۲۴ ماگھ شہنشاہی سمت ۷ گُربچن سِنگھ تے درشن سِنگھ دے نوِت پِنڈ نیاشالا ضِلع گُرداس پُر
نارد کہے سُبھاگا چڑھیا ماگھ چوَھی، چؤبیسواں اوتار دَیا کمائیا۔ جِس منسا پوُری کرنی رویداس رَوی، راوی دی آسا پوُر کرائیا۔ جِس دا لیکھا گایا بالمیِک بنکے کوی، کاوی کرم کانڈ توں باہر جنائیا۔ ارجن نے آشا رکھی بَیٹھ کے تتی تَوی، تَو پرساد کہہ کے سیِس نِوائیا۔ کلجُگ انتم کھیل کرے پربھ نوَیں، نوَ نؤ اپنا حُکم ورتائیا۔ دُھر دی کار کدے نہ بھَوی، بھوَ ساگر ویکھے جگت لوکائیا۔ جوتی جوت سروُپ ہرِ، آپ اپنی کِرپا کر، کرے کھیل دُھر دا ہرِ، ہرِ وڈّا وڈ وڈیائیا۔ نارد کہے میری پوُری ہووے سدھر، سدھراں وِچ خوشی منائیا۔ پرم پُرکھ کرے قدر، قُدرت دا قادر دَیا کمائیا۔ مِہربان مِہر دی کرے ندر، نظر اپنی اِک اُٹھائیا۔ میرا لیکھا دیوے بدل، بدلی کرے تھاؤں تھائنیا۔ کوُڑی کِریا کرکے قتل، قاتل اپنا حُکم ورتائیا۔ جگت جہان ویکھے بے وطن، وطناں والیاں لئے مِلائیا۔ جِس سُہاؤنا راوی دا کنڈھا پتن، پترکا سیِتا رام والی پھول پھولائیا۔ جیہڑی آشا رکھی محمد جِس ویلے کیِتا دفن، پروردِگار سیِس نِوائیا۔ میرا کعبیاں توں باہر ہووے کفّن، کوہ قاف توں پرے تیری رُشنائیا۔ میری لاج آویں رکھن، صدی چؤدھویں اکھّ اُٹھائیا۔ تُوں مالک الکھّنا الکھن، پروردِگار نوُر اِلاہیِا۔ اوتار پَیغمبر تیری مہما دسّن، پَیغمبر صِفتاں نال صالاحیِا۔ جِس ویلے دیِن دُنی لگّے مچّن، آنچ اگنی اگّ نہ کوئے بُجھائیا۔ پھیر نوَیِں رچنی رچن، رچنا اپنی دینی جنائیا۔ بھاگ لگاؤنا کایا کنچن، ساڈھے تِنّ ہتّھ سوبھا پائیا۔ بِنا روُح توں بُت لگّا ہسّن، مقبرے وِچ خوشی منائیا۔ میرے پروردِگار مِہربان محبوُب
جِس ویلے آویں وِچ پچھّم، پِچھلا لیکھا پوُر دینا کرائیا۔ میَں ویکھاں کھیل تیری اگمّی نوُری اکھّن، جگت نیتر کمّ کِسے نہ آئیا۔ تُوں وسیں گھٹ گھٹن، گھٹ گھٹ انتر رہیا سمائیا۔ نال ہووے گوبِند پاٹل پٹن، پٹنے والا سنگ مِلائیا۔ جگت جہان میٹے رٹّن، رٹّا کوُڑ رہے نہ رائیا۔ تیرا سَت سروُپ دھار جٹّن، سَت ستوادی نوُر اِلاہیِا۔ میَں دیِن دُنی لگّا چھڈن، تن وجوُد ناتا اُمت نالوں تُڑائیا۔ میرا پُکارے ماس ہڈنّ، ناڑی ناڑی کوُک جنائیا۔ تیرے نال لگّی رہے لگن، دوُجا اِشٹ نہ کوئے منائیا۔ جھٹ مقبرے وِچ دیِپک لگّا جگن، پرکاش ہویا نوُر اِلاہیِا۔ محمدا میرے لیکھے لگّا تیرا بدن، بدلہ سہج دیاں چُکائیا۔ جِس ویلے صدی چؤدھویں لگّی لنگھن، اپنا پندھ مُکائیا۔ دیِن دُنی لگّے دگن، اگنی تت نہ کوئے بُجھائیا۔ تیرا سَوا پا نیاز ہووے سگن، مقبرہ تیرا سوبھا پائیا۔ جوتی جوت سروُپ ہرِ، آپ اپنی کِرپا کر، کرے کھیل ساچا ہرِ، سچ دا حُکم اِک ورتائیا۔ نارد کہے گنگا گوداوری جمنا سُرستی اِکو وار لؤ انگڑائی، انگی تن نال چُھہائیا۔ نیتر کجلا پاؤنا چائیں چائیں، نیَن اکھّ اکھّ بدلائیا۔ راہ تکنا دُھر دے ماہی، بھجّنا واہو داہیِا۔ ٹپدیاں جانا بیلے کاہی، اَگے ہو نہ کوئے اٹکائیا۔ اپنا لہِنگا لیَنا اُٹھائی، سجےّ بازو اُتے ٹِکائیا۔ میرا لیکھا پِچھلا رہیا سمجھائی، پوُرب رہیا جنائیا۔ راوی کنڈھے اِنج پہنچنا جِویں سؤہریاں گھر جوائی، میری بودی دئے گواہیِا۔ پر یاد رکھِیو سب دے کول پیار دیِاں مُٹھاں ہوون ڈھائی، ڈھئیا گوبِند والا نال مِلائیا۔ جوتی جوت سروُپ ہرِ، آپ اپنی کِرپا کر، کرے کھیل ساچا ہرِ، سچ سندیسہ اِک سُنائیا۔ نارد کہے میَنوُں دِسے راہ پّدھرا، جنگل جوُہ نہ کوئے وڈیائیا۔ تُساں سنبھالنا اپنا گھّگرا، گھّگر دے کنڈھے گوبِند نِشانہ گیا لگائیا۔ پھیر لیکھا دسّاں اگلا، کی کرتا حُکم سُنائیا۔ جگت جہان تکنا بگ بپڑا بغلا، بغلگیِر نظر کوئے نہ آئیا۔ تُہانوُں راہ وِچ ضرور میرا پَویگا جھپلا، پلک وِچ جھلک دیاں وکھائیا۔ میرا روُپ مُن کپلا، کپل مُن میرے ورگا جگت گوسائنیا۔ جوتی جوت سروُپ ہرِ، آپ اپنی کِرپا کر، کرے کھیل ساچا ہرِ، نِہکلنک نرائن نر، مہاراج شیرسِنگھ وِشنوُں بھگوان، جو نِرگُن دھار نِرگُن روُپ وِچ رتلا، دوُسر رنگ نظر کوئے نہ آئیا۔
۲۴ ماگھ شہنشاہی سمت ۷ مہِنگا سِنگھ، کرم سِنگھ، جرنَیل سِنگھ دیواں، گُرو رام کؤر چتُر کؤر سدّا، اجیِت سِنگھ، ہم راج بنسو غزنی پُر، سُلکھّنی غزنی پُر، دارا سِنگھ غزنی پُر، چِھندو مدی پُر، گُرمیز کؤر کٹھیالی،
کرتاری دورانگلا، مہِندر کؤر کالا ننگل، پِنڈ سدّا ضِلع گُرداس پُر
چؤوی ماگھ کہے میری خوشیاں بھری رَین، بِھنڑی لوک مات وڈیائیا۔ سچ سندیسہ آئی کہن، بِن رسنا جِہوا شبد اگمّی ڈھولا گائیا۔ سب دا مالک اِکو نر نرائن، نر ہرِ اِک اکھوائیا۔ جو آتم پرماتم ساک سجّن سیَن، سخی سُلطان اِک اکھوائیا۔ جِس دے حُکم دا دو جہاناں وگدا وہن، نام کلمہ اگمّ دِرڑائیا۔ اوہ سب دا لیکھا لہنا دینا آیا دین، دو جہاناں بھرم رہے نہ رائیا۔ جوتی جوت سروُپ ہرِ، آپ اپنی کِرپا کر، کرے کھیل ساچا ہرِ، ہرِ سچ سچ دِرڑائیا۔ ماگھ کہے میَں آیا لوک مات بھجّا، بھجن بندگی والیاں دیاں جنائیا۔ سچ دھرم دی ساچی جگہ، جِتھے جگے جوت نوُر اِلاہیِا۔ آتم پرماتم دھار ملِے مزہ، امرت رس آبِ حیات مُکھ چوائیا۔ نیڑ نہ آوے کوُڑ قضا، کلجُگ کوُڑی کِریا ڈیرہ ڈھاہیِا۔ دُھر دا حُکم چلاوے مناوے اپنی اِک رضا، رازق رِزق رحیِم دَیا کمائیا۔ جوتی جوت سروُپ ہرِ، آپ اپنی کِرپا کر، کرے کھیل دُھر دا ہرِ، دُھر وڈّا وڈ وڈیائیا۔ چؤوھی ماگھ کہے میری نمو نمو نِمسکار، پُرکھ اکال سیِس نِوائیا۔ دیِناں بندھپ میرے دَیال، ٹھاکر سوامی تیری بےپرواہیِا۔ اُٹھ ویکھ مُریِداں حال، مُرشد اپنی لےَ انگڑائیا۔ صدی چؤدھویں کر خیال، خیالات تکّ خلق خُدائیا۔ چار کُنٹ ہویا بےحال، سُرتی شبد نہ کوئے مِلائیا۔ نوَ ستّ سِر تے کوُکے کال، مہاکال بھیوَ نہ کوئے کُھلائیا۔ ترےَگُن مایا پیا جنجال، جاگرت جوت نہ کوئے رُشنائیا۔ پھل نام دِسے نہ کایا ڈال، ساڈھے تِنّ ہتّھ خالی سِنمل رہیا لہرائیا۔ امرت سُہائے کوئے نہ تال، نِجھر جھِرنا نہ کوئے جھِرائیا۔ چؤراسی وِچوں ہوئے نہ کوئے بحال، پھاسی جم نہ کوئے تُڑائیا۔ مِہربان محبوُب کر پرِتپال، پرِتپالک تیری اوٹ تکائیا۔ سمبل بہہ کے کر سنبھال، گوبِند لیکھا ویکھ وکھائیا۔ تیری ہووے اگمّڑی چال، جوتی جوت سروُپ ہرِ، آپ اپنی کِرپا کر، ایکا دینا ساچا ور، در تیرے سیِس نِوائیا۔ چؤوھی ماگھ کہے میرا اِکو اِک سجدہ، قدم بوسی وِچ وڈیائیا۔ نوُر تکّ اگمّی ربّ دا، عالمیِن بھیوَ کُھلائیا۔ جِس نوُں جگت جہان گیا لبھدا، گُپت ظاہر اکھّ اُٹھائیا۔ جگت جگیاَسوُ گیا سدّدا، بھگت بھگوَن راہ تکائیا۔ اوہدا کھیل جگت جہان سبب دا، صُبح شام ونڈ نہ
