کتب خانہGranth 22 (Urdu)

۲۸ اَسوُ شہنشاہی سمت ۶ مل سِنگھ دے گھر پِنڈ رجیانا ضِلع فِروزپُر

اِکٹّھے ہو کے کہن اوتار تیئی، ترےَگُن توں باہر جنائیا۔ ساڈی رہی کوئے نہ دیہی، تن وجوُد نہ کوئے وکھائیا۔ کی سندیسہ دیوے ہرِ سنیہی، سجّن بےپرواہیِا۔ اپنا اپنا لیکھا کڈھو اُتے وہی، کھاتہ کھولو چائیں چائنیا۔ اپنے پریم دی پاوو صحیح، صحیح سلامت رہیا دِرڑائیا۔ کیوں دیِن دُنیا پت گئی، پت پرمیشور مِلن کوئے نہ پائیا۔ کوَن سمجھے اگمّی دھار نئی، نر نِرنکارا کی دِرڑائیا۔ جوتی جوت سروُپ ہرِ، آپ اپنی کِرپا کر، کرے کھیل ساچا ہرِ، سچ حُکم اِک سُنائیا۔ پَیغمبر کہن ویکھیئے کھاتہ، خاطر اِک دھیان لگائیا۔ اپنی اُمت تکیئے احاطہ، کُنٹ کُنٹ ویکھ وکھائیا۔ سچ رہی کوئے نہ گاتھا، کلمہ حق نہ کوئے دِرڑائیا۔ کیوں اندھیرا مارے چارے کُنٹ ٹھاٹھا، نوُر ظہوُر نہ کوئے رُشنائیا۔ کیوں منزل مُکی واٹا، سچ پندھ نہ کوئے رکھائیا۔ کِس کارن پیا گھاٹا، صدی چؤدھویں بھیوَ چُکائیا۔ کی لہنا دینا پروردِگار پُرکھ سمراتھا، جلوہ گر حُکم کی جنائیا۔ کیوں میٹن لگّا ساڈیِاں شاخاں، شناخت اپنی اِک سمجھائیا۔ جھٹ ویکھ کے کہن پیشیِن گوئیاں پوُرے کرے بھوِکھت واکا، واقف کار اِک اکھوائیا۔ اپنے در دا کھول کے تاکا، پردہ اندروں رہیا چُکائیا۔ اسیں کی تکنا کھیل تماشا، دیِن دُنی ویکھ وکھائیا۔ جوتی جوت سروُپ ہرِ، آپ اپنی کِرپا کر، کرے کھیل ساچا ہرِ، سچ دا حُکم اِک ورتائیا۔ گُر دس کہن کی دسّیئے کتھا کہانی، کہن کِچھ نہ پائیا۔ کیوں امرت رس رہیا نہ ٹھنڈا

پانی، گنگا گوداوری جمنا سُرستی رووے مارے دھائیا۔ کیوں سُرت شبد مِلیا میل نہ ساچے ہانی، گرِہ مندر نہ وجّی ودھائیا۔ کیوں پربھ نوُں بُھلے جیو پرانی، آتم پرماتم سنگ نہ کوئے رکھائیا۔ کیوں سُرتی ہوئی دیِوانی، مست المست روُپ نہ کوئے بنائیا۔ کیوں لیکھا چُکیا کھنڈا کھڑگ شکت بھوانی، اپنا بل نہ کوئے دھرائیا۔ کیوں نہ شرع زنجِیر مُکی غُلامی، بندھن بندھ نہ کوئے تُڑائیا۔ کیوں نہیں منزل چڑھے جگت روُحانی، روُح بُت نہ کوئے صفائیا۔ کِس کارن ہر ہِردے آئی خامی، پوُرن پوُر نہ کوئے جنائیا۔ بہُڑی کیوں لیکھا منگن لگّا انترجامی، ہرِ کرتا دُھردرگاہیِا۔ جِس میٹنی اندھیری شامی، شمع نوُر کر رُشنائیا۔ کِس بِدھ کرے صاحِب سچ مِہربانی، مِہربان محبوُب اپنا رنگ رنگائیا۔ کی لیکھا لِکھیئے قلم شاہی نال کانی، کائنات کی وڈیائیا۔ ساڈا لہنا دینا بن گیا چار جُگ دا جھگڑا دیِوانی، دیِوالا سب دا ویکھ وکھائیا۔ اَگے منّنا پَینا اِکو اگمّ اگمّڑا بانی، جو بان انیالا تیِر چلائیا۔ جوتی جوت سروُپ ہرِ، آپ اپنی کِرپا کر، کرے کھیل ساچا ہرِ، نِہکلنک نرائن نر، مہاراج شیرسِنگھ وِشنوُں بھگوان، آد جُگادی لکھّ چؤراسی نِرگُن سرگُن جان جانی، جاننہار اپنا حُکم ورتائیا۔

۲۹ اَسوُ شہنشاہی سمت ۶ کیہر سِنگھ دے گرِہ پِنڈ رجیانا ضِلع فِروزپُر

اوتار پَیغمبر گُر کہن اسیں رَین سبائی رہے پِھردے، نؤ ستّ بھجےّ واہو داہیِا۔ جیِواں جنتاں سادھاں سنتاں ویکھدے رہے ہِردے، انتشکرن دھیان لگائیا۔ خیال کردے رہے پِچھلے چِر دے، چِری وِچھنے ویکھ وکھائیا۔ سانوُں پیارے لبھے نہ اپنے پریِتم پِر دے، پریم وِچ نہ کوئے سمائیا۔ پِھر ساڈے ہنجھوُ رہے کِردے، آنسوُ دِتے ٹپکائیا۔ کیوں ایہہ اُلٹے گیڑے گِڑدے، کوَن لٹھ بھوائیا۔ کِتے نظر نہ آئے ساڈے بھنڈارے مِہر دے، مِہربان کلا کی ورتائیا۔ ناتے رہے نہ گُروُ گُر چیر دے، چیلے گُر مُکھ بھوائیا۔ جوتی جوت سروُپ ہرِ، آپ اپنی کِرپا کر، ایکا دینا دُھر دا ور، تُدھ بِن دوُجا نظر کوئے نہ آئیا۔ اوتار پَیغمبر گُر کہن اسیں رَین سبائی نَٹھے، نِرگُن نِرگُن واہو داہیِا۔ دیکھے کھیل مندر مسجد شِودوالے مٹھے، گُروُدوار دھیان لگائیا۔ پندھ ماریا اُپر اٹھسٹھے، کعبیاں

