کتب خانہGranth 23 (Urdu)

۷ پھگّن شہنشاہی سمت اٹّھ لال سِنگھ دے گرِہ پِنڈ ہیراں ضِلع جالندھر

نارد کہے دھرم جی میَں آ گیا دُھر دا مُنی، مُنیِشراں توں پرے روُپ بدلائیا۔ دھرم کہے تُوں کی آواز سُنی، میَنوُں سچ دے سمجھائیا۔ نارد کِہا میَں جانیا دھرنی دے سیِس اُتے دے آواں چُنّی، اوڈھن نظر کوئے نہ آئیا۔ دھرنی کہے پنڈتا ویکھیں کِتے تیری بودی نہ جائے مُنی، مومنا ول دھیان لگائیا۔ اوہ لیکھا تک لےَ اِک نؤ دھار دی اُنی، اُنیِسا دھیان لگائیا۔ کھیل کرے پربھ وڈ گُنی، گہر گمبھیِر اپنا حُکم ورتائیا۔ جِس دی دو جہاناں توں باہر دُھنی، سرون سروتا سمجھ نہ سکے رائیا۔ اوس نوُں پاپ نہ کوئی پنّی، پُنہ پُنہ سب نوُں ویکھ وکھائیا۔ اوس دی خبر انوکھی سُنی، سہج سہج نال دِرڑائیا۔ اوہدی پریم دھار سدا انمُلی، قیِمت سکے نہ کوئے چُکائیا۔ نارد ہؤلی ہؤلی بولن لگّا بُلیِں، مُکھوں رہیا مُسکرائیا۔ دھرنیئے اپنے تول پوُرے تُلی، وزن ودّھ گھٹّ نہ کوئے بنائیا۔ دھرم تُوں وی بننا صُلح کُلی، کُل مالک دا حُکم جنائیا۔ اوہ تک اوس پربھوُ دی پُھلواڑی پُھلی، جو گُرمُکھ بوُٹے رہیا مہکائیا۔ بھاگ لگا کے بھگتاں دوارے دھرم دھار دی کُلیّ، کایا کعبے کھوج کھوجائیا۔ سچ پیار دی دیوے دھوُلی، دھوُڑی مستک خاک رمائیا۔ جِس نے یاد رکھی عیسیٰ والی سوُلی، صلیِب عجیِب آپ دوائیا۔ اوہ مالک خالق بن کے کنت کنتُوہلی، نِرگُن اپنا کھیل کھِلائیا۔ چار جُگ دی کتھا نہ اوس نوُں بُھلی، ابُھل بےپرواہیِا۔ کلجُگ انتم سب توں

کرے وصوُلی، لہنے دینے رہیا مُکائیا۔ جوتی جوت سروُپ ہرِ، آپ اپنی کِرپا کر، کرے کھیل ساچا ہرِ، سچ دی کرنی کار کمائیا۔ نارد کہے دھرم جی میرا منّ لےَ آکھا، اکھّراں توں باہر سُنائیا۔ حُکم سُن الکھنا الاکھا، بھیوَ ابھید کی جنائیا۔ دھرنی دی سُن لےَ بھاکھا، بھاشا کیہڑی وِچ سمجھائیا۔ چاروں کُنٹ دِسے کوئے نہ راکھا، رکھک ہوئے نہ کوئے سہائیا۔ میَں دیِن دُنی دا کِھچّ کے ویکھیا خاکہ، خاک مِٹّی نال مِلائیا۔ منوُآ سب دا ہویا عاقا، مِلن کوئے نہ پائیا۔ نِرنتر کُھلیا کِسے نہ تاکا، منتر سچ نہ کوئے جنائیا۔ چاروں کُنٹ کوُڑ دا ہاٹا، ونجارا کلجُگ سوبھا پائیا۔ سب دا چیِتھڑ ہویا پاٹا، سَت سچ بستر تن نہ کوئے پہنائیا۔ بہُڑی دیِن دُنی آیا گھاٹا، گھاٹے وِچ خلق خُدائیا۔ امرت رس ہتّھ نہ آئے گوبِند دُھر دے باٹا، بِن رسنا رس نہ کوئے چکھائیا۔ جوتی جوت سروُپ ہرِ، آپ اپنی کِرپا کر، دیونہارا ساچا ور، سچ دا مالک اِک اکھوائیا۔ دھرم کہے سُن نارد پنڈت، پاندھے دھیان لگائیا۔ تُوں جُگا جُگادی منگت، در در الکھ جگائیا۔ نارد کہے میَں اِک گلّ دسّاں دھرم جی جِس بِدھ نانک نے انگ لگایا انگد، انگیکار اکھوائیا۔ آتم پرماتم سمجھائی سنگت، سگلا سنگ بنائیا۔ بھرماں ڈھائی کندھن، اندھ اندھیر چُکائیا۔ جھگڑا میٹ کے جیرج انڈج، اُتبُھج سیتج دِتا سمجھائیا۔ جوتی جوت سروُپ ہرِ، آپ اپنی کِرپا کر، دیونہارا ساچا ور، سچ دا حُکم اپنے ہتّھ رکھائیا۔ نارد کہے دھرم سُن میرا سندیسیا، سندھیا سرگھی ونڈ نہ کوئے ونڈائیا۔ پُرکھ اکالا تک جو رہے سد ہمیشیا، ہم ساجن اِک اکھوائیا۔ جو دو جہاناں نر نریشیا، نر نرائن نوُر الاہیِا۔ جُگ اُلٹاؤنا جِس دا پیشیا، پیشیِن گوئیاں اپنا حُکم ورتائیا۔ اوہ لیکھا جانے دیش پردیشیا، دو جہاناں کھوج کھوجائیا۔ اُس دا نوُر ظہوُر اِکو ویکھیا، ویکھ ویکھ نیَن بِگسائیا۔ جِس دا سَتگُر شبد دُلارا بیٹیا، جِس نوُں جنمے کوئے نہ مائیا۔ اوہ سچ سِنگھاسن اِکو لیٹیا، سُکھ آسن ڈیرہ لائیا۔ جوتی جوت سروُپ ہرِ، آپ اپنی کِرپا کر، کرے کھیل ساچا ہرِ، سچ سوامی اپنی کار کمائیا۔ نارد کہے دھرم جی میری کھول کے ویکھ کِتاب، کی کایا رہی جنائیا۔ بھید کھولے مِتر پیارے احباب، ساجن سجّن دئے سمجھائیا۔ جِس بِدھ نِرگُن دھار وجےّ رباب، بِنا تند سِتار ہِلائیا۔ اوہ لیکھا یاد کر لےَ جو اِشارہ دے کے آیا نانک سَتگُر وِچ بغداد، بغلی کندھے نال لٹکائیا۔ مُلّا شیخ مسائک تکّو اُٹھ اگمّی خواب، جِس دی خواہش محمد گیا رکھائیا۔ جِس دی صوُرت ویکھ جھل سکے نہ کوئے تاب، مہتاب چمکے نہ کوئے رُشنائیا۔ جِس دے کولوں کلمیاں وِچ منگو حیاتے آب، کایا کاسے اَگے

ڈاہیِا۔ شرع دی شریِعت وِچ ویکھو اِمداد، جو حُکم وِچ کرائیا۔ اُس دا لیکھا گِنتی وِچ سمجھا سکے نہ کوئی تعداد، انت کہن کوئے نہ پائیا۔ جِس کارن گوبِند اُڈایا باز، بازی جگت والی اُلٹائیا۔ چار ورن دا ساجن ساج، ساجن ہو کے ویکھ وکھائیا۔ اوہ کھیل کرے نارد کہے دھرم جی وِچ دیس ماجھ، مجلس شبد گُروُ بنائیا۔ جِس نے دو جہاناں بدل دینا سماج، سمگری اِکو نام ورتائیا۔ غریِب نِمانیاں کوجھیاں کملیاں رکھے لاج، سِر سِر ہتّھ ٹِکائیا۔ کایا مندر گرِہ وجائے ناد، دُھن آتمک راگ سُنائیا۔ بھگت سُہیلے دھرنی دھرت دھوَل اُتوں اپنے لئے لادھ، ویکھنہارا دِس کِسے نہ آئیا۔ جوتی جوت سروُپ ہرِ، آپ اپنی کِرپا کر، دیونہارا ساچا ور، سچ دا رنگ آپ رنگائیا۔ دھرم کہے نارد کھیل تک نِرنکاری، نِروَیر کی وکھائیا۔ کِس بِدھ سرِشٹی درِشٹی جاندی ہاری، ہار جِت سمجھ کوئے نہ پائیا۔ دھرنی دھرت دھوَل دھؤل ہوئی دُکھیاری، دُکھیِاں درد نہ کوئے ونڈائیا۔ اوہ ویکھ اشٹبُھج باہاں رہی اُلاری، اپنا بَل دھرائیا۔ اِشارے دیون تیئی اوتاری، اوتر اپنی اکھّ اُٹھائیا۔ پَیغمبر رہے پُکاری، حضرت عیسیٰ موُسیٰ محمد کوُک سُنائیا۔ نانک گوبِند دھار شبد للکاری، دو جہاناں رہی جنائیا۔ جوتی جاتا پُرکھ بِدھاتا کنت بھتاری، ہرِ کرتا اگمّ اتھاہیِا۔ جِس نوُں جھُکدے سنساری بھنڈاری، سنگھاری سیِس نِوائیا۔ چرن چمُّدے دیوت سُر گن گندھرب کرن نِمسکاری، دھوُڑی خاک رمائیا۔ اوہ شاہ پاتشاہ شہنشاہ سوُربیِر بلکاری، بلدھاری اِک اکھوائیا۔ جِس دی نؤ سؤ چُرانوے چؤکڑی جُگ پِچھوں آئی واری، وارتا سب دی دئے بدلائیا۔ اِکو نام دی کرائے جَیکاری، جےَ جَیکار کرے لوکائیا۔ دھرنی اُس دی خِدمتگاری، خادم ہو کے سیو کمائیا۔ چرن کوَل رہے پنہاری، پانی ڈھووے چائیں چائنیا۔ کلجُگ انت اُس محبوُب دی آئی واری، جو واحد اِکو نوُر الاہیِا۔ جِس دی سب نے منّنی تابعداری، سِر سکے نہ کوئے اُٹھائیا۔ جوتی جوت سروُپ ہرِ، آپ اپنی کِرپا کر، کرے کھیل ساچا ہرِ، سچ دا بھیوَ آپ کُھلائیا۔ نارد کہے دھرم جی میَں سب دا پُرانا مِتر، مِترا دیاں جنائیا۔ میرے محبوُب دا ویکھ سکے کوئے نہ چتر، چرِتر سمجھ سکے نہ رائیا۔ اوہ اپنی دھاروں آیا نکل، جنم والی دِسے کوئے نہ مائیا۔ اُس دا کھیل نِت نوِتن، جُگ جُگ حُکم ورتائیا۔ جن بھگتاں بن کے پِتن، پت پرمیشور ہوئے سہائیا۔ جِس جھگڑا میٹنا پتّھر اِٹّن، پاہن سیِس نہ کوئے نِوائیا۔ سب دا لیکھ الیکھ آیا لِکھن، پوُرب لیکھا رہیا چُکائیا۔ کلجُگ کوُڑی کِریا آیا جِتّن، بلدھاری بل پرگٹائیا۔ سب دا لہنا دینا آیا نجِٹّھن، اَگے ہو نہ کوئے اٹکائیا۔ جوتی جوت