کوئے ونڈائیا۔ اُس دا نگارہ اِکو ند دا، انحد نادی دُھن شنوائیا۔ دیِپک دو جہاناں جگدا، نوُری جوت ڈگمگائیا۔ جو سنت سُہیلے جُگ جُگ لبھدا، ہرِجن میلے چائیں چائنیا۔ جو بھیوَ کھولے آد انت مدھ دا، پوُرب پڑدا رہے نہ رائیا۔ کلجُگ روُپ تکے بگڑے بپ دا، نوَ ستّ کھوج کھوجائیا۔ جوتی جوت سروُپ ہرِ، آپ اپنی کِرپا کر، کرے کھیل ساچا ہرِ، سچ دا حُکم اِک سُنائیا۔ چؤوھی ماگھ کہے اوہ آ گیا نارد پنڈا، برہمنڈ اپنا پندھ مُکائیا۔ ہتّھ پھڑ کے کلجُگ والا ڈنڈا، ڈنڈاوت پُٹھے ہتّھ کرائیا۔ بودی دا وال کر کے لمبا، ساڈے تِنّ ہتّھ رہیا وکھائیا۔ اَگے کھیل کرے اچنبھا، جِس نوُں سمجھے کوئے نہ رائیا۔ کُجھ لیکھا دسےّ گُر تیغ بہادر جِس جہاز پار کرایا لا کے کندھا، کنڈھی اپنا بھیوَ چُکائیا۔ کِس بِدھ جگت جہان آیا لنگھا، پاندھی بن کے راہیِا۔ جوتی جوت سروُپ ہرِ، آپ اپنی کِرپا کر، کرے کھیل ساچا ہرِ، سچ دا کھیل اِک وکھائیا۔ نارد کہے پربھوُ میری نمو نمستے، ڈنڈاوت کرواؤن والیا کیوں ڈنڈا رہیا وکھائیا۔ میَنوُں وِشن برہما شِو ملِے وِچ رستے، بِن اکھّاں اکھّ اُٹھائیا۔ میَں سندیسہ دِتا نسدے نسدے، سہج سہج نال جنائیا۔ آؤ تکو دھرتی اُتے کھیڑے رہنے نہیں وسدے، بستی نظر کوئے نہ آئیا۔ حُکم ورتنے اِک الکھّ دے، جِس نوُں نہ کوئی میٹے میٹ مِٹائیا۔ وعددے قؤل اِقرار پوُرے ہونے پکّ دے، جو پیشیِن گوئیاں اوتار پَیغمبر گُروُ آئے جنائیا۔ اوہ ویکھو چار کُنٹ انگیارے تپدے، امرت میگھ نہ کوئے برسائیا۔ مایا روُپ دھر لئے ڈسن والے سپّ دے، شاہ سُلطان ڈنگ چلائیا۔ صدی چؤدھویں بیڑے پوُر بھر گئے پپّ دے، پتتاں پُنیِت نہ کوئے بنائیا۔ نارد کہے میَں سچ دسّاں جیہڑے پربھوُ نوُں نہیں جپدے، ہِردے ہرِ نہ کوئے وسائیا۔ اوہناں دے لیکھے انتم ہونے ککھّ دے، قیِمت جگت نہ کوئے جنائیا۔ جوتی جوت سروُپ ہرِ، آپ اپنی کِرپا کر، کرے کھیل ساچا ہرِ، سچ دا پڑدا آپ اُٹھائیا۔ نارد کہے میَں دیندا آیا ہوکا، حُکم دُھر دا اِک سُنائیا۔ سُن لؤ چؤداں طبق تے چؤداں لوکا، چؤدس چند نہ کوئے رُشنائیا۔ پربھ اپنے ہتّھ وِچ دیِن دُنی دا رکھے مؤقع، مُکمل اپنا حُکم ورتائیا۔ جیہڑا سندیسہ دِتا سی گوبِند وِچ پؤنٹا، پٹنے والا اپنی کار بُھرتائیا۔ جِس نے نام دی چلائی اِکو نؤکا، نئیا جگت جہان گیا وکھائیا۔ اُس دا لیکھا پوُرا کرنا پُرکھ اکال نال شؤقا، شک شکوُک رہن کوئے نہ پائیا۔ نالے نارد نے آہ کر کے بھریا ہؤکا، ہائے اُف کر سُنائیا۔ میرے صاحِب دا اِکو ڈھؤنکا، ڈھئیے والا پندھ چُکائیا۔ اَگے سماں نہیں رہنا بہُتا، صدی چؤدھویں نیتر رووے مارے دھاہیِا۔ جوتی جوت سروُپ ہرِ،
آپ اپنی کِرپا کر، کرے کھیل ساچا ہرِ، سچ دا بھیوَ آپ کُھلائیا۔ نارد کہے میَں آیا تھکا ٹُٹا، پِچھلا پندھ مُکائیا۔ میرے روُپ نوُں سَتگُر دھار سمجھ کے بنّھ لؤ دوویں گُٹا، ہتھکڑی جگت والی لگائیا۔ میرا روُپ اگمّی اسمان توں پرے ٹُٹا، دھرنی دھرت دھوَل اُتے سوبھا پائیا۔ میرا وَیراگ میرے اندروں پُھٹا، پُھٹکل دا جھگڑا رہے نہ رائیا۔ کھیل کرے ابناشی اچُتا، پاربرہم پربھ اپنی کار بُھگتائیا۔ میَں ضرور دسّانگا سَتجُگ وِچ اِکو شبد تے اِکو تُکا، تُخم تاثیِر پربھ نے سب دا دینا بدلائیا۔ کِسے دے مُکھ نہیں لگّنا نڑی حُقہ، حُکم ورتے شاہ پاتشاہ سچّے شہنشاہیِا۔ میرا اِکے نوُں سیِس جھُکا، دوُسر سِر نہ کدے نِوائیا۔ میَں اُس در تے پُجا، جِس نوُں دو جہان پوُج کے اپنا جھٹ لنگھائیا۔ میَں بھیوَ کُھلاؤنا گُجھا، پردہ اندروں دینا اُٹھائیا۔ اِکو آد اِکو انت تے اِکو صاحِب دا مُدّعا، جو مُدّت دے وِچھڑیاں لئے مِلائیا۔ اوہ بھاگ لگاوے دھرنی اُتے بسُدھا، سُدھ سب دی دئے بُھلائیا۔ جوتی جوت سروُپ ہرِ، آپ اپنی کِرپا کر، کرے کھیل ساچا ہرِ، سچ دا اپنا حُکم ورتائیا۔ نارد کہے میَں تکاں اِک صاحِب دی ہستی، ہست کیِٹاں دیاں جنائیا۔ میرے نال گنگا گوداوری جمنا سُرستی، بھجّیِاں آئیاں واہو داہیِا۔ بِنا قدماں توں وڑ گئیاں اوس پربھوُ دی بستی، جِس بستے سب دے دینے بندھائیا۔ نوُر ظہوُر تکّ کے چڑھی مستی، مست خُماری وِچ جگت کرم دی بیماری رہے نہ رائیا۔ نال میَں وی کیِتا درسی، درس کرکے اپنی بودی دِتی ہِلائیا۔ خوشیاں نال رکھاں اَگے اِک عرضی، آرزو دینی دِرڑائیا۔ میرے مالک خالق پرِتپالک پاربرہم پت پرمیشور پروردِگار تیری کیہڑی مرضی، کِس بِدھ اپنا حُکم ورتائیا۔ میَں کھیل تکنی نرائن نر دی، نر ہرِ پڑدا دینا چُکائیا۔ میَں کوئی اوتار پَیغمبر گُروُ لوک مات نہیں منّنا فرضی، بِنا تیرے توں دوُجا نظر کوئے نہ آئیا۔ سچ دسّ کِس بِدھ غریِب نِمانیاں بنیں دردی، دُکھیاں دُکھ اپنی جھولی پائیا۔ کیوں شرع چُھری بنی کردی، دیِن مذہب قاتل مقتُول دوویں روون مارن دھاہیِا۔ جوتی جوت سروُپ ہرِ، آپ اپنی کِرپا کر، کرے کھیل ساچا ہرِ، سچ دا رنگ آپ رنگائیا۔ نارد کہے گنگا گوداوری نی سُرستی جمنا، ضامن اِک لؤ بنائیا۔ اوہ تکو جِس نے کِسے نوُں رہن نہیں دینا نال امنا، جِس دا لیکھا ایمن آباد وِچ نانک گیا لِکھائیا۔ اوہ سب دے دو جہاناں وِچ کڈھے سمّنا، سمت شہنشاہی اٹّھ پہلی چیتر دیوے گواہیِا۔ جِس دا اِکو گُلشن تے اِکو چمنا، دو جہان ویکھے تھاؤں تھائنیا۔ جِس نے روُپ بدلایا گوبِند دُشٹ دمنا، دوہری اپنی کل ورتائیا۔ اوس دا حُکم سندیس
فرمان برہمنڈ کھنڈ پُری لوء آکاش نے منّنا، سِر اَگے نہ کوئے اُٹھائیا۔ جِس جگت جہان دا بیڑا بنھنا، شبد ڈوری ہتّھ اُٹھائیا۔ صدی چؤدھویں میٹنا پندھنا، محمد پاندھی دا لیکھا رہے نہ رائیا۔ جِس نوُں ویکھ کے عیسیٰ موُسیٰ کمبنا، صدی بیِسویں لئے انگڑائیا۔ جوتی جوت سروُپ ہرِ، آپ اپنی کِرپا کر، کرے کھیل ساچا ہرِ، دُھر دا بھیوَ آپ کُھلائیا۔ نارد کہے میَں آیا بھجّا نَٹھا، پِچھلا پندھ مُکائیا۔ میَنوُں دو جہان کردے رہے ٹھٹّھا، ہاسی کر کے تاڑی لائیا۔ ویکھو جاندا پربھوُ دا پٹّھا، بھگت اپنا روُپ بدلائیا۔ میَنوُں یاد اِکو ٹپّا، تُوں میرا میَں تیرا اِکو ڈھولا گائیا۔ میَں سُن کے ہو گیا ہکاّ بکاّ، حَیرانی وِچ اپنی کروٹ لئی بدلائیا۔ میَں پِھر پَیغمبراں نوُں تاڑی مار کے کِہا اگلے سال میرا مالک ضرور جائیگا وِچ مکّہ، محمد دا مقبرہ ویکھ وکھائیا۔ پھیر عیسیٰ موُسیٰ نوُں لگّے دھکاّ، اَگے ہو نہ کوئے اٹکائیا۔ لہنا دینا مِٹنا بوُرا ککاّ، کالکھ ٹِکّے ویکھے تھاؤں تھائنیا۔ جوتی جوت سروُپ ہرِ، آپ اپنی کِرپا کر، کرے کھیل ساچا ہرِ، سچ دا رنگ آپ رنگائیا۔ نارد کہے میری بہُڑی بہُڑی، دروہی دروہی کر سُنائیا۔ اِک حُکم سندیسہ جانا سکھّر روڑی، حُکم دیوے نوُر اِلاہیِا۔ جِس دے ہتّھ چؤداں طبق دی ڈوری، چؤداں صدیاں گنڈھ پوائیا۔ اُس دی کھیل ورتنی تھوڑی تھوڑی، نوَ نوَ ونڈ ونڈائیا۔ جگت جہان کرنا جوڑی جوڑی، تیِجا حِصّہ کوئے نہ پائیا۔ بازاں والا آوے واگاں موڑی، نِیلے والا نیِلی دھار توں پرے اپنی کرے جوت نوُر رُشنائیا۔ جوتی جوت سروُپ ہرِ، آپ اپنی کِرپا کر، کرے کھیل ساچا ہرِ، سچ دا حُکم اِک سُنائیا۔ نارد کہے میَں ویکھنا کھیل وِچ ہِند، ہِندی عربی فارسی سمجھ کوئے نہ پائیا۔ جِس صاحِب دی سارے کردے نِند، نِندیا وِچ جگت لوکائیا۔ اُس دا اِکو نوُر تے اِکو بِند، جِس نوُں بِندرابن والے کاہن بَیٹھے سیِس جھُکائیا۔ اوہ میرا داتا سوُربیِر مرگِند، بِنا مِرگشالا توں بَیٹھا آسن لائیا۔ جِس دا لیکھا جیؤ پِنڈ، برہمنڈ کھنڈ اپنا حُکم ورتائیا۔ جِس دا حُکم ساگر سِندھ، دو جہان نہ کوئے اٹکائیا۔ اوہ داتا گمبھیِر گہر گُنی گہِند، گوَر نوُر اِلاہیِا۔ جِس نے سب دی میٹنی چِند، چِنتا چِکھا دئے گوائیا۔ پوُجا رہن نہیں دینی کِسے لِنگ، ایکا اِشٹ ہووے نوُر رُشنائیا۔ جوتی جوت سروُپ ہرِ، آپ اپنی کِرپا کر، کرے کھیل ساچا ہرِ، سچ دا پڑدا آپ اُٹھائیا۔ نارد کہے میَں ویکھاں گُڑ دی روڑی، جو رام رام بھیٹ چڑھائیا۔ رام دی رام نال بنی رہے جوڑی، وِچھوڑا نظر کوئے نہ آئیا۔ جُگاں دی آیوُ بیِتے تھوڑی تھوڑی، کلجُگ دی چار لکھّ بتّی ہزار پوُر نہ کوئے کرائیا۔ سَتگُر شبد شبد سَتگُر سدا چڑھے
