کتب خانہGranth 22 (Urdu)

۲ مگھّر شہنشاہی سمت ۷ ہرِ بھگت دوار جیٹھوُوال ضِلع امرتسر رات نوُں

دو مگھّر کہے گھوڑی چڑھیا دُھر دا لاڑا، چَھیل چھبیِلا بےپرواہیِا۔ جِس دا گُرسِکھ لاگی منگن آئے واڑا، خالی جھولیِاں اَگے ڈاہیِا۔ سیہرے والیا سانوُں دے دے دُھر دا بھاڑا، پِچھلا پندھ دینا مُکائیا۔ ساڈا اَگے کرم رہے نہ ماڑا، کُکرم دا لیکھا دینا چُکائیا۔ تیرا خوشیاں والا دِہاڑا، جُگ چؤکڑی پِچھوں سوبھا پائیا۔ تیریاں سکھیِاں دا اَکھاڑا، سوہنیا سوہنا رنگ بنائیا۔ نچّن ٹپّن جنگل جوُہ پہاڑا، اُجاڑاں وجےّ ودھائیا۔ بخشش دا رنگ چاڑھ دے گاڑھا، رحمت دے مالک اُتر کدے نہ جائیا۔ تَینوُں ویکھن اوہ اگمّی ناراں، جِنہاں نوُں نر نرائن سُہاگن دِتا بنائیا۔ جوتی جوت سروُپ ہرِ، آپ اپنی کِرپا کر، کرے کھیل ساچا ہرِ، سچ دی کھیل آپ کھِلائیا۔ گھوڑی چڑھیا سچ دا دوُلھا، دو جہاناں وجّی ودھائیا۔ جِس دے چرن ملِے دھوُلا، دھوُڑی خاک خاک رمائیا۔ سب

دا پِچھلا چُکائے موُلا، لیکھا اوَر رہے نہ رائیا۔ اِک اِک دسےّ اصوُلا، اصل اپنا آپ سمجھائیا۔ سچ نام دا دے کے تُلہا، بیڑا بنّے دئے لگائیا۔ جوتی جوت سروُپ ہرِ، آپ اپنی کِرپا کر، کرے کھیل ساچا ہرِ، سچ دی کرنی کار کمائیا۔ دو مگھّر کہے دوُلھے ماری اِک پلاکی، آسن دھرم دا اِک سمجھائیا۔ جِس ویکھنے بندے خاکی، چاروں کُنٹ اکھّ اُٹھائیا۔ جھگڑا میٹنا اندھیری راتی، ساچا چند چمکائیا۔ اوتار پَیغمبراں گُروُآں پوُرا کرنا بھوِکھت واکی، لیکھا سب دا ویکھ وکھائیا۔ پرگٹ ہو کے لوک ماتی، پرلوک اپنا حُکم جنائیا۔ کھیل کھیلے بہُہ بِدھ بھانتی، اَنک کل دھاری اپنی کل ورتائیا۔ جِس دے سنگی جن بھگت ہونے براتی، سنگ چلن چائیں چائنیا۔ جوتی جوت سروُپ ہرِ، آپ اپنی کِرپا کر، کرے کھیل ساچا ہرِ، سچ دا حُکم اِک سُنائیا۔ دوُلھا کہے میَں لاڑا اِک اپار، اپرمپر ہو کے دیاں جنائیا۔ نہ کوئی میری ماں تے نہ کوئی میری ماں دا یار، یرانے والا نظر کوئے نہ آئیا۔ بھَین بھرا دی نہیں کوئے دھار، چاچا تایا نہ کوئے وکھائیا۔ واگ گُندے نہ کوئے وِچ سنسار، سگن جگت نہ کوئے وکھائیا۔ میرا کھیل اپنی کار، کرتا پُرکھ ہو کے ویکھ وکھائیا۔ میرا میری ہووے نار، دوُجا روُپ نہ کوئے درسائیا۔ جوتی جوت سروُپ ہرِ، آپ اپنی کِرپا کر، کرے کھیل ساچا ہرِ، سچ دا حُکم اِک ورتائیا۔ دوُلھا کہے میرے ہیٹھ اگمّی گھوڑی، ہِنک کے رہی وکھائیا۔ میرے پربھ نے جگت وِچ رہن نہیں دینی کوٹاں والی جوڑی، کوئی وِرلا گُرمُکھ جوڑا نظری آئیا۔ کیوں سب دی اؤدھ رہ گئی تھوڑی، سُہاگ کنت نہ کوئے ہنڈھائیا۔ دُکھاں وِچ سب نے کرنا بہُڑی بہُڑی، نیتر روون مارن دھاہیِا۔ میَں دو جہان دو ہتّھاں دی ماری تاڑی )دوہری(، تال اپنا اِک جنائیا۔ کِسے آب ہتّھ نہیں آؤنا جؤہڑی، سروور رس نہ کوئے چکھائیا۔ جوتی جوت سروُپ ہرِ، آپ اپنی کِرپا کر، کرے کھیل ساچا ہرِ، سچ دا لیکھا اپنے ہتّھ رکھائیا۔ گھوڑی کہے ایہہ لاڑا بڑا چنگا، جو میرے اُتے آسن لائیا۔ جِس دے پِچھے بھجیّ پِھرے جمنا سُرستی گنگا، گوداوری واہو داہیِا۔ لچھمی منگے منگاں، اپنی جھولی ڈاہیِا۔ سُرستی مُکھ نیَن کرکے ننگا، نیَن رہی بدلائیا۔ پھڑ کے سچ سَت سُرنگا، راگ راگنیِاں رہی سُنائیا۔ پاربتی چھڈ کے دھندا، دُھندھوُکار توں پرے ویکھ وکھائیا۔ دیوت سُر سرب کمبا، اپّچھراں بھجّن واہو داہیِا۔ بِہبل ہونی جیہڑی چؤداں رتناں وِچوں نِکلی ارمبھا، موہنی اپنی کل ورتائیا۔ فاطمہ کہے پَینڈا نہیں لمبا، لمی پےَ کے دیاں سُنائیا۔ نی ایہہ اوہ لاڑا جِس دے کول نہ تہمت دھوتی تمبا، بستر جگت نہ کوئے وکھائیا۔ جِس نوُں محمد نے

یاد کیِتا سی وِچ یک شمبہ، یک دھیان لگائیا۔ اوہ ویس کر اچنبھا، پروردِگار آیا روُپ بدلائیا۔ جِس نے مان بخشیا پنجہ، پنج دِتی وڈیائیا۔ میٹیا غم رنجا، دُکھ درد گوائیا۔ جوتی جوت سروُپ ہرِ، آپ اپنی کِرپا کر، کرے کھیل ساچا ہرِ، سچ دا پردہ آپ اُٹھائیا۔ لاڑا کہے میَنوُں سُرما پایا نہیں کدی بھابی، پانی سیِس اُتے چُھہائیا۔ جگت سُنی نہیں کدے آوازی، رسنا نال دِرڑائیا۔ گھوڑی کہے ایہہ لاڑا آد دا آد پوُرب دا ماضی، حال دا حال نظری آئیا۔ جیہڑا سد خوشی وِچ رہے راضی، رازق رِزق رحیِم آپ اکھوائیا۔ اوہ کھیل کھیلے جگت سماجی، سمگری اپنی آپ ورتائیا۔ جِس دی دوہری دھار ہووے دوآبی، نِرگُن سرگُن کھیل کھِلائیا۔ ایسے کارن دوآبے والیاں توں سُنیا گیِت شتابی، رس رسنا نال بنائیا۔ جوتی جوت سروُپ ہرِ، آپ اپنی کِرپا کر، کرے کھیل ساچا ہرِ، نِہکلنک نرائن نر، مہاراج شیرسِنگھ وِشنوُں بھگوان، سماج راج راج سماج اپنے نام دی بخشے آزادی، شرع زنجِیر نظر کوئے نہ آئیا۔

