کتب خانہGranth 23 (Urdu)

۱۵ بھادروں شہنشاہی سمت نؤ پِنڈ تلونڈی جلے خاں ضِلع فِروزپُر بلونت سِنگھ دے گرِہ

دھرنی کہے سُن میرے پرم پُرکھ نِرنکارے، نِروَیر تیرے ہتّھ وڈیائیا۔ شاہ پاتشاہ شہنشاہ سچّی سرکارے، جوتی جاتے پُرکھ بِدھاتے نوُر نوُرانے اگمّ اتھاہیِا۔ میرے مِہربانا سِری بھگوانا میَنوُں چؤداں طبق دیندے اِشارے، لوک چؤداں سیَنت رہے لگائیا۔ اَمبراں وِچ ویکھن چند سِتارے، سوُریہ نیَناں نیَن بدلائیا۔ دیوت سُر رہے پُکارے، گن گندھرب کری شنوائیا۔ وِشن برہما شِو لاون نعرے، کوُک کوُک سُنائیا۔ اوتار پَیغمبر گُر سَت دا سچ دین ادھارے، مِہربان مِہر نظر اُٹھائیا۔ سَتگُر شبد کہے دھرنیئے اپنے لہنے دینے ویکھ لےَ سارے، پوُرب لیکھے نال مِلائیا۔ سو پُرکھ نِرنجن تیرے کھیل اپارے، اپرمپر تیری بےپرواہیِا۔ ہرِ پُرکھ نِرنجن میَں تیرے اِک سہارے، دوُجا نظر کوئے نہ آئیا۔ ایکنکار میری نئیا تیرے کنارے، کھیوٹ کھیٹا اِکو نظری آئیا۔ آد نِرنجن تیرا نوُر جوت چمتکارے، دو جہاناں کر رُشنائیا۔ ابناشی کرتے تیرے کھیل جگت دھار توں باہرے، بھیوَ ابھیدا سمجھ کِسے نہ آئیا۔ سِری بھگوان تُوں جودھا سوُربیِر بلکارے، کرتے ابناشی تیری وڈ وڈیائیا۔ پاربرہم پت پرمیشور تیرے سوہنے بنک دوارے، استھل آد جُگاد نظری آئیا۔ میری انت کنت بھگوَنت سُن اِک

پُکارے، پُنہ پُنہ سیِس نِوائیا۔ لہنا تک لےَ سنگ محمد نال چار یارے، پردہ پردیاں وِچوں چُکائیا۔ حضرت عیسیٰ کی کہہ کہہ پُکارے، کی صلیِب رہی سمجھائیا۔ موُسیٰ کوہ طوُر دے دے سہارے، نیَن موُند دھیان لگائیا۔ میری آشا انتر رو رو پُکارے، نِو نِو سیِس نِوائیا۔ میرے محبوُب پروردِگارے، یامبیِن تیری وڈیائیا۔ کلمہ کلاماں کائنات پا سارے، بِن نیَناں ویکھ وکھائیا۔ میَں تیرے تکاّں نظارے، دیِن دُنی دا نظرّیہ دے بدلائیا۔ نؤ کھنڈ پرِتھمی ستّ دیِپ تیرا کھیل میرے میِت مُرارے، مِتر پیارے دینا درسائیا۔ میَں ٹھانڈے در کڈھاں ہاڑے، ہؤکیاں وِچ کراں شنوائیا۔ میَنوُں سچ دسّ کوَن کوُٹے میرے اُتے لگّنے یُدھ اکھاڑے، کھنڈے کھڑگاں کوَن کوَن کھڑکائیا۔ کوَن اوتار پَیغمبر گُر بنن لاڑے، شاہ سوارے روُپ وٹائیا۔ میرا وسدا کھیڑا اُجاڑے، ڈھاہ ڈھاہ خاک مِلائیا۔ دیِن مذہب مارے دھاڑے، دھاڑوی ہو کے اپنا بَل جنائیا۔ میری دروہی میرے وقت جگت دِوس آئے ماڑے، سُہنجنی رُت نہ کوئے سُہائیا۔ کِرپا کر میرے کرتارے، قُدرت دے قادر ہو سہائیا۔ لکھّ چؤراسی تیرے نوُر اُجیارے، انڈج جیرج اُتبُھج سیتج سوبھا پائیا۔ پرا پسنتی مدھم بَیکھری چارے بانی تَینوُں پُکارے، تَینوُں کوُک کوُک سُنائیا۔ پرگٹ ہو کل کلکی اوتارے، اکل کل اپنا آپ جنائیا۔ نِہکلنک میَں تیرے اِک سہارے، سہائک نائک دوُجا نظر کوئے نہ آئیا۔ اِمام اِماما تیرے ویکھاں اگمّ نظارے، نوُر نوُرانے نوُر الاہیِا۔ اپنا دیس سُہنجنا کر دے میرے شہنشاہ شاہ پاتشاہ وِچ سنسارے، سَتگُر شبد نال مِلائیا۔ سمبل تیرے وجّن نگارے، نؤبت نام والی کھڑکائیا۔ گوبِند میرا ہوئے جگت دوارے، دروہی اپنی کل وکھائیا۔ دھرنی کہے میری آسا پوُری کردے کلجُگ کوُڑ دے نِوارے، سَتجُگ سَت سَت پرگٹائیا۔ اِکو اِشٹ ہووے جیِو جنت تیرا نِرنکارے، دوُجا نظر کوئے نہ آئیا۔ اِکو نام ہووے جَیکارے، اِکو ڈھولا کلمہ صِفت صالاحیِا۔ اِکو مندر سوہے گُردوارے، اِکو کعبے وجےّ ودھائیا۔ جوتی جوت سروُپ ہرِ، آپ اپنی کِرپا کر، ایکا دینا ساچا ور، نِہکلنک نرائن نر، مہاراج شیرسِنگھ وِشنوُں بھگوان، تُدھ بِن میرا بیڑا پار نہ کوئی اُتارے، اُتّر پوُرب پچھّم دکھّن چار کُنٹ نِواسی بَیکُنٹھ میرا ہوئے نہ کوئے سہائیا۔

۱۶ بھادروں شہنشاہی سمت نؤ پِنڈ رجی والا ضِلع فریِدکوٹ مل سِنگھ دے گرِہ

دھرنی کہے میرے صاحِب گُنونت گُن گُنیِا، گُن نِدھان نؤجوان تیری وڈ وڈیائیا۔ سرِشٹی درِشٹی اِشٹی ویکھ ساری دُنیا، کائنات دے مالک کلمیاں توں باہر دھیان لگائیا۔ تن وجوُدا حق محبوُبا ویکھ ناد اگمّی تُریِا، حق حقیِقت لاشریِک پھول پھولائیا۔ بھیوَ ابھیدا کھول پردیاں وِچوں سمادھی سُنّیا، اوہلا رہن کوئے نہ پائیا۔ لیکھا تک لےّ جگت جگیاسوُ رِکھیِاں مُنیِاں، مُلّا شیخاں مسائکاں پنڈتاں پھول پھولائیا۔ نِگاہ مار لےَ پنج تت کایا کُلیِّاں، کُل مالک اپنا نیَن اُٹھائیا۔ دروہی تیریاں آتما تَینوُں انتر آتم بُھلیاں، مارگ پندھ سچ چلے نہ کوئے تیری رضائیا۔ تیرا ناؤں نِرنکار گوبِند گاؤندے رسنا بُلیِاں، ہِردے سکے نہ کوئے وسائیا۔ تیری کھانی بانی تیرے شبد دھار دی کردی چُلیِاں، نِجھر رس نہ کوئے جھِرائیا۔ من دیِاں واگاں ہو گئیاں کُھلیِاں، خلق دے خالق بندھن نظر کوئے نہ آئیا۔ سچ پریم دیِاں دھاراں ڈُلھیِاں، مِٹّی خاک وِچ رُلائیا۔ تیرے چرن کوَل لائے کوئے نہ دھوُلیاں، دھوُڑی خاک نہ کوئے رمائیا۔ اوہ ویکھ کی اِشارہ دیوے حضرت عیسیٰ چڑھیا سوُلیِا، سوُل صُراحی خنجر پیالہ کی رہیا سمجھائیا۔ کِرپا کر دے میرے کنت کنتُوہلیا، بھگوَنت نوُر الاہیِا۔ سَت سچ ہتّھ آوے نہ کِسے موُلیا، چاروں کُنٹ اندھیرا چھائیا۔ جوتی جوت سروُپ ہرِ، آپ اپنی کِرپا کر،، ایکا دینا ساچا ور، سِر میرے ہتّھ رکھائیا۔ دھرنی کہے پربھوُ میری حالت ویکھ نِہکرمی، کرم کانڈ توں باہر دھیان لگائیا۔ میَں آد پُرکھ تیری دھاروں جرمی، جنم دین والی اوَر کوئے نہ مائیا۔ پُرکھ اکالے دیِن دَیالے جُگ چؤکڑی تیری رہی سرنی، اوتار پَیغمبر گُر اِشٹ نہ کوئے منائیا۔ تُوں مالک خالق ترن ترنی، تارنہار تیری وڈیائیا۔ میَں اِکو تُک تُوں میرا میَں تیرا جُگ چؤکڑی پڑھنی، دوُجی صِفت نہ کوئے صالاحیِا۔ میَں منزل حقیِقی تیری چڑھنی، چرن کوَل سیِس نِوائیا۔ تُوں کِرپانِدھ کِرپال اپنی کِرپا کرنی، مِہربان مِہر نظر اُٹھائیا۔ میرے اُتوں جھگڑا میٹ دے ورنی برنی، دیِناں مذہباں ونڈ نہ کوئے ونڈائیا۔ جن بھگتاں نیتر کھول دے ہرنی پھرنی، نِج لوچن نیَن ہوئے رُشنائیا۔ جوتی جوت سروُپ ہرِ، آپ اپنی کِرپا کر، ایکا دینا ساچا ور، دیونہار دَیا کمائیا۔ دھرنی کہے پربھوُ میری ویکھ لےَ حالت اندروُنی، بِن نیتر نیَن اُٹھائیا۔ میری شرع تک بہروُنی، جو جگت جُگت چلائیا۔ چار جُگ دے حُکم ویکھ لےَ قانوُنی، کلمے ناماں نال درسائیا۔ نِگاہ مار لےَ اپنی لکھّ چؤراسی جوُنی، چارے کھانی پھول پھولائیا۔ میَں نِمانی کوجھی

