۲۷ کتّک شہنشاہی سمت ۱۱ کھیم سِنگھ دے گرِہ کوٹ کپوُرا شہر ضِلع فریِدکوٹ
دھرنی کہے پربھوُ میرا دیِن دُنی دا تک لےَ کوٹ، نوَ نوَ چار دے مالک دھیان لگائیا۔ مانَس مانَو مانُکھ تیرا نوُر الاہی اگمّی جوت، جوتی جاتے پُرکھ بِدھاتے سَت سروُپ نظری آئیا۔ نِرگُن نِروَیر نِرنکار سب دے اندروں کڈھ دے کھوٹ، موُرکھ موُڑھ اگیان اپنے رنگ رنگائیا۔ کلجُگ کوُڑ کُڑیارا سماں بیِت گیا بہُت، سرِشٹی درِشٹی اندر لیکھا لہنا دینا چُکائیا۔ نؤ دوارے جگت واسنا دھرم دی دھار کھول دے سوت، سوئی سُرت اکال موُرت آپ اُٹھائیا۔ پرم پُرکھ پرماتم آتما تیری گوت، دوُسر ورن برن نظر کوئے نہ آئیا۔ جوتی جوت سروُپ ہرِ، آپ اپنی کِرپا کر، ایکا دینا ساچا ور، سچ دی آسا پوُر کرائیا۔ دھرنی کہے میرے پربھوُ میَں مانگت کھڑی حضوُر، حاضر ہو کے سیِس نِوائیا۔ امرت رس بخش دے کپوُر، پوِتر اپنا نام پرگٹائیا۔ جوتی جاتے اُجالا دے دے نوُر، نوُر نوُرانہ ڈگمگائیا۔ میرا پندھ مُکا دے نیڑا دوُر، دو جہاناں واٹ رہے نہ رائیا۔ میری بیننتی بِنَے کر منظور، منسا تیرے چرن ٹِکائیا۔ جو آسا رکھ کے گیا موُسیٰ اُتے کوہ طوُر، تُرت ویکھنا تھاؤں تھائنیا۔ جو سندیسہ دِتا سوُلی چڑھن لگّیاں منصوُر، منسا تیرے رنگ رنگائیا۔ میَں دُکھاں وِچ ہوئی مجبوُر، مِہربان میرا لہنا دینا دینا چُکائیا۔ میرے توں کلجُگ کِریا میٹ دے کوُڑ، کوُڑ کُٹمب دے مِٹائیا۔ میَں چاہُندی تیری اِکو دھوُڑ، ٹِکّے مستک خاک رمائیا۔ دیِن دُنی چتُر سُگھڑ بنا دے موُرکھ موُڑھ، دُرمت میَل دھوائیا۔ کایا ماٹی تن خاکی رنگ چاڑھ دے گوُڑھ، دو جہاناں نؤجوانا اُتر کدے نہ جائیا۔ جوتی جوت سروُپ ہرِ، آپ اپنی کِرپا کر، ایکا دینا ساچا ور، در ساچے آس رکھائیا۔ دھرنی کہے پربھوُ میرے اُتے تیرا اِکو وجے ڈنکا، ڈؤروُ جگت نظر کوئے نہ آئیا۔ میرا سَت دوار سُہا دے بنکا، گرِہ مندر دے وڈیائیا۔ مان بخش دے راؤ رنکا، شاہ کنگالاں اِکو سنگ بنائیا۔ اوہ لیکھا لہنا پوُرا کر دے جو سندیسہ دے کے گیا جنکا، تریتا جُگ دئے گواہیِا۔ دیِن دُنی دا اندروں پھیر دے من کا منکا، منسا منسا وِچوں بدلائیا۔ تُوں مالک خالق واسی پُری گھنکا، اکل کل دھاری تیرے ہتّھ وڈیائیا۔ گڑھ توڑ دے ہؤمے ہنگتا، ہنگ برہم دے سمجھائیا۔ تُوں بودھ اگادھا پنڈتا، نِراکھّر کر پڑھائیا۔ چار ورن اٹھاراں برن اِکو بنا دے سنگتا، سگلا سنگی آپ ہو جائیا۔ جھگڑا مُکا دے پنج تت تن کا، تتو تت اِکو بھیوَ کُھلائیا۔ لیکھا رہے نہ خوشی غم کا، غم خوار لہنا دینا دینا مُکائیا۔ ونجارا رہے نہ کوئی درِشٹی چمّ کا، چمّ
درِشٹی دینی بدلائیا۔ جگت جہان ونجارا ہووے اِکو دھرم کا، دھرم دی دھار دینی پرگٹائیا۔ روُپ انوُپ وکھاؤنا اِکو برہم کا، پاربرہم پردہ آپ چُکائیا۔ جوتی جوت سروُپ ہرِ، آپ اپنی کِرپا کر، ایکا دینا ساچا ور، سچ دا سنگ آپ بنائیا۔ دھرنی کہے پربھوُ میرے اُتے بھیوَ کھول دے آپ، آپ اپنی دَیا کمائیا۔ جُگ چؤکڑی میرے اُتوں میٹ سنتاپ، سگلے سنگی ہو سہائیا۔ کلجُگ کوُڑ کُکرم رہے نہ پاپ، دُرمت میَل دینی دھوائیا۔ جگت اندھیرا میٹ دے رات، شمع نوُر جوت کر رُشنائیا۔ انت کنت بھگوَنت میری پُچھ وات، واتاوَرن تک خلق خُدائیا۔ چرن پریِتی اِکو بخش دے اپنا نات، دوُسر سنگ نہ کوئے بنائیا۔ میرا کوُڑ کُکرم دا لیکھا مُکا دے کھات، پِچھلا لہنا رہے نہ رائیا۔ لیکھا لِکھ دے نال قلم دوات، شاہی اپنا رنگ رنگائیا۔ پرگٹ ہو کے وِچ لوک مات، ماتر بھوُمی دے وڈیائیا۔ تُوں میرا سوامی کملاپات، پت پرمیشور اِک اکھوائیا۔ بِن نیَناں میرے ولّ جھاک، جھاکی مِٹّی خاکی اُتے اپنی آپ ٹِکائیا۔ جوتی جوت سروُپ ہرِ، آپ اپنی کِرپا کر، ایکا دینا ساچا ور، سچ دا پردہ آپ اُٹھائیا۔ سو پُرکھ نِرنجن کہے دھرنی نِرگُن داتا ہو کے آواں گا، ہرِ پُرکھ نِرنجن ہو کے ویس وٹاواں گا۔ ایکنکار ہو کے بھیوَ چُکاواں گا۔ آد نِرنجن ہو کے ڈگمگاواں گا۔ ابناشی کرتا ہو کے پھیرا پاواں گا۔ سِری بھگوانا ہو کے ویکھ وکھاواں گا۔ پاربرہم اپنا پردہ آپ چُکاواں گا۔ سَتگُر شبد شبد اُٹھاواں گا۔ وِشن برہما شِو نال مِلاواں گا۔ اوتار پَیغمبر گُروُ سنگ بناواں گا۔ جوتی جاتا پُرکھ بِدھاتا ہو کے ڈگمگاواں گا۔ چار جُگ دا لہنا دینا تیری جھولی پواواں گا۔ چار جُگ دے شاستر پھول پُھلاواں گا۔ اکھّر اکھّر لیکھ لِکھاواں گا۔ پتر پتر گنڈھ پواواں گا۔ جو گوبِند یارڑا لتّھا ستھر، سیج سُہنجنی سوبھا پاواں گا۔ دھرتیئے موُل وہا نہ اتھر، تیرے ہنجھوُآ ں ہار بناواں گا۔ میری مہما سدا اکتھن، اکتھ کتھا آپ دِرڑاواں گا۔ کلجُگ کوُڑی کِریا کرکے متھن، سَتجُگ سچ چند آپ چمکاواں گا۔ تیری پَیج آواں رکھن، نِرگُن ہو کے ویس وٹاواں گا۔ اِکو ڈھولا میرا نام سارے جپن، تُوں میرا میَں تیرا راگ دِرڑاواں گا۔ اِکو گھاٹ ہووے پتن، سرِشٹی اِکو گھر سُہاواں گا۔ کِسے دا چلے کوئی نہ یتن، یتھارتھ اپنا حُکم ورتاواں گا۔ تیرا پوِتر کرکے لوک مات دا وطن، بےوطناں اپنا کھیل کھِلاواں گا۔ سچ دوار دا کھول دے ہٹّن، سچ نام اِک ورتاواں گا۔ کلجُگ کوُڑی کِریا ڈوری آواں کٹن، کٹاکش اپنا حُکم سمجھاواں گا۔ امرت آتم نِجھر جھِرنیوں بوُند سوانتی آواں جھٹن، بجر کپاٹی پردہ آپ کُھلاواں گا۔ شبد انادی ناد گھر گھر سُناواں ندن، انحد نادی ناد
وجاواں گا۔ جوتی دیِپک کایا مندر اندر جگن، نوُر نوُرانہ ہو کے ڈگمگاواں گا۔ بھاگ لگا کے سرِشٹی کایا ماٹی بدن، تن وجوُداں ویکھ وکھاواں گا۔ تُوں خوشیاں نال پھیر لگّیں بھجّن، بھجن بندگی سب دی آپ بدلاواں گا۔ اِکو چرن دھوُڑ کرا کے مجن، سر سروور اِک وکھاواں گا۔ تیرے پردے آواں کجّن، سِر سِر اپنا ہتّھ ٹِکاواں گا۔ تیرا لیکھا رہن نہ دیواں ادّھن، وکھری ونڈ نہ کوئے ونڈاواں گا۔ میَں نوُر الاہی نظر اِکو آواں ربّن، جلوہ جلوہ گر آپ پرگٹاواں گا۔ جِس نوُں کہندے گوپال موُرت مدن، موہنی اپنا کھیل کھِلاواں گا۔ جوتی جوت سروُپ ہرِ، آپ اپنی کِرپا کر، دیونہارا ساچا ور، سچ دی کرنی کار کماواں گا۔ دھرنی کہے پربھوُ میَں تیرا شُکر مناواں گی۔ جوتی جاتے پُرکھ بِدھاتے تیرے گُن گاواں گی۔ دیِن دَیال دَیا نِدھ ٹھاکر، تیری دھوُڑی خاک رماواں گی۔ اگمّ اتھاہ میرے گہر گمبھیِر ساگر، سروور تیرے وِچ نہاواں گی۔ میرا نِرمل کرم کرنا اُجاگر، دُرمت میَل میَل دھواواں گی۔ اِکو نام دی بنا سؤداگر، ونج اِکو اِک رکھاواں گی۔ تُوں میرا کریِم قادر، قُدرت دے مالک تیری اوٹ تکاواں گی۔ جو اِشارہ دے کے گیا گُر تیغ بہادر، اوہ وست تیرے کولوں منگ منگاواں گی۔ تُوں میرا پِدر مادر، مات پِت تَینوُں اِک رکھاواں گی۔ میری آلس کھولنی نِندر، سوادھان ہو کے تیرا شُکر مناواں گی۔ میرے گرِہ دا قُفل توڑنا جِندر، زِندگانی تیرے چرن ٹِکاواں گی۔ جو آشا رکھ کے گیا کاہن واسی متھرا بن بِندر، بِندوُ تیرا راہ تکاواں گی۔ جوتی جوت سروُپ ہرِ، آپ اپنی کِرپا کر، ایکا دینا دُھر دا ور، مانگت ہو کے جھولی ڈاہواں گی۔ پُرکھ اکال کہے دھرنی نِرگُن جوت جوت رُشناواں گا۔ جوتی جاتا ہو کے ویس وٹاواں گا۔ پُرکھ بِدھاتا کرنی کار کماواں گا۔ کلجُگ میٹ اندھیری راتا، سَتجُگ سَت چند چمکاواں گا۔ تَینوُں بنا کے پھیر دھرم دی ماتا، دھرنیئے تیرا درد ونڈاواں گا۔ انتم آ کے پُچھاں واتا، وارث ہو کے کھیل کھِلاواں گا۔ میَنوُں سب نے کِہا جوتی جاتا، جاگرت جوت اِک پرگٹاواں گا ۔ تیرا بھیوَ کُھلاواں باطن اگمّی سُناواں باتا، جگت وِدیا نہ کوئے دِرڑاواں گا۔ چرن پریِتی جوڑ کے ناتا، رِشتہ فرِشتیاں باہر سمجھاواں گا۔ تیری کلجُگ کوُڑ دی میٹ کے واٹا، اگلا مارگ اِک وکھاواں گا۔ جوتی جوت سروُپ ہرِ، آپ اپنی کِرپا کر، دیونہارا ساچا ور، سچ دی کرنی کار کماواں گا۔ دھرنی کہے پربھوُ جد میرے اُتے آؤگے۔ دیِن دَیال ویس وٹاؤگے۔ جوتی جاتے جوت جگاؤگے۔ شبد انادی ناد سُناؤگے۔ بودھ اگادھی آپ پڑھاؤگے۔ موہن مادھوَ مادھی درس دِکھاؤگے۔ میَں نِمانی کملی کوجھی تَینوُں رہی ارادھی، ارادھنا
میری لیکھے پاؤگے۔ میَں چار جُگ دی سِدھی سادی، صدقے واری تیرے اتوں گھولی گھول گھُماؤگے۔ میرے پربھوُ پرماتم جُگ بدلن دی تَینوُں وادی، کی میرا وعدہ پوُر کراؤگے۔ اوہ ویکھ لؤ کلجُگ دی کِتنی ودھی آبادی، جن سنکھیا کیہڑی کھاٹ سُہاؤگے۔ تیری کھیل پربھوُ کِس بِدھ ورتنی ڈاڈھی، بھیوَ ابھید آپ جناؤگے۔ جوتی جوت سروُپ ہرِ، آپ اپنی کِرپا کر، ایکا دینا ساچا ور، سچ دا سنگ آپ بناؤگے۔ پُرکھ اکال کہے دھرنی روُپ انوُپ پرگٹاواں گا۔ شاہو بھوُپ اکھواواں گا۔ سَت سروُپ درساواں گا۔ سَتگُر شبد دُلارا پوُت، اِک اُٹھاواں گا۔ جو پِھرے تیری چارے کوُٹ، دہ دِشا آپ دِرڑاواں گا ۔ جو ہر ہِردے ویکھے جوُٹھ جھوُٹھ، کام کرودھ لوبھ موہ ہنکار ویکھ وکھاواں گا۔ جِس دا چار جُگ دے شاستر دین ثبوُت، سو مالک ہو کے کار کماواں گا۔ نِگاہ مار کے وِچ کایا بُت، بُتخانیاں پردہ لاہواں گا۔ تیرے اُتے سُہنجنی کراں رُت، رُتڑی اپنے نال مہکاواں گا۔ کھیل کراں بن ابناشی اچُت، چیتن اپنا حُکم جناواں گا۔ جوتی جوت سروُپ ہرِ، آپ اپنی کِرپا کر، کرے کھیل ساچا ہرِ، سچ دا حُکم اِک ورتاواں گا ۔ دھرنی کہے پربھوُ میَں تیری رکھاں اُڈیِک، آمد وِچ دھیان لگائیا۔ میَنوُں شبدی دسّ تاریخ، تاریخ دے دِرڑائیا ۔ کِس بِدھ میرے اُتوں میٹیں اندھیرا تاریِک، کلجُگ کِریا کوُڑ دئیں گوائیا۔ کِس بِدھ ساچے نام کلمے کریں تبلیغ، دیِن دُنی دُنی پڑھائیا۔ میری آسا منسا پوُری کریں اُمیِد، ترِسنا ترِکھا دوُر کرائیا۔ کِس دھار نال چار جُگ دا لیکھا کریں تصدیِق، شہادت اپنا نام بُھگتائیا۔ تُوں سچکھنڈ دا وسنیِک، میَں دھرنی لوک مات تیرا راہ تکائیا۔ کوَن کوُٹے آئی میرے نزدیِک، میَنوُں سہج نال سمجھائیا۔ تُوں مالک لاشریِک، شِرکت وِچ کدے نہ آئیا۔ میَنوُں ساچی دسّ پریِت، پریِتم ہو کے دے سمجھائیا۔ میری کایا کر دے ٹھانڈی سیِت، اگنی تت تت بُجھائیا۔ میرے اُتوں جھگڑا مِٹاؤنا مندر مسیِت، کایا کعبہ اِک سمجھائیا۔ کلجُگ وِچ سَتجُگ بدل دے ریِت، ریِتیوان تیری بےپرواہیِا۔ تُوں ہر گھٹ وسنا چیِت، من ٹھگؤری دے چُکائیا۔ جھگڑا رہن نہ دیویں ہست کیِٹ، اوُچاں نیِچاں گنڈھ پوائیا۔ بے شک تیرا روُپ سدا انڈیٹِھ، جگ نیتر ویکھن کوئے نہ پائیا۔ میَنوُں چاڑھ دے رنگ بسیِٹھ، دو جہاناں اُتر کدے نہ جائیا۔ میرے ولّ کروٹ بدل لےَ پیِٹھ، سنمُکھ ہو کے درس دِکھائیا۔ کلجُگ جیِو رہن دینے نہیں کؤڑے ریِٹھ، امرت رس اندر دینا بھرائیا۔ ہر رسنا نام بخشنا میِٹھ، تُوں میرا میَں تیرا ڈھولا گائیا۔ تُوں مالک خالق پتت پُنیِت، پاوَن باوَن تیری بےپرواہیِا۔ جوتی جوت سروُپ ہرِ، آپ اپنی
کِرپا کر، ایکا دینا دُھر دا ور، دُھر مالک دَیا کمائیا۔ پُرکھ اکال کہے دھرنیئے میَں کلجُگ کوُڑ مِٹاواں گا۔ موُرکھ موُڑھ سُگھڑ بناواں گا۔ تَینوُں بخش کے چرن دھوُڑ، ٹِکّے سچ خاک رماواں گا۔ کلجُگ توڑ کے گڑھ غروُر، ہؤمے ہنگتا میٹ مِٹاواں گا۔ ساچے نام دا دے سروُر، سُرتی شبد نال جُڑاواں گا۔ سنمُکھ ہو کے حاضر حضوُر، حضرتاں دے لیکھے پوُر کراواں گا ۔ کلجُگ پائے نہ تیرے اُتے فتُور، فتویٰ اِکو وار لواواں گا۔ ایہہ جُگ میرے مزدوُر، مزدوُری سب دی ویکھ وکھاواں گا ۔ ساچی وست نام دے بھرپوُر، تیری اوُنتا تیری جھولی پاواں گا۔ جوتی جوت سروُپ ہرِ، آپ اپنی کِرپا کر، دیونہارا ساچا ور، سچ دی کرنی کار کماواں گا۔ دھرنی کہے پربھوُ نِرگُن میرے اُتے آئیگا۔ سَت امولک وست اِک ورتائیگا۔ میری کایا گولک آپ ٹِکائیگا۔ دیِن دُنی خوشی نال ورتائیگا۔ تیرا لہنا دینا بیِس بیِسے ایکا نایا اوتار اُنی، اُنیسے کی اپنی کھیل کھِلائیگا۔ تُوں وڈ داتا گُن گُنی، گہر گمبھیِر کی اپنا حُکم ورتائیگا۔ تُوں لکھّ چؤراسی چھانی پُنی، کِس بِدھ سب دے لیکھے جھولی پائیگا۔ میَں اِکو سُننی چاہُندی تیری دُھنی، دُھن آتمک راگ کی دِرڑائیگا۔ تُوں مالک کُن کُنی، کُل مالک کی حُکم ورتائیگا۔ میَں تَینوُں ویکھاں کِس بِدھ ہوویں صُلح کُلی، سب دا ساچا سنگ نِبھائیگا۔ جھگڑا میٹ کے جاپ بُلِیں، اجپا جاپ آپ جپائیگا۔ جوتی جوت سروُپ ہرِ، آپ اپنی کِرپا کر، ایکا دینا ساچا ور، سچ دی کرنی کار کمائیگا۔ پُرکھ اکال کہے دھرنی میَں اپنا کھیل کھِلاواں گا۔ جوتی جوت نوُر رُشناواں گا۔ بھگت سُہیلے آپ اُٹھاواں گا۔ گُر چیلے میل مِلاواں گا۔ سجّن سُہیلے رنگ رنگاواں گا۔ سب نالوں وکھرے کر نویلے، اپنا بھیوَ دِرڑاواں گا۔ سجّن سُہیلے سنگ سُہاواں گا۔ آتم پرماتم کرکے میلے، پاربرہم برہم وِچ رکھاواں گا۔ آون جاون کٹ کے دھرم رائے دی جیلے، چؤراسی پندھ مُکاواں گا۔ جوتی جوت سروُپ ہرِ، آپ اپنی کِرپا کر، دیونہارا ساچا ور، سد پردہ آپ اُٹھاواں گا۔ دھرنی، پردہ آپ چُکاواں گا۔ بھگت بھگوان میل مِلاواں گا۔ بن کے جگت سُہیل سنگ رکھاواں گا۔ دیِپ جگا کے بِن باتی تیل ڈگمگاواں گا۔ -------------- --- اپنی کل ورتاواں گا۔ جوتی جوت سروُپ ہرِ، آپ اپنی کِرپا کر، دیونہارا ساچا ور، سچ دا مالک اِک اکھواواں گا۔ دھرنی کہے پربھوُ میری نمو نمو ڈنڈاوت، بندنا سجدیاں وِچ سیِس نِوائیا۔ میرے اُتوں کلجُگ کِریا کوُڑ میٹ بغاوت، بغلگیِر کر خلق خُدائیا۔ ساچے نام دی دے سخاوت، سُخن اوتار پَیغمبراں گُروُآں پوُر کرائیا۔ دُھر دے نام دی دے اَمانت، حق حق میرے اُتے ٹِکائیا۔ کلجُگ میٹ اندھیری رَین
