کتب خانہGranth 22 (Urdu)

۳۱ جیٹھ شہنشاہی سمت ۷ کپوُر سِنگھ تے رنجیِت سِنگھ دے نوِت موگا شہر ضِلع فِروزپُر

سَتگُر شبد کہے وِشنوُں دسّ اپنا وِشا، وِشیش اپنی دھار پرگٹائیا۔ برہمے برہم برہماد دی دسّ دے اِچھا، نِراِچھت ہو کے دھیان لگائیا۔ شنکر چاروں کُنٹ دا بھیوَ کھول دے دھرم دی دِشا، اُتّر پوُرب پچھّم دکھّن دھیان لگائیا۔ اوتار دسّو اپنا حِصّہ، حِصّیداری کی جنائیا۔ پَیغمبر بیان کرو اپنا قِصہ، کی قِسمت دیِن دُنی بدلائیا۔ گُروُ گُردیو ویکھو پِچھا، پِچھلا لیکھا پھول پھولائیا۔ دھرنی دھرت دھوَل پرِتھمی آکاش تکو اگمّی پِتا، پت پرمیشور بےپرواہیِا۔ سارے دسّو کِس دے نال کرے سچ دا ہِتا، ہِتکاری روُپ درسائیا۔ کِس نوُں اپنا روُپ دسےّ وڈّا نِکاّ، نِکاّ وڈّا بھیوَ چُکائیا۔ کی کھیل کرے ابناشی اِکا، ایکنکار اگمّ اتھاہیِا۔ سارے کہن

دیِن دَیالے کڈھنا اپنا سِٹا، جُگ چؤکڑی لیکھا دئے مُکائیا۔ لہنا دینا پوُرا کرے پتّھر اِٹّاں ، درِشٹ اِشٹ اپنا اِک سمجھائیا۔ جن بھگتاں لاوے مستک ٹِکاّ، دھوُڑی خاک خاک رمائیا۔ سَت دھرم چلائے اگمّی سِکہ، مُہر اپنا نام جنائیا۔ لیکھا جانے جو قلم شاہی نال نہیں لِکھا، کاتب لیکھ نہ کوئے دِرڑائیا۔ پھیر نِگاہ مارے ویکھے شبدی دھار سِکھا، گُرمُکھ گُر گُر کھوج کھوجائیا۔ جگت جہان ہووے جِتا، جاگرت جوت کرے رُشنائیا۔ ویکھے وِگسے نِت نوِتا، نِرگُن سرگُن کار کمائیا۔ انت بھگتاں سچکھنڈ نِواسی بن کے اِکو پِتا، پت پرمیشور دَیا کمائیا۔ لیکھے لا کے رَکت بوُند ہڈّ ماس ناڑی رتّا، رتن امولک لئے بنائیا۔ پیار مُحبّت وِچ ہون دیوے نہ کدے دو چِتا، ٹھگؤری من رہے نہ رائیا۔ شبدی شبد چلا کے سِکہ، دُھر دا حُکم اِک ورتائیا۔ جوتی جوت سروُپ ہرِ، آپ اپنی کِرپا کر، کرے کھیل ساچا ہرِ، سچ دا حُکم اِک دِرڑائیا۔ سَتگُر شبد کہے وِشن برہما شِو تکو جگت جہانا، بِن نیَنا نیَن اُٹھائیا۔ اوتار پَیغمبر گُروُ تکو اپنا بیانا، جو بھوِکھتاں وِچ جنائیا۔ سرِشٹی اِشٹی مارو درِشٹی وِچ دھیانا، پردہ پردیاں وِچوں چُکائیا۔ کھیل ویکھو اپنا سیِتا راما، کرِشنا کاہنا اکھّ کُھلائیا۔ پَیغمبر تکو حق پَیغاما، سندیسہ نوُر اِلاہیِا۔ گُروُ گُردیو سُنو دمامہ، ڈنکا اِکو نام شنوائیا۔ کلجُگ رَین اندھیری تکو شاما، شمع دیِپ نہ کوئے رُشنائیا۔ پنج تت تکو تکو سِکھ مُریِد اِنسانا، مُرشد ہو کے کھوج کھوجائیا۔ کھیل تکو محبوُب روُپ رحمانا، نوُر نوُر چمکائیا۔ جِس نوُں جھُک جھُک کرو سلاماں، نِو نِو لاگو پائنیا۔ سو مِہربان مِہر کرے نؤجوانا، نؤبت اپنا نام حق وجائیا۔ جھگڑا میٹے لکھّ چؤراسی کوُڑ آشیانہ، گرِہ اِکو دئے وکھائیا۔ جن بھگت سُہیلے کر پروانا، پرم پُرکھ دیوے مان وڈیائیا۔ جوتی جوت سروُپ ہرِ، آپ اپنی کِرپا کر، ایکا دینا ساچا ور، سچ دی ساچی کار کمائیا۔ وِشن برہما شِو کہن ساڈی اِک ارداس، بیننتی دئیے جنائیا۔ اوتار کہن ویکھ ساڈی خواہش، خالص اپنا رنگ رنگائیا۔ پَیغمبر کہن تیری کریئے تلاش، زِمیں اسماناں کھوج کھوجائیا۔ گُروُ گُردیو کہن ویکھیئے اگمّڑی راس، سوہنا رنگ رنگائیا۔ کِرپا کر پُرکھ ابناش، تیرے ہتّھ وڈیائیا۔ نِگاہ مار پرِتھمی )آکاش(، گگن گگننتر کھوج کھوجائیا۔ سچ مُحبّت رہی کِسے نہ پاس، پِتا پوُت سنگ نہ کوئے نِبھائیا۔ چاروں کُنٹ اندھیری رات، ساچا چند نہ کوئے چمکائیا۔ ایس ویلے کِرپا کر آپ، آپ اپنا میل مِلائیا۔ آتم پرماتم بخش کے جاپ، جگ جیِون داتے ہو سہائیا۔ جن بھگتاں بنا سجّن ساک، میِت مِترا اِک درسائیا۔ نِرگُن سرگُن دھار بخش اِتفاق،

میل مِلاواں ہووے چائیں چائنیا۔ منوُئے دا رہے نہ اندر نِفاق، امرت میگھ اِک برسائیا۔ سب توں اُتم سریشٹ بھگتاں دسّ سماج، سمگری اپنا نام ورتائیا۔ سانجھا کر کاج، کرم کانڈ دا ڈیرہ ڈھاہیِا۔ دھرم دا بخش راج، مِہر نظر اُٹھائیا۔ جھگڑا میٹ سماج، دوَیتی پندھ مُکائیا۔ گُرمُکھاں اُپر کِرپا کریں آج، جو عاجز ہو کے سیِس نِوائیا۔ مِہر کرنی اُپر کپوُر سِنگھ تے راج، رنجیِت رنگ وِچ رنگائیا۔ اندروں سب دی کھولنی جاگ، سُرتی شبد نال مِلائیا۔ گھر گھر پریم دا جگے چراغ، ساڈھے تِنّ ہتّھ مندر وجےّ ودھائیا۔ دُرمت میَل رہے نہ داغ، پاپاں کر صفائیا۔ تیرا باغ بغیچہ آپے ہریا کر باغ، پُھل پُھلواڑی آپ مہکائیا۔ تیرے چرناں اِک آداب، سجدہ سیِس جھُکائیا۔ جوتی جوت سروُپ ہرِ، آپ اپنی کِرپا کر، ایکا دینا ساچا ور، سچ دا میلا لیَنا مِلائیا۔ سَتگُر شبد کہے سچ پیار دی دے دے طاقت، مُحبّت اپنے نال رکھائیا۔ چرن کوَل بخش لیاقت ، نوُر اِکو اِک چمکائیا۔ گُرمُکھ گُرمُکھ دی کرے شناخت، ہرِجن ہرِجن ویکھ وکھائیا۔ جگت وِدیا رہے نہ کوئے اَنجانت، بُدھ بِبیک دینی کرائیا۔ دُھر دا نام بخش نیامت، نر نرائن تیری سرنائیا۔ اپنیاں بھگتاں رکھ صحیح سلامت، سِر اپنا ہتّھ ٹِکائیا۔ شرع دی رہے نہ کوئے علامت، کوُڑ کِریا ڈیرہ ڈھاہیِا۔ جوتی جوت سروُپ ہرِ، آپ اپنی کِرپا کر، ایکا دینا ساچا ور، سچ دے مالک ہونا سہائیا۔ سَتگُر شبد کہے جن بھگتاں بنیا رہے مِلاپ، جوڑ جوڑنا چائیں چائنیا۔ اِک دوُجے نوُں ویکھ کے سوہنگ اندروں نِکلے جاپ، مستک خوشیاں وِچ کھِلائیا۔ سارے منّن تَینوُں اگمّا باپ، پِتا پُرکھ اکال سیِس نِوائیا۔ روُح بُت دوویں کرنے صاف، پتت پُنیِت رہن کوئے نہ پائیا۔ جنم کرم دا لیکھا بدل دینا پوُرب والی کِتاب، کُتب خانیاں ڈیرہ ڈھاہیِا۔ سدا سہائتا کریں آپ، سِر اپنا ہتّھ ٹِکائیا۔ دھرم دی دھار بخشنا اِتفاق، اِتفاق اپنے نال بنائیا۔ کوُڑ دا لیکھا کرنا بے باق، ہؤمے روگ رہے نہ رائیا۔ ہر ہِردے اندر بخشنی شانت، سانتک سَت سَت ورتائیا۔ اندر رہے نہ کوئے بھرانت، بھرم بُھلیکھا دینا کڈھائیا۔ چرن پریِتی جوڑ کے نات، ساچا میلا لیَنا مِلائیا۔ جوتی جوت سروُپ ہرِ، آپ اپنی کِرپا کر، کرے کھیل ساچا ہرِ، سچ دا پڑدا آپ چُکائیا۔ سَتگُر شبد کہے کِرپا کرنی جگت دی دھار، جگ جیِون داتے تیری سرنائیا۔ دیِن دُنی دا دُنی وِچ چلاؤنا وِوہار، وِوہاری ہو کے کھیل کھِلائیا۔ بھگتاں بھگتاں نال نہ رہے اُدھار، لیکھا جنم کرم چُکائیا۔ آتم برہم دا بخشنا پیار، پاربرہم برہم اپنا رنگ رنگائیا۔ تیرا حُکم سچّی سرکار، نہ کوئی میٹے میٹ مِٹائیا۔ اِکّتی جیٹھ دا

