کتب خانہGranth 23 (Urdu)

۱۷ ہاڑ شہنشاہی سمت نؤ ہرِ بھگت دوار جیٹھوُوال ضِلع امرتسر رات نوُں

خوشی وِچ خوشحال ہووے ہاڑ ستاراں، سَت ستوادی دیوے مان وڈیائیا۔ پربھ دا حُکم سندیس سُنے نیارا، پَیغام دُھردرگاہیِا۔ سچکھنڈ دوار تکّے بِن نیتر نیَن اِشارہ، درگاہ ساچی مقامے حق حق نوُر الاہیِا۔ مِہربان محبوُب ہووے پروردِگارا، پاربرہم پت پرمیشور وڈ وڈیائیا۔ جوتی جاتا پُرکھ بِدھاتا نوُر نوُرانہ ہو کے ظاہرا، ظاہر ظہوُر کرے رُشنائیا۔ جِس دا اوتار پَیغمبراں گُروُآں دِتا اِشارہ، سیَنت نام کلمے والی لگائیا۔ اوہ اِمام اِماما نر نِرنکارا، نِروَیر پُرکھ اگمّ اتھاہیِا۔ میری خوشیاں والی بناؤن آیا بہارا، بسنت اِک پرگٹائیا۔ جِس دا لیکھ قلم توں باہرا، شاستر سمجھ کِسے نہ آئیا۔ اوہ جوتی جاتا پُرکھ بِدھاتا پرگٹ ہو وِچ سنسارا، سنساری بھنڈاری سنگھاری رہیا ہِلائیا۔ تیئی اوتاراں دئے ادھارا، راما کرِشنا سویا رہن کوئے نہ پائیا۔ حضرت موُسیٰ عیسیٰ سنگ محمد کرے خبردارا، بےخبراں خبر جنائیا۔ نانک گوبِند ویکھو کھیل جگت دی دھارا، دھرنی دھرت دھوَل دھؤل دھیان رکھائیا۔ چاروں کُنٹ ہویا اندھیارا، ساچا چند نہ کوئے چمکائیا۔ جِدھر ویکھو دھوُاں دھارا، نوُر نوُرانہ نظر کوئے نہ پائیا۔ اپنا اپنا لہنا دینا لیکھا وکھاؤ سارا، شاہ پاتشاہ شہنشاہ آپ سُنائیا۔ وعدہ تکّو قؤل اِقرارا، جو بھوِکھتاں وِچ سُنائیا۔ کی کھیل کرے کل کلکی اوتارا، نِہکلنک کل اپنی کل پرگٹائیا۔ کِس بِدھ اِمام اِماما ہووے ظاہرا، ظاہر

ظہوُر کرے رُشنائیا۔ چار جُگ دے نام نام کلمے شاستراں دا تکّے دائرہ، دیِناں مذہباں ویکھ وکھائیا۔ آپ سب توں وسے باہرا، حِصّیاں وِچ کدے نہ آئیا۔ کھیلے کھیل گمبھیِر گہرا، گہر گوَر وڈ وڈیائیا۔ جوتی جوت سروُپ ہرِ، آپ اپنی کِرپا کر، سد اپنا حُکم سُنائیا۔ ہاڑ کہے میرا پروِشٹا ستاراں، سطح بُلندی اِکو نظری آئیا۔ میرا لہنا دینا باہر پُرکھاں ناراں، تیِرتھ تٹاں ونڈ نہ کوئے ونڈائیا۔ میرا جگت شاستراں توں باہر نعرہ، نر نرائن اِک دِرڑائیا۔ میرا بھیوَ ابھیدا گا نہ سکے شاعرا، پردہ سکے نہ کوئے اُٹھائیا۔ میری دھار دی دھار وِچوں اُپجے لہرا، جگت جہان لہرائیا۔ جوتی جوت سروُپ ہرِ، آپ اپنی کِرپا کر، دیونہارا ساچا ور، سچ حُکم اِک ورتائیا۔ ستاراں ہاڑ کہے اوہ آ گیا نارد مُڑ کے، نواں کھنڈاں ویکھ وکھائیا۔ جوتی شبدی دھار نال جُڑ کے، بھجیّا واہو داہیِا۔ سمُند ساگر جنگل پہاڑ پار کیتے نہیں تُر کے، تُریا توں باہر اپنا پندھ مُکائیا۔ حُکم سندیسہ سُن کے آیا شبد گُر کے، سَتگُر کی دِرڑائیا۔ کی جُگ چؤکڑی لہنے دینے دُھر کے، مستک ویکھ وکھائیا۔ کی سندیسے سُنے گوبِند گُر کے، جو پُری انند تجائیا۔ جوتی جوت سروُپ ہرِ، آپ اپنی کِرپا کر، سد اپنا حُکم ورتائیا۔ نارد کہے جن بھگتو میَں نواں کھنڈاں تک کے آیا دُھر دیِاں اکھّاں، اکھّاں والیاں دیاں جنائیا۔ ستاراں ہاڑ کہے میرے صاحِب دیِاں میَنوُں رکھاں، رکھیا کرے تھاؤں تھائنیا۔ جن بھگتو سارے بند کر دیؤ ہِلاؤنا پکھّا، پکھّی ہتّھ نہ کوئے اُٹھائیا۔ سَتگُر دا پیار کدے ملِے نہ کروڑی لکھّاں، قیِمت جگت نہ کوئے جنائیا۔ میَں وی تُہاڈے نال بھگت دوارے اُتے سوہنگ شبد نوُں تکاّں، نیَن نیَناں نال مِلائیا۔ بچن دا آد جُگاد ہو کے پکاّ، پکّی یاری پربھ دے نال لگائیا۔ میَں لکھّ چؤراسی کایا بھانڈا ویکھ کے آیا کچّا، ماٹی گڑھ پھول پھولائیا۔ میَں نِگاہ مار کے آیا مدیِنہ مکّہ، جموں والیو مکّہ مدیِنہ دینا وکھائیا۔ میَں جِدھر جاواں میَنوُں کِدھرے گرمی لگّے تے کِدھرے لگّے سردی دا ٹھکاّ، ٹھوکراں جگت والیِاں کھائیا۔ نؤ کھنڈ پرِتھمی پُچھدا رہیا پتہ، پت پرمیشور دیؤ مِلائیا۔ اِک دوُجے دی کردے ہتّا، ہتّیا وِچ لوکائیا۔ دھرم دی رہی کوئی نہ سطح، اِیمان نال عمل نہ کوئے کمائیا۔ تیِرتھاں پانی ہو گیا تتا، امرت سیر نہ کوئے وہائیا۔ پریم رنگن وِچ دِسے کوئے نہ رتّا، مُلّا شیخ مسائک پنڈت پاندھا پریم وِچ نہ کوئے سمائیا۔ میَں چار جُگ دے شاستراں دا ویکھیا کھتّا، قِطعے دیِناں مذہباں والے پھول پھولائیا۔ آتم پرماتم جوڑے کوئے نہ نّتا، پاربرہم برہم وِچ نہ کوئے مِلائیا۔ میَں سندیسے دیندا سُنیا سَتگُر نانک تپا، ترےَگُن توں باہر دِرڑائیا۔ اوتارو کھولو اکھّا، تریئی تریئی دھیان

لگائیا۔ پَیغمبرو تکّو حقیِقت حقا، حق خُدا الاہیِا۔ جِس دا کھیل سدا سمرتھا، سمرتھ آپ اکھوائیا۔ جِس دے گوبِند ستھر لتّھا، یارڑا سیج ہنڈھائیا۔ اُس دی مہما اکتھ کتھا، کتھنی کتھ سکے نہ رائیا۔ اُس نوُں سارے بِنا سیِس توں ٹیکو متھا، بِن دھوُڑی دھوُڑی خاک رمائیا۔ جِس دا اِکو نام ڈھولا گیِت دُھر دا ٹپّا، ٹاپوُآں توں باہر کرے پڑھائیا۔ سو پُرکھ اکالا دیِن دَیالا پروردِگار سانجھا یار پکا کے متا، مت بُدھ توں باہر رہیا جنائیا۔ جِس دا کھیل چھپّر چھنّاں چھتّا، چھتردھاری ویکھ وکھائیا۔ اوہ لیکھا سب دا پوُرا کرائے ہتّھو ہتّھا، اُدھار نِرنکار نہ کوئے رکھائیا۔ جوتی جوت سروُپ ہرِ، آپ اپنی کِرپا کر، ایکا دینا ساچا ور، سچ دا بھیوَ آپ چُکائیا۔ نارد کہے میَں نؤ کھنڈ پرِتھمی ماریا چکّر، چکرورتیِاں ویکھ وکھائیا۔ دُھر کلمے دا مِلیا کوئے نہ فقّر، فِقرے حرفاں والے گائیا۔ میَں سب دے ویکھے پتر، حروُفاں پھول پھولائیا۔ مذہباں دے جانے پتن، گھاٹاں رنگ رنگائیا۔ کِتوں مِلیا نہیں دُھر دا وطن، بے وطن ہوئی لوکائیا۔ میَنوُں یاد آ گیا جو نِرگُن سرگُن دھار دا اِکو بچن، جِس دی صِفت نہ کوئے صالاحیِا۔ جِتھے اوتار پَیغمبر گُر اِکو نام کلمہ جپن، دوُجا راگ نہ کوئے سُنائیا۔ میَں خوشیاں وِچ لگّا ٹپّن، بودی دِتی ہِلائیا۔ بِنا قدماں توں لگّا نسّن، بھجیّا واہو داہیِا۔ میَنوُں جھُکدے روَ سسن، سوُریہ چند سیِس نِوائیا۔ اوتار پَیغمبر گُروُ سارے ہسّن، وِشن برہما شِو نال رلائیا۔ آ پربھوُ دے پیارے لاڈلے مکھّن، دُلارے دھیان لگائیا۔ میَں ہسّ کے کِہا چاروں کُنٹ لگّی اگّ مچّن، ماچس پنج درباری دین لگائیا۔ پنج پیارے سِر تے بیری ٹاہنی رکھن، کنڈیاں بھری ہووے لوکائیا۔ جگت مایا جڑ آیا پُٹن، پٹنے والا نال مِلائیا۔ لوہے دی دھار سب تے مار کے سٹّن، پنج لِکھاری مُندریاں جوتی جوت سروُپ ہرِ، آپ اپنی کِرپا کر، دیونہارا ساچا ور، سچ دا حُکم اِک ورتائیا۔ نارد کہے میَں نوَ کھنڈ ماریا خیال، سُرتی توں باہر دھیان لگائیا۔ چار جُگ دے شاستر ملِے دلال، میَنوُں رہے جنائیا۔ دسّ کِتھے حقیِقت حق حلال، دھرم دے وکھائیا۔ جِتھے امرت سوہے تال، تیِرتھ تٹ کوَن وڈیائیا۔ کوَن مندر مسجد شِودوالا مٹھ چرچاں چراگاہاں ملِے دیِن دَیال، دَیانِدھ دَیا کمائیا۔ کوَن توڑے جگت جنجال، جاگرت جوت رُشنائیا۔ دیِناں مذہباں توں کرے بحال، اِکو رنگ رنگائیا۔ سچ دوار وکھائے سچّی دھرمسال، دھرم دوارا اِک جنائیا۔ جِتھے پوہ نہ سکے کال، مہاکال نہ کوئے وڈیائیا۔ نارد کہے میَں ہسّ کے کِہا اپنے اپنے اِشٹ لوو بھال، کھوجو چائیں چائنیا۔ جے جگت اندھیرا اپنے نام دی پھڑو مشال، مِسل شبد والی نال

