کتب خانہGranth 23 (Urdu)

۲۱ ماگھ شہنشاہی سمت اٹّھ پِنڈ کلّا ضِلع امرتسر سُکھدیو راج دے گرِہ

دھرم کہے دھرنیئے میَنوُں ویکھ کے آؤندا درد، دُکھی دیِن دُنی کُرلائیا۔ شرع چُھری قصائی بنی کرد، قتل گاہ دِسے خلق خُدائیا۔ میَں سَت سچ دی کراں عرض، عرض اِک دِرڑائیا۔ پروردِگار سانجھے یار مردانے مرد، مِہربان ہو سہائیا۔ تیرے کول آد جُگادی سب دی فرد، لیکھا دُھر دا نظری آئیا۔ سب دی پوُری کر دے شرط، شرع شریِعت پھول پھولائیا۔ چرن چُھہا دے اُپر دھرت، دھوَل دے وڈیائیا۔ جوتی جوت سروُپ ہرِ، آپ اپنی کِرپا کر، ایکا دینا ساچا ور، در ٹھانڈے الکھ جگائیا۔ دھرم کہے دھرنیئے میَں بدھےّ دوویں ہتّھ، بِنا ہتھیلی ہتھیلی مِلائیا۔ سیِس جھُکاواں پُرکھ سمرتھ، در ٹھانڈے لاگاں پائیا۔ وست اگمّی دے وتھ، امُل اتُل ورتائیا۔ اپنا حُکم دسّ سمرتھ، کتھنی کتھ نہ سکے رائیا۔ کلجُگ کوُڑی کِریا لاہ ستھ، ستھر یارڑا گوبِند دئے گواہیِا۔ میری نیتر ویکھ وہِندی اّتھ، ہنجھوُاں ہار بنائیا۔ کلجُگ کوُڑ کُڑیارے پا نتّھ، دہ دِشا نہ اُٹھ اُٹھ دھاہیِا۔ جھگڑا میٹ وِکارا اٹّھ، نؤ دوارے پندھ مُکائیا۔ دیِپک جوت پرکاش جگے لٹ لٹ، اندھ اندھیر مِٹائیا۔ شبد انادی مار سٹّ، سُتیاں لےَ جگائیا۔ سَت دھرم دا کھول ہٹّ، ہٹوانا بن بےپرواہیِا۔ کلجُگ کوُڑی کِریا دے کٹّ، ملیچھاں اندر کر صفائیا۔ میَں تیرا ڈھولا گاواں بن کے بھٹّ، صِفتاں والی صِفت صالاحیِا۔ تُوں دھرم دوارا دسّ دے اِکو تٹ، کنارہ اِکو نظری آئیا۔ صاحِب پُرکھ اکال دیِن دَیال اپنی بدل کروٹ، جوتی جوت سروُپ ہرِ، آپ اپنی کِرپا کر، ایکا دینا دُھر دا ور، دیونہار تیری وڈیائیا۔ دھرم کہے دھرنیئے آ دوویں منگیئے، در ٹھانڈے سیِس نِوائیا۔ سچ دوارا پربھوُ دا لنگھیئے، اپنا پندھ مُکائیا۔ اپنا دُکھڑا دسّیئے تنگیئے، نیَناں نیِر وہائیا۔ پرکاش رہیا نہ تارا چندیئے، سوُریہ لوئن نہ کوئے کُھلائیا۔ پِھری دُہائی وِچ وربھنڈیئے، برہمنڈ رہے کُرلائیا۔ سب دی آتم ہوئی رنڈیئے، کنت سُہاگی ہرِ نہ کوئے ہنڈھائیا۔ جوتی جوت سروُپ ہرِ، آپ اپنی کِرپا کر، ایکا دینا ساچا ور، دیونہار تیری بےپرواہیِا۔ دھرنی کہے دھرم میَں دسّاں اگمّی بات، باطن دیاں جنائیا۔ اوہ صاحِب کملاپات، پت پرمیشور نوُر الاہیِا۔ اوہ جُگ جُگ دیوے سچ سوغات، سَت ستوادی آپ ورتائیا۔ سب دا بن کے پِتا مات، ویکھنہارا تھاؤں تھائنیا۔ کی ہویا جے کلجُگ ہوئی اندھیری رات، چاروں کُنٹ اندھیرا چھائیا۔ اوہ سوامی انترجامی ویکھنہار پُرکھ ابناش، ہرِ کرتا دُھردرگاہیِا۔ اوہ ساڈی ضرور پوُری کریگا

آس، آہستہ آہستہ اپنا پندھ مُکائیا۔ ذرا نِگاہ مار لےَ اُپر آکاش، آکاشاں توں پرے دھیان لگائیا۔ جِس دا سچکھنڈ دوار نِواس، سِنگھاسن آسن ڈیرہ لائیا۔ اوہ بھگت سُہیلا اِک اَکیلا نِرگُن سرگُن دا داسی داس، سیوک سیوا آپ کمائیا۔ جِس دی نہ کوئی ذات نہ کوئی پات، دیِن مذہب ونڈ نہ کوئے ونڈائیا۔ اوہ حضوُر ضرور بدلیگا سماج، سمگری دُھر دا نام ورتائیا۔ سَتجُگ نوُں سچ دیویگا راج، رعیت ہرِجن مات پرگٹائیا۔ جوتی جوت سروُپ ہرِ، آپ اپنی کِرپا کر، کرے کھیل دُھر دا ہرِ، دُھر مالک اِک اکھوائیا۔ دھرم کہے دھرنیئے کی میَنوُں دیویں دھرواس، دھرم نال جنائیا۔ کِس بِدھ میرا پوُرا ہوئے وِشواس، وِشیاں توں باہر سمجھائیا۔ دھرنی کہے میَں اُس دی رکھی آس، اِکو اوٹ تکائیا۔ جو کھیلے کھیل تماش، جُگ کرتا بےپرواہیِا۔ جِس منڈل منڈپ پوائی راس، گوپی کاہن دھار پرگٹائیا۔ جِس لکھّ چؤراسی جنم کرنا راس، رستہ اپنا اِک سمجھائیا۔ سب دی ترِکھا میٹنی پیاس، امرت دھار مُکھ چوائیا۔ جن بھگتاں دینی شاباش، سِر سِر ہتّھ رکھائیا۔ اوہ ساڈی ضرور سُنیگا بات، باطن ویکھے دُھر درگاہیا۔ جگت رہن نہ دیوے اندھیری رات، سَتجُگ چنّ کرے رُشنائیا۔ اوس دی آتم پرماتم دی دھار ہووے جماعت، جمُلہ اکھّر اِک پڑھائیا۔ نِرگُن ہو سرگُن پُچھے وات، واتاوَرن ویکھے خلق خُدائیا۔ اوہدا کھیل تکّنا لوک مات، دھرنی دھرت دھوَل دھؤل رہی جنائیا۔ جوتی جوت سروُپ ہرِ، آپ اپنی کِرپا کر، ایکا دیوے ساچا ور، سچ دا بھیوَ آپ کُھلائیا۔ دھرنی کہے دھرم آ مِل کے کریئے ڈنڈاوت، در ٹھانڈے سیِس نِوائیا۔ پربھ سچ دی دے نیامت، وست امولک اِک ورتائیا۔ کوُڑی کِریا میٹ بغاوت، بغلگیر کر لوکائیا۔ تُوں مالک صحیح سلامت، آد جُگادی اِک اکھوائیا۔ نؤ کھنڈ پرِتھمی رہے نہ کوُڑ جہالت، جہاں تہاں ہو سہائیا۔ گُرمُکھ بھگت سُہیلے پرگٹ کر موتی مانک، انمُلے ہیِرے آپ پرگٹائیا۔ ہرِجن رہے نہ کوئے اَنجانت، بھیوَ ابھیدا دے کُھلائیا۔ جوتی جوت سروُپ ہرِ، آپ اپنی کِرپا کر، ایکا دینا ساچا ور، سچ سوامی انترجامی پوُری آس کرائیا۔ دھرنی کہے دھرم اوہ دیون جوگ، جُگتی اپنے ہتّھ رکھائیا۔ سَت دا سچ نال کرے سنجوگ، سنجوگی میلا میلے سہج سُبھائیا۔ ہؤمے کٹّے روگ، دُتیا بھاؤ گوائیا۔ دیوے درس اموگھ، جن بھگتاں دئے اُٹھائیا۔ میرا ہؤلا کرے بوجھ، کوُڑی کِریا باہر کڈھائیا۔ جِس دی آسا کردے روز، درشن دیوے چائیں چائنیا۔ میرا پریِتم چوجی چوج، چولا اپنا لئے بدلائیا۔ جِس دی کر سکے کوئی نہ کھوج، کھوجیاں ہتّھ کِسے نہ آئیا۔ اوہ

ویکھے چؤداں لوک، چؤداں طبقاں پردہ لاہیِا۔ اوہدا نام نِدھانا اِک سلوک، تُوں میرا میَں تیرا ڈھولا گائیا۔ اوہدے حُکم وِچ ماننی مؤج، مجلس بھگتاں نال رکھائیا۔ کلجُگ دا سماں نہیں کوئی بہُت، لمبا سفر نہ کوئے جنائیا۔ صاحِب سُلطانا ساڈا پوُرا کریگا شؤق، شؤقیا اپنا کھیل کھِلائیا۔ جِس دا بھانا سکے کوئی نہ روک، نہ کوئی میٹے میٹ مِٹائیا۔ جِس نوُں جھُکدے اوتار پَیغمبر گُر وِشن برہما شِو کوٹن کوٹ، اسنکھ اسنکھا سیِس نِوائیا۔ جوتی جوت سروُپ ہرِ، آپ اپنی کِرپا کر، دیونہارا ساچا ور، سچ دی کرنی کار کمائیا۔ دھرنی کہے دھرم دوویں ڈاہیئے جھولی، بِن بستر بھوُشن اَگے ڈاہیِا۔ پرم پُرکھ پربھ ساچا تول تولیِں، تولنہار تیری وڈیائیا۔ سچ دوارا اپنا کھولیِں، کُنڈا کھِڑکی آپ کُھلائیا۔ جِتھے پاوے کوئے نہ رؤلی، جھگڑا دِسے نہ کوئے لوکائیا۔ اپنے نام دی دسّنی اگمّی بولی، انبولت راگ جنائیا۔ میَں تیرے چرناں گھول گھولی، آپ آپا گھول گھُمائیا۔ دھرنی کہے دھرم تُوں کلجُگ انت موُل نہ ڈولیں، اپنا بَل ودھائیا۔ میرے صاحِب نے صدی چؤدھویِں انت اَخیِر بے نظیِر لاشریِک پروردِگار کھیلنی ہولی، ہؤلا سب دا بھار کرائیا۔ لہنا دینا پوُرا کرے دھرم دھار دی گولی، گولک رہن کوئے نہ پائیا۔ جوتی جوت سروُپ ہرِ، آپ اپنی کِرپا کر، کرے کھیل ساچا ہرِ، ساچا رنگ آپ رنگائیا۔ دھرم کہے میَں دُکھاں بھریا، کی دسّاں اپنا حال۔ نہ جِیؤندا نہ مریا، نہ سکاں سُرت سنبھال، بھے بھؤ وِچ ڈریا، کی کھیل کلجُگ کال۔ اپنے اندر آپے وڑیا، نہ سکاں سُرت سنبھال۔ ایکا اگمّی اکھّر پڑھیا، جیہڑا قلم دوات لِکھیا نہیں نال۔ اوہ سندیسہ دِتا اڑیا، سمبل آوے دیِن دَیال۔ جِن سب کُچھ پِچھے کریا، اَگے سب دی سُرت لئے سنبھال۔ جِس دی سرن لگ کے ہرِجن تریا، لیکھا جانے شاہ کنگال۔ جِس لکھّ چؤراسی گھاڑن گھڑیا، اوہ تیری کرے پرِتپال۔ ساچی چوٹی آپے چڑھیا، جوتی جوت سروُپ ہرِ، آپ اپنی کِرپا کر، کرے کھیل ساچا ہرِ، نِہکلنک نرائن نر، مہاراج شیرسِنگھ وِشنوُں بھگوان، آد جُگاد جُگ چؤکڑی جِس دی اولّڑی چال، چال نِرالی جوت اکالی اکل کل دھاری اپنی آپ وکھائیا۔

