کتب خانہGranth 23 (Urdu)

۲۷ پوہ شہنشاہی سمت اٹّھ ہرِ بھگت دوار جیٹھوُوال ضِلع امرتسر رات دے سمیں

نارد کہے سُنو جی بھگت کبیِر، قابوُ اپنا آپ کرائیا۔ میَں کُچھ سچ کراں تقریر، جِس دی تحریر نہ کِسے کرائیا۔ میَں کھیل تک کے آیا بے نظیِر، نظراں توں باہر دھیان لگائیا۔ جِس بھاگ لگایا تن وجوُد سریِر، پوُرن سِنگھ جگت وڈیائیا۔ آپ بن کے بچّہ شیِر، شیِرخوار اندر ڈیرہ لائیا۔ پھیر بِنا قلم توں ماری بَیٹھا لکیِر، لائن عین عین بنائیا۔ جِتھے سب دی بدل رہیا تقدیِر، تدبیِر اپنے ہتّھ وکھائیا۔ میَنوُں اِیوں جاپیا اوتار پیَغمبر گُروُآں دی رہن دِتی نہیں کوئی جاگیِر، حقدار نہ کوئے اکھوائیا۔ جِس لیکھے لایا رَویِداس دا اِک کسیِر، قسم کھا کے دیاں سُنائیا۔ اُس نے دیِن دُنیا دا بدل دینا ضمیِر، زِمیں اسمان دین گواہیِا۔ اُس دا نام کھنڈا اگمّی شمشیِر، جو شرع دا ڈیرہ ڈھاہیِا۔ اوہدا تن لباس تے بستر چیِر، چیِرے والا دُھر دا ماہیِا۔ جو پیِراں دا پیِر، دستگیِر نوُر خُدائیا۔ جِس لیکھا پوُرا کرنا شاہ حقیِر، حقیِقت اِک دِرڑائیا۔ پوُجا رہن نہ دیوے جنڈ کریِر، پاہن پاتھر سیِس نہ کوئے نِوائیا۔ اوہدا اِکو فِقرہ ساری سرِشٹی نوُں کر دیوے فقیِر، گھر بار سارے جان تجائیا۔ ممتا دا رہے نہ کوئے امیِر، مایا گنڈھ نہ کوئے بندھائیا۔ میَں حَیران ہو گیا اوہ آپ پاتشاہ تے سَتگُر شبد اُس دا وزیر، وزارت بھگتاں والی بنائیا۔ جاں میَں نِگاہ ماری تے اوہدا رستہ دِسیا بھیِڑ، بھیِڑی گلی پار نہ کوئے کرائیا۔ نہ اوتھے اِنجیِل قرآن نہ اوتھے وید پُران تے نہ گُروُ گرنتھ صاحِب دی بیِڑ، بِنا اکھّراں توں سب دے بیڑے پار کرائیا۔ نہ کبیِرا تیرے وانگ لنگوٹی کِسے نے بدھّی لیِر، جو لیِر لیِر ہو کے وِچھڑے اِکٹّھے لئے کرائیا۔ نارد کہے میریِاں اکھّیِاں وِچوں بِنا ہنجھوُاں توں وگ گیا نیِر، نیر وہنا دھار وہائیا۔ میَں اوتھے ہور تکیا بھنڈارا بھگتاں دا اوتھے نہ پوُڑی کڑاہ نہ کھیر، خَیرخواہ اِکو نظری آئیا۔ جوتی جوت سروُپ ہرِ، آپ اپنی کِرپا کر، دیونہارا ساچا ور، سچ دا میوہ دیوی دیوا دیوت سُر آپ کھوائیا۔ نارد کہے کبیِر جی میَں کی کُجھ ویکھیا، بِن اکھّاں دِتا وکھائیا۔ میَں پِھریا برہمنڈ کھنڈ پُری لوء آکاش

پاتال گگن گگننتر زِمیں اسمان دھرتی دے پردیسیا، دیس اِکو ویکھ وکھائیا۔ جِتھے صاحِب سوامی انترجامی مالک نر نریشیا، نر نرائن کھیل کھِلائیا۔ جوتی جاتا پُرکھ بِدھاتا اپنا دھر کے بھیسیا، بھیس اولّڑا آیا وٹائیا۔ جو نوَ نؤ چار دا پوُرا کرے لیکھیا، جُگ چؤکڑی بَیٹھے سیِس نِوائیا۔ دُھر دے حُکم نال سب دی بدلے ریکھیا، رِکھی مُنی سِر نہ کوئے اُٹھائیا۔ جو مالک خالق آد جُگاد ہمیشیا، پاربرہم پت پرمیشور پروردِگار نوُر الاہیِا۔ اوہنوُں جُگ چؤکڑی دا بُھلیا اجے نہ چیتیا، چیتن ہو کے ویکھ وکھائیا۔ نِروَیر ہو کے کھیڈاں رہیا کھیڈیا، کھیڈنہار وڈ وڈیائیا۔ جِس نے اوتار پَیغمبر گُروُ لوک مات وِچ بھیجیا، بھجن بندگی نام نال دِتی وڈیائیا۔ سو پُرکھ اکالا دیِن دَیالا جن بھگتاں دی اندر سُتا سیجیا، ساجن بنیا دُھر دا ماہیِا۔ میَنوُں چاروں کُنٹ پئے بُھلیکھیا، اُتّر پوُرب پچھّم دکھّن ویکھ وکھائیا۔ کیہڑا رام کرِشن تے کیہڑا عیسیٰ موُسیٰ محمد کیہڑا نانک کوَن گوبِند دس دسمیشیا، تن وجوُد کوَن وڈ وڈیائیا۔ جاں نِگاہ ماری سَت سروُپ شاہو بھوُپ دِسیا اِک وِشیشیا، جو وِشیاں توں باہر اپنا نوُر کرے رُشنائیا۔ جِس نے کلجُگ انت مِٹاؤنا کلیشیا، کل کاتیِاں ڈیرہ ڈھاہیِا۔ جوتی جوت سروُپ ہرِ، آپ اپنی کِرپا کر، کرے کھیل ساچا ہرِ، سچ سوامی دَیا کمائیا۔ نارد کہے کبیِر جی میَں کی کھولاں بھیوَ، بھید کی جنائیا۔ منگتے ویکھے اوتار پَیغمبر دیوت دیوَ، سُر نر دوُر دُراڈے جھولیِاں ڈاہیِا۔ وِشن برہما شِو منگتے بِنا رسنا جِہو، بتّی دند نہ کوئے مُکھ سُہائیا۔ دھام تکیا نِہچل اِک نِہکیو، نِہکرمی بَیٹھا آسن لائیا۔ جو آپ آپ ہوئے الکھ ابھیوَ، اگوچر کہن کُجھ نہ پائیا۔ جوتی جوت سروُپ ہرِ، آپ اپنی کِرپا کر، کرے کھیل ساچا ہرِ، سچ دا رنگ آپ رنگائیا۔ کبیِر کہے ناردا، کی دسّیں پربھوُ دی گلّ، سمجھ کی سمجھائیا۔ جیہڑا وسے نِہچل دھام اٹل، سَت دوارے سوبھا پائیا۔ جِس دا مسلہ کوئی کرے نہ حل، انت وِچ انت نہ کوئے جنائیا۔ اُس دا کھیل اچھل اچّھل، ول چھلدھاری بےپرواہیِا۔ اوہ لہنا دینا پوُرا کرے راجے بل، باوَن سنگ مِلائیا۔ پرگٹ ہو کے کلجُگ کل، کل کلکی ناؤں سُہائیا۔ جو شبدی دھار رل، سمبل سوبھا پائیا۔ بھگتاں نوُں دیوے بھگتی پھل، امرت رس آپ چوائیا۔ بوُند سوانتی دے کے جل، جل تھل مہیئل آپ لنگھائیا۔ بھاگ لگا کے کایا ماٹی کھلّ، خالق اپنا میل مِلائیا۔ میَنوُں وی اوتھے لےَ کے چل، جِتھے آیاں پھیری پائیا۔ سچ دوارا لئیے ملّ، چرن چرنودک سیِس نِوائیا۔ جوتی جوت سروُپ ہرِ، آپ اپنی کِرپا کر، کرے کھیل ساچا ہرِ، سچ دا مالک اِک اکھوائیا۔ کبیِر کہے نارد

