کوئے نہ آئیا۔ شہنشاہاں دا شاہ پاتشاہاں دا پاتشاہ تے دھرم خزانے دا سیٹھی، نام دا بھنڈارا اپنے ہتّھ اُٹھائیا۔ اُس نے آپے لاڑا بننا ناری بننا تے آپے بننا بیٹا تے بیٹی، تے آپے اپنا گھر لیَنا پرنائیا۔ جوتی جوت سروُپ ہرِ، آپ اپنی کِرپا کر، کی
سچکھنڈ کار کمائیا۔ گُر اوتار پَیغمبر کہن او برہما وِشن شِو چاروں کُنٹ ماریو نظر، بِنا اکھّاں اکھّ اُٹھائیا۔ پتہ نہیں کی ساڈے اُتے ہون لگّا فضل، رحمت حق کمائیا۔ محمد بولیا بہُڑی سرِشٹی اُتے آؤن والی اجل، ایہو میری دُہائیا۔ دیِناں مذہباں وِچ کر کے پزل، کِسے نوُں پلیِت تے کِسے نوُں پاک دِتا سمجھائیا۔ االلہ واہِگُروُ رام اوم ستنام دی دسّ کے غزل، اکھّراں وِچ پرچائیا۔ تے اِک دوُجے دی مارن نہیں دِتی نقل، وکھّرا وکھّرا اکھّر پڑھائیا۔ جِہنوُں بنایا اوہنوُں آکھیا تُوں میرا اصل، وصل تیرے نال رکھائیا۔ ہِندوُ مُسلم سِکھ عیِسائی بنا کے فصل، ربی خریِف دا جھگڑا دِتا پائیا۔ وکھّری وکھّری بنا کے نسل، حِصّے مانُکھ ذاتی دِتے کرائیا۔ تے کوٹاں وِچوں جُگ جُگ اپنے پرگٹا کے بھگت سُہیلے رتن، امولک اپنی گود ٹِکائیا۔ تے گُر اوتار پَیغمبر کہن ہُن بھاویں کِنے کریئے یتن، یتھارتھ ساڈا حُکم رہے نہ رائیا۔ کیوں اسیں مات لوک وِچوں آ گئے سچکھنڈ دے وطن، درگاہ ساچی سوبھا پائیا۔ جِتھے اِکو گرِہ تے اِکو مندر تے اِکو پتن، دوُجا گھاٹ نہ کوئے درسائیا۔ اِکو نام تے اِکو کلمہ رٹن، رٹّا ہور نہ کوئے سمجھائیا۔ جِتھے سنت سُہیلے لاہا کھٹّن، اوہ در رہیا درسائیا۔ جوتی جوت سروُپ ہرِ، آپ اپنی کِرپا کر، کرے کھیل ساچا ہرِ، سچ دا پردہ آپ اُٹھائیا۔ وِشن برہما شِو کہن گُر اوتار پَیغمبرو اِک دوُجے دیِاں بن جاؤ سکھی سہیلیاں، انک انک نال جُڑائیا۔ دیِناں مذہباں توں ہو جاؤ ویہلیاں، جھگڑا رہے نہ رائیا۔ گلوَکڑیاں پاؤ وِچھڑے بیلیاں، جو مالک اِک اکھوائیا۔ اوسے نوُں مِل کے ساڈیِاں لیکھے لگدیِاں سیلیاں، جو سِر تے ہتّھ ٹِکائیا۔ جوتی جوت سروُپ ہرِ، آپ اپنی کِرپا کر، سد اپنی کر کمائیا۔ وِشن برہما شِو کہن تُوں مالک نر نریشے، تیری سَت سرنائیا۔ کی مات لوک وِچوں دئے سندیسے، فرمانا اِک پرگٹائیا۔ جِتھے جُگ چؤکڑی بیِت گئے کیتے، کوٹن کوٹ کال وِہائیا۔ تیرا کِسے نہیں پایا بھیتے، انت کہن کوئے نہ آئیا۔ سانوُں اِکو شبد چیتے، جو نانک گیا سمجھائیا۔ اُس لالو نوُں کِہا سی جِس ویلے واڑ کھائےگی کھیتے، راکھا نظر کوئے نہ آئیا۔ ماتا کچّے کراون پیٹے، سَت دھرم نہ کوئے وکھائیا۔ بھائی بھَین دی سیجے لیٹے، کلجُگ کوُڑ کوُڑ کُرلائیا۔ پِتا کنّیا دا ماس ویچے، قیِمت ٹکیا والی پائیا۔ گُر اوتاراں رہنے نہیں کوئی لیکھے، پَیغمبراں نہ کوئے چتُرائیا۔ اُس ویلے پُرکھ اکال وٹاؤنا بھیسے، بھیکھادھاری روُپ درسائیا۔ نہ اوہدی مُچھ داہڑی نہ کیسے، نہ کوئی موُنڈ مُنڈائیا۔ صِرف ایہہ نال رکھے دس دسمیشے، جِس نال دہ دِشا کرے رُشنائیا۔ جوتی جوت سروُپ ہرِ، آپ اپنی کِرپا کر، سد اپنا رنگ رنگائیا۔ وِشن برہما شِو کہن اوتار
پَیغمبر گُروُاو گُردیوو اؤہ آ گیا ہلکارا، شبدی روُپ وٹائیا۔ تُہانوُں پرناوَن والا پِچھے گیا دوبارہ، دوارکاواسی اپنی لؤ انگڑائیا۔ اَگے تے تُسیں ہنڈھا کے آئے تتاں والیِاں ناراں، وِشیاں وِچ اپنا جھٹ لنگھائیا۔ پُرکھ اکال نوُں منّدے آئے بھتارا، پت پرمیشور کہہ کے سیِس نِوائیا۔ دوُروں دوُروں کردے رہے نِمسکارا، نیڑے ہو سیو نہ کِسے کمائیا۔ اکھّراں وِچ دسّ کے آئے اِظہارا، صِفتاں وِچ صالاحیِا۔ مِنّتا دا بنا کے پُجارا، پوُجا وِچ آئے دِرڑائیا۔ پتّھر اِٹّاں دا بنا کے منارا، پُرکھ اکال آئے وکھائیا۔ جِس دیاں دیِناں مذہباں والے ڈھاہ دیندے دیوارا، نِشانہ دین مِٹائیا۔ لیکھا لِکھدے وِچ اخبارا، خبراں گھر گھر وکھائیا۔ ہُن ویکھیو اَگے دا نظارہ، نظریِہ سب دا دئے بدلائیا۔ تُسیں چار جُگ دیاں مُٹیاراں، اجےّ تکّ خاوَند ہتّھ کوئے نہ آئیا۔ صِرف تتاں والے سریِر دا کر کے شِنگارہ، سوہنا روُپ وکھائیا۔ ہُن ایتھے تیئی تے تِنّ چھّبی تے دس چھتّی تے نانک دے چھتّی جُگ دیِاں بدھّیاں پئیاں قطاراں، قطاراں دا مالک سوبھا پائیا۔ جِس نے رہن نہیں دینی دوپھاڑا، اِکو رنگ دینا رنگائیا۔ جوتی جوت سروُپ ہرِ، آپ اپنی کِرپا کر، سد اپنا میل مِلائیا۔ وِشن برہما شِو کہن گُر اوتار پَیغمبرو آ گئی ستاراں ہاڑ دی تاریخ، تواریخ پِچھلی رہیا مِٹائیا۔ تُہاڈی بھگت سُہیلے کردے اُڈیِک، بَیٹھے راہ تکائیا۔ سُہاگ دے گائے گیِت، خوشیاں رنگ رنگائیا۔ چھڈ کے شِودوالے مٹھ تے مندر مسیِت، گُروُدواریاں آئے تجائیا۔ سارے کہندے اسیں پربھوُ دی ویکھنی ریِت، کی اپنی کار کمائیا۔ کِس بِدھ جوتی دھار کرے پریِت، پریِتم اپنا جوڑ جُڑائیا۔ ساچا کلمہ دسےّ حدیِث، حضرتاں توں پرے کرے پڑھائیا۔ لیکھے لائے اوُچ نیِچ، راؤ رنک اِکو گھر وسائیا۔ جوتی جوت سروُپ ہرِ، آپ اپنی کِرپا کر، سد اپنا حُکم ورتائیا۔ گُر اوتار پَیغمبرو اؤہ آؤندا جے فرمانا، شبدی شبد سُنائیا۔ سب نوُں مات لوک پَینا جانا، اپنا اپنا دھرم اُٹھائیا۔ تُوں میرا میَں تیرا گاؤنا گانا، گا گا شُکر منائیا۔ ویکھیو پربھ نے ہتّھ نہیں آؤنا کِسے پلنگ غلیچے پَیند تے سرہانا، دوشالیاں والی سیج نہ کوئے ہنڈھائیا۔ پہلے اوہدیاں بھگتاں دا درشن پانا، جو بَیٹھے آسن لائیا۔ پھیر کہنا تیرا نوُر جوت نِمانا، ہنکار وِچ نہ کوئے چتُرائیا۔ ساڈا دیِن مذہب ہویا پُرانا، پُرانے چیِتھڑ ماجھے والیاں دے دین گواہیِا۔ پھیر تکیا نؤ کھنڈ پرِتھمی دا کِرسانا، تے دو جہاناں ہل چلائیا۔ ٹِلّے پربت سمُند ساگر لوآں پُریاں پِھردا وِچ واہنا، بھجےّ چائیں چائنیا۔ جد کِرپا کرے تے جُگ دا انتم ویکھے جِس ویلے جیو ہویا نِمانا، نِتانیاں کھوج کھوجائیا۔ حُکمے وِچ حُکم دیوے تے سرِشٹی کہے ورت گیا بھانا، پربھ دا بھیوَ کوئے نہ
پائیا۔ کلجُگ انت سِری بھگوَنت جوتی دھار پہر کے بانا، بان انیالا تیِر چلائیا۔ جوتی جوت سروُپ ہرِ، آپ اپنی کِرپا کر، سد اپنا کھیل وکھائیا۔ گُر اوتار پَیغمبر آؤندے جوتی دھار، وِشن برہما شِو ویکھ وکھائیا۔ ویکھو بنے اِک قطار، اَگے پِچھے نہ کوئے چتُرائیا۔ گل ویکھو اوہ پُھلاں دے ہار، جیہڑے ہار ہر ہِردے وِچ پُھلاں دی مہک دین مہکائیا۔ آئے اوس دوار، جِتھے بَیٹھا دُھردرگاہیِا۔ اوسے دا روُپ اوسے دا شِنگار، اوسے دے وِچ سمائیا۔ اِک دوُجے نوُں کرو نِمسکار، در دوار ملِے مان وڈیائیا۔ او یاراں دے یار، یرانے پِچھلے ویکھ وکھائیا۔ کی لیکھا نال سِرجنہار، جو سِر سِر رِزق سبائیا۔ جوتی جوت سروُپ ہرِ، آپ اپنی کِرپا کر، سد اپنا لیکھا دئے وکھائیا۔ وِشن برہما شِو اؤہ ویکھو نِرگُن دھار اپنے ساتھی، جوتی جوت رُشنائیا۔ کوئی دِسدا نہیں اَیراپت ہاتھی، دکھّن دِشا ونڈ نہ کوئے ونڈائیا۔ اِکو پریم پیار تے مُحبّت والا ساقی، سچ پیالہ جام رہیا پیائیا۔ سچکھنڈ درگاہ ساچی دی کھول کے تاکی، پردہ دِتا اُٹھائیا۔ انت اَخیِر بے نظیِر سب دی منّ کے آکھی، بھوِکھت پِچھلا پوُر کرائیا۔ آپ چڑھ کے چِٹے اَسو گھوڑے راکی، پاکھر زیِن سُہائیا۔ جیہڑی ہردیو سِنگھ دی پوشاکی، اوہ دوشالہ سِنگھاسن اُپر ٹِکائیا۔ بھگتو تُہاڈی میٹ کے پِچھلی واٹی، وٹنا اپنے تن چُھہائیا۔ اجّ سُہاگ بھری راتی، رُتڑی گُر اوتاراں پَیغمبراں نال مہکائیا۔ سب دی اِکو کر کے ذاتی، دیِن مذہب دا جھگڑا رہے نہ رائیا۔ لیکھا مُک گیا تن وجوُد خاکی، خاک نوُں خاک وِچ رُلائیا۔ جِس دا اِکو نوُر اِکو جوت پرکاشی، پرکاسوان ہو کے ویکھے تھاؤں تھائنیا۔ جوتی جوت سروُپ ہرِ، آپ اپنی کِرپا کر، کرے کھیل ساچا ہرِ، سچ دا حُکم آپ ورتائیا۔ وِشن برہما شِو کرو آرام، سِنگھاسن لؤ لگائیا۔ تیئی اوتاراں دی اَگے نِمسکار، کرِشن رام رمئیا سیِس نِوائیا۔ پَیغمبراں کیِتی سلام، سجدے وِچ وڈیائیا۔ گُروُآں کیِتی پرنام، نِیوں نِیوں سیِس جھُکائیا۔ ساڈا پوُرن ہووے کام، پوُرن صاحِب تیری بےپرواہیِا۔ تُوں صاحِب سچّا سُلطان، شہنشاہ اکھوائیا۔ پُرکھ اکال کہے میَں آد دا حُکمران، جُگ جُگ اپنا حُکم ورتائیا۔ پنجے لِکھاریو اپنے عدالتی کڈھ لؤ اشٹام، ہتّھاں وِچ سب نوُں دیؤ وکھائیا۔ ویکھو اوتاراں دے ہون لگّے بیان، پَیغمبراں دا سُننا پَیغام، دس گُروُ کی لِکھان اپنی آشا دینی پرگٹائیا۔ جوتی جوت سروُپ ہرِ، آپ اپنی کِرپا کر، سد اپنی کار کمائیا۔ اوتار پَیغمبر گُر کہن ساڈا بیان ہووے قلم بند، بندش اوَر نہ کوئے رکھائیا۔ اسیں سچکھنڈ دواریوں مار کے آئے پندھ، پاندھی بن کے بھجےّ واہو داہیِا۔ ساڈے بولن والے نہیں زبان تے دند،