شامت، سَتجُگ سچ کر رُشنائیا۔ میَں موُرکھ موُڑھ اَنجانت، تُوں دیونہار گوسائنیا۔ دھرنی کہے میرے پُرکھ اکالے دیِن دَیالے پروردِگار سانجھے یار صحیح سلامت، سدا سدا در تیرے سیِس نِوائیا۔ جوتی جوت سروُپ ہرِ، آپ اپنی کِرپا کر، ایکا دینا ساچا ور، نِہکلنک نرائن نر، مہاراج شیرسِنگھ وِشنوُں بھگوان، در دوار اپنے دے مانت، مان نِمانیاں اپنے انگ لگائیا۔
۲۸ کتّک شہنشاہی سمت ۱۱ مگھّر سِنگھ دے گرِہ پِنڈ برگاڑی ضِلع فریِدکوٹ
دھرنی کہے پربھوُ میرے ویکھ لےَ ڈوُنگھے ساگر، سمُند سرووراں دھیان لگائیا۔ نِگاہ مار لےَ ساڈھے تِنّ ہتّھ کایا ماٹی گاگر، تن وجوُداں پھول پُھلائیا۔ تیرے نام دا بنے نہ کوئے سؤداگر، ونج حق نہ کوئے کرائیا۔ نِرمل کرم ہوئے نہ کِسے اُجاگر، دُرمت میَل نہ کوئے دھوائیا۔ سچ دوار ایکنکار ملِے کِسے نہ آدر، درس تیرا ویکھن کوئے نہ پائیا۔ تُوں کرتا کریِم قادر، قُدرت دا مالک اِک اکھوائیا ۔ آد جُگادی سوُربیِر بہادر، مہابلی نوُر الاہیِا۔ جوتی جوت سروُپ ہرِ، آپ اپنی کِرپا کر، ایکا دینا ساچا ور، سچ دے مالک دُھردرگاہیِا۔ دھرنی کہے پربھوُ تیرے چرناں میری قدم بوسی، بِن رسنا جِہوا مُکھ رس اپنے اندر ٹِکائیا۔ میرے اُتے دیِن دُنی ہوئی دوشی، دوش ویکھنا تھاؤں تھائنیا۔ میَں بےحال ہوئی وِچ بے ہوشی، سُرتی سچ رہی نہ رائیا۔ مان گیا جگت وِدیا کوشی، کُشلتا وِچ دِسے نہ خلق خُدائیا۔ سچ پیار وِچ رہے نہ کوئی مدھ ہوشی، مدُھر دُھن سُنن کوئے نہ پائیا۔ اوتار پَیغمبر گُر سارے کر گئے خاموشی، نعرہ ڈنک شبد نہ کوئے وجائیا۔ دُنیا کوُڑ کُڑیار دی دھار ہو گئی پوشی، پیشیِن گوئیاں تیریِاں سمجھ کِسے نہ آئیا۔ پردہ لاہ نہ سکے کوئی پنڈت پاندھا جوشی، بھیوَ ابھید نہ کوئے کُھلائیا۔ جوتی جوت سروُپ ہرِ، آپ اپنی کِرپا کر، ایکا دینا ساچا ور، ہرِ سچ تیری وڈیائیا۔ دھرنی کہے پربھوُ میَں مستک لاواں تیری دھوُل، دھرم دھار وڈیائیا۔ میرے اُتوں کوُڑ دا میٹ اصوُل، اصل وصل دے یار خُدائیا۔ جو سندیسہ دے کے گئے پَیغمبر رسوُل، رسنا جِہوا جگت سُنائیا۔ سو پُرکھ اکالے کر قبوُل، کامل مُرشد ہو کے ویکھ وکھائیا۔ میرا اصل چُکا دے موُل، مانگت ہو کے جھولی ڈاہیِا۔ تُوں دُھر دا
کنت کنتُوہل، سوامی ٹھاکر اِک اکھوائیا۔ اِشارہ دے دے شنکر دھار ترِسوُل، ترےَگُن اتیِتے آپ دِرڑائیا ۔ تیرا حُکم ہووے معقوُل، نہ کوئی میٹے میٹ مِٹائیا۔ جوتی جوت سروُپ ہرِ، آپ اپنی کِرپا کر، ایکا دینا ساچا ور، سچ دا سنگ آپ بنائیا۔ دھرنی کہے پربھوُ تیرے چرن کوَل میرا ہووے سِر سر، تن خاکی ماٹی تیری بھیٹ کرائیا۔ تُوں کِرپا نِدھان کِرپا کر، مِہربان دَیا کمائیا۔ کلجُگ کوُڑی کِریا میرے اُتوں جائے ہڑ، ہر ہِردے کر صفائیا۔ پوِتر کر دے ناری نر، نر نرائن دَیا کمائیا۔ میَں مانگت ہوئی تیرے در، درگاہ ساچی سیِس جھُکائیا۔ تُوں پُرکھ اکال کِرپا میرے اُتے کر، کرنہار تیری بےپرواہیِا۔ سَتجُگ ساچا دھرنی دھرت دھوَل اُتے دھر، دھؤل ہو کے واسطہ پائیا۔ اِکو وِدیا سرِشٹی درِشٹی اندر تیری جائے پڑھ، نام کلمہ اِک سمجھائیا۔ جھگڑا مُکا دے سیِس دھڑ، تن وجوُد نہ کوئے لڑائیا۔ ہؤمے قِلعہ توڑ ہنکاری گڑھ، ہنگ برہم دے سمجھائیا۔ جگت جہان اگنی اگّ جائے نہ سڑ، امرت میگھ دینا برسائیا۔ پرماتم بندھا لےَ اپنے لڑ، سُرتی شبد جوڑ جُڑائیا۔ میَں سچ دوار ایکنکار تیرے ڈھولے رہی پڑھ، درگاہ ساچی سیِس نِوائیا۔ جوتی جوت سروُپ ہرِ، آپ اپنی کِرپا کر، ایکا دینا ساچا ور، سچ دی آسا پوُر کرائیا۔ دھرنی کہے پربھوُ تُوں آد جُگادی دیون یوگ، جُگتی تیری بےپرواہیِا۔ میرا سَتجُگ نال کر سنیوگ، میلا میل سہج سُبھائیا۔ کلجُگ کوُڑی کِریا کٹ دے روگ، ہؤمے ہنگتا دوُر کرائیا۔ اپنا درس دے اموگھ، پردہ پردیاں وِچوں اُٹھائیا۔ نام نِدھان بخش دے چوگ، چُغلی نِندیا رہے نہ رائیا۔ چرن پریِتی دے دے جوگ، جُگیِشراں اپنے رنگ سمائیا۔ آتم پرماتم تیرا ہووے بھوگ، بھسمڑ ہو کے کھیل کھِلائیا۔ جگت شرع پا نہ سکے وِیوگ، وِچھوڑا اندروں باہر کڈھائیا۔ میرے اُتے تیری مانَو ذاتی مانے مؤج، مجلس بھگتاں نال رکھائیا۔ تیرے شبد دی بِن تیری کِرپا نہ ہووے کھوج، کھوجت کھوجت تھکی سرب لوکائیا۔ میرے پُرکھ اکالے دیِن دَیالے سَت دھرم دا میرے اُتے کر دے چوج، چوجی پریِتم ہو کے ویکھ وکھائیا۔ جن بھگت سُہیلے تیرا درشن کرن روز، روزانہ اپنا رنگ رنگائیا۔ اپنا بھیوَ کُھلا دے گوجھ، پردہ پردیاں وِچوں اُٹھائیا۔ جوتی جوت سروُپ ہرِ، آپ اپنی کِرپا کر، ایکا دینا ساچا ور، نِہکلنک نرائن نر، مہاراج شیرسِنگھ وِشنوُں بھگوان، تیرا حُکم شبد نام نِدھانا اگادھ بودھ، بُدھی توں پرے بھیوَ دینا جنائیا۔
۲۸ کتّک شہنشاہی سمت ۱۱ چنّن سِنگھ دے گرِہ پِنڈ واندر ضِلع فریِدکوٹ