سروُپ ہرِ، آپ اپنی کِرپا کر، دیونہارا ساچا ور، سچ دا کھیل آپ کھِلائیا۔ دھرم کہے میرا اِکو اِک اِشارہ، عیش و عِشرت والیاں دیاں جنائیا۔ ویکھو کھیل سچّی سرکارا، کی کرتا حُکم ورتائیا۔ جِس دا لیکھا نال محمد چار یارا، یارانہ یاراں نال ہنڈھائیا۔ اوہ اِمام اِماما ہویا ظاہرا، ظاہر ظہوُر کرے رُشنائیا۔ جوتی جاتا پروردِگارا، پاربرہم پت پرمیشور اپنا لیکھ لِکھائیا۔ جِس دی مہما کاغذ قلم نہ لِکھنہارا، سیاہی چلے نہ کوئے چتُرائیا۔ نِرگُن سرگُن سرگُن نِرگُن ایکا روُپ انوُپ کھیل کرے آپ کرتارا، قُدرت دا قادر کرتا پُرکھ وڈ وڈیائیا۔ جن بھگتاں سُہاوے لوک مات دوارا، دوارکا واسی جِتھے سیِس نِوائیا۔ سَت سچ سُہنجنا پھلگُنا سَت دا دِہاڑا، دیوہڑی جِس دے ڈھولے گائیا۔ دھرم کہے میَں اوسے دا بولاں جَیکارا، جو تُوں میرا میَں تیرا راگ سُنائیا۔ اوہ میِت پیارا سجّن ہمارا، ہم ساجن اِک اکھوائیا۔ جِس نوُں کہنا چوَھیاں اوتارا، چؤبیسا ہرِ جگدیِشا اگمّ اتھاہیِا۔ جوتی جوت سروُپ ہرِ، آپ اپنی کِرپا کر، کرے کھیل ساچا ہرِ، نِہکلنک نرائن نر، مہاراج شیرسِنگھ وِشنوُں بھگوان، سب دا پوُرب لاہے اُدھارا، قرضہ مقروُض رہن کوئے نہ پائیا۔

آ گیا للاری لےَ کے رنگ اولّا، اولّڑا رنگ رنگائیا۔ جن بھگتو پریم دی جھولی اَگے ڈاہو پلّا، پلکاں دے پِچھے رنگے بہہ کے چائیں چائنیا۔ پانی امرت پائے جیہڑا ہتّھ نہ آوے جلا تھلا، سمُند ساگر جِس دا راہ تکائیا۔ جِس رنگ وِچ محمد نے کِہا میرا نوُر الاہی االلہ، عالمیِن اِک اکھوائیا۔ گوبِند نے کِہا میرا پُرکھ اکال اِکلّا، اکل کل دھاری وڈ وڈیائیا۔ پھیر سندیسہ دِتا ڈلّا، سہج نال سُنائیا۔ اُس رنگیلے دا سب توں وکھّرا ہونا محلا، جِتھے ٹھگّ چور یار بہن کوئے نہ پائیا۔ چرن دوارا جن بھگتاں ہوناں ملّا، چاروں کُنٹ نظری آئیا۔ اوہدا رنگ انوُپ سَت سروُپ آتما وِچ ہونا رلا، پرماتم رنگ رلیاں آپ منائیا۔ پر اوہ للاری بڑا کرے ول چھلا، چھلیِا اپنا چھل وکھائیا۔ جوتی جوت سروُپ ہرِ، آپ اپنی کِرپا کر، کرے کھیل ساچا ہرِ، رنگنہارا اپنا رنگ بنائیا۔ سَتگُر شبد کہے جن بھگتو اپنا آپ رنگو، بِن جگت للاریِاں رنگ رنگائیا۔ پریم بھٹّھی دے وِچ لنگھو، جِتھے اگن نہ لاگے رائیا۔ نوُری چند ہو کے چمکو، دو جہان ہووے رُشنائیا۔ کھل

لہاؤنی پئے نہ وانگ شمسو، شمس تبریز تُہاڈا دھیان لگائیا۔ تُہاڈا للاری آ گیا اُتوں عرشوں، عرشی پریِتم بےپرواہیِا۔ جِس دی یاد چار جُگ دے کردے رہے برسو، مہینےِ دِوس دھیان لگائیا۔ ہُن اُس دے رنگ نوُں موُل نہ ترسو، ترسیویں سب دے دئے چُکائیا۔ سچکھنڈ اپنے گھر نوُں پرتو، پریِتم اپنا گھر وسائیا۔ نالے کھیل تکّو اُتے دھرتو، دھوُلی سنگ رکھائیا۔ جودھے سوُربیِر مردانے بنو مردو، بلہیِن رہن کوئے نہ پائیا۔ مُکھ بھواؤ نہ اپنی شرطو، شرع دی گنڈھ تُڑائیا۔ تُسیں اِس صاحِب نوُں بُھل کے سچکھنڈ درگاہ سچ نہ کوئے ٹِکائیا۔ اُلٹے برچھ بنیوں نہ درختو، ماتا گربھ نہ اگن تپائیا۔ نیتر سنمُکھ کرو درسو، دیِد اپنا چند چمکائیا۔ جوتی جوت سروُپ ہرِ، آپ اپنی کِرپا کر، مِہر نظر اِک اُٹھائیا۔ آ گیا للاری لےَ کے رنگ انوکھا، جگت پنساریاں ہتّھ کِسے نہ آئیا۔ دیِن دُنیا نال کر کے دھوکھا، جن بھگتو تُہانوُں رہیا چڑھائیا۔ تُہاڈا اندروں صاف کر کے کوٹھا، کایا کُٹیا پوچ پُچائیا۔ ایہہ آس رکھی سی محمد نے جِس ویلے ہتّھ پھڑیا سی وُضوُ والا لوٹا، لُٹیا پنڈتاں والی رُڑھائیا۔ نالے لباں اُتے رکھیا پنجاں اُنگلاں دا پوٹا، مُکھ نال مُکھ چُھہائیا۔ پھیر پرکاش تک کے نِرمل جوتا، پِٹھ بھار ڈِگا چائیں چائنیا۔ پھیر اِشارہ دِتا چؤداں طبقاں تے چؤداں لوکا، چؤداں وِدیا توں باہر شنوائیا۔ نالے مُسلسل دِتا ہوکا، حُکم حق حق جنائیا۔ اوہ ویکھو میرا خالق جِس نے نماز پڑھنی نہیں تے نہ رکھنا روزہ، رازق رِزق رحیِم اکھوائیا۔ اوہ صوُفیو تُہاڈا کایا دا رنگ کے جائے چوغہ، چُغلی نِندیا والا نیڑ نہ کوئے نہ آئیا۔ پر اُس دا ٹِکانا سمبل تے سمبھل کے دیوے مؤقع، مؤقعے دا مالک اپنی کھیل کھِلائیا۔ نالے سیِنے تے ہتّھ رکھ کے بھریا ہؤکا، ہائے اُف کر سُنائیا۔ میرے الاہی میری تیرے اَگے طوبیٰ، طوبیٰ طوبیٰ کر کے سیِس نِوائیا۔ جوتی جوت سروُپ ہرِ، آپ اپنی کِرپا کر، کرے کھیل ساچا ہرِ، سچ دی رنگن آپ چڑھائیا۔ جن بھگت کہن پربھوُ ساڈے کایا کپڑے رنگدے، تُوں رنگنہار داتار۔ اسیں اِکٹّھے اِکو منگ منگدے، تیرے اتُٹ بھرے بھنڈار۔ ساڈے اندر اپنے پریم دی ٹھنڈ دے، اگنی تت تت نِوار۔ رنگن والیا جے تیرے نالوں تُٹے پھیر گنڈھ دے، تُوں گنڈھنہار گوپال۔ اپنے پریمیاں نوُں اپنا پریم ونڈ دے، شاہ بنا دے کنگال۔ بلہارے تیرے نوُری چند دے، تیرا چاننا بے مثال۔ تیری اُڈیِک وِچ کوٹاں جُگ لنگھ گئے، سچ مِلیا نہ تیرا جمال۔ مِہربانا سِری بھگوانا سانوُں اپنا سچّا انند دے، ساچا سُکھ دے وکھال۔ جوتی جوت سروُپ ہرِ، آپ اپنی کِرپا کر، ایکا دینا ساچا ور، سچ دے مالک ہو دَیال۔ سَتگُر کہے میرا رنگ رنگ

انمُلّا، قیِمت سکے نہ کوئے چُکائیا۔ جو جگت وِچ بھگت ہووے بُھلا، اُس نوُں سہجے دیاں چڑھائیا۔ جو مایا وِچ ہووے رُلا، اُس دی رنگت دیاں بدلائیا۔ میرا دروازہ سدا کُھلا، خالق دا مالک ہو کے کُنڈا دِتا لاہیِا۔ جو در دوارے آوے بُھلا، بُھلیاں رُلیاں لواں ترائیا۔ یاد رکھو سَتگُر دا رنگ بِنا گُرمُکھاں کِسے اُتے کدے نہیں ڈُلھا، اُنگلی لا کے نموُنہ ویکھن کوئے نہ پائیا۔ تھوڑا جِہا رنگ بُلاں تے چڑھیا سی بُلھا، جو تھیئیا تھیئیا کر کے گیا گائیا۔ کبیِر ایسے رنگ نال سی پھلیا پُھلا، رَویِداس دی کھلڑی دی ایسے رنگ نے قیِمت پائیا۔ جن بھگتو تُہاڈے پیار دی دھار دا تُہاڈے اندر سدا تپدا رہے چُلھا، جگت اگنی اگّ نہ کوئے لگائیا۔ تُہاڈا بوُٹا تن جاوے نہ ہُلا، پتّ ٹہنی آپ مہکائیا۔ جوتی جوت سروُپ ہرِ، آپ اپنی کِرپا کر، کرے کھیل ساچا ہرِ، سچ دی رنگت اپنے ہتّھ رکھائیا۔ رنگ کہے جن بھگتو رنگن والا کمال، کملا رملا نظری آئیا۔ تُسیں ہوشیار ہو کے ایس دے رنگ نوُں لؤ سنبھال، سمبل بہہ کے کِتے ہور نہ دئے ورتائیا۔ سمبل کہے میَں سب دا دلال، وِچولا گُر اوتار پَیغمبر میَنوُں گئے بنائیا۔ میَں سدا ویکھاں حق تے حلال، حقیِقت کھوج کھوجائیا۔ میَں پربھوُ توں ضرور رنگ اِنہاں نوُں چڑھاواں گا جیہڑے میرے بَیٹھے لال، لال دے مِتر لالن نظری آئیا۔ پر یاد رکھیو اِس للاری دی سب توں وکھّری جھال، جِس کواری اشٹبُھج دُرگا دی لال چُنّی دِتی رنگائیا۔ پر ایہہ چؤراسی وِچوں اپنے آپے لَوے بھال، کھوج کھوج کے اپنا چوج کرائیا۔ پتہ نہیں کِس بِدھ اندر وڑ کے چلے نال، دِوس رَین بھجےّ چائیں چائنیا۔ باہروں چرناں دی دھوُڑی نال رنگے کھال، اندروں نام رنگن دئے چڑھائیا۔ اوتھے نہ کوئی جواب نہ کوئی سوال، سوال جواب اِکو روُپ درسائیا۔ پر یاد رکھِیو ایس رنگن نوُں بناؤنن والا پہلوں تیار ہویا سِنگھ پال، جِس گھوٹ گھوٹ کے تیار کیِتا چائیں چائنیا۔ پھیر پوُرن دا پوُرن دئے احوال، حوالہ دِتا جنائیا۔ جِس نوُں ایہہ رنگ چاڑھ دِتا اُس نوُں کھا نہ سکے کال، مہاکال اُس دی سیو کمائیا۔ جن بھگتو اجّ دا رنگ چڑھیا انت تُہانوُں لےَ جائے سچکھنڈ سچّی دھرمسال، جِتھے پُرکھ اکال جوتی جاتا بَیٹھا نظری آئیا۔ جوتی جوت سروُپ ہرِ، آپ اپنی کِرپا کر، کرے کھیل ساچا ہرِ، نِہکلنک نرائن نر، مہاراج شیرسِنگھ وِشنوُں بھگوان، نام رنگن چڑھائے بے مثال، جِس دی مِسل جگت اکھّر نہ کوئے بنائیا۔

