۲۶ پھگّن شہنشاہی سمت اٹّھ پِنڈ سیئی خُرد ضِلع جموں پریم چند دے گرِہ
دھرم کہے دھرنی پربھ دا کھیل سنجوگی، جُگ جُگ وِچھڑیاں میل مِلائیا۔ جِس دا بھیوَ پائے کوئے نہ جوگی، جنگم جٹا جوُٹ نہ کوئے وڈیائیا۔ دیِن دُنی کلجُگ ویکھ روگی، ہؤمے روگ نہ کوئے مِٹائیا۔ جگت ترِسنا ہوئی بھوگی، بھسمڑ روُپ نہ کوئے بدلائیا۔ ٹھاکر ملِے کِسے نہ مؤجی، مجلس سچ نہ کوئے لگائیا۔ کلجُگ مُکدی تک لےَ اؤدھی، اؤدھ اوَر نہ کوئے ودھائیا۔ اسیں صلاح کریئے گھروگی، گھر وِچ متا پکائیا۔ مِہربان محبوُب کی مان دیوے موُنڈ مُنڈایا ٹِکاّ بودی، لباں رنگ کی رنگائیا۔ دھرنی کہے دھرم میَں غماں وِچ ہو گئی کوڈی، بلہیِن اکھوائیا۔ میَں سوچاں اُنگل رکھ کے اُتے ٹھوڈی، دلیِل دلیِلاں وِچ بدلائیا۔ میرے درد پیَندی گوڈی، بہُڑی بہُڑی کر کُرلائیا۔ بِنا میرے صاحِب توں
دُنیا دی آتم جائے نہ سودی، سُدی ودی کمّ کِسے نہ آئیا۔ میَں بِرہوں وِچھوڑے وِچ ہوئی وِیوگی، وِیوگن ہو کے دیاں جنائیا۔ کلجُگ کوُڑا چاروں کُنٹ دِسے لوبھی، مایا ممتا موہ ودھائیا۔ سادھ سنت ہوئے کرودھی، ہؤمے ہنگتا گڑھ نہ کوئے تُڑائیا۔ جوتی جوت سروُپ ہرِ، آپ اپنی کِرپا کر، دیونہارا ساچا ور، سِر میرے ہتّھ رکھائیا۔ دھرنی کہے دھرم کرنی کی صلاح، سچ دیاں جنائیا۔ سرِشٹی ساری بھری گُناہ، پتت پُنیِت نظر کوئے نہ آئیا۔ میَں رہی نہیں دھرم دی ماں، پوُت گود نہ کوئے سُہائیا۔ میری پکڑے کوئی نہ بانہہ، بُڈھاپا رووے مارے دھاہیِا۔ عدل کرے نہ کوئے نیاں، اِنصاف ہتّھ کِسے نہ آئیا۔ اُچی کوُک کے ماراں دھاہ، دُہتّھڑ پٹّاں اُتے لگائیا۔ نیتر نیَن لواں اُٹھا، چاروں کُنٹ بھوائیا۔ دوئے جوڑ واسطہ دیاں پا، نِو نِو سیِس نِوائیا۔ کِرپا کر میرے مِہرواں، مِہربان تیری سرنائیا۔ جے تُوں سمبل بَیٹھوں آ، سمبل دے مالک میرا لیکھا پوُر کرائیا۔ میری )منظور( کر دُعا، خالی جھولی اَگے ڈاہیِا۔ اِمام اِماما ہو رُشنا، نوُر نوُرانہ نوُر رُشنائیا۔ میَں دِوس رَین رہی کُرلا، کوُک کوُک سُنائیا۔ گل پلّوُ رہی پا، مُکھ کاہن ویکھ وکھائیا۔ میَں گؤ نِمانی کلجُگ قصائی کولوں چُھڈا، قسم کھا کے دیاں سُنائیا۔ جوتی جوت سروُپ ہرِ، آپ اپنی کِرپا کر، ایکا دینا ساچا ور، نِہکلنک نرائن نر، مہاراج شیرسِنگھ وِشنوُں بھگوان، میرا دھرم دوارا سچ سُہا، سوبھاوَنت تیری وڈیائیا۔
۲۶ پھگّن شہنشاہی سمت اٹّھ پِنڈ سیئی خُرد ضِلع جموں سردار سِنگھ دے گرِہ
دھرنی کہے دھرم میَں روواں مار کے بُھبی، دروہی تیرا نام خُدائیا۔ میَں لّکوں ہو گئی کُبی، کمر سِدھی نہ کوئے کرائیا۔ کلجُگ چِکڑ دے وِچ کُھبھی، پھڑ باہوں پار نہ کوئے کڈھائیا۔ تُوں مالک جُگ جُگی، ہرِ کرتا اِک اکھوائیا۔ نِگاہ مار اُپر بسُدھی، بےسُدھ ہو کے دیاں جنائیا۔ پوِتر رہی کِسے نہ بُدھی، مت ہیِن ہوئی لوکائیا۔ تن وجوُداں اندر آئی خُدی، ہنکار نال ہلکائیا۔ سب دی بھاوَنا ہوئی دوُجی، دُتیا بھاؤ نال مِلائیا۔ تیری رمز کِسے نہ بُجھی، پردہ سکے نہ کوئے اُٹھائیا۔ کھیل تک اپنی گُجھی، نوَ ستّ دھیان لگائیا۔ جوتی جوت سروُپ
ہرِ، آپ اپنی کِرپا کر، ایکا دینا ساچا ور، سچ تیری سرنائیا۔ دھرنی کہے دھرم میرے ولّ تکّ، تقویٰ اِک رکھائیا۔ میرا ٹُٹ گیا لکّ، ہڈّی ریِڑ رہی کُرلائیا۔ میَنوُں ملِے نہ میرا حق، گُر اوتار پَیغمبر حاکماں رہی سُنائیا۔ منگتی ہو ہو گئی تھک، بھجیّ واہو داہیِا۔ انتم گئی اکّ، دُکھاں وِچ کُرلائیا۔ اِس وِچ نہیں کوئی شک، کلجُگ کوُڑ نہ کوئے مِٹائیا۔ میَں پربھ دے اَگے رگڑاں نکّ، مِٹّی خاک دھوُڑ رمائیا۔ کِرپا کر پُرکھ سمرتھ، مِہربان ہو سہائیا۔ دھرم دا مارگ اگلا دسّ، پِچھلا پندھ مُکائیا۔ ہر ہِردے اندر وس، گھٹ بھیِتر ڈیرہ لائیا۔ نام نِدھانا دے رس، انرسیا آپ چکھائیا۔ کلجُگ اندھیرا میٹ مس، نوُری چند کر رُشنائیا۔ جن بھگتاں نیتر کھول اکھّ، نیَن نیَن کر رُشنائیا۔ میَں جوڑاں دوویں ہتّھ، نِو نِو لاگاں پائیا۔ تُوں پُرکھ پُرکھ سمرتھ، سوامی وڈ وڈیائیا۔ تیری سرن سرنائی گئی ڈھٹّھ، مان تان دِتا مِٹائیا۔ مِہربان مِہربان مِہربان )ہو( پرگٹ، پرگٹ ہو کے میرا سنسا دے مِٹائیا۔ لیکھا سب دا مُکا جھٹ، جھٹکے حلالی والا رہن کوئے نہ پائیا۔ میرا سُہنجنا کر تٹ، کنارے دے وڈیائیا۔ ساچا امرت دے اندر گھت، سروور اِک بھرائیا۔ سرِشٹی درِشٹی اندر دے مت، مت متانتر ڈیرہ ڈھاہیِا۔ نام نِدھانے مار اگمّی سٹّ، سوئی سُرت سب دی لےَ جگائیا۔ جے تُوں روُپ وٹایا تن وجوُدی جٹّ، کلجُگ کوُڑی کِریا کر صفائیا۔ جوتی جوت سروُپ ہرِ، آپ اپنی کِرپا کر، ایکا دینا ساچا ور۔ نِہکلنک نرائن نر، مہاراج شیرسِنگھ وِشنوُں بھگوان، سب کِچھ تیرے ہتّھ، دوُسر نظر کِسے نہ آئیا۔
۲۶ پھگّن شہنشاہی سمت اٹّھ پِنڈ سیئی خُرد ضِلع جموں گُرا رام دے گرِہ
دھرم کہے دھرنی خوشیاں دے وِچ اکّڑ، سَت سچ لےَ انگڑائیا۔ پرم پُرکھ تولنہارا ساچے تکّڑ، دو جہاناں آپ تُلائیا۔ کلجُگ جھُلدا ویکھ اندھیرا جھکھّڑ، آندھی چاروں کُنٹ آئیا۔ کوُڑی کِریا پھڑ اُٹھاوے پکڑ، ہلوُنا دئے لگائیا۔ دیِناں مذہباں لگا کے ٹکّر، ٹُکڑے ٹُکڑے لیکھا دئے مُکائیا۔ سَتگُر سوُرا بن کے اگمّا کٹّڑ، اپنا مارگ دئے سمجھائیا۔ پِچھلی آشا سب دی کرے پھٹّڑ، گھاؤ پوُرب نام لگائیا۔ جوتی جوت سروُپ ہرِ، آپ اپنی کِرپا کر، کرے کھیل ساچا ہرِ، سچ دا حُکم اِک ورتائیا۔ دھرم کہے دھرنی بلدھار، بلدھاری دَیا کمائیا۔ اوہ
ویکھ کھیل سچّی سرکار، کی کرتا کار کمائیا۔ جوتی جاتا لئے اوتار، نِرگُن نوُر کرے رُشنائیا۔ ساچا مارگ لا وِچ سنسار، بھگت بھگوان دئے اُٹھائیا۔ پھڑ باہوں دُتر جائے تار، دُتیا بھاؤ مُکائیا۔ مِہربان ہو کے پَیج جائے سوار، سِر سِر اپنا ہتّھ ٹِکائیا۔ تیرا کرم لئے وِچار، کُکرم کلجُگ کوُڑا لئے جگائیا۔ تیرے اُتوں کڈھے باہر، گرِہ مندر رہن کوئے نہ پائیا۔ تُوں ہونا شُکر گُزار، نِو نِو سیِس نِوائیا۔ جوتی جوت سروُپ ہرِ، آپ اپنی کِرپا کر، کرے کھیل ساچا ہرِ، نِہکلنک نرائن نر، مہاراج شیرسِنگھ وِشنوُں بھگوان، شاہ پاتشاہ سچّی سرکار، سروکار اپنا اپنے ہتّھ رکھائیا۔
۲۶ پھگّن شہنشاہی سمت اٹّھ پِنڈ سیئی خُرد ضِلع جموں چنّ پرکاش دے گرِہ