تکیا چائیں چائنیا۔ مانَو ویکھے نؤ کھنڈ پرِتھمی دیِپ ستّے، سَت ستوادی تیری دَیا اپنا پندھ مُکائیا۔ تیرے نام پیار وِچ دِسن موُل نہ رتےّ، رتن امولک نظر کوئے نہ آئیا۔ سچ پریِتی پریم والی کوئے نہ دسےّ، دہ دِشا ہوئی ہلکائیا۔ اسیں تیرے گوشے بہہ کے ہسّے، ہسّ کے تالی دِتی لگائیا۔ اِک دوُجے نوُں کِہا اوہ ویکھو ساڈے ہُندیاں ہوئی اندھیری مسّے، نوُری چند نہ کوئے چمکائیا۔ پھیر جھٹ اساں دیِن مذہب دے کڈھے پٹے، جو حُکمنامے دِتے ہتّھ پھڑائیا۔ پِھر بِن اکھّراں توں نِراکھّر دھار وِچ رٹےّ، شبدی شبد کری شنوائیا۔ جِس دے انت اَخیِر تُوں اپنے سندیسے دسےّ، حُکمی حُکم جنائیا۔ جوتی جوت سروُپ ہرِ، آپ اپنی کِرپا کر، ایکا دینا دُھر دا ور، در تیرے منگ منگائیا۔ اوتار پَیغمبر گُر کہن اسیں پڑھیا تیرا حُکم نامہ، نر نرائن تیری سرنائیا۔ جِس دا لیکھ اگمّی کلاما، کلمہ کائنات نہ کوئے سمجھائیا۔ جِس دا سندیس دُھر پَیغاما، پَیغمبراں توں باہر تیری پڑھائیا۔ پھیر اساں جھُک جھُک کیِتا سلاما، نِیوں نِیوں سیِس نِوائیا۔ چرن کوَل کر پرناما، مستک دھوُڑی خاک رمائیا۔ پھیر بیننتی کیِتی سِری بھگوانا، بھگوَن اپنی دَیا کمائیا۔ تیرا شبد سندیسہ سُنیا اُٹھے ہو کے نؤجوانا، نوَ جوبن آپ بنائیا۔ جِس وِچ کِہا آہ ویکھو کلجُگ رَین اندھیری شاما، شمع نوُر نہ کوئے چمکائیا۔ پھڑ ہلوُنیا رام نے راما، کرِشن کرِشن نال رلائیا۔ پَیغمبراں پھڑ کے دامن داما، چاروں کُنٹ دِتا بھوائیا۔ گُروُآں دسّ کے کھیل تماما، پردہ پردیاں وِچوں چُکائیا۔ سب نے تکیا پربھ دا لیکھ کلجُگ انتم جوتی دھار پہننا جامہ، انترجامی ویس وٹائیا۔ کِسے دا رہن دینا نہیں مانا، ابِھمان نظر کوئے نہ آئیا۔ سب نے اِکو گانا گانا، اِکو نام دِھیائیا۔ اِکو اِشٹ منانا، دوُجا نظر نہ کوئے ٹِکائیا۔ اوتار پَیغمبر گُر کہن اسیں ہو گئے حَیرانا، حَیرانی ساڈے اندر آئیا۔ کیوں پِھردے جنگل جوُہ اُجاڑ پہاڑ بیِابانا، سمُند ساگر ٹِلّے پربت بھجیئے واہو داہیِا۔ جِس نے کھیل کرنا سو خالق خلق والی دو جہاناں، نِرگُن نِروَیر نِرنکار بےپرواہیِا۔ جوتی جوت سروُپ ہرِ، آپ اپنی کِرپا کر، ایکا دینا دُھر دا ور، دھرم دی دھار اِک جنائیا۔ گُر اوتار پَیغمبر کہن اسیں پِھریا چار چُپھیرا، چؤگرد دھیان لگائیا۔ جھگڑا چُکیا نہ میرا تیرا، تیرا میرا سمجھ نہ کوئے سمجھائیا۔ ساڈے نام کلمے دا پیا جھیڑا، جھگڑا مذہب والا درسائیا۔ کایا وسیا نہ کِسے کھیڑا، کلجُگ سنت فقیِر رہے کُرلائیا۔ بھریا پوُر نہ کوئی بیڑا، نئیا نؤکا نام نہ کوئے وڈیائیا۔ جِدھر تکیا اُلٹا گیڑا، پربھ اُلٹی لٹھ سرب بھوائیا۔ بِنا اکھّاں توں ہویا اندھیرا، نیتر لوچن نیَن نہ کوئے کُھلائیا۔ اسیں ڈھیَہہ کے ہوئے ڈھیرا، مان رہیا نہ کوئے

چتُرائیا۔ سب بیننتی کردے کِرپا کر دے اِک ویرا، وَیری میِت ویکھ وکھائیا۔ تُوں شبد سوامی شبد گُردیو پرگٹ ہو کے سِنگھ شیرا، شہنشاہ اپنی کار بُھگتائیا۔ صدی چؤدھویں لائیں موُل نہ دیرا، دوُر دُراڈے اپنا پندھ مُکائیا۔ تُدھ بِن لیکھ مُکائے کیہڑا، سگلا سنگ نہ کوئے رکھائیا۔ جوتی جوت سروُپ ہرِ، آپ اپنی کِرپا کر، ایکا دینا دُھر دا ور، نِہکلنک نرائن نر، مہاراج شیرسِنگھ وِشنوُں بھگوان، مِہربان محبوُب مُحبّت وِچ اپنیِاں کر مِہراں، مِہربان مِہربان مِہر نظر اِک اُٹھائیا۔

۲۹ اَسوُ شہنشاہی سمت ۶ اِندر سِنگھ دے گرِہ پِنڈ قادر والا ضِلع فِروزپُر

اوتار پَیغمبر گُر کہن حُکم منّیا پریِتم چوجی، سچکھنڈ دوارے درگاہ ساچی اپنا سیِس جگدیِش جھُکائیا۔ برہمنڈ کھنڈ پُری لوء آکاش پاتال تکے دو جہان روگی، انتر انتریو دھیان لگائیا۔ دیِن مذہب ذات پات ورن برن ویکھے جنجوُ بودی، مستک تِلک للاٹی پھول پھولائیا۔ ہِندوُ مُسلم سِکھ عیِسائی تکے ویدی سوڈھی، گھٹ گھٹ انتر اپنا دھیان لگائیا۔ رِشی مُنی جُگیِشر تپیِشر تکے واشنا والے جوگی، جُگتی جگت کھوجی تھاؤں تھائنیا۔ جوتی جوت سروُپ ہرِ، آپ اپنی کِرپا کر، ایکا دینا ساچا ور، سَت سچ تیری سرنائیا۔ اوتار پَیغمبر گُر کہن ویکھی دیِن دُنی دی دھار، دھرنی دھرت دھوَل دھؤل دھیان لگائیا۔ اِکٹّھے ہووو تیئی اوتار، حضرت موُسیٰ عیسیٰ محمد سنگ بنائیا۔ دس گُر جوت کر آکار، نِراکار رنگ رنگائیا۔ نؤ کھنڈ پرِتھمی تکیا آر پار، سمُند ساگر پھول پھولائیا۔ مانَو مانَس منُکھ تکے کایا مندر مینار، پردہ پردیاں وِچوں چُکائیا۔ چاروں کُنٹ دِسیا دھوُاں دھار، نوُری چند نہ کوئے چمکائیا۔ کوُڑ کُڑیارا کرے خوار، سَت سچ نہ کوئے سمائیا۔ جھگڑا دِسے جگت سنسار، دیِن دُنی رووے مارے دھائنیا۔ ساچا منتر سکے نہ کوئے اُچار، رسنا جِہوا بتّی دند ہلکائیا۔ خادم بنے نہ کوئے خِدمتگار، خُدی تکّبر نہ کوئے مِٹائیا۔ جِدھر تکیئے آئی ہار، ہِردے ہرِ نہ کوئے وسائیا۔ دیِن مذہب کرے تکرار، جھگڑا ذات پات سمجھائیا۔ ساچا وسے نہ کوئے گھر بار، ساڈھے تِنّ ہتّھ رنگ نہ کوئے رنگائیا۔ جوتی جوت سروُپ ہرِ، آپ اپنی کِرپا کر، ایکا دینا ساچا ور، صاحِب سُلطان مرد مردان تیری اوٹ تکائیا۔ اوتار

پَیغمبر گُر کہن ویکھے اپنے سِکھ مُریِد، مُرشد ہو کے دھیان لگائیا۔ آلس نِندرا کُھلی کِسے نہ نیند، جوتی جوت نہ کوئے رُشنائیا۔ حقیِقی پڑھے کوئے نہ عید، سجدہ سیِس نہ کوئے جھُکائیا۔ جو نام کلمہ کر کے آئے تاکید، تسبیاں والے گئے بُھلائیا۔ سپارا حق نہ قُرآن مجیِد، شرع شرع نال ٹکرائیا۔ جوتی جوت سروُپ ہرِ، آپ اپنی کِرپا کر، ایکا دینا دُھر دا ور، در تیرے الکھ جگائیا۔ گُر اوتار پَیغمبر کہن دیِن دُنی دے اندر ماری جھاکی، پردہ پردیاں وِچوں اُٹھائیا۔ اندھیرا تکیا بندہ خاکی، خالق رنگ نہ کوئے رنگائیا۔ منوُآ سب دا ہویا عاقی، نام بھےَ نہ کوئے جنائیا۔ دوار ملِے نہ کوئے ساچی ہاٹی، وست اگمّ نہ کوئے ورتائیا۔ اُٹھ ویکھ پُرکھ سمراتھی، شہنشاہ در تیرے سیِس نِوائیا۔ دھوُاں دھار تکّ اندھیری راتی، نوُری چند نہ کوئے چمکائیا۔ ساڈا جھگڑا پیا دیِن مذہب ذاتی، کلمہ نام نال لڑائیا۔ لیکھا مُکا دے کاغذاتی، قدیِم دے مالک ہو سہائیا۔ جوتی جوت سروُپ ہرِ، آپ اپنی کِرپا کر، ایکا دینا دُھر دا ور، در ٹھانڈے سیِس نِوائیا۔ گُر اوتار پَیغمبر کہن دیِن دُنی تکی تکیا جگت جہان، جہالت بھری لوکائیا۔ دھرم دا رہیا نہ کوئے نِشان، نِشانہ کوُڑ گیا بدلائیا۔ مان رہیا کِسے نہ رام، کاہن بنسری نہ کوئے سُنائیا۔ پَیغمبر دِسے نہ کوئے اِمام، رسوُل رنگ نہ کوئے رنگائیا۔ دس گُروُ کرے نہ کوئے پہچان، بے پہچان ہوئی لوکائیا۔ شاستر سِمرت وید پُران رسنا جِہوا گان، ہِردے ہرِ نہ کوئے وسائیا۔ اسیں ویکھ ہوئے حَیران، حَیرت وِچ ساڈی دُہائیا۔ کِرپا کر سِری بھگوان، پاربرہم پت پرمیشور تیری اوٹ تکائیا۔ لہنا دینا پوُرا کر کرنی دے کرتے وِچ جہان، جو بھوِکھتاں وِچ تیرے اَگے منگ منگائیا۔ سب دی پیشیِنگوئی کر پروان، پروانے تیرے اَگے ٹِکائیا۔ ساڈی نمستے ڈنڈاوت بندنا سجدے وِچ سلام، سیِس جگدیِش جگت دے مالک اِک جھُکائیا۔ جوتی جوت سروُپ ہرِ، آپ اپنی کِرپا کر، ایکا دینا ساچا ور، نِہکلنک نرائن نر، مہاراج شیرسِنگھ وِشنوُں بھگوان، آد جُگاد نِرگُن سرگُن تُدھ بِن دوُجا اوَر نہ کوئے مِہربان، مِہربان محبوُب مُحبّت وِچ اپنی دَیا کمائیا۔

