کتب خانہGranth 23 (Urdu)

۲۶ پوہ شہنشاہی سمت اٹّھ ہرِ بھگت دوار جیٹھوُوال ضِلع امرتسر رات نوُں

چھّبی پوہ کہے میرا دِوس دِہاڑا سُہنجنا، پُرکھ اکال دیِن دَیال پروردِگار دِتی وڈیائیا۔ کِرپا کرے دیِن دَیال درد دُکھ بھےَ بھنجنا، پاربرہم پت پرمیشور نوُر الاہیِا۔ جِس دا دیِپک جوتی اِکو جگنا، دو جہاناں نؤجوانا مرد مردانہ کرے رُشنائیا۔ لکھّ چؤراسی آتم پرماتم ہووے سجّنا، تن وجوُد نہ ونڈ ونڈائیا۔ شبدی دھار کرائے مجنا، انتر نِرنتر دُرمت میَل دھوائیا۔ سچ سوامی چاڑھے اگمّی رنگنا، سَت ستوادی آپ رنگائیا۔ جِس دا اِکو نام ڈنکا وجنا، کلمہ کائنات رُشنائیا۔ نیتر نام پاوے انجنا، اگیان اندھیر مِٹائیا۔ جِس نے حُکم وِچ سَتجُگ ساچا سدّنا، کلجُگ پندھ مُکائیا۔ اُس دا روُپ رنگ ریکھ جانے کوئی نہ بدنا، جو بدلی کرے تھاؤں تھائنیا۔ جِس دے کول آد جُگادی جُگ چؤکڑی ساچا عدلا، اِنصاف حقو حق سمجھائیا۔ جِس نوُں لبھدے کوٹن کوٹی اسنکھ اسنکھا پدم پدما، نوَ ستّ بھجّن واہو داہیِا۔ سو سوامی انترجامی غریِب نِمانیاں لائے اپنے انگنا، انگیکار آپ اکھوائیا۔ سَت سچ پہنائے کنگنا، دیِن مذہب ونڈ نہ کوئے رکھائیا۔ جِس دے کولوں سب نے منگنا، اوتار پَیغمبر گُر وِشن برہما شِو دیوت سُر سارے جھولیِاں ڈاہیِا۔ اُس دا اِکو نام نِدھانا دو جہاناں سب نے جپنا، اجپا جاپ پرگٹائیا۔ جو کلجُگ کوُڑی ترےَگُن میٹے اگنا، ممتا موہ ہنکار وِبھچار گوائیا۔ سنت سُہیلا گُرمُکھ اُپجائے رتنا، امولک ہیِرا آپ پرگٹائیا۔ جِس دے مِلن لئی انگِنت کردے یتنا، یتھارتھ بھیوَ کوئے نہ آئیا۔ اُس نے تُوں میرا میَں تیرا آتم پرماتم اِکو مارگ دسّنا، دوُجی اوَر نہ کوئے پڑھائیا۔ جن بھگتاں کایا مندر اندر وسنا، سچ دوارے سوبھا پائیا۔ جِس اِکو رنگ رنگاؤنا اعلیٰ ادنیٰ، شاہ سُلطاناں خاک مِلائیا۔ ممتا موہ وِکارا کٹّنا، کٹاکس اِکو حُکم سمجھائیا۔ جِس لوآں پُریِاں برہمنڈاں کھنڈاں زِمیں اسماناں ٹپّنا، چؤداں لوک چؤداں طبق بِن چرناں چرناں ہیٹھ دبائیا۔ اوہدا حُکم سندیسہ فرمان ہووے سچنّا، سچ سچ نال پرگٹائیا۔ انتم کل جن بھگتاں بھاگ لگائے کایا ماٹی چمّنا، کنچن گڑھ سُہائیا۔ جِس لوُں لوُں اندر رچنا، رچنا ویکھے تھاؤں تھائیا۔ اُس دے حُکم نال نؤ کھنڈ پرِتھمی ستّ دیِپ اگنی اگّ مچّنا، سانتک سَت نہ کوئے کرائیا۔ جگت جہان دیِن دُنی رہے نہ ہٹّھنا، دھیِرج دھیِر نہ کوئے دھرائیا۔ ورناں برناں ذاتاں پاتاں دیِناں مذہباں اُٹھ اُٹھ نَٹھنا، اوتار پَیغمبر ہوئے نہ کوئے سہائیا۔ کلجُگ ڈؤروُ واہ کے جگت دوارے نچّنا، اپنا ناچ وکھائیا۔ جِس دا لیکھا وِشن برہما شِو تکّنا، لکشمی سُرستی

پاربتی اکھّ اُٹھائیا۔ سیِتا رام ویکھے گھٹنا، شام رادھے اکھّ اکھّ بِنا اُٹھائیا۔ دُرگا بھوِکھ دا ویکھے واکنا، کالی کھّپر ہتّھ اُٹھائیا۔ چِترگُپت حِساب دسّنا، رائے دھرم پھول پھولائیا۔ چار کُنٹ پربھ دا کھیل اگمّا اگمّی ہووے رچنا، رچنہارا اپنی دَیا کمائیا۔ جوتی جوت سروُپ ہرِ، آپ اپنی کِرپا کر، دیونہارا ساچا ور، سچ دا حُکم اِک ورتائیا۔ چھّبی پوہ کہے جن بھگتو تُہاڈا ہویا اسمیدھ یگ، جگ شاہ سُلطانا مِلی نہ کوئے وڈیائیا۔ تُہاڈا میلا پربھوُ دے نال اُپر شاہ رگ، نوَ دوار دا ڈیرہ ڈھاہیِا۔ تُہاڈے پریم پیار دی مُحبّت وِچ لگّی اگّ، اگنی کوُڑ گوائیا۔ تُسیں اِکو صاحِب سوامی دے پیار وِچ گئے لگ، جِتھے لگ ماتر دی لوڑ رہے نہ رائیا۔ شبد اگمّی سُنیا انادی ند، جو دُھن آتمک راگ سُنائیا۔ تُہاڈے کایا مندر گیا وجّ، سروناں دی لوڑ رہی نہ رائیا۔ گھر سوامی پیا لبھ، جنگل جوُہ اُجاڑ پہاڑ نہ کوئے پِھرائیا۔ تُہاڈا لیکھا مکُے ہبھ، ہم ساجن دَیا کمائیا۔ چؤراسی وِچوں لئے کڈھ، سُرت شبد وِچ مِلائیا۔ لیکھےلاوے تِنّ سؤ سٹّھ ہاڈی ہڈّ، ناڑ بہتّر سوبھا پائیا۔ وِشوَ دی دھار بنا کے ید، پاربرہم برہم میلا لئے مِلائیا۔ آتم رہن نہ دیوے الگّ، پرماتم اپنا گھر سُہائیا۔ ایِش جیِو کھیل سوُرا سربگ، ہرِ کرتا ویکھ وکھائیا۔ جگت جہان دی منزل جانا لنگھ، دیِناں مذہباں ونڈ نہ کوئے ونڈائیا۔ تُہاڈی آتم سیجا سچ پلنگ، پاوا چوُل نہ کوئے رکھائیا۔ بِنا رسنا جِہوا تُوں میرا میَں تیرا گاؤنا اِکو چھند، دوُسر اوَر نہ کوئے پڑھائیا۔ پرکاش دِسے نہ سوُریہ چند، جوتی جوت نوُر رُشنائیا۔ گرِہ مندر سچ انند، انند انند وِچوں پرگٹائیا۔ تُہاڈا خوشی بند بند، بندگی پربھ اپنے لیکھے لائیا۔ آون جاون مکُے پندھ، جوُنی جوُن نہ کوئے بھوائیا۔ ہرِجن نیترہیِن رہے کوئے نہ اندھ، نِج لوچن نیَن نیَن رُشنائیا۔ سب دی ٹُٹی لئے گنڈھ، جنم جنم دے وِچھڑے میل مِلائیا۔ بھگت دوارے بھگتاں پاوے ٹھنڈ، اگنی اگّ نہ کوئے جلائیا۔ بھانڈا بھرم ڈھاہے کندھ، کنّا گوبِند والا دئے گواہیِا۔ لیکھا جانے سچ پریم دا کچّا تند، بھیِلنی راما رنگ رنگائیا۔ جوتی جوت سروُپ ہرِ، آپ اپنی کِرپا کر، کرے کھیل ساچا ہرِ، سچ دا حُکم اِک سُنائیا۔ چھّبی پوہ کہے میَں خوشیاں دے وِچ نچّاں، دو جہاناں ناچ وکھائیا۔ پُرکھ اکال دا شبد سندیسہ سُناں سچّا، جو سچ سُچ سنجم رہیا دِرڑائیا۔ میرا لیکھا رہے نہ کچّا، کنچن گڑھ سُہائیا۔ جو آسا کیِتی محمد مدیِنہ مکّہ، کعبیاں اکھّ کُھلائیا۔ جو اِشارہ کیِتا گوبِند جِس ویلے فتح وجایا ڈنکا، حُکم اِکو سُنیا چائیں چائنیا۔ جو آسا رکھی بھگت سُہیلے جنکا، جن اپنا بھیوَ مِٹائیا۔ جو لہنا دینا باوَن دوارے بل دا، بل باوَن بھیوَ کُھلائیا۔ اوہ

لیکھا انتم کلجُگ کل دا، اکل کل دھاری اپنا حُکم سمجھائیا۔ جِس دا کھیل ول چھل کا، اچھل چھلدھاری دُھردرگاہیِا۔ جو مالک محل اٹل کا، سچکھنڈ ساچے سوبھا پائیا۔ جو کھِلاڑی جل تھل کا، مہیئل سوبھا پائیا۔ جو لیکھا جانے چؤراسی لکھّ دل کا، چارے کھانی چارے بانی ویکھ وکھائیا۔ اُس دا اپنا مسلہ اپنے حل دا، دوُسر سمجھ نہ کوئے سمجھائیا۔ جِس دا بھانا کدے نہ ٹلدا، نہ کوئی میٹے میٹ مِٹائیا۔ اوتار پَیغمبر گُروُ اَگے ہو کوئے نہ ٹھلّدا، حُکمے اندر سارے سیِس نِوائیا۔ جوتی جوت سروُپ ہرِ، آپ اپنی کِرپا کر، دیونہارا ساچا ور، سچ دا مالک اپنا بھیوَ چُکائیا۔ چھّبی پوہ کہے میَں خوشیاں نال آیا، نؤ سؤ چُرانوے چؤکڑی جُگ پِچھوں اپنا پندھ مُکائیا۔ میَں کھیل تکیا جو آد جُگادی دائی دایا، دیدہ دانِستہ نظری آئیا۔ جِس نے شبدی دھار شبد اُپجایا، وِشن برہما شِو کھیل کھِلائیا۔ جِس ترےَگُن مایا رچن رچایا، پنجاں تتاں رنگ رنگائیا۔ جو جوُن اجوُنی ونڈ ونڈایا، لکھّ چؤراسی سوبھا پائیا۔ جو جلوہ گر نوُر رُشنایا، نوُر نوُرانہ ڈگمگائیا۔ جو شبدی شبد شبد دِرڑایا، درِڑھ اپنا آپ سمجھائیا۔ سو پُرکھ اکالا دیِن دَیالا بےپرواہیِا، بے پرواہی وِچ سمائیا۔ جِس دا لیکھا اوتاراں پَیغمبراں گُروُآں بھوِکھتاں دے وِچ گایا، پیشیِن گوئیاں گئے سُنائیا۔ اوہ نِرگُن نوُر کرے رُشنایا، جِس نوُں جنمے کوئے نہ مائیا۔ جوتی جاتا آپے ڈگمگایا، تیل باتی نہ کوئے رکھائیا۔ اپنا مندر آپ سُہایا، سمبل ساڈھے تِنّ ہتّھ وجّی ودھائیا۔ سَتجُگ تریتا دواپر کلجُگ پِچھلا ویکھ وکھایا، کلجُگ بُھل رہے نہ رائیا۔ جو بل باوَن دھیان لگایا، دوئے قدماں دھرنی دھرت دھوَل اپنی ونڈ ونڈائیا۔ اَدھا حِصّہ ہور سمجھایا، جِس دا بھیوَ جانے کوئے نہ رائیا۔ سو اسمیدھ یگ تیراں سؤ ستاسی رِشیاں نال مِل کے اِکو ڈھولا گایا، اِکو در وجےّ ودھائیا۔ جوتی جوت سروُپ ہرِ، آپ اپنی کِرپا کر، دیونہارا ساچا ور، سچ دی کرنی کار کمائیا۔ اسمیدھ کہے میَں ویکھاں چھّبی پوہ، سمت شہنشاہی اٹّھ نال وجّی ودھائیا۔ جن بھگتو تُساں سمجھیا جگت دا جھوُٹھا موہ، مُحبّت مایا کمّ کِسے نہ آئیا۔ تُسیں آتم پرماتم دی دھار اِک تن وجوُد دو، انتر نِرنتر وکھّرا نظر کوئے نہ آئیا۔ تُسیں سَت سروُپ سو، برہم وجےّ ودھائیا۔ تُہاڈے انتر نِرنتر نِج لوچن نیتر دی اگمّی لو، لوئن پربھ نے دِتا کُھلائیا۔ سَت نال سَت بن کے جاؤ چھوہ، بن کے چھوہرے اُٹھو چائیں چائنیا۔ پیار وِچ جن بھگتو بھگتاں نال کرِیو نہ کوئے دھروہ، میل مِلاؤنا چائیں چائنیا۔ جوتی جوت سروُپ ہرِ، آپ اپنی کِرپا کر، دیونہارا ساچا ور، سچ دی کرنی کار کمائیا۔ چھّبی پوہ کہے میری سارے کردے صِفت