رکھائیا۔ بِہنغم چلو اپنی چال، بھجّو واہو داہیِا۔ جہنّم بہِشت پردے لؤ اُٹھال، سوَرگاں نرکاں کھوج کھوجائیا۔ جگت جگیاسوُ ہو کے وجاؤ تال، تلواڑا نال مِلائیا۔ پربھوُ پیار وِچ اپنا آپ لؤ سنبھال، سمبل بَیٹھا نظر کِسے نہ آئیا۔ جو شاہ بنائے کنگال، کنگالوں شاہ بنائیا۔ حقیِقت ویکھے حلال، حق حق دِرڑائیا۔ اُس بِن کرے نہ کوئے سنبھال، سِر ہتّھ نہ کوئے ٹِکائیا۔ سچ دی جھلے کوئے نہ جھال، جھلک فلک نہ کوئے وکھائیا۔ میری بیننتی اِک سوال، فِقریاں توں باہر سُنائیا۔ جِس صاحِب نے ویکھنا مُریِداں حال، اوہ مُرشد بےپرواہیِا۔ دیِن دُنی توں وکھّری چلے چال، چال نِرالی اِک دِرڑائیا۔ اُس دا حُکم سندیسہ سُنے حال، حالانکہ اپنا حُکم آپ ورتائیا۔ جوتی جوت سروُپ ہرِ، آپ اپنی کِرپا کر، دیونہارا ساچا ور، سچ کرنی کار کمائیا۔ نارد کہے میَں نؤ کھنڈ بھجّا، بھگتو دیاں جنائیا۔ میری سمجھے کوئے نہ وجہ، وجوُہات نہ کوئے دِرڑائیا۔ میَنوُں پِھردیاں پِھردیاں پِھردیاں آیا اوہ اگمّی مزہ، جِس نوُں مذاق کرے لوکائیا۔ سچ پُچھو میَں مندر مسجد شِودوالے مٹھ گُروُدواریاں کعبیاں اندر کیِتی گجا، گج دا لیکھا نال مُکائیا۔ میَں بچی رہن دِتی نہیں کوئی جگہ، جگہ جگہ اپنا پھیرا پائیا۔ میَں پندھ مُکایا بِنا قدماں پگّا، بِن دھرتی دھوَل چُھہائیا۔ میَں جِدھر گیا سارے کہن اُف ہائے ساڈیا ربّا، یامبیِن تیری سرنائیا۔ اودھروں کلجُگ اپنا وجاؤندا آوے ڈِھڈ دا اَگا، خوشیاں تال بنائیا۔ میَنوُں کہے براہمنا تَینوُں کِس نے دِتا سدّا، صدی چؤدھویِں حضرت محمد دی ویکھ وکھائیا۔ میَں تے کرن لگّا اجے اپنا دغا، فریب جگت وِچ وکھائیا۔ صاحِب سوامی کِسے نوُں نظر آؤن دینا نہیں جو چڑھیا اَسو بگّا، شاہ سوارا اِک اکھوائیا۔ سادھ سنت منزل پار کرے کوئی نہ اُپر شاہ رگا، رگھُپت رام مِلن کوئے نہ پائیا۔ میَں سب دی بُدھی کرنی کگّا، کوُڑ نال ہلکائیا۔ اوہ ویکھ لےَ بھگت دوارے دا رنگ ہو گیا ڈبّا، چِٹا کالے نال مِلائیا۔ بھگت چؤتھی منزل اُتے چڑھ کے وجائے ڈگّا، دُنی داراں نوُں ہوکا دئے سُنائیا۔ میری حق حق دی صدا، صدیاں دیاں وِچھڑیاں دیاں سُنائیا۔ نالے پُکاراں دروہی میرے ربّا، ربےّ عالمیِن تیری سرنائیا۔ ناردا ویکھ لےَ دیِناں مذہباں دیاں حداں، میرے صاحِب نے ونڈ ونڈائیا۔ جِس نے انتم بدل دینیاں یداں، بِنا یُدھ توں یُدھ وِچ سارے دئے پھسائیا۔ گُرمُکھ خوشی نال مُکھ بیِن وجاوَن ندّا، دُھن ناد شنوائیا۔ جوتی جوت سروُپ ہرِ، آپ اپنی کِرپا کر، سد اپنی کار بُھگتائیا۔ نارد کہے کلجُگا میرا شاہو وڈ بلوانا، بلدھاری اِک اکھوائیا۔ جِس دے کول بِنا ناپ توں پَیمانہ، جگت ونڈ نہ کوئے ونڈائیا۔ جو روُپ دھردا

رہیا راما کاہنا، لکھّ چؤراسی گوپیِاں کھیل کھِلائیا۔ جِس پَیغمبراں دِتا پَیغاما، کلمہ نبیِاں آپ دِرڑائیا۔ جِس منتر جنا کے ستناما، ڈنکا فتح دِتا وجائیا۔ اوہ پہر کے آ گیا جامہ، روُپ انوُپا آپ درسائیا۔ اُس نوُں اوتار پَیغمبر گُروُ سجدیاں وِچ کرن سلاما، ڈنڈاوت وِچ سیِس جھُکائیا۔ اُس سندیسہ دِتا وِچ جہانا، حُکم اِک جنائیا۔ ناردا ستاراں ہاڑ نوُں آؤنا، اپنا پندھ مُکائیا۔ میَں پہلوں سچکھنڈ دوارا کیِتا اِشنانا، پربھ چرن دھوُڑ نُہائیا۔ پھیر اپنا کیِتا آراما، بِنا سیج سیج سُہائیا۔ پھیر بِنا نِگاہ توں ماریا دھیانا، زِمیں اسماناں کھوج کھوجائیا۔ میَنوُں روَ سس کہن ساڈا کِتھے مِہربانا، محبوُب دُھردرگاہیِا۔ میَں بودی نوُں ہِلا کے کِہا سارے تکّو ایہدا نِشانہ، نِشان تارا چند جنائیا۔ اُس دا کھیل خلق وِچ مہانا، روُپ انوُپ پرگٹائیا۔ میَں وی اجّ اوس دوارے جانا، جِتھے جانشین نظر کوئے نہ آئیا۔ ایہو صاحِب پُرکھ سُلطانا، شہنشاہ دُھردرگاہیِا۔ جِس دے حُکم اندر سارے ہوئے غُلاما، چاکر ہو کے سیو کمائیا۔ جوتی جوت سروُپ ہرِ، آپ اپنی کِرپا کر، سد پردہ آپ اُٹھائیا۔ نارد کہے جن بھگتو میَں جِس ویلے وِچ گیا لوآں پُریِاں، اپنا پوُرن جوبن بنائیا۔ میَں نال دلیِلاں لےَ گیا بُریاں، بِنا گٹھڑی گنڈھ اُٹھائیا۔ سجےّ کھبےّ لٹکا لئیاں شرع دیاں چُھریاں، قتل گاہاں نال بندھائیا۔ میَنوُں پُچھن لگّیِاں پرا پسنتی مدھم بَیکھری تُریا، ناردا تُرت دے جنائیا۔ وے ایس ویلے نؤ کھنڈ پرِتھمی اُتے آتما کِہو جِہئیاں کُڑیاں، جوبن کوَن روُپ بنائیا۔ کِس پریِتم پیار وِچ جُڑیاں، کوَن رنگ سمائیا۔ نارد کہے میَں شرع دیِاں اپنی بودی دے تھلّیوں کڈھیِاں پُڑیِاں، ہؤلی ہؤلی گنڈھاں دِتیاں کُھلائیا۔ نالے رو پیا نالے ہسّ پیا پھیر کِہا اوہ صدی چؤدھویِں ساریِاں جاندیِاں رُڑھیِاں، بیڑا پار نہ کوئے کرائیا۔ کیوں سَت دے مالک بِنا سب ہوئیاں نِگُریاں، سَتگُر شبد نہ کوئے منائیا۔ گھر گھر حلوے پوُڑی کھاندیِاں گھیو دیاں چوُریاں، چوری چوری سگن منائیا۔ ساچی منزل ولّ کدے نہ تُریِاں، اپنا پندھ مُکائیا۔ جوتی جوت سروُپ ہرِ، آپ اپنی کِرپا کر، کرے کھیل ساچا ہرِ، سچ دا مالک بےپرواہیِا۔ نارد کہے میَں گیا وِچ برہمنڈا، چوری چوری دھیان لگائیا۔ اوتھے نہ کوئی لیکھا جیرج انڈا، اُتبُھج سیتج ونڈ نہ کوئے ونڈائیا۔ نہ کوئی گرنتھاں شاستراں بدّھیاں پنڈاں، سیِس اُتے نہ کوئے ٹِکائیا۔ نہ کوئی مالا منکیاں دِتیاں گنڈھاں، تسبیاں ہتّھ نہ کوئے پھڑائیا۔ نہ کوئی شاستر ویکھے چنڈا، پرچنڈاں رنگ نہ کوئے رنگائیا۔ نہ کوئی سوُربیِر بہادر وڈھاؤندے کنڈاں، کنڈیاں والے چھاپے دین گواہیِا۔ نہ کوئی جگت جگیاسوُ پِھردے اُتے ٹنگاں، قدماں قدماں پندھ