۲۹ اَسوُ شہنشاہی سمت ۶ سوہن سِنگھ دے گھر پِنڈ مُنڈی جُمال ضِلع فِروزپُر

اوتار پَیغمبر گُر کہن پربھ دئیے کی حِساب، لیکھا انکڑے گنت نہ کوئے گنائیا۔ ساڈا تیرے چرناں اِک آداب، سچکھنڈ نِواسی نِیوں نِیوں سیِس جھُکائیا۔ تُوں پُرکھ اکالا دیِن دَیالا مہاراج، شاہ پاتشاہ سچّا شہنشاہیِا۔ ایتھے اوتھے دو جہاناں تیرا راج، سچکھنڈ نِواسی تیرے ہتّھ وڈیائیا۔ تُوں آد جُگاد جُگ چؤکڑی رچنہارا کاج، سَتجُگ تریتا دواپرکلجُگ اپنی کل ورتائیا۔ کلجُگ انتم ویکھ اپنا سماج، دیِن دُنی پھول پھولائیا۔ لکھّ چؤراسی انتر نِرنتر سُن آواز، سروتے ہو کے دُھردرگاہیِا۔ دھرنی دھرت دھوَل دھؤل کوَن تیرا مُحتاج، مُحبّت وِچ دھیان لگائیا۔ کوَن سویا کوَن گیا جاگ، آلس نِندرا کوَن رکھائیا۔ کوَن دوارے لگّا بھاگ، کوَن مندر سوبھا پائیا۔ تیرا کھیل پربھوُ جُگاد آد، جُگ جُگ کھیل کھِلائیا۔ صدی چؤدھویں دھرم دا رہیا کوئے نہ سادھ، سادھنا سچ نہ کوئے کمائیا۔ بھیوَ ابھیدے اچھل اچھیدے اپنا دسّ بودھ اگادھ، بُدھی توں پرے تیری پڑھائیا۔ جِس نال ترِسنا بُجھے آگ، اگنی تت نہ کوئے تپائیا۔ ہر ہِردے اُپجے تیرا وَیراگ، وَیری کام کرودھ لوبھ موہ ہنکار باہر کڈھائیا۔ مایا ممتا کوُڑی ترِسنا ہووے تیاگ، ترےَگُن اتیِتے پڑدا دینا چُکائیا۔ سوئی سُرتی اکال موُرت سب دی جائے جاگ، جوتی جاتے کر رُشنائیا۔ دُرمت میَل رہے نہ داغ، پتت پُنیِت دینے کرائیا۔ جھگڑا مُکا کے ڈنڈاوت بندنا روزہ نماز، شرع شرع وِچوں بدلائیا۔ سچ سوامی اپنا آپے کر لےَ کاج، کرنی دے کرتے قُدرت دے مالک اپنی دَیا کمائیا۔ صاحِب سُلطانے نؤجوانے جوتی دھار بن احباب، مِتر پیارا اِک اکھوائیا۔ ہر ہِردے وجا آپ رباب، ستار سطح والی سمجھائیا۔ کلجُگ جیو ہنس بنا کاگ، کاگوں ہنس اُڈائیا۔ جوتی جوت سروُپ ہرِ، آپ اپنی کِرپا کر، ایکا دینا ساچا ور، در تیرے منگ منگائیا۔ اوتار پَیغمبر گُر کہن کِرپا کردے ہرِ ہرِ نِرنکار، ہری ہرِ تیری سرنائیا۔ بھرمے بُھلا رہے نہ کوئے سنسار، سنسا ہؤمے روگ دے چُکائیا۔ نِج نیتر لوچن بخش دیِدار، دیِد عید کر رُشنائیا۔ تیرا کھیل اپر اپار، اپرمپر سوامی سمجھ کِسے نہ آئیا۔ صدی چؤدھویں سارے گئے ہار، باہوُ بل نہ کوئے وکھائیا۔ کل کلکی تیرا ہووے اِک اوتار، نِہکلنک ڈنک شبد دینا وجائیا۔ دُھر دے اِمام پاؤنی سار، نبی رسوُل رہے کُرلائیا۔ لہنا دینا پوُرا کرنا اِقرار، پیشیِنگوئی ویکھ وکھائیا۔ جوتی جوت

سروُپ ہرِ، آپ اپنی کِرپا کر، ایکا دینا ساچا ور، نِہکلنک نرائن نر، مہاراج شیرسِنگھ وِشنوُں بھگوان، آد جُگاد جُگ چؤکڑی نِرگُن نِروَیر نِراکار نِرنکار، کرنی کرتے کرنیہار اِک اکھوائیا۔

۳۰ اَسوُ شہنشاہی سمت ۶ بغیچہ سِنگھ دے گرِہ پِنڈ مُنڈی جُمال ضِلع فِروزپُر

اوتار پَیغمبر کہن ساڈا پَینڈا مُکا، مُکمل حُکم بےپرواہیِا۔ صدی چؤدھویں سب نوُں لگّا دُکھا، درد درد نال کُرلائیا۔ پوِتر ہویا کِسے نہ مُکھا، اُجل روُپ نہ کوئے درسائیا۔ جگت جہان ہو گیا بُھکھا، ترِسنا ترِپت نہ کوئے کرائیا۔ اُلٹا مات گربھ دا رُکھا، چؤراسی پھند نہ کوئے کٹائیا۔ سب دا بھاگ دِسے نِکُھٹا، وست دُھر نہ کوئے ورتائیا۔ آتم پرماتم ناتا سب دا تُٹا، روُح بُت رنگ نہ کوئے رنگائیا۔ پریم حقیِقی والا چُھٹا، حقیِقت نظر کوئے نہ آئیا۔ پِھری دروہی چارے گُٹھا، دہ دِشا جگت ہلکائیا۔ مانَو مانَس مانُکھ پِھرے رُٹھا، پاربرہم برہم میل نہ کوئے کرائیا۔ امرت جام پیئےِ کوئے نہ گھُٹا، رس نِجھر نہ کوئے جھِرائیا۔ پُرکھ اکالا دیِن دَیالا انتم تُٹھا، مِہر نظر اِک اُٹھائیا۔ انت اَخیِر لہنا دینا چُھٹا ناڑی حُقہ، حُکم دُھر دا اِک سُنائیا۔ نیچے وِچ رہے نہ تُکا، تُخم تاثیر دینی بدلائیا۔ جوتی جوت سروُپ ہرِ، آپ اپنی کِرپا کر، کرے کھیل ساچا ہرِ، سِر اپنا ہتّھ ٹِکائیا۔ اوتار پَیغمبر کہن ساڈا وقت رہے نہ موُل، سَت سچ دِرڑائیا۔ کھیل کھیلے ہرِ کنت کنتُوہل، ہرِ کرتا دُھردرگاہیِا۔ جِس دا حُکم سارے گئے بھوُل، بُھل وِچ لوکائیا۔ ساڈا قایم نہ رہیا اصوُل، اصل وصل نہ کوئے کرائیا۔ کوُڑی کِریا دُنی ہوئی مشغوُ ل، مشورہ مایا ممتا موہ رکھائیا۔ پربھ چرن لائے کوئے نہ دھوُل، ٹِکّے خاک نہ کوئے رمائیا۔ کلمہ سُنے نہ کوئے معقوُل، بھیوَ ابھیدا نہ کوئے کُھلائیا۔ ساچا نام ہوئے نہ کِسے وصوُل، وست ہتّھ نہ کوئے پھڑائیا۔ جوتی جوت سروُپ ہرِ، آپ اپنی کِرپا کر، دیونہارا ساچا ور، سچ حُکم اِک ورتائیا۔ اوتار پَیغمبر کہن ساڈا رہے نہ اَگا پِچھا، پربھ جوتی جوت سمائیا۔ انتم پوُری ہوئی اِچھا، نِراِچھت دئے وڈیائیا۔ جو بھوِکھتاں لیکھ لِکھا، سو پوُر رہے کرائیا۔ کھیل کھِلا کے دہ دِشا، نوَ در دا ڈیرہ ڈھاہیِا۔ ساڈا دیِن مذہب دا رہے کوئے نہ حِصّہ، اَگے ونڈ نہ کوئے ونڈائیا۔ دیِن دُنی دا ناتا دِسدا مِتھا، متھن کرے دُھردرگاہیِا۔ چار جُگ دا لیکھ تکیا چِٹھا، صِفتاں والا صِفت صالاحیِا۔ انتم پربھ دا بھانا منّنا پَینا کر کے مِٹھا، سِر سکے نہ کوئے

