۲۷ اَسوُ شہنشاہی سمت نؤ ہرِ بھگت دوار جیٹھوُوال ضِلع امرتسر اجیِت سِنگھ بٹالا دے نوِت
سوُریہ کہے سُن چنّا، چنّ چنّا دیاں جنائیا۔ اوہ تک گوبِند والا کنّا، کائنات وِچ سمجھائیا۔ جِس تیرا تکیا بنّا، حد حدوُداں پھول پھولائیا۔ اوہ لیکھا جانے وجوُد تنا، ماٹی بھانڈیاں بھیوَ نہ رائیا۔ جگت جہان تک لےَ انّھا، نِج نیتر لوچن نیَن نہ کوئے کُھلائیا۔ پربھ دیونہارا سب نوُں ڈنّا، ڈنڈا شبد ناد اُٹھائیا۔ جِس نوَ کھنڈ کرنا کھنّ کھنّا، خالق خلق اگمّ اتھاہیِا۔ اوہ پِھرے تیرے میرے وِچ سنّا سنّا، سہج
سہج اپنا حُکم ورتائیا۔ میرے بھاگ وڈّے دھنّ دھنّا، دھنّ ملِے وڈیائیا۔ میَں اُس صاحِب دا حُکم منّاں، جو مانَس لیکھا جانے تھاؤں تھائنیا۔ کُچھ دھار تک لےَ نؤ سؤ اِکیسیواں پّنا، لائن پنج ستّ سمجھائیا۔ جوتی جوت سروُپ ہرِ، آپ اپنی کِرپا کر، کرے کھیل ساچا ہرِ، سچ دا پردہ آپ چُکائیا۔ چنّ کہے سُن سجّن سوُریہ سوُر، سوُرمیا دیاں جنائیا۔ میرا مالک حضوُر، حضرتاں دا مالک اگمّ اتھاہیِا۔ جو پرکاش دین والا موُسیٰ اُتے کوہ طوُر، سو کوہ قافاں دا لیکھا ویکھ وکھائیا۔ جِس دا عیسیٰ اِشارہ کیِتا ضرور، بِن سیَنت گیا دِرڑائیا۔ محمد نے فتویٰ دے کے پاؤنا دسّیا فتُور، فاتحہ دا لیکھا اپنے وِچ چُھپائیا۔ اوہ ماہی محبوُب میرا لہنا جانے ضرور، ضروری لیکھا ویکھ وکھائیا۔ چنّ کہے میَں اوسے دا نوُر، نوُر نوُرانہ ڈگمگائیا۔ جِس دے حُکم نال حُکم دا بنیا دستُور، حُکم حُکم نال چلائیا۔ اُس دا پندھ نہ نیڑے نہ دوُر، دوُر دُراڈا اپنا حُکم ورتائیا۔ میَنوُں مستی وِچ چڑھیا سروُر، سِر سر دیاں جھُکائیا۔ میَں اوس دا ہوواں مشکوُر، شُکرانے وِچ ڈھولے گائیا۔ جوتی جوت سروُپ ہرِ، آپ اپنی کِرپا کر، دیونہارا دُھر دا ور، دُھر مالک بےپرواہیِا۔ سوُریہ کہے چنّ جی اوہ تک صدی چؤدھویِں چندا، بِن چاندنے اکھّ اُٹھائیا۔ نالے ہلوُنیا زور دی کندھا، دھکاّ دِتا لگائیا۔ اُٹھ ویکھ لےَ مانَس ذاتی بندہ، بندگی والے کھوج کھوجائیا۔ دسّ تَینوُں کیہڑا لگدا چنگا، کی اُمت دی دئے گواہیِا۔ کِتھوں ملِے پیار انندا، انند انند وِچوں نظری آئیا۔ اپنا اَخیِری ویکھ لےَ کنڈھا، مات لوک نیَن تکائیا۔ گوبِند دی دھار جان لےَ کھنڈا، کھڑگاں توں پرے کھڑکائیا۔ جِس دا لیکھ وِچ برہمنڈا، جیرج انڈا رہیا ہِلائیا۔ تُوں کِس دا دینا سنگا، ساتھی کوَن وڈیائیا۔ کِس نال پیار دھار مِلاؤنا پنجہ، پنچم کی وڈیائیا۔ کی لہنا دینا تیرا نال دیس بَونجا، جاں کی باوَن گیا دِرڑائیا۔ کی اُداسی وِچ ہووے رنجا، رنجش وِچ اپنا آپ بدلائیا۔ کی ڈھولا گائے چھندا، صِفتاں صِفت صالاحیِا۔ کی کھیل ویکھے اچنبھا، میَنوُں دے سمجھائیا۔ کی اِشارہ دِتا پری ارمبا، چؤداں رتناں وِچوں اپنی آس پرگٹائیا۔ کی ایراپت ہاتھی سُنڈ کر کے لمبا، لما پےَ کے گیا دِرڑائیا۔ جوتی جوت سروُپ ہرِ، آپ اپنی کِرپا کر، ایکا دینا ساچا ور، سچ دا حُکم اِک سمجھائیا۔ چنّ کہے سُن سوُریہ سوُربیِر، بیِر بیِرا دیاں جنائیا۔ میرے نیتر وگے نیِر، بِن ہنجھوُاں ہار بنائیا۔ میریِاں اکھّاں اَگے نؤ سؤ چُرانوے چؤکڑی جُگ دی تصویِر، جِس نوُں تصوّر کر سکے نہ کوئے سمجھائیا۔ میرے ساہمنے اوتار پَیغمبر پیِر، گُر گُردیو نظری آئیا۔ میرے ساہمنے لکھّ چؤراسی دی تقدیِر،
تکّبر نال اپنی آپ لئے انگڑائیا۔ میرے اَگے بودھ اگادھی تدبیِر، طریقہ سمجھ کوئے نہ پائیا۔ میرے ساہمنے شرع دی شمشیِر، شہنشاہ رہیا وکھائیا۔ میرے کول دیِن دُنی دِلگیِر، چاروں کُنٹ بَیٹھی ڈھیریاں ڈھاہیِا۔ میرے کول پاتشاہ وزیر امیِر فقیِر، کنگلے بَیٹھے اکھّ اُٹھائیا۔ میرے کول لیکھا اوہ بے نظیِر، جگ نیتر نظر کِسے نہ آئیا۔ میَنوُں اِک ڈر لگدا جِس ویلے شبد دا انیالا ویکھاں تیر، بِنا مُکھی توں مُکھ سب دے دئے بھوائیا۔ میَنوُں اِیوں لگدا اوس پنج پوہ نوُں اِشارہ دے دینا میَں پیِراں دا پیِر، دیِن دُنی نالوں ناتا جانا تُڑائیا۔ گل وِچ الفی شاہ بنے فقیِر، فِقرہ اِکو ڈھولا گائیا۔ چنّ کہے سوُریہ میَنوُں آوے موُل نہ دھیِر، دھیِرج سکے نہ کوئے دھرائیا۔ اوس چڑھدی دِشا نوُں جانا پھیر ستاریاں دی سطح اُتے بننی بھیڑ، بھجّن سارے واہو داہیِا۔ اِکوَنجا دھار اندر پَینی پیِڑ، دُکھ سکے نہ کوئے مِٹائیا۔ جوتی جوت سروُپ ہرِ، آپ اپنی کِرپا کر، ایکا دینا ساچا ور، سچ دا حُکم اِک ورتائیا۔ سوُریہ کہے میرے چاندنی چند پیارے، پریمیا پریم وِچ جنائیا۔ کیوں تیرے نال میل ہویا سِتارے، چند سِتار مِلی وڈیائیا۔ کیوں پروردِگار دے بنے دُلارے، دوُلھے اپنا روُپ بدلائیا۔ کیوں اُمت ہوئی بے سہارے، کی تُہاڈے وِچ وڈیائیا۔ کی محمد دئے اِشارے، صدی چؤدھویِں گیا سُنائیا۔ کیوں سلام کردے رہے چار یارے، سجدیاں وِچ سیِس جھُکائیا۔ چنّ کہے اسیں سارے اُس دے برخوردارے، بال ننےّ سوبھا پائیا۔ جِس دے حُکم وِچ جُگ چؤکڑی گُزارے، چؤدس اوسے دا رنگ رنگائیا۔ دھرنی دھرت دھوَل دھؤل اُتے کھیل تکّے اپارے، اپرمپر سوامی دِتے وکھائیا۔ ساڈے نِشان پِچھے انگِنت غریِب گئے مارے، نِردوِشیاں کھلّ لُہائیا۔ اوہ سارے دے سارے رہے پُکارے، پربھ اَگے سیِس نِوائیا۔ نالے چاروں کُنٹ تکّن وارو وارے، بِن نیَناں نیَن اُٹھائیا۔ اوتاراں پَیغمبراں گُروُآں نوُں کہن تُسیں سارے بولو اِک وارے، اِک آواز لگائیا۔ ہُن پرگٹ ہو جا نِہکلنک کل کلکی اوتارے، اوہلے وِچ اوہلا نہ کوئے رکھائیا۔ جوتی جوت سروُپ ہرِ، آپ اپنی کِرپا کر، دیونہارا ساچا ور، سچ دا پردہ آپ چُکائیا۔ چنّ کہے سوُریہ میری نِکّی گلّ، سمجھ سچ دیاں سمجھائیا۔ میرے صاحِب دی ویکھ رمز، کی رمضان مہینےِ وِچ کھیل کھِلائیا۔ جو اِشارہ دِتا نِرگُن سرگُن دھار غؤث ہمز، جگت جہان سمجھائیا۔ جو بھیوَ کُھلایا شمس، تبریز نیَن اُٹھائیا۔ سو وقت ویکھنا کِس بِدھ سب نے ہونا بھسم، بھیوَ بھیوَ وِچوں جنائیا۔ میَں سوگند کھاواں قسم، اِیمان نال دِرڑائیا۔ جِس نوُں محمد منّیا اِسم، اعظم بےپرواہیِا۔ اوہ میرا لہنا ویکھے چشم، چشمے دیِد نوُر الاہیِا۔
جوتی جوت سروُپ ہرِ، آپ اپنی کِرپا کر، دیونہارا ساچا ور، نِہکلنک نرائن نر، مہاراج شیرسِنگھ وِشنوُں بھگوان، آد جُگادی جُگ جُگ اپنی آپے جانے رسم، رِواج جگت نہ کوئے رکھائیا۔
