۲۱ بھادروں شہنشاہی سمت ۱۱ سوہن سِنگھ دے گرِہ پِنڈ رام پُر ضِلع امرتسر
دھرنی کہے پربھوُ میَں دِوس رَین لاواں چکر، چکرورتی نظر کوئے نہ آئیا۔ منزل حقیِقی دا ملِے کوئی نہ فقّر، فِقرہ حق نہ کوئے سُنائیا۔ جِدھر جاواں کوُڑ کُڑیارے نال لگّے ٹکّر، سَت دھرم ویکھن کوئے نہ پائیا۔ مانَو ذاتی انتشکرن تکیا کوُڑ اپرادھن ہوئی مکر، فریباں وِچ کھیل کھِلائیا۔ میَں بِنا نیَن توں نوَ ستّ لگّی تکن، لوچن اکھّ نہ کوئے کُھلائیا۔ پییا پریِتم تیرا میِت مُرارا دِسیا کوئی نہ سکن، ساجن سنگی ساتھ نہ کوئے نِبھائیا۔ میرے اُتے کلجُگ کوُڑ کُڑیاری مایا لگّی نچن، چار کُنٹ دہ دِشا اپنا ناچ وکھائیا۔ تیری دیِن دُنی بِنا اگنی لگّی مچن، پنچ وِکار رہیا جلائیا۔ میَں سَت سچ دا سوامیِا دسّاں بچن، کتھا کہانی دیاں دِرڑائیا۔ بِن تیری کِرپا بھگت سُہیلا دِسے کوئی نہ رتن، امولک ہیِرا ویکھن کوئے نہ پائیا۔ مانَو ذاتی میرے اُتے پنج تت دھار ہوئی بے وطن، ساچے گرِہ نہ کوئے ٹِکائیا۔ میرا انتم چلے کوئی نہ یتن، یتھارتھ تَینوُں دیاں سُنائیا۔ میرا کوُڑ کُڑیارا داغا آ جا کٹّن، کٹاکش اپنا نام لگائیا۔ سَت دھرم دا کھول دے ہٹّن، اِکو نام دینا چائیں چائنیا۔ بھاگ لگاؤنا ساڈھے تِنّ ہتّھ کایا مٹّن، تن وجوُداں رنگ رنگائیا۔ تیرا نوُر جوت پرکاش ہووے لٹ لٹن، شبد ناد کرے شنوائیا۔ جوتی جوت سروُپ ہرِ، آپ اپنی کِرپا کر، ایکا دینا ساچا ور، سچ دی آشا اِک رکھائیا۔ دھرنی کہے پربھوُ میرا رنگ بنا لےَ اپنا روُپ، جگ نیتر ویکھن کوئے نہ پائیا۔ تُوں میرا شہنشاہ شاہو بھوُپ، پُرکھ اکال تیری وڈیائیا۔ مِہربانا نؤجوانا میری سُہنجنی کر دے رُت، رُتڑی اپنے پیار نال مہکائیا۔ پوِتر کر دے کایا ماٹی پنج تت دے بُت، بُتخانیاں کر صفائیا۔ نوَ ستّ تیرے دھرم دے اُپجن سُت، دُلارے ہرِجن لےَ پرگٹائیا۔ تُوں مالک ابناشی اچُت، چیتن ہو کے ویکھ وکھائیا۔ جوتی جوت سروُپ ہرِ، آپ اپنی کِرپا کر، دیونہارا ساچا ور، سچ دا در اِک سُہائیا۔ دھرنی کہے پربھوُ میرا چُک کے ویکھ لےَ پردہ، پردہ نشیِں دھیان لگائیا۔ جگت جہان ویکھ لےَ سڑدا، اگنی تت نہ کوئے بُجھائیا۔ دیِن مذہب ویکھ لےَ لڑدا، تیری شرع کرے لڑائیا۔ سچ منزل کوئے نہ چڑھدا، تیرا درس کوئے نہ پائیا۔ آتم پرماتم تُوں میرا میَں تیرا ڈھولا کوئے نہ پڑھدا، جگت اکھّراں گا گا تیری کرن شنوائیا۔ تُوں مالک خالق چوٹی جڑ دا، آد جُگاد تیرے ہتّھ وڈیائیا ۔ قِلعہ توڑ ہنکاری گڑھ دا، ہؤمے ہنگتا دے مِٹائیا۔ بھیوَ کُھلا دے مانَو جاتی اپنے گھر دا، گرِہ مندر اِک وکھائیا۔ جِتھے دیِپک جوت اگمّی بلدا، بِن تیل باتی کرے رُشنائیا۔ جِس
دھاروں سَتگُر شبد دو جہاناں گھلدا، پُریاں لوآں برہمنڈاں کھنڈاں اپنا حُکم سُنائیا۔ جِس گرِہ امرت ساگر نیِر اگمّا اُچھلدا، آد جُگاد مُک کدے نہ جائیا۔ جوتی جوت سروُپ ہرِ، آپ اپنی کِرپا کر، ایکا دینا ساچا ور، سچ دی وست نام ورتائیا۔ دھرنی کہے پربھوُ میَں منگدی اگمّی وست، اِکو ایکنکار دینی ورتائیا۔ میَنوُں پھڑاؤنی بِنا دست، بِن ہتّھاں میری جھولی دینی رکھائیا۔ نام خُماری بخشنی مست، مست مستانی روُپ درسائیا۔ میرا لیکھا رکھنا نال کیِٹ ہست، راؤ رنکاں رنگ رنگائیا۔ تُوں مالک خالق والی عرش، عرشی پریِتم تیرے ہتّھ وڈیائیا۔ سچ مُحبّت میگھ برس، بوُندا باندی نام پرگٹائیا۔ کوُڑی کِریا میٹ دے حرص، ہوَس وِکار رہے نہ رائیا۔ میرے اُتے کرنا ترس، رحمت اپنی آپ کمائیا۔ جوتی جوت سروُپ ہرِ، آپ اپنی کِرپا کر، ایکا دینا ساچا ور، نِہکلنک نرائن نر، مہاراج شیرسِنگھ وِشنوُں بھگوان، میری بیننتی سُننی اُتے فرش، دھرنی دھرت دھوَل دھؤل مِٹّی خاکی ہو کے منگ منگائیا۔
۲۱ بھادروں شہنشاہی سمت ۱۱ اوتار سِنگھ دے گرِہ پِنڈ ایکل گڈا ضِلع امرتسر
دھرنی کہے پربھوُ سُن میرے پرِتپال، پرم پُرکھ پرماتم تیری اوٹ تکائیا۔ نِرگُن نِروَیر نِراکار نِرنکار میری کر سنبھال، سَت ستوادی برہم برہمادی شبد انادی دَیا کمائیا۔ میَں آد جُگادی جُگ چؤکڑی تیری گھالی گھال، نِت نوِت ساچی سیو کمائیا۔ سمبل دے مالک میری سُرت سنبھال، سِر میرے ہتّھ ٹِکائیا۔ بِن تیرے نامے ہوئی کنگال، خالی جھولی دیاں وکھائیا۔ نام بھنڈارا دے دے اتوٹ اتُٹ دھن مال، انمُلڑی دات آپ ورتائیا۔ مِہربانا نؤجوانا سِری بھگوانا ترےَگُن مایا توڑ جنجال، جاگرت جوت بِن ورن گوت نوُر ظہوُر کر رُشنائیا۔ جوتی جوت سروُپ ہرِ، آپ اپنی کِرپا کر، ایکا دینا دُھر دا ور، در تیرے آس رکھائیا۔ دھرنی کہے پربھوُ میری آسا آد جُگادی، جُگ چؤکڑی دیاں جنائیا۔ تُوں مالک برہم برہمادی، پاربرہم تیری سرنائیا۔ میَں بِن رسنا جِہوا نِرگُن تَینوُں رہی ارادھی، بِن اکھّراں ڈھولے گائیا۔ بِن ہتّھاں ہوئی باندی، بِن سیِس جگدیِش جھُکائیا۔ میَں ونجارن پُرکھ اکالے تیرے ناں دی، ناؤں نِرنکار اِک دِرڑائیا۔ میری وڈیائی رہی نہیں دھرنی
ماں دی، کلجُگ ممتا کوُڑ رہی کُرلائیا۔ میرے اُتوں شرع میٹ دے سوُر گاں دی، ڈھوراں پشوُآں پنکھیاں کھلّ نہ کوئے لُہائیا۔ دیِن دُنی دی پوِتر بُدھی کر دے کاں دی، کاگ وانگ نہ کوئے کُرلائیا۔ میَں اِکو آشا رکھی پروردِگار سچے رہنُما دی، دوُسر اوٹ نہ کوئے تکائیا۔ جوتی جوت سروُپ ہرِ، آپ اپنی کِرپا کر، ایکا دینا ساچا ور، سچ دا سنگ آپ بنائیا۔ دھرنی کہے میرے پربھ میَنوُں پیار دا بخش دے ساتھ، رحمت نِرگُن آپ کمائیا۔ میَں اِکو ڈھولا تیرا گاواں گاتھ، دوُجی اوَر نہ کوئے پڑھائیا۔ میَں کوجھی کملی اناتھاں اناتھ، تُوں مالک خالق دُھردرگاہیِا ۔ تُوں صاحِب سوامی سرب کلا سمراتھ، تیرے ہتّھ وڈیائیا۔ میرا لیکھا لہنا دینا پوُرا کر دے مستک ماتھ، ٹِکّے دھوُڑی تیرے خاک رمائیا۔ جوتی جوت سروُپ ہرِ، آپ اپنی کِرپا کر، ایکا دینا ساچا ور، سچ دا پردہ آپ چُکائیا۔ دھرنی کہے میرے آد جُگادی سگلے سنگی، سَتگُر تیری اِک سرنائیا۔ وست دے اگمّی منگی، جگ واسنا نہ کوئے جنائیا۔ میری پُشت پناہ ہون نہ دیویں ننگی، سِر اپنا ہتّھ ٹِکائیا ۔ کلجُگ کوُڑ کُڑیارا میرے اُتوں کڈھ فرنگی، فَیصلہ دُھر دا آپ سُنائیا۔ کِسے دی انتشکرن دی دھار ایکنکار رہے نہ ننگی، منسا من نہ کوئے ہلکائیا۔ سچ پرکاش دے دے نوُر الاہی چندی، چند چاندنا کر رُشنائیا۔ گُر اوتار پَیغبراں دی پوُری کر دے سندھی، قؤل اِقرار توڑ 'توڑ نِبھائیا۔ کلجُگ آیوُ ہور کریں نہ لمبی، لمی پےَ کے سیِس نِوائیا۔ میرے توں دیِن مذہب شرع دی توڑ پابندی، سَتگُر شبد شبد دے وڈیائیا۔ تیرا اِکو سچ دوار دھرم دی ہووے ڈنڈی، ڈنڈاوت بندنا سجدے دھار سب دی دے بدلائیا۔ سِری بھگوانا نؤجوانا میرے اُتے تن وجوُد سریِر رہے نہ کوئے پکھنڈی، بھیکھادھاری بھیکھ نہ کوئے وٹائیا۔ نِگاہ مار لےَ اُتبُھج سیتج جیرج انڈی، چارے کھانی کھوج کھوجائیا۔ سُرت سوامی سَتگُر شبد ہانی بِن رہے کوئی نہ رنڈی، کنت سُہاگ بننا دُھر دے ماہیِا۔ دھرنی کہے پربھوُ میرا کھیل کھِلا دے وِچ ورونڈی، برہمنڈاں اپنا سنگ بنائیا۔ نام سَت انمول بِنا قیِمت توں ونڈیِں، کرتے پُرکھ دینی ورتائیا۔ جوتی جوت سروُپ ہرِ، آپ اپنی کِرپا کر، ایکا دینا ساچا ور، سچ دی آسا پوُر کرائیا۔ دھرنی کہے پربھوُ میری آسا تیرے چرن، دوُسر سیِس نہ کوئے نِوائیا۔ میرا نوَ نوَ چار دا پوُرا کر دے پرن، پرا پسنتی مدھم بَیکھری توں باہر تیری شنوائیا۔ بِن لوچن نیَن نِج کھول دے ہرن پھرن، دیِد عید کر رُشنائیا۔ میرے اُتے تیرے مانَس مانَو مانُکھ تیری منزل چڑھن، اَگے ہو نہ کوئے اٹکائیا۔ سب دے انتر قِلعہ توڑ ہنکاری گڑھن، ہؤمے ہنگتا رہے نہ رائیا۔ تُوں میرا میَں تیرا آتم ڈھولا سارے پڑھن،
پرماتم تیرے نام دی وجے ودھائیا ۔ سُرتی شبد لگا لےَ اپنے لڑن، وِچھوڑا جگت رہے نہ رائیا۔ تُوں مالک خالق پرِتپالک گھاڑن گھڑن، سمرتھ تیرے ہتّھ وڈیائیا۔ میرے اُتوں لیکھا میٹ دے چوٹی جڑن، چیتن سُرتی سب دی دے کرائیا۔ تُوں پُرکھ اکالا دیِن دَیالا کرنی کرن، قُدرت دا قادر نوُر الاہیِا۔ جھگڑا میٹ دے ورن برن، ذات پات کھتری براہمن شوُدر وَیش ونڈ نہ کوئے ونڈائیا۔ میَں آد جُگادی نِرگُن سرگُن دھار تیری منگاں سرن، سرنگت اِکو اِک رکھائیا۔ جوتی جوت سروُپ ہرِ، آپ اپنی کِرپا کر، ایکا دینا ساچا ور، نِہکلنک نرائن نر، مہاراج شیرسِنگھ وِشنوُں بھگوان، میرے اُتے بھیوَ چُکا دے سیِس دھڑن، تن وجوُد حق محبوُب ایکو رنگ رنگ دینا رنگائیا۔
۲۲ بھادروں شہنشاہی سمت ۱۱ پِنڈ ایکل گڈا ضِلع امرتسر بوُٹا سِنگھ سُرگ واسی دے نوِت
دھرنی کہے سَتگُر شبد بڑا مِہربان، مِہربانا سِری بھگوانا اپنی دَیا کمائیا۔ جو لہنا دینا لیکھا جانے دو جہان، برہمنڈ کھنڈ اپنا بھیوَ چُکائیا۔ لکھّ چؤراسی جیِو جنت دیوے پیِن کھان، جیِون زِندگی اپنے حُکم وِچ رکھائیا۔ نام رسنا دُھر دا ڈھولا دسےّ گان، صِفتاں نال صِفت وڈیائیا۔ گھر سواسی درشن دیوے آن، ٹھاکر دُھردرگاہیِا۔ پوُرب جنم لئے پہچان، پردہ اوہلا رہے نہ رائیا ۔ سُرتی شبد کرے پروان، میل مِلائے سہج سُبھائیا۔ نام دِرڑائے بِنا کان، تن انتر دئے وسائیا۔ سَت سچ دا بخش گیان، بُدھ بِبیک بنائیا۔ بِن منگیاں دینا دان، داتا دانی ہوئے سہائیا۔ چرن دھوُڑ بخش اِشنان، دُرمت میَل دھوائیا۔ در گھر ساچے دیوے مان، سِر سِر اپنا ہتّھ ٹِکائیا۔ لیکھ مُکائے آون جان، لکھّ چؤراسی پھند کٹائیا۔ وِشن برہما شِو خوشی کرن مہان، گُر اوتار پَیغمبر رنگ رنگائیا۔ سَتگُر شبد جِس جن کرے پروان، پریِتم ہو کے دیوے مان وڈیائیا۔ دھرنی کہے میَں ویکھدی رہی نال دھیان، جُگ چؤکڑی بِن اکھّاں اکھّ اُٹھائیا۔ پربھوُ دا بھگت میرا بن دا رہے نِشان، نِشانہ جگت جہان وکھائیا۔ دھنّ بھاگ سَتگُر شبد پروان کیِتا بوُٹا سِنگھ پہلوان، پہلی وار ایکنکار بخش سچکھنڈ دوار جوت جوت جوت
وِچ مِلائیا۔ جوتی جوت سروُپ ہرِ، آپ اپنی کِرپا کر، دیونہارا ساچا ور، نِہکلنک نرائن نر، مہاراج شیرسِنگھ وِشنوُں بھگوان، بِنا بھگتیؤں دِتا دان، بھگوَن ہو کے اپنے چرن ٹِکائیا۔
۲۲ بھادروں شہنشاہی سمت ۱۱ پِنڈ دھارڑ ضِلع امرتسر بلونت کؤر دے گرِہ
دھرنی کہے میرے پرم پُرکھ ابناشی، ابناشی کرتے دے مان وڈیائیا۔ نِرگُن دھار میرے منڈل پا راسی، مِہربان اپنی خوشی بنائیا۔ کلجُگ کوُڑ کُڑیاری میرے اندروں کڈھ اُداسی، چِنتا غمی رہے نہ رائیا۔ تُوں مالک سوامی گھنک پُر واسی، گہر گمبھیِر اِک اکھوائیا۔ تیرا بھیوَ پا سکے نہ کوئی پنڈت کاشی، ایُدھیا دھار نہ کوئے دِرڑائیا۔ میَنوُں تیرا کھیل تک کے آؤندی ہاسی، ہس ہس کے دیاں سُنائیا۔ کی تیرا پیار جگت مدرا ماسی، مدُھر دُھن والیا دینا سمجھائیا۔ جھٹ ہس کے شنکر کہے کَیلاشی، دھرنیئے تَینوُں دیاں سُنائیا۔ اوہ ویکھ لےَ رائے دھرم ہتّھ پھڑ کے بَیٹھا پھاسی، جگ نیتر نظر کِسے نہ آئیا۔ تیرے اُتے سرِشٹی درِشٹی روُپ بن گئی چھاچھی، مکھّن نظر کوئے نہ آئیا۔ کوٹاں وِچوں جن بھگت پربھوُ مِلن دا ابھلاشی، خواہش انتر انتر جنائیا۔ اوہناں دا لیکھےلاوے پوَن سواسی، ساہ ساہ اپنے رنگ رنگائیا۔ جوتی جوت سروُپ ہرِ، آپ اپنی کِرپا کر، دیونہارا ساچا ور، سچ دا سنگ آپ بنائیا۔ دھرنی کہے پربھوُ میرے اُتے کر دے رحمت، رحمان دَیا کمائیا۔ میری آشا نال ہو جا سہمت، سہم اندروں باہر کڈھائیا ۔ کلجُگ کوُڑ کِریا میٹ دے زحمت، دُکھاں درداں پندھ دینا مُکائیا۔ میری لیکھے لا لےَ چار جُگ دی محنت، دِوس رَین تیری سیو کمائیا۔ سَت سچ دی بخشش دے دے نیامت، نام نِدھان ورتائیا۔ اوتار پَیغمبراں گُروُآں جو میرے پیار وِچ تیرے کول رکھی اَمانت، صاحِب میری جھولی دینی پائیا۔ کوُڑ کُڑیار کر ممانت، نوَ ستّ رہے نہ رائیا۔ میری آشا کر دے صحیح سلامت، ترِسنا اپنے رنگ سمائیا۔ کی ہویا پَیغمبراں کِہا انتم آؤنی قیامت، نوَ ستّ سَت دُہائیا۔ تُوں صاحِب میرے سُلطان جن بھگتاں رکھنا صحیح سلامت، صُلح کُل تیری سرنائیا۔ جوتی جوت سروُپ ہرِ، آپ اپنی کِرپا کر، ایکا دینا ساچا ور، سچ دی وست نام ورتائیا۔ دھرنی کہے پربھوُ میرا انتشکرن صاف کر تھوتھا، پوِتر مِٹّی خاک بنائیا۔ میَنوُں بھیوَ کُھلا دے بِن اکھّراں والے پوتھا، پُستک پڑھن
