کتب خانہGranth 23 (Urdu)

۱۸ ہاڑ شہنشاہی سمت نؤ ہرِ بھگت دوار جیٹھوُوال سویرے شادیِاں دے سمیں

سَتگُر شبد شبد دیِاں ریِتیِاں، جگت بندھن نہ کوئے بندھائیا۔ جِس دے حُکم وِچ جُگ چؤکڑیاں بیِتیِاں، اپنا پندھ مُکائیا۔ صِفتاں والیِاں گا کے گیِتیِاں، راگاں ناداں نال شنوائیا۔ لکھّ چؤراسی بدلدا آیا نیِتیِاں، نیِتیوان وڈ وڈیائیا۔ مان دیندا رہیا ہست کیِٹیِاں، اوُچاں نیِچاں ایکا رنگ رنگائیا۔ جن بھگتاں کردا آیا کایا ٹھنڈیِاں سیِتیِاں، اگنی تت بُجھائیا۔ کھہڑا چُھڈا کے مندر مسیِتیِاں، صوُفیاں بھیوَ چُکائیا۔ ساچے نام دیاں دسّ حدیِثیِاں، کردا رہیا پڑھائیا۔ حُکم دے اُتے حُکم دیِاں مار کے لیِکیِاں، لائیناں اپنیِاں آپ دِسائیا۔ جِس دے وِچ حق تؤفیِقیِاں، طاقتور نوُر الاہیِا۔ سو سب دیِاں آسا منسا پوُریِاں کرے اُمیِدیاں، جِس دی آمد وِچ سارے نیَن اُٹھائیا۔ ہرِجن لیکھےلاوے نیتر نیَن دیدیاں، دیدہ دانِستہ نظری آئیا۔ جگت جہان پاوے وِچ پیچیدیِاں، پیچیدگی سمجھ کِسے نہ آئیا۔ جوتی جوت سروُپ ہرِ، آپ اپنی کِرپا کر، دیونہارا ساچا ور، ساچی سِکھیا اِک سمجھائیا۔ سَتگُر شبد کہے میرا جُگ چؤکڑی رِواج، نِرگُن سرگُن دھار پرگٹائیا۔ اوتاراں پَیغمبراں گُروُآں رکھدا رہیا لاج، سِر سِر اپنا ہتّھ ٹِکائیا۔ نام کلمہ بیڑے چلاؤندا رہیا جہاز، بِن ونجھ مُہانیاں آپ لائیا۔ شبد دی ماردا رہیا آواز، سوئی سُرت اُٹھائیا۔ جُگ جُگ رچ کے اپنا کاج، کرنی کرتا ہو کے کار کمائیا۔ جن بھگتاں رکھدا آیا لاج، ہویا آپ سہائیا۔ سو کلجُگ انتم پرگٹ ہو کے دیس ماجھ، مؤجوُدہ ہو کے کھیل کھِلائیا۔ جِس دے سیِس سُہنجنا تاج، جگدیِش اگمّ اتھاہیِا۔ شبدی دھار اُڈاوے باز، پُریِاں لوآں آپ پِھرائیا۔ گُرمُکھاں رکھے پوُرب لہنے دی یاد، یادو بنسی کرِشن دئے گواہیِا۔ جِس کایا کھیڑا کیِتا آباد، رام رمئیا سوبھا پائیا۔ جو مخلوُق دی سُنے فریاد، خالق خلق وڈ وڈیائیا۔ جِس پَیغمبراں اندر وجایا دُھن ناد، کلمے آیتاں نال شنوائیا۔ سو سرِشٹی درِشٹی دیوے سادھ، سادھنا اپنے ہتّھ وکھائیا۔ جِس دا بھیوَ بودھ اگادھ، بُدھی چلے نہ کوئے چتُرائیا۔ اوہ اوتار پَیغمبر گُروُآں توں آیا بعد، جوتی جاتا ویس وٹائیا۔ جِس دا بھیوَ پائے کوئی سنت نہ سادھ، جگیاسوُآں نظر کوئے نہ آئیا۔ میٹنہارا واد وِواد، کوُڑی کِریا دئے مِٹائیا۔ بھگت کھیڑا کر آباد، بھگت دوار اِک سُہائیا۔ جِس دی نوَیِں ساجنا ساج، دُھر رنگت رنگ چڑھائیا۔ کِرپا کرے مِہربان محبوُب آج، اظمتو قِسمتو جِس نوُں سیِس نِوائیا۔ جِس دی نِرگُن سرگُن دھار وجائی رباب، تن تند سِتار بنائیا۔ اوہ کھیل کھیلنہارا آد، جُگ جُگ برہم

برہماد کرے کُڑمائیا۔ جِس دا دیِناں مذہباں توں وکھّرا اِک سماج، سمگری بھگتاں ہتّھ پھڑائیا۔ جوتی جوت سروُپ ہرِ، آپ اپنی کِرپا کر، دیونہارا دُھر دا ور، در میلا لئے مِلائیا۔ سَتگُر شبد کہے جُگ چؤکڑی میری دھار مندر مسجد شِودوالے مٹھ، چرچاں رنگ رنگائیا۔ گُر اوتار پَیغمبراں کولوں کرا کے ہٹّھ، دیِناں مذہباں ونڈ ونڈائیا۔ کھیل کھِلاؤندا رہیا نَٹھ نَٹھ، بھجیّا واہو داہیِا۔ سچکھنڈ دوارے کر اِکٹّھ، اِکو وار دِتا دِرڑائیا۔ پِچھلا لیکھا ہونا ٹھپّ، ٹھپّا مُہر نام رکھائیا۔ جن بھگتو جگت دی منزل جانا ٹپّ، ٹاپوُآں والا پندھ مُکائیا۔ مایا ڈسنی ڈسے کِسے نہ سپّ، زہر قہر نہ کوئے ورتائیا۔ کوُڑ کلپنا نہ اُبلے رتّ، تن وجوُد نہ کوئے کُرلائیا۔ لیکھا مُکاؤنا من مت، منسا سَتگُر چرن ٹِکائیا۔ سو دیونہارا دھیِرج جت، سِر اپنا ہتّھ رکھائیا۔ سوامی ہو کے رکھے پت، پت پرمیشور وڈ وڈیائیا۔ جوتی جوت سروُپ ہرِ، آپ اپنی کِرپا کر، دیونہارا ساچا ور، سچ دا حُکم اِک ورتائیا۔ سَتگُر شبد کہے میریِاں اَنک وار دیِاں کھیلاں، دیِن دُنی کھِلائیا۔ روُپ دِرڑاؤندا رہیا گُروُ گُر چیلا، مُریِد مُرشد رنگ رنگائیا۔ آتم دھار بن دا رہیا سُہیلا، سجّن اِک اکھوائیا۔ تن وجوُداں نال کٹدا رہیا جیلا، اپنا آپ بند وکھائیا۔ گُنی گہِیر ہُندا رہیا سُہیلا، سجّن اِک اکھوائیا۔ بہہ کے دھام نَویلا، اپنا حُکم چلائیا۔ کلجُگ کھیل ویکھ دُہیلا، دوہرا اپنا روُپ بدلائیا۔ جن بھگتاں کر کر اپنا میلا، مِلنی ہرِ جگدیِش کرائیا۔ جوتی جوت سروُپ ہرِ، آپ اپنی کِرپا کر، دیونہارا ساچا ور، سچ مالک وڈ وڈیائیا۔ سَتگُر شبد کہے میرے حُکم اندر جُگ چؤکڑی گئے لنگھ، جن بھگتو دیاں سُنائیا۔ جُگ جُگ نام بِھچھیا بھگتی دی دھار وِچ سارے گئے منگ، نِو نِو سیِس نِوائیا۔ کوٹاں وِچوں تھوڑیاں چڑھیا رنگ، رَویِداس کبیِر دئے گواہیِا۔ اوہ وی دُنیا وِچ ہُندے گئے تنگ، خالی ٹھوُٹھے نہ کوئے بھرائیا۔ تُوں میرا میَں تیرا گا کے چھند، اپنی خوشی بنائیا۔ مالا منکیاں نام تسبیِاں دُھر دے کلمیاں نال کردے رہے جنگ، شستر حُکم والا اُٹھائیا۔ سَتگُر شبد کہے جن بھگتو بھگتاں نوُں ساکھیات پربھ مِلیا نہیں بَیٹھا اُتے پلنگ، سَتجُگ تریتا دواپر کلجُگ پوُرب رہیا جنائیا۔ جو صاحِب سوامی انترجامی تُہانوُں سب نوُں دئے انند، انند کارج کرتا آپ کرائیا۔ تُسیں اُس صاحِب دے چند، جِتھے چند سوُریہ نظر کوئے نہ آئیا۔ تُہاڈا نیترہیِن رہے کوئی نہ اندھ، اندھ اگیان دئے مِٹائیا۔ مانَس جنم دا سُپھل کرائے پندھ، اَگے اوَر نہ کوئے بھوائیا۔ تُوں میرا میَں تیرا سب نے گاؤنا چھند، سوہنگ ڈھولا راگ الائیا۔ نہ کوئی ہرکھ سوگ رہے غم، چِنتا چِکھا نہ کوئے