۲۸ اَسوُ شہنشاہی سمت نؤ ہرِ بھگت دوار جیٹھوُوال ضِلع امرتسر امیِر سِنگھ گُلاٹی دے نوِت
چند کہے سُن سِتارے، تار سِتار دیاں جنائیا۔ سوادھان ہو مِتر پیارے، دوستا لےَ انگڑائیا۔ پَیغمبراں تک اِشارے، کی بِن سیَنت رہے سمجھائیا۔ نِگاہ مار دھرتی اُتے وِچ سنسارے، چاروں کُنٹ اکھّ کُھلائیا۔ صدی چؤدھویِں کی پُکارے، کوُک کوُک سُنائیا۔ کی لہنا دینا دیوے پروردِگارے، سانجھا یار اگمّ اتھاہیِا۔ جِس دے جُگ چؤکڑی سب نے لئے سہارے، سیِس چرن کوَل ٹِکائیا۔ اوہ جوتی جاتا پُرکھ بِدھاتا دُھردرگاہی میِت مُرارے، کی اپنی کل ورتائیا۔ اوہ نوُر نوُرانہ نؤجوانا سِری بھگوانا ہووے ظاہرے، ظاہر ظہوُر اپنی کل ورتائیا۔ جِس دا لیکھا قدیِم دا وِچ کاہرے، قہقہہ لگا کے دیاں سُنائیا۔ اُس دا بھیوَ نہ کوئی جانے جیِو گوارے، بُدھی وِچ سمجھ نہ کوئے جنائیا۔ اوہ لہنا دینا سب توں دیوے باہرے، باہرہال اپنا حُکم سُنائیا۔ جوتی جوت سروُپ ہرِ، آپ اپنی کِرپا کر، کرے کھیل ساچا ہرِ، سچ دا صاحِب بےپرواہیِا۔ سِتار کہے چند نوُر نوُرانے نوُری، سَت دیاں جنائیا۔ اوہ مالک صاحِب حضوُری، حضرت بےپرواہیِا۔ جو آد جُگاد سدا دستُوری، سب کُچھ اپنے دست رکھائیا۔ جِس دی اوتار پَیغمبر گُر کرن مزدوُری، بھگت سُہیلے سیو کمائیا۔ اوہ سرِشٹی جُگ چؤکڑی لیکھا جانے کوُڑی، کوُڑ کُٹمب کھوج کھوجائیا۔ جن بھگتاں بخش کے چرن دھوُڑی، ٹِکّے نام خاک رمائیا۔ سو کلجُگ انتم پائے فتُوری، فتویٰ سب دے اُتے لگائیا۔ اپنا حُکم ورتے ضروری، ظاہر ظہوُر کرے رُشنائیا۔ جوتی جوت سروُپ ہرِ، آپ اپنی کِرپا کر، دیونہارا ساچا ور، سچ دا بھیوَ آپ چُکائیا۔ چند کہے سُن سِتار میِت، دِلدار دیاں جنائیا۔ ویکھ اُس خُدا دی ریِت، جِس نے مندر مسیِت دِتے سُہائیا۔ جو سب گھٹ وسے بھیت، بھیِتر ڈیرہ لائیا۔ جو ہر گھٹ وسے چیت، چیتن ہو کے کھیل کھِلائیا۔ اوہ لکھّ چؤراسی پرکھنہارا نیِت، نیتن نیت دُھردرگاہیِا۔ جِس دے حُکم وِچ صدی چؤدھویِں رہی بیِت، کلجُگ اپنا پندھ مُکائیا۔ اوہ لیکھا جانے
جیِو جنت کؤڑے ریِٹھ، رس مِٹھت پھول پھولائیا۔ جن بھگتاں ہتّھ رکھے اُتے پیِٹھ، پُشت پناہ دئے ٹِکائیا۔ دُھر دا مارگ لائیٹ دسّ کے اِکو بیٹ، بِٹوین دا لیکھا دئے چُکائیا۔ جوتی جوت سروُپ ہرِ، آپ اپنی کِرپا کر، کرے کھیل ساچا ہرِ، سچ دا حُکم آپ ورتائیا۔ چند کہے سِتاریا سُن لےَ سَت، سَت دیاں جنائیا۔ کی سندیسہ دیوے پرمیشور پت، بِنا پترکا رہیا دِرڑائیا۔ جِس دا کھیل سُہاوا وت، وطناں دا مالک ویکھ وکھائیا۔ اوہ نوُر نوُرانہ ہو پرگٹ، پرگنے ویکھے تھاؤں تھائنیا۔ اُس دا لیکھا شبدی دھار دیواں دسّ، کلمہ کلمے نال جنائیا۔ جِس کِسے دا چلن نہیں دینا کوئی وس، وصل اپنا اِک وکھائیا۔ کھیل کرے ہسّ ہسّ، ہستی دا مالک دُھردرگاہیِا۔ جوتی جوت سروُپ ہرِ، آپ اپنی کِرپا کر، کرے کھیل ساچا ہرِ، سچ دا حُکم اِک ورتائیا۔ سِتار کہے چند میَنوُں انتر آوے نظر، بِن نیَناں دیاں جنائیا۔ سُنا دُھن مدُھر، شبد اگمّی ہووے شنوائیا۔ میرا محبوُب کرے فضل، رحمت حق کمائیا۔ میَں اُس دی سُناں غزل، جو بِنا نغمیاں رہیا دِرڑائیا۔ جِس نے اِنصاف کرنا عدل، دیِن دُنی لیکھا جانے تھاؤں تھائنیا۔ جِس اپنا روُپ لیَنا بدل، ویس اویسا آپ وٹائیا۔ جوتی جوت سروُپ ہرِ، آپ اپنی کِرپا کر، کرے کھیل ساچا ہرِ، سچ دا حُکم اِک سُنائیا۔ چنّ کہے سُن سِتارے نوُرانی، نوَ نوَ دیاں جنائیا۔ میرا محبوُب کرے مِہربانی، مِہربان مِہر نظر اُٹھائیا۔ جِس جانا بھارت وِچوں جوُہ بیگانی، جوُہاں جنگلاں کھوج کھوجائیا۔ اُس لیکھے لاؤنی بدھک دی کتھا کہانی پُرانی، پوُرب دا لیکھا سنگ مِلائیا۔ رَویِداس دی کؤڈی کسیِرا سنگ رکھے پُرانی، پُرکھ پُرکھوتم اپنا حُکم ورتائیا۔ اِکّی ماگھ دِوس ہووے روُحانی، نؤجوانے اپنا کھیل کھِلائیا۔ جوتی جوت سروُپ ہرِ، آپ اپنی کِرپا کر، کرے کھیل ساچا ہرِ، سچ دا میلا لئے مِلائیا۔ سِتار کہے سُن دُھر دے چاندوُ، سچ دیاں جنائیا۔ حق محبوُب بنے پاندھوُ، بھجےّ واہو داہیِا۔ نِرگُن دھار بدلے سوانگوُ، سوانگی اپنا سوانگ رچائیا۔ جِس لیکھا دسّنا ہانگ کانگوُ، کاگ ہتّھ نال اُڈائیا۔ جوتی جوت سروُپ ہرِ، آپ اپنی کِرپا کر، کرے کھیل ساچا ہرِ، سچ دا پردہ آپ چُکائیا۔ چند کہے سُن سِتار دُھر دُلارے، دھرم دھار جنائیا۔ ایہہ کھیل سچّی سرکارے، ہرِ کرتا اپنے حُکم وِچ کرائیا۔ جِس نے اِک دی دھار دو نال رکھنے لِکھارے، لیکھ لیکھنی پِچھلی دئے گواہیِا۔ پنج پوہ بھیوَ کھول کے سارے، پردے پردیاں وِچوں چُکائیا۔ گل الفی پا بولے وکھّری زباں جَیکارے، جےَ جےَ کار سُنائیا۔ سمُند ساگر تکّن نیَن اُگھاڑے، اکھّ اکھّ وِچوں بدلائیا۔ جوتی
جوت سروُپ ہرِ، آپ اپنی کِرپا کر، کرے کھیل دُھر دا ہرِ، دُھر دا سنگ آپ بنائیا۔ سِتار کہے چند سچ دسّ دے یار، کی کرتا کھیل کھِلائیا۔ ذرا نِگاہ مار، اَگے لےَ انگڑائیا۔ کی تیغ بہادر دا اُدھار، کی نانک لہنا جھولی پائیا۔ کی گوبِند گیا اُچار، شبد شبدی ناد سُنائیا۔ کی لیکھا کلکی اوتار، نِہکلنک کی وڈیائیا۔ اِمام اِماما کِس بِدھ پاوے سار، نوُر نوُرانہ دُھردرگاہیِا۔ کی چار جُگ دے شاستر رہے پُکار، کوُک کوُک سُنائیا۔ کی صدی چؤدھویِں رو رو کرے اِظہار، نیَناں چھہبر لائیا۔ ڈھاکا کہے میرے اُدر وِچ میرے پیٹ وِچ میرے جِسم وِچ میرے اِسم وِچ اوہ پیار، جِس پیار دی دھار محمد نیَن اُٹھائیا۔ کِسے نال نہیں کوئی تکرار، جھگڑا جھگڑے وِچ نہ کوئے جنائیا۔ میَں نِگاہ ماردا کی کھیل ہویا کِس بِدھ ہویا وِوہار، دجلا فرات دئے گواہیِا۔ جوتی جوت سروُپ ہرِ، آپ اپنی کِرپا کر، کرے کھیل ساچا ہرِ، سچ دا حُکم اِک ورتائیا۔ سِتار کہے چند سُن کلمیاں توں باہر اگمّی بولی، کی انبولت رہیا جنائیا۔ جِس دی سمجھ نہ آئے کِسے چولی، چولا نظر کِسے نہ آئیا۔ جِس دا شبد اگمّا ڈھولی، ڈھولک چَھینے رہیا کھڑکائیا۔ میَں تَینوُں سہج نال دسّاں ہؤلی ہؤلی، کی صدی چؤدھویِں میَنوُں رہی سمجھائیا۔ وے تاریا وے چندا وے چندا وے تاریا اوہ نِگاہ مار لےَ تند تک لےَ مؤلی، جو مؤلا اپنا حُکم سُنائیا۔ تِنّ رنگ دے بستر پہن کے ڈھاکے وِچ جائیگی صدی چؤدھویِں دی گولی، گولک شرع والی ہتّھ اُٹھائیا۔ جوتی جوت سروُپ ہرِ، آپ اپنی کِرپا کر، کرے کھیل ساچا ہرِ، سچ دا نوُر اِک چمکائیا۔ صدی چؤدھویِں کہے تارا چند اپنیِاں کرو نہ کوئے دلیِلا، دلیِلاں والیاں دیاں جنائیا۔ سمت شہنشاہی اٹّھ دیِاں درگاہ وِچ منظور نہ ہون اپیِلا، دعویدار رہن کوئے نہ پائیا۔ شرع دے بستر رنگ چڑھے نہ کوئے نیِلا، نیِلی دھار دا مالک نیِلے والے نال اپنا حُکم بنائیا۔ جِس دیاں دیِن مذہب چھوٹیِاں چھوٹیِاں تحصیلاں، دو جہان دا مالک کی اپنی کار بُھگتائیا۔ ذرا کھیل ویکھنا کیہڑا خوشیاں والا ہوئے مہیِنہ، مِہربان کی اپنی کل ورتائیا۔ جو لیکھ لِکھیا بغدادی مکّہ مدیِنہ، مقبریاں دے لیکھے دئے چُکائیا۔ جِس وِچ کوئی کر نہ سکے ترمیِما، جوتی جوت سروُپ ہرِ، آپ اپنی کِرپا کر، کرے کھیل ساچا ہرِ، سچ دا پردہ آپ چُکائیا۔ صدی چؤدھویِں کہے میَں پھیرا مار کے پِھر آوانگی پہلی مگھّر، مگرلا لیکھا سارا دیاں سمجھائیا۔ کیوں شہنشاہی سمت اٹّھ بھگتاں دا بھگتاں نال ہویا غدر، جھگڑے دا جھگڑا کوَن بنائیا۔ جِس شرع شریِعت دا اُمت اُمتی دا لہنا دینا دینا بدل، بدلی کرے تھاؤں تھائنیا۔ جِس اپنی کوُڑ دھار نوُں کر کے قتل،
قاتل مقتُول دا لیکھا دینا مُکائیا۔ نوَیِں دھار دا نَواں وسا کے وطن، بےوطناں ہوئے آپ سہائیا۔ جوتی جوت سروُپ ہرِ، آپ اپنی کِرپا کر، کرے کھیل ساچا ہرِ، سچ دا سنگ اپنے ہتّھ رکھائیا۔ صدی چؤدھویِں کہے وے تارا چند کی کہِندی کرِشن دی رادھا گوپی، گوپال کی جنائیا۔ جِس دے تیڑ نہ ساڑھی نہ دھوتی، انگی انگ نال نہ کوئے چُھہائیا۔ نہ ہسدی نہ روتی، مُسکراہٹ وِچ بُل نہ کوئے ہِلائیا۔ جاں میَں نِگاہ ماری اِکو نوُر نوُرانی جوتی، جو جوت جوت وِچوں نظری آئیا۔ اوہ سندیسہ دیوے اِک اِکلوتی، اِک اِکلّی رہی جنائیا۔ چڑھدی دِشا جان لگّیاں صاحِب دے کول ہوویگی روُمی ٹوپی، چاروں کُنٹ اِکو جِہی نظری آئیا۔ جوتی جوت سروُپ ہرِ، آپ اپنی کِرپا کر، ایکا دینا ساچا ور، سچ دا کھیل آپ کھِلائیا۔ صدی چؤدھویِں کہے میَں دسّاں نال اِشارہ، سچ سچ سمجھائیا۔ جِدھر جاویگا میرا پیِر ظاہرا، ظاہر ظہوُر اپنی کھیل کھِلائیا۔ سمت ناویں دا نواں ہووے نظارہ، نوَ نوَ اپنا رنگ رنگائیا۔ جِس دے سنگ بھگتاں ہووے سہارا، صوُفیاں سوبھا پائیا۔ اوہدے کول ہووےگا اِک نگارہ، جو دھؤنسا دسےّ دُھر دا ماہیِا۔ جوتی جوت سروُپ ہرِ، آپ اپنی کِرپا کر، کرے کھیل ساچا ہرِ، سچ دا حُکم اِک ورتائیا۔ صدی چؤدھویِں کہے میرے محبوُب دے کول لِکھیا ہووے اِک واک، الف بے الف بے الف دوویں سنگ بنائیا۔ نال چند اِشارہ کرے چؤدھویِں رات، چؤدس نوُر نوُر کرے رُشنائیا۔ چند سِتار روُپ پرگٹا کے آپ، اپنی لئے انگڑائیا۔ نال لیکھا ہووے تُوں میرا میَں تیرا جاپ، دوُسر اوَر نہ کوئے پڑھائیا۔ اِک شرع دا ہووے گھاٹ، کنارے جگت والے جنائیا۔ جوتی جوت سروُپ ہرِ، آپ اپنی کِرپا کر، ایکا دینا ساچا ور، سچ دا میلا لیَنا مِلائیا۔ صدی چؤدھویِں کہے میرا سوہنا ہونا لِباس، لب پریم نال رنگائیا۔ شنکر پِھرے آ اُتوں آکاش، کلمہ محمد نال گائیا۔ چار یاری اَگے پِچھے کرے تلاش، خوشیاں وِچ بھجےّ واہو داہیِا۔ میرا پروردِگار دئے شاباش، سِر میرے ہتّھ ٹِکائیا۔ میری پُراتن پوُری ہووے آس، ترِسنا ترِکھا بُجھائیا۔ جوتی جوت سروُپ ہرِ، آپ اپنی کِرپا کر، ایکا دینا ساچا ور، سچ دا رنگ آپ رنگائیا۔ صدی چؤدھویِں کہے نوُر میرا نیِلی دھار اسمانی، اِسم دُھر دے نال جنائیا۔ میَں سوگند کھاواں مجیِدقرآنی، آیت شریِعت نال مِلائیا۔ نال جوڑ محمد والی قُربانی، کربلے دا لیکھا نال رلائیا۔ میرا لہنا دینا دو جہانی، دوہرا سندیسہ دیواں تھاؤں تھائنیا۔ میرا پیِر پیِراں دا شہنشاہ سُلطانی، پَیغمبر اگمّ اتھاہیِا۔ جِس دا اِکو پد نِربانی، دوُجا نظر کوئے نہ آئیا۔ جوتی جوت سروُپ ہرِ،
آپ اپنی کِرپا کر، ایکا دینا ساچا ور، سچ دا کھیل آپ کھِلائیا۔ تارا چند کہے صدی چؤدھویِں کی کھیل کرے الاہ، علیَحدہ سب توں دئے سمجھائیا۔ جِس نے سب دا بننا ملاح، بیڑے اپنے کندھ اُٹھائیا۔ اُس نوُں ولیا کہنا خُدا، تے علیا اپنا آپ بھیٹ کرائیا۔ نجِف دا لہنا دینا دئے چُکا، کوُفا اپنا سنگ بنائیا۔ جِنہاں دی لیکھے لا کے دُعا، سمت شہنشاہی نؤ دئے وڈیائیا۔ لہِندیوں چڑھدے ہوئے رواں، روانگی اپنے ہتّھ پھڑائیا۔ کی اُس دی صِفت کراں، جو صِفتاں دا مالک اِک اکھوائیا۔ جوتی جوت سروُپ ہرِ، آپ اپنی کِرپا کر، کرے کھیل ساچا ہرِ، سچ دا حُکم اِک سُنائیا۔ صدی چؤدھویِں کہے گولی دی پوشاک تے ہِندسہ لِکھیا ہووے ستّ سؤ چھیاسی، سَت سَت نال وڈیائیا۔ ستّ اٹّھ پندراں تے چھ اِکیاں دی راسی، محمد دا لہنا گوبِند نال پوُر کرائیا۔ ایہہ اچرج کھیل اگمّ تماشی، جِس نوُں سمجھے کوئے نہ رائیا۔ میَں دوُر دُراڈی اپنی رکھی آسی، نِسچے نال سمجھائیا۔ جوتی جوت سروُپ ہرِ، آپ اپنی کِرپا کر، ایکا دینا ساچا ور، سچ دا حُکم اِک سُنائیا۔ صدی چؤدھویِں کہے ستّ سؤ چھیاسیِاں دی اِکو بنے پوشاک، نوَ نوَ ستّ ستّ اِکو رنگ رنگائیا۔ اِکو محبوُب ہووے اِکو ہووے چاک، اِکو ڈھولا گیِت شنوائیا۔ اِکو کعبہ ہووے تے اِکو نظری آئے تاک، اِکو گوبِند نال وڈیائیا۔ اِکو تکّڑ ہووے اِکو وٹّا ہووے سیر چھٹانک، دوُجی ونڈ نہ کوئے رکھائیا۔ اِکو نام ہووے نہ جِست ہووے نہ ٹانک، بہُتی گنت نہ کوئے گِنائیا۔ اِکو اَسو ہووے راک، اِکو گوبِند سوبھا پائیا۔ اِکو حروُف نظری آوے پاک، صاف سُتھرا لِکھ کے دینا سجائیا۔ نال االلہہوُ دی ہتّھ وِچ ہووے چھاپ، چھلّا اوَر نہ کوئے چُھہائیا۔ جوتی جوت سروُپ ہرِ، آپ اپنی کِرپا کرے، دیونہارا ساچا ور، سچ دا پردہ آپ اُٹھائیا۔ تارا چند کہے اجّ وقت سُہیلا، محبان بیِدو دِتی وڈیائیا۔ جو اپنے کھیل اگمّی رہیا کھیلا، خالق خلق وِچ سمائیا۔ اوس دا روُپ انوُپا سب توں نَویلا، رنگ وِچ اپنا رنگ چُھپائیا۔ جن بھگتاں وقت ہون نہ دئے دُہیلا، دو جہاناں ہوئے آپ سہائیا۔ جوتی جوت سروُپ ہرِ، آپ اپنی کِرپا کر، دیونہارا ساچا ور، سچ دی کرنی کار کمائیا۔ تارا چند کہے ساڈا وقت سُہاوا مات، متا اِکے گھر پکائیا۔ صاحِب سُلطانا انتم ساڈی پُچھے بات، مالک خالق ہوئے سہائیا۔ اُمت اُمتی توڑ کے نات، ناتا اپنے نال جُڑائیا۔ لیکھا دسّ کے ساچو ساچ، سَت سچ وِچوں پرگٹائیا۔ پوُرا کر بھوِکھت واک، گُر اوتار پَیغمبراں دئے وکھائیا۔ لیکھا جانے دو جہاناں سِری بھگوانا آپ، آپ اپنا رنگ وکھائیا۔ سچ سندیسہ دسےّ کائنات، سنیہڑا اِک
