کتب خانہGranth 22 (Urdu)

پہلی مگھّر شہنشاہی سمت ۶ رات نوُں ہرِ بھگت دوار جیٹھوُوال

کتّک کہے بھگتو میری انت نمستے، نمو نمو نمو سیِس جھُکائیا۔ تُہاڈے کھیڑے رہن وسدے، گرِہ گرِہ وجےّ ودھائیا۔ بھنڈارے بھرے رہن امرت رس دے، جگت ترِسنا رہے نہ رائیا۔ میل ہُندے رہن نِج نیتر نیَن اکھّ دے، لوچن نال مِلائیا۔ حُکم سُن دے رہنا سچ دے، سچ نال وڈیائیا۔ ناتے چھڈنے کوُڑی مت دے، گُرمت لیَنی اپنائیا۔ پیار مُحبّت وِچ پِھرنا نسدے، بھجّنا واہو داہیِا۔ لیکھ مُکاؤنے کلپنا اگّ دے، امرت میگھ برسائیا۔ بھگت دوارے سوہنے بَیٹھے سجدے، در ساچے سوبھا پائیا۔ اَگے کھیل تکو اجّ دے، کتّک کہے میری جگہ مگھّر گیا آئیا۔ مگھّر کہے تُسیں بچّے پربھوُ دی رت دے، رتن امولک ہیِرے نام سمجھائیا۔ تُہاڈے ہِردے رہنے نہیں تپدے، اگنی کوُڑ دینی گوائیا۔ لیکھے پوُرے کرکے پِچھلے پپ دے، پتت پُنیِت دیوے کرائیا۔ کھیل وکھا کے اِک الکھ دے، الکھ اگوچر دینا مِلائیا۔ گھرانے رہن نہیں دینے وکھّ دے، دوار بنک اِک سُہائیا۔ میل مِلاؤنے پُرکھ سمرتھ دے، جو رام راما دُھردرگاہیِا۔ جوتی جوت سروُپ ہرِ، آپ اپنی کِرپا کر، کرے کھیل ساچا ہرِ، سچ کرنی کار کمائیا۔ مگھّر کہے میَں لوک مات وِچ چڑھیا، پربھ صاحِب دِتی وڈیائیا۔ میَں اکھّر اگمّی پڑھیا، جِس نوُں جگت وِدیا نہ کوئے سمجھائیا۔ سچ دوارے وڑیا، مندر اِکو اِک وڈیائیا۔ پربھ ابناشی تکی اننت کلیا، کل کلکی کی کار کمائیا۔ جِتھے جوت دا دیِپک بلیا، اوَر نہ کوئے رُشنائیا۔ جِس جُگ چؤکڑی سب نوُں چھلیا، سچکھنڈ تکیا دُھر دا ماہیِا۔ جِس دا وِچھوڑا ہوئے گھڑی نہ پلیا، پلک دے پِچھے سوبھا پائیا۔ سو آتم پرماتم دھار ہو کے رلیا، نِرگُن نِرگُن وِچ سمائیا۔ جِس دا نِہچل دھام اٹلیا، در ٹھانڈا اِک وکھائیا۔ اُس شبد سندیسہ گھلیا، دُھر فرمانا بےپرواہیِا۔ جوتی جوت سروُپ ہرِ، آپ اپنی کِرپا کر، دیونہارا ساچا ور، سچ حُکم اِک سُنائیا۔ مگھّر کہے میَں ویکھی دو

جہاناں پیَندی راس، بِن گوپی کاہن وڈ وڈیائیا۔ میَں تکیا پُرکھ ابناش، نِرگُن داتا نوُر الاہیِا۔ میَں ویکھیا پرِتھمی آکاش، گگن گگننتر پھول پھولائیا۔ میَں چار جُگ دی تکی آس، سَتجُگ تریتا دواپرکلجُگ دھیان لگائیا۔ جھٹ پُرکھ اکال نے دِتا آکھ، حُکم اگمّا اِک دِرڑائیا۔ دیِن دُنی دا ویکھ واقعیات، واقع پڑدا اِک چُکائیا۔ کی کھیل کائنات، ہرِ کرتا رہیا جنائیا۔ نوُر نوُرانہ تکّ ساکھیات، جلوہ گر اگمّ اتھاہیِا۔ جِس دے کول سب دا بھوِکھت واک، واقف کار آد جُگاد اکھوائیا۔ جوتی جوت سروُپ ہرِ، آپ اپنی کِرپا کر، کرے کھیل ساچا ہرِ، سچ دا حُکم اِک ورتائیا۔ مگھّر کہے میَنوُں آئی اگمّی خبر، بے خبر دِتی سُنائیا۔ چار کُنٹ رہیا کوئے نہ صبر، بے صبر ہوئی لوکائیا۔ اوہ تکّ کی پُکارے پَیغمبراں قبر، مقبرے دین دُہائیا۔ جِس دا اُمت بنایا ٹبّر، وسیِلہ جگت نام سمجھائیا۔ اوہ پاؤن لگّا غدر، گداگر کرے لوکائیا۔ گُر اوتار پَیغمبراں اُس دا منظور کیِتا عدل، اِنصاف اِک سمجھائیا۔ دیِن دُنی دی دھار دیوے بدل، بدلا چُکے تھاؤں تھائنیا۔ سب دے سِر تے کوُکے اجل، اَگے ہو نہ کوئے اٹکائیا۔ صدی چؤدھویں سب دی پوُری ہوئی مزل، منزل اَگے رہی نہ رائیا۔ دیِن دَیالا کرے وزن، ترازو کنڈا نام اُٹھائیا۔ جِس جھگڑا میٹنا کایا ماٹی بدن، بدی دا لیکھا دئے مُکائیا۔ چھیتی ہلوُنا دئے وِچ عدن، اعلیٰ ادنیٰ آپ اُٹھائیا۔ کھیل کرے سوُرا سربنگن، شاہ پاتشاہ سچّا شہنشاہیِا۔ سرِشٹی دی درِشٹی تکے بھجن، بندگی پھولے تھاؤں تھائنیا۔ جوتی جوت سروُپ ہرِ، آپ اپنی کِرپا کر، کرے کھیل ساچا ہرِ، سچ کرنی کار کمائیا۔ مگھّر کہے میَں نیتر کھولیا سجّا، بِن اکھّاں اکھّ اُٹھائیا۔ جھٹ کلجُگ آ گیا بھجّا، پَینڈا پندھ مُکائیا۔ میَنوُں کہے میَں دیِن دُنی دی کرکے آیا گجا، گھر گھر الکھ جگائیا۔ میَنوُں پربھوُ دی کِرپا بِنا بھگت کوئے نہ لبھا، سرِشٹی ویکھی تھاؤں تھائنیا۔ جیہڑا گُر اوتار پَیغمبراں پایا دبّا، دبدبے سارے دِتے ہٹائیا۔ ساری دُنیا اُف ہائے کہے ربّا، ربّی نوُر نہ کوئے چمکائیا۔ تن بنا کے بغلا بپڑا بگّا، ہنکار وِکار نال مِلائیا۔ کبُدھ روُپ بنا کے کگّا، مُکھ کوُڑ نال بھرائیا۔ سچ سرنائی کوئے نہ لگّا، لگ ماتر دا ڈیرہ ڈھاہیِا۔ کلجُگ کہے میَں پوِتر رہن نہیں دِتی کوئی جگہ، دھرم دی دھار نہ کوئے وکھائیا۔ جِس کارن گوبِند دا میٹیا اَگا، بچّیاں جڑ نہ کوئے لگائیا۔ گُرمُکھ بنا کے ہیِرے نگا، قیِمت سرِشٹ وِچ سمجھائیا۔ جوتی جوت سروُپ ہرِ، آپ اپنی کِرپا کر، کرے کھیل ساچا ہرِ، سچ دا حُکم اِک ورتائیا۔ کلجُگ کہے مگھّر میرے میِت، مِترا دیاں جنائیا۔ تُوں وی رکھنا چیِت، داتا دُھردرگاہیِا۔ جِس جھگڑا

میٹنا مندر مسیِت، کعبیاں پرے کرے پڑھائیا۔ ترےَگُن ہو اتیِت، ترےَبھوَن دھنی پردہ دئے اُٹھائیا۔ دیِن دُنی دی بدل دیوے نیِت، نیِتیوان ہوئے سہائیا۔ جھٹ کلجُگ رو کے ماری چیِک، کوُک کوُک سُنائیا۔ دروہی میری مِٹنی لیِک، پَیغمبراں سکے نہ کوئے بچائیا۔ بِنا شبد گُروُ توں کرے نہ کوئے تصدیِق، شہادت اوَر نہ کوئے رکھائیا۔ میرا انتر ہویا بھےَ بھیِت، سِر اَگے نہ کوئے اُٹھائیا۔ جوتی جوت سروُپ ہرِ، آپ اپنی کِرپا کر، کرے کھیل ساچا ہرِ، سچ حُکم اِک ورتائیا۔ کلجُگ کہے سُن سچّے مگھّر مہیِنہ، محو دیاں جنائیا۔ بِنا پربھوُ توں مُشکل ہونا سب نوُں جیِنا، جیِون ہتّھ کِسے نہ آئیا۔ جھگڑا پَینا لوک تیِنا، ترےَگُن اپنا رنگ بدلائیا۔ پیار رہنا نہیں روُسا چیِنا، چِنتا غم نال ستائیا۔ کھیل ویکھنا نر مدیِنا، کی نر نرَین حُکم ورتائیا۔ سب دا حق حقوق جانا چھیِنا، حکوُمت اَگے نہ کوئے چلائیا۔ پُرکھ اکال بن کے دانا بیِنا، گہر گمبھیِر اپنا رنگ رنگائیا۔ جوتی جوت سروُپ ہرِ، آپ اپنی کِرپا کر، کرے کھیل ساچا ہرِ، سچ حُکم اِک سمجھائیا۔ کلجُگ کہے میَنوُں شبد نے ماری چپیڑ، آلس رہیا گوائیا۔ کنّوں پھڑ کے دِتا گیڑ، چاروں کُنٹ بھوائیا۔ حُکم نال چھیڑ کے چھیڑ، ہلوُنا دِتا وکھائیا۔ کِس بِدھ دیِن دُنی دا کرنا بھیڑ، اپنی بِدھی دے سُنائیا۔ اُلٹا کرنا گیڑ، گیڑے وِچ دُہائیا۔ کلجُگ کہے پربھوُ تیرا شبد گُروُ ہونا دلیر، سوُربیِر اِک اکھوائیا۔ میٹے مات اندھیر، نوُر کرے رُشنائیا۔ ببّر بن کے کیہر، دُھر دی بھبک سُنائیا۔ مِہربان کرکے مِہر، مِہر نظر اُٹھائیا۔ جوتی جوت سروُپ ہرِ، آپ اپنی کِرپا کر، کرے کھیل ساچا ہرِ، سچ حُکم اِک جنائیا۔ کلجُگ کہے میری ارداس، بیننتی دیاں جنائیا۔ جو حُکم پُرکھ ابناش، سو سہجے دیاں سُنائیا۔ کِس بِدھ میری پوُری ہووے آس، صدی چؤدھویں نال مِلائیا۔ حُکم منّنا پُرکھ ابناش، سِر سکے نہ کوئے اُٹھائیا۔ میَں دسّاں دوویں جوڑ کے ہاتھ، ہتھیلی ہتھیلی نال مِلائیا۔ میرا صاحِب اِک رگھوناتھ، رگھوپت وڈ وڈیائیا۔ جِس دی چار جُگ دے شاستر گاؤندے گاتھ، اکھّراں وِچ صِفت صالاحیِا۔ اُس لہنا دینا میرا پوُرا کرنا حِساب، لیکھا اوَر رہے نہ رائیا۔ کِرپا کرے آپ مہاراج، محبوُب دُھردرگاہیِا۔ میَں قدماں کراں آداب، نِیوں نِیوں لاگاں پائنیا۔ حُکم سُناں اگمّ جناب، جو اگمّڑی کار کمائیا۔ جوتی جوت سروُپ ہرِ، آپ اپنی کِرپا کر، دیونہارا ساچا ور، سچ حُکم اِک ورتائیا۔ کلجُگ کہے اوتار پَیغمبر میَنوُں رہے بول، دُھر شبدی شبد جنائیا۔ دیِن مذہب دا رہے کوئے نہ رول، رؤلا دیِن دُنی مُکائیا۔ پُرکھ اکال نام کنڈے دھرم ترازو دینا تول، دوُسر ونڈ نہ کوئے ونڈائیا۔