راج نریَن کہے میَنوُں پریم دا وجّا تیِر، سچکھنڈ میری دئے گواہیِا۔ گُرمُکھو میری جوت دھار دا بِن اکھّاں توں وگے نیِر، در آ کے رہیا سُنائیا۔ میرے نال بھگت سُہیلے سُداما تے کبیِر، آئے چائیں چائنیا۔ جگدیِش منجیِت سِنگھ سوَرن سِنگھ ویِر، گُردَیال سِنگھ لمبے لمبے قدم اُٹھائیا۔ چیت سِنگھ سِدھی تک لکیِر، نَٹھیا واہو داہیِا۔ چلو اوتھے چلیئے جِتھے بھگتاں دی بدلی تقدیِر، تدبیِر اپنی نال رلائیا۔ راج نریَن کہے میَنوُں وِچھوڑے دی نہیں پیار دی اندر اُٹھے پیِڑ، مُحبّت وِچ کُرلائیا۔ جِس نے میری بدھّی بیِڑ، اوہ بیڑا تُہاڈا پار لنگھائیا۔ اسیں چڑھ گئے منزل اَخیِر، جِتھے اکھّراں والا نظر کوئے نہ آئیا۔ جوتی جوت سروُپ ہرِ، آپ اپنی کِرپا کر، کرے کھیل ساچا ہرِ، سچ دی خوشی بنائیا۔ راج نریَن کہے اوہو گھر تے اوہو احاطہ، بھگت سُہیلے اوہو نظری آئیا۔ جِس نے تتاں والا بندھایا ناتا، تے آتما اپنے نال مِلائیا۔ اوس دی سُہنجنی ویکھن آیا راتا، رُتڑی بھگتاں نال مہکائیا۔ اوہ گُرمُکھو بھگتو سنتو جِس دیِاں گرنتھاں شاستراں وِچ سُن دے رہے باتاں، اوہ باطن پردہ رہیا کُھلائیا۔ ایتھے اوتھے سب دا پِتا ماتا، بِنا سریِر توں بے نظیِر نوُر الاہیِا۔ دھرتی توں لےَ کے درگاہ ساچی تک بھگتاں دا بنیا رہے راکھا، اَگے پِچھے سجےّ کھبےّ چلے چائیں چائنیا۔ نالے سُن دا جائے بھگتو کہو تُوں میرا میَں تیرا ایہو میری گاتھا، دوُجی اوَر نہ کوئے پڑھائیا۔ سب توں وڈی ایس دی کِرپا جِس نے اِک وار ٹیک لیا ماتھا، اُس نوُں چؤراسی دی پھاسی وِچوں باہر کڈھائیا۔ ایہدے کول کوئی پہلی دوُجی تیجی چؤتھی نہیں کلاسا، مِہر نظر نال چؤتھی منزل دئے پہنچائیا۔ ایتھے کھیل ہور جگت دا چور اوتھے پُرکھ ابناشا، پھیر پُچھو ایتھے بھگتاں دا راکھا، رکھک ہو کے اپنی سیو کمائیا۔ جِس نے لیکھے لائی جن بھگتو تُہاڈی سُہنجنی سُلکھنی راتا، راتری رُتڑی اپنے رنگ رنگائیا۔ تُہاڈی خوشیاں والی خوشحالی وِچ ویکھی راسا، منڈلاں منڈپاں توں باہر دھیان لگائیا۔ جوتی جوت سروُپ ہرِ، آپ اپنی کِرپا کر، کرے کھیل ساچا ہرِ، نِہکلنک نرائن نر، مہاراج شیرسِنگھ وِشنوُں بھگوان، جوت دی دھار تے جگت بےپچھاتا، پچھان وِچ بِن بھگتاں کِسے نہ آئیا۔

نارد کہے جن بھگتو اکھّر ویکھ لؤ گگّا، گوبِند دی دھار دئے گواہیِا۔ اوہ رِشیو مُنیو پچھانو اپنی جگہ، پِچھلا دھیان لگائیا۔ کیوں بدھک آیا بھجّا، بھجیّا چائیں چائنیا۔ ایتھے کرِشن دا سی تِنّاں مُکھیاں والا تیِر لگّا، جِتھے چرن دِتا چُھہائیا۔ بالمیِک ایسے تھاں اُتاریا سی گلوں جھگّا، لوَ کُش اُنگلاں نال بھوائیا۔ نانک شبد دھار دِتا سی سدّا، سُنیہڑیاں وِچ سُنائیا۔ سپتس رِکھیِاں ایتھے سی پُٹیا کھڈّا، ساڈھے تِنّ ہتّھ ڈُنگھائیا۔ وید ویاس ایتھے آ کے اپنی اُنگلی دا نِشانہ گڈّا، چاروں کُنٹ پِھرائیا۔ سُنبھ نِسُنبھ اِتھے بھواؤندے رہے گدا، چکرورتی ہو کے چکّر لگائیا۔ بل دا رتھ رُکیا تِنّ دِن بھار لدّا، ایسے کر کے گُردِت سِنگھ نوُں سچکھنڈ وِچوں لیا بُلائیا۔ جِس دی سمجھ سکے کوئے نہ وجہ، وجوُہات اپنے دئے دِرڑائیا۔ جن بھگتو تُہانوُں بِنا بھگتی توں دِتا مزہ، بِن رسنا رس چکھائیا۔ تُہاڈے سِر تے کدے نہ کوُکے قضا، لاڑی مؤت نہ سکے پرنائیا۔ رائے دھرم نہ دیوے سزا، چؤراسی گیڑ نہ کوئے بھوائیا۔ اجّ دا دِن دِوس دِہاڑا سب دے لئی چنگا، چنگے ماڑے اِکو رنگ رنگائیا۔ پِچھے دا پِچھے وقت لنگھا، اَگے ملِے مان وڈیائیا۔ اِک دِن شبدی دھار اِشارہ دِتا سی بابے بندہ، بندگی وِچ دِتا سمجھائیا۔ ہلوُن کے شبدی دھار کندھا، سِنگھ دَیا دِتا دِرڑائیا۔ جِس دیِاں چارے جُگ پاؤندے گئے ونڈاں، حِصّے جگت وِچ رکھائیا۔ اوہ ساریاں دیاں گٹھڑیِاں ساریاں دا بھار چُکے کندھا، اپنے کندھ اُٹھائیا۔ جن بھگتاں اندر پا کے ٹھنڈا، امرت دھارا اِک وہائیا۔ جِس دا حِساب نِجوُم لا سکے کوئے نہ پنڈا، گِنتی سکے نہ کوئے گِنائیا۔ جوتی جوت سروُپ ہرِ، آپ اپنی کِرپا کر، کرے کھیل ساچا ہرِ، نِہکلنک نرائن نر، مہاراج شیرسِنگھ وِشنوُں بھگوان، کھیلے کھیل بھگتاں سندا، سند پِچھلی ویکھ وکھائیا۔

۸ پھگّن شہنشاہی سمت اٹّھ پِنڈ ہیراں ضِلع جالندھر سوَرن سِنگھ دے گرِہ

دھرم کہے میَں دھرنی اُتے بنیا راہی، دِوس رَین بھجیّا چائیں چائنیا۔ کھیل تکیا بے پرواہی، جو پاربرہم رہیا کرائیا۔ نؤ کھنڈ پرِتھمی دی تکّی شاہی، جو شہنشاہ دِتی بنائیا۔ چاروں کُنٹاں نیتر روون مارن دھاہیِں، دروہی دروہی کر کُرلائیا۔ بہُڑی کِتھے ساڈا چُھپیا ماہی، گوبِند نظر کِسے نہ پائیا۔ دھرم کہے میَں اِشارہ کیِتا جِتھے بوُٹا پُٹیا کاہی، کائنات درسائیا۔ اوہ دیس دیسانتر بَیٹھا آسن لائی، سِنگھاسن اِکو