۲۲ ماگھ شہنشاہی سمت اٹّھ پِنڈ کلّا ضِلع امرتسر روشن لال دے گرِہ

دھرنی کہے دھرم میَنوُں آئی اگمّی بھاکھے، ہرِ صاحِب دِتا جنائیا۔ جِس دا کھیل الکھنا الاکھے، الکھ اگوچر کہن کوئے نہ پائیا۔ اوہ انتم کلجُگ آپے پت راکھے، رکھک ہو کے ہوئے سہائیا۔ سدا رہے سنگ ساتھے، سگلا سنگ بنائیا۔ اُس دی دھوُڑی لائیے مستک ماتھے، چرن چھوہ نال وڈیائیا۔ جِس دی مہما اکتھنا اکاتھے، کتھ سکے کوئے نہ رائیا۔ اوہ ضرور سَتجُگ چلائے راتھے، کلجُگ کوُڑا پندھ مُکائیا۔ جو سرب کلا سمراتھے، سَت سروُپ اکھوائیا۔ اوہ بھگتاں جوڑے ناتے، اپنا میل مِلائیا۔ کلجُگ میٹے اندھیری راتے، ساچا چند چمکائیا۔ دیِناں مذہباں ویکھے کھاتے، جوُن اجوُنی کھوج کھوجائیا۔ اُسدے حُکم سندیسے ساچے، جو میَنوُں سچ دِتا دِرڑائیا۔ سنیہڑا سَتگُر شبد ہو کے آکھے، اکھّراں توں باہر جنائیا۔ پرگٹ ہووے لوک ماتے، نِرگُن نِروَیر لئے انگڑائیا۔ جوتی جوت سروُپ ہرِ، آپ اپنی کِرپا کر، کرے کھیل ساچا ہرِ، نِہکلنک نرائن نر، مہاراج شیرسِنگھ وِشنوُں بھگوان، آد جُگاد کھیل کرے بہُہ بھانتے، اکل کل دھاری اپنی کل پرگٹائیا۔

۲۲ ماگھ شہنشاہی سمت اٹّھ پِنڈ کلّا ضِلع امرتسر دَیال سِنگھ دے گرِہ

دھرنی کہے دھرم میرے انتر آئی آواز، بِن سروناں دِتی سُنائیا۔ میرے صاحِب کھولیا راز، پردہ دِتا چُکائیا۔ تُوں سوئی سوئی جاگ، آلس نِندرا دے چُکائیا۔ تیرے ہون وڈ وڈ بھاگ، بھاگاں بھری خوشی بنائیا۔ ویکھ بھگتاں دا سماج، تیرے اُتے سوبھا پائیا۔ تُوں درشن کر لےَ آج، لوچن نیَن اُٹھائیا۔ بِنا رسنا توں لےَ ارادھ، جپ جپ خوشی بنائیا۔ تیرا پیار ہووے وِچ وِسماد، بِسمِل اپنا آپ کرائیا۔ جِس کلجُگ کوُڑی کِریا میٹنا فساد، دنگا ویکھے خلق خُدائیا۔ اُس دا سُن اگمّی ناد، جو انادی دُھن کرے شنوائیا۔ جِس دا راہ تکّن برہماد، برہمنڈ کھنڈ دھیان لگائیا۔ جو مالک آد جُگاد، انتم اپنے ہتّھ رکھائیا۔ اوہ لیکھا جانے سنت سادھ، جگت جگیاسوُ پردہ لاہیِا۔ جوتی جوت سروُپ ہرِ، آپ اپنی کِرپا کر، کرے کھیل ساچا ہرِ، سچ دا مارگ اِک درسائیا۔ دھرنی کہے دھرم تیرے انتر کیِتا پرکاش، اندھ

اندھیر مِٹائیا۔ شبد آئی اگمّی دھار بِنا پرِتھمی آکاش، سنیہڑا اِک سُنائیا۔ جِس دی اوتار پَیغمبر گُر شاخ، شناخت بِن روُپ رنگ اُس دی گئے دِرڑائیا۔ اوہ صاحِب سوامی دُھر دا مائی باپ، پِتا پُرکھ اکال اگمّ اتھاہیِا۔ جو کلجُگ میٹے اندھیری رات، سَتجُگ سچ چند چمکائیا۔ تُوں میرا میَں تیرا دسےّ جاپ، آتم پرماتم سوہنگ ڈھولا دُھردرگاہیِا۔ دھرنی دھرت دھوَل کہے میرا ہِردا کرے صاف، پتت پُنیِت بنائیا۔ ہرِجن بنائے سجن ساک، ناتا بھگتاں جوڑ جُڑائیا۔ کوُڑی کِریا میٹے واٹ، پِچھلا پندھ مُکائیا۔ سَت دھرم دا ساچا کھولے ہاٹ، سَتجُگ آپ پرگٹائیا۔ جوتی جوت سروُپ ہرِ، آپ اپنی کِرپا کر، کرے کھیل ساچا ہرِ، نِہکلنک نرائن نر، مہاراج شیرسِنگھ وِشنوُں بھگوان، دو جہاناں پاوے اپنی اگمّی راس، منڈپ منڈپاں سوبھا پائیا۔

۲۲ ماگھ شہنشاہی سمت اٹّھ پِنڈ کلّا ضِلع امرتسر پریِتم سِنگھ دے گرِہ

دھرم کہے دھرنیئے میَں وی سُنیا سندیسہ، پَیغام اگمّ اتھاہیِا۔ جیہڑا رہے سدا ہمیشہ، ہرِ سَتگُر وڈ وڈیائیا۔ اوہ پِھرے دیس پردیسا، دو جہاناں ویکھ وکھائیا۔ اُس دے کول سب دا لیکھا، جُگ چؤکڑی کھوج کھوجائیا۔ کلجُگ انتم پایا بُھلیکھا، بھرم نہ کوئے چُکائیا۔ جوتی جاتا بن کے نیتا، نِرگُن نِروَیر روُپ بدلائیا۔ جن بھگتاں کرے ہیتا، گُرمُکھاں آپ اُٹھائیا۔ سرِشٹ سبائی رہیا ویکھا، ویکھنہار اِک گوسائنیا۔ اوہدے چؤر کر لےَ کیسا، چرناں نال چُھہائیا۔ اوہدا سنگ دس دسمیسا، شبدی شبد وڈیائیا۔ اِکو ایک دُھر دا بیٹا، جِس نوُں جنمے کوئے نہ مائیا۔ جو ہر گھٹ اندر لیٹا، سچ سِنگھاسن سوبھا پائیا۔ اوہ بن کے کھیوٹ کھیٹا، آیا دُھردرگاہیِا۔ جِس نوُں میَں وی مستک ٹیکا، سیِس لیا نِوائیا۔ سب کُچھ ارپن کیِتا بھیٹا، مان تان مِٹائیا۔ جوتی جوت سروُپ ہرِ، آپ اپنی کِرپا کر، کرے کھیل ساچا ہرِ، سچ دا مالک ہویا سہائیا۔ دھرم کہے دھرنیئے اوہ داتا اِک نِرنکار، نِروَیر پُرکھ اکھوائیا۔ کھیلے کھیل سدا جُگ چار، جُگ چؤکڑی ویکھ وکھائیا۔ جِس رام روُپ ہو کے سیِتا کیِتی تیار، مِل کے وجی ودھائیا۔ کرِشن رادھے دے ادھار، میلا میلیا چائیں چائنیا۔ اوہ جوتی

