کتب خانہGranth 23 (Urdu)

۲ ساوَن شہنشاہی سمت ۸ اِٹارسی شہر ٹوپن رام دے گرِہ

ہسّ کے کہن سپتس اتری رِکھی، خوشی نال جنائیا۔ بھاردواج ویکھ اگمّی سطر لِکھی، جو سطح بُلندی اُتے نظر کِسے نہ آئیا۔ جِس دی بِنا انکڑیاں توں سُہاؤنی مِتی، مِتر پیارا رہیا جنائیا۔ پروِشٹا دو ساوَن دی تِھتی، دِوس وار دئے گواہیِا۔ جِس دی دھار تریتا

دواپر کلجُگ کِسے نہ دِسی، دہ دِشا اکھّ نہ کوئے کُھلائیا۔ جوتی جوت سروُپ ہرِ، آپ اپنی کِرپا کر، کرے کھیل ساچا ہرِ، سچ دا رنگ آپ رنگائیا۔ ساوَن کہے سپتس رِکھ کرن اِشارے، آشاوادی خوشی بنائیا۔ لیکھا تک جمّن کنارے، جل تھل وجےّ ودھائیا۔ جِس دی کھیل وِچ سنسارے، سو سوامی اپنی کل ورتائیا۔ نِگاہ ماریئے جُگ چؤکڑی کھیل نیارے، سَتجُگ تریتا دواپر کلجُگ اپنا حُکم ورتائیا۔ جو ہر گھٹ وسیا لیکھا جانے گُپت ظاہرے، ظاہر ظہوُر کرے رُشنائیا۔ اوہ اپنی کل اکل کل دھارے، دھار کلکی ویس وٹائیا۔ جوتی جوت سروُپ ہرِ، آپ اپنی کِرپا کر، کرے کھیل ساچا ہرِ، سچ دا پردہ آپ اُٹھائیا۔ سپتس رِکھ کہن ویکھ دھار دھار جمنا، سُرستی سنگ نہ کوئے رکھائیا۔ تیری لہر لہر دا چمنا، چمّ درِشٹی جگت بدلائیا۔ ساچا وقت ہوئے سُہنجنا، سوہنی رُت سُہائیا۔ جِس دے کنڈھے چرن چُھہاؤنا دُشٹ دمنا، دُشٹ دمن ونڈ ونڈائیا۔ جِس دا لیکھا پوُرا کرنا گوبِند چنّنا، چنّ چنّ نوُر الاہیِا۔ اُس دا حُکم سب نے منّنا، نہ کوئی میٹے میٹ مِٹائیا۔ سپتس رِکھی کہن ساڈی اُس نوُں بندنا، بندگی وِچ سیِس نِوائیا۔ جوتی جوت سروُپ ہرِ، آپ اپنی کِرپا کر، کرے کھیل ساچا ہرِ، سچ دی کرنی کار کمائیا۔ جمنا کہے رِشی بَیٹھے میرے اُتے کنڈھے، گھاٹ میری خوشی منائیا۔ اِک دوُجے نوُں ریِت دے دانے رہے ونڈے، بِن مُٹھی ہتّھ ونڈائیا۔ کدے ہتّھ مارن وِچ میرے پانی ٹھنڈے، اُنگلاں چار کُنٹ بھوائیا۔ کدی ہسّ کے کہن کوٹن جُگ چؤکڑی لنگھے، سَتجُگ تریتا دواپر کلجُگ اپنا پندھ مُکائیا۔ کدے خوشیاں وِچ ساچی منگن رہے منگے، پربھ اَگے جھولی ڈاہیِا۔ کدے چڑھ کے دھرم دھار دے ڈنڈے، ڈنڈاوت وِچ سیِس نِوائیا۔ کدے خوشیاں وِچ پریم پریِتی رنگ رنگے، رنگت ویکھی بےپرواہیِا۔ کدے نِگاہ مارن کلجُگ دھار تکّن بندے، بندگی والا نظر کوئے نہ آئیا۔ پرماتم پیار بِنا آتم دِسے رنڈے، سُہاگی کنت نہ کوئے ہنڈھائیا۔ سرِشٹی درِشٹی اِشٹی دِسے کریر جنڈے، پاتھر پاہن لاگن پائیا۔ چؤراسی والے سفر مُکن نہ لمبے، لمحہ لمحہ سمجھ کِسے نہ آئیا۔ پھیر اِک دوُجے دے ہِلاوَن کندھے، خوشیاں وِچ خوشی بنائیا۔ نِگاہ مارو کی کلجُگ دے کوُڑی دھار وِچ دھندے، دھرنی دھرت دھوَل دھؤل کھوج کھوجائیا۔ کی کھیل ہووے وِچ وربھنڈے، برہمنڈ کی وڈیائیا۔ جوتی جوت سروُپ ہرِ، آپ اپنی کِرپا کر، کرے کھیل ساچا ہرِ، سچ دی کرنی کار کمائیا۔ سپتس رِکھیِاں جھٹ نِگاہ ماری کُنٹ ہیم، پربت چوٹی دھیان لگائیا۔ کی اوتھے ہووے نیم، کوَن دھار وجےّ

ودھائیا۔ اِک دوُجے نوُں لگّے کہن، کہہ کہہ رہے سُنائیا۔ اُس دا لیکھا بالمیِک نے لِکھیا وِچ رمائن، رام راما دئے گواہیِا۔ جو شہنشاہ طرفَین، طرفداری وِچ کدے نہ آئیا۔ جِس نے اٹھاراں دھیائے بنائے ساک سیَن، سجّن اکھّر اکھّر وکھائیا۔ الف یے گائے گائن، گا گا رہیا سُنائیا۔ جوتی جوت سروُپ ہرِ، آپ اپنی کِرپا کر، کرے کھیل ساچا ہرِ، سچ دا مالک بےپرواہیِا۔ جمنا کہے میرے کنڈھے آیا پوَن دا جھکولا، ریِت بالوُ دِتی اُڈائیا۔ اُس ویلے سپتس رِکھی بول اِکو بولا، تُوں میرا میَں تیرا ڈھولا گائیا۔ نالے دُھر آواز آئی اوہ ویکھو میرا سمبل والا چولا، جِس چولی چولے نوُں سکے نہ کوئے سمجھائیا۔ جِتھے برہمنڈ کھنڈ دا ہٹّ کھولا، ونجارے بھجّن واہو داہیِا۔ مؤلا دھار ہو کے مؤلا، مؤلوی مُلّا شیخ مسائک سمجھ کوئے نہ پائیا۔ تُہاڈے نال وعدہ پوُرا کراں قؤلا، اِقرار پوُرا دیاں کرائیا۔ پربھ ہو کے اُپر دھرنی دھرت دھوَل دھؤلا، دھرم دی دھار اِک وکھائیا۔ لکھّ چؤراسی دیِن دُنی دا ویکھاں رؤلا، ہؤلی ہؤلی اپنا پردہ اُٹھائیا۔ جوتی جوت سروُپ ہرِ، آپ اپنی کِرپا کر، کرے کھیل ساچا ہرِ، سچ دا حُکم اِک سُنائیا۔ سپتس رِکھ کہن ساڈے انتر وجّا ناد، دُھن ہوئی شنوائیا۔ اساں تکیا برہم برہماد، برہمانڈ کھوج کھوجائیا۔ نوُر تکیا آدی آد جُگاد، جُگ چؤکڑی دا مالک بےپرواہیِا۔ جِس نوُں سارے رہے ارادھ، رسنا جِہوا صِفت صالاحیِا۔ سو کلجُگ انت سِری بھگوَنت جن بھگتاں آپ کرے اِمداد، دوُسر لوڑ نہ کوئے رکھائیا۔ پرگٹ ہو کے ایکنکارا اِک اِکلّا واحد، وعدے سب دے پوُر کرائیا۔ کھیل کھیلے اِک توں دو دو اِک توں بعد، سرگُن نِرگُن روُپ وٹائیا۔ جِس نے سب دی لیکھے رکھنی یاد، یادداشت بُھل کدے نہ جائیا۔ جن بھگتاں کھیڑا کرے آباد، گرِہ مندر اِک سُہائیا۔ پنج تت دی دے کے داد، سِر اپنا ہتّھ رکھائیا۔ جگت جہان رکھے لاج، لاجاوَنت ویکھ وکھائیا۔ شبد اگمّی مار آواز، سوئی سُرت شبد جگائیا۔ جوتی جوت سروُپ ہرِ، آپ اپنی کِرپا کر، کرے کھیل ساچا ہرِ، سد اپنا حُکم ورتائیا۔ سپتس رِکھ کہن سُہنجنا ویکھیا سچ کنارہ، کنارے بَیٹھے دھیان لگائیا۔ شبدی شبد دا دِتا اِشارہ، عیش و عِشرت توں باہر سُنائیا۔ اوہ تکّو نِرگُن سرگُن سرگُن نِرگُن روُپ چوَھیاں اوتارا، جِس نوُں چؤبیسا جگدیِشا کہے لوکائیا۔ اوہ آوے اپنی وِچوں دھارا، دھرنی دھرت دھوَل کرے رُشنائیا۔ اُس دا کھیل ہونا دوبارہ، دوہری اپنی کل پرگٹائیا۔ بھگت سُہیلا میِت بن مُرارا، مِہربان اپنا رنگ رنگائیا۔ جن بھگتاں لجّیا رکھے وِچ سنسارا، سنساری بھنڈاری سنگھاری سیِس نِوائیا۔ گُرمُکھاں

