کتب خانہGranth 23 (Urdu)

۱۴ اَسوُ شہنشاہی سمت اٹھ اِنگلیَنڈ لنڈن گریِن ہال گُروُدوارے وِچ وِہار ہویا

دھرنی کہے میَنوُں کہندے دھوَل دھؤل دھرت، جگت لوک مات مِلی وڈیائیا۔ میرا مالک خالق اگمّا والی عرش، عرشی پریِتم بےپرواہیِا۔ جِس دے حُکم وِچ میری اگمّی غرض، انتش سمجھ سکے کوئے نہ رائیا۔ جِس دا کھیل سدا اسچرج، آد انت مدھ بھیوَ نہ کوئے جنائیا۔ جوتی جوت سروُپ ہرِ، آپ اپنی کِرپا کر، کرے کھیل دُھر دا ہرِ، ہرِ وڈّا وڈ وڈیائیا۔ دھرتی کہے میرا روُپ مِٹّی خاک، جل دھارا نال سمائیا۔ میَنوُں پتت کہو کہ پاک، پُنیِت دا بھیوَ کوئے نہ آئیا۔ میَں آد دی چاکری وِچ چاک، جُگ جُگ سیو کمائیا۔ میرا اِک صاحِب اُتے وِشواس، جو وِشیاں توں باہر نوُر الاہیِا۔ جو سرب گُناں گُنتاس، گُنونتا اِک اکھوائیا۔ جِس دا آد سُتح پرکاش، نوُر نوُرانہ ڈگمگائیا۔ جِس دا شبد سُت دُلارا برہمنڈ کھنڈ پُری لوء آکاش پاتال پاوے راس، منڈل منڈپ وجےّ ودھائیا۔ اوہ صاحِب سوامی انترجامی جو میرے انتر نِرنتر کرے نِواس، باہروں نظر کِسے نہ آئیا۔ جِس وِشن برہما شِو کھیل کیِتا تماش، ترےَ اپنا حُکم سُنائیا۔ سنساری بھنڈاری

سنگھاری ویکھن کھیل تماش، بھیوَ ابھیدا آپ جنائیا۔ ترےَگُن مایا جھولی پا کے دات، ترےَگُن اتیِتے ترےَبھوَن دھنی دِتی وڈیائیا۔ اپ تیج وائے پرِتھمی آکاش پنجاں تتاں بخش کے ساتھ، سگلا سنگ جنائیا۔ دُھر دا حُکم سچ پَیغام شبد اگمّی سَتگُر دِتا آکھ، بِن اکھّراں کیِتی پڑھائیا۔ دھرنی میرے چرن کوَل دی راکھ، دھوُڑی اِکو اِک جنائیا۔ جِس دی میَں سدا سُناں فریاد، آہ اپنے وِچ سمائیا۔ مِہربان محبوُب ہو کے اِکو دُھر دی دیواں داد، وست امولک اگمّ ورتائیا۔ لکھّ چؤراسی جیِو جنت کراں آباد، مِہربان ہو کے مِہر نظر اُٹھائیا۔ جوتی جوت سروُپ ہرِ، آپ اپنی کِرپا کر، دیونہارا ساچا ور، سچ دا رنگ آپ رنگائیا۔ دھرنی کہے کِرپا کیِتی میرے بھگوَنت، مِہربان دَیا کمائیا۔ میری چرن دھوُڑ بنا کے بنت، سَت سَت وِچ ٹِکائیا۔ دُھر سوامی بن کے کنت، کنت کنتُوہل ویکھ وکھائیا۔ وِشن برہما شِو دھار جنائی نال رلایا لکھ چؤراسی جنت، جیِواں رنگ رنگائیا۔ بودھ اگادھا بن پنڈت، بُدھی توں پرے کیِتی پڑھائیا۔ اپنا کھیل دسّ اننت، اننت کل دھاری اپنا بھیوَ چُکائیا۔ جوتی جوت سروُپ ہرِ، آپ اپنی کِرپا کر، سد اپنا بھیوَ چُکائیا۔ دھرنی کہے میرے اُتے کھیل کیِتا اپار، پُرکھ اکال دِتی وڈیائیا۔ دھوَل کہے میرا دھؤل نے چُکیا بھار، جگ نیتر ویکھن کوئے نہ جائیا۔ دھرنی کہے میَں کھیل کھیلاں وِچ سنسار، سنساری بھنڈاری سنگھاری نال مِلائیا۔ دھوَل کہے میرا لیکھا اوس پربھوُ دے نال، جِس پاربرہم پت پرمیشور دا انت کہن کوئے نہ پائیا۔ اوہ بخشش کیِتی بخشنہار، رحمت اپنی سچ کمائیا۔ لکھّ چؤراسی نِرگُن سرگُن سرگُن نِرگُن میری جھولی دِتی ڈار، سیِس جگدیِش اپنا ہتّھ ٹِکائیا۔ ترےَگُن مایا پنجاں تتاں دے ادھار، تن وجوُد کری رُشنائیا۔ آتم جوت کر اُجیار، پرماتم کیِتی سچ رُشنائیا۔ پاربرہم برہم کھیل کیِتا اگمّ اپار، اپرمپر اپنا راہ چلائیا۔ ایِش جیِو کر تیار، ترےَگُن اتیِتے اپنا رنگ دِتا چڑھائیا۔ ایہہ میَں کھیل تکیا انڈیٹِھ، انڈِٹھڑی ہرِجوُ کار کمائیا۔ جوتی جوت سروُپ ہرِ، آپ اپنی کِرپا کر، کرے کھیل دُھر دا ہرِ، دُھر مالک اِک اکھوائیا۔ دھرنی کہے میرے اُتے آئے جیِو جنت مانَس، سوہنا رنگ رنگائیا۔ میرے وِچ نہ کوئی نِندرا نہ کوئی آلس، غمی چِنتا نہ کوئے جنائیا۔ میرا روُپ انوُپ پربھ پرگٹایا خالص، دوُجا سنگ نہ کوئے رلائیا۔ میَں اُس دی دھار اوسے دا بالک، اوسے دا نوُر اوسے دا ظہوُر اوسے دا روُپ نظری آئیا۔ میرا آد انت دا اِکو ثالث، دوُجا وِچولا ویکھن وِچ نہ کوئے رکھائیا۔ جوتی جوت سروُپ ہرِ، آپ اپنی کِرپا کر، دیونہارا ساچا ور، سچ دا رنگ آپ رنگائیا۔ دھرنی کہے

میرے اُتے پنج تت کیتے پردھان، تن وجوُد دِتی وڈیائیا۔ سریِر بنایا مہان، وکھّو وکھّ کھیل کھِلائیا۔ نؤ دوارے کھول دُکان، آسا منسا ترِسنا سب وِچ ٹِکائیا۔ دیِپک دیِا جوت جگا مہان، نوُر ظہوُر دِتا ٹپکائیا۔ امرت رس کھیل اپنے وِچوں کیِتا پروان، پرم پُرکھ اپنا رنگ رنگائیا۔ جوتی جوت سروُپ ہرِ، آپ اپنی کِرپا کر، دیونہارا ساچا ور، سچ حُکم اِک سُنائیا۔ دھرنی کہے منُشاں اندر پربھوُ کیِتی کِرپا، مِہر نظر اُٹھائیا۔ روُپ دسّیا اپنا اِک دا، ایکنکار دِتا سمجھائیا۔ جِس دا لیکھا برہما پاربرہم دی دھار نال لِکھدا، چارے وید دین گواہیِا۔ اوہ اِشارہ کرے نِرگُن نِروَیر نِرنکار جِس نوُں کدے کوئے نہ جِتدا، ہار وِچ سرب رکھائیا۔ اوہ مالک خالق پرِتپالک روُپ دھر اگمےّ پِت دا، لکھّ چؤراسی اپنی گود ٹِکائیا۔ دھرنی کہے میرا بِن نیَن توں راہ ہویا بِٹ بِٹ دا، ویکھ ویکھ بِگسائیا۔ جوتی جوت سروُپ ہرِ، آپ اپنی کِرپا کر، کرے کھیل ساچا ہرِ، سچ دی کھیل آپ کھِلائیا۔ دھرنی کہے میری کیِتی اگمّی ونڈ، میرے ٹُکڑے ٹُکڑے دِتے کرائیا۔ میرے اندر آیا رنج، میَں رو کے دِتی دُہائیا۔ پُرکھ اکال کِہا نہ کوئی میرا سویر نہ کوئی سنجھ، گھڑی پل ونڈ نہ کوئے ونڈائیا۔ آد جُگاد روُپ دھراں سوُرا سربنگ، نِرگُن سرگُن ویس وٹائیا۔ جوتی جوت سروُپ ہرِ، آپ اپنی کِرپا کر، دیونہارا ساچا ور، سچ دا مالک اِک اکھوائیا۔ دھرنی کِہا میرے مالک میرے سُلطان، صاحِب تیری سرنائیا۔ میرے ولّ مار دھیان، بِن اکھّاں اکھّ اُٹھائیا۔ تیری چؤراسی ہوئی پردھان، چارے کھانی وجےّ ودھائیا۔ میَں ویکھ کے ہوئی حَیران، حَیرانی وِچ تیرے اَگے دیاں دُہائیا۔ اِنہاں دا وارث اِنہاں دا مالک کوَن ہووے وِچ جہان، نِرگُن سرگُن سرگُن نِرگُن اپنا بھیوَ دے چُکائیا۔ جھٹ میری بیننتی پُرکھ اکالے دیِن دَیالے پروردِگار سانجھے یار ایکنکار کیِتی پروان، بِن اکھّراں میَنوُں دِتا دِرڑائیا۔ تُوں فِکر نہ کر میَں تیری سار پاواں آن، آپ اپنا ویس وٹائیا۔ جوتی جوت سروُپ ہرِ، آپ اپنی کِرپا کر، کرے کھیل ساچا ہرِ، سچ دی کرنی کار کمائیا۔ دھرنی کہے میرے اُتے روُپ دھریا بھگوان، نِرگُن سرگُن کھیل کھِلائیا۔ سنت کُمار ہو پردھان، پردہ دِتا اُٹھائیا۔ براہ کھیل کیِتا مہان، میَنوُں دِتی مان وڈیائیا۔ یگّء پُرش کیِتی کلیان، حیگریو نال رلائیا۔ نر نرائن حُکم دِتا آن، سندیسہ دُھردرگاہیِا۔ کپل مُن کر پردھان، دتّا ترےَ ونڈ ونڈائیا۔ رِکھپ بھیوَ کُھلایا مہان، پِرتھوُ میرے وِچوں متھ کے انّ دِتا کڈھائیا۔ متس کھیل کیِتا مہان، ساگراں وِچ سمائیا۔ کچھپ کر پردھان، چؤداں رتن کڈھے چائیں چائنیا۔ پھیر نرسِنگ روُپ دھر مہان، بھگتاں