کلجُگ کہے سب توں وکھّرا میرے پربھ دے نال گوبِند دا اِک قؤل، جِس دا پڑدا نہ کوئے اُٹھائیا۔ جِس ویلے کھنڈے دی دھار دین لگّا سی پاہُل، امرت رس چکھائیا۔ اِک سؤ اِک پَیسا رکھیا سی اُپر دھرنی دھؤل، پھیر چرناں ہیٹھ دبائیا۔ پربھوُ دے نال کیِتا قؤل، اِقرار اِک سمجھائیا۔ جوتی جوت سروُپ ہرِ، آپ اپنی کِرپا کر، کرے کھیل ساچا ہرِ، سچ بھیوَ آپ کُھلائیا۔ کلجُگ کہے گوبِند نے اِک سؤ اِک پَیسا چرن ہیٹھ رکھیا، سجّا چرن دِتا ٹِکائیا۔ پِھر زِمیں اسماناں ولّ تکیا، اکھّ اکھّ وِچوں اُٹھائیا۔ پِھر جَیکارا بول فتحیا، پُرکھ اکال سیِس نِوائیا۔ پِھر مستی وِچ اپنا آپ رتّیا، رنگ اگمّ چڑھائیا۔ پِھر خوشیاں دے وِچ ہسّیا، پریم دی تالی دِتی وجائیا۔ پِھر گُرمُکھاں اندر وسیا، پریم پریِتی گنڈھ پوائیا۔ پِھر بچن کیِتا سچّیا، سچ دِتا دِرڑائیا۔ پِھر بھوِکھت ولّ تکیا، بِن نیَناں نیَن اُٹھائیا۔ کی کھیل کرے پُرکھ سمرتھیا، ہرِ کرتا دُھردرگاہیِا۔ صدی چؤدھویں پِتا پُت دی کرے ہتّیا، پوُت پِتا بنے قصائیا۔ گھر گھر دِسے رٹّیا، رٹّا سکے نہ کوئے گوائیا۔ گوبِند نے اپنا کھنڈا چکّیا، ہتّھ نال بھوائیا۔ جھٹ پُرکھ اکال آیا نسّیا، جوتی نوُر دِتا چمکائیا۔ دُلارے اؤہ ویکھ اندھیری مسّیا، تیرے ڈھئیے پِچھوں اپنا رنگ رنگائیا۔ جوتی جوت سروُپ ہرِ، آپ اپنی کِرپا کر، کرے کھیل ساچا ہرِ، سچ کرنی کار کمائیا۔ پُرکھ اکال کِہا اؤہ ویکھ لےَ جوت شبد دھار دا ڈھئیا، ڈھؤنکا اِکو دے سمجھائیا۔ کلجُگ کوُڑی کِریا ہووے نئیا، نؤکا نام نظر کوئے نہ آئیا۔ وِبھچار ہونا بھَینا بھئیا، مات پُت اکھّ بدلائیا۔ ساک سجّن نہیں رہنا سئیا، میِت مِتر مُکھ بدلائیا۔ ساچے نام دا دِسے نہ کوئے گوّئیا، آتم راگ نہ کوئے سُنائیا۔ جوتی جوت سروُپ ہرِ، آپ اپنی کِرپا کر، کرے کھیل ساچا ہرِ، سچ حُکم اِک سُنائیا۔ کلجُگ کہے اِک سؤ اِک پَیسے تے گوبِند پایا بھار، خوشی نال دبائیا۔ ہیٹھوں دھرتی کیِتی پُکار، کوُک کوُک سُنائیا۔ میَنوُں مایا نال نہ مار، ممتا نال رلائیا۔ میری تیرے چرن نِمسکار، نِیوں نِیوں لاگاں پائنیا۔ تُوں پربھ دا سُت دُلار، گوبِند سچّا ماہیِا۔ جاہ کلجُگ دا بن یار، یارانہ ویکھ وکھائیا۔ جھٹ کلجُگ تاڑی دِتی مار، نچّیا ٹپّیا کُدیا چائیں چائنیا۔ اؤہ ویکھ صدی چؤدھویں دا اَکھاڑ، دھرنی اُتے سوبھا پائیا۔ اگّ لگّنی بہتّر ناڑ، تتو تت نہ کوئے بُجھائیا۔ مان رہنا نہیں پَیغمبر گُر اوتار، اوتری اپنی کھیل کھِلائیا۔ گوبِند نیتر لیا اُٹھال، نِگاہ نِگاہ وِچوں بدلائیا۔ پِھر ہسّ کے کِہا کلجُگ اؤہ تکّ لےَ مِہربان، جو مِہر نظر اُٹھائیا۔ یودھا سوُربیِر بلوان، دو جہاناں نظری آئیا۔ اُس پرگٹ ہونا وِچ جہان، نِرگُن نوُر کر رُشنائیا۔ کلجُگ کِہا میَنوُں اُس

دا مان، سِر میرے ہتّھ ٹِکائیا۔ دھرنی کِہا گوبِند جو میری جھولی بخشیا دان، میَں تیرے در سُٹائیا۔ تُوں صاحِب کر پروان، نِیوں نِیوں سیِس جھُکائیا۔ جوتی جوت سروُپ ہرِ، آپ اپنی کِرپا کر، کرے کھیل ساچا ہرِ، سچ دا مالک اِک اکھوائیا۔ گوبِند کِہا کلجُگ اِک سؤ اِک لےَ چُک، اپنی جھولی لےَ بھرائیا۔ کلجُگ وِنگا کر کے مُکھ، ہسّ کے دِتا دِرڑائیا۔ گوبِند میَنوُں نہیں بُھکھ، میَں بُھکھی کرنی جگت لوکائیا۔ انت میری سُپھل کرنی کُکھ، دھرنی والی کُکھ در تیرے واسطہ پائیا۔ جِس ویلے میری اؤدھ گئی پُج، پوُجن جگ دا سرب مِٹائیا۔ دُھر دی کھیل سکے کوئے نہ بُجھ، انبھو پردہ نہ کوئے اُٹھائیا۔ جوتی جوت سروُپ ہرِ، آپ اپنی کِرپا کر، کرے کھیل ساچا ہرِ، سد اپنا رنگ رنگائیا۔ کلجُگ کہے گوبِند میَں دُھر دا حُکم سُناؤندا ہاں۔ در ٹھانڈے سیِس نِواؤندا ہاں۔ اپنی کیِتی کرنی پربھ دے اَگے ٹِکاؤندا ہاں۔ صدی چؤدھویں انت ویکھ وکھاؤندا ہاں۔ کی پربھوُ بنائے بنت، اُس پربھوُ نوُں سیِس نِواؤندا ہاں۔ جِس ویلے دھرم دا رہنا نہیں کوئی سنت، اُس ویلے دا راہ تکاؤندا ہاں۔ جوتی جوت سروُپ ہرِ، آپ اپنی کِرپا کر، کرے کھیل ساچا ہرِ، سچ دوارے منگ منگاؤندا ہاں۔ کلجُگ کہے میری ارداس، بیننتی اِک جنائیا۔ میرا دینا ساتھ، گوبِند سنگ نِبھائیا۔ گوبِند کِہا شاباش، تیرے ہتّھ وڈیائیا۔ اُٹھ اوہ تکّ لےَ سمت شہنشاہی چھ چھّبی پوہ دی ہونی رات، بِھنڑی نال مِلائیا۔ بھگتاں ہونی جماعت، پربھ جوت جوت رُشنائیا۔ سچ سندیسہ دیواں آکھ، بِنا اکھّراں آپ دِرڑائیا۔ جِس ویلے سب دا پوُرا کیِتا بھوِکھت واک، پیشیِن گوئیاں ویکھ وکھائیا۔ وقت سُہنجنا کرے لوک مات، دھرنی دھرت دھوَل رنگ رنگائیا۔ اُس ویلے کلجُگ تیرا ہونا کھیل تماش، ہرِ کرتا آپ کرائیا۔ تِنّ رنگ دا ترےَگُن مایا دا تیرا ہونا لباس، دُھر دے حُکم نال رنگائیا۔ جوتی جوت سروُپ ہرِ، آپ اپنی کِرپا کر، دیونہارا ساچا ور، سچ دا مالک اِک ہو آئیا۔ کلجُگ کہے گوبِند کھیل ہووے کَیسا، کِس بِدھ ویکھ وکھائیا۔ میرا کرم ہووے نہ وانگ وَیشیا، حُکم دُھر دا منّاں چائیں چائنیا۔ جیہڑا تیرے چرناں ہیٹھ دبّیا اِک سؤ اِک پَیسا، دھرنی دھرت اُتے سُہائیا۔ اِس دا لہنا کی لیکھا، میَنوُں دے دِرڑائیا۔ گوبِند نے کِہا کلجُگ جِس ویلے میرے سِکھ بے ادبی کرنگے کیسا، ساہ ساہ نہ کوئے دِھیائیا۔ کوُڑی کِریا اپنا سمجھنگے پیشہ، مایا ممتا وِچ ہلکائیا۔ اُس ویلے میَں تے میرا مالک پرگٹ ہووے سمبل دیسا، دیش اپنا اِک وسائیا۔ دو جہاناں بنے نیتا، حُکم دیوے تھاؤں تھائنیا۔ اوتار پَیغمبر گُروُآں چار جُگ دا پوُرا کرے ٹھیکا،

