کتب خانہGranth 24 (Urdu)

پہلی ماگھ شہنشاہی سمت ۱۱ ہرِ بھگت دوار جیٹھوُوال ضِلع امرتسر رات دے سمیں

دھوَل کہے جن بھگتو خوشیاں والا دِہاڑا ماگھ، پہلا پروِشٹا دئے وڈیائیا۔ ہر ہِردا انتر انتر ہووے باغ باغ، روم روم کلی کلی مہکائیا۔ انتر نِرنتر اُپجے وَیراگ، وَیری اندروں باہر کڈھائیا۔ دُرمت میَل دھووے داغ، پاپاں کرے صفائیا۔ گھر جوت جگائے چراغ، اندھ اندھیر مِٹائیا۔ پھڑ پھڑ ہنس بنائے کاگ، سوہنگ مانک موتی چوگ چُگائیا۔ ہرِ بھگت سُہیلے ساجن جاون جاگ، نِج نیتر لوچن نیَن نیَن کُھلائیا۔ وقت سُہنجنا ہوون وڈ وڈ بھاگ، بھگوَن دیوے مان وڈیائیا۔ کلجُگ کِریا کوُڑ مِٹائے آگ، اگنی تت نہ کوئے جلائیا۔ جوتی جوت سروُپ ہرِ، آپ اپنی کِرپا کر، دیونہارا ساچا ور، سچ کرنی کار کمائیا۔ دھرنی کہے جن بھگتو سچ ماگھ دا کرو مجن، دُرمت میَل رہے نہ رائیا۔ دُھر سوامی تکو سجّن، ہرِ کرتا دُھر درگاہیا۔ جِس دے نام دمامے وجّن، دو جہاناں کرے شنوائیا۔ نؤ کھنڈ پرِتھمی دیِپک جوتی جگن، اندھ اندھیرا دوُر کرائیا۔ جِس دا لہنا دینا جن بھگتاں ساچے بدن، تن وجوُداں ویکھ وکھائیا۔ جو نام دیِپک دیوے سدن، سدا سد اپنا رنگ رنگائیا۔ جوتی جوت سروُپ ہرِ، آپ اپنی کِرپا کر، دیونہارا ساچا ور، سچ دا مالک ہوئے سہائیا۔ دھرنی کہے جن بھگتو پربھ چرن دھوُڑ کرو اِشنان، اِشٹ دیوَ اِک منائیا۔ پوِتر ویکھو اِک استھان، جو پتت پُنیِت دئے کرائیا۔ اِکو نام ڈھولا سُنو کان، گیِت گوبِند اِک الاہیِا۔ ایکا مندر تکو مکان، گرِہ اِکو اِک سُہائیا۔ اِکو چرن کوَل کرو دھیان، دوُجا اِشٹ نہ کوئے منائیا۔ اِکو شاہو بھوُپ سُلطان، ہرِ کرتا اِک اکھوائیا۔ جوتی جوت سروُپ ہرِ، آپ اپنی کِرپا کر، دیونہارا ساچا ور، سچ دا سنگ آپ بنائیا۔ ماگھ کہے جُگ جُگ جن بھگت سُہیلا دُھر دا نہاوَن نہاوے، جگت مجنا لوڑ رہے نہ رائیا۔ دُرمت میَل نِرنتر گواوے، پاپاں کرے صفائیا۔ چرن کوَل اِکو سیِس نِواوے، دوُسر اوٹ نہ کوئے تکائیا۔ جگت تیِرتھ تٹ کنارے نہ ویکھن پاوے، پاندھی بنے جگت نہ راہیِا۔ پُرکھ اکالا دیِن دَیالا اپنی دَیا کماوے، سِر اپنا ہتّھ رکھائیا۔ گھر سوامی ویکھ وکھاوے، پردہ پردیاں وِچوں چُکائیا۔ جوتی جوت سروُپ ہرِ، آپ اپنی کِرپا کر، دیونہارا ساچا ور، سچ کرنی کار کمائیا۔ ماگھ کہے جن بھگتو میرا دِوس سُلکھنا، پربھ دیوے مان وڈیائیا۔ ہرِ بھگت سُہیلے وِرولے لکھّ چؤراسی وِچوں مکھّنا، نام مدھانا اِک ٹِکائیا۔ کِرپا کرے الکھ الکھنا، اگوچر دَیا کمائیا۔ جو جُگ جُگ چلاوے رتھنا، رتھواہی بنے دُھر دا ماہیِا ۔ جِس نے جگت جہان متھنا، بچیا رہن

کوئے نہ پائیا۔ اوہ جن بھگت کدے نہ موڑے سکھّنا، سچ وست نام ورتائیا۔ دھوُڑی چرن چُھہائے متھنا، مستک خاک رمائیا۔ جوتی جوت سروُپ ہرِ، آپ اپنی کِرپا کر، دیونہارا ساچا ور، سچ دا مالک اِک اکھوائیا۔ ماگھ کہے جن بھگتو پربھ چرن دھوُڑ سچّا نہاؤنا، آد جُگاد ملِے وڈیائیا۔ تُوں میرا میَں تیرا ڈھولا گاؤنا، آتم پرماتم مِل کے خوشی بنائیا۔ گھر سوامی ٹھاکر اِک مناؤنا، نِو نِو سیِس جھُکائیا۔ مِہربان محبوُب اِک دھیاؤنا، در اِکو اوٹ تکائیا۔ جوتی جوت سروُپ ہرِ، آپ اپنی کِرپا کر، دیونہارا ساچا ور، سچ دا مالک اِک اکھوائیا ۔ مالک کہے میرا جن بھگتاں نال سنگ، سگلا سنگی پُرکھ اکال جنائیا۔ جو نام نِدھانا چاڑھے رنگ، رنگت اُتر کدے نہ جائیا۔ شبد دھار وجائے مردنگ، دیِن دُنی سُنائیا۔ اوہ صاحِب سوُرا سربگ، ہرِ کرتا آپ اکھوائیا۔ جِس دے حُکم وِچ جُگ چؤکڑی گئے لنگھ، بھجّن واہو داہیِا۔ اوہ آتما سیج سُہائے پلنگ، سُکھ آسن سوبھا پائیا۔ بھاگ ہون نہ دیوے کدے مند، مندبھاگیاں لئے اُٹھائیا۔ جِس لیکھے لاؤنا نِشان تارا چند، سوُریہ کھوج کھوجائیا۔ اوہ بھگتاں دیونہار انند، انند انند وِچوں پرگٹائیا۔ کلجُگ انتم بن بخشند، بخشش رحمت رہیا ورتائیا۔ بھگتاں آون جاون میٹ کے پندھ، لیکھا اگلا اپنے ہتّھ رکھائیا۔ جوتی جوت سروُپ ہرِ، آپ اپنی کِرپا کر، دیونہارا ساچا ور، سچ رنگ آپ رنگائیا۔ ماگھ کہے میرا دھرم دھرم پَیغاما، سرِشٹ درِشٹ جنائیا۔ جو سندیسہ دے کے گیا سیِیا نوُں راما، رام راما بھیوَ چُکائیا۔ جو اِشارہ دِتا گھنئیے شاما، رادھا کھیل تکنا سِری بھگوانا، بھگوَن اپنا حُکم ورتائیا۔ جِس دا ویس ہونا زِمیں اسمانا، برہمنڈ کھنڈ اپنا روُپ رنگ رنگائیا۔ پَیغمبراں کِہا دُھر اِماما، عملاں توں رہت نوُر الاہیِا۔ گُروُ گُردیواں کِہا صاحِب سُلطانا، پُرکھ اکالا وڈ وڈیائیا۔ جوتی دھار پہن کے جامہ، جوتی جاتا اِک اکھوائیا۔ لہنا دینا جانے زِمیں اسمانا، دو جہاناں کھوج کھوجائیا۔ جن بھگت سُہیلے کرے پروانا، سِر سِر اپنا ہتّھ ٹِکائیا۔ جوتی جوت سروُپ ہرِ، آپ اپنی کِرپا کر، ایکا دینا ساچا ور، نِہکلنک نرائن نر، مہاراج شیرسِنگھ وِشنوُں بھگوان، سچ بیننتی کرے پروانا، پرم پُرکھ پربھ اپنی دَیا کمائیا۔

۴ ماگھ شہنشاہی سمت ۱۱ پیارے لال، درشن سِنگھ دے گرِہ پِنڈ دُسانجھ ضِلع جالندھر

دھرنی کہے پربھوُ جن بھگتاں بخش پیار، پییا پریِتم ہو کے دَیا کمائیا۔ گھر سوامی درشن دے دیِدار، نِج گرِہ پردہ آپ اُٹھائیا۔ میرے آد جُگادی ایکنکار، اکل کل دھاری تیری بےپرواہیِا۔ میَں مانگت ہو کے منگاں بِھکھار، در تیرے الکھ جگائیا۔ تُوں دیونہار داتار، داتا دانی دُھردرگاہیِا۔ میری آشا پوُری کر دے سچکھنڈ نِواسی دُھر دے یار، مِتر پیارے ہونا سہائیا۔ جوتی جوت سروُپ ہرِ، آپ اپنی کِرپا کر، ایکا دینا ساچا ور، در ساچے آس رکھائیا۔ دھرنی کہے پربھوُ اپنی دسّ اگمّی بولی، انبولت راگ دِرڑائیا۔ جن بھگت سُہیلے انتر آتم جاون مؤلی، مؤلا اپنا رنگ رنگائیا۔ جُگ چؤکڑی لہنے تک لےَ اِقرار قؤلی، کَول نیَن بِن نیَناں نیَن اُٹھائیا۔ کوجھی کملی میَں نِمانی دھرت دھوَلی، دھوَل ہو کے آس رکھائیا۔ میری بیننتی منّ لےَ میَں کوجھی کملی، کملاپت تیری اوٹ رکھائیا۔ تُوں موہن مادھوَ میرا ساول سوَلی، ساوَریا اگمّ اتھاہیِا۔ جوتی جوت سروُپ ہرِ، آپ اپنی کِرپا کر، ایکا دینا ساچا ور، گھر ساچے آس رکھائیا۔ دھرنی کہے پربھوُ جن بھگتاں انتر دے دے اپنا درس، نِج لوچن نیَن کر رُشنائیا۔ نِجھر دھاروں بوُند سوانتی اگمّی برس، جگت ترِسنا پیاس مِٹائیا۔ کوُڑی کِریا میٹ دے حرص، ہوَس اوَر نہ کوئے رکھائیا۔ مِہربان ہو کے کر دے ترس، رحمت آپ کمائیا۔ میرا سُہنجنا ہووے تیرا برس، برسی پریِتم اپنے رنگ رنگائیا۔ نِگاہ مار لےَ میرے اُتے فرش، فرشے خاکی دھیان لگائیا۔ تُوں وسنہارا اُتے عرش، عرشی پریِتم تیری وڈ وڈیائیا۔ جوتی جوت سروُپ ہرِ، آپ اپنی کِرپا کر، ایکا دینا ساچا ور، سچ کرنی کار کمائیا۔ دھرنی کہے پربھوُ جن بھگتاں بخش اگمّڑی پریِت، پریِتم ہو کے دَیا کمائیا۔ کایا ماٹی تن وجوُد کر دے ٹھانڈا سیِت، اگنی تت نہ کوئے تپائیا۔ تُوں میرا میَں تیرا ڈھولا گاون گیِت، آتم پرماتم مِل کے وجے ودھائیا۔ ٹھگؤری جگت کوُڑی کِریا رہے موُل نہ چیِت، چیتن سُرتی دینی کرائیا۔ لکھّ چؤراسی وِچ پرکھنہارے نیِت، نیِتیوان تیری وڈ وڈیائیا۔ جن بھگتاں جھگڑا مُکا دے مندر مسیِت، کایا کعبہ اِک درسائیا۔ کِرپا کر دے ترےَگُن اتیِت، ترےَبھوَن دھنی تیری اوٹ تکائیا ۔ جوتی جوت سروُپ ہرِ، آپ اپنی کِرپا کر، ایکا دینا ساچا ور، سچ کرنی کار کمائیا۔ دھرنی کہے میرے ساجن میِت محبوُب، مِہربان تیری وڈیائیا۔ جن بھگتاں گرِہ ہو مؤجوُد، دوُر دُراڈا پندھ مُکائیا۔ دیِن دُنی دی چھڈ حدوُد، حُجرہ اِکو اِک سُہائیا۔ تیرا عالیشان دِسے عروُج، نوُر نوُرانہ ڈگمگائیا۔ میل

