کتب خانہGranth 24 (Urdu)

۳۱ جیٹھ شہنشاہی سمت ۱۱ بھگوان چند دے گرِہ نانگا کیمپ ضِلع جموں

دھرنی کہے میَں رو رو ماراں آہ، ہائے اُف میری دُہائیا۔ سو پُرکھ نِرنجن میرا بن ملاح، بیڑا اپنے کندھ اُٹھائیا۔ ہرِ پُرکھ نِرنجن نِرگُن دھار پکڑ لےَ بانہہ، بہئیا تیرے رنگ رنگائیا۔ ایکنکار دینی سچ صلاح، مشورہ تیرے نال رکھائیا۔ آد نِرنجن کر رُشنا، اندھ اندھیر دے مِٹائیا۔ ابناشی کرتے ہو سہا، سِر میرے ہتّھ رکھائیا۔ سِری بھگوان میری قبوُل کریں دُعا، دو جہاناں منگ منگائیا۔ پاربرہم میرا بننا دِلرُبا، رحمت اپنی حق کمائیا۔ تُوں مِہربان نوُری االلہ خُدا، خود مالک اِک اکھوائیا ۔ دروہی میَنوُں انت نہ کریں جُدا، صدی چؤدھویِں ویکھ وکھائیا۔ تیرے قدم ہوواں فِدا، آپ اپنا بھیٹ کرائیا۔ جوتی جوت سروُپ ہرِ، آپ اپنی کِرپا کر، ایکا دینا ساچا ور، سچ دا حُکم آپ ورتائیا۔ دھرنی کہے پربھوُ میَں دُکھاں نال رہی سڑ، کلجُگ اگنی تت تپائیا۔ کوُڑ کُڑیارا میرے اُتے بنیا گڑھ، ہؤمے ہنگتا نال مِلائیا۔ دروہی اگنی لگّی سیِس دھڑ، امرت میگھ نہ کوئے برسائیا۔ نِگاہ مار لےَ چوٹی جڑ، چیتن دے مالک پڑدا آپ اُٹھائیا۔ میَں سچ دوار ایکنکار گئی کھڑ، در ٹھانڈے سیِس نِوائیا۔ مِہربانا سِری بھگوانا تیرا نِراکھّر دھار ڈھولا رہی پڑھ، بِنا زباں تیرا نام صِفت صالاحیِا۔ جوتی جوت

سروُپ ہرِ، آپ اپنی کِرپا کر، ایکا دینا ساچا ور، سچ دا رنگ آپ رنگائیا۔ دھرنی کہے مِہربان دَیا کماویگا۔ نوُر نوُرانہ نوُر رُشناویگا۔ جوتی جاتا ڈگمگاویگا۔ سَتگُر شبد شبد جگاویگا۔ لوک مات ویکھ وکھاویگا۔ گُر اوتار پَیغمبر نال مِلاویگا۔ سَتجُگ تریتا دواپرکلجُگ پندھ، انتم آپ چُکاویگا۔ تُوں میرا میَں تیرا دسّ کے چھند، سو پُرکھ نِرنجن آپ پڑھاویگا۔ میری دھار نوُں دے انند، انند انندپُر واسی نال مِلاویگا۔ بِنا سوُریہ چاڑھ کے چند، جوتی جاتا ڈگمگاویگا۔ کر پرکاش اندھیرے کھنڈ، برہمنڈ آپ رُشناویگا۔ در دوار ایکنکار میرا آوے لنگھ، پاندھی ہو کے پندھ مُکاویگا۔ سچ سِنگھاسن پُرکھ ابناشن بَیٹھے ساڈھے تِنّ ہتّھ پلنگ، سمبل نگر آپ وڈیاویگا۔ شبد انادی ناد وجا مردنگ، انحد اپنی دُھن سمجھاویگا۔ میرا بھاگ ہون نہ دیوے مند، مندبھاگی گلے لگاویگا۔ دیِن دُنی شرع دی ڈھاہ کے کندھ، کنت کنتُوہل ویکھ وکھاویگا۔ جو دھرنی کہے میری آشا منسا پوُری کرے منگ، وست امولک آپ ورتاویگا۔ میرا صاحِب سوُرا سربنگ، ہرِ کرتا اِک اکھواویگا۔ جُگ بدلنا جِس دا اگمّا ڈھنگ، جُگتی ہتّھ نہ کِسے پھڑاویگا۔ کلجُگ کوُڑی کِریا کرے کھنڈ کھنڈ، کھنڈا کھڑگ نام چمکاویگا۔ لیکھا جانے وِچ وربھنڈ، بھنڈی سب دی میٹ مِٹاویگا۔ نؤ کھنڈ پرِتھمی مِٹا کے جھوُٹھ پاکھنڈ، سچ سچ رٹاویگا۔ لہنا دینا جانے جیرج انڈ، اُتبُھج سیتج ویکھ وکھاویگا۔ دھرنی کہے میَنوُں دھرم دی دھار دیوے انند، انند انند وِچوں پرگٹاویگا۔ میرا سریِر نہیں کوئی تت پنج، اپ تیج وائے پرِتھمی آکاش دا پندھ مُکاویگا۔ جوتی جوت سروُپ ہرِ، آپ اپنی کِرپا کر، دیونہارا ساچا ور، سچ آسا ویکھ وکھاویگا۔ دھرنی کہے میرے صاحِب سَتگُر سُلطانا، تیری بےپرواہیِا۔ نِگاہ مار لےَ وِچ جہانا، جہالت بھری تیری لوکائیا۔ تُوں وسیں اُتے اسمانا، اِسم اعظم تیری بےپرواہیِا۔ میرا تک لےَ کلجُگ والا کوُڑ نِشانہ، چاروں کُنٹ نظری آئیا۔ تیرا آتم تیرے نالوں ہویا بیگانہ، آتم پرماتم میل نہ کوئے مِلائیا۔ تیرا شبدی سُنے نہ کوئے ترانہ، سُرتی سچ نہ کوئے سمائیا۔ دھرنی کہے میَں چاروں کُنٹ ہوئی وَیرانہ، وَیری گھر گھر نظری آئیا۔ کِرپا کر گُن نِدھانا، گُنونت تیری سرنائیا۔ تُوں یودھا سوُربیِر مردانہ، مہابلی اِک اکھوائیا۔ میَں مِٹّی خاک تیری چرن دھوُڑ میرا دھرم نِشانہ، دھرم دی دھار دے سمجھائیا۔ جوتی جوت سروُپ ہرِ، آپ اپنی کِرپا کر، ایکا دینا ساچا ور، نِہکلنک نرائن نر، مہاراج شیرسِنگھ وِشنوُں بھگوان، میرا لہنا دینا لیکھا کلجُگ انتم پوُر کرانا، پرم پُرکھ پرمیشور پت پتونتے تیری آس رکھائیا۔