تیرا حُکم شبد شنوائیا۔ اجّ توں اسیں دیِن مذہب دا جھگڑا چھڈیا تے کرنا نہیں جنگ، لڑائی تیرے ہتّھ پھڑائیا۔ پنجاں لِکھاریِاں دے روُبروُ ساڈا ہو جائے تیرے نال کارج انند، انند تیرے وِچوں آئیا۔ تیئی اوتار حضرت عیسیٰ موُسیٰ محمد دس گُروُ سارے کٹّھے ہو کے گائیے اِکو چھند، تُوں میرا میَں تیرا تے دوُجا نظر کوئے نہ آئیا۔ جِدھر ویکھیئے تُوں ساڈا نوُر تے اسیں تیرے چند، چند نوُر تیرا رُشنائیا۔ پُرکھ اکالے دیِن دَیالے تیرے اَگے ساڈی سب دی ایہو منگ، ساڈی جھولی دینی بھرائیا۔ جیہڑا نام کلمہ سانوُں تُوں پِچھے دِتا ونڈ، تیریاں بھگتاں دے ساہمنے تیریاں قدماں وِچ سُٹائیا۔ اسیں چاہُندے اَگے ساری سرِشٹی نوُں چاڑھ دے اِکو رنگ، اِکو اِشٹ دینا وکھائیا۔ تیرے چرناں دی دھوُڑ اٹھسٹھ تیِرتھ توں اُتم سریشٹ چنگ، جِتھے وِشن برہما شِو نہا نہا خوشی منائیا۔ اسیں پِنڈے توں ہو جائیے ننگ، تیرے اَگے دُہائیا۔ کوئی مار نہ سکیئے دم، دامنگیِر تیری اِک سرنائیا۔ کیوں ہُن اسیں چھڈدے جھگڑا ماٹی تے چمّ، تیری جوت وِچ تیرا روُپ سمائیا۔ نہ کوئے خوشی تے نہ کوئے غم، چِنتا رہی نہ رائیا۔ نہ کوئے بھیکھ کریئے نہ کمّ، نہ ڈؤروُ ڈنک کھڑکائیا۔ جو گھڑیا سو دیویں صاحِب تُوں بھنّ، بھنّنہار سب کِچھ تیرے ہتّھ پھڑائیا۔ اِک بیننتی ضرور مات لوک وِچ اپنیاں بھگتاں دا بنّھی من، منسا باہر نہ کوئے ہلکائیا۔ ویکھیں چُغلی والے رہن نہ دیویں کِسے دے کنّ، گُرسِکھ دی نِندیا گُرسِکھ نہ کوئے سُنائیا۔ گُر اوتار پَیغمبر کہن اسیں دسّ کے آئے بِنا سَتگُروُ دے نام توں چنگا نہیں جے کوئی دھن، اوہ دھن دینا ورتائیا۔ کیوں کلجُگ چور ڈاکوُ بتھیرے تے لاون والے سنّھ، سادھ سنت ایہو چوری رہے کمائیا۔ پربھوُ کوئی اِستری بندا کوئی نار بندا کوئی وائیف اسیں بن گئے تیری اوہ رنّ، جیہڑی شرم حیا وِچ اپنا آپ تیرے وِچ چُھپائیا۔ ہُن کِرپا کر کے سب دا بیڑا لَویں بنّھ، تیرا تیری جھولی دِتا سُٹائیا۔ جیہڑا تیرے چرن جھُک جائے اوہنوُں کوئی سکے نہ ڈنّ، چؤراسی دا لیکھا دینا مُکائیا۔ جوتی جوت سروُپ ہرِ، آپ اپنی کِرپا کر، ایکا دینا ساچا ور، در تیرے آس رکھائیا۔ گُر اوتار پَیغمبر کہن ساڈا بیان حلفی، تصدیِق بھگتو دینے کرائیا۔ ساڈے گل نہیں کوئی الفی، الف روُپ ننگے سوبھا پائیا۔ تُوں ساڈا شرفی، شرطیہ تیری اوٹ تکائیا۔ نالے تیریِاں مِنّتاں کیِتیاں نالے تَینوُں کِہا مالک عرشی، عرشی پریِتم تیرے ڈھولے گائیا۔ اوئے سانوُں اُڈیِکدیاں اُڈیِکدیاں اوہ وقت آ گیا تے تُوں آئیوں اُپر دھرتی، دھرنی اُتے سوبھا پائیا۔ ہُن بن جا سب دا اِکو نِدھ پرتی، ایہہ پنجاں لِکھاریِاں دی پترکا دئے گواہیِا۔ بھگتو تُہاڈے
ساہمنے لیکھ لِکھایا شرطی، نہ کوئے میٹے میٹ مِٹائیا۔ جوتی جوت سروُپ ہرِ، آپ اپنی کِرپا کر، سچ میلا لئے مِلائیا۔ گُر اوتار پَیغمبر کہن پربھوُ تیرا مختیارنامہ تیرے اَگے دِتا رکھ، مذہباں دا جھگڑا دِتا مُکائیا۔ اسیں ہو کے لکھّوں ککھّ، تیرے اَگے سیِس نِوائیا۔ اِک حُکم سچّا دسّ، کی اپنا کھیل بُھگتائیا۔ پُرکھ اکال کِہا جوتی میرے نوُر ولّ تکّ، تقویٰ اِک رکھائیا۔ جے تُہانوُں اجے شکّ، درگاہ ساچی نوُں پِچھے بھجّو چائیں چائنیا۔ جے حُکم منّنا یک، سیِس جگدیِش دینا نِوائیا۔ پھیر ویلا نہ آوے ہتّھ، نؤ سؤ چُرانوے چؤکڑی جُگ پِچھوں آوے بےپرواہیِا۔ تُہاڈا سب دا لہنا دینا دیوے ٹّھپ، ٹھپّا اپنا نام لگائیا۔ جیہڑا چار جُگ دا نام دِتا رف، جگت وسیقیاں تے کاغذاں اُتے دِتا لِکھائیا۔ اُس دا بدل دِتا مت، حُکم سندیسہ اِک سُنائیا۔ کیوں پربھ دی جوت جِس دی اُبلے کدے نہ رت، اگنی اگّ نہ کوئے وکھائیا۔ سؤن والیو کُجھ نہیں آؤنا ہتّھ، نیَن کھولو اپنی لؤ انگڑائیا۔ جوتی جوت سروُپ ہرِ، آپ اپنی کِرپا کر، سچ دا میلا رہیا کرائیا۔ گُر اوتار پَیغمبر کہن اشٹام اُتے لائیو مُہر، مُہرا نام بنائیا۔ اجّ توں اپنے حُکم اندر سانوُں تور، تُرت اپنی سیو سمجھائیا۔ جیہڑے بنے ساں بانکے چھوہر، لوک مات دھرائیا۔ جیہڑے اسیں ونڈاں پا کے آئے ساں سوُر گاں تے اُتے ڈھور، مذہباں وِچ ٹکرائیا۔ نالے دسّ کے آئے ساں آؤنا براہمن گؤڑ، جِس نوُں جنمے کوئے نہ مائیا۔ سانوُں ایہہ نہیں سی پتہ تُوں سب دی پٹّی کر دینی چؤڑ، چار جُگ دا لیکھا دینا مُکائیا۔ کِسے نے رام کِہا کِسے نے کرِشن کِسے نے االلہ کِسے نے ستنام واہِگُروُ دا ماریا پھؤڑ، ہوکے دے دے دِرڑائیا۔ تے کیہڑا تُوں کِتھوں پربھوُ گُر اوتار پَیغمبراں دے وِچوں کایا تؤڑ، جیہڑا کچّا ٹھیِکر انت بھنّ وکھائیا۔ ذرا ہُن اساں کیِتا غؤر، جِس ویلے تُوں گہر گمبھیِر دِتا سمجھائیا۔ جوتی جوت سروُپ ہرِ، آپ اپنی کِرپا کر، سب دا لیکھا پوُر کرائیا۔ گُر اوتار پَیغمبرو تُساں وقت لیا سنبھال، سمبل آ کے ویکھ وکھائیا۔ کِتے کرنی نہ پئی بھال، کھوجنا پیا نہ بن کے راہیا۔ وِشن برہما شِو نال دِتا وکھال، سوہنا رنگ بنائیا۔ اَگے سَتجُگ دی چلے چال، کلجُگ دا لیکھا دینا مُکائیا۔ جے کوئی اَخیِری ہےَ سوال، میَنوُں دیؤ سُنائیا۔ گُر اوتار پَیغمبراں نِیوں کے کیِتا پرنام، اِکو وار سیِس جھُکائیا۔ جوتی جوت سروُپ ہرِ، آپ اپنی کِرپا کر، سب دا لیکھا رکھنا اپنے گھر، دوُجا گھر نہ کوئے وکھائیا۔ لچھمی کہے میَں پربھوُ دی داسی، جُگ جُگ سیو کمائیا۔ جگت مایا میری راسی، پوُجا وِچ سرب سیِس نِوائیا۔ جن بھگتاں دسّاں کھیل تماشی، سہج نال سُنائیا۔ تیرا کھیل پرِتھمی
آکاشی، گگن گگننتر تیری رُشنائیا۔ میری اِک عرضوئی، میرے صاحِب تیرا بھگت دھرم رائے دی چڑھے کوئی نہ پھاسی، رائے دھرم نہ دئے سزائیا۔ لیکھے لا کے سب دی اجّ دی راتی، رُتڑی اپنے نال اِک مہکائیا۔ تُوں سب دا سانجھا کملاپاتی، پت پرمیشور نوُر اِلاہیِا۔ بھاویں میَنوُں سارے کردے ہاسی، زبان دُنی والی چلائیا۔ جوتی جوت سروُپ ہرِ، آپ اپنی کِرپا کر، سد اپنا حُکم ورتائیا۔ لچھمی کہے میرے ویکھ لؤ نؤ دواریاں والیو نؤ پھوُل، سب نوُں رہی درسائیا۔ پربھوُ بھگت بن کے جگت واشنا وِچ جائیوکوئے نہ بھوُل، کوُڑا جوبن کمّ کِسے نہ آئیا۔ سَتگُر چرن پریِتی اِک اصوُل، نیم اِک سُنائیا۔ سب کُجھ اوتھوں ہُندا وصوُل، جِس دی وصوُلی کِسے بہی کھاتے اُتے نہ جائے لِکھائیا۔ لہنا دینا ملِے معقوُل، نہ کوئے میٹے میٹ مِٹائیا۔ جوتی جوت سروُپ ہرِ، آپ اپنی کِرپا کر، سد اپنی کھیل وکھائیا۔ گُرمُکھو آہ ویکھ لؤ آ گئی پریم دھار بنیائن، بُنیاد سب دی دئے بنائیا۔ ہرِ سنگت وِچ بُرا اُٹھائے کوئے نہ نیَن، کوار کنّیا رہی سمجھائیا۔ سنیہُڑا دئے ستاراں ہاڑ دی رَین، بِھنڑی اِک سُنائیا۔ سچ دا بھنڈارا سچ دا نام سچ دا گہن، ساچے تن چُھہائیا۔ تُہانوُں گھر بَیٹھیاں نوُں پربھوُ مِل گیا اوہ رسیَن، جیہڑی کھوجیاں ہتّھ کدے نہ آئیا۔ اِک دوُجے نوُں سمجھیو نہ کوئے طرفَین، بھگت بھگتاں مِلنا چائیں چائنیا۔ جوتی جوت سروُپ ہرِ، آپ اپنی کِرپا کر، سد اپنا پڑدا لاہیِا۔ لچھمی کہے میَں ویکھی جوت نِرنکاری، نِرگُن نوُر رُشنائیا۔ جِس دا لیکھا بند وِچ پٹاری، رُڑکے والے دین گواہیِا۔ ایہہ کھیل شبد دی نیاری، بُدھی توں پرے آپ جنائیا۔ جِس نوُں عقل نہ کرے وِچاری، من منسا نہ کوئے درسائیا۔ پنجے اُٹھ کھلووو درباری، کِرپاناں اُپر لؤ اُٹھائیا۔ ساڈی پربھ دے نال سدا تیاری، چاروں کُنٹ رہیئے چائیں چائنیا۔ جوتی جوت سروُپ ہرِ، آپ اپنی کِرپا کر، سد اپنا کھیل وکھائیا۔ جن بھگتو آہ ویکھ لؤ گُرمُکھاں لیاندا سگن، شبد وِچ سمجھائیا۔ کِسے دے ہِردے لگّے کوئے نہ اگن، بُدھی توں پرے کار کمائیا۔ جِنہاں گُرمُکھاں دے دیِپک جگن، لوک مات ہوئے رُشنائیا۔ اوہناں دا سڑے کدے نہ بدن، تامس وِچ نہ کوئے وکھائیا۔ اِکو پربھ دے نال ہووے لگن، انتر انتر دھیان رکھائیا۔ جوتی جوت سروُپ ہرِ، آپ اپنی کِرپا کر، سد اپنا بھیوَ چُکائیا۔ لچھمی کہے ایہہ گِری، کھوپا کؤڈیِاں نال وڈیائیا۔ ایہہ پربھوُ دی پریِتی نِری، ہرِ سنگت رہی سمجھائیا۔ پر گُرمُکھو مِلدی چِریں چِریں، چِریں وِچھُنّیاں لئے مِلائیا۔ جوتی جوت سروُپ ہرِ، آپ اپنی کِرپا کر، سد اپنا حُکم سُنائیا۔ لچھمی کہے ایہہ ماجھا مالوا دوآبہ جموں