پاوے سارا، مہاسارتھی ہو کے بھجےّ واہو داہیِا۔ نِمانیاں بنے آپ سہارا، سِر سِر اپنا ہتّھ ٹِکائیا۔ جوتی جوت سروُپ ہرِ، آپ اپنی کِرپا کر، کرے کھیل ساچا ہرِ، سچ دا رنگ آپ رنگائیا۔ سپتس رکھ کہن پربھوُ دا کھیل سدا بےانت، بےانت بےپرواہیِا۔ جِس دی مہما کردے سادھ سنت، جیِو جنت رہے جس گائیا۔ اُس دی مہما سدا انگِنت، الکھ اگوچر وڈ وڈیائیا۔ جِس نے نام جنایا اپنا منت، تُوں میرا میَں تیرا دِتا دِرڑائیا۔ اوہ تک سندیسہ دِتا سِنگھ جسونت، جِسم ضمیِر توں باہر دِرڑائیا۔ جگت دی دھار وِچھوڑا ہون والا نار کنت، ٹوپن پریم ناتا رہے نہ رائیا۔ بھگتاں دی دھار وِچ سِری بھگوان کیِتی مِنّت، جن بھگتو اپنا آپ لؤ بچائیا۔ دو چار اکھّر لِکھو نال ہِمّت، حوصلہ حِرص والا رکھائیا۔ اَگے چؤوھی سال رہے نہ کوئی کرنی چِنت، مِہربان مِہربان مِہر نظر اِک اُٹھائیا۔ جوتی جوت سروُپ ہرِ، آپ اپنی کِرپا کر، کرے کھیل ساچا ہرِ، نِہکلنک نرائن نر، مہاراج شیرسِنگھ وِشنوُں بھگوان، جنم جنم دی میٹے چِنت، کرم کرم دا لیکھا پوُر کرائیا۔

۲ ساوَن شہنشاہی سمت ۸ اِٹارسی شہر جوگِندر سِنگھ دے گرِہ

صدی چؤدھویِں کہے میَں سُنیا حق ہوکا، حُکم دِتا دُھردرگاہیِا۔ تیرے انت اَخیِر اگمّی مؤقع، ویلا گیا ہتّھ نہ آئیا۔ محمد دی دھار تک لےَ چؤداں طبق چؤداں لوکا، لوک پرلوک نیَن اُٹھائیا۔ دیِن دُنی جگت دھار ویکھ لےَ دھوکھا، سَت سچ نہ کوئے وڈیائیا۔ تیرا وقت بیِت گیا چوکھا، اگلا پندھ لیَنا مُکائیا۔ درگاہ ساچی بِنا اکھّاں توں ویکھ لےَ پوتھا، جِس وِچ الف یے نہ کوئے وڈیائیا۔ جوتی جوت سروُپ ہرِ، آپ اپنی کِرپا کر، کرے کھیل دُھر دا ہرِ، دُھر پردہ آپ چُکائیا۔ صدی چؤدھویِں کہے میَں سُنیا اگمّ ترانہ، تُریا توں باہر جنائیا۔ کی حُکم دیوے سِری بھگوانا، بھگوَن اپنی کار بُھگتائیا۔ نوَ ستّ مارے دھیانا، نوَ نؤ چار کھوج کھوجائیا۔ جگت تت ویکھے نِشانہ، بےنِشاں پردہ آپ اُٹھائیا۔ جوتی جوت سروُپ ہرِ، آپ اپنی کِرپا کر، کرے کھیل ساچا ہرِ، سچ سندیسہ اِک دِرڑائیا۔ صدی چؤدھویِں کہے میَں سُنیا فرمان ایک، فُرنیاں توں باہر جنائیا۔ جِس تے سب نے رکھنی ٹیک، ٹِکّے مستک دھوُڑی خاک رمائیا۔ جو آد جُگاد ویس کرے انیک، اکل کل دھاری بےپرواہیِا۔ اوہ جوتی جاتا بدل کے بھیکھ، شبدی شبد روُپ وٹائیا۔ جِس نے لہنا دینا پوُرا کرنا مُلّا شیخ، مسائکاں

پَیغمبراں چار یاری نال مِلائیا۔ بے پرواہ ہو کے کھولنا اپنا بھیت، بھیوَ دئے سمجھائیا۔ جِس کارن سَتگُر ارجن سیِس پوائی ریت، راوی کنڈھا لیکھا لیکھے لائیا۔ گوبِند گوبِند نال کرے ہیت، گوبِند میلا سہج سُبھائیا۔ سو مالک وسنہارا سچکھنڈ دیس، درگاہ ساچی سوبھا پائیا۔ دو جہاناں بن نریش، نر نرائن اپنا حُکم ورتائیا۔ جِس دے اَگے کِسے دی چلے کوئے نہ پیش، پیشتر پیشیِن گوئیاں سارے گئے سُنائیا۔ سو صاحِب سوامی رہن والا ہمیش، ہرِ کرتا دُھردرگاہیِا۔ کلجُگ انتم دیِن دُنی دی بدل دیوے ریکھ، رِشی مُنی سارے سیِس نِوائیا۔ جوتی جوت سروُپ ہرِ، آپ اپنی کِرپا کر، کرے کھیل دُھر دا ہرِ، دُھر مالک وڈ وڈیائیا۔ صدی چؤدھویِں کہے میرے انتر سُنی گھنگھور، گھوری ہو کے دِتی جنائیا۔ میرا کھیل اوَر کا اؤر، بھیوَ سمجھے کوئے نہ رائیا۔ لکھّ چؤراسی اپنے ہتّھ وِچ پھڑنی ڈور، ڈوری شبد نام بندھائیا۔ جِس دی سب نے رکھی لوڑ، لُڑیِندا سجّن ہو کے لئے انگڑائیا انتم دھرنی دھرت دھوَل اُتے جائے بہُڑ، بہُڑی بہُڑی میری دُہائیا۔ جِس دا شاہ شہانہ اَسو رہیا دؤڑ، دو جہاناں پندھ مُکائیا۔ جِس نبی رسوُلاں مارنا پہلا پؤڑ، پؤڑی ڈنڈے ویکھے تھاؤں تھائنیا۔ کلجُگ جیِو ویکھے مِٹھے کؤڑ، انتر نِرنتر بھیوَ چُکائیا۔ جوتی جوت سروُپ ہرِ، آپ اپنی کِرپا کر، کرے کھیل دُھر دا ہرِ، دُھر دا حُکم اِک ورتائیا۔ صدی چؤدھویِں کہے میَں سُنیا حُکم الاہ، عالمیِن دیاں جنائیا۔ میَں مالک خالق پرِتپالک بے پرواہ، بےعیب نوُر خُدائیا۔ اوتار پَیغمبر گُر میرا تکدے راہ، بِن نیَناں نیَن اُٹھائیا۔ میَں دُھر دا رام نوُر الاہی اِک خُدا، کاہن کاہنا نظری آئیا۔ جیہڑی دیِن دُنی اِک دوُجے نالوں کیِتی جُدا، جُز مذہباں والے ونڈ ونڈائیا۔ سب دا لیکھا منگاں آ، دو جہاناں پھول پھولائیا۔ رائے دھرم چِترگُپت نیَن رہے شرما، سِر سکے نہ کوئے اُٹھائیا۔ وِشن برہما شِو کہن واہ واہ، واہوا تیری بےپرواہیِا۔ جوتی جوت سروُپ ہرِ، آپ اپنی کِرپا کر، کرے کھیل ساچا ہرِ، ہرِ صاحِب سچ وڈیائیا۔ صدی چؤدھویِں کہے میرا سیِس گیا جھُک، بِن سیِس سیِس نِوائیا۔ پھیر سُنی اگمّی تُک، تُوں میرا میَں تیرا راگ الائیا۔ پِچھلا پیَنڈا جانا مُک، اَگے پندھ نہ کوئے بھوائیا۔ اپنا لہنا دینا آپے چُک، بھار اپنے کندھ اُٹھائیا۔ جِس دیاں سُکھناں رہے سُکّھ، خوشیاں پندھ مُکائیا۔ اُس دا ویلا گیا پُج، وقت سُہنجنا نال مِلائیا۔ اپنا بھیوَ کُھلائے گُجھ، پردہ اوہلا رہے نہ رائیا۔ تیری سار لئے چھیتی سُدھ، ودھی سُدھی ونڈ نہ کوئے ونڈائیا۔ جگت سمجھے کوئے نہ عقل بُدھ، نیتر نیَن نظر کِسے نہ آئیا۔ جِس نے لیکھا مُکاؤنا کلجُگ،

