کتب خانہGranth 23 (Urdu)

۲۸ مگھّر شہنشاہی سمت ۹ بلوِندر سِنگھ دے ٹینٹ وِچ منوال کیمپ ضِلع جموں

دھرنی کہے میرے نِرنکار، نِروَیر نِراکار تیری اوٹ تکائیا۔ میَں نِمانی سُن پُکار، کوجھی کملی کوُک کوُک سُنائیا۔ پُرکھ بِدھاتے پا سار، پاربرہم پت پرمیشور تیری اوٹ تکائیا۔ میَں روواں زارو زار، سچکھنڈ تیرے الکھ جگائیا۔ میرے اُتے ہویا دھوُاں دھار، چاروں کُنٹ اندھیرا چھائیا۔ سَت سچ نہ کوئے اُجیار، دھرم بَیٹھا مُکھ چُھپائیا۔ تیری سرِشٹی کرے وِبھچار، کُکرماں وِچ لوکائیا۔ شبد سُنے نہ کوئی تیری دُھنکار، انحد ناد نہ کوئے شنوائیا۔ امرت رس نِجھر جھِرنا ملِے نہ ٹھنڈا ٹھار، بوُند سوانتی نہ کوئے ٹپکائیا۔ جوتی جاتے تیرا نوُر ہوئے کوئی نہ ظاہر، ظاہر ظہوُر تیرا درس کوئے نہ پائیا۔ میری کلجُگ سُن پُکار، کوُک کوُک دیاں سُنائیا۔ میرے اُتوں لاہ دے بھار، پاپاں کر صفائیا۔ جگت جگیاسوُآں دُرمت میَل اُتار، نِرنتر انتر دے وڈیائیا۔ اپنا مارگ بخش سُکھال، رہبر ہو کے ویکھ وکھائیا۔ میرے مالک خالق دیِن دَیال، دَیانِدھ تیری سرنائیا۔ میَں صدی چؤدھویِں ہوئی بےحال، بیِس بیِسے تیری اوٹ تکائیا۔ تُوں یودھا سوُربیِر آد جُگادی نؤجوان، نوُر نوُرانہ اِک اکھوائیا۔ کِرپا کر میرے بھگوان، بھگوَن تیرا راہ تکائیا۔ کوُڑ کُکرم میٹ نِشان، شرع شرع وِچوں بدلائیا۔ آتم برہم دے گیان، سرِشٹی درِشٹی دے سمجھائیا۔ تُوں سب دا نظری آئیں رام، کاہن کاہنا اِکو روُپ درسائیا۔ تُوں پیِراں دا پیِر اگمّ اِمام، نبیاں رسوُلاں پڑدا آپ چُکائیا۔ تُوں شاہو بھوُپ سُلطان، شہنشاہ وڈ وڈیائیا۔ تُوں دو جہاناں راج راجان، پُری لوء برہمنڈ کھنڈ تیری چلن حُکم رضائیا۔ دھرنی کہے دھرت دھوَل میَں نِمانی دھؤل تُوں پربھوُ مار دھیان، بِن اکھّاں اکھّ اُٹھائیا۔ چاروں کُنٹ شرع شیَطان، چُھری ویکھ جگت قصائیا۔ کلجُگ جیِواں توڑ مان ابِھمان، ہنگتا رہے نہ رائیا۔ تُوں میرا میَں تیرا آتم پرماتم سارے ڈھولا گان، پاربرہم برہم مِل مِل کے وجےّ ودھائیا۔ تیرا اِشٹ گُردیو سوامی اِک منان ، دوُجا نظر کوئے نہ آئیا۔ جوتی جوت سروُپ ہرِ، آپ اپنی کِرپا کر، ایکا دینا دُھر دا ور، نِہکلنک نرائن نر، مہاراج شیرسِنگھ وِشنوُں بھگوان، سچ پریِتی پریِتم دے دے اپنا دان، دَیاوان میری خالی جھولی دینی بھرائیا۔

۲۸ مگھّر شہنشاہی سمت ۹ گیان سِنگھ دے ٹینٹ وِکھے منوال کیمپ ضِلع جموں

کلجُگ کہے دھرنیئے پربھ اَگے نہ کر پُکار، بِہبل ہو نہ دے دُہائیا۔ میرا وقت سُہنجنا وِچ سنسار، چاروں کُنٹ ویکھ دھیان لگائیا۔ میَں سندیسہ دیواں وارو وار، گرِہ گرِہ رہیا سُنائیا۔ کلجُگ جیِواں کرکے خبردار، سُتیاں لیا اُٹھائیا۔ کوُڑ کُڑیارا چاڑھ خُمار، مستی دِتی وکھائیا۔ کام کرودھ لوبھ موہ بخش ہنکار، ہنگتا سنگ رلائیا۔ سَت دھرم دا رہن نہیں دِتا وِچار، چاروں کُنٹ اندھیرا چھائیا۔ مان رہیا نہ کِسے دھرم دوار، سارے دین دُہائیا۔ اٹھسٹھ روون دھاہاں مار، گنگا گوداوری جمنا سُرستی رہی کُرلائیا۔ ایہہ کھیل میرا تک اپر اپار، اپرمپر سوامی دِتی وڈیائیا۔ میَں لہنا دینا جانا جگت جیِواں پاواں سار، مہاسارتھی ہو کے ویکھ وکھائیا۔ میری چاروں طرف کھِلی گُلزار، مہک ممتا والی مہکائیا۔ وِبھچاری کرکے پُرکھ نار، ویکھاں چائیں چائنیا۔ کِسے نظر نہ آئے ہرِ کرتار، کرتا پُرکھ مِلن کوئے نہ پائیا۔ میَں بھیوَ چُکایا تیئی اوتار، حضرت عیسیٰ موُسیٰ محمد کھیل کھِلائیا۔ گُروُآں دسّ اپنی تکرار، بہرحال اپنا بھیوَ کُھلائیا۔ میَں نؤ کھنڈ پرِتھمی سب دا سِکدار، شہنشاہ اِک اکھوائیا۔ کوئی نہ میرے حُکم توں چلے باہر، سِر سکے نہ کوئے اُٹھائیا۔ میَں سب دا پیِر ظاہر، ظاہر ظہوُر نظری آئیا۔ میری سب توں وکھّری گُفتار، گُفت شُنیِد کراں پڑھائیا۔ میری خواہش دے طلب گار، دیِن دُنی والے نظری آئیا۔ جوتی جوت سروُپ ہرِ، آپ اپنی کِرپا کر، دیونہارا ساچا ور، میرا ساچا سنگ نِبھائیا۔ کلجُگ کہے دھرنیئے نہ مار پربھوُ نوُں کوُکاں، کوُک کوُک سُنائیا۔ میَں خوشیاں وِچ تیری سَت دھرم دی دھار نوُں پھوُکاں، اگنی تت لگائیا۔ میرا کھیل ویکھ لےَ وِچ پنج بھوُتا، اپ تیج وائے پرِتھمی آکاش دھیان لگائیا۔ میَں خالی رہن دِتا نہیں کوئی کوُچا، گلی گلی بھجّاں واہو داہیِا۔ جگیاسوُ دِسے کوئی نہ سُچا، کوُڑ کُڑیارا رنگ رنگائیا۔ پیار مُحبّت ناتا رہن دِتا نہیں کِسے گُروُ دا، سیوک وِچ سیوا بھاوَنا نظر کوئے نہ آئیا۔ ہُن میرا کھیل تکّنا شُروُع دا، شرع والیاں دیاں ٹکرائیا۔ دُھر دا حُکم کدے نہ مُڑوُگا، نہ کوئی میٹے میٹ مِٹائیا۔ کوُڑ کُڑیارا بیڑا شؤہ دریا رُڑھوگا، اَگے ہو نہ کوئے اٹکائیا۔ جوتی جوت سروُپ ہرِ، آپ اپنی کِرپا کر، دیونہارا ساچا ور، نِہکلنک نرائن نر، مہاراج شیرسِنگھ وِشنوُں بھگوان، جِس دا ناد انادی منتر ایک پُھروُگا، فُرنے تیرے میرے رہن کوئے نہ پائیا۔

۲۸ مگھّر شہنشاہی سمت ۹ لال سِنگھ دے ٹینٹ وِچ منوال کیمپ ضِلع جموں

دھرنی کہے شہنشاہ سُلطانا، سو پُرکھ نِرنجن تیری سرنائیا۔ ہرِ پُرکھ نِرنجن میرے مِہربانا، ایکنکار تیری وڈیائیا۔ آد نِرنجن نؤجوانا، ابناشی کرتے ہونا سہائیا۔ سِری بھگوان بن مرد مردانہ، پاربرہم میری دینی پَیج رکھائیا۔ شبد سَتگُر نؤجوانا، تیری دھوُڑی خاک رمائیا۔ نِگاہ مار لےَ وِچ جہانا، چاروں کُنٹ اکھّ اُٹھائیا۔ میرا دھرم دا دھرم نہ رہیا نِشانہ، سچ بَیٹھا مُکھ چُھپائیا۔ میَں سندیسے دِتے سیِتا راما، کرِشنا کاہنا آکھ جنائیا۔ پَیغمبراں دِتے پَیغاما، سندیسیاں وِچ جنائیا۔ گُروُ گُردیوا دسّیا لوک ناما، بھیوَ ابھید کُھلائیا۔ اپنے دیِناں مذہباں ویکھو بَیٹھے اُتے اسمانا، بِن نیَناں نیَن اُٹھائیا۔ جوتی جوت سروُپ ہرِ، آپ اپنی کِرپا کر، ایکا دینا دُھر دا ور، دیونہار تیری سرنائیا۔ دھرنی کہے میرے پُرکھ اکال ویکھ لےَ جگت، جگ جیِون داتے دھیان لگائیا۔ چاروں کُنٹ تک لےَ اگمّی شکت، نِربھےَ پردہ آپ چُکائیا۔ وقت دُہیلا ویکھ لےَ بوُند رَکت، سچ وِچ نہ کوئے سمائیا۔ میَں بیننتی کردی فقط، فِقرے ڈھولے رہی سُنائیا۔ تیرا رہیا کوئی نہ جِگرے لخت، پوُت سپوُتا نظر کوئے نہ آئیا۔ جِدھر تکاّں دیِناں مذہباں دِسے حسد، مُحبّت وِچ نہ کوئے سمائیا۔ تُوں چڑھ کے آ اگمّی اَسو، شاہ سوارا پھیرا پائیا۔ دیِن دُنی دا میٹ مُتعصّب، مُطلاع کر کے سب نوُں دے سمجھائیا۔ میرے اُتے ہون والا غضب، میَں حَیرانی وِچ رہی سمجھائیا۔ جھگڑا پَینا دیِن مذہب، چاروں کُنٹ لئے انگڑائیا۔ میری مِہربانا کر دے مدد، سِر میرے ہتّھ ٹِکائیا۔ صدی چؤدھویِں نِرگُن دھار تکاّں تشّدد، جوتی جوت سروُپ ہرِ، آپ اپنی کِرپا کر، ایکا دینا ساچا ور، نِہکلنک نرائن نر، مہاراج شیرسِنگھ وِشنوُں بھگوان، سِر میرے ہتّھ رکھائیا۔