سُنائیا۔ جوتی جوت سروُپ ہرِ، آپ اپنی کِرپا کر، کرے کھیل ساچا ہرِ، سچ دا حُکم اِک ورتائیا۔ صدی چؤدھویِں کہے میرے کول پُرانی چِٹھی، نبیؤ پَیغمبرو رسوُلو دیاں وکھائیا۔ جِس دی سمجھ آئے نہ کِسے وِچ لِپی، اکھّراں نال اکھّر نہ کوئے مِلائیا۔ جیہڑی بِنا مہیِنیاں برساں توں باہر مِتی، مِتر پیارے دِتی بنائیا۔ ایہہ بھگتاں نال سدا پریم رس وِچ مِٹھی، انڈِٹھی کار کمائیا۔ ایہدے وِچ لیکھ چڑھدی دِشا گُرمُکھ سِنگھ نے سِر تے پگ رکھنی کالی چِٹی، دوویں دھار سُہائیا۔ مستک لاؤنی ہاہے والی ٹِپی، سُنہری رنگ جنائیا۔ جوتی جوت سروُپ ہرِ، آپ اپنی کِرپا کر، دیونہارا ساچا ور، نِہکلنک نرائن نر، مہاراج شیرسِنگھ وِشنوُں بھگوان، اپنی کھیل کھیلے جو اپنے آپ آپ مِتھی، جِس نوُں مِتھیا کر سکے کوئے نہ رائیا۔
۲۹ اَسوُ شہنشاہی سمت نؤ ہرِ بھگت دوار جیٹھوُوال رات نوُں ساڈھے گیاراں وجے جسبیر کؤر اِٹارسی دے نوِت
لاڑی مؤت دسّ کی آئی کہن، کی رائے دھرم حُکم سُنائیا۔ کیوں پُٹھے کیتے نیَن، اُلٹی اکھّ بنائیا۔ لاڑی مؤت کہے میرے پربھوُ ساک سجّن سیَن، سوامی تیرے چرناں سیِس نِوائیا۔ میَں کوئی بھگتاں نوُں کھان والی نہیں ڈَین، جُگ جُگ ساچی سیو کمائیا۔ میرے واسطے لکھّ چؤراسی وہندا وہن، انگِنت جیِو جنت میری جھولی وِچ بھرائیا۔ میَں تیرے چرن کوَل سچ سرنائی آئی بہن، سَت سچ دیاں سُنائیا۔ اوہ تک جمدوُت اِک دوُجے نال کھہن، زور واہو داہی لگائیا۔ نالے اِشارہ کرن کی رام نے لیکھا لِکھیا وِچ رمائن، سیِتا سَت دِرڑائیا۔ کی بھرِنگوُ اِشارہ کیِتا اُتے تربَین، کُنڈلیِاں ونڈ ونڈائیا۔ جوتی جوت سروُپ ہرِ، آپ اپنی کِرپا کر، ایکا دینا ساچا ور، صاحِب سچ تیری سرنائیا۔ لاڑی مؤت کہے پربھوُ میرے کول حُکم دستی، رائے دھرم دِتا جنائیا۔ جمدوُتاں چڑھی مستی، خوشیاں ڈھولے گائیا۔ سب دی آسا پِھرے نسدی، بھجےّ واہو داہیِا۔ میَں ونجارن تیرے جس دی، صِفتاں نال صالاحیِا۔ کھیل مُکنی سی تت اٹّھ دی، اٹّھ کتّک دئے دُہائیا۔ ترِپت دی بھَین اُجڑنی سی وسدی، جسبیر کؤر لیکھا تیرے چرن ٹِکائیا۔ اُس دی لجیا رکھ لےَ سمت اِکّی، جو نؤ رنگے ہار گل تیرے وِچ پائیا۔ جے آیوُ جگت جہان وِچ اوہدی گھٹدی، گھاٹے پِچھلے پوُر کرائیا۔ جُگِندر دی آیوُ اوہدے لیکھے وِچ ویہہ سال سٹّ دے،
نؤ سال ترِپت دی نال مِلائیا۔ دُھر دے مالک دُھر دی وست اجّ دے، بدھک دا درد دینا مِٹائیا۔ جوتی جوت سروُپ ہرِ، آپ اپنی کِرپا کر، ایکا دینا ساچا ور، سِر صاحِب ہتّھ رکھائیا۔ لاڑی مؤت کہے میَنوُں دِسدی اوہدی خوشیاں والی بانہہ، جو تیرے سیِس اُتے گھُمائیا۔ نال دِسدی بِشن کؤر بُڈھی ماں، جِس نوُں دادی کہے لوکائیا۔ اوس میَنوُں سنیہڑا دِتا حُکم سُنایا نال چا، چاؤ گھنیرا اِک سُنائیا۔ پہلوں پربھ دے چرن لیَنا تھاں، بندنا کر کے سیِس نِوائیا۔ گل پلّوُ لیَنا پا، نیتر نیَن شرمائیا۔ اپنی کیِتی اُس دی کرنی دوہاں دا لہنا دینا چرن ٹِکا، در ٹھانڈے آپ ٹِکائیا۔ پھیر حُکم سُننا بے پرواہ، کی سنیہڑا دیوے اگمّ اتھاہیِا۔ جِس نے اپنی بچّی لئی بنا، سمت شہنشاہی اٹّھ دئے گواہیِا۔ اوہ لاڑی مؤت ضرور تیرے کولوں لئے چُھڈا، رائے دھرم دا حُکم نہ چلے رائیا۔ آپے بنے پِتا ماں، ہوئے صاحِب سہائیا۔ جوتی جوت سروُپ ہرِ، آپ اپنی کِرپا کر، کرے کھیل ساچا ہرِ، سچ دی کرنی کار کمائیا۔ لاڑی مؤت کہے پربھوُ تیرے ہتّھ سب دی تقدیِر، تیری بےپرواہیِا۔ میَں پِھراں تیری شرع دی نال تدبیِر، جُگ چؤکڑی بھجّاں واہو داہیِا۔ میَں رہن دِتا نہیں کوئی پیِر فقیِر، شاہ سُلطاناں خاک مِلائیا۔ میَں گُر اوتار پَیغمبراں نیَنی وہا دِتے نیِر، شیِرخوار بچّے نیہاں ہیٹھ دبائیا۔ میری ایہہ بیننتی منّیں اَخیِر، تیری چرن سرن سرنائیا۔ اٹّھ کتّک توں پہلے جسبیر دی ہرِ بھگت دوارے وِچ ضرور آوے تصویِر، سچ سِنگھاسن اُتے دینی ٹِکائیا۔ اوہنوُں بنھنا پیِلے رنگ دی نال لیِر، سَوا گز نال دوشالہ دینا سُہائیا۔ سَوا پنج رُپےَ دا پرساد کرائے اوہدا ویِر، رنجیِت اپنی ہتّھیں سیو کمائیا۔ جوتی جوت سروُپ ہرِ، آپ اپنی کِرپا کر، ایکا دینا ساچا ور، جن بھگتاں ہونا آپ سہائیا۔ لاڑی مؤت کہے میَنوُں نؤ سال دا چیتا، ماتا پِتا بھَین بھائی جسبیر دا سمجھ سکیا کوئے نہ رائیا۔ تُوں یاد کر لےَ جیہڑا بچن کیِتا وِچ کھیتا، پِٹھ اوہدی اُنگلی اُتے چُھہائیا۔ نالے ہسّ کے کِہا سی تیری زِندگی دا میرے کول ٹھیکا، باقیِاں نالوں ناتا دِتا تُڑائیا۔ ایہو سؤہرا تے ایہو پیکا، ماتا پِتا ایہو اکھوائیا۔ نالے پھڑ کے پُٹھا ہتّھ سی ویکھا، چارے اُنگلیِاں اُنگلیِاں نال دبائیا۔ پھیر خوشیاں وِچ کِہا خوشی دی لؤں گا بھیٹا، پھیر زِندگی زِندگی تیری جھولی پائیا۔ تُوں ہی دھی تے تُوں ہی میرا بیٹا، ایسے کر کے دینی مان وڈیائیا۔ لاڑی مؤت کہے پربھوُ میَں اوہناں ولّ کدی نہ ویکھاں، جِنہاں تیری اوٹ تکائیا۔ میَں تے نِمانی تیرے کولوں پِچھلا لیَن آئی لیکھا، میری جھولی دینی بھرائیا۔ پر یاد کر لےَ تُوں اُس دِن پگڑی وِچوں باہر رکھے سی تھوڑے کیسا، جِس ویلے اِکّی اِکّی چکّر
رہے لگائیا۔ میَنوُں خوشیاں وِچ کہن لگّے وِشن برہما شِو مہیشا، ہمیشہ لئی سُنائیا۔ لاڑی مؤت کہے نالے سَتگُر شبد جوتی دھار پُرکھ اکال نالے دس دسمیسا، کیہڑا ویس وٹائیا۔ کِسے نوُں پتہ نہیں کیوں کوار کنّیا نوُں اپنے سیِس دے اُتے دِتا ٹھیکا، ٹھاکر ہو کے اپنے توں اُچی دِتی بنائیا۔ جوتی جوت سروُپ ہرِ، آپ اپنی کِرپا کر، کرے کھیل ساچا ہرِ، سچ دا مالک ہوئے سہائیا۔ اَگوں رو کے کہن یم راج، نِو نِو سیِس نِوائیا۔ تیرے بھگت پِچھے تیرے درشن ہوئے آج، ایہہ تیری بےپرواہیِا۔ سانوُں دوُروں ماری لاڑی مؤت آواز، بِن کنّاں دِتی سُنائیا۔ آؤ درشن کرو جِس دے سیِس تے سوہے تاج، جِس نوُں تاجاں والے سارے نِو نِو لاگن پائیا۔ اسیں آ کے ہوئے وِسماد، بِسمِل ہو کے سیِس نِوائیا۔ جیہڑی آیوُ تُوں بخشی اوہ تُوں دِتی اگمّی دات، اتوٹ اتُٹ جھولی دِتی بھرائیا۔ اجّ دا وقت سُہیلا جُگ چؤکڑی سب نے رکھنا یاد، بُھل وِچ بُھل کوئے نہ جائیا۔ بِنا بیننتی توں بھگتاں دی آپ سُنی آواز، بھگوَن ہو کے ویکھ وکھائیا۔ ایہہ قلم سیاہی دی اِمداد، جو لیکھے لیکھے وِچوں بدلائیا۔ جوتی جوت سروُپ ہرِ، آپ اپنی کِرپا کر، کرے کھیل ساچا ہرِ، سچ دا گھر آپ سُہائیا۔ جسبیر دی کہے منسا، سُرتی اندرے اندر سُنائیا۔ پربھوُ میَں وی تیرا پیار والا بنسا، جِس بنس وِچوں سربنسی تیری سیو کمائیا۔ تُوں کاگوں بنائیں ہنسا، مانک موتی چوگ چُگائیا۔ تُوں مالک من تن کا، آتم تیرے رنگ رنگائیا۔ جدوں چاہیں اودوں بھگتاں دے بیڑے بنّھدا، پھڑ باہوں شؤہ دریا پار کرائیا۔ تیرے حُکم بِنا نہ بھگت جنم دا نہ مردا، جمّن مرن وِچ کدے نہ آئیا۔ دھرم رائے دے حُکم نال یمراج بھگتاں نوُں کدے نہیں پھڑدا، لاڑی مؤت پوہ نہ سکے رائیا۔ تُوں مالک چوٹی جڑ دا، چیتن اپنے وِچ ٹِکائیا۔ بھگت آتما کہے جو تیری منزل چڑھدا، لہندا چڑھدا دکھّن پہاڑ سِمت ونڈ نہ کوئے ونڈائیا۔ اوہ اِکو مالک تیرے ساچے گھر دا، جِس گھر بہہ کے بھگتاں جوتی میل مِلائیا۔ جوتی جوت سروُپ ہرِ، آپ اپنی کِرپا کر، ایکا دینا ساچا ور، نِہکلنک نرائن نر، مہاراج شیرسِنگھ وِشنوُں بھگوان، تیرے ہتّھ لیکھا سیِس دھڑ دا، تن وجوُد آتم پرماتم نظری آئیا۔
۳۰ اَسوُ شہنشاہی سمت نؤ ہرِ بھگت دوار جیٹھوُوال دُپہر جرنَیل سِنگھ شاہ والے دے دربار پُجن تے
جرنَیل شبدی دھار جگت نہیں وِچھوڑا، دِوس تِنّ اپنیاں بچّیاں پِچھے دُکھاں وِچ لنگھائیا۔ سَتگُر شبد شبد دا پا کے موڑا، دُہری اپنی کھیل کھِلائیا۔ جسبیر جُگِندر دا وِچھڑن والا سی جوڑا، اِٹارسی مچّنی سی حال دُہائیا۔ بدھک دا دِل بڑا سی تھوڑا، رام سِنگھ رونا سی مار کے دھاہیِا۔ صاحِب دا پیار پِھردا سب دے اندر وانگ چورا، چوری چوری اپنا کھیل کھِلائیا۔ ایہہ لیکھا بدل دِتا ہور دا ہورا، ہور دی ہور کل ورتائیا۔ ٹُٹی نوُں پھیر گنڈھیا اپنی نال ڈورا، ڈوری تیرے سنگ بنائیا۔ جِس دا وقت رہ گیا سی تھوڑا، اٹّھ کتّک دا لیکھا لیکھ دِتا سمجھائیا۔ جوتی جوت سروُپ ہرِ، آپ اپنی کِرپا کر، دیونہارا ساچا ور، سچ دی کھیل اپنے ہتّھ رکھائیا۔ جرنَیل سِنگھ تیرا رام سِنگھ نال یارانہ، پیار بھگتاں والا رکھائیا۔ تِنّاں دِناں وِچ یاد کر کے سدّ لیا نال بہانہ، درشن سنمُکھ دِتا چائیں چائنیا۔ تیرے پیار نال زِندگی دا دِتا دانا، زِندگی سچ دی جھولی پائیا۔ جِس جسبیر دی تصویِر دا روُپ انوُپ ہونا مہانا، مہما سمجھ کِسے نہ پائیا۔ اوس نوُں ضرور بھگت دوار پویگا آنا، شہادت تیری دینی بُھگتائیا۔ بے شک اندروں بدل گیا سارا زمانہ، تیرے ہِردے وِچ پیار پیار ڈیرہ لائیا۔ بھگت بھگت نالوں ہوئے نہ کدے بیگانہ، وکھّری ونڈ نہ کوئے ونڈائیا۔ جوتی جوت سروُپ ہرِ، آپ اپنی کِرپا کر، دیونہارا ساچا ور، سچ دی کرنی کار کمائیا۔ جرنَیل سِنگھ ایس شبد تے لگاؤنا پئے انگوُٹھا، حُکم دُھر دا اِک سمجھائیا۔ پھیر بخشیا جائے پنج تت دا ٹھوُٹھا، سِر سِر دیوے مان وڈیائیا۔ مِترا مِتر دے گھر دا پھیر لگا دے بوُٹا، جڑ اُکھڑی پھیر دبائیا۔ ایہدا لیکھا مِلنا نہیں وِچوں کِسے چارے کوُٹا، دہ دِشا ہتّھ کِسے نہ آئیا۔ ایہہ سریِر بے شک پنج بھوُتا، پربھ اپنے رنگ رنگائیا۔ جوتی جوت سروُپ ہرِ، آپ اپنی کِرپا کر، کرے کھیل ساچا ہرِ، سچ دا حُکم اِک ورتائیا۔ تیرے باپوُ دا جو چُھٹیا وکھایا سریِر، تَینوُں جگت نالوں وکھائی جُدائیا۔ ایہہ گوبِند دا انیالا سی تیِر، جو بِنا رسن توں گیا چلائیا۔ جِس ویلے بنیا سی اُچ دا پیِر، تُساں کندھیں چُکیا تھاؤں تھائنیا۔ بے شک تیرے پیار والے تیرے ویِر، گوبِند دی نِگاہ گوبِند گُرسِکھ وِچ رکھائیا۔ تُہاڈے باپوُ اُس ویلے گوبِند دی ہتّھ نال پھڑ کے سمشیر، اپنے پٹّاں اُتے گھسائیا۔ نالے کِہا میری بدل دیویں تقدیِر، پیِرا تیری بےپرواہیِا۔ گوبِند نے اپنی ہتّھیں پھڑ زنجِیر، سہج نال چھنکائیا۔ ایہہ لیکھا دیوے میرا داتا گُنی گہِیر، مالک دُھردرگاہیِا۔
جِس ویلے اُن اپنیاں بھگتاں دی سِنگھاسن اُتے رکھنی تصویِر، بھگت بھگوان دے بھیوَ دینے مِٹائیا۔ اِکو رنگ کر کے شاہ حقیِر، شاہ سُلطاناں خاک وِچ رلائیا۔ جرنَیل سِنگھ اوس ویلے تیرے نیتراں وِچوں وگیا سی نیِر، ہنجھوُ اکھّیِاں وِچوں گِرائیا۔ گوبِند نے تیری پِٹھ تے مار کے لکیِر، لائن دِتی سمجھائیا۔ جِس ویلے وقت آیا کلجُگ اَخیِر، آخر میلا لواں مِلائیا۔ جوتی جوت سروُپ ہرِ، آپ اپنی کِرپا کر، سد اپنا حُکم ورتائیا۔ سَتگُر شبد کہے اٹّھ کتّک نوُں جرنَیل سِنگھ تُوں ضرور آؤنا، سَوا پا کوُزہ مِشری نال رلائیا۔ رنجیِت سِنگھ پرساد کراؤنا، مِٹھا ایہو وِچ ٹِکائیا۔ جُگِندر سِنگھ ڈھائی گز کپّڑا ہتّھ اُٹھاؤنا، جِس نوُں کفّن کہے لوکائیا۔ جسبیر کؤر کُھلی مینڈھی سیِس سُہاؤنا، پراندی گُت نہ کوئے لٹکائیا۔ بُلاں اُتے گھِرت گھی لگاؤنا، نیَن نیر نہ کوئے وہائیا۔ پیِلا بستر تن چُھہاؤنا، سِر پَیر تائیں وڈیائیا۔ چڑھدے لہندے آسن لاؤنا، سِنگھاسن اَگے سوبھا پائیا۔ پُٹھے ہتّھ مستک اُتے ٹِکانا، اکھّیِاں اکھّیِاں وِچوں بدلائیا۔ بھَین بھراواں اِرد گِرد ڈیرہ لاؤنا، ہتّھ متھے اُتے لگائیا۔ ساڈھے تِنّ گھنٹے کِسے نہیں سؤنا، نؤ توں ساڈھے باراں ونڈ ونڈائیا۔ پھیر چِٹا بستر پاؤنا، بِنا اِشنان دینا سجائیا۔ نیتر کجّل دھار سُہاؤنا، سُنہری بِندی مستک وِچ لٹکائیا۔ نؤ وار سَتگُر چرن چرن چُھہاؤنا، سیِس چرناں اُتے ٹِکائیا۔ نؤ رنگ دا ہار بِستر پھوُلاں سیج وِچھاؤنا، سوہنی بنت بنائیا۔ اِکّی مِنٹ سَتگُر شبد گاؤنا، اِکّی سِکھاں نال سوبھا پائیا۔ پھیر اپنا سجّا انگوُٹھا مُکھ وِچ پاؤنا، چوُسنا چائیں چائنیا۔ اگلا لیکھ پرم پُرکھ پھیر سمجھاؤنا، دُھر دا پردہ آپ اُٹھائیا۔ جرنَیل سِنگھ ایہہ وقت نہیں کدے بُھلاؤنا، تِنّ دِن دا لیکھا تیری یاد وِچ لنگھائیا۔ اَدھا دِوس ہرِ سنگت پیٹے پاؤنا، دوُسر ہتّھ نہ کِسے پھڑائیا۔ جوتی جوت سروُپ ہرِ، آپ اپنی کِرپا کر، کرے کھیل ساچا ہرِ، نِہکلنک نرائن نر، مہاراج شیرسِنگھ وِشنوُں بھگوان، سد اپنے حُکم وِچ کھیل کھِلائیا۔
پہلی کتّک شہنشاہی سمت نؤ ہرِ بھگت دوار، جیٹھوُوال ضِلع امرتسر رات نوُں
کتّک کہے میَں خوشیاں دے وِچ آیا، اپنی خوشی بنائیا۔ کِرپا کرے بےپرواہیِا، جو بے پرواہی وِچ سمائیا۔ جِس آد جُگادی کھیل رچایا، جُگ جُگ ویکھ وکھائیا۔ سب دا بن کے دائی دایا، دُھر دا حُکم ورتائیا۔ جِس دی اچرج ورتے مایا، ممتا نال رکھائیا۔ میَں اوس