مِلا منزل حق مقصوُد، باطن پردہ آپ چُکائیا۔ لیکھا رہے نہ ہزارا دروُد، شرع ونڈ نہ کوئے ونڈائیا۔ پریم پریِتی تیرا ہووے ثبوُت، ثابت اپنا رنگ رنگائیا۔ بھاگ لگا دے کایا قلبوُت، کعبہ اِکو اِک جنائیا۔ جوتی جوت سروُپ ہرِ، آپ اپنی کِرپا کر، دیونہارا ساچا ور، سچ کرنی کار کمائیا۔ دھرنی کہے پربھوُ جن بھگتاں کر دے وڈ وڈ بھاگ، بھگوَن تیرے ہتّھ وڈیائیا۔ گھر دیِپک جوت جگا چراغ، اندھ اندھیرا دے مِٹائیا۔ سچ پریِتی بخش وَیراگ، وَیری اندروں باہر کڈھائیا۔ گُرمُکھ ہنس بنا کاگ، کاگ ہنس روُپ بدلائیا۔ دُرمت میَل دھو دے داغ، پتت پُنیِت آپ جنائیا۔ سوئی سُرتی جن بھگتاں جائے جاگ، جاگرت جوت کر رُشنائیا۔ ترےَگُن مایا آپ بُجھا دے آگ، ترےَگُن اتیِتے دَیا کمائیا۔ جوتی جوت سروُپ ہرِ، آپ اپنی کِرپا کر، ایکا دینا دُھر دا ور، دُھر سوامی ہونا سہائیا۔ دھرنی کہے پربھوُ بھگتاں انتر کر نِواس، نِج گھر اپنا ڈیرہ لائیا۔ ساچی جوت دے پرکاش، اندھ اگیان دے مِٹائیا۔ پندھ مُکا دے پرِتھمی آکاش، گگن گگننتر لیکھ رہے نہ رائیا۔ ساچے منڈل وکھا دے راس، بِن گوپی کاہن ناچ نچائیا۔ سَتگُر شبد دا دے دھرواس، دھیِرج دھرم دھار سمجھائیا۔ لیکھے لاؤنا سواس سواس، ساہ ساہ تیرے رنگ سمائیا۔ جوتی جوت سروُپ ہرِ، آپ اپنی کِرپا کر، ایکا دینا ساچا ور، سچ دا پردہ آپ اُٹھائیا۔ دھرنی کہے میرے پربھوُ درد دُکھ بھےَ بھنجنا، بے پرواہ تیری سرنائیا۔ جن بھگتاں نیتر نام نِدھان پا دے انجنا، دُرمت میَل دینی دھوائیا۔ کِرپا کر سوامی سجّنا، سَتگُر تیرے ہتّھ وڈیائیا۔ تُدھ بِن پردہ کِسے نہ کجّنا، سِر سِر ہتّھ نہ کوئے ٹِکائیا۔ لیکھے لا لےَ اعلیٰ ادنیٰ، اوُچاں نیِچاں ونڈ نہ کوئے ونڈائیا۔ سَت سچ اپنی وکھا دے رچنا، پردہ پردیاں وِچوں چُکائیا۔ بھاگ لگا دے کایا ماٹی کچنّا، کنچن گڑھ آپ سُہائیا۔ جوتی جوت سروُپ ہرِ، آپ اپنی کِرپا کر، ایکا دینا ساچا ور، سچ گرِہ وجدی رہے ودھائیا۔ دھرنی کہے سدا بھگت پیاسا پیار، پیارے لال دئے گواہیِا۔ درشن سِنگھ مانگے درس دیِدار، دیِد عید چند رُشنائیا۔ دوہاں دا اِکو گھر ہووے تیرا چرن دوار، بنک دوار ملِے وڈیائیا۔ شبد ناد دے دُھنکار، دُھن آتمک راگ سُنائیا۔ امرت رس بخشنا ٹھنڈا ٹھار، نِجھر جھِرنا بوُند سوانتی کوَل نابھ ٹپکائیا۔ آتم جوتی کر اُجیار، بِن تیل باتی ڈگمگائیا۔ گھر سُہنجنا کر آپ کرتار، قُدرت قادر دَیا کمائیا۔ تُوں شاہو بھوُپ سِکدار، کرتا پُرکھ اِک اکھوائیا۔ جوتی جوت سروُپ ہرِ، آپ اپنی کِرپا کر، ایکا دینا ساچا ور، سچ دا سنگ آپ بنائیا۔ دھرنی کہے پربھوُ جن بھگتاں انتر نِرنتر چاڑھ دے رنگ، رنگت اپنی اِک پرگٹائیا ۔ سچ

دوار ویکھنا لنگھ، نوَ دوار دا ڈیرہ ڈھاہیِا۔ نادی شبد سُنا مردنگ، دُھن آتمک اِک دِرڑائیا ۔ آتم سیج سُہا پلنگ، بِن پاوا چوُل سوبھا پائیا۔ بھیوَ چُکا دے برہم ہنگ، پاربرہم پربھ پردہ آپ اُٹھائیا۔ آتم پرماتم بخش دے سنگ، سگلا سنگی آپ ہو جائیا۔ جوتی جوت سروُپ ہرِ، آپ اپنی کِرپا کر، ایکا دینا ساچا ور، سچ وست نام ورتائیا۔ دھرنی کہے پربھوُ تُوں دیونہار سمرتھ، تیرے ہتّھ وڈیائیا۔ تیری مہما سدا اکتھ، جُگ جُگ ڈھولے گائیا۔ جن بھگتاں بخش اگمّی وتھ، وست اتول اتُل ورتائیا۔ خالی رہے کوئی نہ ہتّھ، جوتی جوت سروُپ ہرِ، آپ اپنی کِرپا کر، ایکا دینا ساچا ور، سچ دا سنگ آپ بنائیا۔ دھرنی کہے پربھوُ اج دِوس دِہاڑا ماگھ چار، چار جُگ دا لیکھا دے مُکائیا۔ کِرپا کر آپ نِرنکار، نِروَیر تیرے ہتّھ وڈیائیا۔ جن بھگت سُہیلے پھڑ باہوں دے تار، تارنہار دَیا کمائیا۔ اپنے مِتر بنا لےَ یار، یارڑے اپنی گنڈھ پوائیا۔ اِک وکھاؤنا سچکھنڈ دوار، درگاہ ساچی سچ ٹِکائیا۔ جِتھوں آؤنا پئے نہ دوُجی وار، جننی جنم دیوے کوئے نہ مائیا۔ کلجُگ انت سِری بھگوَنت لہنا دینا رہے نہ وِچ سنسار، سنساری بھنڈاری سنگھاری سنگ بنائیا۔ تُوں نِرگُن نِروَیر کل کلکی اوتار، کل کاتیِاں کر صفائیا۔ میَں نِمانی منگتی تیرے در بِھکھار، بِھکھک ہو کے جھولی ڈاہیِا۔ جوتی جوت سروُپ ہرِ، آپ اپنی کِرپا کر، ایکا دینا ساچا ور، سچ در وجدی رہے ودھائیا۔ ماگھ کہے میرا دِوس دِہاڑا چؤتھا، چؤتھے جُگ جنائیا۔ جن بھگتاں پربھوُ مارگ دسّیا سؤکھا، بھیِڑی گلی نہ کوئے رکھائیا۔ پڑھنا پئے کِسے نہ پوتھا، پُستک بغل نہ کوئے اُٹھائیا۔ ہرِجن رہے کوئے نہ سوتا، سُتیاں لئے جگائیا۔ سچ دوار مارن والا غوطہ، جگ نیتر نظر کِسے نہ آئیا۔ جِس نے بھگتاں دُرمت میَل پاپ کلیور دھوتا، کلجُگ کِریا کوُڑ کرے صفائیا۔ جوتی جوت سروُپ ہرِ، آپ اپنی کِرپا کر، دیونہارا ساچا ور، سچ دا مالک اِک گوسائنیا۔ دھرنی کہے پربھوُ جن بھگتاں سِر رکھ ہتّھ، کلجُگ دھیان لگائیا۔ تُوں سرب کلا سمرتھ، بے پرواہ اگمّ اتھاہیِا۔ سچ پریم دی دے دے وتھ، وست امولک اِک ورتائیا۔ تیری مہما گاون اکتھ، دُھر دے ڈھولے گائیا۔ تیرے سرب چرن جاون ڈھٹھ، کَول نیَن اکھّ اکھّ دینی کُھلائیا۔ سب دے لیکھے لاؤنے جگت دھار تت اٹّھ، اپ تیج وائے پرِتھمی آکاش من مت بُدھ سنگ رلائیا۔ جن بھگتاں بخشنا انتشکرن ہٹھ، سَت سنتوکھ وِچ سمائیا۔ سب دا اِکو دوار ہووے اِکٹّھ، دوُجا در ویکھن کوئے نہ پائیا۔ دھرنی کہے پربھوُ میَں چرن کوَل دھوَل نِمانی ہو کے جاواں ڈھٹھ، بِن دھوُڑی تیری خاک رمائیا۔ جوتی جوت سروُپ ہرِ،

آپ اپنی کِرپا کر، ایکا دینا ساچا ور، نِہکلنک نرائن نر، مہاراج شیرسِنگھ وِشنوُں بھگوان، جن بھگتاں درس دِکھاؤنا نَٹھ نَٹھ، بِن قدماں بھجّنا دو جہان واہو داہیِا۔