مُکائیا۔ نارد کہے پھیر میَں سَتگُر شبد دے حُکم نال اگلی منزل لنگھا، بِنا قدم توں قدم ٹِکائیا۔ میَنوُں کُچھ نہ لگّا چنگا، چنگی طرح سمجھائیا۔ جِدھر ویکھیا دیوت سُر اپنا اپنا سِنگھاسن ڈاہی بَیٹھے منجا، پاوا چوُل نہ ونڈ ونڈائیا۔ وِشن برہما شِو گاون چھندا، تیری بےپرواہیِا۔ پھیر ویکھیا نام دا نام نال ہُندا دنگا، بِنا اکھّراں اکھّر لڑائیا۔ میرا سیِنہ نہ ہویا ٹھنڈا، ہاڑ مہیِنہ اجّ دا دئے گواہیِا۔ پھیر میَں نِگاہ ماری میَنوُں دُکھ کیوں نہ میَں ویاہیا تے نہ میَں رنڈا، سُہاگی کنت نہ کوئے بنائیا۔ میَنوُں یاد آ گیا میرا سیِنہ کیوں سڑدا میرے صاحِب نے بھگتاں دے گھروں کھادھا سی گنڈا، گاڈ ہو کے کھیل کھِلائیا۔ پھیر میَں ہتّھ رکھ کے بِنا متھے توں تکیا کلجُگ دا انتم کنڈھا، کنڈھی دا مالک اپنا حُکم ورتائیا۔ ناردا اؤہ تک لےَ نوُر میرا ظہوُر میرا نہ اوہ شہنشاہ نہ اوہ کنگال جگت جہاناں وِچ جگت والا بندہ، بندگی توں پرے میرے بندن وِچ نظری آئیا۔ نارد کہے میَں جھٹ اکھّاں تے ہتّھ رکھ کے ہو گیا اندھا، نیَناں بند کرائیا۔ واہ میریا مالکا خلق دَیا خالقا تیرا جُگ جُگ اُلٹا دھندا، دُھندھوُکار نظری آئیا۔ جوتی جوت سروُپ ہرِ، آپ اپنی کِرپا کر، کرے کھیل ساچا ہرِ، سچ دا حُکم اِک سُنائیا۔ نارد کہے میَں پُریِاں لوآں برہمنڈاں کھنڈاں توں اَگے مار لئی بھگتو جھاکی، جھاکے لیَن والیو دیاں جنائیا۔ میَنوُں گُر اوتار پَیغمبر دِسیا کوئے نہ تت خاکی، کلبوُت نظر کوئے نہ آئیا۔ نہ کوئی دِوس نہ کوئی راتی، گھڑی پل ونڈ نہ کوئے ونڈائیا۔ نہ کوئے گرنتھ شاستر کِتاب کُتب خانیاں والی پاتی، پترکا ہتّھ نہ کوئے پھڑائیا۔ نہ کوئی سندھیا سرگھی پربھاتی، ویلا وقت ونڈ نہ کوئے ونڈائیا۔ نارد کہے میَں ڈر گیا جِس ویلے میَں بھگتاں دی تک لئی چھاتی، چھتردھاری سارے چرناں ہیٹھ دبائیا۔ اوس میرے پربھوُ نے میَنوُں اِک خبر اگمّی آکھی، بِنا اکھّراں توں دِتی سُنائیا۔ او سوہنیاں میَں اپنیاں بھگتاں دی کراں راکھی، رکھک ہو کے ویکھ وکھائیا۔ نارد کہے میَں وی بن گیا ہاٹھی، ہٹھ اپنا لیا جنائیا۔ میرے صاحِبا میَں نہیں منّدا تَینوُں جُگ جُگ سَتگُر شبد وکھّرا بنایا پاٹھی، اپنیاں صِفتاں اوہدے کولوں کرائیا۔ پھیر اپنی منزل دی دسّ کے اُچی گھاٹی، سنتاں بھگتاں صوُفیاں جگت بندھنا وِچ پائیا۔ جے کدی بڑی کِرپا کیِتی تھوڑی جِہی جوت جگا کے وِچ للاٹی، لِٹاں والیاں اِشارے دِتے کرائیا۔ جے کِسے دی کھول دِتی کپاٹی، کپاٹ دیِن دُنی والا نال مِلائیا۔ جے اوتاراں پَیغمبراں گُروُآں دا سَتگُر شبد بنایا ساتھی، ساتھی آپ اکھوائیا۔ پھیر نام کلمے نوُں لڑایا ہتّھو ہاتھی، ٹکّر اوتاراں پَیغمبراں گُروُآں کولوں لوائیا۔ اِک نوُں پیار وِچ ستکار وِچ

دے کے تھاپی، پُشت پناہ ہتّھ ٹِکائیا۔ سوہنیا تَینوُں بھیجیا تُوں تار دینے پاپی، پتت پُنیِت کرائیا۔ تَیتھوں کوئی رہے نہ عاقی، کھنڈے کھڑگاں ہتّھ پھڑائیا۔ پھیر سچکھنڈ بہہ کے کردا رہیا ہاسی، مسخرہ اپنا روُپ بدلائیا۔ واہ کِڈی سوہنی میری منّدے آکھی، میرے نام نال میرا نام رہے ٹکرائیا۔ نالے چڑھدے رہے منزل گھاٹی، پیَنڈیاں پندھ مُکائیا۔ پھیر حُکم دیندا رِہوں سوہنیاں تُہاڈی انتم مُکنی واٹی، پیَنڈا پندھ رہے نہ رائیا۔ میرے کول شبد دی شبدی دھار لاٹھی، جُگ جُگ اُلٹی لٹھ گِڑائیا۔ میَں کدی دِسیا نہیں جِس ویلے اَسو شبد تے پاواں کاٹھی، چرن کوَل رکاب ٹِکائیا۔ میرا بھیوَ کہے نہ کوئی صفاتی، صِفتاں وِچ نہ کوئے وڈیائیا۔ جوتی جوت سروُپ ہرِ، آپ اپنی کِرپا کر، دیونہارا ساچا ور، سچ دا حُکم اِک سُنائیا۔ نارد کہے میَں پربھوُ دوارے اِک نِکّی جِہی منگ منگی، اوہ منگتیا منگتے دی جھولی دے بھرائیا۔ نالے سِر توں ٹِنڈ کر کے ننگی، صاحِب نوُں دِتی وکھائیا۔ نالے نیِر وہا کے انجھی، نیتر وِرولے چائیں چائنیا۔ بہُڑی بہُڑی کر کے دسّی اپنی تنگی، اُف ہائے میری دُہائیا۔ میرے تیڑ نہ دھوتی نہ تمبی، بستر نظر کوئے نہ پائیا۔ ویکھ پربھوُ پتہ نہیں تیری کنی آیوُ لمّی، لمّا پےَ کے سیِس نِوائیا۔ پتہ نہیں میری دھار کِس بِدھ تیرے وِچوں جمّی، جِس دا پِتا نظر کوئے نہ آئیا۔ میَں پِھردا بنّی بنّی، بھجّاں واہو داہیِا۔ اجّ ستاراں ہاڑ نوُں نیترہیِن ہو گئے سوُریہ چنّی، اپنی اکھّ نہ کوئے کُھلائیا۔ عارفاں دے پلّے گنڈھ رہی نہیں کنّی، سفارشاں کمّ کوئے نہ آئیا۔ پہلوں میری بیننتی اِک منّی، منسا تیرے چرن رکھائیا۔ تُوں دھناڈھ وڈّا دھنی، دُھر دا مالک نوُر الاہیِا۔ میَں تیری پیار مُحبّت والی سمی، سمیں سمیں تیرا درشن پائیا۔ تُوں بھگتاں دے لوُں لوُں وِچ رمیِں، رؤنق اپنے نال بنائیا۔ میَنوُں چیتا آ گیا جِس ویلے سَتگُر ارجن بَیٹھا اُتے تتی تَوی، اپنا آسن لائیا۔ اُن صِفتاں والا ڈھولا گایا بن کے شبد کوی، کل کایا وِچوں کڈھائیا۔ پر ہُن میریا سوامیِا انترجامیاں بھگتاں دیاں صِفتاں آپے گَویِں، اوہناں نوُں کہن دی لوڑ رہے نہ رائیا۔ جے اوہ تیرے کول نہیں آ سکدے تُوں اوہناں دے اندر رویں، کایا مندر ڈیرہ لائیا۔ آتم سیجا اُتے سویں، اپنی سیج سُہائیا۔ سب دے لہنے دینے دَویں، دیونہار تیری وڈیائیا۔ اِکو ڈھولا گیِت سنگیِت گَویِں، تُوں میرا میَں تیرا راگ جنائیا۔ تُوں اوتار نِرنکار چوَھی، چؤبیسے تیری بےپرواہیِا۔ جوتی جوت سروُپ ہرِ، آپ اپنی کِرپا کر، سد اپنا بھیوَ کُھلائیا۔ نارد کہے میَں کھول دِتا اَگے جا کے کُنڈا، لوآں پُریِاں برہمنڈاں کھنڈاں پِچھے پندھ مُکائیا۔ جاں میَں نِگاہ ماری میَنوُں سَت سروُپی