ٹھیکیداری سب دی دئے مُکائیا۔ نِرگُن نوُر پرکاش کرے اُچیچا، اُچ اگمّ اپنی دَیا کمائیا۔ جوتی جوت سروُپ ہرِ، آپ اپنی کِرپا کر، کرے کھیل ساچا ہرِ، سچ پڑدا آپ اُٹھائیا۔ گوبِند کِہا کلجُگ تیرا انت کھیل کھِلاواں گا۔ سنت سُہیلے پرگٹ کر کے بھگت، بھگوَنت اپنا میل مِلاواں گا۔ نوَیِں دھار دسّ کے جگت، جُگتی دُھر دی اِک پرگٹاواں گا۔ سب دی پوُری کر کے شرط، شرع دا لیکھا آپ چُکاواں گا۔ نِرگُن نِروَیر ہو کے آواں پرت، پت پرمیشور سنگ رلاواں گا۔ تیرا لیکھا پوُرا کراں اُپر دھرت، دھرنی دھوَل نال اُٹھاواں گا۔ جوتی جوت سروُپ ہرِ، آپ اپنی کِرپا کر، کرے کھیل ساچا ہرِ، سچ اپنا در کُھلاواں گا۔ گوبِند کِہا جو اِک سؤ اِک پَیسا چرن ہیٹھ لیا دبّ، ایہہ کلجُگ تیرا انت کرائیا۔ تیرا سماں لماں نہیں رہنا ودّھ، شبدی حُکم نال کٹائیا۔ جِس ویلے نِرگُن پرتکے آواں جگ، جاگرت جوت جوت رُشنائیا۔ نِرگُن دھار بن سربگ، سوُربیِر اکھوائیا۔ سب دی پِچھلی میٹ کے حد، اگلا مارگ اِک جنائیا۔ بھگت بھگوان دا مارگ دسّ، کھیل کراں چائیں چائنیا۔ پریم پریِتی انتر وس، واسطہ اپنے نال جُڑائیا۔ لیکھا پوُرا کراں حق، حقیِقت اپنی اِک سمجھائیا۔ جوتی جوت سروُپ ہرِ، آپ اپنی کِرپا کر، کرے کھیل ساچا ہرِ، سچ دا مالک اِک اکھوائیا۔ کلجُگ کہے ایہہ کھیل اگمّ عجیِب، نِرالا دِتا جنائیا۔ گوبِند کِہا میری حُکم والی تاکیِد، تَینوُں دیاں دِرڑائیا۔ شبد دی لےَ رسیِد، بِن ہتّھاں ہتّھ پھڑائیا۔ سمت شہنشاہی چھ رکھیں اُڈیِک، انتر انتر دھیان رکھائیا۔ پرگٹ ہووے لاشریِک، پروردِگار دُھردرگاہیِا۔ جِس دے وِچ حق تؤفیِق، طاقتور نوُر اِلاہیِا۔ آسا منسا پوُری کرے اُمیِد، ترِسنا دئے گوائیا۔ پھیر گوبِند نے ماری لیِک، لائن دِتی لگائیا۔ کلجُگ نے ماری چیِک، چیِک چِہاڑا دِتا پائیا۔ کی ایہہ کھیل ہونا ٹھیِک، ٹھاکر اپنا حُکم ورتائیا۔ جوتی جوت سروُپ ہرِ، آپ اپنی کِرپا کر، کرے کھیل دُھر دا ہرِ، دُھر دا بھیوَ اِک چُکائیا۔ گوبِند کِہا کلجُگ جِس ویلے سمت شہنشاہی چھ، چھّبی پوہ آویگا۔ دھرم دھار دا پوُرا ہووے نینہ، نِہکلنک کل پرگٹاویگا۔ امرت دھار بخش کے مینہ، گُرمُکھاں ہِردے صاف کراویگا۔ بھاگ لگا کے کایا ماٹی ساڈھے تِنّ ہتّھ دیہہ، دیہرا مندر مسیِت گُروُدوار اِک جناویگا۔ جِتھے سَتگُر شبد ہو کے بہہ، سِنگھاسن آسن اِک وڈیاویگا۔ جو گُر گوبِند دِتا کہہ، سو پوُرا انت کراویگا۔ اوہ ویکھ جن بھگتاں دا بھگت دوارا ہونا اِک گرِہ، دھام سُہنجنا اِک وڈیاویگا۔ کلجُگ تیرا پُٹھا پلنگ جانا ڈہِ، پُٹھی کل آپ ورتاویگا۔ کوٹاں وِچوں کوئی گُرمُکھ وِرلا بھانا

سہے، سرِشٹ سبائی آپ بُھلاویگا۔ جن بھگتاں اندروں مار کے ممتا میَں، ہؤمے گڑھ تُڑاویگا۔ جوتی جوت سروُپ ہرِ، آپ اپنی کِرپا کر، کرے کھیل دُھر دا ہرِ، ہرِ کرتا اگمّ اتھاہیِا۔ گوبِند کہے کلجُگ چھّبی پوہ دی ہونی رات، رُتڑی سچ مہکائیا۔ لیکھا لِکھیا جانا قلم دوات، اکھّر اکھّراں جوڑ جُڑائیا۔ لہنا دینا ہونا بے باق، لیکھا اوَر رہے نہ رائیا۔ جو دائرے دا بنیا ہونا تاک، سچ سِنگھاسن ساہمنے سوبھا پائیا۔ اُس دے وِچوں جن بھگتاں لنگھاؤنا اپنا آپ، دوُجا مدد نہ کوئے کرائیا۔ سوہنگ سو دا جپنا جاپ، ہِردے ہِردے وِچ سمائیا۔ اپنا آپ کر کے پاک، چرن دوارے آؤنا چائیں چائنیا۔ کلجُگ اِک سؤ اِک پَیسا گوبِند دے چرناں دینا راکھ، بچیا رہن خالی کوئے نہ پائیا۔ اُس ویلے پنجاں لِکھاریِاں ہرِ شبد دا کرنا جاپ، جو ہاڑ ستاراں دِتا لِکھائیا۔ باقی سب نے رہنا چُپ چاپ، نِمسکار کر کے بَیٹھن تھاؤں تھائنیا۔ پِھر اگلا لیکھا دسّنا ساکھیات، کی کرتا کل ورتائیا۔ جوتی جوت سروُپ ہرِ، آپ اپنی کِرپا کر، دیونہارا دُھر دا ور، ہرِ وڈّا وڈ وڈیائیا۔ مگھّر کہے میَں سُنیا دُھر فرمانا، سَتگُر شبد دِتا دِرڑائیا۔ جو چؤداں گُرمُکھاں روُپ دھریا ہونا رانا، کلغی سیِس اُتے ٹِکائیا۔ اوہناں دا اِکو جیہا ہووے بانا، بان تیِر ترکش کندھیاں اُتے ٹِکائیا۔ بلدھاری بن جوانا، چلن چائیں چائنیا۔ چؤداں طبقاں نوُں اِکو رنگ رنگاؤنا، اندر آشا اِک ودھائیا۔ چؤداں لوک حُکم ہووے سُلطانا، نہ کوئے میٹے میٹ مِٹائیا۔ جوتی جوت سروُپ ہرِ، آپ اپنی کِرپا کر، دیونہارا ساچا ور، سچ کرنی کار کمائیا۔ مگھّر کہے میری انت اَخیِری آس، آشا دیاں جنائیا۔ چھّبی پوہ نوُں پنج کوار کنّیا پایا ہووے کالا لباس، مینڈھی سیِس نہ کوئے گُندائیا۔ مستک وِچ لِکھیا ہووے آکاش، الف یے نال وڈیائیا۔ جیب وِچ پایا ہووے اِک اِک کاٹ، جِس نوُں کارڈ کہے لوکائیا۔ جوتی جوت سروُپ ہرِ، آپ اپنی کِرپا کر، کرے کھیل ساچا ہرِ، نِہکلنک نرائن نر، مہاراج شیرسِنگھ وِشنوُں بھگوان، لیکھا جانے دُھر دا باپ، پِتا پُرکھ اکال دیِن دَیال آد جُگاد جُگ چؤکڑی نِت نوِت اپنا حُکم ورتائیا۔

سَتگُر شبد کہے شبدی آ گیا شبدی شبد فرِشتہ، بھجّیا واہو داہیِا۔ نِکاّ جِہا بچن سُنایا آہستہ آہستہ آہستہ، ہؤلی ہؤلی رہیا جنائیا۔ پربھوُ جِنہاں دا تیرے اُتے نِسچا، اِشٹ سوامی اِکو رہے منائیا۔ پِچھلا بھَین بھَیناں دا رِشتہ، سُدامے دے گوانڈھی

سوبھا پائیا۔ اَگے پوُرا کر دے نِسچا، بھروسہ اپنا نام وکھائیا۔ جوتی جوت سروُپ ہرِ، آپ اپنی کِرپا کر، مِہر نظر اِک اُٹھائیا۔ دواپرجُگ دا ناتا اِک، ایکنکار دَیا کمائیا۔ اِستری مرد سارے سَتگُروُ دے سِکھ، جنم وِچ فرق رہے نہ رائیا۔ مہِندرو نوُں جو پِچھلا لیکھا گیا دِس، اُس دا لہنا دئے سمجھائیا۔ چِٹے بستر اپنیِاں بھَیناں دا لیاوے حِس، حِصّہ شبدی سَتگُر پوُر کرائیا۔ لہنا مِلنا پرکاش کؤر چرنی نوُں بِدھ کِس، طریقہ اپنا اپنے ہتّھ رکھائیا۔ جو آد جُگادی دا مالک سب دے وڑیا وِچ، پوُرب پڑدا دئے اُٹھائیا۔ جوتی جوت سروُپ ہرِ، آپ اپنی کِرپا کر، کرے کھیل ساچا ہرِ، نِہکلنک نرائن نر، مہاراج شیرسِنگھ وِشنوُں بھگوان، ایکنکار ایکا اِک، اِک اِکلّا اپنی کل ورتائیا۔