۵ ماگھ شہنشاہی سمت ۱۱ سنتوکھ سِنگھ سوڈھیِاں دے نوِت پِنڈ دُسانجھ ضِلع جالندھر

ماگھ کہے میری بیننتی کر پروان، پروِشٹا پنج پنج نال مِلائیا۔ نِگاہ مار سِری بھگوان، بھگوَن ہو کے ویکھ وکھائیا۔ سچکھنڈ نِواسی دُھر دے کاہن، رام راما نوُر الاہیِا۔ جوتی جاتے کر پہچان، بے پہچان پردہ آپ اُٹھائیا۔ تَینوُں جھُکدے زِمیں اسمان، دو جہان لاگن پائیا۔ برہمنڈ کھنڈ تیرے ڈھولے گان، پُری لوء وجدی رہے ودھائیا۔ سچ دوار اِکو منگاں دان، داتا ہو کے جھولی دینی بھرائیا۔ جوتی جوت سروُپ ہرِ، آپ اپنی کِرپا کر، ایکا دینا ساچا ور، سچ دی آسا پوُر کرائیا۔ ماگھ کہے پربھ جن بھگتاں ترس کمانا، رحمت اپنی آپ کمائیا۔ جگت جگدیِش ہو کے ویکھ وکھاؤنا، بِن نیتر لوچن نیَن اکھّ اُٹھائیا۔ سِر سِر اپنا ہتّھ ٹِکاؤنا، دوُسر اوٹ نہ کوئے جنائیا۔ امرت آتم جام پیاؤنا، رس نِجھر اگمّ جھِرائیا۔ شبد انادی ناد وجاؤنا، دُھن آتمک راگ دِرڑائیا۔ دیِپک جوتی ڈگمگاؤنا، بِن تیل باتی کر رُشنائیا۔ جن بھگت سُہیلا گود اُٹھاؤنا، پھڑ باہوں گلے لگائیا ۔ انتر آتم پردہ لاہُنا، نِج نیتر اکھّ کُھلائیا۔ جوتی جوت سروُپ ہرِ، آپ اپنی کِرپا کر، ایکا دینا ساچا ور، دیونہار تیری سرنائیا۔ ماگھ کہے پربھوُ جن بھگتاں دے دے دات، داتے دانی دَیا کمائیا ۔ کلجُگ انتم پُچھ وات، وارث ہو کے ویکھ وکھائیا۔ بِنا زبان توں کر بات، باطن پردہ دے اُٹھائیا۔ امرت بخش بوُند سوانت، اگنی تت گوائیا۔ جوتی جوت سروُپ ہرِ، آپ اپنی کِرپا کر، ایکا دینا ساچا ور، سچ دا سنگ آپ بنائیا۔ جن بھگت کہن پربھوُ پنچم پروِشٹا آیا، اپنی خوشی بنائیا۔ ہرِجن چرن دھوُڑی دے نُہایا، دُرمت میَل رہے نہ رائیا۔ ترےَگُن لیکھا میٹ مایا، ممتا موہ ہنکار گوائیا۔ سچ سوامی بخش اپنی ساچی چھایا، دوُجا نظر کوئے نہ آئیا۔ جوتی جوت سروُپ ہرِ، آپ اپنی کِرپا کر، ایکا دینا ساچا ور، سچ دا میلا آپ مِلائیا۔ جن بھگت کہن پربھ دے نام خُماری، مست مستانے آپ بنائیا۔ تیرے نام دے ہوئیے ادھاری، اُدر دا لیکھا رہے نہ رائیا۔ ساڈی پَیج دینی سواری، سِر سِر اپنا ہتّھ ٹِکائیا۔ ونڈ رہے نہ

پُرکھ ناری، نر نرائن اِکو رنگ رنگائیا۔ تُوں شاہو بھوُپ سِکداری، شہنشاہ اِک اکھوائیا۔ ساڈی تیرے چرن کوَل نِمسکاری، ڈنڈاوت بندنا وِچ سیِس جھُکائیا۔ تیرے در تے بنیئے پُجاری، پوُجا سِل رہن کوئے نہ پائیا۔ تُوں کِرپا کریں اپاری، اپرمپر دینی مان وڈیائیا۔ ساچی پریِتی نِبھ جائے توڑ یاری، یرانے سکے نہ کوئے تُڑائیا۔ ہرِجن کرے نہ کوئے غداری، گُروُ گُردیو لیکھا دینا مُکائیا۔ جوتی جوت سروُپ ہرِ، آپ اپنی کِرپا کر، ایکا دینا ساچا ور، سچ دا سنگ آپ بنائیا۔ جن بھگت کہن ساڈے اندروں میٹ تاریِکی، اندھیرا رہن کِچھ نہ پائیا۔ تیرے وِچ حق تؤفیِقی، طاقتور نوُر الاہیِا۔ ساڈی کایا کر ٹھانڈی سیِتی، اگنی تت نہ کوئے تپائیا ۔ کلجُگ وِچ سَتجُگ بدل ریِتی، ریِتیوان ہو سہائیا۔ لیکھا رہے نہ مندر مسیِتی، کعبہ اِکو اِک وکھائیا۔ تیرے چرن اُپر دھوَل مِلدی رہے پریِتی، پریِتم مِلنا چائیں چائنیا۔ تُوں واحد لاشریِکی، واحد نوُر الاہیِا۔ تیرے وِچ حق تؤفیِقی، تُحفے دینے تھاؤں تھائنیا۔ جوتی جوت سروُپ ہرِ، آپ اپنی کِرپا کر، ایکا دینا ساچا ور، نِہکلنک نرائن نر، مہاراج شیرسِنگھ وِشنوُں بھگوان، ہرِجن تیری بُھل جان نہ ریِتی، ریِتیوان اپنا رنگ دینا رنگائیا۔

۵ ماگھ شہنشاہی سمت ۱۱ پِنڈ بتالا ضِلع امرتسر

دھرنی کہے میرے صاحِب سوُرے سربگ، ہرِ کرتے تیری اوٹ تکائیا۔ میرے مِہربان نؤجوان سِری بھگوان میرے اُتوں بُجھا دے اگّ، نوَ ستّ تتو تت نہ کوئے تپائیا۔ نِرگُن دھار سرِشٹی درِشٹی اندر ویکھ لےَ جگ، جاگرت جوت بِن ورن گوت نظر کوئے نہ آئیا۔ کلجُگ جیِو بغلے بن گئے بپ، کاگ ہنس روُپ نہ کوئے بدلائیا۔ آتم دھار تیرے نالوں ہوئے الگ، سگلا سنگ نہ کوئے بنائیا۔ مِہربان محبوُب تیرا درشن پائے نہ کوئے اُپر شاہ رگ، شہنشاہ مِلن کوئے نہ پائیا۔ جوتی جوت سروُپ ہرِ، آپ اپنی کِرپا کر، ایکا دینا ساچا ور، در ساچے الکھ جگائیا۔ دھرنی کہے پربھوُ میرے اُتوں میٹ دے کلجُگ کوُڑ، کِریا کُکرم رہن کوئے نہ پائیا۔ جیِو جنت چتُر سُگھڑ بنا موُرکھ موُڑ، اندھ آتم کر رُشنائیا۔ نام نِدھان رنگ چاڑھ دے گوُڑھ، دُرمت میَل انتر نِرنتر دے دھوائیا۔ سَت ستوادی جن بھگتاں بخش اپنی دھوُڑ، چرن چرنودک مستک ٹِکّے خاک رمائیا۔ جوتی جوت سروُپ ہرِ، آپ اپنی کِرپا کر، ایکا دینا ساچا ور، در ساچے آس رکھائیا۔ دھرنی کہے پربھوُ

میرا دوارا کر پوِت، پتت پُنیِت ہو سہائیا۔ تیرا کھیل آد جُگادی نِت، نوِت اپنا کھیل کھِلائیا۔ ٹھاکر سوامی میرے دُھر دے پِت، پت پرمیشور تیری اوٹ تکائیا۔ کلجُگ انت سِری بھگوان کر ہِت، ہِتکاری ہو کے ویکھ وکھائیا۔ جگت جگیاَسوُآں ٹھگؤری رہن نہ دیویں چِت، منسا من نہ کوئے ہلکائیا۔ میری سُہنجنی سُہاوَنی کر دے تِھت، پروِشٹا پنج ماگھ وڈیائیا۔ نِرگُن سرگُن تیرا کھیل کھیل گئے اوتار پَیغمبر گُر کِت، کیتے اپنا کھیل کھِلائیا ۔ جوتی جوت سروُپ ہرِ، آپ اپنی کِرپا کر، ایکا دینا ساچا ور، سچ دا پردہ آپ اُٹھائیا۔ دھرنی کہے میرے صاحِب کملاپات، پت پرمیشور تیری اوٹ تکائیا۔ میرے اُتے ویکھ اندھیری رات، کلجُگ اندھ اندھیرا چھائیا۔ امرت ملِے نہ کِسے بوُند سوانت، نِجھر جھِرنا نہ کوئے جھِرائیا۔ جھگڑا تک ذات پات، دیِن مذہب کرے لڑائیا۔ تیرا درس نِج نیتر نہ ہووے کِسے اِکانت، اِک اِکلّے تَینوُں مِلن کوئے نہ پائیا۔ انت اَخیِر بے نظیِر لاشریِک میری پُچھ بات، پروردِگار سانجھے یار ہو سہائیا۔ جوتی جوت سروُپ ہرِ، آپ اپنی کِرپا کر، ایکا دینا ساچا ور، سچ دا سنگ آپ بنائیا۔ دھرنی کہے پربھ میریاں انت انت اُڈیِکاں، بِن نیَناں نیَن اُٹھائیا۔ جو اوتار پَیغمبر گُروُآں دسّیِاں تاریخاں، تواریخاں باہر جنائیا۔ تیرا کھیل حق حقیِقت کی کا، کلمیاں باہر پڑھائیا۔ تیرے وِچ اگمّ تؤفیِقا، تحفہ دینا چائیں چائنیا۔ آتم پرماتم سرِشٹی درِشٹی اندر دے پریِتاں، پریِتم ہو کے ویکھ وکھائیا۔ نؤ کھنڈ پرِتھمی ستّ دیِپ مانَو ذاتی تیرا اِکو ڈھولا گائے گیِتا، تُوں میرا میَں تیرا دوُجا راگ نہ کوئے الائیا۔ انتشکرن سب دا کر دے ٹھانڈا سیِتا، اگنی تت تت بُجھائیا۔ جوتی جوت سروُپ ہرِ، آپ اپنی کِرپا کر، ایکا دینا ساچا ور، در ساچے الکھ جگائیا۔ دھرنی کہے پربھوُ میَں در بِھکھارن منگتی، بِھکھک ہو کے جھولی ڈاہیِا۔ دیِن دُنی گڑھ توڑ دے ہؤمے ہنگتی، ہنگ برہم دے سمجھائیا۔ پیار بنا دے چار ورن اٹھاراں برن اِکو سنگتی، ہِندوُ مُسلم سِکھ عیِسائی ونڈ نہ کوئے ونڈائیا۔ ترِسنا کوُڑ رہے نہ من دی، منسا موہ نہ کوئے ہلکائیا۔ انت نِشانی میٹ دے تارا چنّ دی، محمد آسا نال مِلائیا۔ میرے اُتے گھڑی رہے نہ غم دی، غم خوار خوشی دینی پرگٹائیا۔ سرِشٹی ونجارن رہے نہ درِشٹی چمّ دی، چمّ درِشٹی دا لیکھا دینا مُکائیا۔ تیری اِکو دھار ہووے آتم پرماتم پاربرہم برہم دی، پرم پُرکھ پربھ اپنا رنگ رنگائیا۔ سب نوُں اِکو اوٹ ہووے تیری سرن دی، دوُجا اِشٹ نہ کوئے رکھائیا۔ کھیل مُکا دے کایا ماٹی دھڑن دی، تن وجوُد نہ کوئے لڑائیا۔ جوتی جوت سروُپ ہرِ، آپ اپنی کِرپا کر، ایکا منزل دسّ دے اپنی چڑھن دی، نام پؤڑی ڈنڈا اِکو