دِسیا مُنڈا، مُچھ داہڑی کیس موُنڈ مُنڈایا نظر کوئے نہ آئیا۔ جاں میَں غؤر نال تکیا اوہ جُگ چؤکڑی شرارتی تے سب توں گُنڈا، جِس نوُں گاڈ گُڈ کہہ کے سارے سیِس نِوائیا۔ میَں اوہدے اَگے پِچھے ویکھیا نہ لتّاں باہواں اوہ بِنا دھڑ توں ٹُنڈا، بازوُ سکے نہ کوئے ہِلائیا۔ میَں ویکھیا اوہ وسے بِنا جنگل پہاڑاں جوُہاں درختاں والیاں جھُنڈاں، پربتاں توں باہر آسن لائیا۔ میَں اوہنوُں آواز ماری تے اوہ موُل نہ بولیا تے میَں سمجھ لیا اوہ گُنگا، رسنا جِہوا نہ کوئے وڈیائیا۔ پھیر میَں نِمانا ہو کے کِہا پربھ جے تُوں آپ نہیں کُچھ دینا میَنوُں براہمن نوُں در آئے نوُں گُروُآں اوتاراں پَیغمبراں توں بچے نام کلمے دا پا دے جھُنگا، خالی جھولی تیرے اَگے ڈاہیِا۔ اُس نے کِہا وے براہمنا جاہ سَتگُر شبد نال آہ ویکھ جِنہاں نے سوُر گاں کھادھا دُنبا، جگت دھیان لگائیا۔ تُوں گواہ شُدھ بنے کُنندہ، بِنا حرف حروُف لِکھائیا۔ جوتی جوت سروُپ ہرِ، آپ اپنی کِرپا کر، دیونہارا ساچا ور، سچ دا رنگ آپ رنگائیا۔ نارد کہے میَنوُں حُکم مِل گیا سختا، پربھ سختی نال جنائیا۔ میرے تے سماں آ گیا اوہ وقتا، جِس وقت دا راہ تکائیا۔ میَں وی چار جُگ دا بکتا، کہن والا کہہ کے پربھ نوُں حال سُنائیا۔ جے تُوں روُپ پرمیشور پت دا، پاربرہم تیری وڈ وڈیائیا۔ تُوں سچ دسّ کیوں تیرا روُپ وکھّ وکھّ تیرا نام جپدا، تیرے پُت ہو کے اوتار پَیغمبر گُروُ سَت ہو کے تیرے حِصّے گئے پائیا۔ کی کھیل تیرا لُک دا، پردہ دے اُٹھائیا۔ کیوں نہیں بھید دسّدا اِک تُک دا، تُکے لاؤن والیا میَنوُں دے سمجھائیا۔ میرا سنسا موُل نہیں چُکدا، میَں جُگ جُگ پِھریا واہو داہیِا۔ میَں اپنے مارگ توں نہیں گھُسدا، بھجّاں واہو داہیِا۔ میَں اوہ بھگت نہیں جیہڑا نِکّیاں نِکّیاں گلّاں توں رُسدا، رُسن وِچ کدے نہ آئیا۔ میَں ونجارا نہیں داہڑی تے مُچھ دا، موُنڈ مُنڈایا میَنوُں دُکھ نہ لاگے رائیا۔ او پربھوُ میَں مان رکھاں جمّیاں تیری کُکھ دا، تیری جوت وِچوں اپنی جوت پرگٹائیا۔ میَں سہارا نہیں لیا اُلٹے رُخ دا، مات گربھ نہ اگن تپائیا۔ میَں ونجارا نہیں پُچ پُچ دا، مِنّتاں کر کے تیرے اَگے واسطہ پائیا۔ میَں وی جان دا تیرا جُگ جُگ دھوُاں دُھکھدا، انگیاری نام کلمیاں والی لگائیا۔ تُوں سب نوُں اپنے حُکم دے نال کُٹدا، پھڑ پھڑ دئے سزائیا۔ اوہ نام دیا ونجاریا تُوں اکھّراں نال دیِن دُنیا رہیا لُٹدا، لُٹیریا اپنی لُٹ مچائیا۔ کدی بوُٹا لگاؤندا رِہوں تے کدی رِہوں پُٹدا، کی تیری بےپرواہیِا۔ ایس ویلے ہُن تیرا بھگتاں توں پلّا نہیں چُھٹدا، چُھٹی لِو اپنے نال لےَ لگائیا۔ جھگڑا رہن نہ دے کِسے دے دُکھ دا، دُکھیِاں درد دے مِٹائیا۔ میَں ضرور جان دا تیرا بھانا کدے نہ رُکدا، بھانے وِچ رُکمنی

کرِشن گیا بھجائیا۔ اوہ لیکھا ویکھ لےَ سب دا بوُٹا جاندا سُکدا، دیِن مذہب ہریا سِنچ نہ کوئے کرائیا۔ پیار رہیا نہیں کِسے منُکھ دا، منُکھتا بَیٹھی مُکھ چُھپائیا۔ نارد کہے تیرا وقت سُہنجنا ہویا اپنی رُت دا، رُتڑی اپنے نال مہکائیا۔ جوتی جوت سروُپ ہرِ، آپ اپنی کِرپا کر، ایکا دینا ساچا ور، در تیرے الکھ جگائیا۔ نارد کہے میَں دروازے دے اندر لیا ویکھ، سَتگُر شبد روُپ بدلائیا۔ تک کے اگمّا بھیکھ، اپنی تاڑی دِتی لگائیا۔ نالے کِہا اوۓ صاحِبا نہ تیرا جگت والا روُپ نہ کوئی ریکھ، کی اپنی شکل بنائیا۔ اوہ کیہڑا تیرا دیس، اِک اِکلّا بَیٹھا ڈیرہ لائیا۔ نہ ایتھے مُلّا نہ کوئی شیخ، پنڈت پاندھا گرنتھی نظر کوئے نہ آئیا۔ اوہ نہ تیرے نام کلمے نوُں سکے کوئی ویچ، اکھّراں ونڈ نہ کوئے ونڈائیا۔ پتہ نہیں تُوں کِس بِدھ اپنے سِنگھاسن اُتے رِہوں لیٹ، تیری لِٹا بودی نظر کوئے نہ آئیا۔ کِس طریقے نال بنیوں کھیوٹ کھیٹ، بیڑا سب دا رہیا چلائیا۔ میَنوُں اوہ تھاں دسّ جیہڑا تیرا اپنا پیٹ، جِس شِکم وِچوں سَتگُر شبد دِتا پرگٹائیا۔ کِس کارن سارے تیرے اُتے رکھن ٹیک، ٹِکّے مستک دھوُڑی خاک رمائیا۔ جاں میَں نِگاہ ماری پھیر نظر آیا ایک دا ایک، ایکنکارا نوُر الاہیِا۔ جوتی جوت سروُپ ہرِ، آپ اپنی کِرپا کر، دیونہارا ساچا ور، سچ دا اپنا حُکم ورتائیا۔ نارد کہے میَں تھوڑا جِہا اَگے ودھیا، بِن قدماں قدم ٹِکائیا۔ بِنا پؤڑی ڈنڈے توں میَں اُس دی منزل چڑھیا، جِس میری بنت بنائیا۔ جِس دی نہ چوٹی نہ جڑیا، جڑ چیتن دوہاں توں باہر بَیٹھا ڈیرہ لائیا۔ جِس دا گھاڑن کِسے نہیں گھڑیا، روُپ انوُپ نہ کوئے سمجھائیا۔ نہ جیِوت نہ مریا، نوُر نوُرانہ ڈگمگائیا۔ نارد کہے میَں اوس ویلے بِنا سیِس توں سیِس چرناں تے دھریا، چرنودک مُکھ لگائیا۔ میرا انتر نِرنتر ہو گیا ہریا، ہِردے وجےّ ودھائیا۔ جوتی جوت سروُپ ہرِ، آپ اپنی کِرپا کر، کرے کھیل ساچا ہرِ، سچ دا سنگ آپ رکھائیا۔ نارد کِہا میَں تک کے جلوہ نوُر نوُرانہ، اپنی بودی لئی ہِلائیا۔ کھیل ویکھ سِری بھگوانا، ڈنڈاوت سیِس جھُکائیا۔ اَگوں حُکم مِلیا فرمانا، دُھر دی دھار دِرڑائیا۔ ناردا آہ لےَ جا میرا پَیغاماں، سندیسہ اِک سُنائیا۔ تُوں سریِر نہیں تُوں تت نہیں تُوں میرا شبد اِک نِشانہ، نِشانہ تیرے اُتے رکھائیا۔ اَگے ویکھ لےَ بَیٹھے سارے انگِنت روُپ راما، کوٹن کوٹ کاہنا سخیِاں والے ڈیرہ لائیا۔ بےانت پَیغمبر کرن سلاما، سجدیاں وِچ سیِس جھُکائیا۔ گُروُآں دا انت شُمار نہیں آنا، انکڑیاں وِچ نہ کوئے سمجھائیا۔ میرا روُپ انوُپ سَت سروُپ آد انت اِک نؤجوانا، بِردھ بال نہ کوئے اکھوائیا۔ تُوں پُریِاں لوآں برہمنڈاں کھنڈاں خوشیاں نال جانا، اپنا پندھ مُکائیا۔ تَینوُں