کر دے ہاں، ہاں ہاں وِچ مِلائیا۔ کیہڑا سُہاوَنا ہووے تھاں، تھننتر ملِے وڈیائیا۔ جِتھے ہنس بن دے کاں، سوہنگ مانک موتی چوگ چُگائیا۔ پُت تیاگن ماں، پِتا گود نہ کوئے چتُرائیا۔ تِس صاحِب دے بل بل جاں، جو جاننہار اِک اکھوائیا۔ جِس جھگڑا مُکایا سوُر تے گاں، پنچھیِاں کھلّ نہ کوئے لُہائیا۔ نِرگُن ہو کے سرگُن پکڑی بانہہ، پلّوُ شبدی گنڈھ رکھائیا۔ ہرِجن بنا کے بھَین بھرا، دھرم دی دھار اِک سمجھائیا۔ اوتھے جا کے کریئے واہ واہ، واہوا واہِگُروُ تیری بےپرواہیِا۔ ساچا کھیڑا نگر ویکھیئے گراں، گھر بار دیِن دُنی تجائیا۔ جِتھے بھگتاں مِلدی ٹھنڈی چھاں، اگنی اگّ نہ کوئے تپائیا۔ ساچا مارگ مِلدا راہ، رہبر ایکو نوُر الاہیِا۔ اوس نوُں خالق کہیئے جاں خُدا، خود اپنا پندھ مُکائیا۔ جیہڑا بھگتاں توں ہووے نہ کدے جُدا، جُز وکھّرا ونڈ نہ کوئے ونڈائیا۔ اوس دے چرن کوَلاں ہوئیے فِدا، آپ آپا بھیٹ کرائیا۔ جے تُوں نہیں جانا تے میَنوُں کر وِدع، الوداع کہہ کے خوشی منائیا۔ مارگ رستہ دسّ دے سِدھا، میَں جاواں چائیں چائنیا۔ جھٹ نارد نے دو ہتّھاں نال ماریا گدھا، تاڑی دِتی وجائیا۔ نالے پُٹھے بھار ڈِگا، مُکھ نیَن اُپر ٹِکائیا۔ نالے کرن لگّا ضِدا، ضِدیِا بن کے مُکھ بھوائیا۔ پھیر پرتکے ہو گیا سِدھا، نیَن موُند نظری آئیا۔ ہتّھ جوڑ کے کِہا کبیِرا اوس دے مِلن دی اِکو بِدھا، جو بِدھنا دی لِکھی ریکھ دئے مِٹائیا۔ جو امرت رس دیوے نِجا، نِج نیَن کرے رُشنائیا۔ اوہ بھگتاں دے پیار دا پیار وِچ گِجھا، بِنا مُحبّت توں ہتّھ کِسے نہ آئیا۔ اوہ در دربارا سدا نِگھا، اگنی ٹھنڈ نہ کوئے وکھائیا۔ جوتی جوت سروُپ ہرِ، آپ اپنی کِرپا کر، کرے کھیل ساچا ہرِ، سچ دا میلا آپ مِلائیا۔ کبیِر کہے نارد کُچھ اوس دی دسّ خوُبی، خوُبصوُرت اِکو جِہا نظری آئیا۔ اوہ مشرق مغرب کہ شمال وسے جنوُبی، چاروں کُنٹ دئے جنائیا۔ اوہدی صِفت وڈیائی شبد دھار کی حروُفی، اکھّراں نال سُنائیا۔ اوہ داتا سوُم کہ مُنحوُسی، کہ مِہربان اکھوائیا۔ اوس دی کِس بِدھ تُوں کر کے آئیوں جسوُسی، پردہ دے اُٹھائیا۔ اوہ سب دا حقدار کہ مالک دِسے ماروُثی، بھیوَ دینا چُکائیا۔ کہ اوہ تن لگائے وِبھوُتی، تن خاک رمائیا۔ کی بھنگ پوست پیِوے بوُٹی، املاں وڈ وڈیائیا۔ کہ نؤ دواریاں توں باہر وسے ترِکُٹی، سہنس دل دسم دواری سوبھا پائیا۔ کی شبد ہُلارا رہیا جھوُٹی، پوَن پوَناں کھیل کھِلائیا۔ کی جوتی دھار لائے اہوُتی، سمگری کی رکھائیا۔ اوس دی کیہڑی ساچی رُتی، رُتڑی کوَن مہکائیا۔ نارد کہے کبیِرا جے تُوں میَتھوں رہیا پُچھی، سچ سچ دیاں جنائیا۔ میَں اوس نوُں اِیوں تکیا اوہ بھگتاں دی کرے بُتی، بُتخانیاں وِچ پھڑ کے کرے

صفائیا۔ سب دے بھار اپنے کندھیاں اُتے رہیا چُکی، گٹّھڑی اِکو وار بندھائیا۔ میَنوُں اوس دے کھیل دی سمجھ نہیں آئی اُکی، کی اپنی کار بُھگتائیا۔ میَں گرنتھ شاستر چھڈے تے میَں سُنیا تے اوس دی اِکو دھار دو تُکی، تُوں میرا میَں تیرا کہہ کے سب نوُں پار کرائیا۔ اوس دی کھیل رہنی نہیں سی لُکی، جِس نے لُقمہ کرنا خلق خُدائیا۔ اوتار پَیغمبراں گُروُآں کولوں سب نوُں دواؤنی چُھٹی، رُخصت سارے دینے کرائیا۔ جن بھگتاں آتم دھار میلنی ٹُٹی، ٹُٹیاں گنڈھ پوائیا۔ اوہ ونجارا نہیں رسنا جِہوا بُلاں بُٹی، ڈھولیاں وڈ وڈیائیا۔ اوہ پتہ نہیں کِس بِدھ نال اندروں سُرت اُٹھاوے سُتی، آلس نِندرا دئے گوائیا۔ بِنا بولیاں اپنے نال لگاوے رُچی، میلا میلے سہج سُبھائیا۔ جوتی جوت سروُپ ہرِ، آپ اپنی کِرپا کر، کرے کھیل ساچا ہرِ، سچ دا رنگ آپ رنگائیا۔ نارد کہے کبیِرا میرا ہاڑا، ہائے ہائے کر کے دے سُنائیا۔ میَں ویکھیا جنگلاں وِچ پہاڑاں، جوُہاں پھول پھولائیا۔ میَنوُں سردی وِچ سردی تے گرمیِاں وِچ پسینہ آیا گاڑھا، بھجیّا واہو داہیِا۔ جاں نِگاہ ماری میَں، اوہ بھگتاں دا لائی بَیٹھا اَکھاڑا، جِتھے گوپی کاہن سیِتا رام سارے سیِس نِوائیا۔ شاہو شاباشی تخت نِواسی پُرکھ ابناشی جوتی جاتا بن کے دُھر دا لاڑا، پت پتونتا سِری بھگوَنتا ساچا کنتا سوبھا پائیا۔ جِس نے رنگ اگمّا کایا چمّا پوَن سواسی دما گُرمُکھاں چاڑھا، جو ایتھے اوتھے اُتر کدے نہ جائیا۔ میَں ہو گیا حَیران، اُس دے پریمی بِنا بھگتی توں ماردے ٹاہراں، خوشیاں دے ڈھولے گائیا۔ سب نوُں مِل گیا یار یاراں دا یارا، جو یارانہ توڑ نِبھائیا۔ جِس دیِاں وِشن برہما شِو پڑھن اخباراں، تھلّے ہتّھ کِسے نہ آئیا۔ جِس مذہباں دیِاں توڑنیِاں دیواراں، حدوُداں حد وِچ مِلائیا۔ بدنیِتیاں رہن نہیں دینیاں گوارا، نیِتیوان نیِتیِاں دئے بدلائیا۔ جِس مان دینا چوُہڑے تے چمیارا، کھتری براہمن شوُدر وَیش ایکو رنگ رنگائیا۔ سماج بناؤنا پُرکھ نارا، نر نرائن ہوئے سہائیا۔ اُس دے در تے منگتے گُر اوتار پَیغمبر کوٹن کوٹ کھڑے وِچ قطارا، قطرہ قطرہ نام سب نوُں رہیا ورتائیا۔ اُس دا کھیل اگمّا اوۓ کبیِرا بِنا ماتا دی کُکھ توں جمّا بِنا جوت توں ہو گیا ظاہرا، ظاہر ظہوُر اپنی کل پرگٹائیا۔ گوبِند دا نوُر گوبِند دا پرکاش آ گیا دوبارہ، دوہرا تال تلواڑا دے وجائیا۔ جِس دا ایکو گھر ایکو گرِہ ایکو مندر ایکا دوارا، درے دربار اِک سُہائیا۔ ایکو وست ایکو گولک ایکو ہووے بھنڈارا، ایکا ایکنکار اِکو وار ورتائیا۔ جوتی جوت سروُپ ہرِ، آپ اپنی کِرپا کر، کرے کھیل ساچا ہرِ، سچ دی کھیل آپ کھِلائیا۔ نارد کہے کبیِر جی اوہدی اُلٹی چلنی نیئیا، نؤکا اگمّ بنائیا۔ اُنھ ناتا توڑ دینا