جلائیا۔ کوُڑ ترِسنا میٹنی طم، تامس در نہ کوئے بہائیا۔ تُوں ہی سَت دھار دا روُپ برہم، پاربرہم سرنائیا۔ سَتگُر شبد دے گھر گئے جمّ، اِکو پِتا اِکو مائیا۔ جوتی جوت سروُپ ہرِ، آپ اپنی کِرپا کر، دیونہارا ساچا ور، سچ دی کرنی کار کمائیا۔ سَتگُر شبد کہے میرا جُگ جُگ کھیل اولّا، بھیوَ ابھید کوئے نہ پائیا۔ میَں پِھراں دو جہاناں دھرم دھار محلا، محل اٹل ویکھ وکھائیا۔ جِتھے میرا صاحِب سوامی وسے اِکلّا، اکل کل دھاری ڈیرہ لائیا۔ اوتھے تیل باتی دا دیِپک کوئے نہ بلا، جگت نوُر نہ کوئے چمکائیا۔ ایہہ کھیل سوامی دا ول چھلا، اچھل چھل دھاری اپنی کار کمائیا۔ جوتی جوت سروُپ ہرِ، آپ اپنی کِرپا کر، مِہر نظر اِک اُٹھائیا۔ سَتگُر شبد کہے جن بھگتو بُدھی دا بنے کوئے نہ چاتر، چاترک جگت جہان جنائیا۔ مِہربان مِہربان مِہربان جگ آوے آوے بھگتاں دی خاطر، خِطعے دیِن دُنی پھول پھولائیا۔ جِس دا کھیل سُہنجنا ستاراں ہاڑ دی راتر، رُتڑی مات ورتائیا۔ سو پُرکھ اکالا دیِن دَیالا سب دے لیکھے آیا واچن، وِچرن دی لوڑ رہی نہ رائیا۔ دُھر سندیسہ آیا آکھن، شبد فرمان جنائیا۔ لہنا دینا پوُرا کرے پُرکھ ابناشن، ابناشی کرتا وڈ وڈیائیا۔ سو بھیوَ ابھیدا کھولے باطن، پردہ پردیاں وِچوں چُکائیا۔ جوتی جوت سروُپ ہرِ، آپ اپنی کِرپا کر، سد اپنی ونڈ ونڈائیا۔ سَتگُر شبد کہے جن بھگتو میریِاں جُگ جُگ جگت دیِاں دھارا، دھرنی اُتے کھیل کھِلائیا۔ مان دے کے گُر پَیغمبر اوتارا، اوتری ہو کے کھیل کھِلائیا۔ لہنا دینا جھولی پاواں سنگ محمد چار یارا، یارانہ قدیِم نہ کدے بُھلائیا۔ میرا آد دا انت انت دا آد اِکو نعرہ، نر نرائن ہو کے دیاں سُنائیا۔ گُرمُکھ ہوئے کوئی نہ بہرا، بہرحال بھیوَ چُکائیا۔ سچ سوامی ہو کے ہووے ظاہرا، ظاہر ظہوُر کرے رُشنائیا۔ تُہاڈا بندھن توڑ کے دائرہ، آتم برہم رنگ رنگائیا۔ جوتی جوت سروُپ ہرِ، آپ اپنی کِرپا کر، دیونہارا دُھر دا ور، دُھر دا مالک اپنی کھیل کھِلائیا۔ سَتگُر شبد کہے میَں جُگ چؤکڑی سدا تیار، ترےَگُن وِچ کدے نہ آئیا۔ نِت نوِت میرا وِوہار، وِوہاری ہو کے ویس وٹائیا۔ ناؤں دھرا کے پَیغمبر گُر اوتار، پنجاں تتاں کھیل کھِلائیا۔ شبد کلمہ پُجا کے دُھر دی دھار، دھرم دیِن مذہب وکھائیا۔ کھیل کھیلدا رہیا وِچ سنسار، سنساری بھنڈاری سنگھاری سنگ بنائیا۔ بھگت بوُٹے لاؤندا رہیا وارو وار، اپر اپار اپنی دَیا کمائیا۔ سچ پُچھو سَتگُر شبد کہے میری کلجُگ انتم کھِڑی اِک گُلزار، بھگت دوارے سوبھا پائیا۔ جِس دی خوشبوُ روُح توں باہر، جنگل جوُہ ہتّھ کِسے نہ آئیا۔ اُس دی مہک نال ٹہک جاوے سنسار، سَتگُر

دیوے مان وڈیائیا۔ جن بھگتاں کر پیار، پریِتم ہووے آپ سہائیا۔ سنمُکھ بہہ کے دئے دیِدار، سَتگُر شبد وجےّ ودھائیا۔ بچن توں ہیِن کدے نہ بنے غدار، غداری وِچ کدے نہ آئیا۔ تُہاڈی سب دی جانے تکرار، کی منوُآ کرے لڑائیا۔ مایا ممتا کی شِنگار، سوہنا روُپ سُہائیا۔ جِس دی سارے کردے اِنتظار ، اِنتظامیا وڈ وڈیائیا۔ اوہ آ گیا سب دا میِت مُرار، مِتر پیارا اگمّ اتھاہیِا۔ جن بھگتاں پاوے سار، مہاسارتھی وڈ وڈیائیا۔ دھرم دی دھار سَتجُگ دی کر تیار، ترےَگُن اتیِتا آپ سُہائیا۔ اِکو رنگ رنگا کے ورن گوت ذات پات توں کڈھے باہر، بندھن کوُڑ نہ کوئے وکھائیا۔ شبد دھار بخش جَیکار، ڈھولا سُناوے تھاؤں تھائنیا۔ سو بیڑے کرن آ گیا پار، پاربرہم پربھ اپنی دَیا کمائیا۔ سچ دا کھیل کر سنسار، سمگری سچ ورتائیا۔ بِنا نام کلمے توں کِسے دا رہے نہ کوئے ادھار، اُدر وِچ ہووے آپ سہائیا۔ کرنی دا کرتا کرتا پُرکھ کرتار، قُدرت دا مالک وڈ وڈیائیا۔ جوتی جوت سروُپ ہرِ، آپ اپنی کِرپا کر، سِر اپنا ہتّھ رکھائیا۔ سَتگُر شبد کہے میرا کھیل بھگت دوارے، دوہرا روُپ بدلائیا۔ نوُری جوت جوت چمتکارے، چمتکار خلق خُدائیا۔ سَت سچ لگا نعرے، نر نرائن حُکم جنائیا۔ دھرم دی دھار بن کے میِت مُرارے، مِتر پیارا اِک اکھوائیا۔ جن بھگتو تُہاڈے کاج سوارے، کاج جگت والا بنائیا۔ شاہ کنگال بہا کے اِک دوارے، اِکو دیوے مان وڈیائیا۔ بھگتو، بھگتاں دے سب توں وڈّے بھگت بھائی چارے، مِلنی بھگتاں نال کرائیا۔ خوشیاں نال انند کارج ہوون سارے، شادیانے نام والے وجائیا۔ کِرپا کرے آپ نِرنکارے، نر نرائن وڈ وڈیائیا۔ جِس کھتری براہمن شوُدر وَیش ہِندوُ مُسلم سِکھ عیِسائی اِکٹّھے کیتے سارے، بچیا نظر کوئے نہ آئیا۔ جوتی جوت سروُپ ہرِ، آپ اپنی کِرپا کر، سد اپنا بھیوَ اپنے ہتّھ رکھائیا۔ سَتگُر شبد کہے پربھ بھگتاں بھگت کرایا مِلاپ، مِلنی ہرِ جگدیِش کرائیا۔ سچ پریِت دا جوڑ کے نات، ناتا اپنے نال وکھائیا۔ جگت جہان بن کے پِتا مات، سچکھنڈ دی گودی آپ ٹِکائیا۔ جِتھے نہ کوئی دِوس نہ کوئی رات، رَین اندھیرا رہن کوئے نہ پائیا۔ سو پُرکھ اکالا سب دا بن کے باپ، پت پرمیشور اپنے رنگ رنگائیا۔ آتم پرماتم دا دے کے جاپ، سِکھیا سَت کرے پڑھائیا۔ کلجُگ کھیل کرے بازی گر ناٹ، سوانگی اپنا سوانگ بدلائیا۔ جن بھگتو تُہاڈی قیِمت پائے اپنے ہاٹ، ہٹوانا اِکو نظری آئیا۔ بھاگ لگا کے کایا ماٹ، تن وجوُد کرے صفائیا۔ جوتی جوت سروُپ ہرِ، آپ اپنی کِرپا کر، دیونہارا ساچا ور، سچ دا کھیل کھِلائیا۔ سَتگُر شبد کہے میرا سَتجُگ دا مارگ ہویا شُروُع،