سچ دسّاں استھانا، بھوُمکا دیاں سمجھائیا۔ خوشیاں نال پندھ مُکانا، بھجّنا واہو داہیِا۔ نارد کہے میَں بچن سُن کے ہو گیا دیوانہ، مستی وِچ لئی انگڑائیا۔ واہ میریا مِہربانا، تیری مِہر نظر میَنوُں پار لنگھائیا۔ پھیر میرے اندر دِتا ترانہ، تُرت دِتا سُنائیا۔ ناردا اجّ ستاراں ہاڑ دا دِوس وکھانا، ویکھنا چائیں چائنیا۔ جن بھگتاں دینا دانا، دُھر دی دات ورتائیا۔ بھگت دوار میرا ہووے نِشانہ، نِشانی اوَر نہ کوئے رکھائیا۔ جِتھے اپنا وقت سُہانا، سوہنی رُت بنائیا۔ میرے حُکم دا وجےّ دمامہ، ڈنکا دُھردرگاہیِا۔ جوتی جوت سروُپ ہرِ، آپ اپنی کِرپا کر، دیونہارا ساچا ور، سچ دا سندیسہ اِک سُنائیا۔ نارد کہے میَں آیا واہو داہی، بھجیّا چائیں چائنیا۔ میَں بنیا پاندھی راہی، رہبر دِتا سمجھائیا۔ میَں ویکھے تھل اسگاہی، سمُند ساگراں پار کرائیا۔ میَں پُجیا اوس تھائیں جِتھے اِشارہ کیِتا میرے ماہیِا۔ جن بھگتو میَں آ گیا نارد کہے تُہانوُں ودھائی، وادھا تُہاڈے نال بنائیا۔ تُسیں اوہ بھگت جیہڑا ناتا جگت وِچ بنا نہیں سکدے بھائی، بھائیاں توں بعد بھگوان نال تُہاڈی کُڑمائیا۔ ستاراں ہاڑ اوہ ساری سرِشٹی دے سڑدے ہِردیاں دی دیویگا اجّ گواہی، اگنی اپنا میگھ برسائیا۔ پوَن اُننجا بَیٹھی مُکھ چُھپائی، نیَن نہ سکے اُٹھائیا۔ تُہاڈی بھگتی تُہاڈی جھولی پائی، بھگوَن اپنی دَیا کمائیا۔ تُہاڈی پوُربلے جنم دی کمائی، جُگ چؤکڑی دی تُہاڈے نال رکھائیا۔ تُہانوُں پتہ نہیں ایہہ کدوں دا ساڈا پُرانا ماہی، وِچھڑیاں رہیا مِلائیا۔ تُسیں جنم کرکے کرم کرکے کر لئی جُدائی، جُز اپنے آپ بنائیا۔ پر میرا صاحِب سوامی نارد کہے سب دا حق گوسائیں، غُصّے گلِے وِچ کدے نہ آئیا۔ پر آؤندا کدی کدائیں، قدیِم دیاں وِچھڑیاں اپنے نال رلائیا۔ ایہہ اِشارہ کیِتا سی گوبِند نے میرے ڈھئیے توں بعد ساریِاں ڈھیریِاں دیویگا ڈھاہی، ڈھاہ ڈھاہ اپنی رچن رچائیا۔ بھگتو تُہاڈی ہون نہ دیوے جُدائی، وِچھوڑے وِچ وِچھڑ کدے نہ جائیا۔ ایہہ کوئی ہیِر جٹّی دا رانجھن نہیں ماہی، جِس نوُں ویاہ کے دوُجے لےَ جان تے اوہ رووے مارے دھاہیِا۔ تُہاڈا اوہ مالک خلق دا خالق جِس دا اِکو نوُر تے اِکو جوت نوُر رُشنائی، دیِپک تُہاڈے رہیا جگائیا۔ جوتی جوت سروُپ ہرِ، آپ اپنی کِرپا کر، کرے کھیل ساچا ہرِ، سچ دا سنگ آپ بنائیا۔ نارد کہے اوۓ ہاڑا آ جا میریا بیلی، جگت بیلیاں دے تجائیا۔ اوہ تک لےَ پربھوُ دی جوت اکیلی، نوُر نوُرانہ نظری آئیا۔ بھگت سُہیلے اوہ اِکٹّھے کِیتے جِنہاں دے ہتّھ سیِس رکھے تے سُہائی اپنی ہتھیلی، گوبِند وڈ وڈیائیا۔ میل مِلائے گُروُ گُر چیلی، چیلا گُر رنگ رنگائیا۔ اپنی کھیل اگمّی کھیلی، خالق خلق بےپرواہیِا۔ سب دی

آتم پرماتم بنائی اپنی سہیلی، سجّن اِک اکھوائیا۔ تُہاڈی اجّ خوشیاں والی ریَلی، گُر اوتار پَیغمبر سارے ویکھن چائیں چائنیا۔ جوتی جوت سروُپ ہرِ، آپ اپنی کِرپا کر، دیونہارا ساچا ور، سد اپنی منگ منگائیا۔ ہاڑ کہے اوۓ ناردا میَں کی حالت دسّاں، بہُڑی میری دُہائیا۔ میَں دِوس رَین نسّاں، بھجّاں واہو داہیِا۔ میَنوُں نہیں پتہ اجّ رَین چؤدس کہ مسّا، سُکلا کِشنا پکھّ ونڈ ونڈائیا۔ جِدھر تکاّں لاؤندے بھکّھاں، اگنی رہی جلائیا۔ میَں اپنیاں ملاں ہتّھاں، ہتھیلی ہتھیلی نال مِلائیا۔ واسطہ پربھوُ دے اَگے گھتاں، نِو نِو سیِس جھُکائیا۔ میریا سوامیِا انترجامیِاں جن بھگتاں دیاں اندروں بدل دے متاں، ماتا پِتا ہو کے دے سمجھائیا۔ دیِناں مذہباں دیاں وِچوں کڈھ کے وٹّاں، وٹنا اپنا نام لگائیا۔ جے تُوں اپنا روُپ بنایا وانگ بھٹّاں، گُرمُکھاں دے ڈھولے دے سُنائیا۔ جوتی جوت سروُپ ہرِ، آپ اپنی کِرپا کر، ایکا دینا ساچا ور، ہرِ سچ تیری سرنائیا۔ پُرکھ اکال کہے سُن نارد بیِبا، اوہ بچوُ بچّیا دیاں سُنائیا۔ میرا کھیل جگت عجیِبا، عجب دیاں دِرڑائیا۔ او میَں ویکھن آیا گوبِند دھار شبد اپنیاں مُریِدا، مُرشد ہو کے پھیرا پائیا۔ جن بھگتو سوہنگ ولّ کر لؤ اپنا دیدا، دیدہ دانِستہ سَتگُر پوُرا اَگے نظری آئیا۔ جِس دا کھیل نہیں رہنا پوشیدا، پڑدے پردیاں وِچوں چُکائیا۔ او سَتگُر شبد جدوں ویکھو تے سدا جِیؤندا، مرن وِچ مر کدے نہ جائیا۔ تُہاڈا لیکھا مُکا دِتا ساڈھے تِنّ ہتّھ سیں دا، سُتیو لؤ انگڑائیا۔ ذرا کھیل ویکھنا ویہہ اِکیہ دا، جو بھگت گُرداس گیا لِکھائیا۔ جوتی جوت سروُپ ہرِ، آپ اپنی کِرپا کر، دیونہارا ساچا ہرِ، سچ دا رنگ آپ رنگائیا۔ ستاراں ہاڑ کہے میَنوُں سارے کہندے سڑدا، ہائے میرے نال پیار نہ کوئے بنائیا۔ من مت دے نال لڑدا، مت بُدھی نال ٹکرائیا۔ پنج وِکارا گرِہ بنا کے گڑھ دا، اپنا بَل وکھائیا۔ میَں سب دے کولوں ڈردا، اپنا مُکھ چُھپائیا۔ ہاڑ کہے میَں سچ دسّاں بِنا بھگتاں توں پربھوُ دا بھانا کوئے نہ جردا، دُکھ نوُں سُکھ وِچ نہ کوئے بدلائیا۔ ویکھو کھیل میرے ہری ہرِ دا، جو ہر ہِردے اندر ڈیرہ لائیا۔ اوہ دھر کے روُپ نرائن نر دا، ناریِاں پُرکھاں اِکو جِہی دئے وڈیائیا۔ ساری سرِشٹی نوُں پِھرے چھلدا، اچھل اچھل ہو کے اپنی کھیل ورتائیا۔ جن بھگتو کِسے نوُں پتہ نہیں پربھوُ دے گھڑی پل دا، کی پلک وِچ اپنا بھانا دئے ورتائیا۔ یاد رکھنا اوہ کدے نہیں لیکھا بُھلدا راجے بل دا، بل باوَن قؤل اِقرار پوُر کرائیا۔ جِس دا حُکم کدے نہیں ٹلدا، نہ کوئی میٹے میٹ مِٹائیا۔ جوتی جوت سروُپ ہرِ، آپ اپنی کِرپا کر، سد اپنا پردہ آپ چُکائیا۔ نارد کہے میَں بھگتو دسّاں اِک ہور گیِت، اوہ گوّئیو

تُہانوُں دیاں جنائیا۔ سچ دسّو تُسیں کیہڑا سَتگُروُ وسایا چیِت، چِتر کِس دا نظری آئیا۔ اوہ کِس دے نال تُہاڈی پریِت، تے کؤن پوُرن تُہاڈا ماہیِا۔ کِسے نوُں پتہ نہیں تُہاڈے کِنے جنم گئے بیِت، وِچھوڑے وِچ وِچھڑ کے اپنا جھٹ لنگھائیا۔ پتہ نہیں کِنے تُسیں مندر گئے تے دِیؤہرے پِھرے مسیِت، تے لکھّاں شِودوالیاں وِچ سیِس جھُکائیا۔ پتہ نہیں کِنی ویراں دھرم رائے دے دوارے تُہاڈی نِکلی چیِک، بہُڑی بہُڑی کر سُنائیا۔ پتہ نہیں کدوں تُہاڈے اُتے وجّ گئی لیِک، لیکھا دِتا پوُر کرائیا۔ پر ستاراں ہاڑ کہے میَں اجّ ضرور کراں گا تصدیِق، شہادت سب دی دیاں بُھگتائیا۔ جن بھگتو تُہاڈی ضرور پوُری کریگا اُمیِد، آشا تُہاڈے نال رکھائیا۔ چار جُگ دے اوتار پَیغمبر جِس دے نام کلمے دی سانبھ کے رکھی بَیٹھے رسیِد، آپ اپنے وِچ چُھپائیا۔ اوہدی صِفتاں والی کر کے تمہیِد، ڈھولے گئے گائیا۔ اوہ ضرور تُہاڈی کھولن آیا نیِند، سُتیو لؤ انگڑائیا۔ جِس دا اِکو نِشانہ تے اِکو سیِدھ، تیِر اِکو دئے چلائیا۔ جوتی جوت سروُپ ہرِ، آپ اپنی کِرپا کر، سد اپنا کھیل کھِلائیا۔ نارد کہے میَنوُں سُنیا اِک سندیسہ، میَں حَیرانی نال اپنے کنّ لگائیا۔ کوَن دیوے ور ایکا، ایکو وار سُنائیا۔ کِس دے کول ٹھیکا، ٹھیکیداری کوَن نِبھائیا۔ جھٹ حُکم ہویا ناردا اوہ کر لےَ پُرانا چیتا، تَینوُں چیتن دیاں کرائیا۔ جِس ویلے بل دا رُس گیا سی نِکاّ جِہا بیٹا، اپنی ضِد کرائیا۔ باوَن آ گیا بن کے کھیوٹ کھیٹا، پِچھلا پندھ مُکائیا۔ ویکھ کے اگلی ریکھا، سچ گیا سُنائیا۔ کلجُگ انت دھار کے بھیکھا، جوتی جامہ پھیرا پائیا۔ آوانگا سمبل والے دیسا، سمبھل کے چرن ٹِکائیا۔ نہ کوئی سمجھے روُپ رنگ ریکھا، رِکھیِاں مُنیِاں نظر کِسے نہ آئیا۔ جوتی جوت سروُپ ہرِ، آپ اپنی کِرپا کر، سد اپنے حُکم وِچوں حُکم پرگٹائیا۔ نارد کہے کِرپا کیِتی میرے دَیال، دیِن دَیال دَیا کمائیا۔ اپنے وقت نوُں آپے پال، آپے دئے وڈیائیا۔ کلجُگ دا کھیل کر کمال، کرتا پُرکھ اپنی کار کمائیا۔ اوہ بل دا بن کے گُردَیال، دَیال ہو کے اپنا روُپ گیا سمجھائیا۔ انت اُس دی کر سنبھال، سچکھنڈ ساچے دِتا پہنچائیا۔ اوسے دی آتما نوُں جگت وِچ دئے جوال، چار جُگ دا نِشان نہ کوئے مِٹائیا۔ نارد کہے جن بھگتو، جوتی جوت سروُپ ہرِ، آپ اپنی کِرپا کر، کرے کھیل ساچا ہرِ، سچ دا سنگ آپ بنائیا۔ ہاڑ کہے اوۓ ناردا نہ کر ایڈیِاں صفایِاں، صفحے پِچھلے ویکھ وکھائیا۔ میریِاں جُگ چؤکڑی گواہیِاں، گواہ شُدھ اِک اکھوائیا۔ میریاں کِسے قلم سیاہی نے لِکھیاں نہیں لِکھائیاں، کاغذاں ونڈ نہ کوئے ونڈائیا۔ میَں دیواں کوُک دُہائیاں، اُچی اُچی اُچی سُنائیا۔ سُن لےَ میریا ماہیِا،

