کتب خانہGranth 22 (Urdu)

۱۵ چیت شہنشاہی سمت ۷ بیِبی چِھندو، بیِبی گُربچن کؤر دے گرِہ پِنڈ مؤدے دھنؤئے ضِلع امرتسر

دیپک کہن ہرِجن بنا پربھوُ پربھ ہنسا، گُرمُکھ گُر گُر گود ٹِکائیا۔ بھگت بھگوان سُہا ساچا انسا، چار ورن سربنس وڈیائیا۔ من ہنکاری مار دے کنسا، تیِر نِشانہ نام چلائیا۔ دے مان وڈیائی اُپر سہنسا، سہنسر مُکھ شیش رہیا سُنائیا۔ مانَس جنم بنا ساچی بنتا، بسن بنواری تیرے ہتّھ وڈیائیا۔ آتم پرماتم نام جپا دے منتا، پاربرہم برہم میلا دے مِلائیا۔ کلجُگ کوُڑی کِریا میٹ دے انتا، انتشکرن دے بدلائیا۔ سنت سُہیلا در تیرے منگتا، خالی جھولی دینی بھرائیا۔ گڑھ توڑ دے ہؤمے ہنگتا، ہنگ برہم اِک درسائیا۔ پرکاش دے دے اپنے نوُری چند دا، نِج نیتر لوچن نیَن کر رُشنائیا۔ لیکھا لا لےَ پوَن سواسی دم دا، دامنگیِر آپ ہو جائیا۔ جھگڑا میٹ دے کایا ماٹی چمّ دا، چمّ درِشٹی ڈیرہ ڈھاہیِا۔ جو جن تیری دھاروں جمّدا، پُرکھ اکالے دیِن دَیالے بننا پِتا مائیا۔ لیکھا رہے نہ ہرکھ سوگ غم دا، چِنتا چِکھا نہ کوئے جلائیا۔ ونجارا رہے نہ سرون کنّ دا، دُھن آتمک راگ انتر نِرنتر دینا سُنائیا۔ جوتی جوت سروُپ ہرِ، آپ اپنی کِرپا کر، ایکا دینا ساچا ور، در ساچے آس رکھائیا۔ دیِپک کہن پربھ بھگتاں دے نام انمُل، قیِمت کرتا نہ کوئے لگائیا۔ بھاگ لگا دے ساچی کُل، کُل مالک ہو سہائیا۔ تیرے پیار وِچ کوئی نہ جاوے بُھل، ابُھل دینی مان وڈیائیا۔ کلجُگ مایا وِچ جائن نہ رُل، سِر اپنا ہتّھ ٹِکائیا۔ لکھّ چؤراسی وِچوں ہرِجن تیرے اُتم سریشٹ پُھل، نام مہک نال مہکائیا۔ دھرم دے کنڈے جان تُل، کوُڑی کِریا ڈیرہ ڈھاہیِا۔ تُوں مالک خالق پرِتپالک صُلح کُل، صاحِب سَت سچ تیری سرنائیا۔ چرن پریِتی ساچی دھوُڑی دے دے دھوُل، مستک خاکی خاک رمائیا۔ جوتی جوت سروُپ ہرِ، آپ اپنی کِرپا کر، ایکا دینا ساچا ور، دیونہار تیری سرنائیا۔ دیِپک کہن پربھ کلجُگ ویکھ انت اندھ اندھیرا، چار کُنٹ دہ دِشا نظری آئیا۔ ناتا تُٹیا تیرا میرا، پاربرہم برہم میل نہ کوئے مِلائیا۔ چؤراسی مکُے کِسے نہ گیڑا، چارے کھانی رہی کُرلائیا۔ منوُآ من کرے جھیڑا، مت متانتر ڈیرہ کوئے نہ ڈھاہیِا۔ ساڈھے تِنّ ہتّھ وسے کِسے نہ کھیڑا، کایا گاگر نِرمل جوت نہ کِسے رُشنائیا۔ مِہربان مِہربان مِہربان کردے نظر مِہرا، محبوُب تیرے ہتّھ وڈیائیا۔ اِکو رنگ وکھا دے سنجھ سویرا، اندھ اندھیر رہے نہ رائیا۔ سَتگُر شبد سچ سوامی بنا لےَ اپنا چیرا، چیلا گُر اِکو روُپ سمائیا۔ جوتی جوت سروُپ ہرِ، آپ اپنی کِرپا کر، ایکا دینا ساچا ور، در تیرے الکھ جگائیا۔ دیِپک

کہن سُن صاحِب پربھ سوامی، سماں ویکھ جگت لوکائیا۔ لکھّ چؤراسی انترجامی، گھٹ بھیِتر کھوج کھوجائیا۔ نؤ کھنڈ پرِتھمی بے اِیمانی، ستّ دیِپ دیِپ نہ کوئے وڈیائیا۔ نیتر رووے اٹھسٹھ تیِرتھ پانی، گنگا گوداوری جمنا سُرستی رہی کُرلائیا۔ بہُڑی کرے چار جُگ دی بانی، شاستر سِمرت وید پُران اِنجیِل قرآن سار کِسے نہ آئیا۔ منزل چڑھے نہ کوئے روُحانی، روُح بُت کرے نہ کوئے صفائیا۔ سچ دھرم دی رہی نہ کوئے نِشانی، تیرا نِشانہ بُھلیا کوُڑ لوکائیا۔ منوُآ من ہویا ابِھمانی، من کا منکا نہ کوئے بھوائیا۔ پڑھ پڑھ تھکے جگت کلامی، کائنات کمّ کِسے نہ آئیا۔ کوُڑ کِریا دی کٹے نہ کوئے غُلامی، شرع زنجِیر نہ کوئے کٹائیا۔ تیرے نام کلمے دی ہٹّاں وِچ ہوئے نیِلامی، قیِمت ٹکیاں والی پائیا۔ کِرپا کرے شہنشاہ سُلطانی، پاربرہم پربھ اپنی دَیا کمائیا۔ جن بھگت سُہیلے انتر نِرنتر سُرتی شبد کر سوادھانی، آلس نِندرا رہے نہ رائیا۔ جوتی جوت سروُپ ہرِ، آپ اپنی کِرپا کر، ایکا دینا ساچا ور، نِہکلنک نرائن نر، مہاراج شیرسِنگھ وِشنوُں بھگوان، آد انت جُگا جُگنت تیرا لیکھا دو جہانی، جگت جہان نؤجوان مرد مردان سِری بھگوان جن بھگتاں ہونا آپ سہائیا۔

۱۵ چیت شہنشاہی سمت ۷ سُرنِدر سِنگھ، ہزارا سِنگھ چھینے، گُردِت سِنگھ ماناوالا، چرن سِنگھ ماناوالا،
دلیِپ سِنگھ ماناوالا، تارا سِنگھ ماناوالا، منگل سِنگھ سارنگڑا، کارج سِنگھ سارنگڑا، سنتا سِنگھ لیلیِاں،
لچھمی لیلیِاں، جاگیِر کؤر لیلیاں، درشن کؤر لیلیِاں، کُلونت کؤر ڈیری والا، ہردیو کؤر کلیر،
باہل سِنگھ بھنغم، جُگِندر کؤر لوپو کے پِنڈ بُھلر ضِلع امرتسر

دیپک کہن سُہنجنی ہوئی راتی، جن بھگتو رُتڑی پربھ دے نال مہکائیا۔ مِلیا میل ہرِ کملاپاتی، جو پت پرمیشور دُھردرگاہیِا۔ آتم دیِا جوت جگائے باتی، باطن پڑدا دئے کُھلائیا۔ پاربرہم برہم میلا میلے ناتی، سجّن سیَن اِک اکھوائیا۔ شبد اناد سُنائے دُھن انادی، انحد اپنا راگ دِرڑائیا۔ امرت بخشے بوُند سوانتی، جگت ترِسنا بُھکھ مِٹائیا۔ دیوے درس بہُہ بِدھ بھانتی، بھاوَنا سب دی کھوج کھوجائیا۔ ایتھے اوتھے بنے دھرم دا ساتھی، سگلا سنگی نوُر اِلاہیِا۔ تُوں میرا میَں تیرا دسےّ گاتھی، گہر گمبھیِر بے