جُگ چؤکڑی ڈیرہ ڈھاہیِا۔ جوتی جوت سروُپ ہرِ، آپ اپنی کِرپا کر، کرے کھیل ساچا ہرِ، سچ دا مالک اِک اکھوائیا۔ صدی چؤدھویِں کہے میَں سچ سندیس سُناواں گی۔ جو آد جُگاد رہے ہمیش، تِس پردہ انت اُٹھاواں گی۔ اوہ مالک خالق اِک نریش، نر نرائن سمجھاواں گی۔ جِس دا لہنا نال گوبِند دس دسمیش، دہ دِشا ڈنک وجاواں گی۔ جِس نوُں جھُکدے وِشن برہما شِو مہیش گنیش، شیش سہنسر مُکھ الاواں گی۔ اوہ وسیا سمبل دیس، ساڈھے تِنّ ہتّھ دِرڑاواں گی۔ جِس دا کھیل ہونا پردیس، محمد اُمت نال رلاواں گی۔ جوتی جوت سروُپ ہرِ، آپ اپنی کِرپا کر، ایکا دینا ساچا ور، در ساچے منگ منگاواں گی۔ صدی چؤدھویِں کہے میَں منگ اگمّی منگاں گی۔ صاحِب سوامی انترجامی کولوں موُل نہ سنگاں گی۔ لال گُلالا روُپ اگمّ اگمّڑے رنگاں گی۔ میرا صاحِب شاہو بھوُپ، سچ دوار اُس دا لنگھاگی۔ جِس دا نہ کوئی رنگ ریکھ روُپ، گھر سُہنجنے اُس دے وننجاں گی۔ جوتی جوت سروُپ ہرِ، آپ اپنی کِرپا کر، کرے کھیل ساچا ہرِ، سچ دوار اپنی آسا اِکو ٹنگاں گی۔ صدی چؤدھویِں کہے اُف آہ آ گیا جبرائیل، کی جابر حُکم سُنائیا۔ میَں دُھر کلمہ نبی رسوُلاں کولوں کراواں تعمیِل، بچیا نظر کوئے نہ آئیا۔ رسوُلاں دسّاں کھیل ویکھو عظیِم، کی اعظم رہیا کرائیا۔ جِس تُہاڈی کیِتی تقسیِم، ونڈن ونڈ وکھائیا۔ اوہ مالک خالق قدیِم، قُدرت دا قادر نوُر الاہیِا۔ جِس دی دیِن دُنی اوسے دی تعلیِم، طُلبے پَیغمبر نظری آئیا۔ جوتی جوت سروُپ ہرِ، آپ اپنی کِرپا کر، دیونہارا ساچا ور، سچ دا پردہ آپ اُٹھائیا۔ جبرائیل کہے حُکم االلہ ولزلی زو نظ زبتے جوس کُننزا الہود اعظم آزونے زمتموُہ زوزے زوا نوُرے خُدا الاہ االلہ بے پرواہ اِک اکھوائیا۔ محمدے نکُس کلمہ زیگے لزہوُ وزہی زکولوا زینہ زکوُ نوُرے طلوُعا شمع نوُر نوُر رُشنائیا۔ سَتگُر شبد شبد گُروُ، گُردیو اِک اکھوائیا۔ جِس دا حُکم بِنا حاکماں ہونا شُروُع، بِنا شرع توں شرع پڑھائیا۔ اُس دا لہنا دینا لیکھا جگت جہان کولوں کدے نہ مُڑوُ، دیونہار نہ کوئے اکھوائیا۔ صدی چؤدھویِں انت کوُڑ کُڑیاریاں بیڑا شؤہ دریا رُڑھو، نبی نوُح دوُر بَیٹھا سیِس نِوائیا۔ سچکھنڈ سچ دوارے بِنا بھگتاں توں پرم پُرکھ دی لبھنی نہیں کِسے نوُں جوُہ، بےوطناں وطن نہ کوئے دِسائیا۔ جوتی جوت سروُپ ہرِ، آپ اپنی کِرپا کر، کرے کھیل ساچا ہرِ، نِہکلنک نرائن نر، مہاراج شیرسِنگھ وِشنوُں بھگوان، آد جُگاد جُگ چؤکڑی نِرگُن نِروَیر نِراکار نِرنکار جِس دا کلمہ سَتگُر شبد شبد دھار پُھروُ، من منسا فُرنا نظر کوئے نہ آئیا۔