محبوُب تیری بےپرواہیِا۔ میَں اجّ توں فَیصلہ کراؤنا جِنہاں تیرے نال پریِتاں لائیاں، پریِتی توڑ سکے کوئے نہ رائیا۔ جوتی جوت سروُپ ہرِ، آپ اپنی کِرپا کر، ایکا دینا ساچا ور، سچ سندیسہ اِک سُنائیا۔ ہاڑ کہے میَں پربھوُ تَیتھوں واریا آپا، اپنا آپا بھیٹ کرائیا۔ اجّ توں اپنیاں بھگتاں دا پِچھلا رہن نہیں دینا پاپا، دُرمت میَل دینی دھوائیا۔ اِکو آتما پرماتما دا ہووے جاپا، اِکو شبد ڈھولا گائیا۔ پنجاں لِکھاریِاں دی شہادت دین لوہے والیِاں چھاپاں، کیوں کہ لوہے دے اکھّراں نال چھپ کے گرنتھ دِتے بنائیا۔ کِسے دا بستر رہے نہ پاٹا، پاٹل ہو کے ویکھ وکھائیا۔ جو گوبِند دی دھار تُوں امرت پیایا اِک باٹا، کیوں نہ کایا باٹی کرے صفائیا۔ سَتگُر تیرا اِکو چرن کوَل تے اِکو وار کہہ دے ٹاٹا، ٹاپ دا اِکو اکھّر دے سمجھائیا۔ سب دی پِچھلی مُک جائے واٹا، پندھ رہے نہ رائیا۔ میری اِکو منظور کر لےَ باتا، باطن پردے سب دے دے کُھلائیا۔ تُوں ہی سجّن تُوں ہی ساکا، میِت مُرارا اِک اکھوائیا۔ جوتی جوت سروُپ ہرِ، آپ اپنی کِرپا کر، ایکا دینا دُھر دا ور، دُھر دے مالک تیری بےپرواہیِا۔ ہاڑ کہے میَں پیار وِچ منگ منگی، اپنی جھولی ڈاہیِا۔ پربھوُ اوہ ویکھ تیرے بھگت تیرے بُھجنگی، اوہ بُھینگی نِکّے بالے دین گواہیِا۔ اوہ ویکھ لےَ تیرے گوبِند دے پیار والے شستر دھاری جنگی، جنگجوُ بہادر نظری آئیا۔ اوہ تک لےَ جِنہاں نے تیرے پیار وِچ تلوار کیِتی ننگی، سیِس دھڑ دا لیکھا گئے مُکائیا۔ اوہناں دی ہُن تے ساریاں دی اِکو سانجھی کر دے ڈنڈی، وکھّرا راہ نہ کوئے بدلائیا۔ ایہہ تیرا کھیل وِچ وربھنڈی، وربھنڈ دے مالک تیرے ہتّھ وڈیائیا۔ ساچا سُکھ دے دے انندی، انندپُر والیا انند انند وِچوں دے وکھائیا۔ کی ہو گیا جے تُوں ویس دھر لیا آپ پاکھنڈی، پکھنڈیِا سب دے پاکھنڈ دے مِٹائیا۔ تیرے بِنا آتما ٹُٹی نہ جائے گنڈھی، گنڈھ اپنے نال پوائیا۔ وِچھوڑے وِچ رہے کوئے نہ رنڈی، رنڈیپا سب دا دے مُکائیا۔ پِچھے پِچھلی لنگھی، اَگے اپنے نال رلائیا۔ گُرمُکھاں آؤن نہ دیوے اپنے نام دی تنگی، تنگ دست ہووے لوکائیا۔ سب دی کایا چولی جانی رنگی، چوجی پریِتم اپنا رنگ وکھائیا۔ چؤراسی والی توڑنی بندی، بندیخانیاں وِچوں باہر کڈھائیا۔ کُچھ لیکھا دِسدا تیرا لہنا دینا نال فرنگی، جوتی جوت سروُپ ہرِ، آپ اپنی کِرپا کر، ایکا دینا دُھر دا ور، دُھر دے صاحِب تیری وڈ وڈیائیا۔ ہاڑ کہے میری گھر گھر لگّی اگّ، آگوُ اوتار پَیغمبر گُروُ دین گواہیِا۔ میَں سچ سندیسہ دینا جگ، جُگتی نال جنائیا۔ پنجھی سال دی عمُر وِچ اجّ دے دِوس حضرت محمد نے اپنے ہتّھ نال بالی سی اگّ، پتّھر پتّھر اُتے رگڑائیا۔

جھٹ جبرائیل حُکم لےَ کے آیا بھجّ، سندیسہ دِتا دِرڑائیا۔ حق اِمام دا نگارہ جانا وجّ، دھرنی دھرت دھوَل آواز سُنے لوکائیا۔ اوس ویلے کوُڑ کُڑیار دا بھانڈا جانا بھجّ، ٹھٹھیار سکے نہ کوئے بنائیا۔ جوتی جوت سروُپ ہرِ، آپ اپنی کِرپا کر، کرے کھیل ساچا ہرِ، سچ دی کرنی کار بُھگتائیا۔ نارد کہے اجّ دی گھڑی سُلکھنی، سُکھی ساندی آئیا۔ میرے صاحِب نے پت رکھنی، رکھیا کرے تھاؤں تھائنیا۔ جو مالک الکھ الکھّنی، اگوچر اگمّ اتھاہ بےپرواہیِا۔ اُس دا لہنا دینا آتما پرماتما میلا پت پتنی، پت پرمیشور ہو کے دَیا کمائیا۔ سچ پیار وِچ سَت دھار رتّنی، رنگ امولک دئے چڑھائیا۔ جوتی جوت سروُپ ہرِ، آپ اپنی کِرپا کر، کرے کھیل ساچا ہرِ، سچ دا حُکم اِک سُنائیا۔ نارد کہے جن بھگتو میَں نؤواں کھنڈاں وِچ آیا بھؤں، بھراوو دیاں جنائیا۔ میَنوُں اِک چھوٹا جِہا تُہاڈے نال گٔوں، اپنی آسا دیاں سُنائیا۔ جے سچ پُچھو تے ساریاں دا اِکو پِتا تے اِکو ماؤں، دوُجا نظر کوئے نہ آئیا۔ اِک دوُجے نوُں سارے پھڑ لؤ باہوں، وِچھڑیا رہن کوئے نہ پائیا۔ تُسیں آتما پرماتما دی دھار تے اِکو تُہاڈا روُپ تے اِکو تُہاڈا ناؤں، دوُجی ریکھ نہ کوئے وکھائیا۔ جگت واسنا کر کے کوئی نہ بنِیو کاؤں، ہنس گُرمُکھ نظری آئیا۔ ویکھیو پربھوُ دے پیار دا بُھلیو کدی نہ راہو، رہبر سَتگُر شبد لیَنا بنائیا۔ دُھر دے رام نوُں مِلنا نال چاؤ، لوآں پُریِاں برہمنڈاں کھنڈاں دا پندھ مُکائیا۔ بے شک اوہ مالک اگمّ اتھاہو، بےانت اِک اکھوائیا۔ اوہ بھگتاں نوُں ضرور مِلدا جیہڑا چلے اوہدے بھاؤ، بھگتی وِچ شکتی اپنی دئے ٹِکائیا۔ پوُرن سَتگُر تے پوُرن بن جائے شاہو، شہنشاہ پوُرن روُپ بدلائیا۔ جِس نوُں ساریاں کہنا واہو واہو، واہوا تیری وڈ وڈیائیا۔ جے تُہاڈا تُہاڈے پربھ نے لا دِتا داؤ، تے داء لا کے اپنا کارج لؤ بنائیا۔ دیِن دُنی وِچ دھکّے موُل نہ کھاؤ، چؤراسی وِچ کدے نہ آئیا۔ رائے دھرم نہ دیوے پھاہو، پھاسی جم نہ کوئے لٹکائیا۔ منُشا جنم پا کے جگت نیتر شرماؤ، بھگت نیتر اندروں لؤ کُھلائیا۔ جوتی جوت سروُپ ہرِ، آپ اپنی کِرپا کر، کرے کھیل ساچا ہرِ، سچ دا حُکم اپنے ہتّھ رکھائیا۔ نارد کہے بھگتو سمیں دی کرو وِچار، جُگ جُگ سمیں وِچ وڈیائیا۔ سمیں وِچ آئے پَیغمبر گُر اوتار، سمیں نے سب نوُں سمیں وِچ دِتا بھوائیا۔ سمیں دے مالک نے اپنے نام کلمے دِتے اُچار، ڈھولے جِہوا شبد نال جنائیا۔ اُس سمیں توں جاؤ بلہار، جِس سمیں وِچ بھگت بھگوان ہوئے کُڑمائیا۔ اجّ اوہ سماں ستاراں ہاڑ، جِس نوُں ہاڑے کڈھن وِشن برہما دیوت سُر سارے تھاؤں تھائنیا۔ تُسیں سچ پُچھو تے تُہاڈا آتما روُپ کرتار، کرتا پُرکھ تُہاڈا روُپ سمائیا۔

