کتب خانہGranth 23 (Urdu)

۱۶ ہاڑ شہنشاہی سمت نؤ ہرِ بھگت دوار جیٹھوُوال ضِلع امرتسر

مُکھوں کہن مندر شِودوالے مٹھے، مِٹھت نال جنائیا۔ مسجداں چرچاں کر اِکٹّھے، ایکا دئے وڈیائیا۔ گُروُدوار تیرے در تے سارے پِھرن نَٹھے، بھجّن واہو داہیِا۔ تیِرتھ ویکھ اٹھسٹھے، تٹاں پھول پھولائیا۔ تُوں وسیں گھٹ گھٹے، گھٹ بھیِتر ڈیرہ لائیا۔ دیِناں مذہباں دے ویکھ لےَ رٹےّ، چاروں کُنٹ کھوج کھوجائیا۔ شرع شریِعت تک لےَ ہٹّے، دیِن مذہب کُرلائیا۔ ساڈے انتم ویکھ لےَ پٹے، پٹنے والا نال مِلائیا۔ سب دے انکڑے زیِرو نال ہو گئے وٹے، انکڑا سمجھ کوئے نہ پائیا۔ کِسے نے وچھےّ کھادھے کِسے نے کھادھے کٹّے، کوُڑی کِریا نال ہلکائیا۔ ساڈے اندر تُوں پربھوُ وِکیں ٹکے ٹکے، قیِمت گرنتھاں والی پائیا۔ ساڈے چیِتھڑ ویکھ لےَ پُرانے پھٹے، اوڈھن نظر کوئے نہ آئیا۔ تیری سرن سرنائی ڈھٹّھے، نِو نِو سیِس جھُکائیا۔ کلجُگ انتم اُلٹی گیڑ دے لٹّھے، نوَ ستّ دے اُلٹائیا۔ سارے تَینوُں ٹیکیئے متھے، مستک سیِس نِوائیا۔ تُوں سرب کلا سمرتھے، سمرتھ تیری وڈیائیا۔ تیری مہما سدا اکتھے، کتھنی کتھ سکے نہ رائیا۔ اسیں حال سُنائیے یتھارتھ یتھے، یدی یدپ دئیے دِرڑائیا۔ ساڈے دیِناں مذہباں والے چاؤ لتھے، خوشیاں رنگ نہ کوئے رنگائیا۔ جِنہاں پِچھے تیِر کمان اُٹھائے بھتّھے، کھنڈے کھڑگاں ہتّھ اُٹھائیا۔ اوہ یار دے ستھر موُل نہ لتھے، یارڑا سیج نہ کوئے ہنڈھائیا۔ ساڈے تیرے اَگے بنّھے ہتّھے، نِو نِو سیِس جھُکائیا۔ سَت دھرم

چلا دے اِکو رتھے، رتھواہی اِک اکھوائیا۔ آتم پرماتم پریم دھار دی پا نتھے، خصمانے خصم اپنے ہتّھ رکھائیا۔ سب نوُں وست اگمّی دے وتھے، امولک اِک ورتائیا۔ کوُڑ کُڑیارے جان متھے، بچیا رہن کوئے نہ پائیا۔ تیرے صاحِب سوامی چرن ڈھٹّھے، دھوُڑی خاک رمائیا۔ جوتی جوت سروُپ ہرِ، آپ اپنی کِرپا کر، ایکا دینا ساچا ور، سچ دی کرنی کار کمائیا۔ مندر مسجد شِودوالے مٹھ سارے رہے آکھ، بِن اکھّراں اکھّر جنائیا۔ ساڈی کیِتی کر معاف، مُفلِس ہو کے منگ منگائیا۔ ساڈے در ہوئے گُستاخ، غُصّے وِچ تک لوکائیا۔ ساڈی چاروں کُنٹ اُڈدی راکھ، مِٹّی زِمیں اسمان دُہائیا۔ سانوُں اِکو اِک انتر تیرا ناؤں رہیا بھاکھ، دوُجا نظر کوئے نہ آئیا۔ جِس کارن گوبِند سِکھی بنائی )پہلی( وِساکھ، اِک ستّ پنج چھ انک جُڑائیا۔ اُس دا لہنا دینا پوُرا کر ہو پرتکھ، پرگٹ ہو اپنا حُکم ورتائیا۔ جوتی جوت سروُپ ہرِ، آپ اپنی کِرپا کر، ایکا دینا دُھر دا ور، دیونہار تیری وڈیائیا۔ سارے کہن پربھوُ صاحِب نِرنکار، تیری اِک سرنائیا۔ اسیں چار جُگ دے محل مینار، پاہن پتّھراں نال سوبھا پائیا۔ تیرے نام دی سُن دے رہے جَیکار، صِفتاں والی صِفت صالاحیِا۔ دیِناں مذہباں تکّدے رہے دھار، دھرنی دھرت دھوَل دھؤل کھوج کھوجائیا۔ اسیں شرع وِچ ہُندے رہے مِسمار، اپنا آپ مِٹائیا۔ سانوُں دیِناں مذہباں کیِتا خوار، مندر مسجد شِودوالے مٹھ چرچ سارے روون مارن دھاہیِا۔ سانوُں اِکو دِسدا تُوں سب دا سانجھا یار، دوُجا نظر کوئے نہ آئیا۔ ساڈی بیننتی سُن پُکار، پُنہ پُنہ سیِس نِوائیا۔ تُوں کل کلکی اوتار، اوتر تیری کھیل بےپرواہیِا۔ تُوں شاہو بھوُپ سِکدار، شہنشاہ اگمّ اتھاہیِا۔ جِس کِرپا کیِتی اپار، اپرمپر دِتی وڈیائیا۔ نِشان بنا کے ہرِ بھگت دوار، بھگت دوارا سوبھا پائیا۔ جِتھے اوُچ نیِچ نہیں کوئی وِچار، ذات پات رنگ نہ کوئے رنگائیا۔ ورن برن نہیں کوئی شُمار، کھتری براہمن شوُدر وَیش ہِندوُ مُسلم سِکھ عیِسائی ونڈ نہ کوئے ونڈائیا۔ تُوں سچ سوامی انترجامی ویکھنہار آپ کرتار، قُدرت دا قادر اِک اکھوائیا۔ جوتی جوت سروُپ ہرِ، آپ اپنی کِرپا کر، ایکا دینا ساچا ور، سچ دا رنگ آپ رنگائیا۔ پربھوُ تیرا سُہنجنا دِسے دوارا بھگت، بھگوَن دِتی وڈیائیا۔ جِس مان دواؤنا وِچ جگت، جُگ چؤکڑی حُکم ورتائیا۔ تیری سب توں نِرالی شکت، شکتی شالی اِک اکھوائیا۔ سانوُں اِیوں جاپدا ساڈا انتم آؤندا جاندا وقت، سماں سمیں وِچوں بدلائیا۔ اسیں دُہائی دیئیے زمیِن اُتے عرش، عرشی پریِتم سُننا چائیں چائنیا۔ جے نِرگُن دھار آئیوں پرت، پت پرمیشور وڈ وڈیائیا۔ میری پوُری کرنی شرط، شرع دا ڈیرہ

ڈھاہیِا۔ ساڈی منظور کرنی عرض، خواہش نال رکھائیا۔ صدی چؤدھویِں پئی غرض، در تیرے منگ منگائیا۔ جوتی جوت سروُپ ہرِ، آپ اپنی کِرپا کر، دیونہارا ساچا ور، سچ حُکم اِک ورتائیا۔ مندر مسجد شِودوالے مٹھ کرن صلاح، مشورہ اپنے نال بنائیا۔ کی کھیل اگمّ اتھاہ، کی کرتا کار کمائیا۔ جو آد جُگادی سب دا ملاح، بیڑے رہیا چلائیا۔ اوہ ساڈی ضرور منظور کرے دُعا، مِہربان مِہر نظر اُٹھائیا۔ جِس بھگت دوارا دِتا سُہا، سُہنجنی رُت بنائیا۔ اوہ داتا نوُر الاہ، عالمیِن وڈ وڈیائیا۔ جو وسے تھل اسگاہ، مہیئل رہیا سمائیا۔ اُس دا وقت سُہنجنا رہیا آ، ہاڑ ستاراں وجےّ ودھائیا۔ جِس نوُں پَیغمبراں کِہا خُدا، خود مالک نوُر الاہیِا۔ اوہ سب دے وعدے پوُرے دئے کراں، کرامات سمجھ کوئے نہ پائیا۔ جوتی جوت سروُپ ہرِ، آپ اپنی کِرپا کر، دیونہارا ساچا ور، سچ دا حُکم اِک منائیا۔ مندر مسجد شِودوالے مٹھ گُروُدوار کہن، سَت سچ سُنائیا۔ پربھوُ اسیں بھگت دوارے دا درشن کرنا نیَن، تِھت ستاراں ہاڑ وڈیائیا۔ جِتھے ناتا جُڑیا ہووے بھائی بھَین، ورن گوت ونڈ نہ کوئے ونڈائیا۔ جگت کِریا کوُڑی چُکیا ہووے لہن دین، لہنا دینا سب دی جھولی پائیا۔ اوہ مالک خالق اِک نرائن، نر ہرِ آپ اکھوائیا۔ اوہدا روُپ عین دا عین، نُقطہ غیَن نہ کوئے سمجھائیا۔ جوتی جوت سروُپ ہرِ، آپ اپنی کِرپا کر، کرے کھیل ساچا ہرِ، سچ دا حُکم اِک ورتائیا۔ ستاراں ہاڑ کہے میرا آؤندا جاندا دِوس دِہاڑا، اپنا وقت سُہائیا۔ کِرپا کرے اگمّی لاڑا، دُھر مالک نوُر الاہیِا۔ جِس نے دیِن مذہب رچایا اَکھاڑا، مندر مسجد ونڈ ونڈائیا۔ اوہ کھول کے بھگت دوارا، دُہری اپنی کل پرگٹائیا۔ سچ پروِشٹا اِک وِچارا، وِچر کے دِتا جنائیا۔ ہرِ بھگت میرا اِکو لاؤن گے سارے نعرہ، اِک وجے دا وقت سمجھائیا۔ بھگت دوارے بھگت سِنگھاسن ہووے ظاہرا، سُکھاسن ہووے دُھر دا ماہیِا۔ اِکّی شستردھاری دینگے پہرہ، آپ اپنا بَل پرگٹائیا۔ کھیل کرے گمبھیِر گہرا، گوَر اپنی کار کمائیا۔ جوتی جوت سروُپ ہرِ، آپ اپنی کِرپا کر، دیونہارا ساچا ور، سچ دا حُکم اِک ورتائیا۔ اِک کہے میرا وقت یاد رکھنا اِک، ایکنکار دِتی وڈیائیا۔ گُرمُکھاں ہاڑ مہیِنہ اُس ویلے لاؤنا اُتے ہِک، چھاتی نال چُھہائیا۔ سب دا منوُآ جائے ٹِک، دہ دِشا نہ اُٹھ اُٹھ دھاہیِا۔ اِکو پربھوُ مِلن دی ہووے سِک، سِخر چوٹی چڑھ کے ویکھ وکھائیا۔ جوتی جوت سروُپ ہرِ، آپ اپنی کِرپا کر، دیونہارا ساچا ور، سچ دا حُکم اِک سُنائیا۔ بھگت دوار کہے میری نامے والی منگ، بہتّر دھار جنائیا۔ میرا سَت سروُپ دا بدلیا رنگ، رنگت دِتی

بےپرواہیِا۔ میَں بھگت سُہیلے لاؤنے انگ، انگیکار آپ ہو جائیا۔ خوشیاں نال خوشی منگنی منگ، خوشیاں وِچ دِرڑائیا۔ کوُک کے پُکار رہیا تارا چند، صدی چؤدھویِں اکھّ کُھلائیا۔ اپنی پلّیوں کھول کے گنڈھ، کنّی رہیا وکھائیا۔ ایہہ اِشارہ کیِتا جِس ویلے گوبِند چھڈیا پُری انند، چرن سرسے ولّ ٹِکائیا۔ نالے پیار دا کیِتا جنگ، دھرم نال لڑائیا۔ ستاراں ہاڑ کہے میرا حِصّہ پایا ونڈ، سہج نال سُنائیا۔ سمت شہنشاہی نؤ جن بھگت پیارے رَین نوُں اِکو سانجھا کرن گے ڈنگ، اپنی خوشی منائیا۔ چڑھدے لہندے دی بجائے دکھّن پہاڑ ڈہیگا پلنگ، اپنی کھیل کھِلائیا۔ نؤواں دواریاں وِچوں اِک اِک گُرمُکھ اندر جائے لنگھ، خوشی خوشیاں چرن ٹِکائیا۔ انتر انتر مانے انند، منتر ڈھولا سوہنگ گائیا۔ اِک وجے وِہار ہووے ارمبھ، وقت سُہنجنا نال مِلائیا۔ جوتی جوت سروُپ ہرِ، آپ اپنی کِرپا کر، سد اپنی خوشی بنائیا۔ بھگت دوار کہے میرا روُپ سُہایا آپ، پربھ دِتی مان وڈیائیا۔ جن بھگتو تُہاڈا لیکھے لائے جاپ، جگ جیِون داتا ہووے سہائیا۔ تُسیں روُح بُت کرنے صاف، پتت پُنیِت بنائیا۔ سب دی پوُری ہووے آس، نِراسا رہن کوئے نہ پائیا۔ اوتار پَیغمبر گُر تکّو اُتوں کَیلاش، اُتوں شنکر دھیان لگائیا۔ جوتی جوت سروُپ ہرِ، آپ اپنی کِرپا کر، دیونہارا ساچا ور، سچ دا مالک اِک اکھوائیا۔ سِنگھاسن کہے میَں دسّاں یتھارتھ یتھا، یدی دیاں دِرڑائیا۔ پنج لِکھاری پنج پنج مِنٹ کرن گے کتھا، وارتا خوشیاں نال سُنائیا۔ اِک اِک لوہے دی چھاپ رکھنگے ہتّھا، دوُسر نظر کوئے نہ آئیا۔ جن بھگت سچ دوار ٹیکن گے متھا، خالی ہتّھ سیِس نہ کوئے نِوائیا۔ کِشن سِنگھ دے کول ہووے اِک بھتّھا، تیِر پنجاں نال وڈیائیا۔ کیہر سِنگھ نے ہتّھ وِچ لِکھیا ہووے پھڑنا چھٹا، چھیواں ونڈ ونڈائیا۔ چیلا سِنگھ کھبےّ ہتّھ اُٹھا کے ٹکا، ٹِک ٹِکی پربھوُ دے ولّ لگائیا۔ سروُپ سِنگھ مستک اُتے لِکھ کے اکھّر پپا، پُٹھا لئے لٹکائیا۔ جموں والیاں پربھ دے چرناں ہیٹھ ٹِکاؤنا مدیِنہ مکّہ، کعبیاں رُت بدلائیا۔ صاحِب سَتگُر شبد کِسے نال کرے نہ دھکاّ، سمیں نال سماں دئے ٹکرائیا۔ جوتی جوت سروُپ ہرِ، آپ اپنی کِرپا کر، دیونہارا ساچا ور، نِہکلنک نرائن نر، مہاراج شیرسِنگھ وِشنوُں بھگوان، سب دا لہنا دینا حقیِقت دا مالک جانے حقا، حق حق وِچوں ویکھ وکھائیا۔

سَتگُر پریم دیوے پرساد، بِن رسنا رس چکھائیا۔ جیہڑی وست آد دی آد، آد دئے ورتائیا۔ جیِون زِندگی بخش کے داد، داتا دانی ہوئے سہائیا۔ ساچا رس سب نے رکھنا یاد، یاد وِچوں نہ کدے بُھلائیا۔ بھگتاں کایا کھیڑا ہوئے آباد، وجدی رہے نام ودھائیا۔ دھرم دی دھار بنا کے سادھ، سنت سَتگُر ہوئے سہائیا۔ وقت سُہنجنا خوشی آج، سمگری نام ورتائیا۔ جن بھگتو دیِن مذہب توں باہر تُہاڈا سماج، آتم پرماتم جوڑ جُڑائیا۔ تُوں میرا میَں تیری اِک آواز، دوُجا راگ نہ کوئے سُنائیا۔ سوئی سُرت جائے جاگ، آلس نِندرا رہے نہ رائیا۔ سَتگُر پوُرا دیوے آپ پرساد، پرسادی ہو کے آپ ورتائیا۔ جوتی جوت سروُپ ہرِ، آپ اپنی کِرپا کر، کرے کھیل ساچا ہرِ، نِہکلنک نرائن نر، مہاراج شیرسِنگھ وِشنوُں بھگوان، سب دے کایا کھیڑے کرے آباد، وسیا اُجڑ کدے نہ جائیا۔