۲۸ مگھّر شہنشاہی سمت ۹ سوَرن کؤر دے گرِہ منوال کیمپ ضِلع جموں

دھرنی کہے پربھوُ میری اِک ارداس، بیننتی وِچ جنائیا۔ تُوں میرا شہنشاہو شاباش، پاتشاہ بےپرواہیِا۔ تیرا سچکھنڈ دوار نِواس، تِھر گھر تیرے چرن کوَل سرنائیا۔ برہمنڈ کھنڈ پُری لوء آکاش تیری راس، منڈل منڈپ ویکھاں چائیں چائنیا۔ تُوں شاہو بھوُپ ابناش،

ہرِ کرتا دُھردرگاہیِا۔ میری اِکو بیننتی انتم پوُری کرنی خواہش، خالص دیاں دِرڑائیا۔ سد وسیں بھگتاں پاس، بھگت سُہیلے اپنی دَیا کمائیا۔ غریِب نِمانیاں پوُری کریں آس، ترِسنا ترِکھا پوُر کرائیا۔ دیِناں اناتھاں دُکھڑے کریں ناس، تن وجوُداں کریں صفائیا۔ آتم جوت بخش پرکاش، اندھ اندھیرا دینا مِٹائیا۔ چرن پریِتی دے وِشواس، وِشیاں چوں باہر کڈھائیا۔ تُوں داتا سرب گُنتاس، گُنونت تیری سرنائیا۔ جوتی جوت سروُپ ہرِ، آپ اپنی کِرپا کر، ایکا دینا دُھر دا ور، در ٹھانڈے منگ منگائیا۔ دھرنی کہے پربھوُ میرے اُتے ویکھیں اپنے بھگت جن، بنیں جنیندی مائیا۔ بھاگ لگاویں کایا ماٹی تن، پنچم پنچ دے وڈیائیا۔ اندروں پھیر کے منکا من، ممتا موہ دیئیں مِٹائیا۔ اِک سمجھا اپنا برہم، پاربرہم پردہ دینا اُٹھائیا۔ چرن پریِت بخش کے دھرم، دھرم دی دھار دینی سمجھائیا۔ جھگڑا میٹ کے ورن برن، کھتری براہمن شوُدر وَیش دا پندھ مُکائیا۔ تُوں میرا میَں تیرا سارے ڈھولا پڑھن، آتم پرماتم مِل کے وجدی رہے ودھائیا۔ ساچی منزل دسّیں چڑھن، رستہ اِکو اِک وکھائیا۔ سچکھنڈ دواری دسّیں وڑن، اَگے ہو نہ کوئے اٹکائیا۔ میرے سوامیِا انترجامیاں جن بھگتاں پھڑیں لڑن، پلّوُ اپنے گنڈھ پوائیا۔ میرے نال تیری چرن دھوُڑ دا ہووے پرن، پرا پسنتی مدھم بَیکھری توں باہر دینا سمجھائیا۔ تُوں سَتگُر داتا تارن ترن، تارنہار اِک اکھوائیا۔ جو ہرِجن گُرمُکھ گُرسِکھ بھگت سُہیلے صوُفی سنت فقیِر تیری آئے سرن، سرنگت دینی وڈیائیا۔ تُوں سب کِچھ کرنی کرن، کرتا پُرکھ اِک اکھوائیا۔ جوتی جوت سروُپ ہرِ، آپ اپنی کِرپا کر، ایکا دینا دُھر دا ور، نِہکلنک نرائن نر، مہاراج شیرسِنگھ وِشنوُں بھگوان، نِرگُن دھار پھڑائیں لڑن، پلّوُ پلکاں دے پِچھے لیَنا بندھائیا۔

۲۸ مگھّر شہنشاہی سمت ۹ بھاگ سِنگھ دے ٹینٹ وِکھے کِشن پُر کیمپ ضِلع جموں

مایا کہے میَں رچنا کاج اگمّا، اگمّ میری وڈیائیا۔ بھیداں بھریا ہووے میرا سماں، سمجھ بُدھی توں باہر میری پڑھائیا۔ میَں لیکھا جانا چار جُگ توں نَواں، نوَ نؤ چار دی دھار نال وڈیائیا۔ میَں سچ سندیسہ خوشیاں دے نال کہواں، کہہ کہہ دیِن دُنی سُنائیا۔ میرے

سجّنو مِترو میرا وقت سُہنجنا ہونا رواں، رَوی دا لیکھا سوبھا پائیا۔ جگیاسوُاو تُہاڈی من دی سیجا سَواں، آسن سِنگھاسن اِک وڈیائیا۔ تُہاڈے انتشکرن وِچ پا کے موہ دی طمع، ناتا کوُڑ نال جُڑائیا۔ گھر گھر ممتا جگا کے شمع، ہنگتا کراں شنوائیا۔ ویکھ وکھانا کایا ماٹی چمّا، چمّ درِشٹی دھیان لگائیا۔ پوَن سواسی تکاّں دماں، دامنگیِر ہو کے کھوج کھوجائیا۔ میرا لہنا دینا سب دے نال وِچ غماں، غم خوار مِلن کوئے نہ پائیا۔ جوتی جوت سروُپ ہرِ، آپ اپنی کِرپا کر، دیونہارا ساچا ور، سچ دا حُکم آپ ورتائیا۔ مایا کہے میَں سب دے نال جوڑنا رِشتہ، جگت سنبندھیِاں دیاں جنائیا۔ پربھوُ اُتے کِسے دا رہن نہیں دینا نِسچا، نِسچے نال دیاں بدلائیا۔ نیتر لوچن نیَن پُرکھ اکال ہووے نہ دِسدا، چاروں کُنٹ اندھیرا چھائیا۔ پیار رہن دینا نہیں کِسے مِتر پیارے مِت دا، مِترو دیاں سمجھائیا۔ کھیل تکّنا من ٹھگؤری چِت دا، چیتن سُرتی نہ کوئے کرائیا۔ میرے پیار وِچ شاہ سُلطان ویکھیو وِکدا، اپنی قیِمت جگت پوائیا۔ سادھاں سنتاں من ہونا نہیں ٹِکدا، ٹِکّے دھوُڑی خاک نہ کوئے رمائیا۔ میَں حُکم منّنا اوس ابناشی اچُت دا، جو چتربُھج بےپرواہیِا۔ وقت سُہنجنا ہونا میری رُت دا، رُتڑی پربھ دے نال مہکائیا۔ میَں بھانا منّنا شبد دُلارے سُت دا، جو جُگ جُگ اپنا حُکم ورتائیا۔ میرا نِشانہ ہونا ادبُھت دا، پنج بھوُتک سمجھ کوئے نہ پائیا۔ وقت سُہنجنا ہووے میری رتّ دا، رُتڑی کلجُگ نال مہکائیا۔ جوتی جوت سروُپ ہرِ، آپ اپنی کِرپا کر، کرے کھیل ساچا ہرِ، سچ دا کھیل آپ سمجھائیا۔ مایا کہے میَں مستیاں وِچ پِھراں دیِوانی، دیِا باتی گھر گھر ویکھ وکھائیا۔ میری جوبن والی ہووے جوانی، چاروں کُنٹ بھجّاں واہو داہیِا۔ میرے سنگ کوُڑ دی ہووے نِشانی، نِشانے نوَ ستّ وکھائیا۔ میرے کول موہ دی ہووے ابِھمانی، ممتا کوُڑی نال رلائیا۔ میرا لیکھا سُہنجنا ہووے نال چارے کھانی، چارے بانی میری وجدی رہے ودھائیا۔ میرا کھیل جگت جُگت توں باہر لاثانی، نِرگُن اپنا حُکم ورتائیا۔ میَں لیکھا تکاّں جیِو پرانی، پُنہ پُنہ کھوج کھوجائیا۔ جوتی جوت سروُپ ہرِ، آپ اپنی کِرپا کر، ایکا دیوے ساچا ور، سچ بخشے چرن سرنائیا۔ مایا کہے میرا کھیل اگمّڑا، انوکھی وکھّری دھار چلائیا۔ میرا روُپ سمجھے نہ کوئی پَیسا دھیلا دمڑا، ٹکیاں ونڈ نہ کوئے ونڈائیا۔ تن وجوُد ماٹی خاک نہ دِسے چمڑا، پنج تت نہ ویس وٹائیا۔ میرا پوَن سواس نہ کوئی امی امڑا، گودی گود نہ کوئے وکھائیا۔ میرا نیتر لوچن نیَن کدے نہ ہووے اندھڑا، نیترہیِن نہ کدے اکھوائیا۔ میرا بھاگ دِسے نہ مندڑا، مندبھاگاں تکاّں لوکائیا۔ ہرکھ سوگ نہ ہووے غمڑا،