اِک وکھائیا۔ دھرنی کہے پربھوُ میرے آد جُگادی رام، رمئیا تیری بےپرواہیِا۔ میرے سَت ستوادی شام، شمع نوُر جوت کر رُشنائیا۔ میرے شاہو بھوُپ اِمام، شہنشاہ اگمّ اتھاہیِا۔ تیرے چرن کوَل پرنام، بِن سیِس سیِس جھُکائیا۔ میَں چاہُندی دیِن مذہب دا جھگڑا میٹ تمام، شرع دی ونڈ نہ کوئے ونڈائیا ۔ اِکو نام کلمہ دے پَیغام، پَیغمبراں باہر کر شنوائیا۔ آتم پرماتم تیرا ہووے اِسلام، اِسم اعظم اِک سمجھائیا۔ جوتی جوت سروُپ ہرِ، آپ اپنی کِرپا کر، ایکا دینا ساچا ور، سچ دی آسا اِک رکھائیا۔ دھرنی کہے پربھوُ میرے اُتے تیرا اِکو ہووے جاپ، دوُسر رنگ نہ کوئے رنگائیا۔ کلجُگ کوُڑی کِریا میٹ دے تاپ، ترےَگُن اتیِتے اپنا رنگ رنگائیا۔ دیِن دُنی اندروں کڈھ سنتاپ، جھگڑا شرع رہے نہ رائیا ۔ پُرکھ اکالے دیِن دَیالے بن کملاپات، پت پرمیشور ہو کے ویکھ وکھائیا۔ پروردِگار سانجھے یار مار جھات، بِن نیتر لوچن نیَناں اکھّ اُٹھائیا۔ کلجُگ انت سِری بھگوَنت پُچھ وات، واتاوَرن تک خلق خُدائیا۔ جوتی جوت سروُپ ہرِ، آپ اپنی کِرپا کر، ایکا دینا ساچا ور، در ساچے منگ منگائیا۔ دھرنی کہے پربھوُ میرے اُتوں میٹ دے کوُڑ کُڑیار، کل کاتی رہن نہ پائیا۔ نوَ ستّ برہم مت کر اُجیار، جوتی جاتے پُرکھ بِدھاتے تیرے اَگے منگ منگائیا۔ نوَ ستّ تیرا ہووے جےَ جَیکار، جیِو جنت سادھ سنت تیرا اِکو ڈھولا گائیا۔ آتم پرماتم پرماتم آتم تیری ہووے دھار، دھرنی دھرت دھوَل دھؤل چاروں کُنٹ وجے ودھائیا۔ بھگت وچھل میرے گِردھار، بھگوَن میری آسا پوُر کرائیا۔ سنت سُہیلے گُروُ گُر چیلے دینے تار، تارنہار تیرے ہتّھ وڈیائیا۔ میَں سَتجُگ تریتا دواپرکلجُگ تیرا کردی رہی اِنتظار ، بِن نیتر لوچن نیَناں اکھّ اُٹھائیا۔ کوَن ویلا کل کلکی آوے اوتار، نِہکلنکا اپنا پھیرا پائیا۔ اِمام اِماما ہووے سِکدار، دو جہاناں ویکھ وکھائیا۔ لہنا دینا جانے پَیغمبر گُر اوتار، بھوِکھتاں پردہ پردیاں وِچوں اُٹھائیا۔ سو سوامی انترجامی گھٹ نِواسی پُرکھ ابناشی پروردِگار سانجھے یار تیرا کھیل وِچ سنسار، سنساری بھنڈاری سنگھاری وِشن برہما شِو نال مِلائیا۔ میَں کوجھی کملی مِٹّی خاک تیری چرن دھوُڑی لاواں چھار، شہنشاہ تیرے رنگ وِچ سمائیا۔ جوتی جوت سروُپ ہرِ، آپ اپنی کِرپا کر، ایکا دینا ساچا ور، سچ دی آسا پوُر کرائیا۔ دھرنی کہے پربھوُ مِہربان ہو کے تُٹھ، چاروں کُنٹ دھیان لگائیا۔ کلجُگ کوُڑ کُڑیارا میری گودی وِچوں جائے اُٹھ، سَتجُگ سچ دے وڈیائیا۔ جو تیرے تیرے نالوں گئے رُٹھ، آتم میلا میل سہج سُبھائیا۔ امرت جام پیا دے گھُٹ، بِن رسنا رس چکھائیا۔ جِنہاں دی لِو گئی چُھٹ، چُھٹکی لِو لےَ لگائیا۔ نام بھنڈارا دے

اتُٹ، اتوٹ آپ ورتائیا۔ تیرے اُتے اِکو اوٹ، اوڑک در تیرے واسطہ پائیا ۔ شبد نگارے لا دے چوٹ، چوٹی چڑھ کے ویکھ وکھائیا۔ کلجُگ کوُڑی کِریا میرے انتشکرن وِچوں کڈھ دے کھوٹ، کھوٹے کھرے لےَ بنائیا۔ تُوں سچ سوامی پُرکھ اکالا سَتگُر اِکو بہُت، بُہتے گُروُآں لوڑ رہے نہ رائیا۔ میَں پرکاش تکاں تیرا نِرمل جوت، جوتی جاتے پُرکھ بِدھاتے اپنا نوُر کر رُشنائیا۔ جوتی جوت سروُپ ہرِ، آپ اپنی کِرپا کر، ایکا دینا ساچا ور، نِہکلنک نرائن نر، مہاراج شیرسِنگھ وِشنوُں بھگوان، آد جُگاد جُگ چؤکڑی نِرگُن سرگُن سرگُن نِرگُن تیری آوے نہ کِسے سوچ، سوچ سمجھ عقل بُدھی جگت چلے نہ کوئے چتُرائیا۔

۶ ماگھ شہنشاہی سمت ۱۱ ہرِ بھگت دوار جیٹھوُوال ضِلع امرتسر

بھگت جناں ہرِ میِتڑا، پرم پُرکھ کرتار۔ سنت جناں مِلائے میل انڈیٹِھڑا، دُھر درگاہی کنت بھتار۔ گُرمُکھاں رنگ چاڑھے مجیِٹھڑا، اُتر نہ جائے وِچ سنسار۔ گُرسِکھاں مِٹھا کرے کؤڑا ریِٹھڑا، وِکھ اندروں کڈھے باہر۔ ہرِجن وکھائے دھام انڑیِٹھڑا، پردہ پردیاں وِچوں اُتار۔ جُگ جُگ ویکھنہارا کایا چیِتھڑا، جوتی جاتا اگمّ اپار۔ جوتی جوت سروُپ ہرِ، آپ اپنی کِرپا کر، دیونہارا ساچا ور، شاہو بھوُپ سچّی سرکار۔ بھگت جناں سد رنگدا، رنگت اگمّ اتھاہیِا۔ ساچے سنتاں اندر آپے لنگھدا، بِن قدماں قدم اُٹھائیا۔ گُرمُکھاں ونج کرائے ساچے سنگ دا، سگلا سنگی آپ ہو جائیا۔ گُرسِکھاں اِشنان کرائے چرن دھوُڑ گنگ دا، گنگوتری لیکھا رہے نہ رائیا۔ ہرِجن بھیوَ کُھلاوے آتم سیج پلنگ دا، پردہ پردیاں وِچوں اُٹھائیا۔ جوتی جوت سروُپ ہرِ، آپ اپنی کِرپا کر، دیونہارا ساچا ور، ہرِ کرتا اگمّ اتھاہیِا۔ بھگت جناں پربھ میلدا، میلنہار کرتار۔ سنت جناں کھیل کھِلائے سجّن سُہیل دا، آد جُگادی ایکنکار۔ گُرمُکھاں بھیوَ کُھلائے بِن باتی تیل دا، جوتی جاتا ڈگمگائے۔ گُرمُکھاں گُرسِکھاں دھام وکھائے اپنا نَویل دا، پردہ اوہلا انت اُٹھائے۔ ہرِجن لیکھ وکھائے گُروُ گُر چیل دا، جوتی جوت سروُپ ہرِ، آپ اپنی کِرپا کر، دیونہارا ساچا ور، سچ کرنی کار کمائے۔ بھگت جناں پربھ سجّنا، سَتگُر دیِن دَیال۔ سنت جناں کرائے مجنا، بنائے دُھر دے لال۔

گُرمُکھاں بنے پردہ کجنا، نام نِدھانا دئے دوشال۔ گُرسِکھ ساچے چرن کوَل دیوے جگہنا، دھرم دوار دئے وکھال۔ ہرِجن نام خُماری کرے مگنا، کرنی دا کرتا پُرکھ اکال۔ کھیل کھِلائے موُرت گوپال مدنا، ۔ موہن مادھوَ دُھر دا سجّنا، ۔ جوتی جوت سروُپ ہرِ، آپ اپنی کِرپا کر، دیونہارا ساچا ور، نِہکلنک نرائن نر، مہاراج شیرسِنگھ وِشنوُں بھگوان، بھیوَ چُکائے اعلیٰ ادنیٰ، عدل اِنصاف آپ کمائے۔