صلاح، بِن رسنا جِہوا ڈھولے گائیا۔ میَں وی پِھراں نال چاء، چاؤ گھنیرا اِک دِرڑائیا۔ اُتّر پوُرب پچھّم دکھّن بھجّا پِھراں واہو داہ، نؤ کھنڈ پرِتھمی ستّاں دیِپاں پھیرا پائیا۔ سندیسہ دیواں اِکو گاڈ االلہ اِکو حق خُدا، اِکو رام سیِتا اوم تت سَت ہری اوم اِکو نوُر نظری آئیا۔ جِس دے اَگے سارے کرن دوا، دوئے جوڑ واسطہ پائیا۔ اُس دا سب دا سانجھا اِکو راہ، رہبر اِکو بےپرواہیِا۔ تُوں میرا میَں تیرا آتم پرماتم سب نے ڈھولا لیَنا گا، دوُجی اوَر نہ کوئے پڑھائیا۔ دیِن مذہب دا ڈیرہ دینا ڈھاہ، ڈھئیا گوبِند والا دئے گواہیِا۔ صدی چؤدھویِں انت وقت اَخیِری گیا آ، پندھ مُکیا واہو داہیِا۔ عیسیٰ کہے میرا لیکھا رہے نہ را، میرا باپ اپنا آپ پھیرا پائیا۔ موُسیٰ کہے میَں اُس نوُں کہاں واہ واہ، جو واحد نوُر الاہیِا۔ جوتی جوت سروُپ ہرِ، آپ اپنی کِرپا کر، دیونہارا ساچا ور، سچ دی کرنی کار کمائیا۔ چھّبی پوہ کہے تھلّیوں کہِندی کی دھرتی، کوُک کوُک سُنائیا۔ میَں چاروں کُنٹ ڈردی، بھےَ وِچ اپنا آپ چُھپائیا۔ دروہی دُہائی کِسے نوُں خبر نہیں اپنے گھر دی، در دروازہ نہ کوئے کُھلائیا۔ جِدھر ویکھاں اُدھر نام کلمے والی دُنیا لڑدی، سانتک سَت نہ کوئے ورتائیا۔ کلا میٹے نہ کوئے چوٹی جڑ دی، چیتن رنگ رنگائیا۔ دھرنی کہے میرے اُتے سرِشٹی درِشٹی وِچ سڑدی، اِشٹی پُرکھ اکالا نوُر نہ کوئے رُشنائیا۔ ساچی منزل جگت فقیِراں موُل نہ لبھدی، سنت سَت نہ کوئے سمائیا۔ جیہڑی دُنیا اکھّراں نام رسنا جِہوا پڑھدی، نِراکھّر دھار سمجھ کِسے نہ آئیا۔ دھرنی کہے میَنوُں یاد کتھا کہانی بل دی، جو باوَن کھیل کھِلائیا۔ اُس داستان سُنائی میَنوُں کلجُگ کل دی، کی کل کلکی حُکم ورتائیا۔ جِس ویلے توٹ ہووے جل انّ دی، شاہ سُلطان منگن تھاؤں تھائنیا۔ سرِشٹی لوبھی ہووے دھن دی، مایا ممتا وِچ ہلکائیا۔ کِسے نوُں خبر نہیں ہونی پل دی، پلکاں پِچھے ملِے نہ دُھر دا ماہیِا۔ سرِشٹی ونجاری ہونی کایا ماٹی کھلّ دی، خالق خلق مِلن کوئے نہ پائیا۔ ہؤمے ہنگتا سب نوُں ہووے سلّ دی، سلل رنگ نہ کوئے چڑھائیا۔ جوتی جوت سروُپ ہرِ، آپ اپنی کِرپا کر، کرے کھیل ساچا ہرِ، سچ دی کرنی کار کمائیا۔ دھرنی کہے باوَن میرے اُتے گیا تُٹھ، مِہر نظر اُٹھائیا۔ اپنا روُپ دھر کے گِٹھ تے مُٹھ، چار ویداں دی کرے پڑھائیا۔ نالے اِشارے وِچوں اِشارے رہیا سُٹ، جِس دی سمجھ کوئے نہ پائیا۔ نالے دُہائی دیوے دھرم دوارے دھرم دی لُٹ، لُٹیرا نظر کِسے نہ آئیا۔ نالے اپنا سجّا کھبّا پھڑ کے گُٹ، ہلوُنے نال ہِلائیا۔ نالے اِشارے نال بل نوُں اندروں چُک، بِن ہتّھاں ہتّھ ٹِکائیا۔ نِرگُن دھار ہو کے لئے پُچھ، رسنا جِہوا نہ کوئے سمجھائیا۔

نؤ کھنڈ پرِتھمی دانیاں واسطے دان دِسے تُچھ، دیِپاں دی لوڑ رہے نہ رائیا۔ نالے پُٹھے ہتّھ پھیرے اُتے مُچھ، باوَن ہنس مُکھ اپنا حُکم ورتائیا۔ اوہ ویکھو نیِویں ہو کے جھُک، تریتا دواپر پندھ مُکائیا۔ کلجُگ انتم سَت دھرم دا بوُٹا جانا سُک، ہریا سِنچ نہ کوئے کرائیا۔ پرماتم آتم اِک دوُجے توں جانے رُٹھ، رُسیِاں سکے نہ کوئے منائیا۔ جگت جگیاسوُآں پربھوُ نوُں بُھلنا پِچھے ٹُک، ٹُکڑا سَت دا ہتّھ کِسے نہ آئیا۔ کلجُگ نے کوُڑا جام پیاؤنا گھُٹ، امرت رس دا مزہ نِجھر جھِرنیوں باہر کڈھائیا۔ سب دے بھاگ جانے نِکُھٹ، بھاگ ہیِن دِسے لوکائیا۔ کھیل کرے ابناشی اچُت، پاربرہم پربھ دُھردرگاہیِا۔ جِس دی سُہنجنی ہونی رُت، رُتڑی اپنے نال مہکائیا۔ جن بھگتاں دا بھنڈارا ورتاوے اتُٹ، توٹ رہے نہ رائیا۔ آپ خوشیاں وِچ ہو کے خوش، خوشحالی سب دے اندر کرائیا۔ جوتی جوت سروُپ ہرِ، آپ اپنی کِرپا کر، کرے کھیل ساچا ہرِ، سچ دا مالک دَیا کمائیا۔ دھرنی کہے میَں خوشیاں دے وِچ ہسّی، بِن ہتّھاں تالی دِتی لگائیا۔ باوَنا پرم پُرکھ دی دھار اپنی خبر اگمّی دسّیں، جِس نوُں شاستر لِکھن کوئے نہ پائیا۔ پلّوُ چُھڈا نہ میرے کولوں نسّیں، کیوں میرے اُتے چرن ٹِکائیا۔ کی لہنا دینا چار لکھّ اسی، چؤراسی گنڈھ پوائیا۔ کی رچنا صاحِب نے رچی، رچنہارے دے بھیوَ کُھلائیا۔ دھرنی کہے باوَن نے میَنوُں اِشارہ دِتا رتی، بِنا سمجھ توں سمجھ دِتی سمجھائیا۔ اوہ کلجُگ ویکھ سرِشٹی ہووے بہُمتی، من مت گھر گھر ڈیرہ لائیا۔ تیرے اُتے چاروں کُنٹ واء وگنی تتّی، امرت میگھ نہ کوئے برسائیا۔ اوتار پَیغمبر گُروُآں مانَو مانَس مانُکھاں اندر پاؤنی وٹّی، دیِناں مذہباں ونڈ ونڈائیا۔ ساچی کِسے توں کھٹی نہیں جانی کھٹی، کھٹکا دِسے سرب لوکائیا۔ جگت واسنا چاروں کُنٹ پِھرے نَٹھی، بھجےّ واہو داہیِا۔ آتم پرماتم دھار کرنی نہیں کِسے اِکٹّھی، اِکو رنگ دئے رنگائیا۔، انتم سب نوُں بھرنی پَینی چٹّی، اَگے ہو نہ کوئے چُھڈائیا۔ دھرنی کہے میَں ہسّ کے کِہا کی اوہ صاحِب کملاپتی، پت پرمیشور بےپرواہیِا۔ جِس نوُں گاؤندے راگ چھتّی، چھتردھاری سیِس نِوائیا۔ باوَن کِہا ایہہ جگت جہان دی کھٹّی، ونجارے کوُڑ نظری آئیا۔ اوہ ویکھ تریتا دواپر دھار جاندی نَٹھی، اپنا پندھ مُکائیا۔ کلجُگ کھیل تک لےَ اٹھسٹھی، تیِرتھ تٹ گنگا گوداوری جمنا سُرستی رووے مارے دھاہیِا۔ جھگڑا پَینا مندر مسجد شِودوالے مٹھی، چرچ گُروُدوارے رہے کُرلائیا۔ کلجُگ کوُڑ کُڑیارے تپاؤنی بھٹّھی، بھٹھیالا ہو کے اگنی ڈاہیِا۔ دھرم دا رہے کوئی نہ جتی، سَت وِچ نہ کوئے سمائیا۔ پریِت رہے کِسے نہ نتّی، پریم رنگ نہ کوئے رنگائیا۔ ساچا دان