دھرم کہے دھرنی سَتگُر شبد دی ویکھ چُستی، چلاکی سب دے نال کمائیا۔ کلجُگ اندر کرے درُستی، سَتجُگ سچ رنگ رنگائیا۔ اپنی وکھّری کر کے پُھرتی، پُھرتیلے گُرمُکھ لئے بنائیا۔ اندروں سوئی اُٹھا کے سُرتی، سُرت اپنے نال مِلائیا۔ وست جھولی پائی دُھر دی، دُھر مستک لیکھ بنائیا۔ وڈیائی دسّ سچّے سَتگُر دی، وِچھڑے لئے مِلائیا۔ جوتی جوت سروُپ ہرِ، آپ اپنی کِرپا کر، دیونہارا ساچا ور، سچ دی رنگت رنگ چڑھائیا۔ سَتگُر شبد دی دھرنی تک چلاکی، چال نِرالی اِک بنائیا۔ لیکھا جان بندے خاکی، خاکیِاں وِچوں کھوج کھوجائیا۔ ساچے نام دا بن کے ساقی، پیالے نام رس چکھائیا۔ جن بھگتاں اندروں کھول کے تاکی، اپنا پردہ دِتا اُٹھائیا۔ درشن دے سُتیاں راتی، جگت نِندرا وِچوں باہر کڈھائیا۔ سَت سچ دسّ کے واٹی، منزل دِتی مُکائیا۔ چرن کوَل جوڑ کے ناتی، سجّن سیَن آپ اکھوائیا۔ تُوں میرا میَں تیرا دسّ کے گاتھی، سوہنگ کیِتی حق پڑھائیا۔ بن سہائی اناتھاں ناتھی، غریِباں گلے لگائیا۔ داتا بن پُرکھ سمراتھی، وست اگمّ ورتائیا۔ جوتی جوت سروُپ ہرِ، آپ اپنی کِرپا کر، دیونہارا ساچا ور، نِہکلنک نرائن نر، مہاراج شیرسِنگھ وِشنوُں بھگوان، آد جُگادی اِک ابناشی، ابناشی کرتا آپ اکھوائیا۔
۲۶ پھگّن شہنشاہی سمت اٹّھ پِنڈ سیئی خُرد ضِلع جموں رویلا رام دے گرِہ
دھرنی کہے دھرم میری کُھلی مینڈھی ویکھ گُت، سیِس پٹّی نہ کوئے گُندائیا۔ کی کھیل ورتایا ابناشی اچُت، پاربرہم اپنا حُکم سُنائیا۔ بِنا بھگتاں توں دھرم دا رہیا کوئی نہ سُت، دُلارا نظر کوئے نہ آئیا۔ میرے نالوں سارے رہے رُٹھ، سگلا سنگ نہ کوئے بنائیا۔ آتم دھار گئے ٹُٹ، پرماتما مِلن کوئے نہ پائیا۔ سب دی لِو گئی چُھٹ، چُھٹکی لِو نہ کوئے بندھائیا۔ میَں کِس دی بانہہ پھڑاں گُٹ، اُنگلی کِس نوُں لواں لگائیا۔ میَنوُں اِکو بڑا دُکھ، دُکھی ہو کے دیاں سُنائیا۔ ساچا ملِے کِسے نہ سُکھ، سُکھ نظر کوئے نہ آئیا۔ مات گربھ دے اُلٹے رُکھ، میرے اُتے روون مارن دھاہیِا۔ جِنہاں نوُں چؤراسی وِچوں جامہ مِلیا مانَس مانُکھ، پنجاں تتاں رنگ رنگائیا۔ اوہ سُتا سکے کوئے نہ اُٹھ، نیتر اکھّ نہ کوئے کُھلائیا۔ میَں کِس نوُں کہاں لاڈلا پُت، گودی کِس دے نال سُہائیا۔ میرے صاحِب نوُں سکے کوئے نہ جھُک، نِو نِو سیِس نہ کوئے جھُکائیا۔ پڑھ سکے نہ کوئے تُک، تُوں میرا میَں تیرا ڈھولا )کوئے نہ( گائیا۔ اُجل ہووے کِسے نہ مُکھ، دُرمت میَل نہ کوئے دھوائیا۔ میَں کِس نوُں امرت سیِر پیاواں گھُٹ، پھڑ باہوں گلے لگائیا۔ میرے سِسکیاں لیندے بُٹ، نیَن نیِر رہے وہائیا۔ دھرم کہے دھرنیئے کُچھ میَتھوں ہور پُچھ، بھیوَ دیاں کُھلائیا۔ اوہ محمد اِشارہ دیندا جِس لب کٹائی مُچھ، اُمتی گنڈھ پوائیا۔ اوہ موُسیٰ عیسیٰ ویکھ کر کے ہوش، ہوشیاری نال رہے جنائیا۔ ساڈا کِسے دا نہیں کوئی دوش، پربھ دا بھانا منّ کے سیِس نِوائیا۔ اوتار رہندے نہیں خاموش، سوہلے رہے سُنائیا۔ سانوُں اُس دے حُکم دا آیا جوش، باہوُ بَل نال پرگٹائیا۔ جِس تبدیلی کیِتی کایا ماٹی پوش، تت تتاں رنگ رنگائیا۔ اُس دی خُماری وِچ رہے مدہوش، مدُھر دُھن سُننی چائیں چائنیا۔ ساڈی اپنی چلی کوئی نہ سوچ، بُدھی والی نہ کوئے چتُرائیا۔ ساڈی آشا منسا لوچ، خواہش اِک دِرڑائیا۔ پُرکھ اکالا جائے پہنچ، اپنا پندھ مُکائیا۔ جِس دا لہنا دینا وِچ کرؤچ، پُشکر سلمل گنڈھ پوائیا۔ سانوُں جان نہ دیوے اؤنت، دُھر دا رنگ آپ رنگائیا۔ جوتی جوت سروُپ ہرِ، آپ اپنی کِرپا کر، کرے کھیل ساچا ہرِ، نِہکلنک نرائن نر، مہاراج شیرسِنگھ وِشنوُں بھگوان، دھرنی تیرا پوُرا کرے شؤق، کُھلی مینڈھی رہن کوئے نہ پائیا۔
۲۶ پھگّن شہنشاہی سمت اٹّھ سیئی خُرد ضِلع جموں جھنڈوُ رام جیِوڑیاں والے دے نوِت
دھرنی کہے دھرم تُوں میرے اندر مار لےَ جھاتی، سچ دیواں سمجھائیا۔ رس رہیا نہ میری چھاتی، دُدھیں سیِر نہ کوئے وڈیائیا۔ خوشیاں وِچ کدے نہ نہاتی، روُپ شِنگار نہ کوئے وکھائیا۔ شؤق رہیا نہ لوک ماتی، چاؤ گھنیرا نہ کوئے بنائیا۔ سچ سُناوے کوئے نہ ساکھی، دُھر دا شبد نام شنوائیا۔ میَں ویکھدی رہندی رَین راتی، گھڑی پل کھوج کھوجائیا۔ دیِن دُنی کلپنا والی میَنوُں مارے کاتی، کوُڑی کِریا شرع نال مِلائیا۔ میَں کِس نوُں کہاں باتی، باطن بھیوَ کُھلائیا۔ دھرم ہسّ کے کِہا سُن سندیسہ کملاپاتی، کی کرتا رہیا جنائیا۔ جو آیا تیرے اُتے لوک ماتی، نِرگُن نِروَیر روُپ الاہیِا۔ بَیٹھا اِک اِکانتی، جوتی جاتا ڈگمگائیا۔ جِس دیِن مذہب حِصّے رہن نہیں دینے پرانتی، اِکو رنگ دئے وکھائیا۔ اِشٹ رہے نہ بہُہ بھانتی، دیوَ آتما اِک سمجھائیا۔ تیری پُچھے باتی، واسطہ دھرم نال جُڑائیا۔ آہ پھڑ لےَ اُس دی پاتی، جو پترکا دِتی گھلائیا۔ سَت دھرم ہوئے پربھاتی، اِکو رنگ رنگائیا۔ کوُڑی کِریا نالوں کرے خلاصی، خالصہ اپنا بھیوَ چُکائیا۔ تَینوُں سرب سنتوکھ دیوے بھرواسی، بھرواسا اِک دِرڑائیا۔ کلجُگ کوُڑی کِریا کڈھے کر تلاشی، کایا مندر رہن نہ پائیا۔ سچ دی کرے آبپاشی، پیشیِن گوئیاں وِچ دِرڑائیا۔ تیرے اُتے سَتگُر شبد دی سدا ہووے رہراسی، منڈلاں وجےّ ودھائیا۔ کھیل تک پُرکھ ابناشی، جو کرنی دا کرتا آپ کرائیا۔ تیری چِنتا لاہے اُداسی، فِکراں وِچوں باہر کڈھائیا۔ نِرگُن نوُر جوت جوت پرکاشی، پرکاش کرے خلق خُدائیا۔ تُوں اوسے دی بننا داسی، داسی داس سیو کمائیا۔ جوتی جوت سروُپ ہرِ، آپ اپنی کِرپا کر، دیونہارا ساچا ور، نِہکلنک نرائن نر، مہاراج شیرسِنگھ وِشنوُں بھگوان، تیری پوُری کرے آسی، آہستہ آہستہ اپنا حُکم ورتائیا۔
۲۶ پھگّن شہنشاہی سمت اٹّھ سیئی خُرد ضِلع جموں فقیِر سنِگھ دے گرِہ
دھرم کہے دھرنی ویکھ لےَ دینا بندھوُ، دیِن دَیال بےپرواہیِا۔ جو جُگ چؤکڑی میٹے پندھوُ، پاندھی ہو کے ویکھ وکھائیا۔ تیرے دھرم دواریاں لنگھوُ، پردے پردیاں وِچوں چُکائیا۔ جن بھگتاں دوارے آؤندا جاندا کدے نہ سنگوُ، سنگل شرع والے تُڑائیا۔ جِس
