کتب خانہGranth 23 (Urdu)

۱۸ ہاڑ شہنشاہی سمت ۸ ہرِ بھگت دوار جیٹھوُوال شادیاں دے سمیں ضِلع امرتسر

پُرکھ اکال کہے سُن شبد انادی سُت، دوُلھے دُھر دے دیاں جنائیا۔ نِرگُن دھار اپنی ویکھ اگمّی رُت، نِروَیر ہو کے اکھّ اُٹھائیا۔ حُکم منّنا ابناشی اچُت، پاربرہم پربھ رہیا دِرڑائیا۔ پردہ اوہلا رہے نہ لُک، بھیوَ ابھیوَ دینا کُھلائیا۔ بھاگ لگاؤنا کایا پنج تت بُت، بُتخانیاں ویکھ وکھائیا۔ میرے نؤجوان مرد مردان اوتاراں پَیغمبراں گُروُآں کولوں پُچھ، سندیسہ دے اگمّ اتھاہیِا۔ کیوں جگت جہان تتاں رہیا جھُک، نِرگُن سیِس نہ کوئے نِوائیا۔ کیوں آتم پرماتما بُھلی تُک، تُوں میرا میَں تیرا ڈھولا کوئے نہ گائیا۔ سَت دھرم دا بوُٹا رہیا سُک، امرت سِنچ ہرا نہ کوئے کرائیا۔ پیار مُحبّت دی دھار وِچوں اُٹھ، پرگٹ اپنی لےَ انگڑائیا۔ کلجُگ انتم آپ تُٹھ، مِہربان ہو کے ویکھ وکھائیا۔ کوُڑی کِریا جڑ پُٹ، مایا ممتا دے گوائیا۔ شرع شریِعت دی رہے کوئے نہ لُٹ، ہؤمے ہنگتا گڑھ دینا تُڑائیا۔ نؤ کھنڈ پرِتھمی ستّ دیِپ رہنا نہیں چُپ، اُتّر پوُرب پچھّم دکھّن بھجّنا واہو داہیِا۔ صدی چؤدھویِں سوُریہ رہیا چُھپ، سَت آفتاب نظر کوئے نہ آئیا۔ کیوں کائنات ہویا اندھیرا گھُپ، ساچا چند نہ کوئے چمکائیا۔ جوتی جوت سروُپ ہرِ، آپ اپنی کِرپا کر، ایکا دینا دُھر دا ور، در تیرے کھیل کھِلائیا۔ سَتگُر شبد کہے میرے پُرکھ اکالے باپ، مات پِت تیری وڈیائیا۔ میَں نِرگُن دھار کراں بات، رسنا جِہوا بتّی دند نہ کوئے وڈیائیا۔ دُھر سندیسہ دیواں آکھ، بِنا اکھّر اکھّر جنائیا۔ اوتار پَیغمبر گُروُ گُردیو مارو جھات، سچکھنڈ دوارے در دروازہ اگمّ کُھلائیا۔ کیوں دیِناں مذہباں جگت اندھیرا پایا

رات، سَت سچ نہ کوئے رُشنائیا۔ اپنا لیکھا ویکھو جو لِکھیا قلم دوات، چارجُگ دے شاستر دین گواہیِا۔ کی بھوِکھتاں وِچ درِشٹاں وِچ آئے آکھ، ڈھولے دیِن دُنی سُنائیا۔ بِنا پُرکھ اکال توں کِسے دی پُچھے کوئی نہ وات، واتاوَرن بدلے جگت لوکائیا۔ جوتی جوت سروُپ ہرِ، آپ اپنی کِرپا کر، دیونہارا ساچا ور، سچ دا حُکم اِک ورتائیا۔ سَتگُر شبد کہے تیئی اوتار لاہو پردہ، پردہ رہن کوئے نہ پائیا۔ جگت جہان ویکھو سڑدا، اگنی تت نہ کوئے بُجھائیا۔ کھیل ویکھو ہنکار گڑھ دا، سانتک سَت نہ کوئے ورتائیا۔ پربھ دا کھیل تکّنا لہندا چڑھدا، دکھّن پہاڑ سوبھا پائیا۔ جو روُپ دھرے نرائن نر دا، نر ہرِ اپنا کھیل کھِلائیا۔ تُساں بیان دِتا اوہ مالک گھر گھر دا، تن وجوُدا سوبھا پائیا۔ نہ جنمے نہ مردا، اگنی اگّ نہ کوئے تپائیا۔ جِس دا کلمہ نام تت وجوُد پڑھدا، صِفتاں وِچ صِفت صالاحیِا۔ اوہ لیکھا لہنا سب توں منگدا، منگنہار بےپرواہیِا۔ جن بھگتاں کایا چولی رنگدا، رنگ اِک چڑھائیا۔ ناتا توڑے بُھکھ ننگ دا، جگت ترِسنا دئے مِٹائیا۔ بھیوَ کُھلائے ہنگ برہم دا، پاربرہم پربھ اپنا میل مِلائیا۔ جو مالک خالق پوَن سواسی دم دا، دامنگیِر اِک ہو جائیا۔ اوہ جگت ناتا جوڑے ماٹی چمّ دا، تتو تتاں نال مِلائیا۔ جوتی جوت سروُپ ہرِ، آپ اپنی کِرپا کر، کرے کھیل ساچا ہرِ، سچ دا حُکم اِک سُنائیا۔ سَتگُر شبد کہے پَیغمبرو مُکھ توں لاہو نقاب، نُقطہ رہن کوئے نہ پائیا۔ جِس محبوُب نوُں کیِتا آداب، سجدیاں وِچ سیِس جھُکائیا۔ اُس دا حُجرہ تکّو محراب، محوخانہ کھوج کھوجائیا۔ جِتھے نہ کوئی سوال نہ کوئی جواب، اکھّراں والی نہ کوئے پڑھائیا۔ نہ کوئے حِصّہ نہ کوئی باب، شرع ونڈ نہ کوئے ونڈائیا۔ نہ کوئی ڈھولا گیِت راگ، کلمہ کلام نہ کوئے جنائیا۔ جوتی جوت سروُپ ہرِ، آپ اپنی کِرپا کر، سد اپنا کھیل کھِلائیا۔ پَیغمبرو ویکھو جگت جہان دی شرع، شریِعت کھوج کھوجائیا۔ پوُرب لیکھا تکّو اپنے گرِہ درا، گھر پردہ آپ چُکائیا۔ جِس دی آد انت دھار وِچ نہ کوئے جیِوت نہ کوئے مرا، ایکا جوت نوُر رُشنائیا۔ جِس دا حُکم دُھر فرمانا بڑا، نہ کوئے میٹے میٹ مِٹائیا۔ جِس نے تُہاڈا مانَو ذاتی نال بنایا دھڑا، مانَس مانُکھ کھوج کھوجائیا۔ اوہ سَت دوارے درگاہ ساچی کھڑا، کھنڈا کھڑگ نہ کوئے اُٹھائیا۔ جِس دا نام کلمہ سب نے پڑھا، اکھّر اکھّر میل مِلائیا۔ اوہ نِگاہ مارے اپنی جگہ، جگہ جگہ ویکھ وکھائیا۔ جِس کھیل کھِلایا طرح طرح، جوتی جوت سروُپ ہرِ، آپ اپنی کِرپا کر، کرے کھیل ساچا ہرِ، سچ دا حُکم اِک ورتائیا۔ سَتگُر شبد کہے گُروُ گُردیوا، دیوَ آتما ویکھ وکھائیا۔ نِگاہ مارو دھام نِہچل نِہکیوا، بِن نیَناں نیَن اُٹھائیا۔ کی

کھیل کرے الکھ ابھیوا، اگوچر بےپرواہیِا۔ جِس دی صِفت چارے بانی کرے نال جِہوا، پرا پسنتی مدھم بَیکھری ڈھولے رہی گائیا۔ جوتی جوت سروُپ ہرِ، آپ اپنی کِرپا کر، کرے کھیل ساچا ہرِ، سچ دا کھیل آپ کھِلائیا۔ سَتگُر شبد کہے سُنو حُکم اتھاہ، بودھ اگادھ دِرڑائیا۔ پربھ مالک بے پرواہ، بے پرواہی وِچ سمائیا۔ وِشن برہما شِو رہیا اُٹھا، ترےَگُن اتیِتا دَیا کمائیا۔ سوادھان ہو کے سچ دوارے جانا آ، بھجّنا واہو داہیِا۔ سندیسہ سُننا تھاؤں تھاں، بچیا رہن کوئے نہ پائیا۔ رُت سُہنجنی سُہاوَنی کرے مِہرواں، مِہر نظر اِک اُٹھائیا۔ اپنی کرنی دا لیکھا اپنے کول لیَنا اُٹھا، نؤ سؤ چُرانوے چؤکڑی پِچھلا ویکھ وکھائیا۔ جوتی جوت سروُپ ہرِ، آپ اپنی کِرپا کر، کرے کھیل ساچا ہرِ، سچ دا پردہ آپ چُکائیا۔ اوتار پَیغمبر ویکھے کھیل اپارا، اپرمپر آپ دِرڑائیا۔ دیِناں مذہباں تکّو نِرگُن نیَن اکھّ اُگھاڑا، جگت لوچن دی لوڑ رہے نہ رائیا۔ شرع شریِعت ویکھو اکھاڑا، نؤ کھنڈ پرِتھمی کھوج کھوجائیا۔ مِتی یاد رکھنی ویہہ سؤ اٹّھ سمت شہنشاہی اٹّھ، اِکیاں دا لیکھا وِچوں باہر کڈھائیا۔ جوتی جوت سروُپ ہرِ، آپ اپنی کِرپا کر، آپ اپنا کھیل رہیا وکھائیا۔ گُر اوتار پَیغّبر کہن ساڈا سچکھنڈ دوارا سوبھاوَنت، سوبھنیک اکھوائیا۔ جِتھے اِکو سب دا کنت، دوُجا سنگ نہ کوئے وکھائیا۔ اِکو نام اگمّا منت، اِکو داتا صِفت صالاحیِا۔ اِکو آد اِکو انت، اِکو مدھ کھیل کھِلائیا۔ اِکو بنائے ساچی بنت، جِس دا روُپ رنگ ریکھ نظر کوئے نہ آئیا۔ اِکو اگمّی ہووے پنڈت، جِس دی سِکھیا اکھّراں وِچ کدے نہ آئیا۔ جوتی جوت سروُپ ہرِ، آپ اپنی کِرپا کر، دیونہار سچّی سرنائیا۔ سَتگُر شبد کہے میرا حُکم اگمّا اِک، ایکنکار رہیا دِرڑائیا۔ سب دا لیکھا سب دے وِچ، پردیاں پردیاں وِچ چُھپائیا۔ سَتجُگ تریتا دواپرگھر لہنا چِت، کلجُگ اپنے نال مِلائیا۔ کیوں جگت سُرت نہ جائے ٹِک، انتشکرن ہوئے نہ کوئے صفائیا۔ دیِن مذہب دا لیکھا نہ سکے نجِٹّھ، دھرم دی دھار رووے مارے دھاہیِا۔ اوہ تکّو دھرنی دھرت دھوَل رہی پِٹ، بِن نیَناں نیِر وہائیا۔ کیوں سب نے دیِن دُنی دِتی پِٹھ، پُشت پناہ ہتّھ نہ کوئے ٹِکائیا۔ منزل پؤڑی راہ مکُے نہ سَوا گِٹھ، دو جہاناں پندھ نہ کوئے چُکائیا۔ کیوں آتما پرماتما بُھلیا ہِت، پاربرہم مِل کے وجےّ نہ کِسے ودھائیا۔ کیوں ٹھگؤری آئی چِت، من بھجےّ واہو داہیِا۔ جوتی جوت سروُپ ہرِ، آپ اپنی کِرپا کر، کرے کھیل ساچا ہرِ، سچ دا مالک اِک اکھوائیا۔ اوتار پَیغمبر گُر کہن دئیے اِک صلاح، مشورہ سَتگُر شبد نال پکائیا۔ ساڈے چار جُگ دے وکھّرے وکھّرے راہ، رہبر بن کے