جاتا پُرکھ بھتار، کنت کنتُوہلا وڈ وڈیائیا۔ جو پِھرے برہمنڈاں کھنڈاں وِچ سنسار، دو جہاناں واہو داہیِا۔ تُوں اُس دا کر درس دیِدار، لوچن نیَن کُھلائیا۔ اوہ مِہربان محبوُب سب دا سانجھا یار، یارڑا اِک اکھوائیا۔ دھرنیئے تُوں اپنا آپ شِنگار، تن بھوُشن لےَ بدلائیا۔ اپنی مینڈھی لےَ سوار، پٹّی سیِس سُہائیا۔ مستک بِندی لا اپار، رنگ سچ چمکائیا۔ تیرے نیَناں ہووے کجّل دھار، جو کجّل دُھردرگاہیِا۔ تُوں اپنے چمکا لےَ رُخسار، سوہنا رنگ رنگائیا۔ لباں دی بنّھ دھار، جو بُلیاں بُلھے شاہ گیا سمجھائیا۔ اپنا چِن ٹھوڈی دا کر چمتکار، چند چاندنا اِک رُشنائیا۔ تیرے وجوُد چوں سُگندھی آوے اگمّ اپار، خوشبوُ دو جہان چمکائیا۔ پھیر اپنیِاں بُھجاں پسار، بِن ہتّھاں ہتّھ اُٹھائیا۔ نیتر رو کے کرے پُکار، آ مِل دُھر دے ماہیِا۔ مستی وِچ ہو ہو نِہار، جوانی وِچ لےَ انگڑائیا۔ خوشیاں وِچ انگی دے پاڑ، اپنا بَل دھرائیا۔ تیری آواز آوے وِچوں ناڑ ناڑ، تُوں ہی تُوں ہی راگ سُنائیا۔ کوُک پُکارنا جنگل وِچ اُجاڑ، پہاڑاں دے دُہائیا۔ آ مِل میرے دُھر دے لاڑ، نؤجوان شہنشاہیِا۔ میَں تیرا کراں اِنتظار ، راہ تکاّں تھاؤں تھائنیا۔ در آویں کراں نِمسکار، نِو نِو لاگاں پائیا۔ تیری بناں خِدمتگار، خادم ہو کے سیو کمائیا۔ میری آسا پوُری کر وِچ سنسار، سنساری بھنڈاری سنگھاری سارے میرے نال واسطہ پائیا۔ تَینوُں آوازاں مارن پَیغمبر گُر اوتار، شبد سندیسے وِچ جنائیا۔ آ کل کلکی اوتار، سمبل واسی ہو سہائیا۔ میری اُداسی دے اُتار، نوُر نوُرانے چند دُھر دے ماہیِا۔ میَں تیرا درشن کراں دیِدار، سنمُکھ ہو کے سوبھا پائیا۔ گلوَکڑی پا کے کراں پیار، پریمی پریِتم اِک منائیا۔ پھیر ڈِگاں مُنہ دے بھار، شہادت موُسیٰ دئے بُھگتائیا۔ پھیر آپا آپ دیواں وار، صلیِب عیسیٰ والی نظری آئیا۔ پھیر محمد دے مقبریاں کراں خبردار، تیرا حُکم سندیسہ اِک جنائیا۔ نانک گوبِند کہاں آؤ ویکھو سانجھڑا یار، پُرکھ اکالا دیِن دَیالا نظری آئیا۔ میَں کوجھی کملی تیرے در کراں پُکار، تُدھ بِن سیِس نہ کِسے جھُکائیا۔ تُوں کملاپاتی سرب کلا سمراتھی دوُجا اوَر نہ کوئے دیسے وِچ سنسار، سِر سر تیرے چرن ٹِکائیا۔ جوتی جوت سروُپ ہرِ، آپ اپنی کِرپا کر، ایکا دینا ساچا ور، نِہکلنک نرائن نر، مہاراج شیرسِنگھ وِشنوُں بھگوان، تیرا مندر محل اٹل سچّا سچّی سرکار، ساچے سِنگھاسن آسن نظری آئیا۔

۲۲ ماگھ شہنشاہی سمت اٹّھ پِنڈ کلّا ضِلع امرتسر پریِتم سِنگھ دے گرِہ

دھرنی کہے دھرم ویکھ میَں روُپ بنایا چنگا، اپنی دُرمت میَل دھوائیا۔ میرا مستک چمکے وانگ چندا، چند سوُریہ جِس نوُں سیِس نِوائیا۔ میرے نیتر دھار بن گئے گنگا، سروور سچ وہائیا۔ پریم دنداسا میرے دندا، اپنا روُپ پرگٹائیا۔ میرا پھرکے انگ انگا، انگن اپنا ویکھ وکھائیا۔ میرا ڈؤلا پھرکے کندھا، کندھی بَیٹھا کھیل کھِلائیا۔ میَں سُنن آئی اُس دا چھندا، جو تُوں میرا میَں تیرا ڈھولا گائیا۔ جِس نوُں خوش کر نہ سکی پری ارمبھا، جو چؤداں رتناں وِچ سوبھا پائیا۔ میَں اُس دا پُشت پناہ لاوندی پنجہ، جو پنجاں دا ڈیرہ ڈھاہیِا۔ میَنوُں ہرکھ رہیا نہ رنجا، جو درس دیوے وکھائیا۔ میَنوُں بُھل جائے لکھّ چؤراسی والا دھندا، کرم کانڈ دا ڈیرہ ڈھاہیِا۔ میَں وِسر جاواں جیرج انڈا، اُتبُھج سیتج مُکھ بھوائیا۔ میَں لیکھا رکھاں نہ وِچ برہمنڈاں، کھنڈاں ونڈاں نہ کوئے ونڈائیا۔ میَں اوسے دا سُکھ مانا انندا، انند انند وِچ سمائیا۔ میَں جِس نوُں سرِشٹی درِشٹی )نال ویکھیا( تتاں والا بندہ، اوہ بندگی توں باہر بےپرواہیِا۔ میَں اوس دے پیار وِچ پھس جاواں شکنجا، باہر سکے نہ کوئے کڈھائیا۔ میَنوُں پوَن ہُلارا دیوے اُننجا، اپنی سُگندھ وکھائیا۔ میرا بستر بھوُشن سلوار ہووے نہ تمبا، جگت ونڈ نہ کوئے ونڈائیا۔ جوتی جوت سروُپ ہرِ، آپ اپنی کِرپا کر، کرے کھیل ساچا ہرِ، سچ دا میلا لئے مِلائیا۔ دھرم کہے دھرنیئے تیرا روُپ دِسے سوہنا، صوُرت وڈ وڈیائیا۔ تیرا من چنچل سب نوُں موہنا، جِس موہنی روُپ دِتا وکھائیا۔ تُوں سچ سِنگھاسن سؤنا، جِس دی صِفت نہ کوئے صالاحیِا۔ نہ اوتھے ہسّنا نہ رونا، سب اِکو رنگ سمائیا۔ دوُجی وار مُکھڑا پئے نہ دھونا، دُرمت میَل نہ لاگے رائیا۔ پت پرمیشور اِک مناؤنا، دوُسر اوَر نہ کوئے اکھوائیا۔ تُوں میرا میَں تیرا ڈھولا گاؤنا، سد وجدی رہے ودھائیا۔ دھرم کہے دھرنیئے میَں تیرا لاگی بناں جو دھرم دھار دا پراہُنا، میَنوُں دے سمجھائیا۔ اگلا کھیل بڑا ہونا انہونا، جِس دا بھید کوئے نہ آئیا۔ پُرکھ اکال دیِن دَیال جوتی جوت جوت کھیل کھِلاؤنا، خالق خلق آپ کھِلائیا۔ تُوں اوس دا بِن نیتراں درشن پاؤنا، بِن نیَناں نیَن مِلائیا۔ اوہ مِہربان محبوُب تیرے گرِہ مندر کملیئے آؤنا، آوے چائیں چائنیا۔ تُوں بِنا پاوا چوُل توں پلنگ سِنگھاسن ڈاہُنا، جِس نوُں لوہار ترکھان نہ کوئے گھڑائیا۔ اُتے سَت سچ

دا وِچھؤنا وِچھاؤنا، جو وِچھڑیاں لئے مِلائیا۔ جِس نے تیرا بیڑا پار کراؤنا، بھار اپنے کندھ اُٹھائیا۔ جوتی جوت سروُپ ہرِ، آپ اپنی کِرپا کر، کرے کھیل ساچا ہرِ، نِہکلنک نرائن نر، مہاراج شیرسِنگھ وِشنوُں بھگوان، جِس نے ساچا رنگ رنگاؤنا، رنگت اِک رنگائیا۔

۲۲ ماگھ شہنشاہی سمت اٹّھ پِنڈ کلّا ضِلع امرتسر کُندن سِنگھ دے گرِہ

دھرم کہے دھرنیئے تُوں بڑی سوہنی سُنکّھی، ٹِلّے پربت تھل اسگاہ سمُند ساگر تیرے انگ نظری آئیا۔ میَں تک کے تَینوُں اکھّیں، اکھّراں والے گُروُ گیا بُھلائیا۔ میَنوُں ایں جاپیا تُوں پُرکھ اکال کاہن دی سکھی، جو آد جُگاد سخاوت تیرے اُتے کرائیا۔ جو چرناں ہیٹھاں بَیٹھا رکھی، کوَل دئے وڈیائیا۔ تَینوُں واء نہ لگّے تتی، جگت تتّیاں دئے تپائیا۔ تُوں فِکر نہ کریں رتی، چِنتا غم نہ کوئے رکھائیا۔ بھاویں سرِشٹی تیرے اُتے ہوئی بہُمتی، مانَو مانَس ونڈ ونڈائیا۔ تُوں اوس صاحِب دے ستھر لتّھی، جیہڑا یارڑا اگمّ اتھاہیِا۔ جِس تَینوُں چڑھایا اپنے نام دے رتھی، رتھ رتھواہی ہو کے آپ چلائیا۔ تیری جگت ترِسنا لتھی، وسوُرا کوُڑ رہیا نہ رائیا۔ کلجُگ انتم تیرے اُتے جانی متھی، متھن کرے لوکائیا۔ نی تیرا صاحِب کملاپتی، پت پرمیشور اِک اکھوائیا۔ تُوں اُس دے نام دی پڑھیں پٹّی، پٹنے والا سَتگُر شبد شبد سمجھائیا۔ تُوں سودا وست لویں اُس دی ہٹّی، جو ہٹوانا اِک اکھوائیا۔ تُوں امرت رس پیویں گٹ گٹی، سر سروور تن لیَنا بھرائیا۔ تیرے اندر اوس دے نام دی وجےّ سٹّی، انحد نادی ناد کرے شنوائیا۔ جوت نوُر جگی لٹ لٹی، لاٹاں والی جِس نوُں سیِس نِوائیا۔ ویکھیں کِتے وَیراگن ہو کے پیار وِچ نہ جائیں پھٹی، اپنا آپ وننجائیا۔ اِکو اوٹ صاحِب تے سٹیں، جو سِٹیبازی کرے لوکائیا۔ تُوں سِری بھگوان نؤجوان دی بننا جٹّی، جو جٹّ جٹا جوُٹ دھاریِاں کرے صفائیا۔ تُوں کوُڑی منزل جانا ٹپّی، ٹاپوُآں دا پندھ مُکائیا۔ میَں تَینوُں کردا پکّی، دھرم رہیا سُنائیا۔ تُوں موُل نہ مات لوک اکّیں، سیوا کرنی چائیں چائنیا۔ تیری لوک لجّیا جائے لتھی، غَیرت کوُڑ نہ کوئے بنائیا۔ درشن کریں پُرکھ سمرتھی، جو تیرا میرا دُھر دا ماہیِا۔ پِچھلا لیکھا آپے ٹھپّی، اگلا اَگے دئے دِکھائیا۔ تُوں پاپاں نال نّپی، بھار اپنے اُتے اُٹھائیا۔ تیرا ساتھ دیوے کوئے نہ تپی، تپیِشر مُکھ بھوائیا۔ لجّیا رکھے کوئے نہ گپّی، جو کہن مِلیا دُھر دا ماہیِا۔ تُوں حِصّیدار بننا نہیں کِسے دی پتّی، جگت ونڈ