۳ ساوَن شہنشاہی سمت ۸ اِٹارسی شہر چمن لال دے گرِہ

دُھر کلمہ کہے اے مالک کُل، کل کلکی تیری بےپرواہیِا۔ تیرا حُکم نام انمُل، کرتے قیِمت کوئے نہ پائیا۔ تُوں آد جُگادی صُلح کُل، نِروَیر اِک اکھوائیا۔ جُگ چؤکڑی کدے نہ جائے بُھل، ابُھل تیری بےپرواہیِا۔ تیرے تول سکے کوئے نہ تُل، اتُل تیری وڈ وڈیائیا۔ جگت جہان بِن تیرے رہیا رُل، چار کُنٹ دھوُڑی خاک اُڈائیا۔ امرت رس سب دا گیا ڈُلھ، رسنا رس نہ کوئے وڈیائیا۔ جگت وِکار اندھیر رہیا جھُل، جھکولا پوَن پانی دیوے تھاؤں تھائنیا۔ سَت دا بوُٹا گیا ہُل، دُھر دا پُھل نہ کوئے لگائیا۔ تیری پریِتی وِچ جائے کوئے نہ گھُل، گھولی گھول نہ کوئے گھُمائیا۔ چاروں کُنٹ سب دا دیِوا ہون والا گُل، گُلشن مہک نہ کوئے مہکائیا۔ بِن تیری کِرپا سچ دوارا سکے کوئی نہ کُھل، خالق خلق بھیوَ نہ کوئے کُھلائیا۔ جوتی جوت سروُپ ہرِ، آپ اپنی کِرپا کر، ایکا دینا دُھر د ور، در تیرے آس رکھائیا۔ دُھر کلمہ کہے میرے صاحِب صاحِب سُلطانا، سَتگُر گُر گُر تَینوُں سیِس نِوائیا۔ آد جُگاد نِگاہبانا، دو جہاناں اپنا حُکم ورتائیا۔ انتم ویکھ مار دھیانا، نِگاہ نِگاہ وِچوں اُٹھائیا۔ چاروں کُنٹ شرع شیَطانا، شریِعت گھر گھر کرے لڑائیا۔ اپنا ویکھ زِمیں اسمانا، طبق طبقاں پھول پھولائیا۔ تیرا تیرے نالوں ہویا بیگانہ، ساچا سنگ نہ کوئے نِبھائیا۔ بِن تیرے شبدی دھار توں سچ رہیا نہ کوئے ترانہ، تُریا توں پار سمجھ کِسے نہ آئیا۔ ویکھ کھیل سِری بھگوانا، بھگوَن اپنی لئے انگڑائیا۔ گُر اوتار پَیغمبراں دے ہُندیاں بدل گیا زمانہ، ظاہر ظہوُر تیرا درس کوئے نہ پائیا۔ نیتر رووے تیرا آسمانی شامیانہ، جِس وِچ شمع نوُر نہ کوئے رُشنائیا۔ تیری یاد وِچ اپنی فریاد وِچ گُر اوتار پَیغمبراں تیرے حُکم دا دِتا بیانا، انت تیرے ہتّھ رکھائیا۔ اُٹھ ویکھ میرے صاحِب سُلطانا، شہنشاہ پردہ آپ چُکائیا۔ تُوں مرد مرد مردانہ، تُدھ بِن دوُجا نظر کوئے نہ آئیا۔ تیری کِرپا نال میَں ہوواں لوک مات پردھانا، پردھانگی تیری دیاں سمجھائیا۔ نوَ کھنڈاں دسّاں کل کلکی پہریا جامہ، اِمام اِماما ویس وٹائیا۔ جِس دا ڈنکا نام دمامہ، دماں والیاں دیاں سُنائیا۔ جِس جھگڑا میٹنا تماما، طمع مذہب نہ کوئے رکھائیا۔ شرع زنجِیر دا رہے نہ کوئے غُلاما، بندھن دیِن دُنی تُڑائیا۔ میرا محبوُب مالک خالق تیرے قدماں وِچ میری سلاما، سجدیاں وِچ بردا ہو کے سیِس نِوائیا۔ لیکھا پوُرا کریں ضرور وِچ کُراسانا، کُھراسانا اپنا رنگ رنگائیا۔ ایہہ لیکھا بِنا لِکھت توں پُرانا، پُران بھوِکھت دئے گواہیِا۔ میری اِکو آشا اِکو چاہنا، چاؤ اپنا دِتا جنائیا۔ جوتی

جوت سروُپ ہرِ، آپ اپنی کِرپا کر، ایکا دینا ساچا ور، نِہکلنک نرائن نر، مہاراج شیرسِنگھ وِشنوُں بھگوان، تیرا کھیل زِمیں اسماناں، دو جہاناں تیرا حُکم ورتے تھاؤں تھائنیا۔

۳ ساوَن شہنشاہی سمت ۸ اِٹارسی شہر کؤڑا مل تے سدن مل دے گرِہ

کلمہ کہے پربھوُ تُوں آد انت ایکا، ایکنکار اِک اکھوائیا۔ کلجُگ انتم سب دا پوُرا کرا دے ٹھیِکہ، ٹھیکیداری دیِن مذہب رہن کوئے نہ پائیا۔ آتم دھار تیری ہووے ٹیکا، دوُسر اوٹ نہ کوئے تکائیا۔ میَں اِکلؤتا تیرا ہوواں بیٹا، جِس بیٹے نوُں شبد گوبِند کہے لوکائیا۔ تیری آدی سیجا اُتے ہوواں لیٹا، جُگادی تیری خوشی بنائیا۔ تُوں مالک لوک مات میَنوُں مُنتخِب کر لےَ اپنا نیِتا، نر نرائن اپنی دَیا کمائیا۔ میَں اوتار پَیغمبراں گُروُآں سب نوُں پِچھلا کراواں چیتا، پوُرب دا پردہ آپ اُٹھائیا۔ اُٹھو ویکھو چاروں کُنٹ بالوُ اُڈدی ریِتا، اگنی تتی تت تپائیا۔ آتم پرماتم کرے کوئے نہ ہیتا، ہِتکاری روُپ نہ کوئے وٹائیا۔ تُوں آد انت جگت کِرسانا کھیتا، باڈی تیری بےپرواہیِا۔ دیِن دُنی دی دعوے نال بدل دے ریکھا، ریکھا اپنی اِک سمجھائیا۔ تیرا منظور ہووے محبوُب شبدی دھار بھیکھا، بھیکھ کوُڑا دینا مِٹائیا۔ جوتی جوت سروُپ ہرِ، آپ اپنی کِرپا کر، ایکا دینا دُھر دا ور، در تیرے منگ منگائیا۔ دُھر کلمہ کہے میرے مالک میری منّ، منسا دیاں جنائیا۔ تیرا اِکو چمکے نوُری چنّ، جِس نوُں سوُریہ چند سیِس نِوائیا۔ جگت وِکارا کوُڑا ریِٹھا دینا بھنّ، گھڑن بھنّنہار تیری سرنائیا۔ بھاگ لگاؤنا بھگتاں تن، تتو تت دینی وڈیائیا۔ پیار مُحبّت وِچ بناؤنے جن، بننا آپ جنیندی مائیا۔ وسیرا ویکھنا چھپّری چھنّ، چھتردھاری کھوج کھوجائیا۔ گھر بھنڈارا دینا جل اَنّ، اتوٹ اتُٹ ورتائیا۔ جوتی جوت سروُپ ہرِ، آپ اپنی کِرپا کر، ایکا دینا دُھر دا ور، نِہکلنک نرائن نر، مہاراج شیرسِنگھ وِشنوُں بھگوان، لہنا پوُرا کرنا نِرگُن دھار اپنے برہم، پاربرہم اپنی دَیا کمائیا۔