کملی معصوُمی، بچپن تیری جھولی پائیا۔ میرے اُتے کِرپا کرنی تیرا حُکم معموُلی، کِرپن دینی مان وڈیائیا۔ کوُڑی شرع دی بدل بےاصوُلی، اصل اپنا بھیوَ کُھلائیا۔ تُوں سب دا مالک کنت کنتُوہلی، آتم پرماتم اِک اکھوائیا۔ جوتی جوت سروُپ ہرِ، آپ اپنی کِرپا کر، ایکا دینا ساچا ور، نِہکلنک نرائن نر، مہاراج شیرسِنگھ وِشنوُں بھگوان، آد پُرکھ اپرمپر سوامی میرا انت لہنا دینا سب دے کولوں وصوُلیِں، سِری بھگوان نؤجوان دو جہان بچیا رہن کوئے نہ پائیا۔

۱۶ بھادروں شہنشاہی سمت نؤ موگا شہر ضِلع فریِدکوٹ کپوُر سِنگھ دے گرِہ

دھرنی کہے میرے مالک دُھر سوامی، پُرکھ اکال دیِن دَیال دینی اِک سرنائیا۔ شاہ پاتشاہ میری شرع دی کٹ غُلامی، زنجیر بے نظیِر جگت والے تُڑائیا۔ تُوں نوُر نوُرانہ نؤجوانا اِک اِمامی، نِروَیر پُرکھ اگمّ اتھاہیِا۔ سچکھنڈ نِواسی وسے نِہچل دھام سدا نِہکامی، تیری اوٹ رکھائیا۔ آد جُگادی لکھّ چؤراسی انترجامی، گرِہ گرِہ ویکھنا تھاؤں تھائنیا۔ سَت دھرم دی تیری دِسے نہ کوئے نِشانی، نؤ کھنڈ پرِتھمی ویکھ وکھائیا۔ تیری جگت جُگتی ہونی پُرانی، وید پُران دین دُہائیا۔ کوُک پُکارے چارے کھانی، چارے بانی نال مِلائیا۔ کِرپا کر گُن نِدھانی، گُنونت ہونا آپ سہائیا۔ سَتگُر شبد دُھر دی دات بخش اِک مہانی، نام نِدھان جھولی پائیا۔ میری بیننتی پُرکھ اکال اِکو مانیِں، در ٹھانڈے سیِس جھُکائیا۔ جھگڑا میٹ اِنجیِل قرآنی، کائنات دے سمجھائیا۔ تَینوُں عیسیٰ موُسیٰ بنایا پِتا اِکو اسمانی، درگاہ ساچی سوبھا پائیا۔ محمد سندیسہ دِتا عوامی، عملاں توں رہت نوُر الاہیِا۔ کلجُگ رَین اندھیری میٹ دے شامی، شام گھنئیا تیری اوٹ رکھائیا۔ تُوں ہر گھٹ رمیا رمئیا رامی، رام راما اپنا پھیرا پائیا۔ جوتی جوت سروُپ ہرِ، آپ اپنی کِرپا کر، ایکا دینا دُھر دا ور، دیونہار تیری سرنائیا۔ دھرنی کہے میَں چاروں کُنٹ دُکھاں بھری، ناڑ ناڑ رہی کُرلائیا۔ کِرپا کر دے میرے اگمّی ہری، ہر ہِردے کر صفائیا۔ میرے اُتوں میٹ دے جگت شرعی، شرع نام والی سمجھائیا۔ دیِناں مذہباں توں کر دے بری، برےاعظم دے سمجھائیا۔ میَں بیننتی تیرے اَگے کری، تُوں کرتا پُرکھ اگمّ اتھاہیِا۔ میَں کلجُگ کوُڑی کِریا توں رہی ڈری، ڈرپوک ہو کے رہی سُنائیا۔ سچ سرنائی تیری پڑی، نِو نِو لاگاں پائیا۔

سچکھنڈ دوارے کھڑی، کھڑگاں کھنڈیاں والے میَنوُں رہے ڈرائیا۔ میَنوُں اِیوں جاپدا تیری سرِشٹی ہوئی دو دھڑی، حِصّے دُھر دے ونڈ ونڈائیا۔ لیکھا مُکنا گور مڑھی، چاروں کُنٹ پئے دُہائیا۔ جوتی جوت سروُپ ہرِ، آپ اپنی کِرپا کر، ایکا دینا ساچا ور، ہرِ سچ تیری وڈیائیا۔ دھرنی کہے کِرپا کر میرے گُردیو، دیوَ دیوا تیری سرنائیا۔ تُوں وسیں نِہچل دھام نِہکیو، درگاہ ساچی سوبھا پائیا۔ تُوں مالک الکھ ابھیوَ، اگوچر اگمّ اتھاہیِا۔ میَنوُں بخش دے اپنے نام دا میو، بِن رسنا رس چکھائیا۔ جوتی جوت سروُپ ہرِ، آپ اپنی کِرپا کر، ایکا دینا دُھر دا ور، خالی جھولی میری دینی بھرائیا۔ دھرنی کہے پربھوُ میَں منگتی ہوئی نِمانی، نِردھن تیرے اَگے واسطہ پائیا۔ تُوں بخشنہارا پد نِربانی، نِروَیر پُرکھ تیری وڈیائیا۔ میرے اُتوں جھگڑا میٹ دے چارے کھانی، چاروں کُنٹ ہو سہائیا۔ جیِو جنت تک لےَ اپنے پرانی، پران ادھاری ویکھ وکھائیا۔ اپنی آتما سب دے اندر کر لےَ سُگھڑ سیانی، سُچجیّ لےَ بنائیا۔ تُوں مالک شہنشاہ سُلطانی، پاتشاہ اگمّ اتھاہیِا۔ میری بیننتی اِکو مانیِں، منسا تیرے اَگے ٹِکائیا۔ کلجُگ کوُڑ کِریا میٹ ابِھمانی، ممتا موہ دینی گوائیا۔ چار ورن اٹھاراں برن اِکو نام دینا نِدھانی، گُنونتے تیرا ڈھولا گائیا۔ ساچا بخشنا چرن دھیانی، چرنودک دُھر دا دینا پیائیا۔ جوتی جوت سروُپ ہرِ، آپ اپنی کِرپا کر، ایکا دینا ساچا ور، نِہکلنک نرائن نر، مہاراج شیرسِنگھ وِشنوُں بھگوان، جن بھگتاں منزل کر آسانی، اِحسان سِر نہ کوئے رکھائیا۔

۱۶ بھادروں شہنشاہی سمت نؤ پِنڈ گھل کلاں ضِلع فریِدکوٹ گُرتیج سِنگھ دے گرِہ

دھرنی کہے میرے شہنشاہ سُلطانی، شاہ پاتشاہ دُھردرگاہیِا۔ میَں کوجھی کملی بُدھ ہیِن نِمانی، در ٹھانڈے سیِس نِوائیا۔ تُوں آد پُرکھ اپرمپر سوامی جان جانی، دو جہاناں مالک اگمّ اتھاہیِا۔ میَں تیرے چرن کوَل کراں دھیانی، دھرت ہو کے سیِس نِوائیا۔ میری اِک بیننتی حق محبوُبا اوُچ عروُجا مانی، منسا تیرے اَگے رکھائیا۔ نِگاہ مار لےَ اپنی جیرج والی کھانی، نوَ نؤ کھوج کھوجائیا۔ سچ تک لےَ دھرم دھار دی بانی، بھیوَ ابھیدا اپنے وِچوں پرگٹائیا۔ امرت دھار ویکھ لےَ اپنا نِجھر دھار دا پانی، بوُند سوانتی نال مِلائیا۔ میری حق حقیِقت والی سُن لےَ کتھا کہانی، بِن کتھنی دیاں جنائیا۔ جوتی جوت سروُپ ہرِ، آپ اپنی کِرپا کر، ایکا دینا ساچا ہرِ، دیونہار تیری بےپرواہیِا۔

دھرنی کہے پربھوُ میَں در تیرے تے پُجی، پوُجن یوگ تیری سرنائیا۔ میری بیننتی سُن لےَ گُجھی، بِن رسنا جِہوا دیاں دِرڑائیا۔ میری دیِن دُنی والی نہیں بُدھی، عقل عاقلاں والی نہ کوئے رکھائیا۔ میَں مِٹّی خاک نِمانی بسُدھی، بےسُدھ ہو کے سیِس نوائیا۔ میری آشا کر دے اُگھی، اُگن آتھن دے وڈیائیا۔ تُوں لیکھا جاننہار جُگ جُگی، جُگ چؤکڑی چلن تیری رضائیا۔ چاروں کُنٹ تک لےَ کلجُگ کوُڑی کِریا پِھردی کُدی، قدیِم دے مالک دھیان لگائیا۔ رس رہیا نہ امرت دھار سیِر دُدھی، بھگت جنمے کوئے نہ مائیا۔ میَں کوٹن کوٹ جُگ بِن تن وجوُد توں ہو گئی بُڈھی، بُڈھیپا کلجُگ دِتا وکھائیا۔ تُوں میری رمز محبوُبا نؤجوانا مرد مردانہ بِنا رمز توں بُجھی، اِشارہ سیَنت نظر کوئے نہ آئیا۔ جوتی جوت سروُپ ہرِ، آپ اپنی کِرپا کر، ایکا دینا ساچا ور، سچ نام دینا ورتائیا۔ دھرنی کہے پربھوُ میری حالت جگت ہو گئی بُری، سُدھ رہن کوئے نہ پائیا۔ چاروں کُنٹ شرع دی چُھری، قاتل مقتُول روُپ وٹائیا۔ سَت دھرم دی نئیا جاندی رُڑھی، اَگے ہو نہ کوئے اٹکائیا۔ تیری سرِشٹی درِشٹی وِچ سُتی نیِند گوُڑھی، نیَن سکے نہ کوئے کُھلائیا۔ آتم پرماتم سُرتی دِسے کِسے نہ جُڑی، شبدی سنگ نہ کوئے نِبھائیا۔ تیرے پیار دی وست کایا مندر اندر تُھڑی، دھرم دی دھار نہ کوئے ورتائیا۔ میرے پُرکھ اکالے دیِن دَیالے میرے گھر سوامی مُڑیِں، آپ اپنا پھیرا پائیا۔ جوتی جوت سروُپ ہرِ، آپ اپنی کِرپا کر، ایکا دینا ساچا ور، در ساچے سیِس نِوائیا۔ پُرکھ اکال کہے دھرنی دھرم کماواں گا۔ سو پُرکھ نِرنجن ہو کے کھیل کھِلاواں گا۔ ہرِ پُرکھ نِرنجن ہو کے روُپ پرگٹاواں گا۔ ایکنکار ہو کے ایکا ایک ڈنک وجاواں گا۔ آد نِرنجن بخش کے ٹیک، جوتی جاتا ڈگمگاواں گا۔ ابناشی کرتا ہو کے لَواں ویکھ، بِن نیَناں نیَن چمکاواں گا۔ سِری بھگوان ہو کے تیرا سُہاواں دیس، ساچی کرنی کار کماواں گا۔ پاربرہم ہو کے دیواں سندیس، ڈھولا اپنا ناد جناواں گا۔ سَتگُر شبد ہو کے تیری مِٹاواں ریکھ، لیکھا اپنے ہتّھ رکھاواں گا۔ وِشن برہما شِو کر کے پیش، پیشیاں سب دیاں آپ بُھگتاواں گا۔ جو اوتار پَیغمبر گُروُآں دِتا سندیس، لیکھا سب دا نال مِلاواں گا۔ جو انت اَخیِری کہہ کے گیا دسمیش، دہ دِشا پردہ آپ چُکاواں گا۔ جھگڑا میٹ کے مُلّا شیخ، مسائکاں ڈیرہ ڈھاہواں گا۔ پَیغمبراں کر کے اپنی بھیٹ، دیِناں مذہباں پندھ مُکاواں گا۔ سَت دھرم دا بن کے کھیوٹ کھیٹ، نئیا نؤکا نام چلاواں گا۔ رتّ بسنتی تیری کر کے چیت، کوُڑی کِریا میٹ مِٹاواں گا۔ آتم پرماتم دسّ کے ہیت، پاربرہم برہم ساچا جوڑ جُڑاواں گا۔ درشن دے کے نیتن نیت،