تُسیں کدی اُس دی جوت توں نہیں باہر، جو جوتی جاتا اِک اکھوائیا۔ پرن کر لؤ ساڈا سب دا اِکو اِک بھتار، ناری روُپ سرب اکھوائیا۔ ساریاں دا سانجھا یار، حِصّے ونڈ نہ کوئے ونڈائیا۔ پھیر سچ پُچھو تُہاڈا دِوس رَین خِدمتگار، تُہانوُں سُتیاں نوُں درشن دیوے تھاؤں تھائنیا۔ بھاویں تُسیں اُس نوُں ٹھگ کہو چور کہو بدمعاش کہو تے کہو کوُڑیاں دا یار، پھیر وی یارانہ تُہاڈے نالوں نہ کدے تُڑائیا۔ ایہہ پوُرن کوئی بھانڈا گھڑیا نہیں گھُمیار، سمبل نگری ایسے دا ناں گوبِند گیا گائیا۔ یاد رکھیو شاہ سُلطاناں ایہدے چرناں دی دھوُڑی لبھنی چھار، لبھیاں ہتّھ کِسے نہ آئیا۔ پر اِک گلّ یاد رکھِیو سمت شہنشاہی دس وِچ تُہاڈے گھراں دے بھانڈے مانجیگا آپ بن کے خِدمتگار، گھر گھر وِچ پنج برتن آپ کرے صفائیا۔ تُساں کہنا ایہہ بڑی چنگی سُچجی نار، گُرمُکھاں نے ویاہ کے لیاندی چائیں چائنیا۔ مُکھ تے گھُنڈ کڈھے کِسے نوُں پتہ نہ لگّے بُڈھی کہ مُٹیار، کہ جوبن ونتی روُپ سمائیا۔ جوتی جوت سروُپ ہرِ، آپ اپنی کِرپا کر، کرے کھیل ساچا ہرِ، سچ دا سچ اِکو ماہیِا۔ نارد کہے جن بھگتو پربھوُ نوُں ماہی کہوگے کہ باپ، کہ ابّا امی جان کہہ کے خوشی بنائیا۔ جن بھگت کہن ناردا سانوُں نہیں پتہ اوہ ساڈا کیہڑا ساک، تے سجّن کوَن اکھوائیا۔ جے اوہنوُں لوڑ آ تے ساڈے اندر دا کھول دئے تاک، آتم سیجا اُتے سووے چائیں چائنیا۔ اوہدی کدی بھگت دی دُہاگن والی نہ ہووے رات، کنت کنتُوہل مِل کے وجےّ ودھائیا۔ شیخ فریِد نے اینی کہی سی بات، شرع والیاں فتوے دِتے سی لائیا۔ کیوں اُس نے اپنے آپ نوُں کِہا سی نار کمّ ذات، کُلکھّنی ناؤں دھرائیا۔ کبیِر نے کِہا میَں اوسے محبوُب پِچھے جے پا جاواں وفات، تتاں نالوں کراں جُدائیا۔ میَں مر کے وی اوسے دی ذات، ذات ہیِن نہ کدے اکھوائیا۔ جن بھگتو تُہانوُں تے بِنا بھگتی توں مِل گئی دات، پَیسا دھیلا لگّیا نہیں رائیا۔ بے شک تُہانوُں آؤن جان دا خوشیاں وِچ مِلیا اِتفاق، آئے چائیں چائنیا۔ تُہاڈے پِچھلے جنم دا لہنا دینا اجّ کر دِتا بے باق، اَگے لیکھا رہیا نہ رائیا۔ سُتیاں جاگدیاں شبد وِچ کراں گا بات، سندیسے دیاں سُنائیا۔ جے جی کریا کریگا تے تُہاڈے اندر جوت دی دیاں کراں گا لاٹ، لاٹاں والی تُہاڈے نال پِھرے چائیں چائنیا۔ جے تُسیں آ نہیں سکدے تے میَں پُجیا کراں گا مار کے واٹ، اپنا پندھ مُکائیا۔ سَتگُر شبد کدی بُڈھا نہیں ہُندا تے نہ کدی ایہدا پندھ ہُندا سٹاپ، ٹاپ تے بہہ کے سب نوُں ویکھ وکھائیا۔ جوتی جوت سروُپ ہرِ، آپ اپنی کِرپا کر، دیونہارا ساچا ور، سچ دی کھیل آپ کھِلائیا۔ ہاڑ کہے ناردا اِک میَنوُں گل سُنائی، اکھّیں

ویکھیا حال سُنائیا۔ نارد کہے ہاڑا میَں کی دسّاں بھائی، ایس ویلے بھائی بھائیاں پئی جُدائیا۔ ناتا تُٹ گیا پُتراں مائی، پِتا گود نہ کوئے سُہائیا۔ گُروُ چیلے اِک دوُجے توں بھجےّ جان واہو داہی، پلّوُ پلے گنڈھ چُھڈائیا۔ سَتگُر شبد دی سار کِسے نہ پائی، سار شبد ہتّھ کِسے نہ آئیا۔ جِناں چِر سَتگُر نے اندر وڑ کے پریم دی سِتار وجائی، اوہ گاؤندا گیا چائیں چائنیا۔ جِس ویلے اندروں کلا بھوائی، تے کل اُلٹی دِتی ورتائیا۔ ایہہ کوئی اکھّر پڑھنے نہیں پیَندے ڈھائی، شِلیاں ونڈ نہ کوئے ونڈائیا۔ اِشارے نال کنارے توں پار دئے کرائی، تے اِشارے نال اُرار اپنی گودی وِچ رکھائیا۔ پر ایہہ پربھوُ جدوں آپ بن جاندا شؤدائی، تے بُدھ مت جگت نہ کوئے رکھائیا۔ پر اِک گلّ ایہہ آتما نالوں کدے ہون نہیں دیندا جُدائی، جُگ جنم دے وِچھڑے پھیر اپنے رنگ رنگائیا۔ ایس دی کیہڑی صِفت تے کیہڑی وڈیائی، کی ڈھولے راگ سُنائیا۔ پتہ نہیں کِس بِدھ این اپنی ریِت چلائی، نیِتیوان کی اپنی کل ورتائیا۔ جوتی جوت سروُپ ہرِ، آپ اپنی کِرپا کر، دیونہارا ساچا ور، سچ دا مالک اگمّ اتھاہیِا۔ نارد کہے میَنوُں بھگتاں دا آؤندا ترس، سچ نال سُنائیا۔ بڑا خوشیاں والا برس، سمت شہنشاہی نؤ اپنا رنگ رنگائیا۔ میَں گُرمُکھاں دے کیتے درس، نیَن لئے بِگسائیا۔ گُرمُکھاں دی مِٹے حرص، ہوَس رہے نہ رائیا۔ جن بھگتو اپنے کایا نوُں مندر مسجد شِودوالا مٹھ سمجھنا چرچ، چِراں دا وِچھڑیا ایسے وِچ اپنا درس دئے وکھائیا۔ تُہاڈا پِچھلا لاہُنا مقروُض قرض، لیکھا ہتّھو ہتّھ پھڑائیا۔ جوتی جوت سروُپ ہرِ، آپ اپنی کِرپا کر، کرے کھیل ساچا ہرِ، سچ دا سماں آپ سُہائیا۔ نارد کہے پربھوُ کُجھ پِچھلیاں ویکھ تواریخاں، مُچھاں نوُں وٹ چڑھائیا۔ جِس دیاں کرن سارے اُڈیِکاں، بِن اکھّاں اکھّ اُٹھائیا۔ اوہدے وِچ اوہدیاں تؤفیقاں، دوُجا سمجھ سکے کوئے نہ رائیا۔ اوہ مالک حق حقیِقا، حقیِقت دا مالک بےپرواہیِا۔ جِس نے بدل دینیاں دیِن دُنی دیاں ریِتاں، آتم برہم دئے سمجھائیا۔ سُرت شبد جنا کے رام سیِتا، رادھا کرِشن ایسے دا روُپ دِرڑائیا۔ االلہہوُ اَناہوُ بنا کے میِتا، آتم پرماتم ناتا دئے جُڑائیا۔ جِس نے جگت جہان پیار وِچ جیِتا، جِتّ ہار اپنے چرناں ہیٹھ دبائیا۔ جوتی جوت سروُپ ہرِ، آپ اپنی کِرپا کر، کرے کھیل ساچا ہرِ، سچ دا رنگ آپ رنگائیا۔ ہاڑ کہے ناردا دیِن دُنی کِس دی ہووے اَدھیِنی، اعلیٰ ادنیٰ کی وڈیائیا۔ نارد کہے ہاڑ جی اوہ ویکھ پربھوُ پہلوں اُٹھاؤن والا چینی، نؤ گُرمُکھ چیِنی بنے اپنا روُپ دین وکھائیا۔ نؤواں دا کھیل ہونا جپیِنی، جَیپن والے پردہ دیؤ اُٹھائیا۔ سمت شہنشاہی دس وِچ رُت ہونی بھینی، بِھنڑی اپنے

رنگ رنگائیا۔ کِسے دی بانہہ پھڑے کوئے نہ ویِنی، سجّن ناتے جان تُڑائیا۔ پھیر جھگڑا ہونا مذہب دیِنی، شرع شرع نال ٹکرائیا۔ سب دی مُشکل ہو جائے جیِنی، سچ دا جیِون ہتّھ کِسے نہ آئیا۔ جوتی جوت سروُپ ہرِ، آپ اپنی کِرپا کر، کرے کھیل ساچا ہرِ، سچ دا سنگ اِک بنائیا۔ نارد کہے ہاڑ جی کُچھ پیار وِچ بھگتاں نوُں کہو، پریم وِچ جنائیا۔ جن بھگتو اِک وجے تائیں جاؤ سؤں، ہُن پوَن ٹھنڈی رہی آئیا۔ پہریدار جاگدے رہنگے نؤ، باقی اکھّاں میِٹ دھیان لگائیا۔ پر کِسے نے یاد نہیں کرنی اپنی ماؤں، تے ناراں پتیاں ولّ تے پتی ناراں ولّ دھیان نہ کوئے رکھائیا۔ کِسے نے پِھرن نہیں جانا پِنڈ گلیِاں تے گراؤں، کھیتاں تے دُکاناں وِچ چرن چُھہائیا۔ انتر پیار رکھنا ساڈا اِکو بھوُپ تے اِکو شاہو، شہنشاہ اِکو نظری آئیا۔ تُہاڈے سُتیاں سُتیاں سُتیاں دو جہاناں لاؤنا داؤ، داؤ لا کے اِک وجے نوُں پھیر تُہاڈے کول آئیا۔ جوتی جوت سروُپ ہرِ، آپ اپنی کِرپا کر، کرے کھیل ساچا ہرِ، سدا سُہیلا اِک اَکیلا چلے اپنے بھاؤ، دُتیا بھاؤ نہ کوئے رکھائیا۔