نہ کوئے ونڈائیا۔ تُوں سمبھل پِھرناں نَٹھی، بھجّناں واہو داہیِا۔ جِتھے بھگتاں دی دھار ہووے اِکٹّھی، گُرمُکھ ڈیرہ لائیا۔ تُوں درشن پا کے نچّیں ٹپّیں، پَیر پَیر بدلائیا۔ پھیر اِک ہتّھ رکھیں اُتے وکھّی، مروڑا دینا چائیں چائنیا۔ پِھر خوشیاں دے وِچ نسّیں، چاروں کُنٹ واہو داہیِا۔ پِھر گلّ وِچ پا کے رسّی، عیسیٰ لہنا بُلائیا۔ محمد نوُں سنیہڑا دسّیں، مقبریاں وِچوں اُٹھائیا۔ موُسیٰ نوُں کہنا جو تَینوُں مُنہ دے بھار رہیا سٹّی، کوہ طوُر نوُر رُشنائیا۔ نانک نوُں کہنا جِس نام دِتا سَت سَتی، نام بھنڈارا اِک ورتائیا۔ جو گوبِند لیکھا چُکائے ہتّھو ہتّھیں، ہتّھو ہتّھ مُکائیا۔ دھرم کہے دھرنیئے تُوں اوس دی رکھیں، جو رکھک ہووے تھاؤں تھائنیا۔ جوتی جوت سروُپ ہرِ، آپ اپنی کِرپا کر، دیونہارا ساچا ور، نِہکلنک نرائن نر، مہاراج شیرسِنگھ وِشنوُں بھگوان، جگت وِکارا رہیا متھی، متھنہارا اِک اکھوائیا۔

۲۲ ماگھ شہنشاہی سمت اٹّھ پِنڈ وَیرووال اُتم سِنگھ دے گرِہ

دھرم کہے دھرنیئے میَں رہیا بھاگ، پلّوُ اپنا جگت چُھڈائیا۔ تیرے اُتے دیِپک جگے نہ کوئے چراغ، جوتی نوُر نہ کوئے رُشنائیا۔ چاروں کُنٹ لگّی آگ، امرت میگھ نہ کوئے برسائیا۔ دُرمت میَل دھوئی کوئی نہ داغ، پتت پُنیِت نہ کوئے کرائیا۔ ہنس بُدھی ہوئی کاگ، دِوس رَین رہی کُرلائیا۔ آتم اُپجے نہ کِسے وَیراگ، وَیری پنج نہ کوئے مِٹائیا۔ انتم بدلے نہ کِسے مزاج، مجازی حقیِقی پیار سمجھ کوئے نہ آئیا۔ دُھن آتمک سُنے کوئی نہ ناد، انراگی راگ نہ کوئے شنوائیا۔ بھیوَ کُھلے نہ کِسے برہماد، برہمانڈ پردہ نہ کوئے اُٹھائیا۔ نِرگُن نوُر نظر نہ آئے کِسے پرکاش، جوتی جوت نہ کوئے رُشنائیا۔ گھر سوامی ملِے نہ پُرکھ ابناش، پاربرہم پربھ بےپرواہیِا۔ آتم پرماتم مِل کے پائے کوئی نہ راس، گوپی کاہن رنگ نہ کوئے رنگائیا۔ میرے چاروں کُنٹ خالی ہوئے ہاتھ، دھرم کوُک کوُک سُنائیا۔ اوہ لیکھا تک جو سندیسہ دے کے گیا تریَلوکی ناتھ، ارجن اٹّھ دس سمجھائیا۔ جو رام نے سیِتا وکھایا ساکھیات، پردہ پردیاں وِچوں اُٹھائیا۔ جو وید ویاسے لِکھیا نال قلم دوات، بھوِکھت پُران دئے گواہیِا۔ جو موُسے کوہ طوُر اُتے لیا بھاکھ، اوہ سچ کرے شنوائیا۔ جو عیسے سُنی اپنے باپ دی بات، بِن کلمیاں حُکم توں باہر دِرڑائیا۔ جو محمد نے جانی آواز، اِمام اِماما دِتی سُنائیا۔ جو نِرگُن نانک کھولیا راز، سرگُن پردہ لاہیِا۔ جِس دھار گوبِند اُڈایا باز، بازی دو جہان لگائیا۔

سو پُرکھ اکالا دیِن دَیالا کھیل کرے مہاراج، پرم پُرکھ اگمّ اتھاہیِا۔ شاہ سُلطاناں سیِس رہن نہیں دینا تاج، تخت نِواسی اپنا حُکم ورتائیا۔ دیِن دُنی بدلے سماج، جوتی جوت سروُپ ہرِ، آپ اپنی کِرپا کر، دیونہارا ساچا ور، سچ در کھیل آپ کھِلائیا۔ دھرنی کہے دھرم اوہ ویکھ میرا محبوُبا، مِہربان محبان بیِدو اِک اکھوائیا۔ جِس دا عالیشان اوُچ عروُجا، درگاہ ساچی سوبھا پائیا۔ جِس دی طبقاں والی نہیں حدوُدا، حضرتاں توں باہر کرے پڑھائیا۔ اوہدی منزلے اِک مقصوُدا، درگاہ ساچی سوبھا پائیا۔ جِس کلجُگ ٹھوُٹھا کرنا موُدھا، نیَن موُند رہیا دِرڑائیا۔ اوہ کھیل کرے اُپر بسُدھا، دھرنی دھرت دھوَل دھؤل ویکھ وکھائیا۔ جِس دا بِنا شستراں توں یُدھا، یُدِھشٹر جِس نوُں سیِس نِوائیا۔ اوہ بھیوَ ابھید اپنا کھولے گُجھا، پردہ پردیاں وِچوں اُٹھائیا۔ جِس کلجُگ کوُڑ کُڑیار مِٹاؤنا سَتجُگ دسّنا اپنا مُدّعا، مُدّت دے وِچھڑے لئے مِلائیا۔ جو اِشارہ دے کے گیا بُدھا، بُدھی توں پرے سمجھائیا۔ اوہ مالک خالق پرِتپالک چؤہ جُگا، نؤ سؤ چُرانوے چؤکڑی جُگ دھیان لگائیا۔ نِرگُن دھار ایکنکار ہووے اُگھا، اُگن آتھن ویکھے چائیں چائنیا۔ جوتی جوت سروُپ ہرِ، آپ اپنی کِرپا کر، کرے کھیل ساچا ہرِ، سچ دا حُکم اِک سُنائیا۔ دھرم کہے دھرنی میَں ویکھیا مِہربانا، مِہربان مِہربان بےپرواہیِا۔ جو آد جُگادی مرد مردانہ، سوُربیِر نوُر الاہیِا۔ جِس دا جوتی نوُر نوُر مہانا، دو جہان کرے رُشنائیا۔ جِس دا شبدی شبد ترانہ، تُریا توں باہر سُنائیا۔ جِس اوتار پَیغمبر گُروُ پہریا بانا، بان انیالا تیِر نام چلائیا۔ سو سوامی انترجامی گھٹ نِواسی پُرکھ ابناشی کھیلے کھیل سِری بھگوانا، بھگوَن اپنی کار کمائیا۔ کلجُگ کوُڑی کِریا میٹے نِشانہ، جگت جُگ رہن نہ پائیا۔ سَتجُگ سَت کرے بلوانا، بلدھاری بھیوَ کُھلائیا۔ نِرنکار دیوے دانا، داتا دانی آپ ورتائیا۔ سرِشٹی درِشٹی بدل جائے زمانہ، زِمیں زماں ویکھ وکھائیا۔ جِس نوُں جھُکدے کوٹن بھانا، لکھّ آکاش آکاشاں سیِس نِوائیا۔ اوہ رحمت کرے آپ رحمانا، رحیِم دُھردرگاہیِا۔ جِس پَیغمبراں نوُں دِتا پَیغاما، کلمہ حق حق سُنائیا۔ انتم آوے نوُر الاہی اِماما، عملاں توں رہت وڈ وڈیائیا۔ جوتی جوت سروُپ ہرِ، آپ اپنی کِرپا کر، دیونہارا دُھر دا ور، دُھر دا حُکم اِک جنائیا۔ دھرنی کہے دھرم میَں ویکھاں کی، کہہ کے کی جنائیا۔ جو مالک لکھّ چؤراسی جی، ایِش جیِو آپ اکھوائیا۔ اوہ سَت دھرم دی ضرور رکھے نیہہ، نیہاں ہیٹھ گوبِند دے بچّے دین گواہیِا۔ ساچے مارگ دی جِس چلاؤنی لیہ، لائن اِکو اِک اُپجائیا۔ جِس دا امرت نام نِدھانا لیَنا پی، امیوں

رس آپ چکھائیا۔ جِس کھیل کھِلایا اِکیس ویہہ، بیِس بیِسا دُھردرگاہیِا۔ جوتی جوت سروُپ ہرِ، آپ اپنی کِرپا کر، دیونہارا ساچا ور، دُھر مالک اگمّ اتھاہیِا۔ دھرنی کہے دھرم اوہ ساچا پِت، پت پرمیشور اِک اکھوائیا۔ کلجُگ انتم کرے ہِت، ہِتکاری ہو کے ویکھ وکھائیا۔ جو ویس وٹائے نِت، نوِت ویس وٹائیا۔ اوہ لیکھا جانے پتّھر اِٹّ، پاہن پاہناں کھوج کھوجائیا۔ جو وسیا ہر گھٹ وِچ، گھر گھر ڈیرہ لائیا۔ اُس دی سُہنجنی ہووے تِھت، وار وارتا اپنے نام رکھائیا۔ اُس دا نام نِدھانا سب کُجھ لئے نجِٹّھ، کرن یوگ وڈ وڈیائیا۔ جِس نوُں سادھاں سنتاں لبھیا وِچوں سَوا گِٹھ، اوہ رہبر ہو کے راہ تکائیا۔ جوتی جوت سروُپ ہرِ، آپ اپنی کِرپا کر، دیونہارا ساچا ور، سچ دا رنگ آپ رنگائیا۔ دھرنی کہے دھرم نہ کر کوئے دلیِل، دلیِل نہ کوئے رکھائیا۔ ساڈا مالک چَھیل چھبیِل، نؤجوانا نظری آئیا۔ جِس دے اَگے اِکو کریئے اپیِل، اَگے حُکم نہ کوئے بدلائیا۔ جِس بستر پہرے نیِل، بسن بنواری کھیل کھِلائیا۔ اوہ لیکھا جانے لوک تیِن، ترےَبھوَن دھنی وڈ وڈیائیا۔ اوہدا مارگ سدا مہیِن، جگ نیتر نظر نہ آئیا۔ جِس کلجُگ کولوں سب کُجھ لیَنا چھیِن، چِھن ماتر کرے صفائیا۔ سَتجُگ چاڑھے رنگ بھیِن، بِھنڑی خوشی نال بنائیا۔ اُس نوُں پَیغمبراں کِہا آمیِن، یامبیِن تیری سرنائیا۔ اُس دی سانجھی ہونی تعلیِم، طُلبیاں اِکو اکھّر آپ سِکھائیا۔ دیِن مذہب دی رہن نہ دیوے تقسیِم، جُز حِصّے ونڈ نہ کوئے ونڈائیا۔ اوہ مالک خالق آد قدیِم، قُدرت دا کرتا اِک اکھوائیا۔ جو صدی چؤدھویِں انت کرے ترمیِم، ترکیب اپنے ہتّھ رکھائیا۔ دھرنی کہے دھرم سانوُں اُس دا حُکم کرنا پَینا تسلیِم، نِو نِو سیِس جھُکائیا۔ جوتی جوت سروُپ ہرِ، آپ اپنی کِرپا کر، کرے کھیل ساچا ہرِ، نِہکلنک نرائن نر، مہاراج شیرسِنگھ وِشنوُں بھگوان، دھرم کہے دھرنی دھرنی کہے دھرم سانوُں ہون دیوے نہ کدے یتیم، سِر ساڈے ہتّھ ٹِکائیا۔

