کتب خانہGranth 22 (Urdu)

پہلی پھگّن شہنشاہی سمت ۶ ہرِ بھگت دوار جیٹھوُوال رات نوُں

چار جُگ دے بھگت صوُفی سنت فقیِر، مشورہ درگاہ ساچی سچکھنڈ رہے بنائیا۔ بیننتی کریئے اَگے بے نظیِر، جو نظرّیہ سب دا دئے بدلائیا۔ سارے کہن اُٹھ شرومنی بھگت کبیِر، بے پرواہ لےَ انگڑائیا۔ پروردِگار نوُں کہو شرع دی بدل دیوے لکیِر، لائن عین اپنی دئے سمجھائیا۔ جھگڑا میٹ دے شاہ حقیِر، راؤ رنک اِکو رنگ رنگائیا۔ اپنی نوَیں دسّ تدبیِر، طریقہ اِک دِرڑائیا۔ دیِن مذہب شرع دا تُٹے زنجِیر، ذرّے ذرّے تیرا نوُر نظری آئیا۔ دیِن دُنی دی بدل دینی ضمیِر، ظاہر ظہوُر اپنا پڑدا لاہیِا۔ جوتی جوت سروُپ ہرِ، آپ اپنی کِرپا کر، ایکا دینا دُھر دا ور، در تیرے منگ منگائیا۔ بھگت صوُفی سنت کہن فقیِر ساڈی اِک بیننتی، آرزو عرض وِچ جنائیا۔ تُوں بودھ اگادھا شبد انادا پنڈتی، پروردِگار نوُر اِلاہیِا۔ تُوں کوُڑی کھیل مِٹا دے پنج تت تن دی، گرِہ اِکو کر رُشنائیا۔ کلپنا میٹ دے منوُئے من دی، ممتا موہ دے چُکائیا۔ آسا پوُری کر دے گوبِند چنّ دی، جِس نوُں سوُریہ چند سیِس نِوائیا۔ آواز پوِتر کر دے جگت والے کنّ دی، کرم کانڈ دا ڈیرہ ڈھاہیِا۔ سوجھی دے دے اپنے برہم دی، پاربرہم پربھ اپنی دَیا کمائیا۔ شرع جنا دے اِکو دھرم دی، دھرم دی دھار اِک پرگٹائیا۔ لڑائی رہے نہ ذات پات ورن دی، برن دا لیکھا دینا چُکائیا۔ اوٹ دسّ دے اِکو اپنے چرن دی، چرن چرنودک دینا پیائیا۔ اکھّ کھول دے ہرن پھرن دی، نِج نیتر کر رُشنائیا۔ دُرمت میَل دھو دے جنم جنم دی، ہرِجن اپنے گھر وسائیا۔ چِنتا میٹ دے کلپنا بھرم دی، بھانڈا بھرم بھؤ بھنّائیا۔ سِکھیا دے دے اِکو نام اپنا پڑھن دی، دوُجی لوڑ رہے نہ رائیا۔ منزل دسّ دے اپنے چڑھن دی، چؤتھے پد تیری سرنائیا۔ جوتی جوت

سروُپ ہرِ، آپ اپنی کِرپا کر، ایکا دینا دُھر دا ور، در تیرے آس رکھائیا۔ بھگت فقیِر صوُفی کہن سنت، صاحِب تیرے ہتّھ وڈیائیا۔ کلجُگ کوُڑی کِریا کر دے انت، انتشکرن سب دا دے بدلائیا۔ تیرے نام دا اِکو ہووے منت، منتر اِکو دینا سمجھائیا۔ آتم پرماتم نظری آوے کنت، کنت کنتُوہل تیری سرنائیا۔ ہؤمے گڑھ توڑ دے ہنگت، ہنگ برہم اِک دِرڑائیا۔ جھگڑا رہے نہ جیرج انڈج، اُتبُھج سیتج پڑدا دینا چُکائیا۔ جوتی جوت سروُپ ہرِ، آپ اپنی کِرپا کر، ایکا دینا دُھر دا ور، ہرِ وڈّے تیری وڈ وڈیائیا۔ سنت بھگت صوُفی کہن ساڈی عرضوئی، تمنّا تیرے اَگے رکھائیا۔ تیرے نام دی اِک دروہی، دروہی تیرا نام دُہائیا۔ تیری کِرپا بِنا تَینوُں مِل نہ سکے کوئی، کوٹن کوٹ بَیٹھے دھیان لگائیا۔ سچکھنڈ نِواسی پُرکھ ابناشی صدی چؤدھویں ملِے کوئی نہ ڈھوئی، دوُر دُراڈے سارے روون مارن دھائیا۔ تُوں پاربرہم پت پرمیشور کلجُگ انتم آتم سب دی موہی، موہ مُحبّت اپنے نال رکھائیا۔ جیِواں جنتاں سُرتی اُٹھا سوئی، سوئی سُرت شبد ہلوُنے نال جگائیا۔ جوتی جوت سروُپ ہرِ، آپ اپنی کِرپا کر، ایکا دینا دُھر دا ور، در تیرے الکھ جگائیا۔ بھگت سنت صوُفی کہن تیری چرن دھوُڑی لائیے خاک، مستک اِک رمائیا۔ کلجُگ میٹ اندھیری رات، رُتڑی اپنے نال مہکائیا۔ اوتار پَیغمبر گُروُآں پوُرا کر بھوِکھت واک، پیشیِن گوئیاں تیری جھولی پائیا۔ نِرگُن نوُر جوت تیرا ہووے پرکاش، کل کلکی تیری بےپرواہیِا۔ نِہکلنک تیرا ہووے اِک وِشواس، وِشیاں توں باہر اپنا حُکم ورتائیا۔ دُھر دے اِمام دینا ساتھ، سگلا سنگ بنائیا۔ چار جُگ توں وکھّری دسّنی گاتھ، گہر گمبھیِر کرنی اگمّ پڑھائیا۔ سَت دھرم چلاؤنا راتھ، رتھ رتھواہی اپنی دَیا کمائیا۔ سَت دھرم دا مارگ لاؤنا ساچ، سچ دی کرنی کار کمائیا۔ بھیوَ کُھلاؤنا کایا ماٹی کاچ، کنچن گڑھ وجےّ ودھائیا۔ لوُں لوُں اندر جانا راچ، ساڈھے تِنّ کروڑ تیری رُشنائیا۔ تُوں پوُرن پوُرن کرنی آس، نِراسا رہن کوئے نہ پائیا۔ ہؤں بالک تیرے داس، سیوک سیوا وِچ سمائیا۔ کھیل وکھا دے پرِتھمی آکاش، گگن گگننتر اپنا نوُر کر رُشنائیا۔ وِشن برہما شِو دوویں جوڑ کے ہاتھ، بِن ہتّھاں ہتّھ اُٹھائیا۔ تُوں پُرکھ اکالا دیِن دَیالا سرب کلا سمراتھ، شاہ پاتشاہ شہنشاہ تیرے ہتّھ وڈیائیا۔ جوتی جوت سروُپ ہرِ، آپ اپنی کِرپا کر، ایکا دینا ساچا ور، سچ دا حُکم اِک ورتائیا۔ بھگت سنت صوُفی فقیِر تکن تیری اگمّی اکھّ، آخر اپنی دَیا کمائیا۔ نِرگُن نوُر جوت نظر آ پرتکھ، پاربرہم پربھ اپنا پڑدا لاہیِا۔ تیرا سُنیئے جَیکارا نام الکھّ، الکھ اگوچر دینا دِرڑائیا۔

کلجُگ کوُڑی کِریا میٹ دے تت، تتو آتم برہم دینا سمجھائیا۔ ناڑ بہتّر نہ اُبلے رتّ، رتی رتّ اپنے رنگ رنگائیا۔ پت پرمیشور ہو کے رکھنی پت، سِر اپنا ہتّھ ٹِکائیا۔ ساڈے سب دے خالی ہتّھ، وستُو ہتّھ نہ کوئے اُٹھائیا۔ تیرے چرن کوَل رہے ڈھٹّھ، ڈنڈاوت بندنا نمستے سجدیاں وِچ سیِس جھُکائیا۔ سچکھنڈ دوارے تیری دھار وِچوں دھرم دی دھار کیِتا اِکٹّھ، تن وجوُد نہ کوئے جنائیا۔ تیرا جلوہ تکیئے نوُر نوُرانے لٹ لٹ، چار کُنٹ اندھیرا نظر کوئے نہ آئیا۔ پُرکھ اکالے دیِن دَیالے سچ دھرم دا کھول دے ہٹّ، وست اِکو نام دینی ورتائیا۔ دیِن مذہب ذات پات دُئی دوَیت دا میٹ دے پھٹّ، پٹّی نام والی بندھائیا۔ اِکو نام کلمہ سارے لیَن رٹ، رٹّا جگت نہ کوئے وکھائیا۔ جن بھگتاں درس دینا جوت سروُپی نَٹھ نَٹھ، جوتی دھار بھجّنا واہو داہیِا۔ جِدھر تکیئے اُدھر تیرا روُپ ہووے پرتکھ، پاربرہم اگمّ اتھاہیِا۔ بیِج بیِج دے اپنے وت، تن وجوُد اپنا کھیل کھِلائیا۔ جوتی جوت سروُپ ہرِ، آپ اپنی کِرپا کر، ایکا دینا ساچا ور، دیونہار دَیا کمائیا۔ کبیِر کہے سُنو میری صلاح، سرب سہج نال سُنائیا۔ سارے منّو اِک ملاح، بیڑا اِکو ہتّھ پھڑائیا۔ دیِن مذہب دا لؤ کوئی نہ ناں، ناؤں نِرنکارا اِک جنائیا۔ پہلوں سارے جھگڑا میٹو سوُر گاں، ڈھوراں پشوُآں کھلّ نہ کوئے لُہائیا۔ ویکھو پھیر دھرتی دھرنی دھوَل دھؤل جگت دی ماں، جمّن والی جگت دی مائیا۔ پھیر اپنے اپنے چھڈو گراں، گہر گمبھیِر دھیان رکھائیا۔ پھیر سارے کہو پربھوُ واہ واہ، واہ واہ تیری بےپرواہیِا۔ تُوں مالک خالق پرِتپالک واحد اِک خُدا، گاڈ االلہ تیری بےپرواہیِا۔ رام کرِشن تیرا نوُر الاہ، ستنام سَت سَت وِچ سمائیا۔ پھیر سارے کھڑی کر دیؤ بانہہ، بھگت سنت فقیِر بچیا رہن کوئے نہ پائیا۔ اُچی کوُک کے کہو پربھوُ تیرا اِکو جپاں گے ناں، دوُجا اِشٹ نہ کوئے منائیا۔ اِکو تیرا پوِتر ہووے تھاں، تھننتر اِکو سوبھا پائیا۔ جوتی جوت سروُپ ہرِ، آپ اپنی کِرپا کر، دیونہارا دُھر دا ور، جُگ جُگ اپنا رنگ رنگائیا۔ کبیِر کہے سُنو بھگت صوُفی سنت، سَت سَت دیاں جنائیا۔ اِکو سب دا ہووے بھگوَنت، بھگوَن اِکو نظری آئیا۔ مُلّا شیخ بنِیو کوئے نہ پنڈت، وکھّری ونڈ نہ کوئے ونڈائیا۔ سارے پروردِگار سانجھے یار پُرکھ اکال اَگے کرو مِنّت، نِیوں نِیوں سیِس جھُکائیا۔ پربھوُ شرع دا جھگڑا میٹ دے اُتّر پوُرب پچھّم دکھّن جگت والی سِمت، شرع دی رہے نہ کوئے لڑائیا۔ جن بھگتاں بخش اپنی ہِمّت، حؤصلے نام والے ودھائیا۔ ہؤمے کڈھ دے وِچوں چِنت، روگ سوگ دینا گوائیا۔ آتم پرماتم پرماتم آتم ساچی دسّ مِلّت، پاربرہم پربھ میلا میلنا سہج