جگت دا بنے سالا بھنوئیا، دوُلھا دوُلھن سمجھ کوئے نہ پائیا۔ جِس دے دربار وِچ دھرم رائے حاضر ہو گیا لےَ کے وہئیا، وہی کھاتہ اپنا آپ وکھائیا۔ چِترگُپت سندیسہ دیوے اَگے سئیا، سچ سچ سُنائیا۔ جِس دا اِشارہ دِتا کاہن گھنئیا، دواپر اپنی اُنگل اُٹھائیا۔ دھرنی اُتے ٹھوکر مار کے کِہا رام رمئیا، رام رام تیری بےپرواہیِا۔ کلجُگ انت گوبِند کِہا میرا لیکھا پوُرا کراؤنا جِس بعد میرے ڈھئیا، ڈھؤنکا جگت والا رکھائیا۔ جوتی جوت سروُپ ہرِ، آپ اپنی کِرپا کر، کرے کھیل ساچا ہرِ، سچ دا مالک دَیا کمائیا۔ نارد کہے کبیِر جی میَں ویکھے پوَن پانی، بسنتر دھیان لگائیا۔ میَں ویکھی چارے کھانی، کھانیِاں پھول پھولائیا۔ میَں تکّی مایا رانی، جوبن ونتی دھیان لگائیا۔ میَں آشا تکّی جیِو پرانی، گھٹ گھٹ اندر ویکھ وکھائیا۔ میَں لیکھ تکّے قلم کانی، کائنات کھوج کھوجائیا۔ میَں جگت شاہ تکّے دانی، دانشمنداں دھیان لگائیا۔ میَں حُکم سندیسے کلمے سُنے زبانی، جو صِفتاں نال وڈیائیا۔ میَں سادھاں سنتاں دے اندر وڑ کے منزل ویکھی روُحانی، روُح بُت پھول پھولائیا۔ میَں سَتگُر شبد دھار دی تکّی قُربانی، شبد شہیِد کوَن اکھوائیا۔ میَں دیِن دُنیا دی جانی بے اِیمانی، پردے پردیاں وِچوں پھولائیا۔ پر سب توں ویکھی کبیِر جی دیِناں مذہباں والی غُلامی، شرع دے زنجیر بِنا بے نظیِر توں سکے نہ کوئے کٹائیا۔ پر اوہ مالک اِکو جیہڑا سکے نہ کوئے پہچانی، بے پہچان پہچان وِچ نہ آئیا۔ پر میَں کی دسّاں اوہ بھگتاں دی کھان آیا مہمانی، بھگت بھنڈارا چھکّ کے اپنی خوشی منائیا۔ اوہ ناتا توڑ کے اوستھا بال بِردھ جوانی، اِکو رنگ سمائیا۔ اوہدی کتھا والی نہیں کہانی، کتھ کتھ کی دِرڑائیا۔ اوہدا کھیل انوکھا مہانی، بے پرواہ بے پرواہی وِچ سمائیا۔ جِس سمُند ساگر وِرولنا پانی، دھرنی دھرت دھوَل خاک دینی اُڈائیا۔ اوہدی صِفت کی دسّاں زبانی، جو ذِبح کرے خلق خُدائیا۔ جوتی جوت سروُپ ہرِ، آپ اپنی کِرپا کر، دیونہارا ساچا ور، سچ دا مالک اِک اکھوائیا۔ کبیِر کہے ناردا اوہ کِس نوُں دسےّ دوشی، حُکم کی سُنائیا۔ کبیِر کہے میَں ہور کُچھ نہیں جان دا اوہ بھگتاں دا بنیا پڑوسی، ہمسایہ ہو کے جھٹ لنگھائیا۔ اوہدی وِچار نہیں کوئی ہوچھی، ہوچھیاں گلے لگائیا۔ کبیِرا نہ اوہ پڑھدا نہ پڑھاؤندا کِسے نوُں پوتھی، اِکو نام دئے جنائیا۔ مِہربان ہو کے مِہر جگائے جوتی، جوتی جاتا آپ اکھوائیا۔ بھگت سُہیلے لبھے وِچوں کوٹن کوٹی، کوٹ گڑھ کایا پھول پھولائیا۔ پھیر اوہناں دی چڑھ کے چوٹی، سُتیاں لئے اُٹھائیا۔ رسنا رس گوا کے مد تے بوٹی، آتم رس دئے سمجھائیا۔ بُدھی رہن نہ دیوے کھوٹی، کھوٹے کھرے بنائیا۔

اوہناں دے بھنڈارے وِچوں خوشیاں نال کھا کے روٹی، اپنی خوشی بنائیا۔ جِس نوُں ویکھن لوک پرلوکی، دو جہان دھیان لگائیا۔ سُن کے سچ سلوکی، ڈھولے سوہلے سوہلے ڈھولے روُپ بدلائیا۔ جوتی جوت سروُپ ہرِ، آپ اپنی کِرپا کر، کرے کھیل ساچا ہرِ، سچ دی رنگن رہیا رنگائیا۔ کبیِر کہے ناردا اوہ سچ دسّ ٹِکانا، تیرے ٹِکّے مستک دیاں لگائیا۔ اُس صاحِب دا کیہڑا بانا، روُپ رنگ دے سمجھائیا۔ کہ شہنشاہی دا بنیا رانا، رعیت کوَن دئے وڈیائیا۔ کی اُس دا پیِنا کھانا، آہار کی چتُرائیا۔ کی اُس دا اگمّی گانا، گا گا خوشی بنائیا۔ کی اُس دا بھوُمی اُتے استھانا، کوَن دوارے ڈیرہ لائیا۔ کیہڑے مندر وسے مکانا، کوَن چھپّری چھنّ چُھہائیا۔ کیہڑا اِشٹ منّے راما، کوَن کاہنا سیِس نِوائیا۔ کیہڑا سَت دا ہووے ترانہ، تُریا توں باہر کی شنوائیا۔ نارد کِہا کبیِر جی میَں جو ویکھیا سو سُناؤنا، سہج نال سُنائیا۔ اوہ اِکو مِہربان مِہربان جن بھگتاں اُتے ہویا مِہربانا، مِہر نظر نال ترائیا۔ سچ پریِتی اُس دا پیِنا کھانا، سارے رنگ ایسے وِچ جنائیا۔ اوہ شہنشاہ والی دو جہاناں، دھرم نِشانہ اِک جھُلائیا۔ جو سب نوُں کرنا پئے پروانا، سِر سکے نہ کوئے اُٹھائیا۔ جوتی جوت سروُپ ہرِ، آپ اپنی کِرپا کر، دیونہارا دُھر دا ور، ہرِ وڈّا وڈ وڈیائیا۔ کبیِر کہے نارد چھّبی پوہ دی دسّ انہونی خبر، خبر کی لیائیا۔ نارد کہے کبیِر جی کرو صبر، دھیِرج نال دِرڑائیا۔ پِچھے اُس اِک اِک بھگت کڈّھیا وِچوں قبر، مڑھی مساناں باہر کڈھائیا۔ ہُن میَں کی ویکھیا اوہ تاری جاندا ٹبّراں دے ٹبّر، بِردھ بال نؤجواناں اپنے گھر بہائیا۔ آپ بن کے اگمّا شیر ببّر، بھےَ وِچ سارے رہیا ڈرائیا۔ حُکم دا حاکم بن کے زبر، زبردستی گُرمُکھ لئے ترائیا۔ چار جُگ دی پِچھلی سب دی پوُری کردا سدھر، صدمے سب دے رہیا مِٹائیا۔ جِس نے دیِناں مذہباں نوُں کر دینا پدّھر، سطح بُلندی ونڈ نہ کوئے ونڈائیا۔ دیِن دُنی وِچ پا دینا غدر، گداگر کرے لوکائیا۔ پھیر بھگتاں اُتے کرے مِہر دی ندر، نظری ندر نِہال کرائیا۔ سَتجُگ ساچا لیائے بدل، مِہربان ہوئے سہائیا۔ دھرم دی دھار کرائے عدل، اِنصاف اِک رکھائیا۔ سب دا سانجھا کرے پتن، نئیا نؤکا نام چڑھائیا۔ بِرتھا سارے جانے یتن، یتھارتھ پربھوُ دئے وڈیائیا۔ گُرمُکھ اُپجا کے ساچے رتن، امولک اپنے رنگ رنگائیا۔ وِشن برہما شِو جِنہاں نوُں تکّن، اوتار پَیغمبر گُر نیَن اُٹھائیا۔ سب دی جھولی پاوے حقیِقت حقن، حقوُق سب نوُں دئے ورتائیا۔ ساچا مارگ آیا دسّن، دہ دِشا دئے جنائیا۔ جِس دے حُکم وِچ لکھّ چؤراسی وسن، چارے کھانی سوبھا پائیا۔ اوہ امرت امرت دیوے رسن، امرت امرت جام پیائیا۔