نظیِر کرے پڑھائیا۔ بھاگ لگائے ساڈھے تِنّ ہتّھ کایا ماٹی، ساچے مندر وجےّ نام ودھائیا۔ منزل پؤڑی چڑھائے گھاٹی، اَگے ہو نہ کوئے اٹکائیا۔ جنم جنم دی پوُری کرے واٹی، چؤراسی جم کی پھاسی دئے کٹائیا۔ جوتی جوت سروُپ ہرِ، آپ اپنی کِرپا کر، دیونہارا ساچا ور، سچ سوامی ہوئے سہائیا۔ دیِپک کہن جن بھگتو تکّو پُرکھ اکالا، اکل کل دھاری اِک اکھوائیا۔ جو وسے سچکھنڈ سچّی دھرمسالہ، دھرم دوارا اِکو اِک وڈیائیا۔ سو نِرگُن نِروَیر کھیل کرے نِرالا، نِرگُن اپنی کل پرگٹائیا۔ جن بھگتاں مارگ دسےّ سُکھالا، سُکھمن اِیڑا پِنگل اَدھ وِچکار نہ کوئے اٹکائیا۔ ترےَگُن مایا توڑے جنجالا، جاگرت جوت بِن ورن گوت کرے رُشنائیا۔ جوتی جوت سروُپ ہرِ، آپ اپنی کِرپا کر، دیونہارا دُھر دا ور، دھرم دوارا اِک وڈیائیا۔ دیِپک کہن جن بھگتو تکو پُرکھ اگمّا، اگمّڑی کار کمائیا۔ جیہڑا جننی کُکھ کدے نہیں جما، جنم مرن وِچ کدے نہ آئیا۔ سو سوامی انترجامی بدلن والا سماں، سماپت کرے کوُڑ لوکائیا۔ جھگڑا میٹے کوُڑی کایا چمّا، چمّ درِشٹی اِشٹی دئے بدلائیا۔ اِکو نام جپائے دامنگیِر ہو کے دماں، سواس سواس ساہ اپنا آپ اُپجائیا۔ سَتجُگ ساچا کرے رواں، روانگی کلجُگ ہتّھ پھڑائیا۔ من کا منکا پھیرے منا، منسا کوُڑ کُڑیاری دئے گوائیا۔ سچ بھنڈارا دے کے نام دھنّہ، دھناڈھ دُھر دے دئے وکھائیا۔ جِس نے لیکھا پوُرا کرنا جو گوبِند لایا کنّا، کائنات دا لیکھا دئے چُکائیا۔ نِشانہ بدل دینا تارا چنّا، چنّ سِتار دوویں روون مارن دھائنیا۔ اوہ ویکھو حضرت عیسیٰ موُسیٰ محمد پِھرے بھنّا، بھجےّ واہو داہیِا۔ صدی چؤدھویں وقت نہیں رہنا لما، لمحہ لمحہ لیکھا رہیا مُکائیا۔ جوتی جوت سروُپ ہرِ، آپ اپنی کِرپا کر، کرے کھیل ساچا ہرِ، سچ دا پردہ آپ چُکائیا۔ دیِپک کہن ویکھو جگت دا دیِپک ہونا گُل، گُلشن نظر کوئے نہ آئیا۔ جیہڑی سرِشٹی گئی پربھ نوُں بُھل، ابُھل ویکھے تھاؤں تھائنیا۔ جِس نام کنڈے ترازو تولنا تول، تولنہار بےپرواہیِا۔ صدی چؤدھویں کِسے نال نہ مارے رول، لہنا دینا دیوے چائیں چائنیا۔ اوتار پَیغمبراں پوُرا کرے قؤل، اِقرار ویکھے تھاؤں تھائنیا۔ سب دا لہنا دینا لیکھا پوُرا کرنا اُپر دھؤل، دھرنی دھرت دھوَل بَیٹھی آس رکھائیا۔ جن بھگتاں انتر آتم سچ نام دی دیوے پاہُل، امرت آبِ حیات جام پیائیا۔ جوتی جوت سروُپ ہرِ، آپ اپنی کِرپا کر، کرے کھیل ساچا ہرِ، سچ دا حُکم اِک سُنائیا۔ شمعدان کہن ویکھے کھیل سچّی سرکار، سروکار اپنا حُکم ورتائیا۔ جِس دا راہ تکدے پَیغّبر گُر اوتار، اوتری اپنا حُکم لئے ورتائیا۔ چؤراسی پاوے سار، چارے

کھانی کھوج کھوجائیا۔ جن بھگت سُہیلے لئے اُبھار، پردہ اوہلا انتر نِرنتر دئے اُٹھائیا۔ سَتگُر شبد ہو کے کرے پیار، پریمی پریِتم پرِیا اپنا رنگ رنگائیا۔ مانَس جنم پَیج دیوے سوار، سوارتھ سب دا اپنی جھولی پائیا۔ پیار مُحبّت وِچ دھرم دی دھار بخشے دستار، دست دست نال مِلائیا۔ جن بھگت چؤراسی وِچوں کڈھے باہر، جنم مرن دا لیکھا رہے نہ رائیا۔ سچکھنڈ دوار ایکنکار اکل کل دھاری لےَ کے جائے اپنی وار، وارث ہو کے ہوئے سہائیا۔ جوتی جوت سروُپ ہرِ، آپ اپنی کِرپا کر، کرے کھیل دُھر دا ہرِ، نِہکلنک نرائن نر، مہاراج شیرسِنگھ وِشنوُں بھگوان، کِرپا کرے آپ کرتار، قُدرت دا قادر کرنی دا کرتا لیکھا جانے تھاؤں تھائنیا۔

۱۶ چیت شہنشاہی سمت ۷ نریَن سِنگھ، اجیِت سِنگھ، سوَرن سِنگھ، ہرنام سِنگھ، بھاگ سِنگھ ماہل، بیلا سِنگھ

ماہل، ہربنس سِنگھ ایس ڈی او امرتسر، ہزارا سِنگھ کاؤنکے، مہِندر سِنگھ کاؤنکے، کرم سِنگھ میانپُر، بلونت کؤر دھارڑ، گُرمیز کؤر میانپُر، سوَرن کؤر بُھسے، آس کؤر بوپارائے، جگموہن سِنگھ بوپارائے، پِنڈ گُمان پُر ضِلع امرتسر

دیپک کہن ویکھو بھاگ لگّا گھر سِنگھ نرائن، نر نرائن دئے وڈیائیا۔ نِرگُن دھار تکو دیِن دَیالا نیَن، نیَن لوچن اکھّ کُھلائیا۔ جو آد جُگادی ساک سجّن سیَن، سچکھنڈ نِواسی سد اپنا سنگ نِبھائیا۔ جو جنم کرم دا لیکھا پوُرا کرے لہن دین، جھولی خالی دئے بھرائیا۔ بھگت بھگوان میل مِلائے عین، جِس دا اَناالحق حق ڈھولا گائیا۔ سو سوامی انترجامی ہرِجن بنائے ساک سیَن، سجّن اپنا رنگ چڑھائیا۔ دیِن مذہب ذات پات وِچ رہے نہ کوئے طرفَین، آتم پرماتم ناتا لئے جُڑائیا۔ جن بھگت سُہیلے پربھ دا بھانا سہن، سچ دوار سِر سکے نہ کوئے اُٹھائیا۔ جوتی جوت سروُپ ہرِ، آپ اپنی کِرپا کر، کرے کھیل دُھر دا ہرِ، دُھر مالک اِک اکھوائیا۔ دیِپک کہن گرِہ گرِہ ہویا پرکاش، جوتی نوُر نوُر رُشنائیا۔ کِرپا کرے پُرکھ ابناش، ہرِ کرتا دُھردرگاہیِا۔ جِس دا جُگ چؤکڑی کھیل تماش، سَتجُگ تریتا دواپرونڈ ونڈائیا۔ کلجُگ انتم لیکھا جانے آپ، آپ اپنا پڑدا لاہیِا۔ صدی چؤدھویں میٹے روگ سنتاپ، سنسا کوُڑ رہے نہ رائیا۔ روُح بُت بُتخانے کرے پاک، پتت پُنیِت دئے بنائیا۔ انتر آتم کھولے تاک، پردہ پردیاں وِچوں چُکائیا۔ شبد اگمّی سُنائے ناد، دُھن آتمک راگ دِرڑائیا۔ سچ سوامی ہو کے مارے آواز، سوئی سُرت لئے اُٹھائیا۔ جوتی جوت سروُپ ہرِ، آپ اپنی

کِرپا کر، کرے کھیل ساچا ہرِ، سچ دا مالک ویکھ وکھائیا۔ دیِپک کہن ویکھو گرِہ بھگت دوارا، ہرِ بھگوان دَیا کمائیا۔ نِرگُن نوُر نوُر ہو اُجیارا، جوتی جاتا ڈگمگائیا۔ شبدی شبد شبد دُھنکارا، انحد نادی ناد سُنائیا۔ امرت رس بخشے ٹھنڈا ٹھارا، ٹھاکر ہو کے بوُند سوانتی آپ ٹپکائیا۔ کایا مندر اندر دیوے نام سچ ہُلارا، پوَن اُننجا بَیٹھے سیِس جھُکائیا۔ لہنا دینا پوُرا کرے لیکھا رہے نہ نؤ دوارا، در گھر ساچا اِکو اِک جنائیا۔ جِتھے دیِا باتی کملاپاتی کرے اُجیارا، نوُر ظہوُر اِک وکھائیا۔ سو بھگت سُہیلا اِک اِکلّا ایکنکارا، اکل کل دھاری اپنی کل ورتائیا۔ جن بھگت دھرنی دھرت دھوَل دھؤل پاوے سارا، سنت سُہیلے گُر چیلے لئے مِلائیا۔ آتم برہم پاربرہم کرے پیارا، پریِتم ہو کے اپنی گود ٹِکائیا۔ سچ سندیسہ نر نریشا دیوے ایکو وارا، اِک اِکلّا اپنا حُکم ورتائیا۔ صدی چؤدھویں حضرت عیسیٰ موُسیٰ محمد ہونا انت کنارہ، بیِسویِں لیکھا نال مِلائیا۔ چؤداں طبق روون زارو زارا، بِن نیَناں نیِر وہائیا۔ دُھر دا اِمام ہونا ظاہرا، ظاہر ظہوُر کرے رُشنائیا۔ جو جھگڑا پاؤنا وِچ قاہرہ، کائنات دئے ہِلائیا۔ جِس دا نوَ نؤ چار دا دائرہ، حد حدوُد اِکو دئے درسائیا۔ نوُر نوُرانہ الاہی ہووے ظاہرا، ظاہر ظہوُر کرے رُشنائیا۔ نام کلمے دا ہوئے مُشاعرہ، مُشکل سمجھ کوئے نہ پائیا۔ جوتی جوت سروُپ ہرِ، آپ اپنی کِرپا کر، کرے کھیل ساچا ہرِ، سچ دا پڑدا آپ چُکائیا۔ شمعدان کہن جن بھگت دوار سُہنجنا، سوبھاوَنت سُہائے۔ میل کرے سو پُرکھ نِرنجنا، ہرِ پُرکھ نِرنجن ویکھ وکھائے۔ ایکنکار درد دُکھ بھےَ بھنجنا، آد نِرنجن ڈگمگائے۔ ابناشی کرتا بنے دُھر دا سجنا، سِری بھگوان اِک ہوئے سہائے۔ پاربرہم برہم چڑھا اِکو رنگنا، آتم پرماتم اُتر کدے نہ جائے۔ لیکھے لائے کلجُگ انتم اعلیٰ ادنیٰ، شاہ حقیِراں کھوج کُھجائے۔ نام دمامہ اِکو وجّنا، دو جہاناں ڈنک شنوائے۔ اوتار پَیغمبراں دو جہاناں اُٹھ اُٹھ بھجّنا، گُروُ گُردیو پِھرن واہو داہے۔ ایہہ کھیل سوُرے سربنگنا، نہ کوئی میٹے میٹ مِٹائے۔ دُھر دے حُکم دی کرے نہ کوئے اُلنگھنا، زور زبر نہ کوئے رکھائے۔ سب دا انتم حال ہونا مندنا، مندبھاگی دِسے لوکائے۔ پُرکھ اکالا دیِن دَیالا جن بھگتاں قبوُل کرے بندنا، بندھن دیِن دُنی تُڑائے۔ لیکھا جانے وِچ وربھنڈنا، وربھنڈی پڑدا لاہے۔ ہرِجن گُرمُکھ ہرِ بھگت دیوے اِک انندنا، انند انند وِچ رکھائے۔ سَتجُگ سَت دھرم چاڑھے چندنا، چند سِتار دا نِشانہ رہن نہ پائے۔ جن بھگتاں سچ دوارا لنگھنا، اَگے ہو نہ کوئے اٹکائے۔ جِنہاں سیِس دستارا بنھنا، بندیخانے وِچوں باہر کڈھائے۔ انت انتشکرن لائے اپنے انگنا، انگیکار آپ ہو جائے۔ جوتی جوت