سُبھائیا۔ چار کُنٹ دِسے کوئے نہ نِندک، پُرکھ ابناشی ڈھولے سارے گائیا۔ جوتی جوت سروُپ ہرِ، آپ اپنی کِرپا کر، ایکا دینا ساچا ور، دیونہارا تُدھ بِن دوُجا نظر کوئے نہ آئیا۔ کبیِر کہے سارے ویکھو کلجُگ گھور، گھوری ہو کے دھیان لگائیا۔ سب دے اندر وڑیا کلجُگ چور، لُٹیرا، بنیا تھاؤں تھائنیا۔ جِس نے سَت دھرم دی کٹی ڈور، انتر نِرنتر گنڈھ نہ کوئے پوائیا۔ کوُڑ کُڑیارا ہو کے پایا شور، شؤہر دا میل نہ کوئے مِلائیا۔ بُدھی کیِتی اوَر کی اؤر، عؤرت مرد دِتے لڑائیا۔ آپ پِھردا چڑھ کے گھوڑ، چاروں کُنٹ بھجےّ واہو داہیِا۔ اَگے ہو کے کوئی نہ سکے موڑ، سارے بَیٹھے مُکھ چُھپائیا۔ ایس ویلے پربھوُ دی سب نوُں لوڑ، لوڑیِندا ساجن ہوئے سہائیا۔ سارے بِنا ہتّھاں توں ہتّھ لؤ جوڑ، کبیِر قبراں توں باہر رہیا دِرڑائیا۔ جوتی جوت سروُپ ہرِ، آپ اپنی کِرپا کر، ایکا دینا دُھر دا ور، در ٹھانڈے منگ منگائیا۔ کبیِر کہے ویکھو اِکو نوُر نوُرانہ، نر نرائن دھیان لگائیا۔ جِس دا شبد دُھر فرمانا، پَیغام کلمہ اگمّ اتھاہیِا۔ جِس دا سارے حُکم کرن پروانا، اوتار پَیغمبر گُر سِر سکے نہ کوئے اُٹھائیا۔ وِشن برہما شِو سِر جھُکاؤنا، نِیوں نِیوں لاگن پائنیا۔ سو پُرکھ اکالا دیِن دَیالا کھیل کرے مہانا، مہما اکتھ کتھی نہ جائیا۔ جِس نے دیِن دُنی دا بدل دینا زمانہ، زِمیں اسماناں کھوج کھوجائیا۔ لیکھا پوُرا کرے سیِتا راما، رادھا کرِشنا اپنے وِچ سمائیا۔ پَیغمبراں لیکھا مُکائے وِچ جہاناں، پَیغام اپنا اِک دِرڑائیا۔ گُروُآں دے کے شبد گُن نِدھانا، گُنونتا اپنی کار کمائیا۔ جوتی دھار پہر کے جامہ، شبد شبدی ڈنک وجائیا۔ چار کُنٹ دہ دِشا ہو پردھانا، پاربرہم پربھ اپنا حُکم ورتائیا۔ جِس نے سمبل اِک سُہانا، ساڈھے تِنّ ہتّھ وجےّ ودھائیا۔ دھرم دی دھار آئے وِچ میَدانا، مدد سنگ نہ کوئے وکھائیا۔ لکھّ چؤراسی بن کے انترجاما، چارے کھانی کھوجے تھاؤں تھائنیا۔ کلجُگ کوُڑی کلپنا شرع توڑے غُلاما، غُربت اندروں دیوے کڈھائیا۔ ایکا دھرم وجا دمامہ، دامنگیِر ہوئے سہائیا۔ بھیوَ کُھلائے آپ اِماما، آپ اپنا پڑدا لاہیِا۔ کلجُگ کوُڑی رَین میٹ کے شاما، شمع نوُر جوت کرے رُشنائیا۔ انتر آتم بخش گیانا، اگیان اندھیر دئے مِٹائیا۔ جِس دا دو جہان جھُلنا نِشانہ، ایتھے اوتھے سوبھا پائیا۔ جوتی جوت سروُپ ہرِ، آپ اپنی کِرپا کر، دیونہارا دُھر دا ور، دیونہار اِک اکھوائیا۔ بھگت سنت صوُفی فقیِر کہن کبیِرا ساڈی انت اِکو خواہش، خالص دئیے دِرڑائیا۔ ساڈا اِک دے اُتے وِشواس، وِشیاں والا گُروُ منّن کوئے نہ پائیا۔ جِس سَتگُر شبد دی برہمنڈ کھنڈ اگمّی راس، بِن گوپی کاہن اپنا ناچ نچائیا۔ جِس دی چار جُگ کوئی ورنن نہ کر سکیا ذات پات،

مذہب سکیا نہ کوئے سمجھائیا۔ جِس دی صِفتاں والی ہتّھ آئی نہ کوئے لُغات، اکھّراں وِچ نہ کوئے وڈیائیا۔ بھیوَ پا نہ سکے چار جُگ دے شاستر اتے کِتاب، قلم شاہی نہ کوئے چتُرائیا۔ اُس دی آد توں انت تکّ اِکو اِک شبد اگمّی بات، جو باطن پڑدے سب دے دئے کُھلائیا۔ سارے بھگت اِکٹّھے ہو کے دئیے اِک آواز، ہوکا حق سُنائیا۔ تیرا نام کلمہ تیری جگت نماز، روزہ تیری رضا وِچ وڈیائیا۔ تُوں مِہربان محبوُب انتر کھول دے اپنا راز، پڑدا رہے نہ رائیا۔ سب دا سانجھا کر سماج، سمگری نام والی ورتائیا۔ تیرے نام دے سارے ہون مُحتاج، لوڑوند کر لوکائیا۔ تیرے شبد دی دھار سُرتی جاوے جاگ، سویا رہن کوئے نہ پائیا۔ سارے کہندے گئے اوتار پَیغمبر گُروُآں پِچھوں تُوں آؤنا بعد، واحد اپنا روُپ درسائیا۔ اسیں چاہُندے اِکو تیرے حُکم نال دو جہان ہو جائے اِنقلاب، لیکھا لِکھن دی لوڑ رہے نہ رائیا۔ پاربرہم پت پرمیشور پروردِگار سانجھا یار، اوہ لیکھا پوُرا کر دے جو نانک نِرگُن سرگُن دے کے آیا وِچ بغداد، بغلیِاں کندھے اُتے لٹکائیا۔ جِس دا کِسے کول نہیں جواب، سوال کرن والا سوالی نظر کوئے نہ آئیا۔ بھگت سنت صوُفی فقیِر سنگ کبیِر درگاہ ساچی سچکھنڈ مُقامے حق حق دے مالک تَینوُں سارے کرن آداب، ادب نال بِنا سیِس توں جھُک جھُک سیِس نِوائیا۔ جوتی جوت سروُپ ہرِ، آپ اپنی کِرپا کر، ایکا دینا ساچا ور، نِہکلنک نرائن نر، مہاراج شیرسِنگھ وِشنوُں بھگوان، آد انت دے مالک اِکو سیِس جگدیِش ہووے تاج، تخت نِواسی پُرکھ ابناشی تیرا حُکم ورتائیا۔

۱۴ پھگّن شہنشاہی سمت ۶ بسنت کؤر دے سریِر چھڈن تے پِنڈ ملوُوال ضِلع امرتسر

بسنت کؤر تیری مؤلی رُت پریوار بنس، لوک مات مہک مہک مہکائیا۔ پربھ دی دھار وِچ تیرا انت، انتشکرن سَتگُر وِچ سمائیا۔ ناتا تُٹا جیِو جنت، جگت لیکھا پوُر کرائیا۔ گرِہ سوامی پایا دُھر دا کنت، پت پرمیشور نوُر اِلاہیِا۔ جِتھے چار جُگ دے بَیٹھے بھگت سنت، سچکھنڈ ساچے آسن لائیا۔ جوتی جوت سروُپ ہرِ، آپ اپنی کِرپا کر، دیونہارا ساچا ور، سد اپنا رنگ رنگائیا۔ بسنت کؤر تیری مؤلی رُت، رُتڑی سچ سچ مہکائیا۔ پیار مِلیا دھیِاں پُت، دوہت پوت سوبھا پائیا۔ انتم لیکھا نال ابناشی

