۳۱ اَسوُ شہنشاہی سمت ۱۱ جگجیِت سِنگھ دے گرِہ پِنڈ کالسا ضِلع لُدھیانہ
دھرنی کہے میرے پُرکھ اکال دَیا کماویں، مِہربان محبوُب تیری اِک سرنائیا۔ سَت دھرم دا مارگ سچ لگاویں، لگ ماتر ڈیرہ ڈھائیا۔ میرا بنک دوار سُہاویں، محل اٹل اِک وڈیائیا۔ سمبل نگر اِک سُہاویں، سوبھاوَنت تیری سرنائیا۔ دیِا باتی کملاپاتی اِک جگاویں، دو جہاناں نظری آئیا۔ شبد انادی دُھن وجاویں، نِرگُن سرگُن کرنی آپ شنوائیا۔ امرت آتم جام پیاویں، نِجھر جھِرنا آپ جھِرائیا۔ میرے پرم پُرکھ پرماتم میَنوُں کلجُگ کیِتا انت نِتھاویں، گھرانہ نظر کوئے نہ آئیا۔ میرا سَت دھرم میَنوُں پھیر جھولی پاویں، سَتجُگ ساچا نال مِلائیا۔ میَں کوُک پُکاراں اُچی کڈھکے باہیں، بِن ہتّھاں ہتّھ اُٹھائیا۔ تُوں آد جُگادی میرا دُھر دا ماہی، محبوُب اِکو اِک گوسائنیا۔ میری تیرے چرن کوَل دُہائی، در ٹھانڈے واسطہ پائیا۔ جوتی جوت سروُپ ہرِ، آپ اپنی کِرپا کر، ایکا دینا ساچا ور، سچ دا حُکم اِک سُنائیا۔ دھرنی کہے پربھوُ میَنوُں بخش دے خوشیاں، خوشحالی کر خلق خُدائیا۔ سب دیِاں اندروں بدل دے رُچیِاں، رچنا اپنی دے سمجھائیا۔ تن وجوُداں اندر روُحاں کر دے سُچیِاں، دُرمت میَل رہے نہ رائیا۔ بھاگ لگا دے کایا بُتیاں، بُتخانیاں کر صفائیا۔ میرے اُتے روُحاں رہن نہ سُتیِاں، سُتیِاں لےَ جگائیا۔ جوتی جوت سروُپ ہرِ، آپ اپنی کِرپا کر، ایکا دینا ساچا ور، در ٹھانڈے الکھ جگائیا۔ دھرنی کہے پربھوُ میَنوُں دے دے وست انمول، انمُلڑی آپ ورتائیا۔ سَت ستوادی سب کُچھ تیرے کول، اتول اتُل دینا ورتائیا۔ اپنے نام دا سچ وجا دے ڈھول، ڈھمکّیاں لوڑ رہے نہ رائیا۔ تیرا سُناں اگمّا اِکو بول، نام کلمے تیرے چرن ٹِکائیا۔ سچ دوار ایکنکار میرے اُتے کھول، نوَ ستّ دے سرنائیا۔ ہر گھٹ اندر جا
مؤل، مؤلا ہو کے ویکھ وکھائیا۔ میرے پوُرب لہنے پوُرے کر دے قؤل، اِقرار تیرے چرن ٹِکائیا۔ میَں کوجھی کملی نِمانی دھؤل، دھرت دھوَل ہو کے منگ منگائیا۔ جوتی جوت سروُپ ہرِ، آپ اپنی کِرپا کر، ایکا دینا ساچا ور، سچ دے مالک دَیا کمائیا۔ دھرنی کہے پربھوُ میَنوُں بخش دے اپنے چرناں دھوُل، دھوُڑی ٹِکّے خاک رمائیا۔ میرے اُتے چتُر سُگھڑ بنا دے موُرکھ موُڑھ، مُگدھ رہن کوئے نہ پائیا۔ مانَو ذاتی انتر نِرنتر رنگ چاڑھ دے گوُڑھ، ایتھے اوتھے اُتر کدے نہ جائیا۔ آتم پرماتم دھار تیرا جھوُٹن نام پنگھوُڑ، سچ سُکھ آسن دینا وکھائیا۔ جوتی جوت سروُپ ہرِ، آپ اپنی کِرپا کر، ایکا دینا ساچا ور، میری آسا پوُر کرائیا۔ دھرنی کہے پربھوُ میری آسا کر دے پوُری، پوُرن برہم دے دِرڑائیا۔ درشن دے دے اپنا نوُری، نوُر نوُرانے کر رُشنائیا۔ کلجُگ کِریا میٹ دے کوُڑی، کوُڑ کُٹمب دے کھپائیا ۔ جِس کارن سوُلی چڑھ گیا منصوُری، منسا تیرے اَگے رکھائیا۔ میری دے دے پوُرب پِچھلی مزدوُری، در ٹھانڈے منگ منگائیا۔ میرے پرم پُرکھ پرماتم میرے اُتے آئی مجبوُری، مجبوُر ہو کے تَینوُں دیاں سُنائیا۔ جوتی جوت سروُپ ہرِ، آپ اپنی کِرپا کر، ایکا دینا ساچا ور، سچ دا حُکم اِک سُنائیا۔ دھرنی کہے پربھوُ میَں اِکو نام نِدھانا منگدی، بہُتی آس نہ کوئے رکھائیا۔ امرت دھار بخش دے اپنے گنگ دی، گنگا گوداوری جمنا سُرستی لوڑ نہ کوئے رکھائیا۔ پریِتی بخش دے آتم پرماتم سنگ دی، سنگل شرع دے کٹائیا۔ میرے اُتے طاقت رہے نہ وِکارے پنج دی، کام کرودھ لوبھ موہ ہنکار دینا گوائیا۔ میرے مِہربانا سِری بھگوانا میرے اُتے گھڑی آئی رنج دی، رنجش اندروں باہر کڈھائیا۔ میَں وَیراگن پیاسن تیرے سچ انند دی، انند انند وِچوں دینا وکھائیا۔ بھیوَ دسّ دے کِس بِدھ نِشانی مِٹنی تارے چند دی، چند چاندنے کی تیری بےپرواہیِا۔ کی کھیل ورتے سوُرے سربنگ دی، مرد مردانے دینا دِرڑائیا۔ جوتی جوت سروُپ ہرِ، آپ اپنی کِرپا کر، ایکا دینا ساچا ور، نِہکلنک نرائن نر، مہاراج شیرسِنگھ وِشنوُں بھگوان، میرے اُتوں رَین میٹ اندھیری اندھ دی، اندھ اگیان دے چُکائیا۔
۳۱ اَسوُ شہنشاہی سمت ۱۱ نِہال کؤر دے گرِہ پِنڈ کامل پُرا ضِلع لُدھیانہ
دھرنی کہے میَں پربھ دے پاواں درس، بِن اکھّاں نیَن اُٹھائیا۔ جِس میرے اُتے کیِتا ترس، مِہربان مِہر نظر ٹِکائیا۔ میری انتر میٹی حرص، ہوَس دِتی گوائیا۔ امرت میگھ برس، اگنی تت گوائیا۔ وڈیائی دے کے اُتے فرش، فرشاں رنگ رنگائیا۔ جوتی جوت سروُپ ہرِ، آپ اپنی کِرپا کر، دیونہارا ساچا ور، سچ دا حُکم اِک ورتائیا۔ دھرنی کہے میرا خوشیاں والا تِیوہار، پربھ دیوے مان وڈیائیا۔ میَں ویکھ جاواں بلہار، بل بل اپنا آپ کرائیا۔ جو بھگتاں کرے سچ پیار، پریِتم دُھردرگاہیِا۔ کلجُگ کوُڑی کِریا اُتارے بھار، دُرمت میَل دھوائیا۔ میَں اُس نوُں کراں نِمسکار، جو آیا دُھر دا ماہیِا۔ جِس بھگتاں پَیج دینی سوار، سِر سِر اپنا ہتّھ ٹِکائیا۔ شاہو بھوُپ بن سِکدار، مِہربان مِہر نظر تکائیا۔ جوتی جوت سروُپ ہرِ، آپ اپنی کِرپا کر، دیونہارا ساچا ور، سچ دی کھیل آپ کھِلائیا۔ دھرنی کہے میَں خوشیاں وِچ ہوئی خوشحال، میرے انتر وجی ودھائیا۔ کِرپا کیِتی دیِن دَیال، دَیانِدھ دُھردرگاہیِا۔ میری دھرم بنائی سچّی دھرمسال، دوارا اِکو اِک وڈیائیا۔ پھل لگاوے میرے ڈال، چار کُنٹ کُنٹ مہکائیا۔ جو آ کے ویکھے مُریِداں حال، مُرشد دُھردرگاہیِا۔ میری بیننتی منّے سوال، سِر میرے ہتّھ ٹِکائیا۔ جوتی جوت سروُپ ہرِ، آپ اپنی کِرپا کر، دیونہارا ساچا ور، نِہکلنک نرائن نر، مہاراج شیرسِنگھ وِشنوُں بھگوان، ہرِجن بھگت اُدھارے کر نِہال، نِہچل اپنا دھام جنائیا۔
پہلی کتّک شہنشاہی سمت ۱۱ جگراؤں ضِلع لُدھیانہ مِہر دے گرِہ
دھرنی کہے میَں ساچا کرم کماواں گی۔ پُرکھ اکالے دیِن دَیالے اَگے جھولی ڈاہواں گی۔ غریِب نِمانی ہو کے منگ منگاواں گی۔ سَتگُر شبد سیِس جھُکاواں گی۔ اوتار پَیغمبر گُر نال مِلاواں گی۔ وِشن برہما شِو سب اُٹھاواں گی۔ بِن رسنا جِہوا کوُک کوُک دِرڑاواں گی۔ پربھوُ دروہی پِھری میری چارے کوُٹ، ہوکا حق حق سُناواں گی۔ نؤ کھنڈ پرِتھمی ودھیا جوُٹھ جھوُٹھ، در ٹھانڈے الکھ جگاواں گی۔ دھرم دا رہیا کوئی نہ پوُت، پت پرمیشور اَگے واسطہ پاواں گی۔ دروہی پھیری کلجُگ اودھوُت، جوتی جوت سروُپ ہرِ، آپ اپنی کِرپا کر،