۳ ساوَن شہنشاہی سمت ۸ اِٹارسی شہر جسونت سِنگھ دے گرِہ

نارد کہے پربھوُ میَنوُں مار دّھپھا، زور نال لگائیا۔ جِس نال میَنوُں نظر آئے تیرا روُپ پپا، پوُرن پرمیشور بےپرواہیِا۔ پر یاد کر میَں تَینوُں سپتس رِکھیِاں دی اِک سُناؤن لگّا گپّا، جِس نوُں شاستر کہہ سکن نہ رائیا۔ جِس دا اِکو موُل تے اِکو ٹپّا، انت اِکو ویکھ وکھائیا۔ اوہناں خوشیاں وِچ بچن کیِتا سچّا، ماچھوُواڑے ڈیرہ لائیا۔ نالے کِھچیاں اپنیاں لِٹاں، سِروں ننگے ہو کے دِتی دُہائیا۔ میَں اُس ویلے نِکّیاں وڈّیاں لےَ کے اٹاں ، پاتھر پاہن کول ٹِکائیا۔ جِس اُتے اوہناں تیرے دھرم دیاں لِکھیاں چِٹاں، اوہ چِٹاناں دین گواہیِا۔ جِس دا سمجھیا کِسے نہ سِٹہ، سِٹے بازی وِچ لوکائیا۔ پہلے اُتے لِکھیا شیرسِنگھ دا نِشان ہووے اُتے کھبّا گِٹا، انت اوسے وِچ سمائیا۔ پھیر سب نے اِکٹّھا بنایا اِک چِٹھا، جِس نوُں چِٹھی رسیَن پھڑن والا نظر کوئے نہ آئیا۔ میَں تکدا رہیا بِٹ بِٹا، نِگاہ زِمیں اسمان اُٹھائیا۔ پھیر دھرتی اُتے لِٹا، لما پےَ کے ویکھ وکھائیا۔ میَنوُں نظر آیا دو جہان دا قِطعہ، جِتھے کیتے اوتار پَیغمبر گُر وِشن برہما شِو بَیٹھے سیِس نِوائیا۔ پھیر حُکم سُنیا اگمّی جو سُنایا میرے پِتا، پت پرمیشور دِتا دِرڑائیا۔ بِنا میری کِرپا جُگ چؤکڑی کِسے دی پوُری ہووے نہ اِچھا، اِچھیا وِچ سارے جُگ جُگ سیِس نِوائیا۔ میَنوُں اُس ویلے آ گئی نِچھا، چھیں چھیں کر کے دِتا سُنائیا۔ جھٹ اتری پےَ گیا چھتھا، نِگاہ میرے ولّ اُٹھائیا۔ میَں اوسے ویلے دوہتّھڑ مار کے پٹا، بہُڑی بہُڑی کر سُنائیا۔ رِشی جی تُساں اجے من نہیں اپنا جِتا، کیوں بھجّو واہو داہیِا۔ میَں پربھوُ دا بھگت کدے نہ ہوواں دو چِتا، جگت ریِتی نہ کدے اپنائیا۔ جے کوئی میَنوُں کہے ایہہ کِسے گُروُ دا سِکھا، میَں سِر پھیر کے نہ دیاں کرائیا۔ آہ تکّو کی لیکھ میری اُتے ہِکا، حِکمت نال دِتے لِکھائیا۔ یاد رکھیو کلجُگ انت اِکو میرے صاحِب دا چلیگا سکہ، دوُجا نظر کوئے نہ آئیا۔ جھٹ سپتس رِکھیِاں پھڑ کے اوہنوُں کِھچا، گھسیِٹن واہو داہیِا۔ جاہ ساڈا چھڈ جا پِچھا، براہمنا تیری لوڑ نہ کوئے رکھائیا۔ نارد کہے میَں اوسے ویلے اِک حُکم اگمّی لِکھا، جِس نوُں لِکھن والی جانے موُل نہ سیاہیا۔ اُس ویلے میرے صاحِب میری جھولی پائی بِھکھا، بِھکھاری اِکو میَں ہی نظری آئیا۔ جاں تکیا اُس وِچ کلجُگ جیِواں دی بھری وِکھا، جِس وِکھ نوُں بِن سَتگُر شبد سکے نہ کوئے مِٹائیا۔ میرے انتر تیِر انیالا وجّا تِکھا، میَں رو کے دِتا سُنائیا۔ اےَ میرے ابناشی اچُتا، کی تیری بےپرواہیِا۔ کیوں کلجُگ کوُڑی ہووے رُتا، سچ رُت نہ کوئے مہکائیا۔ پُرکھ اکال

کِہا اے نارد اُس ویلے میری رہے کوئے نہ پُچھا، پریمی نظر کوئے نہ آئیا۔ میرے نالوں جگت ناتا ہووے سُچا، جگت سنبندھی مِل کے خوشی بنائیا۔ میرا انتر پیار سب نالوں ہووے ٹُٹا، بِن میری کِرپا گنڈھ نہ کوئے پوائیا۔ میَنوُں ضرور گاؤن گے بُلاں بُٹا، ہِردے سکے نہ کوئے وسائیا۔ نارد کہے میَں اُس ویلے پربھوُ نال رُسا، رُس کے اپنی بودی دِتی ہِلائیا۔ کروٹ وِچ بدلیا جُسا، پاسا پرت لئی انگڑائیا۔ میَں بِنا مُچھاں توں تاء دِتا مُچھاں، اپنا بل پرگٹائیا۔ میرے صاحِب میرے مالک دُھر دے پِتا کیوں بچن کریں رُکھا، تیرے قدماں سیِس نِوائیا۔ تُوں آد دی جننی جن بھگت آتم دھار پرگٹے تیری کُکھا، دوُجی جمّن والی اوَر کوئے نہ مائیا۔ بِن تیری کِرپا جگت جہان جاوے لُٹا، لُٹیرا سَتجُگ تریتا دواپر کلجُگ چارے جُگڑا نظری آئیا۔ نارد کہے پھیر پربھوُ نے میری دھؤن وِچ ماریا مُکا، مُنہ دے بھار سُٹائیا۔ حُکم دِتا اوہ ویکھ کلجُگ انتم ویلا ڈُھکا، سپتس رِکھیِاں نال مِلائیا۔ میرے نام دے تھاں مُکھ وِچ ہونا نڑی تے حُقہ، حُکم بُھلنا بےپرواہیِا۔ تُوں اُس ویلے رہیں نہ سُتا، لیَنی شبد دھار انگڑائیا۔ میرا بھانا کدے نہ رُکا، نہ کوئی میٹے میٹ مِٹائیا۔ نارد کہے نالے پربھوُ نے ہلوُنیاں پھڑ کے گُٹا، گھُٹنیاں بھار سُٹائیا۔ پھیر دے کے اگمّی جھوُٹا، جھوُلا دو جہان جھُلائیا۔ پھیر وکھایا کلجُگ انتم جگت جہان جھوُٹھا، سچ وِچ سچ نہ کوئے سمائیا۔ سب دا خالی دِسے کایا ٹھوُٹھا، امرت نام رس نظر کوئے نہ آئیا۔ بِن پربھوُ دی کِرپا جگت خالی دِسے بوُٹا، پھل پُھل نظر کوئے نہ آئیا۔ نارد کہے میَں جھٹ دوویں میٹ لئیاں مُٹھاں، پھیر مستک اُتے ٹِکائیا۔ کنّ پکڑ کے تکیاں چارے گُٹھاں، اُنگلی ٹھوڈی اُتے رکھائیا۔ جاں نیَن اُٹھایا کلجُگ پائیاں لُٹاں، لُٹیرا کلجُگ بھجےّ واہو داہیِا۔ جاں اندر وڑ کے ویکھیا کوُڑ کُکرم سچ پیار نال جُٹا، جو بل اپنا آپ وکھائیا۔ جاں پھیر نِگاہ ماری میَنوُں جگت پیار دا آیاہوُٹا، مُحبّت دُنی والی نظری آئیا۔ دُنیا والے پربھوُ تَینوُں کہن ایہہ صاحِب شیَطان دا ٹوُٹا، تے شبد نوُں شیَطان ٹوُٹی کہہ کے سارے گائیا۔ میَں حَیران ہو گیا پریشانی وِچ جھُکا، جھُک کے سیِس نہ کوئے نِوائیا۔ جاں تکیا گھر گھر ایہو دُکھا، دُکھاں بھری لوکائیا۔ پھیر تیرے ولّ اسماناں توں پرے چُکیا مُکھا، گگن گگننتراں پندھ مُکائیا۔ میرے مالک صاحِب تیرے بِنا تیریاں بھگتاں نوُں کہے کوئے نہ پُتا، پِتا پوُت نہ کوئے گود اُٹھائیا۔ کِرپانِدھ گہر گُن ساگر سچ سوامی کر حِتا، ہِتکاری ہو کے ویکھ وکھائیا۔ نارد کہے پھیر میَنوُں سندیسہ دِتا اِک نِکاّ، سہج سہج سہج نال سُنائیا۔ نارد کہے میَں بھگت دوارے بھگتاں گرِہ ہوواں وِکا، میری قیِمت نہ کوئے چُکائیا۔