دھرنی کہے سو پُرکھ نِرنجن میرے راجن، شاہ سُلطان نؤجوان تیری سرنائیا۔ ہرِ پُرکھ نِرنجن آد جُگادی ساجن، سَت ستوادی برہم برہمادی تیری اوٹ تکائیا۔ ایکنکار وجاوَنہار اگمّی نادن، دو جہان برہمنڈ کھنڈ تیری شنوائیا۔ آد نِرنجن ہو مِہربان، مِہربان مِہر نظر اُٹھائیا۔ ابناشی کرتے دینا دان، داتے دانی آپ ورتائیا۔ سِری بھگوان کِرپا کرنی مہان، کِرپن ہو کے منگ منگائیا۔ پاربرہم پربھ میری کریں پہچان، بِن نیتر لوچن نیَن اکھّ اُٹھائیا۔ سَتگُر شبد آد جُگادی نؤجوان، سوُربیِر بلوان اپنی لےَ انگڑائیا۔ وِشن برہما شِو دسّنا کھیل مہان، بھیوَ ابھیدا آپ کُھلائیا۔ اوتار پَیغمبر گُروُ بیننتی کرو پروان، پرا پسنتی مدھم بَیکھری توں باہر رہی سُنائیا۔ میرے اُتے سَتجُگ تریتا دواپربیِتیا کلجُگ ہویا مات پردھان، نوَ ستّ اپنا کھیل کھِلائیا۔ مایا ممتا کِریا کوُڑ ہوئی شیَطان، شرع شریِعت اپنی کل ورتائیا۔ سَت دھرم دا نوَ کھنڈ ستّ دیِپ رہیا نہ کوئے نِشان، نِشانی دیِن دُنی بدلائیا۔ میَں صدی چؤدھویِں ہوئی انت حَیران، حَیرانی وِچ میری دُہائیا۔ چار کُنٹ ہوویں نِگاہبان، اُتّر پوُرب پچھّم دکھّن ویکھنا چائیں چائنیا۔ چار جُگ دے شاستر کوُک کوُک سُنان، دروہی دروہی کر سُنائیا۔ اٹھسٹھ تیِرتھ جل دھارا سانتک سَت دِسے نہ کوئے وِچ جہان، امرت میگھ میگھ نہ کوئے برسائیا ۔ مندر مسجد شِودوالے مٹھ پِھردے بے اِیمان، گُروُدوارے چرچاں چراگاہاں کھوج کھوجائیا۔ پِھر گئی دروہی میرے وِچ زِمیں اسمان، چؤداں لوک چؤداں طبق سنگ نہ کوئے بنائیا۔ سچکھنڈ نِواسیو سارے اِکٹّھے ہو کے آؤ میرے دھرم والے میَدان، دوُر دُراڈے اپنا پندھ مُکائیا۔ اپنے نام کلمے منتر اکھّراں والے ویکھو کلام، کائنات اندر دھیان لگائیا۔ جو سندیسہ دے کے گئے پیشیِن گوئیاں وِچ پَیغام، پیشتر پردہ دیؤ کُھلائیا ۔ نِگاہ مار لؤ اپنے دیِن مذہب وِچ اِیمان، عمل ویکھو خلق خُدائیا۔ ہِردے وسے نہ کِسے بھگوان، رسنا جِہوا بُلّاں نال سارے گائیا۔ امرت رس ملِے نہ کِسے پیِن کھان، جگت ترِسنا بُھکھ نہ کوئے مِٹائیا۔ شبد انادی سُنے نہ کوئے دُھنکان، انحد نادی ناد نہ کوئے شنوائیا۔ دیِپک جوتی کایا مندر نظر نہ آئے مہان، بِن تیل باتی ڈگمگائیا۔ میرا نوَ کھنڈ دوارا ہویا سُنّج مسان، ساچا سنگ نہ کوئے نِبھائیا۔ دھرنی کہے میَں رو رو کے چار جُگ توں وکھرا دیاں بیان، جِس نوُں کلم بند سکے نہ کوئے کرائیا ۔ کوئی کاتب لیکھ لِکھاری لِکھ سکے نہ جگت جہان، قلم شاہی چلے نہ کوئے چتُرائیا۔ میَں دھرنی دھرت دھوَل دھؤل نؤ سؤ
چُرانوے چؤکڑی جُگ دا دین لگّی بیان، پردہ پردیاں وِچوں اُٹھائیا۔ جوتی جوت سروُپ ہرِ، آپ اپنی کِرپا کر، ایکا دینا ساچا ور، در ساچے الکھ جگائیا۔ دھرنی کہے پربھوُ میری اِکو اِک الکّھ، الکھ اگوچر دیاں دِرڑائیا۔ نِرگُن دھار ہو پرتکھ، پاربرہم پت پرمیشور اپنا ویس وٹائیا۔ جِؤں بھاوے میَنوُں لیَنا رکھ، رکھک ہو کے ہونا سہائیا۔ دھرم دھار دی میری جھولی ویکھ لےَ سکھ، وست نام نظر کوئے نہ آئیا۔ میَں سچ سنیہڑا اِکو رہی دسّ، دہ دِشا دھیان لگائیا۔ لکھّ چؤراسی جیِواں جنتاں تیرا رہیا پریم نہ رس، رستہ دیِن دُنی گئی بُھلائیا۔ سچکھنڈ نِواسی پُرکھ ابناشی شبد انیالا تیِر مار کس، قسم کھا کے رہی دِرڑائیا۔ جوتی جوت سروُپ ہرِ، آپ اپنی کِرپا کر، ایکا دینا ساچا ور، سچ دے مالک ہونا سہائیا۔ دھرنی کہے پربھوُ میرا دھرم نِشانہ گیا مِٹ، مِٹّی خاک ہو کے دیاں دُہائیا ۔ تیرے چرن کوَل دھوَل ہو کے رہی لِٹ، لِٹاں کھول کے میری دُہائیا۔ دُنیا دا اِشٹ ہو گیا پتّھر اِٹّ، پاہناں پوُجے خلق خُدائیا۔ تیرے شاستر سَت دھرم دے گرنتھ ٹکیاں اُتے رہے وِک، قیِمت ہٹّو ہٹّ پوائیا ۔ تیرے نام نِدھان دی سُرتی وِچ رہی کِسے نہ سِک، شبدی شبد نہ کوئے سمائیا۔ میرے مِہربانا سِری بھگوانا میرا لیکھ اَگے آپے لِکھ، بھوِکھ پِچھلے نال مِلائیا۔ ساچا رہیا نہ کوئے مُریِد سِکھ، پنڈت پاندھا تِلک للاٹی جوت نہ کوئے رُشنائیا۔ آہ ویکھ لےَ میرے کول اوتار پَیغمبراں گُروُآں والی چِٹ، جِس دا حرف حروُف سمجھ کوئے نہ پائیا۔ دھرنیئے تیرے اُتے کلجُگ انتم پُرکھ اکالا تیرا ہونا مِت، مِتر پیارا اِک اکھوائیا۔ جو نِرگُن ہو کے کرے ہِت، ہِتکاری ہو کے ویکھ وکھائیا۔ جگت ٹھگؤری کڈھے چِت، منسا من دوُر کرائیا۔ تیری سُہنجنی کرے تِھت، گھڑی پل اپنے رنگ رنگائیا۔ تیرا وقت سُہنجنا آپے لئے نجِٹھ، سِر تیرے ہتّھ ٹِکائیا۔ اپنا روُپ پرگٹائے انڈِٹھ، جگ نیتر ویکھن کوئے نہ پائیا۔ نام نِدھانا رس دیوے مِٹھ، انرس اپنا آپ چکھائیا۔ جُگ بدلنا جِس دی دھار آد جُگاد نِت، نوِت تیرے آوے چل کے دُھر دا ماہیِا۔ جوتی جوت سروُپ ہرِ، آپ اپنی کِرپا کر، دیونہارا ساچا ور، نِہکلنک نرائن نر، مہاراج شیرسِنگھ وِشنوُں بھگوان، آد جُگاد شاہو بھوُپ پُرکھ اکالا ابناشی اچُت، پروردِگار سانجھا یار ایکنکار اکل کل دھاری اپنی کل لئے پرگٹائیا۔
۲۸ کتّک شہنشاہی سمت ۱۱ ستنام سِنگھ دے گرِہ پِنڈ دبڑی خانہ ضِلع فریِدکوٹ
دھرنی کہے پربھ بخش دے امرت بوُند سوانتی، سَتگُر داتے پُرکھ بِدھاتے دَیا کمائیا۔ آتم پرماتم دیِن دُنی سمجھا دے اپنی ذاتی، پاربرہم برہم اپنا بھیوَ کُھلائیا۔ نِجھر جھِرنا امرت رس بخش دے بوُند سوانتی، نابھی کوَل کوَل اُلٹائیا۔ میَں تیرا کھیل تکدی رہی سدا بہُہبھانتی، سَتجُگ تریتا دواپرکلجُگ ویکھیا چائیں چائنیا۔ میرے پُرکھ اکالے دیِن دَیالے کلجُگ میرے اُتوں میٹ کرانتی، کِریا کوُڑ رہن کوئے نہ پائیا۔ میرا پوِتر سیِنہ کر دے کر دے ٹھنڈی چھاتی، چھتردھاریا تیرے اَگے منگ منگائیا۔ نؤ کھنڈ پرِتھمی ستّ دیِپ نِرگُن جوت جگا دے باتی، بِن تیل باتی ڈگمگائیا۔ سَت دھرم دی میرے اُتے ہووے پربھاتی، پربھوُ اپنا رنگ دینا رنگائیا۔ صدی چؤدھویِں انت اَخیِر بے نظیِر میری پُچھے واتی، لاشریِک تیرے اَگے واسطہ پائیا۔ مایا ممتا موہ وِکار کوُڑ کُڑیار رہن دینی کوئی نہ ہاٹی، جھوُٹھا ونج جگت نہ کوئے کرائیا۔ سچ دوار ایکنکار اپنی منزل دسّ دے گھاٹی، اَگے ہو نہ کوئے اٹکائیا۔ جوتی جوت سروُپ ہرِ، آپ اپنی کِرپا کر، ایکا دینا ساچا ور، سچ دا سنگ آپ بنائیا۔ دھرنی کہے پربھوُ میرے اُتوں میٹ دے میرا شنک، سنسا انتر رہن نہ پائیا۔ نؤ کھنڈ سُہا دے میرا بنک، ستّ دیِپ تیرے نام دی وجے ودھائیا۔ اِکو رنگ رنگا دے راؤ رنک، کھتری براہمن شوُدر وَیش ونڈ نہ کوئے ونڈائیا۔ سچ پیار دی ہر ہِردے لا دے تنک، جگت جگیاَسوُآں سوئی سُرتی دے جگائیا۔ مانَس ذاتی اندروں پھیر دے من کا مَنک، منسا کوُڑ نہ ہوئے ہلکائیا۔ تُوں پرماتم آتم دھار سب دا کنت، کنتُوہل اِکو اِک اکھوائیا۔ سَتجُگ ساچی سَت دھرم میرے اُتے بنا دے بنت، گھڑن بھنّنہار تیری اوٹ تکائیا۔ تیرا بھوِکھتاں وِچ اِشارہ دے کے گئے اوتار پَیغمبر گُروُ دُھر دے سنت، بھگت بھگوَنت تیری اوٹ تکائیا۔ میرے اُتے تیرا اِکو نام نِدھانا ہووے منت، پُرکھ اکال اِکو تیرا اِشٹ منائیا۔ جوتی جاتے پُرکھ بِدھاتے مِہر کر دے اپنی دھارا وکھا دے نِہکلنک، کل کلکی اپنی کل ورتائیا۔ مِہربان محبوُب اِمام اِماما میرا سُہا دے بنک، بنک دوار ملِے وڈیائیا۔ تُوں میرا میَں تیرا ہر ہِردے اُپجے چھنت، ساچا ڈھولا اِکو اِک گائیا۔ چار ورن اٹھاراں برن دیِن مذہب سب ہووے تیری دھرم دی سنگت، سگلے سنگی بہُہ رنگی اپنی کھیل وکھائیا۔ دیِن دُنی دا گڑھ توڑ دے ہؤمے ہنگت، ہنگ برہم سب نوُں دے دِرڑائیا۔ میَں تیرے دوار پروردِگار سانجھے یار ایکنکار ہوئی منگت، در ٹھانڈے خالی جھولی رہی وکھائیا۔ جوتی جوت