اُٹھائیا۔ جِس دا کھیل ہونا انڈِٹھا، پردہ اندروں نہ کوئے چُکائیا۔ سو سوامی بن کے سب دا پِتا، مِتر پیارا ویکھ وکھائیا۔ جن بھگتاں کر کے ہِتا، جوتی جوت سروُپ ہرِ، آپ اپنی کِرپا کر، دیونہارا ساچا ور، نِہکلنک نرائن نر، مہاراج شیرسِنگھ وِشنوُں بھگوان، دیِن دُنی دا اِکو نام دسّ کے وِشا، وِشوَ دا مالک دَیا کمائیا۔

۳۰ اَسوُ شہنشاہی سمت ۶ بیِبی چِھندو دے گرِہ پِنڈ مُنڈی جُمال ضِلع فِروز پُر

بھگت سُہاؤندے سچ در، ملِے مان وڈیائیا۔ میَل گوَندے سچ سر، دُرمت رہے نہ رائیا۔ درس پوَندے سچ گھر، نیتر نیَن نیَن بِگسائیا۔ چرن ڈھہندے لڑ پھڑ، آتم پرماتم جوڑ جُڑائیا۔ جوتی جوت سروُپ ہرِ، آپ اپنی کِرپا کر، کرے کھیل ساچا ہرِ، سچ دوار اِک وکھائیا۔ جن بھگتاں در سُہنجنا، سوبھاوَنت وسنیِک۔ کِرپا کرے درد دُکھ بھےَ بھنجنا، ہرِ کرتا لاشریِک۔ نام نِدھان پاوے انجنا، بخشنہارا دُھر تؤفیِق۔ چرن دھوُڑ کرائے مجنا، بخشے سچ پریِت۔ ہرِجن درس کر کر رجّنا، کایا ہوئے ٹھانڈی سیِت۔ گرِہ شبد دمامہ وجّنا، کوُڑ کِریا رہے نہ چیِت۔ جوتی جوت سروُپ ہرِ، آپ اپنی کِرپا کر، کرے کھیل ساچا ہرِ، نِہکلنک نرائن نر، مہاراج شیرسِنگھ وِشنوُں بھگوان، جِس جن تُوں میرا میَں تیرا آتم پرماتم سوہنگ دسےّ گیِت۔

۳۰ اَسوُ شہنشاہی سمت ۶ تھانیدار سروُپ سِنگھ دے گرِہ پِنڈ ڈُھڈی ضِلع فِروزپُر

پُرکھ اکال کہے اوتار پَیغمبر گُر ویکھو کُنٹ چارا، اُتّر پوُرب پچھّم دکھّن دھیان لگائیا۔ نوُر نوُرانہ دیِا باتی ہوئے نہ کوئے اُجیارا، اندھ اگیان نہ کوئے مِٹائیا۔ شبد اناد سُنے نہ کوئے دُھنکارا، انحد نادی ند نہ کوئے شنوائیا۔ امرت رس ملِے نہ ٹھنڈا ٹھارا، بوُند سوانتی نِجھر جھِرنا نہ کوئے جھِرائیا۔ نؤ کھنڈ پرِتھمی ستّ دیِپ دھوُاں دھارا، دھرم دی دھار نہ کوئے وکھائیا۔ سرِشٹی درِشٹی اندر نِرگُن ہو کے پاواں سارا، سرگُن بھیوَ ابھید کُھلائیا۔ مان رہیا نہ وید چارا، شاستر سِمرت قرآن دین دُہائیا۔ جوتی جوت سروُپ ہرِ، آپ اپنی کِرپا کر، کرے کھیل ساچا ہرِ، سچ دا حُکم اِک سمجھائیا۔ گُر اوتار پَیغمبر ویکھو چار چُپھیرا، نِرگُن سرگُن دھیان لگائیا۔ تت

وجوُد میٹے نہ کوئے اندھیرا، آتم پڑدا نہ کوئے کُھلائیا۔ جیِو جنت سادھ سنت بنّھے نہ کوئے بیڑا، نئیا نؤکا پار نہ کوئے لنگھائیا۔ چؤراسی پھاسی چُکے کوئے نہ جھیڑا، گربھ جوُن نہ کوئے کٹائیا۔ لیکھا مکُے نہ میرا تیرا، ہؤمے روگ نہ کوئے مُکائیا۔ ساچی منزل لائے کوئی نہ ڈیرہ، درگاہ ساچی سچکھنڈ مِلن کوئے نہ پائیا۔ اپنا اپنا سِکھ مُریِد دسّو کیہڑا، شبد اِشارے نال سمجھائیا۔ جِس دا تن من واسنا چُکیا ہووے جھیڑا، جھگڑا کوُڑ نہ کوئے سمجھائیا۔ جوتی جوت سروُپ ہرِ، آپ اپنی کِرپا کر، دیونہارا دُھر دا ور، دُھر سندیس اِک سُنائیا۔ اوتار پَیغمبر گُر تکو دو جہاں، نِروَیر ہو کے ویکھ وکھائیا۔ سَت دھرم دا ویکھو نِشاں، نِشانہ دُھر دا اِک پرگٹائیا۔ کیوں کلجُگ جیو ہنس ہوئے کاں، بُدھی کاگ وانگ کُرلائیا۔ دھرم دا کرے نہ کوئے نیاں، عدل اِنصاف نہ کوئے وکھائیا۔ اندر وڑ کے ویکھو ساڈھے تِنّ ہتّھ گراں، مندر وجےّ نہ کوئے ودھائیا۔ صدی چؤدھویں پکڑے کوئے نہ بانہہ، پُشت پناہ ہتّھ نہ کوئے ٹِکائیا۔ کیوں تُہاڈے ہُندیاں جھگڑا پیا سوُر گاں، جگت ڈھوراں کھلّ لُہائیا۔ ساچا ملِے کِتے نہ تھاں، تھننتر سمجھ کوئے نہ پائیا۔ جوتی جوت سروُپ ہرِ، آپ اپنی کِرپا کر، کرے کھیل ساچا ہرِ، سچ دا حُکم اِک سُنائیا۔ اوتار پَیغمبر گُر نیتر کھول لؤ جگ، جگ جیِون داتا آپ دِرڑائیا۔ دیِن دُنی ویکھو اُپر شاہ رگ، شہنشاہ مِلن کوئے نہ پائیا۔ کیوں ترےَگُن مایا لگّی اگّ، تُہاڈا نام کلمہ سکے نہ کوئے بچائیا۔ نؤ دوارے مکُے کِسے نہ حد، دسم دواری پڑدا نہ کوئے اُٹھائیا۔ نام خُماری پیئےِ کوئے نہ مد، مدُھر دُھن نہ کوئے سُنائیا۔ کیوں آتم پرماتم ہوئی الگ، پاربرہم برہم جوڑ نہ کوئے جڑائیا۔ کیوں خالی ہوئے سب دے ہڈّ، ہِردے ہرِ نہ کوئے وسائیا۔ کیوں سرِشٹی درِشٹی اندر اِشٹ گئی چھڈ، ایِش جیِو رنگ نہ کوئے رنگائیا۔ جوتی جوت سروُپ ہرِ، آپ اپنی کِرپا کر، کرے کھیل دُھر دا ہرِ، دُھر فرمانا اِک سُنائیا۔ اوتار پَیغمبر گُر ویکھو اپنا اپنا جگت لال، ہرِ لالن آپ جنائیا۔ کیوں نہ پوُری ہوئی کِسے دی گھال، گھولی گھول نہ کوئے گھُمائیا۔ تُسیں کِس دے بنے دلال، وِچولا کوَن اکھوائیا۔ صدی چؤدھویں اپنیاں اپنیاں مُریِداں سِکھاں دی دیؤ مثال، مِسل میرے اَگے ٹِکائیا۔ میَں ویکھنہارا مُریِداں حال، مُرشد داتا بےپرواہیِا۔ دیِن دُنی دا تکنہار جنجال، جاگرت جوت کر رُشنائیا۔ مندر مسجد شِودوالے مٹھ ویکھو دھرمسال، گُردوارے پھول پھولائیا۔ کیوں جھگڑا پیا دیِن دُنی تُسیں سکے نہ موُل سنبھال، سمبل لیکھا دیؤ جنائیا۔ کھیل کرے پربھ انتم دیِن دَیال، دَیا نِدھ اپنی کار کمائیا۔ جِس نوُں کہہ کے آئے پُرکھ اکال، سو اکل کل دھاری اپنا حُکم