آئے دِرڑائیا۔ شاستر سِمرت وید پُران ساڈے گواہ، اِنجیِل قرآن لیکھا رہے سُنائیا۔ کھانی بانی بھیوَ نہ را، پردہ اوہلا کوئے نہ پائیا۔ بے شک اساں سب نوُں دسّیا اِکو پِتا تے اِکو ماں، پروردِگار اِک اکھوائیا۔ پربھوُ تیرے حُکم نال وکھّرے وکھّرے دسّ کے ناں، کلمہ کائنات سُنائیا۔ جھگڑا پایا تھاؤں تھاں، دھرنی دھرت دھوَل دھؤل رہی سُنائیا۔ انتم سب دی پکڑے کوئے نہ بانہہ، لہنا سکے نہ کوئے چُکائیا۔ اسیں بھوِکھتاں وِچ لِکھتاں وِچ درِشٹاں وِچ اِشٹاں وِچ آئے جنا، دُھر دا حُکم اِک جنائیا۔ جِس ویلے کلجُگ انتم جائے آ، صدی بیِسویں اپنا رنگ وکھائیا۔ صدی چؤدھویِں سِر توں پلّوُ لَوے لاہ، اوڈھن سیِس نہ کوئے رکھائیا۔ سَت دھرم دی دیوے کوئے نہ چھاں، کلجُگ اگنی اگّ تپائیا۔ اُس ویلے کِرپا کرے مِہرواں، محبوُب نوُر الاہیِا۔ جو ہر گھٹ کرے رُشنا، جوتی جاتا ڈگمگائیا۔ اوہ سب دا ساڈھے تِنّ ہتّھ ویکھے گراں، کایا مندر کھوج کھوجائیا۔ جن بھگتاں مِلن دا رکھے چاء، چاؤ گھنیرا اِک درسائیا۔ جِس نوُں گوبِند نے کِہا واہو واہ، واہِگُروُ تیری بےپرواہیِا۔ جوتی جوت سروُپ ہرِ، آپ اپنی کِرپا کر، کرے کھیل ساچا ہرِ، ہرِ وڈّا وڈ وڈیائیا۔ پُرکھ اکال کہے سُن شبد پیارے سوُت، سَت سچ سُنائیا۔ اوتار پَیغمبر گُروُ تیرے دوُت، دو جہاناں کھیل کھِلائیا۔ میَں مالک اگمّ اوُچ، اوُچ اتھاہ اِک اکھوائیا۔ میَتھوں اگلا حال پُچھ، بھیوَ ابھیدا دیاں کُھلائیا۔ پِچھلا پیَنڈا جائے مُک، جگت جگیاسوُآں دینا سُنائیا۔ جِس طرح اوتار پَیغمبر گُروُ میری اِکو گاؤندے تُک، تُوں میرا میَں تیرا ڈھولا گائیا۔ ایسے طرح دیِن دُنی دا بدلنا رُخ، رُخصت مذہباں وِچوں جنائیا۔ سب نے اِکو نوُں جانا جھُک، واحد اِکو نوُر الاہیِا۔ سَت سُہنجنی کرنی رُت، مؤلا ہو کے ویکھ وکھائیا۔ اوہ ویلا گیا ڈُھک، اوتار پَیغمبر گُروُ دین گواہیِا۔ جوتی جوت سروُپ ہرِ، آپ اپنی کِرپا کر، کرے کھیل ساچا ہرِ، سچ دا میلا آپ مِلائیا۔ اوتار کہن پربھ شبدی دھار ساڈی منگ، شبد شبد شنوائیا۔ تُوں صاحِب سوُرا سربنگ، تیرے ہتّھ وڈیائیا۔ سانوُں چاڑھ دے ساچا رنگ، سَت رنگ تیرا نظری آئیا۔ جھگڑا رہے نہ چنڈ پرچنڈ، تیِر ترکش دا ڈیرہ ڈھاہیِا۔ تیرا کھیل تکّیئے وِچ برہمنڈ، پُری لوء وجےّ ودھائیا۔ خوشیاں وِچ پِھرن سوُریہ چند، منڈل منڈپ بھجّن واہو داہیِا۔ اسیں ہوکا دینا ساڈا مُکیا پندھ، اَگے واٹ رہی نہ رائیا۔ کلجُگ دینا نہیں کوئی سنگ، سگلا سنگ نہ کوئے بنائیا۔ سَت دھرم دا کوُڑی کِریا نال ہونا جنگ، جھگڑا سکے نہ کوئے مِٹائیا۔ مایا ممتا کرنی کھنڈ کھنڈ، کھنڈا دُھر دا اِک اُٹھائیا۔ جوتی جوت سروُپ ہرِ، آپ

اپنی کِرپا کر، ایکا دینا ساچا ور، سچ دا حُکم اِک سُنائیا۔ پَیغمبر کہن پروردِگار ساڈا سجدہ، بے نظیِر سیِس نِوائیا۔ ایہہ کھیل تیرے اگمّے گھر دا، جِس گرِہ نوُں ویکھن کوئے نہ پائیا۔ جِتھے اِکو نوُر تیرا نرائن نر دا، جوتی جوت ڈگمگائیا۔ جو حُکم سندیسہ گھلدا، شبدی شبد شبد پڑھائیا۔ کلمہ کائنات تیرا در ملدا، درویش ہو کے سیو کمائیا۔ اسیں جانیا تیرا کھیل اچھل اچھل دا، ول چھل تیری بےپرواہیِا۔ ہُن ساڈا ویلا جاندا ڈھلدا، عیسیٰ موُسیٰ محمد سیِس نِوائیا۔ کِسے نوُں پتہ نہیں گھڑی پل دا، کی پاربرہم اپنا حُکم ورتائیا۔ جھگڑا میٹنا کایا ماٹی کھل دا، خالق خلق دَیا کمائیا۔ تیرا حُکم اِکو اٹل دا، نہ کوئی میٹے میٹ مِٹائیا۔ جوتی جوت سروُپ ہرِ، آپ اپنی کِرپا کر، ایکا پردہ دینا چُکائیا۔ گُر سَت سَتگُر کہن صاحِب ابناشا، سو پُرکھ نِرنجن تیری سرنائیا۔ ہرِ پُرکھ نِرنجن تیرا کھیل تماشا، ایکنکار تیری وڈ وڈیائیا۔ آد نِرنجن تیرا نوُر پرکاشا، جوتی جوت ڈگمگائیا۔ سِری بھگوان پاوے راسا، بِن گوپی کاہن کھیل کھِلائیا۔ ابناشی کرتا بن کے جاتا، جوتی جاتا اِک اکھوائیا۔ پاربرہم برہم دا بن کے پِتا ماتا، نِرگُن نوُر نوُر اِک پرگٹائیا۔ جُگ چؤکڑی تیرا کھیل تماشا، سَتجُگ تریتا دواپرکلجُگ ونڈ ونڈائیا۔ روُپ دھرے کل بازی گر ناٹا، سوانگی اپنا سوانگ ورتائیا۔ نام کلمے دا کھول کے ہاٹا، ہٹّی شرع والی سمجھائیا۔ انتم سب دی میٹے واٹا، انت رہن کوئے نہ پائیا۔ تیرے نال اِکو اگمّی ناتا، جِس نوُں سکے نہ کوئے تُڑائیا۔ آتم پرماتم دُھر دی گاتھا، جِس دی بدلی نظر کوئے نہ آئیا۔ جوتی جوت سروُپ ہرِ، آپ اپنی کِرپا کر، کرے کھیل ساچا ہرِ، سچ دی کرنی کار کمائیا۔ پُرکھ اکال کہے اوتار پَیغمبر گُر میرے دوُلھے لال، لالن ہو کے دیاں جنائیا۔ پوُرب دا پِچھے بیِتیا کال، جُگ چؤکڑی اپنا پندھ مُکائیا۔ سچکھنڈ ویکھو کھیل حق حلال، دوُجی نظر کوئے نہ آئیا۔ دیِن دُنی تکّو چال، کی ریِتی دئے گواہیِا۔ سرِشٹی درِشٹی اندر ہوئی بےحال، بِہبل ہو کے مارے دھاہیِا۔ کِسے دا حل نہ ہوئے سوال، انکڑے کمّ کِسے نہ آئیا۔ پھل لگّے نہ کایا ڈال، سِنمل رُکھ رہے لہرائیا۔ چارے کُنٹاں کرے بھال، بھجےّ واہو داہیِا۔ کوَن آتم مِلی پرماتم نال، مِل کے وجےّ ودھائیا۔ کیوں تُہاڈے ہُندیاں ترےَگُن مایا پیا جنجال، جاگرت جوت نہ کوئے جگائیا۔ کیوں نہیں سُرت سب دی سکے سنبھال، گھر گھر اندر ویکھ وکھائیا۔ کیوں نام خزانہ لُٹیا دھن مال، مایا ممتا ہوئی ہلکائیا۔ پریم نال پُچھے دیِن دَیال، درگاہ ساچی آپ سُنائیا۔ جوتی جوت سروُپ ہرِ، آپ اپنی کِرپا کر، بھیوَ ابھیدا آپ کُھلائیا۔ گُر اوتار پَیغمبر کہن پربھ تیری مِہربانی، مِہربان تیری