اِک سُہائیا۔ جِس دا جلوہ نوُر جوت رُشنائی، چند چاندنا ڈگمگائیا۔ جوتی جوت سروُپ ہرِ، آپ اپنی کِرپا کر، دیونہارا دُھر دا ور، دُھر مالک اِک اکھوائیا۔ دھرم کہے دھرنی میَں چاروں کُنٹ پھولی، پردہ پردیاں وِچوں اُٹھائیا۔ نوَ ستّ دی سُنی بولی، جو انبولت دِتی سُنائیا۔ کوُڑ کُڑیار دی تکّی ہولی، کلجُگ کایا رنگ چڑھائیا۔ پوِتر دِسی کِسے نہ چولی، چوجی پریِتم میل نہ کوئے مِلائیا۔ پِھر میَں نِگاہ اُٹھائی ہؤلی، پلک پلک نال بدلائیا۔ دھیان دھریا اُتے دھؤلی، دھرنی کھوج کھوجائیا۔ جن بھگتاں دی رُت مؤلی، مؤلا مِلیا بےپرواہیِا۔ جو پوُرا کرے اِقرار قؤلی، کوَل نیَن وڈّی وڈیائیا۔ جِس دا نوُر الاہی اولی، عالمیِن اکھوائیا۔ جوتی جوت سروُپ ہرِ، آپ اپنی کِرپا کر، دیونہار سچّی سرنائیا۔ دھرم کہے میَں رَین سبائی تکیا کھیل جگت، جاگرت جوت دھیان لگائیا۔ اوتار پَیغمبراں گُروُآں تکّی شکت، شخصیّت ویکھی خلق خُدائیا۔ بھگت سُہیلے کردے ویکھے مُشقّت، سنت سُہیلے سیو کمائیا۔ نظارہ تکیا بوُند رَکت، کام کامنی کھوج کھوجائیا۔ میَں لیکھا ویکھیا جو اِشارہ دِتا رام بھرت، ایُدھیا کھوج کھوجائیا۔ نال پریم دی لائی شرط، شرع دِتی دِرڑائیا۔ اوہ ویکھ کلجُگ اندھیرا دھرت، نوُری چند نہ کوئے چمکائیا۔ سوُربیِر دِسے نہ کوئے مرد، مردانہ رنگ نہ کوئے رنگائیا۔ چاروں کُنٹ چلے کرد، قاتل مقتُول کھیل کھِلائیا۔ دُکھیِاں ونڈے کوئے نہ درد، دیِناں ہووے نہ کوئے سہائیا۔ ایہہ کھیل پربھوُ اسچرج، جو اچرج آپ کرائیا۔ کلجُگ انتم آوے پرت، رام راما دُھردرگاہیِا۔ جو مالک اُتے عرش، عرشی پریِتم نوُر الاہیِا۔ اوہ کھیل کھِلائے اپنا فرش، زِمیں زماں دھیان لگائیا۔ سب دی پوُری کرے شرط، پوُرب لیکھا دئے چُکائیا۔ جوتی جوت سروُپ ہرِ، آپ اپنی کِرپا کر، کرے کھیل ساچا ہرِ، نِہکلنک نرائن نر، مہاراج شیرسِنگھ وِشنوُں بھگوان، آد جُگاد جُگ چؤکڑی دھرم دا ہون نہ دیوے حرج، دھرماپت اپنی دَیا کمائیا۔

۸ پھگّن شہنشاہی سمت اٹّھ پِنڈ ہیراں ضِلع جالندھر گُرچرن کؤر دے نوِت

نارد کہے دھرم میَں دسّاں بات خلاصی، خوشیاں نال جنائیا۔ تَینوُں سُن کے آؤندی ہاسی، میَں وی ہسّ کے دیاں وکھائیا۔ چرنو سیِتا دی ہُندی سی ماسی، پوُرب پردہ ویکھ وکھائیا۔ اِس دا جنم ہُندا سی وِچ کاشی، رام کاشی دی سپُتری جائیا۔ ہِردے اندر پربھوُ دی

ہُندی سی داسی، رسنا سیو کمائیا۔ سَوا پہر جاگ کے راتی، اِکو اِشٹ منائیا۔ اِکّی وار گنگا اِشنان نہاتی، نکّ پھڑ کے چُبھیاں لائیا۔ پرم پُرکھ لبھدی رہی ساتھی، کد ملِے بےپرواہیِا۔ ایہہ لیکھا دُھر دا دُھر جانے کملاپاتی، پت پرمیشور اگمّ اتھاہیِا۔ ایہدا گرِہ گرِہ دا مالک پِتا ہُندا سی سمراٹھی، اپنا بَل ودھائیا۔ جِس سییا نوُں دان وِچ دِتا ہاتھی، جھوُلا خوشیاں والا پائیا۔ اُس ویلے رام نے تیِر دی مُکھی نال لِکھی اِک پاتی، پترکا دِتی بنائیا۔ تیری وڈی ہووے حیاتی، زِندگی زِندگی وِچوں بدلائیا۔ اوہ تک سِری بھگوان کرتا ابناشی، رام راما اگمّ اتھاہیِا۔ جِس تیرا لہنا دینا پوُرا کرنا اوہ کلجُگ انتم پُچھے واتی، واتاوَرن ویکھ جگت لوکائیا۔ نارد کہے دھرم جی جِس سمیں نال بخشش کیِتی، دَیاوان دَیا کمائیا۔ آتم دھار جوت دی جاتی، جاگرت جوت لئی مِلائیا۔ جوتی جوت سروُپ ہرِ، آپ اپنی کِرپا کر، دیونہارا ساچا ور، نِہکلنک نرائن نر، مہاراج شیرسِنگھ وِشنوُں بھگوان، کِرپا کرے الکھنا الاکھی، الکھ اگوچر اپنی دَیا کمائیا۔

۸ پھگّن شہنشاہی سمت اٹّھ پِنڈ شریہ ضِلع جالندھر رام سِنگھ دے گرِہ

دھرنی کہے دھرم ویکھ لےَ پاسے چڑھدے، چڑھدی کلا کی ورتائیا۔ پنڈت پاندھے پوتھیِاں پڑھدے، پُستکاں ہتّھ اُٹھائیا۔ گؤڑ براہمن یاد کردے، بِن اکھّاں نیَن اُٹھائیا۔ جل دھارا تیِرتھاں ٹھردے، سرووراں وِچ نُہائیا۔ کوٹن کوٹ وار جمّدے، مرن سمجھ کِسے نہ آئیا۔ ونجارے بن کے ماٹی چمّ دے، چمّ درِشٹی نال وکھائیا۔ اندر بھرے ہنکاری غم دے، چِنتا سکے نہ کوئے گوائیا۔ بھیوَ پائن نہ موُل برہم دے، پاربرہم رنگ نہ کوئے رنگائیا۔ سروتے بنے کنّ دے، دُھن شبد نہ کوئے شنوائیا۔ منگتے بنے انّ دے، وسَت سچ ہتّھ کِسے نہ آئیا۔ پُجاری ہو گئے سوُریہ چنّ دے، پرم پُرکھ سیِس نہ کوئے نِوائیا۔ جوتی جوت سروُپ ہرِ، آپ اپنی کِرپا کر، کرے کھیل ساچا ہرِ، سچ دا حُکم اِک ورتائیا۔ دھرم کہے دھرنی میَں پِھریا دِشا لہندے، لہِندی دھیان لگائیا۔ اِنجیِل قرآن اِکٹّھے ہو ہو بہندے، مشورے رہے بنائیا۔ سرہانے بہیئے کہ پیِندے، فَیصلہ حق نہ کوئے کرائیا۔ بِن سہاریوں ویکھے ڈھہندے، ڈِگ ڈِگ اپنا آپ گوائیا۔ حُکم سندیسے پَیغمبراں والے بِن اکھّراں توں کہندے، کہہ کہہ رہے سُنائیا۔ جوتی جوت سروُپ ہرِ، آپ اپنی کِرپا کر، کرے کھیل ساچا ہرِ، سچ دا کھیل وکھائیا۔ دھرم کہے

دھرنی میَں گیا دِشا دکھّن، دکشنا ویکھی جگت لوکائیا۔ سچ وِرولیا کِسے نہ مکھّن، چھاچھ ویکھی جگت لوکائیا۔ کایا بھانڈے ہوئے سکھّن، وست سَت نہ کوئے بھرائیا۔ امولک ہیِرا بنے کوئے نہ رتن، قیِمت اپنی نہ کوئے چُکائیا۔ سَتگُر چرن مِلیا کِسے نہ پتن، تٹ کنارہ ہتّھ کِسے نہ آئیا۔ پِچھلا اپنا سب نوُں بُھلیا وطن، بے وطن ہوئی لوکائیا۔ پَیج آوے کوئے نہ رکھن، جگت سارے رہے کُرلائیا۔ میَں کھِڑ کھِڑا کے لگّا ہسّن، ہسّ کے دِتا سُنائیا۔ آو تکّو پُرکھ سمرتھن، کرتا دُھردرگاہیِا۔ جو سب دا بنے ساتھن، سگلا سنگ نِبھائیا۔ ہوئے سہائی ناتھ اناتھن، دیِناں دَیا کمائیا۔ سب دے لیکھے آیا واچن، واچک ہو کے ویکھ وکھائیا۔ جوتی جوت سروُپ ہرِ، آپ اپنی کِرپا کر، دیونہارا ساچا ور، سوامی سچ سچ وڈیائیا۔ دھرم کہے دھرنی میَں ویکھی دِشا پہاڑ، پربت ٹِلیاں پندھ مُکائیا۔ اگنی سب نوُں لگّی ہاڑ، سانتک سَت نہ کوئے کرائیا۔ کلجُگ کوُڑ کلپنا رہی ساڑ، امرت میگھ نہ کوئے برسائیا۔ رنگ چڑھیا کِسے نہ گوُڑھا گاڑھ، گڑھ ہنکار نہ کوئے تُڑائیا۔ جھگڑا دِسے جنگل پہاڑ، ٹِلّے دین دُہائیا۔ کی کھیل کرے کرتار، قُدرت دا مالک ویکھ وکھائیا۔ بھرم بُھلیکھا پیا سنسار، بھانڈا بھرم نہ کوئے تُڑائیا۔ مان رہیا نہ مندر مسجد شِودوالے مٹھ گُروُدوار، پُرکھ اکال اِشٹ نہ کوئے منائیا۔ اپنا کیِتا سارے گئے ہار، ہِردے ہرِ نہ کوئے وسائیا۔ دُھر دا ماہی دِسے نہ یار، یارانہ سچ نہ کوئے کمائیا۔ ایکا اِشٹ وِسریا نِرنکار، نر نرائن درس کوئے نہ پائیا۔ میَں کوُک کے کِہا پُکار، زور زور سُنائیا۔ ناستک ہووو خبردار، بےخبراں خبر جنائیا۔ کل تکّو کلکی اوتار، جو سب دا پِتا مائیا۔ جھگڑا مُکا کے شاہ کنگال، ایکا رنگ دئے رنگائیا۔ سو سوامی انترجامی بھگت سُہیلے ویکھے لال، ہرِجن اپنی گود ٹِکائیا۔ سمبل بَیٹھ کرے پرِتپال، پرِتپالک ہو کے کھوج کھوجائیا۔ جِس دی جُگ جُگ اولّڑی چال، ویس اولّا آپ پلٹائیا۔ اوہ کھیل کرے کمال، کملاپت اپنی کار کمائیا۔ جوتی جوت سروُپ ہرِ، آپ اپنی کِرپا کر، دیونہارا ساچا ور، نِہکلنک نرائن نر، مہاراج شیرسِنگھ وِشنوُں بھگوان، چارے کوُٹاں سب دی لیکھے لائے گھال، گھالی گھال اپنے لیکھے پائیا۔