اگمّی گھوڑی، جِس دی زین پاکھر ویکھن کوئے نہ آئیا۔ اُس دی کھیل ہووے دوہری، نِرگُن سرگُن سرگُن نِرگُن نِرگُن ہو کے اپنا حُکم ورتائیا۔ جن بھگتاں دات دیوے نام بھنڈارے دی جگت جہان نالوں چوری، راتی سُتیاں دِنے جاگدیاں اوہناں دے کایا مندر اندر دئے ٹِکائیا۔ امرت رس مِٹھا نِجھر جھِرنا بھورا بھورا دیوے بھوری، بھرماں دا ڈیرہ دیوے ڈھاہیِا۔ جگت وِکاراں کایا مندر دیوے ہوڑی، ہوڑا سسّے اُتے لگائیا۔ ہنگ برہم آتم پرماتم کھیل دسےّ توری موری، مِہربان اپنا رنگ رنگائیا۔ جوتی جوت سروُپ ہرِ، آپ اپنی کِرپا کر، کرے کھیل ساچا ہرِ، سچ دا میلا لئے مِلائیا۔ نارد کہے اوئے چؤویئیں ماگھا، ماگھا مار کے دے وکھائیا۔ کیوں تیرے ہوئے وڈ بھاگا، لوک مات مِلی وڈیائیا۔ ماگھ کہے میَں نِگاہ ماری اُتے ڈھابا، کنڈھی بَیٹھا ویکھ وکھائیا۔ جِتھے ہُندی سی کاہی تے دابھا، کانے اپنا رنگ وکھائیا۔ مِلدا اِکو پریم دا آبا، آبِ حیات روُپ بدلائیا۔ جِتھے گوبِند نے گُرسِکھاں دا کیِتا حِصابا، لہنا دینا جنم کرم دا پھول پھولائیا۔ پِھر اِشارہ کیِتا ولّ کعبہ، مُکھی تیِر والی اُٹھائیا۔ پِھر پُرکھ اکال نوُں کر کے آدابا، سیِس جگدیِش دِتا جھُکائیا۔ پِھر نوُر تکیا نِرگُن نوُر بابا، جو سرگُن دساں جامیاں وِچ سمائیا۔ پِھر خوشی وِچ ہویا باغو باغا، بغیچہ تکّ خلق خُدائیا۔ نالے اِشارہ کیِتا میرا پُرکھ اکال دیِن دَیال جدوں آوے تے آوے وِچ ماجھا، جِس وِچ گوبِند قدم نہ گیا ٹِکائیا۔ نؤ وار کاہی اُتے گوبِند گوبِند لِکھ کے آکھا، کالا اکھّر گیا ٹِکائیا۔ جِس ویلے اوتار پَیغمبر گُروُآں دیِاں ودھ گئیاں شاخاں، شناخت والا نظر کوئے نہ آئیا۔ اُس ویلے بِنا پُرکھ اکال توں ہووے کوئے نہ راکھا، نؤ تِنکے کاہی دے دین گواہیِا۔ جوتی جوت سروُپ ہرِ، آپ اپنی کِرپا کر، کرے کھیل ساچا ہرِ، سچ دی کرنی کار کمائیا۔ نؤ تنکے کہن گوبِند دا ناؤں چلنا نؤ کھنڈ، گوبِند نَواں روُپ بدلائیا۔ پِچھلی پِچھے گئی ہنڈھ، اَگے حُکم ورتے بےپرواہیِا۔ جِس نے لیکھا پوُرا کرنا تارا چند، چند سِتار بَیٹھن سیِس نِوائیا۔ چؤداں طبقاں محمد دی پوُری ہووے منگ، صدی چؤدھویں سیِس جھُکائیا۔ ایہہ کھیل سوُرا سربنگ، ہرِ کرتا آپ ورتائیا۔ جوتی جوت سروُپ ہرِ، آپ اپنی کِرپا کر، کرے کھیل ساچا ہرِ، سچ دا مالک اِک ہو آئیا۔ نارد کہے میَں راوی دا تکاں کنارہ، دوُر دُراڈا دھیان لگائیا۔ میرے نال چار نوُر دیِاں مُٹیاراں، گنگا گوداوری جمنا سُرستی سوبھا پائیا۔ جِنہاں دیِاں انتر نِرنتر کِھچیِاں تاراں، سِتار اِک رہیا ہِلائیا۔ وہناں دیِاں تکاں دھاراں، جل دھار روُپ درسائیا۔ جِنہاں دیِاں جُگ جُگ لگّیاں رہیاں بہاراں،
خوشیاں رنگ رنگائیا۔ اوہناں دے لباس نہ جگت ساڑھیِاں تے سلّواراں، بستر بھوُشن سمجھ کوئے نہ پائیا۔ اِکو پُرکھ اکال اَگے کرن پُکاراں، پُنہ پُنہ سیِس نِوائیا۔ دروہی صدی چؤدھویں وقت چُکا دے چار یاراں، ناتا جگت رہے نہ رائیا۔ جوتی جوت سروُپ ہرِ، آپ اپنی کِرپا کر، ایکا دینا دُھر دا ور، دُھر دے مالک دَیا کمائیا۔ نارد کہے میرا صاحِب پُرکھ سمرتھ، ہرِ وڈّا وڈ وڈیائیا۔ جِس دی کتھا سارے گئے کتھ، کتھنی رسنا جِہوا روُپ بنائیا۔ جگت جہان چلدا رہیا رتھ، سَتجُگ تریتا دواپرکلجُگ اپنا پندھ مُکائیا۔ جِس نے لہنا پوُرا کیِتا رام بیٹا دسرتھ، بن جنگلاں وِچ بھوائیا۔ راون لاہ کے ستھر ستھ، پَینڈا دِتا مُکائیا۔ جوتی جوت سروُپ ہرِ، آپ اپنی کِرپا کر، سچ دا مارگ اِک درسائیا۔ نارد کہے میَں کی کراں بیان، کہن کِچھ نہ پائیا۔ جِس نے کرِشن نوُں ماریا بان، بدھک روُپ بدلائیا۔ اُس دا لیکھا وِچ جہان، کلجُگ ناتا نال جُڑائیا۔ جنم دِتا سِری بھگوان، مانَس دیہی مِلی وڈیائیا۔ کلجُگ دا لیکھا انت پوُرا ہووے وِچ جہان، جہالت کوُڑ رہے نہ رائیا۔ اوہ چُھرا گردن اُتے دھرے آن، خوشیاں نال ٹِکائیا۔ شرع وِچ ذِبع ہو جانے اِنسان، اِنسانیت اپنا پندھ مُکائیا۔ کلمہ کرے نہ کوئے کلیان، کائنات رووے مارے دھاہیِا۔ جوتی جوت سروُپ ہرِ، آپ اپنی کِرپا کر، کرے کھیل ساچا ہرِ، سچ دا لیکھا آپ چُکائیا۔ چُھرا کہے میرا روُپ تِکھا، تِکھی دھار جنائیا۔ جِس دا لیکھ پروردِگار نے لِکھا، اَگے ہو نہ کوئے اٹکائیا۔ جیہڑا دھرم دی دھار وِچ پوُرا دِسے نہ سِکھا، سِکھ سَتگُر وِچ نہ کوئے سمائیا۔ اُس دا صدی چؤدھویں انتم نِکلے سِٹا، سِٹیبازی ویکھے خلق خُدائیا۔ قیِمت پَینی نہیں پتّھر اِٹّاں ، مڑھی گور رنگ نہ کوئے رنگائیا۔ جوتی جوت سروُپ ہرِ، آپ اپنی کِرپا کر، کرے کھیل ساچا ہرِ، سچ دی کھیل آپ کھِلائیا۔ چُھرا کہے میَں شرع شریِعت کرنی ذِبع، بے زبان ہو کے دیاں سُنائیا۔ فرمان دیوے میرا ابّا، جو مالک نوُر خُدائیا۔ ایہہ صدی چؤدھویں دا انتم سدّا، سندیسے وِچ سُنائیا۔ قہر ورتنا نؤ کھنڈ پرِتھمی جگہ جگہ، خالی نظر کوئے نہ آئیا۔ اُمت دا رہنا نہیں اَگا، اگلی گنڈھ نہ کوئے پوائیا۔ جِنھاں نے کھادھا کٹّا وچھّا ڈّھگا، ڈھوراں کھلّ لُہائیا۔ انتم سب نے چکھنا مزہ، جو مذاق پربھ دا رہے اُڈائیا۔ چُھرا کہے میَں سچ دسّاں سب دے سِر تے کوُکدی قضا، مُلّا شیخ مسائک پنڈت پاندھا گرنتھی پنتھی بچیا رہن کوئے پائیا۔ جِس کارن محمد نے کٹائیاں لباں، گُر گوبِند مُچھ داہڑی کیس گیا ودھائیا۔ ایہہ ساریاں دُھر دے مالک نوُں اِکو روُپ بناؤنی حدا، جگت حدوُد نظر کوئے نہ آئیا۔ جوتی جوت
سروُپ ہرِ، آپ اپنی کِرپا کر، کرے کھیل ساچا ہرِ، سچ دا کھیل اپنے ہتّھ رکھائیا۔ چُھرا کہے میَں شرع دا کرنا ٹُکڑا، ٹُکڑے ٹُکڑے ہوئے لوکائیا۔ حُکم منّنا سچّے سَتگُر دا، جو صاحِب سَتگُر اِک سُنائیا۔ بھانا منّنا اگمّا دُھر دا، جو دُھر دا مالک رہیا سُنائیا۔ ایہہ لیکھا انندپُر دا، پُری انند دا واسی گوبِند انت سرسے کنڈھے کھیل کھِلائیا۔ جِس ویلے کلجُگ انتم بیڑا ہویا رُڑھدا، کوُڑی کِریا وہن وہائیا۔ اُس ویلے جگت وِچ نام بھنڈارا ہونا تُھڑ دا، خالی جھولی نہ کوئے بھرائیا۔ کلجُگ روُپ دھرنا کلجُگ رَین اندھیر گھور دا، ساچا چند نہ کوئے چمکائیا۔ تیج ودھنا ٹھگّ چور یار دا، بھگت سنت بَیٹھن مُکھ چُھپائیا۔ اُس ویلے نِرگُن نوُر پرگٹ ہووے روُپ نِرنکار دا، جوتی جوت جوت رُشنائیا۔ جیہڑا جُگ جُگ سَتجُگ تریتا دواپر پار رہیا اُتار دا، کلجُگ انتم لیکھا دئے چُکائیا۔ کھیل ورتنا نِہکلنک کلکی اوتار دا، اِمام اِماما اپنا حُکم سُنائیا۔ جن بھگتاں وِہار کرنا اِک دستار دا، سیِس جگدیِش آپ سُہائیا۔ جوتی جوت سروُپ ہرِ، آپ اپنی کِرپا کر، کرے کھیل ساچا ہرِ، نِہکلنک نرائن نر، مہاراج شیرسِنگھ وِشنوُں بھگوان، روُپ انوُپ بے پرواہ پروردِگار دا، پاربرہم پت پرمیشور اِکو نوُر کرے رُشنائیا۔