دِوس وِچار، دِوس اپنی دئے گواہیِا۔ جِس کارن تیرے پیار دا کیِتا وِہار، مُحبّت وِچ دھیان لگائیا۔ سو سچ دوارے کریں سویکار، سچ دے مالک ہونا سہائیا۔ سَت دا سَت سچ دا سچ جگت دا جگ جُگت نال چلاؤنا وِہار، جُگتی بِدھ اپنے ہتّھ رکھائیا۔ جوتی جوت سروُپ ہرِ، آپ اپنی کِرپا کر، کرے کھیل ساچا ہرِ، نِہکلنک نرائن نر، مہاراج شیرسِنگھ وِشنوُں بھگوان، سدا سدا سد جن بھگتاں پاؤندے رہنا سار، سار شبد سار سر دی کار کمائیا۔

پہلی ہاڑ شہنشاہی سمت ۷ ہرِ بھگت دوار جیٹھوُوال رات نوُں ضِلع امرتسر

جیٹھ کہے میَں پربھوُ نوُں کیِتی انت ڈنڈاوت، بندنا وِچ سیِس نِوائیا۔ پُرکھ اکالے دیِن دَیالے میَں دیِن دُنی تکنا چاہُندا بغاوت، بغلگیِر رہن کوئے نہ پائیا۔ اِیمان دھرم وِچ رہے نہ کوئی سلامت، صبوُری صبر نہ کوئے رکھائیا۔ سچ وست تیرا نام ملِے نہ کِسے نیامت، انرس نہ کوئے جنائیا۔ کِرپا نِدھان وکھاؤنی صدی چؤدھویں قیامت، قایم مُقام تیری اوٹ تکائیا۔ سَتجُگ ساچے رہے نہ کوئے اَنجانت، پردہ پردیاں وِچوں دینا چُکائیا۔ جوتی جوت سروُپ ہرِ، آپ اپنی کِرپا کر، ایکا دینا ساچا ور، سچ در حُکم اِک سُنائیا۔ جیٹھ کہے میَں جھُکیا دُھر مالک کیِتا سلام، سجدہ سیِس نِوائیا۔ میرے مِہرواں اِمام، اِیمان تیری جھولی پائیا۔ تیرے کلمے نال قلم دا ہویا کلام، کائنات ویکھ وکھائیا۔ شرع شرع نوُں کیِتا قتلِ عام، قاتل مقتُول دیِن مذہب روُپ جنائیا۔ صدی چؤدھویں سب دا وِگڑیا اِنتظام، حکوُمت حق نہ کوئے کمائیا۔ سچ دا سچ ہویا غُلام، غُربت غُربت نال ٹُھکرائیا۔ میَں تیرا کھیل ویکھنا چاہُندا وِچ عوام، بِن نیَناں نیَن اُٹھائیا۔ شرع دا لیکھا مُکائیں تمام، طمع کوُڑ رہے نہ رائیا۔ جوتی جوت سروُپ ہرِ، آپ اپنی کِرپا کر، کرے کھیل ساچا ہرِ، سچ دا حُکم اِک سُنائیا۔ پُرکھ اکال کِہا جیٹھ اوہ ویکھ میرا ہاڑ مہیِنہ چڑھدا، چڑھدا لہندا دھیان لگائیا۔ لیکھا جانے ہنکار گڑھ دا، گڑھی چمکؤر دئے گواہیِا۔ جِس لہنا مُکاؤنا چوٹی جڑ دا، جڑ چیتن کھوج کھوجائیا۔ اوہ کھیل جانے لکھّ چؤراسی گھر دا، گرِہ گرِہ پھول پھولائیا۔ روُپ دھر نرائن نر دا، نر ہرِ اپنا ویس وٹائیا۔ لیکھا جانے کلجُگ کل دا، کل کاتی کھوج کھوجائیا۔ لکھّ چؤراسی پِھرے چھل دا، اچھل چھلدھاری اپنا حُکم ورتائیا۔ جِس لہنا دینا پوُرا کرنا بل دا، باوَن اپنا رنگ رنگائیا۔ جھگڑا

مُکاؤنا کوُڑ کُڑیارے کلجُگ دل دا، وِکار ہنکار ڈیرہ ڈھاہیِا۔ مالک بنے جل تھل دا، مہیئل پردہ آپ چُکائیا۔ جھگڑا میٹے دوَیتی سلّ دا، دیِن مذہب ذات پات رہن نہ پائیا۔ جن بھگتاں وِچھوڑا میٹے گھڑی پل دا، پلک دے پِچھے نوُر نوُرانہ نظری آئیا۔ جو آتم پرماتم ہو کے رلدا، جوتی جوت جوت سمائیا۔ اُس دا بھانا کدے دا ٹلدا، نہ کوئی میٹے میٹ مِٹائیا۔ اوہ لیکھا جانے اپنے حل دا، حالت تکے دیِن دُنی نوُر اِلاہیِا۔ مالک بن کے نِہچل دھام اٹل دا، سچکھنڈ نِواسی اپنی کار کمائیا۔ جوت پرکاش ہو کے نِرگُن دھار ہو کے بلدا، جوتی جاتا ڈگمگائیا۔ جوتی جوت سروُپ ہرِ، آپ اپنی کِرپا کر، کرے کھیل ساچا ہرِ، سچ دا حُکم اِک ورتائیا۔ پُرکھ اکال کہے جیٹھ اوہ ویکھ ہاڑ مہیِنہ آیا، اپنی لئے انگڑائیا۔ جِس دا ہونا تیج سوایا، سَوا سَوا دی دھار پرگٹائیا۔ کلجُگ کوُڑی ویکھے مایا، مایا ممتا پھول پھولائیا۔ جِس دا وقت سُہنجنا آیا، چاروں کُنٹ خوشی بنائیا۔ جِس نے پہلی ہاڑ اپنا ڈھولا سوہنگ گایا، گا گا خوشی بنائیا۔ اوہ دو جہاناں نؤجوانا مرد مردانہ بن کے دائی دایا، نِرگُن سرگُن سرگُن نِرگُن ویکھ وکھائیا۔ جِسنوُں جننی کُکھ کِسے نہ جایا، جنم مرن وِچ نہ آئیا۔ اوہ نِرگُن دھار ہو کے بےپرواہیِا، بے پرواہی وِچ سمائیا۔ سو حُکم سندیسہ دیوے سہج سُبھایا، سُبھاوک اپنی کار کمائیا۔ جِسنے گوبِند دا ڈھئیا پوُر کرایا، گھڑی پل ویکھ وکھائیا۔ جوتی جوت سروُپ ہرِ، آپ اپنی کِرپا کر، کرے کھیل ساچا ہرِ، سچ دی کرنی کار کمائیا۔ ہاڑ کہے جن بھگتو میَں دوُر دُراڈا آیا نَٹھا، نِرگُن دھار بھجّیا واہو داہیِا۔ نارد نے میَنوُں حال دسّیا اٹّھاں سٹّھاں، بِن تتاں کھوج کھوجائیا۔ میَں ویکھیاں جگت دھار دیاں جٹّاں، جٹا جوُٹ ویکھ وکھائیا۔ دیِن مذہب دیاں تکدا آیا وٹّاں، حد حدوُد پھول پھولائیا۔ کھیل ویکھدا آیا مندر مٹھاں، کعبیاں اکھّ اُٹھائیا۔ میَنوُں چار کُنٹ دہ دِشا جگت دی آسا کردی ٹھٹّھا، ترِسنا رہی دُرکائیا۔ میرا مُل نہ پیا ٹکا، قیِمت قیِمت نہ کوئے رکھائیا۔ میَں جِدھر ویکھیا خالی دِسدے پنج تت کایا مٹّا، دُھر دا رس نہ کوئے بھرائیا۔ میَں انکڑیاں وِچ حِساب لگایا سرِشٹی ہو گئی بٹا، زیِرو زیِرو نال مِلائیا۔ پھیر میَں ویکھیا پتّھر اِٹّاں ، جگت شِوالیاں دھیان لگائیا۔ بہُڑی میَں دُہتّھڑ مار دے پٹاں، پٹنے والے دیاں جنائیا۔ تیرے بِنا صدی چؤدھویں موُل نہ جِتّاں، جِتّ ہار نہ کوئے رکھائیا۔ میَں چاہُندا بھگت دوار دا ویکھاں قِطہ، جِتھے کیتے چند سوُرج دھیان لگائیا۔ مالک تکاں دُھر دا پِتا، پت پرمیشور نوُر اِلاہیِا۔ جِس دا سب نے کیِتا ہِتا، ہِتکاری اوتار پَیغمبر گُروُ اکھوائیا۔ اوہ ویس وٹاوے نِت نوِتا،