سروُپ ہرِ، آپ اپنی کِرپا کر، کرے کھیل ساچا ہرِ، نِہکلنک نرائن نر، مہاراج شیرسِنگھ وِشنوُں بھگوان، لیکھا جانے اُتبُھج سیتج جیرج انڈنا، چارے کھانی چارے کُنٹ پھول پُھلائے۔

۱۷ چیت شہنشاہی سمت ۷ گُرنام سِنگھ، اجمیر سِنگھ، پشؤرا سِنگھ، ہرجیِت سِنگھ، ہرنام کؤر، جُگِندر کؤر، رتن کؤر موُدھل، گُردَیال سِنگھ موُدھل، ہربنس کؤر موُدھل، کُندن سِنگھ پنڈوری، ہزارا سِنگھ چیتن پُرا،

گُرمُکھ سِنگھ چیتن پُرا ہیِرا سِنگھ چیتن پُرا، ہزارا سِنگھ جےٹھوُ ننگل
پِنڈ ویرکا ضِلع امرتسر

کرپا کرے ہرِ راج راجن، شاہ پاتشاہ شہنشاہ دُھردرگاہیِا۔ شبد اگمّی مارے آوازن، سوئی سُرت اکال موُرت آپ جگائیا۔ انُبھوَ درِشٹی کھولے رازن، رازق رِزق رحیِم پڑدا آپ اُٹھائیا۔ جنم جنم دا سوارے کاجن، جنم جنم وِچوں بدلائیا۔ لیکھا مُکائے جگت سماجن، دیِن مذہب دی ونڈ نہ کوئے ونڈائیا۔ بھیوَ کُھلائے آد آدن، پرماتم بےپرواہیِا۔ دُھن اُپجائے اگمّی نادن، انحد نادی ناد کرے شنوائیا۔ نِرگُن سرگُن بنے ساجن، سگلا سنگی آپ اکھوائیا۔ کوٹاں وِچوں گُرمُکھ وِرلے جاگن، جِس مِہر مِہر نظر نال ترائیا۔ انتر نِرنتر دیوے وَیراگن، وَیری اندروں باہر کڈھائیا۔ گُرمُکھ ہنس بناوے کاگن، کوُڑی کِریا ڈیرہ ڈھاہیِا۔ ممتا موہ میٹے داغن، دُرمت میَل کرے صفائیا۔ ابناشی کرتا سارے ارادھن، ساہ ساہ اِکو نام دِھیائیا۔ میل مِلائے موہن مادھوَ مادھن، مدُھسوُدن ہوئے سہائیا۔ جوتی جوت سروُپ ہرِ، آپ اپنی کِرپا کر، کرے کھیل ساچا ہرِ، سچ دا حُکم اِک سُنائیا۔ دیِپک کہن جن بھگتاں انتر دیِپک دیِا، جوتی جاتا ڈگمگائیا۔ لہنا دینا چُکائے ساڈھے تِنّ ہتّھ سیا، پنج تت برہم مت آپ سمجھائیا۔ آتم نام نِدھانا بیِج بیِا، پتّ ٹہنی پُھل آپ مہکائیا۔ ٹھاکر بن کے دُھر دا پرِیا، پریِتم اپنے رنگ رنگائیا۔ رائے دھرم نہ کڈھے وہئیا، لیکھا لیکھ نہ کوئے جنائیا۔ سَتگُر شبد بن کے سئیا، ساجن میلے چائیں چائنیا۔ دُھر دے نام چڑھائے نئیا، نؤکا اِکو اِک وکھائیا۔ لیکھا مُکائے بھَیناں بھئیا، ساک سجّن سیَن نہ کوئے وڈیائیا۔ جن بھگتاں لیکھے لائے گوبِند دا انت انت دا ڈھئیا، صدی چؤدھویں سنگ مِلائیا۔ بیِس بیِسے بدل دیوے

رَوّیا، عیسیٰ نیَناں اکھّ اُٹھائیا۔ لیکھا پوُرا کرے بُلھے گایا تھئیا تھئیا، انتر آتم آواز سُنائیا۔ جو آشا رکھ کے گیا کاہن گھنئیا، کرِشنا دواپردھیان لگائیا۔ جو سندیسہ دِتا سیِتا رام رمئیا، بِن اکھّراں کیِتی پڑھائیا۔ جوتی جوت سروُپ ہرِ، آپ اپنی کِرپا کر، کرے کھیل ساچا ہرِ، سچ دا پڑدا آپ چُکائیا۔ ستّ رنگ کہے میَں پِھراں وِچ برہمنڈاں، برمانڈ دھیان لگائیا۔ کلجُگ انتم ویکھاں کنڈھا، کنڈھی بَیٹھے اوتار پَیغمبر گُروُ اکھّ کُھلائیا۔ پِھری دروہی وِچ وربھنڈا، بھنڈی ہووے تھاؤں تھائنیا۔ سَت دا آئے نہ کِسے انندا، انند انند وِچوں نہ کوئے پرگٹائیا۔ نِشان میٹنا تارا چندا، چؤداں طبق پردہ آپ اُٹھائیا۔ اُمت رہے نہ کوئے بخشندا، محمد رووے مارے دھائیا۔ خُدائی دھار جانے کوئے نہ بندہ، بندی خانہ سکے نہ کوئے تُڑائیا۔ جگت جہان ویکھنا اندھا، اندھ آتمک ہوئے لوکائیا۔ کِسے سمجھ نہیں آؤنا شبدی دھار گوبِند کھنڈا، کھڑگ اشٹبُھج نہ کوئے کھڑکائیا۔ لیکھا رہے نہ چنڈ پرچنڈا، چنڈال دِسے کوُڑ لوکائیا۔ من وِکاری ہووے گندہ، سَت سروُپ نہ کوئے سمائیا۔ کلجُگ انتم پَینڈا رہن نہیں دینا لمبا، صدی چؤدھویں لیکھا دئے چُکائیا۔ جن بھگت سُہیلے رکھے سنگا، سگلا سنگ آپ ہو جائیا۔ بھیوَ کُھلائے ہنگ برہما، پاربرہم پربھ پڑدا دئے چُکائیا۔ جھگڑا میٹے کایا ماٹی چمّا، چمّ درِشٹی دئے بدلائیا۔ انت اَخیِر بے نظیِر کل دھاری اپنا کرے کماّ، کامل مُرشد دُھردرگاہیِا۔ کوُڑی کِریا موہ لالچ میٹے طمع، تامس ترِسنا دئے گوائیا۔ جن بھگتاں نام جپائے دم دماں، دامنگیِر آپ ہو آئیا۔ کلجُگ وِچ سَتجُگ بدل دیوے سماں، سچ سوامی انترجامی مِہر نظر اِک اُٹھائیا۔ لیکھا جانے چؤداں سؤ تیہہ انک انک دا پّنا، پاربرہم پربھ اپنا حُکم ورتائیا۔ دیِن مذہب دا رہن نہ دیوے بنّا، شرع چُھری جگت بنے نہ کوئے قصائیا۔ اِکو نام سُنائے بِن کنّاں، کایا مندر اندر کرے شنوائیا۔ بھاگ لگائے ساڈھے تِنّ ہتّھ تنا، تامس ترِسنا دئے مِٹائیا۔ سچ مارگ چار ورن اٹھاراں برن دسےّ نَواں، ہِندوُ مُسلم سِکھ عیِسائی اِکو رنگ دئے رنگائیا۔ جن بھگتاں نام نِدھانا دیوے دُھر دا دھنا، اتوٹ اتُٹ آپ ورتائیا۔ جوتی جوت سروُپ ہرِ، آپ اپنی کِرپا کر، کرے کھیل ساچا ہرِ، نِہکلنک نرائن نر، مہاراج شیرسِنگھ وِشنوُں بھگوان، سیِس دستار بندھا بنائے اپنے چنّا، چند چاندنا جگت جہان کرے رُشنائیا۔