جِس لیکھا ویکھیا جا کے پچھّم، پوُرب اپنا بھیوَ چُکائیا۔ اُس دی ساچی ہونی رسم، رِواج اِک دِرڑائیا۔ جِنہاں بھگتاں کولوں چھّبی پوہ نوُں بھگت دوارے وِچ کھوائی قسم، نارد کہے کبیِر جی میَں قسم کھا کے دیاں سُنائیا۔ اُس دے پیار توں بِنا ساری سرِشٹی ہو جانی بھسم، مِٹّی خاک دئے اُڈائیا۔ میَں ویکھ کے آیا نیَنی چشم، چشم دیدہ دھیان لگائیا۔ جِس اسمیدھ یگّ دا کرایا جشن، خوشیاں رنگ رنگائیا۔ اوہدے چرناں ہیٹھ کوٹن کوٹ برہمنڈ کھنڈ وسن، انگِنت اوتار پَیغمبر گُروُ سیو کمائیا۔ وِشن برہما شِو ہو کے بھجّن، نَٹھن واہو داہیِا۔ گوپی کاہن بہہ کے مگن، اوسے دا ڈھولا گائیا۔ جِس نے بھگتاں نوُں اپنے پریم دا پایا شگن، ناتا آتم پرماتم جُڑائیا۔ اوہ دیِپک دیئے اُس صاحِب دے جگن، جِس دی جوت جوت رُشنائیا۔ جوتی جوت سروُپ ہرِ، آپ اپنی کِرپا کر، کرے کھیل ساچا ہرِ، سچ دا کھیل کھِلائیا۔ نارد کہے چھّبی پوہ میَں کی جانیا، اَنجانت کی جنائیا۔ پربھوُ مان توڑ کے راجیاں رانیاں، غریِب نِمانیاں ہوئے سہائیا۔ تول تول کے تکّڑ دانیاں، انّ داتے دِتی وڈیائیا۔ مان دے کے وِچ جہانیا، دو جہاناں پار کرائیا۔ جِتھے دھرم دا اِک نِشانیا، دوُجا نِشان نہ کوئے جھُلائیا۔ بھگت دوارے کھیل ویکھیا مہانیا، مہما کتھ کتھ سُنائیا۔ سچ بھنڈار پیِنا کھانیا، کھا کھا شُکر منائیا۔ جن بھگتاں ور دِتا وِشنوُں بھگوانیا، وِشوَ دا مان رکھائیا۔ جوتی جوت سروُپ ہرِ، آپ اپنی کِرپا کر، کرے کھیل ساچا ہرِ، سچ دی کرنی کار کمائیا۔ نارد کہے چھّبی پوہ توں آ گیا ستائی، سچ دیاں سُنائیا۔ کبیِر جی سچکھنڈ وِچ ساریاں بھگتاں نوُں کہو بھگت دوارے دے بھگتاں نوُں دین ودھائی، دُھر دی آواز لگائیا۔ تُہاڈا ساڈا اِکو سانجھا ماہی، جوتی جاتا اِک اکھوائیا۔ جیہڑا کلجُگ انتم بنیا راہی، بھجےّ واہو داہیِا۔ جِس دی سارے دین گواہی، شہادت اوتار پَیغمبر گُر بُھگتائیا۔ اُس دا لیکھ مِٹے نہ رائی، نہ کوئی میٹ مِٹائیا۔ اوہ ویکھنہارا کوُڑ قصائی، چاروں کُنٹ پھول پھولائیا۔ اوہ ویکھے کلجُگ جھوُٹھی شاہی، شہنشاہ بےپرواہیِا۔ جو جن بھگتاں ہویا سہائی، سِر سِر ہتّھ ٹِکائیا۔ جِس دھرم دے تکّڑ ہرِ سنگت لئی تُلائی، تولا بنیا نوُر خُدائیا۔ سَت پکوان لیا پکائی، پکاّ رِدھا لیکھے لائیا۔ دیگ تیغ دی گنڈھ رکھائی، اَگے سکے نہ کوئے کُھلائیا۔ ڈنکا فتح اِک وجائی، وجہ سمجھ کوئے نہ پائیا۔ نارد کہے کبیِرا سارے مِل کے کہیئے ایہو ساڈا ماہی، محبوُب اِک اکھوائیا۔ جِس نے سَتجُگ ساچی بنت

بنائی، سچ سچ سچ لئے اپنائیا۔ جوتی جوت سروُپ ہرِ، آپ اپنی کِرپا کر، کرے کھیل ساچا ہرِ، نِہکلنک نرائن نر، مہاراج شیرسِنگھ وِشنوُں بھگوان، خصم گوسائیں پوُرن پوُر رہیا سرب ٹھائیں، خالی دوارا نظر کوئے نہ آئیا۔

۲۸ پوہ شہنشاہی سمت اٹّھ ہرِ بھگت دوار جیٹھوُوال سویرے شادیِاں دے سمیں ضِلع امرتسر

سَتجُگ کہے موہے چاؤ گھنیرا، دو جہاناں خوشی منائیا۔ پُرکھ اکالا دیِن دَیالا کرے مِہرا، پروردِگار سانجھا یار نوُر الاہیِا۔ ناتا جوڑے تُوں میرا میَں تیرا، آتم پرماتم سَت سروُپ بنائیا۔ کلجُگ کوُڑی کِریا مِٹے اندھیرا، مایا ممتا موہ وِکار ہنکار رہن نہ پائیا۔ اِکو رنگ رَوے سنجھ سویرا، گھڑی پل ونڈ نہ کوئے ونڈائیا۔ اِکو روُپ درسائے گُروُ گُر چیرا، چیلا گُر اِک جنائیا۔ دیِناں مذہباں چُکا کے جھیڑا، جھگڑا شرع والا مِٹائیا۔ سَت دھرم سُہا کے کھیڑا، بھگت دوار دئے وڈیائیا۔ جن بھگتاں بنّھے بیڑا، نئیا نؤکا نام چڑھائیا۔ جوتی جوت سروُپ ہرِ، آپ اپنی کِرپا کر، مِہر نظر اِک اُٹھائیا۔ سَتجُگ کہے موہے چاؤ گھنیرا اندر، گرِہ ساچے وجےّ ودھائیا۔ پربھوُ بھاگ لگایا دھرم دے مندر، سچ دوار اِک سُہائیا۔ کر پرکاش اندھیری کَندر، تن ماٹی کرے رُشنائیا۔ بجر کپاٹی توڑ کے جِندر، جن بھگتاں لئے مِلائیا۔ منوُآ دہ دِش اُٹھ نہ دھائے بندر، مایا ممتا نہ کوئے ہلکائیا۔ گھر سوامی آئے سدّن، سندیسہ سچ شبد سُنائیا۔ لیکھا پوُرا کرے کایا بدن، کایا ماٹی رنگ رنگائیا۔ دھرم دوار وکھا کے پتن، گھاٹ اِکو اِک سمجھائیا۔ دوُسرا رہے کوئے نہ یتن، یتھارتھ اِکو راہ چلائیا۔ مانَس مانَو مانُکھ نؤ کھنڈ پرِتھمی بنا کے سجّن، ستّاں دیِپاں جوڑ جُڑائیا۔ چرن دھوُڑ کرائے اگمّا مجن، دُرمت میَل میَل دھوائیا۔ نام اولّڑی چاڑھے رنگن، رنگ رنگیِلا دُھر دا ماہیِا۔ بھگتاں دا بھگتی نال پائے سگن، سَت سچ کرے کُڑمائیا۔ گھر دیِپک جوتی جگن، اندھ اندھیر گوائیا۔ پرِیا ناری پریم وِچ ہووے مگن، مستی نام خُماری اِک رکھائیا۔ دیِن مذہب توڑ کے حدن، ناتا سَت نال رکھائیا۔ پُرکھ اکالا ہووے پردے کجّن، سِر اپنا ہتّھ ٹِکائیا۔ دیوت سُر گن گندھرب یچھپ کِنر پربھ چرن دوارے نچّن ٹپّن، خوشیاں راگ الائیا۔ وِشن برہما شِو ہسّن، سوہنا تال بنائیا۔ اوتار پَیغمبر گُر دھرم رائے دی دھار بَیٹھے مگن، جوتی جوت وِچ رلائیا۔ جوتی جوت سروُپ ہرِ، آپ اپنی کِرپا کر، دیونہارا