۳۲ جیٹھ شہنشاہی سمت ۱۱ رسال سِنگھ دے گرِہ گھاہ پوت کیمپ ضِلع جموں

دھرنی کہے پربھوُ سَتجُگ دھرم کر آباد، نوَ ستّ اپنا رنگ رنگائیا۔ سرِشٹ سبائی ہِردا سادھ، دُرمت میَل کر صفائیا۔ ہر ہِردے ہووے تیری یاد، ہرِجن گاون چائیں چائنیا۔ سچ شبد سُنا ناد، اگمّی دُھن کر شنوائیا۔ تُوں موہن مادھوَ مادھ، مِہربان اِک اکھوائیا۔ تیرا سندیسہ ہووے بودھ اگادھ، بُدھی توں پرے کر پڑھائیا۔ نِرگُن دھار نوَیں ساجنا ساج، کلجُگ کِریا کوُڑ مِٹائیا۔ مانَو ذاتی اِک ہووے رِواج، رستہ اِکو اِک وکھائیا۔ میرا کوجھی کملی دا سوار کاج، سِر میرے ہتّھ رکھائیا۔ شہنشاہ سوامی سیِس تے ہووے تاج، تخت نِواسی اِکو نظری آئیا۔ انت کنت بھگوَنت رکھنی لاج، نِمانی ہو کے منگ منگائیا۔ جوتی جوت سروُپ ہرِ، آپ اپنی کِرپا کر، ایکا دینا ساچا ور، سچ دے مالک دَیا کمائیا۔ دھرنی کہے پربھوُ میرا چار کُنٹ پیار ہووے اِکو، ایکنکار دینی وڈیائیا۔ تیرے حُکم دا شبدی دھار ہووے سِکو، دیِن دُنی نظری آئیا۔ مِہربانا سِری بھگوانا سَتگُر شبد دھار میرا لیکھ لِکھو، لِکھیا لیکھ نہ کوئے مِٹائیا۔ جوتی جوت سروُپ ہرِ، آپ اپنی کِرپا کر، ایکا دینا ساچا ور، جن بھگتو ساچی سِکھیا اِکو سِکھو، دوُجی نظر کوئے نہ آئیا۔ دھرنی کہے پربھوُ میری تک لےَ چار دیواری، انت نظر کِسے نہ آئیا۔ میرے حِصّے کر کے گئے جگت سنساری، کھنڈاں دیِپاں وِچ ونڈ ونڈائیا۔ میرا بھیوَ پایا نہیں کِسے لِکھاری، قلم شاہی ونڈ نہ کوئے ونڈائیا۔ میرا نقشہ سکیا نہ کوئے اُساری، انت کہن کُچھ نہ پائیا۔ میَں تیرے چرناں دی دھوُڑ چھاری، شہنشاہ تیرے رنگ سمائیا۔ کلجُگ انت ہوئی دُکھیاری، رو رو دیاں دُہائیا۔ چاروں کُنٹ رَین اندھیاری، ساچا چند نہ کوئے چمکائیا۔ تُوں کِرپا کر جوت نِرنکاری، نِروَیر تیری سرنائیا۔ مانَس ذاتی دے ادھاری، دھیِرج دھیِر آپ دھرائیا۔ تیرے پیار دے مانَو ہون پُجاری، پاہن پوُجن کوئے نہ پائیا۔ تُوں سب دا مالک خالق اِک ہوویں سِکداری، سِر سِر ہتّھ ٹِکائیا۔ میری نمو نمو نِمسکاری، نِو نِو لاگاں پائیا۔ جوتی جوت سروُپ ہرِ، آپ اپنی کِرپا کر، ایکا دینا ساچا ور، نِہکلنک نرائن نر، مہاراج شیرسِنگھ وِشنوُں بھگوان، میرا لہنا دینا لیکھا کلجُگ انتم آپ وِچاریِں، دوُسر ہتّھ نہ کوئے پھڑائیا۔

۳۲ جیٹھ شہنشاہی سمت ۱۱ گُردِت سِنگھ دے گرِہ کِشن پُر کیمپ ضِلع جموں

نارد کہے گنگا تُوں کِدھروں آ گئی بھجیّ، ٹِلّے پربت ندی نالے پار کرائیا۔ جھٹ جمنا بانہہ اُچی کرکے سجیّ، زور زور نال سُنائیا۔ سُرستی کہے میرے انتر دھار اگمّی وجّی، ہلوُنا دے کے دِتا جگائیا۔ گوداوری کہے میرے انتر ترِسنا لگی، پیاس پریم والی نظری آئیا۔ نارد کہے تُسیں نِگاہ مارو سبی، سبب نال اِکٹّھیِاں ہوئیِاں چائیں چائنیا۔ پہلوں جگت جہان دی ویکھو گدّی، شاہ پاتشاہ شہنشاہ نظر کوئے نہ آئیا۔ پھیر محمد دی بیِتدی ویکھو صدی، چؤدھویِں اپنا پندھ مُکائیا۔ عیسیٰ دھار بھار جاندی لدّی، پلّوُ موُسیٰ یار پھڑائیا۔ اوتاراں خواہش ویکھو وڈّی، کی انتم رہی جنائیا۔ گُروُ گُردیو سب کُچھ رہے چھڈی، ہؤکا سُنے چائیں چائنیا۔ نی تُہاڈے وِچ چار جُگ دے مُردیاں دِسے ہڈّی، تن نظر کوئے نہ آئیا۔ نیَن کھولو نِرگُن دھار جوت ویکھو جگی، جو جگہ جگہ کرے رُشنائیا۔ جِس دی بھگتاں دھار ویکھو بگّی، بگ بپڑے اپنے رنگ رنگائیا۔ جوتی جوت سروُپ ہرِ، آپ اپنی کِرپا کر، کرے کھیل ساچا ہرِ، نِہکلنک نرائن نر، مہاراج شیرسِنگھ وِشنوُں بھگوان، سب دا لیکھا پوُرا کرے حدوُد حدی، حداں اپنے رنگ رنگائیا۔