اجیِت سِنگھ دے بیننتی کرن تے

طبیعت دا مِل گیا طبیب، طبع اندروں دئے بدلائیا۔ مِہر کرے اندر ہو کے قریب، کُرہ کایا ویکھ وکھائیا۔ جگت جنم وِچوں بدل جائے نصیِب، نِسبت اپنے ہتّھ رکھائیا۔ سَت دی سَت دے ترتیب، طریقہ اپنا لئے اپنائیا۔ درشن دیندا رہے عجیِب، پردہ اوہلا آپ اُٹھائیا۔ پیار رکھے سَتگُر شبد تیری سُرت سُرت مُریِد، مُریِد مُرشد دوہاں مِل کے وجےّ ودھائیا۔ جیِون دی آسا جیِون دی منسا جیِون دی خواہش پوُری کرے اُمیِد، آمد وِچ آپ اپنی دَیا کمائیا۔ جوتی جوت سروُپ ہرِ، آپ اپنی کِرپا کر، کرے کھیل ساچا ہرِ، نِہکلنک نرائن نر، مہاراج شیرسِنگھ وِشنوُں بھگوان، گُرمُکھ بنا کے اپنا عزیز، عاجز دیوے مان وڈیائیا۔

۱۸ چیت شہنشاہی سمت ۷ سُرجن سِنگھ، مہِندر سِنگھ، پریِتم سِنگھ، اجیِت سِنگھ، بچن سِنگھ، جسونت کؤر، چرن سِنگھ، جاگیِر سِنگھ میَنیِاں، گِردھارا سِنگھ بلوآلی، کیسر سِنگھ میَسم پوُرا،

چرن سِنگھ مانگا سرائے، پِنڈ مانگا سرائے ضِلع امرتسر

کلجُگ کہے پربھوُ میَں چاروں کُنٹ نَٹھا، اُتّر پوُرب پچھّم دکھّن واہو داہیِا۔ اندر وڑیا مندر مسجد شِودوالے مٹھا، گُروُدوار چرچ دھیان لگائیا۔ کھیل تکیا تیِرتھ اٹھسٹھا، گنگا گوداوری جمنا سُرستی پھول پھولائیا۔ دیِناں مذہباں ذاتاں پاتاں پیا رٹّا، جھگڑا سکے نہ کوئے مُکائیا۔ انت اَخیِر سب دا پوُرا ہوون والا پٹا، پٹنے والا ویکھ وکھائیا۔ آتم پرماتم پرماتم آتم بُھلیا سب نوُں ٹپّا، تُوں میرا میَں تیرا راگ نہ کوئے الائیا۔ سَت ستوادی برہم برہمادی شبد انادی تیرا نام کِسے نہ جپا، جگ جیِون داتے تیرے وِچ نہ کوئے سمائیا۔ اؤہ ویکھ بِن اکھّاں ویکھے نانک تپا، برہمنڈ کھنڈ کھوج کھوجائیا۔ سَت سچ دی رہی کوئی نہ سَتا، سَت دھرم نظر کوئے نہ آئیا۔ پِھری دروہی مدیِنہ مکّہ، کعبے رہے کُرلائیا۔ نیتر رووے بوُرا ککاّ، صدی بیِسویں اکھّ کُھلائیا۔ انت اَخیِر سب نوُں لگّنا دھکاّ، اَگے ہو نہ کوئے اٹکائیا۔ پِھری دروہی من متا، گُرمت نظر کوئے نہ آئیا۔ جوتی جوت سروُپ ہرِ، آپ اپنی کِرپا کر، ایکا دینا ساچا ور، دھرم دوارے منگ منگائیا۔ کلجُگ کہے پربھوُ میری دھرم دھار جوانی، جوبن ونتا اِک اکھوائیا۔ میرے اُتے کر مِہربانی،

مِہربان تیری سرنائیا۔ میَں جھگڑا پاؤنا چارے کھانی، انڈج جیرج اُتبُھج سیتج سارے دیاں ہِلائیا۔ لیکھا مُکاؤنا اٹھسٹھ پانی، تیِرتھ تٹ نہ کوئے چتُرائیا۔ تیرا نام کلمہ پڑھے کوئے نہ بانی، انیالا تیِر نہ کوئے چلائیا۔ آتم پرماتم میل مِلن نہیں دینا ہانی، پاربرہم برہم سنگ نہ کوئے رکھائیا۔ تیرا نوُر ظہوُر ہونا بے پہچانی، جگ نیتر ویکھن کوئے نہ پائیا۔ سرِشٹی درِشٹی ہونی وَیرانی، وَیری گھر گھر نظری آئیا۔ جوتی جوت سروُپ ہرِ، آپ اپنی کِرپا کر، ایکا دینا ساچا ور، در ٹھانڈے منگ منگائیا۔ کلجُگ کہے پربھ تیرا دِسے کوئے نہ نوُرا، ظہوُر نظر کوئے نہ آئیا۔ ہرِجن رہے کوئے نہ سوُرا، سوُریہ چند نیتر روون مارن دھائیا۔ چار کُنٹ وِشا ہووے کوُڑا، سَت دھرم نہ کوئے سمجھائیا۔ چتُر سُگھڑ ہووے موُرکھ موُڑھا، ہِردے ہرِ نہ کوئے وسائیا۔ مستک لائے کوئے نہ تیری چرن دھوُڑا، ٹِکاّ خاک نہ کوئے رمائیا۔ پُرکھ اکالے دیِن دَیالے رنگ چڑھے کِسے نہ گوُڑھا، پتت پُنیِت نہ کوئے کرائیا۔ تیرا نوُر دِسے نہ حاضر حضوُرا، حضرتاں دے حضرت ساچا میل نہ کوئے کرائیا۔ جوتی جوت سروُپ ہرِ، آپ اپنی کِرپا کر، ایکا دینا دُھر دا ور، دیونہار تیری سرنائیا۔ پُرکھ اکال کہے کلجُگ میرے بچّے، اُٹھ ویکھ دھیان لگائیا۔ بھگت سُہیلے دُھر دے سچّے، سچ ساجن دیاں دِرڑائیا۔ جِنہاں بھاگ لگّا کایا ماٹی تن کچےّ، کنچن گڑھ رہے سہائیا۔ میرے پریم پیار وِچ رتےّ، ناتا آتم پرماتم رہے جُڑائیا۔ نِرگُن دھار تکّن نِج نیتر لوچن نیَن اکھےّ، اکھّراں توں باہر کرن پڑھائیا۔ اوہناں دے وسیا گھٹ گھٹے، نِج گھر بَیٹھا ڈیرہ لائیا۔ اوہ جگت جہان دی منزل ٹپّے، اَگے ہو نہ کوئے اٹکائیا۔ جوتی جوت سروُپ ہرِ، آپ اپنی کِرپا کر، دیونہارا ساچا ور، سچ دا حُکم اِک سُنائیا۔ کلجُگ اؤہ تکّ دھرم نِشان، جن بھگت بھگت دِرڑائیا۔ جِنہاں دیوے آپ مان، سِر اپنا ہتّھ ٹِکائیا۔ اوہناں ناتا تُٹے جگت جہان، جاگرت جوت کرے رُشنائیا۔ آتم برہم دا دے کے دان، کایا جھولی آپ بھرائیا۔ سچ سُنا اگمّی دُھنکان، انراگی راگ آپ دِرڑائیا۔ امرت بخشے پیِن کھان، نِجھر جھِرنا آپ جھِرائیا۔ دیِپک جوت جگا مہان، اندھ اندھیرا دئے مِٹائیا۔ سچکھنڈ سچ دوار پُچائے مکان، جِتھے مکّہ کعبہ نظر کوئے نہ آئیا۔ نہ کوئی زِمیں دِسے اسمان، سوُریہ چند نہ کوئے رُشنائیا۔ نِرگُن نِرگُن وِچ سمان، روُپ رنگ ریکھ دا لیکھا رہے نہ رائیا۔ پُرکھ اکالا دیِن دَیالا کِرپا کرے آپ مِہربان، مِہر نظر نظر اُٹھائیا۔ ہرِجن جن بھگت سُہیلے کرے نؤجوان، جوبن ونت اپنے

رنگ رنگائیا۔ دھرم دھار دی دستار کر دان، داتا سِر اپنا ہتّھ ٹِکائیا۔ جوتی جوت سروُپ ہرِ، آپ اپنی کِرپا کر، کرے کھیل ساچا ہرِ، نِہکلنک نرائن نر، مہاراج شیرسِنگھ وِشنوُں بھگوان، سب دا لیکھا کرے پروان، پرم پُرکھ پرماتم آتم اپنے انگ لگائیا۔