نوُں رہیا سُنایا، جو سُنے تھاؤں تھائنیا۔ خالی جھولی رہیا ڈاہیِا، ڈنڈاوت وِچ سیِس نِوائیا۔ میرے پُرکھ اکالے دیِن دَیالے میرے سمت شہنشاہی اٹّھ دا دے بقایا، پِچھلا پِچھوکڑ جھولی پائیا۔ جِس دا دِوس نہ کوئے منایا، خوشیاں راگ نہ کوئے سُنائیا۔ جوتی جوت سروُپ ہرِ، آپ اپنی کِرپا کر، کرنہار تیری وڈیائیا۔ کتّک کہے میَں آ گیا منگتا، درویش الکھ جگائیا۔ تُوں مالک چولی رنگدا، رنگت اِک چڑھائیا۔ میرا لیکھا ویکھ لےَ بُھکھ ننگ دا، بِن اوڈھن دیاں سُنائیا۔ میرا تپ تک لےَ اِک ٹنگ دا، سد تیری اوٹ رکھائیا۔ تُوں جُگ جُگ داتاں ونڈدا، دیونہار گوسائنیا۔ جوتی جوت سروُپ ہرِ، آپ اپنی کِرپا کر، ایکا دینا ساچا ور، ہرِ سچ تیری سرنائیا۔ کتّک کہے میَں آ گیا تیرا بِھکھاری، بھجیّا واہو داہیِا۔ تُوں نِرگُن نوُر جوت نِرنکاری، االلہ الاہ تیری بےپرواہیا۔ میَں تیری تکّی سِکداری، دو جہاناں سوبھا پائیا۔ میَنوُں سندیسے دے کے گئے پَیغمبر گُر اوتاری، اوتر تیرا حُکم جنائیا۔ تُوں کھیلے کھیل الکھ اگوچر اگمّ اپاری، اپرمپر اپنا بھیوَ چُکائیا۔ کتّک کہے میَں چرن کوَل کراں نِمسکاری، دھوُڑی خاک رمائیا۔ میرا لہنا دینا پوُرا کر دے جو وعدہ نال چار یاری، یرانے والیاں دیاں سُنائیا۔ جوتی جوت سروُپ ہرِ، آپ اپنی کِرپا کر، ایکا دینا ساچا ور، سچ تیری بےپرواہیِا۔ کتّک کہے میرا پِچھلا لیکھا ڈوُنگھا، ہاتھ کِسے نہ آئیا۔ بِنا سَتگُر شبد توں بنے کوئے نہ سوُنگھا، بھیوَ سکیا نہ کوئے کُھلائیا۔ بِنا رسنا جِہوا میَں کوُندا، شبدی ڈھولے گائیا۔ تیرا اِشارہ نہیں سی کوئی مُنہ دا، بتّی دند نہ کوئے چتُرائیا۔ تُوں اوس ویلے سندیسہ دِتا سَتگُر شبد گُروُ دا، گُردیو دِتا دِرڑائیا۔ جِس ویلے کھیل صدی چؤدھویِں ہونا شُروُع دا، شرع دینی بدلائیا۔ جوتی جوت سروُپ ہرِ، آپ اپنی کِرپا کر، ایکا دینا ساچا ور، در ساچے الکھ جگائیا۔ کتّک کہے میری پوُری کر دے لِکھت، لیکھے والیا دَیا کمائیا۔ میرا پِچھلے سال دا بھوِکھت، کارج سکے نہ کوئے سمجھائیا۔ میرا اِکو تیرا اِشٹ، دوُجا نظر کوئے نہ آئیا۔ کی لہنا دینا دیِن دُنی سرِشٹ، چار کُنٹ دِرڑائیا۔ میَنوُں اِشارہ دِتا جُگ تریتا وِچ وشِشٹ، مُنی مُنیِشر گیا سمجھائیا۔ پھیر سنت منی سِنگھ لیا رِسک، بوجھا اپنے اُتے اُٹھائیا۔ سمت شہنشاہی اٹّھ اٹّھاں تتاں والے سارے گُرمُکھ گُرسِکھ بھگت جان گے کھِسک، سنگی نظر کوئے نہ آئیا۔ بِنا پَیراں توں جان گے تِلک، سمبھل سکے کوئے نہ رائیا۔ منوُآ من کریگا عِلّت، اپنی کل پرگٹائیا۔ کِسے دی رہے کوئے نہ ہِمّت، طاقت چلے نہ کوئے چتُرائیا۔ سَتگُر دھار دھار کریگا مِنّت، نِو نِو سیِس نِوائیا۔ نالے زور دی ماری کِلک، کل کلکی
تیری بےپرواہیِا۔ جوتی جوت سروُپ ہرِ، آپ اپنی کِرپا کر، ایکا دینا دُھر دا ور، در تیرے آس رکھائیا۔ کتّک کہے میرا پِچھلا پوُرا کر حِساب، رِشیاں لہنا پوُر کرائیا۔ تُوں مِتر پیارا احباب، دوست دُھردرگاہیِا۔ ذرا بِنا اکھّراں توں کھول کے ویکھ کِتاب، جو اپنے گرِہ ٹِکائیا۔ جِس کارن نانک وجائی رباب، سِتار دتی ہِلائیا۔ میَنوُں کرِشن دی کتھا کہانی یاد، جو ارجن رہیا سُنائیا۔ جِس ویلے محمد نے االلہ نوُں کِہا واحد، وعدیاں وِچ سیِس نِوائیا۔ جو پَیغمبراں گُروُآں اوتارا توں آوے بعد، اِمام اِماما اِک اکھوائیا۔ جِس سب دی سُننی فریاد، فَیصلہ حق سُنائیا۔ اُس دی بِنا اُمت دے نبیِاں توں کِسے نے سُنی نہیں آواز، حُکم سمجھ کوئے نہ پائیا۔ سنگی ساتھی کوئی نہ دیویگا داد، ناتا جان تُڑائیا۔ اوہ اپنی دھار وِچ ہو وِسماد، اپنا کھیل وکھائیا۔ ایسے کر کے کتّک کہے ایسے کتّک شہنشاہی نؤ وِچ دیدے داد، اپنی دَیا کمائیا۔ تُوں میرا سوامی پُرکھ اکال مہاراج، شہنشاہ تیری وڈ وڈیائیا۔ جِس اپنے سیِس تے پہنیا نہیں سی تاج، تاجاں والے دینے ہلائیا۔ میری کر اِمداد، سِر ساچے ہتّھ ٹِکائیا۔ میَں تیرا سُنا اگمّی ناد، شبد کری شنوائیا۔ میری پھیر کُھل گئی جاگ، آلس نِندرا لئی انگڑائیا۔ جوتی جوت سروُپ ہرِ، آپ اپنی کِرپا کر، ایکا دینا ساچا ور، در تیرے آس رکھائیا۔ کتّک کہے میرا سمت شہنشاہی نؤ دا مہیِنہ، اٹّھ دا اٹّھاں تتاں والیا پوُر کرائیا۔ لیکھا پوُرا کر دے اُتے زمیِنا، زِمیں زماں دے مالک تیری بےپرواہیِا۔ میَں سجدیاں وِچ تَینوُں کہاں آمیِنا، آمد تیری وِچ سیِس جھُکائیا۔ تُوں نوُر الاہی وکھّرا ترےَگُن تیِنا، ترےَبھوَن دھنی تیری بےپرواہیِا۔ میرا سانتک سَت کرا دے سیِنہ، سیِن دے تِنّے ڈنڈے دین گواہیِا۔ میَں چاہُندا نبیِاں رسوُلاں پَیغمبراں تیرے بھےَ وِچ وہے پسینہ، سارے بھجّن تھاؤں تھائنیا۔ اِشارہ کر کے نر مدیِنہ، مدیِنے وِچ مقبرہ محمد دا آس رکھائیا۔ تُوں رحمت رحمان رحیِما، مِہربان اِک اکھوائیا۔ جوتی جوت سروُپ ہرِ، آپ اپنی کِرپا کر، ایکا دینا دُھر دا ور، دُھر مالک دَیا کمائیا۔ کتّک کہے میرا لیکھا بنا دے دوہرا، دوہرا اپنا حُکم ورتائیا۔ سَتگُر شبد مِلا دے بانکا چھوہرا، شؤہر مالک ہو سہائیا۔ اپنے پیار دا دے دے زورا، جوروُ زر نظر کوئے نہ آئیا۔ ایہہ حُکم سندیسہ دسّ دے کورا، جو کؤرواں پاڈواں انت دینا کرائیا۔ ہسّ کے کِہا کلجُگ انت جیِو جہان روُپ بننا ڈھورا، بُدھی چلے نہ کوئے چتُرائیا۔ من منوُآ ہونا بؤرا، بوری ہوئے لوکائیا۔ کوئی سمجھے نہ پئیا سؤہرا، گھر ملِے نہ کوئے وڈیائیا۔ جوتی جوت سروُپ ہرِ، آپ اپنی کِرپا کر، ایکا دینا ساچا ور، سچ دا حُکم اِک سُنائیا۔ کتّک کہے پربھ