سروُپ ہرِ، آپ اپنی کِرپا کر، ایکا دینا ساچا ور، سچ دے مالک ہونا سہائیا۔ دھرنی کہے میرے پُرکھ اکالے میری آسا ویکھ بہُہپُرانی، پُنہ پُنہ کرکے سیِس نِوائیا۔ تُوں شہنشاہ شاہو بھوُپ سُلطانی، سچکھنڈ نِواسی اگمّ اتھاہیِا۔ میری کلجُگ انتم دُکھاں والی کہانی، دھرم نِشانی نظر کوئے نہ آئیا۔ آتم پرماتم میل ملِے کِسے نہ ہانی، سُرتی شبد نہ کوئے سمائیا۔ منوُآ کوُڑ منسا وِچ کرے شیَطانی، شریِعت شرع چاروں کُنٹ بھجےّ واہو داہیِا۔ تُوں مالک خالق دو جہاناں نوُر الاہ اسمانی، اِسم اعظم اپنا دے دِرڑائیا۔ کلجُگ انت سِری بھگوَنت میرے اندروں کڈھ حَیرانی، حَیرت وِچ تیری اوٹ رکھائیا۔ جوتی جوت سروُپ ہرِ، آپ اپنی کِرپا کر، ایکا دینا ساچا ور، نِہکلنک نرائن نر، مہاراج شیرسِنگھ وِشنوُں بھگوان، برہم برہمادی شبد انادی دو جہانی، دو جہاناں مالک خالق تیری آس رکھائیا۔
۲۸ کتّک شہنشاہی سمت ۱۱ ہرچند سِنگھ دے گرِہ پِنڈ ہررائے پُر ضِلع بٹھِنڈا
دھرنی کہے پربھ میرے اُتے کِرپا کر، کِرپا نِدھان سِری بھگوان دَیا کمائیا۔ سَت ستوادی برہم برہمادی میرے اگمےّ ہرِ، کرتے پُرکھ قُدرت دے قادر تیری اِک سرنائیا۔ مِہربانا نؤجوانا میرا سُہنجنا کر دے گھر، گرِہ مندر نوَ ستّ اندر وجے ودھائیا۔ سَت سوامی انترجامی میرا پوِتر کر دے سر، سروور اِکو اِک وکھائیا۔ تُوں میرا مالک خالق نرائن نر، دو جہاناں والی دُھردرگاہیِا۔ میرا کلجُگ کوُڑ کُڑیارے چُکا دے بھےَ ڈر، سِر میرے ہتّھ ٹِکائیا۔ میَں جُگ چؤکڑی تیرا بھانا رہی جر، سَتجُگ تریتا دواپرکلجُگ تیری آس رکھائیا۔ جوتی جوت سروُپ ہرِ، آپ اپنی کِرپا کر، ایکا دینا ساچا ور، در ساچے آس رکھائیا۔ دھرنی کہے پربھ میرا دھرم دوارا ایکا کھول، وست سَت سچ ورتائیا۔ شبد اگمّا اِکو بول، انبولت دے دِرڑائیا۔ دو جہاناں وجا دے دُھر دا ڈھول، ڈنکا اِکو کر شنوائیا۔ ہبھے وست تیرے کول، ہمساجن دینی ورتائیا۔ جِس دا بھیوَ پا سکے نہ کوئی پنڈت پاندھا رؤل، جگت وِدیا نہ کوئے چتُرائیا۔ ہر گھٹ اندر انتشکرن جا مؤل، مؤلا ہو کے اپنا کھیل ورتائیا۔ چار جُگ دا لہنا دینا میرا پوُرا کر دے قؤل، اِقرار تیرے چرن ٹِکائیا۔ میَں مِنّتاں کردی دینن ہو کے دھؤل، دَیال دینی مان وڈیائیا۔ پرم پُرکھ پرماتم تیرے اُتوں آپا آپ دیواں گھول، ہؤں گھولی گھول گھُمائیا۔ میرے اُتوں آ کے کوُڑ دا تت وِرول، بابل ہو کے ویکھ
وکھائیا۔ جوتی جوت سروُپ ہرِ، آپ اپنی کِرپا کر، ایکا دینا ساچا ور، سچ تیری سرنائیا۔ دھرنی کہے پربھوُ میرا دھرم دوارا کر دے اُجلا، اُگن آتھن تیری وجے ودھائیا۔ میرا بھیوَ کُھلا دے آد جُگاد مُڈھلا، مدھ دا پردہ رہے نہ رائیا۔ نوَ نوَ چار دے مالک کھول دے گُنجھلا، گوبِند پردہ پردیاں وِچوں چُکائیا۔ تُوں موہن مادھوَ اکال موُرت مدھسوُدن اِک اگمّی مُندرا، مُدّتاں دا مالک نظری آئیا۔ میرا کونا گوشہ ویکھ لےَ کُندرا، سمُند ساگراں پھول پُھلائیا۔ میرا لیکھا جگت دھار نہیں کوئی اُنگلا، ہِندسیِاں گنت نہ کوئے گنائیا۔ جوتی جوت سروُپ ہرِ، آپ اپنی کِرپا کر، ایکا دینا ساچا ور، در تیرے الکھ جگائیا۔ دھرنی کہے میرے پرم پُرکھ پُرکھوتم دَیا نِدھ، ٹھاکر سوامی تیری بےپرواہیِا۔ کلجُگ انت سِری بھگوَنت سُدی ودی دا لیکھا نظر کوئے نہ آئیا۔ پرم پُرکھ پرماتم تیرے کول انوکھی بِدھ، بِدھنا دا لیکھا رہے نہ رائیا۔ جوتی جوت سروُپ ہرِ، آپ اپنی کِرپا کر، ایکا دینا ساچا ور، سچ دوارے آس رکھائیا۔ دھرنی کہے پربھوُ میری آسا تک لےَ اگمّ، اگمّڑے تیرے چرن ٹِکائیا۔ میرا روُپ نہیں تتاں والا برہم، پاربرہم پردہ دینا اُٹھائیا ۔ میرا ہڈ ماس ناڑی نہیں چرم، چمدرِشٹی نہ کوئے رکھائیا۔ میرا دیِن دُنی والا نہیں کوئی کرم، کرم کانڈ نہ کوئے جنائیا۔ میرا دیِناں مذہباں والا نہیں دھرم، حِصّے دیِن دُنی رکھائیا۔ میَنوُں اِکو تیری اوٹ سہارا تیرے چرن، چرنودک تیرا لےَ کے خوشی بنائیا۔ میرا آد جُگاد تیرے نال وعدہ تیرے نال پرن، پرم پُرکھ پرماتم دیاں دِرڑائیا۔ جوبن ونتے سِری بھگوَنتے میرا آپے پھڑ لےَ لڑن، پلّوُ اپنے نال بندھائیا ۔ میَں سچ دوار ایکنکار تیری منزل لگّی چڑھن، چؤتھے جُگ دے مالک ہونا آپ سہائیا۔ تُوں آد جُگادی برہم برہمادی ہار بھنّن گھڑن، سمرتھ پُرکھ تیری بےپرواہیِا۔ میرے اُتوں جھگڑا مُکا دے سیِس دھڑن، دھڑےبازی دیِن دُنی نظر کوئے نہ آئیا۔ جیِو جنت سادھ سنت آتم پرماتم تیرا ڈھولا پڑھن، پرم پُرکھ تیرا نام دِھیائیا۔ میرے اُتے نہ کوئی ذات نہ کوئی پات نہ کوئی ہووے ورن برن، دیِن مذہب تیرا نوُر نظری آئیا۔ جوتی جوت سروُپ ہرِ، آپ اپنی کِرپا کر، ایکا دینا ساچا ور، سچ دوارے منگ منگائیا۔ دھرنی کہے پربھوُ تُوں آد جُگاد رہیں ہمیش، ہم ساجن اِک اکھوائیا۔ میرے اُتوں کل کلکی ہو کے میٹ کلیش، کل کاتیِاں کر صفائیا۔ گوبِند سوُرے تیرا سنگ ہووے دس دسمیش، دہ دِشا دھیان لگائیا۔ میَں سُن دی کی مہما تیری کرے سہنسر مُکھ شیش، دو سہنسر جِہوا نال مِلائیا۔ پُرکھ اکالے دیِن دَیالے میَں تیرا درشن کرنا چاہُندی سمبل دیش، ساڈھے تِنّ ہتّھ وجدی ویکھاں ودھائیا۔ تُوں شاہ
سُلطانا نؤجوانا مرد مردانہ جوتی جاتا اِک نریش، نر نرائن تیری وڈ وڈیائیا۔ میَں تیرے دوارے نِرگُن داتے ہوئی پیش، پیشیِن گوئیاں تیرے چرن ٹِکائیا۔ تیرا اِکو حُکم سُننا چاہُندی وِشیش، وِشیاں توں باہر دینا دِرڑائیا ۔ جوتی جوت سروُپ ہرِ، آپ اپنی کِرپا کر، ایکا دینا ساچا ور، نِہکلنک نرائن نر، مہاراج شیرسِنگھ وِشنوُں بھگوان، در تیرے ٹھانڈے درگاہ ساچی نِرگُن دھار ہوئی پیش، پِچھلا لیکھا نال مِلائیا۔
۲۹ کتّک شہنشاہی سمت ۱۱ بسنت کؤر دے گرِہ پِنڈ سمال سر ضِلع بٹھِنڈا