۲۰ چیت شہنشاہی سمت ۷ تارا سِنگھ نِرنجن سِنگھ دے گرِہ جمنا نگر ضِلع انبالہ

دیپک کہن پنج تت میرا پرکاش، آتم پرماتم دِتی وڈیائیا۔ میرا مالک اِک ابناش، ابناشی کرتا دُھردرگاہیِا۔ جو نِرگُن نِرگُن ہو کے پاوے راس، گوپی کاہن روُپ نوُر اِلاہیِا۔ سَت سروُپی ساکھیات، سوَچّھ اپنی کل ورتائیا۔ کلجُگ انت میٹے اندھیری رات، سَتجُگ سچ چند چمکائیا۔ کوُڑ کِریا کرے گھات، کھنڈا کھڑگ نام اُٹھائیا۔ صدی چؤدھویں میٹے واٹ، چؤداں طبق نیَن اُٹھائیا۔ جن بھگت سُہیلے چڑھائے اگمّے گھاٹ، منزل اپنی آپ جنائیا۔ دیِناں اناتھاں پُچھے وات، واتاوَرن ویکھے خلق خُدائیا۔ چار ورن بنا اِک جماعت، آتم پرماتم رنگ رنگائیا۔ سچ سوامی انترجامی سب دی پوُری کرے آس، بھوِکھت لیکھا دئے چُکائیا۔ جوتی جوت سروُپ ہرِ، آپ اپنی کِرپا کر، کرے کھیل ساچا ہرِ، سچ دا پڑدا آپ چُکائیا۔ سچ کہے میرا ٹھاکر سوامی، ہرِ کرتا دُھردرگاہیِا۔ لکھّ چؤراسی انترجامی، گھٹ گھٹ رہیا سمائیا۔ شبد اگمّی سُنائے بانی، انیالا تیِر چلائیا۔ آتم پرماتم بنائے دُھر دا ہانی، دُھر سنجوگی جوڑ جُڑائیا۔ امرت رس نِجھر جھِرنا بوُند سوانتی دیوے ٹھنڈا پانی، امیوں رس آپ چوائیا۔ آتمک دُھن سُنائے سچّی دُھنکانی، انحد نادی ناد وجائیا۔ جوتی جوت کھیلے کھیل مہانی، مِہربان محبوُب پردہ آپ اُٹھائیا۔ کلجُگ ریِتی نیِتی ویکھے شاہ سُلطانی، شہنشاہ اپنا بھیوَ کُھلائیا۔ جوتی جوت سروُپ ہرِ، آپ اپنی کِرپا کر، دیونہارا ساچا ور، سچ دا حُکم اِک سُنائیا۔ حُکم کہے سُنو سندیسہ پروردِگارا، دُھر پَیغام اِک جنائیا۔ کھیلے کھیل ہرِ کرتارا، کرنی دا کرتا نوُر اِلاہیِا۔ لیکھا ویکھے سرِشٹی درِشٹی سرب سنسارا، سنساری بھنڈاری سنگھاری نال مِلائیا۔ سوادھان کرائے تیئی اوتارا، ترےَگُن اتیِتا اپنی دَیا کمائیا۔ بےخبراں کرے خبردارا، پَیغمبر عیسیٰ موُسیٰ محمد لئے انگڑائیا۔ نانک گوبِند پاوے سارا، مہاسارتھی اِک اکھوائیا۔ صدی چؤدھویں چاروں کُنٹ جنائے دھوُاں دھارا، دھرم دی دھار نہ کوئے وڈیائیا۔ ہر گھٹ انتر دِسے کام کرودھ لوبھ موہ ہنکارا، مایا ممتا نال کُڑمائیا۔ سچ دا رہے نہ کوئے پیارا، پریِتم

مِلن کوئے نہ پائیا۔ ناتا تُٹنا محمد چار یارا، یاری حق نہ کوئے کمائیا۔ خادم رہنا نہیں کوئے خِدمتگارا، خود خُدا اپنا حُکم سُنائیا۔ دیِن مذہب دا ہوئے نہ کوئے تابعدارا، طبیعت سب دی دئے بدلائیا۔ اُچی روون پَیغمبراں والے مزارا، مقبرے رہے کُرلائیا۔ یامُبیِن دروہی سب نوُں آئی ہارا، ہِردے ہرِ نہ کوئے وسائیا۔ چار کُنٹ دہ دِشا ہوئے دُکھیارا، دُکھیِاں دُکھ نہ کوئے گوائیا۔ تیری کائنات غفلت وِچ سُتی پَیر پسارا، آلس نِندرا سکے نہ کوئے مِٹائیا۔ کلمہ کرے نہ کوئے بیدارا، نیتر لوچن نیَن اکھّ نہ کوئے کُھلائیا۔ اُٹھ ویکھ کھیل سچّی سرکارا، صاحِب سُلطان اپنی دَیا کمائیا۔ جوتی جوت سروُپ ہرِ، آپ اپنی کِرپا کر، ایکا دینا دُھر دا ور، سچکھنڈ نِواسی پُرکھ ابناشی در تیرے منگ منگائیا۔ در تیرا سچ سُہنجنا، ہرِ صاحِب سَتگُر میِت۔ کِرپا کر آد نِرنجنا، لیکھا ویکھ ہست کیِٹ۔ تُوں داتا دانی درد دُکھ بھےَ بھنجنا، پردہ کھول پربھوُ انڈیٹِھ۔ سچ پریِتی دھوُڑی بخش مجنا، کلجُگ جیو مِٹھے کر کؤڑے ریِٹھ۔ نام نِدھان چاڑھ رنگنا، ترےَگُن وِچوں کر اتیِت۔ تُوں آتم پرماتم ساچا سجّنا، پاربرہم برہم اُتے کر بخشیِش۔ نیتر نام پا انجنا، رحم مُحبّت کر بخشیِش۔ صدی چؤدھویں انتم سب نے ونجھنا، کلمیاں والی رہے نہ کوئے حدیِث۔ سب نے اِکو تیری کرنی بندنا، تُوں مالک جگت جگدیِش۔ جو گھڑیا سو بھجّنا، تیرا لیکھا بیِس اِکیِس۔ جوتی جوت سروُپ ہرِ، آپ اپنی کِرپا کر، ایکا دینا دُھر دا ور، ترےَگُن سوامی شبد اتیِت۔ ترےَگُن اتیِتے ٹھانڈے سیِتے، سَتگُر تیری اِک سرنائیا۔ سَتجُگ تریتا دواپرپِچھے بیِتے، کلجُگ انتم ویکھ وکھائیا۔ کھیل تکے راما سیِتے، رادھا کرِشنا کھوج کھوجائیا۔ صدی چؤدھویں ویکھ حُکم حق حدیِث، حضرتاں توں باہر کھوج کھوجائیا۔ تیرا نوُر الاہی بیِس بیِسے، بیِسویں صدی دئے گواہیِا۔ صدمیاں وِچ سارے رہے چیکے، اُچی کوُکن مارن دھائیا۔ اؤہ ویکھ جھگڑا پَینا ہست کیِٹے، ہست کیِٹ اپنی کھیل کھِلائیا۔ جوتی جوت سروُپ ہرِ، آپ اپنی کِرپا کر، ایکا دینا ساچا ور، سچ دے مالک تیری اِک سرنائیا۔ سچ کہے میَں سب دا پیارا، سچ سچ نال مِلائیا۔ سچ دا سچ ہووے دوارا، دوُسر ونڈ نہ کوئے ونڈائیا۔ سچ دا میلا ایکنکارا، اکل کل دھاری نوُر اِلاہیِا۔ سچ دا سچ در دربارا، جِتھے ونڈ نہ کوئے ونڈائیا۔ سچ دے پریمی بھگت جن وِچ سنسارا، بھگوَن دیوے مان وڈیائیا۔ جُگ جُگ نِرگُن سرگُن پاوے سارا، سرگُن نِرگُن اپنی کھیل کھِلائیا۔ کلجُگ انت بھگوَنت ہو اُجیارا، جوتی جاتا ڈگمگائیا۔ شبد شبد شبد دُھنکارا، دُھن انادی ناد شنوائیا۔ لکھّ چؤراسی وِچوں گُرمُکھ میلے اپنی دھارا، بھگت

بھگوان لئے اُٹھائیا۔ مِہر نِگاہ نال چؤراسی وِچوں کڈھے باہرا، جم کی پھاسی دئے تُڑائیا۔ سیِس بخش جگدیِش اِک دستارا، سِر سِر اپنا ہتّھ رکھائیا۔ جن بھگتاں جنم نہ ہوئے دوبارہ، چارے کھانی انڈج جیرج اُتبُھج سیتج لیکھا دئے مُکائیا۔ جوتی جوت سروُپ ہرِ، آپ اپنی کِرپا کر، کرے کھیل ساچا ہرِ، نِہکلنک نرائن نر، مہاراج شیرسِنگھ وِشنوُں بھگوان، آتم پرماتم پرماتم آتم دیوے ادھارا، پاربرہم برہم میلا میلے سہج سُبھائیا۔