۲۲ ماگھ شہنشاہی سمت اٹّھ پِنڈ رام پُر ضِلع امرتسر سوہن سِنگھ دے گرِہ

دھرنی کہے دھرم ویکھ سمبل والی بُلندی، سطح جگت والی نہ دھیان لگائیا۔ جِتھے صاحِب سوُرا سربنگی، ہرِ کرتا اگمّ اتھاہیِا۔ کلجُگ رَین میٹے اندھیری اندھی، کوُڑ کُڑیارا ڈیرہ ڈھاہیِا۔ پرکاش کرے جوت دا چندی، چند چاندنا ڈگمگائیا۔ شرع زنجیر توڑے پابندی، حد حدوُد دئے مُکائیا۔ آتم پرماتم بنے سنگی، سگلا سنگ رکھائیا۔ سب دی چولی جائے رنگی، رنگ رنگیِلا بےپرواہیِا۔ کوُڑ آیوُ رہی نہ لمبی، اگلا پندھ دئے مُکائیا۔ لیکھا پوُرا کرے محمد یک شمبی، شمع نوُر ڈگمگائیا۔ میری حالت رہن نہ دیوے مندی، مند واسنا وِچوں باہر کڈھائیا۔ مِہربان کِرپا کرے سوُرا سربنگی، شاہ سُلطانا ہوئے سہائیا۔ تُوں میرا میَں تیرا آتم پرماتم سب نوُں دسےّ چھندی، ڈھولا سوہلا مؤلا اِک دِرڑائیا۔ کلجُگ اؤدھ جاندی ہنڈھی، مکُے پندھ جگت لوکائیا۔ سَت دھرم دی ہووے اِکو ڈنڈی، ڈنڈاوت سب دی دئے بدلائیا۔ نِجھر رس دیوے پرمانندی، انند انند وِچوں جنائیا۔ جوتی جوت سروُپ ہرِ، آپ اپنی کِرپا کر، دیونہارا ساچا ور، دیونہار دَیا کمائیا۔ دھرنی کہے دھرم پربھ آد انت دا کرتا، کرنہار اکھوائیا۔ دُکھ دلِدر ہرتا، ہرِ ہرِ رہیا سمائیا۔ نہ جیِوت نہ مرتا، نِرگُن نوُر جوت رُشنائیا۔ اوہ مالک لکھّ چؤراسی گھر دا، گرِہ گرِہ پھول پھولائیا۔ اوتار پَیغمبر گُروُ جِس توں ڈردا، سجدیاں بندنا وِچ سیِس نِوائیا۔ اوہ شبدی دھار دو جہاناں لڑدا، کھنڈا کھڑگ نہ کوئے کھڑکائیا۔ لیکھا جانے چوٹی جڑ دا، چیتن ویکھے تھاؤں تھائنیا۔ سو کلجُگ انتم اپنی کرنی کردا، کرنہار آپ اکھوائیا۔ دُئی دوَیتی چُکے پردہ، اوہلا رہن کوئے نہ پائیا۔ تال سُہائے سروور سر دا، چرن کوَل اِک سرنائیا۔ جھگڑا میٹے ناری نر دا، نر نرائن اِکو رنگ رنگائیا۔ جو آد جُگادی گھاڑن گھڑدا، وِشن برہما شِو سیو لگائیا۔ سو سچ دوارے ایکنکار ہو کے کھڑدا، بھگت دوارا سوبھا پائیا۔ جوتی جوت سروُپ ہرِ، آپ اپنی کِرپا کر، کرے کھیل ساچا ہرِ، سچ دی کرنی کار کمائیا۔ دھرنی کہے دھرم میَں کی کراں پوُجا، پوُجنیوگ بےپرواہیِا۔ جِس بھاؤ چُکاؤنا دوُجا، دُتیا بھاؤ دئے چُکائیا۔ اوہدا لیکھا نہیں کوئی تیِجا، چؤتھے ونڈ نہ کوئے ونڈائیا۔ پنچم دھار سمجھو کوئے نہ میِتا، چھیویں چھپّر چھنّ نہ کوئے وکھائیا۔ ستویں سَت ستوادی ترےَگُن اتیِتا، اٹھویں اٹّھاں تتاں باہر سوبھا پائیا۔ ناویں در دِسے نہ نیِکن نیِکا، دسویں گھر جگت وڈیائیا۔ سو پُرکھ اکالا دیِن دَیالا پتت پُنیِتا، پاوَن بےپرواہیِا۔ جِس دی سَتجُگ تریتا

دواپرکلجُگ وکھّری ریِتا، جُگ جُگ حُکم سُنائیا۔ اوتار پَیغمبر گُروُ نام کلمے گاؤندے گیِتا، ناد شبد دُھن شنوائیا۔ امرت رس دیوے ٹھانڈا سیِتا، اگنی تت بُجھائیا۔ سو پُرکھ اکالا دیِن دَیالا کرے کھیل انڈیٹِھا، جگ نیتر نظر کِسے نہ آئیا۔ جِس دا بھانا دو جہاناں لگّے میِٹھا، وِشن برہما شِو سارے خوشی منائیا۔ سو کلجُگ اندر بدلے سَت دھرم دی ریِتا، سَتجُگ سچ سچ پرگٹائیا۔ جیِواں جنتاں سادھاں سنتاں بدلے نیِتاں، نیِتیوان ویکھ وکھائیا۔ جھگڑا مُکائے مندر مسیِتاں، شِودوالے مٹھاں کرے صفائیا۔ دھرنی کہے میریِاں اُس دے وَیراگ وِچ نِکلدیِاں چیِکاں، بِرہوں وِچ روواں ماراں دھاہیِا۔ جِس دیِاں پَیغمبراں گائیاں حدیِثاں، حضرت آیتاں وِچ صالاحیِا۔ سو کھیل کرے بیِس اِکیِسا، ہرِ جگدیِشا دُھر دا ماہیِا۔ جِس دے چھتر جھُلنا اِکو سیِسا، شہنشاہ اِکو نظری آئیا۔ جوتی جوت سروُپ ہرِ، آپ اپنی کِرپا کر، کرے کھیل ساچا ہرِ، نِہکلنک نرائن نر، مہاراج شیرسِنگھ وِشنوُں بھگوان، آد جُگادی پتت پُنیِتا، پرم پُرکھ پرماتم آتم اپنا رنگ رنگائیا۔

۲۲ ماگھ شہنشاہی سمت اٹّھ پِنڈ جلالاباد ضِلع امرتسر اوُدھم سِنگھ دے گرِہ

دھرم کہے دھرنیئے اُٹھ نکّ نال کڈھیئے لیِکا، لیک کوُڑی پربھ دئے مِٹائیا۔ تَینوُں سچّا دسّاں طریقہ، سَت سچ سمجھائیا۔ نال اوتار پَیغمبراں گُروُآں کرو تصدیِقا، شہادت دیؤ بُھگتائیا۔ تُسیں جھگڑا چھڈو دیِناں مذہباں والیاں شریِکا، شرَکت اندروں دیؤ گوائیا۔ اِکو صاحِب سوامی منّو میِتا، مِتر پیارا اِک اکھوائیا۔ جِس دا نام نِدھانا امرت پیِتا، خُماری جُگ جُگ رکھائیا۔ سندیسہ دیواں رام سیِتا، کرِشن رادھے جنائیا۔ پَیغمبراں دسّاں حدیِثا، حضرتاں توں پرے شنوائیا۔ پَیغمبراں وِکھاواں شیِشہ، لباں ولّ دھیان لگائیا۔ نانک گوبِند کہاں ویکھو اپنا کھیِسا، دو ہتّھاں پھول پھولائیا۔ سندیسہ دیواں راگ چھتیِسا، جُگ چھتیِسا ویکھ وکھائیا۔ صِفت صالاحی تکّو تیس بتیِسا، بتّی دھار بھرم رہے نہ رائیا۔ دھرنیئے تُوں وی اُٹھ کے ماریں چیِکا، کوُک کوُک سُنائیا۔ کی کلجُگ کھیل کیتا، کی کرنی کار کمائیا۔ کِرپا کرے پربھوُ پربھ میِتا، مِتر پیارا دُھردرگاہیِا۔ اوسے دیاں رکھیاں سدا اُڈیِکاں، بِن نیَناں راہ تکائیا۔ جوتی جوت سروُپ ہرِ، آپ اپنی کِرپا کر، دیونہارا ساچا ور، سچ حُکم اِک سُنائیا۔ دھرم کہے دھرنیئے اوہ تک نارد آؤندا، وِنگے ٹیڈھے پَیر رکھائیا۔ مستک تِاڑی بودی ہِلاؤندا، نیَن رہیا مٹکائیا۔