نارد کہے میَں سِر قدماں تے سِٹاں، نِو نِو سیِس نِوائیا۔ پربھوُ نے اِشارہ کیِتا اوہ ویکھ اپنیاں چِٹاں، جو شہادت دین گواہیِا۔ جوتی جوت سروُپ ہرِ، آپ اپنی کِرپا کر، کرے کھیل ساچا ہرِ، سچ دا حُکم اِک ورتائیا۔ نارد کہے میَں سَتگُر شبد شبدی دھار اگمّ، اگوچر نظر کِسے نہ آئیا۔ میرا کتھا کہانی والا چمّ، جگت جوانی جگت نال ہنڈھائیا۔ میرا اُننجا پوَن سوامی توں باہر دم، بِنا دماں توں سواس چلائیا۔ جُگ جُگ جگت وِچ پِھرنا میرا کمّ، کمیِنہ بن کے بھجّاں واہو داہیِا۔ نہ کوئی خوشی تے نہ کوئی غم، ہرکھ سوگ ونڈ نہ کوئے ونڈائیا۔ پر جُگ جُگ میَں اِک پلّے بدھّی گلّ، جِس گلّ وِچ بھیت پربھ نے دِتا چُھپائیا۔ اوہنوُں سمجھن دا چار جُگ دے شاستر سمجھا سکے نہ ولّ، پردہ سکیا نہ کوئے اُٹھائیا۔ صِرف تھوڑا جِہا اِشارہ کیِتا سی باوَن نے راجے بل، چھلیِا ہو کے آپ جنائیا۔ آہ تک اؤہ تک تے ویکھ کلجُگ کل، کلکاتی راجے دِسن قصائیا۔ کوُڑ کُڑیارا گھر گھر ڈیرہ بہے ملّ، آسن کایا مندر اندر لائیا۔ سرِشٹی بُھل جانا جیہڑا وسے جل تھل، مہیئل رہیا سمائیا۔ اُس آؤنا لوک مات چل، نِرگُن اپنا کھیل کھِلائیا۔ اُس ویلے جھٹ سیِس نِوایا بل، بل بل اپنا آپ کرائیا۔ وقت نہ گھڑی لگّی نہ پل، پلکاں دے پِچھے کھیل دِتا وکھائیا۔ نارد کہے اُس ویلے میرے اندر وجّا سلّ، گھاؤ ڈوُنگھا نظری آئیا۔ میری ہِلن لگّی کھلّ، ہؤکیاں ہؤکیاں نال کُرلائیا۔ جوتی جوت سروُپ ہرِ، آپ اپنی کِرپا کر، کرے کھیل ساچا ہرِ، سچ دا پردہ آپ چُکائیا۔ نارد کہے میَں ویکھاں اوہ چِٹھیاں، جِس دا اکھّر نہ کوئے سمجھائیا۔ جِس وِچ اگمّی لِکھتاں لِکھیاں، جگت کاتباں سمجھ کوئے نہ آئیا۔ اُس وِچ اِک صاحِب دی شرع تے اِک صاحِب دیاں مِتیاں، جِس نوُں مِتر پیارا گوبِند کِہا ماہیِا۔ اوہ کِسے دوارے نہ وِکیاں، قیِمت جگت نہ کوئے رکھائیا۔ اوہ نہ وڈّیاں نہ نِکّیاں، سبے اِکے رنگ سمائیا۔ اوہ کلجُگ نوُں ویکھ میَنوُں مارن کھچیاں، ہلوُنے دے کے رہیاں جگائیا۔ وے ناردا کیوں نہیں ساڈیاں گلّاں دسّدا وِچلیِاں، وِچلا بھیوَ کُھلائیا۔ اسیں نہ اوُچ نہ نیِچیاں، وڈّی چھوٹی بنت نہ کوئے بنائیا۔ سانوُں ایسے کارن چڑھدیاں کچیچیاں، وڈّے چھوٹے لڑ لڑ مرن تے ناتا رکھن بھَین بھائیا۔ پربھوُ دے پیار دیِاں پُھلواڑیاں تے باغیچیاں، آد جُگاد جُگ چؤکڑی جن بھگت نظری آئیا۔ ایہو اِشارہ دیوے محمد وِچ حدیِثیاں، کلمیاں وِچ گائیا۔ پھیر ساڈا لیکھ ویکھ جگت جہان دیاں چکّیاں جانیاں پیِسیِاں، چکناچوُر ہووے لوکائیا۔ پھیر پِیو پُتراں ماواں دھیاں ناراں مرداں اِک دوُجے نوُں وٹنیاں کسیِسیِاں، قِسمت دے ماریو کیوں بُھلیا بےپرواہیِا۔ جِس

صاحِب دے کول جگت دیاں جگدیِشیاں، جگدیِشر اِک اکھوائیا۔ اُس دیاں کیا ریِسیِاں، جو رستے جاندیاں نوُں دئے بُھلائیا۔ جے اوہ رحمت کرے تے رحمت دیاں بخشیِشیاں، کوجھیاں کملیاں گلے لگائیا۔ ناردا ویکھ ساڈا لیکھ اُتے گیِٹیاں، سپتس رِکھیِاں نوُں ہلوُنا دے لگائیا۔ ساریاں دے کولوں لیکھے مُک جانے گُر اوتار پَیغمبراں لوک مات سچکھنڈ دیاں ٹِکٹاں ویکھنیاں نہیں جگت دیاں ٹیِٹیاں، سارے لیکھا پربھ دے ہتّھ پھڑائیا۔ پِچھلیاں جُگاں دیِاں کہانیاں پِچھے بیِتیاں، پِچھلا لیکھا رہے نہ رائیا۔ اَگے اِکو اِک دیاں چلنیاں ریِتیاں، ریِتیوان بےپرواہیِا۔ مان مِلنا ہست کیِٹاں چِاٹیاں، گجاں مان تُڑائیا۔ جوتی جوت سروُپ ہرِ، آپ اپنی کِرپا کر، کرے کھیل ساچا ہرِ، سچ دا حُکم اِک سُنائیا۔ چِٹاں کہن نارد سوہنیاں بودی کُھرک، اُنگلاں جگت والیاں ہِلائیا۔ اوہ ویکھ ساڈے وِچ لیکھا لِکھیا کلجُگ انت پرم پُرکھ آؤنا تُرت، نِرگُن اپنا پندھ مُکائیا۔ اُس نے سب دی ویکھنی نِرت تے سُرت، سُرتی توں پرے اپنا شبد رکھائیا۔ پھیر اہن کھیل کھیلنا وِچ تُرک، تُرکی وِچ تُور نادی شنوائیا۔ ایہہ لہنا سب دا پوُرب، پِچھلا کھوج کھوجائیا۔ جوتی جوت سروُپ ہرِ، آپ اپنی کِرپا کر، دیونہارا ساچا ور، سچ دا حُکم اِک ورتائیا۔ چِٹاں کہن ناردا سانوُں دوُجے پاسیوں پلٹ، بِنا ورقے توں ورقہ اُلٹائیا۔ نارد بِنا ہتّھاں توں ہتّھ لایا جھٹ، جھٹکا دِتا لگائیا۔ جاں تکیاں اِکو نظر آیا جو وسے گھٹ گھٹ، گھٹ گھٹ دا مالک بےپرواہیِا۔ جو ساریاں برہمنڈاں کھنڈاں رہیا ٹپ، ٹاپوُآں توں پرے اپنا حُکم ورتائیا۔ نارد کِہا واہ میرے صاحِب سمرتھ، تیری بےپرواہیِا۔ تیری مہما اکتھ، کتھنی کتھ سکے نہ رائیا۔ میَں تیرا جُگ چؤکڑی چلدا ویکھاں رتھ، رتھواہی سارے تیری سیو کمائیا۔ پر میَنوُں اِک گلّ دسّ، بِنا کنّاں توں دینا سُنائیا۔ تُوں کیوں بھگوان ہو کے بھگتاں دے پئیں وس، ایہہ تیری کی وڈیائیا۔ جوتی دھار پیا ہسّ، بِن مُکھ توں ہسّ کے دِتا وکھائیا۔ نارد اوہ میرا میَں اوہناں دا ماناں رس، رستہ آتم پرماتم جنائیا۔ نارد سِر پھیریا جھٹ، اُنگلی دِتی ہِلائیا۔ پربھوُ تُوں میَنوُں کلجُگ وکھایا تے میَں اُس دی پلّے بنّھ لئی گٹھ، پھیر بودی وِچ ٹِکائیا۔ اوہ ویکھ لےَ تیرے بھگت تیرے پیار نوُں رہے چھڈ، مُحبّت وِچ نہ کوئے سمائیا۔ اوہناں دا ناتا سنسار ماس ناڑی تے ہڈّ، جیہڑا مِٹّی خاک اگن وِچ جلائیا۔ نالے نارد نے گھوُری لئی وٹ، تِاڑی پا کے نِگاہ پُرکھ اکال ولّ اُٹھائیا۔ نالے ہسّ کے کِہا پربھوُ بھاویں میرا سیِس کٹّ، دھڑ اپنے قدم ٹِکائیا۔ پر اِک میَنوُں اپنے حُکم دا دے دے خط، خوشخطی تیرا پریم