۶ ماگھ شہنشاہی سمت ۱۱ ہرِ بھگت دوار جیٹھوُوال ضِلع امرتسر

بھگت سُہیلا آپ پربھ، آد جُگادی میِت۔ بھگت سُہیلا آپ پربھ، جُگ جُگ چلائے ریِت۔ گُرمُکھ سُہیلا آپ پربھ، کرائے پتت پُنیِت۔ گُرسِکھ سُہیلا آپ پربھ، سد وسنہارا چیِت۔ ہرِجن سُہیلا آپ پربھ، انتر پرکھنہارا نیِت۔ جوتی جوت سروُپ ہرِ، آپ اپنی کِرپا کر، دیونہارا ساچا ور، سَت سچ اِک پریِت۔ بھگت جناں پربھ تاردا، تارنہارا ایک۔ ساچے سنتاں پَیج سواردا، نِت نِت بخشے اپنی ٹیک۔ گُرمُکھاں پندھ نِواردا، ترےَگُن جگت لائے نہ سیک۔ گُرسِکھ اپنے آپ اُبھاردا، اِک اِکلّا ایکنکار ایک۔ ہرِجن روگ سوگ نِواردا، انتشکرن کرے بُدھ بِبیک۔ جوتی جوت سروُپ ہرِ، آپ اپنی کِرپا کر، دیونہارا ساچا ور، سچ دا مالک جو کھیل کرے انیک۔ بھگت جناں پربھوُ سُنائے اگمّی بولا، انبولت آپ جنائے میِت ۔ ساچے سنتاں اِکو سُنائے ڈھولا، بِن رسنا جِہوا گیِت۔ گُرمُکھاں بنے آپ وِچولا، جھگڑا مُکائے مندر مسیِت۔ گُرسِکھاں کرے بھار ہؤلا، مِہربان ترےَگُن اتیِت۔ ہرِجن وسے سدا کولا، چرن پریِتی بخشے پریِت۔ جوتی جوت سروُپ ہرِ، آپ اپنی کِرپا کر، دیونہارا ساچا ور، جُگ جُگ سچ چلائے ریِت۔ بھگت جن پربھ چرن کوَل سُہاؤندے، سوہنی ملِے وڈیائیا۔ سنت سُہیلے نِو نِو سیِس نِواؤندے، بِن چرناں دھوُڑی خاک رمائیا ۔ گُرمُکھ اِکو ڈھولا گاؤندے، تُوں میرا میَں تیرا دوُجا نظر کوئے نہ آئیا۔ گُرسِکھ نِو نِو سیِس جھُکاؤندے، چرن کوَل کول سرنائیا۔ ہرِجن اپنا آپ بھیٹ چڑھاؤندے، مان تان نہ کوئے رکھائیا۔ جوتی جوت سروُپ ہرِ، آپ اپنی کِرپا کر، دیونہارا ساچا ور، سچ کرنی کار کمائیا۔ جن بھگتاں پربھ لیکھا میٹے جنم دا، ایتھے اوتھے پندھ مُکائیا۔ ساچے سنتاں لہنا رہے نہ کوئی کرم دا، کرم کانڈ دا ڈیرہ ڈھاہیِا۔ گُرمُکھ رہے کوئی نہ بھرمدا، بھرانت دا لیکھا نظر کوئے نہ آئیا۔ گُرسِکھ ونجارا رہے نہ کوئی ورن برن دا،

ذات اذاتی ونڈ نہ کوئے ونڈائیا۔ ----------------- اَگے ہو نہ کوئے اٹکائیا۔ جوتی جوت سروُپ ہرِ، آپ اپنی کِرپا کر، دیونہارا ساچا ور، سچ رنگ آپ رنگائیا۔ ساچے سنت ہون پروانا، پرم پُرکھ دئے وڈیائیا۔ گُرمُکھاں لیکھ مُکائے دو جہاناں، نِرگُن سرگُن اپنی دَیا کمائیا۔ گُرسِکھ ساچے چرن دھوُڑی اِک اِشنان کرانا، دُرمت میَل رہے نہ رائیا۔ ہرِجن بِن منگیاں دیوے دانا، وست امُل اِک ورتائیا۔ کلجُگ انت سِری بھگوان ---------۔ جِس دی آشا رکھ کے گیا رمئیا راما، گھنئیا شام گیا جنائیا۔ جِس نوُں پَیغمبراں کِہا دُھر اِماما، عملاں توں رہت نوُر الاہیِا۔ جِس دا گوبِند ڈنک وجایا دمامہ، دو جہان کرے رُشنائیا۔ اوہ شاہو بھوُپ سُلطانا، ہرِ کرتا اِک اکھوائیا۔ جلوہ گر نوُر نوُرانہ، بِن تتو تت ڈگمگائیا۔ کلجُگ انت پہر کے جامہ، ویس اولّڑا آپ وٹائیا۔ جن بھگت سُہیلے کر پروانا، پرم پُرکھ دئے وڈیائیا۔ ساچا منتر دِرڑا کے ناما، تُوں میرا میَں تیرا دِتا دِرڑائیا۔ جو کلجُگ انت میٹے اندھیری شاما، شمع نوُر کرے رُشنائیا۔ سو بھگت سُہیلا اِک اَکیلا بھاگ لگائے نگر کھیڑا گراما، گرِہ اپنا اِک سُہائیا۔ ہرِجن ساچے مان دوائے سچکھنڈ سچے مکانا، گرِہ اِکو اِک سُہائیا۔ جوتی جوت سروُپ ہرِ، آپ اپنی کِرپا کر، دیونہارا ساچا ور، نِہکلنک نرائن نر، مہاراج شیرسِنگھ وِشنوُں بھگوانا، بھگوَن ہو کے اپنی کل ورتائیا۔

۱۱ ماگھ شہنشاہی سمت ۱۱ اجیِت سِنگھ دے گرِہ بٹالا شہر ضِلع گُرداس پُر

پوُرن سَتگُر آپ پربھ، سب کِچھ کرن کراون یوگ۔ پوُرن سَتگُر آپ پربھ، آد جُگاد آتم پرماتم میلے سچ سنیوگ۔ پوُرن سَتگُر آپ پربھ، انتر نِرنتر کٹن والا ہؤمے روگ۔ پوُرن سَتگُر آپ پربھ، گرِہ مندر اندر نِج نیتر دیوے درس اموگھ۔ پوُرن سَتگُر آپ پربھ، ایتھے اوتھے دو جہاناں میٹے وِیوگ۔ جوتی جوت سروُپ ہرِ، آپ اپنی کِرپا کر، دیونہارا ساچا ور، دیوے درس اگمّ اموگھ۔ سَتگُر پوُرن آپ ہےَ، آد پُرکھ اگمّ۔ پوُرن سَتگُر آپ ہےَ، پت پرمیشور پاربرہم۔ پوُرن سَتگُر آپ ہےَ، جو آد جُگادی میٹنہارا بھرم۔ پوُرن سَتگُر آپ

ہےَ، جو لیکھا جانے جیِو جنت کرم۔ پوُرن سَتگُر آپ ہےَ، جو نِرگُن نِرگُن سرگُن سرگُن جنائے دھرم۔ پوُرن سَتگُر آپ ہےَ، جِس دا جننی کُکھوں ہوئے کدے نہ جرم۔ پوُرن سَتگُر آپ ہےَ، جوتی جوت سروُپ ہرِ، آپ اپنی کِرپا کر، کرے کھیل ساچا ہرِ، سچ دا مالک اِکو پرم۔ پوُرن سَتگُر آپ پربھ، بِن تت وجوُد سریِر۔ پوُرن سَتگُر آپ پربھ، جو سَتگُر شبد کرے تعمیِر۔ پوُرن سَتگُر آپ پربھ، جِس دی وِشن برہما شِو تصویِر۔ پوُرن سَتگُر آپ پربھ، جو نِرگُن نِراکار نِرنکار بے نظیِر۔ پوُرن سَتگُر آپ پربھ، جِس دا آد انت نہ جانے کوئے اَخیِر۔ پوُرن سَتگُر آپ پربھ، جو آد جُگادی جن بھگتاں دیونہارا دھیِر۔ پوُرن سَتگُر آپ پربھ، جو شرع شریِعت کٹّنہار زنجِیر۔ پوُرن سَتگُر آپ پربھ، جوتی جوت سروُپ ہرِ، آپ اپنی کِرپا کر، کرے کھیل ساچا ہرِ، نِہکلنک نرائن نر، مہاراج شیرسِنگھ وِشنوُں بھگوان، جِس دی آد جُگادی جُگ جُگ بدلے نہ کوئے تعمیِر۔

۱۱ ماگھ شہنشاہی سمت ۱۱ سُرجیِت سِنگھ دے گرِہ بٹالا شہر ضِلع گُرداس پُر

پوُرن سَتگُر آپ پربھ، آد جُگادی اِک اِکلّا۔ پوُرن سَتگُر آپ پربھ، جو وسنہارا جلا تھلا۔ پوُرن سَتگُر آپ پربھ، جو آتم دھار پرماتم ہو کے رلا۔ پوُرن سَتگُر آپ پربھ، جو بھاگ لگائے بھگتاں ساڈھے تِنّ ہتّھ محلہ۔ پوُرن سَتگُر آپ پربھ، جو دُئی دویَتی میٹنہارا سلّا۔ پوُرن سَتگُر آپ پربھ، جوتی جوت سروُپ ہرِ، آپ اپنی کِرپا کر، کرے کھیل ساچا ہرِ، جو سچ سندیسہ نام نِدھانا رہیا گھلا۔ پوُرن سَتگُر آپ پربھ، نوُر نوُرانہ نوُر۔ پوُرن سَتگُر آپ پربھ، جو ہر گھٹ حاضر حضوُر۔ پوُرن سَتگُر آپ پربھ، جو مستی دیوے نام سروُر۔ پوُرن سَتگُر آپ پربھ، ہؤمے ہنگتا گڑھ توڑے غروُر۔ پوُرن سَتگُر آپ پربھ، جو شبد انادی دیوے تُور۔ پوُرن سَتگُر آپ پربھ، جن بھگتاں آسا منسا کرے پوُر۔ پوُرن سَتگُر آپ پربھ، جو پندھ مُکائے نیڑے دوُر۔ پوُرن سَتگُر آپ پربھ، جنم جنم دے بخش دیوے قصوُر۔ پوُرن سَتگُر آپ پربھ، جِس دا نام کلمہ اوتار پَیغمبر گُروُآں کیِتا مشہوُر۔ پوُرن سَتگُر آپ پربھ، چار جُگ دے شاستر جِس دے مزدوُر۔