۳ مگھّر شہنشاہی سمت ۷ رام سِنگھ دے گرِہ گوال ٹولی فِروزپُر چھاؤنی

تیغ بہادر دھیان دھریا وِچوں سیِکھاں، چؤک چاندنی اکھّ کُھلائیا۔ پھیر پنجاں اُنگلاں نال ماریِاں لیِکاں، پنچم ویکھ وکھائیا۔ جِس صاحِب دیِاں کردے اُڈیِکاں، جُگ چؤکڑی دھیان رکھائیا۔ اوہ جد آوے بدل دیوے پِچھلیِاں سرب تواریِخاں، تاریخ اپنی اِک دِرڑائیا۔ دیِن دُنی بخشے حدیِثا، حضرتاں توں باہر کرے پڑھائیا۔ جن بھگتاں رحمت دیوے بخشیِشاں، مِہر نظر اُٹھائیا۔ چھتر جھُلا اِکو سیِسا، جگدیِشر اپنی کار بُھگتائیا۔ لیکھا ویکھ راگ چھتیِسا، تیِس بتیِسا پردہ آپ پھولائیا۔ دیِن مذہب دا خالی کرے کھیِسا، جگت ونجارا نظر کوئے نہ آئیا۔ عیسیٰ دی آسا پوُری کرے بیِس بیِسا، بِسمِل سب دی دھار جنائیا۔ محمد دی خواہش ویکھے طبیعتا، طبیب ہو کے دھیان لگائیا۔ جوتی جوت سروُپ ہرِ، آپ اپنی کِرپا کر، کرے کھیل ساچا ہرِ، سچ دا بھیوَ آپ کُھلائیا۔ اُس کھیل تکیا نہ سنجھ نہ فجر، دوویں روُپ گئے بدلائیا۔ چاروں کُنٹ تکی اجل، بھجےّ واہو داہیِا۔ میرا صدی چؤدھویں زمانہ رہیا بدل، بدلی کرے خلق خُدائیا۔ میرے سیِس دی دھار اُمت اُمتی کرے قتل، قتل گاہ بنے لوکائیا۔ میرا صاحِب

آوے اپنے پتن، گوبِند گڑھ اِک سُہائیا۔ سمبل سُہا کے دُھر دا وطن، سچکھنڈ نِواسی رنگ رنگائیا۔ اُس ویلے کِسے دا چلے کوئے نہ یتن، یتھارتھ اپنا حُکم ورتائیا۔ بھگت سُہیلے ویکھ کے رتن، رتن امولک لئے بنائیا۔ جوتی جوت سروُپ ہرِ، آپ اپنی کِرپا کر، کرے کھیل ساچا ہرِ، سچ دی کرنی کار کمائیا۔ تیغ بہادر تکے اپنی نیَنی، نیتر اکھّ اُٹھائیا۔ جھٹ مُسلم کنّیا لنگھی جِس دا نام سی حُسینی، حُسن جوبن نال ہنڈھائیا۔ اُس دی آسا اندروں لگّی کہنی، کہہ کہہ دِرڑائیا۔ تُوں میرا ساک سیَنی، سَتگُر بےپرواہیِا۔ میری آسا تیرے چرن ڈھہنی، سجدہ سیِس نِوائیا۔ میَنوُں اِیوں دِسدا اُمت انت انت نہیں رہنی، محمد بَیٹھے پندھ مُکائیا۔ جوتی جوت سروُپ ہرِ، آپ اپنی کِرپا کر، کرے کھیل ساچا ہرِ، سچ دا کھیل آپ کھِلائیا۔ اوہدے اُتے سی بستر کالا، مُکھ گورے رنگ چُھہائیا۔ تیغ بہادر ولّ نِگاہ اُٹھائی اَگے لگّا سی تالا، درشن کر سکی نہ رائیا۔ اندرے اندر اپنا آپ سمبھالا، انڈِٹھیاں سیِس نِوائیا۔ سچّے سَتگُر تُوں میرا ہوئیں رکھوالا، رکھک ہو کے ہونا سہائیا۔ اُمت دا وقت رہنا نہیں باہلا، سماں بھجےّ واہو داہیِا۔ نالے کنّوں لاہ کے اِک بالا، دوُروں سُٹ کے بھیٹ چڑھائیا۔ پھیر انتر انتر اپنے من دی پھیری مالا، منکا من ہی من بھوائیا۔ جھٹ تیغ بہادر نِگاہ ماری اُس دی ویکھی کرنی دی گھالا، گھال اپنے لیکھے پائیا۔ شبدی دھار دسّیا راہ سُکھالا، سہج نال سُنائیا۔ حُسیَنی تیرے حُسن دا وسدا رہے حُسیَنی والا، حضرت اپنا رنگ رنگائیا۔ پر یاد رکھیں تیری نِشانی اُمت دی کنالی وِچ ہووےگا بیری دا ڈالا، جِس نوُں ٹہنی کہے لوکائیا۔ تیرا لہنا اُس نال جِن کرِشن نوُں ماریا تیِر نِشانہ، نِشان بھگوان وِنھ وکھائیا۔ پھیر کھیل ویکھنا جِتھے وسدے ہون گوالا، گوالے پِچھلا بھیوَ کُھلائیا۔ باقی لیکھا چھّبی پوہ تے باہلا، تِنّ مگھّر نوُں اِشارہ دِتا کرائیا۔ جِس نے دیِن دُنی واہُنی وِچ چؤہ راہلا، پہلی راہل دا حِصّہ دیوے پائیا۔ ایسے کارن آیا شبد دا تِکھا کرکے پھالا، بھجّیا واہو داہیِا۔ جوتی جوت سروُپ ہرِ، آپ اپنی کِرپا کر، کرے کھیل ساچا ہرِ، نِہکلنک نرائن نر، مہاراج شیرسِنگھ وِشنوُں بھگوان، سب دا حل کرے سوالا، بِھکھاری خالی رہن کوئے نہ پائیا۔

۵ مگھّر شہنشاہی سمت ۷ اجیِت سِنگھ بٹالا، سُرجیِت سِنگھ، حُکم سِنگھ، دلیِپ سِنگھ تے جسونت سِنگھ فَیزپُر، کاشی رام، جیِت سِنگھ، چرن سِنگھ تے بھجن کؤر سُنّییا، بنتا سِنگھ تے کرتار کؤر پنج گرانئی، موہن سِنگھ تارا چکّ،