دا درمیان، سوہنا سوبھا پائیا۔ جِتھے پِھرے میرے کاہناں دا کاہن، شاہ پاتشاہ سچّا شہنشاہیِا۔ جِس نوُں جھُکدے زِمیں اسمان، برہمنڈ کھنڈ سیِس نِوائیا۔ اوہ آ گیا بھگتاں نوُں سگن پان، پاربرہم پربھ اپنی دَیا کمائیا۔ وِشن برہما شِو دا بن ججمان، پِھرے تھاؤں تھائنیا۔ جوتی جوت سروُپ ہرِ، آپ اپنی کِرپا کر، پردہ اوہلا دئے چُکائیا۔ گِری کہے میَنوُں کہندے کھوپرا، ویکھو میرے جُٹ دا جوڑ بنائیا۔ گُرمُکھو بھگت بھگوان رہے کوئے نہ اوپرا، رَوداس دا کسیِرا دئے گواہیِا۔ تُہاڈا صاحِب سُلطان جد تکّو تے جگت جہان چھوکرا، بِردھ بال نہ روُپ وٹائیا۔ کدے نہ سمجھیو ایہہ ماٹی دا لوتھڑا، خوشیاں وِچ تُہانوُں گِریاں بادام چُھہارے دئے کھوائیا۔ تُہاڈے پِچھے ویکھو کِڈا پھڑیا ٹوکرا، اپنے ہتّھ اُٹھائیا۔ تُہاڈا دھرم دوارا کرکے موکلا، رستہ اِکو دئے چلائیا۔ جوتی جوت سروُپ ہرِ، آپ اپنی کِرپا کر، کرے کھیل ساچا ہرِ، حُکم دیوے دھرم دھار دے نؤکراں، وِشن برہما شِو آپ سُنائیا۔ وِشن برہما شِو کہن پربھوُ تیرے شگن بڑے بُہتے، مہندیِاں رنگ رنگائیا۔ پر اسیں اِکو چاہُندے تیرے بھگت بھوَ ساگر وِچ کھان نہ غوطے، وہِندی دھار نہ کوئے وہائیا۔ سب نوُں تار دیویں جیہڑے تیرا نام جپدے تے لاؤندے جٹّاں والے جوتے، جوترا اپنے نام لگائیا۔ کیوں اوہ تیرے پِچھے گوبِند نے بھیٹ کرائے جِگر دے ٹوٹے، ٹُٹیاں لیا جُڑائیا۔ کدی اپنے پیار وِچ رکھیں نہ کھوٹے، سدا کھوٹیاں کھرے بنائیا۔ تَینوُں مِلن وِچ تیریاں پیاریاں نوُں کوئے نہ روکے، رُکاوٹ کوئے نہ آئیا۔ جِنہاں بیِبیِاں سجےّ نکّ نال پائے کوکے، ایہہ گوبِند دی سیوا پِچھے آئیاں کمائیا۔ جوتی جوت سروُپ ہرِ، آپ اپنی کِرپا کر، سد اپنا رنگ رنگائیا۔ لچھمی اُٹھ کر ارداس، بیننتی اِک سُنائیا۔ پربھوُ سدا وسیں بھگتاں پاس، تیرے نالوں نہ ہووے جُدائیا۔ گُر اوتار پَیغمبراں دا وِواہ ہویا خاص، نِکاح تیرے نال پڑھائیا۔ کی اجے وجےّ نہیں ساڈھے باراں رات، لِکھاریو دیؤ سُنائیا۔ ماجھے مالوے دوآبے جموں والیو ہو جاؤ گُستاخ، اپنا بَل لؤ پرگٹائیا۔ مُکھو کڈھو غُصّے والے واک، اِک دوُجے نوُں دیؤ سُنائیا۔ اِنہاں توں پِچھوں پنجاں درباریِاں نے پنج پنج کڈھنے کاڈ، جِنہاں دا لیکھا نال گوبِند سچّے ماہیِا۔ جوتی جوت سروُپ ہرِ، آپ اپنی کِرپا کر، کرے کھیل ساچا ہرِ، سچ دا رنگ اِک وکھائیا۔ بھگتو تُہاڈی لڑائی نے لڑاؤنے چار کوُٹ، ذرا زور دیؤ لگائیا۔ میل میلنا جوُٹھ جھوُٹھ، کرودھ کرودھ نال ٹکرائیا۔ اِک شبد گُروُ دا حُکم والا جوُت، چؤتھے جُگ دئے کھڑکائیا۔ لیکھا ویکھے تانا پیٹا سوُت، سوُتردھاری کھوج کھوجائیا۔ کوُڑی کِریا کراؤنا کوُچ، کوُچا گلی کر صفائیا۔
جوتی جوت سروُپ ہرِ، آپ اپنی کِرپا کر، کرے کھیل ساچا ہرِ، جن بھگت بنا کے اپنے پوُت، پِتا پُرکھ اکال گود سُہائیا۔ جن بھگتو سارے ڈھکو اکھّیں، اکھّاں پوٹیاں نال دبائیا۔ گُر اوتار پَیغمبر اِک روُپ بن جائے سکھی، سَت وِچ سمائیا۔ انگی نال کِسے دی ننگی نہیں وکھّی، ہتّھ پَیر ویکھن کوئے نہ پائیا۔ ہاڑ مہیِنہ پھڑے کوئے نہ پکھّی، گرمی سکے نہ کوئے ستائیا۔ سچ پیار وِچ بن کے سچّی، سچ وِچوں پرگٹائیا۔ سوہنا روُپ درساوے پڑدا لاہوے وِچوں نظری آوے سُنکھّی، گھُنگٹ آپ اُٹھائیا۔ جیہڑی جوبن ونتی نکّ تے بہن نہیں دیندی مکھّی، دیِن مذہب دی گلّ سہہ سکے نہ رائیا۔ جوتی جوت سروُپ ہرِ، آپ اپنی کِرپا کر، مِہر نظر اِک اُٹھائیا۔ نی ویکھو پربھ دی نار سُہاگن، سوہنا روُپ بنائیا۔ پیِا دے وَیراگ وِچ پِھرے وَیراگن، بہُڑی بہُڑی دُہائیا۔ جِس نے میَنوُں کیِتا وڈ بھاگن، وڈ بھاگی اپنے نال مِلائیا۔ میَں حَیران ہوئی گُرمُکھ ہنس بنائے کاگن، کاگوں ہنس اُڈائیا۔ جیہڑے ساڈھے باراں وجے تکّ جاگن، پِچھلا لیکھا آئے گوائیا۔ جوتی جوت سروُپ ہرِ، آپ اپنی کِرپا کر، سد اپنا رنگ وکھائیا۔ جوت کہے میَنوُں سارے کہندے کوجھی کملی، پربھ کملا کنت ہنڈھائیا۔ میَنوُں کہندے رام دی سیِتا یملی، جِس نوُں رام راون گیا اُٹھائیا۔ میَنوُں کہندے سارے کوَلی، بؤری کُھلے کیس گل وِچ پائیا۔ جاں تکیا میرا ماہی پریم پریِتی دا عملی، عملاں توں رہت نظر کدے نہ آئیا۔ جد آیا تے بھگتاں دے دم لئی، آپ اپنا پھیرا پائیا۔ جاں پرگٹیا جُگ چؤکڑی کمّ لئی، کوجھیاں گود اُٹھائیا۔ جوتی جوت سروُپ ہرِ، آپ اپنی کِرپا کر، مِہر نظر نال ترائیا۔ نار کہے میرا ویکھو متھا، پیشانی سوبھا پائیا۔ جِتھے دھوُڑی لگّے پُرکھ سمرتھا، خاکی خاک رمائیا۔ اِتھے اِک حرف تُوں میرا میَں تیرا ہووے کتھا، دوُجی اوَر نہ کوئے پڑھائیا۔ میَں خوشیاں وِچ نَٹھاں، بھجّاں واہو داہیِا۔ دیِن مذہب دا میٹاں رٹّا، گھٹّا سب دے سِر وِچ پائیا۔ جے کِسے میرے صاحِب دا پُچھنا پتہ، بھگتاں دے دوارے دُھر دا ماہیِا۔ جِس دے کول نہ کوئے گاں نہ کوئے وچھّا، کٹّیاں سیِس نہ کوئے کٹائیا۔ اجّ سب دا پِچھلا پوُرا کرکے پٹا، تے پٹنے والے دِتی وڈیائیا۔ جوتی جوت سروُپ ہرِ، آپ اپنی کِرپا کر، اپنا کھیل وکھائیا۔ میَنوُں کہندے کملی نے کھول لئی گُت، بُرا شگن منائیا۔ میَں ہو گئی خوش، کیوں پربھ نے کلجُگ دا لیکھا دینا چُکائیا۔ پھیر میَں چلاں ٹُپ ٹُپ، سہج سہج پَیر اُٹھائیا۔ میَں جاں ویکھیا تے اپنیاں بھگتاں وِچ بَیٹھا لُک، لُکیاں نوُں اپنے نال مِلائیا۔ میَں چار کُنٹ تکّی کملیو میرے صاحِب بِنا دِسے اندھیرا گھُپ، چند دا
چند نہ کوئے رُشنائیا۔ میَں اِکو لبھدی اِکو گُجری دا پُت، جِس نوُں دوُجی جنمے کوئے نہ مائیا۔ جِس دے گُرمُکھ اِک مُٹھ، دہ دِشا وِچ سوبھا پائیا۔ جوتی جوت سروُپ ہرِ، آپ اپنی کِرپا کر، سد اپنا حال سمجھائیا۔ میَنوُں کہندے ایہہ جوبن ونتی مستی، اپنی لئے انگڑائیا۔ پر میَں ویکھنی سب دی ہستی، سوُربیِر دینے اُٹھائیا۔ جے منّنا تے اِکو پریِتم عرشی، دوُجا انگ نہ کوئے لگائیا۔ کیوں میَں سدا وسنیِک اوسے دے گھر دی، جِتھے اِکو جوت نوُر رُشنائیا۔ میَں نار نرائن نر دی، جو مالک دُھردرگاہیِا۔ میَں تاں یاد کردی ساں پر دی، کدے آوے میرا ماہیِا۔ کیوں اوہ سدا بھگتاں دا دردی، دُکھیاں دُکھ گوائیا۔ کِنّے چِر پِچھوں گُر اوتار پَیغمبراں دی منظور کیِتی عرضی، اشٹام اُتے دستخط لئے کرائیا۔ میَں بڑی کوجھی کملی ہو کے رہی ڈردی، لُک لُک اپنا جھٹ لنگھائیا۔ پر میَنوُں اِک دُکھ جدوں دو جہاناں نال پیار کرے تے میَں وِچے وِچ سڑدی، سؤکنا والا روُپ بنائیا۔ جے میَں چنگی ہوواں پربھ دا بھانا منّدی، جو کرے سو منّ کے شُکر منائیا۔ کیونکہ ایہہ کھیل آد جُگاد اِکو ہرِ دی، جو ہر ہِردے رہیا سمائیا۔ جوتی جوت سروُپ ہرِ، آپ اپنی کِرپا کر، مِہر نظر اِک اُٹھائیا۔ ویکھو کیہڑی نار نِکلی وِچوں ڈولی، سَت سچ نوُں پرگٹائیا۔ جِس نوُں نِسمکار کرے صدی چؤدھویں دی گولی، سیِس چرناں اُتے رکھائیا۔ ہُن سارے گُرمُکھ پاؤ رؤلی، ویکھو کی پربھ دی بےپرواہیِا۔ چؤراسیِاں وِچوں تھوڑیاں جِہاں بھگتاں دی رُت مؤلی، مؤلا ہو کے اپنے گُل کھِلائیا۔ دیوے مان وڈیائی اُپر دھؤلی، دھرنی دھرت دھوَل دھؤل سوبھا پائیا۔ جوتی جوت سروُپ ہرِ، آپ اپنی کِرپا کر، کرے کھیل ساچا ہرِ، سچ دا رنگ اِک وکھائیا۔ گُر اوتار پَیغمبر کہن سانوُں مِل گیا پت پتونت، داتا بےپرواہیِا۔ جِس نے کلجُگ کرنا انت، کوُڑی رَین دینی مِٹائیا۔ بھگت بنا کے سنت، گُرمُکھ لینےَ جگائیا۔ جنم کرم دی میٹ کے چِنت، سانتک سَت دینا سمجھائیا۔ اپنی مہما دسّ بےانت، بےانت اپنے وِچ سمائیا۔ جوتی جوت سروُپ ہرِ، آپ اپنی کِرپا کر، کرے کھیل ساچا ہرِ، سچ دی کرنی کار کمائیا۔ گُر اوتار پَیغمبر کہن پنج پیارے لیا دیؤ پانی، گلاس اِکو نظری آئیا۔ رَوداس چمار کِتوں پڑھدے بانی، سطراں نؤ نؤ سُنائیا۔ ساڈا جھگڑا مُک جائے چارے کھانی، انڈج جیرج اُتبُھج سیتج حُکم نہ کوئے سُنائیا۔ اسیں ہُن بن گئے اوس صاحِب دی رانی، جِس دی رعیت دو جہان اکھوائیا۔ اکھّ رہی کوئے نہ کانی، دیِن مذہب ونڈ نہ کوئے ونڈائیا۔ جد ویکھو تے سُگھڑ سُچجی سوانی، سچ تخت تے بَیٹھی سچ دے مالک نال اپنا انگ
