کتب خانہGranth 22 (Urdu)

۹ پھگّن شہنشاہی سمت ۷ پریِتم سِنگھ دے گرِہ پِنڈ جنڈیالا ضِلع جالندھر

محمد کہے مقبرے دا پردہ جاندا کُھلدا، مِٹّی خاک خاک سیِس نِوائیا۔ میَں درشن کرنا مالک کُل دا، کُل مالک جِس نوُں سیِس نِوائیا۔ میرا لہنا ہونا دُھر دے مُل دا، قیِمت کرتا کریِم آپے پائیا۔ جِس سواد بدل دینا بُل دا، رسنا جِہوا ونڈ نہ کوئے ونڈائیا۔ میرا انتم لیکھا دیِپک گُل دا، گُلشن اپنا اِک مہکائیا۔ اُمت بوُٹا صدی چؤدھویں ہُلدا، حالت بدلے کوُڑ لوکائیا۔ آبِ حیات حیاتیِاں وِچوں ویکھے ڈُلھدا، جیِون جگت نہ کوئے وڈیائیا۔ حُکم ورتنا اگمّ اتُل دا، بے پرواہ اپنی کار بُھگتائیا۔ انتم لیکھا ہونا پتّ ٹہنی پھل پُھل دا، پُھلواڑی دیِن دُنی مہکے چائیں چائنیا۔ جگت جہان ویکھنا رُلدا، گودی گود نہ کوئے سُہائیا۔ میَں اُس دے قدماں گھول گھُلدا، آپ آپا گھول گھُمائیا۔ جو مالک خالق پرِتپالک ویس وٹائے صُلح کُل دا، اِمام اِماما نوُر اِلاہیِا۔ جِس جھگڑا مُکاؤنا شرع اگنی والی چُلھ دا، سانتک سَت سَت کرائیا۔ جوتی جوت سروُپ ہرِ، آپ اپنی کِرپا کر، کرے کھیل ساچا ہرِ، سچ دا حُکم اِک ورتائیا۔ محمد کہے میرا مقبرہ پاؤندا جائے شور، شؤہر بانکے دھیان لگائیا۔ جِس بھاگ لگاؤنا میری گور، غؤر نال دھیان لگائیا۔ جِس دے اَگے چلے کوئی نہ زور، طاقتور نہ کوئے اکھوائیا۔ صدی چؤدھویں دُھر دے کلمے ہتّھ پھڑ کے ڈور، ڈوری اپنے تند بندھائیا۔ ویکھ وکھانے اندھیرا گھور، گھوری ہو کے نوُر اِلاہیِا۔ در دوارے انتم پئے بہُڑ، جوتی جوت سروُپ ہرِ، آپ اپنی کِرپا کر، کرے کھیل ساچا ہرِ، سچ دا رنگ آپ رنگائیا۔ مقبرہ کہے میَں بِن سجدیاں کراں سلام، قدم بوسی قدیِم دے مالک اِک جنائیا۔ میرا صاحِب آوے اِمام، عملاں توں رہت نوُر اِلاہیِا۔ جِس دے پَیغمبر بنے غُلام، خادم بن کے جھٹ لنگھائیا۔ اوہ لیکھا جانے تمام، دو جہاناں ویکھ وکھائیا۔ دیِن دُنی دی بدل دیوے کلام، کائنات کرے پڑھائیا۔ جِس نے کوُڑ کِریا میٹنی حرام، شرع شریِعت دئے بدلائیا۔ سَت سچ دا کرے انتظام، بندوبست اپنے ہتّھ رکھائیا۔ اِکو حُکم سندیسہ دیوے عوام، عام اپنی کار بُھگتائیا۔ مِہربان بن رحمان، رحمت حق حق پڑھائیا۔ میرا پِچھلا لیکھا لائے نِشان، نِشان تارا چند میرے وِچ ٹِکائیا۔ اُس ویلے اوہنوُں جھُک جان زِمیں اسمان، چؤداں طبق سیِس نِوائیا۔ پھیر آیت بولے جیہڑی لِکھی گئی نہیں وِچ قرآن، مجیِد مسلہ نہ کوئے سمجھائیا۔ دُھر دے حُکم دا کرے اعلان، اعلانیِا اپنا حُکم ورتائیا۔ پھیر لیکھا پوُرا کرے وِچ طہران، طرح طرح نال جنائیا۔ کِسے بُھل نہ رہے اَنجان، اَنجانت اپنا حُکم جنائیا۔ پرگٹ

ہو کے نؤجوان، نوَ نوَ اپنی کار بُھگتائیا۔ جوتی جوت سروُپ ہرِ، آپ اپنی کِرپا کر، کرے کھیل ساچا ہرِ، ساچا کھیل آپ کھِلائیا۔ جِس ویلے جانا وِچ طہران، تارا چند سیِس نِوائیا۔ نِیلے بستر پہرے آپ اِمام، آپ اپنا ویس وکھائیا۔ ضرور سندیسہ دیوے کھیل کرے مہان، مہما اکتھ کتھ دِرڑائیا۔ صدی چؤدھویں جِس نے انت کرنی پروان، پرم پُرکھ اپنا کھیل کھِلائیا۔ جوتی جوت سروُپ ہرِ، آپ اپنی کِرپا کر، کرے کھیل ساچا ہرِ، سچ دا بھیوَ آپ کُھلائیا۔ مقبرہ کہے میری آشا اِک اولّی، ہاشم دھیان لگائیا۔ جِس نوُں سمجھے نہ کوئی االلہ ولی، ولی االلہ کہن کوئے نہ پائیا۔ میرے در پہُنچاؤنی تیل دی پلی، پل وِچ میرا لیکھا پوُر کرائیا۔ جِس دے پِچھے دیندا آیا بلی، بَل اپنا آپ مِٹائیا۔ اُس نے چشم چراغ ویکھنا حضرت علی، عالی جاہ اپنا حُکم ورتائیا۔ ہوکا دے کے آؤنا گلیو گلی، غُلامو گلوں زنجِیراں دیؤ کٹائیا۔ اِکو االلہ اِلاہی نوُر جِس دی جوت اگمّی بلی، چؤداں طبقاں توں باہر کرے رُشنائیا۔ جِس نے لیکھے لا کے آؤنی لوُن دی ڈلی، نِمک حرام خود مالک نہ کوئے اکھوائیا۔ آپ بن کے وڈّا چھلی، چھل سب دے نال کمائیا۔ پِھرے دروہی وِچ تھلیِں، جل بَیٹھن نیَن اُٹھائیا۔ جوتی جوت سروُپ ہرِ، آپ اپنی کِرپا کر، کرے کھیل ساچا ہرِ، نِہکلنک نرائن نر، مہاراج شیرسِنگھ وِشنوُں بھگوان، پِھرے دو جہاناں بِنا دُلدل توں وِچ دلیِں، دلاں دا مالک اِکو نوُر اِلاہیِا۔

۱۱ پھگّن شہنشاہی سمت ۷ سُرجیِت سِنگھ دے نوِت ہرِ بھگت دوار جیٹھوُوال ضِلع امرتسر

نارد کہے پربھوُ ابناشی اچُت، پرم پُرکھ تیری سرنائیا۔ میَں ویکھن آیا تیری سُہنجنی رُت، رُتڑی تیری ویکھ وکھائیا۔ میَں تکے بھگت سُہیلے تیرے سُت ، ہرِجن ساچے سوبھا پائیا۔ جِنہاں دا پیار تیرے نال سدا ودّھ پُت، پِتا پُرکھ اکال تیری سرنائیا۔ صدی چؤدھویں مؤلی رُت، رُتڑی اپنا رنگ رنگائیا۔ میرا سیِس رہیا جھُک، قدماں وِچ ٹِکائیا۔ تیرا نِشانہ نِشانیوں جائے نہ اُک، تیِر نِرالا اگمّ اتھاہیِا۔ میَں حَیران ہو گیا جیہڑے گاؤندے سوہنگ تُک، آتم پرماتم خوشی بنائیا۔ ایہو جیہی کدے جگت جہان مِلی نہیں لُٹ، لُٹیریو کیوں اپنا نام دِتا لُٹائیا۔ بھاگ لگاؤندا جائے کایا بُت، بُتخانیاں کرے صفائیا۔ میرے صاحِب کُچھ میَنوُں وی پُچھ، میَں

خوشی نال دیاں دِرڑائیا۔ جوتی جوت سروُپ ہرِ، آپ اپنی کِرپا کر، ایکا دینا ساچا ور، در ساچے آس رکھائیا۔ نارد کہے پربھوُ تیریاں بھگتاں دا تکاں جنم، جنم تیرے در سوبھا پائیا۔ تُوں مالک ترنی ترن، تارنہار اِک اکھوائیا۔ تیرے کولوں اوتار پَیغمبر گُروُ ڈرن، وِشن برہما شِو سیو کمائیا۔ بھگت سُہیلے تیری منزل چڑھن، پاندھی پِچھلا پندھ مُکائیا۔ میَں کُچھ اگلی سِکھیا آیا پڑھن، پڑدا اندروں دینا اُٹھائیا۔ کی گھاڑن لگّا گھڑن، گھڑن بھنّنہار کی اپنی کھیل کھِلائیا۔ میَں پھڑ کے تیرے چرن، دھوُڑی خاک لَواں رمائیا۔ کیوں جھگڑا میٹن لگّا ورن برن، ذات پات پندھ مُکائیا۔ کِس بِدھ بھگتاں کھول کے نیتر ہرن پھرن، راتیں سُتیاں درس دئیں دِکھائیا۔ میَں تیرے نال آیا لڑن، لڑاکا ہو کے دیاں جنائیا۔ تیرا کھیل چوٹی چیتن جڑن، جڑ چیتن کی تیری وڈیائیا۔ جوتی جوت سروُپ ہرِ، آپ اپنی کِرپا کر، ایکا دینا دُھر دا ور، دُھر مالک دَیا کمائیا۔ نارد کہے پربھوُ تیریاں بھگتاں دا دِوس دِہاڑا، سدا وجدی رہے ودھائیا۔ پر میری اِکو بیننتی اِکو ہاڑا، نِو نِو کے سیِس جھُکائیا۔ تُوں جُگ چؤکڑی کیوں دھرنی اُتے ویکھیں اَکھاڑا، کھنڈے کھڑگ جگت چمکائیا۔ کیوں صدی چؤدھویں انتم مارن آ گِیوں دھاڑا، دھاڑوی ہو کے اپنا بَل پرگٹائیا۔ تیرا شبد اگمّی دو جہان اِشارہ، سیَنت اِکو نام رکھائیا۔ کلجُگ انتم نہ دِسے کنارہ، نئیا ڈولے تھاؤں تھائنیا۔ تُوں مالک خالق کنت بھتارا، خاوَند خصم اِک اکھوائیا۔ تیرے چرن کوَل نِمسکارا، نِو نِو لاگاں پائیا۔ میَں حَیران ہو گیا جن بھگتاں اندر تیرے پریم دیِاں بہاراں، خوشیاں پھل پُھل سوبھا پائیا۔ جوتی جوت سروُپ ہرِ، آپ اپنی کِرپا کر، ایکا دینا ساچا ور، سچ دا حُکم اِک سُنائیا۔ نارد کہے پربھوُ تُوں ترےَبھوَن اتیِت، ترےَگُن ڈیرہ ڈھاہیِا۔ آد جُگادی ٹھانڈا سیِت، اگنی تت نہ کوئے تپائیا۔ سَتجُگ تریتا دواپرکلجُگ بدلنی ریِت، ریِتیوان اپنے ہتّھ رکھائیا۔ کلجُگ انتم سماں رہیا بیِت، بیِتی کہانی کہن کوئے نہ پائیا۔ تُوں مالک پرِتپالک ایکنکار اتیِت، ترےَبھوَن تیری سرنائیا۔ جن بھگتاں چلائی ساچی ریِت، ریِتیوان اپنا رنگ رنگائیا۔ تیرا بھگت تیری دھرم دی ہووے نیِت، نیِتیوان تیری وڈیائیا۔ جھگڑا رہے نہ مندر مسیِت، کایا کعبہ اِک درسائیا۔ لیکھے لاؤنا جنم جنم جنم سِنگھ سُرجیِت، جُجھار جھوُجن دا لیکھا اپنے ہتّھ رکھائیا۔ بھگتاں بھگوَن بخش اگمّ پریِت، پریِتم میل مِلاؤنا چائیں چائنیا۔ تیری سارے کردے گئے اُڈیِک،