وِرسا سِنگھ سِری ہرِ گوبِند پُرا، اوتار سِنگھ ماڑی پنوُآ، جسبیر سِنگھ، جاگیِر سِنگھ تے سوہن سِنگھ بھولے کے،
چنّن سِنگھ ٹھیِکری، کشمیِر سِنگھ مان خیَرے، کرتار سِنگھ وہیلا، اجیِت کؤر بردبان، ہرچرن سِنگھ گُجرات،
بٹالا شہر ضِلع گُرداس پُر

پنج مگھّر کہے دو جہاناں سُنے جَیکارے پنج، پنچم پنچم پنچم دھیان لگائیا۔ دیِن مذہب شرع نوُں ہویا رنج، رنجش وِچ ویکھن نیَن اُٹھائیا۔ کیہڑا جگت اوَر مُہانا ونجھ، کھیوٹ کھیٹا کوَن اکھوائیا۔ کوَن لیکھا جانے سویر سنجھ، گھڑی پل کھوج کھوجائیا۔ جاں نِگاہ ماری پُرکھ اکالا دیِن دَیالا دُھر دا دوُلھا بھگتن لےَ کے جنّج، لکھّ چؤراسی ویکھ وکھائیا۔ جوتی جوت سروُپ ہرِ، آپ اپنی کِرپا کر، کرے کھیل ساچا ہرِ، سچ دا حُکم اِک ورتائیا۔ پنج مگھّر کہے حضرتو ویکھو خاوَند، خصم خصمانہ اِک اکھوائیا۔ جِس دے حُکم کلمے دے ہوئے پابند، بندھن شرع والے رکھائیا۔ اوہ نوُر نوُرانہ چاڑھ اگمّی چند، گوبِند روُپ دُھردرگاہیِا۔ جِس نے کلجُگ میٹنا پندھ، صدی چؤدھویں لیکھے لائیا۔ آتم پرماتم دسّنا چھند، ڈھولا اگمّ اتھاہیِا۔ کلجُگ کوُڑی کِریا بھنّنی کاچی ونگ، دھرنی دھرت دھوَل رہن نہ پائیا۔ جن بھگت سُہیلے لاؤنے انگ، انگیکار اِک اکھوائیا۔ شاہ پاتشاہ سوُرا سربنگ، ہرِ وڈّا وڈ وڈیائیا۔ جِس دی اِکو سیج اِک پلنگ، سچ سِنگھاسن سوبھا پائیا۔ اوہدا نام ڈنکا وجےّ مردنگ، دو جہاناں نؤجوانا مرد مردانہ آپ سُنائیا۔ جِس نے سب دا دینا سنگ، ساتھی اِک اکھوائیا۔ دروہی صدی چؤدھویں انتم رہی لنگھ، اپنا پندھ چُکائیا۔ جوتی جوت سروُپ ہرِ، آپ اپنی کِرپا کر، کرے کھیل ساچا ہرِ، سچ دا پڑدا آپ اُٹھائیا۔ صدی چؤدھویں کہے میرے محمد میِت، مِترا دیاں جنائیا۔ اوہ تکّ جِنہاں نال چلائی ریِت، سجّن پِچھلے نظری آئیا۔ بِنا حُجرے توں ویکھ مسیِت، بِنا مُصلّے دھیان لگائیا۔ نِگاہ کر پرے ہست کیِٹ، جگت ونڈ نہ کوئے ونڈائیا۔ جِس دے نال پُرانی پریِت، قدیِم دا لیکھا پھول پھولائیا۔ جے کوئی سچ دی کیِتی وصیّت، ویکھ بِن نیَناں نیَن اُٹھائیا۔ جے مِلدی ہووے نال طبیعت، خوشی خوشی لیَنی بنائیا۔ اِک گلّ یاد کر

جیہڑی کیِتی حق نصیِحت، نثر وِچ دِرڑائیا۔ اوہدا لیکھا پوُرا کر لےَ کولوں سِنگھ اجیِت، بقایا اوَر رہے نہ رائیا۔ جوتی جوت سروُپ ہرِ، آپ اپنی کِرپا کر، کرے کھیل دُھر دا ہرِ، دُھر مالک اگمّ اتھاہیِا۔ صدی چؤدھویں کہے اپنا ویکھ اِک احباب، مِتر مِترا دھیان لگائیا۔ جِس نوُں حرف دسّیا سی اِک سواد، صبر نال دِرڑائیا۔ پھیر جنا آداب، سِر سر جھُکائیا۔ پِھر لےَ کے کلمے والی کِتاب، نیَن اکھّ درسائیا۔ پھیر بُلاں تے لا لواب، لبریز دِتا بنائیا۔ ہُن اُس دا اُس توں لےَ جواب، در ساچے منگ منگائیا۔ جِس دے مالک دا دُھر دے خالق دا سب توں وکھّرا دِسے سماج، سمگری اگمّ اتھاہ ورتائیا۔ شہنشاہ بھوُپ بن نواب، پاتشاہ اِک اکھوائیا۔ سندیسہ دیوے واحد، کلمہ حق یک دِرڑائیا۔ جوتی جوت سروُپ ہرِ، آپ اپنی کِرپا کر، کرے کھیل دُھر دا ہرِ، دُھر بھیوَ آپ کُھلائیا۔ صدی چؤدھویں کہے یار یار دا لےَ صدقہ، گھولی گھول گھُمائیا۔ ایہہ لہنا پِچھلا کد دا، قدیِم پڑدا دے اُٹھائیا۔ ہُن میلا اُس الاہی ربّ دا، جو اِمام اِماما ویس وٹائیا۔ ایہہ سماں دُھر سبب دا، گیا پھیر ہتّھ نہ آئیا۔ اَگے لیکھا ہور نہیں ودھدا، آیوُ اُمت نہ کوئے جنائیا۔ جو آیا سو گیا لد دا، تِھر رہن کوئے نہ پائیا۔ میرا عرصہ چؤداں صد حد دا، اَگے گنڈھ نہ کوئے پوائیا۔ پھیر لیکھا ہونا الگ دا، دُھر میل نہ کوئے مِلائیا۔ پروردِگار دا اِکو ڈؤروُ ڈنکا وجّدا، وجہ نال رہیا کھڑکائیا۔ شرع زنجِیر سب دا ویکھ کٹدا، کٹاکش اپنا نام رکھائیا۔ روُپ تکّ پنج تت جٹّ دا، جوتی جاتا ڈگمگائیا۔ اوہ ونجارا بن گیا اِکو ہٹّ دا، سمبل اِکو در کُھلائیا۔ جِتھے جھگڑا نہیں ماٹی رت دا، رتن امولک گُرمُکھ ہیِرے لئے بنائیا۔ روُپ دھر پرمیشور پت دا، پاربرہم پربھ اپنی کل ورتائیا۔ پِچھلا لیکھا مُکا دے نت دا، نِرگُن نِرگُن نِرگُن اپنا حُکم ورتائیا۔ جوتی جوت سروُپ ہرِ، آپ اپنی کِرپا کر، کرے کھیل دُھر دا ہرِ، دُھر مالک اِک اکھوائیا۔ محمد کہے میرے احباب مِتر سلامی، اِسم ویکھ وکھائیا۔ تیرا مالک شرع اَنامی، شہنشاہ بےپرواہیِا۔ جِس دے نال میری جوانی، جوبن جگت ہنڈھائیا۔ کلمیاں دسّی کلامی، کائنات سُنائیا۔ کھیل کھیلیا عوامی، بھجّیا واہو داہیِا۔ انت میرے انتر آئی حَیرانی، پریشانی وِچ سُنائیا۔ صدی چؤدھویں میری شرع دی ہوئی بدنامی، شریِعت سنگ نہ کوئے رکھائیا۔ میرا مِہربان محبوُب کٹن آیا غُلامی، زنجِیر بے نظیِر تُڑائیا۔ یار یاراں دی ہون نہیں دیندا بدنامی، ساتھ دیوے تھاؤں تھائنیا۔ جوتی جوت سروُپ ہرِ، آپ اپنی کِرپا کر، کرے کھیل دُھر دا ہرِ، دُھر دا مالک اِک اکھوائیا۔ محمد کہے میرے رفیِق،