۳۲ جیٹھ شہنشاہی سمت ۱۱ سردار سِنگھ دے گرِہ کِشن پُر کیمپ ضِلع جموں

نارد کہے گنگوتری تُوں کیوں ماریا لمبا پندھ، بِکھڑے راہ جگت چلائیا۔ چھڈ کے تٹ کِناریاں والا انند، بیلیاں وِچ بھجیّ واہو داہیِا۔ تیرا روُپ سوہنا وانگ چند، کِرن کِرن تیری رُشنائیا۔ تیرے بِنا مُکھ توں سوہنے دِسدے دند، گِنتی گنت نہ کوئے گِنائیا۔ تیرے کیہڑے کارن بھاگ ہو گئے مند، اپنا آپ لیا بدلائیا۔ جوتی جوت سروُپ ہرِ، آپ اپنی کِرپا کر، کرے کھیل ساچا ہرِ، سچ دا کھیل آپ وکھائیا۔ نارد کہے گنگوتری ویکھ لےَ لہندا چڑھدا، چڑھدا لہندا دھیان لگائیا۔ دیِن دُنی دوارا تک ہنکار گڑھ دا، گڑھی اپنے نال مِلائیا۔ تیرے اُتے پنڈت پاندھا شاستر سچ کوئے نہ پڑھدا، اُستت حق نہ کوئے سُنائیا۔ مایا پِچھے یاتروُآں نال لڑدا، دِوس رَین کرے لڑائیا۔ تیرا روُپ کیوں نہیں اوہناں پھڑدا، پھڑ کے دئے سزائیا۔ اُٹھ ویکھ لےَ کی حال ہویا تیرے تٹ کنارے در دا، گھاٹاں پئی دُہائیا ۔ جوتی جوت سروُپ ہرِ، آپ اپنی کِرپا

کر، کرے کھیل ساچا ہرِ، سچ دا مالک بےپرواہیِا۔ گنگا کہے ناردا میَنوُں کمّ بڑا ضروری، ضرورت بھگتاں دیاں جنائیا۔ بے شک دیِن دُنیا قصوُری، قسم کھا کے دیاں سُنائیا۔ پرم پُرکھ توں ہو گئی دوُری، گھر سوامی مِلن کوئے نہ پائیا۔ ناد شبد سُنے کوئے نہ تُوری، تُرت پربھ دا میل نہ کوئے کرائیا۔ جلوہ جوت تکے کوئے نہ نوُری، اندھ اندھیر نہ کوئے مِٹائیا۔ میَں چار جُگ دی منگن آئی مزدوُری، در ٹھانڈے سیِس نِوائیا۔ میَنوُں اِشارہ دیوے سوُلی چڑھیا ہویا منصوُری، اَناالحق حق سُنائیا۔ موُسیٰ کہے میری آواز سُن کوہ طوُری، قُدرت دا قادر کی دِرڑائیا۔ عیسیٰ کہے سرِشٹی تک لےَ کوُڑی، کوُڑ کُٹمب لوکائیا۔ محمد کہے چاروں کُنٹ دِسے قصوُری، سچ وِچ نہ کوئے سمائیا۔ جھٹ نانک گوبِند دھار کِہا کملیئے پربھ دے چرناں وِچوں اپنی لےَ لےَ منظوری، در ٹھانڈے واسطہ پائیا۔ جے تیرے گرِہ آ کے تَینوُں بخش دئے چرن دھوُڑی، دھوُڑی تیرے مستک خاک رمائیا۔ جوتی جوت سروُپ ہرِ، آپ اپنی کِرپا کر، دیونہارا ساچا ور، نِہکلنک نرائن نر، مہاراج شیرسِنگھ وِشنوُں بھگوان، سرب کلا بھرپوُری، بھرپوُر رہیا سرب ٹھائنیا۔

۳۲ جیٹھ شہنشاہی سمت ۱۱ اِیشر سِنگھ دے گرِہ پِنڈ دڑ ضِلع جموں

نارد کہے گنگا نال مِلا لےَ گوداوری جمنا سُرستی، سُتیاں لےَ جگائیا۔ پھیر تک لےَ پرم پُرکھ دی ہستی، جو آد جُگاد دا مالک اِک اکھوائیا۔ جِس دے پِچھے آئی نسدی، بھجیّ واہو داہیِا۔ اوہ تیری دھار ویکھے امرت رس دی، بِن اکھّاں اکھّ اُٹھائیا۔ اوہدی کھیل الکھنا الکھ دی، الکھ اگوچر دا بھیوَ سمجھ کوئے نہ پائیا۔ جِس دی جوت نِرنکاری سچکھنڈ دوارے وسدی، درگاہ ساچی آسن لائیا۔ جوتی جوت سروُپ ہرِ، آپ اپنی کِرپا کر، ایکا دینا ساچا ور، نِہکلنک نرائن نر، مہاراج شیرسِنگھ وِشنوُں بھگوان، ایہہ کھیل تیری پُرکھ سمرتھ دی، دوُسر نظر کوئے نہ آئیا۔