رکھیا کرے بےپرواہیِا۔ بَل باوَن ہوئے پردھان، میل مِلاواں سہج سُبھائیا۔ ہری ہرِ کرے کلیان، لیکھا چُکائے تھاؤں تھائنیا۔ گج میلا میلے پرم پُرکھ اپنی دھار، دھرنی کہے میرے اُتے دِتی وڈیائیا۔ جوتی جوت سروُپ ہرِ، آپ اپنی کِرپا کر، کرے کھیل ساچا ہرِ، سچ دا حُکم اِک سُنائیا۔ دھرنی کہے میرے اُتے پربھ آؤن لگّا نِرگُن سرگُن دھار، اپنا ویس وٹائیا۔ اپنے نام دا دسّن لگّا جَیکار، دُھر دی صِفت صالاحیِا۔ کھیل دسّیا اپر اپار، اگمّ اگوچر دِتا دِرڑائیا۔ ویس انیکا کر جوتی جاتا ہو اُجیار، حُکمی حُکم اِک سمجھائیا۔ جوتی جوت سروُپ ہرِ، آپ اپنی کِرپا کر، کرے کھیل ساچا ہرِ، سَتجُگ ساچی بنت بنائیا۔ دھرنی کہے سَتجُگ سَت دھرم دی دھار، لوک مات وجّی ودھائیا۔ میَں ویکھیا پاربرہم کرتار، قُدرت دا مالک اِک اکھوائیا۔ جِس دا حُکم سندیسہ لِکھن پڑھن توں باہر، بِن قلم شاہی کاغذ رہیا سُنائیا۔ جوتی جوت سروُپ ہرِ، آپ اپنی کِرپا کر، کرے کھیل ساچا ہرِ، سچ دا پردہ آپ چُکائیا۔ دھرنی کہے میرے اُتے ہور ہویا دَیال، دیِن دَیال دَیا کمائیا۔ سَت بنائی سچ دھرمسال، دھرم دوارا اِک وکھائیا۔ امرت رس کیِتا پروان، پرم پُرکھ اپنے رنگ رنگائیا۔ وِکھ کھیل کیِتا مہان، وِس پردہ دِتا چُکائیا۔ جوتی جوت سروُپ ہرِ، آپ اپنی کِرپا کر، کرے کھیل ساچا ہرِ، سچ دا رنگ اِک رنگائیا۔ دھرنی کہے میرے اُتے نِرگُن نے چلائیاں دھاراں دو، آد پُرکھ کھیل کھِلائیا۔ کِسے دے اندر امرت رس دِتا چو، نِجھر جھِرنا دِتا جھِرائیا۔ کِسے نوُں مدھ پیا کے ہوکا دِتا ہو، ہنگ برہم ہنکار وِچ رکھائیا۔ کِسے دے اندر لوئن تیِجا کھول کے دِتی لو، نوُر جوت کیِتا رُشنائیا۔ کِسے دے اندر مایا ممتا بھر کے موہ، ہنکار وِکار وِچ سمائیا۔ جوتی جوت سروُپ ہرِ، آپ اپنی کِرپا کر، کرے کھیل ساچا ہرِ، سچ دی کرنی کار کمائیا۔ دھرنی کہے میرے اُتے کھیل ہویا اولّا، میَں رو کے دِتا سُنائیا۔ میرے پُرکھ اکالے دیِن دَیالے تُوں آد جُگادی اِک اِکّلا، دوُجا نظر کوئے نہ آئیا۔ میَں چاہُندی میرا اِکو ہووے محلا، دوُجی ونڈ نہ کوئے ونڈائیا۔ لیکھا مُکا دے جل تھلا، مہیئل تیرا نوُر نظری آئیا۔ تیرا پرکاش دیِپک اِکو ہووے بلا، دوُجا رنگ نہ کوئے چمکائیا۔ جِس طرح سچکھنڈ دوارا تیرا نِہچل دھام اٹلا، دھرنی کہے مات لوک میَنوُں دے وڈیائیا۔ میَں گل وِچ پاواں پلّا، نِو نِو مستک دھوُڑ لاواں چھاہیِا۔ جوتی جوت سروُپ ہرِ، آپ اپنی کِرپا کر، کرے کھیل ساچا ہرِ، سچ دا حُکم اِک سُنائیا۔ پُرکھ اکال کِہا سُن دھرنی دھوَل دھار، دھرم دھار دیاں جنائیا۔ میرا کھیل ہووے اپر اپار، بھیوَ ابھید نہ کوئے

سمجھائیا۔ سَتجُگ تریتا دواپر کلجُگ کھیل کراں وِچ سنسار، سنساری اپنا حُکم ورتائیا۔ تیئی بھیج بھیج اوتار، اوتر اپنا روُپ بدلائیا۔ رام پرس رام راما کر خبردار، رام راما پردہ لاہیِا۔ وید ویاسا دے ادھار، کرِشنا کاہنا گنڈھ پوائیا۔ بُدھی توں پرے بُدھ نوُں کر کے خبردار، بودھ اپنا دِتا سمجھائیا۔ پھیر روُپ دھر اپار، اپرمپر سوامی کہے میَں اپنا ویس لیَنا بدلائیا۔ اپنے نام دی نام نال ونڈ کردا آواں جُگ چار، اِک اِک دے نال بدلائیا۔ رام کرِشن توں ہو باہر، اگلا کھیل آپ کھِلائیا۔ تتاں والا سرگُن سریِر کر تیار، پَیغمبر روُپ بدلائیا۔ اپنے نوُر نوُں گاڈ گُڈ کہاں وِچ سنسار، گائیڈ اپنا آپ آپ پرگٹائیا۔ موُسے نوُں سُٹ کے مُنہ دے بھار، عیسیٰ اپنے رنگ رنگائیا۔ محمد نوُں کر کے خبردار، تیس بتیِسا ڈھولا دیاں سمجھائیا۔ شرع شریِعت ونڈنی دھرنیئے میرا تیرے اُتے جُگ چؤکڑی چلنا اگمّ وِہار، جِس نوُں چار جُگ دے شاستر کہن کوئے نہ پائیا۔ کیوں میَں آد جُگادی اِک اِکلّا ایکنکار، دوُجا نظر کوئے نہ آئیا۔ دھرنی جھٹ رو پئی دھاہاں مار، بِن ہتّھاں توں ہتّھ اُٹھائیا۔ میرے پاربرہم پت پرمیشور تیری آتما تیرا نوُر اُجیار، تیرے تیرے وِچ سمائیا۔ سب نوُں اِکو دسّ دے اپنا گھربار، دوُجا گرِہ نظر کوئے نہ آئیا۔ جے تُوں سچکھنڈ دوارے درگاہ ساچی اِک اِکلّا نِرگُن نوُر جوت اُجیار، کیوں میرے اُتے منُشاں دی دیِناں مذہباں وِچ ونڈ ونڈائیا۔ کیوں اپنے نام دے حِصّے کریں جُگ چار، اِکو نام اپنا دے سمجھائیا۔ میَں تیرے چرناں دی دھوُڑ لاواں چھار، مستک ٹِکاّ خاک رمائیا۔ جھٹ دیِن دَیال پُرکھ اکال کیِتا خبردار، بےخبرے تَینوُں دیاں سمجھائیا۔ جوتی جوت سروُپ ہرِ، آپ اپنی کِرپا کر، کرے کھیل ساچا ہرِ، سچ دا پردہ آپ اُٹھائیا۔ پُرکھ اکال کہے میَں کھیل کھِلاؤندا ہاں۔ خلق دا خالق اِک اکھواؤندا ہاں۔ پرِتپالک نام دھراؤندا ہاں۔ دیِن دَیال ہو کے ونڈ ونڈاؤندا ہاں۔ برہمنڈ کھنڈ اپنی رچن جناؤندا ہاں۔ جیرج انڈ اُتبھج سیتج رنگ رنگاؤندا ہاں۔ ڈھولا جِہوا دسّ، نام بتّی دند پڑھاؤندا ہاں۔ وکھّ وکھّ اپنا دسّ کے پرمانند، انند انند وِچوں جناؤندا ہاں۔ آتم پرماتم پرماتم آتم میرا آد دا اِکو چھند، باقی سوہلے ڈھولے گیِت صِفتاں والے جناؤندا ہاں۔ جوتی جوت سروُپ ہرِ، آپ اپنی کِرپا کر، کرے کھیل ساچا ہرِ، سچ دا حُکم اِک ورتاؤندا ہاں۔ دھرنی کہے میریا محبوُبا کیوں میرے اُتے کریں غضب، دروہی تیرا نام خُدائیا۔ بہُہ کری نہ جا مذہب، دیِناں ونڈ ونڈائیا۔ اِکو تیرے پوُجن ہوون قدم، قدم بوسی وِچ سارے سیِس نِوائیا۔ بھاویں سنکھیا کوٹن کوٹ ہو جائے اسنکھ اسنکھا اسنکھا پدم، پد تیرا اِکو سوبھا پائیا۔