جُگ جُگ اپنی کار کمائیا۔ جِس نے کلجُگ انتم کڈھنا سِٹّا، سِٹیبازی ویکھے خلق خُدائیا۔ جوتی جوت سروُپ ہرِ، آپ اپنی کِرپا کر، کرے کھیل ساچا ہرِ، سچ دی ساچی کرنی کار کمائیا۔ ہاڑ کہے جن بھگتو کرِیو نہ کوئے تکرار، جھگڑا جگت نہ کوئے رکھائیا۔ میرا گوبِند نال اِقرار، وعدے نال سُنائیا۔ جِس ویلے سرسے گُرمُکھ دِتے سی ٹھار، جل دھار وِچ سمائیا۔ اُس ویلے ستّراں کیِتی پُکار، انتر انتر دھیان لگائیا۔ گوبِند گوبِند جے انند پُر چھڈنا سی چھڈدوں وِچ مہیِنہ ہاڑ، تن دُکھ نہ لاگے رائیا۔ اوہناں وِچ سی کپوُر سِنگھ اِک براڑ، جِن گل پلّوُ پا کے چرن دھیان لگائیا۔ اِشٹ جان کے چرن چُھہایا داڑھ، بِنا چرن توں سیِس نِوائیا۔ سرسا کر نہ سکیا پار، نؤ قدم پِچھے اپنا آپ تجائیا۔ انت بول کے فتح جَیکار، واہِگُروُ تیری بےپرواہیِا۔ میَں جانا تیرے اُس سچّے دربار، جِتھے درباری نظر کوئے نہ آئیا۔ کرنا تیرا دیِدار، بِن اکھّاں اکھّ اُٹھائیا۔ میری انت دی انت اِکو وار نِمسکار، گوبِند سچّے ماہیِا۔ جھٹ گوبِند کِھچّ کے تلوار، اَگے ہو کے دِتا سُنائیا۔ میرا سِکھ رُڑھے نہ کدے وِچ منجھدھار، دو جہاناں پار کرائیا۔ مستک اُنگل لائی نال پیار، لیکھ لیکھ بدلائیا۔ درشن کر سچّی سرکار، جو شہنشاہ نوُر اِلاہیِا۔ جوتی جوت سروُپ ہرِ، آپ اپنی کِرپا کر، کرے کھیل ساچا ہرِ، سچ دی کرنی کار کمائیا۔ کپوُر سِنگھ دا پِچھلا ناں جِس نوُں کہندے سی سِنگھ جیِتا، جیِت سِنگھ اکھوائیا۔ انتر آتم دا اتیِتا، ترےَگُن توں باہر ویکھ وکھائیا۔ روز نؤ سلوک پڑھدا ہُندا سی گیِتا، اِشٹ کاہن نال بنائیا۔ کرِشن لِکھ کے رکھیا ہُندا سی وِچ کھیِسا، پاکٹ وِچ ٹِکائیا۔ گوبِند دا درشن بِنا اکھّاں منگدا سی شیِشہ، ساکھیات سوبھا پائیا۔ اندروں صاف رکھدا سی نیِتا، نیِتیوان نال اکھّ جُڑائیا۔ جوتی جوت سروُپ ہرِ، آپ اپنی کِرپا کر، کرے کھیل ساچا ہرِ، سچ دی کرنی کار کمائیا۔ گوبِند دا انت کیِتا دیِدار، سرسے وِچ دھیان لگائیا۔ گوبِند نے پھیر کیِتا اِشار، بِن اِشارے دِتا سمجھائیا۔ میَں پھیر آؤنا تے نال آؤنا میرا نر نِرنکار، نِرگُن روُپ وٹائیا۔ میَں سَتگُر شبد ہونا دو جہاناں سِکدار، برہمنڈ کھنڈ حُکم سُنائیا۔ سمبل وسنا وسنا دھام نیار، ساڈھے تِنّ ہتّھ ڈیرہ لائیا۔ تیرا جنم پھیر دیواں دوبار، جنم جنم وِچوں بدلائیا۔ میَں میلاں اپنی دھار، سُرت شبد نال رکھائیا۔ پھیر کھیل ہونا جِس ویلے سمت شہنشاہی آؤنا جِس دا روُپ ہونا اپار، اپرمپر سوامی نال مِلائیا۔ دیِن دُنی نوُں مارنی مار، کھنڈا کھڑگ نام چمکائیا۔ اوتاراں پَیغمبراں گُروُآں دا قرضہ دینا اُتار، پِچھلا لیکھا رہے نہ رائیا۔ بھوِکھتاں دی پاؤنی سار، پیشیِن گوئیاں

دئے چُکائیا۔ بِنا سِکھاں توں میری سمجھنی نہیں کِسے گُفتار، گُفت شُنیِد اپنا کھیل کھِلائیا۔ میرے پَینڈے دی جان سکے نہ کوئے رفتار، رفتہ رفتہ اپنی کار کمائیا۔ یاد رکھ جِتھے میرا سِکھ ہویا اُتھوں کر لیَنا گرِفتار، شبد ڈوری نال بندھائیا۔ پھیر کرنا اگمّی وِہار، بھگت سُہیلے دُھر دے سنگ رکھائیا۔ کل کلکی لئے اوتار، کل کلیش دینا مِٹائیا۔ جوتی جوت سروُپ ہرِ، آپ اپنی کِرپا کر، کرے کھیل ساچا ہرِ، سچ دا حُکم اِک سُنائیا۔ گوبِند کِہا اِک ہور لےَ جا سندیسہ، چھیتی نال جنائیا۔ نال ہتّھ ماریا اُتے کیسا، کیس گڑھ دا لہنا دِتا مُکائیا۔ اوہ ویکھ نر نریشا، ہرِ کرتا دُھردرگاہیِا۔ بھگتاں نوُں تارنا جِس دا پیشہ، پیشیِن گوئیاں اپنی جھولی پائیا۔ جو آد جُگاد رہے ہمیشہ، ہم ساجن نظری آئیا۔ جِس مِٹاؤنا مُلّا شیخاں، شیخی سب دی دئے گوائیا۔ لہنا رہے نہ کِسے لیکھا، لیکھے سب دے دئے چُکائیا۔ جن بھگتاں اندروں کڈھ کے بھرم بُھلیکھا، بھانڈا بھرم بھؤ بھنّائیا۔ جوتی جوت سروُپ ہرِ، آپ اپنی کِرپا کر، کرے کھیل ساچا ہرِ، سچ دا حُکم اِک سُنائیا۔ گوبِند کِہا اِک ہور سُن لےَ بات، جلدی جلدی دیاں دِرڑائیا۔ پھیر سرسے دی انھیری رات، پوَن ٹھنڈ نال کھیل کھِلائیا۔ سب دا وِچھڑیا ساتھ نالوں ساتھ، ساتھی سنگ نہ کوئے نِبھائیا۔ اِک دوُجے نوُں رہے آکھ، اندرے اندر دھیان لگائیا۔ دھنّ اوہ ویلا آوے جد گوبِند دا پوُرا ہووے بھوِکھت واک، واقع ویکھے جگت لوکائیا۔ گوبِند ہسّ کے کِہا پھیر کھولانگا تاک، پردہ دھرم والا رکھائیا۔ گُر اوتار پَیغمبر ساریاں دی ہوویگی اِک جماعت، دیِن مذہب دا جھگڑا نہ کوئے رکھائیا۔ لیکھا پوُرا کرنا تریَلوکی ناتھ، جو کاہنا کرِشنا ارجن گیا سمجھائیا۔ جِس رام نے رام دا رکھیا وِشواس، اوہ وِشوَ دا میلا لئے مِلائیا۔ پَیغمبراں دا پَیغمبر پرگٹ ہووے ساکھیات، شناخت اپنے ہتّھ رکھائیا۔ دیِن مذہب دا جھگڑا میٹے کاغذات، قاعدہ اِکو اِک سمجھائیا۔ جوتی جوت سروُپ ہرِ، آپ اپنی کِرپا کر، کرے کھیل ساچا ہرِ، سچ دا حُکم اِک سُنائیا۔ سرسا کہے میَں سُنیا لا کے کنّ، وہِندی دھار دیاں جنائیا۔ ساکھیات روُپ تکیا گُجری چنّ، جِس نوُں چند سوُریہ سیِس نِوائیا۔ جِس نے میرے وِچ رُڑھدے جاندے تارے چنّ، بنے جنیندی مائیا۔ اوہناں دے لیکھے لا کے تن، طرح طرح ہویا سہائیا۔ نام نِدھان دا دے کے دھن، اتوٹ اتُٹ دِتا کرائیا۔ جگت واسنا وِچوں بنّھ کے من، منسا پربھ دے نال مِلائیا۔ کرا کے وسیرا بِنا چھپّری چھنّ، سچکھنڈ دوارے دِتا ٹِکائیا۔ جِتھے شبد دی دھار کہے دھنّ دھنّ دھنّ، رسنا جِہوا نظر کوئے نہ آئیا۔ جوتی جوت سروُپ ہرِ، آپ