اچُت، پاربرہم پربھ اپنے گھر وسائیا۔ بھگت بھگوان دوویں اِکے دوار بہن اُٹھ، دوُجی ونڈ نہ کوئے ونڈائیا۔ آتما جگت جہان وِچوں گئی چُھٹ، پرماتم مِل کے وجےّ ودھائیا۔ دیِن دَیال اپنی گودی چُک، سچکھنڈ دوارے دئے ٹِکائیا۔ جِتھے اُجل ہووے مُکھ، دُرمت میَل رہے نہ رائیا۔ ایتھے اوتھے سچّا سُکھ، سُکھ آسن اِک سُہائیا۔ مات گربھ پھیر اُلٹا ہونا پئے نہ رُکھ، چؤراسی پھاسی دئے کٹائیا۔ جوتی جوت سروُپ ہرِ، آپ اپنی کِرپا کر، کرے کھیل ساچا ہرِ، سد اپنے گھر وسائیا۔ بسنت کؤر تیرا پِچھلا لہنا سنگ، سگلا سنگ وکھائیا۔ جگت جہان منزل گئی لنگھ، اَگے ہو نہ کوئے اٹکائیا۔ شبد سِنگھاسن تیرا پلنگ، مہاراج شیرسِنگھ آپ وِچھائیا۔ جِس دا انتم ویلا تُوں ویکھیا سی نال انند، پُری گھنک سوبھا پائیا۔ اوہ تیرے انت وِچ انت دا آپ مُکا پندھ، مُسافر سفر نہ کوئے کرائیا۔ جم کی پھاسی کٹ کے بند، بندگی اپنے لیکھے لائیا۔ سدا لا کے رکھے انگ، انگیکار اِک ہو جائیا۔ جِتھے دھرم دھار دا چند، گُرمُکھ سِنگھ پال بَیٹھا سوبھا پائیا۔ جِس نوُں جھُکدے کھنڈ برہمنڈ، پُری لوء دھیان لگائیا۔ جوتی جوت سروُپ ہرِ، آپ اپنی کِرپا کر، کرے کھیل ساچا ہرِ، سچ دا گرِہ اِک وسائیا۔ بسنت کؤر ناڑ بہتّر نہ اُبلے رتّ، رتی رتّ آپ مہکائیا۔ لیکھا پوُرا ہویا پتنی پت، پت پرمیشور ویکھ وکھائیا۔ سنسار دھیِرج رہیا جت، سنتوکھ وِچ وڈ وڈیائیا۔ انت ویکھ خالی ہتّھ، جگت ساک سجّن سنگ نہ کوئے نِبھائیا۔ بنس سربنس سارے جان چھڈ، پلّوُ گنڈھ نہ کوئے بندھائیا۔ بِن سَتگُر پوُرے کوئی نہ رکھے پت، اوڈھن سیِس نہ کوئے ٹِکائیا۔ تیرا لیکھے لایا تُوں میرا میَں تیرا گایا جس، صِفتاں والی صِفت تیرے نال رکھائیا۔ تیری سیوا سدا انتھک، دِوس رَین رنگ رنگائیا۔ تیرا ناتا جُڑ گیا پکّ، اَگے ہو نہ کوئے اٹکائیا۔ ہُن سچکھنڈ ساچے جانا وس، جِتھے ملِے میل اِکو بےپرواہیِا۔ شبد دی دھار ملِے رس، امرت امیوں رس چکھائیا۔ بنس پریوار نوُں سچ سندیسے وِچ دسّ، کہہ کے دے دِرڑائیا۔ سَتگُر دے اَگے نہیں کوئی کِسے دا وس، حُکمے اندر جھلنا چائیں چائنیا۔ جوتی جوت سروُپ ہرِ، آپ اپنی کِرپا کر، دیونہارا ساچا ور، سد اپنے گرِہ ٹِکائیا۔ بسنت کؤر کہے سُنو میرے پریوار، پرا پسنتی مدھم بَیکھری توں باہر دیاں دِرڑائیا۔ میرا شاہ پاتشاہ شہنشاہ سچّی سرکار، پرم پُرکھ پاربرہم پت پرمیشور بےپرواہیِا۔ جِس کِرپا کیِتی وِچ سنسار، سنساری بھنڈاری سنگھاری وِشن برہما شِو دا لیکھ مُکائیا۔ دُھر دی دات دِتی داتار، دَیاوان دَیا کمائیا۔ آتما سِنگھ دا چھڈ گھر بار، سچکھنڈ بَیٹھی سوبھا پائیا۔

جِتھے گُردَیال سِنگھ رہیا للکار، سوَرن بھجےّ چائیں چائنیا۔ بُدھ سِنگھ پریم وہاوے دھار، بِن نیَناں نیِر وہائیا۔ میَں کھیل تکیا اپر اپار، اپرمپر سوامی دِتا دِرڑائیا۔ میَں سُناواں اُچی کوُک پُکار، کوُک کوُک جنائیا۔ جوتی جوت سروُپ ہرِ، آپ اپنی کِرپا کر، کرے کھیل ساچا ہرِ، سچ دوار دئے وڈیائیا۔ بسنت کؤر کہے میرا گھر بار سُہنجنا، سوہنا نظری آئیا۔ جِتھے وسے آد نِرنجنا، پُرکھ اکال شہنشاہیِا۔ داتا دانی درد دُکھ بھےَ بھنجنا، بھوَساگر پار کرائیا۔ موُرت گوپال مدنا، مدُھ سوُدن نوُر اِلاہیِا۔ جِس گرِہ وِچ میرا آتم دیِوا جگنا، جاگرت جوت جوت رُشنائیا۔ اوہ دوارا جن بھگتو کِسے وِرلے گُرمُکھ لنگھنا، بِنا پُرکھ اکال دے پار نہ کوئے کرائیا۔ میرے پِچھوں کوئی نیتر نیِر وہائے نہ انجھنا، آنسوُاں ہار نہ کوئے بنائیا۔ میَنوُں سچ دی چڑھ گئی رنگنا، سچ سچ وِچ سمائیا۔ میری انت اَخیِر دی اِکو وار کیِتی بندنا، جِس وِچ بندی خانہ گئی تُڑائیا۔ جوتی جوت سروُپ ہرِ، آپ اپنی کِرپا کر، کرے کھیل ساچا ہرِ، سچ در دیوے وڈیائیا۔ بسنت کؤر کہے میرا نہیں کوئی پوَن سواس، ساہ ساہ نہ کوئے وڈیائیا۔ میَں ویکھی اُس پربھوُ دی راس، جو بِن گوپی کاہن کھیل کھِلائیا۔ میری انتم پوُری ہوئی آس، بھگت دوارے جا کے درشن پائیا۔ میرا شُروُع دا وِشواس، واسنا سَتگُر چرن رکھائیا۔ سو لےَ کے گیا اُپر آکاش، پاتالاں وِچ نہ کوئے بھوائیا۔ جِتھے اِکو نِرمل نوُر جوت پرکاش، پرکاش اگمّ اتھاہیِا۔ میرا سچ گھر سچ گرِہ سچ مندر سچ دوار سچ بنک ہویا واس، واسطہ اِکو نال رکھائیا۔ بنس پریوار نوُں شبدی دھار دیواں آکھ، آخر دیاں دِرڑائیا۔ ویکھیو کوئی پیار نہ کرِیو میری لاش، کایا پنج تت ماٹی خاک کمّ کِسے نہ آئیا۔ میرے سَتگُر دے دربار پہلی چیت نوُں اِک میرے پیار دا چڑھاؤنا گِلاس، جِس اُتے میرا نام لِکھ کے دینا لگائیا۔ پھیر دسّاں جو سمت ستّ گھر گھر دا چلنا رِواج، پگڑی گُرمُکھاں سیِس ٹِکائیا۔ جِس کارن پُرکھ اکال دیِن دَیال میَنوُں سچکھنڈ ماری آواز، در گھر ساچے لیا بُلائیا۔ میرا لہنا دینا دیِن دُنی باہر جگت سماج، نیِتی اِکو بےپرواہیِا۔ جگت جہان دے دُکھ سُکھ دے چلدے رہندے کاج، وِوہاری وِوہار وِچ اپنا حُکم ورتائیا۔ میرا سریِر سب نوُں دے گیا جواب، ناتے کوُڑے گیا تُڑائیا۔ میری ارداس بیننتی منظور ہوئی گھر اُس سَتگُروُ مہاراج، جو مہابلی اِک اکھوائیا۔ جوتی جوت سروُپ ہرِ، آپ اپنی کِرپا کر، کرے کھیل ساچا ہرِ، سچ دا حُکم اِک ورتائیا۔ بسنت کؤر کہے جِس ویلے ہووے میرا سسکار، سِسکی بھرن کوئے نہ پائیا۔ آتما سِنگھ فؤجا سِنگھ پیارا سِنگھ دربارا سِنگھ لنبوُ لاون کُنٹ چار، چاروں

کُنٹ آنچ لگائیا۔ پریِتم سِنگھ بولے اِکّی جَیکار، ہتّھ چھاتی اُتے ٹِکائیا۔ جِس چھاتی اُتے کھاندا رہیا سی مار، چھّبی سال دین گواہیِا۔ میرے اندر اِک ویراں آئی سی وِچار، پاتشاہ دَیا دئے کمائیا۔ پریِتم سِنگھ دا دُکھ میَں اندر نہ سکی سہار، اندرے اندر دِتی دُہائیا۔ پھیر سَتگُر کِہا ایہہ مار تیرے انت دا بنے پیار، پریِتی تیرے نال نِبھائیا۔ کیوں تُوں چھوٹے ہُندے نوُں دِتا پال، پالنا کیِتی چائیں چائنیا۔ اُس ویلے دی سَتگُر سَتگُر کرے سنبھال، سمبل بَیٹھا دَیا کمائیا۔ تیرے نیڑے نہ آئے کال مہاکال، رائے دھرم چِترگُپت لیکھ نہ کوئے وکھائیا۔ سچکھنڈ دوار ایکنکار بٹھا دِتی سچّی دھرمسال، دھرم دوارا اِکو نظری آئیا۔ چؤراسی وِچوں جم کی پھاسی وِچوں جگت دی اُداسی وِچوں کر کے بحال، سانتک سَت سَت وِچ سمائیا۔ جوتی جوت سروُپ ہرِ، آپ اپنی کِرپا کر، کرے کھیل ساچا ہرِ، نِہکلنک نرائن نر، مہاراج شیرسِنگھ وِشنوُں بھگوان، پھل لگایا تیرے کایا جگت والے ڈال، بنس سربنس مات لوک سوبھا پائیا۔