کیوں تُوں سب نوُں پنجاں تتاں والا دِتا بدن، وِچ آتم رکھ کے پرماتم نوُر کیِتا رُشنائیا۔ تُوں سچ سوامی سب دا سجّن، وَیری رہن کوئے نہ پائیا۔ بے شک جے تُوں گھڑے بھانڈے انتم بھجّن، تِھر نظر کوئے نہ آئیا۔ میرے مِہربانا سب نوُں انتر نِرنتر اِکو اپنے نام دی دیدے لگن، لگ ماتر دا ڈیرہ ڈھاہیِا۔ تیرے دیِپک جوتی گھر گھر ساڈھے تِنّ ہتّھ کایا مندر اندر جگن، گرِہ گرِہ ہووے رُشنائیا۔ شبد انادی ناد اگمےّ وجّن، سوئی سُرت سُرت اُٹھائیا۔ جوتی جوت سروُپ ہرِ، آپ اپنی کِرپا کر، کرے کھیل ساچا ہرِ، سچ دا پردہ آپ چُکائیا۔ دھرنی کہے پربھوُ تُوں کی کیِتا کھیل وِچ عوام، عام دے مالک دیاں جنائیا۔ تُوں شرع شریِعت دسّ اِسلام، اِسم اعظم اِک جنائیا۔ االلہ روُپ ہو مِہربان، محبان بیِدو اپنا پردہ دِتا اُٹھائیا۔ میَں تیرے قدماں وِچ سیِس جھُکاواں آن، بِن سیِس سیِس نِوائیا۔ تُوں وست امولک دینی دان، داتے دانی آپ ورتائیا۔ میَں پہلوں تکیا میرے تے سیِتا آیا رام، کاہنا کرِشن اپنا ڈنک گیا وجائیا۔ ہُن ہور کھیل کیِتا شرع دا شرع نال نام دا کلمے نال ہووے قتلِ عام، قاتل مقتُول سمجھ کوئے نہ پائیا۔ میَنوُں اپنے نام کلمے وِچ وکھّ وکھّ نہ کر غُلام، بندھن زنجیر نہ کوئے پوائیا۔ میَں چاہُندی تیرا اِکو دا ہووے اِنتظام، بندوبست اوَر نہ ہتّھ پھڑائیا۔ ساری سرِشٹی دا سانجھا کردے پیِن کھان، آتم برہم دے دِرڑائیا۔ میَں پہلوں تکیا سارے گٔو دی پوُجا کرے جہان، ہُن تیری گٔو نوُں ذِبع کر کے کھان والے خوشیاں رہے منائیا۔ جھٹ حُکم ہویا مِہربان، سندیسہ دِتا جنائیا۔ جوتی جوت سروُپ ہرِ، آپ اپنی کِرپا کر، کرے کھیل دُھر دا ہرِ، دُھر وڈّا وڈ وڈیائیا۔ پروردِگار کِہا دھرتی نہ رو بِن اکھّاں، ہنجھوُاں ہار بنائیا۔ میَں بے شک سب دا سکھا، مِتر پیارا اِک اکھوائیا۔ میَں کھیل کراں کوٹن وار لکھّاں، گِنتی گنت نہ کوئے گِنائیا۔ میرا نوُر پرکاش جوت لٹ لٹا، دو جہاناں ڈگمگائیا۔ میَں وسنہارا گھٹ گھٹا، لکھّ چؤراسی ڈیرہ لائیا۔ پر میرا کھیل میَں دیِن مذہب دیِاں ضرور تیرے اُتے بناؤنیاں وٹّاں، حداں اوتاراں پَیغمبراں کولوں رکھائیا۔ اؤہ ویکھ محمد دے پِچھے نانک نِرگُن دھار آؤندا نَٹھا، سرگُن وجےّ سچ ودھائیا۔ جِس دے کول نام سندیسہ سَت دا ہونا جِس وِچ ہونی سَتا، ستنام جپائیا۔ اوس دا سُن لےَ کملیئے پتہ، پت پرمیشور اپنا کھیل کھِلائیا۔ اوہدا اندر باہر گُپت ظاہر اِکو نال ہووےگا متا، مت متانتر نہ کوئے رکھائیا۔ جوتی جوت سروُپ ہرِ، آپ اپنی کِرپا کر، کرے کھیل دُھر دا ہرِ، دُھر وڈّا وڈ وڈیائیا۔ دھرنی کِہا پربھوُ کر لےَ چھیتی، میری تیرے اَگے دُہائیا۔ جے سَتگُر نانک نِرگُن

ہووے تیرے گھر دا بھیتی، پردہ میرا دئے کُھلائیا۔ میَں وی آد توں تیری بیٹی، تُوں پِتا میرا اِکو نظری آئیا۔ میرے نال نانک نوُں بھیج کے کر دے نیکی، میری مان نِمانی دی عزت لےَ بنائیا۔ جوتی جوت سروُپ ہرِ، آپ اپنی کِرپا کر، ایکا دینا دُھر دا ور، در تیرے الکھ جگائیا۔ پُرکھ اکال کِہا نانک آوے نِرگُن دھار، جوتی جوت جوت رُشنائیا۔ شبدی شبد کرے جَیکار، ڈھولا دُھردرگاہیِا۔ جِس دا سروتا بنے سرب سنسار، سرِشٹی درِشٹی اندر وجےّ ودھائیا۔ اوہ اُٹھ اُٹھ دھاوے چار کُنٹ وارو وار، بھجےّ واہو داہیِا۔ برہمنڈ کھنڈ پُری لوء آکاش پاتال گگن گگننتر زِمیں اسمان سارے کرن نِمسکار، دھرنی تُوں وی چرن چُمّ کے اپنی خوشی لیَنی بنائیا۔ اوہ میرا روُپ انوُپ ہووے وِچ سنسار، سنساری بھنڈاری سنگھاری وِشن برہما شِو کروڑ تیتیسا دیوت سُر سارے اوسے دا راہ تکائیا۔ جوتی جوت سروُپ ہرِ، آپ اپنی کِرپا کر، سد اپنا حُکم ورتائیا۔ دھرنی کہے میرے مالکا کی نانک دی ہووے نِشانی، نِشانہ دے جنائیا۔ پُرکھ اکال کِہا ذرا نِگاہ مار لےَ دو جہانی، دوہاں روُپاں توں باہر ویکھ وکھائیا۔ اوہ میرا نوُر ہووے نوُرانی، شبدی ڈنک سُنائیا۔ اوہدی تار سِتار وجےّ ترنتے والے سُرنگے دی جِس دی کھیل مہانی، راجا جنک دئے گواہیِا۔ تیرا لیکھا جانے تے ویکھے جیِو پرانی، گھٹ گھٹ اندر پھول پھولائیا۔ میرے نام دی میرے سندیسے دی حُکم دی پَیغام دی سَت دی سچ دی برہم مت دی آتم تت دی اوہ چار ورناں اٹھاراں برناں ہِندوُ مُسلم سِکھ عیِسائی پارسیِاں بودھیِاں سُناوے دھرم دی بانی، دھرم دی دھار دھار جنائیا۔ دھرتیئے نی اوہ تیرا آد دا انت دا جُگا دا جُگنت دا سچّا بنے ہانی، ہانی اِکو ویکھ وکھائیا۔ اوس نے پھیرنے اٹھسٹھ تیِرتھ ورولنے سمُندراں والے پانی، بھجےّ واہو داہیِا۔ اوہن نِج نیتر نال تکّنی چارے کھانی، انڈج جیرج اُتبھج سیتج ویکھ وکھائیا۔ جوتی جوت سروُپ ہرِ، آپ اپنی کِرپا کر، کرے کھیل ساچا ہرِ، سچ دا حُکم اِک سُنائیا۔ دھرنی کہے میرے پربھوُ دسّ دے اِکو بات، باطن پردہ دے کُھلائیا۔ کی سَتگُر نانک تیرا روُپ دِن ویکھے کہ رات، رُتڑی کوَن مہکائیا۔ باہروں تکّے کہ اندر مارے جھات، کایا ماٹی بھانڈے پھول پھولائیا۔ کی نؤ دوارے ویکھے کہ اندروں کھولے بجر کپاٹ، ترےَکُٹی دا لیکھا دئے مُکائیا۔ کی رسنا نال گاوے کی سُناوے اگمّی شبد انادی ناد، انحد دُھن سُنائیا۔ کی دھرنی ویکھے کہ ویکھے برہم برہماد، برہمانڈ کھوج کھوجائیا۔ کی آلس وِچ نِندرا وِچ ہووے کہ دِوس رَین جائے جاگ، جاگرت جوت جوت رُشنائیا۔ پُرکھ اکال کِہا دھرنیئے میرا نانک روُپ

سب دے وِچ وِسماد، بِسمِل اپنا آپ کرائیا۔ اوہ وکھاوے کھیل اگمّا تماش، تماشبیِن بنے لوکائیا۔ میَں ویکھاں اُتوں آکاش، سچکھنڈ بَیٹھے سوبھا پائیا۔ جوتی جوت سروُپ ہرِ، آپ اپنی کِرپا کر، کرے کھیل ساچا ہرِ، سچ دی کرنی کار کمائیا۔ پُرکھ اکال نے سَتگُر نانک نِرگُن نوُں کِہا جاہ لوک مات، دھرنی دھرت تیرا راہ تکائیا۔ آہ لےَ جاہ میری ستنام دی دات، دُھر دے داتے اگمّی جھولی دِتی پائیا۔ ویکھیں کوئی نہ ذات پات، ورن برن ونڈ نہ کوئے ونڈائیا۔ آتم دا پردہ کھولنا برہم دا کھولنا تاک، ایِش جیِو اِکو روُپ درسائیا۔ میرے نوُر دا جوت دا ہر گھٹ اندر کرنا پرکاش، اندھ اندھیرا دینا گوائیا۔ ساچے شبد دا وجاؤنا ناد، دُھن آتمک راگ سُنائیا۔ ہر ہِردے وِچ میری کراؤنی یاد، یادداشت پِچھلی دینی بُھلائیا۔ میرے پیار نوُں کرنا آباد، نؤ کھنڈ پرِتھمی وِچ ٹِکائیا۔ جا کے اگلی ساجنا ساج، پِچھلا جھگڑا رہے نہ رائیا۔ میرے حُکم دا دسّ سچکھنڈ دوارے اِکو پُرکھ اکال دا راج، رعیت دو جہان نظری آئیا۔ جِس دے اَگے اوتار پَیغمبراں گُروُآں نوُں دینا پَینا جواب، انتم لیکھا منگے تھاؤں تھائنیا۔ اوہ نوُر الاہ واحد، واہوا جِس دی وڈی وڈیائیا۔ جوتی جوت سروُپ ہرِ، آپ اپنی کِرپا کر، کرے کھیل ساچا ہرِ، سچ دا پردہ آپ چُکائیا۔ پُرکھ اکال کِہا دھرنیئے میَں تیری جاواں پَیج سواری، مِہر نظر اِک اُٹھائیا۔ آہ ویکھ میری نانک نال نانک والی یاری، نانک روُپ میرا نظری آئیا۔ اِس نے اِک گلّ دسّنی جگیاسوُاو اوہ دُنیا والیو پنجاں تتاں والیو جے چاہُندے تے پیِؤ نام دی خُماری، رس کایا آتم انتر نِجھر جھِرنے وِچوں جھِرائیا۔ جِس امرت رس نوُں پیِن نال جنم لیَنا نہ پئے دوباری، چؤراسی ونڈ نہ کوئے ونڈائیا۔ تُہاڈا لیکھا چِترگُپت نہ سکے وکھالی، رائے دھرم نہ دئے سزائیا۔ لاڑی مؤت تُہانوُں نہ پِھرے سمبھالی، تُہاڈی ماٹی خاک انت دھرتی خاک وِچ مِل جائیا۔ تُہاڈی آتما پرماتما دا نوُر سچکھنڈ درگاہ ساچی جائے سمبھالی، جِتھوں پھیر نہ کوئے کڈھائیا۔ اوتھے نہ کوئے شاہ نہ کوئے کنگالی، اِکا نوُر جوت رُشنائیا۔ جوتی جوت سروُپ ہرِ، آپ اپنی کِرپا کر، دیونہارا ساچا ور، سچ دا حُکم اِک سُنائیا۔ جِس ویلے نانک نوُں پُرکھ اکال نے ایہہ دِتا ور، خوشیاں وِچ جنائیا۔ جھٹ کلجُگ گیا ڈر، نیتر نیَناں نیِر وہائیا۔ اُٹھ کے گیا کھڑ، اپنی لئی انگڑائیا۔ نِراکھّر دھار لیا پڑھ، ستنام دی وجدی ودھائیا۔ میَں وی اُس دوارے جاواں چڑھ، جِتھے بَیٹھا بےپرواہیِا۔ جِس نے نہ میرا سریِر بنایا نہ بنایا دھڑ، تن وجوُد نہ کوئے رکھائیا۔ میرے اندر اِکو کوُڑ کُڑیارا بھر دِتا گڑھ، ہؤمے ہنگتا ہنکار وِچ ٹِکائیا۔ نالے میَنوُں خوشی نال کِہا کلجُگا کِسے دے