نرگُن سرگُن دے بٹوُاے دو، وڈّا چھوٹا روُپ بنائیا۔ سرگُن نوُں وڈّا بخشیا تے رکھیا مایا دا موہ، ایسے کر کے اوتار پَیغمبر گُروُ تتاں والے اِس نوُں لےَ کے اپنا وقت گئے لنگھائیا۔ پُرکھ اکالا دیِن دَیالا اپنیاں بھگتاں نوُں کر کے نِرموہ، مایا ہتّھو ہتّھ چلائیا۔ پریِتم سِنگھ پال سِنگھ نے لئی چھوہ، پھیر گُرمُکھ رَوداس چمارے ہتّھ پھڑائیا۔ اونھے گؤہ نال لئی ٹوہ، اندر وڑ کے دھیان لگائیا۔ پھیر ہسّ کے کِہا پربھ دے در تے رکھ دئیے بن کے گروہ، لالچ رہن کوئے نہ پائیا۔ جِنہاں دے انتر بخشی لو، لوئن اپنا دِتا کُھلائیا۔ اوہ اوسے دے گئے ہو، اوسے دی مایا اوسے دی چھایا اوسے دی کایا تے اوسے دی بھیٹے دِتی چڑھائیا۔ جوتی جوت سروُپ ہرِ، آپ اپنی کِرپا کر، کرے کھیل ساچا ہرِ، سچ کرنی کار کمائیا۔ شیرسِنگھ دا جھُنبل باٹا، جھُگی جگت والی بنائیا۔ پوُرن سِنگھ پوُرن جوت پرکاشا، جوت جوت اِلاہیِا۔ جِس دا کھیل عجب تماشا، ہرِ کرتا آپ سمجھائیا۔ سچ دوارے پا کے سچ اپنی راسا، خوشی خوشی وِچوں وکھائیا۔ چرن جوڑا جیہڑا پریِتی وِچ دیوے ساتھا، پریِتم اپنا سنگ بنائیا۔ اوہدے وِچ اوہ تیل دا نِشان جیہڑا رَوداس اٹّھیں دِنی پاؤندا سی وِچ چراغا، غریِبی وِچ اپنا جھٹ لنگھائیا۔ جوتی جوت سروُپ ہرِ، آپ اپنی کِرپا کر، سد اپنا کھیل وکھائیا۔ سوہنا جوڑا دِسیا چھوٹا، میچ نہ کوئے سمجھائیا۔ کیوں پربھوُ دا پَیر نہ لما نہ چؤڑا نہ موٹا، لمبائی چؤڑائی نظر کِسے نہ آئیا۔ نہ

اوہ کوئی کڈّھیا ہووے تِلیدھاری نال گوٹا، جگت ڈور بندھ نہ کوئے بندھائیا۔ جِس ویلے پرکاش ہووے اُپر جوتا، جوت دی چمک وِچ چمک چمک رُشنائیا۔ اوتھے کِسے دی پُج نہ سکے سوچا، بھیوَ ابھید نہ کوئے کُھلائیا۔ اوہ چرن جوڑا بھےَ دیوے چؤداں لوکا، چؤداں طبق دئے ہِلائیا۔ سرگُن مایا نے سب نوُں کرنا تھوتھا، بٹوُآ وڈّا دئے گواہیِا۔ تیل دے داغ نے کِسے دے گھر رہن نہیں دینا دیِوا جگدا وانگ جوتا، چار کُنٹ اندھیرا دئے کرائیا۔ بھگتاں دے واسطے اِک نِکاّ جیہا کھیل جگت واسطے بہُتا، بہُہ اپنا حُکم ورتائیا۔ جوتی جوت سروُپ ہرِ، آپ اپنی کِرپا کر، کرے کھیل ساچا ہرِ، نِہکلنک نرائن نر، مہاراج شیرسِنگھ وِشنوُں بھگوان، شبد سندیسہ سندیسہ اِک جنائیا۔

۲ مگھّر شہنشاہی سمت ۶ کاکا گُردیو سِنگھ جیٹھوُوال دے سگن نوِت سویرے ہرِ بھگت دوار جیٹھوُوال

اوتار پَیغمبر گُر کہن پربھوُ ساڈی نِمسکار، درگاہ ساچی سچکھنڈ دوارے سیِس نِوائیا۔ جُگ چؤکڑی نِت نوِت تیرا کھیل اپار، سو پُرکھ نِرنجن تیری بےپرواہیِا۔ ہرِ پُرکھ نِرنجن شاہ پاتشاہ سچّی سرکار، شہنشاہ تیرے ہتّھ وڈیائیا۔ ایکنکار بن سہار، اِک اِکلّے دَیا کمائیا۔ آد نِرنجن نوُر جوت کر آکار، نِراکار ڈگمگائیا۔ ابناشی کرتے دے آدھار، مِہربان محبوُب اپنا رنگ رنگائیا۔ سِری بھگوان پا سار، مہاسارتھی اپنی کل پرگٹائیا۔ پاربرہم پت پرمیشور لہنا دینا سرب وِچار، وِچر کے دئیے جنائیا۔ برہم لیکھا ویکھنا وِچ سنسار، سنساری بھنڈاری سنگھاری نال مِلائیا۔ تُوں آد جُگادی شبد گُروُ گُر اوتار، پَیغمبر اگمّ اتھاہیِا۔ سَتجُگ تریتا دواپرکلجُگ تیرا کھیل ویکھیا نِرگُن سرگُن دھار، پنج تت تت وڈیائیا۔ نِراکھّر سندیسہ دیندا رِہوں اکشر جگت اُچار، صِفت صِفتی صِفت صالاحیِا۔ جوتی جوت سروُپ ہرِ، آپ اپنی کِرپا کر، ایکا دینا دُھر دا ور، سچکھنڈ ساچے منگ منگائیا۔ اوتار پَیغمبر گُر کہن تیرا چار جُگ دا تکیا سماج، چار ورن دینا گوائیا۔ تیرے نام کلمے دی سُنی آواز، حُکم اگمّ اتھاہیِا۔ درِشٹی اندر گئے جاگ، سُرتی شبد نال مِلائیا۔ کھیل دسّ کے آئے دیِن مذہب دی یاد، مانَو مانُکھ مانُش ونڈ ونڈائیا۔ دھرنی دھرت دھوَل دھؤل کھیڑا کرکے آئے آباد، بے پرواہ در تیرے سیِس جھُکائیا۔ ہِندوُ مُسلم سِکھ عیِسائی پارسی بودھی جَینی انن تیرے نام دا دسّیا رِواج،

رہبر راہ سمجھائیا۔ جوتی جوت سروُپ ہرِ، آپ اپنی کِرپا کر، ایکا دینا دُھر دا ور، در ٹھانڈے منگ منگائیا۔ اوتار پَیغمبر گُر کہن پربھوُ تیری دسّی دھرم دھار دی ریِتی، جُگ جُگ راہ چلائیا۔ کھیل کھِلا کے مندر مسیِتی، شِودوالے مٹھاں رنگ رنگائیا۔ آتم دھار دسّ پریِتی، پرماتم آئے سُنائیا۔ سَت سچ جنا کے نیِتی، نِرگُن نِروَیر دِتا دِرڑائیا۔ ساڈھے تِنّ ہتّھ کایا چاڑھ رنگ مجیِٹھی، دُرمت میَل دھوائیا۔ وِچ شرع دی رکھ کے لیِکی، رستہ وکھّ وکھّ بدلائیا۔ کلمہ نام دسّ حدیِثی، حضرت حضوُر کری پڑھائیا۔ جوتی جوت سروُپ ہرِ، آپ اپنی کِرپا کر، ایکا دے دے ساچا ور، مِہربان تیرے ہتّھ وڈیائیا۔ گُر اوتار پَیغمبر کہن ساڈے سیِس پربھوُ پربھ جھُکدے، قدیِم دے مالک قدم دھیان لگائیا۔ ساڈے انتم پَینڈے مُکدے، کلجُگ صدی چؤدھویں دئے گواہیِا۔ اسیں سارے ونجارے بنیئے تیری نام تُک دے، اِکو شبد ہوئے شنوائیا۔ ذات پات دیِن مذہب بھید بھاؤ مِٹا دے منُکھ دے، مانَو اپنے رنگ رنگائیا۔ جھگڑے رہن نہ شرع والی دُکھ دے، چُھری ہتّھ نہ کوئے اُٹھائیا۔ آتم پرماتم سب نوُں ساچا سُکھ دے، گرِہ مندر کر رُشنائیا۔ انت اَخیِر بے نظیِر در ٹھانڈے تیرے پُچھدے، گل پلّوُ واسطہ پائیا۔ جے تُوں گوبِند نال ناتے جوڑے پِتا پُت دے، پوُت سپوُتے گُرمُکھ گود اُٹھائیا۔ کلجُگ والی انتم جڑ پُٹ دے، لوک مات رہن نہ پائیا۔ سَتجُگ ساچا دھرنی دھرت دھوَل دی گودی سُٹ دے، مِہربان مِہر نظر اُٹھائیا۔ پڑدے اوہلے رہن نہ لُک دے، انبھو لیکھا دینا جنائیا۔ لہنے مُک جان مات گربھ اُلٹے رُکھ دے، دس دس ماس نہ کوئے تپائیا۔ جوتی جوت سروُپ ہرِ، آپ اپنی کِرپا کر، ایکا دینا دُھر دا ور، پُرکھ اکال دیِن دَیال پروردِگار سانجھے یار در تیرے سجدہ سیِس جھُکائیا۔ اوتار پَیغمبر گُر کہن کلجُگ میٹ دے کوُڑ پسارا، کِریا رہن کوئے نہ پائیا۔ سَتجُگ تیرا سَت ہووے ورتارا، سَت پُرکھ نِرنجن ہونا سہائیا۔ چار ورن اٹھاراں برن بخش اِک دوارا، کھتری براہمن شوُدر وَیش ونڈ نہ کوئے ونڈائیا۔ نؤ کھنڈ پرِتھمی تیری شرع توں ہوئے کوئے نہ باہرا، ہِندوُ مُسلم سِکھ عیِسائی اِکو رنگ رنگائیا۔ تُوں پاربرہم پت پرمیشور ایکنکارا، اِک اِکلّا نوُر الاہیِا۔ سَت دھرم دی ساچی بنّھ دے دھارا، سَتجُگ سچ دے وڈیائیا۔ جوتی جوت سروُپ ہرِ، آپ اپنی کِرپا کر، ایکا دینا دُھر دا ور، دُھر مالک ویکھ وکھائیا۔ گُر اوتار پَیغمبر کہن پربھوُ مانَو ذاتی بخش اپنی لگن، انتر آتم پریم بنائیا۔ شبدی دھار کر مگن، سوئی سُرتی آپ اُٹھائیا۔ ترےَگُن مایا وِچ موُل نہ دگن، اگنی تت دینا بُجھائیا۔ سچ پریم دی