اپنی کِرپا کر، کرے کھیل ساچا ہرِ، سچ دا حُکم اِک سُنائیا۔ سرسا کہے گوبِند نے میرے پانی اُتے کھنڈے دی دھار ماری لیِک، پھیر ہتّھ چھاتی اُتے ٹِکائیا۔ شہنشاہی سمت ستّ دی جِس ویلے آئی ستاراں ہاڑ دی تاریخ، تواریخ پِچھلی دیاں بنائیا۔ اوتارو پَیغمبرو سب نے کرنی اُڈیِک، حُکم حق حق سُنائیا۔ میرا مالک پُرکھ اکالا جِس دے وِچ سچ تؤفیِق، فریق رفیق لیکھا اِکو دئے جنائیا۔ جِس نے جھگڑا میٹنا مندر مسیِت، کعبیوں پرے کرے رُشنائیا۔ اُس دا گاؤنا سب نے گیِت، ڈھولا دسےّ دُھردرگاہیِا۔ جوتی جوت سروُپ ہرِ، آپ اپنی کِرپا کر، کرے کھیل ساچا ہرِ، سچ دا حُکم اِک سُنائیا۔ سرسا کہے گُرمُکھ جاندے سِنگھ جیِت جوڑے ہتّھ، ہتّھ ہتّھ نال مِلائیا۔ میرے سَتگُر سمرتھ، تیری بےپرواہیِا۔ تُوں جدوں آویں میَں چڑھاں تیرے رتھ، رتھ رتھواہی اِکو سوبھا پائیا۔ تیری صِفت ہووے اکتھ، کتھنی کتھ نہ سکے رائیا۔ اِک بچن دسّ، سہج نال سیِس نِوائیا۔ کِس بِدھ اپنا دیویں رس، بِن رسنا رس چکھائیا۔ گوبِند پیا ہسّ، ہسّ کے دِتا دِرڑائیا۔ میرے کول گُرمُکھو تُہاڈے اندر دی اِک اکھّ، بِن اکھّیاں توں اکھّ لَواں مِلائیا۔ ساری سرِشٹی توں کر کے وکھ، وکھّرا اپنا راہ سمجھائیا۔ میرا روُپ واحد یک، نوُر جوت جوت رُشنائیا۔ جن بھگتاں میل میل مِلاواں بِنا ہتّھاں ہتّھ، ہتھیلی اپنے وِچ رکھائیا۔ جوتی جوت سروُپ ہرِ، آپ اپنی کِرپا کر، کرے کھیل ساچا ہرِ، سچ دا حُکم اِک سُنائیا۔ سمت ستّ شہنشاہی کہے میَنوُں آؤندا جاندا پسینہ، ہڈّ پسلی دین گواہیِا۔ چڑھ گیا ہاڑ مہیِنہ، مہیِنہ اپنی رُت بدلائیا۔ جِس کھیل ویکھنا پربھ دا ترےَگُن توں باہر تیِنا، تریَلوکی توں پرے دھیان لگائیا۔ جِس جن بھگتاں ٹھانڈا کرنا سیِنہ، اگنی تت نہ کوئے تپائیا۔ ہرِجن بناؤنا شبد دھار نگیِنہ، قیِمت اپنے ہتّھ رکھائیا۔ کِسے دے ہون نہیں دینا اَدھیِنا، دوُسر دیوے نہ کوئے سزائیا۔ جِس نے اپنا آپ کھیل کیِنا، کرنی کرتا کار کمائیا۔ اوہ مالک وڈ پربیِنتا، پرم پُرکھ نوُر اِلاہیِا۔ جِس دا کھیل ہونا اسمان زمیِنا، دو جہان راہ تکائیا۔ لیکھا چُکاؤنا سب دا قدیِما، قُدرت دا قادر ویکھ وکھائیا۔ پھیر بن کے شہنشاہ عظیِما، اعلیٰ ادنیٰ اِک رنگ وکھائیا۔ کلجُگ وِچ سَتجُگ کر دیوے ترمیما، حُکم حُکم نال سمجھائیا۔ جیہڑا کھیل ویکھیا سی بہتّر وار نامہ چھیمبا، سو بہتّراں دی صِفت بھگت دوار سوبھا پائیا۔ جوتی جوت سروُپ ہرِ، آپ اپنی کِرپا کر، کرے کھیل ساچا ہرِ، سچ دی کرنی کار کمائیا۔ ہاڑ کہے پربھوُ میَں ویکھیا کھیل نیارا، نِرگُن دھار کھوج کھوجائیا۔ تُوں ماجھا جموں پِھریوں سارا، بھگت سُہیلے انگ

لگائیا۔ ہُن دوآبہ مالوا رہنا تیارا، ترےَگُن اتیِتا رہیا دِرڑائیا۔ گوبِند دی دھار کپوُر سِنگھ نے ڈرائیور بننا کارا، کار اپنی ہتھّیں بھوائیا۔ سِر تے پیِلا ہووے دستارا، گل چولا لال وکھائیا۔ تیڑ تہمت ہووے کالا، مؤلی تند گُٹ نال رکھائیا۔ دو ساتھی ہون نال لِکھارا، لِکھاری لیکھ وِچ وڈیائیا۔ جوتی جوت سروُپ ہرِ، آپ اپنی کِرپا کر، کرے کھیل ساچا ہرِ، سچ دا حُکم اِک ورتائیا۔ ہاڑ کہے میری ہور اِک منگ، منگتا ہو کے دیاں جنائیا۔ مالوے والے تِنّ گُرمُکھ مالوے وِچ رہن نال سنگ، سگلا سنگ بنائیا۔ کیہر سِنگھ ناظر سِنگھ ماڑی والا روُپ بناؤنا جِؤں کرن جانا جنگ، کِرپال سِنگھ ہتّھ ہتّھ نال مِلائیا۔ جِس ویلے پُٹھا ڈٹھّا ہووےگا پلنگ، نؤ نؤ وار سیِس جھُکائیا۔ اِس دا کھیل اَگے دسےّ سوُرا سربنگ، ہرِ کرتا دُھردرگاہیِا۔ کی وعدہ کیِتا جِس ویلے گوبِند نے چھڈیا پُری انند، انند جگت والا تجائیا۔ جوتی جوت سروُپ ہرِ، آپ اپنی کِرپا کر، کرے کھیل ساچا ہرِ، سچ دی کار کمائیا۔ ہاڑ کہے جن بھگتو بُھلنا نہیں وِچ مات، متا تُہاڈے نال پکائیا۔ حُکم سُن لؤ میری پہلی رات، رُتڑی اپنا رنگ وکھائیا۔ یاراں دِن تُہانوُں بخشنی دات، شبد اگمّا اگمّ ورتائیا۔ سب دی آتم پرماتم بناؤنی ذات، اجاتی بھیوَ رہے نہ رائیا۔ جوتی جوت سروُپ ہرِ، آپ اپنی کِرپا کر، کرے کھیل ساچا ہرِ، سچ دی کرنی کار کمائیا۔ ہاڑ کہے دوآبے والیو کس لؤ کمرکسا، قسم نال تُہانوُں دیاں جنائیا۔ نؤ دِن تُہانوُں مِلنا رسا، رستے سب دے لینےَ بدلائیا۔ لال سِنگھ جسونت سِنگھ پریِتم سِنگھ نال رہنا لّک نوُں بنّھ کے رسّا، ساڈھے تِنّ ہتّھ لمبائیا۔ چھاتی اُتے پپا تے متھے اُتے لِکھیا ہووے سسّا، سوہنا رنگ رنگائیا۔ اَگے کھیل وکھاؤنا نال اکھّاں، اکھّاں اکھّاں وِچوں کُھلائیا۔ جن بھگتو تُہانوُں رُلن نہیں دینا وِچ ککھّاں، کلجُگ دے کوُڑے وِچوں باہر لیَنا کڈھائیا۔ او تُہانوُں اُس پربھوُ دیاں رکھاں، جِس نوُں گُر اوتار پَیغمبر سیِس نِوائیا۔ تُہاڈا جنم کرم دا لیکھا بِنا قلم شاہی توں کر دینا رفع، نِشانہ کوُڑ دینا مِٹائیا۔ جِدھر جانا پیار دا دیندے جانا گپھّا، غفلت اندروں باہر کڈھائیا۔ ایس وِہار وِچ کِسے نہیں ہونا خفا، غُصّہ گِلہ نہ کوئے رکھائیا۔ کیوں جن بھگتو تُہاڈے پِچھے ساری سرِشٹی اُتے لگّنی دفعہ، جِس دی دفعہ نہ کِسے سمجھائیا۔ ایہہ اوہ مضموُن جِس دا بدلیا نہیں کِسے نے صفحہ، صفحہ سب دی دئے اُلٹائیا۔ جوتی جوت سروُپ ہرِ، آپ اپنی کِرپا کر، کرے کھیل ساچا ہرِ، سچ دی کرنی کار کمائیا۔ جیٹھ کہے کپوُر سِنگھ مستک چڑھی رہے لالی، لال گوبِند لئے بنائیا۔ ویکھنا کھیل اَگے حالی، ماضی دا چیتا

دینا بُھلائیا۔ جن بھگتو پربھوُ دے نام دی کرے نہ کوئے دلالی، دلالاں دا لیکھا دینا چُکائیا۔ اِکو جوت تے جوت اکالی، اکل کل دھاری بےپرواہیِا۔ ہُن پھل لگاؤنا تُہاڈے پنج تت دی ڈالی، ٹہنی ٹہنی دینی مہکائیا۔ تُسیں کِسے دے کدے نہ بنیو سوالی، آسا سب دی پوُر وکھائیا۔ تُہاڈی آتما اَنجانی بالی، پر پربھ دی آد توں چلی آئیا۔ جوتی جوت سروُپ ہرِ، آپ اپنی کِرپا کر، کرے کھیل ساچا ہرِ، سچ دی کرنی کار کمائیا۔ نارد کہے ہاڑا کیوں ماردا کڑاکے، اَیوے رہیا ڈرائیا۔ ہاڑ کہے اوئے ناردا اوہ ویکھ اُمت نبی تے موُسیٰ دی دھار پَیندے پٹاکے، پٹنے والا ویکھ وکھائیا۔ او کملیا تَینوُں پتہ نہیں کی کھیل ہُندا ڈھاکے، ڈھاکاں تے چُکن والا رہن کوئے نہ پائیا۔ کیوں پروردِگار نے سب دے کِھچّ دِتے خاکے، خاکی خاک وِچ دینا مِلائیا۔ صدی چؤدھویں اپنا راہ تاکے، نیَن نیَن نیَن رہی اُٹھائیا۔ کیوں میری بدلدی جاندی پربھاتے، سندھیا اپنا روُپ جنائیا۔ چار یاری تکیئے کھاتے، کیوں خطرہ اَگے نظری آئیا۔ جاں ویکھیا اسیں بند چؤداں طبق دے احاطے، گڑھ نِکاّ جِہا وکھائیا۔ چؤداں طبق پربھ دا نِکاّ جِہا بلاکے، جِس وِچ بلاک کر کے لاک اُمت دا دینا لگائیا۔ محمد بہُڑی بہُڑی آکھے، آخر رہیا سُنائیا۔ جوتی جوت سروُپ ہرِ، آپ اپنی کِرپا کر، کرے کھیل ساچا ہرِ، سچ دا حُکم اِک ورتائیا۔ ہاڑ کہے نارد جی آہ ویکھ میری لنگوٹی، بِن کپّڑ دیاں وکھائیا۔ اوہ ویکھ گاں سوُر دی بوٹی، جو رو رو رہی کُرلائیا۔ اوہ تکّ لےَ اوہ مالک خالق جو سب دی چڑھیا چوٹی، چوٹا ہو کے اپنا حُکم ورتائیا۔ اُس دے ہتّھ ستّ رنگ دی سوٹی، سُتیاں لئے اُٹھائیا۔ ضرور فرنگی دی اُڈا دینی ٹوپی، جو تیغ بہادر گیا لِکھائیا۔ جِس دے کھیل نوُں جان نہ سکن کوٹن کوٹی، کوٹن کوٹ راہ رہے تکائیا۔ اُس دی سب توں وکھّری سوچی، جِس دی سوچ سمجھ وِچ نہ کوئے سمجھائیا۔ جے کُچھ بھیت دِتا تے دِتا رَوداس چمارے موچی، پردہ پردیاں وِچوں چُکائیا۔ رَوداسا جِس ویلے میرے نام دی رہی کوئی نہ روزی، روزے بانگ والا رہن کوئے نہ پائیا۔ اُس ویلے مان رہنا نہیں کِسے بودھی، بودی جنجوُ دئے دُہائیا۔ اپنی دھار کِسے توں جانی نہیں سودھی، بُدھ بِبیک نہ کوئے کرائیا۔ دھرم دا رہنا نہیں کوئی جوگی، جُگیِشر روون مارن دھائنیا۔ ساری سرِشٹی نیتراں دی ہونی بھوگی، بھَین بھائی اپنی اکھّ بدلائیا۔ بِنا پربھوُ دی کِرپا توں رَوداسا پُرکھ اکال دا بنے نہ کوئے سنجوگی، آتم پرماتم میل نہ کوئے مِلائیا۔ واشنا رہنی نہیں تن وجوُد والی ڈوڈی، خوشی مہک نہ کوئے مہکائیا۔ میرا انت لیکھا مُکاؤنا جِس نے انت روُپ دھراؤنا سوڈھی،