نِج لوچن نیَن کُھلاواں گا۔ جوتی جوت سروُپ ہرِ، آپ اپنی کِرپا کر، کرے کھیل ساچا ہرِ، سچ کرنی کار کماواں گا۔ سچ کرنی کار کمائیگا۔ پربھ ابناشی کھیل کھِلائیگا۔ بھیوَ ابھیدا آپ کُھلائیگا۔ اچھل اچھیدا روُپ وٹائیگا۔ چارے ویداں پندھ مُکائیگا۔ پُران سِمرتیاں کھوج کُھجائیگا۔ رسنا جِہوا پردہ لاہیگا۔ کؤستک منیِا مستک لا کے تھیوا، تِھر گھر پردہ آپ اُٹھائیگا۔ تَینوُں دسّ کے اِکو نِہچل دھام نِہکیوا، استھل دوارا اِک سُہائیگا۔ نام انمُلڑا اگمّ تیری جھولی پا کے میوہ، اتوٹ اتُٹ آپ ورتائیگا۔ پُرکھ ابناشی گھٹ نِواسی نؤ سؤ چُرانوے چؤکڑی جُگ تیری لیکھےلاوے سیوا، سِر اپنا ہتّھ رکھائیگا۔ کِرپا نِدھان ٹھاکر ہو کے وڈ دیوی دیوا، دیوَ آتما میل مِلائیگا۔ جوتی جوت سروُپ ہرِ، آپ اپنی کِرپا کر، دیونہارا ساچا ور، تیرا لہنا دینا تیری جھولی پائیگا۔ دھرنی کہے میَں نِو نِو سیِس نِواواں گی۔ چرن دھوُڑی خاک رماواں گی۔ حاضر حضوُر درشن پاواں گی۔ موُسیٰ کوہ طوُر اُتوں اُٹھاواں گی۔ عیسیٰ جم کی پھاس کٹاواں گی۔ محمد چار یاری نال مِلاواں گی۔ تیئی اوتاراں خبر سُناواں گی۔ نانک گوبِند سیِس جھُکاواں گی۔ سَتگُر شبد اِک مناواں گی۔ بَیٹھ کے نال ادب، آداب وِچ واسطہ پاواں گی۔ جھگڑا میٹ دے دیِن مذہب، آتم پرماتم اِکو منگ منگاواں گی۔ تیرے دوار دا سب دا سانجھا ہووے قدم، گھر اِکو اِک وکھاواں گی۔ جوتی جوت سروُپ ہرِ، آپ اپنی کِرپا کر، ایکا دینا دُھر دا ور، در ٹھانڈے منگ منگاواں گی۔ دھرنی کہے میرے مالک اگمّ اگمّڑے، نِروَیر پُرکھ نوُر الاہیِا۔ لیکھے مِٹا دے کایا ماٹی چمڑے، چمّ درِشٹی اِشٹی ہو کے درِشٹی دے بدلائیا۔ کیتے جُگ چؤکڑی تیرے لنگھڑے، میرے اُتے پھیریِاں پائیا۔ کیتے تیرے نام وِکدے نال دمڑے، مایا ممتا ہٹّ مُکائیا۔ تُوں آ جا سچ سوامی اپنے سمبل دیس سمبڑے، سگلا سنگ بنائیا۔ کلجُگ جیِو نیترہیِن رہن نہ دیویں اندھڑے، نِج نیتر لوچن نیَن کر رُشنائیا۔ من وِکاری موُل دِسن نہ گندڑے، امرت رس دینا بھرائیا۔ بھاگ ہیِن رہن نہ مندڑے، سِر اپنا ہتّھ ٹِکائیا۔ اندروں کھول دے وجےّ جِندرے، زِندگی زِندگی وِچوں بدلائیا۔ بھاگ لگا دے کایا ماٹی پِنجرے، پنجاں تتاں دے وڈیائیا۔ ترِسنا رہے نہ کلپنا والی اندرے، اِندریِاں موُل دینا چُکائیا۔ جوتی جوت سروُپ ہرِ، آپ اپنی کِرپا کر، ایکا دینا دُھر دا ور، دیونہار تیری سرنائیا۔ دھرنی کہے پربھوُ دے دے نام نِدھانا، نِروَیر دَیا کمائیا۔ آتم برہم بخش گیانا، من مت دا ڈیرہ ڈھائیا۔ چرن کوَل تیرا ہووے دھیانا، دوُجا اِشٹ نہ کوئے منائیا۔ جن بھگتاں بنّھ نام دا اگمّی

گانا، تندَو تند اپنا آپ جنائیا۔ سَت سروُپی درس دِکھا دے دُھر دے کاہنا، رام راما روُپ درسائیا۔ تیرا نوُر ظہوُر تکاّں اِماما، عملاں توں رہت میرے نوُر الاہیِا۔ کلجُگ اندھیری میٹ دے شاما، شمع نوُر جوت کر رُشنائیا۔ تیرے نام دا ڈنکا وجےّ دمامہ، گوبِند شبد دھار سمجھائیا۔ تَینوُں نِو نِو کراں سلاما، سجدیاں وِچ سیِس جھُکائیا۔ جوتی جوت سروُپ ہرِ، آپ اپنی کِرپا کر، ایکا دینا دُھر دا ور، در تیرے آس رکھائیا۔ دھرنی کہے میَں آسا رکھی ایک، ایکنکار دینی وڈیائیا۔ سچ دوار بخشنی ٹیک، دوُجا روُپ نہ کوئے جنائیا۔ جن بھگتاں انتشکرن بُدھی کرنی بِبیک، دُرمت میَل رہے نہ رائیا۔ روُپ انوُپ درسؤنا نیتن نیت، نِج لوچن نیَن اکھّ کُھلائیا۔ تیرے جُگ چؤکڑی بیِتے کیت، کوٹن کوٹ پندھ مُکائیا۔ تُوں مالک سوامی بننا کھیوٹ کھیٹ، نئیا نؤکا اِک چلائیا۔ جن بھگت سُہیلے بناؤنے اپنے بیٹ، پِتا پُرکھ اکال گود اُٹھائیا۔ تیرے چرن کوَلاں وِچ جاواں لیٹ، دوُسر اوَر نہ کوئے سرنائیا۔ دھرنی کہے پربھوُ میَں نِو نِو کراں آدیس، جھُک جھُک لاگاں پائیا۔ میرے اُتوں میٹ کلیش، کل کلکی ہو سہائیا۔ سُہنجنا کر دے میرا نوَ ستّ دا دیس، چاروں کُنٹ وجےّ ودھائیا۔ در ٹھانڈے ہوئی پیش، پیشیِن گوئیاں نال لیائیا۔ جوتی جوت سروُپ ہرِ، آپ اپنی کِرپا کر، ایکا دینا دُھر دا ور، نِہکلنک نرائن نر، مہاراج شیرسِنگھ وِشنوُں بھگوان، تُوں آد جُگادی برہم برہمادی شبد انادی اِک نریش، نر نرائن سِری بھگوان، بھگوَن دوُجا نظر کوئے نہ آئیا۔

۱۷ بھادروں شہنشاہی سمت نؤ پِنڈ ڈگروُ ضِلع فریِدکوٹ دھنّا سِنگھ دے گرِہ

دھرنی کہے پربھوُ میَں تیری چرن دھوُڑ توں اُتری، اُتّر پوُرب پچھّم دکھّن بَیٹھی آسن لائیا۔ نِرگُن دھار نِروَیر تیری بن سپُتری، سدا سدا سد تیری سیو کمائیا۔ جُگ چؤکڑی تیرے چرن کوَلاں ہیٹھاں رہی سُتڑی، دِوس رَین سوبھا پائیا۔ سَتجُگ تریتا دواپرکلجُگ میری سُہاؤندا رِہوں رُتڑی، اوتار پَیغمبر گُر اپنا نام پرگٹائیا۔ کلجُگ انت صدی چؤدھویِں ہوئی دُکھڑی، نیتر رو رو ماراں دھاہیِا۔ میری جگت ترِسنا ہو گئی بُھکھڑی، بُھکھیاں ترِپت نہ کوئے کرائیا۔ دُرمت میَل دھو دے پیار دے مُکھڑی، پتتاں کر صفائیا۔ منسا ممتا میٹ دے کلپنا