چُھہائیا۔ جوتی جوت سروُپ ہرِ، آپ اپنی کِرپا کر، کرے کھیل ساچا ہرِ، سچ دا رنگ اِک چڑھائیا۔ ویکھو چڑھیا رنگ ضرور، چرن نظر کوئے نہ آئیا۔ پُرکھ اکال گیا نہ بھوُل، ابُھل بےپرواہیِا۔ جِس نوُں کہہ کے آئے چار جُگ کنت کنتُوہل، سو انت لئے پرنائیا۔ سب دا سانجھا کر اصوُل، سوہنگ ڈھولا دِتا سُنائیا۔ چرن پریِتی بخش کے دھوُل، دھوُڑی خاک رمائیا۔ جوتی جوت سروُپ ہرِ، آپ اپنی کِرپا کر، سد اپنا ویس وٹائیا۔ ویس وٹا کے آ گیا سوامی، سماں دئے گواہیِا۔ جِس نوُں کہندے انترجامی، جُگ چؤکڑی کھیل کھِلائیا۔ جِس دی شبد شبد گُربانی، نام نام سمجھائیا۔ اوہ لیکھا جانے جیو پرانی، لکھّ چؤراسی ویکھ وکھائیا۔ کلجُگ سب دی پِچھلی ویکھے کہانی، لیکھا پھولے تھاؤں تھائنیا۔ اپنی کرکے ترل جوانی، نؤجوانا اپنا حُکم سُنائیا۔ ساری سرِشٹی کرکے فانی، اڈول اڈُل اپنا آپ دھرائیا۔ جن بھگتو اجّ توں تُہاڈی منزل پوُری کیِتی رُوحانی، روُح بُت کری صفائیا۔ جوتی جوت سروُپ ہرِ، آپ اپنی کِرپا کر، سد اپنا حُکم سُنائیا۔ گُر اوتار پَیغمبر کہن اسیں بن گئے نار سُچجیّ، سوہنا روُپ دھرائیا۔ جن بھگتو تُہانوُں مِلن آئے اجّی پّجی، بھجےّ واہو داہیِا۔ ویکھو کِڈی سوہنی سنگت سجی، سجّن بَیٹھا دُھردرگاہیِا۔ تُہاڈے وسے اُپر شاہ رگی، رگھوپت داتا بےپرواہیِا۔ جِس نے لیکھا پوُرا کرنا چؤدھویں صدی، صدمہ گھر گھر دئے درسائیا۔ جِس نوُں کہندے محمد دی وگنی نوُح ندی، اوہ ندیاں دے وہن دئے وہائیا۔ اؤہ ویکھو لہِندی دِشا اگّ لگّی، اَگے ہو نہ کوئے بُجھائیا۔ جوتی جوت سروُپ ہرِ، آپ اپنی کِرپا کر، سد اپنا روُپ درسائیا۔ اوہ پنج پیارے کہن دُھر دیِئے رانیئے پانی تے پی لا، کی دُپٹّا سِر ٹِکائیا۔ گُرمُکھو اوہ ویکھو کلجُگ بھگت دوارے باہر بَیٹھا ------- ، نِیوں نِیوں سیِس جھُکائیا۔ مُنہ تے ہتّھ پھیر کے کہے میَں ہو گیا ہیِنا، میری چلے نہ کوئے چتُرائیا۔ جے اجّ حُکم مِل جائے تے میَں جاواں وِچ چیِنا، چیِن والیاں دیاں اُٹھائیا۔ میرا پھیر ٹھنڈا ہووے سیِنہ، ایشیا تے یوُرپ دینا لڑائیا۔ جے دُنیا نہ لڑے تے میَں شہنشاہ دا پُت کمیِنہ، تے میری چؤتھے جُگ دی بُدھی کمّ کِسے نہ آئیا۔ میَں تکدا کُجھ کھیل کرنا وِچ اَسوُ مہیِنہ، ماس سوہنا سوبھا پائیا۔ جیہڑا گُرمُکھاں نے بہہ کے اجّ وہایا پسیِنہ، ہڈّیاں پسلیِاں وِچوں کڈھائیا۔ پر پِھر وی چنگا اِنہاں نوُں مِل گیا دانا بیِنا، جو مالک اِک اکھوائیا۔ میَں جانیا شاید ایہو رام رحیِما، رحمت رہیا کمائیا۔ میَں تکدا جِس بھگتاں دا امرت پیِنا، مُکھ بُلاں نال چُھہائیا۔ جوتی جوت سروُپ ہرِ، آپ اپنی کِرپا کر، سد اپنا گھر وسائیا۔ گُرمُکھو تُہاڈا
امرت بڑا ٹھنڈا، ٹھنڈا یخ نظری آئیا۔ اوہ ویکھو کلجُگ دا کنڈھا، کنڈھی بَیٹھے دھیان لگائیا۔ یاد کر لؤ اِک بچن بُھل گیا سی گوبِند دا بندہ، بہادر مادھو داس مِلی سزائیا۔ ہُن وقت اوس نالوں وی چنگا، چنگی طرح دِرڑائیا۔ جِس نے اِکو وار کھہڑا چُھڈا دینا جیرج انڈا، اُتبُھج سیتج پندھ مُکائیا۔ گُرمُکھ گُرسِکھ ہرِجن ہربھگت وِچ رہن نہیں دینا کوئی گندہ، گندگی دے کیِڑے گندگی وِچ دینے سُٹائیا۔ میَں کوئی اُگراہُن نہیں آیا تُہاتھوں وصوُلی والا چندہ، چند سوُرج سارے بَیٹھے سیِس نِوائیا۔ جوتی جوت سروُپ ہرِ، آپ اپنی کِرپا کر، سد اپنا کھیل کھِلائیا۔ بھگتو تُسیں آنہدے ہوووگے ایہہ نِکی جیہی مُنی، کنّا منّا کُرل کر کے جھٹ لنگھائیا۔ کدی سِر توں لہہ جاوے چُنّی، سؤہریاں پیکیاں دی شرم حیا گوائیا۔ آنہدے ہوووگے عقل دی گُنی، سیِنے پرونے دی جانچ نہ کِسے سِکھائیا۔ ہتّھاں نال آٹا کدے نہ سکے گُنھی، تؤن سکے نہ کدے بنائیا۔ جدوں ویکھیئے پتہ نہیں کدوں دی تیاہی جھٹ پانی لا لئے بُلیں، اپنے اندر لنگھائیا۔ کِڈی موٹی جھٹ وِچ شکل لئے بدلائیا۔ نی کی ویکھیا باہروں ہور اندروں ہور نوَیں نکور دِسے کایا کُلیّ، مالک اپنا روُپ دھرائیا۔ جد ویکھو تے بھگتاں دے چرناں وِچ رُلی، رُل کے اپنا جھٹ لنگھائیا۔ پھیر ویکھو صُلح کُلی، سب دا میلا رہی مِلائیا۔ جوتی جوت سروُپ ہرِ، آپ اپنی کِرپا کر، سد اپنا حُکم ورتائیا۔ جن بھگتو کِس نے میرا سِر توں لاہ لیا لیِڑا، بڑے شیَطان نظری آئیا۔ میَں بھجّ کے بہہ جاواں وِچ اپنے پیِڑھا، کِتے کوئی چُک کے بھجّ نہ جائیا۔ نی کِتھے میرا دھرم دیئے گولیئے کلیرا، ہتّھ دے پھڑائیا۔ میَنوُں لبھ لیَن دے کیہڑا بھگت تے کیہڑا ساچا ویِرا، تے ویِر جی کواری کہہ کے دیاں سُنائیا۔ میرا اوہ بھرا جیہڑا پِیو ماں مرن توں اکھّاں وِچ نہ وہائے نیرا، سَتگُر دا بھانا منّ کے پُھلاں دی ورکھا لئے کرائیا۔ اوہدا صاف تے سُتھرا چیرا، اوہ گوبِند دا سِکھ سوبھا پائیا۔ کیوں اَگے سَتگُر دا ورتیِرا، وِتکرا رہن کوئے نہ پائیا۔ بھاویں تُسیں کہو پربھوُ دی ناری تے پِھردی وانگ فقیِرا، فِکرے کلمیاں والے گائیا۔ رہاں وانگ حقیِرا، مینڈھی وِچ نہ کوئے وڈیائیا۔ جوتی جوت سروُپ ہرِ، آپ اپنی کِرپا کر، سد اپنا کھیل وکھائیا۔ بھگت کہن کیوں پیِندی پانی دے گھُٹ، پیاسیئے سانوُں دے سمجھائیا۔ نالے سانبھ کے ابناشی اچُت، تے سوہنی سیج ہنڈھائیا۔ سدا رہیں آپ اُس نال خوش، گلوَکڑی اِکو پائیا۔ اوئے اسیں مر گئے لوک مات وِچ بُھکھ، سُکے ٹُکڑے ہتّھاں وِچ وکھائیا۔ دس ماس ساڑ کے مات دی اگن وِچ کُکھ، پُٹھے دِتے لٹکائیا۔ کِسے نوُں دھی بنا دِتا کِسے نوُں بنا