سوڈھی بنس نال چتُرائیا۔ پھیر اُس دی دھار میرے نال جانی سودھی، جِس نوُں سُدی ودی جان سکے نہ رائیا۔ اُس ویلے سادھاں سنتاں دی دھار ہونی لوبھی، مایا ممتا وِچ ہلکائیا۔ جوتی جوت سروُپ ہرِ، آپ اپنی کِرپا کر، کرے کھیل ساچا ہرِ، سچ دا حُکم اِک سُنائیا۔ نارد کہے ہاڑ جی ججمان جی دسّو کی کیِتا جے جمع، کھاتہ دیؤ وکھائیا۔ کیہڑی پےَ گئے وِچ طمع، تامس وِچ ہلکائیا۔ کیوں بُجھ گئی شمع، نوُر جوت نہ کوئے رُشنائیا۔ ہاڑ کہے ناردا او میَنوُں پنڈتا اِکو غما، غم گیِن ہو کے دیاں جنائیا۔ بہُڑی دروہی دُہائی دُنی جھگڑدی ماٹی چمّا، چمّ درِشٹی اندر برہم نظر کِسے نہ آئیا۔ میَں روواں اے مالک ایہہ بدل دے سماں، سماپت کوُڑی کِریا کر لوکائیا۔ میَنوُں چاؤ گھنیرا ہووے جے تیرا سَتجُگ ہووے رواں، روانگی کلجُگ ہتّھ پھڑائیا۔ میَں تیریاں بھگتاں وِچ مِل کے بہواں، بھگوَن تیرا روُپ ویکھ وکھائیا۔ جوتی جوت سروُپ ہرِ، آپ اپنی کِرپا کر، ایکا دینا ساچا ور، سچ دا حُکم اِک سُنائیا۔ ہاڑ کہے پنڈتا اؤہ تکّ لےَ کملاپاتی، پت پرمیشور بےپرواہیِا۔ جِس دا آد توں انت تکّ بنیا نہ کوئے جماعتی، وِدیا سنگ نہ کوئے رکھائیا۔ جِس نے کیِتی تے کیِتی اُس دے نام دی کاپی، جو سندیسہ اندرے اندر دِرڑائیا۔ اوسے دا گوّئیا تے اوسے دا بن گیا پاٹھی، اوسے دے راگ الائیا۔ اوسے دی چڑھ کے گھاٹی، انت اوسے وِچ سمائیا۔ پر اِک گلّ یاد رکھ گوبِند نے گُرمُکھاں نوُں امرت چھکا کے اپنی ہتھّیں مانجی سی باٹی، جِس دا لیکھا سکیا نہ کوئے سمجھائیا۔ جے باٹا نہ مانجدا تے گُرمُکھ گُرسِکھ سِنگھ اندروں بن جاندے پاکی، پوِتر روُپ نظری آئیا۔ پر گوبِند نے اندروں کِسے نوُں دِتی نہیں معافی، اپنے ہتھّیں نہ کیِتی صفائیا۔ اُتوں دے کے پِٹھ تے تھاپی، جگت جہان وِچ لڑائیا۔ جوتی جوت سروُپ ہرِ، آپ اپنی کِرپا کر، کرے کھیل ساچا ہرِ، سچ دا کھیل آپ وکھائیا۔ ہاڑ کہے ناردا میَں اِک ماراں ہڑّپا، دوویں پَیر اُٹھائیا۔ اِک سُناواں ٹپّا، ٹاپوُآں توں باہر جنائیا۔ ایتکیں پربھوُ نے بھید کھولنا پربھ نے کیوں اکھّر بنایا پپا، جِس دے نال پاربرہم پوُرن وِچ سمائیا۔ ایہہ لیکھا اِکوَنجا وار لِکھیا نانک تپا، اُنگلاں زمیِن اُتے گھسائیا۔ گُر ارجن نے نؤ دِن پہلوں گُروُ گرنتھ دے لِکھن توں صفحہ، لِکھ کے پھیر راوی وِچ وہائیا۔ گوبِند نے سرسے نوُں دِتا نفع، جِس وِچ نُقصان گُرسِکھاں دا اپنی جھولی پائیا۔ جوتی جوت سروُپ ہرِ، آپ اپنی کِرپا کر، کرے کھیل ساچا ہرِ، سچ دا حُکم اِک ورتائیا۔ نارد کہے ہاڑ جی میَں اجّ پِھریا بہُت دوُر، دوُر دُراڈا دیاں جنائیا۔ میَں ویکھیا کوہ طوُر، موُسے اکھّ مِلائیا۔ میَں تکیا عیسیٰ نوُر،

نوُر نوُر اِلاہیِا۔ میَں تکیاں کیہڑیاں محمد بخشیانحوُر، حوُرہوُر روُپ سمائیا۔ جِس نے سب نوُں کر دِتا مجبوُر، مجبوُری وِچ سارے دین دُہائیا۔ جِنہاں دے گھر گھر وِچ پَینا فتوُر، فتویٰ کلمے والا لگائیا۔ کیوں ایہہ کھیل کرے جو سرب کلا بھرپوُر، بھرپوُر رہیا سرب ٹھائنیا۔ جن بھگتو تُہانوُں کر دیوے مشہوُر، مشرق توں مغرب نال مِلائیا۔ کیوں دیِن دُنی تپنی وانگ، تندوُر، بھٹھیالا کلجُگ اگنی ڈاہیِا۔ کِسے نے سمجھنا نہیں میرا کی قصوُر، کسر اعشاریئے نال سب نوُں دئے اُڈائیا۔ جوتی جوت سروُپ ہرِ، آپ اپنی کِرپا کر، کرے کھیل ساچا ہرِ، سچ دا حُکم اِک سُنائیا۔ ہاڑ کہے بھگتو آو کریئے صلاح، سوہنا سنگ بنائیا۔ منّیئے اِک ملاح، جو کھیوٹ کھیٹا دُھردرگاہیِا۔ جِس دا آد انت دا راہ، رہبر نوُر اِلاہیِا۔ جِس نوُں پَیغمبراں کِہا خُدا، خود مالک اگمّ اتھاہیِا۔ کردے رہے دُعا، بِن نیَناں نیَن اُٹھائیا۔ تیری چلیئے سدا رضا، رازق رِزق رحیِم تیری سرنائیا۔ سانوُں اِکو دسّ دے ساڈے انت ہون دی اِکو وجہ، وجوُہات دے سمجھائیا۔ پروردِگار کِہا میَں یار سانجھا نوُر الاہی میری سمبل ہونی جگہ، دھرتی خاک نہ ڈیرہ لائیا۔ میرے نال صوُفی سنتاں بھگتاں دا ودھنا اَگا، اَگے اپنا حُکم چلائیا۔ یاد کر لؤ دیِن مذہب دا رہے نہ کوئے بدھّا، بندھن سب دے دینے تُڑائیا۔ جِس ویلے سمت شہنشاہی ستّ دھرم دے بھگتاں دی بنی ہووے سبھا، سبھا دے وِچ دئے جنائیا۔ بھیوَ کھولانگا کلمہ اگمّی بولانگا محمدا کیوں کٹائیا لباں، لبریز تیرا پَیمانہ دیاں کرائیا۔ یاد کر لےَ میَں پَیغمبراں دا پَیغمبر حُکم وِچ اصوُل وِچ بڑا کبّا، کعبیاں توں پرے ڈیرہ لائیا۔ ایسے کر کے بچّوُ میَنوُں سارے کہندے ابّا، امی جان روُپ نہ کوئے بنائیا۔ بابا آدم تے مائی حوّا دا پا کے سب تے دبّا، دباؤ اپنا دِتا جنائیا۔ یاد کرو تُہانوُں رکھ کے درگاہ ساچی وِچ ڈبّا، ڈب اپنی وِچ بند کرائیا۔ پھیر کھیل ویکھیو سجّا کھبّا، کھبّا سجےّ نال مِلائیا۔ جوتی جوت سروُپ ہرِ، آپ اپنی کِرپا کر، کرے کھیل ساچا ہرِ، سچ دا مالک اپنی کار کمائیا۔ ہاڑ کہے بھگتو گرنتھ کہندے سنتاں ہتّھ نام دی کُنجی، جیہڑے کوُنج وانگ کُرلائیا۔ جیہڑے نام دی آپ بھردے ہون چُنگی، محصوُل توں بری نہ کوئے کرائیا۔ کِسے نے دھوتی پہنی کِسے نے پہن لئی تمبی، کوئی ہَیٹ پیَنٹ نال چتُرائیا۔ پربھوُ دی کھیل بڑی لمبی، گُر اوتار پَیغمبر سَتجُگ تریتا دواپرکلجُگ وِچ آؤن والے سمجھ سکن نہ رائیا۔ جِنہاں نے نام جپیا سواس تے دمی، مالا منکیاں والی بھوائیا۔ روُپ دھار کایا ماٹی چمّی، پنج تتاں سنگ رکھائیا۔ جیہڑی دھار ماتا دی کُکھوں ہووے جمّی، انت پھیر مر جائیا۔ اُس

