کتب خانہGranth 22 (Urdu)

۲۷ چیت شہنشاہی سمت ۸ اجیِت سِنگھ بٹالا نوِت ہرِ بھگت دوار جیٹھوُوال ضِلع امرتسر

محمد کہے میرا رہیا نہ کوئے وجوُد، بُتخانہ نظر کوئے نہ آئیا۔ دھرنی دھرت دھوَل نہ دِسے حدوُد، دھؤل ونڈ نہ کوئے ونڈائیا۔ کلمہ دِسے نہ کوئے ہزارا دروُد، اِسمے بصری نہ کوئے وڈیائیا۔ اِکو میرے مالک دا عرش عروُج، عالیشان سوبھا پائیا۔ جیہڑا حق دا حق محبوُب، مُحبّت وِچ اپنا کھیل کھِلائیا۔ دروہی میری اُمت اُس نے کرنی نیست و نابوُد، چوٹی جڑ رہن کوئے نہ پائیا۔ جِس دا کلمیاں کلاماں وِچ دے کے آیا ثبوُت، صبر صبوُری وِچ سجدہ سیِس جھُکائیا۔ جوتی جوت سروُپ ہرِ، آپ اپنی کِرپا کر، کرے کھیل ساچا ہرِ، سچ دا حُکم آپ ورتائیا۔ محمد کہے میَں دیکھی اگمّی محراب، مےَخانیاں باہر دھیان لگائیا۔ جِتھے پروردِگار نظری

آئے اِک احباب، احمد محمد دی چلے نہ کوئے چتُرائیا۔ جو اوتار پَیغمبر گُروُآں توں منگے حِساب، چار جُگ دا لیکھا تکے تھاؤں تھائنیا۔ چار کُنٹ نؤ کھنڈ پرِتھمی کِسے دی کرے نہ کوئے اِمداد، سگلا سنگ نہ کوئے نِبھائیا۔ کھیلے کھیل نوُر اِلاہی واحد، واہ واہ اپنا حُکم ورتائیا۔ جِس کلجُگ صدی چؤدھویں انت کڈھنا نتائج، نتیِجہ اپنے ہتّھ رکھائیا۔ سَت دھرم دا ساچا جُگ کرے رائج، رعیت کھتری براہمن شوُدر وَیش اِکو رنگ رنگائیا۔ اگلا حُکم ورتے جائز، جائزہ چؤداں طبقاں لئے تھاؤں تھائنیا۔ جوتی جوت سروُپ ہرِ، آپ اپنی کِرپا کر، کرے کھیل ساچا ہرِ، سچ دا کھیل آپ کھِلائیا۔ محمد کہے میرا عالمیِن االلہ، میَں ولی االلہ ہو کے سیِس نِوائیا۔ جو ذرّے ذرّے ملاح، صوُفیاں پَیغمبراں بیڑا رہیا چلائیا۔ نوُر نوُرانہ حق خُدا، خُدی تکّبر وِچ کدے نہ آئیا۔ میری اُس دے اَگے دُعا، بِن سجدیاں سیِس جھُکائیا۔ میرے مالک دِلرُبا، مِہربان تیری سرنائیا۔ میرا مقبرہ مارے دھاہ، مدیِنہ نیَناں نیِر وہائیا۔ مکّے دِسے نہ کوئے سہا، سِر سکے نہ کوئے ٹِکائیا۔ کعبے رہے کُرلا، کوُک کوُک سُنائیا۔ کربلا نیتر نیَناں نیِر رہیا وہا، حسن حُسَین مِٹّی خاک وِچ سمائیا۔ علی دے االلہ بے پرواہ، پروردِگار تیری وڈیائیا۔ حمد وِچ بیننتی رہیا سُنا، بِنا اکھّراں الف یے ونڈ نہ کوئے ونڈائیا۔ تُدھ بِن بخشے نہ کوئے گُناہ، پاکیزہ پاک نہ کوئے کرائیا۔ تیرا لیکھا سمجھے نہ کوئے بابا آدم حوّا، نوُرے چشم نظر کِسے نہ آئیا۔ تُوں عالمے ظاہرے زوا، نؤزینے نوُر اِک اِلاہیِا۔ جوتی جوت سروُپ ہرِ، آپ اپنی کِرپا کر، ایکا دینا ساچا ور، سچ دا رنگ دینا وکھائیا۔ محمد کہے میرے حضوُر، اِمام بےپرواہیِا۔ کربلے تیرا دیِد کراں ضرور، بِن نیَناں نیَن اُٹھائیا۔ تُدھ بِن اُمت دا بخشے نہ کوئے قصوُر، قسم کھا کے دیاں جنائیا۔ میَں صدی چؤدھویِں ہویا مجبوُر، مجبوُری تیرے اَگے ٹِکائیا۔ پندھ مُکاؤنا نیڑے دوُر، دوُر دُراڈے دُھر دے ماہیِا۔ تُدھ بِن گڑھ توڑے نہ کوئے غروُر، ہنگتا ہؤمے نہ کوئے مِٹائیا۔ میَں تیرا سجدے وِچ مشکوُر، مُشکل میری حل کرائیا۔ تیری قدم بوسی پِچھوں شرع دے فتوے دا پےَ جائے فتُور، فاتحہ انت کرن والا نظر کوئے نہ آئیا۔ میَں تیرا بردا بادستُور، غُلام شرع دا سیِس نِوائیا۔ تیرے قدماں دی لاواں دھوُڑ، ٹِکاّ خاک والا رمائیا۔ جوتی جوت سروُپ ہرِ، آپ اپنی کِرپا کر، ایکا دینا ساچا ور، سچ دا کھیل اپنے ہتّھ رکھائیا۔ محمد کہے میرے شاہو شاباشا، شہنساہ تیری سرنائیا۔ کربلا پُکارے پیاسا، حُسَین حسن دھیان لگائیا۔ فاطمہ پوُرا کردے وعدہ، علی دی الف سیِنے والی ویکھ وکھائیا۔ تُوں آد دا انت دا جُگ جُگاد دا پِیو دادا،

داستان تیری سکے نہ کوئے سمجھائیا۔ میَں منبراں توں پرے مناریاں توں دوُر ماراں آوازاں، شرع دے شہنشاہ اپنا درس دینا چائیں چائنیا۔ میریاں لیکھے لاؤنیاں کلمیاں والیاں نمازاں، کلام تیرے اَگے رکھائیا۔ جوتی جوت سروُپ ہرِ، آپ اپنی کِرپا کر، ایکا دینا ساچا ور، نِہکلنک نرائن نر، مہاراج شیرسِنگھ وِشنوُں بھگوان، تُدھ بِن بھیوَ کھولے کوئے نہ رازا، رازق رِزق رحیِم تیری وڈ وڈیائیا۔

پہلی وِساکھ شہنشاہی سمت ۸ ہرِ بھگت دوار جیٹھوُوال سویر دے سمیں ضِلع امرتسر

وساکھ کہے میری پُرانی منگ، سمت شہنشاہی اٹّھ جھولی ڈاہیِا۔ گوبِند وِساکھی دے دو سؤ بہتّر سال گئے لنگھ، لیکھا پوُرب پٹنے والا رہیا وکھائیا۔ دھرم سِکھی دا چڑھیا کِسے نہ رنگ، گُروُ چیلے رہے سُنائیا۔ انتر ترِسنا باہر ننگ، دھیِرج دھیِر نہ کوئے دھرائیا۔ سَتگُر دِسے کِسے نہ سنگ، سگلا سنگ نہ کوئے وکھائیا۔ میری اِک بیننتی سِنگھ منجیِت دی سمادھ پِچھے تیرا ڈٹّھا ہووے پلنگ، مُکھ لہِندی دِشا رکھائیا۔ بھگت دوار دروازے نال ٹنگیا ہووے تارا چند، پُٹھا کر لٹکائیا۔ جوتی جوت سروُپ ہرِ، آپ اپنی کِرپا کر، ایکا دینا ساچا ور، در تیرے آس رکھائیا۔ وِساکھ کہے میَں آیا پِھردا تُردا، در ٹھانڈے سیِس نِوائیا۔ تیرے چرناں حاضر ہووے اِک مُرغا، کلغی سوہنی سیِس سُہائیا۔ ایہہ لہنا انند پُر دا، پُریاں لوآں توں باہر سمجھائیا۔ حُکم سُننا اگمّے شؤہر دا، کی شؤہر اپنی کھیل کھِلائیا۔ جوتی جوت سروُپ ہرِ، آپ اپنی کِرپا کر، کرے کھیل ساچا ہرِ، سچ دا حُکم اِک ورتائیا۔ وِساکھ کہے تیرا جلوہ تکنا نوُر، نوُر نوُرانے بےپرواہیِا۔ اِک بچّہ حاضر کرنا سوُر، میری آسا منگ منگائیا۔ وچھّا کٹّا نال ہووے ضرور، بالی بُدھ دُہائیا۔ لیکھا لِکھیا ہووے انگد نال کھڈوُر، انگیکار بےپرواہیِا۔ جوتی جوت سروُپ ہرِ، آپ اپنی کِرپا کر، ایکا دینا دُھر دا ور، دُھر دے مالک دَیا کمائیا۔ وِساکھ کہے میَں ویکھدا رہیا جگت شرینی شکّرا، رس رسنا نال وڈیائیا۔ میری آشا میرے حضوُر حاضر ہووے اِک بکرا، آیوُ ونڈ نہ کوئے ونڈائیا۔ پنجاں گُرمُکھاں ہووے پکڑا، پگڑی سیِس نہ کوئے ٹِکائیا۔ سوُر تِنّاں لتّاں توں ہووے جکڑا، اگلی خالی اِک رکھائیا۔ مُرگا گردن توں ہووے پکڑا، سجّا ہتّھ سُہائیا۔ جوتی جوت سروُپ ہرِ، آپ اپنی کِرپا