جھگڑا شرع والا مُکائیا۔ جن بھگتو تُہاڈا اِکو شبد سچّا سَتگُروُ، دوُسر اوٹ نہ کوئے تکائیا۔ جیہڑا نہ جنمے نہ کدے مروُ، مر جیِوت روُپ نہ کدے بدلائیا۔ اُس دے نال مِل کے تُہاڈا کارج سروُ، کارج بھگتاں والا دئے بنائیا۔ جن بھگت سُہیلا اِکو پلّا پھڑوُ، اپنا بَل دھرائیا۔ سچ دی بیڑی اُتے چڑھوُ، لہندا چڑھدا دھیان لگائیا۔ نِراکھّر اکھّر دھار وِچوں پڑھوُ، پُستکاں توں باہر کرے شنوائیا۔ توڑ کے ہنکاری گڑھوُ، پریم پریِتی اِک وکھائیا۔ جِس نال لیکھا پوُرا ہووے سیِس دھڑوُ، دوہاں مِل کے وجےّ ودھائیا۔ جوتی جوت سروُپ ہرِ، آپ اپنی کِرپا کر، سد اپنا حُکم سُنائیا۔ ہاڑ کہے میرا پروِشٹا اٹّھ دس اٹھاراں، اٹھاراں دھیائے گیِتا رہی جنائیا۔ جو سوامی وسے سب توں باہرا، نیتر جگ نظر کِسے نہ آئیا۔ سو کلجُگ انتم ہو کے ظاہرا، ظاہر ظہوُر کرے رُشنائیا۔ جِس دا شرع والا نہیں کوئی دائرہ، مذہباں ونڈ نہ کوئے ونڈائیا۔ اِکو اپنا حُکم ورتے سارا، ثالث ہو کے آپ سمجھائیا۔ مان دوائے موُرکھ مُگدھ گوارا، مِہربان مِہر نظر اُٹھائیا۔ جگت پیار بخشے اپنا پیارا، پریِتم ہو کے جوڑ جُڑائیا۔ آتم پرماتم دی دھار نوُر اُجیارا، جوت جوت رُشنائیا۔ تتاں دا تتو تت اَکھاڑا، جگت ونڈ ونڈائیا۔ جن بھگتاں دا میل اٹھاراں ہاڑا، ہاڑا کڈھ کے ہاڑ دئے سُنائیا۔ پربھ کایا چولی چاڑھے رنگ گاڑھا، دو جہان اُتر کدے نہ جائیا۔ کر پرکاش بہتّر ناڑا، لوئن اندروں دئے کُھلائیا۔ جوتی جوت سروُپ ہرِ، آپ اپنی کِرپا کر، ایکا دینا دُھر دا ور، دُھر دیونہار سرنائیا۔ سَتگُر شبد کہے جگت دِہاڑ سُہاواں، سچ دھرم وجےّ ودھائیا۔ ہرِجن رہے نہ کوئے نِتھاواں، تھان تھننتر اِک سُہائیا۔ جن بھگتاں سَتگُر شبد پوُر کرائے لاواں، چؤتھی منزل اپنا پردہ لاہیِا۔ سِر رکھے ٹھنڈیِاں چھاواں، مِہربان ہوئے سہائیا۔ جِس نے سب دا حق بخشیا سانواں، ساول سُندر روُپ کاہن کاہنا ویکھ وکھائیا۔ اجّ خوشیاں ہوون پِتا ماواں، بھَین بھراواں وجےّ ودھائیا۔ ساک سجّناں اِکو جِہا دعوا، ودّھ گھٹّ نہ کوئے رکھائیا۔ گُرمُکھو تُہاڈا اِکو جِہا پہراوا، چِٹیاں بستراں نال سُہائیا۔ کی تُہاڈی بھیٹ چڑھاواں، سَتگُر شبد رہیا سُنائیا۔ جن بھگت کہن کوئی بھگت رہن نہ دیویں لاواں، پِچھوکڑ ونڈ نہ کوئے ونڈائیا۔ سانوُں ہنس بنا دے کانواں، کاگ وانگ کُرلائیا۔ سَتگُر شبد کہے جن بھگتو میَں تُہاڈے بل بل جاواں، جو بل دا لیکھا پوُر کرائیا۔ سَت دا سچ نِشان جھُلاواں، دو جہاناں نظری آئیا۔ جوتی جوت سروُپ ہرِ، آپ اپنی کِرپا کر، کرے کھیل ساچا ہرِ، نِہکلنک نرائن نر، مہاراج شیرسِنگھ وِشنوُں بھگوان، بھاگ لگائے گُرمُکھاں کایا کھیڑیاں نگر گراواں، گرِہ گرِہ گھر گھر اپنا آسن لائیا۔

۱۸ ہاڑ شہنشاہی سمت نؤ ہرِ بھگت دوار جیٹھوُوال رات دے سمیں

نارد کہے دھرنیئے میَں جُگ چؤکڑی ماریِاں واٹاں، وٹنے ملن والیئے تیرے اُتے پھیریِاں پائیا۔ لکھّ چؤراسی جیِواں جنتاں جوتی جگدیِاں ویکھیِاں لاٹاں، لاٹاں والیئے تیرا دھیان رکھائیا۔ دِوس رَین گھڑی پل تکدا رہیا تیریِاں وادھاں گھاٹاں، نفعے نُقصاناں کھوج کھوجائیا۔ سؤندا رہیا تیری سُہنجنی سیج جگت کھاٹا، آسن سِنگھاسن نال مِلائیا۔ تیرے نال میرا دھرم دا جُڑیا رہیا ناتا، ناتواں تَینوُں دیاں جنائیا۔ سَتگُر شبد دیِاں سُن دا رہیا باتا، جو باطن اپنا حُکم سُنائیا۔ دیِن مذہب رنگ تکدا رہیا ذاتا پاتا، شرع شریِعت ویکھ وکھائیا۔ جُگ چؤکڑی کھیل تماشے تیرے تکدا رہیا دِوس راتا، رَین بِھنڑی نال مِلائیا۔ اوہ امیئے جگت دیئے ممیئے تیرا چِٹا ہو گیا جھاٹا، دھوُلے دھؤلے اپنے ویکھ وکھائیا۔ تیرا چیِتھڑ پُرانا بستر انتم پاٹا، اوڈھن رنگ نہ کوئے رنگائیا۔ میَں دِوس رَین بِن قدماں توں رہیا ناٹھا، بھجیّا واہو داہیِا۔ سَتجُگ تریتا دواپر کلجُگ تیرے اُتے جگت لہر دیِاں ویکھیِاں ٹھاٹھا، بِن نیَناں نیَن اُٹھائیا۔ میَں جُگ چؤکڑی بنیا رہیا ہاٹھا، بَل اپنا آپ ودھائیا۔ کھیل تکدا رہیا پُرکھ سمراتھا، جو اوتار پَیغمبر گُروُ ناؤں دھرائیا۔ نام کلمیاں دیاں سُن دا رہیا گاتھا، رسنا والے ڈھولے جگت وڈیائیا۔ سیِس جھُکدے وینہدا رہیا دھوُڑی لگدی ویکھی مستک خاکا، اپنا رنگ بنائیا۔ روُپ انوُپ تکدا رہیا اگمی آقا، جو اکل کل دھاری اِک اکھوائیا۔ لارے ویکھدا رہیا اُس دے اگمّی نِکے کاکا، جو نِکاّ وڈّا روُپ نہ کدے بدلائیا۔ اُس میَنوُں شبد سندیسہ ہمیشہ لئی اِکو آکھا، اکھّراں توں باہر سُنائیا۔ اوۓ ناردا پرم پُرکھ جن بھگتاں بنیا رہے سدا راکھا، رکھک ہو کے ویکھ وکھائیا۔ میرے انتر نِرنتر اِکو منتر بھاکھا، بھاکھیا انتر انتر اُپجائیا۔ کی کھیل کرے میرا پُرکھ الکھنا الاکھا، الکھ اگوچر کی کار بُھگتائیا۔ میَں کِس بِدھ کراں بھرواسا، یقیِن اِتماد نال رکھائیا۔ میَنوُں خبر آئی اُتوں آکاشا، بِنا سروناں دِتا سُنائیا۔ آہ ویکھ پربھوُ دی راسا، بِن منڈلاں دئے وکھائیا۔ جِس دا سچکھنڈ نوُر جوت پرکاشا، دو جہان کرے رُشنائیا۔ اُس دا انتم سمبل ہونا واسا، سمبھل اپنا آپ ٹِکائیا۔ اوتار پَیغمبر گُر جِس دیاں شاخا، جُگ جُگ اپنا کھیل کھِلائیا۔ جوتی جوت سروُپ ہرِ، آپ اپنی کِرپا کر، دیونہارا ساچا ور، سچ دی کرنی اپنے ہتّھ رکھائیا۔ نارد کہے سُن نی جگت دی دھرنی مئیا، ممیئے امیئے تَینوُں دیاں جنائیا۔ بانہہ کڈھ کے اِشارہ دیوے اگمّی وحیِا، جِس دا روُپ نظر کوئے نہ آئیا۔ اوہ تک