چاڑھ کے رنگن، دُرمت میَل دینی دھوائیا۔ اِکو تیرے در تے ہووے بندن، دوُسر سیِس نہ کوئے جھُکائیا۔ لوک مات تن وجوُد جگت وِوہاری جو ہووے سگن، سگلے سوامی تیرے چرن چرن سرنائیا۔ ناتا ہووے ماٹی بدن، وجوُد محبوُب دینا سمجھائیا۔ تُوں مالک خالق کرنا عدل، اِنصاف اِک دِرڑائیا۔ پِچھلی چار جُگ دی مریادا دے بدل، تبدیلی شبد گُروُ سمجھائیا۔ جوتی جوت سروُپ ہرِ، آپ اپنی کِرپا کر، سد اپنا حُکم ورتائیا۔ اوتار پَیغمبر گُر کہن پربھوُ جِنہاں بھگتاں تیرے اُپر ہووے نِسچا، نِہچل دھام دینی وڈیائیا۔ روُپ بناؤنا دھرم دے سِکھ دا، سِکھیا شبد نام دِرڑائیا۔ اِشٹ دِرڑاؤنا پُرکھ اکال اِک دا، ایکنکار پڑدا آپ چُکائیا۔ مان بخشنا مات پِت دا، پِتا پوُت گود اُٹھائیا۔ جو تیرے دوارے ہووے وِکدا، قیِمت کرتے لیَنی پائیا۔ اوہناں دا میل ہووے نِت دا، آتم پرماتم میلا میلنا سہج سُبھائیا۔ انتر وِکار رہے نہ وِکھ دا، کوُڑ کُڑیار دینا کڈھائیا۔ جیِون سمجھاؤنا اپنے بھوِکھ دا، پڑدا بھوِش وِچوں اُٹھائیا۔ تُدھ بِن دوُجا دیِن دُنی نہ کوئے نجِٹھدا، مارگ اِک نہ کوئے وکھائیا۔ جوتی جوت سروُپ ہرِ، آپ اپنی کِرپا کر، ایکا دینا ساچا ور، ہرِ صاحِب تیری سرنائیا۔ اوتار پَیغمبر گُر کہن پربھوُ ساڈی ارداس، بیننتی اِک دِرڑائیا۔ تیری سِکھیا تیرے پاس، جُگ جُگ بھگتاں آپ ورتائیا۔ کلجُگ انتم نِرگُن جوت کر پرکاش، شبد دمامہ ڈنک وجائیا۔ سرِشٹی درِشٹی دیِن دُنی کر خلاص، بندھن شرع والے تُڑائیا۔ سچ پریِتی دسدے آپ، آپ اپنا بھیوَ کُھلائیا۔ بند کواڑی کھول تاک، نِج نیتر نیَن کر رُشنائیا۔ جِنہاں گُرمُکھاں نال باہروں تن نال تن دا بناویں ساک، اندروں آتم پرماتم اپنے نال لیَنی جُڑائیا۔ اوتار پَیغمبر گُر کہن پربھوُ سانوُں تیرے اُتے وِشواس، وِشوَ دا لیکھا تیرے ہتّھ نظری آئیا۔ تیری مریادا چار جُگ دے شاستر سمجھ سکے نہ کوئے کِتاب، اکھّر اکھّراں وِچوں بھیوَ نہ کوئے کُھلائیا۔ تُوں آد انت دا جُگا جُگنت دا مالک اِک مہاراج، مِہربان دُھردرگاہیِا۔ انت اَخیِر بے نظیِر لاشریِک ساچا اِک آداب، ادب نال سجدہ سیِس جھُکائیا۔ سَت دھرم سَتجُگ ساچے تیرا اِکو حُکم ہووے واحد، واحد تیرے ہتّھ وڈیائیا۔ دیِن دُنی دا آتم پرماتم بننا گائیڈ، گاڈ گُڈ در تیرے سیِس نِوائیا۔ جوتی جوت سروُپ ہرِ، آپ اپنی کِرپا کر، کرے کھیل ساچا ہرِ، نِہکلنک نرائن نر، مہاراج شیرسِنگھ وِشنوُں بھگوان، جو سرن سرنائی پُرکھ اکال تیری جائے لاگ، دیِن دَیال لگ ماتر دا ڈیرہ دینا ڈھاہیِا۔

۲ مگھّر شہنشاہی سمت ۶ نمبردار پریِتم سِنگھ دے گھر پِنڈ جیٹھوُوال ضِلع امرتسر

جن بھگت کہن اسیں جُگ جُگ دے پاندھی، مُسافر دیِن دُنی جگت لوکائیا۔ دھرنی دھرت دھوَل دھؤل جگت وِکار تکدے رہے آندھی، مایا ممتا موہ وِکار ہنکار دھیان لگائیا۔ ساڈھے تِنّ ہتّھ تپدی تکدے رہے ہانڈی، کلپنا وِچ مات کُرلائیا۔ پاربرہم پت پرمیشور کھیل ویکھدے رہے سوانگی، اکل کل دھاری کی اپنی کل ورتائیا۔ جیِواں جنتاں انتر دھار تکدے رہے کی کی گُن گاندی، صِفتی صِفتاں وِچ صالاحیِا۔ جوتی جوت سروُپ ہرِ، آپ اپنی کِرپا کر، کرے کھیل ساچا ہرِ، سچ اپنا رنگ رنگائیا۔ جن بھگت کہن تکدے رہے جگت جہاناں، سَتجُگ تریتا دواپرکلجُگ ویس وٹائیا۔ صاحِب سَتگُر دا گاؤندے رہے ترانہ، تُریا توں باہر صِفت صالاحیِا۔ ناد وجاؤندے رہے اگمّی دُھنکانا، انراگی روُپ پرگٹائیا۔ اِشٹ منّدے رہے سِری بھگوانا، دوُسر سیِس نہ کوئے نِوائیا۔ نام پریم دا تکدے رہے پَیمانہ، نیتر لوچن نیَن اکھّ کُھلائیا۔ گڑھ ہنکار توڑدے رہے ابِھمانا، من مت دا ڈیرہ ڈھاہیِا۔ صاحِب سوامی دا تکدے رہے نِشانہ، نِشاوَر اپنا آپ کرائیا۔ پربھ کِرپا نال سمجھیا نہ کوئے بیگانہ، بےغم ہو کے اِکو دھیان لگائیا۔ بِنا شمع توں بھگتی دا بن پروانہ، آپا بھگوَن اُتوں وار وکھائیا۔ جوتی جوت سروُپ ہرِ، آپ اپنی کِرپا کر، دیونہارا ساچا ور، ہرِ سجّن میِت اِک اکھوائیا۔ جن بھگت کہن جُگ جُگ تکیا کھیل تخت نِواسی سِری بھگوانا، نِواس استھان بھوگ لگائیا۔ نوُر ظہوُر تکّ شاہ سُلطانا، حُکم سندیسہ منّیا چائیں چائنیا۔ نِیوں نِیوں کردے رہے پرناما، پرم پُرکھ دھوُڑی خاک رمائیا۔ جھٹ پاسا پرتکے کہے نامہ، نامدیو دِرڑائیا۔ پربھوُ میرے گھر دا بنیا رہیا کاما، دھنّا تالی رہیا وجائیا۔ میَں وی پھڑ کھوایا کھانا، اُلٹی دھار بنائیا۔ کبیِر کہے میَں کرا دِتا اِشنانا، گنگا نیِر دئے گواہیِا۔ جوتی جوت سروُپ ہرِ، آپ اپنی کِرپا کر، سد اپنا حُکم ورتائیا۔ جن بھگت کہن اسیں دسّیئے جن بھگتاں، کلجُگ انت انت سُنائیا۔ سب دیِاں پوُریاں ہُندیاں ویکھو شرطاں، شرع زنجِیر رہے نہ رائیا۔ نِگاہ مار لؤ جگت چوطرفہ، حِصّہ ونڈ نہ کوئے ونڈائیا۔ رہن دینا نہیں کوئی تفرقہ، فِرقہ پرستی دینی گوائیا۔ حُکم ورتنا نرائن نر دا، ہرِ کرتا آپ سُنائیا۔ جو مالک گھر گھر دا، گرِہ مندر سوبھا پائیا۔ گُرمُکھ سنت سُہیلے پھڑدا، مات لوک سُتیاں لئے اُٹھائیا۔ سچ پریِتی آپے کردا، پریِتم ہو کے پریِتم سِنگھ نال مِلائیا۔ تندل سُدامے والے چّبدا، بھگوَن اپنی خوشی بنائیا۔ پِچھلا سماں گیا لنگھدا، اپنا پندھ

چُکائیا۔ اَگے کھیل ویکھو انند دا، انند انند وِچوں پرگٹائیا۔ جِس دا کھیل اگمّی نوُری چند دا، نوُر جوت کرے رُشنائیا۔ جوتی جوت سروُپ ہرِ، آپ اپنی کِرپا کر، کرے کھیل ساچا ہرِ، نِہکلنک نرائن نر، مہاراج شیرسِنگھ وِشنوُں بھگوان، پیار بخشے اپنے نام اگمّی چھند دا، چھند اپنا آپ دِرڑائیا۔

۵ مگھّر شہنشاہی سمت ۶ اجیِت دے گھر بٹالا شہر

کلجُگ کہے میَں تکیا شاہ سُلطانا، ہرِ کرتا دُھردرگاہیِا۔ جو آد جُگادی رام راما، نِرگُن نِروَیر نِراکار اگمّ اتھاہیِا۔ کھیل جانیا اگمّڑے کاہنا، جو نِت نوِت لکھّ چؤراسی آتم پرماتم گوپی آپ پرنائیا۔ نوُر نوُرانہ نؤجوانا تکیا وڈ اِماما، جو عملاں توں رہت سوبھا پائیا۔ شبد اگمّی ناد سُنیا دُھر کلاما، کلمیوں باہر پڑھائیا۔ پاربرہم پت پرمیشور کھیل کرے دو جہاناں، نِرگُن سرگُن سرگُن نِرگُن اپنا حُکم ورتائیا۔ سَت ستوادی برہم برہمادی شبد انادی ورتے اپنا بھانا، نہ کوئی میٹے میٹ مِٹائیا۔ تخت نِواسی پُرکھ ابناشی سَت ستوادی بن کے رانا، جوتی جوت سروُپ ہرِ، آپ اپنی کِرپا کر، کرے کھیل ساچا ہرِ، سچ حُکم اِک ورتائیا۔ کلجُگ کہے میَں تکیا صاحِب سِری بھگوَنت، ہرِ بھگوَن دُھردرگاہیِا۔ سَت ستوادی سو منیِا منت، منتر اگمّ اتھاہیِا۔ جو دو جہاناں بنیا کنت، کنتُوہل اِک اکھوائیا۔ جِس نوُں لبھدے آد جُگادی جُگ چؤکڑی سنت، صوُفی صفحیاں وِچوں پھول پھولائیا۔ سو پُرکھ اکالا دیِن دَیالا بنائے اپنی بنت، گھڑن بھنّنہار اپنی بنت بنائیا۔ لکھّ چؤراسی ویکھے جیِو جنت، سادھ سنت بچیا رہن کوئے نہ پائیا۔ جوتی جوت سروُپ ہرِ، آپ اپنی کِرپا کر، کرے کھیل دُھر دا ہرِ، ہرِ کرتا سہج سُکھدائیا۔ کلجُگ کہے میَں تکیا پُرکھ اکالے کول بِن اکھّراں اگمّی فرد، بِن سطراں سوبھا پائیا۔ جِس دا لیکھا جانے کوئی نہ چُھری کرد، کھڑگ دھار نہ کوئے جنائیا۔ غریِب نِمانیاں ونڈے کوئے نہ درد، دُکھیاں دُکھ نہ کوئے گوائیا۔ آتم پرماتم مِلن دی سمجھے کوئے نہ غرض، ممتا کوُڑ بھری لوکائیا۔ سندیسہ نام دیوے کوئے نہ گرج، جَیکارا الکھّ نہ کوئے سُنائیا۔ صدی چؤدھویں میٹے کوئے نہ اندھیرا گرد، دھوُاں دھار ہوئی لوکائیا۔ جوتی جوت سروُپ ہرِ، آپ اپنی کِرپا کر، ایکا دینا دُھر دا ور، گرِہ سچ تیری وڈیائیا۔ کلجُگ کہے میَں تکیا بھگت بھگوان دا رِشتہ، بِن اکھّاں اکھّ اُٹھائیا۔