نظری آئیا۔ جِس ویلے چار جُگ دے شاستر سنسار نوُں دے نہ سکے مت، تیرے صِفتاں والے کلمے کمّ کِسے نہ آئیا۔ ایہہ لیکھا میَں تَینوُں پھیر وِکھاواں گا وتّ، جِس ویلے بے وطن ہوئی لوکائیا۔ تَینوُں کوئی نہیں منّیگا پرمیشور پتِ، جگت پتیاں دے پِچھے بھجّن واہو داہیِا۔ اُس ویلے میَں لنگڑا لوُلا ہونا تے میری ٹُٹ جانی لتّ، بلہیِن اکھوائیا۔ جھٹ سِری بھگوان نے گھسُنّ ماریا کس، زور نال دبائیا۔ نارد کیِتا عش عش، تیری بےپرواہیِا۔ میَں تیرا شبد سروُپ دو جہاناں لواں کچّھ، کچّھ مچّھ چرناں ہیٹھ دبائیا۔ پر اِک میری بیننتی تیرا درشن ہوئے سروُپ سوَچّھ، سوَچّھ سروُپی نظری آئیا۔ پرم پُرکھ کِہا میری اِکو دھار تے اِکو مت، اِکو حُکم منّنا چائیں چائنیا۔ جوتی جوت سروُپ ہرِ، آپ اپنی کِرپا کر، کرے کھیل ساچا ہرِ، سچ دا حُکم اِک ورتائیا۔ نارد کہے پھیر چِٹھی کھولی میَں، اوسے نوُں لیا اُلٹائیا۔ میَں لیکھا پڑھیا میرے اندروں نِکلی ہیَں، حَیران ہو کے ویکھ وکھائیا۔ جاں تکیا پڑھیا سمجھ آئی ایتھے ہو کے پَیغمبر گُروُ اوتار گئے کےَ، قایم مقام نظر کوئے نہ آئیا۔ سدا جُگ چؤکڑی بِنا پربھوُ توں بھنڈارا کوئی نہ دئے، راجے بل نوُں باوَن ایہو آیا سمجھائیا۔ پربھوُ دی کِرپا بِنا کدے اُپجے کوئے نہ شےَ، شہنشاہ اپنی دَیا کمائیا۔ نارد کہے ایسے کر کے اُس چِٹھیاں دے ادھار اُتے ہرِ سنگت نوُں حُکم دِتا لنگر ورتاؤن توں پہلاں تے لنگر ورتاؤن توں بعد سدا بولنی سوہنگ مہاراج شیرسِنگھ وِشنوُں بھگواندی جےَ، جےَ جےَ جَیکار سُنائیا۔ ایہہ لیکھا ہرِ بھگت دوار تے بھگتاں دے گرِہ گرِہ، بچیا رہن کوئے نہ پائیا۔ نارد کہے میرا صاحِب سوامی جِس استھان بہے، سو تھان تھننتر وجےّ ودھائیا۔ جو سدا سد سرِشٹی نوُں کردا لےَ، اُتپت اپنے حُکم وِچ کرائیا۔ جوتی جوت سروُپ ہرِ، آپ اپنی کِرپا کر، ایکا دینا دُھر دا ور، دُھر مستک لیکھ بنائیا۔ نارد کہے لیکھا لِکھیا بھوِکھت واک، بھاکھیا سمجھ کِسے نہ آئیا۔ پربھ کِرپا کیِتی میَں کھول کے ویکھیا تاک، پردہ پردیاں وِچوں چُکائیا۔ کلجُگ انت جِس ویلے سرِشٹی دا گیا اِخلاق، نِفاق وِچ کُرلائیا۔ اُس ویلے مِہر کرے مِہربان آپ، اپنی دَیا کمائیا۔ کوٹ جنم دے جن بھگتاں میٹے پاپ، پتت پُنیِت بنائیا۔ آتم پرماتم بناکے ساک، سجّن اِک اکھوائیا۔ اپنے مِلن دی دسّ کے جاچ، یاچک اپنے رنگ رنگائیا۔ تن ماٹی بھانڈا ویکھے کاچ، کنچن گڑھ سُہائیا۔ ترےَگُن اگنی تکّے آنچ، رجو طمو ستو پھول پھولائیا۔ جن بھگتاں نوُں وڈیائی دے کے وِچ مات، سِر سِر اپنا ہتّھ رکھائیا۔ جن بھگتاں دی دھوُڑی اپنے مستک لاوے خاک، مان نِمانا آپ اکھوائیا۔ جِس دا آد انت پرتاپ، پت

پرمیشور بےپرواہیِا۔ نارد کہے میَں اوسے دا پُتر اوسے دے چلِتر نوُں رہیا واچ، واچک شبد گُروُ اکھوائیا۔ جوتی جوت سروُپ ہرِ، آپ اپنی کِرپا کر، کرے کھیل ساچا ہرِ، نِہکلنک نرائن نر، مہاراج شیرسِنگھ وِشنوُں بھگوان، جِس دی آد انت جُگا جُگنت اِکو شبد حُکم دی بات، دوُسر گلّ کہن کوئے نہ پائیا۔

۳ ساوَن شہنشاہی سمت ۸ اِٹارسی شہر پاروُ مل دے گرِہ

نارد کہے چاروں طرف پترکا کھولی، برہما چارے مُکھ اُٹھائیا۔ تُوں میرا میَں تیرا گاوے بولی، بِن رسنا جِہوا شبد شنوائیا۔ پھیر لکھّ چؤراسی تکّی چولی، کایا تت نظری آئیا۔ پھیر انتم جاندی ویکھی ڈولی، تِھر رہن کوئے نہ پائیا۔ پھیر تکیا قُدرت رچنا رچنا قُدرت پربھ دی گولی، سیوک ہو کے سیو کمائیا۔ جِس دے وِچ دیِن دُنی دی ہولی، ہولا ویکھے بےپرواہیِا۔ جو آد جُگاد سب دی بھردا جھولی، جھوُلا نام جھُلائیا۔ اوہ بھگتاں دِسے ہم جولی، ہم ساجن نظری آئیا۔ پھیر ویکھیا جِس آتم شبدی دھار پرماتم چھوہ لی، شوعلہ اگن جوت رُشنائیا۔ اُس مان مِلیا اُپر دھؤلی، دھرنی دھرت دھوَل وجّی ودھائیا۔ جو سب دے وعدے پوُرے کرے اِقرار قؤلی، کول نیَن اِک اکھوائیا۔ اوہ پندھ مُکاوے ہؤلی ہؤلی، آہستہ آہستہ اپنا قدم اُٹھائیا۔ نارد کہے میری آسا پئی تؤلی، کاہلی ہو کے بھجیّ واہو داہیِا۔ اے پربھوُ میَں تیری رُت ویکھنی مؤلی، جو رُتڑی بھگتاں نال مہکائیا۔ اُدھروں کلجُگ دِسیا پاوے رؤلی، اُچی کوُک کوُک جنائیا۔ میَں سب دی سچّی آشا منشا ڈھاہُنی، کوُڑی کِریا رنگ بنائیا۔ کایا گڑھ ہنکار بناؤنی، مایا ممتا نال سُہائیا۔ سچ خوشی کِسے دے گھر نہ رہے پراہُنی، چِھن آوے تے اُٹھ جائیا۔ جگت کامنا ہونی کاں کاؤنی، جوڑا جگت جگت وڈیائیا۔ جوتی جوت سروُپ ہرِ، آپ اپنی کِرپا کر، کرے کھیل ساچا ہرِ، نِہکلنک نرائن نر، مہاراج شیرسِنگھ وِشنوُں بھگوان، جن بھگتاں من منسا پوُر کراؤنی، ہنسا گُرمُکھ روُپ درسائیا۔