دھرم دی رہن نہیں دینی جڑ، چوٹی دینی ہِلائیا۔ جوتی جوت سروُپ ہرِ، آپ اپنی کِرپا کر، کرے کھیل ساچا ہرِ، سچ حُکم اِک ورتائیا۔ کلجُگ کہے دھرنیئے کھول لےَ اکھّ، اپنا نیَن کُھلائیا۔ میرے ویکھ خالی ہتّھ، میَں تَینوُں رہیا جنائیا۔ اوہ کی کرے پُرکھ سمرتھ، جو کرتا دُھردرگاہیِا۔ جِس نانک نوُں دے کے وتھ، ستنام لوک مات تیرے وِچ ٹِکائیا۔ میرا کی کروُگا ہٹّھ، جِتھے نِرگُن دی سرگن وِچ وجےّ ودھائیا۔ اُس نے چار ورن کرنے اِکٹّھ، دُتیا بھاؤ نہ کوئے رکھائیا۔ تُوں پربھوُ نوُں آکھ کُچھ میرا وی حق، کلجُگ کہے حقیِقت دے مالک نوُں دے سُنائیا۔ میَں ہُن اوہدے چرناں جاواں نَٹھ، بھجّاں واہو داہیِا۔ اپنا لیکھا دینا دسّ، بھیوَ ابھید کُھلائیا۔ میرے پُرکھ اکالے دیِن دَیالے جے تُوں سب کُچھ نانک نوُں دِتا تے میری ہو گئی بس، میری چلے نہ کوئے چتُرائیا۔ میری آیوُ چار لکھ بتّی ہزار میَں کِس بِدھ لواں کٹ، کٹاکش نظر کوئے نہ آئیا۔ جوتی جوت سروُپ ہرِ، آپ اپنی کِرپا کر، کرے کھیل دُھر دا ہرِ، دُھر وڈّا وڈ وڈیائیا۔ دھرنی کہے کلجُگ تُوں اپنی کر ارداس، پربھ اَگے سیِس نِوائیا۔ اوہ ویکھنہارا شاہو شاباش، وڈ وڈّا اِک اکھوائیا۔ کلجُگ کِہا میرے مائی باپ، دوئے جوڑ واسطہ پائیا۔ میری جھولی میری پا دے دات، سَتگُر نانک دا حِصّہ سَتگُر نانک کول رکھائیا۔ میَں چاہُندا میرا چھیتی چھیتی لہنا دینا پوُرا ہووے کھات، بہُتی آیوُ نہ کوئے رکھائیا۔ تُوں اُتوں ویکھنا مار جھات، دھرنی اُتے نِگاہ ٹِکائیا۔ میَں اپنا پندھ مُکاؤنا واٹ، بھجّنا واہو داہیِا۔ پِچھلیاں اوتاراں دی ساریاں دے اندروں کر دینی سَت والی دات ناس، پَیغمبراں دا نوُر نہ کوئے چمکائیا۔ تُوں سَتگُر نانک نوُں اِک سندیسہ دینا آکھ، اوہ اِک وار میرے ولّ نِگاہ لےَ اُٹھائیا۔ پھیر میَں اوسے نوُں کہانگا کُچھ میرا لیکھا بنا دے وِچ مات، میَں وی ایسے دے اُتے اپنا جھٹ لنگھائیا۔ جوتی جوت سروُپ ہرِ، آپ اپنی کِرپا کر، کرے کھیل ساچا ہرِ، سچ دا پردہ آپ چُکائیا۔ کلجُگ جھٹ پےَ گیا لما، ڈنڈاوت وِچ سیِس نِوائیا۔ پربھوُ میرے چؤتھے جُگ دا بنّا، حد تیرے چرناں وِچ رکھائیا۔ میَں چاہُندا تیری سرِشٹی نوُں ڈنّاں، نام سِمرن والا رہن کوئے نہ پائیا۔ امرت رس پِچھے جگت جگیاسوُ پِھرے بھنّا، کایا مندر وِچوں ہتّھ کِسے نہ آئیا۔ دوئے لوچناں والا تَینوُں ویکھن وِچ ہووے انّھا، نِج نیتر نہ کوئے رُشنائیا۔ کنّاں توں سُنن والا سرون کرن والا اپنا من نہ سکے بنّھا، منسا من نہ کوئے تجائیا۔ میَں وی تیرا لاڈلا سُت تے میَں وی تیرا دُلارا چنّا، چند سوُرج میَنوُں سیِس جھُکائیا۔ جوتی جوت سروُپ ہرِ، آپ اپنی کِرپا کر، کرے کھیل دُھر دا

ہرِ، دُھر دا حُکم اِک ورتائیا۔ پُرکھ اکال کِہا کلجُگ اُٹھ میرے دُلارے، دوُلھیا دیاں جنائیا۔ سَتجُگ تریتا دواپر بیِتے وِچ سنسارے، اپنا پندھ مُکائیا۔ ہُن کھیل تیرے اپارے، اپرمپر تَیتھوں رہیا کرائیا۔ تُوں جا نانک دے دوارے، در ٹھانڈے سیِس جھُکائیا۔ اوہ تَینوُں بخش دیوے تے میرا نہیں کوئی اِنکارے، بِنا نانک توں رحمت جھولی کوئے نہ پائیا۔ جھٹ کلجُگ کیِتی نِمسکارے، پُرکھ اکال سیِس نِوائیا۔ ڈھیَہہ ڈِگا نانک دے کایا مندر اندر والے چُبارے، جِتھے پؤڑی ڈنڈا نظر کوئے نہ آئیا۔ پہلوں تکّے جوت دے نظارے، نوُر نوُرانہ نوُر نوُر رُشنائیا۔ نال سُنے شبد دے دُھنکارارے، انحد نادی وجدی دِسی ودھائیا۔ پھیر امرت جھِرنا ڈگا جھِرے اپر اپارے، جِس دی بوُند سوانتی ہتّھ نہ کِسے آئیا۔ کلجُگ رو رو دھاہاں مارے ، دھوَل اُتے سیِس سیِس نال ٹکرائیا۔ جھٹ اوسے ویلے سَتگُر نانک سمادھی وِچوں نیَن اُگھاڑے، آپ اپنا آپ بدلائیا۔ اوس ویلے سُنے اوس دے ہاڑے، جو ہؤکے لےَ لےَ رہیا سُنائیا۔ تُوں سَتگُر نانک میَں آ ڈِگا تیرے در دربارے، تیرا دربار دُھر درگاہ دا نظری آئیا۔ میَنوُں اِکو خیَر پا دے بی خَیریا االلہ الاہ تیرے اَگے سیِس نِوائیا۔ جوتی جوت سروُپ ہرِ، آپ اپنی کِرپا کر، مِہر نظر اِک اُٹھائیا۔ جھٹ کلجُگ نے پھیر سَتگُر نانک دا چرن چمُّیا، چُمّ کے خوشی خوشی منائیا۔ بے شک سَتگُروُ میَں کڑوا وانگ تُنمیا، میرے اندر رس نہ کوئے نظری آئیا۔ میَں چاروں کُنٹ گھُنمیا، اوتار پَیغمبر میَں سارے اپنے حُکم وِچ بھوائیا۔ میَنوُں پتہ لگّا تَینوُں پُرکھ اکال نے اپنی دھاروں جمّیا، تیرا نِرگُن سروُپ جنمیاں کِسے نہ مائیا۔ تُوں نانک دے وسّیا وِچ تنیا، تن وِچ تیرا نوُر ڈگمگائیا۔ میرا بہُڑی سماں ہووے نہ لمیا، میَں دھرتی اُتے پےَ کے روواں ماراں دھاہیِا۔ جھٹ سَتگُر نانک نے پھڑ کے کنّیا، ہلوُنا دِتا لگائیا۔ جوتی جوت سروُپ ہرِ، آپ اپنی کِرپا کر، دیونہارا دُھر دا ور، بھیوَ ابھیدا رہیا کُھلائیا۔ نانک کِہا سُن دھرتی نی تکّ، چار کُنٹ دھیان لگائیا۔ ستّاں دیِپاں کھول کے اکھّ، نؤ کھنڈ پرِتھمی بُھل رہے نہ رائیا۔ نِگاہ مار لےَ کی بھوِکھتاں وِچ اوتار گئے دسّ، وید ویاسا کی دئے گواہیِا۔ کی حضرت موُسیٰ نے مُنہ دے بھار ڈھٹّھ، تیرے اُتے واسطہ پائیا۔ کی حضرت عیسیٰ نے اپنے آپ نوُں صلیِب نال کیِتا لٹ، نیَن موُند کے نیَناں والا ویکھ وکھائیا۔ کی محمد نے لِکھ کے لیکھاقرآن مجیِد وِچ دِتا دسّ، چؤداں طبقاں توں باہر کِس دی پڑھائیا۔ اوسے دے حُکم نال نانک نِرگُن آیا نسّ، تتاں والے نِرگُن سرگُن وِچ نانک نانک نظری آئیا۔ آہ ویکھ کلجُگ کوُڑ کُکرم دا بھار لےَ کے میرے چرناں وِچ گیا