سوامی اپنا سئیا، جو سئیا سخیِاں لکھّ چؤراسی ہنڈھائیا۔ جِس نوُں رام نے کِہا رمئیا، کرِشن کاہن بھگوان منّ کے سیِس نِوائیا۔ پَیغمبراں کِہا نوُر الہیِا۔ االلہ عالمیِن وڈیائیا۔ گُروُآں کِہا ہر گھٹ سمئیا، سمیِپت خلق خُدائیا۔ جِس بِن تھماں گگن رہئیا، رحمت حق کمائیا۔ اوہ پوُرا کر کے گیا گوبِند دا ڈھئیا، ڈھؤکا تیرے توں پرے لگائیا۔ جیہڑا آد جُگادی شبد ناد وجائیا، دُھن انتر انتر سُنائیا۔ اُس دا وہن تک لےَ کِس بِدھ چلدی نئیا، نؤکا نام چلائیا۔ جِس نوُں بُلھے گایا کہہ کے تھئیا تھئیا، دئیا دئیا کہہ کے سیِس نِوائیا۔ دروہی اوہدے حُکم توں حُکم وِچ رائے دھرم کڈھ کے بَیٹھا وہئیا، لیکھے نیَناں نال تکائیا۔ چِترگُپت جو پاؤندا رہیا سب تے سحیِا، شہادت حُکم والی بُھگتائیا۔ جوتی جوت سروُپ ہرِ، آپ اپنی کِرپا کر، دیونہارا ساچا ور، سچ دا کھیل آپ کھِلائیا۔ نارد کہے نی جگت دی امی جان، امڑیئے دیاں جنائیا۔ تیرے اُتے جُگ بیِتے کوٹ مہان، اپنا اپنا پندھ مُکائیا۔ تُوں کھیل ویکھے سیِتا رام، گوپیِاں والے کاہن خوشیاں گئے بنائیا۔ پَیغمبر سُن دے ویکھے پَیغام، سوہلے دُھردرگاہیِا۔ گُر سَتگُر سُن دے رہے ستنام، نام سَت سَت جنائیا۔ نی تُوں خبراں سُنیِاں آؤنا اگمّ اِمام، عملاں توں رہت نوُر الاہیِا۔ تُوں جانیا میرا نِہکلنک بلی بلوان، کل کلکی اِک اکھوائیا۔ جِس نے جُگ چؤکڑی دا میرے اُتوں بدل دینا وِدھان، وعدے سب دے پوُر کرائیا۔ آپ بن کے شاہ سُلطان، شہنشاہ نوُر چمکائیا۔ بےخبراں خبر سندیسے دیوے آن، فرمانے دُھردرگاہیِا۔ جو آد جُگادی نؤجوان، جوبن ونتا کھیل کھِلائیا۔ جِس نوُں سب نے منّیا سِری بھگوان، بھگوَن ہو کے حُکم ورتائیا۔ او مِہربان محبوُبا انتم بہہ کے سمبل اپنے وِچ مکان، مقامے حق دا کھیل کھِلائیا۔ جِس نوُں برہمنڈ کھنڈ پُری لوء آکاش پاتال جھُکنے تمام، سجدیاں وِچ سیِس جھُکائیا۔ اوہدا کھیل جانے نہ کوئے وِچ عوام، عام سمجھ کِسے نہ آئیا۔ اُس نے جو کھیل کرنا جوت شبد دی دھار نال بنام، مِہربان اپنا حُکم ورتائیا۔ نی اُس دا سُن لےَ پَیغام، کی تیرے اُتے رہیا جنائیا۔ دھرنی کہے میَں رو رو کے دسّاں اپنے اِمام، کوُک کوُک سُنائیا۔ تیرے دھرم دا رہیا نہ کوئے نِشان، سَت نظر کوئے نہ آئیا۔ حقیِقی پیئےِ کوئے نہ جام، حقیِقت وِچ نہ کوئے سمائیا۔ تیرے اوتار پَیغمبر گُروُ میرے اُتے ہُن کر سکدے نہیں اِنتظام، بندوبسَت سچ نہ کوئے وکھائیا۔ پربھوُ مان رہیا نہیں تیرے کوئی کلام، کلمے روون مارن دھاہیِا۔ سب دے ہُندیاں ہوئی اندھیری شام، شمع نوُر چند نہ کوئے رُشنائیا۔ جِدھر تکاّں میرے اُتے ہوئے حرام، حرم خانے سارے رہے کُرلائیا۔ تُدھ بِن سچّا ہوئے نہ کوئے مِہربان،

مِہر نظر نہ کوئے اُٹھائیا۔ تیرا نوُر بُھل گئے تیرے اِنسان، ظہوُر وِچ نہ کوئے سمائیا۔ میری بیننتی کر پروان، پرم پُرکھ اَگے واسطہ پائیا۔ جے تُوں آ گیا نِرگُن روُپ مہان، اپنا ویس وٹائیا۔ میَں نِمانی کوجھی کملی نوُں دے دے اِکو دان، داتے دانی دَیا کمائیا۔ تیری سرِشٹی میرے اُتے خاک رہی چھان، شہنشاہ تیرے رنگ نہ کوئے سمائیا۔ کلجُگ جیِو ہوئے اَنجان، بُدھ بِبیک نہ کوئے بنائیا۔ میَں جِدھر تکاّں راؤ رنک کُرلان، کعبیاں پئی دُہائیا۔ مندر مسجد شِودوالے مٹھ نیتر نیِر وہان، گُروُدوار گود نہ کوئے سُہائیا۔ کِرپا کر میرے مِہربان، مِہر نظر اِک اُٹھائیا۔ تُوں رحمتاں دا رحمان، رحیِم کریِم نوُر الاہیِا۔ میری سدا ساچے در کریں پروان، پرم پُرکھ دَیا کمائیا۔ جوتی جوت سروُپ ہرِ، آپ اپنی کِرپا کر، ایکا دینا ساچا ور، سچ سوامی ویکھ وکھائیا۔ دھرنی کہے ناردا پربھوُ اَگے کریئے ارداسا، بیننتی عرض اِک جنائیا۔ نارد کہے دھرنیئے شنکر نوُں سدّ لےَ اُتوں کَیلاشا، اپنا سنگ بنائیا۔ برہمے نوُں آواز مار لےَ آ جا میرے پاسا، برہم دی دھار ویکھ وکھائیا۔ وِشنوُں نوُں کہہ وِشوَ دا تک لےَ خلاصہ، پردہ خود اُٹھائیا۔ اوتاراں نوُں آکھ لےَ اوہ تک لؤ اپنیِاں راسا، رستے ویکھو چائیں چائنیا۔ پَیغمبراں نوُں کہہ دے کائنات دیاں تک لؤ شاخا، شرع والیاں دھیان لگائیا۔ گُروُآں نوُں کہہ دے اپنے بھوِکھ دیِاں جان لؤ باتا، پردے باطن باطن کُھلائیا۔ پھیر اپنا تک لےَ نؤ کھنڈ پرِتھمی والا احاطہ، ستاں دیِپاں کھوج کھوجائیا۔ نِگاہ مار لےَ اُتے تیِرتھ تاٹا، کعبیاں مقبریاں قبراں پھول پھولائیا۔ پھیر ویکھ لےَ تیرے اُتے دیِن دُنی دے مذہباں دا کُھلیا ہاٹا، ہٹّیاں بناؤن والیئے اپنی نِگاہ اُٹھائیا۔ جھٹ دھرنی نے بچن نارد نوُں آکھا، اکھّیِاں وِچوں نیِر وہا کے دِتا سُنائیا۔ ناردا اوہ صاحِب میرا ابناشا، ابناشی کرتا اِک اکھوائیا۔ جِس دا ہر گھٹ اندر واسا، رمیا روُپ انوُپ نوُر الاہیِا۔ میَنوُں تے ایَویں بنا دِتا جگت دی ماتا، مئیا ہو کے آپ اپنا مُکھ چُھپائیا۔ میَں سچ دا بچن آکھا، کہہ دے دیاں سُنائیا۔ جے میَں سچّی ماں ہوواں اپنے اُتے ساڑ پھوُک کے اپنیاں بچّیاں دی کدی نہ ویکھاں راکھا، مقبریاں وِچ نہ کدے دبائیا۔ ماتا سدا بچّیاں اپنیاں نوُں چُکدی اپنے ڈھاکا، موڈھیاں نال لگائیا۔ میَں نِمانی جُگ چؤکڑی ناردا اجے تک جمّیا نہیں کوئی کاکا، جِس نوُں پیار نال اُٹھائیا۔ میرا کِسے دے نال نہیں کوئی ساکا، ناتا جگت نہ کوئے رکھائیا۔ وے کملیا میَں اوتاراں پَیغمبراں گُروُآں دیِاں رہن نہیں دِتیاں لاشاں، سریِر نظر کِسے نہ آئیا۔ میرے اندر ماں والی مُحبّت نہیؤں کوئی ماسہ، رتی رتی رنگ نہ کوئے رنگائیا۔ میَں جُگ چؤکڑی سگوں ویکھدی رہی تماشا، اپنے انگن دھیان