دیونہارا ساچا ور، ساچی آس اِک رکھاواں گی۔ دھرنی کہے میَں رکھاں آس اِکو، ایکنکار چرن ٹِکائیا۔ ابناشی کرتے میرے پِتو، پت پرمیشور دُھردرگاہیِا۔ میرا کھیل تکن والے نِت نوِتو، جُگ جُگ اپنا ویس وٹائیا۔ کلجُگ انتم کر ہِتو، ہِتکاری ہو کے ویکھ وکھائیا۔ پرگٹ ہویا بِنا دِوس دِہاڑی تِھتوں، جگت پل ونڈ نہ کوئے ونڈائیا۔ کلجُگ کوُڑ. کِریا کڈھ دے دیِن دُنی دے چِتوں، چِت وِت ٹھگؤری رہن کوئے نہ پائیا۔ میرے اُتے کلیش ودھ گیا میرے وِتوں، وِتکرے وِچ خلق خُدائیا۔ جوتی جوت سروُپ ہرِ، آپ اپنی کِرپا کر، ایکا دینا ساچا ور، در ساچے منگ منگائیا۔ دھرنی کہے پربھوُ میری آسا تیرے چرناں ہیٹھ، دھوُلی خاک رمائیا۔ کلجُگ کوُڑی کِریا میٹ دے ریِٹھ، سَتجُگ اپنا نام امرت رس بھرائیا۔ مایا ممتا مِٹا دے سیٹھ، غریِب نِمانیاں ہو سہائیا۔ میَں تیرے چرن کوَلاں رہی لیٹ، لِٹاں کھول کے دیاں دُہائیا۔ میَنوُں اِکو تیرے اُتے ٹیک، ٹِکّے دھوُڑی خاک رمائیا۔ میرے اُتے دیِن دُنی دی کر دے بُدھ بِبیک، پتت پُنیِت کر صفائیا۔ سچ دھرم دی پُھلواڑی مؤلے چیت، پتّ ٹہنی آپ مہکائیا ۔ غریِب نِمانیاں نال کر ہیت، ہِتکاری ہو کے منگ منگائیا۔ تُوں مالک سوامی نیتن نیت، نِج گھر بَیٹھا سوبھا پائیا۔ میَنوُں آد جُگادی تیرا بھیت، سَتجُگ تریتا دواپرکلجُگ اپنا حُکم ورتائیا۔ صدی چؤدھویِں میرا کھیڑا ہُندا کھیت، دھیِرج سکے نہ کوئے دھرائیا۔ جوتی جوت سروُپ ہرِ، آپ اپنی کِرپا کر، ایکا دینا ساچا ور، ہرِ سچ تیری سرنائیا۔ دھرنی کہے پربھوُ تُوں آد جُگادی دُھر دا لاڑا، سچکھنڈ نِواسی اِک اکھوائیا۔ میَں جُگ جُگ تیرے اَگے کڈھاں ہاڑا، کلجُگ انتم نِو نِو لاگا پائیا۔ میرے اُتے کلجُگ کوُڑ رہن نہ دے اَکھاڑا، پنچ وِکار نہ کوئے لڑائیا۔ شرع چُھری جگت دُکھ دیوے کوئی نہ دھاڑا، دھرنی دھرت دھوَل دھؤل ہو کے سیِس نِوائیا۔ مانَو ذاتی پرکاش بخش بہتّر ناڑا، اندھ اندھیرا دے مِٹائیا۔ سچ پریِتی رنگ چاڑھ دے گاڑھا، اندر باہر اُتر کدے نہ جائیا۔ پُرکھ اکالے دیِن دَیالے میَں منگن آئی تیرے واڑا، عاجز ہو کے جھولی ڈاہیِا۔ جوتی جوت سروُپ ہرِ، آپ اپنی کِرپا کر، ایکا دینا ساچا ور، سچ دی وست آپ ورتائیا۔ دھرنی کہے پربھوُ میَں اجّ خوشیاں وِچ تیری کیِتی زیارت، بِن سجدیاں سیِس جھُکائیا۔ میَنوُں پِچھلی تیری اکھّراں والی یاد اِک عبارت، الف یے رہی سمجھائیا۔ اوتار پَیغمبراں گُروُآں تیری کیِتی سفارش، سہج سہج نال جنائیا۔ جِس ویلے نام کلمے ساڈے روُپ بن گئے تجارت، دھرم اِیمان رہن کوئے نہ پائیا۔ اُس ویلے پروردِگار سانجھا یار آوے وِچ بھارت، اِمام اِماما نوُر الاہیِا۔ مانَو ذاتی سب دا بنے وارث،
وارث ہو کے ویکھ وکھائیا۔ ہِندوُ مُسلم سِکھ عیِسائی کر سکے نہ کوئے سفارش، سب دا اِکو ہووے دُھر دا ماہیِا۔ جوتی جوت سروُپ ہرِ، آپ اپنی کِرپا کر، ایکا دینا ساچا ور، سچ دا رنگ آپ رنگائیا۔ دھرنی کہے پربھوُ میَنوُں خوشیاں دے دیِدار، سانجھے یار نوُر الاہیِا ۔ میَں تیری خادم خِدمتگار، جُگ جُگ سیو کمائیا۔ میَنوُں سندیسہ اوتار پَیغمبراں گُروُآں دِتا وارو وار، بھوِکھتاں وِچ گئے سُنائیا۔ کلجُگ انت کل کلکی آئے اوتار، اِمام اِماما نوُر الاہیِا۔ میَں پُرکھ اکالے دیِن دَیالے تیرا کردی اجّ اِنتظار ، بِن نیَناں نیَن اُٹھائیا۔ کِرپا نِدھان ہو کے پھیرا میرے اُتے مار، دو جہاناں پندھ مُکائیا۔ پُری لوء برہمنڈ کھنڈ تیری چرن دھوُڑی لاون چھار، ٹِکّے مستک خاک رمائیا۔ تُوں خوشیاں نال میرے محبوُب درشن دینے بھگت دوار، ہرِ بھگتاں سنگ رلائیا۔ میَں وی کوجھی کملی بِن سیِس کراں نِمسکار، بِن ہتّھاں لاگاں پائیا۔ تُوں میرا لہنا دینا پوُرب کرم لیَنا وِچار، کرم کانڈ تیرے چرن ٹِکائیا۔ میَں خوشیاں وِچ جاواں بلہار، بل بل اپنا آپ کرائیا۔ جوتی جوت سروُپ ہرِ، آپ اپنی کِرپا کر، ایکا دینا ساچا ور، نِہکلنک نرائن نر، مہاراج شیرسِنگھ وِشنوُں بھگوان، جوتی جاتے پُرکھ بِدھاتے نِرگُن نوُر کرنا اُجیار، نوُر نوُرانے شاہ سُلطانے سِری بھگوانے تیرا درشن پائیا۔
پہلی کتّک شہنشاہی سمت ۱۱ ہرِ بھگت دوار رات دے سمیں پِنڈ جیٹھوُوال ضِلع امرتسر
کارتک کہے دھرنیئے میری تَینوُں ودھائی، خوشحالے خوشیاں ڈھولے گائیا۔ تیرے اُتے نوُر نوُرانہ آیا دُھر دا ماہی، محبوُب اگمّ اتھاہیِا۔ جِس دا نوُر ظہوُر کرے رُشنائی، دو جہاناں ڈگمگائیا۔ اؤہ تک لےَ اوتار پَیغمبر گُر بن کے آ گئے پاندھی راہی، اپنا پندھ مُکائیا۔ اِکٹّھے ہوئے ایکا تھائیں، ہرِ بھگت دوار وجے ودھائیا۔ تُوں اپنا بِن اکھّاں نیَن اُٹھائیں، چارے کُنٹ پِھرائیا۔ بِن رسنا ڈھولے گائیں، آیا دُھر دا ماہیِا۔ جھٹ دھرنی آواز سُنی چائیں چائیں، بِن سروناں ہوئی شنوائیا۔ نوَ ستّ سُتی پئی لئی انگڑائی، آپ اپنا لیا جگائیا۔ نالے ہس کے کِہا میرے بے پرواہی، تیری بےپرواہیِا۔ میَں کد دا راہ تکائی، چارے کُنٹ ویکھ وکھائیا۔ میَں سندیسہ دِتا اپنے تھل اسگاہی، سمُند
ساگراں سمجھائیا۔ ٹِلّے پربتاں آکھیا چائیں چائیں، سویا رہن کوئے نہ پائیا۔ اُتّر پوُرب پچھّم دکھّن دِتا اُٹھائی، آلس نِندرا وِچوں باہر کڈھائیا۔ تُساں نِگاہ رکھنی جِس ویلے جوتی جاتا آوے دُھر دا راہی، بِن قدماں قدم اُٹھائیا۔ ناردا میَں اُس پربھوُ دے سگن رہی منائی، سوہنی خوشی بنائیا۔ اپنی مینڈھی سیِس گُندائی، سوہنا رنگ رنگائیا۔ دُرمت میَل دھو کے شاہی، پاپاں کری صفائیا۔ سوہنیا ناردا میَں سب توں وکھری چار جُگ دی اگمّی سیج وِچھائی، جِس نوُں سمبل کہہ کے گوبِند گیا گائیا۔ میرے دھنّ بھاگ جے اُس دی ہوئی آواجائی، آیا پندھ مُکائیا۔ میرا اِک سُنیہڑا اُس نوُں دینا سُنائی، بِن اکھّراں اکھّر دِرڑائیا۔ میَں نِمانی دھرنی دھرت دھوَل دھؤل تیری دھار دی جائی، جِس دا مات پِت نظر کوئے نہ آئیا۔ پُرکھ اکالے دیِن دَیالے میری انتم پکڑی باہیں، بِن ہتّھاں ہتّھ چُھہائیا۔ نارد کِہا دھرنیئے میَں واسطہ دیواں پائی، نِو نِو لاگاں پائیا۔ نی اوہ جلوہ گر نوُر نوُرانہ خُدائی، خود مالک اِک اکھوائیا۔ سدا اپنی چلے رضائی، رازق رِزق رحیِم بےپرواہیِا۔ جِس دے حُکم وِچ دو جہان خُدائی، خود مالک اِک اکھوائیا۔ نی جِنھ گوبِند نال کیِتی سی جُدائی، انت مِلاوا ہویا سہج سُبھائیا۔ ہُن پِچھلا جھگڑا رہیا نہیں ڈھئیا ڈھائی، ڈھؤنکا لا کے گیا واہو داہیِا۔ اُس اگلی نوَیِں کھیل رچائی، رچنا سمجھ کِسے نہ آئیا۔ نِرگُن جوت رہیا چمکائی، جوتی جاتا بنیا دُھر دا ماہیِا۔ شبد سندیسہ رہیا سُنائی، انسُنت رہن کوئے نہ پائیا۔ جھٹ دھرنی دوویں اُٹھا کے باہیں، بِن ہتّھاں تالی لائیا۔ جوتی جوت سروُپ ہرِ، آپ اپنی کِرپا کر، دیونہارا ساچا ور، سچ دا حُکم اِک ورتائیا۔ کتّک کہے دھرنیئے میَں تیرے نال ہسدا، خوشیاں وِچ جنائیا۔ میَں نوَ ستّ نسدا، بھجّاں واہو داہیِا۔ میرے کول بھریا بھنڈارا جس دا، صِفتاں ڈھولے گائیا۔ میرے کول پندھ نہیں کوئی اکھّ دا، نیتر نہ کوئے چتُرائیا۔ میَں کھیل ویکھیا سمرتھ دا، تَینوُں دیاں دِرڑائیا۔ نی اوہ تیرے اُتے جوتی جاتا ہو کے سمبل دے وِچ وسدا، سنبھال کرے تھاؤں تھائنیا۔ جِس دے کول بھنڈارا امیوں رس دا، بِن رسنا دئے چکھائیا۔ نی اوہ شبد انیالا تیِر کسدا، بِن چِلّے کمان چلائیا۔ دھرنیئے میَں حَیران ہو گیا بھگتاں دے اندر وسدا، ہور لبھن دی لوڑ رہے نہ رائیا۔ جے کِسے باہروں لبھنا تے روُپ ویکھنا جٹّ دا، سِدھا سادھا نظری آئیا۔ جے پرکاش تکنا لٹ لٹ دا، نوُر نوُرانہ ڈگمگائیا۔ نی تیرے اُتے اوس نے سنسار ونجارا بناؤنا اِکو ہٹّ دا، وست اِکو نام ورتائیا۔ میَنوُں اِیوں جاپدا اوہ اِک اِکلّا بَیٹھا پِچھلیِاں ڈوریاں ساریِاں کٹدا، کٹاکش اپنا نام لگائیا۔ میَں اوسے دی خوشی وِچ ٹپدا، ٹاپوُآں تیریاں اُتے بھجّاں واہو
داہیِا۔ میَں اُس دا اِکو نام جپدا، تُوں میرا میَں تیرا دوُجا نظر کوئے نہ آئیا۔ جِتھے جھگڑا نہیں کِسے تپ دا، سادھناں دی لوڑ رہے نہ رائیا۔ جوتی جوت سروُپ ہرِ، آپ اپنی کِرپا کر، کرے کھیل ساچا ہرِ، سچ دا حُکم اِک ورتائیا ۔ کارتک کہے دھرنیئے میَں تَینوُں خوشیاں نال دسّاں کہانی، کہاوت سمجھ کِسے نہ آئیا۔ نی اوہدی منزلاں توں باہر دی بانی، بان انیالے تیِر چلائیا۔ جِتھے پُج نہ سکے چارے کھانی، انڈج جیرج اُتبُھج سیتج چلے نہ کوئے چتُرائیا۔ اوہ شہنشاہ سُلطانی، دو جہاناں مالک اِک اکھوائیا۔ اوہ داتا گُن نِدھانی، گہر گمبھیِر نوُر الاہیِا۔ نی جُگ بدلنا اوہدی عادت پُرانی، پوُرن سَتگُر ہو کے اپنا کھیل کھِلائیا۔ جو اوتاراں پَیغمبراں گُروُآں بھگتاں سنتاں گرنتھاں شاستراں دِتی نِشانی، اوہ نِشانہ لےَ کے آیا دُھردرگاہیِا۔ ایہہ کوئی لیکھا نہیں دھرنیئے زبانی، قلم شاہی شہادتاں رہی بُھگتائیا۔ ایہہ کوئی منزل نہیں روُحانی، اَدھ وِچ بَیٹھے روون مارن سارے دھاہیِا۔ ایہہ کوئی دھار نہیں جِسمانی، پنجاں تتاں ونڈ ونڈائیا۔ ایہہ اِک تے اِکو ایہدی مِہربانی، مِہربان ہووے تے ہور کِسے دی لوڑ رہے نہ رائیا۔ نہ جھگڑا زِمیں رہے نہ رہے اسمانی، زمیں اسماناں توں باہر سچکھنڈ اپنے چرن دوار لئے ٹِکائیا۔ پر اِک ایہدے وِچ وادھا این تارن لگّیاں ایہہ نہیں ویکھنا ایہہ مرد کہ زنانی، بِردھ بال بچّہ نؤجوان اِکو رنگ رنگائیا۔ این ایہہ نہیں ویکھنا ایہدا مستک لیکھ کی ہےَ پیشانی، جِسدی پُشت پناہ ہتّھ ٹِکایا درگاہ ساچی وِچ پہنچائیا۔ او نہ ایہہ کوئی لیَن آیا قُربانی، کربلے والیاں دا لیکھا دئے بُھگتائیا۔ نارد کہے دھرنیئے میَں حَیران ہو گیا ایہدی سب توں وکھری تے سب توں نِرالی جوانی، جوبن ونتا آپ ہو آئیا۔ جوتی جوت سروُپ ہرِ، آپ اپنی کِرپا کر، کرے کھیل ساچا ہرِ، سچ دا صاحِب اِک گوسائنیا۔ نارد کہے کتّک جی، تُسیں وی گاؤ خوشیاں ڈھولے، پہلا پروِشٹا نال مِلائیا۔ نالے پُرانیاں جُگاں دے یاد کر لؤ بولے، جو انبولت گیا سُنائیا۔ اوتار پَیغمبر گُروُ تک لؤ جیہڑے دھرم دے بنے تولے، نام کنڈے ترازو ہتّھ اُٹھائیا۔ جِس دے گا گا گئے سوہلے، راگاں ناداں وِچ جنائیا۔ جو نِرگُن نِراکار نِرنکار ہو کے مؤلے، مؤلا اپنا روُپ بدلائیا۔ اوہ ضرور سرِشٹی دی درِشٹی اندر وڑ کے بولے، باہروں ویکھ نہ خوشی بنائیا۔ جوتی جوت سروُپ ہرِ، آپ اپنی کِرپا کر، کرے کھیل ساچا ہرِ، سچ دا مالک دُھردرگاہیِا۔ کتّک کہے دھرنیئے میَں سُنیا تُوں دھرم ماتا، دھرم دی داتیئے کِتھے بَیٹھی دھرم گوائیا۔ نِگاہ مار لےَ تیرے اُتے ہوئی اندھیری راتا، ساچا چند نہ کوئے چمکائیا۔ وِشنوُں بھنڈاری دا ویکھ لےَ کھاتہ، کوئی بُھکھا مرے کِسے دے بھنڈارے
رہیا بھرائیا۔ برہمے دی دھار نوُں ویکھ لےَ برہم نوُں ونڈ دِتا وِچ ذاتا پاتا، تتاں نال تت دِتے ٹکرائیا۔ شنکر نوُں ویکھ لےَ کِتھے بہہ رہیا اُتے کَیلاشا، اپنی کل نہ کوئی وکھائیا ۔ نؤ کھنڈ پرِتھمی کلجُگ کوُڑ کُڑیار اپنا کرے تماشا، ستّاں دیِپاں کوُڑ کُڑیار رنگ رنگائیا۔ نارد کہے میَں ویکھ کے ہویا اُداسا، اُداسی میرے اندر آئیا۔ میَں کہواں اوہ شنکرا جے ایہو جِہی سرِشٹی اے کیوں نہیں چاڑھ دیندا لاش اُتے لاشا، پربھ توں بُھلیاں دی دھرتی اُتے لوڑ نہ کوئے وکھائیا۔ جے تُوں بچّوُ نہیں بدلینگا پُرکھ اکال تَیتھوں حُکم نال بدلہ دیویگا پاسا، کروٹ لیَنی پئے تھاؤں تھائنیا۔ جوتی جوت سروُپ ہرِ، آپ اپنی کِرپا کر، کرے کھیل ساچا ہرِ، سچ دا حُکم اِک سُنائیا۔ دھرنی کہے کتّک میَں کیہڑا کرم کماواں، سچ دے سمجھائیا۔ کتّک کہے میَں اِکو بول دِرڑاواں، جگت بُدھی نہ کوئے چتُرائیا۔ پہلوں دوویں بُھجا اُٹھا لےَ باہواں، ہتّھ ہتّھاں نال مِلائیا۔ پھیر اجّ توں پِچھلا سارا چھڈ دے دعوا، حق ہتّھ نہ کوئے رکھائیا۔ پربھوُ نوُں کہہ دے میرے پُرکھ اکالے دیِن دَیالے میَں اِکو تیرا سنگ رکھاواں، دوُجی لوڑ رہے نہ رائیا۔ تے منگ منگیں نال چاواں، خوشیاں نال جھولی ڈاہیِا۔ نارد نال کتّک کہے میَں وی کہہ دؤں واہ واہ، واہِگُروُ تیری بےپرواہیِا۔ اَگے دا لیکھا تے کُچھ اپنا ایہدی جھولی پا دے ناواں، اَیسا نام پائیں جِس نوُں چار جُگ دے شاستر سمجھ سکن نہ رائیا۔ تُوں شاہ پاتشاہ شہنشاہ تیرا شُکر مناواں، جھُک جھُک لاگاں پائیا۔ جوتی جوت سروُپ ہرِ، آپ اپنی کِرپا کر، ایکا دینا ساچا ور، سچ دا پردہ آپ اُٹھائیا۔ نارد آ گیا، آنہدا اوۓ کتّکا، بڑیاں ماردا ایں ڈینگاں، اوہ پنجاب وِچ آ کے پنجابیِاں والی آکڑ لئی بنائیا۔ اوہ ویکھ لےَ جُگ چؤکڑیِاں دیِاں لٹکدیِاں بِنا رسّیِاں والیِاں پیِنگھاں، ہُلارا سمجھ کِسے نہ آئیا۔ اوتاراں پَیغمبراں گُروُآں دیِاں دھاراں سُتیِاں بِنا نیِنداں، بِن آلس اپنا آپ اپنے وِچ سمائیا۔ میَنوُں ایہہ دسّ ایس ویلے کؤن مریا تے کؤن جِیوندا، تے دوہاں توں باہر کیہڑا سوبھا پائیا۔ جوتی جوت سروُپ ہرِ، آپ اپنی کِرپا کر، کرے کھیل ساچا ہرِ، سچ دا بھیوَ آپ چُکائیا۔ نارد کہے کتّک چار جُگ وِچ کیہڑا کیِتا کرم، اپنا کرم کانڈ دے سمجھائیا۔ کیہڑا ویکھیا چنگا دھرم، دھرمی ہو کے بھیوَ کُھلائیا۔ کیہڑا سوہنا لگّا ورن، کوَن برن وجے ودھائیا۔ اوہ کیہڑے سب توں سریشٹ تَینوُں لگّے چرن، اوتار پَیغمبر گُروُ تیرے اُتے گئے پھیریاں پائیا۔ دسّ تُوں کیہڑی سِکھیا لگّا پڑھن، کوَن سچ گیا سمجھائیا۔ کیہڑی منزل لگّا چڑھن، کوَن راہ بھجیّں واہو داہیِا۔ جوتی جوت سروُپ ہرِ، آپ اپنی کِرپا کر، کرے کھیل ساچا ہرِ، سچ دا سنگ اِک
وکھائیا۔ کتّک کہے ناردا میَں بہُتا کُچھ نہیں دسّنا، سب کُچھ تَینوُں دیاں سمجھائیا۔ میَں اجے اِک سال چُپ چُپ رہ کے وسنا، پھیر ہؤلی ہؤلی پردہ دیاں اُٹھائیا۔ تُوں میرے ولےّ میَں تیرے ولےّ نسّنا، بھجّنا واہو داہیِا۔ کلجُگ دے کنڈیاں وِچ شاید سانوُں دوہاں نوُں پےَ جائے پھسنا، راہ نظر کوئے نہ آئیا۔ اودھروں کلجُگ دی ہو جانی رَین اندھیری مسنا، سوُریہ چند جوت نہ کوئے ڈگمگائیا۔ پھیر تُوں میرے ولےّ میَں تیرے ولےّ ویکھ کے ہسنا، پر دوہاں دا چارا چلے کوئے نہ رائیا۔ ہاں یاد کر لےَ باوَن نے پہلی کتّک والے دِن کِہا سی اوۓ بھگتو ہزاراں سالاں دی تپسیا کرن والیو رِشیو جدوں کلجُگ انتم آپ آیا اِکو سوہنگ جاپ پئیگا جپنا، دوُجی لوڑ رہے نہ رائیا۔ نہ کوئی بیڑی لبھنی پئے نہ کوئی لبھنا پئے پتنا، اِکو ملاح بے پرواہ سب نوُں بنّے دئے لگائیا۔ نارد کہے واہ کتّکا واہ، اوسے دی بےپرواہیِا۔ نالے خوشیاں نال بودی دِتی ہِلا، پوَن پوَناں وِچوں چلائیا ۔ نارد کہندا اے جے کتّکا میری بودی نہ ہِلے تے اُننجا پوَن دا نہیں کوئی وساہ، کیہڑے ویلے بند ہووے کیہڑے ویلے بھجےّ واہو داہیِا۔ کتّک کہندا ناردا ایہہ کی دِتا سُنا، میَنوُں دے دِرڑائیا۔ نارد کہندا میری بودی بڑی شرارتن، بِن اکھّراں توں عبارتن، بِنا وستُوآں توں تجارتن، پر ایہدے وِچ گُن، ایہنے سارے ویکھے جیہڑے سوُر کھاندے تے گاں، بچیا رہن کوئے نہ پائیا۔ نارد کہے کتّکا میَں ضرور سارے پربھوُ نوُں دینے وکھا، نَواں کھنڈاں ستّاں دیِپاں وِچ جا جا پھیریاں پائیا۔ نالے اوتار پَیغمبر گُروُ بناؤنے ملاح، شہادت شبد گُروُ بُھگتائیا۔ میَں کوئی پنڈت نہیں میَں کوئی جِسم نہیں ضمیِر نہیں تن نہیں وجوُد نہیں ماٹی خاک نہیں میرا منتر نہیں کوئی سوہنگ سواہہ، اوانگ سوہنگ میَں نوُر تے نوُر دا روُپ االلہ، تے میرا مالک بے پرواہ سَتگُر شبد سدا سہا، سہائک نائک اِکو نظری آئیا۔ پر میَں کدے کِسے دے اَگے مِنّتاں نال کیِتی نہیں دُعا، دوارکا واسی میَنوُں بتھیرے گئے سمجھائیا۔ میَنوُں رام وِششٹ نے سدّ کے آکھیا ناردا سانوُں اِکو راگ دِرڑا، خوشیاں دے ڈھولے گائیا۔ جھٹ میَں پِٹھ لئی بدلہ، مُکھ لیا بھوائیا۔ میَں کدے کِسے سریِر دے ڈھولے نہیں گائے تے نہ کِسے نوُں ویکھ کے ہویا رضا، میَں جوتی نوُر دا پرکاش تے پرکاش نوُں ویکھ کے اوسے دے گُن گائیا۔ میرے اُتے کوئی نہ پائیو دبا، دبدبے وِچ کدے نہ آئیا۔ کیونکہ میَنوُں اِکو میرا پرماتم لبھا، جِس اپنا رنگ دِتا رنگائیا۔ او باقی، مِترو دوستو رام جی تُہاڈی تے دھرتی اُتے چار دِن دی سبھا، تے پھیر سبھا لاؤن والیو تُہاڈا نِشان رہن کوئے نہ پائیا۔ میرا مالک پرماتم جِس نوُں میَں کہندا ابّا، امی جان اوسے نوُں کہہ کے خوشی بنائیا۔
جوتی جوت سروُپ ہرِ، آپ اپنی کِرپا کر، کرے کھیل ساچا ہرِ، سچ دا بھیوَ چُکائیا۔ نارد کہے کتّک جی میَں کدے نہیں پایا کُڑتا، جُگ چؤکڑی ٹھروُن ٹھروُن کرکے اپنا جھٹ لنگھائیا۔ کتّک کہے نارد جی میَنوُں وی نہیں آیا مُڑھکا، پسیِنہ رنگ نہ کوئے رنگائیا۔ نارد کہے کتّکا میَں کدے کوئی نہیں پڑھیا گُٹکا، اکھّراں ڈھولے کوئے نہ گائیا۔ کتّک کہے ناردا میَں کدے روُپ نہیں دھریا کایا بُت دا، تے آد جُگاد میَنوُں سارے کہہ کہہ گائیا۔ نارد ہس کے کہندا، ساڈا پیار ابناشی اچُت دا، دوُسر میل نہ کوئے مِلائیا۔ کتّک کہے نارد جی ساڈا وقت سُہنجنا رُت دا، رُتڑی پربھ اپنے نال مہکائیا۔ اگلا وقت دِسدا کُچھ سماں چُپ دا، چُپ چُپیتےِ رہ کے جھٹ لنگھائیا۔ کیوں ہُن کھیل ہونا پُرکھ اکال دُلارے سُت دا، جِس نوُں جنمے کوئے نہ مائیا۔ نارد کہے کتّکا میَں نچھتر گرہ ویکھاں کی اوہ سماں ٹھیِک ڈُھکدا، سنگلی سُٹ کے دھیان لگائیا۔ جاں نِگاہ ماری نارد کی تکدا، پربھوُ دا پیار زِمیں اسمان سب دے نالوں جائے ٹُٹدا، ٹُٹیاں سکے نہ کوئے گنڈھائیا۔ پھیر ویکھیا شبد دا تیِر انیالا چُھٹدا، جو دو جہاناں ونھے تھاؤں تھائنیا۔ جِس جھگڑا مِٹاؤنا کایا ماٹی بُت دا، بُتخانیاں کرے صفائیا۔ جن بھگتاں گھر گھر پِھرے پُچھدا، گرِہ گرِہ مندر ویکھے چائیں چائنیا۔ کتّک کہے ناردا اُس دا کھیل اَگے کُچھ تے اَگے کُچھ دا، اوَر دا اوَر حُکم ورتائیا۔ ایہہ تے بھگتاں نوُں سماں سب توں وکھرا دِتا لُٹ دا، لُٹیرے ہو کے لُٹن چائیں چائنیا۔ کیوں پربھوُ دا پرکاش ہُن چُھپایا نہیں چُھپدا، اُگن آتھن اِکو کرے رُشنائیا۔ جِس اُتے اثر ہونا نہیں کِسے چھایا دُھپ دا، گرمی سردی ونڈ نہ کوئے ونڈائیا۔ جیہڑا ونجارا نہیں کِسے رُت دا، باراں ماس اِکو کھیل کھِلائیا۔ جوتی جوت سروُپ ہرِ، آپ اپنی کِرپا کر، کرے کھیل ساچا ہرِ، نِہکلنک نرائن نر، مہاراج شیرسِنگھ وِشنوُں بھگوان، ویس وٹائے ابناشی اچُت دا، چیتن ہو کے چیتن سب نوُں دئے کرائیا۔
۱۸ کتّک شہنشاہی سمت ۱۱ ہرِ بھگت دوار جیٹھوُوال دیوالی دی رات کِرپا کیِتی ضِلع امرتسر