ڈھٹّھ، کام کرودھ لوبھ موہ ہنکار آسا ترِسنا مایا ممتا اپنے نال مِلائیا۔ میَں اوہ سَتگُر جِس دا سروُپ سَت، سدا سَت سَت سَت وِچ سمائیا۔ جوتی جوت سروُپ ہرِ، آپ اپنی کِرپا کر، کرے کھیل ساچا ہرِ، سچ دا پردہ آپ چُکائیا۔ دھرنی کہے سَتگُر نانک میری ویکھ لےَ کُھلڑی گُت، ہائے اُف دروہی میری دُہائیا۔ ایہہ بے شک پربھوُ دا کلجُگ پُت، اوسے دا نظری آئیا۔ ایس نے چار کُنٹ جیِواں جنتاں دے گلے دِتے گھُٹ، اؤہ ویکھ پَیغمبراں نوُں منّن والے بنے قصائیا۔ نالے پھڑ کے ہلوُنیاں گُٹ، زور نال دبائیا۔ میرے محبوُبا ایس نوُں میرے اُتوں چُک، دھرتی رو رو کے واسطہ پائیا۔ اوناں چِر میری سُپھل نہیں ہونی کُکھ، جِناں چِر ایہہ پِھریا واہو داہیِا۔ چار کُنٹ ایسے نے پاؤنی لُٹ، سچ دا روُپ نظر کوئے نہ آئیا۔ این امرت دی تھاں شرع دا آب جگت واسنا من کلپنا وِچ منُشاں نوُں پیاؤنی گھر گھر گھُٹ گھُٹ، تن وجوُد وِچ ٹِکائیا۔ جِس دے پین نال نانک تیری وی تے پُرکھ اکال دی وی لِو جانی چُھٹ، آتم پرماتم میل نہ کوئے مِلائیا۔ بے شک سَتگُر نانک تیرا نام بھنڈارا ستنام اتُٹ، پر کلجُگ نے کلجُگ جیِواں کولوں کلجُگ دا رس رسنا نال دینا لگائیا۔ ایس گلّ دا میَنوُں بڑا دُکھ، جے تیرے منّن والا تیرا نام جپن والا مُنہ وِچ اوہ پائے تُھک، جِس دا رس نظر کوئے نہ آئیا۔ جے ایہہ کلجُگ اپنے نِشانیوں جائے اُک، پھیر میری سہائتا تُوں کرنی چائیں جائینا۔ جوتی جوت سروُپ ہرِ، آپ اپنی کِرپا کر، ایکا دینا دُھر دا ور، در ٹھانڈے آس رکھائیا۔ سَتگُر نانک کِہا دھرنی نہ کر گِریہ زاری، گرہیا اپنی ویکھ وکھائیا۔ میرا صاحِب اکل کلا کل دھاری، وڈ داتا اِک اکھوائیا۔ جِس نے جُگ چؤکڑی سب دی پَیج سواری، اوتار پَیغمبراں گُروُآں اپنا حُکم ورتائیا۔ اوسے دا نوُر میرے اندر نوُر جوت اُجیاری، دِوس رَین اِکو رنگ رنگائیا۔ اوسے دا شبد اوسے دی دُھنکاری، اوسے دا گیِت ڈھولے سوہلے رہیا گائیا۔ کلجُگ آ ڈِگا میرے دواری، در آیاں دی لاج رکھنی ایہہ میرے صاحِب نے میرے اندر اِک وست ٹِکائیا۔ بھاویں ایہہ کوُڑا تے ایہدی کرنی تے کِریا کُڑیاری، کُٹمب ایہدا بُرا نظری آئیا۔ میَں ایہدیاں ویکھدا اکھّیِاں والی دھاری، جو دھرنی تیرے اُتے ٹِکائیا۔ میَں ایسے کر کے اپنی جوت شبد دی دھار نال اوہدی جڑ دیوانگا اُکھاڑی، لوک مات رہن نہ پائیا۔ میرا روُپ ہونا دس اوتاری، نانک توں انگد انگد توں امرداس تے رام داس تے گُر ارجن دا لیکھا ایہدے نال جِس نے کرنی تیاری، ترےَگُن دا ڈیرہ دیوے ڈھاہیِا۔ جِس نے تتی لوح اُتے بہہ کے کھیل ویکھنا اوس مُراری، جو پاربرہم

پت پرمیشور اِکو نظری آئیا۔ پھیر میرا کھڑگ کھنڈا کھڑکے وِچ سنساری، ہرگوبِند میرا رنگ رنگائیا۔ ہررائے اوہ شبد دھار کرے جِس دی کھیل سنسار توں باہری، ہرکشن میرا روُپ انوُپ دئے درسائیا۔ گُر تیغ بہادر آوے اوس اوس دی لاؤن واسطے یاری، جیہڑا یارانہ آد توں انت انت توں آد تُٹ کدے نہ جائیا۔ اوسے دا نوُر اوسے دا ظہوُر اوسے دا روُپ اپار ہووے گوبِند سوُرا سِنگھ گوبِند بلکاری، بَل اپنا آپ پرگٹائیا۔ یاد رکھیں تیغ بہادر دا سیِس دھرنیئے جِس ویلے تیرے اُتے ڈِگا، کلجُگ دی آیوُ لکھّاں لکھّاں دی ہو جانی خواری، خاک خاک خاک وِچ مِلائیا۔ جِس ویلے گوبِند دے بچّیاں نوُں نیہاں وِچ دِتا اُساری، تیرا لیکھا سارا دینا چُکائیا۔ ایہہ میرا بول نہیں شبد دُھر دا تے پَیغام ایکنکاری، سندیسہ نوُر الاہیِا۔ اُس ویلے دھرنی کیِتی نِمسکاری، نِیوں نِیوں لاگی پائیا۔ کلجُگ اُٹھ کے دوئے ہتّھ جوڑ کے کِہا واہ میرے سَتگُر میَں تیرے اُتوں بلہاری، بلہار بلہار بلہار میَں اپنا تیرے اُتوں کرائیا۔ پھیر سَتگُر نانک نے سندیسہ دِتا اوہ کلجُگا موُرکھا مُگدھا ذرا نِگاہ مار اؤہ ویکھ میرا گوبِند سُتا وِچ اُجاڑی، ماچھوُواڑے ڈیرہ لائیا۔ اوس ویلے اوہدے چرناں وِچ جا کے کریں نِمسکاری، جے اپنا لیکھا چھیتی دینا مُکائیا۔ اوس ویلے ساری سرِشٹی درِشٹی ہونی دُراچاری وِبھچاری، کرم کانڈ والا نظر کوئے نہ آئیا۔ کلجُگ نے اپنیِاں بُھجاں بِنا کِسے شرط توں بِنا دھرن دے اُتے پساری، لما پےَ کے کیِتی حال دُہائیا۔ میَں کنگالاں دا کنگالی، دھن دؤلت سَت دی میرے کول نظر کوئے نہ آئیا۔ پر سَتگُر نانک میَں تیری کِرپا نال سَت دھرم دا پھل کِسے رہن نہیں دینا کایا پنج تت دی ڈالی، خالی سارے دینے کرائیا۔ بِنا گوبِند توں گوبِند دی دھار شبد سَتگُر توں کِسے دا رہن نہیں دینا کوئی سوالی، سوال حل کرن نہ کوئے پائیا۔ جِس ویلے ٹھیِک رَین میری اندھیری ہوئی کالی، کلجُگ کہے میَں کالا کپّڑ کالا ویس لیَنا وٹائیا۔ جوتی جوت سروُپ ہرِ، آپ اپنی کِرپا کر، دیونہارا دُھر دا ور، دُھر سندیسہ اِک سُنائیا۔ سَتگُر نانک کِہا کلجُگ اؤہ ماچھوُواڑا ویکھیں چھیتی مار جھاتی، میرا نوُر نظری آئیا۔ جِس دا باہروں تن دِسنا خاکی، اندر پُرکھ اکالا بَیٹھا بےپرواہیِا۔ اوہ تیری خوشیاں والی ہووے راتی، رُتڑی تیرے نال مہکائیا۔ ایہہ میرے حُکم دی اوس دے چرناں وِچ بھیٹ کر دینی پاتی، پترکا بِنا اکھّراں توں سَتگُر نانک ہتّھ دِتی پھڑائیا۔ چھیتی پندھ مُکن والا تے مکُے تیری واٹی، اگلا لیکھا لیکھے وِچوں کڈھائیا۔ بِنا گوبِند توں تیرا ہور بننا نہیں کوئی ساتھی، اوتار پَیغمبر گُر باقی پِچھا جان چُھڈائیا۔ جوتی جوت سروُپ ہرِ، آپ

اپنی کِرپا کر، کرے کھیل دُھر دا ہرِ، دُھر مالک اِک اکھوائیا۔ کلجُگ کہے نی دھرنیئے ویکھ میرے سَتگُر نانک دی صلاح، مشورہ نام والا جنائیا۔ تیرے اُتوں میرا پندھ رہیا مُکا، مُکمل اپنا حُکم سُنائیا۔ تُوں میرا بننا گواہ، شہادت دینی بُھگتائیا۔ جِس ویلے گوبِند ماچھوُواڑے سُتا آ، اپنا ڈیرہ لائیا۔ میَں اوس ویلے جاواں نال چاء، بھجّاں واہو داہیِا۔ پہلوں جا کے ہؤلی جِہی ستنام دا منتر دِتا سُنا، سَت سَت سمجھائیا۔ جھٹ سَتگُر نانک کِہا کلجُگ اِک ہور گل یاد رکھ، کملیا تیرے ہِردے وِچ دیاں وسائیا۔ ستنام توں بعد واہِگُروُ دی فتح دا ڈنکا دئیں وجّا، بِنا واہِگُروُ دی فتح توں گوبِند تیری آس نہ پوُر کرائیا۔ جھٹ کلجُگ نے سیِس لیا نِوا، کنّ پھڑ کے متھا رگڑ کے چرناں اُتے ٹِکائیا۔ سَتگُر نانک تیرا روُپ گوبِند واہوا واہوا واہوا، واہوا اوسے دی بےپرواہیِا۔ میَں اوس نوُں منّانگا پرماتما اوسے نوُں منّانگا خُدا، جو خود مالک ہو کے میَنوُں نظری آئیا۔ جوتی جوت سروُپ ہرِ، آپ اپنی کِرپا کر، کر کھیل ساچا ہرِ، سچ دا مالک اِک اکھوائیا۔ دھرنی کہے ویکھ کلجُگ وے ویِرا، بھجیّ چاروں کُنٹ، اُتّر پوُرب پچھّم دکھّن واہو داہیِا۔ تَینوُں بچن حُکم مِل گیا دُھر دا ہیِرا، انمُلڑا نانک سَتگُر دِتا ورتائیا۔ میرے اُتے کدے کِسے دی رہی نہیں مِلکھ جاگیِرا، کوٹن کوٹ جُگ بیِتے واہو داہیِا۔ میرا مالک اِکو پیِرن پیِرا، جِس نوُں بےعیب کہے خلق خُدائیا۔ جو انتم تیری میری دوہاں دی کٹے بھیڑا، اگلا پندھ مُکائیا۔ جوتی جوت سروُپ ہرِ، آپ اپنی کِرپا کر، سد اپنی کار بُھگتائیا۔ کلجُگ پھیر سَتگُر نانک دے چرناں دی لائی دھوُڑی، خاک مستک نال رمائیا۔ کِہا میَں تیرا سیوک موُرکھ موُڑھی جگت بُدھی نہ کوئے چتُرائیا۔ میری آشا منشا میرے سمیں وِچ کوُڑی، کوُڑ کِریا میَں سب دے نال کرنی کُڑمائیا۔ ہر گھٹ دے اندر تُوں نام دھرنا تے میَں دھرنی ہنکار غروُری، ہؤمے وِچ رلائیا۔ پر میرا بچن سَتگُر بُھلنا نہیں ضروری، ضرورت تیرے اَگے ٹِکائیا۔ میَں کلجُگ جیِواں نوُں نالے بُھلاؤندا جاواں تے نالے تیرا نام سُناؤندا جاواں نانک دی کرو مشہوُری، مشورے من دے لال بنائیا۔ پر سَتگُر نانک کِہا کلجُگ ایہہ تَینوُں نہیں کوئی مجبوُری، میَں سب کُجھ آپے دیاں وکھائیا۔ جھٹ کلجُگ کِہا سَتگُر نانک تُوں میَنوُں چاڑھی رنگن گوُڑھی، اننت روُپ دِتا وکھائیا۔ جوتی جوت سروُپ ہرِ، آپ اپنی کِرپا کر، دیونہارا ساچا ور، سچ دا مالک اِک اکھوائیا۔ کلجُگ کہے سَتگُر نانک میَں چاروں کُنٹ سیو کماواں گا۔ تُوں وڈّا دیوی دیوَ، تیرا نام وڈیاواں گا۔ پھیر کھیل دسّاں الکھ ابھیوَ، اگمّ