دی لوڑ رہے نہ رائیا۔ میرا وِچار رہے نہ ہوچھا، بُدھ بِبیک دینی کرائیا۔ میَں نؤ سؤ چُرانوے چؤکڑی جُگ رہی خاموشا، تیرے اَگے نہ واسطہ پائیا۔ کلجُگ انت میرے مِہربانا کوئی دُکھ نہ سہے بےدوشا، دوشیِاں ضرور دیویں سزائیا۔ جن بھگتاں نام خُماری دے مدہوشا، مدُھر دُھن کر شنوائیا۔ میری اِکو منسا اِکو لوچا، آسا تیرے چرن ٹِکائیا۔ میَں دِوس رَین پئی رہندی وِچ سوچاں، بُدھی چلے نہ کوئے چتُرائیا۔ جوتی جوت سروُپ ہرِ، آپ اپنی کِرپا کر، ایکا دینا ساچا ور، سچ دا گرِہ اِک سُہائیا۔ دھرنی کہے پربھوُ میرے انتشکرن نِگاہ مار لےَ وِچ کِھٹا، سَت سَت دھیان لگائیا۔ دیِن دُنی دا روُپ رہیا نہ چِٹا، کلجُگ کالکھ ٹِکّے گیا لگائیا۔ جِدھر ویکھیں سرِشٹی منّے پتّھر اِٹّاں ، پاہناں سیِس نِوائیا۔ تیرے اُتے منوُآ کِسے نہ ٹِکا، ٹِکّے دھوُڑی خاک نہ کوئے رمائیا۔ تَینوُں سب نے جانیا بےنظیراں توں نِکا، جگ نیتر ویکھن کوئے نہ پائیا۔ جُگ چؤکڑی لنگھ گئے تیرا چلایا نہیں کِسے نے سِکہ، نام اپنا اپنا گئے جنائیا۔ تُوں کِرپا کر دے میرے مِہربانا اِکا، ایکنکار تیری وڈیائیا۔ دیِن دُنی دے اندروں رس کوُڑا کڈھ دے پِھکا، امرت رس دے بھرائیا۔ تُوں پُرکھ اکالا دیِن دَیالا دُھر دا پِتا، پت پرمیشور اِک اکھوائیا۔ کلجُگ انت میرے نال کر ہِتا، ہِتکاری ہو کے ویکھ وکھائیا۔ دیِن دُنی ٹھگؤری کڈھ دے وِچوں چِتا، چیتن سُرتی دے کرائیا۔ جوتی جوت سروُپ ہرِ، آپ اپنی کِرپا کر، ایکا دینا ساچا ور، نِہکلنک نرائن نر، مہاراج شیرسِنگھ وِشنوُں بھگوان تیرا درس آد جُگاد جُگ چؤکڑی نِرگُن دھار انڈِٹھا، جگ نیتر جگ جیِون داتے نظر کِسے نہ آئیا۔
۲۲ بھادروں شہنشاہی سمت ۱۱ پِنڈ شفی پُر ضِلع امرتسر
دھرنی کہے پربھوُ میَنوُں اپنا بخش پریم، جگت پرانی اپنے پیار وِچ بندھائیا۔ نام دا ہر ہِردے بخش دے نیم، نِمرتا وِچ تیرے وِچ سمائیا۔ میری آسا تک لےَ جو وعدہ کیِتا گوبِند نال کُنڈ ہیم، پوُرب لہنا نال مِلائیا۔ اوہ وقت سُہنجنا ویکھ لےَ سیم، سماں اپنا روُپ بدلائیا۔ کی آشا رکھی چؤداں رتناں وِچوں کام دھین، دھرم دی دھار نال سُنائیا۔ کی نِگاہ مار کے ویکھیا بھگت سیَن، سیَنی کی جنائیا ۔ پوُرب ترِسنا ویکھ لےَ جو بالمیِک کیِتی وِچ رمائن، رام رام دے راما اپنی دَیا کمائیا۔ جو سندیسہ ارجن دسّیا دُھر فرمان بنایا کہن، گھنئیا گیا
دِرڑائیا۔ جو پَیغمبراں حرف بنا کے اِشارہ کیِتا عین، ایسے وقت دھیان لگائیا۔ جو گُروُآں لہنا دینا دے دے دین، تیرے اَگے واسطہ پائیا۔ نِگاہ مار لےَ سچکھنڈ نِواسی میرے اُتے بِنا نیَن، کَول نیَناں والیا تیرے ہتّھ وڈیائیا۔ میری کلجُگ آشا ہون نہ دیویں پرائن، پرا پسنتی مدھم بَیکھری توں باہر رہی سُنائیا۔ میَں مِٹّی خاک دھرنی آسا رکھی تیری وِچ ہِندوائن، ہِند بِند دے مالک ہونا آپ سہائیا۔ میرے پُرکھ اکالے دیِن دَیالے سب دا پوُرب دے دے لہن دین، اپنی کِرپا نال جھولی دینی بھرائیا۔ میرے اُتوں کوُڑی کِریا کلجُگ مِٹا دے وہن، سَت دھرم نہ کوئے رُڑھائیا۔ چار ورن اٹھاراں برن ناتا جوڑ کے بھائی بھَین، ہِندوُ مُسلم سِکھ عیسائی اِکو رنگ رنگائیا۔ تیرے نام کلمیاں اُتوں مانَس مانُکھ موُل نہ کھہن، جگت شرع نہ کرے لڑائیا۔ جوتی جوت سروُپ ہرِ، آپ اپنی کِرپا کر، ایکا دینا ساچا ور، سچ دی کرنی کار کمائیا۔ دھرنی کہے پربھوُ میَنوُں وست دے انمُلی، نام نِدھانا جھولی پائیا۔ تیری دات ہووے اتول اتُلی، نِکُھٹ کدے نہ جائیا۔ میَں تیرے چرن کوَلاں گھُول گھُلی، آپ اپنا گھول گھُمائیا۔ میری ترِسنا لوک مات ویکھ لےَ رُلی، چاروں کُنٹ میری دُہائیا۔ دیِن دُنی دا جاپ ویکھ لےَ بُلیِں، ہِردے ہرِ نہ کوئے وسائیا۔ بھاگ لگّے نہ کایا کُلّی، ساڈھے تِنّ ہتّھ نہ کوئے وڈیائیا۔ چاروں کُنٹ کوُڑ اندھیری جھُلی، مانَس مانَو رہی ہِلائیا۔ جوتی جوت سروُپ ہرِ، آپ اپنی کِرپا کر، ایکا دینا ساچا ور، در ساچے آس رکھائیا۔ دھرنی کہے پربھوُ میری لیکھے لا لےَ سیو، سیوک ہو کے سیو کمائیا۔ تُوں آد جُگاد میرا گُردیو، دیوَ دیوا تیرے ہتّھ وڈیائیا۔ پوُرب لہنا دینا پوُرا کر دے مہادیو، شنکر کَیلاشی نال مِلائیا۔ تُوں داتا الکھ ابھیوَ، اگوچر تیرے ہتّھ وڈیائیا۔ تُوں وسنہارا دھام نِہکیو، نِہچل بَیٹھا سوبھا پائیا۔ تیری صِفت کر سکے کوئی نہ جِہو، کتھنی کتھ نہ کوئے دِرڑائیا۔ میَنوُں نام نِدھانا امرت دے دے میو، بِن رسنا رس چکھائیا۔ جوتی جوت سروُپ ہرِ، آپ اپنی کِرپا کر، ایکا دینا ساچا ور، سچ دی آسا پوُر کرائیا۔ دھرنی کہے پربھوُ میَنوُں دے دے وست انڈِٹھی، جگ نیتر ویکھن کوئے نہ پائیا۔ جِس دی دھار اگمّی ہووے مِٹھی، رسنا رس نہ کوئے چکھائیا۔ میری لیکھے لا لےَ نؤ کھنڈ پرِتھمی مِٹّی، ستّاں دیِپاں رنگ چڑھائیا۔ میَں تیرے چرن قدماں وِچ لِٹی، لِٹاں کھول کے دیاں دُہائیا۔ میرے توں پوُجا مِٹا دے پتّھر اِٹی، پاہناں سیِس نہ کوئے نِوائیا۔ سب دی آشا تیرے چرن ہووے ٹِکی، دھوُڑی مستک خاک رمائیا۔ اِکو مان دے دے ہاہے والی ٹِپی، ہنگ برہم آپ بنائیا۔ سب دے اندر آتم دھار کر دے چِٹی، کلجُگ کوُڑی کالکھ دے مِٹائیا۔ میَں
آسا اِکو تیرے اُتے سُٹی، دوُسر اِشٹ نہ کوئے منائیا۔ جوتی جوت سروُپ ہرِ، آپ اپنی کِرپا کر، ایکا دینا ساچا ور، دیونہار تیری وڈیائیا۔ دھرنی کہے پربھوُ میرا جاپ کر دے اکھّر دو، دو جہاناں مالک دَیا کمائیا۔ تُوں مالک سوامی دُھر دا سو، ہنگ برہم تیرا روُپ نظری آئیا۔ بِن نیتراں دے دے لو، لوچن تیِجا آپ کُھلائیا۔ پنچ وِکار میٹ دے گروہ، مایا ممتا موہ مِٹائیا۔ اپنا بھیوَ کُھلا سو، سو پُرکھ نِرنجن تیرے ہتّھ وڈیائیا۔ مانَو ذاتی تیرے جوگی جائے ہو، ہوکا دینا تھاؤں تھائنیا۔ کوُڑ کُڑیارا کلجُگ میرے اُتوں لےَ کھوہ، خالص اپنا رنگ رنگائیا۔ جوتی جوت سروُپ ہرِ، آپ اپنی کِرپا کر، ایکا دینا ساچا ور، نِہکلنک نرائن نر، مہاراج شیرسِنگھ وِشنوُں بھگوان، آتم پرماتم تیرے نال جاوے چھوہ، شؤہر بانکے اپنے رنگ لیَنا رنگائیا۔