سرنائیا۔ ساڈی نام کلمے دی نِشانی، دیِن دُنی دے گرنتھ دین گواہیِا۔ شہادت دیوے اٹھسٹھ تیِرتھ پانی، گنگا گوداوری جمنا سُرستی نال مِلائیا۔ کی لہنا دینا جیِو پرانی، پُنہ پُنہ سیِس نِوائیا۔ پر سچ دسّیئے ساڈا جھگڑا جگت دیِوانی، پوُرب دا چلیا آئیا۔ اساں ونڈ ونڈائی جِسم جِسمانی، شرع زنجیر نال بندھائیا۔ تیرے کلمے دی تیرے نام دی جگت جگیاسوُآں کولوں لئی قُربانی، دھڑ سیِس وکھّ کرائیا۔ آتم برہم پاربرہم سچ شبد شبد سچ آد انت دا گیانی، جِس دا گیان جگت دھیان وِچ کدے نہ آئیا۔ تیری مہما دی صِفت صالاح دی وڈیائی دی نِراکھّر دھار وِچوں اکھّراں نال لِکھائی بانی، بان انیالا تیِر چلائیا۔ انت اَخیِر صدی چؤدھویِں بُھل گئے کلجُگ جیِو نادانی، نِگاہ نِگاہ نہ کوئے اُٹھائیا۔ شرع چُھری ہوئی دیِن مذہب والی شیَطانی، تیرا رنگ رنگ نہ کوئے رنگائیا۔ ساڈی اِکو منگ کِرپا کر شاہ سُلطانی، شہنشاہ اپنی دَیا کمائیا۔ تُوں ہر گھٹ اندر جان جانی، جاننہار اِک اکھوائیا۔ کلجُگ کوُڑی کِریا شرع دی میٹ طُغیانی، شؤہ دریا رُڑھائیا۔ مایا ممتا منسا من نہ رہے ابِھمانی، ہؤمے روگ دینا چُکائیا۔ جوتی جوت سروُپ ہرِ، آپ اپنی کِرپا کر، ایکا گرِہ دینا وکھائیا۔ گُر اوتار پَیغمبر کہن ساڈے شہنشاہ نواب، بے پرواہ تیری سرنائیا۔ اسیں منگ منگیئے آج، ہاڑ اٹھاراں نال مِلائیا۔ تیرے سیِس سوہنا سُہنجنا سوہوے تاج، تخت نِواسی نظری آئیا۔ دیِن دُنی دا دُھر دے حُکم نال بدل سماج، سمگری اپنا نام ورتائیا۔ چار ورن اٹھاراں برن سوئی سُرتی جائے جاگ، جاگرت جوت کر رُشنائیا۔ شبد اگمّی وجےّ ناد، انحد نادی دُھن شنوائیا۔ ہنس بناوے پھڑ کے کاگ، کاگوں ہنس اُڈائیا۔ گرِہ دیِپک جوت جگے چراغ، اندھ اندھیرا رہے نہ رائیا۔ دُرمت میَل دھو داغ، پاپاں کر صفائیا۔ ساری سرِشٹی دی درِشٹی دی اپنے ہتّھ پھڑ واگ، ڈوری اپنے نام بندھائیا۔ ساڈا تیرے وِچ تیرا روُپ تیرا نام کلمہ تیری نماز، نمو نمو کہہ کے سیِس نِوائیا۔ جوتی جوت سروُپ ہرِ، آپ اپنی کِرپا کر، ایکا حُکم دینا ورتائیا۔ گُر اوتار پَیغمبر کہن ساڈی ڈنڈاوت بندنا سجدہ سلام، صاحِب سوامی سیِس نِوائیا۔ تُوں آد جُگادی نؤجوان، مرد مردان اِک اکھوائیا۔ تیرا روُپ رنگ ریکھ سکے نہ کوئی پہچان، جگ نیتر نظر کوئے نہ آئیا۔ تُوں سب نوُں جُگ جُگ دیندا آیا دان، گُر اوتار پَیغمبراں جھولی نام بھرائیا۔ پر ساڈی اِک بیننتی مان، نِمرتا وِچ سیِس نِوائیا۔ تَینوُں پَیغمبراں کِہا اِمام، نوُر نوُرانہ نوُر الاہیِا۔ کل کلکی تیرا نِشان، نِشانے دو جہان کھوج کھوجائیا۔ ساڈا پِچھلا لیکھا نہ پہچان، بے پہچان بےپرواہیِا۔ ساڈا پیار مُحبّت کر

پروان، پرم پُرکھ تیری وڈیائیا۔ اسیں بولیئے بِنا زبان، شبدی شبد شنوائیا۔ تُوں خالق خلق زِمیں اسمان، دو جہاناں سوبھا پائیا۔ ساری دُنیا دا اِک دھرم تے اِک کر دے اِیمان، اِشٹ اِکو اِک سمجھائیا۔ اِکو رسم ہووے جہان، قسم کھا کے رہے سُنائیا۔ سَت سماج سَت دا دے دے دان، سَت ستوادی دَیا کمائیا۔ جوتی جوت سروُپ ہرِ، آپ اپنی کِرپا کر، سِر سب دے ہتّھ رکھائیا۔ گُر اوتار پَیغمبر کہن سَتگُر شبد ساڈی دے شہادت، مُصنف اِکو نظری آئیا۔ سانوُں قبوُل اِکو عبادت، اِکو کلمہ نام دِھیائیا۔ کِسے دی رہی نہ کوئے لیاقت ، اپنی چلے نہ کوئے چتُرائیا۔ اسیں پِچھے دیندے رہے ضمانت، شرع شرع نال جُڑائیا۔ تُوں مالک صحیح سلامت، نوُر نوُرانہ نظری آئیا۔ سانوُں اِیوں دِسدا سب دے اُتے آؤنی قیامت، قایم مقام بِن تیرے نظر کوئے نہ آئیا۔ کلجُگ کوُڑی کِریا کڈھ جہالت، وِکار ہنکار دے گوائیا۔ تیرا سچکھنڈ دوارا تے تیری حقیِقی عدالت، حق دے مالک دے وڈیائیا۔ جِتھے چلے نہ کوئے وکالت، وُکلا نظر کوئے نہ آئیا۔ جوتی جوت سروُپ ہرِ، آپ اپنی کِرپا کر، اپنا مارگ دینا لائیا۔ اوتار پَیغمبر گُر کہن پربھوُ ساڈی اِک ارداس، بیننتی سچ سُنائیا۔ پِچھلا لیکھا تیرے پاس، اَگے ونڈ رہی نہ رائیا۔ وِشنوُں نِیوں نِیوں رہیا آکھ، بِن رسنا جِہوا ڈھولے گائیا۔ برہما بولے ساچ، سچ تیری سرنائیا۔ شنکر بھجّا آوے اُتوں کَیلاش، کلادھار تیری وڈیائیا۔ سب دے پیار وِچ پرم پُرکھ کلجُگ کوُڑی کِریا کر دے ناس، ناستک نظر کوئے نہ آئیا۔ اِکو تیرے نام دا وِشا تے اِکو ہووے وِشواس، جگت وِشیاں وِچوں باہر کڈھائیا۔ تُوں پرماتم دیِن دُنی تیرا آتم تیرا نوُر جوت پرکاش، دوُجا نظر کوئے نہ آئیا۔ تیرا اِکو نام اِکو کلمہ اِکو شبد اِکو دُھن ناد، انحد نادی ناد جنائیا۔ اِکو سندیسہ دیواں وِچ برہماد، برمانڈ آپ سمجھائیا۔ صدی چؤدھویِں تیری سَت دی ہووے آواز، سچ سچ جنائیا۔ ساڈا لیکھے لاؤنا پوُرب پِچھلا سماج، سماج والے تیری جھولی پائیا۔ اَگے تیرا اِکو حُکم ہووے رائج ، سندیسہ اِکو اِک سُنائیا۔ جوتی جوت سروُپ ہرِ، آپ اپنی کِرپا کر، ساچا دینا دُھر دا ور، در تیرے سیِس نِوائیا۔ پُرکھ اکال کہے میَں دُھر دا حُکم سُناواں گا۔ وِشن برہما شِو آلس نِندرا وِچوں باہر کڈھاواں گا۔ تیئی اوتاراں لیکھا ویکھ وکھاواں گا۔ پَیغمبراں دا پردہ پردیاں وِچوں اُٹھاواں گا۔ گُروُ گُردیو نانک گوبِند سنگ مِلاواں گا۔ پُری لوء برہمنڈ کھنڈ دو جہان کھوج کُھجاواں گا۔ لیکھا جان کے سوُریہ چند، منڈل منڈپ سمجھاواں گا۔ پرگٹ ہو سوُرا سربنگ، شبد اگمّی ڈنک وجاواں گا۔ جو سندیسہ دے کے گیا