چِنتا وِچ کدے نہ آئیا۔ جوتی جوت سروُپ ہرِ، آپ اپنی کِرپا کر، دیونہارا ساچا ور، سچ میرا کھیل کھِلائیا۔ مایا کہے میَں کھیل کھیلاں وِچ جگت، جگ جیِون داتا دئے وڈیائیا۔ میرا سُہنجنا ہووے وقت، گھڑی پل خوشی بنائیا۔ میری پوُری ہووے شرط، شرع دے ڈیرے ڈھاہیِا۔ میرا سوامی ملِے مالک عرش، عرشی پریِتم دُھردرگاہیِا۔ میَں کھیل کھیلاں اُتے فرش، دھرنی دھرت دھوَل وجےّ ودھائیا۔ میرا مِہربانا سِری بھگوانا نؤجوانا کرے ترس، رحمت رحیِم آپ کمائیا۔ دُھر دا میگھ دیوے برس، جگت ترِسنا دئے بُجھائیا۔ میَں سچ دوارے کراں درس، در ٹھانڈے نِو نِو لاگاں پائیا۔ میری کلپنا وِچ رہے کوئی نہ حرص، ہوَس دیوے بُجھائیا۔ جوتی جوت سروُپ ہرِ، آپ اپنی کِرپا کر، دیونہارا ساچا ور، سچ دا میلا لئے مِلائیا۔ مایا کہے جن بھگتو میرا جگت والا نہیں موہ، سَت سچ دیاں سمجھائیا۔ تُہاڈے انتر نِرنتر اوس پربھوُ دی لوء، جو لوئن لوچن نیَن سرب رہیا کُھلائیا۔ تُسیں آتم پرماتم دھار اِک تے دو، دوُآ ایکا مِل دے وجےّ ودھائیا۔ سچ پیار وِچ جانا چھوہ، چھوہر بانکے بن کے لیَنی انگڑائیا۔ تُہاڈے نال کدے نہ کراں دھروہ، دھروُ پرہلاد رہیا سمجھائیا۔ سَت سچ دا ڈھوآ دیواں ڈھو، وست اگمّ اگمّ وکھائیا۔ تُہاڈے انتر نِرنتر ایکا شبد سوامی سو، ہنگ برہم مِل کے وجےّ ودھائیا۔ میرا لہنا دینا لیکھا اوَر رہے نہ کو، کوئل وانگ کوُک کے دیاں جنائیا۔ جوتی جوت سروُپ ہرِ، آپ اپنی کِرپا کر، دیونہارا ساچا ور، دُھر مالک وڈ وڈیائیا۔ مایا کہے جن بھگتو تُسیں کرِیو کوئی نہ فِکر، فِقرہ دیاں جنائیا۔ تُہاڈا اِکو پریمی پیارا مِتر، مِترو دُھردرگاہیِا۔ جِس دی دھار وِچوں میَں آئی نِکل، میَنوُں جنمے کوئے نہ مائیا۔ میَں جانا دیش اِتل، وِتل اپنا پھیرا پائیا۔ دیِن دُنی دھار تکّنی پِتل، کنچن گڑھ نہ کوئے وڈیائیا۔ جوتی جوت سروُپ ہرِ، آپ اپنی کِرپا کر، دیونہارا ساچا ور، سچ دی کھیل آپ کھِلائیا۔ جھٹ نارد کہے مایا تُوں بڑیاں کیِتیاں باتاں، اپنے وطن دا حال سُنائیا۔ اُٹھ تک لےَ اندھیریِاں راتاں، بِن نیَناں نیَن کُھلائیا۔ چار جُگ دیِاں ویکھ لےَ گاتھاں، اکھّر اکھّراں پھول پھولائیا۔ دُنی وِچ تک لےَ اناتھ اناتھاں، دین دیِناں پردہ آپ اُٹھائیا۔ اپنا مستک تک لےَ ماتھا، کی تیرا لیکھ رہیا جنائیا۔ اپنا لہنا ویکھ لےَ ہاتھو ہاتھا، ہتھیلیِاں دوویں لےَ اُٹھائیا۔ کی کھیل کرے تیرا پُرکھ سمراتھا، ہرِ کرتا دُھردرگاہیِا۔ جِتھے اِک کُھلایا ہاٹا، ہٹوانا بنیا بےپرواہیِا۔ نی تیرا چیِتھڑ پُرانا پاٹا، جُگ چؤکڑی پِچھلا نظری آئیا۔ اپنے کھاتے وِچوں ویکھ لےَ اپنا گھاٹا، بِن انکڑیاں حِساب لگائیا۔ جوتی جوت سروُپ

ہرِ، آپ اپنی کِرپا کر، کرے کھیل ساچا ہرِ، سچ دا حُکم آپ ورتائیا۔ مایا کہے میَں آد آد ونجارن، ونج سَت سچ کرائیا۔ پربھ در بِھکھارن، جُگ جُگ جھولی ڈاہیِا۔ کلجُگ انت آئی پُکارن، کوُک کوُک سُنائیا۔ کھیل تک سچّی سرکارن، شاہ پاتشاہ سچّے شہنشاہیِا۔ دھرم رہیا نہ کِسے ناری نارن، نر نرائن تیرے وِچ نہ کوئے سمائیا۔ بھیوَ ابھیدا اچھل اچھیدا میرا دسّ دے کارن، کِس بِدھ اپنا کھیل کھِلائیا۔ میَں گھر گھر در در مندراں اندر ہوواں بھنڈارن، وست جگت والی ورتائیا۔ تُوں شاہو بھوُپ بِن رنگ روُپ میرا راج راجن، در تیرے سیِس جھُکائیا۔ حق حقیِقت کِس بِدھ سواریں کاجن، جوتی جوت سروُپ ہرِ، آپ اپنی کِرپا کر، دیونہارا دُھر دا ور، دیونہار تیری سرنائیا۔ مایا کہے میَں پِھراں نال چاؤ، چاؤ گھنیرا اِک رکھائیا۔ گیِت گاواں واہو واہو، واہوا تیری بےپرواہیِا۔ سرِشٹی درِشٹی تکاّں وانگ کاؤں، گرِہ گرِہ پھول پھولائیا۔ بِنا بھگتاں ہِردے وسے کِسے نہ ناؤں، نِرنکار مِلن کوئے نہ پائیا۔ میَں پِھردی گاؤں گاؤں، آپ اپنا پندھ مُکائیا۔ میَں کوُک سُناواں کھڑی کر کے باہوں، باہوُ بَل نال جنائیا۔ پُرکھ اکالا دیِن دَیالا آد جُگادی شہنشاہو، شاہ پاتشاہ اِک اکھوائیا۔ جِس سرِشٹی دُنی کائنات لا جانا سب نوُں داؤ، بھیت ابھید سمجھے کوئی نہ رائیا۔ جِس دا لہنا دینا انتم شؤہ دریاؤ، کلجُگ کوُڑے بیڑے دئے رُڑھائیا۔ جِس نے آد کیِتا پساؤ، انتم ویکھے تھائیں تھائنیا۔ اُس سوامی انترجامی سدا بل بل جاؤ، بلہاری بلہار اپنا آپ کرائیا۔ جو آد انت جُگا جُگنت سِری بھگوَنت سب دا پِتا ماؤں، جو پروردِگارا سانجھا یارا ایکنکارا ایکا ایک اکھوائیا۔ جوتی جوت سروُپ ہرِ، آپ اپنی کِرپا کر، دیونہارا ساچا ور، نِہکلنک نرائن نر، مہاراج شیرسِنگھ وِشنوُں بھگوان، لیکھا جانے اگمّ اتھاہو، اگوچر اپنا بھیوَ چُکائیا۔

۲۹ مگھّر شہنشاہی سمت ۹ بچنو دیوی دے گرِہ کِشن پُر کیمپ ضِلع جموں

دھرنی کہے کِرپا کرے پتت پاوَن، مِہربان مِہر نظر اُٹھائیا۔ لیکھا جانے بل باوَن، باوَن دھار اگمّ اتھاہیِا۔ جِس کھیل کھِلایا رام راون، رام راما وڈ وڈیائیا۔ جِس کنس مِٹایا بن کے شامن، شام گھنئیا روُپ درسائیا۔ سو انتم بن کے میرا ضامن، کلجُگ کوُڑ کُڑیار ویکھ وکھائیا۔ جِس جھگڑا میٹنا کھتری شوُدر وَیش براہمن، برہم اِکو اِک درسائیا۔ اوہ میری ویکھے ترِسنا طامن، خواہشاں دھیان لگائیا۔ میَں

اُس دے کراں چرن دھیانن، نِو نِو سیِس جھُکائیا۔ پلّوُ پھڑیا دامن، اپنی گنڈھ بندھائیا۔ سو کِرپا کرے سِری بھگوانن، بھگوَن رنگ رنگائیا۔ میرے نیتر دیوے چانن، بِن اکھّیِاں اکھّ اُٹھائیا۔ جِس دے بھگت سُہیلے خوشیاں رنگ مانن، منسا پربھ دے نال رکھائیا۔ جوتی جوت سروُپ ہرِ، آپ اپنی کِرپا کر، دیونہارا ساچا ور، سچ دا لہنا رہیا چُکائیا۔ دھرنی کہے میری مِٹّی خاک مارے چھالاں، بِن قدماں قدم اُٹھائیا۔ میَنوُں چاؤ گھنیرا باہلا، بہُہ بھانتی دیاں سمجھائیا۔ میرا انتشکرن ہویا کاہلا، چھیتی چھیتی رہیا کُرلائیا۔ پُرکھ اکالا دیِن دَیالا، دیون والا جگت وڈیائیا۔ جن بھگتاں بن رکھوالا، ہوئے آپ سہائیا۔ پریم پیار دی تن انتر پہنا کے مالا، من کا منکا رہیا بھوائیا۔ ساڈھے تِنّ ہتّھ سُہا سچّی دھرمسالہ، دھرم دوارا اِک وکھائیا۔ مارگ دسّ اگمّ سُکھالا، بھیوَ ابھیدا آپ چُکائیا۔ ہرِجن تُوں میرا میَں تیرا گا لا، دوُسر اوَر نہ کوئے پڑھائیا۔ تیری لیکھےلاوے گھالا، جنم جنم لہنا دئے چُکائیا۔ داغ رہے موُل نہ کالا، کل کلکی ہوئے سہائیا۔ اَگے منگے کوئی نہ ہالہ، رائے دھرم نہ دئے سزائیا۔ نام پیا لےَ جام پیالہ، ساقی بنے دُھر دا ماہیِا۔ جوتی جوت سروُپ ہرِ، آپ اپنی کِرپا کر، دیونہارا ساچا ور، نِہکلنک نرائن نر، مہاراج شیرسِنگھ وِشنوُں بھگوان، میرا حل کرے سوالا، اِچھیا آسا تمنّا پوُر کرائیا۔

۲۹ مگھّر شہنشاہی سمت ۹ بلونت کؤر دے گرِہ کِشن پُر کیمپ ضِلع جموں

دھرنی کہے جن بھگتو میَں تُہانوُں دیاں ودھائی، واہ واہ خوشیاں گیِت سُنائیا۔ جِنہاں دا پریِتم پیارا اِکو ماہی، سد مُحبّت وِچ سمائیا۔ جو تُہاڈے پِچھے بنیا پاندھی راہی، ملِے تھاؤں تھائنیا۔ اِک سندیسہ رہیا سُنائی، دُھر فرمان جنائیا۔ تُوں میرا میَں تیرا لیَنا گائی، سچ نام شنوائیا۔ تُہاڈا لہنا دینا پوُر کرائی، آشا ترِسنا جگت مِٹائیا۔ گوبِند دا لیکھے لا کے برس دو سؤ ڈھائی، ڈھئیا اپنا رنگ رنگائیا۔ لیکھا جانے تھل اسگاہی، ٹِلّے پربت ویکھ وکھائیا۔ دیِناں مذہباں لیکھا رہیا چُکائی، ذات پات نہ ونڈ ونڈائیا۔ سرب بنا کے بھَیناں بھائی، پِتا پوُت لئے گل لائیا۔ تُساں وسنا چائیں چائیں، چاؤ گھنیرا دئے جنائیا۔ جوتی جوت سروُپ ہرِ، آپ اپنی کِرپا کر، دیونہارا ساچا ور، سچ دا رنگ آپ رنگائیا۔ دھرنی کہے جن بھگتو تُسیں سدا رہنا وسدے، گھر سچ ملِے وڈیائیا۔ انتر آتم رہنا ہسدے، من ممتا دوُر کرائیا۔ ڈھولے