کر، ایکا دینا دُھر دا ور، دُھر دے مالک ہونا سہائیا۔ وِساکھ کہے تُوں مُرشد ملنگ بننا بے پرواہ، بے پرواہی وِچ سمائیا۔ مُکھ تے لاؤنی کالی شاہ، سواہ جگت والی رمائیا۔ مستک ترسوُل لیَنی بنا، شنکر لیکھا رہے نہ رائیا۔ زبان لال لیَنی کرا، دُرگا بَیٹھی اکھّ اُٹھائیا۔ نیتر سندھوُر لیَنا چُھہا، سیِتا رام سیِس نِوائیا۔ بُل نِیلے لینےَ بنا، رادھے کرِشن وجےّ ودھائیا۔ کالا لباس لیَنا سُہا، موُسیٰ عیسیٰ محمد ویکھن چائیں چائنیا۔ گل صلیِب لیَنی لٹکا، ساڈھے تِنّ ہتّھ لمبائیا۔ گوبِند دا کھنڈا لیَنا چمکا، دمک دامنی والی دِرڑائیا۔ جوتی جوت سروُپ ہرِ، آپ اپنی کِرپا کر، ایکا دینا ساچا ور، سچ تیری سرنائیا۔ وِساکھ کہے تیرا سِنگھاسن ہووے دِشا لہِندی، چڑھدی ونڈ نہ کوئے ونڈائیا۔ پَیغمبراں آسا کہِندی، کہہ کہہ رہی سُنائیا۔ تیرے پَیراں ہووے مہندی، مہدی اِمام تیری وڈیائیا۔ سب دی کلا جائے ڈھہِندی، بلہیِن دِسے لوکائیا۔ تیرا بھانا دیِن دُنی ہووے سہِندی، حُکمے اندر اپنا حُکم ورتائیا۔ جوتی جوت سروُپ ہرِ، آپ اپنی کِرپا کر، ایکا دینا ساچا ور، سچ تیری وڈیائیا۔ وِساکھی کہے صاحِب سَتگُر میری منّ، منسا تیرے اَگے رکھائیا۔ سُننا بِنا کنّ، سروناں باہر شنوائیا۔ میَں کہواں دھنّ دھنّ، دھنّ تیری وڈیائیا۔ میرے صاحِب سَتگُر اجّ میرے پیار وِچ مُکھ نہ لاویں انّ، رسنا رس نہ کوئے بنائیا۔ غریِب نِمانیاں بیڑا دیویں بنّھ، سِر سِر اپنا ہتّھ ٹِکائیا۔ کلجُگ کوُڑ کُڑیار دیویں ڈنّ، ڈنکا اپنا نام شبد وجائیا۔ جوتی جوت سروُپ ہرِ، آپ اپنی کِرپا کر، کرے کھیل ساچا ہرِ، سچ دا حُکم اِک ورتائیا۔ وِساکھ کہے پربھوُ تیرا لیکھا بِنا چھنّ چھپّر، مندر جگت نہ کوئے وڈیائیا۔ تیرے کول ہووے اِک کھّپر، کالی رووے مارے دھاہیِا۔ سِنگھاسن ہیٹھاں دھریا ہووے پتّھر، جِس نوُں جگت ٹھاکر کہے لوکائیا۔ لیکھ لِکھیا ہووے پتر، پت پرمیشور بےپرواہیِا۔ ہرِ سنگت ساری کہے اسیں سَتگُر نالوں چتُر، سَتگُروُ دی بُدھی کمّ کِسے نہ آئیا۔ جوتی جوت سروُپ ہرِ، آپ اپنی کِرپا کر، کرے کھیل ساچا ہرِ، سچ دا کھیل کھِلائیا۔ وِساکھ کہے میرے گُروُ مہاراج، در تیرے سیِس جھُکائیا۔ تیرے سیِس تے ہووے سوُلاں کنڈیاں والا تاج، مُکھ کالے نال سوبھا پائیا۔ کچّے دُدھ نوُں لگّی ہووے جاگ، سَوا سیر سنگ رکھائیا۔ کُٹھالی وِچ تپدی ہووے آگ، ماٹی بھانڈے وِچ رکھائیا۔ لِکھ کے رکھیا ہووے کاشی پراگ، ایُدھیا نال مِلائیا۔ جوتی جوت سروُپ ہرِ، آپ اپنی کِرپا کر، کرے کھیل ساچا ہرِ، سچ دا سچ رنگ رنگائیا۔ وِساکھی کہے گوبِند نے ڈھائی پا پیِتا سی دُدھ، انّ مُکھ نہ موُل لگائیا۔ دھرم دے شستر کیِتا یُدھ، لالن

دا لال رنگ چڑھائیا۔ نالے اِشارہ کیِتا جِس ویلے پُرکھ اکال بدلے جُگ، جُگتی اپنے ہتّھ رکھائیا۔ سب دی اؤدھ جائے پُگ، پوُجا پاہن رہے نہ رائیا۔ سَت دھرم دا دیِپک جائے بُجھ، جگت نوُر نہ کوئے چمکائیا۔ کِسے کِچھ نہ سکے سُجھ، سوُجھ سمجھ نہ کوئے وڈیائیا۔ دیِن مذہب مایا ممتا وِچ جان رُجھ، ہِردے ہرِ نہ کوئے وسائیا۔ نِرمل ہووے کوئے نہ بُدھ، بُدھیِوان روون مارن دھاہیِا۔ کوُڑی کِریا آکاشاں جائے اُڈ، دھوَل دھرنی رنگ رنگائیا۔ پھیر آشا کرنی پوُری جو منسا رکھی کاگ بھسُنڈ، کاگ ویکھ جگت لوکائیا۔ لہنا دینا جھولی پاؤنا گج دی جلدھارا والا سُنڈ، تندوُآ تند نال مِلائیا۔ لیکھا رہن نہیں دینا کِسے کُنڈ، تیِرتھ تٹ ویکھ وکھائیا۔ جوتی جوت سروُپ ہرِ، آپ اپنی کِرپا کر، کرے کھیل ساچا ہرِ، نِہکلنک نرائن نر، مہاراج شیرسِنگھ وِشنوُں بھگوان، جگت جہان جگت واسنا ویکھے جھُنڈ، پردہ پردیاں وِچوں چُکائیا۔

پہلی وِساکھ شہنشاہی سمت ۸ ہرِ بھگت دوار جیٹھوُوال رات نوُں ضِلع امرتسر

سمت شہنشاہی اٹّھ کہے وِساکھ کر لےَ بندنا، چار جُگ دے بندگی والے اپنے نال مِلائیا۔ جِس صاحِب دے کولوں آد جُگاد سب کُچھ منگنا، جُگ چؤکڑی خالی جھولیِاں ڈاہیِا۔ جِس دی ایتھے اوتھے دو جہان اگمّی رنگنا، جگت جہان جگ نیتر ویکھن کوئے نہ پائیا۔ اُس دے انگیکار ہو جا انگنا، دوُسر ونڈ نہ کوئے ونڈائیا۔ کھیل تکّ سوُرا سربنگنا، ہرِ کرتا کی حُکم ورتائیا۔ جِس دے حُکم نال سب نے ونجھنا، وَنجھ مُہانا سکے نہ کوئے اٹکائیا۔ اوہ مالک خالق درد دُکھ بھےَ بھنجنا، پاربرہم بےپرواہیِا۔ جوتی جاتا ہو کے آد نِرنجنا، نِرگُن نوُر کرے رُشنائیا۔ جِس نے کوُڑ کُڑیارا دنڈنا، ڈنڈاوت سب دی دئے بدلائیا۔ پرگٹ ہو وِچ وربھنڈنا، برہمنڈ ویکھ وکھائیا۔ جوتی جوت سروُپ ہرِ، آپ اپنی کِرپا کر، کرے کھیل ساچا ہرِ، سچ دا حُکم اِک سُنائیا۔ سمت شہنشاہی اٹّھ کہے وِساکھ سجّنا مار لےَ جھاتی، جھاکی انتر نِرنتر پائیا۔ کلجُگ ویکھ لےَ اندھیری راتی، ساچا چند نہ کوئے چمکائیا۔ ربّ دا کھیل بہُہ بِدھ بھانتی، بھرم بھرانت وِچ رکھی سرِشٹ سبائیا۔ اپنی کھیل کرے الکھّنا الاکھی، الکھ اگوچر وڈ وڈیائیا۔ جِس دھار اُتے گوبِند نے کھیل کیِتی وِساکھی، سو خالق دئے دِرڑائیا۔ جگت کھنڈا کر سکے موُل نہ راکھی، رکھک دو جہان نہ کوئے بنائیا۔ سرِشٹی

درِشٹی اندر منوُآ ہو گیا عاقی، بھےَ بھؤ نہ کوئے رکھائیا۔ لہنا مکُے کِسے نہ باقی، انت کرن کوئے نہ پائیا۔ دُھر دے شبد چڑھے کوئے نہ راکی، شاہ سوارا بھیوَ نہ کوئے چُکائیا۔ آہ تکّ لےَ بِنا اکھّراں توں اُس صاحِب دی پاتی، جو پتت پُنیِت اِک اکھوائیا۔ جِس نے اوتار پَیغمبر گُروُ اِک شبد دے بنن نہیں دِتے جماعتی، اکھّراں وِچ سب دی ونڈ ونڈائیا۔ اِک رمز اگمّی گوبِند گوبِند تانئیں آکھی، گہر گمبھیِر دِتا دِرڑائیا۔ کلجُگ انت انت دی گھاٹی، گھاٹا پوُر نہ کوئے کرائیا۔ پندھ مکُے کِسے نہ واٹی، جوتی جوت سروُپ ہرِ، آپ اپنی کِرپا کر، کرے کھیل ساچا ہرِ، سچ دا کھیل آپ کھِلائیا۔ سمت کہے وِساکھ سُن حُکم اپارا، اپرمپر رہیا جنائیا۔ گوبِند دا تکّ اِشارہ، سیَنت نام لگائیا۔ کلجُگ دا ویکھ کنارہ، گُر اوتار پَیغمبر دین گواہیِا۔ شاستر روون زارو زارا، بِن نیَناں نیِر وہائیا۔ جِس دا سب نے دِتا اُدھرا، اکھّراں نال جوڑ جُڑائیا۔ اوہ آوے نِرگُن دھار دھار سرگُن وِچوں دوبارہ، دوہری اپنی کھیل کھِلائیا۔ جِس نوُں کہنا چوَھیاں اوتارا، اوتر اپنا ویس وٹائیا۔ نِہکلنک جوت نِرنکارا، کل کلکی بےپرواہیِا۔ اِمام اِماما نوُر اُجیارا، جوتی جاتا ڈگمگائیا۔ اُس دا کھیل انتم وارا، وارتا پِچھلی ویکھ وکھائیا۔ جِس دا حُکم سب توں نیارا، شبدی شبد شبد جنائیا۔ کاتب لِکھے نہ کوئے لِکھارا، قلم شاہی چلے نہ کوئے چتُرائیا۔ جوتی جوت سروُپ ہرِ، آپ اپنی کِرپا کر، کرے کھیل ساچا ہرِ، سچ دا حُکم آپ ورتائیا۔ وِساکھ کہے سمت میری انت اِک ڈنڈاوت، بِن سیِس سیِس نِوائیا۔ میرا صاحِب صحیح سلامت، جُگ جُگ اِکو رنگ وکھائیا۔ گُر اوتار پَیغمبر جِس دی اَمانت، شبد جھولی وِچ ٹِکائیا۔ صِفتی بخش نام نیامت، کلمیاں کرے پڑھائیا۔ بالے بچّے رکھ اَنجانت، انت اپنا آپ نہ کِسے دِرڑائیا۔ جوتی دھارا دی دسّ سیانپ، چمک چمک نال مِلائیا۔ جوتی جوت سروُپ ہرِ، آپ اپنی کِرپا کر، کرے کھیل ساچا ہرِ، سچ دا اپنا حُکم ورتائیا۔ وِساکھ کہے سمتا میرے اندر آؤندا ہاسا، ہسّ کے دیاں جنائیا۔ کھیل تکّ پُرکھ ابناشا، میرے انتر وجّی ودھائیا۔ جِس دا نوُر جوت پرکاشا، نوُر نوُرانہ ڈگمگائیا۔ نِرگُن سرگُن پاوے راسا، دو جہان ویکھ وکھائیا۔ لیکھا جانے پرِتھمی آکاشا، گگن گگننتراں پھول پھولائیا۔ جاں میَں نِگاہ ماری سمبل اُس دا واسا، ساڈھے تِنّ ہتّھ وجےّ ودھائیا۔ جِس بھیوَ کھولیا خلاصہ، پردہ اوہلا دِتا مِٹائیا۔ شاہو بھوُپ بن شاباسا، شہنشاہ اپنی کل ورتائیا۔ جوتی جوت سروُپ ہرِ، آپ اپنی کِرپا کر، کرے کھیل ساچا ہرِ، سچ دا حُکم آپ سُنائیا۔ وِساکھ کہے سمت میری بیننتی اَگے حضوُر، حاضر ہو کے