گوبِند پُری انند، انند سب دا پھول پھولاواں گا۔ تُہاڈا چار جُگ دا جگت سماج سچ دوارے دیواں ٹنگ، گرِہ اپنا آپ رکھاواں گا۔ اِکو نام نِدھانا سِری بھگوانا ہو کے دیواں ونڈ، حِصّہ جُز نہ کوئے رکھاواں گا۔ تُوں میرا میَں تیرا سوہنگ ڈھولا سب نے گاؤنا چھند، سوہنگ دھار اِک پرگٹاواں گا۔ بھاگ لگا کے تت پنج، پنچم ناد دُھن شنواواں گا۔ پنچ وِکارا میٹ کے جنگ، جھگڑا کوُڑ میٹ مِٹاواں گا۔ سَت سچ دی پا کے ٹھنڈ، امرت میگھ اِک برساواں گا۔ دیِناں مذہباں ذاتاں پاتاں اوُچاں نیِچاں پا کے اِکو گنڈھ، راؤ رنکاں اِکو گھر وساواں گا۔ اوہ ویکھو صدی چؤدھویِں رہی لنگھ، پیَنڈے سب دے انت مُکاواں گا۔ سچ سِنگھاسن پُرکھ ابناشن سُہائے اِک پلنگ، جِس دا باڈی آپ اِک اکھواواں گا۔ جوتی جوت سروُپ ہرِ، آپ اپنی کِرپا کر، سد اپنا بھیوَ چُکاواں گا۔ اوتار پَیغمبر گُروُ خوشیاں وِچ مارنی تالی، سچ دوارے وجےّ ودھائیا۔ کھیل ویکھنا سماں حالی، سنمُکھ ہو کے اکھّ کُھلائیا۔ جن بھگتاں دی سَتگُر شبد کرے دلالی، وِچولا اوَر نہ کوئے رکھائیا۔ جِس دی آتما اوسے نے سُرت سمبھالی، سمبل بَیٹھا دُھر دا ماہیِا۔ جِس دے کول نہ شہنشاہی نہ کنگالی، اِکو رنگ رنگائیا۔ سَت نام سچ دی وست دیوے باہلی، اتوٹ اتُٹ آپ ورتائیا۔ جیہڑی جگت ہتّھ نہ آوے بھالی، راج راجان روون مارن دھاہیِا۔ جِس نے کلجُگ رَین میٹنی کالی، کلا اپنی اِک ورتائیا۔ اُس دے در تے سارے سوالی، مانگت ہو کے جھولی ڈاہیِا۔ اوہ آد انت دا نوُر جوت اکالی، جمّن مرن وِچ کدے نہ آئیا۔ جِس نے سَتجُگ تریتا دواپر کیِتی سب دی چالی، کلجُگ انتم دئے مِٹائیا۔ بے شک اُس دی آیوُ چار لکھّ بتّی ہزار گرنتھاں وِچ باہلی، بہُتی جگت نہ کوئے ہنڈھائیا۔ صدی چؤدھویِں انت سب دے ہتّھ ہو جانے خالی، دھناڈھ نظر کوئے نہ آئیا۔ پھل رہنا نہیں کِسے ڈالی، پھوُل سکے نہ کوئے مہکائیا۔ جوتی جوت سروُپ ہرِ، آپ اپنی کِرپا کر، کرے کھیل ساچا ہرِ سچ دا حُکم اِک ورتائیا۔ پُرکھ اکال کہے اوہ ویکھو بھجّا آ گیا ہاڑ مہیِنہ، پروِشٹا اٹھاراں نال لیائیا۔ پربھوُ جھگڑا مِٹا دے مذہباں دیِناں، دیِن دُنی دے بدلائیا۔ تیرے گرِہ ہووے مرنا جیِنا، دوُجی اوٹ نہ کوئے رکھائیا۔ میَں نال لےَ کے آیا ترےَگُن مایا تیِنا، رجو طمو ستو نال مِلائیا۔ میَں بیننتی کردا ساچے بھگتاں تے رنگ چاڑھ دے بھیِنا، دو جہاناں اُتر کدے نہ جائیا۔ تیرے پریم دی مِثال نہیں کوئی جل میِنا، جگت والی وڈیائیا۔ تُوں آتما دا مالک نہ نر نہ مدیِنا، اِستری پُرکھ ونڈ نہ کوئے ونڈائیا۔ سب دا ٹھانڈا کردے سیِنہ، اگنی تت گوائیا۔ تُوں نر نہ مدیِنا، پرم پُرکھ تیری

سرنائیا۔ جوتی جوت سروُپ ہرِ، آپ اپنی کِرپا کر، ایکا دینا ساچا ور، سچ تیری سرنائیا۔ پُرکھ اکال خوشیاں دے وِچ ہسّیا، ہسّ کے رہیا سُنائیا۔ کِہا اٹھاراں ہاڑ آئیوں نسّیا، بھجیّا واہو داہیِا۔ اؤہ ویکھ کلجُگ رَین اندھیری مسّیا، ساچا چند نہ کوئے چمکائیا۔ ممتا مایا تیِر نِرالا کسیا، جگیاسوُآں گھائل رہی کرائیا۔ ڈسنی ہو کے سب نوُں ڈسّیا، وِکھ من وِچ بھرائیا۔ ساچا صاحِب کِسے نہ تکیا، بُھلیا بےپرواہیِا۔ جو سندیسہ دِتا محمد مدیِنہ مکّیا، کعبیاں پرے سُنائیا۔ میرا محبوُب نوُر الاہی االلہ اِکو سچّیا، پروردِگار سہج سُکھدائیا۔ جِس کایا بھانڈا ویکھنا کچّیا، گڑھ ہؤمے کھوج کھوجائیا۔ اوہ اپنی دھار وِچ ہونا متیا، جوتی جاتا ڈگمگائیا۔ گوبِند نے جَیکارا لایا فتحیا، فتح اِکو اِک بُلائیا۔ کلجُگ کوُڑی کِریا دی کرنی ہتّیا، کھنڈا کھڑگ نام اُٹھائیا۔ سَتجُگ دا ساچا دینا پتیا، پت پرمیشور ہو کے آپ جنائیا۔ جِس دا لیکھ نہ جاوے لکھیا، الکھ اگوچر اِک اکھوائیا۔ جوتی جوت سروُپ ہرِ، آپ اپنی کِرپا کر، سد اپنا گھر سُہائیا۔ ہاڑ کہے پربھوُ آتم پرماتم تیرا رِشتہ، ساک سجّن اِک اکھوائیا۔ جِس دا بھیوَ جانے نہ کوئے فرِشتہ، جبرائیل میکائیل عِزرائیل اِسرافیِل سیِس جھُکائیا۔ تیرا آد انت دا اِشٹا، اوتار پَیغمبر گُروُ تَینوُں سیِس نِوائیا۔ تُوں سب دی بدلنہارا درِشٹا، اِشٹ دیوَ تیری سرنائیا۔ ساری دُنیا روُپ بنا لےَ اپنے سِکھ دا، سِکھیا سَت سَت سمجھائیا۔ دُہائی دروہی تیرے اُتے من کِسے نہ ٹِکدا، سُرت وِچ سُرت نہ کوئے سمائیا۔ میَں تیرے دوارے دوہتّھڑ مار کے پِٹدا، ہائے ہائے کر سُنائیا۔ سماں ویکھ لےَ ہار جِت دا، چیتن چیتن کھوج کھوجائیا۔ جوتی جوت سروُپ ہرِ، آپ اپنی کِرپا کر، مِہر نظر اِک اُٹھائیا۔ ہاڑ کہے پربھوُ آتما پرماتما تیرا نوُر نار کنت، کنت کنتُوہل تیری وڈیائیا۔ ایہو آسا آد انت، سادھ سنت منگ منگائیا۔ کلجُگ انت بنا دے بنت، گھڑن بھنّنہار تیری وڈیائیا۔ لیکھے لا لےَ جیِو جنت، جاگرت جوت کر رُشنائیا۔ گڑھ توڑ دے ہؤمے ہنگت، ہنگ برہم دے سمجھائیا۔ سَتگُر شبد توں وڈّا نہیں کوئی پنڈت، بُدھی توں پرے نہ کوئے سمجھائیا۔ چار ورناں اٹھاراں برناں تن وجوُد تیری اِکو ہووے سنگت، پنگت اِکو لیَنی بنائیا۔ میری تیرے در دوارے مِنّت، سیِس جگدیِش اِکو اِک جھُکائیا۔ شرع شریِعت کرے کوئے نہ عِلّت، عالماں عِلم دینا دِرڑائیا۔ تیرا رہے کوئے نہ نِندک، دُتیا بھاؤ دینا مِٹائیا۔ تُوں پِھرنا چارے کوُٹاں چارے سِمت، لہندا چڑھدا اپنی ونڈ ونڈائیا۔ میری تد میٹنی چِنت، چِنتا چِکھا کوُڑ دینی گوائیا۔ جوتی جوت سروُپ ہرِ، آپ اپنی کِرپا کر، سچ دا سچ دینا

سمجھائیا۔ پُرکھ اکال کہے سُن میرے ہاڑ اٹھاراں، حُکم اِک سُنائیا۔ سَتجُگ سَت سچ سَت دیاں دھاراں، تیرے نال رکھائیا۔ اِکو پریم ہووے پُرکھ نارا، اِستری پُرکھ ونڈ نہ کوئے ونڈائیا۔ اِکو گرِہ ہون بہاراں، رُتڑی اِکو اِک سُہائیا۔ اِکو مان ملِے چار یاراں، پنچ پیارا اِکو رنگ رنگائیا۔ سب دا سانجھا سچ ہووے دوارا، دوارکا واسی سچ گیا سُنائیا۔ اِکو کھیل کرے سچّی سرکارا، رام رمئیا ویکھ وکھائیا۔ نوُر الاہی پروردِگارا، سانجھا یار وڈ وڈیائیا۔ سَتگُر شبد شبد اُجیارا، دوُسر روُپ نہ کوئے دھرائیا۔ سانجھی وال جگت جہان بنے سنسارا، سنساری بھنڈاری سنگھاری سیِس نِوائیا۔ جگت ناتا جوڑے اپر اپارا، میلا میلے سہج سُبھائیا۔ مان دیوے کھتری براہمن شوُدر وَیش اِکو رنگ رنگائے گاڑھا، اَگے اُتر کدے نہ جائیا۔ گُرمُکھ لاڑی گُرمُکھ لاڑا، گُرمُکھ گُرمُکھ نال مِل کے وجےّ ودھائیا۔ کلجُگ مارے کوئے نہ دھاڑا، مایا ممتا وجےّ نہ کوئے ودھائیا۔ ایس دِوس نوُں سارے مناؤن گے گھر نال پیارا، پریم پریِتی وِچ رکھائیا۔ ہاڑ کہے میَں دوئے جوڑ کراں نِمسکارا، نِیوں نِیوں لاگاں پائیا۔ پربھوُ تُوں آد انت سب دا سانجھا یارا، میِت مُرارا اِک اکھوائیا۔ بھگت بھگوان دی دھار وِچ انند کارج کریگا جگت جہان سارا، شرع شرع نالوں بدلائیا۔ اوتار پَیغمبر گُروُ تیرا حق دا بولن جَیکارا، تُوں ہی داتا بےپرواہیِا۔ جوتی جوت سروُپ ہرِ، آپ اپنی کِرپا کر، ایکا دینا ساچا ور، سچ تیری وڈیائیا۔ ہاڑ کہے جن بھگتو میری نمو نمو نِمسکار، نِمرتا وِچ جنائیا۔ سب دا اِکو پُرکھ اکال نال ہووے پیار، دوُجا اِشٹ نہ کوئے منائیا۔ جِس نوُں جھُکدے پَیغمبر گُر اوتار، در بَیٹھے سیِس نِوائیا۔ اوہ جوتی جاتا پُرکھ بِدھاتا سب دی پاوے سار، مہاسارتھی اِک اکھوائیا۔ اوسے دے حُکم اندر پِچھلے بیِتے جُگ چار، سَتجُگ تریتا دواپر کلجُگ کلجُگ اپنا پندھ مُکائیا۔ ریِتی نیِتی بدل جاوے سنسار، مانَس مانَو مانُکھ اپنے رنگ رنگائیا۔ خوشیاں نال انند کارج دا ہویا وِہار، ناتا بھگتاں بھگتاں نال جُڑائیا۔ سَتگُر شبد شبد سَتگُر در آیاں نوُں پیار دی درد نال دیوے پیار، سِر سب دے ہتّھ ٹِکائیا۔ سِر توں اُتے تے اُتے دی منزل جگت دُشوار، بِنا سَتگُر توں چڑھن کوئے نہ پائیا۔ جن بھگتو تُہانوُں کِرپا نال پرم پُرکھ دِتا تار، تارنہار اپنے گھر وساوے چائیں چائنیا۔ تُساں خوشیاں وِچ سوہنگ مہاراج شیرسِنگھ وِشنوُں بھگوان لاؤندے رہنا جَیکار، آتم انتر مِل کے وجدی رہے ودھائیا۔ جوتی جوت سروُپ ہرِ، آپ اپنی