چار کُنٹ بِن اکھّاں اکھّ اُٹھائیا۔ جوتی جوت سروُپ ہرِ، آپ اپنی کِرپا کر، ایکا دینا دُھر دا ور، نِہکلنک نرائن نر، مہاراج شیرسِنگھ وِشنوُں بھگوان، نِرگُن دھار سدا وسنا چیِت، چِت ٹھگؤری رہن کوئے نہ پائیا۔

۱۴ پھگّن شہنشاہی سمت ۷ رنجیِت سِنگھ، مؤتا سِنگھ کلسیِاں نوِت، ہرِ بھگت دوار جیٹھوُوال ضِلع امرتسر

سَتگُر شبد کہے پربھوُ کیوں میرا روُپ بنایا وانگ ٹھگّاں، ٹھگؤری جگت نال رکھائیا۔ صدی چؤدھویں گھر گھر لاؤندا پِھریں اگّاں، کلجُگ کوُڑی کِریا نال مِلائیا۔ جن بھگتاں سیِس بنّھا کے پگّاں، پگڈنڈیِاں وِچوں باہر کڈھائیا۔ درشن دے کے اُپر شاہ رگا، رگھوپت میل میلیا چائیں چائنیا۔ کوُڑ کِریا دیِاں میٹ کے حداں، حدوُد اِکو دِتی وکھائیا۔ میَں دو جہان دیواں سدّا، ہوکا حق حق دِرڑائیا۔ پُرکھ اکالا دیِن دَیالا بِنا بھگتاں کِسے نہ لدھّا، جگ نیتر نظر کِسے نہ آئیا۔ پیار مُحبّت وِچ کِسے نہ بدھّا، ڈوری نام تند نہ کوئے وکھائیا۔ دیِپک پرکاش دھرنی دھرت دھوَل دھؤل اُتے جگا، جاگرت جوت کرے رُشنائیا۔ جِس دی عقل بُدھی وِچ کوئی جان نہ سکے وجہ، بھیوَ ابھید نہ کوئے کُھلائیا۔ جِس نؤ کھنڈ پرِتھمی ستّ دیِپ دی بدل دینی طبع، طبیعت دا طبِیب اِکو نوُر اِلاہیِا۔ کوُڑی کِریا میٹنی صفحہ، سبھا ملیچھاں ڈیرہ ڈھاہیِا۔ پیِر پَیغمبراں اِکو تکنا ابّا، امی جان اِکو نوُر اِلاہیِا۔ سچ نام دی خُماری بخشنی مدھا، مدُھر دھنّ اِک سُنائیا۔ جوتی جوت سروُپ ہرِ، آپ اپنی کِرپا کر، کرے کھیل ساچا ہرِ، سچ دا حُکم اِک ورتائیا۔ سَتگُر شبد کہے پربھوُ کی حال ویکھیں مُریِداں، مُرشد اپنی دَیا کمائیا۔ تیرے پیار وِچ مُحبّت والیِاں عیِداں، عیِداُنفِطر والے سارے سیِس نِوائیا۔ جِنہاں نوُں تیرے کلمے کیِتیاں تعقیِدہں، تائید وِچ دُھر دا حُکم جنائیا۔ اوہناں دیاں منسا آسا پوُریِاں کر اُمیِداں، ترِسنا جگت والی گوائیا۔ لیکھے لاویں جگت قُربانیِاں پاویں سار شہیِداں، شرع دا لیکھا دینا مُکائیا۔ میَں چار کُنٹ تکاں لا کے نیجھاں، نِج نیتر لوچن نیَن اکھّ کُھلائیا۔ میرا انتر بِن تیرے چرن نہ کدے پتیِجا، پت پرمیشور تُدھ بِن سیِس نہ کدے نِوائیا۔ میری آشا ساچے بھگتاں دیِاں پوُریِاں کر ریِجھاں، مِہربان سِر اپنا ہتّھ ٹِکائیا۔ لوچن نیَن اکھّ پرتکھ ساہمنے رکھ دیدہ، دانِستہ درس دینا کرائیا۔ جوتی جوت سروُپ ہرِ، آپ اپنی کِرپا کر، ایکا دینا دُھر دا ور، دُھر دے مالک ہونا سہائیا۔ سَتگُر شبد کہے پربھوُ

تیرے ویکھے رنگ انوکھے، اچرج تیری وڈ وڈیائیا۔ چار کُنٹ چار ورن ہوئے دھوکھے، دھرم دی دھار نہ کوئے اپنائیا۔ اکھّراں والے شاستر سِمرت پڑھے پوتھے، وید پُراناں اِنجیِل قراناں دھیان لگائیا۔ ساچی منزل چڑھے کوئے نہ تیرے کوٹھے، کواڑی بند نہ پڑدا کوئے چُکائیا۔ کایا ماٹی خالی دِسے لوتھے، نِرگُن نوُر نہ کوئے رُشنائیا۔ صدی چؤدھویں جیِو جنت ہو گئے تھوتھے، ہوچھی منسا من بنائیا۔ مُحبّت ہو گئی دوہتے پوتے، پرم پُرکھ تیری سار کِسے نہ آئیا۔ کلجُگ جیِو جہان دِسدے روتے، رُسیِاں سکے نہ کوئے منائیا۔ جوتی جوت سروُپ ہرِ، آپ اپنی کِرپا کر، ایکا دینا دُھر دا ور، در تیرے آس رکھائیا۔ سَتگُر شبد کہے پربھوُ تیرا کھیل اپنے گھر دا، گرِہ مندر ویکھ وکھائیا۔ اوتار پَیغمبر گُروُ پِھرے ڈردا، سِر سکے نہ کوئے اُٹھائیا۔ پَیغمبر ہویا تیرا بردا، بندھن پریم نال رکھائیا۔ کیوں نہیں اپنی کِرپا کردا، کرنہار تیرے ہتّھ وڈیائیا۔ تیرا بھگت سُہیلا جگت جہان ہووے تردا، بیڑا اَدھ وِچکار نہ کوئے اٹکائیا۔ لیکھا پوُرا کردے لہندا چڑھدا، چڑھدیوں لہندے پئے دُہائیا۔ کھیل تکنا چوٹی جڑ دا، چیتن تیرے ہتّھ وڈیائیا۔ قِلعہ توڑ دے ہنکاری گڑھ دا، ہؤمے ہنگتا دے مِٹائیا۔ تیرا پریمی پیارا بھگت گُرمُکھ سنت صوُفی ترےَگُن وِچ رہے نہ سڑدا، امرت میگھ دینا برسائیا۔ جِدھر ویکھاں تُوں میرا میَں تیرا آتم پرماتم سوہنگ ڈھولا مانَس مانَو مانُکھ ہووے پڑھدا، زَن و مرد در تیرے سیِس نِوائیا۔ جوتی جوت سروُپ ہرِ، آپ اپنی کِرپا کر، ایکا دینا ساچا ور، نِہکلنک نرائن نر، مہاراج شیرسِنگھ وِشنوُں بھگوان، تیرے بھےَ وِچ دو جہان ڈردا، بھے بھیانک ہونا آپ سہائیا۔

۱۵ پھگّن شہنشاہی سمت ۷ کلّا ہرِ سنگت نوِت پِنڈ کلّا ضِلع امرتسر

محمد کہے واہ میرے اِمام، اِمام اِماما سجدہ سیِس جھُکائیا۔ تیرا سُناں اگمّ پَیغام، پَیغمبراں توں پرے تیری پڑھائیا۔ شرع دا رہنا نہیں کوئی غُلام، زنجِیر بے نظیِر دینا تُڑوائیا۔ صدی چؤدھویں کوُڑی کِریا میٹنی حرام، حرص ہوَس دینی گوائیا۔ کلمے نوُں کرے نہ کوئے بدنام، کائنات پڑدا دینا چُکائیا۔ انت شرع شریِعت دا کرنا قتلِ عام، قاتل مقتُول پندھ مُکائیا۔ تیرا کھیل ویکھنا مِہربان، محبوُب تیری سرنائیا۔ میَں دست بدست منگاں دان، چرن جھُک کے سجدہ سیِس نِوائیا۔ جوتی جوت سروُپ ہرِ،