۸ پھگّن شہنشاہی سمت اٹّھ پِنڈ جنڈیالا ضِلع جالندھر پریِتم سِنگھ دے گرِہ

دھرم کہے دھرنی ویکھے وہن ندیاں، ونجھی ہاتھ نہ آئیا۔ بھجّدیاں بھجّدیاں بیِتیاں صدیاں، جُگ چؤکڑی گئے وِہائیا۔ سچ پریِتی وِچ مدھیِاں، چلن چائیں چائنیا۔ جِنہاں پِچھلیِاں پریِتاں چھڈیاں، اگلا ناتا جوڑیا سہج سُبھائیا۔ میریِاں پِھر پِھر گھسیِاں اڈّیِاں، تلیِاں دین گواہیِا۔ پِنجر سُک کے ہویا ہڈّیِاں، ماس ناڑی بَل رہیا نہ رائیا۔ میَں چڑھیا کِسے نہیں گڈّیِاں، بھجیّا واہو داہیِا۔ میَں چار جُگ دیاں سدّھراں ویکھیاں دبّیاں، بِنا پردیوں پردے ہیٹھ دبائیا۔ میَنوُں اوتار پَیغمبراں دیاں آشاں اُتھوں لبھیِاں، خواہشاں گُروُآں نال مِلائیا۔ پَیغمبر کہن ساڈیِاں صدیاں جاندیاں لنگھیِاں، بیِسویں اپنا پندھ مُکائیا۔ صدی چؤدھویِں واہ کے پٹّی کنگھیِاں، اپنا نیَن اُٹھائیا۔ میریِاں اکھّیِاں رہن نہ اندھیِاں، لوئن ہوئے رُشنائیا۔ کوَن ویلا صاحِب کٹّن آوے پھندیِاں، شرع زنجیر تُڑائیا۔ میَں راہ اُڈیِکاں اُتے کنڈھیاں، کنڈھا گھاٹ اِک سُہائیا۔ جو پوَناں دیوے ٹھنڈیاں، اگنی تت گوائیا۔ جوتی جوت سروُپ ہرِ، آپ اپنی کِرپا کر، دیونہارا ساچا ور، سچ میلا لئے مِلائیا۔ دھرنی کہے دھرم میَں آسا بھری، پربھوُ بھرپوُر دِتی وڈیائیا۔ کِرپا نِدھان کِرپا کری، کِرپن اپنے رنگ رنگائیا۔ میری ڈور اگمّی پھڑی، نِرگُن اپنے نال بندھائیا۔ میَں منزل ساچی چڑھی، چڑھدا لہندا ویکھ وکھائیا۔ میرا لہنا دینا پوُرا ہووے چمکؤر گڑھی، گڑھ ہنکار والا تُڑائیا۔ میَں تکاّں چار کُنٹ گور مڑھی، مقبریاں پھول پھولائیا۔ کوَن سنت سُہیلا ہویا بری، پھندن جگت والے تُڑائیا۔ جِس نے آتم دھار پرماتم وری، سگلا سنگ بنائیا۔ جوتی جوت سروُپ ہرِ، آپ اپنی کِرپا کر، کرے کھیل دُھر دا ہرِ، دُھر مالک اِک اکھوائیا۔ دھرنی کہے دھرم میرا ویکھ لےَ اَگا پِچھا، پِچھوکڑ دھیان لگائیا۔ سچ سِنگھاسن جِس دا بِچھا، اوہ مالک بےپرواہیِا۔ جن بھگتاں پوُری کرے اِچھا، نِراِچھت اپنا رنگ رنگائیا۔ جِنہاں نوُں سَت دی دے کے سِکھا، سِکھیا اِک دِرڑائیا۔ اوہناں دا جنم کرم لیکھا جائے لِکھا، لِکھی ریکھ نہ کوئے بدلائیا۔ اوہ کِرپا کرے سوامی اچُتا، پت پرمیشور دُھردرگاہیِا۔ جوتی جوت سروُپ ہرِ، آپ اپنی کِرپا کر، دیونہارا ساچا ور، نِہکلنک نرائن نر، مہاراج شیرسِنگھ وِشنوُں بھگوان، جن بھگتاں سدا کرے رچّھا، رچھک رکھک ہو کے ویکھ وکھائیا۔

۹ پھگّن شہنشاہی سمت اٹّھ پِنڈ جنڈیالا ضِلع جالندھر کرتار کؤر دے گرِہ

دھرنی کہے دھرم اِک دوُجے دے بنیئے گواہ، گواہ شُد آپ اکھوائیا۔ سندیسہ دیئیے بے پرواہ، جو بے پرواہی وِچ سمائیا۔ کلجُگ ویکھ تتی اگنی ہوا، پوَن پوَناں نال مِلائیا۔ جِس نے کوُڑ کُڑیار چلائی وبا، دُکھ درد خلق خُدائیا۔ مِہربان ہو کے ویکھ میرے ابّا، آپ اپنا پھیرا پائیا۔ ملیچھ دھار ہوئی دیِن دُنی سبھا، طبیعت مایا موہ ہلکائیا۔ تیرا پیار چُھٹکیا ہبھا، ہم ساجن سنگ نہ کوئے بنائیا۔ دروہی تیرے نام دی ربّا، بہُڑی بہُڑی کر کُرلائیا۔ نِرمانتا وِچ دئیے سدّا، ہوکا حق جنائیا۔ پُرکھ اکال چاروں کُنٹ آ بھجّا، جگت جہان پندھ مُکائیا۔ جیِو جنت چلے کوئی نہ تیری وِچ رضا، رازق رِزق رحیِم ویکھ وکھائیا۔ رسنا جِہوا سارے کردے مزہ، امرت رس نہ کوئے چکھائیا۔ جوتی جوت سروُپ ہرِ، آپ اپنی کِرپا کر، ایکا دینا ساچا ور، سچ تیری وڈیائیا۔ دھرنی کہے دھرم در ٹھانڈے کریئے پُکار، سیِس اَنک بار نِوائیا۔ کِرپا کر میرے نِرنکار، نِروَیر تیری سرنائیا۔ دُکھیِاں دُکھ نِوار، سُکھ ساگر وِچ سمائیا۔ تُوں کرنہار کرتار، کرتا پُرکھ وڈ وڈیائیا۔ چاروں کُنٹ ویکھ دھوُاں دھار، ساچا چند نہ کوئے چمکائیا۔ میَں دبّی پاپاں بھار، دھرم دی دھار نہ کوئے رکھائیا۔ میرے اُتے ہاہاکار، چاروں کُنٹ کُرلائیا۔ روواں دھاہاں مار، کراں حال دُہائیا۔ آ مِل اگمےّ یار، یارانہ توڑ نِبھائیا۔ کلجُگ تک اندھ اندھیار، پردہ آپ اُٹھائیا۔ بھوِکھت ویکھ پَیغمبر گُر اوتار، اوتری اپنا ویس وٹائیا۔ دِوس رَین کراں پُکار، کوُک کوُک سُنائیا۔ دھرم کہے میَں واجاں رہیا مار، بِن رسناں جِہوا کوُک سُنائیا۔ مِہربان مِہربان مِہربان ہو پروردِگار، پرم پُرکھ تیری سرنائیا۔ لہنا دینا پوُرب کرم سرب وِچار، پِچھلا لیکھا رہے نہ رائیا۔ سچ سوامی انترجامی بیڑا کرے کوئے نہ پار، تُدھ بِن دوُجا نظر کوئے نہ آئیا۔ تیرے چرن کوَل نِمسکار، دھوُڑی خاک رمائیا۔ دھرم کہے دھرنی دھرنی کہے دھرم روئیے زارو زار، نیَناں چھہبر لائیا۔ پھیر صاحِب سوامی اپنی کِرپا دئے دھار، دھرنی دیوے مان وڈیائیا۔ دھرم دا سَت کرے اُجیار، اسَت دا ڈیرہ ڈھاہیِا۔ محل اٹل دئے اُسار، ساچا رنگ آپ رنگائیا۔ دیِن دُنی کھول کِواڑ، پردہ دئے چُکائیا۔ تُوں میرا میَں تیرا دسّ جَیکار، آتم پرماتم رنگ رنگائیا۔ تِس صاحِب نوُں نِو نِو ڈنڈاوت بندنا کریئے نِمسکار، نِو نِو سیِس جھُکائیا۔ جوتی جوت سروُپ ہرِ، آپ اپنی کِرپا کر، ایکا دینا ساچا ور، نِہکلنک نرائن نر، مہاراج شیرسِنگھ وِشنوُں بھگوان، کِرپا کر آپ داتار، دَیاوان دَیا کمائیا۔

۹ پھگّن شہنشاہی سمت اٹّھ پِنڈ رُڑکا ضِلع جالندھر گُرمیج سِنگھ دے گرِہ

دھرنی کہے دھرم میرے اُتے کوٹن بیِتے جُگن، چؤکڑیاں گئیاں پندھ مُکائیا۔ میَں سب دے کول کیتے رُدن، رو رو کے حال سُنائیا۔ اِکو پیار ہووے آتھن اُگھن، نوَ ستّ اِک وجےّ ودھائیا۔ اِکو شبد دُلارا ہووے صاحِب دا پُتن، دو جہاناں سوبھا پائیا۔ اِکو نام نِدھانا جپنا سُخن، صِفت صاحِب وڈیائیا۔ پر ایہو میرے انتر لگّا دُکھن، دُکھی ہو کے دیاں جنائیا۔ ساری سرِشٹی ہوئی بُھکھن، بُھکھیاں بُھکھ نہ کوئے گوائیا۔ کلجُگ کوُڑ کُڑیاری رُتن، رُتڑی سچ نہ کوئے مہکائیا۔ خالی دِسدے کایا بُتن، بُتخانے رہے کُرلائیا۔ کلجُگ انتم آیا مُکن، اپنا پندھ مُکائیا۔ دھرم کہے دھرنی اوہ تک پُرکھ اکالا آیا بُکن، شبد اگمّی بھبک لگائیا۔ ہرِجن اپنی گودی آیا چُکن، پھڑ باہوں گلے لگائیا۔ تُوں میرا میَں تیرا دسّ کے تُکن، سوہنگ کری سچ پڑھائیا۔ سَتجُگ ساچا لگّا اُٹھن، اپنی لئے انگڑائیا۔ پُرکھ اکالا لگّا تُٹھن، مِہربان مِہر نظر اُٹھائیا۔ بھگت سُہیلیاں لگّا پُچھن، چاروں کُنٹ دھیان لگائیا۔ کایا مندر اندر لگّا گھُسن، جگ نیتر نظر کوئے نہ پائیا۔ جوتی جوت سروُپ ہرِ، آپ اپنی کِرپا کر، کرے کھیل ساچا ہرِ، نِہکلنک نرائن نر، مہاراج شیرسِنگھ وِشنوُں بھگوان، کوُڑ کُڑیار جڑ آیا پُٹن، جوُٹھ جھوُٹھ دھرنی رہن نہ پائیا۔