گاؤنے پربھوُ دے جس دے، آد انادی صِفت صالاحیِا۔ نظارے لینےَ پریم دی اکھّ دے، درشن لوچن نال پائیا۔ جھگڑے مُکن پنج تت دے، تتو تت نہ کوئے تپائیا۔ ونجارے بننا برہم مت دے، پاربرہم دئے سمجھائیا۔ لیکھے رہن نہ بوُند رتّ دے، رَکت دا جھگڑا دئے مُکائیا۔ کھیل تکنے پرمیشور پت دے، جو پت پتونتا دئے وکھائیا۔ نوَ ستّ جگت جگیاسوُ تکنے تپدے، ہِردے شانت نہ کوئے کرائیا۔ مایا روُپ دھرے ڈسنی سپّ دے، شاہ سُلطاناں ڈنگ لگائیا۔ راؤ رنک چاروں کُنٹ نَٹھدے، بھجّن واہو داہیِا۔ پُرکھ اکالے دیِن دَیالے سدّ دے، نیتر روون مارن دھاہیِا۔ ساڈے میلے کر سبب دے ، چِری وِچھُنیاں لیَنا مِلائیا۔ حِساب ویکھ لےَ اپنے جگ دے، جاگرت جوت کر رُشنائیا۔ چاروں کُنٹ انگیارے اگّ دے، امرت میگھ نہ کوئے برسائیا۔ پیالے موُدھے ہو گئے مد دے، مدُھر دُھن سُنن کوئے نہ پائیا۔ ہائے اُف طوبیٰ کی حُکم ورتے ربّ دے، ربّ العالمین کی کھیل کھِلائیا۔ راہ لبھن کِسے نہ حج دے، حُجرے حق نہ کوئے سُہائیا۔ جوتی جوت سروُپ ہرِ، آپ اپنی کِرپا کر، ایکا دینا ساچا ور، نِہکلنک نرائن نر، مہاراج شیرسِنگھ وِشنوُں بھگوان، میرے لیکھے مُکا دے جھب دے، یدی اپنا حُکم ورتائیا۔

۲۹ مگھّر شہنشاہی سمت ۹ پوُرن سِنگھ دے گرِہ کِشن پُر ضِلع جموں

دھرنی کہے میرے تے جُگ چؤکڑی جاندے بیِت، نِت نِت اپنا پندھ مُکائیا۔ گُر اوتار پَیغمبراں چلدی رہندی ریِت، سَتجُگ تریتا دواپرکلجُگ وجدی رہے ودھائیا۔ شبد شہانہ نؤجوانا ویکھدی رہی میِت، مِتر پیارا دھیان لگائیا۔ دیِن مذہب دی تکدی رہی ریِت، نام کلمیاں سوبھا پائیا۔ جگت جگیاسوُآں ویکھدی رہی چیِت، چیتن ہو کے کھوج کھوجائیا۔ میَں حَیران ہوواں بِنا بھگتاں توں ملِے نہ کِسے ترےَگُن اتیِت، ترےَبھوَن دھنی مِلن کِسے نہ آئیا۔ جِس دا لیکھا باہر مندر مسیِت، دھرم دی دھار اِک وکھائیا۔ ہرِجن کایا کرے ٹھانڈی سیِت، اگنی تت بُجھائیا۔ کر کے پتت پُنیِت، پاوَن دَیا کمائیا۔ کرم کانڈ تے مار کے لیِک، پِچھلا لیکھا دِتا مُکائیا۔ ہرِجن ساچے کر آپ

تصدیِق، شہادت نام والی بُھگتائیا۔ اندروں میٹ کے اندھیرا تاریِک، نوُر نوُرانہ دئے چمکائیا۔ مان دیوے ہست کیِٹ، ہرِجن اِکو رنگ رنگائیا۔ جوتی جوت سروُپ ہرِ، آپ اپنی کِرپا کر، دیونہارا ساچا ور، سچ سوامی ہوئے سہائیا۔ دھرنی کہے جن بھگتو میرا اِشارہ اِک، اِکو وار جنائیا۔ اِک اِشٹ تے جانا ٹِک، ٹِکّے مستک دھوُڑی خاک رمائیا۔ میَں جِس دی نؤ سؤ چُرانوے جُگ چؤکڑی رکھی سِک، آسا وِچ بَیٹھی اکھّ کُھلائیا۔ سو آ گیا میرا مِت، مالک خالق دُھردرگاہیِا۔ جو تُہاڈے وسے چِت، ٹھگؤری من دی دوُر کرائیا۔ بن پرمیشور پِت، اپنی گود ٹِکائیا۔ درشن دیوے نِت، ہوئے آپ سہائیا۔ تُساں مانَس جنم لیا جت، زِندگی زِندگی وِچوں بدلائیا۔ جوتی جوت سروُپ ہرِ، آپ اپنی کِرپا کر، دیونہارا ساچا ور، سچ دا میلا آپ مِلائیا۔ دھرنی کہے میریِاں خوشیِاں ہوئیاں نویِاں، نوَ نوَ دیاں جنائیا۔ میَں کھیل ویکھنا اوتار چوَھیاں، چار بیِس نال وڈیائیا۔ میَں اوس پربھوُ دے پیار وِچ رَوی آں، جو رَویِداس دا لیکھا پوُر کرائیا۔ جِس لہنا پوُرا کرنا بَونجا کویاں، کائنات ویکھ وکھائیا۔ میَں اوس دی سرن سرنائی پئیاں، سِر سِر سیِس نِوائیا۔ جِس نے دھرم رائے دیِاں پاڑیِاں وہئیاں، لیکھے بھگتاں اپنے ہتّھ رکھائیا۔ میَں گُرمُکھاں گھر گھر ویکھاں چائیں چئیاں، چاروں کُنٹ نیَن اُٹھائیا۔ کی کھیل کرے دُھر دا سئیا، ساجن بےپرواہیِا۔ کی دیِن دُنی بدلے روّیہ، روادار کی اپنا حُکم ورتائیا۔ جوتی جوت سروُپ ہرِ، آپ اپنی کِرپا کر، دیونہارا ساچا ور، نِہکلنک نرائن نر، مہاراج شیرسِنگھ وِشنوُں بھگوان، ہرِجن ساچے لوک مات اُجڑے پھیر وسئیا، وصیّت گُر اوتار پَیغمبراں نال رکھائیا۔

۲۹ مگھّر شہنشاہی سمت ۹ بھگوان سِنگھ دے گرِہ کِشن پُرا کیمپ ضِلع جموں

دھرنی کہے جن بھگتو تُسیں میرے اُتے پِھردے، چرن چرن نال بدلائیا۔ میرے تپدی دے شانت آئی ہِردے، ہرِ جوُ دِتی مان وڈیائیا۔ تُسیں وِچُھنے میِت پیارے چِر دے، میلا ہویا سہج سُبھائیا۔ رل مِل گیِت گائیے اوس پِر دے، جو پییا پریِتم دُھردرگاہیِا۔ جِس لیکھے پوُرے کرنے منسا والے دِل دے، دلِدر دا ڈیرہ ڈھاہیِا۔ تُسیں سارے اوسے غُنچے دے پُھل کھِلدے، خلقت وِچوں دئے وڈیائیا۔ تُہاڈے نظارے اگمّی تِل دے، تِلکن بازی توں باہر کڈھائیا۔ پیَنڈے مُک گئے بجر کپاٹی سِلّ دے، سِل پاہن رہن کوئے نہ پائیا۔ تُہاڈے

بیڑے شؤہ دریا کدے نہ ٹھلدے، وہناں وہن نہ کوئی وہائیا۔ ہُن وقت وقت رہے نہیں ڈِھل دے، سماں سماں رہیا سمجھائیا۔ جوتی جوت سروُپ ہرِ، آپ اپنی کِرپا کر، دیونہارا ساچا ور، سد اپنا کھیل وکھائیا۔ دھرنی کہے جن بھگتو تُہاڈا میرے اُتے وسیرا، وسن والیو دیاں جنائیا۔ میَں نِت نِت کھیل ویکھیا بتھیرا، جُگ چؤکڑی دھیان لگائیا۔ میرے اُتے کوئی گُروُ رہیا نہ چیرا، تن وجوُد نظر کوئے نہ آئیا۔ سب توں وکھّرا کھیل کرے پربھوُ پربھ شیر شیرا، جوتی جاتا پُرکھ بِدھاتا اپنا روُپ بدلائیا۔ جو کلجُگ میٹے اندھیرا، اندھ اگیان دئے چُکائیا۔ جن بھگتاں اُتے کرے مِہرا، مِہر نظر اُٹھائیا۔ میرے اُتے ماریا پھیرا، دھرنی کہے میَں نِو نِو لاگاں پائیا۔ جِس دا وقت سُہنجنا نیرا، دوُر دُراڈا پندھ مُکائیا۔ میرا پوُرا کرن والا گیڑا، گیڑا گیڑے وِچوں بدلائیا۔ چُکاوَن والا جھیڑا، جھگڑا تکے خلق خُدائیا۔ تُہاڈا اِکو وار بنّھ کے بیڑا، آپ اپنے کندھ اُٹھائیا۔ تُہاڈا وسدا رہے کھیڑا، گھر وجدی رہے ودھائیا۔ درس کر گیا جیہڑا جیہڑا، چؤراسی وِچوں پار لنگھائیا۔ انتم کرکے حق نِبیڑا، لہنے سب دے جھولی پائیا۔ جوتی جوت سروُپ ہرِ، آپ اپنی کِرپا کر، دیونہارا ساچا ور، نِہکلنک نرائن نر، مہاراج شیرسِنگھ وِشنوُں بھگوان، جن بھگتو تُہاڈا اجّ خوشیاں والا لیائے سویرا، صُبح الل صُبح اپنی دَیا کمائیا۔

پہلی پوہ شہنشاہی سمت نؤ شام نوُں دوآبہ سنگت دے بِستریاں دی سیوا لِیاؤن سمیں
ہرِ بھگت دوار جیٹھوُوال وِکھے

بیاس کہے میرا کھیل اپار، اپرمپر سوامی دِتی وڈیائیا۔ سَتجُگ کہے میَں سَت دھرم دی دھار، سَت سچ دیاں جنائیا۔ بیاس کہے میرا سَتگُر نانک میِت مُرار، نِرگُن سرگُن بےپرواہیِا۔ ستلُج کہے میَں گوبِند دا کیِتا درس دیِدار، خوشیاں وِچ ڈھولے گائیا۔ دھرنی کہے میَں دوہاں دے وِچ جاواں بلہار، بلہاری اپنا آپ کرائیا۔ میَنوُں اِشارہ دے کے گیا رام اوتار، بِن رسناں جِہوا ڈھولے گائیا۔ سپتس رِکھیِاں مار کے لکار، لیک اگلی دِتی وکھائیا۔ جِس ویلے کلجُگ ہویا اندھ اندھیار، چاروں کُنٹ اندھیرا چھائیا۔ مان رہیا نہ کِسے پَیغمبر گُر اوتار،