والی رُکھڑی، اُلٹے بِرچھاں ہو سہائیا۔ کوٹاں وِچوں میرے اُتے تیرے بھگت دِسدے اِک مُٹھڑی، تھوڑے تھوڑیاں وِچوں نظری آئیا۔ میَں تیرے چرناں وِچ جھُکڑی، جھُک جھُک سیِس نِوائیا۔ سُناں آواز تیری اگمّی تُک دی، جو تُخم تاثیر رہیا بدلائیا۔ میرے اُتوں مانَس ویل جاندی سُکدی، امرت سِنچ ہری نہ کوئے کرائیا۔ میری ریکھ بدل دے جننی والی کُکھ دی، مِہربان مِہر نظر اُٹھائیا۔ میرے اُتے بُدھی پوِتر کر دے منُکھ دی، منُشاں دے سمجھائیا۔ میَں انت اَخیِر ایہو سُکھنا سُکھدی، سُکھ سَتگُر دینا ورتائیا۔ مِہربان نِمانی ہو کے پُچھدی، خالی جھولی اَگے ڈاہیِا۔ کیوں تیری آتم دھار تیرے نالوں رُسدی، وِچھوڑے وِچ اپنا آپ مِٹائیا۔ جوتی جوت سروُپ ہرِ، آپ اپنی کِرپا کر، ایکا دینا ساچا ور، سِر اپنا ہتّھ ٹِکائیا۔ دھرنی کہے پربھوُ میری سگلی میٹ دے چِندا، چِنتا غم رہن نہ پائیا۔ امرت بخش دے ساگر سِندھا، گہر گمبھیِر آپ ورتائیا۔ ہرِجن بنا لےَ اپنی بِندا، دوُسر روُپ نہ کوئے وکھائیا۔ تیری کرے کوئے نہ نِندا، نِندیا وِچ نہ ہوئے لوکائیا۔ اندروں بجر کپاٹی کھول دے جِندا، زِندگی زِندگی وِچوں بدلائیا۔ شہنشاہ بن بھوُپ بخشدِندا، پاربرہم ہو سہائیا۔ تُوں مِہربان میرا گُنی گہِندا، گہر گوَر اِک اکھوائیا۔ بھاگ لگا دے جیؤ پِنڈا، ساڈھے تِنّ ہتّھ دے وڈیائیا۔ جوتی جوت سروُپ ہرِ، آپ اپنی کِرپا کر، ایکا دینا ساچا ور، نِہکلنک نرائن نر، مہاراج شیرسِنگھ وِشنوُں بھگوان، کِرپا کر نؤجوان لہنا دینا پوُرا کر دے اِند اِندراسن اِندا، دیوت سُر تیری اوٹ تکائیا۔

۱۷ بھادروں شہنشاہی سمت نؤ پِنڈ ڈگروُ ضِلع فریِدکوٹ میلا سِنگھ دے گرِہ

دھرنی کہے میرے پُرکھ اکالا اوما، وِشن برہما شِو دے مالک تیری بےپرواہیِا۔ بہُڑی میرے وِچوں کلجُگ اگن دا نِکلن والا سوما، نوَ ستّ دئے جلائیا۔ خاک کرائے کلجُگ کوُڑی کِریا دی ہؤما، ہنگتا گڑھ دئے مِٹائیا۔ جو مسیح نے اِشارہ کیِتا نِگاہ مار کے ولّ روما، روُح بُت توں پرے اکھّ اُٹھائیا۔ جو محمد نے شرع والیِاں ونڈیاں قؤما، کلمیاں نال رنگ رنگائیا۔ اوہ کھیل ہون والا دوئم دوما، دو دھڑ ہووے لوکائیا۔ پُرکھ اکالے دیِن دَیالے تیرا سَتگُر شبد اندرے اندر سب دیاں کری جاندا چوناں، حِصّے حُکم نال سمجھائیا۔ میرے اُتے سب نوُں

پَینا رونا، دھیِرج دھیِر نہ کوئے دھرائیا۔ شاہ سُلطاناں کولوں راج بھاگ سب نے کھوہنا، حَیثیت نظر کوئے نہ آئیا۔ مانَس مانُکھ کلجُگ کوُڑی کِریا مات کوہنا، شرع بنے روُپ قصائیا۔ دُرمت داغ کِسے نہ دھونا، پاپاں کرے نہ کوئے صفائیا۔ امرت رس کِسے نہ چونا، اگنی تت نہ کوئے بُجھائیا۔ پِھرنی دروہی میرے کونا کونا، کنبے دیِن مذہب کُرلائیا۔ مان تان سب نے کھوہنا، سِر ہتّھ نہ کوئے ٹِکائیا۔ تیرا کھیل میرے پُرکھ اکالے ہونا انہونا، جِس دی چار جُگ دے شاستر سمجھ کوئے نہ پائیا۔ سچ سِنگھاسن ملِے کِسے نہ سؤنا، سُنّی سیج ہوئے لوکائیا۔ کلجُگ میرے اُتے جگت چار دِن دا پراہُنا، اپنا بَیٹھا پندھ مُکائیا۔ سَتجُگ ساچا پربھوُ میرے اُتے آؤنا، تیری کِرپا تیری اوٹ تکائیا۔ تُوں مِہربان سَت دھرم لگاؤنا سچ دینی وڈیائیا۔ کلجُگ کوُڑی جڑ اُکھڑاؤنا، دھرنی دھرت دھوَل دھؤل رہن نہ پائیا۔ پِچھلا لہنا دینا سرب مُکاؤنا، باقی ہتّھ نہ کوئے وکھائیا۔ تیرے حُکم نے نوَ ستّ اِکو لانبوُ لاؤنا، جگت تتو تت جلائیا۔ میَں تیرے در تے واسطہ پاؤنا، نِو نِو سیِس جھُکائیا۔ تُوں صاحِب سوامی سِر میرے ہتّھ ٹِکاؤنا، ٹِکاّ مستک دھوُڑی خاک رمائیا۔ کلجُگ انت سِری بھگوَنت جن بھگتاں اپنے نال مِلاؤنا، وِچھوڑے وِچ وِچھڑ کوئے نہ جائیا۔ آتم پرماتم رنگ رنگاؤنا، سُرت شبد وِچ سمائیا۔ در ٹھانڈا اِک وکھاؤنا، سچکھنڈ ساچے پردہ لاہیِا۔ امرت آتم جام پیاؤنا، جگت ترِسنا بُھکھ مِٹائیا۔ شبد انادی ناد سُناؤنا، دُھن آتمک راگ دِرڑائیا۔ انتم جوتی جوت مِلاؤنا، جوتی جوت وِچ سمائیا۔ جن بھگتاں لکھّ چؤراسی پندھ مُکاؤنا، آون جاون رہے نہ رائیا۔ جوتی جوت سروُپ ہرِ، آپ اپنی کِرپا کر، ایکا دینا ساچا ور، نِہکلنک نرائن نر، مہاراج شیرسِنگھ وِشنوُں بھگوان، میرا گھر گرِہ اِک سُہاؤنا، بھوُمکا دینی وڈیائیا۔

۱۷ بھادروں شہنشاہی سمت نؤ پِنڈ ڈگروُ ضِلع فریِدکوٹ سیِتل سِنگھ دے گرِہ

دھرنی کہے اوتار پَیغمبر گُر میرے مستک لاؤ چرن دھوُڑی، ٹِکاّ دو جہان سِری بھگوان دیاں وکھائیا۔ انتشکرن سرِشٹی درِشٹی اندر ویکھیو کائنات کوُڑی، کوُڑ کُٹمب چاروں کُنٹ دھیان لگائیا۔ مانَس مانَو مانُکھ من مت ویکھو موُڑھی، مُگدھاں کھوج کھوجائیا۔ درشن دیوو حاضر حضوُری، نِو نِو لاگاں پائیا۔ میری جھولی پاوو چار جُگ دی مزدوُری، جُگ جُگ ساچی سیو کمائیا۔ میَں جلوہ

تکاّں پرکاش اگمّا نوُری، نوُر نوُرانہ دیؤ چمکائیا۔ میری انت ویکھو مات لوک مجبوُری، دھوَل ہو کے رہی سُنائیا۔ ساچا تِلک للاٹی مستک لگّے نہ کوئے سندھوُری، سندھیا سرگھی نہ کوئے وڈیائیا۔ جدھر تکاّں ہر ہِردے دِسے مغروُری، ہِردے ہرِ نہ کوئے وسائیا۔ کِسے نظر نہ آئے نِشانہ کوہ طوُری، تُریا توں باہر بھیوَ نہ کوئے کُھلائیا۔ نام مستی دیوے نہ کوئے سروُری، سُرت شبد نہ کوئے مِلائیا۔ جوتی جوت سروُپ ہرِ، آپ اپنی کِرپا کر، دیونہارا ساچا ور، جُگ جُگ اپنا حُکم ورتائیا۔ دھرنی کہے اوتار پَیغمبر گُروُ میرے اُتے مارو دھیان، بِن نیَناں نیَن اُٹھائیا۔ میرا گھرانہ ہویا سُنّج مسان، پوَن پانی سارے رہے کُرلائیا۔ آتم انتر نِرنتر کِسے نہ ملِے برہم گیان، پاربرہم میل نہ کوئے مِلائیا۔ دُھن آتمک شبد سُنے نہ کوئے دُھنکان، انراگی راگ نہ کوئے دِرڑائیا۔ امرت رس نِجھر جھِرنا بوُند سوانتی کِسے ملِے نہ پیِن کھان، نابھی کَول نہ کوئے اُلٹائیا۔ میَں صدی چؤدھویِں ہوئی حَیران، حَیرانی وِچ روواں ماراں دھاہیِا۔ میری بیننتی کرو پروان، پرم پُرکھ دا واسطہ پائیا۔ تُسیں یودھے سوُربیِر نؤجوان، مرد مردان اِک اکھوائیا۔ اپنے بھتّھے ویکھو شبد کھنڈے تیِر کمان، چِلّیاں ہتّھ اُٹھائیا۔ میرے اُتوں کوُڑ دی میٹو دُکان، کوُڑی کِریا کرو صفائیا۔ سَت دھرم دا اِکو جھُلے نِشان، نؤ کھنڈ پرِتھمی وجےّ ودھائیا۔ تُوں میرا میَں تیرا ساری دُنیا گاوے گان، آتم پرماتم راگ الائیا۔ اِکو مندر سوہے مکان، در دربارا اِکو نظری آئیا۔ اِکو اِشٹ ہووے بھگوان، دوُسر سیِس نہ کوئے جھُکائیا۔ جوتی جوت سروُپ ہرِ، آپ اپنی کِرپا کر، دیونہارا دُھر دا ور، سد لیکھا سب دا پوُر کرائیا۔ دھرنی کہے گُر اوتار پَیغمبر نِگاہ مارو جلدی، آپ اپنا پندھ مُکائیا۔ میری اگن بُجھاوو بلدی، بلی دیِن دُنی نہ کوئے چڑھائیا۔ ویکھو کھیل کلا ورتدی کلجُگ کل دی، کل کاتی ہوئی خلق خُدائیا۔ سار پاؤنی جل تھل دی، مہیئل پردہ دینا اُٹھائیا۔ کِسے نوُں خبر نہیں گھڑی پل دی، کی پربھوُ اپنا حُکم ورتائیا۔ جگت شرع میَنوُں دِن رات سلّ دی، تِکھی دھار رہی چلائیا۔ میَنوُں آسا یاد آؤندی راجے بل دی، باوَن ڈھائی کرماں وِچ میرا لیکھا گیا مُکائیا۔ جوتی جوت سروُپ ہرِ، آپ اپنی کِرپا کر، کرے کھیل دُھر دا ہرِ، دُھر مالک اگمّ اتھاہیِا۔ گُر اوتار پَیغمبر ویکھو کلجُگ انت کنارہ، نئیا نؤکا دھیان لگائیا۔ سَت بِن ملِے نہ کوئے سہارا، کوُڑ کُڑیارا بَیٹھا ڈیرہ لائیا۔ ایکا دیؤ وَنجھ مُہانا، دو جہاناں چپوُ نال مِلائیا۔ لیکھا چُکے جیِو جہاناں، جاگرت جوت کرو رُشنائیا۔ میرے اُتے ورتن والا بھانا، بھاوی میَنوُں رہی ڈرائیا۔ جوتی جوت سروُپ ہرِ، آپ اپنی کِرپا کر، دیونہارا