۲۵ ماگھ شہنشاہی سمت ۷ چتُر سِنگھ، گیان سِنگھ، عطر سِنگھ، لکھّا سِنگھ، ہردیپ سِنگھ، ترلوک سِنگھ اوگرا، چرن سِنگھ، پریِتم کؤر انتور، بچن سِنگھ، چرن سِنگھ سنتوکھ سِنگھ سوہن سِنگھ گیانو سِمل سکور، اُجاگر سِنگھ چیبے، گُربخش سِنگھ، رتن کؤر، نُشہرا بِشن سِنگھ اوگرا، دیِپو اُچا پِنڈ، اوتار سِنگھ سِمل سکور، لال سِنگھ، مہِندر سِنگھ دھیِرا دئیا، لال چند بھیم پُر، پرکاش کؤر پنی سالووال، سنسار سِنگھ ہمراز پُر پِنڈ اوگرا ضِلع گُرداس پُر
پنجھی ماگھ کہے میرا کھیل وِچ سنسارے، سنساری بھنڈاری سنگھاری سارے پربھ نوُں سیِس نِوائیا۔ ہُن سندیسہ دُھر دا سُنیا نارد مُن اپارے، اپرمپر سوامی انترجامی دِتا دِرڑائیا۔ نارد کہے میَں جھٹ ہویا ہوشیارے، ہوش پربھ نے دِتی کرائیا۔ جھٹ پہنچیا سچکھنڈ دوارے، پربھ چرن کوَل سیِس نِوائیا۔ نوُر تکیا تیئی اوتارے، اوتر بَیٹھے ڈگمگائیا۔ عیسیٰ موُسیٰ محمد نوُر تکیا
اُجیارے، ظہوُر اِکو اِک وکھائیا۔ نانک نِرگُن نوُر جوت تکی اگمّ اپارے، الکھ اگوچر دِتی وڈیائیا۔ میَں خوشیاں وِچ بُلائے جَیکارے، ڈھولا سوہلا اِکو دِتا وڈیائیا۔ مِہربانو مرد مردانو نؤجوانو جیِو جنت تُہاڈے سہارے، نوَ ستّ بَیٹھے دھیان لگائیا۔ اُٹھو تکو کی کلجُگ کرے کارے، کرنی اپنی کار بُھگتائیا۔ چاروں کُنٹ ہوئے وِبھچارے، شبد ناد دُھن نہ کوئے شنوائیا۔ منوُآ من ہویا ہنکارے، کوُڑ کِریا کرے لڑائیا۔ جیِو جنت ہوئے دُکھیارے، سادھ سنت روون مارن دھاہیِا۔ جو نام کلمے دے ونڈے بھنڈارے، اکھّراں والی صِفت صالاحیِا۔ جوتی جوت سروُپ ہرِ، آپ اپنی کِرپا کر، کرے کھیل ساچا ہرِ، سچ دا کھیل آپ کھِلائیا۔ نارد کہے میَں اوتار پَیغمبر گُروُآں کیِتا ہاسا، ہسّ ہسّ کے سیِس نِوائیا۔ آؤ تکو ویکھو جگت تماشا، کی کلجُگ کل ورتائیا۔ ساچے منڈل پاوے کوئی نہ راسا، سُرتی شبدی گوپی کاہن رنگ نہ کوئے رنگائیا۔ چیلا گُروُ اُتے کرے نہ کوئے بھرواسا، مُریِد مُرشد مِلن کوئے نہ پائیا۔ سب دا خالی دِسے کایا کاسہ، حق بھنڈارا نہ کوئے بھرائیا۔ پِھری دروہی پرِتھمی آکاشا، گگن گگننتر رہے کُرلائیا۔ درگاہ ساچی سچکھنڈ دا کھولو تاکا، پردہ پردیاں وِچوں چُکائیا۔ نؤ کھنڈ پرِتھمی کِسے دا دِسے کوئے نہ راکھا، سیِس ہتّھ نہ کوئے ٹِکائیا۔ جھگڑا پیا ذاتا پاتا، دیِن مذہب کرے لڑائیا۔ سَت سچ دا ٹُٹیا ناتا، کوُڑ کِریا وجےّ ودھائیا۔ جیہڑی دھرنی دھرت دھوَل مات لوک دسّ کے آئے گاتھا، صِفتاں والی صِفت صالاحیِا۔ اُس دا لیکھا لہنا منگے پُرکھ سمراتھا، پُرکھ اکالا دُھردرگاہیِا۔ کیوں تُہاڈے ہُندیاں کلجُگ ہوئی اندھیری راتا، ساچا چند نہ کوئے چمکائیا۔ نِرگُن نوُر نہ کوئے پرکاشا، شبدی دُھن نہ کوئے شنوائیا۔ جوتی جوت سروُپ ہرِ، آپ اپنی کِرپا کر، کرے کھیل ساچا ہرِ، سچ دی کرنی کار کمائیا۔ نارد کہے میَں اوتار پَیغمبر گُروُآں سیِس جھُکا کے دِتا اِشارہ، نمو نمو کہہ کے خوشی بنائیا۔ ویکھو کھیل پروردِگارا، نر نِرنکارا کی اپنی کار بُھگتائیا۔ جِس دا کھیل ویکھدے رہے جُگ چارا، چؤکڑی بِن نیَناں نیَن اُٹھائیا۔ سو روُپ انوُپ تکو اگمّ اپارا، الکھ اگوچر ویکھ وکھائیا۔ جِس لہنا دینا پوُرا کرنا صدی چؤدھویں وِچ سنسارا، بیِس بیِسا نال مِلائیا۔ آسا منسا ویکھے ویکھنہارا، اگمّ اتھاہ پردہ آپ اُٹھائیا۔ جِس دی یاد وِچ تتی لوح ارجن سَتگُر رس مانیا راوی کنارہ، روَ سس سیِس نِوائیا۔ اوہ نوُر نوُرانہ ہو اُجیارا، جوتی جاتا ڈگمگائیا۔ ویکھے وِگسے پاوے سارا، پت پرمیشور بےپرواہیِا۔ سب دا قرض لاہے اُدھارا، مقروُض لیکھا دئے چُکائیا۔ جِس دا پیشیِن گوئیاں وِچ دیندے آئے اِشارہ، بھوِکھتاں وِچ
دِرڑائیا۔ کل کلکی لئے اوتارا، اِمام اِماما کھیل کھِلائیا۔ جِس محمد دا لاہُنا بھارا، اُمت اُمتی لیکھا دئے چُکائیا۔ جوتی جوت سروُپ ہرِ، آپ اپنی کِرپا کر، کرے کھیل ساچا ہرِ، سچکھنڈ نِواسی اپنا حُکم ورتائیا۔ نارد کہے گُر اوتار پَیغمبر لوک مات ویکھو جلدی، بِن نیَناں نیَن اُٹھائیا۔ کی کھیل کلجُگ کل دی، کلکاتی کی کار بُھگتائیا۔ دھار تکو جگت وِکارے دل دی، چار کُنٹ بھجّو واہو داہیِا۔ کھیل ویکھو کپٹ کوُڑ چھل دی، سَت سچ نظر کوئے نہ آئیا۔ قیِمت پاؤ نانک والی اِک گلّ دی، ''نانک لیکھے اِک گلّ'' جو نانک آیا سُنائیا۔ آسا تکو راجے بل دی، کی باوَن دِتا دِرڑائیا۔ جوتی جوت سروُپ ہرِ، آپ اپنی کِرپا کر، کرے کھیل ساچا ہرِ، سچ دا حُکم اِک ورتائیا۔ نارد کہے تیئی اوتار مارو اُٹھ کے جھاتی، بِن نیَناں نیَن اُٹھائیا۔ پَیغمبر کھول کے ویکھو تاکی، پردہ اوَر رہے نہ رائیا۔ گُروُ گُردیو سَتگُروُ ویکھو جگت تماشی، چاروں کُنٹ دھیان لگائیا۔ مانَو دِسے نہ کوئے شبد سواسی، پرِتھمی آکاشی پندھ نہ کوئے مُکائیا۔ ساچی منزل چڑھے کوئے نہ گھاٹی، پَینڈا پندھ نہ کوئے مُکائیا۔ کلجُگ کھیل بازی گر ناٹی، سوانگی اپنا سوانگ رچائیا۔ جوت جگے نہ کِسے للاٹی، نوُر نوُر نہ کوئے رُشنائیا۔ امرت رس ملِے نہ کایا ماٹی، نِجھر جھِرنا نہ کوئے جھِرائیا۔ نارد کہے سچ پُچھو کلجُگ انتم سب دی نیڑے آئی واٹی، پِچھلا پندھ نہ کوئے مُکائیا۔ اوتار پَیغمبر گُروُ پُرکھ اکالا دیِن دَیالا سب دا لیکھا منگے باقی، بچیا رہن کوئے نہ پائیا۔ پہلی چیتر سب نے لِکھ کے دینا شبدی دھار کِنے سِکھ مُریِد سچکھنڈ دے ساڈے ساتھی، باقی رائے دھرم دے ہتّھ پھڑائیا۔ سمت شہنشاہی اٹّھ، شبد گُروُ نے شبد اَسو اُتے مارنی پلاکی، پلاں وِچ برِہمنڈ کھنڈ اپنے چرناں ہیٹھ دبائیا۔ جھٹ محمد کوُک کے کِہا میرا نہ کوئی لیکھا نہ کوئے حِسابی، گنتی گنت نہ کوئے گِنائیا۔ میرا اِکو حُجرہ تے اِکو محرابی، محبوُب اِکو سیِس نِوائیا۔ اِکو کلمہ تے اِکو اہلادی، اصل وصل اِکو اِک سمجھائیا۔ اِکو حُکم تے اِکو نمازی، سجدہ اِکو اِک رکھائیا۔ میَں سچ دسّاں میرے پروردِگار نے میرا لیکھا مُکاؤنا شتابی، شرع دا ڈیرہ دینا ڈھاہیِا۔ میری اُمت دا ناتا تُٹنا پنج آبی، پنچم پنچم رنگ رنگائیا۔ کھیل ویکھنا نر مادی، مدیِنہ مکّہ دئے گواہیِا۔ جوتی جوت سروُپ ہرِ، آپ اپنی کِرپا کر، کرے کھیل دُھردا ہرِ، ہرِ کرتا کار کمائیا۔ محمد کہے موزانا اِلل زُا جاکھو وِزی، ناجستے اُزیء پیشانے نبی، نوُرے نوے پروردِگارے زاحق ظاہر ظہوُر بےپرواہیِا۔ جوتی جوت سروُپ ہرِ، آپ اپنی کِرپا کر، کرے کھیل دُھر دا ہرِ، دُھر پردہ آپ چُکائیا۔ نارد کہے میَں سب نوُں جوڑاں ہتّھ،