سیِس نِوائیا۔ میرے صاحِب کریں منظور، نِو نِو لاگا پائنیا۔ تیرا آد انت دا اِک دستُور، نہ کوئی میٹے میٹ مِٹائیا۔ میَں ہو گیا مجبوُر، مجبوُری وِچ در ٹھانڈے منگ منگائیا۔ سرِشٹی دی درِشٹی تکّ موُڑھ، مُگدھ اپنا آپ گئے وٹائیا۔ جوتی جوت سروُپ ہرِ، آپ اپنی کِرپا کر، ایکا دینا دُھر دا ور، در تیرے آس رکھائیا۔ وِساکھ کہے میرے پربھوُ میَں تیرے اگمّی چرنی ڈھٹّھا، تتاں سیِس نہ کوئے نِوائیا۔ نوُری دھار وِچ نَٹھا، دو جہاناں پندھ مُکائیا۔ میَں تیرا دُلارا سوُربیِر ہٹّا کٹّا، جودھا اِک اکھوائیا۔ میرا گوبِند نال پٹا، پٹنے والا رہیا جنائیا۔ جِس ویلے میرا دو ستّ دا دوُآ نال ٹپّا، انک انک نال جُڑائیا۔ کِسے دی قیِمت رہنی نہیں ٹکا، کؤڈی خاک وِچ مِلائیا۔ چاروں کُنٹ پَینا رٹّا، جھگڑا سکے نہ کوئے چُکائیا۔ میرے روُپ نوُں سب نے کرنا ٹھٹّھا، مخؤل جگت اُڈائیا۔ پھیر میرا کھیل ہوناں وِچ جٹّاں، جٹاں جوُٹاں کراں صفائیا۔ اِکو وار پُرکھ اکال اپنے نال رکھاں، پھیر رکھن دی لوڑ رہے نہ رائیا۔ شبد سندیسہ دیواں سچّا، سچ دیاں سُنائیا۔ اوتار پَیغمبر گُروُ کراں اِکٹّھا، دیوت سُر نال مِلائیا۔ وِشن برہما شِو چرناں وِچ سُٹاں، سِر سکے نہ کوئے اُٹھائیا۔ پِچھلیِاں رہن نہ دیواں لُٹاں، چار جُگ دا جھگڑا دیاں گوائیا۔ نِرگُن دھار ہو کے اُٹھاں، جوتی جاتا لےَ انگڑائیا۔ جگت نِشانا کراں پُٹھا، پُٹھی اپنی کل ورتائیا۔ ناتا کوُڑ کِریا جاوے تُٹا، ٹُٹی گنڈھ نہ کوئے پوائیا۔ اِکو سُت دُلارا ہو کے لکھّ چؤراسی پُچھاں، دو جہاناں ویکھ وکھائیا۔ جوتی جوت سروُپ ہرِ، آپ اپنی کِرپا کر، ایکا دینا ساچا ور، سچ دی کرنی اپنے ہتّھ رکھائیا۔ وِساکھ کہے گوبِند نے نؤ ماریِاں لیِکاں، دھرنی کھنڈے دھار چُھہائیا۔ سَتگُر شبد کیِتیاں تصدیِقاں، شہادت اِک بُھگتائیا۔ پُرکھ اکال دیِاں اُڈیِکاں، رکھنیاں چائیں چائنیا۔ جِس بدل دینیِاں تواریخاں، تاریخ سمجھ کوئے نہ پائیا۔ دیِن دُنی بدلنیاں نیِتاں، نیِتیوان دُھردرگاہیِا۔ اِکو چرن سرن دسّ پریِتاں، پریِتم دُھر دا دینا مِلائیا۔ اُس ویلے سب دیِاں نِکلیِاں چیِکاں، چیِک چِہاڑا دِتا پائیا۔ لیکھا جانے جیِو جی کا، چارے کھانی کھوج کھوجائیا۔ پِچھلا لیکھا جانے بیِتا، نؤ سؤ چُرانوے چؤکڑی جُگ پڑدا دئے اُٹھائیا۔ جوتی جوت سروُپ ہرِ، آپ اپنی کِرپا کر، کرے کھیل ساچا ہرِ، سچ اپنا حُکم سُنائیا۔ دھرنی کہے میَں گوبِند اَگے کیِتی ارداس، سہج نال سیِس نِوائیا۔ میرے صاحِب بھیوَ کھول دے خاص، پردہ دے چُکائیا۔ تیری اَگے کیہڑی آس، آساوند دے جنائیا۔ گوبِند ہسّ کے کِہا شاباش، سوہنی منگ منگائیا۔ میرا صاحِب ویکھے کھیل تماش، کلجُگ انتم پھیرا پائیا۔ جِس دے تن

دا سب توں وکھّرا ہوئے لباس، روُپ رنگ ونڈ نہ کوئے ونڈائیا۔ شنکر سیِس نِواوے اُتے کَیلاش، وِشن برہما نِو نِو لاگن پائنیا۔ اوتار پَیغمبر گُر ہوون داس، داسی داس سیو کمائیا۔ اُس نے سب دا لہنا دینا پوُرا کرنا خاص، خالص اپنا حُکم ورتائیا۔ جوتی جوت سروُپ ہرِ، آپ اپنی کِرپا کر، کرے کھیل دُھر دا ہرِ، دُھر پردہ آپ چُکائیا۔ وِساکھ کہے گوبِند نے دھرنی نوُں دِتا دان، چرن دھوُڑی جھولی پائیا۔ پرم پُرکھ دے پریم وِچ رنگ کِرپان، لال گُلالا رنگ چڑھائیا۔ اِکو اِک دھرم دا دھرم دسّ نِشان، نِشانہ جگت والا بدلائیا۔ چار ورن کر اِحسان، سِر سِر اپنا ہتّھ رکھائیا۔ نالے ہسّ کے کِہا بِنا شتّروُ توں کِسے نوُں کرے نہ کوئے قُربان، بھیٹا لیَن والا نظر کوئے نہ آئیا۔ کوُڑ کِریا چلے نہ کوئے دُکان، شرع ونڈ نہ کوئے ونڈائیا۔ جوتی جوت سروُپ ہرِ، آپ اپنی کِرپا کر، کرے کھیل ساچا ہرِ، سچ دا حُکم اِک سُنائیا۔ وِساکھ کہے میَں دسّاں بچن سچےّ سَتگُر دا، سَتگُر شبدی شبد جنائیا۔ جِس دا حُکم کوئے نہ مُڑدا، نہ کوئی میٹے میٹ مِٹائیا۔ جِس دے نال آتم پرماتم جُڑدا، میلا میلے سہج سُبھائیا۔ اوہ لیکھا جانے اگمّے انند پُر دا، جِتھے پُریِاں لوآں ونڈ نہ کوئے ونڈائیا۔ اوتھے لیکھا نہیں کِسے دیوت سُر دا، وِشن برہما شِو سارے دوُروں سیِس نِوائیا۔ جوتی جوت سروُپ ہرِ، آپ اپنی کِرپا کر، کرے کھیل ساچا ہرِ، سچ دا حُکم اِک ورتائیا۔ وِساکھ کہے جِس ویلے گوبِند ورتیا سوانگ، سوانگی کھیل کرائیا۔ اُس ویلے مُرغے نے دِتی بانگ، کلغی ہِلا کے کلغیاں والے سیِس نِوائیا۔ انتر آشا رکھی تانگھ، منسا منسا نال ودھائیا۔ جے گوبِند تُوں نِشان بدلن آئیوں تارا چاند، زِمیں اسمان اُلٹا دئیں کرائیا۔ میَنوُں انگن لا آنگ، انگیکار اپنا لےَ بنائیا۔ جوتی جوت سروُپ ہرِ، آپ اپنی کِرپا کر، ایکا دینا ساچا ور، سچ اپنا کھیل کھِلائیا۔ گوبِند نے جھٹ اپنے کھنڈے دی سیِنے اُتے رکھی نوک، سہج نال دبائیا۔ میرے صاحِب دا بھانا سکے کوئی نہ روک، جگت جہان نہ کوئے اٹکائیا۔ جِس دے کول سب دی چوگ، رازق رِزق رحیِم بےپرواہیِا۔ سوہنیاں تُہاڈا لیکھےلاوے جوگ، جُگیِشراں توں پرے دئے وڈیائیا۔ اپنے در دی بخش کے مؤج، مجلس بھگتاں نال رکھائیا۔ جوتی جوت سروُپ ہرِ، آپ اپنی کِرپا کر، کرے کھیل ساچا ہرِ، سچ دا حُکم اِک سُنائیا۔ وِساکھ کہے مُرغے نے ماری اِک چیِک، کوُک کوُک سُنائیا۔ گوبِند دے کول آیا نزدیِک، اپنا پندھ مُکائیا۔ کِہا میری تیرے نال پریِت، تُوں پریِتم بےپرواہیِا۔ میری کرنی تے مار دے لیِک، جنم جنم دا لیکھا رہے نہ رائیا۔ تُوں مالک لاشریِک، ہِندوُ مُسلم ونڈ