۹ پھگّن شہنشاہی سمت اٹّھ پِنڈ رُڑکا ضِلع جالندھر گُرمیِت کؤر دے گرِہ

دھرم کہے دھرنی اوہ ویکھ اپنی تقدیِر لِکھی، لِکھیا لیکھ نہ کوئے بدلائیا۔ نِراکھّر دھار تک لےَ چِٹھی، جو گُر اوتار پَیغمبر گئے چُھپائیا۔ سب دی فریاد سُن لےَ مِٹھی، بِن رسنا رس جنائیا۔ میرے اُتے کُرلاوے خاک مِٹّی، بہُڑی بہُڑی کر سُنائیا۔ کلجُگ انتم جھگڑا پَینا پتّھر اِٹی، پاہن پاہن نال ٹکرائیا۔ سمت شہنشاہی اٹّھ دی ہووے مِتی، ناواں اپنی گنڈھ پوائیا۔ جگت مُحبّت چار کُنٹ ہووے پِھکی، فِقرہ سچ نہ کوئے سُنائیا۔ ہرِ سنگت دی دھار بنے اِکّی، دوُآ سرگُن ایکا ایکنکار مِل کے وجےّ ودھائیا۔ نؤ کھنڈ ستّ دیِپ سُرت ہووے کِسے نہ ٹِکی، دھوُڑی ٹِکّے خاک نہ کوئے رمائیا۔ دھرنی کہے دھرم میَں اِک خبر دسّاں نِکّی، سچ سچ سُنائیا۔ گوبِند دے پیار وِچ گوبِند دی قایم

رہے نہ سِکھی، سَت وِچ سَت نہ کوئے سمائیا۔ امرت دھار ملِے نہ منگیاں بھکھی، جھولی تن نہ کوئے بھرائیا۔ اوہ ویکھ میری آسا دُہتّھڑ مار کے رہی پٹی، ہتّھ پٹّاں اُتے لگائیا۔ بِنا پربھوُ توں کِسے دی کرنی نہ ہووے چِٹی، کالا داغ نہ کوئے مِٹائیا۔ صدی چؤدھویِں نہ جائے نجِٹّھی، سِر ہتّھ نہ کوئے ٹِکائیا۔ جوتی جوت سروُپ ہرِ، آپ اپنی کِرپا کر، کرے کھیل ساچا ہرِ، سچ دا مالک اِک اکھوائیا۔ دھرنی کہے دھرم ویکھ کھیل سچّے سَتگُر دے، گُردیو سوامی آپ کرائیا۔ جِس دے کول حُکم دُھر دے، سچکھنڈ دا مالک نظری آئیا۔ میرے اُتے کوٹن جیِو پِھردے تُردے، دِوس رَین بھجّن واہو داہیِا۔ میَنوُں اِیوں جاپیا ایہہ سارے ہوئے مُردے، مُریِد مُرشد وِچ نہ کوئے سمائیا۔ کلجُگ وہن وِچ جاندے رُڑھدے، پھڑ باہوں باہر نہ کوئے کڈھائیا۔ اپنے گھر موُل نہ مُڑدے، جِس گرِہ توں ہوئی جُدائیا۔ مانَس جنم اَینویں جاندے کُھردے، قیِمت انت کوئے نہ پائیا۔ ساچی منزل موُل نہ تُردے، رہبر مِلیا نہ بےپرواہیِا۔ جوتی جوت سروُپ ہرِ، آپ اپنی کِرپا کر، دیونہارا ساچا ور، نِہکلنک نرائن نر، مہاراج شیرسِنگھ وِشنوُں بھگوان، لیکھے جانے ٹھگ چور دے، یار یاراں ویکھ وکھائیا۔

۹ پھگّن شہنشاہی سمت اٹّھ پِنڈ رُڑکا ضِلع جالندھر سماں کؤر دے نوِت

دھرنی کہے دھرم میری لیکھے لگّے خاک، خاک چھار ہو کے سیِس نِوائیا۔ میرا تن وجوُد ہووے پاک، پتت پُنیِت دئے کرائیا۔ چرن دھوُڑی بخشے ساچا نات، پیار مُحبّت وِچ سمائیا۔ میرا سوامی کھولے تاک، پردہ اندروں دئے اُٹھائیا۔ میَں سب کُچھ ویکھاں مار جھات، جھاکی خلق وِچ لگائیا۔ میرا سوامی چڑھے اَسو گھوڑے اگمےّ راک، زیِن پاکھر نام والی پائیا۔ میرا اوس اُتے وِشواس، جو وِشیاں توں باہر کھیل کھِلائیا۔ سچ دوارے پاوے راس، نِرگُن سرگُن روُپ بدلائیا۔ میری پوُری کرائے آس، تمنّا اوَر رہن نہ پائیا۔ بھگت سُہیلے وسے پاس، گُر چیلا جوڑ جُڑائیا۔ ملِے وڈیائی لوک مات، ماتر بھوُمی سیِس نِوائیا۔ میری منظور کرے ارداس، بیننتی اِکو اِک سُنائیا۔ چؤتھے جُگ پوُری کرے خواہش، ترِسنا ترِکھا دئے بُجھائیا۔ میَنوُں کرنا نہ پئے تلاش، گرِہ آوے دُھر دا ماہیِا۔ تِھت وار لیکھا جانے برس ماس، گھڑی

پل دھیان لگائیا۔ سوامی ہو کے پُچھے وات، وارث ہو کے ہوئے سہائیا۔ میرے اُتوں میٹے کلجُگ اندھیری رات، سَتجُگ سچ کر رُشنائیا۔ چار ورن بنائے اِک جماعت، ایکا اکھّر نام پڑھائیا۔ کوُڑا چیِتھڑ جاوے پاٹ، تن بستر نام سچ پہنائیا۔ وست امولک دیوے اپنے ہاٹ، ونج ونجارا اِک کرائیا۔ تیِرتھ دسےّ سروور ساچا گھاٹ، تٹ اوَر نہ کوئے جنائیا۔ جگت جُگت دی مکُے واٹ، جیِون زِندگی دئے بدلائیا۔ میَں اوسے دے اَگے جوڑاں ہاتھ، نِو نِو سیِس جھُکائیا۔ کِرپا کر پُرکھ سمراتھ، سمرتھ تیری سرنائیا۔ میرے سگل وسوُرے جانے لاتھ، روگ سنتاپ رہے نہ رائیا۔ انت کنت بھگوَنت پرِتھمی کہے میری پُچھے وات، پرتھم اپنا پھیرا پائیا۔ میَں چار جُگ سندیسے سُنے بھانت بھانت، اوتار پَیغمبر گُر گئے سُنائیا۔ میَں چاہُندی کِرپا کرے کملاپات، پت پرمیشور نوُر الاہیِا۔ جھگڑا میٹے ذات پات، آتم برہم اِک سمجھائیا۔ نِرگُن نِرگُن دیوے ساتھ، سگلا سنگ نِبھائیا۔ میرا پوُرب پوُرا کرے گھاٹ، وادھا اپنے نال جنائیا۔ جن بھگتاں بھاگ لگا کے کایا ماٹی ماٹ، نِرگُن نوُر نوُر رُشنائیا۔ آتم سیج سُہائے سُہنجنا کھاٹ، کھٹکا اوَر رہے نہ رائیا۔ جوتی جوت سروُپ ہرِ، آپ اپنی کِرپا کر، دیونہارا ساچا ور، نِہکلنک نرائن نر، مہاراج شیرسِنگھ وِشنوُں بھگوان، دھرنی کہے میری پت لئے راکھ، رکھک ہو کے ویکھ وکھائیا۔

۹ پھگّن شہنشاہی سمت اٹّھ پِنڈ رُڑکا ضِلع جالندھر پرکاش کؤر دے گرِہ

کلجُگ کہے دھرنیئے میریاں پئیاں دُھماں، دھوُم دھام نال جنائیا۔ سَت دھرم میَں کؤڑا کیِتا وانگ تُنما، تُخم تاثیر سب دی دِتی بدلائیا۔ نؤ کھنڈ پرِتھمی ستّ دیِپاں گھُنماں، بھجّاں واہو داہیِا۔ دیِن دُنی رات نوُں سؤندی میَں پربھ دے چرن چمُّاں، چوری چوری بھگتاں دے وِچ آئیا۔ کُجھ میرا لیکھا باقی جو دسّاں ایسے جمُعہ، جمُلے اکھّر بنائیا۔ جِس کارن اکھّر بنایا نوُن غنّہ، گُنونت دِتی وڈیائیا۔ میَں بھیوَ جناواں مالک کُنا، کُل مالک کی سمجھائیا۔ کِسے ہتّھ نہ آواں سادھوُ فقیِراں دے وِچ سنا، سُنّ سمادھی سمجھ کِسے نہ آئیا۔ جگت جگیاسوُآں دھرم دی دھار گوائی دُھنہ، دُھن آتمک راگ نہ کوئے دِرڑائیا۔ میَں پرم پُرکھ دا لاڈلا اِکو مُنّا، جِس مُنی مُنیِشر دِتے بُھلائیا۔ میَں پاٹھ کردا نہیں نال

بُلاں، بُلاں والی سرِشٹی ہِردے ہرِ نہ سکے کوئی وسائیا۔ دھرنیئے تک لےَ میَں تیرے اُتے پھلیا پُھلا، پُھلواڑی میری کام کرودھ لوبھ موہ ہنکار نظری آئیا۔ میَں ترےَگُن مایا تپا کے بَیٹھا چُلھا، چوُلیاں وِچ پیاؤن والے امرت میری اگّ سکے نہ کوئے بُجھائیا۔ میرا ویکھ لئے ویہڑا کُھلا، چار کُنٹ نظری آئیا۔ دیِناں مذہباں وِچ رہن نہیں دینی صُلح، مِتر مِتراں نال لڑائیا۔ سب دا دیوا کرنا گُلا، گُلشن سکے نہ کوئے مہکائیا۔ نام نِدھانا کِسے ہتّھ آؤن نہ دیواں تُلہا، بیڑا پار نہ کوئے کرائیا۔ اوہ ویکھ لےَ سنت سادھ جگت مایا کامنی دے وِچ رُلا، کامل مُرشد مِلن کوئے نہ پائیا۔ کلجُگ کہے دھرنیئے تیرے اُتے مانَس بوُٹا ہُلا، پتّ ٹہنی نہ کوئے لہرائیا۔ جوتی جوت سروُپ ہرِ، آپ اپنی کِرپا کر، کرے کھیل ساچا ہرِ، نِہکلنک نرائن نر، مہاراج شیرسِنگھ وِشنوُں بھگوان، آد جُگاد سدا ابُھلا، ابُھل اپنی کھیل کھِلائیا۔