دی گلّ کی سُننی کنّی، جو کنّاں توں بِنا نہ سکے سُنائیا۔ اُس سَتگُر دی کاہدی لوڑ جِہدی اکھّ ہو گئی انّھی، ڈنگوری پھڑ کے جگت وِچ قدم ہؤلی ہؤلی ٹِکائیا۔ سَتگُر شبد اوہ جِس دی جوانی نوَیِں، نواں نکور نظری آئیا۔ اوہ دُھر دی دھار دا کَوی، شبد شبد وِچوں پرگٹائیا۔ پر اوہ بڑا بے پرواہ جِس نوُں ساریاں کِہا آؤنا اوتار چوَھی، چؤبیسا اپنا روُپ بدلائیا۔ اوہدی دھارا نِکی جِہی سوہل تے لوی، لیَری نظری آئیا۔ جوتی جوت سروُپ ہرِ، آپ اپنی کِرپا کر، کرے کھیل ساچا ہرِ، سچ دا مالک حُکم سُنائیا۔ حُکم کہے جن بھگتو میَں بڑا سختا، میَنوُں پربھ نے دِتا بنائیا۔ میَں بڑا بکتا، دو جہاناں کراں شنوائیا۔ میَں کدے نہ اکدا، جُگ جُگ ویس وٹائیا۔ میَں کدے نہ تھکدا، بھجّاں واہو داہیِا۔ پُریاں لوآں ٹپّدا، گگن گگننتراں چرناں ہیٹھ دبائیا۔ اِک سندیسہ سُنو گپّ دا، گپّاں مارن والیو تُہانوُں دیاں بُجھائیا۔ ہُن بیڑا ڈُبنا سب دا پپ دا، پاپیِاں ہوئے نہ کوئی سہائیا۔ صدی چؤدھویں انت انگیارا تپدا، تپیِشر شانت نہ کوئے کرائیا۔ کیوں مایا نے روُپ دھر لیا سّپ دا، پِیو پُت نوُں ڈس کے کرے صفائیا۔ ہِردیوں پربھ دا نام کوئی نہیں جپدا، رسنا بُل سارے رہے ہِلائیا۔ اندروں میل نہیں کِسے اکھّ دا، نِج نیتر لوچن نیَن نہ کوئے رُشنائیا۔ بِنا پربھوُ دی کِرپا توں کِسے دا مُل نہیں پَینا ککھّ دا، رائے دھرم ہٹّ وِکائیا۔ سماں اپنے آپ جاندا ٹپدا، بھجےّ واہو داہیِا۔ اَگے جھگڑا مِٹنا دیِن مذہب دی کھپّ دا، کھپّر لےَ کے چار جُگ دی کلجوگن بَیٹھی راہ تکائیا۔ کیوں بھرا پیاسا ہو گیا بھرا دی رتّ دا، پِیو پُت بنیا روُپ قصائیا۔ پُرکھ ناری اِک دوُجے ولّ تکدا، سَت دھرم وِچ نہ کوئے سمائیا۔ جیہڑا سَتگُر دی سرن ڈھٹّھدا، اوہنوُں ٹعنے دئے لوکائیا۔ جیہڑا پُرکھ اکال دی دھار اَگے اپنا آپ گھتدا، ناتا چھڈے مات پِت بھَین بھائیا۔ اوس نوُں کلجُگ جیِو ویکھ ویکھ تپدا، تن اگن رہیا لگائیا۔ جوتی جوت سروُپ ہرِ، آپ اپنی کِرپا کر، کرے کھیل ساچا ہرِ، سچ دا حُکم اِک سُنائیا۔ پہلی ہاڑ کہے سُنو بچن اِک ہور، ہور دیاں جنائیا۔ پِیلے بستر پہنے بِشن کؤر، جیہڑی گُربخش سِنگھ دی مائیا۔ جِس نوُں کِرپا کر کے اُس دے پِچھے دینا تور، در ساچے دینی وڈیائیا۔ جن بھگتو پربھوُ نوُں سدا بھگتاں دی لوڑ، جگت دھار وِچ اپنا آپ نہ کدے بدلائیا۔ جو سدا سدا سد بندی چھوڑ، چُھٹکی لِو لئے لگائیا۔ پنجاں پیاریاں بِشن کؤر دے ہتّھ نوُں بنھنی ڈور، سجےّ گُٹ نال رکھائیا۔ سَتگُر اپنے ہتھّیں کریگا چؤر، چؤراسی وِچوں باہر کڈھائیا۔ اَگے ساریاں بھگتاں نوُں سریِر چھڈن توں پہلاں تکیا کریگا نال غؤر، گھر گھر

جا کے ویکھ وکھائیا۔ جوتی جوت سروُپ ہرِ، آپ اپنی کِرپا کر، کرے کھیل ساچا ہرِ، سچ دا رنگ اِک رنگائیا۔ پہلی ہاڑ کہے جن بھگتو سارے مُچھیں دیؤ تاء، طاقتور اکھوائیا۔ ستاراں ہاڑ نوُں آؤنا نال چاء، ہر ہِردے وجےّ ودھائیا۔ اَگوں ملِے بے پرواہ، بے پرواہی وِچ سمائیا۔ دوہاں نے بھگت بھگوان دا ناں سوہنگ مہاراج شیرسِنگھ وِشنوُں بھگوان دا ڈھولا لیَنا گا، سانجھی ہوئے پڑھائیا۔ ہاڑ کہے میَں پھیر سب نوُں سیِس دیاں نِوا، نِو نِو دھوُڑی خاک رمائیا۔ بِنا رسنا توں کرنا واہ واہ، واہ واہ تیری بےپرواہیِا۔ جوتی جوت سروُپ ہرِ، آپ اپنی کِرپا کر، کرے کھیل ساچا ہرِ، نِہکلنک نرائن نر، مہاراج شیرسِنگھ وِشنوُں بھگوان، آد جُگادی نؤجوان، بِردھ بال روُپ نہ کوئے وٹائیا۔

۲ ہاڑ شہنشاہی سمت ۷ ماتا بِشن کؤر، رنجیِت کؤر، امرجیِت سِنگھ، سُرجیِت سِنگھ، پریِتم سِنگھ، جگجیِت سِنگھ، گُرمیِت سِنگھ گُرچرن سِنگھ، ہربھجن سِنگھ، وریام سِنگھ، پال سِنگھ، امر سِنگھ، جگمیل سِنگھ، مِلکھا سِنگھ،

بچن سِنگھ، دلیِپ سِنگھ، سنتوکھ سِنگھ، سادھوُ سِنگھ، ٹھاکر سِنگھ، کرتار کؤر، ننتی، گوپال کؤر،
سُبھاگ ونتی، چنّن کؤر، پریِتم کؤر، پیارا سِنگھ، روُپ سِنگھ، کنن سِنگھ، بھگت سِنگھ پِنڈ کیر جموں،
سوَرن سِنگھ پِنڈ باٹھ ہرِ بھگت دوار جیٹھوُوال ضِلع امرتسر

دیپک کہن ساڈا چمکیا نوُر، نوُر نوُرانے دِتا چمکائیا۔ اسیں سندیسہ دینا ضرور، ضروری سب نوُں مات جنائیا۔ جن بھگتو انتر کرِیو نہ کوئے غروُر، ہنکار وِکار نہ کوئے وڈیائیا۔ پُرکھ اکال سدا تکو حضوُر، جو حضرت اگمّ اتھاہیِا۔ سچ سوامی دا تکو دستُور، جو دست دست نال مِلائیا۔ اپنے انتر تکو اگمّا نوُر، کوہ طوُر توں پرے رُشنائیا۔ سچ نام دا لیَنا سروُر، رس اِکو اِک وکھائیا۔ صدی چؤدھویں رہنا نہیں کِسے موُڑھ، مُگدھاں لئے اُٹھائیا۔ سب دی آسا منسا کرے پوُر، پوُرن برہم اِک سمجھائیا۔ سگلے سنگی ساتھی اِکو رنگ رنگائے نہ نیڑا نہ دوُر، دوُر دُراڈا ویکھ وکھائیا۔ جوتی جوت سروُپ ہرِ، آپ اپنی کِرپا کر، کرے کھیل ساچا ہرِ، سچ دا حُکم اِک ورتائیا۔ حُکم کہے میَں پربھ دا حُکمی بندہ، بندن وِچ سیِس نِوائیا۔ بھیوَ کھولاں پربھوُ سندا، جو