اگوچر اِک سمجھاواں گا۔ جو وسے نِہچل دھام نِہکیو، اٹل اوسے دا روُپ وکھاواں گا۔ پر کِسے دے اندر میَں ساچا نام وسن نہیں دینا میو، ہنگ برہم اپنے رنگ رنگاواں گا۔ بے شک ساری سرِشٹی کِتنی گائے رسنا جِہو، صِفتاں وِچ صِفتی ڈھولے جگت صالاحواں گا۔ جوتی جوت سروُپ ہرِ، آپ اپنی کِرپا کر، کرے کھیل ساچا ہرِ، سچ دا بھیوَ آپ چُکاواں گا۔ کلجُگ کِہا سَتگُر نانک تَینوُں گاؤنا سب نے رسنا، ستنام سَتنام سَتنام سُنائیا۔ پر میَں تیری کِرپا نال اوہناں دے اندر وسنا، ساڈھے تِنّ ہتّھ مندر ڈیرہ لائیا۔ اپنا تیِر انیالا کسنا، نؤاں داریاں دواریاں وِچ دینا چلائیا۔ پھیر میَں خوشیاں دے وِچ ہسّنا، دو ہتّھاں تاڑی دینی لائیا۔ اوس ویلے سرِشٹی دی درِشٹی نے سچ پیار دا پیار چھڈنا، جگت پیار وِچ بھجےّ واہو داہیِا۔ رسنا دے رس نال لڈاوَنا لڈنا، آتم رس ہتّھ کِسے نہ آئیا۔ بھاویں اوہ کِسے محل وسن، کِسے گھر وسن، تے بھاویں وسن وِچ پبنا، پبلک پلک دے وِچ اپنا رنگ رنگائیا۔ پر اوہناں دا تن وجوُد بِنا تیرے پیار توں مچّنا، ترےَگُن اگنی اگّ نہ کوئے بُجھائیا۔ منوُآ دہ دِشا اُٹھ اُٹھ نچّنا، جگت ترِسنا نہ کوئے گوائیا۔ کوٹاں وِچوں تیرا گُرمُکھ پریمی جِس نوُں خوشیاں دے رنگ رتّنا، آتم رس جام دینا پیائیا۔ تیری نام خُماری اوہدا اِکو مدھ پیالہ مُکھ توں بِنا لگّنا، جِس دا رس رسنا جِہوا سمجھ سکے نہ رائیا۔ پھیر میَں جھٹ ماچھوُواڑے نوُں بھجّنا، میَنوُں اوہ ویلا وقت دے دِرڑائیا۔ میَں اُس گوبِند نوُں لبھنا، جِس نوُں پُرکھ اکال اپنا سُت لیَنا بنائیا۔ جِس نے پُری انند نوُں چھڈنا، انند گُرسِکھاں وِچ ٹِکائیا۔ جوتی جوت سروُپ ہرِ، آپ اپنی کِرپا کر، کرے کھیل ساچا ہرِ، سچ دا حُکم اِک سُنائیا۔ کلجُگ کہے دھرنی سُن لےَ حُکم سندیسہ، شہنشاہ کی جنائیا۔ جیہڑا رہے آد جُگاد ہمیشہ، جُگ چؤکڑی ویکھ وکھائیا۔ اوس دا روُپ انوُپ سَتگُر نانک جِس دی باہروں لبھے کِسے نہ ریکھا، انُبھوَ درِشٹی بِنا نظر کِسے نہ آئیا۔ اُس دا دسواں جامہ میَنوُں روُپ نظر آیا جِس دا ناں ہونا دس دسمیشا، دہ دِشا جِس دی وجّنی ودھائیا۔ اوس نے دھار چلاؤنی مُچھ داہڑی تے کیسا، کیس گڑھ دئے وڈیائیا۔ کھتری براہمن شوُدر وَیش سب دا اِکو جِہا لیکھا، اوُچ نیِچ ذات پات نہ کوئے رکھائیا۔ اوس دے اَگے میرا چلنا نہیں کوئی پیچا، میَں بلہیِن ہو کے دیاں دُہائیا۔ میَنوُں پھیر یاد آؤندی جیہڑی ارجن نے سیِس پواؤنی ریِتا، تتی لوح میرا تن دئے تپائیا۔ جوتی جوت سروُپ ہرِ، آپ اپنی کِرپا کر، کرے کھیل ساچا ہرِ، سچ دا حُکم حُکم وِچوں بدلائیا۔ دھرنی کہے کلجُگ ویکھیں بنی نہ کلکاتی، اپنا روُپ

بدلائیا۔ تیری اوس پُرکھ اکال دے ہتّھ حیاتی، جیہڑا سب دا پِتا مائیا۔ جِس نے تَینوُں دوائی نانک کولوں داتی، امولک اگمّ دِتی ورتائیا۔ ذرا اوس دے چرناں ولّ جھاکیں، جِس دا چرن روُپ ریکھ توں بِنا سوبھا پائیا۔ اوس دے اَگے نہیں کوئی عاقی، سِر سکے نہ کوئے اُٹھائیا۔ آہ ویکھ میرے اُتے وِشن برہمے شِو نوُں آد توں دِتی جِس نے پاتی، پترکا دِتی پھڑائیا۔ تُہاڈا لیکھا نال لکھّ چؤراسی، چارے کھانیِاں ونڈ ونڈائیا۔ چارے بانیِاں میری ہونی ساکھی، شبدی شبد شبد شنوائیا۔ تیئی اوتاراں روُپ دھرا بہُہ بھاتی، پَیغمبر اپنی کھیل کھِلائیا۔ نانک نوُر ہووے ابناشی، گوبِند وِچ سمائیا۔ گوبِند جوت ہووے پرکاشی، دو جہاناں ڈگمگائیا۔ ماچھوُواڑا جِس دی رکھے آسی، سپتس رِکھی نِشانہ گئے لگائیا۔ بالمیِک نے اوتھے گائی سی گاتھی، ڈھولے رام والے سُنائیا۔ باوَن نے راجے بل نوُں کِہا سی اؤہ ویکھ کلجُگ دا انتم ساتھی، جودھا سوُربیِر وڈ وڈیائیا۔ جِس نے ایتھے آؤنا ہتّھ مار کے اُپر چھاتی، چھتردھاری نظر کوئے نہ آئیا۔ اوس ویلے نہ کوئی کُٹمب ہووے نہ کوئی سجّن ساتھی، بنس سربنس سارا پربھ دی بھیٹ کرائیا۔ اوہ بڑی سُہنجنی ہونی راتی، یارڑا ستھر سیج لئے ہنڈھائیا۔ نالے خوشیاں وِچ کرے گاتھی، تُوں میرا میَں تیرا دوُجا نظر کوئے نہ آئیا۔ کلجُگ تُوں وی اوس ویلے نوُں واچیں، واچک ہو کے اپنا لہنا لیَنا جھولی پائیا۔ جوتی جوت سروُپ ہرِ، آپ اپنی کِرپا کر، کرے کھیل دُھر دا ہرِ، دُھر دا مالک دُھر دی کھیل اپنے ہتّھ رکھائیا۔ دھرنی کہے میرے سُن کے کنّ ہو گئے بند، میَں مُنہ دے بھار اپنا آپ ٹِکائیا۔ میَں اِشارہ دِتا وے سُن لےَ تارا چند، چؤدھویِں چند والیا تَینوُں دیاں جنائیا۔ اؤہ ویکھ جیہڑا محمد چؤداں صدیاں شرع نوُں گیا کر کے بند، پروردِگار اَگے واسطہ پائیا۔ انتم تُہاڈا وی لیکھا ہونا کھنڈ کھنڈ کھنڈ، کھنڈا گوبِند والا دئے گواہیِا۔ جِس دی آشا رکھ کے گئی اشٹبُھج جِس نام جنایا چنڈ پرچنڈ، پرچنڈکا اپنی دھار بنائیا۔ جیہڑی ساری دھرتی دی سَتجُگ تریتا دواپرکلجُگ دیِناں مذہباں وِچ ہُندی رہی ونڈ، حِصّے منُشاں والے پائیا۔ جوتی جوت سروُپ ہرِ، آپ اپنی کِرپا کر، کرے کھیل ساچا ہرِ، سچ دا بھیوَ آپ چُکائیا۔ کلجُگ کِہا میَنوُں اِک ہور آ گئی خبر، پتہ نہیں بے خبر دِتی سُنائیا۔ میرا اندروں ٹُٹ گیا صبر، دھیِر رہی نہ رائیا۔ میَنوُں ایں دِسدا گوبِند بڑا جبر، جابر نوُر الاہیِا۔ جِس نے کدی پَینا نہیں مڑی گور قبر، قبراں توں باہر ڈیرہ لائیا۔ اوہدا لیکھا دِسے اُتے اَمبر، نوُر نوُرانہ نوُر ڈگمگائیا۔ اوہ سرب کلا بھرتمبر، بھرپوُر رہیا سرب تھائنیا۔ جوتی جوت