کِرپا کر، کرے کھیل ساچا ہرِ، نِہکلنک نرائن نر، مہاراج شیرسِنگھ وِشنوُں بھگوان، آد جُگاد جُگ چؤکڑی نِت نوِت نِرگُن سرگُن سرگُن نِرگُن کردا آیا کار، کرنی دا کرتا قُدرت دا قادر پروردِگار بےعیب نوُر الاہیِا۔

۱۸ ہاڑ شہنشاہی سمت ۸ ہرِ بھگت دوار جیٹھوُوال رات دے سمیں ضِلع امرتسر

بھگتی کہے وے شبدی ناردوُ، ناردا بھیوَ دے کُھلائیا۔ میری تیرے اَگے عارضوُ، عرض وِچ سیِس نِوائیا۔ نارد کہے نی اوہ بے پرواہ جِس ویلے چاہے تاردوُ، تارنہار اِک اکھوائیا۔ کوُڑی کِریا جگت وِچوں ماردوُ، مرد مردانہ حُکم ورتائیا۔ زِمیں اسماناں دو جہاناں پاڑدوُ، ٹُکڑے ٹُکڑے کر وکھائیا۔ اوہ مالک ہِردک ہاردوُ، ہِردیاں پھول پھولائیا۔ جن بھگتاں پَیج سوار دوُ، سِر اپنا ہتّھ رکھائیا۔ جوتی جوت سروُپ ہرِ، آپ اپنی کِرپا کر، اپنا رنگ وکھائیا۔ بھگتی کہے وے نارد شبد پکھنڈی، سچ دے سمجھائیا۔ کیہڑا مارگ کیہڑی ڈنڈی، رستہ کوَن سوبھا پائیا۔ نارد کہے کملیئے تُوں اوس پربھوُ توں بِنا رنڈی، جگت مِلی نہ کوئے وڈیائیا۔ سچ لبھے نہ کوئے انندی، انند وِچ نہ کوئے رکھائیا۔ اِک خبر سُناواں چنگی، چنگی طرح دِرڑائیا۔ نی اوہ بابل بڑا ڈھنگی، جِہنوُں کہندے بےپرواہیِا۔ اُس جُگ جُگ دھار ونڈی، حِصّے لوک مات بنائیا۔ اپنے حُکم دی لا پابندی، بندھنا وِچ سرب بندھائیا۔ جگت ترِسنا کر کے ننگی، جگت جہان دِتی وکھائیا۔ جِس دی جُگ چؤکڑی لنگھی، بھجیّ واہو داہیِا۔ اُس دی بِنا اکھّراں توں شبد دھار دی سندھی، جِس دا لیکھا نہ کوئے سمجھائیا۔ جوتی جوت سروُپ ہرِ، آپ اپنی کِرپا کر، کرے کھیل ساچا ہرِ، سچ کھیل آپ کھِلائیا۔ بھگتی کہے وے ناردا میَں بڑی جوبن ونتی، سوہنیاں دیاں سُنائیا۔ میرا جوبن اِک بسنتی، نوَ رنگ اِک نظری آئیا۔ میَں کدے کِسے دی نہ منّدی، منسا جگت نہ کوئے وکھائیا۔ میَں ونجارن نہیں تن دی، تتاں سنگ نہ کوئے بنائیا۔ میَں سروتی نہیں کنّ دی، سروناں نہ کوئے چتُرائیا۔ میَں ونجارن اوسے اگمےّ چنّ دی، جِس نوُں چند سِتارے سیِس جھُکائیا۔ میَں پیاسی سچ برہم دی، پاربرہم ویکھ وکھائیا۔ میَں سچ دواریوں جمدی، جمّن والی اوَر کوئے نہ مائیا۔ میَں سب دے بیڑے بنّھدی، جگت ساگراں پار کرائیا۔ میری وڈیائی دھنّ دھنّ دی، دھنّ کہے لوکائیا۔ جوتی جوت سروُپ ہرِ، آپ اپنی کِرپا کر،

دیونہارا ساچا ور، سچ مالک دَیا کمائیا۔ بھگتی کہے وے نارد تیری کِدھرے پِھردی بودی، بُدھی توں پرے دے جنائیا۔ تُوں جگت سادھوُ کہ جوگی، کہ جُگیِشر ناؤں پرگٹائیا۔ کِس بِدھ دھار اپنی سودھی، سُدھ سچ دے سمجھائیا۔ تُوں کِس وست دا لوبھی، لالچ وِچ للچائیا۔ جے میَں ہتّھ لاواں تیرے گوڈیں، سہج نال دبائیا۔ پھیر اُنگل رکھ کے اُتے ٹھوڈی، سوچاں تھاؤں تھائنیا۔ تیری ٹِنڈ روڈی بھوڈی، صاف سُتھری سوبھا پائیا۔ تیری ٹھوڈی دِسے کھودی، مُچھ داہڑی نہ کوئے ودھائیا۔ تیری کایا دِسے کوجھی، تتاں رنگ نہ کوئے رنگائیا۔ تَینوُں کِتھوں تائیں سوجھی، بھیوَ ابھیدا دینا کُھلائیا۔ تیری کِتنی لمبی اؤدھی، آیوُ گنت گنائیا۔ جوتی جوت سروُپ ہرِ، آپ اپنی کِرپا کر، کرے کھیل ساچا ہرِ، سچ دا حُکم اِک ورتائیا۔ نارد کہے سُن بھگتی جگت ونجاری، ونجاں والیئے دیاں جنائیا۔ تَینوُں خریدن والا دِسے نہ کوئے وپاری، قیِمت مات نہ کوئے رکھائیا۔ تیرا روُپ جانے نہ کوئے گواری، پردہ سکے نہ کوئے اُٹھائیا۔ تُوں چاروں کُنٹ جاویں وارو واری، بھجیّں واہو داہیِا۔ کملیئے تیرے نال لاوے کوئی نہ یاری، یارانہ سچ نہ کوئے رکھائیا۔ بھاویں میری مُچھ نہیں کوئی داہڑی، سیِس سوہنا صاف سُتھرا نظری آئیا۔ میَں کدی کِسے دی منگن گیا نہیں واڑی، خالی جھولی نہ اَگے ڈاہیِا۔ میَں کِسے دی کیِتی نہیں کدی دِہاڑی، نِو نِو سیِس نہ کوئے جھُکائیا۔ میَں کدی پِھریا نہیں جنگل جوُہ پہاڑی، ٹِلّے پربتاں ڈیرہ لائیا۔ تُوں کیوں پِھریں چار کُنٹ نی کر کر ہار شِنگاری، اپنا روُپ بدلائیا۔ جوتی جوت سروُپ ہرِ، آپ اپنی کِرپا کر، دیونہارا ساچا ور، سچ دا حُکم اِک ورتائیا۔ بھگتی کہے وے ناردا پنڈوُ، پنڈتا دے سمجھائیا۔ کی کھیل ویکھیا جیرج انڈوُ، اُتبُھج سیتج پھول پھولائیا۔ کی پرکاش تکیا تارا چندوُ، سوُریہ رنگ رنگائیا۔ کی کھیل کرے دیِنا بندھوُ، دیِن دَیال بےپرواہیِا۔ وے کِہو جِہا اگلا سماں لنگھوُ، جگت وِچ اپنا پندھ مُکائیا۔ نارد کِہا کملیئے میَں کوئی براہمن نہیں گنگوُ، جگت مایا وِچ للچائیا۔ میَں کوئی چندرا نہیں چندوُ، چند سِتار دین گواہیِا۔ میَں اِکو گلّ دسّاں، نی وَیراگنے میرا صاحِب اِکو وست ونڈوُ، دیونہار اپنی دَیا کمائیا۔ جن بھگتاں آتم پرماتم گنڈھوُ، گنڈھ اپنے نال رکھائیا۔ سب دا سیِنہ کرے ٹھنڈوُ، ٹھنڈک آپ ورتائیا۔ بھاویں میَنوُں لُچا کہو بھاویں کہو لنڈوُ، میَں سچ سچ دینا سُنائیا۔ جوتی جوت سروُپ ہرِ، آپ اپنی کِرپا کر، دیونہارا ساچا ور، سچ دا داتا اِک اکھوائیا۔ بھگتی کہے براہمنا اَگے کر لےَ غؤر، نِگاہ نِگاہ وِچوں اُٹھائیا۔ کِس بِدھ جن بھگتاں کارج جائے سؤر، بِنا میرے توں ملِے نہ کِسے