آپ اپنی کِرپا کر، ایکا دینا دُھر دا ور، درگاہ ساچی منگ منگائیا۔ محمد کہے میرے پروردِگار تیری درگاہ ساچی، سچ تیری سرنائیا۔ چاروں کُنٹ اندھیری راتی، نوُری چند نہ کوئے چمکائیا۔ کلمہ پڑھے نہ کوئے صفاتی، پردہ نشیِں پردہ سکے نہ کوئے اُٹھائیا۔ خالق مخلوُق سب دا بدلیا اخلاقی، خالص نظر کوئے نہ آئیا۔ میَں تیرا کھیل تکنا اِتفاقی، اِتفاقیہ اپنا حُکم ورتائیا۔ لہنا دینا پوُرا کرا باقی، باقاعدہ جھولی دینی بھرائیا۔ تُوں مالک خالق چؤداں طبقاں ساقی، ساکھیات کرنی اگمّ رُشنائیا۔ نوُر نوُرانے کھولنی تاکی، تقویٰ تیرے اُتے رکھائیا۔ میرا وجوُد نہ رہیا پنج تت خاکی، خاک خاک نال مِلائیا۔ جوتی جوت سروُپ ہرِ، آپ اپنی کِرپا کر، ایکا دینا دُھر دا ور، در تیرے آس رکھائیا۔ محمد کہے میرے محبوُب، مِہربان تیری سرنائیا۔ میَں تیرا تکاں اِک عروُج، عالی جاہ عالیشان تیری وڈیائیا۔ صدی چؤدھویں میری اُمت کر محفوُظ، سِر سِر اپنا ہتّھ رکھائیا۔ بھیوَ رہے نہ ایکا دوُج، دُتیا لیکھا دینا چُکائیا۔ اِکو دسّ منزل حق مقصوُد، در دوارا اِک دِرڑائیا۔ جِدھر تکاں چاروں کُنٹ دِسیں مؤجوُد، مؤجوُدہ لیکھا دینا چُکائیا۔ میری شرع دی شریِعت وِچ حدوُد، چؤداں طبق ونڈ ونڈائیا۔ صدی چؤدھویں انتم ہونا کوُچ، کوُچا گلی رہیا دِرڑائیا۔ جوتی جوت سروُپ ہرِ، آپ اپنی کِرپا کر، ایکا دینا دُھر دا ور، دُھر دے مالک ہونا سہائیا۔ پروردِگار کہے سُن محمد رسوُل، رسوُل للّا دیاں جنائیا۔ دُھر پَیغام کر قبوُل، مقبریاں باہر دیاں دِرڑائیا۔ کِسے دا لیکھا رہن نہیں دینا عرض طوُل، حِصّہ ونڈ نہ کوئے ونڈائیا۔ پیشیِنگوئی نہ جانا بھوُل، ابُھل رہیا سمجھائیا۔ جو مدیِنے وِچ قؤل اِقرار کیِتا معقوُل، مُکمل دِتا سمجھائیا۔ صدی چؤدھویں دھرنی اُتے اُڈنی دھوُل، دھوُڑی خاک نال مِلائیا۔ گُلشن وِچ نہیں رہنے پھوُل، پُھلواڑی نبی نہ کوئے مہکائیا۔ حُکم ورتنا اِکو کنت کنتُوہل، دو جہان کرے شنوائیا۔ اُمت اُمتی رہے نہ کوئے مشغوُ ل، مشورہ جگت نہ کوئے وڈیائیا۔ جوتی جوت سروُپ ہرِ، آپ اپنی کِرپا کر، کرے کھیل ساچا ہرِ، سچ دا حُکم اِک سُنائیا۔ پروردِگار کہے سُن میرے نبی، نبی نوُح دھیان لگائیا۔ اپنا لیکھا تکّ سبی، سبھا ملیچھاں دے مِٹائیا۔ دو جہاناں بن کے طبعی، طبیعت سب دی پھول پھولائیا۔ پرگٹ ہو کے نوُر اِلاہی ربّی، رحمت اپنی حق کمائیا۔ شرع دا موُل نہ رہنا لبی، لالچ وِچ کدے نہ آئیا۔ پرم پُرکھ دا حُکم مِلنا یدی، یتھارتھ اپنا حُکم سُنائیا۔ جِس نے تیری جڑ لوک مات گڈّی، دھرنی دھرت دھوَل دِتی وڈیائیا۔ اوہ اُمت انتم جانا چھڈی، ناتا توڑ کوُڑ لوکائیا۔ مقبریاں وِچ رووے پسلّی ہڈّی،

ناڑی ناڑی دئے دُہائیا۔ کوَن ویلا بیِتے چؤدھویں صدی، صدمے مِٹے جگت لوکائیا۔ لیکھا رہے نہ کوُڑ کُڑیار بدی، محمد دا موہ نہ کوئے ہلکائیا۔ اِکو جوت دو جہان ہووے جگی، نوُر نوُرانہ ڈگمگائیا۔ جو شاہ پاتشاہ سوُرا سربگی، شہنشاہ اِک اکھوائیا۔ جیو جگت ویکھے الپگی، چاروں کُنٹ کھوج کھوجائیا۔ اُس دا کھیل ہونا سببی، بھیوَ ابھید سکے نہ کوئے کُھلائیا۔ اُس دی دُھن ہونی مدھی، مدُھر دُھن کرے شنوائیا۔ جوتی جوت سروُپ ہرِ، آپ اپنی کِرپا کر، کرے کھیل ساچا ہرِ، سچ دا مالک دَیا کمائیا۔ پروردِگار کہے سُن محمد میرے بچّے ننھے، بِن نیَناں دیاں جنائیا۔ سب نے میرے حُکم منّے، نہ کوئی میٹے میٹ مِٹائیا۔ تیرا انت کرنا گوبِند والے اِکو کنّے، چؤداں سؤ تیہہ انک سیِس جھُکائیا۔ لیکھا پوُرا ہووے جٹّ دھنےّ، جٹّ جٹّاں دئے وڈیائیا۔ جِس چؤراسی دینا ڈنےّ، چارے کھانی پھول پھولائیا۔ اُس دا وسیرا کدے نہ چھپّر چھنّے، محل اٹل نہ ڈیرہ لائیا۔ اِکو نوُر پرکاش اگمّے چنّے، چنّ سوُریہ سارے سیِس نِوائیا۔ اُس دے گِن سکیا کوئے نہ لمحے، گھڑی پل ونڈ نہ کوئے ونڈائیا۔ جُگ جُگ بدلدا آیا سمیں، سَتجُگ تریتا دواپرکلجُگ ونڈ ونڈائیا۔ جِس نوُں ہرکھ سوگ نہ کوئے غمے، چِنتا چِکھا نہ کوئے تپائیا۔ اوہ لکھّ چؤراسی لیکھا جانے دمے، سواس سواساں کھوج کھوجائیا۔ جِس دے کھیل ہونے گھنے، گہر گمبھیِر اپنا حُکم ورتائیا۔ جو گھڑیا سو انتم بھنےّ، گھڑن بھنّنہار بےپرواہیِا۔ جِس نے صوُفی سنت فقیِر ویکھنے پنج تت تنے، تت کایا کھوج کھوجائیا۔ ہرِجن نیترہیِن رہن نہیں دینے انّھے، نِج لوچن نیَن کرے رُشنائیا۔ جوتی جوت سروُپ ہرِ، آپ اپنی کِرپا کر، کرے کھیل ساچا ہرِ، سچ دا مالک اِک اکھوائیا۔ محمد کہے میرے صاحِب سُلطانا، در ٹھانڈے سیِس نِوائیا۔ کی کھیل تیرا وِچ جہانا، جاگرت جوت دینا دِرڑائیا۔ کِس بِدھ ورتیں اپنا بھانا، حُکمے اندر کار کمائیا۔ کی کھیل تیرا ہونا دُھر دے کاہنا، رام راما کی چتُرائیا۔ کوَن روُپ ہووے اِماما، عملاں توں رہت نوُر اِلاہیِا۔ تیرے قدماں میرا سلاما، سجدہ سیِس جھُکائیا۔ تیرا نوُر ظہوُر ہووے بے پہچانا، پردہ اوہلا کوَن اُٹھائیا۔ میَں درویش تیرا غُلاما، در ٹھانڈے منگ منگائیا۔ تیرے کیہڑے گرِہ ہووے قیاما، کوَن کعبے کریں رُشنائیا۔ کوَن نوُرے چشم تیرا ہووے نَزرانہ، واحد اپنا بھیوَ دینا چُکائیا۔ بھیوَ کھول میرے مِہربانا، مِہر تیری اوٹ رکھائیا۔ محمد کہے میَں قدم بوسی کراں شاہ سُلطانا، بِن سجدے سیِس نِوائیا۔ تیرا بھیوَ جانے نہ کوئے عالم عُلمانا، عُلما سمجھ سکے نہ رائیا۔ تُریا توں پرے تیرا ترانہ، اَناہوُ االلہہوُ تیرا بھیوَ کوئے نہ پائیا۔ کِس بِدھ صدی

چؤدھویں انتم پہرے بانا، ویس اویسا آپ وٹائیا۔ جگت اندھیرا میٹیں شاما، شمع جوت نوُر کرے رُشنائیا۔ تیرا گوبِند والا وجےّ اِک دمامہ، ڈنکا دو جہان سُنائیا۔ تُوں ہر گھٹ انتر ہوویں جانی جانا، جاننہار اِکو اِک اکھوائیا۔ جوتی جوت سروُپ ہرِ، آپ اپنی کِرپا کر، ایکا دینا دُھر دا ور، درگاہ ساچی در ٹھانڈے منگ منگائیا۔ محمد کہے میرے پروردِگار تیرے وِچ حق تؤفیِقا، تیری تعریِف دی لوڑ رہے نہ رائیا۔ تیری آمد دیِاں اُمیِداں، سارے بَیٹھے نیَن اُٹھائیا۔ اوتار پَیغمبر گُروُ کرن تصدیِقاں، شہادت تیرے نام والی بُھگتائیا۔ مِہربانا نؤجوانا مرد مردانہ اپنا بھیوَ دسّ پوشیدہ، پردہ پردیاں وِچوں چُکائیا۔ پَیغمبر رسوُل تیرے عزیزا، تمیِز اِکو اِک دینی جنائیا۔ جوتی جوت سروُپ ہرِ، آپ اپنی کِرپا کر، ایکا دینا دُھر دا ور، دیونہار تیرے ہتّھ وڈیائیا۔ پروردِگار کہے محمد صدی چؤدھویں تک، تقویٰ اِک رکھائیا۔ سب دا پوُرا کراں حق، حقیِقت ویکھاں تھاؤں تھائنیا۔ شکوُک رہے نہ شِکوہ شکّ، شِکوے سارے دینے گوائیا۔ نِرگُن دھار ہو پرگٹ، پرگنے ویکھاں چائیں چائنیا۔ جو نام کلمے دیِن دُنی رہی رٹ، رسنا جِہوا صِفت صالاحیِا۔ ایہہ کھیل پُرکھ سمرتھ، سمرتھ سوامی رہیا کرائیا۔ جِس نے سب کُچھ لیَنا اَگے اپنے ہتّھ، حُکم دُھر دا اِک ورتائیا۔ کوُڑی کِریا دیوے متھ، نام مدھانا اِک ہِلائیا۔ جھگڑا میٹ کے تت اٹّھ، اپ تیج وائے پرِتھمی آکاش من مت بُدھ کرے صفائیا۔ نؤ دوارے اُبلن نہ دیوے رتّ، رتّی رتّ نہ کوئے تپائیا۔ سَت سچ دا بخش کے تت، تتو تت دئے سمجھائیا۔ چرن پریِت بخش کے نت، میل مِلائے سہج سُبھائیا۔ سب دی پوُری کرے آس، ترِسنا جگت رہے نہ رائیا۔ نِرگُن نوُر کر پرکاش، جوتی جاتا ڈگمگائیا۔ سمبل کرکے اپنا واس، کعبہ اِکو اِک جنائیا۔ جِتھے بِنا پربھوُ دی کِرپا توں کر سکے نہ کوئے تلاش، کھوجیاں ہتّھ کِسے نہ آئیا۔ جِس نے محمدا تیری مِٹّی وِچ رُلائی لاش، وجوُد قبراں وِچ دبائیا۔ اُس دا کھیل اگمّ تماش، چؤداں طبقاں توں پرے حُکم ورتائیا۔ اوہ تکّ شنکر بھجّا پِھرے اُتے کَیلاش، چاروں کُنٹ واہو داہیِا۔ برہما تکے کی کھیل سرب گُنتاس، کی کرتا کار کمائیا۔ وِشنوُں کہے میرا صاحِب اِک ابناش، ابناشی کرتا اِک اکھوائیا۔ جو کلجُگ انتم میٹے اندھیری رات، سَتجُگ سچ چند چمکائیا۔ سرِشٹ سبائی بنائے اِک جماعت، اِکو اکھّر نام پڑھائیا۔ گُپت ظاہر باطن کرے بات، پردہ اوہلا رہے نہ رائیا۔ جن بھگتاں درشن دیوے ساکھیات، سخی سُلطان نوُر اِلاہیِا۔ جھگڑا میٹ کے ذات پات، کوُڑی کِریا دئے گوائیا۔ بند کِواڑی کھول کے تاک، کایا مندر اندر کری رُشنائیا۔