وِشن برہما شِو نہ کوئے چتُرائیا۔ سرِشٹی درِشٹی اندر ہوئی خوار، خالص رنگ نہ کوئے رنگائیا۔ اُس ویلے پُرکھ اکالا پاوے سار، مہاسارتھی اپنی دَیا کمائیا۔ جوتی جاتا ہو اُجیار، پُرکھ بِدھاتا ویس وٹائیا۔ کل کلکی لئے اوتار، نِہکلنک ایکا ڈنک شنوائیا۔ راؤ رنک کر پیار، بنک دوار اِک وکھائیا۔ جن بھگت سُہیلے لئے اُبھار، انتر نِرنتر اپنا رنگ رنگائیا۔ سَت سچ دی بخش کے کار، کرنی دا کرتا آپ ہوئے سہائیا۔ غریِب نِمانیاں دُکھ درد دئے نِوار، مِہر نظر اِک اُٹھائیا۔ دُھر سندیسہ دے کے ایکنکار، اِک اِکلّا آپ دِرڑائیا۔ سچ سِنگھاسن وِچ سنسار، رجو طمو ستو توں باہر اِک وِچھائیا۔ بھگتاں دے بھگت بنا کے سیوادار، بھگوَن دیوے مان وڈیائیا۔ جوتی جوت سروُپ ہرِ، آپ اپنی کِرپا کر، دیونہارا ساچا ور، سچ دا کھیل آپ کھِلائیا۔ بیاس کہے ویکھ ستلُج اگمّی کار، کی اگمّا رہیا کرائیا۔ جن بھگتاں بخش پیار، پریم پریِتی وِچ رکھائیا۔ انتر نِرنتر دے ادھار، پردہ پردیاں وِچوں چُکائیا۔ آپ بنا کے برخوردار، ہرِجن اپنے رنگ رنگائیا۔ سَت سچ دے بنا کے سیوادار، سیوک سیوا وِچ رکھائیا۔ بِستر وِچھؤنے کر تیار، لےَ کے آئے چائیں چائنیا۔ بھگت دوار رکھ درے دربار، در ٹھانڈے سیِس جھُکائیا۔ ایہہ خوشیاں دا وِوہار، جن بھگت بھگت ملِے وڈیائیا۔ غریِب نِمانیاں دے ادھار، سِر اپنا ہتّھ ٹِکائیا۔ اگلا لیکھ دیِن دُنی توں باہر، مِہربان ویکھنہارا چائیں چائنیا۔ نؤ کھنڈ پرِتھمی ستّ دیِپ ہووے ہاہاکار، دھیِرج دھیِر نہ کوئے دھرائیا۔ راج راجاناں شاہ سُلطاناں منگنا بن بِھکھار، بِھکھ کوئے نہ پائیا۔ جن بھگتو تُہاڈے بِستر سُہنجنے گھر گھر سدا رہن تیار، اتوٹ اتُٹ آپ رکھائیا۔ پہلی پوہ کہے میَں سب نوُں کراں پیار، پریمی پیاریو دیاں جنائیا۔ لیف تلائی دوویں ایتھے اوتھے دوہاں دا لیکھا دین نِوار، تن بستر چادر صاف کرائیا۔ سرہانا کہے میَں سب توں وکھّرا چُکاں بھار، جِس سیِس وِچ میرا جگدیِش رہ کے اپنا آسن لائیا۔ دری کہے میَں وی دوہاں دریاواں دے پِھری وِچکار، بھجیّ واہو داہیِا۔ نانک نے بخشش کیِتی اپار، شبد سندیسہ گیا سُنائیا۔ دوآبے والیو تُہاڈا لیکھا لیکھے لگّے لائے آپ نِرنکار، نِروَیر ہوئے سہائیا۔ ماجھا مالوا جموں اِکو بنّھ اپنی پریم دی تار، تارنہار ویکھ وکھائیا۔ ایہہ بِستر نہیں ایہہ نَواں کھیل اپر اپار، اپرمپر سوامی دئے وکھائیا۔ تُہاڈا بھگت دوارا وسدا رہے سدا جُگ چار، جُگ چؤکڑی تھان نہ کوئے بدلائیا۔ تُہاڈے جنم جنم دے پوُربلے لہنے دئے نِوار،

لیکھا اپنے ہتّھ رکھائیا۔ جوتی جوت سروُپ ہرِ، آپ اپنی کِرپا کر، کرے کھیل ساچا ہرِ، نِہکلنک نرائن نر، مہاراج شیرسِنگھ وِشنوُں بھگوان، شاہ پاتشاہ شہنشاہ سچّی سرکار، پاربرہم پت پرمیشور مِہربان مِہر نظر نال ترائیا۔

پہلی پوہ شہنشاہی سمت نؤ ہرِ بھگت دوار جیٹھوُوال ضِلع امرتسر رات نوُں

پوہ کہے جن بھگتو میَں بڑا ٹھنڈا، ٹھنڈک ہرِ ہِردے دیاں وکھائیا۔ پربھوُ نال سچ پریِتی سب دی گنڈھاں، ٹُٹیاں جوڑ جُڑائیا۔ کلجُگ انتم ویکھ کے کنڈھا، کوُک کوُک دیاں سُنائیا۔ پِھری دروہی وِچ وربھنڈا، نوَ ستّ رہے کُرلائیا۔ میرا وقت جُگ چؤکڑی پِچھے ہنڈھا، اپنا پندھ مُکائیا۔ ہُن تکاّں شبدی دھار اگمّی چنڈا، بِن نیَناں نیَن اُٹھائیا۔ جوتی جوت سروُپ ہرِ، آپ اپنی کِرپا کر، دیونہارا ساچا ور، سچ دا حُکم آپ ورتائیا۔ پوہ کہے میَں دِسدا سیِتل دھار، ٹھنڈک سَت ورتائیا۔ میری سب توں وکھّری بہار، اپنا رنگ بدلائیا۔ میرا کھیل وِچ سنسار، سنساریِاں دیاں جنائیا۔ اُٹھو ویکھو نیَن اُگھاڑ، لوچن نال مِلائیا۔ اندر سب دے اگنی رہی ساڑ، میری ٹھنڈک باہروں کمّ کِسے نہ آئیا۔ کوُک پُکارے تن وجوُد ناڑ ناڑ، ہاڈی ہاڈی دئے گواہیِا۔ کِسے نہ دِسے پِچھا اَگاڑ، پاندھی پندھ نہ کوئے مُکائیا۔ گھر لُٹی جائے پنچم دھاڑ، اَگے ہو نہ کوئے اٹکائیا۔ کوُڑ وِکار بنیا اکھاڑ، ممتا موہ نچّے تھاؤں تھائنیا۔ سچ دا دِسے کوئی نہ لاڑ، لاڑی مؤت سب نوُں رہی پرنائیا۔ جوتی جوت سروُپ ہرِ، آپ اپنی کِرپا کر، دیونہارا ساچا ور، سچ دی کھیل آپ کھِلائیا۔ پوہ کہے میری ٹھنڈک اگمّ اپاری، جگ نیتر نظر کِسے نہ آئیا۔ میَں برہما شِو وِشن کراں خبرداری، بےخبراں خبر سُنائیا۔ تیئی اوتار ہووے ہوشیاری، آلس نِندرا نظر کوئے نہ آئیا۔ گُروُ گُردیو پاوو ساری، بھیوَ ابھیدا آپ کُھلائیا۔ دیِن دُنی تکّو وِچ سنساری، پردہ پردیاں وِچوں اُٹھائیا۔ کیوں کایا مندر اندر ہویا دھوُاں دھاری، اندھ اگیان نہ کوئے مِٹائیا۔ شبد ناد سُنے نہ کوئے دُھنکاری، نادی ناد نہ کوئے وجائیا۔ جوتی جوت نہ دِسے اُجیاری، نوُر نوُرانہ نوُر نہ ڈگمگائیا۔ کلجُگ اگنی سب نوُں رہی ساڑی، تتو تت نہ کوئے تپائیا۔ لکھّ چؤراسی جیِو جنت سادھ سنت تُسیں ویکھو ناڑی ناڑی، بِن نیَناں نیَن اُٹھائیا۔ پوہ کہے میری سُہنجنی پہلے پر وِشٹے والی دِہاڑی، سَت سچ نال سُنائیا۔ جوتی جوت سروُپ ہرِ، آپ اپنی کِرپا کر،

دیونہارا ساچا ور، سچ دا حُکم آپ ورتائیا۔ اوتار پَیغمبر گُر کہن سُن مِتر پیارے پوہ، کی پرم پُرکھ جنائیا۔ آتم دھار رہیا کِسے نہ موہ، مُحبّت وِچ نہ کوئے سمائیا۔ نوُر اُجالا جوتی دِسے کوئی نہ لو، نِج لوچن نیَن نہ کوئے کُھلائیا۔ دُرمت میَل سکے کوئی نہ دھو، پاپاں بھری لوکائیا۔ پاربرہم برہم جانے کوئی نہ چھوہ، سُرت شبد نہ کوئے مِلائیا۔ جوتی جوت سروُپ ہرِ، آپ اپنی کِرپا کر، دیونہارا ساچا ور، سچ دا حُکم آپ ورتائیا۔ اوتار پَیغمبر گُر کہن سُن پوہ پیارے میِت، مِترا دئیے جنائیا۔ تُوں جُگ جُگ ویکھی دُھر دی ریِت، کی پُرکھ اکال سمجھائیا۔ ڈھولے سُنے گیِت، اکھّراں نال وڈیائیا۔ پِچھلا لیکھا پِچھے گیا بیِت، اَگے دئیے جنائیا۔ تن وجوُد ہوئے کِسے نہ سیِت، اگنی اگّ نہ کوئے بُجھائیا۔ جھگڑا ویکھ لےَ ہست کیِٹ، اوُچ نیِچ روون مارن دھاہیِا۔ انتر نِرنتر دِسے کوئی نہ میِت، ساجن سنگ نہ کوئے رکھائیا۔ شرع دی شریِعت والی لیِک، لاشریِک ویکھن کوئے نہ پائیا۔ اکھّراں والی سب دی تک تبلیغ، کی طرح طرح دِرڑائیا۔ اُٹھ ویکھ سُہنجنا وقت تیرا نزدیِک، دوُر دُراڈا پندھ مُکائیا۔ جوتی جوت سروُپ ہرِ، آپ اپنی کِرپا کر، دیونہارا ساچا ور، سچ دا پردہ آپ اُٹھائیا۔ پوہ کہے میَں دسّاں کتھا اگمّ، بِن اکھّراں دیاں جنائیا۔ پُرکھ اکالا دیِن دَیالا ویکھنہارا پاربرہم، پاربرہم پربھ پردہ آپ چُکائیا۔ سَت ستوادی برہم برہمادی جاننہارا دھرم، دھرم دی دھار کھوج کھوجائیا۔ جیِواں جنتاں سادھاں سنتاں ویکھے کرم، کرم کانڈ دا پردہ آپ اُٹھائیا۔ دیِن دُنی ذات پات مذہب ویکھے ورن برن، چاروں کُنٹ کھوج کھوجائیا۔ ہرِ بھگت سُہیلے ہرِجن تکّے جِنہاں اِکو اوٹ سرن، سرناگت اِک رکھائیا۔ جو تُوں میرا میَں تیرا آتم پرماتم ڈھولا پڑھن، دوُجی اوَر نہ کوئے پڑھائیا۔ حق حقیِقی منزل چڑھن، بِن قدماں قدم ٹِکائیا۔ سچ دوارے وڑن، جِتھے ملِے دُھر دا ماہیِا۔ جوتی جوت سروُپ ہرِ، آپ اپنی کِرپا کر، دیونہارا دُھر دا ور، دُھر داتا اِک اکھوائیا۔ پوہ کہے میرے صاحِب دا کھیل بے نظیِر، جگ نیتر نظر کِسے نہ آئیا۔ اوہ کٹّنہارا زنجیر، شرع چُھری دا ڈیرہ ڈھاہیِا۔ اُس دی اگمّ اگمّڑی تدبیِر، طریقہ اپنے وِچ چُھپائیا۔ جو نِت نوِت دو جہاناں پیَنڈا آوے چیِر، نِرگُن سرگُن اپنا کھیل کھِلائیا۔ اوہ داتا دانی گوَر گُنی گہِیر، دُھر دا مالک اِک اکھوائیا۔ جِس دیِن دُنی بدلنی تقدیِر، مُقدر سب دا ویکھ وکھائیا۔ اوہدا لیکھا نال شاہ حقیِر، جوتی جوت سروُپ ہرِ، آپ اپنی کِرپا کر، دیونہارا ساچا ور، سچ دا میلا آپ مِلائیا۔ پوہ کہے اوتار پَیغمبر گُروُ میرا ویکھ لؤ انوکھا پروِشٹا، پُرکھ پُرکھوتم پُرشوتم دِتی مان وڈیائیا۔ مِہربانؤ نؤجوانو دھرنی