ساچا ور، سچ دا مارگ اِک لگائیا۔ سَتجُگ کہے میَنوُں پرم پُرکھ دِتی دات، داتا دانی دَیا کمائیا۔ کلجُگ میٹے اندھیری رات، سَت دا ساچا چند چڑھائیا۔ تُوں میرا میَں تیرا دسّ کے گاتھ، سوہنگ آتم پرماتم کرے پڑھائیا۔ مِہربان چڑھا کے اپنے راتھ، رتھواہی ہو کے سیو کمائیا۔ جِس نوُں جھُکدے تریَلوکی ناتھ، رام راما سیِس جھُکائیا۔ جِس دی پَیغمبراں رکھی آس، گُروُ گُردیو سوامی دھیان لگائیا۔ سو سچ دا سچ کرے پرکاش، جوتی جاتا ڈگمگائیا۔ نِرگُن سرگُن پاوے راس، سُرتی شبدی ناچ نچائیا۔ دھرم دی دھار جنائے وِشواس، کوُڑے وِشیاں وِچوں باہر کڈھائیا۔ جن بھگتاں بھگتی دے کے دات، داسی داس کھوج کھوجائیا۔ جِس نوُں تکّن پرِتھمی آکاش، گگن منڈل اکھّ اُٹھائیا۔ سو پروردِگارا سانجھا یارا کھیل کرے پربھ آپ، آپ اپنی دَیا کمائیا۔ جن بھگتاں بن کے مائی باپ، پرم پُرکھ اپنی گود ٹِکائیا۔ تن بدن سریِر دا جگت جوڑ کے نات، پت پتنی رنگ رنگائیا۔ روُح بُت کر کے پاک، پتت پُنیِت کرے صفائیا۔ جگت سُہیلے بن کے ساک، سجّن سجّناں میل مِلائیا۔ جوتی جوت سروُپ ہرِ، آپ اپنی کِرپا کر، کرے کھیل ساچا ہرِ، سچ دا رنگ آپ رنگائیا۔ سَتجُگ کہے میری سچ بندنا، سچکھنڈ دوارے سیِس نِوائیا۔ در دوارا دُھر دا منگنا، مانگت ہو کے جھولی ڈاہیِا۔ میرے سوامی پِچھلا کلجُگ پیَنڈا ونجھنا، کوُڑا وَنجھ مُہانا رہن کوئے نہ پائیا۔ اَگے تیرا اِکو دیِپک جوت جگنا، چاروں کُنٹ کرے رُشنائیا۔ لیکھا مکُے مکّہ کعبہ حجنا، حُجریاں پندھ مُکائیا۔ مُلّا شیخ مسائک پیِراں نسّنا، صدی چؤدھویِں بھجّنا واہو داہیِا۔ تیرا نام نگارہ دو جہاناں ڈنکا وجّنا، ڈؤروُ ایکو اِک شنوائیا۔ وید پُراناں شاستراں تَینوُں پِھر پِھر دھرنی دھرت دھوَل دھؤل تے لبھنا، اندر باہر کھوج کھوجائیا۔ تُوں مالک بننا سبنا، سبھا ملیچھاں دینا اُٹھائیا۔ تَینوُں عیِسائی پارسی مُسلم کہن ربنّا، ربے عالمیِن تیری وڈیائیا۔ اوتاراں پَیغمبراں کہنا آد نِرنجنا، نوُر نوُرانہ دُھردرگاہیِا۔ گُروُآں کہنا سَتگُر ساچا جِس دا سب نے جاپ جپنا، نام نِدھانا نظری آئیا۔ تُوں سب دا بیڑا بنھنا، بنھنہار اِک اکھوائیا۔ نِشان مِٹاؤنے تارے چندنا، چند سِتار نیتر روون مارن دھاہیِا۔ جوتی جوت سروُپ ہرِ، آپ اپنی کِرپا کر، ایکا دینا دُھر دا ور، در تیرے الکھ جگائیا۔ سَتجُگ کہے میری منسا کر دے پوُری، پربھ پوُرن برہم دِھیائیا۔ کلجُگ میٹ دے ریِتی کوُڑی، کُکرم دا ڈیرہ ڈھاہیِا۔ بُدھ مت رہے کِسے نہ موُڑھی، من منسا دے گوائیا۔ جگت مارگ بدلنا ضروری، ظاہر ظہوُر کر رُشنائیا۔ پندھ مُکا کے نیڑا دوُری، چار ورناں اٹھاراں برناں

رنگ رنگائیا۔ موُسے دی آسا پوُری کر کوہ طوُری، جو مُنہ دے بھار دھیان لگائیا۔ عیسیٰ جو صلیِب اُتے چڑھ کے تیری سوُلی نوُں سیِس تاج بنایا سوُلی، سو پُرکھ نِرنجن دھیان لگائیا۔ محمد کِہا میرا اِمام صدی چؤدھویِں میری عرض کرے قبوُلی، کعبیاں توں باہر رُشنائیا۔ سَتگُر نانک کِہا جُگ بدلنا اوس دا کھیل معموُلی، مہابلی اپنا حُکم ورتائیا۔ گوبِند کِہا اوہ ویکھ سرِشٹی بھوُلی، نؤ کھنڈ پرِتھمی کھوج کھوجائیا۔ اوہ سَتگُر شبد سَتگُر دا مارگ اصوُلی، اصل اصل دا راہ وکھائیا۔ آتم پرماتم کھیل کر کنت کنتُوہلی، نار سُہاگن دے وڈیائیا۔ جو سچ پنگھوُڑا لئے جھوُلی، ہُلارا دو جہان رکھائیا۔ دھرنی دھرت دھوَل دھؤل پھلے پھوُلی، پُھل پُھلواڑی مات مہکائیا۔ جن بھگت سُہیلے بنا کے دوُلھا دوُلھی، دھرم دی جوڑی جوڑ جُڑائیا۔ سَت سچ چڑھا کے ڈولی، چارے جُگ کہار بنائیا۔ مایا ممتا وِچ نہ پائے رؤلی، آشا ترِسنا نہ کوئے ودھائیا۔ سب دا لہنا دینا پوُرا کرے اِقرار، قؤلی، جو بھوِکھتاں وِچ اوتار پَیغمبر گُروُ گئے گائیا۔ ایکا رنگ رنگائے دھؤلی، دھرم دی دھار اُپجائیا۔ جِس دی مُحبّت ہر گھٹ اندر مؤلی، مؤلا روُپ نوُر الاہیِا۔ سچ پیار وِچ کِسے دی لگّن نہ دیوے دھیلی پاؤلی، ٹکیاں گنڈھ نہ کوئے رکھائیا۔ نیاز دئے نہ کوئے چؤلی، بھوجن پکھ نہ کوئے سمجھائیا۔ سب دی درِشٹی اندروں آپے رہیا پھولی، گھٹ گھٹ پھول پھولائیا۔ جن بھگتو جِس طرح آتما پرماتما دی اِکو بولی، ایسے طرح نار کنت تن سریِر والے ایکو رنگ بنائیا۔ دُھر دی دات سب دی پاوے جھولی، انڈِٹھی آپ ورتائیا۔ جوتی جوت سروُپ ہرِ، آپ اپنی کِرپا کر، دیونہارا ساچا ور، سچ سوامی ہوئے سہائیا۔ سَتجُگ کہے پربھوُ میَں تیرا نِکاّ بالا، بچپن تیری گود سُہائیا۔ میرا کوئی جواب نہ کوئی سوالا، پریم پریِتی وِچ منگ منگائیا۔ تیری دھرم دی ہووے دھرمسالہ، مندر مسجد شِودوالا مٹھ گُروُدوارا اِکو گرِہ نظری آئیا۔ جِتھے دیِپک جوتی جگے جلالا، ظاہر ظہوُر ہووے رُشنائیا۔ مان ملِے شاہ کنگالا، حقیِر فقیِر ایکو گھر بہائیا۔ سَتگُر شبد ہوئے دلالا، وِچولا رہن کوئے نہ پائیا۔ نام بھنڈارا دینا باہلا، دھن دؤلت دا ڈیرہ ڈاہیِا۔ پھل لگاؤنا ساچا ڈالا، پتّ ٹہنی آپ مہکائیا۔ گرِہ مندر سوہے جِتھے تیرا نوُر اُجالا، نوُر نوُرانہ نظری آئیا۔ کلجُگ داغ دھونا کالا، دھبّا کوُڑ دینا مِٹائیا۔ لالچ موہ کِسے رہن نہیں دینا باہلا، ترِسنا ترِکھا دینی بُجھائیا۔ میری سَت دھرم دی چلے چالا، سَتجُگ ساچا آس رکھائیا۔ کِسے نوُں دینا پئے نہ ہالہ، ڈنڈن ڈنڈ نہ کوئے لگائیا۔ جوتی جوت سروُپ ہرِ، آپ اپنی کِرپا کر، ایکا دینا ساچا ور، صاحِب تیرے ہتّھ