۱۵ پھگّن شہنشاہی سمت ۶ بخشیِش سِنگھ دے گرِہ پِنڈ قادراباد ضِلع امرتسر

پُرکھ اکال کہے سنت بھگت صوُفی فقیِر لِکھو اپنے رُقعے، بِنا اکھّراں نِراکھّر دھار جنائیا۔ قؤل اِقرار وعدہ کرو ساڈے پِچھلے پَینڈے مکُے، پوُرب نظر کوئے نہ آئیا۔ دیِن مذہب دا بھار کوئے نہ چُکے، ذات پات سنگ نہ کوئے رکھائیا۔ نام کلمے ونڈ وِچ کوئے نہ دُکھے، ہؤمے روگ نہ کوئے ستائیا۔ منزل وِچ بنے کوئی نہ اُچے، وڈّا وڈ نہ کوئے وڈیائیا۔ شرع دے رِہو موُل نہ بُھکھے، ترِسنا جگت والی گوائیا۔ دھرم نِشانیوں کوئے نہ اُکے، اُگن آتھن دھیان لگائیا۔ جوتی جوت سروُپ ہرِ، آپ اپنی کِرپا کر، دیونہارا ساچا ور، سچ دا حُکم اِک سُنائیا۔ صوُفی سنت فقیِر بھگت لِکھ کے دیؤ اپنی پاتی، پترکا ہووے اگمّ اتھاہیِا۔ سَت دھرم دے سارے بنو ساتھی، سگلا سنگ بنائیا۔ اِکو نام دے بننا پاٹھی، پوُجا مذہب دینی تجائیا۔ اِکو نوُر دی بننا ذاتی، دوُسر ونڈ نہ کوئے ونڈائیا۔ جھگڑا چھڈنا کاغذاتی، ہؤمے ہنگتا دینی مِٹائیا۔ سب نے اپنے آپ دی کرنی آزادی، بندھن شرع نہ کوئے رکھائیا۔ اِکو سَتگُر شبد منّنا

انادی، نام دُھن اِک شنوائیا۔ سندیسہ سُننا بودھ اگادھی، بُدھی توں پرے نام پڑھائیا۔ سچکھنڈ دوارے سب نے ہونا راضی، رازق رِزق رحیِم دَیا کمائیا۔ اَگے واسطے لیکھا رکھیو پنڈت مُلّا شیخ کوئے نہ قاضی، اکھّراں ونڈ نہ کوئے ونڈائیا۔ اِکو اِک سُننا سندیسہ اگمّ آوازی، تُریا توں پرے تُرت آپ سمجھائیا۔ جوتی جوت سروُپ ہرِ، آپ اپنی کِرپا کر، دیونہارا ساچا ور، سچ دا حُکم اِک ورتائیا۔ صوُفی سنت فقیِر بِنا قلم شاہی توں لِکھو چِٹھی، حرف حروُف نہ کوئے لِکھائیا۔ جھگڑا چھڈنا پتّھر اِٹی، پاہن رنگ نہ کوئے رنگائیا۔ وڈیائی دِسے نہ پنج تت خاک مِٹّی، کایا بُت نہ کوئے چتُرائیا۔ سارے مِل کے سرگُن نِرگُن دوُآ ایکا بناؤ اِکّی، انتم ایکنکار وِچ سمائیا۔ مانَو ذاتی ہوئے دھرم دی سِکھی، سِکھ سَت روُپ درسائیا۔ سُرتی سب دی ہووے ٹِکی، اِشٹ پُرکھ اکال جنائیا۔ سارے لِکھو منظور ہاہے اُتے ٹِپی، ہنگ برہم چتُرائیا۔ سو دھار لِکھو انڈِٹھی، جِس دی سمجھ کوئے نہ پائیا۔ پندراں پھگّن یاد رکھنی مِتی، مِتر پیارا رہیا درسائیا۔ جوتی جوت سروُپ ہرِ، آپ اپنی کِرپا کر، دیونہارا ساچا ور، ہرِ وڈّا وڈ وڈیائیا۔ پُرکھ اکال کہے سنت صوُفی فقیِر لِکھو اپنی آشا، آشا اپنے نال مِلائیا۔ زِمیں اسمان تکو پرِتھمی آکاشا، گگن گگننتراں کھوج کھوجائیا۔ پھیر کرو اِک بھرواسا، بھانڈا بھرم بھؤ بھنّائیا۔ دیِناں مذہباں والے سارا چھڈو عِلاقہ، ذاتاں پاتاں سنگ نہ کوئے وکھائیا۔ پیار مُحبّت وِچ کرو اِتفاقا، میل میلنا سہج سُبھائیا۔ لِکھو سب دا اِکو پُرکھ اکال پِتا ماتا، دوُجی جمّن والی کوئے نہ مائیا۔ جو ایتھے اوتھے دو جہاناں راکھا، رکھیا کرے تھاؤں تھائنیا۔ اوہ پرگٹ ہووے پُرکھ سمراتھا، سمرتھ بےپرواہیِا۔ جِس دا صِفتاں وِچ اوتار پَیغمبر گُروُآں گایا بھوِکھت واکا، واقع ویکھے چائیں چائنیا۔ مان رہن دیوے نہ کِسے اوتار پَیغمبر گُر جگت دے چاچا، چاروں کُنٹ ویکھ وکھائیا۔ جن بھگتاں بن کے داسی داسا، سیوک سیوا سچ آپ کمائیا۔ جوتی جوت سروُپ ہرِ، آپ اپنی کِرپا کر، کرے کھیل ساچا ہرِ، نِہکلنک نرائن نر، مہاراج شیرسِنگھ وِشنوُں بھگوان، سب دا لیکھےلاوے صوُفی سنت فقیِر بھگت ارداسا، بیننتی بےانت اپنے وِچ سمائیا۔

۱۶ پھگّن شہنشاہی سمت ۶ سوَرن سِنگھ دے گرِہ پِنڈ قادراباد ضِلع امرتسر

بھگت سنت صوُفی فقیِر دیؤ بیانا، بِن اکھّراں لیکھ لِکھنا دُھردرگاہیِا۔ سب دا اِشٹ ہووے اِک وِشنوُں بھگوانا، دوُآ دوُجا دوُسر نظر کوئے نہ آئیا۔ آد پُرکھ اپرمپر سوامی ہووے اِکو کاہنا، کاہن کرِشن اِکو اگمّ اتھاہیِا۔ دُھر دا رام رام ہووے مہانا، مہما اکتھ کتھی نہ جائیا۔ جِس دا روُپ انوُپ ہوئے بے پہچانا، جگ نیتر نظر کِسے نہ آئیا۔ اُسدا اِکو سوہلا گانا، جو گہر گمبھیِر بے نظیِر شبد شنوائیا۔ کھیل کرے ایتھے اوتھے دو جہاناں، والی دو جہان وڈ وڈیائیا۔ سَت ستوادی جِس دا ہووے ترانہ، نام کلمے صِفت صالاحیِا۔ جوتی جوت سروُپ ہرِ، آپ اپنی کِرپا کر، دیونہارا ساچا ور، سچ سندیسہ اِک سُنائیا۔ صوُفی سنت فقیِر بھگت لیکھا لِکھو دھرم عبارت، لہنا بِن قلم شاہیِا۔ مذہب دی رہے نہ کوئے شرارت، شرع دا جھگڑا دینا چُکائیا۔ نوُر نوُرانہ شاہ سُلطانا اگمّی چند ویکھنا وِچ بھارت، سپتس رِکھ بھاردواج دئے گواہیِا۔ برہمنڈاں کھنڈاں دروہی پھیرے اُٹھ اُٹھ نارد، نِرگُن دھار لئے انگڑائیا۔ سب دا مالک ہووے اِکو وارث، وصل اِکو دئے وکھائیا۔ اوتار پَیغمبر گُروُآں رہے نہ کوئے سفارش، صفحہ سب دی دئے چُکائیا۔ سچ نام دی لئے کوئے نہ آڑھت، جگت دھڑت نہ کوئے دھڑوائیا۔ اِکو حُکم سندیسہ سِری بھگوان ہووے معرفت، محبوُب اِکو رنگ رنگائیا۔ اکھّراں والا رہے کوئے نہ عارف، اُلفت جگت نہ کوئے وڈیائیا۔ سندیسیاں والا لِکھنا پئے کوئے نہ کارڈ، حرف حروُف نہ صِفت صالاحیِا۔ جوتی جوت سروُپ ہرِ، آپ اپنی کِرپا کر، کرے کھیل ساچا ہرِ، نِہکلنک نرائن نر، مہاراج شیرسِنگھ وِشنوُں بھگوان، سَتگُر شبد شبد سَتگُر دو جہاناں بنے لارڈ، لاء اِکو اِک رکھائیا۔

۱۶ پھگّن شہنشاہی سمت ۶ سمپوُرن کؤر دے گرِہ پِنڈ قادراباد ضِلع امرتسر

سنت بھگت صوُفی فقیِر دیؤ اپنا اِقبال، قِبلِ از حُکم بےپرواہیِا۔ پُرکھ اکال سب دی سانجھی کر دھرمسال، دوارا اِکو اِک وڈیائیا۔ جِتھے وست ملِے نام تیرا دھن مال، خزانہ اگمّ اتھاہ ورتائیا۔ دیِن مذہب دا رہے نہ کوئے سوال، جوابی منگ نہ کوئے منگائیا۔ زمانہ بدل دے حال، حالت ویکھ جگت لوکائیا۔ جوتی جوت سروُپ ہرِ، آپ اپنی کِرپا کر، ایکا دینا ساچا ور، مِہر نظر اِک

اُٹھائیا۔ سنت بھگت صوُفی لِکھو اپنی اگمّ تمنّا، آشا دیؤ دِرڑائیا۔ سارے کہو پربھوُ پوُرا کر دے گوبِند والا کنّا، جِس نوُں کائنات سمجھ سکیا کوئے نہ رائیا۔ دیِن مذہب دا میٹ دے بنّہ، بناوٹ کوُڑ نہ کوئے رکھائیا۔ اِکو رنگ رنگا دے کایا ماٹی تنا، تن وجوُد وجےّ ودھائیا۔ تیرا تیرے ہتّھ سماں، سچ سوامی تیری اوٹ تکائیا۔ اَگے وقت رہے نہ لما، ڈنڈاوت وِچ بَیٹھے سیِس نِوائیا۔ جھگڑا پَینا کایا ماٹی چمّا، چمّ درِشٹی دینی بدلائیا۔ جوتی جوت سروُپ ہرِ، آپ اپنی کِرپا کر، ایکا دینا ساچا ور، نِہکلنک نرائن نر، مہاراج شیرسِنگھ وِشنوُں بھگوان، ذات پات دی سب دے اندروں کڈھ دے طمع، لالچ جگت جہان رہے نہ رائیا۔