نہ کوئے ونڈائیا۔ میَنوُں ذِبح کردے شرع والے ٹھیِک، چُھریِاں کھلّ لُہائیا۔ میری جگت دے پَیغمبراں توں کرا تصدیِق، شہادت آپ بُھگتائیا۔ گوبِند اِشارہ دِتا اُنگلی بِچلی بیِچ، خوشی نال اُٹھائیا۔ پُرکھ اکال دی رکھ اُڈیِک، آوے دُھر دا ماہیِا۔ جوتی جوت سروُپ ہرِ، آپ اپنی کِرپا کر، کرے کھیل ساچا ہرِ، سچ دا پردہ آپ چُکائیا۔ گوبِند کِہا مُرغے سُن لےَ اپنی پِچھلی کہانی، کہاوت دیِاں جنائیا۔ تیری کھیل جگت جُگ پُرانی، پوُرب پردہ دیاں اُٹھائیا۔ تیرا اپنا آپ آپ نِشانی، بُدھی سمجھ نہ کوئے سمجھائیا۔ تُوں بھٹکیا چارے کھانی، انڈج جیرج اُتبُھج سیتج واہو داہیِا۔ تیرا لیکھا لِکھیا وید پُرانی، ساشتر دین گواہیِا۔ جوتی جوت سروُپ ہرِ، آپ اپنی کِرپا کر، کرے کھیل ساچا ہرِ، سچ دا رنگ آپ رنگائیا۔ گوبِند کِہا سُن آتم درسی، تیری آتما دیاں جنائیا۔ جِس ویلے اٹّھاں تتاں والیاں واسطے میرے صاحِب دی آوے اٹّھویِں برسی، برس برساں پندھ مُکائیا۔ نوُر اُجالا ہووے اُتے فرشی، زِمیں اسماناں وجےّ ودھائیا۔ پرگٹ ہووے اُتے دھرتی، دھوَل سوبھا پائیا۔ سار پاوے اپنے گھر دی، لکھّ چؤراسی ویکھ وکھائیا۔ جِنہاں دی زِندگی دیوتیاں اَگے بھیٹا رہی چڑھدی، دیویاں پھول پھولائیا۔ جِنہاں دے سیِس اُتے شرع تکبیِر رہی پڑھدی، اوہناں تقدیِر دئے بدلائیا۔ اُس ویلے کھیل ہونی چوٹی جڑ دی، جڑ چیتن سمجھ کِسے نہ آئیا۔ جِس نے ساڈھے تِنّ ہتّھ نِشانے دی دھار رکھنی دِشا چڑھدی، چڑھدا اپنا حُکم ورتائیا۔ جوتی جوت سروُپ ہرِ، آپ اپنی کِرپا کر، کرے کھیل ساچا ہرِ، سچ دا حُکم اِک سُنائیا۔ گوبِند کِہا میرا صاحِب سُلطانا، پُرکھ اکال بےپرواہیِا۔ جیہڑا جُگ جُگ بدلے زمانہ، دیِن دُنی دئے بدلائیا۔ جِس دا روُپ انوُپ ہووے مہانا، مہما اکتھ کتھن نہ پائیا۔ اوہ آوے اپنا پہر کے بانا، جوتی جاتا ڈگمگائیا۔ سمبل ہووے اگمّ ٹِکانا، جگ نیتر نظر کِسے نہ آئیا۔ جِس نے اپنا سروُپ کرنا مہانا، شنکر ترسوُل دئے گواہیِا۔ سندھوُر لیکھا جانے سیِتا راما، رام سیِتا حاضر ہو کے سیِس نِوائیا۔ نیِلا رنگ نیل بسن بنواری کاہنا، رادھا رادھکے ونڈ ونڈائیا۔ عیسیٰ موُسیٰ محمد کالا سوُسا اِک نِشانہ، کالی کمبلی والا دئے وکھائیا۔ گوبِند دا کھنڈا کِھچّ کِرپانا، دھار دھار وِچوں جنائیا۔ کلجُگ دا ویس مُکھ کالا اِک رکھانا، کل کلکی وڈ وڈیائیا۔ جوتی جوت سروُپ ہرِ، آپ اپنی کِرپا کر، کرے کھیل ساچا ہرِ، سچ دا حُکم اِک ورتائیا۔ وِساکھ کہے میَں ویکھیا اگمّی نوُر، نوُر نوُرانہ نظری آئیا۔ ایہو ویس نانک نے انگد نوُں وکھایا سی وِچ کھڈوُر، جِس ویلے خود مالک دی دات جھولی پائیا۔ آپ بن کے

اگمّ مزدوُر، سیوا چاکری والی کمائیا۔ نالے ہسّ کے کِہا کلجُگ دا تپے تندوُر، چاروں کُنٹ اگن تپائیا۔ آتم لئے نہ کوئے سروُر، سَت وِچ نہ کوئے سمائیا۔ جگت دا ناتا کِریا کوُڑ، بندھن کوُڑ نہ کوئے تُڑائیا۔ منسا بُدھی ہوئی موُڑھ، من کا منکا نہ کوئے بھوائیا۔ جوتی جوت سروُپ ہرِ، آپ اپنی کِرپا کر، کرے کھیل ساچا ہرِ، سچ دا کھیل آپ کھِلائیا۔ وِساکھ کہے گوبِند نے کٹیا نہیں کوئی بکرا، نِگاہ مِہر والی ٹِکائیا۔ سب نوُں اِکو کنارہ دسّ کے پتنا، گھاٹ دُھر دا دِتا دِرڑائیا۔ میرے در تے جو آیا سو بن گیا ہیِرا رتنا، امولک امُل اکھوائیا۔ سچ پریِتی جُڑ گیا نتنا، ناتا سکے نہ کوئے تُڑائیا۔ میرا تن پرگٹیا وِچ پٹنا، میرا نوُر گھر گھر کرے رُشنائیا۔ میَں لکھّ چؤراسی جیِو جنت نوُں تکنا، بِن اکھّاں اکھّ کُھلائیا۔ جھٹ پُرکھ اکال نے چھاتی اُتے ماریِاں تھپنا، تھپکی پریم والی ٹِکائیا۔ جگت جہان ویکھ لےَ سکھّنا، وسَت سچ نہ کوئے رکھائیا۔ جِس ویلے گوبِند تیرا ڈھئیا ٹپنا، چاروں کُنٹ اندھیرا چھائیا۔ تیریاں سِکھاں ایہو بکرا چھکنا، شُکر کر کے تیرے اَگے سیِس نِوائیا۔ گوبِند کِہا میَں اُس ویلے ضرور سچکھنڈ وِچوں نَٹھنا، بھجّاں واہو داہیِا۔ شرع دا رہن دینا نہیں کوئی رٹّنا، رٹّا کوُڑ دینا مِٹائیا۔ میَں چؤہ جُگاں دے اوتاراں پَیغمبراں گُروُآں دا لیکھا پوُرا کراں اِکو وار سچ سروُپ دا مل کے وٹنا، وٹّا سب دا دیاں چُکائیا۔ پِچھلا لیکھا چھپنا، اَگے ٹھپّا نام مُہر لگائیا۔ جوتی جوت سروُپ ہرِ، آپ اپنی کِرپا کر، کرے کھیل ساچا ہرِ، سچ دا حُکم اِک سُنائیا۔ پُرکھ اکال کِہا گوبِند بچّہ، سُت دُلارے سیِس ہتّھ رکھائیا۔ او ویکھے تیرے ہُندیاں کھادھا جائے کٹّا تے وچھّا، پنکھیروُ روون مارن دھاہیِا۔ گوبِند سچ پُچھیں میَں لوُں لوُں دے وِچ رچا، گھٹ گھٹ رہیا سمائیا۔ جِنہاں پنچھیاں میرا نام جپا، اوہ میرا روُپ نظری آئیا۔ کی اِشارہ دے کے گیا نانک تپا، تار سِتار شبد والی ہِلائیا۔ میرا تیرا وعدہ قؤل اِقرار پکاّ، سَت سچ دیاں سُنائیا۔ اِک ویراں میرے کول آویں جگت دا کرکے اچھا، ڈنڈاوت سیِس جگدیِش جھُکائیا۔ اَگے پھیر رہن دیواں نہ کِسے دی ہتّا، ہتّیا کرن والا نظر کوئے نہ آئیا۔ جوتی جوت سروُپ ہرِ، آپ اپنی کِرپا کر، کرے کھیل ساچا ہرِ، سچ دا حُکم اِک ورتائیا۔ بکرا کہے گوبِند میَں تیرے حاضر حضوُر، حضرتاں دے حضرت سیِس نِوائیا۔ دسّ میرا کی قصوُر، کیوں چُھری میرے سیِس رکھائیا۔ تیرا پُرکھ اکال دا کی دستُور، کی حُکم دِتا دِرڑائیا۔ میَں وی اُس پربھوُ دا نوُر، جو نوُر نوُرانہ اگمّ اتھاہیِا۔ تیرے چرناں لاواں دھوُڑ، ٹِکاّ خاک رمائیا۔ میری منسا کر پوُر، پُری انند دے مالک تیرے اَگے جھولی ڈاہیِا۔ جوتی