بِن ہتّھاں ہتّھ وکھائیا۔ ویکھو کھیل پُرکھ سمرتھ، جو کرتا دُھردرگاہیِا۔ جِس تُہاڈا چلایا کایا رتھ، جوت شبد نال وڈیائیا۔ بھنڈارا دِتا سَت، سچ نام اگمّ ورتائیا۔ جِس دی صِفت دے شاستر سِمرت وید پُران اِنجیِل قرآن کھانی بانی آئے رچ، رچنا جگت وِچ رچائیا۔ انت اپنا بھنّ کے کایا ماٹی کچّ، تن ماٹی خاک مِلائیا۔ ہڈّ ماس ناڑی رہی کِسے نہ رتّ، وجوُد نظر کوئے نہ پائیا۔ میل ملِے کملاپتِ، پت پرمیشور وِچ سمائیا۔ سرِشٹی درِشٹی اندر آئے دسّ، شبد سندیسہ اِک سُنائیا۔ کلجُگ انت سِری بھگوان آوے وت، بےوطن وطن دوویں ویکھ وکھائیا۔ جن بھگتاں رکھے پت، پت پرمیشور بےپرواہیِا۔ جوتی جوت سروُپ ہرِ، آپ اپنی کِرپا کر، کرے کھیل ساچا ہرِ، سچ دا حُکم اِک ورتائیا۔ محمد کہے میری اِکو اِک آشا اَخیِر، بِن اکھّراں دیاں دِرڑائیا۔ جِس میرا محل کیِتا تعمیِر، ضمیِر دِتی بدلائیا۔ درشن دے بے نظیِر، نوُر ظہوُر دِتا چمکائیا۔ بدل کے تقدیِر، تدبیِر اپنی اِک سمجھائیا۔ شرع دی شرع نال وکھا کے لکیِر، لائن عین دِتی سمجھائیا۔ نام کلمے دا پا کے زنجِیر، بندھن دُھر دا دِتا بندھائیا۔ نِرگُن نوُر لا دسّ تصویِر، تصّور اپنا آپ کرائیا۔ جوتی جوت سروُپ ہرِ، آپ اپنی کِرپا کر، کرے کھیل ساچا ہرِ، سچ دا پردہ آپ چُکائیا۔ نارد کہے محمد ذرا ویکھ اپنی پُشت، کروٹ لےَ بدلائیا۔ مالک دا حُکم سُن درُست، جو دو جہاناں رہیا دِرڑائیا۔ چار یاری کر چُست، اُمت اُمتی نال مِلائیا۔ تیرا لہنا دینا مُکنا انت مُفت، مُفتی سارے روون مارن دھاہیِا۔ پرکاش رہنا نہیں کوئی انگشت، نوُر نظر کوئے نہ آئیا۔ مکّہ کعبہ ہووے خوشک، خوشحالی نظر کوئے نہ آئیا۔ جوتی جوت سروُپ ہرِ، آپ اپنی کِرپا کر، کرے کھیل ساچا ہرِ، سچ دی کرنی کار کمائیا۔ محمد کہے میَں ویکھیا بِنا اکھّراں، الف یے دی لوڑ رہی نہ رائیا۔ میرے انتر اوہ سطراں، جِس نوُں قلم شاہی کاغذ نہ جانے رائیا۔ اوہ لیکھ اگمّا اگمّی پتّرا، بِنا مالک توں واچن والا نظر کوئے نہ آئیا۔ میری دھار وِچ جگت دھار دا خطرہ، خطرناک دیاں سمجھائیا۔ صدی چؤدھویں میرے کلمے دا حق رہنا نہیں کوئی قدرا، کنّی سب نے جانی کترائیا۔ ذِبح جو ہُندا رہیا بھیڈوُ بکرا، شرع چُھری نال ٹکرائیا۔ ایہہ سب دا لیکھا پوُرا ہونا دھرنی دھرت دھوَل لتھنا ستھرا، یارڑے والا ستھر دئے گواہیِا۔ میرے پروردِگار حُکم کِسے نہ کتھنا، کتھنی کتھ نہ کوئے سُنائیا۔ صدی چؤدھویں میرا انت اَخیِر بُرج ڈھٹّھنا، چار یاری سنگ نہ کوئے نِبھائیا۔ عزرائیل جبرائیل اسرافیل میکائیل چاروں اُٹھ اُٹھ بھجّنا، بری تری پندھ مُکائیا۔ میرے مالک خالق دا اِکو ڈوروُ وجّنا، ڈنکا نام
کرے شنوائیا۔ مکّہ مدیِنہ پَینا تجنا، آفتاب نظر کوئے نہ آئیا۔ محبوُب دا اِکو وار ہووے حجنا، حاجت اوَر رہے نہ رائیا۔ جِس دا نوُری دیِپک جگنا، دو جہاناں کرے رُشنائیا۔ اُس نے جھگڑا میٹنا اعلیٰ ادنیٰ، عدن والے روون مارن دھاہیِا۔ موُسیٰ عیسیٰ نال دگنا، اگنی تت تت تپائیا۔ حُکم اندھیر اِکو وگنا، جڑ سب دی دئے اُکھڑائیا۔ صدی چؤدھویں دا ویلا انتم مُشکل لنگھنا، لہِنگے سب دے دئے بدلائیا۔ نِشان مِٹنا تارا چندنا، چند سِتار نیِر وہائیا۔ اَگے پروردِگار دی اِکو ہونی بندنا، سجدے سب دے لیکھے پائیا۔ شرع دا رہے کوئے نہ بندھنا، زنجِیر بے نظیِر دئے کٹائیا۔ جِس دا کھیل تکنا اُتے راوی کنڈھنا، کنڈھی بَیٹھے نیَن اُٹھائیا۔ جوتی جوت سروُپ ہرِ، آپ اپنی کِرپا کر، کرے کھیل ساچا ہرِ، سچ دا مالک اِک اکھوائیا۔ نارد کہے میَں حُکم دسّاں چنگے، چنگی طرح جنائیا۔ جِس ویلے گوبِند نے مان دِتا سی مادھو بَیراگی بندے، بندگی دُھر دی اِک سمجھائیا۔ آتم بخش کے پرمانندے، انند انند وِچوں وکھائیا۔ شستر دھار بخش کے کھنڈے، کھنڈا کھڑگ دِتا چمکائیا۔ چاڑھ کے اپنے ڈنڈے، ڈنڈاوت پِچھلی دِتی بدلائیا۔ پھیر ہسّ کے کِہا اِشارہ دِتا اوہ تکّ جِس ویلے میرے پِچھوں ڈھائی سؤ سال لنگھے، سال بسالا پندھ مُکائیا۔ میَں میل مِلاؤنا جو سرسا دھار لنگھے، سِر سِر اپنے لیکھے پائیا۔ اوس ویلے دیِن دُنی دے بھاگ ہونے مندے، مند بھاگ دِسے لوکائیا۔ کِسے سمجھ نہیں آؤنی جیرج انڈے، اُتبُھج سیتج پردہ نہ کوئے چُکائیا۔ یاد رکھیں دُھر دے شبد دا کھیل ہونا راوی کنڈھے، ارجن دی دھار نال مِلائیا۔ سَتگُر شبد دی نِشانی پنجاں گُرمکھاں دے سیِس ہونے ننگے، ننگی ہووے جگت لوکائیا۔ اَگے کلجُگ دے پَینڈے رہن نہیں دینے لمبے، پاندھی پندھ نہ کوئے بھوائیا۔ پُرکھ اکال دی دھاروں سَتگُر شبد اِکو جمےّ، دوُجی جمّن والی کوئے نہ مائیا۔ جِس لیکھے پوُرے کرنے چؤداں سؤ تیہہ انک دے پنےّ، پنشمیَنٹ دیوے سرب لوکائیا۔ توڑنے شرع دے حد بنّے، سب دا لیکھا دینا چُکائیا۔ گوبِند دا لہنا پوُرا ہووے جو مان دوایا اِکو کنّے، کنّا گوبِند دِتا پرگٹائیا۔ پھیر نِشان میٹنا تارا چنّے، چند چاندنا اِکو ڈگمگائیا۔ ایہہ کھیل سِری بھگوَنے، پاربرہم پت پرمیشور اپنا حُکم سُنائیا۔ جوتی جوت سروُپ ہرِ، آپ اپنی کِرپا کر، کرے کھیل دُھر دا ہرِ، دُھر دا مالک نوُر اِلاہیِا۔ دُھر نوُر کہے اِکو اِک االلہ، عالمیِن اِکو اکھوائیندا۔ اِکو اِک سَتگُر شبد ملاح، جو جُگ جُگ بیڑا مات چلائیندا۔ اِکو اِک مالک حق خُدا، خود مالک اِکو نظری آئیندا۔ جِس سَتجُگ تریتا دواپرکیِتا جُدا، کلجُگ انتم پندھ مُکائیندا۔
صدی چؤدھویں سب نوُں انتم کرے وِداع، درگاہ ساچی سچ گھر بہائیندا۔ اپنے ہتّھ رکھے بِدھا، وِدھی اوَر نہ کوئے جنائیندا۔ جوتی جوت سروُپ ہرِ، آپ اپنی کِرپا کر، کرے کھیل ساچا ہرِ، سچ دا حُکم اِک سُنائیندا۔ نارد کہے نی صدی چؤدھویں جگت چؤدھرانی، اپنی اکھّ اُٹھائیا۔ اوہ تکّ کھیل نوُر نوُرانی، نر ہرِ کی اپنا حُکم ورتائیا۔ ویکھیِں اگلے سال محمد دی اُمت وِچ آوے پریشانی، پریشانی وِچ سارے دینے کرائیا۔ اوتار پَیغمبر گُروُآں نے تکنا کھیل مہانی، مہایُدھ دا لیکھا دینا بنائیا۔ جیہڑا کھنڈا آد شکت تے رکھیا آد بھوانی، دُرگا بھوانی سِنگھ شیر سواری اپنا سیِس نِوائیا۔ جگت بُھل جاوے رام راون دی کہانی، کؤرواں پانڈواں کی نِشانی، کلجُگ دا تیِر تے گوبِند دی تِکھی کانی، انیالا اِکو اِک وکھائیا۔ سب دی جوُہ ہو جانی بیگانی، مالک خالق اپنا حُکم ورتائیا۔ کیوں کلجُگ کہے میرے مالک ضرور کریں مِہربانی، مِہربان دَیا کمائیا۔ میَں چاہُندا تیرے نام کلمے دی پڑھے کوئے نہ بانی، تیرے در تے سیِس نہ کوئے جھُکائیا۔ سب دے گھر ناچ نچّے مایا رانی، گھُنگٹ اپنا لئے اُٹھائیا۔ جوتی جوت سروُپ ہرِ، آپ اپنی کِرپا کر، کرے کھیل ساچا ہرِ، سچ دا رنگ آپ رنگائیا۔ نارد کہے پربھوُ چلاک بڑا، جُگ جُگ اپنا حُکم ورتائیا۔ کلجُگ انت سرِشٹی نوُں بنا دیوے دو دھڑا، دھڑی سیر اپنے ہتّھ ونڈائیا۔ سمُند ساگر ہووے گڑھا، ڈوُنگھی کھائی دئے وکھائیا۔ حُکم دیوے جیہڑا نہ کِسے لِکھیا تے نہ کِسے پڑھا، چار جُگ دے شاستر سمجھ کوئے نہ پائیا۔ پُرکھ اکال دیِن دَیال نے ول چھل وِچ سب نال کر جانا کڑا، کڑا گوبِند والا دئے گواہیِا۔ محمد دا لیکھے لگّنا مقبرے والا پانی دا اوہ گھڑا، کِس نوُں نانک کُنبھ کہہ کے گیا سُنائیا۔ کلجُگ کوُڑی کِریا وہن وہنا ہڑھا، اَگے ہو نہ کوئے اٹکائیا۔ پُرکھ اکال دیِن دَیال پرکاش نوُر جوت کرے نرائن نرا، نر ہرِ اپنی کل وکھائیا، جِس دا بھیوَ نہ پائے مدھم بَیکھری پسنتی پرا، بانی چارے صِفت صالاحیِا۔ اُس نے کھیل کھِلاؤنا جگت شرع نال شرع، شریِعت سب دی ویکھ وکھائیا۔ اُس دا فرمان دو جہان حُکم والا اِکو ذرا، ذرّے ذرّے وِچ اپنا حُکم ورتائیا۔ جوتی جوت سروُپ ہرِ، آپ اپنی کِرپا کر، کرے کھیل ساچا ہرِ، سچ دا حُکم اِک سُنائیا۔ اوتار پَیغمبر گُر کہن ناردا کی دسّیا، پنڈت پاندھے دے جنائیا۔ نارد کھِڑ کھِڑا کے ہسّیا، اپنی بودی رہیا ہِلائیا۔ میَں نؤ کھنڈ پرِتھمی نسّیا، بھجّیا واہو داہیِا۔ جِدھر ویکھاں اودھر اندھیری مسّیا، نوُری چند نہ کوئے چمکائیا۔ میَں رسنا جِہوا بتّی دنداں نال گرنتھاں شاستراں دا سُنیا جسیا، ہِردے ہرِ نہ کوئے