دھرت دھوَل دھؤل تک لؤ اپنا اِشٹا، اِشٹ دیوَ سوامی بن کے دھیان لگائیا۔ انتر نِرنتر خوشی دِسے نہ کِسے درِشٹا، پردہ پردیاں وِچوں نہ کوئے اُٹھائیا۔ سچ پریِتی وِچ بھگت سُہیلا کوئی نہ دِسدا، دہ دِشا دھیان لگائیا۔ روُپ ملِے نہ مُرشدو مُریِد دا، سِکھ سِکھیا وِچ نظر کوئے نہ آئیا۔ درس کرے نہ کوئی پرماتم پِت دا، پت پرمیشور مِلن کوئے نہ پائیا۔ تُسیں جھگڑا تک لؤ بوُند رِت دا، کی لیکھا دسےّ دُھردرگاہیِا۔ مالک رہیا نہ کوئے ٹھگؤری چِت دا، دھیِرج دھیِر نہ کوئے دھرائیا۔ ناتا تُٹیا پیار مُحبّت ہِت دا، ہِتکاری روُپ نہ کوئے درسائیا۔ جوتی جوت سروُپ ہرِ، آپ اپنی کِرپا کر، دیونہارا ساچا ور، سچ دا کھیل آپ کھِلائیا۔ پوہ کہے اوتار پَیغمبر گُروُ صاحِبانو میَں دسّاں کی اَخیِر، آخر کی جنائیا۔ سب دے بستر تن لتھے ویکھے چیِر، اوڈھن سیِس نہ کوئے ٹِکائیا۔ کوُڑ کلپنا دیِن دُنی کیِتی دِلگیِر، سانتک سَت نہ کوئے کرائیا۔ نیتر سب دے وگے نیِر، نیَن نیَن رہے شرمائیا۔ جھگڑا تکّو غریِب امیِر، امراپد نظر کِسے نہ آئیا۔ تُہاڈی شرع ہوئی شمشیِر، تِکھی دھار دھار درسائیا۔ جوتی جوت سروُپ ہرِ، آپ اپنی کِرپا کر، دیونہارا دُھر دا ور، ہرِ وڈّا وڈ وڈیائیا۔ کلجُگ کہے پوہ نہ کر چلاکیِاں، میَں سچ دیاں جنائیا۔ میَں ویکھنے بندے خاکیِا، تن وجوُداں پھول پھولائیا۔ میَں چڑھیا کوُڑ دے راکیا، اَسو اِک دؤڑائیا۔ چارے کُنٹاں کھول کے تاکیِا، اُتّر پوُرب پچھّم دکھّن بھجّاں واہو داہیِا۔ موہ وِکار دا جام پیاواں بن بن ساقیِا، کام کرودھ نال مِلائیا۔ نؤ کھنڈ پرِتھمی جوُٹھ جھوُٹھ دی کھول کے ہاٹیِا، آسا ترِسنا وِچ ٹِکائیا۔ میَں اوتار پَیغمبر گُروُ ویکھنے لوک مات الاٹیِا، ویہویں چؤدھویِں صدی نال مِلائیا۔ میری منزل اَخیِری واٹیِا، سچ سندیسہ دیاں دِرڑائیا۔ جوتی جوت سروُپ ہرِ، آپ اپنی کِرپا کر، دیونہارا ساچا ور، سِر میرے ہتّھ رکھائیا۔ کلجُگ کہے میری تک لےَ خوشیاں والی رَین اندھیری، نوُری چند نہ کوئے چمکائیا۔ میَں سب نوُں رہیا گھیری، چاروں کُنٹ بھجّاں واہو داہیِا۔ میری دھرم دی دھار تک لےَ دلیری، سوُربیِر اِک اکھوائیا۔ جو اُلٹے دے رہیا گیڑی، گیڑے وِچ لوکائیا۔ میَں سچ دسّاں میَں حضرت محمد موُسیٰ عیسیٰ نال چھیڑاں رہیا چھیڑی، چھیکڑ سب نوُں دیاں لڑائیا۔ انتم جڑاں دیواں اُکھیڑی، لوک مات پھیر نہ کوئے لگائیا۔ ہُن کرنی نہیں کوئی ڈیری، ڈیرے سب دے پھول پھولائیا۔ میری پاپ اپرادھ کوُڑ کُکرم دی بھردی جاندی بیڑی، بیڑا شؤہ دریا رُڑھائیا۔ نؤ کھنڈ پرِتھمی ستّ دیِپ میری نِکّی جِہی کھیڑی، چاروں کُنٹ پندھ مُکائیا۔ جوتی جوت سروُپ ہرِ، آپ اپنی کِرپا کر، دیونہارا ساچا ور، میرا ساچا

وقت سُہائیا۔ کلجُگ کہے میرا وقت ہویا سُہنجنا، میرے ساچے میِت مُرار۔ میرا مالک درد دُکھ بھےَ بھنجنا، ہرِ کرتا ایکنکار، نوُر الاہی دُھر دا سجّنا، میرا صاحِب پروردِگار۔ جِس میرے در تے سجنا، جوتی جاتا پُرکھ بِدھاتا لےَ اوتار۔ جِہدا نوُر نوُرانہ دو جہاناں مگھنا، کھیلے کھیل اگمّ اپار۔ سو پُرکھ اکالا دیِن دَیالا لبھیاں کِسے نہ لبھنا، نظر آئے کِسے نہ وِچ سنسار۔ جِس دا اِکو ڈنکا وجّنا، دو جہاناں کرے خبردار۔ کلجُگ کہے میَں اُس دے در بہہ بہہ منگنا، مانگت ہو کے جھولی اَگے دیواں ڈار۔ جوتی جوت سروُپ ہرِ، آپ اپنی کِرپا کر، دیونہارا ساچا ور، سچ دی کرے اگمّی کار۔ پوہ کہے کلجُگ نہ کر کوُڑیاں باتاں، باطن بھیوَ کُھلائیا۔ تیریاں رہنیاں نہیں اندھیریاں راتاں، چار کُنٹ اندھیرا چھائیا۔ اوہ سُن اگمّی گاتھا، کی پُرکھ اکال سُنائیا۔ کی لیکھا جانے صاحِب پُرکھ سمراتھا، کرتا دُھردرگاہیِا۔ جِس دی صِفت صلاح اکتھنا اکاتھا، کتھنی کتھ سکے نہ رائیا۔ اوہ لہنا دینا سب دا ویکھے مستک ماتھا، پوُرب کھوج کھوجائیا۔ جوتی جوت سروُپ ہرِ، آپ اپنی کِرپا کر، دیونہارا ساچا ور، سچ دا پردہ آپ اُٹھائیا۔ پوہ کہے کلجُگ میرا صاحِب سوُرا سربنگا، سَتگُر دُھردرگاہیِا۔ جِہدا نوُر الاہی چندا، نوُر نوُرانہ ڈگمگائیا۔ جو پِھرے وِچ برہمنڈا، پُریِاں لوآں چرناں ہیٹھ دبائیا۔ اوہدا لہنا دینا جیرج انڈا، اُتبُھج سیتج اپنا حُکم ورتائیا۔ دیِن دَیال بن بخشندا، بخشش رحمت کرے تھاؤں تھائیا۔ میرا سوامی گُنی گہِندا، گہر گوَر گوَر وڈیائیا۔ جِس دی سرِشٹی درِشٹی اندر کردی نِندا، صِفتاں وِچ نہ کوئے صالاحیِا۔ جوتی جوت سروُپ ہرِ، آپ اپنی کِرپا کر، کرے کھیل ساچا ہرِ، ہرِ کرتا اِک اکھوائیا۔ ہرِ کرتا اِک اکھواؤندا اے۔ سو پُرکھ نِرنجن ویس وٹاؤندا اے۔ ہرِ پُرکھ نِرنجن ناؤں دھراؤندا اے۔ ایکنکارا اپنی کل ورتاؤندا اے۔ آد نِرنجن ڈگمگاؤندا اے۔ ابناشی کرتا روُپ دھراؤندا اے۔ سِری بھگوان بھانڈا بھرم بھنّاؤندا اے۔ پاربرہم پت پرمیشور اِکو رنگ سماؤندا اے۔ لیکھا جانے اپنے دھرم، دھرم دی دھار نال وڈیاؤندا اے۔ جِس دا کدے نہیں ہویا جنم، گودی گود نہ کوئے سُہاؤندا اے۔ جوتی جوت سروُپ ہرِ، آپ اپنی کِرپا کر، سد اپنا کھیل کھِلاؤندا اے۔ سد اپنا کھیل کھِلاویگا۔ دیِن دَیال دَیا کماویگا۔ کلجُگ تیرا کوُڑا پندھ مُکاویگا۔ صدی چؤدھویِں تارا چند نِشان مِٹاویگا۔ تیرا روُپ رہے نہ اندھ، اندھ اندھیرا دوُر کراویگا۔ جگت دھار دی منزل لنگھ، اپنا پردہ آپ چُکاویگا۔ پنچ وِکارا میٹ کے جنگ، سانتک سَت سَت کراویگا۔ ہرِجن لا کے اپنے انگ، انگیکار اِک اکھواویگا۔ جِس دا سمت