جِتھے پکاّ ہویا نِسچا، نِہچل دھام دھیان لگائیا۔ اوتھے سیِس جھُکاوے جبرائیل فرِشتہ، نِیوں نِیوں لاگے پائنیا۔ جھگڑا رہے نہ نرک سوَرگ بہِشتا، درگاہ سچ سچ سمائیا۔ پُرکھ اکالا دیِن دَیالا جن بھگتاں لیکھ آپے لِکھدا، کاتب ہو کے قلم چلائیا۔ پوُرب لہنا جانے کِس کِس دا، نوَ ستّ پوُرا دئے کرائیا۔ ناتا سمجھا کے سَتگُر سِکھ دا، سِکھ سَتگُر وِچ سمائیا۔ اِشٹ دِرڑا کے ایکنکار اِک دا، اِک اِک وِچ مِلائیا۔ جھگڑا رہن نہ دیوے من ٹھگؤری چِت دا، چِتون دی لوڑ رہے نہ رائیا۔ بھیوَ کُھلا کے ابناشی اچُت دا، چیتن سُرتی دئے کرائیا۔ جھگڑا مُکا کے کایا ماٹی بُت دا، بُتخانیاں کرے صفائیا۔ جن بھگتاں وقت سُہنجنا کرے اپنی رُت دا، رُتڑی اپنے نال مہکائیا۔ پیار بنّھ کے پِتا پُت دا، پت پرمیشور ہوئے سہائیا۔ جھگڑا میٹ دُئی دوَیت دُکھ دا، دلِدر ہؤمے روگ دئے گوائیا۔ جوتی جوت سروُپ ہرِ، آپ اپنی کِرپا کر، کرے کھیل دُھر دا ہرِ، دیونہار اِک ہو آئیا۔ کلجُگ کہے میَں ویکھیا دیِن دُنی دا ساگر، گہر گمبھیِر دَیا کمائیا۔ پاربرہم پت پرمیشور جن بھگتاں جنم کرم کرے اُجاگر، دُرمت میَل در لُہائیا۔ کوجھیاں کملیاں در آیا سرب نوُں دیوے آدر، عدل اِنصاف اپنا اِک سمجھائیا۔ جھگڑا رہن نہ دیوے مقتُول قاتل، قتل گاہ دا لیکھا دئے مُکائیا۔ سچ دوارے اپنا عادل، اِنصاف اِکو اِک وکھائیا۔ کوٹاں وِچوں جن بھگت اپنا آپ سادھن، صدقے واری گھولی گھول گھُمائیا۔ جیہڑے اِکو پربھوُ نوُں ارادھن، رادھا کرِشن دئے صفائیا۔ میل ملِے موہن مادھوَ، مدُھر دُھن شنوائیا۔ کلجُگ کہے میَنوُں یاد آ گیا کی سندیسہ دِتا کرِشن کاہن تریَلوکی ناتھ یادو، جدّ بنس سمجھائیا۔ کلجُگ انتم جھگڑا پَینا منُش آدمی آدم، آدم حوّا نہ کوئے سہائیا۔ کوٹاں وِچوں وِرلا رہے خادم، خِدمتگار ہو کے سیو کمائیا۔ گُرمُکھاں وڈے ہونے بھاگن، بھاگ حِصّہ اپنی جھولی پائیا۔ نام دی دھار جلا چراغن، چرگاہاں کرے رُشنائیا۔ بھگتاں پریم پریِتی اندر آوے سادھن، سدھ مارگ اِک جنائیا۔ تُوں میرا میَں تیرا آتم پرماتم راگ ارادھن، اوَر دی لوڑ رہے نہ رائیا۔ جوتی جوت سروُپ ہرِ، آپ اپنی کِرپا کر، کرے کھیل دُھر دا ہرِ، نِہکلنک نرائن نر، مہاراج شیرسِنگھ وِشنوُں بھگوان، جن بھگتاں شبد سروُپی مارے آوازن، آواز راز والی آپ دِرڑائیا۔

۶ مگھّر شہنشاہی سمت ۶ سُرجیِت سِنگھ دے گھر بٹالا شہر

سَتگُر شبد کہے میَں نِرگُن دھار اُٹھا، جگ نیتر جگت جہان نظر نہ آئیا۔ سرِشٹ سبائی نؤ کھنڈ پرِتھمی تُٹھا، جن بھگت سُہیلے لَواں جگائیا۔ ستّاں دیِپاں کونے کنارے ویکھاں گُٹھاں، سَت ستوادی ہو کے دھیان لگائیا۔ گُرمُکھ گُرسِکھ ہرِجن پکڑ اُٹھاوے پھڑ گُٹاں، ہرِ گوبِند گوبِند میلا سہج سُبھائیا۔ دُھر دی کرنی واسطے جُٹاں، جوڑی جوت شبد بنائیا۔ کوُڑ وِکار جگت جہان لُٹاں، لُٹیرا بناں تھاؤں تھائنیا۔ ہؤمے ہنگتا جڑ پُٹاں، پیار مُحبّت اِک درسائیا۔ برہمنڈاں کھنڈاں پُریاں لوآں پُجاں، پوُجس دھام ویکھاں چائیں چائنیا۔ پُرکھ اکال دا بھیوَ کُھلا کے گُجھا، اندروں پڑدا دیاں چُکائیا۔ دھرم نِشانیوں موُل نہ اُکاں، تیِر انداز اِک اکھوائیا۔ نِراِچھت سب نوُں وکھاواں رُقہ، جو بِن اکھّراں اوتار پَیغمبراں گُروُآں دِتا دِرڑائیا۔ جیِو جنت سادھ سنت اُٹھاواں سُتا، سویا رہن کوئے نہ پائیا۔ پرگٹ ہو ابناشی اچُتا، چیتن سب نوُں دیاں کرائیا۔ سَتجُگ ساچی مؤلے رُتا، رُتڑی اپنے نال مہکائیا۔ بھاگ لگا کے کایا بُتا، بُتخانیاں کراں صفائیا۔ جگت وِکار کرکے پُٹھا، اُلٹا گیڑ دیواں بھوائیا۔ ہرِجن موُل رہے نہ کھوٹا، کھوٹیوں کھرے دیاں بنائیا۔ جِس کارن گوبِند وارے لختے جِگر ٹوٹا، جوتی جوت سروُپ ہرِ، آپ اپنی کِرپا کر، کرے کھیل ساچا ہرِ، سچ حُکم اِک ورتائیا۔ کلجُگ کہے میَنوُں پربھ نے دِتی تھپکی، پریم نال وڈیائیا۔ طاقت وکھا اپنے تپ کی، تپسیا اپنی دینی پرگٹائیا۔ وڈیائی رہے نہ کِسے جپ کی، رسنا جِہوا ہوئے ہلکائیا۔ دھار ملِے نہ کِسے کوَل نبھ دی، امرت رس نہ کوئے چوائیا۔ بُدھی وِشیش رہے نہ سب دی، کوُڑ کِریا وِچ کُرلائیا۔ آتم پرماتم پِھرے لبھدی، نیتر لوچن نیَن درس کوئے نہ پائیا۔ سب نوُں کھیل دسدے اجّ دی، عاجز ہو کے سیو کمائیا۔ جیہڑی دھار اوتار پَیغمبراں گُروُآں سب نوُں رہی سدّدی، سدّے سب دے پوُر کرائیا۔ اوہ کھیل ویکھن سوُرے سربگ دی، شاہ پاتشاہ شہنشاہ آپ وکھائیا۔ کلجُگ سب دی بُدھی ہووے کگّ دی، بِن ہرِ کِرپا ہنس بنن کوئے نہ پائیا۔ تیری پریم چنگیاری ہووے اگّ دی، اگنی تت دینی تپائیا۔ کلپنا ویکھنی سارے جگ دی سانتک سَت نہ کوئے وکھائیا۔ اپنا نِشانہ اِکو وار گڈّ لئیں، چار کُنٹ دینا جھُلائیا۔ پر یاد رکھیں پربھوُ بھگت سُہیلے چھڈ لئیں، دوُروں نِیوں نِیوں سیِس نِوائیا۔ جوتی جوت

سروُپ ہرِ، آپ اپنی کِرپا کر، کرے کھیل ساچا ہرِ، نِہکلنک نرائن نر، مہاراج شیرسِنگھ وِشنوُں بھگوان، در ٹھانڈے ہتّھ بنّھ لئیں، بندناں وِچ بندھن بندگی بندیاں رہے نہ رائیا۔