دیوے کوئے نہ ہتّھیں، دھرم دی ونڈ نہ کوئے ونڈائیا۔ شاہ سُلطان راج راجان مایا موہ وِچ کرن اِکٹّھی، ممتا نال مِلائیا۔ اوس ویلے دی اِک خبر اگمّی دسّی، دہ دِشا اکھّ اُٹھائیا۔ پُرکھ اکالا دیِن دَیالا جوتی جاتا نِرگُن نِروَیر نِراکار نِرنکار جو وسے گھٹ گھٹی، ہر گھٹ رہیا سمائیا۔ اوہ بھگت سُہیلا اِک اَکیلا دیِن دَیال سرب سمرتھی، اگمّ اتھاہ دَیا کمائیا۔ جوتی جوت سروُپ ہرِ، آپ اپنی کِرپا کر، کرے کھیل ساچا ہرِ، سچ دا بھیوَ آپ کُھلائیا۔ دھرنی کہے میرے ہوئے وڈ وڈ بھاگ، بھاگاں بھری بھگتو دیاں ودھائیا۔ تُسیں سوئے گئے جاگ، جگت آلس نِندرا دوُر کرائیا۔ ہنس بن گئے کاگ، سوہنگ مانک موتی چوگ مُکھ لگائیا۔ جنم جنم دا مِٹ گیا داغ، دُرمت میَل رہی نہ رائیا۔ تُہاڈا آتما پرماتما دا بن گیا سماج، دیِن مذہب دا جھگڑا دِتا مُکائیا۔ نوَیِں ساجنا دینی ساج، سچ سچ نال مِلائیا۔ کھتری براہمن شوُدر وَیش مُسلم عیِسائی اِکو گھر بَیٹھے آج، دوُجی ونڈ نہ کوئے ونڈائیا۔ پنجاں لِکھاریِاں دے پِچھے جگدے چراغ، جو چراگاہاں وِچ کرن رُشنائیا۔ تسیں غریِب نِمانے پربھ دا دھرم بغیچہ تے سچ دا باغ، باغباں دُھر دا مالی اِکو نظری آئیا۔ تُہانوُں سارے کرن آداب، نِو نِو سیِس جھُکائیا۔ جِتھے نہ کوئی کِسے دا سوال نہ جواب، جواب طلبی وِچ سارے سیِس جھُکائیا۔ تُہاڈا مالک مالک آد، جو مدھ انت اپنا کھیل کھِلائیا۔ جو آیا نؤ سؤ چُرانوے چؤکڑی توں بعد، پِچھلا پندھ مُکائیا۔ جِس دی وِشنوُں لکشمی کرن یاد، اُٹھ کے سیِس نِوائیا۔ برہما سُرستی چاروں کُنٹ وجاوَن ناد، تیری دُھن بےپرواہیِا۔ شنکر پاربتی اِک سرنائی لاگ، دوُجا روُپ نہ کوئے سرنائیا۔ کمُیر کہے میَں تیرا بھنڈاری تُوں میرا داتاری کھیل تیرا ہےَ آپ، دوئے جوڑ سیِس جھُکائیا۔ رام کہے سیِتا میرا شانت، آتم پرماتم سیِتا رام نظری آئیا۔ کرِشن رادھا کہے میرے کاہن دی ایہو اگمّی گاتھ، سُرت شبد مِل کے وجےّ ودھائیا۔ اشٹبُھج کہے میَں شُروُع توں اسنکھا وِچوں سنکھ دی سُنائی آواز، سُنبھ نسُنبھ ورگے دیَنتا دِتا گھائیا۔ کالکا کہے میَنوُں سب کُجھ کھا پی کے اجے نہ آئے سواد، میری ترِسن نہ کوئے بُجھائیا۔ جھٹ کلجُگ آئے پاس، تڑاگی لکّ اُتے رکھائیا۔ کہے میرے کول وکھّری وکھّری کلاس، اے بی سی ڈی چارے کھانی رہیا سمجھائیا۔ چِترگُپت کہے میَں سب دا رکھاں راز، حُکم سندیسے دیواں چائیں چائنیا۔ رائے دھرم کھول کے کِتاب، لیکھا منگے تھاؤں تھائنیا۔ جاں ساریاں تکیا تے نوُری دا نوُری پرماتما جگت دا آتما تے آتما دی دھار تے پرگٹ ہویا وِچ پنجاب، پنجاں تتاں دا مالک پنچم شبد دی دھار اِکو نظری آئیا۔ جِس دا کھیل بودھ اگادھ، بُدھی

توں پرے کرے پڑھائیا۔ جِس امرت رکھیا وِچ نابھ، رسنا جِہوا بتّی دند نہ کدے چُھہائیا۔ اوس دا سمجھے نہ کوئے مِزاج، طبیعت طبیب نہ کوئے دِرڑائیا۔ جِس نے پَیغمبراں پیایا آب، جیِون حیاتی زِندگی دِتی بدلائیا۔ اوتاراں دِتا خطاب، خط خطوُط اپنے حُکم والے سُنائیا۔ گُروُآں شبد سندیسہ دِتا آپ، اپنا بھیوَ کُھلائیا۔ سب نوُں دسّیا تُوں میرا میَں تیرا آتم پرماتم ساچا جاپ، سوہنگ ڈھولا دُھر دا دُھردرگاہیِا۔ جِس دا بھیکھ اولّڑا کھیل کھیلے جِؤں بازی گر ناٹ، سوانگی اپنا سوانگ ورتائیا۔ جے باہروں سارے تکدے تن وجوُد پنجاں تتاں والا جاٹ، ہڈّ ماس ناڑی نظری آئیا۔ جِس دے انتر نِرنتر اِکو جوت نوُر پرکاش، دوُجا روُپ نہ کوئے درسائیا۔ جِس نے بھگتاں نوُں بھگتی دے وِچ کیِتا یاد، بھگوَن بھگتی اپنا پریم بنائیا۔ بھگت دوارا کر آباد، ساڈھے تِنّ ہتّھ رنگ رنگائیا۔ ساچے لنگر دی سادھنا سادھ، سَت سچ دِتی وڈیائیا۔ دھرم بھنڈارا ورتایا آپ، اپنا بھیوَ چُکائیا۔ پتت پاپیِاں کر کے پاک، پُنیِت اپنے رنگ رنگائیا۔ دُرمت میَل دھو کے کرے صاف، کوُڑی کِریا ڈیرہ ڈھاہیِا۔ جنم جنم دے کرم کرم دے لیکھے کرے مُعاف، سِر اپنا ہتّھ رکھائیا۔ آتم پرماتم دوہاں دا سانجھا بنے ساتھ، سگلا سنگ رکھائیا۔ سب دے لہنے دینے لیکھےلاوے جو کہہ گیا تریَلوکی ناتھ، رگھُناتھ حُکم سُنائیا۔ حضرت عیسیٰ موُسیٰ محمد جِس دا دسّ کے گئے اِتہاس، پیشیِن گوئیاں ونڈ ونڈائیا۔ نانک گوبِند جِس دی رکھی آس، بِن آسا آس رکھائیا۔ جو انتم کلجُگ کھیلے کھیل تماش، ہرِ کرتا دُھردرگاہیِا۔ جِس صدی چؤدھویِں کرنی ناس، چؤداں طبق دھیان لگائیا۔ اوس دا اِکو نوُر جوت پرکاش، دوُسر ونڈ نہ کوئے ونڈائیا۔ جِس دی تن وجوُد والی انت ہونی نہیں ماٹی لاش، لاشریِک اگمّ اتھاہیِا۔ جِس مقبریاں وِچوں پَیغمبراں دی کرنی تلاش، کعبیاں کھوج کھوجائیا۔ جوتی جوت سروُپ ہرِ، آپ اپنی کِرپا کر، کرے کھیل ساچا ہرِ، سچ دا میلا لئے ملائیا۔ چھّبی پوہ کہے میَں اِک صاحِب نوُں جھُکا، بِنا سیِس سیِس نِوائیا۔ جِس دا بھیوَ رہے نہ لُکا، دو جہاناں پردہ لاہیِا۔ جِس دی نہ داہڑی نہ مُچھا، موُنڈ مُنڈایا نہ کوئے اکھوائیا۔ اوہ کھیلے کھیل لکھّن دیِپ نال کُشا، کچّھ مچّھ دا لہنا پوُر کرائیا۔ جِس نے چار جُگ دا نِرگُن سرگُن دھار تکّنا جُسا، جِسم ضمیِر کھوج کھوجائیا۔ کلجُگ پیَنڈا ویکھنا پُجا، سِل پوُجس پاہن کھوج کھوجائیا۔ اپنا بھیوَ رکھنا گُجھا، چار جُگ دے شاستراں توں باہر پڑھائیا۔ جو اپنے حُکم وِچ ہووے رُجھا، رُجھیواں تکّے خلق خُدائیا۔ جِس دا آتم پرماتم پرماتم آتم اِکو مُدّعا، مُدّتاں دے وِچھڑے لئے مِلائیا۔ اجّ بھاگ لگائے اُتے

بسُدھا، چھّبی پوہ کہے میرے پریم دی وجےّ ودھائیا۔ جِس دے حُکم وِچ چار کُنٹ ہووے یُدھا، یُدِھشٹر دی آشا پوُر کرائیا۔ جو پُٹھیاں ہتّھاں نال لیکھ لِکھ کے گیا بُدھا، تیئیسواں اوتار لیکھ بنائیا۔ جِس ویلے صدی چؤدھویِں انتم ویلا ڈُھکا، نوُر چند نہ کوئے چمکائیا۔ اوس ویلے سچ سوامی ہووے اُگھا، اُگن آتھن پردہ لاہیِا۔ جِس دا دیِپک کدے نہ بُجھا، پنجاں مُکھیِاں والے دیِپک دین گواہیِا۔ جِس دا آد انت توں اِکو عہدہ، وڈّا چھوٹا نہ روُپ دھرائیا۔ جِس دی عادت سَتجُگ تریتا دواپر اُلٹاؤنا کلجُگا، جُگ جُگ اپنا حُکم ورتائیا۔ جوتی جوت سروُپ ہرِ، آپ اپنی کِرپا کر، کرے کھیل ساچا ہرِ، سچ دا بھیوَ آپ چُکائیا۔ دھرنی کہے اوہ میرے اُتے ہُندا کی کھیل انوکھا، انوکھا بچن دیاں سُنائیا۔ گُر چیلے اِک دوُجے نال کردے دھوکھا، مُریِد مُرشد سنگ نہ کوئے نِبھائیا۔ جگت شاستر اکھّراں والے پڑھدے پوتھا، نِراکھّر کرے نہ کوئے پڑھائیا۔ رسنا جِہوا بتّی دند دیندے ہوکا، دُھن آتمک شبد نہ کوئے شنوائیا۔ باہر جگت جگاؤندے جوتا، گھر نوُر نہ کوئے رُشنائیا۔ روز دیِن دُنی دیاں تکّدے مؤتاں، اپنا مرن سمجھ کِسے نہ آئیا۔ بِنا بھگتاں توں جو گیا سو اؤنتا، درگاہ ملِے نہ کوئے وڈیائیا۔ میرے اُتے گوبِند دا پوُرا ہویا ڈھئیے والا ڈھؤنکا، ڈھائی کرما باوَن دیاں دین گواہیِا۔ میرا وقت سُہنجنا میرے انتر آوے شؤقا، شؤقین ہو کے دیاں سُنائیا۔ میرے محبوُب ماہی دی انتم اِکو ہووے نؤکا، جو نؤواں کھنڈاں نؤواں دواریاں والیاں نوُں پار کرائیا۔ جوتی جوت سروُپ ہرِ، آپ اپنی کِرپا کر، کرے کھیل ساچا ہرِ، سچ دا صاحِب اِک اکھوائیا۔ چھّبی پوہ کہے اوہ ویکھو نارد آیا بھجّا، بودی پریم والی ہِلائیا۔ اَگے کڈھ کے پَیر سجّا، ساجن ہو کے رہیا جنائیا۔ جن بھگتو میَنوُں دے دیؤ جگہ، دھام اولّڑے سوبھا پائیا۔ میَں وی حُکم دا آیا بدھّا، بھجیّا واہو داہیِا۔ میرے اندر نہیں کوئی لبا، موہ ہنکار نہ کوئے رکھائیا۔ میَنوُں اِیوں دِسیا بھگت بھگوان دی لگّی سبھا، ملیچھاں ڈیرہ ڈھاہیِا۔ جِتھے اِکو امی تے اِکو ابّا، دوُجی جنم دین والی کوئے نہ مائیا۔ جِتھے نہ کوئی ونڈ تے نہ کوئی حدا، لکیِر لائن نہ کوئے دِسائیا۔ نہ کوئی کُل تے نہ کوئی جدّا، یدپ دِسے نوُر الاہیِا۔ اِکو نام اِکو کلمہ تے اِکو صدا، سندیسہ اِک سُنائیا۔ جوتی جوت سروُپ ہرِ، آپ اپنی کِرپا کر، کرے کھیل ساچا ہرِ، سچ دی کھیل آپ کھِلائیا۔ نارد کہے میَں بھجّ بھجّ کے آیا نَٹھ، میری تھکاوٹ وِچ دُہائیا۔ میَں دسّن آیا جن بھگتو پرم پُرکھ نے اُلٹی گیڑنی لٹّھ، جِس دا گیڑ نہ کوئے سمجھائیا۔ اوہدا حُکم سندیسہ ورتنا جھٹ، جِس جھٹکے حلالی والیاں دی کرنی صفائیا۔ اِکو نام سب