۲۲ بھادروں شہنشاہی سمت ۱۱ پِنڈ بنڈالا ضِلع امرتسر کرم سِنگھ دے گرِہ
دھرنی کہے پربھوُ میری میٹ اندھیری راتی، کلجُگ کالکھ شاہی داغ مِٹائیا۔ سَت وست بخش دے داتی، امول انمُل نام ورتائیا۔ تُوں صاحِب سوامی میرا کملاپاتی، پت پرمیشور دُھردرگاہیِا۔ جُگ چؤکڑی پوُرب میرے کول تیری پاتی، بِن اکھّراں دیاں وکھائیا۔ کلجُگ انت تیرا وقت سُہاؤنا دُھر دے کملاپاتی، پاربرہم برہم اپنے رنگ رنگائیا۔ جھگڑا میٹ دیِن دُنی شرع ذات پاتی، پت پتونتے ہونا آپ سہائیا ۔ مانَس مانَو اِک دوُجے دا رہے کوئی نہ گھاتی، دویَت نظر کوئے نہ آئیا۔ آتم پرماتم مانَس مانَو بنا لےَ دُھر دے جماعتی، جگت وِدیا ونڈ نہ کوئے ونڈائیا۔ جوتی جوت سروُپ ہرِ، آپ اپنی کِرپا کر، ایکا دینا ساچا ور، سچ دا دوار اِک وکھائیا۔ دھرنی کہے پربھوُ میرے اُتے کر پرکاش، بِن دیِا باتی ڈگمگائیا۔ میری جُگ پُرانی آس، چؤکڑی پوُرب دئے گواہیِا۔ کوَن ویلا آوے پُرکھ ابناش، ابناشی کرتا دُھردرگاہیِا۔ تیرا لہنا دینا لیکھےلاوے سَت دھرم دی ویکھے راس، پردہ پردیاں وِچوں چُکائیا۔ میَں نِگاہ ماردی رہی اُتے آکاش، آکاش آکاشاں ویکھ وکھائیا۔ کوَن ویلا میرا پرم پُرکھ آوے میرے پربھاس، جنگل جوُہاں اُجاڑاں پھیرے پائیا۔ میَنوُں اِشارہ دیوے شنکر اُتے کَیلاش، کَیلاش دھاری رہیا سُنائیا۔
دھرنیئے جِس اُتے تُوں رکھیا وِشواس، وِشیاں توں باہر اپنا کھیل ورتائیا۔ اوہ تیرے جن بھگتاں دین آیا شاباش، سِر سِر اپنا ہتّھ ٹِکائیا۔ سخا سُہیلا ہو کے ہرِجن وسے پاس، وِچھوڑے وِچ وِچھڑ کدے نہ جائیا۔ اُس دی سمبل کریں تلاش، نوَ ستّ دا پندھ مُکائیا۔ جوتی جوت سروُپ ہرِ، آپ اپنی کِرپا کر، دیونہارا ساچا ور، سچ دا دوار اِک وڈیائیا۔ دھرنی کہے پربھوُ میَں تَینوُں تکاں شرکن غربن، کوُڑ کوُڑا ویکھ وکھائیا۔ تُوں جودھا سوُربیِر مردانہ مردن، مدد تیری اِکو نظری آئیا۔ کی تیرا لہنا دینا نال دیش عربن، اَرباں کھرباں دے مالک دینا سمجھائیا۔ میَں آشاوَند منگدی ہو کے نِردھن، سردھن دینی مان وڈیائیا۔ میَنوُں لیکھا یاد آؤندا جِس ویلے کرِشن اُنگلی اُٹھایا گوردھن، گوالے دھار آپ سمجھائیا۔ نال اِشارہ دِتا دھرنیئے تیرے اُتے پربھ آپ آوے پَیج سوارے ہرِجن، کلجُگ انتم ویکھ وکھائیا۔ جِس ویلے پوِتر نہ رہیا کوئی تن، جِسم ضمیِر سکے نہ کوئے بدلائیا۔ دھیِرج دھرے نہ کوئے منوُآ من، منسا کوُڑ ہووے ہلکائیا۔ اُس ویلے پرم پُرکھ پرماتم تیرے اُتے بھگت سُہیلے اُپجائے ساچے چنّ، چند چاندنا اپنا نوُر رُشنائیا۔ اندر وڑ کے مندر چڑھ کے سُرتی شبد دھار دیوے بنّھ ، میل مِلائے سہج سُبھائیا۔ تُوں کہنا دھنّ دھنّ، دھنّ دھنّ پربھوُ تیری بےپرواہیِا۔ جوتی جوت سروُپ ہرِ، آپ اپنی کِرپا کر، دیونہارا ساچا ور، نِہکلنک نرائن نر، مہاراج شیرسِنگھ بھگوان، کرے وسیرا بِن چھپّری چھنّ، بِن جگت مندراں اپنی سوبھا پائیا۔
۲۲ بھادروں شہنشاہی سمت ۱۱ پِنڈ بنڈالا ضِلع امرتسر بُڈھا سِنگھ دے گرِہ
دھرنی کہے پربھوُ میری سُن اگمّی پُکار، بِن رسنا جِہوا بتّی دند جگت وِدیا باہر سُنائیا۔ نِرگُن داتے پُرکھ بِدھاتے نِگاہ مار وِچ سنسار، نؤ کھنڈ پرِتھمی ستّ دیِپ لکھّ چؤراسی ویکھ وکھائیا۔ لہنا دینا تک لےَ پَیغمبر گُر اوتار، پاربرہم پت پرمیشور اپنا بھیوَ کُھلائیا۔ چار جُگ دے شاستراں تک اِظہار، کِس بِدھ تیرے نام ڈھولے کلمے کرن شنوائیا۔ سرِشٹی درِشٹی اندر ویکھنی نِگاہ مار، پنج تت مانَس مانَو مانُکھ کھوج کھوجائیا۔ کوَن وقت سُہنجنا گھڑی پل پاؤنی سار، دِوس رَین ویکھنا تھاؤنتھانئیا۔ سَت دھرم دیِن دُنی دیِپک رہیا نہ کوئے اُجیار، اُجالا
نظر کوئے نہ آئیا۔ میرے مِہربانا نؤجوانا سِری بھگوانا میرے اُتے ہویا دھوُاں دھار، دیِا باتی کملاپاتی تیرا نوُر نہ کوئے چمکائیا۔ کِرپا کر دے میرے پروردِگار، سانجھے یار تیری اوٹ تکائیا۔ دیِناں مذہباں ذاتاں پاتاں اندروں میٹ دے خار، خالص اپنا رنگ رنگائیا۔ تیرا نام نِدھانا دو جہان لیَن اُچار، سوہلا ڈھولا اِکو راگ دِرڑائیا۔ تیرا سوہے اِکو بنک دوار، مندر مسجد شِودوالے مٹھ لوڑ رہے نہ رائیا۔ چار کُنٹ دہ دِشا تیرے ناں دی ہووے جےَ جےَ کار، اِکو سوہلا ڈھولا دینا پرگٹائیا۔ میرے مِہربانا میرے اُتوں کلجُگ کوُڑ میٹ کُڑیار، کلکاتی رہن نہ پائیا۔ میری منزل حق محبوُب نہ رہے دُشوار، دوُتی دُشمن نظر کوئے نہ آئیا۔ میَں پرم پُرکھ پرماتم تیرے چرن کوَل جاواں بلہار، بل بل اپنا آپ کرائیا۔ تُوں انت کنت بھگوَنت میری پاؤنی سار، سَتگُر شبد شبد نال وڈیائیا۔ میَں دھرنی ماٹی خاک تیری چھار، جُگ جُگ چرن چھوہ کے خوشی بنائیا۔ میرے اُتے سب دا لہنا دینا قرضہ دے اُتار، مقروُض ویکھنا تھاؤں تھائنیا۔ سب دا پوُرا کر قؤل اِقرار، بھوِکھتاں اپنے رنگ رنگائیا۔ تُوں کل کلکی جگدیِشا چؤبیسا نِرگُن دھار اوتار، نِہکلنکا اپنی کل پرگٹائیا۔ نوُر الاہی پروردِگار، اِمام اِماما دُھردرگاہیِا۔ میَں تیرے چرن کوَل کردا نِمسکار، ڈنڈاوت بندنا سجدیاں وِچ سیِس جھُکائیا۔ تُوں سرِشٹی درِشٹی ویکھنی بِن نیتر لوچن نِگاہ مار، کایا مندر اندر دھیان لگائیا۔ جیِواں جنتاں سادھاں سنتاں ودھیا وِکار، وِبھچار نال بھری خلق خُدائیا۔ صدی چؤدھویِں انت اَخیِر بے نظیِر میرا چُکیا گیا اِعتبار، بے اعتباری وِچ خلق خُدائیا۔ سچکھنڈ نِواسی آ جا دُھر دے یار، مِتر پیارے نوُر الاہیِا۔ دھرنی دھرت دھوَل دھؤل میری سُن لےَ گِریہ زار، بِن نیتر نیَناں نیِر وہائیا۔ تُوں شاہو بھوُپ میرا سِکدار، شہنشاہ دُھردرگاہیِا۔ تُوں مالک خالق سدا سدا جُگ چار، سَتجُگ تریتا دواپرکلجُگ تیرے حُکمے اندر بھجّن واہو داہیِا۔ وِشن برہما شِو کر سکے نہ کوئے اِنکار، اوتار پَیغمبر گُر بَیٹھے سیِس نِوائیا۔ جوتی جوت سروُپ ہرِ، آپ اپنی کِرپا کر، ایکا دینا دُھر دا ور، نِہکلنک نرائن نر، مہاراج شیرسِنگھ وِشنوُں بھگوان مِہربانا مِہربانا مِہربانا میری پاؤنی سار، مہاسارتھی ہو کے ویکھنا چائیں چائنیا۔