۳ ساوَن شہنشاہی سمت ۸ اِٹارسی شہر ہردِت سِنگھ دے گرِہ

نارد کہے میَں ویکھاں کلجُگ، جگت جُگت دھیان لگائیا۔ جاں میَں پَیر دھریا میَنوُں دھرنی ماری ہُجھ، ہلوُنا دِتا لگائیا۔ اُٹھ ویکھ پرم پُرکھ دا ویلا گیا پُج، پوُجا تک جگت لوکائیا۔ سب دا بھاؤ ہویا دُتیا دُج، ایکا رنگ نہ کوئے رنگائیا۔ سَت دھرم دیِن دُنی وِچوں گیا اُڈ، چار کُنٹ رہن کوئے نہ پائیا۔ اُجل دِسے کوئے نہ بُدھ، من کلپنا سرِشٹ ہلکائیا۔ کِسے دی لئے کوئے نہ سُدھ، سِر ہتّھ نہ کوئے ٹِکائیا۔ نیتر رووے دھرنی بسُدھ، بسُدھا دئے دُہائیا۔ دروہی میرے اُتے ہون والا یُدھ، یُدِھشٹر دا لیکھا پوُر کرائیا۔ جوتی جوت سروُپ ہرِ، آپ اپنی کِرپا کر، کرے کھیل ساچا ہرِ، سچ دا حُکم اِک ورتائیا۔ نارد کہے میَں کھیل تکیا بے نظیِر، جگ نیتر نہ کوئے وڈیائیا۔ جِس دا لیکھا انت اَخیِر، آخر اپنا حُکم ورتائیا۔ جِس نوُں جھُکدے اوتار پَیغمبر پیِر، گُر گُر لاگن پائیا۔ اوہ کھیل کرے لیکھا جانے شاہ حقیِر، شاہ سُلطانا نوُر الاہیِا۔ جِس دی دو جہان جاگیِر، برہمنڈ کھنڈ حُکم ورتائیا۔ جوتی جوت سروُپ ہرِ، آپ اپنی کِرپا کر، کرے کھیل ساچا ہرِ، سچ دا پردہ آپ چُکائیا۔ نارد کہے میَں تکاّں نوُر الاہ، عالمیِن بےپرواہیِا۔ جِس نوُں کہندے واحد خُدا، خود مالک شہنشاہیِا۔ اُس دے اَگے حضرت عیسیٰ موُسیٰ محمد کرے دُعا، کلمیاں وِچ سجدہ سیِس نِوائیا۔ میرے رہبر بے پرواہ، پروردِگار تیری سرنائیا۔ کیوں ساڈا لیکھا ہون لگّا جُدا، جُز جگت ونڈ ونڈائیا۔ کیوں اُمت اُمتی مِلن والی سزا، سزایافتہ دِسے لوکائیا۔ تُوں مالک خالق نوُر نوُرانہ والی دو جہاں، چؤداں طبق تیرا راہ تکائیا۔ تَینوُں جھُکدے زِمیں اسماں، سِر سکے نہ کوئے اُٹھائیا۔ جوتی جوت سروُپ ہرِ، آپ اپنی کِرپا کر، دیونہارا ساچا ور، بھیوَ ابھیدا آپ کُھلائیا۔ دھرنی کہے سُن نارد سچّے میِت، مِترا دیاں دِرڑائیا۔ میرے اندروں نِکلے چیِک، بِن نیَناں نیر دیاں وہائیا۔ میرے مالک وِچ حق تؤفیِق، طاقتور نوُر الاہیِا۔ جِس محمد نوُں دسّی حدیِث، رسوُلاں کری پڑھائیا۔ اوہ نِرگُن دھار اوتار چؤبیس، جگدیِش اگمّ اتھاہیِا۔ جِس نوُں وید ویاس کِہا براہمن گؤڑا ٹھیِک، ٹھاکر دُھر دا نظری آئیا۔ جِس دی نام کلمے کرن تصدیِق، شہادت اکھّراں والی بُھگتائیا۔ دھرنی کہے میَنوُں اُس مالک دی اُمیِد، جِس دی آمد وِچ سارے بَیٹھے سیِس نِوائیا۔ میری سدھراں بھری پوُری کرے ریِجھ، سِر میرے ہتّھ ٹِکائیا۔ دیِن دُنی دے کایا کھیت اندر دھرم دا بیِجے بیِج، کوُڑی کِریا باہر کڈھائیا۔ میری سیوا لیکھے لائے میَں کملی

کوجھی ناچیِز، جگت مِٹّی خاک نظری آئیا۔ اُٹھ ویکھ صدی چؤدھویِں رہی بیِت، اپنا پندھ مُکائیا۔ جھگڑا تک مندر مسیِت، کعبے روون مارن دھاہیِا۔ کی کھیل کرے پربھوُ ترےَگُن اتیِت، ترےَبھوَن دھنی اپنا حُکم ورتائیا۔ نارد کِہا دھرنیئے اوہ لکھّ چؤراسی پرکھنہارا نیِت، گھٹ گھٹ اندر پھول پھولائیا۔ سچ پریم دی کرے بخشیِش، رحمت اپنی حق کمائیا۔ دُھر دا کلمہ دسےّ باہر حدیِث، حضرتاں توں پرے پڑھائیا۔ جِس دے چھتر جھُلنا سیِس، چھتردھاری نوُر الاہیِا۔ اُس دا اِکو ڈھولا اِکو ہووے گیِت، تُوں میرا میَں تیرا راگ سُنائیا۔ اِکو اِشٹ اِک پریِت، پریِتم اِکو سوبھا پائیا۔ جوتی جوت سروُپ ہرِ، آپ اپنی کِرپا کر، کرے کھیل دُھر دا ہرِ، نوُر نوُرانہ نوُر کرے رُشنائیا۔ نارد کہے سُن دھرنی میَں دسّاں یتھارتھ یتھا، یدی آپ دِرڑائیا۔ میرا صاحِب پُرکھ سمرتھا، سمرتھ پُرکھ وڈ وڈیائیا۔ جِس دی اوتار پَیغمبراں گُروُآں گائی گاتھا، صِفتاں وِچ صِفت صالاحیِا۔ اوہ کلجُگ لہنا دینا سب دا چُکائے ہتّھو ہتّھا، جگت اُدھار نہ کوئے جنائیا۔ اُٹھ ویکھ لےَ سب دا بُرج ڈھٹّھا، گڑھ کوُڑی کِریا دئے تُڑائیا۔ لیکھا جانے تت اٹّھا، نوَ دوارے پھولے تھاؤں تھائنیا۔ لہنا دینا جانے تیِرتھ اٹھسٹھا، گنگا گوداوری جمنا سُرستی پردہ آپ چُکائیا۔ جِس وِچ فرق رہے نہ رتا، رتن امولک ہیِرے ہرِجن ویکھے چائیں چائنیا۔ سرِشٹی درِشٹی اندر جِنہاں اپنی آتم سَتا، سَت ستوادی اپنی دَیا کمائیا۔ جوتی جوت سروُپ ہرِ، آپ اپنی کِرپا کر، کرے کھیل دُھر دا ہرِ، دُھر مالک اِک اکھوائیا۔ نارد کہے میَں کی سوچاں، جگت بُدھی چلے نہ کوئے چتُرائیا۔ میَں اِکو درس پربھوُ دا لوچاں، لوچن اِکو نیَن کُھلائیا۔ جِس نال تکاّں چؤداں لوکاں، چؤداں طبق پردہ رہے نہ رائیا۔ پھیر سُناں اگمّا سلوکا، تُوں میرا میَں تیرا راگ الائیا۔ پھیر سُناواں جگت جگیاسوُآں چؤراسی وِچوں مانَس جنم مؤقع، مُکمل پربھ نوُں مِل کے خوشی لیَنی بنائیا۔ نؤ کھنڈ پرِتھمی دیواں ہوکا، حُکم سُناواں دُھردرگاہیِا۔ آد انت جُگا جُگنت اِکو سَتگُر شبد بہُتا، بُہتے گُر کمّ کِسے نہ آئیا۔ جوتی جوت سروُپ ہرِ، آپ اپنی کِرپا کر، دیونہارا دُھر دا ور، نِہکلنک نرائن نر، مہاراج شیرسِنگھ وِشنوُں بھگوان، آد جُگاد جُگ چؤکڑی نِرگُن نِروَیر نِراکار نِرنکار اپنا کھیل کھیلے نال شؤقا، غمی چِنتا جگت والی گوائیا۔