نارد کہے رام ویکھ لےَ اپنی دُنیا والی دیوالی، دِوالا نِکلیا خلق خُدائیا۔ انتر نِرنتر سب دی دھار ہوئی کالی، باہر دیِپکاں کرن رُشنائیا۔ گھر مندر سوہے نہ کوئے دھرمسالی، پوِتر گرِہ نظر کوئے نہ آئیا۔ پھل رہیا نہ کِسے پتّ ڈالی، ٹہنی ٹہنی رنگ نہ کوئے رنگائیا۔ میَں وَیراگن ہو کے بناں سوالی ، در تیرے واسطہ پائیا۔ جوتی جوت سروُپ ہرِ، آپ اپنی کِرپا کر، ایکا دینا ساچا ور، سچ دی کرنی کار کمائیا۔ دیوالی کہے سُن میرے رام رمئیا، رمتا رمتا دیاں جنائیا۔ سندیسہ دیواں ساچے سئیا، کی سُنیہڑا رہیا دِرڑائیا۔ لیکھا ویکھ لےَ کڈھکے اپنی بہیا، بِن اکھّراں اکھّر دھیان لگائیا۔ جو اِشارہ کیِتا ماں مِتریئی ککئیا، دسرتھ سنگ نہ کوئے رکھائیا۔ کی دھار ہونی کلجُگ انتم کوُڑ کُڑیار دی نئیا، موہ وِکارا ہڑ وگائیا۔ کی آشا رکھ کے گئی دُرگا اشٹبُھج مئیا، سِنگھ اَسوار دھیان لگائیا۔ کی سندیسہ دے کے گیا کاہن گھنئیا، گھنی شام کی دِرڑائیا۔ جوتی جوت سروُپ ہرِ، آپ اپنی کِرپا کر، ایکا دینا ساچا ور، سچ دا حُکم اِک ورتائیا۔ نارد کہے رام جی باہروں جگدے ویکھ لےَ دیِوے، تیل باتی نال دیِن دُنی وڈیائیا۔ تیری نام مستی وِچ کوئی نہ کھیِوے، ساچا رنگ نہ کوئے چڑھائیا۔ سچکھنڈ دواریوں ویکھ لےَ ہو کے نیویں، دھرنی اُتے دھیان لگائیا۔ سچ پیار کوئی نہ جیِوے، کوُڑ کِریا جگت ہلکائیا۔ سب دا لہنا تک لےَ انتم ساڈے تِنّ ہتّھ سیِویں، شاہ پاتشاہ بچیا رہن کوئے نہ پائیا۔ جوتی جوت سروُپ ہرِ، آپ اپنی کِرپا کر، ایکا دینا ساچا ور، سچ دی کرنی کار کمائیا۔ نارد کہے رام جی دیِا باتی کیہڑے کار، تیل بتّی کی وڈیائیا۔ جِنہاں دے انتر وسیا نہیں نِرنکار، ہِردے ہرِ نہ کوئے ٹِکائیا۔ اوہ پِھردے وِچ اندھ اندھیار، جگت لوچن نہ کوئے رُشنائیا۔ کلجُگ دا تک لےَ وِوہار، کی وِوہاری کار کمائیا۔ جِس نے سرِشٹی مانَو ذاتی کیِتی بے کار، بےروزگار ہوئی لوکائیا۔ آتم پرماتم کِرت کرے نہ کوئے سنسار، ساچی کرنی نہ کوئے کمائیا۔ گُردر مندر مسجد شِودوالے مٹھ روون دھاہاں مار، کوُک کوُک سُنائیا۔ ہرِ بھگت دوارا کرے گِریہ زار، ہائے اُف کر جنائیا۔ پربھوُ دی دھار توں جگت جہان ہویا باہر، پیار وِچ نہ کوئے سمائیا۔ دیِا باتی جگت مندراں اُتے کرے اُجیار، کایا اندھیرا دوُر نہ کوئے کرائیا۔ نالے رام نوُں کیِتی نِمسکار، نِو نِو سیِس جھُکائیا۔ جھٹ رام نے کیِتا اِشار، سہج نال سُنائیا۔ ناردا سَتجُگ کوُک رہیا پُکار، دو جہان سُنائیا۔ میرا مارگ ہووے اپر اپار، اپرمپر سوامی دئے وڈیائیا۔ کوئی دیِوا بتّی اَگے جگائے نہ بھگت
دوار، تیل باتی دی لوڑ رہے نہ رائیا۔ جو بُجھ جائے پِھر ہو نہ سکے اُجیار، جگاوَن والا نظر کوئے نہ آئیا۔ ہرِ بھگت دوارے اندر ہرِ بھگت اوہ ہون جِنہاں دے اندر پربھوُ دا دیِپ سدا رہے تیار، دِوس رَین اِکو رنگ رنگائیا۔ جوتی جوت سروُپ ہرِ، آپ اپنی کِرپا کر، دیونہارا ساچا ور، سچ دی کرنی کار کمائیا۔ نارد کہے رام جی اپنا پُرانا ویکھو حِساب، جگت انکڑیاں باہر دھیان لگائیا۔ اپنی کڈھکے ویکھو کِتاب، بِن حرف حروُف لِکھائیا۔ سمت شہنشاہی باراں دا رِواج، سہج نال سمجھائیا۔ حُکم دیوے غریِب نواز، نہ کوئے میٹے میٹ مِٹائیا۔ جو حُکم ورتنا دیس ماجھ، لیکھا لِکھنا قلم شاہیِا۔ جوتی جوت سروُپ ہرِ، آپ اپنی کِرپا کر، کرے کھیل ساچا ہرِ، سچ دی کرنی کار کمائیا۔ شہنشاہی سمت باراں کہے میرے انتر آئے انند، انند انند وِچوں پرگٹائیا۔ دیوالی والے دِن بھگت دوارے وجّا ہووےگا جند، جِندرا کُنجی ہتّھ نہ کِسے پھڑائیا۔ نؤ دِن پھیر رہے گا بند، اندر وڑ درس کوئے نہ پائیا۔ ایہہ کھیل کرے سوُرا سربنگ، ہرِ کرتا دُھردرگاہیِا۔ ڈھائی سال تک جیٹھوُوال دی سنگت پرساد سکے کوئی نہ ونڈ، بھوگ گھر نہ کوئے لگائیا۔ جوتی جوت سروُپ ہرِ، آپ اپنی کِرپا کر، دیونہارا ساچا ور، نِہکلنک نرائن نر، مہاراج شیرسِنگھ وِشنوُں بھگوان، دیِن دَیال سدا بخشند، بخشش رحمت اپنی آپ کمائیا۔
۱۹ کتّک شہنشاہی سمت ۱۱ گُرمیِت کؤر دے گرِہ پِنڈ پہوُ وِنڈ واڑا ضِلع فِروزپُر
دھرنی کہے پربھوُ میرے انتشکرن کھول دے تاک، پردہ پردیاں وِچوں پردہ نشیِن دینا اُٹھائیا۔ آد جُگادی برہم برہمادی اوتار پَیغمبراں گُروُآں پوُرا کردے واک، واقفکار ایکنکار پروردِگار اپنی دَیا کمائیا۔ جن بھگت سُہیلے گُروُ گُر چیلے میرے بنا دے سجّن ساک، سَت ستوادی برہم برہمادی سگلا سنگ جنائیا۔ منوُآ کوُڑ کلپنا منسا وِچ رہے نہ عاق، نِرگُن دھار ایکنکار مِہربان مِہر نظر اُٹھائیا ۔ میَں آد جُگادی تیری سیوک چاکر چاک، دھرنی دھرت دھوَل دھؤل ہو کے سیو کمائیا۔ میرے اُتے مانَو ذاتی تن وجوُد ماٹی خاک کر دے پاک، پتت پُنیِت اپنا رنگ رنگائیا۔ مِہربانا نؤجوُانا سِری بھگوانا میرے ولّ جھاک، بِن نیتر لوچن نیَن نیَن اکھّ اُٹھائیا۔ میرے پُرکھ اکالے دیِن دَیالے میری پوُرب
پوُری کر دے گھاٹ، لیکھا اوَر رہے نہ رائیا۔ کلجُگ کوُڑی کِریا میرے اُتوں مُکا دے پندھ واٹ، سَتجُگ ساچا کر رُشنائیا۔ میری سیج سُہنجنی سوہے کھاٹ، آسن سِنگھاسن پُرکھ ابناشن لیَنا بنائیا۔ پوِتر کر دے ہر ہِردا تن ماٹی خاک، اپ تیج وائے پرِتھمی آکاش اپنے رنگ رنگائیا۔ آتم پرماتم اِکو منزل دسّ دے گھاٹ، پاربرہم برہم میلا میلنا چائیں چائنیا۔ جوتی جوت سروُپ ہرِ، آپ اپنی کِرپا کر، ایکا دینا ساچا ور، سچ دا سنگ آپ بنائیا۔ دھرنی کہے پربھوُ میرے اُتے دھرم دا چاڑھ دے رنگ، کلجُگ کِریا کوُڑ مِٹائیا۔ سچکھنڈ نِواسی پُرکھ ابناشی میرے در دوارے لنگھ، پُریاں لوآں برہمنڈاں کھنڈاں پندھ مُکائیا ۔ میری سیج سُہنجنی کر پلنگ، بِن پاوا چوُل اپنا آسن لائیا۔ تیرا سَتگُر شبد وجائے مردنگ، ناد انادی کر شنوائیا۔ میَں نِمانی ہو کے منگاں رہی منگ، مانگت ہو کے جھولی ڈاہیِا۔ میرے پروردِگار سانجھے یار میرے اُتے کٹ دے بُھکھ ننگ، دیِن دَیال دیِناں اناتھاں ہو سہائیا۔ آتم امرت دھار وہا دے گنگ، گنگا گنگوتری دی لوڑ رہے نہ رائیا۔ پنچ وِکار کرے نہ جنگ، کام کرودھ لوبھ موہ ہنکار نہ کوئے لڑائیا۔ وست امولک کایا گولک آپ ونڈ، بِن ہتّھاں ہتّھ پھڑائیا۔ نِگاہ مار لےَ اُتبُھج سیتج جیرج انڈ، چارے کھانی پھول پُھلائیا۔ میرے مِہربانا سِری بھگوانا میرے اُتوں میٹ دے بھیکھ پاکھنڈ، کلجُگ کوُڑی کِریا رہے نہ رائیا۔ میَں اُچی کوُک پُکاراں پاواں ڈنڈ، ڈنڈاوت وِچ لمی پےَ کے سیِس نِوائیا۔ سَت دھرم دی دھار سَتجُگ میرے نال گنڈھ، کلجُگ ناتا کوُڑ تُڑائیا۔ میرا پیار ہون نہ دیویں رنڈ، کنت سُہاگی دینی مان وڈیائیا۔ کروٹ بدل اپنی کنڈ، سنمُکھ ہو کے سوبھا پائیا۔ جوتی جوت سروُپ ہرِ، آپ اپنی کِرپا کر، ایکا دینا ساچا ور، سچ دا بھیوَ آپ کُھلائیا۔ دھرنی کہے پربھوُ سَت دھرم چلا دے ریِت، دھوَل ہو کے منگ منگائیا۔ آتم پرماتم بخش پریِت، پریِتم میلا میلنا چائیں چائنیا۔ تُوں میرا میَں تیرا سب دا ہووے اِکو گیِت، اِکو ڈھولا دینا دِرڑائیا۔ مانَو ذاتی اندروں بدل دے نیِت، نیِتیوان تیرے ہتّھ وڈیائیا۔ جیِواں جنتاں سادھاں سنتاں کر لےَ پتت پُنیِت، پتت پاوَن تیری بےپرواہیِا۔ جھگڑا مُکا دے مندر مسیِت، کایا کعبہ اِک سمجھائیا۔ جوتی جوت سروُپ ہرِ، آپ اپنی کِرپا کر، ایکا دینا ساچا ور، در ساچے منگ منگائیا۔ دھرنی کہے پربھوُ میرا کلجُگ انتم میٹ دے دُکھ، دُکھڑا تیرے چرن ٹِکائیا۔ مایا ممتا والی میٹ دے بُھکھ، ترِسنا ترِپت کرائیا۔ جن بھگتاں دھار بخش دے سُکھ، سُکھ ساگر وِچ سمائیا۔ ہرِجن بنا لےَ تتاں والے منُکھ، مانَس اپنی گود ٹِکائیا۔ میری سُپھل کردے کُکھ،
بھگت سُہیلے ویکھاں چائیں چائنیا۔ میرا اُجل ہووے مُکھ، دُرمت میَل رہے نہ رائیا۔ جوتی جوت سروُپ ہرِ، آپ اپنی کِرپا کر، ایکا دینا ساچا ور، نِہکلنک نرائن نر، مہاراج شیرسِنگھ وِشنوُں بھگوان، نِگاہبان ہو کے نِرگُن دھار آپے پُچھ، جوتی جاتے پُرکھ بِدھاتے اپنی دَیا کمائیا۔
۲۰ کتّک شہنشاہی سمت ۱۱ جرنَیل سِنگھ دے گرِہ پِنڈ شاہ والا ضِلع فِروزپُر
دھرنی کہے پربھوُ میرا پوُرا کر دے گھاٹا، نؤ سؤ چُرانوے چؤکڑی جُگ دی آسا پوُر کرائیا۔ امرت رس بھر دے نِرگُن دھار گوبِند والے باٹا، امیوں رس اگمّ اتھاہ اپنا اگمّ چوائیا۔ کلجُگ کوُڑ کُڑیار دا لیکھا جائے کاٹا، کٹاکش اپنا نام لگائیا۔ کوُڑی کِریا کھیل میٹ بازی گر ناٹا، سوانگی اپنا سوانگ ورتائیا۔ سچ دوار ایکنکار سَتجُگ کھول دے ہاٹا، وست نام نِدھان سِری بھگوان آپ ورتائیا۔ بھاگ لگا دے مانَو ذاتی ساڈھے تِنّ ہتّھ کایا ماٹا، مِہربان مِہربان مِہر نظر اُٹھائیا۔ جوتی جوت سروُپ ہرِ، آپ اپنی کِرپا کر، ایکا دینا ساچا ور، سچ دے مالک دَیا کمائیا۔ دھرنی کہے پربھوُ میری پوُری کر دے کمی، کاملا آشا تیرے چرن ٹِکائیا۔ میرے اندروں کڈھ دے کلجُگ کوُڑ کُڑیار دی غمی، غم خوار ہو کے ہونا سہائیا۔ ممتا موہ لالچ رہے نہ طمی، ترِسنا کوُڑ نہ کوئے ہلکائیا۔ سب دی بدل دے درِشٹی چمّی، چمّ درِشٹی رہن نہ پائیا۔ اپنا نام جپا دے سواس دمی، دامنگیِر آپ اکھوائیا۔ میرے اُتے سَتجُگ دھار دے نوَیِں، نوَ کھنڈ اپنا حُکم ورتائیا۔ اوہ لہنا پوُرا کر دے جو سندیسہ دِتا گوبِند دھار بوَنجا کوی، باوَن اکھّری سنگ مِلائیا۔ تُوں مالک خالق جوتی جاتا اوتار چَوھی، چؤبیسا جگدیِشا اِک اکھوائیا۔ میرا لہنا دینا پروردِگار سانجھے یار ضرور دویِں، دیونہار تیری بےپرواہیِا۔ جوتی جوت سروُپ ہرِ، آپ اپنی کِرپا کر، ایکا دینا ساچا ور، سچ دے مالک ہونا سہائیا ۔ دھرنی کہے پربھوُ میرا لیکھا دے حِساب، لہنا پوُرب جھولی پائیا۔ تُوں مالک مِتر میرا احباب، میِت مُرارا اِک اکھوائیا۔ میَں نِو نِو سجدیاں وِچ کراں آداب، نمستے کہہ کے سیِس نِوائیا۔ سچ دوار ایکنکار اپنا وکھا اگمّ محراب، محبوُب پردہ آپ اُٹھائیا۔ میرا حقیِقت والا بدل مزاج، مِہربان مِہربان مِہر نظر اُٹھائیا۔ نؤ کھنڈ پرِتھمی ستّ دیِپ اِک بنا سماج، سمگری نام حق ورتائیا۔ سوئی
سُرتی تن وجوُداں اندر جائے جاگ، جاگرت جوت بِن ورن گوت کر رُشنائیا۔ کلجُگ جیِو ہنس بنا پھڑ پھڑ کاگ، سوہنگ ہنسا مانک موتی چوگ چُگائیا۔ دِوس رَین اٹّھے پہر تیرے پریم دا اُپجے وَیراگ، وَیری اندروں باہر کڈھائیا۔ آتم پرماتم تیری چرنی جائے لاگ، لگ ماتر ڈیرہ ڈھاہیِا۔ بِن تیل باتی کملاپاتی جگا چراغ، بِن سوُریہ چند کر رُشنائیا۔ میری کوجھی کملی دے وڈ وڈ کر دے بھاگ، مندبھاگن ہو کے منگ منگائیا۔ جوتی جوت سروُپ ہرِ، آپ اپنی کِرپا کر، ایکا دینا ساچا ور، سچ دا پردہ آپ کُھلائیا۔ دھرنی کہے پربھوُ میری آد جُگادی تیرے اَگے عرضوئی، آسا ترِسنا نال مِلائیا۔ اوتار پَیغمبراں گُروُآں ویکھ پیشیِنگوئی، بھوِکھتاں اپنی گنڈھ بندھائیا۔ کلجُگ انتم سَت سچ وِچ رہے نہ کوئی، صوُفی سنت فقیِر نظر کوئے نہ آئیا۔ دیِناں مذہباں چاروں کُنٹ پِھری دروہی، دروہی دروہی کرے خلق خُدائیا۔ میرے مِہربانا سِری بھگوانا میرے اُتے انہونی ہوئی، ہوکا دے کے دیاں جنائیا۔ اُتّر پوُرب پچھّم دکھّن میری پت گئی کھوہی، اوڈھن سیِس نہ کوئے ٹِکائیا۔ جگت دوارے میَنوُں ملِے کِتے نہ ڈھوئی، مندر مسجد شِودوالے مٹھ گُروُدوارے رہے کُرلائیا۔ تیری دُنیا تیرے نالوں ہوئی نِرموہی، مُحبّت وِچ نہ کوئے سمائیا۔ آتم پرماتم سکے کوئی نہ چھوہی، چھؤہر بانکے تیرا سنگ نہ کوئے بنائیا۔ جوتی جوت سروُپ ہرِ، آپ اپنی کِرپا کر، ایکا دینا ساچا ور، سچ دی آسا پوُر کرائیا۔ دھرنی کہے پربھوُ میرا لہنا دینا کلجُگ انتم جگ، جوتی جاتے پُرکھ بِدھاتے دیاں دِرڑائیا۔ میرے اُتوں کوُڑ کُڑیار بُجھا اگّ، امرت میگھ نام برسائیا۔ نوَ ستّ تتی واء نہ جائے وگ، پوَن پوَناں روُپ بدلائیا۔ جن بھگت سُہیلے کر الگ، ہرِجن اپنے رنگ رنگائیا۔ نِرگُن دھار درشن دے اُپر شاہ رگ، نوَ دوار دا ڈیرہ ڈھاہیِا۔ تُوں شہنشاہ سوُرا سربگ، ہرِ کرتا اِک اکھوائیا۔ ہنس روُپ بنا لےَ کگ، کاگ ہنس روُپ وکھائیا۔ دُھن انادی شبد وجا دے ند، انحد نادی ناد سُنائیا۔ امرت رس پیا دے مدھ، نِجھر جھِرنا بوُند سوانتی کَول نابھ ٹپکائیا ۔ تیرا دیِپک دیِا جوتی جاتے جائے جگ، جاگرت جوت کر رُشنائیا۔ پُرکھ اکالے دیِن دَیالے میَں دھرنی دھرت دھوَل دھؤل تیری سرن سرنائی گئی لگّ، وکھرا روُپ نہ کوئے درسائیا۔ میرے اُتوں کلجُگ لیکھا مُکا دے بغلا بپڑا بگ، مِہربان مِہر نظر اُٹھائیا۔ جوتی جوت سروُپ ہرِ، آپ اپنی کِرپا کر، ایکا دینا ساچا ور، سچ دے صاحِب اگمّ گوسائنیا۔ دھرنی کہے پربھوُ میَنوُں بخش اگمّی دھوُڑ، ٹِکاّ مستک نام رکھائیا۔ میرے اُتوں کلجُگ میٹ دے کوُڑ، کوُڑ کُڑیار رہن نہ پائیا۔ جیِو جنت چتُر سُگھڑ بنا لےَ موُڑھ، موُرکھ اپنے رنگ