۱۶ پھگّن شہنشاہی سمت ۶ کرنَیل سِنگھ دے گرِہ پِنڈ قادراباد ضِلع امرتسر

صوُفی سنت فقیِر بھگت اپنی آخر دیؤ صلاح، مشورہ مُشترکہ اِک بنائیا۔ جِس دا اِکو میرا شبد گُروُ ہووے گواہ، دوُجی شہادت نہ کوئے بُھگتائیا۔ اِکو منّنا سب نے دھرم ملاح، بیڑا اِکو ہتّھ پھڑائیا۔ تُوں میرا میَں تیرا کہہ کے کرنا واہ واہ، واہ واہ تیری بےپرواہیِا۔ رام کرِشن اوم االلہ واہِگُروُ گاڈ اِکو سمجھنا خُدا، خُدی خودغرض نہ کوئے رکھائیا۔ اَگے واسطے بنو نہ کدے کوئے جُزا، حِصّہ جُز ونڈ نہ کوئے ونڈائیا۔ اِک محبوُب منّنا دِل رُبا، مُحبّت مِہر نال مِلائیا۔ دیِن مذہب دی کِسے وِچ رہے نہ کوئے ادا، عدالتی حُکم سُننا چائیں چائنیا۔ پِچھلی نوُں پِچھے کہہ دیؤ الوِداع، انت اپنی اکھّ اُٹھائیا۔ اگلا مارگ سب دا ہووے سِدھا، سُدھ اپنی اِک جنائیا۔ دُھر نام کلمے وِچ انتر جائے وِدھا، وِدیا اِکو دئے پڑھائیا۔ جوتی جوت سروُپ ہرِ، آپ اپنی کِرپا کر، کرے کھیل ساچا ہرِ، سچ دا پڑدا آپ چُکائیا۔ صوُفی سنت فقیِر بھگت لِکھو اِکو اگمّا بھاگ، بھگوَن دئے جنائیا۔ اِکو نوُری جوت تکو چراغ، جو چراگاہاں کرے رُشنائیا۔ جِس کلجُگ کوُڑی کِریا دھونا داغ، دُرمت میَل کرے صفائیا۔ سب دا سانجھا کرنا سماج، سمگری اپنا نام ورتائیا۔ کایا گرِہ مندر گھر سب نوُں کر کے آباد، عبادت اِکو دئے دِرڑائیا۔ حاضر حضوُر حضرت بن جناب، جنابِ عالی عالیشان اپنا گرِہ وکھائیا۔ جِتھے پڑھنی نہ پئے کوئے کِتاب، کُتب خانہ نظر کوئے نہ آئیا۔ اِکو سجدہ دسےّ آداب، ڈنڈاوت بندنا اِک دِرڑائیا۔ اِکو محبوُب

ملِے احباب، مُحبّت پےَ در پےَ جنائیا۔ جوتی جوت سروُپ ہرِ، آپ اپنی کِرپا کر، کرے کھیل ساچا ہرِ، نِہکلنک نرائن نر، مہاراج شیرسِنگھ وِشنوُں بھگوان، مارگ رستہ دسےّ اِکو واحد، وعہدے سب دے پوُر کرائیا۔

۱۶ پھگّن شہنشاہی سمت ۶ بوُڑ سِنگھ دے گرِہ پِنڈ قادراباد امرتسر

سنت بھگت فقیِر صوُفی سُنو اگمّ کلام، فرمانا دُھردرگاہیِا۔ سب نے منّنا اِک اِمام، نِرگُن نِروَیر نوُر اِلاہیِا۔ شرع دا رہے نہ کوئے غُلام، بندھن جگت دینے تُڑائیا۔ پیار مُحبّت دا ناتا رکھنا نال عوام، عمل دسّنا سہج سُکھدائیا۔ مذہب دا کرے نہ کوئے جرائم، مُجرم روُپ نہ کوئے وڈیائیا۔ جوتی جوت سروُپ ہرِ، آپ اپنی کِرپا کر، دیونہارا ساچا ور، سچ دا حُکم اِک ورتائیا۔ صوُفی سنت فقیِر بھگت اِکو کرنی بندنا، بندگی اِک جنائیا۔ بِنا پُرکھ اکال توں در کوئی نہیں منگنا، بِھکھاری روُپ نہ کوئے وکھائیا۔ سچ حُکم دی کرے نہ کوئے اُلنگھنا، بھےَ بھؤ نال دِرڑائیا۔ پِچھلا لیکھا سب نوُں پَینا چھڈنا، کلجُگ انتم پندھ مُکائیا۔ دھرم نِشانہ دھرم دوارے اِکو گڈّنا، سچ دھرم دی دھار اِک جھُلائیا۔ سَتجُگ ساچا سَت ستوادی ہو کے لگّنا، لاگت قیِمت نہ کوئے رکھائیا۔ جِنہاں بھگتاں بھگوان دا پریوار ہو کے ودھنا، وادھا اپنے ہتّھ رکھائیا۔ پوُرب لیکھا جگت جگیاَسوُآں موُل نہ لبھنا، کھوجیاں ہتّھ کُچھ نہ آئیا۔ اِکو نام دمامہ وجّنا، ڈنکا دُھردرگاہیِا۔ اِکو دیِپک جوت جگنا، دو جہاناں کرے رُشنائیا۔ اِکو تخت نِواسی سجنا، سچکھنڈ دوارے سوبھا پائیا۔ جوتی جوت سروُپ ہرِ، آپ اپنی کِرپا کر، دیونہارا ساچا ور، نِہکلنک نرائن نر، مہاراج شیرسِنگھ وِشنوُں بھگوان، سوُرا سربنگنا، یودھا یُدھ توں باہر اِکو نظری آئیا۔

۱۶ پھگّن شہنشاہی سمت ۶ امراؤ سِنگھ دے گرِہ پِنڈ بل ضِلع گُرداس پُر

سنت بھگت صوُفی فقیِر، فِقرہ نام کلمہ اِکو لیَنا گائیا۔ شرع شریِعت توڑ زنجِیر، ظاہر ظہوُر منّنا بےپرواہیِا۔ جِس وِچ بدل جائے سرب تقدیِر، تدبیِر اِکو لیَنی اپنائیا۔ اُٹھ کے ہوکا دے کبیِر، کعبیاں توں باہر دے جنائیا۔ پُرکھ اکالا دیِن دَیالا پروردِگار سانجھا یار اگمّی پیِر، پرا پسنتی مدھم بَیکھری توں باہر حُکم سُنائیا۔ جِتھے میلا ہووے شاہ حقیِر، راؤ رنک ملِے وڈیائیا۔ امرت بخشے ٹھنڈا سیِر، نیِر نر نرائن نِجھر دھار چوائیا۔ دیِن دُنی دی بدل جائے ضمیِر، ذرّہ ذرّہ کرے رُشنائیا۔ جوتی جوت سروُپ ہرِ، آپ اپنی کِرپا کر، دیونہارا دُھر دا ور، سچکھنڈ نِواسی پُرکھ ابناشی سچ سندیسہ اِک سُنائیا۔ سنت بھگت فقیِر صوُفی کرو اِک اِرادہ، وِشواس وِشوَ دا اِک جنائیا۔ شبد نام دُھن سُنو انادا، انراگی آپ جنائیا۔ بھیوَ ابھیدا کھولے بودھ اگادھا، بُدھی توں پرے کرے پڑھائیا۔ سَت دھرم وِچ کوئے نہ ہووے علیحدہ، دیِن مذہب ذات پات ونڈ نہ کوئے ونڈائیا۔ شاہو بھوُپ پُرکھ اکالا اِکو منّنا راجن راجا، جو لکھّ چؤراسی جیِو جنت سادھ سنت صوُفی فقیِر رعیت رہیا بنائیا۔ اُس دا کھیل تکنا نِرگُن سرگُن دیس ماجھا، مجلس بھگتاں نال لگائیا۔ جِس دا حُجرہ حق محبوُب والا مُحبّت ملِے کایا کعبہ، باہر کھوجن دی لوڑ رہے نہ رائیا۔ ایکا نِرگُن نوُر جوت کرے پرکاشا، اندھیر اندھ اگیان دئے مِٹائیا۔ اِکو نام جنائے سواس سواسا، چار ورن اٹھاراں برن اِکو رنگ رنگائیا۔ سو صاحِب سوامی انترجامی گھٹ نِواسی پُرکھ ابناشی سب دا اِکو پِتا اِکو ماتا، دوُسر جننی نظر کوئے نہ آئیا۔ جِس دی چار جُگ دے شاستر گاؤندے گاتھا، اوتار پَیغمبر گُروُ صِفتاں وِچ گئے صالاحیِا۔ سو پروردِگارا ہرِ نِرنکارا سرب کلا سمراتھا، خالق خلق اپنی کھیل کرائیا۔ صوُفی سنت فقیِر بھگت جن اِکو چرن کوَل اِشٹ دیوَ پُرکھ اکال ٹیکیو ماتھا، مستک اوَر نہ کِسے جھُکائیا۔ جوتی جوت سروُپ ہرِ، آپ اپنی کِرپا کر، کرے کھیل ساچا ہرِ، نِہکلنک نرائن نر، مہاراج شیرسِنگھ وِشنوُں بھگوان، آد جُگاد جُگ چؤکڑی نِرگُن سرگُن لکھّ چؤراسی آتم پرماتم پرم پُرکھ ہو کے راجا، پاربرہم برہم اپنا ویس وٹائیا۔