کملا کوجھا ڈھولے گاؤندا، راگ اگمّ اتھاہیِا۔ اپنا سُکا پِنجر وکھاؤندا، چمّ درِشٹی نال بھرمائیا۔ اوُچی کوُک کے رؤلا پاؤندا، بہُڑی بہُڑی سُنائیا۔ اپنی آشا آپے ڈھا ہُندا، ڈھاہ ڈھیری خاک مِلائیا۔ ترےَگُن اگنی تت تپاؤندا، چار کُنٹ ہلکائیا۔ پُٹھی سِدھی کھیل وِکھاؤندا، اپنا روُپ بدلائیا۔ نالے دندیِاں سانوُں کھِڑاؤندا، وِنگا مُنہ وکھائیا۔ نالے کلجُگ نوُں بُلاؤندا، سیَنت رہیا لگائیا۔ نالے اُنگلیاں پنج اُٹھاؤندا، پنچم رہیا جگائیا۔ نالے نکّ نوُں وٹّ چڑھاؤندا، لوک لجّیا وِچ سمجھائیا۔ نالے ہسّ کے سانوُں وِکھاؤندا، ہستی دسےّ بےپرواہیِا۔ اوہ ویکھ مخؤل اُڈاؤندا، اپنی کل ورتائیا۔ جوتی جوت سروُپ ہرِ، آپ اپنی کِرپا کر، کرے کھیل ساچا ہرِ، سچ دا مالک بےپرواہیِا۔ نارد کہے دھرم جی میَں آ گیا تُہاڈے بنک، دوارے سرب تجائیا۔ دھرنی نوُں وکھاؤنا اِکو انک، انکڑیاں دا ڈیرہ ڈھاہیِا۔ جِس گڑھ تُڑایا لنک، دہسر دِتا گھائیا۔ جِس دواپرکرایا انت، اپنا حُکم ورتائیا۔ اوہ مالک سدا بےانت، بے پرواہی وِچ سمائیا۔ جِس نوُں لبھدے پِھردے سنت، کھوجن تھاؤں تھائنیا۔ اوہ ملِے نہ دُھر دا کنت، نیتر نظر کِسے نہ آئیا۔ نی میَں آد دا پُرانا پنڈت، جوتش وِدیا وِچ وڈیائیا۔ تُوں کرنی میری سنگت، میَں سب کُجھ دیاں سمجھائیا۔ کی لیکھا ہونا جیِو جنت، حالت ہوئے کی لوکائیا۔ تُوں سُن لےَ میرا منت، منتر دیاں دِرڑائیا۔ بھیوَ کُھلاواں پربھوُ بھگوَنت، کی بھگوَن کار کمائیا۔ تُوں کرنی میری مِنّت، نِو نِو سیِس جھُکائیا۔ کیوں کلجُگ کیِتی عِلّت، عالماں عِلم پڑھائیا۔ میَں ویکھی چارے سِمت، چارے کوُٹاں پھول پھولائیا۔ دیِن دُنی ہوئی نِندک، نِندیا بھری لوکائیا۔ میری اِکو اِک مِنّت، سچ سچ سُنائیا۔ نِمک حرام بنی نہ نِمکھ، نِمکھ نِمکھ اپنا آپ کٹائیا۔ جوتی جوت سروُپ ہرِ، آپ اپنی کِرپا کر، کرے کھیل ساچا ہرِ، سچ دا مالک بےپرواہیِا۔ نارد کہے دھرنیئے نی میَتھوں پُھلا لےَ پتری، پتن تے بَیٹھیئے سب کُچھ دیاں سمجھائیا۔ تُوں کوٹاں جُگاں دی ستّری بہتّری، تَینوُں سُدھ رہی نہ رائیا۔ میَنوُں آشا جو لیکھ لِکھا کے گیا سپتس رِکھیِاں وِچوں اَتری، پوُرب پچھّم دھیان لگائیا۔ تُوں تکّن والی براہمن کھتری، شوُدر وَیشاں دھیان لگائیا۔ میَں آد جُگاد دا چکّری، چکرورتی ہو کے بھجّاں واہو داہیِا۔ میرے کول دھرم دی تکّڑی، پربھوُ دِتی پھڑائیا۔ جِس دی ڈنڈا بنی نہیں کوئی لکّڑی، ترازوُ جگت نہ کوئے گھڑائیا۔ اوہ اِکو نام رتّڑی، جو صاحِب دِتا رنگائیا۔ اوہ لتھی یار دے ستھری، سیجا اِک سُہائیا۔ دھرنی تُوں ضِد وِچ ہوویں نہ اتھری، اتھروُ وہاؤن والیئے تَینوُں دیاں سمجھائیا۔ جوتی جوت سروُپ ہرِ، آپ

اپنی کِرپا کر، کرے کھیل دُھر دا ہرِ، دُھر دا لیکھا دئے سمجھائیا۔ نارد کہے میری پتری کہِندی کی کُچھ، کُشا دیِپ دھیان لگائیا۔ دھرنیئے اِک وار پھیر پُچھ، مُکھوں کہہ کے دے سُنائیا۔ اوہ تک میرا صاحِب جِس دی نہ داہڑی نہ مُچھ، موُنڈ مُنڈایا روُپ نہ کوئے درسائیا۔ اوہ پِھرے وِچ کلجُگ اندھیرے گھُپ، چاروں کُنٹ ویکھ وکھائیا۔ سوُریہ چند دے پِچھے گیا چُھپ، جگ نیتر نظر کِسے نہ آئیا۔ میَں وی اوسے توں ڈردا ہویا چُپ، نارد رہیا سُنائیا۔ نی اُس دا سَتگُر دُلھا سُت، سوُربیِر اکھوائیا۔ جِس نے کلجُگ جڑ دینی پُٹ، لوک مات رہن نہ پائیا۔ سَت دھرم سُہاؤنی رُت، رُتڑی اپنے نال مہکائیا۔ پھیر تُوں وی ہوویں خوش، خوشیاں ڈھولے گائیا۔ دھرم دا بوُٹا دھرم نہ جاوے سُک، ہریا سِنچ آپ کرائیا۔ سب نے تُوں میرا میَں تیرا پڑھنی تُک، ڈھولا اگمّ اتھاہیِا۔ اِک واری میری پَیریں آ کے جھُک، اپنا مان گوائیا۔ پھیر میَں ڈلیِاں دیواں سُٹ، اِک دو تِنّ چار دا انک بدلائیا۔ چؤتھے جُگ پَینی لُٹ، کلجُگ لُٹیرا بنے تھاؤں تھائنیا۔ پربھوُ دی پریِت سب دے نالوں جانی ٹُٹ، ٹُٹیاں گنڈھ نہ کوئے پوائیا۔ امرت جام ملِے کِسے نہ گھُٹ، بُلیِں رس نہ کوئے چکھائیا۔ انتر لِو جانی چُھٹ، چُھٹکی لِو نہ کوئے بندھائیا۔ دیِناں مذہباں پَینی پُھٹ، پُھٹکل دِسے لوکائیا۔ اپنے مارگ توں سارے جانے گھُس، رستہ نظر کِسے نہ آئیا۔ بھاگ لگے نہ کِسے جُس، جِسم ضمیِر سکے نہ کوئے بدلائیا۔ ایہہ کھیل کرے پرمیشور اگمّ اتھاہ اُچ، اوُچو اوُچ کھیل کھِلائیا۔ جوتی جوت سروُپ ہرِ، آپ اپنی کِرپا کر، کرے کھیل دُھر دا ہرِ، دُھر پردہ آپ اُٹھائیا۔ نارد کہے دھرنیئے میری پتری آکھدی، اکھّراں توں باہر جنائیا۔ ایہہ کھیل اُس الکھنا الاکھ دی، جِس دا لیکھ نہ لِکھیا جائیا۔ میری دھار اگمّی پُرکھ ابناش دی، ابناشی کرتا بےپرواہیِا۔ اُس کھیل مِٹاؤنی اندھیری رات دی، کلجُگ کوُڑ پندھ مُکائیا۔ لڑی رہنی نہیں ذات پات دی، اوُچاں نیِچاں ڈیرہ ڈھاہیِا۔ کھیل ویکھنی دھرنی مات دی، دھوَل تیرے اُتے پھیرا پائیا۔ تَینوُں خبر سُناواں ہور آکاش دی، آکاش آکاشاں پردہ لاہیِا۔ حالت ویکھ جگت پربھاس دی، بھرمے بُھلی لوکائیا۔ انت قیِمت پَینی نہیں کِسے لاش دی، تن ماٹی خاک کمّ کِسے نہ آئیا۔ ترِسوُل ویکھ شنکر والے کَیلاش دی، شنبھوُ بھجےّ واہو داہیِا۔ جوتی جوت سروُپ ہرِ، آپ اپنی کِرپا کر، کرے کھیل دُھر دا ہرِ، سچ مالک وڈ وڈیائیا۔ نارد کہے دھرنیئے میری تیری ہو گئی چُھٹی، چُھٹی تک دِسے جگت لوکائیا۔ انت سب دی آشا جانی لُٹی، دھرم سکے نہ کوئے بچائیا۔ پیار مُحبّت جانی کُٹھی، پُٹھے بکرے

روون مارن دھاہیِا۔ لُکیا رہے کوئے نہ گُٹھی، چارے کُنٹاں پھول پھولائیا۔ تُوں انگڑائی لےَ کے اُٹھی، اپنا بل دھرائیا۔ اِکو اوٹ پربھوُ تے سُٹی، سہارا اوَر نہ کوئے جنائیا۔ کلجُگ جگت ویلا دِسے کِسے پَیریں پاؤنی پَوے نہ جُتی، عیسیٰ اُنگلاں نال اِشارہ رہیا جنائیا۔ میَں تے پنڈت تُہاڈے کول کرن آیا بُتی، ججمانَو دیاں سُنائیا۔ سب نے انتم ہونا دُکھی، دُکھاں بھری لوکائیا۔ جوتی جوت سروُپ ہرِ، آپ اپنی کِرپا کر، کرے کھیل دُھر دا ہرِ، سچ کرنی اپنے ہتّھ رکھائیا۔ دھرنی کہے نارد دسّ کُچھ ہور، اوَر اوَر دینا جنائیا۔ پربھ دے اَگے نہ چلے زور، کی جوروُ زر دا لیکھا دئے مُکائیا۔ میَں اُس تے سُٹی ڈور، جو ڈوری تند نام بندھائیا۔ نارد کہے دھرنیئے تُوں اپنے اُتے ویکھ لےَ ٹھگّ چور، چوری چوری دھیان لگائیا۔ کلجُگ کوُڑ کُڑیارا پاوے شور، چاروں کُنٹ کرے دُہائیا۔ ایسے ویلے اِک صاحِب دی لوڑ، بہُہ گُروُ کمّ کِسے نہ آئیا۔ جیہڑا ٹُٹی آتم دیوے جوڑ، پرماتم اپنے نال مِلائیا۔ اوہ چڑھے شبد اگمےّ گھوڑ، پُریِاں لوآں باہر بھجائیا۔ سب دا ہووے بندی چھوڑ، ناتا توڑے کوُڑ لوکائیا۔ جوتی جوت سروُپ ہرِ، آپ اپنی کِرپا کر، کرے کھیل ساچا ہرِ، سچ دا اپنا حُکم ورتائیا۔ نارد کہے دھرنیئے میری پتری کہِندی میری دھار دِسے منگلی، منگل اپنا کھیل کھِلائیا۔ جِس شرع میٹنی سنگلی، زنجِیراں دئے تُڑائیا۔ اُن پِھرنا جوُہاں جنگلی، سمُند ساگراں پھول پھولائیا۔ اوہدی اِکو اگمّی منزلی، منزل چلے چائیں چائنیا۔ دُھر دا مالک ہووے عدلی، اِنصاف حق کرائیا۔ کلجُگ انتم کرے بدلی، بدلہ اپنے ہتّھ رکھائیا۔ نارد کہے دھرنیئے تُوں اُس پربھوُ نوُں سدّ لئیں، سدّا پریم والا لگائیا۔ اپنا پردہ انتم کجّ لئیں، کجل نیَن شرمائیا۔ اُس آؤنا ساری سرِشٹی جگ لئی، جاگرت جوت جوت رُشنائیا۔ تُوں اپنا پہلوں حق لئیں، حقوُق اپنا جھولی پائیا۔ ایہہ میری اِک منّ لئیں، مت متانتر ڈیرہ ڈھاہیِا۔ پُرکھ اکالا دیِن دَیالا سمرتھ اِکو ور لئیں، دوُسر آس رہے نہ رائیا۔ جوتی جوت سروُپ ہرِ، آپ اپنی کِرپا کر، کرے کھیل ساچا ہرِ، نِہکلنک نرائن نر، مہاراج شیرسِنگھ وِشنوُں بھگوان، پُرکھ اکال دا پلّوُ پھڑ لئیں، پھڑیا لڑ نہ کوئے چُھڈائیا۔