وڈیائیا۔ میَں پریم دی پریِتم نال بنّھاں ڈور، پریمیاں پریم نال بنّھائیا۔ میَں اندروں کڈھاں پنج چور، شرع شیَطان باہر کڈھائیا۔ میَں وساں اندھیرے گھور، کایا مندر ڈیرہ لائیا۔ میرے وِچ بڑا زور، جوروُ زر دیاں تجائیا۔ روُپ بنا کے ہور دا ہور، اوَرا ویس وٹائیا۔ جوتی جوت سروُپ ہرِ، آپ اپنی کِرپا کر، سد اپنی کھیل کھِلائیا۔ نارد کہے نی بھگتیئے دسّ تیری کی طاقت، بل کی رکھائیا۔ تُوں کِس دی کریں شناخت، پھڑ باہوں لئیں جگائیا۔ کی تیری ہووے لیاقت ، عقل کی وڈیائیا۔ کی تیرے کول وِراثت، میَنوُں دے سمجھائیا۔ کلجُگ جیِو کوئی نہ آوے تیری وِچ حراست، حَیرانی سب دے اُتے چھائیا۔ تیری سارے کرن خِلافت، سگلا سنگ نہ کوئے بنائیا۔ تیرے وِچ کی کرنی مہانت، بھیوَ دینا کُھلائیا۔ جوتی جوت سروُپ ہرِ، آپ اپنی کِرپا کر، کرے کھیل ساچا ہرِ، سچ دا مالک بےپرواہیِا۔ بھگتی کہے ناردا نہ کر بول کؤڑا، کُڑّتن وِچ سُنائیا۔ تُوں کی جانے میرا منزل پؤڑا، ڈنڈا ڈنڈاوت والا نظر کوئے نہ آئیا۔ میرا مارگ بڑا سؤڑا، بھیِڑی گلی پار نہ کوئے کرائیا۔ جھٹ نارد بولیا میرا حُکم سُن لےَ تھوڑا، تھوڑیئے نِکیئے چھوٹیے تَینوُں دیاں جنائیا۔ اوہ ویکھ بھگتی والیاں بھگوان نوُں کِہا اوہ آوے بن کے براہمن گؤڑا، میَں اوسے برہم دا براہمن روُپ نظری آئیا۔ جِس دا اِکو کھیل ہونا بھگت بھگوان دا جوڑا، میلا دُھر دا لیَنا مِلائیا۔ سسّے اُتے لا کے ہوڑا، ہاہے ٹِپی رنگ رنگائیا۔ نی جگت دیئے ونجارنے تَینوُں جواب دینا کورا، اِکو وار سُنائیا۔ میرا شبد دُلارا بانکا چھوہرا، جوبن ونتا نظری آئیا۔ جِس دے اَگے چلے کوئے نہ زورا، چار جُگ دے شاستر گُر اوتار پَیغمبر جن بھگت بَیٹھے سیِس نِوائیا۔ اُس دی اوسے نوُں پئی لوڑا، لُڑیِندا سجّن کھیل کھِلائیا۔ جوتی جوت سروُپ ہرِ، آپ اپنی کِرپا کر، کرے کھیل دُھر دا ہرِ، دُھر دا حُکم اِک ورتائیا۔ بھگتی کہے جا وے نارد پلالی، کیوں پل پل اپنا آپ رہیا بدلائیا۔ وے تُوں اؤترا نِخطا میَں تَینوُں کڈھاں گالی، زور زور سُنائیا۔ تیری شکل نہ گوری نہ کالی، روُپ رنگ نہ کوئے بنائیا۔ تُوں سچ دسّ کِس گگن منڈل وسیں کہ آکاش پاتالی، کی دھرنی دھرت دھوَل ڈیرہ لائیا۔ نارد ہسّ کے کِہا، تالی مار کے کِہا، نی سَتگُر شبد دا میَں دلالی، دلال ہو کے رہیا جنائیا۔ جِس نے سب دی سُرت سمبھالی، اوہ صاحِب بےپرواہیِا۔ نی بھگتیئے تیری کِس نے گھال گھالی، تُوں گھائل کیِتی لوکائیا۔ دسّ تیرا کیہڑا وارث تے کیہڑا والی، کوَن مالک نظری آئیا۔ میَنوُں اِیوں دِسدا تیرے بِنا ساری دُنیا خالی، جگ وِچ نظر کوئے نہ آئیا۔ میَں سَتگُر شبد شبد سَتگُر جِس دی تُوں سدا بنی

رہیں سوالی، در ٹھانڈے سیِس نِوائیا۔ ہُن کھیل کراں نِرالی، نِرگُن اپنی کار بُھگتائیا۔ اُٹھ ویکھ نیتر حالی، بِن نیَناں اکھّ اُٹھائیا۔ کی کھیل کرے شہنشاہ والی دو جہانی، نِرگُن سرگُن اپنا حُکم ورتائیا۔ اوہ داتا بن کے دانی، دَیاوان دَیا کمائیا۔ لیکھے لائے جیِو پرانی، پُنہ پُنہ ویکھ وکھائیا۔ منزل دسےّ اِک اسانی، زِمیں اسماناں پار جنائیا۔ اپنی منزل آپ بنا روُحانی۔ روُح بُت کھیل کھِلائیا۔ جن بھگتاں تیری کٹّن نہ دیوے غُلامی، غُلام بناؤن والیئے تیرا لیکھا دینا مُکائیا۔ دُھر سندیسہ دے پَیغامی، پَیغمبراں توں پرے اپنا رنگ چڑھائیا۔ جیہڑا جگت جہان دِسے فانی، انت رہن کوئے نہ پائیا۔ جوتی جوت سروُپ ہرِ، آپ اپنی کِرپا کر، کرے کھیل ساچا ہرِ، سچ دا ویس آپ وٹائیا۔ بھگتی کہے میَں بڑی گمبھیِر، نارد دیاں جنائیا۔ میری صِفت کیِتی کبیِر، کوُک کوُک سُنائیا۔ رَوداس چمارے بدلی تقدیِر، تدبیِر اِک دِرڑائیا۔ میَنوُں منّدے پَیغمبر پیِر، صوُفی سنت دھیان رکھائیا۔ میَں سب دی بدلاں ضمیِر، کوُڑی کِریا ڈیرہ ڈھاہیِا۔ میل مِلاواں نال بے نظیِر، نظریہ دیاں بدلائیا۔ سُدھ کراں پنج تت سریِر، دُرمت میَل دھوائیا۔ میری منزل اِک اَخیِر، میل مِلاواں دُھر دے ماہیِا۔ جِتھے جھگڑا رہے نہ کوئے تقدیِر، کرم کانڈ دا ڈیرہ ڈھاہیِا۔ اِک آتما اِک پرماتما میل مِلاوا ہوئے میَنوُں ملِے واد اشیر، خوشیاں وِچ اپنا رنگ رنگائیا۔ جوتی جوت سروُپ ہرِ، آپ اپنی کِرپا کر، کرے کھیل ساچا ہرِ، سچ دا حُکم اِک سُنائیا۔ نارد کہے بھگتیئے نی تیرا سفر بڑا لما، اگلا پندھ نہ کوئے مُکائیا۔ جگت جہان تَینوُں ویکھ کے کمبا، تھر تھراہٹ وِچ دُہائیا۔ کڈا مُشکل چڑھنا ڈنڈا، پؤڑی پؤڑی ویکھ وکھائیا۔ دِوس رَین گاؤندا رہاں چھندا، اٹّھے پہر دھیان رکھائیا۔ بندگی وِچ پھس جائے بندہ، بندھن تیرے نال پائیا۔ دُنیا وِچ حال ہووے مندا، جگت رنگ نہ کوئے رنگائیا۔ من ملِے نہ سُکھ انندا، ترِسنا کوُڑ جگت ہلکائیا۔ تک کھیل سوُرا سربنگا، ہرِ کرتا آپ اکھوائیا۔ نیتر ہیِن کر کے اندھا، جگت لوچن کھوج کھوجائیا۔ جوتی جوت سروُپ ہرِ، آپ اپنی کِرپا کر، کرے کھیل ساچا ہرِ، سچ دا مالک اِک اکھوائیا۔ بھگتی کہے ناردا میرے بِنا کوئی نہیں تریا، پار کنارہ نظر کِسے نہ آئیا۔ میَنوُں سب نے آد جُگاد وریا، جُگ جُگ میلا میلیا سہج سُبھائیا۔ بِنا میرے توں جگت جہان مریا، تن وجوُد ماٹی خاک کمّ کِسے نہ آئیا۔ میَں سچ سندیسہ دیواں اڑیا، اڑِکے نال جنائیا۔ بِنا بھگتی توں پربھ دی منزل کوئے نہ چڑھیا، درگاہ ساچی پُجن کوئے نہ پائیا۔ سچ دوار کوئی نہ کھڑھیا، سنمُکھ ہو نہ درشن پائیا۔ جوتی جوت سروُپ ہرِ، آپ اپنی کِرپا کر،

کرے کھیل ساچا ہرِ، سچ دا مالک اِک اکھوائیا۔ نارد کہے نی بھگتی تیرا مارگ بڑا سخت، سختی نال جنائیا۔ میَنوُں یاد آؤندا ویلا وقت، جِس ویلے بھگتاں مِلی سزائیا۔ تیری تک کے اصوُلاں والی شرط، شرع رہی شرمائیا۔ تُوں جُگ جُگ کھیل کیِتا اُتے دھرت، دھوَلی بھیوَ کُھلائیا۔ جوتی جوت سروُپ ہرِ، آپ اپنی کِرپا کر، ایکا دینا دُھر دا ور، دُھر مالک ہونا سہائیا۔ سَتگُر شبد کہے بھگتی میَں اوہ نارد مُنی، جِس نوُں مُنی مُنیِشر سیِس نِوائیا۔ میَں اوہ داتا وڈ گُن گُنی، گہر گمبھیِر اِک اکھوائیا۔ جو سب دی پُکار رہیا سُنی، لکھّ چؤراسی ویکھ وکھائیا۔ شبد انادی ناد دُھنی، انحد ناد کرے شنوائیا۔ جِس دی چوٹی کدے نہ جائے مُنّی، میری بودی دئے گواہیِا۔ جوتی جوت سروُپ ہرِ، آپ اپنی کِرپا کر، سد اپنا حُکم ورتائیا۔ نارد کہے میَں سَتگُر شبد سُہنجنا، سوبھاوَنت سوبھنیک۔ میرا مالک آد نِرنجنا، جِس دے وِچ حق تؤفیِق۔ داتا دانی درد دُکھ بھےَ بھنجنا، جو آد جُگاد بدلے ریِت۔ چرن دھوُڑ دیوے مجنا، امرت سچ کرے بخشیِش۔ نِج نیتر پاوے انجنا، ترےَگُن داتا اِک اتیِت۔ سچ پریم دی چاڑھے رنگنا، ہرِ مالک اگمّ انڈیٹِھ۔ جِس دے حُکم اندر سب نے ونجھنا، جگت دا جگت رہے کوئے نہ میِت۔ اوسے دی ڈنڈاوت اوسے دی بندنا، اوسے نوُں رکھیا چیِت۔ جو نِرگُن داتا سجّنا، جِس صاحِب اُتے اُمیِد۔ جوتی جوت سروُپ ہرِ، آپ اپنی کِرپا کر، کرے کھیل ساچا ہرِ، سچ دا مالک جِس دی کرن تعریِف۔ بھگتی کہے جے تُوں نارد شبد گُردیوا، سَتگُر تیری وڈیائیا۔ میَں تیرے حُکم وِچ جُگ جُگ کرنی سیوا، سیوک ہو کے سیو کمائیا۔ تُوں مالک خالق وسیں نِہچل دھام نِہکیوا، نِرگُن نِروَیر نظری آئیا۔ تُوں بے پرواہ الکھ ابھیوا، بےانت تیری وڈیائیا۔ جوتی جوت سروُپ ہرِ، آپ اپنی کِرپا کر، ایکا دینا ساچا ور، سچ دا کھیل آپ وکھائیا۔ سَتگُر شبد کہے میَں نارد اوہ نرائن، جِس نوُں سارے سیِس نِوائیا۔ میرے ڈھولے سارے کہن، صِفتاں وِچ سُنائیا۔ میَں کلجُگ انتم لیکھا آیا دین، لہنا جھولی پائیا۔ جن بھگتاں بن کے سجّن سیَن، ساک اِک اکھوائیا۔ درشن دیواں نیَن، نیَن مُنداری وجے ودھائیا۔ جھگڑا میٹاں طرفَین، ترےَگُن مایا ڈیرہ ڈھاہیِا۔ نظری آواں ایَن دا ایَن، نوُر نوُرانہ سوبھا پائیا۔ جوتی جوت سروُپ ہرِ، آپ اپنی کِرپا کر، سچ دا میلا آپ مِلائیا۔ نارد کہے نی بھگتی بھگت بھگوان اِک مِک، روُپ اِکو نظری آئیا۔ جن بھگتاں اندر گیا ٹِک، آسن سِنگھاسن آپ سُہائیا۔ سچ مُحبّت وِچ گیا وِک، اپنی قیِمت نہ کوئے رکھائیا۔ نی تُوں ہتّھ مار اپنی چھاتی اُتے ہِک، دوہتّھڑ