سِنگھ اجیِت جنائیا۔ مالک وِچ حق تؤفیِق، بے پرواہ وڈ وڈیائیا۔ میرا لہنا اُس دے کولوں کرا تصدیِق، شہادت بھگتاں والی بُھگتائیا۔ مِہربان ہووے لاشریِک، نظر مِہر اِک اُٹھائیا۔ میرا پندھ پہنچیا نزدیِک، اَگے سفر نہ کوئے وکھائیا۔ جِس نے نوَیں دینی ترتیِب، طریقہ اپنا اِک دِرڑائیا۔ جِس نے آشا پوُری کرنی جگت غریِب، نِمانیاں ہوئے سہائیا۔ پِچھلی کیِتی تے پھیرنی لیِک، لائن اَگے دینی وکھائیا۔ جھگڑا میٹنا اوُچ نیِچ، ورن برن دا پندھ مُکائیا۔ لیکھا رہے نہ مندر مسیِت، کایا کعبہ دئے سمجھائیا۔ اِکو کلمے دی سب نوُں کرے تبلیغ، نام نِدھانا سب نوُں دئے دِرڑائیا۔ جوتی جوت سروُپ ہرِ، آپ اپنی کِرپا کر، کرے کھیل دُھر دا ہرِ، دُھر مالک بےپرواہیِا۔ اجیِت سِنگھ کہے سُن یار یارا، سہج نال سُنائیا۔ میرا مِہربان پروردِگارا، نوُر نوُرانہ نوُر اِلاہیِا۔ جِس دا کھیل سدا جُگ چارا، نہ کوئی میٹے میٹ مِٹائیا۔ جِس نے بھگتاں نال لائی بہارا، رحمت اپنی آپ کمائیا۔ تُوں اِکو اِک سب دا قبوُل کر جَیکارا، جو ڈھولا اگمّ اتھاہیِا۔ مذہب دی شرع توں ہو جا باہرا، شریِعت دی لوڑ رہے نہ رائیا۔ اوہ تکّ کی کھیل ہُندا وِچ قاہرہ، قہر ورتے وِچ لوکائیا۔ مِترا مِل کے دوویں کریئے مُظاہرا، بھگت سُہیلے نال مِلائیا۔ میرا مالک ہویا ظاہرا، ظاہر ظہوُر ڈگمگائیا۔ جِس دا شبدی دو جہاناں پاہرا، باہر نِکل کوئے نہ جائیا۔ جوتی جوت سروُپ ہرِ، آپ اپنی کِرپا کر، کرے کھیل ساچا ہرِ، سچ دا مالک بےپرواہیِا۔ محمد کہے میَنوُں قبوُل، قدم قدم سیِس جھُکائیا۔ میَں پِچھلا چھڈاں اصوُل، اصل اصل وِچ سمائیا۔ قدماں دی لےَ کے دھوُل، ٹِکاّ خاک رمائیا۔ کلمہ سُن معقوُل، نِو نِو لاگاں پائیا۔ جوتی جوت سروُپ ہرِ، آپ اپنی کِرپا کر، کرے کھیل ساچا ہرِ، سچ دا حُکم اِک ورتائیا۔ حُکم کہے میَں آد جُگادی سچّا، نہ کوئی میٹے میٹ مِٹائیا۔ اوتار پَیغمبر گُروُ گُردیو میرا بچّہ، جُگ جُگ مات پرگٹائیا۔ بھاگ لگا کے کایا ماٹی بھانڈا کچّا، کنچن گڑھ دیاں وکھائیا۔ دُھر سندیسہ دیواں اگمّی پتہ، پت پرمیشور بھیوَ کُھلائیا۔ جِس وِچ فرق رہے نہ رتا، دُتیا ونڈ نہ کوئے ونڈائیا۔ میل مِلا پُرکھ سمرتھا، گھر ساچے رنگ رنگائیا۔ جِتھے اِکو شبد دی شبدی ہووے کتھا، اکھّراں والی نہ کوئے پڑھائیا۔ جوتی میلا یتھارتھ یتھا، دوُسر سنگ نہ کوئے رکھائیا۔ جھگڑا مِٹ جائے مندر مٹھا، مسیِتاں لوڑ رہے نہ رائیا۔ شرع دا نہ ہووے رٹّا، کلمہ ونڈ نہ کوئے وکھائیا۔ اِکو میلا ہووے پُرکھ اکال سمرتھا، پاربرہم برہم مِل کے وجےّ ودھائیا۔ جوتی جوت سروُپ ہرِ، آپ اپنی کِرپا کر، دیونہارا ساچا ور، سچ دا حُکم اِک ورتائیا۔ حُکم کہے

ویکھ اگمّی دھار، سچ سچ سُنائیا۔ سارے ہووو خبردار، اوتار پَیغمبر اپنی لؤ انگڑائیا۔ پُرکھ اکال بدلن والا بہار، جگت رُت نہ ویکھ وکھائیا۔ سندیسہ دیوے شاہ پاتشاہ سچّی سرکار، دُھر فرمانا آپ دِرڑائیا۔ صدی چؤدھویں آؤنی ہار، ہِردے ہرِ نہ کوئے وسائیا۔ راج راجان شاہ سُلطان تختوں دیوے اُتار، اُتّر پوُرب پچھّم دکھّن سیِس تاج نہ کوئے ٹِکائیا۔ پُرکھ ابناشی گھٹ نِواسی جن بھگتاں سیِس رکھنی دستار، سِر سِر اپنا ہتّھ ٹِکائیا۔ ایہہ چار جُگ وسدے رہن گھربار، جو گھرانے گُرمُکھاں لئے بنائیا۔ نؤ سؤ چُرانوے چؤکڑی جُگ پِچھوں لوک مات ایہہ آؤندی وار، سَتجُگ تریتا دواپرکلجُگ ہتّھ کِسے نہ آئیا۔ جِس دا راہ تکدے پَیغمبر گُر اوتار، صوُفی سنت فقیِر دھیان لگائیا۔ اوہ آد جُگادی کرے اپنی کار، ہرِ کرتا وڈ وڈیائیا۔ جوتی جوت سروُپ ہرِ، آپ اپنی کِرپا کر، کرے کھیل ساچا ہرِ، نِہکلنک نرائن نر، مہاراج شیرسِنگھ وِشنوُں بھگوان، شاہ پاتشاہ سچّی سرکار، شہنشاہ اِکو اِک اکھوائیا۔