۳۲ جیٹھ شہنشاہی سمت ۱۱ ہربنس سِنگھ دے نوِت پِنڈ دڑ ضِلع جموں

گنگا کہے جمنا سُرستی ساریِاں نِمسکار لئیے کر، گوداوری تُوں وی نِیوں کے سیِس نِوائیا۔ ناردا تُوں وی خوشیاں نال دُآؤنا سانوُں ور، خوشی ساڈے نال بنائیا۔ اسیں جگت جہان پربھ دی سرنی گئیاں پر، پاربرہم نِو نِو لاگیئے پائیا۔ کِرپا کر سِری بھگوان ساڈے ولّ نِگاہ کر، نیتر نیَن نیَن اُٹھائیا۔ پُرکھ اکالے دیِن دَیالے ساڈے آؤنا گھر، گرِہ اندر ڈیرہ لائیا۔ تیرے چرن کوَل ساچا ہووے سر، سروور اِکو سوبھا پائیا۔ ساڈے خالی بھنڈارے دینے بھر، بھرپوُر آپ کرائیا۔ نارد کِہا گنگا گوداوری جمنا سُرستی گھُٹ کے چرن کوَل لؤ پھڑ، بِن ہتّھاں ہتّھ لگائیا۔ نالے تُوں میرا میَں تیرا ڈھولا لؤ پڑھ، سوہنگ سچ پڑھائیا۔ اپنے آنچل پلّوُ گنڈھ لؤ کنّی لیَنی پھڑ، کنّاں نوُں ہتّھ لا کے واسطہ پائیا ۔ پُرکھ اکال دیِن دَیال تیرا کھیل چیتن چوٹی جڑ، چیتن تیرا روُپ نظری آئیا۔ جوتی جوت سروُپ ہرِ، آپ اپنی کِرپا کر، دیونہارا ساچا ور، سچ دا سنگ آپ بنائیا۔ نارد کہے گنگا سَتگُر شبد اَگے پا لؤ واسطہ، نیتر نیَناں نیِر وہائیا۔ تُہاڈا لیکھا لہنا پوُرا کر دیوے آہستہ آہستہ، اپنا پندھ مُکائیا۔ تُہانوُں سَت سچ دا دسےّ راستہ، رہبر اِکو اِک اکھوائیا۔ تُہاڈا لہنا دینا پوُرا کرے رسن سواس دا، ساہ ساہ وکھائیا۔ تُہاڈا لیکھا جانے اندر والی آس دا، آشا اپنے چرن ٹِکائیا۔ جوتی جوت سروُپ ہرِ، آپ اپنی کِرپا کر، کرے کھیل ساچا ہرِ، سچ دا حُکم اِک ورتائیا۔ سَتگُر شبد کہے ناردا تُوں بڑا پریمی اِشارتی، گنگا گوداوری جمنا سُرستی نال مِلائیا۔ تُوں بڑا پُرانا بھارتی، بھاردواج تیری دئے گواہیِا۔ تُوں بڑا پُرانا شرارتی، جُگ جُگ اپنی کھیل وکھائیا۔ نارد کہے پربھوُ تُوں صاحِب میرا بڑا تجارتی، جُگ جُگ اپنے نام کلمیاں ہٹّ چلائیا۔ تُوں بڑا پیارا گھِرت دیِپک آرتی، خوشیاں راگ جنائیا۔ تیرا کھیل نیارا سدارتی، سد ' جھولی پائیا۔ تیرا لیکھا سَتگُر شبد سدا عبارتی، سانوُں لِکھ کے دے وکھائیا۔ تیری کھیل مہما اپر اپار دی، اپرمپر تیرے ہتّھ وڈیائیا۔ گنگا گوداوری جمنا سُرستی ویکھ پُکاردی، کوُک کوُک دئے دُہائیا۔ سمت شہنشاہی باراں خوشی ہووے تیرے دیِدار دی، نیتر نیَن نیَناں نال مِلائیا۔ سیج سُہنجنی سوہنی گوبِند والے ستھر یار دی، یارڑے اپنا رنگ رنگائیا۔ گھڑی سُلکھّنی دسّ دے تِھت وار دی، پرم پُرکھ اپنا حُکم سُنائیا۔ سَتگُر شبد کہے ناردا ہُن کھیل نہیں اُدھار دی، لہنے دینے سب دے جھولی پائیا۔ پندراں اَسوُ سوہنی رُت ہووے سچّی سرکار دی، سوہنا اپنا رنگ رنگائیا۔ گنگا تُوں آشا رکھنی اِنتظار دی،

نیَن نیَناں وِچوں کُھلائیا۔ ہرِ کی پؤڑی تُوں ہی تُوں ہی ہووے پُکاردی، بِن رسنا جِہوا ڈھولے گائیا۔ اَگے تِھت سُہنجنی ہونی وارو وار دی، جمنا سُرستی لہنا دینا دینا لہنا تھاؤں تھائنیا۔ گوداوری تُوں خبر سُننی خبردار دی، بے خبرے خبر سُنائیا۔ جوتی جوت سروُپ ہرِ، آپ اپنی کِرپا کر، دیونہارا ساچا ور، نِہکلنک نرائن نر، مہاراج شیرسِنگھ وِشنوُں بھگوان، تُہانوُں دھیِرج دیوے اِعتبار دی، اچھل چھل وِچ چھل نہ کوئے کرائیا۔

۳۲ جیٹھ شہنشاہی سمت ۱۱ لال سِنگھ دے گرِہ منوال کیمپ ضِلع جموں

دھرنی کہے سو پُرکھ نِرنجن میرے مِہربانا، محبان بیِدو تیری اِک سرنائیا۔ ہرِ پُرکھ نِرنجن نؤجوانا، نِراکار تیری اوٹ تکائیا۔ ایکنکار شاہو بھوُپ سُلطانا، شہنشاہ تیرے ہتّھ وڈیائیا۔ آد نِرنجن نوُر جوت مہانا، مِہربان اِک اکھوائیا۔ ابناشی کرتے نؤجوانا، سوُربیِر در تیرے منگ منگائیا۔ سِری بھگوان وڈ بلوانا، تُدھ بِن دوُجا نظر کوئے نہ آئیا۔ پاربرہم کھیل کھیلنا آپ مہانا، مہما اکتھ اکتھ سمجھائیا۔ سَتگُر شبد دیِن دُنی دا ویکھ زمانہ، نِروَیر ہو کے دھیان لگائیا۔ دھرنی کہے میرا نوَ ستّ سچ دا رہیا نہ کوئے وِدھانا، دھرم دی دھار نظر کوئے نہ آئیا۔ اُتّر پوُرب پچھّم دکھّن کلجُگ کوُڑ ہویا پردھانا، بھجےّ واہو داہیِا۔ اوتار پَیغمبر گُر میرا دیؤ بیانا، شہادت حق بُھگتائیا۔ کِرپا کرے شاہ سُلطانا، ہرِ کرتا دُھر درگاہیِا۔ جوتی جوت سروُپ ہرِ، آپ اپنی کِرپا کر، دیونہارا ساچا ور، نِہکلنک نرائن نر، مہاراج شیرسِنگھ وِشنوُں بھگوان، میری بیننتی کرے پروانا، پرم پُرکھ پربھ اپنی دَیا کمائیا۔