سندیسہ دیوے اپنی دَیا کمائیا۔ جِس دے وِچ سچ انندا، انند انند وِچوں پرگٹائیا۔ اوہ سار پاوے جیرج انڈا، اُتبُھج سیتج کھوج کھوجائیا۔ لیکھا جانے گوبِند والا کھنڈا، کھنڈا کھڑگ نال ٹکرائیا۔ پھیر پؤڑی منزل تکے ڈنڈا، ڈنڈاوت ویکھے چائیں چائنیا۔ پھیر سندیسہ دِتا ویکھو کلجُگ انتم کنڈھا، کنڈھی بَیٹھا دھیان لگائیا۔ گُرمُکھاں کولوں کھاوے اِک اِک گنڈھا، رس رس وِچ جنائیا۔ جوتی جوت سروُپ ہرِ، آپ اپنی کِرپا کر، ایکا دینا ساچا ور، ہرِ سچ تیری سرنائیا۔ دیِپک کہن جن بھگتو ویکھو ساڈی لو، لوچن نیَن اکھّ کُھلائیا۔ گھِرت باتی اِکو ہو، اِکو دھار وِچ سمائیا۔ جھگڑا میٹ کے دوُآ دو، دو جہاناں کھہڑا دیاں چُھڈائیا۔ مالک تکیا اگمّ اتھاہ اوہ، اوڑک جِس نوُں سیِس نِوائیا۔ انتر درِشٹی تکے موہ، مُحبّت کھوج کھوجائیا۔ پربھوُ پرکاش جِس نال جاوے چھوہ، چھوہرا بانکا لئے پرگٹائیا۔ جوتی جوت سروُپ ہرِ، آپ اپنی کِرپا کر، کرے کھیل ساچا ہرِ، سچ دا نام اِک پرگٹائیا۔ دیِپک کہن ساڈا ہُندا رہے پرکاش، پرکاسوان دَیا کمائیا۔ میلا مِلدا رہے نال ابناش، ابناشی کرتا کھیل کھِلائیا۔ نِگاہ مارنی دھرتی اُپر آکاش، آکاش آکاشاں ویکھ وکھائیا۔ پھیر سندیسہ دینا ساکھیات، سنمُکھ ہو کے آپ جنائیا۔ پُرکھ اکالا تکو اِکو باپ، دوُجا نظر کوئے نہ آئیا۔ جِس نے آتم پرماتم سب نوُں سانجھا بخشیا جاپ، مذہب ونڈ نہ کوئے ونڈائیا۔ اوہ کھیل کرے ساکھیات، ساکھی پِچھلی کھوج کھوجائیا۔ جوتی جوت سروُپ ہرِ، آپ اپنی کِرپا کر، ایکا دینا ساچا ور، سچ تیری سرنائیا۔ دیِپک کہن جن بھگتو دھرم دی دھار کرنا قؤل، اِقرار سنگ نِبھائیا۔ ویکھنا کھیل اُپر دھؤل، دھرنی دھرت دھوَل دیوے دِرڑائیا۔ جو سوامی ہر گھٹ رہیا مؤل، مؤلا اِکو نظری آئیا۔ جِس دا لیکھا لیکھنی اُپر دھؤل، دھرنی دھرت نہ کوئے چتُرائیا۔ جوتی جوت سروُپ ہرِ، آپ اپنی کِرپا کر، کرے کھیل ساچا ہرِ، سچ دا حُکم اِک سُنائیا۔ دیِپک کہن ساڈا ویکھو روُپ اپارا، ہرِ اپرمپر دِتی وڈیائیا۔ میَں ہوواں شُکر گُزارا، نِیوں نِیوں سیِس جھُکائیا۔ سانجھا کراں پیارا، مُحبّت مُحبّت نال جُڑائیا۔ تُسیں کھیل تکو ظاہرا، ظاہر ظہوُر آپ سمجھائیا۔ اُمت روندی دِسے وِچ قاہرہ، قہر ورتے خلق خُدائیا۔ بنیا رہے کوئے نہ بہرہ، پردہ سب نے لیَنا کُھلائیا۔ سَت شبد سمجھنا ظاہرا، ظاہر ظہوُر نوُر اِلاہیِا۔ جن بھگتو پرم پُرکھ دا سب توں وڈّا دائرہ، جِس دی حد نہ کوئے دِرڑائیا۔ گُرمُکھ گُرمُکھ کِسے نوُں سمجھے کوئے نہ بھَیڑا، بُری اکھّ نہ کدے اُٹھائیا۔ جوتی جوت سروُپ ہرِ، آپ اپنی کِرپا کر، کرے کھیل ساچا ہرِ، سچ دا

حُکم اِک سُنائیا۔ دیِپک کہن ویکھو بھگت دوار سُہاوا، سوہنی وجّی ودھائیا۔ بھگتاں اِکو دوار لگّنا ناواں، نر نِرنکارا میل مِلائیا۔ سب نے سانجھیِاں کرنیِاں باہواں، بازو بَل وڈیائیا۔ بے شک تُہاڈے سریِر نوُں وکھّ وکھّ جمّن والیاں ماواں، آتم پرماتم پربھ دا روُپ درسائیا۔ جن بھگتو سب نے اپنا وزن کرنا ساواں، ساول سُندر روُپ دئے سمجھائیا۔ بھاگ لگّنا تُہاڈے کایا گرِہ گراواں، مندر اندر خوشی بنائیا۔ سب نے شبدی دھار کہنا واہ واہ، واہ واہ تیری بےپرواہیِا۔ جوتی جوت سروُپ ہرِ، آپ اپنی کِرپا کر، ایکا دینا ساچا ور، سچ دی کرنی کار کمائیا۔ دیِپک کہن جن بھگتاں پگڑی ہسّی، ہسّ کے رہی جنائیا۔ اِشاریاں نال رہی دسّی، دہ دِشا اکھّ اُٹھائیا۔ جگت رَین اندھیری مسّی، موُسیٰ عیسیٰ محمد نہ کوئے رُشنائیا۔ صِفتاں والی صِفت کردے جسی، وید پُراناں کندھ اُٹھائیا۔ جوتی جوت سروُپ ہرِ، آپ اپنی کِرپا کر، کرے کھیل ساچا ہرِ، سچ دا در اِک وکھائیا۔ در کہے جن بھگتو ویکھو درد دُکھ بھےَ بھنجن، جو بھوَ ساگر پار کرائیا۔ جِس دا نام نِدھانا نوُری انجن، دُرمت میَل دئے دھوائیا۔ سب دا سانجھا بن کے سجّن، ساجن ہو کے ویکھ وکھائیا۔ کلجُگ کوُڑ کُڑیار جیو جہان تپن، اگنی اگّ نال وڈیائیا۔ ہرِجن گُرمُکھ دُھر دے ہیِرے رتن، امولک اپنا رنگ چڑھائیا۔ جن بھگتو تُہاڈا سفل ہویا یتن، یتھارتھ پربھ نے دِتی وڈیائیا۔ سارے بہہ گئے اُس پربھوُ دے گھاٹ پتن، جِتھے پاتر نظر کوئے نہ آئیا۔ تُوں میرا میَں تیرا نام جپن، سوہنگ ڈھولا چائیں چائنیا۔ جِس دا پریم اگمّا چکھّن، بِن رسنا رس وکھائیا۔ سو صاحِب سوامی سندیسہ دیوے حقن، حقیِقت اِک دِرڑائیا۔ جِس نوُں اوتار پَیغمبر گُروُ تکّن، بِن لوچن نیَن نیَن اُٹھائیا۔ سو بھگت سُہیلے بھگت دوار پہنچ گئے اپنے وطن، بے وطنا نظر کوئے نہ آئیا۔ جوتی جوت سروُپ ہرِ، آپ اپنی کِرپا کر، ایکا دینا ساچا ور، نِہکلنک نرائن نر، مہاراج شیرسِنگھ وِشنوُں بھگوان، ہرِجن بنائے ہیِرے امولک رتن، رتن امولک اپنی دھار سمجھائیا۔

۶ ہاڑ شہنشاہی سمت ۷ ہرِ بھگت دوار جیٹھوُوال دوپہر ویلے ضِلع امرتسر

ہاڑ کہے میرا دھرم دھار پروِشٹا، چھ گھر چھ گُر اودیش جنائیا۔ چؤداں لوک چؤداں طبق اِک پربھوُ دا اِشٹا، اِشٹ دیوَ اِک دِرڑائیا۔ نوَ ستّ کھیل رچائے سرِشٹا، سرِشٹی سرِشٹ آپ سمجھائیا۔ جن بھگتاں پوُرن کرے نِسچا، نِہچل اپنا دھام سُہائیا۔

لہنا دینا دیوے جِس جِس دا، لیکھا لیکھے وِچوں ویکھ وکھائیا۔ میل مِلنا دُھر دے پِت دا، پت پرمیشور ہوئے سہائیا۔ ناتا جوڑے آتم ہِت دا، ہِتکاری اپنا رنگ رنگائیا۔ جھگڑا میٹے چؤراسی نِت دا، آون جاون رہے نہ رائیا۔ کوُڑ کلپنا پِھرے جِت دا، ہار سنگ نہ کوئے وکھائیا۔ سوہنا دِہاڑا چھ ہاڑ تِھت دا، سمت ستّ ستّ سُہائیا۔ جن بھگتو تُہاڈا لیکھا مکُے وِچ دا، وِچلا بھیوَ چُکائیا۔ تُہاڈا پیار بنیا رہے اِک دا، ایکنکار اپنا رنگ رنگائیا۔ تُساں روُپ بننا ساچے سِکھ دا، جو سِکھ گوبِند گڑھی چمکؤر گیا بنائیا۔ تُہاڈی لیکھے لگّے سیوا کیِتی اِک اِک اِٹّ دا، مِٹّی گارا نال رلائیا۔ تُہاڈا کرم جنم وِچ لیکھا لِکھدا، نہ کوئی میٹے میٹ مِٹائیا۔ جوتی جوت سروُپ ہرِ، آپ اپنی کِرپا کر، کرے کھیل ساچا ہرِ، سچ دی کرنی کار کمائیا۔ چھ ہاڑ کہے میَنوُں نظر آوے باوَن، بل دوارا سوبھا پائیا۔ جِس رِشیاں پھڑایا اپنا دامن، سَتجُگ کلجُگ سنگ رکھائیا۔ سو سیو آئے کماوَن، در دوارے چائیں چائنیا۔ پِچھلا لہنا آئے چُکاوَن، بُڈھے بالے پریم رکھائیا۔ سچ سروور آئے نہاوَن، دُرمت میَل دھوائیا۔ جِس دا پُرکھ اکالا بنیا ضامن، ضامنی اپنی پوُر کرائیا۔ باقی لیکھا دسّنا اجّ دی شامن، اوتار پَیغمبر سنگ رکھائیا۔ کی کھیل کرے پتت پاوَن، پت پرمیشور دُھردرگاہیِا۔ جوتی جوت سروُپ ہرِ، آپ اپنی کِرپا کر، کرے کھیل ساچا ہرِ، نِہکلنک نرائن نر، مہاراج شیرسِنگھ وِشنوُں بھگوان، آد جُگاد اِکو کاہنن، کاہن دُھر دا آپ اکھوائیا۔