شبدی اگمّ سُنائے ناد، انادی دُھن شنوائیا۔ پردہ لاہ کے برہم برہماد، برہمانڈ دا ڈیرہ ڈھاہیِا۔ جِس نوُں جُگ جُگ گاؤندے سنت سادھ، صوُفی صِفتاں وِچ صالاحیِا۔ اوہ جن بھگتاں کھولے جاگ، آلس نِندرا وِچوں باہر کڈھائیا۔ انتر پریم دا دے کے وَیراگ، پریِتی اِکو اِک سمجھائیا۔ دیِپک جوت جگا چراغ، چراگاہاں کرے رُشنائیا۔ دھرنی دھرت دھوَل دھؤل اُتے رکھے لاج، گُرمُکھاں ہوئے آپ سہائیا۔ راتی سُتیاں دِنے جاگدیاں درشن دیوے آپ، آپ اپنا حُکم ورتائیا۔ جنم جنم دے میٹ کے پاپ، پتت پُنیِت دئے بنائیا۔ سب دی پُچھے وات، واسطہ اپنے نال رکھائیا۔ جن بھگتو تُہاڈی سُہنجنی ہووے پندراں پھگّن دی رات، رَین بِھنڑی وجدی رہے ودھائیا۔ مالک خالق پرِتپالک پرماتم آتم رہے ساتھ، سگلا سنگ بنائیا۔ جوتی جوت سروُپ ہرِ، آپ اپنی کِرپا کر، کرے کھیل دُھر دا ہرِ، نِہکلنک نرائن نر، مہاراج شیرسِنگھ وِشنوُں بھگوان، نِرگُن سرگُن پوُری کرے آس، نِراسا رہن کوئے نہ پائیا۔

۱۶ پھگّن شہنشاہی سمت ۷ گُردَیال سِنگھ دے گرِہ پِنڈ کلّا ضِلع امرتسر

دھرنی کہے خوشیاں والی پربھاتی، پربھ بھرم رہیا مِٹائیا۔ کِرپا کرے کملاپاتی، پت پرمیشور دُھردرگاہیِا۔ جن بھگتاں بخشے داتی، دَیاوان دَیا کمائیا۔ گُرمُکھاں ملِے امرت بوُند سوانتی، سانتک سَت سَت کرائیا۔ میَنوُں خوشی ہُندی جِس ویلے ہرِجن چرن رکھدے میری اُپر چھاتی، چھتردھاری نظر کوئے نہ آئیا۔ دیِن دُنی دی بدلدی جاندی جاتی، ذات پات دا ڈیرہ ڈھاہیِا۔ حُکم سندیسہ سُن دی لوک ماتی، چار کُنٹ بِن سروناں ہوئے شنوائیا۔ کرے کھیل صاحِب ابناشی، ابناشی کرتا وڈ وڈیائیا۔ جِس دی دو جہان خوشیاں والی رہ راسی، رستہ اِکو اِک درسائیا۔ جھگڑا میٹے مدرا ماسی، مدُھر دُھن اِک سُنائیا۔ مان گوا کے پنڈتاں کاسی، جن بھگتاں سوہنگ تُک دِتی پڑھائیا۔ جیِون وِچوں بدل گئی حیاتی، ہر ہِردے وِچ ٹِکائیا۔ جنم کرم دا لہنا مُکایا کھاتی، لیکھا اوَر نہ کوئے جنائیا۔ درشن دیوے ہو کے ساکھیاتی، سنمُکھ سوبھا پائیا۔ نؤ کھنڈ پرِتھمی پوُری کرے آسی، دیِپ لوء ویکھ وکھائیا۔ میَں

خوشیاں وِچ کراں ہاسی، دھرنی دھرت ہسّ کے رہی سُنائیا۔ شنکر دا لہنا مُکاؤنا اُتوں کَیلاشی، برہما برہم دا بھیوَ چُکائیا۔ وِشن رہے نہ کوئے اُداسی، لیکھا جانے اگمّ اتھاہیِا۔ جِس صاحِب بھگتاں دی مُکائی واٹی، آون جاون پندھ مُکائیا۔ دھرم دوارا کھول کے ہاٹی، نام بھنڈارا جھولی پائیا۔ دیِن دُنی تکے کھیل بازی گر ناٹی، سوانگی اپنا سوانگ رچائیا۔ دھرنی کہے جن بھگتو میَں پربھوُ دے چرن کوَل رہی چاٹی، بِن رسنا رس اپنے وِچ رکھائیا۔ تُہاڈی جوت جگے وِچ للاٹی، لاٹاں والی جِس دے سِنگھاسن تھلّے بہہ کے اپنا جھٹ لنگھائیا۔ سمت شہنشاہی ستّ دی مُکدی جاندی واٹی، اَٹھواں اپنی لئے انگڑائیا۔ لیکھا پوُرا کرنا جو سندیسہ دِتا گوبِند جِس ویلے امرت پایا سی وِچ باٹی، درِشٹ اِشٹ والی ٹِکائیا۔ اُس دِن سُتا نہیں سی اُتے کھاٹی، سِنگھاسن دھرتی اُتے لگائیا۔ خوشیاں وِچ اِکو گلّ آکھی، آکھ کے گیا سُنائیا۔ میرا صاحِب پُرکھ اکال میرے پیار دی کریگا راکھی، مُحبّت حُکم والی جنائیا۔ جِس دا دِوس اِک ستّ پنج چھ دی وِساکھی، وساہ کے سب نوُں گیا سُنائیا۔ سو لیکھا پوُرا کرے الکھّنا الاکھی، الکھ اگوچر وڈ وڈیائیا۔ جوتی جوت سروُپ ہرِ، آپ اپنی کِرپا کر، کرے کھیل ساچا ہرِ، نِہکلنک نرائن نر، مہاراج شیرسِنگھ وِشنوُں بھگوان، دیونہارا آد جُگاد داتی، داتا دانی دَیاوان اِک اکھوائیا۔

۱۶ پھگّن شہنشاہی سمت ۷ کُندن سِنگھ دے گرِہ پِنڈ کلّا ضِلع امرتسر

دھرنی کہے گوبِند کِہا جِس ویلے میرا صاحِب، ثابت اپنا سَت سروُپ پرگٹائیا۔ میَں نِرگُن دھار اُس دا ہوواں نائب، سَتگُر شبد روُپ بدلائیا۔ کھیل کراں اگمّ عجائب، اگمّڑی کار کمائیا۔ سب دا پِچھلا پوُرا کراں عہد، عہدنامہ اپنے ہتّھ رکھائیا۔ اِکو حُکم ورتاں واحد، لاشریِک ہو کے اپنی کار بُھگتائیا۔ بِنابھگتاں توں لبھ سکے نہ کوئے شاید، جگ نیتر نظر کِسے نہ آئیا۔ دیِناں مذہباں نالوں ہو کے علیحد، وکھّری کھیل کھِلائیا۔ دُھر دا حُکم کر کے رائج، راج راجاناں شاہ سُلطاناں خاک مِلائیا۔ نوَ نؤ چار دا کڈھ نتائج، اصل سب نوُں دیاں وکھائیا۔ دُھر دا حُکم دینا جائز، جائزہ لےَ کے خلق خُدائیا۔ اپنا پوُرا کراں فرائض، فَیصلہ حق حق

سُنائیا۔ کلجُگ انت آواں محض، محو اپنی کار بُھگتائیا۔ جوتی جوت سروُپ ہرِ، آپ اپنی کِرپا کر، کرے کھیل ساچا ہرِ، نِہکلنک نرائن نر، مہاراج شیرسِنگھ وِشنوُں بھگوان، جوتی دھار نِرگُن ہویا رہاں غائب، غَیبی اپنا حُکم ورتائیا۔