دے لگائیا۔ وے پربھوُ کیوں میرے نالوں پریِتی لئی کِھچّ، کی پریِتم تیری بےپرواہیِا۔ جھٹ نارد نوُں آ گئی نِچھ، چِھک مار کے رہیا سُنائیا۔ نی سوہنیئے کملیئے اوہ بھگتاں دے وڑ گیا وِچ، باہروں نظر کِسے نہ آئیا۔ تَینوُں غُصّے وِچ چڑھے نہ چِپ، چُپ چُپاتی چرنی سیِس نِوائیا۔ بھگتی کہے میَں وی کلجُگ دی سوانی بُلاں نوُں لاوانگی سٹِک لِپ، سوہنا رنگ رنگائیا۔ میَں پردہ چُک کے ویکھانگی وِچوں مایا والی چِٹ، ہؤلی ہؤلی اکھّ اُٹھائیا۔ نالے دسّاں گی میرے کول پُرانیاں بھگتاں دی چِٹ، جو چِٹے دا لیکھا چِٹا دئے جنائیا۔ کلجُگ میرا لہنا لؤو نجِٹّھ، سچ سچ دیاں دِرڑائیا۔ نارد کہے جگت دی بھگتی تَینوُں بھگتاں کرنا ٹھٹھّ، میَں سچ دیاں سُنائیا۔ اوہ اِکو وار آ گئے پربھوُ دے چرناں ہیٹھ، دوُسر لوڑ رہے نہ رائیا۔ کملیئے تُوں وی بھگتاں دے نال ایتھے لیٹ، اپنا پندھ مُکائیا۔ اپنی کیِتی کرنی کر دے بھیٹ، اِکو وار سیِس نِوائیا۔ اَگے بھگت بھگوان دی چلنی کھیڈ، دوُسر لوڑ رہے نہ رائیا۔ جوتی جوت سروُپ ہرِ، آپ اپنی کِرپا کر، سد اپنا حُکم ورتائیا۔ بھگتی کہے جے پربھ دا سُہنجنا در، سَت دے سُنائیا۔ جِنہاں نوُں اِکو وار مِل گیا ور، ور پایا بےپرواہیِا۔ ساچی منزل گئے چڑھ، اَگے ہو نہ کوئے اٹکائیا۔ سچ دوارے گئے وڑ، اَگے جِتھے بَیٹھا بےپرواہیِا۔ میَں سچ سرنائی جاواں پڑ، نِیوں نِیوں سیِس جھُکائیا۔ سب دا سانجھا ہو جائے اِکو گڑھ، جِتھے بھگت بھگوان مِل کے وجےّ ودھائیا۔ نہ کوئی بھےَ رہے نہ ڈر، چِنتا سوگ نہ کوئے وکھائیا۔ جِتھے اوتار پَیغمبر گُروُ تُوں ہی تُوں ہی رہے کر، دوُجا راگ نہ کوئے الائیا۔ سو لیکھا پوُرا کرے اٹھاراں ہاڑ، ہاڑ اپنا رنگ رنگائیا۔ جوتی جوت سروُپ ہرِ، آپ اپنی کِرپا کر، سد اپنا پندھ مُکائیا۔ بھگتی کہے جگت سمجھدا نارد کوئی شیَطان، جُگ جُگ کھیل کھِلائیا۔ نارد کہے میَں بڑا بلوان، بلدھاری اِک اکھوائیا۔ میَں براہمن سرب بنایا ججمان، منگاں تھاؤں تھائنیا۔ سخیاں نوُں اُٹھایا کاہن، سیِتا نوُں رام جنائیا۔ آپ پِھر کے وِچ بیِابان، جنگل جوُہ سُہائیا۔ پھیر بن کے نؤجوان، جوبن ونتا بھجّا واہو داہیِا۔ میری شکل سکے نہ کوئے پہچان، عقل عاقلاں وِچ نہ کوئے دِرڑائیا۔ میرا کھیل بڑا کُن حَیران، حَیرانی وِچ سرب رکھائیا۔ جوتی جوت سروُپ ہرِ، آپ اپنی کِرپا کر، سد اپنا حُکم ورتائیا۔ سَتگُر نارد کہے میَں بن جاواں ونجارا، اپنا روُپ بدلائیا۔ سمُند ساگراں کرنا پار کنارہ، بھجّنا واہو داہیِا۔ محمد نوُں ہلوُنا دینا نال چار یارا، یارانہ سب دا ویکھ وکھائیا۔ موُسیٰ دینا اِشارہ، اِشاریاں نال اُٹھائیا۔ عیسیٰ دا لیکھا ویکھنا دِن دِہاڑا، دِوس اپنے رنگ رنگائیا۔ نالے درویش بننا فقیِر بننا بے

نظیِر بننا نالے بننا دُھر دا لاڑا، جوبن اپنا اِک وکھائیا۔ کِتے دھار دھرم کِتے پریشانی دا لاؤنا اکھاڑا، دوویں رنگ رنگائیا۔ کھیل کرنا جنگلاں وِچ اُجاڑاں، پہاڑاں ویکھ وکھائیا۔ جوتی جوت سروُپ ہرِ، آپ اپنی کِرپا کر، کرے کھیل ساچا ہرِ، نِہکلنک نرائن نر، مہاراج شیرسِنگھ وِشنوُں بھگوان، نِرگُن دھار چوَھیاں اوتاراں، جن بھگتاں درشن دیندا رہے کایا در دوارا، سچ سوامی ہو کے دَیا کمائیا۔

۲۲ ہاڑ شہنشاہی سمت ۸ ہرِ بھگت دوار جیٹھوُوال ضِلع امرتسر وِدیشی ٹوُر تے جان سمیں سویرے

صدی چؤدھویِں کہے میرے انتر چڑھ گئی لالی، لال گُلالا مِلیا دُھر دا ماہیِا۔ میَں پوُرب دی پترکا آپ سمبھالی، سمبل ویکھاں دُھر دا ماہیِا۔ جِس دا نوُر جوت اکالی، اکل کل دھاری وڈ وڈیائیا۔ جِس دی سیوا سمت سمتی گھالی، گھائل ہو کے بھجیّ واہو داہیِا۔ اوہ مالک تکیا جو عرش فرش دا والی، والی دو جہان اکھوائیا۔ میرے انتر خوشی باہلی، خوشیاں رنگ رنگائیا۔ میَں در تے ہوئی سوالی، خالی جھولی اَگے ڈاہیِا۔ تُوں دیِن مذہب دا مالی، اوتار پَیغمبر گُر سیِس نِوائیا۔ جوتی جوت سروُپ ہرِ، آپ اپنی کِرپا کر، ایکا دینا ساچا ور، در تیرے الکھ جگائیا۔ صدی چؤدھویِں کہے میری نِمسکار، در ٹھانڈے سیِس نِوائیا۔ میَں نال لیائی محمد یار، چار یاری سنگ رکھائیا۔ میرا لیکھا ویکھ چؤداں طبق دی دھار، چؤدس چند دئے گواہیِا۔ تیرے بردے تیرے برخوردار، تیری سیو کمائیا۔ کردی رہی اِنتظار ، بِن اکھّاں اکھّ اُٹھائیا۔ کد آوے سانجھا یار، یارانہ توڑ نِبھائیا۔ دِوس رَین میری مکُے نہ کدے گُفتار، گُفت شُنیِد خوشی بنائیا۔ تُوں مالک سب دا کِردار، قادر اِک اکھوائیا۔ جوتی جوت سروُپ ہرِ، آپ اپنی کِرپا کر، کرے کھیل ساچا ہرِ، سچ دا پردہ آپ اُٹھائیا۔ صدی چؤدھویِں کہے میَں ہار شِنگار کیتا، سوہنا روُپ بنائیا۔ درشن کر صاحِب انڈیٹِھا، انڈِٹھڑی دھار ویکھ وکھائیا۔ میَنوُں رس مِلیا میِٹھا، کوُڑی کِریا باہر سُٹائیا۔ وِکار رہیا نہ کؤڑا ریِٹھا، ہنکار دِتا گوائیا۔ جِس دا جگت جہان تپن والا انگیِٹھا، اگنی ترےَگُن تت وکھائیا۔ سو میَنوُں چاڑھے رنگ مجیِٹھا، اُتر کدے نہ جائیا۔ جوتی جوت سروُپ ہرِ، آپ اپنی کِرپا کر، کرے کھیل ساچا ہرِ، سچ دا حُکم اِک سُنائیا۔ صدی چؤدھویِں کہے میرا صاحِب مِلیا میِت، مِتر اِک اکھوائیا۔ میَں چھڈ کے حُجرے مسیِت، کعبیاں آئی تجائیا۔ نیتر