۶ مگھّر شہنشاہی سمت ۶ بنتا سِنگھ دے گرِہ پِنڈ پنج گرائیاں

سَتگُر شبد کہے کھیل دسّاں آد نِرنجن، کی نِروَیر کھیل کھِلائیا۔ داتا بنے درد دُکھ بھےَ بھنجن، پاربرہم پربھ بےپرواہیِا۔ جوتی دیِپک بھگت سُہیلے جِس دے جگن، لوک مات ہوئے رُشنائیا۔ اوہناں نیتر پاواں نام دا انجن، اندھ اگیان کوُڑ گوائیا۔ سچ سوامی میلا سجّن، پُرکھ اکالا دُھردرگاہیِا۔ جو اندر باہر گُپت ظاہر چاڑھے رنگن، دُرمت میَل دئے دھوائیا۔ سب دی سانجھی کرے بندن، ڈنڈاوت سجدہ سیِس جگدیِش اِک سرب نِوائیا۔ آتم پرماتم رکھے انگن، پاربرہم برہم گودی آپ ٹِکائیا۔ تُوں میرا میَں تیرا نِرگُن دھار سارے منّن، سرگُن سہج کراں پڑھائیا۔ کوُڑی کِریا کر کے دمن، سَت سچ پھڑائیا۔ نوَ ستّ کرا کے امن، من منسا میٹ مِٹائیا۔ جن بھگت سُہیلے بنا کے ساچا چمن، پتّ ٹہنی پُھل مہکائیا۔ امرت میگھ برسا کے سوَن، نابھی کوَل کوَل ٹپکائیا۔ نام اہوُتی پوا کے وِچ ہون، اگنی جوت جوت رُشنائیا۔ لیکھا پوُرا کر کے باوَن بون، بلدھاری ہو کے دَیا کمائیا۔ پربھ دا بھیوَ پائے کوَن، گُن کوئے کہہ سکے نہ رائیا۔ جوتی جوت سروُپ ہرِ، آپ اپنی کِرپا کر، کرے کھیل ساچا ہرِ، سچ در اِک کُھلائیا۔ سَتگُر شبد کہے میَں ویکھاں کھیل اپارا، اپرمپر سوامی نال مِلائیا۔ جوتی نوُر کر اُجیارا، اندھ اندھیارا دوُر کرائیا۔ شبدی شبد نام جَیکارا، لوآں پُریاں باہر سُنائیا۔ برہمنڈاں کھنڈاں دے ادھارا، سانتک سَت سَت ورتائیا۔ کھیل کھِلا کے وِچ سنسارا، سنساری بھنڈاری سنگھاری نال مِلائیا۔ سمبل دسّ کے دھام نیارا، نِراکار دیاں مِلائیا۔ جِس دا شبد روُپ گوبِند گوبِند دوبارہ، ہرِ گوبِند اِک اکھوائیا۔ سو کھیل کھیلے کل کلکی نر نرائن سچّی سرکارا، شاہ پاتشاہ اگمّ اتھاہیِا۔ جو چار ورن اٹھاراں برن مانَو مانُکھ مانَس دئے سہارا، سِر اپنا ہتّھ ٹِکائیا۔ اِکو دسّ نام جَیکارا، جُگ جُگ دے جھگڑے دئے گوائیا۔ نوُر الاہی االلہ کر چمتکارا، پردہ پردہ نشیِں

دئے چُکائیا۔ سچ سوامی ہو کے ظاہرا، ظاہر ظہوُر کرے رُشنائیا۔ جِس دا حُکم ورتن والا وِچ قاہرہ، قہر جھلے جگت لوکائیا۔ نؤ سؤ نڑِنوے میل دا ہوئے دائرہ، محیِت وِچ عید بنائیا۔ جوتی جوت سروُپ ہرِ، آپ اپنی کِرپا کر، کرے کھیل ساچا ہرِ، نِہکلنک نرائن نر، مہاراج شیرسِنگھ وِشنوُں بھگوان، کھیل کھِلائے اپنا گہرا، گہر گمبھیِر بے نظیِر جگ نیتر نظر کوئے نہ پائیا۔

۶ مگھّر شہنشاہی سمت ۶ درشن سِنگھ دے گھر پِنڈ نیا شالہ ضِلع گُرداس پُر

سَتگُر شبد کہے تیئی اوتار سُنو آوازے، بِن رسنا جِہوا بتّی دند شنوائیا۔ پَیغمبرو سُنو حُکم دُھر محرابے، محبوُب مالک خالق رہیا دِرڑائیا۔ گُروُ دھار سمجھ لؤ رازے، رازق رِزق رحیِم رہیا جنائیا۔ نِگاہ مار لؤ اپنے اپنے کعبے، بُتخانے ویکھ وکھائیا۔ کی کھیل ہویا دیِن دُنی سماجے، سمجھ بُدھی توں پرے دینا دِرڑائیا۔ کی حُکم ورتنا آگے، بھیوَ ابھیدا دیؤ سمجھائیا۔ نؤ کھنڈ پرِتھمی ستّ دیِپ کِس بِدھ نوُری جوت جگے چراغے، چراگاہاں تھل اسگاہ ہووے رُشنائیا۔ کِس بِدھ گُرمُکھ ہنس بننے کاگے، کوُڑی کِریا باہر کڈھائیا۔ کِس بِدھ تند سِتار وجےّ ربابے، من منکا دئے بھوائیا۔ پُرکھ اکالا دیِن دَیالا سب دی اپنے ہتّھ پکڑے واگے، دیِن دُنی اِکو ڈوری تند لئے بندھائیا۔ کی کھیل کرائے عِشق حقیِقی تے مِجازے، مزہ کوَن رس چکھائیا۔ کِس بِدھ سجدہ سلام ہووے آدابے، نمو نمستے کی وکھائیا۔ کِس بِدھ انت اَخیِر کلجُگ نِکلے جنازے، ارتھی جگت والی دِرڑائیا۔ جوتی جوت سروُپ ہرِ، آپ اپنی کِرپا کر، کرے کھیل ساچا ہرِ، سچ سندیسہ اِک اُپجائیا۔ اوتار پَیغمبر گُر چُکو اپنا پڑدا، نقاب رہے نہ رائیا۔ پَیغمبر بھیوَ دسّو اپنے گھر دا، اوہلا انتر رہے نہ رائیا۔ کوَن کلمہ حقیِقی پڑھدا، منزل چڑھے نوُر الاہیِا۔ مُقامے حق اگمّے وڑدا، تن وجوُد دا ڈیرہ ڈھاہیِا۔ سچ سندیسہ نر نریشا اگمّی گھلدا، سُناوے تھائیں تھائنیا۔ بھیوَ کھولو جل تھل دا، مہیئل رنگ کوَن رنگائیا۔ کِس بِدھ لہنا مکُے گھڑی پل دا، کلجُگ انتم ڈیرہ ڈھاہیِا۔ جوتی جوت سروُپ ہرِ، آپ اپنی کِرپا کر، کرے کھیل ساچا ہرِ، دُھر دا حُکم اِک ورتائیا۔ پُرکھ اکال کہے گُروُ گُر دھار، سَتگُروُ دیؤ جنائیا۔ کی کھیل کرے کلکی اوتار، اکل کل دھاری اپنی کل پرگٹائیا۔

لہنا دینا سب دا لؤ وِچار، چاروں کُنٹ دھیان لگائیا۔ کِس گرِہ میری شبد نام دُھن ہووے دُھنکار، انحد نادی نام شبد کوَن شنوائیا۔ کِس محل اٹل چمکے نوُر جوت اُجیار، اندھ اندھیر رہے نہ رائیا۔ کِس گھر اندر رس ملِے ٹھنڈا ٹھار، بوُند سوانتی کوَل نابھ چوائیا۔ اندر باہر گُپت ظاہر سارے پاوو سار، مہاسارتھی آپ جنائیا۔ کِس بِدھ سَتگُر شبد ہووے ظاہر، ظاہر ظہوُر اپنا حُکم ورتائیا۔ ذات پات دیِن مذہب دی میٹے کھار، کنڈا خلق نہ کوئے چُبھائیا۔ مایا ممتا ناتا کوُڑ توڑے وِبھچار، دُراچار دا پندھ مُکائیا۔ ساچا مارگ دسّ سچّی سرکار، شہنشاہ اپنا حُکم ورتائیا۔ اِکو رنگ رنگا کے پُرکھ نار، نر نرائن ہوئے سہائیا۔ سَتجُگ ساچا سَت سَت ورتاوے کار، سَت ستوادی برہم برہمادی اپنی کار بُھگتائیا۔ کِس بِدھ سب دی سانجھی ہووے نِمسکار، نمو نمو سیِس جھُکائیا۔ کِس بِدھ آتم پرماتم ہووے جَیکار، جےَ جَیکار کرے خلق خُدائیا۔ خود مالک خالق پرگٹ ہووے آپ نِرنکار، نِروَیر اپنی کل دھرائیا۔ گُرمُکھ جن بھگت سُہیلے چؤراسی وِچوں لئے اُٹھال، مِہربان مِہربان مِہربان مِہر نظر اُٹھائیا۔ سُت دُلارے بنا اپنے لال، لالن اپنی گود ٹِکائیا۔ ساچا مارگ دئے سِکھال، سُکھمن ٹیڈھی بنک اِیڑا پِنگل پار کرائیا۔ امرت رس اگمّ پیال، جگت ترِسنا بُھکھ دئے مِٹائیا۔ انحد نادی وجا کے تال، سوئی سُرت لئے اُٹھائیا۔ کایا مندر اندر دیِپک دَیا جوتی دیوے بال، بال اَنجانیاں کرے رُشنائیا۔ سمبل بہہ کے کرے سنبھال، سِر اپنا ہتّھ ٹِکائیا۔ جھگڑا مُکاوے شاہ کنگال، بھگت سُہیلے اِکو در دئے وڈیائیا۔ چؤراسی پھاسی وِچوں کر بحال، در اپنے لئے ٹِکائیا۔ مُرشد ہو کے پُچھے مُریِداں حال، گُر چیلا اپنا رنگ رنگائیا۔ جھگڑا میٹے کال مہاکال، کل کلکی کالکھ ٹِکّے دئے دھوائیا۔ ساڈھے تِنّ ہتّھ سُہا کے سچّی دھرمسال، دھرم دوارا اِک پرگٹائیا۔ نام بھنڈارا دے سچّا دھن مال، کوجھے کملے دئے ترائیا۔ جیِون زِندگی دا حل کرے سوال، سوالی خالی رہن کوئے نہ پائیا۔ جوتی جوت سروُپ ہرِ، آپ اپنی کِرپا کر، کرے کھیل ساچا ہرِ، نِہکلنک نرائن نر، مہاراج شیرسِنگھ وِشنوُں بھگوان، توڑنہارا جیِون جگت جُگت جنجال، نِرگُن ہو کے اپنی دَیا کمائیا۔

صاحِب سَتگُر دَیا کمائی، مِہربان مِہر نظر اُٹھائیا۔ آسا منسا پوُری کرے بِردھ مائی، جو بیننتی رہی سُنائیا۔ دات پُتر دی جھولی پائی، وست اگمّ اِک ورتائیا۔ ساڈھے چھتّی سال خوشیاں نال لئے لنگھائی، لاڑی مؤت نیڑ کوئے نہ آئیا۔ اَگے صاحِب دے ہتّھ وڈیائی، جِتنی چاہے ہور دئے بُھگتائیا۔ رائے دھرم نہ دئے سزائی، چِترگُپت نہ لیکھ لِکھائیا۔ جِس دا مالک ہووے بے پرواہی، بے پرواہ آپے رنگ رنگائیا۔ بھَیناں دی جھولی پا کے بھائی، بھائی بھائیاں نال مِلائیا۔ ایس جنم دی پِتا نوُں ہووے ودھائی، وادھا کُل دے وِچ کرائیا۔ جوتی جوت سروُپ ہرِ، آپ اپنی کِرپا کر، کرے کھیل ساچا ہرِ، سچ دا مالک دُھردرگاہیِا۔