۳۲ جیٹھ شہنشاہی سمت ۱۱ سوَرن سِنگھ دے گرِہ منوال کیمپ ضِلع جموں

دھرنی کہے میرے سَتگُر شبد بلکاری، جودھے سوُربیِر تیری اِک سرنائیا۔ کِرپا کر کلجُگ انتم واری، واسطہ تیرے چرن ٹِکائیا۔ لیکھا تک لےَ دیِن دُنی جگت سنساری، سنساری بھنڈاری سنگھاری وِشن برہما شِو نال مِلائیا۔ کروڑ تیتیِسا کرے کوئے نہ داری، سَت

رنگ نہ کوئے رنگائیا۔ تیِرتھ تٹ سروور امرت ملِے نہ ٹھنڈا ٹھاری، اگنی تت نہ کوئے بُجھائیا۔ چاروں کُنٹ رَین اندھیاری، نوُری چند نہ کوئے چمکائیا۔ میَں روواں زارو زاری، بِن نیَناں نیِر وہائیا۔ دُھر دے رام میری پاؤنی ساری، کاہناں دے کاہن تیری اوٹ تکائیا۔ کلجُگ جیِو میری کرن خواری، خالق رنگ نہ کوئے رنگائیا۔ مندر مسجد شِودوالے مٹھ رہے پُکاری، کوُک کوُک سُنائیا۔ چار جُگ دے ساشتر روون زارو زاری، بِن ہنجھوُآ ں وہن وہائیا۔ جوتی جوت سروُپ ہرِ، آپ اپنی کِرپا کر، ایکا دینا ساچا ور، سچ دا سنگ آپ بنائیا۔ دھرنی کہے پربھوُ میرے اُتوں میٹ دے کوُڑ کُڑیارا جگ، جگ جیِون داتے دے وڈیائیا۔ میَں پرساں تیرے پگ، دھوُڑی چرن خاک رمائیا۔ کلجُگ جیِواں بُدھی رہن نہ دینی کگ، بگ بپڑے رنگ روُپ لےَ بدلائیا۔ نام خُماری جام پیا دے مد، مدُھر دُھن کر شنوائیا۔ نؤ دوارے پندھ میٹ دے حد، پنچ وِکار نہ کوئے ہلکائیا۔ شبد انادی سُنا دے ند، انحد نادی ناد وجائیا۔ درشن دے اُپر شاہ رگ، شہنشاہ اپنا پڑدا لاہیِا۔ سچ دوار ایکنکار اپنے سج، گرِہ مندر ڈیرہ لائیا۔ پُرکھ اکالے دیِن دَیالے کلجُگ انتم میری رکھنی لج، کوُڑی کِریا دُرمت میَل دھوائیا۔ صاحِب سوامی انترجامی میَں تَینوُں رہی سدّ، گھٹ نِواسی پُرکھ ابناشی ہونا آپ سہائیا۔ میَں درشن کر کے خوشیاں وِچ ہوواں گد گد، دو جہان نؤجوان سِری بھگوان بھجّاں واہو داہیِا۔ جوتی جوت سروُپ ہرِ، آپ اپنی کِرپا کر، ایکا دینا ساچا ور، سچ دی آشا پوُر کرائیا۔ دھرنی کہے میرے پرم پُرکھ پرماتم دُھر دے خالق، خادم ہو کے سیِس نِوائیا۔ میَں آد جُگادی تیری دھار سنچالک، سچ سوامی تیری اوٹ تکائیا۔ میرے اُتے اپنے بھگت سُہیلے تک لےَ بالک، بال اَنجانے ویکھ وکھائیا۔ اوہناں دا بننا آپ آپ پرِتپالک، سِر سِر اپنا ہتّھ ٹِکائیا۔ جوتی جاتے پُرکھ بِدھاتے ہرِجن روُپ بناؤنے خالص، خالص اپنا رنگ رنگائیا۔ جگت ترِسنا کوُڑ میٹ دے آلس، اصل وصل یار دینا سمجھائیا۔ سَتگُر شبد میرے اُتے تیرا ہووے ثالث، عدل اِنصاف اِکو اِک جنائیا۔ جوتی جوت سروُپ ہرِ، آپ اپنی کِرپا کر، ایکا دینا ساچا ور، سچ دے مالک دَیا کمائیا ۔ دھرنی کہے پربھوُ میَں نِمانی ہو کے منگ منگی، مانگت ہو کے جھولی ڈاہیِا۔ میَنوُں کلجُگ کیِتا بُھکھی ننگی، دھیِرج دھیِر نہ کوئے دھرائیا۔ میَں سیِس توں ہو گئی گنجی، اوڈھن نظر کوئے نہ آئیا۔ میرے دُکھاں دی دھار ہاتھ نہ آوے ونجھی، ونجھ مُہانے ہتّھ کِسے نہ آئیا۔ مان رہیا نہ کِسے سویر سنجھی، سندھیا سرگھی خوشی نہ کوئے بنائیا۔ نؤ کھنڈ پرِتھمی میری ہووے