۶ ہاڑ شہنشاہی سمت ۷ ہرِ بھگت دوار جیٹھوُوال رات نوُں ضِلع امرتسر

ہاڑ کہے میَں ویکھنا کھیل اِماما، دُھر اِمام رہیا دِرڑائیا۔ اُمت نبی رسوُل تکنا ہنگامہ، حاکم دُھر دا حُکم ورتائیا۔ کلمہ کائنات تکنا کلاما، دیِن دُنی کھوج کھوجائیا۔ شرع مذہب تکنا اِسلاماں، اِسم ویکھ تھاؤں تھائنیا۔ صوُفیاں نِردھار تکنا اِلہاما، اعلیٰ عِلم توں باہر پڑھائیا۔ دُھر سندیس تکنا گُمناما، جِس دی گُفت شُنید سمجھ کِسے نہ آئیا۔ کلجُگ کوُڑ کِریا تکنا اندھیرا شاما، شمع نوُر نہ کوئے رُشنائیا۔ کایا ماٹی تن وجوُد تکنا چاما، چمّ درِشٹی دے بدلائیا۔ صدی چؤدھویں کھیل تکنا عواما، عالم گیر ہو کے دھیان لگائیا۔ جوتی جوت سروُپ ہرِ، آپ اپنی کِرپا کر، کرے کھیل ساچا ہرِ، سچ دا حُکم اِک ورتائیا۔ ہاڑ کہے میرا دھرم دھار

پروِشٹا، پُرکھ اکال دِتی وڈیائیا۔ لیکھا رام نال وشِشٹا، وِشا دُھر دا گیا سمجھائیا۔ کلجُگ انت سَت سچ نہ ہووے دِسدا، چاروں کُنٹ اندھیرا چھائیا۔ کِسے پیار رہے نہ اِک دا، چار کُنٹ جگت ہلکائیا۔ بِنا پربھ دی کِرپا روُپ بنے نہ کوئے سِکھ دا، سِکھ سَتگُر وِچ نہ کوئے سمائیا۔ جگت ونجارا بن جائے مایا ہِت دا، در در منگے واہو داہیِا۔ مانَس روُپ بنے رِچھّ دا، رچھک نظر کوئے نہ آئیا۔ پیارا دِسے نہ کوئے دھرم دی اِچھّ دا، نِراِچھت آس نہ کوئے رکھائیا۔ جوتی جوت سروُپ ہرِ، آپ اپنی کِرپا کر، کرے کھیل ساچا ہرِ، سچ دا حُکم اِک ورتائیا۔ ہاڑ کہے میری اجّ دی رات بِھنی، بِھنڑی خوشی منائیا۔ میَں کھیل ویکھنی کنی، انت کہن کوئے نہ پائیا۔ میَں دھار تکنی تنی، ترےَگُن پڑدا آپ اُٹھائیا۔ کھیل ویکھنی دِنی، دِوس رَین راہ تکائیا۔ پربھ دی پریم دھار تکنی نِمّی، نِمّی نِمّی آپ جنائیا۔ جِس دی مہما جائے نہ گِنی، الکھ اگوچر وڈ وڈیائیا۔ جوتی جوت سروُپ ہرِ، آپ اپنی کِرپا کر، کرے کھیل ساچا ہرِ، سچ دا حُکم اِک ورتائیا۔ ہاڑ کہے میرا دِوس چڑھنا ستّ، سَت سَت نال وڈیائیا۔ میَں دسّاں دُھر دی مت، متا پربھ دے نال پکائیا۔ دھرم دی دھار وِچ جموں والیاں پنجاں سِکھاں پنج تُبکے دینے رتّ، جو نیِہہ وِچ جان دبائیا۔ لچھمن سِنگھ کڈھاوے وِچوں سجےّ ہتّھ، سردارا سِنگھ کھبّا ہتّھ نال مِلائیا۔ بھاگ سِنگھ سیِس جھُکائے جھٹ، گردن اپنی بھیٹ چڑھائیا۔ ہربنس چرنی جائے ڈھٹّھ، پَیر اُنگل نال رلائیا۔ بلبیر اَگے کرے متھ، مستک رنگ رنگائیا۔ ساری سنگت جوڑے ہون ہتّھ، خوشیاں وِچ )سیِس جھُکائیا(۔ ایہہ وقت ہووے سَوا پنج، ودّھ گھٹّ نہ کوئے رکھائیا۔ جوتی جوت سروُپ ہرِ، آپ اپنی کِرپا کر، کرے کھیل ساچا ہرِ، نِہکلنک نرائن نر، مہاراج شیرسِنگھ وِشنوُں بھگوان، سب دا لہنا دینا پوُرا کرے ہسّ ہسّ، ہست اپنے نال اِٹّ دئے ٹِکائیا۔

۸ ہاڑ شہنشاہی سمت ۷ ہرِ بھگت دوار جیٹھوُوال رات نوُں ضِلع امرتسر

اٹّھ تت کہن ساڈی دروہی، دو راہی تیرا دھیان لگائیا۔ تیرے سار شبد دی خبر دیوے نہ کوئی، سُرتی سُرت نہ جگت مِلائیا۔ ساڈی آسا تیرے در تے روئی، بِن نیَناں نیِر وہائیا۔ سچ پیار وِچ جائے کوئی نہ موہی، مُحبّت اپنا رنگ رنگائیا۔ جو آسا رکھی کبیِر لوئی، لوئناں پِچھے دھیان لگائیا۔ جوتی جوت سروُپ ہرِ، آپ اپنی کِرپا کر، کرے کھیل ساچا ہرِ، سچ دا حُکم اِک

ورتائیا۔ اٹّھ تت کہن کبیِر رکھیا اِک بھرواسا، لوئی لوئناں توں پرے جنائیا۔ اؤہ تکّ کلجُگ کھیل تماشا، تماشبیِن دِسے لوکائیا۔ پربھوُ اُتے رہے کِسے نہ بھرواسا، بھگوَن روُپ نہ کوئے دِسائیا۔ پِھرے دروہی پرِتھمی آکاشا، گگن منڈل روون مارن دھائیا۔ پھیر پرگٹ ہوئے پُرکھ ابناشا، ہرِ کرتا دُھردرگاہیِا۔ کِرپا کرے شاہو شاباشا، شہنشاہ اگمّ اتھاہیِا۔ ساچے گُرمکھاں لیکھے لائے پوَن سواسا، سواس ساہ اپنے نال مِلائیا۔ مانَس جنم کرکے راسا، روگ سوگ دا ڈیرہ ڈھاہیِا۔ امرت بخش کے کایا کاسہ، نِجھر دھار دئے چوائیا۔ جوتی جوت سروُپ ہرِ، آپ اپنی کِرپا کر، کرے کھیل ساچا ہرِ، سچ دا حُکم اِک ورتائیا۔ اٹّھ تت کہن ساڈے انتر اِک خواہش، سدا سد جنائیا۔ اِک اِک دی کریئے تلاش، اِک اِک دا راہ تکائیا۔ جِس اِک وِچوں سرِشٹ ہوئی پرکاش، پرکاشت بےپرواہیِا۔ انت جائے وِناس، وِشنوُں برہما شِو رہن کوئے نہ پائیا۔ ایہہ کھیل پربھوُ ساکھیات، جُگ چؤکڑی آپ کرائیا۔ مِہربان ہو کے جن بھگتاں دیوے دات، نام نِدھانا جھولی پائیا۔ درس دِکھائے اِک اِکانت، بِن اکھّاں اکھّ اُٹھائیا۔ ویلے انت پُچھے وات، انتشکرن ویکھے چائیں چائنیا۔ جِنہاں تُوں میرا میَں تیرا جپیا سواس سواس، سوہنگ ڈھولا سہج سُبھائیا۔ پُرکھ اکالا دیِن دَیالا سچکھنڈ لےَ جائے اپنے پاس، جوتی جوت وِچ مِلائیا۔ جھگڑا مُکا کے منڈل راس، برہمنڈ کھنڈ نہ کوئے بھوائیا۔ سچ دوار بخشے جِتھے وسے آپ، نِرگُن نوُر جوت رُشنائیا۔ مانَس جنم روگ کٹ سنتاپ، اٹّھاں تتاں ڈیرہ ڈھاہیِا۔ آتم دھار کرکے پاک، پتت پُنیِت اپنے نال مِلائیا۔ پاربرہم برہم بنا کے ساک، سجّن ویکھے چائیں چائنیا۔ جن بھگتاں جنم جنم کرم کرم دا لیکھا کرے بے باق، جو جن ہرِ سَتگُر سیِس نِوائیا۔ پِچھلی کیِتی پِچھے کیِتی مُعاف، اَگے اپنے گھر ٹِکائیا۔ جِتھے کدے نہ ہووے ناس، تتو تت نہ کوئے جلائیا۔ ہرِجن سچکھنڈ دوار بہائے ساکھیات، ساکھی شبد نام جنائیا۔ جوتی جوت سروُپ ہرِ، آپ اپنی کِرپا کر، ایکا دینا ساچا ور، نِہکلنک نرائن نر، مہاراج شیرسِنگھ وِشنوُں بھگوان، جنم جنم دے لیکھے پوُرے کرے کرنی کرتا ہو کے آپ، آپ اپنی دَیا کمائیا۔