وسائیا۔ تُہاڈا نام کلمہ وِکدا وِچ ٹکیا، تُہاڈے سِکھ مُریِد ٹکیاں والی قیِمت پائیا۔ پھیر دسّاں تُہاڈے نام کلمیاں پایا رٹّیا، رٹّا دیِن دُنی وکھائیا۔ سچ پُچھو اوتار پَیغمبر گُروُ صاحِبانو گُر گوبِند دا ڈھئیا ٹپّیا، ٹپّا ٹپّا سب نے دینا سُنائیا۔ محمدا تیری اُمت دا بوُٹا پکّیا، پھل انتم وار تیری جھولی دینا رکھائیا۔ ناتا ٹُٹ جانا چار یاری سکیا، سگلا سنگ نہ کوئے رکھائیا۔ صدی چؤدھویں تیرا انت انگیِٹھا تپیا، اگنی تت نہ کوئے بُجھائیا۔ پتہ نہیں پروردِگار سانجھا یار کیوں شبدی دھار سخت کرن لگّا حدیا، حالت سمجھ کِسے نہ آئیا۔ سچّا نوُر ظہوُر نہیں اگمّا تکیا، جِس دی دو جہان رُشنائیا۔ اوس نے جھگڑا میٹنا مدیِنہ مکّیا، کعبیاں پئے دُہائیا۔ اوہ ویکھو موُسیٰ عیسیٰ دا سیِنہ پھٹیا، پٹّی پریم نہ کوئے بندھائیا۔ جوتی جوت سروُپ ہرِ، آپ اپنی کِرپا کر، کرے کھیل ساچا ہرِ، سچ دا مالک بےپرواہیِا۔ پنجھی ماگھ کہے میرا دِوس سُہنجنا، پربھ دیوے مان وڈیائیا۔ پرکاش تکاں آد نِرنجنا، نر نرائن نوُر اِلاہیِا۔ جو غریِب نِمانیاں درد دُکھ بھےَ بھنجنا، بھوَ ساگر پار کرائیا۔ اُس دے چرن دھوُڑی نہاواں مجنا، مستک ٹِکّے خاک رمائیا۔ جِس دا چرنودک امرت رس لےَ بِن پیِتیاں رجّنا، رجو طمعو ستو تِنّاں گُناں دا ڈیرہ ڈھاہیِا۔ جِس دا چھّبی ماگھ نوُں دیِپک جگنا، جوتی جوت جوت رُشنائیا۔ گنگا گوداوری جمنا سُرستی نال نِشنگ ساریاں اُٹھ کے بھجّنا، راوی نوُں اِشارہ کر کے لیَنا بُلائیا۔ آہ تکّ ویکھ کھیل گوپال موُرت مدنا، کول نیَن کی اپنی کار بُھگتائیا۔ جِؤں سَتگُر ارجن دا بنیا سجّنا، پُرکھ اکالا دیِن دَیالا تتی توی سوبھا پائیا۔ اُس نے ضرور کلّ نوُں صدی چؤدھویں دا لیکھا دسّنا، کِس بِدھ محمد دی ہووے انت صفائیا۔ ایہہ کھیل سوُرے سربنگنا، کرنہار کرتا جِس دی وڈ وڈیائیا۔ جوتی جوت سروُپ ہرِ، آپ اپنی کِرپا کر، کرے کھیل ساچا ہرِ، نِہکلنک نرائن نر، مہاراج شیرسِنگھ وِشنوُں بھگوان، جگت کھوجیاں کِسے نہ لبھنا، دو نیَناں نظر کِسے نہ آئیا۔
۲۶ ماگھ شہنشاہی سمت ۷ دلیِپ سِنگھ، پیاری، دلیِپ سِنگھ، دیِدار سِنگھ، سنتا سِنگھ، میلا سِنگھ ہزارا سِنگھ، منشا سِنگھ، آسا سِنگھ، بلاکا سِنگھ، پیارا سِنگھ، رویل کؤر، کرتار کؤر، مکھّن سِنگھ، بھاگ سِنگھ، درشن کؤر،
ننتی گنڈا سِنگھ، ہزارا سِنگھ بابوُپُر، بوُڑ سِنگھ، مہِندر کؤر وزیر پُر، ورکھا سِنگھ بابوُپُر، پریِتو تلونڈی،
اجیِت سِنگھ کتووال، سوَرنی سیکھواں، گُرچرن سِنگھ کتووال، پِنڈ بابوُپُر ضِلع گُرداس پُر
نارد کہے میَں آ گیا تُردا تُردا، تُریا توں پرے ویکھن والیو دھیان لگائیا۔ اوتار پَیغمبر گُر کھیل ویکھو سچےّ سَتگُر دا، جِس سَتگُر نوُں سار شبد کہہ کے سارے گائیا۔ جِس دا کھیل اگمّ اتھاہ دُھر دا، سچکھنڈ ساچا کھیل کھِلائیا۔ اُس دا روُپ اگمّا اگمّے نوُر دا نہ پِھردا نہ تُردا، تُرت اپنی کھیل کھِلائیا۔ جِس محمد دا وجوُد کیِتا مُردا، ماٹی خاک نال مِلائیا۔ اوہ روُپ دھر اگلے حضوُر دا، حضرتاں توں پرے کرے پڑھائیا۔ سب دا ویلا وقت آیا مشکوُر دا، شُکریئے وِچ سیِس نِوائیا۔ جِس دا کھیل سدا بھرپوُر دا، بھرپوُر رہیا سرب ٹھائنیا۔ پندھ میٹ کے نیڑے دوُر دا، جوتی جوت سروُپ ہرِ، آپ اپنی کِرپا کر، کرے کھیل ساچا ہرِ، سچ دا کھیل آپ کھِلائیا۔ نارد کہے ویکھو کھیل اگمّ اپارا، پَیغمبراں دیاں جنائیا۔ محمدا لےَ ہُلارا، محبوُب دیاں وکھائیا۔ تکّ لےَ راوی کنارہ، کنڈھا گھاٹ سوبھا پائیا۔ جو نِرگُن سرگُن سرگُن نِرگُن کھیل کرے دوبارہ، دو جہاناں ویکھ وکھائیا۔ لہنا دینا لیکھےلاوے چار یارا، یاری یاراں نال مِلائیا۔ صدی چؤدھویں دیِاں تکّ بہاراں، خوشیاں نال اکھّ اُٹھائیا۔ جوتی جوت سروُپ ہرِ، آپ اپنی کِرپا کر، کرے کھیل ساچا ہرِ، سچ دا پڑدا آپ چُکائیا۔ نارد کہے محمد کھیل ویکھ پروردِگار، بے پرواہ رہیا جنائیا۔ جِس دے بنے رہے خِدمتگار، خادم ہو کے سیو کمائیا۔ اوہ روُپ اگمّا بَیٹھا دھار، صدی چؤدھویں اپنی ونڈ ونڈائیا۔ پُرکھ دِسے نہ نار، نر نرائن سوبھا پائیا۔ تن قمیِض دِتا اُتار، پوُرب پچھّم ویکھے چائیں چائنیا۔ اُس دا کر دیِدار، جِس دیِد نوُر دِتا چمکائیا۔ سُنّ اگمّ اِظہار، بھیوَ ابھیدا دئے کُھلائیا۔ جیہڑے سپارے سکیا نہ موُل اُچار، رسنا وڈ وڈیائیا۔ جوتی جوت سروُپ ہرِ، آپ اپنی کِرپا کر، کرے کھیل ساچا ہرِ، سچ دا پڑدا آپ اُٹھائیا۔ محمد کہے اوئے ناردا شیَطانا، کھتری براہمن شوُدر وَیش ویکھ وکھائیا۔ میرا سب توں وکھّرا فرمانا، حُکم حق دِتا خُدائیا۔ الاہی الہام والا پَیغاما، پَیغمبر بن کے دیاں دِرڑائیا۔ ڈنڈاوت دی جگہ سجدے وِچ کر سلاما، نِو نِو
سیِس نِوائیا۔ جھٹ نارد کِہا میَں پَیغمبر کوئی نہ ماناں، ولی االلہ نہ کوئے وڈیائیا۔ میَں جد جھُکاں تے جھُکاں اِک اِماما، جِس نوُں پَیغمبر سارے سیِس نِوائیا۔ سُنّ اگمّ ہور حُکم فرمانا، کی مِہربان رہیا جنائیا۔ جوتی جوت سروُپ ہرِ، آپ اپنی کِرپا کر، کرے کھیل ساچا ہرِ، سچ دا بھیوَ آپ دِرڑائیا۔ محمد کہے پنڈتا میرا بن عزیز، پیار نال سمجھائیا۔ دسّاں سچ تمیِز، ترِسنا جگت گوائیا۔ پوُری کر ریِجھ، سِر تیرے ہتّھ ٹِکائیا۔ خوشیاں والی وکھاواں عیِد، دُکھ روگ دا ڈیرہ ڈھاہیِا۔ کعبیاں والی تکّ مسیِت، مسلہ اِکو اِک سمجھائیا۔ جھٹ محمد نے بِسمِلا لِکھ کے نارد نوُں کِہا آہ گل وِچ پا لےَ میرا تعویِز، پِچھلی ریِتی دینی تجائیا۔ نالے دھرنی اُتے ماری لیِک، لائن دِتی بنائیا۔ ٹپّ کے اَگے آ جا ٹھیِک، ٹھاکر پِچھلے دینے بُھلائیا۔ اپنے خُدا دی میَں خود کراں تصدیِق، شہادت اِکو اِک بُھگتائیا۔ پِچھلی غفلت رہن نہ دیواں نیند، آلس دیاں مِٹائیا۔ جوتی جوت سروُپ ہرِ، آپ اپنی کِرپا کر، کرے کھیل ساچا ہرِ، سچ دا مارگ اِک سمجھائیا۔ نارد کہے محمد میَنوُں پُچھ لیَن دے کولوں اپنے بھگوَنت، کی حُکم دِرڑائیا۔ کیہڑا چنگا منت، کِس دی کراں پڑھائیا۔ کِس نے رہنا انت، جو جمّن مرن وِچ نہ آئیا۔ پَیغمبر چنگا کہ پنڈت، پربھ کِس نوُں دیوے وڈیائیا۔ کِس دی مہما اگنت، گِنتی گِنی نہ جائیا۔ کِس دا پیار نال جیِو جنت، جگت جہان وجےّ ودھائیا۔ جوتی جوت سروُپ ہرِ، آپ اپنی کِرپا کر، ایکا دینا ساچا ور، نارد نِیوں کے سیِس نِوائیا۔ نارد کِہا او لُکن چُھپن والے پربھوُ، پربھا کُچھ میَنوُں دے جنائیا۔ او تَینوُں کیہڑا لبھوُ، لباں کٹّن والا کی میَنوُں رہیا سمجھائیا۔ میرا کِس نال یارانہ لگّوُ، کوَن میرا پیِر گوسائنیا۔ کوَن میَنوُں مقبریاں وِچ دبّوُ، کوَن اگنی تت جلائیا۔ دسّ ساڈے دوہاں وِچوں پہلا کیہڑا لدوُ، جگت جہان جائے تجائیا۔ کِس دا دیِپک جگوُ، دو جہان کرے رُشنائیا۔ کِس دا پرکاش مگھوُ، مغرب مشرق کرے رُشنائیا۔ کیہڑا تیری بنے جدّوُ، یدی دینا سمجھائیا۔ کیہڑا ونڈوُ حدوُ، حد دینی وکھائیا۔ کیہڑا مات لوک وِچوں ونجھوُ، وَنجھ مُہانا نظر کوئے نہ آئیا۔ کیوں میرا لہاؤندا جنجوُ، بودی رہیا کٹائیا۔ کی ایہدا چنگا پنج تت تنوُ، سچ دے سمجھائیا۔ جوتی جوت سروُپ ہرِ، آپ اپنی کِرپا کر، ایکا دینا ساچا ور، سچ دا بھیوَ دینا کُھلائیا۔ پُرکھ اکال کِہا سُن نارد میرے پانڈے، جیؤ پِنڈ دیاں جنائیا۔ محمد ورگے میرے ڈھولے گاندے، گا گا خوشی منائیا۔ لوک مات آؤندے جاندے، بھجّن واہو داہیِا۔ حُکمے اندر باندھے، پلّوُ سکے نہ کوئے چُھڈائیا۔ ایس دی اُمت نے کھانے پشوُ تے ڈھانڈے، ڈھوراں
کھلّ لُہائیا۔ سپوُت رہنے نہیں دھرنی تیری ماں دے، جننی کُکھ نہ کوئے وڈیائیا۔ انت روُپ بننے کاں دے، کاگوں ہنس نہ کوئے وکھائیا۔ جِنہاں نے بچّے ذِبح کرنے گاں دے، کرِشن گوالا اکھّ اُٹھائیا۔ جھگڑے پاؤنے میرے ناں دے، نام نام نال ٹکرائیا۔ جوتی جوت سروُپ ہرِ، آپ اپنی کِرپا کر، کرے کھیل ساچا ہرِ، سچ دا حُکم حُکم وِچ جنائیا۔ نارد کہے محمدا میَں سُنیا دُھر دا کہنا، دُھر مالک دِتا سُنائیا۔ تُوں مات لوک نہیں رہنا، تن نظر کوئے نہ آئیا۔ تیری اُمت بَیٹھ نہیں رہنا، کلمہ سنگ نہ کوئے بنائیا۔ آہ تکّ اؤہ تکّ چؤداں طبق دا بُرج ڈھہنا، محل اٹل نہ کوئے سُہائیا۔ اوہ ویکھ بھجیّ پِھردی تیری صدی چؤدھویں جِس دا نیِر نیَناں چوں وہنا، وہن جگت والا بنائیا۔ اُس ویلے پروردِگار دا سب نے بھانا سہنا، جِس دے بھانے نوُں منّ کے ارجن راوی اُتے اپنا آپ جائے تجائیا۔ اُس صاحِب نے چَین نہیں لیَنا، لہنا دینا سب دا دئے تجائیا۔ اوہ ویکھے کھیل ہو کے طرفَینا، طرفداری وِچ اپنی کار کمائیا۔ ناتا تُٹنا بھائی بھَینا، ساک سیَنا نظر کوئے نہ آئیا۔ پر یاد رکھیں نارد کِہا اِک ویراں میَنوُں وی میرے مالک نے چڑھا دینا اُتے بوہڑ دیاں ٹہناں، کوُک کوُک کے دینا سُنائیا۔ پر یاد رکھ لئیں جِس ویلے صدی چؤدھویں دی گولی نے پایا گل وِچ گہنا، میرے تعویز دا تویِت جگت والا بنائیا۔ جوتی جوت سروُپ ہرِ، آپ اپنی کِرپا کر، کرے کھیل ساچا ہرِ، سچ دا بھیوَ آپ کُھلائیا۔ نارد کہے میَنوُں آوے پَیغام، دُھر مالک رہیا جنائیا۔ جِس دے بردے تُسیں غُلام، بَیٹھے سیِس نِوائیا۔ جِس شرع دا اِسم دسّیا اِسلام، اعظم نوُر اِلاہیِا۔ اوہ ویس وٹائے اِمام، نوُر نوُرانہ بےپرواہیِا۔ جِس نے تیری شرع دا جھگڑا میٹنا تمام، تمنّا اوَر رہے نہ رائیا۔ اُس ویلے یاد رکھیِں راوی دے کنڈھے تے میرے مِہربان دے سِر اُتے تارے چند دا اُٹھنا نِشان، تیرا نِشانہ پربھ اپنے سنگ رکھائیا۔ ایہہ بل نے باوَن کولوں منگ منگی سی وِچ جہان، جِس ویلے راوی دے کنڈھے بلکھ وِچوں اپنا پھیرا پائیا۔ ایہہ تِنّ کھوپرے اُس ویلے راوی دے کنڈھے کرکے گیا سی دان، مِٹّی خاک وِچ دبائیا۔ ایسے کرکے پہلوں دُھسی دے کنڈھے لایا سی نِشان، لیکھا باوَن والا جنائیا۔ بل دی گولی دا سُرتی والا گیان، شبد شبد دھار بُھگتائیا۔ ترِپت دا لیکھا چُکے آن، لہنا اوَر رہے نہ رائیا۔ نارد کِہا اُس ویلے بل دیاں اِکیِاں یودھیاں پُٹھی کیِتی سی کِرپان، مُٹھاں اسمان ولّ ٹِکائیا۔ جِس ویلے پرگٹ ہووےگا کلجُگ انت سِری بھگوان، اُلٹی جگت ریِت چلائیا۔ اُس ویلے سِر جھُکاؤن گے اوتار پَیغمبر گُروُ سارے بلوان، نِیوں نِیوں سیِس نِوائیا۔
پھیر اُس صاحِب نے کی کرنا غریِب نِمانیاں کوجھیاں کملیاں نوُں روُپ بخش دینا کاہن، غُلاما دی غُلامی دوُر کرائیا۔ محمد دا لہنا مُکاؤنا کر دھیان، پردہ پردیاں وِچوں اُٹھائیا۔ صدی چؤدھویں دا پوُرا کرنا بیان، اکھّر اکھّراں نال ٹکرائیا۔ گولی دے سیِس دی ویکھنی شان، نؤ کھنڈ پھوُلن برکھا اِک وکھائیا۔ پھیر اِک روُپ ہو جانا بھگت تے بھگوان، وڈّا چھوٹا رہن کوئے نہ پائیا۔ دیِن دَیال اَگے بدل دینا وِدھان، وعدے سب دے ویکھ وکھائیا۔ اُس ویلے محمدا تیرے اوہ نؤ سپارے دسّنے جیہڑے لِکھے نہیں گئے وِچ قُرآن، کُرہ قُدرت دا ویکھ وکھائیا۔ پہلا گُلیئز دوُجا مویویزز تیجا نوکھیزابیووز چؤتھا زواواولہسومم پنجواں ناغمہسولئزو چھیواں کوپھینجت کلیئلیّت ستّواں سوولہہستہم اٹّھواں ناکوولزول نازولوجگی نہ عرشے فگی کھانوُسے ادا عدلہزا نؤواں پاناہودہی عیسیٰ سودزی محمد علیحدوی خُدائے کُھلو کھنمے کھِرے۔ نارد کہے اوئے نؤ کھنڈو، سب نوُں دیاں جنائیا۔ خوشیاں وِچ کُچھ ونڈو، ونڈیاں پاؤن والیو تُہاڈے حِصّے رہیا مِٹائیا۔ اپنی ٹٹی سارے گنڈھو، ڈوری اِکو تند اُٹھائیا۔ بولو دُھر دا چھندو، سنسا روگ رہے نہ رائیا۔ منزل پِچھلی اَگے لنگھو، پَینڈا پندھ لیَنا مُکائیا۔ جھگڑا مُکیا تارا چندو، چند سِتارے سارے خوشی بنائیا۔ جوتی جوت سروُپ ہرِ، آپ اپنی کِرپا کر، کرے کھیل ساچا ہرِ، سچ دا حُکم اِک سُنائیا۔ نارد کہے گنگا گوداوری جمنا سُرستی سُنو لا کے دھیان، سچ سچ سمجھائیا۔ کملیو راوی دا کنڈھا لؤ پہچان، پردے اکھّاں والے اُٹھائیا۔ پِچھے تے کھیل تکیا سکھیِاں نال کاہن، جمنا ہسّ کے دینا سُنائیا۔ گنگا تُوں وی سُن دی رہیؤں سنتاں دا گیان، دان پنڈتاں دی جھولی پائیا۔ سُرستی تُوں پِھردی رہیؤں دوہاں دے درمیان، بھجیّ واہو داہیِا۔ گوداوری تُوں گوبِند دا چرن چھوہیا آن، اپنا سیِس نِوائیا۔ ہُن کلجُگ انتم کھیل نؤجوان، مرد مردانہ اپنی کار بُھگتائیا۔ جِس چھّبی پوہ صدی چؤدھویں دا روُپ دھریا مہان، سیِس تاج نؤ پُھلاں والا ٹِکائیا۔ عیسیٰ دی آشا کر پروان، پرم پُرکھ بھگتاں دے کلجُگ دے کانٹے دِتے ہٹائیا۔ اوہو سیِس دا تاج غریِباں نوُں بخش کے دان، گولیاں غُلاماں نوُں دِتی وڈیائیا۔ جن بھگتو تُسیں پربھوُ دے در تے ہو گئے پروان، نؤ پُھل دین گوائیا۔ ایہو درجہ دوہاں دا وِچ جہان، وڈّا چھوٹا نظر کوئے نہ آئیا۔ جوتی جوت سروُپ ہرِ، آپ اپنی کِرپا کر، کرے کھیل ساچا ہرِ، سچ دا میلا لئے مِلائیا۔ گنگا گوداوری جمنا سُرستی کہے ناردا آہ کِہو جیہا لباس، لباں کٹاؤن والے نوُر دے وکھائیا۔ اوہ اُتر کے ویکھ تھلّے آکاش، دھرنی اُتے دھیان لگائیا۔ اوئے تیری صدی