سچکھنڈ دوارے پہنچایا اپنا سُت نندوُ، سُتیاں آپ جگائیا۔ اوہ دھام دوایا چنگوُ، چنگی طرح دِتا ٹِکائیا۔ جِس دا پیار پروار دے وِچ ونڈوُ، نِکّیاں وڈّیاں جھولی پائیا۔ سچ پریِتی نال گنڈھ تندوُ، شرع والیاں توں لئے چُھڈائیا۔ کوُڑی کِریا میٹ پکھنڈوُ، سچ مارگ اِک درسائیا۔ آتم پرماتم دھار گنڈھ گنڈھوُ، تندی تند اپنے رنگ رنگائیا۔ سچ سوامی دے کے پرمانندوُ، پرم پُرکھ اپنے گھر وسائیا۔ جگت دی دھار سریِر سڑیا نال اگنی لنبوُ، ماٹی کھلّ رہی نہ رائیا۔ لہنا دینا پوُرا کیِتا جو گوبِند دھار پیار وِچ منگی مانگوُ، مانگت ہو کے جھولی ڈاہیِا۔ جوتی جوت سروُپ ہرِ، آپ اپنی کِرپا کر، دیونہار وڈی وڈیائیا۔ دھرنی کہے دھرم میَں کی تَینوُں دسّاں )کہانی(، سجّنا کی دِرڑائیا۔ میرا شہنشاہ شاہ سُلطانی، کرتا دُھردرگاہیِا۔ جِس دا لیکھا آد جُگاد چارے کھانی، کھانی بانی دھیان لگائیا۔ جن بھگتاں امرت رس دیوے ٹھنڈا پانی، دُھر دا امرت آپ پیائیا۔ آتما بنا کے دُھر دی رانی، سچکھنڈ جائے چائیں چائنیا۔ آون جاون چُکے کہانی، رائے دھرم نہ دئے سزائیا۔ دُنیا ہوئی مڑھی مسانی، گوراں دھیان لگائیا۔ ہرِجن لیکھے لگّے پربھ در پرانی، جو پُنہ پُنہ پربھ نوُں سیِس نِوائیا۔ اوہناں لیکھا مُکدا آون جانی، چؤراسی ونڈ نہ کوئے ونڈائیا۔ جوتی جوت سروُپ ہرِ، آپ اپنی کِرپا کر، دیونہارا ساچا ور، ساچے رنگ آپ رنگائیا۔ نندوُ کہے میَں پایا پرمانند، پرم پُرکھ وِچ سمائیا۔ میرا لیکھے لگّا بند بند، بندگی پربھ دی موہے بھائیا۔ تُوں میرا میَں تیرا جو گایا رسنا چھند، سو سوامی مِلیا چائیں چائنیا۔ میری ٹُٹی آتم اپنے نال گنڈھ، گنڈھنہار سوامی اپنی دَیا کمائیا۔ میَں پُری لوء برہمنڈ کھنڈ وِشن برہما شِو دی دھار توں پار گیا لنگھ، جِتھے وسے دُھر دا ماہیِا۔ سچ سِنگھاسن سوہنا تکیا پلنگ، پاوا چوُل نظر کوئے نہ آئیا۔ اَگوں سنت سُہیلے گُرمُکھ لیَن آئے پنج، اپنی بانہہ ودھائیا۔ پِچھے رہے کِسے نہ رنج، ناتا جگت والا چُھڑائیا۔ جو سَتگُر دی دھاروں پیا جمّ، جم پھاسی گل نہ کوئے لٹکائیا۔ جھگڑا مُکا کے کایا ماٹی چمّ، جوتی جاتے وِچ سمائیا۔ پِچھے رہے کِسے نہ غم، چِنتا چِکھا نہ کوئے تپائیا۔ پربھ دی دھار آتما پربھ دا روُپ برہم، پاربرہم وِچ گیا سمائیا۔ جِس نے پھیر کدی نہیں پَینا جم، جمّن مرن وِچ کدے نہ آئیا۔ جگت کِریا کوئی بھگتاں دا نہیں کرم، کرم کانڈ توں باہر ہرِجن سوبھا پائیا۔ پربھوُ دی پریِتی ساچا دھرم، آد جُگاد دی ریِتی چلی آئیا۔ جوتی جوت سروُپ ہرِ، آپ اپنی کِرپا کر، دیونہارا ساچا ور، نِہکلنک نرائن نر، مہاراج شیرسِنگھ وِشنوُں بھگوان، ہرِجن بیڑا آپے بنّھ، بنھنہار آپ اکھوائیا۔
۲۶ پھگّن شہنشاہی سمت اٹّھ پِنڈ سیئی خُرد ضِلع جموں پیِروُ رام دے گرِہ
سَتگُر داتا پیِراں دا پیِر، پیِرن پیِر وڈ وڈیائیا۔ مِہربان گُنی گہِیر، گہر گوَر اِک اکھوائیا۔ روگ سوگ کٹّے زنجِیر، شرع اپنی نام بندھائیا۔ جنم جنم دی بدل دیوے تقدیِر، ناتا جگت کوُڑ تُڑائیا۔ آتما شاہ کرے امیِر، دیونہار سچ وڈیائیا۔ جِس دی شہادت دیوے کبیِر، قبراں توں باہر دِرڑائیا۔ میرا مالک بے نظیِر، مِہر نظر نال جن بھگتاں دئے ترائیا۔ جِس دا لیکھا کالے تے چِٹا تے چِٹی کھِچے لکیِر، پوُرب کرم دا ڈیرہ ڈھاہیِا۔ اندروں بدل دئے ضمیِر، مِہربان ہوئے آپ سہائیا۔ جوتی جوت سروُپ ہرِ، آپ اپنی کِرپا کر، کرے کھیل ساچا ہرِ، سَتگُر شبد ساچا دستگیِر، سِر اپنا ہتّھ ٹِکائیا۔ سَتگُر پیِر شبد بہُہ رنگا، رنگت اپنی آپ چڑھائیا۔ سب دیِاں آسا منسا پوُریِاں کرے اُمنگا، جن بھگتاں خالی جھولی دئے بھرائیا۔ سدا سُہیلا وسے سنگا، دُھر دا سنگ بنائیا۔ تن وجوُد سیِنہ رکھے ٹھنڈا، اگنی تت نہ لاگے رائیا۔ آتم پرماتم پائے گنڈھا، گنڈھ سکے کوئے نہ کُھلائیا۔ جُگ چؤکڑی ویکھ ویکھے پندھا، کلجُگ انتم اِکو گھر سُہائیا۔ دیِن دَیال بن بخشندا، مِہروان مِہر نظر نال ترائیا۔ جوتی جوت سروُپ ہرِ، آپ اپنی کِرپا کر، کرے کھیل ساچا ہرِ، نِہکلنک نرائن نر، مہاراج شیرسِنگھ وِشنوُں بھگوان، جن بھگتاں حال رہن نہ دیوے مندا، گُرمُکھ وڈبھاگی آپ بنائیا۔
۲۶ پھگّن شہنشاہی سمت اٹّھ پِنڈ سیئی کلاں ضِلع جموں سوبھا سِنگھ دے گرِہ
دھرتی کہے دھرم میری دُہائی، چار کُنٹ سچ نظر کوئے نہ آئیا۔ دیِن دُنی اندھیرا رہیا چھائی، ساچا چند نہ کوئے چمکائیا۔ پربھوُ دا پیار کِسے نہ رہیا رائی، ہِردے ہرِ نہ کوئے وسائیا۔ پریِتم ملِے نہ دُھر دا ماہی، ساچا میل نہ کوئے مِلائیا۔ اوہ ویکھ گوبِند دا سینکڑا لنگھ گیا ڈھائی، ڈھئیا ڈھؤنکا لا کے لئے انگڑائیا۔ صدی چؤدھویِں بَیٹھی پندھ مُکائی، اپنے آنکڑے رہی گِنائیا۔ اپنا کھیل تک لےَ ماہی، حضرت عیسیٰ نال مِلائیا۔ جوتی جوت سروُپ ہرِ، آپ اپنی کِرپا کر، دیونہارا ساچا ور، سچ دی کرنی کار کمائیا۔ دھرنی کہے دھرم میَں سچ سچ کہنا، کہہ کے دیاں دِرڑائیا۔ میرے اُتے ہوئی اندھیری رَیناں، نوُری چند نہ کوئے چمکائیا۔ مِتر دِسے نہ کوئے سیَنا، سجّن ساک نہ کوئے وڈیائیا۔
دیِن دُنی ہوئی طرفَیناں، دُھر دا میل نہ کوئے مِلائیا۔ مایا ممتا سب نوُں کھائے ڈَینا، ڈسنی ہو کے ڈنگ لگائیا۔ آتم پرماتم ملِے کِسے نہ بہنا، گھر سُہنجنی سیج نہ کوئے سُہائیا۔ نیتر لوچن درس کرے کوئے نہ نیَناں، نِج گھر خوشی نہ کوئے منائیا۔ نام نِدھانا تن بستر پائے کوئے نہ گہنا، تن وجوُد نہ کوئے صفائیا۔ جوتی جوت سروُپ ہرِ، آپ اپنی کِرپا کر، کرے کھیل ساچا ہرِ، سچ دا حُکم آپ ورتائیا۔ دھرم کہے دھرنی ہُن کلجُگ دا وقت، سماں سمیں نال دھیان لگائیا۔ اُس پھیری دروہی وِچ جگت، جاگرت جوت نہ کوئے رُشنائیا۔ اگنی لائی بوُند رَکت، ترےَگُن نال تپائیا۔ سرِشٹی درِشٹی اندروں کیِتی پتت، پُنیِت رہن کوئے نہ پائیا۔ اوہدا لہنا دینا اُتے نؤ کھنڈ پرِتھمی فرش، ستّاں دیِپاں ویکھ وکھائیا۔ جِس اوتار پَیغمبر گُروُآں دا لاہُنا قرض، پیشیِن گوئیاں سب دیِاں ویکھ وکھائیا۔ جِس دے کول سب دا لیکھا اوہ کھیل کرے اسچرج، اچرج لیِلا آپ ورتائیا۔ یودھا بن کے مردانہ مرد، ویکھنہارا تھاؤں تھائنیا۔ جِس شرع چُھری بنائی کرد، قتل کرے لوکائیا۔ اُس نوُں رہیا کِسے دا موُل نہ درد، دُکھیِاں دُکھ نہ کوئے مِٹائیا۔ تُوں اِک بیننتی پربھوُ دے اَگے کر لےَ عرض، آرزو اپنی دے وڈیائیا۔ میرے اُتوں میٹ اندھیرا گرد، کوُڑی کِریا پندھ مُکائیا۔ جوتی جوت سروُپ ہرِ، آپ اپنی کِرپا کر، ایکا دینا دُھر دا ور، در ٹھانڈے سیِس نِوائیا۔ دھرم کہے دھرنی پربھ در تے ہو جا منگتی، مانگت ہو کے جھولی ڈاہیِا۔ پربھوُ گڑھ توڑ کے ہؤمے ہنگتی، ہنگ برہم دے سمجھائیا۔ ترِسنا میٹ کے کوُڑے من کی، منسا موہ چُکائیا۔ جوتی دھار دے دے اگمّی چنّ دی، جو چند چاندنا کرے رُشنائیا۔ سب نوُں سُرت دے دے اپنے برہم دی، پاربرہم بھیوَ کُھلائیا۔ درِشٹی بنا دے اِکو دھرم دی، دیِناں مذہباں جھیڑا رہے نہ رائیا۔ آسا پوُری کر دے سب دے جنم دی، چؤراسی وِچوں دے وڈیائیا۔ کِریا میٹ دے کوُڑے کرم دی، ساچی سِکھیا اِک سمجھائیا۔ جوتی جوت سروُپ ہرِ، آپ اپنی کِرپا کر، ایکا دینا دُھر دا ور، دیونہار تیری سرنائیا۔ دھرم کہے دھرنی پربھ چرن دوارے کوُک، کوُک کوُک سُنائیا۔ بِن تن سریِر توں جھوُج، آپ آپا دے مِٹائیا۔ پھیر آپے پاوے تیری سوُجھ، مِہربان دَیا کمائیا۔ تیرے وِچوں کڈھے دوَیتی دوُج، دُتیا بھاؤ دئے چُکائیا۔ ساچی منزل دسےّ مقصوُد، حق حق دِرڑائیا۔ دیِناں مذہباں میٹ حدوُد، آتم پرماتم پردہ دئے چُکائیا۔ اِکو گھر وکھائے عالیشان عروُج، عرش فرش دا میل مِلائیا۔ بھاگ لگائے کایا ماٹی پنج تت بھوُت، تتو تت دئے سمجھائیا۔ کلجُگ کوُڑ کُڑیارا تیرے اُتوں کر جائے کوُچ، دھرنی دھرت رہن نہ پائیا۔