نے لیَنا رٹ، رٹّا اوَر رہے نہ رائیا۔ اِکو سندیسہ دینا اِکو کھولنا ہٹّ، ونجارا اِکو بنے بےپرواہیِا۔ اِکو گھاٹ کنارہ ہووے تٹ، امرت دھار اِک وہائیا۔ اِکو لہر دا ہووے رس، بِنا رسنا رس چکھائیا۔ جو نِرگُن دھار نِرگُن کرے وس، سرگُن سرگُن جوڑ جُڑائیا۔ مارگ رستیاں وِچوں دئے دسّ، پاندھی پندھ اِک سمجھائیا۔ تُوں میرا میَں تیرا سب نے گاؤنا اِکو جس، صِفتی ڈھولے سوہلے گائیا۔ ایہہ کھیل کرے الکھنا الکھّ، جِس دا لیکھ نہ لکھیا جائیا۔ اوہ جِدھر تکّوگے اودھر ہووےگا پرتکھ، پاربرہم پربھ اپنا پردہ لاہیِا۔ جِس دا کھیل تکّن سوُریہ روَ سس، منڈل منڈپ دھیان لگائیا۔ پُری لوء آکاش پاتال گگن گگننتر زِمیں اسمان جھُکن نسّ نسّ، نیڑے دوُر سیِس نِوائیا۔ اوہدا صِفت صالاحی شبدی ہووے جس، بِن اکھّراں اکھّر پرگٹائیا۔ جوتی جوت سروُپ ہرِ، آپ اپنی کِرپا کر، کرے کھیل ساچا ہرِ، سچ دا صاحِب ہو سہائیا۔ نارد کہے میَں پِھراں کمبدا، ہائے اُف میری دُہائیا۔ جگت جہان ویکھاں منگدا، خالی جھولیِاں سارے ڈاہیِا۔ میَنوُں نظارہ مِلیا نہیں اِک رنگ دا، جو رنگ پربھ دے وِچ سمائیا۔ میَں ویکھیا کنارہ گنگ دا، گنگا گوداوری جمنا سُرستی پھیرا پائیا۔ میَں ابھیاس ویکھیا اِک ٹنگ دا، جو بَیٹھے آسن لائیا۔ میَں نظارہ تکیا تن دا، جو ماٹی خاک رمائیا۔ میَں اِشارہ سُنیا کنّ دا، جو جگت شاستر رہے جنائیا۔ نارد کہے میَں جِدھر تکیا کِسے نوُں بھیوَ نہیں اپنے برہم دا، پاربرہم مِلن کوئے نہ پائیا۔ چؤراسی وِچ جیِو جنت جمّدا، جنم مرن توں باہر نہ کوئے کڈھائیا۔ جھگڑا ویکھیا دیِن مذہب دے بھرم دا، جو اوُچاں نیِچاں ونڈ ونڈائیا۔ جوتی جوت سروُپ ہرِ، آپ اپنی کِرپا کر، سد اپنا کھیل کھِلائیا۔ نارد کہے پربھوُ میَں ویکھن آیا تیرے بھگت، جگت دوار تجائیا۔ جو تیرا نوُر تے میری بوُند رَکت، تن وجوُد سوبھا پائیا۔ جِنہاں دی اجّ میَں اِکو ویکھنی شرط، جو شرع پِچھلی دین تجائیا۔ جِنہاں نے اپنے گھر مُڑ کے جانا پرت، پت پرمیشور تیرے وِچ سمائیا۔ اوہناں دا لیکھا مُکنا اُتے دھرت، دھرنی دھوَل دئے گواہیِا۔ مانَس جنم دا بقایا رہے نہ قرض، مقروُض ہو کے دینا چُکائیا۔ تیرے کول اِکو بیننتی تے اِکو عرض، آرزو اِکو دِتی جنائیا۔ تیرا صاحِب کُچھ نہیں ہونا حرج، حرجانے سب دے پوُر کرائیا۔ بِنا بھگتی توں بھگتاں دے نام رائے دھرم توں پرے کردے درج، جِتھے چِترگُپت لیکھ نہ کوئے سمجھائیا۔ اوہناں نوُں لوڑ نہ رہے مندر مسجد گُردوارے چرچ، چراگاہاں توں باہر کڈھائیا۔ پُٹھی جنم مرن دی سِدھی کردے نرد، نرائن تیرے ہتّھ وڈیائیا۔ چُھری قصائی بنے نہ کرد، قاتل مقتُول دا ڈیرہ

ڈھاہیِا۔ اندروں اندھیرا کڈھ دے غُبار گرد، نوُر جوت کر رُشنائیا۔ جے تُٹھا ایں تے غریِباں نال ونڈ درد، کوجھیاں کملیاں اپنے رنگ رنگائیا۔ جِنہاں نوُں تیرے مِلن دی مرض، اوہناں مریضاں نوُں لےَ بچائیا۔ جِنہاں دے پلّے نہیں کوئی نام دا خرچ، خزانہ اپنا اتُٹ دے ورتائیا۔ جے تُوں سوُربیِر مردانہ مرد، مدد کر تھاؤں تھائنیا۔ تیرے کول کیہڑی تلوار تے کیہڑی کھڑگ، کھنڈا ہتّھ نہ کوئے رکھائیا۔ جوتی جوت سروُپ ہرِ، آپ اپنی کِرپا کر، کرے کھیل ساچا ہرِ، سچ دے صاحِب دے وڈیائیا۔ نارد کہے جن بھگتو میری اِکو اِک دلیِل، دلیِلاں والیو دیاں جنائیا۔ سب دا مالک آد انت دا اِکو چھبیِلا چھَیل، شہنشاہ دُھردرگاہیِا۔ جِس دے دربار وِچ کدے نہیں ہُندی اپیِل، اِکو وار حُکم تے حُکم حُکم وِچوں سُنائیا۔ جِس دے حُکم دی کوٹن کوٹ جُگاں دی پےَ جاندی )تعطیل(، اَگے ہو نہ کوئے اٹکائیا۔ اوتھے نہ کوئی شرع تے نہ کوئی شریِعت دا وکیِل، وُکلے دی لوڑ رہے نہ رائیا۔ نہ کوئی ملکیّت تے نہ مالک زمیِن، زِمیں اسمان دوویں دین گواہیِا۔ نہ کوئی وِدیا تے نہ کوئی تعلیِم، چار جُگ دے شاستر رہے سمجھائیا۔ جو مالک آد انت دا شہنشاہ عظیِم، عالیجاہ کہہ کے سارے سیِس نِوائیا۔ جو قُدرت دا رہبر قدیِم، کائنات دا مالک اِک پڑھائیا۔ جو کلجُگ دی سَتجُگ نال کرے ترمیِم، طبیعت اپنے وِچوں پرگٹائیا۔ جِس نوُں ساریاں کہنا آمیِن، پَیغمبر سجدیاں وِچ سیِس جھُکائیا۔ اوس دا حُکم اوتاراں کرنا تسلیِم، سَتگُر گُر کہن دھنّ تیری وڈیائیا۔ وِشن برہما شِو بنے اَدھیِن، سارے خوشیاں ڈھولے گائیا۔ جوتی جوت سروُپ ہرِ، آپ اپنی کِرپا کر، کرے کھیل ساچا ہرِ، سچ دا مالک اِکو نظری آئیا۔ نارد کہے پربھوُ میَں آ گیا بھؤں بھٹکیا، بھٹکن والیو دیاں جنائیا۔ میرے صاحِب دا بھانا کدے نہ اٹکیا، اَگے ہو نہ کوئے اٹکائیا۔ میَنوُں ایؤں دِسدا کلجُگ انتم لٹکیا، چار لکھّ بتّی ہزار آیوُ سنگ نہ کوئے نِبھائیا۔ تَینوُں دُھر دے حُکم نے پٹکیا، جو وید ویاسا گوبِند پٹنے والے نال مِل کے دئے گواہیِا۔ جِس نے جیِواں جنتاں جھٹکیا، گھر گھر چُھری چلائیا۔ اوس دے سیِس تے کھنڈا کھڑکیا، کھڑگاں ڈیرہ ڈھاہیِا۔ جِنہاں دی خاطر نِرگُن دھار ہو کے پرتیا، پت پرمیشور نوُر الاہیِا۔ اوہ آ کے اُتے دھرتیا، دھرنی دھرن دھوَل دھؤل پیشیِن گوئیاں پوُری کرے شرطیا، شریِعت کھوج کھوجائیا۔ لہنا دینا مقروُض لاہوے قرضیا، باقی سب دے ہتّھ پھڑائیا۔ جِس نوُں کھوجدے اَرب کھربیا، اسنکھ اسنکھا دھیان لگائیا۔ ہِندسیِاں نال دیندے ضربیا، انت حاصل ہتّھ کُجھ نہ آئیا۔ اوہ سب دا ویکھے دھن دؤلت مال دربیا،

گرِہ گرِہ کھوج کھوجائیا۔ جو بھگتاں دی بھگوَن ہو کے سُنے عرضیا، بیننتی اپنی جھولی پائیا۔ جوتی جوت سروُپ ہرِ، آپ اپنی کِرپا کر، کرے کھیل ساچا ہرِ، دُھر دا وڈّا وڈ وڈیائیا۔ نارد کہے پربھوُ میَں تیرا ویکھن آیا چؤتھا جُگ، کلجُگ چاروں کُنٹ دھیان لگائیا۔ میَں سرِشٹی دی انتر ویکھی بُدھ، باہر چمّ درِشٹی نہ کوئے ودھائیا۔ میَنوُں اِیوں جاپیا اُتّر پوُرب پچھّم دکھّن کلجُگ جیِواں دے اندر جھوُٹھی جاگ لگّی جِؤں کانجی دُدھ، نؤ دواریاں والیاں نؤ سیر رہے سمجھائیا۔ جو ماجھا مالوا دوآبہ جموں لیائے چُک، ماٹی بھانڈے دیؤ وکھائیا۔ کِرپا نِدھان سِری بھگوان نؤجوان مرد مردان وِچ جہان میَں چاہُندا نارد کہے کوُڑی کِریا دا پیَنڈا جائے مُک، مُکمل اپنا حُکم ورتائیا۔ کوئی اوتار پَیغمبر گُر سادھ سنت بھگت صوُفی فقیِر ایس ویلے بھار نہیں سکدا چُک، نؤ کھنڈ پرِتھمی اپنیاں کندھیاں اُتے ٹِکائیا۔ تُوں سب دا مالک خلق دا خالق پاربرہم ابناشی اچُت، چیتن سب نوُں دے کرائیا۔ تیرے دوارے اُتے سب دی سوہنی ہووے رُت، رُتڑی اپنے نال مہکائیا۔ پربھوُ آد توں جُگاد توں جُگ چؤکڑی سدا بھگت تیرے سُت، دُلارے سچکھنڈ وِچ سوبھا پائیا۔ اِنہاں نوُں ایس دھرنی اُتوں دھؤل اُتوں دھوَل اُتوں خوشیاں نال شبد دی گودی چُک، جگت ہتّھاں کراں دی لوڑ رہے نہ رائیا۔ جے ایہہ نہیں پُج سکدے تُوں آ کے اِنہاں کول ڈُھک، دوُر دُراڈے اپنا پندھ مُکائیا۔ جے تُوں صاحِب سوامی تے سُتیاں دا چُمّ مُکھ، رات رُتڑی اِنہاں دے اندر اپنی دے مہکائیا۔ جے ایس کلجُگ وِچ وی رہیں چُپ، پھیر تیرے ورگے بھگوان دی لوڑ رہے نہ رائیا۔ جے تُوں بھگوان ہو کے نؤجوان ہو کے مرد مردان ہو کے منگتا بنیا رہیں گھر گھر ٹُک ، ٹُکڑے جِس طرح دیِن دُنی دِتی کرائیا۔ ایہہ ویکھ لےَ ساری تیری آتما تے پرماتما ایہہ جنمی تیری وِچوں کُکھ، بِنا آتما توں سریِر کِسے کمّ نہ آئیا۔ اپنیاں نوُں آپ آ کے پُچھ، پُشت پناہ ہتّھ ٹِکائیا۔ جوتی جوت سروُپ ہرِ، آپ اپنی کِرپا کر، ایکا دینا ساچا ور، صاحِب سچ تیری سرنائیا۔ نارد کہے میَنوُں کِسے دسّیا اجّ بھگتاں دا بھنڈارا، غریِب نِمانیاں وڈّے توں وڈّا دِتا رجائیا۔ میَں وی کِہا جا کے اوہناں دا شُکر گُزاراں، نِیوں کے سیِس جھُکائیا۔ جِنہاں دے وِچ میرا انترجامی ہویا ظاہرا، ظاہر ظہوُر اپنا نوُر کر رُشنائیا۔ جوتی دھار ہو کے آیا دوبارہ، دوہرا اپنا کھیل کھِلائیا۔ نالے سَتگُر شبد نالے پریمی نالے دوست تے نالے یارا، یاراں دا یار یرانے گھر گھر رہیا لگائیا۔ اوہ جن بھگتو دین تے دُنیا مانَس تے مانُکھ جگت وِدیا دیاں پڑھدے اخباراں، تُہاڈے اندر سندیسہ اوہ جو