۹ پھگّن شہنشاہی سمت اٹّھ پِنڈ رُڑکا ضِلع جالندھر تیج کؤر دے گرِہ

کلجُگ کہے سُن اوۓ دھرم دھمیا، دھرنی اُتے تَینوُں دیاں جنائیا۔ جُگ جُگ تُوں بنائے حد بنّیا، سَتجُگ تریتا دواپر ویکھ وکھائیا۔ میَں پُرکھ اکال اکال دُلارا اِکو جمّیا، سوُربیِر بل پرگٹائیا۔ تَینوُں لوک مات کیِتا نِکمیا، بَل نظر کوئے نہ آئیا۔ تیری جڑ اُکھڑی وانگ گنّیا، ہلوُنا وِکار والا لگائیا۔ پت رہن دِتی نہیں کِسے کنّیا، ایہہ میری بےپرواہیِا۔ جگت جہان کیِتا نیتر انھیا، لوچن اکھّ نہ کوئے کُھلائیا۔ شاہ سُلطاناں سب نوُں ڈنّیا، جگت جگیاسوُآں کیِتی صفائیا۔ چاروں کُنٹ میَتھوں کمبیا، تھرتھراہٹ وِچ کُرلائیا۔ تُوں جُگ جُگ پِھر کے ہمّبیا، بلہیِن اکھوائیا۔ میرا ہُن سماں نہیں کوئی لمیاں، لما پےَ کے ویکھ وکھائیا۔ جوتی جوت سروُپ ہرِ، آپ اپنی کِرپا کر، کرے کھیل ساچا ہرِ، نِہکلنک نرائن نر، مہاراج شیرسِنگھ وِشنوُں بھگوان، دیوے وڈیائی میرے کلبوُت والے تنیا، جو مِہربان مِہربان مِہربان دِتا بنائیا۔

۹ پھگّن شہنشاہی سمت اٹّھ پِنڈ رُڑکا ضِلع جالندھر درشن سِنگھ دے گرِہ

کلجُگ کہے دھرم میرا کوُڑ دا تک لےَ لالچ، دیِن دُنی دِتی للچائیا۔ مایا ممتا ٹِکاّ لایا مستک کالکھ، دُرمت میَل نہ کوئے دھوائیا۔ پربھوُ دے پیار وِچ رہن دِتا کوئی نہ خالص، سَت وِچ نہ کوئے سمائیا۔ اپنی نِندرا کھول لےَ آلس، بِن نیَناں نیَن اُٹھائیا۔ کِرپا کرے میرا خلق دا خالق، مخلوُق دا مالک دَیا کمائیا۔ جِس میرے وِچ جھوُٹھ بنایا ثالث، ثالثی جگت کمائیا۔ دِوس رَین بنیا میرا پرِتپالک، سِر سِر اپنا ہتّھ ٹِکائیا۔ تُوں روُپ اَنجانا بالک، نظر جگت نہ آئیا۔ جوتی جوت سروُپ ہرِ، آپ اپنی کِرپا کر، جگ دیوے مان وڈیائیا۔ کلجُگ کہے دھرم میری تک لےَ ریِتی، ریِتیواناں دیاں جنائیا۔ اپنی سمجھے کوئے نہ کیِتی، کرنی سمجھ کوئے نہ پائیا۔ پوِتر رہن دِتی نہیں میَں نیِتی، کوُڑ کُڑیارا رنگ چڑھائیا۔ جھگڑا پا کے ہست کیِٹی، اوُچاں نیِچاں دِتا ٹکرائیا۔ اِیمان رہن دِتا نہیں مندر مسیِتی، کعبے رہے کُرلائیا۔ مُریِد مُرشداں قایم نہیں رہی پریِتی، چیلا گُر نہ کوئے وڈیائیا۔ رسنا رسائن رہی نہ میِٹھی، کوُڑ کِریا وِچ ہلکائیا۔ میری کھیل تک انڈیٹِھی، جو گھر گھر دِتی ورتائیا۔ جوتی جوت سروُپ ہرِ، آپ اپنی کِرپا کر، دیونہارا ساچا ور، نِہکلنک نرائن نر، مہاراج شیرسِنگھ وِشنوُں بھگوان، اپنی دھار درسائے نیِکن نیِکی، جگت جُگ نیتر نیَن نظر کِسے نہ آئیا۔

۹ پھگّن شہنشاہی سمت اٹّھ پِنڈ رُڑکا ضِلع جالندھر سُرجیِت سِنگھ دے گرِہ

دھرم کہے کلجُگ تُوں بڑا نِرالا بھیکھی، روُپ انوُپ بدلائیا۔ ہؤمے ہنگتا والی تیری شیخی، شیخاں مُلّا مسائکاں رہی ڈرائیا۔ اوہ ویکھ دیِن دُنی دِسے پردیسی، سچ گرِہ نہ ہوئے سہائیا۔ تیری مِٹدی جاندی ریکھی، ریکھا سَتجُگ رہیا بدلائیا۔ سَتگُر شبد بن کے بھیتی، جگت جہان ویکھ وکھائیا۔ تیرا لہنا دینا مُکاوے چھیتی، چھتردھاریِاں کرے صفائیا۔ تُوں انتم اپنی سیج تے لیٹیِں، جِتھے سُتیاں نہ کوئے اُٹھائیا۔ پُرکھ اکال نوُں مستک ٹیکیِں، چرن چھوہ نال وڈیائیا۔ جو تیرا پوُرا کرے ہیتی، ہِتکاری ہو کے ویکھ وکھائیا۔ جِس نوُں سارے کہندے نیتی نیتی، نر نرائن اگمّ اتھاہیِا۔ اوہ تیری جڑ اُکھیڑے میخی، دھرنی دھوَل رہن نہ پائیا۔ دھرم کہے کلجُگ انت نِشانہ کر

لےَ کیسی، کیس گڑھ دا لیکھا گوبِند گیا دِرڑائیا۔ نِرگُن سرگُن دھار تک لےَ نانک والی کھیسی، اپنا بھار اُٹھائیا۔ کوُڑ کلپنا گٹھڑی بنّھ لےَ بھیسی، ڈوُنگھے ساگر وہن وہائیا۔ جوتی جوت سروُپ ہرِ، آپ اپنی کِرپا کر، کرے کھیل ساچا ہرِ، نِہکلنک نرائن نر، مہاراج شیرسِنگھ وِشنوُں بھگوان، تیرا لہنا دینا انت کرائے وار ایکی، ایکنکار اپنا حُکم ورتائیا۔

۹ پھگّن شہنشاہی سمت اٹّھ پِنڈ رُڑکا ضِلع جالندھر پریِتم کؤر دے گرِہ

دھرم کہے کلجُگ سَتگُر شبد اگمّا ویکھ بُکدا، بھبک دُھر دا نام لگائیا۔ جِس بھیوَ کُھلاؤنا اِکو تُک دا، تُوں میرا میَں تیرا راگ جنائیا۔ تُوں تھاں لبھنا اپنی لُک دا، دھرنی اُتے رہن نہ پائیا۔ تیرا پیَنڈا جاندا مُکدا، مُکمل دیاں سُنائیا۔ لیکھا مُکنا کوُڑی بُھکھ دا، ترِسنا دینی گوائیا۔ بھاگ اُدے ہونا جننی والی کُکھ دا، جن بھگتاں ملِے وڈیائیا۔ ہرِجن پیَنڈا مُکنا اُلٹے رُکھ دا، نؤ اٹھاراں اگن نہ کوئے تپائیا۔ پربھوُ دا کھیل نہیں کِسے منُکھ دا، ہرِ کرتا سب کُچھ آپ کرائیا۔ جِس نوُں اوتار پَیغمبر گُروُ جھُکدا، وِشن برہما شِو زِمیں اسماناں سیِس جھُکائیا۔ اوہ صدی چؤدھویِں انتم سب نوُں پُچھدا، پیِر پَیغمبر رہیا اُٹھائیا۔ بھیوَ ابھیدا کھولے اپنی اگمّی رُت دا، کی رُتڑی رنگ رنگائیا۔ کی لیکھا ہونا کایا ماٹی پنج تت بُت دا، بُتخانیاں پھول پھولائیا۔ کِس بِدھ تیرا پیَنڈا مُکنا لُٹ دا، لُٹیریا جگت مات لوک رہن نہ پائیا۔ سماں سماپت ہووے پُھٹ دا، پُھٹکل رہے نہ کوُڑ لوکائیا۔ جوتی جوت سروُپ ہرِ، آپ اپنی کِرپا کر، دیونہارا ساچا ور، نِہکلنک نرائن نر، مہاراج شیرسِنگھ وِشنوُں بھگوان، اپنے نِشانیوں آد جُگاد کدی نہیں اُکدا، نام انیالا تیِر دو جہان چلائیا۔

۹ پھگّن شہنشاہی سمت اٹّھ پِنڈ رُڑکا ضِلع جالندھر بھجنو دے گرِہ

کلجُگ کہے دھرم جی نہ مار اپنا کڑکا، کڑک کڑک سُنائیا۔ میرا کھیل ویکھ نِدھڑکا، ہتّھ سیِنے اُتے ٹِکائیا۔ میَں اٹّھاں سالاں وِچ تیریِاں کڈھ دینیِاں رڑکاں، ریڑکا پاؤنا تھاؤں تھائنیا۔ تُوں پِھرنا ستّاں دیِپاں والیِاں اُتے سڑکاں، بھجّنا واہو داہیِا۔ تَینوُں پتہ نہیں میَں پُرکھ

اکال دا چھوٹا لڑکا، جِس کلجُگ دھریا ناؤں چائیں چائنیا۔ میَں لہنا دینا ویکھاں لہندا چڑھدا، دکھّن پہاڑ کھوج کھوجائیا۔ نؤواں کھنڈاں دوارے کھڑدا، سنمُکھ ہو کے سوبھا پائیا۔ میَں بنیا اِک پربھوُ دا بردا، سیوک ہو کے سیو کمائیا۔ میَں گھر گھر جھگڑا پایا ناری نر دا، سگلا سنگی رہن کوئے نہ پائیا۔ میری کوُڑ ترنی وِچ کلجُگ جیِو تردا، چاروں کُنٹ تاریِاں لائیا۔ کوُڑ وِکاراں وِچ سڑدا، ہؤمے اگن تپائیا۔ میَں لیکھا ویکھیا چوٹی جڑ دا، جڑ چیتن کھوج کھوجائیا۔ پر میَں دُلارا اُس نرائن نر دا، جِس میَنوُں جنم دِتا بِنا مائیا۔ میَں کوُڑ کُہاڑا ہتّھ وِچ پھڑدا، جگت جگیاسوُآں دیاں لگائیا۔ چاروں کُنٹ اندھیر کردا، دھرم تیرا چند نہ کوئے رُشنائیا۔ میرا لیکھا کلجُگ کل دا، کلکاتی کھیل کھِلائیا۔ جوتی جوت سروُپ ہرِ، آپ اپنی کِرپا کر، کرے کھیل ساچا ہرِ، نِہکلنک نرائن نر، مہاراج شیرسِنگھ وِشنوُں بھگوان، میرا مالک جل تھل دا، مہیئل آپے رہیا سمائیا۔