دُھر دا ور، نِہکلنک نرائن نر، مہاراج شیرسِنگھ وِشنوُں بھگوان، آد جُگادی برہم برہمادی شبد انادی شاہ سُلطانا شہنشاہ اِکو اِک ایکنکار اپنا حُکم ورتائیا۔

۱۷ بھادروں شہنشاہی سمت نؤ پِنڈ فِروزشاہ ضِلع فِروزپُر سمپوُرن سِنگھ دے گرِہ

دھرنی کہے کلجُگ پربھوُ میَنوُں ماردا ہاکاں، چاروں کُنٹ کوُک کوُک سُنائیا۔ دھرنی اپنا کھول کے رکھنا تاکا، کُنڈا کھِڑکی دھرم بند نہ کوئے کرائیا۔ میَں پربھوُ دا چؤتھا جُگ لاڈلا کاکا، ننھا بچّہ سوبھا پائیا۔ میَں تیرے اُتے سَت سچ نوُں مارنا ڈاکا، لُٹیرا ہو کے لُٹنا تھاؤں تھائنیا۔ میری مدد کرے دُھر دا اگمّی آقا، عقل بُدھی والا سمجھ کوئے نہ پائیا۔ میَں نؤ کھنڈ پرِتھمی دینا جھاکا، ستّاں دیِپاں حُکم سُنائیا۔ صدی چؤدھویِں میرا انتم سمجھے کوئے نہ خاکہ، کی کلجُگ اپنی کار کمائیا۔ بھیوَ ابھیدا باطن سمجھے کوئے نہ باتا، پردہ پردیاں وِچوں اُٹھائیا۔ میرے محبوُب اُچ عروُج میرے نال اپنا جوڑیا ناتا، چرن سرن دِتی وڈیائیا۔ میرا مالک سوامی اِکو اِک بِدھاتا، جو بِدھنا دے لِکھے لیکھ دئے مِٹائیا۔ اوہ ویکھنہارا چؤداں طبق چؤداں لوک جانے خُلاصہ، چؤداں وِدیا بھیوَ رہے نہ رائیا۔ جوتی جوت سروُپ ہرِ، آپ اپنی کِرپا کر، دیونہارا ساچا ور، سچ دا مالک اِک اکھوائیا۔ کلجُگ کہے دھرنی ہو جانا ہوشیار، خبرداری نال دِرڑائیا۔ دُھر دا حُکم سُن لےَ سماچار، سمیں سمیں وِچوں دِرڑائیا۔ کی کھیل کرے پروردِگار، سانجھا یار نوُر الاہیِا۔ جِس اوتاراں پوُرا کرنا اُدھار، لہنے سب دے جھولی پائیا۔ پَیغمبراں لیکھے رہیا وِچار، وِچرن دی لوڑ رہے نہ رائیا۔ گُروُآں سندیسہ دیوے اپنی دھار، دھرنی دھرت دھوَل دھؤل جنائیا۔ چاروں کُنٹ تیرے اُتے ہونا اندھیار، نوُری چند نہ کوئے چمکائیا۔ ناتا تُٹنا میِت مُرار، ساک سیَن نظر کوئے نہ آئیا۔ نؤ کھنڈ پرِتھمی ہونا دھوُاں دھار، سچ چند نہ کوئے چمکائیا۔ جگت وِچھوڑا دِسے میِت مُرار، پُرکھ ابناشی مِلن کوئے نہ پائیا۔ کلجُگ کہے میَں دُھر دے حُکم نال رہیا للکار، اُچی کوُک کوُک سُنائیا۔ جوتی جوت سروُپ ہرِ، آپ اپنی کِرپا کر، دیونہارا ساچا ور، نِہکلنک نرائن نر، مہاراج شیرسِنگھ وِشنوُں بھگوان، کرے کرائے کرنیہار، کرتا پُرکھ اگمّ اتھاہیِا۔

۱۷ بھادروں شہنشاہی سمت نؤ پِنڈ فِروزشاہ ضِلع فِروزپُر سُندر سِنگھ دے گرِہ

کلجُگ کہے دھرنی اُٹھ ویکھ لےَ میرا بل، بلدھاری اِکو نظری آئیا۔ جِس کوُڑ کپٹ ودھایا چھل، چاروں کُنٹ لئی انگڑائیا۔ پوِتر رہن دتا نہیں کوئی جل، اٹھسٹھ تیِرتھ روون مارن تھاہیِنا۔ مندر مسجد شِودوالے مٹھ پریم دا وجےّ کوئے نہ ٹلّ، جگت ٹلّیِاں سارے رہے کھڑکائیا۔ کوُڑ سِنگھاسن میَں ہر گھٹ اندر لیا ملّ، سَت سچ رہن کوئے نہ پائیا۔ دیِن دُنی اپنی سُٹی ڈوُنگھی ڈلّ، باہر سکے نہ کوئے کڈھائیا۔ پھل رہن نہیں دتا مانَس ٹہنی کلجُگ انتم کل، کل کلیش دتا وکھائیا۔ تیرا مسلہ کوئی کر سکے نہ حل، لہنا پوُر نہ کوئے کرائیا۔ جوتی جوت سروُپ ہرِ، آپ اپنی کِرپا کر، دیونہارا دُھر دا ور، سِر میرے ہتّھ رکھائیا۔ کلجُگ کہے دھرنی میرا کھیل ویکھ جہان، جہالت وِچ لوکائیا۔ میَں سوُربیِر بلوان، بلدھاری اِکو نظری آئیا۔ میرا حُکم چلے شیَطان، نؤ کھنڈ پرِتھمی بھجےّ واہو داہیِا۔ ثابت رہن دتا نہیں کِسے دھرم اِیمان، حق وِچ نہ کوئے سمائیا۔ مان رہیا نہیں کوئی اِنجیِل قرآن، آیت شریِعت بَیٹھی مُکھ چُھپائیا۔ میرا اپرادھ ہویا پردھان، چاروں کُنٹ بھجےّ واہو داہیِا۔ میَں دیِن دُنی دا بدل دِتا وِدھان، نام کلمے چلے نہ کوئے چتُرائیا۔ ناتا رہیا نہیں کِسے اِنسان، مُحبّت وِچ نہ کوئے سمائیا۔ کیِتا وِچھوڑا گوپیاں کاہن، منڈل راس نہ کوئے رچائیا۔ شبد سُنے نہ کوئے دُھنکان، امرت رس نہ کوئے چکھائیا۔ چاروں کُنٹ کوُڑ نِشان، کوُڑی کِریا نال جھُلائیا۔ راج راجان شاہ سُلطان کِیتے بے اِیمان، عدل اِنصاف نہ کوئے کمائیا۔ میَں سوُربیِر جودھا بلوان، بلدھاری اِکو نظری آئیا۔ میَں دسّدا نال اِیمان، سَت سچ دیاں سُنائیا۔ صدی چؤدھویِں سب نوُں کرنا ویَران، وَیری گھر گھر دینے بنائیا۔ میرا خوشیاں والا چؤداں لوک ہووے تمام، چؤداں لوک نال مِلائیا۔ جوتی جوت سروُپ ہرِ، آپ اپنی کِرپا کر، ایکا دیوے ساچا ور، نِہکلنک نرائن نر، مہاراج شیر سِنگھ وِشنوُں بھگوان، آد جُگادی سب دا جانی جان، جاننہار اِک اکھوائیا۔