لگائیا۔ سُن دی رہی اگمّی آوازا، جو انادی دُھن نال شنوائیا۔ کھیل تکّدی رہی شہنشاہ راجا، کی بھوُپ اپنی کار کمائیا۔ جوتی جوت سروُپ ہرِ، آپ اپنی کِرپا کر، دیونہارا ساچا ور، سچ دا کھیل آپ وکھائیا۔ دھرنی کہے ناردا میرا صاحِب دُھر دی مائی، پِتا اِکو اِک اکھوائیا۔ جِس جُگ جُگ بھگتاں پَیج رکھائی، سِر اپنا ہتّھ ٹِکائیا۔ اپنے وِچوں جوت پرگٹائی، انت اپنے وِچ سمائیا۔ نِرگُن نوُر کر رُشنائی، دیِپک دیِا دِتا جگائیا۔ شبد دُھن ناد کر شنوائی، حُکم سندیسہ اِک سمجھائیا۔ امرت بوُند سوانتی نِجھر جھِرنا جام پیائی، پیالہ ہتّھ نہ کوئے اُٹھائیا۔ جن بھگت بنا کے اپنے مارگ راہی، رہبر ہو کے راہ وکھائیا۔ میرے اُتے دیندا رہیا وڈیائی، جِس سِر اپنا ہتّھ ٹِکائیا۔ اوہ گاؤندا رہے چائیں چائیں، چاؤ گھنیرا نال جنائیا۔ اوہ بھگتاں دی کٹ نہ سکے جُدائی، جُگ وِچھڑے اپنے نال مِلائیا۔ دھرنی کہے جِس بھگتاں دے اندر اپنی سیج وِچھائی، وِشیاں توں باہر ڈیرہ لائیا۔ سچ دا بن کے اِک گوسائیں، گود اپنی وِچ ٹِکائیا۔ جوتی جوت سروُپ ہرِ، آپ اپنی کِرپا کر، کرے کھیل دُھر دا ہرِ، دُھر داتا اِک اکھوائیا۔ نارد کہے دھرنیئے تُوں کی دسےّ وِچارا، کہہ کے کی سُنائیا۔ میَں اوسے دا سُت دُلارا، دوُلھا دُھر دا نظری آئیا۔ جیہڑا جُگ جُگ رہیا کوارا، کواریئے تیرے اُتے اپنا پھیرا پائیا۔ میَنوُں سچ دسّ کیہڑا خصم تُمہارا، کوَن تیری سیو کمائیا۔ کوَن مُحبّت کرے پیارا، کوَن اپنا رنگ رنگائیا۔ تیرا کوَن کنت کنتُوہل کیہڑا سچ بھتارا، مالک کوَن اکھوائیا۔ دھرنی رو کے ماریا نعرہ، دُہتّھڑ پٹّاں اُتے لگائیا۔ وے ناردا میَں روواں زارو زارا، نیَناں نیِر وہائیا۔ اوتار پَیغمبر گُروُ میَنوُں دیندے گئے اِشارہ، صِفتاں نال سُنائیا۔ نی دھرنیئے مرنیئے جِس ویلے کل کلکی تیرے اُتے آئے چوَھیاں اوتارا، چؤبیسا روُپ بدلائیا۔ تُوں سُلکھّنی اُس دی پتنی بنیں سچ دی نارا، نر نرائن اِک ہنڈھائیا۔ پر یاد رکھیِں اُس دا روُپ ہونا نیارا، جگ نیتر ویکھن کوئے نہ پائیا۔ اُس ویس وٹا کے تیرے اُتے آؤنا دوبارہ، دوہری کھیل کھِلائیا۔ بن اگمّی لاڑا، سیہرا سیِس جگدیِش ٹِکائیا۔ تُوں اُس دے چرناں کولاں لاؤنی دھوُڑ چھارا، شرع دا ڈیرہ ڈھاہیِا۔ کملیئے اُس کملاپات دا کریں اِنتظار ا، انت اوسے دا راہ تکائیا۔ جِس دا سمبل ہونا سچّا گھر بارا، گرِہ مندر اِک وڈیائیا۔ اُس تیرے اُتے چرن نہیں ٹِکاؤنا، تتاں والا روُپ نہ کوئے درسائیا۔ جے سچ پُچھیں اوہ پوُرن دا روُپ تے پوُرن دا پیارا، پوُرن سَتگُر پوُرن وِچ سمائیا۔ بِنا پوُرن توں تَینوُں دینا نہیں کِسے سہارا، سہائک نائک نظر کوئے نہ آئیا۔ میرے اُتے کریں اِعتبارا، بےاِعتباریئے جُگ جُگ دیِئے

کواریئے تَینوُں دیاں سُنائیا۔ جوتی جوت سروُپ ہرِ، آپ اپنی کِرپا کر، دیونہارا ساچا ور، سچ دی کرنی کار کمائیا۔ دھرنی کہے ناردا میرے اندر چاؤ گھنیرا، خوشیاں نال جنائیا۔ میَں وی چاہُندی کدی کوئی سائیں بنیگا میرا، سوامی کہہ کے جِس نوُں سیِس نِوائیا۔ میَں گُروُآں پیِراں اوتاراں پَیغمبراں تکیا جو آیا سو بن کے اُس دا چیرا، اوسے دے اَگے واسطہ پائیا۔ جیہڑا دُھر دا منگتا اوہ میرا بنّھے کی بیڑا، جو بیڑی اپنی پربھ دے نام نال چلائیا۔ جِس نوُں بدھا نال شرع دے جیڑا، تند سکے نہ کوئے کٹائیا۔ میَں وقت لنگھایا بتھیرا، کوٹن کوٹ جُگ بِتائیا۔ کدی چانن تکیا کدی تکیا اندھیرا، دوویں روُپ درسائیا۔ میَنوُں جدوں سندیس آیا آویگا سَتگُر شبد شبد شیرا، سِنگھ اپنا روُپ بدلائیا۔ بھاگ لگائے تیرے نوَ ستّ دے ویہڑا، گرِہ دیوے مان وڈیائیا۔ تُوں اپنا ویس کرنا چنگیرا، چنگی طرح جنائیا۔ نی اُس نے نہ تَینوُں مندر لبھنا مسیِت لبھنا نہ لبھنا وِچوں کِسے دِیوہرا، تے دِیور بھابی آکھن والا تیرا نظر کوئے نہ آئیا۔ جے اُس نوُں لبھنا تے اوہ مِلیگا سمبل وِچ کھیڑا، اپنا ڈیرہ لائیا۔ جوتی جوت سروُپ ہرِ، آپ اپنی کِرپا کر، کرے کھیل ساچا ہرِ، سچ دی کھیل آپ جنائیا۔ نارد کہے دھرنیئے میَنوُں آؤندا ہاسا، مسخریاں نال جنائیا۔ میَں وی ویکھنا چاہُندا تماشا، کی تماشبیِن اپنی کھیل کھِلائیا۔ کِس بِدھ تیرا سوامی تیرے کول آوے پُرکھ ابناشا، ابناشی کرتا روُپ الاہیِا۔ میَنوُں سچ دسّ تُوں کِس بِدھ لائے دنداں دنداسا، کجّل کوَن نیَن چُھہائیا۔ کوَن لِباس سُہائے تیری پوُری کرے آسا، کوَن رنگ رنگائیا۔ جوتی جوت سروُپ ہرِ، آپ اپنی کِرپا کر، دیونہارا دُھر دا ور، ور داتا اِک اکھوائیا۔ دھرنی کہے ناردا میَں لکھ لکھ شُکر مناواں گی۔ بِنا اکھّ اکھّ اُٹھاواں گی۔ اُس دے نام دی الکھ جگاواں گی۔ دیِن دُنی توں ہو کے وکھّ اوسے دا روُپ ویکھن آوانگی۔ تُوں وی دوُر دُراڈے آؤنا نسّ، میَں بچن سچ سُناواں گی۔ جے اوہ سمبل گیا وس، واسطہ اوسے اَگے پاواں گی۔ جِؤں بھاوے تِؤں میَنوُں لیَنا رکھ، چرناں اُتے سیِس ٹِکاواں گی۔ نارد کہے جے کملیئے اوہ اچھل چھلدھاری تَینوُں چھڈ کے گیا نسّ، پِھر کِس دا مُکھ تکاوینگی۔ دھرنی کہے میَں چرن کوَل جاواں ڈھٹّھ، دھوُڑی خاک رماواں گی۔ میرے صاحِب سوامیِا انترجامیِا تیرا روُپ نہیں تت اٹّھ، اٹّھاں تتاں توں باہر اُس نوُں مناواں گی۔ جو میرے منظور کر لئے جوڑے ہتّھ، واسطہ اوسے اَگے پاواں گی۔ نارد کہے اوہ صاحِب پُرکھ سمرتھ، کی اُس دا رنگ رنگاوینگی۔ دھرنی کہے ناردا جِتھے بھگتاں دا ہویا اِکٹّھ، میَں اوتھے خوشی خوشی وِچ جاواں گی۔ نارد کِہا نی کملیئے رملیئے