دروہی ہووے نہ کِسے چارے کوُٹ، بہُڑی بہُڑی کر نہ کوئے کُرلائیا۔ کِرپا کرے سَتگُر شبد دُھر دا اگمّا دوُت، دو جہاناں ویکھ وکھائیا۔ جِدھر تکّے اُدھر مؤجوُد، ہر گھٹ وسے دُھردرگاہیِا۔ جوتی جوت سروُپ ہرِ، آپ اپنی کِرپا کر، دیونہارا ساچا ور، سچ دا رنگ دئے رنگائیا۔ دھرم کہے دھرنی پربھ اَگے کر پُکار، پُنہ پُنہ سیِس نِوائیا۔ کِرپا کر سچّی سرکار، تیری اِکو اوٹ تکائیا۔ کلجُگ ویکھ کوُڑ کُڑیار، چاروں کُنٹ ڈنک وجائیا۔ میرے اُتے کیِتا دھوُاں دھار، نوُری چند نہ کوئے رُشنائیا۔ ایہدا لہنا دینا پوُرب قرض دے اُتار، باقی رہن کوئے نہ پائیا۔ میرے اُتوں کڈھ دے باہر، نؤاں کھنڈاں ستّاں دیِپاں کر رُشنائیا۔ نال مِلا دے محمدی یار، چار یاری گنڈھ پوائیا۔ عیسیٰ موُسیٰ رہے نہ کوئے اُدھار، پوُرب لہنا دینا چُکائیا۔ سَتجُگ ساچی بخش دھار، اپنی دھار وِچوں پرگٹائیا۔ جو جیِواں جنتاں پاوے سار، سرِشٹی درِشٹی اندر ڈیرہ لائیا۔ آتم پرماتم پرماتم آتم پردہ دے اُٹھال، بھیوَ ابھید دے کُھلائیا۔ تیرا نوُر تیرا جمال، جلوہ گر دینا وکھائیا۔ میرے اُتے سُہا اِکو دھرمسال، دھرم دوارا اِک وکھائیا۔ جِتھے بَیٹھن شاہ کنگال، دیِن مذہب ونڈ نہ کوئے ونڈائیا۔ میَں تکاّں تیرے بھگت سُہیلے لال، انمُلڑے ہیِرے دینے وکھائیا۔ جِنہاں دی بہہ کے سمبل کر سنبھال، سِر سِر اپنا ہتّھ ٹِکائیا۔ تُوں شاہ ویکھے کنگال، غریِب نِمانیاں کھوج کھوجائیا۔ جُگ جُگ جگت تیری اولّڑی چال، کلجُگ انتم دے سمجھائیا۔ دھرنی کہے پھل لگا دے میرے ڈال، پتّ ٹہنی مانَس مانَو مانُکھ دے مہکائیا۔ آ کے سُن مُریِداں حال، مُرشد داتے بےپرواہیِا۔ میری لیکھے لا لےَ گھال، ہؤں گھولی گھول گھُمائیا۔ جوتی جوت سروُپ ہرِ، آپ اپنی کِرپا کر، ایکا دینا ساچا ور، نِہکلنک نرائن نر، مہاراج شیرسِنگھ وِشنوُں بھگوان، کوُڑی کِریا توڑ جنجال، جاگرت جوت کر رُشنائیا۔
۲۶ پھگّن شہنشاہی سمت اٹّھ سیئی کلاں ضِلع جموں ایشر داس دے گرِہ
کلجُگ کہے میرے اندر اُٹھن دلیِلاں، وِچار سمجھ کُچھ نہ پائیا۔ میَں دھرم دیاں ہون دینیاں نہیں اپیِلاں، گُنجائش رہن کوئے نہ پائیا۔ میَں کھیل کھِلاؤنا سمُند ساگراں جھیِلاں، کچّھاں مچّھاں لہنا دینا چُکائیا۔ میَں تکّنا اَمبر نیِلا، نیِلی دھار دھیان لگائیا۔ جِس نے بننا انت
وسیِلہ، صاحِب بنے بےپرواہیِا۔ میَں دُہائی پاؤنی اُچے ٹیِلا، پہاڑ چوٹی جان کُرلائیا۔ میرا انتم اِکو ہونا حیِلہ، ہِلا دینی سرِشٹ سبائیا۔ سچ دا گڈّیا رہن نہیں دینا کیِلا، قِلعے گڑھ دینے تُڑائیا۔ میَں کوُڑ کُڑیار دا اِکو لاؤنا تیلا، چواتی مایا والی نال مِلائیا۔ جوتی جوت سروُپ ہرِ، آپ اپنی کِرپا کر، کرے کھیل ساچا ہرِ، سِر میرے ہتّھ ٹِکائیا۔ کلجُگ کہے میرا کوُڑی کِریا والا سبق، گھر گھر نظری آئیا۔ دروہی پِھرنی چؤداں طبق، چؤداں لوک روون مارن دھاہیِا۔ بڑا سُہیلا ہونا وقت، ایہہ میری بےپرواہیِا۔ پیار دِسے نہ کوئے وِچ جگت، جُگتی اَیسی دینی بنائیا۔ پِچھلی رہن دینی نہیں کِسے دی شکت، شخصیّت سب دینی بدلائیا۔ میَنوُں آؤندا نہیں موُل ترس، دردی ہو نہ درد ونڈائیا۔ اگنی میگھ دینا برس، برساں دا لہنا پوُر کرائیا۔ پِھرے دُہائی اُتے عرش، عرشی پریِتم ویکھ وکھائیا۔ اوتار پَیغمبر گُروُآں دا لاہُنا قرض، قرضہ سب دی جھولی پائیا۔ دھرنی دی کھیل ویکھنی پُٹھی سب دی کرنی نرد، جو نرسِنگ گیا سمجھائیا۔ شرع چُھری چلاؤنی کرد، تِکھی دھار آپ بنائیا۔ جوتی جوت سروُپ ہرِ، آپ اپنی کِرپا کر، کرے کھیل دُھر دا ہرِ، دُھر دا مالک بےپرواہیِا۔ کلجُگ کہے میَں پربھ دا لائق سُت ہویا قابل، کابُل قندھاری کھوج کھوجائیا۔ میَنوُں سندیسہ دیوے میرا بابل، پیِیا پریِتم دُھردرگاہیِا۔ جِس نے میرا انت کراؤنا عادل، عدل اِنصاف اپنے ہتّھ رکھائیا۔ چار کُنٹ کوُڑ کُڑیارا میرا دھام دِسنا باتل، بَیتُل مقّدس اِکو سمجھائیا۔ میَں شرع دا بننا قاتل، مقتُول ویکھاں خلق خُدائیا۔ میرا بھیوَ اگمّا باطن، بِن پروردِگار نہ کوئے سمجھائیا۔ میری ہونی اندھیری راتن، ساچا چند نہ کوئے رُشنائیا۔ جھگڑا پاؤنا ذات پاتن، دیِن مذہب دینے ٹکرائیا۔ پھیر کِرپا کرے پُرکھ ابناشن، ہرِ کرتا دُھردرگاہیِا۔ میری خوشیاں والی تکّے راسن، نوَ کھنڈ دھیان لگائیا۔ میَں ڈنڈاوت کراں جوڑ کے ہاتھن، نِو نِو لاگاں پائیا۔ تُوں صاحِب میرا سمراتھن، پربھ تیری اوٹ تکائیا۔ تیری منزل چڑھے کوئے نہ گھاٹن، درگاہ ساچی مِلن کوئے نہ پائیا۔ جوتی جوت سروُپ ہرِ، آپ اپنی کِرپا کر، ایکا دینا دُھر دا ور، نِہکلنک نرائن نر، مہاراج شیرسِنگھ وِشنوُں بھگوان، آد جُگادی ساچو ساچن، سچ سوامی دَیا کمائیا۔
۲۶ پھگّن شہنشاہی سمت اٹّھ پِنڈ سیئی کلاں ضِلع جموں نامو دے گرِہ
کلجُگ کہے میریاں گلّاں سب نوُں لگدیاں بُریاں، بُریار ہوئی لوکائیا۔ میَں ویکھاں جگت جہان شرع دیِاں چُھریِاں، دوویں دھاراں تِکھیِاں نظری آئیا۔ روُحاں جگت ہوئیِاں نِگُریِاں، سَتگُر شبد مِلن کوئے نہ پائیا۔ شؤہ دریائے جاندیِاں رُڑھیاں، اَگے ہو نہ کوئے اٹکائیا۔ پرماتم کنت ہنڈھاؤنا نہ آتما کُڑیاں، سُہاگ سمجھ کِسے نہ آئیا۔ سچ پیار کولوں تُھڑیِاں، وست اگمّ نہ کوئے ورتائیا۔ منزل ویکھے کوئے نہ تُریا، تُریا پد نہ کوئے سمائیا۔ جوتی جوت سروُپ ہرِ، آپ اپنی کِرپا کر، کرے کھیل ساچا ہرِ، نِہکلنک نرائن نر، مہاراج شیرسِنگھ وِشنوُں بھگوان، لیکھا جانے لوآں پُریِاں برہمنڈاں کھنڈاں دھیان لگائیا۔
۲۶ پھگّن شہنشاہی سمت اٹّھ سیئی کلاں ضِلع جموں بیلا سِنگھ دے گرِہ