جوت سروُپ ہرِ، آپ اپنی کِرپا کر، کرے کھیل ساچا ہرِ، سچ دا بھیوَ آپ چُکائیا۔ گوبِند کہے میَں نِگاہ نال تکیا دوُر، دُراڈا دھیان لگائیا۔ براہ دا بچّہ رووے سوُر، جِس براہ نوُں سارے سیِس نِوائیا۔ اوہ بنیا موُرکھ موُڑھ، جگت چلے نہ کوئے چتُرائیا۔ جِس نوُں سَتجُگ تریتا دواپرپربھوُ دے پریم دا رہیا جوُڑ، تِنّاں ٹنگاں بندھ بندھائیا۔ کلجُگ انتم ہویا چوُرو چوُر، چلے نہ کوئے چتُرائیا۔ جوتی جوت سروُپ ہرِ، آپ اپنی کِرپا کر، کرے کھیل ساچا ہرِ، سچ دا حُکم اِک ورتائیا۔ وِساکھ کہے میَں بڑا سُنیا جھیڑا، جھگڑا جگت لوکائیا۔ میرے صاحِب بنّھ دے بیڑا، بیڑی نئیا نؤکا اپنا نام وکھائیا۔ تیرا وسے اِکو کھیڑا، در ساچے وجےّ ودھائیا۔ پتہ نہیں تُوں جُگ چؤکڑی کِڈا وڈّا کیِتا جیرا، ہٹّھ اپنا آپ کمائیا۔ تیرا روُپ اگمّا شہنشاہ شیرا، تُوں پاتشاہ بےپرواہیِا۔ کلجُگ انت ویکھ لےَ چاروں کُنٹ اندھیرا، ساچا چند نہ کوئے چمکائیا۔ ناتا جُڑیا نہ تیرا میرا، آتم پرماتم میل نہ کوئے مِلائیا۔ میرے دیِن دَیالے پُرکھ اکالے کر دے مِہرا، مِہربان تیری سرنائیا۔ جوتی جوت سروُپ ہرِ، آپ اپنی کِرپا کر، ایکا دینا ساچا ور، صاحِب تیرے ہتّھ وڈیائیا۔ پُرکھ اکال کہے سُنو شبد شبد سواسی، سب نوُں دیاں جنائیا۔ میرا روُپ انوُپ ابناشی، جنم مرن وِچ کدے نہ آئیا۔ میری منڈل منڈپ راسی، دو جہاناں کھیل کھِلائیا۔ میَں کِسے ہتّھ نہ آیا ایُدھیا پراگ کاشی، کھوجن تھاؤں تھائنیا۔ میَں ہر گھٹ انتر واسی، گرِہ گرِہ سوبھا پائیا۔ پر یاد کر لؤ میرا بھیوَ کوئے نہ پاسی، چار جُگ دے اوتار پَیغمبر گُروُ سیِس نِوائیا۔ کلجُگ دی کلا واسطے عیسیٰ نوُں دِتا سی پھاسی، صلیِب ساڈھے تِنّ ہتّھ گل لٹکائیا۔ جوتی جوت سروُپ ہرِ، آپ اپنی کِرپا کر، کرے کھیل ساچا ہرِ، سچ دا بھیوَ آپ کُھلائیا۔ گوبِند کہے جِس ویلے عیسیٰ نوُں دِتا پھاہ، پھاسی گل لٹکائیا۔ سیِس کنڈیا دا تاج دِتا سُہا، سوہنی ونڈ ونڈائیا۔ عیسیٰ خوشی وِچ ماری دھاہ، کوُک کوُک سُنائیا۔ میرا تن تے میری لاش میرا گواہ، دوُجا نظر کوئے نہ آئیا۔ صدی بیِسویں میرے مالکا تیرا راہ رہیا تکا، تقویٰ اِکو اِک وکھائیا۔ جو میرا حق دا خُدا، خود مالک نظری آئیا۔ جیہڑے تَینوُں بُھلے اوہناں نوُں سوُلاں دی سیج دئیں سوا، میرے سیِس دا سیِس اپنے لیکھے لائیا۔ ویکھیِں کِتے میری وصیّت نہ دیویِں گوا، دوُسر ہتّھ پھڑائیا۔ کِتے لیکھا لِکھیِں نہ نال قلم شاہ، کاغذاں چلے نہ کوئے چتُرائیا۔ میری درگاہ ساچی سچکھنڈ تیرے اَگے دُعا، دوئے جوڑ واسطہ پائیا۔ اَگوں خوشی وِچ دُھر دا کلمہ دِتا سُنا، انسُنت آپ جنائیا۔ مسیح وسیع ہو کے جاواں آ، آمد دوُسر نہ کِسے

دِرڑائیا۔ تیرا لہنا دینا دیواں چُکا، چاروں کُنٹ اکھّ اُٹھائیا۔ جوتی جوت سروُپ ہرِ، آپ اپنی کِرپا کر، کرے کھیل ساچا ہرِ، سچ دا حُکم اِک ورتائیا۔ عیسیٰ کِہا میرے نوُری مالکا، نوُرانے دے جنائیا۔ کی میرا لیکھا یاد رکھینگا سابقا، پِچھلا بھیوَ کُھلائیا۔ میرا ناتا قایم رکھینگا باپ دا، پِتا پُرکھ اکال دے دِرڑائیا۔ لہنا جھولی پائینگا اپنے جاپ دا، جو تیرا نام دِھیائیا۔ کی تیرا روُپ ہووےگا اِلاہی پاک دا، پروردِگار دے سمجھائیا۔ کہ بُت ہووےگا مِٹّی خاک دا، پنجاں تتاں گنڈھ پوائیا۔ میرا لہنا پوُرا کریں بھوِکھت واک دا، بیِس بیِسے سیِس نِوائیا۔ تُوں پیارا ہووینگا کیہڑی جماعت دا، کی مذہباں رنگ رنگائیا۔ تیرا دھام کیہڑا ہووے نِواس دا، سچ دینا سمجھائیا۔ جوتی جوت سروُپ ہرِ، آپ اپنی کِرپا کر، کرے کھیل دُھر دا ہرِ، دُھر دی دھار اِک وکھائیا۔ جِس ویلے عیسیٰ دا انت اَخیِری سواس، آکاش آکاشاں دھیان لگائیا۔ ایسے روُپ وِچ نِرگُن دھار آیا پاس، کھنڈا مُکھ وِچ ٹِکائیا۔ یاد رکھیِں میَں پھیر آوانگا آپ، اپنا پھیرا پائیا۔ سب دا سانجھا بناں گا باپ، پُرکھ اکال اِک اکھوائیا۔ ضرور حضوُر ہو کے کراں گا ٹاک، شبد شبدی ناد سُنائیا۔ پتّھراں دا رہن نہیں دینا کوئی ٹھاکر ٹھاک، ٹھوکر اِکو دیاں لگائیا۔ اؤہ ویکھ کی کہندا بھسُنڈ کاگ، مُکھ دو جہان اُٹھائیا۔ کِس بِدھ انتم مکُے واٹ، راہ بِن نیَناں نیَن تکائیا۔ جوتی جوت سروُپ ہرِ، آپ اپنی کِرپا کر، کرے کھیل ساچا ہرِ، سچ دی دھار اِک وکھائیا۔ سمت اٹّھ کہے عیسیٰ موُسیٰ محمد سارے ماردے تالی، خُدا تعالیٰ سیِس نِوائیا۔ جِس دا کھیل تکنا حالی، جو حالت ویکھے خلق خُدائیا۔ جِس نے اپنا نام کلمہ رہن نہیں دینا جعلی، جو صِفت کرکے صِفت صِفت والیاں نال لڑائیا۔ کلجُگ میٹے رَین اندھیری کالی، کلا اپنی آپ ورتائیا۔ کیوں چار جُگ دُھر دی طاقت بِنا پُرکھ اکال توں کِسے کولوں نہ جائے سمبھالی، ایسے کر کے گوبِند سمبل دا لیکھا گیا سمجھائیا۔ جو آد انت سب دا مالی، مالک خالق نوُر اِلاہیِا۔ انت جگت دی میٹے دلالی، وِچولا رہن کوئے نہ پائیا۔ جوتی جوت سروُپ ہرِ، آپ اپنی کِرپا کر، کرے کھیل ساچا ہرِ، سچ دا حُکم اپنے ہتّھ رکھائیا۔ وِساکھ کہے واہ پربھوُ میرے داتے، دَیاوان تیری سرنائیا۔ او پُرکھاں دے پُرکھ بِدھاتے، پت پرمیشور نوُر اِلاہیِا۔ اُٹھ ویکھ اپنی اندھیری راتے، چاروں کُنٹ اندھیرا چھائیا۔ بے شک دیِناں مذہباں والے تَینوُں اکھّراں وِچ گاتے، گا گا اپنا جھٹ لنگھائیا۔ ذرا نِگاہ مار انتر آتم تَینوُں موُل نہ پاتے، پت پرمیشور تیرا میل نہ کوئے مِلائیا۔ تیرے لگّے کوئے نہ آکھے، تَینوُں بُھلی سرب

لوکائیا۔ نام دا تِلک دِسے کِسے نہ ماتھے، مستک نوُر جوت نہ کوئے رُشنائیا۔ جِدھر تکاں اودھر گھاٹے، خالی بھنڈارے نہ کوئے بھرائیا۔ اوتار پَیغمبر گُر کہن انتم آ گئی تیری واٹے، ساڈا پندھ مُکیا چائیں چائنیا۔ در تیرے سارے آئے ناٹھے، بھجےّ واہو داہیِا۔ تُدھ بِن جوت جگے نہ کِسے والی لاٹے، جوتی جوت سروُپ ہرِ، آپ اپنی کِرپا کر، ایکا دینا دُھر دا ور، در تیرے سیِس نِوائیا۔ پُرکھ اکال کہے گُر اوتار پَیغمبر سارے تکو اِک دم، سواس لیَن کوئے نہ پائیا۔ شبدی دھار وِچ کہو جھگڑا میٹیا کایا چمّ، چمّ درِشٹی رہن کوئے نہ پائیا۔ پُرکھ اکال تیری دھاروں پئے جمّ، نوُر تیرا نظری آئیا۔ نہ کوئی ہرکھ نہ کوئی غم، چِنتا چِکھا نہ کوئے ستائیا۔ تیرا نوُر سرِشٹی ساری برہم، پاربرہم تُوں ہی بےپرواہیِا۔ انتم سب دا بیڑا بنّھ، بنھنہار اِک اکھوائیا۔ پُرکھ اکال کہے گُر اوتار پَیغمبر سارے پھڑ لؤ اپنے کنّ، بِن ہتّھاں ہتّھ لگائیا۔ اِک دے دُلارے بنو جن، مان چلے نہ کوئے چتُرائیا۔ سارے رو پؤ نیتر چھمّ چھمّ، نیتر نیَناں نیِر وہائیا۔ جوتی جوت سروُپ ہرِ، آپ اپنی کِرپا کر، کرے کھیل ساچا ہرِ، سچ دا حُکم اِک ورتائیا۔ پُرکھ اکال کہے گُر اوتار پَیغمبر آؤ ویکھو جگت جہان، جوبن ونتیو دیاں جنائیا۔ بھجّو سیِتا رام، رام رام دُہائیا۔ اُٹھ ویکھ گوپی کاہن، بِن نیَناں نیَن اُٹھائیا۔ محمد عیسیٰ سُنو پَیغام، موُسیٰ نیَن مِلائیا۔ کیوں چاروں کُنٹ ہووے قتلِ عام، قتل گاہ خلق خُدائیا۔ کیوں پنکھیروُاں پشوُاں بنیا طعام، کھلّاں رہے لُہائیا۔ کیوں شرع بنی غُلام، زنجِیر نہ کوئے کٹائیا۔ جوتی جوت سروُپ ہرِ، آپ اپنی کِرپا کر، سب توں لیکھا منگے تمام، مذہب دی طمع والیو بھیوَ دیؤ چُکائیا۔ پُرکھ اکال کہے گُر اوتار پَیغمبر ہو گئے جمع، ضامنی نظر کوئے نہ آئیا۔ نہ کوئی ماٹی نہ کوئی چمّا، تن وجوُد نہ کوئے وکھائیا۔ نہ کوئی نوُر جوت نہ کوئی شمع، دیِپک نظر کوئے نہ آئیا۔ نہ کوئی اکھّر نہ کوئی عبارت نہ کوئی پّنا، صِفتاں صِفت نہ کوئے وڈیائیا۔ دُہائی دیوے کہے تارا چنّا، پربھ نے اُلٹی کرنی لوکائیا۔ مذہب دا رہن دینا نہیں کوئی بنّا، حد حدوُد دینی گوائیا۔ جوتی جوت سروُپ ہرِ، آپ اپنی کِرپا کر، کرے کھیل ساچا ہرِ، سچ دا اپنا رنگ وکھائیا۔ گُر اوتار پَیغمبر کہن پربھ دا درس پایا انوکھا، انوکھا نظری آئیا۔ بھگوَن کیہڑا کرن لگّا دھوکھا، دھوکھا سمجھ کوئے نہ پائیا۔ کیہڑے وڑ گیا وِچ کوٹھا، سچ سِنگھاسن ڈیرہ لائیا۔ نہ کوئی ہتّھ وِچ کلس تے نہ کوئی لوٹا، نہ کوئی ویس اویس جنائیا۔ سارے کہن ویکھو اِکو نوُر تے اِکو جوتا، دوُجا نظر کوئے نہ آئیا۔ اُف ہائے کِس دیِاں کریئے سوچاں، سوچ سمجھ رہی نہ رائیا۔ جِس دے پیار وِچ مانیاں مؤجاں، مجلس نام