بھارت دے راشٹرپتی وی ۰ وی ۰ گِری نوُں شبد بھیجیا

سمت شہنشاہی نؤ کہے میرا چار منگل، منگلاچار اِک کرائیا۔ پربھ شرع دے توڑنے سنگل، جگت بندھن رہن نہ پائیا۔ کھیل تکنے شاہ کنگل، غریِباں ویکھ وکھائیا۔ ویکھے پہاڑ جنگل، سمُند ساگراں کھوج کھوجائیا۔ دیِن دُنی دی حد آوے لنگھن، جگت کنارہ نہ کوئے رکھائیا۔ جن بھگتاں پہنا کے نام کنگن، تن دیوے مان وڈیائیا۔ سَت دا سچ سمجھا دے پرمانندن، انند انند نال مِلائیا۔ دُھر دی دھار چاڑھ کے رنگن، رنگت اپنے نال رکھائیا۔ کرے کھیل وِچ وربھنڈن، جوتی جوت سروُپ ہرِ، آپ اپنی کِرپا کر، سد اپنا سنگ بنائیا۔ سگلا سنگی بنے بہُہ بھانتی، بھیِتر ڈیرہ لائیا۔ کِرپا کرے کملاپاتی، پت پرمیشور دُھردرگاہیِا۔ ستاراں ہاڑ سُہنجنی کرے راتی، رُتڑی اپنے نال مہکائیا۔ سچ پریِتی جوڑ کے ناتی، ناتا اِکو اِک دِسائیا۔ نام نِدھان جنا کے گاتھی، گہر گمبھیِر پڑھائیا۔ مِہربان ہووے پُرکھ سمراتھی، سمرتھ اپنی کار کمائیا۔ راشٹر دیوے پاتی، پترکا اگمّ گھلائیا۔ کھیل تکّنا لوک ماتی، ماتر بھوُمی اکھّ اُٹھائیا۔ جوتی جوت سروُپ ہرِ، آپ

اپنی کِرپا کر، دیونہارا ساچا ور، سچ دا رنگ آپ رنگائیا۔ ستاراں ہاڑ کہے سُن حُکم راشٹرپت، راشٹر دے جنائیا۔ گُن نِدھان آیا وت، پت پرمیشور دُھردرگاہیِا۔ جِس دا حُکم اگمّا سَت، نہ کوئی میٹے میٹ مِٹائیا۔ بھارت کھنڈ ولّ تکّ، نِگاہ بُدھی توں باہر لگائیا۔ جیِواں جنتاں پیا شک، سنسا سکے نہ کوئے مِٹائیا۔ سارے منگدے اپنا حق، حقیِقت حق نہ کوئے وکھائیا۔ ایہہ کھیل کرے حُکم نال پربھوُ پربھ یک، یدی اپنی کار بُھگتائیا۔ غریِب نِمانیاں گودی چکّ، کوجھیاں کملیاں ہوئے سہائیا۔ سندیسہ دے کے بھیوَ کُھلائے اپ، اپنی دَیا کمائیا۔ پُرکھ اکالا دیِن دُنی دا کوُڑا میٹے تپ، تپت اگنی جگت بُجھائیا۔ شبدی حُکم دیوے سچ، نہ کوئی میٹے میٹ مِٹائیا۔ کایا ماٹی بھانڈے جیِو کچّ، کنچن گڑھ نظر کِسے نہ آئیا ،۔ چار ورناں شانت کرا سکے کوئے نہ رتّ، رتی رتّ نہ کوئے وکھائیا۔ جوتی جوت سروُپ ہرِ، آپ اپنی کِرپا کر، کرے کھیل ساچا ہرِ، صاحِب سُلطانا اِک اکھوائیا۔ سَتگُر شبد کہے سُن بھارت کھنڈی بھوُپ، بھیوَ ابھید کُھلائیا۔ پرگٹ ہویا پربھ سَت سروُپ، روُپ انوُپ نوُر الاہیِا۔ جِس دا حُکم آوے شبدی دھار دوُت، دُھر پَیغام دِرڑائیا۔ نوَ کھنڈ پَینی لوُٹ، سَت سَت نہ کوئے ورتائیا۔ دیِناں مذہباں ہووے پھوُٹ، پُھٹکل ہووے لوکائیا۔ رعیت راجانا مُحبّت جانی ٹوُٹ، ٹُٹیاں گنڈھ نہ کوئے پوائیا۔ پربھ بھاگ لگایا سمبل نگری اپنی کوُٹ، ساڈھے تِنّ ہتّھ ڈیرہ لائیا۔ وی ۰ وی ۰ گِری نہ سمجھنا جھوُٹھ، پُرکھ اکالا نوُر الاہیِا۔ کھیل کرے وِچ پنج بھوُت، کایا کعبہ اِک سُہائیا۔ جوتی جوت سروُپ ہرِ، آپ اپنی کِرپا کر، دیونہارا دُھر دا ور، دُھر مالک وڈ وڈیائیا۔ سَتگُر شبد کہے میَں جاواں دِلّی دوار، دُھر فرمانا اِک سُنائیا۔ شاہ سُلطانو آیا کل کلکی اوتار، نِہکلنکا ویس وٹائیا۔ اِمام اِماما روُپ اپار، نوُر نوُرانہ نوُر الاہیِا۔ اپنے وسے سمبل گھر بار، ساچی نگری ڈیرہ لائیا۔ جو سب دے لہنے دینے رہیا وِچار، لیکھا جانے تھاؤں تھائنیا۔ جو بھوِکھت دسّیا پَیغمبر گُر اوتار، پیشیِن گوئیاں وِچ دِرڑائیا۔ سو ویکھے وِگسے پاوے سار، مہاسارتھی اپنا حُکم ورتائیا۔ اوہ کھیلے کھیل کمال، بُدھی سمجھ کوئے نہ پائیا۔ اوہدا پتہ جگت دھار جیٹھوُوال، ڈاک خانہ ایہو گائیا۔ امرتسر ضِلعے دے نال، تحصیل ایہناں اکھّراں صِفت صالاحیِا۔ اوہ سمبل بَیٹھا سُرت سنبھال، دُھر دا حُکم اِک جنائیا۔ سرِشٹی درِشٹی اندر ویکھے سب دا حال، تتو تت کھوج کھوجائیا۔ جوتی جوت سروُپ ہرِ، آپ اپنی کِرپا کر، دیونہارا دُھر دا ور، دُھر مالک بےپرواہیِا۔ سَتگُر شبد کہے راشٹرپت واچنی لِکھت، پردھان منتری نال مِلائیا۔ جِس دے

کول سَت دا بھوِکھت، بھوِش جگ جیِون رام سُنائیا۔ اِس نے سب دا سانجھا کرنا اِشٹ، اِشٹ اِشٹ دِرڑائیا۔ راؤ رنکاں کھولے درِشٹ، اندروں پردہ آپ چُکائیا۔ جو اِشارہ دِتا رام وشِشٹ، سو پوُرا دئے کرائیا۔ تُساں اپنا پکاّ کرنا نِسچ، نِسچا لیَنا بنائیا۔ پُرکھ اکالا دیِن دَیالا سِنگھ پوُرن دے وڑیا وِچ، وِچلا بھیوَ گھر سدّ لؤ کُھلائیا۔ جوتی جوت سروُپ ہرِ، آپ اپنی کِرپا کر، دیونہارا ساچا ور، جُگ جُگ ساچی کار کمائیا۔ راشٹرپت پربھوُ پربھ آیا لوک مات، جوتی جامہ ویس وٹائیا۔ جِس کلجُگ میٹنی اندھیری رات، سَتجُگ سچ چند چمکائیا۔ جھگڑا رہن نہیں دینا ذات پات، دیِن مذہب اِکو گھر وسائیا۔ آتم پرماتم جوڑے نات، جگ ٹُٹیاں لئے مِلائیا۔ اپنے بھوِکھت دا دِلّی دربار سدّ کے پُچھو لیکھا باطن بات، پردہ پردیاں وِچوں کُھلائیا۔ کی لہنا دینا ہووے برس سات، شہنشاہی سمت سولاں نال رکھائیا۔ جوتی جوت سروُپ ہرِ، آپ اپنی کِرپا کر، شبد سُنیہڑا دیوے پات، پاتی پترکا آپ گھلائیا۔ راشٹرپت جانا جاگ، آلس ترِسنا جگت مِٹائیا۔ سب دا ویکھنا کنت سُہاگ، جوتی جاتا دُھر دا ماہیِا۔ جِس گوبِند نے اُڈایا باز، اوہ بازی سب دی ویکھ وکھائیا۔ بِنا پربھوُ دی کِرپا توں قایم رہے کوئے نہ راج، رعیت سنگ نہ کوئے بنائیا۔ اِک صاحِب دے سیِس تے ہونا تاج، جو راشٹرپت راجِندر پرساد ہتّھ پھڑائیا۔ جِس دا چھیتی دینا جواب، حُکم حُکم نال سُنائیا۔ دوُجے لیکھ وِچ پھیر لیکھ دیویگا آپ، اپنا بھیوَ کُھلائیا۔ مِلنا پَویگا پردھان منتری نال ساتھ، اِندرا اِند نال مِلائیا۔ اِس پترکا نوُں نؤ وار لیَنا واچ، سمت شہنشاہی نؤ نال وڈیائیا۔ جوتی جوت سروُپ ہرِ، آپ اپنی کِرپا کر، دیونہارا دُھر دا ور، نِہکلنک نرائن نر، مہاراج شیرسِنگھ وِشنوُں بھگوان، دُھر دا لیکھا دسےّ کِس بِدھ لہنا مُکنا ہِند پاک، پاک ہِند کی وڈیائیا۔