کلجُگ کہے میری کرنی بے مثال، پِچھلی مِسل دیوے نہ کوئے گواہیِا۔ دِتی وڈیائی دیِن دَیال، دَیانِدھ دَیا کمائیا۔ میری اولّڑی چلا کے چال، چال نِرالی دِتی بنائیا۔ میَں سرِشٹی کیِتی حلال، چُھری شرع والی چلائیا۔ میرا جھوُٹھ پکھنڈ جاہل، چاروں کُنٹ رنگ رنگائیا۔ دھرم دا رہن دینا نہیں کوئی لال، لالن وِچ نہ کوئے سمائیا۔ میری اِک بیننتی پربھوُ دے اَگے سوال، دوئے جوڑ سیِس نِوائیا۔ پھل لگاؤنا میرے ڈال، میرا بوُٹا دینا مہکائیا۔ چاروں کُنٹ ہووے حال حال، بہُڑی بہُڑی سرِشٹ کر کُرلائیا۔ پھیر میَں اُٹھ کے ماراں چھال، بھجّاں واہو داہیِا۔ جوتی جوت سروُپ ہرِ، آپ اپنی کِرپا کر، ایکا دینا ساچا ور، در ٹھانڈے آس رکھائیا۔ جھٹ نارد چُکی آ گیا بھار، ہوکا بھارت بھارت کر سُنائیا۔ اُٹھ ویکھ کلوُاے یار، کل کاتیِا دیاں درسائیا۔ نوُر تک جوت نِرنکار، نوُرانہ نوُر الاہیِا۔ سجدہ کر وار دو چار، چؤتھے جُگ سیِس نِوائیا۔ اوہ ویکھ لےَ تیری نیلامی دے اِشتہار، میَنوُں دِتے پھڑائیا۔ میَں ٹنگنے وِچ سنسار، نؤواں کھنڈاں دینے لٹکائیا۔ اُچی کہن کوُک پُکار، دیِن دُنی سُنائیا۔ بولی دیوو وارو وار، دیِناں مذہباں والے لؤ انگڑائیا۔ ہِندوُ رام دا کرو وپار، کرِشنا کاہنا نال رلائیا۔ مُسلم االلہ دے دیؤ ادھار، علیحدا رہن کوئے نہ پائیا۔ سِکھ ستنام دا قرضہ لؤ اُتار، پوُرب لیکھ چُکائیا۔ میَں سُناواں وارو وار، وارتا انتم دیاں
دُہرائیا۔ جوتی جوت سروُپ ہرِ، آپ اپنی کِرپا کر، کرے کھیل ساچا ہرِ، سچ دا حُکم اِک سُنائیا۔ نارد کہے کلجُگ سُننا اپنی تعریِف، طرفداری نہ کوئے رکھائیا۔ میَں بُڈھا پُرانا ضعیف، ضعیف اُلعُمر نظری آئیا۔ میَں بننا نہیں کِسے دا شریِک، شرکت وِچ نہ ونڈ ونڈائیا۔ اپنا ویکھ لےَ اندھیرا تاریِک، نوُری چند نہ کوئے چمکائیا۔ بھوِکھتاں والی ویکھ تریِک، تواریخ دھیان لگائیا۔ جِس دے پِچھے اوتار پَیغمبر گُروُ ہوئے شہیِد، شہادت گئے بُھگتائیا۔ جِس دی مناؤندے رہے عیِد، بقریِدا نال مِلائیا۔ جو نام کلمیاں وِچ کردا گیا تاکید، دُھر فرمان اگمّ سُنائیا۔ اُس دی آہ ویکھ لؤ میرے کول رسیِد، بِنا دستخطاں توں دِتی پھڑائیا۔ تُسیں اپنی کھول لؤ نیِند، نیَن لؤ اُٹھائیا۔ میَں کرن آیا تردیِد، شہادت شبد گُروُ بُھگتائیا۔ میرے پُٹھے ہتّھاں تے لِکھی قرآن مجیِد، مزموُعہ اکھّراں والا بنائیا۔ اگلی ہور سُن حدیِث، حضرتاں توں باہر سُنائیا۔ لیکھا تک بیِس اِکیِس، بیِس بیِسا اکھّ اُٹھائیا۔ کِس دے چھتر جھُلنا سیِس، چھتردھاری دئے گواہیِا۔ جوتی جوت سروُپ ہرِ، آپ اپنی کِرپا کر، کرے کھیل ساچا ہرِ، نِہکلنک نرائن نر، مہاراج شیرسِنگھ وِشنوُں بھگوان، سب دی آسا منسا پوُری کرے اُمیِد، نِراسا رہن کوئے نہ پائیا۔
۲۶ پھگّن شہنشاہی سمت اٹّھ سیئی کلاں ضِلع جموں سیوا سِنگھ دے گرِہ
کلجُگ کہے دھرنی کیوں آیا اُتے دھرتی، سچ دینا سُنائیا۔ میَں پکاّ براہمن رہن دِتا نہیں شرطی، برہم وِچ نہ کوئے سمائیا۔ میَں حُکم منّاں کھیل کراں نرائن نر دی، جو کرتا دُھردرگاہیِا۔ ہری اوم تت سَت آتم دھار کِسے نہ پڑھدی، من کلپنا وِچ ہلکائیا۔ سُرتی شبد موُل نہ پھڑدی، ٹُٹی گنڈھ نہ کوئے پوائیا۔ منزل حقیِقی موُل نہ چڑھدی، رہبر مِلن کوئے نہ پائیا۔ میَں کھیل بناؤنی ہنکاری گڑھ دی، پنچ وِکاراں دِتا وسائیا۔ دیِن دُنی ویکھ لےَ ہڑھدی، شاستر سکے نہ کوئے بچائیا۔ بِنا مُرشداں ویکھ لےَ مردی، مُریِداں ہوئے نہ کوئے سہائیا۔ چاروں کُنٹ کوئے نہ دردی، دردیِاں دُکھ نہ کوئے ونڈائیا۔ ایہہ طاقت میرے کلوُ کل دی، کلجُگ رہیا سُنائیا۔ میری کھیڈ کپٹ چھل دی، چھل چِھدراں
نال وڈیائیا۔ وڈیائی رہن دِتی نہیں کِسے جل دی، سروور سوبھا کوئے نہ پائیا۔ دُہائی ویکھ لےَ ماروُتھل دی، ٹِلّے اسگاہ رہے کُرلائیا۔ کِسے نوُں سار آؤن دِتی نہیں پل دی، پلکاں پِچھے نہ ملِے ماہیِا۔ میَں آشا پوُری کرنی راجے بل دی، جو باوَن گیا دِرڑائیا۔ میری کرنی سب نوُں سلّ دی، تیِر انیالا آپ چلائیا۔ جوتی جوت سروُپ ہرِ، آپ اپنی کِرپا کر، کرے کھیل دُھر دا ہرِ، دیونہار مان وڈیائیا۔ نارد کہے کلجُگ میَں آیا تیرے ویہڑے، گرِہ تیرے پھیرا پائیا۔ میَں ویکھنے دیِن دُنی دے جگت جھگڑے جھیڑے، جھنجٹ مذہباں والے پھول پھولائیا۔ کِس بِدھ اُلٹے مِلدے گیڑے، چکرورتیِاں چکر نال بھوائیا۔ میرا صاحِب سوامی چھیڑاں کِتھے چھیڑے، چار کُنٹ کھوج کھوجائیا۔ میَں دوُر دُراڈا آیا نیڑے، اپنا پندھ مُکائیا۔ تیرے کوُڑ کُڑیار دے ویکھے کھیڑے، نَواں کھنڈا دھیان لگائیا۔ بِنا بھگتاں توں چڑھے کوئے نہ بیڑے، بیڑی نئیا نؤکا کمّ کِسے نہ آئیا۔ میَں ویکھے جگت والے جٹھیرے، وڈّیاں چھوٹیاں دھیان لگائیا۔ میَں تکّے گُروُ گُر چیرے، مُریِد مُرشد ویکھ وکھائیا۔ تیرے وِچ انگِنت بتھیرے، بہُروُپ نظری آئیا۔ جوتی جوت سروُپ ہرِ، آپ اپنی کِرپا کر، دیونہارا ساچا ور، سچ دا حُکم اِک سُنائیا۔ کلجُگ کہے ناردا کھول کے ویکھ لےَ اپنی سُرتی، سُتیاں دیاں جگائیا۔ تَینوُں نظر نہ آئے اکال موُرتی، موُرتاں والیاں دا میَں لیکھا دیاں مُکائیا۔ ہُن چتُرائی گاں سوُر دی، کھان والیاں دیاں وڈیائیا۔ ایہہ میری بیڑی بھری پوُر دی، پُریِاں لوآں توں باہر دیاں سمجھائیا۔ میری کتھا کہانی مشہوُر دی، کوُڑی کِریا نال وڈیائیا۔ میری منزل مُکی دوُر دی، نیرن نیرا نظری آئیا۔ میری کتھا کہانی کوُڑ دی، کوُڑ کُٹمب رہیا سُنائیا۔ تیری بُدھی ناردا موُرکھ موُڑھ دی، پنڈتا میرا بھیوَ نہ جانے رائیا۔ میَنوُں خوشی پُرکھ اکال دے رنگ گوُڑھ دی، جِس رنگت دِتی رنگائیا۔ وڈیائی دے کے چرن دھوُڑ دی، ٹِکّے دِتے رمائیا۔ میَنوُں یاد کھیل کوہ طوُر دی، موُسیٰ خوشی بنائیا۔ میَں کھیل تکّی عیسیٰ والے سروُر دی، جو سوُلی چڑھ کے گیا سمجھائیا۔ دھار تکّی محمد والے نوُر دی، نوُر نوُرانہ ڈگمگائیا۔ جوتی جوت سروُپ ہرِ، آپ اپنی کِرپا کر، کرے کھیل ساچا ہرِ، نِہکلنک نرائن نر، مہاراج شیرسِنگھ وِشنوُں بھگوان، اپنی کھیل کرے ضرور دی، ضروری اپنا حُکم ورتائیا۔
۲۶ پھگّن شہنشاہی سمت اٹّھ سیئی کلاں ضِلع جموں لچھمن سِنگھ دے گرِہ دروازے وڑدیاں ہی