جے اوہ بھگوان روُپ بدل کے بنیاں ہووے جٹّ، پھیر کِس دے نال اکھّ مِلاویگی۔ دھرنی کہے میَں اِکو پریم دی لاواں رٹ، تُوں میرا میَں تیرا ڈھولا گاواں گی۔ وے میریا ماہی بے پرواہی نؤجوانا سِری بھگوانا میَنوُں جائیں نہ چھڈ، گل پلّوُ پا کے واسطہ پاواں گی۔ میرے نہیں کوئی ماس ناڑی ہڈّ، اپنی دھوُڑ خاک اوسے دے چرناں وِچ رماواں گی۔ میَں پِچھے رہ گئی تَیتھوں اڈّ، اَگے اپنا گھر تیرے نال وساواں گی۔ نالے رو کے پُکاراں دھاہاں ماراں میرے ماہی دُھر دے سائیں کلجُگ کوُڑیاں کُڑیاریاں میرے وِچوں کڈھ، دھرنی کہے میَں رو رو حال سُناواں گی۔ جے میرا ماہی نہ منّیا تے ہؤلی ہؤلی اُس دے چرن دبّ، لچھمی نوُں کول سدّاں گی جھب، سوہنا شِنگار کر کے آپ بہانگی پھب، جے پَیغمبراں اُس نوُں کِہا ربّ، تے میَں رحیِم کہہ کے رحمان کہہ کے اپنا اِیمان اوسے اُتے رکھاواں گی۔ نارد کہے نی اوہ انا نِکا جِہا اوہ ایڈا لما اوہدا وڈّا سارا کّد، قدیِم دا مالک دھرنیئے کِس بِدھ تیرا رنگ رنگاویگا۔ جوتی جوت سروُپ ہرِ، آپ اپنی کِرپا کر، کرے کھیل ساچا ہرِ، سچ دا بھیوَ آپ کُھلاویگا۔ نارد کہے دھرتی میَں ویکھاں تیرا دوُلھا، دوُلھنے تُوں وی لےَ انگڑائیا۔ دھرنی کہے ناردا اوہدا بڑا سخت اصوُلا، اصل دا مالک بےپرواہیِا۔ پہلوں چرناں دی لاواں دھوُلا، مستک خاک رمائیا۔ پھیر دھوُڑی لاواں بُلا، جو بُلّا اِشارے نال سمجھائیا۔ پھیر اپنے سریِر پیار دا بے نظیِر بنا کے چُلھا، اگنی سَت پریم جلائیا۔ میریا ماہیِا محبوُبا میرے گرِہ آ جا پُریِاں لوآں برہمنڈاں کھنڈاں وِچوں بُھلا، بُھلیکھے پاؤن والیا اپنا درس دِکھائیا۔ اپنیاں دیِناں مذہباں دی میرے اُتے کرا صُلح، صُلح کُل تیری سچ وڈیائیا۔ تُوں آتم دھار پرماتم برہم تیری دِسدی کُلا، کُلونت تیری سرنائیا۔ تیرا مانَو میرے اُتے رُلا، رُلدیاں لےَ اُٹھائیا۔ اِکو اپنے نام دا دے دے تُلا، جگت بیڑا پار کرائیا۔ سچ گھرانہ دسّ دے کُھلا، حدوُدا حد نہ کوئے ونڈائیا۔ جوتی جوت سروُپ ہرِ، آپ اپنی کِرپا کر، دیونہارا ساچا ور، سچ اپنا رنگ وکھائیا۔ دھرنی کہے میَں اپنا آپ شِنگاراں گی۔ نیَن روُپ نِکھاراں گی۔ گھڑیِاں تِھت وِچاراں گی۔ تُوں ہی میرا مِت، مِتر پیارا کہہ پُکاراں گی۔ میری سیج سُہنجنی اُتے آ کے ماہی لِٹ، لِٹاں کھول کے تیرے اَگے واسطہ پاواں گی۔ میریا سوامیِاں میری دُہائی تیرا روُپ بنا کے دُنیا پوُجدی رہی پتّھر اِٹّ، میَں پاہناں پتّھراں کولوں اپنا پلّوُ چُھڈاواں گی۔ سب نوُں کہاں گی اِکو دے اُتے تُہاڈا انتر نِرنتر جاوے ٹِک، ٹِکّے نام والے لگاواں گی۔ جھٹ نارد کہے دھرنیئے آہ ویکھ میرے کول چِٹ، چِٹے جھاٹے والیئے کی اپنا رنگ وکھاواں گی۔

اوہدی بے پرواہی شہنشاہی کِتے تکّدی نہ رہ جائیں بِٹ بِٹ، کی نیَن نیَن اُٹھاواں گی۔ تَینوُں پتہ نہیں بِنا بھگتاں توں اوہدے در تے سکے کوئی نہ وِک، قیِمت سچ والی پوائیا۔ تُوں نِگاہ مار لےَ جِس نے سوہنگ گُرمُکھاں دی لگایا چھاتی اُتے ہِک، حِکمت نال دئے وڈیائیا۔ نی اوہ خصم خصمانہ اِک، خصم اگمّڑا بےپرواہیِا۔ جگت نیتر پئے نہ دِکھ، نِج لوچن کرے رُشنائیا۔ جے تُوں درشن پاؤنا پہلوں بنی پریم دا سِکھ، سِکھیا سچ وِچ سمائیا۔ جے مِہربان ہو کے تیرا لیکھا دیوے لِکھ، لیکھ جگت بدلائیا۔ تیرے اُتوں لاہ کے کوُڑی وِکھ، امرت دئے بھرائیا۔ رس دھر کے تیرے وِچ، امیوں رس دئے چوائیا۔ تُوں ویکھنا اپنے نِج، دُھر دا مالک دُھردرگاہیِا۔ تُوں جُگ چؤکڑی گُر اوتار پَیغمبراں نال گئیؤں گِجھ، کھیل مذہباں والے تکائیا۔ پہلوں اپنا مُکھ دھو کے شرع دی صاف کر لےَ گِڈ، نام نال نیَن لےَ مٹکائیا۔ پھیر نِمانی ہو کے چرنی ڈِگ، پلّوُ گل وِچ پائیا۔ اپنی کُھلی کر لےَ مِڈ، مینڈھی سیِس نہ کوئے گُندائیا۔ اپنا خالی وجا دے ڈِھڈ، تیرا نام دُہائیا۔ پھیر کہو بھاگ لگا دے میرے پِنڈ، سمبل اِک سُہائیا۔ جے تُوں تتاں والیا وسیؤں وِچ گھوِنڈ، گھیرا دو جہان رکھائیا۔ لیکھے لا لےَ میری بودی والی ٹِنڈ، کیساں رنگ رنگائیا۔ میَنوُں پتہ نہیں لگا کِس ویلے تُوں پرگٹ ہو گیؤں وِچ ہِند، بھارت دِتی وڈیائیا۔ میری سگلی میٹ دے چِند، چِنتا دے گوائیا۔ میرے ماہیِا تُوں ہی میری جان تُوں ہیَں میری جِند، میری زِندگی دے بدلائیا۔ تُوں گہر گمبھیِرا ساگر سِندھ، امرت بوُند دے برسائیا۔ تُوں مِہربانا نؤجوانا سِری بھگوانا جِن میَنوُں پرگٹ کیِتا بِنا کِسے لِنگ، جگت واشنا نہ کوئے ہلکائیا۔ دیِن دَیال میرے بخشِند، رحمت دے کمائیا۔ تُوں داتا گُنی گہِند، گوَر تیری سرنائیا۔ جھٹ نارد کہے دھرنیئے میری سُن لےَ کِنگ، میَں کِنگرے کِنگرے رہیا وجائیا۔ جوتی جوت سروُپ ہرِ، آپ اپنی کِرپا کر، دیونہارا ساچا ور، سچ دا صاحِب بےپرواہیِا۔ نارد کہے دھرنیئے اوہ شہنشاہ شہانہ، پاتشاہ بےپرواہیِا۔ وسے سچکھنڈ مکانا، جِتھے چھپّر چھنّ نہ کوئے چُھہائیا۔ سوُریہ چند نہیں نِشانہ، منڈل منڈپ نہ کوئے وڈیائیا۔ دیِن دُنی نہیں جہانا، چؤراسی رنگ نہ کوئے رنگائیا۔ اوتار پَیغمبر گُر گاوے نہیں کوئی ترانہ، تُریا پد نہ کوئے چتُرائیا۔ سنجھ سویر نہیں کوئی شاما، گھڑی پل ونڈ نہ کوئے ونڈائیا۔ جگت نگارہ نہیں کوئی دمامہ، دھؤنسا دھوَل نہ کوئے وجائیا۔ اوہ مِہربان مِہربان مِہربانا، محبوُب نوُر الاہیِا۔ اوہ لیکھا جانے گوپی کاہنا، سب نوُں پھول پھولائیا۔ تُوں کملیئے سچ دسّ بِردھ کہ نؤجوانا، کہ اَلھڑ روُپ اکھوائیا۔ کی شان شؤقت وکھائے