۱۶ پھگّن شہنشاہی سمت ۷ سُکھدیو راج دے گرِہ پِنڈ کلّا ضِلع امرتسر

دھرنی کہے گوبِند نے ڈھولا گایا دو تُکی، تُوں میرا میَں تیرا دِتا جنائیا۔ پھیر پیار وِچ میرے سیِنے تے ماری مُکی، مُکمل دِتا دِرڑائیا۔ تُوں کلجُگ جیِواں بھار پِھریں چُکی، چُکنّی ہو کے اپنی سیو کمائیا۔ اپنی منزل توں نہ رُکیِں، بھجیّ جانا واہو داہیِا۔ گھُپ اندھیرے وِچ نہ لُکیِں، چاروں کُنٹ اندھیرا چھائیا۔ اِکو صاحِب سَتگُر جھُکیِں، جو پُرکھ اکالا بےپرواہیِا۔ جِس نے کھیل کرنی دو ٹُکی، ٹُکڑے دو کرے لوکائیا۔ کوُڑی کِریا جانی کُٹی، کٹاکش اپنا نام لگائیا۔ پھیر دھرم دی پو جانی پُھٹی، پُھٹکل دا لیکھا رہے نہ رائیا۔ جن بھگتاں آتم پرماتم میلے ٹُٹی، ٹُٹیاں گنڈھ پوائیا۔ دیِناں مذہباں نوُں دے کے چُھٹی، شرع زنجِیر دئے کٹائیا۔ تُوں دھرنی اُس ویلے سُتی اُٹھیِں، اُٹھ کے لےَ انگڑائیا۔ پربھ دے چرناں دی دھوُڑ اِکو رکھیِں مُٹھی، مُٹھی اپنی گنڈھ بندھائیا۔ جِس ویلے دیِن دُنی جائے لُٹی، پھیر لُٹیرا ویکھنا بےپرواہیِا۔ اُس ویلے کِسے سادھ سنت دی منزل ہونی نہیں اُتے ترےَکُٹی، ترےَگُن دا ڈیرہ کوئے نہ ڈھاہیِا۔ میرے صاحِب نے جگت جہان توں منزل کرنی اُچی، اُچ اگمّ اپنا کھیل کھِلائیا۔ جن بھگتاں پیار وِچ تَینوُں کرے سُچی، سنجم اِکو اِک جنائیا۔ جُگ چؤکڑی دی تیرے لیکھے لاوے بُتی، جو بُتخانیاں بَیٹھی بھار اُٹھائیا۔ اپنے نال سُہائے رُتی، رُتڑی دھرم دھار مہکائیا۔ صدی چؤدھویں اپنا لہنا دینا پُچھیِں، پوُرب پڑدا دئے اُٹھائیا۔ جوتی جوت سروُپ ہرِ، آپ اپنی کِرپا کر، کرے کھیل ساچا ہرِ، نِہکلنک نرائن نر، مہاراج شیرسِنگھ وِشنوُں بھگوان، لیکھا جناوے وقت اُسی، جِس دی اُستت کرکے اوتار پَیغمبر گُروُ اپنا لیکھا گئے جنائیا۔

۱۶ پھگّن شہنشاہی سمت ۷ پریِتم سِنگھ دے گرِہ پِنڈ کلّا ضِلع امرتسر

دھرنی کہے میَں نِمانی دھرت، دھوَل دھؤل بن کے ملِے وڈیائیا۔ میرے اُتے گوبِند نے پاسا لیا پرت، سَت سچ دی لےَ انگڑائیا۔ وعدہ قؤل کیِتا شبدی لائی شرط، شرع دِتی سمجھائیا۔ اوہ ویکھ اُتے عرش، فرشاں والیئے اپنی اکھّ اُٹھائیا۔ جِس نے سب دے اُتے کرنا ترس، رحمتاں دا مالک بےپرواہیِا۔ میگھ اگمّا دیوے برس، بوُند سوانتی امرت جام پیائیا۔ جُگ جنم دی میٹے حرص، ہَوس کوُڑی دئے گوائیا۔ جِس نے بھگتاں نوُں دینا درس، درشن بھگتاں آپ پائیا۔ اُس دے سِر میرا اِحسان تے میرا قرض، مقروُض اُس نوُں رہیا بنائیا۔ پھیر کرانگاں عرض، بیننتی وِچ سیِس جھُکائیا۔ یودھا سوُربیِر مردانہ بن مرد، مدد دینی تھاؤں تھائنیا۔ غریِب نِمانیاں ونڈنی درد، دُکھیِاں دُکھ اپنی جھولی پائیا۔ شرع چُھری رہن نہ دیویِں کرد، قصائی روُپ نظر کوئے نہ آئیا۔ کلجُگ انتم اُس ضرور میٹنا اندھیر گرد، گرد وغُبار تکے خلق خُدائیا۔ جِس دے کول گُر اوتار پَیغمبراں دی فرد، فَیصلے حق حق سُنائیا۔ اُس دا روُپ انوُپ ہونا اسچرج، سَت سروُپ آپ پرگٹائیا۔ جوتی جوت سروُپ ہرِ، آپ اپنی کِرپا کر، کرے کھیل ساچا ہرِ، نِہکلنک نرائن نر، مہاراج شیرسِنگھ وِشنوُں بھگوان، کِسے دا ہون نہ دیوے حرج، حرجانے گُرمُکھاں پوُر کرائیا۔

۱۶ پھگّن شہنشاہی سمت ۷ گُربخش سِنگھ دے گرِہ پِنڈ کلّا ضِلع امرتسر

دھرنی کہے میَنوُں خبر سُنائی سجری، گوبِند شبد دھار پرگٹائیا۔ میرا صاحِب آوے سمبل نگری، نگراں والیاں نظر کوئے نہ آئیا۔ نِرمل جوت کرے اُجگری، جوتی جاتا ڈگمگائیا۔ جِس نے سرِشٹی دی درِشٹی کرنی پدّھری، اوُچاں نیِچاں پندھ مُکائیا۔ جن بھگتاں پوُریِاں کرے سدّھری، سدّھر ویکھے تھاؤں تھائنیا۔ دیِن دُنی جھگڑا تکے غدری، ورن برن پئے دُہائیا۔ گُرمُکھاں مِہر کرے ندری، ندر نِہال آپ اکھوائیا۔ کلجُگ دی سَتجُگ نال کرے بدلی، بدلا چُکائے تھاؤں تھائنیا۔ اِنصاف کرے دُھر دا عدلی، عدالت اِکو اِک پرگٹائیا۔ آتم پرماتم ناتا جوڑے پتِ پتنی، پت پرمیشور بےپرواہیِا۔ سنت سُہیلے بنائے دُھر دے وطنی، بے وطن

لوک مات تجائیا۔ نام خُماری دیوے رتنی، رتن امولک ہیِرے لئے پرگٹائیا۔ صدی چؤدھویِں لیکھا جاناں کنڈھا پتنی، تٹ کنارے کھوج کھوجائیا۔ پرگٹ ہو کے الکھ الکھّنی، لیکھا سب دا دئے مُکائیا۔ جِس نے پت تیری رکھنی، پت پرمیشور بےپرواہیِا۔ اُس دی اِکو جوت پوُرن دھار وِچ جگنی، جوتی جاتا ڈگمگائیا۔ دیِن دُنی جلے وِچ اگنی، اگنی تت نہ کوئے بُجھائیا۔ جن بھگتاں میل مِلائے سوہنگ مُکھ لگائے سگنی، سگلا ساتھی آپ اکھوائیا۔ نِشان میٹے تارا چندنی، چند سِتار لیکھا انت رہے نہ رائیا۔ جھگڑا میٹے کایا بدنی، تن وجوُد ماٹی خاک نہ کوئے لڑائیا۔ اِکو بخشے نِربان پدنی، گرِہ اِکو اِک سُہائیا۔ جوتی جوت سروُپ ہرِ، آپ اپنی کِرپا کر، کرے کھیل ساچا ہرِ، نِہکلنک نرائن نر، مہاراج شیرسِنگھ وِشنوُں بھگوان، گوپال موُرت موہن مادھوَ مدنی، مدُھر دُھن اِک سُنائیا۔

۱۶ پھگّن شہنشاہی سمت ۷ سردارا سِنگھ دے گرِہ پِنڈ کلّا ضِلع امرتسر

دھرنی کہے گوبِند میرے ولّ تکیا، نِگاہ پریم والی بدلائیا۔ پِھر کھِڑ کھِڑا کے ہسّیا، ہستّی دسّی بےپرواہیِا۔ جیہڑا اِکو دھار وِچ رتّیا، رتن امولک ہیِرے گُرمُکھ لئے پرگٹائیا۔ جِس دا اِکو آد جُگادی متّیا، مت متانتر وِچ کدے نہ آئیا۔ لکھّ چؤراسی آتم پرماتم ناتا رکھے سکیا، سجّن سُہیل اِک اکھوائیا۔ جِس صدی چؤدھویِں محمد دا پھل ویکھنا پکّیا، اُمت اُمتی کھوج کھوجائیا۔ لہنا دینا پوُرا کرے مدیِنہ مکّیا، کعبیاں اپنی کار بُھگتائیا۔ کلجُگ کوُڑی کِریا مارے دھکّیا، اَگے ہو نہ کوئے اٹکائیا۔ کِسے دی قیِمت رہن نہیں دینی ٹکیا، مایا ممتا نہ کوئے چتُرائیا۔ اوتار پَیغمبراں گُروُآں دا پوُرا کرنا پٹیا، پٹنے والا سنگ رکھائیا۔ سرِشٹی نوُں زیِرو نال کر کے بٹیا، بٹا صِفر نال بدلائیا۔ جگت جہان دا چیِتھڑ ہونا پھٹیا، اوڈھن سیِس نہ کوئے ٹِکائیا۔ چاروں کُنٹ اُڈنا غُبار گھٹّیا، اندھ اندھیرا جاوے چھائیا۔ جِس ویلے سمت شہنشاہی ستّ ٹپّیا، ٹاپوُآں توں پرے پربھ اپنا حُکم ورتائیا۔ کرے پرکاش جوت لٹ لٹیا، نوُر نوُرانہ ڈگمگائیا۔ جِدھر جاوے پیَندے جان رٹّیا، رٹّا سکے نہ کوئے مِٹائیا۔ لہنا دینا پوُرا کرے سب دا ہتّھو ہتّھیا، پوُرب اُدھار رہے نہ رائیا۔ جگت جہان جائے متھیا، متھن والا اِکو بےپرواہیِا۔ کرے کھیل پُرکھ سمرتھیا، ہرِ اپنا حُکم ورتائیا۔ جوتی جوت سروُپ

ہرِ، آپ اپنی کِرپا کر، کرے کھیل ساچا ہرِ، نِہکلنک نرائن نر، مہاراج شیرسِنگھ وِشنوُں بھگوان، جو ہر گھٹ اندر وسیا، ویکھنہارا چائیں چائنیا۔