۱۷ بھادروں شہنشاہی سمت نؤ پِنڈ بستی خلیِل ضِلع فِروزپُر ارجن سِنگھ دے گرِہ

دھرنی کہے پربھوُ میَں تیرے در دی باندی، بندگیِاں والیاں بندنا وِچ سیِس نِوائیا۔ آد جُگاد جُگ چؤکڑی تیرا ڈھولا گاؤندی، نام نِدھانا سِری بھگوانا اِکو اِک جنائیا۔ میری آشا منسا خواہش تمنّا بھری رہے چاواں دی، چاؤ گھنیرا اِکو اِک درسائیا۔ تُوں میَنوُں وڈیائی دِتی دھرنی والی ماں دی، ممتا جگت والی نال رلائیا۔ میری دُہائی میرے اُتے کلجُگ جیِواں بُدھی ہوئی کاں دی، گُرمُکھ ہنس نظر کوئے نہ آئیا۔ شرع بن گئی سوُر گاں دی، صاحِب سَتگُر تیرا بھیوَ کوئے نہ آئیا۔ تُوں عدالت کر میرے اُتے نیاں دی، عدل اِک وکھائیا۔ جوتی جوت سروُپ ہرِ، آپ اپنی کِرپا کر، ایکا دینا ساچا ور، سچ تیری اوٹ تکائیا۔ دھرنی کہے پربھوُ میرے اُتے آشا تک لےَ بُریاں، بُریاراں کھوج کھوجائیا۔ لیکھا جان لےَ اپنیِاں پُریِاں، پوُرن سَتگُر کھوج کھوجائیا۔ میریِاں وِنگیاں ٹیڈھیاں ہوئیاں دُھریاں، دُھر مالک دیاں دِرڑائیا۔ لوکاں پرلوکاں جُڑدیاں جاندیِاں پُریِاں، منڈل منڈپ ویکھن تھاؤں تھائنیا۔ میرے اُتے جگت جگیاسوُآں روُحاں ہوئیاں نِگُریاں، سَتگُر شبد نہ کوئے مِلائیا۔ کوُڑ کُڑیارے مارگ جاندیاں تُریا، بھجّن واہو داہیِا۔ میرے سیِنے اُتے شرع والیِاں چلن چُھریِاں، شہنشاہ کی تیری بےپرواہیِا۔ جوتی جوت سروُپ ہرِ، آپ اپنی کِرپا کر، دیونہار تیرے ہتّھ وڈیائیا۔ دھرنی کہے پربھوُ میرا تک لےَ انتشکرن حقیِقی، حقیِقت دے مالک کھوج کھوجائیا۔ بِن سوُریہ چند ہوئی تاریِکی، اندھ اندھیر نہ کوئے مِٹائیا۔ دیِن دُنی ہوئی شریِکی، لاشریِک تیرا بھیوَ کوئے نہ پائیا۔ تیرے وِچ حق توفیِقی، تُوں طاقتور نوُر الاہیِا۔ مانَو جاتی بدل دے نیِتی، نیِتیوان اپنی دَیا کمائیا۔ آتم پرماتم بخش پریِتی، پریِتم ہو کے مِلنا چائیں چائنیا۔ تُوں میرا میَں تیرا سارے گاون گیِتی، گوبِند ڈھولا اگمّ اتھاہیِا۔ جھگڑا رہے نہ مندر مسیِتی، کعبہ اِکو اِک وکھائیا۔ جِتھے نِرگُن دھار جوت اتیِتی، ترےَبھوَن دھنی پردہ دینا اُٹھائیا۔ میری آشا منسا کرنی ٹھانڈی سیِتی، اگنی تت بُجھائیا۔ میرے مِہربانا سِری بھگوانا میرا پِچھلا لیکھا مُکا تواریخی، تریِک تواریخ اپنی اِک سمجھائیا۔ در ٹھانڈھے منگوائی بھیکھی، بِھکھک ہو کے جھولی ڈاہیِا۔ جوتی جوت سروُپ ہرِ، آپ اپنی کِرپا کر، ایکا دینا دُھر دا ور، دُھر مالک ہونا آپ سہائیا۔ دھرنی کہے میرے سَتگُر پُرکھ اکالے سجّن، میِت پیارے دینی وڈیائیا۔ تیرے چرن دھوُڑ کراں مجن، دُرمت میَل رہے نہ رائیا۔ تُوں دیِن دَیال سدا دُکھ بھنجن، بھوَ ساگر پار دینا کرائیا۔

جن بھگتاں نیتر پاؤنا نام انجن، اندھ اندھیر گوائیا۔ تُوں سَت سچ دا کر پربندھن، حُکم اپنا اِک ورتائیا۔ کوُڑ کُڑیار توڑ دے بندھن، پھند نظر کوئے نہ آئیا۔ سچ پیار دا مستک دھوُڑ لا دے چندن، ممتا موہ مِٹائیا۔ مِتر سُہیلے لا کے اپنے انگن، انگیکار آپ ہو جائیا۔ گُرمُکھ گُرسِکھ چاڑھ دے رنگن، رنگت اِکو اِک جنائیا۔ در ٹھانڈے آئی منگن، مانگت ہو کے جھولی ڈاہیِا۔ ہرِجن مانَس جنم نہ ہووے بھنگن، میل مِلاؤنا سہج سُبھائیا۔ نِج آتم دینا انندن، انند انند وِچوں پرگٹائیا۔ دُئی دوَیتی ڈھاہ دے کندھن، بھرم دینا مِٹائیا۔ تُوں میرا میَں تیرا دسّ کے چھندن، ہؤمے ہنگتا گڑھ تُڑائیا۔ سُرت شبد لگا کے لگن، لگ ماتر دا ڈیرہ ڈھاہیِا۔ سچ دوار ایکنکار ایکا لاؤنا سگن، سَت سچ کرنی آپ کُڑمائیا۔ تیری ہستی وِچ تیری مستی نال ہووے مگن، دوُسر اوٹ نہ کوئے تکائیا۔ میری بیننتی منظور کریں بندن، بندگی وِچ سیِس نِوائیا۔ تُوں مالک برہم دھار برہمنڈن، برہمانڈ تیری سرنائیا۔ جن بھگتاں پندھ مُکاؤنا جیرج انڈن، اُتبُھج سیتج سنگ نہ کوئے رکھائیا۔ تُوں صاحِب سَتگُر سوُرا سربنگن، پُرکھ اکالا اِک اکھوائیا۔ جوتی جوت سروُپ ہرِ، آپ اپنی کِرپا کر، ایکا دینا ساچا ور، نِہکلنک نرائن نر، مہاراج شیرسِنگھ وِشنوُں بھگوان، تیرا کھیل سدا سد وربھنڈن، وِچ برہمنڈن برہم دے مالک پاربرہم ہونا آپ سہائیا۔

۱۸ بھادروں شہنشاہی سمت نؤ فِروزپُر چھاؤنی رام سِنگھ دے گرِہ گوال ٹولی مکان نن ۳۸۶

دھرنی کہے دو جہان سُنو میرے اگمّی ویِرو، وارتا اپنی انتشکرن جنائیا۔ دھیِرج دھیان نال تکّو میرے اُتے دھیِرو، دھرم دی دھرم نال سُنائیا۔ نِگاہ مارو تُسیں اوتار پَیغمبر پیِرو، پرا پسنتی مدھم بَیکھری توں باہر دھیان لگائیا۔ گُروُ گُردیو ویکھو دُھر دے ہیِرو، ہر گھٹ اندر کھوج کھوجائیا۔ سمُند ساگر نِگاہ مارو نیِرو، نر نرائن کی حُکم ورتائیا۔ میرے پریمیو جُگ جُگ دے حامیو میرے سیِس توں لتّھا جانو چیِرو، چِری وِچھُنیاں میل نہ کوئے مِلائیا۔ بھگت سُہیلیو جگت اکیلیو ہووو نہ موُل دِلگیِرو، چِنتا غم نہ کوئے رکھائیا۔ میرے اُتے قیِمت

پےَ گئی رَویِداس والے کسیِرو، چکّرورتیِاں بھیوَ نہ آیا رائیا۔ ہرِجن اپنے پوِتر کرو ضمیرِو، زِمیں زما ہو کے دیاں جنائیا۔ چار جُگ دی دھرم دھار میرے اُتے مذہباں والی ویکھو لکیِرو، نِگاہ نِگاہ نال مِلائیا۔ جِس دا لیکھا کھنڈیاں نال شمشیِرو، تیِر کماناں ترکشاں نال سُہائیا۔ سو وقت سُہنجنا سب نے ویکھنی اپنی تقدیِرو، تدبیِر پربھ دی نال مِلائیا۔ میَنوُں اِیوں جاپدا میرے اُتے سب نے بٹا ہونا زیِرو ، زیر زبر نظر کوئے نہ آئیا۔ اوہ ویکھو اِشارہ دیندا بھگت کبیِرو، قبراں توں باہر سُنائیا۔ دھرنیئے مرنیئے پُرکھ اکالا دیِن دَیالا جوتی دھار ایکنکار پروردِگار سانجھا یار گھتی آئے وہیِرو، رہبر نوُر نوُرانہ نؤجوانا مرد مردانہ سِری بھگوانا بےپرواہیِا۔ جوتی جوت سروُپ ہرِ، آپ اپنی کِرپا کر، ایکا دینا ساچا ور، سچ دا بھیوَ آپ کُھلائیا۔ دھرنی کہے میرے سَتگُر شبد سُلطانا، شہنشاہ تیری اوٹ تکائیا۔ میَں بِن نیَناں نیَن کراں دھیانا، بِن اکھّیِاں اکھّ اُٹھائیا۔ تُوں والی دو جہاناں دوہری اپنی کھیل کھِلائیا۔ جُگ جُگ نِرگُن سرگُن پہرے بانا، اوتار پَیغمبر گُروُ گُردیو تیرا روُپ اگمّ اتھاہیِا۔ انت کنت بھگوَنت میرے اُتے ویکھ کلجُگ اندھیری شاما، شام گھنئیا رام رمئیا میری سار کوئے نہ پائیا۔ پَیغمبراں حق سُنے نہ کوئے دمامہ، نؤبت نام نہ کوئے جنائیا۔ میرا لہنا دینا پوُرا کر دے میَں اِکو منگ منگاؤنا، مانگت ہو کے جھولی ڈاہیِا۔ سو پُرکھ نِرنجن ہو مِہربانا، ہرِ پُرکھ نِرنجن لےَ انگڑائیا۔ ایکنکار بخش دے مانا، آد نِرنجن تیری سرنائیا۔ ابناشی کرتے دے دے دانا، سِری بھگوان جھولی دے بھرائیا۔ پاربرہم میرے اُتے ہو پردھانا، پردھانگی اِکو دے وکھائیا۔ تیرے سَتگُر شبد دا ہوئے ترانہ، تُریا توں باہر کر پڑھائیا۔ مانَو ذاتی آتم دے برہم گیانا، پاربرہم پربھ اپنا بھیوَ کُھلائیا۔ امرت رس نِجھر جھِرنا بوُند سوانتی بخش دے پیِنا کھانا، جگت ترِسنا دینی مِٹائیا۔ دُھن آتمک راگ تیرا سُنن سارے انادی گانا، انادی ناد دُھن کر شنوائیا۔ نؤ کھنڈ پرِتھمی ستّ دیِپ تیرا اِکو اِشٹ مناؤنا، پُرکھ اکالے دیِن دَیالے دوُجی اوٹ نہ کوئے رکھائیا۔ چار ورن اٹھاراں برن منّن تیرا بھانا، دیِن مذہب سِر سکے نہ کوئے اُٹھائیا۔ تُوں شاہو بھوُپ سُلطانا میرے اُتے اِکو ہوویں رانا، رعیت لکھ چؤراسی سوبھا پائیا۔ تیرا اِکو گُروُدوارا مندر ہووے مکانا، کعبہ اِکو اِک سُہائیا۔ تیرا دھرم دا دھرم ہووے نِشانہ، نؤ ستّ وجےّ ودھائیا۔ دھرنی کہے میرے اُتے مانَس مانَو مانُش پربھوُ ہووے نہ کوئی بیگانہ، دُئی دوَیت دا ڈیرہ دینا ڈھاہیِا۔ جوتی جوت سروُپ ہرِ، آپ اپنی کِرپا کر، ایکا دینا ساچا ور، مانگت ہو کے در ساچی منگ منگائیا۔ دھرنی کہے پربھوُ میَں