۱۶ پھگّن شہنشاہی سمت ۶ مسّا سِنگھ دے گرِہ پِنڈ بل ضِلع گُرداس پُر

صوُفی سنت فقیِر بھگت پِچھلی تکو اپنی کرنی، ہرِ کرتا آپ دِرڑائیا۔ قلم شاہی لیکھ لیکھنی تکو پڑھنی، کی صِفتاں وِچ کیِتی صالاحیِا۔ کی ونڈ ونڈائی ورنی برنی، ذاتاں پاتاں سوبھا پائیا۔ انت اِک دے لگّے چرنی، چرنودک پی کے خوشی بنائیا۔ سب دی اِکو اکھّ نیتر ہرنی پھرنی، اندر ونڈ نہ کوئے ونڈائیا۔ دھار جاننی چوٹی جڑنی، پڑدا اوہلا آپ رکھائیا۔ پُرکھ اکال دیِن دَیال اَگے اپنی کرنی کرنی، ہرِ کرتا سرب دئے سمجھائیا۔ جوتی جوت سروُپ ہرِ، آپ اپنی کِرپا کر، کرے کھیل ساچا ہرِ، سچ سندیسہ اِک سُنائیا۔ صوُفی سنت فقیِر بھگت ویکھو اپنی بھگت پُرانی، وید پُران دین گواہیِا۔ اپنی رسنا جِہوا والی تکو بانی، جو راگاں ناداں وِچ کیِتی شنوائیا۔ اپنے جنم جنم دی ویکھو کھانی، گرِہ گرِہ پردہ پھول پھولائیا۔ اپنے مذہب دی دسّو نِشانی، نِشانہ دیؤ پرگٹائیا۔ اپنے جیِون دی دسّو کہانی، کِس بِدھ اپنا جھٹ لنگھائیا۔ مِہربان محبوُب اَگے تکّیو بنیا اگمّا دانی، وست امولک آپ ورتائیا۔ جھگڑا میٹ زِمیں اسمانی، دو جہاناں ہوئے سہائیا۔ جوتی جوت سروُپ ہرِ، آپ اپنی کِرپا کر، کرے کھیل ساچا ہرِ، سچ دا رنگ اِک رنگائیا۔ سنت بھگت صوُفی جن بھگت ویکھو کھیل ہرِ اگمّا، جِس دی آگمن وِچ بَیٹھے دھیان لگائیا۔ جگت دی دھار بدل دئے سماں، سماپت کرے کوُڑ لوکائیا۔ جھگڑا میٹے کایا چمّا، چمّ درِشٹی دئے بدلائیا۔ مذہب دی رہن دیوے کوئی نہ طمع، تامس ترِکھا دئے گوائیا۔ ساچا مارگ لا دے نواں، نوَ نؤ چار دا روُپ بدلائیا۔ چار کُنٹ دہ دِشا نوَ ستّ رہن دیوے کوئی نہ بنّا، بان انیالا تیِر چلائیا۔ لیکھا ویکھے چؤداں سؤ تیس انک دا پنّا، جِس دی پنشمینٹ وِچ دِسے سرب لوکائیا۔ گوبِند دی شبد گُروُ دی دھار کنّا، کائنات دا پردہ دئے چُکائیا۔ جوتی جوت سروُپ ہرِ، آپ اپنی کِرپا کر، کرے کھیل ساچا ہرِ، نِہکلنک نرائن نر، مہاراج شیرسِنگھ وِشنوُں بھگوان، دیونہارا اگمّ بھنڈار سچ وست نام دھنا، دھناڈھ اپنی دَیا کمائیا۔

۱۶ پھگّن شہنشاہی سمت ۶ موہن سِنگھ دے گرِہ پِنڈ تارا چکّ ضِلع گُرداس پُر

بھگت سنت صوُفی فقیِر لِکھو اِقرارنامہ، جگت حرف نہ کوئے لِکھائیا۔ سب نے اِکو اِشٹ منّنا سِری بھگوانا، آد انت دا مالک جو دُھردرگاہیِا۔ اِکو نام کلمہ پڑھنا کلاما، اِکو شبدی شبدی ڈھولا گائیا۔ اِکو گھر گرِہ کرنا بِسراما، وکھّری ونڈ نہ کوئے ونڈائیا۔ اِکو منّنا انترجاما، نِرگُن نِراکار نِرنکار دھیان لگائیا۔ شرع دا رہے نہ کوئے غُلاما، مذہب دا بندھن نہ کوئے بندھائیا۔ جوتی جوت سروُپ ہرِ، آپ اپنی کِرپا کر، کرے کھیل ساچا ہرِ، سچ دا حُکم اِک سُنائیا۔ صوُفی فقیِر سنت بھگت سارے کھولو اکھّ، بِن اکھّاں ویکھ وکھائیا۔ سرِشٹی درِشٹی اندر نِرگُن نوُر تکو پرتکھ، پاربرہم پربھ نظری آئیا۔ کیوں دیِناں مذہباں کیِتا وکھّ، کلمے نام ونڈ ونڈائیا۔ میرا آد دا اِکو جس، انت دی صِفت اِک سمجھائیا۔ سارے مانو اِک رس، رستہ اِکو بےپرواہیِا۔ پِچھلی کرنی دی ہووے بس، بستہ سب دا دئے بندھائیا۔ اَگے کھیل پُرکھ سمرتھ، ہرِ کرتا آپ دِرڑائیا۔ نام نِدھان نؤجوان نِرگُن دھار ڈوری پاوے نتھ، سَت سروُپی دُھر دی گنڈھ پوائیا۔ شبدی شبد جنائے مہما اکتھ، کتھنی کتھ نہ سکے رائیا۔ کلجُگ وِچ سَتجُگ چلاؤنا رتھ، رتھ رتھواہی ہو کے ویکھے چائیں چائنیا۔ جوتی جوت سروُپ ہرِ، آپ اپنی کِرپا کر، کرے کھیل ساچا ہرِ، نِہکلنک نرائن نر، مہاراج شیرسِنگھ وِشنوُں بھگوان، بھگت سنت صوُفی فقیِر دیِن مذہب وِچ رہن نہ دیوے وکھّ، سرِشٹی درِشٹی اندر دُھر دا میل مِلائے سہج سُبھائیا۔

۱۶ پھگّن شہنشاہی سمت ۶ مہِندر سِنگھ دے گرِہ پِنڈ دھیِرا دئیا ضِلع گُرداس پُر

سنت بھگت صوُفی فقیِر ویکھو اپنی پِچھلی کرنی، کرنی دا کرتا آپ جنائیا۔ کِس بِدھ لوک مات ترےَ ساچی ترنی، جگت جگیاَسوُآں وِچوں اپنا پلّوُ چُھڈائیا۔ کِس گرِہ پربھ سرنائی مِلی سرنی، سہارا اِکو نظری آئیا۔ کِس بِدھ منزل مِلی چڑھنی، پاندھی بن کے بَیٹھے پندھ مُکائیا۔ کیہڑی نام تُک مِلی پڑھنی، کلمہ نام شبد کوَن وڈیائیا۔ جوتی جوت سروُپ ہرِ، آپ اپنی کِرپا کر،

دیونہارا ساچا ور، سچ دا میلا آپ مِلائیا۔ صوُفی سنت فقیِر ویکھو بھگت، پوُرب دھیان لگائیا۔ کی کرنی کیِتی وِچ جگت، جگت جہان دیؤ دِرڑائیا۔ کِس بِدھ تُہاڈے اُتے ہویا ترس، رحمت سچ کمائیا۔ امرت میگھ دِتا برس، امیوں رس اگمّ چوائیا۔ تُہاڈی پوُری کیِتی شرط، شرع زنجِیر کٹائیا۔ آشا جگت رہی نہ غرض، غریِب نِمانے گود ٹِکائیا۔ اگلا کھیل ویکھنا اسچرج، اچرج لیِلا آپ وکھائیا۔ جودھا سوُربیِر بن کے مردانہ مرد، حُکم دیوے تھاؤں تھائنیا۔ غریِب نِمانیاں ونڈے درد، ہرِجن ساچے گلے لگائیا۔ جوتی جوت سروُپ ہرِ، آپ اپنی کِرپا کر، ایکا دینا دُھر دا ور، در ٹھانڈے حُکم سُنائیا۔ سنت بھگت صوُفی سُنو فقیِر فِقرہ، فِکر رہے نہ رائیا۔ چار جُگ دا بِن حرفاں والا ویکھو شجرہ، جِس دی حدوُد نہ کوئے بنائیا۔ جو سندیسہ دِتا کاہن کرِشنا بِندرا، بِدھی نال جنائیا۔ میری راس نہیں رہنی بن بِندرا، گوپی کاہن نہ کوئے وڈیائیا۔ کلجُگ جگت جہان پنج تت خالی ہونا پِنجرا، نام وست نہ کوئے ٹِکائیا۔ جوتی جوت سروُپ ہرِ ، آپ اپنی کِرپا کر، کرے کھیل ساچا ہرِ، سچ دا پڑدا آپ اُٹھائیا۔ صوُفی فقیِر بھگت ویکھو سنت، سَت دھیان لگائیا۔ کل کاتی ہووے انت، انتشکرن دئے بدلائیا۔ سَتجُگ دا ساچا پرگٹے منت، منتوَ سب دے حل کرائیا۔ جن بھگتاں مؤلے رُت بسنت، پُھلواڑی آپ مہکائیا۔ ہؤمے گڑھ توڑ کے ہنگت، ہنگ برہم ویکھ وکھائیا۔ پرماتم آتم بن کے کنت، کنت کنتُوہل ہوئے سہائیا۔ تُوں میرا میَں تیرا دسےّ چھنت، نام ڈھولا دُھردرگاہیِا۔ لیکھا جان جیِو جنت، چؤراسی ویکھے تھاؤں تھائنیا۔ جوتی جوت سروُپ ہرِ، آپ اپنی کِرپا کر، کرے کھیل ساچا ہرِ، نِہکلنک نرائن نر، مہاراج شیرسِنگھ وِشنوُں بھگوان، سَت دھرم دی سچ بنائے بنت، سَت ستوادی سَت سچ دا مارگ اِک درسائیا۔

۱۷ پھگّن شہنشاہی سمت ۶ اوتار سِنگھ دے گرِہ پِنڈ ماڑی پنوُاں ضِلع گُرداس پُر

سنت بھگت صوُفی فقیِر کرن نِمسکار، ڈنڈاوت بندنا سجدہ سیِس جھُکائیا۔ پاربرہم پت پرمیشور اپنی کِرپا کر اپر اپار، پت پرمیشور نِرگُن نِروَیر دَیا کمائیا۔ برہمنڈ کھنڈ پُری لوء آکاش پاتال پا سار، زِمیں اسمان دو جہان کھوج کھوجائیا۔ تیرا راہ تکدے