رنگائیا۔ نام نِدھان چاڑھ دے رنگ گوُڑھ، دو جہاناں اُتر کدے نہ جائیا۔ اوہ آسا تک لےَ جو رکھ کے گیا منصوُر، تتاں والی کھلّ لُہائیا۔ محمد دی بیننتی کر منظور، جو بندگی وِچ سیِس جھُکائیا۔ لہنا تک لےَ موُسیٰ والا اُتے کوہ طوُر، نیَن موُند کی دِرڑائیا۔ جِس بِدھ عیسیٰ تیرا ہوئے مشکوُر، شُکریہ کہہ کے سیِس نِوائیا۔ نِرگُن دھار سرگُن نانک کِہا تیرا لہنا دینا ضرور، لوک مات ویکھ وکھائیا۔ جِس گوبِند منّ کے حاضر حضوُر، حضرتاں توں باہر دِتا سمجھائیا۔ پُرکھ اکال دیِن دَیال تک لےَ اگمّا نوُر، نوُر نوُرانہ ڈگمگائیا۔ جِس دا آد جُگاد اِک دستُور، نہ کوئی میٹے میٹ مِٹائیا ۔ دھرنی تیری آسا منسا پوُری کرے پوُر، پوُرن برہم دئے سمجھائیا۔ اِکو نام کرے مشہوُر، کلمہ اِکو اِک سُنائیا۔ دُئی دویَتی کرے دوُر، شرع شریِعت پندھ مُکائیا۔ جن بھگتاں بخش دے جنم کرم قصوُر، سِر سِر اپنا ہتّھ ٹِکائیا۔ بھنڈارا دے نام بھرپوُر، اتوٹ اتُٹ ورتائیا۔ تَینوُں ہونا نہ پئے مجبوُر، مُشکل تیری حل کرائیا۔ کلجُگ پندھ رہے نہ دوُر، نیرن نیرا دے وکھائیا۔ جوتی جوت سروُپ ہرِ، آپ اپنی کِرپا کر، دیونہارا ساچا ور، سچ دا مالک بےپرواہیِا۔ دھرنی کہے پربھوُ میَنوُں دے دے مزدوُری، جُگ چؤکڑی تیری سیو کمائیا۔ تُوں مالک میرا حضوُری، ہر ہِردے ویکھاں چائیں چائنیا۔ میری تک لےَ صبر صبوُری، صابر ہو کے دھیان لگائیا۔ میَں کلجُگ انتم تیری آسا رکھی ضروری، ضرورت اوَر نہ کوئے دِرڑائیا۔ میرے مِہربانا نؤجوانا سِری بھگوانا نوَ ستّ اِکو بخش اگمّی دھوُڑی، بِن چرناں ٹِکّے خاک رمائیا۔ جوتی جوت سروُپ ہرِ، آپ اپنی کِرپا کر، ایکا دینا ساچا ور، سچ دا سنگ آپ بنائیا۔ دھرنی کہے پربھوُ اپنی بخش اگمّی شکت، شخصیّت دیِن دُنی بدلائیا۔ کلجُگ ویس ویکھ لےَ انتم وقت، گھڑی پل تیرے چرن ٹِکائیا۔ نِگاہ مار لےَ وِچ جگت، دیِن دُنی کھوج کھوجائیا۔ بِن تیری کِرپا بنے کوئی نہ بھگت، بھگوَن بھگتی وِچ نہ کوئے سمائیا۔ لیکھے لگے نہ کِسے بوُند رَکت، ہڈ ماس ناڑی پنج تت کمّ کِسے نہ آئیا۔ میری اِکو بیننتی فقط، فِقرہ ڈھولا اِکو دیاں سُنائیا۔ سچکھنڈ نِواسی پُرکھ ابناشی آ جا پرت، پت پرمیشور ویس وٹائیا۔ میَں نِمانی کوجھی کملی تیری دھرت، دھوَل ہو کے منگ منگائیا۔ گُر اوتار پَیغمبراں پوُری کر دے شرط، جو شریِعت اصلیّت وِچ تیرا لیکھا گئے سمجھائیا۔ تُوں یودھا سوُربیِر مردانہ مرد، مدد تیری اِک رکھائیا۔ میرا دُکھیارن دا ونڈ درد، دردی ہو کے ویکھ وکھائیا۔ میرے اُتوں شرع چُھری میٹ دے کرد، قاتل مقتُول دا ڈیرہ ڈھاہیِا۔ ایہو بیننتی ایہو عرض، آشا تیرے اَگے رکھائیا۔ جُگ بدلنا تیرا فرض، کلجُگ سَتجُگ
لہنا دینا جھولی پائیا۔ انت اَخیِر بے نظیِر لاشریِک میری ایہو غرض، خواہش اپنی دیاں دِرڑائیا۔ میَں تیرا کھیل ویکھنا چاہُندی اسچرج، اچرج لیِلا دینی وکھائیا۔ اِکو تیرا نام نِدھانا سِری بھگوانا دو جہاناں مارے گرج، بھبک اِکو اِک سُنائیا۔ میرے اُتے سَت دھرم دی سِدھی کر دے نرد، جو نر سِنگھ ہو کے پرہلاد گیا دِرڑائیا۔ باوَن دھار میٹ دے گرد، بل دوارا دئے گواہیِا۔ جوتی جوت سروُپ ہرِ، آپ اپنی کِرپا کر، ایکا دینا ساچا ور، نِہکلنک نرائن نر، مہاراج شیرسِنگھ وِشنوُں بھگوان، میرا ہون نہ دیویں حرج، سِری بھگوانا اپنے چرناں وِچ لیَنا ٹِکائیا۔
۲۰ کتّک شہنشاہی سمت ۱۱ بلونت سِنگھ دے گرِہ پِنڈ تلونڈی جلو کے ضِلع فِروزپُر
دھرنی کہے پربھوُ میرے اُتوں کوُڑ دیِاں میٹ پابندیِاں، پاربرہم پربھ اپنا رنگ رنگائیا۔ دیِن دُنی دے اندروں واشنا کڈھ گندیِاں، امرت رس امیوں آپ چوائیا۔ نِج دھار ایکنکار دے نِج انندیا، انند انند وِچوں پرگٹائیا۔ تُوں میرا میَں تیرا دسّ دے چھندیا، سو پُرکھ نِرنجن ہنگ برہم اپنا میل مِلائیا۔ ساچا نوُر پرکاش کر دے چندیا، چند چاندنا اِکو ڈگمگائیا۔ کوُڑ کُڑیار دیِاں اندروں ڈھاہ دے کندھیِاں، گڑھ ہنکار دینا مِٹائیا۔ لیکھے تک لےَ اوتار پَیغمبراں گُروُآں والیِاں سندھیِاں، سندھیا کلجُگ نال مِلائیا ۔ میرے پُرکھ اکالے دیِن دَیالے اپنے لا لےَ انگیا، انگیکار آپ ہو جائیا۔ در بِھکھارن ہو کے منگاں منگیاں، مانگت ہو کے جھولی ڈاہیِا۔ کیتے جُگ چؤکڑی میرے اُتوں لنگھیاں، کلجُگ انتم ہونا آپ سہائیا ۔ منوُآ کھیل کرے وانگ فرنگیِاں، دہ دِشا بھجےّ واہو داہیِا۔ کوُڑ کُڑیار دیِاں آیوُ ہوئیاں لمبیِاں، پندھ سکے نہ کوئے مُکائیا۔ تُوں میرا میَں تیرا گائے کوئی نہ چھندیا، سوہلا ڈھولا راگ نہ کوئے دِرڑائیا۔ پروردِگار سانجھے یار دیِناں مذہباں تک لےَ ڈنڈیِاں، ڈنڈاوت تیری وِچ نہ کوئے سمائیا۔ تیریِاں دھاراں تیرے وِچھوڑے وِچ ہوئیاں رنڈیاں، آتم پرماتم میل نہ کوئے مِلائیا۔ جگت جہان بنیا روُپ پاکھنڈیِاں، بھیکھادھاری ہوئی سرِشٹ سبائیا۔ لہنا دینا کوُڑ کُڑیارا میٹ دے ڈمبیِاں، وِبھچاراں لیکھا دے مُکائیا۔ تُوں شاہو بھوُپ سوُرا سربنگیا، شہنشاہ نوُر الاہیِا۔ کلجُگ کنارہ ویکھ لےَ انتم کنڈھیا، گھاٹ پتن پھول پُھلائیا۔ وِدیا رہی نہ پاندھے پنڈیا، مُلّا شیخ مسائک نہ کوئے