کلجُگ روندی کُرلاؤندی، میرا کُرہ دئے دُہائیا۔ میَں جُگ چؤکڑی تھکی ماندی، دِوس رَین بھجّاں واہو داہیِا۔ میَں سَتجُگ تریتا دواپرتیریاں اوتاراں پَیغمبراں گُروُآں صوُفیاں دا بھار رہی اُٹھاؤندی، ہرِجن اپنے سیِنے اُتے ٹِکائیا۔ اوہناں دے چرناں دی دھوُڑی نال اپنی دُرمت میَل رہی گواؤندی، میرے پاپاں ہُندی رہی صفائیا۔ تیرے نام دا رس بھوجن انرسیئے رہی کھاندی، امرت نال اپنی ترِکھا بُجھائیا۔ میَں در درویشن بِھکھارن تیری باندی، جُگ جُگ سیو کمائیا۔ کلجُگ انت میرے اُتے چاروں کُنٹ کوُڑ دی جھُلے آندھی، پوَن ٹھنڈی نہ کوئے وکھائیا۔ میرے سیِس دی کُھلی مینڈھی، بھاگ والی رہی نہ انت پراندی، پران ادھاری تیرے اَگے واسطہ پائیا۔ تیرے حُکم نال دیِن دُنی کھاندی ہڈّ ماس ناڑی والی ڈھانڈی، سوُراں کھلّ لُہائیا۔ جوتی جوت سروُپ ہرِ، آپ اپنی کِرپا کر، ایکا دینا ساچا ور، سچ تیری سرنائیا۔ دھرنی کہے پربھوُ میَں کی دسّاں اپنی دلیِل، دلیِلاں والے کوٹن کوٹ تَینوُں رہے سُنائیا۔ میری بِنا آشا توں اِکو اِک دلیِل، دِلبر دِلدار دیاں دِرڑائیا۔ جِس دی دو جہان پِھر ہووے نہ کدے اپیِل، حُکم حُکم وِچوں نہ کوئے بدلائیا۔ جے تُوں میرا مالک نؤجوانا چَھیل چھبیِل، نؤجوانا اِک اکھوائیا۔ میرا مارگ تک مہیِن، جگ نیتر نظر کِسے نہ آئیا۔ کیوں آتم پرماتم رہی نہیں تیرے اَدھیِن، کلجُگ کوُڑ کُڑیار اپنا زور ودھائیا۔ کیوں سَت دھرم کلجُگ ہوشیارے لیا چھیِن، دھرم دوارے سارے رہے کُرلائیا۔ کیوں ہؤمے ہنگتا ہنکاری وجےّ بیِن، تیرے نام نِدھان دی دُھن سُنن کوئے نہ پائیا۔ دھرنی کہے میرے مالک آمیِن، یامبیِن تیری اوٹ تکائیا۔ میری دروہی میری بیننتی کریں تسلیِم، تسبیِاں منکیاں والا میرے اُتے پاک پوِت نظر کوئے نہ آئیا۔ چار جُگ دے گرنتھاں شاستراں دی جگیاسوُآں تیری بُھلی تعلیِم، ہِردے ہرِ سکے نہ کوئے وسائیا۔ میَں چاہُندی میرے اُتوں دیِناں مذہباں دی میٹ دے تقسیِم، تصوّر اِکو اِک اپنا آپ کرائیا۔ تُوں مالک خالق آد جُگاد شہنشاہ رحیِم ، رحمان تیری وڈ وڈیائیا۔ جوتی جوت سروُپ ہرِ، آپ اپنی کِرپا کر، میَں بیننتی کراں مِٹّی خاک زمیِن، جِس دی قیِمت نظر کوئے نہ آئیا۔ دھرنی کہے میرے سوُرے سربگے، شہنشاہ تیری سرنائیا۔ تیرا نوُر نوُرانہ دیِپک اِکو جوت جگے، آد جُگاد کرے رُشنائیا۔ تُوں شاہ سوارا نِرگُن دھار شبد سروُپی اَسو بگّے، لگاماں اپنے ہتّھ رکھائیا۔ کوٹن برہمنڈ کھنڈ تیرے چرناں ہیٹھ دبےّ، الکھ الکھنے تیرا انت کوئے نہ پائیا۔ میَں تَینوُں دیواں سدّے، صدقے واری گھول گھُمائیا۔ میرے مالکا خلق دے خالقا نِرگُن دھار آؤنا بھجےّ، بِن قدماں قدم

اُٹھائیا۔ دروہی میَنوُں پُچھنی کوئی نہ وجہے، وجوُہات آپے ویکھ وکھائیا۔ میَنوُں اِیوں دِسدا تیری سرِشٹی درِشٹی وِچ ہو گئی کگّے، ہنس روُپ گُرمُکھ نظر کوئے نہ آئیا۔ چاروں کُنٹ کوُڑ دا ڈنکا وجےّ، دھرم دی ہوئے نہ کوئے شنوائیا۔ بِنا تیری کِرپا تیرا گرِہ کِسے نہ لبھے، سچکھنڈ مِلن کوئے نہ آئیا۔ تیرا آؤنا ہُندا میرے اُتے کدے کدے، قدیِم دے مالک دیاں سُنائیا۔ اوتار پَیغمبرگُروُ کھیل کھیلدے رہندے وِچ مدھے، نؤ سؤ چُرانوے چؤکڑی جُگ تیرا حُکم سُنائیا۔ کِرپا کردے میرے نوُر الاہی ربےّ، بِنا لبھا زبان رہی سُنائیا۔ جوتی جوت سروُپ ہرِ، آپ اپنی کِرپا کر، ایکا دینا دُھر دا ور، دیونہار ہونا سہائیا۔ پُرکھ اکال کہے دھرنی سُن شبد اگمّی ایک، ایکنکار ہو کے دیاں جنائیا۔ اِکو نوُر جوت رکھنی ٹیک، دوُجا اِشٹ نہ کوئے منائیا۔ شبد سَتگُروُ دیواں بھیج، دوُلھا دُھر دا بےپرواہیِا۔ تیری سُہنجنی کرے سیج، سُکھ دے آسن ڈیرہ لائیا۔ میرا جوتی جلوہ دیوے تیج، چار کُنٹ رُشنائیا۔ کوُڑی کِریا کرے کھیت، مایا ممتا موہ مِٹائیا۔ آتم پرماتم بخش کے ہیت، سُرتی شبد نال جُڑائیا۔ ساچی کرے رُت سُہنجنی چیت، بسنتی اپنے نام نال مہکائیا۔ نؤواں کھنڈاں پاوے بھیت، بھیوَ ابھید آپ کُھلائیا۔ جِس کارن سَتگُر ارجن سیِس پوائی تتّی ریت، دھرنیئے تیرا اگنی تت دئے بُجھائیا۔ جِس کارن گوبِند بچےّ کِیتے بھیٹ، بالے نینہاں ہیٹھ دبائیا۔ اوہ گوبِند دوُلھا شبد دُلارا بن کے کھیوٹ کھیٹ، تیرا بیڑا نئیا نؤکا نام دھار پار کرائیا۔ تُوں چرن کوَل دھرنیئے اُس دے جانا لیٹ، لِٹاں کھول کے سیِس نِوائیا۔ اپنا خالی وجا کے دسّیں پیٹ، پٹنے والے اَگے دیئیں دُہائیا۔ سو سَتگُر پُرا حاضر حضوُرا شبدی دھار تیرا لیکھا لئے ویکھ، بِن نیَناں نیَن اُٹھائیا۔ تیری بدل دیوے جنم کرم دی ریکھ، رِکھیِاں مُنیاں توں باہر اپنا بھیوَ کُھلائیا۔ جھگڑا رہن نہ دیوے مُلّا شیخ، مسائکاں ڈیرہ ڈھاہیِا۔ درس وِکھاوے نیتن نیت، نِج لوچن کر رُشنائیا۔ جوتی جوت سروُپ ہرِ، آپ اپنی کِرپا کر، دیونہارا ساچا ور، سچ دا حُکم اِک ورتائیا۔ پُرکھ اکال کہے دھرنی میرا فِقرہ سُدھ لےَ فقط، نِراکھّر دھار دیاں جنائیا۔ جِس نوُں سمجھے کوئی نہ وِچ جگت، وِدیا وِچ نہ کوئے جنائیا۔ تُوں نِگاہ مار لےَ میرے پیار وِچ میرے متّے بھگت، بِن بھگتیؤں بھگوَن اندر اپنا میل مِلائیا۔ اپنے شبد دی دے کے شکت، نام نال شخصیّت دِتی بدلائیا۔ لیکھے لا کے بوُند رَکت، ہڈّ ماس ناڑی اپنے رنگ رنگائیا۔ او دھرنیئے تُوں میرا لہنا دینا ہور ویکھ لےَ ادھک، ادِھیکار والیئے تَینوُں دیاں جنائیا۔ جِس کارن سرِشٹی اُتے جنم دوایا بھگت بدھک، لہنا دینا کرِشن کاہن پوُر کرائیا۔ تُوں