کلمے نال رکھائیا۔ جوتی جوت سروُپ ہرِ، آپ اپنی کِرپا کر، کرے کھیل ساچا ہرِ، سچ دی اپنی ونڈ ونڈائیا۔ گُر اوتار پَیغمبر کہن پربھوُ سب دے ہتّھ بدھےّ، بندنا سیِس نِوائیا۔ تیرا نوُر کِتوں نہ لبھے، بہُڑی تیرا نام دُہائیا۔ اسیں پِچھلے لیکھے چھڈے، چھڈی کوُڑ لوکائیا۔ تیرے نام نِشانے گڈّے، دو جہان وڈیائیا۔ تیرا پیار لڈائیے لڈّے، دوُجی گود نہ کوئے وکھائیا۔ تیرے نام رس دے سدا مدھے، مدُھر تیری دُھن کرے شنوائیا۔ جوتی جوت سروُپ ہرِ، آپ اپنی کِرپا کر، کرے کھیل ساچا ہرِ، سچ تیرے اَگے منگ منگائیا۔ گُر اوتار پَیغمبر کہن پربھوُ تول دے اپنی تکڑی، تولنہارے تیرے ہتّھ وڈیائیا۔ اسیں اِکو نوُر اِکو جوت اِکو پائی گلوَکڑی، دوُجا روُپ نہ کوئے بنائیا۔ نہ کوئی براہمن نہ کوئی شوُدر نہ کوئی وَیش تے نہ کوئی کھتری، چھتردھاری نظر کوئے نہ آئیا۔ اوتار پَیغمبر گُروُ کہن ساڈا واسطہ کلجُگ انت رہن نہ دیویں جِنہاں وچھّا کٹّا کھادھا بکرا بکری، سوُراں والیاں سِر نہ کوئے کٹائیا۔ تیرا گوبِند سال چڑھ گیا دو سؤ بہتّر توں تِہتری، تِنّاں گُناں دا لیکھا دینا چُکائیا۔ جوتی جوت سروُپ ہرِ، آپ اپنی کِرپا کر، ایکا دینا دُھر دا ور، دُھر مالک بےپرواہیِا۔ کٹّے وچھّ کرن آئے بیننتی، سوُر مُرغے نال مِلائیا۔ پربھوُ ساڈی اِکو لِکھ دے پنگتی، پنجاں تتاں دا ڈیرہ ڈھاہیِا۔ حُکم سُنا دے دو جہان نِرگُن دھار سنگتی، تیرے سنگی گُر اوتار پَیغمبر سوبھا پائیا۔ جِنہاں دی طاقت سانوُں نہیں جمّدی، مارن والا نظر کوئے نہ آئیا۔ سب دی منسا میٹ دے من دی، ترشا ترِکھا ترِسنا دے گوائیا۔ شہادت دے دے تارے چنّ دی، جِنھ صدی چؤدھویں دینی مِٹائیا۔ جوتی جوت سروُپ ہرِ، آپ اپنی کِرپا کر، ایکا دینا ساچا ور، سچ اپنا کھیل کھِلائیا۔ دُرگا کہے میری گا گا پربھوُ جیِبھا ہوئی لال، او دُھر دے لال دیاں جنائیا۔ میَں تیرا اگمّا اوہ بال، جِس نوُں جنمے کوئے نہ مائیا۔ اٹّھاں تتاں والیو جِس نے اٹّھاں شستراں دی کیِتی سنبھال، اوہ سمبل والے دے اَگے اپنا سیِس نِوائیا۔ جِس نوُں جھُکدے کال مہاکال، رائے دھرم چِترگُپت سِر سکے نہ کوئے اُٹھائیا۔ اُس دا نہ کوئی جواب رہیا تے نہ کوئی سوال، لیکھا اَگے نہ کوئے بنائیا۔ اِکو منگ سوُرے سربنگ میری پوُری پا لےَ کیِتی گھال، گھولی گھول گھول گھُمائیا۔ تیری ویکھ کے اولّڑی چال، حَیرانی میرے اندر آئیا۔ میَں کِہا نی کالکا کملیئے اپنا کھّپر لےَ سنبھال، جِس وِچ اٹھاسی لکھّ پدم سُنبھ نِسُنبھ پی کے اپنا جھٹ لنگھائیا۔ نی اُس دا ہُن ویس کمال، کملیئے تَینوُں دیاں دِرڑائیا۔ نہ اوہ بُڈھا تے نہ اوہ بال، جوانی ونڈ نہ کوئے ونڈائیا۔ جوتی جوت سروُپ ہرِ، آپ اپنی کِرپا کر، کرے کھیل

ساچا ہرِ، سچ دا حُکم اِک سُنائیا۔ کھّپر کہے میَں کدے نہیں بھردا، بھرماں والیو دیاں جنائیا۔ میَں سب نوُں چیتا کراواں پِچھلے سال پر دا، پوُرب دیاں جنائیا۔ کیوں وِساکھی دا دِن اِک سی ودّھدا، وادھا سمجھ کِسے نہ آئیا۔ ہُن بھانڈا بھجّنا جگ دا، جگت والیو پَینی دُہائیا۔ اوہ جیہڑا کِتے نہیں لبھدا، پرویش اِکو نوُر اِلاہیِا۔ اُس دا پیالہ سچ دی مد دا، ساچا رس دئے چکھائیا۔ نؤ سؤ چُرانوے چؤکڑی جُگ اَگے یاد رہنا دِہاڑا اجّ دا، چار جُگ چرناں ہیٹھ دبائیا۔ جیہڑا پُرکھ اکال بِنا لتّاں باہواں توں بھجّدا، بھجن بندگی والے ویکھے تھاؤں تھائنیا۔ جِس نوُں نوُر اِلاہی کِہا ربّ دا، عالمیِن بےپرواہیِا۔ بھگتو تُہاڈے بھگت دوارے وِچ اُس انگیارا لایا اگّ دا، اگنی جگت وِچ جلائیا۔ جُگ جنم دے وِچھڑیو تُہانوُں پریم وِچ سدّ دا، سندیسہ شبد نام شنوائیا۔ تُہاڈا روُپ رہن نہیں دینا بغلے بپڑے بپ دا، ہنس دینے بنائیا۔ جوتی جوت سروُپ ہرِ، آپ اپنی کِرپا کر، کرے کھیل ساچا ہرِ، سچ دا حُکم اِک سُنائیا۔ او عیسیٰ کہے آ جا موُسیٰ، او مُسلسل حال سُنائیا۔ ویکھ پربھوُ دا اگمّی سوُسا، سانول سُندر کی اپنی کار کمائیا۔ جِس دا روُپ سمجھ سکے کوئے نہ دوُجا، پڑدا پڑدا نہ کوئے اُٹھائیا۔ جِس نے سب دا دیِن مذہب دا بھانڈا کرنا موُدھا، مُدّعا سب دا ویکھ وکھائیا۔ ہائے دُہائی پَینی اُتے بسُدھا، سُدھ رہے کِسے نہ رائیا۔ او جِسنے بدل دینا جُگا، جُگ چؤکڑی رووے مارے دھاہیا۔ اُس دا نِشانہ کدے نہ اُکا، اُگن آتھن ویکھ وکھائیا۔ جوتی جوت سروُپ ہرِ، آپ اپنی کِرپا کر، کرے کھیل ساچا ہرِ، سچ دا مالک اِک اکھوائیا۔ محمد کہے موُسیٰ ویکھ لےَ مُصاحِب، حضرت عیسیٰ نال مِلائیا۔ تِنّے کہن کِدھر ہو گیا غائب، جگ نیتر نظر کوئے نہ پائیا۔ جِس دا کھیل ویکھو عجائب، عجب لیِلا رہیا ورتائیا۔ اسیں سارے اُس دے نائب، حُکم وِچ سارے بَیٹھے سیِس نِوائیا۔ جِس دا کھیل ہونا جائز، جائزہ لَوے تھاؤں تھائنیا۔ محمد کہے میرا اِمام ایہو ہووے شاید، شہنشاہ بےپرواہیِا۔ جِس نوُں کِہا واحد، واحد نوُری االلہ نوُر اِلاہیِا۔ جوتی جوت سروُپ ہرِ، آپ اپنی کِرپا کر، کرے کھیل ساچا ہرِ، سچ دا رنگ آپ رنگائیا۔ عیسیٰ کہے میریِاں بڑیِاں پُرانیاں اُڈیِکاں، پَیغمبرو دیاں جنائیا۔ میَں نؤ سؤ نڑِنوے وار کڈھیاں نکّ نال یِکاں، لائن لائن نال مِلائیا۔ محمد کہے میَں نؤ سؤ نڑِنوے وار رکھیاں اُمیِداں، انتر اپنے دھیان رکھائیا۔ میَنوُں نؤ سؤ نڑِنوے حُکم دیِاں مِلیِاں رسیِداں، بِنا اکھّراں حرفاں )حُکم( خُدائیا۔ میَں اوہناں نوُں تکاں لا کے نیِجھاں، نیَن نیَناں نال مِلائیا۔ کوَن ویلا میرا اِمام میریِاں پوُریِاں کرے ریِجھاں، گرِہ