۲۳ ماگھ شہنشاہی سمت اٹّھ پِنڈ جلالاباد ضِلع امرتسر گُلزار سِنگھ دے گرِہ

دھرنی کہے دھرم میرا ویکھ اگمّی ابّا، امی جان اِکو نظری آئیا۔ جِس کوُڑی کِریا میٹنا دھبّا، پتت پُنیِت دئے کرائیا۔ کوُڑ ملیچھ چُکائے سبھا، سباپتی آپ اکھوائیا۔ ممتا موہ مِٹائے لبا، وِکار ہنکار گڑھ تُڑائیا۔ جن بھگتاں دیوے حُکم دا سدّا، سدا شبد نام جنائیا۔ سچ پیار وِچ آوے بدھّا، پِچھلا پندھ مُکائیا۔ کوُڑ کُڑیار میٹ کے حدا، حدوُد اپنی اِک درسائیا۔ شبدی ناد سُنا کے ندّا، ہرِجن لئے اُٹھائیا۔ بھگت دوار پوِتر کرے جگہ، جن بھگتاں گرِہ ہووے سہائیا۔ ہرِجن رہن نہ دیوے الگّا، وکھری ونڈ نہ کوئے ونڈائیا۔ دیِن دُنی دی ویکھے طبع، طبیعت پھولے خلق خُدائیا۔ میرا مِہربان محبوُب ربّا، مِہربان اِک اکھوائیا۔ جوتی جوت سروُپ ہرِ، آپ اپنی کِرپا کر، دیونہارا ساچا ور، گھر سچ دئے وڈیائیا۔ دھرنی کہے دھرم میری میٹے ہوَس، حرص دئے گوائیا۔ تُوں وی کرنا درس، نیَناں نیَن اُٹھائیا۔ اوہ آیا اُتے فرش، سمبل سوبھا پائیا۔ میری پُری کرے غرض، غرض مند نوُر الاہیِا۔ لیکھےلاوے عرض، آرزو اپنے وِچ سمائیا۔ جِس دا کھیل ہونا اسچرج، اچرج اپنی کار بُھگتائیا۔ کلجُگ کوُڑی کِریا پُٹھی کرے نرد، نارد مُنی دئے گواہیِا۔ جھٹ نارد مُنی بولے گرج، کوُک کوُک سُنائیا۔ بھگت اُدھارنا اُس دی مرض، ہرِجن مریض ویکھے تھاؤں تھائنیا۔ جوتی جوت سروُپ ہرِ، آپ اپنی کِرپا کر، کرے کھیل ساچا ہرِ، سچ دا پردہ آپ اُٹھائیا۔ دھرنی کہے دھرم اوہ ویکھ اگمّی آقا، عقل بُدھی توں باہر دھیان لگائیا۔ جِس دا چار جُگ دے شاستر گاؤندے ساکہ، ساقی ہو کے جن بھگتاں جام پیائیا۔ اوہ سَت دھرم دا میَنوُں دیوے ٹھاکا، ستّاں دیِپاں پردہ لاہیِا۔ اوہ کُھلائے دھرم دھار دا تاکا، کھِڑکی کُنڈی آپ کُھلائیا۔ میری پوُری کرے آسا، آس نِراس نہ کوئے وکھائیا۔ تُوں وی چرن کوَل کر بھرواسا، بھرم رہے نہ رائیا۔ اوہ میٹے اندھیری راتا، سَتجُگ سچ چند چمکائیا۔ خوشیاں وِچ دیوے داتا، اگمّ اتھاہ ورتائیا۔ جوتی جوت سروُپ ہرِ، آپ اپنی کِرپا کر، ایکا دینا ساچا ور، نِہکلنک نرائن نر، مہاراج شیرسِنگھ وِشنوُں بھگوان، سرب کلا سمراتھا، سمرتھ پُرکھ مہما اکتھ اپنی آپ دِرڑائیا۔

۲۳ ماگھ شہنشاہی سمت اٹّھ پِنڈ جلالاباد مختیار سِنگھ دے گرِہ

دھرم کہے دھرنی وعدہ ویکھ قؤل اِقرار پکاّ، پاک پوِت دِتا بنائیا۔ پریمیاں پیاریاں پربھ کدے نہ دیوے دھکاّ، مُنہ دے بھار نہ کدے سُٹائیا۔ کِرپا نِدھان محبوُب سکا، سَتگُر آپ اکھوائیا۔ غریِب نِمانیاں تاردیاں کدے نہ تھکا، تھکاوٹ وِچ کدے نہ آئیا۔ مِہربان مِہربان مِہربان ہرِجن بُھلے کدے نہ رتا، رتن امولک ہیِرے لئے اُپجائیا۔ اوتھے کلجُگ کی کریگا تتّا، تتّی وا نہ لاگے رائیا۔ جِنہاں دا پربھ آپ کرے پتہ، پت پرمیشور ہو کے ویکھ وکھائیا۔ چتُرائی چلے نہ کوئے بُدھی متا، من کرے نہ کوئے وڈیائیا۔ جوتی جوت سروُپ ہرِ، آپ اپنی کِرپا کر، دیونہارا ساچا ور، سچ اپنا آپ جنائیا۔ دھرنی کہے دھرم میَں بچن کراں سچّا، سچ سچ دِرڑائیا۔ جو بھگت پربھوُ دا بن گیا بچّہ، تِس ہووے آپ سہائیا۔ بھاگ لگاوے کایا ماٹی کچّا، کنچن گڑھ بنائیا۔ درشن دِکھائے اکھّاں، اکھّراں نال دئے وڈیائیا۔ دو جہان اُس نوُں رکھاں، رکھیا کرے تھاؤں تھائنیا۔ جِس نوُں لبھدے کوٹن لکھّاں، اوہ بھگتاں گرِہ ڈیرہ لائیا۔ بھاگ لگا کے کُلیّ ککھّاں، ہووے آپ سہائیا۔ دھرنی کہے میَں خوشیاں دے وِچ ہسّاں، ہستّی تک بےپرواہیِا۔ اوتار پَیغمبراں گُروُآں دسّاں، ویکھو دُھر دا ماہیِا۔ جِس دے درس نال سگل وسوُرا لتھا، دُرمت میَل رہی نہ رائیا۔ اُس دے چرناں ٹیک کے متھا، جنم جنم وِچوں بدلائیا۔ اوہ بھگتاں دی گھر گھر کرے کتھا، صِفتاں صِفت صالاحیِا۔ نام چڑھا کے دُھر دے رتھا، رتھواہی رہیا چلائیا۔ جو صاحِب سرنائی ڈھٹّھا، ڈِگدیاں لئے اُٹھائیا۔ جوتی جوت سروُپ ہرِ، آپ اپنی کِرپا کر، دیونہارا ساچا ور، سِر اپنا ہتّھ رکھائیا۔ دھرنی کہے پربھوُ مِہربان میِتا، سرب کلا اکھوائیا۔ کلجُگ بدل کے اپنی ریِتا، سَت سچ سمجھائیا۔ جن بھگتاں ویکھے نیِتا، انتر پھول پھولائیا۔ تن کر کے ٹھانڈا سیِتا، ترِسنا ترِپت بُجھائیا۔ چرن کوَل بخش پریِتا، پریِتم ہوئے سہائیا۔ بِردھاں بالاں اِکو جِہا کیتا، بُڈھیاں رنگ رنگائیا۔ جوتی جوت سروُپ ہرِ، آپ اپنی کِرپا کر، ایکا دیوے ساچا ور، نِہکلنک نرائن نر، مہاراج شیرسِنگھ وِشنوُں بھگوان، جِس ہرِجن رکھیا چیتا، چیتن ہو کے ویکھے چائیں چائنیا۔

۲۳ ماگھ شہنشاہی سمت اٹّھ پِنڈ بھلائی پُر ڈوگراں گُرمُکھ سِنگھ دے گرِہ

دھرم کہے دھرنیئے میَں انت بےآسا، آس نظر کوئے نہ آئیا۔ میریاں دُکھاں دا سُن خُلاصہ، سچ سچ سُنائیا۔ چاروں کُنٹ اندھیرا چُھپا چند پرکاشا، نوُر نظر کوئے نہ آئیا۔ میرا حال ہو گیا نِراسا، بِھچھیا نام نہ کوئے پائیا۔ دیِن دُنی بدل گئی پاسا، کروٹ کلجُگ دِتی بدلائیا۔ پربھ دی آوے نہ کِسے شناسا، شناخت سکے نہ کوئے کرائیا۔ پِھری دروہی اُتے آکاشا، دھوَل رووے مارے دھاہیِا۔ جِدھر تکاّں آوے گھاٹا، گھاٹا پوُر نہ کوئے کرائیا۔ رس ہتّھ نہ آوے کِسے گوبِند باٹا، ترِسنا ترِکھا نہ کوئے مِٹائیا۔ مُکھ لُکا گئی اشٹبُھج والی لاٹا، کھنڈا کھڑگ نہ کوئے رکھائیا۔ تیئی اوتاراں تُٹا ساکا، سجّن سنگ نہ کوئے بنائیا۔ پَیغمبراں دا بُھل گیا دسّیا خاکہ، مالک مِلن کوئے نہ آئیا۔ رنگ نہ چڑھے نانک نِرگُن داتا، جگت بُھلی کوُڑ لوکائیا۔ سَت دھرم دی دھرم کہے میرے کول رہی نہ گاٹھا، گٹھڑی خالی نظری آئیا۔ نیتر رووے تیِرتھ اٹّھ ساٹھا، گنگا گوداوری جمنا سُرستی رہی کُرلائیا۔ پیار رہیا نہ پوُجا پاٹھا، سِمرن یوگ نہ کوئے چتُرائیا۔ ہؤمے روگ نہ جائے کاٹا، شاستر کوُک کوُک سُنائیا۔ جوتی جوت سروُپ ہرِ، آپ اپنی کِرپا کر، کرے کھیل ساچا ہرِ، سچ دی کھیل آپ کھِلائیا۔ دھرم کہے دھرنی میرا خالی ہو گیا کھیِسا، جیب پاکٹ رہی کُرلائیا۔ چھتر سُہائے کِسے نہ سیِسا، تاج تخت گئے گوائیا۔ کی کھیل کرے بیِس بیِسا، ہرِ جگدیِشا دُھر دا ماہیِا۔ جِس دا روُپ اِکو اِکیسا، اِک ایکنکارا آپ اکھوائیا۔ کِس بِدھ اوہ کلجُگ بدلے ریِتا، مندر مسیِتاں پندھ چُکائیا۔ جِس نوُں جھُکدے رام سیِتا، کرِشن کرِشنا سیِس نِوائیا۔ اوہ ہو کے ترےَگُن اتیِتا، ترےَبھوَن دھنی اپنا بھیوَ کُھلائیا۔ بن کے پیارا میِتا، مِتر پیارا سوبھا پائیا۔ جوتی جوت سروُپ ہرِ، آپ اپنی کِرپا کر، کرے کھیل دُھر دا ہرِ، دُھر مارگ اِک پرگٹائیا۔ دھرنی کہے دھرم اوہ ویکھ پَیغمبر کردے طوبیٰ طوبیٰ طوبیٰ، بندگیِاں وِچ سیِس نِوائیا۔ تُوں اوس دی سُن سوبھا، صحبت جِس دی سارے گائیا۔ جِس نوُں لالچ نہیں کوئی لوبھا، لالچ وِچ کدے نہ آئیا۔ اوہ سب دا ہِردا رہیا سودھا، سُدی ودی دا ڈیرہ ڈھاہیِا۔ سَتگُر شبد بن کے یودھا، وڈ بلوانا پھیرا پائیا۔ جِس نے جھگڑا مُکاؤنا بانگ روزہ، نمازاں لیکھا رہے نہ رائیا۔ جوتی جوت سروُپ ہرِ، آپ اپنی کِرپا کر، کرے کھیل ساچا ہرِ، جھگڑا میٹے جنجوُ بودا، بودی نارد دی دئے گواہیِا۔ نارد کہے واہ اوۓ دھرما، کی دھرنی رہیا سُنائیا۔ تُوں کی جانے میرا کرما، کی پربھوُ دِتی وڈیائیا۔ میَں شبد