۹ پھگّن شہنشاہی سمت اٹّھ پِنڈ بِلگا ضِلع جالندھر چِھندو دے گرِہ

کلجُگ کہے دھرم میَں تیری لُٹی ہٹّی، لُٹیرا اپنا آپ کرائیا۔ سچ دی رہن نہیں دِتی کھٹّی، کھاتے سارے دِتے مِٹائیا۔ حِساب کِتاب والی ویکھ لےَ اپنی پھٹّی، ہِندسہ نظر کوئے نہ آئیا۔ سب نوُں بھرنی پَینی چٹّی، جو چیٹک تیرے نال رکھائیا۔ میَں خبر سُناواں حقی، حقیِقت نال دِرڑائیا۔ میرا صاحِب پُرکھ سمرتھی، ہرِ کرتا دُھردرگاہیِا۔ جِس لوک مات تَینوُں توریا ہتّھی، سِر اپنا ہتّھ ٹِکائیا۔ میرا نال چلاوے رتھی، رتھواہی ہو کے حُکم سُنائیا۔ سَت دھرم نوُں جائیں متھی، کلجُگ تیرے وِچ رہن نہ پائیا۔ جگت اٹاری ہووے ڈھٹّھی، محل اٹل نہ کوئے سُہائیا۔ ترےَگُن مایا تپا دے بھٹّھی، بھٹھیالا ہو کے اگنی ڈاہیِا۔ اندھیرا کر دے بِنا دیوا وٹّی، جگت نوُر نہ کوئے چمکائیا۔ دیِن دُنی جاوے چھٹی، چُھٹکارا دئے نہ کوئے کرائیا۔ کوُڑی مد پیا سب نوُں گٹ گٹی، گٹّا اپنے ہتّھ کُھلائیا۔ سمُند ساگراں پار ٹپّی، نؤواں کھنڈاں ویکھ وکھائیا۔ جگت جگیاسوُ سارے پھٹی، تیِر کوُڑ والا چلائیا۔ سب دا جیِون پاویں نٹّی، نٹوُآ ہو کے سوانگ ورتائیا۔ ویکھیں

فرق نہ آوے رتی، جوتی جوت سروُپ ہرِ، آپ اپنی کِرپا کر، دیونہارا ساچا ور، نِہکلنک نرائن نر، مہاراج شیرسِنگھ وِشنوُں بھگوان، آد جُگاد سرب کلا سمرتھی، سمرتھ پُرکھ دَیا کمائیا۔

۹ پھگّن شہنشاہی سمت اٹّھ گرداوَر سِنگھ دے گرِہ پِنڈ رُڑکا ضِلع جالندھر

دھرم کہے کلجُگ ایَویں نہ بن چنگا، کی چنگی تیری وڈیائیا۔ اوہ کھیل تک پربھوُ سنگا، سگلا سنگی کی کھیل ورتائیا۔ جِس دا شبد اگمّی کھنڈا، دو جہاناں رہیا ڈرائیا۔ اوہ تیریِاں ونڈے ونڈاں، کنڈھی بَیٹھا دھیان لگائیا۔ جِس لہنا دینا پوُرا کراؤنا وِچ برہمنڈاں، برہمانڈ کھوج کھوجائیا۔ وقت سُہنجنا کرے تارا چندا، صدی چؤدھویِں انت کرائیا۔ تیرا دوُر رہیا نہیں پندھا، پاندھی اپنا پندھ لیَنا مُکائیا۔ سِروں پَیروں پِھریں ننگا، پردہ سیِس نہ کوئے ٹِکائیا۔ سُن لےَ تُوں میرا میَں تیرا چھندا، جو سچ سوامی رہیا دِرڑائیا۔ نیترہیِن نہ رہیں اندھا، جوتی جاتا تک دُھر دا ماہیِا۔ جِس نے سانوُں لاؤنا انگا، انگیکار اِک ہو آئیا۔ ایَویں بچن نہ بولیں مندا، بھاگ ہیِن اکھوائیا۔ اوہ تک جِنھ امرت رس دینا ٹھنڈا، ٹھنڈک اپنی دئے ورتائیا۔ اوہ بھگتاں نال پا کے گنڈھا، آتم پرماتم ناتا رہیا جُڑائیا۔ پِچھلا تیرا وقت لنگھا، اَگے بھجّنا واہو داہیِا۔ جوتی جوت سروُپ ہرِ، آپ اپنی کِرپا کر، کرے کھیل ساچا ہرِ، نِہکلنک نرائن نر، مہاراج شیرسِنگھ وِشنوُں بھگوان، آد جُگاد سوُرا سربنگا، شاہ پاتشاہ اِک اکھوائیا۔

۹ پھگّن شہنشاہی سمت اٹّھ پِنڈ رُڑکا ضِلع جالندھر جُگِندر سِنگھ دے گرِہ

دھرم کہے کلجُگ تیری کی لیاقت ، لایق ہو کے دے جنائیا۔ مات لوک کی شرافت، شریِف ہو کے دے سمجھائیا۔ سَت وِچ کی نزاکت، نخرے نال دے دِرڑائیا۔ کلجُگ کہے دھرم جی جوُٹھ جھوُٹھ دی میری عادت، عدلی مالک دِتی وڈیائیا۔ جگت وِکار دی میری

عبارت، دیِن دُنی دِتی سمجھائیا۔ شرع نال شرع ٹکراؤنی میری شرارت، شریِعت شریِعت نال لڑائیا۔ میرے پربھوُ نے میرے پیار دی لِکھی عبارت، بِنا اکھّراں اکھّر بنائیا۔ کلجُگ جِناں چِر میَں آواں نہ وِچ بھارت، تُوں بھؤ سب نوُں دینا تھاؤں تھائنیا۔ میرے بِنا تیرا ہوئے کوئے نہ وارث، وِرشہ تیرا ہتّھ نہ کِسے پھڑائیا۔ میَں انتم آ کے کراں فارغ، وِہلا دیِن دُنی وِچوں کرائیا۔ کلجُگ کہے دھرما اوہ ویکھ میرے کول اوس دا کارڈ، جو لیکھ دِتا بنائیا۔ اوسے نے بنایا سوُربیِر بہادر، بَل میرے وِچ ٹِکائیا۔ میَں تکاّں کریِم قادر، جو مالک قُدرت اِک اکھوائیا۔ جِس میرا کرم کیِتا اُجاگر، لوک مات دِتی وڈیائیا۔ اوہ میرا محبوُب اگمّا عادل، عدل اِنصاف اِک کرائیا۔ جِس میَنوُں بھیوَ کُھلایا باطن، پردہ دِتا چُکائیا۔ دھرم تُوں نہ جانے میرا مہاتم، کِس بِدھ مات لوک کھیل کھِلائیا۔ میرا اِکو آقا پُرکھ اکال پرماتم، پرم پُرکھ سرنائیا۔ جوتی جوت سروُپ ہرِ، آپ اپنی کِرپا کر، کرے کھیل ساچا ہرِ، نِہکلنک نرائن نر، مہاراج شیرسِنگھ وِشنوُں بھگوان، میِت مُرارا سب دا ساجن، ساجن سجنوُآ اِک اکھوائیا۔

۱۰ پھگّن شہنشاہی سمت اٹّھ پِنڈ رُڑکا ضِلع جالندھر جاگیِر کؤر دے گرِہ

کلجُگ کہے دھرم میَں سوُربیِر انعامی، بلدھاری اِک اکھوائیا۔ چاروں کُنٹ کیِتی تیری بدنامی، سچ رنگ نہ کوئے سمائیا۔ اٹھسٹھ وِرول دِتے پانی، تیِرتھ تٹ رہے کُرلائیا۔ مان رہن نہیں دِتا کِسے بانی، بان اپنا تیِر چلائیا۔ آتم پرماتم بنے کوئے نہ رانی، سُگھڑ سُچجیّ روُپ نہ کوئے درسائیا۔ سرِشٹی درِشٹی کیِتی ابِھمانی، مان ہنکار وِچ دُہائیا۔ سچ دی رہی نہ کوئے نِشانی، نِشانے کوُڑ دِتے جھُلائیا۔ آتم بنیا نہ کوئے گیانی، برہم وِدیا نہ کوئے سمجھائیا۔ میرا کھیل تک لاثانی، لاشریِک دِتا کرائیا۔ منزل ملِے نہ کِسے روُحانی، روُح بُت اگنی تت تپائیا۔ جوتی جوت سروُپ ہرِ، آپ اپنی کِرپا کر، کر کھیل ساچا ہرِ، نِہکلنک نرائن نر، مہاراج شیرسِنگھ وِشنوُں بھگوان، دیوے دات آد دا دانی، دَیاوان دَیا کمائیا۔

۱۰ پھگّن شہنشاہی سمت اٹّھ پِنڈ بِلگا ضِلع جالندھر گُردیو کؤر دے گرِہ

کلجُگ کہے دھرم میرا ویکھ لےَ بنسا، پنچ وِکارا سوبھا پائیا۔ جِس جیِو جنت بُھلایا سہنسا، گِنتی گنت نہ کوئے گِنائیا۔ میری دھرم دھار دی کوُڑ دی تک لےَ انسا، بنس دا مالک اِکو سوبھا پائیا۔ چاروں کُنٹ بدل دِتی منسا، منوُآ من من بدلائیا۔ گڑھ بنا کے ہؤمے ہنگتا، ہنگ برہم دِتا بُھلائیا۔ جگت جہان کر کے بُھکھا ننگتا، در در دھکاّ لائیا۔ آتم پرماتم بنے کوئے نہ سنگتا، بھگت بھگوان سنگ نہ کوئے نِبھائیا۔ مان رہن دِتا نہیں کِسے پنڈتا، بُدھیِوان نہ کوئے چتُرائیا۔ منزل ملِے نہ کِسے سنتا، سِدھ سادھک رہے کُرلائیا۔ ڈؤروُ ڈنکا وجےّ کوُڑیاں نِندکاں، ایہہ میری بےپرواہیِا۔ میری کرنی دیِاں تک لےَ ہِمّتاں، حؤصلے نال جنائیا۔ میَں پھیری دروہی چارے سِمتاں، چار کُنٹ ہلکائیا۔ دھرم دواریاں کراں عِلّتاں، شریِعت شرع نال لڑائیا۔ سب دے اندر پائی چِنتا، غمی سکے نہ کوئے مِٹائیا۔ میریِاں سارے کردے مِنّتاں، نِیوں نِیوں سیِس جھُکائیا۔ میَں پَیغمبراں بنائیاں سُنّتاں، شرع دی ونڈ ونڈائیا۔ رسوُلاں وکھائیاں اُمتاں، نبیاں رنگ رنگائیا۔ میریِاں تھوڑیِاں بیِتیاں مُدتاں، مُدّعا سب دا دِتا اُلٹائیا۔ پر میَں اِک پربھوُ دے چرن چمُّدا، چرن سرن سرنائیا۔ چاروں کُنٹ گھُنمدا، بھجّاں واہو داہیِا۔ جوتی جوت سروُپ ہرِ، آپ اپنی کِرپا کر، کرے کھیل ساچا ہرِ، نِہکلنک نرائن نر، مہاراج شیرسِنگھ وِشنوُں بھگوان، جو مالک خالق کُل دا، کُلونتا آپ اکھوائیا۔