سب نوُں کرے نِرموہ، تُہاڈی آتما پرماتما نال گئی چھوہ، چھوہرے بانکے نال مِل کے تُہاڈی وجدی رہے ودھائیا۔ تُسیں اِک تے اِک دے اِک دو، اِک دو والے ہِندسے دیؤ وکھائیا۔ تُہاڈے اِک دے نال موہ، موہ والیو اپنے ہتّھ لؤ اُٹھائیا۔ او تُہاڈا ہوکا حق تے ہو، ہوکا حق لِکھن والیو اِشارہ دے کے سب نوُں دیؤ جنائیا۔ ہربھگت گُرسِکھ گُرسِکھ نال کدے نہ کرِیو دھروہ، جِنہاں کول دھروہ لِکھیا اوہ دھروہ کرن والیاں دیِاں اکھّاں اَگے دیؤ ٹِکائیا۔ اجّ توں سارے اپنے آپ نوُں لؤ جوہ، کایا دے مندر اندر وڑ کے اپنے پردے لؤ اُٹھائیا۔ آہ ویکھو گیِتا گیان تے اِنجیِل قرآن رمائن تے گُروُ گرنتھ صاحِب دا پنجاں والا گروہ، پنجاں چوراں دی کرن صفائیا۔ جے تُسیں پربھوُ دے گئے ہو، اپنا آپ پربھوُ دی جھولی پائیا۔ جے اپنا آپ گئے کھوہ، جِنہاں دے کول ہِندی وِچ کھوہ لِکھیا پھڑیا اوہ ہتّھ لؤ اُٹھائیا۔ جوتی جوت سروُپ ہرِ، آپ اپنی کِرپا کر، کرے کھیل دُھر دا ہرِ، دُھر دا سنگ آپ بنائیا۔ نارد کہے پربھوُ میَں چوری چوری سُنی خبر اپاری، اپرمپر دیاں جنائیا۔ وِشنوُں کہے لکشمی اجّ تکّیئے سَت سچ دا درباری، جو درے دربار سوبھا پائیا۔ برہما کہے سُرستی جِس دی مہما چار مُکھ چار ویداں وِچ اُچاری، چار کُنٹ کرے شنوائیا۔ شنکر کہے پاربتی جِس دے پیار وِچ باسک تشکا گل دے ہاری، بھبوُتی خاک تن رمائیا۔ سیِتا رام کہے رام سیِتا کہے جِس دے حُکم وِچ پِھرے بنباس جنگل پہاڑی، اِک چار پندھ مُکائیا۔ رادھا کرِشن کہے کرِشن رادھا کہے جِس دی دھار وِچ رتھ رتھواہی دی کیِتی سواری، اپنا کھیل کھِلائیا۔ جاں ہور ویکھیا کمُیر اپنی آسا رہیا اُچاری، اُچر کے رہیا سُنائیا۔ دُرگا کہے میَں آد توں کواری، اشٹبُھج سِنگھ سوار سوبھا پائیا۔ کالکا کہے میَں بُھکھی پیاسی جگت وِچ ہاری، ہِردے شانت نہ کوئے کرائیا۔ چِترگُپت کہے میَں سب دے سندیسے لیکھے دیواں وارو واری، بچیا نظر کوئے نہ آئیا۔ رائے دھرم کہے میَں وڈّا لِکھاری، چؤراسی دا گیڑ چؤراسی وِچ بھوائیا۔ لاڑی مؤت کہے میَں انوکھی ناری، اوتار پَیغمبراں گُروُآں دے تن وجوُد سریِر لواں پرنائیا۔ کلجُگ کہے انت میری آ گئی واری، جگت دے وارشو دیاں سمجھائیا۔ تُہاڈے پوُجا پاٹھ سِمرن جوگ ابھیاس ہُندیاں میَں سرِشٹی دی درِشٹی اندروں کیِتی کالی، دُرمت میَل نہ کوئے دھوائیا۔ بھاویں مندر مسجد شِودوالے مٹھ جاوو دھرمسالی، دھرم دا راہ نہ کِسے وکھائیا۔ پھل رہن نہیں دِتا کایا ساڈھے تِنّ ہتّھ دی ڈالی، ٹاہنی ٹاہنی پھول پھولائیا۔ سچ مُحبّت لبھدی نہیں بھالی، کھوجیاں کھوج نہ کوئے کُھجائیا۔ میَں سارے وِشن برہما شِو اوتار پَیغمبر گُروُآں دے اَگے کھلو

کے کلجُگ کہے میَں ماراں تالی، تال تلواڑیاں والیاں دیاں جنائیا۔ ساریاں دے بھنڈارے ویکھو خالی، سچ وست ہتّھ نہ کوئے ٹِکائیا۔ کِسے دی لیکھے لگّے نہ گھال گھالی، میَں گھائل کیِتی لوکائیا۔ جے میرے وِچ سادھ سنت تے صوُفی فقیِر تکوگے جعالی، ظاہر ظہوُر پربھ دا درس کوئے نہ پائیا۔ کوٹاں وِچوں جِنہاں نوُں پربھ اپنے پیار دی اندروں دیوے لالی، اوہ لال انمُلے سوبھا پائیا۔ اوہناں دا کھیل اگمّا انوکھا شالی، شالا دیوے آپ وڈیائیا۔ جوتی جوت سروُپ ہرِ، آپ اپنی کِرپا کر، ایکا دینا ساچا ور، سچ تیری اوٹ تکائیا۔ نارد کہے پربھوُ سارے کر کے آ گئے اپنا متا، صلاح مشورہ اِکو اِک بنائیا۔ تیریاں بھگتاں دا بھنڈارا ستّاں والا سَتا، سَت دے مالک نظری آئیا۔ سانوُں چھکا دے وِچوں رتا، رفتہ رفتہ رہبر دِتا بنائیا۔ جِس منزل چڑھدیاں راہ وِچ ہووے کدے نہ ہتّا، ہتیا کرن والا نظر کوئے نہ آئیا۔ جِدھر تکّو بھگت بھگوان بھگوان بھگت دے پیار دے ستھر لتھا، دوُجی سیج نہ کوئے ہنڈھائیا۔ پربھوُ کدی خوش نہیں ہویا ٹیکیاں متھا، نکّ زِمیں اُتے رگڑائیا۔ اوہ کدی منّیا نہیں زبان والی کردیاں کتھا، کتھنی نال نہ کوئے چتُرائیا۔ اوہ کدی ریِجھیا نہیں دیِناں مذہباں بنایا جتّھا، جتّھیاں ونڈ نہ کوئے ونڈائیا۔ اوہ کدے خوش نہیں ہویا نپیّا گھُٹیاں ہتّھاں، ہست کوَلاں نال دبائیا۔ اوہ کدے ہتّھ نہیں آیا کروڑاں رُپئیاں لکھّاں، اَرباں کھرباں مِلن کدے نہ پائیا۔ اوہ جدوں مِلیا بھگتو تے ملِے وانگ بِدر کُلیّ ککھّاں، غریِب نِمانیو تُہاڈی کایا کُلیّ وِچوں نظری آئیا۔ اوس دا اِکو وِشا یتھارتھ یتھا، یدی اپنا پردہ دئے اُٹھائیا۔ اوس دے کول نام دا تیِر کمان بھتّھا، انیالا دئے چلائیا۔ جِس نے کلجُگ انتم ہرِجن پریم پیار وِچ کیِتا اِکٹّھا، اِکو رنگ رنگائیا۔ گُرمُکھو تُہانوُں دیِن دُنیا نے کرنا ٹھٹّھا، مخؤل ہاسی جگت اُڈائیا۔ پر تُہاڈا اندروں انتر نِرمل جِویں بِنا پان توں لٹّھا، پربھ اُلٹی لٹّھ دِتی گِڑائیا۔ تُہانوُں لوڑ رہی نہ تیِرتھ اٹھسٹھا، مندر مسجد شِودوالیاں پندھ دِتا مُکائیا۔ تُہاڈا سوامی تُہاڈے اندر جگے جوت لٹ لٹا، نوُر نوُرانہ نظری آئیا۔ اوہ تُسیں سوُربیِر اجّ مارو ہتّھ اُتے پٹّاں، جاں پٹنے والا تُہاڈی دئے گواہیِا۔ ہُن پِچھلا سماں ٹپّا، اَگے اِکو ٹپّا دئے وڈیائیا۔ تُسیں سارے کہوگے اجّ وجدیاں گپّاں، گپؤڑیِاں رہیا سُنائیا۔ پر جِس اکھّر دی یاد چار جُگاں رہی پپا، پوُرن پرمیشور بےپرواہیِا۔ جِس نوُں یاد کر کے گیا نانک تپا، گوبِند کِہا گوبِند دا گوبِند ماہیِا۔ محمد نے کِہا اوہ میرا اِمام اوہ میرا سکا، ساجن اِک اکھوائیا۔ عیسیٰ نے کِہا اوہ صاحِب تے اوہو پِتا، اوہو گود ٹِکائیا۔ موُسیٰ نے کِہا اوسے دا نوُر جِس میَنوُں مُنہ دے بھار سِٹا، اپنا