پھلگُن کہے میری رُت بسنت، خوشیاں والی مہکائیا۔ دِتی وڈیائی پربھوُ ہرِ کنت، کنتُوہل دَیا کمائیا۔ جِس کھیل رچایا جگت میِت مُرارے سنت، بھگت دئے وڈیائیا۔ اپنا نام جنا کے منت، منتر اِکو اِک جنائیا۔ سب دی آشا پوُری کرے انت، انتشکرن کیِتی صفائیا۔ جِس دے سندیسے دیندا شبد سوامی پنڈت، نارد اپنا ناؤں دھرائیا۔ اُس دا کھیل ویکھیا جیرج انڈج، اُتبُھج سیتج رنگ رنگائیا۔ میَں اُس دے دوارے دا منگت، نِو نِو اپنی جھولی ڈاہیِا۔ میرے جن بھگتاں وِچ رہن نہ دیویِں رنجش، دُکھیِاں درد ونڈائیا۔ جوتی جوت سروُپ ہرِ، آپ اپنی کِرپا کر، سد اپنا بھیوَ کُھلائیا۔ پھلگُن کہے میری ٹہکی اگمّ پُھلواڑی، پھل پھوُل ویکھ وکھائیا۔ میرا صاحِب بھگتاں پِھرے پِچھے اَگاڑی، دِوس رَین خوشی بنائیا۔ لیکھے لائے جِنہاں چرن چُھہائی داہڑی، مستکاں دئے وڈیائیا۔ پھڑ کے باہر )کڈھے( کلجُگ ڈوُنگھی وِچوں کھاری، شبد کھنڈا کھڑگ چمکائیا۔ جو سب دی پَیج رہیا سواری، سِر سِر اپنا ہتّھ ٹِکائیا۔ تارنہار نر ناری، نر نرائن دَیا کمائیا۔ نوَ نؤ چار پِچھوں جِس دی آئی واری، وارث بنیا دُھر دا ماہیِا۔ پھلگُن کہے جن بھگتو اُس دی چرن کرو نِمسکاری، نِو نِو سیِس جھُکائیا۔ جوتی جوت سروُپ ہرِ، آپ اپنی کِرپا کر، کرے کھیل ساچا ہرِ، نِہکلنک نرائن نر، مہاراج شیرسِنگھ وِشنوُں بھگوان، شاہ پاتشاہ سچّا سِکداری، سِر سِر اپنا حُکم ورتائیا۔
۲۶ پھگّن شہنشاہی سمت اٹّھ سیئی کلاں ضِلع جموں لچھمن سِنگھ دے گرِہ
دھرنی کہے میرے مالک تزہی، حضرتے حضوُر سیِس نِوائیا۔ مِہربانے مِہربان مزہی، محبوُب دُھردرگاہیِا۔ نؤجوانے نؤجوانے ززہی، ہرِ کرتے اگمّ اتھاہیِا۔ جوتی جوت سروُپ ہرِ، آپ اپنی کِرپا کر، ایکا دینا دُھر دا ور، مانگت ہو کے منگ منگائیا۔ دھرنی کہے میَں منگتی، تیرے درے دربار۔ میَں جُگاں دی بُھکھی ننگتی، اوڈھن بخش سچّی سرکار۔ میل مِلاوا کر دے ساچی سنگتی، میرے سَتگُر پُرکھ نِرنکار۔ نِشانی رہے نہ ہؤمے ہنگتی، ہنگ برہم کر اُجیار۔ لیکھ چُکا دے پاندھے پنڈتی، بُدھی دا بودھ دے وِچار۔ منسا
کوُڑ رہے نہ من دی، ممتا موہ نِوار۔ میَں ونجاری رہاں نہ کِسے کنّ دی، شبد اگمّی دے دُھنکار۔ میَں درس پیاسی نوُری چند دی، چنّ چاندنے کر اُجیار۔ میری خوشی تیرے پیار دھرم دی، دھرم دھرم نال دِرڑائیا۔ لیکھنی رہے نہ کوُڑ کُکرم دی، کوُڑ کُکرم دا پندھ مُکائیا۔ میَں ونجارن تیرے چرن دی، چرن دے سرنائیا۔ اِکو اوٹ سَتگُر سرن دی، سرناگت اِک سمجھائیا۔ میَنوُں لوڑ نہیں اکھّر پڑھن دی، وِدیا وِچ نہ کوئے وڈیائیا۔ میَنوُں جُگ جُگ عادت بھنّن گھڑن دی، گھڑن بھنّنہار بےپرواہیِا۔ جوتی جوت سروُپ ہرِ، آپ اپنی کِرپا کر، ایکا دینا دُھر دا ور، در تیرے آس رکھائیا۔ دھرنی کہے میری آسا کردے پوُری، پرم پُرکھ تیری سرنائیا۔ میَں جُگ جُگ کراں مزدوُری، چاکر ہو کے سیو کمائیا۔ آسا رکھاں تیری حضوُری، حاضر ہو کے سیِس نِوائیا۔ کلپنا دی کلا میٹ دے کوُڑی، کوُڑ کُٹمب دینا تجائیا۔ میَں موُرکھ مُگدھ اَنجان موُڑھی، میری چلے نہ کوئے چتُرائیا میَنوُں بخشش دے کے اپنی چرن دھوُڑی، ٹِکّے خاک والے رمائیا۔ میرے سوامی اپنی رنگن چاڑھ دے گوُڑھی، جگت جہان اُتر کدے نہ جائیا۔ جوتی جوت سروُپ ہرِ، آپ اپنی کِرپا کر، ایکا دینا دُھر دا ور، نِہکلنک نرائن نر، مہاراج شیرسِنگھ وِشنوُں بھگوان، تیری آشا رکھی ضروری، ضرورت پوُر دینی کرائیا۔
۲۶ پھگّن شہنشاہی سمت اٹّھ سیئی کلاں ضِلع جموں سنت رام گوکلے چکّ نوِت
پُرکھ اکال کہے سُن دھرنی دھرم دھار دی دھی، سِر تیرے ہتّھ ٹِکائیا۔ لیکھا تک لےَ ساڈھے تِنّ ہتّھ دی سیِں، رَوداس چمارا دئے گواہیِا۔ تُوں کرم کیِتا کی، بھیوَ دے کُھلائیا۔ تیرے اُتے لکھّ چؤراسی جی، جیِوت ہو کے میرے وِچ سمائیا۔ کوَن ویلا کوَن وقت سُہنجنا ملِے پریِتم پرِء، سوامی نظری آئیا۔ جوتی جوت سروُپ ہرِ، آپ اپنی کِرپا کر، دیونہار اِک سرنائیا۔ پُرکھ اکال کہے دھرنی تُوں میریاں رکھیاں اُڈیِکاں، بِن نیَناں نیَن اُٹھائیا۔ میَں سب دیاں ویکھن والا وصیّتاں، جگت وِشیاں توں باہر دھیان لگائیا۔ جو اوتار پَیغمبر گُروُآں تَینوُں دِتیاں نصیِحتاں، حُکمنامے سچ سُنائیا۔ اُس دیاں بدلن لگّا ولدیّتاں، والد والدہ اِکو نظری آئیا۔ تُوں ویکھ کھیل وِچوں اصلیتاں، اصل اصل وِچوں دیاں دِرڑائیا۔ جوتی جوت سروُپ ہرِ، آپ اپنی کِرپا کر، مِہر نظر اِک اُٹھائیا۔ پُرکھ اکال کہے دھرنی تیرا ہونا بھاگ
سُہنجنا، سوبھاوَنت دَیا کمائیا۔ تیرے نیتر پاوے انجنا، نوُر نوُرانہ نوُر چمکائیا۔ تیرے اُتے اِکو ڈؤروُ ڈنکا وجّنا، چار کُنٹ شنوائیا۔ سب دی سانجھی کرے بندنا، بندگی اِکو اِک دِرڑائیا۔ نام خُماری چاڑھنی رنگنا، رنگت اگمّ اتھاہیِا۔ کلجُگ کوُڑا ہنکاری بھانڈا بھجّنا، بِنا بھجن بندگی توں رہن کوئے نہ پائیا۔ تیرا سوامی تیرا دیوے سگنا، سگلا ساتھ بنائیا۔ سَتجُگ ساچی دھاروں جمنا، جِس نوُں جنمے کوئے نہ مائیا۔ اِکو کلمہ نام کائنات وِچ جپنا، ڈھولا سوہلا دُھردرگاہیِا۔ سچ دوار سُہاؤنا پتنا، تٹ کِناریاں دئے وڈیائیا۔ تُوں خوشیاں وِچ نچّنا ٹپّنا، کُدنا چائیں چائنیا۔ کھیل کرے پُرکھ سمرتھنا، ہرِ کرتا دُھردرگاہیِا۔ جِس دا سمبل دیس تیرے اُتے وسنا، اگمّ مالک اِک وڈیائیا۔ جوتی جوت سروُپ ہرِ، آپ اپنی کِرپا کر، دیونہارا دُھر دا ور، دُھر مالک اگمّ اتھاہیِا۔ پُرکھ اکال کہے دھرنی تیری سُنے فریاد، مِہر نظر اُٹھائیا۔ جِس رچنا رچی آد، انت ویکھنہارا چائیں چائنیا۔ تیری بُھل نہ جائے یاد، یادداشت اپنے وِچ چُھپائیا۔ تیرا کھیڑا ہون نہ دیوے برباد، سِر اپنا ہتّھ ٹِکائیا۔ تُوں خوشی نال کرنا آداب، نِو نِو سیِس جھُکائیا۔ تیرا بدل دئے مِزاج، طبیعت دئے بدلائیا۔ تیرا رچ کے سوہنا سماج، کرنی کرتا کار کمائیا۔ دھرم دا دھرم ہووے راج، رعیت گُرمُکھ لئے بنائیا۔ جھگڑا مکُے روزہ نماز، سجدے وِچ سیِس نہ کوئے جھُکائیا۔ جوتی جوت سروُپ ہرِ، آپ اپنی کِرپا کر، کرے کھیل ساچا ہرِ، نِہکلنک نرائن نر، مہاراج شیرسِنگھ وِشنوُں بھگوان، تَینوُں دیوے مات خِطاب، خطا نظر کوئے نہ آئیا۔
۲۷ پھگّن شہنشاہی سمت اٹّھ سیئی کلاں کُلونت سِنگھ دے گرِہ ضِلع جموں
پھلگُن کہے میرا دو ستّ دا انک، دھرم پروِشٹا خوشی منائیا۔ جن بھگتاں سوہے دوار بنک، گرِہ وجےّ سچ ودھائیا۔ نام نِدھانا سُ منیِا منت، منت اگمّ اتھاہیِا۔ وڈ بھاگ ہوئے دھن ونت، ملِے مان وڈیائیا۔ ہرِجن اُپجا کے ساچے سنت، گوبِند لیکھا پوُر کرائیا۔ مانَس جنم بنا کے بنت، سِر اپنا ہتّھ ٹِکائیا۔ آتم دھار مِلا ہرِ ہرِ کنت، کنتُوہل دئے وڈیائیا۔ لیکھا پوُرا کر کے وِچوں جیِو جنت، در ٹھانڈے رنگ رنگائیا۔ جوتی جوت سروُپ ہرِ، آپ اپنی کِرپا کر، دیونہارا ساچا ور، سچ دا حُکم اِک ورتائیا۔ پھلگُن کہے میرا دِوس سُہاوا، جگ