دھرنی کہے پربھوُ میَں تیری گھالن رہی گھال، گھائل ہو کے جُگ جُگ سیو کمائیا۔ جوتی جاتے میری آ کے سُرت سنبھال، سمبل نِواسی اپنی دَیا کمائیا۔ سَت وست میَنوُں دے دے اپنا دھن مال، امولک اِکو اِک ورتائیا۔ میری بیننتی منّ سوال، آرزو تیرے چرن ٹِکائیا۔ دھرم دا پھل لگا دے دیِن دُنی دے ڈال، پتّ ٹہنی مانَس ذاتی آپ مہکائیا۔ نِرگُن داتے آتم پرماتم ہو کے سب دے وس نال، اِک اِکلّے اپنا میل مِلائیا۔ کلجُگ کوُڑی کِریا توڑ جنجال، جاگرت جوت کر رُشنائیا۔ دیِناں بندھپ ہو دَیال، دیِن دُنی دے مالک تیرے ہتّھ وڈیائیا۔ میَں انت اَخیِر ہوئی بےحال، بِہبل ہو کے واسطہ پائیا۔ جوتی جوت سروُپ ہرِ، آپ اپنی کِرپا کر، ایکا دینا ساچا ور، سچ دا رنگ آپ رنگائیا۔ دھرنی کہے پربھوُ میری کلجُگ انت میٹ بےچَینی، دھیِرج دھرم دھار دِرڑائیا۔ نوَ کھنڈ رہے نہ رات اندھیری رَینی، کلجُگ کوُڑ کُڑیار مِٹائیا۔ تُوں میرا آد جُگاد ساک سیَنی، سجّن اِک اکھوائیا۔ اوہ آشا تک لےَ جو اِشارہ دِتا گنگا جمنا سُرستی ترےَبَینی، ترےَگُن اتیِتے تیرے چرن ٹِکائیا۔ کلجُگ انتم ندی کوُڑ دی وہنی، سَت دھرم جائے رُڑھائیا۔ جو کوُک کے کِہا بھگت سیَنی، آپ اپنا حال سُنائیا۔ تُوں مالک نر نرائنی، ہرِ کرتا دُھردرگاہیِا۔ ساڈی بیننتی اِکو اِک کہنی، دھرنی دھرت دھوَل دھؤل ہو کے دیاں سُنائیا۔ میرے اُتوں تیرے حُکم نال کلجُگ کوُڑ کُڑیار کندھ ڈھہنی، چھپّر چھنّ نظر کوئے نہ آئیا۔ جوتی جوت سروُپ ہرِ، آپ اپنی کِرپا کر، ایکا دینا ساچا ور، سچ دا سنگ آپ بنائیا۔ دھرنی کہے پربھوُ میرا انتشکرن اُٹھا دے سوتا، سُتی لےَ جگائیا۔ میرا دُرمت پاپ کلیور جائے دھوتا، پاپاں ہوئے صفائیا۔
میرے مِہربانا سِری بھگوانا میرا انتشکرن تیرے چرن روتا، رو رو دیاں دُہائیا۔ اوہ لیکھا یاد کر لےَ جِس ویلے نانک دھار ماریا غوطہ، گؤتم دی دھار کی دِرڑائیا۔ میَں پےَ گئی کلجُگ انتم وِچ سوچاں، سوچ سمجھ چلے نہ کوئے چتُرائیا۔ میَں اِکو سَتجُگ سچ سچ نوُں لوچاں، لوچن نیَن اپنی اکھّ کُھلائیا۔ جوتی جوت سروُپ ہرِ، آپ اپنی کِرپا کر، ایکا دینا ساچا ور، سچ دا پردہ آپ اُٹھائیا۔ دھرنی کہے پربھوُ میَں نِرگُن دھار تَینوُں تکدی، تقدیِر دے مالک دھیان لگائیا۔ میَں کھیل ویکھنا چاہُندی اِکو یک دی، جو یکے بعد دیگرے اپنا دھیان لگائیا۔ میری آشا آد جُگاد پکّ دی، کوُڑا رنگ نہ کوئے رنگائیا۔ میَں کتھا کہانی دسّاں سچ دی، سُنیہڑا سچ سچ دِرڑائیا۔ میرے اُتے دیِن دُنی کلجُگ اگنی دے وِچ مچدی، امرت میگھ سکے نہ کوئے برسائیا۔ میَں تیری دھار ویکھنا چاہُندی پرمیشور پت دی، پاربرہم پربھ ہونا آپ سہائیا۔ تیرے چرن کوَل دھوَل ہو کے واسطہ گھتدی، نِمرتا وِچ سیِس جھُکائیا۔ تُوں اِکو دھار بخش دے برہم مت دی، پاربرہم برہم پردہ آپ اُٹھائیا۔ جوتی جوت سروُپ ہرِ، آپ اپنی کِرپا کر، ایکا دینا ساچا ور، نِہکلنک نرائن نر، مہاراج شیرسِنگھ وِشنوُں بھگوان، آد جُگاد جُگ چؤکڑی تیری کھیل سدا سَت دی، سَت ستوادی ہو کے ویکھ وکھائیا۔
۲۹ کتّک شہنشاہی سمت ۱۱ جسونت سِنگھ دے گرِہ پِنڈ راجیانا ضِلع فریِدکوٹ
نارد کہے دھرنیئے میَں سچکھنڈ دواریوں آیا دؤڑا، دو جہاناں پندھ مُکائیا۔ سچ سندیسہ سُن لےَ کی دیوے براہمن گؤڑا، پاربرہم پربھ اپنا حُکم ورتائیا۔ جِس دا ایتھے اوتھے نِرگُن سرگُن اِکو پؤڑا، پؤڑی ڈنڈا جگت نظر کِسے نہ آئیا۔ جِس دا مارگ رستہ دیِن دُنی توں سؤڑا، جگت جگیاَسوُ لنگھ سکے کوئے نہ رائیا۔ جِس میَنوُں اِکو وست دِتی سسّے اُپر وکھایا ہوڑا، سو پُرکھ نِرنجن بھیوَ کُھلائیا۔ ہاہے اُپر ٹِپی ہنگ برہم بنایا جوڑا، جوڑی جگت جگدیِش بنائیا۔ جِس دی کوجھیئے کملیئے تَینوُں انتم لوڑا، لُڑیِندا ساجن دُھردرگاہیِا۔ اون ہس کے کِہا میرا وقت رہ گیا تھوڑا، تُھڑیئے تِھڑکیئے تیرا لیکھا دیاں مُکائیا۔ اِکو بودھ اگادھا یاد کر لےَ شبدی دھار گوبِند والا دوہرا، دو اکھّراں جِس دی ونڈ
ونڈائیا۔ اوہ پاربرہم پت پرمیشور جوتی جاتا بانکا چھورا، شؤہر سب دا نوُر الاہیِا۔ جِس تیرا کلجُگ انت لیکھا مُکاؤنا اندھ گھورا، گھوری ہو کے ویکھے تھاؤں تھائنیا۔ لہنا دینا مُکائے ٹھگ چورا، چاروں کُنٹ پھول پُھلائیا ۔ تیرے اُتے جن بھگتاں بھاگ کرے متھورا، مِتھیا دِسے خلق خُدائیا۔ اُس دا ویس ہونا اوَر دا اؤرا، ہور دا ہور روُپ وٹائیا۔ جِس دا حُکم فرمان سندیس چار جُگ توں باہر وکھرا کورا، جگت مِلاوٹ نظر کوئے نہ آئیا۔ جِس دا شبد اگمّی دو جہاناں برہمنڈاں کھنڈاں بِنا تن وجوُد پِھرے دؤڑا، آد جُگادی بھجےّ واہو داہیِا۔ جوتی جوت سروُپ ہرِ، آپ اپنی کِرپا کر، دیونہارا ساچا ور، سچ دا مالک اِک اکھوائیا۔ نارد کہے دھرنیئے میرا درگاہ ساچی دا سُن پَیغام، پَیغمبراں توں باہر دیاں دِرڑائیا۔ جِس وِچ سجدہ نہیں کوئی سلام، سلام علیَکم کہہ کے سیِس نِوائیا۔ نی اوہ مالک خالق نوُر الاہ اگمّ اِمام، ممتا موہ نہ کوئے جنائیا۔ جِس تیرے اُتے دیِن دُنی ویکھنی عوام، عامَ بھیوَ سمجھے کوئے نہ رائیا۔ جو کلجُگ کوُڑی کِریا میٹے اندھیری رَین شام، شمع نوُر جوت کرے رُشنائیا۔ چؤداں طبقاں لیکھا رہن نہ دیوے تمام، طمع لالچ ونڈ نہ کوئے ونڈائیا۔ جِس دا اِکو کلمہ کائنات ہونا نام، نام نِدھانا اِک دِرڑائیا۔ اوسے دے گیِت ڈھولے سارے گان، گا گا شُکر منائیا۔ جو مالک خالق ہووے دو جہان، والی زمیں اسمان اکھوائیا۔ جو شرع میٹے جگت جُگت شیَطان، شریِعت اپنے رنگ رنگائیا۔ محمد لہنا دینا کرے پروان، چار یاری بَیٹھی سیِس نِوائیا۔ صدی چؤدھویِں میٹ نِشان، نِشانہ دھرم دھار جھُلائیا۔ جوتی جوت سروُپ ہرِ، آپ اپنی کِرپا کر، دیونہارا دُھر دا ور، دُھر دا پردہ آپ چُکائیا۔ نارد کہے دھرنیئے میَنوُں خبر اگمّی دِتی نِہکلنک، بھیوَ ابھید اپنے وِچ چُھپائیا۔ جِس دا اِکو نام دمامہ وجنا ڈنک، فتح گوبِند رنگ رنگائیا۔ جِس تیرا سُہاؤنا دوار بنک، نوَ ستّ ویکھے چائیں چائنیا۔ بھیوَ کُھلائے راؤ رنک، اوُچ نیِچ گنڈھ پوائیا۔ تیرے اندروں کڈھے شنک، سنسا رہن کوئے نہ پائیا۔ اِکو نام دی لائے تَنک، چاروں کُنٹ کھِچے واہو داہیِا۔ دیِن دُنی دا من کا مَنکا پھیرے منک، منسا منسا وِچوں بدلائیا۔ جِس دا شبد انیالا تیِر سمجھ سکے نہ کوئے دھنش، کمان ویکھن کوئے نہ پائیا۔ جِس نوُں آد جُگاد جُگ چؤکڑی گاؤندے سادھ سنت سہنس، اگنت بَیٹھے دھیان لگائیا۔ اُس نے تیرے اُتے چار ورن اٹھاراں برن دیِن دُنی بنائے اِکو بنس، بنساولی آپ اکھوائیا۔ جوتی جوت سروُپ ہرِ، آپ اپنی کِرپا کر، کرے کھیل ساچا ہرِ، سچ دا پردہ آپ اُٹھائیا۔ نارد کہے دھرنیئے میَنوُں خبر دِتی اگمےّ کلغی، جِس نوُں کلکی کہہ کے سارے