سِری بھگوانا، اپنا آپ بدلائیا۔ کی تُوں مُٹیار دِسے جہانا، جوبن ونتی رنگ رنگائیا۔ نی تُوں سلوار پائیں کہ پجامہ، کی تہمت دھوتیِاں ساڑھیِاں رنگ رنگائیا۔ سچ دسّ تیرا کِہو جِہا ہووے بانا، کوَن اوڈھن سیِس ٹِکائیا۔ اوہ شہنشاہ نوُر الاہی نوُر نوُرانہ، نر نرائن اِک اکھوائیا۔ کِس بِدھ تَینوُں کرے پروانا، پرم پُرکھ دیوے مان وڈیائیا۔ دھرنی کہے میَں کوجھی کملی اوہ میرا گُن نِدھانا، گہر گمبھیِر اکھوائیا۔ ناردا میَں اِکو رکھاں چرن دھیانا، دوُجی آس نہ کوئے رکھائیا۔ اوہ میرا جیِؤ پرانا، ساہ ساہ کہہ کے شُکر منائیا۔ میَں دُنیاداراں نوُں دسّنا میرے اُتے رہن والیو جے مِلنا سِری بھگوانا، سِر سر اوسے دے چرناں بھیٹ کرائیا۔ بھاویں اوہ مست ہووے بھاویں ہووے دیوانہ، دیوان بھاویں بھگتاں نال لگائیا۔ بھاویں اوہ سخی ہووے بھاویں روُپ دھرے کاہنا، گوپیاں والے رنگ رنگائیا۔ اوسے دے چرناں کراں پرناما، جو پرا پسنتی مدھم بَیکھری بانی توں باہر درس دِکھائیا۔ نہ شرع دا کِسے نوُں رہن دیوے غُلاما، غُلامو تُہاڈے زنجیر دئے کٹائیا۔ جوتی جوت سروُپ ہرِ، آپ اپنی کِرپا کر، سد اپنا گھر سُہائیا۔ دھرنی کہے میَں روُپ بنا بسنتی، بسن بنواری ولّ دھیان لگائیا۔ انتر گاواں تُوں ہی ماہی تُوں ہی کنتی، کنتُوہل تیری سرنائیا۔ میَں لبھنا نہیں کِسے کولوں سادھ سنتی، سادھنا جگت نہ کوئے بنائیا۔ تُوں میرا مالک اِک بھگوَنتی، بھگوَن تیری وڈ وڈیائیا۔ میَں بِھکھارن تیرے در دی منگتی، مانگت ہو کے جھولی ڈاہیِا۔ میرا پیار بنا دے نال بھگتاں دی سنگتی، سنگ شرم حیا دینی اُٹھائیا۔ میَں ونجارن رہواں نہ پنج تت تن دی، جوتی جاتے ہونا سہائیا۔ میَں تیرا حُکم سدا منّدی، در تیرے سیِس جھُکائیا۔ جے تُوں آسا پوُری کیِتی گوبِند چنّ دی، چنّاں دے چاندنے میَنوُں دے وڈیائیا۔ جوتی جوت سروُپ ہرِ، آپ اپنی کِرپا کر، ایکا دینا ساچا ور، سچ دے مالک ہونا سہائیا۔ نارد کہے دھرنیئے دُھر دا دوُلھا ویکھ لےَ لاڑا، جِس نوُں لاڑی مؤت نہ کدے پرنائیا۔ اوہدا دھرم دا ویکھ اکھاڑا، جو سچ نال لگائیا۔ جِس نے کھیل کھِلایا سمت شہنشاہی نؤ دِوس ستاراں ہاڑا، اٹھاراں ونڈ ونڈائیا۔ اوہ تیرے اُتے رنگ چاڑھے گاڑھا، دُرمت میَل دھوائیا۔ جن بھگت سُہیلے ویکھے جگت دی جنگل جوُہ وِچ اُجاڑا، ٹِلّے پربتاں پھول پھولائیا۔ دِوس رَین اوہناں دے پِھرے پِچھے اَگاڑا، بھجےّ واہو داہیِا۔ سَت سچ دا مار کے دھاڑا، دھاڑوی لُٹیرا ہووے دُھردرگاہیِا۔ جوتی جوت سروُپ ہرِ، آپ اپنی کِرپا کر، مِہربان دَیا کمائیا۔ دھرنی کہے ناردا اوہ کِڈا سوہنا چنگا، متوالہ بےپرواہیِا۔ جِس دے کول پریم دی گنگا،

خوشیاں وہن وہائیا۔ اوہ پار کرائے بُھکھا ننگا، کوجھیاں کملیاں کندھ اُٹھائیا۔ انتم میری آ گیا ونڈا، برہمنڈاں دیاں سُنائیا۔ جِس دا شبد اگمّی کھنڈا، کھڑگاں کرے صفائیا۔ اِکو پھڑ کے ستّ رنگ دا ڈنڈا، ڈنڈاوت سب دی رہیا بدلائیا۔ پِھرے دروہی وِچ وربھنڈا، وربھنڈی رہی کُرلائیا۔ جن بھگتاں پکّیِاں کرن آیا گنڈھا، ٹُٹی رہیا جُڑائیا۔ سچ سوامی ہو کے دیوے سنگا، سگلا سنگ بنائیا۔ میَں ویکھ کے ہوئی اچنبھا، حَیرانی میرے اندر آئیا۔ جِس دا سفر آد جُگاد جُگ چؤکڑی لمبا، لانبوُاں نال سب نوُں دئے جلائیا۔ جوتی جوت سروُپ ہرِ، آپ اپنی کِرپا کر، کرے کھیل ساچا ہرِ، سچ دا مالک اِک اکھوائیا۔ نارد کہے دھرنیئے اوہدا بڑا سوہنا لِباس، جگت رنگ نہ کوئے رنگائیا۔ میَں ویکھیا اُتے آکاش، آکاش آکاشاں اُتے سوبھا پائیا۔ اوہ نوُر روُپ ابناش، ابناشی کرتا دُھردرگاہیِا۔ کلجُگ انت آیا بھگتاں پاس، پاسا اپنا لیا بدلائیا۔ تیری پوُری کرے آس، ترِسنا دئے مِٹائیا۔ سَت سچ دی پا کے راس، خوشیاں رنگ رنگائیا۔ نی تَینوُں ودھائیاں دیوے شنکر اُتے کَیلاش، دوُروں ہتّھ اُٹھائیا۔ برہما کہے شاباش، واہوا تیری وڈ وڈیائیا۔ وِشنوُں کہے میرا صاحِب سوامی خاص، خالص رنگ رنگائیا۔ اوتار کہن جِس دے بنے داسی داس، سو داتا دُھردرگاہیِا۔ پَیغمبر کہن جِس مقبریاں وِچ لیکھے لائی ساڈی لاش، لشکر نظر کوئے نہ آئیا۔ گُروُ گُردیو کہن جِس شبد جنایا سواس سواس، ساہ ساہ سمائیا۔ اوہ پرگٹ ہو کے آپ، اپنی دَیا کمائیا۔ بھاویں اُس نوُں پوُرن سَتگُر منّو تے بھاویں منّ لؤ دُھر دا باپ، تے بھاویں مئیا کہہ کے گودی آسن لائیا۔ بھاویں آتما کہو تے بھاویں پرماتما کہو تے بھاویں اوسے دا جپو جاپ، اوہو نوُر تے اوہو ظہوُر نظری آئیا۔ جن بھگتو جے نہیں کُھلیا تے کھول دیویگا تاک، جِنہاں دا تقویٰ لیا بنّھائیا۔ مِہربان ہو کے بخشے دات، داتا دانی وڈ وڈیائیا۔ تُہاڈی لیکھےلاوے اٹھاراں ہاڑ دی رات، راتی جاگن والیو جاگرت وِچ تُہانوُں اپنا درس دِکھائیا۔ کِتے سنسار والا سمجھ نہ چھڈیو ساک، ایس نے ساکہ سارا جانا بدلائیا۔ پھیر لبھیاں نہیں آؤنا ہاتھ، ہتھیلیِاں ملے خلق خُدائیا۔ جن بھگتاں ضرور دیویگا ساتھ، ساتھی دُھر دے لئے بنائیا۔ دھرنی کہے میرا بھاگ متھور دھوُڑی لگّی ماتھ، چرن سرن سرنائیا۔ میَں خوشیاں نال نؤواں کھنڈاں نوُں دینا آکھ، بِن اکھّراں ڈھولے گائیا۔ میرا صاحِب سوامی انترجامی میرا ایسے نال جُڑیا نات، جو اپنا رنگ