وڈیائیا۔ سَتجُگ کہے میری بیننتی ہوئے پروان، پروانہ نام والا جنائیا۔ کِرپا کرے سِری بھگوان، بھگوَن اپنی دَیا کمائیا۔ جن بھگتاں در آیاں دیوے مان، نِمانیاں ہوئے سہائیا۔ جوڑ جُڑائے ہانیاں ہان، تن وجوُد وجےّ ودھائیا۔ جِس دا لیکھا تکّن سیِیا رام، رادھا کرِشن اکھّ اُٹھائیا۔ وِشنوُں لکشمی کرے پروان، برہما سُرستی سوبھا پائیا۔ شنکر پاربتی گائے گان، ڈھولے اگمّ اتھاہیِا۔ اوتار پَیغمبر گُروُ پربھوُ دھرم دا تیرا دھرم نِشان، نِشانہ اِکو نظری آئیا۔ چاروں کُنٹ تیرے اِنسان، دیِن مذہب ونڈ نہ کوئے ونڈائیا۔ پنجاں تتاں کریں کلیان، من مت بُدھ نال رلائیا۔ آتم برہم دیویں گیان، جگت اندھیر مِٹائیا۔ تَینوُں جھُکن زِمیں اسمان، سوُریہ چند نِو نِو لاگن پائیا۔ تُوں مہابلی بلوان، بلدھاری اِکو نظری آئیا۔ جِس سَتجُگ تریتا دواپر میٹیا نِشان، کلجُگ انتم نِشانہ رہن کوئے نہ پائیا۔ میرا دھرم کرنا پردھان، پردھانگی بھگتاں ہتّھ رکھائیا۔ میری صِفت کرن والی نہیں زبان، ذِبح کرن والا رہن نہ پائیا۔ گُرمُکھ گُرمُکھ مِل کے خوشی منان، گُرسِکھ گُرسِکھاں رنگ رنگائیا۔ شاہ سُلطان رنک راجان اِکو در تے سوبھا پان، دوُجا در نہ کوئے وڈیائیا۔ تُوں میرا میَں تیرا سب نوُں دیویں پہچان، بھیوَ ابھیدا آپ کُھلائیا۔ جن بھگتاں ہم ساجن بنی آن، سجن سُہیلا اِکو نظری آئیا۔ نؤ کھنڈ پرِتھمی ستّ دیِپ چاروں کُنٹ تیرا حُکم ہووے پروان، پرم پُرکھ تیری سرنائیا۔ تیرا سَت نیانئے دا ہووے وِدھان، جگت جگیاسوُ نہ کوئے بدلائیا۔ لِکھیا لیکھ سکے نہ کوئے مِٹان، حرف حروُف ونڈ نہ کوئے ونڈائیا۔ میری بیننتی میرے محبوُبا منّنا سِری بھگوان، بھگوَن تیری اوٹ تکائیا۔ در آیاں جن بھگتاں کریں آپ پہچان، بے پہچان ویکھ وکھائیا۔ جگت جوڑی تیرے چرن وِچ جیِوت رہے جہان، جہالت دیِن دُنی گوائیا۔ میری کوٹن وار بِنا سیِس جگدیِش پرنام، ڈنڈاوت بندنا سجدیاں وِچ سِر سر جھُکائیا۔ جوتی جوت سروُپ ہرِ، آپ اپنی کِرپا کر، ایکا دینا ساچا ور، نِہکلنک نرائن نر، مہاراج شیرسِنگھ وِشنوُں بھگوان، سَتجُگ سَت سَت سَت دھرم تیرا مِہربان، مِہربان محبان بی خَیریا االلہ پُرکھ اکالے دیِن دَیالے دَیانِدھ ٹھاکر سوامی انترجامی اکل کل دھاری تیری اِک سرنائیا۔

۲۸ پوہ شہنشاہی سمت اٹّھ ہرِ بھگت دوار جیٹھوُوال ماں جی بِشن کؤر دے دربار لِیاؤن سمیں دُپہرے

ستّ رنگا کہے میَں دو جہاناں آیا گھُنمدا، سچکھنڈ سَت جوت وِچ سمائیا۔ کھیل تک آیا مالک کُل دا، جو کُل مالک بےپرواہیِا۔ لیکھا جانیا جو پھلدا پُھلدا، آد جُگاد جُگ چؤکڑی جِس دی وڈ وڈیائیا۔ جِس دے تول کوئی نہیں تُلدا، اتُل آپ اکھوائیا۔ اوہ سَتجُگ تریتا دواپرکلجُگ کیتے قؤل کدے نہیں بُھلدا، ابُھل سہج سُکھدائیا۔ جِس دا سَت دھرم دا بوُٹا کدے نہیں ہُلدا، پتّ ٹہنی آپ مہکائیا۔ اوہدا دھرم نِشانہ جھُلدا، جِس نوُں زِمیں اسمان سیِس جھُکائیا۔ اُس دا سچ دوار کُھلدا، خالق خلق اِک اکھوائیا۔ جوتی جوت سروُپ ہرِ، آپ اپنی کِرپا کر، کرے کھیل ساچا ہرِ، سچ دا مالک دَیا کمائیا۔ ستّ رنگا کہے میَں سچکھنڈ وِچ جا کے ماری اِک ٹھکور، ٹھوکر سچ لگائیا۔ بھگتو بھگتو بھگتو ویکھو کلجُگ اندھیرا گھور، گھوری نظر کِسے نہ آئیا۔ سب دا سوامی بنیا چور، چوری چوری اپنی کھیل وکھائیا۔ جِس دے اَگے نہیں کِسے دا زور، زوراوَر نہ کوئے اکھوائیا۔ جِس دی اوتار پَیغمبر گُروُآں شبدی تند بدھّی ڈور، تند نظر کِسے نہ آئیا۔ اوہ کھیل کرے ہور دا ہور، اوَر اوَری کار بُھگتائیا۔ جوتی جوت سروُپ ہرِ، آپ اپنی کِرپا کر، کرے کھیل ساچا ہرِ، سچ دا مالک اِک اکھوائیا۔ ستّ رنگ کہے میَں سچکھنڈ جا کے ہسّیا، ہسّ کے دِتا وکھائیا۔ سب نوُں جا کے دسّیا، سوادھان دِتے کرائیا۔ ویکھو رَین اندھیری مسّیا، چاروں کُنٹ اندھیرا چھائیا۔ پرکاش رہیا نہ روَ سسیا، منڈل منڈپ رہے کُرلائیا۔ دھرم دی رہی کوئے نہ ستیا، سَت سچ نہ کوئے جنائیا۔ پربھوُ پیار وِچ کوئی نہ رتیا، رتن امولک سوبھا کوئے نہ پائیا۔ میَں چاروں کُنٹ نسّیا، بھجیّا واہو داہیِا۔ جوتی جوت سروُپ ہرِ، آپ اپنی کِرپا کر، دیونہارا ساچا ور، سچ دا میلا آپ کرائیا۔ جن بھگت کہن ستّ رنگے تیرا روُپ سَت، پربھ سَت دِتی وڈیائیا۔ تیرا نال میلا کملاپت، جو پت پرمیشور سوبھا پائیا۔ اُس دا سانجھا ہویا نت، ایتھے اوتھے دو جہاناں کھیل کھِلائیا۔ اوہ دھرنی اُتے رہیا وس، دھوَل دئے وڈیائیا۔ جن بھگتاں دیوے رس، امرت رس چوائیا۔ صِفتی گاوے جس، ڈھولے راگ الائیا۔ جوتی جوت سروُپ ہرِ، آپ اپنی کِرپا کر، سد اپنا حُکم ورتائیا۔ جن بھگت کہن اسیں لوک مات تیرا ویکھیئے ستکار، ستّاں دیِپاں ملِے وڈیائیا۔ اسیں ڈنڈاوت بندنا کریئے نِمسکار، نِو نِو پربھ نوُں سیِس جھُکائیا۔ جو جوتی جاتا پُرکھ بِدھاتا ہو اُجیار، نوُر نوُرانہ ڈگمگائیا۔ جیہڑا بَیٹھا بھگتاں دے دوار،