گائیا۔ جِس دی کھیل نہیں کِسے ورگی، ورگ سکے کوئے نہ لائیا۔ اوہدی دھار اپنے اگمےّ گھر دی، گھرانہ ویکھن کوئے نہ پائیا۔ جِس دی دھار آد جُگاد ہبھ کُچھ کردی، کرتا پُرکھ نوُر الاہیِا۔ اُس دے کولوں لکھّ چؤراسی ڈردی، سِر سکے نہ کوئے اُٹھائیا۔ اوتاراں پَیغمبراں گُروُآں آشا اوسے کولوں پڑھدی، نِراکھّر دئے سمجھائیا۔ اوسے دی کھیل تن وجوُد سیِس دھڑ دی، پنج تت اپنا رنگ رنگائیا۔ اوہ لہنا دینا انت تیری جھولی پائے باقی رہے نہ چیتن جڑ دی، مِہربان ہو کے مِہر نظر اُٹھائیا۔ جوتی جوت سروُپ ہرِ، آپ اپنی کِرپا کر، دیونہارا ساچا ور، سچ دا سنگ آپ نِبھائیا۔ نارد کہے دھرنی سُن لےَ شبد سَتگُروُ سندیس، شبد سَتگُر کی جنائیا۔ میَں آد جُگادی نر نریش، نر نرائن دِتی وڈیائیا۔ میرا نہ مُچھ نہ داہڑی کیس، موُنڈ مُنڈایا نہ روُپ بنائیا۔ میرا ناتا گوبِند دھار نال دس دسمیش، دہ دِشا کھیل کھِلائیا۔ میَں آد جُگاد رہاں ہمیش، جیِون مرن نہ روُپ بدلائیا۔ میرا انتم واسا ہونا سمبل دیس، ساڈھے تِنّ ہتّھ وجے ودھائیا۔ جوتی جوت سروُپ ہرِ، آپ اپنی کِرپا کر، دیونہارا ساچا ور، سچ دا مالک اِک گوسائنیا۔ دھرنی کہے ناردا میَں سُنیا سرب احوال، جو نِرگُن دھار دِتا دِرڑائیا۔ تُوں نِکاّ ننھا نڈھا بال، جُگ جُگ بھجیّں واہو داہیِا۔ تیرے اَگے کراں سوال، جواب طلبی وِچ منگ منگائیا۔ سچ دسّ کِس بِدھ پربھ لیکھا مُکاوے شاہ کنگال، پاتشاہ اپنا لیکھ چُکائیا۔ دھرنی اُتے میری کرے سنبھال، کِس بِدھ سمبل سوبھا پائیا۔ کِس بِدھ اوتار پَیغمبر گُروُ رکھے نال، وِشن برہما شِو جوڑ جُڑائیا۔ کِس بِدھ حُکم جنائے کال مہاکال، رائے دھرم چِتر گُپت لئے اُٹھائیا۔ لاڑی مؤت کِس بِدھ کرے حال حال، بھجےّ واہو داہیِا۔ کوَن وقت سُہنجنا کیہڑی تِھت آ کے ویکھے مُریِداں حال، میرا مُرشد دُھردرگاہیِا۔ کوَن کوُٹے پہلوں کرے زوال، ظاہر ہو کے دئے دِرڑائیا۔ اوتار پَیغمبر گُر کِس بِدھ اپنا بھوِکھت دین وکھال، پیشیِن گوئیاں بِن ہتّھاں اُٹھائیا۔ جوتی جوت سروُپ ہرِ، آپ اپنی کِرپا کر، کرے کھیل ساچا ہرِ، سچ دی کرنی کار کمائیا۔ نارد کہے دھرنیئے سو پُرکھ نِرنجن روُپ بدلاویگا۔ ہرِ پُرکھ نِرنجن ویس وٹاویگا۔ ایکنکارا نوُر درساویگا۔ جوتی جاتا ڈگمگاویگا۔ ابناشی کرتا سوبھا پاویگا۔ سِری بھگوان حُکم ورتاویگا۔ پاربرہم آپ سُناویگا۔ شبدی شبد ڈنک وجاویگا۔ وِشن برہما شِو اُٹھاویگا۔ دُھر دا حُکم سندیس اِکو اِک دِرڑاویگا۔ ایکا جوت ایکا دھار ایکا شبد گنڈھ پواویگا۔ ایکا روُپ آپ نِرنکار، دوُسر ویس نہ کوئے وٹاویگا۔ جوتی جاتا ہو کے خبردار، بےخبراں خبر سُناویگا۔ لوآں پُریاں برہمنڈاں کھنڈاں کرکے پار، دھرنی
دھرت دھوَل دھؤل تیرا دوارا بنک وڈیاویگا۔ ساڈھے تِنّ ہتّھ ویکھ مندر اپار، سوہنا اپنا روُپ جناویگا۔ سمبل بہہ سچّی سرکار، ساچا سوہلا ڈھولا راگ جناویگا۔ تُوں کوجھیئے کملیئے کریں نِمسکار، تیرا سیِس جگدیِش اپنے لیکھے لاویگا۔ اُس دے چرن جاویں بلہار، بلہاری تیرا درد دُکھ مِٹاویگا۔ کلجُگ کوُڑا تیرے وِچوں کڈھے باہر، دھوَلے تیرا بھار دوُر کراویگا۔ جو آسا رکھ کے گیا رَویداس چمار، چم درِشٹی سب دا ڈیرہ ڈھاویگا۔ اِکو رنگ رنگاوے پُرکھ نار، نار کنت اپنی کھیل کھِلاویگا۔ تیرے اُتے بسنت کرے بہار، بھگت سُہیلے گُلشن باغ آپ مہکاویگا۔ تُوں ویکھنا نؤ کھنڈ پرِتھمی ستّ دیِپ ایکا دیِپ ہوئے اُجیار، جوتی جاتا ڈگمگاویگا۔ ایکو امرت رس دیوے ٹھنڈا ٹھار، تیری ترِسنا بُھکھ مِٹاویگا۔ اِکو شبد دیوے دُھنکار، انحد نادی ناد سُناویگا۔ اِکو مندر مسجد شِودوالا مٹھ ہوئے گُروُدوار ، اِکو پُرکھ اکالا دیِن دَیالا اِشٹ اِشٹ سُہاویگا۔ تُوں میرا میَں تیرا سب نے کرنا جَیکار، دوُجا راگ نہ کوئے الاویگا۔ نارد کہے دھرنیئے میری ڈنڈاوت بندنا سجدیاں وِچ نِمسکار، سو سوامی انترجامی تیرے اُتے اپنا حُکم ورتاویگا۔ جوتی جوت سروُپ ہرِ، آپ اپنی کِرپا کر، دیونہارا ساچا ور، نِہکلنک نرائن نر، مہاراج شیرسِنگھ وِشنوُں بھگوان، آد جُگادی نِرگُن سرگُن سد پاوَنہارا سار، مہاسارتھی ہو کے تیرا سنگ نِبھاویگا۔
۲۹ کتّک شہنشاہی سمت ۱۱ پریِتم سِنگھ دے گرِہ پِنڈ ناتھیوال ضِلع فریِدکوٹ
سَتگُر نانک جنائی اِک گلّ، ہور ہؤمے جھکھنا جھاکھ۔ جو باوَن دسّی دوارے بل، بِن اکھّراں نِراکھّر دھار آکھ۔ رام جنائی لنکا دھار وِچ جل، ہنوُونت سمجھایا ساکھ۔ کرِشن بھیوَ کُھلایا پل، ارجن پردہ لاہ پرتاکھ۔ موُسیٰ اوسے دھار وِچ گیا رل، جِس گلّ دی ہور نہیں کوئی شاخ۔ عیسیٰ اوسے منزل پیا چل، جیہڑی گلّ اندروں گئی بھاکھ۔ محمد اوہو دوارا لیا ملّ، جِتھے اِک گلّ دا یولے زو جمتا زوی عرشے نوز یوزو زما رحمتے خُدا نوُرے نِزا اِک اکھوائیا۔ جوتی جوت سروُپ ہرِ، آپ اپنی کِرپا کر، کرے کھیل ساچا ہرِ، سچ دا مالک دُھردرگاہیِا۔ نانک گلّ جگت دھار اگمّی، اکھّر لیکھ نہ کوئے بنائیا۔ گائی جائے نہ کِسے پوَن سوامی دمی، رسنا جِہوا نہ کوئے چتُرائیا۔ کِسے قلم شاہی دی دھار وِچوں نہیں جمّی، کاغذاں رنگ نہ کوئے رنگائیا۔ جِس دی جوبن جوانی پُرانی نہیں نوَیِں، نوَ نؤ چار سمجھ کوئے نہ پائیا۔ اوہ
لِکھی جائے نہ کدی شاستراں والے پنّی، حروُفاں ونڈ نہ کوئے ونڈائیا۔ بدھّی جائے کِسے نہ کنّی، ہتّھو ہتّھ نہ کوئے ٹِکائیا۔ وسے کدے نہ کِسے چھپّر چھنّی، جگت دواریاں ڈیرہ کدے نہ لائیا۔ اوہدا لیکھا نہیں وجوُد تت تنی، اپ تیج وائے پرِتھمی آکاش نہ ویس وٹائیا۔ اوہ سُنی جائے کدے نہ کنّیں، سروناں چلے نہ کوئے چتُرائیا۔ اوہ جگت مایا والی نہیں کوئی دھنی، دھناڈھ روُپ نہ کوئے درسائیا۔ شرع وِچ جائے کدے نہ ڈنّی، مذہباں سنگ نہ کوئے رکھائیا۔ نہ گھڑی جائے نہ بھنّی، دوہاں توں باہر اپنا روُپ درسائیا۔ اوہ بنی نہیں کِسے دی ونّی، نار ہو کے کنت نہ کوئے ہنڈھائیا۔ کِسے دی دُختر بنی نہیں چنّی، گودی گود نہ کوئے اُٹھائیا۔ اوہدی دھار نہیں کوئی اُچی لمی، نیِکن نیِکا نظر کوئے نہ آئیا۔ اوہ آد جُگاد جُگ چؤکڑی کدے نہ ہوئے نِکمی، نِہکرمن روُپ نہ کوئے اکھوائیا۔ اوہ گگن گگننتر زِمیں اسمان دے سکے نہ تھمی، سہارے دی لوڑ نہ کوئے رکھائیا۔ اوہ ہتّھ نہ آوے کِسے وِدیا والی گلّیِں، بُدھی نال چلے نہ کوئے چتُرائیا۔ اوہ چھل وِچ کِسے کولوں جائے نہ چھلی، اچھل اَچھل اپنی کھیل کھِلائیا۔ اوہنوُں کھوجدے گئے کوٹن کوٹ پَیغمبر پیِر ولی، ولی عہد دھیان لگائیا۔ اوہ اِشارہ دے کے گیا محمد دھار علی، ابوُبقر نیتر نیَناں نیِر وہائیا۔ اوہدا سیِس کدے کِسے رکھیا نہیں تلی، طلباں دی ونڈ نہ کوئے ونڈائیا۔ نانک دی اِک گلّ جدوں آوے تے آوے بھگتاں دی ساچی گلی، نؤ دواریاں دے اُتے اپنا حُکم سُنائیا۔ جِتھے جوت دی دھار آپے پُھلی آپے پھلی، پتّ ٹہنی ونڈ نہ کوئے ونڈائیا۔ اوہ گلّ سَتگُر شبد دی اِک پریم دھار دی کلی، کلمیاں توں باہر اپنا رنگ چڑھائیا۔ جوتی جوت سروُپ ہرِ، آپ اپنی کِرپا کر، دیونہارا ساچا ور، سچ دا پردہ آپ چُکائیا۔ اِک گلّ نانک دھار سدا نادن، اناد انادی دُھن جنائیا۔ برہم دھار سدا برہمادن، برہمنڈاں ویکھے سدا چائیں چائنیا۔ جِس دی خبر آد جُگادن، جُگ چؤکڑی میٹن کوئے نہ پائیا۔ اوہ اِک گلّ اوتار پَیغمبر گُروُ سدا ارادھن، بِن من منسا ڈھولے گائیا۔ اوہ بھگتاں نال سدا بھگتی دھار دسےّ سادھن، صِدق صبوُری اپنا سنگ جنائیا۔ بِن رسنا جِہوا بتّی دند مار کے آوازن، سوئی سُرتی لئے اُٹھائیا۔ اوہ ویکھو نوُر نوُرانہ شاہ سُلطانا شاہو بھوُپ راج راجن، نر نِرنکارا نوُر الاہیِا۔ جِس نے آد جُگاد ساچی ساجی ساجن، ساجن ہار اِک اکھوائیا۔ اُس دا بھیوَ اِکو باطن، پردہ پردیاں وِچوں چُکائیا۔ جوتی جوت سروُپ ہرِ، آپ اپنی کِرپا کر، دیونہارا ساچا ور، سچ دا سنگ آپ بنائیا۔ ساچی گلّ اگمّ اتھاہ، سَتگُر نانک نام وِچوں دِرڑائیا۔ جِس دا سَتگُر شبد سدا ملاح، جُگ جُگ بیڑا اپنے کندھ اُٹھائیا ۔ جِس دی عقل
بُدھی دے سکے نہ کوئے صلاح، مشورے وِچ کدے نہ آئیا۔ اوہ ہتّھ نہ آوے تھل اسگاہ، مہیئل کھوجن چائیں چائنیا۔ اُس دا مالک اِکو بے پرواہ، جو بے پرواہی وِچ سمائیا۔ جِس اُتے سَتگُر دَیا دیوے کما، مِہربان مِہربان مِہر نظر اُٹھائیا۔ بِنا جگت شاستراں توں اِک گلّ دئے سمجھا، گلّ گلّ وِچوں پرگٹائیا۔ جِس گلّ وِچوں نظری آوے نوُر الاہ، نوُر نوُرانہ دُھردرگاہیِا۔ بھیوَ کُھلائے پردہ لاہ، اوہلا رہن کوئے نہ پائیا۔ اوہ گلّ کہے واہ واہ، واہِگُروُ تیری بےپرواہیِا۔ جوتی جوت سروُپ ہرِ، آپ اپنی کِرپا کر، دیونہارا ساچا ہرِ، سچ دا سنگ آپ نِبھائیا۔ گلّ کہے میَں نانک دھارا، دھرم دھرم جنائیا۔ میرا لہنا دینا وِچ سنسارا، سنساری بھنڈاری سنگھاری سمجھ نہ پائیا۔ میرا ناتا نال نِرگُن جوت جوت نِرنکارا، نِرگُن میلا سہج سُبھائیا۔ جِس دی شبد آواز بِن رسنا جِہوا تے راگ سُنائے بِن تند سِتارا، آپ اپنا ناد دِرڑائیا۔ اُس دا کھیل اپر اپارا، الکھ اگوچر اِک اکھوائیا۔ جِس دا انت نہ پاراوارا، بےانت کہہ کے سارے سیِس نِوائیا۔ دُھر دے شبد دی دُھر دی سِکھیا جِس دا اکھّراں نال نہیں تکرارا، جھگڑا دیِن دُنی نہ کوئے جنائیا۔ اُس گلّ دا مالک اِکو ایکنکارا، جو جُگ جُگ جن بھگتاں دئے سمجھائیا۔ کایا مندر اندر کھول کے بند کِواڑا، ترےَگُن اتیِتا پردہ دئے اُٹھائیا۔ جوتی جوت سروُپ ہرِ، آپ اپنی کِرپا کر، دیونہارا ساچا ور، سچ دی کرنی کار کمائیا ۔ نانک دھار اِک گلّ سُنی سنت کُمار، براہ سُن کے خوشی بنائیا۔ یگے پُرش ہویا خبردار، حیگریو گا گا ڈھولے گائیا۔ نر نرائن بِن رسنا دئے اُچار، کپلمُن کہہ کہہ اپنا رنگ رنگائیا۔ پِرتھوُ پرتھم گلّ سُن کے اپر اپار، متس مِل کے خوشی بنائیا۔ کچّھپ نے پائی اِک گلّ دی سار، سمُند ساگر رِڑکے چائیں چائنیا۔ دھننتر سُن کے اپر اپار، کھیل کھِلایا خلق خُدائیا۔ باوَن ہو کے آپ ہوشیار، پرہلاد اِک گلّ دِتی سمجھائیا۔ ہری ہرِ کھیل کیِتا اپار، دھروُ دا پردہ اندرے اندر اُٹھائیا۔ گج دا لہنا دینا دِتا اُتار، تندوا تند تند کٹائیا۔ رام ہنوُونت اِکو گلّ تے کر وِچار، گلوَکڑی لئی پائیا۔ اِک گلّ دا کھیل اپار، وید ویاسا سُن سُن خوشی بنائیا۔ کرِشن اِک گلّ ارجن دِتی پریم نال آدھار، اُدر دا لیکھا دِتا مُکائیا۔ چار جُگ دے شاستر اِک گلّ اُتے کرن اِظہار، صِفتاں والے ڈھولے گائیا۔ سَتگُر نانک دی اِک گلّ جِس گلّ وِچ مِل جائے اِک ایکنکار، اِک اِکلّا ملِے دُھر دا ماہیِا۔ دوُجی لوڑ رہے نہ وِچ سنسار، سَتگُر شبد جِس دی دئے گواہیِا۔ جوتی جوت سروُپ ہرِ، آپ اپنی کِرپا کر، دیونہارا ساچا ور، سچ دی کرنی کار کمائیا ۔ اِک گلّ سَتگُر نانک دی انگد سُنی نال پیار، پریِتی وِچ سمائیا۔ امرداس
پائی سار، بِن سروناں وجّی ودھائیا۔ رام داس کیِتا خبردار، رام راما پردہ آپ اُٹھائیا۔ سَتگُر ارجن اِک گلّ دا بن کے لیکھ لِکھار، گُروُ گرنتھ گُردیو دِتا بنائیا۔ گُروُ ہرِ گوبِند اِک گلّ سُن کے ہو تیار، شستر اپنے تن پہنائیا۔ ہررائے گلّ سُنی بِن رسنا جِہوا انتر آئی دُھنکار، جگت ناداں باہر وجّی ودھائیا۔ ہرکرِشن سُن کے اگمّی گلّ چھڈ گیا سنسار، بال اوستھا اِکو گلّ وِچ سمائیا۔ جِس گلّ نال گُر تیغ بہادر اپنا سیِس دِتا وار، جگدیِش نال مِل کے وجّی ودھائیا۔ اِک گلّ دا گوبِند بنیا پہریدار، کھنڈا اپنے ہتّھ اُٹھائیا۔ اِک گلّ پِچھے دھرم دی رکھیا کیِتی بن آپ کرتار، قُدرت دا قادر ہو کے ویکھ وکھائیا۔ اِک گلّ دا بھیوَ کُھلایا اپنے پنج پیار، پریم پریم وِچوں جنائیا۔ اِک گلّ سُن کے پُرکھ اکال، پنتھ خالصہ دِتا رچائیا۔ سَتگُر دی اِک گلّ جے کوئی منّے نہ اوہ ڈُبے وِچ سنسار، چؤراسی وِچ کدے نہ آئیا۔ اوہ اِک گلّ ایہہ سدا سدا اُس پربھوُ نوُں کرو نِمسکار، ڈنڈاوت وِچ اوسے نوُں سیِس نِوائیا۔ جِس دے جُگ چؤکڑی انیک اننت اگنت نام قلم شاہی کاغذاں نال لِکھے بن لِکھار، کاتب ہو کے قلم دِتی چلائیا۔ اُس اِک نام توں آد جُگاد جُگ چؤکڑی کوئی نہیں باہر، جِس گلّ وِچوں دو جہان سَتگُر نانک دھار دِتے پرگٹائیا۔ سو اِک گلّ سِکھاں دے ہِردے اندر گُر گوبِند رکھ کے گیا آپ نال پیار، بنس سربنس دیِن دُنی وِچ جگت بھیٹ کرائیا۔ اکثر اَخیِر کلجُگ دی دھار وِچ اُس گلّ نوُں منّیگا سرب سنسار، نؤ کھنڈ پرِتھمی ستّ دیِپ اوسے گلّ دی قیِمت پائیا۔ جوتی جوت سروُپ ہرِ، آپ اپنی کِرپا کر، کرے کھیل ساچا ہرِ، نِہکلنک نرائن نر، مہاراج شیرسِنگھ وِشنوُں بھگوان، آد جُگاد برہم برہمادِ جُگ چؤکڑی کھیل شبد شبد دی دھار، سَت سَت دا سَت اپنا کھیل کھِلائیا۔