۱۱ مگھّر شہنشاہی سمت ۷ سیَدپُر دے سنت رسیلا رام دے آؤن تے پِنڈ وِچ، پِنڈ جیٹھوُوال ضِلع امرتسر

شبد کدے نہ ہووے بُڈھا، بال جوانی ویس نہ کوئے وٹائیا۔ جِس دا کھیل آد جُگاد چؤکڑی جُگا، سَتجُگ تریتا دواپرکلجُگ اپنی کل پرگٹائیا۔ نِرگُن سرگُن کھیل کرے اُتے بسُدھا، دھرنی دھرت دھوَل دھؤل اپنا رنگ رنگائیا۔ پنج تت تن وجوُد ماٹی خاک بنا کے مُدّعا، جوتی جاتا اپنی کل رکھائیا۔ تیئی اوتاراں کر کے اُگھا، لوک مات کھیل کھِلائیا۔ حضرت عیسیٰ موُسیٰ کلمہ دے اگمّا بھیوَ کُھلایا اُچا، اگمّ اتھاہ بے پرواہ پروردِگار اپنا پڑدا لاہیِا۔ نانک نِرگُن جوتی دھار بخش کے لوآں پُریاں برہمنڈاں کھنڈاں گگن گگننتراں زِمیں اسماناں دے کے نام بھنڈارا سُچا، سنجم اِکو اِک سمجھائیا۔ من منسا کوُڑ کِریا کام کرودھ لوبھ موہ ہنکار آسا ترِسنا جگت ہنکار کرودھ رہے نہ غُصّہ، کلپنا چنڈال نظر کوئے نہ آئیا۔ جوتی جوت سروُپ ہرِ، آپ اپنی کِرپا کر، جُگ جُگ اِکو رنگ سمائیا۔ جِس دا انگد منّیا آکھا، نانک جوتی شبد دھار سمجھائیا۔ انگد دا امرداس بنیا داسا، بِردھ اوستھا جل دھارا سیو کمائیا۔ امرداس نے بھید کھولیا آپا، رام داس داس بنا دِتی وڈیائیا۔ رام داس گُر ارجن شبدی دسّیا بودھ اگادھا، دُھن انادی ناد پرگٹائیا۔

جِس دا چھتّی راگ گا نہ سکن پُنّ صوابا، بھیوَ ابھید نہ کوئے جنائیا۔ ایہہ کھیل اُس دا جِس نوُں نِرگُن دھار کہے سب دا مائی باپا، پِتا پُرکھ اکال بےپرواہیِا۔ جِس دا کوٹن کوٹ صِفتی نام رسنا جِہوا جپدے جاپا، سادھ سنت صوُفی فقیِر بھگت جگت جگیاَسوُ اپنی سیو کمائیا۔ سو پُرکھ اکالا دیِن دَیالا پروردِگارا ایکنکارا اپنے نام دی جُگ جُگ آپے دیوے داتا، مِہربان محبوُب مُحبّت وِچ آپ ورتائیا۔ جیہڑا نِرگُن نِرگُن آتم پرماتم پرماتم آتم ناتا، تتاں توں باہرا شبدی شبد میلا میلے سہج سُبھائیا۔ جِس دے چار جُگ دے شاستر سِمرت وید پُران اِنجیِل قرآن گیِتا گیان بائیبل تُریَت گُروُ گرنتھ صاحِب دی بانی نِکیاں نِکیاں گاوے گاتھا، انت کہن کوئے نہ پائیا۔ جِس نے االلہ واہِگُروُ رام اوم تت سَت دیِاں ونڈیِاں الاٹاں، حِصّے جُگ جُگ آپ رکھائیا۔ سو سوامی انترجامی گھٹ نِواسی پُرکھ ابناشی پاربرہم پت پرمیشور جودھا سوُربیِر نؤجوان مرد مردان اِکو راٹھا، دوُجا نظر کوئے نہ آئیا۔ سَتگُر شبد کدے نہ ہووے بِردھ اوستھا، لنگڑا لوُلا روُپ نہ کوئے جنائیا۔ جِس دا نام جُگ چؤکڑی کدے نہ ہووے سستا، کؤڈیِاں وِچ نہ ہٹّ وِکائیا۔ جد دیوے سَتگُر شبد ہو کے شبدی دھار دا رستہ، براستہ اوتار پَیغمبر گُروُ نال رلائیا۔ اوہ مالک خالق سچکھنڈ دوار درگاہ ساچی ہووے وسدا، دھام اولّڑا اِک اِکلّڑا اپنا اِک جنائیا۔ لکھّ چؤراسی جیِو جنت سادھ سنت اندر پِھرے نسدّا، دِوس رَین ونڈ نہ کوئے ونڈائیا۔ جن بھگتاں ساچے سنتاں بھیوَ کھول کے نِرگُن جوت نِج نیتر اپنی اکھّ دا، آخر میلا لئے مِلائیا۔ جِس دا پیار مُحبّت دا ناتا سدا سچ دا، سچ دا مالک سچ نال جُڑائیا۔ جو جُگ جُگ جن بھگتاں پَیج رکھدا، رکھنہار وڈ وڈیائیا۔ اوہ ایتھے اوتھے دو جہاناں پُریاں لوآں برہمنڈاں کھنڈاں گگن گگننتراں زِمیں اسماناں پِھرے نچّدا، بِن نِج نیتر جگت اَخیِر دِسدا نظر کِسے نہ آئیا۔ جو جاگرت جوت بِن ورن گوت اپنا کھیل دسّدا، دہ دِشا من منوُآ اُٹھ کدے نہ دھائیا۔ سَتگُر شبد بھنڈارا انتر دیوے امرت رس دا، نِجھر جھِرنا آپ جھِرائیا۔ اوہ جگت کتھنی کدے نہ کتھدا، صِفتی ڈھولے نہ کدے وڈیائیا۔ اُس کول نام بھنڈارا اگمّ وتھ دا، جو کایا مندر اندر ڈوُنگھی کَندر دئے ٹِکائیا۔ جِس دا نام آد جُگاد پنجاں تتاں والا سریِر سادھ سنت مُنی مُنیِشر جگت تپیِشر اؤلیئے پیِر شیخ مُلّا مسائک اوتار پَیغمبر گُر وِشن برہما شِو جپدا، بِنا جپن توں منزل پار نہ کوئے کرائیا۔ اوہ سَتگُر شبد بُڈھا ہووے کدے نہ کھیل کرے پُرکھ سمرتھ دا، سمرتھ اپنا ویس وٹائیا۔ کی ہویا جے ہُن بھیس دھر لیا جٹّ دا، جٹا جوُٹ سارے لئے نِوائیا۔ نؤں کھنڈ پرِتھمی