پوُرن سَتگُر آپ پربھ، جوتی جوت سروُپ ہرِ، آپ اپنی کِرپا کر، دیونہارا ساچا ور، شاہو بھوُپ سرب کلا بھرپوُر۔ پوُرن سَتگُر آپ پربھ، ہرِ شاہو شہانہ۔ پوُرن سَتگُر آپ پربھ، سو پُرکھ نِرنجن نؤجوانا۔ پوُرن سَتگُر آپ پربھ، ہرِ پُرکھ نِرنجن شاہ سُلطانا۔ پوُرن سَتگُر آپ پربھ، ایکنکار بلی بلوانا۔ پوُرن سَتگُر آپ پربھ، آد نِرنجن ڈگمگانا۔ پوُرن سَتگُر آپ پربھ، ابناشی کرتا والی دو جہانا۔ پوُرن سَتگُر آپ پربھ، سِری بھگوان نؤجوانا۔ پوُرن سَتگُر آپ پربھ، پاربرہم کھیلے کھیل مہانا۔ پوُرن سَتگُر آپ پربھ، جو سچکھنڈ سُہائے سچ ٹِکانا۔ پوُرن سَتگُر آپ پربھ، جِس دا تِھر گھر چرن کوَل مہانا۔ پوُرن سَتگُر آپ پربھ، جو سُت دُلارا شبد کرے پردھانا ۔ پوُرن سَتگُر آپ پربھ، جو وِشن برہما شِو پرگٹائے نِشانہ۔ پوُرن سَتگُر آپ پربھ، جو ترےَگُن مایا پنج تت کھیل کھِلائے جگت جہانا۔ پوُرن سَتگُر آپ پربھ، جو چارے کھانی لکھّ چؤراسی دیوے دانا۔ پوُرن سَتگُر آپ پربھ، جو پُری لوء برہمنڈ کھنڈ گگن گگننتر سُہائے اگمّ استھانا۔ پوُرن سَتگُر آپ پربھ، جِس دا لہنا دینا ترےَبھوَن زِمیں اسمانا۔ پوُرن سَتگُر آپ پربھ، جو اوتر ہو کے پہرے بانا۔ پوُرن سَتگُر آپ پربھ، جو شبدی شبد سُنائے ترانہ۔ پوُرن سَتگُر آپ پربھ، جو امرت رس پرگٹائے مہانا۔ پوُرن سَتگُر آپ پربھ، جو دیِپک جوت جگائے بِن تیل باتی کھیلے کھیل مہانا۔ پوُرن سَتگُر آپ پربھ، جِس پَیغمبراں دِتا دُھر کلمہ اگمّ پَیغاما۔ پوُرن سَتگُر آپ پربھ، جِس گُروُ گُردیو دسّیا ناما۔ پوُرن سَتگُر آپ پربھ، جِس چار جُگ دے شاستر اکھّراں نال کیتے پردھانا۔ پوُرن سَتگُر آپ پربھ، جو جُگ جُگ جن بھگتاں دیوے مانا۔ پوُرن سَتگُر آپ پربھ، ساچے سنتاں ویکھے مار دھیانا۔ پوُرن سَتگُر آپ پربھ، گُرمُکھ اپنی گود اُٹھانا۔ پوُرن سَتگُر آپ پربھ، گُرسِکھاں دیوے درس گُن نِدھانا۔ پوُرن سَتگُر آپ پربھ، مُریِد مُرشد کرے پروانا۔ پوُرن سَتگُر آپ پربھ، جُگ چؤکڑی بدلدا جاوے نِشانہ۔ پوُرن سَتگُر آپ پربھ، جو کلجُگ انتم سندیسہ دیوے دُھر فرمانا۔ پوُرن سَتگُر آپ پربھ، جوتی جوت سروُپ ہرِ، آپ اپنی کِرپا کر، کرے کھیل ساچا ہرِ، نِہکلنک نرائن نر، مہاراج شیرسِنگھ وِشنوُں بھگوان، جو آد جُگادی برہم برہمادی شبدی دھار نؤجوانا، مرد مردانہ اپنا حُکم ورتائیا۔

۱۱ ماگھ شہنشاہی سمت ۱۱ موہن سِنگھ دے گرِہ پِنڈ تارا چک ضِلع گُرداس پُر

سَتگُر شبد کہے میَں ساچا میِت، مِتر پیارا آد جُگاد اکھوائیا۔ بِنا تن وجوُد توں ٹھانڈا سیِت، اگنی تت نہ کوئے تپائیا۔ بِن رسنا جِہوا اگمّی گیِت، بِن اکھّراں کراں شنوائیا۔ بِن وساں دِہُرے مندر مسیِت، شِودوالے مِٹھاں ہتّھ کِتے نہ آئیا۔ آد جُگاد جُگ چؤکڑی میری اولّڑی ریِت، ریِتیوان ہو کے دَیا کمائیا۔ گُر اوتار پَیغمبراں دسّ کے سچ پریِت، حقیِقت حق کلمہ نام سمجھائیا۔ جُگ بدلنا میرے پیار دی ساچی ریِت، سَتجُگ تریتا دواپرکلجُگ پندھ مُکائیا۔ چار جُگ دے شاستر میرا صِفتی ڈھولا گیِت، اکھّراں نال اکھّر مِل کے سوہلے گائیا۔ میَں سدا سُہیلا پُنیِت، پتتاں کراں صفائیا۔ جوتی جوت سروُپ ہرِ، آپ اپنی کِرپا کر، دیونہارا ساچا ور، سچ دا صاحِب اِک گوسائنیا۔ سَتگُر شبد کہے میَں آد جُگادی بے پرواہ، بے پرواہی وِچ سمائیا۔ دو جہاناں بناں ملاح، کھیوٹ کھیٹا اِکو نظری آئیا۔ اوتار پَیغمبراں گُروُآں دیواں صلاح، نام نِدھانا اِک دِرڑائیا۔ جِس دی صِفت وِچ سارے کہن واہ واہ، واہ واہ تیری بےپرواہیِا۔ میرا کھیل تھل اسگاہ، مہیئل اپنا رنگ رنگائیا۔ لکھّ چؤراسی پکڑنہارا بانہہ، چارے کھانی پھول پُھلائیا۔ وسنہار اگمےّ تھاں، ہر گھٹ انتر اپنا ڈیرہ لائیا۔ جوتی جوت سروُپ ہرِ، آپ اپنی کِرپا کر، دیونہارا ساچا ور، سچ دا مالک بےپرواہیِا۔ سَتگُر شبد کہے میَں آد جُگادی جاتا، جوتی جاتے دِتی وڈیائیا۔ میرا مالک پُرکھ بِدھاتا، پاربرہم پت پرمیشور نوُر نوُرانہ نوُر الاہیِا۔ جِس اگمّڑی اگمّی دِتی داتا، وست امولک اِک ورتائیا۔ میرا کھیل سدا سد لوک ماتا، دھرنی دھرت دھوَل دھؤل ویکھاں چائیں چائنیا۔ کلجُگ انتم بھیوَ ابھیدا کھولاں جِس دی اگمّی ہووے گاتھا، کی اگمّڑا کار کمائیا۔ سندیسہ دیوے پُرکھ سمراتھا، ہرِ کرتا دُھردرگاہیِا۔ جو ہووے سہائی اناتھ اناتھا، دینن اپنے رنگ رنگائیا۔ لہنا دینا چُکائے سب دا پوُرب مستک ماتھا، لیکھا لیکھے وِچوں کھوج کھوجائیا۔ میَں اوس دا بن کے داسی داسا، نِت نِت سیو کمائیا۔ کلجُگ انت اوسے دا رکھ بھرواسا، نِو نِو سیِس جھُکائیا۔ جِس دا کھیل ہونا پرِتھمی آکاشا، گگن گگننتراں ویکھ وکھائیا۔ جو ویکھنہارا لکھّ چؤراسی جیِو جنت تماشا، تماشبیِن دُھردرگاہیِا۔ جِس دا نوُر جوت پرکاشا، جوتی جاتا ڈگمگائیا۔ میَں اُس دی جُگ چؤکڑی رکھ کے بَیٹھا آسا، نؤ سؤ چُرانوے جُگ چؤکڑی دین گواہیِا۔ جِس دی یاد وِچ راہ تکے شنکر اُتے کَیلاشا، کلادھاری بِن نیَناں نیَن اُٹھائیا۔ برہما بدل کے اپنا پاسا، کروٹ کروٹ وِچوں

بدلائیا۔ وِشنوُں وِشوَ دا تکے خلاصہ، بِن اکھّراں پھول پُھلائیا۔ سَتگُر شبد کہے میَں سب نوُں دیونہار دِلاسا، سِر سِر اپنا ہتّھ ٹِکائیا۔ جوتی جوت سروُپ ہرِ، آپ اپنی کِرپا کر، دیونہارا ساچا ور، نِہکلنک نرائن نر، مہاراج شیرسِنگھ وِشنوُں بھگوان، آد جُگادی شاہو شاباشا، شاہ پاتشاہ شہنشاہ اِکو اِک ایکنکار سب دا ماہیِا۔

۱۱ ماگھ شہنشاہی سمت ۱۱ وِرسہ سِنگھ دے گرِہ پِنڈ سِری ہرِ گوبِندپُر ضِلع گُرداس پُر

چؤمُکھیا کہے میری چاروں کُنٹ لو، اُتّر پوُرب پچھّم دکھّن ویکھ وکھائیا۔ پُرکھ اکالے دیِن دَیالے میَنوُں بخشی لو، لوئن اگمّا اِک کُھلائیا۔ میَں بِنا سروناں توں شبد سُنیا سو، بِن اکھّراں ڈھولا گائیا۔ ہنگ برہم روُپ گیا ہو، ہوکا دے کے دیاں سُنائیا۔ جِس دا بھیوَ نہ جانے کو، کوٹ برہمنڈ دا مالک اِک اکھوائیا۔ جِس دی آد جُگادی دھار دو، نِرگُن سرگُن ویس وٹائیا۔ ساچا رس اگمّا دیوے چو، بِن رسنا رس چکھائیا۔ پریِتم ہو کے کرے موہ، مُحبّت اپنے نال جُڑائیا۔ جِس دے نال جاوے چھوہ، شؤہر بانکا اپنی گنڈھ پوائیا۔ جوتی جوت سروُپ ہرِ، آپ اپنی کِرپا کر، دیونہارا ساچا ور، سچ دا مالک اِک اکھوائیا۔ چؤمُکھیا کہے میری بہُہپُرانی آس، آشا انتر انتر جنائیا۔ میرا تیل باتی نال پرکاش، جگت جُگت نال وڈیائیا۔ کی میرا لہنا دینا اُپر کنڈھے بیاس، جل دھار وہن کی سُنائیا ۔ کی آسا رکھ کے گیا وید ویاس، پُران اٹھاراں دا مالک اپنا بھیوَ جنائیا۔ کی اِشارہ دِتا شنکر اُتوں کَیلاش، کلادھاری کی سمجھائیا۔ برہمے کِس بِدھ دھروایا دھرواس، دھرم دھرم نال سمجھائیا۔ وِشنوُں وِشوَ دا بھیوَ کھول خلاص، خالق پردہ دِتا اُٹھائیا۔ کلجُگ انت سِری بھگوَنت ساچے کنڈھے آوے پُرکھ ابناش، گھاٹ پتن ویکھ وکھائیا۔ جِس دی آتم پرماتم پَینی راس، بھگت بھگوان مِل کے وجے ودھائیا۔ جوتی جوت سروُپ ہرِ، آپ اپنی کِرپا کر، دیونہارا ساچا ور، سچ دا مالک اِک اکھوائیا۔ چؤمُکھیا کہے میرے وِچوں پُکارن بتّیاں، کوُک کوُک سُنائیا۔ چار جُگ اوتار پَیغمبراں گُروُآں دھرنی دھرت دھوَل تے رکھیِاں پتّیاں، حِصّے مذہباں والے ونڈ ونڈائیا۔ پربھ دا نام نِدھانا جگت ورتایا وِچ رتیِاں، جِس دی قیِمت نہ کوئے چُکائیا۔ بھیوَ ابھیدا کُھلایا راگ چھتیاں، ڈھولے سوہلے صِفت صالاحیِا۔ گُن گایا دند بتّیِاں، بتیِسے مِل کے وجے ودھائیا۔