دھار وِچوں جرما، شبد شبد وِچ سمائیا۔ کوئی بھرانت رہے نہ بھرما، بھانڈا دیاں بھنّائیا۔ اِکو روُپ ہوواں پربھ چرناں، دوُجا سہارا نہ کوئے تکائیا۔ جِس جھگڑا میٹنا ورناں برناں، ایکا رنگ رنگائیا۔ اُس کھیل اگمّا کرنا، کرنی کرتا اپنی کار بُھگتائیا۔ جن بھگتاں نیتر کھول کے ہرنا پھرنا، نِج نیَن کرے رُشنائیا۔ جِنہاں اِکو اکھّر پڑھنا، تُوں میرا میَں تیرا ڈھولا گائیا۔ سچ دوارے منزل چڑھنا، درگاہ ساچی سوبھا پائیا۔ پُرکھ اکال دی جوت رلنا، جوتی جوت وِچ سمائیا۔ جوتی جوت سروُپ ہرِ، آپ اپنی کِرپا کر، کرے کھیل ساچا ہرِ، نِہکلنک نرائن نر، مہاراج شیرسِنگھ وِشنوُں بھگوان، جِس نے اپنا کھیل آپے کرنا، کرن یوگ آپ اکھوائیا۔

۲۳ ماگھ شہنشاہی سمت اٹّھ پِنڈ بھلائی پُر ضِلع امرتسر پال سِنگھ دے گرِہ

دھرنی کہے دھرم میَں بھاگاں بھری، پربھوُ بھاگ دِتا لگائیا۔ کِرپا کری آپ پربھ ہری، ہریاول میرے اُتے مہکائیا۔ بھاگ لگایا گُرمُکھاں دے گھر گھری، جن بھگتاں دِتی وڈیائیا۔ میَنوُں خوشی ہوئی بڑی، خوشیاں وِچ ڈھولے گائیا۔ میَں پریم نال پریم دی بجھّی ویکھی لڑی، گُرسِکھ گُرسِکھاں نال گنڈھ بندھائیا۔ میری سُلکھّنی ہوئی گھڑی، گھڑیال دُھر دا دئے گواہیِا۔ میَں خوشیاں دے وِچ کھڑی، اندر کھٹکا رہیا نہ رائیا۔ میَں اِکو تُک جن بھگتاں نال مِل کے پڑھی، تُوں میرا میَں تیرا راگ سُنائیا۔ جگت اگنی وِچ نہ سڑی، تتّی واء نہ لگّی رائیا۔ اِکو پُرکھ اکال دی سرنی پڑی، نِو نِو سیِس جھُکائیا۔ تُوں سُہاؤنی گُرمُکھاں دی کایا والی گڑھی، کنچن گڑھ دینا بنائیا۔ جوتی جوت سروُپ ہرِ، آپ اپنی کِرپا کر، ایکا دینا ساچا ور، سچ تیری سرنائیا۔ دھرنی کہے دھرم میرا ہویا وقت سُہاوا، ہرِ سچ دِتی وڈیائیا۔ میَں گیِت خوشی وِچ گاواں، گا گا خوشی بنائیا۔ پھیر اِک پربھوُ نوُں راواں، جو روَیا سرب ٹھائینا۔ پھیر بُھجاں اُٹھاواں باہواں، ہتّھاں لَواں پھَیلائیا۔ تیرے قدماں بل بل جاواں، کِرپا کر صاحِب گوسائنیا۔ تیرا بھگت رہے نہ کوئے نِتھاواں، تھان تھننتر دینی وڈیائیا۔ سب دا تول ترازوُ کرنا سانواں، کنڈا اپنا نام بنائیا۔ سِر بھگتاں دیویں ٹھنڈیاں چھاواں، مِہر نظر ٹِکائیا۔ جِنہاں اِک وار تیرے نال لےَ لئیاں لاواں، وِچھوڑا دو جہان کوئے نہ پائیا۔ جوتی جوت سروُپ ہرِ، آپ اپنی کِرپا کر، ایکا دینا ساچا ور، سچ تیری سرنائیا۔ دھرنی کہے دھرم پربھوُ

کیِتا بڑا ترس، رحمت آپ کمائیا۔ میری ترِسنا میٹی حرص، ہوَس دِتی چُکائیا۔ آ کے اُتے فرش، نِرگُن جوت کرے رُشنائیا۔ جِس نوُں ترسدے سارے عرش، بِن نیَناں نیَن اُٹھائیا۔ اوہ میگھ اگمّا رہیا برس، اگنی تت گوائیا۔ میَں خوشیاں وِچ ٹپّاں دھرت، دھرنی ہوکے لواں انگڑائیا۔ دھؤل اُتے آیا پرت، دھوَل سیِس جھُکائیا۔ سب دی پوُری کرے شرط، شرع دا ڈیرہ ڈھاہیِا۔ سوُربیِر مردانہ بن کے مرد، بلدھاری بَل پرگٹائیا۔ جن بھگتاں ونڈے درد، دُکھیِاں ہوئے سہائیا۔ میری اِک بیننتی عرض، آرزو دیاں سُنائیا۔ جوتی جوت سروُپ ہرِ، آپ اپنی کِرپا کر، تِھر گھر اَگے جھولی ڈاہیِا۔ دھرنی کہے دھرم کھیل نہیں کوئی لُکدا ، سَت سچ جنائیا۔ سَتگُر شبد شبد ہو کے بُکدا، بھبک نام رکھائیا۔ جن بھگتاں مان دے کے اِکو تُک دا، دو جہاناں پندھ مُکائیا۔ جِس دا بھانا کدے نہ رُکدا، اوہ ہوئے آپ سہائیا۔ جِس دا باہروں روُپ منُکھ دا، انتر جوت جوت وڈیائیا۔ اوہ گُرمُکھاں وقت سُہنجنا کرے سُکھ دا، دردیِاں درد ونڈائیا۔ لہنا دیوے جننی کُکھ دا، سِر اپنے ہتّھ رکھائیا۔ اوہ گھر گھر جن بھگتاں پُچھدا، دِوس رَین پندھ مُکائیا۔ لاڈ لڈاوے شبد دُلارے سُت دا، سُتیاں لئے جگائیا۔ بِنا ہتّھاں باہواں گودی چُکدا، اپنی گود ٹِکائیا۔ دھرنی کہے دھرم میرا وقت سُہنجنا ہویا رُت دا، رُتڑی پربھ مہکائیا۔ اوہ نارد مُنی پُچھدا، چوری چوری آواز لگائیا۔ کیوں دھرم دا دھرم پیار جاندا ٹُٹدا، میَنوُں دے سمجھائیا۔ میَں ہسّ کے کِہا ناردا تھوڑا سماں کلجُگ لُٹ دا، لُٹیرا ہو کے لُٹے چائیں چائنیا۔ پھیر اِشارہ کیِتا اوہ ویکھ پُرکھ اکالا سب نوُں پُٹدا، کایا کُٹیا کرے صفائیا۔ روُپ سُہایا جِنہاں بھگتاں پنج تت بُت دا، بُتخانیاں کرے رُشنائیا۔ میَں دیِدار کراں اوس دے سوہنے مُکھ دا، جِس دی چند توں باہر رُشنائیا۔ جوتی جوت سروُپ ہرِ، آپ اپنی کِرپا کر، دیونہارا ساچا ور، سچ دا میلا لئے مِلائیا۔ دھرنی کہے دھرم میَں ہوئی بھاگاں ونتی، اپنی خوشی بنائیا۔ پربھ پایا دُھر دا کنتی، سُہاگ اِک ہنڈھائیا۔ میَنوُں چڑھیا رنگ بسنتی، اُتر کدے نہ جائیا۔ میَں ترِسنا چھڈی من دی، من منسا دِتی گوائیا۔ میَں نِندیا چھڈی کنّ دی، سُنن وِچ کدے نہ آئیا۔ میَں وِبھوُتی چھڈی تن دی، کوُڑی خاک نہ کوئے رمائیا۔ میَں آسا چھڈی غم دی، چِنتا دِتی مِٹائیا۔ میَں ونجاری نہیں چمڑی چمّ دی، چمّ درِشٹی نہ کوئے رکھائیا۔ میَں پریمن اِک برہم دی، جو پاربرہم دئے مِلائیا۔ میَں بھگتاں دے اَگے ہتّھ بنّھدی، بندنا وِچ سیِس نِوائیا۔ جن بھگتو ایہہ کھیل سِری بھگوَن دی، جو تُہاڈے نال مِل کے رہیا کرائیا۔ دھرنی کہے میری سُگندھی

نہیں کوئی پوَن سواسی دم دی، ساہ ساہ نہ کوئے چتُرائیا۔ جوتی جوت سروُپ ہرِ، آپ اپنی کِرپا کر، دیونہارا ساچا ور، نِہکلنک نرائن نر، مہاراج شیرسِنگھ وِشنوُں بھگوان، حقیِقت جانے سب دے کرم دی، جنم کرم دا مالک ویکھ وکھائیا۔