میرے پھیرا پائیا۔ سب نوُں دے دیوے تمیِزاں، کوُڑی مت دئے مِٹائیا۔ جِس دیِاں صِفتاں گا نہ سکدیِاں جیِبھاں، رسنا نہ کوئے وڈیائیا۔ میری )صِفت( کرے کی قرآن مجیِدا، جِس قرآن دا کُرہ دینا بدلائیا۔ جوتی جوت سروُپ ہرِ، آپ اپنی کِرپا کر، کرے کھیل ساچا ہرِ، سچ دا رنگ آپ رکھائیا۔ عیسیٰ موُسیٰ محمد کہن اساں تِنّاں بناؤنی تِکونی، تیِر نِشان سُہائیا۔ جِس دی کھیل غمسا ازوہ گؤنی، لوزے نزیز نظر کِسے نہ آئیا۔ اُس دی جوت دھار نہ کِسے چھپاؤنی، بندہ بند نہ کوئے کرائیا۔ سمت شہنشاہی اٹّھ اُس نے سب دی کراؤن آؤنا بؤہنی، بہُمت دا ڈیرہ ڈھاہیِا۔ ساڈی اُمت اُس دی پراہُنی، بَیٹھی آس رکھائیا۔ جوتی جوت سروُپ ہرِ، آپ اپنی کِرپا کر، کرے کھیل ساچا ہرِ، سچ دا سچ آپ بنائیا۔ وِساکھ کہے میَں کِدھروں چڑھیا، عرشا ں تے چڑھن والیو دیؤ سمجھائیا۔ میرا کِس نے گھاڑن گھڑیا، گھڑن والے برہمے دے دِرڑائیا۔ میَں کیہڑی وِدیا پڑھیا، کوَن نام صِفت صالاحیِا۔ کِس دوارے کھڑیا، کوَن دوارے وجےّ ودھائیا۔ کِس مِہربان محبوُب میَنوُں وریا، کوَن کنت سُہاگ سوبھا پائیا۔ کیہڑا روُپ نرائن نریا، نر ہرِ دیؤ وکھائیا۔ جوتی جوت سروُپ ہرِ، آپ اپنی کِرپا کر، کرے کھیل ساچا ہرِ، سچ دا صاحِب وڈ وڈیائیا۔ وِساکھ کہے پربھوُ بدل دے اپنا ورقہ، جگت ورقیاں دی لوڑ رہے نہ رائیا۔ بھیوَ کھول دے اپنے گھر کا، گھرانہ اِکو دینا وکھائیا۔ جِتھے روُپ نظر آوے تیرا نرائن نر دا، دوُجا رنگ نہ کوئے رنگائیا۔ تُدھ بِن کلجُگ انتم کاج موُل نہ سردا، سروسر سارے سیِس نِوائیا۔ لیکھا مُکا دے کایا ماٹی دھڑ دا، دھڑت مذہباں والے اپنی جھولی پائیا۔ قِلعہ توڑ دے ہنکاری گڑھ دا، نِون سو اکھّر اِک سمجھائیا۔ جوتی جوت سروُپ ہرِ، آپ اپنی کِرپا کر، کرے کھیل ساچا ہرِ، سچ دی خوشی آپ بنائیا۔ گُر اوتار پَیغمبر کہن آؤ تکیئے دُھر دا ملنگ، جو ملنگ اِکو اِک اکھوائیا۔ جِس نے سب دے کارنامے کیتے بےرنگ، اُتے مُہر نہ کوئے لگائیا۔ سچ دا رہن نہیں دِتا انند، انند انند وِچوں کھِچائیا۔ نیتر رووے تارا چند، چند سِتار رووے مارے دھاہیِا۔ بہُڑی محمد دا انتم مُکیا پندھ، پاندھی پندھ نہ کوئے بھوائیا۔ جِس دی یاد وِچ محمد نے نمازاں گُزاریِاں پنج، پنجے اُنگلاں مُکھ کنّاں نال چُھہائیا۔ اُس نے جگت دوارے آؤنے لنگھ، پندھ اپنا آپ مُکائیا۔ جِس دا سِنگھاسن لہِندی دِشا ڈہِ گیا پلنگ، چڑھدیوں لہندے جاوے چائیں چائنیا۔ صوُفیاں نوُں پاؤندا جائے ٹھنڈ، بِن حرف حروُف کرے پڑھائیا۔ جگیاَسوُآں جگت من منوُئے دا لگّے جنگ، بُدھی چلے نہ کوئے چتُرائیا۔ جوتی جوت سروُپ

ہرِ، آپ اپنی کِرپا کر، کرے کھیل ساچا ہرِ، سچ دا کھیل آپ کھِلائیا۔ محمد کہے میَں کھول کے بَیٹھا بستہ، بستی اپنی دھیان لگائیا۔ عیسیٰ کہے میَں صاف کیِتا رستہ، رُستم آؤنا بےپرواہیِا۔ موُسیٰ کہے میَں خوشی وِچ ہویا مستا، کوہ طوُر میری آسا پوُر کرائیا۔ میرا محبوُب آوے نسدّا، بھجےّ واہو داہیِا۔ جِس دا نِشانہ اِکو جگدا، جاگرت جوت کرے رُشنائیا۔ اوہ سب نوُں آوے سدّ دا، ہوکا دیوے دُھردرگاہیِا۔ آؤ درس کرو نوُر اِلاہی ربّ دا، جو یامُبیِن اکھوائیا۔ اپنے لِباس وِچ شاہ نواب ہووے پھبدا، فضل رحمت سب دے اُتے اِک کمائیا۔ جوتی جوت سروُپ ہرِ، آپ اپنی کِرپا کر، کرے کھیل ساچا ہرِ، سچ دا حُکم اِک ورتائیا۔ محمد کہے میرے مقبرے وِچ سَوا سیر دُدھ کچّا، کچّی مِٹّی والیو دیاں جنائیا۔ جِس نے نام دا نِشانہ وِچ لاؤنا پکاّ، جِس نوُں جاگ کہے لوکائیا۔ اِشارے نال کنارے تے آن کے دینا دھکاّ، دھکیلے تھاؤں تھائنیا۔ اُس دی وحدت وِچ جھُکے مکّہ، مدیِنہ سیِس نِوائیا۔ کِسے نوُں لگّے موُل نہ پتہ، لاپتے والا لاشریِک اپنا کھیل کھِلائیا۔ اُس نے سب دا لیکھا کر دینا رفع، رفاقت والا نظر کوئے نہ آئیا۔ پھیر وی پیاریاں نوُں دُلاریاں نوُں راہ وِچ دیندے جانا گپھّا، غفلت والے سُتے لینےَ اُٹھائیا۔ جوتی جوت سروُپ ہرِ، آپ اپنی کِرپا کر، کرے کھیل ساچا ہرِ، سچ دا اپنا حُکم ورتائیا۔ سِنگھاسن کہے بھگتو تُہاڈی کیہڑی وِساکھی، آکھ کے دیؤ سُنائیا۔ تُہاڈی کیہڑا کرے راکھی، اُس راکھے نوُں دیؤ ودھائیا۔ لیکھا مُکاوے باقی، لہنا رہے نہ رائیا۔ دیساں پردیساں وِچ تُہاڈی سُناوے ساکھی، ساکھیات اپنا حُکم ورتائیا۔ شاہ سُلطاناں دیندا جائے پاتی، پترکا جگت وِچ وڈیائیا۔ جوتی جوت سروُپ ہرِ، آپ اپنی کِرپا کر، کرے کھیل ساچا ہرِ، سچ دا حُکم اِک سُنائیا۔ پُرکھ اکال کہے لکھّ چؤراسی جیِو جنت میرے، میرا نوُر نظری آئیا۔ کُکڑ سوُر گاں تے وچھےّ کٹّے لِیا نیڑے، بکرا اگلا سنگ بنائیا۔ سَتجُگ وِچ شرع دے رہن موُل نہ جھیڑے، چُھری پھڑے نہ کوئے قصائیا۔ سارے چڑھ گئے اُس پربھوُ دے بیڑے، جِس بیڑے وِچوں باہر نہ کوئے کڈھائیا۔ ضرور پنکھیِاں پنچھیِاں چؤپایاں اُتے کریگا مِہرے، مِہربان دَیا کمائیا۔ جن بھگتو ویکھو اِنہاں دے کِڈے وڈے جیرے، جُگ جُگ گُروُآں پَیغمبراں دے تسیہے سہندے پھیر وی پربھوُ دی آس تکائیا۔ جوتی جوت سروُپ ہرِ، آپ اپنی کِرپا کر، کرے کھیل ساچا ہرِ، سچ دی کرنی کار کمائیا۔ اوہ ویکھو خنزیِر پاؤندا رؤلا، خُدا خُدا تیری دُہائیا۔ بہُڑ جا میرے مؤلا، ملک اُلمؤت توں لےَ چُھڈائیا۔ اسیں آ گئے تیرے ویہڑا، ویہڑے وڑدیاں پار لےَ لنگھائیا۔

بھگتاں نال مِل کے بن گئے تیرے چیرے، چِری وِچھنیِاں اپنا رنگ رنگائیا۔ تُوں سِنگھ شیر شیرے، شیر شبد شبد اکھوائیا۔ او مالکا خالقا ہُن تے لنگھ گئے جُگ بتھیرے، سَتجُگ تریتا دواپرکلجُگ اپنا پندھ مُکائیا۔ ساڈے کٹ دے چؤراسی گیڑے، گیڑے وِچ نہ کوئے بھوائیا۔ جوتی جوت سروُپ ہرِ، آپ اپنی کِرپا کر، ایکا دینا دُھر دا ور، دُھر دا کھیل آپ کھِلائیا۔ کھنزیِر کہے محمدا سُن پُکار، پُنہ پُنہ سیِس نِوائیا۔ صدی چؤدھویں انتم گھڑی آئی دُشوار، دُشمن سجّن سمجھ کوئے نہ پائیا۔ پر اِک خوشی میرے مالک جے ساری سرِشٹی کر دینی ہموار، اوُچاں نیِچاں ڈیرہ ڈھاہیِا۔ ساری آتما دا بن جانا مختیار، مختیارنامے دیِناں مذہباں دے ہتّھو ہتّھ لینےَ منگائیا۔ کِسے نال رہن نہیں دینا اُدھار، اُدر وِچوں جمے ہوئے اوتار پَیغمبر گُروُ انت انت نہ کوئے اکھوائیا۔ اوہ حُکم وِچ آئے وِچ سنسار، حُکم اندر بھجےّ واہو داہیِا۔ نام کلمے گئے اُچار، صِفتاں والی صِفت صالاحیِا۔ انت کر کے گئے پُکار، کلجُگ انتم دھیان لگائیا۔ کل کلکی آوے اوتار، اِمام اِماما دُھردرگاہیِا۔ جِس دا روُپ وکھّرا وِچ سنسار، سنساری بھنڈاری سنگھاری سمجھ سکے نہ رائیا۔ اُس دا لہنا اُس دا دینا اوسے دی کرنی کار، جو قُدرت دا کرتا اِک اکھوائیا۔ سارے ڈنڈاوت وِچ بندنا وِچ سجدیاں وِچ کرو نِمسکار، نِیوں نِیوں سیِس نِوائیا۔ جِس وِساکھی دا دِہاڑا گوبِند دا لیا وِچار، دو سؤ بہتّر سال پِچھوں لہنا جھولی پائیا۔ جوتی جوت سروُپ ہرِ، آپ اپنی کِرپا کر، کرے کھیل ساچا ہرِ، نِہکلنک نرائن نر، مہاراج شیرسِنگھ وِشنوُں بھگوان، جگت ملنگ سچّی سرکار، سِر سِر اپنا حُکم منائیا۔