۲۲ بھادروں شہنشاہی سمت ۱۱ پِنڈ بنڈالا ضِلع امرتسر کِرپا سِنگھ دے گرِہ
دھرنی کہے پربھوُ جن بھگتاں چاڑھ دے رنگ، رنگت تن وجوُد ماٹی خاک آپ رنگائیا۔ آتم پرماتم سچ بخش دے سنگ، پاربرہم برہم اپنا میل مِلائیا۔ شبد ناد وجا مردنگ، دُھن آتمک راگ سُنائیا ۔ امرت دھار وہا دے گنگ، نِجھر جھِرنیوں آپ جھِرائیا۔ آتم سیج سُہا پلنگ، بِن چھپّر چھنّ دے وڈیائیا ۔ سَت دوار ایکنکار آپے لنگھ، منزل تک چائیں چائنیا۔ نِروَیر ہو کے لا لےَ انگ، انگیکار اِک اکھوائیا ۔ میَں نِردھن ہو کے رہی منگ، دھرنی کوُک کوُک سُنائیا۔ جوتی جوت سروُپ ہرِ، آپ اپنی کِرپا کر، ایکا دینا ساچا ور، سچ دا میلا آپ مِلائیا۔ دھرنی کہے پربھوُ جن بھگتاں میرے اُتے بخش پیار، پریِتم ہو کے دَیا کمائیا۔ تن ماٹی خاکی کر اُجیار، دیِا باتی کملاپاتی اِک جگائیا۔ ساچے نام دی دے دُھنکار، ناد انادی دُھن کر شنوائیا۔ امرت بخش دے ٹھنڈا ٹھار، بِن رسنا جِہوا دے پیائیا۔ پندھ مُکا دے کوُڑ کُڑیار، مایا ممتا موہ مِٹائیا۔ اندر رہے نہ دھوُاں دھار، نوُری چند کر رُشنائیا۔ تُوں شاہو بھوُپ سِکدار، دیونہار اِک اکھوائیا۔ میَں مانگت تیری بِھکھار، در ٹھانڈے جھولی ڈاہیِا۔ دھرنی کہے میَں رو رو کراں گِریہ زار، ہؤکیاں وِچ سیِس نِوائیا۔ کِرپا کر میرے نِرنکار، نِروَیر تیری اوٹ تکائیا۔ کلجُگ کُکرم میرے وِچوں کڈھ باہر، دھرنی دھرت دھؤل رہن نہ پائیا۔ سَتجُگ سچ کر اُجیار، نؤ کھنڈ پرِتھمی تیرا روُپ درسائیا۔ تیرے بھگت سُہیلے گُروُ گُر چیلے میلا میل وِچ سنسار، سنساری بھنڈاری سنگھاری جِس دی دین گواہیِا۔ تُوں کل کلکی اوتار، نِہکلنکا تیرے ہتّھ وڈیائیا۔ اِمام اِماما دُھر سِکدار، درگاہ ساچی تیرا نظری آئے نوُر الاہیِا۔ کلجُگ انت سِری بھگوَنت میری پَیج سوار، سِر میرے ہتّھ ٹِکائیا۔ جوتی جوت سروُپ ہرِ، آپ اپنی کِرپا کر، ایکا دینا دُھر دا ور، نِہکلنک نرائن نر، مہاراج شیرسِنگھ وِشنوُں بھگوان، میری آسا منسا پوُری کر پوُرب لہنا دے اُدھار، اگلا لیکھا اپنے ہتّھ رکھائیا۔
۲۲ بھادروں شہنشاہی سمت ۱۱ پِنڈ بنڈالا ضِلع امرتسر جسونت دے گرِہ
دھرنی کہے پربھوُ میرا کلجُگ کوُڑ دا کٹ دے روگ، چِنتا دُکھ رہن کوئے نہ پائیا۔ سَت دھرم دا سرِشٹی اندر دے دے جوگ، جُگتی اپنا نام سمجھائیا۔ کوُڑ واسنا میٹ دے بھوگ، ترِسنا ترِکھا نہ کوئے ہلکائیا ۔ اِکو اپنا دینا درس اموگھ، نِرگُن ہو کے نظری آئیا۔ آتم پرماتم کر سنیوگ، میل مِلاؤنا دُھردرگاہیِا۔ جگت وِکارے نالوں کر وِیوگ، وِچھوڑا دینا تھاؤں تھائنیا۔ سرِشٹی سبائی ہِردا سودھ، سُدی ودی دا لیکھا دے مُکائیا۔ نام نِدھانا دے اگادھ بودھ، بُدھی توں پرے نام دِرڑائیا۔ جوتی جوت سروُپ ہرِ، آپ اپنی کِرپا کر، ایکا دینا ساچا ور، سچ دا میلا آپ مِلائیا۔ دھرنی کہے پربھوُ میرے اُتے سچ بخش دے جُگتی، جُگیِشراں باہر دے وڈیائیا۔ بِنا پیار مُحبّت تیری منزل نہیں مُکدی، پاندھی پندھ نہ کوئے مُکائیا۔ میَنوُں وڈیائی دے دے اِکو تُک دی، تُوں میرا میَں تیرا سرِشٹ سبائی اِکو ڈھولا گائیا۔ میَں چرن کوَل تیرے جگت جگدیِش جھُکدی، نِو نِو لاگاں پائیا۔ میری آشا کہنوں موُل نہ رُکدی، رُکمنی دا لیکھا کرِشن کرِشن نال دِرڑائیا۔ ہُن کھیل رہے نہ تیری لُک دی، پردہ پردیاں وِچوں چُکائیا۔ تیری شبدی دھار شیش وانگ ہووے بُکدی، بھبک اِکو نام لگائیا۔ میرے اُتوں کھیل مُکا دے کلجُگ لُک دی، پردہ پردیاں وِچوں چُکائیا۔ اوہ ویکھ لےَ مایا ممتا سب نوُں پِھرے کُٹدی، اندر وڑ کے دئے سزائیا۔ دیِن دُنی دی چوگ جائے نِکُھٹدی، خالی بھنڈارے نہ کوئے بھرائیا۔ میَں اِکو اوٹ تیرے اُتے سُٹدی، دوُسر آس نہ کوئے رکھائیا۔ جوتی جوت سروُپ ہرِ، آپ اپنی کِرپا کر، ایکا دینا ساچا ور، نِہکلنک نرائن نر، مہاراج شیرسِنگھ وِشنوُں بھگوان، میرے اُتے حالت تک لےَ مانَس مانَو مانُکھ دی، پنجاں تتاں انتر نِرنتر دھیان لگائیا۔
۲۲ بھادروں شہنشاہی سمت ۱۱ پِنڈ بنڈالا ضِلع امرتسر ترلوک سِنگھ دے گرِہ
دھرنی کہے پربھوُ میرے اُتے تپدی تیری چارے کھانی، انڈج جیرج اُتبُھج سیتج شانت نہ کوئے کرائیا۔ مان تان رہیا نہ تیرے چار جُگ دے شاستر نام کلمے بانی، اکھّر اکھّر دیونہار سچ گواہیِا۔ پوِتر رہیا نہ اٹھسٹھ تیِرتھ جل سروور پانی، گنگا گوداوری جمنا سُرستی رووے
مارے دھاہیِا۔ پوِتر رہیا نہیں آتم برہم جیو پرانی، مانَس مانَو مانُکھ دھرم دھرم نہ کوئے رکھائیا۔ سادھاں سنتاں جیِواں جنتاں منزل رہی نہ کوئے روُحانی، روُح بُت ابناشی اچُت پتت پُنیِت نہ کوئے کرائیا۔ بِرہوں انیالا نام دا تیِر مارے کوئے نہ کانی، کائنات دا پردہ نہ کوئے اُٹھائیا۔ میرے بھگوَنت دُھر دے کنت میری ہوئی کلجُگ انت حَیرانی، حَیرت وِچ کُرلائیا۔ چار جُگ دے اوتار پَیغمبراں گُروُآں ہُندیا گھر گھر ودھ گئی بے اِیمانی، سَت سچ وِچ نہ کوئے سمائیا۔ جِدھر تکاں من کلپنا سب نوُں کیِتا غُلامی، شرع زنجِیر نہ کوئے کٹائیا۔ درگاہ ساچی سچکھنڈ دوار ایکنکار تیری منزل پائے نہ کوئے انامی، آون جاون لکھّ چؤراسی پندھ نہ کوئے مُکائیا ۔ پربھوُ جِدھر تکاں تیرے سَت سچ دی ہوئی بدنامی، بدی وِچ خلق خُدائیا۔ تُوں آد جُگاد سدا نِہکامی، نِرگُن تیری اوٹ تکائیا۔ پوِتر رہیا نہ کوئی دھرم دین اِسلامی، شرع شریِعت ساچے رنگ نہ کوئے رنگائیا۔ جوتی جوت سروُپ ہرِ، آپ اپنی کِرپا کر، ایکا دینا ساچا ور، سچ دوار اِک سُہائیا۔ دھرنی کہے پربھوُ میرے اُتے تک لےَ چاروں کُنٹ کوُڑ کُٹمب، ساچا میِت مِتر نظر کوئے نہ آئیا۔ مایا ممتا موہ وِکارے نال رہی میَں کنمب، دھیِرج دھیِر نہ کوئے رکھائیا۔ میرے اُتے اوتار پَیغمبراں گُروُآں دا سماں رہیا لنگھ، صدی چؤدھویِں کوُک کوُک سُنائیا۔ انت کوُڑ کُڑیار ہنکار دی ڈھہن والی کندھ، بُرج نظر کوئے نہ آئیا۔ نِشان مِٹانا تارا چند، محمد ویکھے نیَن اُٹھائیا۔ لہنا دینا مُکنا تت پنج، اپ تیج وائے پرِتھمی آکاش رہیا کُرلائیا۔ ہر گھٹ اندر دیِن دُنی وِچ آؤندا رنج، رنجش سکے نہ کوئے مُکائیا۔ کلجُگ وہن ڈوُنگھا ساگر ہاتھ نہ آوے ونجھ، جگت مُہانے کمّ کِسے نہ آئیا۔ میرے مِہربانا سِری بھگوانا میرے اُتوں کوُڑ کُڑیار دا میٹ دے پندھ، مُسافر سفر وِچ نہ کوئے رکھائیا۔ تُوں میرا میَں تیرا آتم پرماتم سوہنگ ڈھولا تیرا اِکو ہووے چھند، دو جہان کرنی حق پڑھائیا۔ نؤ کھنڈ پرِتھمی ستّ دیِپ میرا خوشی کر دے بند بند، بندگی وِچ سیِس نِوائیا۔ دھرنی کہے میرے سوامی انترجامی گھٹ نِواسی میَنوُں بخش دے اگمّا انند، انند انند وِچوں پرگٹائیا۔ بِن جل دھارا میرے انتشکرن پا دے ٹھنڈ، اگنی اگّ نہ کوئے تپائیا۔ سَت ستوادی ہو کے نام اگمّا ونڈ، مانَس ذاتی اِکو کلمہ جھولی پائیا۔ تُوں دیِن دَیالا صاحِب سرب کلا بخشند، بخشنہار تیری بےپرواہیِا۔ جوتی جوت سروُپ ہرِ، آپ اپنی کِرپا کر، ایکا دینا ساچا ور، نِہکلنک نرائن نر، مہاراج شیرسِنگھ وِشنوُں بھگوان، میری سیج سُہا دے ماٹی خاک پلنگ، سُکھ آسن ابناشن اِکو اِک وڈیائیا۔
۲۲ بھادروں شہنشاہی سمت ۱۱ پِنڈ بنڈالی ضِلع امرتسر سنتو دے گرِہ
دھرنی کہے پربھوُ میَں نِرگُن دھار تَینوُں سدّاں اُچیچا، اُچی چڑھ کے کوُک کوُک سُنائیا۔ اوتار پَیغمبراں گُروُآں میَنوُں بندھایا نیہچا، نِہچل دھام دا مالک تیرا لیکھا دئے مُکائیا۔ نِرگُن سرگُن دھار سوامی میرا کر لےَ میچا، نؤ کھنڈ ستّ دیِپ لمبائی چؤڑائی سمجھ کِسے نہ آئیا۔ چار جُگ مانَس ذاتی اچھل چھلدھاری ہو کے جو پایا کلمے نام دا پیچا، پیچیدہ اپنا آپ رکھائیا۔ نِگاہ مار لےَ اُٹھ کے سچکھنڈ نِواسیِا تیرا دھرم ہٹّ بازاراں ویچا، کرنی دے کرتے تیری قیِمت جگت کوئے نہ پائیا۔ جوتی جوت سروُپ ہرِ، آپ اپنی کِرپا کر، ایکا دینا ساچا ور، سچ دے مالک دَیا کمائیا۔ دھرنی کہے پربھوُ نِرگُن دھار ہو کے اُتریِں، اُتّر پوُرب پچھّم دکھّن ویکھ وکھائیا۔ میری کھیل تک لےَ جگت جہان وِچ دُتری، دویَت وِچ سرب لوکائیا۔ سَت رہیا کِسے نہ پُتریِں، پِتا پوُت تیری گود نہ کوئے سُہائیا۔ دُہائی پِھر گئی چارے نُکری، اُتّر پوُرب پچھّم دکھّن رہے کُرلائیا۔ میرے وعدے قؤل اِقرار کولوں موُل نہ مُکریں، مُقرر اپنا حُکم ورتائیا۔ میَں تیری کدے نہ ہوواں نہ شُکری، شُکرانے وِچ سیِس نِوائیا۔ جوتی جوت سروُپ ہرِ، آپ اپنی کِرپا کر، ایکا دینا ساچا ور، سچ دے در دینی وڈیائیا۔ دھرنی کہے پربھوُ میرا لیکھا رکھ لےَ اپنے آپ نال، آپ آپی دا بھیوَ کُھلائیا۔ میَں نِردھن ہو گئی کنگال، نام دھن مال وست نظر کوئے نہ آئیا ۔ اوتار پَیغمبر گُر کر نہ سکن سنبھال، سمبل دے مالک تیرے اَگے واسطہ پائیا۔ جِدھر تکاں نؤ کھنڈ مایا ممتا پیا جنجال، جاگرت جوت نظر کوئے نہ آئیا۔ میرے دیِپ کھنڈ سچ دی رہی نہ کوئے دھرمسال، دھرم دوار نہ کوئے وڈیائیا۔ میرے پُرکھ اکالے دیِن دَیالے میَں تَینوُں رہی بھال، دِوس رَین تیرا دھیان لگائیا۔ آ کے ویکھ میرا کوجھی کملی دا حال، مُریِداں دے مُرشد اپنا پھیرا پائیا۔ میری بیننتی منّ سوال، عرض آرزو تیرے چرن ٹِکائیا۔ پھل لگا دے میرے تن ماٹی والے ڈال، پتّ ٹہنی جیِو جنت اپنے نام نال مہکائیا۔ جوتی جوت سروُپ ہرِ، آپ اپنی کِرپا کر، ایکا دینا ساچا ور، نِہکلنک نرائن نر، مہاراج شیرسِنگھ وِشنوُں بھگوان، میرا دُکھی ہو کے دسےّ وال وال، والی دو جہان سِر میرے ہتّھ دینا ٹِکائیا۔
۲۲ بھادروں شہنشاہی سمت ۱۱ پِنڈ پکھو کے ضِلع امرتسر شِنگارا سِنگھ دے گرِہ
دھرنی کہے میَنوُں بخش دے دُھر دا نام، نام نِدھانا سِری بھگوانا اگمّ اتھاہ ورتائیا۔ کِرپا کر میرے شاہو بھوُپ سُلطان، شہنشاہ تیری اوٹ تکائیا۔ میَنوُں آد جُگاد جُگ چؤکڑی نِرگُن تیرے اُتے مان، ابِھمان نظر کوئے نہ آئیا۔ تُوں سَت ستوادی برہم برہمادی اِک اگمّا کاہن، جِس نوُں جنمے کوئے نہ مائیا۔ میری بھوُمکا سُہا دے سچ گرام، چرن کوَل کوَل چرن آپ ٹِکائیا۔ میَنوُں سندیسہ دے کے گئے دسرتھ بیٹا رام، رمئیا تیرا لہنا دینا دئے مُکائیا۔ میَنوُں پُرکھ بِدھاتے پَیغمبراں دِتا پَیغام، دُھر فرمانا اگمّ اتھاہیِا۔ گُروُ گُردیو سمجھاندے گئے تیرا لیکھا انت ہتّھ بھگوان، بھگوَن اپنا حُکم ورتائیا۔ مِہربانا میری تیرے چرن کوَل پرنام، نِو نِو لاگاں پائیا۔ سَتگُر شبد دھار کر پردھان، پردھانگی اِکو اِک وکھائیا۔ کلجُگ کوُڑ کُڑیار میٹ نِشان، نِشانہ دھرم دھار جھُلائیا۔ مانَس ذاتی بُدھی بِبیک کر اِنسان، اِنسانیت ہر ہِردے اندر دے ٹِکائیا۔ جوتی جوت سروُپ ہرِ، آپ اپنی کِرپا کر، ایکا دینا ساچا ور، سچ دا رنگ آپ رنگائیا۔ دھرنی کہے پربھوُ میرا لیکھا میٹ ترےَگُن اتیِت، ترےَبھوَن دھنی تیری سرنائیا۔ ٹھاکر سوامی بن میِت، مِتر پیارا اِک اکھوائیا۔ دُھر دا ڈھولا دسّ دے گیِت، گوبِند میلا ہووے سہج سُبھائیا۔ لکھّ چؤراسی جیِو جنت سادھ سنت بدل دے نیِت، نیِتیوان تیرے ہتّھ وڈیائیا ۔ کلجُگ جیو کر دے پتت پُنیِت، پاوَن ہو کے ویکھ وکھائیا۔ میَں چاہُندی جھگڑا رہے نہ مندر مسیِت، کایا کعبہ کر رُشنائیا۔ تیرا اِکو نام کلمہ ہووے حدیِث، حضرتاں توں باہر کرنی پڑھائیا۔ تیری سب توں وکھری ہووے تبلیغ، تابعداری وِچ دِسے خلق خُدائیا۔ دوُر دُراڈے میرے نیرن نیرے ہو نزدیِک، نِرگُن اپنا پندھ مُکائیا۔ کلجُگ جھگڑا میٹ شرع شریِک، لاشریِک اپنا رنگ دینا رنگائیا۔ پُرکھ اکالے دیِن دَیالے پروردِگار تیرے وِچ حق تؤفیِق، سانجھے یار ہونا انت سہائیا۔ میَں کوجھی کملی دھرنی دھرت دھوَل دھؤل تَینوُں رہی اُڈیِک، آسا اپنی چرن رکھائیا۔ جوتی جوت سروُپ ہرِ، آپ اپنی کِرپا کر، ایکا دینا ساچا ور، سچ دا رنگ آپ رنگائیا۔ دھرنی کہے میرے نِرنکار، نِروَیر تیری سرنائیا۔ میَں مانگت در بِھکھار، بِھکھک ہو کے جھولی ڈاہیِا۔ سچ وست اگمّی دینی ڈار، جگ نیتر ویکھن کوئے نہ پائیا۔ مانَو ذاتی بخش پیار، مانَو ایکا رنگ رنگائیا۔ پنج تت ویکھنا نِگاہ مار، بِن نیَناں نیَن اُٹھائیا۔ لیکھا رہے نہ نؤ دوار، جگت ترِسنا کوُڑ مِٹائیا۔ ناتا توڑ دے کام کرودھ لوبھ موہ ہنکار، مایا ممتا