۲۱ چیت شہنشاہی سمت لچھمن سِنگھ تے ہربنس سِنگھ دے نوِت سہارن پُر شہر

دیپک کہن بھگتاں اندر جگا دے جوتی، پرم پُرکھ پرماتم آتم کر رُشنائیا۔ سُرتی رہے نہ کِسے سوتی، جاگرت جوت بِن ورن گوت ڈگمگائیا۔ چؤراسی وِچوں ہرِجن بنا مانک موتی، انمُلڑے لال مات پرگٹائیا۔ منزل اگمّی چڑھا چوٹی، چوٹ شبد نام لگائیا۔ واسنا اندر رہے نہ کھوٹی، کوُڑی کِریا باہر کڈھائیا۔ پاربرہم برہم بنا اپنا گوتی، سگلا سنگی سنگ نِبھائیا۔ منسا مت رہے نہ ہوچھی، ہوَس کوُڑ دینی چُکائیا۔ نیتر کھول اکھّ لوچی، نیَن نِج کر رُشنائیا۔ غریِب نِمانیاں منزل دے جیہڑی دِتی رَوداس چمارے موچی، مِہربان سِر اپنا ہتّھ ٹِکائیا۔ جن بھگتاں پڑھنی پئے کوئے نہ پوتھی، پُستک بغل نہ کوئے ٹِکائیا۔ نام جپنا پئے نہ بُلھاں ہونٹیں، اجپا جاپ وِچ سمائیا۔ جوتی جوت سروُپ ہرِ، آپ اپنی کِرپا کر، ایکا دینا ساچا ور، در تیرے منگ منگائیا۔ جن بھگتاں انتر دیِپک جوت جائے جگ، نوُر ظہوُر کر رُشنائیا۔ پردہ لاہ اُپر شاہ رگ، شہنشاہ اپنا رنگ رنگائیا۔ ترےَگُن مایا نہ ساڑے اگّ، تتو تت نہ کوئے تپائیا۔ ہنس بنا موُرکھ موُڑھ کگّ، مانک موتی نام چوگ چُگائیا۔ جگت دوار میٹ کے حد، نوَ نوَ دا لیکھا دے مُکائیا۔ شبد اگمّی سُنا ند، انحد ناد وجائیا۔ آتم پرماتم سمجھا اپنی جدّ، یدی اپنا میل مِلائیا۔ کوُڑی کِریا جان چھڈ، جگت جہان نہ کوئے چتُرائیا۔ مایا ممتا وِچوں ہوون اڈّ، لوبھ موہ ہنکار بندھن نہ کوئے رکھائیا۔ سچ سرنائی تیری جان لگّ، دوُجا اِشٹ نہ کوئے منائیا۔ نام نِدھان پیا مد، امرت رس نِجھر دھار چوائیا۔ لہنا دینا پوُرا کر سب، سبب نال اپنا پڑدا دینا چُکائیا۔ جوتی جوت سروُپ ہرِ، آپ اپنی کِرپا کر، ایکا دینا ساچا ور، مِہر نظر اِک اُٹھائیا۔ دیِپک کہن پربھوُ بھگتاں اندر کر پرکاش، پرکاسوان تیری

سرنائیا۔ تُوں صاحِب پُرکھ ابناش، ابناشی کرتا دُھردرگاہیِا۔ اوتار پَیغمبر گُروُ تیرے داس، وِشن برہما شِو سیِس نِوائیا۔ نِرگُن سرگُن تیری جوتی شبدی راس، منڈل منڈپ وجےّ ودھائیا۔ تیرا روُپ تکن ساکھیات، سَت سروُپی نظری آئیا۔ کلجُگ کوُڑی کِریا کولوں دے نِجات، مایا ممتا موہ مِٹائیا۔ جھگڑا رہے نہ شرع کاغذات، دیِن مذہب نہ کوئے لڑائیا۔ آتم پرماتم پرماتم آتم دے ساتھ، سگلا سنگ بنائیا۔ تُوں میرا میَں تیرا گاون گاتھ، ڈھولا سوہلا دُھردرگاہیِا۔ شرع شریِعت وِچوں کر آزاد، ذات پات نظر کوئے نہ آئیا۔ جوتی جوت سروُپ ہرِ، آپ اپنی کِرپا کر، ایکا دینا ساچا ور، دیونہار تیری سرنائیا۔ بھگتاں اندر بخش دے نوُر، نوُر نوُرانے دَیا کمائیا۔ تیرا جلوہ تکن ظہوُر، ظاہر کر رُشنائیا۔ پندھ مُکا نیڑا دوُر، کایا مندر کعبہ اِک سُہائیا۔ جِتھے تیرے نام دی اُپجے تُور، تُریا توں پرے دی کر پڑھائیا۔ چتُر سُگھڑ بنا دے موُڑھ، سِر اپنا ہتّھ ٹِکائیا۔ سچ پریِت بخش دے دھوُڑ، چرنودک ٹِکّے خاک رمائیا۔ ساڈی بیننتی کر منظور، منسا تیرے اَگے رکھائیا۔ جن بھگتاں جنم کرم دا معاف کر قصوُر، لیکھا اوَر رہے نہ رائیا۔ نظر آ حاضر حضوُر، حضرتاں دے حضرت دُھردرگاہیِا۔ تیرے سارے ہون مشکوُر، شُکریئے وِچ سیِس نِوائیا۔ جوتی جوت سروُپ ہرِ، آپ اپنی کِرپا کر، ایکا دینا ساچا ور، نِہکلنک نرائن نر، مہاراج شیرسِنگھ وِشنوُں بھگوان، آد جُگادی برہم برہمادی شبد انادی جن بھگتاں آسا منسا کر پوُر، طمع تمنّا والی رہن کوئے نہ پائیا۔

۲۱ چیت شہنشاہی سمت ۷ وِشوا مِتر میرٹھ، ہنس راج میرٹھ، جُگِندر سِنگھ فتح گڑھ، نِرنجن سِنگھ اجتوال، پیارے لال کلوئے، سیوا رام کلوئے، ریشم سِنگھ خیرا مّجا، جگجیِت سِنگھ سلیم پُر، گُردیِپ سِنگھ دُبُرجی، مہِندر سِنگھ بستی گُجراں، سنت سِنگھ گھگرالی، مُلکھ راج میرٹھ، پریمی دیوی جھنڈے، پوُرن سِنگھ مُنڈیانی، سرمیل سِنگھ داؤدپُر،

گیان چند مِرزاپُر، میرٹھ شہر

دیپک کہن پربھ ویکھ اندھیرا گھُپ، نِرگُن سرگُن اندر دھیان لگائیا۔ سُرتی شبدی تیری مؤلے کوئے نہ رُت، رُتڑی حق نہ کوئے مہکائیا۔ دھرم دی دھار رہیا کوئے نہ سُت ، اپرادھی کوُڑ لوکائیا۔ سرِشٹی بھار سکے نہ کوئے چُک، چار کُنٹ رہی کُرلائیا۔ تیری

سرِشٹی درِشٹی تیرے نِشانیوں گئی اُک، انیالا تیِر نہ کوئے چلائیا۔ جن بھگتاں اُجل کر مُکھ، دُرمت میَل دھوائیا۔ آتم پرماتم بخش دے سُکھ، سُکھ ساگر وِچ سمائیا۔ نِرگُن نِروَیر نِراکار ہو کے اُٹھ، نِرنکار لےَ انگڑائیا۔ صدی چؤدھویں چؤداں طبق آپے تُٹھ، چؤداں لوک دھیان لگائیا۔ امرت رس آبِ حیات دے اگمّا گھُٹ، بِن رسنا رس چکھائیا۔ جوتی جوت سروُپ ہرِ، آپ اپنی کِرپا کر، ایکا دینا ساچا ور، صاحِب سچ تیری سرنائیا۔ دیِپک کہن پربھ سَت دھرم دا دیِپک بُجھا، دیِا باتی کملاپاتی نہ کوئے رُشنائیا۔ تیرا بھیوَ کھولے کوئے نہ گُجھا، پردہ پردیاں وِچوں اُٹھائیا۔ پِھری دروہی اُتے بسُدھا، دھرنی دھرت دھوَل رہی کُرلائیا۔ سَتگُر شبدی کر دے اُگھا، اُگن آتھن تیرے نام دی وجےّ ودھائیا۔ کوُڑ کلپنا میٹ کبُدھا، من مت دے بدلائیا۔ سچ سَت کرا یُدھا، کوُڑ کِریا کر صفائیا۔ مانَو مانَس منُکھ منُش جنم دا دسّ دے مُدّعا، مُدّت دے وِچھڑے لےَ مِلائیا۔ صدی چؤدھویں ویکھ کھیل کرتب کلجُگا، کل کاتی اپنا روُپ گیا بدلائیا۔ انت اَخیِر بے نظیِر لاشریِک پَیغمبراں پَینڈا مُکا، مُکمل لہنا دے چُکائیا۔ حضرت عیسیٰ موُسیٰ محمد جھُکا، سجدہ سجدیاں وِچوں کرائیا۔ جوتی جوت سروُپ ہرِ، آپ اپنی کِرپا کر، ایکا دینا ساچا ور، صاحِب سَتگُر تیرے ہتّھ وڈیائیا۔ دیِپک کہن پربھ ویکھ اندھیرا اندھ، نوُر نوُرانہ نظر کوئے نہ آئیا۔ تیرا ساچا چمکے نوُر کوئی نہ چند، چند سِتارا دئے گواہیِا۔ صدی چؤدھویں پَینڈا مُکنا پندھ، پاندھی پَیغمبر رہے سُنائیا۔ بیِسویں صدی رہی لنگھ، بیِس بیِسا دھیان لگائیا۔ اُمت لائے کوئے نہ انگ، انگیکار نہ کوئے اکھوائیا۔ سنگ چار یار محمد سب نے بدلنی کنڈ، کروٹ سکے نہ کوئے بدلائیا۔ تیرا کھیل سوُرے سربنگ، سمجھ سکے کوئے نہ رائیا۔ دیِن دَیال ہو بخشند، بخشش رحمت آپ کمائیا۔ جوتی جوت سروُپ ہرِ، آپ اپنی کِرپا کر، ایکا دینا ساچا ور، در تیرے الکھّ جگائیا۔ دیِپک کہن پربھ پَیغمبر ویکھن تیری اگمّی کِتاب، حرف حروُف نظر کوئے نہ آئیا۔ جیہڑی رکھی نہیں وِچ کِسے محراب، محبوُب تیرے وِچ چُھپائیا۔ جِس دے وِچ اِکو اِک دا اِک آداب، دوُسر سیِس نہ کوئے جھُکائیا۔ نہ کوئی سوال نہ کوئی جواب، جمُلہ اکھّر نہ کوئے پڑھائیا۔ صدی چؤدھویں بِن ہِندسیوں لیکھا دِسے حِساب، انکڑا رنگ نہ کوئے رنگائیا۔ جو اِشارہ کیِتا نِرگُن سرگُن سَت سروُپ وِچ بغداد، نانک نانک نانک ترےَگُن باہر آیا سمجھائیا۔ سو لیکھا پوُرا کردے صاحِب سَتگُروُ دُھر دے مہاراج، محبوُب تیرے اُتے اوٹ تکائیا۔ اؤہ تکّ میَنوُں تیرے اگمّی کلمے دی آوے آواز، راز اندروں دینا