بھنڈی، وربھنڈ رہی کُرلائیا۔ میری دُہائی وِچ برہمنڈی، برہمانڈ دے مالک دیاں سُنائیا۔ سَت رہیا نہ جیرج انڈی، اُتبُھج سیتج تیرا سنگ نہ کوئے وکھائیا۔ پرم پُرکھ پرماتم آتم دھار ٹُٹی پھیر گنڈھی، گنڈھنہار گوپال سوامی اپنی دَیا کمائیا۔ سَتجُگ ساچی سچ وکھا دے ڈنڈی، ڈنڈاوت دیِن دُنی بدلائیا۔ کلجُگ کوُڑی کِریا میٹ پاکھنڈی، ممتا موہ نہ کوئے ہلکائیا ۔ تُوں شاہو بھوُپ سُلطانا دو جہاناں جنگی، جنگجوُ اِک اکھوائیا۔ کلجُگ کوُڑ وِکار میٹ فرنگی، فَیصلہ اپنا حق کرائیا۔ میرے سوامی انترجامی میَنوُں انتم آئی تنگی، تنگ دست ہو کے دیاں دُہائیا۔ اوتار پَیغمبراں گُروُآں والی تک لےَ سندھی، جو قؤل اِقرار تیرے نال رکھائیا۔ ویکھیں کلجُگ آیوُ ہور کریں نہ لمبی، لمّی پےَ کے سیِس نِوائیا۔ تُوں گگن رہایا بِنا تھمھی، پربھوُ تیری تیرے ہتّھ وڈیائیا۔ دیِن دُنی دی کوُڑی دھار میٹ دے چمّی، چمّ درِشٹی ڈیرہ ڈھاہیِا۔ آتم دھار سمجھا دے برہمی، پاربرہم برہم اپنا رنگ رنگائیا۔ میری چِنتا میٹ دے غمی، غم خوار ہونا آپ سہائیا۔ میرے اُتے دھار چلا دے نوَیِں، نؤ کھنڈ پرِتھمی ستّ دیِپ تیرا اِکو ڈھولا گائیا۔ صدی چؤدھویِں انت اَخیِر بے نظیِر بیڑا میرا بنّھی، بنھنہار تیری وڈیائیا۔ جوتی جوت سروُپ ہرِ، آپ اپنی کِرپا کر، ایکا دینا ساچا ور، در ساچے الکھ جگائیا۔ دھرنی کہے پربھوُ میرے اُتے سَت سچ چلا دے دھرم، ادھرم رہن کوئے نہ پائیا۔ کلجُگ جیِواں اُدے کر دے کرم، کرم کانڈ دا ڈیرہ ڈھاہیِا۔ ساچا بھیوَ کُھلا دے اپنے برہم، پردہ پردیاں وِچوں اُٹھائیا۔ سَتجُگ ساچے دے دے جرم، جنم کلجُگ پار کرائیا۔ میرا انتشکرن میٹ دے بھرم، بھانڈا بھرم بھؤ بھنّائیا۔ میَں تیری آئی سرن، سرنگت اِک رکھائیا۔ تُوں مالک بھنّن گھڑن، سمرتھ تیرے ہتّھ وڈیائیا۔ جوتی جوت سروُپ ہرِ، آپ اپنی کِرپا کر، ایکا دینا ساچا ور، نِہکلنک نرائن نر، مہاراج شیرسِنگھ وِشنوُں بھگوان، تُوں آد جُگاد کرنی کرن، کرتا پُرکھ پُرکھ اِک اکھوائیا۔

۳۲ جیٹھ شہنشاہی سمت ۱۱ گیان چند دے گرِہ منوال کیمپ ضِلع جموں

نارد کہے دھرنیئے دھرم دیِئے دھارے میَں تَینوُں دسّاں احوال، آد جُگاد دا کھیل سمجھائیا۔ بے شک تُوں جُگ جُگ پربھ سیوا گھالی گھال، گھائل ہو کے سیو کمائیا۔ میَں حَیران ہو گیا پربھوُ دا کھیل بے مثال، جِس دی مِسل نہ کوئے بنائیا۔ میَں مزل مار کے تیرے اُتے پہنچیا

منوال، منسا اوَر نہ کوئے رکھائیا۔ جِتھے پربھوُ دے بھگت سُہیلے بال، بالی بُدھ وڈیائیا۔ اوہناں دا انتشکرن تکیا جِنہاں دے سدا سدا ہرِ نال، وِچھوڑے وِچ وِچھڑ کدے نہ جائیا۔ نی میَں تیرے اُتے کرنا اِک سوال، سہج سہج نال سُنائیا۔ سچ دسّ کِس بِدھ کلجُگ انتم تیرے اُتے کوُکے کال، کال نگارہ ڈنک وجائیا۔ کی کھیل کرے مہاکال، میَنوُں دے سمجھائیا۔ کی پربھوُ دی ہووے چال، اولّڑی آپ چلائیا۔ نی اُٹھ کے سُرت سنبھال، سمبل دا مالک کی اپنا حُکم ورتائیا۔ جِس نوُں جُگ چؤکڑی سارے رہے بھال، کھوجن تھاؤں تھائنیا۔ جوتی جوت سروُپ ہرِ، آپ اپنی کِرپا کر، دیونہارا ساچا ور، نِہکلنک نرائن نر، مہاراج شیرسِنگھ وِشنوُں بھگوان، میٹنہارا تیرے اُتے کوُڑ جنجال، جاگرت جوت بِن ورن گوت کر رُشنائیا۔