نہ کوئے للچائیا۔ امرت بخش دے ٹھنڈا ٹھار، نِجھر جھِرنا بوُند سوانتی نابھی کَول ٹپکائیا ۔ شبد انادی دے سچّی دُھنکار، انحد نادی ناد کر شنوائیا۔ دیِا باتی کملاپاتی جوتی جوت کر اُجیار، بِن تیل باتی ڈگمگائیا۔ گھر سوامی ٹھاکر مِلنا دُھر دے سانجھے یار، باہر کھوجن دی لوڑ رہے نہ رائیا۔ سچ دوار ایکنکار اپنا وکھاؤنا گھربار، درگاہ ساچی مقامے حق پردہ آپ اُٹھائیا ۔ جوتی جوت سروُپ ہرِ، آپ اپنی کِرپا کر، ایکا دینا ساچا ور، سچ دے مالک ہونا آپ سہائیا۔ دھرنی کہے پربھوُ میرے اُتے تیرے ہوون سنت فقیِر، فِقرہ ڈھولا تیرا نام دِھیائیا۔ چار ورن اٹھاراں برن شرع دے کٹ زنجِیر، شریِعت رہن کوئے نہ پائیا۔ کلجُگ وِچوں سَتجُگ دھار کر تعمیِر، محل اٹل اِک سُہائیا۔ جِتھے بَیٹھن شاہ غریِب، مانَس ونڈ نہ کوئے ونڈائیا۔ راج راجاناں شاہ سُلطاناں نِرگُن سرگُن دے ترتیِب، حُکم اپنا اِک سمجھائیا۔ لکھّ چؤراسی جیِو جنت تیرے سارے ہون عزیز، اعظم اِکو تَینوُں سیِس نِوائیا۔ دھرنی کہے میَں چاہُندی مانَو ذاتی اندر تیرے پیار دی ہوئے تمیِز، غُربت رہن کوئے نہ پائیا۔ جوتی جوت سروُپ ہرِ، آپ اپنی کِرپا کر، ایکا دینا دُھر دا ور، نِہکلنک نرائن نر، مہاراج شیرسِنگھ وِشنوُں بھگوان، تیرا درس نوُر نوُرانہ بِنا ہووے جگت دی دیِد، دیِدہ دانِستہ نِرگُن نِرگُن نظری آئیا۔
۲۲ بھداروں شہنشاہی سمت ۱۱ پِنڈ ٹھٹھیاں ضِلع امرتسر بنسو دے گرِہ
دھرنی کہے پربھ میرے دُھر دے ماہی، مِہربان محبوُبا تیری اوٹ تکائیا۔ آد جُگاد جُگ چؤکڑی تیری سچّی شہنشاہی، شاہ سُلطان دو جہان تیری وڈ وڈیائیا۔ میَں مانگت ہو کے خالی جھولی تیرے اَگے ڈاہی، وست اتول اتُل دینی ورتائیا۔ دھرنی کہے پربھ کِرپا کرنی میرے اگمےّ ماہی، مِہربان اپنا رنگ رنگائیا۔ نِرگُن دھار سَتگُر میری کٹ جُدائی، جُز وکھرا ونڈ نہ کوئے ونڈائیا۔ میرے اُتے نِرگُن داتے آؤنا چائیں چائیں، دو جہاناں پندھ مُکائیا۔ میَں نِردھن ہو کے رہی دِھیائی، دھیان تیرے چرن رکھائیا ۔ میرے اُتے نِگاہ مارنی تھل اسگاہی، سمُند ساگراں پھول پُھلائیا۔ نؤ کھنڈ پرِتھمی ستّ دیِپ چار کُنٹ اندھیرا گیا چھائی، سَت سچ نوُر جوت نہ کوئے رُشنائیا۔ میرے پرم پُرکھ مانَس تَینوُں گئے بُھلائی، بھےَ وِچ نظر کوئے نہ آئیا۔ کلجُگ کوُڑی کِریا شرع بنی قصائی، دھرم دی دھار قائم رہن کوئے نہ پائیا۔ اج نِگاہ مار لےَ
دِوس دِہاڑا تک لےَ بائی، بائیبل وِچ یسوُہ گیا سمجھائیا۔ محمد کِہا میرا آوے نوُر الاہی، اِمام اِماما اگمّ اتھاہیِا۔ جِس دی یاد وِچ صدی چؤدھویِں بھجےّ واہو داہی، دِوس رَین اپنا پندھ مُکائیا۔ جوتی جوت سروُپ ہرِ، آپ اپنی کِرپا کر، ایکا دینا ساچا ور، سچ دوار اِک وڈیائیا۔ دھرنی کہے پربھوُ میرا انتشکرن تک خیال، بُدھی جگت نہ کوئے رکھائیا۔ میَں چار جُگ دی سیوا کردی ہوئی بےحال، بِہبل ہو کے رہی کُرلائیا۔ سَتجُگ تریتا دواپرکلجُگ تیرے اوتار پَیغمبر گُروُ رہے میرے نال، سرگُن اپنا روُپ وکھائیا۔ شستر تیِر کمان کھنڈے چُکدے رہے ڈھال، شتروُآں والا روُپ بدلائیا ۔ میَں کھیل تیرا تکدی رہی کمال، کامل مُرشد کی تیری بےپرواہیِا۔ انت میرا اِک سوال، سوالن ہو کے منگ منگائیا۔ جوتی جوت سروُپ ہرِ، آپ اپنی کِرپا کر، ایکا دینا ساچا ور، سچ دے صاحِب ہونا سہائیا۔ دھرنی کہے چار جُگ میَں رکھدی رہی تیری اُڈیِک، نِرگُن داتے دھیان لگائیا۔ انت ویکھ کلجُگ رَین اندھیری تاریک، نوَ ستّ دھیان لگائیا۔ اوتار پَیغمبر گُروُ رہیا نہ کوئی نزدیِک، درگاہ ساچی سچکھنڈ تیرے آسن گئے لگائیا۔ میری بِرہوں وِچھوڑے وِچ بِن رسنا جِہوا نِکلے چیِک، رو رو دیاں دُہائیا۔ میرے سوامی انترجامی میری آ کے کر تصدیِق، شہادت اوَر نہ کوئے رکھائیا۔ جوتی جوت سروُپ ہرِ، آپ اپنی کِرپا کر، ایکا دینا دُھر دا ور، دیونہار تیری بےپرواہیِا۔ دھرنی کہے پربھوُ میَں آد جُگاد تیرے ستھر لتھی، سیج سُہنجنی اِک ہنڈھائیا۔ سَتجُگ تریتا دواپرکلجُگ تیری کتھا کہانی کتھی، صِفتاں والے ڈھولے گائیا۔ انت اَخیِر بے نظیِر میَنوُں کوُڑی کِریا رہی متھی، متھن کلجُگ رہیا کرائیا۔ کوُڑ کُڑیارا جگت جہان چلے رتھی، دِوس رَین بھجےّ واہو داہیِا۔ تُوں کِرپا نِدھان پُرکھ سمرتھی، صاحِب سوامی اِک اکھوائیا۔ میرا لہنا دینا پوُرا کر دے ہتّھو ہتّھی، جو گُر اوتار پَیغمبر گئے جنائیا۔ میرا لیکھ بدل دے مستک متھی، کروٹ اپنی لےَ بدلائیا۔ تیری پِچھلی کہانی میَتھوں جائے نہ کتھی، کتھنی کتھ نہ کوئے جنائیا۔ جوتی جوت سروُپ ہرِ، آپ اپنی کِرپا کر، ایکا دینا ساچا ور، سچ دا سنگ آپ نِبھائیا۔ دھرنی کہے پربھوُ میرا بن جا سنگی سگلا، صاحِب اِک اکھوائیا۔ میَنوُں بھیوَ کُھلا دے اگلا، پردہ پردیاں وِچوں چُکائیا۔ تُوں سوامی دُھر دا رنگلا، تیرا رنگ نوُر الاہیِا۔ کلجُگ جیِو جہان ویکھ لےَ کنگلا، وست نام ہتّھ نہ کوئے پھڑائیا۔ دو نیتر ویکھ لےَ اندھلا، نِج نیَن نہ کوئے رُشنائیا۔
جوتی جوت سروُپ ہرِ، آپ اپنی کِرپا کر، ایکا دینا ساچا ور، نِہکلنک نرائن نر، مہاراج شیرسِنگھ وِشنوُں بھگوان، آد جُگادی اپنے انگ لا، انگیکار ایکنکار اِک اکھوائیا۔
۲۲ بھادروں شہنشاہی سمت ۱۱ پِنڈ جنڈیالا گُروُ ضِلع امرتسر سوَرن سِنگھ دے گرِہ