شہنشاہی نؤ چھّبی پوہ نوُں وجّنا مردنگ، مردنگا اِکو نام دِرڑاویگا۔ دیِن دُنی دی پا کے ونڈ، حِصّے سب دے آپ رکھاویگا۔ جِس کوُڑ کِریا میٹنا پکھنڈ، مایا ممتا موہ مِٹاویگا۔ جوتی جوت سروُپ ہرِ، آپ اپنی کِرپا کر، سد اپنا حُکم ورتاویگا۔ کلجُگ کہے میَں وی اوسے دا حُکم منّدا، جو کرنی دا کرتا پُرکھ اکال۔ جو میرا بیڑا بنّھدا، میرا صاحِب دیِن دَیال۔ جِس نِشان میٹنا تارے چنّ دا، میری سُرت رہیا سنبھال۔ میَں ونجارا نہیں کِسے کنّ دا، شبد اگمّی سُناں دُھنکان۔ میَں منکا نہیں کوئی من کا، منسا اپنی نہ رکھاں نال۔ میَں ونجارا نہیں کوئی دھن دا، نہ ہوواں شاہ کنگال۔ میرا ویس نہیں کوئی برہم دا، پاربرہم میری کرے پرِتپال۔ میَں جدوں اُپجاں تے پربھ دی دھاروں جمّدا، جننی سکے نہ کوئے سنبھال۔ میرا لیکھا نہیں کوئی غم دا، خوشیاں وِچ چلاں اپنی چال، جوتی جوت سروُپ ہرِ، آپ اپنی کِرپا کر، دیونہارا ساچا ور، ساچی کھیل کرے کمال۔ کلجُگ کہے پوہ جی میَں کی دسّاں، میرا نیتر نیَن شرمائیا۔ نالے مُسکراواں نالے ہسّاں، ہسّ ہسّ کے دیاں سُنائیا۔ میَں دِوس رَین نسّاں، بھجّاں واہو داہیِا۔ میَں ویکھاں بِنا اکھّاں، آخر تکاّں لوکائیا۔ کوٹن کوٹ گنتی گنت نہ جانا لکھّاں، الکھ الکھّنے کھیل دِتا سمجھائیا۔ میرے پیار دی چاروں کُنٹ رَین اندھیری مسّا، ساچا چند نہ کوئے چمکائیا۔ میَں ہُن لہِندی دِشا نسّاں، بھجّا جاواں واہو داہیِا۔ میَنوُں نظر آؤندا عیسیٰ دے گل وِچ پیا پھاسی والا رسّا، رستے سب دے دیاں بدلائیا۔ میَنوُں اِشارہ دیندا ہوڑے والا سسّا، جو سَتگُر بےپرواہیِا۔ جوتی جوت سروُپ ہرِ، آپ اپنی کِرپا کر، دیونہارا ساچا ور، ہرِ کرتا دُھردرگاہیِا۔ کلجُگ کہے پوہ جی میری پُشت پناہ تے وجدی تھاپی، پِٹھ ٹھکورے دُھر دا ماہیِا۔ دیِن دُنی کر دے پاپی، پُنیِت رہن کوئے نہ پائیا۔ کھیل وکھا دے چاروں کنٹ لوک ماتی، متا اپنے نال رکھائیا۔ ناتا جوڑ توڑ دے کِسے ملِے نہ بوُند سوانتی، نابھی کَول نہ کوئے اُلٹائیا۔ امرت رس دِسے کِسے نہ باٹی، سانتک سَت نہ کوئے کرائیا۔ میری نیڑے ہُندی واٹی، اپنا پندھ مُکائیا۔ جوتی جوت سروُپ ہرِ، آپ اپنی کِرپا کر، دیونہارا دُھر دا ور، ہرِ کرتا دُھردرگاہیِا۔ جھٹ نارد آ گیا کہے میَں نِراکھّر دھار پڑھیا، بِن اکھّاں اکھّ اُٹھائیا۔ میَنوُں اِیوں دِسیا جِویں پوہ مہیِنہ چڑھیا، چڑھدے لہندے ویکھاں چائیں چائنیا۔ جِدھر تکاّں ہنکاری گڑھیا، گڑھ سکے نہ کوئے تُڑائیا۔ جاں نِگاہ ماری کلجُگ سب دے اَگے کھڑیا، سنمُکھ سب نوُں نظری آئیا۔ جِس سرِشٹی کراؤنی دو دھڑیا، حِصّے ونڈاں تھاؤں تھائنیا۔ میَں بچن سُناواں کھریا، سَت سَت نال سمجھائیا۔ نوَ

ستّ دا ویکھاں گھریا، گرِہ گرِہ کھوج کھوجائیا۔ جوتی جوت سروُپ ہرِ، آپ اپنی کِرپا کر، دیونہارا ساچا ور، سِر میرے ہتّھ رکھائیا۔ نارد کہے میَں پِھر کے آیا وِچ برہمنڈا، برہمانڈ دا بھیوَ کُھلائیا۔ میَنوُں رستے وِچ مِل گیا تارا چندا، اپنا حال سُنائیا۔ تُوں پنڈتا بڑا پُرانا پنڈا، جُگ چؤکڑی چلیا آئیا۔ سانوُں سچ دسّ سَتگُر شبد دا کِہو جِہا کھنڈا، جو کھڑگاں کرے صفائیا۔ جِس دیِن دُنی آتم دھار کرنا رنڈا، وِچھوڑا ہووے دُھر دے ماہیِا۔ نارد کہے میَں ہسّ کے کِہا جو چؤداں طبقاں لنگھا، دو جہاناں پندھ مُکائیا۔ اوہ صاحِب سوُرا سربنگا، اِمام اِماما نوُر الاہیِا۔ جو حضرت محمد دیِاں پوُریاں کرے منگا، آسا آشا وِچوں ویکھ وکھائیا۔ اوس دے کول ست رنگ دا ڈنڈا، ڈنڈاوت سب دی دئے بدلائیا۔ جِس دا دھرم نِشانہ ستّ رنگ دا جھنڈا، دو جہاناں دئے جھُلائیا۔ تُہاڈیِاں پوُریاں کرے اُمنگا، ترِسنا لیکھے دئے لگائیا۔ جوتی جوت سروُپ ہرِ، آپ اپنی کِرپا کر، بھیوَ ابھیدا دئے کُھلائیا۔ تارا چند کہن نارد جی کوئی دسّو پُرانی کتھا، بِن کتھنی دینی سُنائیا۔ نارد کہے میرے صاحِب دا کھیل یتھارتھ یتھا، یدی دیاں سمجھائیا۔ اوہ ساریاں دے لیکھے بدلن والا وِچوں متھا، بِدھنا رووے مارے دھاہیِا۔ لہنا دینا چُکاوَن والا ہتّھو ہتّھا، دست بدست جھولیِاں سب دیِاں دئے بھرائیا۔ تُہاڈا وقت سُہنجنا کرے اچھا، اچھی طرح دِرڑائیا۔ جِس نے لیکھا پوُرا کرنا مچّھ کچھا، سمُند ساگراں ویکھ وکھائیا۔ جوتی جوت سروُپ ہرِ، آپ اپنی کِرپا کر، دیونہارا ساچا ور، سچ دا پردہ آپ چُکائیا۔ تارا چند کہے ناردے الزوک زمنیزا چوُناستے وِزی گُللزی نُروا نُزریہم تانناسہوُ اوشیمم تاولزو تکھمہوُ مختمم ماضی زاہپھتا ملفی بےروُالزؤ نؤئستم چشمےنوُں زاوست ول زبی زمدبوُ موہپھتا میرا اُلزوا ظہوُرے خُدا رہنُما بےپرواہیِا۔ جوتی جوت سروُپ ہرِ، آپ اپنی کِرپا کر، دیونہارا ساچا ور، ور داتا اِک اکھوائیا۔ تارا چند کہے اوہ ستّ رنگ کیہڑا، ستّ زِمیں اسماناں دئے ہِلائیا۔ چؤداں طبقاں بنّھے بیڑا، بیڑی دو جہان چلائیا۔ اُمت دا ویکھے کھیڑا، پروردِگار نوُر الاہیِا۔ صدی چؤدھویِں دیوے گیڑا، چاروں کُنٹ آپ بھوائیا۔ جِس گھر گھر چھیڑنیِاں چھیڑا، چھیکڑ اپنا حُکم ورتائیا۔ اوہ سمبل لا کے ڈیرہ، بَیٹھا دُھر دا ماہیِا۔ جوتی جاتا پُرکھ بِدھاتا نوُر نوُرانہ شاہ سُلطانا سِری بھگوانا مرد مردانہ بھیوَ چُکائے تیرا میرا، پردہ پردیاں وِچوں اُٹھائیا۔ جوتی جوت سروُپ ہرِ، آپ اپنی کِرپا کر، دیونہارا ساچا ور، سچ دی کرنی کار کمائیا۔ تارا چند کہے کی نارد دئے گیان، بِن اکھّراں کر پڑھائیا۔ کی ساڈا مِٹے نِشان، سچ دے سمجھائیا۔ اسیں ستّ اٹّھ