آپ دِتا بُھلائیا۔ کرِشن کِہا میَں کاہن بن کے ایسے کر کے رادھا دیِاں کُھلائیاں لِٹاں، پراندی گُت نہ کوئے بنائیا۔ رام نے کِہا میَں سیِتا نوُں پنچبٹی وِچ سوایا اُتے پتّھر اِٹّاں ، جگت سِنگھاسن نہ کوئے رکھائیا۔ جوتی جوت سروُپ ہرِ، آپ اپنی کِرپا کر، دیونہارا ساچا ور، سچ دا صاحِب اِک گوسائنیا۔ صاحِب سوامی گوسائیں اِک، اِک اِک وڈیائیا۔ مالک خالق خُدائی اِک، خادم ہو کے سیو کمائیا۔ خصم خصمانہ ماہی اِک، جِس نوُں ایکنکار کہہ کے سارے گائیا۔ جو جِسم جِسمانا ضمیِر وِچ بے نظیِر وسیا اِک، اِک اِکلّا سوبھا پائیا۔ جوتی جوت سروُپ ہرِ، آپ اپنی کِرپا کر، کرے کھیل ساچا ہرِ، سچ دا مالک بھیوَ کُھلائیا۔ نارد کہے وِشن برہما شِو رام کرِشن سارے گاؤ اگمّی گانا، جِس دی تُک تُکانت نہ کِسے بنائیا۔ بِنا اکھّاں تکّو اگمّی رانا، جو شاہ پاتشاہ شہنشاہ اکھوائیا۔ جِس نے پرِتھوُ توں اُگایا دانہ دانہ، اپنا حُکم سُنائیا۔ جِس دے دواریوں سب نوُں مِلدا کھانا، دیونہار وڈ وڈیائیا۔ اجّ اُس دے بھگتاں دا بھگت دوارا ویکھیا نہ ایہہ نواں تے نہ ایہہ پُرانا، پُران اٹھاراں دے چار لکھّ ستاراں ہزار سلوک اِشارہ گئے کرائیا۔ نہ ایہہ شرع تے نہ ایہہ دیِن دُنی دا کوئی ٹِکانا، دیِن مذہب ونڈ نہ کوئے ونڈائیا۔ جِنہاں نے آتم برہم پچھانا، مِلیا میل سِری بھگوانا، سو ہرِجن مِل کے اپنی خوشی بنائیا۔ جوتی جوت سروُپ ہرِ، آپ اپنی کِرپا کر، ایکا دینا ساچا ور، سچ دی کھیل آپ کھِلائیا۔ سارے کہن کھائیے کی، وستُو بےپرواہیِا۔ سارے کہن پیالے پریم دے جائیے پی، پریم پریِتی وِچ رکھائیا۔ کلجُگ کہے سجنو میرے دیش وِچ میرے پردیش وِچ جے کِسے نوُں تھاں لبھی تے لبھیا ساڈھے تِنّ ہتّھ سیِں، شاہ سُلطان دوُجی حد نہ کوئے رکھائیا۔ میَں پیار دا مُحبّت دا کِسے پاسے پَین نہیں دِتا میِنہہ، اوتاراں پَیغمبراں دے بادل آئے تے بدلیِاں بنا کے دِتے اُڈائیا۔ کِسے نے خوشی منائی دیوالی تے کِسے نے وِساکھی تے کِسے کِہا ساڈی ساوَن تیِں، کوئی تریِا پِچھے کوئی پرِیا پِچھے جنگلاں وِچ بھجےّ واہو داہیِا۔ پر یاد کر لؤ اجّ تک سارے مانَو دی اِک چلائی نہیں کِسے نے لیِہ، لائن سچ نہ کوئے رکھائیا۔ کِسے نے کِہا میرے پِچھے جی، کِسے نے کِہا اوہدے پِچھے جی، کِسے نے کِہا نام کلمے دا اندر بیِج بی، کِسان ہو کے رسنا حل چلائیا۔ بِنا بھگتاں توں کِسے نہیں کِہا میَں اوسے دا پُتر اوسے دی دھی، جو پِتا پُرکھ اکال ماتا پِتا اکھوائیا۔ اوہنوُں لوڑ نہیں اوہ تن بستر پہنے زَری، تن خواباں وِچ سوبھا پائیا۔ کیوں جِنہاں دے اندر وس گیا ہری، اوہ ہرِ دا روُپ نظری آئیا۔ جے تُہاڈے اُتے تُہاڈے صاحِب نے کِرپا کری، کِرپا نِدھان ہو کے وِچ

میَدان دے تُہاڈا ہوئے سہائیا۔ تُہانوُں لوڑ نہیں دسّی کہ تُہانوُں بہِشتاں وِچ کوئی ہوُر ملِے کہ پری، تے تُہانوُں پرا پسنتی مدھم بَیکھری توں باہر اپنا حُکم دِتا سُنائیا۔ تُہاڈا انگ انگ جیہڑا بدھّا سی وِچ جگت دی کڑی، بندھن بندھناں نال رکھائیا۔ کھتری براہمن شوُدر وَیش دی تُہاڈے وِچ رہن نہیں دینی اڑی، اڑِکا نظر کوئے نہ آئیا۔ تُہانوُں اِکو صاحِب اِکو مالک تے اِکو اُس دی سُہنجنی نظر آوے گھڑی، جو گھڑیال نام دا تُہاڈے اندر رہیا وجائیا۔ اجّ تُہاڈے پریم دی نیَں جگت جہان توں باہر چڑھی، چڑھدیوں لہندے نوُں گئی تے لہِندیوں چڑھدے نوُں جائے واہو داہیِا۔ پھیر دکھّن پہاڑ نوُں جاوے چھڑی، ہلوُنا دیوے تھاؤں تھائیا۔ یاد رکھو جن بھگتو تُہاڈی آتما کدے نہیں مری، سدا سد پربھ دے رنگ سمائیا۔ تُہاڈی وستُو سدا سچّی سدا کھری، قیِمت سَتگُر اپنے ہتّھ رکھائیا۔ تھوڑا ویلا تھوڑا وقت تے تُسیں ہِمّت رکھِیو جری، ذرّے ذرّے دے وِچ ظاہر ظہوُر نظری آئیا۔ جوتی جوت سروُپ ہرِ، آپ اپنی کِرپا کر، کرے کھیل ساچا ہرِ، سچ دی کھیل رہیا کھِلائیا۔ سارے کہن پربھوُ دے دے وستُو انمُلی، انمول دے ورتائیا۔ جیہڑی رسنا لگّے کدے نہ بُلی، جِس دا اِشارہ بُلھے شاہ گیا کرائیا۔ اوہ تیری وست محبوُبا کِسے ترازوُ کدے نہ تُلی، گھڑی پل ونڈ نہ کوئے ونڈائیا۔ مِہربان ہو کے دَیاوان ہو کے بھاگ لگا دے غریِباں دی کایا کُلیّ، کُل مالک ہو سہائیا۔ اوہ تک تیری پُھلواڑی پُھلی، بغیچہ سچ دا نظری آئیا۔ اِیوں جاپدا تیِجے سال نوُں اندھیری جانی جھُلی، جھوُلیاں والیاں جھوُلے والے دینے ہِلائیا۔ لاڑی مؤت نوُں چُھٹی دے دے کُھلی، مینڈھی سیِس دی دینی کُھلائیا۔ جیہڑی دُنیا تَینوُں بُھلی، بُھلیاں دینا سمجھائیا۔ جوتی جوت سروُپ ہرِ، آپ اپنی کِرپا کر، ایکا دینا ساچا ور، سچ دی کرنی کار کمائیا۔ نارد کہے پربھوُ میَنوُں اِیوں جاپدا تیرے بھگتاں دے اندر جگت والا گیان، گیانی دھیانی بن کے جگت دی سُنن وڈیائیا۔ میَں چاہُندا ساریاں دا ایکو وار سچ دی سبھا وِچ ہو جائے حلفیہ بیان، جِس دی حرف حروُف دے کے پروُف پچھتاوا نہ کوئے جنائیا۔ جو تیرا بھگت ہو گیا اوہ بچّہ نہیں اَنجان، بُدھی توں پرے اُس دی پڑھائیا۔ جے اوہ بُھل جاوے اوہنوُں بخش لےَ آن، مِہر مِہر نظر اُٹھائیا۔ آہ ویکھ لےَ گُروُ گرنتھ رمائن تے گیِتا نال قرآن، اِکٹّھے ہو کے سارے دین گواہیِا۔ جن بھگتو جے تُہاڈے کول آ گیا کوُڑ کُڑیارا تے شیَطان، شرع سچ دی سچ نالوں تُڑائیا۔ پھیر تُہانوُں ضرور سَتگُروُ دے حُکم بُھلیاں چؤراسی دا بُھگتنا پئے بُھگتان، اَگے ہو نہ کوئے چُھڈائیا۔ اپنے انتر نِرنتر بِنا مُکھ توں بولیا تے دسّیا

زبان، سارے پرنام کر کے لؤ کرائیا۔ ایہہ جوتی جگدی جگدی جگدی جِس طرح تُہاڈے ساہمنے مِٹ گئی وِچ جہان، ایسے طرح پھیر آتما ہتّھ کِسے نہ آئیا۔ تُہانوُں اپنی نہیں پہچان، بے پہچان تُہانوُں پہچان کے اپنے نال مِلائیا۔ تُہاڈے دوارے دا اُتم سریشٹ پیِن کھان، جِس نوُں اوتار پَیغمبر وِشن برہما شِو گُروُ سارے کھان، آئے چائیں چائنیا۔ جوتی جوت سروُپ ہرِ، آپ اپنی کِرپا کر، کرے کھیل ساچا ہرِ، سچ دا رنگ آپ رنگائیا۔ سارے کہن اسیں پکوان کھادھا انڈِٹھا، پربھ دِتی مان وڈیائیا۔ جِس دا رس نہ کھٹّا نہ مِٹھا، مِٹھت جگت نہ کوئے جنائیا۔ جِس دا اِکو سواد سَت سَت دا ہِتہ، پریم پریم نال بنائیا۔ سوامی سَتگُر صاحِب مِلیا مِتّا، مِتر پیارا رنگ رنگائیا۔ جیہڑا کدے نہ وِسرے وِچوں چِتا، چِت ٹھگؤری رہے نہ رائیا۔ اُس دی سب نوُں اِکو سِکا، جو سِکدیاں اپنے نال مِلائیا۔ جِس دا روُپ نِکّے توں نِکاّ، وڈّیاں توں وڈی وڈیائیا۔ سو تُہاڈے تن وجوُد مندر اندر وِکا، آتم سیج سِنگھاسن ڈیرہ لائیا۔ جوتی جوت سروُپ ہرِ، آپ اپنی کِرپا کر، کرے کھیل دُھر دا ہرِ، دُھر دا بھیوَ آپ کُھلائیا۔ لنگر کہے میَں کی آکھاں، آکھن دی لوڑ رہے نہ رائیا۔ میَں کی بھاکھاں، بھاکھیا وِچ کی سُنائیا۔ میَں کی الاکھاں، الکھ نہ لکھیا جائیا۔ میَں ویکھیِاں گوپیِاں کاہن دیِاں راساں، تٹ کنارے سوبھا پائیا۔ میَں چار جُگ دے اوتار پَیغبراں گُروُآں دیاں تکیاں آساں، جو آساوند آس گئے رکھائیا۔ میَں دیِناں مذہباں دیاں وڈّیاں چھوٹیاں ویکھیاں جماعتاں، جو کلاساں وِچ اپنا حُکم جنائیا۔ انت کلجُگ دیاں آ گئیاں اندھیریاں راتاں، چاروں کُنٹ اندھیرا چھائیا۔ پیار رہیا نہ پُتراں ماتا، پِتا پوُت کرے لڑائیا۔ نار کنت نہ دیوے ساتھا، سنگی سنگ نہ کوئے بنائیا۔ سجن مِتر اِک دوُجے نوُں لُٹن ہاتھو ہاتھا، دھروہ پریم وِچ کمائیا۔ رسنا جِہوا سادھ سنت جگت شاستراں پڑھدے سُناؤندے گاتھا، اندروں من کلپنا جگت وِچ تڑپھائیا۔ تیِرتھ تٹاں اُتے ماردے واٹاں، گھر سروور نہاوَن دی آس نہ کوئے رکھائیا۔ باہروں جگاؤندے گھِرت دیِپ دیِاں لاٹاں، اندروں نوُر جوت نہ کوئے رُشنائیا۔ باہر سؤندے سیجا پلنگاں اُتے کھاٹا، آتم سیجا سوبھا کوئے نہ پائیا۔ کنّاں نال سروتیاں دی سُن دے آوازا، ناد دُھن انتر نِرنتر سُنن کوئے نہ پائیا۔ باہروں فرضیا سیِس نِواؤندے تے پڑھن نمازا، روزیاں وِچ اپنا آپ کھپائیا۔ مکّیاں کعبیاں دا کرن حاجا، لیکن حُجرہ حق حق دا مالک دِس کِسے نہ آئیا۔ جدوں مِلیا تے مِلیا آپا، آپ اپنی دَیا کمائیا۔ جن بھگتو تُہاڈا اِکو شبد تے اِکو نام تے اِکو کلمہ تے اِکو جاپا، تُوں میرا میَں تیرا آتما پرماتما مِل کے وجےّ ودھائیا۔ اِکو سجّن