۱۶ پھگّن شہنشاہی سمت ۷ سوَرن سِنگھ دے گرِہ پِنڈ کلّا ضِلع امرتسر

دھرنی کہے میَنوُں گوبِند دِتا سندیسہ، سندھیا سرگھی ونڈ نہ کوئے ونڈائیا۔ تیرا میرا مالک اِک نر نریشا، نر نرائن دُھردرگاہیِا۔ جو آد جُگاد رہے ہمیشہ، جُگ چؤکڑی اپنا کھیل کھِلائیا۔ جو لیکھا جانے دیس پردیشا، دو جہاناں ویکھ وکھائیا۔ اوہ لجّیا رکھے مُچھ داہڑی کیسا، کیس گڑھ دا وقت سُہائیا۔ خوشی نال کِہا دس دسمیشا، دہ دِشا دا پندھ مُکائیا۔ جِس جھگڑا میٹنا مُلّا شیخا، پَیغمبراں لہنا دئے چُکائیا۔ بھگت اُدھارنا اُس دا پیشہ، پیشیِنگوئی وِچ سُنائیا۔ اُس دا روُپ انوُپ در درویشا، گرِہ گرِہ اپنی الکھ جگائیا۔ جِس دا کوئی نہ جانے بھیتا، پڑدا سکے نہ کوئے اُٹھائیا۔ جِس لہنا پوُرا کرنا جِس سیِس پوائی ریِتا، گُر ارجن راوی کنڈھا سُہائیا۔ غریِب نِمانیاں کرنا ہیتا، ہِتکاری ہو کے ویکھ وکھائیا۔ جِس نوُں اوتار پَیغمبر گُروُآں منّنا نیتا، وِشن برہما شِو سیِس جھُکائیا۔ اُس نے دیِناں مذہباں پوُرا کرنا ٹھیکا، ٹھیکیداری سب دی اپنے وِچ چُھپائیا۔ اِکو دینا دُھر سندیسہ، آتم پرماتم نام پڑھائیا۔ جوتی جوت سروُپ ہرِ، آپ اپنی کِرپا کر، کرے کھیل ساچا ہرِ، نِہکلنک نرائن نر، مہاراج شیرسِنگھ وِشنوُں بھگوان، آد جُگاد جُگ چؤکڑی ایکنکار اِک ایکا، اِک اِکلّا اپنا حُکم ورتائیا۔

۱۶ پھگّن شہنشاہی سمت ۷ پریِتم سِنگھ دے گرِہ پِنڈ کلّا ضِلع امرتسر

دھرنی کہے گوبِند نے امرت دا بخشیا سروُر، سُرت شبد میلا میلیا سہج سُبھائیا۔ پُرکھ اکال دا درسایا نوُر، نوُر نوُرانہ ڈگمگائیا۔ جو آد جُگاد ظاہر ظہوُر، ذرّہ ذرّہ رہیا سمجھائیا۔ شبدی شبد شبد پرگٹائے تُور، تُریا توں پرے اپنا گرِہ وکھائیا۔ جِتھے وسے سرب کلا بھرپوُر، پاربرہم پت پرمیشور دُھردرگاہیِا۔ جِس دی اوتار پَیغمبر گُر بِنا چرناں لاؤندے دھوُڑ، مستک

خاک رمائیا۔ اوہ کلجُگ انتم صدی چؤدھویں میٹے کوُڑ، کوُڑی کِریا ڈیرہ ڈھاہیِا۔ چتُر سُگھڑ بنائے موُرکھ موُڑھ، گُرمُکھ گُر گُر اپنے رنگ رنگائیا۔ پرگٹ ہووے جودھا داتا سوُر، مہابلی اِک اکھوائیا۔ جو سرِشٹی درِشٹی اندر توڑے گڑھ غروُر، ہنکار وِکار دئے مِٹائیا۔ اِکو نام دُھر دا کلمہ نؤ کھنڈ پرِتھمی کرے مشہوُر، مشورہ نال نہ کوئے رکھائیا۔ پندھ مُکا کے نیڑا دوُر، آتم پرماتم میلا میلے سہج سُبھائیا۔ جگت وِکاراں کرکے چوُرو چوُر، چرن چرنودک جام دئے پیائیا۔ جوتی جوت سروُپ ہرِ، آپ اپنی کِرپا کر، کرے کھیل ساچا ہرِ، سچ دا رنگ اِک رنگائیا۔ دھرنی کہے گوبِند دِتا اگمّ اِشارہ، سیَنت نام والی لگائیا۔ اُٹھ ویکھ نر نِرنکارا، نِروَیر اگمّ اتھاہیِا۔ جِس نوُں پَیغمبراں کِہا پروردِگارا، واحد کرتا نوُر اِلاہیِا۔ سو کھیل کرے وِچ سنسارا، سنساری بھنڈاری سنگھاری جِس نوُں سیِس نِوائیا۔ پرگٹ ہووے چوَھیاں اوتارا، نِہکلنکا کل کلکی ویس وٹائیا۔ اِمام اِماما ہووے ظاہرا، ظاہر ظہوُر کرے رُشنائیا۔ صدی چؤدھویِں پاوے سارا، بیِسویں لیکھا رہے نہ رائیا۔ محمد دا لہنا دینا پوُرا کرے اُدھارا، چؤداں طبقاں کھوج کھوجائیا۔ موُسیٰ جنائے انت نظارہ، کوہ طوُر دا ڈیرہ ڈھاہیِا۔ عیسیٰ پڑدا دئے اُتارا، اُتّر پوُرب پچھّم دکھّن ویکھ وکھائیا۔ جِس دا گوبِند بولیا فتح جَیکارا، دو جہان شبد شنوائیا۔ سو کلجُگ انتم کوُڑی کِریا کرے پار کنارہ، نئیا شؤہ دریا رُڑھائیا۔ سَت دھرم دا سَت سَت کرے ورتارا، سَتجُگ سچ سچ سمجھائیا۔ جوتی جوت سروُپ ہرِ، آپ اپنی کِرپا کر، کرے کھیل ساچا ہرِ، نِہکلنک نرائن نر، مہاراج شیرسِنگھ وِشنوُں بھگوان، آد جُگاد جُگ چؤکڑی نِرگُن نِرگُن جوتی جاتا اِک اوتارا، پُرکھ بِدھاتا پاربرہم پت پرمیشور اِک اکھوائیا۔

۱۶ پھگّن شہنشاہی سمت ۷ ہردیپ سِنگھ دے گرِہ پِنڈ کلّا ضِلع امرتسر

دھرنی کہے میرے اُتے لگّا بھاگ، بھگوَن دِتی مان وڈیائیا۔ دیِپک جوت جگا اگمّی چراغ، چراگاہاں کرے رُشنائیا۔ میرا دھو کے پِچھلا داغ، کیِتی حق صفائیا۔ کلجُگ انتم رکھی لاج، سِر سوامی ہتّھ ٹِکائیا۔ جِس دے اَگے نہ کوئے سوال نہ کوئے جواب، جواب طلبی وِچ سارے سیِس نِوائیا۔ اوہ بھگتاں دیوے خِطاب، مِہربان مِہر نظر اُٹھائیا۔ تن مندر وجا رباب، سِتار اپار آپ

ہِلائیا۔ نِرگُن دھار دے اِمداد، سرگُن جھولی دئے بھرائیا۔ ہرِجن ہوئے نہ کِسے مُحتاج، لوڑیِندا سجّن ویکھ وکھائیا۔ جوتی جوت سروُپ ہرِ، آپ اپنی کِرپا کر، کرے کھیل ساچا ہرِ، نِہکلنک نرائن نر، مہاراج شیرسِنگھ وِشنوُں بھگوان، جو انتر نِرنتر رہے ارادھ، ارادھنا سب دی لیکھے پائیا۔

۱۶ پھگّن شہنشاہی سمت ۷ کُندن سِنگھ دے گرِہ پِنڈ مال چکّ ضِلع امرتسر

دھرنی کہے میَں گوبِند دی تکی درِشٹی، جِس دا درِشٹانت جگت بُدھی نہ کوئے سمجھائیا۔ جِس دا آد پُرکھ اپرمپر سوامی اِکو اِشٹی، جوتی جاتا پُرکھ بِدھاتا اِکو نوُر اِلاہیِا۔ جو نِت نوِت نِرگُن سرگُن کھیلے کھیل وِچ سرِشٹی، دیِن دُنی لکھّ چؤراسی اپنا رنگ رنگائیا۔ جو آتم پرماتم دھار بنے گرِہستی، بِن تن وجوُد ماٹی خاک اپنی کل ورتائیا۔ جِس دا بھیوَ پائے کوئے نہ سُرتی نِرتی، نِرگُن نِروَیر نِراکار اپنا حُکم ورتائیا۔ دیوے مان وڈیائی دھؤل پرِتھمی پرِتھی، پرتھم اپنا حُکم ورتائیا۔ جِس دی آشا کدی نہ جُگ چؤکڑی جائے بِرتھی، سَتجُگ تریتا دواپرکلجُگ اپنا کھیل کھِلائیا۔ جِس نوُں کوٹن کوٹ لبھدے کایا مندر اندر اپنی بِرتی، بِرہو وَیراگی ہو کے دھیان لگائیا۔ سار پائے نہ کوئے گھر تِھر دی، سچکھنڈ نِواسی پُرکھ ابناشی کی اپنی کل ورتائیا۔ جوتی جوت سروُپ ہرِ، آپ اپنی کِرپا کر، کرے کھیل دُھر دا ہرِ، دُھر دا حُکم اِک ورتائیا۔ دھرنی کہے میَنوُں گوبِند دِتا اِشارہ، دُھر دا حُکم اِک سُنائیا۔ ویکھ کھیل پروردِگارا، دو جہان بِن نیَناں نیَن اکھّ اُٹھائیا۔ جِس نوُں جھُکن پَیغمبر اوتارا، سرگُن نِیوں نِیوں سیِس نِوائیا۔ جِس دا نوُر نوُرانہ دو جہاناں ہوئے اُجیارا، جاگرت جوت بِن ورن گوت ایکنکار کرے رُشنائیا۔ جِس دا آد انت جُگا جُگنت کوئے سمجھ نہ سکے دائرہ، بےانت کہہ کے سارے جھٹ لنگھائیا۔ سو سوامی انترجامی گھٹ نِواسی پُرکھ ابناشی کھیل کھیلے گُپت ظاہرا، ظاہر ظہوُر اپنا رنگ رنگائیا۔ نؤ کھنڈ پرِتھمی ستّ دیِپ پُری لوء آکاش پاتال گگن گگننتر زِمیں اسمان پاوے سارا، برہمنڈ کھنڈ کھوجے چائیں چائنیا۔ جِس نے لہنا دینا پوُرا کرنا صدی چؤدھویں انتم وارا، چؤداں طبق نیتر روون مارن دھاہیِا۔ جوتی جوت سروُپ ہرِ، آپ اپنی کِرپا کر، کرے کھیل ساچا ہرِ، سچ دا حُکم اپنے ہتّھ رکھائیا۔ دھرنی کہے میَنوُں گوبِند پُشت پناہ لائی تھاپی، پریم پیار نال