۷ مگھّر شہنشاہی سمت ۶ درشن سِنگھ دے گرِہ پِنڈ نیا شالہ ضِلع گُرداس پُر

حُکم حضرتے حضوُری یک شمبھا، شبے روز جنائیا۔ مُسافرے سفر ہوئے نہ لمبا، زِمیں اسمان دھیان لگائیا۔ اُمتی دھار ویکھنا تمبا، کائنات دے مالک دھیان لگائیا۔ درے دربار محمد کمبا، تھرتھراہٹ وِچ سُنائیا۔ تیرا کھیل دِسے اچنبھا، اچنچیت کی دینا ورتائیا۔ سب دا حال ہونا مندا، مندبھاگ دِسے لوکائیا۔ دروہی پِھرنی جیرج انڈا، انڈج جیرج رہے کُرلائیا۔ میرے قؤل اِقرار دی کھول دے گنڈھا، بندھن رہن کوئے نہ پائیا۔ تیرا دوارا منزل محبوُب ٹھنڈا، اگنی تت نہ لاگے رائیا۔ میرا نِشان بنا دے گُرمُکھ دوارے تارا چندا، چؤدس چند شُروُع کرائیا۔ جگت جہان نیتر دِسے اندھا، گیان اکھّ نہ کوئے کُھلائیا۔ تیری دھار وِچ رہے کوئے نہ گندہ، پتت پُنیِت دینا بنائیا۔ پِچھلا جُگ پِچھے لنگھا، اَگے مارگ اِک وکھائیا۔ دُھر کلمہ چاڑھ دے رنگا، رنگت اِکو اِک پرگٹائیا۔ تیری قدم بوسی کرے پریم دھار دی گنگا، مُحبّت وہن والے وہائیا۔ سچ سَت دا دے دے انندا، انند اپنا آپ جنائیا۔ اِکّی دنداں والا کنگھا، کلجُگ دا ماجھے والے لیَن گھڑائیا۔ جِس نال جگت وِچار ہونا رنڈا، دلیِل بَیٹھے مُکھ چُھپائیا۔ تُوں صاحِب سَتگُر بخشندا، بخشنہار تیرے ہتّھ وڈیائیا۔ سچ سِنگھاسن تے دِسے اِک پلنگا، دھار کھنڈے والی چمکائیا۔ صاحِب سَتگُر میرے سوُرے سربنگا، سچ سُلطان تیری سرنائیا۔ دھرنی دھرت دھوَل دی منگ لِیانی پیار دی ونگا، ماسا ڈیڈھ دو وڈیائیا۔ ایہہ حُکم

ماجھے سندا، گوبِند دا لیکھا اِک سؤ اِک پَیسا دئے گواہیِا۔ دو جہان جگت نِشان دِسے کرنگا، ہڈّ ناڑی ماس رو رو مارے دھائیا۔ جِنہاں گُرمُکھاں اُڈاؤنے پتنگا، اوہ اُچی کوُک کے کہن واہ واہ تیری بےپرواہیِا۔ چؤداں گُرمُکھ ڈانگا سوٹے نال کردے آون دنگا، شور زور زور دا پائیا۔ اِک گُرمُکھ بنیا ہووے پنڈا، مستک تِلک کِتاب بغل وِچ رکھائیا۔ اِک بنیا ہووے بھنڈا، بھنڈی پاوے تھاؤں تھائنیا۔ اِک روندا آوے رنڈا، بہُڑی بہُڑی میرا ناتا دیؤ جُڑائیا۔ جوتی جوت سروُپ ہرِ، آپ اپنی کِرپا کر، کرے کھیل ساچا ہرِ، نِہکلنک نرائن نر، مہاراج شیرسِنگھ وِشنوُں بھگوان، تیرے نام دا نؤبت دھار وجّدا رہے مردنگا، مرد مردان اِک تیری ہووے شنوائیا۔

۷ مگھّر شہنشاہی سمت ۶ مہِندر سِنگھ دے گھر پِنڈ مانگا سرائے ضِلع امرتسر

سَتگُر شبد کہے پربھ آد جُگادی ویکھ فرد، جُگ جُگ پڑدا آپ چُکائیا۔ دیِن دَیالے ہرِ گوپالے دیِن دُنی نال ونڈ درد، مِہربان محبوُب ہو سہائیا۔ یودھے سوُربیِر مردانے مرد، مدد تیرے کولوں منگ منگائیا۔ کلجُگ انتم پُٹھی سِدھی کر دے نرد، نر نرائن تیری سرنائیا۔ شرع دی چُھری رہن دیویں نہ کوئی کرد، دیِن مذہب قاتل روُپ نہ کوئے وکھائیا۔ در ٹھانڈے اِکو عرض، آرزو تیرے اَگے رکھائیا۔ پت پرمیشور پوُرا کرنا اپنا فرض، فَیصلہ حق حق سُنائیا۔ اِکو تیرا نام ترانہ ہووے طرز، ترازو کنڈا اِکو ہتّھ اُٹھائیا۔ نوَ ستّ میٹ اندھیرا گرد، گرد و غُبار نہ رہے لوکائیا۔ جوتی جوت سروُپ ہرِ، آپ اپنی کِرپا کر، ایکا دینا ساچا ور، در سچ آس رکھائیا۔ سَتگُر شبد کہے پربھ آسا کر دے پوُری، پوُرن برہم دِرڑائیا۔ سچ پرکاش بخش دے نوُری، نوُر نوُرانے نوُر اِلاہیِا۔ منزل مُکا دے نیڑ دوُری، دوُر دُراڈا پندھ چُکائیا۔ کلپنا میٹ دے کلجُگ کوُڑی، کِریا کُکرم دینی گوائیا۔ سَت سچ بخش چرن دھوُڑی، دھرم دے ٹِکّے خاک رمائیا۔ مُحبّت رنگن چاڑھ دے گوُڑھی، دو جہاناں اُتر نہ جائیا۔ ہؤمے گڑھ توڑ غروُری، نِون سو اکھّر اِک سمجھائیا۔ دُھر دے حُکم دے ضروری، ضرورت میری نال مِلائیا۔ آتم پرماتم دھار کر مشہوُری، مشورہ شبد جوت پکائیا۔ در درویش منگاں منگ حضوُری، حضرتاں دے حضرت اِماما دے اِمام نوُر الاہیِا۔ سچ نام دی دے مخموُری،

خُمار اِکو اِک دِرڑائیا۔ میَنوُں سچ بخش مزدوُری، حُکم شبد نام دِرڑائیا۔ جوتی جوت سروُپ ہرِ، آپ اپنی کِرپا کر، ایکا دینا سچ ور، در ساچے آس رکھائیا۔ سَتگُر شبد کہے پربھوُ کلجُگ انتم کر مِہربانی، نظرے کرم مِہر اُٹھائیا۔ تُوں آد جُگادی دُھر دا دانی، دَیاوان تیری سرنائیا۔ جھگڑا میٹ دے چارے کھانی، خالص اپنا رنگ رنگائیا بھیوَ چُکا دے پرا پسنتی مدھم بَیکھری بانی، بان انیالا تیِر چلائیا۔ تُوں آد جُگاد جان جانی، جاننہار تیری وڈیائیا۔ آتم برہم آپ پہچانی، پاربرہم ہونا آپ سہائیا۔ امرت رس بخش دے سب نوُں ٹھنڈا پانی، اگنی تت دے بُجھائیا۔ منزل دُھر دی دسّ آسانی، اصل وِچ وصل یار سمجھائیا۔ تیری دھار پِچھے گوبِند دے کے گیا قُربانی، بچّے دھرنی گود سوائیا۔ جوتی جوت سروُپ ہرِ، آپ اپنی کِرپا کر، ایکا دینا دُھر دا ور، در ٹھانڈے الکھ جگائیا۔ سَتگُر شبد کہے پربھوُ تُوں آد جُگادی نیتا، نر ہرِ نرائن اکھوائیا۔ میَں آد انت دا تیرا بیٹا، دوُسر جمّن والی کوئے نہ مائیا۔ چار جُگ دے شاستر کرایا ہیتا، گرنتھاں صِفت صالاحیِا۔ پیار رکھ کے تیرے دیسا، سچکھنڈ ساچے سوبھا پائیا۔ ناتا جوڑ کے آد انت ہمیشہ، ہمساجن لیا بنائیا۔ دھرنی دھرت دھوَل دھؤل کھیل تکّ اُپر پردیسا، پردیسی ہو کے اکھّ کُھلائیا۔ کِس بِدھ جھگڑا میٹنا پنڈت پاندھے مُلّا شیخا، شریِعت ونڈ نہ کوئے ونڈائیا۔ سب دا سانجھا کرنا لیکھا، لِکھت بھوِکھت نال مِلائیا۔ دیِن دُنی دی بدلنی ریکھا، رِشیاں مُنیِاں دا پَینڈا پندھ مُکائیا۔ نِرگُن دھار دھارکے ویسا، وِشوَ دا جھگڑا دینا مُکائیا۔ دھرم دوار دا کھول کے بھیتا، انبھو پڑدا اِک چُکائیا۔ پوُرب لہنے دا کر لےَ چیتا، چیتن ہو کے ویکھ وکھائیا۔ جوتی جوت سروُپ ہرِ، آپ اپنی کِرپا کر، ایکا دینا دُھر دا ور، دیونہار تیرے ہتّھ وڈیائیا۔ سَتگُر شبد کہے پربھ دُنی دھار بدل دے جگت، جگ جیِون داتے دَیا کمائیا۔ اوتار پَیغمبر گُروُآں آسا منسا پوُری کردے شرط، شرطیہ اپنا حُکم ورتائیا۔ جِس کارن نِرگُن دھار آئیوں پرت، پت پرمیشور دُھردرگاہیِا۔ میری منظور کر بیننتی عرض، در ٹھانڈے سیِس جھُکائیا۔ مقروُض ہو کے لاہ دے قرض، لیکھا اوَر رہے نہ رائیا۔ تیرا کُجھ نہ ہووے حرج، حرجانے سب دے پوُر کرائیا۔ آہ بھرنی پئے کِسے نہ سرد، دُکھاں وِچ نہ کوئے دُہائیا۔ میری آسا منسا اگمّی غرض، آسا تیرے اَگے ٹِکائیا۔ جن بھگت سُہیلے بنا جو تیری گاون اِکو طرز، نام نِدھانا راگ الائیا۔ جوتی جوت سروُپ ہرِ، آپ

اپنی کِرپا کر، ایکا دینا دُھر دا ور، نِہکلنک نرائن نر، مہاراج شیرسِنگھ وِشنوُں بھگوان، بیننتی آسا تمنّا خواہش پوُری کر سب دی غرض، غرض اپنی نال مِلائیا۔