کتب خانہGranth 23 (Urdu)

۲۶ پوہ شہنشاہی سمت اٹّھ ہرِ بھگت دوار جیٹھوُوال لنگر دی چٹّھ سمیں سویرے

چھّبی پوہ کہے میَں جوبن ونتا، جوانی پربھ دے نال مِلائیا۔ جِس دھرم دھار میری بنائی بنتا، گھڑن بھنّنہار دَیا کمائیا۔ ناتا توڑ کے کوُڑی جنتا، بھیکھ پکھنڈا سنگ نہ کوئے رکھائیا۔ لیکھا پوُرا کرے بل باوَن والے انّ دا، اَنک کل دھاری اپنی کل ورتائیا۔ مُکھ بول پوُرا کرے گُجری دے چنّ دا، جِس نوُں چنّ سِتار سیِس نِوائیا۔ جو آد جُگاد جُگ چؤکڑی پِچھلا گھڑیا بھنّدا، اَگے اپنی بنت بنائیا۔ جو لیکھا مُکائے مایا ممتا موہ دھن دا، سَت سَت سَت نال رنگائیا۔ جو ناتا توڑے چُغلی نِندیا کنّ دا، ہؤمے ہنگتا گڑھ تُڑائیا۔ لیکھا رہن نہ دیوے منسا من دا، شبدی دھار شبد شنوائیا۔ جِس بھیوَ کُھلاؤنا آتم برہم دا، پاربرہم پربھ پردہ لاہیِا۔ ناتا توڑنا ہرکھ سوگ غم دا، چِنتا چِکھا نہ کوئے جلائیا۔ ونجارا رہنا نہیں پوَن سواسی دم دا، اِکو شبد شبد دھار سمائیا۔ جیہڑا جننی کُکھ کدے نہیں جمّدا، جنم مرن وِچ نہ آئیا۔ جوتی جوت سروُپ ہرِ، آپ اپنی کِرپا کر، کرے کھیل ساچا ہرِ، سچ دا حُکم اِک ورتائیا۔ چھّبی پوہ کہے میرا دھرم دھار دا سُہایا مندر، سمت شہنشاہی اٹّھ مِلی وڈیائیا۔ بھگتاں دا بھگتی دی دھار وِچ بنیا لنگر، جِس دا چار جُگ دے شاستر لیکھا نہ سکن سمجھائیا۔ جِس وِچ گوبِند دا بھنڈارا رکھیا اندر، سو پُرکھ اکال دے پیٹے گیا پائیا۔ جِس نوُں لا سکے نہ کوئی تالا جِندر، بندیخانے بند نہ کوئے کرائیا۔ اُس نوُں کھا سکے نہ کوئی موُرکھ موُڑھ بندر، جگت واسنا نہ کوئے ہلکائیا۔ جِس بھاگ لگاؤنا ڈوُنگھی کَندر، تن ماٹی ہووے رُشنائیا۔ جِس دا سَت پرساد لیَنا وِشن برہما شِو رام چندر، کاہن کاہن اَگے جھولی ڈاہیِا۔ اوہ پُرکھ اکالا دیِن دَیالا کھیلے کھیل وِچ برہمنڈن، وربھنڈن اپنی کار

کمائیا۔ سچ دی وست سَت آیا ونڈن، دانی داتا ہو کے آپ ورتائیا۔ جِس غریِب نِمانیاں لایا انگن، شاہ سُلطاناں دِتا دُرکائیا۔ کوجھے کملے نِنم واس مہکائے چندن، نام سُگندھی وِچ ٹِکائیا۔ گُرمُکھ سارے چھوٹے بالے دوابے والیاں دا چھوٹا کنگن، نِکے بچّیاں ہتّھ پہنائیا۔ اِکو وار سارے منگن، پربھ اَگے جھولی ڈاہیِا۔ جوتی جوت سروُپ ہرِ، آپ اپنی کِرپا کر، کرے کھیل ساچا ہرِ، سچ دا حُکم اِک سُنائیا۔ لنگر کہے میرے اندر آ گئی بھگتو تُہاڈی اِک دیگ، جِس دا بھنڈارا نِکُھٹ کدے نہ جائیا۔ گوبِند دی اوہ اگمّی تیغ، جِس دی دھار سمجھ کوئے نہ آئیا۔ جو شبدی شبد وِچوں دِتی بھیج، بِنا بھجن بندگی ہتّھ پھڑائیا۔ جِس نے لیکھا رہن نہیں دینا لیہز پھیہز، بھے بھؤ دوویں رنگ رنگائیا۔ جوتی جوت سروُپ ہرِ، آپ اپنی کِرپا کر، کرے کھیل ساچا ہرِ، تیغ کہے میَں رل گئی نال دیگ پیاری، مُحبّت سَتگُر دھار بنائیا۔ میری غریِب نِمانیاں نال لگّی یاری، یرانے راج راجاناں دِتے تُڑائیا۔ سَتجُگ سَت دی بنھنی دھاری، بل نِو نِو لاگے پائیا۔ باوَن ویکھے بِن نیَناں نیَن اُگھاڑی، چاروں کُنٹ کھوج کھوجائیا۔ حَیران ہو کے کہے کِتھوں آ گئی غریِباں دی واری، جو وارتا پِچھلی دئے بدلائیا۔ جیہڑے بنے چار جُگ دے بھنڈاری، لکھّ چؤراسی جھولیِاں بھرائیا۔ اجّ آؤن گے بھگتاں دے بھگت دواری، پاندھی پندھ مُکائیا۔ منگنگے بن بِھکھاری، جن بھگتو بِھچھیا دیؤ ورتائیا۔ جن بھگت کہن گے ساڈا اِکو اِک وڈ داتاری، دَیاوان اکھوائیا۔ جو آد جُگاد سب دی پاوے ساری، دو جہاناں ویکھ وکھائیا۔ جوتی جوت سروُپ ہرِ، آپ اپنی کِرپا کر، کرے کھیل ساچا ہرِ، سچ دا میلا اپنے ہتّھ رکھائیا۔ دیگ تیغ کہے میرا دھرم دا فتح ڈنکا، چار کُنٹ شنوائیا۔ میَں مان دواؤنا اِکو راؤ رنکا، وڈّا چھوٹا نظر کوئے نہ آئیا۔ اِکو سُہنجنا ہوئے بنکا، بنک دواری ویکھ وکھائیا۔ میَں جھگڑا رہن نہیں دینا کایا ماٹی تن کا، ذات پات دا ڈیرہ ڈھاہیِا۔ بھنڈارا اِکو ورتنا انّ کا، سَتجُگ سچ چلے سچ دی کار کمائیا۔ بھرم بُھلیکھا رہے نہ جن کا، بھانڈا دینا بھنّائیا۔ لہنا پوُرا ہویا کل کا، کلکاتی سیِس نِوائیا۔ ایہہ کھیل پربھوُ دا چھل کا، اچھل چھل اپنا حُکم ورتائیا۔ لہنا دینا راجے بل کا، باوَن بھگوَن ہو کے اپنا لیکھا پوُر کرائیا۔ جِس دا وسیرا نہیں چھپّر چھنّ کا، بِنا محل اٹل سوبھا پائیا۔ اوہ پیارا اِکو برہم کا، پاربرہم اگمّ اتھاہیِا۔ جوتی جوت سروُپ ہرِ، آپ اپنی کِرپا کر، کرے کھیل ساچا ہرِ، سچ دا رنگ آپ رنگائیا۔ دیگ تیغ کہے بھگتو تُہاڈا مِلیا ساتھ، کلجُگ انت مِلی وڈیائیا۔ جو اوتار پَیغمبر گئے آکھ، سُخن سندیسہ مات لوک سُنائیا۔