میِت مُرارا تے اِکو صاحِب سوامی ساکا، رِشتہ فرِشتیاں نالوں تُڑائیا۔ اِکو مالک اِکو خالق تے اِکو آقا، جو عقل بُدھی توں پرے اپنا گھر وکھائیا۔ جوتی جوت سروُپ ہرِ، آپ اپنی کِرپا کر، کے کھیل ساچا ہرِ، سچ دا صاحِب بےپرواہیِا۔ نارد کہے پربھوُ اوئے تَینوُں کیوں کہندے بے پرواہ، کی بے پرواہی وِچ سمائیا۔ تُوں ساریاں نوُں اپنے حُکم وِچ بھانے وِچ چھڈیا رُلا، جُگ جُگ اپنا کھیل کھِلائیا۔ جیہڑا اِک ویراں گیا اُس نوُں دوبارہ کیوں نہیں لیا بُلا، اُس دا لیکھا سنمُکھ دِتا سمجھائیا۔ تُوں آپ اِک تے وکھّ وکھّ اپنے نام دِتے جپا، رٹّا دیِن دُنی وِچ پائیا۔ تُوں سب دے نال دھوکھا دغا رِہوں کما، اوہ کمال دیا مالکا کمال تیری وڈیائیا۔ تُوں دسّ چؤہ ویداں وِچ کیہڑا تیرا نام چنگا کیہڑا تیرا نام مندا تے تُوں کیہڑا لیا گوا، سارے اگڑ پِچھڑ بھجّن واہو داہیِا۔ جوتی جوت سروُپ ہرِ، آپ اپنی کِرپا کر، ایکا دینا ساچا ور، در تیرے آس رکھائیا۔ نارد کہے او پربھوُ کُچھ دسّ دے بھولیا اپنا بھیتا، پردہ دے اُٹھائیا۔ تُوں کِس دا صاحِب تے کِس دا نیِتا، بِن نیتراں توں نظری آئیا۔ چار جُگ دا پِچھلا یاد کر لےَ چیتا، سندیسے سندیسے وِچوں پھول پھولائیا۔ جِس دے پِچھے گوبِند نے بچّے کیتے بھیٹا، آپ اپنا وار وکھائیا۔ نالے ہسّ کے کِہا میرے صاحِب دا سوامی دا انترجامی دا دیِن مذہباں توں باہر دیِن دُنی دا آتم برہم دا سَت دھرم دا اِکو حُکم وِچ اِکو وار ہووے لوک مات ٹھیکا، پِچھلی ٹھیکیداری رہن کوئے نہ پائیا۔ اِکو داتا اِکو داتار اِکو ہووے نیِتا، جو نیتراں توں پِچھے بہہ کے سب نوُں ویکھ وکھائیا۔ پر اوہدا روُپ ہونا اوہدا کھیل انوُپ ہونا اوہنوُں کِسے نے کہنا گوار کِسے نے کہنا جٹّ پِھرے وِچ کھیتا، کھتری برہمن شوُدر وَیش سمجھ کِسے نہ پائیا۔ اُس دے ہتّھ وِچ سمرتھ کول سب دا ہووے لیکھا، بِنا لِکھیاں توں لیکھ سب دے دئے بدلائیا۔ اوہدا جواب اوہدا پرنام جگت دی دھار وِچوں ہوئے وِشیشا، وِشیاں توں باہر اِکو اپنی کھیل کھِلائیا۔ نالے سدا رہے تے نالے رہے ہمیشہ، تے آون جاون اپنا روُپ بدلائیا۔ جوتی جوت سروُپ ہرِ، آپ اپنی کِرپا کر، کرے کھیل ساچا ہرِ، سچ سوامی اِک اکھوائیا۔ بھنڈارا کہے گُرمُکھو او بھگتو تُسیں اجّ کھا کھا کے گئے رجّ، سُکے منڈے سوہنے سوبھا پائیا۔ پِچھے چکرورتی کراؤندے رہے اسمیدھ یگّ، چھتّی پدارتھاں ونڈ ونڈائیا۔ سادھاں سنتاں نوُں رِشیاں نوُں مُنیاں نوُں باہروں جنگلاں وِچوں لِیاؤندے رہے لبھ، تیڑ لنگوٹیِاں سِر تے چوٹیِاں تے نیِتاں کھوٹیِاں بھنڈارے وِچ آ کے گپھےّ خوُب لگائیا۔ بُدھاں موٹیاں تے نیِتاں کھوٹیاں کہن اسیں نہیں کھانیاں روٹیاں، بِنا پوُڑی

کڑاہ توں ساڈا من خوشی وِچ کدے نہ آئیا۔ اسیں پِھردے وانگ جوگیِاں، ساڈے اندر بیماری نہیں کوئی روگیِاں، اسیں رسداں اوہ لیَنیاں جیہڑیاں بل دوارے ہون سودھیِاں، ستّاں رنگاں دیِاں ٹاکیِاں وِچ ستّ رنگ دے اناج بنّھ کے بھیٹ چڑھائیا۔ کُچھ کھا لیَنا کُچھ پی لیَنا کُچھ جان لگیاں پا لیَنا وِچ بوجھیاں، اوانگ ہری اوم تت سَت نرائن نرائن نرائن نرائن ایکا رنگ رنگائیا۔ اوہ پربھوُ بڑا بے پرواہ اوہ ایہو جِہے کھیل کھیلدا رہندا بن کے چوجیِا، چوجی ہو کے اپنا کھیل کھِلائیا۔ نارد کہے واہ اوئے بابا باپوُ او میرے پرماتما، جے تُوں نہ ہوویں اِنہاں سادھاں نوُں جنگلاں وِچ بہن والیاں نوُں کؤن دیوے روزیِاں، منکیاں وِچوں تِنّ وار من نہ کوئے رضائیا۔ ایہہ تیرے نام وِچ پیار وِچ کہن اسیں بہندے مار کے گوڈیاں، ہتّھ سیِنے اُتے ٹِکائیا۔ نالے بھنگ دیِاں پیِن ڈوڈیاں، تے اپنیِاں آشا نوُں چُکی پِھرن اُتے موڈھیاں، بِنا ناساں توں سُنگھ کے چؤہ کُنٹاں دی واشنا اپنے وِچ ٹِکائیا۔ کِسے دیاں چوُنڈیاں اُتوں ٹھوڈیِاں، کِسے دیِاں داہڑیِاں کھودیِاں، جاں تکیا تے بھریِاں ودّھ نالوں لوبھیِاں، لوبھ موہ ہنکار اندروں نہ کوئے کڈھائیا۔ پربھوُ بڑا گمبھیِر بے نظیِر جو آد جُگاد ساریاں سریِراں دا کھوج کھوجے بڑا کھوجیِا، جِتھے کھوجن والا ہور نظر کوئے لا آئیا۔ جِنہاں دے کول چھوٹیاں چھوٹیاں نام دیِاں بوگھیِاں، کدی چڑھدے کدی اُتردے کدی پچھڑ کے اپنا آپ لیَن گوائیا۔ جِنہاں نوُں پُرکھ اکال نے اوہ دیِن دَیال نے بھگت بنا کے اندر دِتیِاں سوجھیِاں، گھر بَیٹھیاں دے اندر آ کے اپنا ڈیرہ لائیا۔ جوتی جوت سروُپ ہرِ، آپ اپنی کِرپا کر، کرے کھیل ساچا ہرِ، سچ دا سنگ آپ بنائیا۔ نارد کہے پربھوُ بھئی سچ دسّ دے ایہہ بھگت کی تیرے سنگی، کی سنگلاں نال بنّھ کے لکّ بندھائیا۔ اجے ایں جاپدا کلجُگ دی آیوُ تھوڑی جِہی لنگھی، بہُت پندھ نہ کوئی مُکائیا۔ نارد کہے میَں چڑھدے گیا لہندے گیا میَں دکھّن گیا پہاڑ گیا جِدھر ویکھاں اُدھر اِدھر واہوے )وال( لاڑی مؤت اَگے پِچھے سوارے پٹیِاں تے میَنوُں وکھاوے کنگھی، بِنا دنداں توں دنداسا لےَ کے اپنا رنگ وکھائیا۔ نالے کہے ناردا اؤہ ویکھ سب دی جوبن جوانی میری کِلّی اُتے ٹنگی، جدوں چاہواں سب نوُں دیاں اُلٹائیا۔ جوبن کر کے کہے جاہ نی تُوں میرے بِنا جائیں انّھی، تَینوُں نظر کُچھ نہ آئیا۔ تَینوُں نہیں پتہ میَں اپنے صاحِب توں اِکو منگ منگی، منگتا ہو کے جھولی ڈاہیِا۔ جیہڑا عیسیٰ نے ہِندسہ لِکھیا پنجھی، اُس دی پنجھی نال پنجہ پربھ دے چرناں ہیٹھ دبائیا۔ نی کملیئے اوہ ویکھ اِکو سوُربیِر بہادر کرنی دا کرتا قُدرت دا قادر یودھا تے جنگی، جنگجوُ بہادر نظری آئیا۔ پر

اِک گلّ اوہدا پتہ نہیں اوہ صاحِب کہ بھیکھی پکھنڈی، کہ ٹھگّی جگت نال کمائیا۔ نارد کہندا میَنوُں ایں دِسدا سرِشٹی اندروں اوہدے نالوں ہو گئی رنڈی، مندراں وِچوں خصم ہتّھ کِسے نہ آئیا۔ گنگا گوداوری امرت دی دھار نال کر نہ سکے ٹھنڈھی، سانتک سَت نہ کوئے کرائیا۔ جھگڑا میٹے نہ جیرج انڈی، اُتبُھج سیتج پندھ نہ کوئے مُکائیا۔ میَں سُنیا اِک بھگت دوارا تے اِک بھگت بھنڈارا جِتھے کُجھ جاپ کرنا نہیں پیِندا دمی، رسنا جِہوا نہ کوئے ہِلائیا۔ دُنیا تے اوہناں نوُں کہِندی اِنہاں دی بُدھی ہوئی نِکمی، مانُکھ اپنا رستہ گئے بُھلائیا۔ تے نارد کہے میَں دسّیا تے تاڑی ماری دُنیادارو اِنھاں دی ایکو ماتا تے ایکو امی، تے ایکو پِتا پُرکھ اکال نظری آئیا۔ جِس دی دھار وِچوں آتم دی دھار جمّی، آتما پرماتما وِچ سمائیا۔ جِتھے نہ کوئی خوشی تے نہ کوئی غمی، غم خوار ایکو سوبھا پائیا۔ جدوں ویکھو اُس دی جوبن جوانی نوَیِں، نوَ جوبن ونتا ایکو بےپرواہیِا۔ جوتی جوت سروُپ ہرِ، آپ اپنی کِرپا کر، کرے کھیل ساچا ہرِ، سچ دا پردہ آپ چُکائیا۔ نارد کہے میَں اجّ دِنے لُکیا رہیا اِدھر اُدھر گُٹھا، اپنا آپ چُھپائیا۔ جاں میَں مِلدا رہیا تے پوُرن سِنگھ کہے میرا سریِر بھجّا ٹُٹا، تھکاوٹ وِچ تھکیا نظری آئیا۔ میَں آکھیا اجّ خیَر نہیں پتہ نہیں کیہڑا ویلا رہیا ڈُھکا، ڈُھکواں اپنا میل مِلائیا۔ اِدھروں میَنوُں شبدی شبد دا دِتا رُقعہ، حُکم دِتا سُنائیا۔ اوۓ ناردا اجّ وِشن برہما شِو لچھمی سُرستی پاربتی رادھا کرِشن سیِتا رام نے بھگتاں دے دوارے کھاوَن آؤنا رُکھا ٹُکا، اپنی آس بنائیا۔ پھیر ساریاں بیننتی کرنی پربھوُ ہُن نہ رہ چُھپا، چُھپن والیا بتھیرے جُگ دِتے لنگھائیا۔ پر تُوں بے پرواہ دُنیا بھاویں اُلٹ جائے پر تیرا دین والا کدی نہ رُڑھے کُپا، پلی پلی زِمینداراں نوُں دے کے گُر اوتار پَیغمبراں نوُں لوک مات دِتا ورچائیا۔ جاں تے پرگٹ نہ ہُندوں شبد دی دھار تے رہندیوں چُپا، چُپ چُپیِتا اپنا وقت لیاندا لنگھائیا۔ تے سانوُں کوئی نہیں سی دُکھا، رنجش غمی نہ کوئے پرگٹائیا۔ پر یاد وی کر لےَ تے ویکھ لےَ جیہڑا بھگت اوہ ضرور تیرے در دا بُھکھا، راتیں سُتیاں تے دِنے جاگدیاں تیرا دھیان لگائیا۔ تے جے ہُن تُوں گھر گھر وِچ نہ پُجا، تیری پوُجا دی لوڑ رہے نہ رائیا۔ جوتی جوت سروُپ ہرِ، آپ اپنی کِرپا کر، ایکا دینا ساچا ور، سچ دی سچ کھیل کھِلائیا۔ نارد کہے جن بھگتو سُنیا تُسیں حلفیہ بیان دِتے اجّ، سچ دیؤ سُنائیا۔ ہتّھ کھڑے کرو کِنیاں اندروں لایا پجّ، اپنا آپ چُھپائیا۔ کنیاں نے رس لیَنا اجے ہور ذرا ذرا مدھرا ماس کھا کے خوشی بنائیا۔ کنیاں نوُں چاہ پین دا لب، رسنا والیو دیؤ جنائیا۔ کِنیاں نے جانا چھڈ، چھڈن