بھگوَن ہو کے سوبھا پائیا۔ اِسے نے سمبل کھیڑا کیِتا تیار، ساڈھے تِنّ ہتّھ رنگ رنگائیا۔ اوس دھرنی نوُں ستّ رنگیا دوہاں دھاراں وِچ کرنی نِمسکار، نِو نِو سیِس جھُکائیا۔ اوہ مِٹّی والی دھؤل نہیں اوہ بِشن کؤر دا سریِر اپار، جِس وِچ نگر کھیڑا دِتا بنائیا۔ ایس دی مریادا رہوُ سدا جُگ چار، جُگ چؤکڑی نہ کوئے بدلائیا۔ ستّ رنگیا تُوں اَگے دھرت مات دا سِکدار، ہُن دوُجا مِل کے سچکھنڈ دا پہرہ دینا بھگتاں دا تھاؤں تھائنیا۔ تیرے ساہمنے اوتار پَیغمبر گُروُ سارے کرن پربھوُ نوُں نِمسکار، سجدیاں وِچ سیِس جھُکائیا۔ وِشن برہما شِو بنن برخوردار، نِو نِو لاگن پائیا۔ رائے دھرم چِترگُپت چرن دھوُڑی لاوے چھار، ٹِکّے خاک رمائیا۔ لاڑی مؤت جاوے ہار، ملک اُلمؤت نہ کوئے وڈیائیا۔ کال کہے میَں اپنا پاسا جاواں ہار، چلے نہ کوئے چتُرائیا۔ مہاکال کہے میرا اِنتظار ، دوویں جوڑ واسطہ پائیا۔ سَتگُر شبد کہے میَں آپ کراں اُس دی سنبھال، جِن سمبل دیش پوُرن دا گڑھ دِتا وسائیا۔ جِتھے وسیا پُرکھ اکال، جوتی جاتا سوبھا پائیا۔ سو سب نوُں دین آئی دیِدار، جن بھگتو درشن کرنا چائیں چائنیا۔ نؤ سؤ چُرانوے چؤکڑی جُگ پِچھوں ایہہ آؤندی وار، سَتجُگ تریتا دواپرکلجُگ ہتّھ کدے نہ آئیا۔ ایہہ ویلا اُدوں سُہنجنا ہُندا جدوں نِہکلنک کل کلکی آوے اوتار، اِمام اِماما ویس وٹائیا۔ ایہہ جگت ماتا نہیں بھگتاں دا کرے اُدھار، بِنا اُدر توں اپنی کُکھ سُہائیا۔ اٹھائی پوہ کہے اجّ شادیاں تے خوشیاں دا وِہار، ایسے خوشی وِچ بِشن کؤر نوُں مِلی وڈیائیا۔ ایہہ ایسے دے باغ دی کھِڑی گُلزار، جِس دا مالی اتے راکھا ہوکا دو جہان سُنائیا۔ بن کے خبردار، بےخبراں خبر رہیا پہنچائیا۔ برہمنڈو کھنڈو پُریو لواو زِمیں اسمانَو رہنا ہوشیار، ہوشیاری وِچ اپنی اکھّ کُھلائیا۔ جد آوے آتم دی دھار، سب نے کرنی نِمسکار، بِنا پُھلاں توں پریم دے پاؤنے ہار، برکھا نام والی لگائیا۔ بِنا بولن توں شبد دی ہووے دُھنکار، انادی ناد وجےّ اپار، بِنا دیِوے باتی توں جوت ہووے اُجیار، اندھ اندھیرا رہن کوئے نہ پائیا۔ پھیر پُجنا سچکھنڈ سچّے دربار، جِتھے وسے دُھر دا ماہیِا۔ اوتھے سنت سُہیلے ویکھن بِنا نیَناں نیَن اُگھاڑ، بِنا اکھّ اکھّ تکائیا۔ چھوٹا بالا سِنگھ منجیِت بولے جَیکار، جگدیِش راگ الائیا۔ گُردَیال سِنگھ کرے اِشار، سوَرن سِنگھ سمجھائیا۔ چیت سِنگھ دا ساچا یار، پال سِنگھ تاڑی رہیا وجائیا۔ اسیں سارے خوشیاں وِچ ہوئے خوشحال، خوشی خوشی نال بنائیا۔ اوہ دھار آوے اوہ پیار آوے جِس سنسار وِچ پرگٹ کیِتا پوُرن لال، لال مِلی وڈیائیا۔ جِس وِچ وسیا دیِن دَیال، ٹھاکر سوامی اگمّ اتھاہیِا۔ اوہ سمبل وِچ بہہ

کے سب دی کرے سنبھال، ویکھنہارا تھاؤں تھائنیا۔ جِتھے نہ کوئے شاہ نہ کوئے کنگال، بھگت بھگوَنت اپنے رنگ رنگائیا۔ سَت رنگ کہن سانوُں وی اوسے دِتا مان، چار جُگ دِتی نہ کِسے وڈیائیا۔ اِکو اِک دے حُکم نوُں کریئے پروان، جو پرم پُرکھ رہیا سُنائیا۔ اٹھائی پوہ کہے جن بھگتو تُہاڈے پریم نال بِشن کؤر دا ہو گیا اِشنان، انت سمیں اِشنان نہ کوئے کرائیا۔ تُہاڈی بھگتی دا ایسے دے بھنڈارے وِچوں مِل گیا دان، ایہدی ہتّھیں دان نہ کوئے کرائیا۔ ایہدی مُحبّت دا سب نوُں مِل گیا پیِن کھان، بُھکھیاں بُھکھ نہ کوئے سمجھائیا۔ ایہدا تن وجوُد جاویگا نہیں بھوُمی شمشان، بھگت دوار دے در وِچ ڈھیر لگائیا۔ جِس دا ہرِجن درشن کریا کرن گے آن، آؤندیاں آؤندیاں آؤندیاں سیِس نِوائیا۔ کوئی مٹھ نہیں بنیگا مندر نہیں بنیگا نہ کوئی بنیگا مقام، بےمقام نال مِل کے بےمقام وِچ سمائیا۔ گوبِند دا مارگ تے گوبِند دا رستہ تے گوبِند دا نام نہیں کوئی دُکان، جو ہٹّو ہٹّ وِکائیا۔ اِک سَت رنگ دا نِشان اِک سّت رنگ پردھان، دوویں مِل کے وجّی ودھائیا۔ جوتی جوت سروُپ ہرِ، آپ اپنی کِرپا کر، کرے کھیل ساچا ہرِ، نِہکلنک نرائن نر، مہاراج شیرسِنگھ وِشنوُں بھگوان، سَت دا سچ کرے پروان، پرم پُرکھ اپنی پروانگی وِچ پروانہ اپنے ہتّھ رکھائیا۔

۲۹ پوہ شہنشاہی سمت اٹّھ ہرِ بھگت دوار جیٹھوُوال رات گِردھارا سِنگھ لانگری دے لوہڑی منگن تے

گردھارا سِنگھ تیری کالی پگّ، رنگ کالے نال سوبھا پائیا۔ سمپوُرن ہویا بھگتاں یگّ، جُگتی پربھ نے دِتی بنائیا۔ لیکھے لگّے بھٹّھیاں وِچ ڈاہُن والے اگّ، بالن والے ساچے لیکھے پائیا۔ سچکھنڈ دوارے سیوادار سارے جان بھجّ، اَگے ہو نہ کوئے اٹکائیا۔ جِنہاں منڈے دِتے ٹھپ، پیڑیاں سیو کمائیا۔ سیوا کیِتی ہسّ ہسّ، وڈّے چھوٹے بھجےّ واہو داہیِا۔ پربھ خوشیاں دا ماندے رہے رس، چِنتا دُکھ گوائیا۔ لیکھے لاؤندے رہے اپنی رت، سردی وِچ راتی جاگت اپنی خوشی بنائیا۔ سِکھیا لیندے رہے ساچی مت، کوُڑ وِکار گوائیا۔ لنگر تیار کر کے لانگری لیَن رکھ، پال سِنگھ بخشیِش کاشی نال مِلائیا۔ لنگر کہے میری سُہنجنی ہو گئی چھتّ، چھتردھاری دِتی وڈیائیا۔ جِس بھگتاں