ورتائیا۔ جوتی جوت سروُپ ہرِ، آپ اپنی کِرپا کر، کرے کھیل ساچا ہرِ، نِہکلنک نرائن نر، مہاراج شیرسِنگھ وِشنوُں بھگوان، آد جُگاد جُگ چؤکڑی نِرگُن سرگُن سب دا ویکھنہارا حال، احوال پِچھلے نال مِلائیا۔

۳۰ اَسوُ شہنشاہی سمت ۶ پِنڈ منڈ ضِلع فِروزپُر

راون آسا سَوا لکھّ ناتی، رَکت بوُند ونڈ نہ کوئے ونڈائیا۔ جِس دا لیکھا لِکھ سکے نہ قلم دواتی، چار وید چھ شاستر سمجھ کوئے نہ پائیا۔ جِس دے کولوں کھیل کرایا کملاپاتی، پت پرمیشور اپنا حُکم سُنائیا۔ اوہ راون جگت وِدیا سمراتھی، گُنوان اکھوائیا۔ جِس دا لیکھا بنیا نال رام رگھوناتھی، رگھوپت کھیل کھِلائیا۔ جوتی جوت سروُپ ہرِ، آپ اپنی کِرپا کر، جُگ جُگ اپنا حُکم ورتائیا۔ سَوا لکھّ ناتی راون ترِسنا، طمع تن رکھائیا۔ جِس دی شہادت دیوے شِو برہما وِشنا، ترےَگُن اتیِتے آپ دِرڑائیا۔ اُس دا بھیوَ جانے کوَنا، بُدھی وِچ نہ کوئے چتُرائیا۔ جِس کارن دسرتھ بیٹا جنگلاں وِچ بھوَنا، دہ دِشا بھجّیا واہو داہیِا۔ اوہ کھیل اگمّا بِن راون رام کِسے نہ منّنا، دوُسر سمجھ کِسے نہ آئیا۔ جوتی جوت سروُپ ہرِ، آپ اپنی کِرپا کر، کرے کھیل دُھر دا ہرِ، جُگ جُگ اپنا حُکم ورتائیا۔ سَوا لکھّ ناتی راون آسا، ساہ ساہ وِچ سمائیا۔ جِس نال تکے پرِتھمی آکاشا، گگن گگننتر بھیوَ کُھلائیا۔ من مندر اندر پاوے راسا، سُرتی کھیل کھِلائیا۔ جپے سواس سواسا، بِن رسنا جِہوا ہِلائیا۔ دُھر دا منّے آکھا، کی رام دا رام سمجھائیا۔ جِس دی پُتر دھیِاں والی گِنتی نہیں کوئے شاخا، شناخت سکے نہ کوئے کرائیا۔ اوہ نِرگُن نِروَیر نِرنکار دا ساکہ، بِنا رام دے پڑھن کوئے نہ پائیا۔ تریتا دواپرجِس دیاں کردے آؤندے باتاں، صِفتاں وِچ صالاحیِا۔ جوتی جوت سروُپ ہرِ، آپ اپنی کِرپا کر، کرے کھیل ساچا ہرِ، سچکھنڈ نِواسی اپنی کھیل ورتائیا۔ سوا لکھّ ناتی راون تمنّا، تامس تمنّا نال مِلائیا۔ جِس دا بھیوَ نہ جانے گنگا گوداوری سُرستی جمنا، اٹھسٹھ سمجھ کِسے نہ آئیا۔ جِس وِچ لہنا دینا ورناں برناں، چؤراسی تانگھ رکھائیا۔ حِساب کِتاب جمّنا مرنا، کال پاوے نال بندھائیا۔ نِربھےَ ہو نہیں ڈرنا، اپنا بَل وکھائیا۔ سیِتا سوانی جنگل ہرنا، اپنا روُپ بدلائیا۔ چار جُگ توں وکھّرا وید پڑھنا، ایہہ ترِسنا راون اَگے پرگٹائیا۔ جوتی جوت سروُپ ہرِ، آپ اپنی کِرپا کر، کرے کھیل ساچا ہرِ، سد اپنا حُکم ورتائیا۔ سَوا لکھّ ناتی

راون انتر انتش خواہش، خالص سمجھ کِسے نہ آئیا۔ بِنا رام دے رام توں کری نہ کِسے تلاش، کھوجت کھوجت کھوج نہ کوئے سمجھائیا۔ جِس سُہاوَنا بنواس، رام جنگلاں وِچ بھوائیا۔ اوہ لیکھا جانے صاحِب گُنتاس، شاہ پاتشاہ سچّا شہنشاہیِا۔ جِس من کا گڑھ سُہایا آپ، دہ دِشا رنگ رنگائیا۔ اندر ودھا کے روگ سنتاپ، سہِنسیِاں وِچ سمائیا۔ شاستر دے کے جاپ، دِتی مان وڈیائیا۔ اُس وِشے نوُں سمجھ سکیا نہ کوئے ساکھیات، جِس کارن رام راون دوویں لوک مات پرگٹائیا۔ جگت کہانی جو وِدیا وِچ کوئی گیا آکھ، وِدواناں صِفت صالاحیِا۔ باقی سارے کردے پسچاتاپ، سنسا من نہ کوئے چُکائیا۔ جوتی جوت سروُپ ہرِ، آپ اپنی کِرپا کر، کرے کھیل ساچا ہرِ، سَوا لکھّ ناتی راون دے اندر دی جھاکی، جِس دا لیکھا جانے کُچھ وِششٹ جِس نِرنتر کُھلی تاکی، سندیسہ پاتی پترکا رام رام رام سمجھائیا۔

۳۰ اَسوُ شہنشاہی سمت ۶ سردارا سِنگھ دے گرِہ پِنڈ مناوا ضِلع فِروزپُر

اوتار پَیغمبر گُر کہن پربھ تیرا روُپ خالص، جوت شبد دی دھار تیرے وِچ سمائیا۔ دیِن دَیالے ہرِ گوپالے بن ثالث، صاحِب سُلطان نؤجوان اپنی دَیا کمائیا۔ اسیں چار جُگ دے تیرے ننھے بالک، بچپن تیرے ہتّھ پھڑائیا۔ تُوں انتر نِرنتر سب دا پالک، پالن ہار تیری سرنائیا۔ مِہربان خلق دے خالق، کل تیری اوٹ تکائیا۔ دیِن دُنی دے اندروں کڈھ جہالت، کوُڑی کِریا دے مِٹائیا۔ سچ دوار کر عدالت، عدل اِنصاف اِک کمائیا۔ آتم پرماتم بخش اِک عبادت، نام اِک جنائیا۔ تیرا دُھر دا کلمہ ہووے سخاوت، بخشش رحمت آپ کمائیا۔ دیِن مذہب دی رہے نہ کوئے علامت، اوتار پَیغمبر گُر سارے رہے سُنائیا۔ منوُآ من کرے نہ کوئے بغاوت، جھگڑا دُئی نہ کوئے وکھائیا۔ موہ ہنکار میٹ علامت، عالی جاہ تیری سرنائیا۔ کلجُگ کوُڑی کِریا سب نوُں لائی کالکھ، جگت جگیاَسوُآں ٹِکّے مستک وِچ شاہیِا۔ مِہربان محبوُب کایا مندر اندر بدل دے حالات، تیرے اَگے عرض سُنائیا۔ جوتی جوت سروُپ ہرِ، آپ اپنی کِرپا کر، ایکا دینا دُھر دا ور، در تیرے منگ منگائیا۔ اوتار پَیغمبر گُر کہن پربھ بخش دے نام اگمّا