وڈیائی دِتی من متیاں، عقل بُدھی چتُرائیا۔ جوتی جوت سروُپ ہرِ، آپ اپنی کِرپا کر، کرے کھیل ساچا ہرِ، سچ دا مالک اِک اکھوائیا۔ چؤمُکھیا کہے وید ویاس میَنوُں دِتی سِکھیا، جگت وِدیا سمجھ کِچھ نہ آئیا۔ جِس دا لیکھا کانی پُٹھی کرکے لِکھیا، شاہی شرع دھار نہ کوئے جنائیا۔ بِنا نیتراں توں سب کُچھ دِسیا، بِن اکھّاں اکھّ کُھلائیا۔ پھیر پریم دی پائی بِھچھیا، بِن ہتّھاں ہتّھ اُٹھائیا۔ کلجُگ انت جِس ویلے سچ کِتے نہ دِسیا، چاروں کُنٹ اندھیرا چھائیا۔ ہؤمے ہنگتا گھر گھر کوُڑی ہووے وِسیا، وِکھ بھری ہووے لوکائیا۔ سچ سِنگھاسن بِن پربھوُ کِرپا کوئے نہ ہووے لِٹیا، ابناشن مِلن کوئے نہ پائیا۔ منوُآ کِسے نہ ہووے ٹِکیا، سُرتی شبد نہ کوئے مِلائیا۔ جگت پوُجا ہونی پتّھر اِٹیا، گرنتھ شاستراں رنگ رنگائیا۔ اُس ویلے کلجُگ انت کھیل کرے پرم پُرکھ سمرتھیا، ہرِ کرتا دُھردرگاہیِا۔ جو بھگتاں لہنا دینا دیوے ہتّھو ہتّھیا، پوُرب لیکھا جھولی پائیا۔ دیِپک کہے میَں کھِڑ کھِڑا کے ہسّیا، خوشیاں ڈھولے گائیا۔ اوہ کوَن ویلا جِس ویلے آئے ماہی نسّیا، دُھر دا مالک بےپرواہیِا۔ کلجُگ رَین میٹے اندھیری مسّیا، سَتجُگ سچ چند کرے رُشنائیا۔ چاروں کُنٹ اِکو نام چلائے گّتھیا، تُوں میرا میَں تیرا آتم پرماتم مِل کے وجے ودھائیا۔ جوتی جوت سروُپ ہرِ، آپ اپنی کِرپا کر، کرے کھیل ساچا ہرِ، نِہکلنک نرائن نر، مہاراج شیرسِنگھ وِشنوُں بھگوان، لیکھا جانے دو جہان، دو جہاناں مالک خالق پرِتپالک بےپرواہیِا۔

۱۱ ماگھ شہنشاہی سمت ۱۱ اوتار سِنگھ دے گرِہ پِنڈ ماڑی پنوُنآ ضِلع گُرداس پُر

سَتگُر شبد کہے میرا وقت سُہنجنا، پُرکھ اکال دیِن دَیال سوہنی دئے وڈیائیا۔ میرا دیِا دیِپک دو جہان جگنا، بِن تیل باتی کملاپاتی کرے رُشنائیا۔ میرا نام نِدھانا ڈنکا وجنا، نوَ ستّ برہم مت آپ سمجھائیا۔ میَں میِت مُرارا بننا سجّنا، سَتگُر ساچا اِک اکھوائیا۔ جِس دے حُکم نال کلجُگ کوُڑ کُڑیارا بھجّنا، بھجےّ واہو داہیِا۔ دھرم نگارہ اِکو وجنا، چار کُنٹ کرے شنوائیا۔ جن بھگتاں پردہ کجنا، سِر اپنا ہتّھ ٹِکائیا۔ لیکھے لاؤنا کایا ماٹی بدنا، تن وجوُداں رنگ رنگائیا۔ بھیوَ مِٹاؤنا اعلیٰ ادنیٰ، غریِب نِمانیاں گود سُہائیا۔ جگت شرع دی میٹنی حدنا،

دیِناں مذہباں ونڈ نہ کوئے ونڈائیا۔ ہرِ سنت سُہیلے ساچے لبھنا، گُرمُکھ گُر گُر ویکھ وکھائیا۔ جوتی جوت سروُپ ہرِ، آپ اپنی کِرپا کر، کرے کھیل ساچا ہرِ، سچ دا حُکم اِک ورتائیا۔ سَتگُر شبد کہے میَں جودھا سوُربیِر بلوانا، بلدھاری اِک اکھوائیا۔ نِرگُن دھار مرد مردانہ، بےعیب نوُر الاہیِا۔ میرا جُگ جُگ کھیل مہانا، نِت نِت اپنا حُکم ورتائیا۔ لیکھا جانا جیو جہانا، جاگرت جوت کراں رُشنائیا۔ دُھر دا دیواں نام نِدھانا، دھرم نِشانہ اِک وکھائیا۔ جوتی جوت سروُپ ہرِ، آپ اپنی کِرپا کر، کرے کھیل ساچا ہرِ، سچ دا پردہ آپ چُکائیا۔ سَتگُر شبد کہے میَں جُگ جُگ کھیل کھِلندڑا، وڈ کھِلاڑی بے پرواہ۔ گُر اوتار پَیغمبر حُکم ورتندڑا، نام سندیسہ اِک سُنا۔ کاغذ قلم شاہی لیکھ لِکھندڑا، گرنتھ شاستر رنگ رنگا۔ نام کلمے جگت پڑھندڑا، اکھّر اکھّراں جوڑ جُڑا۔ سچ سندیسے سد سُنندڑا، سُکھ ساگر روُپ بے پرواہ۔ جن بھگت سُہیلے اُٹھاواں اپنے کندھڑا، دو جہاناں بناں ملاح۔ تُوں میرا میَں تیرا گاؤنا چھندڑا، سوہنگ ڈھولا وڈ وڈیا۔ آتم پرماتم دیواں انندڑا، بجر کپاٹی پردہ آپ اُٹھا۔ شبدی دھنّ ناد سُنندڑا، انحد راگ دِرڑا۔ امرت آتم جام پِلندڑا، نابھی کوَل کوَل اُلٹا۔ دیِپک جوتی جوت جگندڑا، بِن تیل باتی کر رُشنا۔ دیِن دَیال بن بخشندڑا، بخشش رحمت آپ کما۔ بھگت سُہیلے ویکھ وکھندڑا، لکھّ چؤراسی پھول پُھلا۔ ساچا ڈھولا اِک سُنندڑا، نام نِدھانا آپ اُپا۔ جوتی جوت سروُپ ہرِ، آپ اپنی کِرپا کر، کرے کھیل ساچا ہرِ، سچ دا مالک بن بے پرواہ۔ سَتگُر شبد کہے میَں داتا دانی، دَیاوان اکھوائیا۔ میرا ناؤں گُن نِدھانی، گُنونتا وڈ وڈیائیا۔ اوتار پَیغمبراں گُروُآں اُتے کراں مِہربانی، مِہر نظر نظر اُٹھائیا۔ مستک بھاگ بناواں پیشانی، پیشتر اپنا رنگ رنگائیا۔ تن وجوُد منزل دیواں روُحانی، روُح بُت مِل کے وجے ودھائیا۔ میرا کھیل اُپر اسمانی، اِسم اعظم ویکھن کوئے نہ پائیا۔ میَں مالک دو جہانی، دوہری اپنی کل ورتائیا۔ میَنوُں جھُکدے زمیں اسمانی، برہمنڈ کھنڈ سیِس نِوائیا۔ سَتگُر شبد کہے جن بھگتاں منزل دیواں اِک روُحانی، رحمت اپنی آپ کمائیا۔ جوتی جوت سروُپ ہرِ، آپ اپنی کِرپا کر، دیونہارا ساچا ور، نِہکلنک نرائن نر، مہاراج شیرسِنگھ وِشنوُں بھگوان، آد جُگادی سب دا جان جانی، جاننہار ایکنکار پروردِگار سانجھا یار اگمّ اتھاہیِا۔

۱۱ ماگھ شہنشاہی سمت ۱۱ رندھیِر سِنگھ دے گرِہ پِنڈ ماڑی پنوُنآ ضِلع گُرداس پُر

سَتگُر شبد کہے میَں سُت دُلارا ہرِ دا، آد انت جُگا جُگنت دُھر دی سیو کمائیا۔ میَں مالک سچکھنڈ دوارے ساچے گھر دا، گرِہ مندر اِکو سوبھا پائیا۔ تِھر گھر اپنا آسن دھردا، درگاہ ساچی سوبھا پائیا۔ میرا سنگ نرائن نر دا، دوُسر میِت نہ کوئے جنائیا۔ جُگ جُگ ساچے گھاڑن گھڑدا، وِشن برہما شِو دئے وڈیائیا۔ بِن اکھّراں اگمّی وِدیا آپے پڑھدا، نِراکھّر دھار آپ سمجھائیا۔ میرا لہنا دینا چوٹی جڑ دا، چیتن اپنا رنگ رنگائیا۔ میَں لکھّ چؤراسی اندر جوتی جاتا ہو کے وڑدا، سچ سوامی ہو کے سوبھا پائیا۔ نِربھے ہو کدے نہ ڈردا، بھے سب نوُں آپ رکھائیا۔ جوتی جوت سروُپ ہرِ، آپ اپنی کِرپا کر، دیونہارا ساچا ور، سچ دا مالک اِک اکھوائیا۔ سَتگُر شبد کہے میری آد جُگاد مِہربانی، مِہربان ہو کے دیاں جنائیا۔ وِشن برہما شِو بنا دانی، دَیاوان ہو کے وست اگمّ ورتائیا۔ لکھّ چؤراسی رجو طمعو ستو پنج تت پرگٹا نِشانی، نِشانہ دیِن دُنی وکھائیا۔ جوتی نوُر جگا مہانی، نوُر نوُرانہ ڈگمگائیا۔ شبدی شبد سُنا بانی، انحد اپنا راگ سُنائیا۔ امرت رس بخش ٹھنڈا پانی، امیوں رس اپنا آپ پرگٹائیا۔ سرگُن اُتے کراں مِہربانی، نِرگُن ہو کے ویکھ وکھائیا۔ اوتر روُپ دھراں جگت جہانی، بھیوَ ابھیدا آپ چُکائیا۔ نام نِدھانا کر پردھانی، سچ سندیسہ اِک سُنائیا۔ آتم پرماتم دے گیانی، پردہ پردیاں وِچوں اُٹھائیا۔ پاربرہم برہم میلا شاہ سُلطانی، شہنشاہ ہو کے ویکھ وکھائیا۔ اِیش جیِو وکھاواں کھیل مہانی، مہما اکتھ کتھ سمجھائیا۔ دھرنی دھرت دھوَل دھؤل دھرم دی دھار کراں پردھانی، سَت سَت اپنا حُکم ورتائیا۔ جُگ چؤکڑی دُھر دی ونڈ ونڈانی، سَتجُگ تریتا دواپرکلجُگ اپنا کھیل وکھائیا۔ پَیغمبراں بخش پد نِربانی، کلمہ حق حق سمجھائیا۔ گُروُآں بخش نام گُن نِدھانی، نام سَت سَت دِرڑائیا۔ میرا کھیل بہُہ بِدھ بھانی، بہُہبھانتی اپنا رنگ رنگائیا۔ جودھا سوُربیِر وڈ بلوانی، بلدھاری اِک اکھوائیا۔ کلجُگ کِریا کوُڑ ویکھاں مار دھیانی، بِن نیَناں نیَن اُٹھائیا۔ جن بھگت سُہیلے کراں پروانی، پرم پُرکھ نال میلاں سہج سُبھائیا۔ میری آد جُگاد اِک جوانی، جوبن ونتا اِک اکھوائیا۔ جوتی جوت سروُپ ہرِ، آپ اپنی کِرپا کر، دیونہارا ساچا ور، نِہکلنک نرائن نر، مہاراج شیرسِنگھ وِشنوُں بھگوان، جِس دا لہنا دینا لیکھا دو جہانی، دوہری اپنی کل ورتائیا۔