دھرنی کہے میرے مالک کنت کنتُوہل، سچکھنڈ نِواسی پُرکھ ابناشی تیری بےپرواہیِا۔ آد جُگادی برہم برہمادی میرا اصل چُکا دے موُل، پاربرہم پت پرمیشور اپنی دَیا کمائیا۔ جوتی جاتے پُرکھ بِدھاتے سچ دھرم دا بخش اصوُل، اصلیّت قابلیّت مانَو ذاتی وِچ ٹِکائیا۔ اوہ لہنا دینا پوُرا کر دے جو پَیغمبر دے کے گئے رسوُل، صِفتی ڈھولے الف یے نال گائیا۔ تُوں نِرگُن داتا میرا کنت کنتُوہل، کرنی دا کرتا اِک اکھوائیا۔ سَت ستوادی میری ترِسنا جائیں نہ بھوُل، ابُھل تیرے ہتّھ میری وڈیائیا۔ میَں تیرے پیار مُحبّت والا نؤ کھنڈ ستّ دیِپ پنگھوُڑا لواں جھوُل، سَت ستوادی برہم برہمادی ہُلارا دینا لگائیا۔ ساچا نام دُھر سندیسہ دینا معقوُل، نہ کوئی میٹے میٹ مِٹائیا۔ جوتی جوت سروُپ ہرِ، آپ اپنی کِرپا کر، ایکا دینا ساچا ور، سچ دی وست اگمّ ورتائیا۔ دھرنی کہے پربھوُ گُر اوتار پَیغمبراں رکھی اِچھیا، نِرگُن نِرگُن تیری اوٹ تکائیا۔ سچکھنڈ نِواسی سَت دھرم سَت وست دی پا دے بِھچھیا، بِھکھک ہو کے جھولی ڈاہیِا۔ میرا پلّوُ نؤ کھنڈ ستّ دیِپ تیرے قدماں وِچ وِچھیا، جِس دی کنّی نظر کوئے نہ آئیا۔ دو جہان سِری بھگوان جگ نیتر کِسے نہ دِسیا، لوچن ویکھن کوئے نہ آئیا۔ جِس سرِشٹی نوُں تُوں آد جُگاد بنایا مِتھیا، اپنا کھیل کھِلائیا۔ میرا چؤتھے جُگ کلجُگ لہنا دینا پوُرا کر دے حِصّیا، ہستی دے مالک تیرے اَگے واسطہ پائیا۔ آہ ویکھ لےَ دُھر فرمانا گوبِند والا میرے کول لِکھیا، جِس دا حرف حروُف نظر کوئے نہ آئیا۔ تیرا کھیل ہونا انڈِٹھیا، انڈِٹھ اپنا پردہ دینا اُٹھائیا۔ جوتی جوت سروُپ ہرِ، آپ اپنی کِرپا کر، ایکا دینا ساچا ور، سچ دا سنگ آپ سمجھائیا۔ دھرنی کہے پربھوُ تُوں شہنشاہ سوُرا سربگ، در تیرے آس رکھائیا۔ میری دھار کوُڑ کُڑیار نالوں کر الگ، ڈوری تند رہن کوئے نہ پائیا۔ سرِشٹی درِشٹی بدل دے دیِن دُنی
دے جگ، جاگرت جوت بِن ورن گوت کر رُشنائیا۔ ترےَگُن مایا ترےَگُن اتیِتے بُجھا دے اگّ، امرت میگھ نام برسائیا۔ تیری سرن سرنائی سچ سوامی جاواں لگّ، لگ ماتر ڈیرہ ڈھاہیِا۔ کلجُگ جیِو ویکھ لےَ بپڑے بگ، بگڑے بَیٹھے مُکھ بھوائیا۔ میَں چاہُندی میرے پُرکھ اکالے دیِن دَیالے جن بھگتاں درشن دے اُپر شاہ رگ، شہنشاہ اپنا رنگ وکھائیا۔ جوتی جوت سروُپ ہرِ، آپ اپنی کِرپا کر، ایکا دینا ساچا ور، سچ دا میلا لیَنا مِلائیا۔ دھرنی کہے پربھوُ دِوس دِہاڑا تک لےَ آج، نِردھن ہو کے منگ منگائیا۔ تُوں مالک خالق غریِب نواز، شاہ پاتشاہ شہنشاہ دُھردرگاہیِا۔ سو پُرکھ نِرنجن تیرا ایکو ایک سماج، دوُسری ونڈ نہ کوئے ونڈائیا۔ ہرِ پُرکھ نِرنجن میرا انت سوار کاج، کرنی دے کرتے تیری بےپرواہیِا۔ ایکنکار میری رکھنی لاج، سِر میرے ہتّھ ٹِکائیا۔ آد نِرنجن جوتی جاتے جانا جاگ، جاگرت جوت کر رُشنائیا۔ ابناشی کرتے میرے اُتے لا دے بھاگ، سِری بھگوان ہو کے دَیا کمائیا۔ پاربرہم پت پرمیشور میرا دیِپک بُجھیا جگا دے چراغ، بِن تیل باتی کملاپاتی کر رُشنائیا۔ سَتگُر شبد ہتّھ پھڑا دے واگ، وِشن برہما شِو جِس دے حُکمے اندر بَیٹھن سیو کمائیا۔ اوتار پَیغمبر تیرا اِکو گاون راگ، راگ راگنیِاں اِکو ڈھولا گائیا۔ دھرنی کہے میرے پت پرمیشور ، جوتی جوت سروُپ ہرِ، آپ اپنی کِرپا کر، ایکا دینا ساچا ور، نِہکلنک نرائن نر، مہاراج شیرسِنگھ وِشنوُں بھگوان، تیری سرن سرنائی جاواں لاگ، دوُسر اِشٹ سرِشٹ درِشٹ وِچ نظر کوئے نہ آئیا۔
۲۲ بھادروں شہنشاہی سمت ۱۱ پِنڈ جنڈیالا گُروُ ضِلع امرتسر سُریَن سِنگھ دے گرِہ
دھرنی کہے پربھوُ میرے اُتے دھرم دی دھار دے پرسادِ، کِرپا نِدھان ہو کے دَیا کمائیا۔ جیہڑی وست سَت ستوادی تیری اگمّ آد، انت مدھ میری جھولی پائیا۔ چار جُگ توں وکھری بخش دے داد، انمُلی آپ ورتائیا۔ میَں تَینوُں رہی ارادھ، دوُجا اِشٹ نہ کوئے منائیا۔ جن بھگتاں اندر ہو وِسماد، بِسمِل اپنا آپ کرائیا۔ جن بھگتاں ہِردیوں وِسرے کدے نہ تیری یاد، وِچھوڑا جگت نہ کوئے رکھائیا۔ تُوں مالک آئیوں اوتار پَیغمبراں گُروُآں بعد، دوہری کل ورتائیا۔ میَنوُں دینی سچ اِمداد، رحمت آپ کمائیا۔ جوتی جوت سروُپ ہرِ، آپ اپنی کِرپا
کر، ایکا دینا ساچا ور، سچ دے مالک ہونا سہائیا۔ دھرنی کہے تیرا پرسادِ دھار اِک دی دو، دو جہان خوشی منائیا۔ اپنا نام بھنڈار بخش دے سو، ہنگ برہم آپ جنائیا ۔ جن بھگتاں بخش لےَ دُھر دا موہ، مُحبّت اپنے نال مِلائیا۔ نِرگُن داتا آپے ہو، جوتی جاتے ہونا سہائیا۔ جوتی جوت سروُپ ہرِ، آپ اپنی کِرپا کر، ایکا دینا ساچا ور، سچ دے مالک دَیا کمائیا ۔ گھِرت کہے میرا لیکھا نال الاہی نوُر، نوُر نوُرانہ دئے وڈیائیا۔ جو آسا منسا سب دی کرے پوُر، پوُر رہیا سرب ٹھانئیا۔ جو وسنہارا نیڑے دوُر، گھر مندر بَیٹھا سوبھا پائیا۔ میری بیننتی کرے منظور، آرزو اپنے چرن رکھائیا۔ جوتی جوت سروُپ ہرِ، آپ اپنی کِرپا کر، دیونہارا ساچا ور، سچ دا در آپ وڈیائیا۔ پرسادِ کہے میری دو دو دھارا، سوہنا رنگ رنگائیا۔ پربھ دا نِرگُن سرگُن کھیل اپارا، جوتی جاتا ڈگمگائیا۔ جِس دا شبدی شبد للکارا، بِن رسنا جِہوا ڈھولے گائیا۔ جِس دا امرت رس ٹھنڈا ٹھارا، امیوں رس آپ چوائیا۔ جو جوتی جاتا کھیل کرے اپارا، اپرمپر سوامی اِک اکھوائیا۔ کل کلکی لئے اوتارا، نِہکلنکا ڈنک وجائیا۔ جِس دا باوَن نال کھیل اپارا، دو سیر گھِرت دئے سمجھائیا۔ جِس دا تیراں سؤ ستاسی رِشیاں کیِتا اِشارہ، آٹا دو سیر مِلائیا۔ مِٹھا رس بل پریم دی دھارا، نِرگُن سرگُن نال جُڑائیا۔ اِشارہ دِتا چار وید توں باہرا، حُکم سندیسہ اِک سُنائیا۔ جِس ویلے کلجُگ ہویا اندھ اندھیارا، نوُری چند نہ کوئے چمکائیا۔ دھرم دا رہیا نہ کوئے بھنڈارا، وست سَت نہ کوئے ورتائیا۔ اُس ویلے نِہکلنک کل آئے چؤویِاں اوتارا، چؤبیسا دُھر درگاہیا۔ جوتی جاتا ظاہر ہووے دوبارہ، دوہرا ڈنک وجائیا۔ اُس دا لیکھ سمجھے نہ کوئے وِچ سنسارا، بھیوَ ابھید نہ کوئے کُھلائیا۔ اُس دا سمت شہنشاہی لیکھا ہونا وِچ گیاراں، پروِشٹا بائی بھادروں نال مِلائیا۔ اِس دا بن کے وید ویاس لِکھارا، گرڑ پُران وِچ گیا جنائیا۔ جوتی جوت سروُپ ہرِ، آپ اپنی کِرپا کر، دیونہارا ساچا ور، نِہکلنک نرائن نر، مہاراج شیرسِنگھ وِشنوُں بھگوان، پوُرب لہنا چُکائے آپ اُدھارا، اگلا لیکھا اپنے چرن رکھائیا۔