والے باہواں لؤ اُٹھائیا۔ کِنیاں نے بھگتاں توں رہنا اڈّ، اڈرے رہن والیو مُڑ کے آؤنا نہ چائیں چائنیا۔ جاں دھرم رکھو تے دھرم دے نِشانے دیؤ گڈّ، دھرم دی دھار دینی بنائیا۔ ایہہ اُس صاحِب دی حد، جِس دی حدوُد سکے نہ کوئے سمجھائیا۔ تُسیں اُس پُرکھ اکال دی ید، جِس نوُں سارے سیِس نِوائیا۔ جِس نے تُہاڈے ایتھے اوتھے دو جہاناں پردے لینےَ کجّ، اوہ کجّل وِچ اکھّیِاں پاؤن والیو اکھّیِاں لؤ مِلائیا۔ جوتی جوت سروُپ ہرِ، آپ اپنی کِرپا کر، کرے کھیل ساچا ہرِ، سچ دا سچ اِک اکھوائیا۔ لنگر کہے میَنوُں کھا کھا گئے کوٹن کوٹی، انگِنت اپنا آپ جگت چلائیا۔ پر میَں ہُندا رہیا بوٹی بوٹی، ٹُکڑا ٹُکڑا اپنا آپ جنائیا۔ کِسے چپاتی بنائی تے کِسے بنائی روٹی، کھا کے اپنا جھٹ لنگھائیا۔ پر میَنوُں اجّ تک اپنا ساتھی کِسے نہیں بنایا گوتی، گؤتم بُدھ نے اِک وار اِشارہ دِتا کلجُگ انتم تیرا لیکھا چُکائے دُھر دا ماہیِا۔ جِس دی جننی جگت دھار توں باہر جوتی، جوتی جاتا اپنا آپ لئے پرگٹائیا۔ اُس نے بھگتاں اُتے کِرپا کرنی بہُتی، مِہربان مِہر نظر اُٹھائیا۔ اُس دی سوچ جائے نہ سوچی، سمجھ وِچ نہ کوئے سمجھائیا۔ اِک مان دینا رَوداس چمارے موچی، تے بالمیِک نال کرے کُڑمائیا۔ جن بھگتاں دی بھگوَن ہو کے چلاؤنی روزی، رازق رِزق رحیِم ہو کے ونڈے تھاؤں تھائنیا۔ جوتی جوت سروُپ ہرِ، آپ اپنی کِرپا کر، کرے کھیل ساچا ہرِ، سچ دا سوامی سدا سہج سُکھدائیا۔ نارد کہے لِکھاریو تُساں کیوں اپنے پِچھے رکھے لَیمپ، سچ سچ دیؤ سُنائیا۔ کی ایہہ بھگت دوارا کہ اندھیاں دا کیمپ، نیتر نظر کِچھ نہ آئیا۔ کی ایہہ نام بھنڈارا کہ کوُڑ کُڑیار دا ڈنک، بھیوَ دیؤ کُھلائیا۔ کی ایہہ شبد رفتارا کہ من بُدھی دا جمپ، جگت پندھ مُکائیا۔ سارے کہن پربھوُ سانوُں ایں دِسدا ایہہ بِنا ہتھیاراں توں تیریاں بھگتاں دا اوہ مقام جِہنوُں کہن کَینٹ، اِکو رینک وِچ سارے سوبھا پائیا۔ کِسے دا کوٹ نہیں پینٹ، ونڈن ونڈ نہ کوئے ونڈائیا۔ ٹوپی نہیں ہَیٹ ہیَنٹ، ہیِنڈ سب دے رہیا ہِلائیا۔ ایں دِسدا ایہہ سارے بڑے شؤقین تے جینٹ، جینٹل میَن سوبھا پائیا۔ تیرے وانگوُ شرارت دے بنے ٹانٹ، ٹاک واک وِچ ہتّھ کِسے نہ آئیا۔ جوتی جوت سروُپ ہرِ، آپ اپنی کِرپا کر، ایکا دینا ساچا ور، سچ دا رنگ آپ رنگائیا، چھّبی پوہ کہے میَں دھنّ واد گُرمُکھو تُہاڈا کردا، نِو نِو سیِس نِوائیا۔ کھیل تکیا تُہاڈے گھر دا، بھگت دوارے ویکھ وکھائیا۔ سچ بھنڈارا ویکھیا پکدا، جو ہرِ بھگت خوشیاں نال بنائیا۔ جِس نوُں اوتار پَیغمبر رہیا تکدا، بِن نیَناں نیَن اُٹھائیا۔ تُہاڈا لیکھا پوُرا ہویا حق دا، حقیِقت حقیِقت وِچوں سمجھائیا۔ پنجاں درباریِاں جو

وِہار کیِتا نکّ دا، پانی نال صاف کرائیا۔ ایہہ لیکھا پرمیشور پت دا، لوک لجّیا توں باہر کڈھائیا۔ ہِردا رہے کِسے نہ تپدا، اگنی اگّ بُجھائیا۔ ناتا جُڑے پکّ دا، کچّا تند نہ کوئے تُڑائیا۔ میرا لیکھا تُہاڈے جس دا، صِفتاں نال صلاحیِا۔ تُہاڈا گرِہ رہے وسدا، پربھ میلا میلے چائیں چائنیا۔ جیہڑا جُگ جُگ پَیج بھگتاں رکھدا، ہوئے آپ سہائیا۔ جوتی جوت سروُپ ہرِ، آپ اپنی کِرپا کر، کرے کھیل ساچا ہرِ، سچ دا مالک دَیا کمائیا۔ چھّبی پوہ کہے میرا سچ سچ وِوہار، وِوہاری ہو کے دیاں جنائیا۔ جِنہاں گُرمُکھاں شبدی شبد دا کیِتا وِہار، سب دا لیکھا لیکھے وِچ رکھائیا۔ کِسے نے پگڑی لیاندی دستار، کوئی برتن جل نال سُہائیا۔ کِسے پرساد کیِتا تیار، کوئی بستراں بھیٹ چڑھائیا۔ کوئی سِنگھاسن کر شِنگار، سوہنا رنگ رنگائیا۔ کوئی آئے پیَنڈا مار، بھجےّ واہو داہیِا۔ کوئی آئے کمّ وِسار، لالچ لوبھ تجائیا۔ کوئی آئے چھڈ کے نار، کوئی دھیِاں پُتر گھر بہائیا۔ کوئی بِردھ بال آئے قدم اُٹھال، قدم قدم نال بدلائیا۔ کوئی آئے گھروں کنگال، کنگالی گنڈھ نہ کوئے بندھائیا۔ کوئی آئے سُرت سنبھال، سمبل تکّیئے دُھر دا ماہیِا۔ کوئی آئے گھالنا گھال، ساچی سیو کمائیا۔ جے سارے تکّیئے تے آئے پربھوُ دے بن کے لال، لال لالن رنگ رنگائیا۔ جِس سچ دوارے لئے بہال، سِر اپنا ہتّھ ٹِکائیا۔ پھل لگا کے کایا ڈال، پھل پُھل دِتے مہکائیا۔ جوتی جوت سروُپ ہرِ، آپ اپنی کِرپا کر، دیونہارا ساچا ور، سچ دی کرنی کار کمائیا۔ چھّبی پوہ کہے میَں کراں خبردار، سندیسہ اِک سُنائیا۔ جیہڑے چؤداں گُرمُکھ چوبدار، ہرِجن ہرِ ہرِ رنگ رنگائیا۔ جیہڑے وِدوان بنے وِچ سنسار، وِدیا توں باہر پڑھائیا۔ جیہڑے براہمن روُپ لئے دھار، مستک تِلک چُھہائیا۔ سب دا لیکھا لہنا پوُرا کرے وِچ دربار، درباری اپنے رنگ رنگائیا۔ جوتی جوت سروُپ ہرِ، آپ اپنی کِرپا کر، کرے کھیل ساچا ہرِ، سچ دا بھیوَ آپ چُکائیا۔ چھّبی پوہ کہے میَں کی دسّاں کیہڑا رکھاں ہٹّھ، صِدق کوَن وڈیائیا۔ جُگ چؤکڑی ویکھی نَٹھ نَٹھ، پاندھی ہو کے پندھ نہ کوئے مُکائیا۔ پربھوُ دی صِفت گاؤندے ویکھے بھٹّ، راگاں ناداں وِچ شنوائیا۔ دِوس رَین رہے جپ، آپ آپا جگت مِٹائیا۔ کرن تپسیا تپ، دھوُنیاں اگّ جلائیا۔ بھروسہ نہیں پربھوُ مِلیگا پکّ، لیکھا اپنے نال مِلائیا۔ چھّبی پوہ کہے جن بھگتو تُساں اندر دھیان کرنا اِک مِنٹ تے سٹّھ، اِکاسٹھ دھیان لگائیا۔ جوتی جوت سروُپ ہرِ، آپ اپنی کِرپا کر، سد اپنا پردہ لاہیِا۔ اِک سٹھ مِنٹ کہے میرا وقت سُہیلا، سَت سچ جنائیا۔ جن بھگتو تُہاڈا اِک اِک دا میلا، آتم پرماتم مِل کے وجےّ ودھائیا۔ اِکو گھر سوہے گُروُ

گُر چیلا، چیلا گُر اِکو نوُر نظری آئیا۔ جو ایتھے اوتھے سجّن سُہیلا، سچ سوامی ساچا ماہیِا۔ جوتی جوت سروُپ ہرِ، آپ اپنی کِرپا کر، دیونہارا ساچا ور، نِہکلنک نرائن نر مہاراج شیرسِنگھ وِشنوُں بھگوان، دیونہارا جوت شبد دا ساچا دان، داتا دانی اپنی دَیا کمائیا۔