ستّ دیِپ مارگ وکھاؤنا اِکو دُھر دے ہٹّ دا، جِتھے پرماتم آتم آتم پرماتم مِل کے وجےّ ودھائیا۔ پاربرہم برہم میل مِلائے حقیِقت حق دا، وِچھوڑا رہن کوئے نہ پائیا۔ لیکھا پوُرا کرے اِیش جیِو رتن رتّ دا، امولک اپنا نام درسائیا۔ سَتگُر چرن دوارے جھگڑا نہیں منّت دا، من کا منکا دئے بھوائیا۔ ہُلارا دیوے اِکو شبد انادی انحد دا، دُھن آتمک راگ اُپجائیا۔ اِیڑا پِنگل سُکھمن گُرمُکھ پیارا ایَویں ٹپّدا، اَگے ہو نہ کوئے اٹکائیا۔ اوہ سَتگُر شبد شبد سَتگُر جِس تن وجوُد وِچ وسدا، واسطہ پُرکھ اکال نال دئے جُڑائیا۔ اوہ آد جُگاد نہ تھکدا نہ اکدا، مرن جمن وِچ کدے نہ آئیا۔ بِن کِرپا توں جگت جہان کِسے نہ لبھدا، بنکھنڈ اُچے ٹِلّے پربت جنگل جوُہ اُجاڑ پہاڑ کھوجن تھاؤں تھائنیا۔ سو صاحِب سُلطانا سِری بھگوانا مرد مردانہ اِکو لیکھا جانے اپنے آپ دا، آپ اپنی دَیا کمائیا۔ سَتگُر دے درس نال کوٹ جنم دا پاپ نسدّا، انت دُرمت میَل رہے نہ رائیا۔ میلا ہو جائے روُح بُت بُتخانے وِچوں پاک دا، پتت پُنیِت دئے کرائیا۔ جھگڑا رہے نہ تتاں والی ذات دا، آتم برہم دئے دِرڑائیا۔ ایہہ کھیل جُگ جُگ پُرکھ ابناش دا، ابناشی کرتا نِت نوِت آپ کرائیا۔ دھنّ بھاگ دِہاڑا آج دا، سُلکھّنی گھڑی وجےّ ودھائیا۔ سَتگُر شبد بُڈھاپے وِچوں سدا جاگدا، جاگن والیاں اکھّ دئے کُھلائیا۔ اندر منزل تکو کیہڑا گرِہ جِتھے منوُآ منسا تیاگ دا، نؤ در نؤ رس رہن نہ پائیا۔ ہنس روُپ بنے کاگ دا، کاگ ہنس روُپ بدلائیا۔ کھیل دِسے ایہہ وَیراگ دا، وَیری اندروں باہر کڈھائیا۔ سُنے شبد اگمّی راگ دا، جگت سرون دی لوڑ رہے نہ رائیا۔ کھیل ویکھے جوت پرکاش دا، نِج نیتر لوچن نیَن رُشنائیا۔ میلا ہووے پربھوُ کنت سُہاگ دا، دُہاگن نظر کوئے نہ آئیا۔ ایہہ بُڈھا مالک انت لیکھا جانے جُگاد دا، جُگ جُگ اپنا روُپ بدلائیا۔ جِس کھیل کرنا کلجُگ انت لیکھا مُکاؤنا دیِن مذہب دے سماج دا، سمگری سچ اِکو نام والی ورتائیا۔ گُلشن مہکنا لکھّ چؤراسی بوُٹا پروردِگار دے باغ دا، اکل کل دھاری اکال اپنی دَیا کمائیا۔ جھگڑا مُکنا شرع والے چراغ دا، گُلشن نظر کوئے نہ آئیا۔ جوتی جوت سروُپ ہرِ، آپ اپنی کِرپا کر، کرے کھیل دُھر دا ہرِ، نِہکلنک نرائن نر، مہاراج شیرسِنگھ وِشنوُں بھگوان، مالک خالق پرِتپالک دو جہاناں رسم رِواج دا، اوتار پَیغمبر گُروُ سنت بھگت صوُفی فقیِر جُگ جُگ نِت نوِت نِرگُن سرگُن اپنے حُکم وِچ چلائیا۔

۱۲ مگھّر شہنشاہی سمت ۷ ہرِ بھگت دوار جیٹھوُوال رات نوُں

سَتگُر شبد کہے میری وکھّری ساکھی، سخاوت اپنی اِک رکھائیندا۔ جن بھگتاں گرِہ گرِہ کراں گا راکھی، دوُر نیڑا پندھ نہ کوئے جنائیندا۔ پُشت پناہ دَیانگا تھاپی، تھپک تھپک کے گود ٹِکائیندا۔ نؤ سؤ نڑیِنویں گُرمُکھاں درس ہووےگا اجّ دی راتی، نؤ دوار نوَ کھنڈ دا پندھ مُکائیا۔ مِہربان ہو کے ویکھاں لوک ماتی، متا اپنا اِک پکائیا۔ دِوس رَین ماراں جھاتی، پردہ پردیاں وِچوں اُٹھائیا۔ سدا سُہیلا بن کے ساتھی، سگلا سنگ نِبھائیا۔ سیِنہ نال لگاواں چھاتی، چھتردھاری ہو کے ویکھ وکھائیا۔ کلجُگ کوُڑی کِریا کولوں کراں خلاصی، خلاصہ اپنا آپ سمجھائیا۔ ممتا رہے نہ موُل پیاسی، ترِسنا ترِکھا مِٹائیا۔ بھگتاں دی بن کے داسی، سیوک ہو کے سیو کمائیا۔ جوتی جوت سروُپ ہرِ، آپ اپنی کِرپا کر، کرے کھیل ساچا ہرِ، سچ دی کل آپ ورتائیا۔ سَتگُر شبد کہے میَں سچّا دیواں سنگ، سگلا سنگ بنائیا۔ پیار دا چاڑھاں رنگ، رنگت بےپرواہیِا۔ جن بھگتاں لاواں انگ، انگیکار اِک اکھوائیا۔ یودھا سوُرا بن سربنگ، جوبن ونتا بےپرواہیِا۔ دھرم دا دھرم وجا مردنگ، دھرنی دھرت دھوَل سُہائیا۔ ضرور جن بھگتاں دی رچھیاں کراں ایس وِچ جنگ، جگہ جگہ اپنا پھیرا پائیا۔ چھیڑ چِھڑنی دھام پنج، پنجاں دا کھیل تکاں ہو کے بےپرواہیِا۔ دیِن دُنی ہونا رنج، رنجس وِچ لوکائیا۔ جوتی جوت سروُپ ہرِ، آپ اپنی کِرپا کر، کرے کھیل ساچا ہرِ، سچ دا حُکم اِک سُنائیا۔ سَتگُر شبد کہے میرا لالچ نہیں جگ، جگت ترِسنا نہ کوئے وکھائیا۔ میرا کھیل اُپر شاہ رگ، نؤ دوار دا ڈیرہ ڈھاہیِا۔ ناد شبد سُنا کے سدّ، سوئی سُرت اُٹھائیا۔ جگت وِکارا )کرکے بدھّ(، گھر پڑدا دیاں چُکائیا۔ میَنوُں کوئی نہ سکے لبھ، کھوجیاں ہتّھ کِسے نہ آئیا۔ کِرپا کراں جُگو جُگ جھب، جن بھگتاں ہوواں سہائیا۔ جوتی جوت سروُپ ہرِ، آپ اپنی کِرپا کر، کرے کھیل ساچا ہرِ، سچ دی کرنی کار کمائیا۔ سَتگُر شبد کہے بھگتاں رکھاں نہ کدے اُتے کرایا، قیِمت جگت والی رکھائیا۔ میرا لیکھا نہیں کوُڑ کُڑیاری مایا، ممتا دُھر دی اِک بنائیا۔ جنم جنم دا لیکھا اپنے ہتّھ رکھایا، کرم کرم دا سنگ بنائیا۔ ایتھے اوتھے دیواں ٹھنڈی چھایا، سِر سِر اپنا ہتّھ ٹِکائیا۔ سَتگُر ہو کے سَتگُر شبد نہ کدے مُکھ بھوایا، جُگ جُگ بھگتاں اپنے لیکھے لائیا۔ سچکھنڈ نِواسی سچکھنڈ دوار سُہایا، درگاہ اپنا کھیل کھِلائیا۔ جوتی جوت سروُپ ہرِ، آپ اپنی کِرپا کر، کرے کھیل ساچا ہرِ، سچ دا میلا لئے مِلائیا۔ سَتگُر