کُھلائیا۔ جِس وِچ روزہ رہے نہ کوئے نماز، وُضوُ دا جھگڑا دینا چُکائیا۔ شرع دا رہے نہ کوئے ناز، نِجات سب دی دے بدلائیا۔ لیکھا مُکا دے ذات کاگ، کاغذات دی کرے نہ کوئے لڑائیا۔ تیری صِفت صلاح اکھّراں بھری الفاظ، جُگ چؤکڑی ڈھولے صِفتاں والے گائیا۔ تُوں مالک اِکو واحد، وعدہ سب دا پوُر کرائیا۔ محمد دا پوُرا ہوئے عہد، عہدنامہ دے جنائیا۔ جوتی جوت سروُپ ہرِ، آپ اپنی کِرپا کر، ایکا دینا ساچا ور، دیونہار تیری وڈیائیا۔ دیِپک کہن پربھ شرع دا دیِپک کر دے گُل، گُلشن نظر کوئے نہ آئیا۔ تُوں آد جُگاد سدا ابُھل، بُھلی بھٹکی ویکھ خلق خُدائیا۔ سَت دھرم دا لیکھا اگمّی کنڈے تول، ترازوُ اِکو نام جنائیا۔ سچ وست رہی کِسے نہ کول، کُل مالک خالی کعبے رہے کُرلائیا۔ جھگڑا مُکا دے اُپر دھؤل، دھرنی دھرت دھوَل نیتر نیَناں نیِر وہائیا۔ ہر گھٹ انتر نِرنتر ہو کے مؤل، مؤلا اپنا پڑدا دے چُکائیا۔ صدی چؤدھویں سب دا پوُرا کر دے قؤل، اِقرارنامے سانوُں دے وکھائیا۔ جوتی جوت سروُپ ہرِ، آپ اپنی کِرپا کر، ایکا دینا دُھر دا ور، سچکھنڈ دوار ایکنکار در تیری اوٹ تکائیا۔ دیِپک کہے پربھ انتر ویکھ اندھیرا، اندھ آتم دھیان لگائیا۔ کِسے سمجھ نہ آوے سنجھ سویرا، دِوس رَین ونڈ نہ کوئے ونڈائیا۔ بھیوَ لبھے نہ گُروُ گُر چیرا، چیلا گُر سمجھ کِسے نہ آئیا۔ تیرا نوُر دِسے نہ نیرن نیرا، نِج نیتر اکھّ نہ کوئے کُھلائیا۔ بِن تیری کِرپا جن بھگت بنے کیہڑا، بھگوَن تیرا درس کوئے نہ پائیا۔ صاحِب سُلطان نؤجوان مرد مردان سب دی شرع دا کٹ دے جھیڑا، بندھن مذہب رہے نہ رائیا۔ آتم پرماتم دا بنّھ دے بیڑا، بیڑی نئیا نؤکا اپنا نام چلائیا۔ جن بھگتاں لیکھا چُکا دے چؤراسی گیڑا، گیڑا گیڑے وِچوں بدلائیا۔ تیرا روُپ انوُپ سَت سروُپ ایکنکار اِکو اِک بتھیرا، جوتی جاتے پُرکھ بِدھاتے نِرگُن نوُر کر رُشنائیا۔ جوتی جوت سروُپ ہرِ، آپ اپنی کِرپا کر، ایکا دینا ساچا ور، نِہکلنک نرائن نر، مہاراج شیرسِنگھ وِشنوُں بھگوان، جیِو جہان جگت جُگتی نال مُکا دے جھیڑا، جھگڑا رہن کوئے نہ پائیا۔

۲۲ چیت شہنشاہی سمت ۷ گُربلوِندر سِنگھ چند پُرانا، گُرچرن سِنگھ جٹواں، بوُآ سِنگھ بل پُریا، مایا دلی، ہربھجن سِنگھ پھیروُمان،اوتار سِنگھ چبیوال،

ترلوک سِنگھ سنام، سُرنِدر کؤر دِلّی ہرِ بھگت دوار، درشن سِنگھ ہرِ بھگت دوار، پی پی سِنگھ کِشن پُر، ہربھجن سِنگھ دِلّی، چندا سِنگھ ننگل رائے، رتن سِنگھ دِلّی، مہِندر سِنگھ نیاشالا، پوُرن سِنگھ دِلّی، سروُپ سِنگھ ڈُھڈیکے،

درشن سِنگھ باغے، اِندر سِنگھ سونی پت، ست پال ہانڈہ فریِدآباد، راجا رام دِلّی،
جگت سِنگھ چمناؤ، دِلّی ہرِ بھگت دوار وِچ

شمعدان کہن ساڈی دلیِل دِلّی، دِلبر دِلدار رہیا دِرڑائیا۔ پُرکھ اکال دیِن دَیال اکھّ بدلنی بِلّی، حُکم دیوے بےپرواہیِا۔ نیتر رووے محمد مقبرے والی سِلی، سِلسلہ بدلے تھاؤں تھائنیا۔ جیہڑی نِشانی سجےّ ہونٹ اُتے تِلی، چار یاری دیوے گواہیِا۔ اُس دی خبر پَیغمبراں توں پرے مِلی، جِس نوُں سمجھ وِچ نہ کوئے سمجھائیا۔ چؤداں طبق مارن کِھلی، ہاسی کرن چائیں چائنیا۔ کھیل تکنی اُپر دھار نیِلی، دھرنی دھرت دھوَل دھؤل دا پندھ مُکائیا۔ جوتی جوت سروُپ ہرِ، آپ اپنی کِرپا کر، کرے کھیل ساچا ہرِ، سچ دا حُکم اِک سُنائیا۔ شمعدان کہن دِلّی برزلی زکنا تُو نوُر اِلاہیِا۔ چانے مزدوُ تخنے کوا گوشے زاہوُ، اسمانے اِزی مونیزو، حق جلاختا کلل کمدے محمد مادی زاء بےپرواہیِا۔ جوتی جوت سروُپ ہرِ، آپ اپنی کِرپا کر، کرے کھیل ساچا ہرِ، سچ دا پردہ آپ چُکائیا۔ چراغ کہن ویکھے چشمے چراغ، چراگاہاں دھیان لگائیا۔ نبی نبیِاں دین تیاگ، رسوُل رسوُلاں سنگ نہ کوئے بنائیا۔ شرع وِچ شرع دا رہے نہ کوئے وَیراگ، شریِعت شریِعت نال بدلائیا۔ اِنسان حیَوان ہوون کاگ، مُکھ کوُڑ نال بھرائیا۔ جیہڑی اُمت محمد کیِتی آباد، شہزاد وِچ کر شنوائیا۔ چؤدس چؤداں تکیا راج، راجس تامس سانتک سنگ مِلائیا۔ اُس دا لیکھا پوُرا ہونا جگت سماج، سمگری سمجھ کوئے نہ پائیا۔ حُکم سندیسہ دیوے آپ مہاراج، شہنشاہ شاہ پاتشاہ نوُر اِلاہیِا۔ سِر سر سرو رہنا نہیں کوئی تاج، تخت نِواسی روُپ نہ کوئے درسائیا۔ دُھر کلمہ کلام توں باہر جائے جاگ، کائنات سمجھ کوئے نہ آئیا۔ جِس دی کرے نہ کوئے اِمداد، مددگار نہ کوئے اکھوائیا۔ سو سب نوُں کرے آزاد، بندھن شرع والے تُڑائیا۔ نیتر رووے پنج وقت دی نماز، راز اپنا رہی سُنائیا۔