سروُپ ہرِ، آپ اپنی کِرپا کر، دیونہارا ساچا ور، سچ دا کھیل آپ کھِلائیا۔ جھٹ کلجُگ کہے میَنوُں اِک ہور وجّ گیا دھکاّ، پتہ نہیں نانک نے کِدھروں دِتا لگائیا۔ میَں چاروں کُنٹ کردا پتہ، پت پرمیشور کِدھروں حُکم سُنائیا۔ پھیر میَں ملن لگّا اکھّاں، نیَناں نیِر وہائیا۔ جھٹ نظر آیا اؤہ ویکھ لیکھا مُکدا مدیِنہ مکّہ، کعبیاں پئے دُہائیا۔ عیسیٰ دا لیکھا رہنا نہیں بوُرا ککاّ، کوُڑ کُڑیارا ڈیرہ ڈھاہیِا۔ موُسیٰ پِھرے نَٹھا، صدی ویہویں راہ تکائیا۔ صدی چؤدھویِں کہے میرا اِکو دے نال متا، جو مت متاندر ڈیرہ ڈھاہیِا۔ جھٹ گوبِند دا دِسے روُپ انوُپ جِس دے وِچ اگمّی سَتا، جوتی جوت نظری آئیا۔ جوتی جوت سروُپ ہرِ، آپ اپنی کِرپا کر، کرے کھیل ساچا ہرِ، سچ دی کھیل آپ وکھائیا۔ کلجُگ کہے میَنوُں ہور ہو گیا اِشارہ، میرے اندر دِتا دِرڑائیا۔ کلجُگا اؤہ ویکھ تیرا کنارہ، نئیا ڈولے تھاؤں تھائنیا۔ جِس ویلے گوبِند نے گُروُ گرنتھ صاحِب لِکھیا دوبارہ، اِک کنّا وِچ دینا لگائیا۔ اوس نے لیکھا مُکا وکھا دینا چار یارا، محمد دی صفا دئے اُلٹائیا۔ عیسیٰ موُسیٰ سُٹے مُنہ دے بھارا، سِر سکے نہ کوئے اُٹھائیا۔ تیرا مِٹے اندھ اندھیارا، لوک مات رہن نہ پائیا۔ پھیر اُس دا روُپ ہونا اگمّ اپارا، تتاں توں باہر کھیل کھِلائیا۔ شبدی شبد ہوئے جوت جوت دی دھارا، دھرنی دھرت دھوَل اُتے اپنا رنگ رنگائیا۔ اِکو حُکم دیوے سچّی سرکارا، شاہ سُلطانا آپ دِرڑائیا۔ جوتی جوت سروُپ ہرِ، آپ اپنی کِرپا کر، دیونہارا ساچا ور، سچ سندیسہ اِک سُنائیا۔ کلجُگ کہے میَں ویکھنا ضرور کلغی دھر ، جگدیِش جِس نوُں دئے وڈیائیا۔ جِس دے کولوں میَنوُں مِلنا ور، میری جھولی دینی بھرائیا۔ میری کوُڑی اُکھڑنی جڑ، لوک مات رہن نہ پائیا۔ میَں کوُڑ کُڑیار دی اگنی جاواں سڑ، ہوَن سچ نہ کوئے کرائیا۔ میرا سیِس رہے نہ دھڑ، تن وجوُد نہ کوئے وڈیائیا۔ میَں جِیؤندا جاواں مر، مر جیِوت اپنا آپ بدلائیا۔ میَں ضرور اوس صاحِب دا ویکھنا گھر، جِس گھر وِچوں گوبِند نوُں ملِے وڈیائیا۔ کی اوہ روُپ نرائن نر، کی کرتا دُھردرگاہیِا۔ کی پروردِگار سچّا یار، یارانہ سب دے نال رکھائیا۔ جوتی جوت سروُپ ہرِ، آپ اپنی کِرپا کر، کرے کھیل ساچا ہرِ، بھیوَ ابھیدا دئے کُھلائیا۔ کلجُگ کہے میَں گوبِند دے چرن دوارے پُجا، ماچھوُواڑا سیج سُہائیا۔ میَں اپنا بھیوَ رکھ کے گُجھا، دوُروں سیِس دِتا نِوائیا۔ نالے اپنا نیَن کر کے اُوندھا، اکھّ لئی شرمائیا۔ جھٹ گوبِند ہسّ کے کِہا آہ ویکھ نانک سَتگُر میرے اندر وڑ کے کوُندا، دوُجا نظر کوئے نہ آئیا۔ جِس دا لیکھا روُح بُت بُت روُح دا، روُح بُت توں باہر نوُر جوت وِچ سمائیا۔ ایہو

لکھش ایہو لّچھن پوُرے سَتگُر دا، جو شبد شبد شبدی ونڈ ونڈائیا۔ جوتی جوت سروُپ ہرِ، آپ اپنی کِرپا کر، کرے کھیل ساچا ہرِ، سچ دا مالک بےپرواہیِا۔ کلجُگ کہے میَں اکھّاں جھٹ لئیاں میچ، ہتّھ سِر اُتے ٹِکائیا۔ میَں گایا گوبِند ماہی دا گیِت، گوبِند تیری بےپرواہیِا۔ تُوں دسّ تَینوُں مندر چنگا کہ مسیِت، کہ کعبیاں خوشی بنائیا۔ اوُچ چنگا کہ نیِچ، کھتری براہمن شوُدر وَیش کِس نوُں گلے لگائیا۔ جھٹ گوبِند نے کِہا کلجُگ ایس دھرنی نوُں کہو میرے سَتگُر نانک دی کرے تصدیِق، شہادت دیوے پائیا۔ میرا کِسے دا نہ کوئی شریِکا تے نہ کوئی شریِک، لاشریِک میرا روُپ دِتا بنائیا۔ میَں ترےَگُن توں اتیِت، ترےَبھوَن دا مالک میرا کھیل رہیا کھِلائیا۔ میَں وسیا بے شک پنجاں تتاں وِچ ٹھیِک، پر ٹھاکر دا روُپ میرے نال اِکو نوُر بَیٹھا بنائیا۔ میَں سب نوُں ویکھاں ہست کیِٹ، ہست کیِٹ اِکو رنگ رنگائیا۔ آہ لےَ ہور تَینوُں دسّاں حُکم اِک انڈیٹِھ، کی انڈِٹھڑی کار کمائیا۔ میرا پُرکھ اکالا دیِن دَیالا میَنوُں ماچھوُواڑے کر رہیا بخشیِش، رحمت میری جھولی پائیا۔ جوتی جوت سروُپ ہرِ، آپ اپنی کِرپا کر، کرے کھیل دُھر دا ہرِ، دُھر دا نوُر نوُر رُشنائیا۔ کلجُگ کہے گوبِند کی پُرکھ اکالا پاوے تیری جھولی، کُچھ میَنوُں دے وکھائیا۔ گوبِند کِہا اوہ کوُڑیا اوہ کِسے کنڈے نہ جاوے تولی، اتُل رہیا ورتائیا۔ تیری سُرت رہے نہ بھولی، بھولیا دیاں سمجھائیا۔ جِس صاحِب دی آد جُگاد دی ساری سرِشٹی دی درِشٹی انتر نِرنتر آتم گولی، سیوا وِچ سیوک سارے جھٹ لنگھائیا۔ اوس دی انت سمجھ لےَ بولی، کی ڈھولا رہیا سُنائیا۔ جِس نے دیِن دُنیا دے مذہب دی چُکاؤنی رؤلی، رؤلا نام کلمہ نہ کوئے رکھائیا۔ سب نوُں امرت آتم دی دیوے پاہُلی، دُھر دا رس اِک چکھائیا۔ اِک کھیل ویکھنا ورتنا ہؤلی ہؤلی، میرے ڈھئیے توں بعد کی اپنی کار بُھگتائیا۔ نالے آشا پوُری کرے دھرنی دھرت دھوَل دھؤلی، جو دھرم دا راہ تکائیا۔ میرا جُسا ویکھ میرے پھرکدے ویکھ ڈؤلی، جو دو جہان رہے ڈرائیا۔ جوتی جوت سروُپ ہرِ، آپ اپنی کِرپا کر، دیونہارا ساچا ور، سچ دا رنگ آپ وکھائیا۔ کلجُگ کہے گوبِند تیرا کی روُپ ہووےگا بلکار، بلدھاری دے جنائیا۔ گوبِند کِہا کلجُگ پہلوں میرے پُرکھ اکال نوُں کر نِمسکار، نِیوں نِیوں سیِس نِوائیا۔ پھیر آ میری کھنڈے دی تھلّے دھار، کھنڈا کِھچّ کے اُتے دیاں ٹِکائیا۔ پھیر کہیں میرا کوئی نہیں یار، بِنا گوبِند توں یارانہ سچ نہ کوئے کمائیا۔ پھیر میَں تَینوُں ہور دیاں اختیار، مختیارنامہ نواں دیاں لِکھائیا۔ تُوں چاروں کُنٹ پِھریں گلی بازار، کوُچے

کایا والے ویکھ وکھائیا۔ کایا مندر اندر کرائیں وِبھچار، اپنا بَل پرگٹائیا۔ تیرا لہنا دینا پھیر چھیتی دیواں نِوار، لوک مات رہن نہ پائیا۔ پر یاد رکھیں میرا روُپ ہو جائے شبد سَتگُر تے شبد دی دھار، پنجاں تتاں تت نہ کوئے جنائیا۔ نؤ کھنڈ پرِتھمی ستّاں دیِپاں کراں گا خبردار، بےخبراں اِکو حُکم حُکم جنائیا۔ جوتی جوت سروُپ ہرِ، آپ اپنی کِرپا کر، ایکا دینا دُھر دا ور، دُھر دا لیکھا دیاں سمجھائیا۔ گوبِند کِہا کلجُگ آہ میرا کنّا ویکھ لےَ وِچ کائنات، دیِن دُنی دینا سمجھائیا۔ جِس ویلے تیری انت آئی اندھیری رات، محمد دی چؤدھویِں صدی بَیٹھے اپنا پندھ مُکائیا۔ موُسیٰ ویکھے مار جھات، ویہویں صدی نیَن اُٹھائیا۔ اوس ویلے کوئی آتما دا دیوے نہ ساتھ، پرماتما رنگ نہ کوئے رنگائیا۔ اندروں نِجھر جھِرنے وِچوں بوُند نہ ملِے سوانت، باہروں پی پی کے اپنا ڈِھڈ بھرائیا۔ انتشکرن کِسے دا نہ ہووے صاف، پتت پُنیِت نہ کوئے رکھائیا۔ ملِے میل نہ کملاپات، پت پرمیشور اپنی گود نہ کوئے ٹِکائیا۔ اوس ویلے لیکھا ہونا اوس صاحِب ابناش، جو ابناشی کرتا دُھردرگاہیِا۔ جِس نے منڈل منڈپ پاؤنی راس، لکھّ چؤراسی گوپی کاہن نِرگُن سرگُن دھار آتم پرماتم ویکھ وکھائیا۔ اُس دا روُپ رنگ ریکھ نہ کوئی ذات پات، دیِن مذہب ونڈ نہ کوئے ونڈائیا۔ اوس نے حُکم دینا شنکرا اُٹھ کھلو اُتوں کَیلاش، کلا اپنی لےَ پرگٹائیا۔ اوہ برہمے اپنا لیکھا لےَ واچ، پردہ پردیاں وِچوں کُھلائیا۔ وِشنوُں تُوں کیہڑی دیندا دات، چاروں کُنٹ بھجّ اپنا پندھ لےَ مُکائیا۔ پھیر حُکم سُن اوس پربھوُ دا ساکھیات، جو ساکھیات جگت جہان دیِن دُنی ورتائیا۔ جوتی جوت سروُپ ہرِ، آپ اپنی کِرپا کر، کرے کھیل ساچا ہرِ، سچ دا لیکھا دئے لِکھائیا۔ دھرنی کہے ہائے ایہہ کِہو جِہا ویلا آؤنا وقت، پربھوُ کی تیری بےپرواہیِا۔ کی ساری دُنیا سرِشٹی تَینوُں بُھل جاوے جگت، جاگرت جوت بِن ورن گوت نہ کوئے رُشنائیا۔ کوٹاں وِچوں کوئی دِسے تیرا بھگت، بھگوان تیرا درس کوئے نہ پائیا۔ اوہ کِس لیکھے لگّیگی بوُند رَکت، جننی کُکھ کوَن وڈیائیا۔ جھٹ کلجُگ نے کِہا اوہ دھرنیئے میری گوبِند نال شرط، اون میری شرع دِتی بنائیا۔ اوس میَنوُں پیار دِتا دِلاسا دِتا جِتھے میرے بچّے نیِہاں اُتے آئے فرش، ایس فرش اُتے فَیصلہ تیرے ہتّھ رکھائیا۔ جوتی جوت سروُپ ہرِ، آپ اپنی کِرپا کر، کرے کھیل ساچا ہرِ، سچ دا پردہ پردیاں وِچوں اُٹھائیا۔ دھرنی کہے میَں روواں نالے ہسّاں، بِن نیَناں نیِر وہائیا۔ میَں کِس نوُں حال دسّاں، کِس نوُں دیاں سُنائیا۔ کِس دی چرنی ڈھٹّھاں، کوَن لئے اُٹھائیا۔ میَں پِھردی مندر مٹھاں، مسجداں پندھ مُکائیا۔ شِودوالیاں کہہ کہہ اپنیِاں کُھلیِاں کیِتیاں