۳۲ جیٹھ شہنشاہی سمت ۱۱ کھوجوُ رام دے گرِہ منوال کیمپ ضِلع جموں

نارد کہے دھرنیئے میَں پندھ مار کے آیا دوُری، قدم قدم نال بدلائیا۔ اِکو تکاں پُرکھ اکال دی حضوُری، جو حضرتاں توں باہر ڈیرہ لائیا۔ جِس دا جلوہ اِلاہی نوُری، دو جہاناں سوبھا پائیا۔ بے شک تُوں اُس دی نؤ سؤ چُرانوے چؤکڑی جُگ کیِتی مزدوُری، سیوک ہو کے سیو کمائیا۔ اوہ سمرتھ اکتھ سرب کلا بھرپوُری، بھرپوُر رہیا سرب ٹھانئیا۔ اوہ ویکھنہارا سرِشٹی درِشٹی کوُڑی، کوُڑ کِریا پھول پُھلائیا۔ مانَس مانُکھ مانَو ویکھے بُدھی موُرکھ موُڑھی، چتُر سُجانا دھیان لگائیا۔ نی تیری چھوہ دی دھار اُس دی چرن دھوُڑی، ٹِکّے خاک لینےَ رمائیا۔ جو تیرے اُتے بھگتاں رنگت چاڑھے گوُڑھی، دو جہاناں اُتر کدے نہ جائیا۔ جوتی جوت سروُپ ہرِ، آپ اپنی کِرپا کر، دیونہارا ساچا ور، سچ دا پردہ آپ اُٹھائیا۔ نارد کہے دھرنیئے تک لےَ پربھوُ دے بھگت میِت، مِتر پیارا دئے وڈیائیا۔ جِنہاں دی انتشکرن چوں بدلی نیِت، نیِتیوان ہویا سہائیا۔ تُوں میرا میَں تیرا دسّ کے گیِت، گوبِند میل مِلایا سہج سُبھائیا۔ ناتا توڑ کے ہست کیِٹ، اِکو رنگ دِتا رنگائیا۔ آتم پرماتم بخش پریِت، پریِتم ہو کے ویکھ وکھائیا۔ سَت سچ سمجھا کے ریِت، پردہ پردیاں وِچوں اُٹھائیا۔ کایا کعبہ مندر دسّ کے حق مسیِت، بھیوَ ابھیدا آپ کُھلائیا۔ من کلپنا کایا انتر جیِت، کوُڑی کِریا ڈیرہ ڈھاہیِا۔ تن وجوُد کر کے ٹھانڈا سیِت، اگنی تت بُجھائیا۔ جوتی جوت

سروُپ ہرِ، آپ اپنی کِرپا کر، دیونہارا ساچا ور، نِہکلنک نرائن نر، مہاراج شیرسِنگھ وِشنوُں بھگوان، کھیل کھیلے ترےَگُن اتیِت، ترےَبھوَن دھنی اپنا حُکم ورتائیا۔

۳۲ جیٹھ شہنشاہی سمت ۱۱ روہلوُ رام دے گرِہ منوال کیمپ ضِلع جموں

دھرنی کہے ناردا میَں خوشیاں خوشی مناواں گی۔ گیِت گوبِند اِکو گاواں گی۔ جِس دا امرت ساگر سِندھ، رس پی ترِکھا مِٹاواں گی۔ جوتی جوت سروُپ ہرِ، آپ اپنی کِرپا کر، دیونہارا ساچا ور، سچ دے مالک سیِس نِواواں گی۔ سچ دا مالک درس دِکھائیگا۔ میری جُگ جُگ حرص مِٹائیگا۔ جِس درشن نوُں رہی ترس، سو رحمت آپ کمائیگا۔ اوہ عرش دا مالک آوے اُتے فرش، فَیصلہ حق سُنائیگا۔ میری منظور کرے عرض، آرزو تیرے چرن ٹِکائیگا۔ اُس دا کھیل تکاں اسچرج، اچرج لیِلا جو ورتائیگا۔ بھگتاں مِلن دی جِس نوُں غرض، اوہ گوبِند دھار پھیرا پائیگا۔ اپنا پوُرا کرے فرض، فاضِل ہو کے ویکھ وکھائیگا۔ میری نِمانی دی ونڈے درد، دُکھیاں درد گوائیگا۔ جوتی جوت سروُپ ہرِ، آپ اپنی کِرپا کر، دیونہارا ساچا ور، سچ دا میل آپ مِلائیگا۔ نارد کہے اوہ آیا گہر گمبھیِر، ہرِ وڈّا وڈ وڈیائیا۔ جیہڑا تَینوُں امرت بخشے سیِر، رس رسنا باہر چکھائیا۔ تیری بدل دیوے تقدیِر، تدبیِر اپنی نال رکھائیا۔ لیکھا مُکائے شاہ حقیِر، شہنشاہ اپنا حُکم ورتائیا۔ جن بھگتاں دے کے جاوے دھیِر، دھیِرج دھیِر دِرڑائیا۔ اوہ مالک پیِراں دا پیِر، پاربرہم اِک اکھوائیا۔ جِس دیِن دُنی دی بدل دینی ضمیِر، جوتی جوت سروُپ ہرِ، آپ اپنی کِرپا کر، دیونہارا ساچا ور، نِہکلنک نرائن نر، مہاراج شیرسِنگھ وِشنوُں بھگوان، تیرے اُتے سچ دھرم دی سچ کرے تعمیِر، سَت ستوادی برہم برہمادی اپنا حُکم آپ ورتائیا۔