پَیغمبرگُر اوتار، بےانت پڑدا دینا اُٹھائیا۔ نؤ کھنڈ پرتھمی ستّ دیِپ چار کُنٹ دہ دِشا ہویا دھوُاں دھار، سَت ستوادی برہم برہمادی تیرا نوُر نہ کوئے رُشنائیا۔ آتم پرماتم پرماتم آتم ملِے کِسے نہ پریِتم یار، پروردِگار سانجھے یار کلمہ حق نہ کوئے دِرڑائیا۔ تن وجوُد ماٹی خاک ہوئے ہاہاکار، پنج تت برہم مت سَت شبد نہ کوئے شنوائیا۔ جوتی جوت سروُپ ہرِ، آپ اپنی کِرپا کر، ایکا دینا دُھر دا ور، در گھر ٹھانڈے منگ منگائیا۔ صوُفی سنت فقیِر جن بھگت در تیرے کرن عرضوئی، عاجز ہو کے سیِس نِوائیا۔ جگت جہان سِری بھگوان ملِے کِسے نہ ڈھوئی، در گھر ساچے مِلن کوئے نہ آئیا۔ انتر نِرنتر نِرگُن دھار آتم تیری روئی، سانتک سَت ستوادی دھیِر نہ کوئے رکھائیا۔ امرت رس نِجھر جھِرنا رہیا کوئے نہ چوئی، بوُند سوات مِہربان محبوُب نہ کوئے ٹپکائیا۔ جگت سُہیلا بھگت بھگوان نظر نہ آئے کوئی، کوٹن کوٹ بَیٹھے اکھّ کُھلائیا۔ جوتی جوت سروُپ ہرِ، آپ اپنی کِرپا کر، ایکا دینا دُھر دا ور، تُدھ بِن دوُجا نظر کوئے نہ آئیا۔ صوُفی سنت فقیِر بھگت بِن ہتّھاں جوڑن ہتّھ، در ٹھانڈے سیِس نِوائیا۔ پُرکھ اکال صاحِب سمرتھ، پاربرہم تیری وڈ وڈیائیا۔ جھگڑا میٹ کے کایا تت اٹّھ، اپ تیج وائے پرِتھمی آکاش من مت بُدھ اپنے رنگ رنگائیا۔ دُرمت میَل ہر ہِردے اندروں کٹ، کٹاکش اپنا نام لگائیا۔ سچ دوار کھول دے ہٹّ، وست اِکو اِک ورتائیا۔ تُوں میرا میَں تیرا آتم پرماتم سارے نام لیَن رٹ، رٹّا کوُڑی کِریا دینا چُکائیا۔ امرت امیؤں دینا رس، رسنا رس نہ کوئے وڈیائیا۔ نِج نیتر لوچن نیَن کھول دے اکھّ، بِن اکھّراں دسّ اپنی پڑھائیا۔ جوتی جاتے پُرکھ بِدھاتے نِرگُن نوُر کر پرکاش، اندھ اگیان رہن نہ پائیا۔ ساچے منڈل بِن گوپی کاہن پا راس، نِرگُن نِرگُن اپنی کل ورتائیا۔ ہؤں سیوک تیرے داسی داس، در ٹھانڈے منگ منگائیا۔ سرِشٹی دی درِشٹی اندر کر واس، واسطہ اپنے نال جُڑائیا۔ تُوں صاحِب سرب گُنتاس، گُنونتا اِک اکھوائیا۔ جوتی جوت سروُپ ہرِ، آپ اپنی کِرپا کر، ایکا دینا دُھر دا ور، نِہکلنک نرائن نر، مہاراج شیرسِنگھ وِشنوُں بھگوان، تُدھ بِن دوُجا دیوے کوئے نہ ساتھ، سگلا سنگی نظر کوئے نہ آئیا۔

۱۷ پھگّن شہنشاہی سمت ۶ رندھیِر سِنگھ دے گرِہ پِنڈ ماڑی پنوُاں ضِلع گُرداس پُر

بھگت سنت صوُفی فقیِر کہن پربھوُ ساڈا سجدہ، ڈنڈاوت بندنا وِچ سیِس جھُکائیا۔ صدی چؤدھویں ویکھ کھیل گھر گھر دا، کایا گرِہ گرِہ دھیان لگائیا۔ تیرا مانَو بنیا کوئے نہ تیرا بردا، بندی خانہ سکے نہ کوئے تُڑائیا۔ بھے وِچ بھاؤ کوئے نہ کردا، نِمرتا وِچ سیِس نہ کوئے جھُکائیا۔ ورن ورن نال لڑدا، مذہب مذہب نال ٹکرائیا۔ بہُڑی دروہی تیری منزل کوئے نہ چڑھدا، سچکھنڈ دوارے مِلن کوئے نہ جائیا۔ تیرا درس پاوے کوئے نہ نرائن نر دا، نر ہرِ تیرا رنگ نہ کوئے رنگائیا۔ زور ودھ گیا کلجُگ کل دا، کلکاتی اپنی کل رہے ورتائیا۔ کھیل ہو گیا کپٹ چھل دا، اچھل چھلدھاری تیری سار کِسے نہ آئیا۔ تُوں مالک خالق جل تھل دا، مہیئل تیری وڈ وڈیائیا۔ اپنا بھیوَ دسّ نِہچل دھام اٹل دا، اٹل پدوی اِک دِرڑائیا۔ بِن تیری کِرپا آتم پرماتم جوت کوئے نہ رلدا، پاربرہم برہم میل نہ کوئے مِلائیا۔ مِہربان محبوُب جھگڑا میٹ دے پنچ وِکارے دل دا، کوُڑ کُڑیار دلِدر اندروں دے کڈھائیا۔ جوتی جوت سروُپ ہرِ، آپ اپنی کِرپا کر، ایکا دینا ساچا ور، ہرِ صاحِب تیری سرنائیا۔ صوُفی سنت فقیِر بھگت کہن ساڈی نمو نمو نِمسکار، در ٹھانڈے خاک دھوُڑ رمائیا۔ پربھوُ اُٹھ ویکھ اپنا سنسار، سنساری بھنڈاری سنگھاری وِشن برہما شِو نال مِلائیا۔ نال رلا تیئی اوتار، حضرت عیسیٰ موُسیٰ محمد اکھّ کُھلائیا۔ سَتگُر دس لےَ اُٹھال، نانک گوبِند بھیوَ چُکائیا۔ نؤ کھنڈ پرِتھمی ستّ دیِپ دیِن دُنی دی ویکھ چال، چاروں کُنٹ دھیان لگائیا۔ بِن ہرنامے سارے ہوئے کنگال، نام دھن دؤلت نظر کوئے نہ آئیا۔ مُریِداں مُرشد پُچھے کوئے نہ حال، حالت بِگڑی جگت لوکائیا۔ سَت دھرم دا وجےّ کوئے نہ تال، تلواڑا رنگ نہ کوئے رنگائیا۔ سچکھنڈ نِواسی تیری نظر نہ آئے کِسے دھرمسال، درگاہ ساچی سوبھا کوئے نہ پائیا۔ صدی چؤدھویں ساڈی انت کنت بھگوَنت اِک بیننتی اِک سوال، سوالی ہو کے منگ منگائیا۔ سِری بھگوان نؤجوان مرد مردان اپنی سرِشٹی درِشٹی اندر سنبھال، سمبل بہہ کے اپنا حُکم ورتائیا۔ جوتی جوت سروُپ ہرِ، آپ اپنی کِرپا کر، ایکا دینا دُھر دا ور، نِہکلنک نرائن نر، مہاراج شیرسِنگھ وِشنوُں بھگوان، تُدھ بِن آد جُگاد جُگ چؤکڑی کرے نہ کوئے پرِتپال، پرِتپالک خالق نظر کوئے نہ آئیا۔

۱۷ پھگّن شہنشاہی سمت ۶ بیِبی سُرنِدر کؤر دے گرِہ پِنڈ ماڑی پنوُاں ضِلع گُرداس پُر

سنت بھگت صوُفی کہن پربھ ساڈا تیرے اَگے ہوکا، تیرے حُکم نال جنائیا۔ سَت رہیا نہ کِسے لوکا، چؤداں لوک دین گواہیِا۔ مان رہیا نہ کِسے سلوکا، سوہلے روون مارن دھائیا۔ ویکھ اپنا جُگ چؤتھا، کی کلجُگ کل ورتائیا۔ دھرم دی دھار سمجھے کوئے نہ پوتھا، پُستک سارے پھول پھولائیا۔ مِہربان محبوُب صدی چؤدھویں تکّ مؤقع، مُکمل اپنی دَیا کمائیا۔ تیرا نام جپدے سارے بُلاں ہوٹھاں، ہِردے سکیا نہ کوئے وسائیا۔ دیِن مذہب دیِاں چار کُنٹ چوٹاں، چوٹی چڑھ کے تیرا درس کوئے نہ پائیا۔ منوُآں من ہویا کھوٹا، دِوس رَین مایا ممتا وِچ للچائیا۔ آسا منسا پوُری کردے ساڈی لوچا، در تیرے آس رکھائیا۔ جوتی جوت سروُپ ہرِ، آپ اپنی کِرپا کر، ایکا دینا ساچا ور، نِہکلنک نرائن نر، مہاراج شیرسِنگھ وِشنوُں بھگوان، جن بھگتاں انتر نِرنتر اوَر رہن نہیں دینی سوچا، سوچ سمجھ شبد رمز نال اپنے نال رکھائیا۔

۱۷ پھگّن شہنشاہی سمت ۶ وِرسا سِنگھ دے گرِہ سِری ہرِ گوبِند پُرا شہر ضِلع گُرداس پُر

سنت بھگت صوُفی کہن پربھ میٹ دے کِریا کُکرم ہوُنجھ دے کوُڑا، کائنات کایا مندر اندر کر صفائیا۔ پاربرہم پت پرمیشور پروردِگار سانجھے یار چتُر سُگھڑ بنا موُرکھ موُڑھا، اندھ اگیان وِچ جہان لوک مات رہن نہ پائیا۔ نِرگُن نِروَیر نِراکار نِرنکار سچ دھیان بخش دے چرن دھوُڑا، سِری بھگوان نؤجوان مرد مردان ٹِکّے خاک نام رمائیا۔ چار ورن اٹھاراں برن سچ پریِتی رنگ چاڑھ دے گوُڑھا، ایتھے اوتھے دو جہاناں اُتر کدے نہ جائیا۔ ہؤمے ہنگتا گڑھ توڑ غروُرا، پُرکھ ابناشی گھٹ نِواسی اپنی دَیا کمائیا۔ سَت سروُپ شاہو بھوُپ نِرگُن جوت بخش دے نوُرا، انحد نادی برہم برہمادی شبد دُھن کر شنوائیا۔ سَت سروُپ درس دِکھا حاضر حضوُرا، حضرتاں دے حضرت اپنا پردہ دینا اُٹھائیا۔ جوتی جوت سروُپ ہرِ، آپ اپنی کِرپا کر، ایکا دینا دُھر دا ور، در تیرے منگ منگائیا۔ صوُفی فقیِر جن بھگت کرن ارداس، سچکھنڈ دوارے درگاہ ساچی مُقامے حق حق سیِس نِوائیا۔ پروردِگار سانجھے