سو صاحِب سوامی لیا بھاکھ، سب دی بھاکھیا اپنے وِچوں کڈھائیا۔ جن بھگتاں پت لئے راکھ، سِر اپنا ہتّھ ٹِکائیا۔ ایہہ بھنڈارا بہُہ بھانت، جِس دی گنت نہ کوئے گِنائیا۔ لیکھا لِکھیا جائیگا چھّبی پوہ دی رات، رُتڑی اپنے رنگ رنگائیا۔ پربھ پریِتم دیویگا ساچی دات، وست انمُل ورتائیا۔ سب دا اِکو بنیگا پِت مات، بھنڈارا اِکو اِک سمجھائیا۔ جھگڑا رہن نہ دیوے ذات پات، پوُرن گوبِند گوبِند پوُرن ماہیِا۔ جوتی جوت سروُپ ہرِ، آپ اپنی کِرپا کر، کرے کھیل ساچا ہرِ، سچ دا مالک دَیا کمائیا۔ تیغ کہے جن بھگتو میَں تُہاڈے پِچھے لڑ لڑ گئی ٹُٹ، اوۓ ٹُٹیو گنڈھ پوائیا۔ بِنا لوہار ترکھان توں میری بن جانی اوہ اگمّی مُٹھ، جیہڑی بِنا سَتگُر شبد توں ہتّھ نہ کوئے اُٹھائیا۔ جگت کُڑیار نوُں کڈھنا کُٹ، نؤ کھنڈ پرِتھمی ویکھاں تھاؤں تھائنیا۔ ایہہ دیگ نہیں گوبِند دے پیار دی لُٹ، جو بُھکھیو تُہانوُں رہیا ورتائیا۔ او تُسیں دھرتی تے اوہ تُہانوُں آکاشاں توں پرے لےَ جائے چُک، جِتھے گود چُکن والا ماتا پِتا نظر کوئے نہ آئیا۔ اوۓ اجے تے تُہاڈا لیکھا شُروُع ہونا تے تُسیں کہندے پیَنڈا رہیا مُک، سَتگُر دا پندھ مُکن وِچ کدے نہ آئیا۔ اجے تے تُساں ساریاں تے بڑی تنگی تے کٹی بُھکھ، اَگے بُھکھیاں نوُں دئے رجائیا۔ دیگ کہے تے کہے تیغ تُہاڈی خوشی وِچ میرا سُکھ، سُخن گوبِند پوُر کرائیا۔ میرا ویکھ لؤ ٹیڈھا ہو گیا رُخ، رُکھی سُکھی کھا کے اپنا جھٹ لنگھائیا۔ پر تُہاڈی جننی دی ماتا دی ضرور سُپھل کراؤنی کُکھ، سچکھنڈ ساچے دینی وڈیائیا۔ ایہہ بھنڈارا ایہہ یگّ ایہہ اسمیدھ ایہہ سوہنگ دی تُک، نؤ سؤ چُرانوے چؤکڑی جُگ اِکٹّھی نہ کِسے کرائیا۔ اوتار پَیغمبر گُروُ جو حُکم سندیسہ دین اوہ وی رُک رُک، اکھّراں والا اکھّری جاپ جپائیا۔ جدوں آوے تے سَتگُر شبد آوے تے نِہکلنک پُرکھ اکال دا پُت، نِہکلنک کلنک سارے دئے مِٹائیا۔ جوتی جوت سروُپ ہرِ، آپ اپنی کِرپا کر، کرے کھیل ساچا ہرِ، نِہکلنک نرائن نر، مہاراج شیرسِنگھ وِشنوُں بھگوان، دیگ تیغ جن بھگتاں نوُں دات وِچ دیوے تے بھگت بھنڈار دا بھنڈارا کدے نہ جائے نِکُھٹ، اتُٹ گُرمُکھاں جھولی پائیا۔