چؤدھویں دا چؤداں طبقاں والیا ہون لگّا ناس، ناستک ہوئی کوُڑ لوکائیا۔ اِشارہ دیندا بھجّا آوے شنکر اُتوں کَیلاش، اپنا پندھ مُکائیا۔ پرم پُرکھ دے گھر پیَندی ویکھ راس، سُرت شبد گوپی کاہن ناچ نچائیا۔ پُرکھ اکالا دیِن دَیالا جن بھگتاں دا ہویا داس، سیوک ہو کے ساچی سیو کمائیا۔ آپ خالی ہتّھ بُھکھا ننگا تے بھگتاں دے اندر رکھیا اِکو شبد دا واس، جِس شبد نال ادب سارے رہے کرائیا۔ جوتی جوت سروُپ ہرِ، آپ اپنی کِرپا کر، کرے کھیل ساچا ہرِ، سچ دا پڑدا آپ اُٹھائیا۔ نارد کہے پربھوُ کیوں پُٹھیِاں کیِتیِاں نوکاں، تلواراں رُخ دِتے بدلائیا۔ میرا جی نہیں کردا تیرے حُکم وِچ ٹوکاں، پھیر وی ٹُک کھان والا بولنو رہ سکے نہ رائیا۔ میَنوُں ہور دسّ دے کیوں ساہمنے جگائیاں جوتاں، جوتاں والی نوُں سِنگھاسن ہیٹھ دبائیا۔ کی لیکھا تیرا چؤداں لوکا، چؤداں طبق کی وڈیائیا۔ میَں پِھر کے آیا پوٹا پوٹا، بھجّیا واہو داہیِا۔ میَں چار جُگ دے تیرے بھگت تکے بُھکھے ننگے جِنہاں دے تیڑ اِک لنگوٹا، اوڈھن نظر کوئے نہ آئیا۔ ٹھگّاں چوراں ڈاکوُآں نوُں دیویں بہُتا، دھن کنجراں گھریں بھرائیا۔ میَں ہُن ساری دُنیا وِچ دے دینا ہوکا، کوُک کوُک دینا جنائیا۔ آؤ بُھکھیو ننگیو دلِدریو اُس پربھوُ دا درشن کرو صدی چؤدھویں دا انتم مؤقع، جیہڑا آپ بُھکھا ننگا ہو کے تاج بھگتاں سِر ٹِکائیا۔ جوتی جوت سروُپ ہرِ، آپ اپنی کِرپا کر، کرے کھیل ساچا ہرِ، سچ دا رنگ آپ رنگائیا۔ نارد کہے گنگا گوداوری جمنا سُرستی اُٹھو لؤ ہُلارے، مٹک جوبن والی وکھائیا۔ تُسیں آئیاں راوی دے کنارے، رویداس دئے گواہیِا۔ ویکھو بھگت پربھوُ دے پیارے، آسن بَیٹھے لائیا۔ نی تُسیں وسدیِاں رہیاں وِچ اُچے چُبارے، محلاں وِچ سوبھا پائیا۔ اجّ تُہانوُں ککھّاں کانیاں کاہیِاں اُتے ٹھارے، چھّبی ماگھ ونڈ ونڈائیا۔ پر ایہو جیہے پِچھے نؤ سؤ نڑِنوے چؤکڑی جُگ نہیں آئے نظارے، ذرا نظر مار کے پِچھلا لیکھا ویکھ وکھائیا۔ تُہانوُں پھیر یاد رکھِیو کوٹن وار کڈھنے پَینے ہاڑے، پر ایہو جہے سَتگُر دا درس کدے نہ پائیا۔ جِس نے لیکھے لائے چنگے ماڑے، غریِباں نِمانیاں کوجھیاں کملیاں گلے لگائیا۔ اوہناں دے سیِس تے بنّھ کے جائے دستارے، جِس دستار نوُں ویکھ کے وِشن برہما شِو سیِس نِوائیا۔ خوش ہون تیئی اوتارے، بِن ہتّھاں تالی دین وجائیا۔ پَیغمبر سجدیاں وِچ جھُکن سارے، نِیوں نِیوں ویکھن تھاؤں تھائنیا۔ دس گُروُ جان بلہارے، جو بلہار اپنا آپ پُرکھ اکال توں گئے کرائیا۔ جن بھگتو اِکّی کِرپاناں گوبِند نے چؤوی ماگھ نوُں اِکیِاں گُرسِکھاں دے ہتّھ پھڑائیاں سی وِچ سنسارے، ستاراں سؤ سٹّھ بِکرمی دئے
گواہیِا۔ جِس ویلے میرا پُرکھ اکال آیا تے میَں آوانگا نال دوبارے، دوہرا اپنا روُپ بدلائیا۔ میرے آؤن دے نِشانے تے ایہو ہون گے اِشارے، کھنڈے سِدھے توں پُٹھے کر وکھائیا۔ کیوں راوی دے کنڈھے جِس ویلے گُروُ ارجن نے سواس کیتے سی باہرے، موُدھے پےَ کے پُٹھے پےَ کے اپنا لیکھا دِتا چُکائیا۔ نالے ہسّ کے کِہا میرے کنڈھے اُتے میرا صاحِب گُرمُکھاں نوُں تارے، چار جُگ دے وِچھڑے پھیر لئے مِلائیا۔ اوہناں نوُں رکھے اپنی پریِت دے سہارے، جِس پریِت دی شہادت بچن سِنگھ دا تویِت گولی دے گل وِچ دئے گواہیِا۔ جوتی جوت سروُپ ہرِ، آپ اپنی کِرپا کر، کرے کھیل ساچا ہرِ، سچ دا بھیوَ آپ کُھلائیا۔ جھٹ محمد ماریاں چیِکاں، کوُک کوُک سُنائیا۔ میریِاں نیڑے آؤندیاں تاریِخاں، بِنا حرف حروُف ویکھ وکھائیا۔ نہ رہنے مندر تے نہ رہنیِاں مسیِتاں، میرے مسلے پلّوُ جان چُھڈائیا۔ کیوں میرے محبوُب وِچ حق تؤفیِقاں، جو قُدرت دا مالک اِک اکھوائیا۔ میَں اوس نوُں سدا اُڈیِکاں، بِن نیَناں نیَن اُٹھائیا۔ سجدہ کراں بردا بناں جے میریِاں پوُریِاں ہون اُمیِداں، اُس دی آمد وِچ خوشامند کرکے اپنا جھٹ لنگھائیا۔ کیوں ساڈے عہدنامے دیِاں سانوُں حُکمی کٹ دِتیاں رسیِداں، بِنا اکھّراں اکھّر دِتے ٹِکائیا۔ ایہہ مسلہ بڑا پیچیدہ، اِنجیِل قرآن سمجھ کُچھ نہ آئیا۔ جوتی جوت سروُپ ہرِ، آپ اپنی کِرپا کر، کرے کھیل دُھر دا ہرِ، ہرِ وڈّا وڈ وڈیائیا۔ راوی کہے میَں بھالی بھولی، بُھلیاں بھٹکیاں دیاں جنائیا۔ میَں اِکو شبد دی سمجھاں بولی، دوُجی وِدیا سُنن کدے نہ آئیا۔ اِکو صاحِب نوُں رہی ٹولی، ٹولے اوتار پَیغمبر گُروُآں دے میَنوُں گئے سمجھائیا۔ اسیں سارے اُس دے نام کلمے دی پاؤندے رؤلی، اُچی کوُک کوُک دِرڑائیا۔ جِس ویلے اُس صاحِب دی اپنی رُت مؤلی، مؤلا ہو کے دو جہان ویکھ وکھائیا۔ اوہ پرگٹ ہونا اِماماں دا اِمام اُپر دھؤلی، کل کلکی پھیرا پائیا۔ اُس دی شکل نہ سُندر نہ سؤلی، کالا پیِلا روُپ نہ کوئے بدلائیا۔ اوہ آد دا آد انت دا انت اول دا اؤلی، عالمیِن اِک اکھوائیا۔ جوتی جوت سروُپ ہرِ، آپ اپنی کِرپا کر، کرے کھیل ساچا ہرِ، سچ دا رنگ آپ رنگائیا۔ نؤ پُھل کہن اسیں جانا وِچ نوَ کھنڈاں، کھنڈا کھڑگ دھار چمکائیا۔ جِس صاحِب نے وکھّ وکھّ پائنیاں ونڈاں، دیِن دُنی گُلشن دِتا مہکائیا۔ اوہ کھیل ویکھن آیا کوٹن کوٹ برہمنڈاں، پُریاں لوآں پردہ رہیا اُٹھائیا۔ جِس دا شبدی دھار ستّ رنگ دا ڈنڈا، ڈنڈاوت سب دی رہیا بدلائیا۔ چرن چُھہا کے راوی کنڈھا، کنڈھی گھاٹ کرے رُشنائیا۔ سب دا پِچھلا وقت لنگھا، اَگے حُکم بےپرواہیِا۔ جِس نے پُٹھا
کر پلنگا، دیِن دُنی دِتی اُلٹائیا۔ ستّ رنگ جھُلائے جھنڈا، ستّ دیِپ دئے وڈیائیا۔ جوتی جوت سروُپ ہرِ، آپ اپنی کِرپا کر، کرے کھیل ساچا ہرِ، سچ دا حُکم اِک ورتائیا۔ نؤ پُھل کہن نؤ کھنڈ دی دسّیئے بات، باطن بھیوَ کُھلائیا۔ جِس پربھوُ نے حِصّیاں والی دِتی دات، داتا دانی ہو کے آپ ورتائیا۔ اوہ انت کرن آیا اِنصاف، عدل اپنے ہتّھ وکھائیا۔ دیِن مذہب دا لیکھا کرے صاف، صفحہ ملیچھاں دئے اُٹھائیا۔ کلجُگ کوُڑی کِریا کرے ناس، ناستک رہن کوئے نہ پائیا۔ سَت جوت کرے پرکاش، نوُر نوُرانہ ڈگمگائیا۔ جن بھگتو نؤ پُھل کہن تُہاڈی خوشبوُ دی نَواں کھنڈاں وِچ ضرور آویگی باس، واسنا ویکھے خلق خُدائیا۔ ایہہ سُگندھی پُجنی اُتے کَیلاش، برہما دے جانی پاس، وِشنوُں دی پوُری کرنی آس، آسا آسا نال مِلائیا۔ تُہانوُں سب نے دینی شاباش، اوتار پَیغمبر گُر اِکٹّھے مِل کے ساتھ، کیوں تُساں اِک پربھوُ دی گائی گاتھ، دوُجا اِشٹ نہ کوئے منائیا۔ جوتی جوت سروُپ ہرِ، آپ اپنی کِرپا کر، کرے کھیل ساچا ہرِ، سچ دا کھیل آپ کھِلائیا۔ نارد کہے صدی چؤدھویں گلوں ہو گئی ننگی، پُشت ہتّھ نہ کوئے رکھائیا۔ اُمت نبی رسوُلاں آؤنی تنگی، تنگدستی نہ کوئے کٹائیا۔ سب نے پَینا اؤجھڑ ڈنڈی، مارگ قدم نہ کوئے ٹِکائیا۔ چاروں کُنٹ پَینی بھنڈی، وربھنڈ دئے دُہائیا۔ ستائی ماگھ نوُں رنجیِت سِنگھ نے پُٹھی پائی ہووے تمبی، نالا پِچھے گنڈھ رکھائیا۔ موڈھے رکھی ہووے ٹاہنی جنڈی، کنڈیاں نال سُہائیا۔ ناظر سِنگھ سیِس وِچ واہُنی کنگھی، چیِر سِدھا لیَنا کڈھائیا۔ ہتّھ جوڑ کے بَیٹھنگے سِکھ پنجھی، مُکھ ساہمنے لیَن اُٹھائیا۔ جوتی جوت سروُپ ہرِ، آپ اپنی کِرپا کر، کرے کھیل ساچا ہرِ، نِہکلنک نرائن نر، مہاراج شیرسِنگھ وِشنوُں بھگوان، جودھا سوُربیِر بہادر اِکو نؤجوانا جنگی، فرنگی لیکھا ویکھ وکھائیا۔