سال ہور مہمان، لوک مات نظری آئیا۔ پِھر ہوئیے بے پہچان، روُپ رنگ نہ کوئے وکھائیا۔ ساڈا لہنا نال صدی چؤدھویِں نال اِیمان، عمل وِچ سُنائیا۔ سانوُں یاد آؤندے حضرت والے بیان، جو محمد گیا جنائیا۔ چاروں کُنٹ اُٹھنا طوفان، نوُح ندی دئے گواہیِا۔ قیامت وِچ دِسے نہ کوئے اِنسان، وجوُداں کرے صفائیا۔ کھیل کرے میرا بی پیہرباں محبان بیِدو دُھر دا اِمام، عملاں توں رہت نوُر الاہیِا۔ جِس دی سب توں وکھّری کائنات وِچ ہوئے کلام، االلہہوُ اَناہوُ بھیوَ دئے کُھلائیا۔ اُس نوُں سارے کرن سلام، سجدیاں وِچ سیِس جھُکائیا۔ جِس دا پیشیِن گوئیاں وِچ دیاں پَیغام، اوہ پَیغمبراں توں باہر کرے پڑھائیا۔ جوتی جوت سروُپ ہرِ، آپ اپنی کِرپا کر، دیونہارا ساچا ور، سچ سندیسہ نر نریشا ایکنکارا اِک اِکلّا آپ سُنائیا۔ سچ سندیسہ اِک سُنائیگا۔ دیِن دَیال دَیا کمائیگا۔ بھیوَ ابھیدا بھیوَ کُھلائیگا۔ اچھل اچھیدا حُکم ورتائیگا۔ جوتی جوت سروُپ ہرِ، آپ اپنی کِرپا کر، دیونہارا ساچا ور، سچ کرنی کار کمائیگا۔ سچ کرنی کار کماواں گا۔ پردہ اوہلا سر چُکاواں گا۔ نوَ ستّ ویکھ وکھاواں گا۔ تتو تت پھول پھولاواں گا۔ دھیِرج جت اِک جناواں گا۔ برہم مت اِک درساواں گا۔ جوتی جوت سروُپ ہرِ، آپ اپنی کِرپا کر، دیونہارا ساچا ور، دُھر مالک اِک اکھواواں گا۔ پوہ کہے جن بھگتو کریئے اگلی صلاح، متا پربھ دے نال پکائیا۔ بھگت بھگوان وِچ بِنا شبد توں ہوئے نہ کوئے گواہ، شہادت اوَر نہ کوئے بُھگتائیا۔ بھگتاں دا بھگوان بھگوان دے بھگت بنن ملاح، دوہاں دا بیڑا چلے چائیں چائنیا۔ تُوں میرا میَں تیرا سانجھا ہووے ناں، نر نِرنکار دئے وڈیائیا۔ دھرنی دھرت دھوَل دھؤل اُتے سُہنجنا کرنا تھاں، تھننتر دینی مان وڈیائیا۔ ہنس بُدھی ہونی کاں، سوہنگ مانک موتی چوگ چُگائیا۔ جوتی جوت سروُپ ہرِ، آپ اپنی کِرپا کر، سد اپنی خوشی بنائیا۔ جن بھگتو پربھ دے نال کریئے اگمّ وِچار، وِچرن دی لوڑ رہے نہ رائیا۔ بھیوَ دسّ سچّی سرکار، پردہ اوہلا مات اُٹھائیا۔ کی ہونا تیرا حُکم وِچ سنسار، سہج نال دے سمجھائیا۔ چاروں کُنٹ دِسے اندھیار، ساچا چند نہ کوئے چمکائیا۔ اوہ تک تارا چند دوویں شرمسار، نیتر نیَن نیَن شرمائیا۔ اُچی کوُکن کرن پُکار، دروہی تیرا نام خُدائیا۔ کیوں سانوُں آئی انتم ہار، ہرِجوُ پردہ دے چُکائیا۔ اسیں چؤداں طبقاں کیِتی پُکار، کوُک کوُک سُنائیا۔ اِشارہ کیِتا چار یار، یرانیاں نال دِرڑائیا۔ محمد سندیسہ دِتا اپنی دھار، جبرائیل نال مِلائیا۔ اُٹھ ویکھ لےَ صدی چؤدھویِں حال، حالت وِگڑی خلق خُدائیا۔ سب دے سِر تے کوُکدا کال، کال نگارہ ڈنک وجائیا۔ پروردِگار

دی اولّڑی چال، چال اپنی اِک رکھائیا۔ کِسے ہتّھ نہ آوے مندر مسجد شِودوال، مٹھ چرچ روون مارن دھاہیِا۔ جوتی جوت سروُپ ہرِ، آپ اپنی کِرپا کر، ایکا دینا دُھر دا ور، تیرے در تے منگ منگائیا۔ پوہ کہے جن بھگتو پربھ دے اَگے کرو بیننتی، سیِس جگدیِش جھُکائیا۔ جِس دی سب توں وکھّری پنگتی، پنکج دیوے مان وڈیائیا۔ جِس کھیل تکّنی من کی، من منسا پھول پھولائیا۔ جِس دھار ویکھنی تن کی، تِنکا تِنکا کھوج کھوجائیا۔ جِس نِشانی میٹنی تارا چنّ دی، چند چاندنا اِک چمکائیا۔ جوتی جوت سروُپ ہرِ، آپ اپنی کِرپا کر، دیونہارا ساچا ور، سچ دا کھیل آپ کھِلائیا۔ پوہ کہے میَں آیا مات، اپنی خوشی بنائیا۔ جن بھگتو سندیسہ دیواں سُہنجنی رات، بِھنڑی نال مِلائیا۔ میرا پُرکھ اکالا دیِن دَیالا سب دی پُچھے وات، ویکھنہارا تھاؤں تھائنیا۔ جن بھگتاں بخشے چرن پریِتی نات، چرنودک بخشے چائیں چائنیا۔ جِس دا کھیل سدا بہُہ بھانت، اَنک کل آپ کرائیا۔ گُرمُکھاں امرت بخشے بوُند سوانت، نابھی کَول آپ ٹپکائیا۔ جوتی جوت سروُپ ہرِ، آپ اپنی کِرپا کر، دیونہارا ساچا ور، سچ دا رنگ آپ رنگائیا۔ پوہ کہے پربھ چاڑھے رنگ اپار، اپرمپر آپ رنگائیا۔ کھیلے کھیل کھیلنہار، ہرِ کرتا دُھردرگاہیِا۔ جِس دی خوشیاں والی بہار، پتّ ٹہنی آپ مہکائیا۔ اوہدا لیکھ لِکھن توں باہر، قلم شاہی نہ کوئے وڈیائیا۔ جِس پوُرب لہنا دینا قرض اُتار، مقروُض لیکھا دئے چُکائیا۔ سَت دھرم دی بنّھے دھار، کوُڑ کُڑیار دا ڈیرہ ڈھاہیِا۔ جن بھگتو رہنا خبردار، سُتیاں لئے اُٹھائیا۔ ویکھے وِگسے پاوے سار، پرا پسنتی مدھم بَیکھری توں باہر کھوج کھوجائیا۔ رُت سُہنجنی کرے آپے جانے اپنی کار، دوُجا سنگ نہ کوئے رکھائیا۔ دو پوہ رہنا ہوشیار، آلس نِندرا دوُر کرائیا۔ دوآبے والیو نؤ ہار رکھنے تیار، نؤواں کھنڈاں دا بھیوَ کُھلائیا۔ کرنال والیو سِنگھاسن وِچھاؤنا دِشا دکھّن نال ہووے پہاڑ، مُکھ چڑھدے ولّ وڈیائیا۔ مالوے والیو سِنگھاسن تے ننگی رکھنی تلوار، مُکھ چڑھدے ولّ ٹِکائیا۔ پنج پوہ پربھ کھیل کرے اپار، پردہ اوہلا اوہلیاں وِچوں اُٹھائیا۔ منی سِنگھ دا قرضہ دئے اُتار، لہنا لہنیاں وِچوں پھول پھولائیا۔ کی لیکھ دسےّ دِلّی دربار، بھیوَ ابھیدا آپ چُکائیا۔ روُپ دھر کے جگت والی نار، نر نرائن کھیل کھِلائیا۔ گل الفی تیڑ ہوئے سلوار، کالا سوُسا رنگ رنگائیا۔ کُھلی مینڈھی کھیل کرے کرتار، چوٹی سیِس نہ کوئے گُندائیا۔ پُٹھے ہتّھ مستک تے رکھ کے ہرِ سنگت کریگی نِمسکار، نمو نمو کہہ کے سیِس نِوائیا۔ جوتی جوت سروُپ ہرِ، آپ اپنی کِرپا کر، کرے کھیل ساچا ہرِ، سچ دا کھیل آپ

کھِلائیا۔ کھیل کہے میَں کھیلاں وِچ جگ، جاگرت جوت دئے وڈیائیا۔ جن بھگتاں مِلاں اُپر شاہ رگ، نوَ نوَ دا پندھ مُکائیا۔ دیِن دُنی سڑے کرودھ والی اگّ، اگنی بند نہ کوئے کرائیا۔ مایا موہ دِسے لب، چاروں کُنٹ کُنٹ ہلکائیا۔ جوتی جوت سروُپ ہرِ، آپ اپنی کِرپا کر، دیونہارا دُھر دا ور، دُھر پردہ آپ چُکائیا۔ ہرِ بھیوَ ابھید کُھلاویگا۔ چارے ویداں ویکھ وکھاویگا۔ چھ اٹھاراں پھول پھولاویگا۔ پردہ پردیاں وِچوں ہٹاویگا۔ الف یے اپنا رنگ سمجھاویگا۔ جوتی جوت سروُپ ہرِ، آپ اپنی کِرپا کر، دیونہارا ساچا ور، سچ دی کرنی کار کماویگا۔ پوہ کہے میرا دِوس سُہنجنا چڑھیا سُہنجنا ہووے ماس، مستک دھوُڑی خاک رمائیا۔ میری پوُری ہووے آس، جو ترِسنا جگت رکھائیا۔ پربھوُ کھیل تیرا ویکھاں پرِتھمی آکاش، گگن گگننتراں پھول پھولائیا۔ بِن گوپی کاہن ویکھاں راس، آتم پرماتم دھار تکاّں چائیں چائنیا۔ سد بھگتاں وسنا پاس، وِچھوڑے وِچ کدے نہ آئیا۔ تیرے نام دا ہووے ہاس بلاس، خوشیاں رنگ رنگائیا۔ شنکر ویکھے اُتوں کَیلاش، بھولے ناتھ نیَن اُٹھائیا۔ برہمے برہم دا ہوئے وِشواس، وِشیاں توں باہر سمجھائیا۔ وِشنوُں لیکھا جانے خاص، پردہ رہے نہ رائیا۔ میری پوُری ہووے آس، لوک مات ملِے وڈیائیا۔ پُرکھ اکال دیِن دَیال تیرا بھگت نہ ہوئے کدے اُداس، چِنتا وِچ کدے نہ آئیا۔ لیکھا مُکاؤنا جم کی پھاس، دہ دہ ماس نہ اگن تپائیا۔ پوَن سواسی لیکھے لاؤنے سواس، جو ساہ ساہ دِھیائیا۔ پوہ کہے جو گُرمُکھ گُرسِکھ ہرِجن ہرِ بھگت انتر رکھ کے بَیٹھے آس، آشا سب دیِاں پوُر کرائیا۔ دُکھاں درداں کرنا ناس، چِنتا غم دا ڈیرہ ڈھاہیِا۔ سب دی لیکھے لاؤنی اجّ دی رات، جو چل آئے سرنائیا۔ پھیر جنم ہوئے نہ وِچ مات، رائے دھرم نہ دئے سزائیا۔ ساچے نام دی دینی دات، امُل اتُل آپ ورتائیا۔ جھگڑا میٹ کے ذات پات، ایکا رنگ دینا رنگائیا۔ سچ پریِتی بخشنا نات، ناتا سکے نہ کوئے تُڑائیا۔ جوتی جوت سروُپ ہرِ، آپ اپنی کِرپا کر، ایکا دینا ساچا ور، نِہکلنک نرائن نر، مہاراج شیرسِنگھ وِشنوُں بھگوان، سَت سچ چلاؤنا راتھ، رتھ رتھواہی دُھر دے ماہی اپنی دَیا کمائیا۔