رہیا رنگائیا۔ دُنیادارو سب دا لیکھا لئے واچ، واچنہارا اگمّ اتھاہیِا۔ جوتی جوت سروُپ ہرِ، آپ اپنی کِرپا کر، دیونہارا ساچا ور، نِہکلنک نرائن نر، مہاراج شیرسِنگھ وِشنوُں بھگوان، آد جُگادی سَتگُر ساچ، ساچا سَتگُر اِک اکھوائیا۔

۱۹ ہاڑ شہنشاہی سمت نؤ ہرِ بھگت دوار جیٹھوُوال ضِلع امرتسر رات دے سمیں

نارد کہے دھرنیئے تُوں سوہنی نہاتی دھوتی، صاف سُتھری نظری آئیا۔ تیرے نوُر دی جگدی نوُرانی جوتی، جوت جوت جوت جوت نال رُشنائیا۔ نی تُوں پِھریں اِک اِکلؤتی، اِکلّی واہو داہیِا۔ تیرے اُتے مانک ہیِرے موتی، جن بھگت سُہیلے سوبھا پائیا۔ جیہڑے دِسدے وِچوں کوٹن کوٹی، انگِنتاں وِچوں گِنت نہ کوئے گِنائیا۔ تُوں جاگ سوانی سوتی، سُتی لےَ انگڑائیا۔ تیری یاد بیِت گئی بہُتی، جُگ چؤکڑی پندھ مُکائیا۔ نی نہ کوئی تیری دھی نہ کوئی پُت تے پوِتی، پوِترا دوہترا نظر کوئے نہ آئیا۔ کیوں بِن نیَناں رہی روتی، ہنجھوُاں ہار بنائیا۔ تُوں ننّی نِکّی جِہی چھوٹی، وڈّی وڈ نہ کوئے وڈیائیا۔ تیرے اُتے دیِن دُنی دی واسنا ہو گئی کھوٹی، کوُڑ وِچ لوکائیا۔ جھگڑا دِسے انّ روٹی، دردیِاں درد نہ کوئے ونڈائیا۔ ایسے کارن دھرنیئے میَں چار جُگ رکھی لنگوٹی، اوڈھن سیِس نہ کوئے ٹِکائیا۔ میرا اِک کرمنڈل اِک لوٹی، جِس نوُں لُٹیا کہہ کے سارے گائیا۔ میَں سانبھ کے رکھیا پریم پیار دی کوٹھی، کُٹیا وِچ ٹِکائیا۔ جوتی جوت سروُپ ہرِ، آپ اپنی کِرپا کر، دیونہارا ساچا ور، سچ رنگ آپ رنگائیا۔ نارد کہے دھرنیئے تیری پریم پیار دی انگی، انگن سوہنا نظری آئیا۔ نی تُوں اِکو جِہی اُچی لمی، چھوٹا وڈّا حِصّہ نہ کوئے رکھائیا۔ پربھ دی چرن دھوُڑ وِچوں جمّی، دوُسر دِسے کوئے نہ مائیا۔ میری اِک بیننتی منّی، منسا والیئے دیاں جنائیا۔ ساچے صاحِب دی بنی چنّی، جِس چند سِتار نِشان دینے مِٹائیا۔ ویکھیِں جگت لالچ وِچ نہ بنیِں طمعی، تامس ترِسنا نہ کوئے رکھائیا۔ صاحِب سوامی گاویں دم دمی، دامنگیِر اِکو اِک رکھائیا۔ جِس تیرے اُتے کھیل کھیلنی نوَیِں، نوَ نؤ چار دا پندھ مُکائیا۔ تُوں اوسے دا ڈھولا گویِں، گا گا شُکر بنائیا۔ اوسے دے چرناں ڈھویِں، جو ڈھئیے دا مالک سوبھا پائیا۔ ویکھیں غفلت وِچ کدے نہ سویں، نیتر نیَن لینےَ کُھلائیا۔ اوسے دی داسن ہو کے روھیں، داسی داس سیو کمائیا۔ جوتی جوت سروُپ ہرِ، آپ اپنی کِرپا کر، دیونہارا دُھر دا ور،

دُھر مالک وڈ وڈیائیا۔ نارد کہے دھرنیئے تَینوُں مارگ دسّاں سُکھلّا، سہج نال دِرڑائیا۔ تیرا وسدا رہے محلا، محل اٹل وجےّ ودھائیا۔ ترس کرے جو صاحِب تیرا اِکلّا، ایکنکارا نوُر الاہیِا۔ جو وسیا جلا تھلا، مہیئل رہیا سمائیا۔ اوہ پرگٹ ہووے پل پلا، پاربرہم دُھردرگاہیِا۔ اوہ زِندگی دا موُل دیوے پھلا، پھل پُھلواڑی آپ مہکائیا۔ اُس دی سرن پویِں جو سب دا کرے بھلا، سِر سِر اپنا ہتّھ ٹِکائیا۔ اوہ جوتی شبدی دھار رلا، نوُر ظہوُر وِچ ٹِکائیا۔ جِس نے سچ سِنگھاسن سچ دوارے ملّا، مالک ہو کے خوشی بنائیا۔ دھرنیئے اُس دے نام دا پھیر دے پلّا، جو پاربرہم پت پرمیشور اپنا کھیل کھِلائیا۔ جوتی جوت سروُپ ہرِ، آپ اپنی کِرپا کر، دیونہارا ساچا ور، نِہکلنک نرائن نر، مہاراج شیرسِنگھ وِشنوُں بھگوان، جن بھگتاں لہنا دینا پوُرا کرے وِچ جل تھلا، مہیئل وِچ محبوُب اپنا درس دِکھائیا۔

۳۰ ہاڑ شہنشاہی سمت نؤ فِروزپُر چھاؤنی گوال ٹولی رام سِنگھ دے گرِہ

دھرنی کہے تیرے پیار دی پربھوُ قسما، سوگند کھا کے دیاں جنائیا۔ تیریِاں جُگ چؤکڑی ویکھیِاں رسماں، کِس بِدھ اپنی ونڈ ونڈائیا۔ میَں تکدی رہی بِنا چشما، چشمے دیِد دھیان لگائیا۔ میرے محبوُب دُھر دے خصما، خصمانے سیِس جھُکائیا۔ ونڈی ویکھ لےَ سریِر جِسما، ضمیرِاں پھول پھولائیا۔ تیرا نظر نہ آئے اِشٹ اِسما، عظیِم اعظم تیرا نوُر نہ کوئے درسائیا۔ میَں سندیسے دِتے وِشن برہما وِشنا، وِشوَ دھار سُنائیا۔ میَں آکھیا راما کرِشنا، پریم وِچ سُنائیا۔ پَیغمبراں دِتیاں چِٹنا، بِنا حرف حروُف لِکھائیا۔ گُروُآں اَگے پا کے پِٹنا، بہُڑی بہُڑی کر کُرلائیا۔ میرے اُتے پوُجا رہ جانی پتّھر اِٹنا، پربھوُ سیِس نہ کوئے نِوائیا۔ دُھر دا نام ٹکیاں وِچ وِکنا، قیِمت ہٹّاں وِچ وِچ رکھائیا۔ سَتگُر شبد ملِے نہ مِتنا، مِتر پیارا سنگ نہ کوئے بنائیا۔ آتم پرماتم کرے کوئے نہ ہِتنا، ہِتکاری رنگ نہ کوئے سمائیا۔ پُچھدی رہی پربھوُ تیرا سماں کِتنا، بھیوَ ابھیدا دے کُھلائیا۔ تُوں وس جا میرے چِتنا، چِت ٹھگؤری رہے نہ رائیا۔ تُوں سوامی میرا پِتنا، پت پرمیشور اِک اکھوائیا۔ میرا لہنا دینا دسّ دے ہِتنا، بِن ہتّھاں ہتّھ اُٹھائیا۔ کوَن دوارے تیرا چرن ٹِکنا، دھوُڑی مستک خاک رمائیا۔ کِس بِدھ میرا لیکھ نجِٹھنا، صاحِب دینا سمجھائیا۔ دھرنی کہے میَنوُں سُنا دے اگمّی سِکھنا، سِکھیا سچ سمجھائیا۔ تیرا لیکھا لیکھ کِس بِدھ لِکھنا، کی اپنا حُکم ورتائیا۔ تُوں

ویس وٹائیں نِت نوِتنا، جُگ جُگ پھیریِاں پائیا۔ دھرنی کہے کِس بِدھ میری بدلے رِکھنا، ریکھ اپنے نال بنائیا۔ کِس نیَن نیتر دِسنا، پردہ دینا کُھلائیا۔ کِس دھار بھگتاں اندر لِٹنا، آتم سیج بنائیا۔ جوتی جوت سروُپ ہرِ، آپ اپنی کِرپا کر، ایکا دینا ساچا ور، نِہکلنک نرائن نر، مہاراج شیرسِنگھ وِشنوُں بھگوان، نِرگُن دھار میرے مِتنا، میِت ریِت اپنی دینی سمجھائیا۔