رکھی پتِ، پت پرمیشور بےپرواہیِا۔ اوہ مُڑ کے آیا وتّ، بےوطناں لئے مِلائیا۔ ویکھے سب نوُں اپنی اکھّ، اکھّراں والا سمجھ سکے نہ رائیا۔ جگت جہان نالوں وکھّ، بھگت بھگوان ریِت چلائیا۔ بھگت بھنڈارا جیہڑا پریم وِچ گیا پکّ، لوح اگنی تت تپائیا۔ اوہ اوہناں بھگتاں لیا چھک، جو شہنشاہ بھگت دِتے بنائیا۔ نام رس لےَ کے یک، یک مُرشد ویکھ وکھائیا۔ جھولی اوہناں پیا حق، خالی بھنڈارے دِتے بھرائیا۔ کِرپا کری پُرکھ سمرتھ، مِہر نظر اُٹھائیا۔ بھاویں گِردھارا سِنگھ دا وِنگا ٹیڈھا ہتّھ، پھیر وی زور نال کڑچھے دِتے ہِلائیا۔ سجےّ کھبےّ ہو کے رہیا نَٹھ، دھؤن ٹیڈھی رہیا وکھائیا۔ جدوں غُصّے وِچ آوے جھٹ، اکھّاں لال کڈھ ڈرائیا۔ پھیر پٹّاں تے مارے ہتّھ، موٹا پتلا ویکھ وکھائیا۔ بھٹّھیاں دے اِرد گِرد ٹپّ، کنّ کُھرک کے پگّ لئے ہِلائیا۔ آنڈھ گوانڈھ نوُں دسّ، سبزی بھاجی رہیا چِرائیا۔ لوہڑی کہے میَں لوہڑا پَینی کہاں بول کے وجّ، واجا پریم والا وجائیا۔ جن بھگتاں خوشی خوشی ہوئی جب، درس پایا پربھ سَتگُر مِل کے خوشی بنائیا۔ سرِشٹی دُنی رسنا لاوندی مد، کوُڑ وِکار ہلکائیا۔ جن بھگتاں ساچی منزل پار کر کے حد، در گھر ساچے سوبھا پائیا۔ جِنہاں نوُں لوہڑی وِچ لوہڑے پَینی وست گئی لبھ، انمُل دِتی ورتائیا۔ ہرِجن گُرمُکھ درشن کرن رجّ، اکھّیِاں نیَن نیَن بِگھسائیا۔ اوہ ویکھو نارد آیا بھجّ، بودی رہیا ہِلائیا۔ ہسّ کے کہندا جِس ویلے میَں گِردھارا سِنگھ دا سُریلا سُنیا چھنت، اپنی لئی انگڑائیا۔ کِنر یچھپ اپچھراں پئیاں نچّ، کُدن ٹپّن تھاؤں تھائنیا۔ اِک دوُجے نوُں کہن اوہ بھگت کِہو جِہا ہووے سچّ، کوَن روُپ سوبھا پائیا۔ نارد کہے میَں تالی مار کے کِہا اوہدا رنگ کالا تے موٹی اکھّ، جگت جہان سوبھا پائیا۔ پر جدوں تُردا اِک ہتّھ ڈھاک اُتے کدے کدے لئے رکھ، بڑا سوہنا وِنگا ٹیڈھا نظری آئیا۔ میَں اُس دا کراں کی جس، کی صِفتاں نال مِلائیا۔ میرے نال چلو کملیو میَں تُہانوُں دیواں دسّ، اکھّاں لؤ کُھلائیا۔ ساریِاں کہن اُٹھو چلیئے نسّ، بھجیّئے واہو داہیِا۔ جے اُس دا وڈّا تپ، تپیِا سوبھا پائیا۔ اسیں تُہانوُں کہیئے جے بھگتا نؤ سؤ نڑھنویں اپچھراں سانوُں ساریاں نوُں لئیں رکھ، لنگر وِچ تیرا ہتّھ لئیے وٹائیا۔ وِہلیاں ہو کے پھیر تیرے سِر نوُں دئیے جھّس، جو بِنا والاں توں سوبھا پائیا۔ پھیر تیری چھوٹی لتّ نوُں بنّھیئے کس، اِکو جِہی اِکو رنگ نظری آئیا۔ جے جیادا گھُٹیا تَینوُں خوشی وِچ پےَ جائے غش، پھیر مُکھ امرت دئیے چوائیا۔ بالن چُک کے لِیاؤن کِنر یچھپ، گندھرب سیو کمائیا۔ سانوُں ڈر لگدا تیری صوُرت ویکھ کے تیرے پیار وِچ نہ جائیے پھس، مُحبّت وِچ تیرے ڈھولے گائیا۔

سچ دسّیئے کِتے غُصے وِچ آ کے سانوُں کھؤنچے نہ ماری ٹھپّ ٹھپّ، ساڈیِاں پٹّیِاں دئیں ہِلائیا۔ جے اِک وار آکھینگا تے اسیں بھر بھر گُنھ دیوانگیاں آٹے دے ٹپّ، پُھلکے لوحاں اُتے ٹِکائیا۔ تَیتھوں ڈردیِاں سوہنگ دا کراں گیِاں جپ، تُوں میرا میَں تیرا ڈھولا گائیا۔ پر تُوں وی ساڈے پیار وِچ پسیِنے دی تھاں ڈولہی رتّ، رنگ رتڑا ہو کے نظری آئیا۔ جھٹ نارد بولیا تھوڑی میری وی کھِچ دیؤ لتّ، نالے بودی دیؤ ودھائیا،۔ میَں وی چروکنا رہیا ساں تکّ، کی کھیل پربھوُ کرائیا۔ تُسیں اِدھر ویکھو میرا گِردھارے نالوں چنگا نکّ، میریِاں ناساں وِچ وال نظر کوئے نہ آئیا۔ میرے متھے وِچ نہیں کوئی وٹّ، گِردھارا سِنگھ تیوڑی ول پا کے چڑھائیا۔ گِردھارا کہے اوہ نارد ویکھ آ میریِاں بھٹّھیِاں دی اگّ بلے لٹ لٹ، جِتھے لاٹاں والی سیو کمائیا۔ تَینوُں پتہ نہیں میرا پاتشاہ دو جہاناں کِرسانا تے شبد دھار دا جٹّ، جِس میَنوُں دِتی وڈیائیا۔ تُہانوُں ساریِاں نوُں کِھچّ کے کیِتا اِکٹّھ، سِر سکے نہ کوئے اُٹھائیا۔ جے میرا دِل کر آیا تے میَں ساریِاں نوُں لؤنگا رکھ، تَینوُں وی ایسے جگہ سیوا وِچ لگائیا۔ تُوں میری مجھّ نوُں پایا کریں ککھّ، میَں مُچھاں نوُں تاء دے کے بَیٹھاں چائیں چائنیا۔ نارد کِہا ایتھے سب دا سانجھا حق، دوُسر ونڈ نہ کوئے ونڈائیا۔ میَں وی سیوادار جُگ چؤکڑی دا پکّ، پکّی دیاں سُنائیا۔ پر میَں تیرے نالوں پربھوُ دے پیار وِچ سَت، جِس سَتجُگ تریتا دواپر کلجُگ نہ کیِتی کُڑمائیا۔ پر تُوں یاد کر لےَ سَتجُگ اہلیا نوُں لاہیا ستھ، پتھر پاہن دِتا بنائیا۔ جے رام اُپر چرن نہ دیندا رکھ، اُس نوُں مِلدی نہ مان وڈیائیا۔ میَں تد دا ڈردا نارد کہے کہ تیرا صاحِب سمرتھ، داتا بےپرواہیِا۔ اجّ لوہڑی تُوں خوشیاں نال ملا لےَ ہتّھ، بِن ہتھیلی ہتّھ لگائیا۔ جے تُوں گیا ایں تھک، میَں اپچھراں نوُں کہاں ایہنوُں گھُٹو چائیں چائنیا۔ پر ویکھیں نؤ سؤ نڑھنویں کولوں نہ جائیں اکّ، اندرے اندر اپنا من ڈرائیا۔ نارد کہے پُرکھ اکال دیِن دَیال دا جگت بھنڈارا سدا سَت، سَت سَت ورتائیا۔ جوتی جوت سروُپ ہرِ، آپ اپنی کِرپا کر، کرے کھیل ساچا ہرِ، نِہکلنک نرائن نر، مہاراج شیرسِنگھ وِشنوُں بھگوان، جن بھگتاں لیکھے لائے پنچم پنچ پیار دے تت، تتو تت اپنے رنگ رنگائیا۔