ملِے وڈیائیا۔ میَں اُس پربھوُ نوُں راواں، جو روَیا ہر گھٹ تھائنیا۔ اوسے دا اِشٹ مناواں، جو مانَس مانُکھ رہیا ترائیا۔ اوسے دے ڈھولے گاواں، جو ہوئے آد انت سہائیا۔ اوسے دی سیج ہنڈھاواں، جو مالک اگمّ اتھاہیِا۔ اوسے دیِاں ماناں چھاواں، جو سِر میرے ہتّھ ٹِکائیا۔ اُس نوُں سیِس جھُکاواں، نِو نِو لاگاں پائیا۔ جوتی جوت سروُپ ہرِ، آپ اپنی کِرپا کر، دیونہارا ساچا ور، سچ دا کھیل آپ وکھائیا۔ پھلگُن کہے میری رُت سُہنجنی، جن بھگتاں نال وڈیائیا۔ پربھ مِلیا درد دُکھ بھےَ بھنجنی، ہوئے آپ سہائیا۔ گڑھ سُہا کے کایا کنچنی، رنگ نام رنگائیا۔ دوار کھول کے پتنی، تٹاں دئے وڈیائیا۔ درشن دے کے نیتر اکھّنی، اکھّ پرتکھ کُھلائیا۔ جن بھگتاں آسا رہے نہ سکھنی، سَت جھولی شبد بھرائیا۔ نام امولک رنگ چاڑھے رتنی، قیِمت اپنے گھر رکھائیا۔ جوتی جوت سروُپ ہرِ، آپ اپنی کِرپا کر، دیونہارا ساچا ور، سچ دا کھیل آپ وکھائیا۔ پھلگُن کہے میری رُتڑی دِتی مہکا، نام خوشبوُ وِچ بھرائیا۔ میری پتّ ٹہنی دِتی ٹہکا، ہریاول اپنی نال رکھائیا۔ دُھر سندیسہ دِتا سُنا، حُکم اگمّ اتھاہیِا۔ پھلگُن پھوُلن ورکھا اِکو لا، چھہبر پریم بنائیا۔ جن بھگت دوارے سُہا، سُہنجنی رُت نال وڈیائیا۔ بسنت نوُں بسنتی رنگ دا چاء، چاؤ گھنیرا اِک پرگٹائیا۔ بِنا صِفت توں کرے واہ واہ، واہوا تیری بےپرواہیِا۔ تُوں سچ سوامی اِک ملاح، رہبر دُھردرگاہیِا۔ دیِن دَیال دَیا کما، دَیانِدھ تیری سرنائیا۔ پھلگُن کہے میَں خوشیاں وِچ سیِس دیاں نِوا، نِو نِو سیِس جھُکائیا۔ میرے محبوُب مالک چرناں نالوں نہ کریں جُدا، وِچھوڑا رہن کوئے نہ پائیا۔ میری اِکو حق دُعا، مانگت ہو کے جھولی ڈاہیِا۔ جوتی جوت سروُپ ہرِ، آپ اپنی کِرپا کر، ایکا دینا ساچا ور، در تیرے آس رکھائیا۔ کلجُگ کہے پھلگُنا کی کریں تُوں اُمیِداں، آسا کی وکھائیا۔ میَنوُں اُس صاحِب دیاں تاکیِداں، جِس دے اَگے واسطہ پائیا۔ اوسے دے حُکم دیاں میرے کول رسیِداں، لِکھتی لئی مان وڈیائیا۔ میَں کِسے دا رہن دینا نہیں سِدھا دیدہ، دیدہ دانِستہ درس کوئے نہ پائیا۔ میرا کھیل بڑا پیچیدہ، پیشیِن گوئیاں اپنے ہتّھ اُٹھائیا۔ تیری رُت ہونی رنجیدہ، رنجش سکے نہ کوئے مِٹائیا۔ میَں کوُڑ کُڑیار نوُں کہنا خوش آمدیدہ، آمد وِچ خوشی منائیا۔ میرے پیار وِچ گوبِند دا پروار شہیدا، شہادت گیا پائیا۔ میرا اِکو مارگ سیِدھا، دیِن دُنی دِتا دِرڑائیا۔ خوشی دی سویں کوئے نہ نیِندا، آتم سُکھ ہتّھ کِسے نہ آئیا۔ بھیوَ کُھلن دِتا نہیں جیِو جی کا، آتم برہم نہ کوئے جنائیا۔ میرا روُپ نیِکن نیِکا، وڈّیاں چھوٹیاں خاک مِلائیا۔ میرے کول اگمّ طریقہ، پُرکھ اکال دِتا سمجھائیا۔ دھرم
رائے دے ہتّھ پھڑایا وسیقہ، لیکھا چِترگُپت کولوں لِکھائیا۔ پھلگُن تیرا خوشیاں والا سماں پِچھے بیِتا، بیِتی کہانی یاد کرائیا۔ اگلا کھیل ویکھنا انڈیٹِھا، انڈِٹھڑی کی کار کمائیا۔ نوَ ستّ تپنا انگیِٹھا، اگنی تت نہ کوئے بُجھائیا۔ تیری رہے نہ کِسے پریِتا، پریِتم پیار وِچ نہ کوئے سمائیا۔ جوتی جوت سروُپ ہرِ، آپ اپنی کِرپا کر، کرے کھیل ساچا ہرِ، نِہکلنک نرائن نر، مہاراج شیرسِنگھ وِشنوُں بھگوان، سب دیاں بدل دیوے ریِتا، ریِتیوان کھیل کھِلائیا۔
۲۷ پھگّن شہنشاہی سمت اٹّھ سیئی کلاں ضِلع جموں پریمی دیوی دے گرِہ
کلجُگ کہے میَنوُں حُکم سندیسہ آیا ابھی، ابھی دِتا دِرڑائیا۔ تَینوُں مؤقع مِلدا کدی کدی، قدیِم دا لیکھا ویکھ وکھائیا۔ لہنا تک لےَ چؤدھویِں صدی، صدقے واری گھول گھُمائیا۔ تیری ڈور گھر گھر ہووے بدھّی، بندھن پاؤنا جگت لوکائیا۔ لیکھا مُکا دے سُدی ودی، اماوس پُنیا اِکو رنگ رنگائیا۔ مایا ممتا دا بن جا لبی، لباں کٹاوَن والیاں ویکھ وکھائیا۔ تیرا مالک نوُر الاہی ربّی، ربّ عِالمین دئے وڈیائیا۔ سب دے سِر تے پاپاں بھار چُکا دے ڈگّی، ڈؤروُ ڈنکا دے وجائیا۔ تیرے مُسافر جان لدی، بھجّن واہو داہیِا۔ کوُڑ وِکار وہا کے ندی، وہندے وہن وہائیا۔ دُھر پرکاش دی تک لےَ لو لگّی، لوئن اکھّ کُھلائیا۔ کِسے دھار رہن نہ دینی بگّی، کالکھ ٹِکّے دینے لگائیا۔ تیرے بِنا کوئی کر نہیں سکدا بدی، بدو بدی سب دے لیکھ دے بدلائیا۔ منزل ملِے نہ کِسے امراپدی، حقیِقت ہتّھ کِسے نہ آئیا۔ چاروں کُنٹ اگّ ہووے لگّی، امرت میگھ نہ کوئے برسائیا۔ حُکم سندیسہ سُن لےَ یدی، یدپ دیاں دِرڑائیا۔ جو کبیِر اِشارہ کیِتا بُندیاں کھڈّی، لتّاں کھڈّے وِچ پائیا۔ سب نے لیکھا دینا جِنہاں کھادھی مچّھی ڈڈّی، ڈنڈاوت سب دی دئے بدلائیا۔ رائے دھرم کِسے دی قبوُل کرے کوئے نہ وڈّھی، رِشوت ہتّھ نہ کوئے رکھائیا۔ گھر گھرانے سب نے جانے چھڈی، بھجّن واہو داہیِا۔ مایا رانی انت رہنی دبّی، باہر سکے نہ کوئے کڈھائیا۔ جوتی جوت سروُپ ہرِ، آپ اپنی کِرپا کر، دیونہارا ساچا ور، نِہکلنک نرائن نر، مہاراج شیرسِنگھ وِشنوُں بھگوان سوُرا سربگی، سوُربیِر حُکم ورتائیا۔
۲۷ پھگّن شہنشاہی سمت اٹّھ سیئی کلاں ضِلع جموں دیوا سِنگھ دے گرِہ
دھرنی کہے دھرم دھرم دھرم دا گائیے گاؤن، گیِت گوبِند الائیا۔ جِس نوُں سِمردے پانی پؤن، بسنتر دھیان لگائیا۔ جِس کھیل کھِلایا رام راؤن، دہسر ونڈ ونڈائیا۔ جو کاہن کرِشن آیا نچاؤن، گوپیِاں راس رچائیا۔ جو پَیغمبراں کلمے آیا پڑھاؤن، حدیِثا صِفت صالاحیِا۔ جو ستنام آیا دِرڑاؤن، ڈنکا فتح والا وجائیا۔ اُس دا بھیوَ جانے کؤن، جِس نوُں بےانت کہہ کے سارے سیِس نِوائیا۔ اوہ صاحِب سوامی انترجامی جن بھگتاں آیا پرچاؤن، پریم پریِتی رنگ رنگائیا۔ جُگ جنم دے وِچھڑے آیا مِلاؤن، میلا کرے ہر گھٹ تھائنیا۔ اُس نوُں سیِس سارے نِواؤن، وِشن برہما شِو لاگن پائیا۔ چار جُگ دے شاستر اوسے دی صِفت صلاحُن، راگاں ناداں وِچ شنوائیا۔ اوہ سنت سُہیلے لکھ چؤراسی وِچوں )آیا( کڈھاؤن، بندھن کوُڑ والے تُڑائیا۔ ساچا مارگ آیا درساؤن، درس اپنے نال ترائیا۔ من کا منکا آیا بھواؤن، منسا کوُڑ رہے نہ رائیا۔ انحد نادی شبد آیا سُناؤن، دُھن آتمک راگ دِرڑائیا۔ امرت آتم جام آیا پیاؤن، جھِرنا نِجھر آپ جھِرائیا۔ دیِپک جوتی آیا جگاؤن، تن مندر کرے رُشنائیا۔ جُگ جنم دے وِچھڑے آیا مِلاؤن، سُرتی شبدی میل مِلائیا۔ درگاہ ساچی آیا پہنچاؤن، اَگے ہو نہ کوئے اٹکائیا۔ جوتی جوت آیا مِلاؤن، جوتی جاتا دُھردرگاہیِا۔ دھرنی کہے دھرم اوسے دی سرن آئے تکاؤن، آد جُگاد اوٹ رکھائیا۔ جو کلجُگ دا پندھ آیا مُکاؤن، مُکمل اپنا حُکم ورتائیا۔ سَتجُگ سَت دھرم آیا لگاؤن، دھرنی دھرت دھوَل سُہائیا۔ جوتی جوت سروُپ ہرِ، آپ اپنی کِرپا کر، کرے کھیل ساچا ہرِ، نِہکلنک نرائن نر، مہاراج شیرسِنگھ وِشنوُں بھگوان، گُرمُکھاں مُکھ آیا صلاحُن، صِفتی شبد نام وڈیائیا۔