جنائیا۔ اوہ تکّ کلجُگ اندھیری راتی، ساچا چند نہ کوئے چمکائیا۔ دھرم دی دھار بنے کوئے نہ ساتھی، آتم پرماتم میل نہ کوئے مِلائیا۔ بے شک کُندن سِنگھ دے کُندن سِنگھ ورگے ہون گے جماعتی، جگت وِدیا اکھّراں نال سمجھائیا۔ پاربرہم برہم بنے نہ کوئے ساتھی، سگلا سنگ نہ کوئے رکھائیا۔ جیِون وِچوں بدلے نہ کِسے دی حیاتی، تن وجوُد ماٹی خاک وجےّ نہ حق ودھائیا۔ دِوس رَین اٹّھے پہر سُہنجنا وقت نہ ہوئے پربھاتی، انحد دُھن انادی وجدی رہے شنوائیا۔ جوتی جوت سروُپ ہرِ، آپ اپنی کِرپا کر، کرے کھیل ساچا ہرِ، سچ دا پڑدا آپ اُٹھائیا۔ دھرنی کہے میَنوُں گوبِند سندیسہ دِتا اَخیِری، بِن اکھّراں گیا دِرڑائیا۔ اوہ تکّ شہنشاہ بےنظیِری، جِس نوُں جگ نیتر ویکھن کوئے نہ پائیا۔ جِس دا حُکم ورتنا تقدیِری، شاستر سِمرت وید پُران کھانی بانی انت نہ کوئے درسائیا۔ اُس لہنا دینا چُکاؤنا شاہ حقیِری، شہنشاہ شاہ پاتشاہ اِکو بےپرواہیِا۔ صدی چؤدھویں سب دا لیکھا انتم محمد نوُں دِسے گلی بھیِڑی، اَگے پَینڈا پندھ نظر کوئے نہ آئیا۔ جِس نے جگت جہان کلجُگ اندر سَتجُگ بدل دینی پیِڑھی، دھرم دی دھار اِک پرگٹائیا۔ کِسے دی رہن نہیں دینی امیِری وزیِری، شاہ سُلطاناں خاک مِلائیا۔ انت شرع دی توڑے زنجِیری، شریِعت دا لیکھا دئے مُکائیا۔ جوتی جوت سروُپ ہرِ، آپ اپنی کِرپا کر، کرے کھیل دُھر دا ہرِ، بھیوَ ابھید آپ کُھلائیا۔ دھرنی کہے میَں ہسّ کے کیِتا پرنام، نمو نمو گوبِند سیِس نِوائیا۔ میرے صاحِب سَتگُر کیوں نانک منتر چلایا ستنام، سَت سَت سَت سمجھائیا۔ کیوں واہِگُروُ فتح ڈنک وجایا وِچ جہان، گوبِند سوُرے دینا سمجھائیا۔ چاروں کُنٹ میَں ویکھاں مار دھیان، اُتّر پوُرب پچھّم دکھّن کھوج کھوجائیا۔ جِس پرم پُرکھ نوُں جھُکدے زِمیں اسمان، گُروُ اوتار پَیغمبر بَیٹھے خالی جھولیِاں ڈھاہیِا۔ اوہ نام کلمے دا دیونہارا دان، داتا دانی اِک اکھوائیا۔ جِس نوُں سارے کہندے دُھر دا رام، دُھر دا کاہن کہہ کے اپنا جھٹ لنگھائیا۔ پَیغمبر منّن اِک اِمام، عملاں توں رہت نوُر خُدائیا۔ جِس نوُں نانک نِرگُن کیِتا پروان، پرم پُرکھ وڈ وڈیائیا۔ جِس دا گوبِند دھرے دھیان، پُرکھ اکالا دیِن دَیالا ایکنکارا اِکو نظری آئیا۔ جوتی جوت سروُپ ہرِ، آپ اپنی کِرپا کر، کرے کھیل ساچا ہرِ، سچ دا رنگ آپ رنگائیا۔ جھٹ گوبِند خوشی دے وِچ ہسّیا، ہستی تکّ بےپرواہیِا۔ دھرنی جِس ویلے تیرے اُتے ہوئی اندھیری مسّیا کلجُگ کالا اپنا رنگ رنگائیا۔ سَت دھرم سرِشٹی دی درِشٹی اندروں نسّیا، کایا کام کرودھ لوبھ موہ ہنکار ہوئے لوکائیا۔ پربھ دا نام ہِردے ہوئے نہ وسیا، رسنا جِہوا بتّی دند ڈھولے

سارے گائیا۔ کِسے دا دھیِرج رہے نہ ہٹّھیا، سَت سنتوکھ روُپ نہ کوئے درسائیا۔ صدی چؤدھویں اُلٹی گِڑے لٹّھیا، شرع شرع نال ٹکرائیا۔ سب دا پوُرا قؤل اِقرار ہووے جو لِکھیا پٹیا، پٹنے والا رہیا جنائیا۔ اُس ویلے دیِن دَیال صاحِب سوامی نِرگُن دھار آوے نَٹھیا، جوتی جاتا پُرکھ بِدھاتا شبدی شبد کھیل کھِلائیا۔ جو پرکاش کرے لٹ لٹیا، دو جہاناں ڈگمگائیا۔ کلجُگ کوُڑی کِریا کرے متھیا، متھنہار اِک اکھوائیا۔ سَت دھرم چلاوے رتھیا، رتھواہی اِکو نظری آئیا۔ جِس دی چار جُگ دے شاستر گاؤندے گتھیا، اکھّراں والی صِفت صالاحیِا۔ اوہ صاحِب سَتگُروُ آد جُگاد پُرکھ سمرتھیا، سرب گھٹ واسی اپنا حُکم ورتائیا۔ جِس دا نام اِکو ہووے جسیا، جےَ جَیکار کرے لوکائیا۔ جو سچکھنڈ دوار درگاہ ساچی مُقامے حق وسیا، بِن رنگ ریکھ روُپ در اپنے سوبھا پائیا۔ جوتی جوت سروُپ ہرِ، آپ اپنی کِرپا کر، کرے کھیل ساچا ہرِ، سچ دا مالک اِک اکھوائیا۔ دھرنی کہے گوبِند میَں کِس دی کراں اُڈیِک، بِن اکھّاں اکھّ اُٹھائیا۔ میَنوُں سچ دسّ تاریخ، جِس تواریخ دینی بدلائیا۔ میَں اُس دے کولوں منگاں بھیِکھ، بِھکھک ہو کے جھولی ڈاہیِا۔ جِس دے چھتر جھُلنا سیِس، دو جہاناں حُکم منائیا۔ مِہربان جگدیِش، جگدیِشر وڈ وڈیائیا۔ جِس دا اِکو نام کلمہ ہونی حدیِث، حضرتاں توں باہر کرے پڑھائیا۔ جِس نے آتم پرماتم چلاؤنی ریِت، مندر مسیِت پَینڈا دینا مُکائیا۔ لکھّ چؤراسی جیِو جنت سادھ سنت بدلنی نیِت، نیِتیوان اِک اکھوائیا۔ تُوں میرا میَں تیرا سب نے گاؤنا گیِت، گوبِند میلا مِلنا ساچے ماہیِا۔ پاربرہم برہم دسّنی اِک پریِت، پریِتم اپنا پڑدا دینا اُٹھائیا۔ جھگڑا رہے نہ اوُچ نیِچ ذات پات دا لیکھا دئے گوائیا۔ اِکو رنگ رنگے ہست کیِٹ، انڈیٹِھ اپنی کھیل کھِلائیا۔ جن بھگتاں وسے کایا مندر بیِچ، پڑدا اندروں دئے چُکائیا۔ امرت بخشے نِجھر دھار بوُند سوانتی کول نابھی ٹھانڈا سیِت، اگنی تت بُجھائیا۔ شبد انادِ دُھن آتمک سُنائے گیِت، انحد نادی ناد وجائیا۔ سچ پرکاش کرے اتیِت، ترےَگُن دا ڈیرہ ڈھاہیِا۔ سو صاحِب سوامی نِرگُن دھار بنے دُھر دا میِت، مِتر پیارا اِک اکھوائیا۔ جو درگاہ ساچی سچکھنڈ دا وسنیِک، چھپّر چھنّا چھنّ نہ کوئے چُھہائیا۔ اوہ آد جُگادی لاشریِک، پروردِگار نوُر اِلاہیِا۔ جِس دی اوتار پَیغمبر گُروُآں کیِتی تصدیِق، شہادت گرنتھاں والی بُھگتائیا۔ اوہ سب دی آسا منسا پوُری کرے اُمیِد، ترِسنا ترِکھا دوُر کرائیا۔ جوتی جوت سروُپ

ہرِ، آپ اپنی کِرپا کر، کرے کھیل ساچا ہرِ، نِہکلنک نرائن نر، مہاراج شیرسِنگھ وِشنوُں بھگوان، جِس دے حُکم وِچ نوَ نؤ چار رہے بیِت، جُگ چؤکڑی اپنا پندھ گئے مُکائیا۔

۱۶ پھگّن شہنشاہی سمت ۷ مان سِنگھ دے گرِہ پِنڈ کنگ ضِلع امرتسر

دھرنی کہے گوبِند نے گنی گنت، انِگنت انک جنائیا۔ کلجُگ کنارہ دسّیا انت، انتشکرن ویکھ خلق خُدائیا۔ دھرم دا رہنا نہیں کوئے سنت، سجّن سچ وِچ نہ کوئے سمائیا۔ پرماتما مِلنا نہیں کِسے کنت، کنتُوہل سیج نہ کوئے سُہائیا۔ گڑھ بننا ہؤمے ہنگت، ہنگ برہم بھیوَ نہ کوئے چُکائیا۔ مانَو ذاتی پریم دی رہنی نہیں سنگت، گُر چیلا کرے لڑائیا۔ برہم دی دھار دِسنا نہیں کوئی پنڈت، پاربرہم نہ کوئے مِلائیا۔ جوتی جوت سروُپ ہرِ، آپ اپنی کِرپا کر، کرے کھیل دُھر دا ہرِ، دُھر مالک بےپرواہیِا۔ دھرنی کہے گوبِند میَنوُں ماریا مُکاّ، مُکمل دِتا جنائیا۔ میرا شبد نِشانہ کدے نہ اُکا، تیِر انیالا دِتا چلائیا۔ جِس نے میَنوُں بنایا سُتا، پرم پُرکھ وڈ وڈیائیا۔ اوہ کرے کھیل ابناشی اچُتا، چیتن سب نوُں دئے کرائیا۔ بھگتاں سُہائے رُتا، رُتڑی اپنے نال مہکائیا۔ بھاگ لگائے کایا بُتا، بُتخانیاں کرے صفائیا۔ جو جنم جنم دا ہووے گھُتھا، پھڑ باہوں لئے مِلائیا۔ ابناشی کرتا کدے نہ رُسا، روس من دا دئے مِٹائیا۔ جِس دا جگت جہان والا نہیں جُسا، جِسم ضمیِر دئے بدلائیا۔ اوہدا بھیوَ رہے نہ لُکا، پڑدا انتر نِرنتر اُٹھائیا۔ جِس دا سیِس اِک وار جھُکا، دو جہان دئے وڈیائیا۔ جگت جہان جائے نہ لُٹا، لُٹیرا کوُڑ نیڑ نہ آئیا۔ سَتگُر شبد دا ناتا کدے نہیں ٹُٹا، آد جُگاد جُگ چؤکڑی بندھن اپنا پائیا۔ پربھوُ دا پیار نہیں کدے ٹُٹا، اتوٹ اتُٹ آپ رکھائیا۔ جوتی جوت سروُپ ہرِ، آپ اپنی کِرپا کر، کرے کھیل ساچا ہرِ، سچ دا میل آپ کرائیا۔ دھرنی کہے میَنوُں گوبِند ماریا دھپّا، تھپکی دِتی لگائیا۔ اوہ تکّ اگمّی پپا، پت پرمیشور نوُر اِلاہیِا۔ جِس نوُں پُرکھ اکال کہہ کے جپا، نام نِدھانا ڈھولا گائیا۔ اُس دا انت اَخیِری اِکو پتہ، سچ سندیسہ دیاں دِرڑائیا۔ جِس وِچ فرق رہے نہ رتا، بھیوَ ابھید نہ کوئے چُھپائیا۔ جِس دا سَتگُر شبدی دھار بچّہ، پِتا پُرکھ اکال وڈ وڈیائیا۔ اوہ ساڈھے تِنّ ہتّھ بھانڈا ویکھے کچّا، کنچن گڑھ پھول پھولائیا۔ جن بھگتاں لوُں لوُں اندر رچا، رچنا اپنی دئے وکھائیا۔ جِس نے محمد دا لہنا دینا