یار پرم پُرکھ آتم پرماتم پا راس، نِروَیر نِراکار نِرنکار بِن گوپی کاہن اپنی کھیل کھِلائیا۔ دیِن دَیال دَیانِدھ ٹھاکر سب دی پوُری کر آس، نِراسا نظر کوئے نہ آئیا۔ کوُڑ کِریا کرم کانڈ جھگڑا میٹ ذات پات، دیِن مذہب آتم برہم دے سمجھائیا۔ چار کُنٹ دہ دِشا کلجُگ رہے نہ اندھیری رات، سَتجُگ ساچا چند نوُر جوت کر رُشنائیا۔ جوتی جوت سروُپ ہرِ، آپ اپنی کِرپا کر، ایکا دینا دُھر دا ور، درگاہ ساچی سچکھنڈ دوار اِکو آس رکھائیا۔ صوُفی سنت فقیِر بھگت نیتر نیَن وہاوَن نیِر، دروہی تیرا نام خُدائیا۔ شاہ پاتشاہ شہنشاہ گُنی گہیر، گہر گوَر تیری سرنائیا۔ اپنا کھیل دسّ بے نظیِر، نظرّیہ سب دا دے بدلائیا۔ شرع توڑ زنجِیر، شریِعت اگمّی اِک جنائیا۔ چار جُگ دی پِچھلی میٹ لکیِر، لائن عین اپنی دے سمجھائیا۔ جِس نوُں کٹ سکے نہ کوئے شمشیِر، شستر ونڈ نہ کوئے ونڈائیا۔ سرِشٹی درِشٹی رہے نہ مات دِلگیِر، دِلبر ہو کے ہونا سہائیا۔ ہؤمے ہنگتا کڈھ دے پیِڑ، پرا پسنتی مدھم بَیکھری توں اَگے کر پڑھائیا۔ جوتی جوت سروُپ ہرِ، آپ اپنی کِرپا کر، ایکا دینا ساچا ور، در ٹھانڈے آس رکھائیا۔ صوُفی سنت فقیِر جن بھگت رہے جھُک، نِیوں نِیوں سیِس نِوائیا۔ پُرکھ اکال کلجُگ کوُڑی کِریا پَینڈا جائے مُک، مُکمل اپنا حُکم دے ورتائیا۔ تیرے نام دا گیِت سُہاگی اِکو ہووے تُک، تُخم تاثیر اِکو دو جہان دے بدلائیا۔ ہر ہِردے اندر کر سُچ، سنجم آپ اِک دِرڑائیا۔ پوِتر کر دے مات گربھ دے اُلٹے رُخ، نوَ اٹھاراں پندھ مُکائیا۔ دُھر دا مالک ہو کے تُٹھ، دَیاوان دَیا کمائیا۔ کوُڑ کِریا دی رہے کوئے نہ لُٹ، لُٹیرا کلجُگ مات لوک وِچوں باہر کڈھائیا۔ سَتگُر سچ دُلارا تیرا جائے اُٹھ، سَت ستوادی ہو کے لئے انگڑائیا۔ امرت جام پیائے ہر ہِردے اندر گھُٹ، نام پیالہ ہتّھ اُٹھائیا۔ نِرنتر لِو کِسے نہ جائے چُھٹ، انتر اپنا میل کرائیا۔ تُوں پاربرہم پت پرمیشور ابناشی اچُت، چیتن سُرتی سب دی دے کرائیا۔ مایا ممتا جھگڑا میٹ ترِسنا بُھکھ، سانتک سَت آپ ورتائیا۔ جوتی جوت سروُپ ہرِ، آپ اپنی کِرپا کر، ایکا دینا دُھر دا ور، تُدھ بِن دوُجا نظر کوئے نہ آئیا۔ سادھوُ سنت فقیِر بھگت نیتر کھولن اکھّ، بِن اکھّاں اکھّ اُٹھائیا۔ کِرپا کر پُرکھ سمرتھ، ہرِ سَتگُر تیری وڈ وڈیائیا۔ سرِشٹی ہوئی تیری تیرے نالوں وکھّ، گرِہ مندر مِل کے وجےّ نہ کوئے ودھائیا۔ من کلپنا سارے رہے نَٹھ، دِوس رَین بھجّن واہو داہیِا۔ تیرا اکھّراں والا نام رہے رٹ، صِفتاں والی جگت وڈیائیا۔ جگت دوار دی منزل سکے کوئے نہ ٹپّ، برہمنڈ کھنڈ ٹاپوُآں پندھ مُکائیا۔ سچ دوار دا اِکو کھول دے ہٹّ، نام نِدھان سِری بھگوان آپ ورتائیا۔

مانَو ذاتی لاہا لئے کھٹّ، کھٹکا اوَر رہے نہ رائیا۔ شبد اگمّی ہرِ اگمّڑے مار سٹّ، سوئی سُرت اکال موُرت لےَ جگائیا۔ شبد دُھن سُنا انحد، نادی ناد آپ جنائیا۔ نِرگُن نوُر جوت کر پرکاش، اندھ اگیان دینا مِٹائیا۔ کایا مندر اندر سچ دوار پا اپنی راس، سُرتی شبد مِل کے وجےّ ودھائیا۔ پندھ مُکا پرِتھمی آکاش، گگن گگننتر لیکھا دے چُکائیا۔ صاحِب سوامی انترجامی پت پرمیشور تیرے اَگے اِک ارداس، بیننتی بِنَے دِتی دِرڑائیا۔ اوتار پَیغمبر گُروُآں پوُرا کر بھوِکھت واک، واقع ویکھ جگت لوکائیا۔ بِن تیری کِرپا کُھلے کِسے نہ تاک، پردہ اندروں نہ کوئے اُٹھائیا۔ دیِن دُنی کر تھکی پوُجا پاٹھ، ڈھولے صِفتاں والے گائیا۔ بھاگ لگّا کِسے نہ کایا ماٹ، گرِہ مندر نہ کوئے رُشنائیا۔ مِہربان مِہربان مِہربان سنت بھگت صوُفی فقیِر کہن کلجُگ کل کلکی میٹ اندھیری رات، نوَ ستّ برہم مت سِری بھگوَنت بھگوَن اپنی دَیا دینی کمائیا۔

۱۷ پھگّن شہنشاہی سمت ۶ کرتار سِنگھ دے گرِہ پِنڈ بھوُنبلی ضِلع گُرداس پُر

سنت بھگت صوُفی کہن پُرکھ اکال سچےّ سُلطانی، شاہ پاتشاہ شہنشاہ در تیرے منگ منگائیا۔ پاربرہم پت پرمیشور پروردِگار دُھر دے یار آد انت دے دانی، دَیاوان دیِن دَیال مِہر نظر اِک اُٹھائیا۔ ستّ دیِپ نؤ کھنڈ چار کُنٹ دہ دِشا کوُڑی کِریا میٹ بے اِیمانی، مایا ممتا موہ ہنگتا گڑھ تُڑائیا۔ سَت ستوادی برہم برہمادی شبد انادی تیری ہووے اِک نِشانی، الکھ اگوچر اگمّ اتھاہ پڑدا دینا چُکائیا۔ سرِشٹی درِشٹی انتر نِرنتر جلوہ بخش جوت نوُرانی، اندھ اگیان سِری بھگوان نؤجوان مرد مردان دینا گوائیا۔ پاربرہم پت پرمیشور پرم پُرکھ ہر ہِردے بننا جان جانی، جاننہار تیرے ہتّھ وڈیائیا۔ تیری مہما صِفت صلاح بے پرواہ لِکھی جائے نال قلم نہ کانی، سیاہی چلے نہ کوئے چتُرائیا۔ بھیوَ ابھیوَ کھول دے منزل محبوُب دسّ روُحانی، روُح بُت ابناشی اچُت اپنا رنگ رنگائیا۔ صدی چؤدھویں انت اَخیِر بے نظیِر لاشریِک لیکھا جان جگت عوامی، کامل مُرشد تیرے اَگے واسطہ پائیا۔ جوتی جوت سروُپ ہرِ، آپ اپنی کِرپا کر، ایکا دینا دُھر دا ور، سچکھنڈ دوار ایکنکار تیرے اَگے جھولی ڈاہیِا۔ جن بھگت سنت صوُفی فقیِر آکھن نال زور، بہُڑی دروہی تیرا نام خُدائیا۔ کلجُگ کوُڑ کُڑیارا ہر گھٹ اندر وڑیا چور، سَت وست امولک لُٹے تھاؤں تھائنیا۔ بِنا

تیری دیِپ جوت ہویا اندھیرا گھور، سوُریہ چنّ کمّ کِسے نہ آئیا۔ ابناشی کرتے گھٹ نِواسی تیری سب نوُں لوڑ، لوڑیِندے ساجن اپنا پڑدا دینا چُکائیا۔ پُری لوء برہمنڈ کھنڈ زِمیں اسمان شبدی سَتگُر اُٹھ اُٹھ دؤڑ، دو جہاناں اپنا پندھ مُکائیا۔ ہؤمے ہنگتا مایا ممتا کوُڑی کِریا بھنّ دے ریِٹھا کؤڑ، امرت امیوں رس بِن رسنا جِہوا بتّی دند دینا چوائیا۔ آتم پرماتم پرماتم آتم وِچھڑی سب دی جوڑ، پاربرہم برہم میلا میلنا سہج سُبھائیا۔ مانَس جنم جگت جہان جاوے سؤر، سوُربیِر سُلطان سِر اپنا ہتّھ ٹِکائیا۔ جن بھگت سنت کہن پربھوُ پُرکھ اکال دیِن دَیال انتشکرن وِچ تیری ساچی لوڑ، نِرنتر میل میلنا سہج سُبھائیا۔ جوتی جوت سروُپ ہرِ، آپ اپنی کِرپا کر، ایکا دینا دُھر دا ور، نِہکلنک نرائن نر، مہاراج شیرسِنگھ وِشنوُں بھگوان، آد جُگاد نِت نوِت جُگ چؤکڑی تیرا کھیل اگمّ لیکھا مُکا دے تور مور، آتم پرماتم پرماتم آتم پردہ رہے نہ رائیا۔