چتُرائیا۔ تیریِاں پریِتاں جان کِسے نہ گنڈھیِاں، وِچھوڑا جگت نہ کوئے مُکائیا۔ سَت دھرم ہویا کھنڈ کھنڈیا، نؤ کھنڈ روون مارن دھاہیِا۔ دیِن دُنی پوُجے کریراں جنڈیِاں، شاہ پاتشاہ تیرا اِشٹ نہ کوئے منائیا۔ مانَو ذاتی تک لےَ ونڈیِاں، مانَس مانَو مانُکھ تیرے رنگ نہ کوئے سمائیا۔ جوتی جوت سروُپ ہرِ، آپ اپنی کِرپا کر، ایکا دینا ساچا ور، سچ دے مالک ہونا سہائیا ۔ دھرنی کہے پربھوُ میری حالت تیرے ترس یوگ، جُگتی اپنی نال بدلائیا۔ سَت دا رہیا کوئی نہ جوگ، جُگتی ہتّھ کِسے نہ آئیا۔ ہؤمے گھر گھر لگّا روگ، ہنگتا گڑھ نہ کوئے تُڑائیا۔ آتم پرماتم ملِے نہ کِسے سنیوگ، پاربرہم برہم میل نہ کوئے مِلائیا۔ سُرتی شبد کرے کوئی نہ بھوگ، بھسمڑ روُپ نہ کوئے لوکائیا۔ نوَ ستّ ہویا وِیوگ، وِچھوڑے وِچ سرب کُرلائیا۔ شبد دا ہووے کوئی نہ بودھ، بُدھی توں پرے نہ کوئے پڑھائیا۔ ہِردا سکے کوئی نہ سودھ، ودی سُدی نہ کوئے چتُرائیا۔ جوتی جوت سروُپ ہرِ، آپ اپنی کِرپا کر، ایکا دینا ساچا ور، سچ دے مالک ہونا سہائیا۔ دھرنی کہے پربھوُ میَنوُں انت اَخیِر تیرا سہارا، سہائک نائک اِکو نظری آئیا۔ تُوں پرم پُرکھ میرا قُدرت قادر کرتارا، کریِم رحیِم نوُر الاہیِا۔ جلوہ گر پروردِگارا، سانجھا یار اِک اکھوائیا۔ تیری قدم بوسی وِچ کراں نِمسکارا، ڈنڈاوت بندنا وِچ سیِس نِوائیا۔ تُوں چرن دھوُڑ موُرکھ موُڑھ بخشنی چھارا، ٹِکّے دھرم دھار رمائیا۔ میرے آد جُگادی برہم برہمادی تیرا کھیل تکاں نیارا، نِرنکار دینا وکھائیا۔ کلجُگ کوُڑی کِریا میٹ اندھیارا، اندھ آتم کر رُشنائیا۔ سچکھنڈ دوارے کوُک کوُک پُکاراں، پُنہ پُنہ تیرے چرناں سیِس نِوائیا ۔ میرے مِہربانا نؤجوانا میَنوُں دے ادھارا، سِر میرے ہتّھ ٹِکائیا۔ تُوں کل کلکی نِہکلنک چؤویِاں اوتارا، چؤبیسا جگدیِشا اِک اکھوائیا۔ اِمام اِماما جلوہ گر نوُر اُجیارا، جوتی جاتا ڈگمگائیا۔ تیرا شبد ناد دُھنکارا، انحد نادی راگ شنوائیا۔ تیرا بوُند سوانتی امرت رس ٹھنڈا ٹھارا، نابھی کَول کَول ٹپکائیا۔ میَں مانگت ہو کے در تیرے بنی بِھکھارا، خالی جھولی اَگے ڈھاہیِا۔ دھرنی کہے پربھوُ میَنوُں وست دے دے تھارا، تِھر گھر واسی اپنی دَیا کمائیا۔ میرا لہنا دینا پوُرب دے دے وِچ سنسارا، سنساری بھنڈاری سنگھاری نال مِلائیا۔ تُوں آد جُگادی برہم برہمادی ایکنکارا، اکل کل دھاری اِک اکھوائیا۔ کلجُگ انت سِری بھگوَنت تُدھ بِن اوَر نہ کوئے سہارا، سیِس بِن جگدیِش ہتّھ نہ کوئے ٹِکائیا۔ میری بیننتی منظور کریں نِمسکارا، ڈنڈاوت بندنا سجدیاں وِچ سیِس جھُکائیا۔ دھرنی کہے میَں رو رو کریا گِریہ زارا، بِن نیتر نیَناں نیِر وہائیا۔ تُوں میرا شاہو بھوُپ سِکدارا، شاہ پاتشاہ اِک اکھوائیا۔ جوتی جوت
سروُپ ہرِ، آپ اپنی کِرپا کر، ایکا دینا ساچا ور، نِہکلنک نرائن نر، مہاراج شیرسِنگھ وِشنوُں بھگوان، اِکو منگاں تیرا دوارا، دوُسر در منگن کوئے نہ جائیا۔
۲۱ کتّک شہنشاہی سمت ۱۱ سوہن سِنگھ دے گرِہ پِنڈ شاہ بُکر ضِلع فِروزپُر
دھرنی کہے پربھوُ ایکا نام دِرڑا دے سو، سو پُرکھ نِرنجن اپنی دَیا کمائیا۔ میرے اُتے دُتیا بھایو رہے نہ کو، دوُآ ایکا ایکا رنگ سمائیا۔ سرِشٹی درِشٹی جگت وِکارے نالوں کر نِرموہ، مُحبّت اپنے نال جُڑائیا۔ جیِواں جنتاں انتشکرن دُرمت میَل دھو، پتت پُنیِت اپنی دَیا کمائیا۔ کوُڑ کُڑیارا پنج وِکارا اندروں میٹ دے گروہ، مایا ممتا موہ دینا چُکائیا۔ آتم پرماتم تیرے نال سب دی جائے چھوہ، چھؤہر بانکے میلا میلنا چائیں چائنیا۔ کوُڑی کِریا کلجُگ میرے اُتوں کھوہ، سَت سچ وست دے ورتائیا ۔ جوتی جوت سروُپ ہرِ، آپ اپنی کِرپا کر، ایکا دینا ساچا ور، سچ دا سنگ آپ بنائیا۔ دھرنی کہے پربھوُ میری بیننتی کر پروان، پرم پُرکھ تیری سرنائیا۔ آد جُگادی میرے نِگاہبان، بِن نیَناں نیَن اُٹھائیا۔ تُوں سمرتھ پُرکھ والی دو جہان، پروردِگار اگمّ اتھاہیِا۔ کلجُگ کوُڑی کِریا میرے اُتے ہوئی پردھان، نوَ ستّ اپنا حُکم ورتائیا۔ دھرم دا رہیا نہ کوئے نِشان، نِشانہ دھرم نہ کوئے جھُلائیا۔ آتم پرماتم ملِے نہ کِسے گیان، جگت وِدیا دیِن دُنی وڈیائیا۔ سُرتی شبد ملِے کوئی نہ کاہن، رام راما رنگ نہ کوئے رنگائیا۔ جوتی جوت سروُپ ہرِ، آپ اپنی کِرپا کر، ایکا دینا ساچا ور، سچ دا سنگ آپ بنائیا۔ دھرنی کہے پربھوُ میرے نیتراں وگدا نیِر، نیتر لوچن اکھّ رہی شرمائیا۔ تُوں وڈ داتا گُنی گہیر، گہر گوَر دُھردرگاہیِا۔ مالک خالق پیِراں دا پیِر، پَیغمبر نوُر الاہیِا۔ آد جُگادی دستگیِر، ساجن میِت اِک اکھوائیا۔ میرے اُتے کلجُگ کوُڑی کِریا کر اَخیِر، آخر تیرے اَگے واسطہ پائیا۔ جو فِقریاں وِچ تیرا سندیسہ دے کے گئے فقیِر، الف یے نال وڈیائیا۔ میری بدل دے تقدیِر، تکبّر دیِن دُنی مِٹائیا۔ میَں درویشن ہوئی حقیِر، نِمانی ہو کے منگ منگائیا۔ میرا لیکھا پوُرا کر دے جو کہہ کے گیا کبیِر، کامل مُرشد تیری اوٹ تکائیا۔ شرع شریِعت توڑ زنجِیر، تن وجوُداں کر صفائیا۔ تُوں مالک میرا بے نظیِر، نظرّیہ سب دا دے بدلائیا۔ دیِن دُنی دا انتشکرن بدل ضمیِر، ظاہر ظہوُر ہو کے ویکھ وکھائیا۔ جوتی
جوت سروُپ ہرِ، آپ اپنی کِرپا کر، ایکا دینا ساچا ور، سچ دا پردہ آپ چُکائیا۔ دھرنی کہے پربھوُ مِہربان ہو کے آ جا، عاجز ہو کے سیِس نِوائیا۔ دو جہان بن راجا، رعیت ویکھ خلق خُدائیا۔ میرا دھرم سوار دے کاجا، کرنی دے کرتے دینی مان وڈیائیا۔ اوہ لیکھا تک لےَ جو اِشارہ دے کے گیا خِضر خواجا، سوُہ اپنی دھار دِرڑائیا۔ میَں بِنا زبان توں تَینوُں ماراں آوازا، چؤداں طبقاں باہر رہی سُنائیا۔ تیرا ظہوُر بے نظیِر تکنا دیس ماجھا، مجلس بھگتاں سنگ بنائیا۔ تیرا سَتگُر شبد اِکو ہووے جاگا، دوُسر لوڑ رہے نہ رائیا۔ ٹھاکر سوامی میرے گرِہ آ جا بھاگا، بِن قدماں قدم اُٹھائیا۔ میرے انتر اُپجے اِک وَیراگا، وَیری اندروں باہر کڈھائیا۔ کلجُگ جیِو ہنس بنا دے کاگا، کاگ وانگ نہ کوئے کُرلائیا۔ مانَو جاتی آتم پرماتم میل مِلا لےَ کنت سُہاگا، نار کنت اپنا نوُر کر رُشنائیا۔ جو اِشارہ دے کے گیا کرِشن نوُں رادھا، رہبر ہو کے ویکھ وکھائیا۔ سیِتا دھار جِس رام بھیوَ کُھلایا بودھ اگادھا، بُدھی توں پرے کر پڑھائیا۔ تُوں موہن مادھوَ مادھا، مدُھر دُھن دے سُنائیا۔ میرے اُتے نوَ کھنڈ پرِتھمی ستّ دیِپ تیرا گُلشن کھِڑیا ہووے باغا، پتّ ٹہنی پھل پُھل دینی مہکائیا۔ بِن تیل باتی کملاپاتی دیِپک جوت جگا چراغا، چراگاہاں کر رُشنائیا۔ سرِشٹی درِشٹی اِکو اِک پاربرہم برہم بخش دیس ماجھا، سمگری سچ سچ ورتائیا۔ اِکو تار سِتار وجائے ربابا، ربےّ عالمیِن یامبیِن تیری اوٹ تکائیا۔ جوتی جوت سروُپ ہرِ، آپ اپنی کِرپا کر، ایکا دینا ساچا ور، نِہکلنک نرائن نر، مہاراج شیرسِنگھ وِشنوُں بھگوان، تیرا لہنا دینا اوتار پَیغمبراں گُروُآں بعدا، بے آباد آباد دینا کرائیا۔