پیکھ ترےَگُن اتیِت، ترےَبھوَن دھنی سیِس نِوائیا۔ میرے سدا وسیا چیِت، ٹھگؤری رہے نہ رائیا۔ میرا جھُکدا رہے سیِس، سِر سر دوویں بھیٹ کرائیا۔ میرا کلغی دھر جگدیِش، جگدیِشر نوُر الاہیِا۔ جِس دی آیت حدیِث، حضرتاں کیِتی پڑھائیا۔ جوتی جوت سروُپ ہرِ، آپ اپنی کِرپا کر، کرے کھیل ساچا ہرِ، سچ دا حُکم اِک ورتائیا۔ صدی چؤدھویِں کہے میرا سُہنجنا لِباس، مستک نوُر نوُر رُشنائیا۔ میَں آ گئی اُس صاحِب دے پاس، جِس توں پاسا سکے نہ کوئے بدلائیا۔ اِک سندیسہ دیواں خاص، سہج نال سُنائیا۔ جن بھگتو پوُرا رکھنا وِشواس، وِشا جگت نہ کوئے بُھلائیا۔ جِس دے درشن نوُں بھجّا پِھرے شنکر اُتے کَیلاش، برہما واہو داہیِا۔ وِشنوُں تک منڈل دی راس، نِو نِو لاگے پائیا۔ گوبِند دی پوُری کرے ارداس، ارداسا اپنے وِچ رکھائیا۔ میَں سب نوُں دین آئی شاباش، نِو نِو سیِس نِوائیا۔ تُہاڈے اندر اُس پربھوُ دا واس، جو آتم پرماتم نوُر الاہیِا۔ جوتی جوت سروُپ ہرِ، آپ اپنی کِرپا کر، کرے کھیل ساچا ہرِ، سچ دا رنگ اِک رنگائیا۔ صدی چؤدھویِں کہے محمد آ تکّیئے سب دا جُسا، جِسم ضمیِر کھوج کھوجائیا۔ گٹھڑی بنّھیئے کوُڑ کُڑیار دا غُصّہ، گنڈھ اپنے نال رکھائیا۔ پربھوُ دا بھگت رہے کوئے نہ رُسا، رُسیِاں لئے منائیا۔ تُوں قؤل کیِتا سی جِس ویلے لوَ کٹائی مُچھا، مُشکل ویلے ہونا آپ سہائیا۔ اوہ ویکھ کھیل ہُندا دیِپ کُشا، کُچھ کہن دی لوڑ رہے نہ رائیا۔ میَں اُس صاحِب توں پُچھاں، جو پُشت پناہ ہتّھ رکھائیا۔ جوتی جوت سروُپ ہرِ، آپ اپنی کِرپا کر، سد اپنا رنگ وکھائیا۔ صدی چؤدھویِں کہے جن بھگتو خوشیاں نال وسو، گیِت خوشیاں والے گائیا۔ اندر پربھوُ نوُں یاد کرو بُلاں نال ہسّو، مستک تیوڑی نہ کوئے رکھائیا۔ امرت دھار پیِؤ رسو، بِنا رسنا رس چکھائیا۔ درشن پاؤ نِج نیتر نیَن اکھّو، لوچن انتر نِرنتر اِک کُھلائیا۔ اوٹ اِک پربھوُ دی رکھو، دوُسر سیِس نہ کِسے جھُکائیا۔ بھاگ لگاؤ کایا مٹّو، مٹکی پھوڑن والا کرِشن دئے گواہیِا۔ جوت ویکھو لٹ لٹو، نوُر نوُرانہں نظری آئیا۔ دھرم دی دھار سوُربیِر جٹّو، جٹا جوُٹ دا ڈیرہ دینا ڈھاہیِا۔ ساچا لاہا ایکو کھٹو، کھٹکا جگت رہے نہ رائیا۔ جوتی جوت سروُپ ہرِ، آپ اپنی کِرپا کر، کرے کھیل ساچا ہرِ، سچ دا حُکم اِک سُنائیا۔ صدی چؤدھویِں کہے محمد ویکھ بھگت دوار، چؤہ یاراں سنگ دھیان لگائیا۔ جِتھے نوُر الاہی پروردِگار، مالک خالق اِک اکھوائیا۔ پاتشاہاں دا پاتشاہ غریِباں دا غریِب آپ نِرنکار، نِرگُن سرگُن اپنی کار کمائیا۔ ساڈے نال کرن چلیا پیار، اُمت اُمتی ویکھ وکھائیا۔ جِس دا صِفتاں والا اِظہار،

مہما وِچ وڈیائیا۔ اوہ حُکم سندیسہ دیوے اِکو وار، اِک اِکلّا اگمّ اتھاہیِا۔ جن بھگتو رہنا ہوشیار، جگت دلِدر دینا مِٹائیا۔ تُہاڈی کوُڑی کِریا لےَ جائے باہر، حُکم اپنا اِک ورتائیا۔ صدی چؤدھویِں کہے میَنوُں آیا چمتکار، نوُر نوُر نوُر نوُر رُشنائیا۔ پھیر ویکھیا نال پیار، بِن نیَناں نیَن اُٹھائیا۔ میَں جھٹ عرض دِتی گُجار، بیننتی اِک سُنائیا۔ سُن صاحِب میری سرکار، شہنشاہ تیری سرنائیا۔ کِس بِدھ لہنا دینا پوُرا کرے وِچ سنسار، سنساری بھنڈاری سنگھاری لیکھا رہے نہ رائیا۔ آدم حوّا کر رہے وِچار، بِن سمجھ توں سمجھ بدلائیا۔ کِس ویلے ہووے دیِدار، دیِد عیِد کرے نوُر رُشنائیا۔ اُدھروں محمد روُپ دھرے ساکار، نِراکار بھیوَ چُکائیا۔ جِس دی آد جُگاد اپنی رفتار، رفتہ رفتہ اپنا کھیل کھِلائیا۔ اوہ مالک خود مختیار، مختیارنامے سب دے ویکھ وکھائیا۔ جِس نوُں سب نے کِہا اِمام اِماما کل کلکی نِہکلنک نِرنکار، نِروَیر اِک اکھوائیا۔ اوہ جن بھگتاں نال جان والیاں نوُں اپنے دوویں ہتّھ جوڑ کے کرے نِمسکار، وڈّیاں چھوٹیاں سیِس نِوائیا۔ ویکھیو بنِیو نہ کوئے غدار، غداری کمّ کِسے نہ آئیا۔ گُرسِکھ گُرسِکھ نال کرنا پیار، گُرمُکھ گُرمُکھ وِچ سمائیا۔ عیسیٰ کہے میَں ویکھنا ضرور نِگاہ مار، بِن نیَناں نیَن اُٹھائیا۔ موُسیٰ کہے میَں حاضر ہوواں سچ سچّے دربار، در ٹھانڈے سیِس نِوائیا۔ جن بھگتو تُسیں وڈّے تُہاڈا صاحِب تُہاڈے چرناں دی چھار، دھوُڑی تُہاڈے ٹِکّے خاک رمائیا۔ پوُرب دا لہنا جُگاں دا قرضہ جنماں دا اُدھار، کرماں دا لیکھا پوُر کرائیا۔ اجّ توں پوُرن نہیں پوُرن سمجھنا چوَھیاں اوتار، چؤبیسا جگدیِشا اپنا کھیل کھِلائیا۔ سارے خوشی وِچ ہسّ کے دیؤ وکھال، ہنس مُکھ مُکھ ہنس گُرمُکھ نظری آئیا۔ گُرمُکھو تُسی پاتشاہ تُہاڈا سَتگُر سدا کنگال، جُگ جُگ پریم پریِتی منگے تھاؤں تھائنیا۔ جوتی جوت سروُپ ہرِ، آپ اپنی کِرپا کر، کرے کھیل سچّا ہرِ، سچ دا رنگ آپ رنگائیا۔ جن بھگت کہن پربھوُ سانوُں بخش دے اپنی دھوُڑ، چرنودک نام نِدھان ورتائیا۔ انتر رہے نہ کِسے دا موُرکھ موُڑھ، بُدھ بِبیک دینی کرائیا۔ ساڈے اندروں کڈھنا غُصّہ غروُر، ہؤمے گڑھ تُڑائیا۔ نام خُماری بخش سروُر، سِر سِر اپنا ہتّھ رکھائیا۔ ساڈی بیننتی کریں منظور، در ٹھانڈے سیِس نِوائیا۔ تُوں مالک حاضر حضوُر، ہرِ کرتا اِک اکھوائیا۔ سانوُں درس دیندا رہیں ضرور، حاضر حضوُر ظاہر ظہوُر نظری آئیا۔ پِچھلے بخش دے سرب قصوُر، اَگے اپنا رنگ رنگائیا۔ اوہ موُسیٰ اِنتظار کردا اُتے کوہ طوُر، عیسیٰ بھجےّ واہو داہیِا۔ محمد تیرا نام کر کے گیا مشہوُر، کلمیاں وِچ صالاحیِا۔ صدی چؤدھویِں کہے میرے مالک

حاضر حضوُر، قدم بوسی وِچ اپنا سیِس جھُکائیا۔ جوتی جوت سروُپ ہرِ، آپ اپنی کِرپا کر، کرے کھیل ساچا ہرِ، سچ دا رنگ آپ رنگائیا۔ محمد کہے میرے طبقاں سمبھالی سُرتی، سَت سَت لیَن انگڑائیا۔ ایہہ کھیل اگمّی دُھر کی، نہ کوئی میٹے میٹ مِٹائیا۔ آشا رکھی سی اُس الاہی نوُر کی، جو نوُر نوُرانہ نظری آئیا۔ میَں دھار بنائی سی اپنی مزدوُر کی، مزدوُری کر کے جھٹ لنگھائیا۔ صدی چؤدھویِں کہے میَں تیرے نالوں کراں پُھرتی، پُھرتیِلی ہو کے دیاں وکھائیا۔ اِک گلّ گُرمُکھ جان والے میرے مالک نوُں دین اِک اِک بُرکی، بُرقع شیر والا اُٹھائیا۔ جوتی جوت سروُپ ہرِ، آپ اپنی کِرپا کر، سد اپنا رنگ رنگائیا۔ سَتگُر شبد کہے میَں اِکو دسّاں دسّ، جِس دی دسّ سارے آئے پائیا۔ جو ہر گھٹ رہیا وس، واسطہ اپنے نال جُڑائیا۔ نِرگُن دھار ہو کے دو جہاناں رہیا نسّ، بھجےّ واہو داہیِا۔ جِس پِچھلا لیکھا کرنا بس، اگلا مارگ دئے لگائیا۔ تیِر انیالا مارے کس، قسم کھا کے دیاں سُنائیا۔ جوتی جوت سروُپ ہرِ، آپ اپنی کِرپا کر، کرے کھیل ساچا ہرِ، سچ دا رنگ آپ رنگائیا۔ پُرکھ اکال کہے ہرِجن میرے سُت دُلار، بچّے دُھر دے نظری آئیا۔ جِنہاں نال قؤل اِقرار، پوُرب دا پوُرب چلیا آئیا۔ سو لہنا دینا پوُرا کر اُدھار، لیکھا سب دا جھولی پائیا۔ ہرِ سنگت جان والیاں نوُں گل وِچ پائے دو دو ہار، ہار باراں باراں ماس دا پندھ مُکائیا۔ پھیر ہتّھ مِلاؤنا بھگت بھگت دی دھار، ناتا دھرم والا جُڑائیا۔ تُساں جانا سمُندراں توں پار، دھرنی دھرت دھوَل پندھ مُکائیا۔ پاتشاہاں دے نال تُہاڈا وی ہویا کرے دیِدار، سوہنا دُھر دا سنگ بنائیا۔ تُہاڈی سارے کردے رہیئے اِنتظار ، راہ تکّیئے چائیں چائنیا۔ جِس ویلے کنڈھے اُترنا اُرار، آر پار دا پندھ مُکائیا۔ تُہاڈا سوہنا ہووے شِنگار، سُنہری بِندیاں مستک وِچ لگائیا۔ جوتی جوت سروُپ ہرِ، آپ اپنی کِرپا کر، کرے کھیل ساچا ہرِ، نِہکلنک نرائن نر، مہاراج شیرسِنگھ وِشنوُں بھگوان، ہرِ سنگت نوُں دیوے اوہ پیار، جِس پیار دی کھوج وِچ اوتار پَیغمبر گُر گئے سیو کمائیا۔