پوُرا کرنا مدیِنہ مکّہ، کعبیاں ہوئے سہائیا۔ لیکھے لاؤنا بوُرا ککاّ، عیسیٰ آسا پوُرا کرائیا۔ اُس دا پیار ہووے نہ تتا، اگنی تت نہ کوئے تپائیا۔ اوہ جھگڑا میٹے من متا، مت متانتر ڈیرہ ڈھاہیِا۔ پڑدا لاہے چیتن ستّا، سَت ستوادی رنگ رنگائیا۔ جِس دا گوبِند جَیکارا لایا فتحا، فتح ڈنک اِک شنوائیا۔ اوہ گُرمُکھاں جنائے مِت گتا، انترجامی اگمّ اتھاہیِا۔ بیِج بیِجے اپنے وتّا، جوتی جوت سروُپ ہرِ، آپ اپنی کِرپا کر، کرے کھیل ساچا ہرِ، سچ دی کرنی کار کمائیا۔ دھرنی کہے میَنوُں گوبِند دِتا دان، چرن دھوُڑی میرے اُتے ٹِکائیا۔ دھوَل کہے میَنوُں بخشیا مان، مانَو ذاتی رنگ رنگائیا۔ کِرپا کیِتی مہان، دھوَل کہے میرے اندر وجّی ودھائیا۔ ساچے در کیتے پروان، دھؤل نِیوں نِیوں سیِس جھُکائیا۔ کھیل ویکھنا سِری بھگوان، جو کرتا اگمّ اتھاہیِا۔ جِس کلجُگ لیکھا پوُرا کرنا وِچ جہان، جہالت کوُڑ دئے مِٹائیا۔ نام انیالا مارنا بان، تیِر تُریا توں باہر لگائیا۔ کھیل کھیلے ہو کے دُھر دا رام، کاہن کاہنا ویس وٹائیا۔ پرگٹ ہو کے اِک اِمام، اِمام اِماما اپنا حُکم جنائیا۔ جھگڑا شرع میٹے تمام، تمنّا سب دی کھوج کھوجائیا۔ جِس دا دس گُر نِشان، نِشانے دیِن دُنی بدلائیا۔ اِکو کلمہ دسّ کلام، کائنات کرے پڑھائیا۔ جن بھگت سُہیلے کر پروان، پرم پُرکھ اپنا رنگ رنگائیا۔ جُگ جنم دے وِچھڑے میلے آن، وِچھوڑا مات رہے نہ رائیا۔ کی ہویا جے گُرسِکھ بُھل جائے بال اَنجان، بالی بُدھ جگت وڈیائیا۔ سو پُرکھ نِرنجن سدا مِہربان، ہرِ پُرکھ نِرجن آپ اکھوائیا۔ در گھر ساچے کر پروان، پرم پُرکھ دیوے مان وڈیائیا۔ گڑھ توڑ کوُڑ ابِھمان، ہنگتا کرے صفائیا۔ جوتی جوت سروُپ ہرِ، آپ اپنی کِرپا کر، کرے کھیل ساچا ہرِ، نِہکلنک نرائن نر، مہاراج شیرسِنگھ وِشنوُں بھگوان، آد جُگادی نِرگُن ہو کے جانی جان، سرگُن لیکھا اپنے ہتّھ رکھائیا۔

۱۶ پھگّن شہنشاہی سمت ۷ کرنَیل سِنگھ دے گرِہ پِنڈ نؤرنگاباد ضِلع امرتسر

دھرنی کہے میَں گوبِند دا کھیل تکیا نیَناں، نِج نیتر لوچن نیَن نیَن کُھلائیا۔ جِس نے پُرکھ اکال دا منّیا کہنا، پرم پُرکھ سیِس جھُکائیا۔ میَں ہسّ کے کِہا کلجُگ انتم اُس دا بھانا سہنا، بھاوی بھےَ بھؤ جگت ڈرائیا۔ نؤ کھنڈ پرِتھمی کوُڑی کِریا وہن وہنا، چار کُنٹ ہوئے ہلکائیا۔ صدی چؤدھویں انتم بُرج ہنکاری ڈھہنا، محمد لیکھا رہے نہ رائیا۔ عیسیٰ نوُں لیکھا دینا پَینا، موُسیٰ بھجےّ واہو

داہیِا۔ پُرکھ اکال بن طرفَینا، ترےَگُن اتیِتا اپنی کار کمائیا۔ دیِن مذہب لیَن نہ دیوے چَینا، سانتک سَت نہ کوئے کرائیا۔ کلمہ نام اِک دوُجے نال کھہنا، پروردِگار اپنا حُکم ورتائیا۔ جوتی جوت سروُپ ہرِ، آپ اپنی کِرپا کر، کرے کھیل دُھر دا ہرِ، کرنہار اِک اکھوائیا۔ دھرنی کہے میَنوُں گوبِند سُنایا شبد اگمّا سچ، دُھر دا حُکم اِک سُنائیا۔ دیِن دُنی اگنی جائے مچّ، اگنی تت نہ کوئے بُجھائیا۔ منوُآ گھر گھر کایا مندر اندر پئے نچّ، دہ دِشا اُٹھ اُٹھ دھائیا۔ بھاگ لگّے نہ کایا کچّ، کنچن گڑھ نہ کوئے سُہائیا۔ ناڑ بہتّر اُبلے رتّ، رتّی رتّ کمّ کِسے نہ آئیا۔ کِسے میل نہیں ہونا کملاپت، پت پرمیشور درس کوئے نہ پائیا۔ جِس یارڑے دا میَں ستھر بَیٹھا گھت، سو پُرکھ اکالا اپنا حُکم ورتائیا۔ جِس نے کلجُگ اگن دا میٹنا رتھ، سَتجُگ سَت سَت ورتائیا۔ پرگٹ ہو پُرکھ سمرتھ، دو جہاناں مرد مردانہ ویکھ وکھائیا۔ دیِن مذہب کرے کِسے نہ پکھّ، مانَو ذاتی ویکھے تھاؤں تھائنیا۔ سمبل دھار ہو پرگٹ، پرگنا اپنا اِک سُہائیا۔ جوت پرکاش کرے لٹ لٹ، اندھ اندھیرا دئے گوائیا۔ شبد ناد سُنائے انحد، دُھن آتمک راگ الائیا۔ جِس دے حُکم اندر سَتجُگ تریتا دواپرگئے لد، کلجُگ لیکھا دئے مُکائیا۔ ذات پات دی رہن نہ دیوے حد، شرع شریِعت دا ڈیرہ ڈھاہیِا۔ جوتی جوت سروُپ ہرِ، آپ اپنی کِرپا کر، آتم پرماتم دسےّ اِکو جدّ، پاربرہم برہم پڑدا آپ اُٹھائیا۔ دھرنی کہے میرا گوبِند کھولیا تاکا، پردہ پردیاں وِچوں چُکائیا۔ سب دا مالک اِکو آقا، اکل کل دھاری نوُر الاہیِا۔ جِس دا سُت دُلارا میَں کاکا، کلوُ کال دا لیکھا دیاں مُکائیا۔ صدی چؤدھویں انتم تکاں واٹا، چار یاری پڑدا دیاں اُٹھائیا۔ جیہڑا امرت پیایا اِکو باٹا، رس گُرمُکھاں مُکھ لگائیا۔ اُس دا انتم پوُرا کراں گھاٹا، لہنا دینا ویکھاں تھاؤں تھائنیا۔ جھگڑا میٹ کے ذاتا پاتا، دیِن دُنی اِکو رنگ رنگائیا۔ بھیوَ کُھلا کے کملاپاتا، پت پرمیشور دیاں مِلائیا۔ درس کراواں ساکھیاتا، سنمُکھ ہو کے سوبھا پائیا۔ کلجُگ میٹ اندھیری راتا، سَتجُگ سچ چند چمکائیا۔ غریِب نِمانیاں پُچھاں واتا، کوجھیاں کملیاں گود اُٹھائیا۔ جوتی جوت سروُپ ہرِ، آپ اپنی کِرپا کر، کرے کھیل ساچا ہرِ، سچ دا حُکم اِک ورتائیا۔ دھرنی کہے میَں نِو نِو کیِتی ڈنڈاوت، بندنا سیِس جھُکائیا۔ میرے سَتگُر صحیح سلامت، تیری بےپرواہیِا۔ سچ دسّ کِس بِدھ محمد دی آوے انت قیامت، قیامگاہ نظر کوئے نہ آئیا۔ شرع دی شرع نال ہووے بغاوت، بغلگیِر نہ کوئے اکھوائیا۔ نام کلمے دی ہووے عداوت، عدل اِنصاف نہ کوئے جنائیا۔ سچ نام دی کِسے کول رہے نہ حق اَمانت، عمل چھڈے کوُڑ لوکائیا۔ گُر پیِر دیوے نہ

کوئے ضمانت، اَگے ہو نہ کوئے بچائیا۔ کیوں صدی چؤدھویں ہووے رَین اندھیری شامت، شمع جوت نوُر نہ کوئے رُشنائیا۔ جوتی جوت سروُپ ہرِ، آپ اپنی کِرپا کر، ایکا دینا دُھر دا ور، نِہکلنک نرائن نر، مہاراج شیرسِنگھ وِشنوُں بھگوان، تیرا ناؤں نِرنکارا ایکنکارا اگمّ نیامت، وست امولک بے پرواہ دینی ورتائیا۔