لِٹاں، مینڈھی لئی کُھلائیا۔ میَں کِس دے دوارے وِکاں، جو میری قیِمت لئے پائیا۔ میرا لیکھا لہنا دینا نِکاّ، نِکّیوں وڈّا کوَن میرا لیکھا اپنے ہتّھ رکھائیا۔ میَں چاہُندی جے کلجُگ کوُڑ کُڑیارے دا بدل جائے سِکہ، بے شک بھاویں سِکم توں شُروُع ہووے لڑائیا۔ میری ایہو انتم اِچھا، نِراِچھت پوُری دینی کرائیا۔ پُرکھ اکال دیِن دَیال تیرا آد جُگاد اِکو وِشا، وِشیش تیرا بھیوَ کوئے نہ پائیا۔ تُوں میَنوُں کوجھی کملی نوُں اپنے دُھر دے پیار دی پا دے بِھچھا، بِھچھک ہو کے جھولی ڈاہیِا۔ میَں چاہُندی ساری درِشٹی اُتے سرِشٹی اُتے اِشٹی اُتے نانک دے اگمّ نام دی آتم پرماتم دی پرماتم آتم دی سب دی ہووے سِکھا، سِکھیا دوُجی نظر کوئے نہ آئیا۔ جیہڑا آد توں وِشن برہمے شِو نوُں لیکھ لِکھ کے دِتا، چار جُگ اوسے دا ڈھولا گائیا۔ تُوں اپرمپر سوامی پِتا، پت پرمیشور تیرے ہتّھ وڈیائیا۔ جوتی جوت سروُپ ہرِ، آپ اپنی کِرپا کر، ایکا دینا ساچا ور، سچ تیری سرنائیا۔ پُرکھ اکال کہے میَں گہر گمبھیِرا، گوَر اِک اکھوائیا۔ میرا نہ کوئی تن وجوُد سریِرا، روُپ رنگ ریکھ نہ کوئے رکھائیا۔ نہ کوئی خوشی غمی دِلگیِرا، چِنتا چِکھا نہ کوئے جنائیا۔ میَں جُگ جُگ سب نوُں دیونہارا دھیِرا، دھیِرج اپنے وِچوں پرگٹائیا۔ پر اِک بچن دھرنیئے یاد رکھ لےَ، جِس ویلے رَویداس گنگا وِچ دِتا سی کسیِرا، اُس دی کؤڈی دُھر دے لیکھے پائیا۔ نالے ہسّ کے کِہا بھگتاں دا آپ چُکاں گا بیڑا، انتم کلجُگ اپنے کندھ اُٹھائیا۔ بے شک دیِن دُنی دا مارگ ہووے بھیِڑا، اؤکھی گھاٹی نہ کوئے چڑھائیا۔ جوتی جوت سروُپ ہرِ، آپ اپنی کِرپا کر، کرے کھیل ساچا ہرِ، سچ دا کھیل کھیل کھیل نال بنائیا۔ دھرنی کہے میرے اُتے کھیل اننت، نؤ کھنڈ ستّ دیِپ وکھّ وکھّ وجّی ودھائیا۔ سچ دسّ میرے بھگوَنت، کی تیری بےپرواہیِا۔ انیک مارگ دسّ کے گئے تیرے سنت، صوُفی صِفتاں وِچ صالاحیِا۔ اوتار پَیغمبراں گُروُآں تیرے نام کلمے دی بنائی بنت، کاغذ قلم شاہی نال لِکھائیا۔ پر پھیر وی کیوں نہیں پوِتر ہُندے تیرے جیِو جنت، نِرمل روُپ نہ کوئے جنائیا۔ کیوں نہیں گڑھ ٹُٹدا ہؤمے ہنگت، ہنگ برہم نہ کوئے سمائیا۔ سچ دسّ، تُوں پرماتما اِک، سرب وِیاپک تیری آتما اِک، تیرا پنجاں تتاں والا دِتا ہویا سریِر اِک، کیوں نہ تیرا اِکو نام جپ کے سارے جھٹ لنگھائیا۔ میَں چاہُندی میرے اُتے مانَس مانُش منُکھ تیرے پیار وِچ جان ٹِک، ٹِکّے تیری چرن دھوُڑی خاک رمائیا۔ جھٹ کلجُگ نوُں آ گئی نِچھّ، چِھک مار کے رہیا سُنائیا۔ نی دھرنیئے جِناں چِر دیِن دُنی کوُڑ کُڑیار دی کرنی وِچ نہ گئی وِک، اونا چِر میرا لیکھا تیرے اُتے نہ کوئے بدلائیا۔ اوہ تے گھڑی نام

جپدے تے میَں اٹّھے پہر اوہناں دے اندر ماردا رہندا کِھچّ، کِھچّ کِھچّ کے اپنے کایا مندر وِچوں باہر کڈھائیا۔ اوس سبھا وِچ جاندا جِتھے رس رسنا دا مِلدا مِٹھ، آتم رس دی لوڑ نہ کوئے رکھائیا۔ نالے سب دی ٹھکوردا پِٹھ، کلجُگ جیِوو سوُرمیؤ بہادرو گُر اوتار پَیغمبراں دا لیکھا اپنے نال نہ کوئے رکھائیا۔ ہُن ویکھیں کی لوہڑا پَینا وِچ مُلّا شیخاں، محمد دا مقبرہ چار یار رو رو دین دُہائیا۔ تیرا تیرے اُتے چؤدھویِں صدی دا اوس دا پوُرا ہونا ٹھیکا، اَگے پٹّیداری نظر کوئے نہ آئیا۔ اِکو حُکم پِھرنا سَتگُر شبد دا جو شبد سَتگُر پُرکھ اکال دا گوبِند بیٹا، جِس نوُں جنمے کوئے نہ مائیا۔ جو ہر گھٹ اندر لیٹا، سُکھ آسن بہہ کے آتم سیج سُہائیا۔ اوہ اِکو ایکنکار سچّی سرکار دا بننا نیتا، جِس نِج نیتر بھگتاں دینے کُھلائیا۔ جوتی جوت سروُپ ہرِ، آپ اپنی کِرپا کر، کرے کھیل ساچا ہرِ، سچ دا بھیوَ آپ چُکائیا۔ دھرنی کہے میری جے ونڈ ہو جائے دوُر، حِصّہ جگت رہے نہ رائیا۔ میَں اوتاراں پَیغمبراں گُروُآں دی ہوواں مشکوُر، نِو نِو لاگاں پائیا۔ جِس طرح تُسیں سچکھنڈ وِچ اِکو نوُر ایسے طرح لوک مات اِکو روُپ سرِشٹی دیؤ بنائیا۔ اِکے سَتگُر نام دے بیڑے تے سب دا اِکٹّھا بہے پوُر، دوُجی بیڑی نہ کوئے چلائیا۔ جو سب دی آسا منسا کرے پوُر، سو سَتگُر پوُرا اِکو شبد شبد شبد سَتگُروُ لؤ منائیا۔ جو نہ نیڑے نہ دوُر، گھر گھر اپنا کھیل کھِلائیا۔ جوتی جوت سروُپ ہرِ، آپ اپنی کِرپا کر، ایکا دیوے ساچا ور، دھرنی کہے میری آسا پوُر کرائیا۔ دھرنی کہے بے شک میری ونڈ بہُہ ونڈی، حِصّے جگت والے پائیا۔ چھوٹی چھوٹی چلی دیِن دُنی دی ڈنڈی، ڈنڈاوت اِکے نوُں کر کے جھٹ لنگھائیا۔ انتم کلجُگ لیکھا آیا کنڈھی، میرے اُتے رہن نہ پائیا۔ میَں اِکو پُرکھ اکال توں منگ منگی، نانک سَتگُر نال رلائیا۔ تیرا سوُربیِر یودھا اِکو شبد ہووے بُھینگی، گوبِند نوُر نوُرانہ نظری آئیا۔ جو انت لہنا دینا مُکائے سرب وربھنڈی، برہمنڈاں اپنی کار بُھگتائیا۔ میرا محبوُب مِہربان انتم میَنوُں لاوے انگی، انگیکار کر کے دَیا کمائیا۔ دھرنی کہے میری چھاتی ہووے ٹھنڈی، ہرِجن گُرمُکھ گُرسِکھ بھگت سنت صوُفی سب پربھ دا ڈھولا گائیا۔ جوتی جوت سروُپ ہرِ، آپ اپنی کِرپا کر، کرے کھیل ساچا ہرِ، نِہکلنک نرائن نر، مہاراج شیرسِنگھ وِشنوُں بھگوان، آد جُگاد جُگ چؤکڑی نِرگُن سرگُن سرگُن نِرگُن کھیل کھیلے بہُہ رنگی، پاربرہم پت پرمیشور پُرکھ اکال اکل کل دھاری اپنا حُکم ورتائیا۔