ایک، ایکنکار تیری سرنائیا۔ آد جُگادی سب نوُں بخش دے دُھر دی ٹیک، ٹِکّے مستک دھوُڑی خاک رمائیا۔ ہِندوُ مُسلم سِکھ عیِسائی کر بُدھ بِبیک، دُرمت میَل رہے نہ رائیا۔ سُرتی شبد تَینوُں لیَن چیت، چیتن تَینوُں آپ سمجھائیا۔ درس دکھا دے نیتن نیت، نِج نیَن کر رُشنائیا۔ آتم پرماتم بخش دے ہیت، ہِتکاری ہو کے ویکھ وکھائیا۔ ترےَگُن مایا نہ لائے سیک، اگن تت نہ کوئے جلائیا۔ دھرم دی دھار سمجھا دے اپنا دیس، سچکھنڈ نِواسی پڑدا دے اُٹھائیا۔ تیری مہما سدا ہمیش، ہم ساجن تیری صِفت صالاحیِا۔ جوتی جوت سروُپ ہرِ، آپ اپنی کِرپا کر، کرے کھیل ساچا ہرِ، لہنا دینا قؤل اِقرار پوُر کرنا کیِتا نال دسمیش، دہ دِشا توں باہر دھیان لگائیا۔ اوتار پَیغمبر گُر کہن میرے دیِن دَیالے ٹھاکر، گہر گمبھیِر تیری سرنائیا۔ دیِن دُنی دے ڈوُنگھے ساگر، بےانت بےانت بےانت تیری سرنائیا۔ بھاگ لگا کے کایا ماٹی گاگر، ساڈھے تِنّ ہتّھ پڑدا دے چُکائیا۔ سرِشٹی درِشٹی اندر بنے تیری سؤداگر، نام کلمہ ایکنکار اِک دینا ورتائیا۔ دُھر سوامی جودھا سوُربیِر نِرگُن دھار اِک بہادر، بلدھاری تیرے ہتّھ وڈیائیا۔ تَینوُں کِہا کریِم قادر، قُدرت دے مالک ہو سہائیا۔ ہؤں تیرے سارے عاجز، نِرمانتا وِچ سیِس جھُکائیا۔ کلجُگ کوُڑی کِریا میٹ دے سازش، شرع دا جھگڑا رہے نہ رائیا۔ من کلپنا رہے نہ آتش، امرت میگھ دینا برسائیا۔ تیرا کھیل تکنا اِکو ایک واستک، واسطہ تیرے اَگے پائیا۔ جوتی جوت سروُپ ہرِ، آپ اپنی کِرپا کر، ایکا دینا دُھر دا ور، سچکھنڈ نِواسی پُرکھ ابناشی پاربرہم در ٹھانڈے آس رکھائیا۔ اوتار پَیغمبر گُر کہن میرے صاحِب صاحِب سُلطانا، ہرِ وڈے تیری وڈیائیا۔ اوہ تکّ اپنا جہانا، جِسمانا کھوج کھوجائیا۔ صدی چؤدھویں سب دا اِکو اِک بیانا، مِل کے سارے رہے دِرڑائیا۔ پرگٹ ہو سِری بھگوانا، نِرگُن نوُر جوت رُشنائیا۔ تیرا سمبل وسے سوہنا مکانا، ساڈھے تِنّ ہتّھ وجےّ ودھائیا۔ لکھّ چؤراسی آتم پرماتم گوپی بن کاہنا، کاہن گھنئیا تیرے در ٹھانڈے سیِس نِوائیا۔ سچ بیننتی سچ سوامی کر پروانہ، سچ سچ سیِس جگدیِش جھُکائیا۔ ایسے خوشی نال کہیئے تُوں مالک اِک اِماما، عملاں توں رہت نظری آئیا۔ تیرا شبد وجےّ دمامہ، دو جہان ہووے شنوائیا۔ کل کلکی پہر کے اپنا جامہ، جاننہار اپنا ویس وٹائیا۔ نِہکلنک بلی بلوانا، بلدھاری پڑھدا دینا اُٹھائیا۔ تیرا حُکم منّن سارے کرن پروانا، منّن چائیں چائنیا۔ اوتار پَیغمبر گُر کہن کِرپا کر سِری بھگوانا، بھگوَن در تیرے منگ منگائیا۔ تُوں سچکھنڈ نِواسی مرد مردانہ، سوُربیِر بےپرواہیِا۔ جوتی جوت

سروُپ ہرِ، آپ اپنی کِرپا کر، ایکا دینا دُھر دا ور، نِہکلنک نرائن نر، مہاراج شیرسِنگھ وِشنوُں بھگوان، شاہ پاتشاہ سچےّ سُلطانا، صاحِب سوامی انترجامی انتر تیری آس رکھائیا۔

۳۱ اَسوُ شہنشاہی سمت ۶ بلونت سِنگھ دے گرِہ پِنڈ تلونڈی جُلے خاں ضِلع فِروز پُر

اوتار پَیغمبر گُر کہن ہرِ اندر چُک کے ویکھیا پردہ، پردہ نشیِں تیرا نوُر نظر نہ آئیا۔ سچ پیار دا بنیا کوئے نہ بردا، بدی وِچ سرب کُرلائیا۔ دیناں اناتھاں ونڈے کوئے نہ دردا، دُکھ بھنجن بھے نہ کوئے رکھائیا۔ چار کُنٹ شرع دیِاں تکیاں کرداں، چُھریاں مانَس ہتّھ اُٹھائیا۔ دروہی تیرے اَگے ساڈیاں عرضاں، آرزو وِچ دُہائیا۔ کوُڑ کِریا میٹ کے مرضاں، مُریِد ویکھ خلق خُدائیا۔ دیِن مذہب دیِاں میٹ کے درجاں، حد حدوُد دا ڈیرہ ڈھاہیِا۔ پُٹھیِاں سدھیِاں کر دے نرداں، نر نرائن تیری سرنائیا۔ بھیوَ کُھلا دے اپنے گھر دا، گہر گمبھیِر پڑدا آپ اُٹھائیا۔ تُوں جودھا سوُربیِر مردانہ مردا، مدد دینی چائیں چائنیا۔ تیرا کھیل نرائن نر دا، نر ہرِ تیری اوٹ تکائیا۔ تُوں آپے بھنےّ آپے گھڑدا، گھڑنہار تیری بےپرواہیِا۔ تُوں چار کُنٹ ویکھ لہندا چڑھدا، دکھّن پہاڑ اکھّ کُھلائیا۔ کوَن تیرا نام کلمہ پڑھدا، کوَن بَیٹھا مات بُھلائیا۔ ساڈا تیرے چرن کوَلاں اُتے سجدہ، سیِس جگدیِش نِوائیا۔ تیرے کول سب دیِاں فرداں، پردہ اوہلا دے چُکائیا۔ کوُڑی کِریا میٹ اندھیر گردہ، سچ چند کر رُشنائیا۔ کیوں مانَس مانَس نال لڑدا، سانتک سَت دے کرائیا۔ بھانڈا بھنّ دے ہؤمے گڑھ دا، ہنکار وِکار دے گوائیا۔ ترےَگُن وِچ ہووے کوئے نہ سڑدا، اگنی تت دینا بُجھائیا۔ امرت دے دے اپنے سروور سر دا، میگھ اگمّ برسائیا۔ بِن تیری کِرپا دو جہان مردا، مُردا مُریِد وِچ نہ کوئے سمائیا۔ لیکھا مُکا دے کلجُگ کل دا، کل کلکی تیرے اَگے دُہائیا۔ لہنا پوُرا کر دے اٹھسٹھ جل دا، تیِرتھ تٹ کنارے نال مِلائیا۔ جھگڑا مُکا دے اندھیری ڈوُنگھی ڈل دا، اڈول اڈُل اپنا حُکم ورتائیا۔ لیکھا پوُرا کر دے راجے بل دا، جو باوَن اَگے گیا واسطہ پائیا۔ سانوُں پتہ نہیں گھڑی پل دا، پاربرہم کی تیری بےپرواہیِا۔ لیکھا مُکا دے دُئی دوَیتی سلّ دا، سچ اپنا گھر وکھائیا۔ جوتی جوت سروُپ ہرِ، آپ اپنی کِرپا کر، ایکا دینا ساچا ور، سچ کرنی کار کمائیا۔ اوتار پَیغمبر گُر کہن تیرا حُکم سندیسہ اگمّی، اگمّ تیری وڈیائیا۔ ساڈی عرض بیننتی اِک منّیں،