شبد کہے آد انت پربھ دی مِہربانی، مِہر نظر اُٹھائیا۔ بنکے آد انت دا جان جانی، جُگ جُگ ویکھ وکھائیا۔ کلجُگ انتم جوت نوُر نوُرانی، نوُر نوُرانہ ڈگمگائیا۔ جن بھگتاں دھار سمجھے نہ کدے بیگانی، بیگانہ من منسا وِچ کُرلائیا۔ جِنہاں دی منزل اِک روُحانی، رہبر نال مِل کے وجےّ ودھائیا۔ اوہناں صدی چؤدھویں آؤن نہیں دینی پریشانی، پرے توں پرے ہو کے ویکھے چائیں چائنیا۔ ہُن کتھا کتھنی نہ زبانی، اکتھ اپنا حُکم ورتائیا۔ جگت جہان سرِشٹی دِسے فانی، انت رہن کوئے نہ پائیا۔ اِک نِشانہ رہے بھگت بھگوانی، بھگوَن اپنا کھیل کھِلائیا۔ جوتی جوت سروُپ ہرِ، آپ اپنی کِرپا کر، کرے کھیل ساچا ہرِ، نِہکلنک نرائن نر، مہاراج شیرسِنگھ وِشنوُں بھگوان، لیکھا جانے زِمیں اسمانی، ہر گھٹ انتر اپنا حُکم ورتائیا۔

محمد دا مقبرہ کرے سجدہ، چڑھدیو لہندے سیِس نِوائیا۔ کھیل تکے اگمّ وجد دا، کی واجب اپنی کار کمائیا۔ کی لیکھا نوُر اِلاہی ربّ دا، لہنا سب دا جھولی پائیا۔ ویلا وقت سوہنا سبب دا، رُتڑی رُت نال مہکائیا۔ جِس دا دیِپک اِکو جگدا، پرکاش کرے تھاؤں تھائنیا۔ اوہ لیکھا پوُر کرے جگت حج دا، حُجرہ نِیوں کے سیِس نِوائیا۔ جوتی جوت سروُپ ہرِ، آپ اپنی کِرپا کر، کرے کھیل ساچا ہرِ، سچ دی کرنی کار کمائیا۔ مقبرہ کہے میَں تکیا نوُری مؤلا، جِس نوُں مؤلانا سمجھ کوئے نہ پائیا۔ جِس نے وعدہ پوُرا کیِتا قؤلا، اِقرار پِچھلا ویکھ وکھائیا۔ ویس وٹا کے اُپر دھؤلا، دھرنی رنگ رنگائیا۔ سب دا بھار کرے ہؤلا، گٹھڑی سیِس نہ کوئے ٹِکائیا۔ جوتی جوت سروُپ ہرِ، آپ اپنی کِرپا کر، کرے کھیل ساچا ہرِ، سچ دا حُکم اِک سُنائیا۔ مقبرہ کہے میَں ویکھیا مِہربان، جو مِہربان اکھوائیا۔ محمد دی خواہش دا کر اِشنان، لیکھا انت والا سمجھائیا۔ ایہہ منگ منگی سی مہینےِ وِچ رمضان، شبِ روز واسطہ پائیا۔ جِس ویلے آئے میرے اِمام، نِظام دیِن دُنی بدلائیا۔ میری مُشکل ہوئے آسان، اِنسانیّت دا لہنا دینا وکھائیا۔ کوئی انکڑیاں والی لا نہ سکے میزان، گِنتی گنت نہ کوئے گِنائیا۔ سو ویلا پہنچیا آن، گھڑی پل دئے گواہیِا۔ محمد دا مقبرہ کہے میرے محبوُب نوُں کوئی نہ کِہو پنجاں تتاں والا اِنسان، جوتی جاتا نوُر اِلاہیِا۔ جوُٹھ جھوُٹھ لوبھ لالچ کوُڑی کِریا دا آد جُگاد کدے نہ دیوے دان، سچ نام سچ دا کلمہ سچ آپ ورتائیا۔ جو لیکھا چُکاوے شرع شیَطان، چُھریِاں ونڈ نہ کوئے ونڈائیا۔ میَں اُس دی نِگاہ

نال کراں پہچان، بِن اکھّاں اکھّ کُھلائیا۔ اوہ مالک رحیِم رحمان، رحمت سچ کمائیا۔ جوتی جوت سروُپ ہرِ، آپ اپنی کِرپا کر، کرے کھیل ساچا ہرِ، سچ دا حُکم اِک سُنائیا۔ مقبرہ کہے میرے وِچ وجوُد دا قیام، قیامگاہ اِک اکھوائیا۔ جِس وِچ چُھپ گئے غؤث اؤلیئے تمام، مُلّا نظر کوئے نہ آئیا۔ مِٹّی خاک ہویا چام، تن ہاڈی نال مِلائیا۔ میَں ویکھ کے ہویا حَیران، حَیرانی وِچ سُنائیا۔ کی کھیل کرے اِمام، اِمام اِماماں بےپرواہیِا۔ جِس دی سب توں وکھّری کلام، کلمہ کائنات پڑھائیا۔ صوُفیِاں دئے پَیغام، بھگتاں کرے شنوائیا۔ اندھیرا میٹ شام، شمع نوُر جوت کرے رُشنائیا۔ دُھر دا مالک ہو کے مِہربان، مِہر نظر اِک اُٹھائیا۔ اُس دی دو چار سال دی نہیں گُزران، اننت جُگ اپنا کھیل کھِلائیا۔ جوتی جوت سروُپ ہرِ، آپ اپنی کِرپا کر، کرے کھیل ساچا ہرِ، سچ دا حُکم اِک ورتائیا۔ مقبرہ کہے میرے وِچ لُک گئے پَیغمبر پیِر، پیِر پیِرا کھیل کھِلائیا۔ جِنہاں نِشان دِتا صدی چؤدھویں اَخیِر، آخر گیا دِرڑائیا۔ جن بھگتو تُساں ہونا نہیں دِلگیِر، چِنتا غم نہ کوئے رکھائیا۔ جِس نوُں لبھدے کوٹن فقیِر، فِقرے ڈھولے رہے سُنائیا۔ اوہ بنا اپنی تدبیِر، تقدیِر گُرمُکھاں رہیا بدلائیا۔ لوک مات بالک سدا چُنگھدا نہیں ماتا دا سیِر، بِنا پروردِگار توں رِزق نہ کوئے سبائیا۔ کوُک کے کائنات کِہا کبیِر، قاعدہ اِک دِرڑائیا۔ جوتی جوت سروُپ ہرِ، آپ اپنی کِرپا کر، کرے کھیل ساچا ہرِ، سچ دا حُکم اِک ورتائیا۔ مقبرہ کہے میرا انت انت اِک سجدہ، سجدہ سیِس نِوائیا۔ جِس نوُں رہیا لبھدا، بِن اکھّاں اکھّ اُٹھائیا۔ اوہدا میلا میرا ہو گیا سبب دا، پردہ دِتا چُکائیا۔ مالک بنیا جگ دا، جاگرت جوت کرے رُشنائیا۔ اوہ ونجارا نہیں ماس ناڑی ہڈّ دا، آتم اپنے رنگ رنگائیا۔ روُح بُت وِچوں کڈھدا، ایہہ اوہدی بےپرواہیِا۔ بے شک جگت جہان پیارا جگ دا، مات پِت نار کنت جگت خوشی رکھائیا۔ جوتی جوت سروُپ ہرِ، آپ اپنی کِرپا کر، کرے کھیل ساچا ہرِ، سچ دا حُکم اِک سُنائیا۔ مقبرہ کہے محمد تکّ اکھّاں، اکھّاں والیا اکھّ اُٹھائیا۔ محمد کہے میرے کول کوٹ کہ لکھّاں، کی دیاں دِرڑائیا۔ میری ماٹی خاک بن گئی ککھّا، قیِمت نہ جگت جنائیا۔ سندیسہ دیواں سچّا، سچ اِک سُنائیا۔ میرا ڈھہنا مدیِنہ مکّہ، دروہی نام خُدائیا۔ میری چار یاری ہر چار سال )بعد( میَنوُں اِک ویراں دیندی سی دھکاّ، اپنا من بدلائیا۔ سانوُں پایا کیہڑے وِچ رٹّا، مات پِتا چھڈ کے تیری سیو کمائیا۔ میَں سُناؤندا ساں کلمے دا اِک ٹپّا، ہتّھ مستک اُتے چُھہائیا۔ چار یاری چار سال دا وٹّا، ایہہ وٹاندرا کرے بےپرواہیِا۔ جِس ویلے تُہاڈا