۸ وِساکھ شہنشاہی سمت ۸ مالوا دوآبہ سنگت نوِت پِنڈ لاڈووال ضِلع لُدھیانہ

وساکھ کہے میَں ویکھی اگمّی ہستی، جو ہست کیِٹاں وِچ سمائیا۔ جِس دی بھگت پیار بستی، نگر کھیڑا آپ سُہائیا۔ آتم دھار اُس دی وسدی، وسے چائیں چائنیا۔ سَتگُر درس نوُں سدا نسدی، بھجےّ واہو داہیِا۔ اوہ میلن نِج نیتر لوچن اکھّ دی، نیَن کَول نیَن نال مِلائیا۔ پرِیا پریِتم پیار وِچ ہسدی، ہنس مُکھ سوہنگ ہنسا روُپ بنائیا۔ دھار لَوے امرت نِجھر رس دی، جگت رسنا رس تجائیا۔ کھیل تکے پُرکھ الکھّ دی، الکھ اگوچر جو دِرڑائیا۔ پریِتی پیار بندھائے نت دی، چرن کوَل کوَل سرنائیا۔ ترِسنا

پوُری کرے پنج تت دی، سنمُکھ سَتگُر درشن پائیا۔ آشا رہے نہ من مت دی، گُرمت میلا سہج سُبھائیا۔ ایہہ کھیل پرمیشور پتِ دی، پاربرہم جو نوُر اِلاہیِا۔ جِس دی کلا کلجُگ دھار انتم جٹّ دی، کِرسانا اپنی کِرس کمائیا۔ اوہدی جوت پرکاش لٹ لٹ دی، نوُر نوُرانہ ڈگمگائیا۔ اوہدی وست شبدی دُھر دے ہٹّ دی، ہٹوانا اِکو اِک اکھوائیا۔ جِس دے یاد وِچ جن بھگتاں ترِسنا نَٹھدی، بھجےّ واہو داہیِا۔ خوشی تکے وِساکھ اٹّھ دی، اٹّھاں تتاں وجےّ ودھائیا۔ جن بھگتو تُہاڈی مِلنی پربھوُ پیار اِکٹّھ دی، اِکٹّھیاں سب دا لیکھا پوُر کرائیا۔ جنم جنم دی میَل سَتگُر سیوا وِچ لتھدی، کرم کرم دا پندھ مُکائیا۔ کلجُگ انتم ایہہ بھگتی رکھی حق دی، کمّ کاج کردیاں پار کرائیا۔ تُہاڈی لاج رکھنی دو جہان نکّ دی، جگت نِشانے نال جھُلائیا۔ تُہاڈی لیکھے لاؤنی اِک اِک بوُند رتّ دی، جو بِردھ بال جوان پسینہ رہے وگائیا۔ اِس توں پرے ہور کھیل نہیں کوئی تپ دی، جگت تپیِشر ہتّھ کدے نہ آئیا۔ جن بھگتو تُہاڈے کرماں دی فصل پکدی، کُکرماں دا لیکھا دئے مُکائیا۔ جوتی جوت سروُپ ہرِ، آپ اپنی کِرپا کر، کرے کھیل ساچا ہرِ، نِہکلنک نرائن نر، مہاراج شیرسِنگھ وِشنوُں بھگوان، دھار اِک پُرکھ سمرتھ دی، سمرتھ اپنی دَیا کمائیا۔

۱۵ وِساکھ ہرِ بھگت دوار جیٹھوُوال گُرداس پُر دی سنگت نوِت ضِلع امرتسر

وساکھ کہے میرا سماں بیِتیا اَدھا، اَدھواٹے ویکھاں جگت لوکائیا۔ کوٹاں وِچوں کِسے وِرلے گُرمُکھ مِلیا سدّا، شبدی نام شبد شنوائیا۔ جو پرم پُرکھ سرنائی لگّا، لگ ماتر دا ڈیرہ ڈھائیا۔ اوہدا جگت جہان ودھیا اَگا، آگمن وِچ اوتار پَیغمبر گُروُ راہ تکائیا۔ ہنس روُپ نہ ہویا کگّا، ہنس گُرمُکھ سوبھا پائیا۔ سچ دوار دی مِلی جگہ، گھر ساچے وجےّ ودھائیا۔ اِکو نام خُماری پیتی مدھا، مدُھر دُھن سُن کے اپنا آپ بدلائیا۔ سچ منزل دا ساچا پتہ، سچکھنڈ ساچے وجےّ ودھائیا۔ جِس دا اِکو دیِپک جوت پرکاش جگا، دو جہان کرے رُشنائیا۔ جِس نے دھرم دی دھار نِشانہ گڈّا، گائیڈ ہو کے ویکھ وکھائیا۔ جن بھگتاں لڈائے اپنا لڈّا، گودی دُھر دی اِک ٹِکائیا۔ جِنہاں سیوا وِچ جگت وِکار وڈّھا، پیار دُھر دا نال رکھائیا۔ اوہناں لیکھا مُکیا چؤراسی کھڈّا، مات گربھ نہ ونڈ ونڈائیا۔ جگت جہان ہویا وڈّا، انمُل مِلی دات بےپرواہیِا۔ کوُڑ کِریا ناتا چھڈا، چُھٹکی جگت لوکائیا۔ لیکھے لگّے بُڈھا نڈھا،

نؤجوانا وجےّ ودھائیا۔ جھگڑا رہے نہ ماس ناڑی ہڈّا، پنج تت اپنے تن رنگائیا۔ جوتی جوت سروُپ ہرِ، آپ اپنی کِرپا کر، کرے کھیل ساچا ہرِ، سچ دا رنگ آپ رنگائیا۔ وِساکھ کہے میَں اَدھا بیِتا، بیِتی کہانی دیاں جنائیا۔ میرے دِن رام بچن دِتا سیِتا، سیِتا سَت حُکم دِرڑائیا۔ اؤہ ویکھ ترےَگُن اتیِتا، کی اپنا کھیل کھِلائیا۔ جو لکھّ چؤراسی پرکھے نیِتا، گھٹ گھٹ ویکھے تھاؤں تھائنیا۔ جو آد انت پتت پُنیِتا، پتت پاوَن اِک اکھوائیا۔ اوہ کلجُگ انتم بدل رہیا ریِتا، ریِتیوان اپنا حُکم سُنائیا۔ جِس لیکھا مُکاؤنا مندر مسیِتا، شِودوالے ونڈ نہ کوئے ونڈائیا۔ اِکو دسےّ سچ چرن پریِتا، پریِتم ہو کے دُھر دا ماہیِا۔ پِچھلیِاں بدل دیوے تواریِخاں، چار جُگ دا پندھ مُکائیا۔ جوتی جوت سروُپ ہرِ، آپ اپنی کِرپا کر، کرے کھیل ساچا ہرِ، سچ دا حُکم اِک ورتائیا۔ وِساکھ کہے میَں اَدھا گیا لنگھ، بھجّیا واہو داہیِا۔ میرے دِوس گوبِند بچن دِتا پُری انند، پربھ انند وِچ اپنا آپ ٹِکائیا۔ نالے ہسّ کے تُوں میرا میَں تیرا گایا چھند، سوہنگ ڈھولا دُھردرگاہیِا۔ پھیر نِشان ویکھیا تارا چند، چند سِتار ویکھ وکھائیا۔ پھیر نِگاہ ماری میرا شستراں والا جنگ، جگت جگت نال لڑائیا۔ گُرمُکھ وِرلے لاؤنے انگ، انگیکار اِک اکھوائیا۔ پھیر ویکھنا کلجُگ انتم پندھ، پاندھی ہو کے پھیرا پائیا۔ شبد بولیا اُچی بتّی دند، رسنا جِہوا نال مِلائیا۔ جِس ویلے آوے صاحِب سوُرا سربنگ، ہرِ کرتا دُھردرگاہیِا۔ اُس ویلے سرِشٹی ہووے دنگ، حَیرانی وِچ پریشانی نال مِلائیا۔ ساچا چاڑھے کوئے نہ رنگ، رنگت رنگ نہ کوئے رنگائیا۔ میری آشا منسا پوُری کرے اُمنگ، میرا داتا دُھردرگاہیِا۔ آپ بَیٹھ کے اُپر پلنگ، ہرِجن ساچے لئے ترائیا۔ جِنہاں دا لیکھا پوُرا کرے کھادھا پیِتا جگت ڈنگ، ڈنکا نام والا وجائیا۔ جِس دے کول بھگت اُدھارن دا وکھّرا ہووے ڈھنگ، مالا منکے نہ کوئے رکھائیا۔ کوجھیاں کملیاں غریِب نِمانیاں سچکھنڈ دیوے ٹنگ، جِتھے ٹنگاں والا کوئی پُج سکے نہ رائیا۔ جھگڑا میٹ دیوے جیرج انڈ، اُتبُھج سیتج دا پندھ مُکائیا۔ چرن پریِتی خوشی نال دیوے ونڈ، خوشی بند بند رکھائیا۔ در آیاں سیِنے پاوے ٹھنڈ، اگنی تت تت گوائیا۔ پندراں وِساکھ کہے گوبِند تِنّ دِن نِیلے اُتے کسدا رہیا سی تنگ، تن شستر نال سُہائیا۔ پھیر ویکھدا رہیا ولّ پُری انند، بِن اکھّاں اکھّ اُٹھائیا۔ پھیر تکدا رہیا برہمنڈ، لوآں پُریاں پرے نِگاہ ٹِکائیا۔ پھیر چرن کوَل نال کیِتی ونڈ، سجّا کھبےّ نال بدلائیا۔ جِس ویلے میرا صاحِب آوے سوُرا سربنگ، سَتگُر نوُر اِلاہیِا۔ جن بھگتاں انتر آتم دیوے پرمانند، پرم پُرکھ وڈ وڈیائیا۔ اُس ویلے سمت شہنشاہی

اٹّھ دا ہووے چند، چند سِتار سیِس نِوائیا۔ میری آشا منسا پوُری کرے اُمنگ، حاضر ہو کے ویکھ وکھائیا۔ جوتی جوت سروُپ ہرِ، آپ اپنی کِرپا کر، کرے کھیل ساچا ہرِ، نِہکلنک نرائن نر، مہاراج شیرسِنگھ وِشنوُں بھگوان، گُرمُکھاں بھاگ ہون نہ دیوے مند، مندبھاگی سد اپنے رنگ رنگائیا۔