منشا تیرے وِچ سمائیا۔ سب دی اپنے نال بنّھیں کنّیں، کنّا گوبِند والا لیکھے لیَنا پائیا۔ دیِن مذہب دی رہن نہ دیویں کندھی، حد حدوُد دینی چُکائیا۔ سب دا واس کراؤنا چھپّر چھنّی، شہنشاہ تیرے ہتّھ وڈیائیا۔ تُوں مالک دُھر دا دھنی، دھناڈھ اِک اکھوائیا۔ مِتر پیارا بھگتاں بننا تنی، تن وجوُد مِلنا چائیں چائنیا۔ سرِشٹی رہن نہ دیویں انّھی، نیتر نیَن دینا کُھلائیا۔ اوتار پَیغمبر گُر کہن تیرا نام سندیسہ سُننا کنّی، دُھر فرمان دینا سمجھائیا۔ اپنے نام دی وست دیویں نوُر اِلاہی چنّی، چنّ چند وِچوں پرگٹائیا۔ جوتی جوت سروُپ ہرِ، آپ اپنی کِرپا کر، ایکا دینا ساچا ور، سَت سچ تیری سرنائیا۔ اوتار پَیغمبر گُر کہن آہ ویکھ لےَ تیرے خادم، خِدمت وِچ سیِس نِوائیا۔ لیکھا جان مائی حوّا تے باوا آدم، نِرگُن نوُر بےپرواہیِا۔ جو سندیسہ دے کے گیا کاہنا کرِشنا یادو، یدی سب دا دھیان رکھائیا۔ تُوں آد جُگادی موہن مادھوَ، پاربرہم تیری وڈیائیا۔ تُوں شہنشاہ پاتشاہ عالی جاہ اعظم، عظیِم اِک اکھوائیا۔ کلجُگ کوُڑی کِریا رہن نہ دیویں ناظِم، نام اپنا اِک سُنائیا۔ جھگڑا میٹ دے دیِن دُنی جگ مایا ممتا ظالم، ظُلم دا ڈیرہ ڈھاہیِا۔ پربھوُ اسیں چار جُگ دے تیرے مُلّازم، سَتجُگ تریتا دواپرکلجُگ سیو کمائیا۔ جوتی جوت سروُپ ہرِ، آپ اپنی کِرپا کر، ایکا دینا دُھر دا ور، نِہکلنک نرائن نر، مہاراج شیرسِنگھ وِشنوُں بھگوان، سب دا بن ضامن، ضامنی اپنی وِچ رکھائیا۔

۳۱ اَسوُ شہنشاہی سمت ۶ کرتار سِنگھ دے گرِہ پِنڈ شاہ والا

اوتار پَیغمبر گُر کہن سب دا ہونا انت کنارہ، سد رہن کوئے نہ پائیا۔ کٹّھے رہنا سچکھنڈ سچ دوارا، دوُجا گھر نہ کوئے بنائیا۔ اِکو منّنا ہرِ نِرنکارا، نر نرائن سچّا شہنشاہیِا۔ جو سانجھا ہووے پروردِگارا، جلوہ گر نوُر اِلاہیِا۔ اوس دے در ہونی نِمسکارا، سجدہ سیِس اِک جھُکائیا۔ جِس دا شبد حُکم اِشارہ، پَیغمبراں رہیا جنائیا۔ اوس دا سندیسہ اِکو نعرہ، جَیکارا اگمّ اتھاہیِا۔ جِس دا کھیل ہونا دوبارا، گوبِند دھار دھار پرگٹائیا۔ نوَ ستّ پاوے سارا، چاروں کُنٹ کھوج کھوجائیا۔ حُکمی حُکم دیوے اپارا، نہ کوئی میٹے میٹ مِٹائیا۔ کلجُگ رہن نہ دیوے دھوُاں دھارا، اندھ اگیان دئے گوائیا۔ لکھّ چؤراسی پاوے سارا، مہاسارتھی نوُر

اِلاہیِا۔ در اوس دے بننا سرب بِھکھارا، درویش ہو کے الکھ جگائیا۔ پُرکھ اکالے دیِن دَیالے ساڈا سب دا بنا دے اِکو بھائی چارا، دیِن مذہب دا جھگڑا رہے نہ رائیا۔ دو جہاناں تیرا ہووے سہارا، نِرگُن سرگُن ویکھ وکھائیا۔ جھگڑا رہے نہ مندر مسجد شِودوالا مٹھ گُروُدوارا، گھر اِکو لیَنا پرگٹائیا۔ تیری چرن دھوُڑ لاوے مستک سرب سنسارا، سنساری بھنڈاری سنگھاری سیِس نِوائیا۔ تیرا راہ سارے تکدے چؤویِاں اوتارا، اوتر اپنا حُکم ورتائیا۔ کل کلکی سوُربیِر بلکارا، بلدھاری اِک اکھوائیا۔ اِمام اِماما بن سِکدارا، سِر سِر اپنا ہتّھ ٹِکائیا۔ تیرا کھیل سدا جُگ چارا، جُگ چؤکڑی حُکم ورتائیا۔ کلجُگ انتم در بِھکھاری پَیغمبر گُر اوتارا، نِیوں نِیوں سیِس جھُکائیا۔ جوتی جوت سروُپ ہرِ، آپ اپنی کِرپا کر، ایکا دینا ساچا ور، سچ دی آسا اِک رکھائیا۔ اوتار پَیغمبر گُر کہن کِسے رہنا نہیں انت، انت سرب دُہائیا۔ اِکو مالک سِری بھگوَنت، ہرِ کرتا دُھردرگاہیِا۔ جِس دے لکھّ چؤراسی جیِو جنت، سادھ سنت دئے وڈیائیا۔ جِس دا نام کلمہ منت، اکھّراں وِچ صِفت صالاحیِا۔ جِس نوُں دُھر دا منّیا کنت، کنتُوہل اِک اکھوائیا۔ در اوس دے کریئے مِنّت، دھوُڑی خاک رمائیا۔ ساڈی رہی کوئی نہ ہِمّت، کلجُگ کوُڑ نہ کوئے مِٹائیا۔ من منوُآ کرے عِلّت، عِلم عالماں رہیا بُھلائیا۔ سب دی خواری ہوئی ذِلّت، آبروُ سکے نہ کوئے بچائیا۔ پربھوُ اسیں تیرا کھادھا نام دا نِمک، نِمک حلال دے بنائیا۔ جوتی جوت سروُپ ہرِ، آپ اپنی کِرپا کر، ایکا دینا ساچا ور، سچ آسا اِک رکھائیا۔ اوتار پَیغمبر گُر کہن اسیں بنیئے نِمک حلال، ہرِ تیری اِک سرنائیا۔ دیِناں بندھپ دیِن دَیال، دَیانِدھ دَیا کمائیا۔ جیِو جنت تیرے لال، مانَو اپنی گود ٹِکائیا۔ سب دی سانجھی کر دے دھرمسال، بھگت دوارا اِک پرگٹائیا۔ جِتھے ترےَگُن موُل رہے نہ جال، جگت جنجال دینا تُڑائیا۔ ساڈی ایہو بیننتی ایہو سوال، سوالی ہو کے رہے سُنائیا۔ صدی چؤدھویں اپنا جگت جہان سنبھال، سمبل بہہ کے اپنا حُکم ورتائیا۔ ساڈی لیکھے لا لا گھال، پِچھلی کیِتی جھولی پائیا۔ چار جُگ دے تیرے ننھے بال، چھوٹے چھوٹے سوبھا پائیا۔ جوتی جوت سروُپ ہرِ، آپ اپنی کِرپا کر، ایکا دے دے ساچا ور، در ساچے منگ منگائیا۔ گُر اوتار پَیغمبر کہن ساڈی ہونی انت خلاصی، بندھن نظر کوئے نہ آئیا۔ حُکم چلنا پُرکھ ابناشی، نہ کوئی میٹے میٹ مِٹائیا۔ دو جہان بننا داسی، سیوک ہو کے سیو کمائیا۔ ساڈی بھوِکھتاں والی پوُری کرنی آسی، آہستہ آہستہ جھولی دئے بھرائیا۔ پردہ لاہے سچکھنڈ نِواسی، بھیوَ ابھیدا آپ کُھلائیا۔ دھرنی دھرت دھوَل دھؤل