۱۲ ماگھ شہنشاہی سمت ۱۱ موہن سِنگھ دے گرِہ پِنڈ کادیِاں ضِلع گُرداس پُر

سَتگُر شبد کہے میَں سدا سدا دھن ونت، دھناڈھی دُھر دا اِک اکھوائیا۔ آد جُگاد جُگ چؤکڑی میرا صِفتاں والا منت، ڈھولے سوہلے راگاں ناداں وِچ سمجھائیا۔ اوتار پَیغمبر گُر گاؤندے رہن سنت، صوُفی فقیِر فِقریاں وِچ جنائیا۔ میَں جُگ جُگ دیِن دُنی بناؤندا رہواں بنت، سَتجُگ تریتا دواپرکلجُگ اپنا کھیل کھِلائیا۔ میرا لیکھا جانے کوئے نہ آد انت، بےانت ہو کے اپنا حُکم ورتائیا۔ میرا لہنا دینا نال چؤراسی جیِو جنت، چارے کھانی چارے بانی اپنا بھیوَ چُکائیا۔ سَتجُگ تریتا دواپرکلجُگ بناؤندا رہواں بنت، گھڑن بھنّنہار ہو کے ویکھ وکھائیا۔ میری سدا سدا مہما بےانت، شاستر سِمرت وید پُران کہن کِچھ نہ پائیا۔ میَں اِک اِکلّا دو جہاناں پنڈت، جگت وِدیا باہر میری پڑھائیا۔ جوتی جوت سروُپ ہرِ، آپ اپنی کِرپا کر، دیونہارا ساچا ور، سچ دا صاحِب اِک اکھوائیا۔ جِس دا دو جہان جھُلے نِشان، نِشانہ سکے نہ کوئے بدلائیا۔ جو نِرگُن سرگُن سب دا بنے پردھان، پردھانگی اپنا حُکم پرگٹائیا۔ کھیلاں کھیل زِمیں اسمان، برہمنڈ کھنڈ حُکم ورتائیا۔ دھرم دا دھرم جھُلاواں نِشان، جگت جہان سوبھا پائیا۔ نام کلمیاں دا دیواں دان، اوتار پَیغمبراں گُروُآں جھولی جگت بھرائیا ۔ بِن اکھّراں دے گیان، اکھّراں نال کراواں صِفت صالاحیِا۔ جوتی جوت سروُپ ہرِ، آپ اپنی کِرپا کر، دیونہارا ساچا ور، سچ دا مالک اِک گوسائنیا۔ سَتگُر شبد کہے میَں مہابلی جگ سوُرا، سوُربیِر اِک اکھوائیا۔ میرا روُپ اگمّی نوُرا، تن وجوُد نہ کوئے رکھائیا۔ دو جہانی حاضر حضوُرا، حضرتاں توں باہر اپنا کھیل کھِلائیا۔ چار جُگ میرے سرب مزدوُرا، چاکر ہو کے بھجّن واہو داہیِا۔ میرا حُکم سرب کلا بھرپوُرا، نہ کوئی میٹے میٹ مِٹائیا۔ میَں انت کلجُگ کوُڑی کِریا کرم میٹنا کوُڑا، جگت جُگت رہن کوئے نہ پائیا۔ جن بھگتاں ساچی چرن بخشنی دھوُڑا، ٹِکّے مستک خاک نام رمائیا۔ چتُر سُگھڑ بناؤنا موُرکھ موُڑھا، اندھ اگیان دینا چُکائیا۔ جوتی جوت سروُپ ہرِ، آپ اپنی کِرپا کر، دیونہارا ساچا ور، سچ دا پردہ آپ اُٹھائیا۔ سَتگُر شبد کہے میَں آد جُگادی کرتا، کرتا پُرکھ دئے وڈیائیا۔ جیِوت روُپ کدے نہ مرتا، جیِون مرن سنگ نہ کوئے رکھائیا۔ میرا لہنا دینا لیکھا نرائن نر دا، نہ کوئی میٹے میٹ مِٹائیا۔ جُگ چؤکڑی سب کُچھ کردا، قُدرت قادر دِتی وڈیائیا۔ جِس اوتار پَیغمبر گُروُ بنایا اپنا بردا، بندگی وِچ سارے سیِس نِوائیا۔ بھیوَ کُھلا کے ساچے گھر دا، سچکھنڈ پردہ دِتا چُکائیا۔ شبد انادی

دُھن اگمّی گھلدا، بِن سروناں کراں شنوائیا۔ امرت رس بھنڈارا دیواں بوُند سوانتی جل دا، جل تھل مہیئل لوڑ رہے نہ رائیا۔ میرا لیکھا آد جُگادی اچھل اَچھل دا، ول چھل اپنا کھیل کھِلائیا۔ کِسے نوُں پتہ نہیں گھڑی پل دا، پردہ سکے نہ کوئے اُٹھائیا۔ انت لیکھا پوُرا کرنا کلجُگ کل دا، کل کاتیاں کراں صفائیا۔ مُل پاؤنا نانک والی اِک گلّ دا، جِس دی شبد شبد شنوائیا۔ لہنا دینا ویکھنا راجے بل دا، باوَن پردہ بھیوَ اُٹھائیا۔ جوتی جوت سروُپ ہرِ، آپ اپنی کِرپا کر، کرے کھیل ساچا ہرِ، نِہکلنک نرائن نر، مہاراج شیرسِنگھ وِشنوُں بھگوان، جوتی جاتا ہو کے آتم پرماتم دھار بھگتاں وِچ رلدا، روُپ انوُپ شاہو بھوُپ سَت سروُپ اپنا آپ دِرڑائیا۔

۱۲ ماگھ شہنشاہی سمت ۱۱ چنّن سِنگھ دے گرِہ پِنڈ ٹھیِکری ضِلع گُرداس پُر

سَتگُر شبد کہے میَں آد جُگادی راجن، شاہو بھوُپ بِن رنگ روُپ اِک اکھوائیا۔ جُگ چؤکڑی نِت نوِت ساجاں ساجن، رچنہار ایکنکار دِتی وڈیائیا۔ دیِن دَیال بناں غریِب نوازن، دینن اپنا رنگ رنگائیا۔ اوتار پَیغمبراں گُروُآں کھولاں جاگن، نام کلمہ کر شنوائیا۔ بِن رسنا جِہوا ماراں آوازن، مُکھ دند بِن تیرے ڈھولے دیاں دِرڑائیا۔ لوک مات کراں وڈ وڈ بھاگن، سِر سِر اپنا ہتّھ ٹِکائیا۔ سَتجُگ تریتا دواپرکلجُگ سدا سدا میَنوُں ارادھن، صِفتی صِفتی صِفتی راگ دِرڑائیا۔ جوتی جوت سروُپ ہرِ، آپ اپنی کِرپا کر، دیونہارا ساچا ور، سچ دی کرنی کار کمائیا۔ سَتگُر شبد کہے میَں شاہو بھوُپ سُلطانا، شاہ پاتشاہ اِک اکھوائیا۔ میرا لہنا دینا لیکھا دو جہاناں، برہمنڈ کھنڈ پُری لوء آکاش پاتال گگن گگننتر زمیں اسمان اپنا حُکم چلائیا۔ میرا حُکم سندیسہ نام گُن نِدھانا، گہر گمبھیِر بے نظیِر ہو کے دیاں دِرڑائیا۔ چار جُگ دے شاستر سِمرت وید پُران اِنجیِل قرآن میرا صِفتی گاون گانا، اکھّراں نال اکھّر مِلا کے ڈھولا راگ سُنائیا۔ میَں انتر نِرنتر لکھّ چؤراسی ہوواں جانی جانا، چارے کھانی چارے بانی اپنا حُکم ورتائیا۔ میرا روُپ انوُپا جگ نیتر سکے نہ کوئے پہچانا، بے پہچان ہو کے اپنا کھیل کھِلائیا۔ اوتار پَیغمبر گُر میرے حُکم دا سُن فرمانا، سندیسہ دیون تھاؤں تھائنیا۔ جوتی جوت سروُپ ہرِ، آپ اپنی کِرپا کر، کرے کھیل ساچا ہرِ، سچ دا حُکم اِک ورتائیا۔ سَتگُر شبد کہے میَں سرب کلا سمرتھ، سَت ستوادی اِک اکھوائیا۔ میری مہما سدا اکتھ، کتھنی کتھ

سکے نہ رائیا۔ جُگ چؤکڑی چلاواں رتھ، رتھواہی بن کے دُھر دا ماہیِا۔ نام کلمیاں دسّاں گتھ، جگت وِدیا نال وڈیائیا۔ جن بھگت سُہیلے سِر رکھاں اپنا ہتّھ، بِن ہتّھاں ہتّھ ٹِکائیا۔ میرے پیار وِچ گوبِند ستھر بَیٹھا گھت، یارڑا سیج ہنڈھائیا۔ میرا کھیل جُگا جُگنت وت، بےوطناں ویکھاں چاؤ چائنیا۔ میرا سوامی اِکو پرمیشور پت، دوُسر نظر کوئے نہ آئیا۔ میَں کلجُگ انتم لکھّ چؤراسی ویکھنہارا اُبلدی رت، گھٹ گھٹ اندر دھیان لگائیا۔ لہنا دینا مُکاواں ترےَگُن مایا پنج تت، اپ تیج وائے پرِتھمی آکاش رجو طمعو ستو دھیان لگائیا۔ جوتی جوت سروُپ ہرِ، آپ اپنی کِرپا کر، دیونہارا ساچا ور، نِہکلنک نرائن نر، مہاراج شیرسِنگھ وِشنوُں بھگوان، جِس دی آد جُگاد برہم برہماد شبد اناد اِکو مت، من مت دا لیکھا رہے نہ رائیا۔