تن سریِر چیِتھڑ ہونا پُرانا پھٹا، جوبن نظر کوئے نہ آئیا۔ جوتی جوت سروُپ ہرِ، آپ اپنی کِرپا کر، کرے کھیل ساچا ہرِ، سچ دی کرنی کار کمائیا۔ محمد کہے میَں سُناؤندا رہیا کلاما، کلمہ کلمے نال جنائیا۔ اِک دِن ہسّ کے کِہا چار یاراں تَینوُں پھیر وی مِلدا رہنا ایہہ اُلاہما، چار جُگ دے مالک اپنا کھیل لیَنا کھِلائیا۔ جِس دے بھگت ہونے غُلاما، غُلامی دیِن دُنی دئے تُڑائیا۔ سندیسہ دیوے اِکو اِک پَیغاما، پَیغمبراں پرے پڑھائیا۔ محمد ہسّ کے کِہا اوہ میرا اِماما، نوُر نوُرانہ نوُر اِلاہیِا۔ جِس دی چؤدھویں صدی میرا لیکھا پوُرکرانا، لہنا دیوے چائیں چائنیا۔ پنج آب کرے پروانہ، بے آب ہووے لوکائیا۔ چؤداں سؤ کوس یُدھ ہووے گھمسانا، حدوُد حد اِک وکھائیا۔ نام کلمہ جِس جگت رہن نہیں دینا کریانا، دُھر دا حُکم اِک ورتائیا۔ ایہہ کھیل کرنا اُس مِہربانا، جِس دا آد انت سماں درمیانا، سمجھ کوئے نہ پائیا۔ جوتی جوت سروُپ ہرِ، آپ اپنی کِرپا کر، کرے کھیل ساچا ہرِ، سچ دا حُکم اِک ورتائیا۔ چار یاراں کِہا حضرت کی ہووےگا بندہ، بندگی کی دِرڑائیا۔ محمد کِہا میَں نیترہیِن اندھا، انت کہن کُچھ نہ پائیا۔ کی دسّاں ماڑا ہووے کہ چنگا، وڈّا چھوٹا ونڈ نہ کوئے ونڈائیا۔ میَنوُں اِیوں جاپدا جِس نے سارے اوتار پَیغمبر گُر چُک کے اپنے کندھا، کنڈھی گھاٹ پتن اِکو دینے ٹِکائیا۔ سب دا سیِنہ کر کے ٹھنڈا، اگنی تت بُجھائیا۔ جگت جہان اِکو دے کے سچ انندا، انندپُر واسی دا لیکھا پوُر کرائیا۔ پر یاد رکھِیو اِک ویراں اُس نوُں سب نے کہنا گندہ، کیوں گندگی دے کیڑے سارے دینے کھپائیا۔ چار یارو اوہدیاں یاراں نے اوہنوُں کہنا مُشٹنڈا، دھوکھے باز اکھوائیا۔ پر یاد رکھِیو اُس دیِن دُنی نوُں کرنا رنڈا، سِر سکے نہ کوئے اُٹھائیا۔ اِکو سَت دا جھُلاؤنا جھنڈا، سَت دھرم دی دھار پرگٹائیا۔ جوتی جوت سروُپ ہرِ، آپ اپنی کِرپا کر، کرے کھیل ساچا ہرِ، سچ دی کرنی کار کمائیا۔ محمد کہے چار یارو دسّاں گلّ اِک حرفی، اِکو وار جنائیا۔ سمت شہنشاہی ستّ باراں مگھّر دِوس ہووے شرفی، شرافت سب دی ویکھ وکھائیا۔ تیراں مگھّر توں پنج دِن گل وِچ پاوے چؤداں طبقاں والی الفی، اپنا حُکم ورتائیا۔ جگت انّ نہ کھاوے شرطی، ایہہ اُس دی بےپرواہیِا۔ پھیر کھیل ویکھنا اُتے دھرتی، کی لیکھا جگت لوکائیا۔ بھگتاں دی آشا چار جُگ چار سال وِچ نہیں سڑدی، دُکھی ہو نہ دُکھ بنائیا۔ آتما دی دھار پرماتما دے گھر دی، جِس ویلے چاہے اُس ویلے لئے مِلائیا۔ جوتی جوت سروُپ ہرِ، آپ اپنی کِرپا کر، کرے کھیل ساچا ہرِ، سچ دا حُکم اِک ورتائیا۔ تیراں مگھّر کہے پیِراں دے پیِر نوُں دیؤ کوئی نہ روٹی، اَگے

انّ نہ کوئے ٹِکائیا۔ جِس نے سب دی لیکھے لاؤنی گوشت بوٹی، کونا کونا کھوج کھوجائیا۔ اُس دی جگدی رہے جوتی، جوتی جاتا نظری آئیا۔ اُس دی اِکو کلا بہُتی، اکل کل اپنی کھیل کھِلائیا۔ جوتی جوت سروُپ ہرِ، آپ اپنی کِرپا کر، کرے کھیل ساچا ہرِ، نِہکلنک نرائن نر، مہاراج شیرسِنگھ وِشنوُں بھگوان، اَگے آیوُ دِسے کِسے نہ بہُتی، بہُہ گُنا اپنا حُکم ورتائیا۔