پا کے راسی، رسم اپنی دئے سمجھائیا۔ دیِن مذہب دی رہن نہ دیوے شاخی، شناخت اپنی اِک دِرڑائیا۔ منزل اگمّی چڑھا کے گھاٹی، گھاٹا سب دا پوُر کرائیا۔ ساڈی انتم میٹ کے واٹی، لہنا سب دی جھولی ٹِکائیا۔ دیِن مذہب کوئے رہے نہ ذات پاتی، جھگڑا مانَو نہ کوئے جنائیا۔ اِکو دھار پرگٹا کے ساچی، سچ دا سنجم اِک سمجھائیا۔ جِس دی کتھا کہانی کِسے کولوں جائے نہ واچی، واچک بنے نہ کوئے وِچ لوکائیا۔ سو کھیل کرے پربھ اَسوُ دا انت انت دی راتی، رُتڑی اپنے حُکم وِچ مہکائیا۔

۳۱ اَسوُ شہنشاہی سمت ۶ جرنَیل سِنگھ دے گرِہ پِنڈ شاہ والا ضِلع فِروزپُر

اوتار پَیغمبر گُر کہن مہیِنہ اَسوُ لنگھیا، اپنا پندھ مُکائیا۔ جِس وِچ حُکم سندیسہ دیندا رہیا سوُرا سربنگیا، ہرِ کرتا دُھردرگاہیِا۔ چار کُنٹ دہ دِشا دیِن مذہب وکھاؤندا رہیا دنگیا، جھگڑے وِچ لوکائیا۔ جیِواں جنتاں سیِس وکھایا ننگیا، اوڈھن اُپر نہ کوئے ٹِکائیا۔ من وِکار جنایا گندیا، بُدھ بِبیک نہ کوئے رکھائیا۔ آتم ملِے نہ کِسے انندیا، انند انند وِچوں جنائیا۔ بھار چُکے کوئی نہ کندھیا، خالی ہتّھ سرب دُہائیا۔ نیتر رووے جمنا سُرستی گوداوری گنگیا، گنگوتری نیِر وہائیا۔ بہُڑی تیرے کولوں کِسے کُچھ نہ منگیا، بِھکھک ہو کے جھولی ڈاہیِا۔ جگت سماج ویکھ دھوتی تہمت تمبیاں، نیتر نیَن اُٹھائیا۔ اُف کلجُگ آیا انتم کنڈھیا، کنڈھی بَیٹھے پار نہ کوئے لنگھائیا۔ بھیوَ تیرا آیا نہ تیرے بندیا، بندگی وِچ نہ کوئے سمائیا۔ ساچا سُنے کوئی نہ چھندیا، ہؤمے روگ نہ کوئے مِٹائیا۔ جھگڑا مِٹے نہ جیرج انڈیا، اُتبُھج سیتج لیکھا پوُر نہ کوئے کرائیا۔ سانوُں یاد آئی اساں پوُرب لہنا تیرے سچکھنڈ دوارے ٹنگیا، ڈوری پریم نال لٹکائیا۔ جِس وِچ لیکھا سب نے انتم جانا ڈنّیا، بچیا رہن کوئے نہ پائیا۔ گوبِند نے چھاتی نال لا کے رکھیا جو اِکو لایا کنّیا، کنّا اپنے لڑ بندھائیا۔ جِس ویلے پُرکھ اکال دیِن مذہب دا میٹیا بنّیا، حد حدوُد رہے نہ رائیا۔ سب نے اِک پرمیشور منّیا، دوُسر سیِس نہ کوئے جھُکائیا۔ جن بھگتاں اپنی شبدی دھاروں جنیا، پُرکھ اکالا جمّن والی بنے پِتا مائیا۔ نہ ہرکھ سوگ رہے غمیا، چِنتا چِکھا نہ کوئے جلائیا۔ لیکھے لا کے پوَن سواس دمیا، دامنگیِر آپ ہو جائیا۔ جوتی جوت سروُپ ہرِ، آپ اپنی کِرپا کر، کرے کھیل ساچا ہرِ، سچ دا حُکم اِک سُنائیا۔ اوتار پَیغمبر گُر کہن اَسوُ گیا لنگھ، اپنا پندھ مُکائیا۔ اسیں سُتے رہے سچکھنڈ، سیج پلنگ

آسن اِک وکھائیا۔ گرِہ بَیٹھے رہے جِس دا چھپّر چھنّ کوئے نہ کندھ، حد حدوُد نہ کوئے جنائیا۔ جُگ چؤکڑی دا تکدے رہے پندھ، جو مات لوک پھیرا آئے پائیا۔ دیِن مذہب دی کھوجدے رہے حد، چاروں کُنٹ دھیان لگائیا۔ نام کلمہ سُن دے رہے ند، راگ انراگی دھیان لگائیا۔ انت صاحِب سُلطان سب نوُں لیا سدّ، سدّا حُکم والا جنائیا۔ حُکمے اندر گئے بجھّ، پلّوُ سکے نہ کوئے چُھڈائیا۔ ہو سکے نہ کوئے الگّ، وکھّرا راہ نہ کوئے درسائیا۔ سچ سرنائی سارے رہے ڈھٹّھ، نِیوں نِیوں سیِس جھُکائیا۔ دیِن دَیالے سب نوُں بخش اِک اِکٹّھ، اوتار پَیغمبر گُر وکھّرا رہن کوئے نہ پائیا۔ تیرا نام کلمہ لئیے رٹ، رٹّا مکُے جگت لوکائیا۔ اِکو تیِرتھ سوہے تٹ، کنارہ اِکو دینا وکھائیا۔ اِکو دوارا وسنا ہٹّ، وست اِک اگمّ ورتائیا۔ تُوں سرب کلا سمرتھ، گہر گمبھیِر اِک اکھوائیا۔ سِر سب دے رکھ ہتّھ، مِہر نظر ٹِکائیا۔ تیرے نام دا گائیے جس، صِفتاں وِچ صالاحیِا۔ ساڈی پوُری کرنی اس، ترِسنا رہے نہ رائیا۔ تیرے ہوئیے وس، واسطہ تیرے نال جُڑائیا۔ تُوں اِکو کرنا پکھّ، دوُجی ونڈ نہ کوئے ونڈائیا۔ جِدھر ویکھیئے نظری آئے پرتکھ، جوتی جاتے دَیا کمائیا۔ سب دی سانجھی کردے اکھّ، نیتر دوَیت رہن نہ پائیا۔ قؤل اِقرار کر لےَ پکّ، اَگے سکے نہ کوئے تُڑائیا۔ پُرکھ اکال پیا ہسّ، ہستی اپنی اِک سمجھائیا۔ اوتار پَیغمبر گُروُ لؤ تک، تقویٰ اِکو اُتے رکھائیا۔ میرا سندیسہ ہووے یک، واحد کرے پڑھائیا۔ پِچھلا دیِن مذہب دا لیکھا ہویا پھک، مالک رہن کوئے نہ پائیا۔ اُٹھو چھیتی کرو کٹّھ، اپنی لؤ انگڑائیا۔ اپنے پلّوُ کندھے لؤ سٹّ، گٹھڑی ہتّھ نہ کوئے اُٹھائیا۔ حُکم دیوے صاحِب سمرتھ، ہرِ کرتا بےپرواہیِا۔ اِکو وار پَینا اِکٹّھ، بھجّنا واہو داہیِا۔ اجّ دی رَین وِشن برہما شِو کول لیَنی کٹ، سوہنی خوشی بنائیا۔ پہلی کتّک لوآں پُریاں برہمنڈاں کھنڈاں جانا ٹپ، اسماناں باہر باہر قدم ٹِکائیا۔ ساڈھے نؤ رات نوُں بھگت دوار کرنا اِکٹّھ، خوشیاں نال اپنا سنگ بنائیا۔ پنجاں پیاریاں پانی گلاس بھرنا جھٹ، ویلا بُھل کوئے نہ جائیا۔ پنجاں درباریاں سنگت دے چاروں کُنٹ پَینا نَٹھ، نؤ نؤ چکّر لینے لگائیا۔ پنج لِکھاری رجِسٹر رکھ کے سجےّ پٹّ، لِکھن چائیں چائنیا۔ نؤ گُرمُکھ بن کے بھولے جٹّ، ڈانگاں سوٹے ہتّھاں وِچ اُٹھائیا۔ ہتّھ وِچ بوتلاں پھڑ کے پیِندے ہون گٹ گٹ، گُر اوتار پَیغمبراں نوُں دین وکھائیا۔ اگلا لیکھا پھیر دینا دسّ، پہلی کتّک راہ تکائیا۔ جوتی جوت سروُپ ہرِ، آپ اپنی کِرپا کر، کرے کھیل ساچا ہرِ، نِہکلنک نرائن نر، مہاراج شیرسِنگھ وِشنوُں بھگوان، لیکھا جانے حقیِقت حق، حق دا مالک اِک اکھوائیا۔