ایَویں نہ موُرکھے بھٹک، دھیِرج دھیِر دیاں دِرڑائیا۔ میرے حُکم نال شبدی چڑھن والا کٹک، لٹک توں پرے لیکھا دیاں وکھائیا۔ صدی چؤدھویِں دُھر دا حُکم بڑا سخت، سختی نال دِرڑائیا۔ تُوں خوشیاں نال وقت سُہنجنا ویکھنا نہ ایَویں ترس، رحمت تیرے اُتے کمائیا۔ نی دروہی پِھرنی دُنیا اُتے اگلے برس، برسی برسی نال مِلائیا۔ تیرا پوِتر ہُندا جانا فرش، والی عرش ویکھے چائیں چائنیا۔ جوتی جوت سروُپ ہرِ، آپ اپنی کِرپا کر، ایکا دینا ساچا ور، در ساچے سیِس جھُکائیا۔ دھرنی کہے پربھوُ میَں جھُک جھُک سیِس نِواواں چرن، چرنودک دینا مُکھ چوائیا۔ میرا کُھل جائے بِن نیتراں توں ہرن پھرن، دو جہاناں تیرا کھیل ویکھ وکھائیا۔ میَں بِنا وِدیا اکھّراں توں تیرا حُکم لگّا پڑھن، سچکھنڈ دوار ایکنکار درگاہ ساچی مقامے حق دھیان لگائیا۔ اِکو اوٹ پُرکھ اکالے دیِن دَیالے تیری ہووے سرن، سرنگت اِکو اِک دینی سمجھائیا۔ میرے اُتوں جھگڑا میٹنا ذات پات دیِن مذہب ورن برن، اِکو رنگ سوُرے سربنگ مانَس مانَو مانُکھ دینا رنگائیا۔ تُوں آد جُگادی برہم برہمادی شبد انادی سَتگُر بودھ اگادھی تارن ترن، تارنہار اِک اکھوائیا۔ تُوں وِشن برہما شِو گھاڑن گھڑن، ترےَگُن مایا پنج تت لکھّ چؤراسی گنڈھ پوائیا۔ میَں اِکو پلّوُ تیرا پھڑیا لڑن، جگت جگدیِش میری آشا پوُر دینی کرائیا۔ جھگڑا میٹ دے سیِس دھڑن، قاتل مقتُول دا لیکھا رہے نہ رائیا۔ جوتی جوت سروُپ ہرِ، آپ اپنی کِرپا کر، ایکا دینا دُھر دا ور، دُھر مالک دَیا کمائیا۔ پُرکھ اکال کہے سُن دھرنی دھوَل، دھرت دھؤل دیاں جنائیا۔ میرا لہنا دینا قؤل اِقرار ویکھ لےَ اول، آد جُگاد دا بھیوَ کُھلائیا۔ میَں ہر گھٹ رہیا مَول، چؤراسی وِچ سمائیا۔ میرا روُپ نہ ساول نہ سَول، رنگ نظر کِسے نہ آئیا۔ تُوں وَیراگن ہو نہ بَول، بؤری ہو نہ دے دُہائیا۔ میَں ویکھنہارا اَون گوَن، ترےَبھوَن کھوج کھوجائیا۔ چؤداں لوک میَتھوں کمبن، چؤداں طبق رہے کُرلائیا۔ میرا تن وجوُد نہیں بدن، جوتی جاتا پُرکھ بِدھاتا اِک اکھوائیا۔ میرا سَتگُر شبد سوُربیِر سربنگن، جِس نوُں جنمے کوئے نہ مائیا۔ اوہ میرا حُکم منائے وِچ برہمنڈن، پُریِاں لوآں آکاشاں پاتالاں گگن گگننتراں زِمیں اسماناں رہیا سُنائیا۔ اُس نوُں اِکو ڈھولا گیِت دسّ کے چھندن، تُوں میرا میَں تیرا دیاں سمجھائیا۔ اوہ لکھّ چؤراسی وسے کایا انگن، گھٹ گھٹ اپنا ڈیرہ لائیا۔ پریم پیارا پریِتم پیارا ہو کے دو جہاناں میرا نام آوے ونڈن، اتوٹ اتُٹ ورتائیا۔ کوُڑی کِریا کام کرودھ لوبھ موہ ہنکار تن وجوُداں وِچوں آوے کڈھن، مایا ممتا نال مِلائیا۔ سَت دھرم ہر ہِردے وِچ آوے ونڈن، گھر گھر گرِہ

گرِہ دئے ٹِکائیا۔ نِج آتم دے کے اگمّ انندن، انند انند وِچوں وکھائیا۔ ساچے پریم دا دے کے پرمانندن، مہا رس اِک چکھائیا۔ ترےَگُن مایا کوُڑی میٹ کے اگن، اگنی تت دئے بُجھائیا۔ تیرے اُتے میرے سنت سُہیلے دیِپک جگن، چاروں کُنٹ ہوئے رُشنائیا۔ کلجُگ کوُڑے بھانڈے ماٹی بھجّن، تِھر رہن کوئے نہ پائیا۔ تُوں ساچی دھوُڑی پھیر کرنا مجن، اِشنان اِک وکھائیا۔ ملِے میل پُرکھ پُرکھوتم موہن مادھوَ مدن، جو مدُھر دُھن دئے سُنائیا۔ کِرپا کرے سوامی دُھر دا سجّن، سجنوُآ ہوئے آپ سہائیا۔ تُوں کِتے نہ جاویں لبھن، سمبل بہہ کے تَینوُں لئے جگائیا۔ جوتی جوت سروُپ ہرِ، آپ اپنی کِرپا کر، دیونہارا دُھر دا ور، تیرا پردہ دئے اُٹھائیا۔ دھرنی کہے پربھوُ میَں نیتر اکھّاں اُڈیِکاں، بِن نیَناں نیَن اُٹھائیا۔ جِس میرے اُتوں میٹنا اندھیرا تاریِکا، نوُر نوُر جوت چند کرے رُشنائیا۔ اپنیِاں بخشے حق تؤفیِقا، رحمتاں نام ورتائیا۔ میریِاں آساں منسا پوُریِاں کرے اُمیِداں، اُس دی آمد وِچ بَیٹھا نیَن اُٹھائیا۔ جو اپنیاں بھگتاں سنتاں صوُفی فقیِراں عزیِزاں، عاجزاں میل مِلائیا۔ ساچے مارگ دیِاں دئے تمیِزاں، بدی دا ڈیرہ ڈھاہیِا۔ آتم پرماتم کر کے ریِجھاں، میلا میلے سہج سُبھائیا۔ کایا مندر دیاں لنگھ دہلیزا، گرِہ دسویں ہوئے سہائیا۔ کِسے ویکھنا پئے نہ لا کے نیِجھا، جن بھگتاں نِج لوچن نیَن دئے کُھلائیا۔ اپنا مارگ دسّ کے سیِدھا، محبان بیِدو اپنا بھیوَ کُھلائیا۔ جوتی جوت سروُپ ہرِ، آپ اپنی کِرپا کر، دیونہارا ساچا ور، سچ دا رنگ آپ چڑھائیا۔ دھرنی کہے کِرپا کرے میرا صاحِب دَیالا، دیِن دَیال دَیا کمائیا۔ میرا روُپ اُس دی بنے سچّی دھرمسالہ، نؤ کھنڈ اِکو خوشی بنائیا۔ کلجُگ کوُڑا میٹے جنجالا، جاگرت جوت کرے رُشنائیا۔ میرا لہنا دینا مُکائے حالا، پوُرب کھوج کھوجائیا۔ جن بھگت سُہیلے ترائے اپنے نام دی اوہناں دے اندر رکھ کے مالا، من کا منکا دئے بھوائیا۔ بجر کپاٹی توڑ کے تالا، بھیوَ ابھیدا دئے کُھلائیا۔ امرت نام پیا پیالہ، جگت ترِسنا بُھکھ مِٹائیا۔ نِرگُن نوُر اگمّی دیِپک آپے بالا، جوتی جوت کرے رُشنائیا۔ جن بھگتاں گھالنی پئے نہ گھالا، گھر بَیٹھیاں گھر وِچ گھر دئے وکھائیا۔ جوتی جوت سروُپ ہرِ، آپ اپنی کِرپا کر، سد اپنی کھیل وکھائیا۔ دھرنی کہے میَں سُنا اگمّی پَیغام، بےخبراں خبر جنائیا۔ کی لہنا دینا میرا پوُرا کرے اِمام، عملاں توں رہت نوُر الاہیِا۔ کی حضرت عیسیٰ موُسیٰ لیکھا چُکائے وِچ عوام، عام سمجھ کوئے نہ پائیا۔ کی شرع زنجِیراں کٹے آزاد کرے غُلام، غُربت کوُڑی باہر کڈھائیا۔ کی نام کلمہ ڈنڈاوت بندنا سجدہ دسےّ سلام، سیِس جگدیِش اِکو اِک سرب نِوائیا۔ کی بھیوَ ابھیدا اچھل اچھیدا جن بھگتاں کھولے تمام، طبع کوُڑ

دا لیکھا دئے مُکائیا۔ دھرنی کہے میَں اوس پربھوُ نوُں کراں پرنام، جُگ جُگ سیِس نِوائیا۔ جِس کِرپا کر کے بدھک توں کیِتا سِنگھ رام، رام ہو کے رہیا آپے آپ گوسائنیا۔ بِناں بُلاں توں پیا کے جام، نام خُماری دئے چڑھائیا۔ ساچے گھر بخش بِسرام، سیج سُہنجنی دتا لِٹائیا۔ جوتی جوت سروُپ ہرِ، آپ اپنی کِرپا کر، دیونہارا ساچا ور، سچ دی کرنی کار کمائیا۔ دھرنی کہے جن بھگتو میَں سب نوُں کراں نمستے، نمو نمو سیِس جھُکائیا۔ جِس دی مہما چار جُگ گئے لِکھدے، کاتب قلم شاہی نال وڈیائیا۔ جِس دے اوتار پَیغمبر گُروُ نام کلمے آئے سِکھدے، دُھر سندیسے جگت وِچ دِرڑائیا۔ سچکھنڈ دوارے آئے لِٹدے، سُہنجنی سیجا سوبھا پائیا۔ اوہ کلجُگ انت سِری بھگوَنت دے پیارے ونجارے بن گئے پتّھر اِٹّ دے، پاہن ڈوبے جگت لوکائیا۔ دروہی کہے دھرنی میرے اُتے جگیاسوُآں دے منوُئے پربھ چرن موُل نہ ٹِکدے، ٹِکّے مستک لاؤن والے سارے پاہناں پتّھراں سیِس جھُکائیا۔ کِسے بھیوَ نہ آئے گوبِند والی اِک چِٹ دے، جو کنّا کائنات توں باہر گیا لگائیا۔ استھل چُبارے مندر صدی چؤدھویِں کِسے نہ دِسدے، درگاہ ساچی نیَن نہ کوئے مِلائیا۔ پیار مِلن نہ پُرکھ ابناشی دُھر دے مِت دے، پت پرمیشور گود نہ کِسے ٹِکائیا۔ دیِن دُنی جھگڑے کوُڑ موُل نہ مِٹدے، پردہ سکے نہ کوئے اُٹھائیا۔ جِس ویلے پنج تت کایا روُپ بنا لئے ساچے سِکھ دے، ساچی سِکھیا وِچ سمائیا۔ پھیر میل ہونے گوبِند ماہی پیارے مِت دے، جو مِتر پیارا یارڑا سیج ہنڈھائیا۔ کلجُگ پیَنڈے انتم مُکنے نِت دے، سَتجُگ سچ لئے انگڑائیا۔ دھرنی کہے میرے اُتوں بھانڈے بھجنے کوُڑی بھری وِکھ دے، تن ماٹی رہن نہ پائیا۔ جوتی جوت سروُپ ہرِ، آپ اپنی کِرپا کر، ایکا دینا دُھر دا ور، نِہکلنک نرائن نر، مہاراج شیرسِنگھ وِشنوُں بھگوان، تیرے کھیل آد جُگاد سدا نِت نوِت دے، نر نرائن تیری تیرے در گرِہ بےپرواہیِا۔