۲۷ پھگّن شہنشاہی سمت اٹّھ سیئی کلاں ضِلع جموں بِشن سِنگھ دے گرِہ
دھرم کہے دھرنی سُن لےَ میری بولی، بِنا زبان توں دیاں سُنائیا۔ ساچے صاحِب دی بن جا گولی، سیوک ہو کے سیو کمائیا۔ کلجُگ لیکھا ویکھ موُل نہ ڈولیِں، دھیان انڈولت دا اِک رکھائیا۔ بہُڑی بہُڑی کر پائیِں نہ رؤلی، ہاہاکار وِچ کُرلائیا۔ بھاویں تیرے تے پوِتر سمُند ساگر تٹ کنارے رہی کوئی نہ بؤلی، امرت نظر کوئے نہ آئیا۔ تُوں چھیتی کاہلی کریں نہ تؤلی، دھیِرج دھیِر لیَنی دھرائیا۔ اوتار پَیغمبر گُروُآں دے اِقرار ویکھی قؤلی، جو لیکھے گئے بنائیا۔ تُوں پریم پیار وِچ دھرم دا رنگ تند بدھّی مؤلی، اوٹ مؤلا اُتے رکھائیا۔ جو سچ دوارا رہیا کھولی، مارگ اِکو اِک پرگٹائیا۔ اُس سوامی صاحِب نوُں ٹولیِں، کھوجنا چائیں چائنیا۔ اوہدا نگارہ شبد اگمّا ڈھولی، جگت جہان کرے شنوائیا۔ جوتی جوت سروُپ ہرِ، آپ اپنی کِرپا کر، دیونہارا ساچا ور، سچ دا کھیل آپ کھِلائیا۔ دھرنی کہے دھرم میَں اوسے دی داسی، داسی داس داس اکھوائیا۔ اوسے دے مِلن دی رکھی آشی، آشا وِچ دھیان لگائیا۔ میَں تکّے منڈل راسی، منڈپاں کھوج کھوجائیا۔ نِگاہ ماری آکاشی، آکاش آکاشاں دھیان لگائیا۔ میَنوُں دِسے پُرکھ ابناشی، ابناشی کرتا دُھردرگاہیِا۔ جو ہر گھٹ اندر رکھے واسی، واسطہ اپنے نال جُڑائیا۔ میَں اوسے دی منّاں آکھی، جو بِن اکھّراں دئے سمجھائیا۔ چرن کوَل کدے کراں نہ گُستاخی، سد نِو نِو سیِس جھُکائیا۔ اوہدی جُگ چؤکڑی کھیل ساچی، سَتجُگ تریتا دواپر )ویکھ( وکھائیا۔ اوہ کلجُگ میٹے اندھیری راتی، رُتڑی اپنا نام مہکائیا۔ جن بھگتاں نام بھنڈارا دیوے داتی، انمُلڑی دات آپ ورتائیا۔ دیوے درس اِک اِکانتی، اِک اِکلّا دُھر دا ماہیِا۔ جِس دا کھیل بہُہ بِدھ بھانتی، بھیوَ ابھید اپنے وِچ چُھپائیا۔ میَں اوسے دے چرن دھوُڑ نہاتی، پاپاں میَل دھوائیا۔ اوہ سوامی کملاپاتی، پت پرمیشور اِک اکھوائیا۔ جِس تیری کرنی بند خلاصی، بندھن کلجُگ نالوں تُڑائیا۔ اوہ شہنشاہ شاہو شاباشی، ہرِ کرتا اِک اکھوائیا۔ جو لیکھا جانے شنکر کَیلاشی، برہم ویتا برہم بھیوَ کُھلائیا۔ وِشنوُں وِشوَ دا جانے ساتھی، سگلا سنگ دِرڑائیا۔ میَں اوسے دے چرناں ڈھاٹھی، نِو نِو سیِس نِوائیا۔ جِس بھیوَ چُکاؤنا کایا ماٹی، مٹکے سب دے پھول پھولائیا۔ کوُڑی کِریا میٹنی واٹی، وٹنا ستنام چڑھائیا۔ اوہدا چرن کوَل چھوہے میری چھاتی، جنبوُ دیِپ دئے گواہیِا۔ میَں ہونا وڈّی وڈ پرتاپی، پرم پُرکھ دیوے مان وڈیائیا۔ میرے اُتوں میٹنے پاپی، جو پربھ
نوُں گئے بُھلائیا۔ میرے دھرم دی دھار بننے ساتھی، جو بھگت سُہیلے سوہنگ ڈھولا گائیا۔ اوہدا لہنا دینا پوُرا کرے نہ کوئی قلم دواتی، کاغذاں چلے نہ کوئے چتُرائیا۔ اوہ نوُر نوُرانہ نؤجوانا جِس دی وکھّری ذاتی، ذات اذاتی پندھ مُکائیا۔ اُس دا کلمہ نام صفاتی، دُھر فرمانا اگمّ اتھاہیِا۔ میَں اوسے دے چرناں لاگی، جو چرنودک دیوے چائیں چائنیا۔ میَں سوئی سُتی جاگی، میرے انتشکرن لئی انگڑائیا۔ میَں ہوئی وڈ وڈبھاگی، بھاگاں بھری خوشی بنائیا۔ میری زِندگی ہوئی سادی، جگت پکھنڈ نہ نال مِلائیا۔ میَنوُں مِلیا پُرکھ آدی، اپرمپر کرتا دُھردرگاہیِا۔ جِس دا نام کلمہ نادی، اِکو دُھن کرے شنوائیا۔ ہُن دھرم جی تَینوُں چِنتا کاہدی، دھرنی خوشیاں وِچ سُنائیا۔ جوتی جوت سروُپ ہرِ، آپ اپنی کِرپا کر، دیونہارا ساچا ور، نِہکلنک نرائن نر، مہاراج شیرسِنگھ وِشنوُں بھگوان، جِس دی کھیل اگمّ اتھاہ دی، بے پرواہ اپنا حُکم ورتائیا۔
۲۷ پھگّن شہنشاہی سمت اٹّھ پِنڈ سیئی کلاں ضِلع جموں چوُڑھ سِنگھ دے گرِہ
دھرم کہے دھرنی کریں موُل نہ چِند، چِنتا نظر کوئے نہ آئیا۔ تیرا سوامی اِک مرگِند، گہر گمبھیِر وڈ وڈیائیا۔ داتا دانی گُنی گہِند، بے پرواہ اکھوائیا۔ جِس دا کھیل اگمّا سِندھ، دُھر دے وہن وہائیا۔ اوہ پرگٹ ہووے وِچ ہِند، تیری دھرنی دھرت دھوَل سُہائیا۔ جِس پوُجا مِٹاؤنی پاہن لِنگ، نوُر ظہوُر کر رُشنائیا۔ بھاگ لگاؤنا جیِؤ پِنڈ، برہمنڈ کرے رُشنائیا۔ جوتی جوت سروُپ ہرِ، آپ اپنی کِرپا کر، دیونہارا ساچا ور، سچ دا کھیل آپ کھِلائیا۔ دھرم کہے دھرنی تَینوُں کاہدا فِکر، فِقرہ سُن دُھر دے ماہیِا۔ جِس دا ساریاں کیِتا ذِکر، ذِکریا اپنا جِگر گیا چِرائیا۔ اوہ نِرگُن دھار آیا نِکل، جوتی جاتا ڈگمگائیا۔ جِس دی کِسے نال نہ ملِے شکل، نُہار سمجھ کوئے نہ پائیا۔ اوہنے کھیل کرنا پرے بُدھی عقل، عاقلاں چلے نہ کوئے چتُرائیا۔ اوہ حُکم سندیسہ دیوے کلجُگ مُتعلّق، مُطلاع سب نوُں رہیا کرائیا۔ اوہ مالک خالق خلق، مخلوُق کھوج کھوجائیا۔ جِس دا بھگتاں نال تعلّق، ناتا توڑے کوُڑ لوکائیا۔ اُس دا نوُر اُتے فلک، اسماناں کرے رُشنائیا۔ دھرنی اُتے تک لےَ جھلک، جھلیئے تَینوُں دیاں سمجھائیا۔ اُس دے مستک نہیں کوئی تِلک، بُہروُپی روُپ نہ کوئے سمجھائیا۔ اوہ شبدی دھار کرے دو
جہاناں عِلّت، عالماں عِلم دئے بُھلائیا۔ اُس دا سب توں وڈّا خِلعت، خلا وِچ اپنا کھیل کھِلائیا۔ جگت خواری کرے ذِلّتّ، شان نظر کوئے نہ آئیا۔ اُٹھ اوس دے اَگے کر مِنّت، نِو نِو سیِس جھُکائیا۔ اوہ آ گیا بھگتاں دی سِمت، چڑھدا لہندا دکھّن پہاڑ چارے کُنٹ ویکھ وکھائیا۔ کُچھ اپنی کر لےَ ہِمّت، حوصلہ لےَ بنائیا۔ تیری میٹ کے جائے چنت، چِنتا چِکھا نہ کوئے جلائیا۔ بھیوَ رہے نہ کوئے رِنچک، رنج و غم گوائیا۔ جوتی جوت سروُپ ہرِ، آپ اپنی کِرپا کر، سد دیونہار وڈیائیا۔ دھرم کہے دھرنی جھُک اِک پربھوُ دے در، در ٹھانڈے ملِے وڈیائیا۔ کُچھ منگ لےَ اپنا ور، ور داتا جھولی پائیا۔ روُپ تک نرائن نر، نر ہرِ دُھردرگاہیِا۔ جو تیرے دوارے آیا گھر، گھر گھرانے ویکھ وکھائیا۔ اُس دی سرن سرنائی پڑ، نِو نِو سیِس جھُکائیا۔ جِس کلجُگ کوُڑی کِریا پُٹنی جڑ، لوک مات رہن نہ پائیا۔ اوہ لیکھا جانے سیِس دھڑ، لکھّ چؤراسی ویکھ وکھائیا۔ ساچی منزل بَیٹھا چڑھ، نوُر نوُرانہ نوُر الاہیِا۔ اوہ تیرا چُکاوے بھےَ ڈر، بھؤ سِر نہ کوئے رکھائیا۔ جوتی جوت سروُپ ہرِ، آپ اپنی کِرپا کر، کرے کھیل ساچا ہرِ، نِہکلنک نرائن نر، مہاراج شیرسِنگھ وِشنوُں بھگوان، تیرا سُہنجنا کرے گرِہ گھر، گھرانہ نوَ ستّ وسائیا۔