۳۲ جیٹھ شہنشاہی سمت ۱۱ رنجیِت سِنگھ دے گرِہ موُسےچک ضِلع جموں

دھرنی کہے جے ناردا آیا وِچ منوال، منسا میری پوُر کرائیا۔ میَں وساں سدا بھگتاں نال، وِچھوڑے وِچ وِچھڑ کدے نہ جائیا۔ پربھوُ نوُں کہنا سچ دا دے دے سچّا دھن مال، نام خزانہ اِک ورتائیا۔ ایہہ بچّے نڈھےّ تیرے لال، لالن اپنا رنگ چڑھائیا۔ جوتی جوت سروُپ ہرِ، آپ اپنی کِرپا کر، ایکا دینا ساچا ور، در ٹھانڈے منگ منگائیا۔ دھرنی کہے ناردا میَں بھگت سُہیلے تکدی، بِن نیتر نیَن اُٹھائیا۔ میَں منگتی ہوواں حق دی، در ٹھانڈے واسطہ پائیا۔ میری آشا ہووے سچ دی، سچ سچ دیاں دِرڑائیا۔ میری پریِتی جن بھگتاں اندر ہووے نچدی، قدم قدم نالوں بدلائیا۔ بے شک اِنہاں دی کایا ماٹی کچّ دی، ساڈھے تِنّ ہتّھ ونڈ لئی ونڈائیا۔ میَں کھیل دسّاں اُس کملاپت دی، جو پت پرمیشور نوُر الاہیِا۔ میَں اوسے دے چرناں ہیٹھ وسدی، میَنوُں سارے کہندے دھرنی دھرت دھوَل دھؤل اگمّی مائیا۔ جوتی جوت سروُپ ہرِ، آپ اپنی کِرپا کر، دیونہارا ساچا ور، سچ دی کھیل رہیا کھِلائیا۔ دھرنی کہے جن بھگتو میری تُہانوُں اسیِس، سِر سِر ملِے مان وڈیائیا۔ تُہاڈا مالک اِک جگدیِش، جگدیِشر دُھردرگاہیِا۔ جِس دا لہنا دینا بیِس اِکیِس، بیِس بیِسا آپ ہو جائیا۔ جِس دا اِکو نام کلمہ ہووے حدیِث، اِکو کرے سچ پڑھائیا۔ اوہ تُہاڈا انتر نِرنتر بنیا میِت، باہروں نظر کِسے نہ آئیا۔ جِس نے سَتجُگ سَت دھرم چلاؤنی ریِت، مارگ اِکو اِک پرگٹائیا۔ تُوں میرا میَں تیرا بِنا بھگتاں توں گائے کوئی نہ گیِت، رسنا جِہوا رس نہ کوئے وکھائیا۔ جوتی جوت سروُپ ہرِ، آپ اپنی کِرپا کر، کرے کھیل ساچا ہرِ، سچ دا پردہ آپ اُٹھائیا۔ دھرنی کہے جن بھگتو میری دھرنی لگّا بھاگ، بھگوَن دِتی مان وڈیائیا۔ میری سُتی دی کُھلی جاگ، نیتر لوچن نیَن لئی انگڑائیا۔ میرے انتشکرن اُپجیا وَیراگ، وَیری نظر کوئے نہ آئیا۔ تُساں میری کرنی اِمداد، مِل مِل کے خوشی بنائیا۔ جوتی جوت سروُپ ہرِ، آپ اپنی کِرپا کر، دیونہارا ساچا ور، سچ دا بھیوَ آپ کُھلائیا۔ دھرنی کہے جن بھگتو میرے کول چِٹھی پُرانی لِکھی، بِن اکھّراں دیاں لِکھائیا۔ ایسے پیار دی دھار وِچ آئے سی سپتس رِکھی، بھاردواج نال وڈیائیا۔ اوہناں نِرگُن دھار جوت نِرنکار اُس ویلے دیکھی، بِن جگت نیتر لوچن نیَن اکھّ کُھلائیا۔ جِس کلجُگ انتم بننا بھیکھی، روُپ انوُپ آپ پرگٹائیا۔ جگت جہان ہو پردیسی، بھجےّ واہو داہیِا۔ جِس دا کھیل تکنا وِشن برہما شِو مہیشی، مہکھاسُر دھیان لگائیا۔ اُس دا سُننا اِک سندیسی، جو جگت

وِدیا باہر سُنائیا۔ اوہ مالک ہووے نر نریشی، دو جہاناں ڈگمگائیا۔ جوتی جوت سروُپ ہرِ، آپ اپنی کِرپا کر، دیونہارا ساچا ور، سچ دا سنگ آپ بنائیا۔ دھرنی کہے جن بھگتو میرا سُہایا دوارا بنک، لوک مات مِلی وڈیائیا۔ سَتجُگ تریتا دواپرکلجُگ ایس دا بنیا رہنا اِکو انک، انکڑے جگت نہ کوئے رکھائیا۔ دھرم دی دھار وجّنا سدا ڈنک، ڈوروُ سَتگُر شبد سُنائیا۔ جِتھے سیِس نِوان گے راؤ رنک، جگدیِش دیونہار سرنائیا۔ جِس دی آپ بنائے پربھوُ بنت، گھڑن بھنّنہار آپ ہو جائیا۔ بتّی جیٹھ جِس دی سمتی والی ہووے سند، سمت شہنشاہی گیاراں نال مِلائیا۔ جوتی جوت سروُپ ہرِ، آپ اپنی کِرپا کر، دیونہارا ساچا ور، سچ دا بھیوَ آپ چُکائیا۔ دھرنی کہے جن بھگتو میرے نال کرو مِلاپ، مِلنی ہرِ جگدیِش کرائیا۔ دوہاں دا سانجھا ہووے جاپ، دوُسر اوَر نہ کوئے پڑھائیا۔ آد جُگادی اِکو ساڈا باپ، جمّن والی اوَر کوئے نہ مائیا۔ نہ روگ رہے نہ سنتاپ، دُکھ درد نہ لاگے رائیا۔ پرم پُرکھ پربھ کِرپا کرے آپ، آپ اپنی دَیا کمائیا۔ سچ پریِتی جوڑے نات، چرن کوَل سرنائیا ۔ خوشیاں والی سُہنجنی رات، رُتڑی اپنے نال مہکائیا۔ دھرنی کہے جن بھگتو دھنّ بھاگ جے تُسیں میری پُچھی وات، بن کے آپے پاندھی راہیِا۔ میَں پربھوُ نوُں کہنا چار جُگ ایہہ بنی رہے گاتھ، دیِن دُنی ڈھولے گائیا۔ سارے اِک دوُجے نوُں خوشیِاں نال ٹیکیئے ماتھ، مستک مستک نال چُھہائیا۔ بیننتی کریئے اَگے پُرکھ سمراتھ، ہرِ کرتے تیری وڈ وڈیائیا۔ اسیں بال اَنجانے اناتھاں اناتھ، دینن تیری اوٹ تکائیا۔ نِرگُن سرگُن سرگُن نِرگُن ساڈا سگلا دینا ساتھ، سنگی بہُہ رنگی اِکو نظری آئیا۔ جوتی جوت سروُپ ہرِ، آپ اپنی کِرپا کر، ایکا دینا ساچا ور، نِہکلنک نرائن نر، مہاراج شیرسِنگھ وِشنوُں بھگوان، آد جُگاد جُگ چؤکڑی سوامی سب کُچھ تیرے ہاتھ، انترجامی ہونا آپ سہائیا۔