میَنوُں دے دے خُماری مدہوش، اپنی دَیا کمائیا۔ میری جگت والی رہے نہ سوچ، سمجھ دینی بدلائیا۔ اِکو آسا ہووے لوچ، لوچن دینا کُھلائیا۔ میَں نظارہ تیرا تکاّں دیِپ کرؤچ، کُشا دے مالک دینی مان وڈیائیا۔ پنج کتّک نوُں اوتھے جانا پہنچ، جِتھے لکھن اکھّ اُٹھائیا۔ کِسے نوُں دینا نہیں کوئی دوش، کرماں دا لیکھا سب دا دینا بُھگتائیا۔ گُر اوتار پَیغمبراں ہوئے کوئے نہ روس، گلِے وِچ گِلہ نہ کوئے کرائیا۔ جوتی جوت سروُپ ہرِ، آپ اپنی کِرپا کر، ایکا دینا ساچا ور، سچ دا سنگ آپ بنائیا۔ کتّک کہے پربھوُ میریِاں پُرانیِاں سُکھّاں، سُکھّ سُکھّ جُگ چؤکڑی دِتے لنگھائیا۔ گُر اوتار پَیغمبراں تکدا رہیا منُکھا، سریِر سریِراں کھوج کھوجائیا۔ جو آؤندے رہے ہو کے اُلٹا رُخا، ماتا گربھ تن وڈیائیا۔ پنجاں تتاں والا بن کے بُتا، وجوُداں گئے ہنڈھائیا۔ تیرے نام دی سُہنجنی ہُندی رہی رُتا، رُتڑی اپنے نال مہکائیا۔ مان وڈیائی دے کے کِہا پُتا، سُت دُلارے رنگ رنگائیا۔ تیرا نِشانہ نِشانے والیا کدے نہ اُکا، جُگ جُگ تیِر چلائیا۔ جوتی جوت سروُپ ہرِ، آپ اپنی کِرپا کر، ایکا دینا ساچا ور، سچ دا پردہ آپ اُٹھائیا۔ کتّک کہے پربھوُ میرا لہنا دو سال دا اِکٹّھا، اِکو وار مُکائیا۔ کی اِشارہ دیندا اکھّر ٹھٹّھا، ٹھوکراں رہیا لگائیا۔ سَتگُر شبد چاروں کُنٹ پِھردا نَٹھا، بھجےّ واہو داہیِا۔ جِس کھیل کھِلاؤنا گھٹ گھٹا، گھٹ گھٹ اندر پھول پھولائیا۔ اوہ ویکھنہارا کایا مٹّا، تتو تت بھیوَ نہ رائیا۔ جوتی جوت سروُپ ہرِ، آپ اپنی کِرپا کر، ایکا دینا دُھر دا ور، دُھر حُکم اِک سُنائیا۔ کتّک کہے میرے بخشندا، بخشنہار تیری سرنائیا۔ پنچ پروِشٹا کی سندیسہ دیندا، بِن رسنا کی دِرڑائیا۔ چاروں کُنٹ اُپجنی چِندا، چِکھا روُپ بدلائیا۔ سمُند ساگراں تکّے سُرپت اِندا، خواجہ خِضر نال رکھائیا۔ کُچھ اِشارہ ملِے گُنی گہِندا، گہر گوَر سُنائیا۔ جوتی جوت سروُپ ہرِ، آپ اپنی کِرپا کر، ایکا دینا ساچا ور، سچ دا میلا آپ مِلائیا۔ کتّک کہے پربھوُ اپنا کرم کماؤنا، مِہربان مِہر نظر اُٹھائیا۔ جن بھگتاں سِر ہتّھ ٹِکاؤنا، ہونا آپ سہائیا۔ میرا لہنا دینا جھولی پاؤنا، خالی دینی بھرائیا۔ میَنوُں رُسے نوُں پھیر مناؤنا، مِہر نظر ٹِکائیا۔ پریم پیار نال پرچاؤنا، پرچہ حُکم والا سُنائیا۔ میَں کُچھ اگلا بھیوَ کُھلاؤنا، کھول کے دیاں سُنائیا۔ پنج کتّک توں بعد سِنگھ پوُرن رسنا انّ موُل نہیں لاؤنا، اٹّھ کتّک انت ونڈ ونڈائیا۔ چاول دانہ نہیں مُکھ چُھہاؤنا، ایہہ دُھر دی بےپرواہیِا۔ جوتی جوت سروُپ ہرِ، آپ اپنی کِرپا کر، ایکا دینا ساچا ور، سچ دا کھیل آپ کھِلائیا۔ کتّک کہے جن بھگتو میرا آداب نال آدابی، ادب نال جنائیا۔ سَتگُر شبد کہے نہ
سمجھو پنجابی، پنجے وِچ کِسے نہ آئیا۔ نہ ایہہ وسے کایا والی محرابی، گُنبداں بند نہ کوئے کرائیا۔ نہ قُفلاں نال کوئی رکھے لا کے چابی، محل اندر ڈیرہ لائیا۔ نہ ایہدا پیار حقیِقی تے نہ مجازی، عاشقاں معشوُقاں توں باہر کھیل کھِلائیا۔ نہ ایہہ تند سِتار نہ وجےّ بن ربابی، تال تلواڑا نہ وڈ وڈیائیا۔ جدوں تکّو ایہہ سَت سروُپ سب دا سدا اِمدادی، شاہو بھوُپ اکھوائیا۔ نہ ایہہ گوّئیا نہ ایہہ راگی، نہ سوّئیا بھٹّ سمجھائیا۔ جد ویکھو تے سب دے وِچ وِسمادی، بِسمِل ہو کے اپنا رنگ رنگائیا۔ جوتی جوت سروُپ ہرِ، آپ اپنی کِرپا کر، کرے کھیل ساچا ہرِ، سچ دا حُکم آپ ورتائیا۔ کتّک کہے پربھوُ بھگت بھگوان دا اِکو کر دے درجہ، میری دو سالاں دی آسا پوُر دے کرائیا۔ اِکو روُپ بنا دے راجا تے اِکو روُپ ہو جائے پرجا، وڈّا چھوٹا رہن کوئے نہ پائیا۔ اِکو پیار ہووے سب نوُں اِکو گھر دا، دوُجا حِصّہ نہ کوئے رکھائیا۔ تیرا کھیل ہووے نرائن نر دا، نر ہرِ تیری بےپرواہیِا۔ تُوں بھگتاں توں ہوویں ڈردا، بھگت تیرے اَگے سیِس نِوائیا۔ تُوں اوہناں دا نام ہوویں پڑھدا، اوہ تیرا ڈھولا گائیا۔ تیرا وقت سُہنجنا آ گیا تُوں جانا دِشا چڑھدا، چڑھدی اپنی کلا وکھائیا۔ بے شک تیرے پِچھے لہندا ہووے لڑدا، لہندے وِچوں آؤن والیا تیری بےپرواہیِا۔ جوتی جوت سروُپ ہرِ، آپ اپنی کِرپا کر، کرے کھیل دُھر دا ہرِ، دُھر دا سنگ آپ بنائیا۔ کتّک کہے میَنوُں سارے کہندے کُنَیت، بُریاں لّچّھناں والا رہے گائیا۔ میرا گوبِند نے پایا بھیت، نیَناں دیوی دِتا سمجھائیا۔ میَں سارا بھیت کھولاگا جِس ویلے سمت شہنشاہی دس دا چڑھیا چیت، چیتے چار جُگ دے دیاں کرائیا۔ کِس طرح شاہ سُلطاناں رن بھوُمی ہونا کھیت، خطرے وِچ پترکا سکے نہ کوئے بدلائیا۔ نالے پربھوُ نوُں دسّاں گا نیتر نیت، نِج گھر بَیٹھا سوبھا پائیا۔ جِس نوُں جھُکدے روَ سس کیتن کیت، کوٹن کوٹی منڈل منڈپ سیِس نِوائیا۔ جوتی جوت سروُپ ہرِ، آپ اپنی کِرپا کر، دیونہارا ساچا ور، سچ دا حُکم اِک سُنائیا۔ کتّک کہے میرا دو سال دا بل، بلدھاری دینی وڈیائیا۔ تیرا کھیل ویکھاں تھل جل، دوویں دینے ہِلائیا۔ کلجُگ اپنی ورتے کل، کلا سب دی دینی بھوائیا۔ جن بھگتاں سِنگھاسن انتر لیَنا ملّ، آپ اپنا رنگ رنگائیا۔ جنم جنم دا لہنا کرنا حل، مُشکل اَگے رہے نہ رائیا۔ جوتی جوت سروُپ ہرِ، آپ اپنی کِرپا کر، ایکا دینا دُھر دا ور، دُھر مالک بھیوَ چُکائیا۔ کتّک کہے میَں آ گیا تیریاں وِچ قدماں، قدیِم دے مالک پھیرا پائیا۔ تُوں مالک خالق اَرباں کھرباں پدماں، پد دین والیا تیری بےپرواہیِا۔ میَں چاہُندا تیریاں بھگتاں نوُں کوئی نہ ہووے
صدمہ، دُکھ درد نہ لاگے رائیا۔ پیار بخشنا اعلیٰ ادنیٰ، اوُچاں نیِچاں دینی وڈیائیا۔ تُوں گوپال موُرت موہن مدنا، مدُھر دُھن دینی سُنائیا۔ تَینوُں کِدھروں پئے نہ لبھنا، گھر گھر درشن دینا چائیں چائنیا۔ ہرِجن سارے اپنی رنگن رنگنا، دوُسر رنگ نہ کوئے وکھائیا۔ تیرے پیار وِچ سب دی ہووے بندنا، سیِس اوَر نہ کوئے جھُکائیا۔ چرن دھوُڑ کراؤنا مجنا، دُرمت میَل دھوائیا۔ سانجھے یار بننا سجّنا، ساجن میِت تیری وڈیائیا۔ جوتی جوت سروُپ ہرِ، آپ اپنی کِرپا کر، ایکا دینا دُھر دا ور، دُھر دا حُکم اِک ورتائیا۔ کتّک کہے پربھوُ تُوں سرب کلا سمرتھ، صاحِب تیری وڈیائیا۔ تیری مہما جگت اکتھ، جُگ جُگ تیری صِفت صالاحیِا۔ تُوں سَتجُگ تریتا دواپر چلایا رتھ، کلجُگ اپنا حُکم ورتائیا۔ جِؤں بھاوے تِؤں لیَنا رکھ، غریِب نِمانیاں ہونا سہائیا۔ اوہ ویلا بھجّا آؤندا کتّک اٹّھ، بھجےّ واہو داہیِا۔ نال تیِرتھ پِھردے اٹھسٹھ، گنگا گوداوری جمنا سُرستی نال مِلائیا۔ اِشارے دیندے مندر مسجد شِودوالے مٹھ، گُردوار رہے دِرڑائیا۔ تیرا نوُر نوُرانہ شاہ سُلطانا نظری آئے لٹ لٹ، جوتی جاتا پُرکھ بِدھاتا ڈگمگائیا۔ تُوں وسیں گھٹ گھٹ، گھر گھر اندر سوبھا پائیا۔ جِس بھگت دا بُرج جانا سی ڈھٹّھ، لوک مات رہن نہ پائیا۔ جوتی جوت سروُپ ہرِ، آپ اپنی کِرپا کر، دیونہارا ساچا ور، سچ دا پردہ آپ اُٹھائیا۔ کتّک کہے بھگت بھگوان تیرا اِکو ہووے سِنگھاسن، گُرمُکھ اپنے رنگ رنگائیا۔ پیار بخشنا پُرکھ ابناشن، مُحبّت اپنی وِچ سمائیا۔ گھر سچ پاؤنی راسن، خوشیاں ناچ نچائیا۔ وِشن برہما شِو آکھن، پربھ تیری بےپرواہیِا۔ مان وڈیائی بخش دے بھگتاں ماتن، مات لوک ہو سہائیا۔ کوُڑ کُکرم میٹ کے واٹن، وٹنا اپنا نام چڑھائیا۔ جوتی جوت سروُپ ہرِ، آپ اپنی کِرپا کر، ایکا دینا دُھر دا ور، دُھر دھرم اِک وکھائیا۔ کتّک کہے میرے صاحِب سَتگُر راجے، شہنشاہ دیاں سُنائیا۔ جن بھگتاں سواریِں آپے کاجے، ہرِجناں دے وڈیائیا۔ جے آ گِیوں دیش ماجھے، نوُر نوُرانہ ویس وٹائیا۔ بِنا بیننتیاں سب دے پوُرن کرنے کاجے، ہونا آپ سہائیا۔ تُوں موہن مادھوَ مادھے، مدُھر دُھن دینی سُنائیا۔ جن بھگتاں پِھرنا پِچھے آگے، بھجّنا واہو داہیِا۔ تیرے بھگت سُتے ہون تُوں سوامی اوہناں پِچھے جاگیں، رُتڑی اپنے نال مہکائیا۔ جوتی جوت سروُپ ہرِ، آپ اپنی کِرپا کر، ایکا دینا دُھر دا ور، دُھر بھیوَ آپ کُھلائیا۔ کتّک کہے میرا دِوس دِہاڑا ہووے اٹّھ، چنگی طرح جنائیا۔ پربھوُ اُلٹی گیڑنی لٹّھ، جگت دی دھار دینی بدلائیا۔ بھگت بھگوان دا ہووے اِکٹّھ، سچ سِنگھاسن سوبھا پائیا۔ دھرم دی
دھار رہے نہ وٹّ، پردہ اندروں دینا اُٹھائیا۔ کوُڑی کِریا دینی کٹّ، کٹاکش اپنا نام لگائیا۔ جوتی جوت سروُپ ہرِ، آپ اپنی کِرپا کر، ایکا دینا ساچا ور، سچ دا میلا آپ مِلائیا۔ کتّک کہے صاحِب جو تَینوُں منظور، میَں وی سیِس جھُکائیا۔ موُسیٰ کہہ رہیا اُتوں کوہ طوُر، جِتھے تُورت دی آواز نظر کوئے نہ آئیا۔ نہ کوئی تتاں والا دِسے حضوُر، حضرتاں توں باہر نوُر الاہیِا۔ کی تیرا سچّا دستُور، حُکم دے سمجھائیا۔ میَں تَینوُں کراں مشہوُر، مشورہ عیسیٰ نال پکائیا۔ محمد کہے رہے نہ کِسے غروُر، غُربت وِچ نظر کوئے نہ آئیا۔ میَں بھجّاں نَٹھاں دوُر دوُر، پاندھی ہو کے پندھ مُکائیا۔ جوتی جوت سروُپ ہرِ، آپ اپنی کِرپا کر، ایکا دینا ساچا ور، سچ تیری وڈیائیا۔ کتّک کہے جن بھگتو کرو سُدھار، سُدی ودی نہ ونڈ ونڈائیا۔ کوُڑا اندروں چھڈو ہنکار، ہؤمے روگ مِٹائیا۔ ممتا موہ نہ کرو پیار، مُحبّت اِکو ویکھ وکھائیا۔ راہ تکّو پروردِگار، جو سانجھا یار اگمّ اتھاہیِا۔ جِس نوُں کہندے سَت کرتار، قُدرت دا قادر اِک اکھوائیا۔ جِس نوُں جھُکدے پَیغمبر گُر اوتار، نِو نِو لاگن پائیا۔ سو پُرکھ اکالا دیِن دَیالا سب دا میِت مُرار، مِتر پیارا اِک اکھوائیا۔ تِس صاحِب سوامی سَت نال کرو اِک نِمسکار، نِو نِو سیِس نِوائیا۔ پھیر بولو پنج جَیکار، خوشیاں ڈھولے گائیا۔ تیرا اِکو درس دیِدار، اِکو نیَن نیَن بِگسائیا۔ جوتی جوت سروُپ ہرِ، آپ اپنی کِرپا کر، ایکا دینا ساچا ور، سچ دا رنگ آپ بنائیا۔ دھرنی کہے کتّک میریِاں کُچھ منگاں، مِترا دیاں جنائیا۔ کُچھ لہنا دینا لِکھاریِاں پنجاں، پنج پوہ سمجھائیا۔ بھیوَ کُھلاؤنا کَویِاں بَونجا، پردہ آپ چُکائیا۔ دِلّی دربار دا بدل پلنگا، سِمت دینی بدلائیا۔ شبدی دھار حُکم ہونا جو سندیسہ دِتا گوبِند پُری انندا، انند نال سُنائیا۔ جو اِشارہ کیِتا شِوجی گنگا، گنگوتری گیا دِرڑائیا۔ جو اِشارہ دسّیا پری ارمبا، بھیوَ ابھید کُھلائیا۔ جوتی جوت سروُپ ہرِ، آپ اپنی کِرپا کر، ایکا دینا ساچا ور، سچ دا حُکم اِک سُنائیا۔ کتّک کہے میری خواہش نیاری، سچ دیاں سُنائیا۔ پنچم پوہ سچّی تِھت واری، نچھتر گرِہ ونڈ نہ کوئے ونڈائیا۔ بھاگ لگاؤنی دِلّی درباری، سنت منی سِنگھ اکھّ اُٹھائیا۔ حاضر ہون گے پنج لِکھاری، قلماں پنج پنج اُٹھائیا۔ گُرمُکھ سِنگھ اِک پاسیوں بنّھ کے داہڑی، گنڈھاں تِنّ تِن بندھائیا۔ سَتگُر روُپ بن کے سوہنی لاڑی، مستک بِندیِاں نال وڈیائیا۔ شبد ڈھولے گاوے اگمّ پہاڑی، شنکر سُنے چائیں چائنیا۔ جوتی جوت سروُپ ہرِ، آپ اپنی کِرپا کر، دیونہارا ساچا ور، سچ دا حُکم آپ ورتائیا۔ کتّک کہے پربھ چاڑھنا رنگ گوُہڑا، اپنی دَیا کمائیا۔ اپنی
ہتّھیں پہر کے لال چوُڑا، سُہاگن سُہاگ دئے لُٹائیا۔ کلجُگ کُکرم میٹ کے کوُڑا ہرِجن ساچے پار کرائیا۔ نؤ وار دِلّی دربار وِچ بخشے چرن دھوُڑا، دھوُڑی دھوُڑی وِچوں پرگٹائیا۔ آپ ہو کے حاضر حضوُرا، حضرتاں لئے بُلائیا۔ جوتی جوت سروُپ ہرِ، آپ اپنی کِرپا کر، دیونہارا ساچا ور، دُھر مالک اِک اکھوائیا۔ کتّک کہے دو پوہ نوُں ہونا روانہ، روانگی سَتگُر شبد بنائیا۔ دوآبے والیاں ہتّھیں بنّھ کے مِلنا گانا، رَین سُہنجنی سوبھا پائیا۔ تِنّ پوہ نوُں کھیل مہانا، مہما کتھ کتھ دِرڑائیا۔ مالوے والیاں پھڑ کے ہتّھ وِچ کانا، ساڈھے تِنّ ہتّھ دینا وکھائیا۔ چار پوہ نوُں ہتّھ پھڑ نِشانہ، کرنال والے دین جھُلائیا۔ پنج پوہ نوُں نہ کوئی وَیری رہے بیگانہ، دُشمن نظر کوئے نہ آئیا۔ ہرِ بھگت دوار سب نے تُوں میرا میَں تیرا گاؤنا گانا، سوہنگ ڈھولا چائیں چائنیا۔ اوتھے لیکھ دسنا جو منی سِنگھ دا پُرانا، کی جیل وِچ میل اپنا گیا کرائیا۔ جوتی جوت سروُپ ہرِ، آپ اپنی کِرپا کر، کرے کھیل ساچا ہرِ، نِہکلنک نرائن نر، مہاراج شیرسِنگھ وِشنوُں بھگوان، بھگوَن ہو کے بھاگ سب دے ویکھ وکھائیا۔
نام دی دات گُرمُکھاں دے اندر جائے رکھی، رکھک ہو کے ہوئے سہائیا۔ گُرمُکھ رس وِچ بِنا رسنا بولیاں بن جائے اوہ سخی، جِس دا سُخن سکے نہ کوئے بدلائیا۔ بِنا یاد کیِتیاں توں درشن دیاں کراں گا اکھّی، سنمُکھ ہو کے جن بھگتاں درشن آپ پائیا۔ آپے نار بنیگا تے آپے ہووےگا پتی، پت پرمیشور اپنی کھیل کھِلائیا۔ تُہاڈے اندر تُہاڈی جوت جگا کے بتّی، بِنا بتّی دنداں توں بولیاں دیاں وکھائیا۔ حُکم تُہاڈے نال میرا سانجھا ہو جائے حِصّہ پتّی، پترے پڑھن دی لوڑ رہے نہ رائیا۔ جِس وِچ فرق رہے نہ رتی، رتیاں توں تولے دینے بنائیا۔ جوتی جوت سروُپ ہرِ، آپ اپنی کِرپا کر، دُھر دا دیوے نام ور، جِس نام دی مہما چار جُگ دے شاستر گئے گائیا۔ دیوے نام بِن رسنا رس، رستہ اندرے اندر وکھائیا۔ منوُآ من کر کے وس، وصل یار دئے کرائیا۔ پرکاش پرے ہووے روَ سس، جوتی جاتا ڈگمگائیا۔ میل مِلاوا اپنا آپے کرے ہسّ، ہستی ہستی نال مِلائیا۔ گُرمُکھو تُہاڈا گُرمُکھ دوارا سَتگُر دی کِرپا نال جائے وس، تُہاڈی وست تُہاڈے وِچوں تُہاڈے ہتّھ پھڑائیا۔ جوتی جوت سروُپ ہرِ، آپ اپنی کِرپا کر، ایکا دیوے دُھر دا ور، جِس نام رسنا بولن دی لوڑ رہے نہ رائیا۔