پروردِگار سانجھا یار بدل رہیا رِواج، روادار رہن کوئے نہ پائیا۔ جوتی جوت سروُپ ہرِ، آپ اپنی کِرپا کر، کرے کھیل ساچا ہرِ، سچ دا حُکم اِک ورتائیا۔ شمعدان کہن اسیں مِل کے پائیے شور، شوروگُل نال دُہائیا۔ اوتار پَیغمبر گُروُآں رہیا کوئے نہ زور، جوروُ زر ہوئے نہ کوئے سہائیا۔ نام کلمے لُٹ کے لےَ گیا کلجُگ چور، چوری یاری اپنا سنگ بنائیا۔ چاروں کُنٹ ہویا اندھیرا گھور، اندھ اگیان سکے نہ کوئے گوائیا۔ بھرم مِٹے نہ مور تور، تُریا توں پرے کرے نہ کوئے پڑھائیا۔ اوتار پَیغمبر گُروُ سُتے وِچ مڑھیاں گور، گہر گمبھیِر نظر کِسے نہ آئیا۔ سَت دھرم دی کٹی ڈور، ٹُٹی گنڈھ نہ کوئے پوائیا۔ تیِرتھ اٹھسٹھ تلاب بنے جؤہڑ، سروور سر نہ کوئے وڈیائیا۔ آتم پرماتم پریِتی نِبھے کِسے نہ توڑ، ادھواٹے بَیٹھی خلق خُدائیا۔ جُگ جنم دے وِچھڑیاں سکے کوئے نہ جوڑ، دُھر دا سنگ نہ کوئے رکھائیا۔ پُرکھ اکال دیِن دَیال نِرگُن دھار تیری لوڑ، لوڑیِندے سجّن ہونا سہائیا۔ جوتی جوت سروُپ ہرِ، آپ اپنی کِرپا کر، ایکا دینا دُھر دا ور، دیونہار تیری بےپرواہیِا۔ دیِپک کہن پربھ تیرا نام دُہائی، دروہی دروہی رہے سُنائیا۔ نوُر نظر نہ آئے تیرا الاہی، االلہ الاہ تیرا درس کوئے نہ پائیا۔ چار کُنٹ رہی کُرلائی، دہ دِشا کایا کُرہ سمجھ نہ کوئے جنائیا۔ تُدھ بِن مِہربان کلجُگ کوُڑی کِریا میٹے کوئے نہ شاہی، حکوُمت حق نہ کوئے سمجھائیا۔ دُھر منزل دا بنے کوئے نہ راہی، رہبر میل نہ کوئے کرائیا۔ خُدا خود ویکھ اپنی خُدائی، خالق خلق مخلوُق اکھّ اُٹھائیا۔ سَت دھرم دا لیکھا رہیا نہ رائی، رحمت حق نہ کوئے کمائیا۔ دیِن دُنی دھرم گوایا کھا کے سوُر گائی، جنم وِچوں جنم نہ کوئے بدلائیا۔ بہُڑی تیرے حُکم نال جگت جہان ہوئی تباہی، طبق سبق سکے نہ کوئے جنائیا۔ مِہربان محبوُب جن بھگتاں ہوئیں سہائی، سہائک ہو کے نائک ہو کے سِر اپنا ہتّھ ٹِکائیا۔ تیرا جلوہ نوُر الاہی، عالمیِن تیری وڈیائیا۔ تُوں بخشیں پاپی پتت گُناہی، گہر گمبھیِر ہونا سہائیا۔ سچ دی نِرمل جوت جگائیں، جوتی جاتا ہو کے نظری آئیا۔ جوتی جوت سروُپ ہرِ، آپ اپنی کِرپا کر، ایکا دینا ساچا ور، نِہکلنک نرائن نر، مہاراج شیرسِنگھ وِشنوُں بھگوان، مالک خالق اِک اکھوائیں، اکھّراں توں باہر اپنی دسّنی صِفت صالاحیِا۔

۲۳ چیت شہنشاہی سمت ۷ سیوا سِنگھ دے نوِت گُڑاگاؤں شہر

دیپک کہن پربھ جوتی دیِپک جگیا دیِا، آتم برہم نوُر اِلاہیِا۔ بھاگ لگّا ساڈھے تِنّ ہتّھ کایا سیِا، سییِا پت رام ویکھ وکھائیا۔ دھرم دھار دی ساچی تکی نیِنہا، نیِنہہ لوک مات وکھائیا۔ پوُرب جنم بیِج جو بیِا، کرم کرم نال سمجھائیا۔ سَتگُر ساچا سچ دا کرے آپ ہیِا، ہرِ اپنا میل مِلائیا۔ جوتی جوت سروُپ ہرِ، آپ اپنی کِرپا کر، کرے کھیل ساچا ہرِ، سچ دا لیکھا آپ دِرڑائیا۔ دیِپک کہن ساڈے انتر ہویا پرکاش، بِن سنجھ سویر جنائیا۔ کِرپا کرے پُرکھ ابناش، ابناشی کرتا دُھردرگاہیِا۔ پردہ لاہوے ساکھیات، اوہلا رہن کوئے نہ پائیا۔ گوبِند سوُرا کھولے تاک، در دروازہ آپ کُھلائیا۔ پوُرب جنم دا ویکھے ساک، سگلا سنگی سنگ بنائیا۔ جوتی جوت سروُپ ہرِ، آپ اپنی کِرپا کر، سد اپنا اپنے نال رکھائیا۔ دیِپک کہن ساڈے انتر ہویا گیان، اگیان رہیا نہ رائیا۔ کِرپا کیِتی سِری بھگوان، بھگوَن دَیا کمائیا۔ دَیا سِنگھ دا بیان، گُرمُکھ گُرمُکھ نال وڈیائیا۔ جِس ٹھٹھیار توں لئی سی کِرپان، کِرپا گوبِند نال پھڑائیا۔ اُس دا بچّہ اِک اَنجان، چؤداں ماس سوبھا پائیا۔ اُس بچن کیِتا مہان، سہج نال سُنائیا۔ میَنوُں میل میرا بھگوان، جِس جنم دِتا گھر پِتا مائیا۔ دَیا سِنگھ ہسّ کے کِہا آہ ویکھ نؤجوان، گوبِند سوُرا سچّا ماہیِا۔ اُس کِہا اِس دا مالک کؤن جہان، میَنوُں دے دِرڑائیا۔ گوبِند تکیا نال دھیان، نیَن نیَن وِچوں بدلائیا۔ شبدی ہسّ کے کیِتا فرمان، سندیسہ اِک فرمائیا۔ ہُن یُدھ ہونا گھمسان، گھُنمن گھیری وِچ لوکائیا۔ جِس ویلے نِرگُن روُپ دھرے وِچ جہان، سرگُن میلا میلاں سہج سُبھائیا۔ پُرکھ اکال تیری کرے پہچان، بے پہچان دھیان لگائیا۔ دَیا سِنگھ ہسّ کے کِہا اُس ویلے میَں کِتھے ویکھاں آن، بھیوَ دینا دِرڑائیا۔ میرا جِسم نہیں رہنا اِنسان، تتاں والی نہ ونڈ ونڈائیا۔ گوبِند کِہا تیرا گرِہ ہووے پروان، پروانہ دھرم دھار ہتّھ پھڑائیا۔ جوتی جوت سروُپ ہرِ، آپ اپنی کِرپا کر، کرے کھیل ساچا ہرِ، سچ دی کار کمائیا۔ گوبِند کِہا ہووے وقت سُہاوا، سوہنی رُت وڈیائیا۔ شبدی سَتگُر بنّھے دعویٰ، دعوے نال دیوے مِلائیا۔ جِس ویلے پربھ سِنگھاسن دا اُلٹا ہویا پاوا، سِدھا پُٹھا کر وکھائیا۔ امیِر غریِباں کرے ساواں، ونڈ اِکو رنگ رنگائیا۔ گُرمُکھاں اپنے گھرلاوے نانواں، ناؤں نِرنکارا آپ ہو آئیا۔ بچّے دا لیکھا پوُرا کرے نال چاواں، چاؤ گھنیرا اِک درسائیا۔ میَں شبدی دھار نال جاواں، جوتی اپنا میل مِلائیا۔ سمبل سُہا کے سچ گراواں، در ٹھانڈا

اِک رکھائیا۔ لہنا دینا پوُرا کراواں، دَیا سِنگھ گرِہ دیاں وڈیائیا۔ بال اوستھا لیکھے پاواں، بالی بُدھ نال رلائیا۔ جنم کرم دا رہے کوئے نہ ہاوا، ہؤمے روگ دیاں مِٹائیا۔ جوتی جوت سروُپ ہرِ، آپ اپنی کِرپا کر، کرے کھیل ساچا ہرِ، سچ دا حُکم اِک ورتائیا۔ گوبِند بچن سُن کے بالی بالا منّیا، انتر انتر کر دھیان۔ گوبِند ہسّ کے کِہا تیرا جنم ہونا پھیر کنّیا، کِرپا کرے سِری بھگوان۔ پھیر تیرے مات پِتا دا بیڑا جانا بنھیا، اَگے ملِے اگمّا دان۔ نوُر پرکاش چڑھے چنّیا، جوتی چمکے ساچا بھان۔ جِس کارن صاحِب سوامی آوے بھنّیا، لیکھا پِچھلا لئے پہچان۔ جوتی جوت سروُپ ہرِ، آپ اپنی کِرپا کر، کرے کھیل ساچا ہرِ، سَتگُر ساچا ہو مِہربان۔ دھرم دھار دی کنّیا دوِندر نام ناما، گوبِند وڈ وڈیائیا۔ شبدی شبد پَیغاما، سندیسہ اگمّ اتھاہیِا۔ کپوُر سِنگھ پوُرا ہووے کاما، اَگے ملِے وڈیائیا۔ سیوا سِنگھ مِلیا مانا، مان مان وِچوں وڈیائیا۔ بِشن سِنگھ دا رہیا نہ تت نِشانہ، دَیا سِنگھ دا لیکھا پوُر کرائیا۔ پُٹھا سِنگھاسن ڈاہ سِری بھگوانا، پوُرب لہنا جھولی پائیا۔ جوتی جوت سروُپ ہرِ، آپ اپنی کِرپا کر، کرے کھیل ساچا ہرِ، نِہکلنک نرائن نر، مہاراج شیرسِنگھ وِشنوُں بھگوان، آد جُگاد دا انترجاما، انتشکرن سب دا لیکھے پائیا۔