دِتا پُت، خوشی جگت والی وکھائیا۔ آپ سب توں بَیٹھی لُک، سچکھنڈ ساچے ڈیرہ لائیا۔ اسیں چار جُگ اِک اِک جنا کے آؤدے رہے تے ڈردے رہے کر چُپ، اُچی کوُک نہ کوئے سُنائیا۔ ہُن اسیں سارے بھگت اِکٹّھے ہو گئے جے ساڈے گل وی گھُٹیں اسیں جانا رُس، ویکھیو کِس طرح پئے لڑائیا۔ پر اسیں چاہُندے ساڈے وِچوں اجّ ای کڈھ دے پُھٹ، دوَیت دا جھگڑا دے مُکائیا۔ پربھوُ پیار نہ جاوے ٹُٹ، گنڈھ اِکو اِک پوائیا۔ جے تُوں پربھوُ دے پیار دی کیِتی لُٹ، ساڈی جھولی دینی بھرائیا۔ اِک وِچوں کہندا اوئے بھگتا زنانی دی مت ہُندی پِچھے گُت، گِچی وِچ رکھائیا۔ دوُجا کہندا نہیں اوئے ہُن سَتجُگ نے بدل لیا رُخ، پِچھلی ریِتی دِتی مِٹائیا۔ سارے اِستری پُرش اُس پربھوُ دے پُت، جو اپنی گود ٹِکائیا۔ جوتی جوت سروُپ ہرِ، آپ اپنی کِرپا کر، سد اپنا نام جپائیا۔ بھگت کہن ویکھو پی گئی گلاس، گلا لیا پھولائیا۔ ساڈی بُجھا دے پیاس، کیوں رہی ترسائیا۔ دُکھاں دا سارا کردے ناس، سِر سب دے ہتّھ ٹِکائیا۔ تُوں تیئی اوتاراں پَیغمبراں تے گُروُآں دی دات، جوتی نوُر ناری روُپ پرگٹائیا۔ تے تیرا پتی تے خاوَند پربھ آپ، اپنا رنگ وکھائیا۔ جِدھر تکیئے سدا ساڈے ہووے ساتھ، سگلا سنگ بنائیا۔ ساڈی سب دی مِٹ جائے واٹ، دوہاں مِل کے لیکھا دینا مُکائیا۔ اسیں پہنچیئے اُس گھاٹ، جِتھے گھاٹا رہے نہ رائیا۔ واہ میرے پربھوُ تیری تیرے دوارے مِلدی دات، داتے اِکو وار دینی ورتائیا۔ جوتی جوت سروُپ ہرِ، آپ اپنی کِرپا کر، سد اپنا حُکم ورتائیا۔ پنجے درباری کہندے ساڈے کاٹاں اُتے چاڑھ دے لِکھت، لیکھے نال سُنائیا۔ انت پربھوُ دا پوُرا ہو جائے بھوِکھت، سب دا لیکھا دینا مُکائیا۔ سب دا اِکو ہو جائے اِشٹ، اِشٹ اِک منائیا۔ جے صاحِب سَتگُر کھول دیوے سب دی درِشٹ، اندروں پڑدا دئے اُٹھائیا۔ جے راما کہہ کے گیا رام وشِشٹ، وِشیاں دا ڈیرہ ڈھاہیِا۔ جے تیرے ہُندیاں وی نہ آیا صِدق، پِھر کِتھے جائے لوکائیا۔ جے تُوں سچّا تے سچ دا دسّ عِشق، کیوں پریِتی کوُڑیاں نال لگائیا۔ جن بھگتو جے پیار منظور نہیں بے شک اُٹھ کے وِچوں جاؤ خِسک، خِسکیاں دی لوڑ رہے نہ رائیا۔ بھگت دوارے کوئی نہیں چاہیدا نِندک، گُرمُکھ سوہنے سوبھا پائیا۔ جوتی جوت سروُپ ہرِ، آپ اپنی کِرپا کر، کرے کھیل ساچا ہرِ، سچ سوہنا روُپ درسائیا۔ تخت نِواسی سیِس پہنیا تاج، تاجاں والے تیری وڈیائیا۔ تیرا جُگ جُگ چلدا رہیا راج، حُکم شہنشاہیِا۔ کلجُگ انتم بدل دِتا سماج، سمگری نام ورتائیا۔ ہر گھٹ انتر ہو وِسماد، وِشوَ اپنا پڑدا لاہیِا۔ بھاگ
لگا دے دیس ماجھ، سمبل کر رُشنائیا۔ جِس کھیل کھِلائی آج، سو انت رہیا وکھائیا۔ شبد نام وجا کے ناد، نادی دُھن سُنائیا۔ جوتی جوت سروُپ ہرِ، آپ اپنی کِرپا کر، سچ لیکھا لیکھے لائیا۔ گُر اوتار پَیغمبر کہن ساڈی پوُری ہو گئی پوُجا، ویلا وقت سرنائیا۔ دُتیا بھاؤ رہیا نہ دوُجا، دوُآ روُپ نہ کوئے درسائیا۔ پِچھلا کاسہ کیِتا موُدھا، نیَن موُند درسائیا۔ جوتی جوت سروُپ ہرِ، آپ اپنی کِرپا کر، سچ رنگ لئے رنگائیا۔ گُر اوتار پَیغمبر کہن چرن کوَل سلوارنا، سَتجُگ ریِت بنائیا۔ بھگت بھگوان سدا تارنا، اِک اِک رنگ وکھائیا۔ پنج وِکارا وِچوں مارنا، ممتا موہ مِٹائیا۔ درگاہ ساچی گھر ساچے سچکھنڈ واڑنا، اَگے ہو نہ کوئے اٹکائیا۔ لیکھے لا کے پُرکھ نارنا، نر نرائن ہوئے سہائیا۔ جوتی جوت سروُپ ہرِ، آپ اپنی کِرپا کر، کرے کھیل ساچا ہرِ، نِہکلنک نرائن نر، مہاراج شیرسِنگھ وِشنوُں بھگوان، جِس نے سب توں وکھّرا چھّبی پوہ نوُں کھیل وِچارنا، جِس دی نوَ نؤ چار جُگ سمجھ کِسے نہ آئیا۔